رواية في أرض الغرام انت دولتي ج1 الجزء الثالث
للكاتبة الأميرة الموسوية
...
ﺍﺳﻴﺪ .. ﺑﺼﻮﺕ ﺟﺎﻣﺪ ﻭﻏﺎﺿﺐ ، ﺍﻧﺘﻲ ﻣﻨﻮﻭﻭﻭ ﻭﺷﺠﺎﺑﺞ ﻟﻬﻨﺎ؟
ﺩﺍﻟﻴﺎ .. ﺑﺼﻮﺕ ﻳﺮﺟﻒ ﻭﺧﻮﻑ ، ﻋﻔﻴﻪ ﻟﺘﺮﻣﻲ ﻭﺍﻧﻲ ﺍﻛﻮﻟﻚ ﻛﻮﻟﺸﻲ ﻭﺍﻟﺮﺏ ﺑﺲ ﻟﺘﻤﻮﺗﻨﻲ
ﺃﺳﻴﺪ .. ﺳﻤﻌﺖ ﺻﻮﺗﻬﺎ ﻳﺮﺟﻒ ﻭ ﻭﺍﺿﺢ ﻋﻠﻴﻬﺎ ﺍﻟﺨﻮﻑ ، ﻣﺎ ﻫﻤﻨﻲ ﺧﻮﻓﻬﺎ ﺑﻚ ﻣﺎ ﺯﻋﺠﻨﻲ ﺻﻮﺗﻬﺎ ﺍﺷﻜﺪ ﺍﺗﺨﺒﻞ ﻣﻦ ﺻﻮﺕ ﺍﻟﻨﺴﻮﺍﻥ ، ﻃﺒﻌﺎً ﺍﻟﻤﺴﺎﻓﻪ ﺍﻟﻲ ﺗﻔﺼﻞ ﺑﻴﻨﻲ ﻭﺑﻴﻨﻬﺎ ﺗﻘﺮﻳﺒﺎً ﻣﺘﺮ ﺍﻭ ﻣﺘﺮ ﻭﻧﺺ ، ﻻﻧﻮ ﺍﻟﻜﺮﻓﺎﻥ ﻣﻮ ﻛﺒﻴﺮ ، ﻳﺎ ﺩﻭﺏ ﻣﺎﺧﺬ ﺍﻻﺳﺮﻩ ﻭﺩﻭﺍﻻﻳﺐ ﺍﻟﻤﻼﺑﺲ !
ﺑﻘﻴﺖ ﺍﻟﻤﺴﺪﺱ ﻭﺍﻟﻼﻳﺖ ﻣﻮﺟﻬﺎﺕ ﻋﻠﻴﻬﺎ ﻭﺑﻬﺪﻭﺀ ﻣﺸﻴﺖ ﻓﺘﺤﺖ ﺍﻟﻀﻮﻩ !!
ﺍﻭﻝ ﻣﺎ ﺍﻧﻔﺘﺢ ﺍﻟﻀﻮﻩ ﻫﻲ ﻧﺰﺕ .. ﺑﺎﻭﻋﺖ ﻋﻠﻴﻬﺎ ﻧﺎﻋﻤﻪ ﻭﺍﻟﺸﻌﺮ ﺍﺳﻮﺩ ﻣﻐﻄﻲ ﻛﻞ ﺿﻬﺮﻫﺎ ﺑﺲ ﺩﺍﻳﺮﻩ ﻭﺟﻬﺎ ﻉ ﺍﻟﺒﺎﺏ ﻭﻣﺨﻠﻴﻪ ﺍﻳﺪﻳﻨﺎﺗﻬﺎ ﻋﻠﻰ ﺍﻟﺒﺎﺏ ﻣﺎﺧﺬﻩ ﻭﺿﻊ ﺍﻟﻲ ﺩﻳﺴﻠﻢ ﻧﻔﺴﻪ !!
ﻫﺬﻱ ﺷﻜﻠﻬﺎ ﺍﺭﻫﺎﺑﻴﻪ ﻛﻔﺸﺘﻬﺎ ﻭﻫﻲ ﻭﺗﻌﺮﻑ ﺍﺷﻮﻥ ﺗﺎﺧﺬ ﻭﺿﻊ ﺍﻻﺳﺘﺴﻼﻡ ، ﺍﻛﻴﺪ ﺍﺭﻫﺎﺑﻴﻪ !!
.. ﺑﻘﻴﺖ ﻣﻮﺟﻪ ﺍﻟﺴﻼﺡ ﻋﻠﻴﻬﺎ ﻭﺑﺼﻮﺕ ﺣﺎﺩ ﻛﻠﺘﻠﻬﺎ
ﺍﻳﺪﻳﺞ ﺑﻘﻴﻬﻢ ﻣﺮﻓﻮﻋﻪ ﻭﺍﻧﺪﺭﺍﻱ ﻋﻠﻴﻪ ، ﻭﺧﻠﻲ ﺍﺑﺎﻟﺞ ﺣﺮﻛﻪ ﻭﺣﺪﻩ ﻣﻨﺞ ﺍﻓﺮﻍ ﺍﻟﻤﺴﺪﺱ ﺑﺮﺍﺳﺞ
ﺩﺍﻟﻴﺎ .. ﮔﻠﺒﻲ ﻳﺮﺟﻒ ﺑﻘﻮﻩ ﺩﺍﺍﺣﺲ ﻧﻔﺴﻲ ﺣﻤﻮﺕ ﻣﻦ ﺍﻟﺨﻮﻑ ﻭﻫﺬﺍ ﻳﻜﻮﻟﻲ ﺍﻓﺮﻍ ﺍﻟﻤﺴﺪﺱ ﺑﺮﺍﺳﺞ !!
ﻫﻲ ﻫﺬﻱ ﺍﻟﻨﺎﻗﺼﻪ ﻉ ﺍﺳﺎﺱ ﺍﻟﻲ ﺑﻴﻪ ﻗﻠﻴﻞ ﻭﺩﻳﺮﻋﺒﻨﻲ ﺑﺎﻻﻛﺜﺮ ، ﺳﻤﻌﺖ ﻛﻼﻣﻪ ﻭﻧﻔﺬﺕ ﺑﺎﻟﺤﺮﻑ .. ﺍﻧﺪﺍﺭﻳﺖ ﻋﻠﻴﻪ ﺑﻬﺪﻭﺀ ﺑﺲ ﺭﺍﺳﻲ ﻣﺪﻧﻜﺘﻪ ﻭﺟﺴﻤﻲ ﻛﻮﻟﻪ ﻳﺮﺟﻒ !
ﺍﺳﻴﺪ .. ﺍﻧﺪﺍﺭﺕ ﺑﺲ ﻫﻢ ﻣﺸﻔﺘﻬﺎ ﺑﻌﺪﻧﻲ ﻻﻥ ﻣﻨﺰﻟﻪ ﺭﺍﺳﻬﺎ ﻭﺍﻟﺸﻌﺮ ﻣﻐﻄﻴﻬﺎ ﺍﺗﻜﻮﻝ ﻭﺻﻠﻪ ﻣﺎﻝ ﻗﻤﺎﺵ ﺳﻮﺩﻩ ﻭﻣﻐﻄﻴﺘﻬﺎ ﻣﻮ ﺷﻌﺮ !
ﻛﻠﺘﻠﻬﺎ
ﺍﻧﺘﻲ ﻣﻨﻮﻭﻭ ، ﺷﺠﺎﺑﺞ ﻟﻬﻨﺎ ، ﻭﺍﺷﻠﻮﻥ ﺩﺧﻠﺘﻲ ﻟﻠﻤﻌﺴﻜﺮ ، ﻭﻣﻨﻮ ﻭﻳﺎﺝ ﺑﻌﺪ؟ _
ﺍﺣﺠﻴﻠﻲ ﺑﺎﻟﺘﻔﺼﻴﻞ ﻭﺩﻳﺮﻱ ﺑﺎﻟﺞ ﺗﻜﺬﺑﻴﻦ ﻻﻥ ﻛﺬﺑﻪ ﻭﺣﺪﻩ ﺗﻨﻬﻲ ﺣﻴﺎﺗﺞ .
ﺩﺍﻟﻴﺎ .. ﺑﻘﻴﺖ ﻣﺤﺎﻓﻈﻪ ﻋﻠﻰ ﻫﺪﻭﺋﻲ ﺑﺲ ﺍﺣﺲ ﺭﺟﻠﻴﻪ ﺩﺗﻄﻜﻄﻚ ﻣﻦ ﺍﻟﺨﻮﻑ ، ﻭﻛﻠﺒﻲ ﺣﻴﻨﻔﺠﺮ ﻣﻦ ﺍﻟﺮﻋﺒﻪ .. ﺑﺼﻮﺕ ﺟﺎﻣﺪ ﻭﺍﻧﻲ ﻣﺪﻧﻜﻪ ﻛﻮﻟﺘﻠﻪ ..
.. ﻣﺤﺪ ﻭﻳﺎﻱ ﺍﻧﻲ ﻟﺤﺎﻟـ _
!! ﺑﻌﺪﻧﻲ ﻣﻤﻜﻤﻠﻪ ﻗﺎﻃﻌﻨﻲ
ﺍﺳﻴﺪ .. ﻟﻤﺎ ﺃﺳﺄﻟﺞ ﺗﺮﻓﻌﻴﻦ ﺭﺍﺳﺞ ﻭﺗﺠﺎﻭﺑﻴﻦ ، ﻭﻣﺎﺍﻋﻴﺪ ﺍﻟﻜﻼﻡ .
ﺩﺍﻟﻴﺎ .. ﺻﻮﺗﻪ ﻳﺨﻠﻲ ﮔﻠﺒﻲ ﻳﺮﺟﻒ ﻣﻦ ﺍﻟﺨﻮﻑ ﻭﻧﺒﺮﺓ ﺍﻟﺘﻬﺪﻳﺪ ﺍﻟﻲ ﺑﻴﻬﺎ ﺗﺪﻝ ﻋﻠﻰ ﺍﻧﻮ ﻫﺬﺍ ﺍﻟﺸﺨﺺ ﻏﻴﺮ ﻗﺎﺑﻞ ﻟﻠﻨﻘﺎﺵ .. ﻓﺒﻼ ﺍﻱ ﻛﻼﻡ ﺭﻓﻌﺖ ﺭﺍﺳﻲ ﻭﺩﺍﺍﺭﻳﺪ ﺍﺟﺎﻭﺑﻪ ﺑﺲ ﺍﻟﻲ ﺷﻔﺘﻪ ﺧﻼﻧﻲ ﺍﻧﺨﺮﺱ ﻣﺎﺍﻧﻄﻖ ﻭﻻ ﺣﺮﻑ !!
ﺍﻭﻭﻭﻭﻭﻭﻭﻭ ﻣﺎ ﺍﻛﺪﺭ ﺍﻭﺻﻔﻠﻜﻢ ﺍﻟﻲ ﺷﻔﺘﻪ !!!!
ﻧﺴﻴﺖ ﺍﻧﻲ ﻣﻨﻮ ، ﺣﺘﻰ ﺍﻟﻤﺼﻴﺒﻪ ﺍﻟﻲ ﺍﻧﻲ ﺑﻴﻬﺎ ﻧﺴﻴﺘﻬﺎ ﻣﻦ ﺷﻔﺘﻪ .. ﻣﻦ ﻫﺴﻪ ﺍﻛﻮﻟﻠﻜﻢ ﺧﻠﺺ ﻟﻜﻴﺖ ﻓﺎﺭﺱ ﺍﺣﻼﻣﻲ .
ﺭﻓﻌﺖ ﺭﺍﺳﻲ ﺷﻔﺖ ﻭﺍﺣﺪ ﻃﻮﻳﻞ ﻻﺑﺲ ﺑﺲ ﻓﺎﻧﻴﻠﻪ ﺩﺍﺧﻠﻴﻪ ﻭﺑﻴﺠﺎﻣﻪ ، ﺍﻟﻈﺎﻫﺮ ﻛﺎﻥ ﻧﺎﻳﻢ ﺍﻟﻤﺴﻜﻴﻦ ﻭﺍﻧﻲ ﺭﻋﺒﺘﻪ !!
ﺟﺴﻤﻪ ﻳﺠﻨﻦ ﻣﻮ ﻣﻌﻀﻞ ﻭﻧﺸﺎﺯ ﻻﺍﺍﺍ ﻓﺪ ﺷﻲ ﻧﺎﺯﻙ ، ﺷﻌﺮﻩ ﺍﺳﻮﺩ ﻭﺑﻲ ﺧﺼﻼﺕ ﺷﻴﺐ ﻳﺎﺍﺍﺍﺍﺍﺍﺍﺍ ﺭﺑﻲ ﻣﺎ ﺍﻛﺪﺭ ﺍﺗﻨﻔﺲ ﻣﻦ ﺍﻟﻮﺳﺎﻣﻪ ﺍﻟﻲ ﺷﺎﻳﻠﻬﺎ !..
ﻋﻮﻓﻮ ﻫﺬﺍ ﻛﻮﻟﻪ ﻭﺭﻛﺰﻭﻟﻲ ﻋﻠﻰ ﻋﻴﻮﻧﻪ ﻳﺎ ﺭﺑﻲ ﻳﺎ ﻋﻴﻮﻧﻪ ..... ﺷﺎﻳﻔﻴﻦ ﻟﻮﻥ ﺍﻟﻜﺮﻩ ﺍﻻﺭﺿﻴﻪ ﻣﻦ ﺍﻟﻔﻀﺎﺀ !!
ﻫﻴﺞ ﻟﻮﻥ ﻋﻴﻮﻧﻪ ﻳﺴﺤﺮ ﻳﺴﺤﺮﺭﺭﺭﺭﺭ !
ﺭﺻﺎﺻﻲ ﻣﺎﺍﺩﺭﻱ ﺍﺯﺭﻕ ﻣﺎﺍﺩﺭﻱ ﺍﺧﻀﺮ .. ﻟﻮﻥ ﻋﺠﻴﺐ ﻏﺮﻳﺐ ﻣﻼﻣﺢ ﻭﺟﻬﻪ ﺣﺎﺩﻩ !
ﺑﺲ ﻋﻴﻮﻧﻪ ﺑﻴﻬﺎ ﺷﻲ ﻏﺮﻳﺐ ﺍﺣﺴﻪ ﻣﺜﻞ ﺍﻟﻘﺮﻓﺎﻥ ﻣﻨﻲ ﺍﻭ ﻣﻴﺘﺤﻤﻞ ﻳﺸﻮﻓﻨﻲ ﺍﺻﻼ !!
ﺑﻌﺪ ﻣﺎ ﺷﻔﺘﻪ ﺍﻧﺼﺪﻣﺖ ﻣﺤﺠﻴﺖ ﺍﻱ ﻛﻠﻤﻪ ﺑﻘﻴﺖ ﺑﺲ ﺻﺎﻓﻨﻪ ﺑﻬﺬﺍ ﺍﻟﻜﺎﺋﻦ ﺍﻟﻲ ﻛﺪﺍﻣﻲ .. ﺭﺣﺖ ﻟﻐﻴﺮ ﻋﺎﻟﻢ .
ﻃﺒﻌﺎً ﺍﻧﻲ ﻭﺻﺪﻳﻘﺘﻲ ﺳﻠﻤﻰ ﺩﺍﺋﻤﺎً ﻧﺘﻌﺎﺭﻙ ﻫﻲ ﻣﻦ ﺗﺸﻮﻑ ﺩﺍﻧﻲ ﺗﺬﻭﺏ ﺍﻟﻐﺒﻴﻪ ، ﻛﺎﻧﺖ ﺗﺤﺒﻪ ﻟﺪﺭﺟﻪ ﺍﻟﻐﺒﺎﺀ ﺑﺤﻴﺚ ﻟﻤﺎ ﺗﺸﻮﻓﻪ ﻣﺘﻌﺮﻑ ﺍﺷﻮﻥ ﺗﺘﺼﺮﻑ ، ﺩﺍﻧﻲ ﺷﺨﺺ ﻛﻮﻟﺶ ﺣﻠﻮﻭ ﻭﻣﺜﻘﻒ ﻫﻮ ﺳﻨﻪ ﺛﺎﻧﻴﻪ ﻛﻠﻴﻪ ﻭﻳﺎﻫﺎ ، ﺑﺲ ﺍﻧﻲ ﺑﻌﺪﻧﻲ ﺑﺎﻻﻋﺪﺍﺩﻳﻪ !
ﺍﻟﻤﻬﻢ ﺍﻧﻲ ﺑﺲ ﺍﺑﻘﻰ ﺍﺿﺤﻚ ﻋﻠﻴﻬﺎ ، ﻫﻲ ﺩﺍﺋﻤﺎً ﺍﺗﻜﻮﻟﻲ ﺭﺍﺡ ﻳﺠﻲ ﻳﻮﻡ ﺗﺸﻮﻓﻴﻦ ﻭﺍﺣﺪ ﻳﺨﻠﻴﺞ ﺗﺤﺴﻴﻦ ﻧﻔﺲ ﻫﺬﺍ ﺷﻌﻮﺭﻱ ، ﻛﻨﺖ ﺍﺿﺤﻚ ﻋﻠﻰ ﻋﻘﻠﻬﺎ ﻣﻨﻮﻟﺪ ﺍﻟﻲ ﻳﺠﺬﺏ ﺍﻧﺘﺒﺎﻫﻲ ﺍﺻﻼً !
ﺑﺲ ﻣﻦ ﺷﻔﺖ ﻫﺬﺍ ﺍﻟﻤﺨﻠﻮﻕ ﻣﻦ ﺻﺪﻭﻙ ﻋﺬﺭﺕ ﺳﻠﻤﻰ ﻳﻤﻜﻦ ﻣﺘﺼﺪﻛﻮﻧﻲ ﺑﺲ ﻭﺍﻟﺮﺏ ﻭﮔﻌﺖ ﺑﺤﺒﻪ ﻣﻦ ﺃﻭﻝ ﻧﻈﺮﻩ !!
ﺍﻭﻝ ﻣﺎ ﺍﺟﺖ ﻋﻴﻨﻲ ﺑﻌﻴﻨﻪ ﻗﺮﺭﺕ ﻫﺬﺍ ﺍﻟﺸﺨﺺ ﻣﻴﺼﻴﺮ ﻏﻴﺮ ﺍﻟﻲ
...
ﺍﻟﺤﺎﺻﻞ ...
ﻭﺍﻧﻲ ﺻﺎﻓﻨﻪ ﺑﻲ ﻭﺳﺮﺣﺎﻧﻪ ﻓﺰﺯﻧﻲ ﺻﻮﺗﻪ ﺍﻟﻲ ﻳﺮﻋﺐ ﻉ ﺑﺎﻟﻚ ﺻﻮﺕ ﺍﺳﺪ ﺩﻳﺰﺋﺮ !
ﺍﺳﻴﺪ .. ﻟﺞ ﺍﻧﺘﻲ ﻏﺒﻴﻪ ﻟﻮ ﺗﺘﻐﺎﺑﻴﻦ؟ !
ﺳﺄﻟﺘﺞ ﺳﺆﺍﻝ ﺟﺎﻭﺑﻲ ﻻ ﺍﺧﻠﻲ ﻃﻠﻘﻪ ﺑﺮﺍﺳﺞ ﻭﺍﻧﻬﻴﺞ ﻫﺴﻪ .
ﺩﺍﻟﻴﺎ .. ﻓﺠﺄﻩ ﺍﻟﺮﺟﻔﻪ ﺭﺟﻌﺖ ﺍﻟﺠﺴﻤﻲ ﻣﻦ ﺳﻤﻌﺖ ﺻﻮﺗﻪ ، ﻣﻦ ﺻﺪﻭﻙ ﺷﻜﻠﻪ ﻭﻫﻮ ﻳﺤﺠﻲ ﻉ ﺑﺎﻟﻚ ﻭﺣﺶ ﻳﺮﻳﺪ ﻳﻨﻘﺾ ﻋﻠﻰ ﻓﺮﻳﺴﺘﻪ !
ﻣﺎﺍﻋﺮﻑ ﺷﻨﻮ ﻫﺎﻟﻜﺮﻩ ﻫﺬﺍ ﺍﻟﻲ ﺑﻌﻴﻮﻧﻪ ، ﻟﻮ ﻣﺎ ﺃﻭﻝ ﻣﺮﻩ ﺍﺷﻮﻓﻪ ﻛﻠﺖ ﻋﻨﺪﻩ ﺛﺎﺭ ﻭﻳﺎﻱ ﻟﻮ ﻗﺎﺗﻠﻪ ﻭﺍﺣﺪ ﻣﻦ ﺍﻫﻠﻪ !
ﻻﻥ ﻧﻈﺮﺍﺕ ﺍﻟﻜﺮﻩ ﻭﺍﻻﺣﺘﻘﺎﺭ ﺑﻌﻴﻮﻧﻪ ﻣﻮ ﻃﺒﻴﻌﻴﻪ .. !
ﺍﻟﻤﻬﻢ ﮔﻠﺖ ﺧﻠﻲ ﺍﺟﺎﻭﺑﻪ ﻭﺍﺧﻠﺺ ﺭﻭﺣﻲ ﻣﻨﻪ ﻻﻥ ﺷﻜﻠﻪ ﻧﺎﻭﻱ ﻳﻤﻮﺗﻨﻲ ﻣﻮ ﺷﻘﻪ .
ﺑﻠﻌﺖ ﺭﻳﮕﻲ ﻭﺑﺼﻮﺕ ﻳﺮﺟﻒ ﻛﻠﺘﻠﻪ ..
_ ﺍﻧـ .. ﺍﻧـ .. ـﻲ .. ﺍﺟﻴــ .. ﺕ .. ﺍﺟﻴﺖ ﻟﻬﻨﺎﺍﺍ .. ﺣﺘــ .. ﺣﺘﻰ ﺍﺷﻮﻑ ﺍﺧﻮﻳﻪ .
ﻭ .. ﻭﻭﻭ .. ﻭ ﻣﺢ .. ﻣﺤﺪ .. ﻣﺤﺪ ﺍﺟﻪ ﻭﻳـﺎ .. ﻭﻳـﺎﻱ .
ﺃﺳﻴﺪ .. ﻭ ﺍﺧﻮﺝ ﺷﻨﻮ ﻳﺴﻮﻱ ﻫﻨﺎ ؟ !
ﺩﺍﻟﻴﺎ .. ﺍﻟﻴﻮﻡ .. ﺍﺗﺼﻮ .. ﺏ ، ﻭ ﻭﻭ .. ﻭ ﺟﺎﺑﻮﻩ ﻟﻬﻨﺎ .
ﺍﺳﻴﺪ .. ﻭﺍﻧﺘﻲ ﺷﻨﻮ ﻣﺎ ﻋﻨﺪﺝ ﺍﻫﻞ؟ !
ﺍﺷﻠﻮﻥ ﻳﺨﻠﻮﺝ ﺗﻄﻠﻌﻴﻦ ﺑﻬﺎﻟﻠﻴﻞ ﻫﺬﺍ ﻭﺣﺪﺝ؟ !
ﻣﺎﻛﻮ ﻏﻴﺮﺝ ﻳﺠﻲ ﻳﺴﺄﻝ ﻋﻠﻴﻪ؟ !
ﻭﺍﺷﻠﻮﻥ ﺩﺧﻠﺘﻲ ﻟﻠﻤﻌﺴﻜﺮ ﺍﺻﻼً؟ !!
ﺩﺍﻟﻴﺎ .. ﻣﻦ ﻛﺎﻝ ﻣﺎ ﻋﻨﺪﺝ ﺍﻫﻞ .. ﺣﺴﻴﺖ ﻏﺼﻪ ﺻﺎﺭﺕ ﺑﺤﻨﺠﺮﺗﻲ !!
ﻭﮔﻠﺒﻲ ﺍﻧﻐﺰ ... ﺍﻫﻠﻲ ... ﻫﻬﻬﻪ ... ﺍﻫﺎ ﻟﻮ ﺗﺪﺭﻱ ﺑﺄﻫﻠﻲ .
ﺭﺩﺕ ﺍﺟﺎﻭﺑﻪ ﺑﺲ ﻣﻜﺪﺭﺕ ﺍﻟﻌﺒﺮﻩ ﺧﻨﻜﺘﻨﻲ .
ﺍﺳﻴﺪ .. ﻟﺞ ﺍﻧﻲ ﻣﻮ ﺩﺍﺍﺣﺠﻲ ﻭﻳﺎﺝ ؟ !!
ﺩﺍﻟﻴﺎ .. ﻣﺎﺍﻋﺮﻑ ﻟﻮﻳﺶ ﺣﺴﻴﺖ ﺑﻐﻀﺐ ﺩﺍﺧﻠﻲ ، ﻣﺘﺤﻤﻠﺖ ﺑﻌﺪ ﺍﻧﻔﺠﺮﺕ ﺑﻮﺟﻬﻪ ﺑﺪﻭﻥ ﻗﺼﺪ ... ﻛﻠﺘﻠﻪ ﺑﺼﻮﺕ ﻋﺎﻟﻲ ﻭﻏﻀﺐ ..
_ ﺍﻧﺖ ﺷﻜﻮﻭ ﺩﺗﺴﺄﻟﻨﻲ ﺍﺻﻼً؟ !!
ﻭﻣﻨﻮ ﺍﻧﺖ ﺣﺘﻰ ﺗﺤﻘﻖ ﻭﻳﺎﻱ؟ !!
ﺍﻧﻲ ﺟﺎﻳﻪ ﺍﺷﻮﻑ ﺍﺧﻮﻳﻪ ﻭﺑﺲ ﻣﻮ ﺷﻐﻠﻚ ﺃﻫﻠﻲ ﻳﻄﻠﻌﻮﻧﻲ ﺑﺎﻟﻠﻴﻞ ، ﺑﺎﻟﻨﻬﺎﺭ ﺍﻧﺖ ﺷﻨﻮﻭﻭﻭ ﻋﻼﻗﺘﻚ ﻭﺷﻌﻠﻴﻚ؟ !
ﺍﺳﻴﺪ .. ﺑﻨﺖ ﺍﻟﻜﻠﺐ ﺩﺍﺍﺣﺠﻲ ﻭﻳﺎﻫﺎ ، ﻛﺎﻣﺖ ﺗﻌﻴﻂ ﺑﻮﺟﻬﻲ !!
ﻉ ﺑﺎﻟﻚ ﺑﺰﻭﻧﻪ ﻭﻃﻔﺮﺕ ﺑﻮﺟﻪ ﻭﺍﺣﺪ ، ﻧﺎﺭ ﻭﺷﺒﺖ ﺑﻴﻪ ﺗﺎﻟﻲ ﻋﻤﺮﻱ ﻣﺮﻩ ﺗﺼﻴﺢ ﻋﻠﻴﻪ؟ !!
ﺑﻌﺪﻫﺎ ﺩﺗﺤﺠﻲ ﻭﺗﺼﻴﺢ ﺍﺗﻘﺮﺑﺖ ﻋﻠﻴﻬﺎ ﺍﻧﻄﻴﺘﻬﺎ ﺭﺍﺷﺪﻱ ( ﻛﻒ ) ﺩﺭﺕ ﻭﺟﻬﺎ 180 ﺩﺭﺟﻪ .
ﻉ ﺑﺎﻟﻲ ﺗﻮﻛﻊ ، ﻉ ﺑﺎﻟﻲ ﺗﺘﺄﺫﻩ ، ﺗﺒﺠﻲ ... ﺍﺷﻮ ﻫﺎﻱ ﻭﻻ ﻉ ﺑﺎﻟﻚ ﺩﺍﺭﺕ ﻭﺟﻬﺎ ﻋﻠﻴﻪ ﺑﻜﻞ ﺻﻼﻓﻪ ﻭﺍﺑﺘﺴﻤﺖ ﺑﻮﺟﻬﻲ !....
ﺩﺍﻟﻴﺎ .. ﺿﺮﺑﻨﻲ ﻋﻠﻰ ﻭﺟﻬﻲ ﺣﺴﻴﺖ ﺭﺍﺳﻲ ﺍﻧﺨﻠﻊ ﻣﻦ ﺭﮔﺒﺘﻲ !!
ﻣﻦ ﺻﺪﻭﻙ ﺍﻭﻝ ﻣﺮﻩ ﺍﺣﺲ ﺑﺄﻟﻢ ﻫﺸﻜﻞ !!
ﺑﺲ ﻣﺮﺩﺕ ﺍﺿﻌﻒ ﻭﻳﺴﺘﻘﻮﻱ ﻋﻠﻴﻪ .. ﺩﺭﺕ ﻭﺟﻬﻲ ﻋﻠﻴﻪ ﻭﺍﺑﺘﺴﻤﺖ .. ﺑﻨﺒﺮﺓ ﺍﺳﺘﻬﺰﺍﺀ ﻛﻠﺘﻠﻪ ...
_ ﻻ ﻭﺍﻟﻠﻪ ﺭﺟﺎﻝ ﻭﺗﻌﺮﻑ ﺗﻀﺮﺏ ﻫﻢ .
ﺍﺳﻴﺪ .. ﺍﻧﻲ ﻫﻴﺞ ﺻﻼﻓﻪ ﻣﺸﺎﻳﻒ ﺑﺤﻴﺎﺗﻲ ، ﻓﻮﻛﺎﻫﺎ ﺗﺴﺘﻬﺰﺀ !!
ﻣﺎﺷﻲ ﻟﻌﺒﺘﻲ ﺑﻌﺪﺍﺩﺍﺕ ﻋﻤﺮﺝ ﺍﻟﻴﻮﻡ .. ﺗﺮﺩﻳﻦ ﺗﺸﻮﻓﻴﻦ ﺍﻟﺮﺟﻮﻟﻪ ﺷﻨﻮ؟ !!
ﺍﻭﻙ ﻫﺴﻪ ﺍﺷﻮﻓﺞ ...
ﺟﺒﺖ ﺍﻟﻜﻠﺒﺠﺎﺕ ﺟﺮﻳﺖ ﺍﻳﺪﻳﻬﺎ ﻛﻠﺒﺠﺘﻬﺎ .. ﻫﻲ ﺑﻘﺖ ﺻﺎﻓﻨﻪ ﺗﺒﺎﻭﻉ ﺑﻮﺟﻬﻲ ﺑﺲ ﺷﻜﻠﻬﺎ ﺍﺗﻐﻴﺮ ﻭ ﻭﺟﻬﺎ ﺻﺎﺭ ﺍﺻﻔﺮ ، ﻋﺮﻓﺖ ﺭﺍﺡ ﺍﺳﻮﻳﻠﻬﺎ ﺷﻲ ﻫﻪ ، ﺍﻧﺘﻲ ﺍﻟﻲ ﺭﺩﺗﻴﻬﺎ ﺍﺗﺤﻤﻠﻲ .. ﺟﺮﻳﺘﻬﺎ ﺷﻤﺮﺗﻬﺎ ﻉ ﺍﻟﺴﺮﻳﺮ ، ﺑﺲ ﺍﻧﻲ ﺭﻭﺣﻲ ﻟﻌﺒﺎﻧﻪ ﻣﻨﻬﺎ .. ﻭﻣﺴﺘﺤﻴﻞ ﺍﺳﻮﻳﻠﻬﺎ ﺷﻲ ﺑﺲ ﺍﺭﻳﺪ ﺍﺧﻮﻓﻬﺎ ﺣﺘﻰ ﺗﺘﺄﺩﺏ ﺍﻟﺤﻘﻴﺮﻩ ﻭﺗﻌﺮﻑ ﻭﻳﺎﻣﻦ ﺗﺤﺠﻲ.
...
ﺩﺍﻟﻴﺎ .. ﻛﻠﺒﺠﻨﻲ ﻭﺷﻤﺮﻧﻲ ﻉ ﺍﻟﺴﺮﻳﺮ .. ﻭﺍﻧﻲ ﻣﺘﺖ ﻣﻦ ﺍﻟﺨﻮﻭﻭﻑ ﻗﻄﺮﺓ ﺩﻡ ﻣﺒﻘﺖ ﺑﻴﻪ !!
ﻳﺎ ﺍﻟﻬﻲ ﺍﺭﺟﻮﻙ ﺑﺤﻖ ﺍﻟﻤﺴﻴﺢ ﻟﺘﺨﻠﻲ ﻳﻠﻤﺴﻨﻲ ﻣﺎ ﺍﺗﺤﻤﻞ ﺻﺪﻣﻪ ﺑﻌﺪ ﻛﺎﻓﻲ ﺍﻟﻲ ﻋﺸﺘﻪ .. ﺍﻭﻝ ﻣﺎ ﺩﻓﻌﻨﻲ ﻉ ﺍﻟﺴﺮﻳﺮ .. ﻛﻠﺖ ﺭﺍﺡ ﻳﻐﺘﺼﺒﻨﻲ ﻻ ﻣﺤﺎﻟﻪ .. ﻏﻤﻀﺖ ﻋﻴﻮﻧﻲ ﻭﺳﻜﺘﺖ ﺑﺲ ﺍﺣﺲ ﺑﺎﻟﻜﻮﻩ ﺍﺗﻨﻔﺲ ﺩﺍﺍﺧﺘﻨﻚ .. ﻛﻠﺖ ﺑﺲ ﻳﺘﻘﺮﺏ ﻣﻨﻲ ﺍﻣﻮﺗﻪ ﻫﺬﺍ ﺷﻜﻠﻪ ﻣﻴﻌﺮﻑ ﺍﻧﻲ ﻣﻨﻮ ؟ !
ﻉ ﺑﺎﻟﻪ ﻭﺣﺪﻩ ﻛﻴﻮﺕ ﻭﺷﺎﺑﻌﻪ ﺩﻻﻝ ، ﻣﻴﺪﺭﻱ ﮔﻈﻴﺖ ﻋﻤﺮﻱ ﻭﻳﺎ ﺍﻟﻮﻟﺪ ﻋﺎﻳﺸﻪ ﺑﺎﻟﻤﻴﺘﻢ ﻟﺤﺪ ﻣﺎ ﻋﺮﻓﺖ ﻛﻞ ﺳﻮﺍﻟﻔﻬﻢ !..
ﺍﻟﻤﻬﻢ ﺳﻤﻌﺖ ﺻﻮﺕ ﺍﻟﻤﺴﺪﺱ ﺩﻳﺴﺤﺐ ﺍﻗﺴﺎﻡ .. ﮔﻠﺒﻲ ﻭﮔﻒ ... ﻳﺎ ﺭﺑﻲ ﻫﺬﺍ ﺷﺤﻴﺴﻮﻱ؟ !!!!
ﻓﺘﺤﺖ ﻋﻴﻮﻧﻲ ﺑﺮﻋﺐ ﻭﺟﺎﻥ ﺍﺷﻮﻓﻪ ﻣﻮﺟﻪ ﺍﻟﻤﺴﺪﺱ ﻋﻠﻴﻪ ﻭﻋﻴﻮﻧﻪ ﺗﺠﺪﺡ ﻧﺎﺭ !!.....
ﺑﺴﺮﻋﻪ ﻭﺧﻮﻑ ﻛﻠﺘﻠﻪ ...
_ ﺍﻱ ﺍﻗﺘﻠﻨﻲ ﻋﺎﺩﻱ ﺑﺲ ﻟﺘﺤﻠﻢ ﺍﺧﻠﻴﻚ ﺗﻠﻤﺴﻨﻲ ﺍﻧﺖ ﻣﺘﻌﺮﻓﻨﻲ ، ﻭﺍﻟﻤﺴﻴﺢ ﺍﻛﻠﻚ ﺑﺴﻨﻮﻧﻲ .
ﺍﺳﻴﺪ .. ﺍﺷﻜﺪ ﻭﻛﺤﻪ ﻫﺬﻱ ﺍﻟﻤﺨﻠﻮﻗﻪ ، ﺣﺘﻰ ﻭﺍﻟﻤﺴﺪﺱ ﻛﺪﺍﻣﻬﺎ ﺗﻼﺳﻦ ﻭﺗﺼﻴﺢ .. ﻻ ﻭﺍﻟﺤﻠﻮﻩ ﺗﻬﺪﺩﻧﻲ ﻫﻬﻬﻬﻬﻬﻪ ، ﻣﻦ ﻛﻞ ﻋﻘﻠﻬﺎ ﻣﻔﻜﺮﻩ ﺍﺗﻘﺮﺏ ﻣﻨﻬﺎ !..
ﺍﺑﺘﺴﻤﺖ ﺑﺲ ﻧﺎﺭ ﺷﺎﺑﻪ ﺑﻴﻪ ﺍﺭﻳﺪ ﺍﻓﺮﻍ ﺍﻟﻤﺴﺪﺱ ﺑﺮﺍﺳﻬﺎ ﺑﻬﺬﻱ ﺍﻟﻠﺤﻈﻪ ﻭﺍﻛﺘﻢ ﺍﻧﻔﺎﺳﻬﺎ ﻟﻼﺑﺪ ، ﺍﻃﻠﻊ ﺑﻴﻬﺎ ﻛﻞ ﻗﻬﺮ ﺍﻟﺴﻨﻴﻦ ﺍﻟﻲ ﻋﺸﺘﻪ ﺑﺴﺒﺒﻬﻦ !....
ﺑﺼﻮﺕ ﺟﺎﻣﺪ ﻛﻠﺘﻠﻬﺎ ..
_ ﻟﺘﺨﺎﻓﻴﻦ ﺍﻧﻲ ﻣﺎ ﺍﺗﻘﺮﺏ ﻟﻠﺤﺜﺎﻟﻪ ﺍﻣﺜﺎﻟﺞ ، ﺑﺲ ﻋﻨﺪﻱ ﺍﺻﺪﻗﺎﺀ ﻫﻮﺍﻱ ﻋﺎﺩﻱ ﻣﻴﻬﻤﻬﻢ ﻳﺘﻘﺒﻠﻮﻥ ﻛﻠﺸﻲ ، ﻓـ ﺃﻧﻲ ﻃﺎﻟﻊ ﻭﺭﺍﺡ ﺍﺩﺯﻫﻢ ﺍﻟﺞ ﺑﻠﻜﻲ ﻳﺮﻳﺤﻮﺝ ﻻﻥ ﺍﻟﻈﺎﻫﺮ ﻃﻠﻌﺘﺞ ﺑﻬﺎﻟﻠﻴﻞ ﻟﻬﺬﺍ ﺍﻟﺴﺒﺐ ، ﺳﺎﻟﻔﺔ ﺍﺧﻮﺝ ﻫﺎﻱ ﺗﻠﻔﻴﻖ ، ﻻﻥ ﻭﻳﻦ ﺍﻛﻮ ﺍﺧﻮ ﻳﺪﻳﺢ ﺍﺧﺘﻪ ﻧﺺ ﺍﻟﻠﻴﺎﻟﻲ ؟ !!
ﺍﻻ ﺍﺫﺍ ﻛﺎﺍﺍﺍﺍﺍﻥ ....... ﺗﻌﺮﻓﻴﻦ ﺷﻨﻮ ﻣﻴﺤﺘﺎﺝ ﺍﻛﻮﻝ .
ﻳﻼ ﻳﺎ ﺣﻠﻮﻩ ﺍﺑﻘﻲ ﻫﻨﺎ ﻭﻫﺴﻪ ﺍﺩﺯﻟﺞ ﺍﻟﻲ ﻳﻮﻧﺴﺞ .
ﺩﺍﻟﻴﺎ .. ﺍﺷﻜﺪ ﺣﻘﻴﺮ ﺍﺷﻜﺪ ﻧﺬﻝ ﻫﺬﺍ .. ﻣﻔﻜﺮﻧﻲ ﺳﺎﻗﻄﻪ ؟ !!
ﺣﻘﻪ ﺍﻧﻲ ﺍﻟﻐﺒﻴﻪ ﺷﻌﻨﺪﻱ ﻃﺎﻟﻌﻪ ﺑﻨﺺ ﺍﻟﻠﻴﻞ .. ﻟﻮ ﺳﺎﻣﻌﻪ ﻛﻼﻡ ﺳﻠﻤﻰ ﻭﻣﻨﺘﻈﺮﻩ ﻟﻠﺼﺒﺢ ﻣﺼﺎﺭ ﻛﻞ ﻫﺬﺍ
ﻳﺎ ﺍﻟﻠﻬﻲ ﺍﺭﺟﻮﻙ ﺧﻠﺼﻨﻲ ﻭ ﺑﻌﺪ ﻣﺎ ﺍﻛﺮﺭﻫﺎ ﻭﻻ ﺍﻋﺎﻧﺪ ﺍﺑﺪﺍً .. ﺍﺭﺟﻮﻙ🏻🙏
ﺷﻔﺘﻪ ﻣﻦ ﺻﺪﻭﻙ ﻟﺒﺲ ﺗﻴﺸﻴﺮﺕ ﻭﺩﻳﻄﻠﻊ ﻣﻦ ﺍﻟﺒﺎﺏ !!..
ﺩﻓﻌﺖ ﻧﻔﺴﻲ ﺑﺴﺮﻋﻪ ﻭﻛﻤﺖ ﻭﻛﻔﺖ ﻛﺪﺍﻣﻪ !!...
ﺍﺳﻴﺪ .. ﺩﺍﺍﺭﻳﺪ ﺍﻃﻠﻊ ﻣﺎ ﺍﺣﺲ ﺑﻴﻬﺎ ﺍﻻ ﻭﻛﻔﺖ ﻉ ﺍﻟﺒﺎﺏ ﻭﺻﺎﺭﺕ ﻛﺪﺍﻣﻲ .. ﻋﻴﻮﻧﻬﺎ ﺑﻌﻴﻨﻲ ﻭﻣﻴﻔﺼﻠﻨﺎ ﻏﻴﺮ ﻛﻢ ﺳﺎﻧﺘﻴﻤﺘﺮ !!!!
ﻋﻴﻮﻧﻲ ﺻﺎﺭﺕ ﻏﻀﺐ ﺍﺭﻳﺪ ﺍﻛﻠﻬﺎ ﺑﺴﻨﻮﻧﻲ ﺍﺷﻠﻮﻥ ﺗﺘﺠﺮﺃ ﻭﺗﻮﻛﻒ ﺑﻮﺟﻬﻲ ﻫﺸﻜﻞ؟ !!
ﺣﺎﻓﻈﺖ ﻋﻠﻰ ﻫﺪﻭﺋﻲ ﻭ ﺑﺼﻮﺕ ﻣﻠﻴﺎﻥ ﻏﻀﺐ ﻛﻠﺘﻠﻬﺎ ..
_ ﺍﻧﺘﻲ ﻋﺎﺟﺒﺞ ﺍﺗﻤﻮﺗﻴﻦ؟ !!
ﺩﺍﻟﻴﺎ .. ﺍﻭﻻً ﺍﻧﻲ ﻣﻮ ﻣﺜﻞ ﻣﻤﻔﻜﺮ ، ﻭﺛﺎﻧﻴﺎً ﻃﻠﻌﻪ ﻣﺘﻄﻠﻊ ﺍﺫﺍ ﻣﺘﻔﺘﺢ ﺍﺩﻳﻪ ﻭﺗﺨﻠﻴﻨﻲ ﺍﺭﻭﺡ
ﺛﺎﻟﺜﺎً ﻭﺍﺧﻴﺮﺍً ﺍﺫﺍ ﻋﻨﺪﻙ ﺍﺻﺪﻗﺎﺀ ﺯﺑﺎﻟﻪ ﻣﺜﻠﻚ ، ﻳﺮﺩﻭﻥ ﺣﺜﺎﻟﻪ ﻣﺜﻞ ﻣﺘﻔﻀﻠﺖ ﻓﺄﻛﻴﺪ ﻋﻨﺪﻙ ﺍﺧﻮﺍﺕ ﺩﺯﻫﻢ ﻋﻠﻴﻬﻦ .
ﺍﺳﻴﺪ .. ﻻﺍﺍﺍ ﻫﺬﻱ ﻧﺎﻭﻳﻪ ﻋﻠﻰ ﻣﻮﺗﻬﺎ ﻫﺎﻟﻤﺮﻩ ، ﻣﻦ ﺣﺴﻦ ﺣﻈﻬﺎ ﺍﻧﻲ ﻣﻮ ﻣﻦ ﺍﻟﻨﺎﺱ ﺍﻟﻲ ﺗﻬﺰﻫﻢ ﻛﻠﻤﻪ .. ﻭﻻ ﺍﺗﺴﺮﻉ ﻧﻬﺎﺋﻴﺎ ً ، ﺑﺲ ﻛﻼﻣﻬﺎ ﺍﺳﺘﻔﺰﻧﻲ ﻻﻗﺼﻰ ﺣﺪ ﺩﺍﺳﺖ ﺍﺑﻄﻨﻲ .. ﻭﻻﺯﻡ ﺗﺘﺄﺩﺏ ، ﺳﺤﺒﺖ ﺍﻟﻤﺴﺪﺱ ﺧﻠﻴﺘﻪ ﻉ ﺻﺪﺭﻫﺎ ﻭﺿﻐﻄﺖ ﻋﻠﻴﻪ ﺑﻘﻮﻩ ، ﺍﺑﺘﺴﻤﺖ ﺑﻮﺟﻬﺎ .. ﺑﻨﺒﺮﻩ ﻣﻈﻠﻤﻪ ﻛﻠﺘﻠﻬﺎ ..
_ ﻣﺎﺷﻲ ﺭﺍﺡ ﺍﻛﻮﻥ ﻛﺮﻳﻢ ﻭﻳﺎﺝ ﻭﺍﻧﻄﻴﺞ ﺧﻴﺎﺭﻳﻦ !!
ﻳﺄﻣﺎ ﺗﺮﺟﻌﻴﻦ ﻟﻠﺴﺮﻳﺮ ﻭﺗﻨﺘﻈﺮﻳﻦ ﺍﺻﺪﻗﺎﺋﻲ ﻳﺠﻮﻥ ﺣﺘﻰ ﺗﺮﺿﻴﻬﻢ !!
ﺍﻭ ﺍﻓﺘﺢ ﺍﻟﺒﺎﺏ ﻫﺬﺍ ﻭﺍﻛﻮﻝ ﻫﺎﻱ ﺳﺎﻗﻄﻪ ﺍﺟﺘﻨﻲ ﺗﺮﻳﺪ ﺍﻭﻧﺴﻬﺎ !..
ﺗﻌﺮﻓﻴﻦ ﺍﻟﺪﻧﻴﺎ ﻟﻴﻞ ﻭ ﺑﻨﻴﻪ ﺑﻐﺮﻓﺔ ﺭﺟﺎﻝ ﺑﻬﻴﺞ ﻭﻗﺖ ﺷﻨﻮ ﻣﻌﻨﺎﻫﺎ؟ !!
ﻳﻌﻨﻲ ﺑﺎﻟﺤﺎﻟﺘﻴﻦ ﺭﺍﺡ ﺗﺼﻴﺮﻳﻦ ﺣﺜﺎﻟﻪ !..
ﺑﺲ ﺍﺫﺍ ﺗﺮﺩﻳﻦ ﻧﺼﻴﺤﺘﻲ ﺍﻧﻲ ﺍﻓﻀﻞ ﺍﻟﺨﻴﺎﺭ ﺍﻻﻭﻝ ﻻﻧﻮ ﺍﺳﺘﺮ ﺍﻟﺞ ﺍﺷﻮﻳﻪ .
ﺩﺍﻟﻴﺎ .. ﺧﻼ ﺍﻟﻤﺴﺪﺱ ﻉ ﺻﺪﺭﻱ ﻣﻘﺎﺑﻞ ﻛﺘﻔﻲ ﻭﺿﻐﻂ ﻋﻠﻴﻪ ﺑﻜﻞ ﻗﻮﻩ ﺣﺴﻴﺘﻪ ﺩﻳﺨﺘﺮﻕ ﺭﻭﺣﻲ ﻣﻦ ﺍﻟﻮﺟﻊ ... ﻭﻛﺎﻝ ﻫﺬﺍ ﺍﻟﻜﻼﻡ ﺑﻜﻞ ﺣﻘﺎﺭﻩ ... ﺣﺴﻴﺖ ﻧﻔﺴﻲ ﻣﻦ ﺻﺪﻭﻙ ﺣﺜﺎﻟﻪ ، ﺍﻟﺬﻝ ﺍﻟﻲ ﺣﺴﻴﺘﻪ ﻛﺮﻫﻨﻲ ﻧﻔﺴﻲ !...
ﺍﺳﺘﺎﻫﻞ .. ﺍﻧﻲ ﺍﻟﻲ ﺟﺒﺘﻬﺎ ﻟﻨﻔﺴﻲ .. ﺗﺠﻤﻌﺖ ﺍﻟﺪﻣﻮﻉ ﺑﻌﻴﻨﻲ ﺑﺲ ﻣﺎ ﺑﺠﻴﺖ !
ﺑﺎﻭﻋﺖ ﺑﻌﻴﻨﻪ ﺑﻜﻞ ﺗﺤﺪﻱ ﻭﺍﺧﺬﺕ ﻗﺮﺍﺭﻱ ﺍﻟﻨﻬﺎﺋﻲ "
ﺑﺼﻮﺕ ﺟﺎﻣﺪ ﻛﻠﺘﻠﻪ ...
_ ﺍﺫﺍ ﺍﻛﻮ ﺣﺜﺎﻟﻪ ﺑﻬﺬﺍ ﺍﻟﻐﺮﻓﻪ ﻓﻬﻮ ﺍﻧﺖ ، ﻭﺍﻧﻲ ﺍﻓﻀﻞ ﺍﻟﻤﻮﺕ ﻋﻠﻰ ﺍﻥ ﻳﺴﺘﺸﺮﻑ ﺑﺮﺍﺳﻲ ﻭﺍﺣﺪ ﺣﻘﻴﺮ ﻣﺜﻠﻚ .
ﺑﻠﺤﻈﻪ ﻭﺣﺪﻩ ﻭﺑﻜﻞ ﺳﺮﻋﺘﻲ ﺭﻓﻌﺖ ﺍﻳﺪﻳﻨﺎﺗﻲ ﺍﻟﻲ ﻣﻜﻠﺒﺠﻬﻢ ، ﻟﺰﻣﺖ ﺍﻟﻤﺴﺪﺱ ﺍﻟﻲ ﺑﺄﻳﺪﻩ ﺑﺴﺮﺭﺭﺭﺭﺭﺭﻋﻪ ﻭﺿﻐﻄﺖ ﻉ ﺍﻟﺰﻧﺎﺩ !!!!! !!!!!
....
شنو حصل بعد ما ضغطة على زناد المسدس
وشنو موقف اسيد من هل شيء..
توقعاتكم للحزء الرابع احداث مشوقة
...
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء