رواية في أرض الغرام انت دولتي ج1 الجزء السابع عشر
للكاتبة الأميرة الموسوية
.....
ﺩﺍﻟﻴﺎ .. ﺷﻨﻮﻭﻭ .. ﺷﺪﺗﺤﺠﻲ ﺍﻧﺖ؟ !!
ﺍﺳﻴﺪ .. ﺍﻟﻲ ﺳﻤﻌﺘﻲ .
ﺩﺍﻟﻴﺎ .. ﻻ ﺍﻧﺖ ﺍﻛﻴﺪ ﺩﺗﻜﺬﺏ .. ﺷﻌﺮﻓﻚ ﺍﻧﺖ ﻭﻣﻦ ﻭﻳﻦ ﺗﻌﺮﻑ ﻣﻜﺎﻥ ﺳﻠﻤﻰ ﺍﺻﻼً؟ !
ﺍﺳﻴﺪ .. ﺿﺒﻲ ﺍﻟﻠﺴﺎﻧﺞ ﻭﺑﻼ ﻛﻼﻡ ﺯﺍﻳﺪ ﻭﺍﻣﺸﻲ ﺍﺻﻌﺪﻱ ﺑﺎﻟﺴﻴﺎﺭﻩ ﺧﻞ ﻧﺮﺟﻊ ﻟﻠﺒﻴﺖ .
ﺩﺍﻟﻴﺎ .. ﻣﺎ ﺍﺗﺤﺮﻙ ﺧﻄﻮﻩ ﻭﺣﺪﻩ ﻣﻨﺎ ﺍﺫﺍ ﻣﺎﺍﻋﺮﻑ ﻛﻮﻟﺸﻲ ﻋﻦ ﺍﻟﻤﻮﺿﻮﻉ ﻭﻣﻨﻮ ﺍﻟﻲ ﻛﺎﻟﻚ !
ﺍﺳﻴﺪ .. ﺍﻟﻠﻬﻢ ﻃﻮﻟﺞ ﻳﺎ ﺭﻭﺡ .. ﺍﻣﺸﻲ ﺍﺻﻌﺪﻱ ﻟﻠﺴﻴﺎﺭﻩ ﻭﺍﻧﻲ ﺍﻓﻬﻤﺞ ﻛﻠﺸﻲ ﺑﺲ ﺍﺗﺤﺮﻛﻲ ﻓﻀﻴﻨﻲ ﻟﻴﻄﻠﻊ ﺍﺣﺪ ﻭﻳﺸﻮﻓﺞ ﺍﻧﺘﻲ ﻭﺑﻨﻄﺮﻭﻧﺞ ﺑﻨﺺ ﺍﻟﺸﺎﺭﻉ .
ﺩﺍﻟﻴﺎ .. ﺷﻘﺼﺪﻙ؟ !!
ﺍﺳﻴﺪ .. ﺑﻐﻀﺐ ﻭﺻﺒﺮﻩ ﺑﺪﻩ ﻳﻨﻔﺬ .. ﺭﺍﺡ ﺍﺭﺗﻜﺐ ﺑﻴﺞ ﺟﺮﻳﻤﻪ ﺑﻬﺎﻟﻠﻴﻞ ، ﺍﺧﺮ ﻣﺮﻩ ﺍﻛﻠﺞ ﺍﻣﺸﻲ ﺍﺻﻌﺪﻱ ﻛﺪﺍﻣﻲ ﻻ ﺍﺳﺤﻠﺞ ﺳﺤﻞ ﻭﺍﻟﻠﻪ .
ﺩﺍﻟﻴﺎ .. ﺷﻔﺘﻪ ﻋﺼﺐ ﻭ ﻭﺟﻬﻪ ﺍﻧﻜﻠﺐ .. ﻛﻠﺖ ﺧﻠﻲ ﺍﺭﻭﺡ ﻭﻳﺎ ﺍﺣﺴﻨﻠﻲ ﻫﻮ ﺍﻧﻲ ﺍﺻﻼً ﻣﺎ ﻋﻨﺪﻱ ﻣﻜﺎﻥ ﺍﺭﻭﺣﻠﻪ ﻟﻮﻳﺶ ﺍﻋﺎﻧﺪ؟ !
ﺳﺤﺒﺖ ﺟﻨﻄﺘﻲ ﻭﺭﺣﺖ ﻟﻠﺴﻴﺎﺭﻩ .. ﺻﻌﺪﺕ ﻭﻫﻮ ﺍﺧﺬ ﺟﻨﻄﺘﻲ ﺧﻼﻫﺎ ﺑﺎﻟﺴﻴﺎﺭﻩ ﻭﺭﺟﻊ ﺻﻌﺪ ﺑﺼﻔﻲ ﻭﺳﺪ ﺍﻟﺒﺎﺏ ﻛﻞ ﻗﻮﺗﻪ ﻧﺰﺯﻧﻲ .. ﺍﻭﻝ ﻣﺮﻩ ﺍﺻﻌﺪ ﻭﻳﺎ ﺑﺎﻟﺴﻴﺎﺭﻩ ﻭ ﻟﻮﺣﺪﻱ .. ﻛﻠﺒﻲ ﻳﺮﺟﻒ ﻣﻦ ﺍﻟﺨﻮﻑ ﻭﺍﻻﺭﺗﺒﺎﻙ .. ﻣﺎﺍﻋﺮﻑ ﺣﺘﻰ ﺍﺗﻨﻔﺲ ﺣﺎﻟﺘﻲ ﻛﻮﻟﻬﺎ ﺗﺨﺮﺑﻄﺖ !
ﺑﻘﻴﻨﺎ ﺳﺎﻛﺘﻴﻦ ﺍﺛﻨﻴﻨﺎﺗﻪ ﻣﺤﺠﻴﻨﺎ ﺷﻲ ﺑﺲ ﺻﻮﺕ ﺍﻟﻨﻔﺲ ﺑﺎﻟﺴﻴﺎﺭﻩ .. ﺍﻟﻰ ﺍﻥ ﺣﺠﻪ ﻫﻮ ..
ﺍﺳﻴﺪ .. ﺑﺎﻟﺪﻭﺍﻡ ﺷﻔﺖ ﻋﻠﻲ ﻭﺣﺠﺎﻟﻲ ﻛﻞ ﺍﻟﻤﻮﺿﻮﻉ .
ﺩﺍﻟﻴﺎ .. ﺯﻳﻦ ﺳﻠﻤﻰ ﺍﺷﻮﻥ ﻳﺼﻴﺮ ﺗﺘﺰﻭﺟﻪ ﻣﻮ ﻫﻲ ...
ﺍﺳﻴﺪ .. ﺭﺍﻫﺒﻪ ﻗﺼﺪﺝ؟ !!
ﺩﺍﻟﻴﺎ .. ﺍﻧﺖ ﺷﻌﺮﻓﻚ ﺑﻜﻞ ﻫﺬﻱ ﺍﻻﺷﻴﺎﺀ؟ !
ﺍﺳﻴﺪ .. ﺻﺪﻳﻘﺘﺞ ﺷﻜﻠﻬﺎ ﻛﺎﺭﻫﺎ ﻣﻮﺿﻮﻉ ﺍﻟﺮﻫﺒﻨﻪ ﻭﺭﺍﺩﺕ ﺑﺲ ﺗﺨﻠﺺ ﻣﻨﻪ ﻓﻮﺭﻃﺖ ﺻﺪﻳﻘﻲ ﺑﻴﻬﺎ .
ﺩﺍﻟﻴﺎ .. ﺍﻭﻻً ﺍﻧﺖ ﻣﺘﻌﺮﻓﻬﺎ ﻟﺴﻠﻤﻰ ﺣﺘﻰ ﺗﺤﺠﻲ ﻋﻠﻴﻬﺎ ﻫﺸﻜﻞ .. ﻭﺛﺎﻧﻴﺎً ﻣﺎﺍﻋﺘﻘﺪ ﺳﻠﻤﻰ ﺗﻌﺮﻑ ﻋﻨﻮﺍﻥ ﺻﺪﻳﻘﻚ ﺍﻭ ﺣﺘﻰ ﻋﻨﺪﻫﺎ ﺍﺗﺼﺎﻝ ﺑﻲ ﺣﺘﻰ ﺗﻮﺭﻃﻪ ﻭﻳﺎﻫﺎ ، ﺻﺪﻳﻘﻚ ﻫﻮ ﺍﻟﻲ ﻣﻮﺕ ﻧﻔﺴﻪ ﻋﻠﻴﻬﺎ ﻣﻦ ﺍﻟﺒﺪﺍﻳﻪ ﻭﻫﻲ ﻛﺎﻧﺖ ﺭﺍﻓﻀﺘﻪ ﻧﻬﺎﺋﻴﺎً ﻭﻣﺪﺍﺍﻛﺪﺭ ﺍﺻﺪﻙ ﺍﻭ ﺍﻗﺘﻨﻊ ﺍﻧﻮ ﺳﻠﻤﻰ ﻭﺍﻓﻘﺖ ﺗﺘﺰﻭﺟﻪ !
ﺍﺳﻴﺪ .. ﻫﺬﺍ ﺍﻟﻲ ﺻﺎﺭ ﻭﺑﺎﻟﺨﻤﻴﺲ ﻋﺮﺳﻬﻢ ، ﻭﻋﻠﻲ ﻋﺰﻣﻨﻲ .
ﺩﺍﻟﻴﺎ .. ﺍﻧﻲ ﻻﺯﻡ ﺍﺭﻭﺡ ﺍﺭﻳﺪ ﺍﺷﻮﻓﻬﺎ .. ﻻﺯﻡ ﺍﻓﻬﻢ ﺷﻨﻮ ﺍﻟﻲ ﺻﺎﺭ ﺷﻨﻮ ﺍﻟﻲ ﺧﻼﻫﺎ ﺗﺘﺮﻙ ﺍﻟﺪﻳﺮ ﻭ ﺗﺘﺰﻭﺝ !
ﺍﺳﻴﺪ .. ﺑﺎﻟﺨﻤﻴﺲ ﺍﻧﻲ ﺭﺍﻳﺢ ﺍﺫﺍ ﺗﺮﺩﻳﻦ ﺍﺧﺬﺝ ﻭﻳﺎﻱ .
ﺩﺍﻟﻴﺎ .. ﺷﻜﺮﺍً ﺍﻟﻚ ﻣﺎﺍﺭﻳﺪ ﺍﺯﺣﻤﻚ
.... .
ﺍﺳﻴﺪ .. ﺑﻼ ﻏﺒﺎﺀ ﻣﺮﺍﻳﺢ ﻋﻠﻰ ﻣﻮﺩﺝ ﻭﻻ ﻉ ﻣﻮﺩ ﺻﺪﻳﻘﺘﺞ ، ﻟﺨﺎﻃﺮ ﻋﻠﻲ ﺭﺍﺡ ﺍﺭﻭﺡ ﻣﺎﺍﺭﻳﺪ ﺍﻓﺸﻠﻪ ﺑﻴﻮﻡ ﻋﺮﺳﻪ ﺧﺼﻮﺻﺎً ﺍﻫﻠﻪ ﻣﻮ ﻭﻳﺎ .
ﺩﺍﻟﻴﺎ .. ﺷﻨﻮ ﻗﺼﺪﻙ ﺍﻫﻠﻪ ﻣﻤﻮﺍﻓﻘﻴﻦ؟ !!
ﺍﺳﻴﺪ .. ﻣﻦ ﺗﺮﺣﻴﻦ ﺻﺪﻳﻘﺘﺞ ﺍﺗﻔﻬﻤﺞ .. ﻣﺎ ﺍﻟﻲ ﺧﻠﻚ ﻧﻘﺎﺷﺎﺗﺞ .
ﺩﺍﻟﻴﺎ .. ﻫﻮ ﺍﻧﺖ ﻟﺸﻨﻮ ﺍﻟﻚ ﺧﻠﻚ ﺍﺻﻼً ﺍﺑﻮ ﺍﻟﻬﻮﻝ ﻳﺒﺘﺴﻢ ﺍﻛﺜﺮ ﻣﻨﻚ .
ﺍﺳﻴﺪ .. ﺷﻜﻠﺘﻲ؟ !!
ﺩﺍﻟﻴﺎ .. ﻭﻻ ﺷﻲ .
ﻣﻮﺿﻮﻉ ﺳﻠﻤﻰ ﻭﻋﻠﻲ ﻓﺮ ﻋﻘﻠﻲ ﻓﺮ !
ﻣﻌﻘﻮﻟﻪ .. ﺯﻳﻦ ﺍﺷﻮﻥ ، ﺍﺷﻮﻛﺖ ، ﻟﻮﻳﺶ؟ !
ﺍﻟﻒ ﺳﺆﺍﻝ ﻭﺳﺆﺍﻝ ﺍﺑﺎﻟﻲ ﺷﻴﺠﻴﺐ ﺍﻟﺨﻤﻴﺲ ﻭﺍﺭﻭﺡ ﺍﺷﻮﻓﻬﺎ .. ﺍﻭﻭﻭﻭﻑ ﮔﻠﺒﻲ ﺣﻴﻄﻠﻊ ﻣﻦ ﻣﻜﺎﻧﻪ ﻣﻦ ﻛﺪ ﺍﻟﻠﻬﻔﻪ ﻣﺸﺘﺎﻗﺘﻠﻬﺎ ﻣﻮﻭﻭﻭﺕ .. ﻳﺲ ﺍﺗﻤﻨﻰ ﺍﺷﻮﻓﻬﺎ ، ﻣﺪﺍﺍﺻﺪﻙ .
ﺳﻜﺘﺖ ﻭﺍﻻﻓﻜﺎﺭ ﺗﺪﻭﺭ ﺑﻌﻘﻠﻲ .. ﻫﻮ ﺑﻘﻰ ﻳﺴﻮﻕ ﺑﻄﺮﻳﻖ ﻃﻮﻳﻞ ﻳﻌﻨﻲ ﺍﻧﻲ ﻣﺒﻌﺪﺕ ﻫﺎﻟﻤﺴﺎﻓﻪ ﻋﻦ ﺍﻟﺒﻴﺖ .. ﻭﻳﻦ ﺭﺍﻳﺢ ﻫﺬﺍ؟ !
ﺭﺩﺕ ﺍﺳﺄﻟﻪ ﺑﺲ ﺧﻔﺖ ﻣﻨﻪ ﻻ ﻳﻌﺼﺐ ﻋﻠﻴﻪ ﻭﻣﺤﺪ ﻳﻤﻲ ، ﻟﻮ ﻳﺴﻮﻱ ﺑﻴﻨﺎ ﺣﺎﺩﺙ ﻫﺬﺍ ﺍﻟﻤﺠﻨﻮﻥ .. ﻣﺴﺎﻓﻪ ﻛﻮﻟﺶ ﺑﻌﻴﺪﻩ ﻋﻦ ﺍﻟﺒﻴﺖ ﻭﻛﻒ ﺍﻟﺴﻴﺎﺭﻩ ﺑﻤﻜﺎﻥ ﺑﻲ ﺍﺿﻮﻳﻪ ﻭﻧﺎﺱ ﻛﻮﻣﻪ ﻭﺳﻴﺎﺭﺍﺕ !..
ﺍﻧﻲ ﺑﺼﺮﺍﺣﺎ ﻣﺸﺎﻳﻔﻪ ﻫﻴﺞ ﻣﻨﺎﻃﻖ ﺣﻴﺎﺗﻲ ﺧﻠﺼﺘﻬﺎ ﺑﻴﻦ ﺍﻟﻤﻴﺘﻢ ﻭﺍﻟﻤﺪﺭﺳﻪ ﻭﺑﻌﺪﻫﺎ ﺍﻧﺘﻘﻠﺖ ﻣﻦ ﺍﻟﺪﻳﺮ ﻟﺒﻴﺘﻬﻢ ﻛﺒﻞ ﻣﺸﻔﺖ ﻭﻻ ﺳﻤﻌﺖ ﺷﻲ ﺣﺘﻰ ﻣﻼﺑﺴﻲ ﻛﻨﺖ ﺍﺧﺬﻫﻢ ﻣﻦ ﺍﺳﻮﺍﻕ ﺷﻌﺒﻴﻪ ﻭﻧﺎﺩﺭﺍً ﻣﺎ ﺍﺭﻭﺡ .. ﻭﻫﺬﺍ ﺍﻟﻤﻜﺎﻥ ﺍﻭﻝ ﻣﺮﻩ ﺑﺤﻴﺎﺗﻲ ﺍﺷﻮﻓﻪ .. ﺷﻜﻠﻪ ﻣﻜﺎﻥ ﻛﻮﻟﺶ ﺭﺍﻗﻲ ﻭﺍﻟﻨﺎﺱ ﺍﻟﻲ ﺑﻲ ﻣﺒﻴﻦ ﻣﻦ ﺷﻜﻠﻬﻢ ﻣﺜﻘﻔﻴﻦ ﻭﻃﺒﻘﻪ ﺭﺍﻗﻴﻪ !!
ﻭﻛﻒ ﺍﻟﺴﻴﺎﺭﻩ ﻭﺭﺍﺩ ﻳﻨﺰﻝ .. ﺍﻧﻲ ﺑﻌﺪ ﻣﺘﺤﻤﻠﺖ ﻻﺯﻡ ﺃﺳﺄﻝ ..
ﺩﺍﻟﻴﺎ .. ﻟﻮﻳﺶ ﻭﻛﻔﺖ ﻭ ﻭﻳﻦ ﺭﺍﻳﺢ؟ !
ﺍﺳﻴﺪ .. ﺭﺍﻳﺢ ﺍﺗﺰﻗﻨﺐ ﻭﺍﺟﻲ ﻣﻦ ﺍﻟﺼﺒﺢ ﻛﻠﺸﻲ ﻣﻤﺎﻛﻞ ﻣﻦ ﻭﺭﺍ ﺧﻠﻘﺘﺞ ﻭﻃﻼﻳﺒﺞ .
ﺩﺍﻟﻴﺎ .. ﻭﺍﻧﻲ؟ !
ﺍﺳﻴﺪ .. ﺍﺟﻴﺒﻠﺞ ﻭﻳﺎﻳﻪ ﺍﻛﻞ .
ﺩﺍﻟﻴﺎ .. ﻳﺎ ﺍﻛﻞ ﺍﻧﺖ .. ﺍﻗﺼﺪ ﺍﻧﻲ ﻣﺎﺍﻛﺪﺭ ﺍﺑﻘﻰ ﻫﻨﺎ ﻭﺣﺪﻱ .
ﺍﺳﻴﺪ .. ﻣﺎ ﺍﺗﺄﺧﺮ ﺩﻗﻴﻘﻪ ﻭﺍﺟﻲ ، ﺍﺑﻘﻰ ﺑﺎﻟﺴﻴﺎﺭﻩ ﻭﻟﺘﺘﺤﺮﻛﻴﻦ .
ﺩﺍﻟﻴﺎ .. ﻻ ﻣﺎ ﺍﻛﺪﺭ .. ﺍﺧﺎﻑ ﺍﺑﻘﻰ ﻟﺤﺎﻟﻲ ﻛﻮﻟﺸﻲ ﻳﺼﻴﺮ ﻋﺎﻳﻔﻨﻲ ﺑﻨﺺ ﺍﻟﺸﺎﺭﻉ .. ﺍﻣﺸﻲ ﻧﺮﺟﻊ ﻟﻠﺒﻴﺖ ﻭﺍﻧﻲ ﺍﺳﻮﻳﻠﻚ ﻋﺸﻪ ﻋﻔﻴﻪ ﺍﻟﻠﻪ ﻳﺨﻠﻴﻚ .
ﺍﺳﻴﺪ .. ﻣﺎﺍﺭﻳﺪ ﻣﻨﺞ ﺷﻲ ﺑﺲ ﻛﻔﻴﻨﻲ ﺷﺮﺝ ، ﻭﺍﻧﺘﻈﺮﻳﻨﻲ ﻫﻨﺎ ﺩﻗﺎﻳﻖ ﻭﺍﺟﻴﺞ .
ﺩﺍﻟﻴﺎ .. ﺧﻠﻲ ﺍﺟﻲ ﻭﻳﺎﻙ ﻟﻌﺪ ﻓﺪﻭﻩ ﻟﺘﺒﻘﻴﻨﻲ ﻭﺣﺪﻱ ﻭﺍﻟﺮﺏ ﺍﺧﺎﻑ .
ﺍﺳﻴﺪ .. ﻭﻳﻦ ﺗﺠﻴﻦ ﻭﻳﺎﻱ ﺑﻬﺬﺍ ﺑﻨﻄﺮﻭﻧﺞ ﻭﺷﻌﺮﺝ ، ﺗﺮﺩﻳﻦ ﺍﻟﻨﺎﺱ ﺗﺎﻛﻠﺞ .
ﺩﺍﻟﻴﺎ .. ﺍﻧﺖ ﺷﺒﻴﻚ ﻭﻳﺎ ﺑﻨﻄﺮﻭﻧﻲ ﻣﺘﺸﻮﻑ ﻫﺬﻭﻟﻲ ﺍﻟﺒﻨﺎﺕ ﺷﻨﻮ ﻻﺑﺴﻴﻦ ﻭﻛﻮﻟﻬﻢ ﺳﺎﻓﺮﺍﺕ ، ﺑﻌﺪﻳﻦ ﺍﻧﺖ ﺷﻌﻠﻴﻚ ﺑﻴﻪ ﺍﻧﻲ ﺣﺮﻩ ﺑﻠﺒﺴﻲ .
ﺍﺳﻴﺪ .. ﺍﺳﺘﻐﻔﺮ ﺍﻟﻠﻪ ﻳﺎ ﺍﻟﻪ ﺍﻟﻌﺎﻟﻤﻴﻦ .. ﺍﺳﻤﻌﻴﻨﻲ ﺯﻳﻦ ﻭﺑﻼ ﻃﻮﻟﺔ ﺍﻟﻠﺴﺎﻥ ﻻ ﺍﻛﺼﻪ ﺍﻟﺞ ، ﻧﺰﻟﻪ ﻣﻦ ﺍﻟﺴﻴﺎﺭﻩ ﻣﺎﻛﻮﻭ ﺗﺒﻘﻴﻦ ﻫﻨﺎ ﻭﺍﻧﻲ ﻫﺴﻪ ﺍﺭﺟﻊ .. ﻧﺰﻟﺖ ﻭﺳﺪﻳﺖ ﺍﻟﺒﺎﺏ ، ﺑﺲ ﻣﻘﻔﻠﺖ ﺍﻟﺴﻴﺎﺭﻩ ﻧﺴﻴﺖ .. ﺻﺢ ﺍﻟﻤﻨﻄﻘﻪ ﺭﺍﻗﻴﻪ ﻭﻛﻞ ﺍﻟﻲ ﺑﻴﻬﺎ ﺳﺎﻓﺮﺍﺕ ﺑﺲ ﻫﻲ ﻣﺮﺩﺗﻬﺎ ﺗﻨﺰﻝ ﻣﻦ ﺍﻟﺴﻴﺎﺭﻩ ، ﻻﻥ ﺟﺴﻤﻬﺎ ﻣﺎ ﺷﺎﺀ ﺍﻟﻠﻪ ﻛﺎﺭﺛﻲ ﻭﻻﺑﺴﻪ ﺑﻨﻄﺮﻭﻥ ﺿﻴﻖ ﻭﻗﻤﻴﺺ ﻣﺨﺼﺮ ، ﺷﻌﺮﻫﺎ ﺭﺍﻓﻌﺘﻪ ﺫﻳﻞ ﺣﺼﺎﻥ ﻭﻧﺎﺯﻝ ﻟﻨﻬﺎﻳﺔ ﻇﻬﺮﻫﺎ .. ﻭﻋﻴﻮﻧﻬﺎ ﺍﻟﻲ ﺗﺴﻄﺮ ﺍﻟﻮﺍﺣﺪ ﺳﻄﺮ .. ﺍﻧﻲ ﻋﻮﺩ ﺍﻟﺜﮕﻴﻞ ﻭﺩﻭﺧﺘﻨﻲ ﺍﺷﻠﻮﻥ ﺑﻬﺬﻭﻟﻲ ﺍﻟﻤﻠﻄﻠﻄﻴﻦ ﺍﺫﺍ ﺷﺎﻓﻮﻫﺎ !..
ﻋﻔﺘﻬﺎ ﺑﺎﻟﺴﻴﺎﺭﻩ ﻭ ﺭﺣﺖ ﺑﺴﺮﻋﻪ ﺍﻃﻠﺒﺖ ﺍﻻﻭﺭﺩﺭ ﻭ ﺩﺍﺍﻧﺘﻈﺮ .. ﻣﺎﺍﺣﺲ ﺍﻻ ﻫﻮﺳﻪ ﻭﺭﺍﻳﻪ !!
ﺩﺭﺕ ﻭﺟﻬﻲ ﻟﻜﻴﺘﻬﺎ ﺩﺗﻤﺸﻲ ﻭﻣﺠﻤﻮﻋﻪ ﻭﻟﺪ ﻭﺭﺍﻫﺎ ﻳﺘﻐﺰﻟﻮﻥ ﺑﻴﻬﺎ .. ﻭﺻﺎﻳﺮﻩ ﻓﻠﻢ ﻫﻨﺪﻱ !!
ﻣﻦ ﺷﻔﺘﻬﺎ ﻓﻘﺪﺕ ﺍﻋﺼﺎﺑﻲ ﺍﻟﻤﻨﻈﺮ ﻋﺼﺒﻨﻲ ﺣﻴﻞ ﻟﺪﺭﺟﻪ ﻭﺍﻛﻔﻪ ﻭﺍﻟﻨﺎﺱ ﺗﺒﺎﻭﻉ ﻋﻠﻴﻬﺎ ﻉ ﺑﺎﻟﻚ ﻣﺸﺎﻳﻔﻴﻦ ﺑﻨﻴﻪ ﺑﺤﻴﺎﺗﻬﻢ .. ﻳﻔﺘﺮﺳﻮﻥ ﺟﺴﻤﻬﺎ ﺍﻓﺘﺮﺍﺱ ﺑﻨﻈﺮﺍﺗﻬﻢ .. ﺍﻟﺪﻧﻴﺎ ﺍﻃﻠﻤﺖ ﺑﻌﻴﻨﻲ ﻣﻦ ﺍﻟﻐﻀﺐ ﻟﻮ ﺍﻟﺰﻣﻬﺎ ﻭﺍﺧﻠﻲ ﻃﻠﻘﻪ ﺑﺮﺍﺳﻬﺎ ﻫﻢ ﻣﻴﻜﻔﻴﻨﻲ .. ﺭﻛﻀﺖ ﺑﺴﺮﻋﻪ ﺳﺤﺒﺘﻬﺎ ﻭﺭﺍﻳﻪ ﻭﺟﺮﻳﺖ ﻭﺍﺣﺪ ﻣﻨﻬﻢ ﺿﺮﺑﺘﻪ ﺑﻮﻛﺲ ﻛﺴﺮﺕ ﺍﺳﻨﻮﻧﻪ ﺑﺤﻠﻜﻪ !!
ﻫﺬﻭﻻﻙ ﻣﻦ ﺷﺎﻓﻮﻧﻲ ﺍﺗﻄﺎﻓﺮﻭ ﻛﻞ ﻭﺍﺣﺪ ﺍﻧﻬﺰﻡ ﺑﺼﻔﺤﻪ .. ﻟﺰﻣﺖ ﻫﺬﺍ ﺍﻟﻲ ﻛﺪﺍﻣﻲ ﻛﺴﺮﺗﻪ ﺗﻜﺴﺮ ﺑﻘﻰ ﻳﺒﺠﻲ ﻭﻳﺘﻮﺳﻞ ﺑﺲ ﻋﻮﻓﻨﻲ .. ﺍﻟﺸﺮﻃﻪ ﺷﺎﻓﻮ ﺍﻟﻬﻮﺳﻪ ﺍﺟﻮﻱ ﻳﺮﻛﻀﻮﻥ ﻭﻳﺼﻴﺤﻮﻥ ﺭﺍﺩﻭ ﻳﻌﺘﻘﻠﻮﻧﻲ .. ﻃﻠﻌﺘﻠﻬﻢ ﺍﻟﺒﺎﺝ ﻣﺎﻟﺘﻲ ﺷﺎﻓﻮ ﺍﻟﺮﺗﺒﻪ ﻣﺎﻟﺘﻲ ﻧﻘﻴﺐ ﺑﺎﻟﺠﻴﺶ ﻣﺘﻘﺮﺑﻮﻟﻲ .. ﺷﺮﺣﺘﻠﻬﻢ ﺍﻟﻲ ﺻﺎﺭ ﻛﻠﺘﻠﻬﻢ ﺍﻧﻲ ﻭﺧﻄﻴﺒﺘﻲ ﻃﺎﻟﻌﻴﻦ ﻭﺭﺣﺖ ﺩﺍﺍﺟﻴﺐ ﺍﻻﻛﻞ ﻟﻜﻴﺘﻬﻢ ﺩﻳﺘﺤﺮﺷﻮﻥ ﺑﻴﻬﺎ .. ﺍﻋﺘﺬﺭﻭ ﻣﻨﻲ ﻋﻠﻰ ﺳﻮﺀ ﺍﻟﻔﻬﻢ ﻭﺍﺧﺬﻭ ﻫﺬﺍ ﺍﻟﺴﺎﻗﻂ ﻭﺭﺍﺣﻮ .. ﺍﻟﺘﻔﺖ ﻋﻠﻰ ﺍﻟﺒﻠﻮﻩ ﺍﻟﻲ ﻭﺭﺍﻳﻪ ﻟﻜﻴﺘﻬﺎ ﻭﺍﻛﻔﻪ ﻭﺗﺮﺟﻒ ﺟﺮﻳﺘﻬﺎ ﻣﻦ ﺍﻳﺪﻫﺎ ﺑﻘﻮﻩ ﻭﻳﻤﻜﻦ ﻛﺴﺮﺕ ﻋﻈﻤﺔ ﺍﻳﺪﻫﺎ .. ﻛﺒﻞ ﻟﻠﺴﻴﺎﺭﻩ ﺣﺘﻰ ﺍﻻﻛﻞ ﻋﻔﺘﻪ !
ﺷﻤﺮﺗﻬﺎ ﺑﺎﻟﺴﻴﺎﺭﻩ ﻭﻃﻠﻌﺖ ﺑﺴﺮﻋﺘﻲ ﻟﻠﺒﻴﺖ .. ﻣﺤﺠﻴﺖ ﺷﻲ ﻻﻥ ﺷﺎﺭﻉ ﻭﻣﺎﺍﻛﺪﺭ ﺳﻮﻱ ﺷﻲ ﻻ ﻳﺼﻴﺮ ﺣﺎﺩﺙ ، ﺑﺲ ﺍﻧﻲ ﺩﻣﻲ ﻳﻐﻠﻲ ﺍﺭﻳﺪ ﺍﻧﻬﻴﻬﺎ ﺧﻼﺹ .. ﻭﺻﻠﺖ ﻟﻠﺒﻴﺖ .. ﺩﺧﻠﺖ ﺍﻟﺴﻴﺎﺭﻩ ﺑﺎﻟﻜﺮﺍﺝ ﺍﻭﻝ ﻣﺎ ﻭﻛﻔﺖ ﺍﻟﺴﻴﺎﺭﻩ ﻫﻲ ﻧﺰﻟﺖ ﺑﺴﺮﻋﻪ ﻭﺭﻛﺾ ﺩﺧﻠﺖ ﻟﻠﺒﻴﺖ .. ﻃﻔﻴﺖ ﺍﻟﺴﻴﺎﺭﻩ ﻭﻧﺰﻟﺖ ﻭﺭﺍﻫﺎ ﺑﺴﺮﻋﻪ ﺩﺧﻠﺖ ﻟﻠﺒﻴﺖ ﺷﻔﺘﻬﺎ ﻃﺒﻜﺖ ﺑﺎﺏ ﻏﺮﻓﺘﻬﺎ ﺑﻘﻮﻩ !..
ﺑﺼﻮﺕ ﻋﺎﻟﻲ ﻭﺑﻜﻞ ﻋﺼﺒﻴﻪ
.....
ﺍﺳﻴﺪ .. ﺍﻓﺘﺤﻲ ﺍﻟﺒﺎﺏ ﻭﺍﻃﻠﻌﻲ ﻻ ﺍﻛﺴﺮﻩ ﻭﺍﻃﻠﻌﺞ ﺑﻄﺮﻳﻘﺘﻲ !
ﺩﺍﻟﻴﺎ .. ﺑﺼﻮﺕ ﻳﺮﺟﻒ ﻭﻫﻲ ﺗﺒﺠﻲ .. ﻭﺍﻟﺮﺏ ﻣﻮ ﻗﺼﺪﻱ ﺍﺳﻮﻱ ﻣﺸﻜﻠﻪ ﺑﺲ ﺍﻧﻲ ﺍﺧﺎﻑ ﻣﻦ ﺍﺑﻘﻰ ﻟﺤﺎﻟﻲ ﺑﻤﻜﺎﻥ ﺻﻐﻴﺮ .. ﻭﺍﻟﺮﺏ ﺍﺧﺎﻑ ﻭﻛﻠﺘﻠﻚ ﻣﺼﺪﻛﺘﻨﻲ ، ﻟﻤﺎ ﺭﺣﺖ ﺍﻧﺖ ﺧﻔﺖ ﻭﻣﻜﺪﺭﺕ ﺍﺑﻘﻰ ﺑﺎﻟﺴﻴﺎﺭﻩ ﺣﺴﻴﺖ ﻧﻔﺴﻲ ﺩﺍﺍﺧﺘﻨﻚ ﻓـ ﻃﻠﻌﺖ .. ﺍﻟﻠﻪ ﻳﺨﻠﻴﻚ ﺭﻭﺡ ﻣﻨﺎ ﻣﻮ ﻗﺼﺪﻱ ﺍﻟﻲ ﺻﺎﺭ ﻭﺍﻟﻠﻪ ﻣﻮ ﻗﺼﺪﻱ !
ﺍﺳﻴﺪ .. ﻛﻠﺘﻠﺞ ﺍﻃﻠﻌﻲ ﻭﻣﺮﺍﺡ ﺍﻋﻴﺪ ﻛﻼﻣﻲ ﺑﻌﺪ !
ﺩﺍﻟﻴﺎ .. ﻣﻦ ﺻﻮﺗﻪ ﻣﺒﻴﻦ ﺍﻟﺸﻴﺎﻃﻴﻦ ﺍﺷﺘﻐﻠﺖ ﺑﺮﺍﺳﻪ .. ﻧﺒﺮﺗﻪ ﺗﺨﻮﻑ ﻭﻳﺼﻴﺢ ﺑﺼﻮﺕ ﻋﺎﻟﻲ .. ﺣﺴﻴﺖ ﺟﺴﻤﻲ ﺑﻌﺪ ﻣﻴﺸﻴﻠﻨﻲ ﻣﻦ ﺍﻟﺨﻮﻑ ﻣﻨﻈﺮﻩ ﻭﻫﻮ ﺩﻳﺴﻮﻕ ﻳﺨﻠﺲ ﻛﻞ ﺍﺷﻮﻳﻪ ﻛﻠﺖ ﺣﻴﺴﻮﻱ ﺣﺎﺩﺙ ﻭﻳﻤﻮﺗﻨﺎ .. ﻳﺘﻨﻔﺲ ﺑﻘﻮﻩ ﻭﺑﺲ ﻳﺪﺧﻦ .. ﻳﺎ ﺭﺏ ﺍﺭﺟﻮﻙ ﺳﺎﻋﺪﻧﻲ ﺍﻧﺖ ﺗﻌﺮﻑ ﺍﻧﻮ ﺍﻧﻲ ﻣﻮ ﻗﺼﺪﻱ ﺍﺳﻮﻱ ﻣﺸﻜﻠﻪ ﻭﺗﻌﺮﻑ ﻟﻮﻳﺶ ﻧﺰﻟﺖ .. ﺍﺭﺟﻮﻙ ﺧﻠﺼﻨﻲ ﻣﻨﻪ .. ﺑﺄﻳﺪ ﺗﺮﺟﻒ ﻭﮔﻠﺐ ﺷﺒﻪ ﻣﺘﻮﻗﻒ ﻓﺘﺤﺖ ﺍﻟﺒﺎﺏ .. ﺑﻌﺪﻧﻲ ﻫﺴﺘﻮﻧﻲ ﻓﺘﺤﺖ ﺍﻟﺒﺎﺏ ﺩﻓﻌﻪ ﻭﺳﺤﺒﻨﻲ ﻟﻠﺼﺎﻟﻪ ... ﺷﻤﺮﻧﻲ ﻉ ﺍﻟﻜﺎﻉ ﺑﻘﻮﻩ ﺍﺣﺲ ﺍﻟﻌﻤﻮﺩ ﺍﻟﻔﻘﺮﻱ ﺗﻜﺴﺮ !
ﺍﺳﻴﺪ .. ﺍﻧﻲ ﺷﻜﻠﺘﻠﺞ ؟ !!
ﺩﺍﻟﻴﺎ .. ﻣﻦ ﺑﻴﻦ ﺷﻬﻜﺎﺗﻬﺎ ﻭﺩﻣﻮﻋﻬﺎ .. ﺻﺪﻛﻨﻲ ﻣﻮ ﻗﺼﺪﻱ ﻳﺼﻴﺮ ﻛﻞ ﻫﺬﺍ ﺑﺲ ﺧﻔﺖ ﺧﻔﺖ ﻟﻮﺣﺪﻱ ﺑﺎﻟﺴﻴﺎﺭﻩ ﺧﻔﺖ ﻣﻜﺪﺭﺕ ﺍﺑﻘﻰ ﻟﻮﺣﺪﻱ .
ﺍﺳﻴﺪ .. ﺍﻧﻲ ﺷﻜﻠﺘﻠﺞ ﺟﺎﻭﺑﻴﻨﻲ ؟ !!
ﺩﺍﻟﻴﺎ .. ﻣﺤﺠﻴﺖ ﺷﻲ ﺑﻘﻴﺖ ﺍﺑﺎﻭﻉ ﺑﻌﻴﻮﻧﻪ ﻭﺩﻣﻮﻋﻲ ﺗﺠﺮﻱ .. ﮔﻠﺒﻲ ﺍﺣﺴﻪ ﺣﻴﻮﻛﻒ ﻣﻦ ﺍﻟﻮﺟﻊ ﺍﻟﻲ ﺑﻲ ﻣﻮ ﻭﺟﻊ ﺍﻟﻮﻛﻌﻪ .. ﻭﻻ ﻭﺟﻪ ﻇﻬﺮﻱ .. ﻭﺟﻊ ﺍﻟﺸﻌﻮﺭ ﺍﻟﻲ ﺍﺣﺴﻪ ﻛﻮﻟﻤﺎ ﺍﺑﺎﻭﻉ ﺑﻌﻴﻮﻧﻪ .. ﻭﺟﻊ ﮔﻠﺒﻲ ﺍﻟﻲ ﻣﻦ ﻧﻈﺮﺍﺗﻪ ﻳﻄﻴﺮ .. ﻭﺟﻊ ﺍﻟﺨﺬﻻﻥ ﺍﻟﻲ ﺩﺍﺍﻋﻴﺸﻪ ﻭﻳﺎ !..
ﺍﺳﻴﺪ .. ﻣﺘﺠﺎﻭﺑﻴﻦ ﻟﻴﺶ ﺳﻜﺘﻲ ، ﺷﻨﺰﻟﺞ ﻣﻦ ﺍﻟﺴﻴﺎﺭﻩ ﺍﻧﻲ ﻣﻮ ﻛﻠﺘﻠﺞ ﻣﺘﻨﺰﻟﻴﻦ؟ !!
ﺷﻨﻮ ﺷﻔﺘﻴﻠﺞ ﻭﺍﺣﺪ ﻋﺠﺒﺞ ﻭﻗﺮﺭﺗﻲ ﺗﺴﺘﻌﺮﺿﻴﻦ ﺑﺠﺴﻤﺞ ﻛﺪﺍﻣﻪ؟ !!
ﻟﻮ ﺍﺷﺘﺎﻗﻴﺘﻲ ﻟﻨﻈﺮﺍﺕ ﺍﻟﻨﺎﺱ ﺍﻟﻲ ﺗﺘﻔﺤﺼﺞ ﻭﺍﺳﺘﻐﻠﻴﺘﻲ ﺍﻟﻔﺮﺻﻪ ﻻﻥ ﻣﻦ ﺯﻣﺎﻥ ﻣﺎ ﻃﺎﻟﻌﻪ ﻓﺤﺒﻴﺘﻲ ﺗﻌﻴﺪﻳﻦ ﺍﻟﻤﺎﺿﻲ !
ﺟﺎﻭﺑﻴﻨﻲ ﻟﺘﺨﺎﻓﻴﻦ ﻣﺎ ﺍﺳﻮﻳﻠﺞ ﺷﻲ ﻻﻥ ﺍﻧﺘﻲ ﻭﺣﺪﻩ ﻗﺬﺭﻩ ﻭﺣﺜﺎﻟﻪ ﺗﻌﺮﻓﻴﻦ ﺭﺃﻳﻲ ﺑﻴﺞ ﻣﻦ ﺯﻣﺎﻥ ﻓﻤﺮﺍﺡ ﺍﻟﻠﻮﺙ ﺍﺩﻳﻪ ﺑﻴﺞ ، ﺑﺲ ﺍﺭﻳﺪ ﺍﻋﺮﻑ ﺷﻨﺰﻟﺞ؟ !!
ﺩﺍﻟﻴﺎ .. ﻛﻼﻣﻪ ﺣﺮﻙ ﺭﻭﺣﻲ ﺣﺮﻙ .. ﺑﻘﻴﺖ ﺻﺎﻓﻨﻪ ﺑﻮﺟﻬﻪ ﻭﺩﻣﻮﻋﻲ ﺗﺠﺮﻱ .. ﺍﺣﺲ ﮔﻠﺒﻲ ﺩﻳﺘﻜﻄﻊ .. ﺑﺲ ﻣﺎ ﺣﺠﻴﺖ .. ﺭﺩﺕ ﺍﺳﻤﻊ ﻛﻼﻣﻪ ﺯﻳﻦ ﺣﺘﻰ ﮔﻠﺒﻲ ﻳﺘﻮﺏ ﻣﻨﻪ ، ﻳﻜﺮﻫﻪ .. ﺣﺘﻰ ﻳﻌﺮﻑ ﺍﺷﻮﻥ ﻳﺤﺐ ﻭﺣﺶ ﻣﺜﻞ ﻫﺬﺍ .. ﺍﺷﻮﻥ ﻳﻨﺬﻝ ﻣﻦ ﺍﻟﺸﺨﺺ ﺍﻟﻮﺣﻴﺪ ﺍﻟﻲ ﺳﺎﻛﻨﻪ !
ﺳﻜﺘﺖ ﺑﺲ ﺍﻧﻲ ﺍﻟﻮﺟﻊ ﻳﻨﻬﺶ ﺑﻴﻪ ﻣﻦ ﻛﻞ ﺻﻮﺏ .. ﺍﻳﺪﻱ ﺍﻟﻲ ﻣﺮﺩﻫﺎ ﻭﻫﻮ ﻳﺴﺤﺒﻨﻲ ﻣﻦ ﺍﻟﺸﺎﺭﻉ .. ﻇﻬﺮﻱ ﺍﻟﻲ ﺩﻓﻌﻨﻲ ﻋﻠﻴﻪ ﺑﻜﻞ ﻗﻮﻩ ﺍﺣﺴﻪ ﺗﻬﺸﻢ .. ﻭﺍﻻﻗﻮﻯ ﻣﻦ ﻫﺬﺍ ﻛﻮﻟﻪ ﮔﻠﺒﻲ ﺍﻟﻲ ﺩﻳﻨﺰﻑ ﻭﻣﺤﺪ ﻳﺪﺭﻱ ﺑﻲ !!
ﺍﺳﻴﺪ .. ﺭﺍﺡ ﺍﺑﺪﻝ ﻭﺍﺭﺟﻊ ﺧﻤﺲ ﺩﻗﺎﻳﻖ ﺍﻟﻜﻰ ﺍﻟﻌﺸﻪ ﺟﺎﻫﺰ ﻭﺍﻻ ﻣﺘﻠﻮﻣﻴﻦ ﺍﻻ ﻧﻔﺴﺞ .
ﻋﺎﻓﻨﻲ ﻭ ﺭﺍﺡ .. ﺑﻘﻴﺖ ﺑﻤﻜﺎﻧﻲ ﺩﻣﻮﻋﻲ ﺗﺠﺮﻱ ﻣﺎﺍﻛﺪﺭ ﺍﺗﺤﺮﻙ ﻇﻬﺮﻱ ﻣﻮﺗﻨﻲ .. ﺑﻜﻞ ﻗﻮﺗﻲ ﺭﻓﻌﺖ ﻧﻔﺴﻲ ﻭﻛﻤﺖ ﻣﻦ ﺍﻟﻜﺎﻉ ﺍﺣﺲ ﻇﻬﺮﻱ ﺩﻳﺘﻜﺴﺮ ﻣﻦ ﺍﻟﻮﺟﻊ !
ﺳﺤﺒﺖ ﻧﻔﺴﻲ ﺑﻜﻞ ﻗﻮﺗﻲ ﻭﻃﻠﻌﺖ ﺑﺮﻩ .. ﺷﻨﻮ ﺣﺎﺳﺐ ﻧﻔﺴﻪ ﻫﺬﺍ ﺧﺪﺍﻣﻪ ﻋﻨﺪﻩ .. ﻟﻮ ﻳﻤﻮﺕ ﻣﺎ ﺍﺳﻮﻳﻠﻪ ﺳﻢ ﺑﻤﻌﺪﺗﻪ ﻭﺧﻠﻲ ﻳﻤﺪ ﺍﻳﺪﻩ ﻋﻠﻴﻪ ﺑﻌﺪ ﻭﺍﻧﻲ ﺍﻋﻠﻤﻪ ﻣﻨﻮ ﺍﻟﺤﺜﺎﻟﻪ ﺍﻟﺤﻘﻴﺮ ﻫﺬﺍ !
ﻃﻠﻌﺖ ﻟﻠﺤﺪﻳﻘﻪ ﻛﻌﺪﺕ ﻉ ﺍﻟﻜﺮﺳﻲ ﺍﺷﻮﻳﻪ ﻭﺑﻘﻴﺖ ﺍﻓﺮﻙ ﺑﻈﻬﺮﻱ ﺍﺭﻳﺪ ﺍﻻﻟﻢ ﻳﺨﻒ ﺍﺷﻮﻳﻪ ﻣﺴﺪﺕ ﻇﻬﺮﻱ ﻟﺤﺪ ﻣﺎ ﺍﺷﻮﻳﻪ ﺍﺭﺗﺎﺣﻴﺖ .. ﺍﺭﺗﻜﻴﺖ ﻉ ﺍﻟﻜﺮﺳﻲ ﻭﺍﺣﺲ ﻋﺒﺮﺓ ﺍﻟﻌﺎﻟﻢ ﻛﻮﻟﻬﺎ ﻣﺤﺸﻮﺭﻩ ﺑﺼﺪﺭﻱ .. ﺍﺭﻳﺪ ﺍﺑﺠﻲ .. ﺍﺭﻳﺪ ﺍﺻﻴﺢ .. ﺍﺭﻳﺪ ﻭﺍﺣﺪ ﺍﺷﻜﻴﻠﻪ !!
ﺑﺪﺕ ﺍﺩﻣﻮﻋﻲ ﺗﺼﺐ ﻋﺸﺮﻩ ﻋﺸﺮﻩ .. ﺑﺠﻴﺖ ﺑﺤﺮﻛﻪ ﻭﺷﻬﻜﺎﺗﻲ ﺻﺎﺭﺕ ﻋﺎﻟﻴﻪ ﻛﻮﻟﺶ !!
ﻣﺎﺍﺩﺭﻱ ﺍﺷﻜﺪ ﻣﺮ ﻣﻦ ﺍﻟﻮﻗﺖ ﻭﺍﻧﻲ ﺍﺑﺠﻲ .. ﺑﺤﻴﺚ ﺣﺴﻴﺖ ﻋﻴﻮﻧﻲ ﺣﺘﻮﻛﻊ ﺑﺤﻈﻨﻲ ﻣﻦ ﺍﻟﺒﺠﻲ ، ﺍﻟﺪﻧﻴﺎ ﻟﻴﻞ ﻭﺍﻟﺠﻮ ﺑﺎﺭﺩ .. ﻟﻮ ﻋﻨﺪﻱ ﺍﻫﻞ ﻫﺴﻪ ﻣﺎ ﺟﺎﻥ ﺍﻧﺬﻟﻴﺖ ﻛﻞ ﻫﺬﺍ ﺍﻟﺬﻝ !
ﻣﺎ ﺟﺎﻥ ﺿﺮﺑﻨﻲ ﻭﻫﺎﻧﻲ ﺍﻟﻲ ﻳﺴﻮﻩ ﻭﺍﻟﻲ ﻣﻴﺴﻮﻩ .. ﻟﻮ ﺑﺎﻗﻴﻪ ﺍﺧﺘﻲ ﻉ ﺍﻻﻗﻞ ﺍﺷﻜﻴﻠﻬﺎ ﺿﻴﻢ ﺍﻟﺤﺎﻝ ﻭﺗﻮﺍﺳﻴﻨﻲ .. ﺑﺲ ﻻﺍ ﻫﻢ ﺟﺎﻥ ﺍﺗﺒﻬﺬﻟﺖ ﻣﺜﻠﻲ ﻭﺍﻧﺬﻟﺖ ﺍﺣﺴﻨﻠﻬﺎ ﻣﺎﺗﺖ .. ﺧﻠﻴﻨﻲ ﺍﻧﻲ ﺍﺗﺤﻤﻞ ﻛﻮﻟﺸﻲ ﺑﺲ ﻣﺎﺍﺗﺤﻤﻞ ﺍﺷﻮﻑ ﺍﺧﺘﻲ ﺗﻨﺬﻝ ﻛﺪﺍﻣﻲ !
ﺍﺑﺠﻲ ﺑﺤﺮﻛﻪ ﻭﻣﻘﻬﻮﺭﻩ .. ﻣﺎ ﺍﺣﺲ ﺍﻻ ﻭﺍﺣﺪ ﻃﻮﻳﻞ ﻭﺍﻛﻒ ﻛﺪﺍﻣﻲ ﻭﻇﻠﻪ ﻏﻄﺎﻧﻲ..
.....
ﺍﺳﻴﺪ .. ﺭﺩﺕ ﺍﺷﺮﺏ ﻣﻦ ﺩﻣﻬﺎ ﺑﻌﺪ ﺍﻟﻲ ﺳﻮﺗﻪ ﺑﺲ ﻧﻈﺮﺍﺗﻬﺎ ﺍﻟﻐﺮﻳﺒﻪ ﺍﻟﻲ ﻛﺘﻔﺘﻨﻲ .. ﺩﻣﻮﻋﻬﺎ ﻣﺎﺍﺩﺭﻱ ﺷﺴﻮﺗﻠﻲ .. ﺭﺩﺗﻬﺎ ﺑﺲ ﺗﺤﺠﻲ ، ﺗﺮﺍﺩﺩ ﺣﺘﻰ ﺍﻧﺘﻘﻢ ﻣﻨﻬﺎ ﻉ ﺍﻟﻔﻀﻴﺤﻪ ﺍﻟﻲ ﺳﻮﺗﻬﺎ .. ﺑﺲ ﻣﺎﻛﻮ ﻣﺤﺠﺖ ﺷﻲ !!
ﻛﻠﺘﻠﻬﺎ ﺗﺴﻮﻱ ﺍﻛﻞ ﻋﻠﻰ ﻣﺎ ﺍﺑﺪﻝ ﺍﻧﻲ ﻣﺎﺍﺷﺘﻬﻲ ﺑﺲ ﺭﺩﺗﻬﺎ ﺗﻌﺎﻧﺪﻧﻲ ﺣﺘﻰ ﺍﻧﻬﻴﻬﺎ ﻭﺍﺑﺮﺩ ﮔﻠﺒﻲ !
ﺑﺪﻟﺖ ﻭ ﺭﺟﻌﺖ ﻟﻜﻴﺘﻬﺎ ﻣﺎﻛﻮﻭ ﻻ ﺑﺎﻟﻤﻄﺒﺦ ﻭﻻ ﺑﻐﺮﻓﺘﻬﺎ .. ﺷﻄﺖ ﻣﻦ ﺍﻟﻐﻀﺐ ﻫﺴﻪ ﺣﻞ ﻣﻮﺗﻬﺎ ﺍﻧﻲ ﺍﻋﻠﻤﻬﺎ ﺑﺲ ﺍﻟﺰﻣﻬﺎ .. ﺩﻭﺭﺕ ﺍﻟﺒﻴﺖ ﻛﻠﻪ ﻣﻠﻜﻴﺘﻬﺎ .. ﺧﻄﺮ ﺍﺑﺎﻟﻲ ﺭﺟﻌﺖ ﺷﺮﺩﺕ .. ﺑﺲ ﻣﻦ ﺷﻔﺖ ﺟﻨﻄﺘﻬﺎ ﻣﻮﺟﻮﺩﻩ ﺍﺭﺗﺎﺣﻴﺖ '
ﻃﻠﻌﺖ ﻟﻠﺤﺪﻳﻘﻪ ﺳﻤﻌﺖ ﺷﻬﻜﺎﺗﻬﺎ ﻭﺑﺠﻴﻬﺎ ﻭﺍﺻﻞ ﻟﻠﺒﺎﺏ ﺍﻟﺨﺎﺭﺟﻲ .. ﺗﺒﺠﻲ ﺑﺲ ﻣﺒﻴﻦ ﻋﻠﻴﻬﺎ ﺣﻴﻞ ﻣﺘﺄﺫﻳﻪ !
ﺑﻘﻴﺖ ﻭﺍﻛﻒ ﻭﺭﺍ ﺍﻟﺸﺠﺮﻩ ﻭﺍﺳﻤﻌﻬﺎ ﺗﺤﺠﻲ ﺑﺄﺧﺘﻬﺎ ﻭﺗﺒﺠﻲ !!
ﺑﻮﻗﺘﻬﺎ ﺍﻧﻘﻬﺮﺕ ﻛﻠﺶ ، ﺍﺗﺬﻛﺮﺕ ﺍﺧﻮﺍﺗﻲ ﺍﺷﻠﻮﻥ ﻳﻨﺠﻤﻌﻦ ﻭ ﻭﺣﺪﻩ ﺗﺤﺠﻲ ﻟﻠﺦ ، ﺳﺎﻋﻪ ﻳﻀﺤﻜﻦ ﻭﺳﺎﻋﻪ ﻳﺒﺠﻦ !
ﻣﺎﺍﺩﺭﻱ ﻟﻴﺶ ﮔﻠﺒﻲ ﻭﺟﻌﻨﻲ ﻋﻠﻴﻬﺎ .. ﺣﺴﻴﺖ ﻧﻔﺴﻲ ﻫﻮﺍﻱ ﻗﺴﻴﺖ ﻋﻠﻴﻬﺎ ﺑﺲ ﻫﻲ ﺍﻟﺴﺒﺐ !
ﻟﻮ ﺗﺒﻄﻞ ﻋﻨﺎﺩﻫﺎ ﻭﺗﺴﻤﻊ ﺍﻟﻜﻼﻡ ﻣﺼﺎﺭ ﻛﻞ ﻫﺬﺍ !..
ﺑﻘﺖ ﺗﺒﺠﻲ ﺗﺒﺠﻲ ﻣﺘﺤﻤﻠﺖ ﺍﻧﻲ .. ﻣﺸﻴﺖ ﻭﻛﻔﺖ ﻛﺪﺍﻣﻬﺎ ، ﻣﻦ ﺷﺎﻓﺘﻨﻲ ﺳﻜﺘﺖ !!
ﺑﺼﻮﺕ ﺟﺎﻣﺪ ﻛﻠﺘﻠﻬﺎ ..
_ ﺍﻧﻲ ﻭﻳﻦ ﻭﺩﻳﺘﺞ؟ !!
ﺩﺍﻟﻴﺎ .. ﻣﺤﺠﻴﺖ ﺷﻲ ﺑﺲ ﺍﺣﺲ ﮔﻠﺒﻲ ﺩﻳﻨﻌﺼﺮ ﻣﻦ ﺍﺳﻤﻊ ﺻﻮﺗﻪ .. ﻛﺮﻫﺘﻪ ﻟﺪﺭﺟﻪ ﻓﻀﻴﻌﻪ .. ﺣﺘﻰ ﺻﻮﺗﻪ ﻳﻘﻬﺮﻧﻲ !
ﺑﻘﻴﺖ ﺳﺎﻛﺘﻪ ﻣﺤﺠﻴﺖ ﻭﻳﺎ .
ﺍﺳﻴﺪ .. ﺩﺍﺍﻟﻐﻲ ﻭﻳﺎﺝ ﺟﺎﻭﺑﻴﻨﻲ .
ﺩﺍﻟﻴﺎ .. ﻣﺴﺤﺖ ﺩﻣﻮﻋﻬﺎ ﺑﺴﺮﻋﻪ ﻭﺑﺼﻮﺕ ﻣﺨﻨﻮﻙ .
_ ﻣﻮ ﺧﺪﺍﻣﻪ ﻋﻨﺪﻙ .
ﺍﺳﻴﺪ .. ﻟﻌﺪ ﺷﻨﻮ ﺍﻧﺘﻲ؟ !!
ﺩﺍﻟﻴﺎ .. ﻭﺣﺪﻩ ﺣﺜﺎﻟﻪ ﻟﺘﻮﺳﺦ ﻟﺴﺎﻧﻚ ﺑﺎﻟﻜﻼﻡ ﻭﻳﺎﻱ .
ﺍﺳﻴﺪ .. ﺭﺣﻢ ﺍﻟﻠﻪ ﺍﻣﺮﺀ ﻋﺮﻑ ﻗﺪﺭ ﻧﻔﺴﻪ .
ﺩﺍﻟﻴﺎ .. ﺍﺷﻜﺮﻙ ، ﻭﺍﺫﺍ ﻣﻤﻜﻦ ﺗﻌﻮﻓﻨﻲ ﺑﺤﺎﻟﻲ .
ﺍﺳﻴﺪ .. ﺍﻣﺸﻲ ﺍﺩﺧﻠﻲ ﺟﻮﻩ ﺍﻟﺪﻧﻴﺎ ﺑﺎﺭﺩﻩ .
ﺩﺍﻟﻴﺎ .. ﻣﻌﻠﻴﻚ ﺑﻴﻪ ﺍﻧﺖ ﺧﻠﻴﻚ ﺑﺤﺎﻟﻚ .
ﺍﺳﻴﺪ .. ﺷﻮﻓﻲ ﺍﻧﺘﻲ ﻳﻤﻜﻦ ﺗﻨﺴﻴﻦ ﺑﺴﺮﻋﻪ .. ﺧﻠﻲ ﺍﺭﺟﻊ ﺍﻭﺿﺤﻠﺞ ﺷﻐﻠﻪ ﻣﻬﻤﻪ .. ﻛﻼﻣﻲ ﻣﺎﺍﺣﺐ ﺍﻋﻴﺪﻩ ﻣﺮﺗﻴﻦ .. ﻟﺘﺨﻠﻴﻨﻲ ﺍﻋﺼﺐ ، ﻛﻮﻣﻲ ﻓﻀﻴﻨﻲ .
ﺩﺍﻟﻴﺎ .. ﻛﻤﺖ ﻣﻦ ﻣﻜﺎﻧﻲ ﻭﺑﺨﻄﻮﺍﺕ ﺑﻄﻴﺌﻪ ﺩﺧﻠﺖ ﻟﻠﺒﻴﺖ .. ﺭﺣﺖ ﻟﻐﺮﻓﺘﻲ ﺫﺑﻴﺖ ﺭﻭﺣﻲ ﻣﻴﺘﻪ ﻧﻤﺖ .. !
ﻛﻌﺪﺕ ﺍﻟﺼﺒﺢ ﻇﻬﺮﻱ ﺍﺷﻮﻳﻪ ﺍﺣﺴﻦ ، ﺍﻟﺒﻴﺖ ﻓﺎﺭﻍ .. ﺭﺣﺖ ﻟﻠﻤﻄﺒﺦ ﻟﻜﻴﺖ ﺍﻡ ﻋﺎﺩﻝ ﺩﺗﻄﺒﺦ ﺳﻠﻤﺖ ﻋﻠﻴﻬﺎ ﻭﺳﻮﻳﺖ ﺭﻳﻮﻙ ﻛﻌﺪﺕ ﺍﺗﺮﻳﻚ .. ﺟﺎﻥ ﻳﺠﻲ ﻫﻮ ﻻﺑﺲ ﺗﺮﺍﻙ ﺭﻳﺎﺿﻲ ﻭﻛﻮﻟﻪ ﻣﻲ ﺷﻜﻠﻪ ﻛﺎﻥ ﻳﺮﻛﺾ !
ﺍﻧﻲ ﺷﻔﺘﻪ ﺩﺭﺕ ﻭﺟﻬﻲ ﻣﺎﺍﺭﻳﺪ ﺍﺑﺎﻭﻉ ﺑﺨﻠﻘﺘﻪ ﺍﺻﻼً ﮔﻠﺒﻲ ﺍﻟﻐﺒﻲ ﻣﻦ ﻳﺸﻮﻓﻪ ﻳﻨﻌﻤﻲ !
ﺍﺳﻴﺪ .. ﺑﺼﻮﺕ ﺟﺎﻣﺪ ، ﺍﻡ ﻋﺎﺩﻝ ﺍﺫﺍ ﺧﻠﺼﺘﻲ ﺷﻐﻠﺞ ﺭﻭﺣﻲ ﻣﺎ ﻋﺪﻧﺎ ﺷﻲ ﺍﻟﻴﻮﻡ !
ﺍﻡ ﻋﺎﺩﻝ .. ﺍﻱ ﻭﺍﻟﻠﻪ ﺩﻛﺘﻮﺭ ﺍﺗﺴﻮﻱ ﻓﻀﻞ ﺑﻴﺘﻲ ﻓﺎﺭﻍ ﻭﺍﻟﺠﻬﺎﻝ ﻳﺠﻮﻥ ﻣﻦ ﻟﻤﺪﺭﺳﻪ ﻳﺮﺩﻭﻥ ﻏﺪﻩ ﻭﻣﺤﺪ ﺑﺎﻟﺒﻴﺖ
.. ..
ﺍﺳﻴﺪ .. ﺧﻠﺺ ﺍﺗﻜﺪﺭﻳﻦ ﺍﺗﺮﻭﺣﻴﻦ .
ﻫﺎﻱ ﻣﺎ ﺻﺪﻛﺖ ﻛﺎﻟﻠﻬﺎ ﺭﻭﺣﻲ ﻟﺒﺴﺖ ﻋﺒﺎﻳﺘﻬﺎ ﻭﺭﺍﺣﺖ .. ﺭﺟﻌﺖ ﺑﻘﻴﺖ ﺑﺲ ﺍﻧﻲ ﻭﻳﺎ .. ﺯﻳﻦ ﻟﻮﻳﺶ ﻃﺮﺩﻫﺎ ﻟﻮﻳﺶ ﻣﻴﺨﻠﻴﻬﺎ ﺗﺒﻘﻰ ﻳﻤﻲ ﺷﻨﻮ ﻣﻦ ﺑﺸﺮ ﻫﺬﺍ؟ !
ﺭﺍﺣﺖ ﺍﻡ ﻋﺎﺩﻝ ﻭﺍﻧﻲ ﻛﻤﺖ ﺍﺭﻳﺪ ﺍﻃﻠﻊ ﺟﺎﻥ ﺻﺎﺣﻨﻲ .
ﺍﺳﻴﺪ .. ﻭﻳﻦ؟ '!
ﺩﺍﻟﻴﺎ .. ﺭﺍﻳﺤﻪ ﻟﻐﺮﻓﺘﻲ .
ﺍﺳﻴﺪ .. ﺣﻀﺮﻱ ﺭﻭﺣﺞ ﺑﻌﺪ ﺍﻟﻐﺪﻩ ﺍﻧﺮﻭﺡ .
ﺩﺍﻟﻴﺎ .. ﺻﻔﻨﺖ ﺑﻮﺟﻬﻪ ﺑﺄﺳﺘﻐﺮﺍﺏ .. ﻭﻳﻦ؟ !!
ﺍﺳﻴﺪ .. ﻟﻠﻌﺮﺱ !
ﺩﺍﻟﻴﺎ .. ﺷﻨﻮ ﺍﻧﺖ ﻣﻮ ﻛﻠﺖ ﺍﻟﺨﻤﻴﺲ؟ !!
ﺍﺳﻴﺪ .. ﻭﺍﻟﻴﻮﻡ ﺷﻨﻮ؟ !!
ﺩﺍﻟﻴﺎ .. ﻳﺎ ﺭﺑﻲ .. ﻣﺎ ﻉ ﺑﺎﻟﻲ ﺍﻟﻴﻮﻡ ﺧﻤﻴﺲ ..
ﺍﺳﻴﺪ .. ﻫﺴﻪ ﻋﺮﻓﺘﻲ ﺍﻟﻴﻮﻡ ﺧﻤﻴﺲ ﺣﻀﺮﻱ ﺭﻭﺣﺞ .
ﺩﺍﻟﻴﺎ .. ﺍﺷﻮﻥ ﻣﻮ ﺍﻧﻲ ..
ﺍﺳﻴﺪ .. ﺷﻜﻮ ؟ !!
ﺩﺍﻟﻴﺎ .. ﻻ ﻣﺎﻛﻮ ﺷﻲ .. ﺑﺲ ..
ﺍﺳﻴﺪ .. ﻟﺘﻀﻠﻴﻦ ﺗﺒﺴﺒﺴﻴﻦ ﻣﺎ ﺍﻟﻲ ﺧﻠﻜﺞ ﺗﺮﻯ ﺍﺣﺠﻲ ﺷﻜﻮ !
ﺩﺍﻟﻴﺎ .. ﻣﺎ ﻋﻨﺪﻱ ﻣﻼﺑﺲ ﻣﺎﻝ ﻫﻴﺞ ﻣﻨﺎﺳﺒﻪ .
ﺍﺳﻴﺪ .. ﺍﻟﺒﺴﻲ ﺍﻱ ﺷﻲ ﻣﻦ ﺍﻟﻲ ﻋﻨﺪﺝ ، ﺑﺲ ﻳﻜﻮﻥ ﻋﺮﻳﺾ ﻭﻣﺴﺘﻮﺭ .
ﺩﺍﻟﻴﺎ .. ﻣﺎﻋﻨﺪﻱ ﺑﺲ ﺗﺮﺍﻛﺎﺕ ﻭﺍﻟﺒﻨﻄﺮﻭ ...
ﻗﺒﻞ ﻟﺘﻜﻤﻞ ﻗﺎﻃﻌﻬﺎ ..
ﺍﺳﻴﺪ .. ﺩﻳﺮﻱ ﺑﺎﻟﺞ ﺍﺷﻮﻓﺞ ﻻﺑﺴﻪ ﻫﺬﺍ ﺍﻟﺒﻨﻄﺮﻭﻥ ﺑﻌﺪ ، ﺍﻛﻄﻌﻪ ﻋﻠﻴﺞ ﻭﺍﻟﺨﻠﻘﺞ .
ﺩﺍﻟﻴﺎ .. ﻧﻌﻢ .... ﻭﻟﻮﻳﺶ؟ !!!!!!
ﺍﺳﻴﺪ .. ﺍﺗﺬﻛﺮﻱ ﺍﻟﻲ ﺻﺎﺭ ﺍﻟﺒﺎﺭﺣﻪ ﻭﺗﻌﺮﻓﻴﻦ ﻟﻴﺶ .. ﻟﻮ ﺗﺤﺒﻴﻦ ﺍﺫﻛﺮﺝ؟ !
ﺩﺍﻟﻴﺎ .. ﺍﻋﺘﻘﺪ ﻛﻠﺘﻠﻚ ﻣﻮﻭ ﻗﺼﺪﻱ ﺍﻟﻲ ﺻﺎﺭ ﺍﻟﺒﺎﺭﺣﺎ ﻭ ....
ﺍﺳﻴﺪ .. ﺳﺪﻱ ﺍﻟﻤﻮﺿﻮﻉ ﻭﻫﺎﻱ ﺍﻧﻲ ﺣﺬﺭﺗﺞ .
ﺩﺍﻟﻴﺎ .. ﻟﻌﺪ ﺍﺷﻮﻥ ﺍﺭﻭﺡ ﺑﻼ ﺑﺎﻟﺘﺮﺍﻙ؟ !!
ﺍﺳﻴﺪ .. ﺧﻤﺲ ﺩﻗﺎﻳﻖ ﺭﺍﺡ ﺍﺑﺪﻝ ﺍﻟﻜﺎﺝ ﺟﺎﻫﺰﻩ ﺍﻧﺮﻭﺡ ﺗﺸﺘﺮﻳﻨﻠﺞ ﺷﻲ ﺗﻠﺒﺴﻲ .
ﺩﺍﻟﻴﺎ .. ﺷﻨﻮﻭ .. ﻻﺍ ﻣﺎ ﺍﺭﻳﺪ ﻣﻨﻚ ﺷﻲ ﺷﻜﺮﺍً .
ﺍﺳﻴﺪ .. ﺍﻭﻻً ﻫﺬﺍ ﻣﻮ ﻣﻨﻲ ﺭﺍﺥ ﺍﺧﺼﻤﻬﻢ ﻣﻦ ﺭﺍﺗﺒﺞ .. ﻭﺛﺎﻧﻴﺎً ﺍﺫﺍ ﻣﺘﺮﺩﻳﻦ ﺗﺮﺣﻴﻦ ﻟﻌﺮﺱ ﺻﺪﻳﻘﺘﺞ ﺍﻧﺘﻲ ﺣﺮﻩ .
ﺩﺍﻟﻴﺎ .. ﻻﺍ .. ﻻ ﺍﺭﻭﺡ ﺍﻟﻠﻪ ﻳﺨﻠﻴﻚ ﺍﻧﻲ ﻣﺼﺪﻛﺖ ﺣﺸﻮﻓﻬﺎ .. ﻭﻣﺎﺷﻲ ﺍﺧﺼﻤﻬﻢ ﻣﻦ ﺭﺍﺗﺒﻲ .. ﺣﺮﻭﺡ ﺍﺑﺪﻝ ﻭﺍﺟﻲ ﻃﻠﻘﻪ .
ﺭﻛﻀﺖ ﺑﺴﺮﻋﻪ ﺣﺘﻰ ﺍﺑﺪﻝ .. ﺟﺎﻥ ﻳﺼﻴﺢ ﻭﺭﺍﻳﻪ ...
ﺍﺳﻴﺪ .. ﻟﺘﻠﺒﺴﻴﻦ ﺑﻨﻄﺮﻭﻥ .
ﺩﺍﻟﻴﺎ .. ﺍﻭﻭﻭﻑ ﻳﺎ ﺭﺑﻲ ﺷﺮﺍﺡ ﻳﺨﻠﺼﻬﺎ ﻭﻳﺎ ﻫﺬﺍ .. ﺭﺣﺖ ﺩﻭﺭﺕ ﺑﻤﻼﺑﺴﻲ ﻟﻜﻴﺖ ﺗﻨﻮﺭﻩ ﺳﻮﺩﻩ ﻗﺪﻳﻤﻪ ﺑﺲ ﻣﺮﺗﺒﻪ ﻳﻨﻄﻠﻊ ﺑﻴﻬﺎ ، ﻭﻗﻤﻴﺺ ﻧﻴﻠﻲ ﻣﺮﺗﺐ .. ﻟﺒﺴﺘﻬﻢ ﻭﺭﻓﻌﺖ ﺷﻌﺮﻱ ﺫﻳﻞ .. ﺍﻟﺠﻨﻄﻪ .. ﻭﻃﻠﻌﺖ !
ﺑﻌﺪﻩ ﻫﻮ ﻣﻨﺎﺯﻝ .. ﺑﻘﻴﺖ ﻛﺎﻋﺪﻩ ﻭﺍﻧﺘﻈﺮ .. ﺍﻓﻜﺮ ﺍﺷﻮﻥ ﺭﺍﺡ ﺍﺷﻮﻑ ﺳﻠﻤﻰ ﻭﺷﻨﻮ ﺷﻌﻮﺭﻱ ﻟﻤﺎ ﺍﺷﻮﻓﻬﺎ ...
ﺍﺷﻮﻳﻪ ﻭﺳﻤﻌﺖ ﺧﻄﻮﺍﺗﻪ ﻉ ﺍﻟﺪﺭﺝ ﺩﻳﻨﺰﻝ !!
ﺑﺪﻭﻥ ﻣﻴﻮﻛﻒ ﻭﻫﻮ ﻳﻤﺸﻲ ﻛﺎﻟﻲ ﻳﻼ ﻛﻮﻣﻲ .. ﻛﻤﺖ ﻭﺭﺍ ﺍﺑﺎﻭﻉ ﻋﻠﻴﻪ .. ﺷﻨﻮ ﺍﻟﻜﺸﺨﻪ ﺷﻨﻮ ﺍﻟﻌﻄﺮ ﺍﻟﻲ ﺗﺮﺱ ﺍﻟﺒﻴﺖ ﺷﻨﻮ ﺍﻟﺸﻴﺎﻛﻪ ﺍﻟﻲ ﺷﺎﻳﻠﻬﺎ .. ﻳﺎ ﺭﺑﻲ ﻫﺴﻪ ﻫﺬﺍ ﺍﺷﻮﻥ ﺍﻃﻠﻊ ﻭﻳﺎ ﺣﺘﻰ ﻓﺸﻠﻪ ﻫﻮ ﻭﻳﻦ ﻭﺍﻧﻲ ﻭﻳﻦ؟ !!
ﻣﺸﻴﺖ ﻭﺭﺍ ﻟﻜﻴﺘﻪ ﺑﺎﻟﺴﻴﺎﺭﻩ ﻛﺎﻋﺪ .. ﺻﻌﺪﺕ ﻳﻤﻪ ﻭﻃﻠﻌﻨﺎ ﻣﻦ ﺍﻟﺒﻴﺖ ... ﻣﻨﻄﻘﻪ ﻛﻮﻟﺶ ﺑﻴﻌﺪﻩ ﻋﻦ ﺑﻴﺘﻬﻢ ﻫﻢ ﺭﺍﻗﻴﻪ ﻭﺍﻟﻨﺎﺱ ﺍﻟﻲ ﺑﻴﻬﺎ ﻋﻴﻨﻲ ﻣﺒﻴﻨﻴﻦ ﻣﻦ ﺷﻜﻠﻬﻢ ﻛﻮﻟﻬﻢ ﻃﺎﻛﻴﻦ ﻣﺜﻞ ﻣﻴﻜﻮﻟﻮﻥ .. ﻭﺍﻧﻲ ﺗﻨﻮﺭﺗﻲ ﻣﻔﺘﻮﻛﻪ ﻭﻣﺨﻴﻄﺘﻬﺎ ﻓﻀﻴﺤﻪ ، ﺍﺷﻮﻥ ﺍﻧﺰﻝ ﺑﻨﺺ ﻫﺬﻭﻟﻲ ﻳﺎ ﺭﺑﻲ؟ !!
ﻭﺻﻠﻨﺎ ﻛﺪﺍﻡ ﺑﻨﺎﻳﻪ ﻛﻮﻟﺶ ﻛﺒﻴﺮﻩ ﻣﻜﺘﻮﺏ ﻋﻠﻴﻬﺎ ﻣﻮﻝ !!
ﻛﺎﻟﻲ ﺍﻧﺰﻟﻲ .. ﻓﺘﺤﺖ ﺍﻟﺒﺎﺏ ﻭﻧﺰﻟﺖ ﻭﻫﻮ ﻫﻢ ﻧﺰﻝ .. ﻣﺸﻰ ﻛﺪﺍﻣﻲ ﻭﺍﻧﻲ ﻭﺭﺍ .. ﺩﺧﻠﻨﺎ ﻟﻬﺬﺍ ﺍﻟﻤﻮﻝ ﺍﻟﻤﺤﻼﺕ ﺷﻨﻮ ﺍﻟﻲ ﺑﻲ ﺗﺼﻔﻦ !!
ﺑﻘﻴﻨﺎ ﻧﻔﺘﺮ ﻛﻞ ﺍﻟﻲ ﻳﺸﻮﻓﻪ ﻣﻴﻌﺠﺒﻪ .. ﻣﺎﺍﻋﺮﻑ ﻟﻮﻳﺶ ﻣﻊ ﺍﻣﻮ ﺍﻟﻔﺴﺎﺗﻴﻦ ﺗﺠﻨﻦ .. ﺍﺧﺮ ﺷﻲ ﺍﺳﺘﻘﺮ ﻋﻠﻰ ﻓﺴﺘﺎﻥ ﻣﻦ ﺫﻭﻗﻪ ﻫﻮ ، ﺍﻧﻲ ﺟﺎﻳﺒﻨﻲ ﺑﺲ ﺍﻟﻠﺒﺲ ﻫﻮ ﺍﻟﻲ ﻳﻘﺮﺭ !
ﺍﺷﺘﺮﺍﻟﻲ ﻓﺴﺘﺎﻥ ﺳﻬﺮﻩ ﻳﺠﻨﻦ ﻃﻮﻳﻞ ﻭﻣﺨﺼﺮ ﻭﻣﻦ ﺟﻮﻩ ﻣﺜﻞ ﺍﻟﺴﻤﻜﻪ .. ﺍﻛﻤﺎﻣﻪ ﺷﻔﺎﻓﻪ ﻭﺑﻴﻬﻢ ﺷﺬﺭﺍﺕ ﺫﻫﺒﻴﻪ ﺗﺠﻨﻦ ﻣﻦ ﺍﻻﻣﺎﻡ ﻣﻘﺒﻂ ﻭﻣﻦ ﻭﺭﻯ ﺑﻲ ﻓﺘﺤﻪ ﺑﺎﻟﻈﻬﺮ ﻟﻮﻧﻪ ﺣﺒﺮﻱ ﻭﺑﻲ ﻟﻮﻥ ﺍﺳﻮﺩ ﻳﺠﻨﻦ ﺷﻲ ﺭﻭﻋﻪ ﻛﻮﻟﺶ ﻋﺠﺒﻨﻲ .. ﺫﻭﻗﻪ ﻣﻦ ﺻﺪﻭﻙ ﻳﺠﻨﻦ ﻋﺠﺒﻨﻲ !
ﻭ ﻭﻳﺎ ﺍﻟﻔﺴﺘﺎﻥ ﻓﺮﻭﻩ ﺳﻮﺩﻩ ﻛﻮﻟﺶ ﺣﻠﻮﻩ ﺣﺘﻰ ﻣﻴﺒﻴﻦ ﺷﻲ ﻣﻦ ﺍﻟﻔﺘﺤﺔ ﺍﻟﻔﺴﺘﺎﻥ .
ﻭﺍﺷﺘﺮﺍﻟﻲ ﺣﺬﺍﺀ ﻛﻌﺐ ﻛﻮﻟﺶ ﻧﺎﺯﻙ ﺫﻫﺒﻲ ﻭ ﺟﻨﻄﻪ ﺻﻐﻴﺮﻩ ﻭﻧﺎﺯﻛﻪ ﻫﻢ ﺫﻫﺒﻴﻪ !..
ﻃﻠﻌﻨﺎ ﻣﻦ ﺍﻟﻤﻮﻝ ﺑﻮﺟﻬﻨﺎ ﻟﻠﺴﻴﺎﺭﻩ ﻉ ﺑﺎﻟﻲ ﺣﻨﺮﺟﻊ ﻟﻠﺒﻴﺖ .. ﺟﺎﻥ ﻳﺎﺧﺬﻧﻲ ﻟﻤﻜﺎﻥ ﺛﺎﻧﻲ !!
ﻛﻠﻴﻨﻚ ﻣﻜﺘﻮﺏ ﻋﻠﻲ .. ﻭﻛﻒ ﺍﻟﺴﻴﺎﺭﻩ ﻭﺑﻘﻴﻨﺎ ﺑﻴﻬﺎ .. ﺍﺧﺬ ﺗﻠﻴﻔﻮﻧﻪ ﻭﻛﺎﻡ ﺗﺼﻞ ﺑﻴﻬﻢ !!
ﺣﺠﻪ ﻣﺎﺍﻋﺮﻑ ﻭﻳﺎ ﻣﻨﻮ ﺑﺲ ﺍﺳﻤﻌﻪ ﻳﻜﻮﻝ .. ﺍﻱ ﻭﺻﻠﻨﺎ ﺟﻮﻩ ﺗﻌﺎﻟﻲ ﺍﺧﺬﻳﻬﺎ !..
ﻳﺎ ﺭﺑﻲ ﻣﻨﻮ ﻫﺬﻱ ﻭ ﻭﻳﻦ ﺗﺎﺧﺬﻧﻲ .. ﺍﻟﺨﻮﻑ ﺍﺗﻤﻠﻜﻨﻲ !..
ﺑﻌﺪ ﻛﻢ ﺩﻗﻴﻘﻪ ﻃﻠﻌﺘﻠﻨﺎ ﻭﺣﺪﻩ ﻟﺒﺴﻬﺎ ﻛﻮﻟﻪ ﺿﻴﻖ ﻭﺷﻌﺮﻫﺎ ﻣﻨﻜﻮﺵ ﺍﺻﻔﺮ ﻭﻣﻦ ﺷﻜﻠﻬﺎ ﻣﺒﻴﻨﻪ ﻣﺎﺍﻋﺮﻑ ﺍﺷﻮﻧﻬﺎ .. ﺳﻠﻤﺖ ﻋﻠﻴﻪ ﺍﻛﻠﺘﻪ ﺍﻛﻞ ﺑﺎﻟﺴﻼﻡ .. ﻭﻛﺎﻟﺘﻠﻪ ﻧﺺ ﺳﺎﻋﻪ ﻭﺗﻌﺎﻝ ﺗﻠﻜﻬﺎ ﻋﺮﻭﺱ !
ﺻﺪﻭﻙ ﻋﺎﻓﻨﻲ ﻭﺭﺍﺡ .. ﺩﺧﻠﺘﻨﻲ ﻟﻠﻜﻠﻴﻨﻚ ﻣﺎﻟﺘﻬﺎ ﮔﻠﺒﺖ ﺧﻠﻘﺘﻲ ﮔﻠﺐ .. ﻉ ﺑﺎﻟﻬﺎ ﻣﻦ ﺻﺪﻭﻙ ﺍﻧﻲ ﻋﺮﻭﺱ .. ﺳﻮﻧﺎ ، ﻣﺴﺎﺝ ، ﺳﻮﺗﻠﻲ ﺍﻇﺎﻓﺮﻱ ، ﺷﻌﺮﻱ ﺳﺮﺣﺘﻪ ﻭﺳﻮﺗﻪ ﻧﺎﺯﻙ ﻳﺠﻨﻦ ، ﻛﻠﺘﻠﻬﺎ ﻟﺘﺨﻠﻲ ﻫﻮﺍﻱ ﻣﻴﻜﺐ ﻻﻧﻮ ﻣﺎﺍﺣﺒﻪ .. ﻭﺟﻬﻲ ﺻﺎﻓﻲ ﻭﻣﻤﻌﻮﺩﺗﻪ ﻉ ﺍﻟﻤﻜﻴﺎﺝ !..
ﻣﺎ ﺍﻛﻮﻟﻠﻜﻢ ﻭﻻ ﺗﻜﻮﻟﻮﻟﻲ ...
ﺑﻘﻴﺖ ﺗﻘﺮﻳﺒﺎً ﺳﺎﻋﺘﻴﻦ .. ﻣﺘﺨﻠﻴﻨﻲ ﺍﺷﻮﻑ ﻭﺟﻬﻲ ﺣﺘﻰ !
ﺑﺲ ﺍﻟﺼﺪﻣﻪ ﺍﻟﺤﻘﻴﻘﻴﻪ ﺻﺎﺭﺕ ﻣﻦ ﺷﺎﻓﻨﻲ ﻫﻮ .. ﺍﺣﺴﻪ ﺍﻧﺼﻯﺪﻡ ﻭﺟﻬﻪ ﻛﺎﻡ ﻳﻨﻄﻲ ﺍﻟﻠﻮﺍﻥ ﻭﻋﻴﻮﻧﻪ ﺍﻟﻜﻼﻡ ﺍﻟﻲ ﺑﻴﻬﻢ ﻏﺮﻳﺐ .
ﺍﺳﻴﺪ .. ﺑﺼﻮﺕ ﻣﻠﻌﺜﻢ ﻭﻳﺒﻠﻌﻢ .. ﺩﺍﻟﻴﺎ؟ !!!!!!!!
ﻟﻠﺤﻜﺎﻳﻪ ﺑﻘﻴﻪ ️
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء