رواية اهدتني عاراً احداث نهاية الحكاية
للكاتبة نورا ناصر
...
ﻧﻬﺎﻳﺔ ﺍﻟﺤﻜﺎﻳﻪ
ﺍﻟﺠﺰﺀ ﺍﻻﻭﻝ
ﺑﻘﻠﻢ ﻧﻮﺭﺍ ﻧﺎﺻﺮ
ﻛﺎﻋﺪﻩ ﺑﺒﺎﺏ ﺑﻴﺖ ﺍﺧﻮﻫﺎ ﻭﺣﺎﻃﻪ ﺍﻟﻤﺨﻀﺮ ﻛﺪﺍﻣﻬﺎ ﻭﻳﻐﻮﻏﻲ ﻋﻠﻴﻬﺎ ﺍﻟﺬﺑﺎﻥ ﺿﻤﺖ ﺍﻟﻄﻤﺎﻃﻪ ﺍﻟﺨﺮﺑﺎﻧﻪ ﺟﻮﻩ ﻭﺧﻠﺖ ﺍﻟﺰﻳﻨﻪ ﻟﻴﻔﻮﻙ .
ﺍﺧﺬﺗﻠﻬﺎ ﺗﻔﺎﺣﻪ ﻭﺗﻜﺮﻁ ﺑﻴﻬﺎ ﻭﺑﻘﻬﺮ ... ﺍﻟﻠﻪ ﻻﻳﻮﻓﻘﻚ ﻳﺎﺟﻬﻴﺪﺍﻥ ﻳﺎﻟﻜﻠﺐ ﻳﺎﻟﻤﺠﺮﻡ ﺻﺮﺕ ﺳﻮﺩﻩ ﻣﻦ ﺍﻟﺸﻤﺲ ﺍﻧﻲ ﺗﺎﻟﻴﻬﺎ ﺍﺑﻴﻊ ﻣﺨﻀﺮ ﺣﺘﻰ ﺍﻃﻠﻊ ﻣﺼﺮﻓﻲ .
ﻭﺑﻬﺎﻻﺛﻨﺎﺀ ﺍﺟﻪ ﺍﺑﻦ ﻋﻤﺎﺭ .../ ﺑﻴﺒﻲ ﺍﻣﻲ ﺗﺮﻳﺪ ﻃﻤﺎﻃﻴﺘﻴﻦ ﺗﺮﻳﺪ ﺗﺴﻮﻱ ﺯﻻﻃﻪ ﻷﺑﻮﻱ .
ﺭﺩﺗﻪ ﺑﻌﺼﺒﻴﻪ .../ ﺍﻧﻌﻞ ﺍﺑﻮﻙ ﻻﺑﻮ ﺣﺘﺊ ﺍﻟﺨﻠﻔﻚ ﺍﻭﺯﻉ ﺳﺒﻴﻞ ﺍﻧﻲ ﺭﻭﺡ ﺟﻴﺐ ﺍﻟﻒ ﻣﻦ ﺍﻣﻚ ﻭﺍﻧﻲ ﺍﻧﻄﻴﻚ .
ﺭﺍﺡ ﺍﻟﻮﻟﺪ ... ﻭﻛﻮﺍﻛﺐ ﺗﺘﺬﻣﺮ .. ﺷﻠﻮﻥ ﻧﺎﺱ ﺟﺤﻮﻓﻪ ﻳﺠﺪﻭﻥ ﺍﻟﻄﻤﺎﻃﻪ ﺟﻨﺖ ﻋﺎﻳﺸﻪ ﻭﻣﺮﺗﺎﺣﻪ ﻫﺴﻪ ﺑﺎﻟﻀﻴﻢ ﺷﻜﻮﻝ ﻋﻠﻴﻚ ﻳﺎﺟﻬﻴﺪ ﺍﻟﺨﺒﻴﺚ ﺣﺮﻣﺘﻨﻲ ﻣﻦ ﺑﻴﺖ ﺍﺧﻮﻭﻱ ﺍﻥ ﺷﺎﺀ ﺍﻟﻠﻪ ﺳﻴﺎﺭﺓ ﺑﺪﻭﻥ ﺭﻗﻢ ﺗﻤﺮﺩﻙ ﻣﺮﺩ
ﻛﺎﻣﺖ ﺷﺎﻟﺖ ﺻﻨﺪﻭﻙ ﺍﻟﻄﻤﺎﻃﻪ ﻭﺩﺧﻠﺘﻪ ﺟﻮﻩ
ﻭﺑﻌﺪﻳﻦ ﻃﻠﻌﺖ ﻭﺍﻧﺼﺪﻣﺖ !!!!
ﺷﺎﻓﺖ ﺍﻟﻄﻠﻴﺎﻥ ﻭﺍﻟﺼﺨﻮﻝ ﻣﺎﻟﺖ ﺍﻟﺤﺠﻲ ﻫﺎﺟﻤﻪ ﻋﻠﺊ ﺍﻟﻤﺴﻮﺍﻙ
ﻇﻠﺖ ﺗﺼﻴﺢ ... ﻳﻤﻤﻤﻪ ﺍﻟﺤﻜﻮﻟﻲ ... ﺭﻛﻀﺖ ﻋﻠﺊ ﺍﻟﻄﻠﻲ ﺍﻟﻲ ﺣﺎﻁ ﺑﺎﻛﺔ ﺍﻟﺴﻠﮓ ﺑﺤﻠﻜﻪ ﻭﻳﻌﻠﺲ ﺑﻴﻬﺎ !!!
ﻃﻠﻊ ﻋﻤﺎﺭ .../ ﻭﻟﺞ ﻋﻤﻪ ﻋﻮﻓﻲ ﺍﻟﺴﻠﻚ ﺍﺭﻛﻀﻲ ﻋﻠﺊ ﺍﻟﺘﻔﺎﺡ ﺍﻛﻠﻨﻪ ﺍﻟﻄﻠﻴﺎﻥ
ﺭﻛﻀﺖ ﻋﻠﺊ ﺍﻟﻄﻠﻴﺎﻥ ﺗﻨﺶ ﺑﻴﻬﻦ ﻭﺍﻟﺮﺟﺎﻝ ﻳﻨﺶ
ﺷﺎﻓﺖ ﻣﺎﻛﻮﻭ ﻓﺎﻳﺪﻩ ﺭﺍﺡ ﺍﻟﻤﺴﻮﺍﻙ .
ﺭﻛﻀﺖ ﻭﺭﺍﻫﻢ ﺧﻤﻄﺘﻠﻬﻪ ﺻﺨﻠﻪ ﻭﺩﺧﻠﺖ ﺑﺎﻟﺒﻴﺖ .
ﻛﻌﺪﺕ ﺑﺎﻟﻄﺮﻣﻪ ﻭﺑﺤﻈﻨﻬﺎ ﺍﻟﺼﺨﻠﻪ
ﺩﺧﻞ ﻭﺭﺍﻫﺎ ﻋﻤﺎﺭ / ﻋﻤﻪ ﺭﺟﻌﻲ ﺍﻟﺼﺨﻠﻪ ﻟﻠﺮﺟﺎﻝ
ﻛﻮﺍﻛﺐ ... ﻭﺍﻟﻠﻪ ﻭﻻ ﺍﺭﺟﻌﻪ ﻳﺨﺴﺮ ﺍﻓﻠﻮﺱ ﺍﻟﻤﺴﻮﺍﻙ ﻳﺎﻟﻠﻪ
ﺍﻟﺮﺟﺎﻝ ... ﻫﻮﻭ ﺍﻧﻲ ﺷﻌﻨﺪﻱ ﻭﺍﺧﺴﺮ ﺍﻟﻤﺴﻮﺍﻙ ﻭﺑﻌﺪﻳﻦ ﺍﻧﺘﻲ ﻋﺎﻳﻔﻪ ﺍﻟﻤﺴﻮﺍﻙ ﻭﺩﺍﺧﻠﻪ ﺟﻮﻩ .
ﻛﻮﺍﻛﺐ ﺣﺎﺿﻨﻪ ﺍﻟﺼﺨﻠﻪ .. ﻭﺍﻟﻠﻪ ﻣﺎﺍﻧﻄﻴﻬﺎ
ﻋﻤﺎﺭ .. ﺷﻨﻮ ﻣﺎﺧﺬﻩ ﺍﻟﺼﺨﻠﻪ ﻓﺼﻠﻴﻪ ﺩﺟﻴﺒﻴﻬﺎ ﺍﺑﺘﻠﻴﻨﻪ ﺑﻴﺞ ﺑﻠﻮﻩ .
ﺷﻠﻌﻬﺎ ﺷﻠﻊ ﻣﻨﻬﺎ ﻭﺭﺍﺡ ﺳﻠﻤﻬﺎ ﻟﻠﺮﺟﺎﻝ .
ﺍﺑﻦ ﻋﻤﺎﺭ ... ﻫﻬﻬﺎﻱ ﺑﻴﺒﻲ ﻫﺬﺍ ﻋﻤﻮ ﺟﻬﺎﺩ ﺷﻮﺭ ﺑﻴﺞ ﻻﻥ ﺗﻐﻠﻄﻴﻦ ﻋﻠﻴﻪ .
ﻛﻮﺍﻛﺐ ... ﻭﻟﻲ ﻣﻦ ﻛﺪﺍﻣﻲ ﻻﺍﺣﺮﻛﻚ ﻭﺍﺣﺮﻙ ﺟﻬﺎﺩ ﻭﻟﻚ ﻣﻠﻌﻮﻥ ﺟﻬﺎﺩ ﺳﻴﺪ ﺍﻣﺎﻡ ﺣﺘﻰ ﻳﺸﻮﺭ .
ﻋﻤﺎﺭ ... ﻭﺍﻟﻠﻪ ﺍﻟﻲ ﺍﺳﻤﻌﻪ ﻳﺠﻴﺐ ﺳﻴﺮﺓ ﻫﺎﻟﻜﻠﺐ ﺍﻟﻤﺠﺮﻡ ﻫﻨﺎ ﺍﻟﻪ ﺍﺣﺮﻛﻪ ﺣﺮﻙ ﻭﻟﻚ ﻭﻟﻲ ﻣﻨﺎ ﻳﻼ ﺭﻭﺡ ﻳﻢ ﺍﻣﻚ ﻳﻼﺍﺍﺍﺍ ﻭﺍﻧﺖ ﻋﻤﻪ ﻻﺳﻮﻭﻳﻨﻪ ﻣﺸﺎﻛﻞ ﺍﺣﺬﺭﺝ ﻫﺎﻩ ﺗﺮﻩ ﺍﺷﻤﺮﺝ ﺍﺑﻐﺪﺍﺩ ﻭﺍﺧﻠﻲ ﺟﻬﻴﺪ ﻳﻨﻔﺬ ﺗﻬﺪﻳﺪﻩ ﺍﻟﺞ ﻣﻔﻬﻮﻭﻭﻡ .
ﺟﻬﺎﺩ **
... ﻣﺮﺕ ﺍﺷﻬﺮ ﻣﺎﺷﻔﺖ ﺑﻨﺘﻲ ﺑﺲ ﻣﺮﻩ ﻭﺣﺪﻩ
ﺭﺟﻊ ﺍﻟﻮﺿﻊ ﺯﻳﻦ ﻭﺭﺟﻌﺖ ﻟﺸﻐﻠﻲ ﺑﺎﻟﺒﺼﺮﻩ
ﺍﺷﺘﺎﻗﻴﺖ ﻟﺠﻨﻪ ﻣﻮﺕ ﻭﻟﺒﻨﺘﻲ
ﻣﺎﻛﻮ ﺑﻴﻨﻪ ﻻﺍﺗﺼﺎﻻﺕ ﻭﻻﺗﻮﺍﺻﻞ ﺍﺑﺪ
ﻛﻞ ﻣﺮﻩ ﺍﺭﻭﺡ ﺍﻭﻛﻒ ﻳﻢ ﺑﻴﺘﻬﻢ
ﺍﺣﺲ ﻗﻠﺒﻲ ﻳﺮﻳﺪ ﻳﻄﻠﻊ ﻣﻦ ﻗﻔﺼﻪ ﻭﻳﺤﻠﻖ ﺍﻟﻬﺎ ﻣﺜﻞ ﺍﻟﻄﻴﺮ ﺍﻟﻤﺠﺮﻭﺡ
ﻣﻦ ﻛﺜﺮ ﺷﻮﻗﻲ ﺍﻟﻬﺎ ﻭﻟﻬﻔﺘﻲ ﻋﻠﻰ ﺑﻨﺘﻲ ﺍﻟﻲ ﺻﺎﺭ ﺍﺷﻬﺮ ﻣﺸﻔﺘﻬﺎ
ﻭﻟﻬﻔﺘﻲ ﻭﺷﻮﻗﻲ ﻟﺠﻨﺘﻲ ﻛﻞ ﻳﻮﻡ ﻳﺰﻳﺪ ﺍﺿﻌﺎﻑ ﻣﻀﺎﻋﻔﺔ
ﺍﻓﺘﻘﺪﻫﺎ ﺑﻜﻞ ﻟﺤﻈﻪ ﻣﺸﺘﺎﻕ ﻟﻀﺤﻜﺘﻬﺎ ﻟﺰﻋﻠﻬﺎ ﻟﻄﻮﻝ ﻟﺴﺎﻧﻬﺎ ﺭﻭﻣﺎﻧﺴﻴﺘﻬﺎ ﻋﻨﺎﺩﻫﺎ ﻛُﻞ ﺷﻲ
ﺑﺲ ﻛﺒﺮﻳﺎﺋﻲ ﻳﻤﻨﻌﻨﻲ
ﻣﺮﺍﺕ ﺍﻓﻜﺮ ﺑﻴﻬﺎ
ﺍﻛﻮﻝ ﻫﺴﻪ ﺍﻛﻴﺪ ﺧﺎﻳﻔﻪ ﻣﻨﻲ
ﺑﻌﺪ ﺍﻟﻲ ﺳﻤﻌﺘﻪ ﻋﻨﻲ
ﺍﺣﺴﻦ ﺷﻲ ﺧﻠﻴﻬﺎ ﺑﺮﺍﺣﺘﻬﺎ ﻭﻣﺎﺍﺿﻐﻂ ﻋﻠﻴﻬﺎ
ﺍﺭﻭﺡ ﻟﺴﻴﺎﺭﺗﻲ ﻭﺍﻋﻮﺩ ﺍﺩﺭﺍﺟﻲ ﻭﺍﺭﺟﻊ .
* ﺟﻨﻪ
ﮔﺎﻋﺪﻩ ﺑﻐﺮﻓﺔ ﺍﻣﻲ ﻭﻭﺭﺩﻩ ﺑﺤﻀﻨﻲ ﺍﺭﺿﻌﻬﺎ ﻭﺍﺑﺎﻭﻋﻠﻬﺎ
ﺭﻏﻢ ﻫﻲ ﺷﻜﺮﻩ ﻭﻋﻴﻮﻧﻬﺎ ﺧﻀﺮ ﺑﺲ ﺑﻴﻬﻪ ﻫﻮﺍﻱ ﻣﻦ ﻣﻼﻣﺢ ﺟﻬﺎﺩ ﻭﺩﻣﻪ ﻭﺣﺘﻰ ﻋﺼﺒﻴﺘﻪ ﻭﻣﺰﺍﺟﻴﺘﻪ
ﻣﺎﻋﺮﻑ ﻫﻲ ﻫﻴﺞ ﻟﻮ ﻣﻦ ﺷﻮﻗﻲ ﻟﺠﻬﺎﺩ ﻭﻟﻬﻔﺘﻲ ﺍﻟﻪ ﺍﺷﻮﻓﻬﺎ ﺗﺸﺒﻬﺎ ﻭﻣﺮﺍﺕ ﺍﺷﻤﻬﺎ ﺣﻴﻞ ﻭﺍﺣﺲ ﺭﻳﺤﺘﻪ ﺑﻴﻬﺎ
ﺍﺷﺘﻤﻬﺎ ﻭﺍﻛﻮﻝ ﺍﻟﻬﺎ ﺍﺧﺦ ﻳﺎﺭﻭﻳﺤﺔ ﺟﻬﺎﺩ .
ﻣﺮﺕ ﺍﻳﺎﻡ ﻋﻠﻴﻪ ﺻﻌﺒﻪ ﺣﻴﻴﻞ ﺍﺳﺮﺡ ﻭﺍﻓﻜﺮ ﺍﻛﻮﻝ ﺷﻮﻥ ﻃﺎﻭﻋﻪ ﮔﻠﺒﻪ ﻳﻘﺘﻞ ﺍﺛﻨﻴﻦ ﺑﺪﻡ ﺑﺎﺭﺩ ﺷﻲ ﻣﺎﻳﺴﺘﻮﻋﺒﻪ ﻋﻘﻠﻲ ﺍﺗﺬﻛﺮ ﻣﻦ ﺟﺎﻥ ﻳﻀﺮﺑﻨﻲ ﺍﻛﻮﻝ ﻟﻮ ﻣﺮﻩ ﻣﻦ ﺍﻟﻤﺮﺍﺕ ﻣﺨﻠﺺ ﻋﻠﻴﻪ ﺟﺎﻥ ﻫﺴﻪ ﺍﻧﻲ ﺟﻮﻩ ﺍﻟﺘﺮﺍﺏ ﻭﻣﺮﺍﺕ ﺍﺗﺬﻛﺮ ﺣﻨﻴﺘﻪ ﻭﺭﻭﻣﺎﻧﺴﻴﺘﻪ ﻣﺎﺍﺷﻮﻑ ﺑﻲ ﻗﺎﺗﻞ .
ﻓﺰﻳﺖ ﻣﻦ ﺻﻔﻨﺘﻲ ﻋﻠﻰ ﺻﻮﺕ ﺍﻣﻲ
- ﺟﻨﻪ ﻳﻤﻪ ﺑﻨﺘﺞ ﻧﺎﻣﺖ ﺑﺤﻀﻨﺞ ﻛﻮﻣﻲ ﺧﻠﻴﻬﺎ ﺑﻔﺮﺍﺷﻬﺎ ﻻﺗﺮﻭﺡ ﻧﻮﻣﺘﻬﺎﺍ ﻋﻠﻰ ﺭﺟﻠﺞ .
- ﺍﻱ ﻳﻤﻪ ﻭﻳﺎﺭﻳﺖ ﺗﺒﻘﻴﻦ ﻳﻤﻬﺎ ﺑﻴﻨﻤﺎ ﺍﺭﻭﺡ ﺍﻏﺴﻞ ﻣﻼﺑﺴﻨﻪ ﺧﺎﻑ ﻳﺠﻲ ﻳﻮﺳﻒ ﻳﺄﺫﻳﻬﺎ ﻃﻔﻞ ﻭﻣﺎﻳﻔﺘﻬﻢ .
- ﺭﻭﺣﻲ ﺍﻧﻲ ﻳﻤﻬﺎ .
ﻃﻠﻌﺖ ﻣﻦ ﺍﻟﻐﺮﻓﻪ ﻭﺭﺣﺖ ﻟﻠﺤﻤﺎﻡ ﺟﺎﻱ ﺍﺣﻀﺮ ﺍﻟﻐﺴﺎﻟﻪ
ﻃﺒﺖ ﻋﺬﺭﺍﺀ
- ﻫﺎ ﺟﻨﻪ ﺭﺍﺡ ﺗﻐﺴﻠﻴﻦ ﻣﻼﺑﺲ
- ﺍﻱ ﻟﻴﺶ
- ﻋﻮﺩ ﺭﺩﺕ ﺍﻧﻲ ﺍﻏﺴﻞ ﻗﺒﻠﺞ
- ﻏﺴﻠﻲ
- ﻻ ﻻ ﺧﻠﻲ ﻣﻦ ﺗﺨﻠﺼﻴﻦ
- ﺟﻴﺒﻴﻬﻢ ﺍﻧﻲ ﺍﻏﺴﻠﻬﻢ
- ﻻﻻ ﺧﺎﻑ ﺗﻜﻌﺪ ﺑﻨﺘﺞ ﻭﻣﺘﻠﺤﻜﻴﻦ .
- ﻛﻴﻔﺞ
- ﺍﻛﻮﻝ ﺟﻨﻪ ﻫﻢ ﺗﺘﺨﺎﺑﺮﻳﻦ ﺍﻧﺖ ﻭﺟﻬﺎﺩ
- ﻻ ﻫﻮ ﻛﺎﻃﻊ ﻣﻴﺨﺎﺑﺮ ﻭﻻﻳﺴﺄﻝ ﺷﺴﻮﻱ ﻣﺨﺎﺑﺮﺗﻪ
- ﺍﻱ ﻣﻴﺨﺎﻟﻒ ﺍﻧﺖ ﺑﺎﺩﺭﻱ ﻭﺧﺎﺑﺮﻱ ﺳﺎﻟﻲ ﻋﻨﻪ ﺗﺤﻤﺪﻳﻠﻪ ﺍﻟﺴﻼﻣﻪ ﻫﻢ ﺭﺟﻠﺞ ﻭﺍﺑﻮ ﺑﻨﺘﺞ ﻭﺍﻟﻲ ﻣﺮ ﺑﻲ ﻣﻮ ﺷﻮﻳﻪ
- ﻣﻦ ﺭﺧﺼﺘﺞ ﺍﺭﻭﺡ ﺍﻃﻞ ﻋﻠﻰ ﻭﺭﺩﻩ ﺧﺎﻑ ﻛﻌﺪﺕ .
ﻋﻔﺘﻬﺎ ﺑﺲ ﺍﺭﻳﺪﻫﺎ ﺗﻮﺧﺮ ﻣﻦ ﻳﻤﻲ ﺍﺫﺍ ﻫﻮ ﻣﺎﻳﺠﻲ ﻭﻻﻳﺴﺄﻝ ﻭﻻﻳﺨﺎﺑﺮ ﺷﺴﻮﻳﻠﻪ
ﻭﺍﻧﻲ ﻣﻦ ﻓﺘﺮﻩ ﻓﺘﺤﺖ ﺍﻟﺘﻠﻴﻔﻮﻥ ﻛﻠﺖ ﺑﻠﻜﻲ،ﻳﺤﻦ ﻭﻳﺴﺎﻝ ﻣﺎﻛﻮ ﻣﺎﺍﺟﺎﻧﻲ ﻭﻻﺍﺗﺼﺎﻝ ﻣﻨﻪ
ﻭﻛﻞ ﻣﺎﻳﺠﻲ ﻣﺤﻤﺪ ﻣﻦ ﺍﻟﺪﻭﺍﻡ ﻋﻠﻰ ﻟﺴﺎﻧﻲ ﻛﻠﻤﺎﺕ ﺷﻠﻮﻧﻪ ﺟﻬﺎﺩ ﺷﺨﺒﺎﺭﻩ ﻣﺎﺩﺍﻭﻡ ﺑﺲ ﺍﺗﺮﺩﺩ ﻭﺍﺣﺲ ﺣﺠﺮﻩ ﺑﺒﻠﻌﻮﻣﻲ ﻭﻣﺎﻳﻄﻠﻊ ﺍﻟﺤﺠﻲ .
* ﺟﻬﺎﺩ
ﻃﻠﻌﺖ ﻣﻦ ﺍﻟﺒﺼﺮﻩ ﻭﺭﺣﺖ ﻟﺒﻐﺪﺍﺩ
ﻭﺻﻠﺖ ﻟﻠﺒﻴﺖ ﺍﻟﻌﺼﺮ ﺩﺧﻠﺖ ﺷﻔﺖ ﺍﻣﻲ ﺳﻠﻤﺖ ﻋﻠﻴﻬﺎ ﻭﺑﺴﺖ ﺭﺍﺳﻬﺎ
ﻛﻠﻤﺎ ﺍﺟﻲ ﻣﻦ ﺍﻟﺒﺼﺮﻩ ﺗﺴﺄﻟﻨﻲ ﺳﺆﺍﻟﻬﺎ ﺍﻟﻤﻌﺘﺎﺩ
ﺍﻻﻡ .. ﻫﺎﺍ ﻳﻤﻪ ﺷﻮﻧﻬﻪ ﺟﻨﻪ ﺷﻮﻧﻬﻪ ﻭﺭﺩﻩ ﻣﺎﺭﺣﺖ ﺷﻔﺘﻬﻢ .
ﺟﻬﺎﺩ .. ﻳﻮﻭﻡ ﺍﻧﺖ ﻣﻮ ﺟﺎﻱ ﺗﺨﺎﺑﺮﻳﻬﺎ ﻭﺗﺸﻮﻓﻴﻬﻦ ﺻﻮﺕ ﻭﺻﻮﺭﻩ ﺑﻌﺪ ﻟﻴﺶ ﺳﺎﻟﻴﻨﻲ ﺍﻟﻲ ﺍﻧﺖ ﺗﺪﺭﻳﻦ ﺑﻴﻪ ﻣﺎﺍﺗﻮﺍﺻﻞ ﻭﻳﺎﻫﻢ .
ﺍﻻﻡ .. ﻭﺟﻢ ﺩﻭﺏ ﻳﺎﺍﺑﻨﻲ
ﺟﻬﺎﺩ .. ﻇﻠﺖ ﻳﻤﻬﺎ ﺷﻮﻛﺖ ﻣﺎﺗﺮﺟﻊ ﺧﻠﻲ ﺗﺮﺟﻊ .
ﺍﻻﻡ .. ﻏﻴﺮ ﺍﻧﺖ ﺗﺮﻭﺡ ﺗﺠﻴﺒﻬﺎ
ﺟﻬﺎﺩ ... ﻳﻤﻪ ﺍﺭﻭﺡ ﺍﺗﻮﺳﻞ ﺍﻧﻲ ﺍﻟﻠﻪ ﻳﺨﻠﻴﺞ ﻛﺘﻠﺞ ﺧﻠﻴﻬﺎ ﺍﻧﻲ ﺭﺍﻳﺢ ﺍﻧﺎﻡ ﻻﻥ ﺗﻌﺒﺎﻥ .
ﺍﻻﻡ .. ﻣﺎﺍﺧﻠﻴﻠﻚ ﺍﻛﻞ
ﺟﻬﺎﺩ .. ﺍﻧﺎﻡ ﻭﺍﻛﻌﺪ ﻭﺍﻛﻞ .
ﺍﻻﻡ ./ ﻉ ﺭﺍﺣﺘﻚ ﺍﺑﻮ ﻭﺭﺩﻩ
ﺟﻬﺎﺩ ..
ﺿﺠﺖ ﻣﻦ ﺣﺠﻲ ﺍﻣﻲ ﻣﺎﺍﺭﻳﺪ ﺍﺗﻮﺳﻞ ﺑﻴﻬﺎ ﻻﻥ ﺿﻮﺟﺘﻨﻲ ﻋﺎﻓﺘﻨﻲ ﺑﻀﺮﻑ ﺟﻨﺖ ﻣﺤﺘﺎﺟﻬﺎ ﺑﻲ ﻭﺟﺎﻧﺖ ﺣﻴﺎﺗﻲ ﺑﺨﻄﺮ ﻫﻲ ﻫﺮﺑﺖ ﻭﺗﺮﻛﺘﻨﻲ .
ﺩﺧﻠﺖ ﻟﻠﻐﺮﻓﻪ ﺍﺗﺤﺴﺮ ﺍﺑﺎﻭﻉ ﻻﺭﻛﺎﻥ ﺍﻟﻐﺮﻓﻪ ﺷﺼﺎﺭ ﻟﻮ ﻫﺴﻪ ﻫﻲ ﻫﻨﺎ ﻭﺑﻨﺘﻲ ﻭﻳﺎﻫﺎ ﺍﺳﻤﻊ ﻟﻌﺒﻬﺎ ﺿﺤﻜﻬﺎ ﺑﺠﻴﻬﺎ
ﺳﺒﺤﺖ ﻭﻧﻤﺖ
ﻛﻌﺪﺕ ﻣﻦ ﺍﻟﻨﻮﻡ ﺑﺎﻭﻋﺖ ﻟﻠﺴﺎﻋﻪ ﺑـ 9 ﺑﺎﻟﻠﻴﻞ
ﻏﺴﻠﺖ ﻭﺟﻬﻲ ﻭﻧﺰﻟﺖ .
ﺳﻤﻌﺖ ﺻﻮﺕ ﻫﻮﺳﺔ ﺟﻬﺎﻝ ﻭﺣﺠﻲ
ﺭﺣﺖ ﻟﻠﻤﻄﺒﺦ ﺷﺮﺑﺖ ﻣﺎﻱ
ﻭﻃﻠﻌﺖ
ﺗﻮﺟﻬﺖ ﻟﻼﺳﺘﻘﺒﺎﻝ ﺷﻔﺖ ﺍﺧﻮﺍﻧﻲ ﻛﻠﻬﻢ ﻭﺯﻭﺟﺎﺗﻬﻢ
ﺳﻠﻤﺖ ﻋﻠﻴﻬﻢ ﻭﻛﻌﺪﺕ
ﺍﺑﺎﻭﻉ ﻣﻜﺎﻥ ﺟﻨﻪ ﺧﺎﻟﻲ ﻛﻠﻠﺶ ﺃﻟﻤﻨﻲ ﺍﻻﺣﺴﺎﺱ ﺑﻌﺪﻡ ﻭﺟﻮﺩﻫﺎ .
ﺍﻣﺠﺪ .. ﺟﻬﺎﺩ ﺳﻤﻌﺖ ﺑﻌﻤﺘﻲ ﻛﻮﺍﻛﺐ
ﺟﻬﺎﺩ . .. ﻻ ﻣﺎﺳﻤﻌﺖ ﺷﺒﻴﻬﻪ ؟؟
ﺍﻣﺠﺪ .. ﻫﻬﻬﻪ ﺗﺒﻴﻊ ﻣﺨﻀﺮ
ﺟﻬﺎﺩ .. ﺻﺪﻙ ﻫﻬﻬﻪ ﻣﺎﺣﻤﺪﺕ ﺭﺑﻬﺎ ﻭﺷﻜﺮﺗﻪ ﻉ ﺍﻟﻨﻌﻤﻪ ﻫﻨﺎ ﻭﻭﺷﺖ ﺑﻴﻪ ﻭﻓﻀﻠﺖ ﺑﻴﺖ ﺍﺧﻮﻫﺎ ﺫﻭﻻﻙ ﻳﻤﻜﻦ ﺣﺘﻰ ﻟﮕﻤﻪ ﻣﻴﻄﻮﻫﺎ
ﻓﺆﺍﺩ .. ﻻ ﻭﻟﻚ ﻣﻮ ﻫﻨﺎﻙ ﻣﺎﻛﻮ ﺍﺣﺪ ﻳﻌﺮﻓﻮﻧﻪ ﻓﻤﺎ ﺗﻨﻘﻞ ﺍﺧﺒﺎﺭ ﻭﺗﺠﻴﺐ ﻭﺗﻮﺩﻱ ﺷﺴﻮﻱ ﻫﻢ ﻻﺯﻡ ﺗﻠﻬﻲ ﺭﻭﺣﻬﺎ ﺑﺸﻲ .
ﺟﻬﺎﺩ ... ﻫﻬﻬﻬﻬﻪ ﻭﺍﻧﺖ ﻣﻨﻮ ﻭﺻﻠﻚ ﺍﺧﺒﺎﺭﻫﻪ ﺍﻣﺠﺪ ؟؟
ﺍﻣﺠﺪ .. ﻣﺤﻤﺪ ﺍﺑﻦ ﻋﻤﻲ ﺭﺍﻳﺤﻠﻬﻢ ﻭﺷﺎﻳﻔﻬﺎ ﻛﺎﻳﻠﻠﻬﻪ ﺍﻣﺸﻲ ﻟﺒﻴﺘﻨﻪ ﻣﺎﻗﺎﺑﻠﻪ ﻛﺎﻳﻠﺘﻠﻪ ﺍﺧﺎﻑ ﻣﻦ ﺟﻬﺎﺩ ﻳﺮﻣﻴﻨﻲ ﻫﻬﻬﻪ
ﺟﻬﺎﺩ .. ﻭﺍﻟﻠﻪ ﻻﺍﺭﻣﻴﻬﻪ ﻭﻻ ﺷﻲ ﻛﺎﻓﻲ ﺍﻻﺛﻨﻴﻦ ﺍﻟﻲ ﺩﻣﻬﻢ ﺑﺮﮔﺒﺘﻲ ﻭﻛﻠﻪ ﻣﻜﺘﻮﺏ ﺍﻟﻲ ﺳﻮﺗﻪ ﻭﻓﻀﺤﺖ ﻛﻞ ﺷﻲ ﺻﺢ ﺧﺴﺮﺕ ﺟﻨﻪ ﺑﺲ ﻭﺍﻟﻠﻪ ﻫﻢ ﻭﺍﻧﺰﺍﺡ ﻣﻦ ﺍﻧﺘﻬﺖ ﺍﻟﺴﺎﻟﻔﻪ ﻻﻥ ﺟﻨﺖ ﺍﻓﻜﺮ ﺑﻌﻮﺍﻗﺐ ﻓﻌﻠﺘﻲ ﻭﺑﻌﺪ ﺑﻘﺖ ﻳﻢ ﺍﻟﻠﻪ ﺍﺫﺍ ﻳﺴﺎﻣﺤﻨﻲ ﺍﻭ ﻻ .
ﺍﻻﻡ .. ﺍﻟﻠﻪ ﻳﻐﻔﺮﻟﻚ ﻳﻴﻤﻪ .
ﻇﻠﻴﻨﻪ ﻧﻀﺤﻚ ﻭﻧﺤﺸﺶ ﻋﻠﻰ ﻋﻤﺘﻲ ﻛﻮﺍﻛﺐ ﺣﺘﻰ ﺍﻟﺠﻬﺎﻝ ﺧﺮﺑﻮﺍ ﺿﺤﻚ
ﺩﻗﺎﻳﻖ ﻭﺩﺧﻞ ﺍﺑﻮﻳﻪ ﻭﻭﻳﺎ ﺍﺧﻮ ﺍﻟﻲ ﻫﻮ ﻋﻤﻲ ﺍﺑﻮ ﻣﺤﻤﺪ
ﻭﻛﻌﺪ ﻳﻤﻨﻪ ﻭﻇﻞ ﻳﺴﻮﻟﻒ ﺑﺎﻭﻋﻠﻲ ﻭﺟﻬﻠﻲ ﺳﺆﺍﻝ ﻳﻤﺘﻪ ﺗﺮﺟﻊ ﻣﺮﺗﻚ ﻳﺎﺟﻬﺎﺩ
ﺟﻬﺎﺩ .. ﻭﺍﻟﻠﻪ ﻳﺎﻋﻤﻲ ﻫﺬﺍ ﺍﻟﺴﺆﺍﻝ ﻣﻠﻴﺖ ﻣﻨﻪ ﻛﺘﻠﻜﻢ ﻫﻲ ﺑﺮﺍﺣﺘﻬﺎ ﻳﻤﺘﻪ ﻣﺎﺗﺮﺟﻊ ﺧﺘﺮﺟﻊ ﺑﺮﺍﺣﺘﻬﺎ ﻣﺎﺍﺿﻐﻂ ﻋﻠﻴﻬﺎ .
ﺍﺑﻮ ﻣﺤﻤﺪ .. ﺍﻧﺖ ﺧﻮ ﻣﺎﻧﺎﻭﻱ ﺗﻄﻠﻜﻬﺎ ﻭﺗﺮﻭﺡ ﺗﺘﺰﻭﺝ ﻭﺑﻨﺘﻚ ﺗﺘﺮﺑﻰ ﻋﻨﺪ ﻏﺮﻳﺐ ؟ !!
ﺟﻬﺎﺩ .... ﻻ ﻋﻤﻲ ﻣﺎﻃﻠﻚ ﺍﺳﻤﻬﺎ ﺯﻭﺟﺘﻲ ﻭﻋﻠﻰ ﺫﻣﺘﻲ ﻣﻜﻔﻲ .
ﻓﺆﺍﺩ ... ﻭﻟﻚ ﻭﺍﻟﻠﻪ ﻋﻨﺪﻱ ﻓﻜﺮﻩ ﺟﻬﻨﻤﻴﻪ ﺗﺨﻠﻲ ﺟﻨﻪ ﺗﺮﺟﻊ ﺍﻟﻚ ﻭﻫﻲ ﺧﺎﺿﻌﻪ .
ﺟﻬﺎﺩ .. ﻧﻮﺭﻧﺎ ﻳﺎﺑﻮ ﺍﻻﻓﻜﺎﺭ .
ﻓﺆﺍﺩ .. ﺗﺬﻛﺮ ﺍﻟﺸﻴﺦ ﻣﺎﻝ ﺍﻫﻞ ﺭﺅﻯ ﻣﻦ ﮔﻠﻚ ﺍﺣﻨﻪ ﻧﻨﻄﻴﻚ ﻣﺮﻩ
ﺍﻣﺸﻴﻠﻪ ﺧﻠﻲ ﻧﺎﺧﺬ ﻣﻨﻬﻢ ﻣﺮﻩ ﺍﻟﻚ ﻣﻨﻬﻢ ﺷﻨﻮ ﻗﻠﺔ ﻧﺴﻮﺍﻥ ﻭﺧﻠﻲ ﺟﻨﻪ ﺧﺎﺗﻮﻥ ﺗﺸﺒﻊ ﻣﻦ ﺍﻫﻠﻬﺎ ﻫﺬﺍ ﺍﺫﺍ ﻣﺎﺍﺟﺘﻚ ﺗﺘﻮﺳﻞ .
ﺟﻬﺎﺩ .. ﺷﻨﻮ ﻗﺼﺪﻙ ﺍﺗﺰﻭﺝ ؟
......
ﺍﻟﺠﺰﺀ ﺍﻟﺜﺎﻧﻲ ﻣﻦ ﻧﻬﺎﻳﺔ ﺍﻟﺤﻜﺎﻳﻪ ...
ﺍﻣﺠﺪ ... ﺍﻱ ﺑﺸﺮﻓﻲ ﺧﻄﻪ ﺧﻨﻔﺸﺎﺭﻳﻪ ﻫﻮ ﺑﺲ ﺧﻞ ﻳﻮﺻﻞ ﺍﻟﺨﺒﺮ ﺍﻟﻬﺎ ﺗﺠﻴﻚ ﺭﻛﺾ
ﺟﻬﺎﺩ ... ﺍﺣﻢ ﻣﺎﻣﻴﺖ ﻋﻠﻴﻬﺎ ﺍﻧﻲ
ﻓﺆﺍﺩ ... ﻭﺑﻨﺘﻚ ؟؟
ﺍﻻﻡ ... ﻻ ﻳﻴﻤﻪ ﺷﺘﺤﺠﻮﻥ ﻫﻲ ﺗﺮﺟﻊ ﺑﺲ ﻣﺤﺘﺎﺟﻪ ﻭﻗﺖ
ﺍﻣﺠﺪ .. ﻳﻤﻪ ﺻﺎﺭﻟﻬﺎ ﺷﻬﺮﻳﻦ ﻭﻳﺎﺭﻳﺖ ﻃﻠﻌﺖ ﻣﻨﺎ ﺯﻋﻼﻧﻪ ﺍﺷﻮ ﻛﻠﺸﻲ ﻣﺎﺳﻮﺍﻟﻬﺎ ﻭﺭﺍﺣﺖ ﺍﻟﻴﻜﻠﻚ ﻗﺎﺗﻠﻬﺎ ﻣﻮ ﻗﺎﺗﻞ ﺫﻳﺞ .
ﻓﺆﺍﺩ .. ﻫﺎﺍ ﺟﻬﺎﺩ ﺷﮕﻠﺖ ﻭﺍﻟﻠﻪ ﺍﺗﺰﻭﺝ ﻻﻇﻞ ﻫﻴﺞ .
ﺟﻬﺎﺩ .. ﻇﻠﻮﺍ ﻳﻠﺤﻮﻥ ﻋﻠﻴﻪ ﻛﻠﻬﻢ ﻋﻤﻲ ﻭﺍﺑﻮﻱ ﺍﻟﻠﺘﺰﻣﻮﺍ ﺍﻟﺼﻤﺖ ﻭﺍﻧﻲ ﺍﻛﺮﻩ ﺍﻟﻤﻠﺤﻪ ﻭﻧﺴﻮﺍﻥ ﻛﺎﻋﺪﻩ ﻭﺍﻛﻴﺪ ﺭﺍﺡ ﻳﻮﺻﻞ ﺧﺒﺮ ﻟﺠﻨﻪ ﻛﺘﻠﻬﻢ ﺍﻱ ﺍﻓﻜﺮ ﻟﻴﺶ ﻻ ..
* ﻛﻮﺍﻛﺐ ..
ﻛﺎﻋﺪﻩ ﺑﺎﻟﻠﻴﻞ ﻭﺻﺎﻓﻨﻪ ﻭﺗﻔﻜﺮ ﺑﻔﻼﻥ ﻭﻋﻼﻥ ﺻﺎﺭﻟﻬﺎ ﻫﻮﺍﻱ ﻣﺎﺗﻌﺮﻑ ﺍﺧﺒﺎﺭ ﺣﺒﺎﻳﺒﻬﺎ ﺑﺒﻐﺪﺍﺩ
ﻭﺍﺟﺖ ﻋﻠﻰ ﺑﺎﻟﻬﺎ ﺟﻨﻪ
ﻛﻮﺍﻛﺐ .. ﺍﻳﻴﻴﻪ ﺍﺧﺮ ﻣﺮﻩ ﺳﻤﻌﺖ ﺟﻨﻪ ﺭﺍﻳﺤﻪ ﻻﻫﻠﻬﺎ ﻭﻣﺎﺭﺍﺟﻌﻪ ﻭﻫﺴﻪ ﺷﻮﻥ ﺍﻋﺮﻑ ﺭﺟﻌﺖ ﻟﻮ ﺑﻌﺪﻫﺎ
ﻭﻳﻦ ﺍﻟﺘﻠﻴﻔﻮﻥ ﺍﺧﺎﺑﺮ ﺭﻭﻧﻖ
ﻻ ﻻ ﻳﻮﻟﻮﻥ ﺷﻌﻠﻴﻪ ﺑﻴﻬﻢ ﻋﻠﻴﻤﻦ ﺍﺧﺴﺮ ﺭﺻﻴﺪ ﺍﻥ ﺭﺩﻭﺍ ﻭﺍﻥ ﻻ ﻧﺎﺭﻫﻢ ﺗﺎﻛﻞ ﺣﻄﺒﻬﻢ
ﺑﺲ ﺷﻮﻥ ﺭﺍﺡ ﺍﻋﺮﻑ ﺭﺟﻌﺖ ﻟﻮﻻ
ﻇﻠﺖ ﺗﺤﻮﺱ
ﻃﻠﻌﺖ ﻣﻦ ﺍﻟﻬﻮﻝ ﻣﻜﺎﻧﻬﺎ ﺍﻟﻲ ﺗﻨﺎﻡ ﺑﻲ
ﻭﻇﻠﺖ ﺗﺒﺎﻭﻉ ﻳﻤﻨﻪ ﻳﺴﺮﻩ ﺗﺪﻭﺭ ﺗﻠﻴﻔﻮﻥ
ﺳﻤﻌﺖ ﺻﻮﺕ
ﺍﺧﺬﺗﻬﺎ ﺧﻄﻮﺍﺗﻬﺎ ﻟﻠﺼﻮﺕ ﺍﻟﻄﺎﻟﻊ ﺍﻟﻈﺎﻫﺮ ﺍﻛﻮ ﺍﺣﺪ ﺑﺎﻟﻤﻄﺒﺦ
ﻃﺒﺖ ﺷﺎﻓﺖ ﻣﺮﺕ ﻋﻤﺎﺭ ﺑﺎﻟﻤﻄﺒﺦ ﻭﺗﺤﻮﺱ ﺑﺎﻟﻤﻮﺍﻋﻴﻦ ﻭﺗﺎﻛﻞ ﺍﻻﻛﻞ ﺍﻟﺰﺍﻳﺪ ﻣﻦ ﺍﻟﻌﺸﺎ .
ﻛﻮﺍﻛﺐ .. ﻭﻟﺞ ﺑﺴﺞ ﻛﺎﻓﻲ ﺷﻜﺪ ﺗﺎﻛﻠﻴﻦ ﺭﺍﺡ ﺗﻨﻔﺠﺮﻳﻦ ﻣﻦ ﻛﺪ ﺍﻟﺴﻤﻦ .. ﺗﻘﺮﺑﺖ ﻣﻨﻬﺎ ﻭﻫﻲ ﺑﺼﻒ ﺍﻟﻄﺒﺎﺥ ﻭﺧﺮﻱ ﺳﻮﻳﻠﻲ ﻣﻜﺎﻥ ﻳﻤﺞ ﺧﻞ ﺍﻛﻞ ﺟﻮﻋﺎﻧﻪ .
ﻣﺮﺕ ﻋﻤﺎﺭ .. ﺍﻛﻠﺞ ﻋﻤﻪ ﺍﻧﺖ ﻳﻤﺘﻪ ﺗﻮﺑﻴﻦ ﺗﺤﺸﺮﻳﻦ ﺭﻭﺣﺞ ﺑﻜﻞ ﺷﻲ ؟
ﻛﻮﺍﻛﺐ .. ﻋﻴﺐ ﺍﺳﺘﺤﻲ ﻃﻴﺢ ﺍﻟﻠﻪ ﺣﻈﺞ ﻣﺮﻩ ﺑﻜﺒﺮ ﺍﻣﺞ ﺍﺣﺘﺮﻣﻴﻨﻲ . ﺍﻱ ﺻﺪﻙ ﺯﻧﻮﺑﻪ ﺍﻛﻠﺞ ﺗﻠﻴﻔﻮﻧﺞ ﺑﻲ ﺭﺻﻴﺪ ﺍﺭﻳﺪ ﺍﺧﺎﺑﺮ ﺑﻲ
ﻣﺮﺕ ﻋﻤﺎﺭ .. ﻭﺍﻟﻠﻪ ﻳﺎﻋﻤﻪ ﻣﺎﻋﻨﺪﻱ .
ﻛﻮﺍﻛﺐ .. ﻭﻟﻲ ﻭﺷﻤﺮﺕ ﺍﻟﺨﺎﺷﻮﻛﻪ ﻋﻠﻴﻬﺎ ﺷﻜﺪ ﺑﺨﻴﻠﻪ .
ﻭﻃﻠﻌﺖ ﺗﺪﺭﺩﻡ ﻣﻦ ﺍﻟﻤﻄﺒﺦ
ﺧﺬﻭﺍ ﻓﻠﻮﺱ ﺍﻟﻔﺼﻞ ﻭﻣﺎﻧﻄﻮﻧﻲ ﻣﻨﻪ ﺭﺑﻊ
ﺣﺘﻰ ﻏﺮﻓﻪ ﻣﺎﺑﻨﻮﻟﻲ ﻣﻨﻪ ﺷﻮﻥ ﻧﺎﺱ ﺟﺤﻮﻓﻪ
ﺍﻧﻲ ﺑﺎﺟﺮ ﺍﻛﻮﻝ ﻻﺧﻮﻱ ﺍﺑﻮ ﻋﻤﺎﺭ ﻋﻠﻰ ﻫﺎﻟﻤﻮﺿﻮﻉ ﺧﻠﻲ ﻳﺒﻨﻴﻠﻲ ﻏﺮﻓﻪ .
ﺍﻇﻄﺮﺕ ﺗﺘﺼﻞ ﻣﻦ ﺗﻠﻴﻔﻮﻧﻬﺎ ﺩﻭﺭﺗﻪ ﻭﻟﻜﺘﻪ ﺗﻠﻴﻔﻮﻧﻬﺎ ﺍﻟﺼﺮﺻﻮﺭ ﺩﻭﺭﺕ ﺑﺎﻻﺳﻤﺎﺀ ﻣﺘﻌﺮﻑ ﺗﻘﺮﻩ ﺗﺮﻳﺪ ﺗﺨﺎﺑﺮ ﻭﺗﻌﺮﻑ ﺍﺧﺒﺎﺭ ﺟﻨﻪ ﻻﻥ ﻣﺎﺗﻜﺪﺭ ﻣﺎﺗﻌﺮﻑ ﺍﻛﻮ ﺷﻲ ﺑﺪﺍﺧﻠﻬﻪ ﻣﺎﻳﺨﻠﻴﻬﻪ 🐛
ﺻﺎﺣﺖ ﻋﻠﺊ ﺍﺑﻦ ﻋﻤﺎﺭ
ﻛﻮﺍﻛﺐ .. ﻭﻟﻚ ﻣﺪﺭﻱ ﺷﺴﻤﻚ ﺍﻧﺖ
ﺍﺑﻦ ﻋﻤﺎﺭ .. ﺑﻴﺒﻲ ﺷﺒﻴﺞ ﻣﺎﺗﺤﻔﻈﻴﻦ ﺍﺳﻤﻲ ﺍﻧﻲ ﺭﺿﺎ
ﻛﻮﺍﻛﺐ ... ﺍﻱ ﺍﻧﺖ ﺗﻌﺎﻝ ﺗﻌﺎﻝ ﺩﻭﺭﻟﻲ ﺭﻗﻢ ﺑﻴﺖ ﺍﺧﻮﻱ ﺍﺑﻮ ﻣﺤﻤﺪ ﺍﺭﻳﺪ ﺍﺧﺎﺑﺮ
ﺍﻟﻄﻔﻞ ../ ﺍﻱ ﺑﻴﺒﻲ .. ﺩﻭﺭ ﺍﻟﺮﻗﻢ ﻭﺍﺗﺼﻞ
ﺍﺑﻦ ﻋﻤﺎﺭ .../ ﺑﻴﺒﻲ ﻣﺎﻛﻮﻭ ﺭﺻﻴﺪ
ﻛﻮﺍﻛﺐ .../ ﻳﺎﺍﺍ ﻛﻠﻬﻢ ﻳﻄﻮﻧﻪ ﻋﻄﻮﻩ ﺑﺲ ﺍﻟﻴﻮﻡ ﻳﺎﻟﻠﻪ ﺧﺎﺑﺮ ﻣﺮﺓ ﺛﺎﻧﻴﻪ .
ﺍﺑﻦ ﻋﻤﺎﺭ ..// ﺑﻴﺒﻲ ﺷﻨﻮﻭ ﻳﻨﻄﻮﺝ ﻋﻄﻮﻩ ﺍﻫﻞ ﺍﻟﺸﺒﻜﻪ ﻣﺎﻳﻄﻮﻥ ﻋﻄﻮﻩ
ﻛﻮﺍﻛﺐ ../ ﺟﺎﺍﺍ ﺷﻠﻮﻥ ﻣﺎﺍﺧﺎﺑﺮ ﺑﻴﺖ ﺍﺧﻮﻱ ... ﺍﺩﺍﻳﻦ ﻣﻨﻬﻢ
ﺍﺑﻦ ﻋﻤﺎﺭ / ﻋﺒﻲ ﺭﺻﻴﺪ ﺑﺤﺒﺤﻴﻬﻦ ﺷﻮﻳﻪ ﺍﻟﻤﻦ ﺗﺠﻤﻌﻴﻦ ﺑﻴﻬﻦ .
ﻛﻮﺍﻛﺐّ/ّ.ﺧﺎﺏ ﺍﻧﺠﺐ ﻣﺎﻋﻨﺪﻱ ﺧﺮﺩﻩ
ﺍﺑﻦ ﻋﻤﺎﺭ / ﺑﻴﺒﻲ ﺍﺧﺎﺑﺮ ﺍﻟﺞ ﻋﻠﺊ ﺧﺪﻣﻪ ﻛﻮﻟﻜﺖ؟؟
ﻛﻮﺍﻛﺐ ../ ﺩﺧﺎﺑﺮ ﺑﺲ ﺍﻟﻤﻬﻢ ﻧﻠﻢ ﺍﺧﺒﺎﺭﻫﻢ
ﺍﺗﺼﻞ ﻭﻃﻠﻌﺘﻠﻪ ﺍﻡ ﻣﺤﻤﺪ
ﻛﻮﺍﻛﺐ ... ﻫﺎﺍﺍﺍ ﺍﻟﻮﻭﻭﻭﻭ ﺍﻟﻮﻭﻭﻭﻭﻭ ﺻﻮﺗﻬﺎ ﻳﺠﻴﺐ ﺍﻟﺘﺎﻳﻬﻪ
ﺍﻡ ﻣﺤﻤﺪ .../ ﻫﺎﺍﺍ ﺧﻴﻪ ﻛﻮﺍﻛﺐ ﺷﻠﻮﻧﺞ
ﻛﻮﺍﻛﺐ ../ ﻫﻠﻪ ﻫﻠﻪ ﺑﻴﺖ ﺍﺧﻮﻱ ﺷﻠﻮﻧﻜﻢ ﺷﻠﻮﻥ ﺍﻟﺼﺤﻪ ﻛﻠﺒﻲ ﻃﺎﻙ ﻋﻠﻴﻜﻢ ﻛﻠﻪ ﻣﻦ ﻭﺭﻩ ﺻﺨﻴﻢ ﺟﻬﻴﺪ ﺣﺮﻣﻨﻲ ﻣﻨﻜﻢ
ﺍﻡ ﻣﺤﻤﺪ ../ ﻫﻠﻪ ﺑﻴﺞ ﺟﻬﺎﺩ ﻏﻴﺮ ﺍﻧﺘﻲ ﺭﻓﺴﺘﻲ ﻧﻌﻤﺘﺞ ﺑﺮﺟﻠﺞ ﻭﺗﺤﺠﻴﻦ ﻋﻠﺊ ﺟﻬﺎﺩ ﻫﺴﻪ ﻋﻮﻓﻴﻨﻪ ﻣﻨﻬﻢ ﺷﻠﻮﻧﺞ ﻳﻜﻮﻟﻮﻥ ﺗﺒﻴﻌﻴﻦ ﻣﺨﻀﺮ ﺻﺪﻭﻭﻙ ﻫﺎﻟﺤﺠﻲ ؟ !!
ﻛﻮﺍﻛﺐ ﺑﻌﺼﺒﻴﻪ .../ ﻳﺎ ﻓﺘﺎﻥ ﻛﻠﻜﻢ ﺷﻠﻮﻥ ﻧﺎﺱ ﺑﺲ ﻣﺎﻝ ﻗﺎﻝ ﻭﻗﻴﻞ ﻛﻮﺍﻛﺐ ﻟﻮ ﺗﺮﻭﺡ ﻟﻠﻤﺮﻳﺦ ﻫﻢ ﻻﺯﻡ ﻳﺪﻭﺭﻭﻥ ﻭﺭﺍﻫﺎ ﻭﻳﻌﺮﻓﻮﻥ ﺍﺧﺒﺎﺭﻫﺎ
ﺍﻡ ﻣﺤﻤﺪ .../ ﺍﻡ ﻋﻤﺎﺭ ﻛﺎﻟﺖ
ﻛﻮﺍﻛﺐ ../ ﺍﻥ ﺷﺎﺀ ﺍﻟﻠﻪ ﻣﻮﺕ ﺍﻟﻴﻜﺮﻓﻬﺎ ﺷﻠﻮﻥ ﻣﺮﺓ ﻓﺘﺎﻧﻪ ﻫﺴﻪ ﻋﻮﻓﻴﻨﻪ ﻣﻨﻬﻢ ﺍﺧﺒﺎﺭ ﺟﻬﻴﺪ ﺷﻨﻮ؟؟
ﺍﻡ ﻣﺤﻤﺪ ../ ﻋﻠﺊ ﺣﻄﺖ ﺍﻳﺪﺝ ﻣﺮﺗﻪ ﺯﻋﻼﻧﻪ ﻭﻣﺸﺎﻳﻒ ﺑﻨﺘﻪ
ﻛﻮﺍﻛﺐ .../ ﻳﻄﺒﻪ ﺣﺮﻳﺸﻲ ﻳﺴﺘﺎﻫﻞ ﻭﻫﺴﻪ ﺷﻨﻮ ﻳﺮﺟﻌﻬﺎ ﻻ ؟؟
ﺍﻡ ﻣﺤﻤﺪ .../ ﻻ ﻳﻜﻮﻟﻮﻥ ﻳﺮﻳﺪ ﻳﺰﻭﺝ
ﻛﻮﺍﻛﺐ ﺑﺼﺪﻣﻪ .../ ﻳﺎﺍﺍﺍ ﻋﺰﺍﺍ ﺑﻌﻴﻨﻪ ﺭﺍﺡ ﻳﻄﻚ ﺍﻟﺜﺎﻟﺜﻪ ﻭﺍﻧﻲ ﻛﻠﺸﻲ ﻣﺎﻛﻮﻭ ﺣﻈﻮﻅ ... ﺑﺲ ﻭﺍﻟﻠﻪ ﺧﻮﺵ ﺧﺒﺮ ﺗﺎﺯﻩ
ﺍﻡ ﻣﺤﻤﺪ ../ ﻫﻬﻬﻬﻪ ﺧﺎﻳﺒﻪ ﻳﻜﻮﻝ ﻫﻲ ﺗﺎﻟﻴﻬﺎ ﻛﻮﺍﻛﺐ ﺗﺒﻴﻊ ﻃﻤﺎﻃﻪ ﻭﺟﺎﻧﺖ ﺗﺘﻌﻴﻘﻞ ﻋﻠﻴﻨﻪ
ﻛﻮﺍﻛﺐ .../ ﺧﺎﻳﺒﻪ ﺳﻢ ﺑﻜﻠﺒﻪ ﺍﻥ ﺷﺎﺀ ﺍﻟﻠﻪ
ﻗﻔﻠﺖ ﺍﻟﺨﻂ .. ﻭﻛﺎﻟﺖ ... ﺷﻤﺎﺗﻲ ﻣﻮ ﺷﻤﺎﺕ ﺷﻤﺎﺗﻲ ﻛﻮﻭﻩ ﺑﺎﻟﻜﺒﺮ ﻭﻳﻜﻮﻟﻮﻥ ﺳﺒﺖ ﺍﻟﺤﻜﻮﻣﻪ ... ﺍﻧﻪ ﺍﻟﻚ ﺟﻬﻴﺪ ﺗﺘﺸﻤﺖ ﺑﻴﻪ ... ﺧﻄﻴﻪ ﺍﺭﻭﺡ ﺍﺧﺎﺑﺮ ﺟﻨﻪ ﻭﻛﻠﻠﻬﺎ ﺷﻴﺮﻳﺪ ﻳﺴﻮﻱ ﺟﻬﻴﺪ ﺍﻟﻨﺬﻝ ﺧﺎﻑ ﻣﺎﺗﺪﺭﻱ
ﺭﺿﻴﻮ ﺭﺿﻴﻮ
ﺭﺿﺎ .. ﻫﺎﺍ ﺑﻴﺒﻲ ﺷﻨﻮ ﺍﻟﻴﻮﻡ ﻣﺎﺍﻟﻌﺐ ﺑﻠﻲ
ﻛﻮﺍﻛﺐ .. ﺗﻌﺎﺍﺍﻝ ﺷﻮﻳﻪ ﺣﺘﻰ ﺍﻃﻴﻚ ﺍﻟﻒ
ﺭﺿﺎ / ﺍﻭﻝ ﻣﺎﺍﻧﺖ ﺗﻨﻄﻴﻨﻲ ﺍﻟﻒ ﻛﻮﻟﻲ ﺷﻨﻮ ﺗﺮﺩﻳﻦ ﺧﻠﺼﻴﻨﻲ ؟؟
ﻛﻮﺍﻛﺐ / ﻃﻠﻊ ﺭﻗﻢ ﺟﻨﻪ ﻭﺧﺎﺑﺮ ﻋﻠﻴﻬﺎ
ﺭﺿﺎ / ﻫﺎﺍﺝ ﺟﺎﻱ ﻳﺪﻙ
ﺟﻨﻪ .. ﺟﻨﺖ ﻛﺎﻋﺪﻩ ﻳﻢ ﺍﻫﻠﻲ ﻭﺑﻨﺘﻲ ﺑﺤﻈﻦ ﺍﺣﻤﺪ ﺍﺧﻮﻱ ﺗﻮﻫﺎ ﻣﺘﻌﻠﻤﻪ ﺗﻨﺎﻏﻲ ﻭﺗﻠﻌﺐ ﻻﺯﻣﻬﺎ ﻭﻳﻀﺤﻜﻬﺎ ﻭﻳﻼﻋﺒﻬﺎ
ﺍﺳﻤﻊ ﺗﻠﺒﻔﻮﻧﻲ ﻣﻦ ﺍﻟﻐﺮﻓﻪ ﻳﺮﻥ ﻗﺒﻞ ﺷﻮﻳﻪ ﺟﺎﻧﻦ ﺧﻮﺍﺗﻲ ﻋﺪﻧﺎ ﺍﻛﻴﺪ ﻣﻮ ﻫﻨﻪ ﻳﺘﺼﻠﻦ ﻣﻌﻘﻮﻟﻪ ﻫﺬﺍ ﺟﻬﺎﺩ ﻳﺨﺎﺑﺮ
ﺍﻣﺸﻲ ﻭﺍﺗﺎﻣﻞ ﻛﻮﻥ ﻳﻄﻠﻊ ﻫﻮ ﻭﺍﺳﻤﻊ ﺻﻮﺗﻪ ﺑﻠﻜﻲ ﻛﺴﺮ ﻏﺮﻭﺭﻩ ﻭﻛﺒﺮﻳﺎﺋﻪ ﻭﺗﻨﺎﺯﻝ ﺷﻮﻳﻪ ﻭﺧﺎﺑﺮﻧﻲ ﻭﺻﻠﺖ ﻟﻠﻤﻴﺰ ﺑﺎﻟﻐﺮﻓﻪ ﺍﻟﻲ ﻋﻠﻲ ﺍﻟﺘﻠﻴﻔﻮﻥ ﺷﻔﺖ ﻛﻮﺍﻛﺐ ﻳﺘﺼﻞ
ﺍﻭﻭﻭ ﻫﻲ ﺷﺘﺮﻳﺪ ﺷﻮﺭﺍﻫﺎ ﻣﺎﻛﺎﻓﻲ ﻫﻲ ﺍﻟﺴﺒﺐ ﺍﻟﻲ ﺧﻼﻧﻲ ﺍﺑﺘﻌﺪ ﻋﻦ ﺟﻬﺎﺩ ﻟﻮ ﺑﺎﻗﻲ ﻛﻠﺸﻲ ﻣﻀﻤﻮﻡ ﺍﺣﺴﻦ
ﺭﻓﻌﺘﻪ ﻭﺟﺎﻭﺑﺖ ...
... ﺍﻟﻮﻭ
... ﻫﺎﺍ ﺟﻨﻴﻨﻪ ﺷﻠﻮﻧﺞ
... ﻫﻼ ﻋﻤﻪ ﺧﻴﺮ
.. ﺧﺎﻳﺒﻪ ﺷﺒﻴﺞ ﺟﺎﻳﻪ ﺍﺑﺸﺮﺝ ﺍﻓﺮﺣﺞ ﺑﺨﺒﺮ ﻳﻔﺮﺣﺞ
.. ﺍﻧﺖ ﻳﺠﻲ ﻣﻦ ﻭﺭﺍﺝ ﺧﻴﺮ ﺍﺣﺠﻲ ﺩﺍﺳﻤﻌﺞ ؟؟
.. ﺍﻱ ﺟﺎﻳﻪ ﺍﻛﻠﺞ ﺟﻬﻮﺩﻱ ﺧﻄﺒﻮﻟﻪ ﻣﺮﻩ ﻳﻼ ﺣﻴﻮ ﺣﻴﻮ ﻣﻦ ﻏﻴﺮ ﺣﻤﺮﻩ ﻣﺤﻤﺮﻩ ﻳﻼ ﺣﻴﻮ ﺣﻴﻮ
.. ﺷﺒﻴﺞ ﻛﻮﺍﻛﺐ ﺗﺨﺒﻠﺘﻲ ﺟﺎﻱ ﺗﻐﻨﻴﻦ ﺑﺎﻟﺘﻠﻴﻔﻮﻥ ؟؟
.. ﻭﻟﺞ ﺟﻬﻴﺪ ﺧﻄﺐ ﻭﺭﺍﺡ ﻳﺘﺰﻭﺝ ﻳﮕﻮﻟﻮﻥ ﻣﺮﺗﻪ ﺣﻠﻮﻩ ﺗﺨﺒﺒﺒﻞ ﻋﻴﻮﻧﻬﺎ ﺳﺎﺍﻋﻪ ﻛﺒﺎﺍﺭ ﻭﻃﻮﻳﻠﻪ ﻭﺑﻴﻀﻪ
.. ﺧﺎﺏ ﺷﻨﻮ ﻫﻲ ﺛﻼﺟﻪ ﺑﻴﻀﻪ ﻭﻃﻮﻳﻠﻪ ..
ﻟﺤﻈﻪ ﻭﻓﺰﻳﻴﺖ ﺷﻨﻮﻭﻭ ﻭﻭﻭﻭﻭ
... ﻭﻟﺞ ﺛﻼﺟﻪ ﻧﺘﻠﺘﺞ ﺍﻥ ﺷﺎﺀﺍﻟﻠﻪ ﺟﺎﻱ ﺍﻛﻠﺞ ﺟﻬﺎﺩ ﺧﻄﺐ ﻭﺭﺍﺡ ﻳﺰﻭﺝ ﺩﺯﻭﻟﻲ ﺻﻮﺭﺓ ﻣﺮﺗﻪ ﺑﺲ ﺷﻌﺮﻫﺎ ﺑﻄﻮﻟﺞ .
.. ﻣﻨﻴﻦ ﻳﺪﺯﻭﻟﺞ ﺻﻮﺭﺗﻬﺎ ﻫﻮ ﺍﻧﺖ ﻋﻨﺪﺝ ﺻﺮﺻﻮﺭ ﺍﻟﻠﻪ ﻻﻭﻓﻘﺞ ﺍﻥ ﺷﺎﺀﺍﻟﻠﻪ ﻣﺨﺎﺑﺮﺗﻨﻲ ﺣﺘﻰ ﺗﻐﺜﻴﻨﻲ ﺭﻭﺣﻲ ﺍﻟﻠﻪ ﻻﻳﺴﺎﻣﺤﺞ ﻋﻠﻰ ﻋﻤﻠﺘﺞ ﺍﻟﺴﻮﺩﻩ .
ﺳﺪﻳﺘﻪ ﺑﻮﺟﻬﺎ ... ﻛﻌﺪﺕ ﻉ ﺍﻟﺠﺮﺑﺎﻳﻪ ﻓﺎﻳﺮﻩ ﻭﺍﺗﺤﻠﻄﻢ ﻣﻌﻘﻮﻟﻪ ﻳﺘﺰﻭﺝ ﻛﻮﺍﻛﺐ ﻣﻨﻴﻦ ﺗﺪﺭﻱ ﺍﻱ ﺍﻱ ﻳﺴﻮﻳﻬﻪ ﺍﻟﺸﺎﻳﺐ ﺍﺑﻮ ﺍﻟﻨﺴﻮﺍﻥ ...
ﺳﻤﻌﺖ ﺻﻮﺕ ﺍﻣﻲ ﺗﺼﻴﺤﻠﻲ ﺗﻌﺎﻟﻲ ﻟﺒﻨﺘﺞ ﺗﺒﺠﻲ
ﺭﺣﺖ ﺍﺧﺬﺗﻬﺎ ﻣﻦ ﺍﺣﻤﺪ ﺧﻤﻄﺘﻬﺎ ﺧﻤﻂ
ﺍﺣﻤﺪ .. ﻋﻠﻰ ﻛﻴﻔﺞ ﺷﺒﻴﺞ ﺟﻨﺞ ﻣﺨﺒﻠﻪ
ﺟﻨﻪ .. ﻣﺎﻛﻮ ﺷﻲ ..
ﻃﺒﻴﺖ ﻟﻠﻐﺮﻓﻪ ﻭﻃﺒﮕﺖ ﺍﻟﺒﺎﺏ ﺣﻴﻴﻞ . . ﺧﻠﻴﺖ ﻭﺭﺩﻩ ﺑﺤﻀﻨﻲ ﻭﺍﺑﺎﻭﻋﻠﻬﺎ ﻭﺍﺣﺠﻲ
ﺷﻔﺘﻲ ﺍﺑﻮﺝ ﺷﺴﻮﻩ ﺷﻔﺘﻲ ﺍﻟﺸﺎﻳﺐ ﺍﺑﻮ ﺍﻟﻨﺴﻮﺍﻥ ﻣﺎﻳﺸﺒﻊ ﻧﺴﻮﺍﻥ ﺍﺩﺭﻱ ﺑﻲ ﻣﺎﻳﺸﺒﻊ ﻭﻳﻦ ﻳﺼﺒﺮ ﺭﻭﺣﻪ ﺑﺪﻭﻥ ﻣﺮﻩ ﺍﻟﻪ ﻳﺘﺰﻭﺝ ﻭﻳﻤﻠﻲ ﻓﺮﺍﺷﻪ ﺑﻮﺣﺪﻩ ﻏﻴﺮﻱ .
ﻭﺭﺩﻩ ﺗﺒﺠﻲ ﻭﺗﻤﺪ ﻟﺴﺎﻧﻬﻪ ﻭﺗﺪﻭﺭ ﺟﻮﻋﺎﻧﻪ
ﺭﺿﻌﺘﻬﺎ ﻭﺍﻧﻲ ﻓﺎﻳﺮﻩ
ﺑﻌﺪ ﻣﺎﺧﻠﺼﺖ ﺫﺑﺖ ﺍﻟﺤﻠﻴﺐ ﺍﻟﺸﺮﺑﺘﻪ ﻻﻥ ﻛﻠﺶ ﻋﺼﺒﺖ ﺧﻄﻴﻪ ﺍﺫﺍﻫﺎ
ﺍﻧﻘﻬﺮﺕ ﻋﻠﻴﻬﺎ ﺳﻮﻳﺘﻠﻬﻪ ﻣﻤﻪ ﺍﻧﻄﻴﺘﻬﺎ ﺍﻟﻬﺎ ﺷﺮﺑﺘﻬﺎ ﻭﻧﺎﻣﺖ ﻇﻠﻴﺖ ﺭﺍﻳﺤﻪ ﺭﺍﺩﻩ ﺑﺎﻟﻐﺮﻓﻪ
ﺍﻫﻠﻲ ﻛﺎﻋﺪﻳﻦ ﺑﺎﻟﻬﻮﻝ ﻳﺘﻔﺮﺟﻮﻥ ﻓﻠﻢ ﻟﻴﻠﻰ ﻭﺍﻟﺬﺋﺐ ..
ﺍﺻﻼ ﻛﻠﻤﻦ ﻻﺯﻡ ﻣﻮﺑﺎﻳﻠﻪ ﻭﻋﺎﻳﻔﻴﻦ ﺍﻟﻔﻠﻢ ﻳﺸﺘﻐﻞ ﻭﺣﺪﻩ ﻣﺎﺍﺩﺭﻱ ﻳﻤﻜﻦ ﻳﺘﻔﺮﺝ ﻋﻠﻰ ﺭﻭﺣﻪ ﺣﺘﻰ ﺍﻣﻲ ﺟﺎﻱ ﺗﺤﺎﺟﻲ ﺧﻮﺍﺗﻲ ﺑﺲ ﺍﺳﻤﻬﺎ ﻛﻌﺪﻩ ﻋﺎﺋﻠﻴﻪ ..
ﺑﻘﻴﺖ ﻓﻜﺮﻩ ﺗﺠﻴﺒﻨﻲ ﻭﻓﻜﺮﻩ ﺗﻮﺩﻳﻨﻲ ﺷﮕﻮﻝ ﻋﻠﻴﺞ ﻛﻮﺍﻛﺐ ﺷﺴﻮﻳﺘﻲ ﺑﻴﻪ ﺑﻬﺎﻟﻠﻴﻞ ﺣﻄﻤﺘﻴﻨﻲ ﻭﺍﻟﻠﻪ
ﺧﺎﻑ ﻛﻮﺍﻛﺐ ﺟﺬﺍﺑﻪ ﺗﺮﻳﺪ ﺗﻐﺜﻨﻲ
ﻫﻲ ﻣﺎﻝ ﺟﺬﺍﺑﻪ ﺟﺬﺍﺑﻪ ﺑﺲ ﺍﻛﻴﺪ ﺷﺎﻣﻪ ﺧﺒﺮ ﻣﺎﺗﻌﺮﻑ ﻣﺎﺗﺸﻤﺸﻢ ﺍﺧﺒﺎﺭ ..
ﻟﺰﻣﺖ ﺍﻟﺘﻠﻴﻔﻮﻥ ﻭﻇﻠﻴﺖ ﺍﺩﻭﺭ ﺑﺎﻻﺭﻗﺎﻡ
ﻓﻜﺮﺕ ﺍﺧﺎﺑﺮ ﺟﻬﺎﺩ
ﻻ ﻋﻠﻰ ﺷﻨﻮ ﺍﺧﺎﺑﺮ ﻫﺎﻟﺸﺎﻳﺐ ﻳﻮﻟﻲ
ﻻﻻﻻ ﺍﺧﺎﺑﺮﻩ ﻭﺍﻛﻮﻟﻪ ﻃﻠﮕﻨﻲ ﮔﺒﻞ ﻻﺗﺰﻭﺝ ..
ﺩﮔﻴﺖ ﺍﻟﺮﻗﻢ ﻭﺍﺗﺼﻠﺖ ﺑﻲ ..
* ﺟﻬﺎﺩ ...
ﺟﻨﺖ ﺟﺎﻱ ﻣﻦ ﺍﻟﺪﻭﺍﻡ ﻭﺻﻠﺖ ﺍﻟﺒﻐﺪﺍﺩ ﺍﻟﻈﻬﺮ ..
ﺩﺧﻠﺖ ﻟﻠﺒﻴﺖ ﻣﺎﻛﻮ ﻛﻬﺮﺑﺎﺀ
ﺍﻻﻡ .. ﻫﺎﺍ ﺍﺑﻮ ﻭﺭﺩﻩ ﺍﻟﻠﻪ ﻳﺴﺎﻋﺪﻙ
ﺟﻬﺎﺩ .. ﺷﻜﺪ ﺣﻠﻮﻩ ﺑﺤﻠﮕﺞ ﺍﺑﻮ ﻭﺭﺩﻩ
ﺍﻧﺤﻨﻴﺖ ﺑﻮﺳﺖ ﺭﺍﺳﻬﺎ ﻭﻳﺴﺎﻋﺪﺝ ﻳﻤﻪ .. ﺷﻨﻮ ﺷﻮ ﺣﺮ ﻣﺎﻛﻮ ﻛﻬﺮﺑﺎﺀ؟ ؟
ﺍﻻﻡ .. ﺍﻱ ﻭﺍﻟﻠﻪ ﺍﻟﻮﻃﻨﻲ ﻃﺎﻓﻴﻪ ﻭﺍﻟﺴﺤﺐ ﻫﺴﺘﻮﻩ ﻃﻔﺎﻫﻪ ﻳﺮﻳﺤﻬﺎ ﻳﻤﻜﻦ ﻓﺪ ﺷﻮﻳﻪ ﻭﻳﺮﺟﻊ ﻳﺸﻐﻞ ..
ﺟﻬﺎﺩ .. ﺷﻮﻥ ﺣﻆ ﻭﻛﺖ ﺟﻴﺘﻲ .. ﺍﻧﻲ ﺍﺻﻌﺪ ﺍﺳﺒﺢ ﻭﺍﻧﺎﻡ ﺍﻟﺠﻬﺎﻝ ﻻﻳﺼﻴﺤﻮﻥ ﺗﺮﻩ ﺭﻭﺣﻲ ﻃﺎﻟﻌﻪ ﻣﻦ ﺍﻟﺤﺮ ﻭﺍﻟﻄﺮﻳﻖ ﻭﺍﻟﺒﺼﺮﻩ ﻏﺎﺩﻳﻪ ﻧﺎﺭ ..
ﺍﻻﻡ .. ﺟﻬﺎﺩ ﻳﻤﻪ ..
ﺟﻬﺎﺩ ... ﺑﺎﻭﻋﺘﻠﻬﺎ ﻋﺮﻓﺘﻬﺎ ﻣﻦ ﻣﻼﻣﺤﻬﺎ ﺷﻨﻮ ﺗﺮﻳﺪ ﺗﺴﺄﻝ
ﻛﺘﻠﻬﺎ ﻻﻳﻤﻪ ﻻ ﺭﺣﺖ ﻭﻻﺷﻔﺖ ﺟﻨﻪ ﻭﻻﻭﺭﺩﻩ ﻣﻦ ﺭﺧﺼﺘﺞ
ﺻﻌﺪﺕ ﻓﻮﻙ .. ﺳﺒﺤﺖ ﺑﺪﻟﺖ ﻣﻼﺑﺴﻲ ﻭﻧﺰﻟﺖ ﺟﻮﻩ ﺑﺎﻻﺳﺘﻘﺒﺎﻝ .. ﺷﻔﺖ ﺍﺑﻮﻱ ﻧﺎﻳﻢ
ﺗﻤﺪﺩﺕ ﺍﻧﺘﻈﺮ ﺍﻟﺴﺤﺐ ﻳﺠﻲ ﺣﺘﻰ ﺍﻧﺎﻡ ﺑﺎﻻﺳﺘﻘﺒﺎﻝ ﻻﻥ ﺑﻲ ﻣﺒﺮﺩﻩ ..
ﺍﺧﺬﺗﻠﻲ ﻣﺨﺪﻩ ﻭﺗﻤﺪﺩﺕ ﻭﺗﺬﻛﺮﺕ ﻣﺮﻩ ﺟﻴﺖ ﻣﻦ ﺍﻟﺪﻭﺍﻡ
ﺟﻨﻪ .. ﻫﺎﺍ ﺣﺒﻴﺒﻲ ﺣﻤﺪﻟﻠﻪ ﻉ ﺍﻟﺴﻼﻣﻪ ..
ﺟﻬﺎﺩ .. ﺍﻟﻠﻪ ﻳﺴﻠﻤﺞ ﻳﺎﺑﻪ ﺷﻨﻮ ﻫﺎﻟﺤﺮ
ﺟﻨﻪ .. ﺣﻀﺮﺗﻠﻚ ﻣﺎﻱ ﺑﺎﺭﺩ ﺑﺎﻟﺤﻤﺎﻡ ﺗﺴﺒﺢ
ﺟﻬﺎﺩ .. ﻣﺎﺷﻲ ﺍﺳﺒﺢ ﻭﺍﺭﻭﺡ ﺍﻧﺎﻡ ﺑﺎﻻﺳﺘﻘﺒﺎﻝ ..
ﺳﺒﺤﺖ ﻭﺭﺣﺖ ﻟﻼﺳﺘﻘﺒﺎﻝ ﺷﻔﺖ ﺟﻨﻪ ﻣﺤﻀﺮﺗﻠﻲ ﻓﺮﺍﺵ ﺍﻧﺎﻡ .. ﺗﻤﺪﺩﺕ ﻭﻧﻤﺖ ..
ﺣﺴﻴﺖ ﺑﻬﻮﺍ ﻳﺠﻲ ﻋﻠﻴﻪ ﻓﺘﺤﺖ ﻋﻴﻮﻧﻲ ﺷﻔﺖ ﺟﻨﻪ ﻛﺎﻋﺪﻩ ﻳﻢ ﺭﺍﺳﻲ ﺗﻬﻔﻲ ﻋﻠﻴﻪ ..
ﺟﻬﺎﺩ ... ﻫﺎﻱ ﺷﺠﺎﻱ ﺳﻮﻳﻦ
ﺟﻨﻪ .. ﻃﻔﺖ ﺍﻟﺴﺤﺐ ﺣﺎﺭﻩ ﻭﺍﻧﺖ ﺗﻌﺒﺎﻥ
ﺟﻬﺎﺩ .. ﺍﺗﻠﻔﺘﺖ ﻳﻤﻨﻪ ﻳﺴﺮﻩ ﺑﺲ ﺍﺣﻨﻪ ﺑﺎﻻﺳﺘﻘﺒﺎﻝ ﮔﺘﻠﻬﺎ ﺍﻛﻮﻝ ﻛﻮﻣﻲ ﺳﺪﻱ ﺍﻟﺒﺎﺏ ..
ﺟﻨﻪ .. ﻟﻴﺶ ؟؟
ﺟﻬﺎﺩ .. ﻛﻮﻣﻲ ﻟﻠﺞ ﺷﻜﻮﻟﺞ ﺳﻮﻱ
ﺟﻨﻪ .. ﻭﻫﻲ ﺳﺪﻳﺘﻬﺎ
ﺟﻬﺎﺩ .. ﺳﺤﺒﺘﻬﺎ ﻣﻦ ﺍﻳﺪﻫﺎ ﻭﻣﺪﺩﺗﻬﺎ ﻳﻤﻲ
ﺭﻓﻌﺖ ﺟﺴﻤﻲ ﺷﻮﻳﻪ ﺍﻧﺘﺠﻴﺖ ﻋﻠﻰ ﻋﻜﺴﻲ ﻭﺍﺑﺎﻭﻉ ﻟﻤﻼﻣﺤﻬﺎ ﺩﻧﻜﺖ ﺍﺭﻳﺪ ﺍﻗﺒﻠﻬﺎ ..
ﺟﻨﻪ .. ﺧﺎﻑ ﺍﺣﺪ ﻳﺪﺧﻞ ﻋﻠﻴﻨﻪ ..
ﺟﻬﺎﺩ .. ﺍﺷﺸﺶ ﻧﺰﻟﺖ ﺭﺍﺳﻲ ﻭﮔﺒﻠﻠﻞ ﻋﻠﻰ ﺷﻔﺘﻬﺎ ﺣﺎﻭﻃﺖ ﺭﻗﺒﺘﻲ ﺑﺄﻳﺪﻫﺎ ﻭﻭﻭ ......
ﻓﺰﻳﺖ ﻣﻦ ﺫﻛﺮﻳﺎﺗﻲ ﻭﻳﺎ ﺟﻨﻪ ﻭﻛﻠﺖ ﺍﻟﻠﻪ ﻻﻳﻮﻓﻘﺞ ﻛﻮﺍﻛﺐ .. ﺳﺤﺒﺖ ﻣﺨﺪﻩ ﺛﺎﻧﻴﻪ ﻭﺧﻠﻴﺘﻬﺎ ﻋﻠﻰ ﺭﺍﺳﻲ ﻭﻧﻤﺖ .. ﺻﺤﻴﺖ ﻋﻠﻰ ﺻﻮﺕ ﺗﻠﻴﻔﻮﻧﻲ ﻳﺮﻥ ﻓﺘﺤﺖ ﻋﻴﻮﻧﻲ
ﺍﻻﺳﺘﻘﺒﺎﻝ ﺍﻇﻠﻢ ﻭﺍﻟﻤﺒﺮﺩﻩ ﺗﺸﺘﻐﻞ .. ﻭﺍﻟﺪﻧﻴﺎ ﻟﻴﻞ
ﺣﻴﻴﻞ ﻫﻮﺍﻳﻴﻪ ﻧﻤﺖ ﺣﺘﻰ ﺟﻮﻋﺎﻥ ..
ﻣﺪﻳﺖ ﺍﻳﺪﻱ ﺍﺗﻠﻤﺲ ﺍﻟﺘﻠﻴﻔﻮﻥ ﻭﻳﻦ .. ﺳﺤﺒﺘﻪ ﻣﻘﻠﻮﺏ
ﺷﻔﺖ ﺭﻗﻢ ﺟﻨﻪ ﺗﺘﺼﻞ ﺑﻴﻪ ﺍﺑﺘﺴﻤﺖ .. ﺍﻟﺨﻴّﺮ ﺑﺬﻛﺮﻩ ..
ﺟﺎﻭﺑﺖ ..
ﺟﻬﺎﺩ ﺑﺤﻨﻴﻴﻦ ﻭﻫﻴﺎﻡ ... ﺟﻨﻨﻨﻨﻨﻪ !!!!
ﺟﻨﻪ ﻣﻦ ﻛﺎﻝ ﺍﺳﻤﻲ ﻓﺰﺯ ﮔﻠﺒﻲ ﻣﻦ ﻣﻜﺎﻧﻪ ﺣﺎﺟﻴﺘﻪ ﺑﻌﺼﺒﻴﻪ .. ﺳﻤﻌﺖ ﺗﺮﻳﺪ ﺗﺰﻭﺝ ؟؟
ﺟﻬﺎﺩ .. ﻣﻦ ﺣﻘﻲ ﻭﺷﻜﻮ ﺑﻴﻬﺎﺍﺍ ..
ﺟﻨﻪ .. ﻃﻠﮕﻨﻲ ﺑﺎﻻﻭﻝ ﻭﺭﻭﺡ ﺷﺴﻮﻱ ﺳﻮﻱ ..
ﺟﻬﺎﺩ .. ﺍﻛﻠﺞ ﻋﻮﺩ ﻣﻦ ﺗﻐﻤﻀﻴﻦ ﻭﺗﻐﻔﻴﻦ ﻭﺑﺎﻟﺤﻠﻢ ﺍﺫﺍ ﺷﻔﺘﻲ ﺭﻭﺣﺞ ﻣﻄﻠﮕﻪ ﺗﻌﺎﻱ ﻋﺎﺗﺒﻴﻨﻲ ﻳﻌﻨﻲ ﺣﺘﻰ ﺑﺎﻟﺤﻠﻢ ﻣﺎﺍﻃﻠﮕﺞ ﺧﻮﻭﺵ ..
ﺟﻨﻪ ... ﻻﺍﻳﺎﺑﻮ ﺍﻟﻨﺴﻮﺍﻥ ﺍﻧﺖ ﺷﻨﻮ ﻣﺎﺗﺸﺒﻊ ﻣﺎﺗﻜﻠﻲ ؟؟
ﺟﻬﺎﺩ .. ﻻ ﻣﺎﺍﺷﺒﻊ
ﺟﻨﻪ .. ﻭﻣﻨﻮ ﻫﻲ ﺳﻌﻴﺪﺓ ﺍﻟﺤﻆ ﺍﻟﺮﺍﺡ ﺗﻌﻴﺶ ﻭﻳﺎﻙ
ﺟﻬﺎﺩ .. ﻓﺪ ﻭﺣﺪﻩ ﺣﺒﻴﺘﻬﺎ ﻋﺸﮕﺘﻬﺎ ﻏﻠﻄﺖ ﻭﻳﺎﻫﺎ ﻭﻫﺴﻪ ﺣﺎﻣﻞ ﺷﺴﻮﻳﻲ ﻏﻴﺮ ﺍﺗﺰﻭﺟﻬﺎ ﺧﻮ ﻣﺎﺧﻠﻴﻬﺎ ﺗﻨﺎﻡ ﺑﺤﻀﻦ ﻏﻴﺮﻱ .. ﺟﻨﻪ ... ﺟﻬﺎﺍﺍﺩ ﻃﻠﮕﻨﻴﻴﻴﻲ ﻭﺭﻭﺡ ﺍﺗﺰﻭﺝ ﺑﺮﺍﺣﺘﻚ
ﺟﻬﺎﺩ .. ﻻ ﻣﺎﻃﻠﻜﺞ ﺧﻠﻴﺞ ﻫﻴﺞ ﺷﻜﻮ ﻋﻠﻴﺞ ﻭﺍﻛﻴﺪ ﺍﺗﺰﻭﺝ ﻣﺎﺍﻓﻮﺗﻬﺎ ﻟﺞ ﺗﺨﺒﻞ ﻭﺍﻫﻢ ﺷﻲ ﻋﻴﻮﻧﻬﺎ ﻣﺎﺗﺠﻴﺐ ﺍﻟﻤﻐﺜﻪ ﺳﻮﻭﺩ ﻳﺨﺒﻠﻦ ﻟﺪﺭﺟﺔ ﺍﻇﻞ ﺍﺑﺎﻭﻉ ﻟﻌﻴﻮﻧﻬﺎ ﺑﺎﻟﺴﺎﻋﺎﺕ ..
ﺟﻨﻪ ... ﻋﻴﻮﻧﻬﺎ ﺳﻮﺩﺩ ﻣﻮﻭﻭ ؟؟ ﻭﺷﺒﻲ ...
ﺳﺪﻳﺘﻪ ﺑﻮﺟﻬﻪ . ﺟﻴﺖ ﺍﻛﻮﻟﻪ ﻭﺷﺒﻴﻬﻦ ﻋﻴﻮﻧﻲ ﻫﻤﺰﻳﻦ ﻣﺎﺣﺠﻴﺖ ﺧﺎﻑ ﻳﻜﻮﻝ ﻣﻴﺘﻪ ﻋﻠﻴﻪ ... ﺣﺮﮔﻠﻲ ﺍﻋﺼﺎﺑﻲ ﺩﻣﺮﺭﺭﻧﻲ ﻛﻌﺪﺕ ﻋﻠﻰ ﺍﻟﺴﺮﻳﺮ ﻭﺍﻳﺪﻱ ﻋﻠﻰ ﺟﺒﻴﻨﻲ ﻭﺍﻫﺰﺯ ﺭﺟﻠﻲ ﺑﺤﻴﻴﺮﻩ ... ﺟﺬﺍﺍﺏ ﻟﻮ ﺻﺪﻙ
ﻫﺎﻟﺸﺎﻳﺐ ﻣﺎﻳﻌﻴﺶ ﺑﻼ ﺍﻟﻨﺴﻮﺍﻥ ...
ﻟﻮ ﺟﺬﺍﺏ ﻳﻜﺎﺑﺮ ﻭﻣﺎﻳﺠﻲ ﻭﻻﻳﺘﻨﺎﺯﻝ ﻟﻴﺶ ﻫﻴﺞ ﺟﻬﺎﺩ ﻟﻴﻴﻴﺶ ﻓﻮﮒ ﻗﻬﺮﺭﺭﻱ ﻫﻴﺞ ﺗﺴﻮﻱ ﺑﻴﻪ ﻣﻮ ﺑﻨﺘﻚ ﻛﺒﺮﺕ ﻭﻣﺎﺭﺍﺡ ﺗﻌﺮﻓﻚ ﻟﻴﻴﻴﻴﻴﺶ ﺗﻜﺎﺑﺮ ﻋﻠﻴﻪ ﻟﻴﻴﻴﺶ .. ؟؟؟
ﺗﺮﻫﻘﻨﻲ ﻓﻜﺮﺓ ﺍﻧﻲ ﻫﻨﺎ ﻭﺍﻧﺖ ﻫﻨﺎﻙ ، ﻭ ﺃﻥ ﺍﻟﻨﺎﺱ ﺗﻤُﺮﻙ ﻭﺗﺘﻌﺪﺍﻙ ﻭﺃﻧﺎ ﺍﺗﻤﻨﻰ ﺍﻟﺠﻠﻮﺱ ﻟﺜﻮﺍﻥٍ ﺑﺠﺎﻧﺒﻚ ﻭﺍﻹﻣﺴﺎﻙ ﺑﻴﺪﻙ ،ﻣﺮﺍﻗﺒﺔ ﺗﻌﺎﺑﻴﺮ ﻭﺟﻬﻚ ﻭﺃﻧﺖ ﺗﺘﺤﺪﺙ **.
ﺍﻧﻨﻲ ﺍﺭﻳﺪﻙ ﻭﺍﺭﻓﻀﻚ ﻓﻲ ﺍﻥ ﻭﺍﺣﺪ ﺍﺗﺠﺎﻫﻠﻚ ﻭﻛﻞ ﻗﻠﺒﻲ ﻣﻨﺘﺒﻪ ﺇﻟﻴﻚ ﻭﻓﻲ ﻛﻞ ﻣﺮﻩ ﻗﺮﺭﺕ ﺑﻬﺎ ﺍﻥ ﺍﻛﺮﻫﻚ ﺷﻌﺮﺕ ﺑﺄﻧﻲ ﺍﺣﺒﻚ ﺍﻛﺜﺮ
...
الجزء الثالث من نهاية الحكاية
ﺟﻬﺎﺩ ..
ﺍﻩ ﻳﺎﺻﻮﺕ ﺟﻨﻪ ﻣﺜﻞ ﺍﻭﻛﺴﺠﻴﻦ ﻭﻣﻸ ﺭﺋﺎﺗﻲ ﺑﻌﺪ ﻣﺎ ﻓﺮﻏﺖ ﻣﻨﻪ .. ﻋﻄﺸﺎﻥ ﻭﻧﻄﻮ ﻣﺎﻱ ﻋﺬﺏ ﻳﺮﻭﻱ .... ﺍﻱ ﻟﻴﺶ ﺗﺤﺮﻣﻴﻨﻲ ﻣﻨﺞ .. ﻟﻴﺶ ﺍﺗﺮﻛﻴﻨﻲ ﺑﺎﺻﻌﺐ ﺿﺮﻭﻓﻲ .. ﻟﻴﺶ ﺗﺎﺧﺬﻳﻦ ﺑﻨﺘﻲ ﺑﻌﻴﺪ ﻋﻨﻲ .. ؟؟
ﻗﻠﺒﺖ ﺭﻭﺣﻲ ﻉ ﺍﻟﺠﻬﻪ ﺍﻟﺜﺎﻧﻴﻪ .. ﻭﺍﻟﺘﻠﻴﻔﻮﻥ ﺑﻴﺪﻱ .. ،
ﺍﺗﺄﻣﻞ .. ﻫﻪ ﺍﺑﺘﺴﻤﺖ ﻳﻤﻜﻦ ﺍﺣﺘﺮﮒ ﮔﻠﺒﻬﺎ ﻣﻦ ﺳﻤﻌﺖ ﺭﺍﺡ ﺍﺗﺰﻭﺝ .. ﺧﻮﺵ ﺷﻐﻠﻪ ﺳﻮﺕ ﻛﻮﺍﻛﺐ ﺍﻭﻝ ﻣﺮﻩ ﺗﻔﻴﺪﻧﻲ ..
ﻃﻠﻌﺖ ﻣﻦ ﺍﻻﺳﺘﻘﺒﺎﻝ .. ﻭﺭﺣﺖ ﻟﻠﻬﻮﻝ ..
ﺍﻫﻠﻲ ﻣﺘﺠﻤﻌﻴﻦ .. ..
ﺭﺣﺖ ﻟﻠﺤﻤﺎﻡ ﺍﻏﺘﺴﻠﺖ ﻭﺭﺟﻌﺖ ﻣﺮﻩ ﺛﺎﻧﻴﻪ ﻳﻢ ﺍﻫﻠﻲ ..
ﺍﻣﻲ .. ﻫﺎﺍ ﻳﻤﻪ ﺟﻬﺎﺩ ﺍﺻﺒﻠﻚ ﻋﺸﺎ . ؟
ﺟﻬﺎﺩ .. ﺍﻱ ﻳﻤﻪ ﺻﺒﻲ .. ﺍﺧﺬﺕ ﺑﺎﻛﻴﺖ ﺍﻟﺠﻜﺎﻳﺮ ﻭﻃﻠﻌﺖ ﺑﺮﻩ .. ﻭﺭﺛﺖ ﺟﻜﺎﺭﻩ ﻭﻛﻌﺪﺕ ﺍﺩﺧﻦ .. ﻭﺻﻮﺗﻬﺎ ﻣﻴﻔﺎﺭﻙ ﻣﺴﺎﻣﻌﻲ .. ﺷﺼﺎﺭ ﻟﻮ ﻫﺴﻪ ﻫﻲ ﻳﻤﻲ ..
ﻛﺒﻞ ﻻﺍﺧﻠﺺ ﺍﻟﺠﻜﺎﺭﻩ ﺻﺎﺣﺘﻨﻲ ﺍﻣﻲ .. ﻣﻦ ﺷﺒﺎﻙ ﺍﻟﻤﻄﺒﺦ ..
.. ﻳﻤﻪ ﻭﻳﻦ ﺗﺮﻳﺪ ﺍﺧﻠﻴﻠﻚ ﺍﻟﻌﺸﺎﺍ ..
.. ﻓﺪﻭﻩ ﺍﻟﮕﻠﺒﺞ ﻳﻤﻪ ﻳﻤﻜﻢ ﺍﻛﻌﺪ ..
ﺷﻤﺮﺕ ﺍﻟﺠﻜﺎﺭﻩ ﺑﺎﻟﻜﺎﻉ ﻭﺳﺤﻜﺘﻬﺎ ﻟﻮﻣﺎ ﺍﻟﺠﻜﺎﻳﺮ ﻣﺼﺒﺮﺗﻨﻲ ﻋﻠﻰ ﻇﻴﻢ ﺍﻟﺪﻧﻴﺎ .. ﺟﺎﻥ ﻫﺴﻪ ﮔﻠﺒﻲ ﻭﺍﻛﻒ ..
ﺍﺻﺒﺮ ﻳﺎﮔﻠﺒﻲ ﻣﺎﺍﺩﺭﻱ ﺷﻨﻮ ﺗﺎﻟﻴﺘﻬﺎ ..
ﻫﺬﺍ ﻋﺬﺍﺏ ﺍﻟﺪﻧﻴﺎ ﺑﺲ .. .. !!
ﺩﺧﻠﺖ ﺟﻮﻩ .. ﺍﻣﻲ ﻣﺨﻠﻴﻪ ﺻﻴﻨﻴﺔ ﺍﻻﻛﻞ ﻣﺴﻮﻳﻪ ﺣﻤﻴﺲ ﻛﺒﺪﻩ .. ﻣﺎﺍﺣﺒﻬﺎ ﺍﻟﻪ ﻣﻦ ﺍﻳﺪﻫﺎ ﻃﺒﺨﻬﺎ ﻻﻳﻌﻠﻰ ﻋﻠﻴﻪ .. ﻛﻌﺪﺕ ﺍﻛﻞ ..
ﻓﺆﺍﺩ .. ﺍﺩﺭﻱ ﺍﻧﺖ ﺷﻮﻛﺖ ﺗﻨﺎﻡ ﻭﺗﻜﻌﺪ ﻭﺗﺎﻛﻞ ﻣﺜﻞ ﺍﻟﻨﺎﺱ .. ﺗﻨﺎﻡ ﺑﺎﻟﻨﻬﺎﺭ ﻭﺗﻜﻌﺪ ﺑﺎﻟﻠﻴﻞ ..
... ﻫﻲ ﺑﺲ ﻣﻦ ﺍﺟﻴﻠﻜﻢ ﻫﻴﺞ ﻫﻨﺎﻙ ﻣﺎﺍﻧﺎﻡ ﻻﻟﻴﻞ ﻭﻻﻧﻬﺎﺭ .
... ﺍﻳﻴﻪ ﺍﻳﻴﻪ .. ﺷﺨﺒﺎﺭ ﺍﻡ ﻭﺭﺩﻩ ..
.. ﻋﻠﻰ ﺣﻄﺔ ﺍﻳﺪﻙ ﻣﺎﻛﻮ ﺍﺧﺒﺎﺭ ..
ﺍﻣﻲ .. ﻳﻤﻪ ﺍﻛﺴﺮ ﺍﻟﺸﺮ ﻭﺭﺟﻌﻬﺎ
.. ﻳﻤﻪ ﻳﺎﺷﺮ ﻫﺬﺍ ﻗﺎﺑﻞ ﺍﻧﻲ ﻭﺩﻳﺘﻬﺎ ﺍﻧﻲ ﺯﻋﻠﺘﻬﺎ ﺍﺷﻮ ﻫﻲ ﻣﺜﻞ ﺍﻟﺤﺮﺍﻣﻲ ﺍﺧﺬﺕ ﺑﻨﺘﻲ ﻭﻧﻬﺰﻣﺖ .. ﺗﺮﻳﺪ ﻫﻲ ﺧﻞ ﺗﺮﺟﻊ ﻣﺎﺍﺭﻭﺡ ﻋﻠﻴﻬﺎﺍ ..
ﻓﺆﺍﺩ .. ﺍﻱ ﻗﺎﺑﻞ ﻣﺎﻛﻮ ﻧﺴﻮﺍﻥ ﺗﺰﻭﺝ ﻭﺍﻛﺴﺮ ﺧﺸﻤﻬﺎ .
ﺭﻭﻧﻖ .. ﺍﺫﺍ ﺯﻋﻠﺖ ﺍﻧﻲ ﻫﻢ ﺗﺰﻭﺝ ﻋﻠﻴﻪ ﺍﺑﻮ ﺣﺴﻮﻧﻲ؟
ﻓﺆﺍﺩ .. ﺍﻳﺒﺎﺍﻩ ﺳﻮﻳﻬﻪ ﻭﺯﻋﻠﻲ ﺑﺪﺍﻋﺖ ﺣﺴﻮﻧﻲ ﻭﻧﻈﻮﺭﻱ ﻋﻨﺪﺝ ﺍﺭﻳﺪ ﺍﺗﺰﻭﺝ ..
ﺭﻭﻧﻖ .. ﻫﺎﺍﺍ ﺗﺰﻭﺝ ﻋﻠﻴﻪ ..
ﻓﺆﺍﺩ .. ﺍﻱ ﻭﻟﺞ ﻣﻠﻴﻨﻪ ﻣﻦ ﺍﻟﻜﻜﻮ ﻧﺮﻳﺪ ﺣﻠﻴﺐ
ﺭﻭﻧﻖ .. ﻫﺎ ﻫﺎ ﺷﺘﻘﺼﺪ ﺗﺮﻳﺪ ﻭﺣﺪﻩ ﺑﻴﻀﻪ .. ﻳﻌﻨﻲ ﺍﻧﻲ ﻛﻜﻮ ﻭﺗﺮﻳﺪ ﺣﻠﻴﺐ ﻣﻮﻭ ؟؟ ﻟﻌﺪ ﺷﺒﻴﻬﻪ ﺍﻟﺴﻤﺮﻩ ﻣﺎﺍﺷﻔﺘﻨﻲ ﻣﻦ ﺍﻭﻝ ﺳﻤﺮﻩ ﻟﻴﺶ ﻗﺒﻠﺖ ﺑﻴﻪ ..
ﻓﺆﺍﺩ .. ﺍﻳﻲ ﮔﻮﻣﻲ ﻣﻦ ﻳﻤﻲ ﺣﺘﻰ ﺷﻘﻪ ﻣﺎﺗﺸﺎﻗﻴﻴﻦ ..
ﺭﻭﻧﻖ ... ﺍﻱ ﻛﺎﻳﻤﻪ ﺍﺭﻭﺡ ﻳﻢ ﺍﻭﻻﺩﻱ ﺍﺣﺴﻦ ..
ﻓﺆﺍﺩ .. ﺟﻬﺎﺩ ﺍﻧﻲ ﻣﺘﺎﻛﺪ ﺭﺍﺡ ﺗﻄﻚ ﺍﻟﺜﺎﻟﺜﻪ ﻭﻋﻴﻮﻧﻬﺎ ﺯﺭﻙ
ﺟﻬﺎﺩ .. ﻻ ﺻﺪﻙ ﺍﺫﺍ ﻃﻜﻴﺖ ﺍﻟﺜﺎﻟﺜﻪ ﻳﻤﻪ ﺷﻮﻓﻴﻠﻲ ﻭﺣﺪﻩ ﻋﻴﻮﻧﻬﺎ ﺳﻮﺩ ﻟﻴﻞ ﻭﺍﺫﺍ ﻭﺟﻬﺎ ﺍﺳﻮﺩ ﻫﻢ ﺑﻌﺪ ﺍﺣﺴﻦ ﺍﻟﺼﺎﻛﺎﺕ ﻣﺎﺷﻔﺖ ﻣﻨﻬﻦ ﺧﻴﺮ ..
ﺍﻣﻲ .. ﻳﻤﻪ ﺍﻧﻲ ﺍﺛﻨﻴﻨﻬﻦ ﻣﺎﺷﻔﺘﻬﻦ ﺍﻟﻚ ﺍﻧﺖ ﺍﻟﻲ ﺍﺧﺘﺎﺭﻳﺖ .
ﻓﺆﺍﺩ .. ﺧﺎﺏ ﻣﺒﺨﺖ ﺑﺎﻟﻨﺴﻮﺍﻥ ﻗﺎﺑﻞ ﻣﺜﻠﻲ ﻣﺎﺧﺬﻟﻲ ﻛﻜﻮ .
ﺟﻬﺎﺩ .. ﻛﻜﻮ ﻭﺻﺎﻳﻨﺘﻚ ﻭﻣﻘﺪﺭﺗﻚ .. ﺍﺣﺴﻦ ﻣﻤﺎ ﺣﻠﻮﻩ ﻭﺷﺎﺑﻊ ﻇﻴﻢ ﻣﻦ ﻭﺭﺍﻫﺎﺍﺍ ..
ﺍﻣﻲ .. ﺷﺒﻴﻬﻪ ﺟﻨﻪ ﺍﺷﻮ ﺗﺤﻄﻬﺎ ﻉ ﺟﺮﺡ ﻳﺒﺮﺍ ﻭﺑﻌﺪﻫﺎ ﺯﻏﻴﺮﻩ ﺣﺘﻰ ﻣﻦ ﺍﺧﺬﻧﺎﻫﻪ ﻟﻠﺼﺎﻟﻮﻥ ﺑﻌﺪ ﺍﻟﻌﺮﺱ ﺗﻌﺠﺒﻮﺍ ﺷﻮﻥ ﺯﻏﻴﺮﻩ
ﻳﻜﻠﻮﻟﻬﺎ ﻣﺎﻋﺪﻫﻢ ﺧﺒﺰ ﻳﻨﻄﻮﺝ ﻋﻠﻰ ﻓﻄﺎﺭﺗﻬﺎ ﺗﻜﻮﻟﻠﻬﻢ ﻋﺪﻧﻪ ﺧﺎﺑﺰﻳﻦ ﺍﺧﻠﻲ ﻋﻤﺘﻲ ﺗﺠﻴﺒﻠﻜﻢ ..
ﻓﺆﺍﺩ ، ﺟﻬﺎﺩ ... ﻫﻬﻬﻬﻬﻬﻬﻬﻬﻬﻬﻬﻬﻬﻪ
ﺍﻣﻲ ... ﺍﻱ ﺑﻴﻮﻣﻬﺎ ﻛﻮﺍﻛﺐ ﻛﻠﺘﻠﻬﻪ ﺑﻨﺖ ﺍﺑﻮ ﺍﻟﻠﺒﻠﺒﻲ ﺗﻮﺯﻋﻴﻦ ﺧﺒﺰ ..
ﺟﻬﺎﺩ .. ﻫﻮ ﺷﻌﻢ ﻋﻠﻴﻨﻪ ﻏﻴﺮ ﻛﻮﺍﻛﺐ ..
ﻓﺆﺍﺩ .. ﻋﻤﺖ ﻋﻠﻴﻨﻪ ﻭﻋﻠﻰ ﺭﻭﺣﻬﺎ ﻫﺴﻪ ﺷﻮﻥ ﺣﺎﻟﺘﻬﺎ ﺑﺪﻭﻥ ﻣﺮﺍﺳﻼﺕ ﻭﻧﻘﻞ ﺍﺧﺒﺎﺭ ..
ﺟﻬﺎﺩ .. ﺟﺎﻱ ﺍﻛﻞ ﺍﻟﻠﮕﻤﻪ ﻭﺻﻠﺘﻬﺎ ﻟﺤﻠﮕﻲ ﺍﻣﻲ ﻛﺎﻟﺖ
ﺟﻨﻪ ﻭﻳﻦ ﻣﺎﺗﻄﻠﻊ ﻭﻳﺎﻱ ﻳﺨﻄﺒﻮﻫﺎ
ﻧﺰﻟﺖ ﺍﻟﻠﻜﻤﻪ ﻣﺎﺍﻛﻠﺘﻬﺎ .. ﺍﻭﻭﻭ ﺷﺒﺒﺒﻌﺖ ﻣﺎﺍﺷﺘﻬﻲ ﺑﻌﺪ . ﺍﻣﻲ ... ﻳﻤﻪ ﻭﻳﻦ ﺭﺍﻳﺢ ﺩﻛﻤﻞ ﻋﺸﺎﻙ
ﺟﻬﺎﺩ .. ﻣﺎﺍﺷﺘﻬﻲ ﺍﻧﺴﺪﺕ ﻧﻔﺴﻲ ..
ﻓﺆﺍﺩ .. ﺣﻨﻰ ﻇﻬﺮﻩ ﻭﻧﺰﻝ ﺭﺍﺳﻪ ﻗﺮﻳﺐ ﻷﻣﻪ ﺍﻟﻲ ﺟﺎﻧﺖ ﻛﺎﻋﺪﻩ ﺑﺎﻟﻜﺎﻉ ﻭﻫﻮ ﻉ ﺍﻟﻘﻨﻔﻪ .. ﺍﮔﻮﻝ ﻳﻮﻭﻡ ﺍﺷﻮ ﺑﺲ ﺑﺠﻨﻪ ﺗﻤﺪﺣﻴﻦ ﻭﻫﻲ ﺍﻟﺰﻋﻼﻧﻪ ﺍﻟﺠﻮﻩ ﻟﻮ ﻻﻥ ﻛﻜﻮ ﻭﺫﻳﺞ ﺣﻠﻴﺐ ..
ﺍﻣﻲ .. ﺍﻭﻭﻭ ﻫﻮ ﻣﻨﻮ ﺯﻋﻠﻬﻪ ﻏﻴﺮﻙ ﻣﻮ ﺍﻧﺖ .. ﺭﻭﺡ ﺻﺎﻟﺤﻬﺎ ﻫﻲ ﺫﻫﺐ ﺭﻭﻧﻖ ﻭﻋﺸﺮﺓ ﻋﻤﺮ ﻛﻮﻡ ﺭﺍﺿﻴﻬﺎ ﻭﺍﻧﻲ ﻛﺎﻳﻤﻪ ﺍﺷﻮﻑ ﺍﺧﻮﻙ ﻫﻢ ﺯﻋﻞ ﻣﻨﻲ ..
ﻓﺆﺍﺩ ... ﺍﻟﻴﻮﻡ ﻳﻮﻡ ﺻﻠﺢ ﺍﻟﺰﻋﻼﻧﻴﻦ ..
* ﺟﻬﺎﺩ .. ... ﺩﺧﻠﺖ ﺑﻐﺮﻓﺘﻲ .. ﺍﺟﺖ ﻭﺭﺍﻳﻪ ﺍﻣﻲ .. ﻳﻮﻡ ﺟﻬﺎﺩ ﻟﻴﺶ ﻣﺎﺍﻛﻠﺖ ﺍﺟﻴﺐ ﺍﻟﻚ ﺍﻻﻛﻞ ﻫﻨﺎ ﺗﻜﻤﻠﻪ
.. ﻻ ﻳﻮﻭﻡ ﺷﺒﻌﺖ ﺣﻤﺪﻟﻠﻪ
.. ﻳﻤﻪ ﺷﺎﻛﻠﺖ ﻭﺷﺒﻌﺖ ﺭﺍﻳﺤﻪ ﺍﺟﻴﺒﻪ
.. ﻧﻀﻔﺖ ﺍﺳﻨﺎﻧﻲ ﺑﻌﺪ ﻣﺎﺍﻛﺪﺭ ﺍﻛﻞ ..
.. ﺑﺮﺍﺣﺘﻚ .. ﻭﻃﻠﻌﺖ ..
ﺑﻘﻴﺖ ﻭﺣﺪﻱ ﺑﺎﻟﻐﺮﻓﻪ ﻣﻠﻞ ﻛﻠﺶ .. ﺍﺧﺬﺕ ﺗﻠﻴﻔﻮﻧﻲ ﺣﺎﺟﻴﺖ ﺍﺻﺪﻗﺎﺋﻲ ﻭﻛﺮﻭﺏ ﺍﻭﻻﺩ ﻋﻤﻲ .. ﻛﺎﻟﻮﺍ ﻣﺤﻤﺪ ﺭﺍﺡ ﻳﺨﻄﺐ .. ﻛﺘﻠﻬﻢ ﺑﻴﻬﺎ ﺍﻟﺨﻴﺮ .. ﻛﻼﻡ ﻣﻤﻞ ﺗﺤﺸﻴﺶ ﻃﻠﻌﺖ ﻣﻦ ﺍﻟﻜﺮﻭﺏ .. ﺷﻤﺮﺕ ﺍﻟﺘﻠﻴﻔﻮﻥ ..
ﺍﺧﺬﺕ ﺍﻟﻤﺴﺪﺱ .. ﻭﻛﻌﺪﺕ ﺍﻧﻀﻒ ﺑﻲ .. ﻣﻦ ﺍﻟﺰﻣﻪ ﺗﻤﺮ
ﻋﻠﻴﻪ ﺍﺳﻮﺀ ﺫﻛﺮﻳﺎﺕ ﺣﻴﺎﺗﻲ ..
ﻭﺍﻧﻲ ﻋﻠﻰ ﻫﺎﻟﺤﺎﻝ .. ﺳﻤﻌﺖ ﻫﻮﺳﻪ ﻭﺣﺠﻲ ﺑﺎﻟﻤﻤﺮ ﺍﻟﻔﻮﻙ ﺑﻌﺪﻫﻪ ﻧﺰﻟﻮﺍ ﺟﻮﻩ ..
ﻃﻠﻌﺖ ﻣﻦ ﺍﻟﻐﺮﻓﻪ ﺩﺍﺍﺷﻮﻑ ﺷﻜﻮﻭ ..
ﻧﺰﻟﺖ ﺟﻮﻩ .. ﺍﻣﻲ ﻭﺭﻭﻧﻖ .. ﻭﻓﺆﺍﺩ ﺑﺎﻟﻬﻮﻝ
ﺍﺑﻨﻬﻢ ﻧﻈﻮﺭﻱ ﻋﻤﺮﻩ ﻋﺸﺮ ﺍﺷﻬﺮ .. ﻣﺘﺨﺮﺑﻂ ﻛﻠﺶ ﻭﻳﺘﻘﻲﺀ ﻣﺜﻞ ﺍﻟﻨﺎﻓﻮﺭﻩ ..
ﺟﻬﺎﺩ .. ﻳﺎﺏ ﻓﺆﺍﺩ ﺷﺒﻴﻚ ﺧﻠﻲ ﻧﻮﺩﻱ ﻟﻠﻤﺴﺘﺸﻔﻰ
ﻓﺆﺍﺩ .. ﻳﻤﻌﻮﺩ ﻳﺎﻣﺴﺘﺸﻔﻰ ﺑﻬﺎﻟﺰﻟﻚ ﻣﻦ ﻳﻘﻠﺪﻧﺎ ﻫﻨﺎﻙ ﻻﻧﻈﺎﻓﻪ ﻻﺍﻫﺘﻤﺎﻡ .. ﻳﺼﺒﺢ ﺍﻟﺼﺒﺢ ﺍﻭﺩﻱ ﺍﺧﺼﺎﺋﻲ ..
ﺟﻬﺎﺩ .. ﻭﻳﺒﻘﻰ ﻟﻠﺼﺒﺢ ﻫﻴﺞ ﺻﺪﻙ ﺗﺤﺠﻲ ..
ﺭﻭﻧﻖ .. ﻓﺪﻭﻩ ﺟﻬﺎﺩ ﺍﺑﻨﻲ ﺭﺍﺡ ﻳﻤﻮﺕ ..
ﺟﻬﺎﺩ .. ﺭﻭﺣﻲ ﻟﺒﺴﻲ ﻭﻟﺤﻜﻴﻨﻲ ﻟﻠﺴﻴﺎﺭﻩ ..
ﺍﺧﺬﺕ ﺍﻟﻮﻟﺪ .. ﻭﻃﻠﻌﺖ ﻟﻠﺴﻴﺎﺭﻩ .. ﻻﺑﺲ ﺳﺮﻭﺍﻝ ﻭﺑﺪﻱ ﺍﺑﻴﺾ ﺑﻲ ﺧﻄﻴﻦ ﺍﺳﻮﺩ ﺭﻳﺎﺿﻲ ..
ﻟﺤﻜﺘﻨﻲ ﺍﻣﻲ ﻭﺭﻭﻧﻖ .. ﻭﺭﺍﻧﻪ ﻫﻢ ﺍﺟﻪ ﻓﺆﺍﺩ ..
ﺟﻬﺎﺩ .. ﻭﺍﺣﺪ ﻣﻨﻜﻢ ﻳﺒﻘﻰ ﻳﻢ ﺣﺴﻮﻧﻲ ..
ﺍﺑﻮ ﺟﻬﺎﺩ .. ﺭﻭﺣﻮﺍ ﺭﻭﺣﻮﺍ ﻳﺒﻘﻰ ﻳﻤﻲ ..
ﺟﻬﺎﺩ .. ﺣﺮﻛﺖ ﺍﻟﺴﻴﺎﺭﻩ ﻭﺍﻟﻄﻔﻞ ﻣﺎﺑﻄﻞ ﺗﻘﺊ، ..
ﻭﺍﻧﻲ ﺍﺳﻮﻕ ﺍﻓﻜﺮ ﺑﻮﺭﺩﻩ ﺍﺫﺍ ﺗﻤﺮﺿﺖ ﻣﻦ ﺍﻟﻬﺎ ﻫﻨﺎﻙ ﻭﻫﻲ ﺑﻌﻴﺪﻩ ﻋﻨﻲ .. ﺩﻋﻴﺘﻠﻬﻪ ﺗﻜﻮﻥ ﺑﺨﻴﺮ ﻭﻛﻤﻠﺖ ﻃﺮﻳﻘﻲ ..
ﻭﺻﻠﻨﻪ ﻟﻠﻤﺴﺘﺸﻔﻰ .. ﻫﻮﺳﻪ ﻭﺳﻮﻩ ﻭﺍﻟﻄﻔﻞ ﺻﺎﺭ ﻓﺪ ﻧﻮﺏ .. ﺍﺧﺬﺗﻪ ﻣﻦ ﺍﻣﻪ ﻭﺍﺭﻳﺪ ﺍﺩﺧﻞ ﻉ ﺍﻟﻄﺒﻴﺐ، ..
ﺍﻟﺴﻜﺮﺗﻴﺮ ﺍﻟﻲ ﻳﻔﻮﺕ ﺍﻻﻃﻔﺎﻝ ﻉ ﺍﻟﻄﺒﻴﺐ .. ﻛﺎﻝ ﻣﺎﺗﻔﻮﺕ ﺍﻟﻪ ﺑﺎﻟﺴﺮﻩ ..
.. ﻋﻄﺖ ﺑﻲ ﻫﻴﻪ ﺑﻜﻴﻔﻚ ﺻﺎﺭﻟﻚ ﺳﺎﻋﻪ ﺗﺪﺧﻞ ﺑﺎﻟﻮﺍﺳﻄﺎﺕ ﻭﺍﺣﻨﻪ ﻣﺒﻘﻴﻨﻪ ﺑﺎﻻﺧﻴﺮ .. ﻋﻔﺘﻪ ﻭﺩﺧﻠﺖ ﻉ ﺍﻟﻄﺒﻴﺐ .. ﻓﺤﺼﻪ ﻭﺣﻮﻟﻪ ﻣﺒﻴﺖ ﺑﺎﻟﻄﻮﺍﺭﺉ، ..
ﺍﺧﺬﺗﻪ ﺭﻭﻧﻖ ﻭﻓﺎﺗﺖ ﺟﻮﻩ ﺑﻲ ..
ﺑﻘﻴﻨﻪ ﻧﻨﺘﻈﺮ ﺍﻟﻤﻤﺮﺽ ﻳﺸﺪﻟﻪ ﻣﻐﺬﻱ .. ﺑﻘﻴﻨﻪ ﺍﻧﻲ ﻭﻓﺆﺍﺩ ﻭﺑﻴﺪﻧﻪ ﻧﻈﻮﺭﻱ ﻣﺴﻨﺢ ﻛﻠﺶ .. ﺍﻣﻲ ﻭﺭﻭﻧﻖ ﻓﺎﺗﻮ ﻟﻠﺤﻤﺎﻣﺎﺕ .. ﻳﻐﺴﻠﻮﻥ ﻻﻥ ﺗﻠﻔﻬﻢ ﻓﺪ ﻣﺮﻩ ..
ﺻﺎﺡ ﻋﻠﻴﻨﻪ ﺍﻟﻤﻤﺮﺽ .. ﻭﺩﺍﻧﻪ ﻟﻠﺴﺮﻳﺮ ﻣﺎﻟﺘﻪ .. ﻓﺘﺤﻠﻪ ﻭﺭﻳﺪ ﻣﻦ ﺭﺟﻠﻪ ﻭﻋﻠﮕﻠﻪ ﻣﻐﺬﻱ .. ﻛﺎﻝ ﻣﻦ ﻳﺠﻮﻥ ﺍﻟﻨﺴﻮﺍﻥ ﻃﻠﻌﻮﺍ ﻻﻥ ﺑﺲ ﻧﺴﻮﺍﻥ ﻳﺒﺎﺗﻮﻥ ﻭﻳﺎ ﺍﻃﻔﺎﻟﻬﻢ ..
ﻧﻮﻣﺘﻪ ﻉ ﺍﻟﺴﺮﻳﺮ ﻭﻓﺆﺍﺩ ﺭﺍﺡ ﻳﺠﻴﺐ ﺷﻐﻼﺕ ﻣﻦ ﺑﺮﻩ ..
ﺑﺎﻭﻋﺖ ﺍﻟﺴﺮﻳﺮ ﺍﻟﻜﺪﺍﻣﻨﻪ .. ﻣﺮﻩ ﻋﺮﻓﺘﻬﺎ ﻫﻲ ﻣﺮﺕ ﻋﺎﻣﺮ
ﺍﻱ ﻋﺎﻣﺮ ﺍﻟﻲ ﻗﺘﻠﺘﻪ . . ﺍﺑﻨﻪ ﻧﺎﻳﻢ ﻋﻠﻰ ﺍﻟﺴﺮﻳﺮ ﻭﻣﻨﺘﻬﻲ ﻛﻠﺶ ﺗﻌﺒﺎﻥ ﻭﻣﺨﻠﻴﻠﻪ ﺍﻭﻛﺴﺠﻴﻦ ... ﺍﻧﻘﻬﺮﺕ ﻋﻠﻰ ﺍﻟﻄﻔﻞ ﺃﻧﺒﻨﻲ ﺿﻤﻴﺮﻱ .. ﺍﻧﻲ ﺍﻟﻲ ﻳﺘﻤﺖ ﻫﺎﻟﻄﻔﻞ ..
ﺍﺟﻪ ﻓﺆﺍﺩ .. ﺍﺷﺮﺗﻠﻪ ﻛﺘﻠﻪ ﻫﺬﺍ ﺍﺑﻦ ﻋﺎﻣﺮ ﻭﻫﻲ ﻣﺮﺗﻪ ﺍﺑﻘﻰ ﻳﻢ ﺍﺑﻨﻚ ﺭﺍﺡ ﺍﺭﻭﺡ ﺍﺷﻮﻓﻬﻢ ﺷﻤﺤﺘﺎﺟﻴﻦ .
ﺗﻘﺮﺑﺖ ﻣﻨﻬﻢ .. ﻣﺎﻋﺮﻑ ﺷﻨﻮ ﺍﺣﺠﻲ
ﺍﻟﻄﻔﻞ ﻳﻘﻬﺮ ﻭﺣﺎﻟﺘﻪ ﻳﺮﺛﻰ ﺍﻟﻬﺎ ..
ﺍﺭﻳﺪ ﺍﺟﻤﻊ ﺍﻟﻜﻼﻡ ﺍﻟﻲ ﺗﺠﻤﻊ ﺑﺤﻨﺠﺮﺗﻲ ﻣﺎﻛﺪﺭﺕ
ﺍﻛﺘﻔﻴﺖ ﺑﻜﻠﻤﺔ ﻫﺎ ﺷﻠﻮﻧﻜﻢ ..
ﺍﻟﻠﺘﻔﺘﺖ ﺍﻟﻲ .. ﺷﻜﻠﻬﺎ ﺗﻌﺒﺎﻧﻪ ﻛﻠﺶ ﻋﻴﻮﻧﻬﺎ ﺟﻮﺍﻫﻦ ﺍﺳﻮﺩ ﻭﻣﻠﻴﺎﻧﺎﺕ ﺩﻣﻮﻉ ..
. ﺑﻬﺪﻭﺀ . ﻫﻼ ﺑﻴﻚ ﺧﻮﻳﻪ ﺟﻬﺎﺩ ..
.. ﺷﺒﻲ ﺍﻟﺰﻏﻴﺮ ؟؟؟
.. ﻭﺍﻟﻠﻪ ﻣﺮﻳﺾ ﺻﺪﺭﻩ ﻣﻠﺘﻬﺐ ﻓﺪ ﻧﻮﺏ ﻭﻣﺎﻳﻜﺪﺭ ﻳﺘﻨﻔﺲ ﻭﻫﻮ ﺍﺻﻼ ﻋﻨﺪﻩ ﻓﺘﺤﻪ ﺑﺎﻟﻘﻠﺐ ﻭﻳﺤﺘﺎﺝ ﻋﻤﻠﻴﻪ ..
... ﻋﻤﺎﻣﻪ ﻭﻳﻦ ﻣﺎﻳﺴﺎﻟﻮﻥ ﻋﻨﻪ ..
.. ﻭﺍﻟﻠﻪ ﻣﻦ ﻳﻮﻡ ﺍﻟﺸﺎﻟﻮ ﺑﺎﻟﺘﻠﻴﻔﻮﻥ ﻳﺴﺎﻟﻮﻥ
... ﺍﺫﺍ ﻣﺤﺘﺎﺟﻪ ﺷﻲ ﮔﻮﻭﻟﻲ ..
.. ﻭﺍﻟﻠﻪ ﺍﺧﻮﺗﻲ ﻣﺎﻣﻘﺼﺮﻳﻦ ﻭﺍﻣﻲ ﻭﻳﺎﻳﻪ ﺗﺴﻠﻢ .. ﺍﻧﺖ ﺷﻠﻮﻧﻚ ﺳﻤﻌﺖ ﺻﺎﺭﺕ ﻋﻨﺪﻙ ﺑﻨﻴﻪ ..
.. ﺍﻟﺤﻤﺪﻟﻠﻪ ﺑﺨﻴﺮ
.. ﺟﻨﻪ ﻣﺎﺭﺟﻌﺖ ﺑﻌﺪ ..
.. ﻻ ﻭﺍﻟﻠﻪ ﻣﺎﺭﺟﻌﺖ
.. ﻣﻤﻜﻦ ﺭﻗﻤﻬﺎ
.. ﻟﻴﺶ ﺷﻠﺞ ﺑﻲ ؟؟
.. ﺍﺫﺍ ﻣﺎﺗﺮﻳﺪ ﺗﻨﻄﻴﻨﻲ ﻻﺗﻨﻄﻴﻨﻴﺎ ﻋﺎﺩﻱ ..
.. ﺳﺠﻠﻲ ﻳﻤﺞ .. ... ...
ﺍﺫﺍ ﺍﺣﺘﺎﺟﻴﺘﻲ ﺷﻲ ﻛﻮﻟﻲ ﻣﺎﻳﺮﺩﺝ ﺍﻻ ﻟﺴﺎﻧﺞ ﻻﺍﻧﺖ ﻭﻻﺍﺑﻨﺞ ﺍﻟﻜﻢ ﺫﻧﺐ ﺑﺎﻟﺼﺎﺭ ..
.. ﺍﻟﻠﻪ ﻳﺴﺎﻋﺪﻙ ﻳﺎﺟﻬﺎﺩ ﻋﻠﻲ ﺷﻔﺘﻪ ﺍﻧﻲ ﻣﺮﻩ ﻭﻣﺎﺷﻔﺖ ﺷﻲ ﻭﻣﻦ ﺟﺎﻥ ﻳﺤﺠﻴﻠﻲ ﻳﻨﻬﺪﻡ ﺣﻴﻠﻲ ﻣﺜﻞ ﺍﻟﺠﺒﻞ ﺍﻟﻤﻨﻬﺎﺭ ﺷﺤﺎﻝ ﺍﻧﺖ ؟ !!
.. ﺍﺭﺟﻮﺝ ﺳﺪﻱ ﻫﻲ ﺍﻟﺴﻴﺮﻩ ﻭﺣﺎﻭﻟﻲ ﺗﻨﺴﻴﻦ
.. ﺍﻟﻠﻪ ﻳﺨﻠﻴﻚ ﺷﻨﻮ ﺍﻧﺴﻰ ﻭﺍﺑﻨﻪ ﻛﺒﺎﻝ ﻋﻴﻨﻲ ..
.. ﺍﻟﺰﻣﻦ ﻛﻔﻴﻞ ﺑﺎﻥ ﻳﻨﺴﻴﺞ ﻣﻦ ﺭﺧﺼﺘﺞ ﺍﻭﺩﻋﻨﺎﺝ ..
ﻋﻔﺘﻬﺎ ﻭﺍﺣﺠﻲ ﺑﻘﻠﺒﻲ ﻭﺍﺩﺭﺩﻡ ﻛﺒﻮﺭ ﻟﻔﻬﻢ ﻋﺎﺭﺍﺕ ﺑﺲ ﺑﻴﻬﻢ ﺍﺧﺬﻭﺍ ﺍﻟﻔﻠﻮﺱ .. ﻭﺍﻧﻬﺰﻣﻮﺍ ﻣﺎﻓﻜﺮﻭﺍ ﺑﺎﺑﻦ ﺍﺑﻨﻬﻢ ﺍﻟﻤﻜﺒﻮﺭ ﺍﻟﻤﺎﻟﻪ ﺫﻧﺐ ﻣﺸﻤﻮﺭ ﻫﻨﺎ ﻭﻣﺮﻳﺾ ...
ﺭﺣﺖ ﻟﻔﺆﺍﺩ .. ﻭﺑﻌﺪﻫﻪ ﻃﻠﻌﺖ ﺑﺮﻩ ﺍﻟﻤﺴﺘﺸﻔﻰ ﻭﺭﺛﺖ ﺟﻜﺎﺭﻩ .. ﺷﻔﺘﻬﻢ ﺟﺎﻳﻴﻦ
ﻫﺎﺍﺍ ﺷﻮ ﻃﻠﻌﺘﻮﺍ .
ﻓﺆﺍﺩ .. ﻳﻤﻌﻮﺩ ﻃﻠﻌﻨﻪ ﻋﻠﻰ ﻣﺴﺆﺅﻟﻴﺘﻨﺎ ﺍﻟﻮﺿﻊ ﻣﺎﻳﻨﺤﻤﻞ ﺧﻠﺺ ﺍﻟﻤﻐﺬﻱ ﻭﺍﻣﺸﻲ ﺍﺭﻭﺡ ﻟﻠﺒﻴﺖ ﺑﺎﺟﺮ ﺍﻭﺩﻱ ﺍﺧﺼﺎﺋﻲ
ﺻﻌﺪﺕ ﺍﻟﺴﻴﺎﺭﻩ ﻭﺭﺟﻌﻨﺎ ﻟﻠﺒﻴﺖ ..
ﺭﺿﺎﺍ ... ﺑﻴﺒﻲ ﺍﻧﺖ ﻭﻋﺪﺗﻴﻨﻲ ﺗﻨﻄﻴﻨﻲ ﺍﻟﻒ
ﻛﻮﺍﻛﺐ .. ﻫﻲ ﻣﻦ ﺷﻮﻛﺖ ﻛﺘﻠﻚ ﻳﺎﺟﺬﺍﺏ
ﺭﺿﺎ .. ﻫﺎﺍ ﺑﻴﺒﻲ ﻧﺴﻴﺘﻲ ﺍﻧﺖ ﺻﺪﻙ ﺟﻠﻔﻪ ﻣﻦ ﺩﻛﻴﺘﻠﺞ ﺍﻟﺘﻠﻴﻔﻮﻥ ﻧﺴﻴﺘﻲ ...
ﻛﻮﺍﻛﺐ .. ﺍﻱ ﺍﻱ ﺗﺬﻛﺮﺕ .. ﺻﺪﻙ ﻳﺎﺭﺿﻴﻮﻱ ﺗﺴﺘﺎﻫﻞ ﻭﺍﻟﻠﻪ ﻓﺘﺤﺖ ﺟﻴﺴﻬﺎ ﻟﺸﺎﺩﺗﻪ ﺑﺮﻛﺒﺘﻬﺎ ﻭﺩﻭﺭﺕ ﺩﻭﺭﺕ ﻭﺍﻧﻄﺘﻪ ﺍﻟﻒ
ﺭﺿﺎ .. ﺑﻴﺒﻲ ﺷﻨﻮ ﻫﺬﺍ ﺟﻢ ﻋﻤﻠﻴﻪ ﻣﺴﻮﻱ ؟؟
ﻛﻮﺍﻛﺐ .. ﻳﺎﻫﻮ ﻭﻟﻚ
ﺭﺿﺎ .. ﺑﻴﺒﻲ ﻫﺬﺍ ﺍﻟﻒ ﻟﻮ ﻣﻄﻜﻮﻙ ﻋﻠﻴﻪ ﻋﺒﻮﻩ
ﻛﻮﺍﻛﺐ ../ ﻣﺎﺗﺮﻳﺪﻩ ﺟﻴﺒﻪ ﻧﺎﺱ ﺗﺮﻓﺲ ﺍﻟﻨﻌﻤﻪ ﺑﺮﺟﻠﻬﺎ ﺷﺒﻲ ﻳﺨﺒﻞ
ﺷﻤﺮﻩ ﻋﻠﻴﻬﻪ ﻭﺭﺍﺡ ..
ﺍﺧﺬﺗﻪ ﻭﻫﻲ ﺗﻜﻠﺐ ﺑﻲ ﺷﺒﻲ ﻭﺍﻟﻠﻪ ﻣﺎﺑﻲ ﺷﺊ ﺻﺪﻙ ﻫﻮ ﻣﻜﺮﻭﺽ ﻭﻣﻠﺼﻖ ﻣﻦ ﺍﻟﺠﻬﺘﻴﻦ ﺑﺲ ﻳﻤﺸﻲ
ﺍﻟﻠﻪ ﻋﻠﺊ ﺫﺍﻙ ﺍﻟﺰﻣﻦ ﻣﻦ ﻳﺠﻲ ﺍﺑﻮ ﺍﻟﻌﺘﺎﻙ ﻭﻳﺼﻴﺢ ﺣﺘﺊ ﺍﻟﻤﺸﺸﻜﻮﻛﻪ ﻧﻤﺸﻴﻬﺎ ﺣﺘﺊ ﺍﻟﻤﺤﺮﻭﻛﻪ ﻧﻤﺸﻴﻬﺎ
ﻳﺎﻟﻠﻪ ﻣﺼﺎﺭ ﺷﺊ ﺣﻄﻪ ﺑﻨﺺ ﺍﻟﻔﻠﻮﺱ ﻭﺭﺟﻌﻪ ﻟﻠﻨﺴﻮﺍﻥ ﻟﻴﺸﺘﺮﻥ ﻣﺨﻀﺮ ﺑﺪﻭﻥ ﻣﻴﺪﺭﻥ ﻭﺿﺎﻉ ﺍﺑﺘﺮ ﺑﻴﻦ ﺍﻟﺒﺘﺮﺍﻥ
ﺍﺣﻴﻴﻴﻲ ﻳﺎﺟﻬﻴﺪﺍﻥ ﻋﺴﻰ ﺣﺎﻟﻚ ﻳﺸﺒﻪ ﺣﺎﻝ ﻫﺬﺍ ﺍﻻﻟﻒ .
ﺟﻨﻪ .. ﻟﻠﻴﻞ ﻣﺎﻧﻤﺖ ﻛﻠﻠﻠﺶ ﺿﺎﻳﺠﻪ ﻭﻣﻄﻨﻜﺮﻩ
ﺍﻣﻲ ﺧﺬﺕ ﻭﺭﺩﻩ ﻭﺷﺮﺑﺘﻬﺎ ﻣﻤﻪ ﻭﻧﻮﻣﺘﻬﻪ
ﺍﻣﻲ .... ﻧﺎﻣﻲ ﻳﺎﺟﻨﻪ ﻧﺎﻣﻲ ﻫﺴﻪ ﺑﺘﺞ ﺗﻜﻌﺪ ﻭﺗﺮﻳﺪﺝ ﺗﻜﻌﺪﻳﻠﻬﻪ .
ﺟﻨﻪ .. ﺧﻮﺵ ﻳﻤﻪ ﺧﻮﺵ ﻫﺴﻪ ﺑﺲ ﺍﺧﺎﺑﺮ
ﺍﻣﻲ .. ﺍﻟﻤﻦ ﺑﻌﺪ ﺗﺨﺎﺑﺮﻳﻦ ﺑﻬﺎﻟﻠﻴﻞ ..
ﺟﻨﻪ .. ﺍﺧﺎﺑﺮ ﺿﻤﻴﺎﺀ ﺻﺎﺭ ﻫﻮﺍﻱ ﻣﺎﺍﻋﺮﻑ ﺍﺧﺒﺎﺭﻫﺎ
ﺍﻣﻲ ... ﺍﺧﺒﺎﺭﻫﺎ ﻟﻮ ﺍﺧﺒﺎﺭ ﺍﺑﻮﻭ ﻫﺎﻟﺤﻠﻮﻩ ﻫﻲ
ﺟﻨﻪ .. ﺍﻭﻭﻭ . ﻳﻤﻪ ﻫﻪ
ﺍﻣﻲ .. ﺑﺪﻝ ﻻﺗﺨﺎﺑﺮﻳﻬﻪ ﺧﺎﺑﺮﻱ
ﺟﻨﻪ .. ﻫﺴﺘﻮﻩ ﺧﺎﺑﺮﺗﻪ ﻭﺭﺯﻟﺘﻪ
ﺍﻣﻲ ... ﺷﻨﻮﻭ
ﺟﻨﻪ ... ﻣﺎﻛﻮ ﺷﻲ ﻳﻤﻪ ﺳﻼﻣﺘﺞ ..
ﻃﻠﻌﺖ ﺍﻣﻲ .. ﻭﺍﺗﺼﻠﺖ ﻋﻠﻰ ﺿﻤﻴﺎﺀ ..
ﺍﻟﻮﻭ ﻫﻠﻮ ﺿﻤﻴﺎﺀ ﺷﻮﻧﺞ ؟؟
.. ﺗﻮﺝ ﻳﻼ ﻋﺮﻓﺘﻲ ﺿﻤﻴﺎﺀ ﻫﺎﺍ
.. ﻳﻤﻌﻮﺩﻩ ﺗﺪﺭﻳﻦ ﺑﻠﻲ ﻣﺮﻳﺖ ﺑﻲ ﺍﻧﻲ ..
.. ﻣﻮ ﻣﺜﻞ ﺍﻟﻲ ﻣﺮﻳﻨﻪ ﺑﻲ ﻭﺍﻟﻲ ﻣﺮﻭﺍ ﺑﻲ ﺍﻫﻠﻲ ﻭﺧﺎﺻﺔ ﺟﻬﺎﺩ ﻭﻟﺞ ﻣﻦ ﺧﻮﻓﻲ ﻋﻠﻴﻬﻢ ﺣﺘﻰ ﻃﻔﻠﻲ ﻭﻛﻊ ﺟﻢ ﻣﺮﻩ ﺩﻛﻮﻫﻢ ﺑﺎﻟﺮﺻﺎﺹ ﺷﻬﺮ ﻛﺎﻣﻞ ﻭﻫﻢ ﻣﺎﺷﺎﻓﻮﺍ ﺍﻟﺮﺍﺣﻪ ..
.. ﺳﻼﻣﺘﺞ ﻣﺎﺩﺭﻳﺖ ﺑﻄﻔﻠﺞ ﻭﻛﻊ ﻫﻲ ﻣﻦ ﺷﻮﻛﺖ ..
.. ﺍﻟﻤﻬﻢ ﻭﺭﺩﻩ ﺷﻠﻮﻧﻬﺎ ﺑﻨﺖ ﺍﺧﻮﻱ ﻣﺎﻳﺼﻴﺮ ﻧﺸﻮﻓﻬﺎ
ﻟﻮ ﻣﺤﺮﻭﻣﻴﻦ ﻣﻨﻬﺎ ﺣﺘﻰ ﺑﺼﻮﺭﻩ ﻣﺎﻧﺸﻮﻑ
... ﻻ ﻣﻨﻮ ﻛﺎﻝ ﻣﺤﺮﻭﻣﻴﻦ ﺩﺍﺋﻤﺎ ﺍﻓﺘﺢ ﻛﺎﻣﻴﺮﺍ ﻭﻳﺎ ﻋﻤﺘﻲ ﻭﺭﻭﻧﻖ ﻭﻳﺸﻮﻓﻮﻧﻬﺎﺍﺍ
... ﺍﻱ ﻭﺟﻬﺎﺩ
.. ﺷﺒﻲ ﺟﻬﺎﺩ ﻣﻮ ﺭﺍﺡ ﻳﺘﺰﻭﻭﺝ ..
... ﻣﻨﻮ ﻛﺎﺍﺍﻝ ﻳﺘﺰﻭﺝ
.. ﻛﻮﺍﻛﺐ ﻛﻠﺘﻠﻲ
... ﻳﺎﺍﺣﻴﻒ ﻭﺍﻟﻠﻪ ﺟﻨﻪ ﻣﺘﻔﻘﻪ ﻭﻱ ﻛﻮﺍﻛﺐ ﺍﻟﻲ ﺷﻌﻠﻠﺘﻬﺎ ﻭﺧﺒﺼﺖ ﻋﻠﻰ ﺟﻬﺎﺩ ﺭﺟﻠﺞ ﻭﺍﺑﻮ ﺑﻨﺘﺞ
... ﻻ ﻣﻮﻫﻴﺞ ﺿﻤﻴﺎﺀ
.. ﺍﻟﻤﻬﻢ ﺍﻧﻲ ﺯﻭﺟﻲ ﻳﺼﻴﺤﻨﻲ ﻻﺯﻡ ﺍﺭﻭﺡ ﻣﻊ ﺍﻟﺴﻼﻣﻪ . .
ﺟﻨﻪ .. ﻳﻌﻨﻲ ﺳﺎﻟﻔﺔ ﺯﻭﺍﺝ ﺟﻬﺎﺩ ﺟﺬﺏ !!!
ﺍﺧﺦ ﻳﺎﻛﻮﻳﻜﻪ ﺍﺧﺨﺦ ﺍﻧﻲ ﺍﻋﻠﻤﺞ
ﺩﻛﻴﺖ ﺭﻗﻤﻬﺎ ﻭﺍﺗﺼﻠﺖ ﺟﺎﻭﺑﺘﻨﻲ
ﺍﻟﻮﻭﻭ ﻣﻨﻮ
ﺍﻧﻲ ﺟﻨﻪ
ﻫﻼ ﺟﻨﻴﻨﻪ ﺷﺘﺮﺩﻳﻦ
ﻟﺞ ﻳﺎﻟﺨﺒﺎﺻﻪ ﻳﺎﻟﺸﺒﺎﺷﻪ ﺍﻧﺖ ﺷﻨﻮ ﺩﺍﺭﺳﻪ ﻭﻳﺎﺍﺑﻠﻴﺲ ﺍﻟﻠﻪ ﻳﻮﻣﻴﻪ ﺍﻟﻘﻴﺎﻣﻪ ﻳﺤﺘﺎﺭ ﺷﻮﻥ ﻳﻌﺬﺑﺞ ﻣﻦ ﻛﺪ ﻣﺎﻋﺬﺑﺘﻲ ﻧﺎﺱ .. ﺟﺬﺍﺍﺑﻪ .. ﻭﺳﺪﻳﺘﻪ ﺑﻮﺟﻬﻪ ..
ﺑﻴﺪﻱ ﺍﻟﺘﻠﻴﻔﻮﻥ ﻭﻫﻢ ﺩﻙ .. ﺷﻔﺘﻪ ﺭﻗﻢ ﻏﺮﻳﺐ ﺟﺎﻭﺑﺖ ﺍﻟﻮﻭ
ﺻﻮﺕ ﺍﻧﺜﻮﻱ .. ﺍﻟﻮﻭ
ﻣﻨﻮ ﺍﻧﺖ ؟؟
ﺍﻧﻲ ﺷﺮﻳﻜﺔ ﺟﻬﺎﺩ ﺑﺎﻟﻌﺬﺍﺏ ﻭﺍﻻﻟﻢ
... ﺍﻧﺖ ﺷﻨﻮ ﺗﻘﺼﺪﻳﻦ ؟؟
ﺍﺭﻳﺪ ﺍﻛﻮﻟﺞ ﺷﻲ ﺟﻨﻪ
ﻏﻴﺮ ﺍﻋﺮﻑ ﺍﻧﺖ ﻣﻨﻮ ؟؟
ﺍﻧﻲ ﺍﺭﻣﻠﺔ ﻋﺎﻣﺮ ﺍﻟﻲ ﻗﺘﻠـ
ﺍﻱ ﻋﺮﻓﺘﺞ
ﺍﺭﻳﺪ ﺍﻛﻮﻟﺞ ﺍﻧﻲ ﻣﻦ ﺟﺎﻥ ﻋﺎﻣﺮ ﻳﺤﺠﻴﻠﻲ ﻋﻠﻰ ﺭﺅﻯ ﻭﻣﻦ ﻋﺮﻓﺖ ﺑﺨﻴﺎﻧﺘﻪ ﻣﺘﺖ ﺗﻌﺬﺑﺖ ﺣﺴﻴﺖ ﺟﺒﻞ ﻭﺍﻧﻬﺪﺩ
ﺷﺤﺎﻝ ﺟﻬﺎﺩ ﺷﺎﻑ ﺑﻌﻴﻨﻪ ﻭﻫﻮ ﺭﺟﻞ ﻣﻦ ﺩﻡ ﻭﻟﺤﻢ ﻭﺳﺎﻋﺘﻬﺎ ﺍﻛﻴﺪ ﻣﺎﻛﺪﺭ ﻳﺘﺤﻜﻢ ﺑﻨﻔﺴﻪ ﺍﺭﺟﻌﻲ ﺟﻨﻪ ﺧﻄﻴﻪ ﺍﻟﻴﻮﻡ ﺷﻔﺘﻪ ﺑﺎﻟﻤﺴﺘﺸﻔﻰ ﺣﺎﻟﺘﻪ ﻻﺗﺴﺮ ﺻﺪﻳﻖ ﻭﻻﺗﺤﺰﻥ ﻋﺪﻭ ..
ﻳﻤﻪ ﺟﻬﺎﺩ ﺑﺎﻟﻤﺴﺘﺸﻔﻰ ﺷﺒﻲ ﺧﻮ ﻣﺎﺻﺎﻳﺮ ﻋﻠﻴﻪ ﺷﻲ ﻣﻦ ﻛﻢ ﺳﺎﻋﻪ ﺧﺎﺑﺮﺗﻪ ﻣﺎﺑﻲ ﺷﻲ ﺑﺲ ﻻ ﻫﺪﻭﺍ ﻋﻠﻴﻬﻢ ﻣﺮﻩ ﺛﺎﻧﻴﻪ ..
ﻻ ﻫﻮ ﻣﺎﺑﻲ ﺷﻲ ﺍﺑﻦ ﻓﺆﺍﺩ ﻣﺘﺨﺮﺑﻂ ﺑﺲ ﺟﺎﻱ ﺍﻛﻠﺞ ﺍﻟﺤﺰﻥ ﺑﻌﻴﻮﻧﻪ ﻳﺸﻊ ﻣﺒﻴﻦ ﺫﺍﻙ ﻫﻮ ﺣﺰﻳﻦ ﻭﻣﺘﻌﺬﺏ ..
ﺧﻮﻓﺘﻴﻨﻲ ﻳﻤﻌﻮﺩﻩ ﻳﺼﻴﺮ ﺧﻴﺮ ﺍ
ﺍﻟﻠﻪ ﻛﺮﻳﻢ ..
ﺍﺩﻋﻲ ﻭﻳﺎﺝ ﻻﺑﻨﻲ ﻻﻥ ﺗﻌﺒﺎﻥ ﻭﻣﺮﻳﺾ ..
ﺍﻟﻠﻪ ﻳﺸﻔﻲ ﺍﻥ ﺷﺎﺀﺍﻟﻠﻪ ..
ﺳﺪﻳﺘﻪ ﻣﻨﻬﺎ ﻭﺑﻘﻴﺖ ﻣﺸﻮﺷﺔ ﺍﻻﻓﻜﺎﺭ ..
ﻧﻤﺖ ﻭﺑﻌﺪ ﺍﺳﺒﻮﻉ ﺍﺟﺘﻨﻲ ﺍﻣﻲ ﻟﻠﻐﺮﻓﻪ
ﺟﻨﻪ .. ﺟﻨﻪ ﻫﺬﺍ ﻋﻤﺞ ﺍﺑﻮ ﺟﻬﺎﺩ ﻭﻭﻳﺎ ﺍﺧﻮ ﺍﺑﻮ ﻣﺤﻤﺪ ﺍﺟﻮﻭﻭ ﻭﺩﺧﻠﻬﻢ ﺍﺧﻮﺝ ﺍﺣﻤﺪ ﺑﺎﻻﺳﺘﻘﺒﺎﻝ
......
......
الجزء الرابع من نهاية الحكاية
ﺟﻬﺎﺩ ..
ﺑﻔﺘﺮﺓ ﺍﺟﺎﺯﺗﻲ ﻭﺍﻧﻲ ﻓﻲ ﺑﻐﺪﺍﺩ .. ﻣﻮﺯﻉ ﻭﻗﺘﻲ ﺑﻴﻦ ﺍﻟﻨﻮﻡ ﻭﺍﻟﻨﺖ ﻭﻣﺮﺍﺕ ﺍﻃﻠﻊ ﻭﻳﺎﺍ ﺍﺻﺪﻗﺎﺋﻲ ..
ﺳﺎﻋﻪ 4 ﺍﻟﻌﺼﺮ ﺧﺎﺑﺮﻧﻲ ﺣﺴﻦ ﺍﺑﻦ ﻋﻤﻲ ﺍﺑﻮ ﻣﺤﻤﺪ ..
.. ﺍﻟﻮ ﻫﺎﺍ ﺟﻬﺎﺩ ﺷﻮﻧﻚ ..
... ﻫﻼ ﺣﺴﻮﻥ ﻫﻼ ﺑﺎﻟﻌﺮﻳﺲ .
.. ﺍﻱ ﻭﺍﻟﻠﻪ ﻋﺮﻳﺲ ﻃﻚ ﺍﻟﺜﺎﻟﺜﻪ ﻳﻤﻌﻮﻭﻭﻭﺩ ﻭﺷﻌﻠﻠﻬﻬﺎ
... ﻭﻟﻚ ﻣﺮﺗﻴﻦ ﺍﺯﻭﺟﺖ ﺍﻧﺴﻤﻂ ﺟﺪ ﺟﺪﻱ ﺍﻟﺘﻮﻭﻭﺑﻪ ﺑﻌﺪ
.. ﺣﻘﻚ ﺍﻟﺸﻔﺘﻪ ﺍﻧﺖ ﻣﻮ ﻫﻴﻦ ﻭﻣﻮ ﺳﻬﻞ
.. ﺗﺨﻠﺺ ﻭﺻﻴﺮ ﺳﻮﺍﻟﻒ
.. ﺍﻛﻠﻚ ﺍﺑﻦ ﻋﻤﻲ ﻣﺤﺘﺎﺟﻚ ﺑﺸﻐﻠﻪ
.. ﻛﻮﻝ ﻋﻴﻮﻧﻚ ﺍﻟﻚ
.. ﻛﻔﻮ ﻣﻨﻚ ﻳﺎﻟﺬﻳﺐ .. ﺍﺭﻳﺪﻙ ﺗﻄﻠﻊ ﻭﻳﺎﻱ ﻟﻠﺴﻮﮒ ﺍﺭﻳﺪ ﺍﺷﺘﺮﻱ ﻧﺎﻗﺼﻨﻲ ﺷﻐﻼﺕ ﻟﻐﺮﻓﺘﻲ .
.. ﺑﺲ ﻫﻲ ﺗﺪﻟﻞ ﻳﺎﺏ
.. ﻛﻔﻮ ﻣﻨﻚ ﻛﻮﻝ ﻭﻓﻌﻞ .. ﺷﻮﻛﺖ ﻓﺎﺭﻍ ﻣﺎﻋﻨﺪﻙ ﺷﻲ .
.. ﻫﺴﻪ ﺍﺫﺍ ﺗﺮﻳﺪ
.. ﺍﻱ ﻭﺍﻟﻠﻪ ﻋﻠﻮﺍﻩ
.. ﺟﺎﻳﻚ ﺑﺲ ﺍﺑﺪﻝ
.. ﺍﻧﺘﻈﺮﻙ ﺍﺑﻮ ﻭﺭﺩﻩ ..
ﺳﺒﺤﺖ ﻭﺑﺪﻟﺖ ﻭﻃﻠﻌﺖ ﻟﺒﻴﺖ ﻋﻤﻲ ..
ﻧﺰﻟﻨﺎ ﻟﻠﺴﻮﮒ .. ﺣﺴﻦ ﺍﺷﺘﺮﻩ ﺛﺮﻳﺎﺕ ﻭﺯﻳﻨﻪ ﻭﺷﻐﻼﺕ ﻟﻐﺮﻓﺘﻪ ﻭﻟﺒﻴﺘﻬﻢ .. ﻛﻤﻠﻨﺎ ﻭﻃﻠﻌﻨﺎ . ﺑﻄﺮﻳﻘﻨﺎ ﻣﺮﻳﻨﻪ ﻋﻠﻰ ﻣﺤﻞ ﻣﻼﺑﺲ ﺑﺎﻭﻋﺘﻠﻪ ﻭﺍﻧﻲ ﺍﻣﺸﻲ ﺑﻲ ﺑﺪﻻﺕ ﻣﺎﻝ ﺑﻨﺎﺕ ﺍﺷﻜﺎﻝ ﻭﺍﻟﻮﺍﻥ .. ﺣﺴﻦ ﻃﺎﻟﻊ ﻛﺒﻞ ﻛﺪﺍﻣﻲ
ﺻﺤﺘﻠﻪ ﺍﺑﻮ ﻋﻠﻴﻮﻭﻭ ﺗﻌﺎﻝ ﻭﻟﻚ
ﻫﺎﺍ ﺧﻮﺵ ﻓﺎﻭﻟﺘﻨﻲ ﺑﻌﻠﻴﻮﻭﻭ
ﺍﻥ ﺷﺎﺀﺍﻟﻠﻪ ﻣﻦ ﺍﻭﻝ ﻟﻴﻠﻪ ﻳﺠﻴﻚ ﻋﻠﻴﻮﻭ ﻫﻬﻬﻬﻪ
.. ﺍﻣﻴﻦ ﻭﺍﺧﻄﺒﻠﻪ ﺑﺘﻚ
.. ﻻ ﻭﻟﻚ ﺍﻛﺒﺮ ﻣﻨﻪ ﺿﺮﺑﺘﻪ ﻋﻠﻰ ﻛﺘﻔﻪ ﻛﺘﻠﻪ ﺧﻠﻲ ﻧﻔﻮﺕ ﻟﻬﺬﺍ ﺍﻟﻤﺤﻞ ﺷﻮﻳﻪ ..
ﻓﺘﻨﺎ ﻭﻇﻠﻴﺖ ﺍﺑﺎﻭﻉ ﻟﻠﺒﺪﻻﺕ ﻣﺎﺍﻋﺮﻑ ﻗﻴﺎﺳﻬﺎ ﻭﻻﺷﺎﻳﻔﻬﺎ ﻛﺒﺮﺕ ﻻ ﺳﻤﻨﺖ ﺿﻌﻴﻔﻪ .. ؟؟
ﺗﺤﺴﺮﺕ .. ﺑﺎﻭﻋﺖ ﻋﺠﺒﺘﻨﻲ ﺑﺪﻟﻪ ﻟﻮﻧﻬﺎ ﺑﺼﻠﻲ ﻭﺍﺑﻴﺾ ﻣﻌﻠﮕﻪ ﺗﻘﺮﺑﺖ ﻣﻨﻬﺎ ﻭﻳﺎﻫﻪ ﻗﺒﻌﻪ ﻭﺣﺬﺍﺀ ﻭﺟﻨﻄﻪ ﺯﻏﻴﺮﻩ .
ﺍﺷﺮﺕ ﻻﺑﻮ ﺍﻟﻤﺤﻞ ﻛﺘﻠﻪ ﺍﻧﻄﻴﻨﺎﻫﻪ .
ﺧﻼﻫﻪ ﺑﻌﻼﮔﻪ ﻭﺍﻧﻄﺎﻧﻴﺎﻫﻪ ﻭﺣﺎﺳﺒﻨﻲ ﻭﻃﻠﻌﻨﺎ
ﻭﺻﻠﻨﻪ ﻟﻠﺴﻴﺎﺭﻩ ﻭﺻﻌﺪﻧﻪ .. ﺣﺮﻛﺘﻬﺎ ﻭﻣﺸﻴﻨﻪ ..
ﺣﺴﻦ .. ﺍﻟﺒﺪﻟﻪ ﻫﻲ ﻟﺒﻨﺘﻚ
ﺟﻬﺎﺩ .. ﺑﺤﺰﻥ ... ﺍﻱ
ﺣﺴﻦ .. ﻟﻴﺶ ﻣﺎﺗﺮﺟﻌﻬﺎ ؟؟ﻟﺨﺎﻃﺮ ﺑﻨﺘﻚ ﻉ ﺍﻻﻗﻞ .
ﺟﻬﺎﺩ .. ﻣﺎﺿﺮﺑﺘﻬﺎ ﻋﻠﻰ ﺍﻳﺪﻫﺎ ﻭﻛﺘﻠﻬﺎ ﺭﻭﺣﻲ ..
ﺍﻋﺘﺮﻑ ﻏﻠﻄﺖ ﺑﺤﻘﻬﺎ ﻫﻮﺍﻱ ﺑﺲ ﺍﺧﺮ ﻓﺘﺮﻩ ﺣﺎﻭﻟﺖ ﻭﺑﺬﻟﺖ ﺟﻬﺪﻱ ﺣﺘﻰ ﺍﺗﻐﻴﺮ ﺑﻔﺘﺮﻩ ﻗﺼﻴﺮﻩ ﻭﺍﻟﻠﻪ ﺍﻟﻲ ﻣﺜﻠﻲ ﻟﻮ ﺑﺎﻟﺨﺎﺭﺝ ﻳﻈﻞ ﺳﻨﻴﻦ ﻳﻌﺎﻟﺞ ﻋﻨﺪ ﻃﺒﻴﺐ ﻧﻔﺴﻲ ﺣﺘﻰ ﻳﺘﻌﺎﻓﻰ ﻣﻦ ﺍﻻﺛﺎﺭ ﺍﻟﻲ ﺍﻧﻄﺒﻌﺖ ﺑﻲ ..
ﺣﺴﻦ .. ﺟﻬﻮﺩﻱ ﻭﺍﻟﻠﻪ ﺍﻧﺖ ﻣﺎﻛﻮ ﻣﻨﻚ ﻭﻟﻮ ﻋﻨﺪﻱ ﺧﻮﺍﺕ ﺟﺎﻥ ﺯﻭﺟﺘﻚ ﻣﻨﻬﻢ ﺑﺲ ﺧﻮﺍﺗﻲ ﻛﻠﻬﻦ ﻣﺘﺰﻭﺟﺎﺕ
ﺟﻬﺎﺩ .. ﻭﻫﻢ ﻣﺎﺭﺍﺡ ﻳﻜﻌﺪ ﺣﻈﻲ ﻭﺍﻋﺮﻓﻪ ..
ﻭﺻﻠﻨﻪ ﻟﺒﻴﺖ ﻋﻤﻮ ﻧﺰﻟﻨﺎ ﻭﻧﺰﻟﺖ ﺍﻟﻐﺮﺍﺽ ﻭﻳﺎ ﻟﻠﻄﺮﻣﻪ ..
ﺍﻧﻔﺘﺤﺖ ﺑﺎﺏ ﺍﻻﺳﺘﻘﺒﺎﻝ ﻭﻃﻠﻊ ﻋﻤﻲ ..
ﺳﻠﻤﺖ ﻋﻠﻴﻪ ..
ﺍﺑﻮ ﻣﺤﻤﺪ .. ﺍﺩﺧﻞ ﺟﻬﺎﺩ
ﺟﻬﺎﺩ .. ﻭﺍﻟﻠﻪ ﻋﻤﻮ ﻣﺴﺘﻌﺠﻞ ﺍﺭﻳﺪ ﺍﺭﻭﺡ
ﺍﺑﻮ ﻣﺤﻤﺪ .. ﺍﺩﺧﻞ ﻋﻨﺪﻱ ﺣﺠﻲ ﻭﻳﺎﻙ
ﺟﻬﺎﺩ . ﻫﺎﺍ ﻋﻤﻮ ﺍﻥ ﺷﺎﺀﺍﻟﻠﻪ
ﺩﺧﻠﺖ ﺑﺎﻻﺳﺘﻘﺒﺎﻝ ..
ﺍﺑﻮ ﻣﺤﻤﺪ .. ﺟﻬﺎﺩ ﺗﺮﻩ ﻣﺎﻋﺎﺟﺒﻨﻲ ﻭﺿﻌﻚ
ﺟﻬﺎﺩ .. ﻟﻴﺶ ﻋﻤﻲ ﺳﺎﻣﻊ ﻋﻨﻲ ﺷﻲ ؟
ﺍﺑﻮ ﻣﺤﻤﺪ .. ﻣﺎﻳﺼﻴﺮ ﻳﺎﺍﺑﻨﻲ ﻣﺮﺗﻚ ﻫﻨﺎﻙ ﻭﺍﻧﺖ ﻫﻨﺎ
ﺟﻬﺎﺩ .. ﻭﺍﻟﻠﻪ ﻳﺎﻋﻤﻮ ﺣﺠﻴﺘﻬﻪ ﻭﻫﺴﻪ ﺭﺍﺡ ﺍﺣﺠﻴﻬﺎ ﺍﻧﻲ ﻣﻦ ﺳﻤﻌﺖ ﻫﻲ ﺧﺎﻳﻔﻪ ﻣﻨﻲ ﺣﻴﻞ ﺗﺎﺫﻳﺖ ﻭﻫﺎﻟﺸﻲ ﻣﺴﻨﻲ ﻭﻗﺮﺭﺕ ﺍﺧﻠﻴﻬﺎ ﻫﻨﺎﻙ ﻭﺍﺫﺍ ﺭﺍﺩﺕ ﺗﺠﻲ ﻫﻼ ﺑﻴﻬﺎﺍ .
ﺑﺲ ﺍﻧﻲ ﻣﺎﺍﺭﻭﺡ ﺍﺟﻴﺒﻬﺎ .. ﻻﻥ ﻣﻮ ﺍﻧﻲ ﻭﺩﻳﺘﻬﺎ ﻫﻲ ﺍﻧﻬﺰﻣﺖ ﻣﻨﻲ ﻣﺜﻞ ﺍﻟﺤﺮﺍﻣﻲ ..
ﺍﺑﻮ ﻣﺤﻤﺪ .. ﺍﻱ ﺍﺩﺭﻱ ﻳﺎﺍﺟﻬﺎﺩ ﺍﻧﺖ ﻏﺴﻠﺖ ﻋﺎﺭﻙ ﻭﻣﺎﻳﺤﺘﺎﺝ ﺗﺒﺮﺭ
ﺟﻬﺎﺩ .. ﺑﻘﻠﺒﻲ .. ﺍﻭﻭﻭ ﺷﻮﻛﺖ ﺍﺧﻠﺺ ﻣﻦ ﻫﺎﻟﺴﺎﻟﻔﻪ ﻭﺍﻟﻠﻪ ﺩﻣﺮﺗﻨﻲ .. ﺳﻜﺘﺖ ..
ﺍﺑﻮ ﻣﺤﻤﺪ .. ﻟﻌﺪ ﺍﻧﻲ ﺍﺭﻭﺡ ﺍﺟﻴﺒﻬﺎ ﻭﺍﻛﻮﻝ ﻻﺑﻮﻙ ﻳﺮﻭﺡ ﻭﻳﺎﻱ ..
ﺟﻬﺎﺩ .. ﺑﻘﻠﺒﻪِ ﺍﻭﻭ ﺧﺎﻑ ﻫﻲ ﺗﺮﻓﺾ ﻭﺗﻔﺸﻠﻬﻢ ﻭﺗﻨﺰﻝ ﺭﺍﺳﻲ .. ﮔﺘﻠﻪ ﻻﻋﻤﻲ ﻣﻴﺤﺘﺎﺝ . ﺷﻴﻮﺩﻳﻜﻢ ﻣﻨﺎ ﻟﻠﺒﺼﺮﻩ ﺍﻟﻄﺮﻳﻖ ﻃﻮﻳﻞ ﻭﺣﺎﺭﻩ ..
ﺍﺑﻮ ﻣﺤﻤﺪ .. ﻣﻴﺨﺎﻟﻒ ﺍﻧﺖ ﺗﻮﺩﻳﻨﻪ ﻭﺳﻴﺎﺭﺗﻚ ﻣﻜﻴﻔﻪ ﻣﺎﻧﺤﺲ ﺑﺎﻟﺤﺮ ..
ﺟﻬﺎﺩ .. ﻋﻤﻮ ﺍﻋﺬﺭﻧﻲ ﺍﻧﻲ ﺍﺟﺎﺯﺗﻲ ﺑﻌﺪ ﻣﺎﺧﻠﺼﺖ ﻭﻫﻢ ﺭﺍﺡ ﺍﺧﺬﻟﻲ ﺍﺟﺎﺯﻩ ﺍﺿﺎﻓﻴﻪ ﻟﻌﺮﺱ ﺣﺴﻦ ﻣﺎﺍﻛﺪﺭ ﺍﺭﺟﻊ ﻫﺴﻪ ..
ﺍﺑﻮ ﻣﺤﻤﺪ .. ﺍﻧﺖ ﻛﻮﻝ ﻣﺎﺗﺮﻳﺪ ﺗﺮﻭﺡ ﻣﻴﺨﺎﻟﻒ ﻧﺎﺧﺬ ﻭﺍﺣﺪ ﻣﻦ ﺍﺧﻮﺗﻚ ..
ﺟﻬﺎﺩ .. ﺍﻱ ﺑﻜﻴﻔﻚ ﻋﻤﻮ .. ﺍﻧﻲ ﺍﺗﺮﺧﺺ ﻫﺴﻪ ..
ﺣﺴﻦ .. ﻭﻳﻦ ﺍﺑﻘﻰ ﻳﻤﻨﻪ ﻉ ﺍﻟﻌﺸﺎ
... ﺑﻘﻴﺖ ﻳﻤﻬﻢ ﻋﻠﻰ ﺍﻟﻌﺸﺎ ﻭﺑﻌﺪﻳﻦ ﺭﺟﻌﺖ ..
ﻳﻮﻡ ﺛﺎﻧﻲ ﺍﺟﻪ ﻋﻤﻲ ﻟﺒﻴﺘﻨﺎ ﻭﺍﺗﻔﻘﻮﺍ ﻳﺮﻭﺣﻮﻥ ﻟﺒﻴﺖ ﺍﻫﻞ ﺟﻨﻪ ﻭﻳﺠﻴﺒﻮﻫﺎ .. ﺍﺛﻨﺎﺀ ﺣﺪﻳﺜﻬﻢ ﺍﻟﻠﺘﺰﻣﺖ ﺍﻟﺼﻤﺖ
ﻭﻛﺎﻥ ﻛﻼﻣﻲ ﻗﻠﻴﻞ .. ﻫﺬﺍ ﻗﺮﺍﺭﻫﻢ ﻫﻢ ﻟﻮﺣﺪﻫﻢ ﻭﺍﻧﻲ ﻣﺎ ﻣﻠﺰﻡ ﺍﻧﺎﻗﺸﻬﻢ ﺑﻲ .. ﺑﺲ ﺑﻘﺖ ﻋﻮﺩﺓ ﺟﻨﻪ ﺗﺸﻜﻞ ﺍﻟﻲ ﻫﺎﺟﺲ ﻣﻮ ﻋﻤﻮﺩ ﺭﺟﻌﺘﻬﺎ ﻻ ﻭﺍﻧﻤﺎ ﺧﺎﻑ ﺗﻔﺸﻞ ﻫﺎﻟﺸﻴﺒﻪ ﺍﻟﻤﺘﻌﻨﻴﻪ ﻋﻠﻤﻮﺩﻫﺎ ﻣﻦ ﺑﻐﺪﺍﺩ ﻟﻠﺒﺼﺮﻩ ..
ﺍﺧﺮ ﺷﻲ ﺗﺒﺮﻉ ﺍﺧﻮﻳﻪ ﻋﻤﺎﺩ ﻳﻮﺩﻳﻬﻢ ..
ﻗﻠﻴﻞ ﺍﻧﺎﻡ ﺑﺎﻟﻠﻴﻞ ... ﻭﻟﺬﻟﻚ ﻧﻤﺖ ﻣﺘﺄﺧﺮ
ﻛﻌﺪﺕ ﺳﺎﻋﻪ 11 ﻭﻧﺺ ﺍﻟﻈﻬﺮ .. ﻧﺰﻟﺖ ﺟﻮﻩ
ﺗﻼﻛﻴﺖ ﻭﻳﺎ ﺍﻣﻲ ﻣﺒﺘﺴﻤﻪ ..
.. ﻫﺎﺍ ﻳﻤﻪ ﺻﺒﺎﺡ ﺍﻟﺨﻴﺮ
.. ﺻﺒﺎﺣﻚ ﻭﺭﺩ ﻭﺳﻌﺎﺩﻩ ﻳﺎﻧﻈﺮ ﻋﻴﻨﻲ
.. ﻣﺒﺘﺴﻤﻪ ﺍﻟﻴﻮﻡ ﻋﺴﺎﻫﺎ ﺩﻭﻡ ﺍﻥ ﺷﺎﺀﺍﻟﻠﻪ ﺑﺲ ﺷﻨﻮ ﺍﻟﺴﺒﺐ .
.. ﺍﺑﻮﻙ ﻭﻋﻤﻚ ﺭﺍﺣﻮ ﻟﻠﺒﺼﺮﻩ ﻳﺠﻴﺒﻮﻥ ﺟﻨﻪ ..
.. ﺟﻬﺎﺩ ﻣﻤﻤﻢ ﻫﺎﺍﺍ ﺧﻮﺵ .. ﺷﻮﻛﺖ ﻃﻠﻌﻮﺍ
.. ﺍﻭﻭ ﻣﻦ ﺍﻟﻔﺠﺮ ﻫﺴﻪ ﻭﺻﻠﻮﺍ ﻳﻤﻜﻦ .. ﺍﻟﻐﺪﺍ ﺟﺎﻫﺰ ﺗﺮﻳﺪ ﺍﺻﺐ ﺍﻟﻚ
.. ﻻﺍ ﻣﺎﺍﺭﻳﺪ ﻫﺴﻪ .. ﻣﻮ ﺗﺪﺭﻳﻦ ﻣﺎﺍﻛﻞ ﺍﻭﻝ ﻣﺎﺍﻛﻌﺪ ﺧﻠﻲ ﺍﺳﺒﺢ ﻭﺍﺩﺧﻦ ﻭﺍﻛﻞ ..
.. ﻳﻴﻤﻪ ﻣﻮﺯﻳﻦ ﻋﻠﻴﻚ ﺍﻟﺘﺪﺧﻴﻦ
.. ﻻ ﺯﻳﻦ ﻳﻮﻡ ﺯﻳﻦ ﺍﻧﺠﻠﻂ ﺑﺪﻭﻧﻪ ﺍﻧﻲ ..
ﺻﻌﺪﺕ ﻓﻮﻙ . . ﻭﻇﻠﻴﺖ ﺍﻋﻴﺪ ﺧﻄﻮﺍﺗﻲ ..
ﺧﺎﻑ ﺟﻨﻪ ﺗﻔﺸﻠﻨﻲ ﻭﺗﺨﻠﻴﻬﻢ ﻳﺮﺟﻌﻮﻥ ﺑﻼﻫﺎ
ﺑﺎﻭﻋﺖ ﻟﻠﺘﻠﻴﻔﻮﻥ .. ﺧﻠﻲ ﺍﺧﺎﺑﺮﻫﺎ
..
ﺩﻛﻴﺖ ﻣﺎﻛﻮ ... ﺭﺟﻌﺖ ﺍﺗﺼﻠﺖ ﻣﺮﺗﻴﻦ ﻭﺛﻼﺛﻪ ﻭﺍﻋﺼﺎﺑﻲ ﻧﺎﺭ .. ﺟﺎﻭﺑﺖ . ﺑﺼﻮﺗﻬﺎ ﺍﻟﻨﺎﻋﻢ ﺍﻟﺤﺴﻴﺖ ﺑﻲ ﺣﻨﻴﻪ ..
ﺍﻟﻮﻭ ﺟﻬﺎﺩ .
ﺟﺎﻭﺑﺘﻬﺎ ﺑﺤﺪﻳﻪ ﻭﺗﻬﺪﻳﺪ
ﺍﺳﻤﻌﻲ ﺟﻨﻪ ﺍﺑﻮﻳﻪ ﻭﻋﻤﻲ ﺟﺎﻳﻴﻦ ﺍﻟﻜﻢ ﻭﻉ ﺍﺳﺎﺱ ﻳﺮﺩﻭﻥ ﻳﺮﺟﻌﻮﺝ ﻣﺎﺍﺭﻳﺪ ﺗﻨﻜﺴﻴﻦ ﺭﺍﺳﻲ ﻛﺪﺍﻣﻬﻢ ﻭﻳﻜﻮﻟﻮﻥ ﻣﺮﺕ ﺟﻬﺎﺩ ﻣﺎﺗﺤﺘﺮﻡ ﻫﺎﻟﺸﻴﺒﻪ ﺍﻟﺠﺎﻳﻪ ﻣﻦ ﺑﻌﻴﺪ ﻟﻮﺣﺪﻩ ﺯﻋﻄﻮﻃﻪ ﻭﻣﺎﺗﻌﺮﻑ ﺗﺘﺼﺮﻑ ﺍﺭﺟﻌﻲ ﻭﻳﺎﻫﻢ ﻭﺍﺣﻨﻪ ﻫﻨﺎ ﻧﺤﻠﻬﺎﺍﺍﺍ
.. ﺷﻨﻮ ﻫﺬﺍ ﻛﻼﻣﻚ ﺑﻲ ﺗﻬﺪﻳﺪ ؟؟
.. ﺷﻮﻥ ﻣﺎﺗﻔﻬﻤﻲ ﺍﻓﻬﻤﻲ ﺑﺲ ﺗﺮﻩ ﻭﺍﻟﻠﻪ ﺍﺷﻮﻓﺞ ﻭﺟﻬﻲ ﺍﻟﺜﺎﻧﻲ ..
.. ﻭﺟﻬﻚ ﺍﻟﺜﺎﻧﻲ ﺍﻟﺸﻮﻓﺘﻪ ﺍﻟﺮﺅﻯ ﻣﻮﻭﻭ ؟؟
.. ﺍﺣﺬﺭﻱ ﻏﻀﺒﻲ ﺗﺮﻩ ﻭﺍﻟﻠﻪ ﺍﺧﺬ ﺑﻨﺘﺞ ﻣﻦ ﺣﻀﻨﺞ ﻭﻣﺤﺪ ﻳﺸﻔﻌﻠﺞ ﺗﺮﻩ ﻛﻮﻟﺸﻲ ﺍﻛﺪﺭ ﺍﺳﻮﻱ .
.. ﺍﻟﻤﻔﺮﻭﺽ ﻣﺎﺍﺳﻤﻊ ﻣﻨﻚ ﻫﺬﺍ ﺍﻟﻜﻼﻡ ﻭﺍﺑﻮﻙ ﻭﻋﻤﻚ ﺑﺎﻻﺳﺘﻘﺒﺎﻝ ﺟﺎﻳﻴﻦ ﻳﺮﺩﻭﻥ ﻳﺮﺟﻌﻮﻧﻲ ؟؟
.. ﺍﻧﻲ ﻛﺘﻠﺞ ﻫﺴﻪ ﻻﺗﺮﺟﻌﻴﻦ ﻭﺷﻮﻓﻲ ﻭﺣﺘﻰ ﺍﺧﻠﻴﺞ ﺗﻄﻤﺌﻨﻴﻦ ﻣﺎﺭﺍﺡ ﺍﺗﻌﺮﺿﻠﺞ ﺍﺫﺍ ﺭﺟﻌﺘﻲ ﻭﺭﺍﺡ ﺍﻧﺰﻝ ﻏﺮﺍﺿﺞ ﺟﻮﻩ ﺑﻐﺮﻓﺔ ﺍﻣﻲ ﻭﻛﻠﻬﺎ ﻛﻢ ﻳﻮﻡ ﺑﻌﺪ ﻋﺮﺱ ﺣﺴﻦ ﺭﺍﺟﻊ ﻟﻠﺒﺼﺮﻩ ﻭﻳﻤﻜﻦ ﻣﺎﺍﺭﺟﻊ ﻟﺒﻐﺪﺍﺩ ﺑﻌﺪ ﺣﺘﻰ ﻻﺗﺤﺴﻴﻦ ﺣﻴﺎﺗﺞ ﺑﺨﻄﺮ ﻭﺗﻄﻤﺌﻨﻴﻦ .
... ﻟﻴﺶ ﺭﺍﺡ ﺗﺘﺰﻭﺝ ﺑﺎﻟﺒﺼﺮﻩ ﻫﺎﻟﻤﺮﻩ
.. ﺍﻱ ﺍﺗﺰﻭﺝ ﻟﻴﺶ ﻣﻨﻮ ﻳﻜﺪﺭ ﻳﻤﻨﻌﻨﻲ ﺭﺍﺡ ﺍﺗﺰﻭﺝ ﻭﺣﺪﻩ ﺗﻘﺪﺭﻧﻲ ﺭﺍﺿﻴﻪ ﺑﻴﻪ ﺭﻏﻢ ﺗﻌﺮﻑ ﻋﻨﻲ ﻛﻞ ﺷﻲ
.. ﻭﻟﻴﺶ ﻣﺎﻛﺘﻠﻲ ﻟﻴﺶ ﻫﻲ ﻛﺘﻠﻬﺎ ﺟﻬﺎﺩ ﺍﻧﺖ ﻟﻮ ﺣﺎﺟﻴﻠﻲ ﺟﺎﻥ ﻣﻮ ﻫﺬﺍ ﻭﺿﻌﻨﻪ .
.. ﻫﻲ ﺻﺎﺭﺕ ﺑﻌﺪ ﻭﺍﻧﺖ ﺧﻠﻲ ﻋﻘﻠﺞ ﺑﺮﺍﺳﺞ ﻭﻓﻜﺮﻱ ﺯﻳﻦ ﻭﺭﻭﺣﻲ ﻛﻮﻟﻲ ﻗﺮﺍﺭﺝ ﻻﺑﻮﻳﻪ ﻭﻋﻤﻮ ﻻﺗﺨﻠﻴﻨﻬﻢ ﻳﻨﺘﻈﺮﻭﻥ ﻣﻦ ﺭﺧﺼﺘﺞ ﻋﻨﺪﻱ ﻣﻜﺎﻟﻤﻪ ﺍﺭﻳﺪ ﺍﺟﺎﻭﺏ ﻋﻠﻴﻬﺎ ﭼﺎﻭﻭ ..
&*&********
ﺑﺎﻟﻄﺮﻣﻪ ﻣﺎﺧﺬﺗﻬﺎ ﺫﻫﺎﺑﺎ ﻭﺍﻳﺎﺑﺎ ﺗﺤﻮﻭﻡ ﺳﻤﻌﺖ ﺑﻌﺮﺱ ﺣﺴﻦ ﻭﺗﺮﻳﺪ ﺗﺮﻭﺡ .. ﺳﻤﻌﺖ ﺻﻮﺕ ﺑﺎﻟﻤﻄﺒﺦ ﻛﺘﺮﺕ ﺍﻟﻤﺨﻀﺮ ﻋﻠﻰ ﺻﻔﺤﻪ ﻭﻃﺒﺖ ..
ﻛﻮﺍﻛﺐ .. ﺻﺒﺎﺡ ﺍﻟﺨﻴﺮ ﺍﻡ ﻋﻤﺎﺭ .
ﺍﻡ ﻋﻤﺎﺭ .. ﻳﻤﻪ ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ ﻛﻮﺍﻛﺐ ﺍﻧﺖ ﺷﻤﻜﻌﺪﺝ ﻣﻦ ﺍﻟﻔﺠﺮﻳﻪ ﻣﺎﺗﻨﺎﻣﻴﻦ ..
ﻛﻮﺍﻛﺐ .. ﺷﻜﻠﺖ ﻋﺒﺎﻳﺘﻬﺎ ﻭﻛﻌﺪﺕ ﻉ ﺍﻟﻜﺮﺳﻲ .. ﺷﺴﻮﻱ ﻧﺎﻳﻤﻪ ﻳﺎﺍﻡ ﻋﻤﺎﺭ ﺑﺎﺟﺮ ﺍﻧﺎﻡ ﺍﻟﻨﻮﻣﻪ ﺍﻟﺠﺒﻴﺮﻩ ﻭﻧﺸﺒﻊ ﻧﻮﻡ ﻣﺤﺪ ﻳﻜﻌﺪﻧﺎ ﻫﺴﻪ ﺧﻠﻲ ﻧﺸﺒﻊ ﻣﻦ ﺍﻟﺪﻧﻴﺎ
ﺍﻡ ﻋﻤﺎﺭ .. ﻳﺎﺧﻴﻪ ﻳﺎﻣﺤﺪ ﻳﮕﻌﺪﺝ ﻭﻣﻨﻜﺮ ﻭﻧﻜﻴﺮ ﺷﻨﻮ ﺷﻐﻠﻬﻢ ؟؟
ﻛﻮﺍﻛﺐ .. ﻳﺎﻗﺎﺑﻞ ﺷﻤﺴﻮﻳﻦ ﻭﻳﺠﻮﻧﻪ ﻣﻨﻜﺮ ﻭﻧﻜﻴﺮ ﺍﻛﻠﺞ ﻣﺎﻋﻠﻴﻨﻪ ﺍﻛﻠﺞ ﻋﺮﺱ ﺣﺴﻦ ﻳﻮﻡ ﺍﻟﺨﻤﻴﺲ ﻣﺎﺗﺮﺣﻴﻦ
ﺍﻡ ﻋﻤﺎﺭ .. ﺷﺴﻮﻱ ﺭﺍﻳﺤﻪ ﻣﻦ ﺑﻌﺪ ﻋﻴﻦ ﻭﻟﻴﺪﻱ ﻋﺎﻣﺮ ﺳﻮﺩﻩ ﻋﻠﻴﻪ ﺍﻟﻲ ﺭﺍﺡ ﻣﻐﺪﻭﺭ ﻭﻋﻠﻰ ﺍﻳﺪ ﻣﻨﻮ ﺍﺑﻦ ﻋﻤﻪ ﺟﻬﻴﺪ ﻣﺎﺭﻭﺡ ﺍﻋﺮﺍﺱ ﻭﻻﺍﻭﺻﻞ ﺑﻐﺪﺍﺩ ﺑﻌﺪ
ﻛﻮﺍﻛﺐ .. ﺍﻱ ﻣﻦ ﺍﻳﺪﻩ ﺷﻌﻨﺪﻩ ﻳﺴﺨﺖ ﻭﻳﺎ ﻣﺮﺗﻪ
ﺍﻡ ﻋﻤﺎﺭ . . ﻫﺎﺍ ﻫﺴﻪ ﺗﺤﺠﻴﻦ ﻫﻴﺞ ﻟﻌﺪ ﻭﻳﻦ ﺷﻬﺎﺩﺗﺞ ﺿﺪ ﺟﻬﻴﺪ ..
ﻛﻮﺍﻛﺐ .. ﻣﺎ ﻋﻠﻴﻨﻪ ﺍﺭﻳﺪ ﺍﺭﻭﺡ ﻟﻠﻌﺮﺱ ..
ﺍﻡ ﻋﻤﺎﺭ .. ﺷﺴﻮﻳﻦ ﺭﺍﻳﺤﻪ ﺑﺎﻟﻠﻪ ..
ﻛﻮﺍﻛﺐ ﻭﻫﻲ ﺗﺼﻔﻚ ﺑﻴﺪﻫﺎ ﻭﺗﻌﺪﺩ ﺍﻛﻴﺪ ﻫﺴﻪ ﻳﺬﺑﺤﻮﻥ ﺍﻟﺬﺑﺎﻳﺢ ﻭﻳﺴﻮﻭﻥ ﺍﻟﻌﺸﻴﺎﺕ ﻭﺍﻟﻐﺪﻳﺎﺕ ﻟﻠﺨﻄﺎﺭ ﺷﻮﻥ ﺗﺮﺩﻳﻨﻲ ﺍﻓﻮﺕ ﺍﻟﺒﺎﺟﻪ ﻭﺍﻟﻤﻌﻼﻙ ﻻﻻ ﺍﻟﻪ ﺍﺭﻭﺡ ﺍﻇﻞ ﻫﻨﺎ ﺷﺴﻮﻱ ﻣﻮﺗﻮﻧﻲ ﺟﻮﻉ ..
ﺍﻡ ﻋﻤﺎﺭ .. ﻫﺴﻪ ﺍﺣﻨﺎ ﻣﻮﺗﻨﺎﺝ ﺍﻟﺠﻮﻉ ﺗﻬﻲ ﺑﻬﻲ ﻳﺎﺍﻟﻠﻪ ﻣﺎﻳﺠﻴﺐ ﺑﻌﻴﻨﺞ ﺍﻟﻄﻴﺐ ﺍﻛﻠﺞ ﻣﺎﺗﺨﺎﻓﻴﻦ ﻣﻦ ﺟﻬﻴﺪﺍﻥ ﻳﺼﻜﺞ .
ﻛﻮﺍﻛﺐ .. ﺑﺘﻠﻌﺜﻢ ﻭﺗﻮﺗﺮ . . ﺃﺃ ﻻ ﻭﻳﻦ ﻳﺠﻲ ﺟﻬﻴﺪﺍﻥ ﻣﺮﺗﻪ ﺯﻋﻼﻧﻪ ﻭﺣﺎﻟﺘﻪ ﺣﺎﻟﻪ ﻭﻳﺮﻳﺪ ﻳﻌﺮﺱ .. ﻣﺎﻳﺠﻲ،ﻣﺎﻳﺠﻲ ﻣﺎﻳﺸﻮﻓﻨﻲ ..
ﺍﻡ ﻋﻤﺎﺭ ... ﺍﻱ ﻋﺴﺎﻩ ﻣﺎﺗﻬﻨﻰ ﺍﻟﻤﺠﺮﻡ ﻛﺘﻞ ﺍﺑﻨﻲ ﺳﻮﺩﻩ ﻋﻠﻴﻪ ﻳﻤﻪ ﻋﺎﻣﺮ ﺳﻮﺩﻩ ﻋﻠﻴﻪ ﺍﻟﺸﺒﺎﺏ ﺍﻟﺤﻠﻮ ﻳﺮﻭﺡ ﺟﻮﻩ ﺍﻟﺘﺮﺍﺏ ... ﺍﺥ ﻳﻤﻪ ﺍﺥ ﺷﻨﺴﻰ ﻣﻨﻚ ..
ﻛﻮﺍﻛﺐ .. ﻫﺴﻪ ﻟﺘﻈﻠﻴﻦ ﺗﺒﺠﻴﻦ ﺍﺭﻳﺪ ﺍﺭﻭﺡ ﻟﻠﻌﺮﺱ
ﺍﻡ ﻋﻤﺎﺭ .. ﺍﻭﻭﻑ ﺍﻧﻲ ﻭﻳﻦ ﻭﺍﻧﺖ ﻭﻳﻦ ﺭﻭﺣﻲ ﺫﺍﻙ ﺍﻟﺪﺭﺏ ﺷﺴﻮﻳﻠﺞ .. ﺭﺍﻳﺤﻪ ﺍﺻﻠﻲ ﻭﺍﻛﻤﻞ ﻧﻮﻣﺘﻲ ..
ﻛﻮﺍﻛﺐ .. ﺍﻱ ﺭﻭﺣﻲ ﻧﺎﻣﻲ ﺭﻭﺣﻲ ..
ﺍﺗﻠﻔﺘﺖ ﺷﺎﻓﺖ ﺗﻠﻴﻔﻮﻥ ﻋﻠﻰ ﺍﻟﻜﺎﻭﻧﺘﺮ .. ﺍﻱ ﻭﺍﻟﻠﻪ ﺷﻌﺠﺐ ﻧﺎﺳﻴﻦ ﺗﻠﻴﻔﻮﻥ ﻉ ﻛﻮﻧﺘﺮ ﺻﺎﺭﻟﻬﻢ ﻣﺪﻩ ﻳﻀﻤﻀﻤﻮﻥ ﺍﻟﺘﻠﻴﻔﻮﻧﺎﺕ ﻋﻨﻲ ﻳﺪﺭﻭﻥ ﺑﻴﻪ ﺍﺧﺎﺑﺮ ﻭﺍﺳﺄﻝ ﻋﻠﻰ ﺣﺒﺎﻳﺒﻲ ﻭﺍﻧﻘﻞ ﺍﺧﺒﺎﺭﻫﻢ ﺑﺲ ﻫﺴﻪ ﺍﺭﻳﺪ ﺍﺧﺎﺑﺮ ﺟﻨﻴﻨﻪ ﺷﻮﻥ ﺗﻐﻠﻂ ﻋﻠﻴﻪ ﻛﺒﻞ ﺟﻢ ﻟﻴﻠﻪ ..
ﻇﻠﺖ ﺗﺪﻭﺱ ﺑﺎﻟﺪﻛﻢ ﻭﻣﺘﻌﺮﻑ ﺗﺘﺼﻞ ﺍﻟﻰ ﺍﻥ ﻓﺎﺕ ﻣﻦ ﻛﺪﺍﻣﻬﺎ ﺭﺿﺎ ﻭﺻﺎﺣﺘﻪ
ﺭﺿﺎ ﺭﺿﺎ ﺗﻌﺎﻝ
ﺷﺘﺮﺩﻳﻦ ﺑﻴﺒﻲ ﺍﺭﻳﺪ ﺍﺭﻭﺡ ﻟﻠﺤﻤﺎﻡ ﻭﺍﺭﺟﻊ ﺍﻧﺎﻡ ..
ﺗﻌﺎﻝ ﺣﺘﻰ ﺍﺧﺬﻙ ﻭﻳﺎﻱ ﻟﻠﻌﺮﺱ
ﻳﺎﻋﺮﺱ
ﻋﺮﺱ ﺣﺴﻦ ﺑﺲ ﺗﻌﺎﻝ .. ﺍﺭﻳﺪﻙ ﺗﺨﻠﻲ ﺭﻗﻢ ﺟﻨﻪ ﺑﻬﺬﺍ ﺍﻟﺘﻠﻴﻔﻮﻥ ﻭﺗﺨﺎﺑﺮﻫﺎ ﺍﺭﻳﺪ ﺍﺣﺠﻲ ﻭﻳﺎﻫﺎ
ﺑﻴﺒﻲ ﻣﻦ ﺍﻟﺼﺒﺢ ﺗﺨﺎﺑﺮﻳﻦ ﻭﺑﻌﺪﻳﻦ ﻫﺬﺍ ﺗﻠﻴﻔﻮﻥ ﺑﻴﺒﻴﺘﻲ ﺧﻄﻴﻪ .. ﺗﺨﺎﺑﺮ ﺑﻨﺎﺗﻬﺎ ﺍﺑﻐﺪﺍﺩ
ﺍﻧﺖ ﻣﺎﻋﻠﻴﻚ ﻣﻮ ﺭﺍﺡ ﺍﺧﺬﻙ ﻟﻠﻌﺮﺱ ..
ﺍﻭﻭﻭ ﺑﻴﺒﻲ ﺟﻴﺒﻲ ......... ﻫﺎﺝ ﺩﮔﻴﺖ
ﺍﻱ ﺭﻭﺡ ﺭﻭﺡ ..
ﺍﻟﻮ ﻫﺎ ﺟﻨﻴﻨﻪ ﻃﻴﻨﻪ
ﺟﻨﻪ .. ﻫﺎﺍﻱ ﺍﺷﻌﻨﺪﺝ ﻣﺘﺼﻠﻪ ﻣﻦ ﺍﻟﺼﺒﺢ ﻭﻟﺞ ﺣﺘﻰ ﺑﻨﺘﻲ ﻛﻌﺪﺕ ﻋﻠﻰ ﺻﻮﺕ ﺍﻟﻤﻮﺑﺎﻳﻞ
ﻭﻟﺞ ﺷﻮﻥ ﺗﻐﻠﻄﻴﻦ ﻋﻠﻴﻪ ﺑﻜﺪ ﺍﻣﺞ ﺍﻧﻲ ﻳﻠﻤﺎﺗﺴﺘﺤﻴﻦ .
ﻟﻌﺪ ﻟﻴﺶ ﺟﺬﺑﻴﻦ ﻭﺗﻜﻮﻟﻴﻦ ﺟﻬﺎﺩ ﻳﺮﻳﺪ ﻳﺘﺰﻭﺝ ؟؟
ﺍﻱ ﺭﺍﺡ ﻳﺘﺰﻭﺝ ﻭﺍﻟﺨﻤﻴﺲ ﺣﻔﻠﺔ ﺍﻟﺨﻄﻮﺑﻪ ﻭﺍﻧﺖ ﻇﻠﻲ ﺍﺑﻴﺖ ﺍﻫﻠﺞ ﺑﻠﻜﺖ ﻳﻄﻠﻜﺞ
ﻭﻟﻴﻴﻲ ..
ﺳﺪﺗﻪ ﺑﻮﺟﻬﻲ ﺑﺖ ﺍﺑﻮ ﺍﻟﻠﺒﻠﺒﻲ ..
ﺍﺭﻭﺡ ﺍﺷﻮﻓﻠﻲ ﻭﺍﺣﺪ ﻳﻮﺻﻠﻨﻲ ﻟﺒﻐﺪﺍﺩ ..
ﺭﺍﺣﺖ ﻭﺍﺗﻔﻘﺖ ﻭﻳﺎ ﺟﻴﺮﺍﻧﻬﻢ ﻳﻮﺻﻠﻬﺎ ﻟﺒﻐﺪﺍﺩ ﺣﺘﻰ ﺗﺤﻀﺮ ﻋﺮﺱ ﺣﺴﻦ ﻭﻫﻲ ﻣﻄﻤﺌﻨﻪ ﻣﻦ ﻧﺎﺣﻴﺔ ﺟﻬﺎﺩ
ﻣﺎﺗﺸﻮﻓﻪ ﻭﻛﻞ ﻇﻨﻬﺎ ﺍﻧﻪ ﻣﺎﺍﻟﻪ ﺧﻠﻚ ﻳﺤﻀﺮ ﻋﺮﺱ ﻭﻫﻮ ﺑﻬﺎﻟﻮﺿﻊ ﻫﺬﺍ .. ﻗﺒﻞ ﺍﻟﻌﺮﺱ ﺑﺎﻳﺎﻡ ﺍﻧﻄﻠﻘﺖ ﻟﺒﻐﺪﺍﺩ ﻭﺭﺍﺣﺖ ﻟﺒﻴﺖ ﺍﺧﻮﻫﺎ ﺍﺑﻮ ﻣﺤﻤﺪ ..
**&*****
ﺟﻬﺎﺩ .. ﺗﺮﻗﺐ ﻭﺗﻮﺗﺮ .. ﻭﺑﺎﻛﻴﺖ ﺍﻟﺠﻜﺎﻳﺮ ﻗﺮﺏ ﻳﺨﻠﺺ
ﻣﺮﻩ ﺍﺻﻌﺪ ﻓﻮﻙ ﻭﻣﺮﻩ ﺟﻮﻩ ..
ﺍﺫﺍ ﺗﺤﺒﻨﻲ ﺗﺮﺟﻊ .. ﻻﻻ ﻟﻮ ﺗﺤﺒﻨﻲ ﺟﺎﻥ ﺧﻠﻘﺘﻠﻲ ﺍﻟﻒ ﻋﺬﺭ ﻣﻦ ﺍﻟﻲ ﺳﻮﻳﺘﻪ ﻣﻮ ﺗﺘﺮﻛﻨﻲ ﻭﺗﺮﻭﺡ
ﺧﻠﺺ ﺣﺘﻰ ﻭﺍﺫﺍ ﺭﺟﻌﺖ ﺍﺣﺴﺒﻬﺎ ﻏﺮﻳﺒﻪ ﻭﻣﺎﻟﻲ ﺩﺧﻞ ﺑﻴﻬﺎﺍ .. ﺧﻠﻴﻬﺎ ﺗﻨﺎﻡ ﺑﻐﺮﻓﺔ ﺍﻣﻲ ..
ﻧﺰﻟﺖ ﺟﻮﻩ ﻭﻛﻌﺪﺕ ﻋﻠﻰ ﺍﺧﺮ ﺑﺎﻳﻪ ﻣﻦ ﺍﻟﺪﺭﺝ ..
ﺍﺟﺖ ﻳﻤﻲ ﺍﻣﻲ .. ﻫﺎﺍ ﻳﻤﻪ ﺟﻬﺎﺩ ﺧﺎﺑﺮﺕ ﺍﺑﻮﻙ ﻣﺎﺳﺎﻟﺘﻪ ﻗﺒﻠﺖ ﺟﻨﻪ ﺗﺮﺟﻊ ﻟﻮ ﻻ
ﺟﻬﺎﺩ .. ﻓﺮﻛﺖ ﺍﻳﺪﻳﻪ ﻭﺑﻘﻠﺒﻲ ﺍﻛﻮﻝ ﻭﺍﻟﻠﻪ ﺍﺫﺍ ﻣﺎﺍﺟﺖ ﺍﻛﻠﺐ ﺍﻟﺪﻧﻴﺎ ﻋﻠﻴﻬﺎ ﻛﺘﻠﻬﺎ ﻳﻮﻭﻡ ﻣﺎﺍﺩﺭﻱ ﻣﺎﺧﺎﺑﺮﺗﻪ ..
ﺍﻣﻲ .. ﺧﺎﺑﺮﻩ ﻳﺎﺍﺑﻨﻲ ﻭﺗﻄﻤﻦ ﻋﻠﻴﻬﻢ ..
ﺟﻬﺎﺩ .. ﻣﺎﺍﺧﺎﺑﺮ ﻳﻤﻪ ﻳﺠﻲ ﻭﻳﺼﻴﺮ ﺧﻴﺮ
ﻋﻔﺘﻬﺎ ﻭﺻﻌﺪﺕ ﻓﻮﻭﻙ .. ﺩﺧﻠﺖ ﻟﻠﻐﺮﻓﻪ .. ﻣﺘﻮﺗﺮ ﻭﻣﺤﺘﺎﺭ ﻭﺑﺪﺍﺧﻠﻲ ﺳﺆﺍﻝ ﻭﺍﺣﺪ ﻳﺎﺗﺮﻯ ﺭﺍﺡ ﺗﺠﻲ ؟؟ !!
ﺳﻤﻌﺖ ﺻﻮﺕ ﺳﻴﺎﺭﻩ ﺍﻗﺘﺮﺑﺖ ﻣﻦ ﺑﺎﺑﻨﻪ ..
ﻃﻠﻌﺖ ﺑﺎﻟﺒﻠﻜﻮﻥ .. ﺷﻔﺖ ﺳﻴﺎﺭﺗﻲ ﺍﻟﻲ ﺭﺍﺣﻮﺍ ﺑﻴﻬﺎ ﻣﻌﻨﺎﻫﻪ ﺍﺟﻮﺍ .. ﺑﻘﻴﺖ ﻭﺍﻛﻒ ﻭﻣﺘﺮﻗﺐ ﻭﻣﺼﻮﺏ ﻧﻈﺮﺍﺗﻲ ﻟﻼﺳﻔﻞ ﺣﺘﻰ ﺍﺣﺲ ﻋﻴﻮﻧﻲ ﺣﺘﻮﻛﻊ ﻣﻦ ﻛﺜﺮ ﻣﺎﺑﺎﻭﻋﺖ
ﻫﻞ ﻳﺎﺗﺮﻯ ﺟﻨﻪ ﺭﺍﺡ ﺗﻨﺰﻝ ﻣﻦ ﻫﺎﻟﺴﻴﺎﺭﻩ ﻟﻮ ﻣﺎﺍﺟﺖ ﻭﻳﺎﻫﻢ .. ؟؟
.......
.......
الجزء الخامس من نهاية الحكاية | الاخير
ﺟﻨﻪ .. ﻳﺎ ﺍﺍ ﻳﻤﻪ ﺷﻌﺪﻫﻢ ﺟﺎﻳﻴﻦ ..
ﺍﻣﻲ .. ﻭﻟﺞ ﺧﻮ ﻣﺎﺍ ﺍﺳﺄﻟﻬﻢ ﺷﻌﺪﻛﻢ ﺟﺎﻳﻴﻦ ﺩﻛﻮﻣﻲ ﺑﺪﻟﻲ ﻭﺑﺪﻟﻲ ﻟﺒﻨﺘﺞ ﻭﻃﻠﻌﻲ ﺳﻠﻤﻲ ﻋﻠﻴﻬﻢ ..
ﺟﻨﻪ .. ﻳﻴﻴﻤﻤﻤﻪ !!
ﺍﻣﻲ .. ﻫﺎﺍ ﺷﺒﻴﺞ ﺗﻤﺘﻤﻴﻦ ؟ !!
ﺟﻨﻪ .. ﺟﻬﺎﺩ ﻣﻮ ﻭﻳﺎﻫﻢ .. ؟؟
ﺍﻣﻲ .. ﻻ ﺑﺲ ﺍﺧﻮ ﺍﻟﺰﻏﻴﺮ .. ﻳﻼ ﺑﺎﻟﻌﺠﻞ ﻋﻴﺐ ﻣﻨﻬﻢ ﻳﻨﺘﻈﺮﻭﻥ ..
ﺟﻨﻪ .. ﺻﺎﺭ ﻣﺎﻣﺎ ..
ﻛﻤﺖ ﻣﻦ ﻓﺮﺍﺷﻲ .. ﻭﺭﺩﻩ ﻣﺎﺗﻨﺎﻡ ﺑﺎﻟﻠﻴﻞ ﺗﺒﻘﻰ ﻟﻠﻔﺠﺮ ﻳﻼ ﺗﻨﺎﻡ ﻟﻬﺴﻪ ﻣﺎﺍﻧﻌﺪﻟﺖ ﻧﻮﻣﺘﻬﺎ .. ﻓﺄﺑﻘﻰ ﻧﺎﻳﻤﻪ ﻝ 12 ﺍﻟﻈﻬﺮ
ﺍﺧﺬﺗﻬﺎ ﻭﺭﺣﺖ ﻟﻠﺤﻤﺎﻡ .. ﻏﺴﻠﺘﻬﺎ ﻭﻏﺴﻠﺖ ﻭﺭﺟﻌﻨﺎ ﻟﻠﻐﺮﻓﻪ ﺳﻤﻌﺖ ﺗﻠﻴﻔﻮﻧﻲ ﻳﺮﻥ ..
ﺧﻠﻴﺖ ﻭﺭﺩﻩ ﻋﻠﻰ ﺍﻟﺠﺮﺑﺎﻳﻪ ﻭﻟﻔﻴﺘﻬﻪ ﺑﺎﻟﺨﺎﻭﻟﻲ ﻣﺎﻟﺘﻬﻪ
ﻭﺭﺣﺖ ﻟﻠﺘﻠﻴﻔﻮﻥ ﺑﺴﺮﻋﻪ .. ﺍﺧﺬﺗﻪ ﺟﻬﺎﺩ ﻳﺘﺼﻞ
ﺧﻠﻴﺖ ﺍﻳﺪﻱ ﻋﻠﻰ ﻗﻠﺒﻲ .. ﺗﻮﻗﻌﺖ ﻳﺘﻮﺳﻞ ﺑﻴﻪ ﺍﺭﺟﻊ ﺑﺲ ﻟﻴﺶ ﻣﺎﺍﺟﻪ ﻭﻳﺎﻫﻢ ..
ﺭﻓﻌﺘﻪ ﻭﺟﺎﻭﺑﺖ .. ﻗﻬﺮﻧﻲ ﻛﻼﻣﻪ ﻛﻠﻪ ﺗﻬﺪﻳﺪ ﻭﻭﻋﻴﺪ ..
ﺗﺮﺩﺩﺕ ﺣﺘﻰ ﺍﻃﻠﻊ ﻟﻌﻤﻲ ﻭﺍﺧﻮ ﻭﻛﻌﺪﺕ ﻉ ﺟﺮﺑﺎﻳﻪ ..
ﺍﺑﺠﻲ ..
ﺩﺧﻞ ﺍﺣﻤﺪ ﺍﺧﻮﻳﻪ ..
- ﻳﻼ ﺟﻨﻪ ﻋﻴﺐ ﻳﻨﺘﻈﺮﻭﻧﺞ
- ﻫﺴﻪ ﺟﺎﻳﻪ
. ﺍﻧﻄﻴﻨﻲ ﻭﺭﺩﻩ ﺍﻭﺩﻳﻬﻪ ﻟﺠﺪﻫﺎ ﻳﺸﻮﻓﻬﺎ ﻣﺸﺎﻳﻔﻬﺎ
- ﺑﺲ ﺧﻠﻲ ﺍﺑﺪﻟﻠﻬﺎ
- ﺑﺴﺮﻋﻪ ﻋﺠﻠﻲ ..
ﺑﺪﻟﺖ ﺍﻟﻬﺎ ﻭﺍﻧﻲ ﺿﺎﻳﺠﻪ ﻭﺍﺣﺲ ﺭﻭﺣﻲ ﻣﺎﺻﺎﻓﻴﻪ ﻋﻠﻰ ﻗﺮﺍﺭ ﺍﻟﻴﻮﻡ ﻣﺤﺘﺎﺭﻩ ﺑﻴﻦ ﺍﺭﺟﻊ ﻭﺑﻴﻦ ﻻ ﻋﻘﻠﻲ ﻣﺸﻮﺵ ﻛﻼﻡ ﺟﻬﺎﺩ ﺧﻮﻓﻨﻲ ..
ﺍﻧﻄﻴﺖ ﻭﺭﺩﻩ ﻷﺣﻤﺪ .. ﻭﺭﺣﺖ ﺑﺪﻟﺖ ﺍﻟﺘﺮﺍﻙ ﺍﻻﺑﺴﺘﻪ ﻭﻟﺒﺴﺖ ﻛﻼﺑﻴﻪ ﻃﻮﻳﻠﻪ ﻟﻔﻴﺖ ﺷﺎﻟﻲ ﻭﻃﻠﻌﺖ .. ﻭﻛﻼﻡ ﺟﻬﺎﺩ ﻳﺘﺮﺩﺩ ﺑﺎﺫﻧﻲ ﻛﻞ ﺷﻮﻳﻪ .
ﻭﻛﻔﺖ ﻳﻢ ﺑﺎﺏ ﺍﻻﺳﺘﻘﺒﺎﻝ ﻭﻣﺘﺮﺩﺩﻩ ﺍﻃﺐ ..
ﻣﻌﻘﻮﻟﻪ ﺟﻬﺎﺩ ﻳﺎﺧﺬ ﻭﺭﺩﻩ ﻣﻨﻲ ﻭﻳﺨﻠﻴﻨﻲ ﺑﺤﺴﺮﺗﻬﺎ
ﺍﻱ ﺍﻛﻴﺪ ﻳﺎﺧﺬﻫﺎ ﻫﻮ ﺍﻟﻴﻘﺘﻞ ﻭﻳﻨﻔﺬ ﻣﻦ ﺍﻟﻌﻘﺎﺏ ﻳﻜﺪﺭ ﻛﻞ ﺷﻲ ﻳﺴﻮﻱ ...
ﻣﺪﻳﺖ ﺍﻳﺪﻱ ﺍﻟﺘﺮﺟﻒ ﻟﺒﺎﺏ ﺍﻻﺳﺘﻘﺒﺎﻝ ﻭﺩﺧﻠﺖ
- ﺳﻼﻡ ﻋﻠﻴﻜﻢ ..
- ﻭﻋﻠﻴﻜﻢ ﺍﻟﺴﻼﻡ ..
ﺷﻔﺖ ﻭﺭﺩﻩ ﺑﺤﻀﻦ ﻋﻤﻲ ﻭﻳﺒﺎﻭﻋﻠﻬﺎ ﺑﻠﻬﻔﻪ ﻭﺳﻌﺎﺩﻩ ﻭﻛﻞ ﺷﻮﻳﻪ ﻳﺒﻮﺱ ﺍﻳﺪﻫﺎﺍ ..
ﻛﻌﺪﺕ ﻉ ﺍﻟﺘﺨﻢ .. ﻭﺭﻭﺣﻲ ﻣﺘﺰﻋﺰﻋﻪ ﻭﻣﺎﺍﻋﺮﻑ ﺷﺮﺍﺡ ﺍﺣﺠﻲ ﻭﺷﺮﺍﺡ ﺍﻛﻮﻭﻝ ..
ﺍﻣﻲ ﺑﺼﻔﻲ ﻭﺍﺣﻤﺪ ﺍﺧﻮﻳﻪ .. ﻭﻣﻘﺎﺑﻴﻠﻨﻪ ﻋﻤﻲ ﻭ ﺍﺑﻮ ﻣﺤﻤﺪ
ﺍﺑﻮ ﻣﺤﻤﺪ .. ﺷﻠﻮﻧﺞ ﺍﻡ ﻭﺭﺩﻩ ﻋﺴﺎﺝ ﺑﺨﻴﺮ ..
ﺟﻨﻪ .. ﺍﻟﺤﻤﺪ ﻟﻠﻪ ﻋﻤﻮ ﺗﺴﻠﻢ ﺍﻟﺨﻴﺮ ﺑﻮﺟﻬﻚ ﺍﻥ ﺷﺎﺀﺍﻟﻠﻪ .
ﺍﺑﻮ ﻣﺤﻤﺪ .. ﺍﺣﻨﻪ ﺟﺎﻳﻴﻦ ﻧﺎﺧﺬﺝ ﻭﻳﺎﻧﻪ ﻧﺮﺟﻌﺞ ﻟﺒﻴﺘﺞ ﻭﺑﻴﺖ ﺍﻫﻞ ﺑﻨﺘﺞ ﺷﺘﻜﻮﻟﻴﻦ ﺗﺮﺟﻌﻴﻦ ﻭﻳﺎﻧﻪ ..
ﺟﻨﻪ .. ﺩﻧﮕﺖ ﻭﺳﻜﺘﺖ ﻣﺎﻋﻨﺪﻱ ﺍﻱ ﻗﺮﺍﺭ ..
ﺍﺑﻮ ﻣﺤﻤﺪ .. ﺗﺮﻩ ﺟﻬﺎﺩ ﻣﻮ ﻗﺎﺗﻞ ﺟﻬﺎﺩ ﻏﺴﻞ ﻋﺎﺭﻩ ﻭﺍﻟﻤﻔﺮﻭﺽ ﺗﻔﺘﺨﺮﻳﻦ ﺑﻬﺬﺍ ﺍﻟﺸﻲ ﺍﻧﺖِ ..
ﺍﺣﻤﺪ .. ﺍﻱ ﺍﻛﻴﺪ ﻫﻮ ﺭﺟﺎﻝ ﻭﺣﻘﻪ ﻣﻦ ﺳﻮﻩ ﻫﻴﺞ ﻟﻜﻦ ﺍﻟﻤﻔﺮﻭﺽ ﻳﮕﻮﻝ ﻳﺤﺠﻲ ﺍﻧﻲ ﻫﻴﺞ ﻭﻫﻴﺞ ﻟﻴﺶ ﺿﻢ ﺍﻟﺴﺎﻟﻔﻪ ﻋﻨﻪ ..
ﺍﺑﻮ ﺟﻬﺎﺩ .. ﻫﻮ ﻣﺎﺃﺧﻔﺎﻫﺎ ﺑﺲ ﻋﻠﻴﻜﻢ ﻋﻦ ﺍﻟﻜﻞ ﺣﺘﻰ ﺍﻧﻲ ﺍﺑﻮ ﻣﺎﮔﻠﻲ ﻛﻢ ﻣﺮﻩ ﻟﺰﻣﺘﻪ ﻭﺣﺎﺟﻴﺘﻪ ﻭﺟﺎﻥ ﻋﻨﺪﻱ ﺷﻚ ﺑﺎﻟﻤﻮﺿﻮﻉ ﮔﺘﻠﻪ ﺍﻧﺖ ﻗﺎﺗﻠﻬﺎ ﮔﺎﻝ ﺍﺫﺍ ﻗﺎﺗﻠﻬﺎ ﻭﺳﺎﻡ ﺷﺮﻑ ﺍﻋﻠﮕﻪ ﺑﺼﺪﺭﻱ ﻭﻣﺎﺍﻧﻄﺎﻧﻲ ﻧﺸﺪﻩ ﺍﻧﻲ ﺍﺑﻮﻭ ﻭﻫﻮ ﻫﻢ ﻋﺒﺎﻟﻪ ﺍﻟﺴﺎﻟﻔﻪ ﺗﻨﺴﻲ ﻭﺭﺍﺩ ﻳﻌﻴﺶ ﺣﻴﺎﺗﻪ ﻭﻣﻦ ﺣﻘﻪ
ﻭﻫﺴﻪ ﻳﺎﺑﻨﺘﻲ ﺭﺟﻌﻲ ﻭﻳﺎﻧﻪ ﻣﻴﺼﻴﺮ ﺑﻨﺘﻨﻪ ﺑﻌﻴﺪﻩ ﻋﻨﻪ ﺍﺣﻨﻪ ﻫﻢ ﺍﻫﻠﻬﺎ ﻭﺟﻬﺎﺩ ﺍﺑﻮﻫﺎ ﻣﺎﻳﺼﻴﺮ ﺭﺍﺡ ﺗﻜﺒﺮ ﻭﺗﺘﻔﻄﻦ ﻟﻠﺪﻧﻴﺎ ﻭﻣﺎﺗﻌﺮﻑ ﺍﺑﻮﻫﺎﺍﺍ ..
ﺟﻨﻪ .. ﺑﺲ ﻳﺎﻋﻤﻮ ﺟﻬﺎﺩ ﻫﺴﻪ ﻣﻌﺼﺐ ﻋﻠﻴﻪ ﺧﺎﻑ ﻣﻦ ﺍﺭﺟﻊ ﻳﺄﺫﻳﻨﻲ ..
ﺍﺑﻮ ﺟﻬﺎﺩ .. ﻻ ﻳﺎﺑﻨﺘﻲ ﻣﺎﺍﻳﺄﺫﻳﺞ ﺍﻧﻲ ﺍﺗﻜﻔﻠﻪ ﻣﻮ ﺗﻜﻔﻠﺘﻪ ﺫﻳﺞ ﺍﻟﻤﺮﻩ ﻭﺑﻌﺪ ﻣﺎﺗﺠﺮﺃ ﻳﻀﺮﺑﺞ ..
ﺍﺑﻮ ﻣﺤﻤﺪ .. ﺍﻱ ﻳﺎﺑﻨﺘﻲ ﻣﺎﻳﻀﺮﺑﺞ ﻫﺴﻪ ﺍﻧﺖ ﺻﺮﺗﻲ ﺍﻟﻌﺰﻳﺰﻩ ﺍﻡ ﻭﺭﺩﻩ ﻭﻣﻜﺎﻧﺘﺞ ﻛﻠﻤﺎ ﺍﻟﻬﺎ ﺗﻌﻠﻪ ﺍﺭﺟﻌﻲ ﻭﺍﺣﻨﻪ ﻣﺎﻧﺨﻠﻲ ﺍﺣﺪ ﻳﺄﺫﻳﺞ .. ﻗﺪﺭﻱ ﺿﺮﻭﻓﻪ ﻟﺠﻬﺎﺩ ﻭﺍﻓﺘﺨﺮﻱ ﺑﻲ ﺯﻭﻭﺟﺞ ﻣﺎﺭﺿﻰ ﺑﺎﻟﻐﻠﻂ ﻭﻣﺎﻗﺒﻞ ﺑﺎﻟﻌﺎﺭ .. ﺗﺪﺭﻳﻦ ﻭﺟﻮﺩﺝ ﻫﻨﺎ ﻭﺧﻮﻓﺞ ﻣﻨﺎ ﻳﺨﻠﻲ ﺍﻟﻨﺎﺱ ﺗﺸﻚ ﻭﺗﺘﺴﺎﺋﻞ ﻟﻴﺶ ﺍﻧﻬﺰﻣﺖ ﻭﻫﻲ ﻣﺎﻣﺴﻮﻳﻪ ﺷﻲ ﺍﻛﻴﺪ ﺍﺣﻨﻪ ﻣﺎﻧﻬﺘﻢ ﻟﻠﻨﺎﺱ ﻭﻧﺪﺭﻱ ﺑﻴﺞ ﺑﻨﺖ ﺍﺻﻮﻝ ﻭﻣﺮﺑﺎﻳﻪ ﻭﻧﻌﻢ ﻣﻨﺞ ﻭﻣﻦ ﺍﻫﻠﺞ ﻭﺗﺮﺑﻴﺘﻬﻢ ﺑﺲ ﻟﻴﺶ ﺍﻧﺨﻠﻲ ﺍﻟﻨﺎﺱ ﺗﺤﺠﻲ ﻋﻠﻴﻪ ﻟﻴﺶ ﻧﺠﻴﺐ ﻟﻨﻔﺴﻨﻪ ﺍﻟﺤﺠﻲ ﻭﺍﻟﻨﺎﺱ ﺣﺠﻮﺍ ﻫﻮﺍﻱ ﻭﺑﻤﺎﻓﻴﻪ ﺍﻟﻜﻔﺎﻳﻪ
ﻋﻠﻰ ﺟﻬﺎﺩ ﺑﺴﺒﺐ ﺯﻭﺟﺘﻪ ﺍﻟﺨﺎﻳﻨﻪ ﻻﺗﻨﻀﻤﻴﻦ ﺍﻟﻬﺎ ﻭﺗﻈﻠﻤﻴﻨﻪ ﻭﺗﺨﻠﻴﻦ ﺍﻟﻨﺎﺱ ﺗﺤﺠﻲ ..
ﺍﺑﻮ ﺟﻬﺎﺩ : ﺟﻬﺎﺩ ﺟﺎﻥ ﺷﺎﻙ ﺑﻴﻬﺎ ﻭﻫﻮﺍﻱ ﺑﻘﻰ ﻳﺪﻭﺭ ﻭﺭﺍﻫﺎ ﻭﻣﺎﺳﻮﺍﻟﻬﺎ ﺷﻲ ﺍﻟﻰ ﺍﻥ ﻗﻄﻊ ﺍﻟﺸﻚ ﺑﺎﻟﻴﻘﻴﻦ ﺷﺎﻓﻬﺎ ﺑﻌﻴﻨﻪ ﻭﺑﻮﻗﺘﻬﺎ ﻣﻨﻜﺪﺭ ﻧﺤﻜﻢ ﻋﻠﻰ ﺗﺼﺮﻓﻪ ﻻﻥ ﻣﺎﻛﻮ ﺭﺟﺎﻝ ﻳﺸﻮﻑ ﻣﺮﺗﻪ ﻋﻠﻰ ﻓﺮﺍﺷﻪ ﻭﻳﺴﻜﺖ ﺍﻻ ﺍﺫﺍ ﻛﺎﻥ ﻋﺪﻳﻢ ﻏﻴﺮﻩ ﻭﺭﺟﻮﻟﻪ ..
ﺟﻨﻪ .. ﻛﺎﻋﺪﻩ ﻭﺃﺳﻤﻊ ﺍﻟﻬﻢ ﻭﺍﺣﺲ ﻧﻔﺴﻲ ﺑﺪﻭﺍﻣﻪ ..
ﺑﻴﻦ ﻛﻼﻣﻬﻢ ﻭﺑﻴﻦ ﻛﻼﻡ ﺟﻬﺎﺩ ﺍﻟﻲ ﮔﻠﻪ ﺍﻟﻲ ﻗﺒﻞ ﺷﻮﻳﻪ
ﻭﺷﻲ ﺑﺪﺍﺧﻠﻲ ﻳﻜﻮﻟﻲ ﻛﻼﻣﻪ ﻫﺬﺍ ﻣﻮ ﻣﻦ ﻛﻞ ﻗﻠﺒـﻪ
.......
ﺑﻬﺎﻻﺛﻨﺎﺀ ﺑﺠﺖ ﻭﺭﺩﻩ ﻭﻫﻲ ﺑﺤﻈﻦ ﺟﺪﻫﺎ ..
ﻛﺎﻝ ﺍﺧﺬﻳﻬﺎ ﻳﻤﻜﻦ ﺟﻮﻋﺎﻧﻪ .. ﺗﻘﺪﻣﺖ ﺑﺨﻄﻮﺍﺕ ﻳﺎﺋﺴﻪ ﺍﺧﺬﺗﻬﺎ ﻭﻃﻠﻌﺖ ﻣﻦ ﺍﻻﺳﺘﻘﺒﺎﻝ .. ﺭﺣﺖ ﻟﻠﻐﺮﻓﻪ ﻭﻛﻌﺪﺕ ﻋﻠﻰ ﺍﻟﺴﺮﻳﺮ ﻧﺰﻋﺖ ﺷﺎﻟﻲ ..
ﺧﻠﻴﺖ ﻭﺭﺩ ﻋﻠﻰ ﺻﺪﺭﻱ .. ﺍﻟﻠﺘﻬﻤﺘﻪ .. ﺍﺑﺎﻭﻋﻠﻬﺎ ﻭﺍﻓﻜﺮ ﺍﺣﺲ ﻻﺍﻧﻲ ﺑﺴﻤﺎ ﻭﻻﺍﻧﻲ ﺑﺒﺮ .. ﺍﺫﺍ ﺭﺟﻌﺖ ﺧﺎﻳﻔﻪ ﻣﻨﻪ ﻭﺍﺫﺍ ﺑﻘﻴﺖ ﻫﻢ ﺧﺎﻳﻔﻪ ﻣﻨﻪ
ﺑﻴﻦ ﺯﺣﻤﺔ ﺍﻓﻜﺎﺭﻱ ﻭﺗﺸﺘﺖ ﻓﻜﺮﻱ .. ﺩﺧﻠﺖ ﻣﺎﻣﺎ .. ﻛﻌﺪﺕ ﻳﻤﻲ ﺧﻠﺖ ﺍﻳﺪﻫﺎ ﻋﻠﻰ ﻛﺘﻔﻲ ﻭﺗﻤﺮﺭﻫﺎ ﻋﻠﻰ ﺷﻌﺮﻱ ..
ﺍﻣﻲ ... ﻫﺎﺍ ﺟﻨﻪ ﺳﻤﻌﺘﻲ ﻛﻼﻣﻬﻢ ﺷﮕﻠﺘﻲ ﺗﺮﺟﻌﻴﻦ ؟
ﺟﺎﻭﺑﺘﻪ .. ﻳﻤﻪ ﺧﺎﻳﻔﻪ ....
- ﺑﻨﺘﻲ ﺍﻧﻲ ﺍﻣﺞ ﻭﻻﺗﺘﻮﻗﻌﻴﻦ ﻣﺎﺍﺧﺎﻑ ﻋﻠﻴﺞ ﺍﻭ ﻣﺎﺍﻫﺘﻢ ﻻﻣﺮﺝ ﻭﺍﻋﺮﻑ ﺍﺫﺍ ﻛﻨﺘﻲ ﺑﺨﻄﺮ ﺍﻭ ﻻ .. ﺗﺮﻩ ﻛﻼﻣﻬﻢ ﺻﺤﻴﺢ ﺟﻬﺎﺩ ﺷﺎﻳﻔﻬﻪ ﺑﻌﻴﻨﻪ ﻭﻟﻮ ﻣﺎﺷﺎﻳﻔﻬﺎ ﻣﺎﻳﻘﺘﻠﻬﺎ ﻟﻴﺶ ﺗﻘﺎﺭﻧﻴﻦ ﻧﻔﺴﺞ ﺑﻴﻬﺎ ﺍﻧﻲ ﺭﺑﻴﺘﺞ ﻳﺘﻴﻤﻪ ﺗﺮﺑﻴﺔ ﺍﻡ ﻭﻣﺎﻗﺼﺮﺕ ﺑﺘﺮﺑﻴﺘﺞ ...
- ﻳﻌﻨﻲ ﺗﺮﺩﻳﻨﻲ ﺍﺭﺟﻊ ﻣﺎﻣﺎ ..
- ﺍﺭﺟﻌﻲ ﻭﺍﻧﻪ ﺍﺷﺮﻁ ﻋﻠﻴﻪ ﻛﻞ ﺷﻬﺮ ﻳﺠﻴﺒﺞ ﺍﻟﻨﻪ ﻭﻣﺎﻳﻤﺪ ﺍﻳﺪﻩ ﻋﻠﻴﺞ ﺑﻌﺪ ..
- ﻣﺎﺍﺩﺭﻱ ﻣﺎﻣﺎ ﻣﺤﺘﺎﺭﻩ ...
ﺑﻬﺎﻟﻠﺤﻈﻪ ﺍﺣﻤﺪ ﺟﺎﻥ ﻳﺮﻳﺪ ﻳﺪﺧﻞ ﻟﻠﻐﺮﻓﻪ ﻭﻣﺒﻴﻦ ﺳﻤﻊ ﻛﻼﻣﻲ ﺍﻻﺧﻴﺮ ..
.. ﺟﻨﻪ ﺷﻨﻮ ﻣﺤﺘﺎﺭﻩ ﺻﺎﺭﻟﺞ ﺍﻛﺜﺮ ﻣﻦ 3 ﺍﺷﻬﺮ ﻭﺍﻧﺖ ﻫﻨﺎ ﺍﻟﻤﻔﺮﻭﺽ ﺍﺗﺨﺬﺗﻲ ﻗﺮﺍﺭ ﺗﺮﺟﻌﻴﻦ ﺍﻭ ﻻ ؟
ﺟﻨﻪ .. ﺑﺎﻭﻋﺘﻠﻪ ﻭﺳﻜﺘﺘﺖ ﻭﺑﻘﻠﺒﻲ ﺣﺠﻴﺖ ﺟﻨﺖ ﻧﺎﻭﻳﻪ ﺍﺭﺟﻊ ﺑﺲ ﻣﻜﺎﻟﻤﺔ ﺟﻬﺎﺩ ﺩﻭﻫﻨﺘﻨﻲ،ﻭﺧﻮﻓﺘﻨﻲ ..
ﻛﻤﻞ ﻛﻼﻣﻪ .. ﻻﺳﻜﺘﻴﻦ ﻋﻨﺪﺝ ﻣﻨﺎ ﻟﻢ ﻳﺼﻠﻮﻥ ﻭﻳﺘﻐﺪﻭﻥ ﻭﻳﺮﺗﺎﺣﻮﻥ ﺷﻮﻳﻪ ﻭﺍﻧﺖ ﻗﺮﺭﻱ ..
ﻳﻤﻪ ﻳﻼ ﺣﻀﺮﻭﺍ ﺍﻟﻐﺪﺍ ﺧﻄﻴﻪ ﺟﻮﻋﺎﻧﻴﻴﻦ ﺟﺎﻳﻴﻦ ﻣﻦ ﻃﺮﻳﻖ ﻃﻮﻳﻞ ﻭﻭﺭﺍﻫﻢ ﻃﺮﻳﻖ ﻃﻮﻳﻞ ﻫﻢ ﺑﻌﺪ ..
ﺍﻣﻲ .. ﺍﻛﻠﻠﻚ ﺍﺣﻤﺪ ﻛﻠﻠﻬﻢ ﻋﻠﻰ ﺟﻢ ﺷﺮﻁ
ﺍﺣﻤﺪ .. ﻣﺤﻤﺪ ﺍﺟﻪ ﻛﻠﻴﻠﻪ ﻳﻜﻠﻠﻬﻢ ﻣﻮ ﻫﻮ ﻭﺭﻃﻨﻪ ﺑﻬﺎﻟﻘﺴﻤﻪ ﻫﺬﻱ ﻭﺍﻭﻻ ﻭﺍﺧﻴﺮﺍ ﺍﻟﻘﺮﺍﺭ ﺍﻟﺞ ﻳﺠﻨﻪ .. ..
ﺍﻣﻲ .. ﺭﺍﻳﺤﻪ ﺍﺷﻮﻑ ﻣﺮﺕ ﺍﺧﻮﺝ ﺧﻠﺼﺖ ﺍﻟﻐﺪﺍ ﻭﺍﻧﺖ ﻛﻌﺪﻱ ﻓﻜﺮﻱ ﺯﻳﻦ ﻣﺎﻋﻨﺪﺝ ﻭﻗﺖ ﺗﺮﻩ ..
ﻃﻠﻌﺖ ﺍﻣﻲ ﻭﺑﻘﻴﺖ ﺷﺎﺭﺩﻩ ﺍﺣﺲ ﻧﻔﺴﻲ ﻏﺮﮔﺎﻧﻪ ﺑﺒﺤﺮ ﺣﻴﺮﻩ ﻭﺧﻮﻑ ..
ﺧﻠﻴﺖ ﻭﺭﺩﻩ ﺑﻤﻜﺎﻥ ﻧﻮﻣﺘﻬﺎ ﻭﻏﻄﻴﺘﻬﺎ ..
ﻭﺭﺣﺖ ﻭﺑﺎﻟﻤﻤﺮ ﮔﺒﺎﻟﻲ ﺻﺎﺭ ﻣﺤﻤﺪ ..
ﮔﺎﻝ .. ﻫﺎﺍ ﺷﻨﻮ ﻗﺮﺭﺗﻲ ﺍﻟﺠﻤﺎﻋﻪ ﺟﺎﻳﻴﻦ ﻳﺮﺟﻌﻮﻧﺞ
.. ﻣﺎﺍﺩﺭﻱ ﺧﺎﻳﻔﻪ
.. ﻣﻨﻴﻦ ﺧﺎﻳﻔﻪ ﻗﺎﺑﻞ ﻫﻮ ﻭﺣﺶ ﺷﺴﺎﻟﻔﻪ ﻓﻀﻴﻬﺎ ﺗﺮﻭﺣﻴﻦ ﻟﻮ ﻻﺍ ؟؟
.. ﺍﻟﻠﻪ ﻛﺮﻳﻢ
.. ﻳﻼ ﺗﺮﻩ ﺳﺎﻋﻪ . .2 ﻳﻄﻠﻌﻮﻥ ﻣﻨﺎ .. ﺣﺴﻤﻲ ﺍﻣﺮﺝ ﻣﻦ ﻫﺴﻪ ..
ﺍﻣﻲ ﺗﺒﺎﻭﻋﻠﻲ ﻭﺑﻨﻈﺮﺗﻬﺎ ﺗﻄﻤﻨﻲ .. ﺗﻘﺮﺑﺖ ﻣﻨﻬﺎ
ﻳﻼ ﻳﻤﻪ ﺗﻮﻛﻠﻲ ﻋﻠﻰ ﺍﻟﻠﻪ
ﺍﺣﻤﺪ .. ﺗﻮﻛﻠﻲ ﻋﻠﻰ ﺍﻟﻠﻪ ﻭﻣﺎﻛﻮ ﺷﻲ ﺍﻥ ﺷﺎﺀﺍﻟﻠﻪ ﻭﺍﺣﻨﻪ ﻭﻳﺎﺝ ﻣﺎﺭﺍﺡ ﻧﻌﻮﻓﺞ ...
ﻋﻔﺘﻬﻢ ﻭﺩﺧﻠﺖ ﻟﻠﻐﺮﻓﻪ
ﻟﻤﻠﻤﺖ ﺍﻏﺮﺍﺿﻲ ﺍﻏﺮﺍﺽ،ﻭﺭﺩﻩ ﻭﻛﻼﻡ ﺍﻟﻜﻞ ﻳﺪﻭﺭ ﺑﺮﺍﺳﻲ ﺍﻭﻟﻬﻪ ﺟﻬﺎﺩ ﻭﺍﺧﺮﻫﻢ ﻛﻼﻡ ﻣﺤﻤﺪ ﻭﻣﻤﺘﺎﺍﻛﺪﻩ ﻣﻦ ﺍﻟﻲ ﺩﺍﺍﺳﻮﻱ ..
ﻛﻤﻠﺖ ﻛﻞ ﺷﻲ ..
ﻃﻠﻌﺖ ﻛﺘﻠﻬﻢ ﺭﺍﺡ ﺍﺭﻭﺡ ﺍﻣﻲ ﺑﺠﺖ ﻭﺍﺧﻮﺍﻧﻲ ﻳﻄﻤﺌﻨﻮﻧﻲ ﺳﺎﻋﻪ 2 ﻃﻠﻌﻨﺎ ﻣﻦ ﺍﻟﺒﺼﺮﻩ ﻭﺗﻮﺟﻬﻨﺎ ﻟﺒﻐﺪﺍﺩ ﻭﻣﺎﺍﻋﺮﻑ ﺷﻮﻥ ﺭﺍﺡ ﺍﻭﺍﺟﻪ ﺟﻬﺎﺩ ﻭﺷﻨﻮ ﺭﺍﺡ ﺍﮔﻠﻪ ..
ﻭﺻﻠﻨﻪ ﺩﻧﻴﺎ ﻟﻴﻞ .. ﺩﺧﻠﺖ ﺻﺎﺭﺕ ﮔﺒﺎﻟﻲ ﻋﻤﺘﻲ ﻭﺭﻭﻧﻖ ﺳﻠﻤﺖ ﻋﻠﻴﻬﻢ ﻭﺍﺧﺬﻭﺍ ﻭﺭﺩﻩ ﻣﻨﻲ ..
ﺩﺧﻠﺖ ﻣﻦ ﺑﺎﺏ ﺍﻻﺳﺘﻘﺒﺎﻝ ... ﺻﺎﺭ ﮔﺒﺎﻟﻲ ﺟﻬﺎﺩ
ﻻﺑﺲ ﻛﻴﻤﻮﻧﻪ ﺑﻴﻀﻪ ﺑﺎﺭﺯﻩ ﻋﻀﻼﺕ ﺟﺴﻤﻪ
ﻭﺗﺮﺍﻛﺴﻮﺩ ﺍﺳﻮﺩ ﻣﺨﻄﻂ ﺑﺎﺑﻴﺾ ..
ﻳﺒﺎﻭﻋﻠﻲ ﻭﺍﻟﻒ ﺣﺠﺎﻳﻪ ﺑﻌﻴﻮﻧﻪ ﺣﺠﻴﻨﻪ ..
* ﺟﻬﺎﺩ ..
ﺑﺎﻭﻋﺖ ﻟﻠﺴﻴﺎﺭﻩ ﺷﻔﺘﻬﺎ ﻧﺰﻟﺖ ﻣﻨﻬﺎﺍﺍ
ﺭﻛﻀﺖ ﻟﺠﻮﻩ .. ﺷﻔﺘﻬﺎ ﺩﺧﻠﺖ
ﻣﻼﻣﺤﻬﺎ ﺗﻌﺒﺎﻧﻪ ..
ﺑﻌﻴﻮﻧﻲ ﺍﺣﺎﺟﻴﻬﺎ ﻭﺍﻋﺎﺗﺒﻬﺎ
.. ﻟﻴﺶ ﻳﺎﺍﺟﻨﻮﻭ ﻟﻴﺶ ﺗﺮﻛﺘﻴﻨﻲ ﺑﺎﺻﻌﺐ ﺿﺮﻭﻓﻲ ﻟﻴﺶ ﺧﻠﻴﺘﻴﻨﻲ ﺑﻨﺺ ﺍﻟﻤﻮﺕ ﻭﺷﺮﺩﺗﻲ ؟
......
ﺟﻨﻪ ..
ﺣﺎﺟﻴﺘﻪ ﺑﻌﻴﻮﻧﻲ .. ﻟﻴﺶ ﺣﺒﻴﺒﻲ ﻟﻴﺶ ﻭﺳﺨﺖ ﺍﻳﺪﻙ ﺑﺪﻣﻬﻢ ﻭﺑﻘﺬﺍﺭﺗﻬﻢ ﻟﻴﺸﺶ ؟؟ !!
ﺳﻤﻌﺖ ﺻﻮﺗﻪ ﺑﻜﺒﺮﻳﺎﺀ ﻻﻳﺨﻠﻮﺍ ﻣﻦ ﺍﻟﺤﺰﻥ
ﺟﻬﺎﺍﺩ .. ﻳﻮﻭﻡ ﺟﻴﺒﻴﻠﻲ ﺑﻨﺘﻲ،ﺍﺷﻮﻓﻬﺎﺍ ..
ﺍﺧﺬ ﺑﻨﺘﻪ ﻭﺍﺳﻤﻌﻪ ﻳﺤﺎﺟﻴﻬﻪ ﻭﻳﻼﻋﺒﻬﺎ
ﺩﺧﻠﺖ ﺑﺎﻻﺳﺘﻘﺒﺎﻝ ﺍﺳﻮﻟﻒ ﻭﻳﺎ ﺭﻭﻧﻖ ..
ﺑﻌﺪﻫﺎ ﺟﺎﺑﺘﻬﻪ ﺍﻟﻲ ﻋﻤﺘﻲ ﺍﺧﺬﺗﻬﺎ ﻣﻨﻬﺎ
ﻭﺍﺷﻮﻓﻪ ﻳﺤﻮﺱ ﻳﺼﻌﺪ ﻭﻳﻨﺰﻝ ..
ﺻﺎﺣﺖ ﻋﻠﻴﻪ ﻋﻤﺘﻲ ﻛﺎﻟﺖ ﺗﻌﺎﻟﻲ
ﺭﺣﺖ ﻭﺭﺍﻫﺎ ﻟﻐﺮﻓﺘﻬﺎ
ﺷﻔﺖ ﺳﺮﻳﺮ ﻭﺭﺩﻩ ﺍﺷﺘﺮﻳﺘﻪ ﻗﺒﻞ ﻻﺍﻭﻟﺪ ﻭﺑﻘﻰ ﺑﻐﺮﻓﺘﻲ ﻓﻮﻙ ﺣﺘﻰ ﻣﺎﻟﺤﻜﺖ ﻭﺭﺩ ﺗﻨﺎﻡ ﺑﻲ ﻭﺻﺎﺭﺕ ﺍﻟﻄﻼﻳﺐ
ﻭﺭﺣﺖ .. ﺍﺳﺘﻐﺮﺑﺖ ﻟﻴﺶ ﻧﺰﻟﻬﻢ ﺷﻨﻮ ﻣﺎﻳﺮﻳﺪﻧﻪ ﻳﻤﻪ ..
ﻳﻠﻪ ﺑﻌﺪ ﺍﺣﺴﻦ ﺍﻧﻲ ﻫﻢ ﺍﺧﺎﻑ ﻣﻨﻪ ..
ﺑﺲ ﺍﻧﻘﻬﺮﺕ ﺑﺪﺍﺧﻠﻲ ﺣﻴﻴﻞ .. ﻣﺸﺘﺎﻗﺘﻠﻪ ﻭﻣﻦ ﺷﻔﺖ ﻋﻀﻼﺗﻪ ﺗﻤﻨﻴﺖ ﺍﻧﺎﻡ ﻋﻠﻰ ﺍﻳﺪﻩ ﺍﻟﻠﻴﻠﻪ ..
* ﺟﻬﺎﺩ ..
ﻧﺰﻟﺖ ﺳﺮﻳﺮ ﻭﺭﺩﻩ ﻭﺍﻟﻤﺒﺮﺩﻩ ﻭﺷﻜﻠﺘﻬﺎ ﺑﻐﺮﻓﺔ ﺍﻣﻲ ﺧﺎﻑ ﻳﺤﺘﺮﻭﻥ ﺍﺩﺭﻱ ﺑﻴﻬﺎ ﺧﺎﻳﻔﻪ ﻣﻦ ﻋﻨﺪﻱ
ﺭﺗﺒﺘﻠﻬﺎ ﻛﻞ ﺷﻲ ﺣﺘﻰ ﺗﺎﺧﺬ ﺭﺍﺣﺘﻬﺎ ..
* ﺟﻨﻪ ..
ﻭﺭﻩ ﺷﻮﻳﻪ ﺻﺎﺣﻮﻟﻨﻪ ﻉ ﺍﻟﻌﺸﺎ ..
ﻛﻌﺪﻧﻪ ﻋﻠﻰ ﺍﻟﺴﻔﺮﻩ ﻭﻫﻮ ﻣﻘﺎﺑﻴﻠﻲ .. ﻣﻴﺰﺕ ﻋﻄﺮﻩ ﻣﻦ ﺑﻴﻦ ﻛﻞ ﺍﻟﻜﺎﻋﺪﻳﻦ .. ﻣﻨﺰﻝ ﺭﺍﺳﻪ ﻳﺎﻛﻞ ﻭﻣﻴﺒﺎﻭﻋﻠﻲ
ﻳﺎﺗﺮﻯ ﻣﻨﻮ ﺍﻟﻲ ﻣﻠﺖ ﻋﻴﻨﻚ ﻳﺎﺟﻬﺎﺩ ..
ﺍﻧﺘﺒﻪ ﻋﻠﻴﻪ ﺍﺑﺎﻭﻋﻠﻪ .. ﻛﺘﺮ ﺍﻟﺨﺒﺰﻩ ﻋﻠﻰ ﺻﻔﺤﻪ ﻭﻫﻮ ﻳﻜﻮﻡ ﻛﺎﻝ ﺍﻟﺤﻤﺪﻟﻠﻪ ..
ﺭﺣﺖ ﻭﺭﺍﻩ ﺷﻔﺘﻪ ﻳﻢ ﺍﻟﻤﻐﺴﻠﻪ ﻳﻐﺴﻞ . .
ﮔﺘﻠﻪ ﺟﻬﺎﺩ ﺍﻟﻠﺘﻔﺖ ﻋﻠﻴﻪ ﻭﻳﺒﺎﻭﻋﻠﻲ ﺑﻌﻴﻮﻧﻪ ﺑﺨﺰﺭ ﻳﺮﻳﺪ ﻳﻔﺘﺮﺳﻨﻲ ﺑﻨﻈﺮﺍﺗﻪ ..
ﺑﺘﻌﺠﺮﻑ ﻛﺎﻝ ﺷﺘﺮﺩﻳﻦ ؟ !!
ﺟﺮﺡ ﻛﺮﺍﻣﺘﻲ ﻋﺒﺎﻟﻪ ﺟﺎﻱ ﺍﺗﻮﺳﻞ ﺑﻲ ﻟﻮﺍﺭﻳﺪﻩ ﻳﺴﺎﻣﺤﻨﻲ .. ﮔﺘﻠﻪ ﺟﻬﺎﺩ ..
ﺭﺟﻌﺖ ﻋﻤﻮﺩ ﺑﻨﺘﻲ ﺍﻧﻲ .. ﺟﺎﻭﺏ ﺑﻐﺮﻭﺭ ﺍﻛﺜﺮ
.. ﻣﻴﻬﻤﻨﻲ ﺍﺫﺍ ﺗﺮﺩﻳﻦ ﺑﻌﺪ ﻛﻢ ﻳﻮﻡ ﺍﺭﺟﻌﻲ ﺍﻫﻢ ﺷﻲ ﻣﺎﺍﻓﺸﻠﺘﻲ ﺍﻟﺸﻴﺎﺏ ﺍﻟﻲ ﺗﻌﻨﻮﻟﺞ ﻣﻨﺎ ﻟﻬﻨﺎﻙ ..
ﻋﻔﺘﻬﺎ ﻭﺻﻌﺪﺕ ..
ﺭﺣﺖ ﻟﻔﺮﺍﺷﻲ ﺗﻤﻨﻴﺘﻬﺎ ﻳﻤﻲ ﺑﻘﻴﺖ ﺍﺗﻘﻠﺐ ﻛﻞ ﺷﻮﻳﻪ ﺍﻛﻮﻝ ﻫﺴﻪ ﺍﻧﺰﻝ ﺍﻟﻬﺎﺍ
ﺍﻟﻰ ﺍﻥ ﻧﻤﺖ ﻭﺍﻧﻲ ﺍﻓﻜﺮ ﺑﻴﻬﺎﺍ
* ﺟﻨﻪ
ﻛﻞ ﺷﻮﻱ ﻳﻘﻬﺮﻧﻲ ﺗﺎﺧﺮ ﺍﻟﻮﻗﺖ ﻭﻭﺭﺩﻩ ﻧﺎﻣﺖ ﻭﺍﻧﻲ ﻣﺎﻧﻤﺖ ﺍﻓﻜﺮ ﺑﻲ ﻳﻤﻜﻦ ﻫﺴﻪ ﺩﻳﺨﺎﺑﺮ ﺻﺎﺣﺒﺘﻪ
ﺍﻱ ﻟﻴﺶ ﺧﻼﻧﻲ ﻫﻨﺎ ﻳﻤﻜﻦ ﺗﻌﻠﻢ ﻋﻠﻰ ﻏﻴﺎﺑﻲ ﻭﺗﻌﻮﺩ ﻳﺨﺎﺑﺮﻫﺎ ﻛﻞ ﻳﻮﻡ ..
ﻧﻤﺖ ﻭﺍﻟﺪﻣﻌﻪ ﺗﺠﻮﻳﻨﻲ ..
ﻳﻮﻡ ﺛﺎﻧﻲ ﺍﻟﺼﺒﺢ ﻛﻌﺪﺕ ﻣﺘﺎﺧﺮﻩ ﺷﻔﺘﻬﻢ ﻣﺨﻠﺼﻴﻦ ﺍﻟﺸﻐﻞ .
ﺍﺳﺘﺤﻴﺖ ﻛﻠﻠﺶ ﺑﺲ ﻋﻤﺘﻲ ﻃﻤﻨﺘﻨﻲ ﻛﺎﻟﺖ ﺍﻛﻴﺪ ﺍﻧﺖ ﺗﻌﺒﺎﻧﻪ ﻭﺭﻭﻧﻖ ﻛﺎﻟﺖ ﺍﻋﺘﺒﺮﻱ ﻧﻔﺴﺞ ﻋﺮﻭﺳﻪ ﺍﻟﻴﻮﻡ ﻭﺩﻟﻠﻨﺎﺝ .. ﻓﺮﺣﺖ ﻛﻠﻠﺶ .. ﺷﻜﺪ ﺍﺣﺒﻬﻢ ﻭﻳﺤﺒﻮﻧﻲ ..
ﻏﺴﻠﺖ ﻟﻮﺭﺩﻩ ﻭﺧﻠﻴﺘﻬﺎ ﺑﺎﻟﻜﺮﺳﻲ ﻣﺎﻟﺘﻬﺎ .. ﻭﺭﺣﺖ ﻭﺩﻳﺘﻬﺎ ﺑﺎﻻﺳﺘﻘﺒﺎﻝ .. ﻛﻌﺪﺕ ﻳﻢ ﻋﻤﻲ ﻭﻋﻤﺘﻲ ..
ﻛﺎﻋﺪﻳﻦ ﻧﺴﻮﻟﻒ ﻧﺰﻝ ﺟﻬﺎﺩ ﺑﺎﻭﻋﻠﻲ ﻣﻘﻄﺐ ﺣﺎﺟﺒﻪ
ﺷﺒﻴﻚ ﻣﺘﻜﻮﻟﻲ ﺣﺎﺟﻴﺘﻪ ﺑﻌﻴﻮﻧﻲ .. ﻧﺰﻝ ﻳﻢ ﻭﺭﺩﻩ ﻳﺤﺎﺟﻴﻬﻪ ﻭﻫﻲ ﺗﻀﺤﻚ ﻭﺗﺤﺮﻙ ﺍﻳﺪﻳﻬﻪ ﻭﺭﺟﻠﻴﻬﺎﺍ
ﺛﻮﺍﻧﻲ ﻭﺭﻥ ﺗﻠﻴﻔﻮﻧﻪ ﺑﺎﻭﻋﻠﻪ ﻭﺭﻓﻊ ﺣﺎﺟﺒﻪ ﻣﺒﺘﺴﻢ ﻭﺑﺎﻭﻋﻠﻲ .. ﮔﺎﻝ ﻫﻼ ﺣﺒﻴﻲ ﺛﻮﺍﻧﻲ ﺑﺲ ﺍﺻﻌﺪ ﻓﻮﻙ ﻧﺤﺠﻲ ..
ﺍﻧﻲ ﻫﻨﺎ ﻧﺎﺭ ﻭﺍﺷﺘﻌﻠﺖ ﺑﻴﻪ ﺳﺨﻨﺖ
ﺍﻛﻴﺪ ﻫﻲ ﺻﺎﺣﺒﺘﻪ ﺍﻟﻲ ﻳﺮﻳﺪ ﻳﺨﻄﺒﻬﺎﺍ ..
ﻛﻤﺖ ﻋﻠﻰ ﺣﻴﻠﻲ ﺑﺨﺒﺎﻝ ﻭﺻﻌﺪﺕ ﻭﺭﺍﻩ
ﻭﺻﻠﺖ ﻟﻐﺮﻓﺘﻲ ﻭﻗﺮﺑﺖ ﺍﺫﻧﻲ ﻳﻢ ﺍﻟﺒﺎﺏ ﺍﺗﺴﻤﻊ
ﻃﺦ ﺭﺍﺳﻲ ﺑﺎﻟﺒﺎﺏ ﺍﺭﻳﺪ ﺍﻭﺧﺮ ﺍﻧﻔﺘﺤﺖ ﺍﻟﺒﺎﺏ ﻭﺻﺎﺭ ﮔﺒﺎﻟﻲ ﺟﻬﺎﺩ ﻭﺍﻧﻲ ﻻﺯﻣﻪ ﺭﺍﺳﻲ ﻳﺒﺎﻭﻋﻠﻲ ﻭﻣﺒﺘﺴﻢ ﻭﺭﺍﻓﻊ ﺗﻚ ﺣﺎﺟﺐ .. ﺍﺣﺘﺎﺭﻳﺖ ﺷﺴﻮﻱ ﺑﻠﺤﻈﻪ ﺍﺟﺘﻨﻲ ﻓﻜﺮﻩ
ﮔﺘﻠﻪ ﺑﺘﻠﻌﺜﻢ ﺍﺟﻴﺖ ﺍﺧﺬ ﻛﻢ ﻏﺮﺽ ﻣﺤﺘﺎﺟﺘﻬﻢ
ﻣﻤﻜﻦ ﺗﻄﻠﻊ ﺑﺮﻩ ..
- ﻻﺍﻣﺎﺍﻃﻠﻊ ﺍﺧﺬﻱ ﻏﺮﺍﺿﺞ ﻭﺭﻭﺣﻲ ﻣﺮﺍﺡ ﺍﻛﻠﺞ
- ﺩﺧﻠﺖ ﻭﺍﻧﻲ ﺍﻋﺒﺚ ﺑﺎﻻﻏﺮﺍﺽ ﺑﺪﻭﻥ ﻓﺎﺋﺪﻩ ﺣﺴﻴﺘﻪ ﻭﺭﺍﻳﻪ ﺍﻧﺪﺍﺭﻳﺖ ﻃﺨﻴﺖ ﺑﻲ ﺍﺑﺎﻭﻋﻠﻪ ﺑﺨﻮﻑ ﻭﻋﻴﻮﻧﻲ ﺗﺘﺮﺟﺎﻩ ﻣﺎﺍﻋﺮﻑ ﺷﻨﻮ ﺍﻟﻲ ﺧﻄﺮ ﻋﻠﻰ ﺑﺎﻟﻲ ﺑﻬﺎﻟﻠﺤﻈﻪ
ﺑﺲ ﻫﻮ ﺩﻧﻚ ﻋﻠﻴﻪ ﻭﺍﻟﻠﺘﻬﻢ ﺷﻔﺎﻳﻔﻲ ﻣﺜﻞ ﺍﻟﺠﻮﻋﺎﻥ ﻭﻛﺎﻧﻪ ﺩﻳﺎﻛﻞ ﺷﻲ ﻟﺬﻳﺬ ﻻﻳﻘﺎﻭﻡ ..
ﺫﺑﺖ ﺑﺤﻈﻨﻲ ﻭﻛﺎﻧﻲ ﺍﺗﺨﻠﻴﺖ ﻋﻦ ﺷﻮﻗﻲ ﺍﻟﻪ ﺑﻬﺎﻟﻠﺤﻈﻪ
ﺗﺬﻛﺮﺕ ﺯﻋﻼﻧﻪ ﻋﻠﻴﻪ ﺩﻓﻌﺘﻪ ﺑﺎﻳﺪﻳﻪ ﺍﻻﺛﻨﻴﻦ ﻣﻦ ﺻﺪﺭﻩ ﻭﻧﺰﻟﺖ ﺍﺭﻛﺾ ....
ﺭﺣﺖ ﻟﻠﻤﻄﺒﺦ . ﻣﺤﺪ ﻣﺎﻛﻮ ﺑﻲ ﻇﻠﻴﺖ ﺍﺩﻭﺭ ﺷﻲ ﺍﻛﻠﻪ ﺟﻮﻋﺎﻧﻪ ..
ﺍﺟﻪ ﻭﺭﺍﻳﻪ ﮔﺮﺻﻨﻲ ﻫﺎﺍ ﺧﻔﺘﻲ ﻣﻨﻲ ﺗﺮﻩ ﻣﺎﺍﻛﻞ ﺍﻧﻲ
.. ﻣﺎﺧﺎﻳﻔﻪ ﺑﺲ ﺣﺴﻴﺖ ﻧﻔﺴﻲ ﺛﮕﻴﻠﻪ ﻋﻠﻴﻚ ﻭﺍﻧﺖ ﺗﺮﻳﺪ ﺗﺨﺎﺑﺮ ﺍﻟﺤﺐ
.. ﺍﻭﻳﻠﻲ ﻉ ﺍﻟﺤﺐ ﻭﻋﻀﻴﺖ ﺷﻔﺘﻴﻲ ﻭﻃﻠﻌﺖ ..
ﺭﺣﺖ ﻟﻼﺳﺘﻘﺒﺎﻝ
ﺍﺗﻐﺪﻳﻨﻪ ﻭﺧﻠﺼﻨﻪ
ﻣﻦ ﻋﺎﺩﺗﻨﻪ ﺑﻌﺪ ﺍﻻﻛﻞ ﻧﻜﻌﺪ ﻛﻠﻨﺎ ﺳﻮﻩ ﻧﺸﺮﺏ ﺟﺎﻱ
ﻭﻧﺴﻮﻟﻒ .. ﺷﻔﺘﻬﺎ ﺍﺟﺖ ﻛﻌﺪﺕ ﺗﺒﺎﻭﻋﻠﻲ ﺑﻌﻴﻮﻥ ﺯﻋﻼﻧﻪ
ﻭﺍﻧﻲ ﻛﺎﻋﺪ ﺑﺎﻟﻜﺎﻉ ﺍﺭﻳﺪ ﺍﺗﻤﺪﺩ ..
ﺗﻤﺪﺩﺕ ﻭﺧﻠﻴﺖ ﺭﺍﺳﻲ ﺑﺤﻈﻨﻬﺎ ﺑﺪﻭﻥ ﻣﺎﺍﺑﺎﻭﻋﻠﻬﺎ ﻭﺍﺳﻮﻟﻒ ﻭﻳﺎ ﺍﻫﻠﻲ .. ﺷﻔﺘﻬﺎ ﺫﺍﺑﺖ ﻣﻦ ﺍﻟﺨﺠﻞ ﺍﺑﺎﻭﻋﻠﻬﺎ ﺍﺑﺘﺴﻢ ﻭﺍﺭﻓﻊ ﺣﺎﺟﺒﻲ ﻭﻫﻲ ﻣﺘﻮﺗﺮﻩ ﻭﺧﺠﻼﻧﻪ ﻭﻣﺪﻧﻜﻪ
ﺑﺠﺖ ﻭﺭﺩﻩ ﻭﺧﺮﺕ ﻋﻨﻬﺎ ﺍﺧﺬﺗﻬﺎ ﻭﺭﺍﺣﺖ
.......
ﺟﻨﻪ ..
ﻛﻠﺶ ﻓﺮﺣﺖ ﻣﻦ ﺟﻬﺎﺩ ﻗﺒﻞ ﻧﺮﻭﺡ ﻟﻠﻌﺮﺱ ﺭﻏﻢ ﻛﺒﺮﻳﺎﺋﻪ ﻭﺗﻌﺠﺮﻓﻪ ﻭﺗﺼﺮﻓﺎﺗﻪ ﺍﻟﺘﻐﺚ ﻭﺑﺮﻭﺩﻩ ﻟﺒﺴﺖ ﻓﺴﺘﺎﻥ ﻃﻮﻭﻳﻞ ﻟﻮﻧﻪ ﻭﺭﺩﻱ ﻓﺎﺍﺗﺢ ﻭﻣﻔﺘﻮﺡ ﻣﻦ ﺟﻬﻪ ﻭﺣﺪﻩ ﻭﺟﻮﻩ ﻣﺜﻞ ﺍﻟﺜﻨﻮﺭﺓ ﺳﻮﺩﻩ ﻗﺼﻴﺮﺓ ﻳﻌﻨﻲ ﻃﻮﻳﻞ ﻭﻣﻦ ﻛﺪﺍﻡ ﻗﺼﻴﺮ ﻟﺒﺴﺖ ﺟﻮﺍﻩ ﺳﺘﺮﻳﺞ ﺍﺳﻮﺩ ﺍﻻﻥ ﺍﻋﺮﻑ ﺟﻬﺎﺩ ﻣﻴﻘﺒﻞ ﺑﺲ ﺭﻓﻌﺘﻪ ﻟﻨﺺ ﺍﻟﺴﺎﻕ ﻭﻟﺒﺴﺖ ﺣﺠﻞ ﻧﺎﻋﻢ ﻛﻮﻟﺶ ﺣﻠﻮﻭ ﻭﺣﺬﺍﺀ ﺳﻮﻭﺩﻩ ﻋﺎﻟﻴﻪ ﺷﻮﻳﻪ ﻭﻣﻘﺒﻄﻪ ﻣﻦ ﺍﻻﻣﺎﻡ ﺣﻄﻴﺖ ﻣﻴﻚ ﺃﺏ ﻭﺧﻄﻴﺖ ﻋﻴﻮﻧﻲ ﻣﻦ ﺟﻮﺓ ﺑﻜﺤﻞ ﺍﺧﻀﺮ ﺑﺮﺯ ﻟﻮﻥ ﻋﻴﻮﻧﻲ ﻭﺑﻴﺎﺽ ﺑﺸﺮﺗﻲ ﻭﻟﺒﺴﺖ ﺷﺎﻝ ﺍﻭﻓﺎﻳﺖ ﻭﺑﻲ ﻭﺭﻭﺩ ﺻﻐﻴﺮﺓ ﻭﺭﺩﻳﻪ ﻭﺑﻴﺠﻴﻪ ﻭﻛﺐ ﺑﻴﺠﻲ ﻭﺭﺷﻴﺖ ﻋﻄﺮ ﻭﺑﺪﻟﺖ ﺍﻟﻮﺭﺩﻩ ﻟﺒﺴﺘﻬﺎ ﺑﺪﻟﻪ ﺑﻴﻀﻪ ﻣﺎﻝ ﻋﺮﺍﻳﺲ ﻭﻓﻴﻮﻧﻜﻪ ﺑﻴﻀﻪ ﻭﻫﻲ ﺣﻠﻮﺓ ﺗﺠﻨﻦ ﺑﻴﻀﻪ ﻭﺩﺑﺪﻭﺑﻪ ﻭﻋﻴﻮﻧﻬﺎ ﻣﻠﻮﻧﻪ ﻭﺧﺪﻭﺩﻫﺎ ﺣﻤﺮ ﻭﻣﺘﻘﺮﺣﻪ ﻣﻦ ﺍﻟﺒﻮﺱ ﺭﺷﺘﻠﻬﺎ ﻋﻄﺮ ﺍﻃﻔﺎﻝ ﻭﺑﻮﺩﺭﺓ ﺍﻃﻔﺎﻝ ﻭﻧﺰﻟﺖ ﺟﻮﺓ ﻭﺍﻧﻲ ﻻﺯﻣﻪ ﺍﻟﻌﺒﺎﻳﻪ ﻭﺍﻟﺠﻨﻄﻪ ﻭﺑﻴﻪ ﺍﻟﻤﻤﻪ ﻭﺍﻟﺤﻠﻴﺐ ﻭﻋﻄﺮ ﻭﺷﻐﻼﺕ ﺑﺴﻴﻄﻪ ..
ﻧﺰﻟﺖ ﺷﻔﺘﻪ ﻭﺍﻛﻒ ...
* ﺟﻬﺎﺩ
ﺷﻔﺘﻪ ﻧﺰﻟﺖ ﻣﻦ ﺍﻟﺪﺭﺝ ﺟﺎﻧﺖ ﺍﻣﻴﺮﺓ ﺗﻤﺸﻲ ﻋﻠﺊ ﺍﻻﺭﺽ ﺍﻛﻠﺘﻬﺎ ﺑﻨﻈﺮﺍﺗﻲ ﺑﻨﺎﺗﻲ ﻳﺠﻨﻦ ﻭﺧﺎﻳﻒ ﻋﻠﻴﻬﻦ ﻣﻦ ﺍﻟﺤﺴﺪ ﺍﻣﺎ ﺍﻟﻜﺒﻴﺮﺓ ﺣﺎﻟﻪ ﺧﺎﺻﻪ ﺟﻤﺎﻝ ﻓﺘﻨﻪ ﺭﻭﻭﻋﻪ ﺗﺠﺬﺏ ﺍﻻﻧﻀﺎﺭ ﺍﺑﺤﺮﺕ ﺑﻮﺟﺠﻪ ﺍﻟﺠﻤﻴﻞ ﺍﻟﻌﻴﻮﻥ ﺍﻟﻤﻜﺮﻭﺓ ﺑﺎﻟﻨﺴﺒﻪ ﺍﻟﻲ ﻭﺍﻟﻮﻥ ﺍﻟﻤﻌﻘﺪ ﺣﺒﻴﺘﻪ ﻭﻋﺸﻘﺘﻪ ﺟﺎﻥ ﺑﻨﻔﺴﻲ ﺍﻗﺒﻞ ﻋﻴﻮﻧﻬﺎ ﻭﺍﻻﻧﻒ ﺳﺒﺤﺎﻥ ﺍﻟﺨﺎﻟﻖ ﺍﻻﺑﺪﻉ ﺑﺘﺼﻤﻴﻤﻪ ﻭﺍﻣﺎ ﺍﻟﺸﻔﺎﻳﻒ ﺍﻣﺎ ﺍﻟﺸﻔﺎﻳﻒ ﻛﺮﺯ ﻓﺮﺍﻭﻟﻪ ﻣﺰﻳﻨﻬﺎ ﺍﻟﻮﻥ ﺍﻟﻮﺭﺩﻱ ﺑﻨﻔﺴﻲ ﺍﻟﺘﻬﻤﻦ ﺑﺲ ﻣﺜﻜﻞ ﺭﻭﺣﻲ ﻭﺍﻟﻠﻪ ﻣﺎﺍﺻﺒﺮ ﺍﺣﺒﻪ ﺍﻧﺠﻦ ﻋﻠﻴﻪ ... ﻧﺰﻟﺖ ﻭﺍﺧﺬﺕ ﻣﻨﻬﺎ ﻭﺭﺩﺓ ﻭﻋﻄﺮﻫﺎ ﺗﺮﺱ ﺍﻧﻔﺎﺳﻲ ﺍﺍﻭﻑ ﻳﺎﺍﻡ ﻭﺭﺩﻩ ﻋﺬﺑﺘﻨﻲ ﺑﺒﻌﺪﺝ ﺿﻠﻴﺖ ﺍﺑﻮﺱ ﺑﻮﺭﺩﻩ ﻭﻫﻲ ﺗﺒﺎﻭﻋﻠﻲ ﻭﺍﻧﻲ ﻣﻤﻬﺘﻢ ﺑﺲ ﺑﺪﺍﺧﻠﻲ ﺑﺮﺍﻛﻴﻦ ﻭﻧﻴﺮﺍﻥ ﻭﻣﻌﺮﻛﻪ ﻣﺎﻝ ﻣﺸﺎﻋﺮ ﺑﻨﻔﺴﻲ ﻳﻜﻮﻟﻮﻥ ﺍﺑﻦ ﻋﻤﻲ ﺍﺟﻞ ﻋﺮﺳﻪ ﺍﻭ ﻃﻠﻚ ﺣﺘﺊ ﺍﺧﺬ ﺟﻨﺘﻲ ﻭﺍﺣﺘﻮﻳﻬﺎ ... ﻃﻠﻌﻨﻪ ﻟﺒﺴﺖ ﻋﺒﺎﻳﺘﻪ ﻭﻭﺻﻠﺘﻬﺎ ﺍﻟﺒﻴﺖ ﻋﻤﻲ ﺩﺧﻠﺖ ﺟﻮﺓ ﻭﺍﻧﻲ ﻟﺰﻣﺖ ﺍﻳﺪﻫﺎ ﻭﻭﺻﻴﺘﻬﺎ ﻣﺘﻜﻮﻡ ﻣﻦ ﻣﻜﺎﻧﻬﺎ ﻭﻣﺘﺮﻛﺺ ﻭﻻﺗﺨﻠﻲ ﻭﺣﺪﻩ ﺗﺼﻮﺭﻫﺎ ﺷﻔﺘﻬﺎ ﺿﺎﺟﺖ ﺑﺲ ﻫﺬﺍ ﺍﺣﺴﻦ ﺍﻟﻬﺎ ﻭﺍﻟﻲ ﺍﻧﻲ ﺍﻋﺮﻓﻪ ﺗﺮﺑﺎﺕ ﺍﻳﺪﻱ ﻣﺘﻐﻠﻂ ﻭﺗﺨﺠﻞ ﻭﺗﺨﺎﻑ ﺑﺲ ﺍﻟﺤﺬﺭ ﻭﺍﺟﺐ ﻭﺍﻟﺘﺼﻮﻳﺮ ﺩﻣﺮ ﺑﻴﻮﺕ ﺭﺣﺖ ﻳﻢ ﺍﻟﻮﻟﺪ
* ﺟﻨﻪ ..
ﺩﺧﻠﺖ ﺳﻠﻤﻦ ﻋﻠﻴﻪ ﺍﻟﺒﻨﺎﺕ ﻭﺑﻮﺳﻨﻲ ﻭﺑﻮﺳﻦ ﻭﺭﺩﻩ ﻭﻛﻮﻭﻟﺶ ﺍﻧﻌﺠﺒﻦ ﺑﻴﻪ ﻭﻛﺎﻟﻦ ﺑﻌﺪ ﻣﻨﺎﺳﺐ ﺑﻨﺎﺕ ﺑﻐﺪﺍﺩ ﻧﺮﻳﺪ ﻣﻦ ﺍﻟﺒﺼﺮﺓ ﻫﻴﺞ ﻋﺪﻫﻢ ﺑﻨﺎﺕ ﺣﻠﻮﺍﺕ ﺍﺑﺘﺴﻤﺖ ﺑﺨﺠﻞ ﻋﻠﺊ ﻛﻼﻣﻬﻦ ﻭﺟﺎﻧﻦ ﺣﻴﻞ ﺣﺒﺎﺑﺎﺕ ﻛﻌﺪﺕ ﻭﻭﺭﺩﻩ ﺑﺤﻈﻨﻲ ﻭﻋﻤﺘﻲ ﻭﻧﺴﻮﺍﻥ ﺣﻤﺎﻳﻪ ﻳﻤﻲ ﻭﻋﻤﺘﻲ ﺗﻌﺮﻑ ﻋﻠﻴﻪ ﻭﻛﻞ ﻣﻦ ﻳﺸﻮﻓﻨﻲ ﻳﺴﻤﻲ ﻭﺍﺣﺲ ﻋﻤﺘﻲ ﺗﺘﺒﺎﻩ ﺑﻴﻪ ﻛﺪﺍﻡ ﺍﻟﻌﺎﻟﻢ ﻭﺗﻜﻮﻟﻬﻢ ﻫﺎﻱ ﻭﺭﺩﻩ ﺑﻨﺖ ﺟﻬﺎﺩ ﺍﻟﻠﻪ ﻋﻮﺿﻪ ﺑﺎﺍﻟﻤﺎﺳﺘﻴﻦ ﻳﺠﻨﻦ ﺷﻔﺖ ﻛﻮﺍﻛﺐ ﺍﺟﺖ ﻫﺠﻤﺖ ﻋﻠﻴﻪ ﻭﻫﻲ ﺷﺎﻳﻠﻪ ﺍﻟﺠﻔﺠﻴﺮ ﺗﻔﺎﺟﺌﺖ ﻣﻨﻬﺎ
ﻫﺎﺍﺍﺍ ﻭﻟﺞ ﺻﺨﻴﻤﻪ ﺭﺟﻌﺘﻲ ﻻ ﻫﻠﻪ ﻭﻻ ﻣﺮﺣﺒﺎ
ﺟﻨﻪ ... ﻳﺎﺍﻋﺰﺍﺍ ﺧﺎﻟﻪ ﺷﺒﻴﺞ
ﻛﻮﺍﻛﺐ ﺑﻌﺼﺒﻴﻪ .. ﻭﺷﺒﺖ ﺑﻴﺞ ﻭﻟﺞ ﺷﻠﻮﻥ ﺗﻐﻠﻄﻴﻦ ﻋﻠﻴﻪ ﺫﺍﻙ ﺍﻟﻴﻮﻡ
ﺟﻨﻪ ﺑﺨﺠﻞ ... ﺧﺎﻟﻪ ﻋﻴﺐ ﻣﻨﺎ ﺍﻟﻌﺎﻟﻢ ﺑﻌﺪﻳﻦ ﻧﺘﻔﺎﻫﻢ
ﻛﻮﺍﻛﺐ .. ﻭﻟﺞ ﺍﻧﺘﻲ ﺗﻌﺮﻓﻴﻦ ﺍﻟﻌﻴﺐ ﻳﺎﻟﻌﻮﻭﺑﻪ ﻳﺎﻧﺎﻛﺮﺓ ﺍﻟﻤﻌﺮﻭﻑ ﻧﺴﻴﺘﻲ ﺷﻠﻮﻥ ﺟﻨﺖ ﺍﻃﻠﻌﺞ ﻣﻦ ﺣﻠﻚ ﺍﻟﺴﺒﻊ ﻭﺩﺍﻓﻌﻠﺞ ﻟﺞ ﻟﻮ ﻣﺨﻠﻴﺘﻪ ﺍﺟﻬﻴﺪ ﻃﺎﻛﺞ ﻃﻜﻪ ﻭﺩﺍﻓﻴﻨﺞ ﺑﺎﻟﻔﺘﺤﻪ ﺍﻟﺴﺎﺑﻌﻪ ﻭﺿﺎﻳﻊ ﺫﻛﺮﺝ ﻳﺎ ﻋﻮﻭﺑﻪ
ﺟﻨﻪ ... ﺍﻧﺘﻲ ﻣﺪﺍﻓﻌﺘﻠﻲ؟؟
ﻛﻮﺍﻛﺐ ﺑﺼﻴﺎﺡ ﻭﻛﻠﻬﺎ ﺍﻟﺘﻤﺖ ../ ﻫﺎﺍﺍ ﻧﺴﻴﺘﻲ ﺷﻠﻮﻥ ﺟﻨﺖ ﺍﻃﻠﻌﺞ ﻣﻦ ﺍﺩﻳﻦ ﺟﻬﺎﺩ ﻭﺭﺯﻟﻪ ﺑﺲ ﺍﺻﻴﺢ ﻛﻠﻤﻪ ﻭﺣﺪﻩ ﺟﻬﺎﺍﺍﺍﺩ ﻋﻤﻤﻤﻪ ﻋﻮﻓﻬﺎﺍ .. ﻳﻌﻮﻓﺞ ﺍﺣﺘﺮﺍﻣﺎ ﺍﻟﻲ ﺍﻧﻲ ﻛﻮﺍﻛﺐ ﺍﻟﻜﻠﻤﺘﻲ ﻣﺴﻤﻮﻋﻪ ﺭﺟﻠﺞ ﺑﻜﺒﺮﺓ ﻣﺎﺭﻓﻊ ﻋﻴﻨﻪ ﺑﻌﻴﻨﻲ ﺗﺠﻴﻦ ﺍﻧﺘﻲ ﺗﻐﻠﻄﻴﻦ ﻋﻠﻴﻪ ﻳﺎﻟﺜﻮﻟﻪ ﻳﺎﻓﺘﺎﻧﻪ
ﺣﺴﻴﺖ ﺍﻧﺮﺑﻂ ﺍﻟﺴﺎﻧﻲ ﺍﻛﻠﺘﻨﻲ ﺣﺎﺻﻞ ﻓﺎﺻﻞ ﻭﺟﻔﺠﻴﺮﻫﺎ ﺑﻴﺪﻫﺎ ﻛﻠﺖ ﺧﻠﻲ ﺍﺳﻜﺖ ﻻ ﺗﺠﻴﻨﻪ ﺭﻛﻌﻪ ﻣﻦ ﺟﻔﺠﻴﺮﻫﺎ ﺑﺲ ﺗﻤﻨﻴﺖ ﺟﻬﺎﺩ ﻫﻨﺎ ﻭﺷﻮﻓﻬﺎ ﺷﻠﻮﻥ ﺗﺤﺠﻲ ﺍﻟﻘﻴﺴﻲ ﻋﻠﺊ ﻛﻮﻟﺘﻪ
ﺍﻧﻲ ﻛﻮﺍﻛﺐ ﺍﻧﻄﺮﺩ ﻣﻦ ﺑﻴﺖ ﺍﺧﻮﻭﻱ ﺍﻧﻲ ﺍﻡ ﻫﻠﻪ ﺍﻧﻄﺮﺩ ﻭﺑﺴﺒﺒﺞ ﺍﻧﺘﻲ ﻭﺭﺟﻠﺞ ﻳﻤﻜﻦ ﺑﻴﺘﻜﻢ ﺑﻌﺪ ﻣﺤﺪ ﻳﻄﺒﻪ ﺍﻱ ﺍﻡ ﻫﻠﻪ ﺭﺍﺣﺖ ﻭﻳﻦ ﺟﻨﺖ ﺷﺎﻳﻠﻪ ﺍﻟﺨﻄﺎﺭ ﺷﻴﻞ ... ﻫﺴﻪ ﺟﻴﺮﺍﻧﻪ ﺷﺎﻓﻨﻲ ﻛﺎﻟﻦ ﻣﻦ ﻧﺪﺧﻞ ﺍﻟﺒﻴﺖ ﺍﺧﻮﺝ ﻭﻣﺎﻧﻠﻜﺎﺝ ﺍﻧﻀﻞ ﻧﻠﻄﻢ ﻭﻧﻜﻮﻝ ... ﺍﻧﺪﻫﻮﺍ ﺍﻻﻡ ﻫﻠﻪ ﺟﻴﻨﺎﺝ ﺧﻄﺎﺭ ﻳﻢ ﺟﺎﻱ ﺍﻟﻤﻬﻴﻞ ﻭﺍﻟﺨﺒﺮ ﺣﺎﺭ
........
ﺍﻡ ﺟﻬﺎﺩ .. ﻛﺎﻓﻲ ﻛﻮﺍﻛﺐ ﻋﻴﺐ ﺧﺰﻳﺘﻴﻨﻪ ﻭﻫﻢ ﺍﻟﺞ ﻋﻴﻦ ﺗﺤﺠﻴﻦ ﻳﺎﻧﺎﻛﺮﺓ ﺍﻟﺠﻤﻴﻴﻞ ﺍﻟﻲ ﺧﻨﺘﻲ ﺍﻟﺨﺒﺰ ﻭﺍﻟﻌﺸﺮﻩ
ﻛﻮﺍﻛﺐ .. ﻭﺍﻟﻠﻪ ﻳﺎﺍﻡ ﺍﻣﺠﺪ ..
ﺍﻡ ﺟﻬﺎﺩ .. ﺍﺳﻜﺘﻲ ﻋﻴﺐ ﻋﻠﻴﺞ ﺍﻣﺸﻲ ﻳﻤﻪ ﺟﻨﻮﻧﻪ ﺍﻣﺸﻲ ﻧﻜﻌﺪ ﻣﻨﺎﻙ ..
ﻛﻮﺍﻛﺐ .. ﺍﺧﺬﺕ ﺍﻟﺠﻔﺠﻴﺮ ﻭﺩﺧﻠﺖ ﻟﻠﻤﻄﺒﺦ ..
ﺳﻤﻌﺖ ﺻﻮﺕ ﻭﺭﺍﻫﺎ ﺣﺠﻴﻪ ﺣﺠﻴﻪ ﻣﻤﻜﻦ ﺗﻨﻄﻴﻨﻲ ﻫﺬﺍ ﺍﻟﺴﻄﻞ ﺍﻟﻴﻤﺞ ﻣﺤﺘﺎﺟﻴﻨﻪ ﺑﺮﻩ ﻳﻢ ﺍﻟﻮﻟﺪ ﺩﻧﺨﻠﻲ ﺑﻲ ﺑﻄﺎﻟﺔ ﺍﻟﻤﻲ ﻭﺍﻟﺜﻠﺞ ..
ﻳﺎﺍﻫﺬﺍ ﺻﻮﺕ ﺟﻬﻴﺪﺍﻥ .. ﻋﺰﺍﺍﺍ ﻭﺍﻧﻲ ﻭﺣﺪﻱ ﺑﺎﻟﻤﻄﺒﺦ
ﺧﻠﻲ ﺍﻏﻄﻲ ﻭﺟﻬﻲ ﻭﺍﻧﻄﻴﻬﻴﺎ ﻻﻳﺤﺲ ﻋﻠﻴﻪ ﻭﻳﻌﺮﻓﻨﻲ ﻭﻳﻘﺘﻠﻨﻲ ﻫﻨﺎ ﻭﺍﻧﻲ ﺍﻟﻮﺣﺪﻱ .. ﻏﺸﻴﺖ ﻭﺟﻬﻲ ﻭﺍﻧﻄﻴﺘﻪ ﺍﻟﺴﻄﻞ ﻭﺍﻧﻲ ﻧﺺ ﻣﻨﺪﺍﺭﻩ .. ﺍﺧﺬﻩ ﻣﻨﻲ ﻭﺍﻧﻲ ﺍﻛﻮﻟﻪ ﻫﺎﻙ ﻻﻫﻨﺎﻙ ..
ﺟﻬﺎﺩ .. ﻫﻲ ﻣﻨﻮ ﻛﻮﺍﻛﺐ ﺍﻟﻘﻴﺴﻲ ﺣﻨﺎﻥ ﺍﻟﻔﺘﻼﻭﻱ ..
ﻛﻮﺍﻛﺐ .. ﺑﺨﻮﻑ .. ﻫﻼ ﺟﻬﺎﺩ ﺷﻮﻧﻚ
ﺟﻬﺎﺩ .. ﻳﺒﺎﻭﻋﻠﻬﺎ ﻭﻫﻲ ﻣﻨﺪﺍﺭﻩ ﻭﺧﺎﻳﻔﻪ ﺑﺨﻴﺮ ﻭﻧﻌﻤﻪ ﻭﺍﻟﻔﻀﻞ ﻳﻌﻮﺩ ﺍﻟﺞ
ﻛﻮﺍﻛﺐ .. ﺍﻟﻲ ﺍﻱ ﺍﻱ ﻃﺒﻌﺎ ..
ﺟﻬﺎﺩ .. ﺧﻠﺼﺘﻴﻨﻲ ﻣﻦ ﺍﻟﻬﻢ ﺍﻟﻲ ﺟﺎﻥ ﻋﻠﻰ ﺍﻛﺘﺎﻓﻲ .. ﺑﺲ،ﻳﮕﻮﻟﻮﻥ ﺗﺒﻴﻌﻴﻦ ﻣﺨﻀﺮ ﺑﺎﻟﻠﻪ ﺑﻴﺶ ﻛﻴﻠﻮ ﺍﻟﻄﻤﺎﻃﻪ ؟
ﻛﻮﺍﻛﺐ .. ﻻﻋﻴﻨﻲ ﻫﺬﺍ ﻳﺎﺟﺬﺍﺏ ﻛﻠﻚ ﺍﻧﻲ ﺍﺑﻴﻊ ﺗﻔﺎﺡ
ﺟﻬﺎﺩ .. ﻋﻮﺩ ﺍﻟﺘﻔﺎﺡ ﺍﺭﻗﻰ .. ﻫﻬﻬﻪ ﻟﺞ ﻋﻤﺘﻮﻭﻭ ﻣﺘﻌﺮﻓﻴﻦ ﺗﻀﻤﻴﻦ ﺍﻟﺴﺮ
ﻛﻮﺍﻛﺐ ... ﻳﺎﺍﺍ ﺑﺎﻟﻌﺒﺎﺱ ﻣﺤﺎﺟﻴﻪ
ﺟﻬﺎﺩ . ﻳﺴﻮﻱ ﻧﻔﺴﻪ ﻣﻴﻌﺮﻑ ... ﻟﻌﺪ ﻣﻨﻮﻭ ﺣﺠﻪ ﻏﺮﻳﺒﻪ ﺍﺷﻮﻭ ﺑﺲ ﺍﻧﻲ ﻭﻳﺎﺝ ﻭﻋﺰﺭﺍﺋﻴﻞ ﻭﺍﻟﻤﺮﺣﻮﻣﻴﻦ ﻧﺪﺭﻱ ﻣﻌﻘﻮﻟﻪ ﻋﺰﺭﺍﺋﻴﻞ ﻫﻮ ﺍﻟﻔﻀﺤﻨﻪ؟؟
ﻛﻮﺍﻛﺐ .. ﺟﺎﺍﺍﺍ ﺷﻤﺪﺭﻳﻨﻲ ﻛﻠﺸﻲ ﻳﺼﻴﺮ
ﺟﻬﺎﺩ ﺑﺎﺳﺘﻬﺰﺍﺀ ... ﻫﻬﻬﻪ ﻭﻟﺞ ﺍﻧﺘﻲ ﻣﺜﻞ ﻧﺸﺮﺓ ﺍﻻﺧﺒﺎﺭ ... ﺍﺧﺒﺎﺭﻧﺎ ﺣﺼﺮﻳﻪ ﻣﻦ ﻗﻠﺐ ﺍﻟﺤﺪﺙ ﻧﺘﻤﻴﺰ ﺑﺎﻟﻤﺼﺪﺍﻗﻴﻪ ﻭﺳﺮﻋﻪ ﻧﻘﻞ ﺍﻟﺤﺪﺙ ﻣﺬﻳﻌﺘﻜﻢ ﻛﻮﺍﻛﺐ ﺍﻟﻘﻴﺴﻲ
ﻛﻮﺍﻛﺐ .. ﺧﺎﺏ ﺩﺭﻭﺡ ﻭﻻﺗﺘﻌﺪﻝ ﻭﺍﺭﻳﺪ ﺍﺭﺟﻊ ﺍﻟﺒﻴﺖ ﺍﺧﻮﻱ ﻣﺸﺘﺎﻗﻪ ﺍﻟﺒﻮﻓﻴﺘﻲ
ﺿﺤﻜﺖ ﺑﺎﺍﺳﺘﻬﺰﺍﺀ ﻣﺸﺘﺎﻗﻪ ﺍﻟﺒﻮﻓﻴﺘﻬﺎ ﻣﺪﻛﻮﻝ ﻣﺸﺘﺎﻗﻪ ﺍﻻﺧﻮﻱ ﻣﺸﺘﺎﻗﻪ ﺍﻟﻜﻢ ﻣﺸﺘﺎﻗﻪ ﺍﻟﺒﻮﻓﻴﺘﻪ . ﻫﻬﻬﻪ ﻭﺍﻟﻠﻪ ﻓﻠﻚ
ﺷﻔﺖ ﻧﺴﻮﺍﻥ ﻳﺮﺩﻭﻥ ﻳﻄﺒﻮﻥ ﻟﻠﻤﻄﺒﺦ ﻃﻠﻌﺖ ﻭﻋﻔﺘﻬﺎ ..
ﻧﺰﻝ ﺍﻟﻌﺮﻳﺲ ﻣﻦ ﻓﻮﻙ ﻭﺟﻬﺎﺩ ﺟﺎﻥ ﻭﻳﺎﻩ ﺳﺎﻋﺪﻩ ﻟﺒﺴﻪ ﺍﻟﻘﺎﻁ ﻭﺻﻮﺭﺓ ﺑﺎﻟﻐﺮﻓﻪ ﺟﻬﺎﺩ ﺿﻞ ﻳﺒﺪﻝ ﻭﻣﻨﺰﻝ ﻧﺰﻝ ﺍﻟﻌﺮﻳﺲ ﻣﻦ ﺍﻟﺪﺭﺝ ﻭﻭﻛﻒ ﻋﻠﺊ ﺍﻭﻝ 3 ﺑﺎﻳﺎﺕ ﻭﺗﻠﻜﺘﻪ ﻛﻮﺍﻛﺐ ﺗﻬﻮﺱ ﻭﺗﻬﻠﻬﻞ .... ﺍﺻﺒﺢ ﻳﺘﻜﻠﺐ ﺑﻴﻦ ﺍﻋﻤﺎﻣﻪ ﻭﺑﻴﻦ ﺍﻋﻀﺎﺀ ... ﺍﺻﺒﺢ ﻳﺘﻜﻠﺐ ﻛﻠﻮﻭﻭﻭﻭﻭﻭﺵ ﻭﺣﺴﻮﻧﻲ ﻣﺎﻛﻌﺪ ﺭﺍﺣﻪ ﺍﺧﺬﻟﻪ ﺧﻮﻭﺵ ﺗﻔﺎﺣﻪ ﻭﺣﺴﻮﻧﻲ ﺍﻟﺘﻴﻦ ﻭﻣﺤﻠﻲ ﺍﻟﺒﻴﺴﺎﺗﻴﻦ ﻭﺣﺴﻮﻧﻲ ﻭﺣﻠﻮﻩ ﻋﻴﻮﻧﻪ ﺷﺎﻳﻞ ﺑﻴﻜﻴﺴﻲ ﻋﻠﺊ ﺍﻣﺘﻮﻧﻪ
ﻭﺍﻟﻨﺴﻮﺍﻥ ﻳﺮﻛﺼﻦ ﻭﻳﺎﻫﺎ ﻭﻛﻠﺒﺖ ﺍﻟﺠﻮﻭ ﻛﻼﺏ ﻻﺑﺴﻪ ﺛﻮﺏ ﻣﺸﺤﺮ ﺍﺣﻤﺮ ﻭﺍﻟﺠﻔﺠﻴﺮ ﻣﺎﺫﺑﺘﻪ ﻣﺪﺭﻱ ﺷﺘﺴﻮﻱ ﺍﻛﻴﺪ ﺗﻐﺮﻑ ﺗﻤﻦ ﻭﺗﻀﻢ
ﺻﻌﺪﺕ ﻋﻠﺊ ﺑﺎﻳﺎﺕ ﺍﻟﺪﺭﺝ ﻭﻫﻲ ﺗﻠﺰﻡ ﺣﺴﻦ ﻣﻦ ﺭﻛﺒﺘﻪ ﻭﺷﻔﻄﺖ ﺧﺪﻭﺩﻩ ﺷﻔﻂ ﺑﺎﻟﺒﻮﺱ ﻭﺣﺴﻦ ﻳﻤﺴﺢ ﺑﻮﺟﻪ
ﺑﻬﺎﻟﻠﺤﻈﻪ ﻧﺰﻝ ﺟﻬﺎﺩ ﺟﺎﻥ ﻻﺑﺲ ﺑﻨﻄﺮﻭﻥ ﻧﻴﻠﻲ ﻭﻗﻤﻴﺺ ﺍﻭﻓﻮﺍﻳﺖ ﺟﻤﺎﻟﻪ ﺍﻟﻤﻌﺘﺎﺩ ﻭﻟﺒﺴﻪ ﺍﻻﻧﻴﻖ ﺷﺎﻓﺘﻪ ﻛﻮﺍﻛﺐ ﻭﻫﻲ ﺍﻧﺼﺪﻣﺖ ﻭﺿﻠﺖ ﺗﺮﺟﻒ ﻣﻦ ﺍﻟﺨﻮﻭﻑ ﻋﺜﺮﺕ ﻣﻦ ﺍﻟﺪﺭﺝ ﻟﺰﻣﺖ ﺑﺤﺴﻦ ﻭﺟﺮﺗﻪ ﻭﻳﺎﻫﺎ ﻭﺧﺮﻣﺸﺖ ﺭﻛﺒﺘﻪ ﺗﺨﺮﻣﺶ
ﻭﻛﻌﺖ ﻫﻲ ﻭﺣﺴﻦ
ﺟﻬﺎﺩ
ﻧﺰﻟﺖ ﺍﺭﻛﺾ ﺍﻟﺘﻤﺖ ﺍﻟﻨﺴﻮﺍﻥ ﻭﺍﻟﺒﻨﺎﺕ ﻛﺎﻡ ﺣﺴﻦ ﻭﻫﻮ ﻳﺘﺬﻣﺮ ﻭﻳﻨﻜﺖ ﻟﻤﻼﺑﺴﻪ ﺩﻭﺭﺕ ﻋﻠﺊ ﻛﻮﺍﻛﺐ ﺑﻌﻴﻮﻧﻲ ﺑﺲ ﻣﺎﻛﻮﻭ ﻓﺺ ﻣﻠﺢ ﻭﺫﺍﺏ ﺧﺮﺭﺏ ﻳﻮﻣﻬﺎ ﺩﻛﻮﻝ ﺟﻨﻲ ﺍﻟﻜﻞ ﺷﺊ،ﻋﻨﺪﻫﺎ ﺣﻞ
ﻣﺪﺭﻱ ﻭﻳﻦ ﺍﻧﻬﺰﻣﺖ
ﻃﻠﻌﻨﻪ ﺍﻧﻲ ﻭﺣﺴﻦ ﻭﺍﻧﻲ ﺍﺿﺤﻚ ﻋﻠﻴﻪ ﺟﻬﺎﺩ .. ﻫﻬﻬﻬﻬﻬﻪ ﺑﺼﺮﺍﺣﻪ ﻭﺟﻪ ﺍﻟﻌﺮﺱ ﻣﻮ ﺧﻴﺮ ﻋﻠﻴﻚ ﻭﺍﻭﻝ ﻣﻮﻗﻒ ﻭﻳﻪ ﻋﻤﺘﻮﻭ
ﺣﺴﻦ ﺑﺘﺬﻣﺮ ... ﺧﺮﺭﺭﺏ ﻋﻤﺘﻚ ﺗﻜﻮﻝ ﻋﺘﻮﻱ ﻭﺟﻠﺐ ﺑﺰﻭﻟﻴﻪ ﺧﺮﻣﺸﺘﻨﻲ ﺗﺨﺮﻣﺶ ﻫﺴﻪ ﻻ ﺍﻧﻮﺏ ﺍﻟﻌﺮﻭﺱ ﻳﺮﻭﺡ ﺑﺎﻟﻬﺎ ﺑﻌﻴﺪ ﻣﺎﻛﻮﻭ ﺧﻠﻄﻪ ﺍﺧﻠﻲ
ﺟﻬﺎﺩ ... ﻫﻬﻬﻬﻬﻬﻬﻬﻪ ﻣﺎﻛﻮﻭ ﻭﺍﻟﻌﺮﻭﺱ ﻫﺴﻪ ﻫﻲ ﺗﻨﻄﻴﻬﺎ ﺍﻟﺘﻔﺎﺻﻴﻞ ﺍﻭﻝ ﺑﺎﻭﻝ ﻣﺎﺗﺪﺭﻱ ﺑﻴﻬﺎ ﺗﻨﻘﻞ ﻣﻦ ﻗﻠﺐ ﺍﻟﺤﺪﺙ ﻫﺴﻪ ﻋﺮﻭﺳﺘﻚ ﺩﻛﻮﻝ ﺧﻄﻴﻪ ﻋﻤﺘﻚ ﺧﺮﻣﺸﺘﻚ ﻫﻬﻬﻬﺎﻱ
ﺣﺴﻦ ... ﻫﻤﺰﻳﻦ ﺗﻘﻮﻡ ﻫﻲ ﺑﺎﻟﻮﺍﺟﺐ ﻭﻻ ﺍﻛﻌﺪ ﺍﺑﺮﺭ
ﺧﻠﺺ ﺍﻟﻌﺮﺱ ﻭﺭﺟﻌﻨﺎ ﻟﻠﺒﻴﺖ ﺑﻌﺪ ﻛﻢ ﻳﻮﻡ ﺍﺭﻭﺡ ﻟﻠﺒﺼﺮﻩ
ﻭﺍﻧﻲ ﻭﻋﺪﺕ ﺟﻨﻪ ﺑﻌﺪ ﻣﺎﺍﺭﺟﻊ ..
ﻳﻮﻡ ﺛﺎﻧﻲ ﻛﻌﺪﺕ ﻣﻦ ﺍﻟﻨﻮﻡ ﻭﻧﺰﻟﺖ ﺟﻮﻩ .. ﺳﺎﻟﺖ ﺍﻣﻲ ﻭﻳﻦ ﺟﻨﻪ ﻛﺎﻟﺖ ﺟﺎﻱ ﺗﺨﺒﺰ ﺑﺎﻟﺘﺮﻙ ..
ﺭﺣﺖ ﺍﻃﻞ ﻋﻠﻴﻬﻪ ﺷﻔﺘﻬﺎ ﻋﺮﮔﺎﻧﻪ ﻭﺗﻌﺒﺎﻧﻪ ﻭﺗﺨﺒﺰ
ﺑﻘﻴﺖ ﺻﺎﻓﻦ ﻋﻠﻴﻬﺎ ﺷﻮﻥ ﺭﺍﺡ ﺍﺭﻭﺡ ﻭﺍﻧﻲ ﺑﻌﺪﻩ ﺍﻟﺸﻮﮒ ﺑﻴﻪ ﺍﻟﻬﺎ ﻭﻧﺎﺭﻩ ﻣﺎﻣﻄﻔﻴﻪ ..
ﺑﺎﻭﻋﺖ ﺍﻛﻮ ﺟﻠﻜﺎﻥ ﻧﻔﻂ ﻗﺮﻳﺐ ﺍﻟﻬﺎ .. ﺍﻧﺘﺒﻬﺖ ﻋﻠﻴﻪ ﻣﺎﻳﻊ ﺷﻮﻳﻪ ﻣﻨﻪ .. ﺭﺣﺖ ﺍﻟﻬﺎ ﺍﺭﻛﺾ ﻭﻋﻄﺖ ﻭﻟﺠﺠﺠﺞ ﺟﻨﻪ ﻭﺧﺮﻱ ﺩﻓﻌﺘﻬﺎ ﻭﻫﻲ ﻣﻴﺘﻪ ﺧﻮﻑ
ﻃﻔﻴﺖ ﺍﻟﻐﺎﺯ .. ﻭﻫﻲ ﻭﺍﮔﻌﻪ ﺑﺎﻻﺭﺽ
ﺭﺣﺖ ﻛﺮﻓﺼﺖ ﻳﻤﻬﺎ ﺗﺒﺎﻭﻋﻠﻲ ﻭﺧﺎﻳﻔﻪ
ﻭﺧﺮ ﻋﻨﻲ ﺟﻬﺎﺩ ﻭﺧﺮ ﻋﻨﻲ ﻻﺗﻘﺘﻠﻨﻲ ﺷﺒﻴﻚ ﺷﺴﻮﻳﻴﺖ ﻫﺴﻪ ﺍﻧﻲ ..
ﻣﺪﻳﺖ ﺍﻳﺪﻱ ﺍﻟﻬﺎ ﻭﻫﻲ ﻣﺮﻋﻮﺑﻪ ﻭﺧﺎﻳﻔﻪ ﻭﺗﺤﺎﻭﻝ ﺗﺤﻤﻲ ﻧﻔﺴﻬﺎ ﺑﺎﻳﺪﻳﻬﺎ .. ﺣﺎﻭﻟﺖ ﺍﻫﺪﻳﻬﺎ ..
ﻛﺘﻠﻬﺎ ﻟﻴﺶ ﺍﻗﺘﻠﺞ ﺧﺎﻳﻒ ﻋﻠﻴﺞ ﺍﻧﻲ ﺩﺷﻮﻓﻲ ﺍﻟﻨﻔﻂ ﻫﺬﺍ ﺍﺫﺍ ﺷﺐ ﻳﺤﺮﻙ ﺍﻟﺪﻧﻴﺎ
ﺟﻨﻪ .. ﺑﺎﻭﻋﺖ ﻟﻠﻨﻔﻂ ﻭﺍﻓﺘﻬﻤﺖ ﻟﻴﺶ ﻫﻴﺞ ﺍﺗﺼﺮﻑ ﺧﺎﻳﻒ ﻋﻠﻴﻪ .. ﻛﺘﻠﻪ ﻭﺧﺮ
ﺍﺭﻳﺪ ﺍﻛﻮﻡ ﺳﺤﺒﻨﻲ ﺍﻟﺤﻀﻨﻪ ﺭﺍﺳﻲ ﻋﻠﻰ ﺻﺪﺭﻩ ﻣﺨﺒﻲ ﺑﺎﻳﺪﻩ ﻭﺿﺎﻏﻂ ﻋﻠﻴﻪ ..
ﻭﻳﻬﻤﺲ ﺑﺄﺫﻧﻲ
- ﺟﻨﻪ ﺭﺍﻳﺢ ﺍﻧﻲ ﺑﺎﺟﺮ ﺭﺍﻳﺢ ﻟﻠﺒﺼﺮﻩ ﻭﺑﻌﺪ ﻣﺎﺍﺭﺟﻊ ﺣﺘﻰ ﺗﺮﺗﺎﺣﻴﻦ ﻣﻨﻲ ﺷﻬﺮ ﺷﻬﺮﻳﻦ ﺛﻼﺛﻪ ﻭﺍﻛﺜﺮ .
ﺑﺲ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ ﺧﻮﺵ ﺍﻧﺘﺒﻬﻲ ﻓﺪﻭﻩ ﺍﺣﺒﺞ ﺍﺣﺒﺞ ﻭﻣﺎﺍﺭﻳﺪﺝ ﺗﺘﺄﺫﻳﻦ
ﺟﻬﺎﺩ ..
ﻋﻔﺘﻬﺎ ﻭﺩﺧﻠﺖ ﺟﻮﻩ ﻛﻠﻠﻠﺒﺖ ﺍﻟﺪﻧﻴﺎ ﻋﻠﻴﻬﻢ ﺷﻮﻥ ﻫﻴﺞ ﻣﺨﻠﻴﻨﻬﺎ ﺗﺨﺒﺰ ﺑﺎﻟﺘﺮﻙ ﻳﻢ ﺍﻟﻨﻔﻂ ..
ﺑﺎﻟﻠﻴﻞ ﺟﺎﻧﺖ ﺍﻟﻨﻈﺮﺍﺕ ﺑﻴﻨﺎﺗﻨﻪ ﺣﺰﻳﻨﻪ ﻧﻈﺮﺍﺕ ﻭﺩﺍﻉ
ﻛﻤﻠﻨﻪ ﺍﻟﻌﺸﺎ ﻭﺻﻌﺪﺕ ﻓﻮﻙ .. ﻣﺘﻤﺪﺩ ﻉ ﺍﻟﺴﺮﻳﺮ
ﺩﻗﺎﻳﻖ ﻭﺍﻧﻔﺘﺤﺖ ﺍﻟﺒﺎﺏ ﺭﻓﻌﺖ ﺭﺍﺳﻲ ﻭﺩﺧﻠﺖ ﻋﻠﻴﻪ ﺟﻨﻪ .. ﻇﻠﺖ ﺳﺎﻛﺘﻪ ﻭﺗﺒﺎﻭﻋﻠﻲ .. ﻭﺗﻔﺘﺮ ﺑﺎﻟﻐﺮﻓﻪ
ﺍﻟﻰ ﺍﻥ ﺍﺟﺖ ﻳﻤﻲ ..
ﮔﺎﻟﺖ ﺟﻬﺎﺩ ﺭﺍﺡ ﺗﺮﻭﺡ ﻟﻠﺒﺼﺮﻩ ﺑﺎﺟﺮ
ﺭﻓﻌﺖ ﺟﺴﻤﻲ ﻭﺍﻧﺘﺠﻴﺖ ﻋﻠﻰ ﻋﻜﺴﻲ ﺍﻱ ﺭﺍﺡ ﺍﺭﻭﺡ ﻭﻣﺎﺭﺟﻊ
ﺭﺍﺡ ﺗﺘﺰﻭﺝ ﻫﻨﺎﻙ ؟؟
ﻟﻴﺶ ﻫﺬﺍ ﺍﻟﺴﺆﺍﻝ
ﺑﺠﺖ ﻭﻛﺎﻟﺖ ﻭﻫﻲ ﺗﺒﺠﻲ ﺑﺤﺮﮔﻪ ﺍﻧﻲ ﺍﺣﺒﻚ ﺟﻬﺎﺩ
ﺍﺧﺬﺗﻬﺎ ﻟﺤﻀﻨﻲ ﻭﺍﻣﺴﺢ ﺩﻣﻮﻋﻬﺎﺍﺍ ﻭﺍﻫﻤﺲ ﺑﺄﺫﻧﻬﺎ ﺍﻣﻮﻭﺕ ﻋﻠﻴﺞ ﺍﻧﺖ ﺣﺒﻲ ﺍﻧﺖ ﺣﻴﺎﺗﻲ ..
ﺷﻠﺘﻬﺎ ﻭﺻﻌﺪﺗﻬﺎ ﻋﻠﻰ ﺍﻟﺴﺮﻳﺮ ﻭﺍﻟﻠﺘﻬﻤﺖ ﺷﻔﺎﻳﻔﻬﺎ
ﺩﻓﻌﺘﻨﻲ
ﻛﺎﻟﺖ ﻭﺻﺎﺣﺒﺘﻚ ؟؟
ﻣﺎﻋﻨﺪﻱ ﻭﺍﻟﻠﻪ
ﻳﻌﻨﻲ ﻣﺎﺭﺍﺡ ﺗﺘﺰﻭﺝ
ﺷﻮﻥ ﺍﺗﺰﻭﺝ ﻭﺍﻧﺖ ﻋﻨﺪﻱ
ﺭﺟﻌﺖ ﺷﻔﺎﻳﻔﻲ ﻋﻠﻰ ﺷﻔﺎﻳﻔﻬﺎﺍﺍ
ﻭﻭﻭﻭ
ﺑﻘﻴﻨﻪ ﻟﻠﺼﺒﺢ ﺳﻬﺮﺍﻧﻴﻦ ..
ﺗﺘﻮﺳﻞ ﺑﻴﻪ ﻣﺎﺍﺭﻭﺡ ﺃﺃﺟﻠﻬﺎﺍﺍ
ﺃﺟﻠﺖ ﺭﻭﺣﺘﻲ ﻓﻲ ﺳﺒﻴﻞ ﺍﺑﻘﻰ ﻳﻤﻬﺎﺍ
ﻭﺑﻬﺎﻟﻴﻮﻣﻴﻦ ﻋﺸﻨﺎ ﺍﺣﻠﻰ ﻳﻮﻣﻴﻦ ﻭﺭﺟﻌﺖ ﺗﻨﺎﻡ ﻳﻤﻲ ﻓﻮﻙ ﻫﻲ ﻭﻭﺭﺩﻩ ﻭﻣﺮﺍﺕ ﻧﺸﻤﺮ ﻭﺭﺩﻩ ﻳﻢ ﺍﻣﻲ ﺣﺘﻰ ﻻﺗﺰﻋﺠﻨﺎ
ﺃﻧﺘﻬﺖ / القصة وهاي اخر الاحداث
فريق قصص عراقية تعب للتواصل والحصول على اخر الاخبار
دعمكم
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء