رواية في أرض الغرام انت دولتي ج1 الجزء الثاني
للكاتبة الأميرة الموسوية
..
- ﺍﻟﺪﻧﻴﺎ ﻛﺎﻧﺖ ﻟﻴﻞ ﻭﺍﻟﺠﻮ ﺑﺎﺭﺩ .. ﻓﺘﺮﻩ ﻃﻮﻳﻠﻪ ﻣﺮﺕ ﻭﺍﻧﻲ ﻛﺎﻋﺪﻩ ﻫﻨﺎ
ﻛﻨﺖ ﺍﻧﻲ ﻃﻔﻠﻪ ﻋﻤﺮﻱ 7 ﺳﻨﻮﺍﺕ ﻛﺎﻋﺪﻩ ﻛﺪﺍﻡ ﺑﺎﺏ ﻛﺒﻴﺮ ﻭﻋﺎﻟﻲ ﻣﺘﺤﺮﻛﺖ ﻣﻦ ﻣﻜﺎﻧﻲ ﻭﻻ ﺩﻛﻴﺖ ﺍﻟﺒﺎﺏ ﻻﻧﻮ ﺍﻟﺸﺨﺺ ﺍﻟﻲ ﺧﻼﻧﻲ ﻫﻨﺎ ﻛﺎﻝ ﻣﺘﺘﺤﺮﻛﻴﻦ ﻣﻦ ﻣﻜﺎﻧﺞ ﻫﺴﻪ ﺍﺭﺟﻌﻠﺞ !
ﺑﻘﻴﺖ ﺑﻤﻜﺎﻧﻲ ﻣﺘﺤﺮﻛﺖ ﻣﻦ ﺍﻟﺨﻮﻑ ﻭﺍﻟﺒﺮﺩ ﻭﺑﺤﻀﻨﻲ ﻃﻔﻠﻪ ﺍﺻﻐﺮ ﻣﻨﻲ ﺏ 5 ﺳﻨﻮﺍﺕ !
ﻫﺬﻱ ﺍﻟﻄﻔﻠﻪ ﻛﺎﻧﺖ ..... ﺑﻨﺘﻲ !....
ﺍﻱ ﺑﻨﺘﻲ ﻣﻦ ﻋﻤﺮﻱ 7 ﺳﻨﻮﺍﺕ ﺍﻧﻲ ﺻﺮﺕ ﺍﻡ ﺑﺲ ﺑﺎﻟﺸﻌﻮﺭ !
ﻣﻦ ﻋﻤﺮ 7 ﺳﻨﻮﺍﺕ ﺣﺴﻴﺖ ﺑﻤﻌﻨﻰ ﺍﻻﻣﻮﻣﻪ .. ﻣﻮ ﻳﻜﻮﻟﻮﻥ ﻓﺎﻗﺪ ﺍﻟﺸﺊ ﻳﻌﻄﻲ؟ !!
ﺍﻧﻲ ﻛﻨﺖ ﻓﺎﻗﺪﻩ ﻫﺬﺍ ﺍﻟﺸﻌﻮﺭ ﺑﻬﺬﻳﺞ ﺍﻟﻠﺤﻈﻪ ﻓﺤﺎﻭﻟﺖ ﺍﻧﻄﻲ ﻟﻠﻄﻔﻠﻪ ﺍﻟﻲ ﺑﺤﻈﻨﻲ ، ﺻﺮﺗﻠﻬﺎ ﺍﻡ !
ﻧﺰﻋﺖ ﻗﻄﻌﺔ ﺍﻟﻤﻼﺑﺲ ﺍﻟﻮﺣﻴﺪﻩ ﺍﻟﻲ ﺗﻐﻄﻲ ﺟﺴﻤﻲ .. ﻟﻔﻴﺖ ﺑﻴﻬﺎ ﺍﻟﻄﻔﻠﻪ ، ﻭﺣﻈﻨﺘﻬﺎ ﺑﻜﻞ ﻗﻮﺗﻲ !
ﺭﺩﺗﻬﺎ ﺗﺤﺲ ﺑﺎﻟﺪﻓﻮ ﺍﻟﻲ ﺍﻧﻲ ﻓﺎﻗﺪﺗﻪ !
ﺭﻏﻢ ﺍﻧﻲ ﻃﻔﻠﻪ ﺑﺲ ﺍﺣﺴﺎﺱ ﺍﻻﻣﻮﻣﻪ ﺍﻟﻲ ﻧﻮﻟﺪ ﺑﺪﺍﺧﻠﻲ ﺧﻼﻧﻲ ﺍﺗﺠﺎﻭﺯ ﻋﻤﺮﻱ ﺑﺤﻴﺚ ﺍﺿﺤﻲ ﺑﺎﻟﺸﻲ ﺍﻟﻮﺣﻴﺪ ﺍﻟﻲ ﻳﻐﻄﻴﻨﻲ ﻓﻲ ﺳﺒﻴﻞ ﺍﺩﻓﻴﻬﺎ !..
ﺗﺼﺮﻑ ﺍﻣﻬﺎﺕ ﻣﻮ؟ !!
ﻛﻠﺘﻠﻜﻢ ﺍﻧﻲ ﺻﺮﺕ ﺍﻡ !
ﻓﻜﺮﺕ ﺍﻧﻮ ﺑﻜﻞ ﺍﻻﺣﻮﺍﻝ ﺍﻧﻲ ﺭﺍﺡ ﺍﻣﻮﺕ ﻓـ ﻉ ﺍﻻﻗﻞ ﻫﻲ ﺍﻟﻲ ﺗﻌﻴﺶ .... ﺑﺲ ﺍﻟﻘﺪﺭ ﻛﺎﻥ ﺍﻟﻪ ﺭﺃﻱ ﺍﺧﺮ .
ﺟﺴﻤﻲ ﻛﻮﻟﻪ ﻛﺎﻥ ﻋﺒﺎﺭﻩ ﻋﻦ ﻛﺘﻠﻪ ﺛﻠﺞ ﻣﻦ ﺍﻟﺒﺮﺩ !
ﺍﻃﺮﺍﻑ ﺍﺻﺎﺑﻌﻲ ﻣﻜﻨﺖ ﺍﺣﺲ ﺑﻴﻬﻢ ﺍﺑﺪ ، ﺍﻟﺠﻮ ﺑﺎﺍﺍﺍﺭﺩ ﺛﻠﺞ ﺑﻜﻞ ﻣﻌﻨﻰ ﺍﻟﻜﻠﻤﻪ ، ﺑﻘﻴﺖ ﺣﺎﻇﻨﻪ ﺍﻟﻄﻔﻠﻪ ﺑﻜﻞ ﻣﺎ ﺍﻣﻠﻚ ﻣﻦ ﻗﻮﻩ ﻟﺪﺭﺟﻪ ﺣﺴﻴﺘﻬﺎ ﺩﺗﺨﺘﻨﻚ !!
ﺍﻧﻲ ﻛﻨﺖ ﺍﻟﻔﻂ ﺍﻧﻔﺎﺳﻲ ﺍﻻﺧﻴﺮﻩ ﻣﻦ ﺍﻟﺒﺮﺩ .. ﻓﺠﺄﻩ ﺍﻧﻔﺘﺢ ﺍﻟﺒﺎﺏ ﺍﻟﻜﺒﻴﺮ ﺍﻟﻲ ﻛﺪﺍﻣﻲ .... ﺿﻮﻩ ﺻﺎﺭ ﻛﺪﺍﻣﻲ .. ﺭﻓﻌﺖ ﺭﺍﺳﻲ ﻣﻦ ﺍﻟﻄﻔﻠﻪ ﺷﻔﺖ ﺍﻟﺒﺎﺏ ﻣﻔﺘﻮﺡ ﻭﺷﺨﺺ ﻃﻮﻳﻞ ﺣﻴﻞ ﻻﺯﻡ ﻓﺎﻧﻮﺱ ﻭﺍﻛﻒ ﻛﺪﺍﻣﻲ !
ﻣﺸﻔﺖ ﻣﻼﻣﺤﻪ ﻻﻧﻮ ﺍﻟﺪﻧﻴﺎ ﻇﻠﻤﻪ ﻭﺿﻮﺀ ﺍﻟﻔﺎﻧﻮﺱ ﺻﺎﺭ ﺑﻌﻴﻨﻲ ﻣﻜﺪﺭﺕ ﺍﻣﻴﺰ ﺷﻲ !..
ﺑﻠﺤﻈﻪ ﻭﺣﺪﻩ ﺣﺴﻴﺖ ﺭﻭﺣﻲ ﺩﺗﻄﻠﻊ ﺧﻠﺺ ﻭﺍﺳﺘﺴﻠﻤﺖ ﻟﻠﻤﻮﺕ ...
ﺷﻌﻮﺭ ﺩﺍﻓﻲ ، ﺍﺣﺴﺎﺱ ﺣﻠﻮﻭ ، ﻓﺘﺤﺖ ﻋﻴﻮﻧﻲ ﺑﻬﺪﻭﺀ ﻟﻜﻴﺖ ﻧﻔﺴﻲ ﻧﺎﻳﻤﻪ ﺑﻔﺮﺍﺵ ﺩﺍﻓﻲ !
ﻭﻛﺪﺍﻣﻲ ﺩﻓﺎﻳﻪ ﻣﺸﺘﻌﻠﻪ !
ﻭﺍﻧﻲ ﻻﺑﺴﻪ ﺛﻮﺏ ﺍﺑﻴﺾ ﻧﺎﻋﻢ ﺍﻧﻌﻢ ﻣﻦ ﺍﻟﺤﺮﻳﺮ !
ﺑﺲ ﺍﻛﺜﺮ ﺷﻌﻮﺭ ﺣﻠﻮ ﺍﻧﺘﺎﺑﻨﻲ ﻫﻮ ﻟﻤﺎ ﺣﺴﻴﺖ ﺑﺄﻃﺮﺍﻓﻲ ﺩﻓﻴﺎﻧﻪ ﻭﺩﺗﺘﺤﺮﻙ !
ﺗﻌﺮﻓﻮﻥ ﺍﻟﻄﻔﻞ ﺍﺷﻠﻮﻥ ﺗﻔﺮﺣﻪ ﺍﻟﺘﻔﺎﺻﻴﻞ ﺍﻟﺒﺴﻴﻄﻪ ﻭﻳﻨﺴﻰ ﺍﻻﺷﻴﺎﺀ ﺍﻟﻜﺒﻴﺮﻩ ﺍﻟﻲ ﻣﺮ ﺑﻴﻬﺎ .
ﻋﺸﺖ ﻫﺬﺍ ﺍﻻﺣﺴﺎﺱ ﺍﻟﺤﻠﻮﻭ ﺩﻗﺎﻳﻖ .. ﺑﻌﺪﻫﺎ ﺍﺳﺘﺮﺟﻌﺖ ﻭﻋﻲ !...
ﺍﻧﻲ ﻭﻳﻦ ، ﻭﺷﻨﻮ ﻫﺬﺍ ﺍﻟﻤﻜﺎﻥ ، ﻭﻣﻦ ﻭﻳﻦ ﻫﺬﻱ ﺍﻟﻤﻼﺑﺲ ﻭﺍﺧﺘﻲ ﻭﻳﻦ؟ !
ﺍﺳﺌﻠﻪ ﻫﻮﺍﻱ ﺍﺟﺖ ﻋﻠﻰ ﺑﺎﻟﻲ ﺑﺲ ﺗﻌﺮﻓﻮﻥ ﺷﻨﻮ ﺍﻟﺸﻲ ﺍﻟﻲ ﺭﺩﺗﻪ ﺑﻬﺬﻳﺞ ﺍﻟﻠﺤﻈﻪ؟ !!
( ﺭﺩﺕ ﺍﻣﻲ ) 💔
ﺑﺎﻭﻋﺖ ﺍﻧﻲ ﺑﻐﺮﻓﻪ ﺗﻘﺮﻳﺒﺎً ﺷﺒﻪ ﻇﻠﻤﻪ ﺑﻴﻬﺎ ﺑﺲ ﺿﻮﻩ ﻓﺎﻧﻮﺱ ﻳﺎ ﺩﻭﺏ ﺍﺗﺸﻮﻑ ﻣﻨﻪ ، ﻛﻤﺖ ﻣﻦ ﻣﻜﺎﻧﻲ ﻓﺘﺤﺖ ﺍﻟﺒﺎﺏ ﻭﻃﻠﻌﺖ ﻛﺎﻥ ﺍﻟﺪﻧﻴﺎ ﻧﻬﺎﺭ ﻭﺍﻟﻀﻮﻩ ﻋﻤﻰ ﻋﻴﻮﻧﻲ !..
ﺑﻘﻴﺖ ﺍﻓﺮﻙ ﺑﻌﻴﻮﻧﻲ ﺛﻮﺍﻧﻲ ، ﺣﺴﻴﺖ ﺷﺨﺺ ﻟﺰﻣﻨﻲ ﻣﻦ ﻛﺘﻔﻲ !
ﺍﻧﺘﺒﻬﺖ ﺑﺴﺮﻋﻪ ﺷﻔﺖ ﺭﺟﺎﻝ ﻛﺒﻴﺮ ﺑﺎﻟﻌﻤﺮ ﻭﺍﻛﻒ ﻋﻠﻰ ﺭﺍﺳﻲ ﺷﻜﻠﻪ ﻳﺤﺴﺴﻚ ﺑﺎﻻﻣﺎﻥ ﺍﻟﺸﻴﺐ ﻣﺎﻟﻲ ﺭﺍﺳﻪ !
ﺍﻟﺮﺟﻞ .. ﺻﺒﺎﺡ ﺍﻟﺨﻴﺮ ﻳﺎ ﺣﻠﻮﻩ ﺍﺷﻠﻮﻥ ﺻﺮﺗﻲ؟ !!
ﺍﻧﻲ .. ﺍﻧﻲ ﻭﻳﻦ ، ﺍﻧﺖ ﻣﻨﻮ ، ﺍﺧﺘﻲ ﻭﻳﻨﻬﺎ ... ﺍﺭﻳﺪ ﺍﺧﺘﻲ ﻭﻳﻨﻬﺎ ﺍﺧﺘﻲ؟
...
ﺍﻟﺮﺟﻞ .. ﺑﺼﻮﺕ ﻫﺎﺩﺉ ﻭﻋﻄﻮﻑ .. ﺍﻫﺪﻱ ﻋﻤﻮ ﺍﻫﺪﻱ ، ﻭﻟﺘﺨﺎﻓﻴﻦ ﺍﻧﻲ ﺍﺭﻳﺪ ﺍﺳﺎﻋﺪﺝ ﻣﺎ ﺍﺳﻮﻳﻠﺞ ﺷﻲ ، ﺍﻧﺘﻲ ﻫﺴﻪ ﺑـ ( ﺑﻴﺖ ﺍﻟﺮﺏ ) ، ﻣﺎﻛﻮ ﺷﻲ ﻳﺨﻮﻑ ﻳﺎ ﻋﻤﻮ
ﺍﻧﻲ .. ﺑﻴﺖ ﺍﻟﺮﺏ؟ !!
ﺑﻘﻴﺖ ﺻﺎﻓﻨﻪ ﺛﻮﺍﻧﻲ .. ﺍﻧﻲ ﺷﺴﻮﻱ ﺑﺎﻟﻜﻨﻴﺴﻪ ﻭﻟﻴﺶ ﻋﺎﻓﺘﻨﻲ ﻫﻨﺎ؟ !!
ﺑﺴﺮﻋﻪ ﻭﺻﻮﺕ ﺟﺎﻣﺪ ﻛﻠﺘﻠﻪ .. ﺍﺧﺘﻲ ﻭﻳﻨﻬﺎ ﻭﻳﻦ ﻭﺩﻳﺘﻮﻫﺎ؟ !!
ﺍﻟﺮﺟﻞ .. ﺍﺧﺘﺞ ﺍﻣﻤﻤﻤﻢ ﺍﺧﺘﺞ ﻧﺎﻳﻤﻪ ﺟﻮﻩ ﻣﺎ ﺑﻴﻬﺎ ﺷﻲ ﻟﺘﺨﺎﻓﻴﻦ .
ﺍﻧﻲ .. ﺍﺭﻳﺪ ﺍﺷﻮﻓﻬﺎ ﺍﺧﺬﻧﻲ ﺍﻟﻬﺎ ﺧﻠﻲ ﺍﺷﻮﻓﻬﺎ .
ﺍﻟﺮﺟﻞ .. ﺧﻼ ﺍﻳﺪﻩ ﻉ ﺭﺍﺳﻲ ﻭﻛﺎﻟﻲ .. ﺍﺧﺘﺞ ﻧﺎﻳﻤﻪ ﻫﺴﻪ ﻣﻴﺼﻴﺮ ﺍﺗﺸﻮﻓﻴﻬﺎ .. ﺍﻣﺸﻲ ﻭﻳﺎﻱ ﻧﺸﺮﺏ ﺍﻧﻲ ﻭﻳﺎﺝ ﺣﻠﻴﺐ ﻭﺍﺣﺠﻴﻠﻲ ﺍﺷﻮﻳﻪ ﺷﺠﺎﺑﺞ ﻟﻬﻨﺎ ﻭ ﻭﻳﻦ ﺍﻫﻠﺞ ﻭﺑﻌﺪﻫﺎ ﺗﺸﻮﻓﻴﻬﺎ ﻭﻋﺪ .
ﻟﻠﺤﻈﻪ ﻭﺣﺪﻩ ﺣﺴﻴﺖ ﺑﺎﻻﻣﺎﻥ ﻣﻦ ﺧﻼ ﺍﻳﺪﻩ ﻉ ﺭﺍﺳﻲ ﻣﺸﻴﺖ ﻭﻳﺎ ﺑﻬﺪﻭﺀ ﺍﺧﺬﻧﻲ ﻟﻐﺮﻓﻪ ﻛﺒﻴﺮﻩ ﺍﻟﺸﻤﺲ ﺗﺪﺧﻞ ﻣﻦ ﻛﻞ ﺷﺒﺎﺑﻴﻜﻬﺎ ﻭﺑﻨﺼﻬﺎ ﻃﺎﻭﻟﻪ ﻃﻌﺎﻡ ﺧﺸﺐ .. ﻛﻌﺪﺕ ﻉ ﺍﻟﻜﺮﺳﻲ ﻭﺟﺎﺑﻠﻲ ﻛﻼﺹ ﺣﻠﻴﺐ ﻭﺧﺒﺰﻩ .. ﺍﻛﻠﺘﻬﺎ ﻛﻮﻟﻬﺎ ﻭﺍﻟﺤﻠﻴﺐ ﺷﺮﺑﺘﻪ ﻛﻮﻟﻪ ﺑﺪﻭﻥ ﻭﻋﻲ ﻣﻨﻲ .. ﺍﻟﻈﺎﻫﺮ ﻛﻨﺖ ﺟﻮﻋﺎﻧﻪ ﻭﺍﻧﻲ ﻣﺎﺍﺩﺭﻱ !..
- ﺳﺄﻟﻨﻲ ﺍﻟﺮﺟﻞ ﺷﻨﻮ ﺍﺳﻤﺞ؟ !!
- ﺩﺍﻟﻴﺎ .
- ﺍﻟﺮﺟﻞ ﺍﻟﻠﻪ ﺍﺳﻢ ﺟﻤﻴﻞ ﻭﺍﻧﻲ ﺍﺳﻤﻲ ﻋﻤﻮ ﺍﻣﻴﻦ .
ﺑﻘﻴﺖ ﺳﺎﻛﺘﻪ ﻭﺻﺎﻓﻨﻪ ﺑﻮﺟﻬﻪ ﻣﺎﺍﻋﺮﻑ ﺷﻨﻮ ﺍﺣﺠﻲ .. ﺍﻟﻰ ﺍﻥ ﺣﺠﻪ ﻫﻮ !
ﺍﻟﻌﻢ ﺍﻣﻴﻦ .. ﺗﻌﺮﻓﻴﻦ ﺍﻫﻠﺞ ﻭﻳﻦ ، ﻭ ﻣﻨﻮ ﺟﺎﺑﺞ ﺍﻧﺘﻲ ﻭﺍﺧﺘﺞ ﻟﻠﻜﻨﻴﺴﻪ ، ﻭ ﻭﻳﻦ ﺑﻴﺘﻜﻢ ﺗﻨﺪﻟﻲ؟ !!
ﺩﺍﻟﻴﺎ .. ﻣﺎﻣﺎ ﺟﺎﺑﺘﻨﺎ ﻟﻬﻨﺎ ﻭﻛﺎﻟﺖ ﺍﻟﺰﻣﻲ ﺍﺧﺘﺞ ﻭﻟﺘﺘﺤﺮﻛﻴﻦ ﻣﻦ ﻣﻜﺎﻧﺞ ﻫﺴﻪ ﺍﺭﺟﻌﻠﺞ .
ﺍﻟﻌﻢ ﺍﻣﻴﻦ .. ﺍﻣﻤﻢ ﺯﻳﻦ ﻣﺘﻌﺮﻓﻴﻦ ﻭﻳﻦ ﺭﺍﺣﺖ؟ !!
ﺩﺍﻟﻴﺎ .. ﺑﻘﻴﺖ ﺻﺎﻓﻨﻪ ﺑﻮﺟﻬﻪ ﻣﺎﺍﻋﺮﻑ ﺷﻨﻮ ﺍﺟﺎﻭﺑﻪ ، ﻭﻻ ﺷﻨﻮ ﺍﺣﺠﻲ ؟ !
ﺍﻟﻌﻢ ﺍﻣﻴﻦ .. ﺗﻤﺎﻡ ﺩﺍﻟﻴﺎ ﺍﻟﺤﻠﻮﻩ ﻛﻤﻠﻲ ﺍﻛﻠﺞ ﺣﺘﻰ ﺍﺧﺬﺝ ﺗﺸﻮﻓﻴﻦ ﺍﺧﺘﺞ .
ﻛﻤﻠﺖ ﻭﺍﺧﺬﻧﻲ ﺷﻔﺖ ﺗﺎﻟﻴﺎ ﻛﺎﻧﺖ ﻧﺎﻳﻤﻪ ﺑﺴﺮﻳﺮ ﺻﻐﻴﺮ ﻭﻳﻤﻬﺎ ﻣﺮﻳﻪ ﻣﺘﻮﺳﻄﺔ ﺍﻟﻌﻤﺮ ﻻﺑﺴﻪ ﻟﺒﺲ ﺭﺍﻫﺒﺎﺕ ﻭﻣﺒﺘﺴﻤﻪ ﺑﻮﺟﻬﻲ .. ﺑﺎﻭﻋﺖ ﻻﺧﺘﻲ ﺷﻜﻠﻬﺎ ﻛﺎﻥ ﻏﺮﻳﺐ ﻣﻼﻣﺤﻪ ﺻﻔﺮﻩ ﻭ ﻭﺟﻬﺎ ﺫﺑﻼﻥ؟ !!
ﻣﺪﻳﺖ ﺍﻳﺪﻱ ﺍﺭﻳﺪ ﺍﻟﺰﻣﻬﺎ ﻟﻜﻴﺖ ﺟﺴﻤﻬﺎ ﺣﺎﺭ ﻧﺎﺭ؟ !!
ﺑﺎﻭﻋﺖ ﻟﻠﻌﻢ ﺍﻣﻴﻦ ﺑﻨﻄﺮﻩ ﺍﺳﺘﻔﻬﺎﻡ ؟ !!
ﺭﺩﺕ ﻣﻨﻪ ﺟﻮﺍﺏ ﺷﻨﻮ ﺑﻴﻬﺎ ﺍﺧﺘﻲ ﻟﻴﺶ ﻫﻴﺞ ﺷﻜﻠﻬﺎ ﻣﺘﻐﻴﺮ ﺑﺲ ﻣﺠﺎﻭﺑﻨﻲ .. ﺩﻧﻚ ﺭﺍﺳﻪ ﻭﻃﻠﻊ !
ﺑﻘﺖ ﺗﺎﻟﻴﺎ ﻋﻠﻰ ﻫﺬﺍ ﺍﻟﻮﺿﻊ ﺍﻳﺎﻡ ﻣﺮﻳﻀﻪ .. ﻭﺑﻘﻴﺖ ﺍﻧﻲ ﻫﻨﺎ ﺍﻧﺘﻈﺮ ﺍﺷﻮﻛﺖ ﺗﺠﻲ ﺍﻣﻲ ﻭﺗﺎﺧﺬﻧﺎ .. ﺑﺲ ﻣﺎﻛﻮ .
ﺧﻠﻴﻨﻲ ﺍﺣﺠﻴﻠﻜﻢ ﺍﺷﻮﻳﻪ ﻋﻦ ﺍﻣﻲ .. !
ﻣﻦ ﻭﻋﻴﺖ ﻋﻠﻰ ﺍﻣﻲ ﻭﻫﻲ ﺗﺤﺐ ﺍﻟﻠﺒﺲ ﺗﻜﺸﺦ ﻛﻞ ﻳﻮﻡ ﺍﻣﻲ ﻛﺎﻧﺖ ﺟﻤﻴﻠﻪ ﻟﺪﺭﺟﻪ ﻣﺘﻨﻮﺻﻒ .. ﻭﺑﺎﺑﺎ ... ﺑﺎﺑﺎ ﻛﺎﻥ ﻓﻘﻴﺮ ﺑﻴﺘﻨﺎ ﻛﺎﻥ ﺻﻐﻴﺮ ﻭﻗﺪﻳﻢ !
ﻛﻞ ﻳﻮﻡ ﻛﺎﻧﻮ ﻳﺘﻌﺎﺭﻛﻮﻥ ﺑﺎﻟﻠﻴﻞ ﻛﻞ ﻳﻮﻡ ﻭﺗﻨﺘﻬﻲ ﺑﺄﻧﻮ ﺑﺎﺑﺎ ﻳﻠﺰﻣﻬﺎ ﻭﻳﻀﺮﺑﻬﺎ .. ﺍﺫﻛﺮ ﻟﻤﺎ ﻣﺎﻣﺎ ﺻﺎﺭﺕ ﺣﺎﻣﻞ ﺑﺄﺧﺘﻲ ﻛﺎﻣﺖ ﺗﺒﺠﻲ ﻭﺗﻠﻄﻢ ، ﻛﺎﻥ ﻋﻤﺮﻱ 5 ﺳﻨﻮﺍﺕ ﻭﺍﻧﻲ ﺍﺷﻮﻓﻬﺎ ﺗﺼﻌﺪ ﻉ ﺍﻟﻜﺮﺳﻲ ﻭﺗﻨﺰﻝ ﻛﻨﺖ ﻣﻔﻜﺮﺗﻬﺎ ﺩﺗﻠﻌﺐ !!
ﺑﻌﺪﻳﻦ ﻟﻤﺎ ﻭﻟﺪﺕ ﺍﺧﺘﻲ ﻛﺎﻟﺖ ﻟﺒﺎﺑﺎ ﺍﻧﻮ ﻫﻲ ﺳﻮﺕ ﺍﻟﻤﺴﺘﺤﻴﻞ ﺣﺘﻰ ﺗﻘﺘﻞ ﺍﻟﻄﻔﻞ ﻻﻧﻬﺎ ﻣﺘﺮﻳﺪ ﻃﻔﻞ ﺛﺎﻧﻲ ﻣﻨﻪ !!
ﺍﻭﻝ ﻣﺎ ﻭﻟﺪﺕ ﻋﺎﻓﺖ ﺍﺧﺘﻲ ﻭﺭﺍﺣﺖ ﻭﺑﻘﻰ ﺑﺎﺑﺎ ﻫﻮ ﺍﻟﻲ ﻳﻌﺘﻨﻲ ﺑﻴﻨﺎ .. ﺍﻟﻰ ﺍﻥ ﺑﺪﺍ ﻳﻄﻠﻊ ﻣﻦ ﺍﻟﺼﺒﺢ ﻭﻳﻘﻔﻞ ﺍﻟﺒﺎﺏ ﻋﻠﻴﻪ ﺍﻧﻲ ﻭﺍﺧﺘﻲ !!
ﺍﻧﻲ ﺍﺧﺬﺕ ﺩﻭﺭ ﺍﻻﻡ ﺍﻟﻬﺎ ﺍﺑﺪﻟﻠﻬﺎ ﻭﺍﻏﺴﻠﻬﺎ ﻭﺍﺭﺿﻌﻬﺎ .. ﻭﻣﺮﺍﺕ ﻟﻤﺎ ﺗﺒﺠﻲ ﺍﻛﻌﺪ ﺍﺑﺠﻲ ﻭﻳﺎﻫﺎ !!..
ﺑﺎﺑﺎ ﻛﺎﻥ ﻳﺠﻲ ﺑﺎﻟﻠﻴﻞ ﻣﺎﺍﻋﺮﻑ ﺍﺷﺒﻲ ﻳﻨﺎﻡ ﺑﻤﻼﺑﺴﻪ ﺣﺘﻰ ﺍﻟﺤﺬﺍﺀ ﻣﻴﻨﺰﻋﻪ .. ﻭﻫﻜﺬﺍ ﻳﻄﻠﻊ ﺛﺎﻧﻲ ﻳﻮﻡ ﺍﻟﺼﺒﺢ !!
ﺍﻟﻰ ﺍﻥ ﻓﺪ ﻳﻮﻡ ﻛﻌﺪﺕ ﺍﻟﺼﺒﺢ ﻟﻜﻴﺘﻪ ﻣﻌﻠﻚ ﺑﺎﻟﻤﻄﺒﺦ ﻭﺣﺒﻞ ﻣﻠﻔﻮﻑ ﻋﻠﻰ ﺭﻛﺒﺘﻪ !!
ﻣﺎ ﺍﻃﻮﻝ ﻋﻠﻴﻜﻢ ....
ﺑﺎﺑﺎ ﻣﺎﺕ ﺍﻭ ﺑﺎﻻﺣﺮﻯ ( ﺍﻧﺘﺤﺮ !(
ﺭﺟﻌﺖ ﻣﺎﻣﺎ ﻟﻤﺎ ﻋﺮﻑ ﺑﺎﻟﺨﺒﺮ ﺍﺧﺬﺗﻨﻪ ﻭﻳﺎﻫﺎ ﺑﻘﻴﻨﺎ ﻳﻤﻬﺎ ﻛﻢ ﻳﻮﻡ ﻫﻲ ﻛﺎﻧﺖ ﻋﺎﻳﺸﻪ ﺍﺑﻴﺖ ﺍﻫﻠﻬﺎ .. ﺣﺎﻟﺘﻬﻢ ﺍﻟﻤﺎﺩﻳﻪ ﺯﻳﻨﻪ ﻣﻦ ﺍﺭﻭﺡ ﺍﻟﺒﻴﺘﻬﻢ ﻛﻨﺖ ﺍﺑﻘﻰ ﺻﺎﻓﻨﻪ ﻉ ﺍﻟﺒﻴﺖ ﺍﺷﻜﺪ ﻛﺒﻴﺮ ﻣﻦ ﺍﻟﺨﺎﺭﺝ !!
ﺑﺲ ﺟﺪﻭ ﺍﺑﻮﻫﺎ ﻣﺎ ﻛﺎﻥ ﻳﺤﺒﻨﺎ ﺍﺑﺪ ﺣﺘﻰ ﻣﻴﺨﻠﻴﻨﺎ ﻧﺪﺧﻞ ﻟﻠﺒﻴﺖ ..
...
ﺍﻟﻤﻬﻢ .. ﺑﻘﻴﻨﺎ ﻳﻤﻬﻢ ﻛﻢ ﺷﻬﺮ ﺑﻌﺪﻳﻦ ﺻﺎﺭﺕ ﻣﺸﻜﻠﻪ ﺑﻴﻦ ﻣﺎﻣﺎ ﻭﺍﺑﻮﻫﺎ .. ﺍﺧﺬﺗﻨﺎ ﺍﻧﻲ ﻭﺍﺧﺘﻲ ﺑﺎﻟﺴﻴﺎﺭﻩ ﺑﺎﻟﻠﻴﻞ ... ﻧﺰﻟﺘﻨﺎ ﻳﻢ ﺍﻟﻜﻨﻴﺴﻪ ﻭﻛﺎﻟﺘﻠﻲ ﻛﻠﻤﺎﺕ ﻟﺤﺪ ﻫﺴﻪ ﻳﺮﻧﻦ ﺑﺄﺫﻧﻲ .....
( ﺩﻳﺮﻱ ﺑﺎﻟﺞ ﻋﻠﻰ ﺍﺧﺘﺞ ﺍﻧﺘﻲ ﺻﺮﺗﻲ ﺍﻣﻬﺎ ﻫﺴﻪ !!!!!!!!!(
ﺑﻌﺪﻫﺎ ﻛﺎﻟﺘﻠﻲ ﺍﻛﻌﺪﻱ ﻫﻨﺎ ﻟﺘﺘﺤﺮﻛﻴﻦ ﻭﻋﺎﻓﺘﻨﻲ ﻭﺭﺍﺣﺖ !.......
ﻫﻬﻬﻬﻬﻬﻬﻪ ﺍﻛﻮ ﻫﻴﺞ ﺍﻡ؟ !!
ﺍﻟﻤﻬﻢ ... ﺑﻘﻴﺖ ﺑﺎﻟﻜﻨﻴﺴﻪ ﻛﻢ ﻳﻮﻡ ﺑﻌﺪﻫﺎ ﻧﻘﻠﻮﻧﻲ ﻟﻠﻤﻴﺘﻢ .. ﺷﻔﺖ ﺍﻃﻔﺎﻝ ﻣﻦ ﻛﻞ ﺍﻻﻋﻤﺎﺭ ﻋﺸﺖ ﻭﻳﺎﻫﻢ ﻭﻧﺴﻴﺖ ﺍﻫﻠﻲ ﻣﻊ ﺍﻟﻮﻗﺖ ... ﺑﺲ ﺑﻘﺖ ﺍﺧﺘﻲ ﺗﺎﻟﻴﺎ ﺷﺎﻏﻠﺘﻨﻲ .. ﻫﻮﺍﻱ ﺍﻳﺎﻡ ﻣﺮﺕ ﻣﺨﻠﻮﻧﻲ ﺍﺷﻮﻓﻬﺎ .. ﻛﻞ ﺍﻟﻲ ﺍﺳﻤﻌﻪ ﻟﻤﺎ ﺍﺭﻳﺪ ﺍﺷﻮﻓﻬﺎ ( ﻣﺮﻳﻀﻪ ﻭﻣﻮ ﺯﻳﻦ ﻋﻠﻴﻬﺎ ﺍﺗﺰﻭﺭﻳﻬﺎ ) ؟ !!
ﺑﻘﻴﺖ ﻋﻠﻰ ﻫﺬﺍ ﺍﻟﺤﺎﻝ ﺷﻬﺮ ... ﻣﺸﻤﻮﺭﻩ ﺑﺎﻟﻤﻴﺘﻢ ﻭﺍﺧﺘﻲ ﻣﺎﺍﺷﻮﻓﻬﺎ ﺍﻻ ﻣﻦ ﺑﻌﻴﺪ ﻻﻧﻮ ﻛﺎﻟﻮﻟﻲ ﺑﻌﺪ ﻫﺬﻳﺞ ﺍﻟﻠﻴﻠﻪ ، ﺗﺎﻟﻴﺎ ﺍﺗﻤﺮﺿﺖ ﺻﺎﺭ ﻣﺎ ﻋﺪﻫﺎ ﻣﻨﺎﻋﻪ ﻓـ
ﺑﻘﻴﺖ ﺑﻌﻴﺪﻩ ﻟﺴﻼﻣﺘﻬﺎ ﺑﺲ ﮔﻠﺒﻲ ﻳﺘﻜﻄﻊ ﻋﻠﻴﻬﺎ ..
ﺍﻟﻰ ﺍﻥ ﻓﺪ ﻳﻮﻡ ﻛﻌﺪﺕ ﺍﻟﺼﺒﺢ ﺳﻤﻌﺖ ﻫﻮﺳﻪ ﻭﺧﺒﺼﻪ ﺑﺎﻟﻤﻴﺘﻢ .. ﻃﻠﻌﺖ ﻣﻦ ﺍﻟﻐﺮﻓﻪ ﺍﻟﻲ ﻧﺎﻳﻤﻪ ﺑﻴﻬﺎ ﺍﻧﻲ ﻭﺍﻟﺒﻨﺎﺕ .. !
ﺍﻟﻬﻮﺳﻪ ﻛﺎﻧﺖ ﻳﻢ ﺍﻟﻐﺮﻓﻪ ﺍﻟﻲ ﺑﻴﻬﺎ ﺗﺎﻟﻴﺎ ﺍﺧﺘﻲ !!
ﺣﺴﻴﺖ ﺷﻌﻮﺭ ﻏﺮﻳﺐ ﻭﻗﺘﻬﺎ ﺍﺣﺴﺎﺱ ﻭﺟﻊ ﮔﻠﺒﻲ .. ﻣﺎﺍﻋﺮﻑ ﻟﻮﻳﺶ ﺣﺴﻴﺖ ﺗﺎﻟﻴﺎ ﺭﺍﺣﺖ ﻟﻼﺑﺪ !..
ﺑﺪﻭﻥ ﻭﻋﻲ ﺭﻛﻀﺖ ﻟﻐﺮﻓﺘﻬﺎ ﻣﻦ ﺑﻴﻦ ﺍﻟﻨﺎﺱ .. ﺩﻓﻌﺖ ﻧﻔﺴﻲ ﺑﻜﻞ ﻗﻮﻩ ﺣﺘﻰ ﺍﻓﻮﺕ ﻣﻦ ﺑﻴﻨﻬﻢ ﻭﺍﻭﺻﻞ ﻻﺧﺘﻲ ، ﺑﺪﺍﺧﻠﻲ ﻛﻨﺖ ﺍﺩﻋﻲ ﻳﺎ ﺭﺏ ﻣﻴﻜﻮﻥ ﺻﺎﺭﻟﻬﺎ ﺷﻲ .... ﻣﺮﻳﺖ ﻣﻦ ﺑﻴﻦ ﺭﺟﻠﻴﻦ ﺍﻟﻨﺎﺱ ﺍﻟﻲ ﻭﺍﻛﻔﻪ ﻭﺍﻻﻃﻔﺎﻝ .. ﺩﺧﻠﺖ ﻟﻠﻐﺮﻓﻪ ﻟﻜﻴﺖ ﻋﻤﻮ ﺍﻣﻴﻦ ﺷﺎﻳﻞ ﺷﻲ ﻣﻠﻔﻮﻑ ﺑﻘﻤﺎﺵ ﺍﺑﻴﺾ ﺑﻴﺪﻩ !!!
ﺑﺎﻭﻋﺖ ﺑﻌﻴﻮﻧﻪ ﺑﻨﻈﺮﻩ ﺭﺟﺎﺍﺍﺍﺍﺀ ﺍﻧﻮ ﻣﻴﻜﻮﻥ ﺍﻟﻠﻲ ﺍﺑﺎﻟﻲ ﺻﺢ !!
ﺑﺲ ﻋﻤﻮ ﺍﻣﻴﻦ ﻣﻦ ﺷﺎﻑ ﺍﻟﺪﻣﻮﻉ ﺑﻌﻴﻮﻧﻲ ﺍﺑﺘﺴﻢ ﺑﻮﺟﻬﻲ ﻭﻛﺎﻝ ....
ﺍﻟﻌﻢ ﺍﻣﻴﻦ .. ﺩﺍﻟﻴﺎ ﺣﺒﻴﺒﺘﻲ ﻟﺘﺒﺠﻴﻦ ﺍﺧﺘﺞ ﺭﺍﺣﺖ ﻳﻢ ﺍﻟﺮﺏ !!!!!!!!!!!!!!!!!
ﻻﺍﺍﺍ ﻻﺍﺍﺍ ﺍﺭﻳﺪ ﺗﺎﻟﻴﺎ ﺍﺭﻳﺪ ﺍﺧﺘﻴﻴﻴﻴﻲ ، ﺑﻘﻴﺖ ﻻﺯﻣﻪ ﺭﺟﻞ ﻋﻤﻮ ﺍﻣﻴﻦ ﺑﻜﻞ ﻗﻮﻩ ﻭﺍﺑﺠﻲ ... ﺑﺲ ﺍﻟﺒﺠﻲ ﻣﻴﺮﺟﻊ ﺷﻲ !
ﻓﻘﺪﺕ ﺟﺰﺀ ﻣﻨﻲ ، ﺍﻟﻌﺎﺋﻠﻪ ﺍﻟﻮﺣﻴﺪﻩ ﺍﻟﻲ ﺑﻘﺘﻠﻲ ﻓﻘﺪﺗﻬﺎ ... ﺍﻟﻤﻦ ﻋﺎﻳﺸﻪ ﺑﻌﺪ؟ !
ﻣﺮﺕ ﺍﻳﺎﻡ ﺍﻧﻲ ﻻ ﺍﻛﻞ ﻭﻻ ﺷﺮﺏ ﺑﺲ ﺑﺠﻲ !
ﺣﺎﻭﻟﻮ ﻭﻳﺎﻱ ﻛﻞ ﺍﻟﻲ ﺑﺎﻟﻤﻴﺘﻢ ﺑﺲ ﻣﺎ ﻓﺎﺩ .. ﺍﻟﻰ ﺍﻥ ﻓﺪ ﻳﻮﻡ ﺍﺗﺨﺮﺑﻄﺖ ﺑﺴﺒﺐ ﺍﻟﺠﻮﻉ ﻻﻧﻮ ﻣﺎﺍﻛﻞ ﺍﺑﺪ ، ﺍﺧﺬﻭﻧﻲ ﻟﻠﻤﺴﺘﺸﻔﻰ ﻣﺎﺍﻋﺮﻑ ﺷﻨﻮ ﻃﻠﻊ ﻋﻨﺪﻱ ﺑﺲ ﺍﻟﻲ ﻓﻬﻤﺘﻪ ﺍﻧﻮ ﺑﺴﺒﺐ ﺳﻮﺀ ﺍﻟﺘﻐﺬﻳﻪ ﻭﺍﻻﺭﻫﺎﻕ ﺻﺎﺭ ﻫﺸﻜﻞ !
ﺑﻌﺪ ﻣﺎ ﺭﺟﻌﻨﺎ ﻣﻦ ﺍﻟﺪﻛﺘﻮﺭ ﻋﻤﻮ ﺍﻣﻴﻦ ﺍﺧﺬﻧﻲ ﻟﺤﺪﻳﻘﻪ ﻛﻮﻟﺶ ﺣﻠﻮﻩ ﻭﻛﺒﻴﺮﻩ ، ﺑﻘﻰ ﻳﺤﺠﻲ ﻭﻳﺎﻱ ﻋﻦ ﺍﺧﺘﻲ ﺗﺎﻟﻴﺎ ﻭﺍﺷﻮﻥ ﺍﻟﺮﺏ ﻳﺤﺒﻬﺎ ﻭﺍﺧﺘﺎﺭﻫﺎ ﺣﺘﻰ ﺗﺮﻭﺡ ﻳﻤﺎ؟ !
ﺑﻘﻰ ﻳﺤﺠﻲ ﻭﻳﺎﻱ ﻫﻮﺍﺍﺍﺍﺍﻱ ، ﻭﻓﻬﻤﻨﻲ ﺍﻧﻮ ﺍﻟﻲ ﺩﺍﺍﺳﻮﻱ ﺩﻳﻌﺬﺏ ﺗﺎﻟﻴﺎ ﻭﻫﻲ ﺑﻘﺒﺮﻫﺎ ، ﻭﺍﻧﻮ ﺍﺫﺕ ﺍﺭﻳﺪ ﺍﺳﻌﺪﻫﺎ ﻭﺍﺭﻳﺤﻬﺎ ﻻﺯﻡ ﺍﺣﻘﻖ ﻛﻞ ﺍﻟﻲ ﺍﺑﺎﻟﻲ ﻭﺍﺧﻠﻴﻬﺎ ﺗﻔﺘﺨﺮ ﺑﻴﻪ !
ﻛﻼﻣﻪ ﻫﺪﺋﻤﻲ ﻧﻮﻋﺎً ﻣﺎ ﻭﻏﻴﺮ ﻣﻦ ﻧﻔﺴﻴﺘﻲ ﻻﻧﻮ ﺍﻗﺘﻨﻌﺖ ﺑﻜﻼﻣﻪ ، ﺑﺲ ﺑﻘﻰ ﻣﻮﺕ ﺗﺎﻟﻴﺎ ﻏﺼﻪ ﺑﮕﻠﺒﻲ ﻛﻞ ﻳﻮﻡ ﺍﺫﺍ ﻣﺎﺍﺗﺬﻛﺮﻫﺎ ﻭﺍﺑﺠﻲ ﻣﺎ ﺍﻧﺎﻡ .
ﺑﻌﺪ ﺳﻨﻪ ﺗﻘﺮﻳﺒﺎً ﺳﺠﻠﺖ ﺑﺎﻟﻤﺪﺭﺳﻪ ، ﻋﻤﻮ ﺍﻣﻴﻦ ﺳﺠﻠﻨﻲ ﺑﻤﺪﺭﺳﻪ ﺗﺎﺑﻌﻪ ﻟﻠﻜﻨﻴﺴﻪ ﻭﻗﺮﻳﺒﻪ ﻣﻨﻬﺎ ﻫﻢ ﺑﺪﻳﺖ ﺍﺗﺄﻗﻠﻢ ﻭﻳﺎ ﺍﻟﻮﺿﻊ !
ﻛﻨﺖ ﺷﺎﻃﺮﻩ ﻧﺎﺭ ﻭﺍﺣﺐ ﺍﻟﺪﺭﺍﺳﻪ ﻭﺍﻟﻤﺪﺭﺳﻪ ، ﺑﺼﺮﺍﺣﺎ ﺷﻔﺖ ﺭﺍﺣﻪ ﺑﺎﻟﻤﻴﺘﻢ ﻣﺸﺎﻳﻔﺘﻬﺎ ﻗﺒﻞ ﺣﺘﻰ ﻭﻳﺎ ﺍﻫﻠﻲ ﻣﻌﺎﻳﺸﺘﻬﺎ ..
....
ﺑﺎﻟﻤﻴﺘﻢ ﺻﺎﺭ ﻋﻨﺪﻱ 2 ﺍﺻﺪﻗﺎﺀ ﻣﻘﺮﺑﻴﻦ ﺑﻨﺖ ﺍﺳﻤﻬﺎ ﺳﻠﻤﻰ ﻭ ﻭﻟﺪ ﺍﺳﻤﻪ ﺩﺍﻧﻲ ﺣﺒﻴﺘﻬﻢ ﻫﻮﺍﻱ ﻭﻋﻼﻗﺘﻨﺎ ﺻﺎﺭﺕ ﺍﻛﺜﺮ ﻣﻦ ﺍﺧﻮﻩ ﻧﻜﻌﺪ ﺳﻮﻩ ، ﻧﺎﻛﻞ ﺳﻮﻩ ، ﻧﺮﻭﺡ ﻟﻠﻤﺪﺭﺳﻪ ﺳﻮﻩ ، ﻧﻘﺮﺍ ﺳﻮﻩ ﻳﻌﻨﻲ ﺣﻴﺎﺗﻨﺎ ﺻﺎﺭﺕ ﻭﺣﺪﻩ ﻃﻮﻝ ﺍﻟﻨﻬﺎﺭ ﻭﻳﺎ ﺑﻌﺾ ﺑﺲ ﺑﺎﻟﻠﻴﻞ ﺩﺍﻧﻲ ﻳﻌﻮﻓﻨﺎ ﻭ ﻳﺮﻭﺡ ﻳﻨﺎﻡ ﻻﻧﻮ ﺑﺎﻟﻤﻴﺘﻢ ﻓﺎﺻﻠﻴﻦ ﺍﻟﻮﻟﺪ ﻋﻦ ﺍﻟﺒﻨﺎﺕ .. ﺳﻠﻤﻰ ﻭ ﺩﺍﻧﻲ ﻫﻢ ﺍﻟﻲ ﺻﺒﺮﻭﻧﻲ ﻉ ﺍﻟﻲ ﺻﺎﺭ ، ﻫﻢ ﺍﻟﻲ ﺧﻠﻮﻧﻲ ﺍﻧﺴﻰ ﺍﺧﺘﻲ ﻭﺳﺎﻋﺪﻭﻧﻲ ﺍﻛﻤﻞ ﺣﻴﺎﺗﻲ .. ﻟﻮ ﻣﺎ ﻫﻢ ﻭﻳﺎﻱ ﻛﺎﻥ ﺍﻧﻲ ﻣﺘﺖ ﻣﻦ ﺯﻣﺎﻥ .. ﺑﺲ ﻭﺟﻮﺩﻫﻢ ﺑﺤﻴﺎﺗﻲ ﻛﺎﻥ ﺭﺣﻤﻪ ﻣﻦ ﺍﻟﻠﻪ ﺩﺯﻫﺎ ﺍﻟﻲ .
ﺑﺼﻒ ﺳﺎﺩﺱ ﺍﺑﺘﺪﺍﺋﻲ ﺷﻜﻠﻲ ﺑﺪﺍ ﻳﺘﻐﻴﺮ ﻭﻣﻔﺎﺗﻨﻲ ﺑﺪﺕ ﺗﺒﺮﺯ ﺍﻛﺜﺮ ، ﻭﺍﻟﻌﻴﻮﻥ ﻣﻦ ﺣﻮﺍﻟﻴﻪ ﻧﻈﺮﺍﺗﻬﺎ ﺑﺪﺕ ﺗﺨﻮﻓﻨﻲ !
ﻣﺮﺕ ﺍﻟﺴﻨﻴﻦ ﻭ ﺻﺮﺕ ﺑﺎﻻﻋﺪﺍﺩﻳﻪ ﺣﺎﻟﻴﺎً ﻭﻋﻤﺮﻱ 19 ﺳﻨﻪ ﺍﻟﻤﻔﺮﻭﺽ ﺍﻛﻮﻥ ﺑﺎﻟﻜﻠﻴﻪ ﺣﺎﻟﻴﺎً ﺑﺲ ﻻﻧﻮ ﺗﺴﺠﻠﺖ ﻣﺘﺄﺧﺮ ﺳﻨﻪ ﺑﺎﻟﻤﺪﺭﺳﻪ ﺍﺗﺄﺧﺮﺕ ﺑﺎﻟﺘﺨﺮﺝ !
ﺭﺣﺖ ﺳﺎﺩﺱ ﻋﻠﻤﻲ ﻻﻥ ﻫﻮﺍﻱ ﻛﻨﺖ ﺍﺗﻤﻨﻰ ﺍﺻﻴﺮ ﺩﻛﺘﻮﺭﻩ ﺍﻃﻔﺎﻝ ﺣﺘﻰ ﺍﻋﺎﻟﺞ ﺍﻻﻃﻔﺎﻝ ﺍﻟﻲ ﻣﺜﻞ ﺍﺧﺘﻲ ﺗﺎﻟﻴﺎ !..
ﺍﻥ ﺷﺎﺀ ﺍﻟﻠﻪ ﻳﺴﺎﻋﺪﻧﻲ ﻭﺍﺣﻘﻖ ﻫﺬﻱ ﺍﻻﻣﻨﻴﻪ ، ﻃﺒﻌﺎً ﺷﻜﻠﻲ ﺍﺗﻐﻴﺮ ﺟﺬﺭﻳﺎً .. ﺻﺮﺕ ﺍﺣﻠﻰ ﻣﻦ ﻗﺒﻞ ﺑﻬﻮﺍﻱ ..
ﺷﻌﺮﻱ ﻛﺎﻥ ﺍﺳﻮﺩ ﻃﻮﻳﻞ ﺣﻴﻞ ﺣﺪ ﻧﻬﺎﻳﺔ ﻇﻬﺮﻱ ﻛﻮﻟﺶ ، ﻋﻴﻨﻲ ﻟﻮﻧﻬﻢ ﺍﺻﻔﺮ ﻓﺎﺗﺢ ﻋﻠﻰ ﺧﻀﺎﺭ ﻳﻌﻨﻲ ﻟﻮﻥ ﻏﺮﻳﺐ ﻭﺣﻠﻮﻭ ﺭﻣﻮﺷﻲ ﻃﻮﺍﻝ ﻭﻛﺜﻴﻔﻪ ﻭﻋﻴﻮﻧﻲ ﻣﺴﺤﻮﺑﺎﺕ ﻉ ﺑﺎﻟﻚ ﻋﻴﻮﻥ ﺑﺰﻭﻧﻪ ﺣﺘﻰ ﺑﺎﻟﻤﻴﺘﻢ ﻛﺎﻧﻮ ﻳﺴﻤﻮﻧﻲ ﺑﺰﻭﻧﻪ ﺑﺴﺒﺐ ﻋﻴﻮﻧﻲ !
ﺑﺸﺮﺗﻲ ﻛﺎﻧﺖ ﺑﻴﻀﻪ ﺛﻠﺞ ، ﺟﺴﻤﻲ ﺭﺷﻴﻖ ﻣﻮ ﻣﻠﻴﺎﻥ ﺑﺲ ﺑﺘﺮﺗﻴﺐ ﻳﻌﻨﻲ ﻣﺨﺼﺮ ﻣﻮ ﻧﺸﺎﺯ ، ﻃﻮﻟﻲ 158 ﺳﻢ
ﻛﻨﺖ ﺣﻠﻮﻩ ﻭﺧﺪﻭﺩﻱ ﻣﺪﺑﺪﺑﺎﺕ ﻭﻟﻮﻧﻬﻢ ﻭﺭﺩﻱ ﺑﺎﻟﻄﺒﻴﻌﻪ ، ﻳﻌﻨﻲ ﻛﻞ ﺍﻟﻲ ﻳﺸﻮﻓﻨﻲ ﻳﺒﻘﻰ ﺻﺎﻓﻦ ﺑﻮﺟﻬﻲ ، ﺍﺷﻜﺪ ﺍﻛﺮﻩ ﻫﺬﻱ ﺍﻟﺤﺎﻟﻪ ﺍﺣﺲ ﻧﻔﺴﻲ ﻣﻦ ﻏﻴﺮ ﻛﻮﻛﺐ .. ﺑﺲ ﺍﻟﻲ ﻛﺮﻫﻨﻲ ﺑﺸﻜﻠﻲ ﺍﻛﺜﺮ ﺍﻧﻮ ﻛﻨﺖ ﻛﻮﻟﻤﺎ ﺍﺑﺎﻭﻉ ﺑﺎﻟﻤﺮﺍﻳﻪ ﺍﺷﻮﻑ ﻭﺟﻪ ﻣﺎﻣﺎ !...
ﻻﻧﻮﻭ ﺣﻴﻴﻴﻴﻴﻴﻞ ﺍﺷﺒﻬﺎ ، ﻧﺴﺨﻪ ﻣﻨﻬﺎ ، ﻣﺮﺍﺕ ﺍﺷﻮﻓﻪ ﺩﺗﺒﺎﻭﻋﻠﻲ ﻣﻦ ﺍﻟﻤﺮﺍﻳﻪ ﻭﺗﺒﺘﺴﻢ ﺍﺑﺘﺴﺎﻣﻪ ﻏﺮﻳﺒﻪ ﺑﻮﺟﻬﻲ !
ﻭﻫﺬﺍ ﺍﻟﺸﻲ ﺧﻼﻧﻲ ﺍﻛﺮﻩ ﺷﻜﻠﻲ ﻭﺍﻟﺸﺒﻪ ﺍﻟﻲ ﺑﻴﻨﺎ ، ﻭﺍﻟﺴﺒﺐ ﺍﻟﺜﺎﻧﻲ ﺍﻧﻮ ﺷﻜﻠﻲ ﺳﻮﺍﻟﻲ ﻫﻮﺍﻱ ﻣﺸﺎﻛﻞ ﺑﺎﻟﻤﻴﺘﻢ ﻭﺑﺎﻟﻤﺪﺭﺳﻪ .. ﻻﻧﻮ ﻛﻞ ﺍﻟﻲ ﻳﺸﻮﻓﻨﻲ ﻳﺘﺤﺮﺵ ﺑﻴﻪ ، ﻛﺮﻫﺖ ﺭﻭﺣﻲ ﻟﺪﺭﺟﻪ ﻓﻜﺮﺕ ﺍﻧﺘﺤﺮ ﻭﺍﺧﻠﺺ ﻣﻦ ﻧﻈﺮﺍﺕ ﺍﻟﻨﺎﺱ ﺍﻟﺤﻘﻴﺮﻩ ﺍﻟﻲ ﺍﺷﻮﻓﻬﺎ ﺑﻌﻴﻮﻧﻬﻢ !!
ﻃﺒﻌﺎً ﺍﻟﻤﺪﺭﺳﻪ ﺍﻟﻲ ﻛﻨﺖ ﺍﺩﺍﻭﻡ ﺑﻴﻬﺎ ﺍﺑﺘﺪﺍﺋﻲ ﺍﻧﻬﺠﺮﺕ ﺗﻤﺎﻣﺎً ﻭﺗﺤﻮﻟﺖ ﻟﻤﻘﺮ ﻋﺴﻜﺮﻱ ﺑﺴﺒﺐ ﺍﻟﺤﺮﺏ ﺍﻟﻲ ﻣﺮﺣﻤﺖ ﺍﺣﺪ !
ﻓﺪ ﻳﻮﻡ ﺭﺟﻌﻨﺎ ﺍﻧﻲ ﻭﺳﻠﻤﻰ ﻣﻦ ﺍﻟﻤﺪﺭﺳﻪ .. ﻭﺷﻔﻨﺎ ﻫﻮﺳﻪ ﻳﻢ ﺑﺎﺏ ﺍﻟﻤﻴﺘﻢ !!
ﻭﺣﺪﻩ ﺑﺎﻭﻋﺖ ﺑﻮﺟﻪ ﺍﻟﺜﺎﻧﻴﻪ ﺑﺨﻮﻑ ﻭﻛﻠﻨﺎ ﺑﻮﻗﺖ ﻭﺍﺣﺪ .... ( ﺩﺍﻧﻲ ) .. ﻻﻧﻮ ﺑﻴﻮﻫﺎ ﺧﻮ ﻛﺎﻥ ﻣﻤﺪﺍﻭﻡ ... ﺭﻛﻀﻨﺎ ﻟﻠﻤﻴﺘﻢ ﺑﻜﻞ ﺳﺮﻋﺘﻨﺎ ... ﻟﻤﺎ ﺳﺄﻟﻨﺎ ﺷﻨﻮ ﺍﻟﻲ ﺻﺎﻳﺮ ﻭﻟﻮﻳﺶ ﻫﺬﻱ ﺍﻟﻬﻮﺳﻪ ؟ !
ﻭﺣﺪﻩ ﻣﻦ ﺍﻟﺒﻨﺎﺕ ﻛﺎﻟﺖ ﺍﻧﻮ ﺍﻛﻮ ﻭﻟﺪ ﻣﻦ ﺍﻟﻲ ﺑﺎﻟﻤﻴﺘﻢ ﻣﻨﻔﺠﺮﻩ ﻋﻠﻴﻪ ﻋﺒﻮﻩ ﻭﻣﺘﺼﻮﺏ .. ﻭﻧﺎﻗﻠﻲ ﻟﻠﻤﺴﺘﺸﻔﻰ ﺣﺎﻟﺘﻪ ﺧﻄﺮﻩ؟ !!!!
ﻛﻠﺒﻲ ﻧﻐﺰﻧﻲ ﻋﻠﻰ ﺩﺍﻧﻲ .. ﺩﺧﻠﻨﺎ ﺑﺴﺮﻋﻪ ﺍﻧﻲ ﻭﺳﻠﻤﻰ ﻧﺪﻭﺭ ﻋﻠﻴﻪ ﻭﻣﺎﻛﻮﻭﻭﻭ ، ﺭﻛﻀﺖ ﻟﻌﻤﻮ ﺃﻳﻤﻦ ﺳﺄﻟﺘﻪ ﻋﻨﻪ !!
ﻛﺎﻟﻲ ﺍﻱ ﺩﺍﻧﻲ ﺍﻟﻲ ﻣﺘﺼﻮﺏ ﻭﺣﺎﻟﻴﺎً ﻫﻮ ﺑﺎﻟﻤﺴﺘﺸﻔﻰ ﺍﻟﻌﺴﻜﺮﻱ ﺍﻟﻲ ﻳﻤﻨﺎ ﻻﻥ ﺍﺻﺎﺑﺘﻪ ﻛﺎﻧﺖ ﺧﻄﺮﻩ ﻓﺄﺿﻄﺮﻭﺍ ﻳﻨﻘﻠﻮ ﻻﻗﺮﺏ ﻣﺴﺘﺸﻔﻰ !!
ﺭﺩﻧﺎ ﺍﻧﺮﻭﺡ ﺑﻨﻔﺲ ﺍﻟﻠﺤﻈﻪ ﺍﻟﻤﻲ ﻭﺳﻠﻤﻰ ، ﺑﺲ ﺍﻟﻌﻢ ﺃﻳﻤﻦ ﺣﺬﺭﻧﺎ !..
ﻛﺎﻝ ﺍﻱ ﻭﺣﺪﻩ ﺗﺮﻭﺡ ﺗﺘﻌﺎﻗﺐ ، ﻻﻧﻮ ﺍﻟﻤﺴﺘﺸﻔﻰ ﻣﻮ ﻋﺎﻡ ﻭﻻ ﺣﻜﻮﻣﻲ ، ﺍﻟﻤﺴﺘﺸﻔﻰ ﻋﺴﻜﺮﻱ ﻭﺍﻻﺟﺮﺍﺀﺍﺕ ﺗﻤﻨﻊ ﺩﺧﻮﻝ ﺍﻟﻤﺪﻧﻴﻦ.
...
ﻋﻔﻨﺎ ﺍﻟﻌﻢ ﺍﻣﻴﻦ ﻭﺭﺣﻨﺎ ﺍﻟﻐﺮﻓﺘﻨﺎ ﺑﺲ ﺍﻟﻨﺎﺭ ﻣﺸﺘﻌﻠﻪ ﺑﻴﻪ ﻋﻠﻰ ﺩﺍﻧﻲ ، ﻣﺎﺍﻛﺪﺭ ﺍﻛﻌﺪ ﻻﺯﻡ ﺍﺷﻮﻑ ﻃﺮﻳﻘﻪ ﺣﺘﻰ ﺍﻭﺻﻠﻪ !!
ﺑﻘﻴﺖ ﺍﺭﻭﺡ ﻭﺍﺟﻲ ﺑﺎﻟﻐﺮﻓﻪ ﻭﻋﻘﻠﻲ ﺗﻌﺐ ﻣﻦ ﺍﻟﺘﻔﻜﻴﺮ .. ﺍﻟﻰ ﺍﻥ ﺍﺟﺘﻨﻲ ﻓﻜﺮﻩ؟ !!
ﺩﺍﻟﻴﺎ .. ﺳﻠﻤﻰ ﺍﺷﻮﻥ ﻳﻌﻨﻲ ﻧﺒﻘﻰ ﻛﺎﻋﺪﻳﻦ ﻭﺳﺎﻛﺘﻴﻦ ﻣﻨﻌﺮﻑ ﺷﻲ ﻋﻦ ﺩﺍﻧﻲ؟ !!
ﺳﻠﻤﻰ .. ﺷﻨﻮ ﺑﺄﻳﺪﻧﺎ ﻳﻌﻨﻲ ﻳﺎ ﻋﻴﻨﻲ ﻣﻮ ﺳﻤﻌﺘﻲ ﺍﻟﻌﻢ ﺍﻳﻤﻦ ﺷﻨﻮ ﻛﺎﻝ ﻭﺍﺷﻠﻮﻥ ﺣﺬﺭﻧﺎ؟ !!
ﺩﺍﻟﻴﺎ .. ﺍﻳﻴﻴﻲ ﻭﺍﻧﺘﻲ ﺗﺮﺩﻳﻨﻲ ﺍﻛﻌﺪ ﻭﺍﻧﺘﻈﺮﺍﺷﻮﻛﺖ ﻳﺠﻴﺒﻮﻥ ﺧﺒﺮ ﻣﻮﺗﻪ؟ !!
ﻟﺞ ﺳﻠﻤﻰ ﻫﺬﺍ ﺩﺍﺍﺍﺍﺍﺍﻧﻲ ﺷﻨﻮ ﻧﺴﻴﺘﻲ ، ﻫﺬﺍ ﺍﺧﻮﻧﺎ ﺍﺷﻮﻥ ﻧﻌﻮﻓﻪ ﺑﻬﻴﺞ ﻭﺿﻊ ﻻﺯﻡ ﻧﺮﻭﺡ ﻧﺘﻄﻤﻦ ﻋﻠﻴﻪ؟ !!
ﺳﻠﻤﻰ .. ﻳﻌﻨﻲ ﺷﺘﺮﺩﻳﻦ ﺍﺳﻮﻱ ﻣﺎﻛﻮ ﺣﻞ ﻏﻴﺮ ﺍﻧﻮ ﻧﻨﺘﻈﺮ !
ﺩﺍﻟﻴﺎ .. ﻻﺯﻡ ﺍﻛﻮ ﺣﻞ ، ﻭﻻﺯﻡ ﺍﻧﺮﻭﺡ ﻧﺸﻮﻓﻪ ﻭﺍﻟﻴﻮﻡ .
ﺳﻠﻤﻰ .. ﺍﻧﺘﻴﻲ ﺍﻛﻴﺪ ﺗﺨﺒﻠﺘﻲ ﻟﺞ ﺩﺍﻟﻴﺎ ﺗﺮﺩﻳﻨﺎ ﻧﺘﻌﺎﻗﺐ؟ !
ﺩﺍﻟﻴﺎ .. ﺍﻧﺘﻲ ﺣﺘﺒﻘﻴﻦ ﻃﻮﻝ ﻋﻤﺮﺝ ﺟﺒﺎﻧﻪ ، ﺍﺑﻘﻰ ﻫﻨﺎ ﺍﻧﻲ ﺭﺍﻳﺤﻪ .
ﺳﻠﻤﻰ .. ﻟﺞ ﻭﻳﻦ ﺭﺍﻳﺤﻪ ﺍﻟﺪﻧﻴﺎ ﺍﻟﻠﻴﻞ ﺗﺮﺩﻳﻦ ﺍﺗﻤﻮﺗﻴﻦ ﺍﻧﺘﻲ ، ﻫﺴﻪ ﺑﺲ ﻳﺸﻮﻓﻮﺝ ﺍﻟﺤﺮﺱ ﻳﺮﻣﻮﺝ ﻉ ﺑﺎﻟﻬﻢ ﺍﺭﻫﺎﺑﻲ ، ﺩﺍﻟﻴﺎ ﺍﻟﻠﻪ ﻳﺨﻠﻴﺞ ﺍﺳﻤﻌﻲ ﺍﻟﻜﻼﻡ ﻭﺍﻛﻌﺪﻱ .
ﺩﺍﻟﻴﺎ .. ﻳﺒﻮﻭﻭﻭﻭ ﺍﻧﺘﻲ ﻣﻴﻔﻴﺪ ﺍﻟﻜﻼﻡ ﺑﻴﺞ ، ﺍﻧﻲ ﺭﺍﻳﺤﻪ .
ﻋﺎﻓﺖ ﺳﻠﻤﻰ ﺑﺎﻟﻐﺮﻓﻪ ﺗﺘﺮﺟﺎﻫﺎ ﺣﺘﻰ ﻣﺘﺮﻭﺡ ﻭﻃﻠﻌﺖ ﻉ ﻛﻴﻔﻬﺎ ﺣﺘﻰ ﻣﺤﺪ ﻳﺤﺲ !...
ﻟﺒﺴﺖ ﺑﻨﻄﺮﻭﻥ ﺟﻴﻨﺰ ﺍﺯﺭﻕ ﻭﺗﻴﺸﻴﺮﺕ ﺍﺳﻮﺩ ﻭﺭﻓﻌﺖ ﺷﻌﺮﻫﺎ ﻟﻴﻔﻮﻙ .. ﻭﻃﻠﻌﺖ !..
ﺗﻤﺸﻲ ﻭﺗﺘﻠﻔﺖ ﻭﺭﺍﻫﺎ ، ﺍﺧﺎﻑ ﺍﺣﺪ ﻳﻄﻠﻌﻠﻬﺎ ﺑﻬﺎﻟﻴﻞ ... ﺑﻘﺖ ﺗﻤﺸﻲ ﺗﻤﺸﻲ ﺍﻟﻰ ﺍﻥ ﻭﺻﻠﺖ ﻟﻠﻤﺴﺘﺸﻔﻰ ( ﺍﻟﻤﺪﺭﺳﻪ ﺍﻟﻘﺪﻳﻤﻪ )
ﻭﺻﻠﺖ ﻳﻢ ﺍﻟﺴﻴﺎﺝ ﺷﺎﻓﺖ ﺍﻟﺤﺮﺱ ﺩﻳﺨﺎﺑﺮ ﻣﻠﺘﻬﻲ ﻭﻧﺎﺳﻲ ﺭﻭﺣﻪ ﺍﺻﻼً !!
ﺑﻬﺪﻭﺀ ﺍﺧﺬﺕ ﻛﻢ ﺣﺠﺎﺭﻩ ﺷﻤﺮﺗﻬﺎ ﺑﻌﻴﺪ ﻋﻦ ﺍﻟﺒﺎﺏ ﺳﻤﻌﻬﺎ ﺍﻟﺤﺎﺭﺱ ﻭﺭﺍﺡ ﻳﺸﻮﻑ ﺷﻜﻮﻭ .. ﺍﻧﻲ ﺍﺳﺘﻐﻠﻴﺖ ﺍﻟﻤﻮﻗﻒ ﻭﺩﺧﻠﺖ !!
ﺭﻏﻢ ﺍﻧﻮ ﺍﻻﺿﺎﺀﻩ ﺑﺎﻟﻤﻌﺴﻜﺮ ﻛﺎﻧﺖ ﻛﻮﻟﺶ ﻗﻮﻳﻪ ( ﺑﻠﻮﺟﻜﺘﺮﺍﺕ ) ﺑﺲ ﺍﻧﻲ ﺑﻘﻴﺖ ﻻﺯﻛﻪ ﺑﺎﻟﺸﺠﺮ ﺣﺘﻰ ﻣﺤﺪ ﻳﺸﻮﻓﻨﻲ !
ﺍﻟﻤﻬﻢ ..
ﺩﺧﻠﺖ ﻭﺍﻧﻲ ﻣﺎﺍﻋﺮﻑ ﻭﻳﻦ ﺍﺭﻭﺡ ﻣﺎ ﺍﻧﺪﻝ ﺍﻱ ﺷﻲ ، ﻭﻻ ﺍﻋﺮﻑ ﻭﻳﻦ ﻣﻮﺟﻮﺩ ﺩﺍﻧﻲ ﺑﺄﻱ ﻏﺮﻓﻪ ﺑﺄﻱ ﻃﺎﺑﻖ ﺍﻻﻭﻝ ، ﺍﻟﺜﺎﻧﻲ؟ !!
ﺑﻘﻴﺖ ﺍﻣﺸﻲ ﻭﺍﺑﺎﻭﻉ ﺍﻟﻲ ﻣﻜﺘﻮﺏ ﻉ ﺍﻟﺒﻴﺒﺎﻥ .. ﺩﺍ ﺍﻣﺸﻲ ﺑﻴﻦ ﺍﻟﺤﺸﻴﺶ ﻭﺍﻻﺷﺠﺎﺭ .. ﻣﺎﺍﺷﻮﻑ ﺍﻻ ﭼﻠﺐ ﺻﺎﺭ ﺍﺳﻨﺎﻧﻪ ﻭﻳﺮﻳﺪ ﻳﻔﺘﺮﺳﻨﻲ ﻛﺪﺍﻣﻲ !!!!!!
ﺣﺴﻴﺖ ﮔﻠﺒﻲ ﻭﻛﻒ ﺳﺎﻋﺘﻬﺎ ، ﻻ ﺍﻛﺪﺭ ﺍﺭﻛﺾ ﻳﻜﺸﻔﻮﻧﻲ !!
ﻭﻻ ﺍﻛﺪﺭ ﺍﺑﻘﻰ ﺑﻤﻜﺎﻧﻲ ﺍﻟﭽﻠﺐ ﺣﻴﻬﺠﻢ ﻋﻠﻴﻪ ﺑﺄﻱ ﻟﺤﻈﻪ ﻭﻳﻔﺘﺮﺳﻨﻲ !!
ﺑﺪﻭﻥ ﻭﻋﻲ ﻣﻨﻲ .. ﻣﻦ ﺍﻟﺨﻮﻓﻪ ﻭﺍﻟﺮﻋﺒﻪ ﺭﻛﻀﺖ ﺑﻜﻞ ﻗﻮﺗﻲ ... ﺑﺪﻭﻥ ﺗﻔﻜﻴﺮ ﻛﻠﺖ ﺧﻠﻴﻬﻢ ﻳﻠﺰﻣﻮﻧﻲ ﻳﻤﻮﺗﻮﻧﻲ ﺑﺲ ﻛﻮﻥ ﺍﺧﻠﺺ ﻣﻦ ﺧﺬﺍ ﺍﻟﺠﻠﺐ ﺍﻟﻤﺘﻮﺣﺶ ﺍﻟﻲ ﻛﺪﺍﻣﻲ !...
ﺑﻘﻴﺖ ﺍﻭﻛﺾ ﺑﺎﻟﻈﻠﻤﻪ ﻻﻥ ﻣﺎﻛﻮ ﺍﻧﺎﺭﻩ ﺑﻬﺬﻱ ﺍﻟﻤﻨﻄﻘﻪ ، ﻛﻞ ﺳﺮﻋﺘﻲ ﻛﻀﺖ ﻭﻫﻮ ﻳﻨﺒﺢ ﺑﻈﻬﺮﻱ ، ﺍﻭﻝ ﻣﺎ ﺍﻟﺘﻔﺖ ﻭﺟﺎﻥ ﺍﺷﻮﻑ 2 ﭼﻼﺏ ﺑﻌﺪ ﻭﻳﺎ ﻳﺮﻛﻀﻮﻥ ﻭﺭﺍﻳﻪ !......
ﺑﺪﻭﻥ ﺍﻱ ﻭﻋﻲ ﻣﻨﻲ ﺑﺎﻭﻋﺖ ﺍﻛﻮ ﺑﺎﺏ ﻛﺪﺍﻣﻲ ﻭﺻﻠﺖ ﻳﻤﻪ ﻓﺘﺤﺘﻪ ﻭﺩﺧﻠﺖ !!!!
ﺍﻟﻐﺮﻓﻪ ﻛﺎﻧﺖ ﻇﻠﻤﻪ ﻭﻫﺪﻭﺀ .. ﺑﻘﻴﺖ ﺍﻟﻠﻬﺚ ﻣﺜﻞ ﺍﻟﻐﺮﻛﺎﻥ ﺍﻟﻲ ﺭﻭﺣﻪ ﺩﺗﻄﻠﻊ .. ﺑﻘﻴﺖ ﺍﺗﻨﻔﺲ ﺑﻘﻮﻩ ﻭﺳﺎﺩﻩ ﺍﻟﺒﺎﺏ ﺑﻜﻞ ﻗﻮﺗﻲ ﻻ ﻳﺪﺧﻠﻮﻥ ﺍﻟﭽﻼﺏ !!..
ﻣﺎ ﺍﺣﺲ ﺍﻻ ﺻﻮﺕ ﻭﺭﺍﻳﻪ ﻳﻜﻮﻝ ... ﺍﺭﻓﻊ ﺍﻳﺪﻙ ﻭﻟﺘﺘﺤﺮﻙ !!!!!!!
ﻫﻨﺎ ﺍﻧﻲ ﺫﺭﻩ ﺩﻡ ﻣﺎ ﺑﻘﺖ ﺑﻴﻪ .... ﺧﻠﺺ ﻛﻠﺖ ﺍﻧﺘﻬﻴﺖ ﻉ ﺑﺎﻟﻬﻢ ﺍﻧﻲ ﺍﺭﻫﺎﺑﻲ ..... ﺑﻘﻴﺖ ﺳﺎﻛﺘﻪ ﻣﻦ ﺍﻟﺨﻮﻑ ﺍﻟﻜﻠﻤﺎﺕ ﻣﺘﻄﻠﻊ ﻣﻨﻲ ﺣﺘﻰ ﺍﺟﺎﻭﺏ !!
ﺑﻠﺤﻈﻪ ﻭﺣﺪﻩ ﺳﻤﻌﺖ ﺻﻮﺕ ﻣﺴﺪﺱ ﺩﻳﻨﺴﺤﺐ ﻭﺭﺍ ﺭﺍﺳﻲ !!!!!!
ﺑﺪﻭﻥ ﻭﻋﻲ ﻣﻨﻲ ﺻﺤﺖ ﻻﺍﺍﺍﺍ ﻟﺘﻀﺮﺏ ﻻﺍ
...
شنو صار بعد ما صرخة لااا تطلق النار
احداث مشوقة ترقبوهاا للجزء الثالث
....
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء