رواية في أرض الغرام انت دولتي ج1 الجزء الثالث عشر
للكاتبة الأميرة الموسوية
....
ﺍﺳﻴﺪ .. ﺳﻠﻤﺖ ﻉ ﺍﻟﺤﺠﻴﻪ ﻭﺑﻮﺳﺘﻬﺎ .. ﻫﻲ ﻛﺎﻧﺖ ﻛﺎﻋﺪﻩ ﻳﻤﻬﺎ ﻣﻦ ﺷﺎﻓﺘﻨﻲ ﻭﻛﻔﺖ .. ﺣﺴﻴﺖ ﺑﻌﻴﻮﻧﻬﺎ ﻛﻼﻡ ﻣﻦ ﺷﺎﻓﺖ ﺳﺎﺭﻩ ﻭﻳﺎﻱ !!
ﺍﺣﺲ ﺍﻛﻮ ﺷﻌﻮﺭ ﺑﮕﻠﺒﻲ ﻏﺮﻳﺐ ﻣﻦ ﺷﻔﺘﻬﺎ .. ﻣﺜﻞ ﺍﻟﺮﺟﻘﻪ ﺍﻟﻘﻮﻳﻪ ﺻﺎﺭﺕ ﺑﮕﻠﺒﻲ ﺍﻭﻝ ﻣﺎ ﻋﻴﻨﻲ ﺻﺎﺭﺕ ﻋﻠﻴﻬﺎ .. !!
ﻫﺎﻱ ﺍﻟﻤﺸﺎﻋﺮ ﺍﻟﻲ ﺩﺍﺍﺣﺴﻬﺎ ﻣﻦ ﺍﺷﻮﻓﻬﺎ ﻫﻮﺍﻱ ﺗﺰﻋﺠﻨﻲ ﻣﺎﺍﺭﻳﺪ ﺍﺣﺲ ﺑﺸﻲ ﺗﺠﺎﻫﺎ .. ﺣﺎﻭﻟﺖ ﺍﺗﺠﺎﻫﻠﻬﺎ ﺗﻤﺎﻣﺎً
ﺧﺼﻮﺻﺎً ﺍﻧﻲ ﺻﺎﺭﻟﻲ ﺷﻬﺮ ﻛﺎﻣﻞ ﺷﺎﺭﺩ ﻣﻦ ﺍﻟﺒﻴﺖ ﺑﺴﺒﺒﻬﺎ .. ﺑﺲ ﺍﺭﻳﺪ ﺍﺷﻴﻞ ﺻﻮﺭﺗﻬﺎ ﻣﻦ ﺑﺎﻟﻲ ﻭﻣﺎﺍﻓﻜﺮ ﺑﻴﻬﺎ .. ﺑﺲ ﻣﺎﻛﻮ ﻓﺎﻳﺪﻩ .. ﺭﺟﻔﺘﻬﺎ ﺑﺤﻈﻨﻲ .. ﺍﺛﺮ ﺍﻇﺎﻓﺮﻫﺎ ﺑﺼﺪﺭﻱ .. ﻋﻄﺮ ﺷﻌﺮﻫﺎ ﻭﺭﻳﺤﺘﻬﺎ ﻭﻫﻲ ﺑﺤﻈﻨﻲ ﻣﺘﻔﺎﺭﻛﻨﻲ ﺍﺑﺪ .. ﺍﻟﺸﻲ ﺍﻟﻮﺣﻴﺪ ﺍﻟﻲ ﻧﺴﻴﺘﻪ ﻓﻌﻼ ﻭﻃﻠﻌﺘﻪ ﻣﻦ ﺑﺎﻟﻲ ﺻﻮﺭﺗﻬﺎ ﺑﻼ ﻣﻼﺑﺲ ﻛﺪﺍﻣﻲ .. ﻣﻔﻜﺮﺕ ﺑﻴﻬﺎ ﺍﺑﺪ ﻣﺜﻞ ﻣﺎ ﻭﻋﺪﺗﻬﺎ ﺳﻮﻳﺖ ، ﻭﻻ ﻟﺤﻈﻪ ﻓﻜﺮﺕ ﺑﻴﻬﺎ ﺑﻬﺬﺍ ﺍﻟﻮﺿﻊ ﺍﻭ ﺑﻬﺬﻱ ﺍﻟﺼﻮﺭﻩ ﻣﺤﻴﺘﻬﺎ ﺗﻤﺎﻣﺎً ﻣﻦ ﻋﻘﻠﻲ .
ﻗﺒﻞ ﻛﻨﺖ ﻣﻦ ﺍﻓﻜﺮ ﺑﻴﻬﺎ ﺑﺲ ﺍﺗﺬﻛﺮ ﺍﻟﻤﺎﺿﻲ ﺍﻛﺮﻫﺎ .. ﺍﻣﺎ ﻫﺴﻪ ﻣﺎﻛﻮ ﺍﻱ ﺷﻲ ﻳﺒﻌﺪﻫﺎ ﻋﻦ ﻋﻘﻠﻲ .. ﻭﺻﻠﺖ ﻟﺪﺭﺟﻪ ﻭﺍﻧﻲ ﺻﺎﻓﻦ ﺍﻟﻜﻰ ﻧﻔﺴﻲ ﺩﺍﺍﻛﺘﺐ ﺍﺳﻤﻬﺎ .. ﻉ ﺍﻟﻮﺭﻕ .. ﻉ ﺍﻟﺤﺎﻳﻂ .. ﻉ ﺍﻟﻜﺎﻉ .. ﺑﻜﻞ ﻣﻜﺎﻥ ﺍﺳﺮﺡ ﺑﻴﻬﺎ ﺑﻼ ﻭﻋﻲ ﺍﻛﺘﺐ ﺍﺳﻤﻬﺎ .. ﺍﻭﻭﻭﻭﻑ ﻟﻮ ﺑﺲ ﺗﻄﻠﻊ ﻣﻦ ﻋﻘﻠﻲ ﺭﺍﺡ ﺍﻧﺠﻦ !
ﺍﻟﺸﻬﺮ ﻫﺬﺍ ﻋﺪﻩ ﻋﻠﻴﻪ ﺳﻨﻪ .. ﻭﺻﺎﺭ ﻻﺯﻡ ﺍﻧﺰﻝ ﻻ ﻣﺤﺎﻝ .. ﻗﺮﺭﺕ ﺍﺭﻭﺡ ﻟﺒﻴﺘﻨﺎ ﺍﻟﻲ ﺑﺎﻟﻤﺰﺭﻋﻪ ﻫﺬﺍ ﻣﺤﺪ ﻳﺮﻭﺣﻠﻪ ﺑﺲ ﺑﺎﻟﻌﻄﻞ ﻧﻨﺠﻤﻊ ﻫﻨﺎﻙ ﻛﻠﻨﺎ ، ﻫﻢ ﻓﺎﺭﻍ ﻭﻫﻢ ﻭﺣﺪﻩ ﻣﺎﺍﺷﻮﻑ ﺑﻠﻮﺓ ﺣﻴﺎﺗﻲ .. ﻛﻠﺖ ﺍﺑﻘﻰ ﺑﻲ ﻭﻣﻦ ﺗﻜﻤﻞ ﺍﺟﺎﺯﺗﻲ ﺍﺭﺟﻊ ﻟﺪﻭﺍﻣﻲ !..
ﺑﺪﻟﺖ ﻭﻃﻠﻌﺖ ﻭﺍﻧﻲ ﺑﺎﻟﻄﺮﻳﻖ .. ﺟﺎﻥ ﻳﺮﻥ ﻣﻮﺑﺎﻳﻠﻲ !..
ﺑﺎﻭﻋﺖ ﺷﻔﺖ ﺭﻗﻢ ﻏﺮﻳﺐ !!
ﺟﺎﻭﺑﺖ .. ﺍﻟﻮﻭﻭ؟ !
ﺍﻟﻤﺘﺼﻞ .. ﺻﻮﺕ ﺑﻨﺖ ﻫﻼﻭ ﺍﺳﻴﺪ ﺍﺷﻮﻧﻚ؟ !!
ﺍﺳﻴﺪ .. ﻣﻨﻮ ؟ !!
ﺍﻟﻤﺘﺼﻞ .. ﺍﻧﻲ ﺳﺎﺭﻩ ﺯﻭﺟﺔ ﺍﺧﻮﻙ ﻣﻌﺮﻓﺘﻨﻲ .
ﺍﺳﻴﺪ .. ﺳﺎﺭﻩ .. ﺷﺮﺍﻳﺪﻩ ؟ !
ﺳﺎﺭﻩ .. ﺍﺳﻴﺪ ﻓﺪﻭﻩ ﺍﻟﺤﻜﻠﻲ ﻛﺮﺍﺭ ﻃﻠﻊ ﻣﻦ ﺍﻟﺼﺒﺢ ﻭﺩﺍﺍﺣﺲ ﺍﻛﻮ ﻭﺍﺣﺪ ﻓﻮﻙ ﺑﺎﻟﺴﻄﺢ ﻭﺍﻧﻲ ﻣﺤﺪ ﻳﻤﻲ ﻭﺍﻟﺠﻬﺎﻝ ﻣﺮﻋﻮﺑﻴﻦ .
ﺍﺳﻴﺪ .. ﺷﻔﺘﻲ ﺍﺣﺪ ﻟﻮ ﺷﻨﻮ ؟ !
ﺳﺎﺭﻩ .. ﻫﺎﺍﺍ .. ﺍﻱ .. ﺍﻳﻴﻲ .. ﺷﻔﺖ ﺧﻴﺎﻝ ﺑﺎﻟﺴﻄﺢ ﻭﺩﻳﺤﺎﻭﻝ ﻳﻔﺘﺢ ﺍﻟﺒﺎﺏ .. ﺍﺧﺎﻑ ﺣﺮﺍﻣﻲ ﻭﻳﻘﺘﻠﻨﺎ ﺍﻧﻲ ﻭﺍﻟﺠﻬﺎﻝ ، ﻓﺪﻭﻩ ﺍﻟﺤﻜﻠﻲ !
ﺍﺳﻴﺪ .. ﺍﺧﺬﻱ ﺍﻟﺠﻬﺎﻝ ﻭﺍﺩﺧﻠﻲ ﺑﻐﺮﻓﺘﺞ ﻭﺍﻗﻔﻠﻲ ﺍﻟﺒﺎﺏ ﻋﻠﻴﻜﻢ ﺍﻧﻲ ﻗﺮﻳﺐ ﻣﻨﻜﻢ ﺩﻗﺎﻳﻖ ﻭﺍﻭﺻﻞ
ﺳﺎﺭﻩ .. ﻓﺪﻭﻩ ﻟﺘﺘﺄﺧﺮ ﺍﻟﻠﻪ ﻳﺨﻠﻴﻚ .
ﺍﺳﻴﺪ .. ﻣﺎﺷﻲ ﺭﻭﺣﻲ ﻫﺴﻪ ﻭﺳﻮﻱ ﻣﺜﻞ ﻣﺎﻛﻠﺘﻠﺞ .
ﺳﺪﻳﺖ ﺍﻟﺠﻬﺎﺯ ﻭﻃﻠﻌﺖ ﺑﻜﻞ ﺳﺮﻋﻪ ﻟﺒﻴﺖ ﻛﺮﺍﺭ .. ﺣﺘﻰ ﺭﺩﺕ ﺍﻧﺪﻋﻢ .. ﻭﺻﻠﺖ ﻟﻜﻴﺖ ﺍﻟﺒﺎﺏ ﺍﻟﺨﺎﺭﺟﻲ ﻣﻔﺘﻮﺡ !!
ﻧﺰﻟﺖ ﺑﺴﺮﻋﻪ ﻭﺩﺧﻠﺖ ﻟﻠﺒﻴﺖ .. ﻟﻜﻴﺖ ﺳﺎﺭﻩ ﻭﺍﻟﺠﻬﺎﻝ ﻭﻛﺮﺍﺭ ﻛﺎﻋﺪﻳﻦ ﻭﻛﻠﺸﻲ ﻣﺎﻛﻮﻭ .. !!
ﺑﻘﻴﺖ ﺻﺎﻓﻦ ﻫﺎﻱ ﺷﻨﻮ ﺗﻀﺤﻚ ﻋﻠﻴﻪ ﻭﺍﻧﻲ ﺭﺩﺕ ﺍﻣﻮﺕ ﻗﺒﻞ ﺍﺷﻮﻳﻪ !!
ﺍﺧﻮﻳﻪ ﻣﻦ ﺷﺎﻓﻨﻲ ﺍﺗﻔﺎﺟﺄ
....
ﻛﺮﺍﺭ .. ﻳﺎ ﻫﻼ ﺍﻟﻴﻮﻡ ﺍﻟﺸﻤﺲ ﻣﻨﻴﻦ ﻃﺎﻟﻌﻪ ، ﺍﻭﻝ ﺗﺎﻟﻲ ﺗﺠﻴﻨﺎ !!..
ﺍﺳﻴﺪ .. ﺑﺎﻭﻋﺖ ﻟﺴﺎﺭﻩ ﺑﻨﻈﺮﻩ ﺣﺎﺩﻩ ﺧﺰﺭﺗﻬﺎ .. ﻭﺑﺼﻮﺕ ﺟﺎﻣﺪ .. ﺷﻨﻮ ﺍﻟﻔﻠﻢ؟ !!
ﺳﺎﺭﻩ .. ﻫﺎﺍ .. ﺍﻱ .. ﻛﺮﺍﺭ ﻧﺴﻴﺖ ﺍﻛﻮﻟﻚ .. ﺍﻧﻲ ﺧﺎﺑﺮﺕ ﺍﺳﻴﺪ ﻗﺒﻞ ﺍﺷﻮﻳﻪ ﺣﺘﻰ ﻳﺠﻲ ﻟﻬﻨﺎ ﻻﻥ ﺳﻤﻌﺖ ﺻﻮﺕ ﺑﺎﻟﺴﻄﺢ ﻭﻉ ﺑﺎﻟﻲ ﺣﺮﺍﻣﻲ !..
ﻛﺮﺍﺭ .. ﻭﻟﻴﺶ ﻣﺘﺼﻠﺘﻲ ﺑﻴﻪ ؟ !
ﺳﺎﺭﻩ .. ﻫﺎﺍ .. ﺍﺗﺼﻠﺖ .. ﺍﺗﺼﻠﺖ ﻋﻠﻴﻚ ﺑﺲ ﺟﻬﺎﺯﻙ ﻣﻐﻠﻖ ﻓﻜﻠﺖ ﺍﺗﺼﻞ ﻋﻠﻰ ﺍﺳﻴﺪ ﻣﺎﻛﻮ ﻏﻴﺮﻩ ، ﻻﻥ ﺗﻌﺮﻑ ﺑﻴﺖ ﺍﻫﻠﻲ ﺑﻌﻴﺪ ﻭﺍﺧﻮﺍﻧﻲ ﻣﻴﻠﺤﻜﻮﻥ ﻳﺠﻮﻥ .
ﻛﺮﺍﺭ .. ﻭﺍﻧﻲ ﺍﻛﻮﻝ ﺷﻌﺠﺐ ﺍﺳﻴﺪ ﺍﻟﻴﻮﻡ ﺟﺎﻱ ﻫﻬﻬﻬﻪ ﺍﺣﺴﺒﻬﺎ ﻋﻠﻴﻪ ﺍﺑﻮ ﺍﻻﺳﻮﺩ ﻋﻨﻴﻨﺎﻙ ﻟﻬﻨﺎ .
ﺍﺳﻴﺪ .. ﻋﺎﺩﻱ ﻭﻻ ﻳﻬﻤﻚ ﺑﺲ ﺍﻧﻲ ﺧﻔﺖ ﻉ ﺍﻟﺠﻬﺎﻝ ﻟﻴﻨﺮﻋﺒﻮﻥ .
ﻛﺮﺍﺭ .. ﺍﻟﺤﻤﺪﻟﻠﻪ ﻣﺼﺎﺭ ﺷﻲ ، ﺑﺲ ﻫﻢ ﺯﻳﻦ ﺷﻔﻨﺎﻙ .. ﻛﻮﻡ ﺍﺳﺒﺢ ﻭﺭﺗﺎﺡ ﻋﻠﻰ ﻣﺎ ﻳﺼﺒﻮﻥ ﺍﻟﻐﺪﻩ ..
ﺍﺳﻴﺪ .. ﺍﻱ ﻭﺍﻟﻠﻪ ﺗﻌﺒﺎﻥ ﺍﺭﻳﺪ ﺍﺳﺒﺢ ﻭﺍﻧﺎﻡ ﻣﺎﺍﺭﻳﺪ ﻏﺪﻩ ﻭﻟﺤﺪ ﻳﻜﻌﺪﻧﻲ ... ﺑﻌﺪﻧﻲ ﺩﺍﺍﺣﺠﻲ ﻭﺟﺎﻥ ﺗﺪﺧﻞ ﺍﺧﺖ ﺳﺎﺭﻩ ﻣﻨﺎﺭ !!....
ﺍﻫﻮﻭﻭﻭﻭ ﻫﻲ ﻛﺎﻧﺖ ﻋﺎﻳﺰﻩ ﺑﺲ ﻫﺎﻱ ﺍﻟﻠﺰﻛﻪ ﻭﺗﻜﻤﻞ !!
ﺍﻭﻝ ﻣﺎ ﺩﺧﻠﺖ ﻋﻔﺘﻬﻢ ﺍﻧﻲ ﻭﻛﻤﺖ ﻻﻥ ﻣﺎﺍﻃﻴﻖ ﺍﺣﺠﻲ ﻭﻳﺎﻫﺎ .. ﻭﻫﻲ ﻛﻠﻤﺎ ﺗﺸﻮﻓﻨﻲ ﺗﻠﺰﻙ ﻭﺗﺒﻘﻰ ﺗﻠﻐﻲ .. ﺑﺴﺮﻋﻪ ﻛﻤﺖ ﺟﺎﻥ ﺗﺤﺠﻲ ...
ﻣﻨﺎﺭ .. ﺷﺪﻋﻮﻩ ﻋﻴﻨﻲ ﺍﺳﻴﺪ ﺑﺲ ﺷﻔﺘﻨﻲ ﺍﻧﻬﺰﻣﺖ ﺗﺮﻯ ﺍﻟﺴﻼﻡ ﻟﻠﻪ .
ﺍﺳﻴﺪ .. ﻫﻼﻭ ﺍﺷﻮﻧﺞ .
ﻣﻨﺎﺭ .. ﺍﻟﺤﻤﺪﻟﻠﻪ ﺑﺸﻮﻓﺘﻚ ﺻﺮﺕ ﺯﻳﻨﻪ .
ﺍﺳﻴﺪ .. ﺩﻭﻣﺞ .. ﻳﻼ ﺍﻧﻲ ﺍﺗﺮﺧﺺ ﺗﻌﺒﺎﻥ ﻭﺍﺭﻳﺪ ﺍﻧﺎﻡ .
ﻣﻨﺎﺭ .. ﺑﻌﺪ ﻭﻛﺖ ﺧﻠﻲ ﺍﻧﺸﻮﻓﻚ ﻉ ﺍﻻﻗﻞ ﻧﺴﻤﻊ ﺍﺧﺒﺎﺭﻙ .
ﺍﺳﻴﺪ .. ﻏﻴﺮ ﻣﺮﻩ ﻳﻼ ﻣﻦ ﺭﺧﺼﺘﻜﻢ .. ﻋﻔﺘﻬﻢ ﻛﺎﻋﺪﻳﻦ ﻭﺻﻌﺪﺕ ﻓﻮﻙ .. ﺑﻴﺖ ﻛﺮﺍﺭ ﻛﺒﻴﺮ ﻭﺑﻲ ﻏﺮﻑ ﻫﻮﺍﻱ ﺍﻧﻲ ﻣﻦ ﺍﺟﻲ ﻣﺮﺍﺕ ﻳﻤﻬﻢ ﺍﺑﺎﺕ ﺑﻐﺮﻓﻪ ﻓﻮﻙ ﻣﺨﺼﺼﻬﺎ ﺍﻟﻨﺎ ﻣﻦ ﻧﺠﻲ .
ﺻﻌﺪﺕ ﻓﻮﻙ ﺑﻮﺟﻬﻲ ﻟﻠﺤﻤﺎﻡ .. ﺑﺲ ﺍﻧﻲ ﺩﻣﻲ ﻳﻔﻮﺭ .. ﻋﺮﻓﺖ ﻫﺬﺍ ﺍﻟﻲ ﺻﺎﺭ ﻓﻠﻢ ﻣﻦ ﺳﺎﺭﻩ ﺣﺘﻰ ﺍﺟﻲ ﻟﻬﻨﺎ ﻭﺍﺷﻮﻑ ﺍﺧﺘﻬﺎ ﺍﻟﻠﺰﻛﻪ .. ﺍﻟﺤﻘﻴﺮﻩ ﺧﺒﻠﺘﻨﻲ ﻉ ﺑﺎﻟﻲ ﺻﺪﻙ ﺍﻛﻮ ﺣﺮﺍﻣﻲ ﺑﺎﻟﺒﻴﺖ ﺣﺘﻰ ﺩﺭﺑﻲ ﺑﻌﺪ ﻣﺎ ﺍﻧﺪﻟﻪ .. ﺑﺲ ﺍﻧﻲ ﺍﻋﻠﻤﺞ ﺍﻧﺘﻲ ﻭﺍﺧﺘﺞ ﺍﻻ ﺍﻃﻴﺢ ﺣﻈﺞ .
ﺳﺒﺤﺖ ﻭﻃﻠﻌﺖ ﺫﺑﻴﺖ ﺭﻭﺣﻲ ﻣﻴﺖ ﻣﻦ ﺍﻟﺘﻌﺐ ﻭﺍﻟﻘﻠﻖ ﺍﻟﻲ ﻋﺸﺘﻪ ﺑﺴﺒﺐ ﻣﻮﺿﻮﻉ ﺍﻟﺤﺮﺍﻣﻲ .. ﺧﻔﺖ ﻋﻠﻰ ﺟﻬﺎﻝ ﺍﺧﻮﻳﻪ ﻻﻥ ﺍﻋﺮﻑ ﻫﺬﺍ ﻭﻛﺘﻨﺎ ﻛﻠﺸﻲ ﺑﻲ ﻭﻫﻴﺞ ﻣﻮﺿﻮﻉ ﻣﺎ ﺑﻲ ﺷﻘﻪ !..
ﺗﺎﻟﻲ ﻃﻠﻊ ﻓﻠﻢ ﻣﻦ ﺍﻓﻼﻡ ﺍﻟﻨﺴﻮﺍﻥ .. ﺍﻭﻭﻭﻭﻑ ﻣﺎ ﻳﺠﻴﻨﻲ ﻣﻨﻬﻦ ﻏﻴﺮ ﺑﺲ ﻃﻴﺤﺎﻥ ﺍﻟﺤﻆ ﻭﺷﻠﻌﺎﻥ ﺍﻟﮕﻠﺐ .
ﻛﻢ ﺩﻗﻴﻘﻪ ﻭﻏﻔﻴﺖ ﺑﻌﺪ ﻣﺎ ﺣﺴﻴﺖ ﺑﺸﻲ .. ﻏﻴﺮ ﺟﻬﺎﻝ ﺍﺧﻮﻱ ﻳﻜﻤﺰﻭﻥ ﻳﻤﻲ ﻛﺎﻟﻌﺎﺩﻩ !!
ﻛﻌﺪﺕ ﺷﻔﺖ ﺍﻟﺴﺎﻋﻪ ﺑﺎﻟـ 5 ﺍﻟﻌﺼﺮ !!..
ﻣﻌﻘﻮﻟﻪ ﻛﻞ ﻫﺬﺍ ﺍﻧﻲ ﻧﺎﻳﻢ .. ﺭﺍﺳﻲ ﻳﺮﻳﺪ ﻳﻨﻔﺠﺮ ﻣﻦ ﺍﻟﺼﺪﺍﻉ ﻭﺑﻄﻨﻲ ﺗﻘﺮﻗﺮ ﻣﻦ ﺍﻟﺠﻮﻉ .. ﺍﺧﺬﺕ ﺍﻟﺠﻬﺎﻝ ﻭﻧﺰﻟﺖ ﺟﻮﻩ .. ﺟﺎﻥ ﺍﻟﻜﻰ ﺍﻟﻠﺰﻛﻪ ﻭﺍﺧﺘﻬﺎ ﻛﺎﻋﺪﺍﺕ ﺑﺎﻟﺼﺎﻟﻪ !!
ﺍﻭﻝ ﻣﺎ ﺷﺎﻓﺘﻨﻲ ﺍﻻﺑﺘﺴﺎﻣﻪ ﺍﻟﺴﺎﻣﻪ ﻣﻠﺖ ﻭﺟﻬﻦ ﺍﺛﻨﻴﻨﻬﻦ .. ﺳﻮﻳﺖ ﻧﻔﺴﻲ ﻣﺎﺍﺷﻮﻓﻬﻦ ﻭﻻ ﻫﺘﻤﻴﺖ ﺑﻴﻬﻦ .. ﺳﻠﻤﺖ ﻭﺳﺄﻟﺖ ﻋﻦ ﻛﺮﺍﺭ .. ﻛﺎﻟﺘﻠﻲ ﺑﺎﻟﺤﻤﺎﻡ .. ﺭﺩﺕ ﺍﻃﻠﻊ ﺟﺎﻥ ﺳﺎﺭﻩ ﻭﻛﻔﺘﻨﻲ
...
ﺳﺎﺭﻩ .. ﺍﺳﻴﺪ ﺗﻌﺎﻝ ﺍﻛﻌﺪ ﻫﻨﺎ ﻋﻠﻰ ﻣﺎ ﺍﺭﻭﺡ ﺍﺳﻮﻳﻠﻚ ﻋﺸﻪ .
ﺍﺳﻴﺪ .. ﻣﺸﻜﻮﺭﻩ ﻣﺎﺍﺷﺘﻬﻲ .
ﺳﺎﺭﻩ .. ﻻ ﺷﻨﻮ ﻣﺘﺸﺘﻬﻲ ﺍﻧﺖ ﻏﺪﻩ ﻣﺘﻐﺪﻳﺖ ﻻﺯﻡ ﺗﺘﻌﺸﻰ .. ﻫﺴﻪ ﺩﻗﺎﻳﻖ ﻭﻳﺠﻬﺰ ﺍﻟﻌﺸﻰ !..
ﺍﺳﻴﺪ .. ﻛﺎﻟﺖ ﻫﺬﺍ ﺍﻟﻜﻼﻡ ﻭﺭﺍﺣﺖ ﺣﺘﻰ ﻣﻨﻄﺘﻨﻲ ﻓﺮﺻﻪ ﺍﺣﺠﻲ ﺍﺗﻜﻮﻝ ﺑﺎﻟﻌﻪ ﻣﺴﺠﻞ ﻣﻮ ﻟﺴﺎﻥ .. ﺭﺍﺣﺖ ﻭﺍﻧﻲ ﺑﻘﻴﺖ ﻭﺍﻛﻒ ﻣﻨﻄﻲ ﻇﻬﺮﻱ ﻟﻠﺰﻛﻪ ﺍﻟﻲ ﻛﺎﻋﺪﻩ ﻭﺭﺍﻱ .. ﻣﺎﺍﻛﺪﺭ ﺍﻛﻌﺪ ﻣﺎﺍﻃﻴﻖ ﺍﺣﺠﻲ ﻭﻳﺎﻫﺎ .. ﻭﻻ ﺍﻛﺪﺭ ﺍﺭﻭﺡ ﻋﻴﺐ ﻣﻦ ﻛﺮﺍﺭ ﺍﻛﻴﺪ ﺣﺘﺮﻭﺡ ﺗﺸﺘﻜﻲ ﻻﺧﺘﻬﺎ ﻭﺍﺧﺘﻬﺎ ﺗﻜﻮﻝ ﻟﻜﺮﺍﺭ ﻣﻴﻘﺪﺭ ﺍﺧﺘﻲ ﻭﻓﺸﻠﻬﺎ .. ﻭﻣﻦ ﻫﺬﺍ ﺍﻟﺤﺠﻲ !....
ﺍﺿﻄﺮﻳﺖ ﺍﻛﻌﺪ ﺑﺲ ﻋﻠﻰ ﺍﻋﺼﺎﺑﻲ .. ﺟﺮﻳﺖ ﺍﻟﻤﻮﺑﺎﻳﻞ ﻭﺑﻘﻴﺖ ﺍﻛﻠﺐ ﺑﻲ ﻭﻣﺘﺠﺎﻫﻠﻬﺎ ﺗﻤﺎﻣﺎً !..
ﻣﻨﺎﺭ .. ﺷﻨﻮ ﺣﺘﺒﻘﻰ ﺳﺎﻛﺖ ﺍﺳﻴﺪ؟ !!
ﺍﺳﻴﺪ .. ﻭﻫﻮ ﻳﺒﺎﻭﻉ ﺑﺎﻟﻤﻮﺑﺎﻳﻞ ﺟﺎﻭﺑﻬﺎ .. ﻣﺎﺍﻋﺘﻘﺪ ﺍﻛﻮ ﺷﻲ ﺣﺘﻰ ﺍﺣﺠﻲ ﻭﻳﺎﺝ .
ﻣﻨﺎﺭ .. ﺍﻣﻤﻤﻢ ﺍﻧﻲ ﻋﻨﺪﻱ ﻫﻮﺍﻱ ﺍﺷﻴﺎﺀ ﺍﺭﻳﺪ ﺍﺣﺠﻴﻬﺎ ﻭﻳﺎﻙ !..
ﺍﺳﻴﺪ .. ﻫﻢ ﻣﺎ ﺍﻧﺘﺒﻬﻠﻬﺎ .. ﺍﺣﺠﻲ .. ﺍﺳﻤﻌﺞ !..
ﻣﻨﺎﺭ .. ﺑﺴﺮﻋﻪ ﺟﺮﺕ ﺍﻟﻤﻮﺑﺎﻳﻞ ﻣﻦ ﺍﻳﺪﻩ ﻭﺷﻤﺮﺗﻪ ﺑﻌﻴﺪ ﻉ ﺍﻟﺘﺨﻢ ... ﻭﺑﻜﻞ ﺳﺨﺎﻓﻪ ﻭﺩﻟﻊ .. ﺍﻧﻲ ﺍﺣﺒﻚ ﺍﺳﻴﺪ .
ﺍﺳﻴﺪ .. ﺟﺮﺕ ﺍﻟﻤﻮﺑﺎﻳﻞ ﻣﻦ ﺍﻳﺪﻱ ﻉ ﺑﺎﻟﻚ ﻃﻔﻞ ﻛﺪﺍﻣﻬﺎ .. ﺍﻧﻲ ﻣﻨﺎ ﻣﺘﺤﻤﻞ ﻋﻠﻴﻬﺎ ﻫﻲ ﻭﺍﺧﺘﻬﺎ ﻣﻦ ﺍﻟﺼﺒﺢ ﻭﻣﻨﺎ ﺍﺗﺼﺮﻓﺖ ﻫﺬﺍ ﺍﻟﺘﺼﺮﻑ، ﻭﻓﻮﻛﺎﻫﺎ ﺗﻜﻠﻲ ﺍﺣﺒﻚ !!
ﺍﻧﻲ ﻫﻴﺞ ﺍﻧﺴﺎﻧﻪ ﺑﻼ ﺍﺧﻼﻕ ﻭﺭﺧﻴﺼﻪ ﻣﺎ ﺷﺎﻳﻒ ﺑﻌﻤﺮﻱ .. ﺍﺷﻜﺪ ﺍﻛﺮﻩ ﺍﻟﻨﺴﻮﺍﻥ ﺑﺲ ﺍﻛﺜﺮ ﺷﻲ ﺍﻛﺮﻩ ﺑﺤﻴﺎﺗﻲ ﻫﺬﺍ ﺍﻟﻨﻮﻉ ﻣﻦ ﺍﻟﺒﻨﺎﺕ ﺍﻟﻲ ﺑﻼ ﺍﺧﻼﻕ ﻭﻣﻴﺴﺘﺤﻦ ، ﺍﻟﻲ ﺍﻋﺮﻓﻪ ﺍﻟﺒﻨﻴﻪ ﻋﺒﺎﺭﻩ ﻋﻦ ﺧﺠﻞ ، ﻣﺴﺘﺤﻰ ، ﺣﻴﺎﺀ .. ﻫﺎﻱ ﻛﻠﻬﻦ ﺯﺍﻳﺤﺘﻬﻦ ﻭﺑﻜﻞ ﻭﻗﺎﺣﻪ ﺗﻜﻮﻝ ﺍﺣﺒﻚ .. ﻣﺘﺤﻤﻠﺖ ﺑﻌﺪ ﺍﻧﻔﺠﺮﺕ ﺑﻴﻬﺎ ... ﺑﺼﻮﺕ ﺟﺎﻣﺪ ..
_ ﻣﻨﻮ ﺳﻤﺤﻠﺞ ﺗﺎﺧﺬﻳﻦ ﺍﻟﻤﻮﺑﺎﻳﻞ ﻣﻦ ﺍﻳﺪﻱ؟ !
ﻣﻨﺎﺭ .. ﻭﻫﻲ ﺗﺘﻤﺎﻭﻉ .. ﺍﻫﻮﻭﻭ ﺣﺘﺴﻮﻳﻬﺎ ﻗﻮﻭﻭﺻﻪ ، ﻫﺴﻪ ﺷﺄﺧﺪﺕ ﻣﻨﻚ ﻫﻮ ﻣﻮﺑﺎﻳﻞ .. ﺑﻌﺪﻳﻦ ﺩﺍﺍﻛﻮﻟﻚ ﺍﺣﺒﻚ ﺷﻨﻮ ﻣﺘﺴﻤﻊ !!
ﺍﺳﻴﺪ .. ﺻﺎﺡ ﺑﻴﻬﺎ ﺑﻌﻠﻮ ﺻﻮﺗﻪ .. ﺍﻧﺘﻲ ﻭﺣﺪﻩ ﻣﻨﺤﻄﻪ ﻭﺍﻟﻈﺎﻫﺮ ﻋﻤﻲ ﻣﻤﺮﺑﻴﺞ .. ﻛﺎﻡ ﻣﻦ ﻳﻤﻬﺎ ﺍﺧﺬ ﻣﻮﺑﺎﻳﻠﻪ ﻭﺩﻳﺮﻳﺪ ﻳﻄﻠﻊ .. ﺟﺎﻥ ﺗﻮﻛﻔﻪ ﺳﺎﺭﻩ !!
ﺳﺎﺭﻩ .. ﺍﻧﺖ ﺍﺷﻮﻥ ﺗﻐﻠﻂ ﻋﻠﻰ ﺍﺧﺘﻲ ﻫﻴﺞ؟ !!
ﺍﺳﻴﺪ .. ﻣﺎ ﺍﻟﻲ ﺣﺠﻲ ﻻ ﻭﻳﺎﺝ ﻭﻻ ﻭﻳﺎ ﺍﺧﺘﺞ ﺑﺲ ﺧﻠﻲ ﻛﺮﺍﺭ ﻳﻄﻠﻊ ﻭﺍﻧﻲ ﺍﻋﻠﻤﺞ ﻋﻠﻰ ﻣﻨﻮ ﺗﻀﺤﻜﻴﻦ ﺍﺧﺎﻑ ﻉ ﺑﺎﻟﺞ ﺳﻜﺘﺘﻠﺞ ﻉ ﺍﻟﻔﻠﻢ ﺍﻟﻲ ﺳﻮﻳﺘﻲ ﺍﻟﺼﺒﺢ .
ﺳﺎﺭﻩ .. ﺑﺼﻮﺕ ﻋﺎﻟﻲ ﻳﺎ ﻓﻠﻢ ﻫﺬﺍ ﻋﻴﺐ ﻋﻠﻴﻚ ﺗﺤﺠﻲ ﻭﻳﺎﻱ ﻫﻴﺞ ﺍﻧﻲ ﻣﺮﺕ ﺍﺧﻮﻙ .. ﺑﻘﺖ ﺗﺼﻴﺢ ﻭﺗﻼﺳﻦ .. ﺟﺎﻥ ﻳﺠﻲ ﻛﺮﺍﺭ ...
ﻛﺮﺍﺭ .. ﺧﻴﺮ ﺷﺼﺎﻳﺮ ﺍﺷﺒﻴﻜﻢ؟ !!
ﺳﺎﺭﻩ .. ﺗﻌﺎﻝ ﻋﻴﻨﻲ ﺷﻮﻑ ﺍﺧﻮﻙ ﺩﻳﻐﻠﻂ ﻋﻠﻰ ﺍﺧﺘﻲ ﻭﻳﺼﻴﺢ ﻋﻠﻴﻪ
.....
ﻛﺮﺍﺭ .. ﺑﺼﻮﺕ ﺟﺎﻣﺪ .. ﻟﺘﺼﻴﺤﻴﻦ ﻭﺍﺳﻜﺘﻲ ﺧﻠﻲ ﺍﻓﺘﻬﻢ ﺷﺼﺎﻳﺮ ، ﺷﻨﻮ ﺍﻟﺴﺎﻟﻔﻪ ﺍﺳﻴﺪ ﻟﻴﺶ ﻏﻠﻄﺖ ﻋﻠﻰ ﻣﻨﺎﺭ؟ !!
ﺍﺳﻴﺪ .. ﺑﻌﺪﻡ ﺍﻫﺘﻤﺎﻡ ﺣﺒﻴﺒﻲ ﺳﺎﻟﻔﻪ ﺗﺎﻓﻬﻪ ﺧﻠﻴﻬﺎ ﺍﺗﻮﻟﻲ ، ﺍﻧﻲ ﺭﺍﻳﺢ ﻟﺒﻴﺘﻨﺎ .
ﻛﺮﺍﺭ .. ﻻ ﻣﺘﺮﻭﺡ ﺍﺫﺍ ﻣﺎﺍﻋﺮﻑ ﺷﺼﺎﻳﺮ ﻣﻦ ﺍﻟﺼﺒﺢ ﻟﻴﻬﺴﻪ ﺗﺤﺠﻮﻥ ﺑﺎﻻﻟﻐﺎﺯ ﻭﺍﻧﻲ ﻣﺜﻞ ﺍﻻﻃﺮﺵ ﺑﺎﻟﺰﻓﻪ ﻓﻬﻤﻮﻧﻲ ﺷﻜﻮ !!
ﺳﺎﺭﻩ .. ﻭﺍﻟﻠﻪ ﻫﺬﺍ ﺍﺧﻮﻙ ﺍﻟﻲ ﻣﺎﺍﻋﺮﻑ ﺍﺷﺒﻲ ﺍﻟﺒﻨﻴﻪ ﻛﺎﻋﺪﻩ ﻳﻤﻪ ﺩﺗﺠﺎﻣﻠﻪ ﻋﺸﺘﻮ ﻭﻫﻮ ﻳﻐﻠﻂ ﻋﻠﻴﻬﺎ ﻋﺮﺍﻻﻗﻞ ﺟﺎﻥ ﺧﻠﻴﺖ ﺍﺣﺘﺮﺍﻡ ﻻﺧﻮﻙ .
ﺍﺳﻴﺪ .. ﻫﻪ ﺍﻧﻲ ﺍﻟﻲ ﺍﺧﻠﻲ ﺍﺣﺘﺮﺍﻡ ﻟﻮ ﺍﺧﺘﺞ ﺍﻟـ .. ﻋﻤﻮﻣﺎً ﺍﻧﻲ ﻣﻬﺎﻣﻨﻲ ﻻ ﻫﻲ ﻭﻻ ﺍﻟﻲ ﻛﺎﻟﺘﻪ ﻭﺍﺻﻼً ﺍﻋﺘﺒﺮ ﻧﻔﺴﻲ ﻣﺴﻤﻌﺖ ﺷﻲ ﻣﻦ ﺍﻟﺴﺨﺎﻓﻪ ﺍﻟﻲ ﻛﺎﻟﺘﻬﺎ ، ﻭﺟﺮﺕ ﺍﻟﻤﻮﺑﺎﻳﻞ ﻣﻦ ﺍﻳﺪﻱ ﺍﻋﺮﻑ ﺍﺷﻮﻥ ﺃﺃﺩﺑﻬﺎ ﻋﻠﻴﻬﺎ ﺑﺲ ﻣﺎ ﺍﻭﺳﺦ ﻧﻔﺴﻲ ﺑﺤﺜﺎﻟﻪ ﻣﺜﻠﻬﺎ .. ﺑﺲ ﺣﺘﻰ ﺗﻔﻬﻢ ﺍﻟﻤﻮﺿﻮﻉ ﻛﺮﺍﺭ .. ﺍﺳﺄﻝ ﻣﺮﺗﻚ ﻟﻴﺶ ﺟﺎﺑﺘﻨﻲ ﻟﻬﻨﺎ ، ﻭﺍﺳﺄﻝ ﺍﺧﺘﻬﺎ ﺷﻨﻮ ﺍﻟﻲ ﺧﻼﻧﻲ ﺍﻏﻠﻂ ﻋﻠﻴﻬﺎ ﻭ ﺍﺫﺍ ﻫﻲ ﺑﻨﺖ ﺍﺑﻮﻫﺎ ﻭﺑﻴﻬﺎ ﺧﻴﺮ ﺧﻠﻲ ﺍﺗﻜﻮﻝ ﺷﺴﻮﺕ ﻭﺷﻜﺎﻟﺖ !
ﻛﺮﺍﺭ .. ﺷﺴﻮﻳﺘﻲ ﻣﻨﺎﺭ ﻓﻬﻤﻮﻧﻲ ﺷﺼﺎﺭ؟ !!
ﻣﻨﺎﺭ .. ﻣﺴﻮﻳﺖ ﺷﻲ ﻭﺍﻟﻨﺒﻲ ﻫﻮ ﻟﺤﺎﻟﻪ ﻋﺼﺐ ﻭﻛﺐ ﺑﻮﺟﻬﻲ .
ﺍﺳﻴﺪ .. ﺭﺩﺕ ﺍﻟﺰﻣﻬﺎ ﺍﻛﺴﺮ ﺭﻛﺒﺘﻬﺎ ﻣﻦ ﻛﺎﻟﺖ ﻫﻴﺞ .. ﻓﻮﻙ ﺍﻻﻧﺤﻄﺎﻁ ﺗﻜﺬﺏ !!
ﺑﺲ ﻣﻊ ﺫﻟﻚ ﺣﺎﻓﻈﺖ ﻋﻠﻰ ﻫﺪﻭﺋﻲ ﻻﻥ ﺍﺫﺍ ﺍﻓﻘﺪ ﺍﻋﺼﺎﺑﻲ ﺗﺼﻴﺮ ﻛﺎﺭﺛﻪ ﻭﻣﺎ ﺍﺭﻳﺪ ﺍﺧﻮﻱ ﻳﺼﻴﺮ ﺑﻬﻴﺞ ﻣﻮﻗﻒ ﺑﻴﻨﻲ ﻭﺑﻴﻦ ﻣﺮﺗﻪ .. ﺳﻜﺘﺖ ﻭﺑﺼﻮﺕ ﻫﺎﺩﺉ ﻛﻠﺘﻠﻬﺎ ..
_ ﻫﻬﻬﻬﻪ ﻣﺎﺷﻲ ﻣﺴﻮﻳﺘﻲ ﺷﻲ ، ﺍﻧﻲ ﺭﺍﻳﺢ ﻛﺮﺍﺭ ﻭﺑﻌﺪ ﻟﺘﻠﻮﻣﻨﻲ ﻻﻥ ﻣﺎ ﺍﺩﺧﻞ ﻟﺒﻴﺘﻚ .. ﻋﻔﺘﻬﻢ ﻭﺩﺍﺍﺭﻳﺪ ﺍﻃﻠﻊ ﺟﺎﻥ ﻛﺮﺍﺭ ﻳﻠﺰﻡ ﻣﺮﺗﻪ ﻭﻳﺨﻨﻜﻬﺎ ...
ﻛﺮﺍﺭ .. ﺑﻌﺼﺒﻴﻪ .. ﻟﺞ ﺍﻧﺘﻲ ﻣﺘﺠﻮﺯﻳﻦ ﻣﻦ ﺳﻮﺍﻟﻔﺞ ﻛﻢ ﻣﺮﻩ ﻛﻠﺘﻠﺞ ﺑﻄﻠﻲ ﺣﻘﺎﺭﻩ ، ﺍﻫﻠﻲ ﻛﻠﻬﻢ ﻣﻴﺠﻮﻥ ﻟﺒﻴﺘﻲ ﻣﻦ ﻭﺭﺍﺝ .. ﺍﻣﻲ ﺗﺠﻴﻨﻲ ﺳﺎﻋﻪ ﻭﺗﺸﺮﺩ ﻣﻦ ﻭﺭﺍ ﺳﻤﺞ ﻭﺗﺼﺮﻓﺎﺗﺞ ﺍﻟﻄﺎﻳﺢ ﺣﻈﻬﺎ ، ﺍﺧﻮﺍﺗﻲ ﻣﺤﺪ ﺗﻄﺐ ﻟﺒﻴﺘﻲ ، ﻭﻫﺴﻪ ﺍﺧﻮﻳﻪ ﺍﻭﻝ ﻣﺮﻩ ﻳﺠﻴﻨﻲ ﺷﺮﺩﺗﻲ .. ﺍﻟﻴﻮﻡ ﺍﻗﺘﻠﺞ ﻭﺍﺧﻠﺺ ﻣﻨﺞ ... ﻟﺰﻣﻬﺎ ﺿﺮﺏ ﻭﺿﺮﺏ ﺳﻜﻄﻬﺎ ﺗﺴﻜﻂ !!
ﻣﻨﺎﺭ ﺑﻘﺖ ﺗﺼﻴﺢ ، ﻭﺍﻟﺠﻬﺎﻝ ﻣﻦ ﺷﺎﻓﻮ ﺍﻣﻬﻢ ﻭﺍﺑﻮﻫﻢ ﺑﻬﺎﻟﻮﺿﻊ ﻛﺎﻣﻮ ﻳﺘﺒﺎﺟﻮﻥ ﻭﻳﺘﺼﺎﻳﺤﻮﻥ .. ﻣﺘﺤﻤﻠﺖ ﺍﻟﻤﻮﻗﻒ ﺍﺑﺪ .. ﺻﺢ ﻫﻲ ﺣﻴﻪ ﻭﺍﺧﺘﻬﺎ ﺍﻧﻜﺲ ﻣﻨﻬﺎ .. ﺑﺲ ﺩﺍﺍﺣﺲ ﺍﻟﻲ ﺻﺎﺭ ﺑﺴﺒﺒﻲ .. ﻭﺍﻟﺠﻬﺎﻝ ﺣﺎﻟﺘﻬﻢ ﺻﻌﺒﻪ !
ﺭﺟﻌﺖ ﻟﺰﻣﺖ ﻛﺮﺍﺭ ﻭﺑﻌﺪﺗﻪ ﻋﻨﻬﺎ ..
ﺍﺳﻴﺪ .. ﺧﻠﺺ ﻛﺮﺍﺭ ﺍﺗﺮﻛﻬﺎ ﺟﻬﺎﻟﻚ ﺩﻳﺒﺎﻭﻋﻮﻥ ﻋﻠﻴﻚ ﻣﻴﺼﻴﺮ ﻳﺸﻮﻓﻮﻧﻜﻢ ﻫﻴﺞ .
ﻛﺮﺍﺭ .. ﺍﺳﻴﺪ ﻟﺨﺎﻃﺮ ﺭﺑﻚ ﻋﻮﻓﻨﻲ ﺧﻠﻴﻨﻲ ﺍﻣﻮﺗﻬﺎ ﻭﺍﺧﻠﺺ ﻣﻨﻬﺎ ﻫﺎﻟﻌﺎﺭ ﻫﺎﻱ ، ﺧﺒﻠﺘﻨﻲ .. ﺍﻫﻠﻚ ، ﺍﺧﻮﺍﺗﻚ .. ﺍﻣﻚ .. ﺍﺧﻮﻙ !!..
ﻣﺎﺍﺩﺭﻱ ﺷﺄﺳﻮﻳﻠﻬﺎ ﺣﺘﻰ ﺗﺮﺿﻰ ، ﻛﺎﻓﻲ ﻣﻠﻴﺖ ﺑﻌﺪ ﻣﺎﺍﺗﺤﻤﻠﺞ ، ﺍﻟﻴﻮﻡ ﺍﻗﺘﻠﺞ ﻭﺍﻓﺘﻚ ﻣﻨﺞ .
ﺍﺳﻴﺪ .. ﺍﺳﺘﻬﺪﻱ ﺑﺎﻟﻠﻪ ﻳﺎ ﺍﺧﻲ ﻣﻬﻤﺎ ﻳﻜﻮﻥ ﻫﺬﻱ ﺍﻡ ﺟﻬﺎﻟﻚ .
ﺳﺎﺭﻩ .. ﺑﺼﻮﺕ ﻋﺎﻟﻲ ﻭﺻﻴﺎﺡ .. ﺍﺭﺗﺎﺣﻴﺖ ﻫﺴﻪ ﻛﻞ ﺍﻟﻲ ﺻﺎﺭ ﺑﺴﺒﺒﻚ
.....
ﺍﺳﻴﺪ .. ﺍﺳﺘﻐﻔﺮﻙ ﺭﺑﻲ ﻟﺞ ﻫﻮ ﻣﻮ ﺻﻮﺟﺞ ﺻﻮﺝ ﺍﻟﻐﺒﻲ ﺍﻟﻲ ﺩﻳﺪﺍﻓﻌﻠﺞ .. ﺍﻧﻲ ﺭﺍﻳﺢ ﻭﺧﻠﻲ ﺭﺟﻠﺞ ﻳﺄﺩﺑﺞ .
ﻛﺮﺍﺭ ﻣﻦ ﺳﻤﻌﻬﺎ ﺣﺠﺖ ﻫﻴﺞ ﺍﺗﺨﺒﻞ ﺑﺎﻟﺰﺍﻳﺪ ﻟﺰﻣﻬﺎ ﺳﻜﻄﻬﺎ ﺗﺴﻜﻂ ﺍﻧﻲ ﻋﻔﺘﻬﻢ ﻭﺭﺩﺕ ﺍﻃﻠﻊ .... ﺟﺎﻥ ﻳﻠﺰﻣﻮﻧﻲ ﺍﻟﺠﻬﺎﻝ ﻣﻦ ﺭﺟﻠﻴﻪ .. ﻋﻤﻮ ﻋﻔﻴﻪ ﻟﺘﻌﻮﻓﻨﺎ ﺑﺎﺑﺎ ﺣﻴﻤﻮﺕ ﻣﺎﻣﺎ .. ﻋﻤﻮ ﻓﺪﻭﻩ ﻟﺘﺮﻭﺡ .. ﻟﺘﺮﻭﺡ .. ﻭﻳﺒﺠﻮﻥ !!
ﻣﻨﻈﺮﻫﻢ ﻛﺴﺮ ﮔﻠﺒﻲ ﺻﺢ ﺍﻣﻬﻢ ﺻﻠﻔﻪ ﻭﻟﺴﺎﻧﻬﺎ ﻣﺘﺒﺮﻱ ﻣﻨﻬﺎ ﺑﺲ ﻫﺬﻭﻟﻲ ﻣﺴﺎﻛﻴﻦ ﻣﺎ ﺍﻟﻬﻢ ﺫﻧﺐ !
ﻛﻠﺒﻲ ﻣﻨﻄﺎﻧﻲ ﺍﺷﻮﻓﻬﻢ ﻫﺸﻜﻞ ، ﺍﻧﻲ ﻧﻘﻄﺔ ﺿﻌﻔﻲ ﺍﻻﻃﻔﺎﻝ ﻣﺎﺍﺗﺤﻤﻞ ﺍﺑﺪ ﺍﺷﻮﻑ ﻃﻔﻞ ﻳﻨﺄﺫﻱ .. ﺍﺗﺨﺒﻞ ﻣﻦ ﻫﺬﺍ ﺍﻟﺸﻲ .. ﻓﻤﻦ ﺷﻔﺘﻬﻢ ﻣﺘﺤﻤﻠﺖ .. ﺭﺣﺖ ﻉ ﻛﺮﺍﺭ ﺩﻓﻌﺘﻪ ﻋﻨﻬﺎ ﺣﻴﻞ ﻭﻟﺰﻣﺘﻪ ..
ﻛﺮﺍﺭ .. ﻋﻮﻓﻨﻲ ﺍﺳﻴﺪ ﻋﻮﻓﻨﻲ ﺑﺮﻭﺡ ﺍﺑﻮﻳﻪ ﺧﻠﻴﻨﻲ ﺍﻣﻮﺗﻬﺎ .
ﺍﺳﻴﺪ .. ﻛﺮﺍﺭ ﻟﺨﺎﻃﺮ ﺭﺑﻚ ﺷﻨﻮ ﺍﻟﻘﺼﻪ ﺍﺗﺨﺒﻠﺖ ، ﻣﻦ ﺍﻟﺠﻬﺎﻝ ﺷﻮﻑ ﺷﺼﺎﺭ ﺑﻴﻬﻢ ، ﺑﺲ ﺍﻫﺪﺃ ﻫﻠﻲ ﻧﺘﻔﺎﻫﻢ .
ﻛﺮﺍﺭ .. ﺑﻌﺪ ﻣﺘﺒﻘﻴﻦ ﻟﺤﻈﻪ ﻭﺣﺪﻩ ﺑﺎﻟﺒﻴﺖ ﻭﺍﺫﺍ ﺑﻘﻴﺘﻲ ﻫﻨﺎ ﺍﻗﺘﻠﺞ ﺧﻼﺹ ﻭﺭﻭﺡ ﺍﺑﻮﻳﻪ .
ﺍﺳﻴﺪ .. ﻣﺎﺷﻲ ﻣﺘﺒﻘﻰ ﻫﻦ ﺑﺲ ﺍﻫﺪﺃ ﺍﺷﻮﻳﻪ ﺧﺒﻠﺖ ﺟﻬﺎﻟﻚ .
ﺳﻜﺖ ﻛﺮﺍﺭ ﺑﺎﻟﻜﻮﻩ .. ﺑﻌﺪﻳﻦ ﻛﺎﻟﻠﻬﺎ ﺗﻠﻤﻴﻦ ﻫﺪﻭﻣﺞ ﻭﺗﺮﺣﻴﻦ ﻻﻫﻠﺞ ﻭ ﻭﺭﻗﺘﺞ ﺗﺠﻲ ﻭﺭﺍﺝ ... ﻭﺍﺫﺍ ﻋﻠﻰ ﻋﻤﻲ ﺍﻧﻲ ﺍﻓﻬﻤﻪ ﻛﻠﺸﻲ .
ﻫﻲ ﻛﺎﻣﺖ ﺗﺒﺠﻲ ﻣﻦ ﺳﻤﻌﺖ ﺻﺎﺭ ﺑﻴﻬﺎ ﻃﻼﻕ ﻭﺍﻟﺨﺒﺮ ﺣﻴﻮﺻﻞ ﻻﺑﻮﻫﺎ !...
ﻭﺟﻬﺎ ﺍﻧﺨﻄﻒ ﻭﻛﺎﻡ ﻳﻨﻄﻲ ﺍﻟﻠﻮﺍﻥ .. ﺍﺧﺘﻬﺎ ﺳﻜﺘﺖ ﻣﺤﺠﺖ ﻭﻻ ﻛﻠﻤﻪ ﺍﺑﺎﻭﻋﻠﻬﺎ ﺑﺲ ﺗﺒﺠﻲ .. ﺣﻴﻞ ﺍﻧﺘﻦ ﺍﻟﻲ ﺟﺒﺘﻨﻬﺎ ﻟﺘﻔﺴﺠﻦ !..
ﺍﺧﺬﺕ ﻛﺮﺍﺭ ﻟﻠﺼﺎﻟﻪ ﻭﻛﻌﺪﺕ ﺣﺠﻴﺖ ﻭﻳﺎ ﻫﺪﺃﺗﻪ ﻭﻛﻠﺘﻠﻪ ﻣﻴﺼﻴﺮ ﺍﻟﻲ ﺩﺗﺴﻮﻱ ، ﻭﻫﻲ ﺭﺍﺡ ﺍﺧﺬﻫﺎ ﻟﺒﻴﺘﻨﺎ ﺍﻟﻰ ﺍﻥ ﺗﺮﺗﺎﺡ ﻭﺗﻬﺪﺃ ﺍﻧﺖ ، ﺗﺠﻲ ﺗﺮﺟﻌﻬﺎ !
ﻻﻥ ﺍﺫﺍ ﺭﺍﺣﺖ ﺍﻻﺑﻮﻫﺎ ﻭﺳﻤﻊ ﻋﻤﻲ ﻭﺍﺻﻠﻪ ﻟﻠﻄﻼﻕ ﺗﻜﺒﺮ ﺍﻟﺴﺎﻟﻔﻪ ﻭﺗﻌﺮﺽ ﻭﺧﻄﻴﻪ ﺍﻟﺠﻬﺎﻝ ﻳﺮﺣﻮﻥ ﺑﻴﻬﺎ !..
ﺑﻌﺪ ﻧﻘﺎﺵ ﻭﻛﻼﻡ ﻃﻮﻳﻞ ﻛﺪﺭﺕ ﺍﻗﻨﻌﻪ .. ﺍﺧﺬﺗﻬﺎ ﺍﻟﻌﺼﺮ ﻛﻠﺸﻲ ﻫﻲ ﻭﺍﺧﺘﻬﺎ ﻭﺍﻟﺠﻬﺎﻝ ﻭﻃﻠﻌﻨﺎ .. ﺍﺧﺘﻬﺎ ﺫﺑﻴﺘﻬﺎ ﻋﻠﻰ ﺑﻴﺘﻬﻢ ﻭﻛﻠﺘﻠﻬﺎ ﻣﻴﻄﻠﻊ ﺣﺮﻑ ﻣﻦ ﺍﻟﻲ ﺻﺎﺭ ﻻﻥ ﺍﺫﺍ ﺳﻤﻊ ﻋﻤﻲ ﺍﺣﺠﻲ ﻛﻞ ﺍﺳﻮﺍﻟﻔﺞ .
ﺑﻘﺖ ﺗﺘﺒﺠﺒﺞ ﻭﺗﺘﻮﺳﻞ ﻧﺰﻟﺘﻬﺎ ﺑﺴﺮﻋﻪ ﻭﻃﻠﻌﺖ ﻟﺒﻴﺘﻨﺎ ﻛﺒﻞ .. ﺍﻭﻝ ﻳﻮﻡ ﻧﺰﻟﺖ ﺍﺭﺗﺎﺡ ﻣﻦ ﺍﻟﺪﻭﺍﻡ ﺷﻔﺖ ﺍﻟﻮﻳﻞ .. ﻫﺬﻱ ﺍﻻﺟﺎﺯﻩ ﻣﺒﻴﻨﻪ ﻣﻦ ﺑﺪﺍﻳﺘﻬﺎ !..
ﻭﺻﻠﺖ ﻟﻠﺒﻴﺖ .. ﻟﻜﻴﺖ ﺍﻣﻲ ﻛﺎﻋﺪﻩ ﺑﺎﻟﺤﺪﻳﻘﻪ .. ﻭ ﻭﻳﺎﻫﺎ ﺍﻟﺒﻠﻮﻩ ﺍﻟﺜﺎﻧﻴﻪ !!
ﻣﻦ ﺷﺎﻓﺘﻨﻲ ﻻﺣﻈﺖ ﻧﻈﺮﻩ ﻏﺮﻳﺒﻪ ﻋﻠﻰ ﻭﺟﻬﺎ .. ﺑﺲ ﻣﻦ ﺩﺧﻠﺖ ﺳﺎﺭﻩ ﻛﻞ ﺷﻜﻠﻬﺎ ﺗﻐﻴﺮ ﻣﺎﺍﻋﺮﻑ ﻟﻴﺶ !!
ﺩﺧﻠﺖ ﻭﺑﻌﺪﻳﻦ ﺩﺧﻠﻮ ﺍﻟﺠﻬﺎﻝ ﺳﻠﻤﺖ ﻋﻠﻰ ﺍﻣﻲ ﻭﻛﻠﺘﻠﻬﺎ ﺑﻴﻨﻲ ﻭﺑﻴﻨﻬﺎ ،ﺣﺠﻴﻪ ﺍﺭﻳﺪﺝ ﺟﻮﻩ ﺑﻤﻮﺿﻮﻉ !
ﺍﻣﻲ ﻣﻦ ﺷﺎﻓﺖ ﺳﺎﺭﻩ ﻭﺣﺎﻟﺘﻬﺎ ﻋﺮﻓﺖ ﺻﺎﻳﺮ ﺷﻲ ﺑﻴﻨﻬﺎ ﻭﺑﻴﻦ ﻛﺮﺍﺭ .. ﺩﺧﻠﺖ ﻭﺩﺧﻠﻦ ﻭﺭﺍﻳﻪ .. ﺭﺣﺖ ﻟﻐﺮﻓﺔ ﺍﻟﺤﺠﻴﻪ ﻭﻫﻲ ﻟﺤﻜﺘﻨﻲ ..
ﺑﻘﺖ ﺗﺴﺄﻝ ﺷﺼﺎﻳﺮ ﻭﻟﻴﺶ ﺍﺟﺖ ﺳﺎﺭﻩ ﻭﺍﻟﺠﻬﺎﻝ ﻭﺗﺴﺘﻔﺴﺮ !
ﻛﻠﺘﻠﻬﺎ ﻣﺘﻌﺎﺭﻛﻪ ﻫﻲ ﻭﺭﺟﻠﻬﺎ ﻭﺍﻧﻲ ﺟﺒﺘﻬﺎ ﻫﻨﺎ ﺍﻟﻰ ﺍﻥ ﻳﻬﺪﺅﻭﻥ ﺍﺛﻨﻴﻨﻬﻢ ﺍﺷﻮﻳﻪ ﻭﻳﺠﻲ ﻳﺎﺧﺬﻫﺎ .
ﺑﻌﺪ ﻧﻘﺎﺵ ﻭﺣﻮﺍﺭ ﻃﻮﻳﻴﻴﻞ ﻋﺎﻓﺘﻨﻲ ﺍﻣﻲ !
ﻃﻠﻌﺖ ﻣﻦ ﻏﺮﻓﺘﻬﺎ ﻛﺒﻞ ﻟﻐﺮﻓﺘﻲ ﻟﻠﺤﻤﺎﻡ .. ﺳﺒﺤﺖ ﻭﻃﻠﻌﺖ ﻣﻴﺖ ﺟﻮﻉ .. ﻟﺒﺴﺖ ﺍﺗﺮﺍﻙ ﺍﺳﻮﺩ ﻭﺍﺑﻴﺾ ﻭﻧﺰﻟﺖ !..
ﻣﻠﻜﻴﺖ ﺍﺣﺪ ﺑﺲ ﺍﻟﺠﻬﺎﻝ ﻳﻠﻌﺒﻮﻥ ﺑﺎﻟﺤﺪﻳﻘﻪ ﻭ ﻭﻳﺎﻫﻢ ﺩﺍﻟﻴﺎ !!!!...
ﺑﻘﻴﺖ ﻭﺍﻛﻒ ﺑﺎﻟﻤﻄﺒﺦ ﺍﺑﺎﻭﻉ ﻋﻠﻴﻬﺎ ﺍﺷﻮﻥ ﺗﻠﻌﺐ ﺑﺎﻟﺠﻬﺎﻝ ﻉ ﺑﺎﻟﻚ ﻃﻔﻠﻪ ﻣﺜﻠﻬﻢ !..
ﺍﻭﻝ ﻣﺮﻩ ﺍﺷﻮﻓﻬﺎ ﺗﻀﺤﻚ ﻫﻴﺞ ﻭﺍﻻﺑﺘﺴﺎﻣﻪ ﻣﺎﻟﻴﻪ ﻭﺟﻬﻬﺎ .. ﻭﻳﺎﺍﺍﺍﺍﺍﺍﺍ ﺍﻟﻠﻪ ﺿﺤﻜﺘﻬﺎ ﺍﺷﻜﺪ ﺣﻠﻮﻩ !
ﺿﻠﻴﺖ ﺍﺭﺍﻗﺒﻬﺎ ﺑﺪﻫﺸﻪ ﻣﺴﺤﻮﺭ ﺑﺒﺮﺍﺋﺘﻬﺎ .. ﺍﻟﻲ ﻳﺸﻮﻓﻬﺎ ﻫﺴﻪ ﻣﻴﻜﻮﻝ ﻫﺬﻱ ﻧﻔﺴﻬﺎ ﺍﻡ ﺍﻟﻠﺴﺎﻥ ﺍﻟﻲ ﺗﺮﺍﺩﺩ ﻭﺗﺤﺠﻲ !
ﻣﺤﺴﻴﺖ ﻏﻴﺮ ﻋﻠﻰ ﺻﻮﺕ ﻭﺭﺍﻳﻪ ﺍﻧﺪﺍﺭﻳﺖ ﺟﺎﻥ ﺍﺷﻮﻑ ﺳﺎﺭﻩ ﻭﺍﻛﻔﻪ ﻭﻣﻜﺘﻔﻪ ﺍﻳﺪﻳﻬﺎ
.....
ﺳﺎﺭﻩ .. ﺑﻨﺒﺮﻩ ﺧﺒﻴﺜﻪ .. ﺷﻜﻠﻪ ﻋﺎﺟﺒﻚ ﺍﻟﻤﻨﻈﺮ !
ﺍﺳﻴﺪ .. ﺧﺰﺭﺗﻬﺎ ﺑﻨﻈﺮﺓ ﺍﺳﺘﺤﻘﺎﺭ ﻭﻣﺸﻴﺖ .. ﻫﻴﺞ ﺻﻼﻓﻪ ﻣﺸﺎﻳﻒ ﻗﺒﻞ ﺍﺷﻮﻳﻪ ﺧﻠﺼﺘﻬﺎ ﻣﻦ ﺍﻳﺪ ﻛﺮﺍﺭ ﻛﺎﻥ ﺣﻴﻤﻮﺗﻬﺎ ﻭﻫﺴﻪ ﻭﺍﻛﻔﻪ ﻛﺪﺍﻣﻲ ﺑﻜﻞ ﻭﻗﺎﺣﻪ ﻭﺗﺤﻘﻖ ﻭﻳﺎﻱ ﺍﻟﺼﻠﻔﻪ !
ﻋﻔﺘﻬﺎ ﻭﻃﻠﻌﺖ ﻣﻦ ﺍﻟﻤﻄﺒﺦ .. ﺣﺘﻰ ﻋﺸﻰ ﻣﺎﺍﺭﻳﺪ ﺍﻧﺴﺪﺕ ﻧﻔﺴﻲ .. ﺭﺣﺖ ﻟﻐﺮﻓﺘﻲ ﺭﺟﻌﺖ ﻧﻤﺖ .. ﻟﻠﺼﺒﺢ !
ﻛﻌﺪﺕ ﻣﻦ ﺍﻟﺼﺒﺢ ﻛﻠﺖ ﻣﺎ ﺩﺍﻡ ﺍﻟﻜﻞ ﻧﺎﻳﻢ ﺍﺭﻭﺡ ﺍﺳﻮﻳﻠﻲ ﻟﻜﻤﻪ ﻗﺒﻞ ﻟﻴﻜﻌﺪﻥ ﺍﻟﻨﺴﻮﺍﻥ ﺍﻟﻲ ﺑﺎﻟﺒﻴﺖ ﻣﺎ ﺷﺎﺀ ﺍﻟﻠﻪ ﺑﻴﺘﻨﺎ ﺻﺎﺭ ﻋﺒﺎﺭﻩ ﻋﻦ ﻧﺴﻮﺍﻥ .. ﻟﺒﺴﺖ ﺑﻴﺠﺎﻣﻪ ﺍﻟﺘﺮﺍﻙ ﻭﻓﺎﻧﻴﻠﻪ ﺩﺍﺧﻠﻴﻪ ﺧﻠﻴﺖ ﺍﻟﻤﻨﺸﻔﻪ ﻉ ﺭﮔﺒﺘﻲ ﻭﻧﺰﻟﺖ ..
ﻣﺤﺪ ﻛﺎﻋﺪ ﻭﺍﻟﺒﻴﺖ ﻫﺪﻭﺀ ... ﺍﻟﺤﻤﺪﻟﻠﻪ !..
ﺭﺣﺖ ﻟﻠﻤﻄﺒﺦ ﻓﺘﺤﺖ ﺍﻟﺜﻼﺟﻪ ﻃﻠﻌﺖ ﺣﻠﻴﺐ ﺷﺮﺑﺘﻪ .. ﻭﺧﻠﻴﺖ ﺍﻟﺠﺎﻱ ﻉ ﺍﻟﻨﺎﺭ ﺭﺍﺳﻲ ﻣﺼﺪﻉ ﻣﻦ ﺍﻟﺠﻮﻉ ﻭﺍﻟﻤﺸﺎﻛﻞ .. ﻃﻠﻌﺖ ﺑﻴﻀﺎﺕ ﻫﻢ ﺳﻠﻜﺘﻬﻦ ﻳﻌﻨﻲ ﺳﻮﻳﺖ ﺭﻳﻮﻙ ﺧﻔﻴﻒ .. ﺩﺍﺍﺧﻠﻲ ﺍﻻﻛﻞ ﺑﺎﻟﺼﻴﻨﻴﻪ ﻭﺟﺎﻥ ﺍﺳﻤﻊ ﻭﺍﺧﺪ ﺩﺧﻞ ﻟﻠﻤﻄﺒﺦ .. ﺍﻟﺘﻔﺘﺖ ﺷﻔﺘﻬﺎ ﻛﺪﺍﻣﻲ !...
ﺩﺍﻟﻴﺎ .. ﻣﻦ ﺷﻔﺘﻬﺎ ﺩﺧﻠﺖ ﺑﺲ ﻫﻲ ﻭﻳﺎ ﻣﺎﺍﻋﺮﻑ ﺷﺼﺎﺭﻟﻲ ﺣﺴﻴﺖ ﻣﻌﺪﺗﻲ ﻛﺎﻣﺖ ﺗﻜﻠﺐ ﻣﺪﺭﻱ ﺍﺷﺒﻴﻬﺎ .. ﺣﺘﻰ ﻣﻨﺘﺒﻬﺖ ﻋﻠﻰ ﺷﻜﻠﻬﺎ ﺑﺲ ﻟﻤﺤﺘﻬﺎ ﺩﺧﻠﺖ ﺩﺭﺕ ﻭﺟﻬﻲ ﻣﺎﺍﺗﺤﻤﻞ ﺍﺷﻮﻑ ﺧﻠﻘﺘﻬﺎ ﻛﺪﺍﻣﻲ .. ﻭﻓﻮﻛﺎﻫﺎ ﺟﺎﻳﻪ ﻭﻳﺎﻩ؟ !!
ﻣﻦ ﺩﺧﻠﻮ ﺭﺩﺕ ﺍﻛﻮﻡ ﺑﺲ ﺷﻔﺖ ﺍﻟﺠﻬﺎﻝ ﺩﺧﻠﻮ ﻳﺒﺠﻮﻥ ﻭﺣﻈﻨﻮ ﺍﻟﺤﺠﻴﻪ !..
ﺍﺳﺘﻐﺮﺑﺖ ﺍﺷﺒﻴﻬﻢ ﻫﺬﻭﻟﻲ ، ﻟﻮﻳﺶ ﻳﺒﺠﻮﻥ؟ !
ﺑﺎﻭﻋﺖ ﻋﻠﻰ ﺳﺎﺭﻩ ﺑﺴﺮﻋﻪ ﺍﻧﺘﺒﻬﺖ ﻋﻠﻰ ﻭﺟﻬﺎ ﻋﻼﻣﺎﺕ ﺯﺭﻛﻪ ﺑﻮﺟﻬﺎ ﺷﻜﻠﻬﺎ ﻣﻀﺮﻭﺑﻪ !!
ﺻﺢ ﺍﻧﻲ ﺍﻛﺮﻫﺎ ﻭﻫﻲ ﻣﺴﻤﻮﻣﻪ ﺑﺲ ﻛﺴﺮﺕ ﺧﺎﻃﺮﻱ ﺧﻄﻴﻪ ﻭﺟﻬﺎ ﺍﺯﺭﻙ ﻭﺍﻟﺠﻬﺎﻝ ﻳﺒﺠﻮﻥ ﺍﻧﻘﻬﺮﺕ ﻛﻮﻟﺶ ﻋﻠﻴﻬﻢ !
ﺑﺲ ﺑﻨﻔﺲ ﺍﻟﻮﻗﺖ ﺍﺣﺲ ﻧﻔﺴﻲ ﺍﺭﺗﺎﺣﻴﺖ ﻭﺷﻲ ﺑﺪﺍﺧﻠﻲ ﻓﺮﺡ ﻣﻮ ﺷﻤﺎﺗﻪ ﺑﻴﻬﺎ ﺍﻭ ﺑﻮﺿﻌﻬﺎ .. ﻻﺍﺍ .. ﺑﺲ ﺣﺴﻴﺖ ﺍﻧﻮ ﺍﺳﻴﺪ ﺟﺎﻳﺒﻬﺎ ﻟﻬﻨﺎ ﻟﻬﺬﺍ ﺍﻟﺴﺒﺐ .. ﺍﻟﺸﻌﻮﺭ ﻫﺬﺍ ﺍﺭﺑﻜﻨﻲ ﻣﺎﺍﻋﺮﻑ ﺍﺷﻮﻥ ﺍﻭﺻﻔﻪ ، ﻭﺷﻨﻮ ﻣﻌﻨﻰ؟ !!
ﺍﻟﻤﻬﻢ ..
ﺳﻠﻢ ﻋﻠﻰ ﺍﻣﻪ ﻭﺣﺠﻪ ﻭﻳﺎﻫﺎ ﺷﻲ ﻣﺴﻤﻌﺘﻪ ﺷﻨﻮ .. ﺑﻌﺪﻳﻦ ﺩﺧﻠﻮ ﻫﻮ ﻭﺍﻟﺤﺠﻴﻪ .. ﻭﺳﺎﺭﻩ ﻫﻢ ﻟﺤﻜﺘﻬﻢ .. ﺑﻘﻴﻨﺎ ﺍﻧﻲ ﻭﺍﻟﺠﻬﺎﻝ .. !
ﺣﺎﻭﻟﺖ ﺍﺣﺠﻲ ﻭﻳﺎﻫﻢ ﺍﺷﻮﻳﻪ .. ﺣﺴﻴﺘﻬﻢ ﺿﺎﻳﺠﻴﻦ ﻭﻣﻘﻬﻮﺭﻳﻦ ﻛﻮﻟﺸﻲ .. ﺍﻛﻴﺪ ﺍﻟﻲ ﺻﺎﻳﺮ ﺷﻲ ﻛﺒﻴﺮ ﻟﺤﺘﻰ ﻣﺄﺛﺮ ﺑﻴﻬﻢ ﻟﻬﺪﺭﺟﻪ !
ﺍﺷﻮﻳﻪ ﺍﺷﻮﻳﻪ .. ﻛﻠﻤﻪ ﻣﻨﺎ .. ﻣﺰﺣﻪ ﻣﻨﺎ .. ﺑﺪﻭ ﻳﺤﺠﻮﻥ .. ﻳﺒﺘﺴﻤﻮﻥ .. ﺑﻌﺪﻳﻦ ﺿﺤﻜﻨﺎ .. ﺣﺎﻭﻟﺖ ﻗﺪﺭ ﺍﻻﻣﻜﺎﻥ ﺍﻧﺴﻴﻬﻢ ﺍﻟﻲ ﻫﻤﻪ ﺑﻲ .. ﺑﻌﺪﻳﻦ ﻛﻤﺖ ﺍﺟﻴﺒﻠﻬﻢ ﺷﻲ ﻳﺸﺮﺑﻮ ﻋﺼﻴﺮ ﺍﻭ ﻣﻲ ﺧﻄﻴﻪ ﺗﻌﺒﻮ ﻣﻦ ﺍﻟﺮﻛﺾ ﻭﺍﻟﻠﻌﺐ !
ﺩﺧﻠﺖ .. ﻭﺍﻧﻲ ﺩﺍﺍﻣﺸﻲ ﺷﻔﺖ ﺳﺎﺭﻩ ﻓﻮﻙ ﻭﺍﻛﻔﻪ ﻳﻢ ﺍﻟﺒﺎﺏ ﻣﺎﻝ ﻏﺮﻓﺔ ﺍﻟﺤﺠﻴﻪ ﻭﺗﺘﺼﻨﻂ ﻋﻠﻴﻬﻢ !!
ﺍﺷﻜﺪ ﺟﺮﻳﺌﻪ ﻫﺎﻱ ﻣﺘﺨﺎﻑ ﺍﺣﺪ ﻳﺸﻮﻓﻬﺎ !..
ﺑﻌﺪﻳﻦ ﻓﻜﺮﺕ ﺍﻧﻲ ﺷﻌﻠﻴﻪ ﻫﻢ ﻋﺎﺋﻠﻪ ﻭﺣﺪﻩ ﺍﻧﻲ ﻣﻴﺨﺼﻨﻲ ﺑﺄﻟﻲ ﻳﺼﻴﺮ .. ﺳﻜﺘﺖ ﺑﺲ ﺗﺼﺮﻓﻬﺎ ﻛﺮﻫﻨﻲ ﺑﻴﻬﺎ ﺍﻛﺜﺮ ﻣﺎ ﺍﻧﻲ ﺍﻛﺮﻫﺎ .. ﺍﺧﺬﺕ ﺍﻟﻌﺼﻴﺮ ﻭﺭﺟﻌﺖ ﻟﻠﺠﻬﺎﻝ ﺑﻘﻴﺖ ﺍﺳﻮﻟﻒ ﻭﺍﻟﻠﻌﺐ ﻭﻳﺎﻫﻢ ﻟﺤﺪ ﻣﺎ ﺻﺎﺭﺕ ﺍﻟﺪﻧﻴﺎ ﻃﻠﻤﻪ .. ﻣﻦ ﺻﺪﻭﻙ ﺍﻧﻲ ﺗﻮﻧﺴﺖ ﺑﻬﺬﺍﻙ ﺍﻟﻴﻮﻡ .. ﺣﺴﻴﺖ ﻧﻔﺴﻲ ﻃﻔﻠﻪ ﻭﻳﺎﻫﻢ .. ﺍﻧﻲ ﺍﺑﺪ ﻣﻌﺸﺖ ﻃﻔﻮﻟﺘﻲ ﻣﺜﻞ ﺍﻟﺒﻘﻴﻪ .. ﻓﻤﻦ ﺷﻔﺘﻬﻢ ﺍﺷﻮﻥ ﻳﻠﻌﺒﻮﻥ ﻭﻓﺮﺣﺎﻧﻴﻦ ﺍﻧﺪﻣﺠﺖ ﻭﻳﺎﻫﻢ ﺭﺟﻌﻮﻧﻲ ﻟﻄﻔﻮﻟﺘﻲ !..
ﺍﻟﻰ ﺍﻥ ﺍﺟﺘﻲ ﺍﻟﺤﻴﻪ ﺍﻟﺼﻔﺮﻩ ﻭﺧﺮﺑﺖ ﻛﻮﻟﺸﻲ .. ﺑﻘﺖ ﺗﺼﻴﺢ ﻉ ﺍﻟﺠﻬﺎﻝ ﻭﺍﺧﺬﺗﻬﻢ ﺟﻮﻩ !!
ﻫﺎﻱ ﺍﺷﺒﻴﻬﺎ ﺛﻮﻝ .. ﻫﺴﻪ ﺍﻧﻲ ﺷﻤﺴﻮﻳﺘﻠﻬﺎ ﺑﺲ ﺍﺭﻳﺪ ﺍﻋﺮﻑ .. ﻳﻼ ﻃﺒﻬﺎ ﺣﻤﺲ ﻣﻌﻠﻴﻪ ﺑﻴﻬﺎ .
ﻛﺎﻟﻌﺎﺩﻩ ﺳﻮﻳﺖ ﻋﺸﻪ ﻟﻠﺤﺠﻴﻪ ﻭﺷﻔﺘﻬﺎ ﺷﻨﻮ ﺗﺮﻳﺪ ﻣﺘﺮﻳﺪ ﻭﺭﺣﺖ ﻧﻤﺖ !..
ﻛﻌﺪﺕ ﻣﻦ ﺍﻟﺼﺒﺢ ﻏﺴﻠﺖ ﻭﺑﺪﻟﺖ .. ﻟﺒﺴﺖ ﺗﺮﺍﻙ ﺻﻴﻔﻲ ﺑﺲ ﻋﺮﻳﺾ ﻣﻮ ﺿﻴﻖ ﻟﻮﻧﻪ ﻭﺭﺩﻱ ﻭﺑﺲ ﺩﺑﺒﻪ ﻟﻮﻧﻬﻢ ﺭﺻﺎﺻﻲ ﻭﺍﺳﻮﺩ .. ﻳﻌﻨﻲ ﻓﺪ ﺷﻲ ﻧﺎﺯﻙ ﻭﻣﺮﺗﺐ ، ﻭﻟﻔﻴﺖ ﺷﻌﺮﻱ ﻛﻮﻟﻪ ﻛﻌﻜﺎﻳﻪ .. ﻃﻠﻌﺖ ﺑﻮﺟﻬﻲ ﻟﻠﻤﻄﺒﺦ ﺟﺎﻥ ﺍﺷﻮﻓﻪ ﻭﺍﻛﻒ ﻛﺪﺍﻣﻲ .. ﻋﻀﻼﺗﻪ ﻭﻫﻮ !!
ﻳﺎ ﺭﺑﻴﻴﻴﻴﻴﻲ .. ﺍﺷﻮﻥ ﻣﻨﻈﺮ ﻣﻦ ﺍﻟﺼﺒﺢ ﻟﻮﻳﺶ ﻫﺎﻟﺘﻌﺬﻳﺐ !
ﺭﺩﺕ ﺍﺭﺟﻊ ﻟﻐﺮﻓﺘﻲ ﺑﺴﺮﻋﻪ ﻗﺒﻞ ﻟﻴﺸﻮﻓﻨﻲ ﺑﺲ ﺍﻟﻤﻨﻈﺮ ﺷﺪﻧﻲ .. ﺑﻘﻴﺖ ﺻﺎﻓﻨﻪ ﻋﻠﻴﻪ ﺍﺷﻮﻥ ﻳﺘﺤﺮﻙ .. ﻭﻳﺤﻀﺮ ﺑﺎﻟﺮﻳﻮﻙ .. ﻣﻨﻈﺮ ﻣﺘﺸﺒﻊ ﻣﻨﻪ ﺍﻟﻌﻴﻦ ﺍﻟﺸﻤﺲ ﻋﻠﻴﻪ ﺻﺎﺭ ﻳﻀﻮﻱ ﻭﺷﻌﺮﻩ ﻳﺠﻨﻦ ﻭﺍﻟﻲ ﻋﻠﻴﻬﻢ ﻛﻮﻟﻬﻢ ﺍﻟﺸﻴﺐ ﺍﻟﻲ ﺑﺮﺍﺳﻪ ﻳﺎ ﺭﺑﻴﻴﻴﻴﻲ ﻣﺎ ﺍﺗﺤﻤﻞ !
ﺧﻔﺖ ﻳﻠﺘﻔﺖ ﻭﻳﺸﻮﻓﻨﻲ ﺭﺩﺕ ﺍﺭﻭﺡ ﺟﺎﻥ ﺍﻟﻨﻌﺎﻝ ﻣﺎﻟﺘﻲ ﻃﻠﻊ ﺻﻮﺕ ﺑﺎﻟﻜﺎﻉ ﻫﻮ ﺑﺴﺮﻋﻪ ﺍﻟﺘﻔﺖ ﻭﺷﺎﻓﻨﻲ !..
ﻣﻌﺮﻓﺖ ﺷﻨﻮ ﺍﺣﺠﻲ ﻣﻦ ﻋﻴﻮﻧﻪ ﺍﺟﺖ ﺑﻌﻴﻮﻧﻲ .. ﺿﺎﻉ ﺍﻟﻜﻼﻡ .. ﺻﺎﺭ ﺍﻛﺜﺮ ﻣﻦ ﺷﻬﺮ ﻣﺸﺎﻳﻔﻪ ﻋﻴﻮﻧﻪ ﻭﻫﺴﻪ ﻫﻮ ﻛﺪﺍﻣﻲ !!
ﺳﻜﺘﺖ ﻭﺭﺩﺕ ﺍﺭﻭﺡ .. ﺟﺎﻥ ﻳﺤﺠﻲ !!
ﺍﺳﻴﺪ .. ﺷﻌﻨﺪﺝ ﻛﺎﻋﺪﻩ ﻣﻦ ﺍﻟﺼﺒﺢ؟ !
ﺩﺍﻟﻴﺎ .. ﺍﺳﺘﺠﻤﻌﺖ ﻛﻞ ﻃﺎﻗﺘﻲ ﺍﻟﻲ ﻋﻨﺪﻱ ﺣﺘﻰ ﻣﺎ ﺍﺧﺮﺑﻂ ﻛﺪﺍﻣﻪ ﺑﺎﻟﻜﻼﻡ .. ﺑﺼﻮﺕ ﻫﺎﺩﺉ .. ﺍﺭﻳﺪ ﺍﺳﻮﻱ ﺭﻳﻮﻙ ﻟﻠﺤﺠﻴﻪ .
ﺍﺳﻴﺪ .. ﺍﻣﻲ ﻣﺘﻜﻌﺪ ﻫﺴﻪ !
ﺩﺍﻟﻴﺎ .. ﻻ ﺍﻧﻲ ﻏﻴﺮﺕ ﻧﻮﻣﺘﻬﺎ .. ﺧﻠﻴﺘﻬﺎ ﺗﻜﻌﺪًﻣﻦ ﺍﻟﺼﺒﺢ ﺣﺘﻰ ﺗﻨﺎﻡ ﻣﻦ ﻭﻗﺖ ﺑﺎﻟﻠﻠﻴﻞ ﻭﻣﻴﺼﻴﺮ ﻋﺪﻫﺎ ﺍﺭﻕ ﻭﺗﻀﻄﺮ ﺗﺸﺮﺏ ﻣﻨﻮﻡ !
ﺍﺳﻴﺪ .. ﺑﺼﺮﺍﺣﻪ ﻓﺎﺟﺄﺗﻨﻲ ، ﻛﻞ ﻫﺬﺍ ﺍﻟﺘﻐﻴﻴﺮ ﺻﺎﻳﺮ ﺑﻐﻴﺎﺑﻲ ﻭﺍﻧﻲ ﻣﺎﺍﺩﺭﻱ .. ﺳﻜﺘﺖ ﻣﺤﺠﻴﺖ ﺷﻲ .. ﺟﺎﻥ ﺗﺪﻳﺮ ﻭﺟﻬﻪ ﻭﺗﺮﻳﺪ ﺗﻄﻠﻊ !!
ﻛﻠﺘﻠﻬﺎ ﻭﻳﻦ ؟ !!
ﺩﺍﻟﻴﺎ .. ﻟﻤﺎ ﺗﻜﻤﻞ ﺍﺟﻲ ﻣﺎﺍﺭﻳﺪ ﺍﺯﻋﺠﻚ .
ﺍﺳﻴﺪ .. ﺗﻌﺎﻟﻲ ﺳﻮﻱ ﺷﻐﻠﺞ ﺭﺍﺡ ﺍﻃﻠﻊ ﺍﻧﻲ .
ﺩﺍﻟﻴﺎ .. ﻣﺤﺠﻴﺖ ﺷﻲ ﻭﻳﺎ ﺑﺪﻳﺖ ﺍﺣﻀﺮ ﺍﻟﺮﻳﻮﻙ .. ﻭﺍﻧﻲ ﺳﺎﻛﺘﻪ ﻣﺤﺠﻴﺖ ﺷﻲ ﺑﺲ ﺍﺣﺲ ﺻﻮﺕ ﺩﻛﺎﺕ ﮔﻠﺒﻲ ﻣﺎﻟﻴﻪ ﺍﻟﻤﻄﺒﺦ !
ﻃﻠﻌﺖ ﺑﻄﻞ ﺍﻟﺤﻠﻴﺐ ﺍﺭﻳﺪ ﺍﻓﺘﺤﻪ ﻣﻴﻨﻔﺘﺢ ﻗﻮﻱ .. ﺣﺎﻭﻟﺖ ﻭﻳﺎ ﺭﺩﺕ ﺍﻓﺘﺤﻪ ﻣﺎﻛﻮﻭﻭ ﻣﻴﻔﻴﺪ .. ﺍﺷﻮﻥ ﻭﺭﻃﻪ ﻫﺎﻱ؟ !!
ﺑﺪﻭﻥ ﺍﻱ ﻣﻘﺪﻣﺎﺕ ﺍﻭ ﺍﻱ ﻛﻼﻡ .. ﺟﺎﻥ ﻳﺠﺮﻩ ﻣﻦ ﺍﻳﺪﻱ !!
ﺍﺳﻴﺪ .. ﺷﻔﺘﻬﺎ ﺩﺗﺤﺎﻭﻝ ﺗﻔﺘﺢ ﺍﻟﺤﻠﻴﺐ ﻣﺘﻜﺪﺭ .. ﺑﻘﻴﺖ ﺍﺑﺎﻭﻉ ﻋﻠﻴﻬﺎ ﻭﻣﺒﺘﺴﻢ ﺑﻼ ﻣﺎﺍﺣﺲ .. ﻣﺎﺍﺩﺭﻱ ﻟﻴﺶ ﻫﻲ ﺍﻟﻮﺣﻴﺪﻩ ﺍﻟﻲ ﺍﺑﺘﺴﻢ ﻣﻦ ﺩﺍﺧﻠﻲ ﻉ ﺗﺼﺮﻓﺎﺗﻬﺎ .. ﺑﻘﺖ ﺗﻔﺘﺢ ﺑﻲ ﻣﻨﻔﺘﺢ !
ﻋﺠﺒﻨﻲ ﺍﺻﺮﺍﺭﻫﺎ ﻉ ﺍﻟﻤﺤﺎﻭﻟﻪ ﻭﻋﺪﻡ ﺍﺳﺘﺴﻼﻣﻬﺎ ﺭﻏﻢ ﺍﻧﻮ ﺍﻟﺒﻄﻞ ﻛﻠﺶ ﻗﻮﻱ ﺑﺲ ﺑﻘﺖ ﺗﺤﺎﻭﻝ .. ﻭﻣﻄﻠﺒﺖ ﻣﺴﺎﻋﺪﺗﻲ .. ﻗﺮﺭﺕ ﺍﻓﺘﺤﻪ ﻗﺒﻞ ﻻ ﻳﻨﻜﺴﺮ ﺑﺄﻳﺪﻫﺎ ﻭﺗﺴﻮﻳﻠﻨﺎ ﻣﺸﻜﻠﻪ ﻭﺗﻌﺎﻝ ﻳﺎ ﺍﺳﻴﺪ ﺿﻤﺪ !
ﺟﺮﻳﺘﻪ ﻣﻦ ﺍﻳﺪﻩ ﻓﺘﺤﺘﻪ ﻭﺧﻠﻴﺘﻪ ﻛﺪﺍﻣﻬﺎ .. ﻣﺤﺠﺖ ﺷﻲ ﺣﺘﻰ ﻣﻜﺎﻟﺖ ﺷﻜﺮﺍ !
ﺩﺍﻟﻴﺎ .. ﺍﺷﻜﺪ ﻫﻤﺠﻲ ﻫﺎﻟﻤﺨﻠﻮﻕ ﻣﻴﻌﺮﻑ ﻳﺴﺘﺄﺫﻥ ﻳﺤﺠﻲ .. ﻛﺒﻞ ﺟﺮﻩ ﻣﻦ ﺍﻳﺪﻱ ﻭﻓﺘﺤﻪ .. ﺍﻧﻲ ﻫﻢ ﻣﺤﺠﻴﺖ ﺷﻲ ﻭﻻ ﺷﻜﺮﺗﻪ ﻻﻥ ﺍﺳﻠﻮﺑﻪ ﻛﺎﻥ ﻣﺴﺘﻔﺰ !
ﺍﺧﺬﺕ ﺍﻟﺤﻠﻴﺐ ﻭﺧﻠﻴﺘﻪ ﻉ ﺍﻟﻨﺎﺭ .. ﺑﻌﺪﻳﻦ ﺭﺣﺖ ﺩﻭﺭﺕ ﻉ ﺍﻟﺸﻜﺮ ﻣﺎﻛﻮﻭ ﻟﻜﻴﺖ ﺍﻟﻌﻠﺒﻪ ﻓﺎﺭﻏﻪ !!
ﻭﺍﻟﻌﻠﺒﻪ ﺍﻟﻜﺒﻴﺮﻩ ﻓﻮﻙ ﺍﻟﻜﺎﻭﻧﺘﺮ ﻭﻣﺎ ﺍﻟﻮﺡ !!
ﺣﺎﻭﻟﺖ ﺍﺟﻴﺒﻬﺎ .. ﻫﻢ ﻣﻜﺪﺭﺕ ﻳﺮﺍﺩ ﺍﺛﻨﻴﻦ ﺑﻄﻮﻟﻲ ﻳﻼ ﻳﻠﻮﺣﻮﻫﺎ ، ﻣﺎﺍﻋﺮﻑ ﺍﻡ ﻋﺎﺩﻝ ﺍﺷﻮﻥ ﺗﺪﺑﺮ ﺍﻣﻮﺭﻫﺎ ﺑﺎﻟﻤﻄﺒﺦ ﻭﻫﻲ ﻫﻢ ﻣﻮ ﻃﻮﻳﻠﻪ ﺑﺲ ﺍﻃﻮﻝ ﻣﻨﻲ ﺍﺷﻮﻳﻪ !..
ﺑﻘﻴﺖ ﺍﻣﺪ ﺑﺄﻳﺪﻱ ﻛﻠﺖ ﺑﻠﻜﻲ ﻳﺸﻮﻓﻨﻲ ﻭﻳﻨﺰﻟﻬﺎ ﻻﻥ ﻣﺎﺍﺭﻳﺪ ﺍﻃﻠﺐ ﻣﻨﻪ ﻭﺍﺫﻝ ﻧﻔﺴﻲ .. ﻫﻮ ﺑﻼ ﺷﻲ ﺷﺎﻳﻒ ﻧﻔﺴﻪ ﻭﺍﻃﻠﺐ ﻣﻨﻪ ﺷﻲ ﻣﻨﺨﻠﺺ ﻏﻴﺮ !
ﺑﺎﻭﻋﺖ ﻋﻠﻴﻪ ﺧﻄﻔﻪ ﺷﻔﺘﻪ ﻳﺒﺎﻭﻋﻠﻲ ﻭﻳﺒﺘﺴﻢ !!
ﺍﻟﻈﺎﻫﺮ ﻋﺎﺟﺒﻪ ﺍﻟﻤﻨﻈﺮ ﺍﻟﺨﺒﻴﺚ .. ﺣﺘﻰ ﻣﻜﻠﻒ ﻧﻔﺴﻪ ﻭﻧﺰﻟﻬﺎ ﺍﻟﻲ !!
ﻣﺎﺷﻲ ﺍﻟﻠﻪ ﻟﻴﻌﻮﺯﻧﻲ ﻟﺸﻜﻮﻟﻪ .. ﺭﺣﺖ ﺟﺒﺖ ﺍﻟﻜﺮﺳﻲ ﻭﺻﻌﺪﺕ ﺟﺮﻳﺖ ﺍﻟﻌﻠﺒﻪ .. ﻛﺎﻧﺖ ﻣﻠﻴﺎﻧﻪ ﻭﺛﻘﻴﻠﻪ ﺣﻴﻞ .. ﻫﻲ ﺟﺮﻩ ﻭﻫﻲ ﻭﻛﻌﻪ ﻣﻦ ﺍﻟﻜﺮﺳﻲ .. ﻣﺎ ﺣﺴﻴﺖ ﻏﻴﺮ ﺍﻧﻲ ﺑﺤﻈﻨﻪ !!!!!!
ﻻ ﻻ ﻻ ﻣﻮﻭﻭﻭ ﻣﻌﻘﻮﻝ ﺍﻟﻲ ﺩﻳﺼﻴﺮ ﺍﺷﻮﻥ ﻣﻮﻗﻒ ﻫﺬﺍ .. ﺍﺷﺠﺎﺑﻚ ﻋﻠﻴﻪ ﻟﻮﻳﺶ ﻟﺰﻣﺘﻨﻲ .. ﮔﻠﺒﻲ ﺍﺣﺴﻪ ﺣﻴﻨﻔﺠﺮ ﻣﻦ ﻛﺪ ﺳﺮﻋﺘﻪ .. ﻳﻨﺒﺾ ﺑﻘﻮﻩ .. ﺑﺴﺮﻋﻪ ﺳﺪﻳﺖ ﻋﻴﻮﻧﻲ ﻭﺑﻘﻴﺖ ﻣﻐﻤﻀﻪ ﻣﺎ ﺍﺭﻳﺪ ﺍﻓﺘﺤﻬﻢ ﻭﺍﺷﻮﻑ ﻧﻔﺴﻲ ﻭﻳﻦ !!
ﺑﺲ ﺍﻟﻲ ﺻﺎﺭ ﺑﻌﺪﻳﻦ ﺧﻼﻧﻲ ﺍﻓﺘﺤﻬﻢ ﺑﺼﺪﻣﻪ ... ﺻﻮﺕ ﺳﺎﺭﻩ ﺍﻟﺨﺒﻴﺚ
ﺳﺎﺭﻩ .. ﻫﺎﻟﻠﻪ ﻫﺎﻟﻠﻪ ﺷﻨﻮﻫﺎﻱ؟ !!!
ﻟﻠﺤﻜﺎﻳﻪ ﺑﻘﻴﻪ ️❤
ﺭﺃﻳﻜﻢ ﺑﺎﻻﺣﺪﺍﺙ ﻭﺗﻮﻗﻌﺎﺗﻜﻢ
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء