...
رواية قدري الجزء الأول
للكاتبة ❤️شمس ❤️
....
ﻋﻦ ﻟﺴﺎﻥ ﺻﺎﺣﺒﺔ ﺍﻟﻘﺼﻪ …
ﻣﺮﺣﺒﺎ ﺣﺒﺎﻳﺐ ﺍﻟﻴﻮﻡ ﺣﻜﺘﺒﻠﻜﻢ ﻗﺼﺘﻲ ﻗﺪﺭﻱ ﺍﻟﻲ ﺑﺪﺃ ﻣﻦ ﻭﻻﺩﺗﻲ ..
ﺍﺳﻤﻲ .. ﺍﺳﻰ .. ﺑﺎﺑﺎ ﺳﻤﺎﻧﻲ ﻻﻥ ﺟﺒﺖ ﺍﻟﻤﺂﺳﻲ ﻣﻦ ﻳﻮﻡ ﻭﻻﺩﺗﻲ .. ﺍﻭﻝ ﻣﺠﺎﺑﺘﻨﻲ ﻣﺎﻣﺎ ﺻﺎﺭ ﻋﻨﺪﻫﺎ ﻧﺰﻳﻒ ﻭﺗﻮﻓﺖ .. ﺑﺎﺑﺎ ﻛﺎﻥ ﺣﻴﻞ ﻳﺤﺒﻬﺎ ﺍﻟﻤﺎﻣﺎ ﻭﺗﺄﺛﺮ ﺑﻮﻓﺎﺗﻬﺎ .. ﻭﺍﻧﻌﺰﻝ ﻋﻦ ﺍﻟﺪﻧﻴﺎ ﻟﻔﺘﺮﻩ ﺭﺑﺘﻨﻲ ﺑﻴﺒﻴﺘﻲ ﺍﻡ ﺑﺎﺑﺎ ..
ﺍﻧﻲ ﺑﻴﻀﻪ ﻭﻋﻴﻮﻧﻲ ﻋﺴﻠﻴﻪ ﻉ ﺍﻣﻲ ﻃﺎﻟﻌﻪ ﺑﺲ ﺷﻌﺮﻱ ﺍﺳﻮﺩ ﻭﻃﻮﻳﻞ ﺣﻴﻞ ﻉ ﺷﻌﺮ ﺑﺎﺑﺎ ﺍﺳﻮﺩ ﻭﺳﺮﺡ ..
ﻣﻦ ﺻﺎﺭ ﻋﻤﺮﻱ ﺳﺖ ﺳﻨﻮﺍﺕ .. ﺍﺗﻮﻓﺖ ﺑﻴﺒﻴﺘﻲ ﻭﺍﻧﻲ ﺣﻴﻞ ﺗﺄﺛﺮﺕ ﻻﻥ ﻋﺒﺎﻟﻲ ﻫﻲ ﺍﻣﻲ .. ﻛﺎﻧﺖ ﺣﻨﻮﻧﻪ ﻋﻠﻴﻪ ﻭﻛﻨﺖ ﺍﺻﻴﺤﻠﻬﺎ ﻣﺎﻣﺎ .. . ﻣﺎﺣﺴﻴﺖ ﺍﻧﻲ ﻳﺘﻴﻤﻪ ﺍﻡ ﺑﺲ ﺣﺴﻴﺖ ﺍﻧﻲ ﻳﺘﻴﻤﻪ ﺍﺏ ..
ﻻﻥ ﺧﻼﻝ ﻫﺎﻱ ﺍﻟﺴﺖ ﺳﻨﻮﺍﺕ ﻛﺎﻥ ﺑﺎﺑﺎ ﻳﺠﻲ ﺑﺎﻟﺸﻬﺮ ﻣﺮﻩ
ﻳﻨﻄﻲ ﺍﻟﺒﻴﺒﻲ ﻣﺼﺮﻑ ﻭﻳﺮﻭﺡ ﻋﺒﺎﻟﻚ ﺍﻧﻲ ﺳﺒﺐ ﻣﻮﺕ ﻣﺎﻣﺎ ﻫﻴﺞ ﻳﺸﻮﻓﻨﻲ ﻳﻤﻜﻦ ..
ﺑﻌﺪ ﻭﻓﺎﺓ ﺑﻴﺒﻲ ﺍﺻﺮﻭﺍ ﻋﻤﺎﺗﻲ ﻭﻣﺮﺕ ﻋﻤﻲ ﺣﺎﻣﺪ ﻫﻮ ﻋﻤﻲ ﺍﻟﻜﺒﻴﺮ ﻭﺍﻟﻮﺣﻴﺪ .. ﺍﻥ ﻳﺰﻭﺟﻮﻥ ﺑﺎﺑﺎ ﺣﺘﻰ ﺗﺠﻲ ﻭﺣﺪﻩ ﺗﺮﺑﻴﻨﻲ ﻻﻥ ﻣﺤﺪ ﻳﻘﺒﻞ ﻳﺘﺤﻤﻞ ﻣﺴﺆﻟﻴﺘﻲ ..
ﻭﺑﻌﺪ ﺍﻻﻟﺤﺎﺡ ﻭﺍﻻﺻﺮﺍﺭ ﻗﺒﻞ ﺑﺎﺑﺎ ﻋﻤﻮﺩﻱ ﺑﺲ ﻭﻣﺮﺕ ﻋﻤﻮ ﺭﺷﺤﺘﻠﻪ ﺍﺧﺘﻬﺎ ﺍﺭﻣﻠﻪ ﻭﻋﻨﺪﻫﺎ ﺑﻨﻴﻪ ﻋﻤﺮﻫﺎ ﺳﻨﺘﻴﻦ ..
ﻭﮔﻠﻮﻟﻪ ﻫﻲ ﺗﮕﺪﺭ ﺗﺮﺑﻴﻨﻲ ﻭﺗﻌﻮﺿﻨﻲ ﻋﻦ ﺣﻨﺎﻥ ﺍﻻﻡ ﻭﺗﺮﺍﻋﻴﻨﻲ ﻻﻥ ﺑﻨﺘﻬﺎ ﻳﺘﻴﻤﻪ ﻫﻢ ..
ﺍﻟﻤﻬﻢ ﺑﺎﺑﺎ ﻭﺍﻓﻖ ﻭﺗﺰﻭﺟﻬﺎ ﻫﻴﺞ ﺑﺲ ﻉ ﺍﻟﻮﺭﻕ ﻋﻤﻮﺩﻱ ..
ﻭﺍﺧﺬﻭﻧﻲ ﻭﻳﺎﻫﻢ ..
ﺍﺳﻢ ﺯﻭﺟﻪ ﺑﺎﺑﺎ ﺭﺣﻤﻪ ﺑﺲ ﻫﻲ ﻣﺎﻋﻨﺪﻫﺎ ﺍﻱ ﺭﺣﻤﻪ ..
ﺑﺎﺑﺎ ﺑﻬﺎﻱ ﺍﻟﻔﺘﺮﻩ ﺍﻟﻲ ﺍﺟﺖ ﻳﻤﻪ ﺑﺪﺃ ﻳﺘﻘﺮﺑﻠﻲ ﻭﺣﺴﻴﺘﻪ ﮔﺎﻡ ﻳﺤﺒﻨﻲ ..
ﺑﺲ ﺭﺣﻤﻪ .. ﺩﺍﻳﻤﺎ ﺗﻀﺮﺑﻨﻲ ﻭﺩﺧﻠﺖ ﻟﻠﻤﺪﺭﺳﻪ ﻭﻣﺘﻌﺘﻨﻲ ﺑﻴﻪ ﻭﻻ ﺗﺪﺭﺳﻨﻲ ﺍﻧﻲ ﻛﻨﺖ ﺍﺩﺭﺱ ﻭﺣﺪﻱ ..
ﻭﻣﺎﺗﻐﺴﻞ ﻣﻼﺑﺴﻲ ﻭﺳﺨﺎﺕ ﺍﺭﻭﺡ ﺑﻴﻬﻦ ﺣﺘﻰ ﺍﻟﻄﺎﻟﺒﺎﺕ ﻳﻀﺤﻜﻮﻥ ﻋﻠﻴﻪ ﺭﻏﻢ ﻣﺎﻛﻨﺖ ﺣﻴﻞ ﺣﻠﻮﻩ ﺑﺲ ﻭﺳﺨﻪ ..
ﻭﮔﻤﺖ ﺍﻋﺘﻤﺪ ﻉ ﻧﻔﺴﻲ ﺍﺟﻲ ﻣﻦ ﺍﻟﻤﺪﺭﺳﻪ ﺍﻏﺴﻞ ﻣﻼﺑﺴﻲ ﻭﺍﺣﻀﺮ ﻛﺘﺒﻲ ﻭﺍﻗﺮﺃ ..
ﺑﺎﺑﺎ ﺩﺍﻳﻤﺎ ﺑﺎﻟﻤﺤﻞ ﻟﻠﻴﻞ ﻳﺠﻲ .. ﺣﺘﻰ ﻏﺪﺍﻩ ﻫﻨﺎﻙ .
ﻫﻲ ﺗﺘﻐﺪﺍ ﻭﻱ ﺑﻨﺘﻬﺎ ﻭﺗﺎﺧﺬﻫﺎ ﻭﺗﻨﺎﻡ ﻭﺍﻧﻲ ﺍﺻﺐ ﻭﺣﺪﻱ ﻭﺍﻛﻞ ﻭﺍﻏﺴﻞ ﺍﻟﻤﻮﺍﻋﻴﻦ ﻭﺍﺭﻭﺡ ﺍﻟﻐﺮﻓﺘﻲ ..
ﻳﻌﻨﻲ ﺍﻋﺘﻤﺪﺕ ﻉ ﻧﻔﺴﻲ ﻭﺍﻧﻲ ﺑﺎﻻﻭﻝ ﺍﺑﺘﺪﺍﺋﻲ ..
ﻭﺍﻟﻌﺼﺮ ﺗﺠﻲ ﻣﺮﺕ ﻋﻤﻮ ﺣﺎﻣﺪ .. ﺗﻮﺯﻫﺎ ﻋﻠﻴﻪ ﻭﻃﻠﻌﺖ ﻫﻲ ﺍﻟﻲ ﻣﺨﻠﻴﺘﻬﺎ ﺗﻜﺮﻫﻨﻲ ﻫﻲ ﻣﻦ ﺯﻣﺎﻥ ﻣﺎﺗﺤﺒﻨﻲ ﻻﻥ ﺑﻴﺒﻲ ﻛﺎﻧﺖ ﻓﻀﻠﺘﻨﻲ ﻉ ﺍﻭﻻﺩﻫﺎ .. ﻭﻛﺘﺒﺘﻠﻲ ﻣﺰﺭﻋﻪ ﺑﺈﺳﻤﻲ ﻟﻬﺬﺍ ﺣﺎﻗﺪﻩ ﻋﻠﻴﻪ ..
ﻣﺮﺕ ﺍﻻﻳﺎﻡ ﻭﺍﻟﺴﻨﻴﻦ ﻭﻛﺒﺮﺕ ﻭﺻﺎﺭ ﻋﻤﺮﻱ 15 ﺳﻨﻪ ﻭﺑﻨﺖ ﺭﺣﻤﻪ 11 ﺳﻨﻪ ..
ﺑﺪﺕ ﺍﻟﺨﻄﺎﺑﻪ ﺗﺠﻴﻨﻲ ﻭﺭﺣﻤﻪ ﺗﻐﺎﺭ ﻭﺗﺮﻓﺾ ﻣﻦ ﺍﻟﺒﺎﺏ ﺣﺘﻰ ﻣﺎﺗﮕﻮﻝ ﺍﻟﺒﺎﺑﺎ ﻭﺍﻧﻲ ﻫﻢ ﺍﻓﺮﺡ ﻻﻥ ﺗﺮﻓﻀﻬﻢ ﺭﻏﻢ ﻣﻌﺎﻧﺎﺗﻲ ﻋﻨﺪﻫﺎ ﻭﺗﻌﺬﺑﻨﻲ ﺑﺲ ﺍﻟﻤﻬﻢ ﺍﻛﻤﻞ ﺩﺭﺍﺳﺘﻲ ﻛﻨﺖ ﺣﻴﻞ ﺷﺎﻃﺮﻩ ﻭﻣﻌﺪﻻﺗﻲ ﻋﺎﻟﻴﻪ ﻭﻛﺎﻥ ﻃﻤﻮﺣﻲ ﻃﺐ ﻭﺍﻣﻨﻴﺘﻲ ..
ﺑﺎﺑﺎ ﻋﻼﻗﺘﻲ ﺑﻲ ﺗﺤﺴﻨﺖ ﻭﻛﻮﻟﺸﻲ ﻳﺼﻴﺮ ﻭﻳﺎﻱ ﺍﺳﻮﻟﻔﻠﻪ ﺑﺲ ﻣﺎﺍﺳﻮﻟﻔﻠﻪ ﻉ ﺭﺣﻤﻪ ﻻﻥ ﻫﻮ ﻳﺠﻲ ﺗﻌﺒﺎﻥ ﺧﻄﻴﻪ ﻣﺎﺍﺭﻳﺪ ﺍﺯﻳﺪ ﻫﻤﻪ .. ﻭﻫﻲ ﻫﻢ ﻣﻦ ﻳﺠﻲ ﺑﺎﺑﺎ ﺗﻨﮕﻠﺐ ﻣﻼﻙ ﺍﻟﺮﺣﻤﻪ
ﺍﻧﻲ ﻫﻢ ﻣﺎﺍﻫﺘﻢ ﺍﻟﻤﻬﻢ ﺩﺭﺍﺳﺘﻲ ﻭﺍﻟﺒﺎﻗﻲ ﺳﻬﻞ ﺣﺘﻰ ﺍﺫﺍ ﺍﺗﻌﺐ ﺑﺎﻟﺒﻴﺖ ﻭﺍﺷﺘﻐﻞ ﻭﻣﺮﺍﺕ ﺗﺴﺎﻋﺪﻧﻲ ﻧﻮﺭ ﺑﻨﺖ ﺭﺣﻤﻪ ﻫﻲ ﺣﺒﺎﺑﻪ ﻣﻮ ﻣﺜﻞ ﺍﻣﻬﺎ ..
ﻭﻣﺮﺍﺕ ﺍﻣﻬﺎ ﻣﺘﺨﻠﻴﻬﺎ ﺗﮕﻮﻟﻬﺎ ﻟﺘﺴﻮﻳﻦ ﺷﻲ ﺍﻟﻤﻬﻢ ﺩﺭﺍﺳﺘﺞ ﻫﻲ ﻛﺎﻧﺖ ﻣﻮ ﻛﻠﺶ ﺷﺎﻃﺮﻩ ﺑﺲ ﺍﻧﻲ ﻫﻢ ﻭﻗﺖ ﻓﺮﺍﻏﻲ ﺍﺩﺭﺳﻬﺎ #.. ﺷﻤﺲ
ﺻﺎﺭ ﻋﻤﺮﻱ 18 ﻭﻣﻼﻣﺢ ﺟﺴﻤﻲ ﻭﺍﻧﻮﺛﺘﻲ ﺗﺒﺮﺯ ﻭﻛﻞ ﺍﻟﻲ ﻳﺸﻮﻓﻨﻲ ﻳﺘﻤﻨﺎﻧﻲ ﺑﺲ ﺍﻧﻲ ﻣﻮ ﺑﺒﺎﻟﻲ ﺍﻱ ﺷﻲ ..
ﻻﻥ ﺗﻌﺮﻓﻮﻥ ﺳﺎﺩﺱ ﻭﻻﺯﻡ ﺍﺣﺪﺩ ﻣﺼﻴﺮﻱ .. ﻛﺎﻥ ﺍﻛﻮ ﻣﻌﻬﺪ ﻣﺎﻝ ﺩﻭﺭﺍﺕ ﺍﺭﻭﺡ ﺍﺧﺬ ﺑﻲ ﺩﺭﻭﺱ ﺍﻟﻌﺼﺮ .. ﻭﺍﻧﻲ ﺩﺍ ﺍﻋﺒﺮ ﺍﺟﺖ ﺳﻴﺎﺭﻩ ﻋﻠﻴﻪ ﺷﻮﻳﻪ ﻭﺗﺪﻋﻤﻨﻲ .. ﺍﻧﻲ ﻭﮔﻌﺖ ﻣﻦ ﺍﻟﻬﺒﻄﻪ .. ﻭﻓﺘﺤﺖ ﻋﻴﻨﻲ ﻟﮕﻴﺖ ﺍﻟﻨﺎﺱ ﻣﻠﺘﻤﻪ ﻭﻭﻟﺪ ﺣﻠﻮ ﻭﺷﺨﺼﻴﻪ ﺑﺲ ﻫﻮ ﻛﺒﻴﺮ ﺑﺎﻟﻌﻤﺮ ﻭﻻﺑﺲ ﺧﻠﻴﺠﻲ ﻳﺬﺏ ﻉ ﻭﺟﻬﻲ ﻣﻲ ..
ﺍﻧﻲ ﺻﺤﻴﺖ ﺑﺴﺮﻋﻪ .
ﻋﺎﺩﻝ .. ﺍﻛﻮ ﺷﻲ ﻳﺄﺫﻳﺞ .. ﺷﻨﻮ ﺗﺤﺴﻴﻦ ..
ﺍﻧﻲ ﮔﻤﺖ ﺑﺴﺮﻋﻪ ﻭﮔﻮﺗﻠﻪ ﻛﻮﻟﺸﻲ ﻣﺎﺑﻴﻪ ﻭﺍﻃﻔﺮ …
ﺭﺟﻌﺖ ﻟﻠﺒﻴﺖ ﻃﺎﻳﺮﻩ ﺣﺘﻰ ﻟﻠﻤﻌﻬﺪ ﻣﺎﺭﺣﺖ #.. ﺷﻤﺲ
ﻋﺎﺩﻝ .. ﺍﻧﻲ ﺷﻴﺦ ﻋﺸﻴﺮﻩ ﻋﻤﺮﻱ 40 ﺳﻨﻪ ﻣﺘﺰﻭﺝ ﺑﻨﺖ ﻋﻤﻲ ﺻﺎﺭ ﻋﺸﺮ ﺳﻨﻮﺍﺕ ﻭﻣﻴﺼﻴﺮ ﻋﻨﺪﻫﺎ ﺍﻃﻔﺎﻝ ﻭﺍﻧﻲ ﻻﻥ ﺑﻨﺖ ﻋﻤﻲ ﻭﺍﺣﺒﻬﺎ ﻣﺎﺍﺭﺩﺕ ﺍﻛﺴﺮ ﺑﺨﺎﻃﺮﻫﺎ .. ﺑﺲ ﺍﻟﻮﺍﻟﺪﻩ ﺑﻌﺪ ﻭﻓﺎﺓ ﻭﺍﻟﺪﻱ ﺑﻘﺖ ﺗﻠﺢ ﻋﻠﻴﻪ ﻭﺗﮕﻠﻲ ﺻﺮﺕ ﺷﻴﺦ ﻭﻻﺯﻡ ﺗﺘﺰﻭﺝ ﻭﺍﺷﻮﻑ ﺫﺭﻳﺘﻚ ﻣﺎﻳﺼﻴﺮ ﺗﮕﻄﻊ ﻧﺴﻠﻚ ﻫﻴﺞ .. ﻋﻨﺪﻱ ﺍﺧﻮ ﺍﺳﻤﻪ ﺍﻣﻴﺮ ﺍﺻﻐﺮ ﻣﻨﻲ .. ﺑﺲ ﻫﺬﺍ ﻋﺎﻳﺶ ﺑﺮﻩ ﻳﺪﺭﺱ .. ﻭﻣﺎﻋﻨﺪﻩ ﻧﻴﻪ ﻳﺮﺟﻊ ..
ﺍﻟﻤﻬﻢ .. ﻭﺍﻧﻲ ﺭﺍﻳﺢ ﻻﺟﺘﻤﺎﻉ ﻭﻣﺴﺘﻌﺠﻞ ﺍﺟﺖ ﺑﻨﻴﻪ ﻭﻭﮔﻌﺖ ﮔﺒﺎﻝ ﺳﻴﺎﺭﺗﻲ ﻣﺎﺷﻔﺘﻬﺎ ﻣﻦ ﺭﺣﺖ ﺍﺻﺤﻴﻬﺎ ﺷﻔﺘﻬﺎ ﺳﺒﺤﺎﻥ ﺍﻟﺨﺎﻟﻖ ﻭﺟﻬﻬﺎ ﻃﻔﻮﻟﻲ ﺑﺲ ﺟﺴﻤﻬﺎ ﺗﮕﻮﻝ ﺟﺴﻢ ﻣﺮﻩ ﻛﻮﻟﻪ ﺍﻧﻮﺛﻪ ﻭﻃﻮﻳﻠﻪ ﻫﻲ ﻭﺗﺎﺭﺳﻪ ﺑﺲ ﺭﺷﻴﻘﻪ .. ﺫﺑﻴﺖ ﻋﻠﻴﻬﺎ ﻣﻲ ﻓﺘﺤﺖ ﻋﻴﻮﻧﻬﺎ ﺷﻬﻞ ﻳﺴﻮﺩﻧﻦ .. ﺍﻧﻲ ﻣﺎﺍﻋﺮﻑ ﺷﺄﺣﺠﻲ ﻛﻮﻟﺘﻠﻬﺎ ﺑﻴﺞ ﺷﻲ ﺍﻛﻮ ﺷﻲ ﻳﺄﺫﻳﺞ ﻫﻲ ﮔﺎﻟﺖ ﻻ .. ﻭﺷﺮﺩﺕ ﺍﻧﻲ ﺑﻘﺖ ﺑﺒﺎﻟﻲ ﺭﻛﺒﺖ ﺳﻴﺎﺭﺗﻲ ﻭﻟﺤﮕﺘﻬﺎ ..
ﺑﻌﺪ ﺷﺎﺭﻋﻴﻦ ﻋﻦ ﺑﻴﺘﻨﺎ ..
ﺍﺳﻰ .. ﺭﺟﻌﺖ ﻟﻠﺒﻴﺖ ﮔﻠﺒﻲ ﻳﺪﻙ ﻭﺧﺎﻳﻔﻪ ﺗﻠﮕﺘﻨﻲ ﺭﺣﻤﻪ .. ﺷﺒﻴﺞ ﻭﻟﺞ ﻟﻴﺶ ﺭﺟﻌﺘﻲ ﺑﺴﺮﻋﻪ ﻭﻳﻦ ﺟﻨﺘﻲ ﻭﺗﺤﻘﻴﻖ ..
ﺍﻧﻲ ﻣﺠﺎﻭﺑﺘﻬﺎ .. # ﺷﻤﺲ
ﺑﺲ ﻫﻲ ﺭﺍﺣﺖ ﺍﻻﺑﻮﻱ ﻭﮔﺎﻟﺘﻠﻪ ﺍﺟﺖ ﺍﺳﻰ ﻭﺟﻬﻪ ﺍﺻﻔﺮ ﻋﺒﺎﻟﻚ ﻭﺍﺣﺪ ﻳﺮﻛﺾ ﻭﺭﺍﻫﻪ .. ﻣﺎﺍﺩﺭﻱ ﻣﻬﺰﻭﻣﻪ ﻣﻦ ﺷﻲ
ﺍﺟﻪ ﺑﺎﺑﺎ ﻳﺤﻘﻖ ﻭﻳﺎﻱ ﻭﺑﺪﺍ ﻳﺸﻚ ..
ﺍﺳﻰ .. ﺑﺎﺑﺎ ﺍﻧﻲ ﻣﺘﻌﻮﺩﻩ ﺍﺣﺠﻴﻠﻚ ﻛﻮﻟﺸﻲ ﺻﺪﮔﻨﻲ ﻣﺎﻛﻮ ﺷﻲ ﺍﻛﻮ ﺳﻴﺎﺭﻩ ﺭﺍﺩﺕ ﺗﺪﻋﻤﻨﻲ ﻭﻭﮔﻌﺖ ﻭﻣﻼﺑﺴﻲ ﺗﻮﺳﺨﺖ ﻭﺍﺳﺘﺤﻴﺖ ﺍﺭﻭﺡ ﻟﻠﻤﻌﻬﺪ . ﻓﺮﺟﻌﺖ ﻟﻠﺒﻴﺖ ﻣﺎﻛﻮ ﺷﻲ ﺍﻃﻤﺄﻥ ﻋﺎﺩﻳﻦ ﺑﺎﺑﺎ ﻋﺎﻓﻨﻲ ﻭﻣﺤﺠﻪ ﺷﻲ ..
ﺑﻘﻴﺖ ﻛﻠﻤﺎ ﺍﺭﻭﺡ ﺍﺷﻮﻑ ﻫﺬﺍ ﺍﻟﺨﻠﻴﺠﻲ ﺑﺴﻴﺎﺭﺗﻪ ﻳﺮﺍﻗﺒﻨﻲ ..
ﺍﺳﻰ .. ﻳﺎﺭﺑﻲ ﻫﺬﺍ ﻣﻨﻴﻦ ﻃﻠﻌﻠﻲ ﺷﻴﺮﻳﺪ ﻣﻨﻲ . ﺻﺮﺍﺣﻪ ﮔﻤﺖ ﺍﺧﺎﻑ ﻣﻨﻪ ..
ﻋﺎﺩﻝ .. ﻣﻦ ﺷﻔﺖ ﺍﻟﺒﻨﻴﻪ ﻟﻠﻴﻮﻡ ﻣﺎﺍﺩﺭﻱ ﺷﺼﺎﺭ ﺑﻴﻪ ﻧﺴﻴﺖ ﺍﻧﻲ ﺷﻴﺦ ﻭﻋﻤﺮﻱ ﻛﺒﻴﺮ ﻭﺭﺟﻌﺖ ﻣﺮﺍﻫﻖ ﻭﺑﻘﻴﺖ ﺍﺭﺍﻗﺒﻬﺎ ﻣﻦ ﺗﺮﻭﺡ ﻟﻠﻤﺪﺭﺳﻪ ﻭﺗﺮﺟﻊ ﺍﻭ ﻣﻦ ﺗﺮﻭﺡ ﻟﻠﻤﺪﺭﺳﻪ ﺑﻨﻴﻪ ﺭﺯﻧﻪ ﻭﻋﺎﻗﻠﻪ ﻭﻃﺮﻳﻘﻬﺎ ﻭﺍﺣﺪ ﺣﺘﻰ ﺻﺪﻳﻘﺎﺕ ﻣﺎﻋﻨﺪﻫﺎ ﺗﺮﻭﺡ ﺑﻄﺮﻳﻘﻬﺎ ﻭﺗﺮﺟﻊ ﻛﻮﻟﺶ ﻋﺠﺒﺘﻨﻲ .. ﻭﺩﺧﻠﺖ ﻋﻘﻠﻲ #.. ﺷﻤﺲ
ﺍﺳﻰ .. ﺑﻘﻴﺖ ﻉ ﻫﺎﻱ ﺍﻟﺤﺎﻟﻪ ﻫﻮﺍﻳﻪ ﻛﻞ ﻳﻮﻡ ﺍﺷﻮﻓﻪ ﻭﻛﻞ ﻳﻮﻡ ﻳﺰﻳﺪ ﺧﻮﻓﻪ ﻳﻌﻨﻲ ﻫﻮ ﻛﺒﻴﺮ ﺑﺎﻟﻌﻤﺮ ﻭﻳﻤﻜﻦ ﻋﻨﺪﻩ ﺍﻭﻻﺩ ﺑﮕﺪﻱ ﺷﻴﺮﻳﺪ ﻣﻨﻲ ..
ﻭﻣﺮﻩ ﺭﺟﻌﺖ ﻣﻦ ﺍﻟﻤﻌﻬﺪ ﺍﻟﻌﺼﺮ .. ﻭﺍﺷﻮﻑ ﺳﻴﺎﺭﻩ ﺍﻋﺘﺮﺿﺖ ﻃﺮﻳﻘﻲ ﻗﺮﻳﺐ ﺑﻴﺘﻨﺎ
يتبع
لدعمنا اكثر قيم تطبيقنا قصص عراقية على Google play ب 5 نجوم / وخبر اصدقائك عنا
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء