رواية امي تبحث عن عريس الجزء الثامن

..

رواية امي تبحث عن عريس الجزء الثامن

للكاتبة أزهار ذابله

...

ﺷﻮﻓﻲ ﺍﺫﺍ ﻣﺘﻌﺮﻓﻴﻦ ﻫﺴﻪ ﺍﻛﻠﺞ ﺍﻱ ﺍﻧﺘﻲ ﺍﺳﺎﺱ ﺍﻟﻤﺸﺎﻛﻞ ﻳﺮﺩﻭﻧﺞ ﻟـ ﺍﺑﻨﻬﻢ ﻭﺍﻧﻲ ﻣﺎﺍﺭﻳﺪﻫﻢ ﻭﻻ ﺍﺭﻳﺪ ﻋﻼﻗﺘﻬﻢ ...

ﺗﻌﺮﻓﻴﻦ ﻫﺬﺍ ﻋﻤﺞ ﺳﻌﺪ ﺷﺴﻮﻩ ﺑﻴﻪ ﻭﻳﻦ ﻣﺎﺍﺧﺬﻛﻢ ﻭﺍﺣﻂ ﺑﺪﻳﺮﻩ ﻳﺠﻲ ﻭﺭﺍﻱ ﻭﻳﺴﻮﻳﻠﻲ ﻃﻼﺑﻪ ﻭﻣﺸﺎﻛﻞ ﻭﻳﺮﻳﺪﻛﻢ ﻭﺍﻧﻲ ﻭﻛﺮﻳﻢ ﻭﻛﻔﻨﺎﻩ ..

ـ ﻳﻮﻡ " ﻟﻴﺶ ﻳﺮﻳﺪﻧﺎ ﺑﺲ ﺍﻧﻲ ﻭﺍﺣﻤﺪ ﻭﺷﻠﻮﻥ ﻳﺎﺧﺪﻧﺎ ﻣﻮ ﻣﻦ ﺣﻘﻪ ..

ـ ﻫﺴﻪ ﻫﺎﻱ ﺍﻟﻲ ﺍﻧﺘﺒﻬﺘﻲ ﻋﻠﻴﻬﺎ ..

ـ ﻳﻤﻪ ﻣﻦ ﺯﻣﺎﻥ ﻣﻨﺘﺒﻬﻪ ﻟﻠﻔﺮﻕ ﺑﻴﻨﺎ ﻭﺑﻴﻦ ﻛﺮﻳﻢ ﻭﻫﺴﻪ ﺍﺟﻪ ﻋﻤﻲ ﻳٲﻛﺪ ....

ـ ﺷﻨﻮ ﻭﻳﻦ ﺗﺮﺩﻳﻦ ﺗﻮﺻﻠﻴﻦ ?...

ـ ﻛﺮﻳﻢ ﻫﻢ ﺍﺧﻮﻧﺎ ?...

ـ ﺍﻱ ﻳﺒﺰﺭ ﺑﻄﻨﻲ ﺍﺧﻮﺝ ﺑﺲ ﻣﻮ ﻣﻦ ﺍﺑﻮﻛﻢ ﻭﺳﺎﻟﻔﻪ ﻃﻮﻳﻠﻪ ﻭﻣﺎﺍﺭﻳﺪ ﺍﺣﺪ ﻳﻌﺮﻓﻬﺎ ﻭﻫﺬﺍ ﻋﻤﺞ ﻳﺮﻳﺪ ﻳﺮﺩ ﺍﻟﻤﺎﺿﻲ ..

ـ ﺍﻱ ﺑﺲ ﻻﺯﻡ ﺍﻋﺮﻑ ﺗﺮﺍ ﺍﻧﻲ ﻣﻮ ﻃﻔﻠﻪ ﻻﺯﻡ ﺍﻋﺮﻑ ﻛﻞ ﺷﻲ ..

ـ ﺑﻌﺪﻳﻦ ﻣﻮ ﻫﺴﻪ ..

ـ ﻻ ﻫﺴﻪ ﻻﺯﻡ ﺍﻋﺮﻑ ..

ـ ﺍﻟﺴﺎﻟﻔﻪ ﻃﻮﻳﻠﻪ ﻭﺍﻧﺘﻲ ﻣﺮﻳﻀﻪ ﻻﺯﻡ ﺍﺧﺬﺝ ﺑﺎﻟﻄﺮﻳﻖ ﺍﺣﺠﻴﻠﺞ ..

ـ ﻭﻳﻦ ﺗﺎﺧﺬﻳﻨﻲ ﻣﺎﺍﺭﻭﺡ ﻟﻤﻜﺎﻥ ..

ـ ﻳﺎﻇﻴﻢ ﻛﻠﺒﻲ ﺍﺧﺬﺝ ﻟﺪﻛﺘﻮﺭ ﻳﺎ ﻭﺟﻌﻲ ﻳﺎﻟﻤﺎﻋﺮﻓﺖ ﺷﻠﻮﻥ ﺗﺎﻟﻴﻬﺎ ﻭﻳﺎﺝ ﻭﺍﻟﻠﻪ ﺗﻌﺒﺖ ﻣﻨﻜﻢ ..

ـ ﺍﻧﻲ ﺍﺳﻔﻪ ﻣﺎﺍﺭﻳﺪﺝ ﺍﺗﺰﻋﻠﻴﻦ ﻣﻨﻲ ﺗﺪﺭﻳﻦ ﻣﻦ ﺯﻋﻠﺘﻲ ﻣﻨﻲ ﺷﺼﺎﺭ ﺑﻴﻪ ﻳﻤﻪ ﻓﺪﻭﻭﻭﻩ ﻻ ﺗﻀﻤﻴﻦ ﻋﻠﻴﻪ ﺷﻲ ﻟﻴﺶ ﻣﻤﻌﺘﺒﺮﺗﻨﻲ ﺑﻨﺘﺞ ﻭﺍﺷﻴﻞ ﻫﻤﺞ ﻭﻳﻤﻜﻦ ﺍﻛﺪﺭ ﺍﺳﺎﻋﺪﺝ ..

ـ ﺍﻧﺘﻲ ﻣﻮ ﺑﺲ ﺑﻨﺘﻲ ﻭﺭﻓﻴﺠﺘﻲ ﺑﻬﺎﻱ ﺍﻟﺴﻨﻴﻦ ﻣﻦ ﺷﺒﻴﺘﻲ ﻭﻟـ ﻫﺬﺍ ﺍﻟﻴﻮﻡ ﻣﻤﻔﺎﺭﮔﺘﻨﻲ ...

ـ ﻳﻤﻪ ﺧﻠﻴﻨﻲ ﻳﻤﺞ ﻭﻻ ﺗﻌﻮﻓﻴﻨﻲ ﺍﺑﺪ ﺍﻧﻲ ﺍﻧﺤﺮﻣﺖ ﻣﻦ ﺣﻨﺎﻥ ﺍﻻﺏ ﻭﺍﻧﺘﻲ ﻋﻮﺿﺘﻴﻨﻲ ﻋﻦ ﺍﻟﻜﻞ ﻭﻋﻤﺮﻱ ﻣﺎﺣﺴﻴﺖ ﺑﺮﻭﺣﻲ ﺿﺎﻳﻌﻪ ﺑﺲ ﻣﻦ ﻋﻔﺘﻴﻨﻲ ﻭﻣﺎﺍﺭﻳﺪ ﺍﻋﻮﻓﺞ ﻳﻤﻪ ﻻ ﺗﻌﻮﻓﻴﻨﻲ ﺍﺑﺪ ..

ﻇﻠﻴﺖ ﺣﺎﺿﻨﻪ ﺍﻣﻲ ﻭﺍﺑﺠﻲ ﻭﺍﺣﺲ ﻣﻦ ﺍﻟﺒﺠﻲ ﺭﺍﺳﻲ ﺛﻜﻞ ﺍﻛﺜﺮ ..

ﺑﻌﺪﻫﺎ ﺍﺧﺬﺗﻨﻲ ﺍﻣﻲ ﻭﺳﺠﻞ ﺍﻟﺪﻛﺘﻮﺭ ﺍﺑﺮ ﻭﻋﻼﺝ ...

ﺭﺟﻌﻨﺎ ﻭﺍﻣﻲ ﺭﻓﻀﺖ ﺗﺤﺠﻲ ﺍﻟﻘﺼﻪ ﺑﺲ ﺍﻧﻲ ﻋﺮﻓﺖ ﻛﺮﻳﻢ ﺍﺧﻮﻧﺎ ﺑﺲ ﻣﻦ ﺍﻻﻡ ﻳﻌﻨﻲ ﺍﺑﻮﻩ ﻣﻮ ﻧﻔﺴﻪ ﺍﺑﻮﻧﺎ ﻟﻌﺪ ﻟﻴﺶ ﻣﺴﺠﻞ ﺑـ ﺍﺳﻢ ﺍﺑﻮﻧﺎ ?..

ﻛﻮﻣﻪ ﺍﺳٲﻟﻪ ﻭﻣﺤﺪ ﻳﻜﺪﺭ ﻳﺠﺎﻭﺏ ﻋﻠﻴﻬﺎ ﺑﺲ ﻛﺮﻳﻢ ﻳﻌﺮﻑ ﺑﻜﻞ ﺷﻲ ﻻﻥ ﺍﻣﻲ ﻣﺘﻀﻢ ﻋﻠﻴﻪ ﻭﻫﻮ ﻫﻢ ﺍﻛﺒﺮ ﻣﻦ ﻋﺪﻧﺎ ﺑﻬﻮﺍﻳﻪ ﻳﻌﻨﻲ ﻛﺮﻳﻢ ﻫﺴﻪ ﺍﺧﺮ ﺍﻻﺭﺑﻌﻴﻦ ﻭﺍﻧﻲ ﺑﺪﺍﻳﺔ ﺍﻟﺜﻼﺛﻴﻦ ﻭﺍﺣﻤﺪ ﺍﺻﻐﺮ ﻣﻨﻲ ﺑﺴﻨﺘﻴﻦ ﻣﻦ ﺍﺑﻮﻱ ﻣﻴﺖ ﺍﻣﻲ ﺟﺎﻧﺖ ﺣﺎﻣﻞ ﺑﻲ ..

ﻣﻦ ﺍﺧﺬﺕ ﺍﻟﻌﻼﺝ ﻭﻛﻞ ﻫﺬﺍ ﺍﻟﺘﻔﻜﻴﺮ ﺗﻌﺒﺖ ﺭﺩﺕ ﺍﻧﺎﻡ ﻭﺑﺎﺟﺮ ﻫﻢ ﺩﻭﺍﻡ ﺑﻌﺪ ﻻﺯﻡ ﺍﺩﺍﻭﻡ ﻣﻴﺼﻴﺮ ﻫﻲ ﺍﻓﻼﻭﻧﺰﺍ ..

ﺻﺎﺭ ﺍﻟﺼﺒﺢ ﺍﺣﺲ ﺭﻭﺣﻲ ﺍﻓﻀﻞ ﺑﻬﻮﺍﻱ ﻭﺍﻟﺼﺪﺍﻉ ﺭﺍﺡ ﺑﺪﻟﺖ ﻭﻃﻠﻌﺖ ...

ﻭﺻﻠﺖ ﺍﻟﻤﻜﺘﺐ ﻗﺒﻠﻬﻢ ﻭﺑﺪﻳﺖ ﺍﺷﺘﻐﻞ ﻭﺧﻄﻴﻪ ﺭﺣﻤﻪ ﻣﺨﻠﻴﺘﻠﻲ ﻣﻼﺣﻈﺎﺕ ﻉ ﺍﻟﻤﻠﻔﺎﺕ ﻭﻫﻢ ﻣﺸﺘﻐﻠﻪ ﺑﻤﻜﺎﻧﻲ ﺑﺲ ﺧﻄﻴﻪ ﻣﻤﻠﺤﻜﻪ ﺗﻜﻤﻞ ...

ﺑﺪﻳﺖ ﺍﺷﺘﻐﻞ ﻭ ﻭﺻﻠﻮﺍ ﺭﺣﻤﻪ ﻭﻣﺸﺘﺎﻕ ﻭﻫﻢ ﺍﺷﻮﻳﻪ ﺍﺗﻮﻗﻔﺖ ﻭﺳﻮﺍﻟﻒ ﻭﻫﻢ ﺳﺎﻟﻮﻧﻲ ﺷﻠﻮﻥ ﺻﺮﺕ ﺍﻟﻤﻬﻢ ﻓﺘﺮﻩ ﻭﺍﺣﻨﺎ ﺍﻧﺴﻮﻟﻒ ﺩﺧﻞ ﻟﻮﺍﺀ ﺑﺪﻭﻥ ﺳﻼﻡ ..

ـ ﺳﺖ ﺍﻧﻴﻦ ﺍﻧﺘﻈﺮﺝ ﺑﺎﻟﻤﻜﺘﺐ ﻟﻮ ﺳﻤﺤﺘﻲ ﻻ ﺗﺘﺎﺧﺮﻳﻦ ..

ﻭﺧﻼﻧﻲ ﺻﺎﻓﻨﻪ ﻫﺬﺍ ﺷﺒﻲ ﻣﻦ ﻛﻞ ﻋﻘﻠﻪ

ﻭﺍﻟﻠﻪ ﺍﻧﻲ ﻭﺭﻃﺖ ﺭﻭﺣﻲ ﻭﺳﺎﻋﺔ ﺍﻟﺴﻮﺩﻩ ﺍﻟﻲ ﻗﺒﻠﺖ ﺍﺭﻭﺡ ﺑﻤﻜﺎﻥ ﺍﺑﻮ ﺻﺎﻟﺢ ...

ﺷﻨﻮ ﻫﺬﺍ ﻏﻀﺐ ﻭﻗﺰﻡ ﻭﻣﻐﺮﻭﺭ ﻭﻣﺎﺍﺩﺭﻱ ﺷﻨﻮ ﺷﺎﻳﻒ ﻧﻔﺴﻪ

...

ﻳﻠﻪ ﺭﺣﻤﻪ ﺍﻣﺮﻱ ﻟﻠﻪ ﺍﻟﻮﺍﺣﺪ ﺍﻟﻘﻬﺎﺭ ﺍﺭﻭﺡ ﺍﺷﻮﻑ ﻫﺬﺍ ﺍﻟﻐﻀﺐ ﺷﻴﺮﻳﺪ ﺑﻠﻜﻲ ﻭﺭﺍﻫﺎ ﻳﻌﺘﻘﻨﻲ ﻟﻮﺟﻪ ﺍﻟﻠﻪ ...

ـ ﺍﻱ ﺣﺒﻲ ﺭﻭﺣﻲ ﺷﻮﻓﻲ ﺷﻴﺮﻳﺪ ﻣﺎﺑﻴﻬﺎ ﺷﻲ ﺍﻧﺘﻲ ﻟﻴﺶ ﺿﺎﻳﺠﻪ ..

ـ ﻫﻮ ﺍﻧﻲ ﻣﺎﺍﻃﻴﻖ ﺍﺷﻮﻓﻪ ﺍﻛﺮﻩ ﻭﺟﻪ ﺍﻛﺮﻩ ﺻﻮﺗﻪ ﻭﻳﻨﺮﻓﺰﻧﻲ ﺑﻜﻞ ﺣﺮﻛﻪ ﺑﻜﻞ ﻛﻠﻤﻪ ﻳﻜﻮﻟﻬﺎ ﻳﺨﻠﻴﻨﻲ ﺍﻛﺮﻩ ﻧﻔﺴﻲ ﺑﺲ ﺷﺴﻮﻱ ﺍﺭﻭﺡ ﺍﺷﻮﻓﻪ ﻭﺍﺗﺤﻤﻞ ﻭﺍﺟﺒﺮ ﻧﻔﺴﻲ ﻭﺍﻟﺰﻡ ﺍﻟﺴﺎﻧﻲ ...

ﺭﺣﺖ ﻟﻤﻜﺘﺒﻪ ﻭﺍﻧﻲ ﻣﻘﺮﺭﻩ ﺍﺗﺤﻤﻠﻪ ﺷﻨﻮ ﻳﻜﻮﻝ ﻣﺎﺍﺭﺩ ﻋﻠﻴﻪ ﻭﻻ ﺍﺣﺠﻲ ﺑﺲ ﺍﺟﺎﻭﺏ ﻭﺍﺗﻤﻨۍ ﻣﻴﺤﺎﻭﻝ ﻳﻨﺮﻓﺰﻧﻲ ..

ﺷﻔﺖ ﺍﻟﺒﺎﺏ ﻣﻔﺘﻮﺡ ....

ـ ﺍﺳﺘﺎﺫ ﻣﻤﻜﻦ ﺍﺩﺧﻞ ?..

ـ ﺍﺗﻔﻀﻠﻲ ﺳﺖ ﺍﻧﻴﻦ ﺟﻨﺖ ﻣﻨﺘﻈﺮﺝ ..

ـ ﻧﻌﻢ ﺍﺳﺘﺎﺫ ﺷﻨﻮ ﺟﻨﺖ ﺍﺗﺮﻳﺪ ..

ـ ﺍﻟﺤﻤﺪ ﻟﻠﻪ ﻉ ﺳﻼﻣﺘﺞ ﺷﻠﻮﻥ ﺻﺮﺗﻲ ?..

ـ ﺍﻟﺤﻤﺪ ﻟﻠﻪ ﺍﻓﻀﻞ ..

ـ ﺷﻮﻓﻲ ﻣﺎﺍﺭﻳﺪ ﺍﺯﻋﺠﺞ ﻭﻻ ﺍﻃﻮﻝ ﻋﻠﻴﺞ ....

ﻓﺠٲﻩ ﺩﺧﻠﺖ ﻫﺎﻱ ﺍﻟﻲ ﺷﻔﺘﻬﺎ ﺍﻭﻝ ﻣﺮﻩ ﻭﻳﺎﻩ ﻭﻧﻔﺲ ﺍﻟﺸﻌﺮ ﻭﺍﻟﺒﺲ ﺍﻟﻘﺼﻴﺮ ﻭﺩﺧﻠﺖ ﺑﺘﻬﺠﻢ ﻭﻣﺨﻠﺖ ﻟﻮﺍﺀ ﻳﻜﻤﻞ ﺍﻟﺠﻤﻠﻪ ﺍﻧﻲ ﻇﻠﻴﺖ ﺻﺎﻓﻨﻪ ﺑﻮﺟﻬﺎ ...

ﺩﻳﻨﺎ : ﻫﻼ ﺍﺳﺘﺎﺫ ﻟﻮﺍﺀ ﺣﻠﻮﻭ ﻭﺍﻟﻠﻪ ﺍﻃﻠﮕﻨﻲ ﻭﺗﺨﻠﺺ ﻣﻨﻲ ﻭﺗﺮﺟﻊ ﺗﻠﮕﺎﻟﻚ ﻛﺘﻜﻮﺗﻪ ﻻ ﻭﺣﻠﻮ ﺫﻭﻗﻚ ﻭﺷﻠﻮﻥ ﺑﺮﻳﺌﻪ ﺍﻱ ﺗﮕﺪﺭ ﺍﺗﻐﺸﻬﺎ ﺑﺎﻟﻔﻠﻮﺱ ﻭﺗــ ......

ﻟﻮﺍﺀ : ﺍﺷﺸﺸﺶ ﺍﺳﻜﺘﻲ ﻭﻻ ﺗﻔﺘﺤﻴﻦ ﺣﻠﮕﺞ ﺑﺤﺮﻑ ﻭﻫﻢ ﺍﻟﺞ ﻋﻴﻦ ﻭﺗﺤﺠﻴﻦ ﻭﺍﻟﻒ ﻣﺮﻩ ﮔﺘﻠﺞ ﻫﺬﺍ ﻣﻜﺎﻥ ﻋﻤﻞ ﻭﻣﻮﻇﻔﻴﻦ ﻭﻣﻈﻔﺎﺕ ﻛﻞ ﻣﺎﺗﺠﻴﻦ ﺍﺗﺤﺮﺟﻴﻨﻲ ﮔﺪﺍﻡ ﺍﻟﻨﺎﺱ ﻳﻼ ﺑﺮﺍ ﻭﺑﺴﺮﻋﻪ ﻳﻼ ...

ﺩﻳﻨﺎ : ﻭﺍﻧﻲ ﻣﺠﺎﻳﻪ ﻣﻴﺘﻪ ﻋﻠﻴﻚ ﺑﺲ ﺍﮔﻠﻚ ﺻﻮﻓﻴﺎ ﻭﻣﺆﻣﻦ ﺍﺧﺬﻫﻢ ﻭﻏﺼﺐ ﻋﻠﻴﻚ ..

ﻃﻠﻌﺖ ﻭﻫﺎﻱ ﺟﺎﻧﺖ ﺍﺧﺮ ﺷﻲ ﮔﺎﻟﺘﻪ ﻭﻫﺬﺍ ﺍﻟﻤﻐﺮﻭﺭ ﺿﺮﺏ ﺭﺍﺳﻪ ﺑﻜﻞ ﻗﻮﺓ ﺑـ ﺛﻨﻴﻦ ﺍﺩﻳﻪ ﻭﻛﻌﺪ ﻭﺩﺍﺭ ﺍﻟﻜﺮﺳﻲ ﻭﺍﻧﻄﺎﻧﻲ ﻇﻬﺮﻩ ﺭﺩﺕ ﺍﻃﻠﻊ ﻻﻥ ﻣﻮﻗﻒ ﻣﺤﺮﺝ ﻭﻣﺎ ﺣﺒﻴﺖ ﻫﺎﻱ ﺯﻭﺟﺘﻪ ﻣﺎﺍﻋﺮﻑ ﺷﻠﻮﻥ ﺟﺎﻥ ﻣﺘﺤﻤﻠﻬﺎ ﻣﻜﺮﻭﻫﻪ ... ﺑﺲ ﺍﺗﺤﺮﻛﺖ ﻭﻛﻔﺖ ﺳﻤﻌﺖ ﺻﻮﺗﻪ ..

ـ ﺍﻭﻛﻔﻲ ﺑﻌﺪﻧﻲ ﻣﻤﺨﻠﺺ ﻛﻼﻣﻲ ﺍﺗﻔﻀﻠﻲ .

ـ ﺍﺳﻔﻪ ﺑﺲ ﺑﻐﻴﺮ ﻭﻗﺖ ﺍﻳﻜﻮﻥ ﻣﻨﺎﺳﺐ ..

ـ ﺗﺮﺍ ﻣﺼﺎﺭ ﺷﻲ ﻫﺎﻱ ﻣﺸﺎﻛﻞ ﺍﻟﻜﻞ ﻳﻤﻜﻦ ﻳﺘﻌﺮﺿﻠﻬﺎ .. ﺧﻠﻴﻨﺎ ﺑﺎﻟﻤﻬﻢ ﻫﻬﻬﻬﻪ ﻭﻳﻦ ﻭﺻﻠﻨﺎ ..

ـ ﺍﻣﻤﻤﻢ ﺍﻧﻲ ﻧﺴﻴﺖ ﺷﻨﻮ ﺟﻨﺖ ﺍﺗﻜﻮﻝ .

ـ ﻭﺍﻟﻠﻪ ﺣﻘﺞ ﻛﻞ ﻫﺬﺍ ﺍﻟﻬﺪﻭﺀ ﻭﺍﻟﺮﻗﻲ ﻣﻦ ﺗﺴﻤﻌﻴﻦ ﻣﺜﻞ ﺻﻮﺗﻬﺎ ﺗﻔﻘﺪﻳﻦ ﺍﻟﺬﺍﻛﺮﻩ ..

ـ ﻧﻌﻢ ﺍﺳﺘﺎﺫ ﺍﻧﻲ ﺍﺭﻭﺡ ﺍﺣﺴﻦ ..

ـ ﺍﻭﻛﻔﻲ ﺑﺲ ﺍﺭﻳﺪ ﺍﻛﻤﻞ ﺍﻧﻲ ﺍﺗﺬﻛﺮ ﻻﻥ ﻣﺘﻌﻠﻢ ﻉ ﻫﺬﺍ ﺍﻟﺮﻋﺐ .... ﺟﻨﺖ ﺍﻛﻠﺞ ﻣﺎﺍﺭﻳﺪ ﺍﺯﻋﺠﺞ ﻭﻻ ﺍﻃﻮﻝ ﻋﻠﻴﺞ ﻭﺍﺭﻳﺪﺝ ﺗﺴﺎﻋﺪﻳﻨﻲ .

ـ ﺷﻠﻮﻥ ﺍﻛﺪﺭ ﺍﺳﺎﻋﺪﻙ ?...

ـ ﺑﻨﺘﻲ ﺑﺲ ﻳﻮﻡ ﺷﺎﻓﺘﺞ ﻭﻣﺘﻌﻠﻘﻪ ﺑﻴﺞ ﻭﺍﺭﻳﺪﺝ ﺍﺗﺴﺎﻋﺪﻳﻨﻬﺎ ﻣﻮ ﺑﺲ ﺑﺎﻟﺪﺭﺱ ﻻ ﺍﺭﻳﺪﺝ ﺗﺤﺠﻴﻦ ﻭﻳﺎﻫﺎ ﻭﺗﻌﺮﻓﻴﻦ ﺷﻨﻮ ﺍﻟﻤﺰﻋﻠﻬﺎ .

ـ ﻭﺑﻌﺪﻳﻦ ﺍﺟﻲ ﻭﺍﮔﻠﻚ ﻣﻮ ...

ـ ﻧﻌﻢ ﺍﺫﺍ ﺗﮕﺪﺭﻳﻦ ﻻﻥ ﺑﻨﺘﻲ ﻧﻔﺴﻴﺘﻬﺎ ﻣﺪﻣﺮﻩ ﻭﻫﻲ ﻣﺘﻘﺒﻞ ﺗﺤﺠﻲ ﻭﻳﺎﻱ ﻭﺑﺎﻋﺪﺗﻨﻲ ﻋﻨﻬﺎ ﻭﺍﻧﻲ ﺍﺧﺎﻑ ﺍﺧﺴﺮﻫﺎ ﻣﺎﺍﺭﻳﺪ ﺍﺧﺴﺮﻫﻢ ﻭﺍﻧﻲ ﻣﺎﺍﻛﺪﺭ ﺍﺣﺎﻓﻆ ﻋﻠﻴﻬﻢ ﺑﻌﺼﺒﻴﺘﻲ ﻭﺑﺘﺼﺮﻓﺎﺗﻲ ﺑﺲ ﺍﻧﺘﻲ ﻋﺮﻓﺘﻲ ﺗﺘﻌﺎﻣﻠﻴﻦ ﻭﻳﺎﻫﺎ ﺍﺭﺟﻮﺝ ﺣﺎﻭﻟﻲ ﺍﺗﺴﺎﻋﺪﻳﻨﻲ ﻭﺍﻧﻲ ﺍﺳﻒ ﻋﻦ ﻛﻞ ﺗﺼﺮﻑ ﺻﺪﺭ ﻣﻨﻲ ﺳﺎﺑﻘﺎً ﻭﺑﻌﺪ ﻣﻴﻨﻌﺎﺩ ﻭﻻ ﺍﺯﻋﺠﺞ ﻭﻻ ﺍﺗﻌﺮﺿﻠﺞ ﻭﺍﺫﺍ ﺗﺮﺩﻳﻦ ﺍﻋﺘﺬﺭ ﻣﻦ ﺣﺒﻴﺒﺞ ﻫﻢ ﺍﻋﺘﺬﺭ ﻣﻨﻪ .

ـ ﺍﻭﻻً ﺍﻧﺖ ﺗﻌﺮﻑ ﺍﻧﻲ ﻣﻤﺘﺰﻭﺟﻪ ﻭﻫﺬﺍ ﻣﻮ ﺣﺒﻴﺒﻲ ﺍﻟﻮﻟﺪ ﺭﺍﺩ ﻳﺨﻄﺒﻨﻲ ﻭﺍﻫﻠﻲ ﺭﻓﻀﻮﻩ ﻭﻣﺎﻛﻮ ﺩﺍﻋﻲ ﺗﻌﺘﺬﺭ ﻣﻨﻪ ﻭﺑﺎﻟﻨﺴﺒﻪ ﻟﻤﻮﺿﻮﻉ ﺑﻨﺘﻚ ﺍﻧﻲ ﻣﻦ ﻭﺍﺟﺒﻲ ﺍﺳﺎﻋﺪﻫﺎ ﻣﻮ ﺑﺲ ﺑﺎﻟﺪﺭﺍﺳﻪ ﻻ ﺣﺘﻪ ﺑﺤﺎﻟﺘﻬﺎ ﺑﺲ ﻣﺎﺍﺭﻳﺪ ﺍﻛﻠﻚ ﺍﻱ ﺷﻲ ﻋﻨﻬﺎ ﻻﻥ ﻫﻲ ﺍﺫﺍ ﺗﺤﺠﻲ ﻭﻳﺎﻱ ﺗﻜﻮﻥ ﻭﺍﺛﻘﻪ ﺑﻴﻪ ﻭﻣﺮﺗﺎﺣﺘﻠﻲ ﺷﻠﻮﻥ ﺍﺧﻮﻧﻬﺎ .

ـ ﺳﺖ ﻟﻮ ﺳﻤﺤﺘﻲ ﻋﻮﻓﻲ ﻫﺎﻱ ﺍﻟﻤﺜﺎﻟﻴﻪ ﻛﺘﻠﺞ ﺍﻧﻲ ﻣﺤﺘﺎﺝ ﺍﻋﺮﻑ ﻋﻨﻬﺎ ﺍﺭﻳﺪ ﺍﻋﺮﻑ ﻟﻴﺶ ﺣﺰﻳﻨﻪ ﻟﻴﺶ ﺗﺮﻓﺾ ﺍﺗﻜﻤﻞ ﻋﻼﺟﻬﺎ ﻟﻴﺶ ﺍﺗﺼﺪﻧﻲ ﻭﻣﺘﺨﻠﻴﻨﻲ ﺍﺗﻘﺮﺏ ﻣﻨﻬﺎ ..

ـ ﺍﻓﻜﺮ ﻭﺍﻧﻲ ﺗٲﺧﺮﺕ ﻻﺯﻡ ﺍﺭﺟﻊ ﻟﻤﻜﺘﺒﻲ ﺍﺧﻠﺺ ﺷﻐﻠﻲ ...

ﻃﻠﻌﺖ ﻣﻦ ﻳﻢ ﻫﺬﺍ ﻭﺍﻧﻲ ﻣﻐﻴﺮﻩ ﺍﻏﻠﺐ ﺗﻔﻜﻴﺮﻱ ﻋﻠﻴﻪ ﻭﺣﺘﻪ ﺷﻜﻠﻪ ﻣﺠﻨﺖ ﺍﻋﺮﻓﻪ ﺑﺲ ﻣﻦ ﺍﻟﻴﻮﻡ ﻳﺤﺠﻲ ﺷﻔﺖ ﺷﻜﺪ ﺷﻜﻠﻪ ﻋﺎﺩﻱ ﻣﻮ ﻣﺜﻞ ﻗﺒﻞ ﺍﺷﻮﻓﻪ ﺑﺸﻊ ﻭﻣﻮ ﻗﺰﻡ ﺑﺲ ﺍﻧﻲ ﺍﺗﻌﻤﺪ ﺍﺳﻤﻲ ﻫﻴﺞ ﻭﺷﻜﺪ ﻋﻨﺪﻩ ﺣﻨﻴﻪ ﻉ ﺑﻨﺘﻪ ﻭﺍﺑﻨﻪ ﻳﻌﻨﻲ ﻓﻌﻼ ﺍﺏ ﺣﻨﻮﻥ ﺑﺲ ﺍﻟﻈﺎﻫﺮ ﺍﺳﻠﻮﺑﻪ ﻭﻳﻪ ﺑﻨﺘﻪ ﺻﻌﺐ ..

ﺭﺟﻌﺖ ﻭﺍﻛﻤﻞ ﺑﺎﻟﺸﻐﻞ ﺍﺷﻮﻑ ﺭﺣﻤﻪ ﻭﻣﺸﺘﺎﻕ ﻳﻀﺤﻜﻮﻥ ﻭﻳﺤﺠﻮﻥ ﺑﺼﻮﺕ ﻧﺎﺻﻲ ﻋﺮﻓﺘﻬﻢ ﻳﺮﺩﻭﻥ ﻳﺴﻮﻧﻲ ﺑﻄﻠﺔ ﻗﺼﺘﻬﻢ ﺍﻟﺠﺪﻳﺪﻩ ﻭﻳﺼﻨﻔﻮﻥ ﻭﻳﻀﺤﻜﻮﻥ ..

ـ ﺍﻧﻴﻦ : ﺷﺒﻴﻜﻢ ﺗﺘﻤﻀﺤﻜﻮﻥ ?...

ـ ﺭﺣﻤﻪ : ﺍﻟﻴﻮﻡ ﻣﺎﻛﻮ ﺳﺐ ﻭﻻ ﻏﻠﻄﺎﺕ ﻣﺘﺘﻄﺎﻳﺮﻩ ﺷﻨﻮ ﺍﻟﻘﺰﻡ ﻭﺍﻟﻤﻐﺮﻭﺭ ﻻﺯﻡ ﻣﻤﺰﻋﻠﺞ .

ﻣﺸﺘﺎﻕ : ﺍﺷﺸﺶ ﻋﻮﻓﻴﻬﺎ ﺷﺘﺮﺩﻳﻦ ﻣﻨﻬﺎ ﻳﺠﻮﺯ ﺻﺎﺭ ﻛﻴﻮﺕ ..

ﺍﻧﻴﻦ : ﺧﻠﺼﺘﻮﺍ ﻟﻮ ﺑﻌﺪ ﻋﺪﻛﻢ ﺳﺎﻟﻔﻪ ﻧﺎﺳﻴﻨﻬﺎ ..

ـ ﺭﺣﻤﻪ : ﻫﻬﻬﻬﻬﻪ ﺧﻠﺺ ﺑﻌﺪ ﻣﻨﺤﺠﻲ .

ﺧﻠﺺ ﺍﻟﻴﻮﻡ ﻭﺍﻟﺪﻭﺍﻡ ﻫﻢ ﺧﻠﺺ ﺑﺼﻌﻮﺑﻪ ﻭﺍﻧﻲ ﻭﺭﺍﻱ ﺷﻐﻞ ﺍﺿﺎﻓﻲ ﻣﺎﺍﻋﺮﻑ ﺍﺣﺲ ﻧﻔﺴﻲ ﻭﺭﻃﺖ ﻧﻔﺴﻲ ﻟﻮ ﻣﺸﺎﻳﻔﻪ ﺻﻮﻓﻴﺎ ﺟﺎﻥ ﻭﻻ ﺍﺗﻮﺭﻁ ﻫﻴﺞ ﻭﺭﻃﻪ ﺑﺲ ﺍﻟﺒﻨﻴﻪ ﻣﺴﻜﻴﻨﻪ ﻭﺍﺣﺲ ﻧﻔﺴﻲ ﺍﻛﺪﺭ ﺍﺳﺎﻋﺪﻫﺎ

ﺭﺟﻌﺖ ﻟﻠﺒﻴﺖ ﻭﻣﺜﻞ ﻛﻞ ﻳﻮﻡ ﻣﺎﻛﻮ ﺷﻲ ﺟﺪﻳﺪ ﺑﺤﻴﺎﺗﻲ ﻧﻔﺲ ﺍﻟﺮﻭﺗﻴﻦ ﺍﻟﻤُﻤﻞ ...

ﺻﺎﺭ ﻣﻮﻋﺪ ﺍﻟﻤﺤﺎﺿﺮﻩ ﻣﺎﻝ ﺻﻮﻓﻴﺎ ﻭﺍﻧﻲ ﻣﺤﻀﺮﻩ ﻧﻔﺴﻲ ﻭﺍﻧﺘﻈﺮﻫﻢ ﺩﻙ ﺭﻗﻢ ﻟﻮﺍﺀ ﻛﺎﻝ ﺍﻟﺴﻴﺎﺭﻩ ﺗﻨﺘﻈﺮﺝ ﺑﺎﻟﺒﺎﺏ .

ﻃﻠﻌﺖ ﻭﺍﺷﻮﻑ ﻫﺎﻱ ﺳﻴﺎﺭﺗﻪ ﻭﻫﻮ ﺩﺍ ﻳﺴﻮﻕ ﺷﻠﻮﻥ ﺑﻠﻮﻩ ﻫﺴﻪ ﺷﻨﻮ ﺍﺳﻮﻱ ﺍﺭﻭﺡ ﻣﺸﻲ ﺍﻱ ﻣﺴﺘﺤﻴﻞ ﺍﺻﻌﺪ ﻭﻳﺎﻩ

....

....

ﺭﺩﺕ ﺍﻓﻮﺕ ﻣﻦ ﻛﺪﺍﻡ ﺍﻟﺴﻴﺎﺭﻩ ﻭﺍﻣﺸﻲ ﺑﺲ ﻫﺬﺍ ﻧﺰﻝ ﻭﺍﻋﺘﺮﺽ ﻃﺮﻳﻘﻲ ﻭﻓﺘﺢ ﺍﻟﺒﺎﺏ ﻭﻳﺄﺷﺮ ﺑﻌﻴﻮﻧﻪ ﻳﻌﻨﻲ ﺍﺻﻌﺪﻱ ﻭﺟﺎﻥ ﻣﺘﻌﺼﺐ ﺍﻧﻲ ﺧﻔﺖ ﺍﻋﺎﻧﺪ ﻭﻳﺼﻴﺢ ﻟﻮ ﻳﺘﺼﺮﻑ ﺗﺼﺮﻑ ﻣﺠﻨﻮﻥ ﺍﻧﻲ ﺍﻋﺮﻓﻪ ﻫﺬﺍ ﻣﻴﺨﺎﻑ ﻭﺍﻧﻲ ﻣﻌﺎﻳﺰﻩ ﻣﺸﺎﻛﻞ .. ﺻﻌﺪﺕ ﺑﺴﺮﻋﻪ ﻫﻮ ﺭﺟﻊ ﺻﻌﺪ ﻭﺣﺮﻙ ﺍﻟﺴﻴﺎﺭﻩ ..

ـ ﺷﻮﻓﻲ ﺍﻧﻴﻦ ﻻ ﺗﺘﻌﺎﻣﻠﻴﻦ ﻭﻳﺎﻱ ﻫﻴﺞ ﺗﺮﺍ ﻣﺎﺍﺗﺤﻤﻞ ﻫﺎﻱ ﺍﻟﺘﺼﺮﻓﺎﺕ ﺍﻟﺼﺒﻴﺎﻧﻴﻪ ....

ـ ﺷﻨﻮ ﺩﺍ ﺗﺤﺠﻲ ﺻﺪﻙ ﻣﻦ ﻛﻞ ﻋﻘﻠﻚ ﻫﻪ ﺻﺒﻴﺎﻧﻴﻪ ﻭﺍﻟﻠﻪ ﺍﻧﺖ .... ﺧﻠﺺ ﻣﺎﺍﺭﻳﺪ ﺍﺣﺠﻲ .

ـ ﻻ ﺍﺣﺠﻲ ﺍﻧﻲ ﺷﻨﻮ ﻳﻠﻪ ﺍﻧﻲ ﺷﻨﻮﻭﻭﻭﻭ .

ـ ﻧﺰﻟﻨﻲ ﻧﺰﻟﻨﻲ ﺑﺴﺮﻋﻪ ﻭﻳﻦ ﻣﺎﺧﺬﻧﻲ ﺍﻧﺖ ﻫﺬﺍ ﻣﻮ ﻃﺮﻳﻖ ﺍﻟﺒﻴﺖ ﻭﻟﻴﺶ ﺍﺗﺼﻴﺢ ﻋﻠﻴﻪ ﻧﺰﻟﻨﻲ ﺑﺴﺮﻋﻪ ﺍﻧﻲ ﻣﺎﺍﺷﺘﻐﻞ ﻋﻨﺪﻙ ﻭﻻ ﻋﺎﻳﺰﺗﻠﻚ ..

ـ ﺍﺷﺸﺸﺸﺶ ﻭﻟﺞ ﻛﻠﺠﻦ ﻫﻴﺞ ﻣﺎﻛﻮ ﻓﺮﻕ ﺑﻴﻨﺠﻦ ﻧﺴﻮﺍﻥ ﻣﺎ ﺍﻟﻠﻪ ﻳﺎﺧﺬﺟﻦ ﻭﻧﺨﻠﺺ ﻟﻴﺶ ﺍﻧﺨﻠﻘﺘﻦ ﻫﺎﺍﺍﺍ ﺣﺘﻪ ﺍﺩﻭﺧﻨﺎ ﺣﺘﻪ ﻣﻦ ﺗﺤﺠﻦ ﺑﻌﺪ ﻣﺘﺴﻜﺘﻦ ﺍﻟﻠﻪ ﻭﺍﻛﺒﺮ ﻋﻠﻴﺠﻦ ﺷﻜﺪ ﻣﻜﺮﻭﻫﺎﺕ ﻭﻣﺘﻌﺠﺮﻓﺎﺕ ﻉ ﺷﻨﻮ ﺑﻠﻪ ﻛﻞ ﻫﺬﺍ ﺍﻟﻐﺮﻭﺭ ﻫﺎﺍﺍ ﺟﺎﻭﺑﻲ ﻻ ﻫﺴﻪ ﺍﺩﺧﻞ ﺟﻮﻩ ﻫﺎﻱ ﺍﻟﺴﻴﺎﺭﻩ ﻭﺍﻣﻮﺗﺞ ﻭﺍﻣﻮﺕ ﻭﻟﺞ ﻛﺎﻓﻲ ﻣﻦ ﺷﻔﺘﺞ ﻭﺍﻟﺤﺪ ﺍﻻﻥ ﺍﺭﻳﺪ ﺑﺲ ﻓﺮﺻﻪ ﺑﺲ ﺍﺳﻤﻌﻴﻨﻲ ﺑﺲ ﺍﺗﻔﺘﻬﻤﻴﻨﻲ ﻭﺍﻧﺘﻲ ﻭﻳﻦ ﻣﺎﺍﺷﻮﻓﺞ ﺑﺲ ﺍﺗﻐﻠﻄﻴﻦ ﻭﺗﺘﻌﺎﺭﻛﻴﻦ ﻭﺍﻟﻠﻪ ﻣﻦ ﺳﻮﻟﻔﻮﻟﻲ ﻋﻨﺞ ﻣﺼﺪﻛﺘﻬﻢ ﻣﻌﻘﻮﻟﻪ ﺑﺲ ﻭﻳﺎﻱ ﺑﺲ ﻉ ﺣﻈﻲ ﺍﺗﺼﻴﺮﻳﻦ ﻫﻴﺞ ..

ـ ﻧﺰﻟﻨﻲ ﻣﺎﺍﺭﻳﺪ ﺍﺣﺠﻲ ﻭﻳﺎﻙ ﻭﻻ ﺍﺭﻳﺪ ﻣﻨﻚ ﺷﻲ ﻋﻮﻓﻨﻲ ﺑﺤﺎﻟﻲ ﺍﺭﺟﻮﻙ ﻧﺰﻟﻨﻲ ....

ـ ﻣﺎﺍﻧﺰﻟﺞ ﻭﻻ ﺗﺒﺠﻴﻦ ﻣﺨﺎﻃﻔﺞ ﺑﺲ ﺍﻟﺒﻴﺖ ﺍﺗﻐﻴﺮ ﻭﺻﺎﺭ ﺍﺑﻌﺪ ﻟـ ﺫﻟﻚ ﺍﻧﻲ ﺍﺟﻴﺖ ﺍﺧﺬﺝ ..

ـ ﺷﻨﻮ ﻳﻌﻨﻲ ﺍﻟﺒﻴﺖ ﺍﺗﻐﻴﻴﺮ ﺷﻠﻮﻥ ?...

ـ ﻫﺴﻪ ﺷﻜﺪ ﺗﺴﺄﻟﻴﻦ ﺍﻭﻭﻭﻭﻭﻩ ﻛﺎﻓﻲ ﺩﻭﺧﺘﻴﻨﻲ ﻭﺍﻟﻠﻪ ﺗﻌﺒﺖ ﺍﻭﻭﻭﻑ ﺍﻭﻭﻭﻑ .

ـ ﺍﻩ ﺍﻧﺖ ﻟﻴﺶ ﻫﻴﺞ ﺍﺗﻌﺎﻣﻠﻨﻲ ﻳﺎ ﺭﺏ ﺍﻧﻲ ﺷﻨﻮ ﻭﺭﻃﺖ ﻧﻔﺴﻲ ﻫﺬﺍ ﻭﺍﺣﺪ ﻣﺠﻨﻮﻥ ..

ـ ﺍﻱ ﺟﺒﺘﻲ ﺍﻟﺘﺎﻳﻬﻪ ﻣﺠﻨﻮﻥ ... ﻫﺎﻱ ﻭﺻﻠﻨﺎ ﺍﻭﻛﻔﻲ ﻻ ﺗﻨﺰﻟﻴﻦ ...

ﻫﺬﺍ ﻓﻌﻼ ﻣﻮ ﻃﺒﻴﻌﻲ ﻭﻛﻔﻨﻲ ﻣﺨﻼﻧﻲ ﺍﻧﺰﻝ ﻧﺰﻝ ﻗﺒﻠﻲ ﻭﻓﺘﺢ ﺍﻟﺒﺎﺏ ﻭﻳﺄﺷﺮ ﺑﻌﻴﻨﻪ ﻳﻌﻨﻲ ﺍﻧﺰﻟﻲ ﻇﻠﻴﺖ ﺻﺎﻓﻨﻪ ﺑﻮﺟﻪ ﺍﺭﻳﺪ ﺑﺲ ﺍﻓﺘﻬﻢ ﺷﻲ ﻣﻦ ﻫﺎﻱ ﺍﻟﺘﺮﻛﻴﺒﻪ ﺍﻟﻌﺠﻴﺒﻪ ﻫﺬﺍ ﺷﻨﻮ ﻣﻦ ﺑﺸﺮ ﻭﺟﻪ ﻛﻠﻪ ﺗﻌﺎﺑﻴﺮ ﺯﻋﻞ ﻭﻋﺼﺒﻴﻪ ﻭﺍﻟﺤﻮﺍﺟﺐ ﻣﺮﻓﻮﻋﻪ ﻭﺍﻟﻌﻴﻮﻥ ﻭﺍﺳﻌﻪ ﻭﻫﻮ ﺑﻜﻞ ﻣﺎﻋﻨﺪﻩ ﻣﻦ ﻗﺪﺭﻩ ﻓﺎﺗﺢ ﻋﻴﻮﻧﻪ ﺑﺸﻜﻞ ﻋﺠﻴﺐ ﻭﺍﻟﻐﻀﺐ ﻣﺴﻴﻄﺮ ﻉ ﺍﺩﻕ ﻭﺍﺑﺴﻂ ﺗﻔﺼﻴﻞ ﺑﻮﺟﻪ ﻟﺪﺭﺟﻪ ﺍﻧﻲ ﺧﻔﺖ ﻣﻨﻪ ﻭﻣﻦ ﺷﻜﻠﻪ ﺍﻟﻲ ﻳﺤﻤﻞ ﻛﻞ ﻣﻌﺎﻧﻲ ﺍﻟﻐﻀﺐ ...

ـ ﻳﻌﻨﻲ ﻻﺯﻡ ﺍﺣﺠﻲ ﺍﻧﺰﻟﻴﻴﻴﻴﻴﻴﻲ .

ـ ﻻ ﺗﺼﻴﺢ ﻭﺍﻟﻠﻪ ﻣﻴﺼﻴﺮ ﻫﻴﺞ ﺍﻧﻲ ﺍﺩﺭﺱ ﺑﻨﺘﻚ ﻣﻮ ‏( ﻣﻴﺮﻱ ﺍﻟﺨﺪﺍﻣﻪ ‏) ...

ـ ﺍﺷﺸﺸﺶ ﺑﺴﺮﻋﻪ ﺧﻠﺼﻴﻨﻲ ﺍﻟﻴﻮﻡ ﺍﻧﻲ ﻣﺎﺍﺭﻳﺪ ﺍﺣﺠﻲ ﻭﺍﻧﺘﻲ ﺧﻠﻴﺘﻴﻨﻲ ﺍﺣﺠﻲ ﻣﻮ ﻋﺒﺎﻟﺞ ﻣﺎﺍﻓﺘﻬﻢ ﻣﻦ ﺍﻟﺒﺪﺍﻳﻪ ﻣﺮﺩﺗﻲ ﺗﺼﻌﺪﻳﻦ ﻭﻳﺎﻱ ﺑﺎﻟﺴﻴﺎﺭﻩ ﻟﻴﺶ ﺷﻨﻮ ﺷﻔﺘﻴﻨﻲ ﺟﺎﻫﻞ ﻣﻮ ﺭﺟﺎﻝ ﻭﻋﻨﺪﻱ ﺑﻨﻴﻪ ﺷﺎﺑﻪ ﻭ ﻭﻟﺪ ﺷﻮﻓﻲ ﺭﻛﺰﻱ ﺷﻮﻓﻲ ﺍﻧﺘﺒﻬﻲ ﻣﻮ ﺍﺻﻐﻴﺮ ﺍﻧﻲ ﻭﺍﻟﻠﻪ ﺍﻇﻠﻤﻴﻨﻲ ﺑﻬﻴﺞ ﺗﺼﺮﻓﺎﺕ ﻣﺎﺍﺭﻳﺪ ﺍﺯﻋﺠﺞ ﻭﺍﻧﻲ ﻭﻋﺪﺗﺞ ﺑﺲ ﺍﻧﺘﻲ ﻣﺴﺘﻔﺰﻩ ﻟﻴﺶ ﺍﻱ ﺗﺼﺮﻑ ﻣﻨﺞ ﻳﺤﺮﻙ ﻛﻠﺒﻲ ﻟﻴﺶ ..

ـ ﺍﺳﻔﻪ ﺍﻧﻲ ....

ـ ﻻ ﺗﻌﺘﺬﺭﻳﻦ ﺑﺲ ﺷﻮﻓﻲ ﺍﻟﻲ ﺣﻞ ﺑﻬﺎﻱ ﺍﻟﻐﻀﺐ ﺧﻠﻴﻬﺎ ﺍﺗﺤﺲ ﻋﺪﻫﺎ ﺍﺏ ﻳﺤﺒﻬﺎ ﺍﺭﺟﻮﺝ

....

ﺩﺧﻠﻨﻲ ﻟﻠﺒﻴﺖ ﺟﺎﻥ ﺑﻴﺖ ﺑﺴﻴﻂ ﻭﺍﺻﻐﻴﺮ ﻭﺑﻲ ﺻﺎﻟﻪ ﻭﺣﺪﻩ ﺍﻭﻝ ﻣﺪﺧﻠﻨﺎ ﺷﻔﺖ ﺻﻮﻓﻴﺎ ﺑﺎﻟﺼﺎﻟﻪ ﻣﻨﺘﻈﺮﺗﻨﻲ ﻭ ﺍﻭﻝ ﻣﺸﺎﻓﺘﻨﻲ ﺍﺑﺘﺴﻤﺖ ﻭﺣﺮﻛﺖ ﺍﻟﻜﺮﺳﻲ ﺑـ ﺍﺗﺠﺎﻫﻲ .

ـ ﺳﺖ ﺍﺷﺘﺎﻗﻴﺘﻠﺞ ..

ـ ﺣﺒﻴﺒﻲ ﻭﺍﻟﻠﻪ ﺍﻧﻲ ﻫﻤﻪ ﺍﺷﺘﺎﻗﻴﺘﻠﺞ .. ﺷﻠﻮﻧﺞ ..

ـ ﺯﻳﻨﻪ ﻭﺍﻧﺘﻲ ﺷﻠﻮﻧﺞ ..

ـ ﺍﻧﻲ ﺍﺳﻔﻪ ﻻﻥ ﺍﺗﺎﺧﺮﺕ ﻋﻠﻴﺞ ﺑﺲ ﺟﻨﺖ ﺍﺷﻮﻳﻪ ﻣﺮﻳﻀﻪ ..

ـ ﺳﻼﻣﺘﺞ ﺳﺖ ﺍﻋﺮﻑ ﺧﺎﻟﻪ ﻣﺮﻳﻢ ﻛﺎﻟﺘﻠﻲ ..

ـ ﺍﻱ ﻉ ﻃﺎﺭﻱ ﻣﺮﻳﻢ ﻭﻳﻨﻬﺎ ..

ﻟﻮﺍﺀ : ﺧﻠﺺ ﺍﻟﺴﻼﻡ ﻭﺍﻟﻠﻮﻭﻙ ﻟﻮﻙ ﺍﺑﺪﻭﺍ ﺩﺭﺳﻜﻢ ﻭﻉ ﻣﺮﻳﻢ ﺍﺣﻨﺎ ﺗﺮﻛﻨﺎﻫﻢ ﻭﻫﺬﺍ ﺑﻴﺘﻨﺎ ﺑﺲ ﺑﺪﻭﻧﻬﻢ ﻋﺪﻛﻢ ﺧﺪﺍﻣﻪ ﺍﺫﺍ ﺗﺮﺩﻭﻥ ﺷﻲ ﻭﻣﻦ ﺗﺨﻠﺼﻴﻦ ﺩﺯﻳﻠﻲ ﻣﺴﺞ ﺍﺟﻲ ﺍﻭﺻﻠﺞ ﺍﻧﻲ ﻃﺎﻟﻊ ..

ﻳﺎﺭﺏ ﻳﺎ ﺻﺒﺮ ﺍﻳﻮﺏ ﺻﺒﺮﻧﻲ ﻫﺬﺍ ﺷﻨﻮ ﻣﻦ ﺑﺸﺮ ﻟﻴﺶ ﻫﻴﺞ ﺷﻨﻮ ﺍﻧﻲ ﺍﺷﺘﻐﻞ ﻋﻨﺪﻩ ﻭﺍﻟﻠﻪ ﻣﺎﺍﻋﺮﻑ ﺷﻠﻮﻥ ﺍﺗﺤﻤﻞ ﺑﺲ ﺍﻟﻤﺼﺒﺮﻧﻲ ﺻﻮﻓﻴﺎ ﻭﺍﺧﻮﻫﺎ ﻳﺤﺒﻮﻧﻲ ﻭﺑﻘﻴﺖ ﺍﺩﺭﺱ ﺻﻮﻓﻴﺎ ﻭﻣﺆﻣﻦ ﻫﻢ ﺳﺎﻋﺪﺗﻪ ﺑﺪﺭﻭﺳﻪ ﻭﺑﺴﺮﻋﻪ ﺣﺒﻮﻧﻲ ﻭﺍﻧﻲ ﻫﻢ ﻣﺎﺍﻋﺮﻑ ﻟﻴﺶ ﺣﺒﻴﺘﻬﻢ ﺍﺣﺴﻬﻢ ﻣﺜﻞ ﺟﻬﺎﻝ ﻛﺮﻳﻢ ﺷﻠﻮﻥ ﺍﺩﺭﺳﻬﻢ ﻭﺍﻫﺘﻢ ﺑﻴﻬﻢ ..

ـ ﺳﺖ ﺍﻧﺘﻲ ﻟﻴﺶ ﻣﻤﺘﺰﻭﺟﻪ !..

ـ ﺣﺒﻲ ﻣﺎﻛﻮ ﻧﺼﻴﺐ ..

ـ ﺍﻧﻲ ﺍﺳﻔﻪ ﻉ ﺍﻟﺴﺆﺍﻝ ﺑﺲ ﻭﺍﻟﻠﻪ ﺍﻧﺘﻲ ﺣﻠﻮﻭﻩ ﻭﺣﺒﺎﺑﻪ ﻭﺍﻓﻀﻞ ﻣﻤﺘﺰﻭﺟﻪ ﻻﻥ ﺍﺗﻌﺒﻴﻦ ﻭﻳﻤﻜﻦ ....

ـ ﺷﻨﻮ ﺣﺒﻲ ﻳﻤﻜﻦ ﺷﻨﻮ .. ?

ـ ﻻ ﻣﺎﻛﻮ ﺷﻲ ﺑﺲ ﻗﺼﺪﻱ ﻳﻤﻜﻦ ﻫﻴﺞ ﺍﻓﻀﻞ ﻭﺍﻧﺘﻲ ﻣﺮﺗﺎﺣﻪ ﺍﻛﺜﺮ ..

ـ ﺍﻟﺤﻤﺪ ﻟﻠﻪ ﻉ ﻛﻞ ﺣﺎﻝ .

ﺣﺒﻲ ﺻﻮﻓﻴﺎ ﺷﻮﻛﺖ ﺍﺗﻜﻤﻠﻴﻦ ﻋﻼﺟﺞ ?..

ـ ﻣﺎﺍﺭﻳﺪ ﺍﺗﻌﺎﻟﺞ ..

ـ ﻻ ﻟﻴﺶ ?..

ـ ﻣﺎﻛﻮ ﻓﺎﻳﺪﻩ ﺍﻧﻲ ﺑﻌﺪ ﺍﺗﻌﻮﺩﺕ ﻉ ﻫﺬﺍ ﺍﻟﻜﺮﺳﻲ ﻭﻣﺎﺍﺭﻳﺪ ﺍﻋﺬﺏ ﻧﻔﺴﻲ ﻭﺍﻋﺮﻑ ﺍﻟﻌﻼﺝ ﻣﺠﺮﺩ ﺗﻌﺐ ..

ـ ﻻ ﻫﺬﺍ ﺍﺳﺘﺴﻼﻡ ﻭﻣﻴﺼﻴﺮ ﻫﻴﺞ ﺗﻌﺮﻓﻴﻦ ﺍﻧﻲ ﺟﻨﺖ ﻫﻢ ﻫﻴﺞ ﻭﺍﻟﻠﻪ ﻣﺤﺼﻠﺖ ﺷﻲ ﻏﻴﺮ ﺍﻻﺫﻳﻪ ﻫﻢ ﺟﻨﺖ ﻣﺴﺘﺴﻠﻤﻪ ﺟﻨﺖ ﺗﺎﺭﻛﻪ ﻧﻔﺴﻲ ﻭﻻ ﺍﻫﺘﻢ ﺑﺮﻭﺣﻲ ﺑﺲ ﻫﺴﻪ ﺍﻧﻲ ﺍﻓﻀﻞ ﻭﻛﺪﺭﺕ ﺍﻭﺍﺟﻪ ﺍﻟﺤﻴﺎﺓ ﻭﺍﺗﺤﺪﺍﻫﺎ ﺍﻧﺘﻲ ﻫﻢ ﻋﻨﺪﺝ ﺗﺤﺪﻱ ..

ـ ﺳﺖ ﺍﺗﺤﺪﺍ ﻣﻨﻮ ﻭﺍﻧﻲ ﻋﺎﺋﻠﺘﻲ ﺍﺗﺤﻄﻤﺖ ﺑﺴﺒﺒﻲ ..

ـ ﻻ ﺗﺤﺠﻴﻦ ﻫﻴﺞ ﻣﻮ ﺑﺴﺒﺒﺞ ﻭﻻ ﺍﻧﺘﻲ ﺍﻟﺴﺒﺐ ﻫﻤﻪ ﺑﻴﻨﺎﺗﻬﻢ ﻭﻫﺎﻱ ﻣﻮ ﻣﻌﺠﺰﻩ ﺍﺗﺼﻴﺮ ﺍﻫﻮﺍﻳﻪ ﺍﻻﻫﻞ ﻳﻨﻔﺼﻠﻮﻥ ﻭﻣﺎﻛﻮ ﺩﺍﻋﻲ ﻟﻜﻞ ﻫﺬﺍ ﺍﻟﺰﻋﻞ ﻋﻴﻮﻧﺞ ﺣﻠﻮﻩ ﻣﻮ ﺣﻠﻮ ﻋﻠﻴﻬﻢ ﺍﻟﺰﻋﻞ ﺍﺑﺪ .

ـ ﻳﻌﻨﻲ ﺍﺫﺍ ﺍﻛﻤﻞ ﻋﻼﺝ ﺷﻨﻮ ﻳﺘﻐﻴﻴﺮ .

ـ ﺍﻳﻲ ﻛﻮﻣﻪ ﺍﺷﻴﺎﺀ ﺗﺘﻐﻴﻴﺮ ﺍﻭﻟﻬﻢ ﺗﺠﻴﻨﻲ ﻟﻠﺒﻴﺖ ﻭﺍﻧﻄﻴﺞ ﺍﻟﺪﺭﺱ ﺍﺧﻠﻴﺞ ﺗﺘﻌﺮﻓﻴﻦ ﻉ ﻓﺮﻭﺣﻪ ﺑﻨﺖ ﺍﺧﻮﻱ ﺗﻘﺮﻳﺒﺎً ﺑﻌﻤﺮﺝ ﻭﺍﺗﺸﻮﻓﻴﻦ ﺍﻣﻲ ﻭﺑﻌﺪ ﺍﺗﻜﺪﺭﻳﻦ ﺍﻃﻠﻌﻴﻦ ﻭﺗﺘﺤﺮﻛﻴﻦ ﻭﻣﺘﺤﺘﺎﺟﻴﻦ ﺍﺣﺪ ﻳﺴﺎﻋﺪﺝ ﺍﻧﺘﻲ ﺍﺗﺴﺎﻋﺪﻳﻨﻬﻢ ﺍﺗﻜﺪﺭﻳﻦ ﺍﺗﻐﻴﻴﺮﻳﻦ ﻃﺒﻊ ﺍﺑﻮﺝ ﻭﺗﻤﺘﺼﻴﻦ ﻏﻀﺒﻪ ﻭﺗﺤﺘﻀﻨﻴﻨﻪ ﻭﺗﺨﻠﻴﻨﺎ ﻳﻄﻤﺌﻦ ﻋﻠﻴﺞ ﺍﺗﻜﺪﺭﻳﻦ ﺍﺗﺴﺎﻋﺪﻳﻦ ﺍﻣﺞ ﻭﺗﺮﻭﺣﻴﻦ ﺍﺗﺸﻮﻓﻴﻬﺎ ﻭﺗﺤﺠﻴﻦ ﻭﻳﺎﻫﺎ ﺍﺗﻜﺪﺭﻳﻦ ﺍﺗﺼﻴﺮﻳﻦ ﺍﻡ ﻟـ ﺍﺧﻮﺝ ﺍﻫﻮﺍﻳﻪ ﺍﺷﻴﺎﺀ ﺗﺘﻐﻴﺮ ..

ـ ﺳﺖ ﻣﻦ ﺍﺳﻤﻊ ﻛﻼﻣﺞ ﺍﺭﺗﺎﺡ ﺑﺲ ﺍﺧﺎﻑ ﺍﻓﺸﻞ ..

ـ ﻻ ﺍﺫﺍ ﺍﻛﻮ ﺍﺻﺮﺍﺭ ﻣﺎﻛﻮ ﻓﺸﻞ ﺍﻭﻋﺪﺝ ﺍﻛﻮﻥ ﺩﺍﺋﻤﺎً ﻳﻤﺞ ﻭﺍﺳﺎﻋﺪﺝ ..

ﻳﻠﻪ ﺣﺒﻲ ﺍﻧﻲ ﺍﺭﺟﻊ ﻟﻠﺒﻴﺖ ﺍﺗﺎﺧﺮﺕ ﺍﻫﻮﺍﻳﻪ ﻭﻻ ﺗﻨﺴﻴﻦ ﺍﻟﻲ ﻛﺘﻠﺞ ﻋﻠﻴﻪ ﻭﺍﻥ ﺷﺎﺀ ﺍﻟﻠﻪ ﺍﻻﺳﺒﻮﻉ ﺍﻟﺠﺎﻱ ﺍﺷﻮﻓﺞ ...

ـ ﺳﺖ ﺧﻠﻲ ﺑﺎﺑﺎ ﻳﻮﺻﻠﺞ ..

ـ ﻻ ﺣﺒﻲ ﺍﻧﻲ ﺍﺭﺟﻊ ﻭﺣﺪﻱ ﻣﺎﺍﺭﻳﺪ ﺍﺗﻌﺒﻪ

ـ ﻻ ﺳﺖ ﺍﻧﻲ ﺍﺧﺎﺑﺮﻩ ﺍﺧﻠﻲ ﻳﻮﺻﻠﺞ ..

ﺧﺎﺑﺮﺕ ﺍﺑﻮﻫﺎ ﻭﻃﻠﻊ ﻣﻨﺘﻈﺮﻧﻲ ﺑﺎﻟﺤﺪﻳﻘﻪ ﻫﺎﻱ ﺍﻟﻔﺘﺮﻩ ﻛﻠﻬﺎ ﻭﻣﻦ ﻃﻠﻌﺖ ﺟﺎﻥ ﻣﺒﺘﺴﻢ ﺍﻧﻲ ﺭﺩﺕ ﺍﻣﺸﻲ ﻭﻣﺎﺍﺻﻌﺪ ﻭﻳﺎﻩ ﺑﺲ ﻫﻮ ﺻﺎﺭ ﺑﻄﺮﻳﻘﻲ ﻭﻫﻢ ﻳﺄﺷﺮ ﺑﻌﻴﻨﻪ ﻛﻠﺖ ﺧﻠﻲ ﻳﻮﺻﻠﻨﻲ ﻭﺧﻠﻲ ﺍﻛﺴﺮ ﺍﻟﺸﺮ ..

ﺻﻌﺪﺕ ﻭﻫﻮ ﺣﺮﻙ ﺍﻟﺴﻴﺎﺭﻩ ﺍﻧﻲ ﻭﻻ ﺣﺠﻴﺖ ﺷﻲ ..

ـ ﺍﻧﻴﻦ ...

ـ ﻧﻌﻢ

ـ ﺷﻠﻮﻥ ﻛﺪﺭﺗﻲ ﺗﺨﻠﻴﻦ ﺻﻮﻓﻴﺎ ﺗﺤﺠﻲ ﻭﻳﺎﻱ ﺗﻌﺮﻓﻴﻦ ﻛﺎﻟﺘﻠﻲ ﺑﺎﺑﺎ ﺍﻱ ﺳﻤﻌﺘﻬﺎ ﻛﺎﻟﺖ ﺑﺎﺑﺎ ﺷﻠﻮﻥ ﻛﺪﺭﺗﻲ ﺍﺗﺨﻠﻴﻨﻬﺎ ﻫﻴﺞ ﺗﺘﻐﻴﺮ ﺑﺴﺮﻋﻪ

ـ ﻣﺎﺍﻋﺮﻑ ﺍﻧﻲ ﻣﻜﺘﻠﻬﺎ ﺷﻲ ﺑﺲ ﺍﻧﺖ ﺍﺗﻘﺮﺏ ﻣﻨﻬﺎ ﻭﺍﺫﺍ ﺭﻓﻀﺘﻚ ﻻ ﺗﺘﺮﻛﻬﺎ ﻫﻲ ﺍﺗﺤﺒﻚ ﺑﺲ ﺍﺗﺤﺲ ﺑﺎﻟﺬﻧﺐ ﻏﻴﺮ ﻓﻜﺮﺗﻬﺎ ﻋﻦ ﺍﻟﻤﻮﺿﻮﻉ

ـ ﺷﻠﻮﻥ ﻋﺮﻓﺘﻲ ﻛﻞ ﻫﺬﺍ ﻋﻦ ﺑﻨﺘﻲ ﺑﺲ ﺑﻴﻮﻣﻴﻦ ?..

ـ ﻻﻥ ﻫﻲ ﺗﺸﺒﻬﻨﻲ ﺑﺲ ﺑﻴﻨﺎ ﻓﺮﻕ ﻭﺍﺣﺪ ﺍﻧﻲ ﻣﺎﺍﻋﺮﻑ ﺷﻨﻮ ﻭﺍﺣﺪ ﻳﻜﻮﻥ ﻋﺘﺪﻩ ﺍﺏ ﻳﺨﺎﻑ ﻋﻠﻴﻪ ﻭﻫﻲ ﻋﺪﻫﺎ ﻫﺬﺍ ﺍﻻﺏ ﺑﺲ ﻣﻴﻌﺮﻑ ﺷﻠﻮﻥ ﻳﻮﺻﻞ ﺍﻟﻬﺎ ﺣﺒﻪ ﻫﺬﺍ ﺍﻟﻔﺮﻕ ﻓﻘﻂ ..

ـ ﺳﺖ ﺍﻧﻴﻦ ﺍﻧﻲ ﺍﻋﺘﺬﺭ ﻣﻨﺞ ﻋﻦ ﻛﻞ ﺷﻲ ﻭﻣﻦ ﺣﺠﻴﺖ ﻭﺍﺗﻌﺼﺒﺖ ﺍﻧﻲ ﺟﻨﺖ ﺗﻌﺒﺎﻥ ﻣﻮ ﻣﻦ ﺷﻲ ﻣﻌﻴﻦ ﻣﻦ ﻛﻞ ﺍﻟﻌﺎﻟﻢ ﻣﺸﺎﻛﻞ ﺑﻤﺸﺎﻛﻞ ﺍﻃﻠﻊ ﻣﻦ ﻛﺎﺭﺛﻪ ﺍﺩﺧﻞ ﺑﺜﺎﻧﻴﻪ ﺗﻌﺒﺖ ﻭﻣﺎﺍﻋﺮﻑ ﺑﻌﺪ ﺍﺳﻴﻄﺮ ﻉ ﺍﻋﺼﺎﺑﻲ ﺍﺳﻒ ﻻﻥ ﺩﺍ ﺍﺯﻋﺠﺞ ﺑﻤﺸﺎﻛﻠﻲ ﺍﺳﻒ ﻉ ﻛﻞ ﺷﻲ ﻫﻬﻬﻪ ﺍﻟﻴﻮﻡ ﺣﻄﻤﺖ ﺭﻗﻢ ﻗﻴﺎﺳﻲ ﺑﻜﻠﻤﺔ ﺍﺳﻒ ﻳﻤﻜﻦ ﻛﻠﺘﻬﺎ ﺍﻟﻒ ﻣﺮﻩ ..

ـ ﺍﺳﺘﺎﺫ ﻭﺻﻠﻨﺎ ﻧﺰﻟﻨﻲ ﺍﻫﻨﺎ ﺍﻧﻲ ﺍﻣﺸﻲ ﺷﻜﺮﺍ ﺗﻌﺒﺘﻚ ...

ـ ﻭﻟﻴﺶ ﻣﻮ ﺑﺎﻟﺒﺎﺏ ﺍﻧﺰﻟﺞ .. !

ـ ﻻ ﻫﻴﺞ ﺍﻓﻀﻞ ..

ـ ﺍﺑﺮﺍﺣﺘﺞ ﺍﺗﻔﻀﻠﻲ ﺍﻧﺰﻟﻲ ...

ﻣﻤﺼﺪﻛﻪ ﻧﺰﻟﺖ ﺑﺴﺮﻋﻪ ﻭﻃﺒﻜﺖ ﺍﻟﺒﺎﺏ ﻭﻣﻮ ﻣﺸﻲ ﺭﻛﺾ ﻭﻻ ﺍﻟﺘﻔﺖ ﻭﻻ ﻓﻜﺮﺕ ﺍﻟﺘﻔﺖ ﺧﻔﺖ ..

ﺍﻭﻝ ﻣﺪﺧﻠﺖ ﺍﻟﺒﻴﺖ ﻛﻠﻪ ﻣﻨﺘﻈﺮﻧﻲ ﻭﻛﻠﻬﻢ ﺧﺎﻳﻔﻴﻦ ﻋﻠﻴﻪ ﻭﻫﻢ ﻳﺮﺩﻭﻥ ﻳﻌﺮﻓﻮﻥ ﻟﻴﺶ ﺍﺗﺎﺧﺮﺕ ..

ـ ﺍﻡ ﻛﺮﻳﻢ : ﺍﻟﻤﻦ ﻋﻨﺪﺝ ﺗﻠﻔﻮﻥ ﻭﻟﺞ ﻭﻳﻦ ﺭﺣﺘﻲ ﺻﺎﺭ ﺳﺎﻋﺘﻴﻦ ﻣﺎﺧﻠﻴﺖ ﺣﺴﺒﻪ ﺗﺎﺧﺬﻧﻲ ﻭﺣﺴﺒﻪ ﺗﺠﻴﺒﻨﻲ ﻭﻟﺞ ﺣﻴﻠﻲ ﺑﺎﺩ ﻳﺎﺭﺑﻲ ﺍﺧﺬ ﺍﻣﺎﻧﺘﻲ ﻭﺧﻠﺼﻨﻲ ﺻﺪﻙ ﻟﻮ ﻛﺎﻟﻮﺍ ﻫﻢ ﺍﻟﺒﻨﺎﺕ ﻟﻠﻤﻤﺎﺕ ... ﺍﻣﻮﺕ ﻭﻣﺎﺍﺧﻠﺺ ﻣﻦ ﻫﻤﺞ

ـ ﻛﺮﻳﻢ : ﻟﻴﺶ ﻣﺘﺮﺩﻳﻦ ﻭﺍﻟﻠﻪ ﺧﻔﻨﺎ ﻋﻠﻴﺞ ..

ـ ﺍﻧﻴﻦ : ﻧﺴﻴﺖ ﺍﺧﺬ ﺍﻟﻤﻮﺑﺎﻳﻞ ﺗﺮﻛﺘﻪ ﺑﺎﻟﻐﺮﻓﻪ .

ـ ﺍﻡ ﻛﺮﻳﻢ : ﺑﻌﺪ ﻣﺎﻛﻮ ﺧﻠﺺ ﺻﺒﺮﻱ ﺑﻌﺪ ﻣﻦ ﺍﻟﺪﻭﺍﻡ ﻭﺍﺩﻓﻨﻴﻦ ﺭﻭﺣﺞ ﺑﺎﻟﻐﺮﻓﻪ ..

ﻳﺘﺒﻊ 

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤