رواية في أرض الغرام انت دولتي ج2 الجزء الأول
للكاتبة الأميرة الموسوية
.....
ﺍﻟﺤﺠﻴﻪ .. ﺍﺳﻴﺪ ﻛﺎﻋﺪ ﺑﻤﻄﻌﻢ ﻭﻳﺎ ﺑﻨﻴﻪ؟ !!!!!!!!!!
ﺍﻳﻨﺎﺱ .. ﺍﻧﻲ ﻫﻢ ﻣﺜﻠﺞ ﺑﺎﻟﺒﺪﺍﻳﻪ ﻣﺼﺪﻛﺖ ﻋﻴﻮﻧﻲ ﻣﻦ ﺷﻔﺘﻬﻢ ، ﺑﺲ ﺑﻌﺪﻳﻦ ﻃﻠﻌﺖ ﻣﺠﺮﺩ ﺻﺪﻳﻘﻪ ﻣﻮ ﺍﻛﺜﺮ ﺻﺢ ﺍﺳﻴﺪ؟ !!
ﺍﺳﻴﺪ .. ﺑﺼﻮﺕ ﺟﺎﻣﺪ ﻭﻫﺎﺩﺉ ، ﺍﻱ ﻛﻨﺖ ﻭﻳﺎ ﺑﻨﻴﻪ ﻭﻛﺎﻋﺪﻳﻦ ﺑﻤﻄﻌﻢ ﺍﺣﺪ ﻋﻨﺪﻩ ﺍﻋﺘﺮﺍﺽ !!
ﺍﻟﺤﺠﻴﻪ .. ﻃﺒﻌﺎً ﺍﺳﺘﺒﻌﺪﺕ ﺗﻤﺎﻣﺎً ﺍﻧﻮ ﺗﻜﻮﻥ ﺩﺍﻟﻴﺎ ﻫﻲ ﺍﻟﻲ ﻭﻳﺎ ﺍﺳﻴﺪ ﺑﺎﻟﻤﻄﻌﻢ ، ﻻﻧﻬﺎ ﺗﻌﺮﻓﻪ ﺍﺷﻜﺪ ﻳﻜﺮﻫﺎ ﻭﻳﻀﻮﺝ ﻣﻨﻬﺎ ، ﻟﺬﻟﻚ ﺭﻛﺰﺕ ﻋﻠﻰ ﺍﻥ ﺗﻌﺮﻑ ﻣﻨﻮ ﻫﺎﻱ ﺍﻟﻲ ﻛﺎﻧﺖ ﻭﻳﺎ ﻻﻧﻬﺎ ﻛﻞ ﻇﻨﻬﺎ ﺍﺑﻨﻬﺎ ﺭﺟﻊ ﻃﺒﻴﻌﻲ ﺑﻌﺪ ﺍﻟﻴﻲ ﺻﺎﺭ ﺑﺎﻟﻤﺎﺿﻲ .. ﺻﺢ ﻓﺮﺣﺖ ﻣﻦ ﺳﻤﻌﺖ ﻋﻨﺪﻩ ﻋﻼﻗﻪ ﻃﺒﻴﻌﻴﻪ ﺑﺲ ﺑﻘﻰ ﺗﻌﺮﻑ ﻣﻨﻮ ﻫﻲ ﺳﻌﻴﺪﺓ ﺍﻟﺤﻆ ﺍﻟﻲ ﻛﺪﺭﺕ ﺗﺨﻄﻒ ﻋﻘﻞ ﺍﺑﻨﻬﺎ ﻭﺧﻠﺘﻪ ﻳﺘﻐﻴﺮ .. ﺍﻛﻴﺪ ﻭﺣﺪﻩ ﺭﺍﻗﻴﻪ ﻭﻣﺜﻘﻔﻪ !
ﻻﻧﻮ ﻫﻲ ﻣﻦ ﺍﻟﻨﻮﻉ ﺍﻟﻲ ﺗﺤﺐ ﺍﻟﺸﻜﻠﻴﺎﺕ ﻭﺍﻟﻔﺨﻔﺨﻪ ، ﺧﺼﻮﺻﺎً ﺍﺑﻨﻬﺎ ﺩﻛﺘﻮﺭ ﻭﺿﺎﺑﻂ ﻛﻞ ﺍﻟﺒﻨﺎﺕ ﺗﺘﻤﻨﻰ .. ﻓـ ﻧﺴﺖ ﻣﻮﺿﻮﻉ ﺩﺍﻟﻴﺎ ﺗﻤﺎﻣﺎً !
_ ﻣﻨﻮ ﻫﺎﻱ ﺍﻟﺒﻨﻴﻪ ، ﻣﻦ ﻭﻳﻦ ﻋﺮﻓﺘﻬﺎ ، ﻣﻨﻮ ﺍﻫﻠﻬﺎ ، ﺷﻨﻮ ﺍﺻﻠﻬﺎ ﻓﺼﻠﻬﺎ .. !
ﺍﻳﻨﺎﺱ .. ﻫﻬﻪ ﻋﻠﻰ ﻛﻴﻔﺞ ﻭﺝ ﻋﻴﻨﻲ ﺍﻛﻠﺘﻲ ﻟﻠﻮﻟﺪ ﺣﺎﺻﻞ ﻓﺎﺻﻞ ،
ﺗﺮﻯ ﺍﻟﺒﻨﻴﻪ ﻣﺒﻴﻦ ﻣﻦ ﺷﻜﻠﻬﺎ ﺭﺍﻗﻴﻪ ﻭﻣﺜﻘﻔﻪ .. ﻭﺍﻟﺠﻤﺎﻝ ﺍﻟﻲ ﺷﺎﻳﻠﺘﻪ ﻣﻴﻨﻮﺻﻒ ﻣﻦ ﺻﺪﻙ ﺗﺠﻨﻦ ، ﻃﻠﻊ ﺫﻭﻕ ﺍﺑﻦ ﺍﺧﺘﻲ ﻣﻮ ﻫﻴﻦ !
ﺍﺳﻴﺪ . ﺍﻧﻲ ﺭﺍﻳﺢ ﻣﻦ ﺭﺧﺼﺘﻜﻢ .
ﺍﻟﺤﺠﻴﻪ .. ﺑﺼﻮﺕ ﺣﺎﺩ ﻭﻋﺎﻟﻲ .. ﻣﺘﻄﻠﻊ ﻣﻨﺎ ﺍﺫﺍ ﻣﺎﺍﻋﺮﻑ ﻣﻨﻮ ﻫﺎﻱ ﺍﻟﺒﻨﻴﻪ !
ﺍﺳﻴﺪ .. ﺑﻨﻔﺎﺫ ﺻﺒﺮ ... ﺍﻭﻝ ﺷﻲ ﻃﻠﻌﺘﻴﻠﻲ ﺑﺴﺎﻟﻔﺔ ﺩﺍﻟﻴﺎ ﻭﻫﺴﻪ ﺣﻮﻟﺘﻲ ﻋﻠﻰ ﻫﺎﻱ ﺍﻟﺴﺎﻟﻔﻪ ، ﺍﻧﻲ ﻣﻮ ﻃﻔﻞ ، ﺍﻃﻠﻊ ﺑﻜﻴﻔﻲ ﻭﻳﺎ ﺍﻟﻲ ﻳﻌﺠﺒﻨﻲ ﻣﺤﺪ ﻋﻨﺪﻩ ﻳﻤﻲ ﺷﻲ .. ﻭﺑﺎﻟﻤﻨﺎﺳﺒﻪ ﺍﻟﺒﻨﻴﻪ ﺍﻟﻲ ﻛﻨﺖ ﻭﻳﺎﻫﺎ ﺍﺳﻤﻬﺎ ﺩﺍﻧﻴﺎ ﻣﻮ ﺩﺍﻟﻴﺎ ﺍﻟﻈﺎﻫﺮ ﺍﻡ ﺍﺣﻤﺪ ﺳﻤﻌﻬﺎ ﺻﺎﻳﺮ ﺿﻌﻴﻒ .
ﺍﻳﻨﺎﺱ .. ﻫﺎﺍ .. ﻣﺎﺍﻋﺮﻑ ﺑﺼﺮﺍﺣﻪ ﺑﺴﺒﺐ ﺍﻟﻲ ﺻﺎﺭ ﻧﺴﻴﺖ ﻛﻮﻟﺸﻲ ﻣﻜﺪﺭﺕ ﺍﺭﻛﺰ .
ﺍﻟﺤﺠﻴﻪ .. ﻭﺷﻨﻮ ﺍﻟﻲ ﺻﺎﻳﺮ ﺑﻌﺪ !!
ﺍﻳﻨﺎﺱ .. ﻣﺎﺍﻋﺮﻑ ﺍﻟﺒﻨﻴﻪ ﻓﺠﺄﻩ ﺗﺨﺮﺑﻄﺖ ﻣﻠﺤﻜﻨﺎ ﻧﺘﻌﺮﻑ ﻋﻠﻴﻬﺎ ﻋﺎﻓﺘﻨﺎ ﻭﺭﺍﺣﺖ .
ﺍﻟﺤﺠﻴﻪ .. ﺍﺳﻴﺪ ﺷﻨﻮ ﺍﻟﻤﻮﺿﻮﻉ ﻓﻬﻤﻨﻲ ، ﻣﻨﻮ ﻫﺎﻱ ﺍﻟﺒﻨﻴﻪ ﻟﺘﺨﻠﻲ ﺿﻐﻄﻲ ﻳﻮﺗﻔﻊ ﻭﺍﻣﻮﺕ ﺑﺴﺒﺒﻚ ﻋﻠﻴﻚ .
ﺍﺳﻴﺪ .. ﻛﻠﻤﺎ ﺍﺳﺪ ﺍﻟﻤﻮﺿﻮﻉ ﺗﻄﻠﻌﻠﻲ ﺍﻳﻨﺎﺱ ﺑﺴﺎﻟﻔﻪ ﺟﺪﻳﺪﻩ ﺗﺰﻳﺪ ﺍﻟﻄﻴﻦ ﺑﻠﻪ ﻣﻮﺗﺘﻨﻲ !
ﺍﻛﺜﺮ ﺷﻲ ﺍﻛﺮﻫﺎ ﺍﻟﻜﺬﺏ ، ﻭﺍﻧﻲ ﺩﺍﺍﻛﺬﺏ ﻋﻠﻰ ﺍﻣﻲ ﻛﺮﻫﺖ ﺭﻭﺣﻲ ﺑﺲ ﻛﻨﺖ ﻣﻀﻄﺮ ﻭﺑﻨﻔﺲ ﺍﻟﻮﻗﺖ ﺣﺎﻗﺪ ﻋﻠﻰ ﺍﻟﺒﻠﻮﻩ ﺍﻟﻲ ﺑﺴﺒﺒﻬﺎ ﺍﺿﻄﺮﻳﺖ ﺍﻛﺬﺏ .. ﺍﻧﻲ ﺷﻮﺭﻃﻨﻲ ﺑﻬﺬﺍ ﺍﻟﻤﻮﺿﻮﻉ ﻭﺷﻌﻠﻴﻪ ﺑﻴﻬﺎ .. ﺍﺫﺍ ﺍﻣﻬﺎ ﺍﻭ ﻻ .. ﻟﻴﺶ ﺩﺍﺍﺧﻠﻲ ﻧﻔﺴﻲ ﺑﻤﻮﺍﻗﻒ ﺑﺎﻳﺨﻪ ﻭﺳﺨﻴﻔﻪ ﻭﺍﻛﺬﺏ ﻋﻠﻰ ﺷﻲ ﻣﻴﺨﺼﻨﻲ ﺍﺻﻼً !
ﻣﺘﺤﻤﻠﺖ ﺍﻋﺼﺎﺑﻲ ﺗﻠﻔﺖ ﻭﺍﻧﻲ ﺍﺧﻠﻖ ﺍﻋﺬﺍﺭ ﻻﻣﻲ ﻭﺍﺣﺪ ﻭﺭﻩ ﺍﻟﺜﺎﻧﻲ .. ﺑﺲ ﻣﺎ ﻛﺎﻥ ﻋﻨﺪﻱ ﺣﻞ ﺛﺎﻧﻲ ، ﺍﻧﻲ ﺍﻟﻲ ﺑﺪﻳﺖ ﻫﺎﻱ ﺍﻟﺘﻤﺜﻴﻠﻴﻪ ﻭﻻﺯﻡ ﺍﺳﺘﻤﺮ ﺑﻴﻬﺎ .. ﺣﺎﻭﻟﺖ ﺍﺳﻴﻄﺮ ﻋﻠﻰ ﺍﻋﺼﺎﺑﻲ ﻭﻣﺎ ﺍﻧﻔﺠﺮ ، ﺗﺮﻛﺖ ﺍﻟﺠﻨﻄﻪ ﻣﻦ ﺍﻳﺪﻱ ﻭﻛﻌﺪﺕ ﻛﺪﺍﻡ ﺍﻣﻲ ﺣﺘﻰ ﺍﻓﻬﻤﻬﺎ ﻻﻥ ﺻﺒﺮﻱ ﺧﻠﺺ ﻭﺭﺍﺡ ﺍﺭﺗﻜﺐ ﺑﺄﻳﻨﺎﺱ ﺟﺮﻳﻤﻪ .. ﺑﺼﻮﺕ ﺟﺎﻣﺪ ﻭ ﺣﺎﺩ
.....
ﺍﻟﺒﺎﺭﺣﻪ ﻛﺎﻥ ﺯﻭﺍﺝ ﺻﺪﻳﻘﻲ ﻋﻠﻲ ﻋﺰﻣﻨﻲ ﻟﻌﺮﺳﻪ ﻭﺭﺣﺖ ﻫﻨﺎﻙ ﻟﻜﻴﺖ ﺟﻤﺎﻋﺘﻲ ﻣﻦ ﺍﻳﺎﻡ ﺍﻟﻜﻠﻴﻪ ﻭﺯﻣﻴﻼﺗﻲ .. ﺑﻘﻴﻨﺎ ﻧﺴﻮﻟﻒ ﻭﻧﺘﺬﻛﺮ ﺍﻳﺎﻡ ﻗﺒﻞ ، ﻣﻦ ﺧﻠﺺ ﺍﻟﻌﺮﺱ ﻃﻠﻌﻨﺎ ﻛﻠﻨﺎ ﺣﺘﻰ ﻧﺘﻌﺸﻰ ﺑﺎﻟﻤﻄﻌﻢ ﺑﻌﺪﻳﻦ ﺍﻟﻜﻞ ﺭﺍﺡ ﺑﻘﻴﻨﺎ ﺑﺲ ﺍﻧﻲ ﻭﻫﺬﻱ ﺍﻟﺒﻨﻴﻪ ﺩﺍﻧﻴﺎ ﺍﻟﻲ ﺷﺎﻓﺘﻬﺎ ﺍﺧﺘﺞ ﻭﻳﺎﻱ ، ﻭﻟﻤﺎ ﺷﺎﻓﺘﻨﺎ ﺧﺎﻟﺘﻲ ﻭﺳﻠﻤﺖ ﺍﻟﺒﻨﻴﻪ ﺍﻧﺤﺮﺟﺖ ﻻﻧﻮ ﻛﺎﻋﺪﻳﻦ ﺍﻟﺤﺎﻟﻨﻪ ﻓﺄﺳﺘﺄﺫﻧﺖ ﻭﺭﺍﺣﺖ .. ﻫﺬﺍ ﻛﻞ ﺍﻟﻲ ﺻﺎﺍﺍﺍﺍﺭ ﺻﺪﻛﻴﻨﻲ !
ﺍﻟﺤﺠﻴﻪ .. ﻣﻌﻘﻮﻟﻪ ﺍﻧﺖ ﺗﻜﻌﺪ ﻭﻳﺎ ﺑﻨﻴﻪ ﻭﺣﺪﻛﻢ ؟ !
ﺯﻳﻦ ﻟﻴﺶ ﺧﺎﻟﺘﻚ ﺍﺗﻜﻮﻝ ﺍﻟﺒﻨﻴﻪ ﺗﺨﺮﺑﻄﺖ ؟ !!
ﺍﺳﻴﺪ ﻛﻠﺘﻠﺞ ﺍﻟﺒﻨﻴﻪ ﺍﻧﺤﺮﺟﺖ ﻣﻦ ﺧﺎﻟﺘﻲ ﻭﺯﻭﺟﻬﺎ ، ﺑﻌﺪ ﻫﻲ ﻃﺒﻴﻌﺘﻬﺎ ﻫﺸﻜﻞ ﺍﻧﻲ ﺷﻨﻮ ﻋﻼﻗﺘﻲ !
ﺍﻟﺤﺠﻴﻪ .. ﻟﻮ ﻣﺎ ﺍﺑﻨﻲ ﻭ ﺍﻋﺮﻓﻚ ﻣﺘﻜﺬﺏ ﻣﺎ ﺟﺎﻥ ﺻﺪﻛﺖ ﻫﺬﺍ ﺍﻟﻔﻠﻢ .. ﻭﻫﺴﻪ ﺟﺎﻭﺑﻨﻲ ﻭﻳﻦ ﺩﺍﻟﻴﺎ؟ !!
ﺍﺳﻴﺪ .. ﻻ ﺍﻟﻪ ﺍﻻ ﺍﻟﻠﻪ .. ﺍﻧﻲ ﺭﺍﻳﺢ ..
ﻋﺎﻓﻬﻢ ﻭﻃﻠﻊ ... ﻣﻨﻄﻰ ﻣﺠﺎﻝ ﺍﻻﻣﻪ ﺗﺤﺠﻲ ﺍﺻﻼً ﺣﺘﻰ ﻟﻴﻀﻄﺮ ﻳﻜﺬﺏ ﺍﻛﺜﺮ !
ﺍﺧﺬﺕ ﺟﻨﻄﺘﻲ ﺷﻤﺮﺗﻬﺎ ﺑﺎﻟﺴﻴﺎﺭﻩ ﻭﻃﻠﻌﺖ .. ﺷﻔﺖ ﺍﻟﺠﻬﺎﺯ ﺩﻳﺮﻣﺶ !!
ﻓﺘﺤﺘﻪ ﻟﻜﻴﺖ ﻛﻮﻣﻪ ﻣﻜﺎﻟﻤﺎﺕ ﻓﺎﺋﺘﻪ ﻣﻦ ﺭﻗﻤﻲ ﺍﻟﻲ ﻋﻨﺪ ﺩﺍﻟﻴﺎ !!....
ﮔﻠﺒﻲ ﺍﻧﺨﻄﻒ ﺍﻛﻴﺪ ﺻﺎﻳﺮ ﺷﻲ ﻟﻴﺶ ﻫﺎﻟﻜﺪ ﻣﺘﺼﻠﻪ .. ﺑﺴﺮﻋﻪ ﺍﺗﺼﻠﺖ ﻋﻠﻰ ﺟﻬﺎﺯﻫﺎ ﻳﺮﻥ ﻣﺘﺮﺩ !!
ﻗﻠﻘﺖ ﺑﺎﻻﻛﺜﺮ ﻟﻴﺶ ﻣﺪﺍﺍﺗﺠﺎﻭﺏ ﻣﻌﻘﻮﻟﻪ ﺻﺎﺭﻟﻬﺎ ﺷﻲ .. ﻣﺎﺍﺩﺭﻱ ﺷﻨﻮ ﺻﺎﺭﻟﻲ ﺑﻮﻗﺘﻬﺎ ﺑﺲ ﺣﺴﻴﺖ ﺑﺨﻮﻑ ﻣﻮ ﻃﺒﻴﻌﻲ !
ﺑﻜﻞ ﺳﺮﻋﻪ ﻃﻠﻌﺖ ﻟﺒﻴﺖ ﺍﻟﻤﺰﺭﻋﻪ .. ﻣﺎﺍﻋﺮﻑ ﺍﺷﻠﻮﻥ ﻭﺻﻠﺖ ﺑﺎﻟﻲ ﻛﺎﻥ ﻣﺸﻐﻮﻝ ﺑﺎﻟﺘﻔﻜﻴﺮ ﻋﻠﻴﻬﺎ .. ﻟﻴﺶ ﻫﺎﻟﻜﺪ ﻣﺘﺼﻠﻪ ، ﻭﻟﻴﺶ ﻣﺘﺮﺩ !
ﺩﺧﻠﺖ ﻟﻠﻜﺮﺍﺝ ﻣﺎﻟﺖ ﺍﻟﺒﻴﺖ ﺷﻔﺖ ﺍﻟﺤﺎﺭﺱ ﺍﺑﻮ ﺳﻌﺪ ﺩﻳﺸﺘﻐﻞ ﺑﺎﻟﺤﺪﻳﻘﻪ ﻭ ﻣﺎﻛﻮ ﺷﻲ !
ﻣﺴﺄﻟﺘﻪ ﻋﻦ ﺷﻲ ﺑﺴﺮﻋﻪ ﻧﺰﻟﺖ ﻟﻠﺒﻴﺖ ﺑﻮﺟﻬﻲ ﺩﺧﻠﺖ ﻣﺜﻞ ﺍﻟﻤﻔﺠﻮﻉ .. ﺍﺗﻠﻔﺖ ... ﻭﺟﺎﻥ ﺍﻟﻜﺎﻫﺎ ﻧﺎﻳﻤﻪ ﺑﺎﻟﺼﺎﻟﻪ ﻉ ﺍﻟﺘﺨﻢ !!
ﮔﻠﺒﻲ ﻳﺮﺟﻒ ﻣﺜﻞ ﺍﻟﺴﻌﻔﻪ ﺣﺘﻰ ﺍﺩﻳﻪ ﻛﺎﻣﺖ ﺗﺮﺟﻒ ﻣﻦ ﺍﻟﻐﻀﺐ .. ﺧﺒﻠﺘﻨﻲ ﻭﺍﺟﻴﺖ ﺭﻛﺾ ﻣﺜﻞ ﺍﻟﻤﺨﺒﻞ ﻭﺗﺎﻟﻲ ﻧﺎﻳﻤﻪ ﻭﻻ ﺻﺎﻳﺮ ﺷﻲ !
ﻣﻦ ﺷﻔﺘﻬﺎ ﺻﺢ ﺿﺠﺖ ﻭﻋﺼﺒﺖ ﺑﺲ ﺷﻲ ﺑﺪﺍﺧﻠﻲ ﺍﺭﺗﺎﺡ ، ﺍﺣﺲ ﺑﺮﻛﺎﻥ ﺑﻴﻪ ﻫﺪﺃ ﻣﻦ ﺷﻔﺘﻬﺎ ﻣﺎ ﺑﻴﻬﺎ ﺍﻱ ﺷﻲ ﻭﻣﻤﺘﺄﺫﻳﻪ .. ﻟﺰﻣﺖ ﺑﺎﺏ ﺍﻟﻤﺪﺧﻞ ﻣﺎﻟﺖ ﺍﻟﺒﻴﺖ ﻭﺳﺪﻳﺘﻪ ﺑﻜﻞ ﻗﻮﺗﻲ ﺑﺤﻴﺚ ﺍﻟﺠﺎﻡ ﺭﺍﺩ ﻳﻮﻛﻊ .. ﻫﻲ ﺭﺃﺳﺎً ﻓﺰﺕ ﻣﻦ ﺳﻤﻌﺖ ﺍﻟﺼﻮﺕ !!
ﺩﺍﻟﻴﺎ .. ﻓﺰﻳﺖ ﻣﺮﻋﻮﺑﻪ ﻉ ﺑﺎﻟﻲ ﺻﺎﺭ ﺍﻧﻔﺠﺎﺭ .. ﺍﻧﻲ ﻣﺘﻌﻠﻤﻪ ﻉ ﻫﺬﻱ ﺍﻻﺻﻮﺍﺕ ﻣﻦ ﻛﻨﺖ ﺑﺎﻟﻤﻴﺘﻢ ﺑﺲ ﻣﻦ ﺍﺟﻴﺖ ﻟﺒﻴﺘﻬﻢ ﻣﻦ ﺯﻣﺎﻥ ﻣﺴﻤﻌﺘﻬﺎ ﺑﻌﺪ .. ﻓـ ﺃﻭﻝ ﻣﺎ ﺳﻤﻌﺖ ﺍﻟﺼﻮﺕ ﻛﻤﺰﺕ ﻣﻦ ﻣﻜﺎﻧﻲ ﺍﺭﻳﺪ ﺍﺷﻮﻑ ﺷﻜﻮ .... ﺟﺎﻥ ﺍﺷﻮﻓﻪ ﻭﺍﻛﻒ ﻛﺪﺍﻣﻲ ﻭﻣﺒﻴﻦ ﻣﻦ ﻣﻼﻣﺤﻪ ﺍﻟﻐﻀﺐ ﻭﻣﺴﻴﻄﺮ ﻋﻠﻴﻪ .. ﺍﻧﻲ ﻛﻌﺪﺕ ﻣﺮﻋﻮﺑﻪ ﻣﻦ ﺍﻟﺼﻮﺕ ﻭﺷﻔﺖ ﺧﻠﻘﺘﻪ ﻣﻜﺸﺮﻩ ﻛﺪﺍﻣﻲ ﺍﻧﺮﻋﺒﺖ ﺍﻛﺜﺮ ﺑﻠﻌﺖ ﺭﻳﮕﻲ ﺑﺼﻌﻮﺑﻪ ﻭﺑﺼﻮﺕ ﻳﺮﺟﻒ ..
_ ﺧﻴﺮ ﺷﺼﺎﻳﺮ ﺷﻨﻮ ﻫﺬﺍ ﺍﻟﺼﻮﺕ !
ﺍﺳﻴﺪ .. ﺑﺼﻮﺕ ﺣﺎﺩ .. ﺷﻌﻨﺪﺝ ﻣﺘﺼﻠﻊ ﻋﻠﻴﻪ ﺍﻟﻒ ﻣﺮﻩ !
ﺩﺍﻟﻴﺎ .. ﻫﺎﺍ .. ﻣـ .. ﻭ .. ﻫـ .. ﺫﺍ .. ﺷـﺴﻤـ .. ـﻪ
ﺍﺳﻴﺪ .. ﺟﺎﻭﺑﻲ ﻋﺪﻝ ﺍﺣﺴﻦ ﻣﺎ ﺍﻃﻠﻊ ﺷﻴﺎﻃﻨﻲ ﻛﻠﻬﺎ ﺑﻴﺞ ﻭﺍﻟﺨﻠﻘﺞ !
ﺩﺍﻟﻴﺎ .. ﻣﻮ ﻗﺼﺪﻱ .. ﻭﺍﻟﺮﺏ .. ﺑﺲ .. ﺑﺲ ﺍﻧﻲ ﻛﻌﺪﺕ ﻣﻠﻜﻴﺘﻚ .. ﻭ ﺷﻔﺖ ﺍﻟﺒﻴﺖ ﻓﺎﺭﻍ .. ﺍﻱ .. ﻓﺄﻧﻲ .. ﺧﻔﺖ .. ﻟﺤﺎﻟﻲ ﺑﺎﻟﺒﻴﺖ ﻭﻃﻠﻌﺖ ﻟﻠﺤﺪﻳﻘﻪ .. ﺳﻤﻌﺖ ﺻﻮﺕ ﭼﻠﺐ ﺩﻳﻨﺒﺢ .. ﺧﻔﺖ ﻣﺎﺍﻋﺮﻑ ﺷﻨﻮ ﺍﺳﻮﻱ .. ﺍﻧﻲ ﺍﺧﺎﻑ .. ﺍﺧﺎﻑ ﺍﺑﻘﻰ ﻭﺣﺪﻱ .. ﺍﺗﺼﻠﺖ ﻋﻠﻴﻚ .. ﻫﺬﺍ ﺍﻟﻲ ﺻﺎﺭ .. ﻭﺍﻟﺮﺏ
.....
ﺍﺳﻴﺪ .. ﻣﻦ ﻧﺒﺮﺓ ﺍﻟﺨﻮﻑ ﺑﺼﻮﺗﻬﺎ ﻭﺍﺿﺢ ﺍﻧﻮ ﻫﻲ ﻣﺘﻜﺬﺏ .. ﻟﻴﺶ ﻣﺮﺩﻳﺘﻲ ﻣﻦ ﺍﺗﺼﻠﺖ ﺑﻴﺞ !
ﺩﺍﻟﻴﺎ .. ﺷﻨﻮ .. ﺍﺷﻮﻛﺖ ﺍﺗﺼﻠﺖ .. ﻫﺬﺍ ﺍﻟﻤﻮﺑﺎﻳﻞ ﻭﺷﻮﻓﻪ .. ﺍﺻﻼً ﻣﺴﻤﻌﺘﻪ .. ﻭﻻ ﺍﺗﺼﻠﺖ !
ﺍﺳﻴﺪ .. ﺟﺮﻳﺖ ﺍﻟﻤﻮﺑﺎﻳﻞ ﻣﻦ ﺍﻳﺪﻫﺎ .. ﺑﺎﻭﻋﺖ ﺍﻟﺠﻬﺎﺯ ﻉ ﻭﺿﻊ ﺍﻟﺴﺎﻳﻠﻨﺖ .. ﻣﺎﺍﻋﺮﻑ ﺍﻧﻲ ﻧﺎﺳﻲ ﺳﺎﻳﻠﻨﺖ ﻟﻮ ﻫﻲ ﻻﻋﺒﻪ ﺑﻲ ﻭﻣﺤﻮﻟﺘﻪ ﺑﺎﻟﻐﻠﻂ ﻉ ﺍﻟﺼﺎﻣﺖ !
ﺷﻤﺮﺕ ﺍﻟﻤﻮﺑﺎﻳﻞ ﻉ ﺍﻟﺘﺨﻢ ﺑﻘﻮﻩ .. ﻭﺑﺼﻮﺕ ﺣﺎﺩ ..
_ ﺍﻧﻲ ﺭﺍﻳﺢ ﺍﺟﻴﺐ ﺍﻟﺴﻴﺪ ﻭﺍﺟﻲ ﺣﻀﺮﻱ ﺭﻭﺣﺞ ﺍﻟﻴﻮﻡ ﺍﻋﻘﺪ ﻋﻠﻴﺞ !
ﺩﺍﻟﻴﺎ .. ﺷﻨﻮﻭﻭ !!..
ﺍﺳﻴﺪ .. ﺍﻋﺘﻘﺪ ﻟﻐﻴﻨﺎ ﺑﻬﺬﺍ ﺍﻟﻤﻮﺿﻮﻉ ﻭﺍﺗﻔﻘﻨﺎ .. ﻟﺘﺪﻭﺧﻴﻨﻲ !
ﺩﺍﻟﻴﺎ .. ﺍﻱ .. ﺻﺢ ﺑﺲ ﺍﺷﻮﻥ ﺍﺗﺰﻭﺟﻚ ، ﺍﻧﻲ ﻣﺴﻴﺤﻴﻪ .. ﻭﺍﻧﺖ ﻣﺴﻠﻢ .. ﺍﺷﻮﻥ ﻳﺼﻴﺮ؟ !
ﺍﺳﻴﺪ .. ﻛﻞ ﻭﺍﺣﺪ ﻳﺒﻘﻰ ﻋﻠﻰ ﺩﻳﻨﻪ ﻭﻛﻠﺘﻠﺞ ﺍﻟﺰﻭﺍﺝ ﺷﻜﻠﻲ ﺑﺲ ﻉ ﺍﻟﻮﺭﻕ ، ﻻﻥ ﺍﻧﻲ ﺩﻳﻨﻲ ﻣﻴﺴﻤﺤﻠﻲ ﺍﻛﻌﺪ ﻭﻳﺎ ﻣﺮﻩ ﻭﺣﺪﻧﺎ ﺗﺤﺖ ﺳﻘﻒ ﻭﺍﺣﺪ ﺑﻼ ﺍﻱ ﺭﺍﺑﻂ ﺷﺮﻋﻲ .. ﻫﺬﺍ ﻛﻞ ﺍﻟﻤﻮﺿﻮﻉ .
ﺩﺍﻟﻴﺎ .. ﻳﻌﻨﻲ ﺯﻭﺍﺟﻨﺎ ﻣﻮ ﺑﺎﻃﻞ ؟ !!
ﺍﺳﻴﺪ .. ﺍﻧﺘﻲ ﻏﺒﻴﻪ ﻟﻮ ﺗﺘﻐﺎﺑﻴﻦ .. ﺍﻣﺸﻲ ﺣﻀﺮﻱ ﺭﻭﺣﺞ .. ﻭﻃﻠﻊ !..
ﺩﺍﻟﻴﺎ .. ﻋﺎﻓﻨﻲ ﺑﻨﺺ ﺣﻴﺮﺗﻲ ﻭﻃﻠﻊ ﻣﺎﺍﺩﺭﻱ ﺷﺴﻮﻱ ﺣﺘﻰ ﻣﻦ ﺃﺳﺄﻟﻪ ﺍﺟﺎﺑﺎﺗﻪ ﻣﺘﻘﻨﻌﻨﻲ ﻭﺍﺻﻼً ﺑﺎﻟﻜﻮﻩ ﺍﺣﺼﻞ ﻣﻨﻪ ﺟﻮﺍﺏ .. ﻛﻌﺪﺕ ﻉ ﺍﻟﺘﺨﻢ ﺣﺎﻳﺮﻩ ﺑﺰﻣﺎﻧﻲ ﺍﻟﻲ ﻳﻄﻠﻌﻨﻲ ﻣﻦ ﻣﺼﻴﺒﻪ ﻳﺸﻤﺮﻧﻲ ﺑﺎﻟﺜﺎﻧﻴﻪ .. ﻣﺮ ﺍﻟﻮﻗﺖ ﺑﺴﺮﻋﻪ ﻣﺤﺴﻴﺖ ﺑﻲ ﻣﻦ ﺍﻟﺘﻔﻜﻴﺮ ﺍﻟﻲ ﻧﺨﺮ ﻋﻘﻠﻲ ﺍﺷﻮﻥ ﺍﺗﺰﻭﺟﻪ .. ﻭﺍﺷﻮﻥ ﺍﻋﻴﺶ ﻭﻳﺎ .. ﺍﺷﻮﻥ ﺣﺘﻜﻮﻥ ﻋﻼﻗﺘﻲ ﺑﻲ .. ﺣﻴﻌﺎﻣﻠﻨﻲ ﻣﺜﻞ ﺯﻭﺟﻪ ﻟﻮ ﺧﺪﺍﻣﻪ .. ﺯﻳﻦ ﺍﺷﻮﻥ ﺍﺫﺍ ﻃﻠﻜﻨﻲ !!!!!
ﺻﺢ ﺍﻟﻤﻮﺿﻮﻉ ﻣﻮ ﺳﻬﻞ ، ﺍﻟﺨﻄﻮﻩ ﻛﻮﻟﺶ ﻛﺒﻴﺮﻩ ، ﻭﺍﻟﺰﻭﺍﺝ ﻣﻮ ﻟﻌﺒﻪ ﺣﺘﻰ ﺍﺫﺍ ﻛﺎﻝ ﻣﺠﺮﺩ ﻉ ﺍﻟﻮﺭﻕ .. ﺑﺲ ﺷﻲ ﺑﺪﺍﺧﻠﻲ ﻛﺎﻥ ﻃﺎﻳﺮ ﻣﻦ ﺍﻟﻔﺮﺣﻪ !
ﺣﻴﺘﺰﻭﺟﻨﻲ .. ﺣﻴﺼﻴﺮ ﺍﻟﻲ .. ﻣﻦ ﺍﻭﻝ ﻣﺮﻩ ﺷﻔﺘﻪ ﻛﻠﺖ ﻫﺬﺍ ﺣﻴﺼﻴﺮ ﺍﻟﻲ ﻟﻮ ﺍﻋﺮﻑ ﺍﻣﻮﺕ .. ﺑﺲ ﻣﻮ ﺑﻬﺬﻱ ﺍﻟﻄﺮﻳﻘﻪ !
ﻫﻮ ﻣﻌﺘﺒﺮ ﺯﻭﺍﺟﻲ ﻣﻨﻪ ﻣﺠﺮﺩ ﺷﻲ ﺷﻜﻠﻲ .. ﺑﺲ ﺍﻧﻲ ﺑﺎﻟﻨﺴﺒﻪ ﺍﻟﻲ ﺣﻠﻢ ﻭﺣﻴﺘﺤﻘﻖ .. ﻛﻨﺖ ﻓﺮﺣﺎﻧﻪ ﻏﺼﺒﺎً ﻋﻠﻴﻪ .. ﺣﺴﻴﺖ ﻧﻔﺴﻲ ﻃﺎﻳﺮﻩ ﻣﻦ ﺍﻟﻔﺮﺣﻪ ، ﺑﺲ ﻓﺮﺣﻪ ﻣﻜﺴﻮﺭﻩ !..
ﻣﺎﺍﺩﺭﻱ ﺷﻨﻮ ﻫﺬﻱ ﺍﻟﻤﺸﺎﻋﺮ ﺍﻟﻤﺨﺮﺑﻄﻪ ﺍﻟﻲ ﺩﺍﺍﺣﺴﻬﺎ .. ﻣﺮﻩ ﺍﺧﺎﻑ ﻣﻦ ﻳﺬﻛﺮ ﺍﻟﻤﻮﺿﻮﻉ .. ﺑﻌﺪﻳﻦ ﺍﺣﺲ ﺑﻔﺮﺣﻪ ﻣﻦ ﺍﺗﺬﻛﺮ ﺣﻴﺼﻴﺮ ﺯﻭﺟﻲ .. ﻭﺍﻟﻲ ﻳﺮﻋﺒﻨﻲ ﺍﻛﺜﺮ ﻓﻜﺮﺓ ﺍﻧﻮ ﺣﻴﺠﻲ ﻳﻮﻡ ﻭﻳﻄﻠﮕﻨﻲ !..
ﺷﻨﻮ ﻫﺎﻟﺘﻨﺎﻗﺾ ﺍﻟﻲ ﺩﺍﺍﺣﺴﻪ ﻳﻤﻜﻦ ﺍﺗﺨﺒﻠﺖ ﺍﻧﻲ ﻭﻫﺬﺍ ﻧﻮﻉ ﻣﻦ ﺍﻟﺠﻨﻮﻥ ﺍﻟﻲ ﺩﺍﺍﻋﻴﺸﻪ !
ﺑﻠﺤﻈﻪ ﻭﺣﺪﻩ ﻭﺑﻌﺪ ﺗﻔﻜﻴﺮ ﻛﺒﻴﻴﻴﻴﻴﺮ .. ﻗﺮﺭﺕ ﻗﺮﺍﺭ ﻛﻮﻟﺶ ﻣﻬﻢ ، ﻳﻤﻜﻦ ﻫﺬﺍ ﺍﻟﻘﺮﺍﺭ ﺍﻟﻮﺣﻴﺪ ﺍﻟﻲ ﺣﺴﻴﺘﻪ ﻏﻠﻂ ﺑﺤﻴﺎﺗﻲ ، ﺑﺲ ﻣﻊ ﺫﻟﻚ ﻻﺯﻡ ﺍﺳﻮﻱ !
ﻭﻫﻮ ..
ﺑﻌﺪ ﻣﺎ ﻧﺘﺰﻭﺝ ﺭﺍﺡ ﺍﺳﻮﻱ ﺍﻟﻤﺴﺘﺤﻴﻞ ﺣﺘﻰ ﺍﺧﻠﻲ ﻳﺤﺒﻨﻲ ﻭﻳﺤﺲ ﺑﺤﺒﻲ ﺍﻟﻪ .. ﻭ ﻟﻮ ﺍﻋﺮﻑ ﺍﻣﻮﺕ ﻣﺎ ﺍﺧﻠﻲ ﻳﻄﻠﻜﻨﻲ .
ﺍﺧﺬﺕ ﻫﺬﺍ ﺍﻟﻘﺮﺍﺭ ﻭﻛﻤﺖ ﺍﻏﻴﺮ ﻣﻼﺑﺴﻲ .. ﻟﺒﺴﺖ ﻣﻼﺑﺴﻲ ﺍﻟﻌﺎﺩﻳﻪ ﺗﻨﻮﺭﻩ ﺳﻮﺩﻩ ﻗﺪﻳﻤﻪ ﻭﻗﻤﻴﺺ ﻧﻴﻠﻲ !
ﻭﻛﻌﺪﺕ ﺍﻧﺘﻈﺮ .. !
ﺍﺳﻴﺪ .. ﻋﻔﺘﻬﺎ ﻭﻃﻠﻌﺖ ﮔﺒﻞ ﺭﺣﺖ ﻟﺒﻴﺖ ﻋﻠﻲ ﺻﺪﻳﻘﻲ ، ﻣﺎﻋﻨﺪﻱ ﺍﺣﺪ ﻏﻴﺮﻩ ﻣﻤﻜﻦ ﻳﻮﻛﻒ ﻭﻳﺎﻱ ﻭﻳﻔﻬﻤﻨﻲ .. ﻭﺻﻠﺖ ﻟﺒﻴﺘﻪ ﺧﺎﺑﺮﺗﻪ ﻛﻠﺘﻠﻪ ﺍﻧﻲ ﻭﺍﻛﻒ ﺟﻮﻩ ﺍﻧﺘﻈﺮﻙ .. ﻃﺒﻌﺎً ﻫﻮ ﺳﺎﻛﻦ ﺑﺸﻘﻪ !
ﺍﺷﻮﻳﻪ ﻭﻧﺰﻟﻲ
.....
ﻋﻠﻲ .. ﻫﻼ ﺍﺑﻮ ﺍﻻﺳﻮﺩ ﺍﻟﻴﻮ ﺷﻌﺠﺐ ﻣﻨﻮﺭﻧﻲ !
ﺍﺳﻴﺪ .. ﻫﻼ ﺑﻴﻚ ﺍﺑﻮ ﺣﺴﻴﻦ .. ﺍﺷﻠﻮﻧﻚ ﺷﺨﺒﺎﺭﻙ ﺍﺷﻠﻮﻧﻪ ﺍﻟﻌﺮﺱ ﻭﻳﺎﻙ !
ﻋﻠﻲ .. ﻫﻬﻬﻬﻬﻪ ﻟﺤﺪ ﺍﻻﻥ ﻳﺨﺒﻞ .. ﻭﻧﺼﻴﺤﻪ ﺗﺰﻭﺝ ﺗﺮﻯ ﺗﺨﺴﺮ ﺍﺫﺍ ﺑﻘﻴﺖ ﻋﺰﺍﺑﻲ !
ﺍﺳﻴﺪ .. ﻫﻮ ﺍﻧﻲ ﺟﺎﻳﻚ ﻋﻠﻰ ﻣﻮﺩ ﻫﺬﺍ ﺍﻟﻤﻮﺿﻮﻉ !
ﻋﻠﻲ .. ﺷﻨﻮﻭﻭﻭﻭﻭ .. ﻣﻌﻘﻮﻟﻪ ﺭﺍﺡ ﺗﺘﺰﻭﺝ !
ﺍﺳﻴﺪ .. ﻫﺴﻪ ﺭﺍﺡ ﺗﺨﻠﻴﻨﻲ ﻭﺍﻛﻒ ﻫﻨﺎ؟ !!
ﻋﻠﻲ .. ﺧﺮﺏ ﻟﻚ ﻧﺴﻴﺘﻨﻲ ﺣﺘﻰ ﺍﺳﻤﻲ .. ﺍﺗﻔﻀﻞ ﺍﺗﻔﻀﻞ .. ﺍﺧﺬﻩ ﻭﺻﻌﺪﻭ !
ﺩﺧﻞ ﺍﺳﻴﺪ ﻭﺣﺠﻪ ﺍﻟﻤﻮﺿﻮﻉ ﻛﻮﻟﻪ ﺍﻟﻌﻠﻲ .. ﻓﻬﻤﺎ ﺍﻧﻮ ﺍﻟﺰﻭﺍﺝ ﻣﺠﺮﺩ ﺷﻜﻠﻴﺎﺕ ﺑﺲ ﻣﻜﺎﻟﻪ ﻋﻦ ﻣﻮﺿﻮﻉ ﺍﻣﻬﺎ ﻟﺪﺍﻟﻴﺎ .. ﻛﺎﻟﻪ ﺍﻧﻮ ﺍﺭﻳﺪ ﺍﺗﺰﻭﺟﻬﺎ ﺣﺘﻰ ﺍﺧﻠﺺ ﻣﻦ ﺯﻭﺟﺔ ﺍﺧﻮﻳﻪ ﻛﺮﺍﺭ ﻻﺯﻛﻪ ﺑﻴﻪ ﺗﺮﻳﺪﻧﻲ ﺍﺗﺰﻭﺝ ﺍﺧﺘﻬﺎ !
ﻋﻠﻲ ﺗﻘﺮﻳﺒﺎً ﺍﻗﺘﻨﻊ ﺑﻜﻼﻡ ﺍﺳﻴﺪ ﺑﺲ ﺍﻟﻲ ﺍﺳﺘﻐﺮﺑﻪ ﻟﻴﺶ ﺍﺧﺘﺎﺭ ﺩﺍﻟﻴﺎ ﻭﻫﻮ ﻳﻌﺮﻓﻪ ﻳﻜﺮﻫﺎ .. ﺷﻨﻮ ﺫﻧﺒﻬﺎ ﻳﻜﺴﺮﻫﺎ ﻭﻳﺴﺘﻐﻠﻬﺎ ﻟﻤﺼﻠﺤﺘﻪ !
ﺣﺎﻭﻝ ﻳﻘﻨﻊ ﺍﺳﻴﺪ ﺍﻧﻮ ﻳﺸﻮﻑ ﻭﺣﺪﻩ ﻏﻴﺮ ﺩﺍﻟﻴﺎ ﻻﻧﻮ ﻣﺎ ﺍﻟﻬﺎ ﺫﻧﺐ ، ﻭﻣﻦ ﻫﺬﺍ ﺍﻟﻜﻼﻡ .. ﺑﺲ ﺍﺳﻴﺪ ﻛﺎﻥ ﻣﺎﺧﺬ ﻗﺮﺍﺭ ﻭﻣﻨﺘﻬﻲ ﺣﺴﺐ ﻣﺎ ﺷﺎﻓﻪ ﻋﻠﻲ ﻃﺒﻌﺎً .. ﺑﺎﻟﻨﻬﺎﻳﻪ ﻣﺎ ﻛﺎﻥ ﻛﺪﺍﻣﻪ ﺣﻞ ﻏﻴﺮ ﺍﻧﻮ ﻳﺴﺎﻋﺪ ﺻﺪﻳﻘﻪ ﺭﻏﻢ ﻛﻠﺸﻲ !
ﺍﺗﻔﻖ ﺍﺳﻴﺪ ﻭﻳﺎ ﻋﻠﻲ ﻭﻃﻠﻊ ﻛﺎﻟﻪ ﺭﺍﺡ ﺍﺧﺬ ﺍﻟﺴﻴﺪ ﻭﺍﺭﻭﺡ ﻛﺪﺍﻣﻚ ﻟﻠﻤﺰﺭﻋﻪ ﻭﺍﻧﺖ ﺍﻟﺤﻜﻨﻲ ﺍﻧﺘﻈﺮﻙ !
ﺭﺍﺡ ﺍﺳﻴﺪ ﻭﻋﻠﻲ ﻟﻜﻰ ﺗﺤﻘﻴﻖ ﺛﺎﻧﻲ !!!
ﺳﻠﻤﻰ .. ﺷﻨﻮ ﻫﺬﺍ ﺍﻟﻲ ﺳﻤﻌﺘﻪ ﻋﻠﻲ ، ﺍﺷﻮﻥ ﺗﻘﺒﻞ ﺻﺪﻳﻘﻚ ﻫﻴﺞ ﻳﺴﻮﻱ ﺑﺪﺍﻟﻴﺎ؟ !!
ﻋﻠﻲ .. ﺣﺒﻴﺒﺘﻲ ﺻﺪﻛﻴﻨﻲ ﺍﺳﻴﺪ ﻣﺴﺘﺤﻴﻞ ﻳﺴﻮﻱ ﺷﻲ ﻏﺼﺒﺎً ﻋﻨﻪ ﺍﻭ ﻣﻮ ﺑﺮﺿﺎﺗﻪ .. ﺑﺲ ﻫﻮ ﻳﻜﺎﺑﺮ ﻭﻣﻴﻜﻮﻝ ﺍﻟﺤﻘﻴﻘﻪ ﻛﺪﺍﻡ ﺍﺣﺪ !
ﺳﻠﻤﻰ .. ﺷﻨﻮ ﻗﺼﺪﻙ ﻳﻌﻨﻲ ؟ !!
ﻋﻠﻲ .. ﺍﺗﻘﺮ ﻣﻦ ﺳﻠﻤﻰ ﻭﺣﻀﻨﻬﺎ .. ﻗﺼﺪﻱ ﻫﺬﺍ ﻋﺎﺷﻖ ﻭﻟﻬﺎﻥ ﻣﺜﻠﻲ ﺑﺲ ﻣﻴﺤﺠﻲ ﺷﻲ ﻭﻻ ﻳﻌﺘﺮﻑ .. ﺍﻧﻲ ﻣﺘﺄﻛﺪ ﻳﺤﺒﻬﺎ ﻟﺪﺍﻟﻴﺎ ﻭﺭﺍﺡ ﻳﺠﻲ ﻳﻮﻡ ﻭﺍﺛﺒﺘﻠﺞ ﻛﻼﻣﻲ .
ﺳﻠﻤﻰ .. ﻣﺎﺍﻋﺘﻘﺪ ﺍﻟﻲ ﻣﺜﻞ ﺻﺎﺣﺒﻚ ﻫﺬﺍ ﻋﻨﺪﻩ ﻣﺸﺎﻋﺮ ﻭﮔﻠﺐ ﺍﺻﻼً .
ﻋﻠﻲ .. ﻫﻬﻬﻪ ﻻ ﺗﺮﻯ ﻫﻮﺍﻱ ﻇﺎﻟﻤﺘﻪ ﻻﺳﻴﺪ ، ﺍﺳﻴﺪ ﺍﻧﺴﺎﻥ ﻃﻴﺐ ﻭﺧﻠﻮﻕ ﺑﺲ ﻫﻮ ﺍﻛﻮ ﻫﻮﺍﻱ ﺍﺳﺒﺎﺏ ﺧﻠﺘﻪ ﻳﺼﻴﺮ ﻗﺎﺳﻲ ﻫﻴﺞ ﺍﻟﻠﻪ ﻭﺣﺪﻩ ﺍﻟﻌﺎﻟﻢ ﺷﻨﻮ ﺷﺎﻑ ﺑﺤﻴﺎﺗﻪ ﺣﺘﻰ ﺗﻐﻴﺮ ﻟﻬﺪﺭﺟﻪ .
ﺳﻠﻤﻰ .. ﺍﻣﻤﻤﻢ .. ﺧﻠﻲ ﺍﺭﻭﺡ ﺍﺣﻀﺮ ﻧﻔﺴﻲ ﻟﻌﺪ .
ﻋﻠﻲ .. ﻭﻳﻦ؟ !!!
ﺳﻠﻤﻰ .. ﻭﻳﻦ ﻳﻌﻨﻲ .. ﺍﺭﻭﺡ ﻭﻳﺎﻙ ﺍﻛﻴﺪ ، ﺩﺍﻟﻴﺎ ﻫﺬﻱ ﺻﺪﻳﻘﺔ ﻋﻤﺮﻱ ﻭﺍﺧﺘﻲ ﻣﺴﺘﺤﻴﻞ ﺍﻋﻮﻓﻬﺎ ﺑﻬﻴﺞ ﻳﻮﻡ ﻭﺣﺪﻫﺎ ﺣﺘﻰ ﻟﻮ ﻛﺎﻥ ﺯﻭﺍﺟﻬﻢ ﻛﺬﺏ ﻭﻣﺠﺮﺩ ﺷﻜﻠﻴﺎﺕ ﻣﻮﺑﺲ ﻻﺯﻡ ﺍﺣﺪ ﻳﻮﻛﻒ ﻭﻳﺎﻫﺎ .
ﻋﻠﻲ .. ﺑﺲ ﺍﺳﻴﺪ ..
ﺳﻠﻤﻰ .. ﻣﻌﻠﻴﻪ ﺑﺄﺳﻴﺪ ﻭﺍﻧﻲ ﻣﺮﺍﻳﺤﻪ ﻭﻳﺎﻙ ﻋﻠﻲ .. ﺍﻧﻲ ﺭﺍﻳﺤﻪ ﻟﺼﺪﻳﻘﺘﻲ ﺭﺟﺎﺀﺍً ﺍﻓﻬﻤﻨﻲ
......
ﻋﻠﻲ .. ﺍﻭﻭﻭﻭﻑ ﻣﻨﺞ .. ﻣﺎﺷﻲ ﺍﻣﺮﻱ ﻟﻠﻪ ﺭﻭﺣﻲ ﺍﻟﺒﺴﻲ ﺑﺴﺮﻋﻪ ﻣﺎ ﺿﻠﻨﺎ ﻭﻛﺖ .
ﺭﺍﺣﺖ ﺳﻠﻤﻰ ﺑﺪﻟﺖ ﻭﺣﻈﺮﺕ ﺭﻭﺣﻬﺎ .. ﺑﻌﺪ ﻛﻢ ﺳﺎﻋﻪ ﻭﺻﻠﻮ ﻟﺒﻴﺖ ﺍﻟﻤﺰﺭﻋﻪ !
ﻭﺻﻠﻮ ﻟﻜﻮ ﺍﺳﻴﺪ ﺑﻌﺪﻩ ﺑﺎﻟﻄﺮﻳﻖ .. ﺩﺧﻠﺖ ﺳﻠﻤﻰ ﻟﻜﺖ ﺍﻟﺒﻴﺖ ﻓﺎﺭﻑ ﻭﻫﺪﻭﺀ .. ﺻﺎﺣﺖ ﺩﺍﻟﻴﺎ؟ !!!
ﺩﺍﻟﻴﺎ .. ﻛﻨﺖ ﻛﺎﻋﺪﻩ ﻭﻫﻤﻮﻡ ﺍﻟﺪﻧﻴﺎ ﻭﺍﻻﻓﻜﺎﺭ ﻛﻮﻟﻬﺎ ﻋﻠﻰ ﺭﺍﺳﻲ .. ﻓﺠﺄﻩ ﺳﻤﻌﺖ ﺻﻮﺕ ﺳﻠﻤﻰ !!
ﻣﻌﻘﻮﻟﻪ ﻫﺬﺍ ﺻﻮﺗﻬﺎ ﻟﻮ ﺍﻧﻲ ﻃﻜﺖ ﻓﻴﻮﺯﺍﺗﻲ ﻭﻛﻤﺖ ﺍﺗﺨﻴﻞ ﻣﻦ ﻛﺪ ﺍﻟﺘﻔﻜﻴﺮ !!
ﺍﺷﻮﻳﻪ .. ﻭﺟﺎﻥ ﺍﺷﻮﻑ ﺳﻠﻤﻰ ﻭﺍﻛﻔﻪ ﻛﺪﺍﻣﻲ !!
ﺑﻘﻴﺖ ﺻﺎﻓﻨﻪ ﺑﻮﺟﻬﻬﺎ ﻣﻤﺼﺪﻛﻪ ﻋﻴﻮﻧﻲ .. ﺳﻠﻤﻰ ﺍﺟﺘﻲ .. ﺑﻌﺪ ﻟﺤﻈﺎﺕ ﻣﻦ ﺍﻟﺼﺪﻣﻪ ﺭﻛﻀﺖ ﻋﻠﻴﻬﺎ ﺣﻀﻨﺘﻬﺎ .. ﻛﻨﺖ ﻣﺤﺘﺎﺟﻪ ﺍﺣﺪ ﺍﺭﺗﻤﻲ ﺑﺤﻀﻨﻪ ﻭﺍﺑﺠﻲ ، ﺍﺣﺠﻲ ، ﺍﻃﻠﻊ ﻛﻞ ﺍﻟﻲ ﺑﺪﺍﺧﻠﻲ ﻭﺍﺭﺗﺎﺡ ﻭﺍﻟﻠﻪ ﺩﺯﻟﻲ ﺳﻠﻤﻰ ﺍﻟﺤﻤﺪﻟﻠﻪ !
ﺑﻌﺪ ﺳﻼﻡ ﻭﺩﻣﻮﻉ ﺑﺎﻟﺴﺎﻋﻪ .. ﺳﻮﻟﻔﻨﺎ ﻭﺣﺠﻴﺘﻠﻬﺎ ﻛﻮﻟﺸﻲ .. ﻃﺒﻌﺎً ﻫﻲ ﻓﻬﻤﺘﻨﻲ ﺍﻟﻜﻼﻡ ﺍﻟﻲ ﻛﺎﻳﻠﻪ ﺍﺳﻴﺪ ﺍﻟﻬﻢ ﺍﻧﻮ ﺑﺲ ﻳﺮﻳﺪ ﻳﺨﻠﺺ ﻣﻦ ﺑﻨﺖ ﻋﻤﻪ !
ﻭﺍﻧﻲ ﻫﻢ ﻣﻜﻠﺖ ﻟﺪﺍﻟﻴﺎ ﻉ ﺍﻟﺤﻘﻴﻘﻪ ﻻﻥ ﻣﺮﺩﺗﻬﺎ ﺗﻀﻢ ﻉ ﺭﺟﻠﻬﺎ ﻭﺗﺼﻴﺮ ﺑﻴﻨﻬﻢ ﺍﺳﺮﺍﺭ ﻻﻧﻮﻭ ﺍﺫﺍ ﻋﺮﻓﺖ ﻣﺮﺍﺡ ﺍﻗﺒﻞ ﺯﻭﺟﻬﺎ ﻳﻌﺮﻑ ﻭﺑﻬﺬﻱ ﺍﻟﺤﺎﻟﻪ ﺣﺘﻜﻮﻥ ﺑﻤﻮﻗﻒ ﻣﺤﺮﺝ .. ﻟﺬﻟﻚ ﺳﻜﺘﺖ ﻣﻜﻠﺘﻠﻬﺎ ﺷﻲ !
ﺍﺷﻮﻳﻪ ﻭﺳﻤﻌﻨﺎ ﺻﻮﺗﻪ ﺍﻟﻤﺮﻋﺐ ﺩﻳﺪﺧﻞ ﺑﺎﻟﺴﻴﺪ !!
ﻛﺎﻟﺖ ﺳﻠﻤﻰ ﻳﻼ ﻛﻮﻣﻲ ﺑﺪﻟﻲ !
ﺩﺍﻟﻴﺎ .. ﻫﻴﺎﺗﻨﻲ ﺟﺎﻫﺰﻩ .
ﺳﻠﻤﻰ .. ﻭﻟﺞ ﺷﻨﻮ ﺟﺎﻫﺰﻩ ﺷﻨﻮ ﺍﻧﺘﻲ ﻫﺎﻟﺠﺮﻭﺩ ﻫﺬﻱ ﻫﻢ ﺣﺎﺳﺒﺘﻬﺎ ﻣﻼﺑﺲ؟ !
ﺩﺍﻟﻴﺎ .. ﻣﺒﻴﻬﻢ ﺷﻲ ﺳﻠﻤﻰ ﺍﻣﺸﻲ ﺧﻠﻲ ﻧﻨﺰﻝ .
ﺳﻠﻤﻰ .. ﻣﻦ ﻛﻞ ﻋﻘﻠﺞ ﺩﺍﻟﻴﺎ .. ﺍﻣﺸﻲ ﺍﻟﺒﺴﻲ ﻏﻴﺮﻫﻢ ﺑﺴﺮﻋﻪ ﻳﻼ .
ﺩﺍﻟﻴﺎ .. ﻫﺎﺍﺍ .. ﻣﻮ ﺍﻧﻲ ﻣﻤﺸﺘﺮﻳﻪ ﻣﻼﺑﺲ ﺟﺪﻳﺪﻩ ﺑﻌﺪﻧﻲ .
ﺳﻠﻤﻰ .. ﻭﺝ ﻣﻮ ﺍﻻ ﺟﺪﻳﺪ ﺑﺲ ﺍﻱ ﺷﻲ ﻏﻴﺮ ﻫﺬﻭﻟﻲ .
ﺩﺍﻟﻴﺎ .. ﻭﺍﻟﻠﻪ ﻣﺎﻋﻨﺪﻱ .
ﺳﻠﻤﻰ .. ﺍﻟﺒﺴﻲ ﻫﺬﺍ ﺍﻟﻲ ﻟﺒﺴﺘﻲ ﺑﻌﺮﺳﻲ !
ﺩﺍﻟﻴﺎ .. ﻻ ﺩﺧﻴﻠﺞ ﻟﺘﺬﻛﺮﻳﻨﻲ ﺑﻲ ﻫﺬﺍ ﻣﺎﺍﺭﻳﺪ ﺍﺷﻮﻓﻪ ﺍﺻﻼً
ﺳﻠﻤﻰ .. ﻟﻮﻳﺶ ﺍﺷﺒﻲ؟ !
ﺩﺍﻟﻴﺎ .. ﺳﻠﻤﻰ ﺍﻟﻠﻪ ﻳﺨﻠﻴﺞ ﺍﻧﺴﻲ ﻫﺬﺍ .
ﺳﻠﻤﻰ .. ﻣﺎﺷﻲ ﺩ ﺩﻭﺭﻱ ﻣﻨﺎ ﻣﻨﺎ ﺑﻠﻜﻲ ﺍﻛﻮ ﺻﺎﺭﻟﺞ ﺍﺷﻜﺪ ﺗﺸﺘﻐﻠﻴﻦ ﻋﻨﺪﻫﻢ ﻣﺸﺘﺮﻳﺘﻴﻠﺞ ﺷﻲ .
ﺩﺍﻟﻴﺎ .. ﻋﻨﺪﻱ ﺍﻟﻔﺴﺘﺎﻥ ﺍﻟﻲ ﺍﺷﺘﺮﻳﺘﻪ ﻣﻦ ﻛﻨﺖ ﺑﺎﻟﺪﻳﺮ ﺍﻧﻲ ﻭﻳﺎﺝ !
ﺳﻠﻤﻰ .. ﺍﻳﻴﻴﻴﻴﻲ ﻭﻟﺞ ﻫﺬﺍ ﻳﺠﻨﻦ ﻋﻠﻴﺞ ﺭﻭﺣﻲ ﺟﻴﺒﻲ .
ﺩﺍﻟﻴﺎ .. ﻻ ﺳﻠﻤﻰ ﻫﺬﺍ ﻣﺎﻝ ﻣﻨﺎﺳﺒﺎﺕ ﻋﻴﺐ ﺍﻟﻠﺒﺴﻪ .
ﺳﻠﻤﻰ .. ﺷﻮﻭﻭ ﺩﺭﻭﺣﻲ ﺟﻴﺒﻲ ﻻ ﺍﺑﺘﻠﻲ ﺑﻴﺞ ، ﻟﻌﺪ ﻫﺬﻱ ﺷﻨﻮﻭ ﻣﻮ ﻣﻨﺎﺳﺒﻪ ؟ !
ﺩﺍﻟﻴﺎ .. ﺍﻭﻭﻑ ﻣﻨﺞ ﺷﺠﺎﺑﺞ ﺍﻟﻲ
ﺳﻠﻤﻰ .. ﻫﻬﻬﻪ ﻭﻟﺞ ﻫﺴﻪ ﻛﻨﺘﻲ ﺗﺒﺠﻴﻦ ﻣﻦ ﺍﻟﻔﺮﺣﻪ ، ﺩﻣﺸﻲ ﺭﻭﺣﻲ ﺟﻴﺒﻲ
.....
ﺩﺍﻟﻴﺎ .. ﻟﻤﺎ ﻛﻨﺖ ﺑﺎﻟﺪﻳﺮ ﺍﺧﺬﺕ ﻓﺴﺘﺎﻥ ﻛﻮﻟﺶ ﺣﻠﻮ ﻭﻣﺮﺗﺐ ﺍﻧﻲ ﻭﺳﻠﻤﻰ ﻭﺍﺣﺪ ﻭﻛﻨﺖ ﻧﺎﺳﻴﺘﻪ ﻧﻬﺎﺋﻴﺎً ﺑﺲ ﻟﻤﺎ ﺟﻤﻌﺖ ﻣﻼﺑﺴﻲ ﻣﻦ ﺑﻴﺖ ﺍﻫﻞ ﺍﺳﻴﺪ ﻭﺍﺟﻴﺖ ﻟﻬﻨﺎ ﻟﻜﻴﺘﻪ ﻭﻳﺎ ﺍﻟﻤﻼﺑﺲ .. ﺧﻠﻴﺘﻪ ﺑﺎﻟﺠﻨﻄﻪ ﻛﻠﺖ ﺍﺧﺎﻑ ﻓﺪ ﻳﻮﻡ ﺍﺭﻭﺡ ﻟﺴﻠﻤﻰ ﺍﻟﺒﺴﻪ !
ﺭﺣﺖ ﻃﻠﻌﺘﻪ ﻭﻟﺒﺴﺘﻪ
ﻟﻮﻧﻪ ﻣﺸﻤﺸﻲ ﻣﺎﺍﻋﺮﻑ ﺷﺮﺑﺘﻲ ﻟﻮﻥ ﻓﺎﺗﺢ ﺑﺲ ﺣﻠﻮ ﻭﻗﻤﺎﺷﻪ ﺷﻴﻔﻮﻥ ﻧﺎﻋﻢ ﻛﻮﻟﺶ ﻧﺎﺯﻙ ﺣﻠﻮﻭﻭ ﻣﺎﻝ ﻣﻨﺎﺳﺒﺎﺕ ﻫﺎﺩﺋﻪ !
ﺍﻟﺼﻮﺭﻩ ﺧﻠﻴﺘﻬﺎ ﻓﻮﻙ ﻟﻠﺒﺎﺭﺕ ، ﺑﺲ ﺻﺪﺭﻩ ﻣﻮ ﻣﻔﺘﻮﺡ ﻣﺮﺗﺐ
ﺳﻠﻤﻰ .. ﺍﻟﻠﻠﻠﻠﻠﻠﻪ ﻭﺍﻟﻤﺴﻴﺢ ﻳﺠﻨﻦ ﻋﻠﻴﻴﻴﻴﻴﻴﺞ ﻉ ﺑﺎﻟﻚ ﺍﻣﻴﺮﻩ ﻃﺎﻟﻌﻪ ، ﺍﻣﺸﻲ ﻳﻼ ﺍﺳﻮﻱ ﺷﻌﺮﺝ ﻭﺍﺧﻠﻴﻠﺞ ﻣﻴﻜﺐ .
ﺩﺍﻟﻴﺎ .. ﻟﺘﺨﻠﻴﻠﻲ ﻣﻴﻜﺐ ﺩﺧﻴﻠﺞ ﺍﻧﺜﻮﻝ ﻭﺍﻧﻲ ﻣﻌﺎﻳﺰﻩ .
ﺳﻠﻤﻰ .. ﻫﻬﻬﻪ ﻭﺝ ﺍﺷﻮﻳﻪ ﺧﻔﻴﻒ ﻣﻮ ﻫﻮﺍﻳﻪ ، ﺩﺗﻌﺎﻟﻲ ﻭﻣﻌﻠﻴﺞ ، ﺳﻮﺗﻠﻲ ﺳﻠﻤﻰ ﺿﻔﻴﺮﺗﻴﻦ ﻧﺎﻋﻤﺎﺕ ﻣﻦ ﻣﻘﺪﻣﺔ ﺷﻌﺮﻱ ﻭﺭﺟﻌﺘﻬﻢ ﻟﻠﺨﻠﻒ ﺻﺎﺭﻭ ﻣﺜﻞ ﻃﻮﻕ ﺍﻻﻣﻴﺮﺍﺕ ﻭﺧﻠﺘﻠﻲ ﺑﻴﻬﻢ ﻭﺭﺩﺍﺕ ﻧﺎﻋﻤﺎﺕ ﻭﻳﺎ ﺍﻟﻔﺴﺘﺎﻥ ﻛﺎﻧﻮ ﻭﻣﻦ ﻭﺭﻯ ﺟﻤﻌﺘﻬﻢ ﻭﻳﺎ ﺷﻌﺮﻱ ﻭﺳﻮﺗﻬﻢ ﺿﻔﻴﺮﻩ ﻫﻨﺪﻳﻪ ﻃﻮﻳﻠﻪ ﻭﺭﺍﺧﻴﻪ ﺻﺎﺭﺕ ﺗﺠﻨﻦ !
ﻭﺧﻠﺘﻠﻲ ﻣﻴﻜﺐ ﺧﻔﻴﻒ ﻛﻮﻟﺶ ﻭﻫﺎﺩﺉ !
ﺷﻔﺖ ﻧﻔﺴﻲ ﺑﺎﻟﻤﺮﺍﻳﻪ ﻃﺎﻟﻌﻪ ﻓﺪ ﺷﻲ ﻧﺎﺯﻙ ﻭﻣﺮﺗﺐ .. ﻭﻟﺒﺴﺖ ﺣﺬﺍﺀ ﻛﻌﺐ ﺻﻐﻴﺮ ﻟﻮﻧﻪ ﺫﻫﺒﻲ !
ﻋﻴﻮﻧﻲ ﺩﻣﻌﺖ ﻟﻤﺎ ﺷﻔﺖ ﻧﻔﺴﻲ ﻣﺎﺍﻋﺮﻑ ﺍﻓﺮﺡ ﻟﻮ ﺍﺑﺠﻲ ﺣﺘﻰ ﺳﻠﻤﻰ ﺍﺑﺎﻭﻉ ﻋﻠﻴﻬﺎ ﺍﻟﺪﻣﻮﻉ ﺑﻄﺮﻑ ﻋﻴﻮﻧﻬﺎ .. ﻣﻦ ﺷﺎﻓﺘﻨﻲ ﺍﺷﻮﻥ ﻣﺮﺗﺒﻜﻪ ﻭﻣﺘﻠﺨﺒﻄﻪ ﺣﻀﻨﺘﻨﻲ !
ﺳﻠﻤﻰ .. ﺩﻳﺮﻱ ﺑﺎﻟﺞ ﺗﺒﺠﻴﻦ ﺗﺮﻯ ﻭﺟﻬﺞ ﻳﺼﻴﺮ ﺧﺮﻳﻄﻪ .
ﺩﺍﻟﻴﺎ .. ﺿﺤﻜﺖ ﻭﺍﻟﺪﻣﻮﻉ ﺑﻌﻴﻨﻬﺎ ﻣﺘﺠﻤﻌﻪ .. ﻫﻬﻬﻪ ﺧﺮﺏ ﺑﺒﻠﻴﺴﺞ ﺳﻠﻤﻰ ﺑﻌﺰ ﻗﻬﺮﻱ ﺗﻀﺤﻜﻴﻨﻲ ﻣﻦ ﻳﻮﻣﺞ .
ﺩﻧﺤﺠﻲ ﻭﺟﺎﻥ ﺳﻤﻌﻨﺎ ﺻﻮﺗﻪ ﺍﻟﻤﺨﻴﻒ ﻣﻦ ﻭﺭﺍ ﺍﻟﺒﺎﺏ ..
ﺍﺳﻴﺪ .. ﺑﺼﻮﺕ ﺣﺎﺩ .. ﺍﺫﺍ ﺧﻠﺼﺘﻲ ﺍﻧﺰﻟﻲ ﻳﻼ ﺍﻟﺴﻴﺪ ﺩﻳﻨﺘﻈﺮ .
ﺩﺍﻟﻴﺎ .. ﮔﻠﺒﻲ ﻛﺎﻡ ﻳﺮﺟﻒ ﻣﺎﺍﻋﺮﻑ ﺷﻨﻮ ﺻﺎﺭﻟﻲ .. ﻉ ﺑﺎﻟﻚ ﺣﺮﻭﺡ ﻟﺤﺮﺑﻤﻮ ﺍﺗﺰﻭﺝ .. ﺑﻘﻴﺖ ﺟﺎﻣﺪﻩ ﺑﻤﻜﺎﻧﻲ ﻭﺍﺭﺟﻒ .. ﺟﺮﺗﻨﻲ ﺳﻠﻤﻰ ﻭﻧﺰﻟﻨﺎ .. ﻟﻜﻴﺘﻪ ﻣﺎﻛﻮ ﺑﺎﻟﺒﺎﺏ .. ﺩﻧﻨﺰﻝ ﻟﻴﺠﻮﻩ .. ﻭﺟﺎﻥ ﻳﺠﻴﻨﻲ ﻳﺮﻛﺾ ﻣﺜﻞ ﺍﻻﺳﺪ !!
ﺍﺳﻴﺪ .. ﺑﺼﻮﺕ ﻋﺼﺒﻲ ﺑﺲ ﻧﺎﺻﻲ ﻣﻦ ﺑﻴﻦ ﺍﺳﻨﺎﻧﻪ .. ﻭﻳﻴﻴﻴﻦ ﺭﺍﻳﺤﻪ ﺑﻬﺬﺍ ﺍﻟﻠﺒﺲ !
ﺩﺍﻟﻴﺎ .. ﻣﻜﺪﺭﺕ ﺍﺣﺠﻲ ﺷﻜﻠﻪ ﻭﻧﻈﺮﺍﺗﻪ ﺧﻮﻓﺘﻨﻲ !
ﺳﻠﻤﻰ .. ﻭﻳﻦ ﻳﻌﻨﻲ ﻏﻴﺮ ﺍﻧﺖ ﺻﺤﺘﻠﻬﺎ ؟ !!
ﺍﺳﻴﺪ .. ﺍﻣﺸﻲ ﺍﻟﺒﺴﻴﻠﺞ ﻋﺒﺎﻳﻪ ﺷﻲ ﻓﻮﻙ ﻫﺬﺍ ﻭﺍﻧﺰﻟﻲ ﺑﺴﺮﻋﻪ .
ﺩﺍﻟﻴﺎ .. ﻣﻦ ﻛﺎﻝ ﻋﺒﺎﻳﻪ ﺻﺪﻣﻨﻲ .. ﻣﻮ ﺍﺳﺘﻨﻜﻒ ﻣﻨﻬﺎ ﺍﻭ ﺷﻲ ﺑﺲ ﺍﻧﻲ ﺑﺤﻴﺎﺗﻲ ﻣﻼﺑﺴﺘﻬﺎ ﻭﻻ ﺍﻋﺮﻑ ﺍﻟﺒﺴﻬﺎ ﺍﺻﻼً .. ﻣﺎﺍﻋﺮﻑ ﻟﻮﻳﺶ ﺧﻔﺖ ﺣﺴﻴﺖ ﻧﻔﺴﻲ ﺍﺧﺘﻨﻜﺖ ﻭ ﻭﺭﻃﺖ ﺭﻭﺣﻲ .. ﺳﻜﺘﺖ ﺑﺲ ﻧﺒﺮﺓ ﺍﻟﺘﻬﺪﻳﺪ ﺑﺼﻮﺗﻪ ﺧﻠﺘﻨﻲ ﺍﺻﻌﺪ ﺑﺪﻭﻥ ﻭﻋﻲ ﻣﻨﻲ .. ﺭﺣﺖ ﺟﺒﺖ ﺍﻟﻔﺮﻭﻩ ﺍﻟﻲ ﺍﺷﺘﺮﻳﺘﻬﺎ ﻭﻳﺎ ﺍﻟﻔﺴﺘﺎﻥ ﺑﻌﺮﺱ ﺩﺍﻟﻴﺎ ﺻﺢ ﻣﻦ ﺍﺷﻮﻓﻬﺎ ﺍﺗﺬﻛﺮ ﺍﻟﻲ ﺻﺎﺭ ﻭﺍﺧﺘﻨﻚ ﺑﺲ ﻛﻨﺖ ﻣﺠﺒﻮﺭﻩ ﻻ ﻳﺤﺠﻲ ﺷﻲ ﻛﺪﺍﻡ ﺳﻠﻤﻰ ﻭﺗﺼﻴﺮ ﻣﺸﻜﻠﻪ ﻭﺑﻨﻔﺲ ﺍﻟﻠﺤﻈﻪ ﻣﺮﺩﺕ ﺍﻛﺴﺮ ﻛﻠﻤﺘﻪ ﻭﺍﻓﺸﻠﻪ ﻻﻧﻮ ﻗﺮﺭﺕ ﺍﺧﻠﻲ ﻳﺤﺒﻨﻲ .. ﺟﺮﻳﺘﻬﺎ ﻭﻟﺒﺴﺘﻬﺎ .
ﻧﺰﻟﺖ ﻟﻜﻴﺖ ﺳﻠﻤﻰ ﻛﺎﻋﺪﻩ ﺑﺎﻟﺼﺎﻟﻪ ﺍﻟﺼﻐﻴﺮﻩ ﻭﺣﺪﻫﺎ ﻭﻫﻮ ﻭﺍﻛﻒ ﻛﺪﺍﻣﻲ ﻉ ﺍﻟﺪﺭﺝ ﻣﻦ ﺷﺎﻓﻨﻲ ﻻﺑﺴﻪ ﻫﺸﻜﻞ ﺣﺴﻴﺖ ﻣﻼﻣﺤﻪ ﺍﺭﺗﺨﺖ ﻭﻋﻴﻮﻧﻪ ﺭﺍﺣﺖ ﻣﻨﻬﺎ ﻧﻈﺮﺍﺕ ﺍﻟﻐﻀﺐ .. ﺑﺼﻮﺗﻪ ﺍﻟﺤﺎﺩ
.....
ﺍﺳﻴﺪ .. ﺭﻭﺣﻲ ﺍﻛﻌﺪﻱ ﻳﻢ ﺻﺪﻳﻘﺘﺞ ﻭﻣﻦ ﻳﺤﺠﻲ ﻭﻳﺎﺝ ﺍﻟﺴﻴﺪ ﺟﺎﻭﺑﻲ ﻣﻦ ﻭﺭﺍ ﺍﻟﺒﺎﺏ !
ﺩﺍﻟﻴﺎ .. ﺷﻨﻮ ﻣﻦ ﻭﺭﺍ ﺍﻟﺒﺎﺏ ﻣﻔﻬﻤﺖ ﻳﻌﻨﻲ ﻟﻮﻳﺶ !
ﺍﺳﻴﺪ .. ﺳﻮﻱ ﺍﻟﻲ ﺍﻛﻮﻟﺞ ﻋﻠﻴﻪ ﻭﺑﺲ ﺑﺪﻭﻥ ﻛﻼﻡ ﺑﻌﺪﻳﻦ ﺍﺗﻔﻬﻤﻴﻦ .
ﺩﺍﻟﻴﺎ .. ﻧﺰﻟﺖ ﺑﺪﻭﻥ ﻛﻼﻡ ﻭﺭﺣﺖ ﻳﻢ ﺳﻠﻤﻰ ﻛﻌﺪﺕ .. ﺍﺷﻮﻳﻪ ﻭﺳﻤﻌﺖ ﺻﻮﺕ ﺍﻟﺴﻴﺪ ﻣﻦ ﻭﺭﺍ ﺍﻟﺒﺎﺏ ﻳﺤﺠﻲ ﻭﻳﺎﻱ ..
ﺳﺄﻟﻨﻲ ﻋﻦ ﺍﺳﻤﻲ ﻭﺍﺳﻢ ﺍﺑﻮﻳﻪ .. ﻛﻠﺘﻠﻪ .. ﻃﺒﻌﺎً ﺍﻧﻲ ﻋﻨﺪﻱ ﻫﻮﻳﻪ ﻣﻦ ﺍﻟﻤﻴﺘﻢ ﻃﻠﻌﻮﻫﺎ ﺍﻟﻲ ﻣﺬﻛﻮﺭ ﺑﻴﻬﺎ ﺑﺲ ﺍﺳﻤﻲ ﻭﺍﺳﻢ ﺍﺑﻮﻳﻪ ﺳﺠﻠﻮﻧﻲ ﺑﺄﺳﻢ ﺍﻟﻌﻢ ﺍﻣﻴﻦ ﻭﻋﻤﺮﻱ ﻳﻌﻨﻲ ﺍﻧﻲ ﺍﻋﺘﺒﺮﻫﺎ ﻫﻮﻳﻪ ﺗﻌﺘﺒﺮ ﺭﻣﺰﻳﻪ ﻣﻮ ﺣﻘﻴﻘﻴﻪ ﻭﻧﺴﺒﻮﻧﻲ ﻟﻠﻤﻴﺘﻢ !
ﺍﻟﺤﺎﺻﻞ ..
ﺳﺄﻟﻨﻲ ﺍﻟﺴﻴﺪ ﺍﺷﻴﺎﺀ ﺍﻭﻝ ﻣﺮﻩ ﺍﺳﻤﻌﻬﺎ .. ﺑﻘﻴﺖ ﺻﺎﻓﻨﻪ ﺑﺲ ﺳﻠﻤﻰ ﻋﻠﻤﺘﻨﻲ ﺷﻨﻮ ﺍﺟﺎﻭﺏ .. ﺟﺎﻭﺑﺘﻪ ﻭﺑﻌﺪﻳﻦ ﻛﺎﻟﻲ ﻣﺒﺮﻭﻙ ﺑﻨﺘﻲ !
ﺣﻀﻨﺘﻨﻲ ﺳﻠﻤﻰ ﻭﺑﺎﺭﻛﺘﻠﻲ .. ﺑﻮﻗﺘﻬﺎ ﻣﻦ ﺻﺪﻭﻙ ﺣﺴﻴﺖ ﺑﺨﻨﻜﻪ ﻭﺭﺩﺕ ﺍﺑﺠﻲ ﺑﻼ ﺳﺒﺐ .. ﺑﺲ ﻛﻨﺖ ﻣﺤﺘﺎﺟﻪ ﺍﺑﺠﻲ !
ﺑﻘﻴﻨﺎ ﻛﺎﻋﺪﻳﻦ ﺍﻧﻲ ﻭﺳﻠﻤﻰ ﺍﻧﺴﻮﻟﻒ .. ﻭﺣﺠﺘﻠﻲ ﺍﺷﻮﻥ ﺍﺗﻘﺪﻣﻠﻬﺎ ﻋﻠﻲ ﻭﺍﺷﻮﻥ ﻋﺎﻓﺖ ﺍﻟﺪﻳﺮ ﻭﻃﻠﻌﺖ ﻣﻨﻪ ﻧﻔﺲ ﺣﺎﻟﺘﻲ ﻫﻢ ﺑﺎﻟﻠﻴﻞ ﻣﺎﺧﺬﻩ ﻣﻼﺑﺴﻬﺎ ﻭﺭﺍﻳﺤﻪ ﻭﻳﺎ ﻋﻠﻲ .. ﺳﺄﻟﺘﻬﺎ ﺍﺷﻮﻥ ﺍﺗﺰﻭﺟﺘﻪ ﻭﻫﻲ ﻣﻦ ﻏﻴﺮ ﺩﻳﺎﻧﻪ؟ !
ﻛﺎﻟﺘﻠﻲ ﻋﺎﺩﻱ ﻋﻠﻲ ﺭﺍﺡ ﻭﺳﺄﻝ ﻛﺎﻟﻮﻟﻪ ﻣﻮ ﻣﺸﻜﻠﻪ ﺑﺲ ﻣﻴﺼﻴﺮ ﺗﺠﺒﺮﻫﺎ ﺗﻐﻴﺮ ﺩﻳﻨﻬﺎ ﺍﻻ ﺑﺮﺿﺎﺗﻬﺎ .. ﻭﺍﻧﻲ ﺑﺼﺮﺍﺣﻪ ﺑﻌﺪ ﺍﻟﻲ ﺳﻮﺍ ﻋﻠﻲ ﻋﻠﻰ ﻣﻮﺩﻱ ﺣﺘﻰ ﺿﺤﻰ ﺑﺄﻟﻬﺎ ﺣﺘﻰ ﻳﺘﺰﻭﺟﻨﻲ ﺣﺒﻴﺘﻪ ﻟﺪﺭﺟﻪ ﻗﺮﺭﺕ ﺍﻏﻴﺮ ﺩﻳﺎﻧﺘﻲ ﻭﺍﺻﻴﺮ ﻣﺴﻠﻤﻪ ﺣﺘﻰ ﻣﻴﺤﺲ ﺍﻛﻮ ﻓﺮﻕ ﺍﻭ ﺍﺧﺘﻼﻑ ﺑﻴﻨﺎ .. ﻭﻓﻌﻼً ﻋﻠﻲ ﻓﺮﺡ ﻫﻮﺍﻳﻪ ﻣﻦ ﺳﻮﻳﺖ ﻫﺬﺍ ﺍﻟﺸﻲ !
ﺩﺍﻟﻴﺎ .. ﻭﺍﻧﺘﻲ ﺍﺷﻮﻥ ﺗﻌﻮﻓﻴﻦ ﺩﻳﻨﺞ ﺑﺴﻬﻮﻟﻪ ﻳﺎ ﻏﺒﻴﻪ !
ﺳﻠﻤﻰ .. ﺻﺪﻛﻴﻨﻲ ﺩﺍﻟﻴﺎ ﻣﺎﻛﻮ ﺍﻱ ﻓﺮﻕ ﺳﻮﺍﺀ ﻣﺴﻠﻢ ﺍﻭ ﻣﺴﻴﺤﻲ ﺑﺎﻟﺤﺎﻟﺘﻴﻦ ﺭﺑﻨﺎ ﻭﺍﺣﺪ ﻭﻣﺎﺍﻋﺘﻘﺪ ﺍﻟﻲ ﺳﻮﻳﺘﻪ ﻳﻐﻀﺐ ﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﻰ ﺍﺑﺪﺍً .. ﺑﺎﻟﻌﻜﺲ ﺣﺴﻴﺖ ﻧﻔﺴﻲ ﻛﺄﻧﻮ ﺑﻌﺪﻧﻲ ﻧﻔﺲ ﺩﻳﻨﻲ ﻭﻳﻤﻜﻦ ﻣﺘﺼﺪﻛﻴﻦ ﺍﺫﺍ ﻛﻠﺘﻠﺞ ﻫﺴﻪ ﺍﻧﻲ ﻣﺮﺗﺎﺣﻪ ﺍﻛﺜﺮ .
ﺩﺍﻟﻴﺎ .. ﻭﺍﻟﻠﻪ ﻣﺎﺍﻋﺮﻑ ﺷﻨﻮ ﺍﻛﻠﺞ ﺑﻌﺪ ﺍﻟﻲ ﺷﻔﻨﺎ ﺑﺤﻴﺎﺗﻨﻪ ﻛﺮﻫﻨﺎ ﺣﺘﻰ ﺍﻟﺪﻳﻦ ﻭﺍﻟﺘﺪﻳﻦ .
ﺳﻠﻤﻰ .. ﻟﺞ ﻟﺘﺤﺠﻴﻦ ﻫﺸﻜﻞ ﺍﺳﺘﻐﻔﺮﻱ ﺭﺑﺞ ، ﻛﻞ ﻫﺬﺍ ﺍﺧﺘﺒﺎﺭ ﺍﻟﻨﺎ .
ﺩﺍﻟﻴﺎ .. ﻫﻼ ﻫﻼ ﺍﻟﻈﺎﻫﺮ ﺻﺎﻳﺮﻩ ﺭﺟﻞ ﺩﻳﻦ ﻣﻌﺮﻓﺘﺞ ﻭﻟﺞ .
ﺳﻠﻤﻰ .. ﻫﻬﻬﻬﻪ ﺍﻱ ﺷﻌﺒﺎﻟﺞ ﻟﻌﺪ .
ﺩﺍﻟﻴﺎ .. ﺯﻳﻦ ﺳﻠﻤﻰ ، ﺍﺫﺍ ﻫﻮ ﻣﺴﻴﺤﻲ ﻭﺍﻧﺘﻲ ﻣﺴﻠﻤﻪ ﻳﺼﻴﺮ ﺗﺘﺰﻭﺟﻲ؟ !!
ﺳﻠﻤﻰ .. ﻣﺎﺍﻋﺮﻑ ﺑﺼﺮﺍﺣﻪ ﺑﺲ ﻟﻴﺶ ﺩﺗﺴﺄﻟﻴﻦ؟ !
ﺩﺍﻟﻴﺎ .. ﻫﺎﺍ .. ﻻﺍ .. ﻫﻴﺞ .. ﻣﺠﺮﺩ ﺳﺆﺍﻝ ﺍﺟﻪ ﺍﺑﺎﻟﻲ .
ﺑﻬﺬﻱ ﺍﻻﺛﻨﺎﺀ ﺻﺎﺡ ﻋﻠﻲ ﻋﻠﻰ ﺳﻠﻤﻰ .. ﻳﻼ ﺍﺗﺄﺧﺮﻧﺎ .. ﺳﻠﻤﺖ ﻋﻠﻴﻪ ﻭﺭﺍﺣﺖ ﺍﻧﻲ ﻃﺒﻌﺎً ﻣﻄﻠﻌﺖ ﺳﻠﻤﺖ ﻋﻠﻰ ﻋﻠﻲ ﻻﻧﻮ ﻛﻨﺖ ﻣﺴﺘﺤﻴﻪ ﻣﻦ ﻟﺒﺴﻲ ﻭﺧﺎﻳﻔﻪ ﻣﻦ ﻫﺬﺍ ﻻ ﻳﻔﺸﻠﻨﻲ ﻛﺪﺍﻣﻬﻢ .. ﺑﻘﻴﺖ ﺑﻤﻜﺎﻧﻲ !
ﺷﻔﺘﻪ ﻣﻦ ﺍﻟﺸﺒﺎﻙ ﺭﺍﺡ ﻭﻳﺎﻫﻢ ﻳﻮﺻﻠﻬﻢ !
ﺍﻟﺪﻳﻨﺎ ﻛﺎﻧﺖ ﺍﻟﻌﺼﺮ ﻭﺍﻟﺠﻮ ﻳﺨﺒﻞ ﺷﻤﺲ ﻃﺎﻟﻌﻪ ﻭﻫﻮﺍ ﺑﺎﺭﺩ .. ﻫﻮ ﺍﺗﺄﺧﺮ ﻭﻳﺎﻫﻢ ﺍﻟﻈﺎﻫﺮ ﺭﺍﺡ ﺷﻮ ﻭﻭﻳﻦ ، ﻃﻠﻌﺖ ﻟﻠﺤﺪﻳﻘﻪ ﻛﺎﻥ ﺑﻴﻬﺎ ﺍﺷﻮﻥ ﺍﻟﻤﺼﻄﺒﻪ ﺍﻭ ( ﺍﻟﻜﺮﻭﻳﺘﻪ ) ﺧﺸﺐ .. ﺻﻔﻨﺖ ﻭﻧﺴﻴﺖ ﻧﻔﺴﻲ !
ﻓﺠﺄﻩ ﻛﻞ ﺍﻟﺬﻛﺮﻳﺎﺕ ﻣﺮﺕ ﻛﺪﺍﻣﻲ .. ﺷﻨﻮ ﺍﻟﺴﻌﺎﺩﻩ ﺍﻟﻲ ﺷﻔﺘﻬﺎ ﺑﺤﻴﺎﺗﻲ !
ﻃﻔﻮﻟﺘﻲ ﻋﺬﺍﺏ ﻭﻗﻬﺮ ﻣﻦ ﺍﻣﻲ ﻭﺍﺑﻮﻳﻪ ﻭﻣﺸﺎﻛﻠﻬﻢ .... ﺍﻟﻰ ﻫﺬﺍ ﺍﻟﻴﻮﻡ !
ﻋﺎﻓﺘﻨﻲ ﻃﻔﻠﻪ ﺍﻧﻲ ﻭﺍﺧﺘﻲ ﻭﺭﺍﺣﺖ ﺍﻻﻫﻠﻬﺎ !..
ﺍﺑﻮﻳﻪ ﺍﻧﺘﺤﺮ ﻛﺪﺍﻡ ﻋﻴﻨﻲ ﻭﻋﺎﻑ ﺍﺧﺘﻲ ﺑﺮﮔﺒﺘﻲ !..
ﺻﻴﺎﺡ ﺟﺪﻭ ﻋﻠﻴﻨﺎ ﻭﻃﺮﺩﻧﺎ ﺑﺎﻟﺸﺎﺭﻉ !..
ﺭﺟﻌﺖ ﺷﻤﺮﺗﻨﺎ ﻟﻠﻤﻴﺘﻢ ﺑﻼ ﻭﺟﻊ ﮔﻠﺐ !..
ﺍﻟﺪﻳﺮ ﻭﻋﺬﺍﺑﻪ ﺍﻟﻲ ﺷﻔﺘﻪ !
ﺧﺪﻣﺘﻲ ﻭﺫﻟﺘﻲ ﺍﺑﻴﺖ ﺍﻫﻠﻪ !
ﺍﻟﻰ ﻫﺬﺍ ﺍﻟﻴﻮﻡ ﺍﻟﻲ ﺍﻧﺤﻜﻢ ﻋﻠﻴﻪ ﺍﺗﺰﻭﺝ ﺑﻼ ﺍﻱ ﻓﺮﺣﻪ ﻣﻦ ﺷﺨﺺ ﺍﺻﻼً ﻣﻴﺤﺒﻨﻲ ﻭﻻ ﻳﻬﻤﻪ ﻭﺟﻮﺩﻱ !
ﺑﻠﺤﻈﻪ ﻟﻜﻴﺖ ﻧﻔﺴﻲ ﺿﺎﻳﻌﻪ .. ﻭﻛﻞ ﺍﻟﻔﺮﺣﻪ ﺍﻟﻲ ﻛﺎﻧﺖ ﺑﺪﺍﺧﻠﻲ ﻗﺒﻞ ﻛﻢ ﺳﺎﻋﻪ ﺍﺗﺒﺨﺮﺕ !
ﻋﻠﻰ ﻣﻨﻮ ﺍﺿﺤﻚ ﺍﻧﻲ .. ﺍﺳﻴﺪ ﻣﺴﺘﺤﻴﻞ ﻳﺤﺒﻨﻲ ﻭﻻ ﺣﻴﺠﻲ ﻳﻮﻡ ﻳﻔﻜﺮ ﺑﻴﻪ ﻧﻬﺎﺋﻴﺎً .. ﺑﺰﻭﺍﺟﻲ ﻣﻨﻪ ﻛﺴﺮﺕ ﻧﻔﺴﻲ ﻣﻮ ﺍﻛﺜﺮ !
ﻛﻞ ﺍﻟﻲ ﺍﺣﺲ ﺑﻲ ﻭﺟﻊ .. ﻭﺟﻊ ﺑﮕﻠﺒﻲ ﻳﻤﺮﺩ ﺭﻭﺣﻲ ﻣﺮﺩ !
ﺭﻓﻌﺖ ﺭﺟﻠﻴﻪ ﻗﺮﺑﺘﻬﻢ ﻣﻦ ﺻﺪﺭﻱ ، ﺧﻠﻴﺖ ﺭﺍﺳﻲ ﻋﻠﻴﻬﻢ ﻭﺍﻟﺪﻣﻮﻉ ﺗﻨﺎﺯﻉ ﺑﻌﻴﻮﻧﻲ ﺣﺘﻰ ﺗﻨﺰﻝ ... ﺍﻟﻤﻔﺮﻭﺽ ﺍﻟﻴﻮﻡ ﺍﻓﺮﺡ ﺑﻌﺪ ﻣﺎ ﺣﻘﻘﺖ ﺣﻠﻤﻲ ﻭﺗﺰﻭﺟﺖ ﺍﻟﺸﺨﺺ ﺍﻟﻮﺣﻴﺪ ﺍﻟﻲ ﺩﺧﻞ ﮔﻠﺒﻲ ﻭﻣﻠﻜﻪ !
ﺯﻳﻦ ﻟﻮﻳﺶ ﺩﺍﺍﺣﺲ ﺍﻟﻮﺟﻊ ﻳﻨﻬﺶ ﺑﮕﻠﺒﻲ ، ﻟﻮﻳﺶ ﺩﻣﻮﻋﻲ ﺗﺨﺮﮔﻨﻲ ﻣﻦ ﺍﻟﻨﺎﺭ ﺍﻟﻲ ﺑﺪﺍﺧﻠﻲ !
ﺑﻘﻴﺖ ﻉ ﻫﺬﻱ ﺍﻟﺤﺎﻟﻪ ﻣﺎﺍﻋﺮﻑ ﺍﺷﻜﺪ ﺑﺲ ﺍﻧﺘﺒﻬﺖ ﺍﻟﺪﻧﻴﺎ ﻟﻴﻠﺖ ﻭﺑﺪﺕ ﺗﻈﻠﻢ !!
ﻣﺎ ﺭﺟﻌﻨﻲ ﻣﻦ ﺻﻔﻨﺘﻲ ﻏﻴﺮ ﺻﻮﺗﻪ !
ﺍﺳﻴﺪ .. ﺑﻌﺪ ﻣﺎ ﺟﺒﺖ ﺍﻟﺴﻴﺪ ﺭﺟﻌﺖ ﻟﻠﺒﻴﺖ ﺑﺴﺮﻋﻪ ﻻﻥ ﻉ ﺑﺎﻟﻲ ﻋﻠﻲ ﺣﻴﺠﻲ ﻭﺣﺪﻩ ﻣﺮﺩﺗﻬﺎ ﺗﺒﻘﻰ ﻟﺤﺎﻟﻬﺎ .. ﻣﻦ ﻭﺻﻠﺖ ﻟﻜﻴﺖ ﻋﻠﻲ ﻛﺪﺍﻣﻲ ﻭﺟﺎﻳﺐ ﻣﺮﺗﻪ !
ﺑﺎﻟﺒﺪﺍﻳﻪ ﺍﻧﺰﻋﺠﺖ ﻻﻥ ﺍﻧﻲ ﻭﺻﻴﺘﻪ ﻣﻴﻜﻮﻝ ﺍﻻﺣﺪ !
ﺑﺲ ﻫﻮ ﻓﻬﻤﻨﻲ ﺍﻧﻮ ﺯﻭﺟﺘﻪ ﺳﻤﻌﺘﻨﺎ ﻭﺍﺣﻨﺎ ﻧﺤﺠﻲ ﻓﺄﺻﺮﺕ ﺍﻻ ﺗﺠﻲ ﺑﻌﺘﺒﺎﺭ ﺩﺍﻟﻴﺎ ﺑﻤﻘﺎﻡ ﺍﺧﺘﻬﺎ !
ﺳﻜﺘﺖ .. ﻭﺭﺣﺖ ﺍﺻﻴﺤﻬﺎ ... ﺟﺎﻥ ﺗﻨﺰﻝ ﻣﻦ ﺍﻟﺪﺭﺝ ... ﺍﻭﻝ ﻣﺎ ﺷﻔﺘﻬﺎ ﺍﺻﻄﻜﻴﺖ !
ﺟﻤﺎﻝ ﻣﻼﺋﻜﻲ ﻭﻫﺎﺩﺉ .. ﻻﺑﺴﻪ ﻓﺴﺘﺎﻥ ﺣﻠﻮﻭﻭﻭ ﺟﺪﺍً ﻣﺎﺍﻋﺮﻑ ﻣﻨﻴﻦ ﺟﺎﻳﺒﺘﻪ !
ﺑﺲ ﺍﻋﺘﻘﺪ ﻣﻦ ﺳﻠﻤﻰ ﺍﻛﻴﺪ ﻻﻥ ﻣﺸﺎﻳﻔﻪ ﻋﺪﻫﺎ ﻣﻦ ﻗﺒﻞ ﻭﻻ ﻻﺑﺴﺘﻪ !
ﺍﻟﺠﻤﺎﻝ ﺍﻟﻲ ﺷﺎﻳﻠﺘﻪ ﻳﺨﻄﻒ ﺍﻻﻧﻔﺎﺱ ﺑﺤﻴﺚ ﺟﻤﺪﺗﻨﻲ ﺑﻤﻜﺎﻧﻲ .. ﻫﺎﻟﻤﺨﻠﻮﻗﻪ ﻋﺒﺎﺭﻩ ﻋﻦ ﻛﺘﻠﻪ ﻣﻦ ﺍﻟﻨﻌﻮﻣﻪ .. ﻛﻠﺸﻲ ﺑﻴﻬﺎ ﻧﺎﻋﻢ ﻭﺣﻠﻮﻭﻭ !
ﻻﺣﻈﺖ ﺍﻟﺜﻮﺏ ﻛﺎﻥ ﺑﻼ ﺭﺩﻥ ﻭﺻﺪﺭﻩ ﻣﻔﺘﻮﺡ ﺍﻛﺜﺮ ﻣﻦ ﺍﻟﻼﺯﻡ .. ﻭﻫﺬﺍ ﺍﻟﺸﻲ ﻋﺼﺒﻨﻲ ﺑﻼ ﺳﺒﺐ !
ﺷﻲ ﺑﺪﺍﺧﻠﻲ ﺻﺎﺡ ﻋﻠﻴﻬﺎ ﺗﺮﻭﺡ ﺗﻐﻴﺮﻩ !
ﻭﻓﻌﻼً ﺭﻏﻢ ﺍﻋﺘﺮﺍﺽ ﺻﺪﻳﻘﺘﻬﺎ ﻫﻲ ﺑﻼ ﻧﻘﺎﺵ ﺭﺍﺣﺖ ﻏﻄﺖ ﻧﻔﺴﻬﺎ !..
ﺣﻴﻞ ﺍﺭﺗﺎﺣﻴﺖ ﻟﺘﺼﺮﻓﻬﺎ ﻭﻋﺠﺒﺘﻨﻲ ﺍﻛﺜﺮ ﺑﻼ ﻋﻨﺎﺩ .. ﻻﻧﻮ ﻫﻲ ﺑﺎﻟﻌﺎﺩﻩ ﻣﺘﺴﻮﻱ ﺷﻲ ﺑﻼ ﻧﻘﺎﺵ ﺑﺲ ﻛﺪﺍﻡ ﺻﺪﻳﻘﺘﻬﺎ ﻣﺤﺠﺖ ﺷﻲ !
ﺍﻟﻤﻬﻢ
ﻛﻤﻠﻨﺎ ﺍﻟﻌﻘﺪ .. ﺑﺎﺭﻛﻠﻲ ﻋﻠﻲ ﻭﺍﺧﺬ ﻣﺮﺗﻪ ﻭﺭﺍﺡ !
ﺍﻧﻲ ﻫﻢ ﺍﺧﺬﺕ ﺍﻟﺴﻴﺪ ﻭﺻﻠﺘﻪ ﻻﻥ ﺍﻟﻤﺰﺭﻋﻪ ﻛﻠﺶ ﺑﻌﻴﺪﻩ ﻋﻦ ﺑﻴﺘﻪ .. ﺑﺎﻟﺮﺟﻌﻪ ﻣﺮﻳﺖ ﻉ ﺍﻟﻤﻄﻌﻢ ﺟﺒﺖ ﻋﺸﻪ ﻭﺭﺟﻌﺖ ﻟﻠﺒﻴﺖ !!
ﻟﻜﻴﺘﻪ ﻫﺪﻭﻭﻭﻭﺀ ﻭﺍﻇﻠﻢ !
ﺗﻨﺤﻨﺤﺖ .. ﻃﻠﻌﺖ ﺻﻮﺕ .. ﺭﺩﺗﻬﺎ ﺗﺠﻲ ﻣﺎﻛﻮﻭ . .. ﺻﺤﺘﻬﺎ ﺑﺄﺳﻤﻬﺎ ﻫﻢ ﻣﺎﻛﻮ .. ﻭﻳﻦ ﺭﺍﺣﺖ ﻫﺎﻱ !
ﻋﻔﺖ ﺍﻻﻛﻞ ﻉ ﺍﻟﻤﻴﺰ ﻭﺭﺣﺖ ﻟﻠﺤﺪﻳﻘﻪ .. ﺍﻟﺪﻧﻴﺎ ﻟﻴﻞ ﻭﺍﻟﻬﻮﺍ ﺑﺎﺭﺩ ﻣﻦ ﺍﻟﺒﺎﺏ ﻳﺪﺧﻞ !
ﻟﻜﻴﺘﻬﺎ ﻛﺎﻋﺪﻩ ﻉ ﺍﻟﻜﺮﺳﻲ ، ﺻﺎﻓﻨﻪ ﺑﻐﻴﺮ ﻋﺎﻟﻢ ﻭ ﻭﺍﺿﺢ ﺍﻟﺤﺰﻥ ﻋﻠﻰ ﻣﻼﻣﺤﻬﺎ !!
ﺑﺼﻮﺕ ﺟﺎﻣﺪ ﻭﻫﺎﺩﺉ ..
_ ﻟﻴﺶ ﻛﺎﻋﺪﻩ ﻫﻨﺎ ؟ !
ﺩﺍﻟﻴﺎ .. ﻣﺤﺠﻴﺖ ﺷﻲ ﺑﺲ ﺑﺎﻭﻋﺖ ﻋﻠﻴﻪ ﻭﺭﺟﻌﺖ ﺩﺭﺕ ﻭﺟﻬﻲ ﻋﻨﻪ !
ﺍﺳﻴﺪ .. ﺩﺍﻟﻴﺎ؟ !!!
ﺩﺍﻟﻴﺎ .. ﻣﻦ ﻛﺎﻝ ﺍﺳﻤﻲ ﺑﻌﺪ ﻣﻜﺪﺭﺕ ﺍﻛﺘﻢ ﺩﻣﻮﻋﻲ ﻟﺤﺎﻟﻬﻢ ﻧﺰﻟﻮ .. ﺑﺲ ﺑﻘﻴﺖ ﻋﻠﻰ ﻧﻔﺲ ﻫﺪﻭﺋﻲ !
ﺍﺳﻴﺪ .. ﻫﻲ ﺑﺠﺖ ﻭﺍﻧﻲ ﮔﻠﺒﻲ ﺍﺣﺘﺮﻙ !!
ﺩﻣﻮﻋﻬﺎ ﻟﺴﺒﺐ ﻏﺮﻳﺐ ﺗﺤﺮﮔﻨﻲ ﺍﺣﺴﻬﺎ ﺗﻌﺬﺑﻨﻲ .. ﻭﺍﻟﻲ ﺯﻋﺠﻨﻲ ﺍﻛﺜﺮ ﻣﺘﺠﺎﻭﺑﻨﻲ !
_ ﻟﻴﺶ ﺍﻟﺒﺠﻲ؟ !
ﺩﺍﻟﻴﺎ .. ﺑﺼﻮﺕ ﻣﺨﻨﻮﻙ ﻣﻦ ﺑﻴﻦ ﺩﻣﻮﻋﻬﺎ .. ﻭ ﺷﻨﻮ ﺍﻟﻲ ﻣﻴﺒﺠﻲ؟ !!
ﺍﺳﻴﺪ .. ﻛﻠﺘﻠﺞ ﻫﺬﺍ ﺯﻭﺍﺝ ﻉ ﺍﻟﻮﺭﻕ ﻳﻌﻨﻲ ﻣﺮﺍﺡ ﺗﺨﺴﺮﻳﻦ ﺷﻲ !
ﺩﺍﻟﻴﺎ .. ﻭﺷﻨﻮ ﺍﻟﻲ ﺑﻘﻰ ﺣﺘﻰ ﺍﺧﺴﺮﻩ !
ﺍﺳﻴﺪ .. ﻛﺎﻓﻲ ﻟﺘﺒﺠﻴﻦ .
ﺩﺍﻟﻴﺎ .. ﺍﺗﺼﻮﺭ ﺍﻧﻲ ﻣﻦ ﻋﻤﺮﻱ 8 ﺳﻨﻮﺍﺕ ﻟﺤﺪ ﻫﺬﻱ ﺍﻟﻠﺤﻈﻪ ﻣﻌﺮﻓﺖ ﻣﻌﻨﻰ ﻟﻠﺴﻌﺎﺩﻩ .. ﻭﺍﻟﻤﻔﺮﻭﺽ ﺍﻟﻴﻮﻡ ﺍﻓﺮﺡ ﺑﺲ ﺷﻮﻑ ﺣﺎﻟﻲ !
ﺍﺳﻴﺪ .. ﻭﻟﻴﺶ ﻣﺘﻔﺮﺣﻴﻦ؟ !!
ﺩﺍﻟﻴﺎ .. ﺑﺮﺃﻳﻚ ﻟﻤﺎ ﻳﺘﺰﻭﺟﻚ ﺷﺨﺺ ﻏﺼﺒﺎً ﻋﻨﻪ ﻫﺬﺍ ﺷﻲ ﻳﻔﺮﺡ؟ !!
ﺍﺳﻴﺪ .. ﻣﻨﻮ ﻣﺎﻝ ﻏﺼﺒﺎً ﻋﻨﻪ؟ !
ﺩﺍﻟﻴﺎ .. ﺩﺭﺕ ﻭﺟﻬﻲ ﻋﻠﻴﻪ ﺑﻌﺪﻡ ﻓﻬﻢ .. ﻣﻔﻬﻤﺖ !
ﺍﺳﻴﺪ .. ﻳﻤﻜﻦ ﻳﺤﺐ !!!!!
ﻟﻠﺤﻜﺎﻳﻪ ﺑﻘﻴﻪ
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء