رواية في أرض الغرام انت دولتي ج1 الجزء التاسع عشر
للكاتبة الأميرة الموسوية
....
ﺩﺍﻟﻴﺎ .. ﺭﻓﻌﺖ ﺭﺍﺳﻲ ﺑﺎﻭﻋﺘﻠﻬﺎ ... ﺍﺗﺠﻤﺪ ﻛﻠﺒﻲ ﺑﻤﻜﺎﻧﻪ ، ﻛﻤﻴﺔ ﺍﻻﻟﻢ ﺍﻟﻲ ﻣﻠﺖ ﺭﻭﺣﻲ ﺑﻬﺬﻳﺞ ﺍﻟﻠﺤﻈﻪ ﻛﺎﻧﺖ ﻣﺘﻨﻮﺻﻒ ﺣﺴﻴﺖ ﻭﺍﺣﺪ ﺍﻗﺘﻠﻊ ﮔﻠﺒﻲ ﺑﺜﺎﻧﻴﻪ .. ﺍﻟﺪﻡ ﺍﺗﺠﻤﺪ ﺑﻌﺮﻭﻗﻲ ﻭﺍﻟﻬﻮﺍ ﺑﻌﺪ ﻣﻴﺪﺧﻞ ﻟﺼﺪﺭﻱ !!
ﺻﻔﻨﺖ ﻋﻠﻰ ﻫﺬﻱ ﺍﻟﻠﻲ ﻛﺎﻧﺖ ﻭﺍﻛﻔﻪ ﻛﺪﺍﻣﻲ ﺑﻜﻞ ﺛﻘﻪ .. ﺭﻛﺰﺕ ﺑﻤﻼﻣﺤﻬﺎ ﻛﺄﻧﻬﺎ ﻣﻜﺒﺮﺍﻧﻪ ﺍﺑﺪ .. ﺑﺎﻟﻌﻜﺲ ﺍﻟﺴﻨﻴﻦ ﺯﺍﺩﺗﻬﺎ ﺟﻤﺎﻝ ﻭﺣﻀﻮﺭ ، ﻣﻦ ﻟﺒﺴﻬﺎ ﻭﺷﻜﻠﻬﺎ ﺗﻌﺮﻑ ﺍﻧﻬﺎ ﻣﻦ ﺍﻟﻄﺒﻘﻪ ﺍﻟﺮﺍﻗﻴﻪ ﻭﺍﻟﻐﻨﻰ ﻣﺒﻴﻦ ﻣﺒﻴﻦ ﻋﻠﻴﻬﺎ ﻭﺍﻛﺜﺮ !
ﻛﺎﻧﺖ ﻭﺍﻛﻔﻪ ﺗﺒﺎﻭﻉ ﺑﻮﺟﻬﻲ ﺑﺄﺑﺘﺴﺎﻣﻪ ﻫﺎﺩﺋﻪ ﻭﺗﻨﺘﻈﺮ ﻣﻨﻲ ﺍﺭﺩ ﻋﻠﻴﻬﺎ .. ﻣﺘﻌﺮﻑ ﺍﻧﻲ ﻛﻞ ﺫﺭﻩ ﺑﻴﻪ ﺩﺗﺼﺮﺥ !
ﺑﻌﺪ ﻛﻞ ﻫﺬﻱ ﺍﻟﺴﻨﻴﻦ ﻭﺑﻌﺪ ﻛﻞ ﻫﺬﺍ ﺍﻟﻌﺬﺍﺏ ﺍﻟﻲ ﺷﻔﺘﻪ ﻭﺑﻌﺪ ﻛﻞ ﺍﻟﻤﻌﺎﻧﺎﺓ ﺍﻟﻲ ﻋﺸﺘﻬﺎ ﺑﺴﺒﺒﻬﺎ .... ﻣﻜﺪﺭﺕ ﺍﻧﺴﻰ ﺷﻜﻠﻬﺎ ﺍﺑﺪﺍً .. ﻣﻦ ﺍﻭﻝ ﻣﺎ ﻟﻤﺤﺘﻬﺎ ﻋﺮﻓﺘﻬﺎ !!
ﺍﺫﻛﺮ ﻣﺮﻩ ﻟﻤﺎ ﻛﻨﺖ ﺻﻐﻴﺮﻩ ﺑﺎﻟﻤﻴﺘﻢ .. !
ﻛﻨﺖ ﺩﺍﺋﻤﺎً ﺑﺎﻟﻠﻴﻞ ﺍﺣﻠﻢ ﺑﺄﻣﻲ ﺗﺒﺘﻌﺪ ﻭﺍﻧﻲ ﺍﺭﻛﺾ ﻭﺭﺍﻫﺎ .. ﺍﻟﻰ ﺍﻥ ﺗﺨﺘﻔﻲ ﺑﺎﻟﺴﺮﺍﺏ ﻭﻣﺎ ﺍﺷﻮﻓﻬﺎ ﺑﻌﺪ .. ﻳﻮﻡ ﺑﻌﺪ ﻳﻮﻡ ﺍﻻﺣﻼﻡ ﺑﺪﺕ ﺗﺘﻼﺷﻰ ﻭﻣﺸﻔﺖ ﺍﻣﻲ ﺑﻌﺪ !!
ﻭﻫﺬﺍ ﺍﻟﺸﻲ ﺧﻮﻓﻨﻲ .. ﺧﻔﺖ ﺍﻧﺴﻰ ﺷﻜﻠﻬﺎ ﺑﻤﺮﻭﺭ ﺍﻟﺰﻣﻦ ﻭﻳﺠﻲ ﻳﻮﻡ ﻣﺎ ﺍﺗﺬﻛﺮﻫﺎ ﻧﻬﺎﺋﻴﺎً !!
ﻛﻨﺖ ﺍﻃﻠﻊ ﻧﺺ ﺍﻟﻠﻴﻞ ﺑﺎﻟﺤﺪﻳﻘﻪ ﻣﺎﻟﺖ ﺍﻟﻤﻴﺘﻢ ﻭﺍﺑﺠﻲ .. ﻭﻓﺪ ﻣﺮﻩ ﺷﺎﻓﻨﻲ ﺍﻟﻌﻢ ﺍﻣﻴﻦ ﻭﺣﺠﻪ ﻭﻳﺎﻱ ﻭﻟﻤﺎ ﻛﻠﺘﻠﻪ ﻉ ﺍﻟﺴﺒﺐ ﺍﻟﻲ ﻣﺒﺠﻴﻨﻲ .. ﻛﺎﻟﻲ ﻛﻼﻡ ﺍﻧﺤﻔﺮ ﺑﻌﻘﻠﻲ ﻟﺤﺪ ﻫﺬﻱ ﺍﻟﻠﺤﻈﻪ ﺭﻏﻢ ﻛﻞ ﺍﻟﺴﻨﻴﻦ ﺍﻟﻲ ﻋﺪﺕ ﺑﻘﻴﺖ ﺍﺗﺬﻛﺮﻩ ...
( ﺍﻟﻄﻔﻞ ﻻ ﻳﻤﻜﻦ ﻳﻨﺴﻰ ﻭﺟﻪ ﺍﻣﻪ ﺍﺑﺪﺍ ، ﻣﻼﻣﺤﻬﺎ ﺗﻨﺤﻔﺮ ﺑﻌﻘﻠﻪ ﻣﻦ ﺍﻭﻝ ﻣﺎ ﻳﻨﻮﻟﺪ ﺣﺘﻰ ﻟﻮ ﻣﺮﺕ 100 ﺳﻨﻪ ﺑﺪﻭﻥ ﻣﻴﺸﻮﻓﻬﺎ ﺭﺍﺡ ﻳﺘﺬﻛﺮﻫﺎ !(
ﻭﻓﻌﻼً ﻛﻼﻣﻪ ﻛﺎﻥ ﺻﺤﻴﺢ .. ﺍﺷﻮﻥ ﺍﻧﺴﻰ .. ﺍﻣﻲ !
ﺍﻻﻧﺴﺎﻧﻪ ﺍﻟﻲ ﺷﻤﺮﺗﻨﻲ ﺍﻧﻲ ﻭﺍﺧﺘﻲ ﻛﺪﺍﻡ ﺍﻟﻤﻴﺘﻢ .. ﺍﻻﻧﺴﺎﻧﻪ ﺍﻟﻲ ﺍﺗﺨﻠﺖ ﻋﻦ ﻃﻔﻠﺘﻴﻦ ﻭﺗﺮﻛﺘﻨﺎ ﻧﻤﻮﺕ ﻣﻦ ﺍﻟﺒﺮﺩ ﻭﺍﻟﺨﻮﻑ ﻭﺍﻟﻮﺣﺪﻩ ﺑﻼ ﻣﻴﺮﻑ ﺍﻟﻬﺎ ﺍﻱ ﺟﻔﻦ !!
ﻛﺎﻥ ﻛﻞ ﺗﻔﻜﻴﺮﻱ ﺍﻧﻮ ﻫﻲ ﻣﻴﺘﻪ ﻟﺬﻟﻚ ﻣﺮﺟﻌﺘﻠﻨﺎ ﺑﻌﺪ .. ﻭﻋﺸﺖ ﻋﻠﻰ ﻫﺬﻱ ﺍﻟﻔﻜﺮﻩ ﻃﻮﻝ ﻋﻤﺮﻱ ﺣﺘﻰ ﺍﻟﻜﺎﻟﻬﺎ ﻋﺬﺭ ﻉ ﺍﻟﻲ ﺳﻮﺗﻪ ﻭﻣﺎ ﺍﻛﺮﻩ ﺻﻮﺭﺓ ﺍﻻﻡ ﺍﻟﻤﺮﺳﻮﻣﻪ ﺍﺑﺎﻟﻲ !
ﺑﺲ ﻭﻛﻔﺘﻬﺎ ﻛﺪﺍﻣﻲ ﻛﺎﻧﺖ ﻛﺪﺍﻣﻲ ﺑﻜﻞ ﺗﻌﺎﻟﻲ ﻭﺍﻟﺴﻌﺎﺩﻩ ﺍﻟﻲ ﻋﻠﻰ ﻭﺟﻬﺎ ﺍﻛﺒﺮ ﺩﻟﻴﻞ ﻋﻠﻰ ﺍﻧﻬﺎ ﻋﺎﻳﺸﻪ ﻣﺜﻞ ﺍﻟﻤﻠﻜﺎﺕ ﻛﻞ ﺗﺮﻛﻴﺰﻫﺎ ﻛﺎﻥ ﻋﻠﻰ ﻣﻼﺑﺴﻲ ﻭﺷﻜﻠﻲ ﻭﺷﻜﻠﻲ ﻛﺎﻧﺖ ﺗﺘﺄﻣﻠﻨﻲ ﻣﻦ ﻓﻮﻙ ﻟﻴﺠﻮﻩ !
ﻣﻌﻘﻮﻟﻪ ﻣﻌﺮﻓﺘﻨﻲ .. ﻣﻌﻘﻮﻟﻪ ﮔﻠﺒﻬﺎ ﻣﺎ ﻋﻠﻤﻬﺎ ﺍﻧﻮ ﺍﻧﻲ ﺑﻨﺘﻬﺎ .. !
ﺍﻛﻴﺪ ﻻ ﺍﻟﻲ ﻣﺜﻠﻬﺎ ﻣﺎﺍﻋﺘﻘﺪ ﻋﺪﻫﺎ ﮔﻠﺐ ﺍﺻﻼً .. ﺍﻭ ﻳﻤﻜﻦ ﻣﻌﺮﻓﺘﻨﻲ ﺑﺴﺒﺐ ﺍﻟﻤﻜﻴﺎﺝ !
ﺑﻘﺖ ﺗﺘﺄﻣﻠﻨﻲ ﺍﺣﺘﻤﺎﻝ ﺩﺗﺸﻮﻓﻨﻲ ﺍﺫﺍ ﻛﺪ ﺍﻟﻤﻘﺎﻡ ﺍﻭ ﻻ .. ﺍﻟﻴﻖ ﺑﺄﺑﻦ ﺍﺧﺘﻬﺎ ﺍﻭ ﻻ؟ !!
ﻋﻘﻠﻲ ﻛﺎﻡ ﻳﺪﻭﺭ ﺑﻴﻪ ، ﺃﻟﻢ ﺑﻤﻌﺪﺗﻲ ﻓﻀﻴﻴﻴﻊ ، ﺭﻭﺣﻲ ﺍﺣﺴﻬﺎ ﺩﺗﻄﻠﻊ ، ﺑﻠﺤﻈﻪ ﻭﺣﺪﻩ ﺣﺴﻴﺖ ﻧﻔﺴﻲ ﺩﺍﺍﺧﺘﻨﻚ ﺑﻌﺪ ﻣﺎﺍﻛﺪﺭ ﺍﺗﻨﻔﺲ .. ﻫﺪﻭﻭﻭﻭﺀ ﺗﺎﻡ ، ﺍﺷﻮﻓﻬﻢ ﻳﺤﺠﻮﻥ ﺑﺲ ﻣﺎﺍﺳﻤﻊ ﺷﻲ ﻋﻘﻠﻲ ﻭﻓﻜﺮﻱ ﺑﻐﻴﺮ ﻋﺎﻟﻢ .. ﺍﺑﺎﺏ ﺍﻟﻤﻴﺘﻢ ﺍﺧﺘﻲ ﺑﺤﻀﻨﻲ ﻭﺍﺑﺠﻲ !!
ﻧﺴﻴﺖ ﺍﻧﻲ ﻭﻳﻦ ، ﻣﻨﻮ ﺍﻟﻲ ﻭﺍﻛﻒ ﻳﻤﻲ .. ﺷﻨﻮ ﺍﻟﻲ ﻻﺯﻡ ﺍﻛﻮﻟﻪ .. ﺍﻟﺰﻣﻦ ﺗﻮﻗﻒ ﺑﺎﻟﻨﺴﺒﻪ ﺍﻟﻲ !!
ﺑﻘﺖ ﺻﺎﻓﻨﻪ ﺑﻮﺟﻬﻲ ﻭﺗﻨﺘﻈﺮ ﺟﻮﺍﺏ ﻣﻨﻲ .. ﻭﺍﻧﻲ ﻛﻨﺖ ﻣﺼﺪﻭﻣﻪ ﻭﺩﺍﺍﻧﺎﺯﻉ ﺣﺘﻰ ﺍﺗﻨﻔﺲ ﺑﺲ ﻣﺤﺪ ﻣﻨﺘﺒﻪ ﺑﺴﺒﺐ ﺍﻟﺠﻤﻮﺩ ﺍﻟﻲ ﺻﺎﺭﻟﻲ .. ﻓﺠﺄﻩ ﺳﻤﻌﺖ ﺻﻮﺕ ﺍﺳﻴﺪ ﺍﻟﻲ ﺭﺟﻌﻨﻲ ﻟﻠﻮﺍﻗﻊ
....
ﺍﺳﻴﺪ .. ﺩﺍﻟﻴﺎ ﺍﺷﺒﻴﺞ؟ !!
ﺩﺍﻟﻴﺎ .. ﻣﺤﺠﻴﺖ ﻏﻴﺮ ﻛﻠﻤﺔ ﻭﺣﺪﻩ .. ﻣﺴﺘﺤﻴﻞ !!
ﺍﺳﻴﺪ .. ﻣﺎﺍﻋﺮﻑ ﺷﺼﺎﺭﻟﻬﺎ ﻣﻦ ﺷﺎﻓﺖ ﺧﺎﻟﺘﻲ ﻉ ﺑﺎﻟﻚ ﺷﺎﻓﺖ ﺷﺒﺢ ﻛﺪﺍﻣﻬﺎ ، ﻭﺟﻬﺎ ﺍﻧﺨﻄﻒ ﻭﺻﻔﻨﺖ ﻣﺘﺘﺤﺮﻙ .. ﺣﺘﻰ ﺍﻧﺤﺮﺟﺖ ﻛﺪﺍﻡ ﺧﺎﻟﺘﻲ ﻭ ﺯﻭﺟﻬﺎ ﻫﺴﻪ ﺷﻴﻜﻮﻟﻮﻥ ﻫﺎﻱ ﺍﺷﺒﻴﻬﺎ؟ !!
ﻭﺍﻟﻲ ﺧﻮﻓﻨﻲ ﺍﻛﺜﺮ ﺷﻜﻠﻬﺎ ﺍﻟﻲ ﺍﻧﻜﻠﺐ ﺭﺃﺳﺎً ﻋﻠﻰ ﻋﻘﺐ .. ﺣﺠﻴﺖ ﻭﻳﺎﻫﺎ ﺣﺘﻰ ﺍﺗﺪﺍﺭﻙ ﺍﻟﻤﻮﻗﻒ .. ﺑﺲ ﻫﻲ ﻣﻨﻄﺘﻨﻲ ﻣﺠﺎﻝ !!
ﺣﺴﻴﺘﻬﺎ ﺭﺍﺡ ﺗﻮﻛﻊ ﻣﺜﻞ ﺍﻟﻲ ﻓﻘﺪﺕ ﺗﻮﺍﺯﻧﻬﺎ .. ﻣﺪﻳﺖ ﺍﻳﺪﻱ ﻟﺰﻣﺘﻬﺎ !..
ﺩﺍﻟﻴﺎ .. ﺑﺼﻮﺕ ﻣﺨﻨﻮﻙ ، ﺍﻋﺘﺬﺭ ﻣﻨﻜﻢ ﺑﺲ ﻣﺎﺍﻋﺮﻑ ﺷﺼﺎﺭﻟﻲ ﺧﻠﻴﻨﺎ ﺍﻧﺮﻭﺡ ﺩﻛﺘﻮﺭ .. ﻋﻔﺘﻬﻢ ﻭﻃﻠﻌﺖ !
ﺍﺳﻴﺪ .. ﺷﻔﺖ ﺣﺎﻟﺘﻬﺎ ﻓﻌﻼً ﻣﻮ ﻃﺒﻴﻌﻴﻪ ، ﺍﺳﺘﺄﺫﻧﺖ ﻣﻨﻬﻢ ﻭﻃﻠﻌﺖ ﻭﺭﺍﻫﺎ ﺑﺲ ﺍﻧﻲ ﺩﻣﻲ ﻳﻐﻠﻲ ﻣﻦ ﺗﺼﺮﻓﻬﺎ ﺍﻟﺴﺨﻴﻒ ﻭﺍﻟﻤﻮﻗﻒ ﺍﻟﻤﺤﺮﺝ ﺍﻟﻲ ﺧﻠﺘﻨﻲ ﺑﻲ !
ﻃﺒﻌﺎً ﺧﺎﻟﺘﻲ ﻣﻌﺠﺒﻬﺎ ﺍﻟﻮﺿﻊ ﻧﻬﺎﺋﻴﺎً ﻭﻛﻠﺒﺖ ﺧﻠﻘﺘﻬﺎ .. ﻫﺎﻱ ﻫﻲ ﺭﺍﺡ ﺍﻧﻔﻀﺢ ﻳﻢ ﺍﻣﻲ ﻭﺑﻌﺪ ﻣﺎﺍﺧﻠﺺ ، ﺍﺻﺒﺮﻳﻠﻲ ﺩﺍﻟﻴﺎ ﺍﻧﻲ ﺍﻋﻠﻤﺞ ﻉ ﺍﻟﻲ ﺳﻮﻳﺘﻲ ﺑﻴﻪ !
ﻃﻠﻌﺖ ﻭﺭﺍﻫﺎ ﺑﺴﺮﻋﻪ ﻟﻜﻴﺘﻬﺎ ﻣﺮﺗﻜﻴﻪ ﻉ ﺍﻟﺴﻴﺎﺭﻩ ﻣﻦ ﻭﺭﻩ ﻭﺩﺍﻳﺮﻩ ﻭﺟﻬﺎ .. ﺑﺼﻮﺕ ﺣﺎﺩ ﻭﻣﻠﻴﺎﻥ ﻋﺼﺒﻴﻪ ...
_ ﻟﺞ ﺍﻧﺘﻲ ﺍﺗﺨﺒﻠﺘﻲ ﺷﻨﻮ ﻫﺬﺍ ﺍﻟﻲ ﺳﻮﻳﺘﻲ ﻛﺪﺍﻡ ﺧﺎﻟﺘﻲ؟ !!
ﺍﺗﻮﻗﻌﺘﻬﺎ ﺗﺨﺎﻑ ﻣﻦ ﻣﺒﺮﺓ ﺻﻮﺗﻲ ﺍﻟﻌﺎﻟﻴﻪ ﻭﺍﻟﻌﺼﺒﻴﻪ ﺑﺲ ﻣﺎﻛﻮ ﻣﺪﺍﺭﺕ ﻭﺟﻬﻬﺎ .. ﻣﺸﻴﺖ ﻧﺎﺣﻴﺘﻬﺎ ﻭﺟﺮﻳﺘﻬﺎ ﻣﻦ ﻛﺘﻔﻬﺎ ﺑﻘﻮﻩ ﺩﺭﺗﻬﺎ ﻋﻠﻴﻪ ..... ﺟﺎﻥ ﺍﺷﻮﻓﻬﺎ ﺗﺒﺠﻲ ﻭﺣﺎﻟﺘﻬﺎ ﺣﺎﻟﻪ !!!!!
ﻫﺎﻱ ﺭﺍﺡ ﺍﺗﺨﺒﻠﻨﻲ ﻭﺍﻟﻠﻪ ، ﺍﺳﺘﻮﻫﺎ ﺗﻀﺤﻚ ﻳﻢ ﺻﺪﻳﻘﺘﻬﺎ ﻭﻓﺮﺣﺎﻧﻪ ﻃﻠﻌﺖ ﻣﻦ ﺍﻟﻔﻨﺪﻕ .. ﻫﺴﻪ ﺷﺼﺎﺭ .. ﺍﺷﺒﻴﻬﺎ؟ !!!
ﺑﺼﻮﺕ ﺟﺎﻣﺪ ..
_ ﻟﻴﺶ ﺩﺗﺒﺠﻴﻦ؟ !!
ﺩﺍﻟﻴﺎ .. ﻣﻜﺪﺭﺕ ﺍﺣﺠﻲ ﺍﺣﺲ ﻋﺒﺮﻩ ﻣﺨﻨﻮﻛﻪ ﺑﺼﺪﺭﻱ ﺍﺭﻳﺪ ﺍﺗﻨﻔﺲ ﻣﺎﺍﻛﺪﺭ .. ﺑﻘﻴﺖ ﺳﺎﻛﺘﻪ ﺑﺲ ﺩﻣﻮﻋﻲ ﺗﺼﺐ !!
ﺍﺳﻴﺪ .. ﺑﺼﻮﺕ ﻏﺎﺿﺐ .. ﺩﺍﺍﺣﺠﻴﻴﻴﻲ ﻭﻳﺎﺝ ﺟﺎﻭﺑﻴﻨﻲ ﻻ ﺍﻛﻔﺮ ﺑﻴﺞ ، ﻟﻴﺶ ﺗﺒﺠﻴﻦ؟ !!!!
ﺩﺍﻟﻴﺎ .. ﺧﻔﺖ ﻣﻦ ﻋﻨﺪﻩ ﺣﻴﻞ ﻣﻌﺼﺐ ﻭﺍﻟﻐﻀﺐ ﺑﻌﻴﻮﻧﻪ ، ﺑﺼﻮﺕ ﻣﺨﻨﻮﻙ ﻫﻤﺲ .. ﻣﺒﻴﻪ ﺷﻲ !!
ﺍﺳﻴﺪ .. ﺷﻨﻮ ﻣﺒﻴﺞ ﺷﻲ ، ﻟﻌﺪ ﺷﻜﻮ ﺗﺒﺠﻴﻦ؟ !!
ﺩﺍﻟﻴﺎ .. ﻛﻤﺖ ﺍﺭﺟﻒ ﻣﺎﺍﺩﺭﻱ ﺷﺼﺎﺭﻟﻲ ﻓﻘﺪﺕ ﺍﻟﺴﻴﻄﺮﻩ ﻋﻠﻰ ﺟﺴﻤﻲ !!
ﺑﺼﻮﺕ ﻳﺮﺟﻒ ﻣﻦ ﺑﻴﻦ ﺷﻬﻜﺎﺗﻲ .. ﺍﻟﻠﻪ ﻳﺨﻠـ .. ـﻴﻚ .. ﺭﺟﻌﻨـ .. ﻧــ .. ـﻲ ﻟﻠـ .. ﻟﻠـﺒﻴﻴﻴﺖ .
ﺍﺳﻴﺪ .. ﺧﻄﻮﻩ ﻭﺣﺪﻩ ﻣﺘﺘﺤﺮﻛﻴﻦ ﻣﻨﺎ ﺍﺫﺍ ﻣﺎﺍﻋﺮﻑ ﺍﺷﺒﻴﺞ ﻭﻟﻴﺶ ﺩﺗﺒﺠﻴﻦ !!
ﺩﺍﻟﻴﺎ .. ﻏﻀﺒﻪ ﻭﺻﻴﺎﺣﻪ ﻋﻠﻴﻪ ﺯﺍﺩ ﺍﻟﻄﻴﻦ ﺑﻠﻪ .. ﺍﺣﺲ ﺷﻲ ﺑﺪﺍﺧﻠﻲ ﺩﻳﺤﺘﺮﻙ .. ﺍﺩﻳﻪ ﻛﺎﻣﺖ ﺗﺮﺟﻒ ﺑﻘﻮﻩ .. ﺟﺴﻤﻲ ﻛﻮﻟﻪ ﺍﻧﺘﻔﺾ .. ﺍﻟﻮﺟﻊ ﺍﻟﻲ ﺑﮕﻠﺒﻲ ﻣﻴﻨﺤﻤﻞ .. ﻣﺎﺍﺩﺭﻱ ﺷﻨﻮ ﺍﻟﻲ ﺻﺎﺭ .. ﺍﺷﺒﻴﻪ ... ﻣﻌﻘﻮﻟﻪ ﺣﻤﻮﺕ .. ﺑﻘﻴﺖ ﺍﺗﻠﻔﺖ ﻣﺜﻞ ﺍﻟﻤﺨﺒﻠﻪ .. ﺑﺼﻮﺕ ﻋﺎﻟﻲ ﻭﻳﺮﺟﻒ .. ﺭﺟﻌﻨﻴﻴﻴﻲ .. ﺭﺟﻌﻨﻴﻴﻴﻲ .. ﻣﺎﺍﺭﻳﺪ ﺍﺑﻘﻰ ﻫﻨﺎ .. ﻣﺎﺍﺭﻳﺪ .. ﻣﺎﺍﻛﺪﺭ .. ﻳﺎ ﺭﺑﻲ .. ﻻﺍﺍﺍ .. ﻣﻮﻭﻭ ﻫﻲ .. ﻻ .. ﻻﺍ .. ﺍﺧﺬﻧﻲ ﺍﻟﻠﻪ ﻳﺨﻠﻴﻚ .. ﻣﺎﺍﻛﺪﺭ .. ﻣﻮ ﻫﻲ .. ﻻﺍ .. ﺑﻘﻴﺖ ﺍﺑﺠﻲ ﻭﺍﺻﻴﺢ ﺍﻟﻌﺎﻟﻢ ﺍﺗﺒﺎﻭﻉ ﻋﻠﻴﻪ ﻉ ﺑﺎﻟﻬﻢ ﻣﺨﺒﻠﻪ
.....
ﺍﺳﻴﺪ .. ﺩﺍﺍﺣﺠﻲ ﻭﻳﺎﻫﺎ ﻃﺒﻴﻌﻲ ﺍﺷﻮ ﻫﺎﻱ ﺍﺗﺨﺒﻠﺖ ﻓﺠﺄﻩ .. ﻛﺎﻣﺖ ﺗﺼﻴﺢ ﻭﺗﻔﺘﺮ ﻣﺜﻞ ﺍﻟﻲ ﺩﺗﻬﺮﺏ ﻣﻦ ﺷﻲ ﻳﺮﻛﺾ ﻭﺭﺍﻫﺎ .. ﺍﻟﻨﺎﺱ ﺍﻟﺘﻤﻮﻭ .. ﻭﺻﺎﺭﺕ ﺧﺒﺼﻪ .. ﺑﺲ ﺍﻧﻲ ﻛﻞ ﻫﺬﺍ ﻣﻬﻤﻨﻲ .. ﺍﻟﻲ ﺣﺮﻙ ﮔﻠﺒﻲ ﻭ ﺩﻣﺮﻧﻲ ﻣﻨﻈﺮﻫﺎ .. ﺣﺎﻟﺘﻬﺎ ﺻﺪﻙ ﻛﺎﻧﺖ ﻣﻮ ﻃﺒﻴﻌﻴﻪ .. ﺗﻬﺴﺘﺮﺕ ﺗﺼﻴﺢ ﻣﻦ ﻗﺮﻳﺢ ﮔﻠﺒﻬﺎ .. ﻟﺰﻣﺘﻬﺎ ﻣﻦ ﺍﻳﺪﻫﺎ ﺟﺮﻳﺘﻬﺎ ﻋﻠﻴﻪ .. ﺭﻓﻌﺖ ﺍﺩﻳﻪ ﻟﺰﻣﺖ ﻭﺟﻬﺎ ، ﺣﺎﻭﻟﺖ ﺍﺛﺒﺖ ﻭﺟﻬﻬﺎ ﺑﺲ ﻫﻲ ﻛﻞ ﺫﺭﻩ ﺑﺠﺴﻤﻬﺎ ﺗﺮﺟﻒ ﻭﺗﺒﺠﻲ .. ﺗﺒﺠﻲ ﺩﻣﻮﻉ ﻣﻮ ﻃﺒﻴﻌﻴﻪ ﺩﻣﺮﺕ ﻛﻞ ﻛﻴﺎﻧﻲ !!
ﻟﺰﻣﺖ ﻭﺟﻬﺎ ﺑﻴﻦ ﺍﺩﻳﻪ ، ﺧﻠﻴﺘﻬﺎ ﺗﺒﺎﻭﻋﻠﻲ ﻭﺍﻧﻲ ﻣﺮﻛﺰ ﺑﻌﻴﻮﻧﻬﺎ ﺑﺤﺪﻩ .. ﻭﺑﺼﻮﺕ ﻫﺎﺩﺉ ..
_ ﺩﺍﻟﻴﺎ .. ﺩﺍﻟﻴﺎ .. ﺍﻫﺪﺋﻲ .. ﺭﺍﺡ ﺍﻧﺮﻭﺡ ﺑﺲ ﺍﻫﺪﺋﻲ .. ﻫﺴﻪ ﺍﺧﺬﺝ ﻣﻨﺎﺍ ﻭﺍﻟﻠﻪ ﺑﺲ ﺍﺛﺒﺘﻲ ﻟﺘﺨﺒﻠﻴﻨﻲ !!
ﻣﺎﻛﻮﻭﻭﻭ ﻭﻻ ﻛﺄﻧﻮ ﺩﺗﺴﻤﻌﻨﻲ ﺣﺴﻴﺘﻬﺎ ﺑﻐﻴﺮ ﻋﺎﻟﻢ .. ﺍﻟﺤﺎﻟﻪ ﺍﻟﻲ ﺑﻴﻬﺎ ﺧﻠﺖ ﻋﻴﻮﻧﻲ ﺗﺪﻣﻊ .. ﻣﺎﺍﺩﺭﻱ ﺷﺼﺎﺭﻟﻬﺎ .. ﺳﺤﺒﺘﻬﺎ ﻟﺼﺪﺭﻱ ﺑﻘﻮﻩ ﻭﺣﻈﻨﺘﻬﺎ ﺍﺭﻳﺪ ﺍﻫﺪﺋﻬﺎ .. ﻧﺴﻴﺖ ﺍﻟﻌﺎﻟﻢ ﺍﻟﻮﺍﻛﻔﻪ .. ﻧﺴﻴﺖ ﺍﺣﻨﺎ ﺑﺎﻟﺸﺎﺭﻉ .. ﺑﺲ ﺭﺩﺕ ﺍﺛﺒﺖ ﺍﻟﺮﺟﻔﻪ ﺍﻟﻲ ﺑﺠﺴﻤﻬﺎ .. ﻟﺰﻣﺘﻨﻲ ﻣﻦ ﻗﻤﻴﺼﻲ ﺑﻘﻮﻩ ﻭﻛﺎﻣﺖ ﺗﺒﺠﻲ ﺍﻛﺜﺮ ﻭﺗﺸﺎﻫﻚ ﺣﻴﻞ !!
ﺣﺴﻴﺖ ﮔﻠﺒﻲ ﺩﻳﻨﻌﺼﺮ ﺑﻘﻮﻩ ﻭﺭﻋﺸﻪ ﺑﻜﻞ ﺟﺴﻤﻲ ﺻﺎﺭﺕ .. ﻣﻦ ﺻﺪﻙ ﺑﻬﺬﻳﺞ ﺍﻟﻠﺤﻈﻪ ﺍﻧﺘﻬﻴﺖ ﺩﻣﺮﺗﻨﻲ .. ﺑﺤﻴﺎﺗﻲ ﻣﺎ ﺣﺴﻴﺖ ﻫﻴﺞ ﺍﺣﺴﺎﺱ .. ﺣﺘﻰ ﻣﻦ ﺍﻛﺘﺸﻔﺖ ﺧﻴﺎﻧﺔ ﺧﻄﻴﺒﺘﻲ ﻭﺻﺪﻳﻘﻲ ﻣﺎ ﺣﺴﻴﺖ ﻫﺬﺍ ﺍﻻﺣﺴﺎﺱ .. ﻛﻠﺒﻲ ﺩﻳﺤﺘﺮﻙ ﻋﻠﻴﻬﺎ .. ﻗﺮﺑﺖ ﺣﻠﻜﻲ ﻳﻢ ﺍﺫﻧﻬﺎ ﻭﺑﺼﻮﺕ ﻫﺎﺩﺉ ﻫﻤﺴﺘﻠﻬﺎ ..
_ ﺍﺷﺸﺸﺸﺶ ﺍﻧﻲ ﻳﻤﺞ ﺍﻫﺪﻱ .. ﺩﺍﻟﻴﺎ .. ﻟﺘﺨﻮﻓﻴﻨﻲ .. ﺍﻫﺪﻱ .. ﺍﻫﺪﻳﻴﻴﻲ .. ﺍﻧﻲ ﻳﻤﺞ ﻣﺤﺪ ﻳﻮﺻﻠﺞ ﺑﺲ ﺍﻫﺪﻱ ﺣﺘﻰ ﻧﺮﻭﺡ ﻣﻨﺎ !..
ﺩﺍﻟﻴﺎ .. ﻻﻭﻝ ﻣﺮﻩ ﺑﺤﻴﺎﺗﻲ ﺍﻓﻘﺪ ﺍﻟﺴﻴﻄﺮﻩ ﻋﻠﻰ ﺟﺴﻤﻲ .. ﻛﻞ ﻋﻈﻮ ﺑﻴﻪ ﻛﺎﻥ ﻳﺮﺟﻒ ﻭﻳﺼﺮﺥ ﻣﻦ ﺍﻟﻨﺎﺭ ﺍﻟﻲ ﻣﺸﺘﻌﻠﻪ ﺑﮕﻠﺒﻲ .. ﻣﺎ ﺣﺴﻴﺖ ﺑﺸﻲ ﻏﻴﺮ ﻟﻤﺎ ﺣﻈﻨﻲ .. ﺣﺴﻴﺖ ﺑﺼﺪﺭﻩ ﺍﻟﺼﻠﺐ .. ﺑﺄﻧﻔﺎﺳﻪ ﺍﻟﺤﺎﺭﻩ ﻋﻠﻰ ﺍﺫﻧﻲ .. ﮔﻠﺒﻪ ﻛﺎﻥ ﻳﺪﻙ ﺑﺴﺮﻋﻪ ﻣﺜﻠﻲ .. ﺑﺲ ﺭﻏﻢ ﻫﺬﺍ ﺟﺴﻤﻲ ﻣﻬﺪﺃ .. ﺑﺼﻮﺕ ﻣﺘﻘﻄﻊ ﻭﻣﺨﻨﻮﻙ ..
_ ﻭ .. ﺩﻳــ .. ﻧﻲ ﻟـ .. ﻟﺒﻴﺖ !
ﺍﺳﻴﺪ .. ﻣﻦ ﺣﺠﺖ ﺟﺴﻤﻲ ﻛﻠﻪ ﺍﻧﺘﻔﺾ .. ﻣﺎﺷﻲ ﺑﺲ ﺍﻫﺪﺋﻲ ﻻﻥ ﻣﺎﺍﻛﺪﺭ ﺍﺳﻮﻕ ﻭﺍﻧﺘﻲ ﺑﻬﺎﻟﺤﺎﻟﻪ .. ﺍﻧﻤﻮﺕ ﺍﺛﻨﻴﻨﺎ !..
ﺩﺍﻟﻴﺎ .. ﺑﻌﺪﺕ ﻋﻨﻪ .. ﻭﻟﺰﻣﺖ ﺍﻟﺴﻴﺎﺭﻩ .. ﺑﺨﻄﻮﺍﺕ ﻣﺘﺜﺎﻗﻠﻪ ﻓﺘﺤﺖ ﺍﻟﺒﺎﺏ ﻣﺎﻟﺖ ﺍﻟﺴﻴﺎﺭﻩ ﻭﺻﻌﺪﺕ .. ﺑﺲ ﺍﺳﺘﺨﺪﻣﺖ ﻛﻞ ﺫﺭﻩ ﻗﻮﻩ ﺑﺎﻗﻴﻪ ﺑﺠﺴﻤﻲ ﺑﺤﻴﺚ ﺣﺴﻴﺖ ﻧﻔﺴﻲ ﺩﺍﺍﻋﺒﺮ ﺳﺮﺍﻁ ﻣﻮ ﺍﺻﻌﺪ ﺳﻴﺎﺭﻩ !..
ﺍﺳﻴﺪ .. ﻋﺎﻓﺘﻨﻲ ﻭﺭﺍﺣﺖ ﻟﻠﺴﻴﺎﺭﻩ .. ﻟﺤﻜﺘﻬﺎ ﺻﻌﺪﺕ ﻭﻳﺎﻫﺎ ﻟﻜﻴﺘﻬﺎ ﻣﺨﻠﻴﻪ ﺍﺩﻳﻬﺎ ﻋﻠﻰ ﻭﺟﻬﺎ ﻭﺗﺒﺠﻲ ﺑﺤﺮﮔﻪ !!
ﻣﺤﺠﻴﺖ ﺷﻲ ﺷﻐﻠﺖ ﺍﻟﺴﻴﺎﺭﻩ ﻭﻃﻠﻌﺖ ﮔﺒﻞ ﻟﻠﺒﻴﺖ ﻛﻠﺖ ﻫﻨﺎﻙ ﺍﺗﻔﺎﻫﻢ ﻭﻳﺎﻫﺎ .. ﺑﻘﻴﺖ ﻣﺮﻛﺰ ﻉ ﺍﻟﻄﺮﻳﻖ ﺑﺲ ﺍﻧﻲ ﻓﻜﺮﻱ ﻛﻠﻪ ﻳﻤﻬﺎ ، ﻫﻲ ﻃﻮﻝ ﺍﻟﻄﺮﻳﻖ ﻣﺤﺠﺖ ﺷﻲ ﺑﺲ ﺗﺒﺠﻲ ﻭﺗﺮﺩﺩ .. ﻣﻮﻭﻭ ﻫﻲ .. ﻣﻮ ﻫﻲ !!
ﻣﻨﻮ ﺗﻘﺼﺪ ؟ !
ﻭﺷﻨﻮ ﺍﻟﻲ ﺧﻮﻓﻬﺎ ﻟﻬﺪﺭﺟﻪ ؟ !
ﻣﺎﺍﺩﺭﻱ ﺍﺷﻠﻮﻥ ﻭﺻﻠﺖ ﻟﻠﺒﻴﺖ .. ﻓﺘﺢ ﺍﻟﺤﺮﺱ ﺍﻟﺒﺎﺏ ﻭﺩﺧﻠﻨﺎ .. ﺍﻭﻝ ﻣﺎ ﻭﺻﻠﻨﺎ ﻓﺘﺤﺖ ﺍﻟﺒﺎﺏ ﺑﺴﺮﻋﻪ ﻭﻧﺰﻟﺖ !!
ﺭﻛﺾ ﻭﺭﺍﻫﺎ ﺩﺧﻠﺖ ﻟﻠﺒﻴﺖ ﻟﻜﻴﺘﻬﺎ ﺩﺗﺮﻳﺪ ﺗﺪﺧﻞ ﻟﻠﻐﺮﻑ .. ﺍﻭﻝ ﻣﺎ ﻭﺻﻠﺖ ﻟﻠﺒﺎﺏ ﻟﺰﻣﺘﻬﺎ !!
ﺑﺼﻮﺕ ﺣﺎﺩ ..
_ ﻭﻳﻦ ﺭﺍﻳﺤﻪ ﺍﻧﺘﻲ ﺗﺨﺒﻠﺘﻲ ﻟﻮ ﺷﻨﻮ؟ !
ﺩﺍﻟﻴﺎ .. ﻧﺰﻋﺖ ﺍﻟﺤﺬﺍﺀ ﺑﺎﻟﺴﻴﺎﺭﻩ ﻭﻧﺰﻟﺖ ﺭﻛﺾ ﻟﻐﺮﻓﺘﻲ ، ﺍﺭﻳﺪ ﺍﺣﻀﻦ ﻓﺮﺍﺷﻲ ﻭﺍﺑﺠﻲ .. ﻭﺟﻊ ﺑﻜﻞ ﺟﺴﻤﻲ ، ﻣﻌﺪﺗﻲ ﻣﻮﺗﺘﻨﻲ ﺑﻄﻨﻲ ﺗﻠﻮﻳﻨﻲ ، ﮔﻠﺒﻲ ﻣﺎ ﺍﻭﺻﻔﻠﻜﻢ ﻭﺟﻌﻪ ﻣﻴﻨﺤﻤﻞ !!
ﻛﻨﺖ ﺣﺪﺧﻞ ﻟﻠﻐﺮﻓﻪ ﻭﺍﻗﻔﻞ ﺍﻟﺒﺎﺏ ﻻﻥ ﻣﺎﺍﻛﺪﺭ ﺍﺣﺠﻲ .. ﻭﺍﺫﺍ ﺭﺩﺕ ﺍﺣﺠﻲ ﺷﻨﻮﻭﻭﻭ ﺍﻛﻮﻝ؟ !!
ﻣﻨﻮ ﺣﻴﺼﺪﻛﻨﻲ؟ !!
ﻋﻔﺘﻪ ﻭﺭﻛﻀﺖ ﻟﻐﺮﻓﺘﻲ ﻗﺒﻞ ﻻ ﺍﻭﺻﻞ ﻟﻠﺒﺎﺏ ﺟﺮﻧﻲ ﻭﺑﻘﻰ ﻳﺼﻴﺢ ﺑﺼﻮﺕ ﺟﺎﻣﺪ .. ﻳﻌﻨﻲ ﺍﺧﺎﻑ ﺍﻧﻲ ﻋﺎﻳﺰﻩ؟ !!
ﻣﺠﺎﻭﺑﺘﻪ ﻟﻤﺎ ﺳﺄﻟﺘﻲ ﻻﻧﻮﻭ ﺍﺻﻼً ﻣﺴﻤﻌﺘﻪ ﺷﻨﻮﻭ ﺣﺠﻪ ، ﻋﻘﻠﻲ ﻣﺸﻐﻮﻝ ﺑﺎﻟﺼﺪﻣﻪ ﺍﻟﻲ ﺻﺎﺭﺕ !..
ﺑﻘﻴﺖ ﺳﺎﻛﺘﻪ ﻭﺍﺭﺟﻒ ﺑﺄﻳﺪﻩ
.....
ﺍﺳﻴﺪ .. ﺍﺣﺠﻲ ﻭﻳﺎﻫﺎ ﻣﺘﺠﺎﻭﺑﻨﻲ ، ﺧﺒﻠﺘﻨﻲ .. ﺍﺭﻳﺪ ﺍﻓﻬﻢ ﺷﻨﻮﻭﻭ ﺍﻟﻲ ﺻﺎﺭ ، ﺍﺷﺒﻴﻬﺎ ﻣﺘﺤﺠﻲ !!
ﻛﻨﺖ ﻻﺯﻣﻬﺎ ﺑﻘﻮﻩ ﺗﺮﻛﺘﻬﺎ .. ﺩﺭﺕ ﻭﺟﻬﺎ ﻋﻠﻴﻪ ﻭﺭﻓﻌﺖ ﺭﺍﺳﻬﺎ ﺻﺎﺭﺕ ﻧﻈﺮﺍﺗﻨﺎ ﻭﺍﺣﺪ ﺑﻌﻴﻮﻥ ﺍﻟﺦ !
ﺑﺼﻮﺕ ﻫﺎﺩﺉ ..
_ ﺑﺲ ﻓﻬﻤﻴﻨﻲ ﺍﺷﺒﻴﺞ ﻭﺭﻭﺣﻲ ﻣﺮﺍﻳﺪ ﻣﻨﺞ ﺷﻲ !
ﺩﺍﻟﻴﺎ .. ﻛﻼﻣﻪ ﻭﻧﻈﺮﺗﻪ ﻫﺰﻭ ﻛﻞ ﺫﺭﺓ ﻗﻮﻩ ﺑﺎﻗﻴﻪ ﺑﻴﻪ ﺍﻧﻬﺎﺭﻳﺖ ﻻﺧﺮ ﺩﺭﺟﻪ .. ﻋﻴﻮﻧﻪ ﻛﺎﻧﺖ ﺑﻴﻬﺎ ﻧﻈﺮﺓ ﺍﻭﻝ ﻣﺮﻩ ﺍﺷﻮﻓﻬﺎ .. ﺷﻔﻘﻪ ، ﺧﻮﻑ !!
ﺻﻔﻨﺖ ﺑﻮﺟﻬﻪ ﻭﺩﻣﻮﻋﻲ ﺑﻘﺖ ﺗﺠﺮﻱ .. ﺍﺩﻳﻪ ﻛﺎﻧﺖ ﻣﺤﺎﻭﻃﻪ ﻭﺟﻬﻲ .. ﻫﺪﻭﻭﻭﻭﺀ ﻫﺬﺍ ﻛﻞ ﺍﻟﻲ ﺣﺴﻴﺖ ﺑﻲ !
ﺍﺳﻴﺪ .. ﺩﺍﻟﻴﺎ .. ﺩﺗﺴﻤﻌﻴﻨﻲ ؟ !!
ﺩﺍﻟﻴﺎ .. ﻣﺤﺠﻴﺖ ﺷﻲ ﺑﺲ ﻫﺰﻳﺖ ﺭﺍﺳﻲ ﺑﻬﺪﻭﺀ ﻣﺮﺗﻴﻦ !
ﺗﺮﻙ ﻭﺟﻬﻲ ﻭﺍﺧﺬﻧﻲ ﻣﻦ ﺍﻳﺪﻱ .. ﻛﻌﺪﻧﻲ ﻉ ﺍﻟﺘﺨﻢ .. ﺭﺍﺡ ﺟﺎﺏ ﺣﺒﺎﻳﻪ ﻣﺎﺍﻋﺮﻑ ﻣﺎﻟﺖ ﺷﻨﻮ ﻭ ﻭﻳﺎﻫﺎ ﻣﻲ ﻭﺍﺟﻪ .. ﺧﻼﻫﺎ ﺑﺄﻳﺪﻱ ﻛﺎﻝ ﺍﺷﺮﺑﻴﻬﺎ !..
ﺍﺧﺬﺗﻬﺎ ﻣﻦ ﻋﻨﺪﻩ ﺑﺄﻳﺪ ﺗﺮﺟﻒ .. ﺷﺮﺑﺘﻬﺎ .. ﻭﺑﻘﻴﺖ ﺳﺎﻛﺘﻪ ﻣﺤﺠﻴﺖ ﺷﻲ .. ﻫﻮ ﻫﻢ ﺑﻘﻰ ﻛﺎﻋﺪ ﻛﺪﺍﻣﻲ ﻭﻳﺪﺧﻦ ﺑﺲ ﺑﺸﺮﺍﻫﻪ .. !
ﺑﻌﺪ ﻛﻢ ﺩﻗﻴﻘﻪ ﺣﺴﻴﺖ ﺟﺴﻤﻲ ﺍﺭﺗﺨﻰ .. ﺍﻟﺮﺟﻔﻪ ﺑﺪﺕ ﺍﺗﺨﻒ .. ﮔﻠﺒﻲ ﻧﺒﻀﺎﺗﻪ ﺍﻧﺘﻈﻤﺖ .. ﺑﺪﻳﺖ ﺍﺗﻨﻔﺲ ﺑﻬﺪﻭﺀ ... ﺍﺭﺗﻜﻴﺖ ﻉ ﺍﻟﻘﻨﻔﻪ ﻣﺜﻞ ﺍﻟﺨﺪﺭﺍﻧﻪ ... ﺑﻌﺪﻫﺎ ﻛﻞ ﺍﻟﻲ ﺣﺴﻴﺖ ﺑﻲ ﺳﻮﺍﺩ !!
ﻣﺎﺍﻋﺮﻑ ﺍﺷﻜﺪ ﻣﺮ ﻣﻦ ﺍﻟﻮﻗﺖ .. ﻛﻌﺪﺕ ﻟﻜﻴﺖ ﻧﻔﺴﻲ ﻧﺎﻳﻤﻪ ﺑﺎﻟﺼﺎﻟﻪ .. ﻭﻫﻮ ﻛﺎﻋﺪ ﻛﺪﺍﻣﻲ .. ﻛﺎﻥ ﺻﺎﻓﻦ ﻋﻠﻴﻪ ﻭﻳﺒﺎﻭﻋﻠﻲ ﺑﻨﻈﺮﺍﺕ ﻏﺮﻳﺒﻪ .. ﻋﻴﻮﻧﻪ ﻣﻠﻴﺎﻧﻪ ﻇﻼﻡ .. ﻣﺎﻛﻮ ﺍﻱ ﻣﺸﺎﻋﺮ .. ﺍﻱ ﺗﻌﺎﺑﻴﺮ .. ﺑﺲ ﻇﻼﻡ ﺑﻌﻴﻮﻧﻪ !!
ﺟﺴﻤﻲ ﻛﺎﻥ ﻛﻮﻟﻪ ﻣﺮﺗﺨﻲ ﻣﺎﺍﺣﺲ ﺑﺸﻲ ﻣﺎ ﻋﺪﺍ ﻭﺟﻊ ﺑﺮﺍﺳﻲ ﻓﻀﻴﻴﻴﻴﻊ !
ﺣﺎﻭﻟﺖ ﺍﻛﻌﺪ .. ﺭﻓﻌﺖ ﻧﻔﺴﻲ ﺑﻜﻞ ﻗﻮﺗﻲ ﻭﻛﻌﺪﺕ .. ﻫﻮ ﺻﺎﻓﻦ ﺑﻮﺟﻬﻲ ﻣﻴﺤﺠﻲ ﺑﺲ ﻳﺪﺧﻨﻪ ﻭﻧﻈﺮﺍﺗﻪ ﺍﻟﻲ ﺑﻴﻬﺎ ﺍﻟﻒ ﺳﺆﺍﻝ !!
ﺭﺩﺕ ﺍﺣﺠﻲ ﺍﻛﻮﻟﻪ ﺻﺎﺭ ﺍﺷﻜﺪ ﻣﻦ ﻧﻤﺖ ... ﺑﺲ ﺳﺆﺍﻟﻪ ﺳﺒﻘﻨﻲ !!
ﺍﺳﻴﺪ .. ﺣﺎﻟﺘﻪ ﻛﺎﻧﺖ ﻣﻮ ﻃﺒﻴﻌﻴﻪ .. ﺍﺿﻄﺮﻳﺖ ﺍﻧﻄﻴﻬﺎ ﻣﻨﻮﻡ ﺍﺳﺘﺨﺪﻣﻪ ﺩﺍﺋﻤﺎً ﺑﻬﻴﺞ ﺣﺎﻻﺕ ﻟﺒﻌﺾ ﺍﻟﺠﻨﻮﺩ .. ﺁﻣﻦ ﻭﻣﻴﻀﺮ ﺑﺲ ﻳﻬﺪﺃ ﺍﻟﻤﺮﻳﺾ ﻭﻳﻨﻴﻤﻪ !!
ﺑﻌﺪ ﺩﻗﺎﻳﻖ ﻧﺎﻣﺖ .. ﺑﻘﻴﺖ ﻛﺎﻋﺪ ﻳﻤﻬﺎ .. ﻭﺍﻟﻲ ﺳﻤﻌﺘﻪ ﺻﺪﻣﻨﻲ !!
ﻛﺎﻧﺖ ﺗﺸﻬﻚ ﺑﺄﻧﻔﺎﺱ ﻣﺨﻨﻮﻛﻪ ﻭ ﺗﺮﺩﺩ ﺑﺼﻮﺕ ﻣﺜﻞ ﺍﻟﻬﺬﻳﺎﻥ ..
ﻻﺍ .. ﻣﻮ ﺃﻣﻲ .. ﻫﺬﻱ ﻣﻮ ﺃﻣﻲ .. ﻣﺴﺘﺤﻴﻞ .. ﺍﻣﻲ ﻣﺎﺗﺖ .. ﺍﻣﻲ ﻣﺎﺗﺖ .. ﻣﺎ ﺭﺟﻌﺖ ﻻﻧﻬﺎ ﻣﺎﺗﺖ .. ﺍﻧﺘﻲ .. ﻣﻴﺘﻪ ﻣﻴﺘﻪ .. ﻣﻮ ﺍﻣﻲ !!!!
ﻣﻔﻬﻤﺖ ﺷﻨﻮ ﺗﻘﺼﺪ .. ﺑﺲ ﻫﻲ ﺻﺎﺭﺕ ﺑﻴﻬﺎ ﻫﺬﻱ ﺍﻟﺤﺎﻟﻪ ﻟﻤﺎ ﺷﺎﻓﺖ ﺧﺎﻟﺘﻲ .. ﺷﻨﻮ ﺍﻣﻬﺎ .. ﺷﻨﻮ ﻣﺎﺗﺖ ؟ !!
ﺯﻳﻦ ﺧﺎﻟﺘﻲ ﺷﻨﻮ ﻋﻼﻗﺘﻬﺎ ﺑﺎﻟﻤﻮﺿﻮﻉ !..
ﻃﺒﻌﺎً ﺍﻧﻲ ﻣﻦ ﺍﻭﻝ ﻣﺎ ﺷﻔﺘﻬﺎ ﺷﺒﻬﺖ ﻋﻠﻴﻬﺎ ﻟﺨﺎﻟﺘﻲ ﺍﻳﻨﺎﺱ !
ﺧﺎﻟﺘﻲ ﻫﺬﻱ ﺍﺻﻐﺮ ﻭﺣﺪﻩ ﺑﻴﻦ ﺍﺧﻮﺍﺗﻬﺎ .. ﺍﺗﺬﻛﺮ ﻛﺎﻧﺖ ﻣﺴﺎﻓﺮﻩ ﻓﺘﺮﻩ ﻭﺑﻌﺪﻳﻦ ﻛﺎﻟﻮ ﺭﺟﻌﺖ .. ﺍﻧﻲ ﺑﻮﻗﺘﻬﺎ ﻛﻨﺖ ﺑﺎﻟﻤﺘﻮﺳﻄﻪ ﻳﻤﻜﻦ ﻓﻤﺎﺍﺗﺬﻛﺮ ﺯﻳﻦ ﺷﻨﻮ ﺍﻟﻲ ﺭﺟﻌﻬﺎ .. ﺍﺧﺬﺗﻠﻬﺎ ﻓﺘﺮﻩ ﻳﻤﻨﺎ ﺑﻌﺪﻳﻦ ﺍﺗﺰﻭﺟﺖ ﻭﺭﺟﻌﺖ ﺳﺎﻓﺮﺕ ﻟﻠﺸﻤﺎﻝ !
ﻭﻣﻦ ﺷﻔﺘﻬﺎ ﺑﺎﻟﻤﻄﻌﻢ ﺍﺳﺘﻐﺮﺑﺖ ﻣﺎﺍﺩﺭﻱ ﺑﻴﻬﺎ ﺟﺎﻳﻪ !
ﺍﻟﺸﺒﻪ ﺑﻴﻨﻬﺎ ﻭﺑﻴﻦ ﺩﺍﻟﻴﺎ ﻏﺮﻳﺐ .. ﺣﺘﻰ ﺍﻣﻲ ﻛﺎﻧﺖ ﺗﻜﻮﻝ ﻫﺬﻱ ﺍﻟﺒﻨﻴﻪ ﺗﺸﺒﻪ ﺍﺧﻴﺘﻲ .. ﻭﺑﻤﺎ ﺍﻧﻮ ﺧﺎﻟﺘﻲ ﺍﻳﻨﺎﺱ ﻧﺎﺩﺭﺍً ﻣﺘﺸﻮﻓﻬﺎ ﺍﻣﻲ .. ﻓﺪﺍﻟﻴﺎ ﻛﺎﻧﺖ ﺗﺬﻛﺮﻫﺎ ﺑﻴﻬﺎ .. ﻟﺬﻟﻚ ﺣﺒﺘﻬﺎ ﻭﻣﻘﺒﻠﺖ ﺍﻃﺮﺩﻫﺎ !
ﻋﻘﻠﻲ ﺍﻓﺘﺮ .. ﺷﻨﻮ ﻫﺬﺍ ﺍﻟﺸﺒﻪ .. ﻭﻟﻴﺶ ﻫﻴﺞ ﺩﺍﻟﻴﺎ ﺍﻧﺼﺪﻣﺖ ﺑﻴﻬﺎ .. ﺣﺴﻴﺖ ﺭﺍﺳﻲ ﺣﻴﻨﻔﺠﺮ ﻣﻦ ﺍﻟﺘﻔﻜﻴﺮ .. ﻛﻤﺖ ﻗﺴﺖ ﺿﻐﻄﻬﺎ ﻛﺎﻥ ﻣﺮﺗﻔﻊ ﺣﻴﻞ .. ﻋﻔﺘﻬﺎ ﻭﺭﺣﺖ ﺳﻮﻳﺘﻠﻬﺎ ﺷﻮﺭﺑﻪ ﻭﻋﺼﻴﺮ ﻟﻴﻤﻮﻥ .. ﻛﻤﻠﺘﻬﺎ ﻭﺭﺟﻌﺖ ﻫﻲ ﺑﻌﺪﻫﺎ ﻧﺎﻳﻤﻪ .. ﻛﻌﺪﺕ ﻳﻤﻬﺎ ﺍﺩﺧﻦ ﻭﺍﻟﻒ ﺳﺆﺍﻝ ﻭﺳﺆﺍﻝ ﺑﺮﺍﺳﻲ .. ﺷﺎﺭﺩ ﻭﺩﺍﺍﻓﻜﺮ ﺑﻜﻼﻣﻬﺎ .. ﺟﺎﻥ ﺗﺘﺤﺮﻙ .. ﻇﻬﺮﻫﺎ ﺻﺎﺭ ﻣﻮﺍﺟﻪ ﺍﻟﻲ .. ﺍﻟﻔﺴﺘﺎﻥ ﻣﺎﻟﺘﻬﺎ ﻣﻦ ﻭﺭﺍ ﺗﻘﺮﻳﺒﺎً ﺷﺒﻪ ﻋﺎﺭﻱ ﻻﻧﻮ ﻣﻴﻐﻄﻲ ﻏﻴﺮ ﻗﻄﻌﻪ ﺷﻴﻔﻮﻥ ﺗﻄﻠﻊ ﺍﻛﺜﺮ ﻣﻦ ﺍﻟﻲ ﺗﺴﺘﺮﻩ .. ﺑﺸﺮﺗﻬﺎ ﺑﻴﻀﻪ ﺗﺠﺬﺏ .. ﻭﺷﻌﺮﻫﺎ ﺍﺳﻮﺩ ﻣﻨﺜﻮﺭ ﻋﻠﻰ ﻇﻬﺮﻫﺎ ﻭﺍﻛﺘﺎﻓﻬﺎ .. ﺟﺴﻤﻬﺎ ﻉ ﺑﺎﻟﻚ ﻣﻨﺤﻮﺕ ﻭﺭﺟﻠﻴﻬﺎ ﺑﻴﺾ ﺛﻠﺞ .. ﻓﺴﺘﺎﻧﻬﺎ ﻛﺎﻥ ﻣﺮﻓﻮﻉ ﻭﻃﺎﻟﻌﻪ ﺳﻴﻘﺎﻧﻬﺎ .. ﻣﻨﻈﺮ ﺳﻄﺮﻧﻲ ﺳﻄﺮ ﺫﻛﺮﻧﻲ ﻟﻤﺎ ﻭﻛﻌﺖ ﺍﻟﻤﻨﺸﻔﻪ ﻣﻨﻬﺎ .... ﺍﺧﺎﻑ ﺍﻧﻲ ﻋﺎﻳﺰ ﺍﺗﺨﺒﻠﺖ ﺍﻛﺜﺮ .. ﺣﺎﻭﻟﺖ ﺍﻃﺮﺩ ﺍﻟﺼﻮﺭﻩ ﻣﻦ ﻋﻘﻠﻲ ﻣﻜﺪﺭﺕ ، ﺣﺘﻰ ﻋﻴﻨﻲ ﻣﺎﺍﻛﺪﺭ ﺍﺷﻴﻠﻬﺎ ﻋﻨﻬﺎ .. ﺍﻭﻝ ﻣﺮﻩ ﺍﺣﺲ ﻧﻔﺴﻲ ﻧﺬﻝ ﻟﻬﺪﺭﺟﻪ ﺑﺤﻴﺚ ﺑﺎﻭﻋﺖ ﻋﻠﻰ ﺑﻨﻪ ﺑﻼ ﻣﺘﻌﺮﻑ !!
ﻣﺎﺍﺩﺭﻱ ﺷﺼﺎﺭﻟﻲ .. ﺣﺮﺍﺭﻩ ﺑﻜﻞ ﺟﺴﻤﻲ ﺻﺎﺭﺕ .. ﻛﻤﺖ ﺑﺴﺮﻋﻪ ﺟﺒﺖ ﻏﻄﻪ ﻭﻏﻄﻴﺘﻬﺎ .. ﻣﺎﺍﻛﺪﺭ ﺍﺗﺤﻤﻞ ﻫﻴﺞ ﻣﻨﻈﺮ !..
ﺑﻘﻴﺖ ﻛﺎﻋﺪ ﺍﺭﺍﻗﺒﻬﺎ ﺑﺲ ﺍﻋﺼﺎﺑﻲ ﺣﻴﻞ ﺗﻌﺒﺎﻧﻪ ﻣﻦ ﺻﻮﺭﺗﻬﺎ ﺍﻟﻲ ﺍﺑﺎﻟﻲ .. ﻓﺠﺄﻩ ﻛﻌﺪﺕ !!
ﮔﻠﺒﻲ ﺣﺴﻴﺘﻪ ﻓﺰ ﻣﻦ ﺻﺤﺖ .. ﻛﺎﻥ ﻭﺍﺿﺢ ﻋﻠﻴﻬﺎ ﺍﻧﻮ ﺩﺗﺘﻮﺟﻊ .. ﺍﻛﻴﺪ ﻣﻦ ﺭﺍﺳﻬﺎ ﺑﺴﺒﺐ ﺍﻟﺤﺎﻟﻪ ﺍﻟﻲ ﺻﺎﺭﺗﻠﻬﺎ ﻟﻤﺎ ﺗﻬﺪﺃ ﺍﻻﻻﻡ ﺗﺒﺪﻱ ﺗﻄﻠﻊ !
ﻣﻦ ﺷﺎﻓﺘﻨﻲ ﺭﻓﻌﺖ ﻧﻔﺴﻬﺎ ﻭﻛﻌﺪﺕ .. ﺗﺒﺎﻭﻋﻠﻲ .. ﻃﺒﻌﺎً ﻭﺟﻬﻬﺎ ﺻﺎﻳﺮ ﺧﺮﻳﻄﻪ ﻣﻦ ﺍﻟﻤﻜﻴﺎﺝ ﺍﻟﻲ ﺳﺎﻝ ﺑﺴﺒﺐ ﺍﻟﺒﺠﻲ .. ﻛﻨﺖ ﺍﺭﻳﺪ ﺍﺿﺤﻚ ﻣﻦ ﻣﻨﻈﺮﻫﺎ .. ﺑﺲ ﻟﺰﻣﺖ ﻧﻔﺴﻲ !
ﺑﺼﻮﺕ ﺟﺎﻣﺪ ﺳﺄﻟﺘﻬﺎ
......
ﺍﺷﻮﻥ ﺻﺮﺗﻲ؟ !
ﺩﺍﻟﻴﺎ .. ﺍﺣﺴﻦ ، ﺻﺎﺭﻟﻲ ﺍﺷﻜﺪ ﻧﺎﻳﻤﻪ !
ﺍﺳﻴﺪ .. ﻣﻮ ﻫﻮﺍﻱ .. ﻛﻮﻣﻲ ﻏﺴﻠﻲ ﺣﺘﻰ ﻧﺘﻌﺸﻰ !
ﺩﺍﻟﻴﺎ .. ﻣﺎﺍﺭﻳﺪ ، ﺣﺮﻭﺡ ﺍﻏﻴﺮ ﻣﻼﺑﺴﻲ ﻭﺍﻧﺎﻡ !
ﺍﺳﻴﺪ .. ﻻﺯﻡ ﺗﺎﻛﻠﻴﻦ ﺷﻲ ، ﺭﻭﺣﻲ ﺑﺪﻟﻲ ﻋﻠﻰ ﻣﺎ ﺍﺣﻈﺮ ﺍﻻﻛﻞ !
ﺩﺍﻟﻴﺎ .. ﻫﺬﺍ ﺷﺪﻳﺤﺠﻲ .. ﻣﻌﻘﻮﻟﻪ ﻳﺤﻈﺮﻟﻲ ﺍﻟﻲ ﺍﻛﻞ !!
ﻳﺎ ﺭﺑﻲ ﺍﺭﺟﻮﻙ ﻛﺎﻓﻲ ﺻﺪﻣﺎﺕ ﻟﻬﺬﺍ ﺍﻟﻴﻮﻡ ﺑﻌﺪ ﻣﺎﺍﺗﺤﻤﻞ .. ﺍﻣﻲ ﻃﻠﻌﺖ ﻛﺪﺍﻣﻲ .. ﻭﻫﺴﻪ ﺍﺳﻴﺪ ﺑﺠﻼﻝ ﻗﺪﺭﻩ ﻳﺴﻮﻳﻠﻲ ﺍﻛﻞ !!
ﻣﺤﺠﻴﺖ ﺷﻲ ﻻﻧﻮ ﺍﻻﻟﻢ ﺑﺮﺍﺳﻲ ﻣﻮﺗﻨﻲ .. ﻛﻤﺖ ﻟﻐﺮﻓﺘﻲ .. ﻧﺰﻋﺖ ﺍﻟﻔﺴﺘﺎﻥ ﻛﺎﻥ ﺧﺎﻧﻜﻨﻲ .. ﻭﮔﺒﻞ ﻟﻠﺤﻤﺎﻡ .. ﺳﺒﺤﺖ ، ﺑﺪﻟﺖ ﻟﺒﺴﺖ ﺗﺮﺍﻙ ﺍﺳﻮﺩ ﻭﺑﻲ ﻭﺭﺩ ﺍﺑﻴﺾ ﻣﺮﺗﺐ ﻭﺣﻠﻮ .. ﻣﺸﻄﺖ ﺷﻌﺮﻱ ﻭﺭﻓﻌﺘﻪ ﻟﻴﻔﻮﻙ ( ﺫﻳﻞ ) ﻭﻃﻠﻌﺖ !!
ﻟﻜﻴﺘﻪ ﺑﺎﻟﻤﻄﺒﺦ .. ﺑﻼ ﻣﻴﻠﺘﻔﺖ ﺍﻟﻲ .. ﻛﺎﻝ
ﺍﺳﻴﺪ .. ﺭﻭﺣﻲ ﺍﻛﻌﺪﻱ ﻫﺴﻪ ﺍﺟﻲ !
ﺩﺍﻟﻴﺎ .. ﺭﺣﺖ ﻛﻌﺪﺕ .. ﻭﺑﻘﻴﺖ ﺍﻧﺘﻈﺮﻩ .. ﺍﺷﻮﻳﻪ ﻭﺍﺟﻪ .. ﺷﺎﻳﻞ ﺻﻴﻨﻴﻪ ﺻﻐﻴﺮﻩ ﺧﻼﻫﺎ ﻛﺪﺍﻣﻲ ..
ﺍﺳﻴﺪ .. ﺍﻛﻠﻲ !
ﺩﺍﻟﻴﺎ .. ﻣﺎﺍﺷﺘﻬﻲ .
ﺍﺳﻴﺪ .. ﺑﺼﻮﺕ ﺣﺎﺩ ﻟﺘﻌﺎﻧﺪﻳﻦ .. ﻭﺍﻛﻠﻲ !
ﺩﺍﻟﻴﺎ .. ﺷﻜﻠﻪ ﻣﻮ ﻣﺎﻝ ﺍﻧﺎﻗﺸﻪ .. ﻣﻌﺼﺐ ﻭﻋﻴﻮﻧﻪ ﻣﻈﻠﻤﻪ .. ﻣﺪﻳﺖ ﺍﻳﺪﻱ ﺍﻛﻠﺖ ﺍﻟﺸﻮﺭﺑﻪ .. ﻛﺎﻥ ﻃﻌﻤﻬﺎ ﻳﺠﻨﻦ ﺍﻭﻝ ﻣﺮﻩ ﺍﻛﻞ ﻫﻴﺞ ﺷﻮﺭﺑﻪ ﻭﻫﻴﺞ ﻃﻌﻢ !
ﺍﻛﻠﺘﻬﺎ ﻛﻮﻟﻬﺎ ﺣﺘﻰ ﻣﻬﺘﻤﻴﺖ ﻟﻮﺟﻮﺩﻩ ﻛﺪﺍﻣﻲ .. ﺩﺍﺍﻛﻞ ﺟﺎﻥ ﻳﺤﺠﻲ !!
ﺍﺳﻴﺪ .. ﺍﻣﺞ ﻣﻴﺘﻪ؟ !
ﺩﺍﻟﻴﺎ .. ﺣﺴﻴﺖ ﮔﻠﺒﻲ ﺍﻧﺨﻤﺶ .. ﺫﺑﻴﺖ ﺍﻟﺨﺎﺷﻮﻛﻪ ﻣﻦ ﺍﻳﺪﻱ .. ﻭﺑﺎﻭﻋﺖ ﺑﻮﺟﻬﻪ .. ﻣﺎﺍﻋﺮﻑ ﺷﺄﺟﺎﻭﺑﻪ؟ !!
ﺑﻘﻴﺖ ﺳﺎﻛﺘﻪ .. ﻓﺮ ﺭﺍﺳﻪ ﺑﻤﻌﻨﻰ ﺟﺎﻭﺑﻲ ، ﺑﺼﻮﺕ ﻫﻤﺲ .. ﻻ .. ﺍﻗﺼﻴﺪ ﺑﻠﻲ .. !
ﺍﺳﻴﺪ .. ﺷﻨﻮ؟ !!
ﺩﺍﻟﻴﺎ .. ﻟﻮﻳﺶ ﺍﻟﺴﺆﺍﻝ؟ !!
ﺍﺳﻴﺪ .. ﺟﺎﻭﺑﻲ !
ﺩﺍﻟﻴﺎ .. ﻣﺎﺍﻋﺘﻘﺪ ﺷﻲ ﻳﺨﺼﻚ .. ﻋﻔﺖ ﺍﻻﻛﻞ ﻭﻛﻤﺖ !
ﺍﺳﻴﺪ .. ﺑﺼﻮﺕ ﺣﺎﺩ ﻭ ﻋﺎﻟﻲ .. ﻟﻮﻳﺶ ﻟﻤﺎ ﺷﻔﺘﻲ ﺧﺎﻟﺘﻲ ﺍﺗﺨﺮﺑﻄﺘﻲ؟ !!
ﺩﺍﻟﻴﺎ .. ﺟﻤﺪﺕ ﺑﻤﻜﺎﻧﻲ ﻣﻦ ﻛﺎﻝ ﺧﺎﻟﺘﻲ .. ﻣﻠﺘﻔﺘﺖ ﻋﻠﻴﻪ .. ﻛﻨﺖ ﺗﻌﺒﺎﻧﻪ ﻣﻦ ﺍﻟﺤﻔﻠﻪ ﻣﺎ ﺍﻟﻬﺎ ﻋﻼﻗﻪ ﺧﺎﻟﺘﻚ ، ﻛﻤﻠﺖ ﻣﺸﻲ ﺭﺣﺖ ﻟﻠﻐﺮﻓﻪ .. ﺟﺎﻥ ﻳﺠﺮﻧﻲ !
ﺍﺳﻴﺪ .. ﺍﺣﺠﻲ ﻭﻳﺎﻫﺎ ﻭﻫﻲ ﻭﻻ ﻛﺄﻧﻮ ﻋﺎﻓﺘﻨﻲ ﻭﻣﺸﺖ !
ﻣﻦ ﺻﺪﻙ ﻋﺼﺒﺘﻨﻲ .. ﺟﺮﻳﺘﻪ ﺑﻘﻮﻩ ﻭﺩﻓﻌﺘﻬﺎ ﻉ ﺍﻟﺘﺨﻢ .. ﺑﺼﻮﺕ ﺣﺎﺩ .. ﻟﻤﺎ ﺍﺣﺠﻲ ﻭﻳﺎﺝ ﺗﻮﻛﻔﻴﻦ ﺗﺴﻤﻌﻴﻦ ﻛﻼﻣﻲ ، ﻭﻣﺘﺮﻭﺣﻴﻦ ﺍﻻ ﺍﻧﻲ ﺍﺳﻤﺤﻠﺞ ﺍﻧﺘﻲ ﺗﺸﺘﻐﻠﻴﻦ ﻫﻨﺎ ﻟﻮ ﻧﺴﻴﺘﻲ !!
ﺩﺍﻟﻴﺎ .. ﻣﻨﺴﻴﺖ ﺷﻲ ﺑﺲ ﺣﻀﺮﺗﻚ ﻣﻮ ﻣﻦ ﺣﻘﻚ ﺗﺘﺪﺧﻞ ﺑﺨﺼﻮﺻﻴﺎﺗﻲ ﻭﺗﺴﺄﻟﻨﻲ ﻫﻴﺞ ﺃﺳﺌﻠﻪ
......
ﺍﺳﻴﺪ .. ﺍﺧﺮ ﻣﺮﻩ ﺃﺳﺄﻟﺞ ﺷﻨﻮ ﻋﻼﻗﺘﺞ ﺑﺨﺎﻟﺘﻲ .. ﺟﺎﻭﺑﻲ ﻟﻮ ﺗﺤﺒﻴﻦ ﺍﺟﻴﺐ ﺧﺎﻟﺘﻲ ﻟﻬﻨﺎ ﻭﺍﺳﺌﻠﻬﺎ !..
ﺩﺍﻟﻴﺎ .. ﻣﻦ ﻛﺎﻟﻲ ﺍﺟﻴﺒﻬﺎ ﺣﺴﻴﺖ ﺍﻃﺮﺍﻓﻲ ﺑﺪﺕ ﺗﺮﺟﻒ .. ﻻ ﻛﻮﻟﺸﻲ ﻭﻻ ﺗﺠﻲ .. ﻣﺎﺍﻛﺪﺭ ﺍﺷﻮﻓﻬﺎ .. ﻣﺎﺍﻛﺪﺭ .. ﺍﻟﻠﻪ ﻳﺨﻠﻴﻚ .. ﻻﺍ .. !
ﺍﺳﻴﺪ .. ﺑﺪﺕ ﺗﺮﺗﻌﺶ ﺭﺍﺡ ﺗﺨﺒﻠﻨﻲ ﻫﺎﻱ .. ﺍﺗﻜﻮﻝ ﻣﻮ ﻣﻦ ﺧﺎﻟﺘﻚ ﺍﺗﺨﺮﺑﻄﺖ ﻭﻣﻦ ﺍﺟﻴﺐ ﺳﻴﺮﺗﻬﺎ ﺗﻨﺠﻦ !!
ﻧﻔﺬ ﺻﺒﺮﻱ ﻭﻣﻦ ﺻﺪﻙ ﻋﺼﺒﺖ .. ﺑﺤﻴﺎﺗﻲ ﻣﻤﺘﺤﻤﻞ ﺷﺨﺺ ﻫﺎﻟﻜﺪ ﻭﺻﺎﺑﺮ ﻋﻠﻴﻪ ، ﻣﺸﻴﺖ ﻳﻤﻬﺎ ﻟﺰﻣﺘﻬﺎ ﻣﻦ ﺍﻳﺪﻳﻬﺎ ﺛﺒﺘﺘﻬﺎ ﻛﺪﺍﻣﻲ ، ﺑﺎﻭﻋﺘﻠﻲ .. ﺑﺼﻮﺕ ﺣﺎﺩ ﻭﺟﺎﻣﺪ ..
_ ﺍﺳﻤﻌﻴﻨﻲ ﺯﻳﻦ ﻭﻋﻮﻓﻲ ﺧﺒﺎﻻﺗﺞ ﻫﺎﻱ .. ﺭﺍﺡ ﺃﺳﺄﻟﺞ ﻭﺗﺠﺎﻭﺑﻴﻨﻲ ﺑﺪﻭﻥ ﺍﻱ ﻧﻘﺎﺵ ﻭﺑﻼ ﻛﺬﺏ ﻭﺍﻻ ﻭﺍﻟﺨﻠﻘﺞ ﺍﺗﺼﺮﻑ ﻭﻳﺎﺝ ﺗﺼﺮﻑ ﺍﺑﺪ ﻣﻴﻌﺠﺒﺞ !!
ﺩﺍﻟﻴﺎ .. ﻛﻨﺖ ﺧﺎﻳﻔﻪ ﻭﻣﺮﻋﻮﺑﻪ ﻣﻦ ﻓﻜﺮﺓ ﺍﻧﻮ ﻳﺠﻴﺒﻬﺎ ﻟﻠﺒﻴﺖ ﻭﺍﺷﻮﻓﻬﺎ .. ﺑﺲ ﺷﻜﻠﻪ ﺍﻟﻐﺎﺿﺐ ﻭﻋﺼﺒﻴﺘﻪ ﺧﻮﻓﺘﻨﻲ ﺍﻛﺜﺮ ﻛﺎﻥ ﻳﺒﺎﻭﻉ ﺑﻮﺟﻬﻲ ﻭﻋﻴﻮﻧﻪ ﻧﺎﺭ !
ﻣﺎﻋﻨﺪﻱ ﺣﻞ ﺛﺎﻧﻲ ﺍﺣﺴﻦ ﻣﺎﺍﻋﺼﺒﻪ ﻭﻳﺴﻮﻱ ﺍﻻﺳﻮﺀ .. ﻏﻤﻀﺖ ﻋﻴﻮﻧﻲ ﺍﺧﺬﺕ ﻧﻔﺲ ﻭﺟﺎﻭﺑﺘﻪ ﺑﺼﻮﺕ ﻣﺨﻨﻮﻙ ..
_ ﺷﻨﻮ ﺍﻟﻲ ﺗﺮﻳﺪ ﺗﻌﺮﻓﻪ؟ !!
ﺍﺳﻴﺪ .. ﺍﻣﺞ ﻭﻳﻦ ؟ !!
ﺩﺍﻟﻴﺎ .. ﻣﺎﺍﻋﺮﻑ !
ﺍﺳﻴﺪ .. ﺷﻨﻮ ﻣﺘﻌﺮﻓﻴﻦ ، ﻳﻌﻨﻲ ﻣﻴﺘﻪ ؟ !
ﺩﺍﻟﻴﺎ .. ﻻ .
ﺍﺳﻴﺪ .. ﻟﺘﻌﺼﺒﻴﻨﻲ ﺟﺎﻭﺑﻲ ﻋﺪﻝ !
ﺩﺍﻟﻴﺎ .. ﺟﺎﻭﺑﺘﻚ .. ﻛﻠﺘﻠﻚ ﻣﺎﺍﻋﺮﻑ ﻣﻦ ﻛﻨﺖ ﺻﻐﻴﺮﻩ ﺍﺧﺬﺗﻨﻲ ﺍﻧﻲ ﻭﺍﺧﺘﻲ ﺷﻤﺮﺗﻨﺎ ﻳﻢ ﺑﺎﺏ ﺍﻟﻤﻴﺘﻢ ﻭﺭﺍﺣﺖ ﻣﺸﻔﺘﻬﺎ ﺑﻌﺪ ﻭﻟﺖ ﺍﻋﺮﻑ ﻋﺪﻟﻪ ﻟﻮ ﻣﻴﺘﻪ !
ﺍﺳﻴﺪ .. ﻟﻴﺶ ﻣﻦ ﺷﻔﺘﻲ ﺧﺎﻟﺘﻲ ﺍﺗﺨﺒﻠﺘﻲ؟ !!
ﺩﺍﻟﻴﺎ .. ﺳﻜﺘﺖ ﻣﺤﺠﻴﺖ .. ﺑﺲ ﺍﺣﺲ ﮔﻠﺒﻲ ﺩﻳﺮﺟﻒ ﻭﻋﻴﻮﻧﻲ ﺩﻣﻌﺖ !
ﺍﺳﻴﺪ .. ﻫﺎ؟ !!
ﺩﺍﻟﻴﺎ .. ﻻﻧﻮ ﺧﺎﻟﺘﻚ ﻫﻲ ﺍﻣﻲ !
ﺍﺳﻴﺪ .. ﻫﻬﻬﻬﻬﻪ ، ﺍﻧﺘﻲ ﻣﺨﺒﻠﻪ ﺷﻲ !!
ﺷﻨﻮ ﺍﻣﺞ ﺷﻨﻮ ﻫﺎﻟﻐﺒﺎﺀ .. ﺍﻟﻈﺎﻫﺮ ﺍﻟﻜﻌﺐ ﺍﺛﺮ ﻋﻠﻰ ﻋﻘﻠﺞ !
ﺩﺍﻟﻴﺎ .. ﻟﻬﺬﺍ ﻣﺮﺩﺕ ﺍﺣﺠﻲ ﻭﺍﻧﺖ ﺍﻟﻲ ﺟﺒﺮﺗﻨﻲ .
ﺍﺳﻴﺪ .. ﻟﺞ ﺑﺎﺑﺎ ﺧﺎﻟﺘﻲ ﻣﺘﺰﻭﺟﻪ .. ﻭﻋﺪﻫﺎ ﺟﻬﺎﻝ ﻳﺠﻮﻥ ﺑﻜﺪﺝ ﺗﻘﺮﻳﺒﺎً ، ﻭﺯﻭﺟﻬﺎ ﺷﻔﺘﻲ ﺑﻌﻴﻨﺞ ﻭﻳﺎﻫﺎ .. ﻟﻮ ﻫﻢ ﺍﺑﻮﺝ ﻫﺬﺍ !!
ﺩﺍﻟﻴﺎ .. ﺑﺎﺑﺎ ﻣﺎﺕ ﻣﻦ ﺍﻧﻲ ﺻﻐﻴﺮﻩ ﻭﺑﻌﺪ ﻭﻓﺎﺗﻪ ﻣﺎﻣﺎ ﺍﺧﺬﺗﻨﻲ ﺍﻧﻲ ﻭﺍﺧﺘﻲ ﻟﺒﻴﺖ ﺍﻫﻠﻬﺎ .. ﺑﻘﻴﻨﺎ ﻫﻨﺎﻙ ﻓﺘﺮﻩ ﻗﺒﻞ ﻟﺘﻌﻮﻓﻨﺎ ﻳﻢ ﺍﻟﻤﻴﺘﻢ .
ﺍﺳﻴﺪ .. ﺍﺷﻜﺪ ﻛﺎﻥ ﻋﻤﺮﺝ ﻭﻗﺘﻬﺎ !!
ﺩﺍﻟﻴﺎ .. ﻣﺎﺍﺗﺬﻛﺮ ﻳﻤﻜﻦ 7 ﺍﻭ 8 ﺳﻨﻮﺍﺕ !
ﺍﺳﻴﺪ .. ﻓﺮﺿﺎً ﻛﻼﻣﺞ ﺻﺤﻴﺢ .. ﺍﻳﻨﺎﺱ ﻣﺴﺘﺤﻴﻞ ﺗﻜﻮﻥ ﺍﻣﺞ !
ﺩﺍﻟﻴﺎ .. ﻫﻪ .. ﻳﺎ ﺭﻳﺖ ﻛﻼﻣﻚ ﺻﺪﻭﻙ .. ﻭﻳﺎﺭﻳﺘﻬﺎ ﻣﻮ ﺃﻣﻲ .. ﻉ ﺍﻻﻗﻞ ﻛﺎﻡ ﺑﻘﺖ ﺑﻨﻈﺮﻱ ﻣﻴﺘﻪ
. ....
ﺍﺳﻴﺪ .. ﺻﺪﻛﻲ ﺍﻧﺘﻲ ﻏﻠﻄﺎﻧﻪ .. ﺍﻳﻨﺎﺱ ﻣﻮ ﺍﻣﺞ ﻳﻤﻜﻦ ﺷﺒﻪ ﺑﻴﻨﻬﺎ ﻭﺑﻴﻦ ﺍﻣﺞ .. ﺣﺘﻰ ﺑﻴﻨﺞ ﻭﺑﻴﻨﻬﺎ ﺍﻛﻮ ﺷﺒﻪ !
ﺩﺍﻟﻴﺎ .. ﻣﺘﺤﻤﻠﺖ ﻛﻼﻣﻪ .. ﻛﻞ ﺍﻟﻲ ﻛﻠﺘﻪ ﻭﺑﻌﺪﻩ ﻣﻤﺼﺪﻙ !!
ﻣﻌﻘﻮﻟﻪ ﻣﻔﻜﺮ ﺍﻛﻮ ﺑﺸﺮ ﻳﻐﻠﻂ ﺑﺄﻣﻪ !!
ﺍﺳﻠﻮﺑﻪ ﺍﻟﺒﺎﺭﺩ ﻭﻋﺪﻡ ﺗﺼﺪﻳﻘﻪ ﻟﻜﻼﻣﻲ ﺣﺮﻙ ﮔﻠﺒﻲ ﺣﺮﻙ .. ﻣﻜﺪﺭﺕ ﺍﻟﺰﻡ ﺍﻋﺼﺎﺑﻲ ﺍﻛﺜﺮ .. ﺍﻧﻔﺠﺮﺕ ﺑﻮﺟﻬﻪ ...
_ ﺍﻱ ﻫﺬﻱ ﻣﻮ ﺍﻣﻲ .. ﻭﺍﻧﻲ ﺩﺍﺍﻛﺬﺏ ﺷﻔﺘﻬﺎ ﻭﻋﺠﺒﻨﻲ ﺷﻜﻠﻬﺎ ﻛﻠﺘﻠﻚ ﺍﻣﻲ .. ﺗﻌﺮﻑ ﺍﻟﺤﺜﺎﻟﻪ ﻛﻮﻟﺸﻲ ﻳﺴﻮﻭﻥ .. ﺣﺘﻰ ﻳﻨﺴﻮﻥ ﺍﻫﻠﻬﻢ ﻭﻳﺘﺒﺮﻭﻥ ﻣﻨﻬﻢ .. ﻣﻤﺠﺒﻮﺭ ﺗﺼﺪﻛﻨﻲ ﻭﻻ ﺍﺣﺪ ﻃﻠﺐ ﻣﻨﻚ ﺗﻘﺘﻨﻊ ﺍﻭ ﺣﺘﻰ ﺗﻌﺮﻑ ﺍﻧﺖ ﺍﻟﻲ ﺳﺄﻟﺖ ﻟﺤﺎﻟﻚ .. ﺑﻌﺪﻳﻦ ﺍﻧﻲ ﺷﺘﻮﻗﻊ ﻣﻨﻚ .. ﺍﻧﺖ ﺍﺻﻼً ﻣﻨﻮﻭ .. ﺍﺫﺍ ﻫﺬﻱ ﺧﺎﻟﺘﻚ ﺍﻧﺖ ﺷﻨﻮ ﺗﻜﻮﻥ؟ !!
ﻫﺬﻱ ﺍﻟﻲ ﺩﺗﻜﻮﻝ ﻋﻠﻴﻬﺎ ﺧﺎﻟﺘﻚ ﻭﻣﺴﺘﺤﻴﻞ ﺍﺗﻜﻮﻥ ﺍﻣﻲ .. ﻫﻲ ﺍﻟﻲ ﺷﻤﺮﺗﻨﻲ ﺍﻧﻲ ﻭﺍﺧﺘﻲ ﺍﻟﻲ ﻋﻤﺮﻫﺎ ﻛﻢ ﺳﻨﻪ ﺑﻨﺺ ﺍﻟﺸﺎﺭﻉ ﻋﺎﻓﺘﻨﻪ ﻟﻠﭽﻼﺏ ﺗﻨﻬﺶ ﻟﺤﻤﻨﺎ .. ﻫﺬﻱ ﺍﻟﻲ ﻛﺎﻋﺪ ﺗﺘﻔﺎﺧﺮﻟﻲ ﺑﻤﺎﺿﻴﻬﺎ ﻭﺗﺸﺮﺣﻠﻲ ﺣﻴﺎﺗﻬﺎ ﻫﻲ ﻧﻔﺴﻬﺎ ﺍﻟﻲ ﻗﺘﻠﺖ ﺍﺧﺘﻲ !
ﻧﻔﺴﻬﺎ ﺍﻟﻲ ﺧﻠﺘﻨﻲ ﺍﺗﻤﻨﻰ ﺍﻟﻤﻮﺕ ﻛﻞ ﻳﻮﻡ ﻣﻦ ﺍﺗﺬﻛﺮ ﺍﺷﻮﻥ ﻋﺎﻓﺖ ﺍﺧﺘﻲ ﺑﻴﻦ ﺍﺩﻳﻪ !
ﻧﻔﺴﻬﺎ ﺍﻟﻲ ﻋﺸﺖ ﻛﻞ ﻋﻤﺮﻱ ﺷﺎﻳﻠﻪ ﺫﻧﺐ ﻣﻮﺕ ﺍﺧﺘﻲ ﺑﺴﺒﺒﻬﺎ .. ﻧﻔﺴﻬﺎ ﺍﻟﻲ ﺍﺗﺮﺑﻴﺖ ﺑﺎﻟﻤﻴﺎﺗﻢ ﺑﺴﺒﺒﻬﺎ .. ﻧﻔﺴﻬﺎ ﺍﻟﻲ ﺍﺳﺘﻜﺜﺮﺕ ﻋﻠﻴﻪ ﻛﻠﻤﺔ ﺍﻡ ﻭﺣﻈﻦ ﺩﺍﻓﻲ .. ﻧﻔﺴﻬﺎ ﺍﻟﻲ ﺧﻼﻧﻲ ﺍﺻﻴﺮ ﺧﺪﺍﻣﻪ ﻭﺍﻧﻲ ﺑﻌﺰ ﺷﺒﺎﺑﻲ !
ﻛﻨﺖ ﻣﻔﻜﺮﻩ ﺭﻭﺣﻲ ﺍﻧﻲ ﺍﻟﻐﺒﻴﻪ ﺑﺲ ﺷﻜﻠﻚ ﺍﻧﺖ ﺑﺲ ﻣﻈﻬﺮ ﻛﻮﻟﺸﻲ ﻣﺘﻌﺮﻑ ﺍﻗﺮﺏ ﺍﻟﻨﺎﺱ ﺍﻟﻚ ﻣﺘﻌﺮﻑ ﻋﻨﻪ ﺷﻲ .. ﻫﻲ ﻫﺬﻱ ﺧﺎﻟﺘﻚ ﺍﻟﻲ ﺩﺗﺘﺒﺎﻫﺎ ﺑﻴﻬﺎ .. ﻫﻲ ﻫﺬﻱ ﺍﻟﻲ ﺧﺠﻠﺖ ﻣﻨﻬﺎ ﺗﺸﻮﻓﻨﻲ ﻭﻳﺎﻙ !!
ﺟﺎﻱ ﺑﻜﻞ ﺳﻬﻮﻟﻪ ﺍﺗﻜﻮﻟﻲ ﺷﺒﻪ ﺑﻴﻨﺎ !!..
ﻫﻬﻬﻪ .. ﺩﻳﺮ ﺑﺎﻟﻚ .. ﺩﻳﻴﻴﻴﻴﺮ ﺑﺎﻟﻚ ﺍﺗﻜﻮﻝ ﻫﺬﻱ ﻣﻮ ﺍﻣﻲ ﻟﻮ ﺗﺤﺎﻭﻝ ﺣﺘﻰ ﺍﻧﻮ ﺗﻘﻨﻌﻨﻲ ﻣﺠﺮﺩ ﺷﺒﻪ .. ﻻﻧﻲ ﻟﻮ ﺍﻧﺴﻰ ﺍﺷﻮﻥ ﺍﺗﻨﻔﺲ ﻣﺴﺘﺤﻴﻞ ﺍﻧﺴﻰ ﺷﻜﻞ ﺍﻣﻲ !
ﺍﺳﻴﺪ .. ﻛﺎﻧﺖ ﺗﺤﺠﻲ ﺑﺤﺮﻛﻪ ﻭﺍﻟﺪﻣﻮﻉ ﻣﺘﺠﻤﻌﻪ ﺑﻌﻴﻮﻧﻬﺎ ﻣﺘﻘﺒﻞ ﺗﻨﺰﻝ .. ﻛﻞ ﺫﺭﻩ ﺑﻴﻬﺎ ﻛﺎﻧﺖ ﺗﺮﺟﻒ ﻭﻫﻲ ﺗﺤﺠﻲ .. ﻋﻴﻮﻧﻬﺎ ﻛﺎﻧﺖ ﻭﺭﻣﺎﻧﻪ ﻣﻦ ﺍﻟﺒﺠﻲ ﺍﻟﻲ ﺑﺠﺘﻪ .. ﻭﺍﻟﺪﻣﻮﻉ ﺗﺮﻳﺪ ﺗﻨﻔﺠﺮ ﻣﻨﻬﻢ .. ﺍﻱ ﻭﺍﺣﺪ ﻳﻜﺪﺭ ﻳﺸﻮﻑ ﺍﻟﻮﺟﻊ ﺑﻤﻼﻣﺤﻬﺎ ﻭﻫﻲ ﺩﺗﺤﺠﻲ !
ﺑﺲ ﻣﻊ ﺫﻟﻚ ﺷﻲ ﺑﺪﺍﺧﻠﻲ ﻣﺪﺍﻳﺼﺪﻙ ﺍﻟﻲ ﺩﺗﻜﻮﻟﻪ .. ﺍﺷﻠﻮﻭﻭﻭﻭﻥ ﺍﻳﻨﺎﺱ ﺍﻣﻬﺎ؟ !!
ﺑﻘﻴﺖ ﺳﺎﻛﺖ ﻻﻭﻝ ﻣﺮﻩ ﺍﻟﻜﻼﻡ ﻳﻀﻴﻊ ﻭﻣﺎ ﺍﻟﻜﻰ ﺭﺩ !
ﻭﻛﻔﺖ ﻛﺪﺍﻣﻬﺎ .. ﺑﺼﻮﺕ ﻫﺎﺩﺉ ..
_ ﻣﺎﺷﻲ ﺍﻫﺪﻱ ﻫﺴﻪ .. ﻭﺍﻧﻲ ﺭﺍﺡ ﺍﺗﺄﻛﺪ ﻭ ﺍﻋﺮﻑ ﺍﻟﺤﻘﻴﻘﻪ .
ﺩﺍﻟﻴﺎ .. ﻫﻪ ﺍﺗﻤﻨﻰ ﻟﻤﺎ ﺗﻌﺮﻓﻬﺎ ﻣﺘﻨﺼﺪﻡ .
ﺍﺳﻴﺪ .. ﺭﻭﺣﻲ ﻫﺴﻪ ﻧﺎﻣﻲ ﻭﺑﺎﺟﺮ ﺍﻧﻲ ﺍﺭﻭﺡ ﺍﻻﻣﻲ ﺍﺟﻴﺒﻬﺎ ﻭﺍﻋﺮﻑ ﻣﻨﻬﺎ ﻛﻠﺸﻲ .
ﺩﺍﻟﻴﺎ .. ﻻﺍﺍﺍﺍ .. ﻣﺎﺍﺭﻳﺪ ﺍﺣﺪ ﻳﻌﺮﻑ ﺑﺎﻟﻤﻮﺿﻮﻉ ﺍﺗﺮﺟﺎﻙ ﺭﺟﺎﺀ .
ﺍﺳﻴﺪ .. ﺑﺴﺘﻐﺮﺍﺏ ﻟﻴﺶ؟ !!
ﺩﺍﻟﻴﺎ .. ﺍﻟﻠﻪ ﻳﺨﻠﻴﻚ ، ﻣﺎﺍﺭﻳﺪﻫﺎ ﺗﻌﺮﻑ ﻋﻨﻲ ﺷﻲ ، ﻭﻻ ﺍﺭﻳﺪ ﺷﻮﻓﻬﺎ ﺍﺻﻼً .. ﻭﺍﺫﺍ ﺍﻣﻚ ﻋﺮﻓﺖ ﺍﻛﻴﺪ ﻣﺮﺍﺡ ﺗﺒﻘﻴﻨﻲ ﻫﻨﺎ ﻭﺍﻧﻲ ﻣﺎ ﻋﻨﺪﻱ ﺍﺣﺪ ﺍﺭﻭﺣﻠﻪ ﺍﻟﻠﻪ ﻳﺨﻠﻴﻚ ﻭ ﺍﻭﻋﺪﻙ ﻣﺤﺒﻘﻰ ﺑﻌﺪ ﻫﻨﺎ ﺑﺲ ﺍﻧﻄﻴﻨﻲ ﻭﻗﺖ ﻋﻠﻰ ﻣﺎ ﺍﺷﻮﻑ ﺷﻐﻞ ﺛﺎﻧﻲ ﻭﺍﺭﻭﺡ !
ﺍﺳﻴﺪ .. ﻭﻟﻴﺶ ﺗﺮﺣﻴﻦ؟ !
ﺩﺍﻟﻴﺎ .. ﻫﻨﺎ ﺍﻟﺪﻣﻮﻉ ﻧﺰﻟﺖ ﻟﺤﺎﻟﻬﺎ ﻣﻜﺪﺭﺕ ﺍﻛﺘﻤﻬﺎ ﺍﻛﺜﺮ .. ﺑﺼﻮﺕ ﻣﺨﻨﻮﻙ .. ﺍﺫﺍ ﺍﻣﻲ ﻋﺎﻓﺘﻨﻲ ﺗﺘﻮﻗﻊ ﺍﻣﻚ ﺣﺘﺒﻘﻴﻨﻲ ﺍﺫﺍ ﻋﺮﻓﺖ !
ﺍﺳﻴﺪ .. ﺍﻟﻰ ﺍﻥ ﺍﺗﺄﻛﺪ ﻣﻦ ﺍﻟﺤﻘﻴﻘﻪ ﻣﺤﺪ ﻳﻜﺪﺭ ﻳﻤﺲ ﺷﻌﺮﻩ ﻣﻨﺞ ﻭﺍﻧﻲ ﻣﻮﺟﻮﺩ ، ﻭﺍﺫﺍ ﻃﻠﻌﺘﻲ ﺩﻛﺬﺑﻴﻦ ﻋﻠﻴﻪ ﺻﺪﻛﻴﻨﻲ ﻣﺤﺪ ﻳﺨﻠﺼﺞ ﻣﻨﻲ .
ﺩﺍﻟﻴﺎ .. ﺍﻧﻄﻴﻨﻲ ﻭﻋﺪ ﻣﺘﻜﻮﻝ ﺍﻻﻱ ﺍﺣﺪ ﺍﺑﺪﺍً ﺍﻟﻰ ﺍﻥ ﺍﻛﻮﻟﻚ !
ﺍﺳﻴﺪ .. ﺩﻣﻮﻋﻬﺎ ﺣﺮﮔﺖ ﺭﻭﺣﻲ ﺣﺮﻙ .. ﺑﺪﻭﻥ ﻭﻋﻲ ﻣﻨﻲ ﻟﻜﻴﺖ ﻧﻔﺴﻲ ﺩﺍﺍﺳﻮﻱ ﺍﻟﻲ ﺗﻄﻠﺒﻪ ، ﻧﻄﻴﺘﻬﺎ ﻭﻋﺪ ﻣﺎ ﺍﻛﻮﻝ ﺍﻱ ﺷﻲ ..
_ ﻣﺎﺷﻲ ﻣﺎ ﺍﻛﻮﻝ ﺑﺲ ﺑﺸﺮﻁ !
ﺩﺍﻟﻴﺎ .. ﻣﻮﺍﻓﻘﻪ !!
ﺍﺳﻴﺪ .. ﺍﻧﺘﻲ ﻋﺮﻓﺘﻲ ﺷﻨﻮ؟ !!
ﺩﺍﻟﻴﺎ .. ﻣﻴﺨﺎﻟﻒ ﺍﻳﺎً ﻛﺎﻥ ﺷﺮﻃﻚ ﻣﻮﺍﻓﻘﻪ ﺑﺲ ﻟﺘﺤﺠﻲ ﺷﻲ ﻋﻦ ﻫﺬﺍ ﺍﻟﻤﻮﺿﻮﻉ !
ﺍﺳﻴﺪ .. ﻛﻠﺘﻠﺞ ﻣﺎﺷﻲ ﻟﺘﻠﺤﻴﻦ !..
ﺩﺍﻟﻴﺎ .. ﺷﻨﻮ ﺷﺮﻃﻚ؟ !!
ﺍﺳﻴﺪ .. ﺗﺘﺰﻭﺟﻴﻨﻲ !
ﺩﺍﻟﻴﺎ .. ﺷﻨﻮﻭﻭ؟ !
ﻟﻠﺤﻜﺎﻳﻪ ﺑﻘﻴﻪ ️
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء