رواية في أرض الغرام انت دولتي ج1 الجزء العاشر
للكاتبة الأميرة الموسوية
...
ﺩﺍﻟﻴﺎ .. ﺍﺣﺲ ﺍﻟﺰﻣﻦ ﺗﻮﻗﻒ ﻣﻦ ﺳﻤﻌﺘﻪ ﻛﺎﻝ ﻫﺎﻱ ﺍﻟﻜﻠﻤﻪ !!
ﻣﻌﻘﻮﻟﻪ ﻫﺬﺍ ﺩﻳﻌﺘﺬﺭ ﻟﻮ ﺍﻟﻀﺮﺑﻪ ﺍﻟﺒﺎﺭﺣﺎ ﺍﺛﺮﺕ ﻋﻠﻴﻪ؟ !
ﺻﺢ ﺍﻧﺼﺪﻣﺖ ﻣﻦ ﺳﻤﻌﺘﻪ ﻛﺎﻝ ﺍﺳﻒ .. ﺑﺲ ﺑﻘﻴﺖ ﻣﻼﻣﺤﻲ ﺟﺎﻣﺪﻩ ﻣﻤﺘﺄﺛﺮﻩ ﻛﺪﺍﻣﻪ ، ﺭﺍﺩﺕ ﺗﻨﺰﻝ ﺩﻣﻌﻪ ﻣﻦ ﻋﻴﻨﻲ ﺑﺴﺮﻋﻪ ﺭﻓﻌﺖ ﺍﻳﺪﻱ ﻣﺴﺤﺘﻬﺎ .. ﻫﻮ ﺑﻘﻰ ﺻﺎﻓﻦ ﺑﻮﺟﻲ ﻳﻨﺘﻈﺮ ﺭﺩﺓ ﻓﻌﻞ ﻉ ﺍﻟﺸﻲ ﺍﻟﻌﻈﻴﻢ ﺍﻟﻲ ﻛﺎﻟﻪ !!
ﺑﺲ ﺍﻧﻲ ﻣﻨﻄﻴﺘﻪ ﻣﺠﺎﻝ ﻳﺤﺲ ﺍﻧﻮ ﻣﻤﺼﺪﻛﻪ ﺍﻋﺘﺬﺭﻟﻲ ، ﺑﺎﻭﻋﺖ ﺑﻌﻴﻮﻧﻪ ﻧﻈﺮﺓ ﻋﺪﻡ ﺍﻫﺘﻤﺎﻡ .. ﻋﻔﺘﻪ ﻭﻣﺸﻴﺖ .
ﺍﺳﻴﺪ .. ﻣﺎﺩﺭﻱ .. ﻣﺎ ﺍﺩﺭﻱ ﺍﺷﻠﻮﻥ ﻃﻠﻌﺖ ﻫﺎﻱ ﺍﻟﻜﻠﻤﻪ ﻣﻨﻲ .. ﺍﻧﻲ ﺍﻋﺘﺬﺭ ﻟﻬﺎﻱ؟ !!
ﻭﻓﻮﻙ ﻫﺬﺍ ﻛﻠﻪ ﻟﺒﺴﺘﻨﻲ ﻭﺭﺍﺣﺖ ﻭﻻ ﻉ ﺑﺎﻟﻚ ﺍﻋﺘﺬﺭﺗﻠﻬﺎ ، ﻭﻻ ﺍﻫﺘﻤﺖ ﺍﺻﻼ !!!!
ﻳﺎﺑﻪ ﺩﺭﻭﺣﻲ ﻃﺒﺞ ﻣﺮﺽ ﺍﻧﻲ ﺍﻟﻲ ﻛﺒﺮﺕ ﺭﺍﺳﺞ
ﻣﻀﺎﻳﺞ ﺑﺴﺒﺐ ﺍﻋﺘﺬﺍﺭﻱ ﻣﻨﻬﺎ .. ﻻ ﻻﻥ ﺍﻧﻲ ﻏﻠﻄﺖ ﻭﺃﺫﻳﺘﻬﺎ ، ﺑﺲ ﺍﻟﻲ ﻗﻬﺮﻧﻲ ﺍﺷﻮﻥ ﺍﺗﺠﺎﻫﻠﺘﻨﻲ ﻭﻻ ﻛﺄﻧﻮ ﺣﺠﻴﺖ ﺷﻲ !
ﻳﻤﻜﻦ ﻣﻼﻣﺤﻬﺎ ﺍﻟﺘﻌﺒﺎﻧﻪ ، ﻋﻴﻮﻧﻬﺎ ﺍﻟﻮﺍﺭﻣﻪ ﻣﻦ ﺍﻟﺒﺠﻲ ، ﻭﺟﻬﺎ ﺍﻟﻲ ﻛﻠﻪ ﺍﺛﺮ ﺍﺯﺭﻙ !!
ﻭﺍﻻﻋﻈﻢ ﻣﻦ ﻛﻞ ﻫﺬﻭﻟﻲ ﺍﻟﻨﻈﺮﻩ ﺍﻟﻲ ﺑﻌﻴﻮﻧﻬﺎ ﻭﺍﻟﺪﻣﻮﻉ ﺍﻟﻲ ﻣﺘﺠﻤﻌﻪ ﻣﺘﻘﺒﻞ ﺗﻨﺰﻝ !
ﻫﻢ ﻫﺬﻭﻟﻲ ﺍﻟﻲ ﺩﻣﺮﻭ ﻛﻞ ﻃﺎﻗﺘﻲ ﻛﺪﺍﻣﻬﺎ ﻭﺍﻋﺘﺬﺭﺕ .
ﻫﺴﻪ ﺍﻧﻲ ﺷﻜﻮ ﻣﻬﺘﻢ ﻭﺷﺎﻏﻞ ﺑﺎﻟﻲ .. ﻃﺰ ﺑﻴﻬﺎ ﻗﺒﻠﺖ ﺍﻻﻋﺘﺬﺍﺭ ﺍﻭ ﻣﻘﺒﻠﺘﻪ ، ﻫﻲ ﻛﻠﻤﺔ ﻭﻃﻠﻌﺖ ﺳﻬﻮﺍً .
ﺑﻘﻴﺖ ﻭﺣﺪﻱ ﺑﺎﻟﻤﻄﺒﺦ ﺳﻮﻳﺖ ﺭﻳﻮﻙ ﺧﻔﻴﻒ ﺍﻛﻠﺘﻪ ﻭﺻﻌﺪﺕ ﺍﻟﻐﺮﻓﺘﻲ ، ﺳﺒﺤﺖ ﻭﺑﺪﻟﺖ .. ﺑﻌﺪﻳﻦ ﻛﻌﺪﺕ ﺍﺗﺼﻔﺢ ﻧﺖ ﺑﺠﻬﺎﺯﻱ !!
ﻣﺎﺍﻋﺮﻑ ﺍﺷﻜﺪ ﻣﺮ ﻣﻦ ﺍﻟﻮﻗﺖ ﻭﺟﺎﻥ ﻳﺪﺧﻠﻮﻥ ﻋﻠﻴﻪ ﺟﻬﺎﻝ ﺍﺧﻮﻳﻪ ﻛﺮﺍﺭ ، ﺑﻘﻮ ﻳﻠﻌﺒﻮﻥ ﻭﻳﻜﻤﺰﻭﻥ ﻳﻤﻲ ﺍﻟﻰ ﺍﻥ ﻃﻠﻌﻮ ﺭﻭﺣﻲ ﻭﺍﻟﻐﺮﻓﻪ ﻛﻠﺒﻮﻫﺎ ﻛﻠﺐ .. ﺍﺧﺬﺗﻬﻢ ﻭﻧﺰﻟﺖ ﺟﻮﻩ ﻟﻜﻴﺖ ﺍﻟﻜﻞ ﻛﺎﻋﺪﻳﻦ ﻭﻣﺘﺠﻤﻌﻴﻦ ﺑﺎﻟﺼﺎﻟﻪ !!
ﺍﻣﻲ ﺍﻭﻝ ﻣﺸﺎﻓﺘﻨﻲ ﺩﺍﺭﺕ ﻭﺟﻬﻬﺎ ، ﺍﻟﻈﺎﻫﺮ ﺑﻌﺪﻫﺎ ﺯﻋﻼﻧﻪ ﻣﻦ ﺍﻟﻲ ﺻﺎﺭ !
ﺩﺧﻠﺖ ﺳﻠﻤﺖ ﻋﻠﻴﻬﻢ ، ﻛﺮﺍﺭ ﻭﻣﺮﺗﻪ ﺑﻨﺖ ﻋﻤﻲ ﺳﺎﺭﻩ ﻣﺎ ﺍﻃﻴﻘﻬﺎ ﺍﻧﺴﺎﻧﻪ ﺣﻘﻴﺮﻩ ﻭﺍﻟﻠﺴﺎﻧﻬﺎ ﻳﻨﻜﻂ ﺳﻢ !
ﺑﺲ ﺍﻧﻲ ﺍﺳﻠﻢ ﻋﻠﻴﻬﺎ ﻭﺍﺣﺎﺟﻴﻬﺎ ﻋﻠﻰ ﺣﺴﺎﺏ ﻋﻤﻲ ﻭﺭﺟﻠﻬﺎ ، ﻳﻌﻨﻲ ﻋﻠﻰ ﻛﺪ ﺍﻟﺴﺆﺍﻝ ﻣﺎ ﻋﻨﺪﻱ ﻣﻴﺎﻧﻪ ﻭﻳﺎﻫﺎ .
ﺍﻟﻤﻬﻢ ..
ﺳﻠﻤﺖ ﻋﻠﻴﻬﻢ ﻭﺭﺣﺖ ﻛﻌﺪﺕ ﺑﺼﻒ ﺍﻣﻲ .. ﺧﻠﻴﺖ ﺭﺍﺳﻲ ﺑﺤﻈﻨﻬﺎ ﻭﺑﻘﻴﺖ ﺍﺑﻮﺱ ﺑﺄﻳﺪﻫﺎ ..
ﺑﻘﺖ ﻫﻲ ﺗﺪﻟﻞ ﻭﺗﺤﺠﻲ ﻋﻠﻴﻪ .. ﻛﻮﻡ ﻣﻦ ﻳﻤﻲ ، ﻣﺎ ﺍﺭﻳﺪﻙ ، ﺍﻧﺖ ﻣﻮ ﺍﺑﻨﻲ، ﺍﻧﻲ ﺍﻟﻲ ﻣﻴﺴﻤﻊ ﻛﻼﻣﻲ ﻣﺎ ﺍﺭﻳﺪﻩ ﻭﻻ ﺍﺑﻨﻲ .... ﻣﻦ ﻫﺬﺍ ﺍﻟﻜﻼﻡ !!
ﺿﻠﻴﺖ ﺍﻧﻲ ﺣﺎﻇﻨﻬﺎ ﻭﻻﺯﻙ ﺑﻴﻬﺎ ﻣﺎ ﻭﺧﺮﺕ ﻋﻨﻬﺎ .. ﺍﻟﻰ ﺍﻥ ﺭﺿﺖ !
ﻛﻌﺪﻧﺎ ﺍﺷﻮﻳﻪ ﻭﺑﻌﺪﻳﻦ ﺍﺟﺘﻲ ﺍﻡ ﻋﺎﺩﻝ ﻛﺎﻟﺖ ﺍﻟﻐﺪﻩ ﺟﺎﻫﺰ ﺍﺗﻔﻀﻠﻮ !..
ﻛﻌﺪﻧﺎ ﻉ ﻣﻴﺰ ﺍﻟﻄﻌﺎﻡ ﻃﺒﻌﺎً ﺍﻧﻲ ﺍﻛﻌﺪ ﺑﺮﺍﺱ ﺍﻟﻄﺎﻭﻟﻪ ﻛﻮﻧﻲ ﺍﻟﻜﺒﻴﺮ ﻳﻌﻨﻲ ﺑﻌﺪ ﺍﺑﻮﻳﻪ !
ﻛﻌﺪﻧﺎ ﺩﻧﺎﻛﻞ ﻭ ﺍﻡ ﻋﺎﺩﻝ ﻃﻠﻌﺖ ﺩﺗﻮﺩﻱ ﺍﻛﻞ ﻟﻠﺤﺮﺱ ﺑﺮﻩ .. ﺳﺎﺭﻩ ﺑﻘﺖ ﺗﺤﻮﺹ ﻣﺎﺍﺩﺭﻱ ﺍﺷﺒﻴﻬﺎ !!
ﺑﻌﺪﻳﻦ ﺍﺑﻨﻬﺎ ﻛﺎﻡ ﻳﺒﺠﻲ ﺍﻟﻲ ﻛﺎﻋﺪ ﺑﺼﻔﻬﺎ !..
ﺳﺄﻟﺘﻬﺎ ﺍﻣﻲ ﺍﺷﺒﻲ ﺍﻟﻮﻟﺪ ﻳﺒﺠﻲ؟ !
ﺳﺎﺭﻩ .. ﻻ ﺧﺎﻟﻪ ﻣﺒﻲ ﺷﻲ ﺑﺲ ﺧﻠﺺ ﺍﻟﺘﺸﺮﻳﺐ ﻛﻮﻟﻪ ﻭﻳﺮﻳﺪ ﺑﻌﺪ ، ﺩﺍﺍﻛﻮﻟﻪ ﻣﺎﻣﺎ ﻛﺎﻓﻲ ﻣﻴﻘﻨﻊ ﺍﻻ ﺑﺎﻟﻀﺮﺏ
....
ﺍﻡ ﺍﺳﻴﺪ .. ﻳﺎ ﺑﻨﺘﻲ ﻣﻴﺴﺘﻮﺟﺐ ﺍﺗﻀﺮﺑﻲ ، ﺍﻻﻛﻞ ﻫﻮﺍﻱ ، ﻫﺴﻪ ﺍﺻﻴﺢ ﻋﻠﻰ ﺍﻡ ﻋﺎﺩﻝ ﺗﺼﺒﻠﻪ .
ﺳﺎﺭﻩ .. ﻫﺎﺍ ﻻ ﺧﺎﻟﻪ ﺍﻡ ﻋﺎﺩﻝ ﺭﺍﺣﺖ ﺍﺗﻮﺩﻱ ﻟﻠﺤﺮﺱ ﻏﺪﻩ ، ﺍﻧﻲ ﺣﻜﻮﻡ ﺍﺟﻴﺒﻠﻪ .
ﺭﺍﺩﺕ ﺍﺗﻜﻮﻡ ﺳﺎﺭﻩ ... ﺟﺎﻥ ﻧﻄﻖ ( ﺍﺑﻮ ﺍﻟﻬﻮﻝ ) ...
ﺃﺳﻴﺪ .. ﺑﺼﻮﺕ ﺟﺎﻣﺪ ﻭﻫﻮ ﺩﻳﺎﻛﻞ ﻣﺮﻓﻊ ﺭﺍﺳﻪ .. ﻭﻟﻮﻳﺶ ﻫﻲ ﺍﺗﻜﻮﻡ ، ﻣﻮ ﺍﻛﻮ ﻭﺣﺪﻩ ﺛﺎﻧﻴﻪ ﺍﻟﻤﻦ ﺟﺎﻳﺒﻴﻬﺎ ﺻﻴﺤﻴﻬﺎ ﻫﻲ ﺗﺠﻲ ﺗﺼﺐ ﻟﻠﻄﻔﻞ .
ﺍﻡ ﺍﺳﻴﺪ .. ﺍﻧﺤﺮﺟﺖ ﻭﺗﺪﺭﻱ ﺑﺄﺑﻨﻬﺎ ﻣﻴﺘﻌﺎﻧﺪ ﻛﻠﻤﻪ ﺛﺎﻧﻴﻪ ﻳﺴﻮﻳﻬﺎ ﻣﺸﻜﻠﻪ ﻭﻳﻄﺮﺩ ﺍﻟﺒﻨﻴﻪ !
ﺣﺎﻭﻟﺖ ﺗﺘﻼﻓﻰ ﺍﻟﻤﻮﺿﻮﻉ .. ﺑﺴﺮﻋﻪ ﻛﺎﻟﺖ ... ﻫﺎﺍﺍ .. ﺍﻳﻴﻲ .. ﺩﺍﻟﻴﺎﺍﺍﺍ .. ﺩﺍﻟﻴﺎﺍﺍﺍ ﺑﻨﺘﻲ ﻭﻳﻨﺞ ؟ !
ﺩﺍﻟﻴﺎ .. ﻛﻨﺖ ﺑﺎﻟﻤﻄﺒﺦ ﻭﺍﻛﻔﻪ ﻭﺳﺮﺣﺎﻧﻪ ﺑﺎﻟﻜﻠﻤﻪ ﺍﻟﻲ ﻛﺎﻟﻬﺎ ﻣﻤﺼﺪﻛﻪ ﻭﺍﻟﺮﺏ ﺍﺣﺲ ﻧﻔﺴﻲ ﺑﺤﻠﻢ .. ﻛﺎﻟﻲ ﺍﺳﻒ؟ !!!
ﺍﻓﻜﺮ ﻭﺭﺍﻳﺤﻪ ﻟﻐﻴﺮ ﻋﺎﻟﻢ ... ﻓﺰﺯﻧﻲ ﺻﻮﺕ ﺍﻟﺤﺠﻴﻪ ﺗﺼﻴﺢ ﻋﻠﻴﻪ !!!
ﺑﺴﺮﻋﻪ ﻣﺸﻴﺖ ﺍﺭﻳﺪ ﺍﻃﻠﻊ ﺍﺷﻮﻓﻬﺎ ﺷﺘﺮﻳﺪ ... ﺑﺲ ﺑﻌﺪﻳﻦ ﺍﺗﺬﻛﺮﺗﻪ !
ﺍﺷﻮﻥ ﺍﻃﻠﻊ ﺍﺧﺎﻑ ﻳﺸﻮﻓﻨﻲ ﻭﻳﺒﻘﻰ ﻳﺤﺠﻲ ﻭﻳﻔﺸﻠﻨﻲ ﻛﺪﺍﻡ ﺍﻟﻌﺎﻟﻢ ﺍﻟﻜﺎﻋﺪﻩ ، ﻭﻓﻮﻙ ﻫﺬﺍ ﻛﻮﻟﻪ ﻫﺎﻱ ﺍﻟﺤﻴﻪ ﺳﺎﺭﻭﻭﻭ ﻣﻮﺟﻮﺩﻩ ﻭﻫﻲ ﺑﻼ ﺷﻲ ﻛﺎﺭﻫﺘﻨﻲ ﻭﺣﺘﺸﻮﻑ ﻭﺟﻬﻲ ﺻﺎﻳﺮ ﺧﺮﻳﻄﻪ .. ﺍﻭﻭﻭﻭﻭﻑ ﻳﻌﻨﻲ ﺣﺘﺠﻴﻬﺎ ﻣﻦ ﺍﻟﺴﻤﺎ !...
ﺑﻘﻴﺖ ﻭﺍﻛﻔﻪ ﺑﻤﻜﺎﻧﻲ ﻭﺍﺳﻤﻊ ﺍﻟﺤﺠﻴﻪ ﺗﺼﻴﺢ ... ﻣﻜﺪﺭﺕ ﺍﻓﺸﻠﻬﺎ ﻭﻣﺎ ﺍﻃﻠﻊ ﺟﺮﻳﺖ ﻧﻔﺲ ﻭﻃﻠﻌﺖ ..
ﺩﺍﻟﻴﺎ .. ﻣﺮﻓﻌﺖ ﺭﺍﺳﻲ ﻭﺍﻧﻲ ﻣﺪﻧﻜﻪ .. ﻧﻌﻢ ﺣﺠﻴﻪ ﺭﺍﻳﺪﻩ ﺷﻲ؟ !!
ﺍﻡ ﺍﺳﻴﺪ .. ﺑﻨﺘﻲ ﺩﺍﻟﻴﺎ ﺑﻼ ﺃﻣﺮ ﻋﻠﻴﺞ ﺑﻠﻜﻲ ﺗﺼﺒﻴﻦ ﻟﻠﻄﻔﻞ ﻛﺎﺳﺔ ﺗﺸﺮﻳﺐ .
ﺩﺍﻟﻴﺎ .. ﺻﺎﺭ ﻫﺴﻪ ﺍﺟﻴﺒﻠﻪ .
ﺭﺍﺣﺖ ﺩﺍﻟﻴﺎ ﺻﺒﺖ ﻛﺎﺳﺔ ﺗﺸﺮﻳﺐ ﻣﻦ ﺍﻟﻜﺪﺭ ، ﺑﺲ ﺍﻟﺘﺸﺮﻳﺐ ﺣﺎﺭ ﻛﻮﻟﺶ ﻻﻧﻮ ﺍﻡ ﻋﺎﺩﻝ ﻋﺎﻳﻔﺘﻪ ﻉ ﺍﻟﻨﺎﺭ ﻭﻃﺎﻟﻌﻪ !..
ﺷﺎﻟﺘﻪ ﺑﺤﺬﺭ ﻭﺭﺍﺣﺖ ﻭﺩﺗﻪ ﻳﻢ ﺍﻟﻮﻟﺪ ﺍﻟﻲ ﻛﺎﻋﺪ ﻳﻢ ﺍﻣﻪ ... ﻭﺻﻠﺖ ﻳﻤﻬﺎ ﺩﺗﺮﻳﺪ ﺍﺗﺨﻠﻲ ﺍﻟﻜﺎﺳﻪ ﺟﺎﻥ ﺳﺎﺭﻩ ﻋﺪﻟﺖ ﻛﺮﺳﻴﻬﺎ ﻭﺧﻠﺖ ﺍﻟﺮﺟﻞ ﻣﺎﻟﺖ ﺍﻟﻜﺮﺳﻲ ﻉ ﺭﺟﻞ ﺩﺍﻟﻴﺎ ﻭﻛﻌﺪﺕ ﻋﻠﻴﻪ !..........
ﺩﺍﻟﻴﺎ ﺷﺎﻏﺖ ﺭﻭﺣﻬﺎ ﻣﻜﺪﺭﺕ ﺗﺘﺤﻤﻞ ﺍﻟﻮﺟﻊ ﺍﻟﻜﺮﺳﻲ ﻣﺮﺩ ﺍﺻﺎﺑﻴﻊ ﺭﺟﻠﻬﺎ ﻭﻣﺮﺍﺩﺕ ﺍﻟﻄﻔﻞ ﻳﻨﺤﺮﻙ ﺑﺎﻟﻜﺎﺳﻪ ﺑﻌﺪﺗﻬﺎ ﻋﻨﻪ ﺟﺎﻥ ﺗﻨﻜﻠﺐ ﺍﻟﻜﺎﺳﻪ ﻉ ﺍﻳﺪﻫﺎ !!......
ﺳﺎﺭﻩ .. ﻳﻮﻭﻭﻣﻪ ﺍﺑﻨﻲ ﺣﻴﺤﺘﺮﻙ ، ﺟﺮﺕ ﺍﺑﻨﻬﺎ ﺣﻴﻞ ﻭﺣﻈﻨﺘﻪ ، ﻭﺑﺼﻮﺕ ﻋﺎﻟﻲ ﺻﺎﺣﺖ ﺑﺪﺍﻟﻴﺎ ... ﺍﻧﺘﻲ ﺍﺷﺒﻴﺞ ﻋﻤﻴﻪ ﻣﺘﺸﻮﻓﻴﻦ؟ !!
ﻣﻦ ﺳﻮﺀ ﺣﻆ ﺳﺎﺭﻩ ﺍﺳﻴﺪ ﻣﻨﺘﺒﻪ ﻋﻠﻴﻬﺎ ﺍﺷﻮﻥ ﺣﺮﻛﺖ ﺍﻟﻜﺮﺳﻲ ﻟﻤﺎ ﺩﺍﻟﻴﺎ ﻭﺻﻠﺖ ﻳﻤﻬﺎ ، ﻭﻧﻈﺮﺍﺗﻬﺎ ﻟﺪﺍﻟﻴﺎ ﻭﺍﺷﻠﻮﻥ ﺗﺘﻔﺤﺼﻬﺎ ﻣﻦ ﻓﻮﻙ ﻟﻴﺠﻮﻩ ﻫﻢ ﻣﻨﺘﺒﻪ ﻋﻠﻴﻬﺎ !...
ﻣﻊ ﺫﻟﻚ ﺑﻘﻰ ﺳﺎﻛﺖ ﻣﺤﺠﻪ ﺷﻲ ، ﺑﺲ ﻣﻦ ﺻﺎﺣﺖ ﻋﻠﻴﻬﺎ .. ﻫﻨﺎﺍﺍﺍ ﻫﻮ ﺗﺪﺧﻞ ...
ﺍﺳﻴﺪ .. ﺍﺑﻨﺞ ﻣﺎ ﺑﻲ ﺷﻲ ﻭﺍﻟﺤﻤﺪﻟﻠﻪ ، ﻣﺎ ﻟﻪ ﺩﺍﻋﻲ ﺍﻟﺼﻴﺎﺡ .
ﺳﺎﺭﻩ .. ﺑﺼﻮﺕ ﻋﺎﻟﻲ .. ﻣﺘﺸﻮﻓﻬﺎ ﺍﺷﻮﻥ ﺭﺍﺩﺕ ﺗﺤﺮﻛﻪ ﻟﻠﻄﻔﻞ؟ !
ﺍﺳﻴﺪ .. ﻛﺮﺍﺭ ﻛﻮﻝ ﺍﻟﻤﺮﺗﻚ ﺗﻨﺼﻲ ﺻﻮﺗﻬﺎ ﻭﺗﺴﻜﺖ ﺍﺑﻨﻚ ﻭﻣﺎ ﺑﻲ ﺷﻲ ﻛﺎﻓﻲ ﻟﻐﻮﻩ .
ﻛﺮﺍﺭ .. ﺳﺎﺭﻩ ﺧﻠﺺ ﺍﺳﻜﺘﻲ ﻣﺼﺎﺭ ﺷﻲ ﺍﻟﺒﻨﻴﻪ ﻣﻮ ﻗﺼﺪﻫﺎ
....
ﺭﺍﺩﺕ ﺗﺤﺠﻲ ﺳﺎﺭﻩ ﺑﺲ ﻛﺮﺍﺭ ﺧﺰﺭﻫﺎ ﺑﻤﻌﻨﻰ ﻛﺎﻓﻲ ... ﺳﺪﺕ ﺣﻠﻜﻬﺎ ﻭ ﺳﻜﺘﺖ .
ﺩﺍﻟﻴﺎ .. ﺍﻧﺨﺮﺳﺖ ﻣﺤﺠﺖ ﺷﻲ ، ﺑﺲ ﺍﻟﻮﺟﻊ ﺍﻟﻲ ﺩﺗﺤﺲ ﺑﻲ ﻓﻀﻴﻊ ، ﺍﻳﺪﻫﺎ ﻣﺸﺘﻌﻠﻪ ﻧﺎﺭ .. ﻭﺭﺟﻠﻬﺎ ﻣﻮﺗﺘﻬﺎ ﻣﻦ ﺍﻷﻟﻢ !
ﺑﺲ ﺍﻟﻲ ﻭﺟﻌﻬﺎ ﺍﻛﺜﺮ ﺍﻟﺬﻝ ﺍﻟﻲ ﺣﺴﺘﻪ ﻣﻦ ﺻﺎﺣﺖ ﺑﻮﺟﻬﺎ ﻫﺎﻱ ﺍﻟﺤﻘﻴﺮﻩ .. ﺭﺍﺩﺕ ﺗﻠﺰﻣﻬﺎ ﻭﺗﺸﻮﻩ ﻭﺟﻬﺎ ، ﺗﻜﻔﺸﻬﺎ ﻣﻦ ﺷﻌﺮﻫﺎ ﻭﺗﻤﺴﺢ ﺑﻴﻬﺎ ﺍﻟﻄﺎﻭﻟﻪ .. ﺑﺲ ﺍﺷﻠﻮﻭﻭﻭﻥ !
ﺍﻧﻲ ﻣﻨﻮ ﻭﻫﻲ ﻣﻨﻮ؟ !
ﺻﺢ ﺍﻟﺤﺠﻴﻪ ﺗﺤﺒﻨﻲ ﻭﺗﻌﺰﻧﻲ .. ﺑﺲ ﻣﻬﻤﺎ ﻳﻜﻮﻥ ﻫﺎﻱ ﻣﻨﻬﻢ ﻭﺑﻴﻬﻢ ﻭﺍﻧﻲ ﻭﺣﺪﻩ ﺍﺷﺘﻐﻞ ﻫﻨﺎ ﺣﺎﻟﻲ ﺣﺎﻝ ﺍﻟﺨﺪﺍﻣﻪ ﺍﻛﻴﺪ ﻣﺤﺪ ﺭﺍﺡ ﻳﻨﻄﻲ ﺑﻴﻬﺎ ﻋﻠﻰ ﻣﻮﺩﻱ !
ﻫﻪ ﺍﺧﺎﻑ ﺍﻧﻲ ﻋﺎﻳﺰﻩ ﻫﺴﻪ ﻛﻤﻠﺖ !...
ﻛﺎﻟﻌﺎﺩﻩ ﺍﻟﺪﻣﻮﻉ ﺍﺗﺠﻤﻌﺖ ﺑﻌﻴﻮﻧﻲ ﻭﻣﺎ ﺑﺠﻴﺖ ﺣﺎﻭﻟﺖ ﺑﻜﻞ ﻗﻮﺗﻲ ﺍﻛﺘﻢ ﺩﻣﻮﻋﻲ ، ﺍﻟﻀﻌﻒ ﻣﻮ ﺍﻟﺞ ﺩﺍﻟﻴﺎ ... ﺍﻛﺜﺮ ﻣﻦ ﺍﻟﺬﻝ ﺍﻟﻲ ﺷﻔﺘﻲ ﻗﺎﺑﻞ؟ !
ﺳﻜﺘﺖ ﺑﺲ ﺍﻳﺪﻱ ﻣﻮﺗﺘﻨﻲ ﻣﻦ ﺍﻟﻮﺟﻊ ﺍﺑﺎﻭﻉ ﻋﻠﻴﻬﺎ ﺻﺎﺭﺕ ﺣﻤﺮﻩ ﻃﻤﺎﻃﻪ .. ﺩﺭﺕ ﻭﺟﻬﻲ ﻭﺭﺩﺕ ﺍﺭﻭﺡ ﻟﻠﻤﻄﺒﺦ ... ﺟﺎﻥ ﻭﻛﻔﺘﻨﻲ ﺍﻟﺤﺠﻴﻪ .
ﺍﻡ ﺍﺳﻴﺪ .. ﺑﻨﺘﻲ ﺧﻮﻣﺎ ﺗﺄﺫﻳﺘﻲ ، ﺷﻮ ﺷﻮﻓﻴﻨﻲ ﺍﻳﺪﺝ؟ !!
ﺩﺍﻟﻴﺎ .. ﺑﺼﻮﺕ ﻣﺨﻨﻮﻙ ﻭﺍﻟﻜﻠﻤﺎﺕ ﺑﺎﻟﻜﻮﻩ ﺗﻄﻠﻊ .. ﻻ .. ﻣﺒﻴﻪ .. ﺷﻲ .
ﺍﻟﺤﺠﻴﻪ .. ﺳﻮﺩﻩ ﻋﻠﻴﻪ ﻳﻤﻪ ﺍﺷﻠﻮﻥ ﻣﺎ ﺑﻴﺞ ﺷﻲ ﻫﺎﻱ ﺍﻳﺪﺝ ﻣﺤﺘﺮﻛﻪ ، ﺑﺎﻭﻋﺖ ﺍﻻﺳﻴﺪ ﺑﻨﻈﺮﻩ ﺣﺎﺩﻩ .. ﺷﻮ ﺗﻌﺎﻝ ﻳﻤﻪ ﺍﺳﻴﺪ ﺷﻮﻑ ﺍﻳﺪﻫﺎ ﺍﻟﺒﻨﻴﻪ ﺧﺎﻑ ﺑﻴﻬﺎ ﺷﻲ ﻧﺎﺧﺬﻫﺎ ﻟﻠﻤﺴﺘﺸﻔﻰ ﺧﻄﻴﻪ .
ﺍﺳﻴﺪ .. ﺭﻓﻌﺖ ﺭﺍﺳﻲ ﻣﻦ ﺍﻻﻛﻞ ﻣﻦ ﻛﺎﻟﺘﻠﻲ ﺍﻣﻲ ﺗﻌﺎﻝ ﺷﻮﻑ ﺍﻳﺪﻫﺎ ... ﻭﺑﺎﻭﻋﺖ ﻻﻣﻲ ﺑﻨﻈﺮﻩ ﺍﺳﺘﻬﺰﺍﺀ ، ﻳﻌﻨﻲ ﻣﻦ ﻛﻞ ﻋﻘﻠﺞ ﺗﺮﺩﻳﻨﻲ ﺍﻟﺰﻣﻬﺎ ﻭ ﻛﺪﺍﻣﻬﻢ؟ !!
ﺭﺟﻌﺖ ﺩﻧﻜﺖ ﺭﺍﺳﻲ ﺑﻤﻌﻨﻰ ﻻ ﻣﺎ ﺍﻛﻮﻡ ... ﺑﺲ ﺍﻣﻲ ﻛﺎﻟﻌﺎﺩﻩ ﻣﺴﺘﺤﻴﻴﻴﻴﻞ ﺗﻌﻮﻓﻨﻲ ﺍﺫﺍ ﻣﺘﺴﻮﻱ ﺍﻟﻲ ﺗﺮﻳﺪﻩ ..
ﺍﻟﺤﺠﻴﻪ .. ﺍﺳﻴﻴﺪ !!
ﺍﺳﻴﺪ .. ﺍﺳﺘﻐﻔﺮﺕ ﺍﻟﻠﻪ ﻭﻛﻤﺖ ، ﺷﺮﺍﺡ ﻳﺨﻠﺼﻬﺎ ﻭﻳﺎ ﺍﻣﻲ ... ﺭﺣﺖ ﻳﻤﻬﺎ ﺑﻌﺪﻧﻲ ﻣﺎ ﻭﺍﺻﻠﻬﺎ ﺍﺷﻮ ﻋﺎﻱ ﺗﺮﺟﻒ؟ !
ﻟﺰﻣﺖ ﺍﻳﺪﻫﺎ ﺍﻧﻲ ﻉ ﺑﺎﻟﻲ ﺷﻲ ﺑﺴﻴﻂ ﻣﻴﺴﺘﻮﺟﺐ ﻫﺎﻟﺨﺒﺼﻪ ﻭﺍﻻﻫﺘﻤﺎﻡ ﻣﺎﻟﺖ ﺍﻣﻲ .. ﺑﺲ ﻣﻦ ﺷﻔﺖ ﺍﻳﺪﻫﺎ ﺍﻧﺼﺪﻣﺖ ، ﻓﻌﻼً ﺍﻳﺪﻫﺎ ﻣﺘﺄﺫﻳﻪ ﺣﻴﻞ ﺑﺤﻴﺚ ﺍﻟﺠﻠﺪ ﻛﻠﻪ ﻣﻄﻜﻚ !!
ﺍﺟﺘﻲ ﺍﻡ ﻋﺎﺩﻝ ﺗﺮﻛﺾ .. ﻫﺎ ﺧﻴﺮ ﺷﺼﺎﻳﺮ .. ﺍﺷﺒﻴﻬﺎ ﺩﺍﻟﻴﺎ .. ؟ !
ﺍﺳﻴﺪ .. ﺑﺼﻮﺕ ﺣﺎﺩ .. ﺑﺴﺮﻋﻪ ﺭﻭﺣﻲ ﺟﻴﺒﻴﻠﻲ ﺍﺩﻭﺍﺕ ﺍﻻﺳﻌﺎﻓﺎﺕ ﺑﺴﺮﻋﻪ .
ﺭﺍﺣﺖ ﺍﻡ ﻋﺎﺩﻝ ﺭﻛﺾ ﺗﺠﻴﺒﻬﻢ ﻭﺍﻧﻲ ﺟﺮﻳﺘﻬﺎ ﻣﻦ ﺍﻳﺪﻫﺎ ﺑﺲ ﺑﺨﻔﻪ ﺣﺘﻰ ﻟﺘﺘﺄﺫﻩ ﺍﻛﺜﺮ .. ﺍﺧﺬﺗﻬﺎ ﻭﻣﺸﻴﺖ ﺑﻴﻬﺎ ﻟﻠﺼﺎﻟﻪ ﻛﻌﺪﺗﻬﺎ ﻉ ﺍﻟﺘﺨﻢ ، ﻛﻌﺪﺕ ﺑﺼﻔﻬﺎ ﻭﻻﺯﻡ ﺍﻳﺪﻫﺎ !
ﻫﻲ ﺑﺲ ﺗﺮﺟﻒ ﻣﺜﻞ ﺍﻟﺴﻌﻔﻪ ﻣﺎﺍﻋﺮﻑ ﻣﻦ ﺍﻟﺤﺮﻕ ﺍﻟﻲ ﺑﺄﻳﺪﻫﺎ ﻟﻮ ﻻﻥ ﺍﻧﻲ ﻻﺯﻣﻬﺎ؟ !
ﺍﻟﻤﻬﻢ ﺑﻘﺖ ﻫﺸﻜﻞ ﺍﻧﻲ ﻭﻳﺎﻫﺎ ﻭﺍﻣﻲ ﻭﺍﻛﻔﻪ ﻋﻠﻰ ﺭﺍﺳﻨﺎ ﺗﻜﻮﻝ ﺟﻨﺪﻱ !
ﺍﺟﺘﻲ ﺍﻡ ﻋﺎﺩﻝ ﺟﺎﻳﺒﻪ ﺍﻻﺳﻌﺎﻓﺎﺕ ..
ﺍﺳﻴﺪ .. ﺑﻬﺪﻭﺀ .. ﺭﺍﺡ ﺗﺄﺫﻳﺞ ﺍﺷﻮﻳﻪ ﺍﺗﺤﻤﻠﻲ ، ﻣﺪﻳﺖ ﺍﻳﺪﻱ ﻭﺟﺮﻳﺖ ﻛﻞ ﺍﻟﻔﻘﺎﻗﻴﻊ ﺍﻟﻲ ﺻﺎﺭﺕ ﺑﺄﻳﺪﻫﺎ ﺑﻤﻜﺎﻥ ﺍﻟﺤﺮﻕ .. ﺍﻣﻲ ﻛﺎﻟﺖ ﻟﻨﻲ ﻣﺘﺤﻤﻞ ﺍﺷﻮﻑ ﺍﻟﻤﻨﻈﺮ ﻫﺬﺍ ﺳﻨﺪﺗﻬﺎ ﺍﻡ ﻋﺎﺩﻝ ﻭﺭﺍﺣﻮ .. ﺑﻘﻴﻨﺎ ﺑﺲ ﺍﻧﻲ ﻭﻳﺎﻫﺎ .. ﻫﻲ ﺍﻟﻈﺎﻫﺮ ﺗﺄﺫﺕ ﺣﻴﻞ ﻣﻦ ﻟﺰﻣﺖ ﻣﻨﻄﻘﺔ ﺍﻟﺤﺮﻕ ﻣﺪﺕ ﺍﻳﺪﻫﺎ ﺍﻟﺜﺎﻧﻴﻪ ﻭﻟﺰﻣﺖ ﺍﻳﺪﻱ ﺍﻟﻲ ﺩﺍ ﺍﺩﺍﻭﻳﻬﺎ ﺑﻴﻬﺎ ﺑﺲ ﻣﻦ ﺯﻧﺪﻱ ﻭﺿﻐﻄﺘﻬﺎ ﺣﻴﻞ ﺑﺤﻴﺚ ﺣﺴﻴﺖ ﺍﻇﺎﻓﺮﻫﺎ ﻧﺒﺘﺖ ﺑﺄﻳﺪﻱ !!!
ﺍﻧﻲ ﺑﻘﻴﺖ ﺍﻋﺎﻟﺞ ﺍﻟﺤﺮﻕ ﻣﺤﺠﻴﺖ ﺷﻲ .. ﺑﺲ ﻣﻦ ﺧﻠﺖ ﺍﻳﺪﻫﺎ ﻭﻻﻣﺴﺖ ﺟﺴﻤﻲ ﮔﻠﺒﻲ ﻫﻢ ﺭﺟﻊ ﻳﺮﺟﻒ !
ﻭﺟﺴﻤﻲ ﻛﻠﻪ ﺳﺮﺕ ﺑﻲ ﺭﻋﺸﻪ !!
ﻣﺎ ﺍﺩﺭﻱ ﻟﻴﺶ ﻫﻴﺞ ﻳﺼﻴﺮ ﺑﻴﻪ ﻣﻦ ﺗﻜﻮﻥ ﻗﺮﻳﺒﻪ ﻣﻨﻲ ﻟﻬﺪﺭﺟﻪ ، ﻳﻤﻜﻦ ﻻﻥ ﺍﻧﻲ ﻣﻦ ﺯﻣﺎﻥ ﻣﻼﻣﺲ ﺑﻨﺖ !!
ﻓﻜﺮﻱ ﻛﻮﻟﻪ ﺍﺗﺸﺘﺖ ﻣﺎﺍﻋﺮﻑ ﺷﺼﺎﺭﻟﻲ ، ﻭﮔﻠﺒﻲ ﻳﺮﺟﻒ ﺑﻘﻮﻩ ﺧﺒﻠﻨﻲ .. ﺣﺎﻭﻟﺖ ﺍﺣﺎﻓﻆ ﻋﻠﻰ ﻫﺪﻭﺋﻲ ﻭﻣﺎ ﺍﺑﻴﻦ ﺷﻲ ، ﺿﻤﺪﺕ ﺍﻳﺪﻫﺎ ﻭﻛﻤﻠﺖ .. ﺑﺲ ﻣﻦ ﺷﻔﺖ ﺍﻳﺪﻫﺎ ﺍﻟﻲ ﻻﺯﻣﺘﻨﻲ ﺑﻴﻬﺎ ﺟﻤﺪﺕ ﺑﻤﻜﺎﻧﻲ !
ﺍﻳﺪﻫﺎ ﺻﺎﻳﺮﻩ ﺯﺭﻛﻪ ﻭﺍﻟﺪﻡ ﻣﺤﺼﻮﺭ ﺑﻴﻬﺎ ﺑﺤﻴﺚ ﺷﻜﻠﻬﺎ ﻳﺨﻮﻑ !!
ﺍﺳﻴﺪ .. ﻫﺎﻱ ﺷﺒﻴﻬﺎ ﺍﻳﺪﺝ ﺍﻟﺜﺎﻧﻴﻪ؟ !
ﺩﺍﻟﻴﺎ .. ﺑﺴﺮﻋﻪ ﺳﺤﺒﺖ ﺍﻳﺪﻫﺎ ﻣﻦ ﺍﻧﺘﺒﻬﺖ ﻫﻲ ﻻﺯﻣﺘﻪ .. ﺑﺼﻮﺕ ﻣﺨﻨﻮﻙ ﻭﻫﻲ ﻣﺪﻧﻜﻪ ، ﻣﺒﻴﻬﺎ ﺷﻲ !
ﺍﺳﻴﺪ .. ﺳﺄﻟﺘﺞ ﺳﺆﺍﻝ ﺟﺎﻭﺑﻲ ﻭﻛﻠﺘﻠﺞ ﻣﻦ ﺍﺣﺠﻲ ﻭﻳﺎﺝ ﺍﺭﻓﻌﻲ ﺭﺍﺳﺞ ﻭﺣﺎﺟﻴﻨﻲ .
ﺩﺍﻟﻴﺎ .. ﺭﻓﻌﺖ ﺭﺍﺳﻲ .. ﻭﻋﻴﻨﻲ ﺻﺎﺭﺕ ﺑﻌﻴﻨﻪ ، ﻫﻨﺎ ﺍﻧﻲ ﻛﻞ ﺍﻻﻟﻢ ﺍﻟﻲ ﻛﻨﺖ ﺍﺣﺲ ﺑﻲ ﺍﺧﺘﻔﻰ !
ﻛﻤﺖ ﻣﺎﺍﺣﺲ ﻏﻴﺮ ﺻﺨﻮﻧﻪ ﺑﻜﻞ ﺟﺴﻤﻲ ، ﺍﺭﻳﺪ ﺍﺣﺠﻲ ﻣﺎﺍﻛﺪﺭ ﺍﻟﻜﻼﻡ ﺍﺧﺘﻔﻰ !
ﺍﺳﻴﺪ .. ﺑﻘﺖ ﺻﺎﻓﻨﻪ ﺑﻮﺟﻬﻲ ﻭﻣﺘﺤﺠﻲ ، ﻫﺎﻱ ﻣﺘﻮﺏ ﺍﺑﺪ ؟ !
ﺍﻟﻜﻼﻡ ﻭﻳﺎﻫﺎ ﻣﻴﻔﻴﺪ ﺍﺣﺠﻲ ﻭﻳﺎﻫﺎ ﺻﺎﻓﻨﻪ ﺑﻮﺟﻬﻲ ﻉ ﺑﺎﻟﻚ ﺷﺎﺷﺔ ﺳﻴﻨﻤﺎ ﻭﺻﺎﻓﻨﻪ ﻋﻠﻴﻪ !
ﺑﺼﻮﺕ ﺟﺎﻣﺪ ﻛﻠﺘﻠﻬﺎ .. ﺩﺍﺍﻧﺘﻈﺮ ﺍﻟﺠﻮﺍﺏ !!
ﺩﺍﻟﻴﺎ .. ﻣﺮﻩ ﺛﺎﻧﻴﻪ ﻋﻴﻮﻧﻲ ﺧﺎﻧﺘﻨﻲ ﻭﻧﺰﻟﺖ ﺩﻣﻌﺘﻲ ، ﻟﻴﺶ ﻫﻴﺞ ﺩﻳﺼﻴﺮ ﺑﻴﻪ؟ !
ﻟﻴﺶ ﺍﺗﺤﻤﻞ ﻛﻞ ﻫﺬﺍ ﺍﻟﺬﻝ ، ﻭﻧﻈﺮﻩ ﻣﻦ ﻋﻴﻮﻧﻪ ﺗﻀﻴﻌﻨﻲ ؟ !!
ﺣﺴﺮﻩ ﺑﻜﺒﺮ ﺍﻟﻜﻮﻥ ﺑﻨﺺ ﮔﻠﺒﻲ ﻋﻠﻰ ﺣﻈﻲ ﺍﻟﻤﺎﻳﻞ ، ﺩﻣﻮﻋﻲ ﺻﺒﻦ ﻋﻠﻰ ﺧﺪﻱ ﺑﺪﻭﻥ ﺍﺭﺍﺩﺗﻲ ... ﻣﺎ ﺍﺣﺲ ﺍﻻ ﺍﻳﺪﻩ ﻋﻠﻰ ﺧﺪﻱ ﻭﻳﻤﺴﺢ ﺑﺄﺻﺎﺑﻌﻪ ﺩﻣﻮﻋﻲ !!!!......
ﻟﻠﺤﻜﺎﻳﻪ ﺑﻘﻴﻪ ️
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء