رواية في أرض الغرام انت دولتي ج1 الجزء الثامن عشر
للكاتبة الأميرة الموسوية
....
ﺍﺳﻴﺪ .. ﻋﻔﺘﻬﺎ ﻳﻢ ﻭﺣﺪﻩ ﻛﺮﺍﻓﻴﺮﻩ ﻣﺮﻩ ﻭﺩﻳﺖ ﺍﺧﺘﻲ ﻳﻤﻬﺎ ﻛﺎﻥ ﻋﺪﻧﺎ ﻣﻨﺎﺳﺒﻪ ﻭ ﻭﺍﺧﺬﺗﻬﺎ ﺍﻟﻬﺎ ، ﻫﻲ ﻣﻌﺮﻭﻓﻪ ﻓﺮﺣﺖ ﻋﻠﻴﻬﺎ ﺣﺘﻰ ﺧﺎﻑ ﻳﺼﻴﺮ ﺷﻲ ﺍﻡ ﺍﻟﺼﺎﻟﻮﻥ ﺍﻋﺮﻓﻬﺎ ﻭﻻﻧﻮ ﻣﺎﺍﻛﺪﺭ ﺍﺑﻘﻰ ﻳﻤﻬﺎ ﻓﻬﺬﻱ ﺍﻣﻴﻨﻪ !
ﺍﺧﺬﺕ ﺭﻗﻤﻬﺎ ﻣﻦ ﻟﻮﺣﺔ ﺍﻟﻤﺤﻞ ﻭﺍﺗﺼﻠﺖ ﻋﻠﻴﻬﺎ ، ﻛﺎﻟﺘﻠﻲ ﺍﻱ ﺍﺷﻮﻛﺖ ﻣﺘﺮﻳﺪ ﺟﻴﺒﻬﺎ .. ﺍﻧﻲ ﻉ ﺑﺎﻟﻲ ﻧﺴﺘﻨﻲ ﻻﻥ ﻛﻠﺖ ﺷﺎﻓﺘﻨﻲ ﻣﺮﻩ ﻭﺣﺪﻩ ﻣﻦ ﺍﺧﺬﺕ ﺍﺧﺘﻲ ﻣﻤﻌﻘﻮﻟﻪ ﺭﺍﺡ ﺗﺘﺬﻛﺮﻧﻲ ﻟﻮ ﺗﻌﺮﻓﻨﻲ .. ﻻﻥ ﻣﺎﺍﺭﻳﺪ ﺍﺣﺪ ﻳﻌﺮﻑ ﺑﺎﻟﻤﻮﺿﻮﻉ ، ﺍﺷﻮ ﻫﺎﻱ ﻣﻦ ﺷﺎﻓﺘﻨﻲ ﺍﻛﻠﺘﻨﻲ ﺳﻼﻡ ﻭﻛﻼﻡ ﺧﺮﺏ ﺑﺎﻟﺤﻆ ﺍﻻﻏﺒﺮ !
ﺑﺲ ﻻ ﺗﻔﻀﺤﻨﻲ ..
ﺳﻠﻤﺖ ﻋﻠﻴﻬﺎ ﺑﺲ ﺛﻜﻠﺖ ﻛﻼﻣﻲ ﻭﻳﺎﻫﺎ ﻻﻥ ﻣﺎﺍﺭﺗﺎﺡ ﺍﺣﺠﻲ ﻭﻳﺎ ﻭﺣﺪﻩ ﺧﺼﻮﺻﺎً ﻣﻦ ﻫﺬﺍ ﺍﻟﻨﻮﻉ .. ﺧﻠﻴﺖ ﺩﺍﻟﻴﺎ ﻳﻤﻬﺎ ﻭﻛﺎﻟﺘﻠﻲ ﺳﺎﻋﻪ ﺗﺠﻲ ﺗﻠﻜﺎﻫﺎ ﺟﺎﻫﺰﻩ !..
ﺩﺧﻠﺖ ﺩﺍﻟﻴﺎ .. ﻭﺍﻧﻲ ﺻﺤﺖ ﻻﻡ ﺍﻟﺼﺎﻟﻮﻥ ..
_ ﺍﺳﻤﻌﻴﻨﻲ ﺯﻳﻦ ﺭﺍﺡ ﺍﺭﻭﺡ ﺳﺎﻋﻪ ﻭﺍﺟﻲ ﺍﺫﺍ ﺗﺄﺧﺮﺕ ﻋﻠﻴﻬﺎ ﺗﺒﻘﻴﻬﺎ ﻳﻤﺞ ﻭﻣﺘﻄﻠﻌﻴﻬﺎ ﻟﻠﺸﺎﺭﻉ ﺍﺑﺪ .. ﻭﺍﺫﺍ ﺷﻌﺮﻩ ﺍﻧﻤﺴﺖ ﻣﻨﻬﺎ ﻣﺘﻠﻮﻣﻴﻦ ﻏﻴﺮ ﺣﺎﻟﺞ !
ﺍﻡ ﺍﻟﺼﺎﻟﻮﻧﻪ .. ﺷﺪﻋﻮﻩ ﺩﻛﺘﻮﺭ ﺷﻨﻮ ﻗﺎﺑﻞ ﺍﻧﻲ ﺟﺪﻳﺪﻩ ﻋﻠﻴﻜﻢ ﺍﺧﻮﺍﺗﻚ ﻛﻞ ﺷﻐﻠﻬﻢ ﻳﻤﻲ ، ﻭﺑﻌﺪﻳﻦ ﻣﻨﻮ ﻳﻤﺴﻬﺎ ﺷﻨﻮ ﺟﺎﻳﺒﻬﺎ ﻧﺘﻌﺎﺭﻙ ﻭﻳﺎﻫﺎ .. ﻫﺪﻱ ﺣﺎﻟﻚ ﻭﺍﻥ ﺷﺎﺀ ﺍﻟﻠﻪ ﻣﻴﺼﻴﺮ ﺷﻲ .
ﺍﺳﻴﺪ .. ﻣﺪﺍﺍﺗﻨﺎﻗﺶ ﻭﻳﺎﺝ ﺍﻟﻲ ﻛﻠﺘﻪ ﻳﺘﻨﻔﺬ .. ﺍﻧﻲ ﺭﺍﻳﺢ .
ﺭﺣﺖ ﺑﻮﺟﻬﻲ ﻉ ﺍﻟﻤﻜﻮﻱ ﺟﺒﺖ ﺍﻟﺒﺪﻟﻪ ﻣﺎﻟﺘﻲ ﻣﻨﻪ ﻭﻃﻠﻌﺖ ﻟﺒﻴﺘﻨﺎ ﻟﻜﻴﺘﻪ ﻓﺎﺭﻍ ﻣﺤﺪ ﺑﻲ ﺑﺲ ﺍﻟﺤﺮﺱ ﺑﺎﻟﺒﺎﺏ .. ﺳﻮﻳﺖ ﻟﻜﻤﻪ ﻉ ﺍﻟﺴﺮﻳﻊ ﺍﻛﻠﺘﻬﺎ .. ﺑﻌﺪﻳﻦ ﺯﻳﻨﺖ ﻭﺳﺒﺤﺖ ﻣﺮﺕ ﺳﺎﻋﻪ ﻭﺭﺑﻊ ﻣﻦ ﻋﻔﺘﻬﺎ ﻟﺤﺪ ﺍﻻﻥ .. ﻫﺎﻱ ﻛﺎﻟﺘﻠﻲ ﺳﺎﻋﻪ ﻭﺗﺨﻠﺺ ﻻﺯﻡ ﺍﺭﻭﺡ ﺑﺴﺮﻋﻪ ﺍﺧﺬﻫﺎ ﻻﻥ ﺍﺻﻼً ﻣﺎ ﺑﻘﻰ ﻭﻗﺖ ﻉ ﺍﻟﺤﻔﻠﻪ .. ﺑﺪﻟﺖ ﻛﻤﻠﺖ .. ﻭﻃﻠﻌﺖ !..
ﻧﺺ ﺳﺎﻋﻪ ﺍﻟﻄﺮﻳﻖ ﺻﺎﺭ ﺳﺎﻋﺘﻴﻦ ﺍﻻ ﺭﺑﻊ ﻣﻦ ﻋﻔﺘﻬﺎ ﺍﻛﻴﺪ ﻫﺴﻪ ﺩﺗﻨﺘﻈﺮ .. ﻭﺻﻠﺘﻠﻬﺎ ﺩﻛﻴﺖ ﻋﻠﻰ ﺍﻡ ﺍﻟﺼﺎﻟﻮﻥ ﻃﻠﻌﺘﻠﻲ ﻣﻨﺰﻟﺖ ﻣﻦ ﺍﻟﺴﻴﺎﺭﻩ
ﺑﺼﻮﺕ ﺣﺎﺩ ..
_ ﻭﻳﻨﻬﺎ !!
ﻛﺎﻟﺘﻠﻲ ﺍﻧﺘﻈﺮ ﺑﻌﺪﻫﺎ ﻣﻤﻜﻤﻠﻪ ﺩﻗﺎﻳﻖ ﻭﺗﻄﻠﻊ !!
ﺍﺳﻴﺪ .. ﺷﻨﻮ ﻣﻤﻜﻤﻠﻪ ﺍﻧﺘﻲ ﻣﻮ ﻛﻠﺘﻲ ﺳﺎﻋﻪ ﻭﺗﺨﻠﺺ .. ﺻﺎﺭ ﺳﺎﻋﺘﻴﻦ ﻣﻦ ﻋﻔﺘﻬﺎ ﻳﻤﺞ ﻭﺑﻌﺪﻫﺎ ﺷﺪﺗﺴﻮﻳﻦ ﻋﻤﻠﻴﻪ؟ !!
ﺍﻡ ﺍﻟﺼﺎﻟﻮﻥ .. ﺍﻋﺘﺬﺭ ﻣﻨﻚ ﺩﻛﺘﻮﺭ ﻫﺴﻪ ﺍﺭﻭﺡ ﺍﺻﻴﺤﻬﺎ ﻭﺍﺟﻲ ﺑﺲ ﻫﺪﻱ ﺍﻋﺼﺎﺑﻚ .
ﺭﺍﺣﺖ ﺍﻡ ﺍﻟﺼﺎﻟﻮﻥ .. ﺑﻘﻴﺖ ﺍﻧﺘﻈﺮ ﻭﻣﺎﻛﻮﻭ .. ﺩﻙ ﻣﻮﺑﺎﻳﻠﻲ ﺷﻔﺘﻪ ﻋﻠﻲ !!
ﺩﻳﺘﺄﻛﺪ ﻣﻨﻲ ﻉ ﺑﺎﻟﻪ ﻣﺎ ﺍﺟﻲ ..
ﻋﻠﻲ .. ﻭﻳﻨﻚ ﺍﺳﻴﺪ ﺷﻨﻮ ﻏﻴﺮﺕ ﺭﺃﻳﻚ؟ !!
ﺍﺳﻴﺪ .. ﻳﻤﻌﻮﺩ ﺍﺷﺒﻴﻚ ﺩﺳﻠﻢ ﺑﺎﻻﻭﻝ !
ﻋﻠﻲ .. ﻟﻚ ﻭﻳﻦ ﺻﺮﺕ ﺭﺍﺡ ﻳﺰﻓﻮﻧﻲ ﻭﺍﻧﺖ ﻣﺎﻛﻮ .
ﺍﺳﻴﺪ .. ﺣﺒﻴﺒﻲ ﺟﺎﻳﻚ ﻭﺍﻟﻠﻪ ﺑﺲ ﻋﻨﺪﻱ ﺷﻐﻠﻪ ﺑﺄﻳﺪﻱ ﺍﻛﻤﻠﻬﺎ ﻭﺍﺟﻲ ﺩﻗﺎﻳﻖ ﻭﺍﻧﻲ ﻳﻤﻚ ﺍﻥ ﺷﺎﺀ ﺍﻟﻠﻪ
....
ﻋﻠﻲ .. ﻣﺎﺷﻲ ﺍﻧﺘﻈﺮﻙ ..
ﺭﺍﺡ ﻋﻠﻲ ﻭﻧﻲ ﻧﺰﻟﺖ ﻣﻦ ﺍﻟﺴﻴﺎﺭﻩ ﺍﻟﺴﺎﻋﻪ ﺻﺎﺭﺕ ﺿﺒﻂ ﻭﻫﺎﻱ ﻣﺎﻛﻮﻭ ﺻﺎﺭﻟﻬﺎ ﺭﺑﻊ ﺳﺎﻋﻪ ﻣﻦ ﺩﺧﻠﺖ ﺗﺼﻴﺤﻬﺎ ﺍﺷﻮﻥ ﺷﻐﻠﻪ ﻫﺎﻱ .. ﺍﻟﺠﺬﺏ ﻳﺴﺮﻱ ﺑﺪﻣﻬﻦ ﺍﻟﻨﺴﻮﺍﻥ !..
ﺟﺮﻳﺖ ﺍﻟﻤﻮﺑﺎﻳﻞ ﺩﺍﺍﺗﺼﻞ ﺑﻴﻬﺎ ... ﻭﺟﺎﻥ ﺗﻄﻠﻊ ﻛﺪﺍﻣﻲ !!!!!!!!!
ﺟﻤﺎﻟﻬﺎ ﺻﺪﻙ ﺻﺪﻙ ﻳﺨﻄﻒ ﺍﻻﻧﻔﺎﺱ .. ﺑﺤﻴﺚ ﺑﻘﻴﺖ ﺻﺎﻓﻦ ﺑﻮﺟﻬﻬﺎ ﻣﺎ ﺍﻧﻄﻖ ﺑﺤﺮﻑ .. ﺣﺘﻰ ﺍﻡ ﺍﻟﺼﺎﻟﻮﻥ ﻣﻦ ﺷﺎﻓﺘﻨﻲ ﺍﺳﺘﻐﺮﺑﺖ !
ﻣﻦ ﺳﻄﺮﺗﻲ ﻣﻨﻄﻘﺖ ﻏﻴﺮ ﺍﺳﻤﻬﺎ .. ؟ !!!!!
ﺑﺴﺮﻋﻪ ﺍﺗﺪﺍﺭﻛﺖ ﺍﻟﻤﻮﻗﻒ ﻻﻥ ﺍﻟﻐﺒﺎﺀ ﻋﻨﺪﻱ ﺻﺎﺭ ﻳﻘﺮﺍ ﺍﻟﻒ ، ﺍﺗﺤﺮﻛﺖ ﻣﻦ ﻣﻜﺎﻧﻲ ﻓﺘﺤﺖ ﺍﻟﺒﺎﺏ ﻣﺎﻟﺖ ﺍﻟﺴﻴﺎﺭﻩ ﻛﻠﺘﻠﻬﺎ ﺍﺻﻌﺪﻱ !
ﻫﻲ ﺻﻌﺪﺕ ﻭﺍﻧﻲ ﺭﺣﺖ ﺩﺍﺍﺗﺤﺎﺳﺐ ﻭﻳﺎ ﺍﻡ ﺍﻟﺼﺎﻟﻮﻥ .. ﺍﻧﻄﻴﺘﻬﺎ ﻓﻠﻮﺳﻬﺎ .. ﺟﺎﻥ ﺗﺴﺄﻟﻨﻲ !!
ﺍﻡ ﺍﻟﺼﺎﻟﻮﻥ .. ﺩﻛﺘﻮﺭ ﻣﻤﻜﻦ ﺳﺆﺍﻝ؟ !!
ﺍﺳﻴﺪ .. ﻧﻌﻢ !
ﺍﻡ ﺍﻟﺼﺎﻟﻮﻥ .. ﻫﺬﻱ ﺍﻟﺒﻨﻴﻪ ﺷﺘﻘﺮﺑﻠﻚ ﺍﺷﻮ ﺍﻭﻝ ﻣﺮﻩ ﺍﺷﻮﻓﻬﺎ؟ !!
ﺍﺳﻴﺪ .. ﻭﺍﻧﺘﻲ ﺷﻜﻮ ﺗﻘﺮﺑﻠﻲ ﺍﻭ ﻣﺘﻘﺮﺑﻠﻲ؟ !!
ﺍﻡ ﺍﻟﺼﺎﻟﻮﻥ .. ﻻﺍﺍﺍ ﻣﺠﺮﺩ ﺳﺆﺍﻝ ﻻﻧﻮ ﺍﻧﻲ ﺍﻋﺮﻑ ﺍﺧﻮﺍﺗﻚ ﺍﻟﻠﻪ ﻳﺤﻔﻈﻬﻢ ﻭﺣﺘﻰ ﺍﻗﺎﺭﺑﻚ ﻫﻢ ﺍﻋﺮﻓﻬﻦ ﺑﺲ ﻫﺬﻱ ﻣﺸﺎﻳﻔﺘﻬﺎ ﻣﻦ ﻗﺒﻞ ﻓﺤﺒﻴﺖ ﺃﺳﺄﻝ .
ﺍﺳﻴﺪ .. ﻫﺬﻱ ﺍﺗﻌﺎﺑﺞ ، ﻭﻟﺘﺤﺸﺮﻳﻦ ﻧﻔﺴﺞ ﺑﺸﻲ ﻣﻴﺨﺼﺞ .
ﻋﺎﻓﻬﺎ ﺍﺳﻴﺪ ﺻﻌﺪ ﺍﻟﺴﻴﺎﺭﻩ ﻭﻃﻠﻊ ﻟﻠﻘﺎﻋﻪ ﮔﺒﻞ !..
ﺩﺍﻟﻴﺎ .. ﻣﺎ ﺍﺣﺠﻴﻠﻜﻢ ﺑﺎﻟﺼﺎﻟﻮﻥ ﺍﺷﺼﺎﺭ ﺑﻴﻪ ، ﻛﻠﺒﻮﻧﻲ ﻋﻠﻰ ﺍﻟﺒﻄﺎﻧﻪ ﻣﺜﻞ ﻣﻴﻜﻮﻟﻮﻥ .. ﺣﺘﻰ ﺗﻌﺒﺖ ﺣﺴﻴﺖ ﻧﻔﺴﻲ ﺗﻤﺜﺎﻝ ﻭﺩﻳﻨﺤﺘﻮ .. ﻣﺼﺪﻛﺖ ﻣﻦ ﻛﺎﻟﺖ ﻳﻼ ﺧﻠﺼﺘﻲ ﻭﺍﺟﻪ ﺍﻟﺪﻛﺘﻮﺭ ﻳﺎﺧﺬﺝ !!
ﻣﺎﺍﻋﺮﻑ ﺷﻨﻮ ﻣﻦ ﺍﺣﺴﺎﺱ ﺻﺎﺭ ﺑﺪﺍﺧﻠﻲ .. ﻉ ﺑﺎﻟﻚ ﺍﻧﻲ ﻋﺮﻭﺱ .. ﻛﻤﺖ ﺑﺴﺮﻋﻪ ﺑﺲ ﺍﺭﻳﺪ ﺍﻧﻬﺰﻡ ﻣﻨﺎ ﻣﻮﺗﻮﻧﻲ .. ﻭﺍﻧﻲ ﺩﺍﺍﻃﻠﻊ ﺍﻛﻮ ﻣﺮﺍﻳﻪ ﻛﻮﻟﺶ ﻛﺒﻴﺮﻩ ﺑﻨﻬﺎﻳﺔ ﺍﻟﺒﺎﺏ ﻣﺎﻟﺖ ﺍﻟﺼﺎﻟﻮﻥ !..
ﺍﺑﺎﻭﻉ ﻉ ﻧﻔﺴﻲ ﻣﻤﺼﺪﻛﻪ ﻫﺎﻱ ﺍﻧﻲ .. ﻭﺍﻟﻤﺴﻴﺢ ﻉ ﺑﺎﻟﻲ ﻭﺣﺪﻩ ﺛﺎﻧﻴﻪ ﻏﻴﺮﻱ ﻭﺍﻛﻔﻪ .. ﺍﻧﻲ ﺳﺎﻣﻌﻪ ﺍﻟﻤﻴﻜﺐ ﻳﻐﻴﺮ ﻫﻮﺍﻱ ﺑﺲ ﻫﺴﻪ ﻣﻦ ﺻﺪﻭﻙ ﺍﺗﺄﻛﺪﺕ ﺍﻧﻮ ﻫﺬﻱ ﺣﻘﻴﻘﻪ ﻣﻮ ﺑﺲ ﻛﻼﻡ !
ﺍﻟﺘﺴﺮﻳﺤﻪ ﻛﺎﻧﺖ ﻧﺎﻋﻤﻪ ﻛﻮﻟﺶ .. ﺷﻌﺮﻱ ﻛﻮﻟﻪ ﻣﺴﺤﻮﺏ ﻟﻴﻮﺭﻩ ﻭﻣﻦ ﺍﻻﻣﺎﻡ ﺑﺎﻑ ﺣﻠﻮ ﻭﻣﻦ ﺍﻟﺨﻠﻒ ﺭﺍﻓﻌﻪ ﺷﻌﺮﻱ ﻛﻮﻟﻪ ﻣﺴﻮﻳﺘﻪ ﻉ ﺷﻜﻞ ﻭﺭﺩﻩ ﻳﺠﻨﻦ !!
ﺍﻟﻤﻜﻴﺎﺝ ﻛﺎﻥ ﻧﺎﺯﻙ ﻣﻮ ﺍﻭﻓﺮ ﻻﻥ ﺍﻧﻲ ﻛﻮﻟﺘﻠﻬﺎ ﻣﺎﺍﺣﺐ ﺍﻟﻠﺒﺦ .. ﻫﻲ ﺳﻮﺕ ﺍﻟﻲ ﺍﻧﻲ ﺍﺭﻳﺪﻩ .. ﺑﺲ ﺧﻠﺘﻠﻲ ﺭﻣﻮﺵ ﺻﺢ ﻣﺰﻋﺠﺎﺕ ﺑﺲ ﻳﻐﻴﺮﻭﻥ ﺷﻜﻞ ﺍﻟﻮﺍﺣﺪ ﻛﻠﻴﺎً ﺑﺤﻴﺚ ﻋﻴﻮﻧﻲ ﺻﺎﺭﻭ ﻳﺠﻨﻨﻨﻨﻨﻨﻮﻭﻭﻭﻭﻭﻭﻥ .. ﻭﺧﻠﺘﻠﻲ ﺷﺎﺩﻭ ﺳﻤﻮﻙ ﺑﺤﻴﺚ ﻟﻮﻥ ﻋﻴﻮﻧﻲ ﻛﻮﻟﺶ ﺑﺮﺯ .. ﺍﻭﻝ ﻣﺮﻩ ﺍﻧﺘﺒﻪ ﻟﻌﻴﻮﻧﻲ ﻫﺎﻟﻜﺪ ﺣﻠﻮ ﻟﻮﻧﻬﻢ ﻭﻏﺮﻳﺐ .. ﻭﺍﻟﺒﺎﻗﻲ ﻛﻮﻟﻪ ﺧﻔﻴﻒ
ﺍﻟﻔﺴﺘﺎﻥ ﻃﻠﻊ ﻳﻤﻮﻭﻭﺕ ﻋﻠﻴﻪ ( ﻃﺒﻌﺎً ﻣﺪﺍﺍﻣﺪﺡ ﻧﻔﺴﻲ ﻭﻻ ﺍﺑﺎﻟﻎ ﻭﺍﻟﺮﺏ ﺑﺲ ﻫﺬﻱ ﺍﻟﺼﺮﺍﺣﻪ ﺣﺘﻰ ﺍﻧﻲ ﻣﻤﺼﺪﻛﻪ ﻫﺬﻱ ﺍﻧﻲ ) ﺑﻘﻴﺖ ﺻﺎﻓﻨﻪ ﻉ ﻧﻔﺴﻲ ﺑﺎﻟﻤﺮﺍﻳﻪ ﻭﻣﻤﺼﺪﻛﻪ ﺷﻜﻠﻲ ﺍﺷﻮﻥ ﺗﻐﻴﺮ !
ﺑﻌﺪﻧﻲ ﺩﺍﺍﺑﺎﻭﻉ ﻉ ﻧﻔﺴﻲ ﻭﻓﺮﺣﺎﻧﻪ .. ﺑﺲ ﻃﻴﺮﺕ ﻓﺮﺣﺘﻲ ﻣﻦ ﻛﺎﻟﺖ ﻳﻼ ﺍﻟﺪﻛﺘﻮﺭ ﺩﻳﻨﺘﻈﺮ !!!
ﻣﺎﺍﺩﺭﻱ ﺷﺼﺎﺭﻟﻲ ﺍﺳﺘﺤﻴﺖ ﺍﻃﻠﻊ ﺑﻬﺬﺍ ﺷﻜﻠﻲ ﻛﺪﺍﻣﻪ .. ﻣﻜﺪﺭﺕ ﺍﺗﺤﺮﻙ ﺍﺩﻳﻨﺎﺗﻲ ﺣﺴﻴﺘﻬﻢ ﺻﺎﺭﻭ ﻣﻲ ﻣﻦ ﺍﻻﺭﺗﺒﺎﻙ ﻭﺍﻟﺨﻮﻑ ﻭ ﻭﺟﻬﻲ ﺻﺎﺭ ﺍﺣﻤﺮ !!..
ﺍﻭﻝ ﻣﺮﻩ ﺑﺤﻴﺎﺗﻲ ﺍﺧﻠﻲ ﻫﻴﺞ ﺷﻲ ﻉ ﻭﺟﻬﻲ ﻭﺍﻏﻴﺮ ﻧﻔﺴﻲ ﻫﺎﻟﻜﺪ .. ﺍﺣﺲ ﺷﻲ ﻏﺮﻳﺐ ﻋﻠﻴﻪ ﻭﻋﻴﺐ ﺍﻃﻠﻊ ﻫﺸﻜﻞ ﻛﺪﺍﻡ ﺍﻟﻌﺎﻟﻢ .. ﻭﺍﻧﻮﺏ ﻫﻮ ﺩﻳﻨﺘﻈﺮﻧﻲ ﻳﻌﻨﻲ ﺣﻴﺸﻮﻓﻨﻲ !!
ﻳﺎ ﺭﺏ ﺳﺎﻋﺪﻧﻲ .. ﺣﻤﻮﺕ !
ﺑﻌﺪ ﺻﻔﻨﻪ ﻃﻮﻳﻠﻪ ﻭﺗﺮﺩﺩ ﻛﺒﻴﺮ .. ﺍﻡ ﺍﻟﺼﺎﻟﻮﻥ ﻛﺎﻟﺖ ﻻﺯﻡ ﺍﺗﻄﻠﻌﻴﻦ ﻻﻧﻮ ﺩﻳﻨﺘﻈﺮﺝ ﻭﻣﺎ ﺍﻧﺼﺤﺞ ﺗﺘﺄﺧﺮﻳﻦ ﺍﻛﺜﺮ ﻻﻧﻮ ﻣﻦ ﺍﺟﻪ ﺷﻜﻠﻪ ﻣﻌﺼﺐ ﺣﺘﻰ ﺍﻧﻲ ﺧﻔﺖ ﻣﻨﻪ !
ﺍﺧﺬﺕ ﻧﻔﺲ ﻃﻮﻭﻭﻭﻭﻳﻞ ﻫﺰﻳﺖ ﺭﺍﺳﻲ ﻭﺍﺩﻳﻪ ﺑﻬﺪﻭﺀ ﻭﺍﺗﺤﺮﻛﺖ ﺑﺎﻟﻜﻮﻩ ﺍﻣﺸﻲ ﺧﻄﻮﺍﺗﻲ ﺛﮕﻠﺖ .. ﻓﺘﺤﺖ ﺍﻟﺒﺎﺏ ﻭﻃﻠﻌﺖ !
ﻃﺒﻌﺎً ﺍﻟﺼﺎﻟﻮﻥ ﺑﻲ ﻛﺮﺍﺝ ﺻﻐﻴﺮ ﺗﺪﺧﻞ ﺍﻟﺴﻴﺎﺭﻩ ﺣﺘﻰ ﻣﺤﺪ ﻳﺸﻮﻑ ﺍﻟﺒﻨﺎﺕ ﺍﻟﻲ ﻳﻄﻠﻌﻮﻥ ﻣﺜﻞ ﺍﻟﻌﺮﺍﻳﺲ ﻭﻏﻴﺮﻫﻢ ﻻﻧﻮ ﻣﺘﺒﺮﺟﺎﺕ ﻭﺳﺎﻓﺮﺍﺕ .. ﻳﻌﻨﻲ ﻃﻠﻌﺖ ﻣﻦ ﺑﺎﺏ ﺍﻟﺼﺎﻟﻮﻥ ﺷﻔﺘﻪ ﻭﺍﻛﻒ ﻛﺪﺍﻣﻲ ﻭﻣﺮﺗﻜﻲ ﻉ ﺍﻟﺴﻴﺎﺭﻩ !..
ﺍﻟﺒﺎﻗﻲ ﺗﻌﺮﻓﻮﻭ .. ﻧﻈﺮﺍﺗﻪ ﺍﻟﻤﺼﺪﻭﻣﻪ ﺑﺸﻜﻠﻲ ﺯﺍﺩﺕ ﺍﻟﻄﻴﻦ ﺑﻠﻪ ﺍﺗﻤﻨﻴﺖ ﺍﻟﻜﻠﻊ ﺗﻨﺸﻚ ﻭﺗﺒﻠﻌﻨﻲ .. ﺍﺳﺘﺤﻴﺖ ﻛﻮﻟﺶ ﺑﺤﻴﺚ ﺟﺴﻤﻲ ﺻﺎﺭﺕ ﺑﻲ ﺭﺟﻔﻪ ﺍﻭﻝ ﻣﺎ ﺑﺎﻭﻋﻠﻲ !
ﻛﺎﻟﻲ ﺍﺻﻌﺪﻱ ﻟﻠﺴﻴﺎﺭﻩ ﺭﺣﺖ ﺭﻛﺾ ﺩﺧﻠﺖ ﻭﺑﻘﻴﺖ ﺍﺗﻨﻔﺲ ﺳﺮﻳﻊ ﺍﺭﻳﺪ ﺍﻟﻬﻮﺍ ﻳﺪﺧﻞ ﺑﺼﺪﺭﻱ ﺍﺧﺘﻨﻜﺖ ﻣﻦ ﺍﻟﻤﺴﺘﺤﻰ !
ﺑﻘﻰ ﻫﻮ ﻳﺤﺠﻲ ﻭﻳﺎ ﺍﻡ ﺍﻟﺼﺎﻟﻮﻥ ﺍﺷﻮﻳﻪ ﻭﺍﺟﺎﻧﻲ ﻛﺎﻟﺐ ﺧﻠﻘﺘﻪ ﻛﺎﻟﻌﺎﺩﻩ !!
ﻃﻮﻝ ﺍﻟﻄﺮﻳﻖ ﻣﺤﺠﻪ ﺷﻲ ﻭﺍﻟﻬﺪﻭﺀ ﺳﻴﺪ ﺍﻟﻤﻮﻗﻒ !
ﺍﻧﻲ ﺑﺪﻳﺖ ﺍﺧﺘﻨﻚ ﻣﻦ ﺍﻟﻤﻜﻴﺎﺝ ﺍﺣﺲ ﺛﻘﻞ ﻋﻠﻰ ﻭﺟﻬﻲ .. ﻭﺍﻟﺮﻣﻮﺵ ﻣﻮﺗﻮﻧﻲ ﻣﻤﺘﻌﻮﺩﻩ ﻋﻠﻴﻬﻢ ﺩﺧﺖ
....
ﺩﺍﻟﻴﺎ .. ﻫﻔﻔﻔﻒ ﻳﺎ ﺭﺑﻲ .
ﺍﺳﻴﺪ .. ﺑﺼﻮﺕ ﺟﺎﻣﺪ ﺑﺪﻭﻥ ﻣﻴﻠﺘﻔﺘﺖ ﻋﻠﻴﻬﺎ .. ﺷﻜﻮ؟ !
ﺩﺍﻟﻴﺎ .. ﻣﺪﺍﺍﻛﺪﺭ ﺍﺗﺤﻤﻞ ﺍﺣﺲ ﻧﻔﺴﻲ ﻣﺨﺘﻨﻜﻪ .. ﻭﺟﻬﻲ ﻣﺪﺍﻳﺘﻨﻔﺲ ﻣﻦ ﺍﻟﻲ ﺧﻠﺘﻪ ﺍﻟﻲ ﻫﺎﻱ ﺍﻡ ﻛﻔﺸﻪ ، ﻭﻋﻴﻮﻧﻲ ﻣﺪﺍﺍﺷﻮﻑ ﺑﻴﻬﻢ ﻣﺨﻠﻴﺘﻠﻲ ﻣﻬﻔﺎﺕ ﻋﻠﻴﻬﻢ !!
ﺍﺳﻴﺪ .. ﻫﻲ ﺗﺤﺠﻲ ﻭﺍﻧﻲ ﺍﻳﺒﺘﺴﻢ ﺑﺪﺍﺧﻠﻲ ﻣﻦ ﻛﻼﻣﻬﺎ .. ﺍﻭﻝ ﻣﺮﻩ ﺍﺷﻮﻑ ﺑﻨﻴﻪ ﻣﺘﺤﺐ ﺍﻟﻤﻜﻴﺎﺝ ﻭﻫﺎﻱ ﺍﻟﺴﻮﺍﻟﻒ .. ﺍﻟﻲ ﺍﺳﻤﻌﻪ ﻣﻦ ﺍﺧﻮﺍﺗﻲ ﻳﻔﻘﺪﻥ ﻉ ﻫﻲ ﺍﺷﻴﺎﺀ ، ﻫﺎﻱ ﻣﻌﻘﻮﻟﻪ ﺑﻨﻴﻪ !
ﺍﺳﻴﺪ .. ﻣﺪ ﺍﻳﺪﻩ ﻃﻠﻊ ﻣﻮﺑﺎﻳﻞ ﻭﺍﻧﻄﺎﻫﻴﺎ ، ﺑﺼﻮﺕ ﺟﺎﻣﺪ .. ﺧﻠﻲ ﻫﺬﺍ ﻳﻤﺞ !
ﺩﺍﻟﻴﺎ .. ﺷﻨﻮ ﺍﺳﻮﻱ ﺑﻲ ؟ !!
ﺍﺳﻴﺪ .. ﺍﺧﺬﻱ ﻭﻣﻦ ﺍﺗﺼﻞ ﺑﻴﺞ ﺗﻄﻠﻌﻴﻦ .
ﺩﺍﻟﻴﺎ .. ﻟﻮﻳﺶ ﺍﻧﺖ ﻣﺤﺘﺠﻲ ﻭﻳﺎﻱ؟ !!
ﺍﺳﻴﺪ .. ﻭﻳﻦ ﺍﺟﻲ ﻭﻳﺎﺝ ﺍﻟﻘﺎﻋﻪ ﻣﻮ ﻣﺸﺘﺮﻛﻪ ﺍﻧﺘﻲ ﺣﺘﺪﺧﻠﻴﻦ ﻳﻤﻬﻢ ﻭﺍﻧﻲ ﺍﺭﻭﺡ ﻳﻢ ﺍﻟﺰﻟﻢ .
ﺩﺍﻟﻴﺎ .. ﺯﻳﻦ ﺍﺷﻮﻥ ﺍﺩﺧﻞ ﻭﺣﺪﻱ ﺍﻧﻲ ﻣﺎﺍﻋﺮﻑ ﺍﺣﺪ !
ﺍﺳﻴﺪ .. ﺍﻋﺘﻘﺪ ﺍﻟﻌﺮﻭﺱ ﺻﺪﻳﻘﺘﺞ ﻟﻮ ﺍﻧﻲ ﻏﻠﻄﺎﻥ؟ !
ﺩﺍﻟﻴﺎ .. ﺍﺧﺎﻑ ﺑﻌﺪﻫﺎ ﻣﺠﺎﻳﻪ ﻟﻠﻘﺎﻋﻪ !
ﺍﺳﻴﺪ .. ﻣﻮﺟﻮﺩﻩ ﻫﺴﻪ ﺧﺎﺑﺮﻧﻲ ﻋﻠﻲ ، ﻭﻏﻄﻲ ﻧﻔﺴﺞ ﻭﺻﻠﻨﺎ !..
ﺩﺍﻟﻴﺎ .. ﻋﺪﻟﺖ ﺍﻟﻔﺮﻭﻩ ﻋﻠﻴﻪ ﻭﻏﻄﻴﺖ ﺟﺴﻤﻲ ﻣﻦ ﻓﻮﻙ ﻻﻧﻮ ﺭﺩﺍﻧﺎﺕ ﺍﻟﻔﺴﺘﺎﻥ ﺷﻔﺎﻓﻪ .. ﻛﺪﺍﻡ ﺍﻟﻘﺎﻋﻪ ﻛﺎﻥ ﻫﻮﺳﻪ ﻭ ﻭﻟﺪ ﻛﻮﻣﻪ ﻭﺍﻛﻔﻴﻦ .. ﺩﺍ ﺍﺭﻳﺪ ﺍﻧﺰﻝ ﺍﺷﻮ ﻫﺬﺍ ﺭﺟﻊ ﺷﻐﻞ ﺍﻟﺴﻴﺎﺭﻩ !
ﺍﺳﻴﺪ .. ﺑﺼﻮﺕ ﺣﺎﺩ .. ﺍﻧﺘﻈﺮﻱ ﻟﺘﻨﺰﻟﻴﻦ .. ﻣﻦ ﺷﻔﺖ ﺍﻟﻮﻟﺪ ﻭﺍﻟﻬﻮﺳﻪ ﻛﺪﺍﻡ ﺍﻟﻘﺎﻋﻪ ﻣﻜﺪﺭﺕ ﺍﻧﺰﻟﻬﺎ .. ﺭﺟﻌﺖ ﺷﻐﻠﺖ ﺍﻟﺴﻴﺎﺭﻩ ﻭﺍﻧﺪﺍﺭﻳﺖ ﻣﻦ ﺍﻟﺒﺎﺏ ﺍﻟﺨﻠﻔﻲ ﻣﺎﻟﺖ ﺍﻟﻘﺎﻋﻪ ﻛﺎﻥ ﻓﺎﺭﻍ ﻣﺤﺪ ﺍﻛﻮ .. ﻧﺰﻟﺖ ﻭﺭﺍﺩﺕ ﺗﺪﺧﻞ ﺻﺤﺘﻠﻬﺎ ..
_ ﺍﻭﻝ ﻣﺎ ﺍﺭﻥ ﻋﻠﻴﺞ ﺗﻄﻠﻌﻴﻦ ، ﻭﺩﻳﺮﻱ ﺑﺎﻟﺞ ﺗﺨﻄﻴﻦ ﺑﺮﻩ ﺍﻟﻘﺎﻋﻪ ﺧﻄﻮﻩ ﻭﺣﺪﻩ ، ﻭﻣﻦ ﺍﺧﺎﺑﺮﺝ ﺍﺗﻌﺪﻟﻴﻦ ﻧﻔﺴﺞ ﻟﺘﻄﻠﻴﻌﻦ ﻣﺸﻠﺤﻪ ﻓﻬﻤﺘﻴﻨﻲ ﻟﻮﻭ ﻻ؟ !!
ﺩﺍﻟﻴﺎ .. ﺍﻱ ﺃﻭﺍﻣﺮ ﺍﺧﺮﻯ؟ !!
ﺍﺳﻴﺪ .. ﺿﺒﻲ ﺍﻟﻠﺴﺎﻧﺞ ﻭﺍﺩﺧﻠﻲ ﻳﻼ .
ﺩﺍﻟﻴﺎ .. ﻳﺘﺄﻣﺮ ﻋﻠﻴﻪ ﺳﻮﻱ ﻫﻴﺞ ﻭﻟﺘﺴﻮﻳﻦ ﻫﻴﺞ .. ﻫﺬﺍ ﺷﻤﻔﻜﺮ ﻧﻔﺴﻪ ﻟﻴﻜﻮﻥ ﻭﻟﻲ ﺍﻣﺮﻱ ﻭﺍﻧﻲ ﻣﺎ ﺍﺩﺭﻱ؟ !!
ﺳﻜﺘﺖ ﻣﺤﺠﻴﺖ ﺷﻲ ﻻﻧﻮ ﻣﻮ ﻭﻗﺘﻬﺎ ﺍﻋﺎﻧﺪ ﻭﺍﺗﻌﺎﺭﻙ ﺑﻨﺺ ﺍﻟﻌﺎﻟﻢ .. ﻋﻔﺘﻪ ﻭﺩﺧﻠﺖ ﻟﻠﻘﺎﻋﻪ ﺑﺲ ﺍﻧﻲ ﺑﺪﺍﺧﻠﻲ ﺑﺮﻛﺎﻥ ﻣﻦ ﺗﺼﺮﻓﺎﺗﻪ ﻭﻳﺎﻱ ﻉ ﺑﺎﻟﻚ ﺍﻧﻲ ﻃﻔﻠﻪ ﻭﻫﻮ ﺍﺑﻮﻳﻪ ﻟﻮ ﺯﻭﺟﻲ ﻭﺩﻳﺘﺤﻜﻢ ﺑﻴﻪ !
ﻃﺒﻌﺎً ﻣﺎ ﺍﺣﺠﻴﻠﻜﻢ ﺍﻟﻜﻌﺐ ﺍﺷﺴﻮﻩ ﺑﻴﻪ ﺩﻣﺮﻧﻲ ﻣﻤﺘﻌﻠﻤﻪ ﻋﻠﻴﻪ ﻭﺍﻟﻔﺴﺘﺎﻥ ﻃﻮﻳﻞ ﺷﻞ ﺣﺎﻟﻲ ﺷﻞ .. ﻭ ﺍﻟﻤﻤﺮ ﻃﻮﻳﻞ ﻣﻦ ﺍﻟﺒﺎﺏ ﺍﻟﺨﻠﻔﻲ ﻟﻠﻘﺎﻋﻪ ﺧﻄﻮﻩ ﺍﻣﺸﻲ ﻭﺧﻄﻮﻩ ﺍﻋﺜﺮ ﻟﺤﺪ ﻣﺎ ﻭﺻﻠﺖ !...
ﺍﻟﻘﺎﻋﻪ ﻛﻮﻟﻬﺎ ﺑﻴﺎﺽ ﻭﺗﺠﻨﻦ ﺻﺢ ﻣﺒﻴﻬﺎ ﻫﻮﺍﻱ ﻧﺎﺱ ﻳﻌﻨﻲ ﻳﻨﻌﺪﻭﻥ ﻉ ﺍﻻﺻﺎﺑﻊ ﺑﺲ ﺍﻟﻤﻜﺎﻥ ﻳﺠﻨﻦ !
ﺍﻭﻝ ﻣﺎ ﺩﺧﻠﺖ ﺍﻟﻜﻞ ﺑﺎﻭﻋﻦ ﻋﻠﻴﻪ .. ﻉ ﺑﺎﻟﻚ ﺷﺒﺢ ﺩﺧﻞ ﻋﻠﻴﻬﻢ ﺍﻟﻌﻴﻮﻥ ﺻﺎﻓﻨﻪ ﺑﻮﺟﻬﻲ .. ﺑﻘﻴﺖ ﺍﻧﻲ ﺍﺑﺎﻭﻉ ﺑﺎﻟﻮﺟﻮﻩ .. ﺍﺩﻭﺭ ﻋﻠﻰ ﺻﺪﻳﻘﺔ ﻋﻤﺮﻱ .... ﻋﻠﻰ ﺍﺧﺘﻲ ﺍﻟﻲ ﻣﺠﺎﺑﺘﻬﺎ ﺍﻣﻲ .. ﻉ ﺍﻟﺬﻛﺮﻯ ﺍﻟﻮﺣﻴﺪﻩ ﺍﻟﻲ ﺑﻘﺘﻠﻲ ﻣﻦ ﺣﻴﺎﺗﻲ ﺍﻟﻲ ﺍﻧﺘﻬﺖ .. ﻋﻠﻰ ﺍﻳﺎﻡ ﻃﻔﻮﻟﺘﻲ ﻭﺷﺒﺎﺑﻲ ﺍﻟﻲ ﺿﺎﻋﻮ .. ﺍﺩﻭﺭ ﺑﺎﻟﻘﺎﻋﻪ ﻭﺍﻟﻌﻴﻮﻥ ﻋﻠﻴﻪ
ﺟﺎﻥ ﺍﺳﻤﻊ ﺻﻮﺗﻬﺎ
.....
ﺳﻠﻤﻰ .. ﺑﺼﻮﺕ ﻣﺨﻨﻮﻙ .... ﺩﺍﻟﻴﺎ ؟ !!!!!!!!!!!
ﺩﺍﻟﻴﺎ .. ﺍﻟﺘﻔﺘﺖ ﻟﻜﻴﺘﻬﺎ ﻭﺍﻛﻔﻪ ﻫﻲ ﻭﺑﺪﻟﺘﻬﺎ ﺍﻟﺒﻴﻀﻪ .. ﺗﺠﻨﻦ ﻃﺎﻟﻌﻪ ﻉ ﺑﺎﻟﻚ ﻣﻼﻙ ﺣﺘﻰ ﻣﻌﺮﻓﺘﻬﺎ .. ﺍﻟﺪﻣﻮﻉ ﺍﺗﺠﻤﻌﺖ ﺑﻌﻴﻮﻧﻲ ﻭﺍﻟﻜﻼﻡ ﺿﺎﻉ .. ﺣﺴﻴﺖ ﺍﻟﺤﻴﺎﺓ ﺩﺑﺖ ﺑﻴﻪ ﻣﻦ ﺟﺪﻳﺪ .. ﺍﺗﺬﻛﺮﺕ ﺍﻟﻌﻢ ﺍﻣﻴﻦ .. ﻣﺎﻣﺎ ﻣﺎﺭﻱ .. ﺍﺧﻮﻳﻪ ﻭﺻﺪﻳﻘﻲ ﺩﺍﻧﻲ .. ﺍﻟﻤﻴﺘﻢ .. ﺍﻟﻤﺪﺭﺳﻪ .. ﻛﻞ ﺍﻟﺬﻛﺮﻳﺎﺕ ﺍﺗﺠﻤﻌﺖ ﺑﺮﺍﺳﻲ ، ﻋﺠﻴﺐ ﺍﺷﻮﻥ ﻧﻈﺮﺓ ﻭﺣﺪﻩ ﻣﻦ ﺷﺨﺺ ﻗﺎﺩﺭﻩ ﺗﺮﺟﻌﻚ ﺳﻨﻴﻦ ﻟﻴﻮﺭﻩ !!
ﺭﺩﺕ ﺍﺭﻛﺾ ﻋﻠﻴﻬﺎ ﻭﺍﺣﻀﻨﻬﺎ ﺍﺧﺬﻫﺎ ﺑﻴﻦ ﺍﺩﻳﻪ .. ﺍﺷﻢ ﻋﻄﺮ ﺣﻈﻨﻬﺎ ﺍﻟﻲ ﻧﺴﻴﺘﻪ ﺻﺎﺭﻟﻲ ﺷﻬﻮﺭ .. ﺑﺲ ﻣﻜﺪﺭﺕ ﺍﺗﺤﺮﻙ ﺍﻟﺬﻛﺮﻳﺎﺕ ﺟﻤﺪﺗﻨﻲ ﺑﻤﻜﺎﻧﻲ .. ﺑﺨﻄﻮﺍﺕ ﺍﻟﻜﻌﺐ ﺍﻟﺒﻄﻴﺌﻪ ﻣﺸﻴﺖ ﺍﻟﻬﺎ .. ﺑﻘﻴﻨﺎ ﻭﺣﺪﻩ ﺍﺗﺒﺎﻭﻉ ﺑﻮﺟﻪ ﺍﻟﺦ ﻭﻋﻴﻮﻧﺎ ﻣﻠﻴﺎﻧﻪ ﻛﻼﻡ ﻭﺩﻣﻮﻉ .. ﺍﻟﻜﻞ ﺍﻧﻈﺎﺭﻩ ﻋﻠﻴﻨﺎ .. ﻣﻨﻮ ﻫﺬﻱ ﺍﻟﻲ ﺧﻠﺖ ﺍﻟﻌﺮﻭﺱ ﺗﺒﺠﻲ ﺑﻴﻮﻡ ﻋﺮﺳﻬﺎ .. ﻭﻟﻮﻳﺶ ﺩﻳﺒﺠﻦ؟ !!
ﺳﻠﻤﻰ ﺑﺼﻮﺕ ﻣﺨﻨﻮﻙ ﻫﻤﺲ ﻭﺍﻟﺪﻣﻌﻪ ﺑﻄﺮﻑ ﻋﻴﻨﻴﻬﺎ ..
_ ﺻﺎﻳﺮﻩ ﻣﺮﻩ ﻣﻌﺮﻓﺘﺞ !
ﺩﺍﻟﻴﺎ .. ﻣﻦ ﺑﻴﻦ ﺩﻣﻮﻋﻬﺎ ﺍﺑﺘﺴﻤﺖ .. ﮔﻠﺒﺞ ﻣﻴﻀﻴﻌﻨﻲ ﺍﻛﻴﺪ !
ﻟﻬﻨﺎ ﻭﺑﻌﺪ ﻣﻜﺪﺭﻧﺎ ﻧﻠﺰﻡ ﻧﻔﺴﻨﺎ .. ﺣﻀﻨﺘﻬﺎ ﻭﺗﺮﻛﺖ ﺍﺩﻣﻮﻋﻲ ﺗﻨﺰﻝ .. ﻭﻫﻲ ﺣﻀﻨﺘﻨﻲ ﻭﺩﻣﻮﻋﻬﺎ ﺗﺠﺮﻱ ﻭﺗﺸﻬﻚ .. ﺑﻘﻴﻨﺎ ﻋﻠﻰ ﻫﺎﻟﺤﺎﻝ ﻣﺪﻩ .. ﺑﺲ ﻣﺘﺤﺎﺿﻨﻴﻦ ﻭﻧﺒﺠﻲ !!
ﺍﻟﻰ ﺍﻥ ﺍﺟﺖ ﻭﺣﺪﻩ ﺍﻟﻈﺎﻫﺮ ﺍﺧﺘﻪ ﺍﻟﻌﻠﻲ .. ﻛﺎﻟﺖ ﻣﻴﺼﻴﺮ ﻫﻴﺞ ﺍﻟﺒﻨﻴﻪ ﻋﺮﻭﺱ ﻣﻴﺼﻠﺢ ﻋﻠﻴﻬﺎ ﺍﻟﺒﺠﻲ !
ﺑﻌﺪﻧﺎ ﻋﻦ ﺑﻌﺾ .. ﺍﺑﺎﻭﻉ ﺍﻟﻬﺎ ﺍﻟﻜﺤﻠﻪ ﺳﺎﻟﺖ ﻭﻋﻴﻮﻧﻬﺎ ﺗﺼﺨﻤﺖ .. ﺿﺤﻜﺖ ﻋﻠﻰ ﺷﻜﻠﻬﺎ ﻭﻫﻲ ﻫﻢ ﺿﺤﻜﺖ ﻛﺎﻟﺖ ﺍﻧﺘﻲ ﺷﻜﻠﺞ ﺍﺗﻌﺲ ﻣﻨﻲ ﻫﻬﻬﻬﻬﻪ .. ﺍﺧﺬﺗﻨﺎ ﺍﺧﺖ ﻋﻠﻲ ﺍﻧﻲ ﻭﻳﺎﻫﺎ ﺍﻛﻮ ﻏﺮﻓﻪ ﺧﺎﺻﻪ ﻟﻠﺘﻌﺪﻳﻞ ﻭﻛﺬﺍ .. ﺩﺧﻠﻨﺎ ﻫﻨﺎﻙ ﺍﺛﻨﻴﻨﺎ ﻣﻴﺘﻴﻦ ﺿﺤﻚ !!
ﺳﻠﻤﻰ .. ﻫﻬﻬﻬﻪ ﻭﻟﺞ ﺷﻜﻠﺞ ﻓﻠﻢ ﻫﻨﺪﻱ ﻉ ﺑﺎﻟﻚ ﺑﺎﻧﺪﺍ !
ﺩﺍﻟﻴﺎ .. ﻭﺝ ﺍﺳﻜﺘﻲ ﻫﺎﻱ ﺍﻡ ﺍﻟﺼﺎﻟﻮﻥ ﺗﻠﺒﺦ ﺑﻴﻪ ﻭﺗﺮﺟﻊ ﻟﻴﻮﺭﻩ ﻟﻮ ﺗﺸﻮﻓﻨﻲ ﻫﺴﻪ ﻳﻤﻜﻦ ﺗﻠﻄﻢ ﻋﻠﻰ ﺗﻌﺒﻬﺎ ﺍﻟﺮﺍﺡ ﻫﻬﻬﻬﻪ
ﺳﻠﻤﻰ .. ﺍﺣﺠﻴﻠﻲ ﺍﺷﻮﻥ ﻋﺮﻓﺘﻲ ﺑﺰﺭﺍﺟﻲ ، ﻭﻣﻨﻮ ﺍﻟﻲ ﺟﺎﺑﺞ ﺷﻨﻮ ﻫﺎﻟﺘﻐﻴﻴﺮ ﺷﻨﻮ ﻫﺎﻟﺠﻤﺎﻝ ﻭﻟﺞ ﻣﻌﺮﻓﺘﺞ ﻭﺍﻟﺮﺏ ﺻﺎﻳﺮﻩ ﺷﺨﺺ ﺛﺎﻧﻲ ، ﺍﻟﻈﺎﻫﺮ ﺍﻟﺤﻴﺎﺓ ﻭﺍﺧﻴﺮﺍً ﺿﺤﻜﺘﻠﺞ !
ﺩﺍﻟﻴﺎ .. ﻫﻪ ﺍﻱ ﻛﻮﻟﺶ ﺿﺎﺣﻜﺘﻠﻲ ، ﺍﻭﻭﻭﻑ ﻳﺎ ﺳﻠﻤﻰ ﺍﻟﺤﺠﻲ ﻫﻮﺍﻱ ﻭﺍﻟﺸﺮﺡ ﻳﻄﻮﻝ ﺧﻠﻴﻨﺎ ﻫﺴﻪ ﻧﺮﺟﻊ ﻟﻠﺤﻔﻠﻪ ﻻ ﻳﺠﻲ ﺍﻟﻌﺮﻳﺲ ﻭﻣﻴﻠﻜﺎﺝ ﺍﻛﻴﺪ ﻳﻨﺠﻠﻂ ﺍﻟﻤﺴﻜﻴﻦ .. ﻭﺍﻥ ﺷﺎﺀ ﺍﻟﻠﻪ ﺑﻌﺪ ﺍﻟﻌﺮﺱ ﺑﻜﻢ ﻳﻮﻡ ﺍﺟﻴﺞ ﻭﺍﺣﺠﻴﻠﺞ ﻛﻮﻟﺸﻲ ﻭﺍﻧﺘﻲ ﻫﻢ ﺗﺤﺠﻴﻠﻲ ﺷﻨﻮ ﺍﻻﻧﻘﻼﺏ ﺍﻟﻲ ﺻﺎﺭ ﻭﺧﻼﺝ ﺗﻮﺍﻓﻘﻴﻦ ﺗﺘﺰﻭﺟﻴﻦ ﻋﻠﻲ !
ﺳﻠﻤﻰ .. ﻣﺎﺍﻋﺮﻑ ﺷﻨﻮ ﺍﺣﺠﻲ ﺳﻠﻤﻰ .. ﺑﺲ ﻣﺘﺘﺼﻮﺭﻳﻦ ﺍﺷﻜﺪ ﺍﻧﻲ ﻧﺪﻣﺎﻧﻪ ﻉ ﺍﻟﻲ ﺻﺎﺭ ﻭﻋﻠﻰ ﻛﻼﻣﻲ ﺍﻟﻲ ﻛﻠﺘﻪ ﺍﻟﺞ ﺍﺧﺮ ﻣﺮﻩ . ﺑﺲ ﺻﺪﻛﻴﻨـ ...
ﺩﺍﻟﻴﺎ .. ﺳﻠﻤﻰ .. ﺳﻠﻤﻰ .. ﺣﺒﻴﺒﺘﻲ ﺳﺪﻱ ﺍﻟﻤﻮﺿﻮﻉ ﺍﺑﺪ ﻣﻮ ﻭﻛﺘﻪ .. ﺍﻟﻴﻮﻡ ﺍﻧﺘﻲ ﻋﺮﻭﺱ ﺍﻓﺮﺣﻲ ﻭﺑﺲ ﻭﺍﻧﺴﻲ ﻛﻮﻟﺸﻲ ﺍﻧﺴﻲ ﺍﻟﻤﺎﺿﻲ ﻭﺍﺑﺪﻱ ﻣﻦ ﺟﺪﻳﺪ .. ﻣﻮ ﺍﻻﺟﻞ ﺍﺣﺪ ﻻ ﺍﻻﺟﻞ ﻧﻔﺴﺞ ﻭﺑﺲ .
ﺳﻠﻤﻰ .. ﺣﻀﻨﺘﻬﺎ .. ﺍﻥ ﺷﺎﺀ ﺍﻟﻠﻪ .. ﻣﺘﺼﺪﻛﻴﻦ ﺍﺷﻜﺪ ﻓﺮﺣﺎﻧﻪ ﺍﻧﻲ ﺑﺠﻴﺘﺞ ﻭﺍﻟﻠﻪ ﻓﺮﺣﺘﻲ ﺑﺸﻮﻓﺘﺞ ﺗﺴﻮﻯ ﻓﺮﺣﺔ ﻋﺮﺳﻲ ﻣﻠﻴﻮﻥ ﻣﺮﻩ
.....
ﺩﺍﻟﻴﺎ .. ﻳﻼ ﻛﻤﻞ ﻣﻜﻴﺎﺟﺞ ﻭﺍﻧﻲ ﻫﻢ ﻛﻤﻠﺖ ﻛﻮﻣﻴﻨﺎ ﻫﻠﻲ ﻧﺮﺟﻊ ﻋﻴﺐ ﻣﻦ ﺍﻫﻞ ﺭﺟﻠﺞ !
ﺳﻠﻤﻰ .. ﻳﻤﻌﻮﺩﻩ ﻟﺘﺬﻛﺮﻳﻨﻲ ﺍﺻﻼً ﻣﺤﺪ ﻣﻦ ﺍﻫﻠﻪ ﻳﻌﺮﻑ ﺑﺲ ﺍﺧﺘﻪ ﻫﺬﻱ ﺍﻟﻲ ﺣﺠﺖ ﻭﻳﺎﺝ ﻗﺒﻞ ﺍﺷﻮﻳﻪ .
ﺩﺍﻟﻴﺎ .. ﺍﻧﻲ ﺷﻜﻠﺘﻠﺞ ... ﻟﺘﻔﻜﺮﻳﻦ ﺑﺸﻲ ﺻﺪﻛﻴﻨﻲ ﻛﻮﻟﺸﻲ ﺣﻴﻨﺤﻞ ﺑﻌﺪﻳﻦ .
ﺳﻠﻤﻰ .. ﺍﻟﻠﻪ ﻳﺴﻤﻊ ﻣﻨﺞ .. ﻳﻼ ﺍﻣﺸﻴﻨﺎ !..
ﺭﺟﻌﻨﺎ ﺍﻧﻲ ﻭﺳﻠﻤﻰ ﻟﻠﺤﻔﻠﻪ ﻭﺍﻟﻜﻞ ﻛﺎﻥ ﺩﻳﻨﺘﻈﺮ ﺍﻟﻌﺮﻭﺱ ﻭﻋﻼﻣﺎﺕ ﺍﻻﺳﺘﻐﺮﺍﺏ ﻣﺮﺳﻮﻣﻪ ﻋﻠﻰ ﻭﺟﻮﻩ ﺍﻟﺠﻤﻴﻊ .. ﻻﺣﻈﺖ ﺍﻧﻮ ﺍﻟﻤﻌﺎﺯﻳﻢ ﺯﺍﺩﻭ ﺍﺷﻮﻳﻪ .. ﻛﻌﺪﺕ ﺳﻠﻤﻰ ﻉ ﺍﻟﻜﻮﺷﻪ ﻣﺜﻞ ﺍﻟﺸﻤﺲ ﺍﻟﻲ ﻣﻨﻮﺭﻩ ﻭﺍﻧﻲ ﻛﻌﺪﺕ ﻳﻤﻬﺎ .. ﺑﻘﻴﻨﺎ ﻧﻀﺤﻚ ﻭﻧﺴﻮﻟﻒ ﺍﻧﻲ ﻭﻳﺎﻫﺎ ﻋﻠﻰ ﺍﻟﻲ ﺑﺎﻟﻘﺎﻋﻪ ﺷﻮﻓﻲ ﻫﺎﻱ ﻭﺷﻮﻓﻲ ﻫﺬﻳﺞ ﻣﺘﻨﺎ ﺿﺤﻚ .. ﻣﻦ ﺻﺪﻭﻙ ﺍﻭﻝ ﻣﺮﻩ ﻣﻦ ﺍﺣﺪﺍﺙ ﺍﻟﻤﻴﺘﻢ ﻟﻠﻴﻮﻡ ﺍﺿﺤﻚ ﻣﻦ ﻛﻞ ﮔﻠﺒﻲ ﻫﺸﻜﻞ .. ﺣﻴﻞ ﻛﻨﺖ ﻓﺮﺣﺎﻧﻪ ﻳﻤﻜﻦ ﺍﻛﺜﺮ ﻣﻦ ﻓﺮﺣﺔ ﺳﻠﻤﻰ ﻧﻔﺴﻬﺎ .. ﻭﺍﺧﻴﺮﺍً ﺣﺘﺮﺗﺎﺡ ﻣﻦ ﻛﻞ ﺍﻟﻲ ﻋﺎﺷﺘﻪ ﻭﺍﻟﻲ ﺷﺎﻓﺘﻪ ، ﻭﺍﺧﻴﺮﺍً ﺧﻠﺼﺖ ﻣﻦ ﺍﻟﻬﻢ ﺍﻟﻲ ﻛﺎﻥ ﻉ ﮔﻠﺒﻲ ﺑﺴﺒﺐ ﺑﻌﺪﻫﺎ ﻋﻨﻲ ﻭﺗﻔﻜﻴﺮﻱ ﺑﻴﻬﺎ ..
ﻣﺮ ﺍﻟﻮﻗﺖ ﺑﺴﺮﻋﻪ ﻣﺤﺴﻴﺖ ﺑﻲ .. ﺟﺎﻥ ﻳﻜﻮﻟﻮﻥ ﺍﺟﻪ ﺍﻟﻌﺮﻳﺲ ﺣﻴﺰﻓﻮﻫﻢ .. ﺑﻌﺪﻩ ﻣﺪﺍﺧﻞ ﺍﻟﻌﺮﻳﺲ ﺩﻙ ﻣﻮﺑﺎﻳﻠﻲ؟ !!
ﻓﺘﺤﺖ ﺍﻟﺠﻨﻄﻪ ﺷﻔﺖ ﻣﻜﺘﻮﺏ ﺭﻗﻤﻲ !!
ﺟﺎﻭﺑﺖ ..
_ ﺍﻟﻮﻭ؟ !
ﺍﺳﻴﺪ .. ﺍﻃﻠﻌﻲ ﺑﺴﺮﻋﻪ ﺍﻧﻲ ﻣﻨﺘﻈﺮﺝ ﺑﻨﻔﺲ ﺍﻟﻤﻜﺎﻥ .
ﺩﺍﻟﻴﺎ .. ﻋﻔﻴﻪ ﺑﺲ ﺍﺷﻮﻳﻪ ﺣﻴﺰﻓﻮﻫﺎ ﺍﺭﻳﺪ ﺍﻭﺩﻋﻬﺎ ﺍﻟﻠﻪ ﻳﺨﻠﻴﻚ .
ﺍﺳﻴﺪ .. ﺑﺼﻮﺕ ﺣﺎﺩ ﻭﻣﻠﻴﺎﻥ ﻏﻀﺐ .. ﺍﻃﻠﻌﻲ ﻭﻟﺘﻜﻔﺮﻳﻨﻲ ﺑﺴﺎﻋﺘﺞ ﺣﻴﺪﺧﻠﻮﻥ ﺍﻟﺰﻟﻢ ﻭﺍﺫﺍ ﺩﺧﻠﻮ ﺍﻧﺘﻲ ﻣﻮﺟﻮﺩﻩ ﺍﻧﻬﻴﺞ ﻭﺍﻟﻠﻪ .
ﺩﺍﻟﻴﺎ .. ﻛﺎﻟﻲ ﻫﺬﻱ ﺍﻟﻜﻠﻤﺘﻴﻦ ﻭﺳﺪ ﺍﻟﺨﻂ ﺑﻮﺟﻬﻲ !!
ﻛﻤﺖ ﺑﺴﺮﻋﻪ ﻧﺰﻟﺖ ﻣﻦ ﺍﻟﻜﻮﺷﻪ ﻭﻃﻠﻌﺖ ﻣﻦ ﺍﻟﺒﺎﺏ ﺍﻟﺨﻠﻔﻲ .. ﺳﻠﻤﻰ ﻫﻢ ﺍﻧﺸﻐﻠﺖ ﺗﻠﺒﺲ ﺑﺎﻟﻄﺮﺣﻪ ﻭﺗﻐﻄﻲ ﻧﻔﺴﻬﺎ .. ﻣﻠﺤﻜﺖ ﺣﺘﻰ ﺍﺳﻠﻢ ﻋﻠﻴﻬﺎ .. ﻃﻠﻌﺖ ﻟﻜﻴﺘﻪ ﻭﺍﻛﻒ ﺑﻨﻔﺲ ﺍﻟﻤﻜﺎﻥ ﻭﻋﻴﻮﻧﻪ ﺗﺠﺪﺡ ﻧﺎﺭ .. ﻣﺤﺠﻴﺖ ﻭﻳﺎ ﺷﻲ ﺻﻌﺪﺕ ﺑﺎﻟﺴﻴﺎﺭﻩ ﮔﺒﻞ ﺑﺲ ﻋﻴﻮﻧﻲ ﺗﺮﻳﺪ ﺗﻨﻔﺠﺮ ﻣﻦ ﺍﻟﺒﺠﻲ ﺍﻟﺪﻣﻮﻉ ﺑﻄﺮﻓﻬﺎ .. ﻣﺨﻼﻧﻲ ﺍﺣﻀﻨﻬﺎ ﻭﻻ ﺍﺳﻠﻢ ﻋﻠﻴﻬﺎ ، ﻣﻨﻄﺎﻧﻲ ﻣﺠﺎﻝ ﺣﺘﻰ ﺍﻭﺩﻋﻬﺎ !..
ﺣﺮﻙ ﺍﻟﺴﻴﺎﺭﻩ ﻭﻃﻠﻊ .. ﻭﺍﻧﻲ ﺩﻣﻮﻋﻲ ﺻﺒﺖ ﻣﻦ ﺍﺑﺘﻌﺪﻧﺎ ﻋﻦ ﺍﻟﻘﺎﻋﻪ .. ﻣﻜﺪﺭﺕ ﺍﻟﺰﻡ ﻧﻔﺴﻲ ﺍﻛﺜﺮ !
ﺍﺳﻴﺪ .. ﻟﻴﺶ ﺩﺗﺒﺠﻴﻦ؟ !
ﺩﺍﻟﻴﺎ .. ﺑﺼﻮﺕ ﻣﺨﻨﻮﻙ .. ﻣﺎﻛﻮ ﺷﻲ .
ﺍﺳﻴﺪ .. ﺳﺄﻟﺘﺞ ﺟﺎﻭﺑﻲ ﻟﺘﺨﺒﻠﻴﻨﻲ ، ﺷﻜﻮﻭﻭ ﺩﺗﺒﺠﻴﻴﻴﻴﻴﻴﻴﻦ؟ !!
ﺩﺍﻟﻴﺎ .. ﺑﺼﻮﺕ ﻋﺎﻟﻲ ﺩﺭﺕ ﻭﺟﻬﻲ ﻋﻠﻴﻪ ﻭﺩﻣﻮﻋﻲ ﺗﺠﺮﻱ .. ﺍﻧﻔﺠﺮﺕ ﺑﻲ ﺩﺍﺍﺑﺠﻲ ﻻﻧﻮ ﺣﻀﺮﺗﻚ ﻣﻨﻄﻴﺘﻨﻲ ﻣﺠﺎﻝ ﺣﺘﻰ ﺍﺳﻠﻢ ﻋﻠﻰ ﺳﻠﻤﻰ .. ﻣﻮﺍﺩﻋﺘﻬﺎ ، ﺣﺘﻰ ﻣﻬﻨﻴﺘﻬﺎ .. ﺳﺤﻠﺘﻨﻲ ﻣﺜﻞ ﺍﻟﺴﻴﺪ ﺍﻟﻲ ﻳﺄﻣﺮ ﻋﺒﺪ ﻋﻨﺪﻩ .. ﻫﺴﻪ ﻋﺮﻓﺖ ﻟﻮﻳﺶ؟ !!
ﺍﺳﻴﺪ .. ﺷﻜﻠﻬﺎ ﻭﻫﻲ ﻣﻨﻔﻌﻠﻪ ﻭﺗﺒﺠﻲ .. ﺩﻣﻮﻋﻬﺎ ﻭﺍﻟﻤﻜﻴﺎﺝ ﺍﻟﻲ ﺳﺎﻝ ﻋﻠﻰ ﺧﺪﻫﺎ .. ﻣﺎﺍﻋﺮﻑ ﺍﻟﻤﻨﻈﺮ ﺟﺪﻳﺪ ﻋﻠﻴﻪ ، ﺷﻔﺎﻳﻔﻬﺎ ﺑﺎﻗﻲ ﺑﻴﻬﻢ ﻣﻜﻴﺎﺝ ﺧﻔﻴﻒ ﺷﻜﻠﻬﺎ ﻣﺎﺳﺤﺎﺗﻪ ﻣﻨﻈﺮﻫﺎ ﻳﻤﻮﺕ ﺗﻨﺄﻛﻞ ﺩﻭﺧﺘﻨﻲ .. ﺻﻔﻨﺖ ﻋﻠﻴﻬﺎ ﺭﺣﺖ ﺑﻐﻴﺮ ﻋﺎﻟﻢ ، ﺭﻏﻢ ﺍﻧﻮ ﺗﺒﺠﻲ ﻭﻣﻘﻬﻮﺭﻩ ﺑﺲ ﺷﻜﻠﻬﺎ ﻳﺴﻄﺮ ﻓﻘﺪﺕ ﺗﺮﻛﻴﺰﻱ .. ﻫﻲ ﻣﻦ ﺷﺎﻓﺖ ﻧﻈﺮﺍﺗﻲ ﺍﻟﻬﺎ ﺩﺍﺭﺕ ﻭﺟﻬﺎ ﻋﻨﻲ ﺑﺴﺮﻋﻪ .. ﺑﻘﺖ ﺗﺒﺎﻭﻉ ﻣﻦ ﺍﻟﺠﺎﻣﻪ ﻭﺳﺎﻛﺘﻪ ﻣﺤﺠﺖ ﺷﻲ ﺑﺲ ﺷﻬﻜﺎﺗﻬﺎ ﻭﺑﺠﻴﻬﺎ ﺍﻟﻲ ﻋﺬﺑﻨﻲ !
ﻃﺒﻌﺎً ﻋﻠﻲ ﻟﺢ ﻋﻠﻴﻪ ﻭﺗﺮﺣﺎﻧﻲ ﺍﺭﻭﺡ ﻭﻳﺎ ﺍﺯﻓﻪ ﻟﻠﻔﻨﺪﻕ ﺑﺲ ﺍﻧﻲ ﻣﻘﺒﻠﺖ ﻻﻧﻮ ﻫﻲ ﻭﻳﺎﻱ ﻭﺧﻔﺖ ﻭﺍﺣﺪ ﻳﺸﻮﻓﻨﻪ ﻳﺴﻮﻳﻠﻲ ﻗﺼﻪ ، ﺧﺼﻮﺻﺎً ﺑﻬﺬﺍ ﺷﻜﻠﻬﺎ ﺍﻟﻌﺠﻴﺐ !
ﺑﺲ ﻣﻦ ﺷﻔﺖ ﺍﺩﻣﻮﻋﻬﺎ ﻭﺷﻜﻠﻬﺎ ﺍﺷﻠﻮﻥ ﺗﺒﺠﻲ ﺑﺤﺮﻛﻪ ﻭﻣﻘﻬﻮﺭﻩ ﻣﺘﺤﻤﻠﺖ ﻣﺎﺍﻋﺮﻑ ﺷﺼﺎﺭﻟﻲ .. ﻟﻌﻨﺖ ﻧﻔﺴﻲ ﺍﻟﻒ ﻣﺮﻩ ﻻﻧﻬﺎ ﺩﺗﺄﺛﺮ ﻋﻠﻴﻪ ﻫﺸﻜﻞ .. ﻣﺎ ﺍﻛﺪﺭ ﺍﻗﺎﻭﻡ ﻧﻔﺴﻲ ﻛﺪﺍﻣﻬﺎ ، ﺧﺒﻠﺘﻨﻲ ﻣﺎﺍﺩﺭﻱ ﻟﻴﺶ ﻫﻴﺞ ﺩﺗﺤﺮﻛﻨﻲ !
ﻟﻔﺖ ﺍﻟﺴﻴﺎﺭﻩ ﻭﺭﺟﻌﺖ ﻟﻠﻘﺎﻋﻪ .. ﻟﻜﻴﺘﻬﻢ ﺑﻌﺪﻫﻢ ﻣﻤﺘﺤﺮﻛﻴﻦ .. ﻫﻲ ﻣﻦ ﺷﺎﻓﺘﻨﺎ ﺭﺟﻌﻨﺎ ﺍﻧﺼﺪﻣﺖ
. .....
ﺩﺍﻟﻴﺎ .. ﻫﺎﻱ ﻟﻮﻳﺶ ﺭﺟﻌﺖ؟ !!
ﺍﺳﻴﺪ .. ﺑﻼ ﻏﺒﺎﺀ ﻳﻌﻨﻲ ﻟﻴﺶ ﺭﺟﻌﺖ ﻣﺜﻼً؟ !!
ﺩﺍﻟﻴﺎ .. ﺍﺑﺘﺴﺎﻣﻪ ﻓﻀﻴﻌﻪ ﻣﻠﺖ ﮔﻠﺒﻲ ﻭ ﻭﺟﻬﻲ ﻣﻦ ﺷﻔﺘﻪ ﺭﺟﻌﻨﺎ .. ﻳﺎ ﺭﺑﻲ ﻣﻌﻨﺎﻫﺎ ﻳﻬﺘﻢ ﻻﻣﺮﻱ .. ﻫﻢ ﻣﻬﻢ ﺍﻟﻤﻬﻢ ﺣﺸﻮﻑ ﺳﻠﻤﻰ ﻭﺍﻭﺩﻋﻬﺎ !..
ﺑﻘﻴﻨﺎ ﻣﻨﺘﻈﺮ ﺍﺷﻮﻳﻪ ﺍﻟﻰ ﺍﻥ ﺗﺤﺮﻛﺖ ﺍﻟﺴﻴﺎﺭﺍﺕ .. ﻃﻠﻌﻨﺎ ﻭﻳﺎﻫﺎ ﺍﺣﻨﺎ ﻭﺭﺍ ﺳﻴﺎﺭﺓ ﺍﻟﻌﺮﻭﺱ ﻣﺒﺎﺷﺮﺓً !!..
ﺍﻻﻏﺎﻧﻲ ﻭﺍﻟﻬﻮﺳﻪ ﻣﺎﻟﺖ ﺍﻟﺰﻓﻪ ﺍﻭﻝ ﻣﺮﻩ ﺍﻋﻴﺶ ﻫﻴﺞ ﺷﻌﻮﺭ ﻭﺍﺣﺴﺎﺱ .. ﻓﺮﺣﻪ ﻋﻈﻴﻤﻪ ﺍﺟﺘﺎﺣﺖ ﻛﻞ ﺫﺭﻩ ﺑﻴﻪ ﺣﺴﻴﺖ ﻧﻔﺴﻲ ﻃﺎﻳﺮﻩ .. ﺍﻣﺎ ﻫﻮ ﺍﺑﺎﻭﻋﻠﻪ ﻧﻔﺲ ﺍﻟﺠﻤﻮﺩ ﻭﻧﻔﺲ ﺍﻟﻤﻼﻣﺢ ﺍﺗﻜﻮﻝ ﺻﻨﻢ !
ﻭﺻﻠﻨﺎﻫﻢ ﻟﻠﻔﻨﺪﻕ .. ﻭﻟﻤﺎ ﺭﺍﺣﻮ ﺍﻟﻜﻞ ﻧﺰﻟﻨﻲ ﻣﻦ ﺍﻟﺴﻴﺎﺭﻩ
ﺍﺳﻴﺪ .. ﻏﻄﻲ ﻧﻔﺴﺞ ، ﺍﻣﺸﻲ ﻭﺭﺍﻳﻪ ﻭﻋﻴﻨﺞ ﺑﺎﻟﻜﺎﻉ ﺩﻳﺮﻱ ﺑﺎﻟﺞ ﺗﺮﻓﻌﻴﻦ ﺭﺍﺳﺞ ..
ﺩﺍﻟﻴﺎ .. ﻣﺎﺷﻲ .
ﻫﻮﻳﻤﺸﻲ ﻭﺍﻧﻲ ﻭﺭﺍ ﺍﺑﺎﻭﻉ ﻋﻠﻰ ﺧﻄﻮﺍﺗﻪ ﻣﺮﻓﻌﺖ ﺭﺍﺳﻲ ﻧﻬﺎﺋﻴﺎً ﻭﺧﺎﻧﻜﻪ ﺭﻭﺣﻲ ﺑﺎﻟﻔﺮﻭﻩ .. ﺻﻌﺪﻧﺎ ﺑﺎﻟﻤﺼﻌﺪ ﻭﺭﺣﻨﺎ ﻟﻐﺮﻓﺔ ﻋﻠﻲ ﻭﺳﻠﻤﻰ .. ﻟﻜﻴﻨﺎ ﺍﺧﺘﻪ ﺩﺗﺴﻠﻢ ﻋﻠﻴﻪ ﻫﻲ ﻭﺯﻭﺟﻬﺎ ﻳﻤﻜﻦ .. ﺍﻧﻲ ﻣﺮﻓﻌﺖ ﺭﺍﺳﻲ ﺍﺑﺪ .. ﺳﻠﻢ ﻫﻮ ﻋﻠﻰ ﻋﻠﻲ .. ﻭﺍﻧﻲ ﻫﻢ ﺑﺎﺭﻛﺘﻠﻪ ﺑﺲ ﻭﻟﻨﻲ ﻣﺪﻧﻜﻪ ﻣﺸﻔﺖ ﻭﺟﻬﻪ ﺍﺻﻼً .. ﺩﺧﻠﺖ ﻟﺴﻠﻤﻰ ﻟﻜﻴﺘﻬﺎ ﻛﺎﻋﺪﻩ ﻭﺗﺮﺟﻒ .. ﻣﻦ ﺷﺎﻓﺘﻨﻲ ﻃﻔﺮﺕ ﻋﻠﻴﻪ ﺣﻈﻨﺘﻨﻲ ﻭﻛﺎﻣﺖ ﺗﺒﺠﻲ !!
ﻫﺪﻳﺘﻬﺎ ﻭﻛﻠﺘﻠﻬﺎ ﻟﺘﺨﺎﻓﻴﻦ ، ﺑﺎﺭﻛﺘﻠﻬﺎ ﻻﻧﻮ ﻣﻠﻜﺤﺖ ﺑﺎﻟﻘﺎﻋﻪ .. ﺿﺤﻜﻨﺎ ﺍﺷﻮﻳﻪ .. ﺟﺎﻥ ﺍﺳﻤﻊ ﺻﻮﺗﻪ ﺍﻟﻤﺮﻋﺐ ..
ﺍﺳﻴﺪ .. ﻳﻼ ﺩﺍﻟﻴﺎ ﺍﺗﺄﺧﺮﻧﺎ ﺻﺎﺭﺕ ﻟﻴﻞ ﺧﻠﻴﻬﻢ ﻳﺮﺗﺎﺣﻮﻥ .
ﺩﺍﻟﻴﺎ .. ﺍﻱ ﺍﻱ ﺟﺎﻳﻪ .. ﺑﻮﺳﺖ ﺳﻠﻤﻰ ﻭﻛﻠﺘﻠﻬﺎ ﻛﻢ ﻳﻮﻡ ﻭﺍﺟﻴﺞ .. ﺍﻧﻄﺘﻨﻲ ﺭﻗﻤﻬﺎ ﻭﻃﻠﻌﺖ ﺭﻛﺾ !
ﻃﻠﻌﻨﺎ ﻣﻦ ﺍﻟﻔﻨﺪﻕ ﻣﺒﺎﻭﻋﺖ ﺑﻮﺟﻬﻪ ﺍﺻﻼً ﺑﺲ ﺑﺪﺍﺧﻠﻲ ﻛﻮﻟﺶ ﺳﻌﻴﺪﻩ ﻭﻓﺮﺣﺎﻧﻪ ﻫﻢ ﺑﺴﻠﻤﻰ ﻭﻫﻢ ﺑﺎﻟﻴﻮﻡ ﺍﻟﺤﻠﻮ ﺍﻟﻲ ﻋﺸﺘﻪ ﺭﻏﻢ ﺍﻟﻮﺣﺶ ﺍﻟﻲ ﻭﻳﺎﻱ !
ﺻﻌﺪﻧﺎ ﺑﺎﻟﺴﻴﺎﺭﻩ .. ﻭﺳﻜﻮﺕ ﻣﺤﺪ ﺣﺠﻪ ﻻ ﺍﻧﻲ ﻭﻻ ﻫﻮ .. ﺍﻟﻰ ﺍﻥ ﻭﻛﻒ ﺍﻟﺴﻴﺎﺭﻩ ﻳﻢ ﻣﻄﻌﻢ ﻛﺒﻴﺮ .. ﻗﺮﻳﺖ ﺍﻟﻼﻓﺘﻪ ﻣﻜﺘﻮﺏ ﺑﻴﻬﺎ ( ﻳﻮﺟﺪ ﻗﺴﻢ ﻟﻠﻌﻮﺍﺋﻞ )
ﻣﺤﺠﻪ ﺷﻲ ﻧﺰﻝ ﻭﻛﺎﻟﻲ ﺑﺼﻮﺗﻪ ﺍﻟﺠﺎﻣﺪ ﻟﺘﺘﺤﺮﻛﻴﻦ ﻣﻦ ﻣﻜﺎﻧﺞ !
ﺑﻘﻴﺖ ﺍﻧﻲ ﺑﺎﻟﺴﻴﺎﺭﻩ ﻭﻫﻮ ﺭﺍﺡ .. ﺍﺷﻮﻳﻪ ﻭﺭﺟﻌﻠﻲ ﻛﺎﻝ ﺍﻧﺰﻟﻲ !!
ﺩﺍﻟﻴﺎ .. ﻭﻳﻦ ؟ !!
ﺍﺳﻴﺪ .. ﺑﻐﻀﺐ ، ﻟﺘﻨﺎﻗﺸﻴﻦ ﺳﻮﻱ ﺍﻟﻲ ﺍﻛﻮﻟﻪ ﻭﺑﺲ .
ﺩﺍﻟﻴﺎ .. ﻣﺎﺷﻲ ﻣﺎﺷﻲ ﺣﻨﺰﻝ .
ﻧﺰﻟﺖ ﻫﻮ ﻣﺸﻰ ﻛﺪﺍﻣﻲ ﻭﺍﻧﻲ ﻭﺭﺍ ﺩﺧﻠﻨﺎ ﻟﻠﻤﻄﻌﻢ ﺩﺍﻓﻲ ﻭﺍﻻﺿﻮﻳﻪ ﺗﺠﻨﻦ ﺍﻟﻲ ﺑﻲ .. ﻭﺍﻟﻌﻄﺮ ﻭﺍﺻﻞ ﻟﺸﺎﺭﻉ .. ﻛﺎﻟﻠﻨﺎ ﻭﺍﺣﺪ ﻭﺍﻛﻒ ﻳﻢ ﺍﻟﺮﺳﻴﺒﺸﻦ ﺍﺗﻔﻀﻠﻮ ﻣﻨﺎ .. ﻟﺰﻣﻨﻲ ﻫﻮ ﻣﻦ ﺍﻳﺪﻱ ﻭﻣﺸﻰ ... ﺣﺴﻴﺖ ﮔﻠﺒﻲ ﺣﻴﻮﻛﻒ .. ﺍﺩﻳﻪ ﻋﺮﮔﺖ ﺻﺎﺭﺕ ﻣﻲ ﺣﺘﻰ ﺍﺳﺘﺤﻴﺖ ﻣﻨﻪ !
ﺍﺧﺬﻧﺎ ﻟﻤﻜﺎﻥ ﻣﻌﺰﻭﻝ ﻭﻣﺤﺪ ﺑﻲ ﺑﺲ ﺍﺣﻨﺎ .. ﻛﻌﺪﻧﺎ ﻭﺑﻌﺪﻳﻦ ﻫﻮ ﻃﻠﺐ ﺍﻛﻞ !..
ﺍﺳﻴﺪ .. ﺷﺘﺎﻛﻠﻴﻦ؟؟ !!
ﺩﺍﻟﻴﺎ .. ﺑﻜﻴﻔﻚ !
ﺍﺳﻴﺪ .. ﻫﺬﺍ ﺍﻟﻤﻨﻴﻮ ﻳﻤﺞ ﺷﻮﻓﻲ ﺷﻨﻮ ﺗﺮﺩﻳﻦ .
ﺩﺍﻟﻴﺎ .. ﺍﻱ ﺷﻲ ..
......
ﺍﺳﻴﺪ .. ﺻﺤﺖ ﻉ ﺍﻟﻜﺮﺳﻮﻥ ﺟﺎﺑﻠﻨﺎ ﺍﻻﻛﻞ ﻃﻠﺒﺘﻠﻬﺎ ﻧﻔﺲ ﺍﻟﻲ ﻃﻠﺒﺘﻪ ﺍﻧﻲ .. ﺭﺍﺡ ﻳﺠﻴﺐ ﺍﻻﻛﻞ ﻭﻳﺠﻲ .. ﺟﺎﻥ ﺍﺳﻤﻊ ﻭﺍﺣﺪ ﺩﻳﺼﻴﺢ ﻋﻠﻴﻪ !
ﺩﺭﺕ ﻭﺟﻬﻲ ﻟﻜﻴﺘﻪ ﺯﻭﺝ ﺧﺎﻟﺘﻲ ﻫﻮ ﻭﺧﺎﻟﺘﻲ ﻭﺟﻬﺎﻟﻬﻢ !!!!!!!!
ﺍﺷﻮﻥ ﺣﻆ ﺧﺎﻳﺲ .. ﻣﻦ ﻫﺴﻪ ﺍﻋﺘﺒﺮ ﺍﻣﻲ ﻋﺮﻓﺖ ﺑﺎﻟﻤﻮﺿﻮﻉ ﻭﺑﻌﺪ ﻣﺎﺍﺧﻠﺺ !
ﻋﻔﺘﻬﺎ ﻭﺭﺣﺖ ﺍﺳﻠﻢ ﻋﻠﻴﻬﻚ ﻻ ﻳﺠﻮﻥ ﻭﻳﺸﻮﻓﻮﻫﺎ ، ﻉ ﺍﻻﻗﻞ ﺍﺫﺍ ﻣﺎ ﻋﺮﻓﺘﻬﺎ ﻣﻦ ﺗﻜﻮﻝ ﺍﻻﻣﻲ ﺍﻛﺪﺭ ﺍﻛﻠﻠﻬﺎ ﻭﺣﺪﻩ ﻣﺘﻮﺍﻋﺪ ﻭﻳﺎﻫﺎ .
ﺑﺲ ﺍﺫﺍ ﺷﺎﻓﺘﻬﺎ ﻭﻋﺮﻓﺘﻬﺎ ﻣﺎ ﺍﺧﻠﺺ ﺑﻌﺪ .. ﻭﻣﺤﺪ ﻳﺼﺪﻙ ﺍﻧﻮ ﺍﺧﺬﺗﻬﺎ ﻟﻌﺮﺱ ﻋﻠﻲ ﺧﺼﻮﺻﺎً ﻋﻠﻲ ﻣﺤﺪ ﻳﻌﺮﻑ ﺑﻌﺮﺳﻪ ﻻﻥ ﺍﻣﻲ ﻭﺍﻣﻪ ﺻﺪﻳﻘﺎﺕ ﻓﻜﺎﻟﻲ ﻟﺘﻜﻮﻝ !!
ﻛﻠﺘﻠﻬﺎ ﻟﺘﺘﺤﺮﻛﻴﻦ ﻣﻨﺎ ﻭﻟﺘﺮﻓﻌﻴﻦ ﺭﺍﺳﺞ ﻫﺴﻪ ﺍﺟﻲ .
ﻛﻤﺖ ﺑﺴﺮﻋﻪ ﺭﺣﺖ ﺳﻠﻤﺖ ﻋﻠﻴﻬﻢ .. ﺧﺎﻟﺘﻲ ﻣﻮ ﺑﺲ ﻣﺴﺘﻐﺮﺑﻪ ﻻ ﻣﺼﺪﻭﻣﻪ ﻣﻦ ﺍﻟﻤﻨﻈﺮ ﻣﻤﺼﺪﻛﻪ ﺍﻧﻲ ﻛﺎﻋﺪ ﻭﻳﺎ ﻭﺣﺪﻩ !
ﺑﻘﺖ ﺗﻠﻤﺢ ﻭﺗﻀﺮﺏ ﺑﺴﺎﻣﻴﺮ .. ﺍﻧﻲ ﻣﻐﻠﺲ .. ﺟﺎﻥ ﺗﻜﻠﻲ ﺍﺷﻮ ﻣﻌﺮﻓﺘﻨﺎ ﻉ ﺍﻟﺤﻠﻮﻩ ﺍﻟﻲ ﻭﻳﺎﻙ !!
ﺍﺳﻴﺪ .. ﻳﻤﻌﻮﺩﻩ ﻣﻮ ﺟﺪﻳﺎﺕ ﺗﺴﻠﻴﻪ ﻓﻘﻂ .
ﺍﻟﺨﺎﻟﻪ .. ﻣﻴﺨﺎﻟﻒ ﺍﺭﻳﺪ ﺍﺷﻮﻓﻬﺎ ﻫﺬﻱ ﺍﻟﻲ ﺧﻠﺘﻚ ﻭﺍﺧﻴﺮﺍً ﺗﻄﻠﻊ ﻣﻦ ﻗﻮﻗﻌﺘﻚ ﻭﺗﺤﺠﻲ ﻭﻳﺎ ﺑﻨﺖ .
ﺍﺳﻴﺪ .. ﺧﺎﻟﻪ ﻛﻠﺘﻠﺞ ﻣﻮﺿﻮﻉ ﻣﻮ ﺟﺪﻱ ﻭﺍﻟﺒﻨﻴﻪ ﺗﺴﺘﺤﻲ ﻏﻴﺮ ﻣﺮﻩ ﻋﻮﺩ .
ﺍﻟﺨﺎﻟﻪ .. ﻳﺒﻮﻭﻭ ﻣﻦ ﺍﺳﻴﺪ ﺷﻨﻮ ﺍﻟﻬﺪﺭﺟﻪ ﺗﺨﺎﻑ ﻋﻠﻴﻬﺎ .. ﺧﻠﻲ ﺍﺭﻭﺡ ﺍﻧﻲ ﺍﺷﻮﻓﻬﺎ ﻟﻌﺪ .
ﻛﺎﻣﺖ ﺑﺴﺮﻋﻪ ﻭﺭﺍﺣﺖ ﻋﻠﻴﻬﺎ ﻣﻠﺤﻜﺖ ﺣﺘﻰ ﺍﻭﻛﻔﻬﺎ ﺍﻭ ﺍﺣﺠﻲ ﻭﻳﺎﻫﺎ ...
ﺍﻟﺨﺎﻟﻪ .. ﻣﺮﺣﺒﺎ ﻳﺎ ﺣﻠﻮﻩ .. ﻣﺪﺍﺍﺻﺪﻙ ﺍﻛﻮ ﻣﺨﻠﻮﻗﻪ ﺗﻜﺪﺭ ﺗﺨﻠﻲ ﺍﺳﻴﺪ ﻳﻜﻌﺪ ﻭﻳﺎﻫﺎ ﻻ ﻭﻳﻌﺰﻣﻬﺎ ﺑﻤﻄﻌﻢ ، ﺻﺎﺭ ﻋﻨﺪﻱ ﻓﻀﻮﻝ ﺍﻋﺮﻓﺞ ﺍﻛﻴﺪ ﺍﻧﺖ ﻭﺣﺪﻩ ﻓﺮﻳﺪﻩ ﻣﻦ ﻧﻮﻋﺞ ﺍﻟﻲ ﻛﺪﺭﺗﻲ ﺗﻐﻴﺮﻱ ﻫﺸﻜﻞ !
ﺩﺍﻟﻴﺎ .. ﻛﺎﻟﻲ ﻟﺘﺮﻓﻌﻴﻦ ﺭﺍﺳﺞ ﺑﻘﻴﺖ ﻛﺎﻋﺪﻩ ﻭﻣﺪﻧﻜﻪ ﻫﻮ ﺭﺍﺡ ﻭﺍﻧﻲ ﺍﻧﺘﻈﺮ ، ﻣﺎﺍﺣﺲ ﺍﻻ ﻭﺣﺪﻩ ﻭﻛﻔﺖ ﻳﻤﻲ ﻭﺩﺗﺴﻠﻢ ﻋﻠﻴﻪ !!
ﻣﻜﺪﺭﺕ ﺍﺭﻓﻊ ﺭﺍﺳﻲ ﻻﻥ ﻣﺎﺍﺭﻳﺪ ﺍﻋﺎﻧﺪ ﻭﺍﻋﺼﺒﻪ ﺑﻌﺪ ﻛﻞ ﺍﻟﻲ ﺳﻮﺍ ﺍﻟﻲ ﺑﻘﻴﺖ ﻣﺪﻧﻜﻪ !!
ﺍﻟﺨﺎﻟﻪ .. ﻭﻟﻚ ﺍﺳﻴﺪ ﻫﺎﻱ ﺻﺪﻭﻙ ﺧﺠﻮﻟﻪ ﺣﺘﻰ ﻣﺘﺮﻓﻊ ﺭﺍﺳﻬﺎ ، ﻣﻦ ﺍﺷﻮﻛﺖ ﺍﻟﺨﺠﻞ ﻳﻨﻔﻊ ﻭﻳﺎﻙ !
ﺍﺳﻴﺪ .. ﺧﻠﺘﻨﻲ ﺑﻤﻮﻗﻒ ﻣﺤﺮﺝ ﺑﻌﺪ ﻣﺎﺍﻛﺪﺭ ﺍﺗﺼﺮﻑ ﻭﺍﺗﻼﻓﻰ ﺍﻟﻤﻮﺿﻮﻉ .. ﺩﺍﻟﻴﺎ ﻫﺬﻱ ﺧﺎﻟﺘﻲ ﺍﻳﻨﺎﺱ ﺍﺟﺘﻲ ﺣﺘﻰ ﺗﺴﻠﻢ ﻋﻠﻴﺞ !
ﺩﺍﻟﻴﺎ .. ﻣﻦ ﻛﺎﻝ ﺧﺎﻟﺘﻲ ﺟﺴﻤﻲ ﻛﻮﻟﻪ ﺭﺟﻒ ﺍﺭﺗﺒﻜﺖ ﺣﻴﻞ .. ﺑﺲ ﺍﻟﻲ ﺭﺑﻜﻨﻲ ﺍﻛﺜﺮ ﺍﻻﺳﻢ !!!!
ﺭﻓﻌﺖ ﻭﺍﺳﻲ ﺩﺍﺍﺭﻳﺪ ﺍﺳﻠﻢ ﻋﻠﻴﻬﺎ .... ﻭﻓﺠﺄﻩ ﺍﻟﻌﺎﻟﻢ ﻛﻮﻟﻪ ﺍﻇﻠﻢ ﺑﻌﻴﻨﻲ !!!!!!!!!!!!!!!!!!!!!!!!!
ﻟﻠﺤﻜﺎﻳﻪ ﺑﻘﻴﻪ ️❤
ﺭﺃﻳﻜﻢ ﺑﺎﻻﺣﺪﺍﺙ ﻭﺗﻮﻗﻌﺎﺗﻜﻢ
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء