رواية قدري الجزء الثاني

... 

رواية قدري الجزء الثاني

للكاتبة ❤️شمس ❤️

....

ﻭﺟﻬﻲ ﮔﺎﻡ ﻳﺨﺒﻂ ﺍﻟﻮﺍﻥ .. ﻫﺬﺍ ﻧﻔﺴﻪ ﺍﻟﻮﻟﺪ ﺍﻟﻲ ﺭﺍﺩ ﻳﺪﻋﻤﻨﻲ ..

ﮔﺎﻝ ﻣﺮﺣﺒﺎ ﺍﻧﻲ ﻋﺎﺩﻝ .. ﻣﻤﻜﻦ ﺍﺗﻌﺮﻑ ﻻﻥ ﻧﻴﺘﻲ ﺻﺎﺩﻗﻪ ..

ﺍﺳﻰ .. ﻣﺎﻋﺮﻑ ﻣﻨﻴﻦ ﺍﺟﺘﻨﻲ ﺍﻟﻘﻮﻩ ﻭﺭﺯﻟﺘﻪ ﺍﻧﺖ ﺷﺮﺍﻳﺪ ﻣﻨﻲ ﻭﻟﻴﺶ ﺗﺮﻳﺪ ﺗﺘﻌﺮﻑ ﻋﻠﻴﻪ ..

ﻋﻔﺘﻪ ﻭﻣﺸﻴﺖ ﻭﺟﺎﻥ ﺍﻟﮕﻲ ﮔﺒﺎﻟﻲ ﺭﺣﻤﻪ .. ﺑﻘﺖ ﺗﺨﺰﺭ ﺑﻴﻪ ﻭﺍﻭﻝ ﻣﻮﺻﻠﺖ ﻳﻤﻬﺎ ﺿﺮﺑﺘﻨﻲ ﺭﺍﺷﺪﻱ ﻭﺟﺮﺗﻨﻲ ..

ﺍﺩﺧﻠﻲ ﻟﺞ ﺍﺣﻨﺎ ﻣﻮﺩﻳﺞ ﻟﻠﻤﺪﺭﺳﻪ ﺗﺪﺭﺳﻴﻦ ﻟﻮ ﺗﺘﻤﻌﺸﻘﻴﻦ ﻭﺗﻔﺘﺮﻳﻦ ﻭﻱ ﺍﻟﻮﻟﺪ ﺑﺎﻟﺴﻴﺎﺭﻩ ..

ﮔﻠﺘﻠﻬﺎ .. ﻭﺍﻟﻠﻪ ﻣﺎﺍﻋﺮﻓﻪ ﻫﻮ ﺍﻋﺘﺮﺽ ﻃﺮﻳﻘﻲ .. ﻣﺴﻤﻌﺘﻨﻲ ﻭﺑﻘﺖ ﻣﺼﺮﻩ ﺍﻧﻪ ﺍﻧﻲ ﻧﺰﻟﺖ ﻣﻦ ﺳﻴﺎﺭﺗﻪ #.. ﺷﻤﺲ

ﺑﻘﻴﺖ ﺍﺑﺠﻲ ﺑﺎﻟﻐﺮﻓﻪ ﻭﺍﺑﺎﻭﻉ ﺑﺼﻮﺭﻩ ﻣﺎﻣﺎ ﻭﺑﻴﺒﻲ ﻭﻗﺮﺭﺕ ﺍﺳﻮﻟﻒ ﻛﻮﻟﺸﻲ ﺍﻟﺒﺎﺑﺎ ﻉ ﺭﺣﻤﻪ ﻣﺎﺍﺧﻠﻴﻬﺎ ﻫﻴﺞ ﺗﺴﻮﻱ ﺑﻴﻪ ﺑﺲ ﻫﻲ ﺳﺒﻘﺘﻨﻲ ﻭﺩﺧﻠﺘﻪ ﻟﻠﻐﺮﻓﻪ ﻭﺳﻮﻟﻔﺘﻠﻪ ﺻﺪﮒ ﻭﺟﺬﺏ ﮔﻠﺘﻠﻪ ﻋﺴﺎﺱ ﺍﻧﻲ ﻧﺰﻟﺖ ﻣﻦ ﺍﻟﺴﻴﺎﺭﻩ ﻭﻋﻨﺪﻱ ﻋﻼﻗﻪ ﻭﻳﺎﻩ .. ﺑﺎﺑﺎ ﻓﺎﺭ ﺩﻣﻪ ﻭﺍﺟﻪ ﺩﻓﺮ ﺍﻟﺒﺎﺏ ﻭﺑﻌﺪﻧﻲ ﻣﺤﺎﺟﻴﻪ ﻭﻳﺎﻩ ﺷﺒﻌﻨﻲ ﻛﺘﻞ ﺍﻭﻝ ﻣﺮﻩ ﻳﻀﺮﺑﻨﻲ ..

ﻭﻳﮕﻮﻟﻲ ﻟﺞ ﻭﺍﻧﻲ ﺛﺎﻕ ﺑﻴﺞ ﻭﻣﺨﻠﻴﺞ ﺗﺪﺭﺳﻴﻦ ﺗﺎﻟﻲ ﺗﻔﺘﺮﻳﻦ ﻭﻱ ﺍﻟﺸﺒﺎﺏ ﻳﻌﻨﻲ ﻛﻼﻡ ﺭﺣﻤﻪ ﺫﻳﺞ ﺍﻟﻤﺮﻩ ﺻﺤﻴﺢ ..

ﻛﻞ ﻣﺎﺍﺭﻳﺪ ﺍﺑﺮﺭ ﺍﻭ ﺍﺣﺠﻲ ﻳﺴﻜﺘﻨﻲ ﻭﮔﺎﻝ ﺑﻌﺪ ﻣﺪﺭﺳﻪ ﻣﺎﻛﻮ ﻣﻦ ﺑﺎﺟﺮ ﺗﺒﻄﻠﻴﻦ .. ﺍﻧﻲ ﺑﺴﺮﻋﻪ ﻃﻔﺮﺕ ﻭﺍﺗﻮﺳﻞ ﺑﻲ ﻭﺑﺴﺖ ﺭﺟﻠﻴﻪ ﺑﺎﺑﺎ ﻋﻔﻴﻪ ﻻ ﻛﻮﻟﺸﻲ ﻭﻻ ﺩﺭﺍﺳﺘﻲ ﻣﺎﺍﻫﺘﻤﻴﺖ ﻟﻠﻜﻼﻡ ﺍﻟﺒﺎﻃﻞ ﺍﻟﻲ ﺍﺗﻬﻤﻮﻧﻲ ﺑﻲ ﺑﮕﺪ ﻣﺎﺍﻫﺘﻤﻴﺖ ﻻﻥ ﺑﻄﻠﻮﻧﻲ ..

ﺍﻭﻝ ﻣﺮﻩ ﺍﺷﻮﻓﻪ ﻫﻴﺞ ﺣﺴﻴﺖ ﺑﻨﻔﺴﻲ ﺻﺪﻭﮒ ﻳﺘﻴﻤﻪ ﻻﻥ ﮔﺎﻡ ﻳﺼﺪﮒ ﺑﻜﻼﻡ ﺭﺣﻤﻪ ﻭﻳﻤﻴﻞ ﺍﻟﻬﺎ ﻭﺧﺎﺻﻪ ﺑﻌﺪ ﻣﺠﺎﺑﺖ ﺍﺧﻮﻳﻪ ﻣﺮﺗﻀﻰ ﻻﻥ ﺑﻘﺖ ﻫﻮﺍﻳﻪ ﺗﺘﻌﺎﻟﺞ ﻳﺎﻟﻠﻪ ﺻﺎﺭ ﻋﻨﺪﻫﺎ .. ﻭﺑﺎﺑﺎ ﻫﻢ ﺗﺄﺧﺮ ﻳﺎﻟﻠﻪ ﺗﻘﺮﺑﻠﻬﺎ ﻓﻤﺎﺣﻤﻠﺖ ﺑﺴﺮﻋﻪ ..

ﺑﻘﻴﺖ ﺍﺑﺠﻲ ﺑﻐﺮﻓﺘﻲ ﻭﺍﺗﻮﺳﻞ ﺑﺎﻟﻠﻪ ﻳﺎﺧﺬﻧﻲ ﺍﻟﻌﻨﺪ ﻣﺎﻣﺎ ﻭﺑﻴﺒﻲ .. ﺭﺑﻲ ﺗﻌﺒﺖ ﻟﺘﺨﻠﻴﻨﻲ ﻫﻴﺞ ﺭﺑﻲ ﺍﺧﺬﻧﻲ ﻭﺭﻳﺤﻨﻲ

ﻭﺩﺧﻠﺖ ﻧﻮﺭ ﺣﻀﻨﺘﻨﻲ ﻭﺗﺒﺠﻲ ..

ﻧﻮﺭ .. ﺍﺳﻰ ﻟﺘﺒﺠﻴﻦ ﺍﺩﺭﻱ ﺑﻴﺞ ﺑﺮﻳﺌﻪ ﺑﺲ ﻣﺎﺍﮔﺪﺭ ﺍﺣﺠﻲ ﻭﻱ ﻣﺎﻣﺎ ﺗﻀﺮﺑﻨﻲ .. ﻣﺎﻣﺎ ﺯﺍﺩ ﺗﻜﺒﺮﻫﺎ ﻭﺣﻘﺪﻫﺎ ﺑﻌﺪ ﻣﺎﺍﺟﻪ ﺍﺧﻮﻳﻪ ﻣﺮﺗﻀﻰ ﺣﺘﻰ ﺍﻧﻲ ﻣﺘﺤﺒﻨﻲ ﻣﺜﻞ ﻗﺒﻞ ..

ﺷﻮﻳﻪ ﻭﺩﺧﻠﺖ ﺭﺣﻤﻪ ﺷﺎﻓﺖ ﻧﻮﺭ ﻋﻨﺪﻱ ﻃﺮﺩﺗﻬﺎ .. ﻭﮔﻠﺘﻠﻲ ﺍﺫﺍ ﺗﺮﺩﻳﻦ ﺗﺮﺟﻌﻴﻦ ﻟﻠﻤﺪﺭﺳﻪ ﺍﺗﻨﺎﺯﻟﻲ ﻋﻦ ﺍﻟﻤﺰﺭﻋﻪ ﺍﻟﻲ .. ﻭﺍﻧﻲ ﺍﺧﻠﻴﻪ ﻳﺮﺟﻌﺞ ..

ﺑﻘﻴﺖ ﺍﻓﻜﺮ ﺑﻜﻼﻣﻬﺎ ﻣﺴﺘﻌﺪﻩ ﺍﺳﻮﻱ ﻛﻮﻟﺸﻲ ﺣﺘﻰ ﺗﺮﺟﻌﻨﻲ ﺑﺲ ﺗﺬﻛﺮﺕ ﻛﻼﻡ ﺑﻴﺒﻲ ﻣﻦ ﮔﺎﻟﺖ ﻫﺎﻱ ﺍﻟﻤﺰﺭﻋﻪ ﺍﻣﺎﻧﻪ ﻋﻨﺪﺝ ﻣﻮ ﺗﻔﺮﻃﻴﻦ ﺑﻴﻬﺎ ..

ﺑﻘﻴﺖ ﺍﺗﻮﺳﻞ ﺍﻟﺒﺎﺑﺎ ﻛﻞ ﻳﻮﻡ ﺑﺲ ﻣﺎﻛﻮ ﻓﺎﻳﺪﻩ ..

ﻋﺎﺩﻝ .. ﻣﺮ ﺍﺳﺒﻮﻉ ﻭﺍﻧﻲ ﻣﺎﺷﺎﻳﻔﻬﺎ ﺳﺄﻟﺖ ﺍﺑﻮ ﺍﻟﻤﺤﻞ ﺍﻟﻤﻘﺎﺑﻴﻠﻬﻢ ﮔﺎﻝ ﺍﺳﻤﻬﺎ ﺍﺳﻰ ..

ﺍﺳﻤﻬﺎ ﺣﻠﻮ ﺑﺲ ﺣﺰﻳﻦ ﻭﻋﺮﻓﺖ ﻛﻮﻟﺸﻲ ﻋﻨﻬﺎ ﺑﻌﺪ ﻣﺎﺍﺗﺤﻤﻠﺖ ﺭﺟﻌﺖ ﻟﻠﺒﻴﺖ

ﻟﮕﻴﺖ ﺍﻣﻲ ﮔﺎﻋﺪﻩ ﺑﺎﻟﺼﺎﻟﻪ ﺳﻠﻤﺖ ﻋﻠﻴﻬﺎ ﻭﺑﻮﺳﺖ ﺍﻳﺪﻳﻬﺎ ﻭﮔﻠﺘﻬﺎ ﻳﻤﻪ ﺍﺭﻳﺪ ﺍﺣﺠﻲ ﻭﻳﺎﺝ ﺑﻤﻮﺿﻮﻉ ..

ﺍﻣﻲ .. ﮔﻮﻝ ﻳﻤﻪ ﺷﻨﻮ ﺍﻟﻲ ﻣﺪﻭﻟﺒﻚ ﺻﺎﺭﻟﻚ ﻛﻢ ﻳﻮﻡ ﺷﺎﻳﻔﺘﻚ ﻣﻮ ﻉ ﺑﻌﻀﻚ ..

ﻋﺎﺩﻝ .. ﻳﻤﻪ ﺍﻧﺘﻲ ﻣﻮ ﺻﺎﺭﻟﺞ ﺷﮕﺪ ﺗﻠﺤﻴﻦ ﻋﻠﻴﻪ ﺣﺘﻰ ﺍﺗﺰﻭﺝ ﺍﻣﻲ .. ﺍﻱ ﻳﻤﻪ ﻫﺎﻱ ﻓﺮﺣﺘﻲ ﺍﺷﻮﻑ ﺟﻬﺎﻟﻚ ..

ﻋﺎﺩﻝ .. ﺧﻠﺺ ﻳﻤﻪ ﺍﻧﻲ ﻟﮕﻴﺖ ﺑﻨﻴﻪ ﺑﺲ ﻫﻲ ﺻﻐﻴﺮﻩ ﻛﻮﻟﺶ ﻭﻣﺎﺍﻋﺮﻑ ﺍﺫﺍ ﻳﻨﻄﻮﻫﺎ ..

ﺍﻣﻲ .. ﻣﻨﻮ ﻫﻲ ﻳﻤﻪ ﺍﻟﻌﻤﺮ ﻣﻮ ﻣﻬﻢ ﻭﺛﺎﻧﻲ ﺷﻲ ﺍﻣﻬﺎ ﺩﺍﻋﻴﺘﻠﻬﺎ ﺍﻟﻲ ﺗﺎﺧﺬ ﺷﻴﺦ ﻋﺎﺩﻝ ..

ﻋﺎﺩﻝ .. ﻳﻤﻪ ﺍﻟﺒﻨﻴﻪ ﻳﺘﻴﻤﻪ ﺑﻌﺪ ﺷﺎﺭﻋﻴﻦ ﻋﻨﺎ . ﺑﺲ ﻳﻤﻪ ﺟﻨﺎﻥ ﺷﻠﻮﻥ ﻣﺎﺍﮔﺪﺭ ﺍﻓﺎﺗﺤﻬﺎ ﺗﻌﺮﻓﻴﻦ ﻫﻲ ﺑﻨﺖ ﻋﻤﻲ ﻭﺣﺒﻴﺒﺘﻲ ﻭﺧﺎﻑ ﺍﻛﺴﺮ ﺧﺎﻃﺮﻫﺎ ..

ﺍﻣﻲ .. ﻋﻮﻑ ﺟﻨﺎﻥ ﻋﻠﻴﻪ .. ﺍﻧﻲ ﺍﺣﺎﺟﻴﻬﺎ ﻭﺍﻧﺖ ﻳﺎﻳﻤﻪ ﺻﺒﺮﺕ ﻋﻠﻴﻬﺎ ﻫﻮﺍﻱ ﻋﺸﺮ ﺳﻨﻮﺍﺕ ﻭﺍﻧﺖ ﺧﺎﻳﻒ ﻉ ﻣﺸﺎﻋﺮﻫﺎ ﻭﻫﻲ ﺍﺫﺍ ﺗﺤﺒﻚ ﻣﺎﺗﺮﻓﺾ ..

ﻋﺎﺩﻝ .. ﻣﺎﺷﻲ ﻳﻤﻪ ﺑﺲ ﻉ ﻛﻴﻔﺞ ﻭﻳﺎﻫﻪ ﻭﺍﻧﻲ ﻣﻦ ﺍﺭﺟﻊ ﺑﺎﻟﻠﻴﻞ ﻫﻢ ﺍﺣﺎﺟﻴﻬﻪ #.. ﺷﻤﺲ

ﻃﻠﻌﺖ ﻭﺭﺟﻌﺖ ﺑﺎﻟﻠﻴﻞ ﻟﮕﻴﺖ ﺟﻨﺎﻥ ﺗﺴﻮﻱ ﺑﺎﻟﻌﺸﺎ ﻭﻋﻴﻮﻧﻬﺎ ﻭﺍﺭﻣﺎﺕ ﻣﻦ ﺍﻟﺒﺠﻲ ..

ﺟﺮﻳﺘﻬﺎ ﻭﺣﻀﻨﺘﻬﺎ .. ﺟﻨﺎﻥ ﺗﻌﺎﻱ ﺍﮔﻌﺪﻱ ﻳﻤﻲ ﺍﻧﻲ ﻣﺴﺘﺤﻴﻞ ﺍﺿﻠﻤﺞ ﻓﺪ ﻳﻮﻡ ﺍﻧﺘﻲ ﺗﺒﻘﻴﻦ ﺣﺒﻲ ﺍﻻﻭﻝ ﻭﺍﻟﻲ ﺍﺧﺬﻫﺎ . ﺑﺲ ﻋﻤﻮﺩ ﺍﻟﻄﻔﻞ ..

ﺟﻨﺎﻥ .. ﻻ ﻳﺎﺍﺑﻦ ﻋﻤﻲ ﺍﻟﻲ ﺗﺸﻮﻓﻪ ﺳﻮﻳﻪ ﺑﺲ ﺍﻧﻲ ﻣﺎﺍﮔﺪﺭ ﺍﺷﻮﻑ ﻭﺣﺪﻩ ﺗﺸﺎﺭﻛﻨﻲ ﺑﻴﻚ ﻭﻋﻤﺘﻲ ﮔﺎﻟﺖ ﺻﻐﻴﺮﻩ .. ﻳﻌﻨﻲ ﺭﺍﺡ ﺗﺎﺧﺬ ﻋﻘﻠﻚ ﻣﻨﻚ ..

ﻋﺎﺩﻝ .. ﺍﻓﻪ ﻋﻠﻴﺞ ﻳﺎﺑﻨﺖ ﻋﻤﻲ ﺍﻱ ﻗﺎﺑﻞ ﺍﻧﻲ ﻃﻔﻞ ﻭﺗﺎﺧﺬ ﻋﻘﻠﻲ ﻭﺣﺪﻩ ..

ﻣﺎﺍﺭﻳﺪ ﺍﺷﻮﻑ ﺩﻣﻮﻋﺞ ﺑﻌﺪ .. ﻭﺑﺎﺟﺮ ﺍﻧﺘﻲ ﻭﺍﻣﻲ ﺗﺮﺣﻴﻦ ﺗﺨﻄﺒﻴﻠﻴﺎﻫﺎ ..

ﺍﺳﻰ .. ﺻﺎﺭ ﺍﺳﺒﻮﻉ ﻣﻦ ﺑﻄﻠﻮﻧﻲ ﻭﻛﻞ ﻳﻮﻡ ﺍﻧﺎﻡ ﻭﺩﻣﻮﻋﻲ ﻉ ﺧﺪﻱ

ﻭﺑﻘﻴﺖ ﺍﻗﺮﺃ ﻭﻣﺎﻫﻤﻠﺖ ﺩﺭﻭﺳﻲ ﻋﺴﻰ ﻭﺍﻥ ﺑﺎﺑﺎ ﻳﺤﻦ ﻋﻠﻴﻪ ﻭﻳﺮﺟﻌﻨﻲ ..

ﻭﮔﻤﺖ ﺍﺩﻋﻲ ﻉ ﻫﺬﺍ ﺍﻟﻮﻟﺪ ﺍﻟﻲ ﺑﺴﺒﺒﻪ ﺑﻄﻠﻮﻧﻲ .. ﻭﺍﻧﺪﺏ ﺣﻈﻲ ..

ﺛﺎﻧﻲ ﻳﻮﻡ ﺍﻟﻌﺼﺮ ﺍﻧﺪﮔﺖ ﺍﻟﺒﺎﺏ .. ﻭﺍﻧﻲ ﺩﺍﺍﻏﺴﻞ ﺍﻟﻔﺮﺍﺷﺎﺕ ﺑﺎﻟﻄﺎﺭﻣﻪ ﻭﻻﺑﺴﻪ ﺗﺮﺍﻙ ﻭﺷﺎﻳﻠﻪ ﺷﻌﺮﻱ ﻋﺎﻟﻲ #.. ﺷﻤﺲ

ﻓﺘﺤﺖ ﺍﻟﺒﺎﺏ ﻭﺍﺷﻮﻑ ﺍﺛﻨﻴﻦ ﻧﺴﻮﺍﻥ ﻭﻭﻳﺎﻫﻦ ﺑﻨﻴﻪ ﻣﺘﻮﺳﻄﻪ ﺑﺎﻟﻌﻤﺮ ﺑﺲ ﻣﺮﺗﺒﺎﺕ ﻭﻣﺒﻴﻦ ﻋﻠﻴﻬﻦ ﺍﻟﻐﻨﻰ ﻭﺍﻟﺮﻗﻲ ..

ﻭﻃﻠﺒﻦ ﻳﺪﺧﻠﻦ

يتبع

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤