رواية امي تبحث عن عريس الجزء السادس

..

رواية امي تبحث عن عريس الجزء السادس

للكاتبة أزهار ذابله

...

ﻭﺍﻟﻠﻪ ﻣﺎﺍﻋﺮﻑ ﺷﻨﻮ ﻻﺯﻡ ﺍﻛﻮﻝ ﺑﺲ ﻻﺯﻡ ﺍﺧﺬ ﺭﺃﻱ ﺍﻣﻲ ﻭﺑﻌﺪﻳﻦ ﺍﺭﺩﻟﺞ ﺧﺒﺮ ﻭﺍﺣﺎﻭﻝ ﺍﻗﻨﻌﻬﺎ ..

ﺳﺪﻳﺖ ﺍﻟﺨﻂ ﻭﺍﻧﻲ ﻣﻮ ﻣﺴﺘﻌﺪﻩ ﺍﺗﻘﺒﻞ ﺍﻟﻔﻜﺮﻩ ﻓـ ﺷﻠﻮﻥ ﺍﻛﻮﻝ ﻟـ ﺍﻣﻲ ﺍﻛﻴﺪ ﺗﺮﻓﺾ ﺑﺲ ﺳﺖ ﻣﺮﻳﻢ ﻫﻲ ﻭﺍﻟﺪﻛﺘﻮﺭ ﺍﻟﻬﻢ ﻓﻀﻞ ﻋﻠﻴﻪ ﻣﺎﻋﺪﺍ ﺍﻟﻌﻼﺝ ﻫﻤﻪ ﺳﺎﻋﺪﻭﻧﻲ ﺷﺨﺼﻴﺎً ﻓﻤﺎ ﺍﻛﺪﺭ ﺍﺭﺩ ﺍﻟﻬﻢ ﻃﻠﺐ ﺍﺑﺪ .

ﺳﻤﻌﺖ ﺧﺎﻟﺘﻲ ﺻﺤﺖ ﻭﻃﻠﻌﺖ ﻳﻢ ﺍﻣﻲ ﺑﺎﻟﺼﺎﻟﻪ ﻭﺍﻧﻲ ﺟﻨﺖ ﺑﺎﻟﻤﻄﺒﺦ ﺣﻀﺮﺗﻠﻬﺎ ﺭﻳﻮﻙ ﻭﻛﻌﺪﻧﺎ ﻳﻢ ﺍﻣﻲ ﺭﺩﺕ ﺍﻓﺘﺢ ﺍﻟﻤﻮﺿﻮﻉ ﻭﺍﺗﺮﺩﺩﺕ ﺑﻌﺪ ﺍﻛﻮ ﺧﻮﻑ ﺑﻌﺪ ﺍﻧﻴﻦ ﺍﻟﻘﺪﻳﻤﻪ ﻣﺴﻴﻄﺮﻩ ﻭﻫﺬﺍ ﺍﻟﺸﻲ ﻳﻀﻮﺟﻨﻲ ﺍﻧﻲ ﺍﺭﻳﺪ ﺍﺗﺨﻠﺺ ﻣﻨﻬﺎ ﻓـ ﻛﺪﺭﺕ ﺍﻗﻮﻱ ﻧﻔﺴﻲ ﻭﺍﺣﺠﻲ ...

ـ ﻳﻮﻡ " ﻋﻨﺪﻱ ﻣﻮﺿﻮﻉ ﻭﻳﺎﺝ ...

ـ ﺍﻱ ﺍﺣﺠﻲ ﺷﻌﻨﺪﺝ ﺧﻴﺮ ﺍﻥ ﺷﺎﺀ ﺍﻟﻠﻪ

ـ ﺍﺗﻌﺮﻓﻴﻦ ﺳﺖ ﻣﺮﻳﻢ ﻣﺪﺭﺳﺔ ﺍﻟﻌﺮﺑﻲ ﺍﻟﻲ ﺯﻭﺟﻬﺎ ﺍﻟﺪﻛﺘﻮﺭ ﻫﺎﺍﺍ ﻋﺮﻓﺘﻴﻬﺎ ?....

ـ ﺍﻱ ﮔﻮﻟﻲ ﺷﺒﻴﻬﺎ ?..

ـ ﺍﻣﻤﻤﻢ ﻫﻲ .... ﻗﺒﻞ ﺍﺷﻮﻳﻪ ﺟﺎﻧﺖ ﺗﺤﺠﻲ ﻭﻳﺎﻱ ﻭﻋﺪﻫﺎ ﺍﻟﻲ ﺷﻐﻞ ﺑﺲ ﻫﻮ ﺍﻧﺴﺎﻧﻲ ﻳﻌﻨﻲ .... ﺑﻨﺖ ﺣﻤﺎﻫﺎ ﺧﻄﻴﻪ ﻣﻌﺎﻗﻪ ﻭﻣﺤﺪ ﻳﻘﺒﻞ ﻳﻨﻄﻴﻬﺎ ﺩﺭﻭﺱ ﺭﻳﺎﺿﻴﺎﺕ ﻭﻫﻲ ﻣﺘﮕﺪﺭ ﺗﻄﻠﻊ ﻣﻦ ﺍﻟﺒﻴﺖ ﻭﺭﺍﺩﺗﻨﻲ ﺍﻧﻲ ﺍﺭﻭﺡ ﺍﺩﺭﺳﻬﺎ ..

ـ ﻫﺎﺍﺍﺍ ﻭﺗﺎﻟﻲ ﻋﻤﺮﺝ ﺗﻔﺘﺮﻳﻦ ﺑﺎﻟﺒﻴﻮﺕ ﻭﻟﺞ ﻣﻦ ﺟﻨﺘﻲ ﻣﺪﺭﺳﺔ ﻣﺎ ﻃﻠﻌﺘﻲ ﻟﺒﻴﺖ ﻃﺎﻟﺒﻪ ﻫﺴﻪ ﻣﻦ ﻋﻔﺘﻲ ﺍﻟﺘﺪﺭﻳﺲ ﺍﺗﺮﺩﻳﻦ ﺗﻔﺘﺮﻳﻦ ﺑﺎﻟﺒﻴﻮﺕ ...

ـ ﻳﻮﻡ " ﻫﻲ ﻣﻮ ﻫﻴﺞ ﺍﻟﺴﺎﻟﻔﻪ ﻭﻻ ﺍﻓﺘﺮ ﺑﺎﻟﺒﻴﻮﺕ ﻫﻮ ﺩﺭﺱ ﺳﺎﻋﺘﻴﻦ ﺑﺎﻟﺴﺒﻮﻉ ﻣﺮﻩ ﻟﻮ ﺍﺛﻨﻴﻦ ﻭﺳﻴﺎﺭﻩ ﺗﺎﺧﺬﻧﻲ ﻭﺗﺮﺟﻌﻨﻲ ﺑﺲ ﺍﻧﺘﻲ ﻭﺍﻓﻘﻲ ﻭﻻ ﺗﻨﺴﻴﻦ ﻣﺎ ﺍﮔﺪﺭ ﺍﺭﻓﺾ ﻃﻠﺐ ﻟـ ﺳﺖ ﻣﺮﻳﻢ ﻭﺍﻟﻠﻪ ﺍﺳﺘﺤﻲ ﻣﻨﻬﺎ ..

ـ ﻭﺍﻟﺒﻴﺖ ﻳﺎﻫﻮ ﺑﻲ ?..

ـ ﻛﻠﻬﻢ ﺑﺎﻟﺒﻴﺖ ﻫﻮ ﻧﻔﺲ ﺍﻟﺒﻴﺖ ﺍﻟﻌﺎﻳﺸﻪ ﺑﻲ ﺳﺖ ﻣﺮﻳﻢ ﺑﺲ ﺍﻟﺒﻨﻴﻪ ﺍﻣﻬﺎ ﻭﺍﺑﻮﻫﺎ ﻋﺪﻫﻢ ﻣﺸﺎﻛﻞ ﻭﻳﻤﻜﻦ ﺍﻣﻬﺎ ﺯﻋﻼﻧﻪ ..

ـ ﺧﻠﻲ ﺍﮔﻮﻝ ﻟـ ﻛﺮﻳﻢ ...

ـ ﺍﻱ ﺍﻧﻲ ﺍﮔﻮﻝ ﺍﻟـ ﻛﺮﻳﻢ ﺍﺫﺍ ﺍﻧﺘﻲ ﺍﺗﻘﺒﻠﻴﻦ .

ـ ﻳﻤﻪ ﺍﺫﺍ ﻣﺮﻳﻢ ﻭﺭﺟﻠﻬﺎ ﻣﻮﺟﻮﺩﻳﻦ ﺑﺎﻟﺒﻴﺖ ﺍﻧﻲ ﻣﻄﺌﻨﻪ ﻋﻠﻴﺞ ﻭﻫﻢ ﺻﺎﺣﺒﻴﻦ ﻓﻀﻞ ﺧﻠﻒ ﺍﻟﻠﻪ ﻋﻠﻴﻬﻢ ..

ﻣﻤﺼﺪﮔﻪ ﺍﻣﻲ ﻗﺒﻠﺖ ﺭﺣﺖ ﺭﻛﺾ ﻟـ ﻛﺮﻳﻢ ﻭﻫﻢ ﻧﻔﺲ ﺍﻻﺳﺌﻠﻪ ﻭﺍﻛﺜﺮ ﻭﻫﻢ ﻣﻦ ﻋﺮﻑ ﻣﺮﻳﻢ ﻭﺯﻭﺟﻬﺎ ﺑﺎﻟﺒﻴﺖ ﻭﺍﻓﻖ ...

ﺻﺎﺭ ﺍﻟﻌﺼﺮ ﺭﺟﻌﺖ ﺳﺖ ﻣﺮﻳﻢ ﺧﺎﺑﺮﺕ ﻭﮔﻠﺘﻠﻬﺎ ﻣﻮﺍﻓﻘﻪ ﻭﺍﻥ ﺷﺎﺀ ﺑﺎﺟﺮ ﺍﻭﻝ ﺩﺭﺱ ﻭﻉ ﺍﻟﺴﺎﻋﻪ ﺍﺭﺑﻌﻪ ﺍﻟﻌﺼﺮ ...

ﺻﺎﺭ ﺍﻟﻤﻐﺮﺏ ﻭﻛﺮﻳﻢ ﻋﺎﺯﻣﻨﻪ ﺍﻧﻲ ﻭﺧﺎﻟﺘﻲ ﻛﺎﻝ ﻧﻄﻠﻊ ﻣﻄﻌﻢ ﻭﻧﻔﺘﺮ ﺍﺷﻮﻳﻪ ﻭﻧﺮﺟﻊ ﻻﻥ ﺧﺎﻟﺘﻲ ﺧﻄﻴﻪ ﺑﻴﺖ ﺧﺎﻟﻲ ﻣﺤﺒﻮﺳﻪ ﺣﺘﻪ ﻣﻦ ﻳﻄﻠﻌﻮﻥ ﻳﺨﻠﻮﻧﻬﺎ ﺑﺎﻟﺒﻴﺖ ﻣﺜﻞ ﺍﻟﺤﺎﺭﺱ ..

ﺷﻬﺎﻣﺔ ﻫﻢ ﺭﺍﺩﺕ ﺗﺠﻲ ﻭﻳﺎﻧﻪ ﻭﺧﻠﺖ ﻓﺮﻭﺣﻪ ﻭﻳﻪ ﺍﺧﻮﺍﻧﻬﺎ ﺍﻟﺼﻐﺎﺭ ...

ﺍﻧﻲ ﺍﻧﺰﻋﺠﺖ ﻣﻨﻬﺎ ﺑﺲ ﻣﺎﺍﺭﻳﺪ ﺍﺣﺠﻲ ﻉ ﻣﻮﺩ ﺧﺎﻟﺘﻲ ﻭﺍﺗﺤﻤﻠﺘﻬﺎ ﻭﺍﻛﻴﺪ ﻣﺘﮕﺪﺭ ﺗﺤﺠﻲ ﻻﻥ ﺗﺨﺎﻑ ﻣﻦ ﻛﺮﻳﻢ ..

ﻃﻠﻌﻨﺎ ﻭﺭﺍ ﺻﻼﺓ ﺍﻟﻤﻐﺮﺏ ﻭﺍﻟﻄﺮﻳﻖ ﻛﻠﻪ ﺷﻬﺎﻣﺔ ﺍﺗﺤﺎﻭﻝ ﺑﺲ ﺗﺤﺠﻲ ﻭﻳﺎﻱ ﻭﺗﺴﺘﻐﻞ ﻓﺮﺻﻪ ﻻﻥ ﻳﻢ ﺧﺎﻟﺘﻲ ﻭﺍﺳﺘﺤﻲ ﻭﺍﺭﺩ ﻋﻠﻴﻬﺎ .

ﻭﺻﻠﻨﺎ ﺍﻟﻤﻄﻌﻢ ﻭﺣﺠﺰﻧﻪ ﻛﺮﻳﻢ ﻣﻜﺎﻥ ﻭﻛﻠﻤﻦ ﻃﻠﺐ ﺷﻜﻞ ﻭﺑﻌﺪﻧﺎ ﻣﺒﺎﺩﻳﻦ ﻧﺎﻛﻞ ﻭﺷﻔﺖ ﻋﻠﻲ ...

ﺍﻱ ﻫﻮ ﻋﻠﻲ ﺍﮔﺪﺭ ﺍﻣﻴﺰﻩ ﻣﻦ ﺑﻴﻦ ﺍﻟﻒ ﺷﺨﺺ ﻫﻮ ﻧﻔﺴﻪ ﺍﺑﺪ ﻣﻤﺘﻐﻴﺮ ﺑﺲ ﺷﻨﻮ ﺍﻟﻲ ﺟﺎﺑﻪ ﺍﻫﻨﺎ ﺍﻛﻴﺪ ﺻﺪﻓﻪ ﺍﻱ ﺻﺪﻓﻪ ... ﺩﻧﻜﺖ ﻭﺳﻮﻳﺖ ﻧﻔﺴﻲ ﻣﺸﺎﻳﻔﺘﻪ ﺍﺻﻼ ﻣﺎﺍﺭﻳﺪ ﺍﻋﻴﺪ ﺍﻟﻤﺎﺿﻲ ﻏﻠﻄﻪ ﻭﺑﻌﺪ ﺍﺑﺪ ﻣﺎﺗﻜﺮﺭ ﺍﻧﻲ ﻏﻠﻄﺘﻬﺎ ﻭ ﻭﺛﻘﺖ ﺑﻮﺍﺣﺪ ﻣﺜﻞ ﻋﻠﻲ ﻭﺍﺧﺘﻪ ﺷﻬﺎﻣﺔ ﺭﺍﺩﻭﺍ ﻳﻜﺴﺮﻭﻥ ﺭﮔﺒﺘﻲ ﻣﺎﻳﺨﺎﻓﻮﻥ ﺍﻟﻠﻪ .. ﺑﺲ ﺷﻜﻴﺖ ﺷﻬﺎﻣﺔ ﻣﺘﻌﻤﺪﻩ ﻫﻲ ﺍﺗﺮﻳﺪ ﺍﺗﺮﺟﻌﻨﺎ ﻣﻮ ﻫﻲ ﺑﻜﻴﻔﻬﺎ ﺍﺗﺨﺮﺏ ﻭﻫﺴﻪ ﺭﺟﻌﺖ ﺣﺒﺘﻨﻲ ..

ﻧﺰﻟﺖ ﺭﺍﺳﻲ ﻭﺑﻌﺪ ﻣﺎﺍﺭﻳﺪ ﺍﺷﻮﻑ ﺍﺣﺪ ﺑﺲ ﺍﻟﺼﺪﻣﻪ ﻋﻠﻲ ﻭﺻﻞ ﻳﻢ ﺍﻟﻤﻴﺰ ﺍﻟﮕﺎﻋﺪﻳﻦ ﻋﻠﻴﻪ ﻭﺳﻠﻢ ..

ـ ﺳﻼﻡ " ﺷﻨﻮ ﻫﺎﻱ ﺍﻟﺼﺪﻓﻪ ..

ـ ﻭﻋﻠﻴﻜﻢ ﺍﻟﺴﻼﻡ ﺍﻱ ﺧﻮﺵ ﺻﺪﻓﻪ ﺍﺗﻔﻀﻞ ﻭﻳﺎﻧﻪ ..

ـ ﺷﻬﺎﻣﺔ : ﻫﻪ ﻓﺪﻭﻭﻩ ﺷﻜﺪ ﺟﻨﺖ ﻣﺸﺘﺎﻗﺘﻠﻚ ﺗﻌﺎﻝ ﺍﻫﻨﺎ ﺍﺗﻔﻀﻞ ..

ـ ﻋﻠﻲ : ﺷﻠﻮﻧﺞ ﺍﻧﻴﻦ ..

ـ ﺍﻧﻴﻦ : ﺍﻟﺤﻤﺪ ﻟﻠﻪ .

ﺳﻌﺎﺩ : ﺍﻧﻴﻦ ﺷﺒﻴﺞ ?...

ﺍﻧﻴﻦ : ﺍﺷﺶ ﺧﺎﻟﻪ ﻓﺪﻭﻭﻩ ﻻ ﻳﺴﻤﻊ ﻣﺎﺑﻴﻪ ﺷﻲ ﺑﺲ ﺿﺠﺖ ﺍﺷﻮﻳﻪ ﺑﺲ ﺧﻠﻲ ﺧﻤﺲ ﺩﻗﺎﻳﻖ ﺍﺗﻌﺪﻱ ﻭﮔﻮﻟﻲ ﻟـ ﻛﺮﻳﻢ ﺭﺍﺳﻲ ﻭﺟﻌﻨﻲ ﻭﺧﻠﻲ ﻧﻄﻠﻊ ﻭﺑﻌﺪﻳﻦ ﺍﻓﻬﻤﺞ ..

ـ ﺳﻌﺎﺩ : ﺍﻥ ﺷﺎﺀ ﺍﻟﻠﻪ

....

ﻇﻠﺖ ﺷﻬﺎﻣﺔ ﺗﺴﻮﻟﻒ ﻭﺗﻀﺤﻚ ﻭﻣﺮﺗﺎﺣﻪ ﻭﺧﺮﺑﺖ ﻋﻠﻴﻨﺎ ﺍﻟﻄﻠﻌﻪ ﻭﻻ ﻋﺪﻫﺎ ﺍﺣﺴﺎﺱ ﻭﻣﺎﺍﻋﺮﻑ ﺍﻟـ ﺷﻨﻮ ﺍﺗﺮﻳﺪ ﺗﻮﺻﻞ ﺑﺲ ﻛﺮﻳﻢ ﻟﻴﺶ ﻗﺒﻞ ﻋﻠﻲ ﻳﺒﻘﻪ ﻭﻳﮕﻌﺪ ﻭﻳﺎﻧﻪ ﻭﺍﻟﻠﻪ ﻋﺪﻫﻢ ﻟﻌﺒﻪ ..

ﺑﻌﺪ ﺧﻤﺲ ﺩﻗﺎﻳﻖ ﺧﻄﻴﻪ ﺧﺎﻟﺘﻲ ﻧﻔﺬﺕ ﻭﻛﺎﻟﺖ ﻟـ ﻛﺮﻳﻢ ﻋﻦ ﺗﻌﺒﻬﺎ ﻭﺻﺪﺍﻉ ﻭﻃﻠﺒﺖ ﻳﺮﺟﻌﻨﺎ ﻟﻠﺒﻴﺖ ..

ﻛﺮﻳﻢ : ﻟﻴﺶ ﺧﺎﻟﻪ ﺑﻌﺪﻧﺎ ﻛﺎﻋﺪﻳﻦ ﻭﺑﻌﺪ ﺍﺭﻳﺪ ﺍﺧﺬﻛﻢ ﻟﻤﻜﺎﻥ ﺣﻠﻮ ﻛﻠﺶ ..

ﺳﻌﺎﺩ : ﻻ ﺧﺎﻟﻪ ﺷﻜﺮﺍ ﻣﺎﻗﺼﺮﺕ ﺑﺲ ﻣﻤﺘﻌﻮﺩﻩ ﻉ ﺍﻟﻄﻠﻌﻪ ﻭﺍﻟﻬﻮﺳﻪ .

ﻛﺮﻳﻢ : ﺗﺪﻟﻠﻴﻦ ﺧﺎﻟﻪ ﻳﻼ ﻧﺮﺟﻊ .

ﺍﻧﻴﻦ : ﻳﻠﻪ ﺍﻧﻲ ﻭﺧﺎﻟﺘﻲ ﻧﻨﺘﻈﺮﻙ ﺑﺎﻟﺴﻴﺎﺭﻩ ﻭﺍﻧﺖ ﺣﺎﺳﺐ ﻭﺗﻌﺎﻝ ﻭﺭﺍﻧﻪ ..

ﻛﺮﻳﻢ : ﺧﻮﺵ ﺍﻧﺘﻈﺮﻭﻧﻲ ﻫﺴﻪ ﺑﺴﺮﻋﻪ ﺍﺭﺟﻌﻜﻢ ..

ﻃﻠﻌﻨﺎ ﺍﻧﻲ ﻭﺧﺎﻟﺘﻲ ﻭﺑﺲ ﺻﺮﻧﺎ ﺑﻌﻴﺪ ﻋﻨﻬﻢ ﻣﺎ ﺍﺗﺤﻤﻠﺖ ﺑﺪﻳﺖ ﺍﺑﺠﻲ ﻭﺣﻀﻨﺘﻨﻲ ﺧﺎﻟﺘﻲ ﻣﺎﮔﺪﺭﺕ ﺍﺗﺤﻤﻞ ﺑﻌﺪ ..

ﺑﺲ ﺷﻔﺘﻬﻢ ﺍﺟﻮ ﻣﻦ ﺑﻌﻴﺪ ﻣﺴﺤﺖ ﺍﺩﻣﻮﻋﻲ ﻭﮔﺪﺭﺕ ﺍﻣﺜﻞ ﻭﺍﺭﺳﻢ ﺿﺤﻜﻪ ﻣﺼﻄﻨﻌﻪ ﺟﺎﻧﺖ ﻭﺍﺿﺤﻪ ﺑﺲ ﺑﺪﺍﺧﻠﻲ ﺑﺮﻛﺎﻥ ﻣﻦ ﻏﻀﺐ ﻭﺍﻧﻲ ﺍﻋﺮﻑ ﻫﺬﺍ ﻛﻠﻪ ﻣﻦ ﺟﻮﻩ ﺭﺍﺱ ﺷﻬﺎﻣﺔ ..

ﺭﺟﻌﻨﺎ ﻟﻠﺒﻴﺖ ﻭﻟﻜﻴﻨﺎ ﺧﺎﻟﻲ ﻳﻨﺘﻈﺮ ﻭﻛﺎﻝ ﻣﺸﺘﺎﻗﻴﻦ ﻟـ ﺳﻌﺎﺩ ﻭﺍﺟﻪ ﺣﺘﻪ ﻳﺎﺧﺬﻫﺎ ﻭﻫﻲ ﻫﻢ ﺟﺎﻧﺖ ﻣﺸﺘﺎﻗﺘﻠﻬﻢ ﻣﺘﻌﻮﺩﻩ ﻋﻠﻴﻬﻢ ﻣﺘﻜﺪﺭ ﺍﺗﻔﺎﺭﮔﻬﻢ ..

ﺍﻟﻜﻞ ﺭﺍﺡ ﻭﺭﺟﻌﺖ ﻭﺣﺪﻱ ﺭﺟﻌﺖ ﺑﻨﻔﺲ ﺍﻟﻴﻮﻡ ﺍﻟﻲ ﺳﺤﺒﻨﻲ ﺑﻲ ﺍﺣﻤﺪ ﻣﻦ ﺷﻌﺮﻱ ﻭﺷﻤﺮﻧﻲ ﮔﺪﺍﻡ ﻋﻠﻲ ﺍﺗﺬﻛﺮﺕ ﺍﺩﻕ ﺍﻟﺘﻔﺎﺻﻴﻞ ﺍﻱ ﻛﻞ ﺍﻟﺘﻔﺎﺻﻴﻞ ﻭﺭﺟﻌﺖ ﻟﻨﻔﺲ ﺍﻟﺨﻮﻑ ﺭﺟﻊ ﺍﻟﺮﻋﺐ ﻧﻔﺴﻪ ﻣﺎﺍﻋﺮﻑ ﺍﻧﻲ ﻻﺯﻡ ﺍﻗﻠﻞ ﻣﻦ ﺍﻟﻌﻼﺝ ﻭﻫﺬﺍ ﺍﺧﺮ ﺍﺳﺒﻮﻉ ﺑﺲ ﻫﺴﻪ ﺍﺣﺘﺎﺝ ﺍﻱ ﺍﺣﺘﺎﺝ ﺍﺧﺬ ﺟﺮﻋﻪ ﻣﻀﺎﻋﻔﻪ ﺑﺲ ﺣﺘﻪ ﺍﻧﺎﻡ ﻭﺍﻧﺴﻪ ﺍﻟﻴﻮﻡ ﻛﻠﻪ ....

ﻓﻌﻼ ﺭﺟﻌﺖ ﺿﻌﻔﺖ ﺑﺲ ﺷﻔﺖ ﻋﻠﻲ ﺭﺟﻌﺖ ﺍﻧﻴﻦ ﺍﻟﻘﺪﻳﻤﻪ ﺍﻟﻲ ﺍﺭﻳﺪ ﺍﺗﺨﻠﺺ ﻣﻨﻬﺎ ﻭﺍﻧﻲ ﻳﻢ ﺍﻟﻤﻴﺰ ﺑﻐﺮﻓﺘﻲ ﺳﺤﺒﺖ ﻋﻠﺒﺔ ﺍﻟﻌﻼﺝ ﻭﺍﻧﻲ ﻻﺯﻡ ﺍﺧﺬ ﺑﺲ ﻧﺺ ﺣﺒﺎﻳﻪ ﺑﺲ ﺍﻧﻲ ﺍﺧﺬﺕ ﺍﺛﻨﻴﻦ ﻭﺑﻠﻌﺘﻬﻢ ﻭﺷﻤﺮﺕ ﻧﻔﺴﻲ ﻉ ﺍﻓﺮﺍﺷﻲ ﻭﺑﺲ ﺍﺑﺠﻲ ﻧﻤﺖ ﺑﺪﻭﻥ ﻣﺎﺍﺣﺲ ﺑﺸﻲ ﻧﻤﺖ ﺍﻭ ﻓﻘﺪﺕ ﺍﻟﻮﻋﻲ ﻣﻦ ﺍﻟﺘﻌﺐ ....

ﺑﺎﺑﺎ ﺑﺎﺑﺎ ﺑــــــــــــﺎﺑﺎ .....

ﺗﺴﻤﻌﻨﻲ ﺑﺎﺑﺎ ﺍﻧﻲ ﺍﻧﻴﻦ ﺍﻧﺖ ﻟﻴﺶ ﻣﺘﺤﺠﻲ ﻭﻳﺎﻱ ﺑﺲ ﺍﺭﻳﺪ ﺍﺳﻤﻊ ﺻﻮﺗﻚ ﺑﺎﺑﺎ ﺍﻧﻲ ﻣﺴﺎﻣﻌﺘﻪ ﺍﺑﺪ ...

ﻭﻳﻦ ﺭﺍﻳﺢ ﺍﻧﺘﻈﺮﻧﻲ ﻻ ﻻ ﺗﺮﻭﺡ ...

ﺗﺮﻛﻨﻲ ﻭﺭﺍﺡ ﻭﺍﻧﻲ ﺍﺻﻴﺢ ﺑﺲ ﺍﺑﺪ ﻣﻴﺴﻤﻌﻨﻲ ﻭ ﺍﺭﻛﺾ ﻭﺭﺍﻩ ﺑﺲ ﺍﺧﺘﻔۍ ﻭﺗﺮﻛﻨﻲ ﺗﺮﻛﻨﻲ ﻭﺳﻂ ﺷﺎﺭﻉ .... ﺍﻟﺸﺎﺭﻉ ﻣﻠﻴﺎﻥ ﺩﺧﺎﻥ ﻭﺍﻇﻠﻢ ﻭﻣﺎﮔﺪﺭﺕ ﺍﻋﺮﻑ ﻃﺮﻳﻘﻲ ﺑﺲ ﻇﻠﻴﺖ ﺍﻣﺸﻲ ﺑﺪﻭﻥ ﻫﺪﻑ ﻭﺍﺻﻴﺢ ﻭﺍﺑﺠﻲ ﻣﺜﻞ ﺍﻻﻃﻔﺎﻝ ..

ﺑﺲ ﺷﻔﺖ ﻇﻞ ﺷﺨﺺ ﻭﺍﻛﻒ ﻭﺭﺍﻱ ﻣﺎﺍﻋﺮﻑ ﻣﻨﻮ ﺑﺲ ﺍﺷﻮﻑ ﻇﻞ ﺧﻔﺖ ﻣﻨﻪ ﻭﺭﺩﺕ ﺍﺭﻛﺾ ﺑﺲ ﻣﺎﮔﺪﺭﺕ ﺑﻘﻴﺖ ﺟﺎﻣﺪﻩ ﺑﻤﻜﺎﻧﻲ ﻣﻦ ﺍﻟﺨﻮﻑ ﺑﺲ ﺳﻤﻌﺖ ﺻﻮﺗﻪ ..

ﮔﺎﻝ ﻻ ﺗﺨﺎﻓﻴﻦ ﺍﻧﻲ ﺩﺍﺋﻤﺎً ﻗﺮﻳﺐ ﻣﻨﺞ ﻭ ﺍﻭﻋﺪﺝ ﺑﻌﺪ ﻣﺎﺍﺧﻠﻴﻬﻢ ﻳﺰﻋﻠﻮﻧﺞ ﻳﻼ ﺍﺭﺟﻌﻲ ﺍﺭﺟﻌﻲ ﺑﺴﺮﻋﻪ ...

ﺻﺤﻴﺖ ﻣﻦ ﺍﻟﻨﻮﻡ ﻭﻫﺎﻱ ﺍﻭﻝ ﻣﺮﻩ ﺍﺧﺬ ﺍﻟﻌﻼﺝ ﻭﺍﻛﺪﺭ ﺍﺻﺤﻪ ﻭﺑﺪﻭﻥ ﺧﻮﻑ ﺑﺲ ﺍﺣﺲ ﻧﻔﺴﻲ ﺻﺮﺕ ﺍﺣﺴﻦ ﺧﺎﺻﺘﻦ ﻣﻦ ﺷﻔﺖ ﺍﺑﻮﻱ ﺍﺣﺲ ﺭﻭﺣﻪ ﻭﻳﺎﻱ ﻳﻤﻜﻦ ﻻﻥ ﺩﺍﺋﻤﺎ ﺍﻓﻜﺮ ﺑﻲ ..

ﮔﺪﺭﺕ ﺍﺗﺠﺎﻭﺯ ﺍﻟﺒﺎﺭﺣﻪ ﺑﺼﻌﻮﺑﻪ ﻭﻗﺮﺭﺕ ﺍﻟﻴﻮﻡ ﻣﺎﺍﺧﺬ ﻋﻼﺝ ﻋﻘﻮﺑﻪ ﻋﻠﻴﻪ ﻻﻥ ﺍﻟﺒﺎﺭﺣﻪ ﺿﻌﻔﺖ

ﻭﺍﻋﺮﻑ ﻣﻌﻨﺎﻫﺎ ﺍﺑﻘﻪ ﮔﺎﻋﺪﻩ ﻟﺼﺒﺢ ﻭﺍﺣﺘﻤﺎﻝ ﺍﺭﺟﻊ ﺍﺗﺨﻴﻞ ﺑﺲ ﺍﺳﺘﺎﻫﻞ ﻻﻥ ﺿﻌﻔﺖ ..

ﺣﻀﺮﺕ ﻧﻔﺴﻲ ﻭﻣﻨﺘﻈﺮﻩ ﺍﻟﺴﻴﺎﺭﻩ ﺗﺠﻲ ﺗٲﺧﺬﻧﻲ ﻟـ ﺑﻴﺖ ﺳﺖ ﻣﺮﻳﻢ ..

ﻭﺭﺍ ﺭﺑﻊ ﺳﺎﻋﻪ ﻭﺻﻠﺖ ﺍﻟﺴﻴﺎﺭﻩ ﻭﻧﺰﻟﺖ ﻣﺮﻳﻢ ﻭﺩﺧﻠﺖ ﺳﻠﻤﺖ ﻉ ﺍﻣﻲ ﻭﺑﻌﺪﻳﻦ ﻃﻠﻌﻨﺎ ..

ﺍﻭﻝ ﻣﺎ ﻭﺻﻠﻨﺎ ﺑﻴﺘﻬﻢ ﻣﻮ ﺑﻌﻴﺪ ﻧﻔﺲ ﻣﻨﻄﻘﺘﻨﺎ ﺑﺲ ﺑﻴﺖ ﺟﺒﻴﺮ ﻭﺿﺨﻢ ..

ﺩﺧﻠﻨﺎ ﻭﻣﺮﻳﻢ ﻭﻳﺎﻱ ﻭﻣﻤﺼﺪﮔﻪ ﻭﺑﺲ ﺗﺸﻜﺮﻧﻲ ﻭﺍﻧﻲ ﻓﻌﻼ ﺧﺠﻠﺖ ﻣﻨﻬﺎ ...

ﺩﺧﻠﻨﺎ ﮔﺎﻟﺖ ﺍﻧﺘﻈﺮﻱ ﺍﻫﻨﺎ ﻭﺍﻧﻲ ﺍﺭﻭﺡ ﺍﺧﻠﻲ ﺻﻮﻓﻴﺎ ﺗﺘﺤﻀﺮ ﻭﺍﺳﺎﻋﺪﻫﺎ ﺗﻠﺒﺲ ..

ﺧﻠﺘﻨﻲ ﺑـ ﺻﺎﻟﻪ ﻭﺍﺳﻌﻪ ﺑﺎﻟﻄﺎﺑﻖ ﺍﻻﺭﺿﻲ ﻭﻫﻲ ﺻﻌﺪﺕ ﺍﻟﺒﻴﺖ ﺟﺪﺍﺍ ﻣﺮﺗﺐ ﻭﻧﺎﺯﻙ

ﻭﺍﻻﺛﺎﺙ ﻣﺘﻨﺎﺳﻖ ﻭﻳﻪ ﺍﻟﺒﺮﺍﺩﻱ ﻭﻛﻞ ﺟﺰﺀ ﻣﻦ ﺍﻟﺒﻴﺖ ﻳﺨﺘﻠﻒ ﺑﺎﻟﻮﺍﻧﻪ ﻭﺍﺛﺎﺛﻪ ﻭﺍﻧﻲ ﻇﻠﻴﺖ ﺑﺲ ﺍﺗﻔﺮﺝ ﻭﺷﻔﺖ ﻃﻔﻞ ﺗﻘﺮﻳﺒﺎً ﻋﻤﺮﻩ ﺳﺖ ﺳﻨﻮﺍﺕ ﮔﻌﺪ ﻳﻤﻲ ﻭﻳﺴﻮﻟﻒ ﻭﻳﺴﺎﻟﻨﻲ .

ـ ﺍﻧﺘﻲ ﻣﻨﻮ ?..

ـ ﺍﻧﻲ ﺍﻧﻴﻦ ﺍﻧﺖ ﻣﻨﻮ ?..

ـ ﺍﻣﻤﻤﻢ ﺍﻧﻲ ﻣﺆﻣﻦ ﺑﺲ ﺍﻧﻲ ﺍﻭﻝ ﻣﺮﻩ ﺍﺷﻮﻓﺞ ..

ـ ﻫﻬﻪ ﺍﻧﺖ ﺍﺳﻤﻚ ﺣﻠﻮﻭ ﻣﻨﻮ ﺳﻤﺎﻙ ?..

ـ ﻫﺴﻪ ﺍﻧﻲ ﺳٲﻟﺘﺞ ﺭﺟﻌﺘﻲ ﺳٲﻟﺘﻴﻨﻲ ﻭﻳﻦ ﺟﻮﺍﺑﻲ ?

ـ ﻫﻬﻬﻪ ﻓﺪﻭﻭﻭﻩ ﺍﻧﺖ ﺷﻨﻮ ﺷﻜﺪ ﻋﻤﺮﻙ ﻭﻫﻴﺞ ﺗﺤﺠﻲ ﻭﺗﺪﻟﻞ ﺍﺟﺎﻭﺑﻚ ﺍﻧﻲ ﻣﺪﺭﺳﺔ ﺍﻟﺮﻳﺎﺿﻴﺎﺕ ﺍﻟﺠﺪﻳﺪﻩ ﺍﺩﺭﺱ ﺻﻮﻓﻴﺎ ﺷﺘﺼﻴﺮ ﻣﻨﻚ ﺻﻮﻓﻴﺎ ?..

ـ ﺍﻭﻻً ﺍﻧﻲ ﻣﻮ ﻃﻔﻞ ﻋﻤﺮﻱ ﺛﻤﺎﻧﻴﻪ ﻭﺍﺗﺸﺮﻑ ﺑﻴﺞ ﺳﺖ ﻭﺛﺎﻧﻴﺎً ﺻﻮﻓﻴﺎ ﺍﺗﻜﻮﻥ ﺍﺧﺘﻲ ﻭﺍﻟﻤﻌﻠﻮﻣﺎﺗﺞ ﻣﺘﻜﺪﺭﻳﻦ ﺍﺩﺭﺳﻴﻨﻬﺎ ﻻﻥ ﻫﻲ ﻣﺤﺪ ﻳﺘﺤﻤﻠﻬﺎ ﺣﺘﻪ ﻋﻤﻮ ﻳﻌﺎﻟﺠﻬﺎ ﻭﺑﻌﺪﻫﻲ ﻧﻔﺲ ﺍﻟﺸﻲ ...

ـ ﻟﻴﺶ ﻫﻲ ﺷﺒﻴﻬﺎ ?..

ﻣﺮﻳﻢ : ﺳﺖ ﺍﻧﻴﻦ ﺍﺗﻔﻀﻠﻲ ..

ﺍﻧﻴﻦ : ﺣﺎﻻً ..

ﻣﺎﻋﺮﻓﺖ ﻫﺬﺍ ﺷﻨﻮ ﻳﻘﺼﺪ ﻭﻓﻌﻼ ﻫﺬﺍ ﻗﺰﻭﻡ ﻭﺍﻟﻠﻪ ﻋﺒﺎﻟﻲ ﻋﻤﺮﻩ ﺳﺖ ﺳﻨﻮﺍﺕ ﺍﺑﻮ ﻟﺴﺎﻥ ﺧﺠﻠﻨﻲ ..

ﺻﻌﺪﺕ ﻓﻮﻙ ﻭﺷﻔﺖ ﺍﺑﻨﻴﻪ ﺷﺎﺑﻪ ﻣﻌﺎﻧﻴﻬﺎ ﺣﺰﻳﻨﻪ ﺑﺲ ﺣﻠﻮﻩ ﻭﻧﺎﻋﻤﻪ ﻭﺷﻌﺮﻫﺎ ﻣﻌﻜﻮﺵ ﻭﺑﻲ ﺷﮕﺎﺭ ﻳﻌﻨﻲ ﻓﻌﻼ ﺟﻤﻴﻠﻪ ....

ﺑﺲ ﺍﻟﻤﺴﻜﻴﻨﻪ ﮔﺎﻋﺪﻩ ﻉ ﻛﺮﺳﻲ ﻣﺘﺤﺮﻙ ..

ـ ﺍﻧﻴﻦ : ﻫﻼ ﺻﻮﻓﻴﺎ ﺍﻧﻲ ﺍﺳﻤﻲ ﺍﻧﻴﻦ ﻭﺣﺪﺭﺳﺞ ﺭﻳﺎﺿﻴﺎﺕ ..

ـ ﺻﻮﻓﻴﺎ : ﻧﻌﻢ ﺳﺖ ﺍﺗﻔﻀﻠﻲ ﮔﺎﻟﺘﻠﻲ ﺧﺎﻟﻪ ﻣﺮﻳﻢ ﻭﺍﻧﻲ ﻣﺴﺘﻌﺪﻩ ﻟـ ﺍﻟﺪﺭﺱ .

ﻣﺮﻳﻢ : ﺍﻧﻲ ﺍﻋﻮﻓﻜﻢ ﺑﺮﺍﺣﺘﻜﻢ ﻭﺍﺫﺍ ﺗﺮﺩﻭﻥ ﺷﻲ ﺻﻴﺤﻮﻧﻲ ﺍﻭﻙ .

ﻃﻠﻌﺖ ﻣﺮﻳﻢ ﻭﺑﺪﻳﺖ ﺍﺣﺠﻲ ﻭﻳﻪ ﺻﻮﻓﻴﺎ ﻭﺣﺒﻴﺖ ﺍﻟﻴﻮﻡ ﺍﻻﻭﻝ ﺑﺲ ﺍﺗﻌﺮﻑ ﻋﻠﻴﻬﺎ

....

....

ﺍﻟﻴﻮﻡ ﻣﺎﺍﻧﻄﻴﺞ ﻣﺤﺎﺿﺮﻩ ﺑﺲ ﺍﺣﺐ ﺍﺗﻌﺮﻑ ﻋﻠﻴﺞ ﻣﻤﻜﻦ ?..

ـ ﺍﺑﺮﺍﺣﺘﺞ ﺳﺖ ﺍﻧﻲ ﺍﺣﺠﻴﻠﺞ ﻋﻨﻲ ﻣﺨﺘﺼﺮ ﻭﺍﻧﺘﻲ ﻫﻢ ﺍﺭﻳﺪ ﺍﻋﺮﻑ ﻋﻨﺞ ﺍﺗﻔﻘﻨﺎ ..

ـ ﺍﻥ ﺷﺎﺀ ﺍﻟﻠﻪ ﺑﺲ ﺍﻧﺘﻲ ﺑﺎﻻﻭﻝ ﺍﺣﺐ ﺍﺗﻌﺮﻑ ﻋﻠﻴﺞ ﺍﻛﺜﺮ ..

ـ ﺍﻧﻲ ﺻﻮﻓﻴﺎ ﻟﻮﺍﺀ ﻓﻴﺎﺽ ... ﺛﺎﻟﺚ ﻣﺘﻮﺳﻂ .. ﺍﻫﻠﻲ ﻋﻼﻗﺘﻬﻢ ﻣﺨﺘﺮﺑﻪ ﺗﻘﺮﻳﺒﺎً ﻭﺍﻟﺴﺒﺐ ﺍﻟﻈﺎﻫﺮ ﺍﻧﻲ ﺍﻣﺎﻡ ﺍﻟﺤﻘﻴﻘﻪ ﻏﻴﺮ ﻫﻤﻪ ﻣﻤﺘﻔﺎﻫﻤﻴﻦ ﺍﺑﺪ ... ﺍﻧﻲ ﺍﻟﺴﺒﺐ ﻛـ ﺣﺠﻪ ﺣﺘﻪ ﻳﻨﻔﺼﻠﻮﻥ ... ﻣﺎﻣﺎ ﺍﺗﺤﺐ ﺍﺗﻜﻮﻥ ﺣﺮﻩ ﻭﺗﻘﻮﺩ ﺳﻴﺎﺭﺗﻬﺎ ﺑﻜﻴﻔﻬﺎ ﻭﺑﺎﺑﺎ ﻣﻴﺤﺐ ﻫﺬﺍ ﺍﻟﺸﻲ ﻻﻥ ﺩﺍﺋﻤﺎ ﺗﺄﺧﺬﻧﻪ ﻭﻳﺎﻫﺎ ﻭﺗﺴﻮﻕ ﺑﺸﻜﻞ ﻣﺠﻨﻮﻥ ﻭﺗﻀﺤﻚ ﻻﻥ ﺍﺗﺤﺐ ﺍﻟﺴﺮﻋﻪ ﻭﻗﺒﻞ ﺳﺖ ﺍﺷﻬﺮ ﺍﺧﺬﺗﻨﻲ ﻟـ ﺑﻴﺖ ﺟﺪﻭ ﻭﺍﺗﻌﺮﺿﻨﺎ ﻟـ ﺣﺎﺩﺙ ﺍﻧﻲ ﺻﺮﺕ ﻣﺜﻞ ﻣﺘﺸﻮﻓﻴﻦ ﻭﺍﺣﺘﺎﺝ ﻋﻼﺝ ﻃﻮﻳﻞ ﻟﻮ ﺍﺭﺟﻊ ﺍﻣﺸﻲ ﻟﻮ ﻻ ﺑﺲ ﻫﻲ ﻣﺼﺎﺭ ﺑﻴﻬﺎ ﺷﻲ ﻭﻣﻦ ﻫﺬﺍﻙ ﺍﻟﻴﻮﻡ ﻭﺍﻟﻤﺸﺎﻛﻞ ﺑﺪﺕ ﻭﺑﺎﺑﺎ ﻗﺮﺭ ﻳﻨﻔﺼﻞ ﻋﻨﻬﺎ ﻭﻛﻞ ﻳﻮﻡ ﻣﺸﻜﻠﻪ ﺑﺲ ﻋﻤﻮ ﻳﺴﺎﻋﺪﻧﻲ ﻭﻫﻮ ﺍﻟﻲ ﻳﺴﻤﻊ ﻣﻨﻲ ﻻﻥ ﺍﻧﻲ ﺗﻌﺒﺖ ﺑﻌﺪ ﺍﻟﺤﺎﺩﺙ ﻭﺑﻌﺪﻳﻦ ﺍﻟﻤﺸﺎﻛﻞ ..

ﻭﺍﻟﺤﺪ ﺍﻻﻥ ﻛﻞ ﻓﺘﺮﻩ ﻣﺎﻣﺎ ﺍﺗﺮﻭﺡ ﻟـ ﺑﺎﺑﺎ ﻟـ ﺩﻭﺍﻣﻪ ﻭﺗﺠﻲ ﻟﻠﺒﻴﺖ ﺑﺲ ﺍﺗﺮﻳﺪﻩ ﻳﺮﺟﻌﻬﺎ ﺑﺲ ﻫﻮ ﺭﺍﻓﺾ ﻭﻳﻤﺸﻲ ﺑﻘﻀﻴﺔ ﺍﻟﻄﻼﻕ ﺍﻟﻲ ﻣﺘﺄﺧﺮﻩ ﻻﻥ ﻫﻲ ﺭﺍﻓﻀﻪ ..

ـ ﺍﺳﻔﻪ ﺣﺒﻲ ﻭﺍﻟﻠﻪ ﻣﺎﺍﻋﺮﻑ ﻫﻴﺞ ﺍﻟﻤﻮﺿﻮﻉ ﺍﻥ ﺷﺎﺀ ﺍﻟﻠﻪ ﻳﺮﺟﻌﻮﻥ ...

ـ ﻻ ﺳﺖ ﻣﺎﻳﺮﺟﻌﻮﻥ ﻻﻥ ﺍﻧﻲ ﺍﻋﺮﻑ ﺑﺎﺑﺎ ..

ـ ﻫﺴﻪ ﺍﻧﻲ ﻻﺯﻡ ﺍﺗﻌﺮﻓﻴﻨﻲ ﺍﻛﺜﺮ .. ﺍﻧﻲ ﺟﻨﺖ ﻣﺪﺭﺳﻪ ﺭﻳﺎﺿﻴﺎﺕ ﺑﺲ ﺗﻌﺒﺖ ﻣﻦ ﺍﻟﺘﺪﺭﻳﺲ ﻭﻏﻴﺮﺕ ﺍﻟﺸﻐﻞ ... ﺍﻣﺎ ﻋﻦ ﺣﻴﺎﺗﻲ ﺍﻟﺸﺨﺼﻴﻪ ﺍﻧﻲ ﻣﻤﺘﺰﻭﺟﻪ ﻭﻣﻦ ﺍﻧﻮﻟﺪﺕ ﺑﻌﺪ ﺳﻨﺘﻴﻦ ﻭﺍﻟﺪﻱ ﻣﺎﺕ ﻭﻋﺸﺖ ﻛﻞ ﻋﻤﺮﻱ ﺍﺣﻠﻢ ﺑﺲ ﺍﺳﻤﻊ ﺻﻮﺗﻪ ﺑﺲ .... ﺑﺲ ﺍﺷﻮﻑ ﺻﻮﺭﻩ ﻭﺍﺣﺒﻪ ﺍﻱ ﺍﺣﺒﻪ ﺍﻫﻮﺍﻳﻪ ... ﻭﻫﻢ ﺍﺗﻌﺮﺿﺖ ﻟﻤﺮﺽ ﻭﺗﻌﺐ ﻧﻔﺴﻲ ﻭﻋﻤﺞ ﻫﻮ ﺍﺷﺮﻑ ﻉ ﻋﻼﺟﻲ ﻭﺳﺎﻋﺪﻧﻲ ..

ـ ﺳﺖ ﺍﻧﻲ ﺣﺒﻴﺘﺞ ﻭﺍﻧﻲ ﺟﻨﺖ ﻣﻔﻜﺮﻩ ﺍﻧﺘﻲ ﻧﻔﺲ ﺍﻟﻤﺪﺭﺳﺎﺕ ﺍﻟﺒﻘﻴﻪ ..

ـ ﻟﻴﺶ ﺍﻟﺒﻘﻴﻪ ﺷﺒﻴﻬﻢ ?...

ـ ﻫﻬﻪ ﺟﻨﺖ ﺍﺿﻮﺟﻬﻢ ﻭﺍﺧﻠﻴﻬﻢ ﻳﺘﺮﻛﻮﻧﻲ .

ـ ﻓﺪﻭﻭﻭﻩ ﻫﺎﻱ ﺷﻜﺪ ﺣﻠﻮﻩ ﺿﺤﻜﺘﺞ ﻣﺎﺷﺎﺀ ﺍﻟﻠﻪ ﺍﻧﺘﻲ ﺣﻠﻮﻭﻭﻩ ﻣﻮ ﻉ ﺍﺑﻮﺝ ..

ـ ﻧﻌﻢ ﺳﺖ ﺍﻧﺘﻲ ﻭﻳﻦ ﺷﺎﻳﻔﻪ ﺍﺑﻮﻱ !!...

ـ ﺍﻣﻤﻤﻢ ﻣﻮ ﻭﻳﺎﻩ ﺑﺎﻟﺪﻭﺍﻡ ﻭﺍﻧﻲ ﺍﻋﺮﻑ ﻣﺮﻳﻢ ﻣﻦ ﺯﻣﺎﻥ ﻭﻫﻲ ﺍﻧﺴﺎﻧﻪ ﻣﺤﺘﺮﻣﻪ ﻭﺣﺒﻴﺖ ﺿﺤﻜﺘﺞ ﻳﻠﻪ ﺍﺷﻮﻓﺞ ﺑﺎﺟﺮ ﺍﻥ ﺷﺎﺀ ﺍﻟﻠﻪ ..

ﺍﻭﻭﻭﻑ ﺷﻠﻮﻥ ﻫﻴﺞ ﺍﻛﻮﻝ ﻟﻠﺒﻨﻴﻪ ﻭﺍﻟﻠﻪ ﻋﻴﺐ ﺍﻧﻮﺏ ﻣﺎﻋﺮﻓﺖ ﺍﺿﻴﻊ ﺍﻟﺴﺎﻟﻔﻪ ﻭﺑﻴﻦ ﻋﻠﻴﻪ ﺍﻻﺭﺗﺒﺎﻙ ... ﺑﺲ ﻫﻲ ﻭﺍﺧﻮﻫﺎ ﺣﻠﻮﻳﻦ ﻭﺍﺑﻮﻫﻢ ﺍﻟﻤﻐﺮﻭﺭ ... ﻫﻮ ﺍﻧﻲ ﺍﺻﻼ ﻣﻤﻨﺘﺒﻪ ﻟﺸﻜﻞ ﺍﺑﻮﻫﻢ ﺑﺲ ﺍﻛﺮﻫﻪ ﺍﻟﻘﺰﻡ ﻳﻤﻜﻦ ﻳﺸﺒﻬﻮﻥ ﻟـ ﺍﻣﻬﻢ ﺍﻱ ﺍﻛﻴﺪ ...

ﻧﺰﻟﺖ ﺑﺴﺮﻋﻪ ﻭﻣﺮﺗﺒﻜﻪ ﻭﻣﺸﻔﺖ ﺷﻲ ﻛﺪﺍﻣﻲ ﺑﺲ ﺍﺳﻤﻊ ﺻﻮﺕ ﻣﺄﻟﻮﻑ ﻋﻨﺪﻱ ..

ـ ﻉ ﻛﻴﻔﺞ ﺳﺖ ﻻ ﺗﻮﻛﻌﻴﻦ ﻭﺍﺑﺘﻠﻲ ﺑﻴﺞ ﻭﺍﻧﺘﻲ ﻛﻠﻬﺎ ﺍﺗﺤﺒﺞ ﻭﺍﻧﻲ ﺍﻟﻤﻜﺮﻭﻩ . .

ـ ﻋﺰﺍﺍ ﺑﻌﻴﻨﻚ ﻫﻢ ﺍﻧﺖ ﺷﻨﻮ ﺍﻟﺴﺎﻟﻔﻪ !..

ـ ﻫﻬﻬﻬﻪ ﻋﺰﺍ ﺑﻌﻴﻨﻚ ﻣﺸﻜﻮﺭﻩ ﺳﺖ ﺍﻧﻴﻦ .

ـ ﺍﺳﻔﻪ ﺍﺳﺘﺎﺫ ﺑﺲ ﻣﻤﻜﻦ ﺍﺗﻮﺧﺮ ﻣﻦ ﺍﻟﺪﺭﺝ ﺍﺭﻳﺪ ﺍﻧﺰﻝ ﻣﺴﺘﻌﺠﻠﻪ ...

ـ ﻫﻬﻬﻬﻪ ﻣﻦ ﺷﻔﺘﺞ ﻭﺷﻔﺘﻴﻨﻲ ﻣﺴﺘﻌﺠﻠﻪ ﻭﺗﻤﺸﻴﻦ ﻣﻴﻪ ﻭﺛﻤﺎﻧﻴﻦ ﺷﻜﻮ ﺷﻌﻨﺪﺝ ﻭﻣﻮ ﺩﺍ ﺍﻧﺴﻮﻟﻒ ..

ـ ﺍﻟﻠﻪ ﻭﺍﻛﺒﺮ ﻉ ﺭﺍﺳﻚ ﺍﻧﺖ ﻣﺘﺴﺘﺤﻲ ﺷﻨﻮ ﺻﻔﺘﻚ ﺑﻠﻪ ﻭﻫﻴﺞ ﺗﺤﺠﻲ ﻭﻳﺎﻱ ﺷﻨﻮ ﺍﻧﻲ ﺍﺷﺘﻐﻞ ﻋﻨﺪﻙ ﻭﺩﺍ ﻧﺴﻮﻟﻒ ﻭﻓﺮﺣﺎﻥ ﺑﺮﻭﺣﻪ ﺍﻟﻘﺰﻡ ..

ـ ﻫﻬﻬﻬﻪ ﻣﻨﻮ ﻗﺰﻡ ?.. ﺍﺣﺠﻲ ﺍﺷﻮ ﺳﻜﺘﻲ ﻳﻠﻪ ﺍﺭﻳﺪ ﺍﻋﺮﻑ ﻣﻨﻮ ﺍﻟﻘﺰﻡ ﺍﻧﻲ ﻟﻮ ﺍﻧﺘﻲ ?...

ـ ﺍﻧﻲ ﻣﻮ ﻗﺰﻡ ﺍﻧﺖ ﺍﻱ ﺍﻧﺖ ﻭﺷﻨﻮ ﺍﻧﻲ ﺍﺧﺎﻑ ﻣﻨﻚ ﻭﻳﻦ ﻣﺎﺗﺸﻮﻓﻨﻲ ﺗﻀﻮﺟﻨﻲ ﻭﺗﺄﺧﺮﻧﻲ ﺍﻧﺖ ﻟﻴﺶ ﻫﻴﺞ ﻣﻜﺮﻭﻩ .. ?

ـ ﺍﻧﻲ ﻣﻮ ﻗﺰﻡ ﻭﺍﺣﺘﺮﻣﻲ ﻧﻔﺴﺞ ﺍﻭﻙ ﻭﺑﺎﻟﻨﺴﺒﻪ ﻟـ ﻃﻮﻟﻲ ﺗﺮﺍ 177 ﻣﻮ ﺍﺷﻮﻳﻪ ﻭﺍﻧﺘﻲ ﺍﻟﻘﺰﻣﻪ ﻫﺴﻪ ﺍﻧﺘﻲ ﻭﻳﻦ ﻭﺍﻛﻔﻪ ﻭﺑﻌﺪﺝ ﻣﺼﻴﺎﺭﻩ ﺑﻄﻮﻟﻲ ﻳﺎ ﻗﺰﻣﻪ ..

ـ ﺧﻠﺺ ﺧﻠﺺ ﻗﺰﻣﻪ ﻭﺧﺮ ﻣﻦ ﻃﺮﻳﻘﻲ ﺍﺭﺟﻮﻙ ..

ـ ﺑﻌﺪ ﺍﺗﻮﺳﻠﻲ ..

ـ ﺳﺖ ﻣﺮﻳــــــﻢ ﻣﺮﻳﻢ ﻣﺮﻳﻢ ..

ـ ﺷﻨﻮ ﺍﺗﺨﻮﻓﻴﻨﻲ ﺑﻤﺮﻳﻢ ﺻﻴﺤﻲ ﻭﺍﻧﻲ ﻫﻢ ﺍﺻﻴﺢ ﻭﻳﺎﺝ ﻣﺮﻳﻢ ﻣﺮﻳﻢ ﻭﺍﺫﺍ ﻣﺘﻌﺘﺬﺭﻳﻦ ﻣﺎﺗﺮﻭﺣﻴﻦ ﻭﻟﻮ ﺍﻋﺮﻑ ﻟـ ﺛﺎﻧﻲ ﻳﻮﻡ ﺍﺑﻘﻪ ﻫﻴﺞ ﻭﺍﻛﻒ ﺍﻭ ﻟﻴﺶ ﻭﺍﻛﻒ ﺧﻠﻲ ﺍﻛﻌﺪ ﺍﺣﺴﻦ

.....

ﻳﺎﺭﺏ ﻫﺎﻱ ﺷﻠﻮﻥ ﻭﺭﻃﻪ ﻫﺬﺍ ﺍﻟﻘﺰﻡ ﺳﺪ ﺍﻟﻄﺮﻳﻖ ﻋﻠﻴﻪ ﻭﺍﻧﻲ ﻣﺘﺄﺧﺮﻩ ﻭﻫﺎﻱ ﻣﺮﻳﻢ ﻣﺎﻛﻮ ﺻﺎﺭ ﺳﺎﻋﻪ ﺍﺻﻴﺢ ﻣﺎﺍﺭﻳﺪ ﺍﺑﺠﻲ ﻛﺪﺍﻡ ﻫﺬﺍ ﺍﻟﻤﻐﺮﻭﺭ ﺑﺲ ﻧﻔﺴﻲ ﺍﺷﻴﻞ ﺍﺛﻜﻞ ﺷﻲ ﺑﺎﻟﺒﻴﺖ ﻭﺍﻟﺰﻛﻪ ﺑﺮﺍﺳﻪ ﻳﺎﺭﺏ ﺷﻠﻮﻥ ﻫﺴﻪ ..

ﺧﺎﺑﺮﺕ ﻉ ﻣﺮﻳﻢ ﻃﻠﻌﺖ ﻃﺎﻟﻌﻪ ﻭﻣﻮﺻﻴﻪ ﺍﻟﺴﺎﻳﻖ ﻳﻮﺻﻠﻨﻲ ﻭﻫﺬﺍ ﻳﺴﻤﻌﻨﻲ ﺍﺧﺎﺑﺮ ﻭﻳﻀﺤﻚ ﻭﻛﻞ ﻣﺎ ﻳﻀﺤﻚ ﺍﻧﻲ ﺍﺗﻨﺮﻓﺰ ﺻﻮﺗﻪ ﻭﺷﻜﻠﻪ ﻳﻨﺮﻓﺰﻧﻲ ﻳﺨﻠﻴﻨﻲ ﺍﺗﺨﺒﻞ ﺷﻜﺪ ﻋﺎﻗﻠﻪ ﻭﻳﻪ ﺍﻟﻨﺎﺱ ﺑﺲ ﻭﻳﺎﻩ ﺍﺗﺨﺒﻞ ﺣﺘﻪ ﻣﺎﺍﻋﺮﻑ ﺷﻨﻮ ﺍﺣﺠﻲ ﻫﺴﻪ ﺍﻻ ﺍﻛﻠﻪ ﻗﺰﻡ ﺍﻭﻭﻑ ﻳﺎ ﻭﺍﻟﻠﻪ ﺗﻌﺒﺖ ...

ـ ﺍﺳﺘﺎﺫ ﺍﺗﺄﺧﺮﺕ ﻭﺍﻋﺘﺬﺭ ﺑﺲ ﺑﺸﺮﻁ ﻫﺎﻱ ﺍﺧﺮ ﻣﺮﻩ ﺍﺟﻲ ﺍﻫﻨﺎ ﺍﻧﻄﻲ ﻟـ ﺻﻮﻓﻴﺎ ﺩﺭﺱ ﺍﻣﺎ ﺍﺫﺍ ﺗﻮﺧﺮ ﺍﻧﺖ ﻭﻃﻮﻟﻚ ﺍﻟـ 177 ﻭﺗﺨﻠﻴﻨﻲ ﺍﺭﻭﺡ ﺑﺪﻭﻥ ﺍﻋﺘﺬﺍﺭ ﺍﻛﺪﺭ ﺍﺭﺟﻊ ﺑﺎﺟﺮ ﻭﺍﻧﻄﻴﻬﺎ ﺍﻟﺪﺭﺱ ...

ـ ﻳﻠﻪ ﺭﻭﺣﻲ ﻭﻉ ﻓﻜﺮﻩ ﺍﻻﻋﺘﺬﺍﺭ ﻣﻴﻨﻘﺺ ﻣﻦ ﻗﻴﻤﺘﺞ ﻭﺍﻧﺘﻲ ﻫﺎﻱ ﺍﻛﺜﺮ ﻣﻦ ﻣﺮﻩ ﺍﺗﻘﻠﻠﻴﻦ ﻣﻦ ﻗﻴﻤﺘﻲ ﻭﻫﺎﻱ ﺍﻟﻤﺮﻩ ﺍﺗﺠﺎﻭﺯﺗﻲ ﺍﻛﺜﺮ ﻣﻦ ﺍﻟﻘﺒﻠﻬﺎ ﻻ ﺗﻨﺴﻴﻦ ﻧﻔﺴﺞ ﺍﻓﺘﻬﻤﺘﻲ ...

ـ ﻭﺧﺮ ﻣﻦ ﻃﺮﻳﻘﻲ ﻟﻮ ﺳﻤﺤﺖ ...

ﺍﻭﻝ ﻣﺎ ﻭﺧﺮ ﺍﻧﻲ ﻃﻠﻌﺖ ﺭﻛﺾ ﻭﺣﺘﻪ ﻣﺎﺍﺭﻳﺪ ﺳﻴﺎﺭﺗﻬﻢ ﺭﺟﻌﺖ ﻟﺒﻴﺘﻨﺎ ﻣﺸﻲ ﻭﺍﻟﻄﺮﻳﻖ ﻛﻠﻪ ﺍﻧﻲ ﺧﺎﻳﻔﻪ ﻣﻨﻪ ﻫﺬﺍ ﺷﻜﺪ ﻣﺮﻋﺐ ﺍﻧﻮﺏ ﻳﻬﺪﺩ ﻭﺍﻧﻲ ﺷﻨﻮ ﺣﺠﻴﺖ ﻭﺍﻟﻠﻪ ﺑﻠﻮﻩ ﻫﺬﺍ ﺍﺫﺍ ﺯﻭﺟﺘﻪ ﻣﺨﻠﺼﺎﻧﻪ ﻣﻨﻪ ﻭﺍﻧﻲ ﺍﺭﻳﺪﻩ ﻳﺤﺘﺮﻣﻨﻲ ﺧﻠﻲ ﻳﺤﺘﺮﻡ ﻧﻔﺴﻪ ﻗﺒﻠﻬﺎ ﺍﻟﻘﺰﻡ ..

ـ ﻫﺎﺍﺍ ﻳﻤﻪ ﺷﻮ ﺍﺗﺄﺧﺮﺗﻲ ?..

ـ ﻻ ﺑﺲ ﻻﻥ ﺍﻟﺒﻨﻴﻪ ﻣﻤﺤﻀﺮﻩ ﻧﻔﺴﻬﺎ ﻭﺍﻧﺘﻈﺮﺗﻬﺎ ﺍﺷﻮﻳﻪ ..

ـ ﻫﺎﺍﺍ ﻳﻤﻪ ﺷﻮ ﺍﺗﺄﺧﺮﺗﻲ ?..

ـ ﻻ ﺑﺲ ﻻﻥ ﺍﻟﺒﻨﻴﻪ ﻣﻤﺤﻀﺮﻩ ﻧﻔﺴﻬﺎ ﻭﺍﻧﺘﻈﺮﺗﻬﺎ ﺍﺷﻮﻳﻪ .

ـ ﺍﻭﻭﻭﻑ ﻣﻨﺞ ﻫﺎﻱ ﺍﻧﻲ ﺍﻋﺮﻓﻬﺎ ﻛﻞ ﻳﻮﻡ ﻫﻴﺞ ﺑﻌﺪ ﻣﺎﻛﻮ ﺭﻭﺣﻪ ﻉ ﺑﻴﺖ ﻫﺬﻭﻝ ﺍﻟﻨﺎﺱ ﺍﻧﻲ ﻣﺎ ﻣﺮﺗﺎﺣﻪ ﻭﺧﺎﻳﻔﻪ ﻋﻠﻴﺞ ﺑﻌﺪ ﻻ ﺗﺮﺣﻴﻦ ﺍﻟﻠﻪ ﻻ ﻳﻌﻮﺯﺝ ﺍﻟﻬﻢ ..

ـ ﻳﻮﻭﻡ " ﺭﺟﻌﻨﺎ ﻟﻨﻔﺲ ﺍﻟﻤﻮﺍﻝ ﻳﻌﻨﻲ ﺍﻧﻲ ﺻﻐﻴﺮﻩ ﻭﺍﻧﺘﻲ ﺧﺎﻳﻔﻪ ﻋﻠﻴﻪ ﻭﺍﻟﻠﻪ ﻳﺎ ﺍﻣﻲ ﻣﺤﺪ ﻳﻜﺪﺭ ﻳﺄﺫﻳﻨﻲ ﻻ ﺗﺨﺎﻓﻴﻦ ﻭﺑﻌﺪﻳﻦ ﺧﻄﻴﻪ ﻟﻮ ﺷﺎﻳﻔﻪ ﺣﺎﻟﺖ ﺍﻟﺒﻨﻴﻪ ﻭﺍﻟﻠﻪ ﻣﺴﻜﻴﻨﻪ ﻭﺍﻣﻬﺎ ﺑﻌﻴﺪ ﻋﻨﻬﺎ ﺍﺑﻮﻫﺎ ﻭﺍﺣﺪ ﻇﺎﻟﻢ ﻭﻣﻐﺮﻭﺭ ﻭﻣﺘﻌﺠﺮﻑ ﻭ .......

ـ ﻳﻤﻪ ﺍﻃﻲ ﻣﺠﺎﻝ ﻫﺬﺍ ﻛﻠﻪ ﺍﺑﻮﻫﺎ ﻭﺑﻌﺪﺝ ﺗﺮﺩﻳﻦ ﺍﺗﻜﻤﻠﻴﻦ ﻣﻌﻘﻮﻟﻪ ?..

ـ ﻫﺎﺍﺍ ﺍﻧﻲ ﺍﻫﻮﺍﻳﻪ ﺣﺠﻴﺖ ﻣﻮ ﻳﻠﻪ ﺍﻟﻤﻬﻢ ﺍﻧﻲ ﺣﺒﻴﺖ ﺍﻟﺒﻨﻴﻪ ﺣﻠﻮﻩ ﻭﺣﺒﺎﺑﻪ ﻭﻫﻲ ﻫﻢ ﺣﺒﺘﻨﻲ ...

ـ ﺷﺴﻤﻬﺎ ﺍﻟﻤﺤﺮﻭﺳﻪ ..

ـ ﺍﺳﻤﻬﺎ ﺻﻮﻓﻴﺎ ..

ـ ﻳﺎﺍﺍﺍ ﻳﻤﻪ ﻛﻠﺖ ﻋﻠﻴﻬﻢ ﺍﻻﺳﺎﻣﻲ ﺷﻨﻲ ﺻﻮﻧﺪﺍ ..

ـ ﻫﻬﻬﻬﻬﻬﺎ ﻣﺎﻣﺎ ﺍﺳﻤﻬﺎ ﺻﻮﻓﻴﺎ ﻣﻮ ﺻﻮﻧﺪﺍ ﻭﺍﻟﻠﻪ ﺿﺤﻜﺘﻴﻨﻲ ..

ـ ﻭﻟﻲ ﻣﻦ ﻭﺟﻬﻲ ﺍﻧﻮﺏ ﺗﻀﺤﻚ ﻋﻠﻴﻪ ﺭﻭﺣﻲ ﻳﻠﻪ ﻻ ﺍﻛﻮﻡ ﺍﻛﺴﺮﺝ ﺑﺎﻟﺼﻮﻧﺪﺍ ..

ﺷﺮﺩﺕ ﻣﻦ ﺍﻣﻲ ﻻﻥ ﺍﺗﻨﺮﻓﺰﺕ ﻣﻨﻲ ﻭﺍﺳﻤﻌﻬﺎ ﺍﺩﺭﺩﻡ ﻋﻠﻴﻪ ﺍﺗﻜﻮﻝ ﻣﺘﻌﺮﻑ ﺗﺤﺠﻲ ﻭﺍﺗﺮﻳﺪ ﺍﺗﻌﻠﻤﻨﻲ ....

ﺭﺣﺖ ﺍﺭﺗﺎﺡ ﺍﻟﻴﻮﻡ ﻣﺘﻌﺐ ﻭﻫﻢ ﺍﺗﻌﻜﺮ ﻣﺰﺍﺟﻲ ﻭﻫﻢ ﻋﻨﺪﻱ ﻋﻘﻮﺑﻪ ﻻﺯﻡ ﻣﺎﺍﺧﺬ ﺍﻟﻴﻮﻡ ﺍﻱ ﻋﻼﺝ ﺣﺘﻪ ﻟﻮ ﺍﺧﺎﻟﻒ ﺗﻌﻠﻴﻤﺎﺕ ﺍﻟﺪﻛﺘﻮﺭ ﺑﺲ ﻻﺯﻡ ﺍﻛﺪﺭ ﺍﺗﺮﻙ ﺍﻟﻌﻼﺝ ﻭﺑﺴﺮﻋﻪ

ﺻﺎﺭ ﺍﻟﻌﺸﻪ ﻭﺣﺒﻴﺖ ﺍﺳﺎﻋﺪ ﺭﻳﻢ ﻻﻥ ﻭﺣﺪﻫﺎ ﺑﺎﻟﻤﻄﺒﺦ ﻭﻛﻔﺖ ﻳﻤﻬﺎ ﺍﺣﻀﺮ ﻭﻳﺎﻫﺎ ﻭﺍﻛﻠﻲ ﻭﻫﻲ ﻣﻮ ﻣﺜﻞ ﻗﺒﻞ ﺍﺗﺨﺎﻑ ﻣﻨﻲ ﻣﻦ ﺍﺧﺮ ﻣﺮﻩ ﺻﺤﺖ ﺑﻴﻬﺎ ﻭﻛﺘﻠﻬﺎ ﺍﺩﻓﻨﺞ ﻭﻣﺤﺪ ﻳﺤﺎﺳﺒﻨﻲ ﻻﻥ ﻣﺠﻨﻮﻧﻪ ...

ـ ﺍﻣﻤﻢ ﺍﻛﻠﺞ ﻋﻴﻨﻲ ﺍﻧﻴﻦ ﺍﺷﻮﻭ ﻫﺎﻱ ﺍﻻﻳﺎﻡ ﻣﻄﻠﻌﻴﻦ ﺍﻫﻮﺍﻳﻪ ..

ـ ﻟﻴﺶ ﻳﻌﻨﻲ ﻗﺒﻞ ﺟﻨﺖ ﺩﺍﻳﺤﻪ ﺑﺎﻟﺸﺎﺭﻉ ..

ـ ﻻ ﺍﻓﺘﻬﻤﺘﻲ ﻏﻠﻂ ﻗﺼﺪﻱ ﺣﺎﺑﺴﻪ ﻧﻔﺴﺞ ﺑﻐﺮﻓﺘﺞ ﻭﻣﻨﺸﻮﻓﺞ ..

ـ ﻣﺎﻋﻨﺪﻱ ﺷﻲ ﻭﻫﻢ ﻣﺤﺪ ﻣﺤﺘﺎﺟﻨﻲ ﻭﺍﻟﺪﻭﺍﻡ ﻣﺘﻌﺐ ﺍﺭﻳﺪ ﺑﺲ ﺍﺭﺗﺎﺡ .

ـ ﺍﻟﻠﻪ ﻳﺴﺎﻋﺪﺝ ..

ـ ﻣﺸﻜﻮﺭﻩ ..

ـ ﺍﻛﻠﺞ ﺍﺭﻳﺪ ﺍﺣﺠﻲ ﻭﻳﺎﺝ ﺑﺸﻲ ﺑﺲ ﺧﺎﻳﻔﻪ ﻣﻨﺞ ..

ـ ﺍﺣﺠﻲ ﻻ ﺗﺨﺎﻓﻴﻦ ﺍﻧﺘﻲ ﻣﺒﻴﻦ ﻋﻨﺪﺝ ﺳﺎﻟﻔﻪ ﺍﺣﺠﻴﻬﺎ ..

ـ ﻣﺎﺍﻋﺮﻑ ﻭﺍﻟﻠﻪ ﻣﻨﻴﻦ ﺍﺑﺪﻱ ﺑﺲ .. ﻫﻮ ﻣﻮﺿﻮﻉ ﻳﺨﺺ ﺷﻬﺎﻣﺔ .

ـ ﻫﺴﻪ ﻏﻴﺮ ﺗﺤﺠﻲ ﺍﻱ ﺷﻨﻮ ﺍﻟﻤﻮﺿﻮﻉ ..

ـ ﻫﻲ ﺳﻤﻌﺘﻬﺎ ﺍﺗﺨﺎﺑﺮ ﻭﺗﺤﺠﻲ ﺑﺼﻮﺕ ﻋﺎﻟﻲ ﻭﺍﻧﻲ ﻣﻮ ﻗﺼﺪﻱ ﺍﺗﺴﻤﻊ ﺑﺲ ﺳﻤﻌﺘﻬﺎ ﺻﺪﻓﻪ ﻭﺍﻟﻠﻪ ..

ـ ﻳﺒﻮﻭﻭﻭ ﺗﺮﺍ ﻭﺍﻟﻠﻪ ﺯﻫﻜﺖ ﺍﺣﺠﻲ ﺷﻨﻮ ﺳﻤﻌﺘﻲ ﻭﺍﻧﻲ ﺷﻨﻮ ﺑﺎﻟﻤﻮﺿﻮﻉ . .

ـ ﺍﻱ ﻫﻮ ﺍﻧﺘﻲ ﺍﺳﺎﺱ ﺍﻟﻤﻮﺿﻮﻉ ﺷﻮﻓﻲ ﻋﻴﻨﻲ ﻫﺎﻱ ﺷﻬﺎﻣﺔ ﻣﻘﻨﻌﻪ ﻛﺮﻳﻢ ﻭﺍﺗﺮﻳﺪ ﺍﺗﻘﻨﻊ ﺍﻫﻠﻬﺎ ﻭﻳﺮﺟﻌﻮﻥ ﻳﺨﻄﺒﻮﺝ ﻟـ ﻋﻠﻲ ﺑﺲ ﻣﺎﺗﺮﻳﺪﺝ ﺍﺗﻌﺮﻓﻴﻦ ..

ـ ﻟﻴﺶ ﻣﺘﺮﻳﺪﻧﻲ ﺍﻋﺮﻑ ﻭﺑﻌﺪﻳﻦ ﺍﻭﻝ ﻭﺗﺎﻟﻲ ﻻﺯﻡ ﺍﻋﺮﻑ ﻻﻥ ﻫﺬﺍ ﺍﻟﺸﻲ ﻳﺨﺼﻨﻲ ..

ـ ﺍﻱ ﺍﺗﻌﺮﻓﻴﻦ ﺑﻌﺪﻳﻦ ﻳﻌﻨﻲ ﺳﺒﺮﺍﻳﺰ ﻉ ﻛﻮﻟﺘﻬﺎ ﻭﺗﺘﻤﻀﺤﻚ ﻭﻣﻜﻴﻔﻪ ﺗﺮﺍ ﻣﻤﻴﺘﻪ ﻋﻠﻴﺞ ﻭﺍﻟﻠﻪ ﻃﻤﻊ ﺑـ ﺍﻓﻠﻮﺳﺞ ﻭﺍﻧﺘﻲ ﺑﻌﺪ ﺣﺮﻩ ..

ـ ﻭﺍﻟﻠﻪ ﻫﻲ ﻏﻠﻄﺎﻧﻪ ﺍﻧﻴﻦ ﺍﻟﻘﺪﻳﻤﻪ ﻣﺎﺗﺖ ﻭﺧﻠﻲ ﺍﺗﻘﻨﻊ ﺍﻟﻲ ﺗﻜﺪﺭ ﻋﻠﻴﻬﻢ ﺑﺲ ﺍﻧﻲ ﺑﻌﺪ ﻣﺎﺍﺛﻖ ﺑﻴﻬﻢ ﻛﻠﻬﻢ ﻫﻢ ﺍﻧﺨﻄﺐ ﻭﺍﻟﻨﺎﺱ ﺗﻌﺮﻑ ﻭﻳﺮﺟﻌﻮﻥ ﻳﻐﻴﺮﻭﻥ ﺭﺃﻳﻬﻢ ﻫﺬﻭﻝ ﻧﺎﺱ ﻣﺎﻋﺪﻫﻢ ﻛﻠﻤﻪ . ..

ـ ﺍﻱ ﺍﻧﺘﻲ ﺟﺒﻴﺮﻩ ﻭﺍﺗﻌﺮﻓﻴﻦ ﻣﺼﻠﺤﺘﺞ ﻭﺍﻟﻠﻪ ﺷﻠﺞ ﺑﺎﻟﺰﻭﺍﺝ ﻭﺩﻭﺧﺖ ﺍﻟﺮﺍﺱ ﻫﺴﻪ ﺍﻧﻲ ﻣﺸﻠﻮﻉ ﻛﻠﺒﻲ ﻭﻳﻪ ﺍﺧﻮﺝ ﻭﺍﻟﺠﻬﺎﻝ ﻭﺗﻌﺐ ﻭﻣﻦ ﻏﻴﺮ ﺍﻣﺞ ﺍﻟﻠﻪ ﻳﻐﻔﺮ ﺍﻟﻬﺎ ﻛﻞ ﻳﻮﻡ ﻫﺎﺯﺗﻨﻪ ﻭﻣﻬﺪﺩﺗﻨﺎ ﺗﻄﺮﺩﻧﺎ ..

ـ ﺍﻱ ﺑﺲ ﻫﻲ ﺩﻭﺍﻛﻢ ﻭﻣﻮﺿﻮﻉ ﺯﻭﺍﺟﻲ ﺍﻭ ﻋﺪﻣﻪ ﻫﺬﺍ ﺍﻟﺸﻲ ﻳﺨﺼﻨﻲ ..

ـ ﻫﺴﻪ ﺷﻜﻠﻨﺎ ﺍﻋﺼﺎﺑﺢ ﻋﻴﻨﻲ ..

ـ ﺍﻧﺘﻲ ﻣﻮ ﺻﻮﺟﺞ ﺍﻧﻲ ﺷﻜﻮ ﺍﺳﻤﻊ ﻣﻨﺞ ﻳﻠﻪ ﺍﻧﻲ ﺭﺍﻳﺤﻪ ..

ﻋﻔﺘﻬﺎ ﻭﻛﻌﺪﺕ ﻳﻢ ﺍﻣﻲ ﻭﺍﺳﻤﻌﻬﺎ ﺗﺤﺠﻲ ﻭﺭﺍﻱ ﻭﺗﺼﻨﻒ ﺑﺲ ﻣﺎﺍﺭﻳﺪ ﺍﺳﻮﻱ ﻣﺸﺎﻛﻞ ﻻﻥ ﺗﻌﺒﺖ ...

ﺷﺎﻓﺘﻨﻲ ﺷﻬﺎﻣﺔ ﻭﺍﺟﺖ ﻳﻤﻲ ﻭﺑﺲ ﺍﺗﺮﻳﺪ ﺗﺘﻘﺮﺏ ﺍﻟﻲ ﺑﺲ ﺍﻧﻲ ﺍﺑﺘﻌﺪﺕ ﻋﻨﻬﺎ ﻭﺗﺮﻛﺘﻬﻢ ﻭﺩﺧﻠﺖ ﺣﺒﺴﺖ ﻧﻔﺴﻲ ﺑﺎﻟﻐﺮﻓﻪ ﻻﻥ ﻣﺎﺍﺭﻳﺪ ﺍﺭﺟﻊ ﻟﻠﻤﺎﺿﻲ ﺧﻠﺺ ﺻﻔﺤﻪ ﻭﺍﻧﻄﻮﺕ ﺍﺧﺬ ﻣﻦ ﻋﻤﺮﻱ ﻋﻤﺮ ﻭﺗﻌﺒﺖ ﺍﻫﻮﺍﻳﻪ ﺑﺴﺒﺒﻬﺎ ...

ﺍﻟﻠﻴﻞ ﻛﻠﻪ ﻭﻻ ﻛﺪﺭﺕ ﺍﻧﺎﻡ ﻭﺍﻧﻮﺏ ﻫﺎﻱ ﺭﻳﻢ ﺧﻠﺖ ﺍﻟﻔﻜﺮﻩ ﺑﺮﺍﺳﻲ ...

ﺍﺗﺨﻴﻞ ﺷﻠﻮﻥ ﻳﺮﺟﻊ ﻋﻠﻲ ﻭﺷﻠﻮﻥ ﺍﻟﻜﻞ ﻳﻮﺍﻓﻖ ﻭﺑﺪﻭﻥ ﻣﺎﺍﺣﺲ ﺭﺟﻌﺖ ﺩﺧﻠﺖ ﺑﺤﻠﻢ ﺍﺟﺒﺎﺭﻱ ﻣﺜﻞ ﻗﺒﻞ ....

ﺍﻧﻲ ﻻﺑﺴﻪ ﻓﺴﺘﺎﻥ ﺍﺑﻴﺾ ﻭﺍﻟﻜﻞ ﻳﻤﻲ ﻭﻓﺮﺣﺎﻧﻴﻦ ﻭﻧﻨﺘﻈﺮ ﻋﻠﻲ ﻳﺠﻲ ﻫﻮ ﻭﺍﻫﻠﻪ ﺣﺘﻪ ﺍﺭﻭﺡ ﻭﻳﺎﻫﻢ ﻭﺍﻣﻲ ﻓﺮﺣﺎﻧﻪ ﻭﺍﻧﻲ ﻣﻦ ﺩﻭﻧﻬﻢ ﺧﺎﻳﻔﻪ ﻭﻣﻤﻄﻤﻨﻪ ﻭﺍﻋﺮﻑ ﺍﻛﻮ ﺷﻲ ﻣﻮ ﺯﻳﻦ ﺣﻴﺼﻴﺮ ....

ﺍﻧﺘﻈﺮﻧﺎ ﺍﻫﻮﺍﻳﻪ ﻭﻣﺤﺪ ﻭﺻﻞ ﻣﻦ ﻋﺎﺋﻠﺔ ﻋﻠﻲ ﻭﺷﻬﺎﻣﺔ ﺧﺎﻓﺖ ﻋﻠﻴﻬﻢ ﺧﺎﺑﺮﺗﻬﻢ ﻭﻇﻠﺖ ﺍﺗﺼﻴﺢ ﻭﺍﺟﺖ ﺗﺮﻛﺾ ﺑﺘﺠﺎﻫﻲ ﻭﺑﺪﺕ ﺗﻀﺮﺏ ﻭﺟﺮﺗﻨﻲ ﻣﻦ ﺷﻌﺮﻱ ﻭﺧﺮﺑﺖ ﺍﻟﺘﺴﺮﻳﺤﻪ ﻭﻣﺤﺪ ﻳﺪﺍﻓﻌﻠﻲ ﻭﻫﻲ ﺗﺼﺮﺥ ﻭﺍﺗﻜﻮﻝ ﺍﻧﺘﻲ ﺍﻟﺴﺒﺐ ﺍﻧﺘﻲ ﻓﻜﺮ ﺍﻧﺘﻲ ﻣﻮﺗﻲ ﺍﺧﻮﻱ ﺍﻟﻠﻪ ﻳﺎﺧﺬﺝ ...

ﻭﺍﻧﻲ ﺑﻨﺺ ﻛﻞ ﻫﺬﺍ ﺑﺲ ﺳﻤﻌﺖ ﻋﻠﻲ ﻣﺎﺕ ﺑﻌﺪ ﻣﺎﺍﻛﺪﺭ ﺍﺗﻨﻔﺲ ﺍﺭﻳﺪ ﺑﺲ ﺍﺗﻨﻔﺲ ﻣﺎﺍﻛﺪﺭ ﺻﺤﻴﺖ ﻣﻦ ﺍﻟﺤﻠﻢ ﻭﺍﻧﻲ ﻣﺨﻨﻮﻛﻪ ﻭﺍﺭﻳﺪ ﺍﺗﻨﻔﺲ ﻣﺎﺍﻛﺪﺭ ﻣﺎﺍﻋﺮﻑ ﺷﻜﺪ ﺑﻘﻴﺖ ﻉ ﻧﻔﺲ ﺍﻟﻮﺿﻊ ﺑﻌﺪﻳﻦ ﻛﺪﺭﺕ ﺍﺗﻨﻔﺲ ﺍﺧﺬﺕ ﻧﻔﺲ ﻋﻤﻴﻖ ﺍﺣﺲ ﺍﺿﻠﻮﻋﻲ ﻃﺒﻜﻦ ﻉ ﻛﻠﺒﻲ ﺳﺤﺒﺖ ﺍﻟﻬﻮﺀ ﻣﺮﻩ ﺛﺎﻧﻴﻪ ﻭﺍﻧﻲ ﻣﻤﺼﺪﻛﻪ ﻧﻔﺴﻲ ﺑﻌﺪﻧﻲ ﺍﺗﻨﻔﺲ ....

ﺍﺷﻮﻑ ﺍﻟﺴﺎﻋﻪ ﺑﻌﺪ ﻭﻛﺖ ﻭﺍﻧﻲ ﻣﻦ ﻫﺴﻪ ﺍﺳﺘﺴﻠﻤﺖ ﻟﻼﺣﻼﻡ ...

ﺩﻙ ﺍﻟﻤﻮﺑﺎﻳﻞ ﺭﻗﻢ ﻏﺮﻳﺐ ﺑﺲ ﺍﻧﻲ ﺷﺎﻳﻔﺘﻪ ﻫﺬﺍ ﺍﻟﺮﻗﻢ ﺍﻱ ﻭﺣﺎﻓﻈﺘﻪ ﺑﺲ ﻣﺎﻋﻨﺪﻱ ﺍﻟﻘﻮﻩ ﺍﻟﻲ ﺗﺨﻠﻴﻨﻲ ﺍﺭﺩ ﺑﻌﺪﻧﻲ ﻣﺎ ﻭﺻﻠﺖ ﻟﻬﺎﻱ ﺍﻟﻤﺮﺣﻠﻪ ﺑﻌﺪﻧﻲ ﻣﺎﺍﻛﺪﺭ ﺍﻭﺟﻪ ﺻﺎﺣﺐ ﻫﺬﺍ ﺍﻟﺮﻗﻢ ..

ﻳﺘﺒﻊ 

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤