رواية اهدتني عاراً الجزء الخامس
للكاتبة نورا ناصر
..
ﺟﻨﻪ *
ﺭﺣﺖ ﻟﻐﺮﻓﺘﻲ ﻭﺍﻧﻲ ﺍﻣﺸﻲ ﻭﺍﺩﺭﺩﻡ ﻋﻠﻰ ﻣﺤﻤﺪ ﺿﻮﺟﻨﻲ ﻣﻦ ﻛﺎﻝ ﺳﺎﻣﺮ ﺑﻌﺪ ﻣﻴﺮﺟﻊ ﻳﻌﻨﻲ ﻣﻴﻌﺮﻑ ﻳﺤﺠﻲ ﻭﻳﺎﻳﻪ ﺑﺄﺳﻠﻮﺏ ﺑﺪﻭﻥ ﻣﻴﺠﺮﺣﻨﻲ .
ﺣﺒﺴﺖ ﻋﻠﻰ ﻧﻔﺴﻲ ﻛﻢ ﺳﺎﻋﻪ ﺑﺎﻟﻐﺮﻓﻪ .
ﻣﻠﻞ ﻭﺿﻮﺟﻪ ﻭﺧﻨﮕﻪ ﻭﻣﺎﻛﻮ ﺷﻲ ﻳﺴﻠﻲ
ﺟﺎﻧﺖ ﻣﻬﺎ ﻭﻳﺎﻳﻪ ﻭﻧﻜﻌﺪ ﻧﺴﻮﻟﻒ ﻭﻧﺘﻌﺎﺭﻙ ﻫﺴﻪ ﻛﻠﻪ ﻭﺣﻴﺪﻩ .
ﺑﺲ ﻣﻦ ﻳﻜﻌﺪ ﻳﻮﺳﻒ ﺍﻟﻌﺐ ﻭﻳﺎ .
ﻭﻣﺮﺍﺕ ﻋﻼ ﺗﺤﻦ ﻋﻠﻴﻨﻪ ﻭﺗﻄﻠﻌﻨﻪ ﻭﻳﺎﻫﻪ ﻛﻞ ﻛﻢ ﺷﻬﺮ ﻣﺮﻩ .
ﺍﻟﻤﻐﺮﺏ ﻃﻠﻌﺖ ﻣﻦ ﺍﻟﻐﺮﻓﻪ ﻣﺤﻤﺪ ﻣﺎﻛﻮ ﻭﺍﻣﻲ ﺟﺎﻧﺖ ﻳﻢ ﻋﻼ ﺑﺲ ﺍﻧﻲ ﻭﻋﺬﺭﺍﺀ ﺑﺎﻟﺒﻴﺖ .
ﺭﺣﺖ ﻳﻤﻬﺎ ﺟﺎﻧﺖ ﺩﺗﻐﺴﻞ ﺍﻟﻤﻤﻪ ﻣﺎﻟﺘﻪ ﻛﺘﻠﻬﺎ
ﻫﺎ ﻭﻳﻦ ﻳﻮﺳﻒ ؟
ﻧﺎﻳﻢ ﻳﻮﺳﻒ ﺗﻌﺎﻱ ﺧﻠﻨﺤﺠﻲ ﺷﻮﻳﻪ .
ﺷﻨﻮ ﻋﻨﺪﺝ ؟
ﻟﻴﺶ ﻣﺎﺗﻘﺒﻠﻴﻦ ﺗﺰﻭﺟﻴﻦ ؟
ﺍﻫﻮﻭﻭ ﻧﻔﺲ ﺍﻟﺴﻴﺮﻩ ﺍﻧﺖ ﻭﺭﺟﻠﺞ .
ﺑﻬﺎﻻﺛﻨﺎﺀ ﻃﺐ ﻣﺤﻤﺪ ﺷﻔﺘﻪ ﺍﺭﻳﺪ ﺍﻃﻠﻊ ﻣﻦ ﺍﻟﻤﻄﺒﺦ ﻟﺰﻣﻨﻲ ﻣﻦ ﻣﻌﺼﻤﻲ ﺗﻌﺎﻱ ﺍﺣﺠﻲ ﻭﻳﺎﺝ .
ﻭﺍﺧﺬﻧﻲ ﻟﻠﺼﺎﻟﻪ ﻭﻛﻌﺪ ﻉ ﺍﻟﻘﻨﻔﻪ ﻭﻛﻌﺪﺕ ﺑﺼﻔﻪ .
ﻣﺤﻤﺪ : ﺷﻮﻓﻲ ﺟﻨﻪ ﺍﻟﻮﻟﺪ ﺧﻮﺵ ﺯﻟﻤﻪ ﻣﻼﺯﻡ ﺍﻭﻝ ﻭﺍﻫﻠﻪ ﺷﺒﻌﺎﻧﻴﻦ ﻭﺧﻮﺵ ﻧﺎﺱ ﻣﻦ ﺭﺣﺖ ﺍﻟﺒﻐﺪﺍﺩ ﻛﺒﻞ ﺳﻨﻪ ﺭﺣﺖ ﻟﺒﻴﺘﻬﻢ ﻭﺍﻋﺮﻓﻪ ﻛﻠﺶ ﺯﻳﻦ ﻭﺧﺎﺑﺮﻧﻲ ﻳﺮﻳﺪ ﻳﺠﻲ ﻳﺸﻮﻓﺞ ﻭﺭﻓﻀﺞ ﻣﻮ ﻣﺒﺮﺭ ﺍﻧﺖ ﺷﻮﻓﻲ ﻭﺑﻌﺪﻳﻦ ﺣﻜﻤﻲ ﺗﺮﻩ ﻭﺍﻟﻠﻪ ﻳﺨﺒﻞ ﻳﺸﺒﻪ ﻋﻤﺎﺭ ﻛﻮﺳﻮﻓﻲ .
ﺟﻨﻪ :.. ﻳﻌﻨﻲ ﺷﻨﻮ ﻣﺤﻤﺪ ﺗﺠﺒﺮﻧﻲ ؟
ﻣﺤﻤﺪ : ﻣﺎﺍﺟﺒﺮﺝ ﺑﺲ ﺍﺭﻳﺪ ﻣﺼﻠﺤﺘﺞ ﻭﺍﻧﺖ ﺯﻏﻴﺮﻩ ﻭﻃﺎﻟﻌﻪ ﻣﻦ ﺍﺯﻣﻪ ﺍﻧﻪ ﺍﺷﻮﻑ ﻫﺎﻟﺸﻲ ﺍﺻﻠﺢ ﺍﻟﺞ ﻭﺍﻟﻔﺮﺻﻪ ﺗﺠﻲ ﻣﺮﻩ ﻭﺣﺪﻩ ﺑﺎﻟﻌﻤﺮ ﻭﻫﻲ ﻓﺮﺻﺘﺞ
ﺟﻨﻪ : ﺻﻔﻨﺖ ﺑﺲ ﻣﻤﻘﺘﻨﻌﻪ
ﻣﺤﻤﺪ : ﻫﺎﺷﮕﻠﺘﻲ ؟؟
ﺟﻨﻪ : ﺑﻌﺪﻳﻦ ﺍﺭﻳﺪ ﺍﺭﻭﺡ ﻟﻠﻐﺮﻓﻪ ﺍﺭﻳﺪ ﺍﺻﻠﻲ ﺍﻟﻤﻐﺮﺏ .
ﻣﺤﻤﺪ : ﺭﻭﺣﻲ ﻭﻓﻜﺮﻱ ﺯﻳﻦ .
ﺟﻨﻪ : ﻣﺎﺍﻗﺘﻨﻌﺖ ﺑﻜﻼﻡ ﻣﺤﻤﺪ ﺧﺎﻳﻔﻪ ﺍﻇﻠﻢ ﺍﻟﻮﻟﺪ ﻭﻳﺎﻱ ﻻﻥ ﺍﺣﺲ ﺳﺎﻣﺮ ﻟﻬﺴﻪ ﺑﻘﻠﺒﻲ ﺣﺘﻰ ﻟﻮ ﻣﻴﺖ ﻭﻣﺎﺍﺭﻳﺪ ﺍﺣﺪ ﻳﺎﺧﺬ ﻣﻜﺎﻧﻪ .
ﻟﻠﻴﻞ ﺍﺟﺖ ﺍﻣﻲ ﻭﻫﻢ ﻧﻔﺲ ﺍﻟﺴﺆﺍﻝ ﻟﻴﺶ ﻣﺎﺗﺰﻭﺟﻴﻦ ﻭﻫﺬﺍ ﺟﻢ ﻭﺍﺣﺪ ﺭﻓﻀﺘﻲ ﻣﺎﻳﺼﻴﺮ ﻳﺎﺑﻨﺘﻲ ﺍﻧﺖ ﺗﻌﺮﻓﻴﻦ ﻣﺠﺘﻤﻌﻨﺎ ﻭﻫﺴﻪ ﺍﻟﻨﺎﺱ ﺷﻴﻜﻮﻟﻮﻥ ﻟﻴﺶ ﻣﺎﺗﺰﻭﺝ ﺑﻴﻨﻬﺎ ﻭﺑﻴﻦ ﺍﻟﻤﺮﺣﻮﻡ ﺷﻲ .
ﺟﻨﻪ : ﻳﻤﻪ ﺷﺴﺎﻟﻔﻪ ﺳﺎﻣﺮ ﺍﻳﺪﻱ ﻣﺎﻟﺰﻣﻬﺎ ﺑﺲ ﻣﻦ ﻟﺒﺴﻨﻲ ﺍﻟﺤﻠﻘﻪ ﺑﻌﺪ ﻳﺼﻴﺮ ﺑﻴﻨﻪ ﺷﻲ . ؟؟
ﺍﻻﻡ : ﺍﺧﻮﺝ ﻳﻜﻮﻝ ﻫﺬﺍ ﺧﻮﺵ ﻭﻟﺪ ﻭﻫﻮ ﺭﺍﻳﺢ ﻟﺒﻴﺘﻬﻢ ﺍﺑﻐﺪﺍﺩ ﻭﺷﺎﻳﻒ ﺍﻫﻠﻪ ﺧﻮﺵ ﻧﺎﺱ .
ﺟﻨﻪ : ﻳﻌﻨﻲ ﺗﻨﻄﻴﻨﻲ ﻟﺒﻐﺪﺍﺩ ﻳﻤﻪ ﺗﺮﺩﻳﻦ ﺍﺑﺘﻌﺪ ﻋﻨﺞ ﻳﻨﻄﻴﺞ ﻗﻠﺒﺞ
ﺍﻻﻡ : ﻳﺎﻳﻤﻪ ﺍﻧﺖ ﻭﺻﻠﻪ ﻣﻦ ﻗﻠﺒﻲ ﻭﻫﻲ ﻣﺼﻠﺤﺘﺞ ﺧﻮﺵ ﻭﻟﺪ ﻭﻭ
ﺟﻨﻪ : ﻻ ﻫﺬﺍ ﻣﻮ ﺣﺠﻴﺞ ﻣﺤﻤﺪ ﻛﻠﺞ ﺗﻘﻨﻌﻴﻨﻲ ﻣﻮ ﻫﻴﺞ ﺍﻧﻲ ﺛﮕﻴﻠﻪ ﻋﻠﻴﻜﻢ ﻭﻣﺘﻌﺎﺟﺰﻳﻦ ﻣﻦ ﻟﮕﻤﺘﻲ .
ﺍﻻﻡ : ﺻﺪﻙ ﺟﺬﺏ ﻳﻤﻪ ﻫﻲ ﺍﻟﺴﻨﻴﻦ ﻛﻠﻬﺎ ﺭﺑﻴﻨﺎﺝ ﻭﺗﻌﺒﻨﻪ ﻫﺴﻨﻪ ﻧﺘﻌﺎﺟﺰ ﻣﻦ ﻟﻜﻤﺘﺞ ﺑﺲ ﺍﻧﺖ ﻓﻜﺮﻱ ﺍﻧﻪ ﻛﺎﻳﻤﻪ ﺍﻧﺎﻡ ﺗﻌﺒﺖ ﻛﻠﺶ ﺍﻟﻴﻮﻡ ﻭﻳﺎ ﻋﻼ ﻋﻨﺪ ﺍﻟﺪﻛﺘﻮﺭﻩ .
ﺟﻨﻪ : ﻃﻠﻌﺖ ﺍﻣﻲ ﻭﺍﻧﻲ ﻗﺎﻓﻠﻪ ﻣﺎﺍﻗﺘﻨﻌﺖ ﺑﺤﺠﻴﻬﺎ
ﺭﺣﺖ ﺍﺭﻳﺪ ﺍﺷﺮﺏ ﻣﻲ
ﺍﻟﺒﺮﺍﺩ ﻣﺎﻝ ﻣﺎﻱ ﺑﺎﻟﻬﻮﻝ ﻣﺨﻠﻴﻨﻪ ﻛﺎﻋﺪﻳﻦ ﻋﺬﺭﺍﺀ ﻭﻣﺤﻤﺪ ﻭﺍﺣﻤﺪ ﺟﺎﻱ ﻳﺸﻮﻓﻮﻥ ﺗﻠﻔﺰﻳﻮﻥ .
ﺍﺣﻤﺪ : ﻫﺎ ﺟﻨﻮﻥ ﻳﻜﻮﻟﻮﻥ ﺟﺎﻳﻴﻴﻠﺞ ﺧﻄﺎﺑﻪ ﺍﻱ ﻋﻠﻮﺍﻩ ﺗﻌﺮﺳﻴﻦ ﺍﺭﻳﺪ ﻏﺮﻓﺘﺞ ﺍﺳﺘﻘﺮ ﺑﻴﻬﺎ ﻇﺎﻝ ﻣﻬﺠﺮ ﺑﺎﻟﻬﻮﻝ ﻟﻮ ﺑﺎﻟﺪﻳﻮﺍﻧﻴﻪ ﺗﺮﻩ ﻣﺎﻳﺼﻴﺮ ﺍﺭﻳﺪ ﺍﺯﻭﺝ ﻭﻳﻦ ﺍﺯﻭﺝ .
ﺟﻨﻪ : ﺍﻳﺒﺎﺍﻩ ﻫﻴﺞ ﺍﻧﻪ ﺻﺎﻳﺮﻩ ﺛﻜﻴﻠﻪ ﻋﻠﻴﻜﻢ ﻳﺎﺑﻪ ﺍﺧﺬ ﺍﻟﻐﺮﻓﻪ ﻭﺍﻧﻪ ﺍﻧﺎﻡ ﺑﺎﻟﻬﻮﻝ ﺑﺲ ﻣﺎﺍﺭﻳﺪ ﺍﺗﺰﻭﺝ .
ﺩﺭﺕ ﺍﺭﻳﺪ ﺍﺭﺟﻊ ﻟﻐﺮﻓﺘﻲ ﺻﺎﺡ ﻋﻠﻴﻪ ﺍﺣﻤﺪ
ﻭﻟﺞ ﺟﻨﻪ ﺍﻟﻌﺮﻳﺲ ﻣﻦ ﺑﻐﺪﺍﺩ ﺍﻧﺖ ﻣﻮ ﺗﺮﺩﻳﻦ ﺗﺰﻭﺭﻳﻦ ﺑﻐﺪﺍﺩ ﻭﻣﺨﺒﻠﺘﻨﻪ ﻭﺩﻭﻧﻲ ﺍﺯﻭﺭﻫﺎ ﻭﻣﺸﺎﻳﻔﺘﻬﺎ ﺑﻌﺪ ﺷﺘﺮﺩﻳﻦ ﺍﻟﻠﻪ ﺍﺳﺘﺠﺎﺏ ﺩﻋﺎﺋﺞ .
ﻣﺤﻤﺪ : ﺣﻀﺮﻱ ﺭﻭﺣﺞ ﺍﻻﺳﺒﻮﻉ ﺍﻟﺠﺎﻱ ﻳﺠﻲ ﻳﺸﻮﻓﺞ ﻭﻻﺻﻴﺮﻳﻦ ﻋﻨﻴﺪﻩ .
ﻋﺬﺭﺍﺀ : ﻫﻴﻴﻴﻴﻪ ﺭﺍﺡ ﻳﺼﻴﺮ ﻋﺪﻧﻪ ﻋﺮﺱ ﻫﻴﻴﻴﻪ
ﺟﻨﻪ : ﺭﺣﺖ ﻟﻠﻐﺮﻓﻪ ﻭﻣﺎﻣﻬﺘﻤﻪ
ﺑﺎﻟﻠﻴﻞ ﻧﻤﺖ ﻭﻇﻠﻴﺖ ﺍﺗﻘﻠﺐ ﺑﺎﻟﻔﺮﺍﺵ ﻛﻠﺶ ﺗﺤﺴﺴﺖ ﻣﻦ ﻛﻼﻡ ﺍﻫﻠﻲ ﻛﻠﺖ ﻣﻌﻘﻮﻟﻪ ﻳﺮﺩﻭﻥ ﻳﺨﻠﺼﻮﻥ ﻣﻨﻲ ﻣﻌﻘﻮﻟﻪ ﺍﻧﻲ ﻋﺎﻟﻪ ﻋﻠﻴﻬﻢ ﺍﻭ ﺍﻧﻲ ﻓﻜﺮ ﻭﺧﺎﻳﻔﻴﻦ ﻣﻨﻲ .
ﺍﺧﺮ ﺷﻲ ﺑﺠﻴﺖ ﺣﺪ ﻣﺎ ﻧﻤﺖ .
ﻛﻌﺪﺕ ﺍﻟﺼﺒﺢ ﻋﻠﻰ ﺻﻮﺕ ﺍﻟﺠﻬﺎﻝ ﻋﻼ ﺍﻃﻔﺎﻟﻬﻪ ﺛﻼﺛﻪ ﻭﺍﺣﺪ ﻭﻟﺪ ﻭﺑﻨﺎﺕ ﺍﺛﻨﻴﻦ ﻭﻣﻬﺎ ﺍﺑﻨﻬﺎ ﻭﻳﻮﺳﻒ ﻫﻢ ﻳﺪﺑﺞ ﻭﻳﺎﻫﻢ ﻛﻠﻬﻢ ﻣﺴﻮﻳﻦ ﺣﻔﻠﻪ ﻳﻢ ﺭﺍﺳﻲ ﻭﺍﻧﻲ ﺑﺎﻟﻠﻴﻞ ﺻﺎﺭ ﻋﻨﺪﻱ ﺍﺭﻕ ﻭﻣﺎﻛﺪﺭﺕ ﺍﻧﺎﻡ ﻭﻣﻨﺎ ﺑﺠﻲ ﻋﻴﻮﻧﻲ ﺣﻤﺮ ﻭﻣﻮﺭﻣﺎﺕ .
ﺗﺴﺤﺒﺖ ﻣﻦ ﺍﻟﻔﺮﺍﺵ ﻛﻮﻩ ﻭﻫﻢ ﺍﻟﻠﺘﻤﻮﺍ ﻋﻠﻴﻪ ﺑﻮﺳﺘﻬﻢ ﻭﺭﺣﺖ ﻟﻠﺤﻤﺎﻡ ﻏﺴﻠﺖ ﻭﻃﻠﻌﺖ ﺷﻔﺖ ﻣﻬﺎ ﻭﻋﻼ ﺳﻠﻤﺖ ﻋﻠﻴﻬﻢ
ﻫﺎﺍ ﺍﺷﻮ ﻣﻜﻠﺘﻮﺍ ﺭﺍﺡ ﺗﺠﻮﻥ ؟
ﻣﻬﺎ : ﺷﻨﻮ ﻧﺮﺟﻊ
ﻋﻼ : ﺍﺷﻮ ﺗﻄﺮﺩ ﻫﻲ ؟
ﺟﻨﻪ : ﻻ ﻭﻟﺠﻦ ﺑﺲ ﺟﺎﻱ ﺍﺳﺎﻝ
ﻋﻼ : ﺍﻛﻮ ﻏﻴﺮﺝ ﺟﺎﻳﻴﻦ ﻋﻠﻰ ﻣﻮﺩﺝ
ﺟﻨﻪ : ﺍﻭﻭﻭﻭ ﻫﻢ ﻭﺻﻠﻠﻜﻢ
ﻋﻔﺘﻬﻢ ﻭﺭﺣﺖ ﻟﻠﻐﺮﻓﻪ ﺍﻟﺠﻬﺎﻝ ﻣﻤﺨﻠﻴﻦ ﺷﻲ ﻣﻤﻨﺰﻟﻴﻦ ﺑﺎﻟﻜﺎﻉ ﻭﻣﻮﻛﻌﻴﻦ ﺍﻟﻔﻮﻥ ﻭﻫﻮ ﺟﺎﻱ ﻳﺸﺤﻦ .
ﺍﺟﻮ ﻭﺭﺍﻱ ﻣﻬﺎ ﻭﻋﻼ
ﻋﻼ : ﺍﺷﺸﺶ ﻫﻲ ﺷﻤﺴﻮﻳﻦ ﻳﻼ ﻃﻠﻌﻮﺍ ﺭﻭﺣﻮﺍ ﻳﻢ ﺑﻴﺒﻲ
ﻃﻠﻌﺖ ﺍﻟﺠﻬﺎﻝ ﻭﺍﺟﺖ ﻛﻌﺪﺕ ﻳﻤﻲ ﻋﻠﻰ ﺍﻟﺴﺮﻳﺮ .
ﻣﻬﺎ ﻭﺍﻛﻔﻪ ﺑﺼﻒ ﺍﻟﺪﻭﻻﺏ ﻭﻣﻨﺘﺠﻴﻪ ﻋﻠﻴﻪ ﻭﺍﺛﻨﻴﻨﻬﻢ ﻋﻴﻮﻧﻬﻢ ﻋﻠﻴﻪ .
ﻫﺎﺍ ﺧﻴﺮ ﺷﺒﻴﻜﻢ ﻟﻮ ﺍﻧﺘﻮﺍ ﻫﻢ ﻣﺘﻀﺎﻳﻘﻴﻦ ﻣﻨﻲ ﻭﺗﺮﺩﻭﻧﻲ ﺍﺗﺰﻭﺝ ﺣﺘﻰ ﺗﺨﻠﺼﻮﻥ ﻣﻨﻲ
ﻋﻼ : ﻭﻟﺞ ﻣﺤﻤﺪ ﻳﻜﻮﻝ ﺧﻮﺵ ﻭﻟﺪ
ﺟﻨﻪ : ﺍﻟﻠﻪ ﻳﺨﻠﻲ ﻻﻣﻪ ﺧﻮﺵ ﻭﻟﺪ ﺷﺴﻮﻳﻠﻪ ﺧﺎﻑ ﺍﻓﮕﺮﻩ ﻭﻫﻢ ﻳﺮﻭﺡ ﻣﺜﻞ ﺳﺎﻣﺮ
ﻣﻬﺎ : ﻭﻟﺞ ﻫﺬﺍ ﻛﻔﺮ ﻣﻴﺼﻴﺮ ﺗﻜﻮﻟﻴﻦ ﻫﻴﺞ ﺳﺎﻣﺮ ﻭﻓﺎﺗﻪ ﺟﺎﻧﺖ ﻗﻀﺎﺀ ﻭﻗﺪﺭ ﻻﺯﻡ ﺗﺆﻣﻨﻴﻦ ﺑﻬﺎﻟﺸﻲ .
ﺟﻨﻪ : ﺍﻣﻨﺖ ﺑﺎﻟﻠﻪ ﺑﺲ ﻣﺎﺍﺭﻳﺪ ﺍﺗﺰﻭﺝ ﺍﻧﺨﻄﺒﺖ ﻭﺍﻛﺘﻔﻴﺖ ﻭﺧﻠﺺ
ﻋﻼ : ﺗﺮﻩ ﺣﺮﺍﻡ ﺗﺴﻮﻳﻦ ﻫﻴﺞ ﺳﺎﻣﺮ ﻣﺎﺕ ﻫﺬﺍ ﺣﺪ ﻳﻮﻣﻪ ﻭﺍﻟﻤﻮﺕ ﺣﻖ ﻭﻛﻠﻨﻪ ﻧﻤﻮﺕ
ﺟﻨﻪ : ﻣﻮ ﻋﻠﻤﻮﺩ ﺷﻲ ﺑﺲ ﺣﻈﻲ ﻭﺍﻋﺮﻓﻪ ﻣﺎﺭﺍﺡ ﻳﻜﻌﺪ .
ﻣﻬﺎ : ﻣﻮ ﻳﻤﻜﻦ ﻫﺬﺍ ﻗﺴﻤﺘﺞ ﻭﺳﻌﺎﺩﺗﺞ ﻭﻳﺎ ﺍﺭﺿﻲ ﺑﻘﺴﻤﺘﺞ ﻳﺎﻋﻴﻨﻲ .
ﺟﻨﻪ : ﺍﻱ ﻫﺬﺍ ﻫﻮ ﺧﻠﺺ ﺧﻠﻲ ﻳﺠﻲ ﻭﺍﻟﻠﻪ ﻛﺮﻳﻢ .
ﻋﻼ : ﻫﺬﺍ ﻫﻮ ﻳﻌﻨﻲ ﻧﻜﻮﻝ ﻟﻤﺤﻤﺪ ﺍﻧﺖ ﻣﻮﺍﻓﻘﻪ
ﺟﻨﻪ : ﺍﺫﺍ ﻣﺤﻤﺪ ﻛﻠﻜﻢ ﻫﺎﺩﻛﻢ ﻋﻠﻴﻪ ﺍﻱ ﻛﻠﻮﻟﻪ ﻭﺍﻟﻠﻪ ﻛﺮﻳﻢ .
ﻭﺗﺤﺪﺩ ﻣﻮﻋﺪ ﺍﻟﺨﻤﻴﺲ ﻳﺠﻲ ﻳﺸﻮﻓﻨﻲ .
___
ﺟﻬﺎﺩ
ﺟﻨﺖ ﻧﺎﻳﻢ ﺑﻐﺮﻓﺘﻲ ﻭﻣﻄﻔﻲ ﻟﻀﻮﺀ ﻭﺣﺎﻁ ﺍﻟﻤﺨﺪﻩ ﻓﻮﻙ ﺭﺍﺳﻲ ﻭﺍﻧﻲ ﻣﺘﻀﺎﻳﻖ ﻭﺍﻋﺎﺻﻴﺮ ﺗﺠﺘﺎﺡ ﺭﻭﺣﻲ ﺍﺿﻄﺮﺍﺑﺎﺕ ﻗﻮﻳﻪ ﻭﻋﺪﻡ ﺍﺳﺘﻘﺮﺍﺭ ﺑﺪﺍﺧﻠﻲ ﺍﻓﻜﺮ ﺑﻜﻼﻣﻲ ﻭﻳﻪ ﻣﺤﻤﺪ ﻭﻗﺒﻮﻟﻲ ﺑﺎﺍﺧﺘﻪ ﺑﺲ ﺣﺘﺊ ﻣﺎﺍﻻﻗﻲ ﻣﻀﺎﻳﻘﺎﺕ ﻣﻦ ﺍﻫﻠﻲ ﺗﺤﺪﺩ ﺍﺷﻮﻓﻬﺎ ﺍﻟﺨﻤﻴﺲ ﻭﺍﻟﻠﻪ ﻳﺴﺘﺮ
ﻭﺍﻧﺎ ﻋﻠﻰ ﻫﺎﻟﺤﺎﻝ ﺣﺴﻴﺖ ﺍﻟﻀﻮﺀ ﺍﺷﺘﻐﻞ ﺻﺮﺧﺖ ﺑﻌﺼﺒﻴﻪ ﻣﻨﻮﻭﻭ ﺷﻐﻞ ﺍﻟﻀﻮﻩ ﺍﻃﻠﻌﻮﺍ ﺑﺮﻩ ﻣﺎﻟﻲ ﺧﻠﻚ ﺍﺣﺪ .
ﺳﻤﻌﺖ ﺻﻮﺗﻬﺎ ﺍﻟﻐﺜﻴﺚ ﻭﻋﺮﻓﺘﻪ ﺑﺪﻭﻥ ﻣﺎﺍﺭﻓﻊ ﺭﺍﺳﻲ ﻛﺎﻟﺖ ﺍﻧﻲ ﺟﻬﺎﺩ ﺍﻧﻲ ﻋﻤﺘﻚ ﻛﻮﺍﻛﺐ
ﻏﻄﻴﺖ ﻭﺟﻬﻲ ﺑﺎﻟﻤﺨﺪﻩ ﻭﺟﺎﻭﺑﺘﻬﺎ ﺍﻃﻠﻌﻲ ﺑﺮﻩ
ﺣﺴﻴﺖ ﻧﺒﺮﺗﻬﺎ ﺑﻴﻬﺎ ﻋﺼﺒﻴﻪ ﻭﻫﻲ ﺗﺠﺎﻭﺑﻨﻲ ... ﻭﻟﻚ ﺟﻬﺎﺩ ﺍﺣﺘﺮﻡ ﻧﻔﺴﻚ
ﻛﻌﺪﺕ ﻋﻠﺊ ﺣﻴﻠﻲ ﻭﺍﻧﻲ ﺍﺗﻨﻬﺪ ﻭﺍﻧﻲ ﺍﺧﻠﻲ ﺍﻳﺪﻱ ﻋﻠﻰ ﺭﺍﺳﻲ ..
... ﺧﻴﺮ ﺭﺍﻳﺪﻩ ﺷﻲ
ﻛﺎﻟﺖ ﺍﻱ ﺍﺭﻳﺪ ﺍﻋﺮﻑ ﺻﺪﻭﻭﻙ ﺭﺍﺡ ﺗﺨﻄﺐ
ﻭﺍﻧﺖ ﺷﻌﻠﻴﺞ ﺷﻨﻮ ﻫﺬﺍ ﺍﻟﻔﻀﻮﻭﻝ
ﺟﺎﻭﺑﺖ ﺑﻌﺼﺒﻴﻪ
... ﺍﻧﺖ ﻭﺍﺣﺪ ﺍﻟﻠﻪ ﻣﻄﻴﺢ ﺣﻀﻚ ﻭﻟﻚ ﻟﻴﺶ ﺗﻜﺮﻫﻨﻲ ﻫﺴﻪ ﺍﻧﻲ ﺣﺎﺟﻴﻪ ﻛﺎﻳﻠﻪ
... ﻭﺍﻟﻠﻪ ﻟﻮ ﺍﻧﻄﻴﺞ ﻣﺠﺎﻝ ﺗﻨﺸﺮﻳﻬﻪ ﺑﺎﻟﺠﺮﺍﻳﺪ
..... ﻭﻟﻚ ﻭﺍﻟﻠﻪ ﻣﺎﺣﺎﺟﻴﻪ
... ﻭﻟﺞ ﻳﺎﻣﺎﺣﺎﺟﻴﻪ ﺷﻮﻭ ﺍﻧﺘﻲ ﻣﺎﺧﻠﻴﺘﻲ ﻭﺍﺣﺪ ﻣﺎﻛﻠﺘﻴﻠﻪ ﻣﺮﺕ ﺟﻬﺎﺩ ﺍﻧﻬﺰﻣﺖ ﻻ ﺟﻴﺮﺍﻥ ﻻ ﺧﺎﻻﺕ ﻭﻟﺞ ﺑﺎﺑﺎ ﻟﻤﺮﻩ ﺍﻟﻬﻪ 3 ﻛﻠﻤﺎﺕ ﺷﻠﻮﻧﻚ ﺷﻠﻮﻥ ﺻﺤﻪ ﻭﻛﺎﻓﻲ
ﻣﻮ ﺍﻧﺘﻲ ﻟﻮﻙ ﻟﻮﻙ ﻟﻮﻙ .. ﻟﻮ ﺍﻧﻄﻴﺞ ﻣﺠﺎﻝ ﺟﺎﻥ ﺳﻮﻳﺘﻲ ﻓﻠﻚ
ﺑﺲ ﺍﻧﻲ ﻭﻳﺎﺝ ﻭﻳﺎﺝ ﻭﻳﻦ ﻣﺠﺎﻥ ﺍﻛﺪﺭﻟﺞ ﻭﻫﺴﻪ ﻳﺎﻟﻠﻪ ﺍﻃﻠﻌﻲ ﺑﺎﺟﺮ ﻭﺭﺍﻱ ﺩﻭﺍﻡ
... ﺑﺲ،ﺻﺪﻭﻙ ﺟﻬﺎﺩ ﺭﺍﺡ ﺗﺨﻄﺐ؟؟
... ﻣﻮ ﻛﺘﻠﺞ ﻓﻀﻮﻟﻴﻪ ﻭﺗﺤﺒﻴﻦ ﺗﻨﻘﻠﻴﻦ ﻛﻼﻡ ... ﺍﻱ ﺭﺍﺡ ﺍﺧﻄﺐ ﺍﺭﺗﺎﺣﻴﺘﻲ ﺍﻃﻠﻌﻲ ﻭﺳﺪﻱ ﺍﻟﺒﺎﺏ
ﺷﻔﺘﻬﺎ ﺗﻌﺼﺒﺖ ﻭﺭﻛﻌﺖ ﻟﺒﺎﺏ ﺑﻜﻞ ﻗﻮﺗﻬﺎ .
ﻭﻣﺮﺽ ﻫﺎﻱ ﻋﻤﻪ ﻟﻮ ﻏﻀﺐ
ﻭﺭﺟﻌﺖ ﺍﺭﻳﺪ ﺍﻧﺎﻡ ﻣﺎﺍﻛﺪﺭ ﺻﺮﺕ ﺍﺣﺴﺪ ﺍﻟﻲ ﻳﻨﺎﻡ ﺑﺪﻭﻥ ﻫﻢ ﺑﺪﻭﻥ ﻣﺎﻛﻮ ﺷﻲ ﻳﻀﻮﺟﻪ ﻭﻳﻔﻜﺮ ﺑﻲ .
ﺳﺤﺒﺖ ﺑﺎﻛﻴﺖ ﺍﻟﺠﻜﺎﻳﺮ ﻭﺗﺴﺤﺒﺖ ﻣﻦ ﺍﻟﺴﺮﻳﺮ ﺑﻴﺄﺱ ﻛﻌﺪﺕ ﻋﻠﻰ ﻛﺮﺳﻲ ﻣﻘﺎﺑﻴﻞ ﺍﻟﺴﺮﻳﺮ ﻭﺑﺼﻒ ﺍﻟﺸﺒﺎﻙ ﺑﺎﻭﻋﺖ ﻟﻠﺠﺮﺑﺎﻳﻪ ﻭﺗﺬﻛﺮﺕ ﻓﺪ ﻣﺮﻩ ﺟﻴﺖ ﻣﻦ ﺍﻟﺒﺼﺮﻩ ﺑﻐﻴﺮ ﻣﻮﻋﺪﻱ ﺍﻟﻤﺤﺪﺩ . ﻭﻣﺠﻨﺖ ﻣﺒﻠﻎ ﻟﺮﺅﻯ ﺑﺠﻴﺘﻲ
ﻓﺘﺤﺖ ﺍﻟﺒﺎﺏ ﺩﺧﻠﺖ ﻟﻠﻐﺮﻓﻪ ﺷﻔﺘﻬﺎ ﻋﻠﻰ ﺍﻟﺴﺮﻳﺮ ﻭﺑﻴﺪﻫﺎ ﺍﻟﻤﻮﺑﺎﻳﻞ ﻣﻮﺟﻬﺘﻪ ﻟﻮﺟﻬﻪ ﻣﺜﻞ ﺍﻟﻲ ﻓﺎﺗﺢ ﻛﺎﻡ
ﺷﺎﻓﺘﻨﻲ ﺗﻮﺗﺮﺕ ﻭﺍﻧﺼﺪﻣﺖ ﻏﻠﻘﺖ ﺍﻟﺘﻠﻴﻔﻮﻥ ﺑﺴﺮﻋﻪ ﻭﻛﺎﻣﺖ ﺗﻤﺸﻲ ﺑﺎﺗﺠﺎﻫﻲ
ﺟﺎﻥ ﻋﻄﺮﻫﺎ ﻳﻔﺢ ﻭﻻﺑﺴﻪ ﻛﻴﻤﻮﻧﻪ ﺳﻮﺩﻩ ﻭﺑﻴﻬﺎ ﻧﻘﺸﻪ ﻓﻀﻴﻪ ﻋﻠﻰ ﺍﻟﺼﺪﺭ ﺑﻨﺖ ﻻﺑﺴﻪ ﻗﺒﻌﻪ .
ﻭﺷﻮﺭﺕ ﻛﺎﻭﺑﻮﻱ .
... ﻫﺎﺍﺍ ﺣﺒﻴﺒﻲ ﺍﺟﻴﺖ ﻋﺒﺎﻟﻲ ﺗﺘﺎﺧﺮ ؟
ﺗﻔﺤﺼﺘﻬﺎ ﺍﺑﺘﺴﻤﺖ ﻭﺍﻧﻲ ﺍﺳﺮﺡ ﺑﻤﻼﻣﺤﻬﺎ ﺍﻟﺠﻤﻴﻠﻪ
... ﻻ ﺣﺒﻴﺘﻲ ﻣﺎﺍﻛﺪﺭ ﺃﺗﺄﺧﺮ ﻋﻠﻴﺞ ﻣﺸﺘﺎﻗﻠﺞ ﺃﺻﻼ ﻣﺘﻀﺎﻳﻖ ﻣﻦ ﺷﻐﻠﻲ ﻻﻥ 15 ﻳﻮﻡ ﺑـ 15 ﺍﺣﺲ ﻣﻘﺼﺮ ﺑﺤﻘﺞ .
ﺟﺎﻭﺑﺖ ﺑﺴﺮﻋﻪ
..... ﻻ ﺑﺎﻟﻌﻜﺲ ﻛﻮﻭﻟﺶ ﺣﻠﻮﻭﻭ
ﺍﺳﺘﻐﺮﺑﺖ ﻣﻦ ﺭﺩﻩ ﻓﻌﻠﻪ ﺭﻓﻌﺖ ﺣﺎﺟﺒﻲ ﺑﺎﺍﺳﺘﻨﻜﺎﺭ
... ﻋﺎﺟﺒﺞ؟؟
ﺣﺴﻴﺘﻬﺎ ﺍﺭﺗﺒﻜﺖ ..
.. ﺍﺀﺀ ﻻ ﺣﺒﻴﺒﻲ ﻣﻮ ﻗﺼﺪﻱ ﺑﺲ ﻣﺘﻌﺮﻑ ﺷﻜﺪ ﺍﺷﺘﺎﻕ ﺍﻟﻚ ﺑﻬﺎﻱ ﺍﻻﻳﺎﻡ ﻭﺍﺣﺲ ﺑﻘﻴﻤﺘﻚ
ﺗﺮﻛﺘﻬﺎ ﻭﺍﻧﻲ ﺍﺟﻠﺲ ﻋﻠﻰ ﺍﻟﺴﺮﻳﺮ ﺍ ﺍﺟﺘﻨﻲ ﺻﺎﺭﺕ ﻭﺭﺍﻳﻪ ﻭﺣﻀﻨﺘﻨﻲ ﻣﻦ ﻭﺭﻩ
ﻣﺎﺍﻫﺘﻤﻴﺖ ﺍﻟﻬﺎ ﺷﻔﺖ ﻣﻮﺑﺎﻳﻠﻬﺎ ﺍﺷﺘﻐﻞ ﺿﻮﺓ ﺩﻟﻴﻞ ﻋﻠﻰ ﻭﺻﻮﻝ ﺭﺳﺎﻟﻪ ... ﺭﻓﻌﺖ ﻣﻮﺑﺎﻳﻠﻬﺎ ﻟﻜﻦ ﺧﻄﻔﺖ ﺍﻟﻤﻮﺑﺎﻳﻞ ﺑﻤﻬﺎﺭﺓ ﻭﺳﺮﻋﻪ ﻛﺒﻴﺮﺓ
ﺳﺄﻟﺘﻬﺎ ﻟﻴﺶ
ﻛﺎﻟﺖ ﻫﺎﻱ ﺍﺧﺘﻲ ﺯﻫﻮﺭ ﻋﻮﻓﻬﺎ ﺍﻧﻲ ﺍﺭﻳﺪ ﺍﻗﻔﻠﻪ ﻭﺍﺭﺍﺿﻴﻚ ﺣﺴﻴﺘﻚ ﺯﻋﻠﺖ
ﻗﻔﻠﺘﻪ ﻭﻫﻲ ﺗﻘﺒﻠﻨﻲ ﺑﺠﺮﺍﺋﻪ ﻭﺍﺣﺘﺮﺍﻓﻴﻪ .
ﺿﻌﻔﺖ ﻛﺪﺍﻡ ﺟﻤﺎﻟﻬﺎ ﻭﺍﺧﺬﺗﻬﺎ ﺑﺤﻀﻨﻲ .... ......
ﻧﻮﻣﺘﻬﺎ ﻋﻠﻰ ﺍﻟﺴﺮﻳﺮ ﻭﺻﺮﺕ ﻋﻠﻴﻬﺎ ﺍﺑﺎﻭﻉ ﻟﻌﻴﻮﻧﻬﺎ ﺍﻟﺰﻣﺮﺩﻳﻪ ﺍﻟﻲ ﻣﺎﺷﻔﺖ ﺑﺠﻤﺎﻟﻬﺎ ﺷﻤﻴﺘﻬﺎ ﻣﻦ ﺭﻗﺒﺘﻬﺎ ﺗﻨﻔﺴﺖ ﻋﻄﺮﻫﺎ . ﻟﻴﺶ ﻫﻴﺞ ﺍﻧﻲ ﺍﺣﺒﺞ ﻟﻴﺶ ﻫﻴﺞ ﺍﻧﺖ ﺣﻠﻮﻩ ﺿﺤﻜﺖ ﻭﻟﻤﻌﺖ ﻋﻴﻮﻧﻬﺎ ﻭﻟﻔﺖ ﺍﻳﺪﻳﻬﻪ ﺣﻮﻝ ﺭﻗﺒﺘﻲ . .... ﻭﻭ
.....
.....
ﺍﺧﺨﺦ ﺻﺮﻓﺖ ﻫﺎﻟﺬﻛﺮﻳﺎﺕ ﺍﻟﺴﻴﺌﻪ ﻋﻨﻲ ﺟﺎﻧﺖ ﺑﻮﻗﺘﻬﺎ ﺣﻠﻮﻩ ﺑﺲ ﻫﺴﻪ ﺷﻜﺪ ﺗﺄﺫﻳﻨﻲ ﺷﻜﺪ ﺗﻮﺟﻌﻨﻲ ﻭﺗﻘﻄﻊ ﺭﻭﺣﻲ ﺍﻟﻰ ﺍﺷﻼﺀ ﻣﻦ ﺍﻻﻟﻢ .
ﺑﺲ ﻋﻴﻮﻧﻬﺎ ﻣﺎﺟﺎﻱ ﺗﺮﻭﺡ ﻣﻦ ﺑﺎﻟﻲ ﻟﺪﺭﺟﺔ ﻛﺮﻫﺖ ﺷﻜﻮ ﻭﺣﺪﻩ ﻋﻴﻮﻧﻬﺎ ﺧﻀﺮ ﻭﺍﻟﻠﻮﻥ ﺍﻻﺧﻀﺮ ﻛﻠﻪ .
ﺍﻟﻲ ﻣﻀﻮﺟﻨﻲ ﻭﺧﻼﻧﻲ ﺍﻛﺮﻩ ﻧﻔﺴﻲ ﺷﻮﻥ ﻣﺎﺍﻧﺘﺒﻬﺖ ﻋﻠﻴﻬﺎ ﻭﻫﻲ ﺗﺘﻠﻮﻥ ﻣﺜﻞ ﺍﻟﺤﺮﺑﺎﺀ ﺑﺎﻟﺨﺒﺚ ﻭﺍﻟﻐﺪﺭ ﻭﺍﻟﺨﻴﺎﻧﻪ ﺟﻨﺖ ﺍﺷﻮﻓﻬﺎ ﺍﺣﻠﻰ ﺷﻲ ﺑﺎﻟﺪﻧﻴﺎ ﺻﻌﺪﺗﻨﻲ ﻟﻠﺴﻤﺎ ﻭﺑﻠﺤﻈﻪ ﻧﺰﻟﺘﻨﻲ ﻟﻼﺭﺽ .
ﻃﻔﻴﺖ ﺍﻟﺠﻜﺎﺭﻩ ﺍﻟﻲ ﻣﺎﺍﻋﺮﻑ ﺷﻜﺪ ﺩﺧﻨﺖ ﻛﻢ ﺟﻜﺎﺭﻩ ﻣﻦ ﻛﻌﺪﺕ ﻟﻬﺴﻪ .
ﺍﻧﺪﻛﺖ ﻋﻠﻴﻪ ﺍﻟﺒﺎﺏ ﻭﺻﺎﺣﻮﻧﻲ ﻋﻠﻰ ﺍﻟﻌﺸﺎﺍ
ﻛﺘﻠﻬﻢ ﻣﺎﺍﺭﻳﺪ ﺍﺭﻳﺪ ﺍﻃﻠﻊ ﺍﺣﺲ ﻣﺨﻨﻮﻙ
ﺑﺪﻟﺖ ﻣﻼﺑﺴﻲ ﻭﻧﺰﻟﺖ ﺟﻮﻩ ﺻﻌﺪﺕ ﺑﺎﻟﺴﻴﺎﺭﻩ ﻭﺳﻘﺘﻬﺎ ﻣﺎﺍﺩﺭﻱ ﻭﻳﻦ ﺍﺭﻭﺡ ﻓﻜﺮﻱ ﻣﺸﻐﻮﻝ ﻣﺘﻮﺗﺮ ﻣﻤﺮﺗﺎﺡ ﺍﺣﺲ ﺻﺨﺮﻩ ﻭﺟﺎﺛﻤﻪ ﻋﻠﻰ ﺻﺪﺭﻱ ﻟﻴﺶ ﻟﻴﺶ ﺍﻧﻲ ﻫﻴﺞ ﻳﺼﻴﺮ ﺑﻴﻪ ﻟﻴﺶ .
ﺷﻮﻛﺖ ﺍﻧﺴﻰ ﺷﻮﻛﺖ ﺍﺭﺗﺎﺡ ﺣﻴﻴﻞ ﻣﺘﻀﺎﻳﻖ ﻭﻣﻤﺮﺗﺎﺥ ﻟﻠﺨﻄﻮﻩ ﺍﻟﻲ ﺭﺍﺡ ﺍﺧﻄﻴﻬﺎ ﺧﺎﻑ ﺍﻇﻠﻢ ﺑﻨﺖ ﺍﻟﻨﺎﺱ ﻭﻳﺎﻳﻪ . ﺗﻮﻛﻠﺖ ﻋﻠﻰ ﺍﻟﻠﻪ ﻭﺭﺟﻌﺖ ﻟﻠﺒﻴﺖ .
ﺟﺎﻧﺖ ﺍﻟﺴﺎﻋﻪ 12 ﺍﻟﻜﻞ ﻧﺎﻳﻤﻴﻦ
ﺗﺴﻠﻠﺖ ﻟﻐﺮﻓﺘﻲ ﺧﻠﻴﺖ ﻣﻔﺎﺗﻴﺢ ﺍﻟﺴﻴﺎﺭﻩ ﻭﺑﺎﻛﻴﺖ ﺍﻟﺠﻜﺎﻳﺮ ﻭﺍﻟﺘﻠﻴﻔﻮﻥ ﻉ ﺍﻟﻤﻴﺰ .
ﺑﺪﻟﺖ ﻣﻼﺑﺴﻲ ﻭﻃﻠﻌﺖ ﺟﻨﻄﺘﻲ ﻣﺎﻝ ﺍﻟﺴﻔﺮ ﺗﺬﻛﺮﺕ ﻣﻦ ﺭﺅﻯ ﺟﺎﻧﺖ ﺗﺤﻀﺮ ﺍﻟﺠﻨﻄﻪ ﺍﻟﻲ ﺑﻔﺮﺡ ﻣﺠﻨﺖ ﻣﻨﺘﺒﻪ ﻉ ﺍﻟﺴﺒﺐ ﺍﻟﻰ ﺑﻌﺪ ﻓﻮﺍﺕ ﺍﻻﻭﺍﻥ .
ﺩﺧﻠﺖ ﺍﻟﺸﻐﻼﺕ ﺍﻟﻲ ﺍﺭﻳﺪ ﺍﺧﺬﻫﺎ ﻭﻳﺎﻱ ﻭﻛﺘﺮﺗﻬﺎ ﻋﻠﻰ ﺟﻬﻪ .
ﺗﻤﺪﺩﺕ ﻋﻠﻰ ﺍﻟﺴﺮﻳﺮ ﻋﻴﻮﻥ ﺭﺅﻯ ﻣﺘﻔﺎﺭﻙ ﺧﻴﺎﻟﻲ
ﻏﻤﻀﺖ ﺗﻨﻬﺪﺕ ﻓﺮﻛﺖ ﻋﻴﻮﻧﻲ
ﺣﺎﻭﻟﺖ ﺍﻓﻜﺮ ﺑﺄﺧﺖ ﻣﺤﻤﺪ ﻭﺑﺸﻜﻠﻬﺎ ﻣﺎﻳﺠﻲ ﺍﺑﺎﻟﻲ ﻏﻴﺮ ﺷﻜﻠﻬﺎ ﺗﺸﺒﻪ ﻣﺤﻤﺪ ﻫﻮ ﻭﺷﻮﺍﺭﺑﻪ ﺍﻟﺜﺨﻴﻨﻪ ﺍﻟﻲ ﻣﻴﻘﺒﻞ ﻳﺨﻔﻔﻬﻦ .
ﺍﻱ ﻳﻤﻜﻦ ﺗﺸﺒﻬﻪ ﺑﺲ ﺷﻮﺍﺭﺑﻪ ﻣﻜﺎﻥ ﺣﻮﺍﺟﺒﻬﺎ
ﺿﺤﻜﺖ ﻋﻠﻰ ﺗﻔﻜﻴﺮﻱ ﻭﺗﺄﻣﻠﺖ ﻣﺪﺍﻡ ﻣﻦ ﻫﺴﻪ ﻭﺍﻧﻲ ﺍﻓﻜﺮ ﺑﻴﻬﺎ ﺿﺤﻜﺘﻨﻲ ﻳﻤﻜﻦ ﺑﻌﺪﻳﻦ ﺍﺭﺗﺎﺡ ﻭﻳﺎﻫﻪ .
ﺑﻘﻴﺖ ﺍﺗﻘﻠﺐ ﺑﺎﻟﻔﺮﺍﺵ ﻭﻣﺎﻧﻤﺖ ﻏﻴﺮ ﺑﺲ ﻛﻢ ﺳﺎﻋﻪ
ﺻﺤﻴﺖ ﻋﻠﻰ ﺻﻮﺕ ﺍﻣﻲ ﻭﻫﻲ ﺗﺼﺤﻴﻨﻲ
..... ﺟﻬﺎﺩ ﺟﻬﺎﺩ ﻳﻤﻪ ﻣﻮ ﻉ ﺍﺳﺎﺱ ﺗﺮﻭﺡ ﻟﻠﺒﺼﺮﻩ ﺍﻟﻴﻮﻡ .
ﺟﻬﺎﺩ ... ﺍﻱ ﻳﻤﻪ ﻫﺴﻪ ﺭﺍﺡ ﺍﻛﻮﻡ .
ﺗﺴﺤﺒﺖ ﻣﻦ ﺍﻟﺴﺮﻳﺮ ﺑﻌﺠﺰ ﻭﻣﻠﻞ ﻭﺑﺮﻭﺩ
ﺭﺣﺖ ﺳﺒﺤﺖ ﻭﺑﺪﻟﺖ ﻣﻼﺑﺴﻲ ﻭﻧﺰﻟﺖ ﺟﻮﻩ ﻟﻠﻤﻄﺒﺦ ﺍﻣﻲ ﻣﺤﻀﺮﻩ ﺍﻟﺮﻳﻮﻙ .
ﺗﺮﻳﻜﺖ
ﺳﻤﻌﺖ ﺻﻮﺕ ﺍﻣﻲ ﻭﺭﺍﻳﻪ
... ﻳﻤﻪ ﺟﻬﺎﺩ ﺟﺎﻥ ﺻﻠﻴﺖ ﺍﻟﻔﺠﺮ ﻣﺪﺍﻡ ﺗﻮﻩ ﺍﺫﻥ
ﺗﻨﻬﺪﺕ ﺷﻮﻥ ﺍﺻﻠﻲ ﻭﺍﻧﻲ ... ﻭﻫﻢ ﺻﺎﺭ ﻓﺘﺮﻩ ﻛﺎﻃﻊ ﺻﻼﺗﻲ
.... ﺍﻥ ﺷﺎﺀﺍﻟﻠﻪ ﻳﻤﻪ
ﻛﻤﻠﺖ ﺭﻳﻮﻙ ﻭﺻﻌﺪﺕ ﺍﻟﻔﻮﻙ ﺟﻴﻜﺖ ﻛﻞ ﺷﻲ
ﻭﺍﺧﺬﺕ ﺟﻨﻄﺘﻲ ﻭﻧﺰﻟﺖ
ﺳﻠﻤﺖ ﻋﻠﻰ ﺍﻣﻲ ﺑﻮﺳﺘﻬﺎ ﻭﺭﺣﺖ ﻻﺑﻮﻱ ﻫﻢ ﺳﻠﻤﺖ ﻋﻠﻴﻪ ﻭﻃﻠﻌﺖ .
ﻭﺻﻠﺖ ﻟﻠﺒﺼﺮﻩ ﺍﻟﻴﻮﻡ ﺛﻼﺛﺎﺀ ﺑﻌﺪ ﻳﻮﻣﻴﻦ ﻋﻠﻰ ﻣﻮﻋﺪ ﻟﻘﺎﺋﻲ ﺑﺎﻟﻌﺮﻭﺱ .
* ﺟﻨﻪ
ﺑﺎﻟﻴﻮﻡ ﺍﻟﻲ ﻳﺮﻳﺪ ﻳﺠﻲ ﺑﻲ ﺍﻟﻮﻟﺪ ﻳﺸﻮﻓﻨﻲ
ﺟﺎﻧﻮﺍ ﺧﻮﺍﺗﻲ ﻋﺪﻧﺎ ﻣﺤﻤﺪ ﻛﺎﻝ ﺍﻟﻬﻢ ﺗﻌﺎﻟﻮﺍ ﻻﻥ ﺟﻨﺖ ﻣﻤﻘﺘﻨﻌﻪ ﻟﻬﺴﻪ
ﺣﺘﻰ ﻳﻜﻮﻧﻮﻥ ﻫﻢ ﻭﺭﻗﺔ ﺿﻐﻂ ﻋﻠﻴﻪ .
ﺍﻧﻲ ﺟﻨﺖ ﻻﺑﺴﻪ ﺍﺳﻮﺩ ﻋﻠﻰ ﺳﺎﻣﺮ ﻭﻣﺎﻧﺰﻋﺘﻪ ﻃﻮﻝ ﺳﻨﻪ ﻭﻧﺺ .
ﺑﻌﺪ ﺍﻟﻐﺪﺍ ﻏﺴﻠﻨﻪ ﺍﻟﻤﻮﺍﻋﻴﻦ ﻭﺍﺟﻮ ﻳﻤﻲ ﻋﻼ ﻭﻣﻬﺎ ﻭﻋﺬﺭﺍﺀ ﺣﺘﻰ ﻳﺠﻬﺰﻭﻧﻲ .
ﺍﻧﻲ ﻛﺎﻋﺪﻩ ﻋﻠﻰ ﺍﻟﺴﺮﻳﺮ ﻭﻫﻢ ﺟﺎﻱ ﻳﻄﻠﻌﻮﻥ ﺍﻟﻲ ﻣﻼﺑﺲ ﺑﺪﻻﺕ ﻭﻓﺴﺎﺗﻴﻦ ﺣﺘﻰ ﻳﺸﻮﻓﻮﻥ ﺍﻟﻤﻨﺎﺳﺐ ﻭﺍﻟﻠﺒﺴﻪ ﺍﻣﺎ ﺍﻧﻲ ﻣﺎﺍﻟﻲ ﺍﻱ ﻗﺮﺍﺭ ﻭﻛﺎﻋﺪﻩ ﻣﺘﻜﺘﻔﻪ ﻛﺄﻧﻲ ﺻﻨﻢ .
ﺍﺧﺮ ﺷﻲ ﻃﻠﻌﻮﻟﻲ ﻓﺴﺘﺎﻥ ﺍﺣﻤﺮ ﻓﺎﻗﻊ . ﺭﻓﻀﺖ ﺍﻟﻠﺒﺴﻪ ﺭﻓﻀﺎ ﻗﺎﻃﻌﺎ .
ﻭﺍﻧﺘﻔﻀﺖ ﻣﻦ ﻣﻜﺎﻧﻲ ﻭﻃﻠﻌﺖ ﺍﻟﻲ ﻓﺴﺘﺎﻥ ﻧﻴﻠﻲ ﺑﻴﻨﺼﻞ
ﻭﻭﻳﺎﻩ ﻭﻋﻠﻰ ﺍﻟﺼﺪﺭ ﺻﺪﺭﻳﻪ ﻣﺸﺠﺮﻩ ﺑﺎﻟﻮﺍﻥ ﺭﺻﺎﺻﻲ ﻭﻣﺎﺭﻭﻧﻲ ﻭﺑﻴﻬﻪ ﺷﺮﻳﻂ ﻃﻮﻳﻞ ﻳﻨﺮﺑﻂ ﻭﻋﻠﻰ ﺍﻟﻤﻌﺼﻢ ﻫﻢ ﻧﻔﺲ ﻗﻤﺎﺵ ﺍﻟﺼﺪﺭﻳﻪ .
ﻭﺭﻫﻤﺖ ﻭﻳﺎﻩ ﺷﺎﻝ ﻣﺎﺭﻭﻧﻲ ﻭﺣﺬﺍﺀ ﻣﺎﺭﻭﻧﻲ .
ﻇﻠﻮﺍ ﻭﺣﺪﻩ ﺗﺒﺎﻭﻉ ﻟﻠﺜﺎﻧﻴﻪ .
ﻋﻼ : ﻣﻮ ﺟﻨﻪ ﺣﻴﻴﻞ ﻃﻮﺥ ﻣﺎﺗﻐﻴﺮﻳﻨﻪ ؟
ﺟﻨﻪ : ﻻ ﺍﻧﻲ ﻣﺮﺗﺎﺣﻪ ﺑﻲ ﻭﺧﻠﺺ .
ﻋﻼ : ﺍﻭﻛﻲ ﻛﻴﻔﺞ
ﺩﺧﻠﺖ ﺍﻣﻲ ﺷﺎﻓﺘﻨﻲ ﻣﺒﺪﻟﻪ
.. ﻳﻤﻪ ﻓﺪﻭﻩ ﺷﻬﺎﻟﺠﻤﺎﻝ ﻫﺴﻪ ﺍﻟﻌﺮﻳﺲ ﻳﻨﺒﻬﺮ ﺑﻴﺞ
.. ﻫﻪ ﺧﺎﻑ ﻣﺎﻳﺮﺿﻰ ﺑﻴﻪ ﻣﻮ ﻳﻨﺒﻬﺮ
.. ﻫﻮ ﺑﺲ ﺧﻠﻲ ﻳﺸﻮﻑ ﻋﻴﻮﻧﺞ ﺍﻟﺤﻠﻮﻩ ﮔﺒﻞ ﻳﻮﺍﻓﻖ .
.. ﻋﻼ :.. ﻳﻤﻪ ﻋﻮﺩ ﻟﻴﺶ ﺑﺲ ﺟﻨﻪ ﺧﻠﻔﺘﻴﻬﻪ ﻋﻴﻮﻧﻬﺎ ﺧﻀﺮ ﺍﺣﻨﻪ ﻟﻴﺶ ﻣﺎﺳﻮﻳﺘﻴﻨﻪ ﻣﺜﻠﻬﻪ
... ﺍﻻﻡ :.. ﻫﻬﻬﻪ ﻏﻴﺮ ﺧﻠﻘﺔ ﺍﻟﻠﻪ ﺍﻧﻲ ﺷﺒﻴﺪﻱ .
... ﻣﻬﺎ : ﻳﻼ ﺗﻌﺎﻟﻮﺍ ﻧﻨﺘﻈﺮﻩ ﺑﺎﻟﻬﻮﻝ ﺣﺘﻰ ﺑﺲ ﻳﺪﺧﻞ ﻧﺒﺎﻭﻋﻠﻪ ﻣﻦ ﺍﻟﺸﺒﺎﻙ ﻣﺎﻧﻜﺪﺭ ﻧﺪﺧﻞ ﻧﻜﻌﺪ ﻳﻤﻪ .
ﻃﻠﻌﻨﻪ ﻣﻦ ﺍﻟﻐﺮﻓﻪ
ﻭﻛﻌﺪﻧﻪ ﺑﺎﻟﻬﻮﻝ ﻧﻨﺘﻈﺮ ﺍﻟﻌﺮﻳﺲ
ﻣﺤﻤﺪ ﺭﺍﺡ ﻳﺠﻴﺒﻪ ﻷﻥ ﻣﺎﻳﻨﺪﻝ ﺑﻴﺘﻨﻪ .
* ﺟﻬﺎﺩ
ﺟﻨﺖ ﺑﺎﻟﺸﻘﻪ ﺍﻟﻲ ﺳﺎﻛﻦ ﺑﻴﻬﻪ ﺍﻧﺘﻈﺮ ﻣﺤﻤﺪ ﻳﺠﻲ ﻋﻠﻴﻪ ﺣﺘﻰ ﺍﺭﻭﺡ ﺍﺷﻮﻑ ﺍﺧﺘﻪ .
ﺩﻙ ﺗﻠﻴﻔﻮﻧﻲ ﺷﻔﺖ ﺍﻟﻤﺘﺼﻞ ﺍﺧﻮﻳﻪ ﻓﺆﺍﺩ ﺭﻓﻌﺘﻪ
.. ﻫﺎﺍ ﺟﻬﺎﺩ ﺷﻠﻮﻧﻚ ﺷﺨﺒﺎﺭﻙ
... ﺯﻳﻦ ﺍﻟﺤﻤﺪﻟﻠﻪ ﺍﻧﺘﻮﺍ ﺷﺨﺒﺎﺭﻛﻢ
.. ﺑﺨﻴﺮ ﺍﺳﻤﻊ ﺧﻞ ﺍﻛﻮﻟﻚ ﺭﻳﺎﺽ ﺍﺧﻮ ﺭﺅﻯ
ﺭﺍﺡ ﻟﻤﻄﺎﺭ ﺑﻐﺪﺍﺩ ﻭﻋﺮﺽ ﺍﺳﻢ ﺭﺅﻯ ﻭﻋﺎﻣﺮ ﻋﻠﻰ ﺍﻟﻤﻮﺿﻒ ﺍﻟﻤﺴﺆﺅﻝ ﺑﺎﻟﻤﻄﺎﺭ .
... ﺍﻱ ﻭﺍﻟﻠﻪ ﺳﺒﻊ ﺟﺎﻥ ﻛﺘﻠﻪ ﺑﻌﺪ ﻭﻛﺖ ﻣﻮ ﺻﺎﺭ 6 ﺍﺷﻬﺮ ﻋﻠﻰ ﺍﺧﺘﻔﺎﺋﻬﻢ
... ﺍﻟﺤﺠﻲ ﻫﺬﺍ ﻗﺒﻞ ﻓﺘﺮﻩ ﻣﻮ ﻫﺴﻪ ﺍﻧﺖ ﺍﺳﻤﻊ ﺷﻄﻠﻊ ﻭﻳﺎ ﺍﺧﺨﺦ ﻳﺎﺑﺮﻭﺩﻙ ﻳﺎﺧﻮﻳﻪ ...
... ﺍﻱ ﺑﺸﺮ ﻭﺷﻄﻠﻊ ﻭﻳﺎ ﺣﻤﺎﻣﻪ ﻏﺮﺍﺏ ؟؟؟
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء