رواية في أرض الغرام انت دولتي ج1 الجزء الرابع
للكاتبة الأميرة الموسوية
...
ﺃﺳﻴﺪ .. ﺑﺴﺮﻋﻪ ﺿﻐﻄﺖ ﻉ ﺍﻟﻤﺴﺪﺱ ﻭﺿﺮﺑﺖ ﻧﻔﺴﻬﺎ ﻃﻠﻘﻪ !!
ﺑﻘﺖ ﺻﺎﻓﻨﻪ ﺑﻮﺟﻬﻲ ﻧﻈﺮﺍﺗﻬﺎ ﻏﺮﻳﺒﻪ ، ﺑﻌﺪﻫﺎ ﻭﻛﻌﺖ ﺑﻴﻦ ﺍﺩﻳﻪ ﻓﺎﻗﺪﻩ ﺍﻟﻮﻋﻲ !!
ﺭﻓﻌﺖ ﺣﺎﺟﺒﻲ ﺑﺄﺳﺘﻐﺮﺍﺏ ﺑﺎﻭﻋﺖ ﻋﻠﻴﻬﺎ ، ﺍﻟﻈﺎﻫﺮ ﻫﺬﻱ ﻣﻮ ﺑﺲ ﻭﻛﺤﻪ .. ﻻ ﻭﺟﺮﻳﺌﻪ ﻫﻢ !!
ﻣﺘﺄﺛﺮﺕ ﻭﻻ ﺍﻫﺘﻤﻴﺖ ﺑﻴﻬﺎ !..
ﺍﻭﻻً ﻻﻥ ﻣﺘﻌﻮﺩ ﻋﻠﻰ ﻣﻨﻈﺮ ﺍﻟﺪﻡ ﻭﺍﻟﻤﻮﺕ ﺑﺤﻴﺎﺗﻲ ، ﻳﻌﻨﻲ ﻣﻮ ﺷﻲ ﺟﺪﻳﺪ !
ﻭﺛﺎﻧﻴﺎً ﻻﻥ ﺍﺻﻼ ﻣﻴﺮﻑ ﮔﻠﺒﻲ ﻋﻠﻰ ﻫﻴﺞ ﻧﻤﺎﺫﺝ ﻭﺟﻨﺲ ﺣﻮﺍﺀ ﺑﺎﻟﺘﺤﺪﻳﺪ !
ﻳﻌﻨﻲ ﺍﺫﺍ ﻣﺎﺗﺖ ﺍﻭ ﻋﺎﺷﺖ ﻣﺘﻔﺮﻕ ﻋﻨﺪﻱ .. ﻋﻔﺘﻬﺎ ﺑﺎﻟﻜﺎﻉ ﺗﻨﺰﻑ ﻭﻛﻤﺖ ﺣﺘﻰ ﺍﺻﻴﺢ ﻭﺍﺣﺪ ﻣﻦ ﺍﻟﺠﻨﻮﺩ ﻳﺸﻴﻠﻬﺎ ﻳﺎﺧﺬﻫﺎ ﻟﻠﺪﻛﺘﻮﺭ ﺍﻟﺨﻔﺮ ﻳﻌﺎﻟﺠﻬﺎ ، ﺑﻬﺬ ﺍﻻﺛﻨﺎﺀ ﺍﻧﺪﻛﺖ ﺍﻟﺒﺎﺏ ﻗﻮﻱ ﻭﺳﻤﻌﺖ ﺻﻮﺕ ﺍﻟﺠﻨﻮﺩ ﺍﻟﺤﺮﺱ ﻳﺼﻴﺤﻮﻥ .. ﻭﻳﺪﻛﻮﻥ ﺑﺎﻟﺒﺎﺏ ﻳﺮﺩﻭﻥ ﻳﻜﺴﺮﻭﺍ !....
ﺍﻟﻈﺎﻫﺮ ﺳﻤﻌﻮ ﺻﻮﺕ ﺍﻟﻄﻠﻘﻪ !
ﻓﺘﺤﺖ ﺍﻟﺒﺎﺏ ﻭﻃﻠﻌﺖ .. ﺧﺒﺼﻮﻧﻲ .. ﺧﻴﺮ ﺳﻴﺪﻱ ﺷﻨﻮ ﻫﺬﺍ ﺍﻟﻄﻠﻖ؟ !
ﺷﻨﻮ ﻫﺠﻮﻡ ، ﺳﻤﻌﻨﺎ ﺻﻮﺕ ﻃﻠﻘﻪ ﻣﻦ ﻏﺮﻓﺘﻚ ..... ﻣﻦ ﻫﺬﻱ ﺍﻻﺳﺌﻠﻪ ﺩﻭﺧﻮﻧﻲ !!
ﺃﺳﻴﺪ .. ﻣﺎﻛﻮ ﺷﻲ ﺩﺍﺍﻧﻈﻒ ﺑﺎﻟﻤﺴﺪﺱ ﻭﺛﺎﺭﺕ ﻃﻠﻘﻪ .
ﺍﻟﺠﻨﻮﺩ .. ﻫﺎﺍﺍ .. ﺑﺎﻟﺮﻳﺶ ﺳﻴﺪﻱ ، ﻉ ﺑﺎﻟﻨﺎ ﺻﺎﺭ ﻫﺠﻮﻡ .. !
ﺍﺳﻴﺪ .. ﻳﻼ ﻛﻞ ﻭﺍﺣﺪ ﻳﺮﻭﺡ ﻟﻮﺍﺟﺒﻪ ﻣﺎﻛﻮ ﺷﻲ .
ﺭﺍﺣﻮ ﺍﻟﺠﻨﻮﺩ ﻭﺍﻧﻲ ﺭﺟﻌﺖ ﻟﻠﻐﺮﻓﻪ ، ﺑﻘﻴﺖ ﺍﻟﻮﻡ ﺑﻨﻔﺴﻲ ﻟﻴﺶ ﻛﺬﺑﺖ؟ !!
ﻟﻴﺶ ﻣﻜﻠﺘﻠﻬﻢ ﺍﻟﺤﻘﻴﻘﻪ؟ !
ﻣﻦ ﺷﻨﻮ ﺧﺎﻳﻒ ؟ !
ﺍﻟﻜﻞ ﺗﻌﺮﻓﻨﻲ ﻭﺗﻌﺮﻑ ﺍﺧﻼﻗﻲ ﺷﻨﻮﻭ ﻟﻌﺪ ﻟﻴﺶ ﻣﻜﻠﺘﻠﻬﻢ ﺍﻟﻲ ﺻﺎﺭ؟ !
ﺩﺍﺍﻓﻜﺮ ﻭﻓﻜﺮﻱ ﻣﺸﻐﻮﻝ ﺑﺄﻟﻲ ﺻﺎﺭ .. ﺟﺎﻥ ﺍﺳﻤﻊ ﺻﻮﺗﻬﺎ ﺗﻮﻥ !!!
ﺧﺮﺏ ﻧﺴﻴﺘﻬﺎ ﺗﻤﺎﻣﺎً .. ﺑﺎﻭﻋﺖ ﻉ ﺍﻟﻜﺎﻉ ﻣﻠﻴﺎﻧﻪ ﺩﻡ !
ﻻﺯﻡ ﺍﻧﻘﻠﻬﺎ ﺑﺴﺮﻋﻪ ﻭﺍﻻ ﺭﺍﺡ ﺗﻤﻮﺕ .. ﻭﺍﺫﺍ ﻣﺎﺗﺖ ﻣﺤﺪ ﻳﺼﺪﻙ ﺍﻟﻲ ﺻﺎﺭ ، ﻭﺍﻧﻮ ﻫﻲ ﺍﻟﻲ ﺍﺟﺖ ﻟﻐﺮﻓﺘﻲ ﻭﺍﻧﻲ ﻣﺎﺍﻋﺮﻓﻬﺎ !!..
ﺧﺼﻮﺻﺎً ﻭﺍﻧﻲ ﻛﺬﺑﺖ ﻣﻜﻠﺘﻠﻬﻢ ﺍﻟﺤﻘﻴﻘﻪ ... ﺭﺍﺡ ﻳﻜﻮﻟﻮﻥ ﺩﻛﺘﻮﺭ ﺍﺳﻴﺪ ﻳﺠﻴﺐ ﻧﺴﻮﺍﻥ ﻟﻠﻤﻌﺴﻜﺮ ﻭﺗﺼﻴﺮ ﻓﻀﻴﺤﻪ ، ﻭﻟﻮ ﺷﻨﻮ ﺍﺣﺠﻲ ﻣﻴﺼﺪﻛﻮﻥ ﻻﻥ ﺍﻟﺪﻟﻴﻞ ﺍﻟﻮﺣﻴﺪ ﻣﺎﺕ !...
ﺑﻠﺤﻈﻪ ﻭﺣﺪﻩ ﺍﻟﺸﻲ ﺍﻟﻲ ﻛﺎﻥ ﻣﺎ ﺍﻟﻪ ﻗﻴﻤﻪ ﻗﺒﻞ ﺩﻗﺎﻳﻖ ﻭﻣﻴﻬﻤﻨﻲ ﻣﻮﺗﻪ ... ﺻﺎﺭ ﺍﻫﻢ ﺷﻲ ﺑﺤﻴﺎﺗﻲ .
ﻋﻘﻠﻲ ﻛﻠﻪ ﺍﻓﺘﺮ ﻣﻦ ﺍﻟﻜﻼﻡ ﺍﻟﻲ ﺍﺟﻪ ﺑﺮﺍﺳﻲ ... ﻃﺮﺩﺕ ﺍﻻﻓﻜﺎﺭ ﻣﻨﻲ ﻭﺑﺴﺮﻋﻪ ﺷﻠﺘﻬﺎ ﻣﻦ ﺍﻟﻜﺎﻉ ﻭﻃﻠﻌﺖ ﺑﻴﻬﺎ ﻝ ﻛﺘﻮﺭ ﺍﻟﺨﻔﺮ .... ﻏﺮﻓﺘﻲ ﻗﺮﻳﺒﻪ ﻋﻠﻰ ﺍﻟﻄﺒﺎﺑﻪ ﺣﻴﻞ ﻳﻌﻨﻲ ﻣﺤﺪ ﺷﺎﻓﻨﻲ ﻭﺑﺴﺮﻋﻪ ﻭﺻﻠﺖ .. ﺩﺧﻠﺖ ﻟﻜﻴﺖ ﺍﻟﺪﻛﺘﻮﺭ ﺍﻟﺨﻔﺮ ﻛﺎﻋﺪ ﺩﻳﺨﺎﺑﺮ ﻭﺭﺍﻳﺢ ﻟﻐﻴﺮ ﻋﺎﻟﻢ !
ﻣﻦ ﺷﺎﻓﻨﻲ ﻓﺰ ﻣﻦ ﻣﻜﺎﻧﻪ ﻭﻧﻈﺮﺓ ﺍﻻﺳﺘﻐﺮﺍﺏ ﻭﺍﻟﺜﻮﻝ ﻋﻠﻰ ﻭﺟﻬﻪ ﺗﻘﺮﺍ ﻣﻠﻴﻮﻥ !!
ﺩﻛﺘﻮﺭ ﻋﻠﻲ .. ﻫﺎ .. ﻫـ .. ﺍﻱ ﻣﻨـ .. ﻣـ .. ﻧـﻮﻭﻭ !!
ﺃﺳﻴﺪ .. ﻣﻮ ﻭﻗﺖ ﺍﺳﺄﻟﺘﻚ ﻫﺴﻪ ﺣﻈﺮ ﺟﻬﺎﺯ ﺍﻻﻧﻌﺎﺵ ﺑﺴﺮﻋﻪ ﻻﻥ ﻓﻘﺪﺕ ﺩﻡ ﻫﻮﺍﻱ ﻭﺍﺣﺘﻤﺎﻝ ﺍﺗﻤﻮﺕ .
ﻋﻠﻲ .. ﺍﻳﻴﻲ .. ﺍﻱ .. ﺧﻠﻴﻬﺎ ﻉ ﺍﻟﺴﺪﻳﻪ ﺍﻧﻲ ﺭﺍﺡ ﺍﺟﻴﺐ ﺍﻟﺠﻬﺎﺯ .. !
ﺭﺍﺡ ﻋﻠﻲ ﻭﺍﻧﻲ ﺧﻠﻴﺘﻬﺎ ﻉ ﺍﻟﺴﺪﻳﻪ ﻭﺑﺎﻭﻋﺖ ﻋﻠﻴﻪ .. ﻭﺟﻬﺎ ﺍﺻﻔﺮ ﻣﺜﻞ ﺍﻟﻠﻴﻤﻮﻧﻪ .. ﺧﻠﻴﺖ ﺍﻳﺪﻱ ﻋﻠﻰ ﺍﻳﺪﻫﺎ ﺭﺩﺕ ﺍﺗﺤﺴﺲ ﻧﺒﻀﻬﺎ ... ﻣﺎﻛﻮﻭ ﺍﻟﻨﺒﺾ ﺿﻌﻴﻒ ﺣﻴﻞ !!!!
ﻻ ﻳﺎ ﺭﺑﻲ ﺭﺍﺡ ﺗﻤﻮﺕ ، ﺍﻧﺘﻬﻰ ﺍﻣﺮﻙ ﺍﺳﻴﺪ .. ﻛﻤﺖ ﺍﺻﻴﺢ ﻋﻠﻰ ﻋﻠﻲ ﺑﺪﻭﻥ ﻭﻋﻲ
....
ﺃﺳﻴﺪ .. ﻟﻚ ﻋﻠﻲ ﺭﺍﺡ ﺍﺗﻤﻮﺕ ﺑﺴﺮﺭﺭﺭﺭﺭﻋﻪ ... ﻳﻤﻌﻮﺩ ﺑﺴﺮﻋﻪ ﺍﻟﻨﺒﺾ ﺿﻌﻴﻒ .
ﻋﻠﻲ .. ﺍﺟﻪ ﻳﺮﻛﺾ ﺑﺴﺮﻋﻪ .. ﺍﺟﻴﺘﻲ ﺍﺟﻴﺖ .. ﺍﺑﺘﻌﺪ ﻋﻨﻬﺎ ﺧﻠﻲ ﺍﺳﻮﻱ ﺍﻻﻧﻌﺎﺵ ..
ﺑﻘﻰ ﺩﻛﺘﻮﺭ ﻋﻠﻲ ﻳﺼﻌﻘﻬﺎ ﺑﺎﻟﺠﻬﺎﺯ .. ﻣﺮﻩ .. ﻣﺮﺗﻴﻦ .. 3 ﻣﺮﻩ .... ﺑﺪﺍ ﮔﻠﺒﻬﺎ ﻳﻨﺒﺾ !
ﻭﺧﺮ ﺍﻟﺠﻬﺎﺯ ﻭﺷﻜﻠﻠﻬﺎ ﺍﻟﺪﻡ .. ﻛﺎﻝ ﻟـ ﺃﺳﻴﺪ .. ﺑﺴﺮﻋﻪ ﺧﻠﻴﻠﻬﺎ ﺍﻟﻤﻐﺬﻱ ﺣﺘﻰ ﻧﺒﺪﻱ ﺍﻧﻌﺎﻟﺞ ﺍﻻﺻﺎﺑﻪ .
ﺃﺳﻴﺪ .. ﻣﻦ ﺭﺟﻊ ﮔﻠﺒﻬﺎ ﻧﺒﺾ ﺍﺭﺗﺎﺣﻴﺖ .. ﺣﺴﻴﺖ ﺍﻟﻬﻮﺍ ﺑﺪﺍ ﻳﺪﺧﻞ ﺍﻟﺼﺪﺭﻱ .. ﻗﺒﻞ ﺛﻮﺍﻧﻲ ﻛﺎﻥ ﻣﺴﺘﻘﺒﻠﻲ ﻭﻣﻬﻨﺘﻲ ﺭﺍﺡ ﻳﻨﺘﻬﻮﻥ ﻟﻮ ﻣﻴﺘﻪ ﻫﺎﻱ ﺍﻟﻤﺼﻴﺒﻪ !
ﺑﺲ ﻣﻦ ﺍﺳﺘﻘﺮ ﻧﺒﻀﻬﺎ ﺍﻃﻤﺌﻨﻴﺖ !
ﺑﺼﻮﺕ ﺟﺎﻣﺪ ﻛﻠﺖ ﻟﺪﻛﺘﻮﺭ ..
_ ﻋﻠﻲ ﺍﻧﺖ ﺗﻌﺮﻑ ﺷﻨﻮ ﺷﻌﻮﺭﻱ ﺗﺠﺎﻩ ﻫﻴﺞ ﺣﺎﻻﺕ ، ﻓـﺄﻧﺖ ﺍﻟﻲ ﺭﺍﺡ ﺗﻌﺎﻟﺠﻬﺎ ﻭﺩﻳﺮ ﺑﺎﻟﻚ ﺗﻤﻮﺕ ﻻﻥ ﻣﺴﺘﻘﺒﻠﻲ ﻣﺘﻮﻗﻒ ﻋﻠﻴﻬﺎ .
ﻋﻠﻲ .. ﺍﻧﺖ ﺷﺪﺗﺤﺠﻲ ﺷﻨﻮ ﺷﻌﻮﺭﻙ ﺷﻨﻮ ﺍﻋﺎﻟﺠﻬﺎ؟ !
ﺗﺮﻳﺪ ﺗﻮﺭﻃﻨﻲ ﺑﻴﻬﺎ؟ !
ﺍﻧﺖ ﺍﻟﻲ ﺟﺒﺘﻬﺎ ﻭﺍﻧﺖ ﺍﻟﻲ ﺗﻌﺎﻟﺠﻬﺎ ، ﻭﺍﺫﺍ ﻫﺎﻟﻜﺪ ﻛﺎﺭﻫﺎ ﻭﻣﻴﻬﻤﻚ ﺍﻣﺮﻫﺎ ﺷﻜﻮﻭﻭ ﺟﺒﺘﻬﺎ ﺍﺻﻼً ﻭﻟﻴﺶ ﺩﺧﻠﺘﻬﺎ ﻟﻠﻤﻌﺴﻜﺮ؟ !
ﺗﺪﺭﻱ ﺍﺫﺍ ﺍﻵﻣﺮ ( ﺍﻟﻀﺎﺑﻂ ﺍﻟﻤﺴﺆﻭﻝ ) ﻋﺮﻑ ﺷﻨﻮ ﻳﺼﻴﺮ ﺑﻴﻨﺎ؟ !
ﻟﻚ ﺑﺎﺑﺎ ﺳﻤﻌﺘﻨﺎ ﺗﺮﻭﺡ ﺑﺎﻟﺮﺟﻠﻴﻦ ، ﻣﻨﻮ ﻫﺎﻱ ﻭﺷﺘﺴﻮﻱ ﻫﻨﺎ ، ﻭﻳﻦ ﻟﻜﻴﺘﻬﺎ ﻭﺟﺒﺘﻬﺎ ﺑﺲ ﻓﻬﻤﻨﻲ ، ﻭﺷﻨﻮ ﻋﻼﻗﺘﻚ ﺑﻴﻬﺎ؟ !!
ﺃﺳﻴﺪ .. ﺑﺼﻮﺕ ﻋﺎﻟﻲ ﻭﻋﺼﺒﻲ ، ﻟﻚ ﺍﺟﺎﻭﺑﻚ ﻉ ﻛﻞ ﺃﺳﺌﻠﺘﻚ ﺑﺲ ﻣﻮﻭﻭ ﻫﺴﻪ ، ﺭﺍﺡ ﺗﻤﻮﺕ ﻻﺯﻡ ﺍﺗﻌﺎﻟﺠﻬﺎ ﻻﻥ ﺍﺫﺍ ﻣﺎﺗﺖ ﻳﻨﺘﻬﻲ ﺍﻣﺮﻱ ﻫﻲ ﺍﻟﻲ ﻻﺯﻡ ﺗﺤﺠﻲ ﻭﺗﻔﻬﻤﻢ ﺍﻟﻲ ﺻﺎﺭ .
ﻋﻠﻲ .. ﺷﺎﻝ ﺍﻟﻤﻘﺺ ﻭ ﻭﺟﻬﻪ ﻟـ ﺍﺳﻴﺪ .. ﻭﺑﺼﻮﺕ ﺟﺎﻣﺪ ﻛﺎﻟﻪ ..
_ ﺍﺫﺍ ﺧﺎﻳﻒ ﻋﻠﻰ ﻣﺴﺘﻘﺒﻠﻚ ﻭﺳﻤﻌﺘﻚ ﻫﺎﻟﻜﺪ .. ﺍﺗﻔﻀﻞ ﺍﻧﻘﺬﻫﻢ ﻻﻥ ﺍﻧﻲ ﻣﺎ ﺭﺍﺡ ﺍﻟﺰﻣﻬﺎ ﺍﺻﻼً .
ﺗﺮﻛﻪ ﻭﻃﻠﻊ !........
ﺃﺳﻴﺪ .. ﺑﻘﻰ ﻳﺼﻴﺢ ﻭﺭﺍ ﻋﻠﻲ .. ﻋﻠﻲ .. ﺑﺲ ﻋﻠﻲ ﺍﺗﺠﺎﻫﻠﻪ ﺗﻤﺎﻣﺎً
ﻃﺒﻌﺎً ﻋﻠﻲ ﺻﺪﻳﻖ ﺃﺳﻴﺪ ﺍﻟﻤﻘﺮﺏ ﺑﻬﺬﺍ ﺍﻟﻤﻌﺴﻜﺮ ﻣﻦ ﺍﻧﺘﻘﻞ ﻟﻠﻴﻮﻡ ﻫﻢ ﺍﺻﺪﻗﺎﺀ ﻛﻌﺪﺗﻬﻢ ﺳﻮﻩ ﻭ ﻛﻼﻣﻬﻢ ﻭﺍﺣﺪ ، ﻳﻌﻨﻲ ﻭﺍﺣﺪ ﻳﺤﺘﺮﻡ ﺍﻟﺜﺎﻧﻲ ﻭﻳﻌﺰﻩ ، ﻓﻠﻤﺎ ﺍﻣﺘﻨﻊ ﻳﺴﺎﻋﺪﻩ ﻣﻮ ﻻﻥ ﺧﺎﻳﻒ ﻋﻠﻰ ﻧﻔﺴﻪ !!
ﻻ ﺑﺲ ﻻﻥ ﺗﺼﺮﻑ ﺃﺳﻴﺪ ﻛﺎﻥ ﺍﻧﺎﻧﻲ ﺟﺪﺍً .. ﺍﻟﺒﻨﻴﻪ ﻛﺎﻧﺖ ﺩﺗﻤﻮﺕ ﻭﻫﻮ ﻣﻴﻔﻜﺮ ﻏﻴﺮ ﺑﺴﻤﻌﺘﻪ !
ﻭﻫﺬﺍ ﺍﻟﺸﻲ ﻳﺘﻌﺎﺭﺽ ﺗﻤﺎﻣﺎً ﻭﻳﺎ ﺷﺮﻑ ﻣﻬﻨﺘﻬﻢ ( ﺍﻟﻄﺐ ) ﻭﻗَﺴَﻢَ ( ﻳﻤﻴﻦ ) ﺍﻟﺘﺨﺮﺝ ﺍﻟﻲ ﻗﺴﻤﻮﺍ .. ﻭﺍﻟﻲ ﻳﻔﺮﺽ ﻋﻠﻴﻪ ﻳﺄﺩﻱ ﻋﻤﻠﻪ ﺑﻜﻞ ﺃﻣﺎﻧﻪ ﻭﺻﺪﻕ ﻭﻳﺒﺬﻝ ﺍﻗﺼﻰ ﻣﺎ ﻋﻨﺪﻩ ﻓﻲ ﺳﺒﻴﻞ ﺍﻧﻘﺎﺫ ﺍﻟﺮﻭﺡ ﺍﻟﻲ ﺗﺤﺖ ﺍﻳﺪﻩ !
ﻟﺬﻟﻚ ﻛﺎﻥ ﻻﺯﻡ ﻳﺨﻠﻲ ﻳﺘﺤﻤﻞ ﻧﺘﻴﺠﺔ ﺍﻓﻌﺎﻟﻪ ﻭﻳﺘﺮﻙ ﺍﻻﻧﺎﻧﻴﻪ ﺍﻟﻲ ﺑﻴﻬﺎ ﻓﺄﺿﻄﺮ ﺍﻧﻮ ﻳﺨﻠﻲ ﺍﻣﺎﻡ ﺍﻻﻣﺮ ﺍﻟﻮﺍﻗﻊ ﻏﺼﺒﺎً ﻋﻨﻪ .
ﺑﻘﻰ ﺃﺳﻴﺪ ﺻﺎﻓﻦ ﻋﻠﻰ ﺟﺜﺔ ﺩﺍﻟﻴﺎ ﺍﻟﻲ ﺍﻣﺪﺩﻩ ﻛﺪﺍﻣﻪ ﻭﻧﺒﻀﻬﺎ ﺍﻟﻀﻌﻴﻴﻴﻒ ﻣﻴﻌﺮﻑ ﺷﻨﻮ ﻳﺴﻮﻱ .. ﻳﻌﻮﻓﻬﺎ ﻳﻤﻮﺕ ﻭﻳﻀﺤﻲ ﺑﻤﻬﻨﺘﻪ ﻭﻣﺴﺘﻘﺒﻠﻪ؟ !!
ﻟﻮ ﻳﻌﺎﻟﺠﻬﺎ ﺭﻏﻢ ﻛﻞ ﺍﻟﻜﺮﻩ ﺍﻟﻲ ﻳﺤﺲ ﺑﻲ ﺗﺠﺎﻫﺎ ﻻﻥ ﻫﻲ ﺳﺒﺐ ﻛﻞ ﺍﻟﻲ ﺑﻲ ﻫﺴﻪ ﻣﻦ ﻗﻠﻖ ﻭﺗﻮﺗﺮ ﻭﺧﻮﻑ ﻋﻠﻰ ﻣﺴﺘﻘﺒﻠﻪ !!
ﺟﺮ ﻧﻔﺲ ﻛﻮﻭﻭﻭﻭﻟﺶ ﻃﻮﻳﻞ .. ﻭﺑﺄﻳﺪ ﺗﺮﺟﻒ ﺍﺧﺬ ﺍﻟﻤﻘﺺ .. ﻭﻗﺺ ﺍﻟﻘﻤﻴﺺ ﺍﻟﻲ ﻻﺑﺴﺘﻪ !.....
ﻛﻞ ﺍﻟﻲ ﻓﻜﺮ ﺑﻲ ﻭﻫﻮ ﻳﻌﺎﻟﺠﻬﺎ ﻣﻬﻨﺘﻪ ﻭﺳﻤﻌﺘﻪ ... ﻣﺴﺘﻘﺒﻠﻪ ﺍﻟﻲ ﻣﻤﻜﻦ ﻳﻀﻴﻊ ﺑﻐﻤﻀﺔ ﻋﻴﻦ .
ﺍﻭﻻً ﺑﺘﻬﻤﺔ ﺍﻟﻘﺘﻞ .. ﻭﺛﺎﻧﻴﺎً ﺑﺎﻟﻔﺴﺎﺩ
....
ﺃﺳﻴﺪ .. ﺑﺪﻳﺖ ﺍﻃﻠﻊ ﺍﻟﺮﺻﺎﺻﻪ ﻣﻦ ﻛﺘﻔﻬﺎ .. ﺭﻓﻌﺖ ﺭﺍﺳﻲ ﺩﺍﺍﺧﺬ ﺍﻟﻤﻘﺺ .. ﻭﺟﺎﻥ ﺍﻧﺘﺒﻪ ﻋﻠﻰ ﻋﻴﻨﻬﺎ ... ﺩﻣﻮﻉ ﺗﻨﺰﻝ ﻣﻨﻬﺎ !!
ﺍﻭﻝ ﻣﺮﻩ ﻳﺼﻴﺮ ﻭﻳﺎﻱ ﻫﻴﺞ ﻣﻮﻗﻒ .. ﺣﺎﻭﻟﺖ ﻣﺎ ﺃﺗﺄﺛﺮ ﺑﺲ ﻏﺼﺐ ﻋﻨﻲ ﺍﻟﻤﻮﻗﻒ ﻏﺮﻳﺐ !
ﺍﻟﻤﻬﻢ ..
ﺷﻜﻴﺖ ﻗﻤﻴﺼﻬﺎ ﻭ ﺣﻤﺎﻟﺔ ﺻﺪﺭﻫﺎ ﻻﻥ ﺍﻻﺻﺎﺑﻪ ﺑﻜﺘﻔﻬﺎ ، ﻣﺎ ﺍﺣﺠﻴﻠﻜﻢ ﺍﻟﻤﻨﻈﺮ ﺭﻏﻢ ﺍﻟﻮﺿﻊ ﺍﻟﻲ ﺍﻧﻲ ﺑﻲ ﻭﺣﺎﻟﺘﻬﺎ ﺍﻟﺤﺮﺟﻪ ﺑﺲ ﺷﻜﻠﻬﺎ ﻛﺎﻥ ﻣﻐﺮﻱ ﻟﺪﺭﺟﻪ ﻣﺘﻨﻮﺻﻒ .
ﻏﻀﻴﺖ ﻧﻈﺮﻱ ﻋﻨﻬﺎ ﻭﺑﺪﻳﺖ ﺍﻃﻠﻊ ﺍﻟﺮﺻﺎﺻﻪ ﻣﺎﺍﻋﺮﻑ ﺷﺼﺎﺭﻟﻲ ﺍﺩﻳﻪ ﺗﺮﺟﻒ ﻭﺍﻟﻌﺮﻙ ﻳﺼﺐ ﻣﻨﻲ ﻣﺜﻞ ﺍﻟﻲ ﺃﻭﻝ ﻣﺮﻩ ﻳﺴﻮﻱ ﻫﺬﺍ ﺍﻟﺸﻲ !!
ﻓﺠﺄﻩ ﺍﺗﺬﻛﺮﺕ ﺍﻭﻝ ﻣﺮﻳﺾ ﻋﺎﻟﺠﺘﻪ ﻛﻨﺖ ﺑﻨﻔﺲ ﻫﺎﻱ ﺍﻟﺤﺎﻟﻪ ، ﻣﺮﺗﺒﻚ ﻭﺍﺩﻳﻪ ﺗﺮﺟﻒ .. ﻋﻘﻤﺖ ﺍﻟﺠﺮﺡ ﻭﺧﻴﻄﺘﻬﺎ ، ﻫﻲ ﻛﺎﻧﺖ ﺑﻐﻴﺮ ﻋﺎﻟﻢ ﺑﺲ ﻋﻴﻮﻧﻬﺎ ﺗﺠﺮﻱ ﺩﻣﻮﻉ ﻣﻮﻛﻔﺖ ﺍﺑﺪ ، ﺣﺎﻟﻪ ﻏﺮﻳﺒﻪ !
ﻛﻤﻠﺖ ﺿﻤﺪﺗﻬﺎ ﻭﻃﻠﻌﺖ ..
ﻟﻜﻴﺖ ﻋﻠﻲ ﻛﺎﻋﺪ ﻉ ﺭﺣﻠﻪ ﻣﻦ ﺭﺣﻼﺕ ﺍﻟﻤﺪﺭﺳﻪ ﻭﻳﺪﺧﻦ !..
ﺍﻧﻲ ﻫﻢ ﻣﺤﺠﻴﺖ ﺍﻱ ﻛﻠﻤﻪ ﻣﺸﻴﺖ ﻛﻌﺪﺕ ﺑﺼﻔﻪ ، ﻃﻠﻊ ﺟﻜﺎﺭﻩ ﻭﺭﺛﻬﺎ ( ﺷﻌﻠﻬﺎ ) ﻭﺍﻧﻄﺎﻧﻴﺎﻫﺎ ﺑﺪﻭﻥ ﻛﻼﻡ .. ﺍﺧﺬﺗﻬﺎ ﻣﻨﻪ ﻭﺑﻘﻴﻨﺎ ﺍﻧﺪﺧﻦ ﻭﺍﻟﻬﺪﻭﺀ ﺳﻴﺪ ﺍﻟﻤﻮﻗﻒ ﺍﻟﻰ ﺍﻥ ﺣﺠﻪ ﻫﻮ ...
ﻋﻠﻲ .. ﺍﺷﻠﻮﻧﻪ ﻭﺿﻌﻬﺎ؟ !
ﺃﺳﻴﺪ .. ﻣﺴﺘﻘﺮ .
ﻋﻠﻲ .. ﺍﻋﺮﻑ ﺣﺎﻟﺘﻚ ﻣﺘﺴﺎﻋﺪ ﺑﺲ .. ﻣﻨﻮ ﻫﺎﻱ؟ !
ﺃﺳﻴﺪ .. ﻣﺎ ﺍﻋﺮﻓﻬﺎ .
ﻋﻠﻲ .. ﻟﻌﺪ ﻭﻳﻦ ﻟﻜﻴﺘﻬﺎ ؟ !!
ﺃﺳﻴﺪ .. ﻣﻠﻜﻴﺘﻬﺎ ﻫﻲ ﻟﻜﺘﻨﻲ .
ﻋﻠﻲ .. ﺷﻨﻮ ﻫﻲ ﺣﺰﻭﺭﻩ ؟ !
ﺃﺳﻴﺪ .. ﺑﻌﺪ ﻣﺎ ﻃﻠﻌﺖ ﻣﻦ ﻋﻨﺪﻙ ﺭﺣﺖ ﻧﻤﺖ ﻓﺠﺄﻩ ﺍﻧﻔﺘﺢ ﺑﺎﺏ ﺍﻟﻜﺮﻓﺎﻥ ﻛﻌﺪﺕ ﻟﻜﻴﺘﻬﺎ ﻛﺪﺍﻣﻲ .. ﻭﺣﺠﺎﻟﻪ ﻛﻞ ﺍﻟﻲ ﺻﺎﺭ !....
ﻋﻠﻲ .. ﺍﻟﻠﻪ ﺍﻛﺒﺮ ﻋﻠﻴﻚ ﻳﻤﻜﻦ ﺻﺪﻙ ﺟﺎﻳﻪ ﺗﺸﻮﻑ ﺍﺧﻮﻫﺎ ، ﻟﻴﺶ ﻋﺎﻣﻠﺘﻬﺎ ﻣﺜﻞ ﺍﻟـ ... ، ﺷﻮﻑ ﻭﻳﻦ ﻭﺻﻠﺘﻬﺎ ﺟﺎﻥ ﻣﺎﺗﺖ ﺍﻟﻤﺨﻠﻮﻗﻪ ﺑﺴﺒﺐ ﺍﻟﻲ ﺳﻮﻳﺘﻪ .
ﺃﺳﻴﺪ .. ﺗﺘﻮﻗﻊ ﺍﻛﻮ ﻭﺣﺪﻩ ﺑﻨﺖ ﻧﺎﺱ ﻭﻣﺮﺑﺎﻳﻪ ﺗﺪﺧﻞ ﻣﻜﺎﻥ ﻋﺴﻜﺮﻱ ﻣﺎ ﺑﻲ ﺑﺲ ﺯﻟﻢ ﻭﻧﺺ ﺍﻟﻠﻴﻞ؟ !!
ﻋﻠﻲ .. ﻫﺎﺍﺍ ... ﻭﺍﻟﻠﻪ ﻣﺎﺍﺩﺭﻱ ﺷﻨﻮ ﺍﻛﻠﻚ !...
ﺃﺳﻴﺪ .. ﻟﺘﻜﻮﻝ ﺷﻲ ﺑﺲ ﺳﺪ ﺣﻠﻜﻚ .
ﻋﻠﻲ .. ﻫﻬﻬﻪ ﺑﺲ ﺗﻌﺮﻑ ﻫﺬﻱ ﺍﻟﻤﺴﻜﻴﻨﻪ ﺍﺷﻜﺪ ﻣﻨﺤﻮﺳﻪ ﻣﻦ ﺑﻴﻦ ﻛﻞ ﺍﻟﻐﺮﻑ ﻭﻛﻞ ﺍﻟﻨﺎﺱ ﺍﻟﻲ ﻣﻮﺟﻮﺩﻳﻦ ﻫﻨﺎ ﺣﻈﻬﺎ ﻭﺩﺍﻫﺎ ﻋﻠﻴﻚ ﺍﻛﺜﺮ ﻭﺍﺣﺪ ﻳﻜﺮﻩ ﺍﻟﻨﺴﻮﺍﻥ ، ﻉ ﺑﺎﻟﻲ ﺑﺲ ﺍﻧﻲ ﻣﺎ ﻋﻨﺪﻱ ﺣﻆ ﻫﺎﻱ ﺣﻄﻤﺖ ﺍﻟﻤﻘﺎﺍﻳﻴﺲ .
ﺃﺳﻴﺪ .. ﺑﻨﺒﺮﺓ ﺳﺎﺧﺮﻩ .. ﻟﻴﺶ ﻣﺘﻜﻮﻝ ﺍﻧﻲ ﺍﻟﻲ ﻣﻨﺤﻮﺱ ، ﻣﻦ ﺑﻴﻦ ﻛﻞ ﺍﻟﻲ ﻣﻮﺟﻮﺩﻳﻦ ﺣﻈﻲ ﻭﺭﻃﻨﻲ ﺑﻴﻬﺎ .
ﻋﻠﻲ .. ﺯﻳﻦ ﻣﻌﺮﻓﺖ ﻣﻨﻮ ﻫﺬﺍ ﺍﺧﻮﻫﺎ ﺍﻟﻲ ﺍﺟﺖ ﻋﻠﻴﻪ؟ !!
ﺃﺳﻴﺪ .. ﺍﻟﺒﺎﺭﺣﺎ ﺟﺎﺑﻮ ﻣﺼﺎﺏ ﻣﺪﻧﻲ ﻛﺎﻟﻮ ﻣﻨﻔﺠﺮﻩ ﻋﻠﻴﻪ ﻋﺒﻮﻩ ﻧﺎﺳﻔﻪ ، ﻭﺍﻧﻲ ﺍﻟﻲ ﺍﺷﺮﻓﺖ ﻋﻠﻰ ﺣﺎﻟﺘﻪ ، ﻛﺎﻧﺖ ﺍﺻﺎﺑﺘﻪ ﺟﺪﺍً ﻗﻮﻳﻪ ﻭﺍﻟﻤﻐﺮﺏ ﺍﺗﻮﻓﻰ .. ﺍﻋﺘﻘﺪ ﻫﻮ ﻫﺬﺍ ﻻﻥ ﻣﺎﻛﻮﻭ ﻣﺪﻧﻴﻴﻦ ﺑﺎﻟﻤﺴﺘﺸﻔﻰ ﻏﻴﺮﻩ .
ﻋﻠﻲ .. ﺍﻧﺎ ﻟﻠﻪ ﻭﺍﻧﺎ ﺍﻟﻴﻪ ﺭﺍﺟﻌﻮﻥ ، ﻣﺎﺕ ﻭﺍﻧﺖ ﺭﺩﺕ ﺗﻤﻮﺕ ﺍﺧﺘﻪ .
ﺃﺳﻴﺪ .. ﺍﻧﺖ ﺍﻟﺤﺠﻲ ﻭﻳﺎﻙ ﻣﻴﻔﻴﺪ ﺧﻠﻲ ﺍﺭﻭﺡ ﻟﻶﻣﺮ ﺍﺣﺠﻴﻠﻪ ﺍﻟﻲ ﺻﺎﺭ ﻗﺒﻞ ﻟﻴﻄﻠﻊ ﺍﻟﺼﺒﺢ ﻭﺗﺼﻴﺮ ﻗﻀﻴﻪ .
ﻛﺎﻡ ﺃﺳﻴﺪ ﻭﺭﺍﺡ ﻟﻶﻣﺮ ﻃﻠﺐ ﺍﻻﺫﻥ ﻭﺩﺧﻠﻪ .. ﺣﺠﺎﻟﻪ ﻛﻞ ﺍﻟﻲ ﺻﺎﺭ ﻟﻴﺶ ﺩﺧﻠﺖ ﻟﻠﻤﻌﺴﻜﺮ ﻭﺍﺷﻠﻮﻥ ﻭﺻﻠﺖ ﺍﻟﻐﺮﻓﺘﻪ ﺑﺲ ﻛﺎﻟﻪ ﺍﻧﻮ ﻫﻮ ﺍﻟﻲ ﺿﺮﺑﻬﺎ ﻃﻠﻘﻪ ﻻﻧﻮ ﻉ ﺑﺎﻟﻪ ﺍﺭﻫﺎﺑﻲ ﻭﺍﻟﺪﻧﻴﺎ ﻇﻠﻤﻪ ﻣﺸﺎﻓﻬﺎ .
ﻓﺘﺤﻮ ﺗﺤﻘﻴﻖ ﺑﺎﻟﻤﻮﺿﻮﻉ ﻭﺍﻵﻣﺮ ﻣﺎﻟﺘﻪ ﺷﺎﻑ ﺍﻟﺒﻨﻴﻪ ﻭﺗﻔﻘﺪﻫﺎ .. ﻛﺎﻟﻠﻬﻢ ﺍﺫﺍ ﺻﺤﺖ ﻭﺣﺎﻟﺘﻬﺎ ﺗﺤﺴﻨﺖ ﻣﺘﻄﻠﻊ ﻻﺯﻡ ﺗﻨﺤﺒﺲ ﺍﻟﻰ ﺍﻥ ﻳﺘﺄﻛﺪﻭﻥ ﻣﻦ ﻫﻮﻳﺘﻬﺎ ، ﻭﺻﺤﺔ ﺍﻗﻮﺍﻟﻬﺎ !!
ﻃﺒﻌﺎً ﺍﻟﻬﺒﺮ ﺍﻧﺘﺸﺮ ﺑﺎﻟﻤﻌﺴﻜﺮ ﻭﺍﻟﻜﻞ ﻛﺎﻡ ﻳﺤﺠﻲ ﺑﺎﻟﻤﻮﺿﻮﻉ .. ﺗﻌﺮﻓﻮﻥ ﻛﻼﻡ ﺍﻟﻨﺎﺱ !..
ﺍﻟﻲ ﻛﺎﻝ ﻋﻨﺪﻩ ﻋﻼﻗﻪ ﺑﻴﻬﺎ ، ﻭﺍﻟﻲ ﻛﺎﻝ ﻳﺠﻴﺐ ( ﺳﺎﻗﻄﺎﺕ ) ﻟﻠﻤﻌﺴﻜﺮ !
ﻭﺍﻟﻲ ﻛﺎﻝ ﺭﺍﺩﺕ ﺍﺗﻔﻀﺤﻪ ﻭﻗﺘﻠﻬﺎ !..
ﻛﻞ ﺍﺛﻨﻴﻦ ﻳﺤﺠﻮﻥ ﺳﻮﻩ .. ﻭﻓﻮﻙ ﻫﺬﺍ ﻛﻮﻟﻪ ﺍﻟﻀﺎﺑﻂ ﺍﻟﻤﺴﺆﻭﻝ ﻗﺮﺭ ﺍﻳﻘﺎﻓﻪ ﻋﻦ ﺍﻟﻌﻤﻞ ﺍﻟﻰ ﺣﻴﻦ ﺍﻧﺘﻬﺎﺀ ﺍﻟﺘﺤﻘﻴﻖ ﻭﺣﻞ ﺍﻟﻘﻀﻴﻪ !!!
ﺣﺎﻭﻝ ﻳﻘﻨﻊ ﺍﻵﻣﺮ ﻭﻳﻔﻬﻤﻪ ﺍﻧﻮ ﻛﻞ ﺍﻟﻲ ﺩﻳﻨﻜﺎﻝ ﻋﻨﻪ ﻣﻮ ﺻﺤﻴﺢ .... ﺑﺲ ﺍﻵﻣﺮ ﻛﺎﻥ ﺻﺎﺭﻡ ﻭﻳﺎ .. ﻭﺟﺒﺮﻩ ﻳﺎﺧﺬ ﺍﺟﺎﺯﻩ ﺍﻟﻰ ﺍﻥ ﻳﺨﻠﺺ ﺍﻟﻤﻮﺿﻮﻉ .. ﻫﺬﺍ ﺍﻟﺸﻲ ﺣﻴﻞ ﺃﺛﺮ ﻋﻠﻰ ﺃﺳﻴﺪ ﻟﺪﺭﺟﻪ ﻓﻘﺪ ﺍﻋﺼﺎﺑﻪ ﺻﺎﺭ ﺑﺮﻛﺎﻥ ﻣﻦ ﺍﻟﻐﻀﺐ ، ﻛﻞ ﺍﻟﻲ ﻓﻜﺮ ﺑﻲ ﻟﻮ ﻋﺎﻳﻔﻬﺎ ﺗﻤﻮﺕ ﻭﺧﻠﺼﺎﻥ ﻣﻨﻬﺎ .. ﻛﺎﻥ ﻣﺎ ﺻﺎﺭ ﻛﻞ ﻫﺬﺍ ﺑﻲ ، ﺍﺫﺍ ﻫﻮ ﻛﺎﺭﻩ ﺍﻟﻨﺴﻮﺍﻥ ﻗﺒﻞ ﻫﺴﻪ ﻛﺮﻫﻦ ﻟﺤﺪ ﺍﻟﻤﻮﺕ ، ﻛﻞ ﻣﺼﺎﻳﺒﻪ ﺑﺴﺒﺒﻬﻦ !
ﺍﺧﺬ ﻣﻼﺑﺴﻪ ﻭﻧﺰﻝ ﻟﺒﻴﺘﻬﻢ ... ﻣﺤﺪ ﻋﺮﻑ ﻋﻨﻪ ﺷﻲ ﺑﻌﺪ .
ﺑﻘﺖ ﺩﺍﻟﻴﺎ ﺑﺎﻟﻤﺴﺘﺸﻔﻰ ﻳﻮﻣﻴﻦ ﻓﺎﻗﺪﻩ ﺍﻟﻮﻋﻲ ﻻﻥ ﺣﺎﻟﺘﻬﺎ ﻛﺎﻧﺖ ﺗﻌﺒﺎﻧﻪ ﺑﺴﺒﺐ ﺍﻟﺪﻡ ﺍﻟﻲ ﻓﻘﺪﺗﻪ !
ﺑﺎﻟﻤﻴﺘﻢ ﺍﻟﻜﻞ ﻛﺎﻥ ﻣﺨﺒﻮﺹ ﻋﻠﻴﻬﺎ ﻭﻳﺪﻭﺭﻭﻥ ﻣﺎ ﺧﻠﻮ ﻣﻜﺎﻥ ﻣﺎ ﺭﺍﺣﻮﻟﻪ ، ﺳﻠﻤﻰ ﻣﻦ ﺧﻮﻓﻬﺎ ﻭﻏﺒﺎﺋﻬﺎ ﻣﺤﺠﺖ ﺷﻲ ﻭﻻ ﻛﺎﻟﺘﻠﻬﻢ ﺍﻧﻮ ﺩﺍﻟﻴﺎ ﺭﺍﺣﺖ ﺗﺸﻮﻑ ﺩﺍﻧﻲ ، ﻻﻥ ﺍﺫﺍ ﻛﺎﻟﺖ ﻣﺮﺍﺡ ﺗﺴﻠﻢ ﻣﻦ ﺍﻟﻜﻞ !
ﻫﺴﻪ ﻳﻜﻮﻟﻮﻟﻬﺎ ﻟﻴﺶ ﻣﻜﻠﺘﻲ ﻣﻦ ﺭﺍﺣﺖ ، ﻟﻴﺶ ﻣﺒﻠﻐﺘﻲ ﻋﻨﻬﺎ؟ !
ﻭﺍﺫﺍ ﺻﺎﺭ ﺑﻴﻬﺎ ﺷﻲ ﻣﺤﺪ ﺭﺍﺡ ﻳﺮﺣﻤﻬﺎ !...
ﻓـ ﻓﻜﺮﺕ ﺍﻧﻪ ﺍﻛﻴﺪ ﻟﺰﻣﻮﻫﺎ ﺍﻟﺤﺮﺱ ﻭﻫﻲ ﻛﺎﻟﺘﻠﻬﻢ ﻛﻮﻟﺸﻲ ﻓﺮﺍﺡ ﻳﺠﻮﻥ ﻟﻠﻤﻴﺘﻢ ﺣﺘﻰ ﻳﺘﺄﻛﺪﻭﻥ ﺩﺍﻟﻴﺎ ﻣﻦ ﻭﻳﻦ !
ﺑﻘﺖ ﺳﺎﻛﺘﻪ ..
ﺛﺎﻟﺚ ﻳﻮﻡ ﻗﺮﺭﺕ ﺗﺮﻭﺡ ﺑﻨﻔﺴﻬﺎ ﻟﻠﻤﻌﺴﻜﺮ ﻭﺗﺴﺄﻝ ﻋﻨﻬﺎ .... ﺍﻟﺼﺒﺢ ﻣﻦ ﻃﻠﻌﺖ ﺍﻟﻜﻠﻴﺘﻬﺎ .. ﺭﺍﺣﺖ ﺑﻮﺟﻬﺎ ﻟﻠﻤﺴﺘﺸﻔﻰ ﺍﻟﻌﺴﻜﺮﻱ !..
ﺑﻌﺪﻫﺎ ﻫﺴﻪ ﻭﺻﻠﺖ ﻟﻠﺒﺎﺏ ﻣﺎﻟﺖ ﺍﻟﻤﻌﺴﻜﺮ ..... ﻭﺟﺎﻥ ﺗﺴﻤﻊ ﺻﻮﺕ ﺍﻧﻔﺠﺎﺍﺍﺍﺭ ﻛﻮﻭﻭﻭﻭﻟﺶ ﻗﻮﻱ !!!
ﻟﺪﺭﺟﻪ ﺷﻤﺮﻫﺎ ﻣﻦ ﻣﻜﺎﻧﻬﺎ ﻣﺴﺎﺍﺍﻓﻪ ﺟﺪﺍً ﺑﻌﻴﺪﻩ !
ﻭﻛﻌﺖ ﺑﺎﻟﻜﺎﻉ ﺍﻟﺪﺧﺎﻥ ﺗﺮﺱ ﺍﻟﺠﻮ ﻭﻛﻮﻟﺸﻲ ﻣﺘﺸﻮﻑ .. ﻣﺴﻤﻌﺖ ﺷﻲ ﻻﻥ ﺍﻻﻧﻔﺠﺎﺭ ﻛﻮﻟﺶ ﻗﻮﻱ ﺑﺤﻴﺚ ﺣﺴﺖ ﺍﺫﺍﻧﻬﺎ ﺍﻧﺰﺭﻓﺖ .. ﺑﻜﻞ ﻣﺎ ﻋﺪﻫﺎ ﻣﻦ ﻗﻮﻩ ﻓﺘﺤﺖ ﻋﻴﻮﻧﻬﺎ ..... !
ﻭﺟﺎﻥ ﺗﺸﻮﻑ ﺍﻟﻤﻴﺘﻢ ﻭﺍﻟﻜﻨﻴﺴﻪ ﺻﺎﻳﺮﺍﺕ ﺭﻣﺎﺩ !!!!!!!!!!!!
ﻟﻠﺤﻜﺎﻳﻪ ﺑﻘﻴﻪ
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء