رواية في أرض الغرام انت دولتي ج1 الجزء الثاني عشر
للكاتبة الأميرة الموسوية
...
ﺩﺍﻟﻴﺎ .. ﻟﻤﺎ ﺭﺍﺩﺩﺗﻪ ﻗﺒﻞ ﻟﻴﻄﻠﻊ ﺍﺗﻮﻗﻌﺖ ﺣﻴﻌﺼﺐ ﻭﻳﺘﻌﺎﺭﻙ ﻭﻳﺎﻱ ، ﻻﻧﻪ ﺍﻋﺮﻓﻪ ﻫﺬﺍ ﻣﻴﺴﻜﺖ ﻉ ﺍﻟﻜﻼﻡ ﺍﻟﻲ ﻳﺰﻋﺠﻪ ﻭﺍﻧﻲ ﻃﻮﻟﺖ ﺍﻟﻠﺴﺎﻧﻲ ﻭﻳﺎ .. ﺑﺲ ﺍﻟﻐﺮﻳﺒﻪ ﻣﺤﺠﻪ ﻭﻳﺎﻱ ﺍﻱ ﺷﻲ ﻋﺎﻓﻨﻲ ﻭﻃﻠﻊ !
ﻳﺎﺍﺍﺍ ﺍﻟﻴﻮﻡ ﺍﻛﻴﺪ ﺍﻟﺪﻧﻴﺎ ﺣﺘﻨﮕﻠﺐ .. ﺑﻘﻴﺖ ﺻﺎﻓﻨﻪ ﻉ ﺍﻟﺒﺎﺏ ﻭﺭﺍ ﻭﻣﺼﺪﻭﻣﻪ ﻣﻦ ﺗﺼﺮﻓﻪ .. ﺑﺲ ﺑﻌﺪﻳﻦ ﻟﻤﺎ ﺍﻧﺘﺒﻬﺖ ﻉ ﻧﻔﺴﻲ ﺷﻔﺖ ﺍﻧﻲ ﻭﺣﺪﻱ ﺑﺎﻟﺒﻴﺖ !!
ﺑﻴﺖ ﺷﻜﺒﺮﻩ ﻭﺷﻌﺮﺿﻪ ﻣﺤﺪ ﺑﻲ ﺑﺲ ﺍﻧﻲ؟ !!
ﻣﺎﺍﻋﺮﻑ ﻟﻮﻳﺶ ﺧﻔﺖ ﻣﻊ ﺍﻧﻮ ﻗﺒﻞ ﺍﺷﻮﻳﻪ ﻣﺎﻛﺎﻥ ﺍﺣﺪ ﻭﻳﺎﻱ ﺑﺎﻟﺒﻴﺖ ﻏﻴﺮﻩ ﺑﺲ ﻛﻨﺖ ﺍﺣﺲ ﺑﺄﻣﺎﻥ ﺍﻣﺎ ﻫﺴﻪ ﺍﻟﺨﻮﻑ ﺍﺗﻤﻠﻜﻨﻲ ﺑﻴﺖ ﻛﺒﻴﺮ ﻭﻓﺎﺭﻍ ﻻ ﺣﺲ ﻭﻻ ﻧﻔﺲ .. ﻳﺎ ﺭﺏ ﺍﺭﺟﻮﻙ ﻛﻮﻥ ﻭﻳﺎﻱ !
ﻧﺴﻴﺖ ﺍﻛﻮﻟﻠﻜﻢ ﺍﻧﻲ ﻋﻨﺪﻱ ﻓﻮﺑﻴﺎ ﻣﻦ ﺍﻟﻈﻠﻤﻪ .. ﻣﻦ ﻳﻮﻡ ﺍﻟﻲ ﻋﺎﻓﺘﻨﺎ ﺍﻣﻲ ﺍﻧﻲ ﻭﺍﺧﺘﻲ ﻛﺪﺍﻡ ﺍﻟﻤﻴﺘﻢ ﺑﺎﻟﻠﻴﻞ ﺻﺎﺭ ﻋﻨﺪﻱ ﺧﻮﻑ ﻣﻦ ﺍﻟﻈﻠﻤﻪ ، ﺍﺣﺲ ﺑﺎﻟﻤﻮﺕ ﻣﻦ ﺍﺑﻘﻰ ﺑﻤﻜﺎﻥ ﺍﻇﻠﻢ ، ﺍﻧﻔﺎﺳﻲ ﺗﻨﮕﻄﻊ ﻭﺍﺧﺘﻨﻚ ﺍﺣﺲ ﻭﺍﺣﺪ ﻭﺧﺎﻧﻜﻨﻲ !!
ﺣﺘﻰ ﻣﻦ ﺍﻧﺎﻡ ﻣﺎ ﺍﻃﻔﻲ ﺍﻟﻀﻮﻩ ﺍﻋﻮﻓﻪ ﻣﻔﺘﻮﺡ !
ﻭﻫﺬﻱ ﺍﻟﺤﺎﻟﻪ ﺗﺼﻴﺮ ﻋﻨﺪﻱ ﺑﺲ ﻣﻦ ﺍﺑﻘﻰ ﺑﻤﻜﺎﻥ ﻭﺣﺪﻱ !
ﻟﺬﻟﻚ ﻣﻦ ﺑﻘﻴﺖ ﻟﺤﺎﻟﻲ ﺧﻔﺖ ﻣﻦ ﻫﺬﺍ ﺍﻟﺸﻲ ، ﺑﻌﺪﻳﻦ ﺍﺗﺬﻛﺮﺕ ﺍﻟﻜﻬﺮﺑﺎﺀ ﻣﺘﻨﻄﻔﻲ ﺍﻻ ﻧﺎﺩﺭﺍً ﻫﻨﺎ ﻭﺍﺫﺍ ﺍﻧﻄﻔﺖ ﻓـ ﺍﻟﺤﺮﺱ ﺍﻟﻲ ﺑﺎﻟﺒﺎﺏ ﻳﺸﻐﻠﻮﻥ ﺍﻟﻤﻮﻟﺪ ﺑﺴﺮﻋﻪ ، ﻳﻌﻨﻲ ﺛﻮﺍﻧﻲ ﺑﺎﻟﻈﻠﻤﻪ ﻣﺘﻀﺮ ، ﻭﻫﻮ ﺍﺻﻼً ﻛﺎﻟﻲ ﺍﻱ ﺷﻲ ﻳﺼﻴﺮ ﻛﻮﻟﻴﻠﻬﻢ ، ﺑﻌﺪ ﺍﻧﻲ ﺷﻜﻮ ﺧﺎﻳﻔﻪ !
ﺧﻠﻴﻨﻲ ﺍﺗﻨﻔﺲ ﺍﺷﻮﻳﻪ ﻭﺣﺪﻱ ﺑﺎﻟﺒﻴﺖ ، ﺻﺎﺭﻟﻲ ﻛﻢ ﻳﻮﻡ ﻣﺤﺒﻮﺳﻪ ﻟﻮ ﺑﻐﺮﻓﺘﻲ ﻟﻮ ﻳﻢ ﺍﻟﺤﺠﻴﻪ ﺣﺘﻰ ﺍﻟﺤﺪﻳﻘﻪ ﻣﺸﺎﻳﻔﺘﻬﺎ ﻣﻦ ﻭﺭﺍ ﻫﺬﺍ ﺍﻟﺤﻘﻨﻪ ﻣﻴﻘﺒﻞ ﺍﻃﻠﻊ ﻭﻳﺸﻮﻓﻨﻲ !
ﺑﻠﺤﻈﻪ ﺍﻟﺨﻮﻑ ﻛﻮﻟﻪ ﺍﺗﺤﻮﻝ ﺍﻟﻰ ﻓﺮﺣﻪ ﻭﺳﻌﺎﺩﻩ ﻣﺘﻨﻮﺻﻒ ، ﺭﺣﺖ ﻟﻠﻤﻄﺒﺦ ﻃﻠﻌﺖ ﺍﻻﻛﻞ ﻭﺳﻮﻳﺖ ﻛﻞ ﺍﻟﻲ ﻳﻌﺠﺒﻨﻲ ﻭﺍﺷﺘﻬﻲ ، ﺻﺎﺭﻟﻲ ﻳﻮﻣﻴﻦ ﻣﻤﺎﻛﻠﻪ ﺷﻲ ﺑﺮﺍﺣﺘﻲ ﻃﺒﻌﺎً ﺍﻟﺤﺠﻴﻪ ﻣﻤﺎﻧﻌﻪ ﻋﻠﻴﻪ ﺷﻲ ﺑﺎﻟﻌﻜﺲ ﻫﻲ ﺗﺠﺒﺮﻧﻲ ﺍﻛﻞ ﻣﺮﺍﺕ ﺣﺘﻰ ﻟﻮ ﻣﺎﺍﺷﺘﻬﻲ ﺑﺲ ﺍﻟﺤﻘﻨﻪ ﻛﻮﻟﻤﺎ ﺍﺭﻳﺪ ﺍﻛُﻞ ﻳﻨﻐﺺ ﻋﻠﻴﻪ ﻫﻮ ﻭﻧﻈﺮﺍﺗﻪ .. ﺍﻭﻭﻭﻑ ﻳﺎ ﻧﻈﺮﺍﺗﻪ ﻟﻮ ﺑﺲ ﻳﻐﻤﺾ ﻋﻴﻮﻧﻪ ﻣﻦ ﻳﺤﺠﻲ ﻭﻳﺎﻱ ﺟﺎﻥ ﻋﺮﻓﺖ ﺍﺷﻮﻥ ﺍﺣﺠﻲ ﻭﻳﺎ .
ﺍﻧﺘﺒﻬﺖ ﻉ ﻧﻔﺴﻲ ﺩﺍﺍﻓﻜﺮ ﺑﻲ !!
ﻳﺒﻮﻭﻭ ﻋﻠﻴﺞ ﺩﺍﻟﻴﺎ ﺣﺘﻰ ﻭﻫﻮ ﻣﻤﻮﺟﻮﺩ ﻣﻨﻐﺺ ﻋﻠﻴﺞ ﻭﺷﺎﻏﻠﺞ .. ﺩﺧﻠﻲ ﻳﻮﻟﻲ ﺷﻜﻮ ﺍﻓﻜﺮ ﺑﻲ ﻫﺬﺍ ﺍﻟﺤﻘﻴﺮ ﻛﻮﻟﻤﺎ ﺗﺼﻴﺮﻟﻪ ﻓﺮﺻﻪ ﻳﺬﻟﻨﻲ ﺑﻴﻬﺎ ﻣﻴﻘﺼﺮ .. ﺧﻠﻴﻨﻲ ﺍﺳﺘﻐﻞ ﻫﺬﻱ ﺍﻟﻠﺤﻀﺎﺕ ﻭﺍﻋﻴﺸﻬﺎ ﺑﺲ ﺍﻟﻲ .. ﺍﻛﻠﺖ ﻛﻞ ﺍﻟﻲ ﻋﺠﺒﻨﻲ ﻭﺭﺟﻌﺖ ﻛﻮﻟﺸﻲ ﺑﻤﻜﺎﻧﻪ ﺑﻌﺪﻳﻦ ﻓﺘﺤﺖ ﺍﻟﺘﻠﻔﺰﻳﻮﻥ ﺍﻟﻜﺒﻴﺮ ﺑﺎﻟﺼﺎﻟﻪ ﻉ ﺑﺎﻟﻚ ﺳﻴﻨﻤﺎ ﻣﻮ ﺑﺎﻟﺒﻴﺖ ﻭﻛﻌﺪﺕ ﺍﺗﻔﺮﺝ ﻋﻠﻴﻪ ﻛﺎﻥ ﻃﺎﻟﻊ ﻓﻠﻢ ﻣﺤﻤﺪ ﻫﻨﻴﺪﻱ ﻳﻤﻮﺕ ﺿﺤﻚ ﺍﺳﻤﻪ ( ﺭﻣﻀﺎﻥ ﺍﺑﻮ ﺍﻟﻌﻠﻤﻴﻦ ﺣﻤﻮﺩﻩ ) ﺿﺤﻜﺖ ﻟﺤﺪ ﻣﺎ ﺑﻄﻨﻲ ﺭﺍﺩﺕ ﺗﻨﻔﺠﺮ !
ﺭﺣﺖ ﺑﻌﺪﻳﻦ ﻟﻠﺤﻤﺎﻡ ﻣﻠﻴﺖ ﺍﻟﺒﺎﻧﻮ ﻣﻲ ﺩﺍﻓﻲ ﻭﺩﺧﻠﺖ ﺑﻲ .. ﻳﺎ ﺭﺑﻲ ﺷﻌﻮﺭ ﻣﻴﻨﻮﺻﻒ ﺟﻮ ﺑﺎﺭﺩ ﻭﻣﻲ ﺩﺍﻓﻲ ﻳﺎ ﺳﻼﻡ !
ﺍﻟﻮﻗﺖ ﻣﺤﺴﻴﺖ ﺑﻲ ﻃﺎﺭ ﺑﺴﺮﻋﻪ ﺻﺪﻭﻙ ﻟﻮ ﻛﺎﻟﻮ ﺍﻟﺴﻌﺎﺩﻩ ﻟﺤﻈﺎﺕ ﻭﺍﻟﺤﺰﻥ ﻟﻴﺎﻟﻲ ، ﻣﻦ ﺍﻓﺮﺡ ﺑﺸﻲ ﺑﺴﺮﻋﻪ ﻳﺨﻠﺺ ﺍﻟﻔﺮﺡ ﺑﺲ ﺍﻟﻬﻢ ﻭﺍﻟﺤﺰﻥ ﻣﻴﺨﻠﺼﻮﻥ ﻳﺒﻘﻮﻥ ﺳﻨﻴﻦ ﻭﻳﺎﻙ !
ﺍﻭﻭﻭﻭﻭﻑ ﻣﻦ ﺍﻟﺰﻣﻦ ﺍﺫﺍ ﺩﺍﺭ .. ﺻﺎﺭﻟﻲ ﻫﻮﺍﻱ ﻣﺤﺴﻴﺖ ﺑﺤﺮﻳﻪ ﻣﺜﻞ ﻫﺬﻱ ﻭﻻ ﺿﺤﻜﺖ ﻫﺎﻟﻜﺪ .. ﻣﻦ ﺍﻳﺎﻡ ﺍﻟﻤﻴﺘﻢ ﻭﻳﺎ ﺳﻠﻤﻰ ﻭﺩﺍﻧﻲ !!...
ﺑﻌﺰ ﺿﺤﻜﺘﻲ ﻭﺳﻌﺎﺩﺗﻲ ﺍﻟﺒﺴﻴﻄﻪ ﻣﻦ ﺍﺗﺬﻛﺮﺗﻬﻢ .. ﺍﺩﻣﻮﻋﻲ ﻛﺎﻣﺖ ﺗﺠﺮﻱ ﻋﻠﻰ ﺧﺪﻱ .. ﺩﺍﻧﻲ ﺍﺷﻮﻥ ﻣﺎﺕ ﺑﻌﺰ ﺷﺒﺎﺑﻪ ، ﺑﺪﻭﻥ ﺍﻱ ﺫﻧﺐ .. ﺩﺍﻧﻲ ﻛﺎﻥ ﻳﺘﻴﻢ ﻣﺜﻠﻲ ﻭﻣﺜﻞ ﺳﻠﻤﻰ ... ﺁﺁﺁﻩ ﻳﺎ ﺳﻠﻤﻰ !
ﻳﺎ ﺗﺮﻯ ﻫﺴﻪ ﺍﻧﺘﻲ ﻭﻳﻦ ، ﺷﺪﺗﺴﻮﻳﻦ ، ﺍﺷﻮﻥ ﻋﺎﻳﺸﻪ ﺑﺤﻴﺎﺗﺞ ﺍﻟﺠﺪﻳﺪﻩ؟ !!
ﺑﻘﻴﺖ ﺍﺑﺠﻲ ﺍﺷﻬﻚ ﻭﺍﺑﺠﻲ ﻟﺤﺪ ﻣﺎ ﻭﺭﻣﺖ ﻋﻴﻮﻧﻲ ، ﻛﻨﺖ ﻣﺸﺘﺎﻗﺘﻠﻬﺎ ﺣﻴﻞ ، ﻭﺍﻋﺮﻑ ﻣﺎ ﻛﺎﻥ ﺍﻟﻤﻔﺮﻭﺽ ﺍﺗﺮﻛﻬﺎ ﻫﻨﺎﻙ ﺗﺪﻣﺮ ﺣﻴﺎﺗﻬﺎ .. ﺑﺲ ﻣﻜﺪﺭﺕ ﺍﺩﻣﺮ ﺣﻴﺎﺗﻲ ﻭﻳﺎﻫﺎ .. ﺻﺢ ﻛﻨﺖ ﻣﻘﻬﻮﺭﻩ ﻣﻦ ﻛﻼﻣﻬﺎ ﻭﻳﺎﻱ ﺭﻏﻢ ﺍﻧﻲ ﻛﻨﺖ ﺩﺍﺍﻧﺼﺤﻬﺎ ﺑﺲ ﻛﻨﺖ ﻣﻘﺮﺭﻩ ﺑﺲ ﺍﺳﺘﻘﺮ ﻭﻳﺼﻴﺮ ﻋﻨﺪﻱ ﺷﻐﻞ ﻭﺭﺍﺗﺐ ﻳﻌﻴﺸﻨﻲ ﻟﻮ ﺍﻋﺮﻑ ﺍﻣﻮﺗﻬﺎ ﻋﺎﺩﻱ ﺍﻣﻮﺗﻬﺎ .. ﺑﺲ ﺍﻟﻤﻬﻢ ﺍﻃﻠﻌﻬﺎ ﻣﻦ ﻫﺬﺍﻙ ﺍﻟﻤﻜﺎﻥ !
ﻗﺒﻞ ﻻ ﺍﻃﻠﻊ ﻣﻦ ﺍﻟﺪﻳﺮ ﻛﺘﺒﺘﻠﻬﺎ ﺭﺳﺎﻟﻪ ﻭﺩﻋﺘﻬﺎ ﺑﻴﻬﺎ ، ﻭﻛﻠﺘﻠﻬﺎ ﺍﻧﻮ ﺍﻧﻲ ﻣﺘﺨﻠﻴﺖ ﻋﻨﻬﺎ ﺑﺲ ﺗﺮﻛﺘﻬﺎ ﺗﺘﺨﺬ ﻗﺮﺍﺭﻫﺎ ﺑﻨﻔﺴﻬﺎ ﻣﺜﻞ ﻣﺎ ﺭﺍﺩﺕ ، ﻭﻓﻲ ﺍﻱ ﻭﻗﺖ ﻏﻴﺮﺕ ﺭﺃﻳﻬﺎ ﺍﻧﻲ ﻣﻮﺟﻮﺩﻩ ﻭﺍﻧﺘﻈﺮﻫﺎ .. ﻭﻛﺘﺒﺖ ﺑﻲ ﻋﻨﻮﺍﻥ ﺍﻟﺒﻴﺖ ﻣﺎﻟﺖ ﺍﻟﺤﺠﻴﻪ ﻭﺿﻤﻴﺘﻬﺎ ﺑﻔﺮﺍﺷﻬﺎ ، ﻛﻠﺖ ﻋﺴﻰ ﻭﻟﻌﻞ ﺍﺫﺍ ﺷﺎﻓﺘﻬﺎ ﺗﺴﺄﻝ ﻋﻨﻲ ﺍﻭ ﺗﻐﻴﺮ ﺭﺃﻳﻬﺎ ﺑﻬﺬﺍ ﺍﻟﻘﺮﺍﺭ ﺍﻟﻲ ﺩﺗﺘﺨﺬﻩ !!
ﺑﺲ ﺣﻴﺼﻴﺮ ﺍﻛﺜﺮ ﻣﻦ ﺷﻬﺮ ﻋﻠﻰ ﻃﻠﻌﺘﻲ ﻣﻦ ﺍﻟﺪﻳﺮ ﻭﻣﺎﻛﻮ ﺍﻱ ﺧﺒﺮ ﻣﻨﻬﺎ .. ﻣﻊ ﺫﻟﻚ ﻣﻔﻘﺪﺕ ﺍﻻﻣﻞ ﻭﺍﺫﺍ ﺍﺿﻄﺮﻳﺖ ﺍﺭﻭﺣﻠﻬﺎ ﺑﻨﻔﺴﻲ ﻫﻢ ﺍﺭﻭﺡ ﺑﺲ ﺧﻠﻴﻬﺎ ﺗﺠﺮﺏ ﺍﺧﺘﻴﺎﺭﻫﺎ ﺑﺎﻻﻭﻝ ﻭﺗﻌﺮﻑ ﻋﻮﺍﻗﺒﻪ
....
ﺍﻟﻤﻬﻢ ..
ﺑﻘﻴﺖ ﺑﺎﻟﺒﺎﻧﻴﻮ ﺍﻓﻜﺮ ﻭﺍﺑﺠﻲ .. ﻧﺴﻴﺖ ﻧﻔﺴﻲ ﺣﺘﻰ ﻣﺎﺍﻋﺮﻑ ﻛﻢ ﺳﺎﻋﻪ ﺻﺎﺭﻟﻲ .. ﻗﺒﻞ ﻻ ﺍﺩﺧﻞ ﺍﻟﺤﻤﺎﻡ ﻓﻜﺮﺕ ﻟﻴﺠﻲ ﻫﺬﺍ ﻭﺍﻧﻲ ﺑﺎﻟﺤﻤﺎﻡ ﻓـ ﺳﺒﺤﺖ ﺑﺤﻤﺎﻡ ﻏﺮﻓﺔ ﺍﻟﺤﺠﻴﻪ !
ﺣﺘﻰ ﻣﻴﺸﻮﻓﻨﻲ ﻛﻠﺖ ﺍﺫﺍ ﺳﻤﻌﺘﻪ ﻣﻮﺟﻮﺩ ﺑﺎﻟﺒﻴﺖ ﺍﺑﻘﻰ ﻫﻨﺎ ﻭﻣﻦ ﻳﺪﺧﻞ ﻟﻐﺮﻓﺘﻪ ﺍﻧﺰﻝ ﻟﻐﺮﻓﺘﻲ ﺑﺴﺮﻋﻪ !
ﻫﻮ ﻏﺮﻓﺘﻪ ﻣﻘﺎﺑﻞ ﻏﺮﻓﺔ ﺍﻣﻪ ﻭﺍﻧﻲ ﺟﻮﻩ ﺑﺲ ﺍﻏﻠﺐ ﺍﻟﻮﻗﺖ ﺍﺧﻠﺼﻪ ﻳﻢ ﺍﻟﺤﺠﻴﻪ ﺍﺧﺎﻑ ﺗﺤﺘﺎﺝ ﺷﻲ ﻳﻌﻨﻲ ﻋﺎﺩﻱ ﺍﺳﺒﺢ ﻫﻨﺎ ﺧﺼﻮﺻﺎً ﺍﻧﻲ ﻏﺮﻓﺘﻲ ﻣﺒﻴﻬﺎ ﺣﻤﺎﻡ ﻭﺍﻟﺤﻤﺎﻡ ﺍﻟﻲ ﺑﺎﻟﻘﺎﻁ ﺍﻟﺠﻮﻩ ﻣﺎﺍﻛﺪﺭ ﺍﺩﺧﻠﻪ ﻭﺍﻟﺒﻴﺖ ﻓﺎﺭﻍ ﻛﻮﻟﺸﻲ ﻳﺼﻴﺮ ﻟﻮ ﻳﺠﻲ ﺍﻟﺤﻘﻨﻪ ﻭﻳﺪﺧﻞ ﺑﻲ ﺍﻧﻔﻀﺢ ﻏﻴﺮ !!
ﻣﺎ ﺍﻃﻮﻝ ﻋﻠﻴﻜﻢ ..
ﺳﺒﺤﺖ ﻭﻛﻤﻠﺖ ﺩﺍﺍﺭﻳﺪ ﺍﺑﺪﻝ ﻭ ﺍﻃﻠﻊ ﻭﺟﺎﻥ ﺗﻨﻄﻔﻲ ﺍﻟﻜﻬﺮﺑﺎﺀ !!
ﻳﺎ ﺭﺑﻴﻴﻴﻴﻴﻴﻲ ﺻﺎﺭ ﺍﻟﻲ ﺧﺎﻳﻔﻪ ﻣﻨﻪ .... ﺍﻟﺤﻤﺎﻡ ﺍﻇﻠﻢ ﻟﻴﻞ ﺍﺻﺒﻌﻲ ﻣﺎﺍﺷﻮﻓﻪ ﺑﻲ .. ﺣﺴﻴﺖ ﺑﺪﺕ ﺗﺼﻴﺮ ﻋﻨﺪﻱ ﻧﻮﺑﺔ ﺧﻮﻑ ، ﻭﺍﻻﻋﻈﻢ ﻣﻦ ﻫﺬﺍ ﻛﻮﻟﻪ ﺍﻟﺒﻴﺖ ﻣﺤﺪ ﺑﻲ ﺑﺲ ﺍﻧﻲ !!
ﻣﺎﺍﻛﺪﺭ ﺍﻭﺻﻔﻠﻜﻢ ﺍﻟﺸﻌﻮﺭ ﺍﻟﻲ ﺣﺴﻴﺘﻪ ﺍﻻﻓﻜﺎﺭ ﺍﻟﻲ ﺩﺗﺪﻭﺭ ﺍﺑﺎﻟﻲ .. ﺍﻋﻮﺫ ﺑﺎﻟﺮﺏ !
ﺣﺎﻭﻟﺖ ﺍﻫﺪﻱ ﻧﻔﺴﻲ ﺣﺘﻰ ﺍﺟﺮ ﻧﻔﺲ ﻻﻧﻮ ﺩﺍﺍﺧﺘﻨﻚ .. ﺑﻜﻞ ﻣﺎ ﺃﻣﻠﻚ ﻣﻦ ﻗﻮﻩ ﺑﺪﻭﻥ ﻭﻋﻲ .. ﻭﺑﺠﺴﻢ ﻳﺮﺟﻒ ﻟﻔﻴﺖ ﺍﻟﻤﻨﺸﻔﻪ ﻋﻠﻴﻪ ﻭﻃﻠﻌﺖ ﻣﺎﺍﻋﺮﻑ ﺍﺷﻮﻥ ﺷﻜﻠﻲ ﻭﻻ ﺍﺷﻮﻥ ﺣﻄﻠﻊ ﺑﻬﺬﺍ ﺍﻟﻈﻼﻡ ، ﻛﻞ ﺍﻟﻲ ﻓﻜﺮﺕ ﺑﻲ ﺍﻧﻮ ﻻﺯﻡ ﺍﻃﻠﻊ ﻣﻦ ﺍﻟﺤﻤﺎﻡ ﺑﺴﺮﻋﻪ ﻭﺍﻧﺰﻝ ﻻﻧﻮ ﺟﻮﻩ ﺑﺎ ﺍﻛﻮ ﺍﺿﻮﻳﻪ ﻉ ﺍﻟﺸﺤﻦ ﺍﺭﻭﺡ ﺍﻓﺘﺤﻬﻢ ﻋﺎﺩ ﺍﺷﻮﻳﻪ ﺿﻮﻩ !
ﻣﺎﺍﻋﺮﻑ ﺍﺫﺍ ﺭﺍﺡ ﺍﻭﺻﻞ ﻟﻠﻄﺎﺑﻖ ﺍﻻﺭﺿﻲ ﺍﺻﻼً .. ﻛﻨﺖ ﻣﺘﻮﻗﻌﻪ ﺣﺘﺸﺘﻐﻞ ﺍﻟﻤﻮﻟﺪ ﺑﺴﺮﻋﻪ ﻭﻳﺠﻲ ﺍﻟﻀﻮﻩ ، ﺑﺲ ﻣﺎﻛﻮ !
ﺑﻘﻴﺖ ﺍﺗﻠﻤﺲ ﻛﺪﺍﻣﻲ ﻣﺜﻞ ﺍﻻﻋﻤﻰ .. ﻛﻮﻟﺸﻲ ﻣﺎﺍﺷﻮﻑ ، ﺍﻟﻤﺴﺎﻓﻪ ﻣﻦ ﺍﻟﺤﻤﺎﻡ ﺍﻟﻰ ﺑﺎﺏ ﺍﻟﻐﺮﻓﻪ ﻣﻮ ﺑﻌﻴﺪﻩ ، ﺑﺲ ﺍﻟﻈﻼﻡ ﺳﻮﺍﻫﺎ ﻋﻠﻴﻪ ﻣﻴﻞ !
ﺩﻣﻮﻉ ﻣﺎﻛﻮ ﻭﺑﺠﻲ ﻣﺎﻛﻮ .. ﻣﺎﻛﻮ ﻏﻴﺮ ﺻﻮﺕ ﺷﻬﻜﺎﺗﻲ ﺍﻟﻘﻮﻳﻪ ﺍﺭﻳﺪ ﺑﺲ ﺍﺗﻨﻔﺲ ﺩﺍﺍﺧﺘﻨﻚ !
ﻣﺎﺍﻋﺮﻑ ﺍﺷﻮﻥ ﻭﺻﻠﺖ ﻟﻠﺒﺎﺏ .. ﻓﺘﺤﺘﻪ ﺑﻜﻞ ﺳﺮﻋﺘﻲ ﻭﻃﻠﻌﺖ .. ﺷﻔﺖ ﺿﻮﻩ ﺟﻮﻩ ﺿﻌﻴﻒ ﻭﺩﻳﺼﻌﺪ ﻟﻠﺪﺭﺝ !!!!
ﺑﻬﺬﻳﺞ ﺍﻟﻠﺤﻈﻪ ﻣﺎﻛﺎﻥ ﺑﺮﺍﺳﻲ ﺍﻱ ﻋﻘﻞ ﺍﻧﻔﺎﺳﻲ ﺍﻟﻤﺨﻨﻮﻛﻪ ﻭﺭﻭﺣﻲ ﺍﻟﻲ ﺩﺗﻄﻠﻊ ﻗﺘﻠﺖ ﻛﻞ ﻓﻜﺮﻩ ﺑﺮﺍﺳﻲ .. ﺑﺪﻭﻥ ﺍﻱ ﺗﻔﻜﻴﺮ .. ﺭﻛﻀﺖ ﻉ ﻣﺼﺪﺭ ﺍﻟﻀﻮﻩ ﻭﻛﺄﻧﻮ ﺣﻴﺎﺗﻲ ﻣﺘﻮﻗﻔﻪ ﻋﻠﻴﻪ !
ﻣﺎ ﺣﺴﻴﺖ ﻧﻔﺴﻲ ﻏﻴﺮ ﺣﺎﺿﻨﻪ ﻭﺍﺣﺪ !!!!!
ﺍﺳﻴﺪ .. ﻛﻨﺖ ﻓﺎﺗﺢ ﻻﻳﺖ ﺍﻟﻤﻮﺑﺎﻳﻞ ﻭﺩﺍﺍﺻﻌﺪ ﺍﻟﺪﺭﺝ ﻭﺟﺎﻥ ﺗﺠﻲ ﺭﻛﺾ ﺻﺎﺭﺕ ﺑﺤﻀﻨﻲ !
ﻣﻦ ﺍﻻﺻﻄﺪﺍﻡ ﻭﻛﻊ ﺍﻟﻤﻮﺑﺎﻳﻞ ﻣﻦ ﺍﻳﺪﻱ ﻣﺸﻔﺖ ﺷﻨﻮ ﻫﺬﺍ ﺍﻟﺸﻲ !
ﺍﺳﺘﻐﺮﺑﺖ ﺑﺎﻟﺒﺪﺍﻳﻪ ﺷﻲ ﻣﺒﻠﻞ ﻭﻧﺎﻋﻢ ، ﺻﻐﻴﺮ ﺣﻴﻞ ﺑﺎﻟﻨﺴﺒﻪ ﻟﺤﺠﻤﻲ ، ﻛﺮﺩ ﻓﻌﻞ ﺗﻠﻘﺎﺋﻲ ﺭﺩﺕ ﺍﺩﻓﻌﻪ ﻋﻨﻲ ﺑﺲ ﺻﻮﺗﻬﺎ ﻭﻛﻔﻨﻲ !!
ﺩﺍﻟﻴﺎ .. ﻣﺎﺍﻋﺮﻑ ﺷﻨﻮ ﺍﻟﻲ ﺣﺎﻭﻃﻨﻲ ﺑﺎﻟﻜﺎﻣﻞ ﺣﺴﻴﺖ ﺷﻲ ﺍﻛﺒﺮ ﻣﻦ ﻭﺻﻠﺐ ﺻﺎﺭ ﻛﺪﺍﻣﻲ ﻭﺍﻧﻲ ﺧﺎﺗﻠﻪ ﺑﻲ ﺍﺧﺎﻑ ﺍﻧﻲ ﻋﺎﻳﺰﻩ ﺭﻋﺐ ﻫﺬﺍ ﺍﻟﺸﻲ ﻛﻤﻠﻬﺎ .. ﺍﻟﺨﻮﻑ ﺍﺗﻐﻠﺐ ﻋﻠﻴﻪ ﻟﺪﺭﺟﻪ ﺍﻟﻤﻮﺕ ﻫﺎﻱ ﻫﻲ ﺣﻤﻮﺕ ﺧﻠﺺ ﺍﻟﻨﻔﺲ ﺿﺎﻉ ﻋﻠﻴﻪ .. ﺳﻠﻤﺖ ﺍﻣﺮﻱ ﻟﻠﻪ ﻭﺑﻘﻴﺖ ﺍﺻﻴﺢ .. ﻳﺎ ﺭﺏ .. ﻳﺎ ﺭﺏ .. ﻳﺎ ﺭﺏ !!
ﺍﺳﻴﺪ .. ﻣﻦ ﺳﻤﻌﺖ ﺻﻮﺗﻬﺎ ﻋﺮﻓﺘﻬﺎ ﻫﺬﻱ ﻫﻲ ﺑﻠﻮﺓ ﺣﻴﺎﺗﻲ ، ﻧﻔﺲ ﺍﻟﻤﻮﻗﻒ ﻭﻧﻔﺲ ﺍﻟﻈﻠﻤﻪ ، ﻧﻔﺲ ﺍﻟﺮﺟﻔﻪ ، ﻭﻧﻔﺲ ﺍﻟﺼﻮﺕ !
ﻭﻛﺄﻧﻮ ﺍﻟﺰﻣﻦ ﺩﻳﻌﻴﺪ ﻧﻔﺴﻪ ﺑﺲ ﺑﻐﻴﺮ ﺻﻮﺭﻩ .. ﺍﻧﺘﺒﻬﺖ ﻋﻠﻴﻬﺎ ﺗﺮﺟﻒ ﺗﺮﺟﻒ ﺑﺸﺪﻩ ﻭﺗﺸﻬﻚ ﺑﺼﻮﺕ ﻗﻮﻱ !!
ﻫﺎﻱ ﺍﺷﺒﻴﻬﺎ ﻣﻌﻘﻮﻟﻪ ﺧﺎﻓﺖ ﻣﻨﻲ ﻟﻮ ﺻﺎﻳﺮ ﻭﻳﺎﻫﺎ ﺷﻲ ﻣﺨﻮﻓﻬﺎ ﻟﺬﻟﻚ ﻣﺮﻋﻮﺑﻪ ﻫﺸﻜﻞ؟ !
ﺑﺼﻮﺕ ﻫﺎﺩﻯﺀ ﺣﺎﻭﻟﺖ ﻣﺎ ﺍﻫﺪﻳﻬﺎ ﻛﻠﺘﻠﻬﺎ
....
ﻫﺬﺍ ﺍﻧﻲ ﺍﺳﻴﺪ .. ﺍﺳﻴﺪ .. ﻟﺘﺨﺎﻓﻴﻦ .
ﺩﺍﻟﻴﺎ .. ﻣﻦ ﺳﻤﻌﺖ ﺻﻮﺗﻪ ﻭﻛﺎﻝ ﺍﻧﻲ ﺍﺳﻴﺪ .. ﻟﺰﻣﺘﻪ ﺑﻜﻞ ﻗﻮﺗﻲ ﻭﻛﺄﻧﻪ ﻃﻮﻕ ﺍﻟﻨﺠﺎﺓ ﺑﺎﻟﻨﺴﺒﻪ ﺍﻟﻲ .. ﺍﺻﺎﺑﻌﻲ ﺍﺣﺴﻬﻢ ﺩﻳﺨﺘﺮﻗﻮﻥ ﺻﺪﺭﻩ ، ﻗﻤﻴﺼﻪ ﻳﻤﻜﻦ ﺍﻧﺸﻚ ﻣﻦ ﻛﺪ ﺍﻟﻘﻮﻩ ﺍﻟﻲ ﻻﺯﻣﺘﻬﺎ ﺑﻲ .. ﺣﺴﻴﺖ ﻧﻔﺴﻲ ﺩﺍﺍﺣﺎﻭﻝ ﺍﺩﻓﻊ ﻧﻔﺴﻲ ﻟﺼﺪﺭﻩ ﺑﺪﻭﻥ ﻭﻋﻲ ﻣﻨﻲ ﻭﻻ ﺍﻋﺮﻑ ﺷﺪﺍﺍﺳﻮﻱ ﻛﻞ ﺍﻟﻲ ﺍﻋﺮﻓﻪ ﺍﻧﻮ ﻫﻮ ﺍﻟﻲ ﺣﻴﺨﻠﺼﻨﻲ ﻣﻦ ﺍﻟﺨﻮﻑ ﻫﺬﺍ .. ﺑﻘﻴﺖ ﻻﺯﻣﺘﻪ ﻛﻞ ﻗﻮﺗﻲ ﺍﻟﻰ ﺍﻥ ﺣﺴﻴﺖ ﺟﺴﻤﻲ ﺍﻧﺘﻬﻰ ﺧﻠﺺ ، ﻣﺜﻞ ﺍﻟﻲ ﻛﺎﻥ ﺩﻳﻤﻮﺕ ﻭﻃﻠﻌﺖ ﺭﻭﺣﻪ .. ﻫﺪﻭﺀ ﺻﺎﺭ ﺍﻟﺪﻧﻴﺎ ﻭﺍﻟﺨﺒﺼﻪ ، ﺍﻟﺨﻮﻑ ﻭﺍﻟﺮﻋﺐ ، ﺍﻧﻔﺎﺳﻲ ﺍﻟﻲ ﺩﺗﻨﻜﻄﻊ ﻭﺷﻬﻜﺎﺗﻲ ﻛﻮﻟﻬﺎ ﺗﺤﻮﻟﺖ ﺍﻟﻰ ﻫﺪﻭﺀ !..
ﺍﺳﻴﺪ .. ﻣﻦ ﻛﻠﺘﻠﻬﺎ ﺍﻧﻲ ﺍﺳﻴﺪ ﺣﻀﻨﺘﻨﻲ ﺑﺲ ﺑﻘﻮﻩ ﻋﺠﻴﺒﻪ .. ﻣﺎﺍﻋﺮﻑ ﺍﺷﺒﻴﻬﺎ ﻟﻴﺶ ﺩﺗﺴﻮﻱ ﻫﺸﻜﻞ .. ﻣﻌﻘﻮﻟﻪ ﻫﺬﺍ ﻓﻠﻢ ﻣﻦ ﺍﻓﻼﻣﻬﺎ .. ؟ !
ﺯﻳﻦ ﺟﺴﻤﻬﺎ ﻟﻴﺶ ﻳﺮﺟﻒ ﻫﻴﺞ .. ﻟﻴﺶ ﺻﻮﺗﻬﺎ ﻣﺨﻨﻮﻙ ﻭﺷﻬﻜﺎﺗﻬﺎ ﻋﺎﻟﻴﻪ ﻫﻴﺞ؟ !
ﻻ ﻣﺴﺘﺤﻴﻞ ﻫﺬﺍ ﻣﻮ ﺗﻤﺜﻴﻞ .. ﻛﻠﺸﻲ ﺻﺎﺭ ﺑﺴﺮﻋﻪ .. ﺍﻭﻝ ﺭﺩ ﻓﻌﻞ ﻣﻨﻲ ﺣﻀﻨﺘﻬﺎ !!....
ﺑﺼﻮﺕ ﻫﺎﺩﺉ ﻭﺣﺎﺩ ..
_ ﺍﺷﺸﺸﺸﺶ .. ﺍﻫﺪﻱ ﺍﻫﺪﻱ .. ﺍﻧﻲ ﻫﻨﺎ ... ﺍﺷﺸﺸﺸﺸﺶ .. ﺑﻘﺖ ﻻﺯﻣﺘﻨﻲ ﺣﻴﻞ ﻭﺗﺮﺟﻒ ﺍﻟﻰ ﺍﻥ ﻫﺪﺋﺖ ، ﺟﺴﻤﻬﺎ ﻫﺪﺃ ﺗﻤﺎﻣﺎً ﻭﻻ ﺍﻱ ﺣﺮﻛﻪ ﺑﺲ ﺻﻮﺕ ﺍﻧﻔﺎﺳﻬﺎ ﺍﻟﻀﻌﻴﻒ !!
ﺍﺭﻳﺪ ﺍﺷﻮﻑ ﺍﺷﺒﻴﻬﺎ ﺍﻓﺘﻬﻢ ﺷﺼﺎﺭﻟﻬﺎ ﻟﻴﺶ ﺳﻜﺘﺖ ﻓﺠﺄﻩ ﻣﺎﻛﻮ ﻇﻼﻡ .. ﻋﻔﺘﻬﺎ ﻭﺟﺮﻳﺖ ﺍﻟﻤﻮﺑﺎﻳﻞ .. ﺑﻌﺪﻳﻦ ﺭﺟﻌﺖ ﺷﻠﺘﻬﺎ ﻭﻧﺰﻟﺖ ﺑﻴﻬﺎ ﺍﻟﺪﺭﺝ ﺑﺤﺬﺭ ﻉ ﻻﻳﺖ ﺍﻟﻤﻮﺑﺎﻳﻞ ﺧﻠﻴﺘﻬﺎ ﻉ ﺍﻟﺘﺨﻢ ﻭﻃﻠﻌﺖ ﺍﺷﻮﻑ ﺍﻟﻤﻮﻟﺪ ﻟﻴﺶ ﻣﺸﺘﻐﻠﺖ .. ﺭﻛﺾ ﺭﺣﺖ ﻟﻠﺤﺮﺱ ﻭﺑﺼﻮﺕ ﺣﺎﺩ ﻭﻋﺎﻟﻲ ﺻﺤﺖ ﺑﻴﻬﻢ ..
_ ﺷﺪﺗﺴﻮﻭﻥ ﺻﺎﺭ ﺳﺎﻋﻪ ﻟﻴﺶ ﻣﺸﺘﻐﻠﺖ ؟ !!
ﺍﻟﺤﺮﺱ .. ﺩﻧﺴﻮﻱ ﺑﻴﻬﺎ ﺩﻛﺘﻮﺭ ﺍﻥ ﺷﺎﺀ ﺍﻟﻠﻪ ﺗﺸﺘﻐﻞ .
ﺍﺳﻴﺪ .. ﺩﻗﻴﻘﻪ ﻭﺣﺪﻩ ﺍﺫﺍ ﻣﺸﺘﻐﻠﺖ ﺍﻟﻤﻮﻟﺪ ﺍﻋﺘﺒﺮﻭ ﻧﻔﺴﻜﻢ ﻣﻔﺼﻮﻟﻴﻦ ..
ﺍﻟﺤﺮﺱ ﺍﺳﺘﻐﺮﺑﻮﺍ ﻣﻦ ﺗﺼﺮﻓﻪ ﻭﻋﺼﺒﻴﺘﻪ ، ﻗﺒﻞ ﺩﻗﻴﻘﻪ ﺩﺧﻞ ﺳﻠﻢ ﻋﻠﻴﻬﻢ ﻭﻛﻠﺸﻲ ﻣﺎ ﺑﻲ ﺷﺼﺎﺭ ﻓﺠﺄﻩ ﻭﻋﺼﺐ ﻟﻬﺪﺭﺟﻪ؟ !
ﻫﻢ ﻳﻌﺮﻓﻮ ﺻﺢ ﺩﻣﻪ ﺟﺎﻣﺪ ﻭﻣﻴﺠﺎﻣﻞ ﻫﻮﺍﻱ ﺑﺲ ﺩﺍﺋﻤﺎً ﻫﺎﺩﺉ ﻭﻣﻴﻌﺼﺐ ﻧﻬﺎﺋﻴﺎً .. ﺍﻭﻝ ﻣﺮﻩ ﻫﻴﺞ ﻳﺸﻮﻓﻮ ﻣﻌﺼﺐ !!
ﺑﺴﺮﻋﻪ ﺳﻮﻭ ﺍﻟﻤﻮﻟﺪ ﻭﺷﻐﻠﻮ ﻻﻥ ﺧﺎﻓﻮ ﻳﻨﻄﺮﺩﻭﻥ ﻣﻦ ﺷﻐﻠﻬﻢ ..
ﻫﻮ ﺑﺪﻭﻥ ﻣﻴﺴﻤﻊ ﺍﻱ ﻛﻼﻡ ﻣﻨﻬﻢ ﻋﺎﻓﻬﻢ ﻭﺩﺧﻞ ﺍﻭﻝ ﻣﺎ ﺳﺪ ﺍﻟﺒﺎﺏ ﺍﺷﺘﻐﻠﺖ ﺍﻟﻤﻮﻟﺪ !
ﺍﺳﻴﺪ .. ﻣﺎﺍﻋﺮﻑ ﺷﺼﺎﺭﻟﻲ ﻭﻟﻴﺶ ﻋﺼﺒﺖ ﻫﻴﺞ !
ﺩﺧﻠﺖ ﻟﻠﺒﻴﺖ ﺍﺟﺘﻲ ﺍﻟﻜﻬﺮﺑﺎﺀ ﺭﺣﺖ ﻋﻠﻴﻬﺎ ﺑﺴﺮﻋﻪ ﺷﻔﺘﻬﺎ ﻧﺎﻳﻤﻪ ﺑﻤﻜﺎﻧﻬﺎ ﻉ ﺍﻟﺘﺨﻢ .. ﻣﻼﺑﺴﻪ ﺷﻲ ﺑﺲ ﺍﻟﻤﻨﺸﻔﻪ ﻣﻠﻔﻮﻓﻪ ﻋﻠﻴﻬﺎ !!!!!.
ﺷﻌﺮﻫﺎ ﺍﺳﻮﺩ ﻣﻐﻄﻲ ﺟﺴﻤﻬﺎ ﺍﻻﺑﻴﺾ .. ﺭﺍﻳﺤﻪ ﺑﻐﻴﺮ ﻋﺎﻟﻢ ﺗﺤﺴﻬﺎ ﻣﻮ ﺑﺸﺮ .. ﺑﻘﻴﺖ ﺻﺎﻓﻦ ﻋﻠﻴﻬﺎ ﺷﻜﻠﻬﺎ ﻳﺴﺤﺮ ﻭﻣﻐﺮﻱ ﻷﺑﻌﺪ ﺣﺪ .. ﻣﺪﻳﺖ ﺍﻳﺪﻱ ﻭﻟﺰﻣﺖ ﺍﻳﺪﻫﺎ ﺷﻔﺖ ﻧﺒﻀﻬﺎ ﺿﻌﻴﻒ !!
ﺭﺣﺖ ﺑﺴﺮﻋﻪ ﺟﺒﺖ ﺟﻬﺎﺯ ﻗﻴﺎﺱ ﺍﻟﻀﻐﻂ ﻭﻗﺴﺖ ﺿﻐﻄﻬﺎ .. ﻛﺎﻥ ﻫﺎﺑﻂ ﺣﻴﻞ !
ﺟﺒﺖ ﻣﺨﺪﻩ ﻭﺧﻠﻴﺘﻬﺎ ﺟﻮﻩ ﺭﺟﻠﻴﻬﺎ ﺑﻌﺪﻳﻦ ﺭﺣﺖ ﻟﻠﻤﻄﺒﺦ ﺑﺴﺮﻋﻪ ﻃﻠﻌﺖ ﺧﻴﺎﺭﻩ ﺧﻠﻴﺖ ﺑﻴﻬﺎ ﻣﻠﺢ ﻭﺟﺒﺘﻬﺎ ﺍﻟﻬﺎ !
ﺭﺟﻌﺖ ﺑﺴﺮﻋﻪ ﺣﺮﻳﺖ ﺍﻟﻜﺮﺳﻲ ﻭ ﻛﻌﺪﺕ ﻣﻘﺎﺑﻴﻠﻬﺎ ﺑﺪﻳﺖ ﺍﺿﺮﺏ ﻉ ﻭﺟﻬﺎ ﺣﺘﻰ ﺗﺼﺤﻰ ﺿﺮﺑﺎﺕ ﺧﻔﻴﻔﻪ .. ﺭﺩﺗﻬﺎ ﺑﺲ ﺗﻜﻌﺪ ﺗﺎﻛﻞ ﺍﻟﺨﻴﺎﺭﻩ ﻻﻥ ﺿﻐﻄﻬﺎ ﺷﺒﻪ ﻣﺼﻔﺮ !
ﺑﺪﺕ ﺗﻔﺘﺢ ﻋﻴﻨﻬﺎ .. ﻭﺗﺮﺩﺩ ﺗﺎﻟﻴﺎ .. ﺍﺧﺬﻭﻫﺎ ﻣﺎﻣﺎ .. ﺗﺎﻟﻴﺎ .. ﺍﺧﺬﻭﻫﺎ !!
ﻣﻨﻮ ﻫﺬﻱ ﺗﺎﻟﻴﺎ ﻭ ﻣﻨﻮ ﺍﻟﻲ ﺍﺧﺬﻫﺎ؟
....
ﺑﺪﻳﺖ ﺍﺻﺤﻲ ﺑﻴﻬﺎ ﺍﻟﻰ ﺍﻥ ﻛﻌﺪﺕ ﺧﻠﻴﺖ ﺍﻟﺨﻴﺎﺭﻩ ﺑﺤﻠﻜﻬﺎ ﻣﻦ ﺣﺴﺖ ﺑﻄﻌﻢ ﺍﻟﻤﻠﺢ ﺭﺍﺩﺕ ﺗﺒﻌﺪﻫﺎ ﺑﺲ ﺍﻧﻲ ﺟﺒﺮﺗﻬﺎ ﺗﺎﻛﻠﻬﺎ .. ﺍﺷﻮﻳﻪ ﺷﻮﻳﻪ ﺍﻟﻰ ﺍﻥ ﺍﻛﻠﺘﻬﺎ ﻛﻠﻬﺎ .. ﻛﺎﻟﺖ ﺍﺭﻳﺪ ﻣﻲ !!
ﻛﻠﺘﻠﻬﺎ ﻣﺎﻛﻮ ﻣﻲ ﺍﺭﺗﺎﺣﻲ ﺍﺷﻮﻳﻪ ﺧﻠﻲ ﻳﻨﺰﻝ ﺿﻐﻄﺞ .. ﺭﺟﻌﺖ ﺧﻠﺖ ﺭﺍﺳﻬﺎ ﻉ ﺍﻟﺘﺨﻢ ﻭﻧﺎﻣﺖ ﺍﻟﻈﺎﻫﺮ ﺑﻌﺪﻫﺎ ﺩﺍﻳﺨﻪ !..
ﺑﺲ ﻣﻦ ﺻﺤﺖ ﺍﺷﻮﻳﻪ ﺍﺭﺗﺎﺣﻴﺖ ﻭﺍﻛﻠﺖ ﺍﻟﺨﻴﺎﺭﻩ .. ﻋﻔﺘﻬﺎ ﻭﺭﺟﻌﺖ ﻟﻠﻤﻄﺒﺦ ﻃﻠﻌﺖ ﺑﺮﺗﻘﺎﻝ ﻭﻋﺼﺮﺗﻠﻬﺎ .. ﺳﻮﻳﺘﻠﻬﺎ ﻋﺼﻴﺮ
ﺭﺟﻌﺖ ﻟﻜﻴﺘﻬﺎ ﻧﺎﻳﻤﻪ ﺑﻘﻴﺖ ﻛﺎﻋﺪ ﻛﺪﺍﻣﻬﺎ .. ﻣﺮ ﻭﻗﺖ ﻫﻮﺍﻱ ﻭﻫﻲ ﻧﺎﻳﻤﻪ ﺍﻟﺪﻧﻴﺎ ﻧﺺ ﺍﻟﻠﻴﻞ ﻭﺍﻧﻲ ﻣﻜﺎﺑﻠﻬﺎ ﻭﻛﺎﻋﺪ .. ﺷﻜﻠﻬﺎ ﻭﻫﻲ ﻧﺎﻳﻤﻪ ﻭﺗﺘﻜﻠﺐ ﺣﻴﻴﻴﻴﻞ ﻣﺰﻋﺞ ﺑﺤﻴﺚ ﺧﻠﻖ ﻋﻨﺪﻱ ﺍﻓﻜﺎﺭ ﺍﻗﻞ ﻣﺎ ﻳﻘﺎﻝ ﻋﻨﺪﻫﺎ ﻗﺬﺭﻩ !
ﻣﻊ ﺫﻟﻚ ﺣﺎﻭﻟﺖ ﺍﺗﺠﺎﻫﻞ ﻛﻞ ﻫﺬﺍ ﺍﻟﺘﻔﻜﻴﺮ ، ﻭﺍﺑﻘﻰ ﺻﺎﺣﻲ .. ﺍﺭﻳﺪ ﺍﻋﺮﻑ ﺍﺷﺒﻴﻬﺎ ﻭﺷﻨﻮ ﺍﻟﻲ ﺻﺎﺭ ﺑﺤﻴﺚ ﻭﺻﻠﺖ ﻟﻬﺬﻱ ﺍﻟﺤﺎﻟﻪ !
ﻭﺧﻔﺖ ﻻ ﺗﺮﺟﻊ ﺗﺘﺨﺮﺑﻂ ﻣﺮﻩ ﺛﺎﻧﻴﻪ ﻭﺍﻧﻲ ﻧﺎﻳﻢ .. ﻫﺴﻪ ﺍﻧﻲ ﺷﻨﻮ ﺍﻟﻲ ﻭﺭﻃﻨﻲ ﺑﻬﺎﻱ ﺍﻟﺒﻠﻮﻩ ﻛﻠﻪ ﻣﻦ ﻭﺭﺍ ﺍﻣﻲ ﻭﺍﻟﺤﺎﺣﻬﺎ .. ﻟﺤﺖ ﻭﺑﻘﺘﻬﺎ ﻫﻨﺎ .. ﻭﻟﺤﺖ ﻭﺭﺍﺣﺖ ﻭﻳﺎ ﻛﺮﺍﺭ .. ﻭﻟﺤﺖ ﻭﺑﻘﺘﻨﻲ ﻭﻳﺎﻫﺎ ﻭﺣﺪﻱ ... ﺍﻭﻑ ﻣﻨﺞ ﻳﻤﻪ !
ﺑﻌﺪ ﺳﺎﻋﻪ ﻭﻧﺺ ﺗﻘﺮﻳﺒﺎً ﺭﺟﻌﺖ ﻓﺘﺤﺖ ﻋﻴﻮﻧﻬﺎ .. ﺍﻧﻲ ﻛﻨﺖ ﻛﺎﻋﺪ ﻛﺪﺍﻣﻬﺎ ﻭﺍﺭﺍﻗﺒﻬﺎ ..
ﺩﺍﻟﻴﺎ .. ﻣﻦ ﻓﺘﺤﺖ ﻋﻴﻮﻧﻲ ﺷﻔﺘﻪ ﻛﺎﻋﺪ ﻛﺪﺍﻣﻲ .. ﻧﺎﺯﻉ ﺍﻟﺴﺘﺮﻩ ﺍﻟﻲ ﻛﺎﻥ ﻻﺑﺴﻬﺎ ﻣﻦ ﻃﻠﻊ ، ﺑﺲ ﺑﺎﻟﻘﻤﻴﺺ ﻭﺍﻟﺪﻛﻢ ﻣﻼﺕ ﻗﻤﻴﺼﻪ ﻣﻔﺘﻮﺣﺎﺕ ﻣﺎﺍﺩﺭﻱ ﻣﻜﻄﻮﻋﺎﺕ ﻣﺸﻔﺘﻬﻢ .. ﺑﺲ ﺷﻔﺖ ﺍﻟﻘﻤﻴﺺ ﻣﻔﺘﻮﺡ ﻭﻋﻀﻼﺕ ﺻﺪﺭﻩ ﻃﺎﻟﻌﻪ !!
ﻛﺎﻥ ﺭﺍﻓﻊ ﺍﺭﺩﺍﻥ ﺍﻟﻘﻤﻴﺺ ﻭﺷﻌﺮﻩ ﻣﺨﺮﺑﻂ .. ﺣﺎﻟﺘﻪ ﺣﺎﻟﻪ ﻭﺻﺎﻓﻦ ﺑﻮﺟﻬﻲ ﻋﻴﻮﻧﻲ ﻣﻈﻠﻤﻪ ﻭﻧﻈﺮﺍﺕ ﻏﺮﻳﺒﻪ ﺍﻭﻝ ﻣﺮﻩ ﺍﺷﻮﻓﻬﺎ ﻉ ﻭﺟﻬﺎ .. ﻧﻈﺮﺍﺕ ﺭﻏﺒﻪ !!
ﺍﻭﻝ ﻣﺸﻔﺘﻪ ﻛﻌﺪﺕ ﺑﺴﺮﻋﻪ .. ﺑﺎﻭﻋﺖ ﻉ ﺭﻭﺣﻲ ﻣﻼﺑﺴﻪ ﺷﻲ ﻭﺑﺲ ﺍﻟﻤﻨﺸﻔﻪ ﻋﻠﻴﻪ !!!
ﻳﺎ ﺭﺑﻴﻴﻴﻲ ﻫﺴﻪ ﻋﺮﻓﺖ ﻟﻮﻳﺶ ﺩﻳﺒﺎﻭﻋﻠﻲ ﻫﺸﻜﻞ !
ﺭﺩﺕ ﺍﻛﻮﻡ ﻭﺍﻧﻬﺰﻡ ﻟﻐﺮﻓﺘﻲ .. ﺑﺲ ﺍﻭﻝ ﻣﺎ ﻛﻤﺖ ﺣﺴﺖ ﺍﻟﻜﺎﻉ ﺩﺗﻔﺘﺮ ﺑﻴﻪ ﺭﺟﻌﺖ ﻭﻛﻌﺖ ﺑﻤﻜﺎﻧﻲ !!
ﺍﺳﻴﺪ .. ﻣﻦ ﺷﺎﻓﺘﻨﻲ ﺍﺭﺗﻌﺒﺖ ﻉ ﺑﺎﻟﻬﺎ ﺣﺴﻮﻳﻠﻬﺎ ﺷﻲ .. ﻛﺎﻣﺖ ﺑﺴﺮﻋﻪ ﻭ ﻭﻛﻌﺖ ﺍﻟﻐﺒﻴﻪ ﻣﺘﺪﺭﻱ ﺿﻐﻄﻬﺎ ﻣﺼﻔﺮ ﻭﻣﺮﺍﺡ ﺗﻜﺪﺭ ﺗﺘﺤﺮﻙ ﻫﺴﻪ .. ﺑﺪﻭﻥ ﺍﻱ ﻛﻼﻡ ﻛﻤﺖ ﻣﻦ ﻣﻜﺎﻧﻲ ﺷﻠﺖ ﻛﻼﺹ ﺍﻟﻌﺼﻴﺮ ﺧﻠﻴﺘﻬﺎ ﻛﺪﺍﻣﻬﺎ ﻭﺑﺼﻮﺕ ﺟﺎﻣﺪ ﻭﺣﺎﺩ ﻛﻠﺘﻠﻬﺎ ..
_ ﺍﺷﺮﺑﻲ .
ﺩﺍﻟﻴﺎ .. ﺑﺼﻮﺕ ﺗﻌﺒﺎﻥ ﻭﻫﻲ ﻣﺪﻧﻜﻪ ، ﻣﺎ ﺍﺭﻳﺪ ﻣﻨﻚ ﺷﻲ .
ﺍﺳﻴﺪ .. ﺍﺷﺮﺑﻲ ﺍﺣﺴﻦ ﻣﺎ ﺍﺧﻠﻴﺞ ﺗﺸﺮﺑﻲ ﺑﻄﺮﻳﻘﺘﻲ !
ﺩﺍﻟﻴﺎ .. ﺭﻓﻌﺖ ﺭﺍﺳﻲ ﺑﺴﺮﻋﻪ ﻭﺑﺎﻭﻋﺘﻠﻪ .. ﺷﻔﺖ ﺍﺑﺘﺴﺎﻣﻪ ﺧﺒﻴﺜﻪ ﻉ ﻭﺟﻬﻪ ﻭﻧﻈﺮﺍﺗﻪ ﺍﻟﻈﻠﻤﻪ ﺩﺗﻔﺘﺮﺳﻨﻲ !!
ﺑﺪﻭﻥ ﺍﻱ ﻛﻼﻡ ﺟﺮﻳﺖ ﺍﻟﻌﺼﻴﺮ ﻭﺷﺮﺑﺘﻪ !...
ﺍﺳﻴﺪ .. ﺍﺭﺟﻌﻲ ﺍﺭﻓﻌﻲ ﺭﺟﻠﻴﺞ ﻟﺤﺪ ﻣﻴﻌﺘﺪﻝ ﺿﻐﻄﺞ .
ﺩﺍﻟﻴﺎ .. ﺍﺭﻳﺪ ﺍﺭﻭﺡ ﻟﻐﺮﻓﺘﻲ ﺍﺫﺍ ﺗﺴﻤﺢ ﺭﻭﺡ ﻣﻨﺎ ﺣﺘﻰ ﺍﻛﻮﻡ .
ﺍﺳﻴﺪ .. ﺍﻭﻻً ﻣﻴﺼﻴﺮ ﻫﺴﻪ ﺗﺘﺤﺮﻛﻴﻦ ﻻﻥ ﻣﺮﺍﺡ ﺗﻜﺪﺭﻳﻦ ﺍﺻﻼً ، ﻭﺛﺎﻧﻴﺎ ﻟﻴﺶ ﺍﺭﻭﺡ ﻣﺜﻼً ﻣﺎﻛﻮ ﺷﻲ ﻣﺸﻔﺘﻪ ﺣﺘﻰ ﺗﺴﺘﺤﻴﻦ ، ﻟﻮ ﻧﺴﻴﺘﻲ ﻗﺒﻞ ﺳﺎﻋﻪ ﻭﻳﻦ ﻛﻨﺘﻲ؟ !!
ﺩﺍﻟﻴﺎ .. ﺣﺴﻴﺖ ﻧﺎﺭ ﻭﺷﺒﺖ ﺑﻴﻪ ﻣﻦ ﻛﻼﻣﻪ ، ﻣﻦ ﺻﺪﻭﻙ ﻫﺬﺍ ﻣﻴﺴﺘﺤﻲ ﻭﻻ ﻋﻨﺪﻩ ﺫﺭﺓ ﺍﺧﻼﻕ .. ﺷﺪﻳﻘﺼﺪ ﺑﻜﻼﻣﻪ ﻭﻳﻦ ﻛﻨﺖ ﻗﺒﻞ ﺳﺎﻋﻪ؟ !
ﺭﺩﺕ ﺍﺣﺠﻲ ﻭﻳﺎ ﺑﺲ ﺍﺗﺬﻛﺮﺕ ﻛﻼﻡ ﺍﻡ ﻋﺎﺩﻝ ( ﻟﺘﻼﺳﻨﻴﻦ ) ﺳﻜﺘﺖ ﻋﻨﻪ ﺑﺲ ﺩﻣﻲ ﻳﻐﻠﻲ ﻣﻦ ﺍﻟﻐﻀﺐ .. ﺑﻘﻴﺖ ﺑﻤﻜﺎﻧﻲ ﻭﺗﺠﺎﻫﻠﺘﻪ ﺗﻤﺎﻣﺎً .. ﻛﻠﺖ ﺧﻠﻲ ﺍﺻﻴﺮ ﺯﻳﻨﻪ ﻭﺍﺭﻛﺾ ﻟﻐﺮﻓﺘﻲ ﺣﺘﻰ ﺍﺧﻠﺺ ﻣﻨﻪ .
ﺑﻘﻰ ﻫﻮ ﻛﺎﻋﺪ ﻛﺪﺍﻣﻲ ﻭﻳﻠﻌﺐ ﺑﻤﻮﺑﺎﻳﻠﻪ .. ﻭﺍﻧﻲ ﺟﺮﻳﺖ ﺭﺟﻠﻴﻪ ﻛﻮﺭﺗﻬﻢ ﻉ ﺻﺪﺭﻱ ﻭﺧﻠﻴﺖ ﺭﺍﺳﻲ ﺑﻴﻨﻬﻢ .. ﺍﻟﻬﺪﻭﺀ ﺳﻴﺪ ﺍﻟﻤﻮﻗﻒ .. ﺍﻟﻰ ﺍﻥ ﺣﺠﻪ ﻫﻮ
....
ﺍﺳﻴﺪ .. ﻛﻠﺘﻠﺞ ﺍﺭﻓﻌﻲ ﺭﺟﻠﻴﺞ ﻣﻮ ﺗﻜﻮﺭﻳﻬﻢ ، ﻭﻟﺘﺨﺎﻓﻴﻦ ﻣﺪﺍﺍﺑﺎﻭﻋﻠﺞ ﺍﻧﺘﻲ ﻣﻮ ﻧﻮﻋﻲ ﺍﻟﻤﻔﻀﻞ .
ﺩﺍﻟﻴﺎ .. ﺍﻧﺖ ﻣﺘﺴﺘﺤﻲ ﺗﻌﺮﻑ ﻟﻮ ﻻ ، ﻻﻧﻚ ﻟﻮ ﺗﺴﺘﺤﻲ ﻣﺘﺤﺠﻲ ﻭﻳﺎ ﺑﻨﻴﻪ ﻫﺸﻜﻞ ﻛﻼﻡ ﻣﺜﻠﻚ ﺳﺨﻴﻒ .
ﺍﺳﻴﺪ .. ﻫﻪ ﺍﻧﻲ ﻣﺎ ﺍﺳﺘﺤﻲ؟ !
ﺯﻳﻦ ﻣﻨﻮ ﺍﻟﻲ ﺷﻤﺮ ﻧﻔﺴﻪ ﺑﺤﻈﻨﻲ ﻗﺒﻞ ﺍﺷﻮﻳﻪ؟ !
ﻣﻨﻮ ﺍﻟﻲ ﺣﻈﻨﻲ ﻭﺻﺎﺡ ﻟﺘﻌﻮﻓﻨﻲ ﻗﺒﻞ ﺍﺷﻮﻳﻪ؟ !
ﻭﻭﻣﻨﻮ ﺍﻟﻲ ﺍﺛﺎﺭ ﺍﺻﺎﺑﻌﻪ ﺑﺼﺪﺭﻱ ﻟﺤﺪ ﺍﻻﻥ .. ﺣﺘﻰ ﺷﻮﻓﻲ ﺩﻛﻢ ﻗﻤﻴﺼﻲ ﺷﻠﻌﺘﻴﻬﻢ ﻣﻦ ﻛﺪ ﺍﻟﺤﻈﻦ ﻣﺎﻟﺘﺞ؟ !
ﻭﻣﻨﻮ ﺍﻟﻲ ﻳﺘﻤﺸﻰ ﺑﺎﻟﺒﻴﺖ ﺑﻼ ﻣﻼﺑﺲ؟ !!
ﺣﺘﻰ ﻣﺴﺘﻐﺮﺑﺘﻲ ﻣﻦ ﺣﻈﻨﺘﺞ ﺍﻟﻈﺎﻫﺮ ﻣﺘﻌﻮﺩﻩ ﺍﻻﺣﻈﺎﻥ ﻣﺘﺴﺘﻐﺮﺑﻴﻦ ﺍﺣﺪ .
ﺩﺍﻟﻴﺎ .. ﺣﺴﻴﺖ ﺭﻭﺣﻲ ﺻﺨﻨﺖ ﻣﻦ ﻛﻼﻣﻪ .. ﺍﺗﺬﻛﺮﺕ ﺍﻟﻲ ﺻﺎﺭ ﻗﺒﻞ ﻻ ﻳﺠﻲ .. ﻭﻛﻞ ﺍﻟﻲ ﺻﺎﺭ ﺑﺪﺍ ﻳﻤﺮ ﺍﺑﺎﻟﻲ ﻣﺜﻞ ﺍﻟﺸﺮﻳﻂ .. ﺭﻓﻌﺖ ﺍﺩﻳﻪ ﻏﻄﻴﺖ ﻭﺟﻬﻲ ﺑﻘﻮﻩ ﻣﻦ ﻛﺪ ﺍﻟﺨﺠﻞ !
ﺻﺢ ﺍﻧﻲ ﻫﻴﺞ ﺳﻮﻳﺖ ﺑﺲ ﻣﻮ ﻣﺜﻞ ﻣﻤﻔﻜﺮ ﻫﻮ .. ﺍﻧﻲ ﻣﻮ ﻗﺼﺪﻱ .... ﻟﺤﻈﻪ ﻟﺤﻈﻪ .. ﻭﺧﺮﺕ ﺍﺩﻳﻪ ﻭ ﺭﻓﻌﺖ ﺭﺍﺳﻲ ﻟﻬﻨﺎ ﻭﻛﺎﻓﻲ ﺫﻝ .. ﺑﺼﻮﺕ ﺣﺎﺩ ﻭﺟﺎﻣﺪ ﻛﻮﻟﺶ ﻛﻠﺘﻠﻪ ..
_ ﺍﺗﺤﻤﻠﺘﻚ ﻫﻮﺍﻱ ﺑﺲ ﺧﻠﺺ ﺯﻭﺩﺗﻬﺎ ..
ﺍﻭﻻً ﻣﺪﺍﺍﺗﻤﺸﻰ ﺑﻼ ﻣﻼﺑﺲ ﺣﺘﻰ ﺍﻏﺮﻱ ﺣﻀﺮﺗﻚ ، ﻛﻞ ﺍﻟﻲ ﺻﺎﺭ ﺍﻧﻮ ﺍﻧﻲ ﻛﻨﺖ ﺑﺎﻟﺤﻤﺎﻡ ﻭﺍﻧﻄﻔﺖ ﺍﻟﻜﻬﺮﺑﺎﺀ
ﻭﺛﺎﻧﻴﺎً ﻃﻠﻌﺖ ﻫﺸﻜﻞ ﻻﻧﻮ ﻋﻨﺪﻱ ﻓﻮﺑﻴﺎ ﻣﻦ ﺍﻻﻣﺎﻛﻦ ﺍﻟﻈﻠﻤﻪ ، ﻭ ﻣﻦ ﺳﻮﺀ ﺣﻈﻲ ﺍﻧﺖ ﺍﻟﻲ ﺻﺮﺕ ﻛﺪﺍﻣﻲ ﻟﺬﻟﻚ ﺍﺗﻤﺴﻜﺖ ﺑﻴﻚ ﻣﻦ ﺧﻮﻓﻲ ﻳﻌﻨﻲ ﺷﻲ ﺧﺎﺭﺝ ﺍﺭﺍﺩﺗﻲ ﻭﺑﺪﻭﻥ ﺗﻔﻜﻴﺮ ﻣﻨﻲ !
ﻻ ﻣﻴﺘﻪ ﻋﻠﻴﻚ ﻭﻻ ﺗﻬﻤﻨﻲ ﺍﺻﻼً ، ﺍﻧﺖ ﺍﺳﺎﺳﺎً ﻫﻢ ﺗﺤﺲ ﻣﺜﻞ ﺍﻟﻨﺎﺱ ﻭﻋﻤﺪﻙ ﻣﺸﺎﻋﺮ ﺣﺘﻰ ﺍﻓﻜﺮ ﺍﻏﺮﻳﻚ ؟ !
ﻛﻞ ﺍﻟﻲ ﻓﺎﻟﺢ ﺑﻲ ﺗﻬﻴﻦ ﺍﻟﻲ ﻛﺪﺍﻣﻚ ﻭﺗﺤﺴﺴﻪ ﺍﻧﻮ ﻫﻮ ﻭﻻ ﺷﻲ ﻭﺍﻧﺖ ﺑﺲ ﺍﻟﻲ ﻋﻠﻴﻚ ﺍﻟﻘﻴﻤﻪ !
ﻫﻨﺘﻨﻲ ﻫﻮﺍﻱ ﻭﺫﻟﻴﺘﻨﻲ ﻫﻮﺍﻱ ﺑﺲ ﻣﺎﻝ ﺗﻄﻌﻦ ﺑﺸﺮﻓﻲ ﻻﺍﺍ ﺍﻧﻲ ﺍﺷﺮﻑ ﻣﻨﻚ ﻭﻣﻦ ﻋﺸﻴﺮﺗﻚ ﻛﻮﻟﻬﺎ
ﻣﺎ ﺣﺴﻴﺖ ﻏﻴﺮ ﺍﻟﻤﻴﺰ ﺍﻟﻜﺰﺍﺯ ﺍﻟﻲ ﻛﺪﺍﻣﻲ ﺍﻧﺸﺎﻝ ﻭﺍﻧﺸﻤﺮ ﺑﺎﻟﻜﺎﻉ ﺻﺎﺭ ﻭﺻﻞ !...
ﺍﺳﻴﺪ .. ﺍﻟﻠﺴﺎﻧﻬﺎ ﺍﻃﻮﻝ ﻣﻨﻬﺎ ، ﻫﺴﺘﻮﻫﺎ ﻃﺎﻟﻌﻪ ﻣﻦ ﺍﻟﻤﻮﺕ ﻭﻛﺎﻣﺖ ﺗﻠﻌﻠﻊ ﻭﻻ ﻉ ﺑﺎﻟﻚ ﺑﻴﻬﺎ ﺷﻲ !
ﺑﻘﺖ ﺗﻠﻐﻲ ﻫﻮﺍﻱ ، ﺳﻜﺘﺖ ﻻﻥ ﺣﺎﻟﺘﻬﺎ ﻣﻮ ﺯﻳﻨﻪ ﻭﻣﺘﺴﻤﺢ ﺃﺃﺫﻳﻬﺎ .. ﺑﺲ ﺑﻘﺖ ﺗﺠﻔﺺ ﺑﺎﻟﻜﻼﻡ .. ﺣﺴﻴﺖ ﻧﻔﺴﻲ ﺣﻨﻔﺠﺮ ﺑﻴﻬﺎ ﺍﺫﺍ ﺑﻘﺖ ﺗﺤﺠﻲ ﻭﺍﻗﺘﻠﻬﺎ ﺧﻼﺹ .. ﻃﻠﻌﺖ ﺣﺮﻛﺘﻲ ﺑﺄﻗﺮﺏ ﺷﻲ ﻛﺪﺍﻣﻲ .. ﺍﻟﻤﻴﺰ !
ﺷﻠﺘﻪ ﻭﺭﻛﻌﺘﻪ ﺑﺎﻟﻜﺎﻉ ﻫﻲ ﻣﻦ ﺷﺎﻓﺘﻨﻲ ﺳﻜﺘﺖ ﻭﻛﻄﻌﺖ ﺍﻟﻨﻔﺲ .. ﺑﺼﻮﺕ ﺟﺎﻣﺪ ﻣﻠﻴﺎﻥ ﻏﻀﺐ ..
_ ﺳﺪﻱ ﺣﻠﻜﺞ ﻣﺎﺍﺭﻳﺪ ﺍﺳﻤﻊ ﺍﻱ ﻛﻼﻡ ﻟﺘﺨﻠﻴﻨﻲ ﺍﻃﻠﻊ ﻣﻦ ﻃﻮﺭﻱ ﻭﺗﻨﺪﻣﻴﻦ ﻭﻗﺘﻬﺎ .
ﺩﺍﻟﻴﺎ .. ﻣﻦ ﺷﻔﺖ ﺷﻜﻠﻪ ﻭﻋﻴﻮﻧﻪ ﺍﺷﻮﻥ ﺍﺳﻮﺩﺕ ﻣﻦ ﺍﻟﻐﻀﺐ .. ﺟﺴﻤﻲ ﻛﻮﻟﻪ ﺍﺭﺗﻌﺶ .. ﻣﺤﺠﻴﺖ ﺷﻲ ﻻﻥ ﻋﺮﻓﺖ ﻭﺻﻠﺖ ﻟﻤﺮﺣﻠﻪ ﺧﻄﺮﻩ ﺑﺴﺒﺐ ﺍﻟﻠﺴﺎﻧﻲ ﻭﻻﺯﻡ ﺍﺳﻜﺖ ﺍﺣﺴﻨﻠﻲ .
ﺭﺟﻌﺖ ﻛﻌﺪﺕ ﺑﻤﻜﺎﻧﻲ ﺑﺲ ﺍﺣﺲ ﻋﻈﺎﻣﻲ ﺩﺗﻄﻜﻄﻚ !!
ﻫﻮ ﻋﺎﻓﻨﻲ ﻭﺭﺍﺡ ﻟﻠﻤﻄﺒﺦ .. ﺑﺎﻭﻋﺖ ﺧﻠﺴﻪ ﺷﻔﺘﻪ ﺩﻳﺪﺧﻦ ﺟﻜﺎﻳﺮ ﻭﺣﺪﻩ ﻭﺭﻩ ﺍﻟﻠﺦ ﻭﺑﺴﺮﻋﻪ !!
ﻳﺎ ﺭﺑﻲ ﺑﺄﺳﻢ ﺍﻟﻤﺴﻴﺢ ﺧﻠﺼﻨﻲ ﻣﻦ ﻫﺬﻱ ﺍﻟﻠﻴﻠﻪ ﺍﻟﻤﺸﺆﻣﻪ !
ﺑﻘﻴﺖ ﺑﻤﻜﺎﻧﻲ ﻧﺺ ﺳﺎﻋﻪ ﺗﻘﺮﻳﺒﺎً ﻭﻫﻮ ﻛﺎﻋﺪ ﺑﺎﻟﻤﻄﺒﺦ .. ﻳﺪﺧﻦ .. ﺍﺷﻮﻳﻪ ﻭﺍﺟﺎﻧﻲ ﺷﺎﻳﻞ ﺑﺄﻳﺪﻩ ﻗﺎﺭﻭﺭﻩ ﺑﻴﻬﺎ ﻋﺼﻴﺮ !!
ﺭﺟﻊ ﻛﻌﺪ ﻛﺪﺍﻣﻲ ﺑﺲ ﺷﻜﻠﻪ ﺣﻴﻞ ﻣﻌﺼﺐ ﻭﻣﺒﻴﻦ ﺑﺎﻟﻜﻮﻩ ﻻﺯﻡ ﺍﻋﺼﺎﺑﻪ .. ﺟﺮ ﺍﻟﻜﻼﺹ ﺍﻟﻲ ﻛﺪﺍﻣﻲ ﻭﻣﻼ ﻋﺼﻴﺮ .. ﺧﻼ ﺑﻘﻮﻩ ﻉ ﺍﻟﺨﺸﺒﻪ ﻣﺎﻟﺖ ﺍﻟﺘﺨﻢ ﻭﺑﺼﻮﺕ ﺟﺎﻣﺪ ﻭﻫﺎﺩﻯﺀ.
....
ﺍﺳﻴﺪ .. ﺍﺷﺮﺑﻲ .
ﺩﺍﻟﻴﺎ .. ﺑﺎﻭﻋﺘﻠﻪ ﺭﺩﺕ ﺍﻛﻮﻟﻪ ﻣﺎﺍﺭﻳﺪ .. ﺑﺲ ﺍﻟﻨﻈﺮﻩ ﺍﻟﻲ ﺑﻌﻴﻮﻧﻪ ﺳﻜﺘﺘﻨﻲ !
ﺟﺮﻳﺖ ﺍﻟﻜﻼﺹ ﻭﺷﺮﺑﺖ ﺍﻟﻌﺼﻴﺮ ﻛﻮﻟﻪ ﻣﺮﻩ ﻭﺣﺪﻩ !!
ﺧﻠﺺ ﺍﺧﺬﻩ ﻣﻨﻲ ﻭﺭﺟﻊ ﻣﻼ ﻣﺮﻩ ﺛﺎﻧﻴﻪ .. ﻭﺑﺎﻭﻋﻠﻲ ﺑﻨﻈﺮﻩ ﻣﻌﻨﺎﻫﺎ ﺍﺷﺮﺑﻲ !!
ﺑﻼ ﻛﻼﻡ ﺍﺧﺬﺗﻪ ﻭﺷﺮﻳﺘﻪ ﺑﺲ ﻫﺎﻟﻤﺮﻩ ﺍﺷﻮﻳﻪ ﺍﺷﻮﻳﻪ .. ﺑﻘﻴﺘﺎ ﺳﺎﻛﺘﻴﻦ ﺍﻧﻲ ﺍﺷﺮﺏ ﻭﻫﻮ ﻳﺮﺍﻗﺒﻨﻲ .. ﺍﻟﻰ ﺍﻥ ﺣﺠﻪ !
ﺍﺳﻴﺪ .. ﻣﻨﻮ ﺗﺎﻟﻴﺎ؟ !
ﺩﺍﻟﻴﺎ .. ﺷﻨﻮ؟ !!
ﺍﺳﻴﺪ .. ﺩﺍ ﺃﺳﺄﻟﺞ ﺟﺎﻭﺑﻲ .
ﺩﺍﻟﻴﺎ .. ﺷﻜﻠﻪ ﻛﺎﻥ ﻳﺨﻮﻑ ﻭﻧﻈﺮﺍﺗﻪ ﻇﻠﻤﻪ .. ﻳﻌﻨﻲ ﻣﻮ ﻣﺎﻝ ﺍﺭﺍﺩﺩ ﻭﺍﺳﻮﻱ ﻣﺸﻜﻠﻪ .. ﺑﻬﺪﻭﺀ ﺟﺎﻭﻳﺘﻪ .. ﺍﺧﺘﻲ .
ﺍﺳﻴﺪ .. ﻣﻨﻮ ﺍﻟﻲ ﺍﺧﺬﻫﺎ؟ !!
ﺩﺍﻟﻴﺎ .. ﻣﺤﺪ ﺍﺧﺬﻫﺎ .
ﺍﺳﻴﺪ .. ﻟﻌﺪ ﻭﻳﻨﻬﺎ ؟ !
ﺩﺍﻟﻴﺎ .. ﻣﺎﺗﺖ .
ﺍﺳﻴﺪ .. ﺷﻔﺖ ﺍﻟﺪﻣﻮﻉ ﺍﺗﺠﻤﻌﺖ ﺑﻌﻴﻨﻬﺎ ﻣﻦ ﺟﺎﻭﺑﺘﻨﻲ ﻭﺻﻮﺗﻬﺎ ﺍﻧﺨﻨﻚ .. ﻣﺮﺩﺕ ﺍﺧﻠﻴﻬﺎ ﺗﺒﺠﻲ ﻻﻥ ﻟﺴﺒﺐ ﻣﺎ ﺩﻣﻮﻋﻬﺎ ﺗﺰﻋﺠﻨﻲ ﻣﺎﺍﻋﺮﻑ ﻟﻴﺶ .. ﺣﺎﻭﻟﺖ ﺍﻏﻴﺮ ﺍﻟﻤﻮﺿﻮﻉ .. ﻓﺴﺄﻟﺘﻬﺎ ..
_ ﺳﻠﻤﻰ ﻭﻳﻦ؟ !
ﺩﺍﻟﻴﺎ .. ﻣﻦ ﺳﺄﻝ ﻉ ﺳﻠﻤﻰ .. ﺭﻓﻌﺖ ﺭﺍﺳﻲ ﻭﺑﺎﻭﻋﺘﻠﻪ ﺑﺄﺳﺘﻐﺮﺍﺏ .. ﻟﻮﻳﺶ ﺩﺗﺴﺄﻝ؟ !!
ﺍﺳﻴﺪ .. ﻟﺘﺠﺎﻭﺑﻴﻦ ﺑﺴﺆﺍﻝ .
ﺩﺍﻟﻴﺎ .. ﻣﺎﺍﻋﺮﻑ ﻭﺍﺫﺍ ﺧﻠﺼﺖ ﺍﺳﺄﻟﺘﻚ ﺍﺭﻳﺪ ﺍﺭﻭﺡ ﻟﻐﺮﻓﺘﻲ .
ﺍﺳﻴﺪ .. ﺟﺮﻳﺖ ﻣﻨﻬﺎ ﺍﻟﻜﻼﺹ ﻫﻲ ﻧﺰﺕ ﺍﻟﻐﺒﻴﻪ ﺑﺲ ﺍﻟﻠﺴﺎﻥ ﻟﻮ ﻣﺎ ﺍﺗﻘﺮﺑﻠﻬﺎ ﺗﻜﻮﻡ ﺗﺮﺟﻒ .. ﻣﻠﻴﺖ ﺍﻟﻜﻼﺹ ﻭﺍﻧﻄﻴﺘﻬﻴﺎ .. ﺍﺷﻮﻥ ﻣﺘﻌﺮﻓﻴﻦ ﻭﻳﻦ ﻫﻲ ﻣﻮ ﺻﺪﻳﻘﺘﺞ ﻭﻣﺜﻞ ﺍﺧﺘﺞ؟ !
ﺩﺍﻟﻴﺎ .. ﻣﺎﺍﺭﻳﺪ ﺑﻌﺪ ﺑﻄﻨﻲ ﺍﻧﻤﻠﺖ ﻋﺼﻴﺮ .
ﺍﺳﻴﺪ .. ﺍﺷﺮﺑﻲ .
ﺩﺍﻟﻴﺎ .. ﻫﺬﺍ ﻳﻤﻜﻦ ﻣﺨﺒﻞ ﻟﻮﻳﺶ ﻫﺎﻟﻜﺪ ﻣﻬﺘﻢ ﺑﻴﻪ ، ﻗﺒﻞ ﺍﺷﻮﻳﻪ ﻫﺎﻧﻴﻲ ﻭﺭﺯﻟﻨﻲ ﻭﻫﺴﻪ ﻣﻬﺘﻢ ﺑﺼﺤﺘﻲ؟ !
ﺍﻭﻭﻭﻭﻑ ﻳﺎ ﺭﺑﻲ ﺷﻨﻮ ﻫﺎﻟﺨﺒﻞ ﺍﻟﻲ ﺍﺗﻮﺭﻃﺖ ﺑﻲ .. ﺍﺧﺬﺕ ﺍﻟﻜﻼﺹ ﻣﻨﻪ ﺑﺲ ﻣﺸﺮﺑﺘﻪ ﺑﻘﻴﺘﻪ ﺑﺄﻳﺪﻱ ..
_ ﺻﺢ ﺻﺪﻳﻘﺘﻲ ﺑﺲ ﻣﺎﺍﻋﺮﻑ ﻋﻨﻬﺎ ﺷﻲ ﺍﺧﺮ ﻣﺮﻩ ﻋﻔﺘﻬﺎ ﺑﺎﻟﺪﻳﺮ ﻭﺍﺟﻴﺖ ﻟﻬﻨﺎ .
ﺍﺳﻴﺪ .. ﻭﻟﻴﺶ ﻋﻔﺘﻴﻬﺎ؟ !
ﺩﺍﻟﻴﺎ .. ﻻﻧﻮ !...
ﺍﺳﻴﺪ .. ﻻﻧﻮ ﺷﻨﻮ؟ !
ﺩﺍﻟﻴﺎ .. ﺻﺎﺭﺕ ﺭﺍﻫﺒﻪ .
ﺍﺳﻴﺪ .. ﺍﻣﻤﻤﻢ ﺟﻴﺪ .. ﻭﺍﻧﺘﻲ ﻟﻴﺶ ﻣﺎ ﺻﺮﺗﻲ ﻣﺜﻠﻬﺎ؟ '
ﺩﺍﻟﻴﺎ .. ﺭﺟﺎﺀﺍً ﺍﺭﻳﺪ ﺍﺭﻭﺡ ﻟﻐﺮﻓﺘﻲ ﺍﺫﺍ ﺗﺴﻤﺢ .
ﺍﺳﻴﺪ .. ﺑﻌﺪﺗﺞ ﺗﺤﺴﻴﻦ ﺑﺪﻭﺧﻪ؟
....
ﺩﺍﻟﻴﺎ .. ﻻﺍ .. ﻣﺒﻴﻪ ﺷﻲ ﺑﺲ ﺧﻠﻴﻨﻲ ﺍﺭﻭﺡ .
ﺍﺳﻴﺪ .. ﻣﺎﺷﻲ .. ﻛﻮﻣﻲ ﺭﻭﺣﻲ ﻟﻐﺮﻓﺘﺞ !!
ﺩﺍﻟﻴﺎ .. ﻣﺼﺪﻛﺖ ﻛﺎﻝ ﺭﻭﺣﻲ .. ﺑﻌﺪﻩ ﻣﻤﻜﻤﻞ ﺍﻟﺠﻤﻠﻪ .. ﻛﻤﺖ ﻭﻣﺸﻴﺖ .. ﺧﻄﻮﻩ ﺧﻄﻮﺗﻴﻦ .. ﺭﺟﻌﺖ ﺍﻟﻜﺎﻉ ﺍﺗﺪﻭﺭ ﺑﻴﻪ .. ﻭﻛﻌﺖ ﻫﻲ ﻭﻛﻌﻪ ﻭﻫﻮ ﻟﺰﻣﻨﻲ !!
ﺍﺳﻴﺪ .. ﺍﻧﻲ ﺍﻋﺮﻑ ﺑﻌﺪﻫﺎ ﻣﺘﻜﺪﺭ ﺗﻤﺸﻲ ﺑﺲ ﻋﻔﺘﻬﺎ ﺗﻜﻮﻡ ﺣﺘﻰ ﺗﺸﻮﻑ ﻋﻨﺎﺩﻫﺎ ﻭﻳﻦ ﻳﻮﺻﻠﻬﺎ .. ﺍﻭﻝ ﻣﺎ ﻣﺸﺖ ﺧﻄﻮﺍﺗﻬﺎ ﺍﺧﺘﻠﺖ ﻭﺭﺍﺩﺕ ﺗﻮﻛﻊ .. ﺑﺴﺮﻋﻪ ﺭﺣﺖ ﻟﺰﻣﺘﻬﺎ !..
ﺩﺍﻟﻴﺎ .. ﻟﺰﻣﻨﻲ ﻭ ﻭﻛﻔﻨﻲ .. ﺩﺍﺍﺛﺒﺖ ﻧﻔﺴﻲ ﺣﺘﻰ ﺍﻭﻛﻒ .. ﻭﺟﺎﻥ ﺗﻮﻛﻊ ﺍﻟﻤﻨﺸﻔﻪ ﺑﺎﻟﻜﺎﻉ ... ﻓﺠﺄﻩ ﺻﺮﺕ ﻭﺍﻛﻔﻪ ﻛﺪﺍﻣﻪ ﺑﻼ ﺍﻱ ﻣﻼﺑﺲ !!
ﻫﻮ ﺍﻭﻝ ﻣﺎ ﺷﺎﻓﻨﻲ ﻫﺸﻜﻞ .. ﺩﺍﺭ ﻭﺟﻬﻪ !!
ﺑﺲ ﺑﻌﺪﻳﺶ ﻛﻮﻟﺸﻲ ﺷﺎﻑ ﻣﻨﻲ ﻳﻌﻨﻲ ﺣﺘﻰ ﻟﻮ ﻣﻤﺘﻘﺼﺪ ﻳﺸﻮﻓﻨﻲ ﻓﺄﻧﻲ ﻛﻨﺖ ﻛﺪﺍﻣﻪ ﺭﺑﻨﻲ ﻣﺎ ﺧﻠﻘﺘﻨﻲ !!
ﺍﺗﻤﻨﻴﺖ ﺍﻟﻜﺎﻉ ﺗﻨﺸﻚ ﻭﺗﺒﻠﻌﻨﻲ ﺑﻬﺬﻳﺞ ﺍﻟﻠﺤﻈﻪ .. ﺩﻓﻌﺘﻪ ﻋﻨﻲ ﺑﺴﺮﻋﻪ ﻭﺟﺮﻳﺖ ﺍﻟﻤﻨﺸﻔﻪ ﻣﻦ ﺍﻟﻜﺎﻉ .. ﻛﻞ ﺍﻟﺘﻌﺐ ﻭﺍﻟﺪﻭﺧﻪ ﺭﺍﺣﻮ ﺑﻠﺤﻈﺘﻬﺎ ﺣﺴﻴﺖ ﺍﻟﺪﻡ ﺩﻳﻨﻔﺠﺮ ﺑﺮﺍﺳﻲ ﻣﻦ ﺍﻟﻔﺸﻠﻪ .. ﺍﺧﺬﺕ ﺍﻟﻤﻨﺸﻔﻪ ﻭﺭﻛﺾ ﻟﻐﺮﻓﺘﻲ ﺩﺧﻠﺖ ﻭﺳﺪﻳﺖ ﺍﻟﺒﺎﺏ ﻭﺭﺍﻳﻪ !
ﺷﻤﺮﺕ ﻧﻔﺴﻲ ﻉ ﺍﻟﺴﺮﻳﺮ ﻭﺩﻣﻮﻋﻲ ﺗﺠﺮﻱ .. ﻻ ﻻ ﻣﺴﺘﺤﻴﻞ .. ﺍﻟﻤﻮﻗﻒ ﺩﻳﻨﻌﺎﺩ ﻭﻳﺘﻜﺮﺭ ﺑﺮﺍﺳﻲ ﻟﺪﺭﺟﻪ ﺣﺴﻴﺖ ﺭﺍﺳﻲ ﺣﻴﻨﻔﺠﺮ !
ﺑﻘﻴﺖ ﺑﺎﻟﻐﺮﻓﻪ ﺑﺲ ﺍﺑﺠﻲ ﻉ ﺣﻈﻲ ﺍﻟﻲ ﻣﺸﻔﺖ ﻣﻨﻪ ﺷﻲ ﺯﻳﻦ ﻛﻞ ﻳﻮﻡ ﻳﻮﻛﻌﻨﻲ ﺑﻤﺼﻴﺒﻪ ﺍﺗﻌﺲ ﻣﻦ ﺍﻟﻲ ﻗﺒﻠﻬﺎ !!
ﺑﻘﻴﺖ ﺍﻟﻠﻴﻞ ﻛﻮﻟﻪ ﺍﻓﻜﺮ ﺑﺄﻟﻲ ﺻﺎﺭ ﻭﺍﺑﺠﻲ .. ﻫﻮ ﻣﺸﻔﺘﻪ ﺑﻌﺪ ﺍﺑﺪ ﻭﻻ ﻭﺻﻞ ﻳﻤﻲ !
ﺑﻌﺪ ﺗﻔﻜﻴﺮ ﻃﻮﻳﻞ ﻧﻬﺶ ﻋﻘﻠﻲ ﻧﻬﺶ ﻗﺮﺭﺕ ﺍﻋﻮﻑ ﺍﻟﺒﻴﺖ ﻭﺍﺭﻭﺡ ﻣﻨﺎ ﻻﻥ ﺑﻌﺪ ﻣﺎ ﺍﻟﻲ ﻋﻴﻦ ﺍﺑﺎﻭﻉ ﺑﻮﺟﻬﻪ ﺑﻌﺪ ﺍﻟﻲ ﺻﺎﺭ !..
ﻟﻤﻴﺖ ﻣﻼﺑﺴﻲ ﺧﻠﻴﺘﻬﻢ ﺑﺠﻨﻄﻪ ﻭﺑﺪﻟﺖ ﻟﺒﺴﺖ ﺑﻨﻄﺮﻭﻥ ﺟﻴﻨﺰ ﻧﻴﻠﻲ ﻭﻗﻤﻴﺺ ﺍﺑﻴﺾ ﺷﻴﻔﻮﻥ .. ﻟﻤﻴﺖ ﺷﻌﺮﻱ ﻭﺍﻧﺘﻈﺮﺗﻪ ﻳﻨﺎﻡ ﺣﺘﻰ ﺍﻃﻠﻊ .. ﺻﺎﺭﺕ ﺍﻟﺴﺎﻋﻪ ﺑﺎﻝ 4 ﺍﻟﺼﺒﺢ ﻓﺘﺤﺖ ﺑﺎﺏ ﻏﺮﻓﺘﻲ ﻭﻃﻠﻌﺖ .. ﺍﻭﻝ ﻣﺎ ﻭﺻﻠﺖ ﻟﻠﺒﺎﺏ ﺍﻟﺨﺎﺭﺟﻲ ﺍﺭﻳﺪ ﺍﻃﻠﻊ ﺟﺎﻥ ﺍﻧﻔﺘﺢ ﺍﻟﻈﻮﻩ ﻭﺻﻮﺗﻪ ﺍﻟﺤﺎﺩ ﻓﺰﺯﻧﻲ !!
ﺍﺳﻴﺪ .. ﻣﻦ ﻭﻛﻌﺖ ﺍﻟﻤﻨﺸﻔﻪ .. ﺍﻛﺬﺏ ﺍﺫﺍ ﻛﻠﺖ ﻣﺸﻔﺘﻬﺎ .. ﻭﺍﻛﺬﺏ ﺍﺫﺍ ﻛﻠﺖ ﺍﻟﻤﻨﻈﺮ ﺍﻟﻤﻮﻗﻒ ﻛﺎﻥ ﻃﺒﻴﻌﻲ .. ﻫﻲ ﻛﻠﻬﺎ ﻉ ﺑﻌﻀﻬﺎ ﻣﻮ ﻃﺒﻴﻌﻴﻪ !!
ﻛﺎﻣﻠﻪ ﻭﺍﻟﻜﻤﺎﻝ ﻟﻠﻪ !
ﺻﻮﺭﺗﻬﺎ ﻭﻫﻲ ﺑﻬﺬﺍ ﺍﻟﺸﻜﻞ ﺍﻧﻄﺒﻌﺖ ﺍﺑﺎﻟﻲ !!
ﻣﻦ ﺷﻔﺖ ﺟﺴﻤﻬﺎ ﺣﺴﻴﺖ ﺭﻋﺸﻪ ﺻﺎﺭﺕ ﺑﻜﻞ ﺟﺴﻤﻲ .. ﺑﺤﻴﺚ ﻧﺴﻴﺖ ﺍﻧﻲ ﻭﻳﻦ !
ﻣﻊ ﺍﻧﻲ ﺩﺭﺕ ﻭﺟﻬﻲ ﺑﺴﺮﻋﻪ ﺑﺲ ﺍﻟﺼﻮﺭﻩ ﺍﻟﻲ ﺷﻔﺘﻪ ﻣﺎ ﻓﺎﺭﻛﺖ ﺧﻴﺎﻟﻲ ﺍﺑﺪ !!
ﺑﻘﻴﺖ ﺍﻓﻜﺮ ﺑﻴﻬﺎ ﻃﻮﻝ ﺍﻟﻠﻴﻞ .. ﺑﺲ ﺍﻟﻲ ﺧﻮﻓﻨﻲ ﻭﻗﻠﻘﻨﻲ .. ﻫﻲ !!
ﺷﻨﻮ ﺭﺍﺡ ﺗﺴﻮﻱ ﺑﻌﺪ ﻫﺬﺍ ﺍﻟﻤﻮﻗﻒ ؟ !
ﺧﺼﻮﺻﺎً ﺍﻟﺸﻲ ﺍﻟﻲ ﺻﺎﺭ ﻣﻮ ﺳﻬﻞ ﻭﻻ ﺑﺴﻴﻂ ﻋﻠﻴﻬﺎ .. ؟ !
ﺍﻧﺰﻋﺠﺖ ﺣﻴﻞ ﺑﺴﺒﺐ ﺧﻮﻓﻲ ﻭﻗﻠﻘﻲ ﻋﻠﻴﻬﺎ .. ﺷﻨﻮ ﻫﻲ ﻫﺬﻱ ﺣﺘﻰ ﺍﻫﺘﻢ ﺑﺄﻣﺮﻫﺎ؟ !
ﻭﻟﻴﺶ ﻫﺎﻟﻜﺪ ﺧﺎﻳﻒ ﻋﻠﻴﻬﺎ ؟ !
ﻓﻜﺮﻩ ﺗﺮﻭﺡ ﻭﻓﻜﺮﻩ ﺗﺠﻲ ﺧﻠﺘﻨﻲ ﻛﺎﻋﺪ ﻟﻠﺼﺒﺢ ﻭﻃﻴﺮﺕ ﺍﻟﻨﻮﻡ ﻣﻦ ﻋﻴﻨﻲ .. ﺍﻟﻰ ﺍﻥ ﺳﻤﻌﺖ ﺻﻮﺕ ﺑﺎﺏ ﻏﺮﻓﺘﻬﺎ ﺍﻧﻔﺘﺢ !!
ﺍﻟﺒﻴﺖ ﻛﺎﻥ ﺷﺒﻪ ﺍﻇﻠﻢ ﺑﺲ ﻏﺮﻓﺘﻬﺎ ﺿﻮﺍﻫﺎ ﻣﻔﺘﻮﺡ ﻭﺍﻟﻤﻄﺒﺦ ﻫﻢ ﺿﻮﺍ ﻣﻔﺘﻮﺡ ﻳﻌﻨﻲ ﺍﺷﻮﻑ ﺍﻟﻲ ﻳﻤﺸﻲ ﺑﺎﻟﺼﺎﻟﻪ !..
ﺑﻘﻴﺖ ﻫﺎﺩﺉ ﻭﺍﺭﺍﻗﺒﻬﺎ ﺷﻨﻮ ﺣﺘﺴﻮﻱ .. ﺍﻟﻰ ﺍﻥ ﻓﺘﺤﺖ ﺑﺎﺏ ﺍﻟﺒﻴﺖ ﺩﺗﺮﻳﺪ ﺗﻄﻠﻊ !!
ﻣﺘﻮﻗﻌﺖ ﻳﻌﻨﻲ ﺍﻟﻲ ﺻﺎﺭ ﻳﺄﺛﺮ ﺑﻴﻬﺎ ﻟﻬﺪﺭﺟﻪ .. ﺑﺴﺮﻋﻪ ﻓﺘﺤﺖ ﺿﻮﻩ ﺍﻟﺘﻴﺒﻼﻡ ﺍﻟﻲ ﻳﻤﻲ .. ﻭﺑﺼﻮﺕ ﺟﺎﻣﺪ ﻛﻠﺘﻠﻬﺎ .. ﻭﻳﻦ؟ !
ﺩﺍﻟﻴﺎ .. ﻣﺎ ﺍﻛﺪﺭ ﺍﺣﺠﻲ ﻭﻳﺎ ﺍﻟﻜﻼﻡ ﻣﻴﻄﻠﻊ ﻣﻦ ﻋﻨﺪﻱ .. ﺑﻘﻴﺖ ﺳﺎﻛﺘﻪ .
ﺍﺳﻴﺪ .. ﺍﻋﺘﻘﺪ ﺩﺍﺍﺣﺠﻲ ﻭﻳﺎﺝ
....
ﺩﺍﻟﻴﺎ .. ﺍﺭﺟﻮﻙ ﺧﻠﻴﻨﻲ ﺍﺭﻭﺡ ﺑﻜﺮﺍﻣﺘﻲ ﻭﻣﺮﺍﻳﺪﻩ ﺷﻲ ﺛﺎﻧﻲ .
ﺍﺳﻴﺪ .. ﻟﻴﺶ ﺗﺮﺣﻴﻦ ﺷﺼﺎﺭ؟ !!
ﺩﺍﻟﻴﺎ .. ﺳﻜﺘﺖ ﺑﺲ ﺍﺩﻣﻮﻋﻲ ﺧﺎﻧﺘﻨﻲ ﻭﻧﺰﻟﺖ .
ﺍﺳﻴﺪ .. ﻛﻤﺖ ﻣﻦ ﻣﻜﺎﻧﻲ ﻭﺻﻠﺖ ﻳﻤﻬﺎ .. ﻫﻲ ﻭﺟﻬﺎ ﻉ ﺍﻟﺒﺎﺏ ﻭﻇﻬﺮﻫﺎ ﻋﻠﻴﻪ .. ﻭﻛﻔﺖ ﻭﺭﺍﻫﺎ ﻭﻣﺪﻳﺖ ﺍﻳﺪﻱ ﻟﺰﻣﺖ ﺍﻳﺪﻫﺎ ﺍﻟﻴﻲ ﻣﺨﻠﻴﺘﻬﺎ ﻉ ﺍﻟﺒﺎﺏ .. ﻗﺮﺑﺖ ﺣﻠﻜﻲ ﻳﻢ ﺍﺫﻧﻬﺎ ﻭﺑﺼﻮﺕ ﻫﺎﺩﺉ ..
_ ﻣﺸﻔﺖ ﺷﻲ ﻭﻻ ﺍﺗﺬﻛﺮ ﺷﻲ .. ﻭﺻﺪﻛﻴﻨﻲ ﺍﻟﻤﻮﻗﻒ ﺍﻟﻲ ﺻﺎﺭ ﺣﺬﻓﺘﻪ ﻣﻦ ﻋﻘﻠﻲ ﻧﻬﺎﺋﻴﺎً ﻭﻻ ﻭﺭﺍﺡ ﺍﻋﺘﺒﺮﻩ ﺻﺎﺭ ﺍﺻﻼً .
ﺩﺍﻟﻴﺎ .. ﻣﻦ ﻟﺰﻡ ﺍﻳﺪﻱ ﮔﻠﺒﻲ ﻛﺎﻡ ﻳﺮﺟﻒ ﺑﻘﻮﻩ .. ﻫﻮ ﺍﻧﻲ ﻋﺎﻳﺰﻩ ﻭﻟﺰﻣﺘﻨﻲ .. ﺍﺣﺲ ﻛﻠﺒﻲ ﺣﻴﻄﻠﻊ ﻣﻦ ﻣﻜﺎﻧﻪ .. ﺟﺴﻤﻲ ﻛﻮﻟﻪ ﺑﺪﺍ ﻳﺮﺟﻒ ﻭﺑﻘﻮﻩ .. ﻫﻤﺲ ﺑﺄﺫﻧﻲ ﻫﺬﺍ ﺍﻟﻜﻼﻡ ﻭﺍﻧﻲ ﺩﻣﻮﻋﻲ ﺗﺼﺐ .. ﻣﺎ ﺍﻛﺪﺭ ﻣﺎ ﺍﻛﺪﺭ .. ﻣﺎ ﺍﻟﻲ ﻋﻴﻦ ﺍﺷﻮﻓﻪ ﻭﺍﺣﺠﻲ ﺑﻌﺪ .. ﺣﺘﻰ ﺑﻮ ﻗﺴﻤﻠﻲ ﻳﻤﻴﻦ ﺍﻧﻮ ﻧﺴﻰ ﺍﻟﻲ ﺻﺎﺭ ﺍﻧﻲ ﻣﺎﺍﻛﺪﺭ ﺍﻧﺴﻰ ﻫﻮ ﺷﺎﻓﻨﻲ !..
ﺑﻘﻴﺖ ﺳﺎﻛﺘﻪ ﻣﺤﺠﻴﺖ ﺷﻲ ..
ﺍﺳﻴﺪ .. ﻓﺠﺄﻩ ﻟﻜﻴﺖ ﻧﻔﺴﻲ ﺍﺗﻮﺳﻞ ﺑﻴﻬﺎ ﺣﺘﻰ ﻣﺘﺮﻭﺡ !!
ﺍﺭﻳﺪ ﺍﺳﻮﻱ ﺍﻟﻤﺴﺘﺤﻴﻞ ﺣﺘﻰ ﻣﺘﻄﻠﻊ ﻣﻦ ﺍﻟﺒﻴﺖ !!
ﺷﻲ ﺑﺪﺍﺧﻠﻲ ﺧﺒﻠﻨﻲ ﻳﻜﻮﻝ ﻟﺘﺨﻠﻴﻬﺎ ﺗﺮﻭﺡ .. ﻟﺘﺨﻠﻴﻬﺎ ﺗﺮﻭﺡ .. ﻭﻛﺄﻧﻮ ﺣﻴﺎﺗﻲ ﻣﺘﻮﻗﻔﻪ ﻋﻠﻴﻬﺎ !..
ﻛﺮﻫﺖ ﺿﻌﻔﻲ ﻭﻗﺘﻬﺎ ﺑﺲ ﻣﻮ ﺑﺄﻳﺪﻱ ﻣﺎﺍﺩﺭﻱ ﺷﺼﺎﺭﻟﻲ .. ﺍﺣﺲ ﻧﻔﺴﻲ ﺑﺪﻭﻥ ﻭﻋﻲ .. ﺭﺟﻌﺖ ﺣﺠﻴﺖ ﻭﻳﺎﻫﺎ ...
_ ﺍﻋﺮﻑ ﻣﺮﺍﺡ ﺗﻘﺘﻨﻌﻴﻦ ﺑﻜﻼﻣﻲ ﺑﺲ ﻣﺪﺍﺍﻛﺬﺏ ﻋﻠﻴﺞ ﻭﻋﺪ ﻣﺮﺍﺡ ﺍﺧﻠﻴﺞ ﺗﺤﺴﻴﻦ ﺻﺎﺭ ﺷﻲ ﺍﺑﺪ .. ﻭﺭﻭﺣﻪ ﻣﺎﻛﻮ .
ﺩﺍﻟﻴﺎ .. ﺳﺤﺒﺖ ﺍﻳﺪﻱ ﻣﻨﻪ ﻭﺭﺟﻌﺖ ﻓﺘﺤﺖ ﺍﻟﺒﺎﺏ .
ﺍﺳﻴﺪ .. ﻣﺪﻳﺖ ﺍﻳﺪﻱ ﺳﺪﻳﺖ ﺍﻟﺒﺎﺏ ﺑﻘﻮﻩ ﻭﺩﺭﺗﻬﺎ ﻋﻠﻴﻪ .. ﺑﺼﻮﺕ ﺟﺎﻣﺪ ﻭﺣﺎﺩ .. ﻛﻠﺘﻠﺞ ﻣﺎﻛﻮ ﺭﻭﺣﻪ
ﺩﺍﻟﻴﺎ .. ﺩﻓﻌﺘﻪ ﻋﻨﻲ ﺑﻘﻮﻩ ﻭﺑﺼﻮﺕ ﻏﺎﺿﺐ .. ﻣﻮ ﺑﻜﻴﻔﻚ ﻣﺎ ﺍﺭﻭﺡ ، ﻣﻨﻮ ﺍﻧﺖ ﺣﺘﻰ ﺗﻤﻨﻌﻨﻲ ، ﺍﺻﻼً ﻛﻞ ﺍﻟﻲ ﺻﺎﺭ ﺑﺴﺒﺒﻚ ، ﻛﻮﻟﻤﺎ ﺍﻭﻛﻊ ﺑﻤﺼﻴﺒﻪ ﻟﻮ ﺍﺗﻔﺸﻞ ﺍﻧﺖ ﺍﻟﺴﺒﺐ .
ﻓﻜﺎﻓﻲ ﺧﻠﻴﻨﻲ ﺍﺭﻭﺡ ﻟﺨﺎﻃﺮ ﺍﻟﺮﺏ ﻛﺎﻓﻲ ﺍﻧﺖ ﺷﺘﺮﻳﺪ ﻣﻨﻲ ، ﺷﻨﻮ ﺳﻮﻳﺘﻠﻚ ﺣﺘﻰ ﺗﻜﺮﻫﻨﻲ ﻛﻞ ﻫﺬﺍ ﺍﻟﻜﺮﻩ؟ !
ﺍﺳﻴﺪ .. ﻣﺘﺮﺣﻴﻦ ﻻﻥ ﺍﻣﻲ ﺍﺫﺍ ﺍﺟﺖ ﻭﻣﻠﻜﺘﺞ ﺣﺘﻔﻜﺮ ﺍﻧﻲ ﻃﺮﺩﺗﺞ ﻭﻣﺎﺍﺧﻠﺺ ﻣﻨﻬﺎ ، ﻭﻣﻮ ﺑﻌﻴﺪﻩ ﺗﺘﺨﺮﺑﻂ ﻭﺗﻤﻮﺕ ﺑﺴﺒﺒﺞ ﻭﺍﻧﺘﻲ ﺷﻔﺘﻲ ﻣﻦ ﺭﺩﺕ ﺍﻃﺮﺩﺝ ﺷﺼﺎﺭ ﺑﻴﻬﺎ .. ﻓـ ﻋﻮﻓﻲ ﺍﻟﺪﺭﺍﻣﺎ ﻭﻛﺎﻓﻲ ﻛﻠﺖ ﺭﻭﺣﻪ ﻣﺎﻛﻮﻭﻭ ﻭﺧﻠﺺ .
ﺩﺍﻟﻴﺎ .. ﻣﺴﺘﺤﻴﻞ ﺍﺑﻘﻰ ﺑﻌﺪ ﺍﻟﻠﻲ ﺻﺎﺭ ، ﺍﻛﻴﺪ ﻫﺴﻪ ﻓﺮﺣﺎﻥ ﺣﻀﺮﺗﻚ ﻻﻧﻮ ﺛﺒﺘﺖ ﻋﻠﻴﻪ ﺍﻧﻲ ﺑﻼ ﺷﺮﻑ ﻫﺸﻜﻞ؟ !!
ﺍﺳﻴﺪ .. ﺳﺪﻳﻴﻴﻲ ﺣﻠﻜﺞ ﻭﻛﺎﻓﻲ ﻛﻠﺖ ، ﻣﺜﺒﺖ ﻋﻠﻴﺞ ﺷﻲ ﻭﺍﻟﻲ ﺻﺎﺭ ﻏﻠﻂ ﻣﻤﻘﺼﻮﺩ ﻣﻤﺘﻌﺪﻩ ﺍﻧﺘﻲ ﻭﻛﻠﺘﻠﺞ ﺍﻧﻲ ﻣﺸﻔﺖ ﺷﻲ ، ﻓﻜﺎﻓﻲ ﺳﺪﻱ ﺍﻟﻤﻮﺿﻮﻉ ﻭﺭﻭﺣﻲ ﻟﻐﺮﻓﺘﺞ ..
ﺩﺍﻟﻴﺎ .. ﻣﺎ ﺍﺭﻭ ..
ﺍﺳﻴﺪ .. ﺍﺧﺬ ﺍﻟﺠﻨﻄﻪ ﻣﻨﻬﺎ ﺷﻤﺮﻫﺎ ﺑﺎﻟﻜﺎﻉ ﻭﺳﺤﺒﻬﺎ ﻣﻦ ﺍﻳﺪﻫﺎ ﺍﺧﺬﻫﺎ ﻟﻐﺮﻓﺘﻬﺎ .. ﺩﺧﻠﻬﺎ ﻭﺑﺼﻮﺕ ﺣﺎﺩ ﻭﻧﺒﺮﻩ ﻣﺤﺬﺭﻩ ..
_ ﺻﺪﻛﻴﻨﻲ ﺍﺫﺍ ﻃﻠﻌﺘﻲ ﻣﻨﺎ ﺭﺍﺡ ﺍﺧﻠﻴﺞ ﺍﺗﻨﺪﻣﻴﻦ ﻉ ﺍﻟﺴﺎﻋﻪ ﺍﻟﻲ ﺷﻔﺘﻴﻨﻲ ﺑﻴﻬﺎ .
ﺳﺪ ﺍﻟﺒﺎﺏ ﻭﺭﺍﺡ .
ﺑﻘﺖ ﺩﺍﻟﻴﺎ ﺑﻐﺮﻓﺘﻬﺎ ﻣﻄﻠﻌﺖ ﻣﻨﻬﺎ ﺍﺑﺪ .. ﺛﺎﻧﻲ ﻳﻮﻡ ﻣﻦ ﺍﻟﺼﺒﺢ ﺭﺍﺡ ﺍﺳﻴﺪ ﺟﺎﺏ ﺍﻣﻪ ﻭ ﺭﺍﺡ ﻟﺪﻭﺍﻣﻪ !
ﺍﻟﺤﺠﻴﻪ .. ﺍﻭﻭﻭﻑ ﻣﻨﻚ ﺍﺳﻴﺪ ﻫﺴﻪ ﺍﺧﻮ ﻳﺮﺟﻊ ﻣﻴﻠﻜﺎﻧﻲ ﻭ ﻳﺰﻋﻞ ﻳﻜﻮﻝ ﺍﻣﻲ ﻣﺘﺮﺗﺎﺡ ﺍﺑﻴﺘﻲ ﺑﻌﺪ ﺷﻴﺨﻠﺼﻨﻲ !
ﺩﺍﻟﻴﺎ .. ﻻ ﺣﺠﻴﻪ ﺍﻛﻴﺪ ﺯﻭﺟﺘﻪ ﺣﺘﻜﻮﻟﻪ ﺍﻧﻮ ﺍﺳﺘﺎﺫ ﺍﺳﻴﺪ ﻫﻮ ﺍﻟﻲ ﺟﺎﺑﺞ ﻣﻮ ﺍﻧﺘﻲ ﺍﺟﻴﺘﻲ .
ﺍﻟﺤﺠﻴﻪ .. ﺍﻭﻭﻑ ﻭﺍﻟﻠﻪ ﻳﺎ ﻳﻤﻪ ﺗﺮﺩﻳﻦ ﺍﻟﺼﺪﻙ ﺍﻧﻲ ﻣﺎﺍﺭﺗﺎﺡ ﻳﻢ ﻣﺮﺗﻪ ﺳﺎﺭﻩ ﺍﺣﺴﻬﺎ ﻣﺘﺮﻳﺪ ﺍﺣﺪ ﻳﺠﻴﻬﺎ ﻣﻦ ﻋﺪﻧﺎ ، ﺑﺲ ﺷﺴﻮﻱ ﻻﺑﻨﻲ ﻛﺮﺍﺭ ﺧﻄﻴﻪ ﻣﺎﺍﺭﻳﺪ ﺍﻛﺴﺮ ﺧﺎﻃﺮﻩ .
ﺩﺍﻟﻴﺎ .. ﺍﻛﻮﻝ ﺣﺠﻴﻪ ﺍﺳﺘﺎﺫ ﺍﺳﻴﺪ ﻭﻳﻦ ﺍﺷﻮ ﻣﺸﻔﺘﻪ ﻣﻦ ﻭﺻﻠﺞ؟ !
ﺍﻟﺤﺠﻴﻪ .. ﺍﺳﻴﺪ ﺭﺍﺡ ﻟﺪﻭﺍﻣﻪ ﻛﺎﻝ ﺧﺎﺑﺮﻭﻧﻲ ﻭﻳﺮﺩﻭ ﺿﺮﻭﺭﻱ .
ﺩﺍﻟﻴﺎ .. ﻋﺮﻓﺖ ﺍﻧﻮ ﻣﺤﺪ ﻣﺘﺼﻞ ﺑﻲ ﺑﺲ ﻫﻮ ﺳﻮﻩ ﻫﺸﻜﻞ ﺣﺘﻰ ﻣﺎ ﺍﺍﺷﻮﻓﻪ ﻭﺍﻧﺤﺮﺝ !
ﺍﺭﺗﺎﺣﻴﺖ ﻫﻮﺍﻱ ﻻﻥ ﺭﺍﺡ ﻭﻣﺮﺍﺡ ﺍﺷﻮﻓﻪ ﻭﺍﺗﺬﻛﺮ ﺍﻟﻲ ﺻﺎﺭ ﺑﺲ ﺑﺪﺍﺧﻠﻲ ﺿﺠﺖ ﻣﻦ ﻛﺎﻟﺖ ﺭﺍﺡ ﻣﺎﺍﻋﺮﻑ ﻟﻮﻳﺶ !
ﻣﺮﺕ ﺍﻻﻳﺎﻡ ﺑﻌﺪﻩ ﻋﺎﺩﻳﻪ ﻭﺭﻭﺗﻴﻦ ﻣﻤﻞ .. ﺑﺲ ﺍﻛﻮ ﺷﻲ ﺣﻴﻞ ﻛﺎﻥ ﻣﻀﻮﺟﻨﻲ .. ﻭﻫﻮ ﺳﺎﺭﻩ !
ﺟﻴﺘﻬﺎ ﻟﻬﻨﺎ ﻛﺜﺮﺕ ﻫﻮﺍﻱ .. ﻭﺩﺍﺋﻤﺎً ﻛﻨﺖ ﺍﺷﻮﻓﻬﺎ ﺑﻐﺮﻓﺔ ﺍﺳﻴﺪ !!
ﺣﺎﻭﻟﺖ ﺑﻜﻞ ﺍﻟﻄﺮﻕ ﺍﺗﺠﻨﺒﻬﺎ ﻭﻣﺎﺍﺣﺠﻲ ﻭﻳﺎﻫﺎ .. ﺍﻟﻰ ﺍﻥ ﻓﺪ ﻳﻮﻡ ﻣﺮﻳﺖ ﻣﻦ ﻳﻢ ﻏﺮﻓﺘﻪ ﺑﺎﻟﺼﺪﻓﻪ ﻭﺳﻤﻌﺘﻬﺎ ﺗﺤﺠﻲ ﺑﺎﻟﻤﻮﺑﺎﻳﻞ ﻣﺎﺍﻋﺮﻑ ﻭﻳﺎ ﻣﻨﻮ .. ﻭﺗﻜﻮﻝ .. ﻓﺎﻧﻴﻠﺘﻪ ﺍﻟﺪﺍﺧﻠﻴﻪ ﻟﻮ ﺗﺸﻴﺮﺕ؟ !
ﻫﻨﺎ ﺍﻧﻲ ﻛﻞ ﺗﻮﺍﺯﻧﻲ ﺍﺧﺘﻞ ﻣﺎﺍﻋﺮﻑ ﺷﺼﺎﺭﻟﻲ .. ﺑﻼ ﺗﻔﻜﻴﺮ ﻓﺘﺤﺖ ﺍﻟﺒﺎﺏ ﻭﺩﺧﻠﺖ ﻋﻠﻴﻬﺎ !...
ﺩﺍﻟﻴﺎ .. ﺷﺪﺗﺴﻮﻳﻦ؟ !
ﺳﺎﺭﻩ .. ﻟﻮﻧﻬﺎ ﺍﻧﺨﻄﻒ ﻭﺍﺭﺗﺒﻜﺖ .. ﻫﺎﺍ .. ﻣﺪﺍﺍﺳﻮﻱ .. ﺷﻲ .. ﺩﺍﺍﺧﺎﺑﺮ !
ﺩﺍﻟﻴﺎ .. ﻭﻣﺎﻛﻮ ﻣﻜﺎﻥ ﺗﺨﺎﺑﺮﻳﻦ ﺑﻲ ﺍﻻ ﻫﻨﺎ؟ !
ﺳﺎﺭﻩ .. ﻳﻮﻭﻭ .. ﻭﺍﻧﺘﻲ ﺷﻨﻮ ﺗﺤﺎﺳﺒﻴﻨﻲ ، ﻭﻳﻦ ﻣﻴﻌﺠﺒﻨﻲ ﺍﺧﺎﺑﺮ ﻭﺷﻨﻮ ﻳﻌﺠﺒﻨﻲ ﺍﺳﻮﻱ ﺍﻧﺘﻲ ﻣﺎ ﺍﻟﺞ ﻋﻼﻗﻪ .. ﻳﻼ ﻭﻟﻲ ﻋﻨﺪ ﻭﺟﻬﻲ .
ﺩﻓﻌﺘﻬﺎ ﻭﺭﺍﺣﺖ !
ﺑﻘﺖ ﺩﺍﻟﻴﺎ ﺗﻔﻜﺮ ﺑﺄﻟﻲ ﺳﻤﻌﺘﻪ ﻭﻫﺎﻱ ﺳﺎﺭﻭﻭ ﺷﻨﻮ ﺗﺴﻮﻱ ﺑﻤﻼﺑﺲ ﺍﺳﻴﺪ؟ !
ﻋﺪﺕ ﺍﻻﻳﺎﻡ ﻭﻣﺮ ﺷﻬﺮ ﻛﺎﻣﻞ ﺍﺳﻴﺪ ﻣﺎﻛﻮﻭ !..
ﺳﺎﺭﻩ ﻣﻦ ﺑﻌﺪ ﺍﻟﻲ ﺻﺎﺭ ﻣﺎ ﺍﺟﺖ ﻭﻻ ﻋﺘﺒﺖ ﺍﻟﺒﻴﺖ ﺍﺑﺪ
ﻓﺪ ﻳﻮﻡ ﻛﺎﻋﺪﻳﻦ ﺍﻧﻲ ﻭﺍﻟﺤﺠﻴﻪ ﺑﺎﻟﺤﺪﻳﻘﻪ ﻭﺟﺎﻥ ﻳﺪﺧﻞ ﺍﺳﻴﺪ !!
ﻣﻦ ﺷﻔﺘﻪ ﻣﺎﺍﻋﺮﻑ ﺷﺼﺎﺭﻟﻲ ﺣﺴﻴﺖ ﻧﻔﺴﻲ ﻣﺸﺘﺎﻗﺘﻠﻪ ﻫﻮﺍﻱ ﺍﺭﻳﺪ ﺍﺭﻛﺾ ﻭﺍﺣﻀﻨﻪ .. ﺑﺲ ﺍﻟﻲ ﺻﺎﺭ ﺑﻌﺪﻫﺎ ﺻﺪﻣﻨﻲ .. ﺩﺧﻞ ﻭﺩﺧﻠﺖ ﻭﺭﺍ ﺳﺎﺭﻩ؟ !!!!!
ﻟﻠﺤﻜﺎﻱ ﺑﻘﻴﻪ ️❤
ﺭﺃﻳﻜﻢ ﺑﺎﻻﺣﺪﺍﺙ ﻭﺗﻮﻗﻌﺎﺗﻜﻢ
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء