رواية في أرض الغرام انت دولتي ج2 الجزء الثاني
للكاتبة الأميرة الموسوية
....
ﺩﺍﻟﻴﺎ .. ﺷﻨـ .. ـﻮ .. ﻭﻭ .. ﻣﻔـ .. ﻣﻔﻬﻤـ .. ـﺖ .. ﺷﻘﺼﺪ .. ﻙ ﻳﻌﻨﻲ !....
ﺍﺳﻴﺪ .. ﻗﺼﺪﻱ ﺻﺪﻳﻘﺘﺞ ﺳﻠﻤﻰ ﻭﻋﻠﻲ ﺻﺪﻳﻘﻲ .. ﺍﺛﻨﻴﻨﻬﻢ ﺍﻧﻐﺼﺒﻮﺍ ﻳﺘﺰﻭﺟﻮﻥ .. ﻫﻮ ﻻﻧﻪ ﻳﺤﺒﻬﺎ ﺍﻧﻐﺼﺐ ﻳﺘﺰﻭﺝ ﺑﺎﻟﺴﺮ ﺣﺘﻰ ﺍﻫﻠﻪ ﻣﻴﻌﺮﻓﻮﻥ ﺑﺰﻭﺍﺟﻪ .. ﻭﻫﻲ ﺣﺘﻰ ﺗﺨﻠﺺ ﻣﻦ ﺍﻟﺪﻳﺮ ﺍﻧﻐﺼﺒﺖ ﺗﺘﺰﻭﺟﻪ !
ﺩﺍﻟﻴﺎ .. ﻟﻠﺤﻈﻪ ﺣﺴﻴﺖ ﺍﻟﺪﻡ ﺟﻤﺪ ﺑﻌﺮﻭﮔﻲ ﻭﮔﻠﺒﻲ ﻧﺒﻀﺎﺗﻪ ﺍﺧﺘﻔﺖ ﻣﺎﺍﺣﺲ ﺑﻴﻬﻢ .. ﻛﻨﺖ ﺑﻘﻤﺔ ﺗﻌﺎﺳﺘﻲ ﻭﺣﺰﻧﻲ .. ﺑﺲ ﻟﻤﺎ ﻛﺎﻝ ﻳﺤﺐ .. ﺍﺗﻮﻗﻌﺖ ﺍﻛﻮ ﺫﺭﺓ ﺣﺐ ﺑﺪﺍﺧﻠﻪ ﺍﻭ ﺣﺘﻰ ﻣﻮ ﺣﺐ .. ﻣﺠﺮﺩ ﺷﻌﻮﺭﻩ ﺑﺄﻱ ﺷﻲ ﺗﺠﺎﻫﻲ ﻛﺎﻥ ﻛﻔﻴﻞ ﺍﻧﻮ ﻳﻨﻘﺬﻧﻲ ﻣﻦ ﻛﻞ ﺍﻟﻲ ﺍﻧﻲ ﺑﻲ .. ﻣﻤﻜﻦ ﻳﻨﻄﻴﻨﻲ ﺍﻣﻞ ﺑﺄﻥ ﺍﻋﻴﺶ ﻓﺮﺣﻪ ﺣﻘﻴﻘﻴﻪ ﻟﻤﺮﻩ ﻭﺣﺪﻩ ﺑﺤﻴﺎﺗﻲ .. ﺑﺲ ﺭﺩﻩ ﺍﻟﻲ ﺯﻳﺪ ﻫﻤﻲ ﻫﻢ ﺛﺎﻧﻲ !
ﺣﺴﻴﺖ ﮔﻠﺒﻲ ﻣﻦ ﺻﺪﻭﻙ ﻓﺎﺭﻍ .. ﺧﺎﻭﻱ .. ﻣﺎﺑﻲ ﺫﺭﻩ ﺷﻌﻮﺭ .. ﻛﻮﻟﺸﻲ ﺍﺧﻔﺘﻰ ﺑﺜﺎﻧﻴﻪ .. ﺩﺭﺕ ﻭﺟﻬﻲ ﻋﻨﻪ ﻭﻣﺠﺎﻭﺑﺘﻪ .. ﻳﻤﻜﻦ ﻣﺎ ﺍﻟﻲ ﻭﻳﺎ ﻓﺮﺻﻪ ، ﻭﻻ ﺍﻛﻮ ﺃﻣﻞ ﻳﺤﺒﻨﻲ ﺑﻴﻮﻡ ﻣﻦ ﺍﻻﻳﺎﻡ .. ﺑﺲ ﺍﻧﻲ ﻣﺎﻋﻨﺪﻱ ﺷﻲ ﺍﺧﺴﺮﻩ ﺧﻠﻴﻨﻲ ﺍﺣﺎﻭﻝ ﻭﻳﺎ ﻋﺴﻰ ﻭﻟﻌﻞ ﻳﺤﺲ ﺑﺤﺒﻲ ﺍﻟﻪ .. ﺍﺷﻜﺪ ﺣﺎﻭﻟﺖ ﺍﺩﻭﺱ ﻋﻠﻰ ﮔﻠﺒﻲ ﻭﺍﺗﺠﺎﻫﻞ ﻣﺸﺎﻋﺮﻱ ﺗﺠﺎﻫﻪ .. ﺑﺲ ﺑﻤﺠﺮﺩ ﻣﺎ ﺍﺷﻮﻓﻪ ﻟﻮ ﺍﻟﻤﺤﻪ .. ﮔﻠﺒﻲ ﺍﻻﺭﻋﻦ ﻳﻄﻔﺮ ﻣﻦ ﺻﺪﺭﻱ ﻭﻳﺘﻤﺴﻚ ﺑﻲ .. ﻣﺜﻞ ﺍﻟﻤﺴﺤﻮﺭ ﺍﻟﻲ ﻳﺘﺼﺮﻑ ﺑﺪﻭﻥ ﻭﻋﻲ ﻣﻨﻪ .. ﻏﺼﺒﺎً ﻋﻠﻴﻪ !
ﺑﻘﻴﺖ ﺳﺎﻛﺘﻪ ﺑﺲ ﺍﺩﻣﻮﻋﻲ ﺍﺧﺘﻔﺖ .. ﺣﺴﻴﺖ ﺑﻲ ﻛﺎﻡ ﻭﻛﻒ !..
ﺍﺳﻴﺪ .. ﻛﻮﻣﻲ ﻣﻨﺎ ﺍﻟﺠﻮ ﺑﺎﺭﺩ ﻟﺘﺘﻤﺮﺿﻴﻦ ﻭﺗﻌﺎﻝ ﺭﻭﺡ ﻟﻠﻤﺴﺘﺸﻔﻰ ﻭﻳﺸﻮﻓﻨﺎ ﺍﺣﺪ ﻫﻨﺎﻙ ﻭﻧﻨﻔﻀﺢ ﻣﺜﻞ ﻫﺬﻳﺞ ﺍﻟﻤﺮﻩ ﺑﺎﻟﻤﻄﻌﻢ !
ﺍﻣﺸﻲ ﺍﺩﺧﻠﻲ .
ﺩﺍﻟﻴﺎ .. ﻣﻨﺘﺒﻬﺖ ﻋﻠﻴﻪ ﺍﺑﺪ ﻛﻤﺖ ﻣﻦ ﻣﻜﺎﻧﻲ ﻭﺩﺧﻠﺖ ﺑﺴﺮﻋﻪ .. ﺭﺣﺖ ﺑﻮﺟﻬﻲ ﻟﻐﺮﻓﺘﻲ ﺩﺍﺍﺻﻌﺪ ﺍﻟﺪﺭﺝ ﺟﺎﻥ ﺻﻮﺗﻪ ﺍﻟﻜﺮﻳﻪ ﻳﻮﻛﻔﻨﻲ !!
ﺍﺳﻴﺪ .. ﻭﻳﻦ ﺭﺍﻳﺤﻪ؟ !
ﺩﺍﻟﻴﺎ .. ﻣﻠﺘﻔﺘﺖ ﻋﻠﻴﻪ ، ﺟﺎﻭﺑﺘﻪ ..
_ ﺭﺍﻳﺤﻪ ﺍﻧﺎﻡ .
ﺍﺳﻴﺪ .. ﺗﻌﺎﻟﻲ ﺍﺗﻌﺸﻲ ﻭﺭﻭﺣﻲ ﻧﺎﻣﻲ .
ﺩﺍﻟﻴﺎ .. ﻣﺎﺍﺷﺘﻬﻲ .
ﺍﺳﻴﺪ .. ﺑﺼﻮﺕ ﺟﺎﻣﺪ .. ﺗﻌﺎﻟﻲ ﺍﺗﺰﻗﻨﺒﻲ ﻛﻠﺖ .. ﻭﻫﺬﻱ ﺍﺧﺮ ﻣﺮﻩ ﺍﻛﻮﻟﺞ ﻟﻤﺎ ﺍﻟﻐﻲ ﻭﻳﺎﺝ ﺗﻠﺘﻔﺘﻴﻴﻦ ﻋﻠﻴﻪ ﻭﺗﺠﺎﻭﺑﻴﻦ .. ﺛﻘﻲ ﺍﺫﺍ ﻛﺮﺭﺗﻴﻬﺎ ﺑﻌﺪ ﻣﺘﻠﻮﻣﻴﻦ ﻏﻴﺮ ﺣﺎﻟﺞ !
ﺩﺍﻟﻴﺎ .. ﻭﺍﺿﺢ ﻣﻦ ﻧﺒﺮﺓ ﺻﻮﺗﻪ ﺍﻟﻐﻀﺐ ، ﻻ ﻛﻮﻟﺶ ﺣﻴﺤﺒﻨﻲ !!
ﻣﺤﺠﻴﺖ ﺷﻲ .. ﺩﺭﺕ ﻭﺟﻬﻲ ﺑﺲ ﻣﺒﺎﻭﻋﺖ ﺑﻮﺟﻬﻪ ، ﺭﺣﺖ ﻟﻠﻤﻄﺒﺦ ﻟﻜﻴﺖ ﺍﻻﻛﻞ ﺑﻌﺪﻩ ﺑﺎﻟﻌﻠﺐ ﻉ ﺍﻟﻤﻴﺰ !
ﻓﺘﺤﺘﻬﻢ ﻭﺭﺗﺒﺖ ﺍﻻﻛﻞ ﻉ ﺍﻟﻄﺎﻭﻟﻪ ﺑﺎﻟﺼﺎﻟﻪ ﻫﻮ ﻣﺎﺍﺩﺭﻱ ﻭﻳﻦ ﺭﺍﺡ .. ﺧﻠﻴﺘﻠﻪ ﺍﻛﻠﻪ ﻭﺍﻧﻲ ﺍﺧﺬﺕ ﺻﺤﻦ ﺧﻠﻴﺖ ﺑﻲ ﺍﺷﻮﻳﻪ ﺍﻛﻞ ﻭﺭﺣﺖ ﻟﻠﻤﻄﺒﺦ .. ﻋﻔﺘﻪ ﻭﺭﺩﺕ ﺍﺻﻌﺪ ﺍﺑﺪﻝ ﻣﻼﺑﺴﻲ ﻻﻧﻮ ﺍﻟﺜﻮﺏ ﻳﺘﻮﺻﺦ ﺣﺮﺍﻣﺎﺕ ﻭﺍﻧﻲ ﻣﺎ ﻋﻨﺪﻱ ﻏﻴﺮﻩ .. ﺩﺍﺍﻃﻠﻊ ﻣﻦ ﺍﻟﺒﺎﺏ ﻭﺟﺎﻥ ﻳﺼﻴﺮ ﺑﻮﺟﻬﻲ .. ﺍﻧﻀﺮﺑﺖ ﺑﻲ !!!
ﻫﻮ ﺍﻃﻮﻝ ﻭﺍﺿﺨﻢ ﻣﻨﻲ .. ﺻﺎﺭﺕ ﺍﻟﻀﺮﺑﻪ ﺑﺼﺪﺭﻩ ، ﻣﻜﺪﺭﺕ ﺍﺭﻓﻊ ﺭﺍﺳﻲ ﻭﺍﺑﺎﻭﻉ ﺑﻮﺟﻬﻪ ﻣﻦ ﺍﻟﺨﻮﻑ ﺣﺴﻴﺖ ﮔﻠﺒﻲ ﺣﻴﻮﻛﻒ .. ﻣﻦ ﻭﻳﻦ ﻃﻠﻌﻠﻲ ﻫﺴﻪ ﺷﻔﺘﻪ ﻣﻤﻮﺟﻮﺩ ﺑﺎﻟﺼﺎﻟﻪ ﺍﺷﻮﻥ ﺍﺷﺮﺩ ﻣﻦ ﻫﺬﺍ ﺍﻟﻤﻮﻗﻒ !
ﻋﻠﻘﻲ ﺍﺣﺴﻪ ﺍﺗﻮﻗﻒ ﻋﻦ ﺍﻟﺘﻔﻜﻴﺮ ﻭﺍﻧﺸﻐﻞ ﺑﺸﻲ ﻭﺍﺣﺪ ﺑﺲ .. ﻋﻄﺮﻩ !
ﺭﻳﺤﺘﻪ ﺩﺧﻠﺖ ﺑﺮﺍﺳﻲ ﺑﺤﻴﺚ ﺩﺧﺖ ﻭﺍﻧﺴﻄﺮﺕ .. ﻋﻀﻼﺕ ﺻﺪﺭﻩ ﺍﻟﺼﻠﺒﻪ ﺧﻠﻮ ﻋﻴﻮﻧﻲ ﺗﻐﻮﺯﻝ ﻣﺎﺍﺩﺭﻱ ﺍﺷﺼﺎﺭﻟﻲ ﻛﺎﻥ ﻻﺑﺲ ﺗﻴﺸﻴﺮﺕ ﺍﺳﻮﺩ ﻣﺨﺼﺮ ﻋﻠﻴﻪ ﺑﺤﻴﺚ ﻛﻞ ﺗﻔﺎﺻﻴﻞ ﻋﻀﻼﺗﻪ ﻭﺍﺿﺤﻬﻪ .. ﻛﺎﻟﻌﺎﺩﻩ ﺭﺣﺖ ﻟﻐﻴﺮ ﻋﺎﻟﻢ ﻭﺻﻮﺗﻪ ﺍﻟﻲ ﺻﺤﺎﻧﻲ
......
ﺍﺳﻴﺪ .. ﺭﺍﺣﺖ ﻫﻲ ﺗﺴﻮﻱ ﺍﻻﻛﻞ ﻭﺍﻧﻲ ﺭﺣﺖ ﺍﻏﻴﺮ ﻣﻼﺑﺴﻲ ﻻﻥ ﺍﺧﺘﻨﻜﺖ ﻣﻦ ﺍﻟﺠﺎﻛﻴﺖ ﻭﺍﻟﻘﻤﻴﺺ ، ﻛﻠﺖ ﺍﻟﺒﺲ ﺗﺮﺍﻙ ﺍﺷﻮﻳﻪ ﺍﺭﻳﺢ .. ﺳﺒﺤﺖ ﺳﺮﻳﻊ ﻭﺑﺪﻟﺖ ﻣﻼﺑﺴﻲ ﻧﺰﻟﺖ .. ﻟﻜﻴﺖ ﺍﻻﻛﻞ ﻉ ﺍﻟﺴﻔﺮﻩ ﻭﻫﻲ ﻣﺎﻛﻮ !!
ﺭﺣﺖ ﻟﻠﻤﻄﺒﺦ ﺩﺍﺍﺷﻮﻓﻬﺎ ﻭﻳﻦ ﺍﺧﺘﻔﺖ ﻭﺟﺎﻥ ﺍﻧﻀﺮﺏ ﺑﻴﻬﺎ ﺍﻟﻈﺎﻫﺮ ﻫﻲ ﻫﻢ ﻛﺎﻧﺖ ﻃﺎﻟﻌﻪ ﺑﻨﻔﺲ ﺍﻟﻠﺤﻈﻪ !
ﻣﻦ ﺍﻧﻀﺮﺑﺖ ﺑﻴﻪ ﺑﻘﺖ ﻭﺍﻛﻔﻪ ﺑﻤﻜﺎﻧﻬﺎ ﻣﺘﺤﺮﻛﺖ ﻭﻻ ﺧﻄﻮﻩ !
ﻣﻮ ﺍﻭﻝ ﻣﺮﻩ ﻳﺼﻴﺮ ﺑﻴﻬﺎ ﻫﻴﺞ .. ﺍﻧﻲ ﻣﻼﺣﻈﻬﺎ ﻛﻠﻤﺎ ﺗﺸﻮﻓﻨﻲ ﻟﻮ ﺍﻗﺘﺮﺏ ﻣﻨﻬﺎ ﺍﺣﺴﻬﺎ ﺗﺮﺗﺒﻚ ﻭﺗﻜﻮﻡ ﺗﺮﺟﻒ .. ﺷﻨﻮ ﺍﻟﺴﺒﺐ ﻣﺎﺍﻋﺮﻑ .. ﺑﺲ ﺍﻟﻲ ﺍﻋﺮﻓﻪ ﺍﻧﻮ ﺍﻟﻲ ﺗﺄﺛﻴﺮ ﻋﻠﻴﻬﺎ ﺣﻴﻞ ﻗﻮﻱ ﺑﺤﻴﺚ ﺗﺼﻄﻚ ﺑﻤﻜﺎﻧﻬﺎ ﻣﺮﺍﺕ !
ﺍﻟﻤﻬﻢ ..
ﺍﺭﺗﺒﺎﻛﻬﺎ ﻓﺎﺩﻧﻲ ﻫﻮﺍﻱ ﺧﻼﻧﻲ ﺍﺗﻤﻌﻦ ﺑﻴﻬﺎ ﻋﻦ ﻗﺮﺏ .. ﻫﻲ ﻗﺰﻣﻪ ﺑﺎﻟﻨﺴﺒﻪ ﻟﻄﻮﻟﻲ ﺑﺲ ﻧﻌﻮﻣﺘﻬﺎ ﺣﻠﻮﻩ ﺗﺤﺴﺴﻚ ﺑﺮﺟﻮﻟﺘﻚ ﺑﻘﺮﺑﻬﺎ !
ﺑﺪﺕ ﺗﺮﺟﻒ ﻭﺍﻧﻲ ﺍﺑﺘﺴﻤﺖ ﻻ ﺍﺭﺍﺩﻱ .. ﺗﺄﺛﻴﺮﻱ ﻋﻠﻴﻬﺎ ﻭﺧﻮﻓﻬﺎ ﻣﻨﻲ ﻟﺴﺒﺐ ﻏﺮﻳﺐ ﻳﺨﻠﻮﻧﻲ ﺍﺑﺘﺴﻢ !!
ﺻﺢ ﻫﻮ ﻣﻮ ﺷﻲ ﺣﻠﻮ ﻭﻻ ﻳﻀﺤﻚ ﺑﺲ ﺍﻧﻲ ﺑﻼ ﻗﺼﺪ ﻣﻨﻲ ﺍﺣﺲ ﺷﻲ ﺑﺪﺍﺧﻠﻲ ﺩﻳﺒﺘﺴﻢ !
ﺑﻘﻴﺖ ﺍﺑﺎﻭﻉ ﻋﻠﻴﻬﺎ .. ﺷﻌﺮﻫﺎ ﺍﺷﻠﻮﻥ ﻣﺴﺮﺣﺘﻪ ﻉ ﺑﺎﻟﻚ ﺷﻌﺮ ﺍﻣﻴﺮﺍﺕ .. ﺍﻟﺜﻮﺏ ﻣﺎﺧﺬ ﻣﻨﻬﺎ ﻣﺄﺧﺬ .. ﺑﺤﻴﺚ ﻃﺎﻟﻌﻪ ﻣﺜﻞ ﺍﻟﻠﻌﺎﺑﺎﺕ ﺍﻟﻲ ﺍﺷﻮﻓﻬﻦ ﺑﺎﻟﺘﻠﻔﺰﻭﻥ !
ﺟﺴﻤﻬﺎ ﻛﺎﺭﺛﻲ ﻣﻔﺼﻞ ﺗﻔﺼﻴﻞ .. ﺳﺒﺤﺎﻧﻪ ﺍﻟﻲ ﺧﻠﻘﻬﺎ !..
ﻛﻨﺖ ﺳﺮﺣﺎﻥ ﺑﺠﻤﺎﻟﻬﺎ ﻭﺩﺍ ﺃﺗﺄﻣﻠﻬﺎ .. ﻣﺎ ﺣﺴﻴﺖ ﻏﻴﺮ ﺷﻲ ﺑﻌﻘﻠﻲ ﺍﻓﺘﺮ ... ﻓﺠﺄﻩ ﺍﺳﻮﺀ ﻣﺨﺎﻭﻓﻲ ﺍﺗﺤﻘﻖ ، ﻭﺗﺬﻛﺮﺕ ﻋﺬﺍﺑﻲ ﺍﻻﺑﺪﻱ .. ﻣﺎﺿﻴﻲ ﺍﻻﺳﻮﺩ .. ﻛﻠﺸﻲ ﺗﺤﻮﻝ ﺍﻟﻰ ﻛﺮﻩ ﻭﻧﻔﻮﻭﻭﺭ .. ﺍﺑﺘﻌﺪﺕ ﻋﻨﻬﺎ ﺑﺄﺷﻤﺌﺰﺍﺯ .. ﺑﺼﻮﺕ ﺟﺎﻣﺪ !
_ ﺍﺷﺒﻴﺞ ﻋﻤﻴﻪ ﺍﻧﺘﻲ؟ !
ﺩﺍﻟﻴﺎ .. ﻣﻮ ﻗﺼﺪﻱ ﺑﺲ ﺍﻧﺖ ﻃﻠﻌﺖ ﻛﺪﺍﻣﻲ ﻓﺠﺄﻩ ﻣﺸﻔﺘﻚ .
ﺍﺳﻴﺪ .. ﺣﻀﺮﺗﻲ ﺍﻻﻛﻞ !
ﺩﺍﻟﻴﺎ .. ﺍﻱ ﺣﻀﺮﺗﻪ ﻉ ﺍﻟﺴﻔﺮﻩ ﻫﻨﺎﻙ ﺑﺎﻟﺼﺎﻟﻪ .
ﺍﺳﻴﺪ .. ﺍﻣﺸﻲ ﺗﻌﺸﻲ .
ﺩﺍﻟﻴﺎ .. ﻫﺬﺍ ﻋﺸﺎﻳﻪ ﺣﺘﻌﺸﻰ ﻫﻨﺎ .
ﺍﺳﻴﺪ .. ﻭﻫﻮ ﺩﺍﻳﺮ ﻭﺟﻬﻪ ﻋﻨﻬﺎ ﺩﻳﺮﻭﺡ ﻟﻠﺼﺎﻟﻪ .. ﺑﻼ ﻟﻐﻮﻩ ﺯﺍﻳﺪﻩ ﺍﻣﺸﻲ .
ﺩﺍﻟﻴﺎ .. ﺍﺣﺴﻦ ﺷﻲ ﻣﺎﺍﻋﺎﻧﺪﻩ ﻻﻧﻮ ﺍﻭﻻً ﻣﻴﻔﻴﺪ ﻭﻳﺎ ﺍﻟﻌﻨﺎﺩ ﻭﺛﺎﻧﻴﺎً ﻣﻮ ﻟﻤﺼﻠﺤﺘﻲ !
ﻣﺸﻴﺖ ﻭﺭﺍ ﻟﻠﺼﺎﻟﻪ ﻛﺎﻥ ﻛﺎﻋﺪ ﺭﺍﺱ ﺍﻟﻄﺎﻭﻟﻪ ﻉ ﺍﻟﻜﺮﺳﻲ ﺍﻟﻜﺒﻴﺮ ﺍﻧﻲ ﺍﺑﺘﻌﺪﺕ ﻋﻨﻪ ﻛﻌﺪﺕ ﺑﺄﺧﺮ ﺍﻟﻄﺎﻭﻟﻪ ﻻﻧﻮ ﻣﺎﺍﻛﺪﺭ ﺍﻛُﻞ ﻭ ﻭﺍﺣﺪ ﻳﺒﺎﻭﻋﻠﻲ .. ﺍﻧﻮﺏ ﻫﺬﺍ ﺩﻳﺘﻔﺤﺼﻨﻲ ﺑﻨﻈﺮﺍﺗﻪ !
ﺟﺮﻳﺖ ﺍﻟﻜﺮﺳﻲ ﻭﻛﻌﺪ .. ﻣﺪﻳﺖ ﺍﻳﺪﻱ ﻭﺑﺪﻳﺖ ﺍﻛﻞ ﻫﻮ ﻣﺎ ﺃﻛﻞ ﺷﻲ ﺑﺲ ﻛﺎﻋﺪ ﺑﻜﻞ ﻫﺪﻭﺀ ﻭ ﻳﺪﺧﻦ ، ﺍﻧﻲ ﺑﺼﺮﺍﺣﺎ ﻛﻨﺖ ﻣﻴﺘﻪ ﻣﻦ ﺍﻟﺠﻮﻉ ﻣﻦ ﺍﻟﺼﺒﺢ ﻣﻤﺎﻛﻠﻪ ﺷﻲ ﻭﻣﻌﺪﺗﻲ ﺗﺼﻮﺻﻲ ، ﻣﻬﺘﻤﻴﺖ ﻟﻮﺟﻮﺩﻩ ﺍﻛﻠﺖ ﻟﺤﺪ ﻣﺎ ﺷﺒﻌﺖ ﺍﺻﻼً ﻣﺮﻓﻌﺖ ﺭﺍﺳﻲ ﻭﺷﻔﺘﻪ ﻭﻻ ﺍﻧﺘﺒﻬﺖ ﻉ ﻧﻔﺴﻲ ﻭﺍﻧﻲ ﺩﺍﺍﻛُﻞ .. ﻣﺎ ﺭﻓﻌﺖ ﺭﺍﺳﻲ ﺍﻻ ﻟﻢ ﻛﻤﻠﺖ ﻛﻞ ﺻﺤﻨﻲ ﻭﺷﺒﻌﺖ .. ﺍﻭﻝ ﻣﺎ ﺭﻓﻌﺖ ﺭﺍﺳﻲ ﻟﻜﻴﺘﻪ ﺻﺎﻓﻦ ﻋﻠﻴﻪ ﺑﺘﺮﻛﻴﺰ .. ﻭﻣﺎﻛﻮ ﺑﻌﻴﻮﻧﻪ ﻏﻴﺮ ﺍﻟﻈﻼﻡ ﻭﺍﺑﺘﺴﺎﻣﻪ ﺧﺒﻴﺜﻪ ﻋﻠﻰ ﻃﺮﻑ ﺣﻠﻜﻪ !!
ﻧﻈﺮﺍﺗﻪ ﻫﺬﻱ ﻭﺍﻻﺑﺘﺴﺎﻣﻪ ﻫﻢ ﺍﻋﺮﻓﻬﺎ .. ﻭﺍﺿﺢ ﻣﻦ ﻣﻼﻣﺤﻪ ﺷﻨﻮ ﺍﻟﻲ ﺩﻳﺪﻭﺭ ﺍﺑﺎﻟﻪ !
ﺑﺴﺮﻋﻪ ﺍﻧﻲ ﺑﻌﺪﺕ ﻧﻈﺮﻱ ﻋﻨﻪ ﻭﺑﺎﻭﻋﺖ ﻉ ﻧﻔﺴﻲ .. ﻟﻤﺎ ﻛﻨﺖ ﻣﺸﻐﻮﻟﻪ ﺑﺎﻻﻛﻞ ﻧﺴﻴﺖ ﻧﻔﺴﻲ .. ﻛﻠﺘﻠﻜﻢ ﻣﻤﺎﻛﻠﻪ ﺷﻲ ﻭﺍﻟﺠﻮﻉ ﻛﺎﻓﺮ ، ﻭﺍﻧﻲ ﻣﺪﻧﻜﻪ ﻉ ﺍﻟﺼﺤﻦ ﺍﻟﻔﺘﺤﻪ ﻣﺎﻟﺖ ﺻﺪﺭ ﺍﻟﻔﺴﺘﺎﻥ ﻛﻮﻟﻬﺎ ﻧﺎﺯﻟﻪ ﺑﺤﻴﺚ ﺍﻏﻠﺐ ﺻﺪﺭﻱ ﻣﺒﻴﻦ !!
ﻣﻦ ﺍﻧﺘﺒﻬﺖ ﻋﻠﻰ ﺷﻜﻠﻲ ﻭﺍﻟﻔﺴﺘﺎﻥ ﻣﻦ ﺻﺪﻭﻙ ﺍﺗﻤﻨﻴﺖ ﺍﻟﻜﺎﻉ ﺗﻨﺸﻚ ﻭﺗﺒﻠﻌﻨﻲ ﻣﻦ ﺍﻟﻔﺸﻠﻪ ﻭﺍﻟﺨﺠﻞ .. ﻫﺴﻪ ﻋﺮﻓﺖ ﺳﺒﺐ ﻫﺬﻱ ﺍﻟﻨﻈﺮﺍﺕ ﺷﻨﻮ؟ !
ﺑﺴﺮﻋﻪ ﻋﺪﻟﺖ ﻧﻔﺴﻲ ﻭﺭﺟﻌﺖ ﻣﻼﺑﺴﻲ ﻟﻴﻮﺭﻩ ، ﻛﻤﺖ ﻭﺍﻧﻲ ﻣﺪﻧﻜﻪ ﻣﺮﻓﻌﺖ ﺭﺍﺳﻲ .. ﺑﺼﻮﺕ ﻳﺮﺟﻒ ﻫﻤﺲ ﻛﻠﺘﻠﻪ
.....
ﺷﺒﻌﺖ ﺣﺮﻭﺡ ﻟﻐﺮﻓﺘﻲ .
ﺍﺳﻴﺪ .. ﺍﻛﻠﺖ ﺑﺸﺮﺍﻫﻪ ﺣﺴﻴﺘﻬﺎ ﺻﺪﻙ ﺟﻮﻋﺎﻧﻪ ﺗﺎﻛﻞ ﻣﺜﻞ ﺍﻟﻤﻔﺠﻮﻉ .. ﻣﺘﺖ ﺿﺤﻚ ﻋﻠﻴﻬﺎ ﺑﺲ ﺑﺪﺍﺧﻠﻲ ﻣﺒﻴﻨﺖ ﺷﻲ ﻉ ﻣﻼﻣﺤﻲ !
ﻣﺎﺍﺣﺠﻴﻠﻜﻢ ﺍﻟﻤﻨﻈﺮ ﺍﻟﻲ ﺷﻔﺘﻪ ﻫﻲ ﺣﺠﺘﻠﻜﻢ ﺍﻛﻴﺪ ﺷﻨﻮ ﺍﻟﻲ ﺷﻔﺘﻪ .. ﺑﺲ ﺣﺘﻰ ﺗﻮﺻﻞ ﺍﻟﻔﻜﺮﻩ ﺍﻛﺜﺮ .. ﺍﻟﻤﻨﻈﺮ ﻛﺎﻥ ﻋﺒﺎﺭﻩ ﻋﻦ ﻟﻮﺣﻪ ﻓﻨﻴﻪ ﺑﺄﻳﺪ ﺭﺳﺎﻡ ﻣﺸﻬﻮﺭ .. ﺳﺒﺤﺎﻧﻪ ﺍﻟﻠﻪ ﺷﻨﻮ ﻳﺨﻠﻖ ﻣﻦ ﺟﻤﺎﻝ ﻳﺴﻄﺮ !
ﺭﻏﻢ ﻛﻞ ﻣﺤﺎﻭﻻﺗﻲ ﺍﺗﺠﻨﺐ ﺍﻟﻨﻈﺮ ﺍﻟﻬﺎ ﺑﺲ ﺷﻜﻠﻬﺎ ﻛﺎﻥ ﻣﻐﺮﻱ ﻛﻮﻩ ﻳﺠﺒﺮﻙ ﺗﺒﺎﻭﻉ ..
ﺍﺣﺴﺎﺱ ﻏﺮﻳﺐ ﺍﻋﺘﺮﺍﻧﻲ ﻭﺍﻧﻲ ﺍﺭﺍﻗﺒﻬﺎ .. ﻛﻨﺖ ﺑﺪﺍﺧﻠﻲ ﺍﺿﺤﻚ ﻭﺍﺣﺘﺮﻙ ﺑﻨﻔﺲ ﺍﻟﻮﻗﺖ !
ﻫﻲ ﻣﻦ ﺍﻧﺘﺒﻬﺖ ﺣﺎﻭﻟﺖ ﺗﺸﺮﺩ ﻛﺎﻟﻌﺎﺩﻩ .. ﺑﺲ ﺍﻧﻲ ﻣﻨﻄﻴﺘﻬﺎ ﻣﺠﺎﻝ ﻻﻥ ﻛﺎﻥ ﻋﻨﺪﻱ ﺣﺠﻲ ﻻﺯﻡ ﺍﻛﻮﻟﻪ ﺍﻟﻬﺎ !..
ﺑﻘﻴﺖ ﻋﻠﻰ ﻫﺪﻭﺋﻲ ﻣﻐﻴﺮﺕ ﻣﻼﻣﺤﻲ ﻣﻦ ﺷﺎﻓﺘﻨﻲ ﺣﺘﻰ ﻻ ﻉ ﺑﺎﻟﻬﺎ ﻧﺎﺩﻡ ﻻﻧﻮ ﺑﺎﻭﻋﺖ ﻭﻻ ﺗﻔﻜﺮﻧﻲ ﺍﻧﻬﺰ ﻣﻦ ﺭﺩﺓ ﻓﻌﻠﻬﺎ .. ﺑﺼﻮﺕ ﺣﺎﺩ ..
_ ﺍﻛﻌﺪﻱ ﻋﻨﺪﻱ ﺣﺠﻲ ﻭﻳﺎﺝ .
ﺩﺍﻟﻴﺎ .. ﺍﻟﻴﻮﻡ ﺗﻌﺒﺖ ﺍﺫﺍ ﻣﻤﻜﻦ ﺍﻧﺄﺟﻞ ﺍﻟﻜﻼﻡ ﻟﺒﺎﺟﺮ .
ﺍﺳﻴﺪ .. ﺷﻮﻓﻲ ﺍﺣﻨﺎ ﺍﺣﺘﻤﺎﻝ ﺍﻧﻄﻮﻝ ﻋﻠﻰ ﻫﺬﺍ ﺍﻟﻮﺿﻊ .. ﻭﺍﻧﻲ ﻣﺎﺍﺣﺐ ﺍﻛﺮﺭ ﻛﻼﻣﻲ ﻛﻞ ﺍﺷﻮﻳﻪ ﻭﺍﺳﻠﻮﺏ ﺍﻟﺘﻬﺪﻳﺪ ﻭﺍﻟﺘﺤﺬﻳﺮ ﺍﻛﺮﻫﺎ .. ﻓﺤﺘﻰ ﻻ ﺍﻋﺼﺐ ﻭﺍﺳﻮﻱ ﺷﻲ ﺗﻨﺪﻣﻴﻦ ﻋﻠﻴﻪ ﻟﺘﺨﻠﻴﻨﻲ ﺍﻋﻴﺪ ﻛﻼﻣﻲ ﻣﺮﺗﻴﻦ .. ﻣﻦ ﺍﻛﻠﺞ ﻋﻠﻰ ﺷﻲ ﺳﻮﻱ ﻣﻦ ﺍﻭﻝ ﻣﺮﻩ ﻭﻫﺬﻱ ﻫﻢ ﻟﻠﻤﺮﻩ ﺍﻻﺧﻴﺮﻩ ﺍﻭﺿﺢ .
ﺩﺍﻟﻴﺎ .. ﺍﺳﻠﻮﺏ ﻛﻼﻣﻪ ﻭﻧﺒﺮﺓ ﺻﻮﺗﻪ ﺷﺮﺣﺖ ﺍﻻﻧﺰﻋﺎﺝ ﺍﻟﻲ ﺑﺪﺍﺧﻠﻪ .. ﻳﻌﻨﻲ ﻣﺎﻛﻮ ﺩﺍﻋﻲ ﺍﺧﻠﻲ ﻳﺸﻮﻓﻨﻲ ﺍﻧﺰﻋﺎﺟﻪ ﻣﻦ ﺗﺼﺮﻓﻲ ﺍﻛﺜﺮ .. ﺩﺍﻟﻴﺎ ﺍﺫﺍ ﺗﺮﺩﻳﻦ ﺗﻜﺴﺒﻲ ﺻﻴﺮﻱ ﺍﺩﻣﻴﻪ ﻭﺍﺗﺮﻛﻲ ﻏﺒﺎﺋﺞ ﻭﺍﻟﻌﻨﺎﺩ .. ﺑﺼﻮﺕ ﻫﺎﺩﺉ ..
_ ﺗﻤﺎﻡ ﻣﺮﺍﺡ ﺍﻋﻴﺪﻫﺎ ﺑﻌﺪ .. ﺑﺲ ﺍﺫﺍ ﻣﻤﻜﻦ ﺧﻠﻴﻨﻲ ﺍﺭﻭﺡ ﺍﺑﺪﻝ ﻣﻼﺑﺲ ﻭﺍﺟﻲ ﻻﻧﻮ ﺍﺗﻀﺎﻳﻘﺖ ﻛﻮﻟﺶ .
ﺍﺳﻴﺪ .. ﺑﺴﺮﻋﻪ ﻣﺎ ﻋﻨﺪﻱ ﻭﻗﺖ .
ﺩﺍﻟﻴﺎ .. ﺍﻭﻝ ﻣﺎ ﻛﺎﻝ ﺑﺴﺮﻋﻪ ﻃﺮﺕ ﻣﻦ ﻣﻜﺎﻧﻲ ﺑﺲ ﺍﺭﻳﺪ ﺍﺷﺮﺩ ﻣﻦ ﻳﻤﻪ ﺍﻧﻬﺰﻡ ﻭﺍﺧﺘﻞ ﺑﺄﻱ ﻣﻜﺎﻥ ﻣﻦ ﻧﻈﺮﺍﺗﻪ ﺍﻟﻲ ﺃﻛﻠﺘﻨﻲ !
ﺭﺣﺖ ﻟﻐﺮﻓﺘﻲ ﮔﻠﺒﻲ ﻳﺮﺟﻒ ﻭﻧﻔﺴﻲ ﺍﻧﻜﻄﻊ .. ﻣﺎﺍﻋﺮﻑ ﻣﻦ ﺍﻟﻔﺸﻠﻪ ﻟﻮ ﻣﻦ ﺍﻟﺴﺮﻋﻪ ﺍﻟﻲ ﺭﻛﻀﺖ ﺑﻴﻬﺎ ﻟﻠﻐﺮﻓﻪ !..
ﺑﺴﺮﻋﻪ ﺩﺧﻠﺖ ﻟﻠﺤﻤﺎﻡ ﻏﺴﻠﺖ ﻭﺟﻬﻲ ﻣﻦ ﺍﻟﻤﻜﻴﺎﺝ ﺻﺢ ﺧﻔﻴﻒ ﺑﺲ ﺯﺍﻋﺠﻨﻲ .. ﺷﻌﺮﻱ ﺑﻘﻴﺘﻪ ﻉ ﺣﺎﻟﻪ ﻻﻧﻮ ﻣﺎ ﻋﻨﺪﻱ ﻭﻗﺖ ﺍﻓﺘﺤﻪ ﻭﻫﻮ ﻛﺎﻝ ﻟﺘﺘﺄﺧﺮﻳﻦ .. ﻧﺰﻋﺖ ﺍﻟﻔﺴﺘﺎﻥ ﻭﻟﺒﺴﺖ ﺛﻮﺏ ﺑﻨﺴﻞ ﻃﻮﻳﻞ ﻟﻮﻧﻪ ﺯﻳﺘﻮﻧﻲ ﻭﻧﺰﻟﺖ ﺑﺴﺮﻋﻪ !..
ﺍﺑﺎﻭﻉ ﻉ ﺍﻟﺼﺎﻟﻪ ﺍﻻﻛﻞ ﻣﻤﻮﺟﻮﺩ ﻭﺍﻟﻄﺎﻭﻟﻪ ﻧﻈﻴﻔﻪ !!!!!
ﻣﻌﻘﻮﻟﻪ ﻫﻮ ﺍﻟﻲ ﻧﻈﻔﻬﺎ .. ﻻﺍﺍﺍ ﻣﺴﺘﺤﻴﻞ ﻫﺬﺍ ﺍﻟﻤﺘﻮﺣﺶ ﻳﻨﻈﻔﻠﻲ ﻭﻳﺸﻴﻞ ﺍﻻﻛﻞ !
ﺑﻌﺪﻧﻲ ﻭﺟﺎﻣﺪﻩ ﻭﺍﻓﻜﺮ .. ﺟﺎﻥ ﻳﻄﻠﻊ ﻛﺪﺍﻣﻲ ﻣﻦ ﺍﻟﻤﻄﺒﺦ ﻭﺑﺄﻳﺪﻩ ﻛﻮﺑﻴﻦ .. ﻣﻌﺒﺮﻧﻲ ﺍﺻﻼً ﺭﺍﺡ ﻛﻌﺪ ﻉ ﺍﻟﺘﺨﻢ ﻭﺧﻼ ﻛﻮﺏ ﻣﻦ ﺍﻟﻲ ﺑﺄﻳﺪﻩ ﻉ ﺍﻟﻄﺎﻭﻟﻪ ﻭﺍﻟﺜﺎﻧﻲ ﻳﺸﺮﺏ ﺑﻲ !..
ﺍﻧﻲ ﺑﺪﻭﻥ ﻛﻼﻡ ﺭﺣﺖ ﻛﻌﺪﺕ ﻛﺪﺍﻣﻪ ﻻﻧﻮ ﻭﺍﺿﺢ ﺷﻨﻮ ﻳﺮﻳﺪ ، ﺑﻬﺪﻭﺀ ﺣﺠﻴﺖ ﻭﻳﺎ ..
_ ﻟﻮﻳﺶ ﻧﻈﻔﺖ ﺍﻻﻛﻞ ﺍﻧﻲ ﻣﺘﺄﺧﺮﺕ ﻛﻨﺖ ﺣﻨﻄﻔﻪ .
ﺍﺳﻴﺪ .. ﺑﺼﻮﺕ ﺟﺎﻣﺪ .. ﺍﻟﻜﻼﻡ ﺍﻟﻲ ﺭﺍﺡ ﺍﻛﻮﻟﻪ ﻣﻴﻨﻌﺎﺩ ﻭﻻ ﺗﻨﺎﻗﺸﻴﻦ ﺑﻲ ﻟﻤﺼﻠﺤﺘﺞ ﺍﻭﻻً
ﻭﻏﺼﺒﺎً ﻋﻨﺞ ﺛﺎﻧﻴﺎً
......
ﺩﺍﻟﻴﺎ .. ﺑﺪﺕ ﺍﻟﺤﻴﻮﻧﻪ .. ﺍﻧﻲ ﺷﻨﻮ ﺍﺣﺠﻲ ﻭﻫﻮ ﺍﺷﻮﻥ ﻳﺠﺎﻭﺑﻨﻲ !
ﺍﺳﻴﺪ .. ﻣﻔﻬﻮﻡ !!
ﺩﺍﻟﻴﺎ .. ﻫﻮ ﺍﻧﻲ ﺷﻨﻮ ﻓﻬﻤﺖ ﺣﺘﻰ ﺍﻛﻮﻟﻚ ﻣﻔﻬﻮﻡ ﺍﻭ ﻻ !!
ﺍﺳﻴﺪ .. ﺍﻧﺘﻲ ﺣﺎﻟﻴﺎً ﺗﻌﺘﺒﺮﻳﻦ ﺯﻭﺟﺘﻲ ﺍﺫﺍ ﻣﻮ ﺑﻴﻨﺎ ﻓﻜﺪﺍﻡ ﺍﻟﻨﺎﺱ ﺍﻧﺘﻲ ﻣﺮﺗﻲ ، ﺣﺘﻰ ﻟﻮ ﻟﻔﺘﺮﻩ ﻭﺟﻴﺰﻩ ﻭﻳﻨﺘﻬﻲ ﻫﺬﺍ ﺍﻟﺰﻭﺍﺝ ، ﻓﺄﻧﻲ ﻋﻨﺪﻱ ﺷﺮﻭﻁ ﻭﻻﺯﻡ ﺍﺗﻄﺒﻘﻴﻬﺎ ...
ﺩﺍﻟﻴﺎ .. ﺍﻟﻲ ﻫﻲ؟ !!
ﺍﺳﻴﺪ .. ﺳﺪﻱ ﺣﻠﻜﺞ ﻭﻟﺘﻘﺎﻃﻌﻴﻨﻲ .
ﺍﻭﻻً ﺍﻧﻲ ﻣﺮﺍﺡ ﺍﺑﻘﻰ ﻫﻨﺎ ﻭﻳﺎﺝ ﻉ ﻃﻮﻝ ﻻﻥ ﻋﻨﺪﻱ ﺩﻭﺍﻡ .. ﻭﺍﺭﻭﺡ ﺍﻟﺒﻴﺘﻨﺎ ﺣﺘﻰ ﻣﺤﺪ ﻳﺸﻚ ﺑﻴﻪ .. ﻭﺍﺫﺍ ﻃﻮﻟﺖ ﻣﻠﻴﻮﻥ ﺑﺎﻟﻤﻴﻪ ﺭﺍﺡ ﻳﺠﻮﻥ ﻟﻬﻨﺎ ﺣﺘﻰ ﻳﺘﻄﻤﻨﻮﻥ ﻋﻠﻴﻪ ﻭﻛﻠﺸﻲ ﻳﺨﺮﺏ !
ﻓﻌﻠﻴﻪِ .. ﻣﻦ ﺑﺎﺟﺮ ﺭﺍﺡ ﺗﺠﻲ ﻭﺣﺪﻩ ﺗﺒﻘﻰ ﻭﻳﺎﺝ ﺑﺎﻟﺒﻴﺖ ﻟﺤﺪ ﻣﺎﺍﺭﺟﻊ .
ﺛﺎﻧﻴﺎً .. ﻃﻠﻌﻪ ﻣﻦ ﺍﻟﺒﻴﺖ ﻫﺬﺍ ﻣﺎﻛﻮ ﻟﻠﺒﺎﺏ ﻣﺘﻄﻠﻌﻴﻦ .. ﻭﺍﺫﺍ ﺣﺘﺎﺟﻴﺘﻲ ﺍﻱ ﺷﻲ ﺗﻜﻮﻟﻴﻦ ﻟﻠﻤﺴﺎﻋﺪﻩ ﺍﻟﻲ ﻋﻨﺪﺝ ﻭﻫﻲ ﺗﻜﻮﻝ ﻟﻠﺤﺎﺭﺱ ﻭﻳﺠﻴﺒﻠﺞ ﺍﻟﻲ ﺗﺮﺩﻱ .
ﺛﺎﻟﺜﺎً .. ﻣﻤﻨﻮﻉ ﻳﻨﺪﻙ ﺍﻟﺒﺎﺏ ﻭﺗﻄﻠﻌﻴﻦ ، ﺍﻭﻝ ﻣﺘﺴﻤﻌﻴﻦ ﺍﻟﺒﺎﺏ ﻳﻨﺪﻙ ﺗﺼﻌﺪﻳﻦ ﻟﻐﺮﻓﺘﺞ ﻭﻣﺘﻄﻠﻌﻴﻦ ﺍﻻ ﺍﻧﻲ ﺍﻛﻠﺞ .
ﺍﺧﻴﺮﺍً .. ﻻﺯﻡ ﺗﺘﺤﺠﺒﻴﻦ .
ﺩﺍﻟﻴﺎ .. ﻛﻞ ﺍﻟﺸﺮﻭﻁ ﺍﻟﻲ ﻛﺎﻟﻬﺎ ﻛﺎﻧﺖ ﻋﺎﺩﻳﻪ ﺑﺎﻟﻨﺴﺒﻪ ﺍﻟﻲ ﻻﻧﻮ ﺍﻧﻲ ﺍﺻﻼً ﻣﻤﺘﻌﻮﺩﻩ ﻉ ﺍﻟﻄﻠﻌﻪ ﻭﺍﻟﻮﻧﺴﻪ ﻳﻌﻨﻲ ﻣﺤﻴﺘﻐﻴﺮ ﺷﻲ .. ﺑﺲ ﺍﺧﺮ ﺷﺮﻁ ﻛﺎﻟﻪ ﺧﻼﻧﻲ ﺍﻃﻔﺮ ﻣﻦ ﻣﻜﺎﻧﻲ ﺑﺪﻭﻥ ﻭﻋﻲ ...
_ ﺷﻨﻮﻭﻭﻭﻭﻭﻭﻭﻭ؟ !!
ﺍﺳﻴﺪ .. ﺍﻟﻲ ﺳﻤﻌﺘﻲ .
ﺩﺍﻟﻴﺎ .. ﻣﺴﺘﺤﻴﻞ ﺍﻧﻲ ﻣﺎﺍﻋﺮﻑ ﺷﻨﻮ ﺣﺠﺎﺏ ﺑﺤﻴﺎﺗﻲ ﻛﻮﻟﻬﺎ ﻣﻼﺑﺴﺘﻪ ﺍﺷﻮﻥ ﺗﻄﻠﺐ ﻣﻨﻲ ﻫﻴﺞ ﻃﻠﺐ .
ﺍﺳﻴﺪ .. ﺗﺘﻌﻮﺩﻳﻦ .
ﺩﺍﻟﻴﺎ .. ﻣﺎﺍﻛﺪﺭ ﺍﻟﻠﻪ ﻳﺨﻠﻴﻚ ﺍﻓﻬﻤﻨﻲ ﻣﺎﺍﻛﺪﺭ ﺍﺧﺘﻨﻚ ﻭﺍﻟﺮﺏ ﻣﻮ ﺑﺄﻳﺪﻱ ﻣﺎﺍﻛﺪﺭ ﺍﻟﺒﺲ .
ﺍﺳﻴﺪ .. ﺍﻟﺤﺠﺎﺏ ﻫﺬﺍ ﻟﻤﺼﻠﺤﺘﺞ .. ﺍﻟﻲ ﺻﺎﺭ ﻗﺒﻞ ﺍﺷﻮﻳﻪ ﻉ ﺍﻟﺴﻔﺮﻩ ﻣﺎﺍﺭﻳﺪﻩ ﻳﺘﻜﺮﺭ .. ﻭﺍﻧﻲ ﺑﺎﻟﻨﻬﺎﻳﻪ ﺭﺟﻞ ﻭﻋﻨﺪﻱ ﺭﻏﺒﺎﺕ ﻳﻌﻨﻲ ﺍﺫﺍ ﻣﻨﻌﺖ ﻧﻔﺴﻲ ﻣﺮﻩ ﻣﺮﺗﻴﻦ ﻣﺮﺍﺡ ﺍﻣﻨﻌﻬﺎ ﻟﻼﺑﺪ .. ﻓﺄﺣﺴﻦ ﺣﻞ ﺍﻟﺞ ﺗﺘﺤﺠﺒﻴﻦ .
ﺩﺍﻟﻴﺎ .. ﺍﺫﺍ ﺍﻧﺖ ﻣﺘﻜﺪﺭ ﺗﺘﺤﻜﻢ ﺑﻨﻔﺴﻚ ﻭﺭﻏﺒﺘﻚ ﺍﻧﻲ ﺷﻨﻮ ﺫﻧﺒﻲ ﺗﺨﻨﻜﻨﻲ ﻫﺸﻜﻞ .
ﺍﺳﻴﺪ .. ﺑﻼ ﻃﻮﻟﺔ ﺍﻟﻠﺴﺎﻥ ، ﺗﺘﺤﺠﺒﻴﻦ ﻭﺧﻠﺺ .
ﺩﺍﻟﻴﺎ .. ﺍﻧﺖ ﺷﺮﻋﺎً ﺯﻭﺟﻲ ﻳﻌﻨﻲ ﻣﻮ ﺣﺮﺍﻡ ﺗﺸﻮﻓﻨﻲ ﻫﺸﻜﻞ ، ﻭﺍﺫﺍ ﻉ ﺭﻏﺒﺘﻚ ﻭﺭﺟﻮﻟﺘﻚ ﺍﻧﻄﻴﻚ ﻭﻋﺪ ﺑﻌﺪ ﻣﻴﺘﻜﺮﺭ ﺍﻟﻲ ﺻﺎﺭ ﻗﺒﻞ ﺍﺷﻮﻳﻪ ﻭﺍﻟﺮﺏ ﻣﺤﺨﻠﻴﻚ ﺗﺸﻮﻓﻨﻲ ﺍﺑﺪ ﺑﺲ ﻟﺘﺨﻠﻴﻨﻲ ﺍﻟﺒﺲ ﺍﻟﺤﺠﺎﺏ ﻣﺎﺍﻛﺪﺭ ﺍﺗﺤﻤﻠﻪ ﻭﺍﻟﻤﺴﻴﺢ .
ﺍﺳﻴﺪ .. ﻣﺎﺷﻲ ﻟﺘﺘﺤﺠﺒﻴﻦ ﺑﺎﻟﺒﻴﺖ ﺑﺲ ﺍﺫﺍ ﺍﺿﻄﺮﻳﻨﺎ ﻧﻄﻠﻊ ﻓﺪ ﻳﻮﻡ ﺍﻭ ﻋﻠﻲ ﺍﺟﻪ ﻻﺯﻡ ﺗﻠﺒﺴﻲ
.....
ﺩﺍﻟﻴﺎ .. ﻟﻮﻳﺶ .. ﺍﻧﺖ ﻣﻮ ﻛﻠﺖ ﻟﻜﻮﻧﻚ ﺭﺟﻞ ﻣﺘﻜﺪﺭ ﺗﺸﻮﻓﻨـ ...
ﺍﺳﻴﺪ .. ﻛﻠﻤﻪ ﻭﺣﺪﻩ ﺯﻳﺎﺩﻩ ﺍﺧﻠﻴﺞ ﺗﻠﺒﺴﻴﻦ ﻋﺒﺎﻳﻪ ، ﺿﺒﻲ ﺍﻟﻠﺴﺎﻧﺞ ﻭ ﺍﺳﻜﺘﻲ .
ﺩﺍﻟﻴﺎ .. ﻋﺒﺎﻳﻪ ... ﻻ ﺩﺧﻴﻠﻚ ﻻﺍﺍ .. ﺣﺴﻜﻮﺕ ﺧﻠﺺ ، ﻭﻣﻮﺍﻓﻘﻪ ﻉ ﻛﻞ ﺷﺮﻭﻃﻚ .
ﺍﺳﻴﺪ .. ﺍﻧﻲ ﺑﺎﺟﺮ ﺭﺍﻳﺢ ﻟﻠﺪﻭﺍﻡ ، ﻭﻣﻦ ﺍﻟﺼﺒﺢ ﺭﺍﺡ ﺗﺠﻲ ﺍﻟﻤﻨﻈﻔﻪ ﺳﻮﻱ ﻣﺜﻞ ﻣﺎ ﻛﻠﺘﻠﺞ ﻭ ﻻ ﻉ ﺑﺎﻟﺞ ﻣﺮﺍﺡ ﺍﻋﺮﻑ ﺍﻟﻲ ﺗﺴﻮﻱ ﻭﺭﺍﻳﻪ .. ﻛﻞ ﺍﻟﻲ ﻳﺼﻴﺮ ﻫﻨﺎ ﻳﻮﺻﻠﻨﻲ ﺑﺎﻟﺤﺮﻑ .
ﺩﺍﻟﻴﺎ .. ﻛﻤﺖ ﻣﻦ ﻣﻜﺎﻧﻲ ﻭ ﺑﺼﻮﺕ ﺟﺎﻣﺪ .. ﻛﻠﺘﻠﻚ ﻣﻮﺍﻓﻘﻪ ﻉ ﻛﻞ ﺷﺮﻭﻃﻚ ﻣﺎﻛﻮ ﺩﺍﻋﻲ ﻟﻬﺬﺍ ﺍﻟﻜﻼﻡ ﺑﻌﺪ .. ﻭﺍﺫﺍ ﺧﻠﺼﺖ ﺣﻀﺮﺗﻚ ﻣﻤﻜﻦ ﺍﺭﻭﺡ ﻟﻐﺮﻓﺘﻲ ﺍﺭﻳﺪ ﺍﻧﺎﻡ .
ﺍﺳﻴﺪ .. ﺻﻮﺗﺞ ﻣﻴﻌﻠﻰ ﻛﺪﺍﻣﻲ .. ﻟﺘﻌﺼﺒﻴﻨﻲ ﻣﻮ ﺯﻳﻦ ﻋﻠﻴﺞ .
ﺩﺍﻟﻴﺎ .. ﻣﻮ ﻗﺼﺪﻱ ﺑﺲ ﺃﻧـ ..
ﺍﺳﻴﺪ .. ﻣﻨﻄﺎﻫﺎ ﻣﺠﺎﻝ ﺗﻜﻤﻞ .. ﻭﺑﺪﻭﻥ ﻣﻴﺮﺩ ﻋﻠﻴﻬﺎ ﺣﺮﻙ ﺍﺻﺒﻌﻪ ﺑﻤﻌﻨﻰ ﺭﻭﺣﻲ .
ﺩﺍﻟﻴﺎ .. ﺍﺣﻘﺮ ﻣﻦ ﻫﺬﺍ ﺍﻟﻜﺎﺋﻦ ﻣﺸﻔﺖ ﻛﻮﻟﻤﺎ ﺍﺭﻳﺪ ﺍﺻﻴﺮ ﺯﻳﻨﻪ ﻭﻳﺎ ﻳﺘﺤﻴﻮﻥ ﻭﻳﺎﻱ !
ﺭﺣﺖ ﻟﻐﺮﻓﺘﻲ ﺧﻠﻴﺖ ﺭﺍﺳﻲ ﻭﻧﻤﺖ ، ﻛﻌﺪﺕ ﺍﻟﺼﺒﺢ ﺍﻟﺒﻴﺖ ﻫﺪﻭﺀ ﻣﺤﺪ ﺑﻲ ﻧﺰﻟﺖ ﺳﻤﻌﺖ ﺻﻮﺕ ﺑﺎﻟﻤﻄﺒﺦ !!
ﻛﻠﺖ ﺍﻛﻴﺪ ﻫﺬﺍ ﻫﻮ ﺩﻳﺴﻮﻱ ﺭﻳﻮﻙ ﻻﻧﻮ ﻣﺘﻌﻮﺩﻩ ﻋﻠﻴﻪ ﻛﻞ ﻳﻮﻡ ﻳﻜﻌﺪ ﻣﻦ ﺍﻟﺼﺒﺢ .. ﺭﺣﺖ ﻟﻠﻤﻄﺒﺦ ﻟﻜﻴﺖ ﻣﺮﻩ ﻣﺘﻮﺳﻄﻪ ﺑﺎﻟﻌﻤﺮ ﺷﻜﻠﻬﺎ ﻣﺮﺗﺐ ﻭﻻﺑﺴﻪ ﻣﻼﺑﺲ ﻫﻢ ﻣﺮﺗﺒﻪ ﻣﻤﺒﻴﻦ ﻋﻠﻴﻬﺎ ﺷﻐﺎﻟﻪ ﺑﺼﺮﺍﺣﻪ !
ﺩﺍﻟﻴﺎ .. ﺻﺒﺎﺡ ﺍﻟﺨﻴﺮ .
ﺍﻡ ﺳﻌﺪ .. ﺻﺒﺎﺡ ﺍﻟﺨﻴﺮﺍﺕ .. ﺣﻀﺮﺗﺞ ﺍﻛﻴﺪ ﺳﺖ ﺩﺍﻟﻴﺎ !!
ﺩﺍﻟﻴﺎ .. ﺍﻱ ﺍﻧﻲ ﺩﺍﻟﻴﺎ ، ﻭﺣﻀﺮﺗﺞ؟
ﺍﻡ ﺍﺳﻌﺪ .. ﺍﻧﻲ ﺍﻟﺸﻐﺎﻟﻪ ﺍﻟﺠﺪﻳﺪﻩ ﺍﺳﻤﻲ ﺍﻡ ﺳﻌﺪ ﻗﺒﻞ ﻛﻢ ﻳﻮﻡ ﺍﺗﻔﻖ ﻭﻳﺎﻱ ﺍﻟﺪﻛﺘﻮﺭ ﺣﺘﻰ ﺍﺟﻲ ﺍﺳﺎﻋﺪ ﺣﻀﺮﺗﺞ ﺳﺖ ﺩﺍﻟﻴﺎ .
ﺩﺍﻟﻴﺎ .. ﺍﻫﻼ ﻭﺳﻬﻼ ﺑﻴﺞ ﻭﻳﺎ ﺭﻳﺖ ﺩﺍﻟﻴﺎ ﺑﺲ ﺑﺪﻭﻥ ﺍﻟﻠﻘﺎﺏ .
ﺍﻡ ﺳﻌﺪ .. ﻭﺑﻴﺞ ﺍﻛﺜﺮ ﺑﻨﻴﺘﻲ ﻭﺍﻟﻠﻪ ﺍﻧﻲ ﺍﻭﻝ ﻣﺸﻔﺘﺞ ﺍﺭﺗﺎﺣﻴﺘﻠﺞ ﺍﻧﺘﻲ ﻣﺒﻴﻦ ﻋﻠﻴﺞ ﺑﻨﺖ ﺣﻼﻝ .
ﺩﺍﻟﻴﺎ .. ﺍﺷﻜﺮﺝ ﺧﺎﻟﻪ .. ﺍﻥ ﺷﺎﺀ ﺍﻟﻠﻪ ﺑﻤﺮﻭﺭ ﺍﻟﻮﻗﺖ ﺣﺘﻌﺮﻓﻴﻨﻲ ﺍﻛﺜﺮ ، ﺑﺼﺮﺍﺣﺎ ﺍﻧﻲ ﻛﻨﺖ ﻛﻮﻟﺶ ﺿﺎﻳﺠﻪ ﻣﻦ ﺍﻟﺒﻴﺖ ﻛﺎﻋﺪﻩ ﻟﻮﺣﺪﻱ ﻫﻢ ﺯﻳﻦ ﺍﺟﻴﺘﻲ .
ﺍﻡ ﺳﻌﺪ .. ﺍﻥ ﺷﺎﺀ ﺍﻟﻠﻪ ﺑﻨﻴﺘﻲ .. ﺗﺴﻤﺤﻴﻠﻲ ﺍﺳﺄﻟﺞ ﺳﺆﺍﻝ؟ !
ﺩﺍﻟﻴﺎ .. ﺗﻔﻀﻠﻲ .
ﺍﻡ ﺳﻌﺪ .. ﺻﺎﺭﻟﻜﻢ ﺍﺷﻜﺪ ﻣﺘﺰﻭﺟﻴﻦ ﺍﻧﺘﻲ ﻭﺍﻟﺪﻛﺘﻮﺭ .
ﺩﺍﻟﻴﺎ .. ﻫﺎ .. ﻣﺼﺎﺭ ﻫﻮﺍﻳﻪ ﺍﺳﺒﻮﻉ .
ﺍﻡ ﺳﻌﺪ .. ﻳﺎﺍﺍ ﺑﻌﺪﺝ ﻋﺮﻭﺱ ﻟﻌﺪ ﺍﺷﻠﻮﻥ ﻋﺎﻓﺞ ﻭﺣﺪﺝ ﻭﺭﺍﺡ .
ﺩﺍﻟﻴﺎ .. ﻫﻮ ﻋﻨﺪﻩ ﺷﻐﻞ ﻭﺍﻧﻲ ﻣﺤﺒﻴﺖ ﺍﺿﻐﻂ ﻋﻠﻴﻪ ﻛﻠﺘﻠﻪ ﺭﻭﺡ ﻟﺪﻭﺍﻣﻚ ﻭﺍﻧﻲ ﻣﻄﺎﻳﺮﻩ ﺍﻫﻢ ﺷﻲ ﺷﻐﻠﻚ
.....
ﺍﻡ ﺳﻌﺪ .. ﺳﻮﺩﻩ ﻋﻠﻴﻪ ﺑﻌﺪﺝ ﻋﺮﻳﻴﺲ ﻭﻟﻮﺣﺪﺝ .. ﻳﻼ ﺍﻥ ﺷﺎﺀ ﺍﻟﻠﻪ ﻳﺮﺟﻊ ﻭﺗﺸﺒﻌﻮﻥ ﻭﺍﺣﺪ ﻣﻦ ﺍﻟﺜﺎﻧﻲ ﺍﻟﻌﻤﺮ ﻛﻠﻪ ﻛﺪﺍﻣﻜﻢ .
ﺩﺍﻟﻴﺎ .. ﺗﺴﻠﻤﻴﻦ ﺧﺎﻟﻪ ..
ﺍﺳﻴﺪ .. ﺍﺗﻔﻘﺖ ﻭﻳﺎ ﺍﻟﺤﺎﺭﺱ ﺍﺑﻮ ﺳﻌﺪ ﻳﺨﻠﻲ ﻣﺮﺗﻪ ﺗﺠﻲ ﻳﻤﻬﺎ ﻣﻦ ﺍﺭﻭﺡ ﻟﻠﺪﻭﺍﻡ ﺣﺘﻰ ﻟﺘﺒﻘﻰ ﻭﺣﺪﻫﺎ ، ﺛﺎﻧﻲ ﻳﻮﻡ ﻟﺒﺴﺖ ﻭﺭﺣﺖ ﻟﺒﻴﺘﻨﺎ ﻻﻥ ﻛﺮﺍﺭ ﺧﺒﻠﻨﻲ ﻛﻞ ﺍﺷﻮﻳﻪ ﻳﺘﺼﻞ ﺑﻴﻪ ..
ﺍﺷﺒﻴﻚ ﻭﻳﺎ ﺍﻣﻲ ﻭﺷﻤﺴﻮﻱ ﺍﻻﻣﻲ .. ﺭﻭﺡ ﺷﻮﻑ ﺍﻣﻲ .. ﻭﺍﻣﻲ ﻣﺮﻳﻀﻪ ﻣﻦ ﻭﺭﺍﻙ ..
ﻛﻔﺮﻧﻲ ﺑﺴﺎﻋﺘﻲ .. ﻣﻦ ﺍﻟﺼﺒﺢ ﻃﻠﻌﺖ ﻟﺒﻴﺘﻨﺎ ﻻﻥ ﺧﻔﺖ ﻳﺠﻲ ﻟﻠﻤﺰﺭﻋﻪ ﻭﻳﺸﻮﻑ ﺩﺍﻟﻴﺎ .. ﻭﺻﻠﺖ ﺍﻟﻈﻬﺮ ﺗﻘﺮﻳﺒﺎً ﻟﻜﻴﺖ ﺍﻣﻲ ﺩﺗﺼﻠﻲ .. ﻛﻌﺪﺕ ﺍﻧﺘﻈﺮﻫﺎ ﻟﺤﺪ ﻣﺎ ﻛﻤﻠﺖ !
ﺳﻼﻡ ﻭﻛﻼﻡ ﻭﺑﺠﻲ ﻛﺎﻟﻌﺎﺩﻩ .. ﺍﺷﻮﻥ ﻋﻔﺘﻨﻲ ﻭ ﻭﻳﻦ ﺟﻨﺖ .. ﻭﻟﻴﺶ ﺗﺸﻐﻠﻨﻲ ﻋﻠﻴﻴﻴﻴﻴﻴﻚ .... ﻟﺤﺪ ﻣﺎ ﺭﺍﺿﻴﺘﻬﺎ ﺭﻭﺣﻲ ﻃﻠﻌﺖ .
ﻃﺒﻌﺎً ﻣﺤﺠﺖ ﺑﻤﻮﺿﻮﻉ ﺩﺍﻟﻴﺎ ﻭﻻ ﺳﺄﻟﺘﻨﻲ ﻋﻨﻬﺎ .. ﻛﻞ ﺃﺳﺌﻠﺘﻬﺎ ﻛﺎﻧﺖ ﻉ ﺍﻟﺒﻨﻴﻪ ﺍﻟﻲ ﻭﻳﺎﻱ ﺑﺎﻟﻤﻄﻌﻢ ﺑﻘﺖ ﺗﺪﻗﻖ ﻭﺗﺘﻄﻘﺲ !
ﺭﺟﻌﺖ ﻗﻨﻌﺘﻬﺎ ﻣﺠﺮﺩ ﺯﻣﻴﻠﻪ ﻣﻦ ﺍﻳﺎﻡ ﺍﻟﺪﺭﺍﺳﻪ ﻣﻮ ﺍﻛﺜﺮ .. ﺍﺗﻘﺒﻠﺖ ﺍﻟﻔﻜﺮﻩ ﺍﺧﻴﺮﺍ
ﺑﺲ ﺣﺴﻴﺘﻬﺎ ﻣﻤﻘﺘﻨﻌﻪ .. ﻣﻮ ﻣﻬﻢ ﺍﻟﻤﻬﻢ ﺗﻔﻚ ﻳﺎﺧﻪ ﻋﻨﻲ ، ﺍﺷﻮﻳﻪ ﻭﻧﺰﻟﺖ ﺧﺎﻟﺘﻲ ﺷﺎﻓﺘﻨﻲ ﻫﻢ ﺍﻛﻠﺘﻨﻲ ﺑﺎﻟﺴﻼﻡ ﻭﺍﻟﺴﺆﺍﻝ ..
ﺑﻘﻴﺖ ﻉ ﺍﻟﻐﺪﻩ ﺍﺗﻐﺪﻳﻨﺎ .. ﻭﺑﻌﺪﻫﺎ ﺍﻧﺠﻤﻌﻨﺎ ﺑﺎﻟﺼﺎﻟﻪ ﻛﻠﻨﺎ .. ﺍﻣﻲ ﻭﺧﺎﻟﺘﻲ ﻛﺎﻋﺪﺍﺕ ﻭﺯﻭﺟﻬﺎ ﻭﺍﺧﻮﻳﻪ ﻛﺮﺍﺭ ﻭﺟﻬﺎﻟﻪ ﺑﺲ ﻣﺮﺗﻪ ﺍﻟﻌﻘﺮﺑﻪ ﻣﺠﺎﻳﻪ .. ﺍﺷﻮﻳﻪ ﻭﻛﺎﻣﻮ ﻛﺮﺍﺭ ﻭﺭﺟﻞ ﺧﺎﻟﺘﻲ ﻃﻠﻌﻮﺍ ﺑﺸﻐﻠﻪ .. ﺍﻣﻲ ﺭﺍﺣﺖ ﻧﺎﻣﺖ ﺑﻘﻴﻨﺎ ﺍﻧﻲ ﻭﺧﺎﻟﺘﻲ !!
ﻫﻨﺎ ﺍﻧﻲ ﻗﺮﺭﺕ ﺍﺳﺘﻐﻞ ﺍﻟﻔﺮﺻﻪ ﻭﺃﺳﺌﻠﻬﺎ ..
ﺍﺳﻴﺪ .. ﺍﻛﻮﻝ ﺍﻡ ﺍﺣﻤﺪ ﺍﺭﻳﺪ ﺃﺳﺄﻟﺞ ﺳﺆﺍﻝ .
ﺍﻳﻨﺎﺱ .. ﻫﻬﻪ ﺍﻟﻠﻪ ﻳﺴﺘﺮ ﻣﻨﻚ ﺍﻧﺖ ﻭﺃﺳﺌﻠﺘﻚ .. ﻛﻮﻝ ﺷﻌﻨﺪﻙ .
ﺍﺳﻴﺪ .. ﺍﻧﺘﻲ ﻫﻢ ﻣﺘﺰﻭﺟﻪ ﻗﺒﻞ ﺍﺑﻮ ﺍﺣﻤﺪ؟ !
ﺍﻳﻨﺎﺱ .. ﻣﻦ ﻭﻳﻦ ﻋﺮﻓﺖ ﺑﻬﺬﺍ ﺍﻟﻤﻮﺿﻮﻉ ﻭﻟﻴﺶ ﺩﺗﺴﺄﻝ؟ !
ﺍﺳﻴﺪ .. ﻻﺣﻈﺖ ﺍﻳﻨﺎﺱ ﺣﻴﻞ ﺍﻧﺰﻋﺠﺖ ﻣﻦ ﺳﻤﻌﺖ ﺳﺆﺍﻟﻲ .. ﻭﻭﺟﻬﺎ ﺍﺗﻐﻴﺮﺕ ﻣﻼﻣﺤﻪ .. ﻋﺮﻓﺖ ﻣﻦ ﺍﻣﻲ ﻗﺒﻞ ﻓﺘﺮﻩ ﻭﺑﺼﺮﺍﺣﻪ ﺍﻧﺼﺪﻣﺖ .. ﻣﺎ ﻉ ﺑﺎﻟﻲ ﻣﺘﺰﻭﺟﻪ ﻣﺮﺗﻴﻦ ، ﻟﺬﻟﻚ ﺣﺒﻴﺖ ﺍﺗﺄﻛﺪ ﻣﻨﺞ .
ﺍﻳﻨﺎﺱ .. ﻫﺎ .. ﺍﻳﻲ .. ﺍﻣﻚ ﺩﺍﺋﻤﺎً ﺗﻔﻠﺖ ﺑﺎﻟﺤﺠﻲ .. ﻋﻮﺩ ﺍﻧﻲ ﻣﻮﺻﻴﺘﻬﺎ ﺗﺴﺪ ﺍﻟﻤﻮﺿﻮﻉ ﻫﺬﺍ ﻭﻣﺘﺠﻴﺐ ﻃﺎﺭﻱ .
ﺍﺳﻴﺪ .. ﻳﻌﻨﻲ ﻛﻼﻣﻬﺎ ﺻﺤﻴﺢ .
ﺍﻳﻨﺎﺱ .. ﻋﻮﻓﻪ ﻫﺬﺍ ﺍﻟﻤﻮﺿﻮﻉ ﺍﺑﻨﻲ ﻣﺎﺍﺣﺐ ﺍﺣﺠﻲ ﺑﻲ .. ﺍﺧﺘﻨﻚ ﻣﻦ ﺍﺗﺬﻛﺮﻩ .
ﺍﺳﻴﺪ .. ﻻ ﻣﺎﻛﻮ ﺩﺍﻋﻲ ﺗﻀﻮﺟﻴﻦ .. ﺗﺮﻯ ﻣﺠﺮﺩ ﺳﺆﺍﻝ ﻋﺎﺑﺮ ﻣﻮ ﺍﻛﺜﺮ ﻭﺑﻌﺪﻳﻦ ﺷﻨﻮ ﻗﺎﺑﻞ ﺍﻧﺘﻲ ﺍﻭﻝ ﻭﺣﺪﻩ ﺗﺘﺰﻭﺝ ﻭﺯﻭﺍﺟﻬﺎ ﻳﻔﺸﻞ ﻭﺗﻨﻔﺼﻞ؟ !
ﺷﻐﻠﻪ ﻋﺎﺩﻳﻪ ﻫﺬﻱ .
ﺍﻳﻨﺎﺱ .. ﺍﻱ ﺻﺢ ﻋﺎﺩﻳﻪ ﺑﺲ ﺍﻧﻲ ﻣﺎﺍﺣﺐ ﺍﺗﺬﻛﺮ ﺯﻭﺍﺟﻲ ﺍﻟﺴﺎﺑﻖ ﻧﻬﺎﺋﻴﺎً .. ﺗﺠﻲ ﺍﺑﺎﻟﻲ ﺍﺣﺪﺍﺙ ﻣﺎﺍﺭﻳﺪ ﺍﺗﺬﻛﺮﻫﺎ .
ﺍﺳﻴﺪ .. ﺧﻠﺺ ﺳﺪﻱ ﺍﻟﻤﻮﺿﻯﻊ ﺍﻋﺘﺒﺮﻳﻨﻲ ﻣﺴﺄﻟﺖ .. ﻭﻣﺎﺍﺭﻳﺪ ﺗﺴﻤﻊ ﺍﻣﻲ ﺍﻧﻮ ﺍﻧﻲ ﺳﺄﻟﺘﺞ ﻻﻥ ﻫﻲ ﻭﺻﺘﻨﻲ ﻣﺎﺍﺣﺠﻲ ﻣﺎﺍﺭﻳﺪﻫﺎ ﺗﺰﻋﻞ
....
ﺍﻳﻨﺎﺱ .. ﻫﻬﻪ ﻟﺘﺨﺎﻑ ﻣﺎﺍﺣﺠﻲ ﺷﻲ .. ﻭﺍﻧﺖ ﻫﻢ ﻟﺘﺤﺠﻲ ﺍﻻﺣﺪ ﻋﻦ ﻫﺬﺍ ﺍﻟﻤﻮﺿﻮﻉ .
ﺍﺳﻴﺪ .. ﺗﻤﺎﻡ .. ﻳﻼ ﺍﻧﻲ ﺍﺗﺮﺧﺺ ﻻﺯﻡ ﺍﺭﻭﺡ ﻟﺪﻭﺍﻣﻲ ﻣﺎ ﺑﻘﺎﻟﻲ ﻭﻛﺖ ﺑﻌﺪ .
ﺍﻳﻨﺎﺱ .. ﺷﻨﻮ ﻫﺴﻪ ﺣﺘﺮﻭﺡ ﻟﻠﺪﻭﺍﻡ؟ !!
ﺍﺳﻴﺪ .. ﻻﺍ ﺭﺍﺡ ﺍﺑﺎﺕ ﻳﻢ ﺻﺪﻳﻘﻲ ﻭﻣﻨﺎﻙ ﻧﻄﻠﻊ ﺳﻮﻩ ﻻﻥ ﻫﻮ ﺧﻄﻴﻪ ﻣﺎ ﻋﻨﺪﻩ ﺳﻴﺎﺭﻩ ﻭﻛﺎﻟﻲ ﺗﻌﺎﻝ ﺑﺎﺕ ﻳﻤﻲ ﻭﻧﻄﻠﻊ ﺍﺛﻨﻴﻨﻪ .
ﺍﻳﻨﺎﺱ .. ﺍﺧﺎﻑ ﺭﺍﻳﺢ ﻟﻠﺤﻠﻮﻩ ﺗﺸﻮﻓﻬﺎ .
ﺍﺳﻴﺪ .. ﻣﻦ ﺭﺧﺼﺘﺞ ﺍﻡ ﺍﺣﻤﺪ .
ﺍﻳﻨﺎﺱ .. ﻫﻬﻬﻬﻬﻬﻬﻪ ﺩﺍﺍﺗﺸﺎﻗﻪ ﻭﻳﺎﻙ ﻳﻤﻌﻮﺩ ﻟﺘﺰﻋﻞ .. ﺍﻟﻠﻪ ﻭﻳﺎﻙ .
ﻃﻠﻌﺖ ﻣﻦ ﺑﻴﺘﻨﺎ ﻭﺍﻧﻲ ﺑﺪﺍﺧﻠﻲ ﺑﺮﻛﺎﻥ ﻳﻠﻬﺐ .. ﻣﻌﻘﻮﻟﻪ ﻛﻼﻡ ﺩﺍﻟﻴﺎ ﺻﺢ؟ !!
ﺍﻳﻨﺎﺱ ﻃﻠﻌﺖ ﺻﺪﻙ ﻣﺘﺰﻭﺟﻪ ﻳﻌﻨﻲ ﻣﻤﻜﻦ ﺗﻜﻮﻥ ﺩﺍﻟﻴﺎ ﺻﺤﻴﺢ ﺑﻨﺘﻬﺎ !!!...
ﻣﻜﺪﺭﺕ ﺍﺳﺄﻟﻬﺎ ﺍﻛﺜﺮ ﻭﻻ ﺍﻋﺮﻑ ﺍﺫﺍ ﻋﻨﺪﻫﺎ ﺍﻃﻔﺎﻝ ﻣﻦ ﺯﻭﺍﺟﻬﺎ ﺍﻻﻭﻝ .. ﻻﻥ ﺳﺆﺍﻝ ﺛﺎﻧﻲ ﻣﻨﻲ ﻣﻤﻜﻦ ﺗﺸﻚ ﺑﺎﻟﻤﻮﺿﻮﻉ ﻭﺗﻨﻜﺸﻒ ﻛﻞ ﻣﺨﻄﻄﺎﺗﻲ .. ﻭﺍﻟﻤﺼﻴﺒﻪ ﺍﺫﺍ ﻋﺮﻓﺖ ﺍﻣﻲ ﺑﺎﻟﻤﻮﺿﻮﻉ ﻫﺴﻪ ﺗﻜﻮﻟﻲ ﺷﻌﺮﻓﻚ ﺑﻬﺬﻱ ﺍﻟﺴﺎﻟﻔﻪ !!
ﻣﺴﺄﻟﺖ ﺍﻛﺜﺮ ﺑﺲ ﻧﺼﻒ ﺍﻟﺠﻮﺍﺏ ﻋﺮﻓﺘﻪ ﺗﻘﺮﻳﺒﺎً .. ﻃﺎﻟﻤﺎ ﺧﺎﻟﺘﻲ ﻣﺘﺰﻭﺟﻪ ﻣﻦ ﻗﺒﻞ ﻣﻌﻨﺎﻫﺎ ﻛﻼﻡ ﺩﺍﻟﻴﺎ ﺻﺤﻴﺢ !!
ﺯﻳﻦ ﻫﺴﻪ ﺷﺴﻮﻱ ... ﺍﻛﻠﻠﻬﺎ ﻉ ﺍﻟﻲ ﻋﺮﻓﺘﻪ ﻟﻮ ﺍﺗﺮﻙ ﺍﻟﻤﻮﺿﻮﻉ ﺍﻟﻰ ﺍﻥ ﺍﺗﺄﻛﺪ !!
ﻋﻘﻠﻲ ﻛﻠﻪ ﺍﺗﻠﺨﺒﻂ .. ﻣﺎﺍﺩﺭﻱ ﺍﺷﻠﻮﻥ ﺍﺗﺼﺮﻑ !
ﺍﺣﺴﻦ ﺣﻞ ﺍﻃﻠﻊ ﻛﺒﻞ ﻟﻠﺪﻭﺍﻡ ﻭﻣﻦ ﺍﺭﺟﻊ ﺍﻟﻠﻪ ﻛﺮﻳﻢ ﺍﻟﻒ ﺣﻞ ﻳﺤﻠﻬﺎ ... ﺭﺣﺖ ﻟﺪﻭﺍﻣﻲ ﺑﻘﻴﺖ 15 ﻳﻮﻡ ﺩﻙ ﻭﺍﺟﺒﺎﺕ ﻭﺗﻌﺐ ﻣﺘﺖ .. ﺭﻏﻢ ﻛﻞ ﺍﻟﺘﻌﺐ ﻫﻲ ﻣﻔﺎﺭﻛﺖ ﺑﺎﻟﻲ ﻭﻻ ﻟﺤﻈﻪ ، ﺩﺍﺍﺣﺲ ﻧﻔﺴﻲ ﺍﺗﻌﻠﻖ ﺑﻴﻬﺎ ﻛﻞ ﻳﻮﻡ ﺍﻛﺜﺮ !
ﻭﺍﻟﻲ ﺣﺮﻙ ﺭﻭﺣﻲ ﺍﻛﺜﺮ ﻣﻮﺿﻮﻉ ﺍﻣﻬﺎ .. ﺍﺫﺍ ﺍﻳﻨﺎﺱ ﺻﺪﻙ ﺍﻣﻬﺎ ﻳﻌﻨﻲ ﻫﻲ ﺑﻨﺖ ﺧﺎﻟﺘﻲ !!
ﺍﺷﻠﻮﻥ ﺍﻟﻲ ﻭﺟﻪ ﺍﺑﺎﻭﻉ ﺑﻌﻴﻮﻧﻬﺎ ﺑﻌﺪ ﻛﻞ ﺍﻟﻲ ﺳﻮﺗﻪ ﺧﺎﻟﺘﻲ !
ﻭﺍﺫﺍ ﻋﺮﻓﺖ ﺍﻟﺤﻘﻴﻘﻪ ﻭﺗﺄﻛﺪﺕ ﻫﺎﻱ ﺍﻣﻬﺎ ﺷﻨﻮ ﺭﺍﺡ ﻳﻜﻮﻥ ﺷﻌﻮﺭﻫﺎ ﺗﺠﺎﻫﻲ؟ !
ﺯﻳﻦ ﺍﻧﻲ ﻟﻴﺶ ﻫﺎﻟﻜﺪ ﻣﻬﺘﻢ ﺑﺮﺩﺓ ﻓﻌﻠﻬﺎ .. ﻭﺍﺫﺍ ﻋﺮﻓﺖ ، ﻭﺍﺫﺍ ﻛﺮﻫﺘﻨﻲ ﺷﻨﻮ ﻳﻌﻨﻲ؟ !
ﻳﻄﺒﻬﺎ ﻣﺮﺽ ﺷﻌﻠﻴﻪ ﺑﻴﻬﺎ !..
ﺣﺎﻭﻟﺖ ﺍﺗﺠﺎﻫﻞ ﺗﻔﻜﻴﺮﻱ ﺑﻴﻬﺎ ﻭﺍﺑﻌﺪﻫﺎ ﻋﻦ ﺑﺎﻟﻲ .. ﺑﺲ ﻣﺎﻛﻮ ﻓﺎﻳﺪﻩ !
ﺧﻠﺼﺖ ﺍﻳﺎﻡ ﺩﻭﺍﻣﻲ ﻭﺭﺟﻌﺖ ﻟﺒﻴﺘﻨﺎ ﺑﻘﻴﺖ ﻳﻤﻬﻢ ﻳﻮﻣﻴﻦ .. ﻭﻛﻠﺘﻠﻬﻢ ﻋﻨﺪﻱ ﻭﺍﺟﺐ ﻟﻤﺪﺓ ﺷﻬﺮ ﺗﻘﺮﻳﺒﺎً ﻣﺎﻛﻮ ﻧﺰﻭﻝ .. ﻭﺑﺲ ﻳﺼﻴﺮ ﻋﻨﺪﻱ ﻓﺮﺻﻪ ﺍﺟﻲ ﺷﻮﻓﻜﻢ ﻭﺍﺭﺟﻊ !
ﺑﻘﺖ ﺍﻣﻲ ﺗﻮﻥ ﻭﺗﻨﻮﺡ ﻉ ﺑﺎﻟﻚ ﻛﻠﺘﻠﻬﺎ ﺭﺍﻳﺢ ﻟﻠﻤﻮﺕ ﻣﻮ ﻟﻠﺪﻭﺍﻡ .. ﺛﺎﻟﺚ ﻳﻮﻡ ﻣﻦ ﺍﻟﺼﺒﺢ ﻃﻠﻌﺖ ﻟﺒﻴﺖ ﺍﻟﻤﺰﺭﻋﻪ !
ﺷﻲ ﺑﺪﺍﺧﻠﻲ ﻣﺘﻠﻬﻒ ﻋﻠﻰ ﺷﻮﻓﺘﻬﺎ ﻣﺎﺍﺩﺭﻳﻪ ﺍﺷﺒﻴﻪ ﺗﺨﺒﻠﺖ .. ﺻﻮﺭﺗﻬﺎ ﺍﺧﺮ ﻣﺮﻩ ﺑﺜﻮﺏ ﺍﻟﻌﻘﺪ ﻟﻄﺸﺖ ﺑﻌﻘﻠﻲ .. ﻛﻠﻤﺎ ﺍﺗﺬﻛﺮﻫﺎ ﺍﺿﺤﻚ ﻣﺜﻞ ﺍﻻﺛﻮﻝ .
ﺑﺎﻟﻄﺮﻳﻖ ﻧﺰﻟﺖ ﻉ ﻣﺤﻼﺕ ﺍﺷﺘﺮﻳﺘﻠﻬﺎ ﻣﻼﺑﺲ ﻭﺗﺮﺍﻛﺎﺕ ﺑﻨﺎﺗﻴﻪ .. ﻭﺣﺠﺎﺑﺎﺕ ﻻﻥ ﻣﺎﻋﺪﻫﺎ ﻛﻠﻤﺎ ﺍﺭﻳﺪ ﺍﻃﻠﻌﻬﺎ ﺗﻄﻠﻊ ﺑﻨﻔﺲ ﺍﻟﺘﻨﻮﺭﻩ ﻭﺍﻟﻘﻤﻴﺺ .. ﻟﻮ ﺗﻠﺒﺴﻠﻲ ﺑﻨﻄﺮﻭﻧﻬﺎ ﺍﻟﻔﻀﻴﺤﻪ .
ﺍﻟﻤﻬﻢ ..
ﺍﺧﺬﺗﻬﻢ ﻭﺭﺣﺖ ﻟﻠﺒﻴﺖ ﻭﺻﻠﺖ ﺍﻟﺼﺒﺢ ﻟﻜﻴﺖ ﺍﻡ ﺳﻌﺪ ﺩﺗﺮﻭﺡ ﻟﺒﻴﺘﻬﺎ .. ﻻﻥ ﺍﻧﻲ ﺧﺎﺑﺮﺕ ﺭﺟﻠﻬﺎ ﻛﻠﺘﻠﻪ ﺍﻧﻲ ﺟﺎﻱ ﻣﺎﻛﻮ ﺩﺍﻋﻲ ﺗﺒﻘﻰ ﺍﻡ ﺳﻌﺪ .. ﺷﺎﻓﺘﻨﻲ ﺳﻠﻤﺖ ﻋﻠﻴﻪ ﻭﺍﻛﻠﺖ ﺭﺍﺳﻲ ، ﻛﻌﺪﺕ ﺗﺤﺠﻴﻠﻲ ﻭﺗﻤﺪﺣﻠﻲ ﺑـ ﺩﺍﻟﻴﺎ .. !!
ﺍﻟﻈﺎﻫﺮ ﺗﺄﺛﻴﺮﻫﺎ ﻫﺬﺍ ﻋﻠﻰ ﻛﻞ ﺍﻟﻨﺎﺱ ﻣﻮ ﺑﺲ ﻋﻠﻴﻪ !
ﺩﺧﻠﺖ ﺍﻟﺴﻴﺎﺭﻩ ﻟﻠﻜﺮﺍﺝ ﻭﻧﺰﻟﺖ ﺑﺲ ﺍﻧﻲ ﺍﻟﻐﺮﺍﺽ ﺑﻘﻴﺘﻬﻢ ﺑﺎﻟﺴﻴﺎﺭﻩ .. ﻓﺘﺖ ﺍﻟﺒﻴﺖ ﻫﺪﻭﻭﻭﺀ ﺻﻌﺪﺕ ﻟﻐﺮﻓﺘﻲ ﺑﺪﻟﺖ ﻭﺍﺧﺬﺕ ﺣﻤﺎﻡ ﺳﺮﻳﻊ ﻛﻠﺖ ﺍﻛﻴﺪ ﺭﺍﺡ ﺗﻜﻌﺪ ﺍﻟﺨﺎﻧﻢ ﻭﺍﺷﻮﻓﻬﺎ ﻣﺎﺍﻛﺪﺭ ﺍﻧﻲ ﺍﺻﻴﺤﻬﺎ .. ﺑﺪﻟﺖ ﻣﻼﺑﺴﻲ ﻟﺒﺴﺖ ﺑﺠﻴﺎﻣﻪ ﻣﺎﻟﺖ ﺗﺮﺍﻙ ﺍﺳﻮﺩ ﻭﻓﺎﻧﻴﻠﻪ ﺩﺍﺧﻠﻴﻪ ﻫﻢ ﺳﻮﺩﻩ .. ﻧﺰﻟﺖ ﻣﻠﻜﻴﺘﻬﺎ ﻛﺎﻋﺪﻩ !
ﺭﺣﺖ ﻟﻠﻤﻄﺒﺦ ﺳﻮﻳﺘﻠﻲ ﺟﺎﻱ ﻭﺭﻳﻮﻙ ﻻﻥ ﻃﺎﻟﻊ ﻣﻦ ﻏﺒﺸﻪ ﻭﺍﻟﺴﻴﺎﻗﻪ ﺑﺎﻻﺯﺩﺣﺎﻣﺎﺕ ﻫﺪﺕ ﺣﻴﻠﻲ !
ﻛﻨﺖ ﻭﺍﻛﻒ ﻉ ﺍﻟﻄﺒﺎﺥ ﺩﺍﻳﺮ ﻭﺟﻬﻲ ﻭﺑﺎﻟﻲ ﺷﺎﺭﺩ ﺍﻓﻜﺮ ﺍﻛﻠﻠﻬﺎ ﻉ ﺍﻟﻲ ﺳﻤﻌﺘﻪ ﻣﻦ ﺍﻳﻨﺎﺱ ﻟﻮ ﻻ ... ﻣﺎﺍﺣﺲ ﺍﻻ ﺻﻮﺗﻬﺎ ﺍﻟﻨﺎﻋﻢ ﺑﺄﺫﻧﻲ
......
ﺩﺍﻟﻴﺎ .. ﺻﺎﺭﻟﻪ 17 ﻳﻮﻡ ﺑﺎﻟﺪﻭﺍﻡ ﻣﺎﻛﻮ ﻻ ﻳﺴﺄﻝ ﻭﻻ ﻳﺘﺼﻞ ﻣﺎﺍﻋﺮﻑ ﻋﻨﻪ ﺍﻱ ﺷﻲ ﺣﺘﻰ ﺍﻡ ﺳﻌﺪ ﻣﻦ ﺃﺳﺌﻠﻬﺎ ﻫﻢ ﻳﺘﺼﻞ ﺑﺰﻭﺟﻬﺎ .. ﺍﺗﻜﻮﻝ ﻣﺎﺍﻋﺮﻑ !
ﮔﻠﺒﻲ ﺻﺎﺭ ﻣﺜﻞ ﺍﻟﺠﻤﺮﻩ ﻋﻠﻴﻪ .. ﻣﻠﻬﻮﻓﻪ ﺑﺲ ﺍﺭﻳﺪ ﺍﺷﻮﻓﻪ ﺍﺷﺘﺎﻗﻴﺖ ﺣﺘﻰ ﻟﻌﺼﺒﻴﺘﻪ ﻭﺧﺒﺎﻻﺗﻪ ﻋﻠﻴﻪ !
ﻟﻴﻞ ﻧﻬﺎﺭ ﻣﺎﺍﻓﻜﺮ ﻏﻴﺮ ﺑﻲ .. ﻣﻮ ﮔﻠﺐ ﻋﻨﺪﻱ ﺍﻧﺘﻘﺎﻡ ﻣﻦ ﻳﺮﻳﺪ ﺷﻲ ﻳﺬﻟﻨﻲ !..
ﺧﻼﻝ ﻫﺬﻱ ﺍﻟﻔﺘﺮﻩ ﺳﻮﻳﺖ ﻛﻞ ﺍﻟﻲ ﻛﺎﻟﻪ ﺍﻟﻲ ﻣﻄﻠﻌﺖ ﺣﺘﻰ ﻟﻠﺤﺪﻳﻘﻪ .. ﻭﺳﻠﻤﻰ ﺍﺟﺘﻲ ﻣﺮﺗﻴﻦ ﻫﻲ ﻭﺯﻭﺟﻬﺎ ﺣﺘﻰ ﺗﺸﻮﻓﻨﻲ ﻭﺗﺴﺄﻝ ﻋﻨﻲ ، ﻻﻥ ﻛﺎﻧﺖ ﺧﺎﻳﻔﻪ ﻋﻠﻴﻪ ﻣﻦ ﺍﺳﻴﺪ ، ﺍﺗﻜﻮﻝ ﻣﺎﺍﺭﺗﺎﺣﻠﻪ ﺍﺑﺪ ﻣﺎﺍﺩﺭﻱ ﺷﻨﻮ ﻋﺎﺟﺒﺞ ﺑﻲ !
ﻫﻬﻬﻬﻬﻪ ﻛﻠﺘﻠﻬﺎ ﻣﺒﻲ ﺷﻲ ﻳﻌﺠﺐ ﺑﺲ ﮔﻠﺒﻲ ﻏﺒﻲ ﻳﺤﺒﻪ ﻏﺼﺒﺎً ﻋﻨﻲ ﻭﻋﻦ ﻋﻘﻠﻲ ﺍﻟﻲ ﻣﻮ ﻃﺎﻳﻘﻪ ﺍﺻﻼً .
ﻏﺮﻳﺒﻪ ﺍﺷﻮﻥ ﻣﻤﻜﻦ ﺍﺗﻜﻮﻥ ﺳﺠﻴﻦ ﺷﺨﺺ ﻣﻮ ﻃﺎﻳﻘﻪ ﻭﻣﺠﺮﺩ ﺍﺳﻤﻪ ﻳﺮﻋﺒﻚ ﻭﺑﻨﻔﺲ ﺍﻟﻮﻗﺖ ﮔﻠﺒﻚ ﻣﺘﻌﻠﻖ ﺑﻲ ﻭﻳﺮﻳﺪﻩ .. !!
ﺍﻟﻤﻬﻢ ..
ﺍﻟﺒﺎﺭﺣﺎ ﺳﻠﻤﻰ ﻃﻮﻟﺖ ﻳﻤﻲ ﻫﻮﺍﻳﻲ ﺑﻘﺖ ﻟﻨﺺ ﺍﻟﻠﻴﻞ ﻳﻼ ﺍﺟﻪ ﺭﺟﻠﻬﺎ ﺍﺧﺬﻫﺎ .. ﻣﻦ ﺷﺎﻓﺘﻨﻲ ﺍﺗﺤﺠﺒﺖ ﻣﻦ ﻋﻠﻲ ﻣﺎﺗﺖ ﻣﻦ ﺍﻟﻀﺤﻚ ﻋﻠﻴﻪ !
ﺳﻠﻤﻰ .. ﻭﻟﺞ ﺍﻧﺘﻲ ﻣﻦ ﻛﻞ ﻋﻘﻠﺞ ﺧﺎﻳﻔﻪ ﻣﻨﻪ ﻭﻻﺑﺴﻪ ﺣﺠﺎﺏ .
ﺩﺍﻟﻴﺎ .. ﺳﻠﻤﻰ ﺍﻟﻠﻪ ﻳﺨﻠﻴﺞ ﺭﻭﺣﻲ ﻭﻳﺎ ﺭﺟﻠﺞ ﻭﻟﺘﺼﻨﻔﻴﻦ ﺗﺮﻯ ﻣﺎ ﺍﻟﻲ ﺧﻠﻜﺞ ﺑﺎﻟﻜﻮﻩ ﻻﺯﻣﻪ ﺩﻣﻌﺘﻲ .
ﺳﻠﻤﻰ .. ﻫﻬﻬﻬﻪ ﻭﺍﻟﻠﻪ ﺍﺫﺍ ﻣﺎ ﺧﺒﻠﺞ ﻫﺬﺍ ﺍﺳﻴﺪ ﺍﻓﻨﺪﻱ ﻋﺎﺗﺒﻴﻨﻲ .. ﻋﻠﻰ ﻳﻮﻡ ﺍﺟﻲ ﺍﻟﻜﻲ ﻣﺨﻠﻴﺞ ﺑﻘﻔﺺ ﺣﺎﻟﺞ ﺣﺎﻝ ﺍﻟﻘﺮﺩ .
ﺩﺍﻟﻴﺎ .. ﺳﻠﻤﻯﻯﻯﻯﻯﻯﻯﻰ ﻭﻟﻲ ﻣﻦ ﻭﺟﻬﻲ ﻳﺎ ﻗﺮﺩﻩ ﻣﻮ ﺻﻮﺟﺞ ﺻﻮﺟﻲ ﺍﻧﻲ ﺍﻟﻲ ﺍﺣﺠﻴﻠﻴﺞ .
ﺭﺍﺣﺖ ﺳﻠﻤﻰ ﻭﺍﻧﻲ ﺳﺎﻋﺪﺕ ﺍﻡ ﺳﻌﺪ ﻧﻈﻔﻨﻪ ﺍﻟﻬﻮﺳﻪ ﻭ ﺫﺑﻴﺖ ﺭﻭﺣﻲ ﻣﻴﺘﻪ .. ﺗﻌﺒﺖ ﻣﻦ ﺍﻟﻀﺤﻚ ﻭﺍﻟﺴﻮﺍﻟﻒ ﻭ ﻭﻳﺎﻧﺎ ﺍﻡ ﺳﻌﺪ ﺧﺮﺑﺘﻨﺎ ﻣﻦ ﺍﻟﻀﺤﻚ ﺳﻮﺍﻟﻔﻬﺎ ﺗﻮﻧﺲ !
ﻛﻌﺪﺕ ﺍﻟﺼﺒﺢ ﺍﻟﻮﻗﺖ ﻣﺘﺄﺧﺮ ﺻﺎﻳﺮﻩ ﺍﻟﻈﻬﺮ .. ﺯﻳﻦ ﺍﻡ ﺳﻌﺪ ﻟﻮﻳﺶ ﻣﻜﻌﺪﺗﻨﻲ؟ !!
ﻧﺰﻟﺖ ﺑﺴﺮﻋﻪ ﻛﻨﺖ ﻻﺑﺴﻪ ﺷﻮﺭﺕ ﻗﺼﻴﺮ ﺳﺘﻦ ﻭﻓﻮﻛﺎ ﺳﺘﺮﺍﺑﻠﺲ ﻣﺎﻟﺘﻪ ﻟﻮﻧﻬﻢ ﺧﻤﺮﻱ ﺍﺷﺘﺮﺗﻬﻢ ﺍﻟﻲ ﺍﻡ ﺳﻌﺪ ﺧﻄﻴﻪ ﻣﻮ ﺗﺒﺎﺕ ﻳﻤﻲ ﺷﺎﻓﺘﻨﻲ ﻣﺎ ﻋﻨﺪﻱ ﻣﻼﺑﺲ ﻧﻮﻡ .. ﺳﺄﻟﺘﻨﻲ ﻛﻠﺘﻠﻬﺎ ﻣﻠﺤﻜﻨﺎ ﻧﺘﺴﻮﻙ ﻋﺮﺳﻨﺎ ﺻﺎﺭ ﺑﺴﺮﻋﻪ ﻭﺷﻔﺘﻲ ﺭﺍﺡ ﻟﻠﺪﻭﺍﻡ !
ﺛﺎﻧﻲ ﻳﻮﻡ ﺟﺎﺑﺘﻠﻲ ﻣﻼﺑﺲ ﻧﻮﻡ ﻭﻣﻼﺑﺲ ﻟﻠﺒﻴﺖ ﻛﻮﻣﻪ ﺧﻄﻴﻪ ﻭﻛﺎﻟﺖ ﺍﻧﻲ ﺍﺧﺬ ﻓﻠﻮﺳﻬﻢ ﻣﻦ ﺍﻟﺪﻛﺘﻮﺭ .
ﻓـ ﻛﻨﺖ ﻻﺑﺴﻪ ﻫﺬﺍ ﺍﻟﻄﻘﻢ ﻣﻦ ﻧﺰﻟﺖ ﺑﺴﺮﻋﻪ ﻧﺴﻴﺖ ﺍﻟﺒﺲ ﺍﻟﺮﻭﺏ ﻣﺎﻟﺘﻬﻢ ﻻﻥ ﺭﺍﻳﺢ ﺍﻟﻮﮔﺖ ﻋﻠﻴﻪ ﺑﺎﻟﻨﻮﻡ ﻭﺍﻧﻲ ﻣﺘﻄﻤﻨﻪ ﻣﺤﺪ ﺑﺎﻟﺒﻴﺖ ﺑﺲ ﺍﻧﻲ ﻭﺍﻡ ﺳﻌﺪ !!
ﻭﺍﻧﻲ ﺩﺍﺍﻧﺰﻝ ﺳﻤﻌﺖ ﺻﻮﺕ ﺑﺎﻟﻤﻄﺒﺦ ﻉ ﺑﺎﻟﻲ ﺍﻡ ﺳﻌﺪ .. ﺭﺣﺖ ﺑﺨﻄﻮﺍﺕ ﺑﻄﻴﺌﻪ ﺩﺍﺍﺗﺜﺎﻭﺏ ﻭﻣﺨﻠﻴﻪ ﺍﺩﻳﻪ ﻋﻠﻰ ﺣﻠﻜﻲ ﻭﻋﻴﻮﻧﻲ ﻣﻐﻤﻀﺘﻬﻢ .. ﻛﻠﺖ ﺻﺒﺎﺡ ﺍﻟﺨﻴﺮ !!...
ﻓﺘﺤﺖ ﻋﻴﻮﻧﻲ ﻭﺟﺎﻥ ﺍﺷﻮﻓﻪ ﻭﺍﻛﻒ ﻛﺪﺍﻣﻲ !!!!!!!!!!!!
ﺫﺭﺓ ﺩﻡ ﻣﺒﻘﺖ ﺑﻴﻪ ﺟﻤﺪﺕ ﺑﻤﻜﺎﻧﻲ .. ﻻ ﺍﺭﺟﻊ ﻟﻴﻮﺭﺍ ﻭﻻ ﺍﻣﺸﻲ ﻟﻴﻜﺪﺍﻡ ﺭﺟﻠﻴﻪ ﻳﺒﺴﺖ !
ﻣﺎﺍﺳﻤﻊ ﻏﻴﺮ ﺑﺲ ﺻﻮﺕ ﺩﻛﺎﺕ ﮔﻠﺒﻲ .. ﺑﻘﻴﺖ ﺻﺎﻓﻨﻪ ﺑﻮﺟﻬﻪ ﻭﻫﻮ ﻳﺒﺎﻭﻋﻠﻲ ﻭﻋﻼﻣﺎﺕ ﺍﻻﺳﺘﻐﺮﺍﺏ ﻣﺮﺳﻮﻣﻪ ﻋﻠﻰ ﻭﺟﻬﻪ !!
ﺍﺳﻴﺪ .. ﻧﺰﻟﺘﻠﻲ ﻻﺑﺴﻪ ﺷﻮﺭﺕ ﻭﺍﻧﻲ ﺻﺎﺭﻟﻲ ﻧﺺ ﺷﻬﺮ ﺩﻳﻦ ﻣﺒﺎﻗﻲ ﺑﺮﺍﺳﻲ ﺑﺲ ﺍﻓﻜﺮ ﺑﻴﻬﺎ ﺑﻨﺖ ﺍﻟﻠﺬﻳﻦ !
ﻫﻨﺎ ﻛﻞ ﺩﻓﺎﻋﺎﺗﻲ ﺍﻧﻬﺪﻣﺖ .. ﺑﻼ ﺍﻱ ﺗﻔﻜﻴﺮ ﻣﺸﻴﺖ ﺑﺘﺠﺎﻫﺎ ... ﻭﻛﻔﺖ ﻛﺪﺍﻣﻬﺎ ﻫﻲ ﺭﺟﻌﺖ ﻟﻴﻮﺭﺍ ﻭﻇﻬﺮﻫﺎ ﺻﺎﺭ ﻉ ﺍﻟﺤﺎﻳﻂ ﺑﻌﺪ ﻣﺘﻜﺪﺭ ﺗﺘﺤﺮﻙ !
ﺍﺗﻘﺮﺑﺖ ﻣﻨﻬﺎ ﺣﻴﻞ ﺑﺤﻴﺚ ﻣﻴﻔﺼﻠﻨﻬﺎ ﻏﻴﺮ ﻛﻢ ﺍﻧﺶ .. ﺑﻼ ﺍﻱ ﻣﻘﺪﻣﺎﺕ ﻃﺒﻌﺖ ﺑﻮﺳﻪ ﻋﻠﻰ ﺷﻔﺎﻳﻔﻬﺎ
....
لحكايه بقية
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء