رواية قدري الجزء الثالث

..... 

رواية قدري الجزء الثالث 

للكاتبة ❤️شمس ❤️

.... 

ﺍﻧﻲ ﺩﺧﻠﺖ ﺻﺤﺖ ﺭﺣﻤﻪ ﻭﺍﺟﻴﺖ ﻓﺘﺤﺖ ﺍﻻﺳﺘﻘﺒﺎﻝ ﺍﻟﻬﻢ ﻭﺩﺧﻠﺘﻬﻦ ..

ﺍﺟﺖ ﺭﺣﻤﻪ ﻭﺑﻘﺖ ﺗﺮﺣﺐ ﻭﺗﺘﻤﻠﻖ ﻋﺒﺎﻟﻚ ﻣﺸﺎﻳﻔﻪ ﻧﺴﻮﺍﻥ .. ﻭﮔﻠﺘﻠﻲ ﺍﺳﻮﻱ ﻋﺼﻴﺮ ﻭﻛﻴﻚ ﻛﻨﺖ ﻣﺴﻮﻳﻪ ..

ﺳﻮﻳﺘﺘﻬﻢ ﻭﺟﺒﺘﻬﻢ ﻭﺳﻤﻌﺖ ﺳﻮﺍﻟﻔﻬﻦ ﺍﻟﻤﺮﻩ ﺍﻟﻜﺒﻴﺮﻩ ﺟﺎﻳﻪ ﺗﺴﻮﻟﻒ ﻭﺗﮕﻮﻝ ﺍﺣﻨﺎ ﺟﺎﻳﻦ ﻧﺨﻄﺐ ﺍﺳﻰ ﺍﻻﺑﻨﻪ ﺍﻟﻜﺒﻴﺮ . ﺍﻧﻲ ﺍﺭﺗﺒﻜﺖ ﻭﺭﺍﺩﺕ ﺗﻮﮔﻊ ﺍﻟﺼﻴﻨﻴﻪ ﻣﻨﻲ .. ﮔﺎﻟﺘﻠﻬﺎ ﺭﺣﻤﻪ ﻫﺎﻱ ﻫﻲ ﺍﺳﻰ ..

ﺍﻟﻤﺮﻩ ﺟﺮﺗﻨﻲ ﻭﮔﻌﺪﺗﻨﻲ ﻳﻤﻬﺎ ..

ﺳﺒﺤﺎﻥ ﺍﻟﺨﺎﻟﻖ ﻣﺎﺷﺎﺀ ﺍﻟﻠﻪ .. ﻣﺎﻳﻼﻡ ﺷﻴﺦ ﻋﺎﺩﻝ ﻣﻦ ﺍﻧﻌﺠﺐ ﺑﻴﺞ .. # ﺷﻤﺲ

ﺍﺗﺒﺎﻭﻋﺖ ﺷﻔﺖ ﺍﻟﺒﻨﻴﻪ ﺍﻟﻤﺘﻮﺳﻄﻪ ﺑﺎﻟﻌﻤﺮ ﺗﺨﺰﺭ ﺑﻴﻪ .. ﻭﻋﺮﻓﺘﻨﻲ ﻉ ﻧﻔﺴﻬﺎ ..

ﺍﻧﻲ ﺟﻨﺎﻥ ﻣﺮﺕ ﻋﺎﺩﻝ ..

ﺍﻧﻲ ﺳﻮﺩﺕ ﺍﻟﺪﻧﻴﺎ ﺑﻌﻴﻨﻲ .. ﻫﻮ ﻧﻔﺴﻪ ﻋﺎﺩﻝ ﻫﺬﺍ ﺍﻟﻲ ﻳﻠﺒﺲ ﺧﻠﻴﺠﻲ ﻭﻣﺘﺰﻭﺝ ﻓﻮﮔﺎﻫﻪ .. ﻳﺎﺭﺑﻲ ﻣﺎﺍﺧﻠﺺ ﻣﻨﻪ ..

ﺭﺣﻤﻪ .. ﺍﻡ ﻋﺎﺩﻝ ﺍﺣﻨﺎ ﻧﻌﺮﻓﻜﻢ ﻛﻮﻟﺶ ﺯﻳﻦ ﻭﻧﺎﺱ ﻣﺘﺘﻌﻴﺒﻮﻥ ﺑﺲ ﻫﻮ ﻣﺘﺰﻭﺝ ﻭﻣﺮﺗﻪ ﻣﺎﺷﺎﺀ ﺍﻟﻠﻪ ﻫﻢ ﻣﺎﻋﺎﻳﺰﻫﺎ ﺷﻲ ﻟﻴﺶ ﻳﺮﻳﺪ ﻳﺘﺰﻭﺝ ..

ﺿﺎﺟﺖ ﺍﻟﺒﻨﻴﻪ ﻭﺍﻡ ﻋﺎﺩﻝ ..

ﺍﻡ ﻋﺎﺩﻝ .. ﺍﻟﻠﻪ ﻣﺤﻠﻞ ﺍﺭﺑﻌﻪ ﻭﻣﺮﺗﻪ ﻗﺎﺑﻠﻪ ﻭﻫﻮ ﺷﻴﺦ ﻭﻣﺎﻳﺘﻌﻴﺐ ..

ﺍﺳﻰ .. ﺑﺲ ﻫﻮ ﺍﻛﺒﺮ ﻣﻨﻲ . # ﺷﻤﺲ

ﺿﺮﺑﺘﻨﻲ ﺭﺣﻤﻪ ﻉ ﺍﻳﺪﻱ ﻭﮔﺎﻟﺖ ﺍﻥ ﺷﺎﺀ ﺍﻟﻠﻪ ﻳﺠﻲ ﺍﺑﻮﻫﻪ ﻭﺍﺣﺎﺟﻴﻪ ﻭﺍﺭﺟﻌﻠﻜﻢ ﺧﺒﺮ ..

ﻃﻠﻌﻦ ﺍﻟﻨﺴﻮﺍﻥ ﻭﺍﻧﻲ ﺑﻌﺪ ﻣﺎﺍﺷﻮﻑ ﺑﻌﻴﻨﻲ .. ﻭﮔﻠﺖ ﺍﻟﺮﺣﻤﻪ ﻟﻴﺶ ﻧﻄﻴﺘﻴﻬﻢ ﺍﻣﻞ ﻟﻴﺶ ﻣﺎﺭﻓﻀﺘﻲ ..

ﺭﺣﻤﻪ .. ﻟﻴﺶ ﺗﺮﻓﻀﻴﻦ ﻭﻳﻦ ﺗﻠﮕﻴﻦ ﻫﻴﺞ ﻗﺴﻤﻪ ..

ﺑﻘﻴﺖ ﺍﻟﻄﻢ ﻉ ﻭﺟﻬﻲ .. ﻳﺎﻗﺴﻤﻪ ﻣﺘﮕﻮﻟﻴﻠﻲ ﻫﻮ ﻛﺒﻴﺮ ﻭﻣﺘﺰﻭﺝ ﻭﺍﻧﻲ ﻃﻔﻠﻪ ﻭﺍﺭﻳﺪ ﺍﻛﻤﻞ ﻣﻨﻮ ﮔﻠﻠﻜﻢ ﺍﺭﻳﺪ ﺍﺗﺰﻭﺝ #.. ﺷﻤﺲ

ﺭﺣﻤﻪ .. ﺷﻨﻮ ﺗﻜﻤﻠﻴﻦ ﻏﻴﺮ ﺍﺑﻮﺝ ﺑﻄﻠﺞ ﺑﻌﺪ ﺷﻠﺞ ﺑﮕﻌﺪﺕ ﺍﻟﺒﻴﺖ ..

ﺍﺳﻰ .. ﻟﻮ ﺑﻨﺘﺞ ﺗﻘﺒﻠﻴﻦ ﺗﺘﺰﻭﺝ ﺍﻛﺒﺮ ﻣﻨﻬﺎ .. ﺣﺮﺍﻡ ﻋﻠﻴﺞ .. ﻋﺎﻓﺘﻨﻲ ﻭﻣﺸﺖ ﻭﺧﻠﺖ ﺩﻣﻮﻋﻲ ﺗﻨﺰﻑ ﻟﻴﺶ ﻫﻴﺞ ﻳﺎﺭﺑﻲ #.. ﺷﻤﺲ

ﺍﺟﺖ ﻧﻮﺭ ﻳﻤﻲ ﺗﻮﺍﺳﻴﻨﻲ .. ﻭﺍﻧﻲ ﺍﺑﺠﻲ ﻭﺷﻮﻳﻪ ﻭﺳﻤﻌﺖ ﺑﺎﺑﺎ ﺍﺟﻪ .. ﺍﺗﻌﺠﺒﺖ ﺍﺟﻪ ﻣﻦ ﻭﻗﺖ .. ﺗﺎﻟﻲ ﺭﺣﻤﻪ ﻣﺘﺼﻠﻪ ﻋﻠﻴﻪ ﻭﻣﺴﻮﻟﻔﺘﻠﻪ ..

ﺷﻮﻳﻪ ﻭﺻﺎﺣﻠﻲ ..

ﺗﻌﺎﻟﻲ ﺑﺎﺑﺎ ﺍﺳﻰ ﺍﮔﻌﺪﻱ ﮔﺒﺎﻟﻲ ..

ﺑﺎﺑﺎ ﺍﻧﻲ ﺍﺭﻳﺪ ﻣﺼﻠﺤﺘﺞ ﻭﺍﻟﻨﺎﺱ ﺧﻮﺵ ﻧﺎﺱ ﻭﺭﺣﻤﻪ ﻣﻦ ﺍﻟﻠﻪ ﻭﺍﻛﻴﺪ ﺭﺍﺡ ﺗﻌﻴﺸﻴﻦ ﺑﺴﻌﺎﺩﻩ ..

ﺍﻧﻲ ﻗﺎﻃﻌﺘﻪ .. ﺑﺎﺑﺎ ﺑﺲ ﻫﻮ ﻛﺒﻴﺮ ﻛﻮﻟﺶ ﻭﻣﺘﺰﻭﺝ ﻟﻴﺶ ﺗﺮﻳﺪ ﺗﺬﺑﻨﻲ ﻫﻴﺞ

ﺑﺎﺑﺎ .. ﻣﻨﻮ ﮔﻠﺞ ﺍﻧﻲ ﺍﺫﺑﺞ ﺑﺎﻟﻌﻜﺲ ﻣﺎﺗﺠﻴﺞ ﻫﻴﺞ ﻗﺴﻤﻪ ﻭﻫﻴﺞ ﻧﺴﺐ ..

ﺍﺳﻰ .. ﺑﺎﺑﺎ ﻋﻔﻴﻪ ﺍﻧﻲ ﺍﺭﻳﺪ ﺍﻛﻤﻞ ﻣﺎﺍﺭﻳﺪ ﺍﺗﺰﻭﺝ ﻻﺗﺴﻮﻱ ﻫﻴﺞ ﻭﻳﺎﻱ ﻣﺎﻋﻨﺪﻱ ﻏﻴﺮﻙ .

ﺑﺎﺑﺎ .. ﮔﺎﻡ ﻳﻌﻴﻂ ﺍﻧﻲ ﻣﻮ ﮔﺘﻠﺞ ﺍﻧﺴﻲ ﺳﺎﻟﻔﻪ ﺍﻟﺪﺭﺍﺳﻪ ﻭﺛﺎﻧﻲ ﺷﻲ ﻣﻮ ﻫﻮ ﻧﻔﺴﻪ ﺍﻟﻲ ﻧﺰﻟﺘﻲ ﻣﻦ ﺳﻴﺎﺭﺗﻪ ﺑﻌﺪ ﻟﻴﺶ ﻣﺎﺗﺮﺩﻳﻪ ..

ﺗﺒﺎﻭﻋﺖ ﺍﻟﺮﺣﻤﻪ ﻻﻥ ﺍﻛﻴﺪ ﻫﻲ ﺍﻟﻲ ﻣﺨﻠﻴﻪ ﻫﺎﻱ ﺍﻟﻔﻜﺮﻩ ﺑﺮﺍﺳﻪ ..

ﻭﮔﻠﺘﻠﻬﺎ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﺧﻄﻴﺘﻲ ﺑﺮﮔﺒﺘﺞ ..

ﻫﻲ ﺗﺨﺒﻠﺖ .. ﻭﮔﺎﻟﺖ ﺷﻔﺖ ﺑﻨﺘﻚ ﺷﻠﻮﻥ ﺗﺘﺤﺴﺐ ﻋﻠﻴﻪ ﻫﺎﻱ ﮔﺪﺍﻣﻚ ﻫﻴﺞ ﺗﺴﻮﻱ ﻟﻮ ﺷﺎﻳﻒ ﻭﺭﺍﻙ ﺷﺘﺴﻮﻱ ..

ﮔﺎﻡ ﺑﺎﺑﺎ ﻳﻌﻴﻂ ﻭﮔﺎﻝ ﻭﻻ ﺻﻮﺕ ﺍﺩﺧﻠﻲ ﺍﻟﻐﺮﻓﺘﺞ ﻭﺍﻧﺘﻲ ﺭﺣﻤﻪ ﻧﻄﻴﻬﻢ ﺧﺒﺮ ﻣﻮﺍﻓﻘﻴﻦ ﻫﻲ ﻣﻮ ﺑﻜﻴﻔﻬﺎ #.. ﺷﻤﺲ

ﺩﺧﻠﺖ ﻟﻠﻐﺮﻓﻪ ﻭﻋﺒﺎﻟﻚ ﺳﻜﺎﻛﻴﻦ ﺑﮕﻠﺒﻲ .. ﻣﺎﺍﺗﺤﻤﻠﺖ ﻭﺑﻘﻴﺖ ﺍﻋﻴﻂ ..

ﺭﺩﺕ ﺭﺣﻤﻪ ﺍﻟﺨﺒﺮ ﺍﻟﻬﻢ ﻭﺍﺟﻮ ﺛﺎﻧﻲ ﻳﻮﻡ .. ﺟﺎﺑﻮ ﺍﻟﺬﻫﺐ ﻭﻓﻠﻮﺱ ﻟﻠﻤﻼﺑﺲ .. ﻭﺍﻧﻲ ﺿﺎﻳﺠﻪ ﻭﻻ ﻋﺒﺎﻟﻚ ﺯﻭﺍﺟﻲ ﻻﻥ ﻣﺎﺗﻤﻨﻴﺖ ﺍﺗﺰﻭﺝ ﻫﻴﺞ ﻛﺎﻧﺖ ﺍﻛﻮ ﻣﻮﺍﺻﻔﺎﺕ ﻟﻠﺸﺨﺺ ﺍﻟﻲ ﺑﺒﺎﻟﻲ ﻭﻛﻨﺖ ﺍﺭﻳﺪﻩ ﻋﺎﺯﺏ ﻭﻣﺎﻣﻤﺘﺰﻭﺝ .. ﺑﺲ ﺑﻌﺪ ﻣﻴﻔﻴﺪ ﺍﻟﻨﺪﻡ ..

ﺣﺪﺩﻭﺍ ﻳﻮﻡ ﻟﻠﺨﻄﻮﺑﻪ ﻭﻧﮕﻄﻊ ﻣﻬﺮ .. ﻭﻃﻠﻌﻨﺎ ﻧﺸﺘﺮﻱ ﻣﻼﺑﺲ ﻭﻛﻮﻟﻪ ﺍﺧﺘﺎﺭﺗﻪ ﺭﺣﻤﻪ ﻻﻥ ﻣﺎﻟﻲ ﺧﻠﮓ ﺻﺮﺕ ﻣﺠﺮﺩ ﺻﻨﻢ ﻭﻫﻢ ﺍﻟﻲ ﻳﻘﺮﺭﻭﻥ ﻋﻨﻲ ﻭﻳﺸﺘﺮﻭﻧﻲ .. ﻭﺍﺷﺘﺮﺗﻠﻲ ﻓﺴﺘﺎﻥ ﻭﺭﺩﻱ ﺣﻠﻮ ﻟﻠﺨﻄﻮﺑﻪ ..

ﻭﻋﺒﺎﻟﻚ ﺣﺎﺳﺪﺗﻨﻲ .. ﺗﻤﺸﻲ ﻭﺗﺤﺠﻲ ﺍﻱ ﻟﻮ ﻫﻴﺞ ﺍﻟﻘﺴﻤﻪ ﻟﻮ ﻣﺎﻛﻮ ﺣﺘﻰ ﺗﺪﻋﻴﻠﻲ ﻣﻮ ﺗﺪﻋﻴﻦ ﻋﻠﻴﻪ ﺷﻮﻓﻲ ﺍﻟﻔﻠﻮﺱ ﻛﻠﻤﺎ ﻧﺸﺘﺮﻱ ﻣﻴﺨﻠﺼﻦ ..

ﻫﻪ ﻋﺒﺎﻟﻬﻪ ﺍﻟﺰﻭﺍﺝ ﺑﺎﻟﻔﻠﻮﺱ .. # ﺷﻤﺲ

ﻭﺻﺎﺭﺕ ﻳﻮﻡ ﺍﻟﺨﻄﺒﻪ ﻭﻟﺒﺴﺖ ﺍﻟﻔﺴﺘﺎﻥ ﻭﺷﻠﺖ ﺷﻌﺮﻱ ﻧﺺ ﻭﺍﻟﺒﺎﻗﻲ ﺑﺮﻣﺘﻪ ﻃﻠﻊ ﻛﻮﻟﺶ ﺣﻠﻮ ﻭﺑﻨﺎﺕ ﻋﻤﻮ ﺧﻠﻮﻟﻲ ﻣﻜﻴﺎﺝ ﻻﻥ ﻣﻘﺒﻠﺖ ﺍﺭﻭﺡ ﻟﻠﺼﺎﻟﻮﻥ ﺑﺲ ﻃﻠﻌﺖ ﺣﻠﻮﻩ .. ﻭﺍﺟﻪ ﺍﻟﺴﻴﺪ ﻋﻘﺪ ﺍﻟﻨﺎ ﻭﻣﻦ ﺩﺧﻠﺖ ﺗﻌﺠﺒﻮﺍ ﺍﻟﻜﻞ ﺑﻴﻪ ﻫﻮ ﻣﺎﻋﺎﺯﻡ ﻫﻮﺍﻳﻪ ﻗﻠﻴﻠﻴﻦ ﺍﻟﻲ ﺟﺎﻳﻴﻦ ﻣﻨﻬﻢ ﻻﻥ ﻳﺨﺎﻑ ﻉ ﻣﺸﺎﻋﺮ ﺯﻭﺟﺘﻪ ﺣﺘﻰ ﺯﻭﺟﺘﻪ ﻣﺠﺎﻳﻪ ﺍﻟﻠﻪ ﻳﺴﺎﻋﺪﻫﺎ ﺍﻛﻴﺪ ﮔﻠﺒﻬﺎ ﻳﺘﮕﻄﻊ ﻻﻥ ﻋﺮﻓﺖ ﻫﻲ ﻣﺮﺍﺿﻴﻪ ﺑﺲ ﻣﺠﺒﻮﺭﻩ ﻻﻥ ﻣﻴﺼﻴﺮ ﻋﻨﺪﻫﺎ ﻃﻔﻞ ..

ﻫﻮ ﺍﺗﺒﺎﻭﻋﻠﻪ ﻓﺮﺣﺎﻥ ﻭﺍﻟﻀﺤﻜﻪ ﻣﻔﺎﺭﻗﺖ ﻭﺟﻬﻪ ﺑﺲ ﺍﺗﺒﺎﻭﻉ ﻣﻮ ﻫﻮ ﺍﻟﻲ ﺑﺒﺎﻟﻲ .. ﻛﺒﻴﺮ ﺻﺤﻴﺢ ﺷﺨﺼﻴﻪ ﻭﺣﻠﻮ ﺑﺲ ﻣﻮ ﺍﻟﻲ ﻟﺒﺴﻨﻲ ﺍﻟﺬﻫﺐ ﻭﺑﺎﺳﻨﻲ ﺑﮕﺼﺘﻲ ﺣﺴﻴﺖ ﺟﺴﻤﻲ ﺍﻗﺸﻌﺮ ﻭﻫﻮ ﺑﻘﻰ ﻳﺴﻮﻟﻒ ﺑﺲ ﺍﻧﻲ ﺳﺎﻛﺘﻪ ﻣﺤﺠﻴﺖ ﻭﺭﺣﻤﻪ ﺗﺨﻮﺯﺭ ﺑﻴﻪ .. ﻭﻣﺎﺍﻋﺮﻑ ﺷﻨﻮ ﺗﺴﻮﻟﻒ ﻭﻱ ﺍﻡ ﻋﺎﺩﻝ ﺣﺴﻴﺘﻬﺎ ﺣﺠﺘﻠﻬﺎ ﻗﺼﻪ ﺣﻴﺎﺗﻲ .. ﺍﻟﻠﻪ ﺍﻟﻴﺴﺘﺮ ﻣﻨﻬﺎ ..

ﺧﻠﺼﺖ ﺍﻟﺤﻔﻠﻪ ﻭﺣﺪﺩﻭ ﺍﻻﺳﺒﻮﻉ ﺍﻟﺠﺎﻱ ﺍﻟﺰﻭﺍﺝ ﻻﻥ ﻣﺎﻋﻨﺪﻫﻢ ﺷﻲ ﻭﻣﻜﻤﻠﻴﻦ .. ﺍﻧﻲ ﻣﻘﺒﻠﺖ ﻻﻥ ﻣﺎﺍﻋﺮﻓﻪ ﻭﺭﺩﺕ ﻓﺘﺮﻩ ﺍﺗﻌﺮﻑ ﻋﻠﻴﻪ ﺑﺲ ﻛﺎﻟﻌﺎﺩﻩ ﻣﺤﺪ ﺳﻤﻊ ﻛﻼﻣﻲ ﻭﺑﻘﻴﺖ ﺍﺟﻬﺰ ﻣﻼﺑﺴﻲ ﻭﺍﻛﻤﻞ ﺍﻻﺷﻴﺎﺀ ﺍﻟﻨﺎﻗﺼﻪ ﻛﺘﺒﺘﻬﻢ ﺑﻮﺭﻗﻪ ﻭﺍﺷﺘﺮﺗﻬﻢ ﺭﺣﻤﻪ ﻭﺑﺎﻗﻲ ﺍﻟﻔﻠﻮﺱ ﺧﻠﺘﻬﻢ ﺑﺠﻴﺒﻬﺎ ﻭﮔﻠﺘﻠﻲ ﺧﻠﺼﻦ ﺍﻧﻲ ﻣﺎﺍﻫﺘﻤﻴﺖ ﻻﻥ ﻣﺎﺑﺒﺎﻟﻲ ﺍﻱ ﺷﻲ ﺑﺲ ﺷﻠﻮﻥ ﺭﺍﺡ ﺍﺩﺧﻞ ﺍﻟﺒﻴﺖ ﻏﺮﻳﺐ ﻭﻣﺎﺍﻋﺮﻓﻬﻢ ﻭﺍﻓﻜﺮ ﺷﻠﻮﻥ ﺭﺍﺡ ﺍﺗﺰﻭﺝ ﻭﺍﻧﻲ ﻭﺯﻭﺟﺘﻪ ﺑﻨﻔﺲ ﺍﻟﺒﻴﺖ ﻭﺷﻠﻮﻥ ﺭﺍﺡ ﺍﺗﺤﻤﻞ ﻧﻀﺮﺍﺗﻬﺎ ..

ﺻﺎﺭ ﻳﻮﻡ ﺍﻟﺰﻭﺍﺝ ﻭﺟﺎﺑﻮﻟﻲ ﺑﺪﻟﻪ ﻛﻮﻟﺶ ﺣﻠﻮﻩ ﻃﻠﻌﺖ ﻋﺒﺎﻟﻚ ﺍﻣﻴﺮﻩ ﺑﻴﻬﺎ ﺷﻌﺮﻱ ﺑﻘﻰ ﺍﺳﻮﺩ ﻣﺎﺻﺒﻐﺘﻪ ﻻﻥ ﻋﺎﺩﻝ ﻣﺎﻳﻘﺒﻞ ﻳﺤﺒﻪ ﺍﺳﻮﺩ ﻭﻫﻮ ﺳﺮﺡ ﻭﻃﻮﻳﻞ ..

ﺍﻟﻀﺎﻫﺮ ﺣﺐ ﺟﻤﺎﻟﻲ ﻭﺷﻜﻠﻲ ﻣﺎﺣﺒﻨﻲ ﺍﻟﻲ ﻻﻥ ﺣﺘﻰ ﺍﺗﺼﺎﻝ ﻣﺘﺼﻞ ﺧﻼﻝ ﺍﺳﺒﻮﻉ ﺍﻟﺨﻄﻮﺑﻪ ﻭﺍﺳﺘﻌﺠﻞ ﺑﺎﻟﺰﻭﺍﺝ ..

ﺍﺟﻪ ﺑﺎﺑﺎ ﺑﺎﺳﻨﻲ ﺑﮕﺼﺘﻲ ﻭﮔﻠﻲ ﺍﺭﻓﻌﻲ ﺭﺍﺳﻲ .. ﻋﺒﺎﻟﻲ ﻳﺘﺄﺛﺮ ﻉ ﻓﺮﺍﻗﻲ . ﺑﺲ ﻧﻮﺭ ﺍﻟﻮﺣﻴﺪﻩ ﺍﻟﻲ ﺗﺄﺛﺮﺕ ﻭﺣﻀﻨﺘﻨﻲ ﻭﺗﺒﺠﻲ .. ﺍﻣﺎ ﺍﻟﺒﺎﻗﻴﻦ ﻋﺒﺎﻟﻚ ﻫﻢ ﻭﺧﻠﺼﻮﺍ ﻣﻨﻪ

يتبع

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤