..
رواية امي تبحث عن عريس الجزء السابع
للكاتبة أزهار ذابله
...
ﺍﻳﺪﻱ ﺗﺮﺗﻌﺶ ﻭﻛﻠﺒﻲ ﻓﺰ ...
ﻳﻠﻪ ﺍﻧﻴﻦ ﻓﻜﺮﻱ ﻻ ﺗﺒﻘﻴﻦ ﻫﻴﺞ ﻫﻮ ﻋﻠﻲ ﺧﻮﻓﺞ ﻭﺍﺟﻬﻲ ﺍﻱ ﻭﺍﺟﻬﻲ
ـ ﻧﻌﻢ ﺷﻜﻮ ﻣﺘﺼﻞ ﻫﺎﺍﺍ ﺷﻜﻮ ﺷﺘﺮﻳﺪ ﺑﻌﺪ ﻣﺎﻛﻔﺎﻙ ﺍﻟﺼﺎﺭ ﺑﻌﺪ ﺍﺗﺮﻳﺪ ﺍﻛﺜﺮ ﻣﻜﺎﻓﻚ ...
ـ ﺑﺲ ﺍﺳﻤﻌﻴﻨﻲ ﺍﻧﻴﻦ ﺷﻜﺪ ﻣﺘﻐﻴﺮﻩ ...
ـ ﻭﺍﻟﻠﻪ ﻫﻴﺞ ﻳﻠﻪ ﺍﻋﻴﺶ ﺑﺎﻟﻐﺎﺑﻪ ﻻﺯﻡ ﺍﺗﻌﻠﻢ ﺍﺻﻴﺮ ﻣﺜﻠﻜﻢ ..
ـ ﺷﻜﺮﺍﺍ ﺍﻧﻲ ﺻﺮﺕ ﻣﺜﻠﻬﻢ ..
ـ ﻋﻠﻲ ﺍﺭﺟﻮﻙ ﺑﺲ ﺍﺗﺬﻛﺮ ﺷﻨﻮ ﺳﻮﻳﺖ ﻣﻦ ﺭﺩﺕ ﺍﺗﺴﺎﻋﺪﻧﻲ ?...
ﻫﻪ ﺗﺬﻛﺮ ﺍﻱ ﻻﺯﻡ ﺗﺬﻛﺮ .. ﺍﺗﺮﻳﺪ ﺍﺫﻛﺮﻙ ...
ـ ﺍﻧﻴﻦ ﺍﻋﺘﺮﻑ ﻏﻠﻄﺖ ﺍﻫﻮﺍﻱ ﻭﺍﺗﺴﺮﻋﺖ ﺑﺲ ﻻ ﺗﻨﺴﻴﻦ ﻟﻴﺶ ﻫﻴﺞ ﺳﻮﻳﺖ ﺍﻧﺘﻲ ﺍﺗﻌﺮﻓﻴﻦ ﻟﻴﺶ ﻫﻴﺞ ﻭﺍﺟﻬﺘﻬﻢ ﻻﻥ ﺍﻋﺮﻓﺞ ﻣﺘﻜﺪﺭﻳﻦ ﺗﺤﺠﻴﻦ ﺍﻧﻲ ﻏﻠﻄﺖ ﺑﺲ ﺟﻨﺖ ﺭﺍﻳﺪﺝ ﻏﻠﻄﺖ ﺑﺲ ﻉ ﻣﻮﺩﺝ ﻭﺍﻧﻲ ﺑﻌﻤﺮﻱ ﻣﻐﻠﻄﺎﻥ ﻫﻴﺞ ﻏﻠﻂ ..
ـ ﻋﻠﻲ ﺧﻠﺺ ﺍﻟﺒﻴﻨﻪ ﺍﻧﺘﻬﻪ ﻭﺭﺍﺡ ﻭﺍﻧﻲ ﺑﻌﺪ ﻏﻴﺮ ﺍﻧﻴﻦ ﺍﻟﻲ ﺣﺒﻴﺘﻪ ﺍﻧﻲ ﺷﺨﺺ ﺛﺎﻧﻲ ﻣﺎﺍﺗﺼﻮﺭ ﺗﻜﺪﺭ ﺍﺗﺤﺒﻨﻲ ﺻﺢ ﻣﺎ ﻧﺴﻴﺘﻚ ﻭﻳﻤﻜﻦ ﻫﺬﺍ ﺫﻧﺒﻲ ﺍﻟﻲ ﺩﺍ ﺍﺩﻓﻊ ﺛﻤﻨﻪ ﻣﺸﻜﻠﺘﻲ ﻣﺎﺍﻛﺪﺭ ﺍﻃﻠﻌﻚ ﻣﻨﻲ ﻣﺎﺍﻛﺪﺭ ﺍﺣﻘﺪ ﻋﻠﻴﻚ ﺍﺗﺨﻴﻞ ﻣﻦ ﺷﻔﺘﻚ ﺑﺎﻟﻤﻄﻌﻢ ﺷﺼﺎﺭ ﺑﺤﺎﻟﻲ ﻭﺍﻧﻲ ﺍﻋﺮﻑ ﺍﻧﺖ ﻣﺘﻔﻖ ﻭﻳﻪ ﺍﺧﺘﻚ ﻭﺑﺲ ﺍﻱ ﺑﺲ ﻣﺎﻓﻜﺮﺕ ﺍﻧﻲ ﺷﻠﻮﻥ ﺍﻛﺪﺭ ﺍﻭﺍﺟﻬﻚ ... ﺑﺲ ﺭﺩﺕ ﺗﺮﺟﻊ ﻭﺍﺧﺘﻚ ﻫﻢ ﺭﺍﺩﺕ ﻭﺍﻫﻠﻚ ﻳﻤﻜﻦ ﺍﻗﺘﻨﻌﻮﺍ ﻻﺯﻡ ﺍﻧﻲ ﻫﻢ ﺍﺭﺟﻊ ?..
ـ ﻻ ﻣﻮ ﻫﻴﺞ ﺍﻟﺴﺎﻟﻔﻪ ﺑﺲ ﺍﻓﺘﻬﻤﻲ ﻣﻨﻲ ....
ـ ﻣﺎﺍﺭﻳﺪ ﺍﻓﺘﻬﻢ ﺷﻲ ﺍﻧﻲ ﺍﺭﻳﺪ ﺍﻧﺴﻪ ﻛﻞ ﺷﻲ ﺧﻼﻧﻲ ﺍﺿﻌﻒ ﺍﺭﻳﺪ ﺍﻧﺴﺎﻙ ﻭﺍﻧﺴﻪ ﺍﻟﻀﻌﻒ ﻭﺍﻟﺨﻮﻑ ﺍﻟﻲ ﻋﺸﺘﻪ ﻭﻳﺎﻙ ...
ـ ﻳﻌﻨﻲ ﺟﻨﺘﻲ ﺧﺎﻳﻔﻪ ﻭﻳﺎﻱ !
ـ ﺍﻱ ﺧﺎﻳﻔﻪ ﻭﻫﺴﻪ ﺍﻧﻲ ﺑـ ﺍﻣﺎﻥ ﺑﻌﻴﺪ ﻋﻦ ﻛﻞ ﺷﻲ ﻭﻣﺮﺗﺎﺣﻪ ﺷﻐﻞ ﺟﺪﻳﺪ ﺣﻴﺎﺓ ﺟﺪﻳﺪ ﺍﻧﻲ ﻫﻢ ﺻﺮﺕ ﺷﻲ ﺛﺎﻧﻲ ﻳﺨﺘﻠﻒ ﻋﻦ ﺍﻧﻴﻦ ﺍﻟﻘﺪﻳﻤﻪ ..
ـ ﺍﺳﻒ ﻉ ﺍﺯﻋﺎﺟﺞ ﺑﺲ ﺑﺎﺟﺮ ﻻﺯﻡ ﺍﺷﻮﻓﺞ ...
ﺍﻟﻮﻭﻭ ﺍﻟﻮﻭﻭﻭ ..
ﻭﺍﺧﺮ ﻛﻠﻤﺎﺗﻪ ﺑﺎﺟﺮ ﻳﺸﻮﻓﻨﻲ
ﺍﻱ ﻫﻮ ﺑﺲ ﻋﺎﻳﺰﺗﻨﻲ ﻭﺗﻜﻤﻞ ﺍﻧﻮﺏ ﻋﻠﻲ ﺭﺟﻊ ﻭﻫﺬﺍ ﺍﻧﻲ ﺍﻋﺮﻓﻪ ﻭﺍﺣﺪ ﻣﺨﺒﻞ ﻭﻣﻴﺨﺎﻑ ﻳﺎﺭﺑﻲ ﺳﺘﺮﻙ ﻳﺎ ﺍﻟﻠﻬﻲ ﺍﺣﻔﻈﻨﻲ ﻭﺍﺑﻌﺪ ﻋﻨﻲ ﻛﻞ ﺷﺮ ﻳﺎﺭﺏ ﺍﻧﻲ ﺍﻋﺮﻑ ﻋﻠﻲ ﻣﺸﺎﻋﺮﻩ ﺻﺎﺩﻗﻪ ﺑﺲ ﺍﻫﻠﻪ ﻣﺎﻳﺮﺩﻭﻧﻲ ﻭﺍﺗﻌﺒﻪ ﻭﻳﺎﻱ ﻭﺍﻧﻲ ﻣﻮ ﺑﻜﺪﻩ ...
ﺑﻘﻴﺖ ﻟﺼﺒﺢ ﻉ ﻧﻔﺲ ﺍﻟﻜﻌﺪﻩ ﻭﻻ ﻛﺪﺭﺕ ﺍﻏﻔﻪ ﻭﺍﻧﺘﻈﺮ ﺑﺲ ﺍﻟﺸﻤﺲ ﺗﺸﺮﻕ ﺍﻧﺘﻈﺮ ﺿﻮﺍﻫﺎ ﻳﺒﺪﻝ ﻇﻠﻤﺔ ﺍﻟﻐﺮﻓﻪ ﺍﺭﻳﺪ ﺍﺣﺲ ﺑـ ﺍﻣﺎﻥ ﺍﻟﻨﻬﺎﺭ ﺍﺭﻳﺪ ﺍﻧﻬﻲ ﻫﺬﺍ ﺍﻟﻠﻴﻞ ﺍﻟﻲ ﻣﻴﺮﻳﺪ ﻳﺨﻠﺺ ..
ﺑﺪﺃ ﺍﻻﺫﺍﻥ ﻳﺼﺪﺡ ﻭﺍﻟﺠﻮﺍﻣﻊ ﻛﻠﻬﺎ ﺗﺄﺫﻥ ﺑﻮﻗﺖ ﻭﺍﺣﺪ ﺳﻤﻌﻲ ﻫﺮﺏ ﻣﻨﻲ ﻭﻛﻞ ﺍﺩﺭﺍﻛﻲ ﻭﺗﺮﻛﻴﺰﻱ ﺻﺎﺭ ﻭﻳﻪ ﺻﻮﺕ ﺍﻷﺫﺍﻥ ﺑﺪﻭﻥ ﻣﺎﺍﺣﺲ ﻓﺘﺤﺖ ﺍﻟﺒﺎﺏ ﻭﻃﻠﻌﺖ " ﺍﻟﺒﻴﺖ ﺳﺎﻛﻦ ﻭﺍﻟﻜﻞ ﻧﺎﻳﻢ ﻃﻠﻌﺖ ﻭﻛﻔﺖ ﺑﺎﻟﻜﺮﺍﺝ ﻭﺭﻓﻌﺖ ﺭﺍﺳﻲ ﻟـ ﺍﻟﺴﻤﺎﺀ ﻭﺳﺤﺒﺖ ﻧﻔﺲ ﻭﺣﺒﺴﺖ ﻧﻔﺴﻲ ﺑﻌﺪ ﻣﺎﺍﺗﻨﻔﺲ ﺍﻛﺘﻔﻴﺖ ﺑﺎﻟﻬﻮﻩ ﺍﻟﻘﻠﻴﻞ ﺍﻟﺪﺧﻞ ﻟـ ﺭﺋﺘﻲ ﻭﺑﻘﻴﺖ ﺍﺗﻨﻔﺲ ﺑﻬﺪﻭﺀ ﻭﺍﺣﺲ ﻫﺎﻱ ﺍﻟﻨﺴﻤﻪ ﺍﻱ ﺍﺣﺴﻬﺎ ﺗﺤﺘﻀﻨﻲ ﻭﺗﻠﻌﺐ ﺑﺸﻌﺮﻱ ﻧﺴﻤﻪ ﺑﺎﺭﺩﻩ ﺑﺲ ﻣﻮ ﺑﺮﺩ ﻳﺨﻠﻴﻨﻲ ﺍﺭﺗﻌﺶ ﻭﻻ ﺑﺮﺩ ﻳﺠﻤﺪ ﺍﻃﺮﺍﻓﻲ ﻻ ﺑﺮﺩ ﻳﻨﻌﺶ ﺭﻭﺣﻲ ﻭﻳﺠﺪﺩ ﺍﻟﺤﻴﺎﺓ ﺑﺪﺍﺧﻠﻲ ...
ﺍﺳﻤﻊ ﺻﻮﺕ ﺍﻣﻲ ﻭﻫﻲ ﺗﺬﻛﺮ ﺍﻟﻠﻪ ﻭﺗﺼﻠﻲ ﻉ ﺍﻟﻨﺒﻲ ..
ـ ﻫﺎﺍﺍ ﻳﻤﻪ ﻛﺎﻋﺪﻩ ﻣﻦ ﻭﻛﺖ ﺍﻟﻴﻮﻡ ..
ـ ﺍﻱ ﻳﻤﻪ ﺳﻤﻌﺖ ﺍﻻﺫﺍﻥ ﻭﻛﻌﺪﺕ ﺍﺻﻠﻲ .
ـ ﻳﻠﻪ ﻳﻤﻪ ﺍﺩﺧﻠﻲ ﻻ ﺗﺒﺮﺩﻳﻦ ﺍﻟﺪﻧﻴﻪ ﺑﺎﺭﺩﻩ ..
ـ ﻳﻠﻪ ﺍﻧﻲ ﺟﻨﺖ ﺍﺭﻳﺪ ﺍﺩﺧﻞ ..
ﺑﺲ ﺻﻠﻴﺖ ﻭﺍﺗﺮﻳﻜﻨﻪ ﺍﻧﻲ ﻭﺍﻣﻲ
ﻭﺑﺪﻟﺖ ﻭﻃﻠﻌﺖ ﻟـ ﺍﻟﺪﻭﺍﻡ ...
ﺑﺲ ﺻﻌﺪﺕ ﻟـ ﺍﻟﺴﻴﺎﺭﻩ ﺑﺪﺕ ﺗﻤﻄﺮ ﻣﺎﺍﻋﺮﻑ ﺍﻟﺼﺒﺢ ﺟﺎﻥ ﺍﻟﺠﻮ ﺻﺎﻓﻲ ..
ﺧﻠﻴﺖ ﺭﺍﺳﻲ ﻉ ﺟﺎﻣﺖ ﺍﻟﺴﻴﺎﺭﻩ ﻭﺍﺗﻔﺮﺝ ﻉ ﺍﻟﻤﻄﺮ ﻭﺍﺷﻮﻑ ﺍﻟﻨﺎﺱ ﺍﻫﻞ ﺍﻟﺒﺴﻄﻴﺎﺕ ﻳﺮﻛﻀﻮﻥ ﻭﻳﻐﻄﻮﻥ ﺑﺎﻻﻏﺮﺍﺽ ﻭﺍﻧﻲ ﺑﺲ ﺍﺗﻔﺮﺝ ﻭﻧﺴﻴﺖ ﻣﻦ ﺍﻧﺰﻝ ﻭﺭﺍﻱ ﻣﺸﻲ ﻭﺍﺫﺍ ﺑﻘﺖ ﺗﻤﻄﺮ ﻭﺍﻧﻲ ﻣﻤﺘﺤﻀﺮﻩ ﻭﻻ ﺟﺎﻳﺒﻪ ﻣﻈﻠﻪ ﻳﻌﻨﻲ ﺍﻭﺻﻞ ﻟـ ﺍﻟﺪﻭﺍﻡ ﻏﺎﺭﻛﻪ ..
ﺍﻟﺴﻴﺎﺭﻩ ﻭﻛﻔﺖ ﻭﻛﻠﻬﺎ ﻧﺰﻟﺖ ﻭﺍﻧﻲ ﺣﺎﻳﺮﻩ ﺷﻠﻮﻥ ﺍﻧﺰﻝ ﻭﺍﻟﺪﻧﻴﻪ ﺗﻤﻄﺮ ﺍﻟﻨﺎﺱ ﺗﻤﺸﻲ ﺑﺴﺮﻋﻪ ﺍﻱ ﺍﻧﻲ ﻫﻢ ﺍﻣﺸﻲ ﺑﺴﺮﻋﻪ ﻣﺎﺍﺗﺒﻠﻞ ..
ﻧﺰﻟﺖ ﻭﺍﺳﺘﻌﺠﻠﺖ ﻭﺍﻧﻲ ﺍﻣﺸﻲ ﺑﺲ ﺍﺭﻳﺪ ﺍﻭﺻﻞ ﻻﻥ ﻣﺎﻛﻮ ﻧﻔﻊ ﻧﻜﻌﺖ ﻣﻼﺑﺴﻲ ﻣﻦ ﻭﺭﺍ ﺍﻟﻌﺒﺎﻳﻪ ﻧﻜﻌﻦ ﺑﺲ ﻻﻥ ﺍﻟﻌﺒﺎﻳﻪ ﺳﻮﺩﻩ ﻣﻤﺒﻴﻦ "
ﺑﺲ ﺩﺧﻠﺖ ﺍﻟﻮﺯﺍﺭﻩ ﺻﺮﺕ ﺍﺣﺘﻤﻲ ﺑﺎﻟﺒﻨﺎﻳﻪ
ﺍﻟﻰ ﺍﻥ ﻭﺻﻠﺖ ﻟﻠﻤﻜﺘﺐ ﻭﺻﻠﺖ ﻣﺘﺄﺧﺮﻩ ﻭﺭﺣﻤﻪ ﻭﻣﺸﺘﺎﻕ ﻣﻨﺘﻈﺮﻳﻨﻲ ...
ﻣﺸﺘﺎﻕ : ﻫﺎﺍﺍ ﺍﻧﻴﻦ ﻣﻄﺮﺕ ﻋﻠﻴﺞ ..
ﺭﺣﻤﻪ : ﻣﺘﺸﻮﻓﻬﺎ ﺍﻟﻤﺴﻜﻴﻨﻪ ﻏﺎﺭﻛﻪ .
ـ ﺍﻧﻴﻦ : ﺍﺳﻜﺘﻮﺍ ﻣﻄﺮﺕ ﺑﺲ ﻉ ﺭﺍﺳﻲ ... ﺧﻮﻣﺎ ﺍﺳﺘﺎﺫ ﻣﺤﺴﻦ ﺳﺄﻝ ﻋﻠﻴﻪ ?..
ـ ﻣﺸﺘﺎﻕ : ﻫﺴﻪ ﺍﺭﺗﺎﺣﻲ ﻭﺑﻌﺪﻳﻦ ﺍﻧﻜﻠﺞ ﻣﻨﻮ ﺳﺄﻝ ﻋﻠﻴﺞ ..
ﺭﺣﻤﻪ : ﻫﻬﻪ ﻗﺼﺪﻙ ﻣﺘﺮﻳﺪ ﺗﺼﺪﻣﻬﺎ ..
ﺍﻧﻴﻦ : ﺍﺣﺠﻮ ﻓﺪﻭﻭﻩ ﺗﺮﺍ ﺍﻟﻤﺒﻠﻞ ﻣﻴﺨﺎﻑ ﻣﻦ ﺍﻟﻤﻄﺮ .. ﻫﻬﻬﻬﻪ
ﻣﺸﺘﺎﻕ : ﻭﺍﻟﻠﻪ ﻳﺎ ﺍﻧﻴﻦ ﻣﺎﺍﻋﺮﻑ ﻣﻨﻴﻦ ﺍﺑﺪﻱ !..
ﺭﺣﻤﻪ : ﻣﺎﻟﺞ ﺷﻐﻞ ﻫﺬﺍ ﻧﺼﺎﺏ ﻳﺮﻳﺪ ﻳﺨﻮﻓﺞ ﻣﺎﻛﻮ ﺷﻲ ﺑﺲ ﺍﻟﻤﻬﻨﺪﺱ ﻟﻮﺍﺀ ﺍﺟﻪ ﺍﻫﻨﺎ ﻭﺳﺄﻝ ﻋﻠﻴﺞ ﻭﻛﺎﻝ ﻣﻦ ﺗﻮﺻﻞ ﺍﺗﻤﺮﻧﻲ ﺿﺮﻭﺭﻱ .
ﺍﻧﻴﻦ : ﻫﻲ ﺟﺎﻧﺖ ﻧﺎﻗﺼﻪ ﻭﺗﻤﺖ ..
ﻋﻔﺘﻬﻢ ﻭﻃﻠﻌﺖ ﺭﺣﺖ ﻟﻠـ ﺣﻤﺎﻣﺎﺕ ﻭﺣﺎﻭﻟﺖ ﺍﻧﺸﻒ ﻋﺒﺎﺗﻲ ﻭﻧﻈﻔﺘﻬﺎ ﻣﻦ ﺍﻟﻄﻴﻦ ﻭﺑﻘﻴﺖ ﺍﺷﻮﻳﻪ ﻟﺤﺪ ﻣﺎﺍﻧﺸﻒ ﻧﻔﺴﻲ ...
ﺑﻌﺪ ﻋﺒﺎﺗﻲ ﻛﻠﻬﺎ ﻣﻲ ﺑﺲ ﺷﺴﻮﻱ ﻻﺯﻡ ﺍﻛﻤﻞ ﺷﻐﻠﻲ ....
ﺭﺟﻌﺖ ﻭﻛﻌﺪﺕ ﻉ ﺍﻟﻤﻜﺘﺐ ﻭﺑﺪﻳﺖ ﺍﺷﺘﻐﻞ ﻭﻫﺬﺍ ﻣﺸﺘﺎﻕ ﻛﻞ ﺍﺷﻮﻳﻪ ﻳﺬﻛﺮﻧﻲ ﻻﺯﻡ ﺍﺭﻭﺡ ﻟـ ﻟﻮﺍﺀ ﺑﺲ ﺍﻧﻲ ﻣﻐﻠﺴﻪ ...
ﻫﻢ ﻋﻮﺯﻫﺎ ﺍﺭﻭﺡ ﻟﻬﺬﺍ ﺍﻟﻘﺰﻡ ﺑﺮﺟﻠﻲ
ﺧﻠﺺ ﺍﻟﺪﻭﺍﻡ ﻭﻃﻠﻌﺖ ﺑﺴﺮﻋﻪ ﻻﻥ ﺍﺣﺲ ﺣﺮﺍﺭﺗﻲ ﺍﺭﺗﻔﻌﺖ ﻭﺻﺪﺍﻉ ﻣﻮﺗﻨﻲ ...
ﺑﺲ ﺧﻄﻴﺖ ﺍﻟﺒﺎﺑﺎ ﺷﻔﺖ ﻋﻠﻲ ﺣﺎﻭﻟﺖ ﺍﺭﺟﻊ ﺑﺲ ﺷﺎﻓﻨﻲ ﺑﻌﺪ ..
ـ ﺷﻜﻮ ﺟﺎﻱ ﺍﻫﻨﺎ ﻭﺷﻠﻮﻥ ﺩﺧﻠﺖ ?..
ـ ﺗﻌﺎﻟﻲ ﺧﻠﻲ ﺍﻭﺻﻠﺞ ﻭﺑﺎﻟﻄﺮﻳﻖ ﻧﺤﺠﻲ .
ـ ﻣﺎﺍﺭﺟﻊ ﻭﻳﺎﻙ ﻭﺍﺫﺍ ﺍﺗﺮﻳﺪ ﺗﺤﺠﻲ ﺍﻟﻚ ﺑﺲ ﻫﺎﻱ ﺍﻟﻤﺴﺎﻓﻪ ﻣﻨﺎ ﻟﺤﺪ ﻣﺎﺍﻭﺻﻞ ﻟـ ﺳﻴﺎﺭﻩ .
ـ ﻣﻴﺨﺎﻟﻒ ﻫﺴﻪ ﺑﺲ ﺍﺳﻤﻌﻴﻨﻲ ..
ﻇﻞ ﻋﻠﻲ ﻳﺴﻮﻟﻒ ﻭﻧﻔﺲ ﺍﻟﺸﻲ ﻭﺍﻧﻲ ﺑﺲ ﺍﺳﻤﻊ ﻭﻣﺎﺍﺟﺎﻭﺏ ﻭﺍﻣﺸﻲ ﺑﺘﻌﺐ ﻭﺍﺣﺲ ﺭﺍﺳﻲ ﺛﻜﻞ ﻭﺑﺪﻳﺖ ﺍﻣﺸﻲ ﺑﻬﺪﻭﺀ
ﺑﺲ ﻭﺻﻠﻨﺎ ﻟـ ﺍﻟﺒﺎﺏ ﺍﻟﺨﺎﺭﺟﻲ ﺳﻤﻌﺖ ﺻﻮﺕ ﻭﺭﺍﻱ ﺍﻱ ﻫﻲ ﻋﺎﻳﺰﻩ ﺑﺲ ﺍﻟﻘﺰﻡ ﺗﻤﺖ ...
ﻟﻮﺍﺀ : ﺳﺖ ﺍﻧﻴﻦ ﻣﻮ ﻭﺻﻴﺖ ﻋﻠﻴﺞ ﺍﺗﻤﺮﻳﻠﻲ ﻟﻴﺶ ﻣﺎﺍﺟﻴﺘﻲ !...
ﻋﻠﻲ : ﻫﺬﺍ ﻣﻨﻮ ?
ﻟﻮﺍﺀ : ﺍﻧﺖ ﻣﻨﻮ ﻭﺷﻨﻮ ﺍﺗﻜﻮﻝ ﻫﺬﺍ ﺷﻨﻮ ﻫﺎﻱ ﻗﻠﺔ ﺍﻟﺬﻭﻕ .
ﺍﻧﻴﻦ : ﺧﻠﺼﺘﻮﺍ ﺗﻌﺎﺭﻓﻜﻢ ?... ﻣﺎﺍﺭﻳﺪ ﺍﺳﻤﻊ ﺷﻲ ﻣﻨﻜﻢ . ﺍﺳﺘﺎﺫ ﻟﻮﺍﺀ ﺷﻐﻠﻲ ﻭﻳﻪ ﺳﺖ ﻣﺮﻳﻢ ﻭﺍﻫﻨﺎ ﺑﺎﻟﺸﻐﻞ ﻣﺎﻟﻲ ﻋﻼﻗﻪ ﺑﺸﻐﻠﻚ ...
ﻭﺍﻧﺖ ﻋﻠﻲ ﺗﻜﺪﺭ ﺍﺗﺮﻭﺡ ﺍﻧﻲ ﺍﻋﺮﻑ ﻃﺮﻳﻘﻲ ﻣﻊ ﺍﻟﺴﻼﻣﻪ ..
ﻟﻮﺍﺀ : ﺍﻧﺘﻲ ﻏﻠﻄﺎﻧﻪ ﺻﻮﻓﻴﺎ ﺑﻨﺘﻲ ﻻﺯﻡ ﺍﻓﻬﻢ ﺷﻠﻮﻥ ﻛﺪﺭﺗﻲ ﺗﺨﻠﻴﻨﻬﺎ ﺗﺤﺒﺞ ?...
ﺗﺮﻛﺘﻬﻢ ﻭﻣﺸﻴﺖ ﻭﻟﻮﺍﺀ ﻳﺘﻮﻋﺪ ﻭﻳﻬﺪﺩ ﻭﻋﻠﻲ ﺑﺲ ﺷﺎﻓﻨﻲ ﻣﺸﻴﺖ ﺭﺍﺡ
....
ﺻﻌﺪﺕ ﺳﻴﺎﺭﻩ ﻭﺍﻧﻲ ﺧﺎﻳﻔﻪ ﻭﺍﻧﻮﺏ ﺑﺪﺕ ﺍﻟﺤﺮﺍﺭﻩ ﺍﺗﺒﻴﻦ ﻉ ﻭﺟﻬﻲ ... ﺍﻧﺼﺒﻎ ﻭﺟﻬﻲ ﺍﺣﻤﺮ ...
ﻧﺰﻟﺖ ﻭﺍﻣﺸﻲ ﺭﺍﺟﻌﻪ ﻟﻠﺒﻴﺖ ﻭﺍﺳﻤﻊ ﻋﻠﻲ ﻳﺤﺠﻲ ﻭﺭﺍﻱ ..
ـ ﺍﻱ ﺍﻧﻴﻦ ﻛﻮﻟﻲ ﻫﻴﺞ ﻛﻮﻟﻲ ﻟﻜﻴﺖ ﻏﻴﺮﻙ ﻭﻻﻳﻜﻠﺞ ﺑﺲ ﻭﺍﻟﻠﻪ ﻣﺎﻳﺴﺘﺎﻫﻠﺞ ﻭﻻ ﻳﺤﺒﺞ ﺑﻜﺪ ﻣﺎﺣﺒﻴﺘﺞ ﻭﻻ ﻳﻔﻬﻤﺞ ﺍﻧﺘﻲ ﺑﻌﺪﺝ ﺑﺎﻟﺒﺪﺍﻳﻪ ﻋﻮﻓﻲ ﻭﺍﻧﻲ ﻣﺴﺘﻌﺪ ﺑﺎﺟﺮ ﺍﺟﻲ ﺍﺧﻄﺒﺞ ..
ـ ﺧﻠﺺ ﻋﻠﻲ ﻓﻀﺤﺘﻨﻲ ﻛﺪﺍﻡ ﺍﻟﻨﺎﺱ ﻋﻮﻓﻨﻲ ﺑﺤﺎﻟﻲ ﻣﺎﺍﺭﻳﺪ ﻣﻨﻚ ﺷﻲ ﺑﺲ ﺍﻋﺘﻘﻨﻲ ﻟـ ﻭﺟﻪ ﻟﻠﻪ ...
ـ ﺷﺒﻴﺞ ﺷﻨﻮ ﻫﺬﺍ ﻭﺟﻬﺠﺞ ﻟﻴﺶ ﻫﻴﺞ !..
ـ ﻣﺎﺑﻴﻪ ﺷﻲ ﺑﺲ ﺍﺷﻮﻳﻪ ﺍﺧﺬﺕ ﺑﺮﺩ ﻳﻠﻪ ﻻ ﺍﺣﺪ ﻳﺸﻮﻓﻚ ﻭﻳﺎﻱ ﻭﺍﺑﺘﻠﻲ ﺍﻟﻠﻪ ﻳﺨﻠﻴﻚ ﻋﻮﻓﻨﻲ ﺍﻛﻤﻞ ﻃﺮﻳﻘﻲ ..
ﺗﺮﻛﻨﻲ ﻋﻠﻲ ﻭﺭﺍﺡ ﻭﺍﻧﻲ ﻛﻤﻠﺖ ﻃﺮﻳﻘﻲ ﻟﻠﺒﻴﺖ ﺑﺲ ﺍﺭﻳﺪ ﺍﻭﺻﻞ ﺻﺎﺭ ﺍﻟﻄﺮﻳﻖ ﺷﻜﺪ ﺻﻌﺐ ﻭﻣﺘﻌﺐ ﻫﺬﺍ ﺍﻟﻄﺮﻳﻖ ﺍﻟﻜﻞ ﻳﻮﻡ ﺍﻣﺸﻲ ﻫﻴﺞ ﻃﻠﻊ ﺑﻌﻴﺪ ...
ﺑﺲ ﺩﺧﻠﺖ ﺷﻔﺖ ﺍﺑﻴﺘﻨﺎ ﻇﻴﻮﻑ ﻭﺍﻣﻲ ﻣﻠﺘﻬﻴﻪ ﺑﻴﻬﻢ ﻣﺎﺍﻋﺮﻑ ﻣﻨﻮ ﺑﺲ ﻧﺴﻮﺍﻥ ﻭﻳﺎﻫﻢ ﺭﺟﺎﻝ ﺍﺑﺪ ﻣﺎﺍﻋﺮﻑ ﻭﻻ ﺷﺎﻳﻔﺘﻬﻢ ﺑﺤﻴﺎﺗﻲ ...
ﺍﺧﺬﺕ ﺍﻟﻤﻤﺮ ﻭﻣﺸﻴﺖ ﻭﺩﺧﻠﺖ ﻣﻦ ﺑﺎﺏ ﺍﻟﺘﺮﻙ ﻭﻛﺒﻞ ﻉ ﻏﺮﻓﺘﻲ ﺑﺴﺮﻋﻪ ﺑﺪﻟﺖ ﻭﺷﻤﺮﺕ ﻧﻔﺴﻲ ﻧﻤﺖ ﻏﻄﻴﺖ ﺑﺎﻟﻨﻮﻡ ﻫﻢ ﺍﻟﺒﺎﺭﺣﻪ ﻣﻨﺎﻳﻤﻪ ﻭﻫﻢ ﺍﻟﺒﺮﺩ ﻭﺍﻟﺒﻠﻞ ﺍﻟﻲ ﻣﻦ ﺍﻟﺼﺒﺢ ﺍﻧﻲ ﺑﻲ ﻭﻣﻼﺑﺴﻲ ﻣﻨﻜﻌﺎﺕ ﻭﺍﻧﻲ ﺳﺎﻛﺘﻪ ﺷﺴﻮﻱ ﻣﻨﻴﻦ ﺍﺟﻴﺐ ﻣﻼﺑﺲ ﻭﺍﺑﺪﻝ ..
ﻓﺰﻳﺖ ﻉ ﺻﻮﺕ ﺍﻣﻲ ﺗﺼﻴﺢ ﻭﺗﺤﺠﻲ ﻭﺍﻧﻲ ﻣﺼﺨﻨﻪ ﻭﺍﻣﻲ ﺍﺗﺼﻴﺢ ﻛﻠﺖ ﺻﺎﺭ ﺑﻴﻬﻢ ﺷﻲ ﻓﺰﻳﺖ ﻣﻦ ﻓﺮﺍﺷﻲ ﻭﺭﻛﺾ ﺍﺭﻳﺪ ﺑﺲ ﺍﻋﺮﻑ ﺷﻨﻮ ﺻﺎﺭ ...
ﺍﻡ ﻛﺮﻳﻢ : ﻫﺴﻪ ﺻﺎﺭ ﻋﺪﻛﻢ ﻭﻟﺪ ﺍﺧﻮ ﻭﻳﻦ ﺟﻨﺘﻮﺍ ﻋﻠﻴﻬﻢ ﺷﻨﻮ ﺟﺎﻳﻦ ﺗﺎﺧﺬﻭﻥ ﺑﻨﺘﻲ ﺷﻨﻲ ﻣﺎﻋﺪﻫﺎ ﺍﺧﻮﺍﻥ ﻟﻮ ﺍﻣﻬﺎ ﻣﺎﺗﺖ ..
ﺳﻌﺪ : ﺍﻧﺘﻲ ﺍﺗﻌﺮﻓﻴﻦ ﻛﻞ ﺍﻟﺰﻳﻦ ﺍﺣﻨﺎ ﻣﺎﻋﻔﻨﺎﻫﻢ ﺑﺲ ﺍﻧﺘﻲ ﻣﻨﻌﺘﻴﻨﺎ ﺍﻧﺸﻮﻓﻬﻢ ..
ﺍﻡ ﻛﺮﻳﻢ : ﻟﻴﺶ ﻟﻴﺶ ﻣﺎﺍﺭﻳﺪﻛﻢ ﺗﺘﻘﺮﺑﻮﻥ ﻋﻠﻴﻨﺎ ﻣﻦ ﻫﺎﻱ ﺳﻮﺍﻟﻔﻜﻢ ..
ﺳﻌﺪ : ﺍﻧﺘﻲ ﺑﻜﻴﻔﻚ ﺑﺲ ﺍﻧﻴﻦ ﻣﺎﺗﺼﻴﺮ ﻟﻐﻴﺮ ﺍﺑﻨﻲ ﻣﺤﻤﺪ ﻭﺍﻧﺘﻲ ﺑﻌﺪ ﺷﺘﺴﻮﻳﻦ ﺳﻮﻱ ..
ﺍﻧﻴﻦ : ﺷﻨﻮ ﻣﻨﻮ ﻫﺬﻭﻝ ﺍﻟﻨﺎﺱ ﻟﻴﺶ ﻫﺬﺍ ﺍﻟﺼﻴﺎﺡ .
ﺍﻡ ﻛﺮﻳﻢ : ﺍﺩﺧﻠﻲ ﺟﻮﻩ ﻭﻻ ﻃﻠﻌﻴﻦ ﺑﻌﺪ ..
ﺳﻌﺪ : ﻳﻌﻨﻲ ﺗﺤﺮﻣﻴﻨﺎ ﻣﻦ ﻭﻟﺪ ﺍﺧﻮﻧﺎ ﻭﺣﺘﻪ ﻣﺎﺧﻠﻴﺘﻲ ﺍﻟﺒﻨﻴﻪ ﺗﺴﻠﻢ ﻋﻠﻴﻨﺎ ﻟﻴﺶ ..
ﺍﻧﻲ ﺩﺧﻠﺖ ﻭﺍﺳﻤﻊ ﺍﻣﻲ ﺗﺘﻌﺎﺭﻙ ﻭﻳﺎﻫﻢ ﻭﻫﻲ ﻭﺣﺪﻫﺎ ﺍﻟﻨﺴﻮﺍﻥ ﻭﻻ ﺣﺠﻦ ﺷﻲ ﺑﺲ ﺍﻟﺮﺟﺎﻝ ﻭﺍﻣﻲ ﺧﺒﺼﻮﺍ ﺍﻟﺪﻧﻴﺎ ﺑﺎﻟﺼﻴﺎﺡ ..
ﺑﺲ ﺍﻟﻲ ﻓﻬﻤﺘﻪ ﻫﺬﺍ ﻋﻤﻨﺎ ﺳﻌﺪ ﺍﻟﻲ ﺩﺍﺋﻤﺎ ﺍﻣﻲ ﺗﻜﻮﻝ ﺭﺍﺩ ﻳﺎﺧﺬﻛﻢ ﻣﻨﻲ ..
ﺍﻧﻲ ﻣﺎﻛﺪﺭﺕ ﺍﺷﻮﻓﻪ ﺑﺲ ﺷﻜﻠﻪ ﻋﺼﺒﻲ ﻭﻃﻮﻳﻞ ﻭﺗﻘﺮﻳﺒﺎً ﻋﻤﺮﻩ ﻧﻬﺎﻳﺔ ﺍﻟﺴﺘﻴﻦ ﻭﺍﻟﺸﻴﺐ ﺗﺎﺭﺱ ﻟﺤﻴﺘﻪ ﻭ ﻭﻛﻔﺘﻪ ﺛﺎﺑﺘﻪ ﺍﻭﻝ ﻣﺎﻃﻠﻌﺖ ﺻﺎﺭﺕ ﻋﻴﻨﻲ ﺑﻌﻴﻨﻪ ﺣﺴﻴﺖ ﺑﻲ ﺍﺣﺲ ﺭﻭﺣﻲ ﺷﻔﺖ ﻋﻴﻮﻥ ﺍﺑﻮﻱ ﺍﻟﻲ ﺍﺷﻮﻓﻬﻢ ﺑﺲ ﺑﺎﻟﺼﻮﺭ ﺭﺩﺕ ﺍﻃﻮﻝ ﺭﺩﺕ ﺍﺷﺒﻊ ﺷﻮﻓﻲ ﻣﻦ ﻋﻴﻮﻧﻪ ﺭﺩﺕ ﺍﺻﻴﺮ ﺍﻗﺮﺏ ﻣﺴﺎﻓﻪ ﻭ ﺍﺻﻴﺮ ﻗﺮﻳﺒﻪ ﻋﻠﻴﻪ ﺑﺲ ﺍﻧﻄﺮﺩﺕ
...
ﺍﺳﻤﻊ ﺍﻟﺒﺎﺏ ﺍﻟﺨﺎﺭﺟﻲ ﺍﻧﻄﺒﻚ ﻭﺍﻣﻲ ﺍﺳﻤﻌﻬﺎ ﺧﺎﺑﺮﺕ ﻟـ ﻛﺮﻳﻢ ...
ﻃﻠﻌﺖ ﻳﻤﻬﺎ ﺍﺳﺄﻟﻬﺎ ﻣﺘﺠﺎﻭﺑﻨﻲ ﻭﻣﻨﺘﻈﺮﻩ ﻛﺮﻳﻢ ﻳﻮﺻﻞ ...
ﺍﻧﻲ ﺑﻴﻦ ﻋﻠﻴﻪ ﺍﻟﺘﻌﺐ ﻭﺻﻮﺗﻲ ﺭﺍﺡ ﺑﺪﻳﺖ ﺍﻛﺢ ﺑﺲ ﺍﻣﻲ ﺟﺎﻧﺖ ﺷﺎﺭﺩﻩ ﻭﻻ ﺍﻧﺘﺒﻬﺖ ..
ﻭﺻﻞ ﻛﺮﻳﻢ ﻭﺑﻌﺪﻩ ﺑﺎﻟﺒﺎﺏ ﻭﺍﻣﻲ ﺍﺗﻠﻜﺘﻪ ﻭﺗﺤﺠﻲ ﻭﻳﺎﻩ ﺑﺲ ﻛﺮﻳﻢ ﻳﻜﺪﺭ ﻳﻬﺪﻳﻬﺎ ﻭﻳﺴﻜﺘﻬﺎ ..
ﻭﺍﻧﻲ ﻣﺎﻋﺮﻓﺖ ﺷﻨﻮ ﺍﻟﻘﺼﻪ ﻏﻴﺮ ﻋﻤﻲ ﻳﺮﺩﻧﻲ ﻟـ ﺍﺑﻨﻪ ﻭﺍﻣﻲ ﺭﺍﻓﻀﻪ ﻭﻛﺮﻳﻢ ﻃﻤﺌﻨﻬﺎ
ﻛﺎﻟﻬﺎ ﻣﻮ ﺑﻜﻴﻔﻬﻢ ﺍﺣﻨﺎ ﻣﺤﺪ ﻳﻔﺮﺽ ﻋﻠﻴﻨﺎ ﺷﻲ ..
ﺍﻟﺼﺪﻣﻪ ﺍﻣﻲ ﺍﻭﻝ ﻣﺮﻩ ﺗﺮﻓﺾ ﻋﺮﻳﺲ ﻫﻬﻬﻪ ﺍﻧﻲ ﺍﻛﺢ ﻭﺍﺿﺤﻚ ﻉ ﺍﻣﻲ .. ﻭﺍﻧﻲ ﺷﻨﻮ ﻧﺎﺳﻴﻪ ﺍﻟﻴﻮﻡ ﻳﺎﺍﺍﺍﺍ ﺷﻜﺪ ﻋﻴﺐ ..
ﻣﻮﺑﺎﻳﻠﻲ ﺑﺎﻟﺠﻨﻄﻪ ﺷﻔﺖ ﺷﻜﺪ ﻣﻜﺎﻟﻤﺎﺕ ﻣﻦ ﺳﺖ ﻣﺮﻳﻢ ...
ﺷﻜﺪ ﻋﻴﺐ ﻫﺴﻪ ﺷﺘﻜﻮﻝ ﻋﻠﻴﻪ ...
ﺭﺟﻌﺖ ﺧﺎﺑﺮﺗﻬﺎ ﻭﺍﻋﺘﺬﺭﺕ ﻣﻨﻬﺎ ﻭﻣﺤﺠﺖ ﺷﻲ ﺑﺲ ﻃﻠﺒﺖ ﺗﻨﻄﻲ ﺭﻗﻤﻲ ﻟـ ﺍﺑﻮ ﺻﻮﻓﻴﺎ ﻭﻳﻜﻮﻥ ﺗﻌﺎﻣﻠﻲ ﻭﻳﺎﻩ ﻭﻫﺬﺍ ﺍﻟﻄﻠﺐ ﺿﻮﺟﻨﻲ ﺭﺩﺕ ﺍﺭﻓﺾ ﺑﺲ ﺧﺠﻠﺖ ﻭﻫﻢ ﺍﺳﺘﺤﻴﺖ ﺷﻨﻮ ﺍﻛﻠﻬﺎ ﻫﺬﺍ ﺍﻟﻘﺰﻡ ﻣﺎﺍﺭﻳﺪ ﺍﺗﻌﺎﻣﻞ ﻭﻳﺎﻩ ﻳﺎﺭﺑﻲ ﺷﻠﻮﻥ ﺑﻠﻮﻩ ..
ﻟﺤﺪ ﺍﻟﺴﺎﻋﻪ ﻋﺸﺮﻩ ﺳﺎﺋﺖ ﺣﺎﻟﺘﻲ ﺍﻛﺜﺮ ﻭﻻ ﻓﺎﺩﻧﻲ ﺷﻲ ﻻ ﻓﻠﻮ ﺍﻭﺕ ﻭﻻ ﺑﻨﺪﻭﻝ ﻭﻻ ﻛﺒﺴﻮﻝ ﻣﺎﺧﻠﻴﺖ ﺷﻲ ... ﺩﻙ ﺭﻗﻢ ﻏﺮﻳﺐ
ﺑﻘﻴﺖ ﺻﺎﻓﻨﻪ ﺍﺭﺩ ﻻ ﺍﺭﺩ ﻭﺍﻧﻲ ﺍﺣﺲ ﺭﻭﺣﻲ ﻣﺜﻞ ﺍﻫﻠﻮﺱ ﻣﻦ ﺍﻟﺼﺨﻮﻧﻪ ﻣﺎﺍﻋﺮﻑ ﺷﻨﻮ ﺍﺗﺼﺮﻑ ...
ـ ﻧﻌﻢ ﻣﻨﻮ ?
ـ ﺍﻟﻮﻭﻭ ﺳﺖ ﺍﻧﻴﻦ ﺍﻧﻲ ﻟﻮﺍﺀ ﺑﺲ ﺣﺒﻴﺖ ﺍﻛﻠﺞ ﺷﻲ ﻣﻬﻢ ﻣﻦ ﺗﺸﺘﻐﻠﻴﻦ ﺷﻲ ﺍﻟﺘﺰﻣﻲ ﻭﻣﻦ ﺍﺗﻜﻮﻟﻴﻦ ﻛﻠﻤﻪ ﺍﻋﺮﻓﻲ ﺷﻨﻮ ﺣﻴﻔﺘﻬﻢ ﺍﻟﻤﻘﺎﺑﻞ ﻭﻻ ﺗﻜﻮﻧﻴﻦ ﻋﺒﺜﻴﻪ ﻭﻳﻪ ﺍﻟﻨﺎﺱ ..
ـ ﻛﻤﻠﺖ ﺷﻜﺮﺍ ﻉ ﺍﻟﻨﺼﻴﺤﻪ ﺗﻜﺪﺭ ﺗﻌﺘﺒﺮﻧﻲ ﺑﻌﺪ ﻣﺎﺍﺷﺘﻐﻞ ﻋﻨﺪﻙ ﻣﻦ ﻫﺎﻱ ﺍﻟﻠﺤﻈﻪ .
ـ ﺷﺒﻲ ﺻﻮﺗﺞ ﻟﻴﺶ ﻫﻴﺞ ﺗﻜﺤﻴﻦ ?...
ـ ﻣﺎﻟﻚ ﺷﻐﻞ ﺑﺼﻮﺗﻲ ﻭﻣﺜﻞ ﻣﻜﺘﻠﻚ ﺳﺎﺑﻘﺎً ....
ـ ﺧﻠﺺ ﺑﻌﺪﻳﻦ ﻧﺘﻔﺎﻫﻢ ﺣﺎﻟﺘﺞ ﻣﺘﺴﻤﺢ ﻫﺴﻪ ...
ﺧﺮﺭﺭﺭﺏ ﻫﺬﺍ ﺳﺪ ﺍﻟﺨﻂ ﺑﻮﺟﻬﻲ ﺍﻟﻘﺰﻡ ﺍﻧﻲ ﻟﻴﺶ ﺣﺠﻴﺖ ﻭﻳﺎﻩ ﺑـ ﺍﺣﺘﺮﺍﻡ ﻫﺬﺍ ﺭﺯﻟﻨﻲ ﻭﺍﺫﺍ ﺷﺼﺎﺭ ﻣﺤﺎﺿﺮﻩ ﻭﺭﺍﺣﺖ ﺍﻋﻮﺿﻬﺎ ﺑﻐﻴﺮ ﻳﻮﻡ ﺷﺼﺎﺭ ﻋﻠﻴﻬﻢ ﺷﺪﻋﻮﻩ ﺧﺎﺑﺼﻴﻦ ﻧﻔﺴﻬﻢ ..
ﻭﺍﻧﻲ ﺷﻠﻮﻥ ﻧﺴﻴﺖ ﻣﻦ ﺳﺄﻟﻨﻲ ﺷﻠﻮﻥ ﺧﻠﻴﺘﻲ ﺑﻨﺘﻲ ﺍﺗﺤﺒﺞ ﻻﺯﻡ ﺍﻛﻮ ﻗﺼﻪ ﻋﺪﻫﻢ ﻭﻫﺎﻱ ﺍﻟﺒﻨﻴﻪ ﺧﻄﻴﻪ ﻣﻌﻮﻗﻪ ﻭﻫﻢ ﻧﻔﺴﻴﺘﻬﺎ ﺗﻌﺒﺎﻧﻪ ...
ﻣﺴﺎﺋﻮﻭﻭﻭ 😍
# ﺍﻣﻲ - ﺗﺒﺤﺚ - ﻋﻦ - ﻋﺮﻳﺲ
ﺗﻜﻤﻠﺔ ﺍﻟﺒﺎﺭﺕ 14
ﺑﻘﻠﻢ ﺍﺯﻫﺎﺭ ﺫﺍﺑﻠﻪ ..
* ﺍﻟﻘﺼﻪ ﻣﻦ ﻭﺣﻲ ﺍﻟﺨﻴﺎﻝ *
ﺧﺮﺭﺭﺭﺏ ﻫﺬﺍ ﺳﺪ ﺍﻟﺨﻂ ﺑﻮﺟﻬﻲ ﺍﻟﻘﺰﻡ ﺍﻧﻲ ﻟﻴﺶ ﺣﺠﻴﺖ ﻭﻳﺎﻩ ﺑـ ﺍﺣﺘﺮﺍﻡ ﻫﺬﺍ ﺭﺯﻟﻨﻲ ﻭﺍﺫﺍ ﺷﺼﺎﺭ ﻣﺤﺎﺿﺮﻩ ﻭﺭﺍﺣﺖ ﺍﻋﻮﺿﻬﺎ ﺑﻐﻴﺮ ﻳﻮﻡ ﺷﺼﺎﺭ ﻋﻠﻴﻬﻢ ﺷﺪﻋﻮﻩ ﺧﺎﺑﺼﻴﻦ ﻧﻔﺴﻬﻢ ..
ﻭﺍﻧﻲ ﺷﻠﻮﻥ ﻧﺴﻴﺖ ﻣﻦ ﺳﺄﻟﻨﻲ ﺷﻠﻮﻥ ﺧﻠﻴﺘﻲ ﺑﻨﺘﻲ ﺍﺗﺤﺒﺞ ﻻﺯﻡ ﺍﻛﻮ ﻗﺼﻪ ﻋﺪﻫﻢ ﻭﻫﺎﻱ ﺍﻟﺒﻨﻴﻪ ﺧﻄﻴﻪ ﻣﻌﻮﻗﻪ ﻭﻫﻢ ﻧﻔﺴﻴﺘﻬﺎ ﺗﻌﺒﺎﻧﻪ ...
ﻛﻌﺪﺕ ﺍﻟﺼﺒﺢ ﻣﺎﺑﻴﻪ ﺣﻴﻞ ﺍﺭﻭﺡ ﻟـ ﺩﻭﺍﻡ ﻣﺎﺍﻛﺪﺭ ﺍﺷﻴﻞ ﺭﺍﺳﻲ ﺧﺎﺑﺮﺕ ﺭﺣﻤﻪ ﻭﻛﺘﻠﻬﺎ ﻣﺎﺍﻛﺪﺭ ﺍﺩﺍﻭﻡ ﺍﻟﻴﻮﻡ ﻭﺭﺟﻌﺖ ﻧﻤﺖ ...
ﻭﺗﻘﺮﻳﺒﺎً ﺭﺑﻊ ﺳﺎﻋﻪ ﻭﺍﺳﻤﻊ ﺍﻟﻬﻮﺳﻪ ﺑﻴﺘﻨﺎ ﻭﺍﻟﻨﺎﺱ ﻛﻠﻬﺎ ﺍﻟﺘﻤﺖ ﻋﻠﻴﻨﺎ
ﻃﻠﻌﺖ ﻭﺷﻔﺖ ﻋﻤﻲ ﻭﻳﺎﻩ ﻧﺎﺱ ﻭﻳﺤﺠﻮﻥ ﺑﺼﻮﺕ ﻋﺎﻟﻲ ﻭﻳﺘﻌﺎﺭﻛﻮﻥ ﻭﻳﻪ ﻛﺮﻳﻢ ..
ﺍﺣﻤﺪ ﻣﻴﺪﺧﻞ ﺑﺎﻟﻤﻮﺿﻮﻉ ﺍﺻﻼ ﻣﻮﺍﻓﻖ ﻭﻣﺎﻋﻨﺪﺍ ﺍﻱ ﺍﻋﺘﺮﺍﺽ ﺍﻫﻢ ﺷﻲ ﺍﻛﻮﻥ ﺍﻧﻲ ﻣﺎﺍﺭﺗﺎﺡ ﻭﻻ ﺍﺳﻮﻱ ﺍﻟﺸﻲ ﺍﻟﻲ ﺍﺭﻳﺪﻩ ﻫﻮ ﻫﻴﺞ ﺍﻫﻢ ﺷﻲ ﻋﻨﺪﺍ ﺍﺣﺼﻞ ﻉ ﺍﻗﻞ ﺷﻲ ﺑﻬﺎﻱ ﺍﻟﺤﻴﺎﺓ
....
ﻭﺍﻧﻲ ﺑﺲ ﺍﺗﻔﺮﺝ ﻣﻦ ﺑﻌﻴﺪ ﻭﻻ ﺍﻛﺪﺭ ﺍﺩﺧﻞ ﺑﺸﻲ ﻭﺣﺘﻪ ﻣﺤﺪ ﺍﺧﺬ ﺭﺃﻱ ﻭﻻ ﺳﺄﻟﻮﻧﻲ ﻭﺍﻧﻲ ﻫﻢ ﻣﺎﺍﺭﻳﺪ ﺍﺩﺧﻞ ﻭﻻ ﺍﺭﻳﺪ ﺍﻋﺮﻑ ﺷﻲ
ﺑﺲ ﻟﻴﺶ ﺍﻣﻲ ﻣﺘﺨﻠﻲ ﻋﻤﻲ ﻳﺸﻮﻓﻨﺎ ﻭﻟﻴﺶ ﻫﻮ ﺭﺍﻳﺪ ﻳﺎﺧﺬﻧﺎ ﻣﻨﻬﺎ ﺍﻫﻨﺎ ﻫﻢ ﺍﺳﺘﻔﻬﺎﻡ ﻭﻣﺤﺪ ﻳﻘﺒﻞ ﻳﻜﻮﻝ ﺷﻨﻮ ﺍﻟﺴﺮ ﺑﺲ ﺍﻣﻲ ﻭﻛﺮﻳﻢ ﻳﻌﺮﻓﻮﻥ ﺍﻟﺴﺎﻟﻔﻪ ...
ﺭﺍﺣﻮﺍ ﻭﻓﻀﺖ ﺍﻟﻤﺸﻜﻠﻪ ﺑﺲ ﻳﺘﻮﻋﺪﻭﻥ ﻳﺮﺟﻌﻮﻥ ﻭﻣﻴﺨﻠﻮﻥ ﺍﻣﻲ ﺑﻜﻴﻔﻬﺎ ﻭﺗﺘﺤﻜﻢ ﺑﻤﺼﻴﺮﻧﺎ ﻭﺍﺣﻨﺎ ﺣﺘﻪ ﻟﻮ ﺍﻛﺒﺎﺭ ﺑﺲ ﻣﺴﺆﻭﻟﻴﺘﻬﻢ ...
ﺍﻟﻤﻬﻢ ﺍﻧﻲ ﻇﻠﻴﺖ ﺑﺲ ﻧﺎﻳﻤﻪ ﻭﻣﺤﺪ ﺳﺄﻝ ﻋﻠﻴﻪ ﻭﻻ ﺍﺣﺪ ﺷﺎﻓﻨﻲ ﻭﻻ ﻳﺪﺭﻭﻥ ﺑﻴﻪ ﺍﺫﺍ ﺟﻨﺖ ﻣﺤﺘﺎﺟﺘﻬﻢ ﺍﻭ ﺍﺭﻳﺪ ﺷﻲ ﻣﺤﺪ ﺳﺄﻝ ﻟﻴﺶ ﻣﺮﺣﺘﻲ ﻟـ ﺩﻭﺍﻣﺞ ﻣﺤﺪ ﺍﻧﺘﺒﻪ ﻟﻮﺟﻮﺩﻱ
ﻭﺍﻣﻲ ﻣﻠﺘﻬﻴﻪ ﺑﺲ ﺑﻘﺼﺔ ﻋﻤﻲ ﻭﺷﻠﻮﻥ ﺗﺨﻠﺺ ﻣﻨﻪ ﻭﻣﻦ ﺗﺪﺧﻠﻪ ﺑﺤﻴﺎﺗﻨﺎ ...
ﺧﺎﺑﺮﺗﻨﻲ ﺳﺖ ﻣﺮﻳﻢ ﻭﻛﺎﻟﺖ ﻫﻲ ﺟﺎﻳﻪ ﺑﺎﻟﻄﺮﻳﻖ ﻭﺗﺮﻳﺪ ﺍﺗﺸﻮﻓﻨﻲ ..
ﺍﻧﻲ ﻏﺮﻓﺘﻲ ﻣﻜﻠﻮﺑﻪ ﻭﺍﻧﻲ ﻣﺒﻬﺬﻟﻪ ﺍﺳﺘﺤﻴﺖ ﻣﻦ ﻧﻔﺴﻲ ﻛﻤﺖ ﺑﺎﻟﻜﻮﻩ ﺍﺳﺤﺐ ﻧﻔﺴﻲ ﻭﺭﺗﺒﺖ ﺍﻟﻐﺮﻓﻪ ﻭﺩﺧﻠﺖ ﺍﻟﺤﻤﺎﻡ
ﻃﻠﻌﺖ ﻭﻛﻔﺖ ﺍﻛﺒﺎﻝ ﺍﻟﻤﺮﺍﻳﻪ ﻭﺍﻭﻝ ﻣﺮﻩ ﺍﻃﻮﻝ ﺍﻛﺒﺎﻟﻬﺎ ﺍﺭﻳﺪ ﺍﺷﻮﻑ ﺍﻧﻴﻦ " ﺍﻱ ﺍﻧﻴﻦ ﺷﻔﺘﻲ ﺍﻟﻌﻤﺮ ﺷﻠﻮﻥ ﻳﺮﻛﺾ ﺍﻱ ﻭﺍﻧﺘﻲ ﻣﺜﻞ ﻣﺎﺍﻧﺘﻲ ﻣﺘﻐﻴﻴﺮ ﻋﻨﺪﺝ ﺷﻲ ...
ﺍﺷﻮﻑ ﻧﻔﺴﻲ ﻭﺍﺗﺄﻣﻞ ﺍﺩﻕ ﺗﻔﺎﺻﻴﻞ ﻭﺟﻬﻲ ﻣﻦ ﺍﻟﻌﻴﻮﻥ ﺍﻟﻨﺎﻋﺴﻪ ﻭﺍﻟﺮﻣﻮﺵ ﺍﻟﻤﻜﺴﻮﺭﻩ ﻭﺍﺷﻮﻑ ﻟﻤﻌﺔ ﻟﻮﻥ ﻋﻴﻮﻧﻲ ﺍﻻﺳﻮﺩ " ﺷﻠﺖ ﺍﻳﺪﻱ ﻭﺣﺮﺭﺕ ﺷﻌﺮﻱ ﻣﻦ ﺍﻟﻘﻴﻮﺩ " ﻧﺰﻝ ﺷﻌﺮﻱ ﺑﺴﺮﻋﻪ ﻭﺻﺎﺭ ﻋﻞ ﻭﺟﻬﻲ ﻭﺧﺮﺕ ﺍﻟﺨﺼﻼﺕ ﺍﻟﺴﻮﺩ ﺍﻟﻲ ﺑﻴﻬﻢ ﺑﺪﺃ ﺍﻟﺸﻴﺐ ﺻﺢ ﻣﻮ ﻣﺎﻝ ﺷﻴﺐ ﺑﺲ ﺍﻧﻲ ﺷﻌﺮﻱ ﻣﺨﺼﻞ ﺑﺸﻴﺐ "
ﺍﺧﺬﺕ ﺍﺗﻠﻤﺲ ﻭﺟﻬﻲ ﺑـ ﺍﻳﺪﻱ ﻭﺍﺗﻠﻤﺲ ﻭﺍﺩﻭﺭ ﻉ ﺍﻟﺘﺠﺎﻋﻴﺪ ﺍﻱ ﺻﺮﺕ ﺍﻓﻜﺮ ﻭﺍﺗﺨﻴﻞ ﻧﻔﺴﻲ ﻋﺠﻮﺯ ﺑﻌﻤﺮ ﺍﻟﺴﺒﻌﻴﻦ ﻭﻫﺎﻱ ﺍﻟﻜﺪﺍﻣﻲ ﺻﺢ ﻣﻼﻣﺤﻬﺎ ﻧﺎﻋﻤﻪ ﻭﺷﺎﺑﻪ ﺑﺲ ﻣﺎﺑﻴﻬﺎ ﺍﻱ ﺭﻭﺡ ﺷﺎﺑﻪ ﺭﻭﺣﻬﺎ ﻋﺠﻮﺯ ﻭﻫﺬﺍ ﺍﻟﻈﺎﻫﺮ ﻉ ﻭﺟﻬﺎ ﺣﻮﺍﺟﺒﻬﺎ ﻣﺜﻞ ﺣﻮﺍﺟﺐ ﺍﻻﻃﻔﺎﻝ ﺍﺑﺪ ﻣﻤﺮﺗﺒﺘﻬﻢ ﻭﺍﺷﻮﻑ ﺧﺸﻤﻬﺎ ﺷﻠﻮﻥ ﻣﺮﻓﻮﻉ ﺍﻱ ﺻﺢ ﺷﻜﻠﻪ ﻫﻴﺞ ﺑﺲ ﺑﺎﻟﺤﻘﻴﻘﻪ ﺍﻧﻲ ﺍﺣﺎﻭﻝ ﺍﺭﻓﻊ ﻧﻔﺴﻲ ﻣﻦ ﻛﻞ ﺷﻲ ﺑﺲ ﻣﺎﺍﻛﺪﺭ ﻛﻞ ﻣﺎﺍﻭﺻﻞ ﻟـ ﻣﺮﺣﻠﻪ ﺍﻛﻮﻥ ﺑﻴﻬﺎ ﻗﻮﻳﻪ ﻻﺯﻡ ﺍﻳﺮﺟﻌﻮﻧﻲ ..
ﺍﺗﻠﻤﺲ ﺷﻔﺎﻳﻔﻲ ﻭﺍﻳﺪﻱ ﺗﺮﺗﻌﺶ ﻭﺗﻨﺰﻝ ﺩﻣﻌﻪ ﻭﺗﺤﺮﺭ ﺍﻟﺒﻘﻴﻪ ﻣﻦ ﺍﻻﺳﺮ ﻭﺟﻬﻲ ﻛﻠﻪ ﻣﻦ ﺍﺑﺠﻲ ﻳﺼﻴﺮ ﻟﻮﻧﻪ ﺍﺣﻤﺮ ﻭﻛﻠﺒﻲ ﻳﻌﺘﺼﺮ ..
ﺍﻧﺘﺒﻬﺖ ﻟﻨﻔﺴﻲ ﺍﻭﻭﻭﻩ ﻧﺴﻴﺖ ﻣﺮﻳﻢ ﻉ ﻭﺻﻮﻝ ﺧﻠﻲ ﺍﻣﺸﻂ ﺷﻌﺮﻱ ﻭﺍﻧﺘﻈﺮﻫﺎ
ﺑﻌﺪﻳﻦ ﻛﻠﺖ ﺧﻠﻲ ﺷﻌﺮﻱ ﻫﻴﺞ ﺍﻱ ﺍﺧﻠﻲ ﺑﺪﻭﻥ ﺭﺑﻂ ﻭﻓﻜﺮﺕ ﺍﻛﻮﻥ ﻫﻴﺞ ﺍﻗﻠﻬﺎ ﺣﺮﺭﺕ ﺟﺰﺀ ﻣﻨﻲ ﺧﻠﻲ ﻃﻠﻴﻖ ﺑﺪﻭﻥ ﻗﻴﻮﺩ ﻭﻫﻢ ﺍﻟﺼﺪﺍﻉ ﻣﻮﺗﻨﻲ ﺍﺫﺍ ﻳﺒﻘﻪ ﺷﻌﺮﻱ ﻣﻔﺘﻮﺡ ﺍﺭﺗﺎﺡ ﻣﻦ ﺛﻜﻞ ﻫﺎﻱ ﺍﻟﻜﻌﻜﻪ ﺍﻟﻲ ﺩﺍﺋﻤﺎً ﺗﺮﺗﻔﻊ ﻉ ﺭﺍﺳﻲ ...
ﻭﺻﻠﺖ ﻣﺮﻳﻢ ﻭﺩﺧﻠﺘﻬﺎ ﺍﻣﻲ ...
ﺍﻡ ﻛﺮﻳﻢ : ﺍﺗﻔﻀﻠﻲ ﺳﺖ ﻫﻼ ﺑﻴﺞ
ﻣﺮﻳﻢ : ﺯﺍﺩ ﻓﻀﻠﺞ ﻋﻴﻨﻲ ﺍﻧﻴﻦ ﺷﻠﻮﻥ ﺻﺎﺭﺕ
ﺍﻡ ﻛﺮﻳﻢ : ﻫﺎﺍﺍ ﺍﻧﻴﻦ ﺷﺒﻴﻬﺎ ?..
ﻣﺮﻳﻢ : ﻳﻌﻨﻲ ﺍﻧﻴﻦ ﺻﺎﺭﺕ ﺯﻳﻨﻪ !..
ﺍﻧﻴﻦ : ﻫﻼ ﺳﺖ ﻟﻴﺶ ﺗﻌﺒﺘﻲ ﻧﻔﺴﺞ ﻣﺎﺑﻴﻪ ﺷﻲ ﻫﻲ ﻧﺰﻟﺖ ﺑﺮﺩ ﺑﺲ ..
ﻣﺮﻳﻢ : ﺣﺒﻲ ﻣﺎﺑﻴﺞ ﻏﻴﺮ ﺍﻟﻌﺎﻓﻴﻪ ﻻ ﻣﻮ ﻫﻴﺞ ﺗﺮﺍ ﻫﺬﺍ ﺍﻫﻤﺎﻝ ﺣﺒﻲ ﺭﻭﺣﻲ ﻟﺪﻛﺘﻮﺭ ﻭﺟﻬﺞ ﺻﺎﻳﺮ ﺍﺻﻔﺮ ...
ﺍﻡ ﻛﺮﻳﻢ : ﻭﻟﺞ ﻭﻧﻴﻦ ﻣﺮﻳﻀﻪ ﻭﺭﺍﻳﺤﻪ ﺗﺮﺍﺏ ﻭﻣﺘﺤﺠﻴﻦ ﺷﻤﺘﺎﻧﻴﻪ " ﺗﺠﻲ ﺍﻟﻮﺍﺩﻡ ﻣﻦ ﺑﺮﺍ ﺗﻌﺮﻑ ﺑﻴﺞ ﻣﺮﻳﻀﻪ ﻭﺍﻧﻲ ﻻ ..
ﺍﻧﻴﻦ : ﻳﻮﻡ ﺍﻧﺘﻲ ﻋﻨﺪﺝ ﺷﻐﻞ ﻣﺮﺩﺕ ﺍﺷﻐﻠﺞ ﺑﻴﻪ ﻳﻠﻪ ﻣﺼﺎﺭ ﺷﻲ ..
ﺍﻣﻲ ﻣﻦ ﺍﻟﻮﺍﺿﺢ ﻋﻠﻴﻬﺎ ﺣﺴﺖ ﺑـ ﺍﻫﻤﺎﻟﻬﺎ ﺍﻟﻴﻪ ﺑﺲ ﻣﺎﻛﺪﺭﺕ ﺗﺤﺠﻲ ﻳﻢ ﺳﺖ ﻣﺮﻳﻢ ﻭﻫﻢ ﺧﺠﻠﺖ ﻣﻨﻬﺎ ...
ﻇﻠﻴﻨﺎ ﺍﻧﻲ ﻭﻣﺮﻳﻢ ﻧﺴﻮﻟﻒ ﺑﻮﺍﺿﻴﻊ ﻋﺎﻣﻪ ﻭﻋﺎﺩﻳﻪ ﺑﺲ ﺍﻧﻲ ﻋﻨﺪﻱ ﻓﻀﻮﻝ ﺍﺳٲﻟﻬﺎ ﻋﻦ ﻟﻮﺍﺀ "
ـ ﺍﻣﻤﻤﻢ ﺑﺲ ﺍﺭﻳﺪ ﺍﺳٲﻟﺞ ﻋﻦ ﺣﻤﺎﺝ ﺑﺲ ﻣﺎﺍﻋﺮﻑ ﺷﻠﻮﻥ ﺍﺑﺪﻱ ﻭﻳﺎﺝ ﻭﺑﺼﺮﺍﺣﻪ ﺍﻧﻲ ﻣﺎﺍﺣﺐ ﺍﺗﻌﺎﻣﻞ ﻭﻳﺎﻩ ..
ـ ﻟﻴﺶ ﻟﻮﺍﺀ ﻣﺘﻔﺎﻫﻢ ﻭﻳﺤﺘﺮﻡ ﺍﻟﻲ ﻳﺸﺘﻐﻞ ﻭﻳﺎﻩ ﺑﺲ ﻫﻮ ﺍﺷﻮﻳﻪ ﻋﺼﺒﻲ ..
ـ ﺯﻳﻦ ﺷﻨﻮ ﻣﺸﻜﻠﺘﻪ ﻭﻳﻪ ﺯﻭﺟﺘﻪ ?..
ـ ﺍﻭﻭﻩ ﻣﺸﺎﻛﻠﻪ ﻭﻳﺎﻫﺎ ﻣﺘﺨﻠﺺ ﺍﺗﻌﺮﻓﻴﻦ ﺻﺎﺭ 15 ﺳﻨﻪ ﻣﺘﺰﻭﺟﻴﻦ ﻭﺍﺑﺪ ﻣﻤﺘﻔﺎﻫﻤﻴﻦ ﻫﻮ ﻳﻌﺎﻧﺪ ﻣﻦ ﺟﺎﻥ ﺑﺎﻻﻋﺪﺍﺩﻳﻪ ﺣﺒﻬﺎ ﻭﻋﺎﻧﺪ ﺍﻫﻠﻪ ﻭﺍﺗﺰﻭﺟﻬﺎ ﻭﻛﻤﻠﻮ ﺩﺭﺍﺳﺘﻬﻢ ﺳﻮﻩ ﻭﻣﻦ ﺍﺗﺰﻭﺟﻮﺍ ﻟﻠﻴﻮﻡ ﺑﺲ ﻣﺸﺎﻛﻞ ﻟﻴﺶ ﻣﺤﺪ ﻳﻌﺮﻑ ﻭﺍﻧﻮﺏ ﺻﺎﺭ ﻋﺪﻫﻢ ﺍﻃﻔﺎﻝ ﺻﻮﻓﻴﺎ ﻭﻣﺆﻣﻦ " ﻭﺍﻃﻔﺎﻟﻬﻢ ﺍﺫﻛﻴﺎﺀ ﻭﻳﺤﺴﻮﻥ "
ـ ﺧﻄﻴﻪ ﻟﻴﺶ ﻫﻴﺞ ?..
ـ ﻭﺍﻟﻠﻪ ﺍﻧﻲ ﻣﺎﺍﺩﺧﻞ ﺑﻴﻬﻢ ﻭﻫﺴﻪ ﻫﻮ ﻃﻠﻜﻬﺎ ﺍﻟﺒﺎﺭﺣﻪ ﺑﺲ ﻣﻜﺎﻝ ﺑﺲ ﺍﻟﻨﺎ ﻭﺑﻨﺘﻪ ﻭﺍﺑﻨﻪ ﻣﻴﻌﺮﻓﻮﻥ ... ﻭﻫﻢ ﺻﻮﻓﻴﺎ ﺍﻟﺒﺎﺭﺣﻪ ﻣﻦ ﻣﺎ ﺍﺟﻴﺘﻲ ﺯﻋﻠﺖ ﻭﺳﺎﻟﺖ ﻋﻠﻴﺞ ﻭﻋﻘﺪﺕ ﺍﻻﻣﻮﺭ ـ ﻟﻴﺶ ﻫﻲ ﺑﻴﻬﺎ ﺷﻲ ﻟﻴﺶ ﻫﻴﺞ ﺍﺗﻌﻠﻘﺖ ﺑﻴﻪ ..
ـ ﻭﺍﻟﻠﻪ ﻫﻮ ﻛﻠﻨﺎ ﺍﻧﺮﻳﺪ ﻧﻌﺮﻑ ﻟﻴﺶ ﺍﺗﻌﻠﻘﺖ ﺑﻴﺞ ﻭﺑﺎﻟﻨﺴﺒﻪ ﺍﻟﺒﻴﻬﺎ ﺷﻲ ﺍﻱ ﺑﻴﻬﺎ ﻫﻲ ﺗﻌﺒﺎﻧﻪ ﻧﻔﺴﻴﺎً ﻣﻦ ﻣﺸﺎﻛﻞ ﺍﻫﻠﻬﺎ ﻭﻫﻢ ﺍﻟﺤﺎﺩﺙ ﺍﻟﺼﺎﺭ ﻭﻳﺎﻫﺎ ﻭﻛﻞ ﻫﺎﻱ ﺍﻟﺘﺮﺍﻛﻤﺎﺕ ﺯﺍﺩﺕ ﺣﺎﻟﺘﻬﺎ ﺳﻮﺀ ..
ـ ﺍﻧﻲ ﺍﺳﻔﻪ ﺑﺲ ﺍﻧﺘﻲ ﻣﺘﻌﺮﻓﻴﻦ ﺍﻟﺒﺎﺭﺣﻪ ﺷﺼﺎﺭ ﻭﻳﺎﻱ ﻭﻣﻜﺪﺭﺕ ﺣﺘﻪ ﺍﺗﺬﻛﺮ ﺷﻲ ﻭﻻ ﺣﺘﻪ ﺍﺗﺬﻛﺮ ﺍﻧﻲ ﻻﺯﻡ ﺍﺧﺎﺑﺮ ﻭﺍﻋﺘﺬﺭ ﻓﻌﻼ ﺍﺳﻔﻪ ..
ـ ﻻ ﺣﺒﻲ ﻣﻮ ﺩﺍ ﺍﺷﻮﻑ ﺣﺎﻟﺘﺞ ﺍﻫﻢ ﺷﻲ ﺗﻜﻮﻧﻴﻦ ﺑﺨﻴﺮ ﻭﺍﻥ ﺷﺎﺀ ﺍﻟﻠﻪ ﺑﺎﺟﺮ ﺗﻜﺪﺭﻳﻦ ﺍﺗﻌﻮﺿﻴﻦ ﺍﻟﺪﺭﺱ ﺍﻟﻔﺎﺕ ..
ـ ﺍﻥ ﺷﺎﺀ ﺍﻟﻠﻪ ..
ﺭﺍﺣﺖ ﻣﺮﻳﻢ ﻭﺍﺟﺘﻨﻲ ﺍﻣﻲ .....
ـ ﻟﻴﺶ ﻭﻟﺞ ﺟﺎﻥ ﻛﻠﺘﻲ ...
ـ ﻳﻮﻡ " ﺍﻧﻲ ﻣﻦ ﺍﻟﺒﺎﺭﺣﻪ ﺑﻠﻜﻮﻩ ﺍﺣﺠﻲ ﻭﺍﻛﺢ ﻭﺍﻧﺘﻲ ﻣﻠﺘﻬﻴﻪ ﺑﺎﻟﻤﺸﺎﻛﻞ ﻭﻻ ﺍﻧﺘﺒﻬﺘﻲ ﻭﻻ ﺳٲﻟﺘﻴﻨﻲ ....
ـ ﻟﻴﺶ ﻫﻲ ﺍﻟﻤﺸﺎﻛﻞ ﻏﻴﺮ ﺑﺴﺒﺒﺞ ..
ـ ﻋﺰﺍﺍﺍ ﺍﻧﻮﺏ ﻫﺎﻱ ﻫﻢ ﺑﺴﺒﺒﻲ ?
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء