رواية في أرض الغرام انت دولتي ج1 الجزء السادس عشر
للكاتبة الأميرة الموسوية
.....
ﺍﻡ ﺍﺳﻴﺪ .. ﺑﺼﻮﺕ ﺣﺎﺩ ﻭﻋﺼﺒﻴﻪ .. ﻫﺎﺍﺍﺍﺍﺍﻱ ﺷﻨﻮﻭﻭﻭ .. ﺷﺪﺗﺴﻮﻳﻦ ﺑﻐﺮﻓﺔ ﺍﺳﻴﺪ؟
ﺩﺍﻟﻴﺎ .. ﻣﻦ ﺷﻔﺘﻬﺎ ﻛﺪﺍﻣﻲ ﺣﺴﻴﺖ ﺟﺴﻤﻲ ﻛﻮﻟﻪ ﺧﺪﺭ ﻣﻦ ﺍﻟﻔﺸﻠﻪ .. ﺍﺭﻳﺪ ﺍﺗﺤﺮﻙ ﻣﺎﺍﻛﺪﺭ .. ﺍﺭﻳﺪ ﺍﺣﺠﻲ ﻣﺎﻛﻮﻭ ﺍﻟﻜﻼﻡ ﺻﻮﺗﻲ ﻣﻴﻄﻠﻊ .. ﺑﻘﻴﺖ ﺻﺎﻓﻨﻪ ﺑﻮﺟﻬﻬﺎ ﻭﺍﻟﺪﻡ ﻳﺒﺲ ﺑﻌﺮﻭﻛﻲ !!
ﺍﻟﺤﺠﻴﻪ .. ﻭﻟﺞ ﺍﻧﻲ ﻣﻮ ﺩﺍﺍﺣﺠﻲ ﻭﻳﺎﺝ .. ﺷﺪﺗﺴﻮﻳﻦ ﺑﺤﻈﻦ ﺍﺑﻨﻲ ﺟﺎﻭﺑﻴﻨﻲ؟ !
ﺩﺍﻟﻴﺎ .. ﺭﺩﺕ ﺍﺟﺎﻭﺑﻬﺎ ﻻﻥ ﺻﻮﺗﻬﺎ ﻛﺎﻥ ﻋﺎﻟﻲ ﺭﻋﺒﻨﻲ ﻭ ﺷﻜﻠﻬﺎ ﻣﻌﺼﺒﻪ ﻭﺍﻟﻐﻀﺐ ﻣﺒﻴﻦ ﻋﻠﻴﻬﺎ .. ﻭﻻ ﻉ ﺑﺎﻟﻚ ﻧﻔﺴﻬﺎ ﺍﻟﺤﺠﻴﻪ ﺍﻟﻲ ﻛﻞ ﻳﻮﻡ ﺍﺧﺪﻣﻬﺎ ﺍﻧﻜﻠﺒﺖ ﺷﺨﺺ ﺛﺎﻧﻲ .. ﻣﻌﻘﻮﻟﻪ ﺑﻠﺤﻈﻪ ﻭﺣﺪﻩ ﺍﻻﻧﺴﺎﻥ ﻫﻴﺞ ﻳﺘﻐﻴﺮ؟ !!
ﻗﺒﻞ ﻣﺎ ﺗﻄﻠﻊ ﺍﻟﻜﻠﻤﺎﺕ ﻣﻦ ﻋﻨﺪﻱ .. ﺣﺠﻪ ﻫﻮ !...
ﺍﺳﻴﺪ .. ﺑﺼﻮﺕ ﻫﻤﺲ ﺗﻌﺒﺎﻥ .. ﺍﻧﻲ ﻛﻠﺘﻠﻬﺎ ﺗﺒﻘﻰ ﻳﻤﻲ .
ﺍﻟﺤﺠﻴﻪ .. ﻣﻌﻘﻮﻟﻪ ﻭﻟﻚ ﺍﺳﻴﺪ .. ﺍﻧﺖ ﺗﺴﻮﻱ ﻫﻴﺞ ﻻ ﻣﺴﺘﺤﻴﻞ ﻣﺎﺍﺻﺪﻙ !
ﺍﺳﻴﺪ .. ﻳﻮﻭﻡ ﻟﺨﺎﻃﺮ ﺍﻟﻠﻪ ﺍﻧﺘﻲ ﻓﺎﻫﻤﻪ ﺍﻟﻤﻮﺿﻮﻉ ﻏﻠﻂ .. ﺍﻟﺒﺎﺭﺣﻪ ﺑﺎﻟﻐﻠﻂ ﺿﺮﺑﺖ ﺍﻳﺪﻱ ﻃﻠﻘﻪ .. ﻭﻫﻲ ﺍﻟﻲ ﺳﺎﻋﺪﺗﻨﻲ !
ﺍﻟﺤﺠﻴﻪ .. ﺷﻨﻮﻭﻭﻭ ؟ !!
ﻫﻨﺎ ﻛﻞ ﺷﻜﻠﻬﺎ ﻭﻛﻴﺎﻧﻬﺎ ﺗﻐﻴﺮ ، ﺭﻛﻀﺖ ﺭﻛﺾ ﺍﻻﺑﻨﻬﺎ .. ﻭﻳﻦ ﺍﻧﻀﺮﺑﺖ ﻳﻤﻪ ﺧﻮ ﻣﺎ ﺑﻴﻚ ﺷﻲ .. ﺧﻮ ﻣﺎ ﺍﺗﺄﺫﻳﺖ .. ﺭﺣﺖ ﻟﻠﻤﺴﺘﺸﻔﻰ .. ﺷﺎﻓﻮ ﺟﺮﺣﻚ .. ﻃﻠﻌﻮ ﺍﻟﻄﻠﻘﻪ .. ﺍﺷﻜﺎﻟﻮﻟﻚ .. ..
ﺍﺳﻴﺪ .. ﻳﻤﻪ .. ﻳﻤﻪ .. ﻳﻤﻪ ... ﺍﻫﺪﻱ ﻣﺎ ﺑﻴﻪ ﺷﻲ ﻟﺘﺨﺎﻓﻴﻦ ﻛﻠﺸﻲ ﻣﺎ ﺻﺎﺭﻟﻲ .. ﻣﺠﺮﺩ ﺟﺮﺡ ﺑﺴﻴﻂ ﻭﺩﺍﻟﻴﺎ ﻫﻲ ﺍﻟﺨﻴﻄﺘﻪ ﻭﺩﺍﻭﺗﻠﻲ ﻳﺎﻩ .
ﺍﻟﺤﺠﻴﻪ .. ﺍﺷﻠﻮﻥ ﻣﺎ ﺑﻴﻚ ﺷﻲ ﻭﺍﻧﺖ ﺿﺎﺭﺏ ﺭﻭﺣﻚ ﻃﻠﻘﻪ .. ﺧﻠﻲ ﺍﺗﺼﻞ ﺑﺄﺧﻮﻙ ﻳﺠﻲ ﻳﺎﺧﺬﻙ ﻟﻠﻤﺴﺘﺸﻔﻰ ﻳﺸﻮﻓﻮﻥ ﺍﻳﺪﻙ .
ﺍﺳﻴﺪ .. ﻳﻮﻭﻭﻡ ﻓﺪﻭﻩ ﺍﺭﻭﺣﻠﺞ ﺍﺳﻤﻌﻴﻨﻲ .. ﻭ ﺭﻭﺡ ﺍﺑﻮﻳﻪ ﻣﺎ ﺑﻴﻪ ﺷﻲ ﻟﺘﺨﺎﻓﻴﻦ .. ﻭﺍﻳﺪﻱ ﺯﻳﻨﻪ ﺩﺍﻟﻴﺎ ﺍﻟﺒﺎﺭﺣﻪ ﺧﻴﻄﺖ ﺍﻟﺠﺮﺡ ﻭﻋﺎﻟﺠﺘﻬﺎ ﻳﻌﻨﻲ ﻟﺘﺨﺎﻓﻴﻦ ﻣﻦ ﺷﻲ .
ﺍﻟﺤﺠﻴﻪ .. ﺍﻟﺘﻔﺘﺖ ﻟﺪﺍﻟﻴﺎ ﺑﺎﻭﻋﺘﻬﺎ ﻣﻦ ﻓﻮﻙ ﻟﻴﺠﻮﻩ .. ﻛﺄﻧﻬﺎ ﺩﺗﺘﻔﺤﺼﻬﺎ ﺍﺧﺎﻑ ﺍﻛﻮ ﻋﻠﻴﻬﺎ ﺷﻲ .. ﻭﻣﻼﻣﺢ ﺍﻟﻐﻀﺐ ﻭﺍﻻﻧﺰﻋﺎﺝ ﺑﻌﺪﻫﺎ ﻋﻠﻰ ﻭﺟﻬﻬﺎ .. ﺑﺼﻮﺕ ﺣﺎﺩ ..
_ ﻭﺷﻌﺪﻫﺎ ﻧﺎﻳﻤﻪ ﻳﻤﻚ؟ !!
ﺍﺳﻴﺪ .. ﺩﺍﻟﻴﺎ ﺭﻭﺣﻲ ﻟﻐﺮﻓﺘﺞ .
ﺩﺍﻟﻴﺎ .. ﺑﺪﻭﻥ ﺍﻱ ﻛﻼﻡ ﻃﻠﻌﺖ ﺑﺲ ﺍﺣﺲ ﮔﻠﺒﻲ ﺣﻴﻮﻛﻒ ﻣﻦ ﺍﻟﺴﺮﻋﻪ ﺍﻟﻲ ﻳﺪﻙ ﺑﻴﻬﺎ .. ﻧﻈﺮﺍﺕ ﺍﻟﺤﺠﻴﻪ ﺣﻴﻞ ﻗﻬﺮﺗﻨﻲ ﺣﺴﺴﺘﻨﻲ ﺍﻧﻲ ﺭﺧﻴﺼﻪ ﻭ ﻉ ﺑﺎﻟﻬﺎ ﻛﻨﺖ ﻧﺎﻳﻤﻪ ﻭﻳﺎ ﺍﺑﻨﻬﺎ !
ﻫﺴﻪ ﺍﻧﻲ ﺍﻟﻐﺒﻴﻪ ﺷﺠﺎﻧﻲ ﻭﻧﻤﺖ ﻳﻤﻪ .. ﻻ ﻭﻛﻌﺪﺕ ﻟﻜﻴﺖ ﺭﻭﺣﻲ ﺑﺤﻈﻨﻪ !!
ﻳﺎﺍﺍﺍﺍﺍ ﺭﺑﻲ ﺍﺷﻮﻥ ﻓﺸﻠﻪ .. ﺍﻟﺤﻤﺪﻟﻠﻪ ﻣﺎ ﻛﻌﺪ ﻫﻮ ﻭﺷﺎﻓﻨﻲ ﻧﺎﻳﻤﻪ ﺑﺤﻈﻨﻪ ﺟﺎﻥ ﻣﺘﺖ !
ﺍﻭﻭﻭﻭﻭﻑ ﻣﻦ ﺣﻈﻲ .. ﻟﻮﻳﺶ ﻳﺎ ﺍﻟﻬﻲ ﻛﻮﻟﻤﺎ ﺍﺳﻮﻱ ﺷﻲ ﺯﻳﻦ ﻳﻨﻜﻠﺐ ﻋﻠﻴﻪ؟ !!
ﺭﺣﺖ ﻟﻐﺮﻓﺘﻲ ﺍﺑﺎﻭﻉ ﻉ ﺷﻜﻠﻲ ﺑﺎﻟﻤﺮﺍﻳﻪ ﺻﺎﻳﺮﻩ ﻓﻠﻢ ﻫﻨﺪﻱ ﻛﻔﺸﺘﻲ ﻣﻨﺜﻮﺭﻩ ﻭﻣﻼﺑﺴﻲ ﻣﺨﺮﺑﻄﻪ .. ﻭﻋﻴﻮﻧﻲ ﺗﻌﺒﺎﻧﺎﺕ ﺣﺘﻰ ﻣﻼﻣﺤﻲ ﺗﻌﺒﺎﻧﻪ .. ﻣﻦ ﺍﻟﻬﺒﻄﺎﺕ ﺍﻟﻲ ﺍﻛﻠﺘﻬﻢ ﺍﻟﺒﺎﺭﺣﺎ ﻭﺍﻟﻴﻮﻡ !
ﺩﺧﻠﺖ ﻟﻠﺤﻤﺎﻡ ﺑﻮﺟﻬﻲ ﺳﺒﺤﺖ ﻭﺑﺪﻟﺖ .. ﻟﺒﺴﺖ ﺗﺮﺍﻙ ﺭﺻﺎﺻﻲ ﻛﻮﻟﺶ ،ﺧﻠﻴﺖ ﺭﺍﺳﻲ ﻉ ﺍﻟﻤﺨﺪﻩ ﻭﺭﺣﺖ ﺑﺴﺎﺑﻊ ﻧﻮﻣﻪ ﻻﻧﻮ ﻣﻨﺎﻳﻤﻪ ﺍﻟﺒﺎﺭﺣﻪ
....
ﺍﻟﺤﺠﻴﻪ .. ﺍﺳﻴﺪ ﻓﻬﻤﻨﻲ ﺩﺍﻟﻴﺎ ﺷﺠﺎﻧﺖ ﺗﺴﻮﻱ ﻳﻤﻚ .. ﺍﺷﺼﺎﺭ ﺑﻴﻨﻜﻢ؟ !!
ﺍﺳﻴﺪ .. ﺍﺍﺍﺍﻭﻑ ﻳﺎ ﻳﻤﻪ ﻣﻦ ﺗﻔﻜﻴﺮﺝ .. ﺍﻟﺒﻨﻴﻪ ﺍﻟﺒﺎﺭﺣﻪ ﻃﻮﻝ ﺍﻟﻠﻴﻞ ﺳﻬﺮﺍﻧﻪ ﻭﻳﺎﻱ ﻣﻨﺎﻣﺖ ﺍﺑﺪ ﺧﻴﻄﺖ ﺟﺮﺣﻲ ﻭﻋﺎﻟﺠﺘﻨﻲ .. ﺑﻘﺖ ﻛﺎﻋﺪﻩ ﻳﻤﻲ ﺗﺴﻮﻳﻠﻲ ﻛﻤﺎﺩﺍﺕ ﻟﺤﺪ ﻣﺎ ﺻﺮﺕ ﺯﻳﻦ .. ﺍﻛﻴﺪ ﺗﻌﺘﺐ ﻭﺻﺎﺭ ﻋﺪﻫﺎ ﺍﺭﻫﺎﻕ ﻓﻨﺎﻣﺖ ﻭﻳﻦ ﺍﻟﻤﺸﻜﻠﻪ؟ !!
ﺷﻨﻮ ﻗﺎﺑﻞ ﻫﻲ ﻣﻮ ﺑﺸﺮ .. ﻧﺰﻟﺘﻲ ﺑﻴﻪ ﺗﺤﻘﻴﻘﺎﺕ ﻭﺃﺳﺘﺠﻮﺍﺏ ﺑﺄﻓﻜﺎﺭﺝ ﻫﺎﻱ .. ﺣﺘﻰ ﺍﻟﺒﻨﻴﻪ ﺧﻄﻴﻪ ﺭﻋﺒﺘﻴﻬﺎ ﻭﺣﻘﺮﺗﻴﻬﺎ .
ﺍﻟﺤﺠﻴﻪ .. ﺣﺴﺖ ﺑﻨﺪﻡ ﻋﻠﻰ ﺗﺼﺮﻓﻬﺎ .. ﺷﺘﺘﻮﻗﻊ ﺍﻛﻮﻝ ﻳﻌﻨﻲ؟ !
ﺍﻟﻲ ﻳﺪﺧﻞ ﻭﻳﺸﻮﻓﻬﺎ ﻧﺎﻳﻤﻪ ﻳﻤﻚ ﻭﻏﺎﻓﻴﻪ ﺑﺤﻈﻨﻚ ﺷﻨﻮ ﻳﻔﻜﺮ ﺑﻼ ﻓﻬﻤﻨﻲ؟ !
ﺍﺳﻴﺪ .. ﺧﻠﺺ ﻫﺴﻪ ﺍﻧﺘﻲ ﻓﻬﻤﺘﻲ ﺍﻟﻤﻮﺿﻮﻉ ﺑﻌﺪ ﻣﺎﻛﻮ ﺩﺍﻋﻲ ﻟﻬﺬﺍ ﺍﻟﻜﻼﻡ ﺍﻟﻠﻪ ﻳﺨﻠﻴﺞ ، ﺗﺮﻯ ﺗﻌﺒﺎﻥ ﻭﺍﻳﺪﻱ ﺩﺗﻤﻮﺗﻨﻲ ﻣﻦ ﺍﻟﻮﺟﻊ .. ﺳﺪﻱ ﺍﻟﻤﻮﺿﻮﻉ .
ﺍﻟﺤﺠﻴﻪ .. ﺍﻭﻭﻑ ﻣﻨﻜﻢ ﺭﺍﺡ ﺗﻤﻮﺗﻮﻧﻲ ﺍﻧﺖ ﺑﺼﻔﺤﻪ ﻭﺍﺧﻮﻙ ﻭﻣﺮﺗﻪ ﺑﺼﻔﺤﻪ !
ﺍﺳﻴﺪ .. ﺻﺪﻙ ﺍﻧﺘﻲ ﻭﻳﻦ ﻛﻨﺘﻲ ﻣﻦ ﺍﻟﺒﺎﺭﺣﻪ ﻟﻠﻴﻮﻡ؟ !!
ﺍﻟﺤﺠﻴﻪ .. ﺍﺧﺬﺕ ﺳﺎﺭﻩ ﻟﺒﻴﺖ ﺭﺟﻠﻬﺎ .. ﻭﻛﻌﺪﺕ ﺍﻗﻨﻊ ﻭﺍﺗﺮﺟﻰ ﺑﺄﺧﻮﻙ ﻳﺘﺼﺎﻟﺤﻮﻥ ﻭﺗﺮﺟﻊ ﻟﺒﻴﺘﻬﺎ .. ﺷﻠﻊ ﮔﻠﺒﻲ ﺷﻠﻊ ﻳﻼ ﻭﺍﻓﻖ ، ﻭﺷﺮﻁ ﻋﻠﻴﻪ ﺍﺑﻘﻰ ﻳﻤﻬﻢ ﺣﺘﻰ ﺍﺷﻮﻓﻬﺎ ﺍﺗﻐﻴﺮﺕ ﻟﻮ ﻻ .. ﻭﺍﺫﺍ ﺑﻘﺖ ﻧﻔﺲ ﺍﺳﻠﻮﺑﻬﺎ ﺍﻭﺩﻳﻬﺎ ﻟﺒﻴﺖ ﺍﻫﻠﻬﺎ .. ﺑﺘﺖ ﻳﻤﻬﻢ ﺍﻟﺒﺎﺭﺣﻪ ﻭﻋﻮﺩ ﺍﺟﻴﺖ ﺍﻟﻴﻮﻡ ﺍﺧﺬ ﻣﻼﺑﺴﻲ ﺣﺘﻰ ﺍﺭﻭﺡ ﺧﻮﺵ ﻟﻜﻴﺖ ﻣﻔﺎﺟﺌﻪ ﻛﺪﺍﻣﻲ !
ﺍﺳﻴﺪ .. ﻟﻴﺶ ﻣﺎ ﺍﺧﺬﺗﻴﻬﺎ ﻻﻫﻠﻬﺎ .. ﺍﻧﻲ ﻣﻮ ﻛﻠﺘﻠﺞ ﺧﻠﻲ ﺗﺮﻭﺡ ﻻﻫﻠﻬﺎ ﺣﺘﻰ ﺗﺘﺄﺩﺏ؟ !
ﺍﻟﺤﺠﻴﻪ .. ﻭﻟﻚ ﻳﻤﻪ ﻭﻳﻦ ﺍﻭﺩﻳﻬﺎ ﻻﻫﻠﻬﺎ .. ﻣﻨﻮ ﻳﺤﻤﻞ ﺟﻬﺎﻝ ﺍﺧﻮﻙ؟ !
ﻫﺴﻪ ﻋﻮﻓﻨﺎ ﻣﻦ ﺍﺧﻮﻙ ﻭﻣﺮﺗﻪ ﺧﻠﻲ ﺍﺧﺎﺑﺮﻫﻢ ﻭﺍﻛﻠﻠﻬﻢ ﻣﺎ ﺍﺟﻲ ﺑﻌﺪ ﻣﺎﺍﻛﺪﺭ .
ﺍﺳﻴﺪ .. ﻭﻟﻴﺶ ﻣﺘﻜﺪﺭﻳﻦ ﺷﻜﻮ؟ !!
ﺍﻟﺤﺠﻴﻪ .. ﺷﻨﻮ ﺷﻜﻮ ﺗﺮﻳﺪ ﺍﻋﻮﻓﻚ ﻭﺣﺪﻙ ﻭﺍﻧﺖ ﺑﻬﺎﻱ ﺍﻟﺤﺎﻟﻪ؟ !!
ﺍﺳﻴﺪ .. ﻳﺎ ﺣﺎﻟﻪ ﻳﻤﻪ ﻟﻴﺶ ﻣﺤﺴﺴﺘﻨﻲ ﺭﺍﺡ ﺍﻣﻮﺕ ﺗﺮﻯ ﻫﻮ ﻛﻠﻪ ﺧﺪﺵ ﻃﻠﻘﻪ ﻣﻮ ﺍﻛﺜﺮ ، ﻭﻟﺨﺎﻃﺮ ﺍﻟﻠﻪ ﺭﻭﺣﻲ ﻻﻥ ﺍﺫﺍ ﻣﺮﺟﻌﺘﻴﻠﻬﻢ ﻣﻠﻴﻮﻥ ﺑﺎﻟﻤﻴﻪ ﺍﺑﻨﺞ ﺭﺍﺡ ﻳﻄﺮﺩﻫﺎ ﻟﻬﺎﻱ ﺍﻟﺤﻴﻪ ﻭﺗﺠﻲ ﻟﻬﻨﺎ .. ﻭﺍﺫﺍ ﺷﻔﺘﻬﺎ ﻭ ﺭﻭﺡ ﺍﺑﻮﻳﻪ ﺍﺩﻓﻨﻬﺎ ﻗﺒﻞ ﻣﺘﻌﺘﺐ ﺑﺎﺏ ﺍﻟﺒﻴﺖ .
ﺍﻟﺤﺠﻴﻪ .. ﺍﻭﻳﻠﻲ ﻋﻠﻴﻪ ﺍﺛﻨﻴﻦ ﻭﺷﺎﻟﻌﻴﻦ ﮔﻠﺒﻲ؟ !
ﻫﺴﻪ ﺍﻧﻲ ﺍﻟﻤﻦ ﺍﺻﻴﺮ ﺍﻟﻚ ﺍﻧﺖ ﻭﺻﻮﺍﺑﻚ .. ﻻﺧﻮﻙ ﻭﻣﺮﺗﻪ ﻭﻣﺼﺎﻳﺒﻬﻢ؟ !
ﻛﻮﻥ ﺍﻟﻠﻪ ﻳﺎﺧﺬ ﻋﻤﺮﻱ ﻭﻳﺮﻳﺤﻨﻲ .
ﺍﺳﻴﺪ .. ﻳﻤﻪ ﺍﻟﻠﻪ ﻳﺨﻠﺞ ﻣﺎ ﻟﻪ ﺩﺍﻋﻲ ﻫﺬﺍ ﺍﻟﻜﻼﻡ ، ﺍﻧﻲ ﻣﺎ ﺑﻴﻪ ﺷﻲ ﻭﺍﻟﻠﻪ ﺍﻟﻌﻈﻴﻢ ﻛﻠﻪ ﺧﺪﺵ ﺑﺴﻴﻂ ﻭﻛﻢ ﻳﻮﻡ ﻭﺍﺩﺍﻭﻡ ﺣﺘﻰ ﺗﺼﺪﻛﻴﻦ ﻣﺎ ﺑﻴﻪ ﺷﻲ .. ﺍﻧﺘﻲ ﺭﻭﺣﻲ ﻟﺒﻴﺖ ﻛﺮﺍﺭ ﻭﻟﺘﺨﺎﻓﻴﻦ ﻋﻠﻴﻪ .. ﺍﺫﺍ ﺻﺪﻙ ﺗﺮﺩﻳﻦ ﺭﺍﺣﺘﻲ ﻟﺘﺨﻠﻴﻦ ﺟﻨﺘﺞ ﺍﻟﺴﮕﻂ ﺗﻮﺻﻞ ﻟﻬﻨﺎ .
ﺍﻟﺤﺠﻴﻪ .. ﺍﻭﻭﻭﻑ .. ﺍﻣﺮﻱ ﻟﻠﻪ ﺍﺭﻭﺡ ﻭﺍﺷﻮﻑ ﺗﺎﻟﻴﻬﺎ ﻭﻳﺎﻛﻢ .
ﺍﺳﻴﺪ .. ﻭﻫﺎﻱ ﺗﺎﺧﺬﻳﻬﺎ ﻭﻳﺎﺝ؟
....
ﺍﻟﺤﺠﻴﻪ .. ﻭﻳﻦ ﺍﺧﺬﻫﺎ ﺍﻧﺖ ﺗﻌﺮﻑ ﻣﺮﺕ ﺍﺧﻮﻙ ﻣﺘﻄﻴﻘﻬﺎ ﺍﻟﻴﻜﻮﻝ ﺿﺮﺗﻬﺎ .. ﻭﺍﺫﺍ ﺍﺧﺬﺗﻬﺎ ﺍﻧﺖ ﻣﻨﻮ ﺍﻟﻚ ﻭﻫﺎﻱ ﺍﻳﺪﻙ ﻣﻀﺒﺮﻩ؟ !
ﺧﻠﻴﻬﺎ ﻫﻨﺎ .. ﻭﺍﻧﻲ ﺭﺍﻳﺤﻪ ﺍﻭﺻﻴﻬﺎ ﻋﻠﻴﻚ ﻭﺍﻋﺘﺬﺭ ﻣﻨﻬﺎ ﻻﻥ ﺯﻭﺩﺗﻬﺎ ﻭﻳﺎﻫﺎ .. ﺑﺲ ﺷﺴﻮﻱ ﻣﻦ ﺍﻟﻤﻨﻈﺮ ﺍﻟﻲ ﺷﻔﺘﻪ .
ﺍﺳﻴﺪ .. ﻣﺎﺷﻲ ﻛﻢ ﻳﻮﻡ ﻭﺗﺮﺟﻌﻴﻦ؟ !!
ﺍﻟﺤﺠﻴﻪ .. ﻟﺤﺪ ﻣﺎ ﺍﺧﻮﻙ ﻳﻔﻮﺕ ﺣﺎﻝ ﻣﺮﺗﻪ ﻭﻳﻬﺪﺃ ، ﻭﺍﻥ ﺷﺎﺀ ﺍﻟﻠﻪ ﻣﺎﺍﻃﻮﻝ .
ﻃﻠﻌﺖ ﺍﻟﺤﺠﻴﻪ ﻣﻦ ﻳﻢ ﺍﺳﻴﺪ ﻭﺭﺍﺣﺖ ﺍﻟﺪﺍﻟﻴﺎ .. ﻟﻜﺘﻬﺎ ﺑﻐﺮﻓﺘﻬﺎ !..
ﺣﺠﺖ ﻭﻳﺎﻫﺎ ﻭﺍﻋﺘﺬﺭﺗﻠﻬﺎ ﻉ ﺍﻟﻲ ﺻﺎﺭ ..
ﺍﻟﺤﺠﻴﻪ .. ﻳﻤﻪ ﺍﻋﺬﺭﻳﻨﻲ ﻋﺼﺒﺖ ﻋﻠﻴﺞ ﺑﺲ ﺍﻟﻲ ﺷﻔﺘﻪ ﻣﻮ ﻗﻠﻴﻞ .
ﺩﺍﻟﻴﺎ .. ﺣﺠﻴﻪ ﻣﺎﻛﻮ ﺩﺍﻋﻲ ﺗﻌﺘﺬﺭﻳﻦ ﻭﺍﻧﻲ ﺻﺢ ﻳﺘﻴﻤﻪ ﺑﺲ ﻋﻨﺪﻱ ﺍﺧﻼﻕ ﻭﺗﺮﺑﻴﻪ .. ﻣﺴﺘﺤﻴﻞ ﺍﺳﻮﻱ ﻫﻴﺞ ﺷﻲ ﻭﺑﺎﻟﺤﺮﺍﻡ ﺳﻮﺍﺀ ﻭﻳﺎ ﺍﺑﻨﺞ ﺍﻭ ﻏﻴﺮﻩ ﻓـ ﻟﺘﺨﺎﻓﻴﻦ ﻣﻦ ﻋﻨﺪﻱ !
ﺑﺲ ﻛﻞ ﺍﻟﻲ ﺍﺗﻤﻨﻰ ﻣﻨﺞ ﺍﻭ ﻣﻦ ﺍﻱ ﺷﺨﺺ ﻣﻨﻜﻢ ﻟﻴﺤﻜﻢ ﻋﻠﻴﻪ ﻗﺒﻞ ﻟﻴﻔﻬﻢ ﺷﻨﻮ ﺍﻟﻤﻮﺿﻮﻉ ﻻﻧﻮ ﺣﻴﻞ ﺍﺫﺗﻨﻲ ﻧﻈﺮﺓ ﺍﺳﺘﺤﻘﺎﺭﺝ ﺍﻟﻲ .
ﺍﻟﺤﺠﻴﻪ .. ﺣﻘﺞ ﻋﻠﻴﻪ ﺑﻨﻴﺘﻲ .. ﻭﺍﺷﻜﺮﺝ ﻋﻠﻰ ﺍﻟﻲ ﺳﻮﻳﺘﻲ ﻟﻮ ﻣﺎ ﺍﻧﺘﻲ ﺟﺎﻥ ﺍﺑﻨﻲ ﻫﺴﻪ ﻣﻴﺖ ﻟﻮ ﺑﻲ ﺷﻲ .
ﺩﺍﻟﻴﺎ .. ﻫﻬﻪ ﻻ ﺷﺪﻋﻮﻩ ﺣﺠﻴﻪ ﺗﺮﻯ ﻫﻮ ﺟﺮﺡ ﺑﺴﻴﻂ ﻭﺍﻧﻲ ﻣﺴﻮﻳﺖ ﺷﻲ ، ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻪ .
ﺍﻟﺤﺠﻴﻪ .. ﺍﻟﻠﻪ ﻳﺴﻠﻤﺞ ﻭﻳﻮﻓﻘﺞ ﺑﻨﺘﻲ .
ﺩﺍﻟﻴﺎ .. ﻫﺴﻪ ﺍﺳﻮﻳﻠﺞ ﺍﻛﻞ ﻟﻮ ﺗﺎﺧﺬﻳﻦ ﺣﻤﺎﻡ ﺑﺎﻻﻭﻝ؟ !!
ﺍﻟﺤﺠﻴﻪ .. ﻻ ﻳﻤﻪ ﻳﺎ ﺍﻛﻞ ﺧﻠﻴﻨﻲ ﺍﻟﺤﻚ ﺍﺣﻈﺮ ﻏﺮﺍﺿﻲ ﻗﺒﻞ ﻻ ﻳﺠﻴﻨﻲ ﺍﻟﺴﺎﻳﻖ .
ﺩﺍﻟﻴﺎ .. ﻟﻮﻳﺶ ﻭﻳﻦ ﺭﺍﻳﺤﻪ ﺣﺠﻴﻪ؟ !!
ﺍﻟﺤﺠﻴﻪ .. ﺭﺍﻳﺤﻪ ﻟﺒﻴﺖ ﺍﺑﻨﻲ ﻛﺮﺍﺭ ﺍﺑﻘﻰ ﻳﻤﻬﻢ ﻛﻢ ﻳﻮﻡ ﺗﺪﺭﻳﻦ ﻳﻤﺮﺗﻪ ﻭﻟﺴﺎﻧﻬﺎ .
ﺩﺍﻟﻴﺎ .. ﻫﺎﺍ .. ﺯﻳﻦ ﺣﺠﻴﻪ ﺍﻧﻲ ﻣﻜﺪﺭﺕ ﺍﻛﻠﺞ ﻟﻤﺎ ﺭﺣﺘﻰ ﺍﻟﺒﺎﺭﺣﺎ ﻻﻥ ﻣﻠﺤﻜﺖ ﺍﺣﺠﻲ ﻭﻳﺎﺝ ﻗﺒﻞ ﻟﺘﻄﻠﻌﻴﻦ .. ﺍﻧﻲ ﻣﺎﺍﻛﺪﺭ ﺍﺑﻘﻰ ﻭﺣﺪﻱ ﺑﺎﻟﺒﻴﺖ ﺍﺫﺍ ﻣﻤﻜﻦ ﺗﻜﻮﻟﻴﻦ ﻻﻡ ﻋﺎﺩﻝ ﺗﺒﻘﻰ ﻭﻳﺎﻱ ﻋﻠﻰ ﻣﺎ ﺗﺮﺟﻌﻴﻦ .
ﺍﻟﺤﺠﻴﻪ .. ﺑﺘﺮﺩﺩ .. ﻫﺎ .. ﺍﻱ ﺍﻧﻲ ﻫﻢ ﻛﻠﺖ ﻣﻴﺼﻴﺮ ﺗﺒﻘﻴﻦ ﻟﻮﺣﺪﺝ ﻭﻳﺎ ﺭﺟﺎﻝ .. ﺍﻧﺘﻲ ﺑﻨﻴﻪ ﺣﻠﻴﻮﻩ ﻭﺍﻟﺸﻴﻄﺎﻥ ﺷﺎﻃﺮ .. ﻫﺴﻪ ﺍﺣﺠﻲ ﻭﻳﺎ ﺍﻡ ﻋﺎﺩﻝ ﻭﺍﺧﻠﻴﻬﺎ ﺗﺒﻘﻰ ﻭﻳﺎﺝ ﻟﺤﺪ ﺭﺟﻌﺘﻲ .
ﺩﺍﻟﻴﺎ .. ﻛﻼﻣﻬﺎ ﻣﺜﻞ ﺍﻟﺴﺠﺎﺟﻴﻦ ﺑﮕﻠﺒﻲ ﻭﻻ ﻛﺄﻧﻮ ﻗﺒﻞ ﺍﺷﻮﻳﻪ ﺍﻋﺘﺬﺭﺗﻠﻲ .. ﻭﻻ ﻛﺄﻧﻮ ﻓﻬﻤﺘﻬﺎ ﺍﻧﻲ ﻣﻮ ﻣﻦ ﻫﺬﺍ ﺍﻟﻨﻮﻉ .. ﺍﻭﻭﻭﻑ ﻟﻮ ﻋﻨﺪﻱ ﺍﺣﺪ ﺍﺭﻭﺣﻠﻪ ﻟﺤﻈﻪ ﻭﺣﺪﻩ ﻣﺎ ﺍﺑﻘﻰ ﻫﻨﺎ ، ﺑﺲ ﺷﺴﻮﻱ ﻻﺯﻡ ﺍﺗﺤﻤﻞ ﺣﺘﻰ ﺍﻋﻴﺶ .
ﺳﻜﺘﺖ ﻣﺠﺎﻭﺑﺘﻬﺎ ﻭﺭﺣﺖ ﺣﻈﺮﺕ ﺟﻨﻄﺘﻬﺎ ﻭﻣﻼﺑﺴﻬﺎ .. ﻛﺎﻟﺖ ﻛﻢ ﻳﻮﻡ ﻭﺍﺟﻲ ﺍﺷﻮ ﺍﺧﺬﺕ ﺟﻨﻄﻪ ﺷﻜﺒﺮﻫﺎ !!
ﺑﻌﺪ ﺍﻟﻈﻬﺮ ﻧﺰﻟﺖ ﺟﻨﻄﺘﻬﺎ ﻭﻧﺰﻟﺖ ﻟﻴﺠﻮﻩ .. ﻟﻜﻴﺘﻬﺎ ﻛﺎﻋﺪﻩ ﻫﻲ ﻭﺑﻨﺎﺗﻬﺎ .. ﺍﻟﻈﺎﻫﺮ ﻛﺎﻟﺘﻠﻬﻢ ﻋﻠﻰ ﺍﺑﻨﻬﺎ ﻭﺍﻟﻲ ﺻﺎﺭ .. ﺍﻟﺒﻴﺖ ﺻﺎﻳﺮ ﻣﺪﺭﺳﻪ ﻣﻦ ﺍﻟﻬﻮﺳﻪ !
ﻫﻮ ﻣﺸﻔﺘﻪ .. ﺳﻠﻤﺖ ﻋﻠﻴﻬﻢ ﻭﺭﺣﺖ ﻟﻠﻤﻄﺒﺦ ﻳﻢ ﺍﻡ ﻋﺎﺩﻝ .. ﺳﺎﻋﺪﺗﻬﺎ ﺑﺎﻟﻐﺪﻩ !!
ﺣﻀﺮﻧﺎ ﺍﻟﺴﻔﺮﻩ ﻭﺍﺗﻐﺪﻭ ﻛﻠﻬﻢ .. ﻫﻮ ﻣﺎﻛﻮ !!
ﻏﺮﻳﺐ .. ﺍﺷﻮﻥ ﻣﻴﻨﺰﻝ ﻉ ﺍﻟﻐﺪﻩ ﻭﺍﺧﻮﺍﺗﻪ ﺟﺎﻳﺎﺕ ﺣﺘﻰ ﻳﺸﻮﻓﻮ؟ !!
ﻣﻬﺘﻤﻴﺖ ﻭﻻ ﺳﺄﻟﺖ ﺍﺻﻼً ﺑﺲ ﺍﻟﻔﻀﻮﻝ ﻛﺘﻠﻨﻲ .. ﻟﻮﻳﺶ ﻣﻤﻮﺟﻮﺩ ﻭﻳﺎﻫﻢ ، ﻟﻮﻳﺶ ﻣﺘﻐﺪﻩ؟ !!
ﺩﻧﻌﺰﻝ ﺑﺎﻟﺴﻔﺮﻩ ﺍﻧﻲ ﻭﺃﻡ ﻋﺎﺩﻝ .. ﻭﺟﺎﻥ ﻳﺪﺧﻞ ﻫﻮ ﻭﺍﺧﻮ ﻛﺮﺍﺭ؟ !!!!
ﺑﻘﻴﺖ ﺻﺎﻓﻨﻪ ، ﻫﺬﺍ ﺍﻟﺒﺎﺭﺣﺎ ﻣﺘﺼﻮﺏ ﺑﺄﻳﺪﻩ ﻭﺣﺎﻟﺘﻪ ﺣﺎﻟﻪ ﺍﻟﻴﻮﻡ ﻃﺎﻟﻊ ﻣﺪﺭﻱ ﻭﻳﻦ؟ !!
ﻣﺒﺪﻝ ﻭﻛﺎﺷﺦ ﻃﺎﻟﻊ ﻳﺠﻨﻦ .. ﻭﻻ ﻉ ﺑﺎﻟﻚ ﻧﻔﺴﻪ ﺍﻟﻲ ﺍﻟﺒﺎﺭﺣﻪ ﻛﺎﻥ ﻳﻬﺬﻱ ﻭﺩﻳﻤﻮﺕ؟ !
ﻫﺴﻪ ﺍﻧﻲ ﺷﻌﻠﻴﻪ ﺑﻲ .. ﻃﺒﻪ ﻃﻮﺏ ﻫﻮ ﻭﻛﺸﺨﺘﻪ ، ﻣﻤﺤﺼﻠﻪ ﻣﻦ ﻭﺭﺍ ﺑﺲ ﺍﻟﻤﺬﻟﻪ ﻭﺍﻟﻜﻼﻡ ﺍﻟﻲ ﻳﻐﺚ .. ﺧﻠﻲ ﺍﻛﻤﻞ ﺷﻐﻠﻲ ﻭ ﺍﺭﻭﺡ ﻟﻐﺮﻓﺘﻲ .
ﻃﺒﻌﺎً ﻭﺍﻧﻲ ﺍﻧﻈﻒ ﺑﺎﻟﻄﺎﻭﻟﻪ ﻣﺎﻟﺖ ﺍﻟﻄﻌﺎﻡ .. ﺷﻔﺖ ﺍﺧﻮ ﻳﺒﺎﻭﻋﻠﻲ ﺑﻨﻈﺮﺍﺕ ﻣﺎﺍﻋﺮﻑ ﺍﺷﻮﻧﻬﺎ .. ﻣﺤﺒﻴﺘﻬﺎ ﺍﺑﺪ !
ﻛﻮﻟﻤﺎ ﺍﺭﻓﻊ ﺭﺍﺳﻲ ﺍﻟﻜﻰ ﺻﺎﻓﻦ ﻋﻠﻴﻪ ﻭﻳﺒﺘﺴﻢ ﺑﻮﺟﻬﻲ !!
ﻛﻠﺖ ﺍﺣﺘﻤﺎﻝ ﻫﻮ ﺷﻜﻠﻪ ﻫﻴﺞ ﺑﺸﻮﺵ ﻭﻳﺒﺘﺴﻢ .. ﻻﻧﻮ ﺍﻧﻲ ﻣﺤﺎﺟﻴﻪ ﻭﻳﺎ ﺍﺑﺪ ﻋﻠﻰ ﻛﺪ ﺍﻟﺴﻼﻡ .. ﻭﻻ ﻣﺒﺎﻭﻋﻪ ﺑﻮﺟﻬﻪ ﻧﻬﺎﺋﻴﺎً !..
ﻳﺎ ﺭﺑﻲ ﺷﻨﻮ ﻫﺬﺍ ﻣﻦ ﺑﺸﺮ ﻣﻌﻘﻮﻟﻪ ﻣﺘﺰﻭﺝ ﻭﻋﻨﺪﻩ ﻛﻮﻣﻪ ﺟﻬﺎﻝ ﻭﻳﺒﺼﺒﺺ ﻉ ﻏﻴﺮ ﻣﺮﺗﻪ؟ !!
ﻻ ﻻ ﺍﻛﻴﺪ ﺍﻧﻲ ﻏﻠﻄﺎﻧﻪ .. ﻛﻤﻠﺖ ﺷﻐﻠﻲ ﺑﺴﺮﻋﻪ ﻭﺩﺍﺍﺭﻭﺡ ﻟﻐﺮﻓﺘﻲ .. ﺟﺎﻥ ﺗﺼﻴﺤﻨﻲ ﺍﻟﺤﺠﻴﻪ
.....
ﺍﻟﺤﺠﻴﻪ .. ﺗﻌﺎﻟﻲ ﻳﻤﻪ ﺩﺍﻟﻴﺎ ﺧﻠﻲ ﺍﻭﺻﻴﺞ ﻗﺒﻞ ﻣﺎﺍﺭﻭﺡ !
ﺩﺍﻟﻴﺎ .. ﻣﻦ ﺑﻌﻴﺪ ﻣﺮﺣﺖ ﻟﻠﺼﺎﻟﻪ ﻻﻥ ﺍﻟﻜﻞ ﻛﺎﻋﺪ ﻭﺍﺳﺘﺤﻴﺖ ﺍﺩﺧﻞ ﺑﺎﻟﺘﺮﺍﻙ ﻣﺎﻟﺘﻲ ﻭﻫﺬﺍ ﻧﻈﺮﺍﺗﻪ ﺿﻮﺟﺘﻨﻲ .. ﻣﻊ ﺍﻟﻌﻠﻢ ﻫﻮ ﻋﺮﻳﺾ ﻭﻣﺮﺗﺐ ﻋﻠﻴﻪ .. ﻧﻌﻢ ﺣﺠﻴﻪ ﺗﻔﻀﻠﻲ !!
ﺍﻟﺤﺠﻴﻪ .. ﺑﻨﺘﻲ ﺣﺠﻴﺖ ﻭﻳﺎ ﺍﻡ ﻋﺎﺩﻝ ﻭﻛﺎﻟﺖ ﺍﻥ ﺷﺎﺀ ﺍﻟﻠﻪ ﺍﺫﺍ ﻛﺪﺭﺕ ﺗﺒﻘﻰ ﻭﻳﺎﺝ ﻫﺎﻟﻴﻮﻣﻴﻦ ﻋﻠﻰ ﻣﺎ ﺍﺟﻲ .
ﺩﺍﻟﻴﺎ .. ﻣﺎﺷﻲ ﺣﺠﻴﻪ ﺗﺴﻠﻤﻴﻦ .
ﻛﺮﺍﺭ .. ﻋﻠﻴﺶ ﺷﺎﺭﺩﻩ ﺩﺍﻟﻴﺎ ﻣﺘﺠﻴﻦ ﻟﻬﻨﺎ ﺗﺮﻯ ﻣﻨﺎﻛﻠﺞ !!
ﺩﺍﻟﻴﺎ .. ﻛﻠﺒﻲ ﻛﺎﻡ ﻳﺮﺟﻒ ﻣﻦ ﺣﺠﻪ ﻫﺬﺍ .. ﺍﻧﺤﺮﺟﺖ ﺍﻧﻮﺏ ﻛﺪﺍﻣﻬﻢ ﻣﻌﺮﻓﺖ ﺷﻨﻮ ﺍﺣﺠﻲ ﺣﺴﻴﺖ ﺍﻟﻜﻼﻡ ﺍﺗﺨﺮﺑﻂ ﺑﻌﻘﻠﻲ .. ﺑﺼﻮﺕ ﻧﺎﺻﻲ ﻭﻣﻠﻌﺜﻢ .. ﺍﻟﻌﻔﻮ ﺍﺑﻮ ﺯﻳﻦ ﻣﻮ ﻗﺼﺪﻱ ﻫﺸﻜﻞ ﺑﺲ ﻛﻨﺖ ﺭﺍﻳﺤﻪ ﻟﻐﺮﻓﺘﻲ .
ﻛﺮﺍﺭ .. ﻻ ﻋﻴﻨﻲ ﺑﺮﺍﺣﺘﺞ .. ﺍﻫﻢ ﺷﻲ ﺭﺍﺣﺘﺞ .
ﺑﻘﻴﺖ ﺍﺭﺟﻒ ﺑﻤﻜﺎﻧﻲ ﻣﺠﺎﻭﺑﺖ ﺷﻲ .. ﺑﺴﺮﻋﻪ ﻛﺎﻡ ﺍﺳﻴﺪ ﺑﺲ ﺣﺴﻴﺖ ﻣﻦ ﺻﻮﺗﻪ ﻣﺜﻞ ﺍﻟﻲ ﻣﻌﺼﺐ ﻣﺎﺍﻋﺮﻑ ﻟﻮﻳﺶ؟ !
ﺍﺳﻴﺪ .. ﻳﻼ ﻛﺮﺍﺭ ﺍﺧﺬ ﺍﻟﺤﺠﻴﻪ ﻭﺭﻭﺡ ﻗﺒﻞ ﻟﺘﺼﻴﺮ ﻟﻴﻞ ﺣﺘﻰ ﺗﺮﺗﺎﺡ .
ﻛﺮﺍﺭ .. ﺍﻱ ﻫﻢ ﻳﻼ ﻃﺮﻳﻘﻨﺎ ﻃﻮﻳﻞ ..
ﺻﺪﻭﻙ ﻛﺎﻣﻮ ﻛﻮﻟﻬﻢ .. ﺍﻧﻲ ﻭﺩﻋﺖ ﺍﻟﺤﺠﻴﻪ ﻭﺭﺟﻌﺖ ﺑﺴﺮﻋﻪ ﺧﻔﺖ ﻳﺮﺣﻮﻥ ﻭﺍﺑﻘﻰ ﺍﻧﻲ ﻭﻳﺎ ﺑﺮﻩ .. ﻣﺎﺍﺭﻳﺪ ﺍﺣﻂ ﻋﻴﻨﻲ ﺑﻌﻴﻨﻪ ﺑﻌﺪ ﺍﻟﻤﻮﻗﻒ ﺍﻟﻲ ﺷﺎﻓﺘﻪ ﺍﻟﺤﺠﻴﻪ ﺍﻟﺼﺒﺢ ﻭﺷﻬﺮﺗﻨﻲ ﺷﻬﺮ !
ﻫﻮ ﺑﻘﻰ ﻭﺍﻛﻒ ﻳﺴﻠﻢ ﻋﻠﻰ ﺍﻣﻪ ﻭﺍﻧﻲ ﺩﺧﻠﺖ ﻟﻠﺒﻴﺖ .. ﺩﺧﻠﺖ ﻭﺟﺎﻥ ﺍﺷﻮﻑ ﺍﻡ ﻋﺎﺩﻝ ﺩﺗﻠﺒﺲ ﻋﺒﺎﻳﺘﻬﺎ ﺩﺗﺮﻭﺡ ﻟﺒﺘﻬﺎ !!!!....
ﺩﺍﻟﻴﺎ .. ﻫﺎﻱ ﻭﻳﻦ ﺭﺍﻳﺤﻪ؟ !!
ﺍﻡ ﻋﺎﺩﻝ .. ﺭﺍﻳﺤﻪ ﻟﺒﻴﺘﻲ ﻏﻴﺮ !!
ﺩﺍﻟﻴﺎ .. ﻣﻮ ﻛﺎﻟﺖ ﺍﻟﺤﺠﻴﻪ ﺣﺘﺒﻘﻴﻦ ﻭﻳﺎﻱ ﻛﻢ ﻳﻮﻡ ﻋﻠﻰ ﻣﺎﺗﺮﺟﻊ؟ !!
ﺍﻡ ﻋﺎﺩﻝ .. ﻭﺍﻟﻠﻪ ﺑﻨﺘﻲ ﻣﺎﺍﻛﺪﺭ ﺍﺑﻘﻰ ﺑﻴﺘﻲ ﻓﺎﺭﻍ ﻭﺟﻬﺎﻟﻲ ﻣﺤﺪ ﺍﻟﻬﻢ .. ﻭﺍﻧﻲ ﻛﻠﺖ ﻟﻠﺤﺠﻴﻪ ﺍﺫﺍ ﻛﺪﺭﺕ ﺍﺑﻘﻰ ﻣﻜﻠﺘﻠﻬﺎ ﺍﻱ ﺍﺑﻘﻰ !!
ﺩﺍﻟﻴﺎ .. ﻳﻌﻨﻲ ﺷﻨﻮ ﺣﺘﻌﻮﻓﻴﻨﻲ ﻟﻮﺣﺪﻱ؟ !!
ﺍﻡ ﻋﺎﺩﻝ .. ﺍﻭﻳﻠﻲ ﻋﻠﻴﺞ ﻳﺎ ﺩﺍﻟﻴﺎ ﺍﺷﻜﺪ ﺗﺘﻌﺎﻳﺮﻳﻦ .. ﺍﻟﻴﺴﻤﻌﺞ ﻳﻜﻮﻝ ﻋﺎﻳﻔﻴﺞ ﺑﺎﻟﻐﺎﺑﻪ ، ﺷﺤﺎﻝ ﻟﻮ ﻣﺎ ﻭﻳﺎﺝ ﺍﺳﺪ ﺑﺎﻟﺒﻴﺖ ، ﺷﻮ ﻭﺧﺮﻱ ﻋﻦ ﻃﺮﻳﻘﻲ ﺧﻠﻲ ﺍﺭﻭﺡ ﺟﻬﺎﻟﻲ ﻛﺘﻠﻬﻢ ﺍﻟﺠﻮﻉ .
ﻋﺎﻓﺘﻨﻲ ﺍﻡ ﻋﺎﺩﻝ ﻭﺭﺍﺣﺖ .. ﺯﻳﻦ ﻫﺴﻪ ﺍﻧﻲ ﺷﺴﻮﻱ ﺍﺭﻭﺡ ﻟﻐﺮﻓﺘﻲ ﺍﺧﺎﻑ ﻫﺬﺍ ﻳﺮﻳﺪ ﺷﻲ ،ﺣﺘﻰ ﻏﺪﻩ ﻣﺘﻐﺪﻩ ﻭﻳﺎﻫﻢ؟ !
ﻭﺍﻳﺪﻩ ﻣﻴﻜﺪﺭ ﻳﺤﺮﻛﻬﺎ ﺍﺷﻮﻥ ﻳﺴﻮﻱ ﺍﻛﻞ ؟؟
ﺑﻘﻴﺖ ﻣﺤﺘﺎﺭﻩ ﻭﺻﺎﻓﻨﻪ ﺑﻤﻜﺎﻧﻲ .. ﺟﺎﻥ ﻳﺪﺧﻞ .. ﺷﻄﻮﻟﻪ !
ﺭﻓﻌﺖ ﺭﺍﺳﻲ ﺑﺎﻭﻋﺖ ﻋﻠﻴﻪ ﻋﻴﻮﻧﻪ ﻛﻮﻟﻬﺎ ﻏﻀﺐ ﺷﺎﻓﻨﻲ ﺩﺍﺭ ﻭﺟﻬﻪ ﻭﺭﺍﺡ ﺣﺘﻰ ﻣﺤﺠﻪ ﻭﻳﺎﻱ !
ﻫﺬﺍ ﺍﺷﺒﻲ ﺍﻟﺼﺒﺢ ﻛﺎﻥ ﺯﻳﻦ ﻭﻳﺎﻳﻪ ﻭﺩﺍﻓﻌﻠﻲ ﻛﺪﺍﻡ ﺍﻣﻪ .. ﻫﺴﻪ ﺷﺼﺎﺭ ﻳﺮﻳﺪ ﻳﺎﻛﻠﻨﻲ ﺑﻨﻀﺮﺍﺗﻪ؟ !!
ﺭﺣﺖ ﻟﻠﻤﻄﺒﺦ ﻛﻠﺖ ﺍﻧﺘﻈﺮﻩ ﻫﻨﺎ ﻭﺍﺫﺍ ﻳﺮﻳﺪ ﺷﻲ ﺍﺳﻮﻱ ﻟﻪ !
ﺳﻮﻳﺖ ﺟﺎﻱ ﻭﻛﻌﺪﺕ ﺍﺷﺮﺏ ... ﺷﻔﺘﻪ ﺍﺟﻪ ﻟﻠﻤﻄﺒﺦ .. ﺍﻧﻲ ﺑﻘﻴﺖ ﺑﻤﻜﺎﻧﻲ ﺑﺲ ﺍﺣﺲ ﻛﻠﺒﻲ ﺩﻳﺮﺟﻒ ﻣﺎﺍﻋﺮﻑ ﺍﺷﺒﻴﻪ؟
ﺩﺧﻞ ﺷﺎﻓﻨﻲ ﺩﺍﺭ ﻭﺟﻬﻪ ﻭﺭﺍﺡ ﻓﺘﺢ ﺍﻟﺜﻼﺟﻪ ﻭﻃﻠﻊ ﺍﻛﻞ ﺩﻳﺴﻮﻱ ﻏﺪﻩ؟ !!
ﺍﻧﻲ ﻛﻤﺖ ﻛﻠﺖ ﺧﻠﻲ ﺍﺳﻮﻳﻠﻪ ﺧﻄﻴﻪ ﺍﻳﺪﻩ ﻣﻴﻜﺪﺭ ﻳﺤﺮﻛﻬﺎ
.....
ﺩﺍﻟﻴﺎ .. ﺍﺳﻮﻳﻠﻚ ﻏﺪﻩ؟ !!
ﺍﺳﻴﺪ .. ﺍﻟﺼﺒﺢ ﺍﺟﺎﻧﻲ ﻛﺮﺍﺭ ﻭﺭﺣﻨﺎ ﻟﻠﻤﺴﺘﺸﻔﻰ ﺷﺎﻓﻮ ﺍﻳﺪﻱ ﻭﺭﺟﻌﻮ ﺿﻤﺪﻭﻫﺎ ﻣﻦ ﺟﺪﻳﺪ ، ﺍﻟﺪﻛﺘﻮﺭ ﻛﺎﻝ ﺍﻟﺤﻤﺪﻟﻠﻪ ﺍﻟﺠﺮﺡ ﻣﻮ ﺣﻴﻞ ﻋﻤﻴﻖ ﻭ ﺯﻳﻦ ﺧﻴﻄﺘﻪ ﻻﻧﻮ ﻟﻮ ﺑﺎﻗﻲ ﻣﻔﺘﻮﺡ ﻣﻤﻜﻦ ﻳﻠﺘﻬﺐ ﻭﻣﻦ ﻫﺬﺍ ﺍﻟﻜﻼﻡ .. ﻉ ﺑﺎﻟﻪ ﺍﻧﻲ ﻣﺎﺍﻋﺮﻑ ﺍﻟﻐﺒﻲ .. ﻣﻦ ﻛﻠﺘﻠﻪ ﺩﻛﺘﻮﺭ ﺍﺳﺘﻐﺮﺏ !
ﺍﻟﻤﻬﻢ .. ﻣﻦ ﺭﺟﻌﻨﺎ ﻟﻠﺒﻴﺖ ﻛﺮﺍﺭ ﺷﺎﻓﻬﺎ ﻟﺒﻠﻮﺓ ﺣﻴﺎﺗﻲ .. ﻫﻮ ﺷﺎﻓﻬﺎ ﻟﻮ ﺍﺗﺨﺒﻞ !!
ﺳﺤﻞ ﺭﻭﺣﻪ ﺳﺤﻞ ﻋﻠﻴﻬﺎ .. ﺻﺢ ﻫﻲ ﻛﺎﻧﺖ ﻻﺑﺴﻪ ﺗﺮﺍﻙ ﻋﺮﻳﺾ ﺑﺲ ﻃﺎﻟﻌﻪ ﺣﻠﻮﻩ ﺟﺪﺍً ، ﺑﺲ ﺷﻌﺮﻫﺎ ﻗﺼﻪ !
ﻓﻬﺬﺍ ﻣﻦ ﺷﺎﻓﻬﺎ ﺍﺗﺨﺒﻞ .. ﺧﺒﺼﻨﻲ ﻭﺍﻟﻠﻪ ﻗﻄﻌﻪ ، ﻭﺍﻟﻠﻪ ﺣﺎﺗﻪ ، ﻛﺮﻫﻨﻲ ﺭﻭﺣﻲ !
ﻣﺎﺍﻋﺮﻑ ﻟﻴﺶ ﺍﻧﺰﻋﺠﺖ ﻣﻦ ﻛﻼﻣﻪ ﻋﻠﻴﻬﺎ ، ﺣﺴﻴﺘﻬﺎ ﺩﻳﺤﺠﻲ ﻉ ﺷﻲ ﻳﺨﺼﻨﻲ ﺣﻴﻞ ﺗﻀﺎﻳﻘﺖ ﻣﻦ ﻛﻼﻣﻪ ، ﺑﺲ ﺣﺎﻭﻟﺖ ﻣﺎ ﺍﺑﻴﻦ ﻫﺬﺍ ﺍﻟﺸﻲ .. ﺳﻮﻳﺖ ﻧﻔﺴﻲ ﻣﻤﻬﺘﻢ ﺑﺲ ﺍﻧﻲ ﻣﻦ ﺍﺷﻮﻑ ﻧﻈﺮﺍﺗﻪ ﺍﻟﻬﺎ ﺍﺣﺲ ﺷﻲ ﺑﺪﺍﺧﻠﻲ ﻳﻐﻠﻲ !!
ﺣﺘﻰ ﻏﺪﻩ ﻣﺘﻐﺪﻳﺖ ﻣﻦ ﻭﺭﺍ ﻛﻠﺘﻠﻬﻢ ﻣﺎﺍﺷﺘﻬﻲ .
ﻭﺍﻟﻲ ﺯﻋﺠﻨﻲ ﺍﻛﺜﺮ ﻣﻦ ﺣﺠﻪ ﻭﻳﺎﻫﺎ ، ﻣﺒﻴﻦ ﻣﻦ ﺍﺳﻠﻮﺑﻪ ﺷﻨﻮ ﻏﺎﻳﺘﻪ ، ﺧﺼﻮﺻﺎً ﻛﺮﺍﺭ ﻳﻤﻮﺕ ﻉ ﺍﻟﺒﻨﺎﺕ ﺍﺫﺍ ﺷﺎﻓﻠﻪ ﻭﺣﺪﻩ ﺣﻠﻮﻩ ﻟﻮ ﻳﺪﻓﻊ ﺭﻭﺣﻪ ﻳﺎﺧﺬﻫﺎ ﺍﻋﺮﻓﻪ ﻛﻠﺶ ﺯﻳﻦ ، ﻓﻤﻦ ﻛﺎﻟﻲ ﻫﻴﺞ ﻋﻨﻬﺎ ﻋﺮﻓﺖ ﺷﻨﻮ ﺩﻳﻔﻜﺮ ﺗﺠﺎﻫﺎ .. ﺭﺩﺕ ﺍﺧﻨﻜﻪ ﺑﻮﻗﺘﻬﺎ ﻣﺎﺍﻋﺮﻑ ﺷﺼﺎﺭﻟﻲ !
ﺍﻟﻤﻬﻢ ..
ﻣﺎ ﺻﺪﻛﺖ ﻣﻦ ﺭﺍﺣﻮ ﺍﺣﺲ ﻧﻔﺴﻲ ﻣﺨﻨﻮﻙ ﻭﺍﻧﻲ ﺍﺭﺍﻗﺐ ﺗﺼﺮﻓﺎﺕ ﻛﺮﺍﺭ .. ﻣﻦ ﺭﺍﺣﻮ ﺭﺟﻌﺖ ﻟﻠﺒﻴﺖ ﺑﺲ ﺍﻋﺼﺎﺑﻲ ﻧﺎﺭ ﺍﺭﻳﺪ ﺍﻟﺰﻣﻬﺎ ﺍﻣﻮﺗﻬﺎ .. ﻫﻲ ﺍﻟﺴﺒﺐ ﻫﻲ ﺍﻟﻲ ﻃﻠﻌﺖ ﻛﺪﺍﻣﻪ ﺑﺘﺮﺍﻛﻬﺎ ﻭﺷﻌﺮﻫﺎ .. ﺷﻜﻮ ﺗﺤﺠﻲ ﻭﻳﺎ ﺍﺳﺎﺳﺎً؟ !
ﻫﻲ ﺍﻟﻲ ﺩﺗﺨﻠﻴﻨﻲ ﺍﺣﺲ ﻫﺬﺍ ﺍﻻﺣﺴﺎﺱ ﺍﻟﺤﻘﻴﺮ ﺑﺴﺒﺒﻬﺎ !
ﻣﺎ ﺍﺩﺭﻱ ﻟﻴﺶ ﺍﺗﺬﻛﺮﺕ ﻋﻠﻴﺎﺀ .. ﺍﻱ ﻫﻲ ﻧﻔﺴﻬﺎ .. ﻧﻔﺲ ﺍﻟﺸﻲ ﻣﺎﻛﻮ ﻓﺮﻕ .. ﻛﻠﻬﻦ ﻧﻔﺲ ﺍﻟﺸﻲ .
ﻛﺮﻫﺘﻬﺎ ﺣﻴﻴﻴﻴﻴﻴﻞ ﻭﻛﺮﻫﺖ ﻧﻔﺴﻲ ﺍﻛﺜﺮ ﻻﻥ ﺩﺍﺍﻓﻜﺮ ﻫﻴﺞ ﻭﺩﺍﺍﺣﺲ ﻫﺎﻻﺣﺴﺎﺱ ﺍﺻﻼً .
ﺩﺧﻠﺖ ﻟﻠﺒﻴﺖ ﺷﻔﺘﻬﺎ ﻭﺍﻛﻔﻪ ﻳﻢ ﺍﻟﻤﻄﺒﺦ ﻭﺻﺎﻓﻨﻪ ﻋﻠﻴﻪ .. ﻋﻔﺘﻬﺎ ﻭﺭﺣﺖ ﻟﻠﺼﺎﻟﻪ ﺑﺲ ﻣﻌﺪﺗﻲ ﺩﺗﺘﻜﻄﻊ ﻣﻦ ﺍﻟﺠﻮﻉ !
ﺍﻧﺘﻈﺮﺗﻬﺎ ﺗﺮﻭﺡ ﻟﻐﺮﻓﺘﻬﺎ ﻭﺍﺭﻭﺡ ﻟﻠﻤﻄﺒﺦ ﺍﺳﻮﻳﻠﻲ ﺷﻲ ﺍﻛﻠﻪ .. ﺑﺲ ﺍﻟﻤﺸﻜﻠﻪ ﺩﺧﻠﺖ ﻟﻠﻤﻄﺒﺦ ﻭﺑﻌﺪ ﻣﺎ ﻃﻠﻌﺖ !!
ﺍﻧﺘﻈﺮﺕ ﺍﻧﺘﻈﺮﺕ .. ﻣﺎﻛﻮ ﺍﻟﻈﺎﻫﺮ ﻧﺎﻣﺖ ﻫﺎﻱ !..
ﻛﻠﺖ ﺧﻠﻲ ﺍﺭﻭﺡ ﺍﺳﻮﻳﻠﻲ ﺷﻲ ﺍﻛﻠﻪ ﺷﻌﻠﻴﻪ ﺑﻴﻬﺎ ﻭﺍﺫﺍ ﺑﺎﻟﻤﻄﺒﺦ .. ﺩﺧﻠﺖ ﻟﻜﻴﺘﻬﺎ ﻛﺎﻋﺪﻩ ﻉ ﻣﻴﺰ ﺍﻟﻄﻌﺎﻡ ﻭﺻﺎﻓﻨﻪ !!
ﻣﻦ ﺷﺎﻓﺘﻨﻲ ﻛﺎﻟﺖ ﺍﺳﻮﻳﻠﻚ ﺍﻛﻞ؟ !!
ﻣﺤﺠﻴﺖ ﻭﻳﺎﻫﺎ ﺍﺗﺠﺎﻫﻠﺘﻬﺎ .. ﻭﺑﻘﻴﺖ ﺍﺩﻭﺭ ﺷﻲ ﺍﻛﻠﻪ ﺑﺎﻟﺜﻼﺟﻪ ..
ﺩﺍﻟﻴﺎ .. ﺑﺼﻮﺕ ﺍﻋﻠﻰ .. ﺩﻛﺘﻮﺭ ﺍﺳﻴﺪ .. ﺍﺳﻮﻳﻠﻚ ﻏﺪﻩ؟ !!
ﺍﺳﻴﺪ .. ﺷﻜﻮ ﺩﺗﺼﻴﺤﻴﻦ ، ﺍﺣﺪ ﻛﺎﻳﻠﺞ ﺍﻧﻲ ﺍﻃﺮﺵ؟ !
ﺩﺍﻟﻴﺎ .. ﻻﻧﻮ ﺩﺍﺍﺣﺠﻲ ﻭﻳﺎﻙ ﻭﺣﻀﺮﺗﻚ ﻣﺘﺠﺎﻭﺏ .. ﻉ ﺑﺎﻟﻲ ﻣﺪﺍﺗﺴﻤﻌﻨﻲ !
ﺍﺳﻴﺪ .. ﺳﻤﻌﺘﺞ ﻭﻣﺎﺍﺭﻳﺪ ﻣﻨﺞ ﺷﻲ ، ﺭﻭﺣﻲ ﻣﻦ ﻳﻤﻲ .
ﺩﺍﻟﻴﺎ .. ﻻ ﺍﻧﺖ ﻣﺘﻜﺪﺭ ﺍﻳﺪﻙ ﻣﺠﺮﻭﺣﻪ ، ﺭﻭﺡ ﺍﺭﺗﺎﺡ ﻭﺍﻧﻲ ﺍﺳﻮﻳﻠﻚ ﺍﻟﻐـ ...
ﺍﺳﻴﺪ .. ﺑﺼﻮﺕ ﺟﺎﻣﺪ .. ﺍﻧﺘﻲ ﺛﻮﻟﻪ ﻟﻮ ﻣﺘﻔﻬﻤﻴﻦ ﻋﺮﺑﻲ؟ !!
ﺩﺍﺍﻛﻠﺞ ﺍﻣﺸﻲ ﻭﻟﻲ ﻣﻦ ﻭﺟﻬﻲ .
ﺩﺍﻟﻴﺎ .. ﺻﺎﺡ ﺑﻮﺟﻬﻲ ﻉ ﺑﺎﻟﻚ ﺍﺭﺗﻜﺒﺖ ﻓﺪ ﺟﺮﻳﻤﻪ ﻟﻮ ﻏﻠﻄﺖ ﻋﻠﻴﻪ .. ﻓﺸﻠﻨﻲ ﻭ ﺣﺴﻴﺖ ﺍﻟﻌﺒﺮﻩ ﺧﻨﻜﺘﻨﻲ ، ﺑﺎﻭﻋﺖ ﺑﻮﺟﻬﻪ ﺣﻴﻞ ﻣﻌﺼﺐ ﻭﻋﻴﻮﻧﻪ ﻣﻈﻠﻤﻪ !
ﺭﺩﺕ ﺍﺟﺎﻭﺑﻪ ﺑﺲ ﻣﻦ ﺷﻔﺖ ﻣﻼﻣﺤﻪ ﺍﻟﻤﺘﺸﻨﺠﻪ ﻭﺷﺮﺍﻳﻴﻨﻪ ﺍﻟﻲ ﻧﺎﻃﻪ ﺧﻔﺖ .. ﺳﻜﺘﺖ ﻣﺤﺠﻴﺖ ﺷﻲ ﺭﺩﺕ ﺍﺭﻭﺡ ﻟﻐﺮﻓﺘﻲ .. ﺑﺲ ﺷﻔﺖ ﺍﻳﺪﻩ ﺩﺗﻨﺰﻑ !!
ﺑﺼﻮﺕ ﺧﺎﻳﻒ ﻛﻠﺘﻠﻪ
.....
ﺍﻳﺪﻙ !
ﺍﺳﻴﺪ .. ﻣﻦ ﻋﺼﺒﺖ ﻋﻠﻴﻬﺎ ﺍﺩﻳﻪ ﺗﺸﻨﺠﺖ ﻭﺿﻐﻄﺖ ﻋﻠﻰ ﺍﻟﺠﺮﺡ ﺣﻴﻞ ﻓﻨﺰﻑ .. ﻫﻲ ﺧﺎﻓﺖ !
_ ﺑﺼﻮﺕ ﻏﺎﺿﺐ ﻭﻋﺎﻟﻲ .. ﻟﺰﻣﺘﻬﺎ ﻣﻦ ﻭﺟﻬﺎ ﺑﻘﻮﻩ ﻭﺩﻓﻌﺘﻬﺎ ﺑﺮﻩ ﺍﻟﻤﻄﺒﺦ .. ﻟﺘﺸﻮﻓﻴﻨﻲ ﺧﻠﻘﺘﺞ ﺑﻌﺪ ﺍﻓﺘﻬــ ....
ﺩﺍﻟﻴﺎ .. ﻣﺘﺤﻤﻠﺖ ﺑﻌﺪ ﺻﺤﺖ ﺍﻧﻔﺠﺮﺕ ﺑﻮﺟﻬﻪ ﻭﺑﺼﻮﺕ ﻋﺎﻟﻲ .. ﻛﺎﺍﺍﺍﺍﺍﺍﻓﻴﻴﻴﻴﻴﻲ .. ﻛﺎﻓﻲ ﺍﻧﺖ ﺷﻨﻮ ﻣﺘﻜﻮﻟﻲ .. ﻟﻮﻳﺶ ﺩﺗﺼﻴﺢ ﻋﻠﻴﻪ .. ﺷﺴﻮﻳﺘﻠﻚ .. ﻻﻧﻮ ﻛﻮﻟﺘﻠﻚ ﺍﺳﻮﻳﻠﻚ ﻏﺪﻩ .. 24 ﺳﺎﻋﻪ ﻛﺎﻟﺐ ﺧﻠﻘﺘﻚ ﻉ ﺑﺎﻟﻚ ﺍﻧﺖ ﺍﻟﻲ ﺧﺎﻟﻘﻨﺎ .. ﺷﻨﻮ ﺷﺎﻳﻒ ﻧﻔﺴﻚ ﺍﻧﺖ ﻣﺘﻜﻮﻟﻲ .. ﺍﺫﺍ ﻭﺣﺪﻩ ﺧﺎﻧﺘﻚ ﺍﻭ ﻛﺴﺮﺕ ﺑﻴﻚ ﺷﻲ ﻣﻮ ﻣﻌﻨﺎﻫﺎ ﺍﻟﻜﻞ ﻧﻔﺴﻬﺎ ، ﻻ .. ﻻﺍﺍﺍﺍﺍ .. ﺍﺳﻤﻌﻨﻲ ﺯﻳﻦ ﻣﻮ ﻛﻠﻨﺎ ﻣﺘﺸﺎﺑﻬﺎﺕ .. ﻭﻻ ﻛﻠﻨﺎ ﺧﺎﻳﻨﺎﺕ ﻣﺜﻞ ﻣﻤﻔﻜﺮ ﺣﻀﺮﺗﻚ .. ﻭﺣﺘﻰ ﺍﺫﺍ ﻋﻨﺪﻙ ﻋﻘﺪﻩ ﻣﻦ ﺍﻟﺒﻨﺎﺕ ﻣﻤﺠﺒﻮﺭ ﺗﺤﺎﺳﺐ ﺍﻟﻜﻞ ﻋﻠﻰ ﻏﻠﻄﻪ ﻭﺣﺪﻩ .. ﻭﻻ ﻣﻦ ﺣﻘﻚ ﺗﻄﻠﻊ ﻋﻘﺪﻙ ﺍﻟﻨﻔﺴﻴﻪ ﺑﺎﻟﻜﻞ .. ﺍﻧﻲ ﻣﺎ ﻋﻨﺪﻱ ﺷﻲ ﻭﻳﺎﻙ ﻭﻻ ﺑﻴﻨﺎ ﺍﻱ ﺷﻲ .. ﻭﻻ ﻣﻴﺘﻪ ﻋﻠﻴﻚ ﺍﺻﻼً ﻛﻞ ﺍﻟﻤﻮﺿﻮﻉ ﺍﻣﻚ ﻛﺎﻟﺘﻠﻲ ﺍﺩﻳﺮ ﺑﺎﻟﻲ ﻉ ﺍﻟﺒﻴﺖ ﺑﻐﻴﺎﺑﻬﺎ ﻭﺍﺫﺍ ﺗﺮﻳﺪ ﺷﻲ ﺍﺳﻮﻱ ﺍﻟﻢ ﻻﻧﻚ ﻣﺮﻳﺾ .. ﻣﺎﻛﻮ ﺩﺍﻋﻲ ﻟﻜﻞ ﻫﺬﻱ ﺍﻟﺘﺤﻘﻴﺮ ﻭﺍﻻﻫﺎﻳﻦ .. ﺑﺲ ﺗﻌﺮﻑ ﻣﻮ ﺻﻮﺟﻚ ﺻﻮﺝ ﺍﻟﻲ ﺑﺎﻗﻴﻪ ﻳﻢ ﻭﺍﺣﺪ ﻣﺮﻳﺾ ﻭﻣﺨﺘﻞ ﻣﺜﻠﻚ .
ﻣﺎ ﺍﺩﺭﻱ ﺷﺼﺎﺭﻟﻲ ﺑﻠﺤﻈﻪ ﻭﺣﺪﻩ ﺍﻧﻔﺠﺮﺕ .. ﻛﻠﺖ ﻛﻞ ﺍﻟﻲ ﺑﻌﻘﻠﻲ ﻭﻋﻔﺘﻪ ﻭﺭﺣﺖ ﻣﻨﻄﻴﺘﻪ ﺣﺘﻰ ﻣﺠﺎﻝ ﻳﺤﺠﻲ ﻛﻠﻤﻪ ﻭﺣﺪﻩ ، ﺍﺑﺎﻭﻉ ﻋﻠﻴﻪ ﻭﺟﻬﻪ ﺻﺪﻣﻪ ﺗﻌﺘﻠﻲ ﻭﻋﻴﻮﻧﻪ ﻛﻮﻟﻬﺎ ﻏﻀﺐ ﻭﺍﺳﺘﻐﺮﺍﺏ .. ﺭﻛﻀﺖ ﻟﻐﺮﻓﺘﻲ ﻭﺳﺪﻳﺖ ﺍﻟﺒﺎﺏ .. ﺍﺣﺲ ﻛﻠﺒﻲ ﺣﻴﻄﻠﻊ ﻣﻦ ﺻﺪﺭﻱ ﻣﻦ ﻛﺪ ﺍﻟﻘﻮﻩ ﺍﻟﻲ ﺩﻳﻨﺒﺾ ﺑﻴﻬﺎ !..
ﺟﺴﻤﻲ ﻛﻮﻟﻪ ﻳﺮﺟﻒ .. ﺑﺲ ﺍﻛﻮ ﺷﻲ ﻣﻦ ﺻﺪﺭﻱ ﺍﻧﺰﺍﺡ .. ﺍﻟﻜﻼﻡ ﻫﺬﺍ ﻛﺎﻥ ﻛﺎﺗﻢ ﻋﻠﻰ ﮔﻠﺒﻲ ﻭﻣﻦ ﺣﺠﻴﺘﻪ ﺍﺭﺗﺎﺣﻴﺖ !
ﺑﻘﻴﺖ ﺛﻮﺍﻧﻲ ﻣﺮﺗﻜﻴﻪ ﻉ ﺍﻟﺒﺎﺏ ﻭﺍﺗﻨﻔﺲ ﺑﻘﻮﻩ ﺍﺭﻳﺪ ﺑﺲ ﺟﺴﻤﻲ ﻳﻬﺪﺀ ﻭﺍﻟﺮﺟﻔﻪ ﺗﺮﻭﺡ !!
ﻟﻤﺎ ﺍﻧﺘﻈﻤﺖ ﻧﺒﻀﺎﺕ ﮔﻠﺒﻲ .. ﺍﺟﺘﻲ ﺍﻻﻓﻜﺎﺭ ﻟﻌﻘﻠﻲ؟ !!
ﺍﻧﻲ ﻛﻠﺘﻠﻪ ﻣﺤﺒﻘﻰ ﻫﻨﺎ ﺑﻌﺪ؟ !!
ﺯﻳﻦ ﻭﻳﻦ ﺍﺭﻭﺡ .. ﻭﺍﺷﻮﻥ ﺍﺑﻘﻰ ﺑﻌﺪ؟ !
ﻻ ﻣﺴﺘﺤﻴﻞ ﺍﺑﻘﻰ ﺑﻌﺪ ﻛﻞ ﻫﺬﺍ ﺍﻟﻜﻼﻡ ﺍﻟﻲ ﻛﻠﺘﻪ ﺣﺘﻰ ﺍﺫﺍ ﺑﻘﻴﺖ ﻫﻮ ﻳﻄﺮﺩﻧﻲ ﺑﻌﺪ ﺍﻟﺮﺯﺍﻟﻪ ﺍﻟﻲ ﺭﺯﻟﺘﻬﻴﺎ ، ﻓﺨﻠﻴﻨﻲ ﺍﻃﻠﻊ ﺑﻜﺮﺍﻣﺘﻲ ﺍﺣﺴﻦ .. ﻭﺍﻟﻠﻪ ﻛﺮﻳﻢ !
ﻧﺰﻟﺖ ﺍﻟﺠﻨﻄﻪ ﻭﺧﻠﻴﺖ ﺑﻴﻬﺎ ﻣﻼﺑﺴﻲ ﻭﻏﺮﺍﺿﻲ .. ﺑﺲ ﺍﻧﻲ ﻗﻄﻌﻪ ﺍﺧﻠﻴﻬﺎ ﻭﻗﻄﻌﺘﻴﻦ ﺍﻃﻠﻌﻬﻢ ، ﻣﺘﺮﺩﺩﻩ ﻣﺎﺍﻋﺮﻑ ﻭﻳﻦ ﺍﺭﻭﺡ ﻭﺍﻟﺪﻧﻴﺎ ﺻﺎﺭﺕ ﺍﻟﻤﻐﺮﺏ ﺣـﺘﻈﻠﻢ .. !
ﺑﺘﻔﻜﻴﺮ ﻭﺧﻮﻑ ﻭﻗﻠﻖ ... ﺑﺪﻟﺖ ﻣﻼﺑﺴﻲ ﻭﺳﺪﻳﺖ ﺍﻟﺠﻨﻄﻪ ﻭﻃﻠﻌﺖ .. ﻧﺰﻟﺖ ﺑﺴﺮﻋﻪ ﻣﻦ ﺍﻟﺪﺭﺝ ﺷﻔﺘﻪ ﻛﺎﻋﺪ ﺑﺎﻟﺼﺎﻟﻪ ﻳﺪﺧﻦ ﻭﺍﻟﻐﻀﺐ ﻣﺒﻴﻦ ﻋﻠﻰ ﻣﻼﻣﺢ ﻭﺟﻬﻪ ﺍﻟﺸﺮﻳﺮ !
ﺳﻮﻳﺖ ﻧﻔﺴﻲ ﻣﺎ ﺍﺷﻮﻓﻪ ﺍﺻﻼً .. ﻧﺰﻟﺖ ﺍﻟﺠﻨﻄﻪ ﻭﻓﺘﺤﺖ ﺍﻟﺒﺎﺏ ﺍﻟﺮﺋﻴﺴﻲ ﺩﺍﺍﻃﻠﻊ ﺟﺎﻥ ﻳﺤﺠﻲ !!
ﺍﺳﻴﺪ .. ﻣﻮ ﻛﻠﺘﻠﻜﻢ ﻛﻞ ﻣﺮﻩ ﺗﻔﺎﺟﺄﻧﻲ ﺑﺠﺮﺃﺗﻬﺎ .. ﻛﻮﻟﻤﺎ ﺍﺗﻮﻗﻊ ﻫﺬﺍ ﺣﺪ ﺟﺮﺃﺗﻬﺎ ﺗﺼﺪﻣﻲ ﺑﺎﻻﺟﺮﺃ !..
ﻛﺎﻟﺖ ﻛﻼﻡ ﺍﻛﺒﺮ ﻣﻦ ﺭﺍﺳﻬﺎ ﺻﻔﻨﺘﻨﻲ .. ﺷﻌﺮﻓﻬﺎ ﺑﻤﻮﺿﻮﻉ ﻋﻠﻴﺎﺀ ﻭﺧﻴﺎﻧﺘﻬﺎ !!..
ﻣﻦ ﻭﻳﻦ ﻋﺮﻓﺖ ﺑﻬﺬﺍ ﺍﻟﺸﻲ .. ﻭﺍﺷﻠﻮﻥ ﺗﺤﺠﻲ ﻭﻳﺎﻱ ﺑﻬﺬﻱ ﺍﻟﺼﻼﻓﻪ .. ؟ !
ﺑﻘﻴﺖ ﺍﻓﻮﺭ ﻣﻦ ﺟﻮﻩ ﺍﺷﻠﻮﻥ ﻣﺎ ﻃﻴﺤﺖ ﺣﻈﻬﺎ ﻉ ﺍﻟﻲ ﻛﺎﻟﺘﻪ .. ﺑﺲ ﺻﺪﻣﺘﻨﻲ ﺑﻜﻼﻣﻬﺎ ﺍﻟﻲ ﻋﻦ ﺍﻟﺨﻴﺎﻧﻪ ﺳﻄﺮﻧﻲ .. ﺑﻘﻴﺖ ﺟﺎﻣﺪ ﺑﻤﻜﺎﻧﻲ ﻭﻣﺘﻔﺎﺟﺊ .
ﻃﺒﻌﺎً ﻣﺘﻮﻗﻌﺘﻬﺎ ﺗﺮﻭﺡ ﻣﻦ ﺻﺪﻙ ﻻﻥ ﺍﻋﺮﻑ ﻣﺎ ﺍﻟﻬﺎ ﺍﺣﺪ ﺗﺮﻭﺣﻠﻪ ﻭﺍﻟﺪﻧﻴﺎ ﺭﺍﺡ ﺗﻠﻴﻞ .. ﻳﻌﻨﻲ ﻣﺴﺘﺤﻴﻞ ﺗﻄﻠﻊ ﻉ ﺍﻻﻗﻞ ﺑﻬﺬﺍ ﺍﻟﻮﻗﺖ !
ﻛﻌﺪﺕ ﺑﺎﻟﺼﺎﻟﻪ ﻭﺑﻘﻴﺖ ﺍﺩﺧﻦ ﻣﻦ ﺣﺮﻛﺘﻲ ﻭﺍﻟﺘﻔﻜﻴﺮ ﺑﻜﻼﻣﻬﺎ ﻣﻮﺗﻨﻲ .. ﺟﺎﻥ ﺍﺷﻮﻓﻬﺎ ﺑﻨﻄﺮﻭﻧﻬﺎ ﻭﻫﻲ .. ﻭﺍﻟﺸﻌﺮ ﺷﻄﻮﻟﻪ .. ﻧﺎﺯﻟﻪ ﻣﻦ ﺍﻟﺪﺭﺝ ﻭﺟﻨﻄﺔ ﺍﻟﻤﻼﺑﺲ ﺑﺄﻳﺪﻫﺎ !...
ﺷﺎﻓﺘﻨﻲ ﻭﻣﺎ ﻋﺒﺮﺗﻨﻲ ﺍﺻﻼً ﻃﻠﻌﺖ ﺑﻮﺟﻬﻬﺎ ﻟﻠﺒﺎﺏ .. ﺑﻼ ﺗﻔﻜﻴﺮ ﺻﺤﺖ ﺑﻴﻬﺎ ..
.....
ﻭﻳﻦ ﺭﺍﻳﺤﻪ؟ !!
ﺩﺍﻟﻴﺎ .. ﻣﻴﺨﺼﻚ .
ﺍﺳﻴﺪ .. ﺑﺼﻮﺕ ﻣﻠﻴﺎﻥ ﻏﻀﺐ ﻭﺣﺎﺩ .. ﻭﻳﻦ ﺭﺍﻳﺤﻪ ﻭﻣﺮﺍﺡ ﺍﻋﻴﺪ ﻛﻼﻣﻲ ﺑﻌﺪ !
ﺩﺍﻟﻴﺎ .. ﻣﻦ ﻧﺒﺮﺓ ﺻﻮﺗﻪ ﻣﺒﻴﻦ ﺍﻟﺨﺒﺎﻝ ﻓﻮﻝ ﻋﻨﺪﻩ .. ﺧﻔﺖ ﺍﻧﻲ ﻻﻥ ﺍﻋﺮﻓﻪ ﻟﻤﺎ ﻳﻌﺼﺐ ﻣﻴﺸﻮﻑ ﻛﺪﺍﻣﻪ ﺑﻌﺪ ﺍﻛﺒﺮ ﻭﺍﺣﺪ .. ﺑﺼﻮﺕ ﺟﺎﻣﺪ ﺟﺎﻭﺑﺘﻪ
_ ﻣﺎ ﺍﺑﻘﻰ ﺑﻌﺪ ﻫﻨﺎ ﺍﻧﻲ ﻣﻮ ﻋﺒﺪﻩ ﻭﻻ ﺧﺪﺍﻣﻪ ﻋﻨﺪ ﺣﻀﺮﺗﻚ .
ﺍﺳﻴﺪ .. ﺳﺄﻟﺘﺞ ﻭﻳﻦ ﺭﺍﻳﺤﻪ ﻣﻜﻠﺘﻠﺞ ﻟﻴﺶ ﺭﺍﻳﺤﻪ !
ﺩﺍﻟﻴﺎ .. ﻭﺍﻧﺖ ﺷﻨﻮﻭﻭ ﻋﻼﻗﺘﻚ ﺑﻴﻪ؟ !!
ﺍﺳﻴﺪ .. ﺟﺎﻭﺑﻴﻨﻲ ﺍﺧﺮ ﻣﺮﻩ ﺍﺳﺄﻟﺞ !
ﺩﺍﻟﻴﺎ .. ﻣﺎﺍﻋﺮﻑ .
ﺍﺳﻴﺪ .. ﺍﻣﺸﻲ ﺍﺭﺟﻌﻲ ﻟﻐﺮﻓﺘﺞ .
ﺩﺍﻟﻴﺎ .. ﻣﺎ ﺍﺭﺟﻊ ﻭﻣﺎ ﺍﺑﻘﻰ ﺛﺎﻧﻴﻪ ﻭﺣﺪﻩ ﺑﻌﺪ .
ﺍﺳﻴﺪ .. ﻣﺸﻴﺖ ﺑﺘﺠﺎﻫﺎ ﺑﺨﻄﻮﺍﺕ ﺛﺎﺑﺘﻪ .. ﺩﺍ ﺍﻛﻮﻝ ﺍﻣﺸﻲ ﺍﺭﺟﻌﻲ ﻟﻐﺮﻓﺘﺞ .
ﺩﺍﻟﻴﺎ .. ﺩﺭﺕ ﻭﺟﻬﻲ ﻋﻠﻴﻪ ﻟﻜﻴﺘﻪ ﻗﺮﻳﺐ ﻋﻠﻴﻪ .. ﺧﻠﻴﺖ ﻋﻴﻨﻲ ﺑﻌﻴﻨﻪ ﻭﺑﻜﻞ ﺗﺤﺪﻱ .. ﻣﺎ ﺍ ﺭ ﺝ ﻉ .
ﺍﺳﻴﺪ .. ﺍﺗﻘﺮﺑﺖ ﻣﻨﻬﺎ ﺣﻴﻞ ، ﺑﺤﻴﺚ ﺍﻧﺤﺼﺮﺕ ﺑﻴﻨﻲ ﻭﺑﻴﻦ ﺍﻟﺒﺎﺏ .. ﺑﺼﻮﺕ ﻫﻤﺲ ﻛﻠﺘﻠﻬﺎ .. ﺗﺮﺟﻌﻴﻦ ﻭﻏﺼﺒﺎً ﻋﻠﻴﺞ .
ﺩﺍﻟﻴﺎ .. ﺻﺎﺭ ﻗﺮﻳﺐ ﻣﻨﻲ ﺣﺴﻴﺖ ﮔﻠﺒﻲ ﺣﻴﻮﻛﻒ .. ﻣﻦ ﻳﺘﻘﺮﺏ ﻣﻨﻲ ﺍﻧﺴﻄﺮﺕ ﺑﻘﻴﺖ ﺻﺎﻓﻨﻪ ﺑﻮﺟﻬﻪ !
ﺍﺳﻴﺪ .. ﺳﻤﻌﺘﻴﻨﻲ؟ !!
ﺩﺍﻟﻴﺎ .. ﻣﻤﻜﻦ ﺗﺒﺘﻌﺪ ﻋﻦ ﻃﺮﻳﻘﻲ؟ !
ﺍﺳﻴﺪ .. ﻭﺍﺫﺍ ﻣﻤﺒﺘﻌﺪﺕ ﺷﺘﺴﻮﻳﻦ؟ !
ﺩﺍﻟﻴﺎ .. ﻫﻮ ﻣﺨﻠﻲ ﺍﻳﺪﻩ ﻉ ﺍﻟﺒﺎﺏ .. ﺩﻓﻌﺘﻪ ﻋﻨﻲ ﺑﻜﻞ ﻗﻮﺗﻲ ﻣﺘﺤﺮﻙ ﻣﻦ ﻣﻜﺎﻧﻪ !
ﺍﺳﻴﺪ .. ﻫﻪ ﻛﻞ ﻋﻘﻠﺞ ﺍﻧﺘﻲ؟ !
ﺩﺍﻟﻴﺎ .. ﺭﺟﺎﺀﺍ ﻭﺧﺮ ﻋﻨﻲ !
ﺍﺳﻴﺪ .. ﺑﺼﻮﺕ ﺟﺎﻣﺪ .. ﺗﺮﺣﻴﻦ ﻟﻐﺮﻓﺘﺞ ﻭﺑﻼ ﺍﻱ ﻛﻼﻡ ﻣﻔﻬﻮﻡ ﻟﻮ ﻻ؟ !!
ﺩﺍﻟﻴﺎ .. ﻣﺎﺷﻲ ﺑﺲ ﺍﺑﺘﻌﺪ ﻋﻨﻲ .
ﺍﺳﻴﺪ .. ﺑﻘﻴﺖ ﺻﺎﻓﻦ ﺑﻮﺟﻬﺎ .. ﻋﻴﻮﻧﻬﺎ ﻟﻮﻧﻬﺎ ﻏﺮﻳﺐ ﻣﻮ ﻃﺒﻴﻌﻴﺎﺕ ﻳﺪﻭﺧﻦ .. ﺑﻌﺪﺕ ﻋﻨﻬﺎ ﺩﺭﺕ ﻭﺟﻬﻲ ﺟﺎﻥ ﺗﻔﺘﺢ ﺍﻟﺒﺎﺏ ﺑﺴﺮﻋﻪ ﻭﺗﻄﻠﻊ !!!
ﻫﺎﻱ ﻣﻦ ﺻﺪﻙ ﺭﺍﺡ ﺗﺨﺒﻠﻨﻲ ﻛﻞ ﺍﺷﻮﻳﻪ ﺗﺼﺪﻣﻨﻲ ﺑﺘﺼﺮﻓﺎﺗﻬﺎ .. ﻫﻲ ﻃﻠﻌﺖ ﻭﺍﻧﻲ ﺑﻘﻴﺖ ﻭﺍﻛﻒ ﺑﺎﻟﺒﺎﺏ ﺍﺑﺎﻭﻉ ﻋﻠﻴﻬﺎ .. ﺍﺷﻮﻥ ﺗﺮﻛﺾ ﻭﺗﺠﺮ ﺍﻟﺠﻨﻄﻪ .. ﺳﺤﺒﺖ ﺍﻟﻤﻮﺑﺎﻳﻞ ﺍﺗﺼﻠﺖ ﺑﺎﻟﺤﺮﺱ ﻛﻠﺘﻠﻬﻢ ﻟﺘﺨﻠﻮﻫﺎ ﺗﻄﻠﻊ !..
ﺩﺍﻟﻴﺎ .. ﻃﻠﻌﺖ ﺑﺴﺮﻋﻪ ﺑﺎﻭﻋﺖ ﻋﻠﻴﻪ ﻣﺘﺤﺮﻙ ﻣﻦ ﻣﻜﺎﻧﻪ ﻭﺍﻛﻒ ﻳﺒﺎﻭﻋﻠﻲ ﻭﺍﺑﺘﺴﺎﻣﻪ ﺧﺒﻴﺜﻪ ﻉ ﻭﺟﻬﻪ !!
ﻃﻠﻌﺖ ﺭﻛﺾ ﻭﺻﻠﺖ ﻟﻠﺒﺎﺏ ﺍﻟﺨﺎﺭﺟﻲ .. ﺟﺎﻥ ﻳﻮﻛﻔﻨﻲ ﺍﻟﺤﺮﺱ !!
ﻛﺎﻝ ﺩﻛﺘﻮﺭ ﺍﺳﻴﺪ ﻣﻴﻘﺒﻞ ﺗﻄﻠﻌﻴﻦ !!
ﺑﻘﻴﺖ ﺍﺣﺠﻲ ﻭﻳﺎ ﻭﺍﺗﻮﺳﻞ ﺑﻲ ﻳﺨﻠﻴﻨﻲ ﺍﻃﻠﻊ ﻣﻘﺒﻞ !!
ﺑﻌﺪﻳﻦ ﻛﻠﺘﻠﻬﻢ ﺍﺫﺍ ﻣﺨﻠﻴﺘﻨﻲ ﺍﺭﻭﺡ ﻫﺴﻪ ﺍﺻﻴﺢ ﻭﺍﻟﻢ ﺍﻟﻨﺎﺱ ﻋﻠﻴﻜﻢ .. ﻭﺍﻛﻮﻝ ﺧﺎﻃﻔﻴﻨﻲ !
ﺍﻟﺤﺮﺱ ﺑﺎﻙ ﻫﻮﺍ ﻣﻦ ﻛﻼﻣﻲ ﺧﺼﻮﺻﺎً ﺍﻟﺸﺎﺭﻉ ﻛﺎﻥ ﻣﻠﻴﺎﻥ ﻧﺎﺱ ﺩﺗﺮﻭﺡ ﻭﺗﺠﻲ ﺧﺎﻑ ﻣﻦ ﻛﻼﻣﻲ .. ﻃﻠﻊ ﻣﻮﺑﺎﻳﻠﻪ ﻭﺩﻳﺮﻳﺪ ﻳﺨﺎﺑﺮ ﻳﻤﻜﻦ ﻻﺳﻴﺪ .. ﺍﻧﻲ ﺍﺳﺘﻐﻠﻴﺖ ﺍﻟﻤﻮﻗﻒ ﺑﺴﺮﻋﻪ ﻭﺭﻛﻀﺖ .. ﺍﺧﺬﺕ ﺍﻟﺠﻨﻄﻪ ﻭﻣﺸﻴﺖ ﺑﺴﺮﻋﻪ .. ﻃﻠﻌﺖ ﺷﺎﺭﻉ ﺷﺎﺭﻋﻴﻦ 3 ﺷﻮﺍﺭﻉ ﺑﺴﺮﻋﻪ .. ﻣﺎ ﺍﺣﺲ ﺍﻻ ﺳﻴﺎﺭﻩ ﺗﻤﺸﻲ ﻭﺭﺍﻳﻪ ﻭﻳﺪﻙ ﻫﻮﺭﻥ؟ !!
ﺍﺳﻴﺪ .. ﺍﻟﻐﺒﻲ ﻛﻠﺘﻠﻪ ﻟﺘﺨﻠﻴﻬﺎ ﺗﻄﻠﻊ .. ﺑﺲ ﺿﺤﻜﺖ ﻋﻠﻴﻪ ﻭﺷﺮﺩﺕ ﻣﻨﻪ .. ﻣﻦ ﺧﺎﺑﺮﻧﻲ ﻭﻛﺎﻝ ﺭﺍﺣﺖ !!!!!!
ﻣﺎﺍﻋﺮﻑ ﺷﺼﺎﺭﻟﻲ ﻧﺎﺭ ﻭﺍﺷﺘﻌﻠﺖ ﺑﻴﻪ ﺍﺣﺘﺮﻛﺖ .. ﺑﻘﻴﺖ ﺍﺻﻴﺢ ﻋﻠﻴﻪ ﻭﺍﻏﻠﻂ .. ﺍﻧﺖ ﻏﺒﻲ ﺣﻴﻮﺍﻥ ، ﺍﺷﻠﻮﻥ ﺗﺨﻠﻴﻬﺎ ﺗﻄﻠﻊ .. ؟ !
ﺍﺧﺬﺕ ﺍﻟﺴﻮﻳﺞ ﻭﻃﻠﻌﺖ ﻭﺭﺍﻫﺎ ﺑﺴﺮﻋﻪ .. ﺷﻐﻠﺖ ﺍﻟﺴﻴﺎﺭﻩ ﺩﺍﺍﺭﻳﺪ ﺍﻃﻠﻊ ﺟﺎﻥ ﺷﺎﻓﻨﻲ ﺟﻴﺮﺍﻧﺎ .. ﺭﺟﻞ ﻣﺤﺘﺮﻡ ﻭﻳﻌﺮﻓﻨﻲ .. ﺑﻘﻰ ﻳﺴﻠﻢ ﻭﻳﺴﻮﻟﻒ ، ﻫﻮ ﻳﺤﺠﻲ ﻭﺍﻧﻲ ﺑﺎﻟﻲ ﻛﻠﻪ ﻣﻮ ﻳﻤﻪ .. ﺍﻓﻜﺮ ﺑﻴﻬﺎ ﻣﺎﺍﺩﺭﻱ ﺍﺷﺒﻴﻪ ﺍﺗﺨﺒﻠﺖ ﻳﻤﻜﻦ !
ﻗﻄﻌﺖ ﻛﻼﻡ ﺍﻟﺮﺟﺎﻝ ﺑﺴﺮﻋﻪ ، ﺷﻐﻠﺖ ﺍﻟﺴﻴﺎﺭﻩ ﻭﻃﻠﻌﺖ ﻭﺭﺍﻫﺎ .. ﺑﻘﻴﺖ ﺍﻣﺸﻲ ﺑﺎﻟﺸﻮﺍﺭﻉ ﺍﻟﺪﻧﻴﺎ ﺑﺪﺕ ﺗﻈﻠﻢ .. ﻫﻲ ﺻﺢ ﻃﻠﻌﺖ ﻗﺒﻠﻲ ﻭﺍﻧﻲ ﻟﺘﻬﻴﺖ ﻭﻳﺎ ﺍﻟﺮﺟﺎﻝ ﺑﺲ ﻣﻤﻌﻘﻮﻟﻪ ﺗﺒﺘﻌﺪ ﻫﻮﺍﻱ ﻻﻧﻬﺎ ﺩﺗﻤﺸﻲ .. ﺍﻻ ﺍﺫﺍ ﺻﻌﺪﺕ ﺳﻴﺎﺭﻩ !!
ﺍﻓﻜﺮ ﻭﺍﻋﺼﺎﺑﻲ ﺗﻠﻔﺖ ﻣﻦ ﺍﻻﻓﻜﺎﺭ ﺍﻟﻲ ﺩﺗﺨﻄﺮ ﻉ ﺑﺎﻟﻲ .. ﺍﻟﺪﻧﻴﺎ ﻟﻴﻞ ﻭﻫﻲ ﻭﺣﺪﻫﺎ ﺑﺎﻟﺸﺎﺭﻉ !!
ﺍﻧﻲ ﺍﻟﻲ ﻛﺎﺭﻩ ﺍﻟﻨﺴﻮﺍﻥ ﻣﻦ ﺍﺷﻮﻑ ﺷﻜﻠﻬﺎ ﺍﺩﻭﺥ .. ﺍﺷﻠﻮﻥ ﺍﺫﺍ ﻭﺍﺣﺪ ﺷﺎﻓﻬﺎ ﻭﺣﺪﻫﺎ ﻧﺺ ﺍﻟﻠﻴﻞ؟ '
ﺍﻭﻭﻭﻭﻑ ﻣﻨﻚ ﺍﺳﻴﺪ ﻫﺴﻪ ﺷﻴﺨﻠﺼﻨﻲ ﻣﻦ ﺍﻣﻲ .. ﻉ ﺑﺎﻟﻬﺎ ﺍﻧﻲ ﻃﺮﺩﺗﻬﺎ .. ﻭﻫﻮ ﺻﺪﻙ ﻣﻦ ﺑﺴﺒﺒﻲ ﺭﺍﺣﺖ !
ﻫﺴﻪ ﺍﻧﺖ ﺍﻻ ﺗﺨﻠﻲ ﻋﻘﻠﻚ ﻭﻳﺎ ﻋﻘﻠﻬﺎ .. ﺷﺴﻮﺗﻠﻚ ﻫﻲ ؟ !!
ﺍﻓﻜﺎﺭ ﺍﻓﻜﺎﺭ .. ﻧﺨﺮﺕ ﻋﻘﻠﻲ .. ﺑﻬﺎﻻﺛﻨﺎﺀ ﺟﺎﻥ ﺍﺷﻮﻓﻬﺎ ﺩﺗﻤﺸﻲ ﻛﺪﺍﻣﻲ !!
ﻭﺻﻠﺖ ﻳﻤﻬﺎ ﺩﻛﻴﺖ ﻫﻮﺭﻥ .. ﺍﻟﺘﻔﺘﺖ .. ﺑﺲ ﻣﻦ ﺷﺎﻓﺘﻨﻲ ﻛﺎﻣﺖ ﺗﻤﺸﻲ ﺳﺮﻳﻊ !
ﺑﻘﻴﺖ ﺍﺩﻙ ﻫﻮﺭﻥ ﺑﻠﻜﻲ ﺗﻜﻮﻑ ﺧﺒﻠﺘﻨﻲ .. ﻭﻻ ﻉ ﺑﺎﻟﻚ ﺗﺴﻤﻊ ﺍﺻﻼً !
ﻧﺰﻟﺖ ﺍﻟﺠﺎﻣﻪ ﻭﺻﺤﺘﻠﻬﺎ ﺑﺼﻮﺕ ﺣﺎﺩ .
_ ﺍﺻﻌﺪﻱ ﺑﺴﺮﻋﻪ ﻭﺑﻼ ﻛﻼﻡ .
ﺩﺍﻟﻴﺎ .. ﺑﺎﻭﻋﺖ ﻋﻠﻴﻪ ﻭﺩﺭﺕ ﻭﺟﻬﻲ .. ﻻ ﺑﻼ ﺧﻔﺖ '
ﺍﺳﻴﺪ .. ﺑﺼﻮﺕ ﺍﻋﻠﻰ .. ﺩﺍﺍﺣﺠﻲ ﻭﻳﺎﺝ ﺍﻭﻛﻔﻲ .
ﺩﺍﻟﻴﺎ .. ﺿﻮﺟﻨﻲ ﺣﻴﻞ ﻣﻨﻮ ﺷﺎﻳﻒ ﻧﻔﺴﻪ ﻳﺘﺄﻣﺮ ﻋﻠﻴﻪ .. ﺩﺭﺕ ﻭﺟﻬﻲ ﻋﻠﻴﻪ ﻭﺑﺼﻮﺕ ﺟﺎﻣﺪ ﻛﻠﺘﻠﻪ ..
_ ﺣﻀﺮﺗﻚ ﺗﻌﺮﻓﻨﻲ ﺷﻲ؟ '!
ﺍﻛﻴﺪ ﻻ .. ﻭﻭﺡ ﻋﻨﻲ ﺍﺣﺴﻦ ﻣﺎ ﺍﺳﻮﻳﻠﻚ ﻓﻀﻴﺤﻪ .
ﺍﺳﻴﺪ .. ﻫﺎﻱ ﻣﻴﻔﻴﺪ ﺑﻴﻬﺎ ﺍﻟﻜﻼﻡ .. ﻧﺰﻟﺖ ﻣﻦ ﺍﻟﺴﻴﺎﺭﻩ ﻭ ﻭﻛﻔﺖ ﻛﺪﺍﻣﻬﺎ .. ﺑﺼﻮﺕ ﺟﺎﻣﺪ ..
_ ﺍﻣﺸﻲ ﺍﺭﺟﻌﻲ ﻭﻳﺎﻱ ﻭﺑﻼ ﻫﻮﺳﻪ ﺍﻟﻌﺎﻟﻢ ﻣﻨﺎ .
ﺩﺍﻟﻴﺎ .. ﻭﻟﻮﻳﺶ ﺍﺭﺟﻊ ﻭﻳﺎﻙ ﺷﻨﻮ ﻋﻼﻗﺘﻚ ﺑﻴﺎ ﺍﺻﻼً .
ﺍﺳﻴﺪ .. ﻣﻤﻴﺖ ﻋﻠﻴﺞ ﻓﻬﻤﺘﻲ ﻟﻮ ﻻ ، ﺑﺲ ﻣﺎ ﺍﻟﻲ ﺧﻠﻚ ﺍﻣﻲ ﻭﺗﺤﻘﻴﻘﺎﺗﻬﺎ .. ﺣﺘﻔﻜﺮ ﺍﻧﻲ ﺍﻟﻲ ﻃﺮﺩﺗﺞ .. ﻣﺘﺪﺭﻱ ﺑﻴﺞ ﻭﺣﺪﻩ ﺧﺒﻠﻪ .. ﻭﺍﻛﻄﻊ ﺍﻳﺪﻱ ﺍﺫﺍ ﻣﻄﻠﻌﺘﻲ ﻣﺘﻮﺍﻋﺪﻩ ﻭﻳﺎ ﻭﺍﺣﺪ ﻭﻣﺎ ﺻﺪﻛﺘﻲ ﻟﻜﻴﺘﻴﻠﺞ ﺣﺠﻪ .
ﺩﺍﻟﻴﺎ .. ﺍﺣﺘﺮﻡ ﻧﻔﺴﻚ ﺍﺣﺴﻨﻠﻚ ﺍﻧﻲ ﻣﻮ ﻣﺜﻠﻚ ﻭﻣﺜﻞ ﺍﻻﺷﻜﺎﻝ ﺍﻟﻲ ﺗﻌﺮﻓﻬﺎ .
ﺍﺳﻴﺪ .. ﺍﻣﺸﻲ ﺍﺻﻌﺪﻱ ﺍﻟﺴﻴﺎﺭﻩ ﺑﻼ ﻛﻼﻡ ﺩﻭﺧﺘﻴﻨﻲ ﺗﻌﺒﺎﻥ ﻭﻣﺎ ﺍﻟﻲ ﺧﻠﻚ ﻟﻐﻮﻩ .
ﺩﺍﻟﻴﺎ .. ﻛﻠﺘﻠﻚ ﻣﺎﺍﺭﺟﻊ ﻟﻮ ﺍﻣﻮﺕ .
ﺍﺳﻴﺪ .. ﺗﺮﺟﻌﻴﻦ ﻭﻏﺼﺒﺎً ﻋﻨﺞ .
ﺩﺍﻟﻴﺎ .. ﺧﻠﻲ ﺍﺷﻮﻑ ﺑﻼ ﺍﺷﻮﻥ ﻏﺼﺒﺎً ﻋﻨﻲ !
ﺍﺳﻴﺪ .. ﻋﻠﻲ ﻭﺳﻠﻤﻰ ﺭﺍﺡ ﻳﺘﺰﻭﺟﻮﻥ ﻫﺬﺍ ﺍﻻﺳﺒﻮﻉ !
ﺩﺍﻟﻴﺎ .. ﺍﻟﺠﻨﻄﻪ ﻭﻛﻌﺖ ﻣﻦ ﺍﻳﺪﻱ .. ﺷﻨﻮﻭﻭﻭﻭﻭﻭﻭﻭﻭﻭﻭﻭﻭﻭﻭ؟ !
.........
ﻟﻠﺤﻜﺎﻳﻪ ﺑﻘﻴﻪ ️
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء