رواية في أرض الغرام انت دولتي ج1 الجزء العشرين | النهاية
للكاتبة الأميرة الموسوية
.....
ﺩﺍﻟﻴﺎ .. ﺷﻨﻮﻭﻭ .. ﺷﻨﻮ ﺗﺘﺰﻭﺟﻨﻲ .. ؟ !
ﺍﺳﻴﺪ .. ﺍﻋﺘﻘﺪ ﻭﺍﻓﻘﺘﻲ ﻉ ﺍﻟﺸﺮﻁ ﻗﺒﻞ ﻟﺘﺴﻤﻌﻲ .. ﻳﻌﻨﻲ ﻣﻴﺤﺘﺎﺝ ﺍﺧﺬ ﻣﻮﺍﻓﻘﻪ ﺛﺎﻧﻴﻪ !
ﺩﺍﻟﻴﺎ .. ﺍﻭﻻً ﻣﻜﻨﺖ ﺍﻋﺮﻑ ﻫﺬﺍ ﺣﻴﻜﻮﻥ ﺷﺮﻃﻚ ﻫﺬﺍ ، ﻭﺛﺎﻧﻴﺎً ﻫﺬﺍ ﺍﻟﺸﻲ ﻣﺴﺘﺤﻴﻞ ﻳﺼﻴﺮ ﺍﺑﺪﺍً .
ﺍﺳﻴﺪ .. ﻣﺎﺷﻲ ﻣﻌﻨﺎﻫﺎ ﺧﻠﻲ ﺍﻟﻜﻞ ﻳﻌﺮﻑ ﺍﻧﺘﻲ ﻣﻨﻮ .. ﻭﻣﺒﺮﻭﻙ ﻋﻠﻴﺞ ﻣﻘﺪﻣﺎً .
ﺩﺍﻟﻴﺎ .. ﺍﻧﺖ ﺷﺪﺗﺤﺠﻴﻴﻴﻴﻴﻲ .. ﺍﻧﺖ ﻭﻋﺪﺗﻨﻲ ﻣﺘﻜﻮﻝ ﺍﻻﺣﺪ !
ﺍﺳﻴﺪ .. ﻭﻣﻨﻮ ﻛﻠﺞ ﺍﻧﻲ ﺭﺍﺡ ﺍﻛﻮﻝ ﻟﻮ ﺍﺧﻠﻒ ﻭﻋﺪﻱ ﺍﺻﻼً !!
ﺩﺍﻟﻴﺎ .. ﻣﻔﻬﻤﺖ .. ﻟﻌﺪ ﺍﺷﻮﻥ ﺣﻴﻌﺮﻓﻮﻥ !
ﺍﺳﻴﺪ .. ﺍﻳﻨﺎﺱ ﺍﺫﺍ ﻣﻮ ﺑﺎﺟﺮ ﺍﻟﻲ ﺑﻌﺪﻩ ﺣﺘﻜﻮﻥ ﻛﺪﺍﻣﺞ .. ﻫﻲ ﻛﻞ ﺍﺟﺎﺯﺍﺗﻬﺎ ﺗﺨﻠﺼﻬﺎ ﻳﻤﻨﺎ .. ﻭﺍﻛﻴﺪ ﺍﻣﻲ ﺑﺲ ﺗﻌﺮﻑ ﺑﻴﻬﺎ ﺟﺎﻳﻪ ﺭﺍﺡ ﺗﺮﺟﻊ ﻟﻬﻨﺎ .. ﻭﺍﺫﺍ ﺍﺟﺘﻲ ﺍﻳﻨﺎﺱ ﻭﺷﺎﻓﺘﺞ .... ﺍﺗﺨﻴﻠﻲ ﺷﻨﻮ ﺭﺍﺡ ﺍﺗﻜﻮﻝ ﺍﻻﻣﻲ ﻉ ﺍﻟﻲ ﺻﺎﺭ ﺑﺎﻟﻤﻄﻌﻢ .. ﺍﺳﻴﺪ ﻋﻨﺪﻩ ﻋﻼﻗﻪ ﻭﻳﺎ ﺍﻟﺒﻨﺖ ﺍﻟﻲ ﺗﺸﺘﻐﻞ ﺍﺑﻴﺘﻜﻢ !!
ﺗﺘﻮﻗﻌﻴﻦ ﺍﻣﻲ ﺭﺍﺡ ﺗﺘﻘﺒﻞ ﻫﺬﺍ ﺍﻟﻤﻮﺿﻮﻉ ﻭﺗﺴﻜﺖ !!
ﺍﻇﻦ ﺑﻌﺪﺝ ﺗﺘﺬﻛﺮﻳﻦ ﺍﺧﺮ ﻣﺮﻩ ﺷﺎﻓﺘﺞ ﺑﻐﺮﻓﺘﻲ ﺷﺴﻮﺕ .. ﻓـ ﺑﺮﺃﻳﺞ ﺷﻨﻮ ﺗﺴﻮﻱ ﺍﺫﺍ ﺗﺴﻤﻊ ﺍﻧﻲ ﻭﻳﺎﺝ ﻛﺎﻋﺪﻳﻦ ﺍﺑﻤﻄﻌﻢ ﻭﻟﺤﺎﻟﻨﺎ !.....
ﺑﺪﻭﻥ ﺍﻱ ﻛﻼﻡ ﺭﺍﺡ ﺗﻄﺮﺩﺝ ﻟﻠﺸﺎﺭﻉ ، ﻭﻣﺮﺍﺡ ﺗﺼﺪﻙ ﺑﻴﻨﺎ ﺑﻌﺪ ﻻ ﺍﻧﻲ ﻭﻻ ﺍﻧﺘﻲ ﺣﺘﻰ ﺍﺫﺍ ﻓﺮﺿﻨﺎ ﻓﺮﺿﺎً ﺍﻧﻮ ﺍﻧﺘﻲ ﻓﻌﻼً ﺑﻨﺘﻬﺎ ﻻﻳﻨﺎﺱ ﺭﺍﺡ ﺗﻌﺘﻘﺪ ﻫﺬﻱ ﻟﻌﺒﻪ ﻣﻦ ﻋﺪﻧﺎ .. ﺿﻴﻔﻲ ﺍﻟﻰ ﺫﻟﻚ ﺭﺍﺡ ﺗﺰﻋﻞ ﻣﻨﻲ ﻭﺗﻐﻀﺐ ﻋﻠﻴﻪ .. ﻭﺍﻧﻲ ﻣﺎ ﻋﻨﺪﻱ ﺍﺳﺘﻌﺪﺍﺩ ﻧﻬﺎﺋﻴﺎً ﺍﺧﺴﺮ ﺍﻣﻲ ﻻﻱ ﺳﺒﺐ ﻣﻦ ﺍﻻﺳﺒﺎﺏ ﻭﻻﺟﻞ ﺍﻱ ﺷﺨﺺ !
ﺩﺍﻟﻴﺎ .. ﻫﺎﺍﺍ .. ﺍﻱ .. ﻣﻔﻜﺮﺕ ﺑﻬﺬﺍ ﺍﻟﺸﻲ .. ﺑﺲ .. ﻣﻔﻬﻤﺖ ﺷﻨﻮ ﻋﻼﻗﺔ ﻫﺬﺍ ﺍﻟﻤﻮﺿﻮﻉ ﺑﺄﻧﻚ ﺗﺘﺰﻭﺟﻨﻲ !!
ﺍﺳﻴﺪ .. ﻻﻥ ﻣﺎﺍﻛﺪﺭ ﺍﺑﻘﻴﺞ ﻫﻨﺎ ﺑﻌﺪ .. ﺍﻳﻨﺎﺱ ﻣﺎ ﻻﺯﻡ ﺍﺗﺸﻮﻓﺞ .. ﻓﻤﺎﻛﻮ ﺣﻞ ﻏﻴﺮ ﺍﺧﺬﺝ ﻟﻐﻴﺮ ﻣﻜﺎﻥ ﺣﺘﻰ ﻣﻨﻨﻜﺸﻒ ﺍﻟﻰ ﺍﻥ ﺍﺗﺄﻛﺪ ﻣﻦ ﺳﺎﻟﻔﺘﺞ ، ﻭﺣﺘﻰ ﻧﺒﻘﻰ ﺍﻧﻲ ﻭﻳﺎﺝ ﺑﻤﻜﺎﻥ ﻭﺍﺣﺪ ﻻﺯﻡ ﺍﻋﻘﺪ ﻋﻠﻴﺞ ، ﻻﻧﻮ ﺍﻧﺘﻲ ﺑﻨﺖ ﻭﻣﺮﺍﺡ ﺗﺴﻠﻤﻴﻦ ﻣﻦ ﻛﻼﻡ ﺍﻟﻨﺎﺱ ، ﺍﺿﺎﻓﻪ ﺍﻟﻰ ﺍﻧﻮ ﺍﻟﺸﻴﻄﺎﻥ ﺷﺎﻃﺮ ﻭ ﺣﺮﺍﻡ ﻧﻌﻴﺶ ﺍﻧﻲ ﻭﻳﺎﺝ ﺑﻤﻜﺎﻥ ﻭﺍﺣﺪ ﺑﻼ ﺍﻱ ﺍﺭﺗﺒﺎﻁ .. ﻣﺎﺍﻗﺒﻠﻬﺎ ﻋﻠﻰ ﻧﻔﺴﻲ !
ﺩﺍﻟﻴﺎ .. ﺷﻘﺼﺪﻙ ﻳﻌﻨﻲ ﺣﻴﺼﻴﺮ ﺑﻴﻨﺎ ﺷﻲ؟ !!
ﺍﺳﻴﺪ .. ﺍﻧﺘﻲ ﻏﺒﻴﻪ ﻟﻮ ﺗﺴﺘﻐﺒﻴﻦ؟ !!
ﻛﻞ ﻋﻘﻠﺞ ﺍﻧﻲ ﺍﻓﻜﺮ ﺑﻮﺣﺪﻩ ﻣﺜﻠﺞ !!
ﻟﺞ ﺑﺎﺑﺎ ﺍﻟﻲ ﺩﺍﺍﺳﻮﻱ ﺑﺲ ﺣﺘﻰ ﺍﺗﺄﻛﺪ ﻣﻦ ﻣﻮﺿﻮﻋﺞ ﺍﻧﺘﻲ ﻭﺧﺎﻟﺘﻲ .. ﻭﺑﻌﺪﻫﺎ ﻛﻞ ﻭﺍﺣﺪ ﻳﺮﻭﺡ ﻟﺤﺎﻟﻪ ، ﻳﻌﻨﻲ ﻣﺠﺮﺩ ﺯﻭﺍﺝ ﻉ ﺍﻟﻮﺭﻕ ﻭﺑﺲ ، ﻣﻤﻴﺖ ﻋﻠﻴﺞ .. ﻭﻻ ﺭﺍﺡ ﺍﺗﻘﺮﺑﻠﺞ ﻟﺘﺨﺎﻓﻴﻦ .
ﺩﺍﻟﻴﺎ .. ﻛﻼﻣﻪ ﺳﻴﻮﻑ ﻭﺗﺨﺘﺮﻕ ﮔﻠﺒﻲ .. ﺣﺴﺴﻨﻲ ﺍﻧﻲ ﺯﺑﺎﻟﻪ ﻣﺎ ﺍﻟﻴﻖ ﺑﻲ .. ﻭﻣﺴﺘﺤﻴﻞ ﻳﻔﻜﺮ ﺑﻴﻪ ﺍﺻﻼً .. ﻛﻨﺖ ﻣﻔﻜﺮﻩ ﺍﻧﻮ ﺧﺎﻳﻒ ﻋﻠﻴﻪ ﻭﺩﻳﺮﻳﺪ ﻳﺴﺎﻋﺪﻧﻲ .. ﺭﻏﻢ ﻛﻞ ﺍﻟﻮﺟﻊ ﺍﻟﻲ ﺑﮕﻠﺒﻲ ﺣﺴﻴﺖ ﺑﻔﺮﺣﻪ ﺑﺪﺍﺧﻠﻲ .. ﺑﺲ ﺍﻟﺴﻌﺎﺩﻩ ﻣﺘﻮﺍﻟﻤﻨﻲ ﺍﺑﺪﺍً .. ﻛﻼﻣﻪ ﺍﻟﻲ ﻛﺎﻟﻪ ﻛﺴﺮ ﮔﻠﺒﻲ ﻭﺩﺍﺱ ﻋﻠﻴﻪ !
ﻋﻴﻮﻧﻲ ﺣﺮﻛﺘﻨﻲ ﻣﻦ ﺍﻟﻘﻬﺮ ﻭﺍﻟﺪﻣﻮﻉ ﺗﻮﺳﻠﺘﻨﻲ ﺣﺘﻰ ﺗﻨﺰﻝ ﺑﺲ ﺍﺗﺠﺎﻫﻠﺖ ﻛﻞ ﺍﻻﻟﻢ ﻭﺍﻟﻘﻬﺮ ﺍﻟﻲ ﺣﺴﻴﺘﻪ ﺑﻠﺤﻈﺘﻬﺎ .. ﺑﻴﻨﺖ ﺍﻧﻮ ﻣﻤﻬﺘﻤﻪ ﺍﺻﻼً .. ﺑﺼﻮﺕ ﺟﺎﻣﺪ ﻛﻠﺘﻠﻪ
. .....
ﻭﺍﻧﺖ ﺷﻜﻮ ﻣﻬﺘﻢ ﻟﻬﺪﺭﺟﻪ ﺑﻤﻮﺿﻮﻋﻲ ، ﺳﻮﺍﺀ ﻛﺎﻧﺖ ﺍﻣﻲ ﺍﻭ ﻻ؟ !!!!!
ﺍﺳﻴﺪ .. ﻻﻧﻮ ﻣﻮ ﺍﻧﻲ ﺍﻟﻲ ﻳﻨﻀﺤﻚ ﻋﻠﻴﻪ ﻭﺗﻠﻌﺒﻴﻦ ﺑﻴﻪ ﻭﺍﺳﻜﺘﻠﺞ .. ﺍﺭﻳﺪ ﺍﻋﺮﻑ ﺍﻟﺤﻘﻴﻘﻪ ﺷﻨﻮ .. ﻭﺍﺫﺍ ﻃﻠﻊ ﻛﻼﻣﺞ ﻛﻠﻪ ﻛﺬﺏ ﺻﺪﻛﻴﻨﻲ ﻭﺭﻭﺣﻪ ﺍﻻﺑﻮﻳﻪ ﻣﻴﺨﻠﺼﺞ ﻣﻨﻲ ﻏﻴﺮ ﺍﻟﻤﻮﺕ !
ﺩﺍﻟﻴﺎ .. ﻛﺎﻥ ﻳﺤﺠﻲ ﻭﻳﺎﻱ ﻭﻣﻼﻣﺤﻪ ﻛﻮﻟﻬﺎ ﺍﺗﻐﻴﺮﺕ .. ﻋﻴﻮﻧﻪ ﺍﻇﻠﻤﺖ ﻭﺍﻋﺼﺎﺑﻪ ﺍﺗﺸﻨﺠﺖ .. ﺍﻟﻐﻀﺐ ﻫﻮ ﻛﻞ ﺍﻟﻲ ﺷﻔﺘﻪ ﺑﻮﺟﻬﻪ .. ﺑﺤﻴﺚ ﻣﻦ ﺻﺪﻭﻙ ﺧﻔﺖ ﺍﻧﻮ ﺗﻄﻠﻊ ﻣﻮ ﺍﻣﻲ !
ﺧﻔﺖ ﻟﺪﺭﺟﻪ ﺷﻜﻜﻨﻲ ﺑﺎﻟﺸﻲ ﺍﻟﻮﺣﻴﺪ ﺍﻟﻲ ﻣﺴﺘﺤﻴﻞ ﺍﺷﺘﺒﻪ ﺑﻲ !
ﺳﻜﺘﺖ ﻣﺤﺠﻴﺖ ﺷﻲ ﻻﻧﻮ ﻣﻦ ﺻﺪﻭﻙ ﻧﺒﺮﺓ ﻛﻼﻣﻪ ﻭﺍﻟﺘﻬﺪﻳﺪ ﺧﻠﻮﻧﻲ ﺍﻧﺨﺮﺱ !
ﺑﻬﺬﻱ ﺍﻻﺛﻨﺎﺀ ﺭﻥ ﺟﻬﺎﺯﻩ !..
ﺑﺎﻭﻉ ﻉ ﺍﻟﺘﻠﻴﻔﻮﻥ ﺑﻌﺪﻳﻦ ﻋﺎﻓﻨﻲ ﻭﻃﻠﻊ ﺑﺴﺮﻋﻪ ﻣﺤﺠﻪ ﺷﻲ .. ﻃﻠﻊ ﻟﻠﺤﺪﻳﻘﻪ ﺷﻔﺘﻪ ﻳﺤﺠﻲ ﺑﺎﻟﻤﻮﺑﺎﻳﻞ ﻭ ﻣﻼﻣﺢ ﻭﺟﻬﻪ ﺟﺎﻣﺪﻩ ﻧﻔﺲ ﺍﻟﺘﺠﻬﻢ ﻭﻧﻔﺲ ﺍﻻﻧﺰﻋﺎﺝ ﻋﻠﻰ ﻭﺟﻬﻬﺎ .. ﺻﺎﺭ ﻋﻨﺪﻱ ﻓﻀﻮﻝ ﺍﻋﺮﻑ ﻭﻳﺎ ﻣﻨﻮ ﺩﻳﺤﺠﻲ .. ﻭﻟﻮﻳﺶ ﻃﻠﻊ ﺑﺴﺮﻋﻪ ﻣﻦ ﺷﺎﻑ ﺍﻟﻤﻜﺎﻟﻤﻪ !
ﺑﻘﻴﺖ ﺍﺭﺍﻗﺒﻪ ﻣﻦ ﺍﻟﺸﺒﺎﻙ ﻳﻤﺸﻲ ﺑﺎﻟﺤﺪﻳﻘﻪ ﺫﻫﺎﺏ ﻭﺍﻳﺎﺏ ﻣﻴﺜﺒﺖ ﺑﻤﻜﺎﻧﻪ ﺍﻟﻰ ﺍﻥ ﻗﺠﺄﻩ ﺷﻔﺘﻪ ﺍﺑﺘﺴﻢ !!
ﻭﻛﻒ ﻭﺧﻼ ﺍﻳﺪﻩ ﺑﺠﻴﺒﻪ .. ﺩﻧﻚ ﺭﺍﺳﻪ ﻟﻠﻜﺎﻉ ﻭﺑﻘﻰ ﻳﺤﺮﻙ ﺭﺟﻠﻪ ﺑﺎﻟﺜﻴﻞ ﺍﻟﻲ ﺑﺎﻟﺤﺪﻳﻘﻪ .. ﺩﺧﺖ ﺑﻲ ﺭﺣﺖ ﻟﻐﻴﺮ ﻋﺎﻟﻢ .. ﻣﺎﺍﻋﺮﻑ ﺍﺫﺍ ﻫﻮ ﺣﻠﻮﻭﻭ ﻟﻬﺪﺭﺟﻪ ﻟﻮ ﺍﻧﻲ ﻣﻦ ﻏﺒﺎﺀ ﮔﻠﺒﻲ ﺍﻟﻤﻬﻮﻭﺱ ﺑﻲ ﺩﺍﺍﺷﻮﻓﻪ ﻫﺸﻜﻞ !
ﻛﺎﻥ ﺑﻌﺪﻩ ﻻﺑﺲ ﺑﺪﻟﺘﻪ ﺍﻟﺴﻮﺩﻩ ﺍﻟﻲ ﺭﺍﺡ ﺑﻴﻬﺎ ﻟﻠﻌﺮﺱ .. ﺑﺲ ﻧﺎﺯﻉ ﺍﻟﺠﺎﻛﻴﺖ .. ﻭﺍﻟﻘﻤﻴﺺ ﺭﺍﻓﻊ ﺍﺭﺩﺍﻧﺎﺗﻪ .. ﻋﻀﻼﺗﻪ ﺑﺎﺭﺯﻩ ﻣﻦ ﺍﻟﻘﻤﻴﺺ ﺗﺮﻳﺪ ﺗﻨﻔﺠﺮ .. ﻭﺟﺴﻤﻪ ﺍﻟﻤﺸﺪﻭﺩ ﻳﺪﻭﺥ ﺍﻟﺠﻤﺎﺩ .. ﺷﻌﺮﻩ ﺍﻻﺳﻮﺩ ﻛﺎﻥ ﻧﺎﺯﻝ ﻋﻠﻰ ﻛﺼﺘﻪ ﻛﻢ ﺷﻌﺮﻩ .. ﻭﺍﻟﺸﻴﺐ ﺿﺎﻳﻒ ﻟﻤﺴﻪ ﺭﺯﺍﻧﻪ ﻭﻣﻨﻄﻲ ﻫﻴﺒﻪ ﻭ ﻭﻗﺎﺭ .. ﻭﺍﻧﻲ ﺍﺗﺄﻣﻞ ﺷﻜﻠﻪ ﻭﺍﻟﻮﺳﺎﻣﻪ ﺍﻟﻲ ﻋﻨﺪﻩ ﻣﺤﺴﻴﺖ ﻋﻠﻰ ﻧﻔﺴﻲ ﺍﻧﺘﺒﻬﺖ ﻟﻜﻴﺖ ﺣﻠﻜﻲ ﻣﻔﺘﻮﺡ ﻟﺤﺎﻟﻪ ﻣﻦ ﺍﻟﻤﻨﻈﺮ ﺍﻟﻌﺠﻴﺐ ﺍﻟﻲ ﺩﺍﺍﺷﻮﻓﻪ !..
ﺍﻧﺸﻐﺎﻟﻲ ﺑﺴﻠﻤﻰ ﻭﻟﻬﻔﺘﻲ ﻟﺸﻮﻓﺘﻬﺎ ﻟﻬﺘﻨﻲ ﻋﻦ ﺍﻱ ﺷﻲ ﺛﺎﻧﻲ ﻋﻘﻠﻲ ﻛﺎﻥ ﻛﻮﻟﻪ ﻳﻤﻬﺎ ﺍﺷﻮﻥ ﺣﻘﺎﺑﻠﻬﺎ .. ﻣﺎ ﺍﻧﺴﻰ ﺍﻟﻤﻜﻴﺎﺝ ﻭﺍﻟﺮﻣﻮﺵ ﻣﺨﻠﻮﻧﻲ ﺍﺭﻛﺰ ﺑﻲ .. ﻭﺍﻟﻲ ﻧﺴﺎﻧﻲ ﺍﺳﻤﻲ ﻫﻲ ﺻﺪﻣﻪ ﺍﻟﻲ ﺻﺎﺭﺗﻠﻲ .. ﺑﻴﻦ ﻗﻮﺳﻴﻦ ( ﺍﺑﺪ ﻣﻨﺘﺒﻬﺖ ﻋﻠﻰ ﺍﻟﻜﺎﺋﻦ ﺍﻟﻌﺠﻴﺐ ﺍﻟﻲ ﻛﻨﺖ ﻃﺎﻟﻌﻪ ﻭﻳﺎ )
ﺑﻘﻴﺖ ﺍﺗﺄﻣﻠﻪ ﻭﺍﺣﺲ ﺷﻲ ﺧﻔﻴﻒ ﺑﻨﺺ ﮔﻠﺒﻲ ﺩﻳﻄﻴﺮ .. ﻣﺎﺍﻋﺮﻑ ﺷﻨﻮ ﻭﻻ ﺍﻛﺪﺭ ﺍﻭﺻﻔﻪ .. ﺑﻐﺾ ﺍﻟﻨﻈﺮ ﻋﻦ ﺟﻤﺎﻟﻪ ﻭ ﻭﺳﺎﻣﺘﻪ .. ﺣﻀﻮﺭﻩ ﻭﺷﺨﺼﻴﺘﻪ ﺍﻟﻬﻢ ﻫﻴﺒﻪ ﻛﻮﻩ ﺗﺠﺒﺮﻧﻲ ﺍﻧﺸﺪ ﺍﻟﻪ .. ﻛﻨﺖ ﺍﺑﺎﻭﻋﻠﻪ ﻭﺍﺑﺘﺴﻢ ﺑﻼ ﺳﺒﺐ ﻣﺜﻞ ﺍﻟﻲ ﻳﺒﺎﻭﻉ ﻟﻠﺸﺨﺺ ﺍﻟﻲ ﻳﻤﻠﻚ ﺭﻭﺣﻪ .. ﺍﻟﺸﻲ ﺍﻟﻮﺣﻴﺪ ﺍﻟﻲ ﻳﺴﺘﺤﻖ ﺍﺑﺘﺴﻢ ﺑﻬﻴﺞ ﻇﺮﻑ ﻛﺎﻥ ﻫﻮ !
ﻣﺎﺍﻋﺮﻑ ﺍﺷﻜﺪ ﺑﻘﻰ ﻳﺤﺠﻲ .. ﺑﻌﺪﻳﻦ ﺳﺪ ﺍﻟﻤﻮﺑﺎﻳﻞ ﻭﻃﻠﻊ ﺟﻜﺎﺭﻩ .. ﺑﻘﻰ ﻳﺪﺧﻦ ﺍﻛﺜﺮ ﻣﻦ ﻣﺮﻩ ... ﻟﻤﺎ ﻛﻤﻠﺖ ﻃﻔﺎﻫﺎ ﻭﺩﺧﻞ ﻟﻠﺒﻴﺖ !!
ﺍﻧﻲ ﺑﺴﺮﻋﻪ ﺷﻠﺖ ﺍﻟﺼﻴﻨﻴﻪ ﻭﺭﺣﺖ ﻟﻠﻤﻄﺒﺦ .. ﺳﻮﻳﺖ ﻧﻔﺴﻲ ﺩﺍﺍﻋﺰﻝ ﺑﻴﻬﺎ ، ﺑﺲ ﮔﻠﺒﻲ ﺍﺣﺴﻪ ﺩﻳﺮﺟﻒ ﻣﺎﺍﻋﺮﻑ ﻟﻮﻳﺶ !
ﻛﻮﻟﻤﺎ ﺍﺷﻮﻓﻪ ﺩﻳﺠﻲ ﻭﺣﺸﻮﻓﻪ ﮔﻠﺒﻲ ﻳﺼﻴﺮ ﻳﺮﺟﻒ ﻣﺜﻞ ﺍﻟﺴﻌﻔﻪ .. ﻭ ﻭﺟﻬﻲ ﺍﺣﺴﻪ ﻳﺼﺨﻦ ﻧﺎﺭ ﻳﺼﻴﺮ !..
ﺍﻟﻤﻬﻢ ..
ﺳﻤﻌﺘﻪ ﺩﺧﻞ ﻣﻦ ﺻﻮﺕ ﺍﻟﺒﺎﺏ ﺍﻟﺨﺎﺭﺟﻲ .. ﺍﻧﻲ ﻋﺰﻟﺖ ﺍﻟﺼﻴﻨﻴﻪ ﻭﻏﺴﻠﺖ ﺍﻟﺼﺤﻦ .. ﻟﻜﻴﺖ ﺍﻟﻤﻄﺒﺦ ﻧﻈﻴﻒ ﻭﻻ ﻉ ﺑﺎﻟﻚ ﺍﺣﺪ ﻃﺎﺑﺦ !
ﻫﺎﻱ ﻟﻮ ﺍﻧﻲ ﺟﺎﻥ ﻭﺻﻠﺖ ﺍﻟﻬﻮﺳﻪ ﻟﻠﺴﻘﻒ .. ﺭﺟﻌﺖ ﻛﻮﻟﺸﻲ ﺑﻤﻜﺎﻧﻪ ﻭﻏﺴﻠﺖ ﺍﺩﻳﻪ .. ﺍﻧﺪﺍﺭﻳﺖ ﺩﺍﺍﺭﻳﺪ ﺍﻃﻠﻊ ﻭﺟﺎﻥ ﺍﺷﻮﻓﻪ ﻭﺍﻛﻒ ﻛﺪﺍﻣﻲ ﻣﺮﺗﻜﻲ ﻉ ﺑﺎﺏ ﺍﻟﻤﻄﺒﺦ ﻭﻣﻜﺘﻒ ﺍﻳﺪﻳﻪ ﻋﻠﻰ ﺻﺪﺭﻩ .. ﺍﻧﻲ ﻣﻦ ﺷﻔﺘﻪ ﻓﺰﻳﺖ ﻣﻜﻨﺖ ﻣﺘﻮﻗﻌﻪ ﻭﺍﻛﻒ ﻫﻨﺎ ، ﻻﻧﻮ ﺍﺻﻼً ﻣﺤﺴﻴﺖ ﺑﻲ ، ﺑﺼﻮﺗﻪ ﺍﻟﺠﺎﻣﺪ ﺳﺄﻟﻨﻲ
......
ﺍﺳﻴﺪ .. ﻟﻤﺎ ﻛﻨﺖ ﺩﺍﺍﺣﺠﻲ ﻭﻳﺎﻫﺎ ﺍﺗﺼﻠﺖ ﻋﻠﻴﻪ ﺧﺎﻟﺘﻲ !
ﻣﻦ ﺷﻔﺖ ﺍﺳﻤﻬﺎ ﺍﺧﺬﺕ ﺍﻟﻤﻮﺑﺎﻳﻞ ﻭﻃﻠﻌﺖ ﺑﺴﺮﻋﻪ ، ﻣﺮﺩﺗﻬﺎ ﺗﻌﺮﻑ ﺍﻧﻮ ﺍﻟﻲ ﺩﺗﺘﺼﺪ ﺍﻳﻨﺎﺱ ﻻﻧﻮ ﻫﻲ ﺑﺲ ﺗﺴﻤﻊ ﺑﺄﺳﻤﻬﺎ ﻣﺎ ﺍﺩﺭﻱ ﺷﻴﺼﻴﺮ ﺑﻴﻬﺎ .. ﺍﻧﻮﺏ ﺗﺴﻤﻊ ﺻﻮﺗﻬﺎ ﻭﺗﺠﻴﻬﺎ ﺍﻟﺤﺎﻟﻪ ﻣﺎ ﺍﻟﻲ ﺧﻠﻚ .. ﻃﻠﻌﺖ ﻟﻠﺤﺪﻳﻘﻪ ﻭﺟﺎﻭﺑﺘﻬﺎ ..
ﺍﻳﻨﺎﺱ .. ﻫﺎﻱ ﻭﻳﻨﻚ ﺍﺳﻴﺪ ﺍﺷﻜﺪ ﺍﺗﺼﻠﺖ ﺑﻴﻚ ﻟﻴﺶ ﻣﺘﺠﺎﻭﺏ ، ﻇﻞ ﺑﺎﻟﻲ ﻳﻤﻌﻮﺩ ﺧﻔﺖ ﺻﺎﺭﻟﻚ ﺷﻲ !
ﺍﺳﻴﺪ .. ﺑﺼﻮﺕ ﻣﺰﻋﻮﺝ .. ﻣﺎﻛﻮ ﺷﻲ ﺑﺲ ﺍﻟﺠﻬﺎﺯ ﻛﺎﻥ ﺳﺎﻳﻠﻨﺖ ﻣﻨﺘﺒﻬﺖ ﻋﻠﻴﻪ !
ﺍﻳﻨﺎﺱ .. ﻃﻤﻨﻲ ﺍﺷﻠﻮﻥ ﺻﺎﺭﺕ ﺍﻟﺒﻨﻴﻪ ﺍﻟﻲ ﻭﻳﺎﻙ ، ﺍﻥ ﺷﺎﺀ ﺍﻟﻠﻪ ﺍﺣﺴﻦ؟ !
ﺍﺳﻴﺪ .. ﺗﻤﺎﻡ ﺍﻟﺤﻤﺪﻟﻠﻪ .
ﺍﻳﻨﺎﺱ .. ﺍﻟﺤﻤﺪﻟﻠﻪ .. ﺧﻔﺖ ﻫﻮﺍﻱ ﻋﻠﻴﻚ ﻣﻦ ﺷﻔﺘﻬﺎ ﺍﺷﻠﻮﻥ ﺍﺗﻌﺎﺭﺿﺖ ﻓﺠﺄﻩ ﻛﻠﺖ ﻟﻴﺮﻭﺡ ﻳﺼﻴﺮ ﺑﻴﻬﺎ ﺷﻲ ﻭﺗﺒﺘﻠﻲ ﺍﻧﺖ .
ﺍﺳﻴﺪ .. ﻭﺍﻧﻲ ﻉ ﺑﺎﻟﻲ ﺧﻔﺘﻲ ﻋﻠﻴﻬﺎ ﻭﺩﺗﺴﺄﻟﻴﻦ !
ﺩﺍﻟﻴﺎ .. ﻟﻴﺶ ﻟﻬﺪﺭﺟﻪ ﺗﻬﻤﻚ؟ !!
ﺍﺳﻴﺪ .. ﻣﺘﻬﻤﻨﻲ ﻭﻻ ﺷﻲ ، ﺑﺲ ﻫﻲ ﺍﻟﻲ ﺗﺨﺮﺑﻄﺖ ﻣﻮ ﺍﻧﻲ ﻓﺘﻮﻗﻌﺘﺞ ﺩﺗﺘﻄﻤﻨﻴﻦ ﻋﻠﻴﻬﺎ .
ﺍﻳﻨﺎﺱ .. ﺑﺼﺮﺍﺣﻪ ﺧﻔﺖ ﻋﻠﻴﻚ ﻟﺘﺘﻮﺭﻁ ﻭﻳﻬﺎ .. ﺻﺪﻭﻙ ﻣﻜﻠﺘﻠﻲ ﺍﻧﺖ ﻣﻦ ﻭﻳﻦ ﺗﻌﺮﻓﻬﺎ؟ !!
ﺍﺳﻴﺪ .. ﻛﻠﺘﻠﺞ ﻣﺠﺮﺩ ﺗﺴﻠﻴﻪ ﻣﻮ ﺍﻛﺜﺮ ، ﺗﻌﺮﻓﻴﻨﻲ ﺯﻳﻦ ﺍﻧﻲ ﺷﻨﻮ !
ﺍﻳﻨﺎﺱ .. ﻻﻧﻮ ﺍﻋﺮﻓﻚ ﺍﻧﺖ ﺷﻨﻮ ﻭﺍﺷﻜﺪ ﺗﻜﺮﻩ ﺍﻟﻨﺴﻮﺍﻥ ﺍﺳﺘﻐﺮﺑﺖ ﻣﻦ ﺷﻔﺘﻬﺎ ﻭﻳﺎﻙ ﻟﺬﻟﻚ ﺳﺄﻟﺘﻚ ، ﺑﺲ ﺗﺮﻳﺪ ﺍﻟﺼﺪﻭﻙ ﺍﻟﺒﻨﻴﻪ ﻋﻠﻴﻬﺎ ﺟﻤﺎﻝ ﻣﺼﺎﻳﺮ ، ﻉ ﺑﺎﻟﻚ ﻟﻌﺎﺑﻪ ﻣﻮ ﺑﺸﺮ !
ﺍﺳﻴﺪ .. ﻣﻦ ﻛﺎﻟﺖ ﻫﺸﻜﻞ ﻣﺎﺍﻋﺮﻑ ﺷﻨﻮ ﺍﻟﻲ ﺧﻼﻧﻲ ﺍﺑﺘﺴﻢ .. ﻓﺠﺄﻩ ﺍﺗﺬﻛﺮﺗﻬﺎ ﻣﻦ ﻛﺎﻧﺖ ﺗﺄﻓﺄﻓﻔﻒ ﺑﺎﻟﺴﻴﺎﺭﻩ ﻭﻣﻨﺰﻋﺠﻪ ﻣﻦ ﺍﻟﻤﻜﻴﺎﺝ ، ﻟﻜﻴﺖ ﻧﻔﺴﻲ ﻻ ﺍﺭﺍﺩﻳﺎً ﺍﺑﺘﺴﻢ !!
_ ﻣﻮ ﺍﺣﻠﻰ ﻣﻨﺞ ﺍﻛﻴﺪ ﺧﺎﻟﺘﻲ ﺍﻟﻌﺰﻳﺰﻩ !
ﺍﻳﻨﺎﺱ .. ﻫﻬﻬﻪ ﻻ ﻭﻟﻚ ﺍﺣﻠﻰ ﻣﻨﻲ ﻟﺘﺠﺎﻣﻞ .. ﺍﻧﻲ ﺭﺍﺣﺖ ﻋﻠﻴﻪ ﺑﻌﺪ !
ﺍﺳﻴﺪ .. ﻻ ﻣﺎﻛﻮ ﺷﻲ ﻳﺮﻭﺡ ، ﺣﺘﻰ ﺍﺫﺍ ﻛﺒﺮ ﺷﻜﻞ ﺍﻻﻧﺴﺎﻥ ﻭﺗﻐﻴﺮﺕ ﻣﻼﻣﺤﻪ ﻳﺒﻘﻰ ﺍﻟﺠﻮﻫﺮ ﻧﻔﺴﻪ ، ﻭﺍﻟﺮﻭﺡ ﻧﻔﺴﻬﺎ .
ﺍﻳﻨﺎﺱ .. ﻫﺎﻱ ﺷﻨﻮﻭﻭ ﺻﺎﻳﺮ ﺷﺎﻋﺮ ﻭﺗﻜﻮﻝ ﺣﻜﻢ ، ﻻﺍﺍﺍﺍ ﺷﻜﻠﻬﺎ ﺍﻟﺤﻠﻮﻩ ﺍﻣﺜﺮ ﻣﻦ ﺗﺴﻠﻴﻪ ، ﻻﻧﻮ ﺩﺍﺍﺷﻮﻑ ﻫﻮﺍﻱ ﺗﻐﻴﻴﺮﺍﺕ ﻋﻠﻴﻚ ، ﺩﺍﺍﺣﺴﻚ ﺍﺳﻴﺪ ﺛﺎﻧﻲ ﻣﻮ ﻧﻔﺴﻪ ﺍﺑﻦ ﺍﺧﺘﻲ !
ﺍﺳﻴﺪ .. ﺑﺼﺮﺍﺣﻪ ﻧﻔﺲ ﺍﻟﺸﻌﻮﺭ ﺩﻳﻨﺘﺎﺑﻨﻲ .. ﺩﺍﺍﺣﺴﺞ ﻣﻮ ﺧﺎﻟﺘﻲ ﺍﻳﻨﺎﺱ ﺍﻟﻲ ﺍﻋﺮﻓﻬﺎ !
ﺍﻳﻨﺎﺱ .. ﻣﻔﻬﻤﺖ ﺷﺘﻘﺼﺪ؟ !
ﺍﺳﻴﺪ .. ﻗﺼﺪﻱ ﺣﻠﻴﺎﻧﻪ ﺍﻛﺜﺮ !
ﺍﻳﻨﺎﺱ .. ﻫﻬﻬﻬﻬﻪ ﺍﻭﻭﻭﻑ ﻣﻨﻚ ﺍﻧﺖ ﻣﻦ ﺻﻐﺮﻙ ﻣﺘﻨﺤﺰﺭ ، ﺧﻠﻲ ﺍﺭﻭﺡ ﺍﺷﻮﻑ ﺭﺟﻠﻲ ﺷﻴﺮﻳﺪ ﺍﻧﺖ ﺍﻟﻜﻼﻡ ﻭﻳﺎﻙ ﻣﻴﻮﻛﻞ ﺧﺒﺰ .
ﺍﺳﻴﺪ .. ﺑﺎﻟﺴﻼﻣﻪ .
ﺭﺍﺣﺖ ﺧﺎﻟﺘﻲ ﻭﺍﻧﻲ ﺍﻟﻒ ﺳﺆﺍﻝ ﻭﻓﻜﺮﻩ ﺗﺪﻭﺭ ﺍﺑﺎﻟﻲ .. ﻣﺪﺍﺍﻛﺮﺩ ﺍﺳﺘﻮﻋﺐ ﺍﻟﻲ ﻛﺎﻟﺘﻪ ﻫﺬﻱ .. ﻣﻌﻘﻮﻟﻪ ﺧﺎﻟﺘﻲ ﺍﻳﻨﺎﺱ ﻛﺎﻧﺖ ﻣﺘﺰﻭﺟﻪ ﻭ ﻋﻨﺪﻫﺎ ﺑﻨﺖ ﻭﻣﺤﺪ ﻳﺪﺭﻱ؟ !!
ﺩﺧﺖ ﺩﺧﺖ ﻣﻦ ﺻﺪﻙ ﻭﺍﻧﻲ ﺍﻓﺮ ﻫﺬﻱ ﺍﻻﻓﻜﺎﺭ ﺑﺮﺍﺳﻲ .. ﺑﻘﻴﺖ ﺑﺎﻟﺤﺪﻳﻘﻪ ﻭﺍﻛﻒ ﻭﺍﺩﺧﻦ ﺍﻟﻰ ﺍﻥ ﺍﺟﻪ ﺳﺆﺍﻝ ﻋﻠﻰ ﺑﺎﻟﻲ ﺣﻴﻞ ﻏﺮﻳﺐ ﻭﻗﻄﻌﻲ !..
ﻃﻔﻴﺖ ﺍﻟﺠﻜﺎﺭﻩ ﻭﺩﺧﻠﺖ ﻛﺒﻞ ﻟﻠﺒﻴﺖ .. ﺑﺎﻭﻋﺖ ﺑﺎﻟﺼﺎﻟﻪ ﻣﻠﻜﻴﺘﻬﺎ .. ﺳﻤﻌﺖ ﺣﺮﻛﻪ ﺑﺎﻟﻤﻄﺒﺦ .. ﺭﺣﺖ ﻟﻜﻴﺘﻬﺎ ﺩﺗﻌﺰﻝ ﺑﺼﻴﻨﻴﺔ ﻏﺪﺍﻫﺎ .. ﺑﻘﻴﺖ ﻭﺍﻛﻒ ﺍﺗﺄﻣﻠﻬﺎ .. ﺍﻟﻲ ﻳﺸﻮﻓﻬﺎ ﻫﺴﻪ ﺑﻬﺬﺍ ﺍﻟﻬﺪﻭﺀ ﻣﻴﻜﻮﻝ ﻫﺬﻱ ﻧﻔﺴﻬﺎ ﺍﻟﻲ ﺗﺨﺒﻠﺖ ﻋﻠﻴﻪ ﻣﺮﺗﻴﻦ ﺍﻟﻴﻮﻡ !
ﺷﻌﺮﻫﺎ ﻛﺎﻥ ﻧﺎﺯﻝ ﻋﻠﻰ ﺿﻬﺮﻫﺎ ﺑﺸﻜﻞ ﻳﺪﻭﺥ .. ﻭﺍﻟﺘﺮﺍﻙ ﺍﻟﻲ ﻻﺑﺴﺘﻪ ﻣﺨﺼﺮ ﺟﺴﻤﻬﺎ ﻛﻞ ﺗﻔﺎﺻﻴﻠﻪ ﺑﺎﺭﺯﻩ .. ﻫﺬﻱ ﻟﻮ ﺗﺮﻳﺪ ﺍﺗﺨﺒﻠﻨﻲ ﻟﻮ ﺍﻧﻲ ﻓﻌﻼً ﺍﺗﺨﺒﻠﺖ .. ﻟﻴﺶ ﻟﻤﺎ ﺍﺷﻮﻓﻬﺎ ﺍﺭﻭﺡ ﻟﻐﻴﺮ ﻋﺎﻟﻢ ﻭﺍﻧﺴﻄﺮ !
ﺑﻘﻴﺖ ﻭﺍﻛﻒ ﻭﺻﺎﻓﻦ ﻋﻠﻴﻬﺎ ﺍﺷﻠﻮﻥ ﺗﺘﺤﺮﻙ ﺑﻬﺪﻭﺀ ﻭﻻ ﻛﺄﻧﻬﺎ ﻣﺮ ﻋﻠﻴﻬﺎ ﺍﻛﺒﺮ ﺻﺪﻣﻪ ﺑﺤﻴﺎﺗﻬﺎ ﺍﺫﺍ ﺣﺴﻲ ﻛﻼﻣﻬﺎ ﺍﻳﻨﺎﺱ ﺍﻣﻬﺎ؟ !!
ﻓﺠﺄﻩ ﺍﻟﺘﻔﺘﺖ ﻋﻠﻴﻪ .. ﺍﻧﺤﺮﺟﺖ ﻣﺮﺩﺗﻬﺎ ﺗﻔﻜﺮ ﺩﺍ ﺍﺑﺎﻭﻋﻬﺎ ﻻﻧﻮ ﻫﻴﺞ ﺷﻲ ﻳﻨﺮﻓﺰﻧﻲ ، ﻭﺍﻧﻲ ﺍﺻﻼً ﻣﺎ ﺑﻨﻴﺘﻲ ﺍﺑﺎﻭﻉ ﻋﻠﻴﻬﺎ ﺑﺲ ﻫﻲ ﺑﻴﻬﺎ ﺷﻲ ﻏﺮﻳﺐ ﻳﺨﻠﻴﻨﻲ ﻣﺎ ﺍﺷﻴﻞ ﻋﻴﻨﻲ ﻋﻨﻬﺎ ﻣﻦ ﺍﺷﻮﻓﻬﺎ !..
ﺣﺎﻭﻟﺖ ﺍﺗﻼﻓﻰ ﺍﻟﻲ ﺻﺎﺭ ﺑﺴﺮﻋﻪ .. ﺑﺼﻮﺕ ﺟﺎﻣﺪ ﺳﺄﻟﺘﻬﺎ
.......
ﺍﻧﺘﻲ ﻣﺴﻴﺤﻴﻪ؟ !!!
ﺩﺍﻟﻴﺎ .. ﺑﻠﻲ ﻣﺴﻴﺤﻴﻪ !
ﺍﺳﻴﺪ .. ﻳﻌﻨﻲ ﻗﺼﺪﻱ ﺻﺮﺗﻲ ﻣﺴﻴﺤﻴﻪ ﻣﻦ ﻋﺸﺘﻲ ﺑﺎﻟﻤﻴﺘﻢ ﻟﻮ ﺍﻧﺖ ﺍﺻﻼً ﻣﻦ ﻗﺒﻞ ﻣﺘﻌﻮﻓﻜﻢ ﺍﻣﺞ ﻣﺴﻴﺤﻴﻪ؟ !
ﺩﺍﻟﻴﺎ .. ﻣﺎﺍﻋﺮﻑ ﻛﻨﺖ ﺻﻐﻴﺮﻩ .. ﺑﺲ ﻭﺍﻧﻲ ﻃﻔﻠﻪ ﻟﻤﺎ ﺑﺎﺑﺎ ﻛﺎﻧﻦ ﻋﺎﻳﺶ ﺍﺗﺬﻛﺮ ﻛﻨﺎ ﺍﻧﺮﻭﺡ ﻟﺒﻨﺎﻳﻪ ﻋﺎﻟﻴﻪ ﻛﻞ ﺳﺒﺖ ﻳﺎﺧﺬﻧﻪ ﺍﻧﻲ ﻭﻣﺎﻣﺎ ﻭﻫﻮ ﺍﻧﺼﻠﻲ ﻭﻧﺸﻌﻞ ﺷﻤﻌﺎﺕ ﻭﻧﺮﺟﻊ .. ﻣﻜﻨﺖ ﺍﻋﺮﻓﻬﺎ ﺷﻨﻮ ﺑﺲ ﺑﻌﺪﻳﻦ ﻟﻤﺎ ﻛﺒﺮﺕ ﻭﻋﺸﺖ ﺑﻴﻬﺎ ﻋﺮﻓﺘﻬﺎ ﻛﻨﻴﺴﻪ .. ﻧﻔﺲ ﺍﻟﻲ ﻛﻨﺖ ﺍﻧﺮﻭﺣﻠﻬﺎ ﻭﻳﺎ ﻣﺎﻣﺎ ﻭﺑﺎﺑﺎ .
ﺍﺳﻴﺪ ﻣﻌﻨﺎﻫﺎ ﺍﻧﺘﻲ ﺍﺻﻠﺞ ﻣﺴﻴﺤﻴﻪ !!
ﺩﺍﻟﻴﺎ .. ﺑﻠﻲ .
ﺍﺳﻴﺪ .. ﻟﻌﺪ ﺍﺷﻠﻮﻥ ﺍﻳﻨﺎﺱ ﺍﻣﺞ ، ﻫﻲ ﻣﺴﻠﻤﻪ ﻣﺜﻠﻨﺎ .. ﺍﺷﻠﻮﻥ ﺗﺼﻴﺮ ﺍﻣﺞ ﻭﺍﻧﺘﻲ ﻋﻠﻰ ﻏﻴﺮ ﺩﻳﺎﻧﻪ؟ !
ﺩﺍﻟﻴﺎ .. ﻣﺎﺍﻋﺮﻑ .. ﺑﺲ ﺍﻋﺘﻘﺪ ﻣﺎﻣﺎ ﻣﻮ ﻣﺴﻴﺤﻴﻪ ﻻﻧﻮ ﻟﻤﺎ ﻛﻨﺎ ﺍﻧﺮﻭﺡ ﻟﺒﻴﺖ ﺟﺪﻭ ﻭﺍﻧﻲ ﺻﻐﻴﺮﻩ ، ﺟﺪﻭ ﺍﺑﻮ ﻣﺎﻣﺎ ﻣﻴﻘﺒﻞ ﺍﺩﺧﻞ ﻟﻠﺒﻴﺖ .. ﻛﻨﺖ ﺍﺳﻤﻌﻪ ﻳﺼﻴﺢ ﻋﻠﻰ ﻣﺎﻣﺎ ﻭﻳﻜﻮﻟﻠﻬﺎ ﻣﺘﺪﺧﻠﻴﻦ ﻧﺎﺱ ﻛﻔﺮﻩ ﻟﺒﻴﺘﻲ !!
ﺷﻨﻮ ﻛﺎﻥ ﻳﻘﺼﺪ ﻣﺎﺍﻋﺮﻑ ، ﺑﺲ ﺍﻟﻲ ﺍﻋﺮﻓﻪ ﺍﻧﻮ ﻛﺎﻥ ﻳﻜﺮﻫﻨﺎ ﺍﻧﻲ ﻭﺑﺎﺑﺎ ﺣﺘﻰ ﻣﺎﻣﺎ ﻛﺎﻥ ﻳﻄﺮﺩﻫﺎ ﻣﻦ ﺍﻟﺒﻴﺖ ﻣﺮﺍﺕ ﻣﻦ ﺍﻧﺮﻭﺡ .. ﺍﺗﺬﻛﺮ ﻛﻨﺎ ﻋﺎﻳﺸﻴﻦ ﺍﺑﻴﺖ ﺑﺴﻴﻂ ﻭﺣﺎﻟﺘﻨﺎ ﺿﻌﻴﻔﻪ ﻻﻧﻮ ﻣﺎﻣﺎ ﺩﺍﺋﻤﺎً ﺗﺘﻌﺎﺭﻙ ﻭﻳﺎ ﺑﺎﺑﺎ ﻋﻠﻰ ﻣﻮﺩ ﺍﻟﻔﻠﻮﺱ ، ﻭﺑﺎﻟﻨﻬﺎﻳﻪ ﻳﻀﺮﺑﻬﺎ ﻓﺘﺮﻭﺡ ﻟﺒﻴﺖ ﺟﺪﻭ ﺣﺘﻰ ﺗﺎﺧﺬ ﻣﻨﻬﻢ ﻭﻫﻢ ﻳﻄﺮﺩﻭﻫﺎ .
ﺍﺳﻴﺪ .. ﺍﻧﺘﻲ ﺍﺷﻠﻮﻥ ﺗﺘﺬﻛﺮﻳﻦ ﻛﻞ ﻫﺬﻱ ﺍﻻﺷﻴﺎﺀ ﻭﺍﻧﺘﻲ ﻃﻔﻠﻪ؟ !!
ﺩﺍﻟﻴﺎ .. ﻋﻤﺮﻱ ﻛﺎﻥ 7 ﺳﻨﻮﺍﺕ ﻳﻌﻨﻲ ﺍﻓﻬﻢ ﻛﻮﻟﺸﻲ ﺑﺲ ﻛﻨﺖ ﺍﺷﻮﻑ ﺑﻼ ﻣﺎﺍﻋﺮﻑ ﺷﻨﻮ ﺍﻟﺴﺒﺐ ﻣﺠﺮﺩ ﺍﺷﻴﺎﺀ ﻭﺫﻛﺮﻳﺎﺕ ﺑﻘﺖ ﺍﺑﺎﻟﻲ ﻭﻟﻤﺎ ﻛﺒﺮﺕ ﺑﺪﻳﺖ ﺍﻛﻮﻥ ﺍﻓﻜﺎﺭ ﻣﻨﻬﻢ .. ﻋﺴﻰ ﻭﻟﻌﻞ ﺍﻟﻜﻰ ﻋﺬﺭ ﻻﻣﻲ ﻉ ﺍﻟﻲ ﺳﻮﺗﻪ !
ﺍﺳﻴﺪ .. ﻣﻦ ﻛﻼﻣﺞ ﺍﻧﻮ ﺍﺑﻮﺝ ﻫﻮ ﺍﻟﻤﺴﻴﺤﻲ ، ﻭﺍﻣﺞ ﻋﻠﻰ ﻏﻴﺮ ﺩﻳﺎﻧﻪ ، ﺍﺣﺘﻤﺎﻝ ﻫﻮ ﻫﺬﺍ ﺳﺒﺐ ﻃﺮﺩ ﺟﺪﺝ ﻻﻣﺞ ﻣﻦ ﺍﻟﺒﻴﺖ !
ﺩﺍﻟﻴﺎ .. ﻛﻠﺘﻠﻚ ﻛﻞ ﺍﻟﻲ ﺍﻋﺮﻓﻪ .. ﻭﺍﻛﺜﺮ ﻣﻦ ﻫﺬﺍ ﻣﺎﺍﻋﺮﻑ .
ﺍﺳﻴﺪ .. ﺗﻤﺎﻡ .. ﻫﺴﻪ ﺭﻭﺣﻲ ﺣﻀﺮﻱ ﻏﺮﺍﺿﺞ ﺧﻠﻲ ﺍﻧﺮﻭﺡ ﻗﺒﻞ ﻻ ﻳﺠﻲ ﺍﺣﺪ .
ﺩﺍﻟﻴﺎ .. ﻭﻳﻦ؟ !
ﺍﺳﻴﺪ .. ﻟﺒﺎﺭﻳﺲ .
ﺩﺍﻟﻴﺎ .. ﺷﻨﻮ !!
ﺍﺳﻴﺪ .. ﺍﻣﺸﻲ ﺣﻀﺮﻱ ﺟﻨﻄﺘﺞ ﺑﺴﺮﻋﻪ ﺧﻤﺲ ﺩﻗﺎﻳﻖ ﺍﻟﻜﺎﺝ ﺑﺎﻟﺴﻴﺎﺭﻩ .
ﺩﺍﻟﻴﺎ .. ﺑﺲ ﺍﻧﻲ ﻣﻮﺍﻓﻘﺖ ﻋﻠﻰ ﺷﺮﻃﻚ !
ﺍﺳﻴﺪ .. ﺩﺭﺕ ﻭﺟﻬﻲ ﻭﻣﺸﻴﺖ .. ﺑﺮﺍﺣﺘﺞ .. ﺍﻧﻲ ﻃﺎﻟﻊ ﻭﺍﻧﺘﻲ ﺣﺎﻭﻟﻲ ﺗﻔﻜﺮﻳﻦ ﺑﻤﻜﺎﻥ ﺗﺮﻭﺣﻴﻠﻪ ﻟﻤﺎ ﺗﺠﻲ ﺍﻣﻲ ﻭﺍﻳﻨﺎﺱ .
ﺩﺍﻟﻴﺎ .. ﻟﺤﻈﻪ .. ﻟﺤﻈﻪ .. ﻭﻳﻦ ﺭﺍﻳﺢ ﺍﻭﻛﻒ ﻭﺍﺳﻤﻌﻨﻲ ﺍﺫﺍ ﻣﻤﻜﻦ .
ﺍﺳﻴﺪ .. ﻣﺎ ﻋﻨﺪﻱ ﻭﻗﺖ ﺍﺿﻴﻌﻪ ﺑﺘﻔﺎﻫﺎﺗﺞ ﺍﻓﺘﻬﻤﺘﻲ ﻟﻮ ﻻ .. ﺻﺎﺭﻟﻲ ﺳﻨﻪ ﻛﺎﻋﺪ ﺍﻟﻠﻐﻲ ﻭﺍﺷﺮﺣﻠﺞ ﺳﺒﺐ ﻫﺬﺍ ﺍﻟﺸﺮﻁ ﻭﻏﺎﻳﺘﻪ ﻭﺟﻨﺎﺑﺞ ﻣﻔﻜﺮﻩ ﻣﻴﺖ ﻋﻠﻴﺞ ﻟﻮ ﻣﻐﺮﻡ ﺑﻴﺞ !
ﺍﻧﻲ ﻋﺮﺿﺖ ﻋﻠﻴﺞ ﺍﻟﻤﺴﺎﻋﺪﻩ ﻟﻮﺟﻪ ﺍﻟﻠﻪ ﺑﺲ ﺍﻧﺘﻲ ﺭﻓﻀﺘﻴﻬﺎ ﺧﻠﺺ ﺍﺗﺼﺮﻓﺲ ﻟﺤﺎﻟﺞ.
.....
ﺩﺍﻟﻴﺎ .. ﺭﺟﻊ ﻻﺳﻠﻮﺑﻪ ﺍﻟﺤﻘﻴﺮ ﻭﻛﻼﻣﻪ ﺍﻟﺴﺎﺧﺮ .. ﺍﺳﺘﻬﺰﺀ ﺑﻴﻪ ﻭﺣﺮﮔﻠﻲ ﮔﻠﺒﻲ .. ﻣﻜﺪﺭﺕ ﺍﻛﺘﻢ ﺩﻣﻮﻋﻲ ﻫﺎﻟﻤﺮﻩ ، ﺑﺼﻮﺕ ﻣﺨﻨﻮﻙ ﻭﺍﻟﺪﻣﻌﻪ ﺑﻄﺮﻑ ﻋﻴﻨﻲ ..
_ ﻣﻮ ﻗﺼﺪﻱ ﻫﺸﻜﻞ ﻭﻣﻜﻠﺖ ﺗﺤﺒﻨﻲ !...
ﺑﺲ ﺍﻧﻲ ﺑﻌﺪﻧﻲ ﺑﻨﻴﻪ .. ﻭﺍﺫﺍ ﺗﺰﻭﺟﺘﻚ ﻭﺍﻧﻔﺼﻠﻨﺎ ﻣﺤﺪ ﺣﻴﺼﺪﻙ ﺍﻧﻮ ﻛﺎﻥ ﺯﻭﺍﺝ ﻉ ﺍﻟﻮﺭﻕ ، ﺣﻴﻨﻜﺘﺐ ﻣﻄﻠﻘﻪ ﺑﻈﻬﺮ ﺟﻨﺴﻴﺘﻲ ﻭﺗﺒﻘﻰ ﻭﺻﻤﻪ ﻋﺎﺭ ﺑﻜﺼﺘﻲ .. ﻭﺍﻧﻲ ﺷﻔﺖ ﺑﺤﻴﺎﺗﻲ ﻫﻮﺍﻱ ﻭﺗﻌﺒﺖ ﺍﻛﺜﺮ ﻣﺘﺘﺼﻮﺭ .. ﺍﺭﻳﺪ ﺍﺭﺗﺎﺡ ﻭﺍﻋﻴﺶ ﻣﺜﻞ ﺍﻟﺒﺸﺮ .. ﻭﺍﻟﻲ ﺩﺗﻄﻠﺒﻪ ﻣﻨﻲ ﻣﻌﻨﺎﻫﺎ ﺩﻣﺎﺭ ﻟﺤﻴﺎﺗﻲ ، ﺍﺷﻮﻥ ﺍﺳﻮﻱ ﺑﺴﻬﻮﻟﻪ !
ﺍﺳﻴﺪ .. ﻣﻨﻮ ﻛﺎﻝ ﺣﻴﻨﻜﺘﺐ ﻣﻄﻠﻘﻪ ﻭﻣﻦ ﻭﻳﻦ ﺟﺒﺘﻲ ﻛﻞ ﻫﺬﺍ ﺍﻟﻜﻼﻡ !!
ﺩﺍﻟﻴﺎ .. ﻫﺬﺍ ﺷﻲ ﻣﻌﺮﻭﻑ ﻟﻤﺎ ﺗﺘﺰﻭﺝ ﻭﺗﻨﻔﺼﻞ ﺗﻌﺘﺒﺮ ﻣﻄﻠﻖ ﺑﻐﺾ ﺍﻟﻨﻈﺮ ﻋﻦ ﻧﻮﻉ ﺍﻟﻌﻼﻗﻪ ﺍﻟﻲ ﺭﺑﻄﺘﻨﺎ ﺳﻮﺍﺀ ﺟﺪﻳﻪ ﺍﻭ ﺑﺲ ﻉ ﺍﻟﻮﺭﻕ .
ﺍﺳﻴﺪ .. ﻣﺮﺍﺡ ﺍﺗﺰﻭﺟﺞ ﺯﻭﺍﺝ ﻣﺤﻜﻤﻪ ، ﺭﺍﺡ ﻧﻌﻘﺪ ﻋﻨﺪ ﺳﻴﺪ ﻳﻌﻨﻲ ﺯﻭﺍﺝ ﺷﺮﻋﻲ ﻣﻨﺼﺪﻗﻪ ﺑﺎﻟﻤﺤﻜﻤﻪ ، ﻭﻟﻤﺎ ﻳﻨﺘﻬﻲ ﺍﻟﻤﻮﺿﻮﻉ ﻧﻨﻔﺼﻞ ﻋﺎﺩﻱ ﻭﻛﺄﻧﻮ ﺷﻲ ﻣﺼﺎﺭ .
ﺩﺍﻟﻴﺎ .. ﻣﻦ ﺻﺪﻭﻙ ﺩﺗﺤﺠﻲ .. ﻳﻌﻨﻲ ﺍﻛﻮ ﻫﻴﺞ ﺷﻲﺀ؟
ﺍﺳﻴﺪ .. ﺍﻣﺸﻲ ﺣﻀﺮﻱ ﻏﺮﺍﺿﺞ ﻓﻀﻴﻨﻲ .
ﺩﺍﻟﻴﺎ .. ﻣﺎﺷﻲ ﺭﺍﻳﺤﻪ ..
ﺭﺣﺖ ﻟﻐﺮﻓﺘﻲ ﺑﺪﻟﺖ ﻟﺒﺴﺖ ﺗﻨﻮﺭﻩ ﺳﻮﺩﻩ ، ﺑﺪﻱ ﻣﺎﺭﻭﻧﻲ ﻭﻟﻔﻴﺖ ﻋﻠﻰ ﺭﮔﺒﺘﻲ ﻟﻔﺎﻑ ﺍﺑﻴﺾ ﻓﺮﻭ ، ﺟﻤﻌﺖ ﻏﺮﺍﺿﻲ ﺑﺴﺮﻋﻪ ﺍﺧﺬﺕ ﻛﻮﻟﺸﻲ ﻳﺨﺼﻨﻲ ﻃﺒﻌﺎً ﻣﺎ ﻋﻨﺪﻱ ﻫﻮﺍﻱ ﻏﺮﺍﺽ ﻣﺠﺮﺩ ﻣﻼﺑﺲ ﻭﻛﻢ ﺣﺎﺟﻪ .. ﺧﻠﻴﺘﻬﻢ ﺑﺎﻟﺠﻨﻄﻪ ، ﺭﺗﺒﺖ ﺍﻟﻐﺮﻓﻪ ﻭﻃﻠﻌﺖ .. ﻟﻜﻴﺘﻪ ﻛﺎﻋﺪ ﺑﺎﻟﺴﻴﺎﺭﻩ .. ﺻﻌﺪﺕ ﺷﻐﻠﻬﺎ ﻭﻃﻠﻌﻨﺎ !.....
ﺍﻟﺪﻧﻴﺎ ﻛﺎﻧﺖ ﻟﻴﻞ ﻭﺍﻟﺠﻮ ﺑﺎﺭﺩ ﺛﻠﺞ ، ﺑﻘﻰ ﻳﻤﺸﻲ ﻣﺎﺍﻋﺮﻑ ﺍﺷﻜﺪ ﺑﺲ ﺍﻟﻤﺴﺎﻓﻪ ﻛﻮﻟﺶ ﺑﻌﻴﺪﻩ ﻛﺎﻧﺖ ﻟﺪﺭﺟﻪ ﻧﻤﺖ ﻣﺮﺗﻴﻦ ﻭﻛﻌﺪﺕ ﻭﺍﺣﻨﺎ ﺑﻌﺪﻧﺎ ﺑﺎﻟﻄﺮﻳﻖ !
ﻣﺤﺴﻴﺖ ﻏﻴﺮ ﻟﻤﺎ ﺍﻧﻔﺘﺢ ﺑﺎﺏ ﺍﻟﺴﻴﺎﺭﻩ .. ﺑﺎﻭﻋﺖ ﺑﻌﻴﻮﻥ ﻧﻌﺴﺎﻧﻪ ﻛﺮﺍﺝ ﻛﺒﻴﺮ ﻭﺍﺿﻮﻳﻪ ﻗﻮﻳﻪ ﻉ ﺑﺎﻟﻚ ﻧﻬﺎﺭ ﺻﺎﻳﺮ ، ﺍﻟﺤﻮ ﺑﺎﺭﺩ ﺣﻴﻞ ﻭﺍﻣﻄﺮ ﺑﻘﻮﻩ .. ﻫﻮ ﻓﺘﺢ ﺑﺎﺏ ﺍﻟﺴﻴﺎﺭﻩ ﻭﺩﺧﻞ ﻟﻠﺒﻴﺖ ﺍﻧﻲ ﻧﺰﻟﺖ ﺑﺴﺮﻋﻪ ﻭﻣﺸﻴﺖ ﻭﺭﺍ ﺍﺗﻨﻜﻌﺖ ﻣﻦ ﺍﻟﻤﻄﺮ !
ﺩﺧﻠﺖ ﻟﻠﺒﻴﺖ ﺷﻜﻠﻪ ﻣﻮ ﺣﻴﻞ ﻛﺒﻴﺮ ﻣﺜﻞ ﺑﻴﺘﻬﻢ ﺍﻟﻲ ﻛﻨﺖ ﺑﻲ ﺑﺲ ﻫﺬﺍ ﺍﺣﻠﻰ ﻣﻦ ﻫﺬﺍﻙ !
ﺍﺛﺎﺛﻪ ﻛﻮﻟﻪ ﺧﺸﺐ ﻳﻠﻤﻊ ، ﻭﺍﻻﺿﻮﻳﻪ ﺑﻴﻀﻪ ﻋﻠﻰ ﺻﻔﺎﺭ ﺗﺤﺴﺴﻚ ﺑﺎﻟﺪﻓﻮ ، ﺗﺨﻴﻠﺘﺖ ﻧﻔﺴﻲ ﻛﺎﻋﺪﻩ ﺑﻬﺬﻱ ﺍﻻﻛﻮﺍﺥ ﺍﻟﺮﻳﻔﻴﻪ ﺍﻟﻲ ﺍﻧﺸﻮﻓﻬﺎ ﺑﺎﻟﺘﻠﻔﺰﻭﻥ ﺑﺪﻭﻝ ﺍﻟﻌﺎﻟﻢ ﺍﻟﺮﺍﻗﻲ ﺍﻣﺮﻳﻜﺎ ﻭﻣﺎ ﺍﻣﺮﻳﻜﺎ !..
ﻃﺒﻌﺎً ﻫﻮ ﻣﻤﻌﺒﺮﻧﻲ ﻭﻻ ﻛﺄﻧﻮ ﺍﻛﻮ ﺍﺧﺪ ﻏﻴﺮﻩ ﻫﻨﺎ .. ﺭﺍﺡ ﺷﻐﻞ ﺍﻟﺪﻓﺎﻳﻪ ﻋﺎﻓﻨﻲ ﻭﺻﻌﺪ ﻓﻮﻙ !
ﺍﻧﻲ ﺑﻘﻴﺖ ﻭﺍﻛﻔﻪ ﺑﻤﻜﺎﻧﻲ ﻣﻼﺑﺴﻲ ﺍﺗﺒﻠﻠﺖ ﻭﺍﺭﺟﻒ .. ﺍﺷﻮﻳﻪ ﻭﻧﺰﻝ ﺍﺗﻮﻗﻌﺘﻪ ﻭﺍﺡ ﻳﺒﺪﻝ ﻣﻼﺑﺴﻪ ﺑﺲ ﻻ ﺭﺟﻊ ﺑﻨﻔﺴﻬﻢ ﻭﻫﻢ ﻛﺎﻧﻦ ﻣﺒﻠﻼﺕ !!
ﺍﺳﻴﺪ .. ﻏﺮﻓﺘﺞ ﻓﻮﻙ ﺛﺎﻧﻲ ﺑﺎﺏ ﻉ ﺍﻳﺪﺝ ﺍﻟﻴﻤﻴﻦ .
ﺩﺍﻟﻴﺎ .. ﺍﻭﻙ .. ﺣﺮﻭﺡ ﺍﺟﻴﺐ ﺟﻨﻄﺘﻲ ﻣﻦ ﺍﻟﺴﻴﺎﺭﻩ ﻭﺍﺟﻲ !
ﺍﺳﻴﺪ .. ﺻﻌﺪﺗﻬﺎ ﺍﻟﺞ ﻓﻮﻙ .
ﺩﺍﻟﻴﺎ .. ﻫﺬﺍ ﺍﺷﻮﻛﺖ ﺻﻌﺪﻫﺎ ؟ !
ﻣﻌﻘﻮﻟﻪ ﻧﺰﻝ ﻗﺒﻞ ﻟﻴﻜﻌﺪﻧﻲ ﻭﺍﺧﺬﻫﺎ ... ﺳﻜﺘﺖ ﻣﺤﺠﻴﺖ ﺷﻲ
ﺍﺳﻴﺪ .. ﺭﻭﺣﻲ ﺍﺻﻌﺪﻱ ﻏﻴﺮﻱ ﻣﻼﺑﺴﺞ ﺍﻟﺠﻮ ﺑﺎﺭﺩ ﻟﺘﺒﻘﻴﻦ ﺑﻴﻬﻢ .
ﺩﺍﻟﻴﺎ .. ﻫﺰﻳﺖ ﺭﺍﺳﻲ ﻭﺻﻌﺪﺕ ﺑﺴﺮﻋﻪ ﻟﻠﻐﺮﻓﻪ ..... ﺍﻟﻄﺎﺑﻖ ﺍﻟﻔﻮﻙ ﻛﺎﻥ ﺑﻲ ﺍﺭﺑﻊ ﻏﺮﻑ ، ﻛﻞ ﺍﺛﻨﻴﻦ ﻣﻘﺎﺑﻼﺕ ﺍﻟﻠﺦ .. ﺛﺎﻧﻲ ﺑﺎﺏ ﻉ ﺍﻟﻴﻤﻴﻦ ﺩﺧﻠﺖ .. ﻟﻜﻴﺖ ﺟﻨﻄﺘﻲ ﺑﻴﻬﺎ ، ﺍﻟﻐﺮﻓﻪ ﺻﻐﻴﺮﻩ ﻣﻮ ﺣﻴﻞ ﻛﺒﻴﺮﻩ ﺑﺲ ﻫﻲ ﺩﺍﻓﻴﻪ ﻭﻧﻈﻴﻔﻪ ﺍﻟﺴﺮﻳﺮ ﻋﺎﻟﻲ ﻭﻧﺎﻋﻢ ، ﻭﺑﻴﻬﺎ ﺑﺎﺏ ﻫﻢ ﺻﻐﻴﺮ ﻓﺘﺤﺘﻪ ﻟﻜﻴﺖ ﺣﻤﺎﻡ ﺑﺪﺍﺧﻞ ﺍﻟﻐﺮﻓﻪ !
ﺍﺷﻜﺪ ﺣﻠﻮﻭ ﺗﺼﻤﻴﻢ ﺍﻟﺒﻴﺖ ﻳﺤﺴﺴﻚ ﺑﺎﻟﻬﺪﻭﺀ ﻭﺷﻌﻮﺭ ﺑﺎﻟﺪﻓﻮ .. ﻧﺰﻋﺖ ﻣﻼﺑﺴﻲ ﻭﻛﺒﻞ ﻟﻠﺤﻤﺎﻡ ﺳﺒﺤﺖ ﻭﻃﻠﻌﺖ .. ﻟﺒﺴﺖ ﺛﻮﺏ ﻧﻮﻡ ﻛﻮﻟﺶ ﺣﻠﻮ ﻓﺎﻧﻴﻠﻪ ﻟﻮﻧﻪ ﺍﺳﻮﺩ ﻭﺑﻲ ﺭﺳﻢ ﺩﺑﺪﻭﺏ ﺍﺑﻴﺾ ﻭ ﻭﺭﺩﻱ !
ﻛﻌﺪﺕ ﻣﺸﻄﺖ ﺷﻌﺮﻱ .. ﻛﻤﻠﺖ ﺧﻠﻴﺖ ﺭﺍﺳﻲ ﻉ ﺍﻟﻤﺨﺪﻩ ﻭﻧﻤﺖ .. ﻣﻜﻌﺪﺕ ﻏﻴﺮ ﺛﺎﻧﻲ ﻳﻮﻡ ﺍﻟﺼﺒﺢ !
ﻧﺰﻟﺖ ﻟﻜﻴﺖ ﺍﻟﺒﻴﺖ ﻓﺎﺭﻍ .. ﻛﻨﺖ ﻣﻴﺘﻪ ﻣﻦ ﺍﻟﺠﻮﻉ ﺭﺣﺖ ﺑﻮﺟﻬﻲ ﻟﻠﻤﻄﺒﺦ !
ﻃﺒﻌﺎً ﺍﻟﻤﻄﺒﺦ ﻛﺎﻥ ﻣﻦ ﺍﻟﻨﻮﻉ ﺍﻟﺘﺮﻛﻲ ﺍﻟﻲ ﻳﺼﻴﺮ ﻣﻔﺘﻮﺡ ﻉ ﺍﻟﺼﺎﻟﻪ ﻭﺑﻴﻨﻬﻢ ﻣﺜﻞ ﺍﻟﻘﺎﻃﻊ ﻋﻠﻰ ﺷﻜﻞ ﻣﻴﺰ ﻃﻌﺎﻡ ﻳﻔﺼﻞ ﺍﻟﻤﻄﺒﺦ ﻋﻦ ﺍﻟﺼﺎﻟﻪ !
ﻛﻮﻭﻭﻭﻭﻭﻟﺶ ﺣﻠﻮ ﺗﺼﻤﻴﻢ ﺍﻟﺒﻴﺖ ﻭﺍﻻﺣﻠﻰ ﺑﻲ ﺍﻧﻮ ﻛﺎﻥ ﺻﻐﻴﺮ ﻳﻌﻨﻲ ﻣﻮ ﺣﻴﻞ ﻛﺒﻴﺮ !
ﺩﺧﻠﺖ ﻟﻠﻤﻄﺒﺦ ﻉ ﻃﺎﻭﻟﺔ ﺍﻟﻄﻌﺎﻡ ﺑﺎﻟﻤﻄﺒﺦ ﻟﻜﻴﺖ ﻭﺭﻗﻪ ﻭﻳﻤﻬﺎ ﻣﻮﺑﺎﻳﻞ ﻧﻔﺴﻪ ﺍﻟﻲ ﺍﻃﺎﻧﻴﺎ ﻟﻤﺎ ﺭﺣﺖ ﻟﻠﻌﺮﺱ ، ﻳﺤﺒﺖ ﺍﻟﻮﺭﻗﻪ ﻣﻜﺘﻮﺏ ﺑﻴﻬﺎ !..
ﺍﻧﻲ ﻃﻠﻌﺖ ﺍﻛﻤﻞ ﻛﻢ ﺷﻐﻠﻪ ﻭﺍﺭﺟﻊ ، ﻟﺘﻄﻠﻌﻴﻦ ﺑﺮﻩ ﺍﻟﺒﻴﺖ ﻭﻟﺘﻔﺘﺤﻴﻦ ﺍﻟﺒﺎﺏ ﺍﺻﻼً ﻭﺍﻱ ﺷﻲ ﺗﺮﺩﻱ ﺍﺗﺼﻠﻲ ﻉ ﺭﻗﻤﻲ .
ﻣﻀﺠﺖ ﺑﺎﻟﻌﻜﺲ ﻓﺮﺣﺖ ﺍﻧﻮ ﺑﻘﻴﺖ ﻟﻮﺣﺪﻱ ﺣﺘﻰ ﺍﺧﺬ ﺣﺮﻳﺘﻲ .. ﺳﻮﻳﺖ ﺭﻳﻮﻙ ، ﺍﻟﺜﻼﺟﻪ ﻛﺎﻧﺖ ﻣﻠﻴﺎﻧﻪ ﻣﻦ ﻛﻮﻟﺸﻲ
......
ﻛﻤﻠﺖ ﻭﺑﻘﻴﺖ ﺍﻓﺘﺮ ﺑﺎﻟﺒﻴﺖ ﺣﺴﻴﺖ ﺑﻤﻠﻞ ، ﻛﻠﺖ ﺧﻠﻲ ﺍﻃﻠﻊ ﻟﻠﺤﺪﻳﻘﻪ ﺍﺷﻮﻑ ﺷﻨﻮ ﻫﺬﺍ ﺍﻟﻤﻜﺎﻥ ، ﺍﻧﻲ ﻭﻳﻦ !!
ﻃﻠﻌﺖ ﻣﺸﻔﺖ ﻏﻴﺮ ﺍﻟﺨﻀﺎﺭ .. ﺩﺍﻳﺮ ﻣﺪﺍﻳﺮ ﺍﻟﺒﻴﺖ ﺑﺲ ﺍﺷﺠﺎﺭ ﻭﺯﺭﻉ ﻣﺎﻛﻮ ﺍﻱ ﺷﻲ ﺛﺎﻧﻲ !!
ﻛﻨﺖ ﺩﺍﺍﺑﺎﻭﻉ ﻭﺍﺗﻔﻘﺪ ﺍﻟﻲ ﺣﺎﻭﻟﻴﻪ ﻣﺎ ﺍﺣﺲ ﺍﻻﺻﻮﺕ ﭼﻠﺐ ﻧﺰﺯﻧﻲ ﻭ ﻭﮔﻒ ﮔﻠﺒﻲ !...
ﺑﺴﺮﻋﻪ ﺭﻛﻀﺖ ﺭﻛﻀﺖ ﺩﺧﻠﺖ ﻟﻠﺒﻴﺖ ﻭﺳﺪﻳﺖ ﺍﻟﺒﺎﺏ .. ﺣﺴﻴﺖ ﮔﻠﺒﻲ ﻃﺎﺭ ﻣﻦ ﻛﺪ ﺍﻟﺮﻋﺒﻪ ﻭﺍﻟﺨﻮﻓﻪ ﺍﻟﻲ ﺍﻛﻠﺘﻬﺎ .. ﻫﺎﻟﻤﺮﻩ ﻣﻦ ﺻﺪﻭﻙ ﺧﻔﺖ ﻣﻦ ﺍﻟﺒﻴﺖ ، ﻭﺣﺪﻱ ﻋﺎﻳﻔﻨﻲ ﺑﻬﺬﻱ ﺍﻟﭽﻮﻟﻪ ﻭﻣﺤﺪ ﻳﻤﻲ ، ﻣﺎﺍﻋﺮﻑ ﺷﻲ ﻭﻻ ﺍﻧﺪﻝ ﺍﻟﻤﻜﺎﻥ ﺍﻟﻲ ﺍﻧﻲ ﺑﻲ ﺍﺻﻼً !!
ﺍﻟﺨﻮﻑ ﻭﺍﻟﺮﻋﺐ ﺍﺗﻤﻠﻜﻮﻧﻲ .. ﺭﺣﺖ ﻗﻔﻠﺖ ﺍﻟﺒﻴﺒﺎﻥ ﻭﺍﺧﺬﺕ ﺍﻟﻤﻮﺑﺎﻳﻞ ﺍﺗﺼﻠﺖ ﺑﻲ !!
ﺟﻬﺎﺯﻩ ﻳﺮﻥ ﻟﺤﺪ ﻣﻴﻨﻔﺼﻞ ﻭﻣﺎﻛﻮ ﺭﺩ !!
ﺑﻘﻴﺖ ﺍﺗﺼﻞ ﻭﺍﺭﺟﻊ ﻟﻴﻮﺭﺍ ﻳﻤﻜﻦ ﺍﻟﻒ ﻣﺮﻩ ﺍﺗﺼﻠﺖ ﻭﻣﺎﻛﻮﻭﻭ ﻟﺤﺪ ﻣﺎ ﺃﻳﺴﺖ ﻣﻨﻪ ، ﺣﻄﻴﺖ ﺭﺍﺳﻲ ﻭﻧﻤﺖ ﺑﺲ ﺍﻧﻲ ﻛﻞ ﺫﺭﻩ ﺑﺠﺴﻤﻲ ﺗﺮﺟﻒ !
ﺍﺳﻴﺪ .. ﻣﻦ ﻋﺎﻓﺘﻨﻲ ﺑﺎﻟﻠﻴﻞ ﺑﻌﺪ ﻣﺎ ﺷﻔﺘﻬﺎ .. ﺍﻧﻲ ﻫﻢ ﺑﺪﻟﺖ ﻭﻧﻤﺖ .. ﺍﻟﺼﺒﺢ ﻛﻌﺪﺕ ﻣﻦ ﻏﺒﺸﻪ ﺑﺪﻟﺖ ﻣﻼﺑﺴﻲ ﻭﻃﻠﻌﺖ ﻟﻠﺒﻴﺖ ، ﻋﻔﺘﻠﻬﺎ ﺍﻟﻤﻮﺑﺎﻳﻞ ﻭ ﻭﺭﻗﻪ ﻛﺘﺒﺘﻠﻬﺎ ﺑﻴﻬﺎ ﺍﻧﻮ ﺍﻧﻲ ﻃﻠﻌﺖ ﻣﺎ ﺍﺗﺄﺧﺮ !
ﻃﺒﻌﺎً ﺑﻴﺖ ﺍﻟﻤﺰﺭﻋﻪ ﺑﻲ ﺣﺎﺭﺱ ﻫﻮ ﻭﻋﺎﺋﻠﺘﻪ ﻭﺻﻴﺘﻪ ﻋﻠﻴﻬﺎ ﻭﻛﻠﺘﻠﻪ ﺍﺧﺘﻲ ﺑﺎﻟﺒﻴﺖ ﺑﻘﺖ ﺩﻳﺮ ﺑﺎﻟﻚ ﻋﻠﻴﻬﺎ ، ﻭﻣﻤﻨﻮﻉ ﻣﻨﻌﺎً ﺑﺎﺗﺎً ﺍﺣﺪ ﻳﺘﻘﺮﺏ ﻳﻢ ﺍﻟﺒﻴﺖ ﺑﺪﻭﻥ ﺍﺫﻧﻲ ﺍﻟﻰ ﺍﻥ ﺍﺭﺟﻊ !
ﻭﺻﻴﺘﻪ ﻭﻃﻠﻌﺖ ﻟﻠﺒﻴﺖ ﮔﺒﻞ .. ﺍﻭﻝ ﻣﺎ ﻭﺻﻠﺖ ﻛﺎﻥ ﻭﺍﺿﺢ ﻣﻦ ﻭﺟﻮﻩ ﺍﻟﺤﺮﺱ ﺍﻧﻮ ﺍﻣﻮ ﻣﺼﻴﺒﻪ ﺑﺎﻟﺒﻴﺖ !!
ﻭﻓﻌﻼً ﺍﻭﻝ ﻣﺎ ﺩﺧﻠﺖ ﻟﻜﻴﺖ ﺍﻣﻲ ﻛﺎﻟﺒﻪ ﺍﻟﺒﻴﺖ ﻫﻮﺳﻪ ﻋﻠﻰ ﺍﻡ ﻋﺎﺩﻝ ﻭﺗﺼﻴﺢ ، ﺍﻭﻝ ﻣﺎ ﺷﺎﻓﺘﻨﻲ ﮔﻠﺒﺖ ﻭﺟﻬﻬﺎ ﻋﻠﻴﻪ ..
ﺍﻻﻡ .. ﺑﺼﻮﺕ ﺟﺎﻣﺪ .. ﻭﺍﺧﻴﺮﺍً ﺍﺟﻴﺖ ﻭﻳﻦ ﻛﻨﺖ ﺍﺷﻜﺪ ﺍﺗﺼﻠﺖ ﺑﻴﻚ ، ﻟﻴﺶ ﻣﺘﺮﺩ ﻋﻠﻴﻪ !
ﺍﺳﻴﺪ .. ﺻﺒﺎﺡ ﺍﻟﺨﻴﺮ ﺍﻭﻝ ﺷﻲ !
ﻭﺛﺎﻧﻴﺎً ﻛﻨﺖ ﻳﻢ ﻋﻠﻲ ﺻﺪﻳﻘﻲ ﺍﻟﺒﺎﺭﺣﻪ ﻋﺮﺳﻪ ﻭﺑﻘﻴﺖ ﻳﻤﻪ ﻣﻦ ﺍﻟﺒﺎﺭﺣﻪ ﻣﻜﺪﺭﺕ ﺍﺭﺟﻊ ﻟﻠﺒﻴﺖ !
ﺍﻻﻡ .. ﺍﺳﻴﺪ ﺑﻼ ﻟﻒ ﻭﺩﻭﺭﺍﻥ ﻭﺟﺎﻭﺑﻨﻲ ﺩﺍﻟﻴﺎ ﻭﻳﻦ ، ﺍﻋﺮﻑ ﺍﻧﺖ ﺍﻟﻲ ﻃﺮﺩﺗﻬﺎ ﻣﺎﻛﻮ ﻏﻴﺮﻙ ﻳﺴﻮﻳﻬﺎ !
ﺍﺳﻴﺪ .. ﻳﺎ ﺩﺍﻟﻴﺎ ﻫﺎﻱ؟ !
ﺍﻻﻡ .. ﻭﻟﻚ ﺷﻨﻮ ﻳﺎ ﺩﺍﻟﻴﺎ .. ﺍﻟﺒﻨﻴﻪ ﺍﻟﺘﺸﺘﻐﻞ ﻋﺪﻧﺎ ، ﻻ ﺗﺮﻓﻊ ﺿﻐﻄﻲ ﻭﻳﻦ ﻭﺩﻳﺖ ﺍﻟﺒﻨﻴﻪ ﻓﻬﻤﻨﻲ !
ﺍﺳﻴﺪ .. ﻫﺎﺍ .. ﺗﻘﺼﺪﻳﻦ ﻫﺎﻱ ﺍﻟﻲ ﻛﻨﺖ ﻣﻠﺰﻛﻪ ﺑﻴﻬﺎ ﻭﻣﻘﺒﻠﺘﻲ ﺍﻃﺮﺩﻫﺎ ﻣﻮ؟ !!
ﻣﺎﺍﺩﺭﻱ ﺑﺼﺮﺍﺣﻪ ﻭﻳﻦ ﻟﻴﺶ ﺷﻨﻮ ﻣﻤﻮﺟﻮﺩﻩ؟ !!
ﺍﻻﻡ .. ﺍﻧﺖ ﺗﺮﻳﺪ ﺗﻤﻮﺗﻨﻲ ﻭﺍﻟﻠﻪ ﻭﻟﻚ ﻳﻤﻪ ﻻ ﺗﺸﻠﻊ ﮔﻠﺒﻲ ، ﮔﻠﻲ ﻭﻳﻦ ﺍﻟﺒﻨﻴﻪ ﺭﺍﺣﺖ ، ﺍﻧﻲ ﻣﻮ ﻋﻔﺘﻬﺎ ﻳﻤﻚ ﻭﺭﺣﺖ ﻟﺒﻴﺖ ﺍﺧﻮﻙ؟ !
ﻫﺎﻱ ﺍﻡ ﻋﺎﺩﻝ ﺍﺗﻜﻮﻝ ﺍﻟﺒﺎﺭﺣﻪ ﻫﻨﺎ ﺟﺎﻧﺖ ﻣﻮﺟﻮﺩﻩ .. ﻭﺍﻧﺖ ﺍﺧﺮ ﻭﺍﺣﺪ ﺑﻘﻴﺖ ﻭﻳﺎﻫﺎ ، ﻓﻬﻤﻨﻲ ﻭﻳﻦ ﺭﺍﺣﺖ ﺷﺴﻮﻳﺘﻠﻬﺎ ؟ !
ﺍﺳﻴﺪ .. ﻳﻮﻭﻡ ﻟﺨﺎﻃﺮ ﺭﺑﺞ ﻛﺎﻓﻲ ، ﻛﻠﺘﻠﺞ ﻣﺎﺍﺩﺭﻱ ﻋﻨﻬﺎ ﺷﻨﻮ ﺍﻧﻲ ﺍﻟﺤﺎﺭﺱ ﻣﺎﻟﺘﻬﺎ ؟ !
ﻟﻮ ﺟﻠﻴﺲ ﺧﺪﺍﻣﺎﺕ ﺻﺮﺕ ﺗﺎﻟﻲ ﻋﻤﺮﻱ ، ﺗﺮﻯ ﻣﺼﺨﺘﻮﻫﺎ ﺍﺟﻲ ﻳﻮﻡ ﺍﺭﺗﺎﺡ ﻣﻦ ﺍﻟﺪﻭﺍﻡ ﺗﺘﻠﻜﻮﻧﻲ ﺑﻤﺸﺎﻛﻠﻜﻢ ، ﺍﺣﺴﻦ ﺣﻞ ﺍﻟﻢ ﻣﻼﺑﺲ ﻭﺍﺭﺟﻊ ﺍﻭﻟﻲ ﻟﺪﻭﺍﻣﻲ ﺑﻠﻜﻲ ﺍﻣﻮﺕ ﻭﺍﺧﻠﺺ ﻣﻨﻜﻢ .
ﻋﻔﺖ ﺍﻣﻲ ﻭﺭﺣﺖ ﺍﺧﺬ ﻏﺮﺍﺿﻲ ﺣﺘﻰ ﺍﺭﺟﻊ ﻟﺒﻠﻮﺓ ﺣﻴﺎﺗﻲ ﺍﻟﻲ ﻋﻔﺘﻬﺎ ﻫﻨﺎﻙ ﻭﺣﺪﻫﺎ .. ﺟﺎﻥ ﺗﺪﺧﻞ ﺧﺎﻟﺘﻲ ﺍﻳﻨﺎﺱ ﻫﻲ ﻭﺯﻭﺟﻬﺎ !...
ﺍﻣﻲ ﻣﻦ ﺷﺎﻓﺘﻬﺎ ﺗﺴﻮﺩﻧﺖ .. ﺍﺣﻀﺎﻥ ﻭﺑﻮﺱ ﻭﺳﻼﻡ ﻭﺑﺠﻲ ، ﮔﻠﺒﺖ ﺍﻟﺠﻮ .. ﺍﻧﻲ ﻛﻴﻔﺖ ﻛﻠﺖ ﺭﺍﺡ ﺗﻨﺴﻰ ﺍﻟﻤﻮﺿﻮﻉ .. ﻋﻔﺘﻬﻢ ﻭﺻﻌﺪﺕ ﻟﻤﻴﺖ ﻣﻼﺑﺴﻲ ﻭﺍﻟﻲ ﺍﺣﺘﺎﺟﻪ ﻣﻦ ﻏﺮﺍﺿﻲ ﻭﻧﺰﻟﺖ !!
ﺩﺍﺍﺭﻳﺪ ﺍﻃﻠﻊ ﺟﺎﻥ ﺗﺼﻴﺤﻨﻲ ﺧﺎﻟﺘﻲ !..
ﺍﻳﻨﺎﺱ .. ﻫﺎﻱ ﻭﻳﻦ ﺭﺍﻳﺢ ﺍﺳﻴﺪ ، ﺑﻌﺪﻧﺎ ﻣﺎ ﺷﻔﻨﺎﻙ .
ﺍﺳﻴﺪ .. ﻏﻴﺮ ﻣﺮﻩ ﺍﻡ ﺍﺣﻤﺪ ﻫﺴﻪ ﻋﻨﺪﻱ ﺷﻐﻠﻪ .
ﺍﻡ ﺍﺳﻴﺪ .. ﺧﻠﻲ ﻳﺮﻭﺡ ﻫﺬﺍ ﻳﺮﻳﺪ ﻳﻤﻮﺗﻨﻲ !
ﺍﻳﻨﺎﺱ .. ﺷﻨﻮ ﻫﺎﻟﺤﺠﻲ ﻫﺬﺍ ﺍﻡ ﺍﺳﻴﺪ ﺷﺼﺎﻳﺮ ، ﻣﻤﻘﺒﻮﻟﻪ ﻣﻨﺞ ﺗﺤﺠﻴﻦ ﻋﻠﻰ ﺍﻟﺪﻛﺘﻮﺭ ﻫﺸﻜﻞ !
ﺍﻡ ﺍﺳﻴﺪ .. ﻭﻟﺞ ﺧﻴﻪ ﺷﺤﺠﻴﻠﺞ ﺻﺎﺭﻟﻲ ﺳﺎﻋﻪ ﺍﺑﺠﻲ ﻛﺪﺍﻣﻪ ﻭﺍﺗﻮﺳﻠﻪ ﻳﻜﻠﻲ ﻭﻳﻦ ﺭﺍﺣﺖ ﺍﻟﺒﻨﻴﻪ ﻣﻴﻘﺒﻞ ﻳﺤﺠﻲ ، ﻭﻟﻚ ﻳﻤﻪ ﺍﺳﻴﺪ ﻟﻴﺶ ﻫﻴﺞ ﺗﺸﻠﻊ ﮔﻠﺒﻲ ، ﺑﺮﺿﺎﻱ ﻋﻠﻴﻚ ﻛﻮﻝ ﻭﻳﻦ ﺭﺍﺣﺖ ﺍﻟﺒﻨﻴﻪ ﺑﺲ ﻓﻬﻤﻨﻲ .
ﺍﻳﻨﺎﺱ .. ﻳﺎ ﺑﻨﻴﻪ؟ !!
ﺍﺳﻴﺪ .. ﺍﻡ ﺍﺣﻤﺪ ﺳﺎﻟﻔﻪ ﺗﺎﻓﻬﻪ ﻟﺘﺸﻐﻠﻴﻦ ﺑﺎﻟﺞ ، ﻭﺍﻣﻲ ﺍﻧﻲ ﺍﻋﺮﻓﻬﺎ ﻣﻦ ﺗﻌﺼﺐ ﺗﻜﻮﻡ ﺗﺨﺒﻂ ﻋﺎﻣﻲ ﺷﺎﻣﻲ ، ﺍﻧﻲ ﺭﺍﻳﺢ ﻣﻦ ﺭﺧﺼﺘﻜﻢ .
ﺍﻡ ﺍﺳﻴﺪ .. ﻭﻟﻚ ﻳﻤﻪ ﻭﻳﻦ ﺗﺮﻭﺡ ﺑﻌﺪﻧﻲ ﻣﺸﺒﻌﺖ ﻣﻨﻚ ﺷﻮﻑ ﻫﺴﺘﻮﻧﻲ ﺍﺟﻴﺖ ﻣﺎ ﻟﺤﻜﺖ ﺍﻛﻌﺪ ﻭﻳﺎﻙ ، ﺗﻌﻮﻓﻨﻲ ﻭﺗﺮﻭﺡ !
ﺍﺳﻴﺪ .. ﻫﺎﺝ ﺷﻮﻓﻲ ﻗﺒﻞ ﺍﺷﻮﻳﻪ ﺗﺪﻋﻲ ﻋﻠﻴﻪ ﻭﻫﺴﻪ ﺗﺮﻳﺪ ﺗﻜﻌﺪ ﻭﻳﺎﻱ .
ﺍﺑﻮ ﺍﺣﻤﺪ ﺯﻭﺝ ﺍﻳﻨﺎﺱ .. ﻫﺴﻪ ﻓﻬﻤﻮﻧﺎ ﺷﻨﻮ ﺍﻟﻤﻮﺿﻮﻉ ﺧﻠﻲ ﻧﻌﺮﻑ ﺷﺼﺎﻳﺮ !
ﺍﻟﺤﺠﻴﻪ .. ﻳﺎ ﺧﻮﻳﻪ ﺍﻛﻮ ﺑﻨﻴﻪ ﺗﺸﺘﻐﻞ ﻋﺪﻧﺎ ﻫﻨﺎ ﺣﺒﺎﺑﻪ ﻭﻳﺘﻴﻤﻪ ، ﺧﺎﺩﻣﺘﻨﻲ ﻭﻗﺎﻳﻤﻪ ﺑﺤﺎﺟﺘﻲ ، ﻭﺍﻧﻲ ﺣﺒﻴﺘﻬﺎ ﻻﻧﻬﺎ ﺳﺒﺤﺎﻥ ﺍﻟﻠﻪ ﺗﺸﺒﻪ ﺍﺧﻴﺘﻲ ﺍﻳﻨﺎﺱ ﺗﺬﻛﺮﻧﻲ ﺑﻴﻬﺎ ، ﻫﻮ ﻣﻦ ﺷﺎﻓﻬﺎ ﺷﺪ ﻭﻳﺎﻫﺎ ، ﻛﻞ ﻳﻮﻡ ﻣﺴﻮﻳﻠﻪ ﺳﺎﻟﻔﻪ ﺍﻟﻰ ﺍﻥ ﺷﺮﺩﺕ ﺍﻟﺒﻨﻴﻪ ﻣﻦ ﻋﺪﻧﺎ .. ﺍﻟﻤﺴﻜﻴﻨﻪ ﻣﺎﻟﻬﺎ ﺍﺣﺪ ﺍﻟﻤﻦ ﺗﺮﻭﺡ ، ﺍﻭﻭﻭﻭﻑ ﺍﻭﻳﻠﻲ ﻋﻠﻴﺞ ﻳﻤﻪ ﺩﺍﻟﻴﺎ .
ﺍﻳﻨﺎﺱ .. ﺩﺍﻟﻴﺎ ....... ﻫﻲ ﻧﻔﺴﻬﺎ ﺩﺍﻟﻴﺎ ﺍﻟﻲ ﻛﺎﻧﺖ ﻭﻳﺎﻙ ﺍﻟﺒﺎﺭﺣﻪ ﺑﺎﻟﻤﻄﻌﻢ ؟ !!!!!
ﺍﻟﺤﺠﻴﻪ .. ﺷﻨﻮﻭﻭﻭﻭ .. ﺑﺎﻟﻤﻄﻌﻢ؟ !!!!!!!
ﻟﻠﺤﻜﺎﻳﻪ ﺑﻘﻴﻪ / ففي جزئها الثاني سيكون التشويق
مالحديث الدوار بينهم ع المطعم / ترقبوا الجزءالثاني
🥇
تطبيق قصص عراقية
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء