رواية في أرض الغرام انت دولتي ج1 الجزء الحادي عشر
للكاتبة الأميرة الموسوية
...
ﺍﺳﻴﺪ .. ﺩﺍﺍﺣﺠﻲ ﻭﻳﺎﻫﺎ .. ﻭﺟﺎﻥ ﺗﺒﺠﻲ !!
ﺑﻘﺖ ﺻﺎﻓﻨﻪ ﺑﻮﺟﻬﻲ ﺑﻨﻈﺮﻩ ﻏﺮﻳﺒﻪ ﺍﺣﺲ ﻋﻴﻮﻧﻬﺎ ﺑﻴﻬﺎ ﺳﺆﺍﻝ ﺩﻳﺪﻭﺭ ﺟﻮﺍﺏ ﺑﻌﻴﻮﻧﻲ ، ﻣﻼﻣﺤﻬﺎ ﺟﺎﻣﺪﻩ ﻭﺩﻣﻮﻋﻬﺎ ﺗﺠﺮﻱ ﻉ ﺧﺪﻫﺎ ﺑﻐﺰﺍﺭﻩ !!
ﺑﻘﻴﺖ ﺍﺑﺎﻭﻉ ﺑﻮﺟﻬﺎ ﺭﻏﻢ ﺍﻧﻲ ﻛﻞ ﻳﻮﻡ ﺍﺷﻮﻓﻬﺎ ﻫﻨﺎ ﻭﺷﺎﻳﻔﻬﺎ ﻣﻦ ﻗﺒﻞ ﻫﻮﺍﻱ ﻭﻋﻦ ﻗﺮﺏ ﻫﻢ .. ﺑﺲ ﻫﺬﻱ ﺍﻭﻝ ﻣﺮﻩ ﺍﺭﻛﺰ ﺑﺸﻜﻠﻬﺎ ﻟﻬﺪﺭﺟﻪ .. ﺑﺤﻴﺚ ﺣﺴﻴﺖ ﻧﻔﺴﻲ ﺍﻭﻝ ﻣﺮﻩ ﺍﺷﻮﻓﻬﺎ !!
ﺍﻭﻝ ﻣﺮﻩ ﺍﻧﺘﺒﻪ ﻟﻮ ﻋﻴﻮﻧﻬﺎ ﺍﺻﻔﺮ ﻭﺑﻴﻬﻢ ﺧﻂ ﺍﺧﻀﺮ ، ﻟﻮﻧﻴﻦ ﻳﺼﻔﻨﻮﻥ !!
ﺗﻔﺎﺻﻴﻠﻬﺎ ﺍﻟﻨﺎﻋﻤﻪ ﺧﻠﺖ ﻋﻴﻮﻧﻲ ﺗﺴﺮﺡ ﺑﻐﻴﺮ ﻋﺎﻟﻢ .. ﺷﻔﺎﻳﻔﻬﺎ ﺍﻟﻤﻠﻴﺎﻧﻪ ﺩﻭﺧﺘﻨﻲ .. ﺍﻧﺴﻄﺮﺕ ﻣﺎﺍﻋﺮﻑ ﺍﺷﺼﺎﺭﻟﻲ !!
ﻭﮔﻠﺒﻲ .. ﮔﻠﺒﻲ ﺍﻟﻐﺒﻲ ﺭﺟﻊ ﻳﺮﺟﻒ ﺑﻘﻮﻩ !
ﺑﻬﺬﻱ ﺍﻟﻠﺤﻈﻪ ﺍﺟﺖ ﺍﺑﺎﻟﻲ ﺍﻓﻜﺎﺭ ﺛﺎﻧﻴﻪ .. ﺧﻠﺘﻨﻲ ﺍﻛﺮﻩ ﻧﻔﺴﻲ ﻟﺪﺭﺟﻪ ﺻﺎﺭ ﻋﻨﺪﻱ ﺷﻌﻮﺭ ﺑﺎﻟﻐﺜﻴﺎﻥ
ﺷﻔﺘﻬﺎ ﺍﺷﻠﻮﻥ ﻣﺴﺘﺴﻠﻤﻪ ﺑﻴﻦ ﺍﺩﻳﻪ ﻭﺭﺍﻳﺤﻪ ﺑﻐﻴﺮ ﻋﺎﻟﻢ .. ﻭﻫﺬﺍ ﺍﻟﺸﻲ ﻗﺮﻓﻨﻲ ﻣﻨﻬﺎ ﺍﻛﺜﺮ !
ﺷﻲ ﺑﻌﻘﻠﻲ ﻳﺼﺮﺥ .. ﻛﻠﻬﻦ ﻧﻔﺲ ﺍﻟﺸﻲ .. ﻛﻠﻬﻦ ﺭﺧﻴﺼﺎﺕ ... ﻛﻠﻬﻦ !!
ﻫﻨﺎ ﺗﻐﻴﺮ ﻛﻠﺸﻲ ﻭﻗﺮﺭﺕ ﺍﺣﺮﻙ ﺭﻭﺣﻬﺎ ﻭﺍﺫﻟﻬﺎ ﻣﺜﻞ ﻣﺎ ﺩﺍﺧﻠﻲ ﺩﻳﺤﺘﺮﻙ ﺑﺴﺒﺒﻬﻦ ، ﻳﻤﻜﻦ ﻫﻲ ﻣﺎ ﺍﻟﻬﺎ ﺫﻧﺐ .. ﺑﺲ ﺫﻧﺒﻬﺎ ﺍﻧﻮ ﻫﻲ ﻣﺜﻞ !...
ﻓﻜﺮﺓ ﺍﻧﻮ ﺑﺴﻬﻮﻟﻪ ﻛﺪﺭﺕ ﺍﺧﻠﻴﻬﺎ ﺗﺨﻀﻊ ﺍﻟﻲ ﺧﻠﺘﻨﻲ ﺍﻧﻈﺮ ﺍﻟﻬﺎ ﺑـ ﺍﺳﺘﺤﻘﺎﺭ .. ﺑﻜﻞ ﻣﻜﺮ ﺭﻓﻌﺖ ﺍﻳﺪﻱ ﻭﻣﺴﺤﺖ ﺍﻟﺪﻣﻌﻪ ﺍﻟﻲ ﻧﺰﻟﺖ ﻉ ﺷﻔﺘﻬﺎ "....
ﺍﻭﻝ ﻣﺨﻠﻴﺖ ﺍﻳﺪﻱ ﻉ ﻭﺟﻬﺎ ﺣﺴﻴﺖ ﺟﺴﻤﻬﺎ ﻛﻠﻪ ﺍﺗﺸﻨﺞ .. ﺣﺘﻰ ﺭﺟﻔﺘﻬﺎ ﺍﺧﺘﻔﺖ .. ﺻﺢ ﺍﻧﻲ ﺍﻧﺴﺤﺮﺕ ﺑﻴﻬﺎ ﻭﺭﺣﺖ ﻟﻐﻴﺮ ﻋﺎﻟﻢ ، ﺑﺲ ﻣﻦ ﺧﻠﻴﺖ ﺍﻳﺪﻱ ﻋﻠﻴﻬﺎ ﻣﻮ ﺣﺒﺎً ﻭﻟﻜﻦ ﻟﻐﺎﻳﻪ ﺛﺎﻧﻴﻪ !
ﺧﻠﻴﺖ ﺍﻳﺪﻱ ﻋﻠﻴﻬﺎ ﻭﻣﺎﻛﻮ ﺍﻱ ﺭﺩ ﻓﻌﻞ ﻻ ﺭﻓﻀﺖ ﻭﻻ ﺍﻋﺘﺮﺿﺖ ﻉ ﺍﻟﻲ ﺳﻮﻳﺘﻪ !!
ﻫﻪ ﺣﻠﻮﻭ ﺍﻟﻈﺎﻫﺮ ﺍﻟﺨﺎﻧﻢ ﻣﺘﻌﻮﺩﻩ ﻉ ﻫﻴﺞ ﺷﻲ .. ﻣﻴﺰﻋﺠﻬﺎ ﻟﻤﺴﺎﺕ ﺍﻻﺧﺮﻳﻦ !
ﻭ ﻗﺮﺭﺕ ﺍﻧﻔﺬ ﺍﻟﻤﺮﺣﻠﻪ ﺍﻟﺜﺎﻧﻴﻪ ﻣﻦ ﺧﻄﺘﻲ !
ﺍﻳﺪﻱ ﻉ ﻭﺟﻬﺎ ، ﻋﻴﻮﻧﻲ ﻉ ﺷﻔﺎﻳﻔﻬﺎ .. ﻭﺑﺪﻳﺖ ﺍﻗﺮﺑﻬﺎ ﻣﻨﻲ .... ﻣﺎﻛﻮ ﺍﻱ ﺭﺩ ﻓﻌﻞ ﻣﻨﻬﺎ .. ﺭﻏﻢ ﻛﻨﺖ ﺩﺍﻟﻠﻌﺐ ﺑﻴﻬﺎ ﻣﻮ ﺍﻛﺜﺮ ﻭﻗﺮﻓﺎﻥ ﻣﻨﻬﺎ ﻣﻮ ﺍﻧﺠﺬﺍﺏ ، ﺑﺲ ﻛﻠﺒﻲ ﺑﻘﻰ ﻳﺮﺟﻒ ﺍﻗﻮﻯ ﻛﻠﻤﺎ ﺍﺗﻘﺮﺏ ﻣﻨﻬﺎ ﺍﻛﺜﺮ .. ﻣﺘﺮﺍﺟﻌﺖ ﻛﻤﻠﺖ ﻟﻌﺒﺘﻲ ﺍﻟﻰ ﺍﻥ ﻭﺻﻠﺖ ﻳﻢ ﺷﻔﺘﻬﺎ ﻭﺭﺩﺕ ﺍﺑﻮﺳﻬﺎ ....... ﻫﻨﺎ !.......
ﺩﺍﻟﻴﺎ .. ﺧﻼ ﺍﻳﺪﻩ ﻉ ﺧﺪﻱ ﻭﺑﻌﺪﻳﻦ ﻧﺰﻟﻬﺎ ﻉ ﺷﻔﺘﻲ ... ﺍﺣﺲ ﺍﻟﻤﻜﺎﻥ ﺍﻟﻲ ﺧﻼ ﺍﻳﺪﻩ ﻋﻠﻴﻪ ﺻﺎﺭ ﻧﺎﺭ ﻭﻣﺸﺘﻌﻠﻪ !
ﻛﻞ ﺫﺭﻩ ﺑﺠﺴﻤﻲ ﺍﺣﺴﻬﺎ ﺩﺗﺤﺘﺮﻙ ﻣﺎﺍﻋﺮﻑ ﻟﻮﻳﺶ ، ﺷﺪﻳﺼﻴﺮ ! ؟
ﻣﺤﺴﻴﺖ ﺑﺄﻱ ﺷﻲ ﺛﺎﻧﻲ .. ﻻ ﺍﻟﻤﻜﺎﻥ ﺍﻟﻲ ﺍﺣﻨﺎ ﺑﻲ ، ﻻ ﻣﻤﻜﻦ ﻳﺪﺧﻞ ﺍﺣﺪ ﻭﻳﺸﻮﻓﻨﻬﺎ ﺑﻬﺎﻟﻮﺿﻊ ، ﻻ ﻗﺮﺑﻪ ﻣﻨﻲ ﺍﻟﻔﻀﻴﻊ !!
ﻣﺤﺴﻴﺖ ﻏﻴﺮ ﺑﻠﻤﺴﺎﺗﻪ ﻭﻧﻈﺮﺓ ﻋﻴﻮﻧﻪ ﺍﻟﻲ ﺩﺗﻔﺘﺮﺱ ﻭﺟﻬﻲ ، ﺟﺴﻤﻲ ﺧﺎﻧﻲ ﻣﻦ ﺍﻭﻝ ﻟﻤﺴﻪ ﺍﺳﺘﺴﻠﻢ ﻟﻪ !
ﺻﺮﺕ ﻣﺜﻞ ﺍﻟﻄﻴﻨﻪ ﺍﻟﻲ ﻳﺸﻜﻠﻬﺎ ﻣﺜﻞ ﻣﻴﺮﻳﺪ ، ﻳﺘﺤﻜﻢ ﺑﻴﻬﺎ ﺑﻜﻞ ﺳﻬﻮﻟﻪ .. ﺣﺴﺐ ﺭﻏﺒﺘﻪ ﻭﺑﺄﺭﺍﺩﺗﻲ !
ﺑﻘﻴﺖ ﺻﺎﻓﻨﻪ ﺑﻌﻴﻮﻧﻪ ﺍﻟﻲ ﺍﺧﺬﺗﻨﻲ ﻟﻐﻴﺮ ﻋﺎﻟﻢ .. ﺑﺲ ﻟﻤﺎ ﺣﺴﺖ ﺑﻲ ﺩﻳﺮﻳﺪ ﻳﺒﻮﺳﻨﻲ !!!!!!!
ﻫﻨﺎ ﺟﺴﻤﻲ ﻛﻮﻟﻪ ﺍﻧﺘﻔﺾ ، ﺍﺣﺴﺎﺱ ﻏﺮﻳﺐ ﺧﻼﻧﻲ ﺍﻛﺮﻩ ﻗﺮﺑﻪ ﻣﻨﻲ ... ﻣﺎﺍﻋﺮﻑ ﻟﻮﻳﺶ ﺣﺴﺖ ﻫﺸﻜﻞ !!
ﻓﺠﺄﻩ ﻭﻛﺎﻟﻌﺎﺩﻩ ﺩﻓﻌﺘﻪ ﻋﻨﻲ ﻭﺭﻓﻌﺖ ﺍﻳﺪﻱ ﺑﺪﻭﻥ ﺷﻌﻮﺭ ﺭﺩﺕ ﺍﺿﺮﺑﻪ ﺭﺍﺷﺪﻱ ( ﻛﻒ !!!(
ﻗﺒﻞ ﻟﺘﻮﺻﻞ ﺍﻳﺪﻱ ﻟﺨﺪﻩ ﻟﺰﻣﻬﺎ ﺑﻘﻮﻩ ﻭﻋﺼﺮﻫﺎ ... ﺍﺣﺲ ﺭﻭﺣﻲ ﺩﺗﻨﻌﺼﺮ ﻣﻦ ﺍﻻﻟﻢ !!
ﺍﻳﺪﻱ ﺍﻟﻲ ﺍﺣﺘﺮﻛﺖ ﻗﺒﻞ ﻛﻢ ﺩﻗﻴﻘﻪ ﻛﺎﻧﺖ ﺑﻴﻦ ﺍﻳﺪﻩ ﺩﻳﻬﺸﻢ ﻛﻞ ﻋﻀﻢ ﺑﻴﻬﺎ !..
ﺑﻼ ﺷﻌﻮﺭ ﻣﻨﻲ ﺻﺤﺖ ﺍﺁﺁﺁﻩ !..
ﺍﺗﻮﻗﻌﺖ ﻳﺘﺮﻙ ﺍﻳﺪﻱ ﻟﻤﺎ ﻳﺸﻮﻓﻨﻲ ﺍﺷﻮﻥ ﺩﺍ ﺃﺗﻮﺟﻊ ﺑﺤﻴﺚ ﻋﻴﻮﻧﻲ ﺩﻣﻌﺖ ﻣﻦ ﻛﺪ ﺍﻻﻟﻢ !
ﺭﻏﻢ ﻫﺬﻱ ﺣﺎﻟﺘﻲ ﺑﻘﻰ ﻻﺯﻣﻨﻲ ﻭﻳﻀﻐﻂ ﻉ ﺍﻳﺪﻱ ﺑﻘﻮﻩ
...
ﺍﺳﻴﺪ .. ﻟﻤﺎ ﺩﻓﻌﺘﻨﻲ ﻛﺎﻥ ﺍﻟﻤﻔﺮﻭﺽ ﺍﻧﺰﻋﺞ ﻭﺍﻛﺮﻫﺎ ﺍﻛﺜﺮ .. ﺑﺲ ﻣﺎﺍﺩﺭﻱ ﻟﻴﺶ ﺩﻛﺎﺕ ﻛﻠﺒﻲ ﺑﺪﺕ ﺗﻨﺘﻈﻢ !
ﺣﺴﻴﺖ ﺷﻲ ﺑﺪﺍﺧﻠﻲ ﻛﺎﻥ ﺩﻳﻨﺎﺯﻉ ﺩﻳﺼﺎﺭﻉ ﺑﺲ ﻟﻤﺎ ﺑﻌﺪﺗﻨﻲ ﻋﻨﻬﺎ ﻫﺪﺃ !!..
ﺍﻧﺼﺪﻣﺖ ﺑﻴﻬﺎ ﺍﺷﻠﻮﻥ ﻗﺒﻞ ﻛﻢ ﺛﺎﻧﻴﻪ ﻛﺎﻧﺖ ﻣﺴﺘﺴﻠﻤﻪ ﻛﻠﻴﺎً ﺍﻟﻲ ﺣﺘﻰ ﻣﺘﺮﻣﺶ !
ﻭﺑﻠﺤﻈﻪ ﻳﺘﻐﻴﺮ ﻛﻞ ﻭﺿﻌﻬﺎ ﻭ ﻻ ﻉ ﺑﺎﻟﻚ ﻧﻔﺲ ﺍﻟﻤﺨﻠﻮﻗﻪ !!
ﺿﺤﻜﻪ ﺑﻨﺺ ﮔﻠﺒﻲ ﺍﺣﺴﻬﺎ ﺗﺮﻳﺪ ﺗﻨﻔﺠﺮ ﻏﺼﺐ ﻋﻨﻲ ﻣﻦ ﺷﻔﺘﻬﺎ ﺍﺷﻮﻥ ﺭﻓﻌﺖ ﺍﻳﺪﻫﺎ ﻭﺗﺮﻳﺪ ﺗﻀﺮﺑﻨﻲ، ( ﺍﺗﺨﻴﻠﻮ ﺍﻧﺘﻮ ﻗﺰﻣﻪ ﻭﻣﻌﺼﺒﻪ ) ؟ !
ﻣﻦ ﻛﻞ ﻋﻘﻠﻬﺎ ﻫﺎﻱ ﺑﺮﺍﺷﺪﻱ ﻭﺍﺣﺪ ﻫﺴﻪ ﺍﺧﻠﻴﻬﺎ ﺗﻔﻘﺪ ﺫﺍﻛﺮﺗﻬﺎ ﻭﺗﺮﻳﺪ ﺗﻀﺮﺑﻨﻲ؟ !
ﻫﻬﻬﻪ ﺯﻳﻦ ﻟﻴﺶ ﻫﺎﻟﻌﺼﺒﻴﻪ ﺍﻟﻤﻔﺎﺟﺄﻩ ﻣﻮ ﻫﻲ ﺍﻟﻲ ﺫﺍﺑﺖ ﺑﻴﻦ ﻟﻤﺴﺎﺗﻲ ، ﻣﻮ ﻫﻲ ﺍﻟﻲ ﺻﻔﻨﺖ ﺑﻮﺟﻬﻲ ، ﻫﺴﻪ ﻣﻌﺼﺒﻪ ﻣﻨﻲ ﻟﻴﺶ؟ !
ﺑﻘﻴﺖ ﻣﻼﻣﺤﻲ ﺟﺎﻣﺪﻩ ﻭﺑﺼﻮﺕ ﺣﺎﺩ ﺟﺪﺍً ﻛﻠﺘﻠﻬﺎ ..
_ ﺍﻟﻈﺎﻫﺮ ﻧﺴﻴﺘﻲ ﻧﻔﺴﺞ ﺍﻧﺘﻲ !!
ﺩﺍﻟﻴﺎ .. ﺍﻧﻲ ﺍﻟﻲ ﻧﺴﻴﺖ ﻧﻔﺴﻚ ﻟﻮ ﺍﻧﺖ .. ﺍﺷﻮﻥ ﺗﺘﺠﺮﺃ ﻭﺗﻠﻤﺴﻨﻲ ؟ !!
ﺍﺳﻴﺪ .. ﺍﺗﺠﺮﺃ ﻭﺃﻟﻤﺴﺞ؟ !!
ﻫﻪ ﻗﺒﻞ ﺩﻗﻴﻘﻪ ﻣﺎ ﻛﺎﻥ ﻫﺬﺍ ﺷﻌﻮﺭﺝ ﻟﻤﺎ ﺍﺳﺘﺴﻠﻤﺘﻲ ﺍﻟﻠﻤﺴﺎﺗﻲ !!
ﺍﻟﻈﺎﻫﺮ ﻋﺠﺒﺞ ﺍﻟﺸﻌﻮﺭ !!
ﺩﺍﻟﻴﺎ .. ﺑﻐﻀﺐ ﺭﺍﺩﺕ ﺗﻨﻔﺠﺮ ﺑﻲ ، ﺍﻧﺖ ﻭﺍﺣﺪ ﺣﻘــ ...
ﻗﺎﻃﻌﻬﻢ ﺩﺧﻮﻝ ﺍﻟﺤﺠﻴﻪ ﻭ ﺳﺎﺭﻩ .. ﺩﺍﻟﻴﺎ ﻛﺘﻤﺖ ﻏﻀﺒﻬﺎ ﻭﺳﻜﺘﺖ ﻣﻜﺪﺭﺕ ﺗﺤﺠﻲ ﺷﻲ !
ﺍﻟﺤﺠﻴﻪ .. ﻫﺎ ﺑﻨﺘﻲ ﺑﺸﺮﻱ ﺍﺷﻠﻮﻥ ﺻﺎﺭﺕ ﺍﻳﺪﺝ ﺑﻌﺪﻫﺎ ﺗﻮﺟﻌﺞ ﺍﺧﻠﻴﻬﻢ ﻳﺎﺧﺬﻭﺝ ﻟﻠﻤﺴﺘﺸﻔﻰ ؟ !
ﺍﺳﻴﺪ .. ﻣﻴﺤﺘﺎﺝ ﻣﺴﺘﺸﻔﻰ ﺧﻠﻴﺘﻴﻠﻬﺎ ﻣﺮﻫﻢ ﻭﻫﺬﻱ ﺣﺒﺎﻳﻪ ﻣﺴﻜﻦ ﺍﻵﺍﻡ ﺗﺸﺮﺑﻬﺎ ﻭﻟﻠﻌﺼﺮ ﺗﺼﻴﺮ ﺯﻳﻨﻪ .
ﺍﻟﺤﺠﻴﻪ .. ﻫﺎﺍ ﻳﻤﻪ ﺍﺳﻴﺪ ﻟﻴﺶ ﻣﺘﺎﺧﺬﻫﺎ ﻟﻠﻤﺴﺘﺸﻔﻰ ﺍﻳﺪﻫﺎ ﻣﺴﺘﻮﻳﻪ ﺍﻟﺒﻨﻴﻪ ﺍﺧﺎﻑ ﻣﻮ ﺯﻳﻦ ﺍﻧﻠﻔﻬﺎ .
ﺭﺍﺩ ﻳﺤﺠﻲ ﺍﺳﻴﺪ .. ﺑﺲ ﺍﻟﺤﻴﻪ ﺍﻟﺼﻔﺮﺍﺀ ﺳﺒﻘﺘﻪ ..
ﺳﺎﺭﻩ .. ﺑﻨﺒﺮﺓ ﺧﺒﺚ ﻭﺍﻟﻌﻠﺞ ﺑﺤﻠﻜﻬﺎ .. ﻫﺎﻱ ﺍﺷﺒﻴﺞ ﺧﺎﻟﻪ ﺷﺪﻋﻮﻩ ﺳﻮﻳﺘﻴﻬﺎ ﻗﺼﻪ ﺗﺮﻯ ﻫﻲ ﻛﻮﻟﻬﺎ ﻛﺎﺳﻪ ﺗﺸﺮﻳﺐ ﻣﻮ ﻓﺪ ﻋﻈﻤﻪ ، ﻭﺑﻌﺪﻳﻦ ﻫﺬﺍ ﺍﺳﻴﺪ ﺩﻛﺘﻮﺭ ﻭﺩﻳﻜﻮﻟﺞ ﻣﺒﻴﻬﺎ ﺷﻲ ﻗﺎﺑﻞ ﻣﻴﻔﺘﻬﻢ !!
ﺍﻟﺤﺠﻴﻪ .. ﻻ ﻳﻤﻪ ﻣﻮ ﻣﻴﻔﺘﻬﻢ ﺑﺲ ﺍﻟﻜﺎﺳﻪ ﺣﺎﺭﻩ ﻭﺍﻟﻤﻜﺮﻭﺩﻩ ﺍﻳﺪﻫﺎ ﺍﻧﺼﻠﺨﺖ ، ﻛﻠﺖ ﺍﺧﺎﻑ ﺗﻠﺘﻬﺐ ﺍﻳﺪﻫﺎ ..
ﻗﺒﻞ ﻟﺘﺤﺠﻲ ﺳﺎﺭﻩ ﺩﺍﻟﻴﺎ ﻛﺎﻣﺖ ..
ﺩﺍﻟﻴﺎ .. ﻟﺘﺨﺎﻓﻴﻦ ﺣﺠﻴﻪ ﻣﺒﻴﻬﺎ ﺷﻲ ﺍﻳﺪﻱ ﻭﺷﻜﺮﺍً ﺩﻛﺘﻮﺭ .. ﺣﺮﻭﺡ ﺍﻧﻲ ﻣﻦ ﺭﺧﺼﺘﻜﻢ .
ﺭﺍﺣﺖ ﺩﺍﻟﻴﺎ .. ﺑﺲ ﺍﺳﻴﺪ ﺻﺎﺡ ﻭﺭﺍﻫﺎ ﺑﺼﻮﺕ ﺣﺎﺩ ..
ﺍﺳﻴﺪ .. ﺍﻧﺘﻈﺮﻱ ... ﻫﺬﻱ ﺍﻟﺤﺒﺎﻳﻪ ﻣﺴﻜﻦ ﺍﺧﺬﻳﻬﺎ ﺑﻌﺪ ﻣﺘﺘﻐﺪﻳﻦ .
ﺩﺍﻟﻴﺎ .. ﺍﻧﺪﺍﺭﻳﺖ ﺑﺨﻄﻮﺍﺕ ﻫﺎﺩﺋﻪ ﻭ ﺭﺣﺖ ﺩﺍﺍﺧﺬ ﺍﻟﺤﺒﻮﺏ ﻣﻦ ﺍﻳﺪﻩ .. ﺍﻭﻝ ﻣﺎ ﻭﺻﻠﺖ ﻳﻤﻪ ﺷﻤﺮ ﺍﻟﺸﺮﻳﻂ ﻉ ﺍﻟﻤﻴﺰ !!
ﺍﺣﻘﺮ ﻣﻦ ﻫﻴﺞ ﻣﺎﻛﻮﻭﻭ ﺷﻤﺮ ﺍﻟﺸﺮﻳﻂ ﺣﺘﻰ ﻳﺬﻟﻨﻲ ﻭﻛﺪﺍﻡ ﻫﺎﻱ ﺍﻟﺤﻴﻪ !!
ﺍﺣﺲ ﺩﻭﺧﻪ ﺻﺎﺭﺕ ﺑﺮﺍﺳﻲ ﻣﻦ ﺍﻟﻔﺸﻠﻪ ﻭﺟﺴﻤﻲ ﻛﺎﻡ ﻳﺮﺟﻒ ﻣﻦ ﺍﻟﻐﻀﺐ ﺑﺲ ﻣﺤﺠﻴﺖ ﺷﻲ ﻻﻥ ﺍﻟﺤﺠﻴﻪ ﻭﺍﻛﻔﻪ ﻭﻋﻴﺐ ﻣﻨﻬﺎ ﻭﺍﻻ ﻛﺎﻥ ﺷﻠﺖ ﺍﻟﺸﺮﻳﻂ ﻭﺷﻤﺮﺗﻪ ﺑﻮﺟﻬﻪ ﺍﻟﻜﻠﺐ ﻫﺬﺍ ﻭﺍﺧﻠﻲ ﺍﻟﺤﻴﻪ ﺍﻟﺼﻔﺮﻩ ﺗﺘﻔﺮﺝ ﻋﻠﻴﻪ ﻭﺍﻟﻲ ﻳﺼﻴﺮ ﺧﻠﻲ ﻳﺼﺮ .
ﺑﺲ ﺍﻟﺤﺠﻴﻪ ﻭﻛﻔﺖ ﺑﻌﻴﻨﻲ ﻣﺮﺩﺕ ﺍﺣﺮﺟﻬﺎ ﻭﻫﻲ ﻣﺤﺘﺮﻣﺘﻨﻲ .. ﺑﺄﻳﺪ ﺗﺮﺟﻒ ﻏﻀﺐ ﻭﻗﻬﺮ ﺷﻠﺖ ﺍﻟﺤﺒﻮﺏ ﻭﻃﻠﻌﺖ ﻣﻦ ﺍﻟﻐﺮﻓﻪ ﺑﺴﺮﻋﻪ .. ﺑﺲ ﻧﻈﺮﺍﺕ ﺍﻻﻓﻌﻰ ﺍﻟﺴﺎﻣﻪ ﺍﺣﺴﻬﺎ ﺗﺮﻳﺪ ﺗﺎﻛﻠﻨﻲ ﻭﺍﻻﺑﺘﺴﺎﻣﻪ ﺗﺎﺭﺳﻪ ﻭﺟﻬﺎ ﺍﻟﻤﺴﻤﻮﻡ ﺗﺮﺱ
....
ﻃﻠﻌﺖ ﺑﺴﺮﻋﻪ ﻛﻤﺖ ﻣﺎﺍﺷﻮﻑ ﺷﻲ ﻛﺪﺍﻣﻲ ﺑﻮﺟﻬﻲ ﻟﻐﺮﻓﺘﻲ ﺩﻣﻮﻋﻲ ﻛﺎﻣﺖ ﺗﺼﺐ ﺍﺷﻠﻮﻥ ﺫﻟﻨﻲ ﻛﺪﺍﻡ ﻫﺎﻱ ﺍﻟﺤﺸﺮﻩ !
ﺩﺧﻠﺖ ﻏﺮﻓﺘﻲ ﺳﺪﻳﺖ ﺍﻟﺒﺎﺏ ﻭﺍﺭﺗﻜﻴﺖ ﻋﻠﻴﻪ .. ﻣﺴﺤﺖ ﺍﺩﻣﻮﻋﻲ ﺑﺲ ﻋﻴﻨﻲ ﺗﺼﺐ ﻣﺴﻜﺘﺖ !
ﺑﻌﺪ ﻧﻮﺑﻪ ﺑﻜﺎﺀ ﻃﻮﻳﻠﻪ ﻋﻠﻰ ﺣﻈﻲ ﺍﻟﻲ ﺟﺎﺑﻨﻲ ﻳﻢ ﻫﺬﺍ ﺍﻟﻲ ﻣﺎ ﻋﻨﺪﻩ ﺫﺭﺓ ﺿﻤﻴﺮ ﻛﻌﺪﺕ ﺑﺎﻟﻜﺎﻉ ﻭﺑﺠﻴﺖ ﻣﺎﺍﻋﺮﻑ ﻟﻮﻳﺶ ﺩﻳﺼﺮﻑ ﻭﻳﺎﻱ ﻫﺸﻜﻞ؟ !
ﺳﺎﻋﻪ ﻳﺼﻴﺮ ﻟﻴﻦ ﻭﻳﺤﺎﻭﻝ ﻳﻨﺸﻒ ﺩﻣﻮﻋﻲ ﻭﺳﺎﻋﻪ ﻳﺼﻴﺮ ﺣﻘﻴﺮ ﻭﻳﺬﻟﻨﻲ ﻛﺪﺍﻡ ﻫﺎﻱ ﺍﻟﺤﻴﻪ !!
ﺯﻳﻦ ﺍﻧﻲ ﺑﺲ ﺍﺭﻳﺪ ﺍﻓﻬﻢ ﺷﻲ ﻭﺍﺣﺪ .. ﺳﺎﺭﻩ ﻟﻮﻳﺶ ﻫﺎﻟﻜﺪ ﺗﻜﺮﻫﻨﻲ؟ !!
ﺷﻨﻮ ﺍﻟﻲ ﺳﻮﻳﺘﻪ ﺍﻟﻬﺎ ﺣﺘﻰ ﺗﻀﻮﺝ ﻣﻨﻲ ﻭﻣﺘﻄﻴﻘﻨﻲ ﻟﻬﺪﺭﺟﻪ ؟ !
ﻭﻟﻮﻳﺶ ﻣﻦ ﺗﺸﻮﻓﻨﻲ ﻳﻢ ﺍﺳﻴﺪ ﻟﻮ ﺗﺸﻮﻓﻪ ﻳﺤﺠﻲ ﻭﻳﺎﻱ ﺗﻌﺼﺐ ﻭﻳﺒﻴﻦ ﻋﻠﻴﻬﺎ ﺍﻻﻧﺰﻋﺎﺝ؟ !!
ﻣﻌﻘﻮﻟﻪ ﺍﻛﻮ ﺷﻲ ﺑﻴﻨﻬﺎ ﻭﺑﻴﻦ ﺍﺳﻴﺪ ﻭ ﻉ ﺑﺎﻟﻬﺎ ﻋﻨﺪﻱ ﻋﻼﻗﻪ ﻭﻳﺎ؟ !!
ﻻﺍﺍ ﻻ ﻣﺴﺘﺤﻴﻞ ، ﻫﻮ ﺻﺢ ﺣﻘﻴﺮ ﻭﮔﻠﺒﻪ ﻣﺜﻞ ﺍﻟﺤﺠﺮ ﺑﺲ ﻣﺒﻴﻦ ﻣﺎ ﻋﻨﺪﻩ ﻫﺎﻱ ﺍﻟﺴﻮﺍﻟﻒ .. ﻳﺴﻮﻱ ﻋﻼﻗﻪ ﻭﻳﺎ ﺯﻭﺟﺔ ﺍﺧﻮ؟ !!!
ﻻ ﺩﺍﻟﻴﺎ ﺍﺷﺒﻴﺞ ﺍﺗﺨﺒﻠﺘﻲ ﺷﻨﻮ ﻫﺎﻻﻓﻜﺎﺭ؟ !
ﺍﻱ ﻭﻟﻮﻳﺶ ﻣﺴﺘﺤﻴﻞ؟ !
ﻧﻈﺮﺍﺕ ﺳﺎﺭﻩ ﻭﻛﺮﻫﺎ ﺍﻟﻲ ﻣﺎ ﺍﺟﺖ ﻣﻦ ﻋﺪﻡ ﺍﻛﻴﺪ ﺍﻧَﻪ ﺑﺎﻟﻤﻮﺿﻮﻉ ﻭﻻﺯﻡ ﺍﻋﺮﻓﻬﺎ ﺷﻨﻮ !
ﺑﺲ ﺍﺷﻠﻮﻥ ﺍﻋﺮﻑ ﺍﺫﺍ ﻫﺬﺍ ﺍﻟﺤﻘﻨﻪ ﻣﻴﺨﻠﻴﻨﻲ ﺍﻃﻠﻊ ﻭﻫﻮ ﻣﻮﺟﻮﺩ ﺑﺎﻟﺒﻴﺖ !
ﻭﻫﺎﻱ ﺍﻟﺤﻴﻪ ﻣﺘﺠﻲ ﻫﻮﺍﻱ ﺍﻻ ﺑﺎﻟﻌﺰﺍﻳﻢ؟ !
ﺍﻭﻭﻭﻭﻭﻑ ﻫﺴﻪ ﺍﻧﻲ ﺷﻌﻠﻴﻪ ﺑﻴﻬﻢ ﻃﺒﻬﻢ ﻣﺮﺽ ﻫﻲ ﻭﻳﺎ ﺧﻠﻴﻨﻲ ﺑﺤﺎﻟﻲ ﻋﺎﻳﺰﻩ ﻣﺸﺎﻛﻞ ﻭﺑﻼﻭﻱ ﺍﻧﻮﺏ ﺍﺭﻭﺡ ﺍﺣﻘﻖ ﺑﺴﻮﺍﻟﻒ ﺗﻌﺒﺎﻧﻪ ، ﺍﺣﺴﻦ ﺣﻞ ﺍﺗﺠﻨﺒﻪ ﻫﻮ ﻭﻳﺎﻫﺎ ﻻﻥ ﺍﺛﻨﻴﻨﻢ ﻧﻔﺲ ﺍﻟﻄﻴﻨﻪ ﻭﺍﻟﺤﻘﺎﺭﻩ .
ﺩﺍﺍﻓﻜﺮ ﻭﺍﺣﺲ ﺑﻄﻨﻲ ﻛﺎﻣﺖ ﺗﻘﺮﻗﺮ ﻣﻦ ﺍﻟﺠﻮﻉ ، ﻭﺍﻳﺪﻱ ﻧﺎﺭ ﺗﺴﻌﺮ ﺑﻴﻬﺎ ، ﺑﺎﻭﻋﺖ ﻉ ﺍﻟﺴﺎﻋﻪ ﺍﻟﺪﻧﻴﺎ ﺍﻟﻌﺼﺮ ﺻﺎﻳﺮﻩ .. ﻳﺒﻮﻭﻭ ﺻﺎﺭﻟﻲ ﺳﺎﻋﺘﻴﻦ ﺑﺎﻟﻐﺮﻓﻪ ﺍﺷﻜﺪ ﻋﻴﺐ ﻫﺴﻪ ﺍﻟﺤﺠﻴﻪ ﺍﺗﻜﻮﻝ ﻣﺼﺪﻛﺖ ﻛﻠﺘﻠﻬﺎ ﺭﻭﺣﻲ ﺷﺮﺩﺕ ، ﺧﻠﻲ ﺍﻛﻮﻡ ﺍﺷﻮﻓﻬﺎ ﺧﺎﻑ ﻣﺤﺘﺎﺟﻪ ﺷﻲ ، ﻭﺍﻛﻴﺪ ﻫﺎﻱ ﺍﻟﺤﻴﻪ ﺭﺍﺣﺖ .
ﻛﻤﺖ ﻓﺘﺤﺖ ﺍﻟﺒﺎﺏ ﻉ ﻛﻴﻒ ﻭﻃﻠﻌﺖ ﺣﺘﻰ ﻣﻴﺤﺲ ﺑﻴﻪ ﺍﻟﺤﻘﻨﻪ ﻟﻮ ﻳﺸﻮﻓﻨﻲ .. ﻃﻠﻌﺖ ﻣﻦ ﺍﻟﻐﺮﻓﻪ ﺍﻟﺒﻴﺖ ﻫﺪﻭﺀ ﺍﻟﻈﺎﻫﺮ ﺭﺍﻳﺤﻴﻦ ﺍﻟﺤﻤﺪﻟﻠﻪ ﻳﺎ ﺭﺏ .. ﻃﻠﻌﺖ ﻣﻦ ﻏﺮﻓﺘﻲ ﺑﺴﺮﻋﻪ ﺭﺣﺖ ﻟﻠﻤﻄﺒﺦ ﻟﻜﻴﺖ ﺍﻡ ﻋﺎﺩﻝ ﺩﺗﺤﻀﺮ ﺑﺎﻻﻛﻞ ﺍﻟﺒﺎﻗﻲ ﻭﻻﺑﺴﻪ ﻋﺒﺎﻳﺘﻬﺎ ﺍﺗﺮﻳﺪ ﺍﺗﺮﻭﺡ !!
ﺍﻡ ﻋﺎﺩﻝ .. ﻫﺎ ﺩﺍﻟﻴﺎ ﺍﺷﻠﻮﻥ ﺻﺎﺭﺕ ﺍﻳﺪﺝ ﺑﻌﺪﻫﺎ ﺗﻮﺟﻌﺞ !
ﺩﺍﻟﻴﺎ .. ﺍﻱ ﻭﺍﻟﻠﻪ ﺍﻡ ﻋﺎﺩﻝ ﻛﻮﻟﺶ ﺩﺗﺄﺫﻳﻨﻲ ﻣﺎﺍﻋﺮﻑ ﺷﺄﺳﻮﻳﻠﻬﺎ .
ﺍﻡ ﻋﺎﺩﻝ .. ﻳﺎ ﻭﻳﻠﻲ ﻋﻠﻴﺞ ﺍﻟﺤﺮﻙ ﻳﻤﻮﺕ ، ﺯﻳﻦ ﺩﻛﺘﻮﺭ ﺍﺳﻴﺪ ﻣﻮ ﺍﻧﻄﺎﺝ ﻣﺴﻜﻦ ﻣﺎ ﺍﺧﺬﺗﻲ !
ﺩﺍﻟﻴﺎ .. ﻫﺎﺍ .. ﺍﻳﻴﻲ .. ﺑﺲ ﻛﺎﻟﻲ ﻻﺯﻡ ﺗﺎﺧﺬﻱ ﺑﻌﺪ ﺍﻻﻛﻞ ﻭﺍﻧﻲ ﺑﺼﺮﺍﺣﺎ ﺑﻄﻨﻲ ﺩﺗﺼﻮﺻﻲ ﻣﻦ ﺍﻟﺠﻮﻉ ﻣﻤﺎﻛﻠﻪ ﺷﻲ ﻣﻦ ﺍﻟﺼﺒﺢ .
ﺍﻡ ﻋﺎﺩﻝ .. ﻳﺎﺍ ﺷﻮﻓﻲ ﺍﺷﻠﻮﻥ ﻧﺴﻴﺖ ﻫﺬﺍ ﻏﺪﺍﺝ ﺟﺎﻫﺰ ﺑﺎﻟﻔﺮﻥ ﺑﺲ ﺗﺤﻤﻲ ﻭﺗﺎﻛﻠﻲ ﺭﺩﺕ ﺍﺻﻌﺪﻟﺞ ﻏﺪﻩ ﺑﺲ ﺍﻟﺤﺠﻴﻪ ﻛﺎﻟﺖ ﺧﺎﻑ ﻧﺎﻳﻤﻪ ﻋﻮﻓﻴﻬﺎ ، ﻭﺍﺫﺍ ﺗﺮﺩﻳﻦ ﺍﻧﻲ ﺍﺣﻤﻲ ﺍﻟﺢ ﻫﺴﻪ ﺍﺧﺎﻑ ﻣﺘﻜﺪﺭﻳﻦ .
ﺩﺍﻟﻴﺎ .. ﻣﺸﻜﻮﺭﻩ ﺍﻡ ﻋﺎﺩﻝ ﻣﺘﻘﺼﺮﻳﻦ ﺍﻧﻲ ﺍﺳﻮﻱ ﻟﻔﻪ ﺍﻛﻠﻬﺎ ﻭﺍﺭﻭﺡ ﺍﺷﻮﻑ ﺍﻟﺤﺠﻴﻪ ﺧﺎﻑ ﻣﺤﺘﺎﺟﻪ ﺷﻲ .
ﺍﻡ ﻋﺎﺩﻝ .. ﻻ ﺍﻟﺤﺠﻴﻪ ﻣﻮ ﻫﻨﺎ ﺭﺍﺣﺖ ﻭﻳﺎ ﺍﺑﻨﻬﺎ ﻛﺮﺍﺭ ﺗﺒﻘﻰ ﻳﻮﻣﻴﻦ ﻭﺗﺠﻲ .
ﺩﺍﻟﻴﺎ .. ﺷﻨﻮﻭﻭﻭ .. ﻭﻳﻦ .. ﺍﺷﻮﻥ .. ﺍﺷﻮﻛﺖ ﺭﺍﺣﺖ .. ﺯﻳﻦ ﻟﻮﻳﺶ ﻣﻜﺎﻟﺘﻠﻲ .. ﻭﺍﻧﻲ ﻭﻳﻦ ﺍﺑﻘﻰ؟
....
ﺍﻡ ﻋﺎﺩﻝ .. ﺍﺳﻢ ﺍﻟﻠﻪ ﻳﻤﻪ ﺍﺷﺒﻴﺞ ﺍﻧﻬﺪﻳﺘﻲ ﺑﻴﻪ ﺑﺎﻻﺳﺌﻠﻪ ، ﺍﻟﻤﺮﻩ ﺭﺍﺣﺖ ﻳﻮﻣﻴﻦ ﻳﻢ ﺍﺑﻨﻬﺎ ﻻﻥ ﺻﺎﺭﻟﻪ ﻓﺘﺮﻩ ﻳﻠﺢ ﻋﻠﻴﻬﺎ ﺗﺮﻭﺡ ﻳﻤﻬﻢ ﻣﺘﻘﺒﻞ ، ﻓﺎﻟﻴﻮﻡ ﻛﺎﻟﻠﻬﺎ ﻣﺎ ﺍﺭﻭﺡ ﺍﻻ ﺗﺠﻴﻦ ﻭﻳﺎﻱ .. ﺍﺿﻄﺮﺕ ﺗﺮﻭﺡ ، ﻭﺍﻧﺘﻲ ﻣﻜﺎﻟﺘﻠﺞ ﻻﻥ ﻉ ﺑﺎﻟﻬﺎ ﻧﺎﻳﻤﻪ ﻭﺷﺘﺴﻮﻳﻦ ﺗﺮﺣﻴﻦ ﻭﻳﺎﻫﺎ ﻭﻫﺎﻱ ﺍﻳﺪﺝ ﺍﻟﻤﺤﺘﺮﻛﻪ ﺣﺘﻰ ﻣﺘﻜﺪﺭﻳﻦ ﺗﺴﻮﻳﻦ ﻟﺮﻭﺣﺞ ﺍﻛﻞ ﺍﻧﻮﺏ ﺗﺴﺎﻋﺪﻳﻦ ﻣﺮﻩ ﻛﺒﻴﺮﻩ ﺑﺎﻟﻌﻤﺮ !
ﺍﺭﺗﺎﺣﻲ ﻛﻢ ﻳﻮﻡ ﻋﻠﻰ ﻣﺎ ﺗﺠﻲ ﺍﻟﺤﺠﻴﻪ ﺑﻠﻜﻲ ﺗﻄﻴﺐ ﺍﻳﺪﺝ ﺣﺘﻰ ﺗﻜﺪﺭﻳﻦ ﺍﺗﺪﺍﺭﻳﻬﺎ .
ﺩﺍﻟﻴﺎ .. ﺯﻳﻦ ﺍﻧﻲ ﻭﻳﻦ ﺍﺭﻭﺡ؟ !!
ﺍﻡ ﻋﺎﺩﻝ .. ﺷﻨﻮ ﻭﻳﻦ ﺍﺭﻭﺡ ﻏﻴﺮ ﻫﻨﺎ؟ !
ﺩﺍﻟﻴﺎ .. ﺍﺷﻮﻭﻭﻭ .. ﺍﺷﻮﻥ .. ﺍﺑﻘﻰ .. ﻫﻨﺎ .. ﻭﺣﺪﻱ .. ﻭﻳﺎ !..
ﺍﻡ ﻋﺎﺩﻝ .. ﻳﺎ ﻭﻟﺞ ﻫﻮ ﺩﻛﺘﻮﺭ ﺍﺳﻴﺪ ﺑﺤﺎﻟﺞ ﺑﺤﺎﻝ ﺍﻟﻨﺴﻮﻥ ﻣﺘﺸﻮﻓﻴﻦ ﺍﻟﺤﺠﻴﻪ ﻋﺎﻓﺘﺞ ﻭﻳﺎ .. ﺗﺪﺭﻱ ﺑﻲ ﻳﺘﺨﺒﻞ ﻣﻦ ﺍﻟﻨﺴﻮﺍﻥ ﻳﻌﻨﻲ ﻟﺘﺨﺎﻓﻴﻦ ﻣﻦ ﻫﺎﻱ ﺍﻟﻨﺎﺣﻴﻪ ، ﺑﺲ ﺍﻧﺘﻲ ﻣﺎ ﻋﻠﻴﺞ ﺑﻲ ﻭﻻ ﺗﺤﺠﻴﻦ ﻭﻳﺎ ﺗﺮﻯ ﻫﺬﺍ ﻣﻴﻌﺮﻑ ﻻ ﻛﺒﻴﺮ ﻭﻻ ﺻﻐﻴﺮ ﺣﺎﻭﻟﻲ ﺗﺘﺠﻨﺒﻲ ﻭﻣﻦ ﻳﺮﻳﺪ ﻣﻨﺞ ﺷﻲ ﺳﻮﻱ ﻭﺍﻧﺘﻲ ﺳﺎﻛﺘﻪ ﻻﻥ ﺍﺩﺭﻱ ﺑﻴﺞ ﺍﻟﻠﺴﺎﻧﺞ ﻣﺘﺒﺮﻱ ﻣﻨﺞ .
ﺩﺍﻟﻴﺎ .. ﺑﺲ ...
ﺍﻡ ﻋﺎﺩﻝ .. ﻻ ﺑﺲ ﻭﻻ ﺷﺐ ﺍﻧﻲ ﺗﺄﺧﺮﺕ ﻭﺟﻬﺎﻟﻲ ﻭﺣﺪﻩ ﺑﺎﻟﺒﻴﺖ ﺧﻠﻲ ﺍﺭﻭﺡ ﺍﺣﺴﻨﻠﻲ ﻭﻣﺜﻞ ﻣﺎ ﻛﻠﺘﻠﺞ ﻣﻌﻠﻴﺞ ﺑﺎﻟﺪﻛﺘﻮﺭ .
ﺭﺍﺣﺖ ﺍﻡ ﻋﺎﺩﻝ ﻭﺍﻧﻲ ﺑﻘﻴﺖ ﻣﺜﻞ ﺍﻟﻀﺎﻳﻌﻪ ﺍﺗﻤﻨﻴﺖ ﺍﻟﺰﻡ ﻋﺒﺎﻳﺘﻬﺎ ﻭﺍﺭﻭﺡ ﻭﻳﺎﻫﺎ ، ﺑﻘﻴﺖ ﺍﻧﻲ ﻭﺍﻟﻮﺣﺶ ﻭﺣﺪﻧﺎ .. ﺩﺧﻴﻠﻚ ﻳﺎ ﺭﺏ ﺍﻭﻛﻒ ﻭﻳﺎﻱ .
ﺳﻮﻳﺘﻠﻲ ﻟﻔﻪ ﺑﺴﺮﻋﻪ ﺣﺘﻰ ﺍﻻﻛﻞ ﻣﺤﻤﻴﺘﻪ ﻭﻫﻮ ﻭﺑﺎﺭﺩ ﺍﻛﻠﺖ ﻻ ﻳﺠﻲ ﻭﻳﺸﻮﻓﻨﻲ .. ﺷﺮﺑﺖ ﺍﻟﺤﺒﺎﻳﻪ ﻭﺭﺣﺖ ﺍﻟﻐﺮﻓﺘﻲ ﺑﺴﺮﻋﻪ .. ﺍﻭﻝ ﻣﺎ ﻃﻠﻌﺖ ﻣﻦ ﺍﻟﻤﻄﺒﺦ ﺷﻔﺘﻪ ﻛﺪﺍﻣﻲ ﻣﺒﺪﻝ ﻭﻛﺎﺷﺦ ﺍﻟﻈﺎﻫﺮ ﻳﺮﻳﺪ ﻳﻄﻠﻊ !!
ﻃﺎﻟﻊ ﻳﺴﻮﻭﻭﻭﺩﻥ ﺷﻨﻮ ﻫﺎﻟﻬﻴﺒﻪ ﻭﺍﻟﺤﺴﻦ ﺍﻟﻲ ﺷﺎﻳﻠﻪ ﺍﻭﻑ !
ﺑﺴﺮﻋﻪ ﺩﺭﺕ ﻭﺟﻬﻲ ﻭﻣﺸﻴﺖ ﻟﻐﺮﻓﺘﻲ .. ﻗﺒﻞ ﻻ ﺍﻭﺻﻞ ﺻﻮﺗﻪ ﻭﻛﻔﻨﻲ !!
ﺍﺳﻴﺪ .. ﺑﺼﻮﺕ ﺟﺎﻣﺪ .. ﺍﺷﻠﻮﻥ ﺻﺎﺭﺕ ﺍﻳﺪﺝ !!
ﺩﺍﻟﻴﺎ .. ﻭﺍﻧﻲ ﺩﺍﻳﺮﻩ ﻭﺟﻬﻲ .. ﺯﻳﻨﻪ .
ﺍﺳﻴﺪ .. ﺍﻧﻲ ﺷﻜﺎﻳﻠﺞ !!
ﺩﺍﻟﻴﺎ .. ﺍﺗﺬﻛﺮﺕ ﻛﻼﻣﻪ ﻣﻦ ﺍﺣﺠﻲ ﻭﻳﺎﺝ ﺑﺎﻭﻋﻴﻠﻲ ﻭﺟﺎﻭﺑﻲ ، ﺭﺩﺕ ﺍﻟﺘﻔﺖ ﻭﺍﺟﺎﻭﺑﻪ ﺑﺲ ﺍﺗﺬﻛﺮﺕ ﺍﻟﻲ ﺳﻮﺍ ﺑﻴﻪ ﻛﺪﺍﻡ ﺳﺎﺭﻭﻭ !!
ﺑﻘﻴﺖ ﺩﺍﻳﺮﻩ ﻭﺟﻬﻲ ﻋﻨﻪ ﻭﺑﺼﻮﺕ ﺣﺎﺩ ﻛﻮﻟﺘﻠﻪ ..
_ ﻣﺎ ﺍﻋﺘﻘﺪ ﺍﻟﺠﻮﺍﺏ ﻳﺘﻄﻠﺐ ﺍﺑﺎﻭﻉ ﻟﺤﻀﺮﺗﻚ ﻭﻻ ﺗﻘﺮﺍ ﺑﻮﺟﻬﻲ ﻓﻤﺎﻛﻮ ﺩﺍﻋﻲ ﺍﺩﻳﺮ ﻭﺟﻬﻲ ﺣﺘﻰ ﺍﺣﺠﻲ .
ﺍﺳﻴﺪ .. ﻫﺎﻱ ﻣﺘﺨﺎﻑ ﻭﻻ ﺗﺠﻮﺯ ﻣﻦ ﺍﺳﻮﺍﻟﻔﻬﺎ .. ﺍﻋﺮﻑ ﺍﺗﺮﻳﺪ ﺗﻌﺼﺒﻨﻲ ﺑﻬﺬﺍ ﺍﻻﺳﻠﻮﺏ ﺑﺲ ﻫﺴﻪ ﻣﻔﺎﺭﻏﻠﻬﺎ ﻻﺯﻡ ﺍﻃﻠﻊ ﻭﻣﺎ ﻋﻨﺪﻱ ﻭﻗﺖ ﺍﻟﻬﺎ ، ﺳﻜﺘﺖ ﺑﺲ ﻛﻼﻣﻬﺎ ﺣﻴﻞ ﺯﻋﺠﻨﻲ .. ﺑﺼﻮﺕ ﺟﺎﻣﺪ ﻛﻠﺘﻠﻬﺎ .. ﺍﻧﻲ ﻃﺎﻟﻊ ﻭﺍﺫﺍ ﺻﺎﺭ ﺷﻲ ﺍﺣﺠﻲ ﻭﻳﺎ ﺍﻟﺤﺮﺱ ﺑﺮﻩ ﻫﻢ ﻳﺘﺼﻠﻮﻥ ﺑﻴﻪ .
ﻋﻔﺘﻬﺎ ﻭﻃﻠﻌﺖ ... ﺭﺣﺖ ﻟﺼﺪﻳﻘﻲ ﺩﻛﺘﻮﺭ ﻋﻠﻲ ﻧﺎﺯﻝ ﻣﺠﺎﺯ ﻛﻠﺘﻠﻪ ﺧﻠﻲ ﻧﻄﻠﻊ ﻧﺘﻮﻧﺲ ، ﻃﺒﻌﺎً ﺍﻧﻲ ﻣﺎ ﺍﻟﻲ ﺧﻠﻚ ﻃﻠﻌﻪ ﻭﺍﻳﺎﻡ ﺍﻻﺟﺎﺯﻩ ﻳﺎ ﺩﻭﺏ ﺍﺧﻠﺼﻬﻦ ﻧﻮﻡ ﻻﻥ ﻣﺸﺒﻌﺎﻥ ﻧﻮﻡ ﺑﺎﻟﺪﻭﺍﻡ ، ﺑﺲ ﻛﻠﺘﻠﻪ ﻧﻄﻠﻊ ﻻﻥ ﻣﺤﺪ ﺑﺎﻟﺒﻴﺖ ﺑﺲ ﺍﻧﻲ ﻭﻫﺎﻱ ﺍﻟﺼﻠﻔﻪ ﻭﺍﺧﺎﻑ ﺍﺷﻮﻓﻬﺎ ﻟﻮ ﺗﺤﺠﻴﻠﻬﺎ ﺣﺠﺎﻳﻪ ﻣﺜﻞ ﺍﻟﻲ ﺣﺠﺘﻪ ﻣﻦ ﻃﻠﻌﺖ ﻭﺍﺑﺘﻠﻲ ﺑﻴﻬﺎ ﻟﺬﻟﻚ ﺧﺎﺑﺮﺕ ﻋﻠﻲ ﻭﺍﺗﻔﻘﺖ ﻭﻳﺎ ﻧﻄﻠﻊ !
ﻭ ﻣﻨﺎﻙ ﻗﺮﺭﺕ ﺍﺭﻭﺡ ﻟﺒﻴﺖ ﺍﺧﻮﻳﻪ ﻛﺮﺍﺭ ﺍﺷﻮﻑ ﺍﻣﻲ ﺑﻠﻜﻲ ﺍﻟﻠﻪ ﻳﻬﺪﻳﻬﺎ ﻭ ﺗﺮﺟﻊ ﻭﻳﺎﻱ ﻣﺎﺍﺭﻳﺪ ﺍﺑﻘﻰ ﻭﻳﺎ ﻫﺎﻱ ﻭﺣﺪﻧﺎ ﺑﺎﻟﺒﻴﺖ .
ﺍﺗﻮﺍﻋﺪﻧﺎ ﺍﻧﻲ ﻭﻋﻠﻲ ﻭﺭﺣﺘﻠﻪ .. ﺳﻼﻡ ﻭﻛﻼﻡ ﻭﺍﻓﺘﺮﻳﻨﺎ ﺍﺷﻮﻳﻪ .. ﺑﻌﺪﻳﻦ ﺳﺄﻟﻨﻲ ﻋﻦ ﺳﻠﻤﻰ ﻭﺩﺍﻟﻴﺎ !....
ﻃﺒﻌﺎً ﻫﻮ ﻣﻴﻌﺮﻑ ﺩﺍﻟﻴﺎ ﺗﺸﺘﻐﻞ ﻋﺪﻧﺎ .. ﻓﻤﻦ ﻛﻠﺘﻠﻪ ﺍﻧﺼﺪﻡ
...
ﻋﻠﻲ .. ﺷﻨﻮﻭﻭ ﻫﺎﻱ ﺍﺷﻮﻛﺖ ﺻﺎﺭ ﺍﻟﺤﺠﻲ ، ﻭﻟﻴﺶ ﻣﻜﻠﺘﻠﻲ؟ !!
ﺍﺳﻴﺪ .. ﻭﺍﻟﻠﻪ ﻳﺎ ﺧﻮﻱ ﺍﻧﻲ ﻫﻢ ﻣﺜﻠﻚ ﺍﺗﻔﺎﺟﺄﺕ ﻣﻦ ﺷﻔﺘﻬﺎ ﻋﺪﻧﺎ ﺑﺎﻟﺒﻴﺖ ﺑﻌﺪﻳﻦ ﻓﻬﻤﺖ ﺍﻟﻤﻮﺿﻮﻉ ﻣﻦ ﺍﻣﻲ ﻭﺳﻮﻳﺖ ﻣﺸﻜﻠﻪ ﺷﻜﺒﺮﻫﺎ ﺣﺘﻰ ﺍﻃﺮﺩﻫﺎ ﺑﺲ ﺍﻣﻲ ﻣﻘﺒﻠﺖ ﺗﻄﺮﺩﻫﺎ ﻭﺣﺘﻰ ﺍﺗﺨﺮﺑﻄﺖ !
ﻋﻠﻲ .. ﺯﻳﻦ ﻭ ﺳﻠﻤﻰ .. ﺍﻗﺼﺪ .. ﻳﻌﻨﻲ .. ﻭﻳﻦ ﺭﺍﺣﺖ !
ﺍﺳﻴﺪ .. ﻣﺎ ﺍﻋﺮﻑ ﻋﻠﻤﻲ ﻋﻠﻤﻚ !
ﻋﻠﻲ .. ﻻﺯﻡ ﺍﺷﻮﻓﻬﺎ ﻭﺍﺣﺠﻲ ﻭﻳﺎﻫﺎ ﺍﺭﻳﺪ ﺍﻋﺮﻑ ﺳﻠﻤﻰ ﻭﻳﻦ؟ !
ﺍﺳﻴﺪ .. ﺍﺷﻮﻓﻚ ﻫﻮﺍﻱ ﻣﻬﺘﻢ ﺑـﺄﻟﻲ ﺍﺳﻤﻬﺎ ﺳﻠﻤﻰ ﺷﻨﻮ ﻗﺼﺘﻚ ﻋﻠﻲ؟ !!
ﻋﻠﻲ .. ﺍﺳﻴﺪ ﻣﻦ ﺍﻻﺧﻴﺮ ﺍﻟﺒﻨﻴﻪ ﺍﻧﻲ ﺣﺒﻴﺘﻬﺎ ﺍﻭﻝ ﻣﺎ ﺷﻔﺘﻬﺎ ، ﻭﻛﻨﺖ ﻧﺎﻭﻱ ﺍﺗﻘﺪﻣﻠﻬﺎ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ ﺍﻭﻝ ﻣﻴﺘﺤﺴﻦ ﻭﺿﻌﻬﺎ ﺑﺲ ﺍﻟﻈﺮﻭﻑ ﺍﻟﻲ ﺻﺎﺭﺕ ﻏﻴﺮﺕ ﻛﻠﺸﻲ .
ﺍﺳﻴﺪ .. ﻫﻬﻬﻪ ﺗﺘﻘﺪﻣﻠﻬﺎ؟ !!
ﻣﻦ ﻛﻞ ﻋﻘﻠﻚ ﺍﻧﺖ ﺗﺘﺰﻭﺝ ﻭﺣﺪﻩ ﻣﺜﻞ ﻫﺎﻱ؟ !
ﻟﻚ ﺑﺎﺑﺎ ﻫﺎﻱ ﻛﺎﻧﺖ ﻋﺎﻳﺸﻪ ﺑﻤﻴﺘﻢ ﻳﻌﻨﻲ ﻻ ﺍﺻﻞ ﻭﻻ ﻓﺼﻞ ﺍﺷﻠﻮﻥ ﺗﺘﺰﻭﺟﻬﺎ ، ﻭﻏﻴﺮ ﻫﺬﺍ ﻫﻲ ﻣﻦ ﺩﻳﻦ ﻭﺍﻧﺖ ﻣﻦ ﺩﻳﻦ ﺛﺎﻧﻲ ﻣﻨﻮ ﻳﻜﻮﻝ ﺗﻮﺍﻓﻖ ﺗﺘﺰﻭﺝ ﻣﻦ ﻏﻴﺮ ﺩﻳﻨﻬﺎ ، ﻭﻓﺮﺿﻨﺎ ﻓﺮﺿﺎً ﻭﺍﻓﻘﺖ ﻭﺭﺩﺕ ﺗﺘﻘﺪﻣﻠﻬﺎ ﺍﻫﻠﻚ ﺍﺷﻠﻮﻥ ﺭﺍﺡ ﺗﻘﻨﻌﻬﻢ؟ !
ﺷﺘﻜﻠﻠﻬﻢ ﺍﺭﻳﺪ ﺍﺗﺰﻭﺝ ﻭﺣﺪﻩ ﺍﺗﻌﺮﻓﺖ ﻋﻠﻴﻬﺎ ﻋﻦ ﻃﺮﻳﻖ ﺍﻧﻔﺠﺎﺭ ﺻﺎﺭ ﺑﺎﻟﻤﻴﺘﻢ ﺍﻟﻲ ﻋﺎﻳﺸﻪ ﺑﻲ ﻭﺣﺒﻴﺘﻬﺎ ﻭﻻﺯﻡ ﺍﺗﺰﻭﺟﻬﺎ؟ !!
ﻋﻠﻲ .. ﺍﺳﻴﺪ ﻫﺎﻱ ﻋﻮﺩ ﺍﻧﺖ ﺻﺪﻳﻘﻲ ﺍﻟﻤﻘﺮﺏ ﻭﻣﺜﻞ ﺍﺧﻮﻳﻪ ﻫﻴﺞ ﺗﺤﺠﻲ ، ﺑﺲ ﻣﻮ ﺻﻮﺟﻚ ﺻﻮﺟﻲ ﺍﻧﻲ ﺍﻟﻲ ﺍﺣﺠﻲ ﻟﻮﺍﺣﺪ ﻣﺜﻠﻚ ﻫﻮ ﺍﻧﺖ ﻭﻳﻨﻚ ﻭﻳﻦ ﺍﻟﻤﺸﺎﻋﺮ ﻭﺗﻔﻬﻤﻨﻲ ﺍﻛﻮﻡ ﺍﺭﻭﺡ ﺍﺣﺴﻨﻠﻲ .
ﺍﺳﻴﺪ .. ﻟﻚ ﺑﺎﺑﺎ ﺍﻛﻌﺪ ﻭﻳﻦ ﻣﻮﻟﻲ .. ﺍﻧﻲ ﻣﺪﺍﺍﺳﺘﻬﺰﺀ ﺑﻴﻚ ﻭﺑﻤﺸﺎﻋﺮﻙ ﺍﻟﺨﺎﻳﺴﻪ ﺑﺲ ﺩﺍﺍﺣﺠﻴﻠﻚ ﻭﺍﻗﻊ ﺣﺎﻝ ﺣﺘﻰ ﺍﺫﺍ ﻟﻜﻴﺘﻬﺎ ﻟﻠﺒﻨﻴﻪ ﻭ ﻭﺍﻓﻘﺖ ﺗﺘﺰﻭﺟﻚ ﺍﻫﻠﻚ ﻣﺴﺘﺤﻴﻞ ﻳﺮﺿﻮﻥ ﺗﺘﺰﻭﺟﻬﺎ ﺧﺼﻮﺻﺎً ﺍﻣﻚ ﺍﻧﺖ ﺑﻨﻔﺴﻚ ﻛﻠﺘﻠﻲ ﺗﺮﻳﺪ ﺗﺰﻭﺟﻚ ﻋﻠﻰ ﺫﻭﻗﻬﺎ !..
ﻋﻠﻲ .. ﻣﺎﻋﺮﻑ ﺍﺳﻴﺪ ﻣﺎﺍﻋﺮﻑ ﻛﻞ ﺍﻟﻲ ﺍﻋﺮﻓﻪ ﺍﻧﻮ ﺍﻧﻲ ﺍﺣﺒﻬﺎ ﻭﺍﻟﻠﻪ ﺍﻟﻌﻈﻴﻢ ﻣﻦ ﻳﻮﻡ ﺍﻟﻲ ﻭﺻﻠﺘﻬﺎ ﻟﻠﺪﻳﺮ ﻟﻠﻴﻮﻡ ﻣﺘﺮﻭﺡ ﻣﻦ ﺑﺎﻟﻲ ﻭﻛﻞ ﺍﺷﻮﻳﻪ ﺍﻓﻜﺮ ﺍﺭﻭﺡ ﺍﺧﻄﻔﻬﺎ ﻭﺗﺰﻭﺟﻬﺎ .
ﺍﺳﻴﺪ .. ﻫﻬﻬﻬﻬﻬﻪ ﻟﻚ ﻭﺍﻟﻠﻪ ﺻﺪﻙ ﺿﺤﻜﺘﻨﻲ ، ﻫﺎﻱ ﻋﻮﺩ ﺍﻧﺖ ﺿﺎﺑﻂ ﻭﺣﻤﺎﺓ ﺍﻟﻮﻃﻦ ﻃﺎﺡ ﺣﻈﻚ ﺍﺫﺍ ﺻﺪﻙ ﺍﺗﺴﻮﻳﻬﺎ ..
ﻋﻠﻲ .. ﻫﻮ ﺣﻈﻲ ﻃﺎﻳﺢ ﺑﻌﺪ ﺷﻴﻄﻴﺢ ﻣﻨﻪ .
ﺍﺳﻴﺪ .. ﺯﻳﻦ ﻟﻮﻳﺶ ﻣﺘﺮﻭﺡ ﺗﺴﺄﻝ ﻋﻠﻴﻬﺎ ﺍﺗﺸﻮﻓﻬﺎ ﻭﻳﻦ ﻣﺎ ﻭﻳﻦ ﺍﺧﺎﻑ ﺗﻠﻜﻬﺎ ﻣﺘﺰﻭﺟﻪ ﻳﺤﻈﻲ .
ﻋﻠﻲ .. ﻟﻚ ﻟﺘﺨﺒﻠﻨﻲ ﺷﺘﺘﺰﻭﺝ ﻣﺼﺎﺭﻟﻬﺎ ﺷﻬﺮ ﻣﻦ ﻋﻔﺘﻬﺎ ، ﺑﺲ ﺍﻟﻤﺸﻜﻠﻪ ﺍﺧﺎﻑ ﺻﺎﺭﻟﻬﺎ ﺷﻲ ﻻﻥ ﺩﺍﻟﻴﺎ ﻣﺴﺘﺤﻴﻞ ﺗﻌﻮﻓﻬﺎ ﻭﺣﺪﻫﺎ .
ﺍﺳﻴﺪ .. ﺍﺫﺍ ﺍﺗﺮﻳﺪ ﺍﺧﻠﻲ ﺍﻣﻲ ﺗﺴﺄﻟﻬﺎ ﺍﻟﻚ ﻭﺗﺸﻮﻑ ﺷﺼﺎﻳﺮ ﻳﺎﻫﺎ .
ﻋﻠﻲ .. ﺍﻱ ﻭﺍﻟﻠﻪ ﺑﻌﺪ ﺍﺧﻮﻙ ﺗﺴﻮﻳﻠﻲ ﻓﻀﻞ .
ﺍﺳﻴﺪ .. ﻣﺎﺷﻲ ﺗﺘﺪﻝ ، ﻭﻫﺴﻪ ﻳﻼ ﻛﻮﻡ ﺧﻠﻲ ﺍﻧﺮﻭﺡ ﺑﻌﺪ ﻭﺭﺍﻳﻪ ﺍﻣﺮ ﻋﻠﻰ ﺍﻣﻲ ﺍﺧﺬﻫﺎ ﻣﻦ ﺑﻴﺖ ﻛﺮﺍﺭ .
ﻋﻠﻲ .. ﺍﻭﻙ ﻳﻼ ﻛﻮﻡ ﻭﻣﻮ ﺗﻨﺴﺎﻧﻲ .
ﺍﺳﻴﺪ .. ﻛﻠﻨﺎﻟﻚ ﻣﺎﺷﻲ ﻟﺘﻠﺢ ﻋﺎﺩ .
ﻛﺎﻣﻮ ﺍﺛﻨﻴﻨﻬﻢ ﻋﻠﻲ ﺭﺍﺡ ﺍﻟﺒﻴﺘﻬﻢ ﻭﺍﺳﻴﺪ ﺭﺍﺡ ﻉ ﺍﻣﻪ ﺑﻘﻰ ﺍﺷﻮﻳﻪ ﻳﻢ ﺑﻴﺖ ﺍﺧﻮﻭ ﻭﺣﺎﻭﻝ ﻳﻘﻨﻊ ﺍﻣﻪ ﺗﺮﺟﻊ ﻭﻳﺎ ﻟﻠﺒﻴﺖ ﻻﻥ ﻣﻴﻜﺪﺭ ﻳﺒﻘﻰ ﻭﺣﺪﻩ ﺑﺎﻟﺒﻴﺖ ﻭﻳﺎ ﺩﺍﻟﻴﺎ .. ﺑﺲ ﺍﻣﻪ ﻣﻘﺒﻠﺖ ﻛﺎﻟﺘﻠﻪ ﺍﺧﻮﻙ ﻳﺰﻋﻞ ﻋﻠﻴﻪ ﻫﺴﻪ ﻳﻜﻮﻝ ﺳﺎﻋﻪ ﻭﺭﺣﺘﻲ !
ﺍﺿﻄﺮ ﺍﺳﻴﺪ ﻳﺮﺟﻊ ﻟﻠﺒﻴﺖ ﺑﺪﻭﻥ ﺍﻣﻪ
ﺍﻭﻝ ﻣﺎ ﺩﺧﻞ ﻟﺒﻴﻴﺖ ﺷﺎﻑ ﺍﻟﻜﻬﺮﺑﺎﺀ ﻣﻄﻔﻴﻪ !!
ﺳﺄﻝ ﺍﻟﺤﺮﺱ ﻛﺎﻟﻮﻟﻪ ﺍﻟﻤﻮﻟﺪ ﻋﺎﻃﻞ ﻭﺩﻳﺼﻠﺤﻮﻥ ﺑﻲ .. ﺍﻳﻴﻲ ﻫﻲ ﻫﺎﻱ ﺍﻟﻌﺎﻳﺰﻩ ﻫﺴﻪ ﻛﻤﻠﺖ .
ﻋﺎﻓﻬﻢ ﻭ ﺩﺧﻞ ﻟﻠﺒﻴﺖ ﻟﻜﻰ ﺍﻇﻠﻢ ﻫﻨﺪﺱ ﻓﺘﺢ ﺍﻟﻼﻳﺖ ﻣﺎﻟﺖ ﺍﻟﻤﻮﺑﺎﻳﻞ ﻭﺭﺍﺡ ﻟﻐﺮﻓﺘﻪ !
ﻭﻫﻮ ﺩﻳﺼﻌﺪ ﺍﻟﺪﺭﺝ ﺟﺎﻥ ﻳﻨﺼﺪﻡ ﺑﺸﻲ ﻧﺎﻋﻢ ﻭ ﻭﻛﻊ ﺑﺤﻈﻨﻪ !!!!
ﻟﻠﺤﻜﺎﻳﻪ ﺑﻘﻴﻪ ️❤
ﺭﺃﻳﻜﻢ ﻭﺗﻮﻗﻌﺎﺗﻜﻢ
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء