رواية في أرض الغرام انت دولتي ج1 الجزء التاسع
للكاتبة الأميرة الموسوية
...
ﺍﻡ ﺍﺳﻴﺪ .. ﺩﺍﻟﻴﺎﺍﺍ .. ﺑﻨﺘﻲ ﻭﻳﻨﺞ ؟ !!
ﺩﺍﻟﻴﺎ .. ﻛﻨﺖ ﺟﺎﻣﺪﻩ ﺑﻤﻜﺎﻧﻲ ﻣﻦ ﺍﻟﺨﻮﻑ ﻭﻣﻦ ﻗﺮﺑﻪ ﻣﻨﻲ .. ﺍﻟﻰ ﺍﻥ ﺳﻤﻌﺖ ﺻﻮﺕ ﺍﻟﺤﺠﻴﻪ ﺩﺗﺼﻴﺤﻨﻲ !!
ﺩﻓﻌﺘﻪ ﺑﻜﻞ ﻗﻮﺗﻲ ﻋﻨﻲ ، ﺳﺪﻳﺖ ﺍﻟﻀﻮﻩ ﺑﺴﺮﻋﻪ ﻭﻃﻠﻌﺖ ﻭﻛﻔﺖ ﺍﺑﺎﺏ ﺍﻟﻤﻄﺒﺦ ﻳﻌﻨﻲ ﺍﻛﺪﺭ ﺍﺷﻮﻓﻪ ﺑﺲ ﺍﻟﺤﺠﻴﻪ ﻣﺘﺸﻮﻓﻪ .. ﺍﺗﻮﻗﻌﺖ ﺣﻴﻄﻠﻊ ﻭﺭﺍﻳﻪ ﻭﻳﻔﻀﺤﻨﻲ ، ﺣﻴﻜﻮﻟﻠﻬﺎ ﻣﺘﻮﺍﻋﺪ ﺍﻧﻲ ﻭﻳﺎﻫﺎ ﺗﺠﻴﻨﻲ ﺑﺎﻟﻠﻴﻞ ، ﺧﺼﻮﺻﺎً ﻫﻮ ﻗﺒﻞ ﺩﻗﻴﻘﻪ ﻫﺪﺩﻧﻲ ﻳﻜﻮﻟﻠﻬﻢ ﻋﻨﺪﻱ ﻋﻼﻗﻪ ﺑﻲ ﻭﻧﺎﻳﻤﻪ ﺑﺤﻀﻨﻪ !!!!!!
ﻭﻫﺴﻪ ﻟﻤﺎ ﻧﺎﻣﺖ ﺍﻣﻲ ﺍﺟﺘﻲ ﻋﻠﻴﻪ !!
ﺑﻌﺪ ﻣﻨﻮ ﺍﻟﻲ ﻳﺼﺪﻛﻨﻲ ، ﻟﻮ ﺍﺣﻠﻔﻠﻬﻢ ﺑﺎﻻﻧﺠﻴﻞ ﻣﺤﺪ ﻳﺼﺪﻙ ﻭﻳﺸﻤﺮﻭﻧﻲ ﺑﺎﻟﺸﺎﺭﻉ !
ﻣﺠﺮﺩ ﺍﻟﻔﻜﺮﻩ ﻣﺮﺕ ﺍﺑﺎﻟﻲ ﺍﺣﺲ ﺍﻧﻔﺎﺳﻲ ﺍﺧﺘﻨﻜﺖ ، ﻳﺎ ﺍﻟﻬﻲ ﺑﺄﺳﻢ ﺍﻟﻤﺴﻴﺢ ﺗﺨﻠﺼﻨﻲ ﻣﻦ ﻫﺬﻱ ﺍﻟﻤﺼﻴﺒﻪ ، ﺑﻘﻴﺖ ﺍﺩﻋﻲ ﻭﺍﺗﻮﺳﻞ ﺍﻟﺮﺏ ﺑﺪﺍﺧﻠﻲ ﻛﻮﻥ ﻣﻴﻄﻠﻊ ﻭﻳﻴﺴﻮﻳﻠﻲ ﻓﻀﻴﺤﻪ ﻓﻬﺎﻟﻠﻴﻞ ، ﺍﻟﺤﺠﻴﻪ ﻛﺪﺍﻣﻲ ﻓﺘﺤﺖ ﺍﻟﻀﻮﻩ ﻣﺎﻟﺖ ﺍﻟﺼﺎﻟﻪ ﻭ ﺗﺒﺎﻭﻉ ﻋﻠﻴﻪ ﺑﺲ ﻫﻲ ﺑﻌﻴﺪﻩ ﻋﻨﻲ ﻭﻧﻈﺮﻫﺎ ﺑﺎﻟﻠﻴﻞ ﻣﻮ ﻫﺎﻟﻜﺪ ﻛﻮﻟﺶ ﺿﻌﻴﻒ ﻳﻌﻨﻲ ﻳﺎﺩﻭﺏ ﺗﻤﻴﺰ ﺍﻟﻲ ﻛﺪﺍﻣﻬﺎ !
ﺍﻡ ﺍﺳﻴﺪ .. ﺷﺎﻓﺖ ﺩﺍﻟﻴﺎ ﻭﺍﻛﻔﻪ ﺑﺎﻟﺒﺎﺏ ﻣﺎﻟﺖ ﺍﻟﻤﻄﺒﺦ .. ﻫﺎﻱ ﺍﻧﺘﻲ ﻫﻨﺎ ﺑﻨﺘﻲ ﺻﺎﺭ ﺳﺎﻋﻪ ﺍﻧﺪﻩ ﻋﻠﻴﺞ ﻣﺎﻛﻮ !
ﺩﺍﻟﻴﺎ .. ﺑﺼﻮﺕ ﻣﺘﻠﺒﻚ ﻭﺍﻧﻔﺎﺱ ﻣﺨﻨﻮﻛﻪ ، ﻫـ .. ﺍ .. ﺍﻧـ .. ﻱ .. ﻫﻨـ .. ﺍ .. ﺑﺎﻟـ .. ﺑﺎﻟﻤﻄﺒـ .. ﺥ ﻛﻨﺖ .
ﺍﻡ ﺍﺳﻴﺪ .. ﺍﺷﺒﻴﺞ ﺩﺍﻟﻴﺎ ﺑﻨﺘﻲ ﻟﻴﺶ ﻫﻴﺞ ﻭﺟﻬﺞ ﻣﺨﻄﻮﻑ ﺷﺼﺎﻳﺮ؟ !!
ﺩﺍﻟﻴﺎ .. ﻫﺎﺍ .. ﻻﺍ .. ﻣﺎﻛـ .. ﻣﺎﻙ .. ﻭ ﺷﺶ .. ـﻲ ﺑﺲ .. ﺑﺲ ﺍﻧﻲ ﻋﻄﺸﺖ ﻭﻧﺰﻟﺖ ﺍﺟﻴﺐ ﻣﻲ ﻣﻦ ﺍﻟﻤﻄﺒﺦ ﻓﺄﻧﺘﻲ ﻟﻤﺎ ﺻﺤﺘﻴﻨﻲ ﺟﻔﻠﺖ .
ﺍﻡ ﺍﺳﻴﺪ .. ﻳﺎ ﺍﻋﺬﺭﻳﻨﻲ ﻳﻤﻪ ﺗﺮﻯ ﺷﻔﺘﺞ ﻣﺎﻛﻮ ﻭﺧﻔﺖ ﻋﻔﺘﻴﻨﺎ ﻭﺭﺣﺘﻲ ﻣﻦ ﻭﺭﺍ ﺍﺑﻨﻲ ﺍﺳﻴﺪ .
ﺩﺍﻟﻴﺎ .. ﻻ ﺣﺠﻴﻪ ﻭﻳﻦ ﺍﺭﻭﺡ ﺍﻧﺘﻲ ﺗﺪﺭﻳﻦ ﺍﻧﻲ ﻣﺎﻋﻨﺪﻱ ﻏﻴﺮﻛﻢ ، ﻭﺍﺫﺍ ﻋﻠﻰ ﺍﺑﻨﺞ ﻓﺄﻧﻲ ﻣﺴﺘﻌﺪﻩ ﺍﺗﺤﻤﻠﻪ ﻭﺍﺳﻜﺖ ﻋﻦ ﻛﻼﻣﻪ ﻭ ﺍﻃﺒﺎﻋﻪ ﻟﺨﺎﻃﺮﺝ ، ﺍﺧﺬﺕ ﻧﻈﺮﻩ ﺳﺮﻳﻌﻪ ﻋﻠﻴﻪ ﺷﻔﺖ ﻋﻴﻮﻧﻪ ﻧﺎﺭ ﻳﺮﻳﺪ ﻳﻨﻔﺠﺮ ، ﺍﻟﻈﺎﻫﺮ ﻛﻼﻣﻲ ﻣﻌﺠﺒﻪ !
ﺍﻧﻲ ﺍﻋﻠﻤﻚ ﻫﺬﻱ ﻓﺮﺻﺘﻲ !...
ﺍﻡ ﺍﺳﻴﺪ .. ﺍﻟﻠﻪ ﻳﺮﺿﻰ ﻋﻠﻴﺞ ﺑﻨﺘﻲ .. ﺗﺪﺭﻳﻦ ﺻﺎﺭﻟﻲ ﻛﻢ ﻳﻮﻡ ﻣﻦ ﺍﺟﻴﺘﻴﻨﺎ ﻭﺍﻧﻲ ﻣﺘﻮﻧﺴﻪ ﻋﻠﻴﺞ ﻭﺣﺘﻰ ﺧﻨﻜﺘﻲ ﺭﺍﺣﺖ ، ﻣﻮﻧﺴﺘﻨﻲ ، ﺭﺍﺩﻩ ﻋﻠﻴﻪ ﻭﺣﺸﺔ ﻫﺬﺍ ﺍﻟﺒﻴﺖ ﻭ ﺗﺴﺎﻋﺪﻳﻨﻲ ﺍﺧﺎﻑ ﺍﻛﻠﺞ ﺑﻨﺎﺗﻲ ﻣﻴﺘﺤﻤﻠﻨﻲ ﻣﺜﻠﺞ ﺍﻧﺘﻲ ، ﺍﻟﻠﻪ ﻳﻮﻓﻘﺞ ﻭﻳﺮﺿﻰ ﻋﻠﻴﺞ .
ﺩﺍﻟﻴﺎ .. ﻻ ﺣﺠﻴﻪ ﺷﻤﺴﻮﻳﻪ ﻗﺎﺑﻞ ﻫﺬﺍ ﻭﺍﺟﺒﻲ ﺍﻧﺘﻮ ﺩﺗﻨﻄﻮﻧﻲ ﺭﺍﺗﺐ ﻣﻮ ﺑﻼﺵ ، ﻭﻣﻮﻓﺮﻳﻠﻲ ﺳﻜﻦ ﻟﻮ ﻣﺎ ﺍﻧﺘﻮ ﻣﺎﺍﻋﺮﻑ ﻭﻳﻦ ﺍﺭﻭﺡ ﺍﻟﺮﺏ ﻳﺠﺎﺯﻳﻜﻢ ﻋﻨﻲ ﻛﻞ ﺧﻴﺮ .
ﺍﻡ ﺍﺳﻴﺪ .. ﻭﻳﺠﺎﺯﻳﺞ ﻳﻤﻪ ﺍﺭﻳﺪﺝ ﺗﺪﻋﻴﻠﻲ ﻻﺑﻨﻲ ﻫﺬﺍ ﺍﻟﻌﻘﺪﻩ ﺍﻟﻜﺒﻴﺮﻩ ﺍﺳﻴﺪ ﺍﻧﺘﻲ ﻳﺘﻴﻤﻪ ﻭﻓﻘﻴﺮﻩ ﺑﻠﻜﻲ ﺍﻟﻠﻪ ﻳﺴﺘﺠﺎﺏ ﻣﻨﺞ ﻭﻳﻬﺪﻱ ، ﻳﻠﻜﻰ ﺑﻨﻴﺔ ﺍﻟﺤﻼﻝ ﺍﻟﻲ ﻳﻘﻨﻊ ﺑﻴﻬﺎ ﺗﺴﻌﺪﻩ ﻭﺍﻓﺮﺡ ﺑﻲ ، ﺍﺷﻮﻑ ﺟﻬﺎﻟﻪ ﻗﺒﻞ ﻣﺎ ﺍﻣﻮﺕ
...
ﺩﺍﻟﻴﺎ .. ﺩﺭﺕ ﻭﺟﻬﻲ ﻋﻠﻴﻪ ﺷﻔﺘﻪ ﺻﺎﻓﻦ ﻋﻠﻴﻪ ، ﺑﺲ ﻣﻦ ﺳﻤﻊ ﻛﻼﻡ ﺍﻣﻪ ﻣﺒﻴﻦ ﻣﻦ ﺷﻜﻠﻪ ﺍﻧﺰﻋﺞ .. ﺭﺟﻊ ﺭﺍﺳﻪ ﻟﻠﺴﻘﻒ ﻭﺑﻘﻰ ﻳﺰﻓﺮ ﻧﻔﺲ ﻃﻮﻳﻞ .. ﺍﻛﻴﺪ ﺍﻛﻮ ﺳﺮ ﺍﻟﻲ ﻣﺨﻠﻲ ﻟﻬﺪﺭﺟﻪ ﻣﺘﻌﻘﺪ ﻣﻦ ﻣﻮﺿﻮﻉ ﺍﻟﺰﻭﺍﺝ !
ﺍﻧﻲ ﻫﻢ ﻣﺴﻜﺘﺖ ﻛﻠﺖ ﺑﺼﻮﺕ ﻧﺎﺻﻲ .. ﻫﺎﻱ ﻳﺎ ﻋﻮﺑﻪ ﻭﺍﻟﻠﻪ ﻏﺎﺿﺐ ﻋﻠﻴﻬﺎ ﺍﻟﻲ ﺗﺎﺧﺬﻩ .
ﻫﻮ ﺍﻟﻄﺎﻫﺮ ﺳﻤﻌﻨﻲ !!!
ﺍﻟﺘﻔﺖ ﻋﻠﻴﻪ ﺑﺴﺮﻋﻪ ﻭﺍﻟﺸﺮﺭ ﻳﺘﻄﺎﻓﺮ ﻣﻦ ﻋﻴﻮﻧﻪ ﻳﺎ ﺭﺑﻴﻴﻴﻲ ﺷﻨﻄﻘﻨﻲ ﺍﻭﻭﻭﻑ ﻣﻨﻲ ﻭﻣﻦ ﺍﻟﻠﺴﺎﻧﻲ !!
ﻣﻦ ﺻﺪﻭﻙ ﺑﻬﺬﻳﺞ ﺍﻟﻠﺤﻈﻪ ﺣﺴﻴﺖ ﺑﺎﻟﻨﺪﻡ ﻉ ﻛﻼﻣﻲ ﻻﻥ ﺍﻟﻤﻮﻗﻒ ﺍﻟﻲ ﺑﻲ ﺍﺑﺪ ﻣﻮ ﻣﺎﻝ ﺍﺣﺠﻲ ﻫﻴﺞ .. ﻣﺎ ﻋﻨﺪﻩ ﻛﻞ ﻣﺎﻧﻊ ﻳﻄﻠﻊ ﻭﺍﻧﻔﻀﺢ !!
ﺃﻡ ﺍﺳﻴﺪ .. ﻫﺎ ﻳﻤﻪ ﺷﻜﻠﺘﻲ !..
ﺩﺍﻟﻴﺎ .. ﻫﺎﺍﺍ .. ﺍﺍ .. ﺣﺠﻴﻪ ﺩﺍﺍﻛﻮﻝ ﺍﻥ ﺷﺎﺀ ﺍﻟﻠﻪ ﻳﺴﺘﺤﺎﺏ ﺩﻋﺎﺋﺞ .. ﺩﺍﺍﺣﺠﻲ ﻭﻳﺎﻫﺎ ﻣﺎ ﺍﺣﺲ ﺍﻻ ﺍﻳﺪﻱ ﺍﻧﺠﺮﺕ ﻭﺍﺻﺎﺑﻴﻌﻲ ﺍﻧﻌﺼﺮﺕ ﺑﻘﻮﻩ !!!
ﺍﻻﻟﻢ ﻓﻀﻴﻴﻴﻴﻴﻊ ﻣﺎﺍﻛﺪﺭ ﺍﻭﺻﻔﻪ ، ﺟﻌﺺ ﺍﺻﺎﺑﻴﻌﻲ ﺟﻌﺺ ﺣﺴﻴﺘﻬﻢ ﺩﻳﺘﻜﺴﺮﻭﻥ ﺑﻴﻦ ﺍﻳﺪﻩ !!
ﺍﻧﻲ ﺑﺴﺮﻋﻪ ﺍﺭﺗﻜﻴﺖ ﻉ ﻋﺘﺒﺔ ﺍﻟﺒﺎﺏ ﻻ ﺗﺸﻮﻓﻨﻲ ﺍﻟﺤﺠﻴﻪ ﺍﻳﺪﻱ ﻣﺠﺮﻭﺭﻩ ، ﺑﻘﻴﺖ ﻣﺤﺎﻓﻈﻪ ﻋﻠﻰ ﻫﺪﻭﺋﻲ ﻛﺪﺍﻡ ﺍﻣﻪ ، ﺑﺲ ﺍﺣﺲ ﺍﻳﺪﻱ ﺍﻧﻤﺮﺩﺕ .
ﺍﻡ ﺍﺳﻴﺪ .. ﺍﻟﻠﻪ ﻳﺴﻤﻊ ﻣﻨﺞ ﺑﻨﻴﺘﻲ ، ﻳﻼ ﺍﻧﻲ ﺻﺎﻋﺪﻩ ﺍﻧﺎﻡ ﻣﺎﺍﻛﺪﺭ ﺑﻌﺪ ﺍﻭﻛﻒ ، ﻭﺍﻧﺘﻲ ﻣﻦ ﺗﻜﻤﻠﻴﻦ ﺍﺻﻌﺪﻱ ﻳﻤﻲ ﻣﻮ ﺗﺨﻠﻴﻨﻲ ﻭﺣﺪﻱ ﺍﺧﺎﻑ ﺍﻛﻮﻡ ﺑﺎﻟﻠﻴﻞ ﻭﺍﻟﺪﻧﻴﺎ ﻇﻠﻤﻪ ﺗﺪﺭﻳﻦ ﺑﻴﻪ .
ﺩﺍﻟﻴﺎ .. ﺍﺍﺍﺥ .. ﺍﻱ .. ﺍﻳﻴﻲ .. ﺻﺎﺭ ﺣﺠـ .. ﻳﻪ .. ﻫﺴـ .. ﺳﺴﻪ ﺍﺟﻲ .. ﺍﺟﻲ ﻭﺭﺍﺝ .
ﺍﺣﺠﻲ ﻭﻳﺎﻫﺎ ﻭﺍﺣﺲ ﺭﻭﺣﻲ ﺩﺗﻄﻠﻊ ﻣﻦ ﺍﻟﻮﺟﻊ .
ﺭﺍﺣﺖ ﺍﻣﻪ .. ﻭﺍﻧﻲ ﺑﺴﺮﻋﻪ ﺩﺧﻠﺖ ﻟﻠﻤﻄﺒﺦ ﺳﺤﺒﺖ ﺍﻳﺪﻱ ﻣﻨﻪ ﺑﻜﻞ ﻗﻮﺗﻲ ،، ﺍﺣﺴﻬﺎ ﺍﻧﺨﻠﻌﺖ ﻣﻦ ﻛﺘﻔﻲ !!
ﺍﻟﺪﻣﻮﻉ ﺍﺗﺠﻤﻌﺖ ﺑﻌﻴﻮﻧﻲ ﻣﻦ ﺍﻻﻟﻢ ﺍﻟﻲ ﺩﺍﺍﺣﺲ ﺑﻲ ﺑﻘﻴﺖ ﻻﺯﻣﻪ ﺍﻳﺪﻱ ﻭﺍﺑﺎﻭﻉ ﻋﻠﻴﻬﺎ ﺣﻤﺮﻩ ﻣﺜﻞ ﺍﻟﺪﻡ !!
ﺍﺳﻴﺪ .. ﺑﺼﻮﺕ ﺟﺎﻣﺪ ﻭﺧﺎﻟﻲ ﻣﻦ ﺍﻱ ﻣﺸﺎﻋﺮ .. ﻫﺬﺍ ﺣﺘﻰ ﻛﻠﻤﺎ ﺗﻔﺘﺤﻴﻦ ﺣﻠﻜﺞ ﻣﺮﻩ ﺛﺎﻧﻴﻪ ﺗﺘﺬﻛﺮﻳﻦ ﺍﻟﻲ ﻳﺼﻴﺮﻟﺞ .
ﺩﺍﻟﻴﺎ .. ﺭﻓﻌﺖ ﺭﺍﺳﻲ ﺑﺎﻭﻋﺖ ﺑﻮﺟﻬﻪ ﻭﺩﻣﻮﻋﻲ ﺑﺪﺕ ﺗﻨﺰﻝ ﻣﻦ ﺍﻟﻮﺟﻊ ﺍﻟﻲ ﺑﺮﻭﺣﻲ .. ﺍﻧﺖ ﻣﺴﺘﺤﻴﻞ ﺗﻜﻮﻥ ﺑﺸﺮ .
ﺍﺳﻴﺪ .. ﻣﻦ ﻛﺎﻟﺖ ﻫﺸﻜﻞ ﺍﺳﺘﻔﺰﺗﻨﻲ ﻻﻗﺼﻰ ﺣﺪ ، ﺣﺘﻰ ﺍﺩﻣﻮﻋﻬﺎ ﻣﺎ ﺷﻔﻌﺘﻠﻬﺎ ﻋﻨﺪﻱ .. ﻟﺰﻣﺘﻬﺎ ﻣﻦ ﻓﻜﻬﺎ ﺑﻘﻮﻩ ﺑﺤﻴﺚ ﺍﺻﺎﺑﻌﻲ ﺗﺮﻛﻦ ﺍﺛﺮ ﺑﺨﺪﻫﺎ ﻣﻦ ﻋﻔﺘﻬﺎ .. ﻟﺰﻣﺘﻬﺎ ﺣﻴﻞ ﻭﺿﺮﺑﺘﻬﺎ ﺑﺎﻟﺤﺎﻳﻂ ﺑﻘﻮﻩ ﺑﺤﻴﺚ ﺣﺴﻴﺖ ﻋﻈﺎﻣﻬﺎ ﺩﺗﻄﻜﻄﻚ !!
ﺑﺼﻮﺕ ﺣﺎﺩ ﻣﻦ ﺑﻴﻦ ﺍﻧﻔﺎﺳﻲ ﻛﻠﺘﻠﻬﺎ ...
_ ﺑﺎﻋﻲ ﻟﺞ ﺍﻟﻠﺴﺎﻧﺞ ﻫﺬﺍ ﺍﻛﺼﻪ ﻭﺍﺧﻠﻴﺞ ﺗﺎﻛﻠﻲ ﺍﺫﺍ ﻓﺘﺤﺘﻲ ﺣﻠﻜﺞ ﻭﻳﺎﻱ ﺑﻌﺪ ، ﻻ ﻉ ﺑﺎﻟﺞ ﺍﻣﻲ ﺗﺤﺒﺞ ﻭﻣﺎﺍﻛﺪﺭ ﺍﺳﻮﻳﻠﺞ ﺷﻲ ، ﻭﺍﻟﺨﻠﻘﺞ ﺍﺧﻔﻴﺞ ﻣﻦ ﺍﻟﻮﺟﻮﺩ ﻭﺧﻠﻲ ﺍﺷﻮﻑ ﻣﻨﻮ ﻳﻄﻠﻌﻠﺞ ﺑﻼ؟ !!
ﺩﺍﻟﻴﺎ .. ﻻﺯﻣﻨﻲ ﻣﻦ ﻭﺟﻬﻲ ﻛﻞ ﻗﻮﺗﻪ ﺍﺣﺲ ﺧﺪﻭﺩﻱ ﺍﻧﺰﺭﻓﺖ ﺑﺄﺻﺎﺑﻴﻌﻪ .. ﺩﻣﻮﻋﻲ ﺗﺠﺮﻱ ﻣﻦ ﺍﻻﻟﻢ ﻭﻫﻮ ﻭﻻ ﻉ ﺑﺎﻟﻚ .. ﺍﻟﺮﺟﻊ ﺍﻟﻲ ﺣﺴﻴﺖ ﺑﻲ ﺑﺮﻭﺣﻲ ﺍﻛﺜﺮ ﻣﻦ ﻭﺟﻊ ﺟﺴﻤﻲ .. ﺍﻳﺪﻱ ، ﺍﺻﺎﺑﻴﻌﻲ ، ﺧﺪﻱ ، ﻇﻬﺮﻱ ﺍﻟﻲ ﺍﺗﻜﺴﺮ ﺑﺎﻟﺤﺎﻳﻂ .. ﻛﻞ ﻫﺬﺍ ﻫﻴﻦ ﻣﻮ ﻣﺜﻞ ﻭﺟﻊ ﺭﻭﺣﻲ ﻣﻦ ﻛﺎﻝ ﺧﻠﻲ ﺍﺷﻮﻑ ﻣﻨﻮ ﻳﻄﻠﻊ ﻭﺭﺍﺝ !!
ﺍﻭﻭﻭﻭﻭﻭﻑ ﻫﺎﻱ ﺍﻟﻜﻠﻤﻪ ﺣﺮﻛﺖ ﺭﻭﺣﻲ ﺣﺮﻙ !
ﻣﺤﺠﻴﺖ ﻭﻳﺎ ﺍﻱ ﻛﻠﻤﻪ ﺑﺲ ﺑﻘﻴﺖ ﺍﺑﺎﻭﻉ ﺑﻌﻴﻮﻧﻪ .. ﻫﺬﺍ ﻛﻮﻟﻪ ﺍﻟﻲ ﺩﻳﺴﻮﻱ ﺑﻴﻪ ﻭﺍﻧﻲ ﺍﻟﻐﺒﻴﻪ ﺗﺎﻳﻬﻪ ﺑﻌﻴﻮﻧﻪ ، ﺍﺣﺲ ﻧﻔﺴﻲ ﺑﻐﻴﺮ ﻋﺎﻟﻢ ﻣﻦ ﺍﺻﻔﻦ ﺑﻴﻬﻦ !!
ﺣﺎﻭﻟﺖ ﺍﺳﺘﺠﻤﻊ ﻧﻔﺴﻲ ﻭﺍﺑﻌﺪﻩ ﻋﻨﻲ ﺑﻜﻞ ﻗﻮﺗﻲ ﺑﺲ ﻣﻜﺪﺭﺕ ﻻﻥ ﻫﻮ ﺍﺿﺨﻢ ﻣﻨﻲ ﻭﺍﻗﻮﻯ ﺍﻛﻴﺪ .. ﺟﻤﺪﺕ ﺑﻤﻜﺎﻧﻲ ﻭﺳﻜﺘﺖ ﺑﺲ ﺍﺩﻣﻮﻋﻲ ﻫﻲ ﺍﻟﻲ ﺗﺤﺠﻲ
....
ﺍﺳﻴﺪ .. ﺭﺩﺕ ﺍﺭﺟﻊ ﺍﻛﻮﻟﻠﻬﺎ ﺗﺎﺧﺬ ﻫﺪﻭﻣﻬﺎ ﻭﺗﻄﻠﻊ ﻣﻦ ﺍﻟﺒﻴﺖ ﻣﺎ ﺍﺭﻳﺪ ﺍﺷﻮﻓﻬﺎ ﺑﻌﺪ .. ﺑﺲ ﻛﻼﻡ ﺍﻣﻲ ﺍﻟﻲ ﺳﻤﻌﺘﻪ ﺑﻘﻰ ﻳﺮﻥ ﺑﻌﻘﻠﻲ !!
ﺍﻣﻲ ﻣﻦ ﻣﺎﺕ ﺍﺑﻮﻳﻪ ﻭﻫﻲ ﻛﺎﻇﻴﺘﻬﺎ ﺣﺰﻥ ﻭﻗﻬﺮ .. ﻭﻣﻦ ﻛﻼﻣﻬﺎ ﻭﺍﺿﺢ ﺍﻧﻮ ﻫﻲ ﺣﻴﻞ ﻣﺮﺗﺎﺣﻪ ﺑﻮﺟﻮﺩﻫﺎ ﻫﻨﺎ !..
ﺯﻳﻦ ﺍﺷﻠﻮﻥ ﺍﻃﺮﺩﻫﺎ ﻭﺍﻣﻲ ﻣﻨﻮ ﺍﻟﻬﺎ؟ !!
ﻭﻣﻨﻮ ﻳﻜﻮﻝ ﺍﺫﺍ ﻃﺮﺩﺗﻬﺎ ﺍﻣﻲ ﺭﺍﺡ ﺗﺮﺿﻰ ﻋﻨﻲ ﺍﺻﻼ ﻟﻮ ﺗﺤﺠﻲ ﻭﻳﺎﻱ ﺑﻌﺪ؟ !!
ﻭﺍﻧﻲ ﻛﻠﺸﻲ ﻋﻨﺪﻱ ﻣﻴﻬﻢ ﺍﻻ ﺭﺿﻰ ﺍﻣﻲ ﻭ ﺭﺍﺣﺘﻬﺎ ﻋﻨﺪﻱ ﺑﺎﻟﺪﻧﻴﺎ ﻛﻠﻬﺎ !..
ﻣﺤﺪ ﺗﻌﺐ ﻋﻠﻴﻪ ﻭﺳﺎﻧﺪﻧﻲ ﺑﻌﺪ ﻭﻓﺎﺓ ﺍﺑﻮﻳﻪ ﻭ ﺳﻮﺍﻧﺎ ﺯﻟﻢ ﻋﻠﻴﻨﺎ ﺍﻻﻋﺘﻤﺎﺩ ﻏﻴﺮ ﺍﻣﻲ .. ﺗﺎﻟﻴﻬﺎ ﺍﺣﺮﻣﻬﺎ ﻣﻦ ﺍﻟﺮﺍﺣﻪ ﺍﻟﻮﺣﻴﺪﻩ ﺑﺎﻟﻨﺴﺒﻪ ﺍﻟﻬﺎ؟ !!
ﺑﻘﻴﺖ ﺻﺎﻓﻦ ﺑﻌﻴﻮﻥ ﻫﺎﻱ ﺍﺑﺎﻭﻉ ﺑﻴﻬﻢ ﺑﺲ ﺍﻧﻲ ﺑﺎﻟﻲ ﺑﻐﻴﺮ ﻣﻜﺎﻥ ﺑﺎﻟﻲ ﻳﻢ ﺍﻣﻲ ﺍﺷﻠﻮﻥ ﺑﻴﻬﺎ ... ؟ !!
ﻻ ﺍﻛﺪﺭ ﺍﺧﻠﻲ ﻫﺎﻱ ﻫﻨﺎ ﺍﺗﺨﺒﻞ ﻣﻦ ﺷﻮﻓﺘﻬﺎ ﻭﻣﻦ ﻭﺟﻮﺩﻫﺎ .. ﻭﻻ ﺍﻛﺪﺭ ﺍﻃﺮﺩﻫﺎ ﺍﻣﻲ ﺍﺷﻠﻮﻥ ﺑﻴﻬﺎ؟ !!
ﺟﺮﻳﺖ ﻧﻔﺲ ﻃﻮﻳﻞ ﻭﺯﻳﺪﺕ ﺍﻟﻀﻐﻂ ﻋﻠﻰ ﻓﻜﻬﺎ .. ﺑﺼﻮﺕ ﻫﻤﺲ ﻭﺣﺎﺩ ﻛﻠﺘﻠﻬﺎ ..
_ ﺍﺳﻤﻌﻴﻨﻲ ﺍﻟﻲ ﺭﺍﺡ ﺍﺣﺠﻲ ﻭﺍﻧﺘﺒﻬﻲ ﻟﻜﻼﻣﻲ ﺯﻳﻦ .. ﺭﺍﺡ ﺍﺳﻜﺖ ﻋﻨﺞ ﻭﺍﺑﻘﻴﺞ ﻫﻨﺎ ﻟﺨﺎﻃﺮ ﺍﻣﻲ ..
ﻓـ ﺧﻠﻘﺘﺞ ﻫﺎﻱ ﻣﺎﺍﺭﻳﺪ ﺍﺷﻮﻓﻬﺎ ﻛﺪﺍﻣﻲ ﻃﻮﻝ ﻣﺎ ﺍﻧﻲ ﺑﺎﻟﺒﻴﺖ ﻭﻻ ﺍﺭﻳﺪ ﺍﻟﻤﺤﺞ ﺍﺻﻼً، ﻭﺍﺫﺍ ﺍﻣﻲ ﻣﻮﺟﻮﺩﻩ ﻭﺍﺿﻄﺮﻳﺖ ﺍﺷﻮﻓﺞ ﺩﻳﺮﻱ ﺑﺎﻟﺞ ﺻﻮﺗﺞ ﻳﻄﻠﻊ ﻛﺪﺍﻣﻲ ﻭﺩﻳﺮﻱ ﺑﺎﻟﺞ ﺍﺗﻼﺳﻨﻴﻦ ﻭﻻ ﺣﺘﻰ ﺗﻮﺟﻬﻴﻠﻲ ﻛﻠﻤﻪ ﻭﺣﺪﻩ ، ﻓﻬﻤﺘﻲ ﻟﻮ ﻻ؟ !!
ﺩﺍﻟﻴﺎ .. ﻋﺎﺻﺮ ﻭﺟﻬﻲ ﺑﻜﻞ ﻗﻮﺗﻪ ﻭﻳﺤﺠﻲ ﻭﻳﺎﻱ .. ﺍﺣﺲ ﺭﻭﺣﻲ ﺣﺘﻄﻠﻊ ﻣﻦ ﺍﻟﻮﺟﻊ ﻭﺍﻟﺮﺏ ﺭﻭﺣﻲ ﺣﺘﻄﻠﻊ .. ﻳﺎ ﺭﺑﻲ ﺑﺄﺳﻤﻚ ﺧﻠﺼﻨﻲ ﻣﺎﺍﺗﺤﻤﻞ ﺑﻌﺪ .. ﻛﺎﻝ ﻛﻼﻣﻪ ﻭﺑﻌﺪﻫﺎ ﺭﺍﺩ ﺟﻮﺍﺏ ﺍﺫﺍ ﻓﻬﻤﺘﻪ !!
ﻣﺎﺍﻛﺪﺭ ﺍﺣﺠﻲ ﻫﻮ ﻻﺯﻡ ﻓﻜﻲ ﺑﻜﻞ ﻗﻮﺗﻪ ﻭﻭﻣﺜﺒﺖ ﺟﺴﻤﻲ ﻉ ﺍﻟﺤﺎﻳﻂ ﺣﺘﻰ ﺭﺍﺳﻲ ﻣﺎﺍﻛﺪﺭ ﺍﺣﺮﻛﻪ !!
ﻣﺤﺠﻴﺖ ﺷﻲ ﺑﺲ ﺑﻘﻴﺖ ﺍﺑﺠﻲ ﺑﻼ ﺻﻮﺕ ﻋﻴﻮﻧﻲ ﻫﻲ ﺍﻟﻲ ﻋﺒﺮﺕ ﻋﻦ ﺣﺎﻟﻲ .. ﺟﺎﻥ ﻳﻀﻐﻂ ﻉ ﺟﺴﻤﻲ ﺑﻜﻞ ﻗﻮﺗﻪ ﺣﺴﻴﺖ ﺑﻄﻨﻲ ﺣﺘﻨﺰﺭﻑ ﻭﺭﺟﻊ ﻫﻤﺲ ﻳﻢ ﺍﺫﻧﻲ ﻣﻦ ﺑﻴﻦ ﺍﻧﻔﺎﺳﻪ ﺍﻟﺤﺎﺭﻩ ﺑﺼﻮﺕ ﺣﺎﺩ ﻓﻬﻤﺘﻴﻴﻴﻴﻴﻴﻲ ﻟﻮ ﻻ؟ !!
ﺩﺍﻟﻴﺎ .. ﺑﻜﻞ ﻣﺎ ﻋﻨﺪﻱ ﻣﻦ ﻗﻮﻩ ﻫﺰﻳﺖ ﺭﺍﺳﻲ ﺣﻴﻞ ﺑﻤﻌﻨﻰ ﺍﻱ ﻓﻬﻤﺖ .
ﺟﺎﻥ ﻳﺪﻓﻌﻨﻲ ﺑﻜﻞ ﻗﻮﺗﻪ ﻭ ﺍﺑﺘﻌﺪ ﻋﻨﻲ !!
ﺍﻭﻝ ﻣﺎ ﺗﺮﻛﻨﻲ ﻭﻛﻌﺖ ﺑﺎﻟﻜﺎﻉ .. ﺣﺴﻴﺖ ﺟﺒﻞ ﻭﺍﻧﺰﺍﺡ ﻣﻦ ﻋﻠﻰ ﺻﺪﺭﻱ ، ﺍﻧﻔﺎﺳﻲ ﻛﺎﻧﺖ ﻣﺨﻨﻮﻛﻪ ، ﻭﺣﻠﻜﻲ ﺑﺪﺍ ﻳﻨﺰﻑ ﻣﻦ ﻛﺪ ﻣﺎ ﻋﺎﺻﺮ ﻭﺟﻬﻲ ﻣﻦ ﻳﻢ ﺍﻟﻔﻚ ﺍﺣﺘﻚ ﺍﻟﺠﻠﺪ ﺑﺄﺳﻨﺎﻧﻲ ﻭﺑﺪﺍ ﻳﻨﺰﻑ !...
ﻋﺎﻓﻨﻲ ﻭﺭﺍﺡ ﺑﻜﻞ ﺑﺮﻭﺩ ﻭﻻ ﻉ ﺑﺎﻟﻢ ﺑﺸﺮ ﻛﺪﺍﻣﻪ .. ﺍﺗﻤﻨﻴﺖ ﻟﻮ ﻣﺎ ﺟﺎﻳﻪ ﻟﻬﺬﻱ ﺍﻟﺪﻧﻴﺎ ، ﻟﻮ ﻋﻨﺪﻱ ﺍﻫﻞ ﻣﺎ ﺍﻧﺬﻝ ﻫﺎﻱ ﺍﻟﺬﻟﻪ ، ﻟﻮ ﻋﻨﺪﻱ ﺑﻴﺖ ﺍﺭﻭﺣﻠﻪ ﻭ ﻣﺎ ﺑﻘﻰ ﺛﺎﻧﻴﻪ ﻭﺣﺪﻩ ﻫﻨﺎ .. ﻟﻮ .. ﻭ ﻟﻮﻭﻭ .. ﻭ ﻟﻮﻭﻭﻭ .. ﺑﺲ ﺍﻟﺘﻤﻨﻲ ﺷﻴﻔﻴﺪ؟ !
ﺑﻘﻴﺖ ﺑﺎﻟﻤﻄﺒﺦ ﻉ ﺍﻟﻜﺎﻉ ﻛﺎﻋﺪﻩ ﻭﺍﺑﺠﻲ .. ﺍﻧﻲ ﺷﻮﺭﻃﻨﻲ ﻭﻳﺎ ﻫﺬﺍ ، ﺍﺷﻮﻥ ﺭﺍﺡ ﺍﻋﻴﺶ ﻭﻳﺎ ﺑﻨﻔﺲ ﺍﻟﺒﻴﺖ ﺣﻴﺴﻮﻱ ﺣﻴﺎﺗﻲ ﺟﺤﻴﻢ ﻻ ﻣﺤﺎﻟﻪ !
ﺑﺠﻴﺖ .. ﺑﺠﻴﺖ .. ﺑﻌﺪﻳﻦ ﺍﺗﺬﻛﺮﺕ ﺍﻟﺤﺠﻴﻪ ﻻ ﺗﻜﻌﺪ ﻭﻣﺘﻠﻜﺎﻧﻲ ؟ !!
ﻛﻤﺖ ﻏﺴﻠﺖ ﻭﺟﻬﻲ ﻭﺣﻠﻜﻲ ﻭﺻﻌﺪﺕ ، ﻟﻜﻴﺘﻬﺎ ﻧﺎﻳﻤﻪ .. ﻣﺪﺩﺕ ﺑﻔﺮﺍﺷﻲ ﺑﺲ ﺑﻴﻮﻣﻬﺎ ﻣﻨﻤﺖ ﻟﻠﺼﺒﺢ ﺩﻣﻮﻋﻲ ﺑﻠﻠﺖ ﻣﺨﺪﺗﻲ !
ﺍﺗﺬﻛﺮﺕ ﺳﻠﻤﻰ ﺍﺷﻮﻥ ﻣﻦ ﻛﺎﻧﺖ ﺗﻨﺎﻡ ﺑﺎﻟﻠﻴﻞ ﻭﺍﺳﻤﻊ ﺷﻬﻜﺎﺗﻬﺎ ﻭﻫﻲ ﺗﺒﺠﻲ !!
ﮔﻠﺒﻲ ﺍﻧﻘﺒﺾ ﻣﻦ ﺫﻛﺮﺗﻬﺎ ، ﺻﺎﺭ ﺷﻬﺮ ﻣﺎﺍﻋﺮﻑ ﻋﻨﻬﺎ ﺷﻲ ﻭﻻ ﺳﺎﻣﻌﻪ ﺍﺧﺒﺎﺭﻫﺎ؟ !!
ﺑﻘﻴﺖ ﺍﻓﻜﺮ ﻭﺍﺑﺠﻲ ﻭﺍﺳﻜﺖ ﻭﺍﺑﺘﺴﻢ ﻟﻤﺎ ﺍﺗﺬﻛﺮﻫﺎ ، ﺍﺗﺬﻛﺮ ﺩﺍﻧﻲ ﻭﺍﻳﺎﻣﻨﺎ ﺑﺎﻟﻤﻴﺘﻢ .. ﺳﺎﻋﻪ ﺍﺑﺠﻲ ﻭﺳﺎﻋﻪ ﺍﺍﺑﺘﺴﻢ ... ﺍﻟﻰ ﺍﻥ ﻃﻠﻊ ﺍﻟﺼﺒﺢ !!
ﻣﻨﻤﺖ ﻭﻻ ﺩﻗﻴﻘﻪ .. ﻛﻤﺖ ﻣﻦ ﺍﻟﺼﺒﺢ ﻧﺰﻟﺖ ﻟﻠﻤﻄﺒﺦ ﻟﻜﻴﺖ ﺍﻟﺸﻐﺎﻟﻪ ﺍﻡ ﻋﺎﺩﻝ ﻣﻮﺟﻮﺩﻩ ﺩﺗﺴﻮﻱ ﺭﻳﻮﻙ ﺳﻠﻤﺖ ﻋﻠﻴﻬﺎ .. ﻫﻲ ﻣﻦ ﺷﺎﻓﺘﻨﻲ ﺣﺴﻴﺖ ﻣﻼﻣﺤﻬﺎ ﺗﻐﻴﺮﺕ ﻭﻧﻈﺮﻩ ﻏﺮﻳﺒﻪ ﻋﻠﻰ ﻭﺟﻬﻪ
....
ﺍﻡ ﻋﺎﺩﻝ .. ﻳﺎ ﻫﺬﺍ ﻭﺟﻬﺞ ﺍﺷﺒﻲ ﺩﺍﻟﻴﺎ ﺍﺷﻮ ﺍﺯﺭﻙ ﻣﻨﻮ ﺍﻟﻲ ﺿﺎﺭﺑﺞ ﻭﻋﻴﻮﻧﺞ ﻟﻴﺶ ﻫﻴﺞ ﺣﻤﺮ ﻭﻣﻮﺭﻣﺎﺕ؟ !!
ﺩﺍﻟﻴﺎ .. ﺍﻟﺪﻣﻮﻉ ﺍﺗﺠﻤﻌﺖ ﺑﻌﻴﻮﻧﻲ ﺑﺴﺮﻋﻪ ﺑﺲ ﺍﺑﺘﺴﻤﺖ .. ﺣﺎﻭﻟﺖ ﻣﺎ ﺍﺑﻴﻦ ﺷﻲ .. ﻟﺘﺨﺎﻓﻴﻦ ﺍﻡ ﻋﺎﺩﻝ ﻣﺒﻴﻪ ﺷﻲ ، ﺍﻟﺒﺎﺭﺣﻪ ﻧﺰﻟﺖ ﺑﺎﻟﻠﻴﻞ ﺍﺷﺮﺏ ﻣﻲ ﻭﺍﻟﺒﻴﺖ ﺍﻇﻠﻢ ﺍﺗﻌﺜﺮﺕ ﺑﺎﻟﻄﺎﻭﻟﻪ ﺍﻭ ﻭﻛﻌﺖ ﻋﻠﻰ ﻭﺟﻬﻲ .
ﺍﻡ ﻋﺎﺩﻝ .. ﻳﺎﺍﺍ .. ﺑﺲ ﻫﺬﺍ ﻭﺟﻬﺞ ﺣﻴﻞ ﻣﺘﺄﺫﻱ ﺷﻜﻠﻬﺎ ﻣﻮ ﻣﺎﻝ ﻭﻛﻌﻪ !
ﺩﺍﻟﻴﺎ .. ﻻ ﻭﻛﻌﻪ ﺻﺪﻛﻴﻨﻲ ، ﻭﻫﺴﻪ ﺧﻠﻴﻨﻲ ﺍﺣﻀﺮ ﺍﻟﺮﻳﻮﻙ ﻟﻠﺤﺠﻴﻪ ﻗﺒﻞ ﻟﺘﻜﻌﺪ .
ﺳﻮﻳﺖ ﺍﻟﺮﻳﻮﻙ ﻭﺻﻌﺪﺕ ﻟﻠﺤﺠﻴﻪ .. ﻭﺍﻧﻲ ﺩﺍﺍﺻﻌﺪ ﺳﻤﻌﺖ ﺻﻮﺕ ﺍﻟﺒﺎﺏ ﻣﺎﻝ ﻏﺮﻓﺘﻪ ﺍﻧﻔﺘﺢ !!
ﺑﺴﺮﻋﻪ ﺭﻛﻀﺖ ﺩﺧﻠﺖ ﻟﻠﻐﺮﻓﻪ ﻭﺳﺪﻳﺖ ﺍﻟﺒﺎﺏ !!
ﺷﺎﻓﺘﻨﻲ ﺍﻟﺤﺠﻴﻪ ... ﻫﻢ ﻧﻔﺲ ﺍﻟﻘﻮﺍﻧﻪ ﻭﻧﻔﺲ ﺳﺆﺍﻝ ﻣﻌﺎﺩﻝ ، ﺑﺲ ﻣﻊ ﻛﻤﻴﺔ ﺧﻮﻑ ﻭﻗﻠﻖ ﺍﻛﺜﺮ !!..
ﺣﺠﻴﺘﻠﻬﺎ ﻧﻔﺲ ﺍﻟﻔﻠﻢ ﺍﻟﻲ ﺣﺠﻴﺘﻪ ﻻﻡ ﻋﺎﺩﻝ .. ﺑﺲ ﺻﺪﻛﺘﻨﻲ ﺑﺼﻌﻮﺑﻪ !
ﺍﻟﻤﻬﻢ .. ﺣﺒﺴﺖ ﺭﻭﺣﻲ ﺑﺎﻟﻐﺮﻓﻪ ﻭﻳﺎ ﺍﻟﺤﺠﻴﻪ ، ﺑﺲ ﻟﻠﻈﻬﺮ ﺧﺎﺑﺮ ﺍﺑﻨﻬﺎ ﻛﺮﺍﺭ ﻛﺎﻝ ﺭﺍﺡ ﻧﺠﻲ ﻉ ﺍﻟﻐﺪﻩ ، ﻫﻮ ﻭﻣﺮﺗﻪ ﺍﻟﺤﻘﻨﻪ ﻭﺟﻬﺎﻟﻪ !!
ﺍﻭﻭﻭﻭﻑ ﻳﺎ ﺭﺑﻲ ﺍﺷﻠﻮﻥ ﺭﺍﺡ ﺍﺗﺤﻤﻠﻬﺎ ﻫﺎﻱ ﺯﻭﺟﺔ ﻛﺮﺍﺭ ، ﺍﻧﻲ ﺭﻭﺣﻲ ﻃﺎﻟﻌﻪ ﻭﻫﻲ ﺍﻛﺒﺮ ﺣﻘﻴﺮﻩ ﺑﺎﻟﻌﺎﺋﻠﻪ !!
ﺑﺄﺳﻢ ﺍﻟﻤﺴﻴﺢ ﺍﻟﻬﻲ ﺻﺒﺮﻧﻲ ﻋﻠﻴﻬﺎ ﻻ ﺍﻓﻘﺪ ﺍﻋﺼﺎﺑﻲ ﻭﺍﻗﺘﻠﻬﺎ !..
ﻛﺎﻟﺘﻠﻲ ﺍﻟﺤﺠﻴﻪ ﺍﻧﺰﻟﻲ ﻭﻳﺎ ﺍﻡ ﻋﺎﺩﻝ ﺳﺎﻋﺪﻳﻬﺎ ﺍﺧﺎﻑ ﻣﺘﻠﺤﻚ ﻻﻥ ﺍﺗﺼﻠﻮﺍ ﻣﺘﺄﺧﺮ ﻭﻣﺎ ﺣﺎﺳﺒﻴﻦ ﺍﺣﺴﺎﺑﻬﻢ !
ﺯﻳﻦ ﺍﺷﻮﻥ ﺍﻧﺰﻝ ﻭﻫﺬﺍ ﺍﻟﻤﺘﻮﺣﺶ ﺍﺫﺍ ﺷﺎﻓﻨﻲ ﺍﺷﻮﻥ؟ !
ﺑﻘﻴﺖ ﻣﺘﺮﺩﺩﺕ ﻭﺍﺣﻮﺹ ﺑﺎﻟﻐﺮﻓﻪ ﻳﻢ ﺍﻟﺤﺠﻴﻪ ﻣﺎﺍﻛﺪﺭ ﺍﻧﺰﻝ ﺍﺧﺎﻑ ﺍﺷﻮﻓﻪ .. ﻻﺣﻈﺖ ﺍﻟﺤﺠﻴﻪ ﺑﺪﺕ ﺗﺸﻚ ﺑﺘﺼﺮﻓﺎﺗﻲ .. ﻻﺯﻡ ﻣﺎﺍﺟﺬﺏ ﺍﻻﻧﺘﺒﺎﻩ ﻋﻠﻴﻪ ، ﻗﺮﺭﺕ ﺍﻧﺰﻝ ﻭﺍﻟﻲ ﻳﺼﻴﺮ ﻳﺼﻴﺮ ﻗﺎﺑﻞ ﺷﻨﻮ ﻳﻘﺘﻠﻨﻲ؟ !
ﻳﻄﺒﻊ ﻣﺮﺽ ﺍﻧﻲ ﻣﺎﺍﺷﺘﻐﻞ ﻋﻨﺪﻩ ﺍﺫﺍ ﻋﻨﺪﻩ ﻛﻼﻡ ﻳﺮﻭﺡ ﻳﻜﻮﻟﻪ ﻻﻣﻪ !
ﻓﺘﺤﺖ ﺍﻟﺒﺎﺏ ﺑﺎﺭﻋﺖ ﺍﻟﻤﻤﺮ ﻓﺎﺭﻍ .. ﺭﻛﻀﺖ ﺭﻛﺾ ﻟﻠﻤﻄﺒﺦ ﻣﻠﻜﻴﺖ ﺑﺲ ﺍﻡ ﻋﺎﺩﻝ ﺟﻮﻩ ﺩﺗﻄﺒﺦ !!
ﺩﺧﻠﺖ ﻳﻤﻬﺎ ﺳﺎﻋﺪﺗﻬﺎ ﺍﻟﻤﺮﻩ ﻣﺼﺪﻛﺖ ﻉ ﺑﺎﻟﻚ ﻟﻜﺘﻨﻲ ﻟﻜﻄﻪ ﺫﺑﺖ ﺍﻟﻄﺒﺦ ﻋﻠﻴﻪ ﻭﺭﺍﺣﺖ !!
ﻛﺎﻟﺖ ﻻﺯﻡ ﺍﻧﻈﻒ ﺍﻟﺒﻴﺖ ﻗﺒﻞ ﻟﻴﺠﻮﻥ !!
ﺑﻘﻴﺖ ﺍﻧﻲ ﻭﺣﺪﻱ ﺑﺎﻟﻤﻄﺒﺦ ﺍﺷﺘﻐﻞ ﻭﻋﻴﻨﻲ ﻉ ﺍﻟﻜﺪﻭﺭﻩ ﻻﻥ ﻋﺎﻓﺘﻨﻲ ﻳﻤﻬﻢ .. ﻛﻨﺖ ﻻﺑﺴﻪ ﺗﻨﻮﺭﻩ ﺳﻮﺩﻩ ﻃﻮﻳﻠﻪ ﻭﻗﻤﻴﺺ ﺑﻴﺠﻲ ﺷﻴﻔﻮﻥ ﻣﺒﻄﻦ !
ﺍﻧﻲ ﻣﺎ ﺍﻟﺒﺲ ﺣﺠﺎﺏ ﺍﺑﺪﺍً ﻻﻧﻮ ﺑﺪﻳﻨﻲ ﻣﻮ ﻻﺯﻡ ﺣﺠﺎﺏ ، ﻓﺮﻓﻌﺖ ﺷﻌﺮﻱ ﻟﻴﻔﻮﻙ ﺑﻘﺮﺍﺻﻪ ﻭﻣﻦ ﺟﻮﻩ ﺑﻘﻰ ﻣﻔﺘﻮﺡ ﻳﺴﻤﻮ ( ﺫﻳﻞ ﺣﺼﺎﻥ ) ﻣﻜﻴﺎﺝ ﻣﺎ ﺍﺧﻠﻲ ﺍﺑﺪ ﻻﻧﻮ ﺷﻜﻠﻲ ﺍﻟﺤﻤﺪﻟﻠﻪ ﺣﻠﻮ ﻭﻣﺮﺗﺐ ﻣﻴﺤﺘﺎﺝ ﺍﻟﻠﻮﺍﻥ .
ﺍﻟﺤﺠﻴﻪ ﻛﻮﻟﻤﺎ ﺗﺸﻮﻓﻨﻲ ﺗﻜﻮﻝ ﺑﻮﺟﻬﻲ ( ﻗﻞ ﺍﻋﻮﺫ ﺑﺮﺏ ﺍﻟﻔﻠﻖ ) ﺟﻤﻠﺘﻬﺎ ﺍﻟﺸﻬﻴﺮﻩ ﻣﺎﺍﻋﺮﻓﻬﺎ ﺷﻨﻮ .. ﺑﺲ ﺑﻌﺪﻳﻦ ﻋﺮﻓﺖ ﺍﻧﻮ ﻫﺬﻱ ﺍﻳﻪ ﺑﺎﻟﻘﺮﺍﻥ ﺍﻟﻜﺮﻳﻢ ﺍﺳﻤﻬﺎ ﻣﻦ ﻋﺪﺓ ﺳﻮﺭ ﻳﺴﻤﻮﻫﺎ ﺍﻟﻤﻌﻮﺫﺍﺕ ️❤ ﻳﻜﻮﻟﻮﻫﺎ ﻋﻦ ﺍﻟﺤﺴﺪ !!
ﻣﻦ ﻋﺮﻓﺖ ﻣﻌﻨﺎﻫﺎ ﺑﻘﻴﺖ ﺍﺿﺤﻚ ﺑﻴﻨﻲ ﻭﺑﻴﻦ ﺑﻔﺴﻲ ﻛﻠﺖ ﻫﺴﻪ ﺍﻧﻲ ﺑﺠﻤﺎﻝ ﺍﺑﻨﺞ ﻭﺗﻘﺮﻳﻠﻲ ﻣﻌﻮﺫﺍﺕ !
ﺍﻟﻤﻬﻢ ..
ﻛﻨﺖ ﺩﺍﺍﻃﺒﺦ ﻭﻣﻤﻨﺘﺒﻬﺎ ﻉ ﺍﻟﺒﺎﺏ .. ﻣﺤﺴﻴﺖ ﻏﻴﺮ ﻫﻮ ﻛﺒﺎﻟﻲ !!
ﺍﻭﻝ ﻣﺸﻔﺘﻪ ﺩﺭﺕ ﻭﺟﻬﻲ ﺑﺴﺮﻋﻪ ﻋﻨﻪ ﻭﺭﺩﺕ ﺍﻃﻠﻊ .. ﺟﺎﻥ ﻳﻠﺰﻣﻨﻲ ﻣﻦ ﺍﻳﺪﻱ !!
ﺍﺳﻴﺪ .. ﺑﻌﺪ ﺍﻟﻲ ﺻﺎﺭ ﺍﻟﺒﺎﺭﺣﺎ ﻋﻔﺘﻬﺎ ﻭﺭﺣﺖ ﻟﻐﺮﻓﺘﻲ ، ﻣﺎﺍﻋﺮﻑ ﻟﻴﺶ ﺍﻻﻭﻝ ﻣﺮﻩ ﻣﻦ 3 ﺳﻨﻮﺍﺕ ﺿﻤﻴﺮﻱ ﻳﺄﻧﺒﻨﻲ ﺑﺴﺒﺐ ﺑﻨﺖ !!
ﺣﺴﻴﺖ ﻧﻔﺴﻲ ﻗﺴﻴﺖ ﻭﻳﺎﻫﺎ ، ﻭﻣﻦ ﺍﺗﺬﻛﺮ ﺍﺩﻣﻮﻋﻬﺎ ﻭﺷﻜﻠﻬﺎ ﺍﻟﻤﺮﻋﻮﺏ ﻛﺪﺍﻣﻲ ﺍﺣﺲ ﮔﻠﺒﻲ ﻳﻜﻮﻡ ﻳﺮﺟﻒ !
ﻣﺎﺍﻋﺮﻑ ﻟﻴﻴﻴﻴﻴﻴﺶ ، ﺣﺎﻭﻟﺖ ﺑﻜﻞ ﺍﻟﻄﺮﻕ ﺍﻃﺮﺩﻫﺎ ﻣﻦ ﺑﺎﻟﻲ ﻣﻜﺪﺭﺕ ﺑﻘﻴﺖ ﺍﻟﻴﻞ ﻛﻠﻪ ﺍﺗﻜﻠﺐ ﺑﻔﺮﺍﺷﻲ ﻣﻨﻤﺖ ﻟﻠﺼﺒﺢ !
ﺑﻌﺪﻳﻦ ﺧﺎﺑﺮﻧﻲ ﺍﺧﻮﻳﻪ ﻛﺮﺍﺭ ﻛﺎﻝ ﺍﻟﻴﻮﻡ ﻏﺪﺍﻧﻪ ﻳﻤﻜﻢ !!
ﻛﻤﺖ ﺑﺪﻟﺖ ﻭﻃﻠﻌﺖ ﺍﺭﻛﺾ ﺍﺷﻮﻳﻪ ﻻﻥ ﺍﺣﺲ ﺟﺴﻤﻲ ﻣﺘﻜﺴﺮ ﻭﺭﺍﺳﻲ ﻳﺮﻳﺪ ﻳﻨﻔﺠﺮ ﻣﻦ ﺍﻟﺼﺪﺍﻉ !!
ﻃﻠﻌﺖ ﻣﻦ ﻏﺮﻓﺘﻲ ﻟﻤﺤﺘﻬﺎ ﺷﺎﻳﻠﻪ ﺻﻴﻨﻴﻪ ، ﺭﻛﻀﺖ ﻟﻐﺮﻓﺔ ﺍﻣﻲ ﻭﻃﺒﻜﺖ ﺍﻟﺒﺎﺏ ﺑﺴﺮﻋﻪ !!
ﺍﺭﺗﺎﺣﻴﺖ ﻣﻦ ﺷﻔﺘﻬﺎ ﺩﺗﺴﻮﻱ ﺍﻟﻲ ﻛﻠﺘﻠﻬﺎ ﻋﻠﻴﻪ ﺍﻟﻈﺎﻫﺮ ﻛﻼﻡ ﺍﻟﺒﺎﺭﺣﻪ ﺍﺛﺮ ﺑﻴﻬﺎ .
ﺻﺢ ﺣﺴﻴﺖ ﺑﺸﻌﻮﺭ ﺯﻳﻦ ﻣﻦ ﺑﻄﻠﺖ ﺻﻼﻓﺘﻬﺎ ﺑﺲ ﻣﻊ ﺫﻟﻚ ﺷﻲ ﺑﺪﺍﺧﻠﻲ ﻳﺄﻧﺒﻨﻲ !!
ﺧﻠﻴﺖ ﺍﻟﻬﺘﻔﻮﻥ ﺑﺄﺫﻧﻲ ﻭﻃﻠﻌﺖ .. ﺭﻛﻀﺖ ﺍﻟﻤﺴﺎﻓﻪ ﺍﻟﻲ ﻣﻌﺘﺎﺩ ﻋﻠﻴﻬﺎ ﻛﻞ ﻣﺮﻩ ﻭﺭﺟﻌﺖ ﻟﻠﺒﻴﺖ ﻗﺒﻞ ﺍﻟﻐﺪﻩ ﺑﺴﺎﻋﺘﻴﻦ ﺗﻘﺮﻳﺒﺎً !
ﻛﻨﺖ ﺟﻮﻋﺎﻥ ﻻﺑﻌﺪ ﺣﺪ ﻭﺑﻄﻨﻲ ﺗﺼﻮﺻﻲ ﺻﺎﺭ ﻳﻮﻣﻴﻦ ، ﺭﺣﺖ ﺑﻮﺟﻬﻲ ﻟﻠﻤﻄﺒﺦ ﻷﻥ ﻣﺄﻣﻦ ﻫﻲ ﻣﺮﺍﺡ ﺗﺘﻮﺍﺟﺪ ﻭﺍﻧﻲ ﺑﺎﻟﺒﻴﺖ ﺣﺴﺐ ﻣﺎ ﻓﻬﻤﺘﻬﺎ ﺍﻛﻴﺪ !..
ﺑﺲ ﺍﻟﻲ ﺷﻔﺘﻪ ﻣﻦ ﺩﺧﻠﺖ ﻟﻠﻤﻄﺒﺦ ﺧﻼﻧﻲ ﺍﻋﺼﺐ ﺍﻛﺜﺮ ﻣﻨﻬﺎ ... ﺍﻟﻈﺎﻫﺮ ﺿﺮﺑﺖ ﻛﻼﻣﻲ ﺑﻌﺮﺽ ﺍﻟﺤﺎﻳﻂ !
ﻭﺍﻛﻔﻪ ﺑﺎﻟﻤﻄﺒﺦ ﻭﻻ ﻉ ﺑﺎﻟﻚ ﺣﺠﻴﺖ ﻭﻳﺎﻫﺎ ﻭﻓﻬﻤﺘﻬﺎ ﺍﻧﻮ ﻣﺎﺍﺭﻳﺪ ﺍﺷﻮﻓﻬﺎ !..
ﺍﻟﺘﻔﺖ ﺍﻭﻝ ﻣﺎ ﺷﺎﻓﺘﻨﻲ ﺩﻧﻜﺖ ﺭﺍﺳﻬﺎ ﺑﺴﺮﻋﻪ ﺣﺘﻰ ﻣﺸﻔﺖ ﻭﺟﻬﻬﺎ ﻭﺭﺍﺩﺕ ﺗﺸﺮﺩ ﻣﻦ ﻛﺪﺍﻣﻲ .. ﻣﺮﺕ ﺑﺼﻔﻲ ﻟﺰﻣﺘﻬﺎ ﻣﻦ ﺍﻳﺪﻫﺎ ﺻﺎﺣﺖ ﺑﺼﻮﺕ ﺿﻌﻴﻒ ﺍﺍﺍﻩ !..
ﺑﺎﻭﻋﺖ ﻋﻠﻰ ﺍﻳﺪﻫﺎ ﺻﺎﻳﺮﻩ ﺯﺭﻛﻪ ﻣﺜﻞ ﺍﻟﻨﻴﻠﻲ !!
ﺗﺮﻛﺘﻬﺎ ﺑﺴﺮﻋﻪ ، ﺍﺗﺤﺮﻛﺖ ﺭﺍﺩﺕ ﺗﻄﻠﻊ ﻣﻦ ﺍﻟﻤﻄﺒﺦ .. ﻛﻠﺘﻠﻬﺎ ﺍﻭﻛﻔﻲ .
ﺩﺍﻟﻴﺎ .. ﻣﻦ ﻟﺰﻡ ﺍﻳﺪﻱ ﺣﺴﻴﺘﻪ ﺩﻳﺤﺮﻙ ﺑﮕﻠﺒﻲ ﻻﻥ ﺍﻳﺪﻱ ﻛﻮﻟﺶ ﺗﺄﺫﻳﻨﻲ ، ﻣﺮﺩﺕ ﺍﻃﻠﻊ ﺻﻮﺕ ﻛﺪﺍﻣﻪ ﻣﺜﻞ ﻣﺎ ﻃﻠﺐ ﺑﺲ ﻏﺼﺒﺎً ﻋﻨﻲ ﻃﻠﻌﺖ ﺍﻩ ﻣﻦ ﻛﺪ ﺍﻟﻮﺟﻊ !
ﻫﻮ ﻣﻦ ﺷﺎﻑ ﺍﻳﺪﻱ ﺗﺮﻛﻨﻲ .. ﺭﺩﺕ ﺍﻃﻠﻊ ﺑﺲ ﺻﻮﺗﻪ ﻭﻛﻔﻨﻲ !!
ﺍﺳﻴﺪ .. ﺍﻧﻲ ﺷﻜﻠﺘﻠﺞ ﺍﻟﺒﺎﺭﺣﺎ؟ !!
ﺩﺍﻟﻴﺎ .. ﺑﺼﻮﺕ ﺟﺎﻣﺪ ﺑﺲ ﻣﺨﻨﻮﻙ .. ﺍﻟﺤﺠﻴﻪ ﻃﻠﺒﺖ ﻣﻨﻲ ﺍﺳﺎﻋﺪ ﺍﻡ ﻋﺎﺩﻝ ﻻﻧﻮ ﺣﻴﺠﻲ ﺍﺳﺘﺎﺫ ﻛﺮﺍﺭ ﻭﻋﺎﺋﻠﺘﻪ .
ﺍﺳﻴﺪ .. ﺑﺼﻮﺕ ﺟﺎﻣﺪ ﻟﻤﺎ ﺍﺣﺠﻲ ﻭﻳﺎﺝ ﺍﺭﻓﻌﻲ ﺭﺍﺳﺞ ، ﺑﺎﻋﻲ ﺑﻮﺟﻬﻲ ﻭﺟﺎﻭﺑﻲ .
ﺩﺍﻟﻴﺎ .. ﺩﺍﺍﺣﺲ ﺑﺬﻝ ﻓﻮﻙ ﻃﺎﻗﺘﻲ ﻣﺎﺍﺭﻳﺪ ﺍﺭﻓﻊ ﺭﺍﺳﻲ ﻭﻳﺸﻮﻑ ﺍﻟﻀﻌﻒ ﺑﻌﻴﻨﻲ ﺑﺲ ﺷﺴﻮﻱ ﻣﺠﺒﻮﺭﻩ ﺍﺭﻳﺪ ﺍﻋﻴﺶ .. ﺍﻟﺪﻣﻮﻉ ﺗﺠﻤﻌﺖ ﺑﻌﻴﻮﻧﻲ ﻭﺭﻓﻌﺖ ﺭﺍﺳﻲ !!
ﻣﻦ ﺷﺎﻓﻨﻲ ﻣﺎﺍﺩﺭﻱ ﺷﺼﺎﺭ ﺑﻲ ﺣﺴﻴﺖ ﻣﻼﻣﺤﻪ ﺍﻟﻤﺘﺸﺪﺩﻩ ﺍﺭﺗﺨﺖ ، ﻭﻧﻈﺮﻩ ﺑﻌﻴﻮﻧﻪ ﻣﺸﺎﻳﻔﺘﻬﺎ ﻣﻦ ﻗﺒﻞ !!
ﺍﺳﻴﺪ .. ﺭﻓﻌﺖ ﺭﺍﺳﻬﺎ ﻭﺷﻒ ﻭﺟﻬﺎ ﺍﺯﺭﻙ ﻭ ﺷﻔﺘﻬﺎ ﻭﺍﺭﻣﻪ !!
ﮔﻠﺒﻲ ﺍﺣﺲ ﻭﺍﺣﺪ ﻋﺼﺮﻩ ﻛﻞ ﻗﻮﺗﻪ ﺑﺤﻴﺚ ﺩﺍﺍﺗﻨﻔﺲ ﺑﺲ ﻣﺨﺘﻨﻚ .. ﺑﺪﻭﻥ ﺍﻱ ﺗﻔﻜﻴﺮ ﻭﺑﻼ ﺍﻱ ﻣﻘﺪﻣﺎﺕ ﻛﻠﺘﻠﻬﺎ ... ﺍﻧﻲ ﺍﺳﻒ !..............
ﻟﻠﺤﻜﺎﻳﻪ ﺑﻘﻴﻪ
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء