رواية امي تبحث عن عريس الجزء التاسع

..

رواية امي تبحث عن عريس الجزء التاسع

للكاتبة أزهار ذابله

...

ﺍﻧﻴﻦ : ﻳﻮﻡ " ﺍﻧﻲ ﺍﺳﻔﻪ ﺑﺲ ﺷﻠﻮﻥ ﻳﻌﻨﻲ ﻫﻮ ﺳﺠﻦ ?..

ﺍﻡ ﻛﺮﻳﻢ : ﺍﻳﻲ ﺳﺠﻦ ﻭﻣﺎﻛﻮ ﺑﻌﺪ ﻃﻠﻌﻪ .

ﺧﺎﻟﺘﺞ ﺳﻌﺎﺩ ﻣﺮﻳﻀﻪ ﻭﺗﺮﻳﺪﺝ ﺣﻀﺮﻱ ﺭﻭﺣﺞ ﻛﺮﻳﻢ ﻳﻮﺻﻠﺞ ..

ﺍﻧﻴﻦ : ﻭﺍﻟﺪﻭﺍﻡ ﺷﻠﻮﻥ . . ?

ﺍﻡ ﻛﺮﻳﻢ : ﺍﺧﺬﻱ ﻭﻳﺎﺝ ﻛﻠﺸﻲ ﺗﺤﺘﺎﺟﻴﻨﻪ ﻭﻣﻨﺎﻙ ﺭﻭﺣﻲ ﻟـ ﺩﻭﺍﻡ . .

ﺍﻧﻴﻦ : ﻳﻠﻪ ﻫﺴﻪ ﺍﺣﻀﺮ ﻧﻔﺴﻲ ..

ﺍﺧﺬﺕ ﻣﻼﺑﺲ ﺍﻟﺪﻭﺍﻡ ﻭﺍﺧﺬﺕ ﻫﻢ ﻣﻼﺑﺲ ﺑﻴﺖ ﻭﺍﻧﻲ ﺍﺣﻀﺮ ﻧﻔﺴﻲ ﺍﺣﺲ ﻧﻔﺴﻲ ﻣﺠﺒﻮﺭﻩ ﺍﻱ ﺍﺣﺐ ﺧﺎﻟﺘﻲ ﻭﻧﻘﻬﺮﺕ ﻋﻠﻴﻬﺎ ﺑﺲ ﻣﺘﻌﻮﺩﻩ ﻉ ﺑﻴﺘﻨﺎ ﻭﻣﺎﺍﺭﻳﺪ ﺍﻃﻠﻊ ﻭﻫﻢ ﺍﺳﺘﺤﻲ ﻣﻦ ﺑﻴﺖ ﺧﺎﻟﻲ ﻭﻫﺎﻱ ﺍﻭﻝ ﻣﺮﻩ ﺍﻣﻲ ﺗﻘﺒﻞ ﺍﺑﺎﺕ ﺑﺮﺍ ﺍﻟﺒﻴﺖ ﻭﻫﻢ ﻟﻴﺶ ﻟﻮ ﺑﺲ ﺍﻋﺮﻑ ﻟﻴﺶ ﻗﺒﻠﺖ ﻫﺴﻪ ﺍﻭﻭﻭﻭﻑ ﺍﻧﻲ ﻭﻻ ﺍﺗﻐﻴﻴﺮ ﺑﻌﺪﻧﻲ ﻣﺜﻞ ﻣﺎﺍﻧﻲ ﺍﺑﺪ ﻣﺎ ﺍﻛﺒﺮ ﻭﻻ ﺍﺗﺼﻴﺮ ﻋﻨﺪﻱ ﺷﺨﺼﻴﻪ ﻫﺎﻱ ﺍﻧﻴﻦ ﻭﺻﻠﺔ ﺍﻟﻤﺴﺢ ﻭﺍﻟﻠﻪ ﺩﻭﻣﻬﺎ ﻣﺎﺳﺤﻴﻪ ﺑﻴﻪ ﺍﻟﮕﺎﻉ ..

ـ ﻳﻠﻪ ﻛﺮﻳﻢ ﺍﻧﻲ ﺟﺎﻫﺰﻩ ..

ـ ﻫﺴﻪ ﺑﺲ ﺧﻠﻲ ﺍﺟﻴﺐ ﺍﻟﺴﻮﻳﺞ ..

ﻃﻠﻌﺖ ﺑﺎﻟﮕﺮﺍﺝ ﺍﻧﺘﻈﺮﻩ ﻫﻮ ﻭﺭﺍﻱ ﺑﺴﺮﻋﻪ ﺍﺟﻪ ﻭﻣﺴﺘﻌﺠﻞ ﻳﺎﺭﺏ ﺷﻨﻮ ﺍﻟﻘﺼﻪ ﺍﺩﺭﻱ ﻳﺮﺩﻭﻥ ﻳﺨﻠﺼﻮﻥ ﻣﻨﻲ ﻫﻴﺞ ﻟﻴﺶ ﺻﺪﻙ ﺯﻋﻠﺖ ...

ـ ﻳﻠﻪ ﺍﻧﻮﻭ ﺍﺻﻌﺪﻱ ..

ـ ﺍﻱ ﻋﻴﻨﻲ ﺷﺪﻋﻮﻩ ﻫﻠﮕﺪ ﻣﺴﺘﻌﺠﻞ !..

ـ ﻣﻮ ﻫﻴﺞ ﻭﻟﺞ ﺑﺲ ﺧﺎﻟﺘﻲ ﺳﻌﺎﺩ ﻣﻨﺘﻈﺮﻩ ﺧﻄﻴﻪ ..

ـ ﺍﻱ ﺻﺪﻙ ﻫﻲ ﺍﻟﻴﻮﻡ ﺗﺤﺠﻲ ﻭﻳﺎﻱ ﻣﮕﺎﻟﺖ ﻣﺮﻳﻀﻪ !

ـ ﻫﻲ ﺷﻮﻳﻪ ﺿﺎﻳﺠﻪ ﻭﺗﺮﻳﺪﺝ ﻳﻤﻬﺎ ..

ـ ﻭﺍﻣﻲ ﺷﻠﻮﻥ ﻗﺒﻠﺖ ﺍﻧﺖ ﻣﻮ ﺗﻌﺮﻓﻬﺎ ﻣﺘﻘﺒﻞ ﺍﺑﺎﺕ ﺑﺮﺍ ﺍﻟﺒﻴﺖ !..

ـ ﺍﻧﻴﻦ ﺧﻠﺺ ﻭﺍﻟﻠﻪ ﺗﻌﺒﺖ ﺷﻜﺪ ﺻﺎﻳﺮﺍ ﺍﺗﺴﺌﻠﻴﻦ ...

ـ ﺍﻣﻤﻤﻤﻢ ﺧﻠﺺ ﺍﺳﻔﻪ .

ـ ﻻ ﺗﻌﺘﺬﺭﻳﻦ ..

ﻭﺻﻠﻨﺎ ﺍﻟﺒﻴﺖ ﺧﺎﻟﻲ ﻭﻛﺮﻳﻢ ﻣﻘﺒﻞ ﻳﻨﺰﻝ ﺑﺲ ﺷﺎﻓﻨﻲ ﺩﺧﻠﺖ ﺭﺍﺡ ﻭﺍﻧﻲ ﺑﻌﺪﻧﻲ ﻣﺼﺪﻭﻣﻪ ﻭﺍﻟﻒ ﺳﺆﺍﻝ ﻳﺪﮒ ﺑﺮﺍﺳﻲ ..

ﺩﺧﻠﺖ ﺑﻌﺪ ﻣﺎ ﺍﺳﺘﻘﺒﻠﻮﻧﻲ ﻭﻛﻠﻬﻢ ﻣﻨﺘﻈﺮﻳﻦ ﺟﻴﺘﻲ ﻳﻌﻨﻲ ﺧﺎﻟﺘﻲ ﺑﻴﻬﺎ ﺷﻲ ﺻﺪﻙ ﺧﻔﺖ ﻋﻠﻴﻬﺎ ... ﺑﺲ ﺳﻤﻌﺖ ﺻﻮﺗﻲ ﺧﺎﻟﺘﻲ ﻃﻠﻌﻠﺖ ﺗﻀﺤﻚ ﻭﺣﻀﻨﺘﻨﻲ ...

ﻳﻌﻨﻲ ﺷﻨﻮ ﻟﻴﺶ ﻳﺠﺬﺑﻮﻥ ﻋﻠﻴﻪ ﻭﻳﺠﺒﻮﻧﻲ ﺑﺎﻟﻴﻠﻪ ﻇﻠﻤﻪ ﺍﻫﻨﺎ ﻭﺍﻧﻲ ﺣﺮﺕ ﺷﻨﻮ ﺍﺣﺠﻲ ﻭﻣﺎﺍﻋﺮﻑ ﺷﻤﻔﻬﻤﻴﻦ ﺧﺎﻟﺘﻲ ﻭﻻ ﺷﻨﻮ ﮔﺎﻳﻠﻴﻦ ﻟــ ﺑﻴﺖ ﺧﺎﻟﻲ ....

ﺩﺧﻠﺘﻨﻲ ﺧﺎﻟﻪ ﺳﻌﺎﺩ ﺑﻐﺮﻓﺘﻬﺎ ﻭﻫﻲ ﻭﻳﺎﻫﺎ ﺑﻨﺎﺕ ﺧﺎﻟﻲ ﻫﻤﻪ ﺍﺛﻨﻴﻦ ﺑﻨﻔﺲ ﺍﻟﻐﺮﻓﻪ ﻭﺻﺮﻧﺎ ﻫﺴﻪ ﺍﺭﺑﻌﻪ ﻭﻟﻤﻪ ﻭﺳﻮﺍﻟﻒ ﻭﺑﻨﺎﺕ ﺧﺎﻟﻲ ﺣﺒﺎﺑﺎﺕ ﻛﻠﺶ ﻭﻳﺤﺒﻮﻧﻲ ﻫﻢ ﻧﺴﻴﺖ ﺍﻟﺴﺎﻟﻔﻪ ﺑﺲ ﺍﻭﻝ ﻣﺎ ﺳﻜﺘﻮﺍ ﻛﻠﻬﻢ ﻭﻧﺎﻣﻮﺍ ﺑﻘﻴﺖ ﺍﻧﻲ ﺻﺎﺣﻴﻪ ﻭﺣﺎﻳﺮﺍ ﻟﻴﺶ ﻫﻴﺞ ﻭﺷﻠﻮﻥ ﺍﻣﻲ ﺗﺒﻌﺪﻧﻲ ﻋﻨﻬﺎ ﺑﻬﺬﻩ ﺍﻟﻄﺮﻳﻘﻪ ﻓﻌﻼ ﺍﻧﻲ ﻣﺼﺪﻭﻣﻪ ..

ﻧﻤﺖ ﺳﺎﻋﺘﻴﻦ ﻭﺩﻙ ﺍﻟﻤﻨﺒﻪ ﻻﺯﻡ ﺍﻛﻌﺪ ﻭﺭﺍﻱ ﺩﻭﺍﻡ ﻭﺍﻧﻲ ﻣﺎﺍﻋﺮﻑ ﻣﺘﻘﻴﺪﻩ ﻣﺎﺍﺣﺲ ﻧﻔﺴﻲ ﻣﺎﺧﺬﻩ ﺭﺍﺣﺘﻲ ﻣﺘﻘﻴﺪﻩ ﺍﻫﻮﺍﻳﻪ ﻭﺣﺘﻪ ﺍﺳﺘﺤﻲ ﺍﺳﻮﻱ ﺭﻳﻮﮒ ﻭﺍﺗﺮﻳﮓ ...

ﻃﻠﻌﺖ ﻭﺑﺪﻭﻥ ﺻﻮﺕ ﺣﺘﻪ ﻻ ﺍﺯﻋﺠﻬﻢ ﻭﻗﺮﺭﺕ ﺍﺭﺟﻊ ﻟﻠﺒﻴﺖ ﺍﻓﺘﻬﻢ ﺷﻨﻮ ﺍﻟﻘﺼﻪ ﻭﺍﮔﻠﻬﻢ ﺳﻌﺎﺩ ﻣﻮ ﻣﺮﻳﻀﻪ ﻭﻻ ﺑﻴﻬﺎ ﺷﻲ ..

ﻭﺻﻠﺖ ﺍﻟﺪﻭﺍﻡ ﻭﻏﺼﺖ ﺑﺪﻭﺧﺖ ﺍﻟﺸﻐﻞ ﻭﺍﻟﻤﻠﻔﺎﺕ ﻭﺩﻭﺧﻪ ﻣﺘﺨﻠﺺ ﻭﻳﻮﻡ ﻣﺘﻌﺐ ﺟﺪﺍﺍ

ﺑﺲ ﺍﺭﻳﺪ ﻳﺨﻠﺺ ﺍﺑﺪ ﻣﺎﻳﺨﻠﺺ

....

ﺩﺧﻞ ﺍﺑﻮ ﺻﻼﺡ ﻭﻫﻢ ﻭﺟﻬﻪ ﻣﻴﺘﻔﺴﺮ ﻭﺿﺎﻳﺞ ..

ـ ﺍﻧﻴﻦ : ﺧﻴﺮﻙ ﻋﻤﻮﻭ ﺷﻨﻮ ﺻﺎﻳﺮ ﻭﻳﺎﻙ ?..

ﻣﺸﺘﺎﻕ : ﻻ ﺗﻀﻮﺝ ﺍﺑﻮ ﺻﻼﺡ ﺗﻔﺮﺝ .

ﺍﻧﻴﻦ : ﻏﻴﺮ ﺍﻓﺘﻬﻢ ﺍﺑﻮ ﺻﻼﺡ ﺷﺒﻲ ?...

ﺍﺑﻮ ﺻﻼﺡ : ﺳﻼﻣﺘﺞ ﺑﻮﻳﻪ ﻣﺎﺑﻴﻪ ﺷﻲ ﺑﺲ ﺍﺗﻌﺮﻓﻴﻦ ﺧﺎﻟﺘﺞ ﺍﻡ ﺻﻼﺡ ﻣﺮﻳﻀﻪ ﻭﻫﺎﻱ ﺍﻟﻤﺮﻩ ﻃﻮﻟﺖ ﺑﺎﻟﻤﺴﺘﺸﻘۍ ﻭﺍﻟﺪﻛﺘﻮﺭ ﺣﺠﻴﻪ ﻣﺎﻳﻄﻤﺌﻦ ..

ﺍﻧﻴﻦ : ﻟﻌﺪ ﻟﻴﺶ ﻣﺤﺪ ﻳﮕﻠﻲ ﺭﺣﻤﻪ ﻟﻴﺶ ﻣﮕﻠﺘﻴﻠﻲ ﺍﻧﻲ ﻣﻮ ﺍﻟﺒﺎﺭﺣﻪ ﺳﺌﻠﺘﺞ ﻉ ﺍﺑﻮ ﺻﻼﺡ .

ﺭﺣﻤﻪ : ﻭﺍﻟﻠﻪ ﻧﺴﻴﺖ ..

ﺍﻧﻴﻦ : ﻋﻤﻮﻭ ﻣﺤﺘﺎﺝ ﺷﻲ ﺑﺲ ﮔﻮﻝ ﻣﺎﻳﺮﺩﻙ ﺍﻻ ﺍﻟﺴﺎﻧﻚ ﺍﻧﻲ ﻣﺜﻞ ﺑﻨﺘﻚ ﻻ ﺗﺨﺠﻞ ﻣﻨﻲ ..

ﺍﺑﻮ ﺻﻼﺡ : ﺍﻟﻠﻪ ﻳﺴﻠﻤﺞ ﺑﻮﻳﻪ ﻣﺎ ﻣﺤﺘﺎﺝ ﺑﺲ ﺍﺩﻋﻮﻟﻬﺎ ... ﻫﺬﺍ ﻋﻨﺪﻱ ﻣﻠﻒ ﻟـ ﺍﻟﻤﻬﻨﺪﺱ ﻭﻣﺎﺍﺭﻳﺪ ﻳﺴﻤﻌﻨﻲ ﻛﻠﻤﻪ ﻭﺍﺣﺪ ﻣﻨﻜﻢ ﻳﺎﺧﺬﻩ ﺍﻟﻪ ﺍﺫﺍ ﺍﺗﻜﺪﺭﻭﻥ ..

ﻣﺸﺘﺎﻕ : ﻭﺍﻟﻠﻪ ﻫﺎﻱ ﺍﻟﻤﻬﻤﻪ ﺑﺲ ﺍﻧﻴﻦ ﺍﺩﺑﺮﻫﺎ ..

ﺭﺣﻤﻪ : ﻧﻌﻢ ﺻﺢ ﺍﻧﻴﻦ ﻫﻲ ﺗﻌﺮﻑ ﺗﺘﻌﺎﻣﻞ ﻭﻳﺎﻩ ﺍﻟﻤﻬﻨﺪﺱ ﻏﻀﺐ ﺍﻟﻘﺰﻡ ..

ﺍﻧﻴﻦ : ﻫﺎﺍﺍﺍ ﺷﻤﺮﺗﻮﻫﺎ ﺑﺮﺍﺳﻲ ... ﻳﻼ ﺍﻧﻲ ﺍﺣﺴﻦ ﻣﻨﻜﻢ ... ﺍﻧﻄﻴﻨﻲ ﻋﻤﻮ ﺍﻧﻲ ﺍﻭﺻﻠﻪ ﻭﺗٲﻣﺮﻧﻲ ﺍﻣﺮ ﻣﺤﺘﺎﺝ ﺷﻲ ﺑﻌﺪ ..

ﺍﺑﻮ ﺻﻼﺡ : ﺍﻟﻠﻪ ﻳﺮﺯﻗﺞ ﻭﻳﺤﺮﺳﺞ ﻭﻳﺒﻌﺪ ﻋﻨﺞ ﻛﻞ ﻣﻜﺮﻭﻩ ﻣﺎ ﻳٲﻣﺮ ﻋﻠﻴﺞ ﻇﺎﻟﻢ ﺑﻮﻳﻪ ..

ﺍﺧﺬﺕ ﺍﻟﻤﻠﻒ ﻭﺻﻌﺪﺕ ﻭﺍﻧﻲ ﺍﺻﻼ ﻣﻌﺎﻳﺰﺍ ﻛﺎﻓﻲ ﻋﻠﻴﻪ ﻣﺸﺎﻛﻞ ﺍﻟﺒﻴﺖ ﻭﺍﻧﻮﺏ ﻻﺯﻡ ﺍﺷﻮﻑ ﻫﺬﺍ ...

ﻭﺻﻠﺖ ﻟﻠﻤﻜﺘﺐ ﺍﻟﺒﺎﺏ ﻣﺴﺪﻭﺩ ... ﺩﮔﻴﺖ ﺍﻟﺒﺎﺏ ﺳﻤﻌﺖ ﺻﻮﺗﻪ ﺑﻜﻞ ﻗﻮۍ ﺻﺮﺥ ﺍﺩﺧﻞ .

ﺩﺧﻠﺖ ﺑﺲ ﺭﺟﻠﻴﻪ ﺍﺗﺨﺸﺒﻦ ﻣﻦ ﺍﻟﺨﻮﻑ ﺍﻧﻲ ﺷﺠﺎﻳﺒﻨﻲ ﻉ ﻫﺬﺍ ﺍﻟﻮﺣﺶ ...

ـ ﺍﺳﺘﺎﺫ ﺍﺳﻔﻪ ﺑﺲ ﻫﺬﺍ ........

ـ ﻫﺬﺍﺍﺍﺍ ﺷﻨﻮﻭﻭﻭ ﻫﻢ ﺍﻧﺘﻲ ﺷﻌﻨﺪﺝ ﺍﻧﻲ ﺷﻨﻮ ﺍﺳﻮﻱ ﺑﺮﻭﺣﻲ ﺷﻌﻨﺪﺝ ﺍﻫﻨﺎ ﻫﺎﺍﺍﺍﺍ .

ـ ﺑﺲ ... ﺍﻧﻲ .... ﻣﺎﺍﻋﺮﻑ ﻫﺬﺍ ﺧﻠﺺ ...

ـ ﺷﻨﻮ ﺗﺤﺠﻴﻦ ﺷﻔﺘﻬﻤﺖ ?..

ﺗﺮﻛﺖ ﺍﻟﻮﺭﻕ ﻉ ﺍﻟﻤﻜﺘﺐ ﻭﺑﺪﻭﻥ ﺍﻱ ﺣﺮﻑ ﻣﻦ ﻛﺪ ﺍﺳﺘﻘﺒﺎﻟﻪ ﺍﻟﻤﺮﻋﺐ ﻭﺻﺮﺍﺧﻪ ﺑﻌﺪ ﻣﻜﺪﺭﺕ ﺍﺣﺠﻲ ﺷﻤﺮﺗﻬﻢ ﻭﺷﺮﺩﺕ ﻭﺍﺳﻤﻌﻪ ﻳﺼﻴﺢ ﻭﺭﺍﻱ ﺑﺲ ﻭﻻ ﺍﻟﺘﻔﺘﺖ ﻻﻥ ﻋﻴﻮﻧﻲ ﺍﻧﺘﺮﺳﻦ ﺩﻣﻮﻉ ﻣﺎﺍﺭﻳﺪﻩ ﻳﺸﻮﻑ ﺍﺩﻣﻮﻋﻲ ..

ﺭﺣﻤﻪ : ﺷﺒﻴﺞ ﺣﺒﻲ ﻟﻴﺶ ﺗﺒﺠﻴﻦ ..

ﻣﺸﺘﺎﻕ : ﻫﺬﺍ ﺷﻜﺪ ﻣﺎﻋﻨﺪﺍ ﺫﻭﻕ .......

ﻟﻮﺍﺀ : ﻧﻌﻢ ﻣﻨﻮ ﻣﺎﻋﻨﺪﻩ ﺫﻭﻕ . !

ﻣﺸﺘﺎﻕ : ﻟﻴﺶ ﻛﻞ ﻣﺮﻩ ﺍﺗﺰﻋﻠﻬﺎ ﻫﻲ ﺷﻨﻮ ﺳﻮﺗﻠﻚ ﻻﻥ ﮔﻠﺒﻬﺎ ﻃﻴﺐ ﺍﺗﺤﺐ ﺍﺗﺴﺎﻋﺪ ﺍﻟﻨﺎﺱ ﻫﻲ ﻣﻮ ﺷﻐﻠﻬﺎ ﺍﺗﺠﻴﺐ ﻟﺤﻀﺮﺗﻚ ﺍﻟﻤﻠﻔﺎﺕ ﺑﺲ ﻫﻲ ﺍﺗﺴﺎﻋﺪ ﺍﺑﻮ ﺻﻼﺡ ﺷﻔﺖ ﺍﻟﻔﺮﻕ ﺑﻴﻨﻜﻢ ﻫﻲ ﺍﻧﺴﺎﻧﻪ ﻭﺍﻧﺖ ﺍﻧﺴﺎﻥ ﻣﺤﺪ ﻳﺮﻳﺪ ﻳﺘﻌﺎﻣﻞ ﻭﻳﺎﻙ ..

ﻟﻮﺍﺀ : ﺣﺴﺎﺑﻚ ﺑﻌﺪﻳﻦ ..... ﻭﺍﻧﺘﻲ ﺍﻟﻒ ﻣﺮﻩ ﺍﮔﻠﺞ ﻣﻦ ﺍﺣﺠﻲ ﻭﻳﺎﺝ ﻻ ﺗﻌﻮﻓﻨﻲ ...

ـ ﻣﺴﺤﺖ ﺍﺩﻣﻮﻋﻲ ﺑﺴﺮﻋﻪ ﻭﺍﺳﻤﻌﻪ ﻳﺼﻴﺢ ﻋﻠﻴﻪ ﻭﻣﺸﺘﺎﻕ ﻳﺪﺍﻓﻌﻠﻲ ﻭﺧﻔﺖ ﻉ ﻣﺸﺘﺎﻕ ﻣﺎﺍﺭﻳﺪ ﻳٲﺫﻱ ﻻﻥ ﻫﺬﺍ ﻭﺍﺣﺪ ﻣﺘﻌﺠﺮﻑ ﻣﺎﻋﻨﺪﺍ ﺍﻧﺴﺎﻧﻴﻪ ..

ﺍﻧﻴﻦ : ﺍﺳﻔﻪ ﺍﺳﺘﺎﺫ ﺍﻧﻲ ﻓﻌﻼ ﻏﻠﻄﺎﻧﻪ ﺍﻋﺬﺭﻧﻲ ﺑﺲ ﺗﻌﺐ ﺍﻟﺸﻐﻞ ﻣﻴﺨﻠﻴﻨﻲ ﺍﺭﻛﺰ ﺍﺳﻔﻪ ..

ﻟﻮﺍﺀ : ﻟﻴﺶ ﺗﻌﺘﺬﺭﻳﻦ ﻳﻌﻨﻲ ﻭﻳﻦ ﺗﺮﺩﻳﻦ ﺗﻮﺻﻠﻴﻦ ﻣﺜﻼ ﺗﺎﺧﺬﻳﻨﻲ ﻉ ﮔﺪ ﻋﻘﻠﻲ ﺍﻧﺘﻲ ﺷﻨﻮ ﻣﻦ ﺑﺸﺮ ﻭﺍﻟﻠﻪ ﺍﺗﻨﺮﻓﺰ ﻣﻨﺞ ﻭﻣﻦ ﺷﻮﻓﺘﺞ ﺑﻌﺪ ﻻ ﺗﺨﻠﻴﻨﻲ ﺍﺷﻮﻑ ﻭﺟﻬﺞ ﺍﺗﻔﻘﻨﺎ ..

ﺭﺯﻟﻨﻲ ﻭﻃﻠﻊ ﻭﺭﺟﻊ ﻣﺸﺘﺎﻕ ﻳﻌﺎﺗﺐ ﻟﻴﺶ ﺗﻌﺘﺬﺭﻳﻦ ﻣﻨﻪ ﺍﻧﺘﻲ ﺷﻨﻮ ﻣﺴﻮﻳﻪ ﻏﻠﻂ ﻭﺭﺣﻤﻪ ﻫﻢ ﻭﻓﺘﺤﻮﺍ ﻗﻨﺎﺗﻬﻢ ﻭﺑﺲ ﻳﺤﺠﻮﻥ ﻭﺍﻧﻲ ﺳﻜﺘﺖ ﻣﺎﺍﺭﻳﺪ ﻣﺸﺎﻛﻞ ﻭﺑﻨﻔﺲ ﺍﻟﻮﻗﺖ ﻣﺘﻌﺠﺒﻪ ﺍﻟﺒﺎﺭﺣﻪ ﻭﺻﻠﻨﻲ ﻭﺍﺑﺘﺴﻢ ﺑﻮﺟﻬﻲ ﻭﻓﺘﺤﻠﻲ ﮔﻠﺒﻪ ﻭﺣﺠﺎﻟﻲ ﻋﻦ ﻣﺸﺎﻛﻠﻪ ﻟﻴﺶ ﺍﻟﻴﻮﻡ ﻣﻦ ﺷﺎﻓﻨﻲ ﺍﻧﮕﻠﺒﺖ ﺧﻠﻘﺘﻪ ﻫﺎﻱ ﺍﻧﻲ ﻟﻴﺶ ﻫﻴﺞ ﺣﻈﻲ ...

ﺧﻠﺼﺖ ﻭﺑﻮﺟﻬﻲ ﻟﺒﻴﺘﻨﺎ ﺍﺭﻳﺪ ﺍﻋﺮﻑ ﻟﻴﺶ ﺍﻣﻲ ﺑﻌﺪﺗﻨﻲ ﻋﻦ ﺍﻟﺒﻴﺖ ..

ﺩﺧﻠﺖ ﻟﻠﺒﻴﺖ ﺍﻣﻲ ﻣﻦ ﺷﺎﻓﺘﻨﻲ ﺍﻧﺼﺪﻣﺖ

ـ ﻫﺎﺍﺍ ﻭﻧﻴﻦ ﺷﺠﺎﺑﺞ ﺍﻫﻨﺎ ﻣﻮ ﻛﺘﻠﺞ ﻇﻠﻲ ﻳﻢ ﺳﻌﺎﺩ .

ـ ﺍﺭﻳﺪ ﺍﻋﺮﻑ ﻣﻜﺘﻮﺏ ﻉ ﮔﺼﺘﻲ ﻫﺬﻩ ﺍﻟﺒﻨﻴﻪ ﻣﺨﺼﺼﻪ ﺣﺼﺮﻳﺎً ﻟﻠﺮﺯﺍﻳﻞ !..

ـ ﺍﺭﻳﺪ ﺍﻋﺮﻑ ﻣﻜﺘﻮﺏ ﻉ ﮔﺼﺘﻲ ﻫﺬﻩ ﺍﻟﺒﻨﻴﻪ ﻣﺨﺼﺼﻪ ﺣﺼﺮﻳﺎً ﻟﻠﺮﺯﺍﻳﻞ !..

ـ ﻟﻴﺶ ﺍﺗﻌﺒﻴﻨﻲ ﻟﻴﺶ ﺗﺮﺩﻳﻦ ﺍﻧﺠﻠﻂ ﻭﻟﺞ ﺍﻧﻲ ﻭﺩﻳﺘﺞ ﻟـ ﺳﻌﺎﺩ ﻟﻴﺶ ﺭﺩﻳﺘﻲ ﻟﻴﺶ ..

ـ ﻳﻤﻪ ﺍﻧﻲ ﺍﺭﻳﺪ ﺍﻋﺮﻑ ﺷﻨﻮ ﺍﻟﺴﺒﺐ ﻟﻴﺶ ﺍﺗﺒﻌﺪﻳﻨﻲ ﻋﻦ ﺍﻟﺒﻴﺖ ?..

ـ ﺭﺩﻱ ﻳﻢ ﺧﺎﻟﺘﺞ ﻭﺑﻌﺪﻳﻦ ﺗﻌﺮﻓﻴﻦ ﺍﻧﻲ ﺍﺧﺎﺑﺮﺝ ﻭﺍﮔﻠﺞ ..

ـ ﺍﻧﻲ ﺭﺍﻳﺤﻪ ﺑﺲ ﺍﻭﻝ ﻭﺗﺎﻟﻲ ﺍﻋﺮﻑ ﻟﻴﺶ ﺑﻌﺪﻳﻦ ﺧﻠﻴﻨﻲ ﺍﻋﺮﻑ ﺷﻨﻮ ﺍﻟﺴﺎﻟﻔﻪ ﻭﻟﻴﺶ ﺍﻧﻲ ﺍﻧﻄﺮﺩ ﻣﻦ ﺑﻴﺘﻨﺎ ﻟﻴﺶ ..

ـ ﻭﻟﻲ ﺭﻭﺣﻲ ﺑﺴﺮﻋﻪ ﺗﻌﺒﺖ ﻣﻨﺞ ..

ﺭﺟﻌﺖ ﻟﺒﻴﺖ ﺧﺎﻟﻲ ﻭﺑﺪﻭﻥ ﻧﻔﻊ ﻣﻌﺮﻓﺖ ﻟﻴﺶ ﺍﻣﻲ ﺗﺒﻌﺪﻧﻲ ﻣﻦ ﺍﻟﺒﻴﺖ ..

ﺑﻘﻴﺖ ﺍﺳﺒﻮﻉ ﻛﺎﻣﻞ ﻳﻮﻡ ﺧﺎﻟﺘﻲ ﻭﺣﺘﻪ ﺍﻟﺠﻤﻌﻪ ﺧﺎﺑﺮﺕ ﺍﻣﻲ ﻛﺘﻠﻬﺎ ﺍﺭﻳﺪ ﺍﺭﺟﻊ ﺍﺳﺘﺤﻲ ﻣﻨﻬﻢ ﺣﺘﻪ ﻣﺎﺍﻛﻞ ... ﺑﺲ ﺳﺪﺕ ﺍﻟﺨﻂ ﺑﻮﺟﻬﻲ ﻭﻗﺒﻠﻬﺎ ﻛﺎﻟﺖ ﺍﺑﻘﻲ ﻭﻻ ﺗﺠﻴﻦ ...

ﻣﺮﻳﻢ ﺧﺎﺑﺮﺗﻨﻲ ﻉ ﻣﻮﺩ ﺍﻟﺪﺭﺱ ﻻﻥ ﻟﻮﺍﺀ ﻣﻴﺤﺠﻲ ﻭﻳﺎﻱ ﻭﻳﻈﻦ ﻣﺎﺍﺩﺭﺱ ﺑﻨﺘﻪ ﻻﻥ ﺍﺗﻌﺎﺭﻙ ﻭﻳﺎﻱ ... ﻛﺘﻠﻬﺎ ﺍﻣﻲ ﻣﺘﻘﺒﻞ ﺑﻌﺪ ﻣﺎﺍﻛﺪﺭ ﻭﻫﻢ ﻛﺘﻠﻬﺎ ﺍﻧﻲ ﻣﻮ ﺑﺎﻟﺒﻴﺖ ﻳﻢ ﺧﺎﻟﺘﻲ ....

ﻭﻓﺎﺕ ﺍﺳﺒﻮﻉ ﺛﺎﻧﻲ ﻭﺍﻧﻲ ﻫﻢ ﻳﻢ ﺧﺎﻟﺘﻲ ﻭﻓﻌﻼ ﺿﺠﺖ ﻣﺸﺘﺎﻗﻪ ﻟﺒﻴﺘﻨﺎ ﻭﺍﺭﻳﺪ ﺍﺷﻮﻑ ﺟﻬﺎﻝ ﺍﺧﻮﺍﻧﻲ ﻃﮓ ﮔﻠﺒﻲ ﻋﻠﻴﻬﻢ ...

ﻓﺠٲﺓ ﺧﺎﺑﺮﺗﻨﻲ ﺍﻣﻲ ﻭﺍﻧﻲ ﺑﺎﻟﺪﻭﺍﻡ ﻛﺎﻟﺖ ﺍﺭﺟﻌﻲ ...

ﻭﺍﻧﻲ ﻣﻤﺼﺪﻛﻪ ﺍﺧﺬﺕ ﺍﺟﺎﺯﻩ ﻭﺭﺣﺖ ﺟﻤﻌﺖ ﻣﻼﺑﺴﻲ ﻭﺭﺟﻌﺖ ﻉ ﺍﻟﺒﻴﺖ ﺭﻛﺾ ..

ﺍﻭﻝ ﻣﺪﺧﻠﺖ ﻛﻠﻬﺎ ﺍﺳﺘﻘﺒﻠﺘﻨﻲ ﻭﻓﺮﺣﺎﻧﻴﻦ .. ﺍﻧﻲ ﺍﻋﺮﻑ ﺍﻧﻲ ﻭﺟﻪ ﺍﻟﻨﻜﺪ ﻭﺻﻠﺔ ﺍﻟﻤﺴﺢ ﺍﺧﺘﺼﺎﺹ ﺗﻠﻘﻲ ﺍﻟﺮﺯﺍﻳﻞ ﻭﺍﻟﻜﻠﻤﺎﺕ ﺍﻟﺠﺎﺭﺣﻪ ﺷﻌﺠﺐ ﻫﺎﻱ ﺍﻟﻮﺟﻮﻩ ﺍﻟﺤﻠﻮﻩ ﺗﻀﺤﻜﻠﻲ ﺑﻠﻌﺖ ﺭﻳﻘﻲ ﻭﺍﺗﻨﻔﺴﺖ ﻧﻔﺲ ﺍﺿﺎﻓﻲ ﻭﺍﻧﺘﻈﺮﺕ ﺍﻟﺼﺪﻣﻪ ﺑﻜﻞ ﺻﺪﺭ ﺭﺣﺐ

ـ ﻫﻼ ﻳﻤﻪ ﻫﻼ ﺑـ ﺍﻧﻴﻦ ﻳﺎ ﺑﻌﺪ ﮔﻠﺒﻲ ﺍﺷﺘﺎﻗﻴﺘﻠﺞ .

ـ ﺍﻣﻲ ﺣﺒﻴﺒﺘﻲ ﻭﺍﻧﻲ ﻫﻢ ﺑﺲ ...

ـ ﺍﺷﺶ ﺑﺪﻭﻥ ﺑﺲ ﺧﻠﺺ ﺑﻌﺪ ﻛﻞ ﺷﻲ ﺍﻧﺤﻞ ﻭﺍﻟﺤﻤﺪ ﻟﻠﻪ ..

ـ ﺷﻨﻮ ﺍﻟﻲ ﺍﻧﺤﻞ ?..

ـ ﻳﻤﻪ ﺍﺟﻮﺝ ﻧﺎﺱ ﻭﺧﻮﺵ ﺭﺟﺎﻝ ﻭﻣﻌﺮﻭﻑ ﻭﻣﻬﻨﺪﺱ ﻭﻣﻨﺎﻗﺼﻪ ﺷﻲ ﻭﺭﺍﻳﺪﺝ ﺑﺎﻟﺤﻼﻝ ﻭﺍﺣﻨﺎ ﻭﺍﻓﻘﻨﺎ ﻋﻠﻴﻪ ﺑﺲ ﺑﻌﺪ ﺍﻧﺘﻲ ﺷﻨﻮ ﺍﺗﻜﻮﻟﻴﻦ ?..

ـ ﻏﻴﺮ ﺍﻋﺮﻑ ﻣﻨﻮ ?..

ـ ﺍﺗﻌﺮﻓﻴﻨﺎ ﻭﺍﻥ ﺷﺎﺀ ﺍﻟﻠﻪ ﻣﺘﻔﻘﻴﻦ ..

ـ ﺷﻠﻮﻥ ﺍﻋﺮﻓﻪ ﺑﻠﻪ ..

ـ ﺷﺒﻴﺞ ﻳﻤﻪ ﺍﺑﻮ ﺻﻮﻧﺪﺍ ..

ـ ﻫﻼ ﻣﻨﻮ ﻣﻨﻮ ﻻ ﺧﺎﻑ ﻏﻠﻄﺎﻧﻪ ﻳﻤﻪ ﺷﻨﻮ ﺗﺤﺠﻴﻦ ..

ـ ﺍﺷﺒﻴﺞ ﺍﻧﮕﻠﺒﺘﻲ ﻋﻠﻴﻪ ﻃﻨﻄﻞ ﻳﻤﻪ ﺧﻮﺵ ﺭﺟﺎﻝ ﻣﺎﺑﻲ ﺷﻲ ﻭﺭﺍﻳﺪﺝ ﻭﺍﺟﺖ ﺳﺖ ﻣﺮﻳﻢ ﺍﻟﺒﺎﺭﺣﻪ ﻭﮔﺎﻟﺖ ﻣﺴﺘﻌﺠﻠﻴﻦ ﻳﻌﻨﻲ ﻫﺬﺍ ﺍﻻﺳﺒﻮﻉ ﺍﻟﺨﻄﻮﺑﻪ ﻭﺍﻟﺜﺎﻧﻲ ﺍﻟﻌﺮﺱ ..

ـ ﻣﺴﺘﺤﻴﻞ ﻻ ﺍﺑﺪ ﺍﺻﻼ ﻣﻮ ﻫﻮ ﻻ ﻫﻮ ﺷﻠﻮﻥ ﻏﻴﺮ ﺍﻧﻲ ﺧﺮﺭﺭﺭﺏ ﻫﺴﻪ ﺑﺲ ﺧﻠﻲ ﺍﻓﻬﻤﺞ ﻫﻮ ﻭﺍﺣﺪ ﻣﺨﺒﻞ ﻣﻮ ﻋﺎﻗﻞ ﻭﻛﻞ ﻳﻮﻡ ﺷﻜﻞ ﻫﺬﺍ ﺍﻛﻴﺪ ﻣﻮ ﻗﺎﺻﺪ ﻭﺳﺖ ﻣﺮﻳﻢ ﺍﺷﺘﺒﻬﺖ ﺩﺍﺯﻫﺎ ﻉ ﻏﻴﺮ ﻭﺣﺪﻩ ..

ـ ﻻ ﺍﻧﺘﻲ ﻭﻫﻮ ﺣﺠﻪ ﻭﻳﻪ ﺍﺧﻮﺍﻧﺞ ﻭﻛﻠﻬﻢ ﻣﻘﺘﻨﻌﻴﻦ ﻣﺎﺍﺩﺭﻱ ﺷﻠﻮﻥ ﻗﻨﻌﻬﻢ ﻭﺍﻧﺘﻲ ﻫﻢ ﻻﺯﻡ ﺗﻘﺘﻨﻌﻴﻦ ﻻ ﺍﻧﻲ ﺍﻗﻨﻌﺞ ..

ـ ﻳﻮﻭﻭﻡ " ﺑﺲ ﺍﻓﻤﻴﻨﻲ ﺍﺭﺟﻮﺝ ..

ـ ﻻ ﺗﺼﻴﺤﻴﻦ ﺑﻜﻴﻔﺞ ﺍﻧﺘﻲ ﺻﺎﺭ ﺍﺳﺒﻮﻋﻴﻦ ﻣﺒﻌﺪﺗﺞ ﻋﻨﻬﻢ ﺗﺪﺭﻳﻦ ﻛﻞ ﻳﻮﻡ ﺟﺎﻳﺒﻴﻦ ﻧﺎﺱ ﻭﺍﻧﻲ ﺍﻛﻠﻬﻢ ﺑﻨﺘﻲ ﺑﺎﻟﻤﺴﺘﺸﻔۍ ﻣﺮﻳﻀﻪ ﻭﻳﺪﺧﻠﻦ ﻋﻤﺎﺗﺞ ﻭﻳﺪﻭﺭﻥ ﻭﻣﺎﻳﻠﻜﻨﺞ ..

ﻭﺍﻧﻲ ﻛﻞ ﻳﻮﻡ ﺭﺍﻳﺢ ﺻﻮﺗﻲ ﻭﻳﺎﻫﻢ ﺑﺲ ﺍﺻﻴﺢ ﻭﻟﺞ ﻣﻮﺗﻮﻧﻲ ﻳﺮﺩﻭﻧﺞ ﻭﻟﻮ ﻣﻦ ﺻﺪﻙ ﻳﺤﺒﻮﻧﺞ ﻣﺎﺍﻛﻮﻝ ﻻ ﺑﺲ ﻳﺎﺧﺬﻭﻧﺞ ﻻﻥ ﻃﻤﻌﺎﻧﻴﻦ ﺑﻴﺞ ﻭﻫﻢ ﻣﻜﺪﻭﺭ ﻋﻠﻴﻪ ﺍﻧﻲ ﻣﺎﺍﻋﺮﻑ ﺍﺧﺬ ﺣﮕﻲ ﻣﻨﻬﻢ ﻳﺎﺧﺬﻭﻧﺞ ﻳﺮﺩﻭﻥ ﻳﻜﺴﺮﻭﻧﻲ .

ـ ﺍﻧﻲ ﺷﺴﻮﻱ ﺑﺮﻭﺣﻲ ﻫﺬﺍ ﺣﻈﻲ ﻭﺍﻟﻠﻪ ﻇﺎﻟﻤﻴﻨﻲ ﻭﺍﻟﻠﻪ ﻣﻴﺼﻴﺮ ﻫﻴﺞ ﻻﺯﻡ ﺍﻧﻲ ﺍﺧﺘﺎﺭ ﺍﻗﻠﻬﺎ ﺍﻭﺍﻓﻖ ﻣﻮ ﻋﻤﻲ ﻳﺘﺤﻜﻢ ﺑﺼﻔﺤﻪ ﻭﺍﻧﺘﻮﺍ ﺗﺮﺩﻭﻥ ﺗﺰﻭﺟﻮﻧﻲ ﻟـ ﻏﻀﺐ ﺍﻟﻘﺰﻡ ﻭﻫﻮ ﻏﻴﺮ ﻣﻦ ﻳﺸﻮﻓﻨﻲ ﻳﺘﺨﺒﻞ ﺷﻠﻮﻥ ﻳﺘﺰﻭﺟﻨﻲ.

...

...

ﺍﻧﻲ ﺍﻧﻄﻴﺘﻬﻢ ﻛﻠﻤﻪ ﻭﺍﻧﺘﻲ ﺑﻌﺪ ﻣﻮ ﻣﺎﻝ ﺗﺸﺮﻃﻴﻦ ﻧﻤﺘﻲ ﻉ ﮔﻠﺒﻲ ﺍﻓﺘﻬﻤﻲ ﺍﻟﻲ ﺑﻌﻤﺮﺝ ﺑﻨﺎﺗﻬﻢ ﻭﻟﺪﻫﻢ ﺑﻄﻮﻟﻬﻢ ﻭﺍﻧﺘﻲ ﻇﺎﻟﻪ ﺗﺴﺘﻨﮕﻴﻦ ﻫﺬﺍ ﻻ ﻭﻫﺬﺍ ﺍﻛﺮﻫﻪ ﺍﺫﻛﺮﻱ ﺍﻟﻠﻪ ﻭﺣﻀﺮﻱ ﺭﻭﺣﺞ ﺑﺎﺟﺮ ﻳﺠﻮﻥ ﺍﺧﻮﺍﺕ ﺍﻟﻮﻟﺪ ﻳﺸﻮﻓﻨﺞ ﻫﻮ ﺷﺎﻳﻔﺞ ﻳﻌﻨﻲ ﻣﺎﻛﻮ ﺩﺍﻋﻲ ﻳﺠﻲ ﻳﺸﻮﻓﺞ ﻭﺑﻌﺪﻫﺎ ﻳﺤﺪﺩﻭﻥ ﻳﻮﻡ ﺍﻟﺨﻄﻮﺑﻪ ﻭﺩﻳﺮﻱ ﺑﺎﻟﺞ ﺍﺗﮕﻠﺒﻴﻦ ﺧﻠﻘﺘﺞ ﺍﺗﻌﺮﻓﻴﻦ ﺷﺴﻮﻱ ﺑﻴﺞ ﺍﺗﺼﻴﺮﻳﻦ ﻣﺜﻞ ﺍﻟﺒﻨﺎﺕ ﺍﻟﻤﻌﺪﻟﻪ ﻣﺮﻩ ﺑﺤﻴﺎﺗﺞ ﻭﺗﺴﻤﻌﻴﻦ ﺍﺣﺠﺎﻳﺘﻲ ..

ـ ﺍﻱ ﻣﻮﺍﻓﻘﻪ ﺑﺲ ﺧﻠﻲ ﺍﺑﺎﻟﺞ ﺍﻧﻲ ﻣﻮ ﺭﺍﺿﻴﻪ ﺑﺲ ﻫﺬﺍ ﻻﻥ ﻃﻠﺐ ﻣﻨﺞ ﺍﻭ ﻫﻮ ﺍﻣﺮ ﺑﺲ ﺷﺴﻮﻱ ﻳﻌﻨﻲ ﺍﻧﻲ ﻣﺠﺒﻮﺭﻩ ﻻﻥ ﻣﺎﺍﺭﻳﺪ ﺍﻇﻞ ﻧﺎﻳﻤﻪ ﻉ ﮔﻠﺒﺞ ﻭﺍﻟﻠﻪ ﻳﺴﺎﻋﺪﺝ ﻋﻠﻴﻪ ﻫﺎﻱ ﺍﻟﺴﻨﻴﻦ ﻛﻠﻬﺎ ﺑﻌﺪ ﻣﺎﻇﻞ ﺷﻲ ﻭﺍﺗﺨﻠﺼﻴﻦ ﻣﻨﻲ ..

ـ ﻳﺎ ﻇﻴﻢ ﮔﻠﺒﻲ ﻭﻟﺞ ﺍﺭﻳﺪﺝ ﺍﺗﺼﻴﺮﻳﻦ ﺣﺎﻟﺞ ﺣﺎﻝ ﺍﻟﻨﺴﻮﺍﻥ ﻭﺗﺰﻭﺟﻴﻦ ﻭﺍﻳﺼﻴﺮ ﻋﻨﺪﺝ ﺑﻴﺖ ﻭﺟﻬﺎﻝ ﻭﺍﺷﻮﻓﻬﻢ ﮔﺒﻞ ﻻ ﺍﻣﻮﺕ ﻭﻟﺞ ﻣﺤﺪ ﺑﺤﺎﻟﺞ ﺍﻧﻲ ﻭﺍﮔﻔﻪ ﺑﻮﺟﻬﻢ ﺑﺲ ﺍﻣﻮﺕ ﮔﻠﻬﺎ ﺗﺴﺘﺠﻠﺐ ﻋﻠﻴﺞ ﻛﻠﻬﺎ ﺍﺗﺮﻳﺪ ﺗٲﺧﺬ ﻣﻨﺞ ﺑﺲ ﻣﺤﺪ ﻳﻨﻄﻴﺞ ﻭﻫﺎﻱ ﺍﺑﺴﻂ ﻣﺜﺎﻝ ﺧﺎﻟﺘﺞ ﺳﻌﺎﺩ ﺷﻔﺘﻴﻬﺎ ﺷﻨﻮ ﺣﺎﻟﻬﺎ ﻣﺤﺪ ﻳﺤﺘﺮﻣﻬﺎ ﻭﻻ ﺍﺣﺪ ﺑﺤﺎﻟﻬﺎ ﻻ ﻭﻟﺪ ﻭﻻ ﺗﻠﺪ ﻭﻇﺎﻟﻪ ﺗﺤﺖ ﺭﺣﻤﺔ ﺧﺎﻟﺞ ﻭﻫﺬﺍ ﺍﺧﻮﻫﺎ ﺯﻳﻦ ﻭﻣﺪﺍﺭﻳﻬﺎ ﺑﺲ ﻳﻤﻮﺕ ﺍﺗﻈﻞ ﺗﺤﺖ ﺭﺣﻤﺔ ﻭﻟﺪﻩ ﺑﻌﺪ ﻫﻤﻪ ﻭﺿﻤﻴﺮﻫﻢ ﻟﻮ ﻳﺤﻨﻮﻥ ﻋﻠﻴﻬﺎ ﻟﻮ ﻻ ﺍﻓﻬﻤﻲ ﻳﺠﺒﻞ ﺍﻟﺜﻠﺞ ﻳﻞ ﻣﺎ ﺍﺗﺤﺴﻴﻦ ﻫﺬﺍ ﺍﻟﺮﺟﺎﻝ ﺷﺎﻳﻔﺞ ﻭﺍﺟﻪ ﻳﺨﻄﺒﺞ ﻻﺯﻡ ﺍﺗﻔﺮﺣﻴﻦ ﻣﻮ ﺍﺗﮕﻠﺒﻴﻦ ﺧﻠﻘﺘﺞ .

ـ ﺧﻠﺺ ﻓﻬﻤﺖ ﻭﺍﻧﻲ ﻓﺮﺣﺎﻧﻪ ﺷﻮﻓﻲ ﺩﺍ ﺍﺿﺤﻚ ﻓﺮﺣﺎﻧﻪ .. ﻫﻬﻬﻬﻬﻪ ﻫﻬﻬﻬﻬﻪ ﺳﻤﻌﺘﻲ ﺿﺤﻜﺘﻲ ...

ـ ﺍﻟﻠﻪ ﻳﺜﺒﺖ ﻋﻠﻴﻨﺎ ﺍﻟﻌﻘﻞ ﻭﺍﻟﺪﻳﻦ ﺍﺗﺨﺒﻠﺖ ﺍﻟﺒﻨﻴﻪ ﺭﺳﻤﻲ ..

ﻋﻔﺘﻬﺎ ﻭﺭﺣﺖ ﺍﺭﻳﺪ ﺍﺷﻮﻑ ﺣﻞ ﻟﻬﺎﻱ ﺍﻟﻜﺎﺭﺛﺔ ﺷﻠﻮﻥ ﻫﺬﺍ ﻳﺨﻄﺒﻨﻲ ﻗﺒﻞ ﻛﻢ ﻳﻮﻡ ﺭﺯﻟﻨﻲ ﻭﻛﺎﻝ ﻣﺎﺍﺭﻳﺪ ﺍﺷﻮﻑ ﻭﺟﻬﺞ ﻭﻫﺴﻪ ﺟﺎﻱ ﻳﺨﻄﺒﻨﻲ ﺷﺼﺎﺭ ﺑﺎﻟﺪﻧﻴﺎ ... ﻻﺯﻡ ﺍﺣﺠﻲ ﻭﻳﺎﻩ ﻭﺍﺧﻠﻲ ﻳﻌﺘﺬﺭ ﻣﻨﻬﻢ ﺍﻭ ﻳﺨﻠﻲ ﺍﺧﻮﺍﺗﻪ ﻳﺮﻓﻀﻨﻲ ﺍﻱ ﺷﻲ ﺍﻱ ﺣﻞ ﺑﺲ ﻣﺎﺍﺭﻳﺪ ﺍﻋﻴﺶ ﻋﻤﺮﻱ ﻭﻳﻪ ﻫﺬﺍ ﺍﻟﻤﻐﺮﻭﺭ ﻫﺬﺍ ﻭﺍﺣﺪ ﻣﺠﻨﻮﻥ ﻣﺴﺘﺤﻴﻞ ﺍﻗﺒﻞ ﻻﺯﻡ ﺍﻟﮕﻪ ﺣﻞ ﻣﻨﺎﺳﺐ ﻭﻳﻜﻮﻥ ﻣﻨﻪ ﺍﻟﺴﺒﺐ ﻣﻮ ﻣﻦ ﻋﻨﺪﻱ .

ﻣﺎﻛﻮ ﺣﻞ ﻏﻴﺮ ﺍﺧﺎﺑﺮﻩ ﻭﺍﮔﻠﻪ ﻋﻮﻓﻨﻲ ﺑﺤﺎﻟﻲ ..

ـ ﻧﻌﻢ ...

ـ ﺍﺳﺘﺎﺫ ﺑﺲ ﻣﻤﻜﻦ ﺍﺣﺠﻲ ﻭﻳﺎﻙ ﺑﻤﻮﺿﻮﻉ ﻣﻬﻢ ﺟﺪﺍ ..

ـ ﺍﺩﺭﻱ ﻣﻮ ﺩﺍ ﺗﺤﺠﻴﻦ ﻓﻀﻴﻬﺎ ﮔﻮﻟﻲ ﺷﻨﻮ ﺗﺮﺩﻳﻦ ?...

ـ ﺷﻜﺮﺍﺍ ﻛﻠﻚ ﺫﻭﻕ ﺑﺎﻟﻤﺨﺘﺼﺮ ﻻ ﺗﺨﻄﺒﻨﻲ ﻳﻌﻨﻲ ﻗﺼﺪﻱ ﺍﻧﺖ ﻣﻮ ﺍﺗﺮﻳﺪ ﺗﺰﻭﺟﻨﻲ ﺍﻧﻲ ﻣﺎﺍﺭﻳﺪﮒ ﺑﺲ ﻣﺎﺍﮔﺪﺭ ﺍﺭﻓﺾ ﺍﻧﺖ ﺍﺭﻓﻀﻨﻲ ﻓﻬﻤﺘﻨﻲ ?...

ـ ﻫﻬﻬﻬﻬﻬﻪ ﻻ ﺍﻧﺴﻲ ﻭﺍﻟﻠﻪ ﺍﻧﻲ ﻣﺎﺍﺭﻓﺾ ﺍﺣﺪ ﺍﻧﺘﻲ ﮔﻮﻟﻲ ﻟـ ﺍﻣﺞ ﮔﻮﻟﻴﻠﻬﺎ ﻫﺬﺍ ﻗﺰﻡ ﻣﺎﺍﺣﺒﻪ ﮔﻮﻟﻴﻠﻬﺎ ﺍﺗﻌﺎﺭﻙ ﻭﻳﺎﻱ ﻭﺗﺮﻛﺖ ﺑﻨﺘﻪ ﻭﺑﻌﺪ ﻣﺎﺩﺭﺳﺘﻬﺎ ﻭﻻ ﺳﺎﻋﺪﺗﻬﺎ ﻭﺍﺧﺬﺗﻬﺎ ﺑﺬﻧﺒﻪ ﮔﻮﻟﻴﻠﻬﺎ ﻣﺰﻋﺞ ﻋﺼﺒﻲ ﺍﻛﺮﻫﻪ ﺍﺣﺠﻲ ﺍﻟﻲ ﺍﻳﻌﺠﺒﺞ ﺍﺫﺍ ﺍﻗﺘﻨﻌﻮﺍ ﻫﻬﻬﻬﻬﻬﻬﻪ ﻭﺍﻟﻠﻪ ﻋﺮﻓﺖ ﺍﻗﻨﻌﻬﻢ ﺑﺲ ﺍﻧﺘﻲ ﻣﻮ ﻣﻬﻢ ﻻﻥ ﺍﻋﺮﻑ ﺷﺨﺼﻴﺘﺞ ﻣﺎﻛﻮ ﺍﻧﺘﻲ ﻭﻻ ﺷﻲ ﻭﺍﻧﻲ ﻣﺎﺍﻟﻲ ﺣﺠﻲ ﻭﻳﺎﺝ ﺍﺫﺍ ﺭﺍﻓﻀﻪ ﺍﺧﺬ ﺍﻟﺮﻓﺾ ﻣﻦ ﻛﺮﻳﻢ ..

ـ ﺍﻧﺖ ﻣﻮ ﺑﺸﺮ ﻭﻻ ﻋﻨﺪﻙ ﺍﺣﺴﺎﺱ ﻭﻓﻌﻼ ....

ـ ﺍﺷﺸﺸﺸﺶ ﻻ ﺗﻜﻤﻠﻴﻦ ﺍﻱ ﻣﻮ ﺑﺸﺮ ﺍﻓﻜﺮ ﺑﺲ ﺑـ ﺍﻧﺎﻧﻴﺘﻲ ﻣﺜﻠﺞ ﺍﻧﺘﻲ ﺍﻟﻲ ﺟﺒﺮﺗﻴﻨﻲ ﻫﻴﺞ ﺍﺗﺼﺮﻑ ﻟﻴﺶ ﺍﻧﺘﻲ ﻣﺴﺘﻔﺰﻩ ﻫﺎﺍﺍ ﻟﻴﺶ ..

ـ ﺷﻨﻮ ﺍﻧﻲ ﻭﻳﻦ ﺍﻋﺮﻓﻚ ﺣﺘﻪ ﻣﺴﺘﻔﺰﺗﻚ ﻭﺷﻨﻮ ﺍﻧﻲ ﺍﻟﺴﺒﺐ ﺑﺸﻨﻮ ﺍﻧﻲ ﺷﻨﻮ ﺫﻧﺒﻲ ....

ـ ﻫﻢ ﻟﻮﻙ ﻟﻮﻙ ﻳﺒﻮﻭﻭﻩ ﺍﺳﻜﺘﻲ ﺑﻨﺘﻲ ﺧﻠﻴﻨﻲ ﺭﺍﺳﻲ ﻳﻮﺟﻌﻨﻲ ﻣﻦ ﺻﻮﺗﺞ ﻭﺍﻧﺘﻲ ﺍﻟﻲ ﺗﺮﺩﻳﻦ ﻫﻴﺞ ﺑﺎﻱ ﺯﻭﺟﺘﻲ ﺍﻟﻤﺴﺘﻘﺒﻠﻴﻪ ﻫﻬﻬﻬﻬﻬﻪ ..

ﺳﺪ ﺍﻟﺨﻂ ﺑﻮﺟﻬﻲ ﻭﺧﻼﻧﻲ ﺻﺎﻓﻨﻪ ﻫﺬﺍ ﺷﻌﻨﺪﺍ ﻭﻳﺎﻱ ﺍﻧﻲ ﺷﻨﻮ ﻣﺴﻮﻳﻪ ﻟﻴﺶ ﻛﻞ ﻫﺬﺍ ﺍﻟﺤﻘﺪ ﻭﺍﺫﺍ ﻳﻜﺮﻫﻨﻲ ﻟﻴﺶ ﻳﺮﻳﺪ ﻳﺘﺰﻭﺟﻨﻲ ...

ﺭﺟﻌﺖ ﺣﺠﻴﺖ ﻭﻳﻪ ﺍﻣﻲ ﻭﻫﻢ ﻧﻔﺲ ﺍﻟﺸﻲ ﻭﻣﺨﺎﺑﺮﻩ ﻣﺮﻳﻢ ﻭﮔﺎﻳﻠﺘﻠﻬﺎ ﺍﻧﻴﻦ ﻣﻮﺍﻓﻘﻪ ﻭﺑﺎﺟﺮ ﻳﺠﻮﻥ ﺍﺧﻮﺍﺕ ﻟﻮﺍﺀ ﻭﺍﻧﻲ ﻻﺯﻡ ﺍﻛﻮﻥ ﻃﺒﻴﻌﻴﻪ ﻭﻻﺯﻡ ﺍﺣﺠﻲ ﻭﻳﺎﻫﻢ ﻭﺍﺑﺘﺴﻢ ﺍﻱ ﻳـ ﺍﻧﻴﻦ ﻣﺜﻞ ﻣﮕﺎﻝ ﺍﻟﻘﺰﻡ ﺍﻧﺘﻲ ﻣﺎﻋﻨﺪﺝ ﺷﺨﺼﻴﻪ ﻭﻫﺬﺍ ﺟﺰﺍﺝ ﺗﺴﺘﺎﻫﻠﻴﻦ ﺍﻱ ﺗﺴﺘﺎﻫﻠﻴﻦ ﺧﻠﻴﺞ ﻫﻴﺞ ﻻ ﺗﺤﺠﻴﻦ ﺍﺑﻘﻲ ﺳﺎﻛﺘﻪ ﻭﻻ ﺗﺤﺎﻭﻟﻴﻦ ﺗﮕﻠﻴﻠﻬﻢ ﺍﻧﻲ ﻣﻮ ﺳﻠﻌﻪ ﺍﻧﻲ ﺑﺸﺮ ﻋﻨﺪﻱ ﺍﺣﺴﺎﺱ ﺍﺣﺐ ﻭﺍﻛﺮﻩ ﻣﺎﺍﺭﻳﺪ ﺍﻋﻴﺶ ﻣﺜﻞ ﻣﺎﺗﺮﺩﻭﻥ ﺍﻧﺘﻮﺍ ﺍﺭﻳﺪ ﺍﻋﻴﺶ ﺑﻬﺪﻭﺀ ﻭﺑﺴﻼﻡ ﻭﺍﻧﻲ ﻭ ﻟﻮﺍﺀ ﻣﺎﺍﮔﺪﺭ ﺍﺫﻭﮒ ﻃﻌﻢ ﺍﻟﺮﺍﺣﻪ ﻣﻮ ﺍﻟﻬﺪﻭﺀ ﻭﻻ ﺷﻲ ﺑﺲ ﺍﻧﻲ ﻣﺎﺍﺳﻜﺘﻠﻪ ﺍﻱ ﻻﺯﻡ ﺍﻛﻮﻥ ﻗﻮﻳﻪ ﻭ ﺍﻭﻛﻔﻪ ﻋﻨﺪ ﺣﺪﻩ ...

ﺻﺎﺭ ﻟﻴﻞ ﻭﺍﻧﻲ ﺑﺪﻭﻥ ﻋﻘﻞ ﻣﺜﻞ ﺍﻟﻤﺠﻨﻮﻧﻪ ﺷﻠﻮﻥ ﺻﺎﺭ ﻫﺬﺍ ﻛﻠﻪ ﻭﺑﻬﺎﻱ ﺍﻟﺴﺮﻋﻪ ﻭﻟﻴﺶ ﻭﺷﻠﻮﻥ ﺍﮔﺪﺭ ﺍﺗﻘﺒﻞ ﻛﻞ ﻫﺬﺍ ...

ﺻﺎﺭ ﻣﻮﻋﺪ ﺍﻟﻲ ﻳﺠﻮﻥ ﺑﻲ ﺍﺧﻮﺍﺕ ﻟﻮﺍﺀ ﻭﻣﺮﻳﻢ ﺧﺎﺑﺮﺗﻨﻲ ﮔﺎﻟﺖ ﺍﺣﻨﺎ ﺑﺎﻟﻄﺮﻳﻖ ﻭﺭﺍ ﺭﺑﻊ ﺳﺎﻋﻪ ﻭﺻﻠﻮﺍ ﺍﻧﻲ ﻣﺎ ﺗﺤﺮﻛﺖ ﺑﺲ ﺷﻬﺎﻣﻪ ﻭﺭﻳﻢ ﺳﺎﻋﺪﻧﻲ ﻭﺍﻣﻲ ﻣﺸﺘﺮﻳﺘﻠﻲ ﻓﺴﺘﺎﻥ ﻫﻢ ﻉ ﺫﻭﻗﻬﺎ ﻟﺒﺴﺘﻪ ﻭﺭﻳﻢ ﺧﻠﺘﻠﻲ ﻣﻜﻴﺎﺝ ﺑﺴﻴﻂ ﻭﺷﻬﺎﻣﻪ ﺳﻮﺗﻠﻲ ﺗﺴﺮﻳﺤﻪ ﻫﻢ ﻋﺎﺩﻳﻪ ﺑﺲ ﺷﻲ ﻣﺮﺗﺐ ﻭﺣﺎﻭﻟﺖ ﺗﺨﻔﻲ ﺍﻟﺸﻴﺐ ﺍﻟﻲ ﺑﺸﻌﺮﻱ ﻭﻋﺪﻫﺎ ﺻﺒﻎ ﻭﻗﺘﻲ ﺿﺎﻓﺖ ﻟﺸﻌﺮﻱ ﺑﻲ ﻉ ﺷﻜﻞ ﺧﺼﻞ ﻭﺳﺮﺣﺘﻪ ﺻﺮﺕ ﺟﺎﻫﺰﻩ ﺑﺲ ﺣﺘﻪ ﺍﻋﺠﺒﻬﻦ ﻭﺍﻧﻲ ﻟﻮ ﺑـ ﺍﻳﺪﻱ ﺍﺻﺨﻢ ﻭﺟﻬﻲ ﻭﻛﻔﺶ ﺷﻌﺮﻱ ﺑﺲ ﺣﺘﻪ ﻳﺮﻓﻀﻨﻲ ....

ﺗﺮﻛﻨﻲ ﻭﺭﺍﺣﻦ ﻳﺤﻀﺮﻥ ﺣﺘﻪ ﻳﺴﺘﻘﺒﻠﻨﻬﻢ ﻭﺍﺳﻤﻊ ﺍﻣﻲ ﺩﺧﻠﺘﻬﻢ ﻭﺗﺴﻠﻢ ﻭﻓﺮﺣﺎﻧﻪ ﺑﻴﻬﻢ ﺑﺸﻜﻞ ﻫﻪ ﻣﻤﺼﺪﻛﻪ ﻟﮕﺖ ﻧﺎﺱ ﺗﻘﺒﻠﻨﻲ ..

ﺍﻧﻲ ﺍﺧﺬﺗﻠﻬﻢ ﻋﺼﻴﺮ ﻭﺳﻠﻤﺖ ﻭﮔﻌﺪﺕ ﻉ ﺟﻨﺐ ﺑﺲ ﺷﻌﻮﺭ ﻋﺠﻴﺐ ﻣﺜﻞ ﺷﻌﻮﺭ ﺍﻻﻧﺴﺎﻥ ﺍﻟﻲ ﻣﺘﻮﺟﻊ ﺑﺲ ﻣﻴﮕﺪﺭ ﻳﺼﺮﺥ ﻭﺟﻊ ﻭﺍﻟﻢ ﺑﺪﻭﻥ ﺻﻮﺕ ﺍﺑﺠﻲ ﺑﺲ ﺑﮕﻠﺒﻲ ﻭﺍﺑﺘﺴﻢ ﺍﻟﻬﻢ ﻭﺍﺟﺎﻭﺏ ﻉ ﻛﻞ ﺍﺳﻠﺘﻬﻦ ﻭﺍﻧﻲ ﺍﺭﻳﺪ ﺍﺷﺮﺩ ﺍﺭﻳﺪ ﺍﻃﻠﻊ ﻣﻦ ﻛﻞ ﻫﺬﺍ ﻣﻦ ﺍﻟﻔﺴﺘﺎﻥ ﻭﻣﻦ ﺍﻟﻤﻜﻴﺎﺝ ﻭﻣﻦ ﻛﻞ ﺷﻲ ﺍﻭﻭﻩ ﺍﺗﺤﺴﻔﺖ ﺍﻻﺣﻼﻡ ﺍﻟﻲ ﺟﺎﻧﺖ ﺗﺠﻴﻨﻲ ﺍﻱ ﻟﻴﺶ ﺍﺗﻌﺎﻟﺠﺖ ﺟﺎﻥ ﻫﺴﻪ ﺍﻧﻲ ﺩﺍﺧﻠﻪ ﺑﺤﻠﻢ ﻭﺧﺎﻟﺼﻪ ﺍﻭﻭﻭﻩ ﺷﻮﻛﺖ ﻳﺨﻠﺼﻦ ﻣﻦ ﻣﺸﺎﻫﺪﺓ ﺍﻟﻠﻮﺣﻪ ﺍﻟﻔﻨﻴﻪ ﻏﻴﺮ ﻳﺮﻭﺣﻦ ...

ـ ﻣﺮﻳﻢ : ﺍﻧﻴﻦ ﺍﺷﻮ ﺟﻨﺞ ﺿﺎﻳﺠﻪ ..

ﺍﻧﻴﻦ : ﻋﺰﺍ ﻟﻴﺶ ﺿﺎﻳﺠﻪ ﻻ ﻭﻻ ﺿﺎﻳﺠﻪ ..

ﺍﻡ ﻛﺮﻳﻢ : ﺷﻨﻮ ﻋﺰﺍ ﻫﻮ ﻫﻢ ﻓﺎﻝ ﺍﺳﺘﻐﻔﺮ ﺍﻟﻠﻪ ..

ﻣﺮﻳﻢ : ﻋﺎﺩﻱ ﺧﺎﻟﻪ ﻫﻲ ﺍﻧﻴﻦ ﻣﺘﻌﻮﺩﻩ ﻫﻴﺞ ﺗﺤﺠﻲ ﺍﻥ ﺷﺎﺀ ﺍﻟﻠﻪ ﺣﻴﺎﺗﻬﺎ ﻛﻠﻬﺎ ﻓﺮﺡ ..

ﺍﻧﻴﻦ : ﺍﻱ ﺑﻌﺪ ﻣﺎﺍﻛﻮﻝ ﻋﺰﺍﺍﺍ ..

ﻣﺎﺍﻋﺮﻑ ﺷﻠﻮﻥ ﺧﻠﺺ ﺍﻟﻮﻗﺖ ﻭﻃﻠﻌﻮﺍ ﻭﺟﻨﺖ ﻋﺎﺟﺒﺘﻬﻦ ....

ﺑﺲ ﺭﺍﺣﻦ ﻭﺑﻌﺪ ﻛﻢ ﺳﺎﻋﻪ ﺩﺧﻞ ﻛﺮﻳﻢ ﻭﻛﺎﻝ ﺣﺪﺩﻧﻪ ﻳﻮﻡ ﺧﻄﻮﺑﻪ ...

ـ ﺍﻡ ﻛﺮﻳﻢ : ﺍﻱ ﺷﻮﻛﺖ ?..

ـ ﻛﺮﻳﻢ : ﻋﮕﺐ ﺑﺎﺟﺮ ..

ـ ﺍﻧﻴﻦ : ﻧﻌﻢ ﻟﻴﺶ ﺑﻼ ﻭﺍﻧﻲ ﺷﻮﻛﺖ ﺍﻟﺤﻚ ....

ـ ﺍﻡ ﻛﺮﻳﻢ : ﺍﺷﺸﺸﺸﺸﺶ ﮔﻠﻬﻢ ﻣﻮﺍﻓﻘﻴﻦ .

ﺧﻠﺺ ﺍﻟﻘﺮﺍﺭ ﺍﻟﺠﻤﻬﻮﺭﻱ ﺻﺪﺭ ﻭﺍﻧﻲ ﻣﺎﻛﻮ ﮔﺪﺍﻣﻲ ﺣﻞ ﺑﻌﺪ ﻻ ﻣﻔﺮ ﻣﻦ ﺍﻟﻘﺪﺭ ..

.....

ﺍﺧﺬﻭﻧﻲ ﺑﻬﻮﺳﺘﻬﻢ ﻭﺍﺻﻮﺍﺗﻬﻢ ﻭﻛﻠﻬﺎ ﻓﺮﺣﺎﻧﻪ ﺑﺲ ﺍﻧﻲ ﺍﺑﺪ ﻣﻤﺮﺗﺎﺣﻪ ﻭﺧﺎﻳﻔﻪ ﻫﺬﺍ ﺷﻴﺮﻳﺪ ﻣﻨﻲ ﻟﻮ ﺑﺲ ﺍﻋﺮﻑ ﻫﺬﺍ ﻟﻴﺶ ﻣﺨﻠﻴﻨﻲ ﺑﺮﺍﺳﻪ ﻫﻴﺞ ﺍﻟﻠﻪ ﺑﺲ ﻳﻌﻠﻢ ﺑﺤﺎﻟﻲ .

ﻳﺎﺭﺏ ﻣﺎﻋﻨﺪﻱ ﻏﻴﺮﻙ ﺍﺣﻤﻴﻨﻲ ﻳﺎﺭﺏ ﺍﺣﻤﻴﻨﻲ ...

ﺍﻟﺪﻭﺍﻡ ﺑﻌﺪ ﻣﺎﺭﺣﺘﻠﻪ ﮔﺎﻟﺖ ﺍﻣﻲ ﻫﻮ ﻣﺎﺧﺬﻟﺞ ﺍﺟﺎﺯﻩ ﻫﺎﻱ ﺍﻻﺳﺒﻮﻋﻴﻦ ﻣﻨﺎ ﻟﺒﻌﺪ ﺯﻭﺍﺟﻜﻢ ﻫﻮ ﻳﺨﻠﻴﺞ ﺍﺗﺮﺟﻌﻴﻦ ﻟـ ﺩﻭﺍﻣﺞ ...

ﻋﻨﺪﻱ ﺑﺲ ﻳﻮﻡ ﻭﻧﺺ ﻻﺯﻡ ﺍﺣﻀﺮ ﻟـ ﺧﻄﻮﺑﺘﻲ .... ﺍﺣﺘﺎﺝ ﺍﺧﺘﺎﺭ ﺷﻲ ﺍﻟﺒﺴﻪ ﻭﻻﺯﻡ ﺍﺭﻭﺡ ﻟـ ﺻﺎﻟﻮﻥ ﻭﻛﻞ ﻫﺬﺍ ﻭﺍﻧﻲ ﺑﻤﻜﺎﻧﻲ ﻭﻻ ﺗﺤﺮﻛﺖ ﻭﺍﻣﻲ ﺍﺗﻠﺢ ﻋﻠﻴﻪ ﻭﺑﺎﻟﻜﻮﻩ ﺟﺒﺮﺗﻨﻲ ﺍﺧﺬﺗﻨﻲ ﺷﻬﺎﻣﻪ ﻟـ ﺻﺎﻟﻮﻥ ﺻﺒﻐﺖ ﺷﻌﺮﻱ ﻭﺳﻮﺗﻠﻲ ﺣﻮﺍﺟﺒﻲ ﻭﻣﻦ ﻫﺎﻱ ﺍﻟﺴﻮﺍﻟﻒ ﺑﺲ ﻭﺟﻬﻲ ﺍﺗﻐﻴﻴﺮ ﻣﺎﺍﻋﺮﻑ ﺍﺣﺲ ﻭﺣﺪﻩ ﺛﺎﻧﻴﻪ ﻉ ﺍﻟﺼﺒﻎ ﮔﻠﺐ ﺧﻠﻘﺘﻲ ﻭﺍﺧﺘﺎﺭﻳﺖ ﻟﻮﻥ ﺑﻨﻲ ﻓﺎﺗﺢ ﻳﻌﻨﻲ ﻣﺎﮔﺪﺭﺕ ﺍﺭﻭﺡ ﻉ ﺍﻻﻟﻮﺍﻥ ﺍﻟﻔﺎﺗﺤﻪ ﺍﺧﺘﺎﺭﻳﺖ ﻟﻮﻥ ﻃﺒﻴﻌﻲ .... ﻭﻫﻢ ﺭﺩﺕ ﺍﺣﺠﺰ ﻓﺴﺘﺎﻥ ﺍﻳﺠﺎﺭ ﺑﺲ ﻣﺮﻳﻢ ﮔﺎﻳﻠﻪ ﻟـ ﺍﻣﻲ ﻫﻮ ﻣﺸﺘﺮﻱ ﻓﺴﺘﺎﻥ ﻭﻳﺠﻴﺒﻪ ﺍﻟﻌﺼﺮ ... ﻫﻢ ﻉ ﺫﻭﻗﻬﻢ ﻭﺍﻧﻲ ﻳﺠﻮﺯ ﻣﻴﻌﺠﺒﻨﻲ ... ﺭﺟﻌﺖ ﺑﻌﺪ ﻣﺎ ﻛﻤﻠﺖ ﻛﻞ ﺷﻲ ﻳﺨﺺ ﺍﻟﺨﻄﻮﺑﻪ ﻭﻫﻢ ﺍﻟﺘﺤﻀﻴﺮﺍﺕ ﺍﻟﺒﻘﻴﻪ ﺍﻣﻲ ﻭ ﻣﺮﻳﻢ " ﻭﻣﺮﻳﻢ ﻣﺴﻮﻳﻪ ﺻﻴﻨﻴﺔ ﺍﻟﻨﻴﺸﺎﻥ ﻭﺍﻣﻲ ﻣﺴﻮﻳﺘﻠﻲ ﻛﻮﺷﻪ ﻭﺗﺮﺗﻴﺒﺎﺕ ﺍﺗﺠﻨﻦ ﺑﺲ ﺍﻧﻲ ﻣﻌﺎﺟﺒﻨﻲ ﺷﻲ ﻭﻻ ﺍﺭﻳﺪ ﻣﻨﻬﻢ ﺷﻲ ﺑﺲ ﺧﻠﻲ ﻳﻌﻮﻓﻨﻲ ﺑﺤﺎﻟﻲ ﻣﺎﻟﺤﻜﺖ ﺍﻋﺰﻡ ﺍﺣﺪ ﻣﻦ ﺻﺪﻳﻘﺎﺗﻲ ﻭﻻ ﮔﺘﻠﻬﻢ ﺍﻟﺘﻬﻴﺖ ﺑﺮﻭﺣﻲ ...

ﺻﺎﺭ ﺍﻟﻌﺼﺮ ﻭﺍﻟﻴﻮﻡ ﺧﻠﺺ ﺑﺴﺮﻋﻪ ﻳﻌﻨﻲ ﺑﺎﺟﺮ ﺍﻟﺨﻄﻮﺑﻪ ﻭﺍﻧﻲ ﺑﻌﺪﻧﻲ ﺍﺭﻳﺪ ﻣﻌﺠﺰﻩ ﺍﺗﻮﻗﻒ ﻛﻞ ﻫﺬﺍ ﺍﻱ ﻣﻌﺠﺰﻩ ﺑﺲ ﺍﻟﻤﻌﺠﺰﻩ ﻫﻲ ﻟﻮﺍﺀ ﺑﻨﻔﺴﻪ ﻭﻛﻒ ﺑﺎﻟﺒﺎﺏ ﻭﺟﺎﺑﻠﻲ ﺍﻟﻔﺴﺘﺎﻥ ....

ـ ﺍﻧﻴﻦ ﻳﻤﻪ ﻫﺬﺍ ﻟﻮﺍﺀ ﺟﺎﺑﻪ ﺍﻟﺞ ﻭﻳﮕﻮﻝ ﺍﺫﺍ ﻣﻴﻌﺠﺒﻬﺎ ﺍﺗﺨﺎﺑﺮﻧﻲ ﻭﺍﻏﻴﻴﺮﻩ ﺍﻟﻬﺎ ..

ـ ﺍﻱ ﻫﺴﻪ ﺍﺷﻮﻓﻪ ...

ـ ﻭﻟﺞ ﻛﺎﻓﻲ ﺩﻻﻝ ﮔﻮﻣﻲ ﺷﻮﻓﻲ ﺑﺴﺮﻋﻪ ..

ـ ﺍﻱ ﻫﺴﻪ ﻃﺎﻳﺮﻩ ﻳﻌﻨﻲ ﺍﺫﺍ ﻣﻴﻌﺠﺒﻨﻲ ﺍﺗﻘﺒﻠﻴﻦ ﺍﻏﻴﻴﺮﻩ ?..

ـ ﻭﻟﺞ ﻫﻮ ﺑﺲ ﺍﻧﺘﻲ ﻋﻨﺪﻱ " ﺍﺫﺍ ﻣﻴﻌﺠﺒﺞ ﺍﻧﻲ ﺑﺎﻟﻠﻴﻞ ﺍﺧﺬﺝ ﻟـ ﻫﺬﺍ ﺷﺘﺴﻤﻮﻧﻪ ﺍﻟﻤﻠﻮﻝ ﻭﺍﺧﻠﻴﺞ ﺗﺎﺧﺬﻳﻦ ﺍﻟﻲ ﻳﻌﺠﺒﺞ ..

ـ ﻫﻬﻬﻬﻬﻪ ﺷﻨﻮ ﺍﺳﻤﻪ ﻳﻮﻡ ﻫﺬﺍ ﺍﻟﻤﻮﻝ ﻣﻮ ﺍﻟﻤﻠﻮﻝ ..

ـ ﻳﻤﻪ ﻓﺪﻭﻭﻩ ﺍﺭﻳﺪﺝ ﻫﻴﺞ ﺍﺗﻀﺤﻜﻴﻦ ﻭﺍﻟﻠﻪ ﻳﻔﺮﺡ ﮔﻠﺒﻲ ﻣﻦ ﺍﺷﻮﻑ ﺿﺤﻜﺘﺞ .

ـ ﺍﻟﻠﻪ ﻻ ﻳﺤﺮﻣﻨﻲ ﻣﻨﺞ ﻭﺍﻧﻲ ﻣﺎﻋﻨﺪﻱ ﺷﻲ ﺑﻬﺎﻱ ﺍﻟﺪﻧﻴﺎ ﻏﻴﺮﺝ ....

ـ ﺍﺷﺸﺶ ﺑﻌﺪ ﻣﺎﺍﺭﻳﺪ ﺍﺳﻤﻊ ﻣﻨﺞ ﻫﺬﺍ ﺍﻟﺤﺠﻲ ﺑﻌﺪ ﺑﺲ ﺍﺳﺒﻮﻉ ﻭﺍﻳﺼﻴﺮ ﻋﻨﺪﺝ ﺑﻴﺖ ﻭﺭﺟﺎﻝ ﺣَﺒﻲ ﻭﺻﻮﻧﻲ ﻭﺩﻳﺮﻱ ﺑﺎﻟﺞ ﻉ ﺟﻬﺎﻟﻪ ﻭﻻ ﺗﺨﻠﻴﻨﻪ ﻧﺎﻗﺼﻪ ﺷﻲ ﻭﺷﻮﻓﻲ ﻳﺼﻴﺮﻟﺞ ﻛﻠﺸﻲ ﻳﺤﺒﺞ ﻭﻳﺼﻮﻧﺞ ﺑﺲ ﺍﺫﺍ ﻃﻮﻟﺘﻲ ﺍﻟﺴﺎﻧﺞ ﻋﻠﻴﻪ ﺑﻌﺪ ﻣﺎﻳﺤﺘﺮﻣﺞ ﻭﻳﻀﻮﺝ ﻣﻨﺞ ﻭﻣﻮ ﻳﺴﻜﺖ ﻣﻨﺞ ﻻﻥ ﻳﺨﺎﻑ ﻣﻦ ﺍﻟﻠﺴﺎﻧﺞ ﻻ ﻳﺴﻜﺖ ﻻﻥ ﻳﺘﺠﺎﻫﻠﺞ ﻭﻳﺴﺘﺤﻘﺮ ﻛﻼﻣﺞ ... ﻳﻤﻪ ﺍﻧﺘﻲ ﺑﻨﺘﻲ ﺍﻟﻮﺣﻴﺪﻩ ﻭﻣﺎﺍﺭﻳﺪﺝ ﺍﺗﺤﺴﻴﻦ ﺍﻧﻲ ﺍﺭﻳﺪ ﺍﺧﻠﺺ ﻣﻨﺞ ﻭﺍﺫﺍ ﺷﻔﺘﻲ ﺑﻲ ﻏﻠﻂ ﻭﻣﺎﮔﺪﺭﺗﻲ ﺍﺗﺼﻠﺤﻴﻨﻪ ﺍﺫﺍ ﺯﻋﻠﺞ ﻭﺍﺫﺍ ﺿﻮﺟﺞ ﺍﺭﺟﻌﻲ ﺗﻠﮕﻴﻨﻲ ﻭﻳﺎﺝ ﻭﻣﺎﺍﺧﻠﻲ ﺍﺣﺪ ﻳﮕﻮﻝ ﻧﺺ ﻛﻠﻤﻪ ﻋﻠﻴﺞ ..

ﻣﺎﺍﻋﺮﻑ ﻛﻠﻤﺎﺕ ﺍﻣﻲ ﺧﻠﺘﻨﻲ ﺍﺭﺗﺎﺡ ﺑﺪﻭﻥ ﻣﺎﺍﺣﺲ ﻟﮕﻴﺖ ﻧﻔﺴﻲ ﺑﺤﻀﻨﻬﺎ ﺣﻀﻨﺘﻬﺎ ﺑﻜﻞ ﻗﻮﺗﻲ ﻭﺍﺑﺠﻲ ﻭﻫﻲ ﺗﻀﺤﻚ ﻋﻠﻴﻪ ﻭﺗﻤﺴﺢ ﺑﺸﻌﺮﻱ ﺑﻜﻞ ﺣﻨﻴﻪ ..

ـ ﻭﻟﺞ ﻭﺧﺮﻱ ﻣﻨﻲ ﺭﻭﺣﻲ ﮔﺪﺭﻱ ﻫﺬﺍ ﺍﻟﺠﺎﺑﻪ ﺧﻄﻴﺒﺞ ..

ـ ﺍﻱ ﺧﻠﻴﻨﻲ ﺑﻌﺪ ﺍﺷﻮﻳﻪ ﺑﺤﻀﻨﺞ ..

ـ ﻳﻠﻪ ﮔﻮﻣﻲ ..

ﺍﺧﺬﺕ ﺍﻟﻔﺴﺘﺎﻥ ﻭﺩﺧﻠﺖ ﻟﻠﻐﺮﻓﻪ ﺍﺭﻳﺪ ﺍﻗﻴﺴﻪ ﺑﺲ ﻓﺘﺤﺘﻪ ﻣﻦ ﺍﻟﺠﻨﻄﻪ ﻭﻛﻌﺖ ﻣﻨﻪ ﻭﺭﻗﻪ ..

ﻣﻜﺘﻮﺏ ﺑﻴﻬﺎ ﻣﻦ ﺍﺗﻘﻴﺴﻪ ﻭﻳﻌﺠﺒﺞ ﺧﺎﺑﺮﻳﻨﻲ ..

ﺍﻱ ﻣﻮ ﺗﺪﻟﻞ ﺍﺧﺎﺑﺮﻙ ﻟﻴﺶ ﻻ ..

ﺑﺲ ﻟﺒﺴﺘﻪ ﻋﺎﺍﺍﺍﺍﺍ ﻫﺬﺍ ﺷﻨﻮ .... ﺍﻟﻔﺴﺘﺎﻥ ﻗﺼﻴﺮ ﻭﻟﻮﻧﻪ ﺍﺯﺭﮒ ﺍﺟﻮﻳﺘﻲ ﻭﺑﻲ ﻣﺜﻞ ﺍﻟﻜﺴﺮﺍﺕ ﻭﻣﻦ ﻓﻮﮒ ﻛﻠﻪ ﻣﻜﺸﻮﻑ ﻳﻌﻨﻲ ﻳﻢ ﺍﻣﻲ ﺍﺳﺘﺤﻲ ﺍﻃﻠﻊ ﺑﻲ ﻣﻮ ﺣﻔﻠﻪ ﻭﻧﺎﺱ ﻭﺍﺧﻮﺍﻧﻲ ﻣﺴﺘﺤﻴﻞ ﻻ ﻣﺴﺘﺤﻴﻞ ﻫﺬﺍ ﺷﻨﻮ ﻟﻴﺶ ﺑﻠﻪ ﻫﻮ ﻳﺨﺘﺎﺭﻟﻲ ﻭﺍﻧﻲ ﺍﻟﺒﺲ ﻉ ﺫﻭﻗﻪ ﺷﻨﻮ ﻫﺬﺍ ﺍﻟﺬﻭﻕ ﺟﺎﻳﺒﻪ ﻗﺼﻴﺮ ﻭﻣﻜﺸﻮﻑ ﻫﺴﻪ ﻟﻮ ﺑﺲ ﻗﺼﻴﺮ ﻫﻢ ﻣﻴﺨﺎﻟﻒ ﻭﻫﺬﺍ ﺍﻟﺨﺒﻴﺚ ﺷﻠﻮﻥ ﻋﺮﻑ ﻗﻴﺎﺳﻲ ...

ﻭﺍﻧﻲ ﺑﻌﺪﻧﻲ ﻣﺼﺪﻭﻣﻪ ﺍﺳﻤﻊ ﺍﻣﻲ ﺍﺗﺼﻴﺢ ﻳﻼ ﻳﻤﻪ ﺍﻃﻠﻌﻲ ﺧﻠﻲ ﺍﺷﻮﻓﺞ .

ﻭﻳﻦ ﺍﻃﻠﻊ ﻭﺍﻟﻠﻪ ﺍﺳﺘﺤﻲ ﺳﺤﺒﺖ ﻋﺒﺎﻳﺔ ﺍﻟﺼﻼﺓ ﻭﺧﻠﻴﺘﻬﺎ ﻋﻠﻴﻪ ﻭﻃﻠﻌﺖ ..

ـ ﻭﺧﺮﻱ ﻫﺎﻱ ﺍﻟﻌﺒﺎﻳﻪ ﺧﻠﻲ ﺍﺷﻮﻑ ..

ـ ﻻ ﻳﻮﻡ ﻫﺬﺍ ﻣﺎﺍﮔﺪﺭ ﺍﻟﺒﺴﻪ ..

ـ ﺑﺲ ﺧﻠﻲ ﺍﺷﻮﻑ ..

ـ ﻫﺬﺍ ﺷﻮﻓﻲ ﺷﻠﻮﻥ ﻛﻠﻪ ﻣﻔﻀﻮﺡ ..

ـ ﻳﺎ ﻛﺮﻳﻢ ﻳﺎ ﻳﻤﻪ ﻫﺬﺍ ﺷﻨﻮ ﻣﻦ ﻛﻞ ﻋﻘﻠﻪ ﺟﺎﻳﺒﻠﺞ ﻫﺬﺍ ..

ـ ﻣﻮ ﻛﺘﻠﺞ ﻫﺬﺍ ﻣﻮ ﻋﺎﻗﻞ ﻣﺎﺍﺭﻳﺪﻩ ...

ـ ﺍﻱ ﺭﻭﺣﻲ ﺷﻤﺮﻱ ﻭﺍﻧﻲ ﺍﺧﺬﺝ ﻟـ ﻫﺬﺍ ﺍﻟﻲ ﻣﺪﺭﻱ ﺷﺴﻤﻮﻧﻪ ﻭﺍﺷﺘﺮﻱ ﺷﻲ ﻳﻌﺠﺒﺞ ...

ﺭﺟﻌﺖ ﻟـ ﻏﺮﻓﺘﻲ ﻭﺷﻤﺮﺕ ﻫﺬﺍ ﺍﻟﻔﺴﺘﺎﻥ ﻭﺍﻧﻲ ﻓﺮﺣﺎﻧﻪ ﺍﻧﺘﺼﺮﺕ ﻋﻠﻴﻪ ﻭﻣﺎﺍﻟﺒﺲ ﺍﻟﺸﻲ ﺍﻟﻲ ﻫﻮ ﻳﺮﻳﺪﻩ ﻭﻣﺎﺍﮔﻠﻪ ﻣﺎﻋﺠﺒﻨﻲ ﻭﻻ ﺷﻲ ﺧﻠﻲ ﻳﻨﺼﺪﻡ ﻭﻳﺸﻮﻓﻨﻲ ﺑﻐﻴﻴﺮ ﻓﺴﺘﺎﻥ ﺍﻱ ﺍﺳﺘﺎﺫ ﻟﻮﺍﺀ ﻣﺎﻋﻨﺪﻱ ﺷﺨﺼﻴﻪ ﻣﻮ ﺑﺴﻴﻄﻪ ﺍﻧﻲ ﺍﻋﻠﻤﻚ ...

ﻃﻠﻌﻨﺎ ﺍﻧﻲ ﻭﺍﻣﻲ ﻭﻓﻌﻼ ﺍﺧﺬﺗﻨﻲ ﻟـ ﺍﺭﻕﮮ ﻣﺤﻞ ﻭﺍﺧﺘﺎﺭﻳﺖ ﻓﺴﺘﺎﻥ ﻃﻮﻳﻞ ﻭﻧﺎﺯﻙ ﻭﻣﺮﺗﺐ ﻭﺷﻲ ﻣﺴﺘﻮﺭ ﻣﻮ ﻣﺜﻞ ﺍﻟﻲ ﺟﺎﺑﻪ ﻫﺬﺍ ﺍﻟﺨﺒﻞ ..

ﺭﺟﻌﻨﺎ ﻭﺍﻧﻲ ﺍﺗﻐﻴﻴﺮﺕ ﻧﻔﺴﻴﺘﻲ ﻭﻓﺮﺣﺖ ﻻﻥ ﻣﺎ ﺍﻟﺒﺲ ﻉ ﺫﻭﻕ ﺍﻟﻤﻐﺮﻭﺭ ...

ﻣﻦ ﺍﻟﺼﺒﺢ ﮔﻌﺪﺕ ﻉ ﺻﻮﺕ ﺍﻟﻤﻮﺑﺎﻳﻞ ﺍﺷﻮﻑ ﻫﺬﺍ ﺭﻗﻢ ﻣﻨﻮ ﺍﻱ ﻫﺬﺍ ﺍﻟﻤﻐﺮﻭﺭ ﺷﻌﻨﺪﻩ ﻣﻦ ﺍﻟﺼﺒﺢ ...

ـ ﺍﻟﻮﻭﻭﻭ ‏( ﺑﺼﻮﺕ ﻧﺎﻋﺲ ‏)

ـ ﻋﺰﺍﺍﺍ ﺑﻌﻴﻨﺞ ﺑﻌﺪﺝ ﻧﺎﻳﻤﻪ !..

ـ ﺍﻱ ﺧﻴﺮ ﺷﻜﻮ ﻣﻦ ﺍﻟﺼﺒﺢ ﺷﻌﻨﺪﻙ ..

ـ ﻣﺎﻛﻮ ﺑﺲ ﻫﻴﺞ ﺣﺒﻴﺖ ﺍﮔﻠﺞ ﺻﺒﺎﺡ ﺍﻟﺨﻴﺮ .

ـ ﺍﻱ ﻋﻮﺩ ﺻﺒﺎﺡ ﺍﻟﺨﻴﺮ ..

ـ ﺷﻨﻮ ﻫﺬﺍ ﺍﻻﺳﻠﻮﺏ ﻟﻴﺶ ﺍﺗﺨﻠﻴﻨﻲ ﺍﻏﻠﻂ ..

ـ ﺷﻨﻮ ﺗﻐﻠﻂ ﻳﻼ ﺭﻭﺡ ﻣﻦ ﻭﺟﻬﻲ ﻣﻦ ﺍﻟﺼﺒﺢ ..

ـ ﻫﻬﻬﻬﻬﻬﻬﻪ ﺑﺴﻴﻄﻪ ﻭﺍﻟﻠﻪ ﻣﺎ ﺑﻘﻪ ﺷﻲ ﻭﺍﺗﺸﻮﻓﻴﻦ ﺷﻐﻠﺞ ﻭﺗﻌﺮﻓﻴﻦ ﺍﻟﻠﻪ ﺣﻖ .

ـ ﺍﻋﺮﻑ ﺍﻟﻠﻪ ﺣﻖ ﻗﺒﻞ ﻻ ﺍﺷﻮﻑ ﻭﺟﻬﻚ .

ﺳﺪﻳﺖ ﺍﻟﺨﻂ ﺑﻮﺟﻪ ﺍﺭﻳﺪ ﺍﺧﺬ ﺛﺎﺭﻱ ﻛﻞ ﻣﺮﻩ ﺍﻟﺼﻔﺎﺭﻩ ﺗﺼﻔﺮ ﺑﻮﺟﻬﻲ ﺧﻠﻲ ﻳﺠﺮﺏ ﻧﻔﺲ ﺍﻟﺸﻌﻮﺭ ...

ﺧﺮﺭﺭﺭﺭﺏ ﻫﺬﺍ ﺍﺯﻋﺠﻨﻲ ﻣﻦ ﺍﻟﺼﺒﺢ ﻋﻜﺮ ﻣﺰﺍﺟﻲ ...

ﻳﺘﺒﻊ 

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤