رواية اهدتني عاراً الجزء السادس
للكاتبة نورا ناصر
....
ﺟﻬﺎﺩ :.. ﺍﻱ ﻭﺑﺸﺮ ﺷﻄﻠﻊ ﻭﻳﺎ ﺣﻤﺎﻣﻪ ﻏﺮﺍﺏ؟
ﻓﺆﺍﺩ :... ﻣﺎﻣﺴﺎﻓﺮﻳﻦ ﻳﻌﻨﻲ ﺑﻌﺪﻫﻢ ﺑﺎﻟﻌﺮﺍﻕ .
ﺟﻬﺎﺩ . ... : ﻭﺍﻟﻤﻄﻠﻮﺏ ﻣﻨﻲ ﺷﻨﻮ
ﻓﺆﺍﺩ ... : ﻧﺪﻭﺭ ﻋﻠﻴﻬﻢ ﻳﺎﺧﻮﻳﻪ ﺗﺮﻩ ﺍﻟﻨﺎﺱ ﻛﻠﺖ ﻭﺟﻬﻨﻪ ﻋﻴﺐ ﺑﺲ ﺍﻫﻠﻬﺎ ﻳﺪﻭﺭﻭﻥ ﻭﻫﻲ ﻣﺤﺴﻮﺑﻪ ﻋﻠﻴﻨﻪ ﻭﺟﺎﻧﺖ ﺍﺑﻴﺘﻨﻪ .
ﺟﻬﺎﺩ ... : ﻣﺎﺍﺩﻭﺭ ﻋﻠﻰ ﻋﺎﺭ ﺍﻧﻲ ﻭﻳﻠﻪ ﺍﺑﻮ ﺣﺴﻮﻧﻲ ﻻﺗﻌﻜﺮ ﻣﺰﺍﺟﻲ ﺍﺭﻳﺪ ﺍﺭﻭﺡ ﺍﺷﻮﻑ ﺍﻟﻤﺮﻩ .
ﻓﺆﺍﺩ :.. ﻳﺎﺑﺮﻭﺩﻙ ﻳﺎﺍﺧﻲ ﻭﻟﻚ ﻭﺍﻟﻠﻪ ﻟﻮ ﻏﻴﺮﻙ ﻳﺤﻔﺮ ﺍﻟﻜﺎﻉ ﻭﻳﻄﻠﻌﻬﺎ ﺟﻬﺎﺩ ﻣﺠﻨﺖ ﻫﻴﺠﻲ ﺷﻐﻴﺮﻙ ﺍﻧﺖ ﻫﺴﻪ ﻧﺴﻴﺖ ﻣﻦ ﺍﻣﻲ ﻛﻠﺘﻠﻚ ﻋﺪﻫﺎ ﻣﻴﺎﻧﻪ ﻭﻳﺎ ﻋﺎﻣﺮ ﺷﺴﻮﻳﺖ ﻣﻮ ﻛﻠﺒﺖ ﺍﻟﺪﻧﻴﻪ ﻭﻛﺴﺮﺕ ﺍﻟﻐﺮﻓﻪ ﻋﻠﻰ ﺭﺍﺳﻬﺎ ﻭﻭﺩﻳﺘﻬﺎ ﻻﻫﻠﻬﺎ ﻫﺴﻪ ﺷﺒﻴﻚ ﻣﺘﻜﻮﻟﻲ ﺍﻧﺖ ﺷﻨﻮ ﻟﻴﺶ ﻫﻴﺞ ﻣﺘﻐﻴﺮ ؟؟
ﺟﻬﺎﺩ ... : ﻛﺘﻠﻚ ﻣﺎﺩﻭﺭ ﻋﻠﻰ ﻋﺎﺭ ﺧﻠﻲ ﺍﻫﻠﻬﺎ ﻳﺪﻭﺭﻭﻫﺎ
ﻓﺆﺍﺩ :.. ﺍﻫﻠﻬﺎ ﻣﺒﻘﻮ ﻣﻜﺎﻥ ﺑﻐﺪﺍﺩ ﺣﻔﺮﻭﻫﺎ ﺣﻔﺮ ﺣﺘﻰ ﻣﺤﺎﻓﻀﺎﺕ ﻫﻢ ﺩﻭﺭﻭ ﻣﺎﻛﻮ ﻓﺺ ﻣﻠﺢ ﻭﺫﺍﺏ .
ﺟﻬﺎﺩ ... : ﻟﻠﺠﻴﺮ ..
ﻓﺆﺍﺩ ... : ﺍﺧﺨﺦ ﺍﻧﻲ ﻣﺤﺘﺮﻙ ﺩﻣﻲ ﻭﺍﻧﺖ ﺍﺑﺮﺩ ﻣﺎﻳﻜﻮﻭﻥ
ﺟﻬﺎﺩ ... : ﻳﻼ ﻻﺗﺎﺧﺮﻧﻲ ﺍﺭﻳﺪ ﺍﺭﻭﺡ ﺍﺷﻮﻑ ﺍﻟﻤﺮﻩ
ﻓﺆﺍﺩ .. : ﺍﻧﺖ ﻟﻴﺶ ﻣﺎﻛﻠﺖ ﺭﺍﺡ ﺗﺨﻄﺐ ﺣﺘﻰ ﻧﺠﻲ ﻭﻳﺎﻙ
ﺟﻬﺎﺩ :... ﻣﺎﻛﻮ ﺷﻲ ﺭﺳﻤﻲ ﻳﻤﻜﻦ ﺑﺎﻱ ﻟﺤﻈﻪ ﺍﻏﻴﺮ ﺭﺍﻱ ﻭﺍﻛﻮﻝ ﻣﺎﺍﺭﻳﺪ ﺑﺲ ﻫﻴﺞ ﺭﺍﻳﺢ ﺍﺷﻮﻓﻬﺎ
ﻓﺆﺍﺩ ... : ﻭﺍﻟﻠﻪ ﺍﻧﺖ ﻣﺴﺘﻌﺠﻞ ﺩﻧﻠﮕﻲ ﺭﺅﻯ ﺑﻼﻭﻝ
ﺟﻬﺎﺩ .. : ﻭﺍﺫﺍ ﻟﻜﻴﺘﻬﺎ ﻗﺎﺑﻞ ﺭﺍﺡ ﺍﺭﺟﻌﻬﺎ
ﻓﺆﺍﺩ :.. ﻻ ﻣﻮ ﻫﻴﺞ ﺑﺲ ﺍﻻﺣﺴﻦ ﻧﻠﻜﺎﻫﻪ ﺍﻻﻭﻝ ﻭﻻﺗﻨﺴﻪ ﺍﻟﻲ ﻧﻬﺰﻣﺖ ﻭﻳﺎ ﺍﺑﻦ ﻋﻤﻚ
ﺟﻬﺎﺩ .. : ﺍﻱ ﻋﻮﺩ ﻳﺼﻴﺮ ﺧﻴﺮ ﻟﻢ ﻣﺎ ﺗﻠﻜﻮﻫﻢ ﺍﻧﺘﻮﺍ
ﻓﺆﺍﺩ .. : ﺩﺍﺣﺠﻲ ﻭﻱ ﻗﺎﻟﺐ ﺛﻠﺞ ﻟﻮ ﺍﻋﺮﻑ ﺷﺒﻴﻚ ﺟﻬﺎﺩ ﺷﺒﻴﻚ ﻭﻟﻚ ﺍﻧﺖ ﻣﻮ ﺭﺟﺎﻝ ﻋﺮﺿﻚ ﻧﺎﻳﻢ ﺑﻐﻴﺮ ﺣﻀﻨﻚ ﻭﺍﻧﺖ ﻭﻻﺍﺑﺎﻟﻲ ﺍﻧﻲ ﻣﻬﺘﻢ ﺍﻛﺜﺮ ﻣﻨﻚ
ﺟﻬﺎﺩ :.. ﺍﻧﻲ ﻣﻤﻬﺘﻢ ﺍﻱ ﻣﻤﻬﺘﻢ ﻣﺤﺪ ﻳﻌﺮﻑ ﺑﻴﻪ ﺷﻀﺎﻡ ﺑﺼﺪﺭﻱ ﻓﻘﺪﺕ ﺍﻋﺼﺎﺑﻲ ﻋﻠﻴﺖ ﺻﻮﺗﻲ ﺳﺪﻳﺘﻪ ﺑﻮﺟﻬﻪ ﻣﻴﻌﺮﻑ ﺍﻟﻲ ﺑﺪﺍﺧﻠﻲ ﻣﻦ ﻧﻴﺮﺍﻥ ﻣﺸﺘﻌﻠﻪ ﻟﺸﻮﻛﺖ ﺍﻟﻨﺎﺱ ﺗﺤﻤﻠﻨﻲ ﺍﻟﻲ ﺻﺎﺭ ﺍﻟﻲ ﻣﺜﻠﻲ ﺑﻬﺎﻟﻴﻮﻡ ﻳﻔﺮﺡ ﺭﺍﻳﺢ ﻳﺸﻮﻑ ﺍﻟﻪ ﻣﺮﻩ ﺍﻧﻲ ﺍﻋﺎﺻﻴﺮ ﻭﻫﺎﻳﺠﻪ ﺑﺮﻭﺣﻲ ﻣﻦ ﻗﻠﻖ ﻭﺧﻮﻑ ﻣﻦ ﺗﻜﺮﺍﺭ ﺍﻟﺨﻴﺎﻧﻪ ﻭﺍﻟﻐﺪﺭ
ﺩﻗﺎﻳﻖ ﻭﺍﺗﺼﻞ ﺑﻴﻪ ﻣﺤﻤﺪ ﺍﺧﺬﺕ ﺍﻟﺘﻠﻴﻔﻮﻥ ﻭﺭﻛﻌﺘﻪ ﺑﺎﻟﺤﺎﻳﻂ ﺗﻜﺴﺮ ﻭﻭﻛﻊ
ﺭﻭﻭﻭﺡ ﺍﻧﺖ ﺍﻟﺜﺎﻧﻲ ﺑﻄﺮﺍﻧﻴﻦ ﺍﻧﺖ ﻭﺍﺧﺘﻚ .
ﺍﺭﻳﺪ ﺍﺑﺮﺩ ﻣﺎﻛﻮ ﻛﺪﺍﻣﻲ ﺑﻼﺯﻣﺎ ﻭﻳﻤﻬﺎ ﺗﺤﻔﻴﺎﺕ ﻭﻣﺰﻫﺮﻳﺎﺕ ﺳﺤﺒﺘﻬﻪ ﻭﻭﻛﻌﺘﻬﺎ ﺗﻄﺸﺮﺕ ﻛﻠﻬﺎ ﻭﺻﺎﺭﺕ ﻓﺘﺎﺕ .
ﺍﺣﺲ ﻧﺎﺭ ﻭﺍﺷﺘﻌﻠﺖ ﺑﻴﻪ ﺍﻧﺪﻛﺖ ﺑﺎﺏ ﺍﻟﺸﻘﻪ ﻋﺮﻓﺘﻪ ﻣﺤﻤﺪ ﻣﺎﺍﻓﺘﺤﺘﻪ ﺑﻘﻴﺖ ﺍﺟﺮ ﻧﻔﺲ ﺍﺭﻳﺪ ﺍﺭﺗﺎﺡ ﺍﺣﺲ ﺍﺧﺘﻨﻜﺖ
ﺍﺳﺘﻤﺮ ﻳﺪﻛﺪﻙ ﻉ ﺍﻟﺒﺎﺏ
ﺗﻨﻬﺪﺕ ﻭﻛﻔﺖ ﻛﺒﺎﻝ ﺍﻟﻤﺮﺍﻳﻪ ﻋﺪﻟﺖ ﻣﻼﺑﺴﻲ ﻭﺷﻌﺮﻱ ﻭﻓﺘﺤﺘﻠﻪ .
ﺩﺧﻞ ﻇﻞ ﻳﺒﺎﻭﻉ ﻟﻠﺸﻘﻪ ﻣﻬﻮﺳﻪ ﻭﻓﺘﺎﺕ ﺍﺍﻟﺰﺟﺎﺝ ﻛﻠﻪ ﺑﺎﻟﻜﺎﻉ
ﻣﺤﻤﺪ ﻣﺘﻔﺎﺟﺄ .. : ﺧﻴﺮ ﺳﻴﺪﻱ ﺻﺎﻳﺮ ﺷﻲ .
... ﻣﺎﻛﻮ ﺷﻲ ﻣﺤﻤﺪ ﻟﻴﻈﻞ ﺑﺎﻟﻚ
... ﺑﺲ ﺳﻴﺪﻱ
... ﻣﺎﻛﻮ ﺷﻲ ﻣﺤﻤﺪ ﻻﺗﻠﺢ ﺑﻌﺼﺒﻴﻪ
ﺭﺟﻌﺖ ﺗﻨﻬﺪﺕ ﻛﻤﻠﺖ ﻛﻼﻣﻲ ﻣﺎﻛﻮ ﺷﻲ ﺑﺲ ﺗﻌﺎﺭﻛﺖ ﻭﻳﺎ ﺍﻟﻀﺎﺑﻂ .
... ﻣﺎﺗﺴﻮﻯ ﺳﻴﺪﻱ ﻛﻞ ﻫﺎﻟﻌﺼﺒﻴﻪ
... ﺷﻮﻥ ﻣﺎﺗﺴﻮﻯ ﺍﻟﻀﺎﺑﻂ ﻧﺮﻓﺰﻧﻲ ﻭﺍﻟﻠﻪ ﺗﻌﺒﺎﻥ ﻳﻌﻨﻲ ﻣﺘﻌﺮﻑ ﺷﻠﻮﻥ ﺍﻟﻄﺮﻳﻖ ﺻﻌﺐ ﻭﺍﻟﺠﻮ ﺣﺎﺭ ﻭﺩﻭﺧﺔ ﺍﻟﻤﺮﻛﺰ ﺧﻠﻲ ﺍﺭﺗﺎﺡ ﻣﻦ ﺍﻟﻄﺮﻳﻖ ﻭﺍﻧﻲ،ﺍﺻﻴﺮ ﻳﻮﻣﻴﻪ ﺧﻔﺮ ﻣﻮ ﺍﻭﻝ ﻣﺎﺍﺟﻲ ﻳﺮﺩﻭﻧﻲ ﺧﻔﺮ ﻭﺍﻧﻲ ﺍﻟﻴﻮﻡ ﺧﻔﺮ ﻳﻌﻨﻲ ﻣﻴﺼﻴﺮ ﻫﺴﻪ ﺑﺲ ﺍﻧﻲ ﻣﻼﺯﻡ
ﻣﺤﻤﺪ ﺑﺘﻠﻌﺜﻢ .... ﺯﻳﻦ ﺳﻴﺪﻱ ﺍﻛﻌﺪ ﺍﻭ ﺍﺭﺗﺎﺡ
... ﺟﻬﺎﺩ : ﻻ ﻣﻴﺤﺘﺎﺝ ﺧﻠﻴﻨﻪ ﻧﻄﻠﻊ ﻫﺴﻪ .
ﻧﺰﻟﻨﺎ ﺍﻧﻲ ﻭﻳﺎ ﻭﺻﻌﺪﻧﻪ ﺑﺴﻴﺎﺭﺗﻲ ﻭﻭﺭﺣﻨﻪ ﻋﻠﻰ ﺑﻴﺘﻬﻢ .
ﻣﺒﻴﻦ ﺯﻏﻴﺮ ﻭﺷﻮﻳﻪ ﻗﺪﻳﻢ ﻭﺑﺴﻴﻂ ﻛﻠﺶ ﺑﺲ ﻧﻀﻴﻒ ﺣﻴﻴﻞ .
ﺍﺳﺘﻘﺒﻠﻨﺎ ﺍﺧﻮ ﺍﻟﺜﺎﻧﻲ ﻭﻋﺮﻓﻨﻲ ﻋﻠﻴﻪ ﻛﻠﻲ ﻫﺬﺍ ﺍﺧﻮﻳﻪ ﺍﺣﻤﺪ .
ﺳﻠﻤﺖ ﻋﻠﻴﻪ ﻭﺭﺣﺒﻮﺍ ﺑﻴﻪ ﻭﺩﺧﻠﻮﻧﻲ ﺟﻮﻩ ﺑﺎﻻﺳﺘﻘﺒﺎﻝ
ﻛﻌﺪﺕ ﺷﻮﻳﻪ ﺳﻮﻟﻔﻨﺎ
ﺗﺮﺧﺺ ﻣﺤﻤﺪ ﻭﻛﺎﻝ ﺭﺍﺡ ﺍﺻﻴﺤﻠﻬﻢ ﻭﺍﺟﻲ
ﺑﻌﺪ ﺍﻛﺜﺮ ﻣﻦ ﻋﺸﺮ ﺩﻗﺎﻳﻖ ﺩﺧﻠﺖ ﺍﻡ ﻣﺤﻤﺪ ﺳﻠﻤﺖ ﻭﺟﺎﻧﺖ ﻭﺭﺍﻫﻪ ﻟﺒﻨﻴﻪ ﺗﻤﺸﻲ ﻭﻫﻲ ﻣﺪﻧﮕﻪ
....
....
ﺟﻨﻪ
ﺻﺎﺭﺕ ﺳﺎﻋﻪ 5 ﻭﻧﺺ ﺍﻟﻌﺼﺮ ﻛﺎﻝ ﺍﺣﻤﺪ ﻭﺻﻠﻮﺍ
ﻃﻠﻊ ﻟﺤﺘﻰ ﻳﺴﺘﻘﺒﻠﻬﻢ .
ﺧﻮﺍﺗﻲ ﻭﻋﺬﺭﺍﺀ ﻟﺰﻣﻮﺍ ﺍﻟﺸﺒﺎﻙ ﻭﻇﻠﻮ ﻳﻄﻠﻄﻠﻮﻥ ﻭﺣﺘﻰ ﺍﻣﻲ ﻭﺍﻟﺠﻬﺎﻝ ﻭﻳﺎﻫﻢ ﻛﻠﻤﻦ ﺧﺬﺍﻟﻪ ﻓﺠﻪ ﻭﻇﻞ ﻳﺒﺎﻭﻉ
ﻭﺍﺳﻤﻌﻬﻢ ﻳﺘﻬﺎﻣﺴﻮﻥ
ﺍﻱ ﻭﺍﻟﻠﻪ ﺣﻠﻮ ﺻﺪﻙ ﻳﺸﺒﻪ ﻋﻤﺎﺭ ﻛﻮﺳﻮﻓﻲ ﻳﺎﻋﻴﻨﻲ ﺷﻮﻥ ﻣﺮﺗﺐ .
ﺷﻮﻗﻮﻧﻲ ﺍﺷﻮﻓﻪ ﺑﺲ ﺑﻘﻴﺖ ﻛﺎﻋﺪﻩ ﻛﺒﺮﻳﺎﺋﻲ ﻣﻨﻌﻨﻲ ﻣﺎﺍﺭﻳﺪ ﺍﺑﻴﻦ ﺍﻟﻬﻢ ﺍﻧﻲ ﻣﺴﺘﻘﺘﻠﻪ ﻋﻠﻴﻪ .
ﻇﻠﻴﺖ ﺑﻤﻜﺎﻧﻲ ﺍﺣﻮﺱ .
ﺩﺧﻠﻮﺍ ﻭﺭﻩ ﺩﻗﺎﻳﻖ ﺍﺟﻪ ﻣﺤﻤﺪ ﺻﺎﺣﻨﻲ ﺍﻧﻲ ﻭﺍﻣﻲ
ﻟﺤﺘﻰ ﻧﺪﺧﻞ ﺗﻘﺪﻣﺖ ﺍﻣﻲ ﻛﺪﺍﻣﻲ ﻭﺍﻧﻲ ﻭﺭﺍﻫﺎ ﻭﻋﻴﻮﻧﻲ ﻉ ﺍﻟﮕﺎﻉ ﻣﺎﺭﻓﻌﺘﻬﺎ ﺍﺳﺘﺤﻴﺖ ﻛﻠﺶ .
ﻛﻌﺪﺕ ﻣﻘﺎﺑﻴﻠﻪ ﺍﻧﻲ ﻭﺍﻣﻲ ﻭﻇﻠﻮﺍ ﻳﺤﺠﻮﻥ ﺍﻭﻝ 20 ﺩﻗﻴﻘﻪ ﺍﻧﻲ ﻣﺎﺭﻓﻌﺖ ﺭﺍﺳﻲ ﻛﻠﺶ ﻭﻻﺷﻔﺖ ﻭﺟﻬﻪ ﺍﺑﺪ .
ﺑﻌﺪﻫﻪ ﺗﺸﻮﻗﺖ ﺍﺷﻮﻓﻪ ﺭﻓﻌﺖ ﻧﻈﺮﻱ ﺷﻮﻳﻪ ﻭﻇﻠﻴﺖ ﺍﺳﺘﺮﻕ ﺍﻟﻨﻈﺮﺍﺕ ﻭﺍﺑﺼﺒﺺ ﻛﺎﻋﺪ ﻣﻨﺘﺠﻲ ﻋﻠﻰ ﺍﻟﻘﻨﻔﻪ ﺑﺎﺭﻳﺤﻴﻪ .
ﻣﺠﺎﻥ ﻳﺒﺎﻭﻋﻠﻲ ﺍﺑﺪ ﻣﻠﺘﻬﻲ ﻳﺴﻮﻟﻒ ﻭﻳﺼﻐﻲ ﺍﻟﻬﻢ
ﺍﻧﺘﺒﻬﺖ ﻋﻠﻴﻪ ﻻﺑﺲ ﻗﻤﻴﺺ ﺟﻮﺯﻱ ﺑﻨﻄﺮﻭﻥ ﺑﻴﺠﻲ ﺳﺎﻋﻪ ﺫﻫﺒﻴﻪ .
ﺍﻧﻴﻖ ﺟﺪﺍ .
ﺍﺳﺘﻤﺮﺕ ﻧﻈﺮﺍﺗﻲ ﺑﺈﺗﺠﺎﻫﻪ ﺍﺑﺎﻭﻋﻠﻪ ﺷﻮﻳﻪ ﻭﺍﺩﻧﻚ ﺑﺲ ﻭﻻﻣﺮﻩ ﺍﻟﻠﺘﻘﺖ ﻋﻴﻮﻧﻲ ﺑﻌﻴﻮﻧﻪ .
ﻣﺒﻴﻦ ﺛﻜﻴﻴﻞ ﺣﻴﻴﻞ ﻭﺑﺎﺭﺩ ﻣﻤﻬﺘﻢ ﺍﺻﻼ ﻟﻮﺟﻮﺩﻱ ﻭﻻ ﻛﺎﻧﻤﺎ ﺟﺎﻱ ﻳﺸﻮﻓﻨﻲ .
ﻛﻞ ﺷﻮﻳﻪ ﻳﺒﺎﻭﻉ ﻟﺴﺎﻋﺘﻪ ﻭﻳﺸﻮﻑ ﺍﻟﻮﻗﺖ ﻭﻳﺮﺟﻊ ﻳﻌﺪﻟﻬﺎ ﻭﻳﻌﻮﻓﻬﺎ ﺍﻳﺪﻳﻨﻪ ﺑﻴﺾ ﺑﺲ ﻭﺟﻬﻪ ﺣﻨﻄﺎﻭﻱ ﻳﻤﻜﻦ ﻣﻦ ﺷﻤﺲ ﺍﻟﺒﺼﺮﻩ ﺗﻐﻴﺮﺕ ﺑﺸﺮﺗﻪ ﻟﺤﻴﻪ ﺧﻔﻴﻔﻪ ﻣﺮﺗﺒﻪ ﻭﺑﺸﺮﺗﻪ ﻧﻈﻴﻔﻪ ﺻﺎﻓﻴﻪ ﺷﻜﺪ ﻧﻀﻴﻒ ﻳﻠﻚ ﻣﻦ ﺍﻟﻨﻈﺎﻓﻪ ﻋﺒﺎﻟﻚ ﻏﺎﺳﻠﻴﻨﻪ ﺑﻘﺎﺻﺮ . ﺷﻌﺮﻩ ﻣﺮﻓﻮﻉ ﻟﻴﻔﻮﻙ ﻭ ﻳﻠﻤﻊ ﻟﻤﻌﻪ ﻣﺜﻞ ﺍﻟﺴﻠﭭﺮ .
ﻛﺼﻴﺘﻪ ﻛﺺ ﺑﻨﻈﺮﺍﺗﻲ ﻣﺒﻘﻰ ﺷﻲ ﺑﺲ ﻫﻮ ﻟﺤﺪ ﺍﺧﺮ ﻟﺤﻈﻪ ﻣﺎﺑﺎﻭﻉ ﺍﻟﻲ .
ﺍﺳﺘﻐﺮﺑﺖ !!!
ﺑﻌﺪﻫﺎ ﺗﺮﺧﺺ ﻭﻃﻠﻊ ﻭﻃﻠﻌﻮﺍ ﻭﻳﺎ ﺍﺧﻮﺍﻧﻲ .
ﺑﺲ ﻃﻠﻊ ﺍﺟﻮﻱ ﺧﻮﺍﺗﻲ ﻭﻋﺬﺭﺍﺀ
ﻳﺴﺄﻟﻮﻥ ﻫﺎﺍ ﺷﻮﻧﻪ ﺷﻨﻮ ﺭﺃﻳﺞ ﺑﻲ
ﻛﺘﻠﻬﻢ ﺯﻳﻦ ﻳﻨﻄﻠﻊ ﺑﻲ ﺍﻟﺮﺍﺱ ﺍﻟﺸﺎﺭﻉ
ﻋﻼ : ﻭﻟﺞ ﺣﻠﻮ ﻣﺮﺗﺐ ﺷﺤﻼﺗﻪ ﺻﺎﺍﺍﻙ
ﻣﻬﺎ : ﺳﻜﺘﻲ ﻻﻳﺴﻤﻌﺞ ﻣﺎﺟﺪ ﺭﺟﻠﺞ ﻳﺠﻲ ﻳﺼﻜﻄﺞ ﻭﺍﻟﻠﻪ
ﻋﺬﺭﺍﺀ : ﺗﺬﻛﺮﻭﻥ ﻣﻦ ﺍﺟﻪ ﺍﻟﻤﺮﺣﻮﻡ ﺳﺎﻣﺮ ﺑﻴﻮﻡ ﺧﻄﻮﺑﺘﻬﺎ ﺑﺒﺪﻱ ﺍﺣﻤﺮ ﻳﺪﺧﻠﻮﻥ ﻭﻳﺎ ﺍﺛﻨﻴﻦ ﻣﻦ ﻛﺪ ﻣﺎﻋﺮﻳﺾ ﻭﺍﺣﻨﻪ ﻧﻌﻴﺐ ﻋﻠﻴﻪ ﻭﻫﻲ ﻣﺎﺗﻘﺒﻞ .
ﻫﺴﻪ ﻫﺬﺍ ﺷﻮﻥ ﻛﺎﻋﺪﻩ ﻋﻠﻴﻪ ﺍﻟﻤﻼﺑﺲ ﻭﻣﺎﻋﺎﺟﺒﻬﻪ
ﺟﻨﻪ : ﺳﻤﻌﺖ ﻋﺬﺭﺍﺀ ﻭﻛﻤﺖ ﺩﺧﻠﺖ ﺑﺎﻟﻐﺮﻓﻪ ﻭﺳﺪﻳﺖ ﺍﻟﺒﺎﺏ .
ﺗﺬﻛﺮﺕ ﺳﺎﻣﺮ ﻣﻦ ﺍﺟﻪ ﻳﺸﻮﻓﻨﻲ ﻭﻇﻠﻮﺍ ﻳﻌﻴﺒﻮﻥ ﻋﻠﻴﻪ ﺍﺳﺘﺨﻄﻴﺘﻪ ﻭﺷﻔﻘﺖ ﻋﻠﻴﻪ ﻭﺍﻧﻘﻬﺮﺕ ﻭﻋﺎﺭﻛﺘﻬﻢ .
ﺫﻛﺮﻳﺎﺕ ﺣﺰﻳﻨﻪ ﺍﻧﻘﻬﺮﺕ .
ﺑﻘﻴﺖ ﺑﺎﻟﻐﺮﻓﻪ ﺩﻗﺎﻳﻖ ﻭﺩﻛﻮﺍ ﻋﻠﻴﻪ ﺍﻟﺒﺎﺏ ﺗﻌﺎﻱ ﻣﺤﻤﺪ ﻳﺮﻳﺪﺝ .
ﻧﺰﻋﺖ ﺷﺎﻟﻲ ﻭﺍﻟﻔﺴﺘﺎﻥ ﺣﺎﺭ ﻟﺒﺴﺖ ﺩﺷﺪﺍﺷﻪ ﻗﻤﺎﺵ ﻛﺸﻤﻴﺮ ﺑﺎﺭﺩ ﺭﺩﺍﻧﺘﻬﺎ ﻛﻠﻮﺵ ﻟﻮﻧﻬﻪ ﺳﻤﺎﺋﻲ ﺷﻠﺖ ﺷﻌﺮﻱ ﻟﻴﻔﻮﻙ ﻭﻃﻠﻌﺖ ﻛﻌﺪﺕ ﻉ ﺍﻟﻘﻨﻔﻪ ﺑﻴﻦ ﺍﻣﻲ ﻭﻋﻼ
ﻣﺤﻤﺪ ... ﻫﺎﺍ ﺟﻨﻪ ﺷﻨﻮ ﺭﺍﻳﺞ
ﺟﻨﻪ .. ﺳﻜﺘﺖ ﻭﻣﺪﻧﻜﻪ ﺑﻴﻦ ﻋﺪﻡ ﺍﻻﻫﺘﻤﺎﻡ ﻭﺑﻴﻦ ﻣﻮﺍﻓﻘﻪ ﻭﺑﻴﻦ ﻭﺑﻴﻦ ﻣﺸﺎﻋﺮﻱ ﻣﺸﺘﺘﻪ ﻭﺻﺎﺭﺕ ﺧﻠﻴﻂ .
ﺍﻻﻡ : ﻳﻴﻤﻪ ﻣﻮ ﺟﺒﻴﺮ ﻋﻠﻴﻬﺎ ﻋﻤﺮﻩ 33 ﺍﻛﺒﺮ ﻣﻨﻬﺎ ﺏ 13 ﺳﻨﻪ ﻭﻧﻮﺏ ﺟﺎﻥ ﻣﺘﺰﻭﺝ ﻭﻣﺮﺗﻪ ﻣﻴﺘﻪ !!!
ﻣﺤﻤﺪ ﺑﻌﺼﺒﻴﻪ ;... ﻟﻌﺪ ﺗﺮﺩﻳﻦ ﺗﺰﻭﺟﻴﻬﺎ ﻟﺰﻋﻄﻮﻁ ﻳﻮﻣﻴﻦ ﻭﻳﺬﺑﻬﺎ ﻋﻠﻴﺞ ﻟﻮ ﻟﻮﺍﺣﺪ ﻃﺎﻳﺶ ﺍﻟﻠﻪ ﺷﺎﻳﻠﻪ ﻭﻓﺎﺷﻪ ﻭﻳﻦ ﻣﻴﺠﻲ ﻳﺸﻤﺮ ﺭﻭﺣﻪ ﺍﺭﻋﻦ . ﻭﺍﺫﺍ ﻣﺮﺗﻪ ﻣﻴﺘﻪ ﺑﺘﺞ ﻫﻢ ﺧﻄﻴﺒﻬﺎ ﻣﻴﺖ ﻭﻣﻮ ﻋﻴﺐ ﻫﺎﻟﺸﻲ .
ﺟﻨﻪ .. : ﺧﻠﺺ ﻳﻤﻪ ﺍﻧﻪ ﻣﻮﺍﻓﻘﻪ ﻣﺪﺍﻡ ﺍﺑﻨﺞ ﻳﺮﻳﺪ ﻳﺮﺗﺎﺡ ﻣﻨﻲ ﻣﻮﺍﻓﻘﻪ ﻣﺎﺍﺭﻳﺪ ﺍﻛﻌﺪ ﻋﻠﻰ ﮔﻠﻮﺑﻜﻢ .
ﻭﻋﻔﺘﻬﻢ ﻭﺭﺣﺖ ﻟﻠﻐﺮﻓﻪ .
______
* ﺟﻬﺎﺩ
ﻣﻦ ﺩﺧﻠﺖ ﺍﻟﺒﻨﻴﻪ ﻣﺪﻧﻜﻪ ﺭﺍﺳﻬﺎ ﻣﺎﺍﻧﺘﺒﻬﺖ ﺍﻟﻤﻼﻣﺤﻬﺎ ﺑﺲ ﺷﻔﺖ ﻫﻴﺌﺘﻬﺎ ﻭﺍﻳﺪﻳﻬﺎ .
ﺟﺎﻥ ﻓﻜﺮﻱ ﻣﺸﻐﻮﻝ ﻭﻱ ﻛﻼﻡ ﻓﺆﺍﺩ ﻭﺍﻟﻲ ﺻﺎﺭ ﻗﺒﻞ ﻻﺍﺟﻲ .
ﺑﻘﻴﺖ ﻛﻠﻤﺎ ﺍﺑﺎﻭﻋﻠﻬﺎ ﻣﺪﻧﻜﻪ ﻭﻋﺒﺎﻟﻚ ﺻﻨﻢ ﻭﻣﺘﺘﺤﺮﻙ ﻭﺻﺮﺕ ﺍﻗﺎﺭﻥ ﺑﻴﻨﻬﺎ ﻭﺑﻴﻦ ﺭﺅﻯ . ﺟﺎﻧﺖ ﺫﻳﺞ ﻫﻮﺍﻱ ﺗﺘﺤﺮﻙ ﻭﻣﻦ ﺭﺣﺖ ﺷﻔﺘﻬﺎ ﻛﻞ ﺷﻮﻱ ﺗﺮﻓﻊ ﺭﺍﺳﻬﺎ ﺗﺒﺎﻭﻋﻠﻲ ﻭﺗﻀﺤﻚ ﻛﻠﺶ ﺧﻔﻴﻔﻪ .
ﺍﺭﺗﺎﺣﻴﺖ ﺷﻮﻳﻪ ﻳﺎﺭﻳﺖ ﺗﺨﺘﻠﻒ ﻋﻦ ﺭﺅﻯ ﻭﺗﻄﻠﻊ ﻣﺘﺮﺑﺎﻳﻪ ﻭﻣﺎﺗﻨﺰﻝ ﺭﺍﺳﻲ .
ﻃﻠﻌﺖ ﻣﻦ ﻳﻤﻬﻢ ﺑﻌﺪ ﻣﺎ ﻛﺘﻠﻬﻢ ﺍﻧﺘﻈﺮ ﺭﺩﻛﻢ .
ﺳﻘﺖ ﺍﻟﺴﻴﺎﺭﻩ ﻭﺍﻧﻲ ﺑﺎﻟﻲ ﻣﺸﻐﻮﻝ .
ﻭﺭﻩ ﻳﻮﻣﻴﻦ
ﻣﺤﻤﺪ ﺭﺩﻟﻲ ﺧﺒﺮ ﻛﺎﻝ ﻣﻮﺍﻓﻘﻴﻦ ﻛﺘﻠﻪ ﻫﺎﻻﺳﺒﻮﻉ ﻳﺠﻮﻥ ﺍﻫﻠﻲ ﻭﺍﻟﺒﻌﺪﻩ ﻧﻌﻘﺪ ﻣﺤﻜﻤﻪ ﻭﺍﻟﺒﻌﺪﻩ ﻧﺘﺰﻭﺝ ﻣﺮﺍﺡ ﻧﻄﻮﻝ ﺑﺎﻟﺨﻄﻮﺑﻪ
ﻣﺤﻤﺪ .. : ﺑﻌﺪ ﻫﻲ ﺭﺍﺡ ﺍﺻﻴﺮ ﺍﻟﻚ ﻭﺍﻧﺖ ﺑﻜﻴﻔﻚ .
ﺟﻬﺎﺩ :.. ﻳﺼﻴﺮ ﺧﻴﺮ ﺍﻥ ﺷﺎﺀﺍﻟﻠﻪ
....
....
ﺍﺧﺬﺕ ﺍﺟﺎﺯﻩ ﻭﺳﺎﻓﺮﺕ ﺍﺗﻔﻘﺖ ﻭﻳﺎ ﺍﻫﻠﻲ ﻭﺭﺟﻌﺖ ﻟﻠﺒﺼﺮﻩ ﻭﺍﻧﻲ ﻭﻳﺎﻳﻪ ﺍﺑﻮﻱ ﻭﺍﺧﻮﻱ ﻭﺧﺎﻟﻲ
ﻭﺑﻴﻮﻡ ﺍﻟﻌﻘﺪ ﺍﺧﺬﺕ ﺍﻟﻀﺎﺑﻂ ﻭﻳﺎﻧﻪ ﻭﺳﻴﺪ ﻳﻌﻘﺪ ﺍﻟﻨﻪ ﻭﺭﺣﻨﻪ ﻟﺒﻴﺖ ﻣﺤﻤﺪ .
ﺍﺗﻔﻘﻨﻪ ﻋﻠﻰ ﻛﻞ ﺷﻲ ﻧﺎﺱ ﺑﺴﻄﺎﺀ ﻭﻃﻠﺒﺎﺗﻬﻢ ﻣﺜﻠﻬﻢ
ﺑﻌﺪﻫﺎ ﺍﺧﺬﻧﻲ ﻣﺤﻤﺪ ﻭﻳﻪ ﺍﻟﺴﻴﺪ ﺑﻐﺮﻓﻪ ﻭﺩﺧﻠﺖ ﺍﻟﺒﻨﻴﻪ ﻣﻐﻄﻴﻪ ﻭﺟﻬﻪ ﻭﻛﻠﺸﻲ ﻣﻨﻬﻪ ﻣﻴﺒﻴﻦ ﻭﻋﻘﺪ ﺍﻟﻨﻪ .
ﻟﻠﻠﻌﻘﺪ ﻳﻼ ﻋﺮﻓﺖ ﺍﺳﻤﻬﺎ ﺟﻨﻪ ﺑﻘﻠﺒﻲ ﺗﺴﺎﺋﻠﺖ ﻳﺎﺗﺮﻯ ﻳﺎﺟﻨﻪ ﺭﺍﺡ ﺗﻜﻮﻧﻴﻦ ﺍﻟﻲ ﺟﻨﻪ ؟ ﻳﺎﺧﻮﻓﻲ ﺍﻛﻮﻥ ﺍﻟﺞ ﻧﺎﺭ .
ﺳﻤﻌﺖ ﺻﻮﺗﻬﺎ ﺣﺴﻴﺘﻬﺎ ﺗﺮﺟﻒ ﻣﺘﻮﺗﺮﻩ ﻭﺧﺠﻼﻧﻪ
ﻭﺟﺮ ﺍﻟﺤﺠﻲ ﺟﺮ .
ﻣﺸﺎﻋﺮﻱ ﻣﺨﺮﺑﻄﻪ ﻣﺎﺍﻋﺮﻑ ﺷﺠﺎﻱ ﺍﺳﻮﻱ
ﻧﺪﻡ ﻋﻠﻰ ﺧﻮﻑ ﻣﻦ ﻣﺠﻬﻮﻝ ﺍﺣﺲ ﺗﻮﺭﻃﺖ ﻭﻭﺭﻃﺘﻬﺎ ﻭﻳﺎﻱ ﺍﻧﻲ ﻣﻮ ﻣﺎﻝ ﺯﻭﺍﺝ ﺑﺲ ﺷﺴﻮﻱ ﻧﺠﺒﺮﺕ .
ﻫﺬﺍ ﺍﻟﻲ ﺻﺎﺭ ﺑﻴﻮﻡ ﺍﻟﻌﻘﺪ ﻣﺎﺷﻔﺘﻬﺎ ﺍﺑﺪ .
ﺑﻌﺪﻫﺎ ﻃﻠﻌﻨﻪ ﻣﻦ ﻳﻤﻬﻢ ﺍﻫﻠﻲ ﻃﻠﻌﻮﺍ ﺍﻟﺒﻐﺪﺍﺩ ﻭﺍﻧﻲ ﺑﻘﻴﺖ ﻋﻨﺪﻱ ﺩﻭﺍﻡ .
ﺑﻨﻔﺲ ﺍﻻﺳﺒﻮﻉ ﺍﺗﻔﻘﺖ ﻭﻱ ﻣﺤﻤﺪ ﻭﻛﺘﻠﻪ ﺣﺘﻰ ﻧﻌﻘﺪ ﻣﺤﻜﻤﻪ ﻫﻨﺎ ﻭﺍﻻﺳﺒﻮﻉ ﺍﻟﻲ ﻭﺭﺍﻩ ﺍﺧﺬﻫﻪ .
ﻃﻠﻌﺖ ﺍﻟﺼﺒﺢ ﻭﺭﺣﺖ ﻟﺒﻴﺘﻬﻢ ﺍﺧﺬﺗﻬﻢ ﻫﻲ ﻭﺍﻣﻬﺎ .
ﺟﺎﻧﺖ ﻻﺑﺴﻪ ﻋﺒﺎﻳﺔ ﺭﺍﺱ ﻭﻻﻓﺘﻬﺎ ﺑﺤﺸﻤﻪ
ﻭﻋﻴﻮﻧﻬﺎ ﻛﻠﻪ ﻉ ﺍﻻﺭﺽ
ﺍﻟﺸﻜﻮﻙ ﺍﻟﻠﻌﻴﻨﻪ ﺍﻟﻲ ﺑﺪﺍﺧﻠﻲ ﻣﺘﺨﻠﻴﻨﻲ ﺑﺤﺎﻟﻲ
ﻇﻠﻴﺖ ﻣﺘﺴﺎﺋﻞ ﻳﺎﺗﺮﻯ ﻫﺬﺍ ﺗﺼﻨﻊ ﻟﻮ ﻓﻌﻼ ﻫﻲ ﻣﻠﺘﺰﻣﻪ
ﺍﻟﺠﺎﻧﺐ ﺍﻟﻤﻼﺋﻜﻲ ﺍﻟﻲ ﺑﺪﺍﺧﻠﻲ ﻳﻜﻮﻝ ﻫﻲ ﻭﻳﻦ ﺗﻌﺮﻑ ﺍﻟﻲ ﺻﺎﺭ ﻭﻳﺎﻙ ﻣﻦ ﺧﻴﺎﻧﻪ ﺣﺘﻰ ﺗﺼﻨﻊ ﻛﺪﺍﻣﻚ
ﺍﻟﺠﺎﻧﺐ ﺍﻟﺸﻴﻄﺎﻧﻲ ﻳﻜﻮﻟﻲ ﺍﺣﺬﺭ ﻛﻴﺪ ﻭﺧﻴﺎﻧﺔ ﺍﻟﻨﺴﺎﺀ .
ﻭﺑﻴﻦ ﻫﺎﻻﺛﻨﻴﻦ ﺍﻧﻲ ﺍﺣﺲ ﺗﻮﺭﻃﺖ ﺧﻠﺺ ﻭﻣﻴﻔﻴﺪ ﺍﻟﺘﺮﺍﺟﻊ ﻫﺴﻪ .
ﺧﻠﺼﻨﻪ ﺍﻟﻌﻘﺪ ﺧﻼﻝ ﺍﻻﺳﺒﻮﻉ .
ﺑﻠﻐﺘﻬﻢ ﺑﺎﻟﻤﻮﻋﺪ ﺍﻟﻲ ﺭﺍﺡ ﻧﻄﻠﻊ ﺑﻲ ﻟﺒﻐﺪﺍﺩ ﻭﻛﻞ ﺷﻲ .
ﻳﻮﻡ ﺍﻻﺣﺪ ﻃﻠﻌﺖ ﻟﺒﻐﺪﺍﺩ ﻭﺻﻠﺖ ﺍﻟﻤﻐﺮﺏ ﺗﻠﻜﺘﻨﻲ ﺍﻣﻲ
ﺑﻮﺳﺘﻨﻲ ﻭﺣﻀﻨﺘﻬﺎ .
ﺳﺄﻟﺘﻨﻲ ﺷﻠﻮﻧﻬﺎ ﻣﺮﺗﻚ ﺣﻠﻮﻩ
.. ﻳﻤﻪ ﻣﻮ ﻣﻬﻢ ﺍﻟﺠﻤﺎﻝ ﺍﻫﻢ ﺷﻲ ﺗﺼﻮﻧﻲ ﻭﺗﺤﺎﻓﻆ ﻋﻠﻰ ﺷﺮﻓﻲ .
.. ﺍﻟﻠﻪ ﻛﺮﻳﻢ ﻳﻴﻤﻪ ﺍﻟﻠﻪ ﻳﺴﺘﺮ ﻋﻠﻴﻜﻢ ﻭﻳﻬﻨﻴﻜﻢ ﻭﻳﺴﻌﺪﻛﻢ
ﺑﺲ ﻭﺻﻔﻠﻲ ﺷﻜﻠﻬﻪ ﺷﻠﻮﻧﻪ ﺑﺎﻟﻠﻪ ؟؟
.. ﺑﻘﻠﺒﻲ ﻫﻮ ﺍﻧﻲ ﺷﻔﺖ ﻣﻨﻬﺎ ﺷﻲ
ﻛﺘﻠﻬﺎ ﻳﻤﻪ ﺑﻴﻀﻪ ﻻﻃﻮﻳﻠﻪ ﻭﻻ ﻗﺼﻴﺮﻩ ﻭﺿﻌﻴﻔﻪ .
.... ﻫﺎﺍ ﺑﻴﻀﻪ ﻋﺒﺎﻟﻲ ﺳﻤﺮﻩ ﻣﻮ ﺍﻫﻞ ﺍﻟﺒﺼﺮﻩ ﻛﻠﻬﻢ ﺳﻤﺮ .
... ﻻ ﻣﻨﻮ ﻛﻠﺞ ﻗﺎﺑﻞ ﺷﺎﻳﻔﻴﻨﻬﻢ ﻛﻠﻬﻢ ﺑﻴﻬﻢ ﺍﻟﺴﻤﺮ ﻭﺍﻟﺒﻴﺾ ﻭﺍﻟﺸﻜﺮ ﻭﻛﻞ ﺷﻲ .
... ﺗﻌﺒﺎﻥ ﺍﺩﺭﻱ ﺑﻴﻚ ﻭﺟﻮﻋﺎﻥ ﺍﻧﺘﻈﺮﺗﻚ ﻋﻠﻰ ﺍﻟﻐﺪﺍ ﻭﺳﻮﻳﺖ ﺍﻟﻚ ﺷﻮﻥ ﺑﺎﻧﻴﻪ ﻣﺎﺧﻠﻴﺖ ﻻﺍﺧﺘﻚ ﻭﻻ ﻣﺮﺕ ﺍﺧﻮﻙ ﻳﻄﺒﺨﻮﻫﺎ ﻃﺒﺨﺘﻬﺎ ﺑﻴﺪﻱ .
.... ﻣﻴﺨﺎﻟﻒ ﻭﻻ ﻳﻬﻤﺞ ﺍﻛﻠﻬﺎ ﻣﺪﺍﻡ ﻣﻦ ﺍﻳﺪﺝ
... ﻳﻠﻪ ﺍﺭﺗﺎﺡ ﺣﺘﻰ ﺍﺻﺒﻠﻚ .
... ﻳﻼ ﺭﺍﺡ ﺍﺻﻌﺪ ﺍﺳﺒﺢ ﻭﺍﺭﺗﺎﺡ
.. ﻭﻻﺗﻨﺴﻪ ﺍﻟﺼﻼﻩ ﺍﺫﻥ ﺍﻟﻤﻐﺮﺏ
... ﺍﻟﻠﻪ ﻛﺮﻳﻢ ﻳﻤﻪ .
ﺻﻌﺪﺕ ﻟﻐﺮﻓﺘﻲ ﺑﻘﻴﺖ ﺍﺑﺎﻭﻉ ﺍﻟﻬﺎ ﺍﺭﻳﺪ ﺍﻏﻴﺮ ﻛﻞ ﺷﻲ ﺑﻴﻬﺎ .
ﺳﺒﺤﺖ ﻭﻛﻌﺪﺕ ﺍﺭﺗﺎﺡ ﺍﻧﺪﻛﺖ ﺍﻟﺒﺎﺏ ﻭﺩﺧﻠﺖ ﺍﻣﻲ ﺗﺤﺠﻲ ﻭﻫﻲ ﻣﺒﺘﺴﻤﻪ ﻋﺮﻓﺖ ﺳﺮ ﺍﺑﺘﺴﺎﻣﺘﻬﺎ ﻻﻥ ﺭﺍﺡ ﺍﺗﺰﻭﺝ .
ﻳﻼ ﻳﻤﻪ ﺟﻬﺎﺩ ﺣﻀﺮﺕ ﺍﻟﻚ ﺍﻻﻛﻞ ﺑﺎﻟﻤﻄﺒﺦ .
ﺻﺎﺭ ﻳﻤﻪ ﻫﺴﻪ ﺍﻧﺰﻝ .
ﺧﻠﺺ ﺍﻟﻠﻴﻞ ﻳﻮﻡ ﺍﻟﺜﺎﻧﻲ ﻣﻦ ﺍﻟﺼﺒﺢ
ﻛﻌﺪﺕ ﺍﺷﺘﻐﻞ ﺑﺎﻟﻐﺮﻓﻪ ﻭﺑﻤﺴﺎﻋﺪﺓ ﺍﺧﻮﺍﻧﻲ
ﻋﻨﺪﻱ ﺍﺧﻮﺍﻥ 3 ﺍﻣﺠﺪ ﺍﻟﻜﺒﻴﺮ ﻋﺎﺯﻝ ﻋﻨﺎ ﺑﺒﻴﺖ ﻭﺣﺪﻩ ﺑﻨﻔﺲ ﺍﻟﻔﺮﻉ ﻣﺎﻟﻨﻪ .
ﻭﻓﺆﺍﺩ ﻭﻋﻤﺎﺩ ﺍﻟﺼﻐﻴﺮ .
ﻃﻠﻌﻨﻪ ﺍﻻﺛﺎﺙ ﻛﻠﻪ ﺑﺮﻩ ﻭﻧﺰﻟﻨﻪ ﺍﻟﺴﻘﻒ ﺛﺎﻧﻮﻱ
ﺧﻼﻝ ﻳﻮﻣﻴﻦ ﺻﺎﺭﺕ ﺍﻟﻐﺮﻓﻪ ﺟﺎﻫﺰﻩ ﺍﺷﺘﺮﻳﺖ ﻏﺮﻓﻪ ﺍﺧﺸﺎﺏ ﺟﺪﻳﺪﻩ ﻭﻏﻴﺮﺕ ﺩﻳﻜﻮﺭ ﺍﻟﺴﻘﻒ ﻭﺍﻟﺜﺮﻳﺎﺕ ﻭﺻﺒﻎ ﺍﺧﺘﻲ ﺣﻮﺭﺍﺀ ﺟﺎﻧﺖ ﻋﺪﻧﺎ .
ﺑﻴﻨﻤﺎ ﺟﻨﺖ ﺩﺷﺘﻐﻞ ﺑﺎﻟﻐﺮﻓﻪ ﻭﻣﻨﻬﻤﻚ
ﺩﺧﻠﺖ ﺟﺎﺑﺘﻠﻲ ﻣﻲ .
ﻭﻛﻌﺪﺕ ﻳﻤﻲ
ﺣﻮﺭﺍﺀ : ﻟﻴﺶ ﺳﻮﺩﻩ ﺍﻻﺧﺸﺎﺏ ﻣﺎﻝ ﺍﻟﻐﺮﻓﻪ
ﺟﻬﺎﺩ : ﻫﻴﺞ ﻋﺠﺒﺘﻨﻲ
ﺣﻮﺭﺍﺀ : ﺍﺧﺬﺕ ﺭﺍﻱ ﺍﻟﻌﺮﻭﺳﻪ ﺑﺎﻟﺘﻐﻴﻴﺮ ﻫﺬﺍ .
ﺟﻬﺎﺩ : ﺑﺼﺮﺍﺣﻪ ﻻ ﺧﻠﻲ ﺗﺠﻲ ﻭﺗﻨﺼﺪﻡ
ﺣﻮﺭﺍﺀ : ﺷﻠﻮﻧﻬﺎ ﺣﻠﻮﻩ ﻣﺎﻋﻨﺪﻙ ﺻﻮﺭﻩ ﺍﻟﻬﺎ ؟؟
ﺟﻬﺎﺩ : ﻣﺎﻋﺮﻑ ﻟﻴﺶ ﻣﻬﺘﻤﻴﻦ ﻟﺠﻤﺎﻟﻬﺎ ﻣﻮ ﺗﺰﻭﺟﺖ ﺍﻟﺤﻠﻮﻩ ﻭﺧﺎﻧﺘﺘﻲ .
ﺣﻮﺭﺃﺀ : ﺣﺒﻴﺒﻲ ﺍﺧﻮﻳﻪ ﺍﻥ ﺷﺎﺀﺍﻟﻠﻪ ﻫﻲ ﺍﻟﻲ ﺗﺼﻮﻧﻚ ﻭﺗﺤﺎﻓﻆ ﻋﻠﻴﻚ .
ﺟﻬﺎﺩ : ﺗﻨﻬﺪﺕ ﻭﻛﺘﻠﻬﺎ ﺍﺍﺍﻟﻠﻪ ﻛﺮﻳﻢ .
ﺑﻌﺪ ﺍﻟﻌﺸﺎﺀ ﻳﻮﻡ ﺍﻟﺜﻼﺛﺎﺀ ﺍﺗﺠﻤﻌﻨﺎ ﻛﻠﻨﻪ ﺑﺠﻠﺴﻪ ﻋﺎﺋﻠﻴﻪ ﺍﺑﻮﻳﻪ ﻭﺍﻣﻲ .
ﺍﺧﻮﺍﻧﻲ ﻭﺯﻭﺟﺎﺗﻬﻢ ﻭﺍﺧﻮﺍﺗﻲ ﻭﻋﻤﺘﻲ .
ﻛﻌﺪﺕ ﺑﺼﻒ ﺍﺑﻮﻳﻪ ﻛﺘﻠﻬﻢ ﺍﻟﻜﻞ ﻳﺴﻤﻌﻨﻲ ﺗﺮﻩ ﺍﻧﻲ ﻣﻜﺎﻳﻞ ﺍﻱ ﺷﻲ ﻟﻠﻌﺮﻭﺳﻪ ﻋﻠﻰ ﺍﻟﻲ ﺻﺎﺭ ﻭﻳﺎ ﺭﺅﻯ ﻭﺍﻧﺘﻢ ﻫﻢ ﻣﺮﺍﺡ ﺗﺤﺠﻮﻥ ﺍﻱ ﺷﻲ ﻭﺍﻟﻠﻪ ﻭﺍﻟﻠﻪ ﺍﻟﻲ ﻳﻔﻚ ﺣﻠﻜﻪ ﻭﻳﺤﺠﻲ ﻭﺑﺎﻭﻋﺖ ﺑﺨﺰﺭ ﻟﻌﻤﺘﻲ ﻛﻮﺍﻛﺐ ﻣﻴﻠﻮﻡ ﺍﻟﻪ ﻧﻔﺴﻪ
ﺍﻟﺠﻨﺎﻳﻦ ﻃﻼﻛﻬﻦ ﻋﻠﻰ ﺍﻳﺪﻱ ﺍﻟﺘﺤﺠﻲ ﻣﻨﻬﻢ . ﻭﺧﻮﺍﺗﻲ ﺍﺗﺒﺮﻯ ﻣﻨﻬﻢ ﻭﺍﻧﺖ ﻳﺎﻋﻤﻪ ﺗﻌﺮﻓﻴﻦ ﺍﻟﺒﺎﻗﻲ ﻣﺤﺎﺟﻪ ﺍﻛﻮﻝ .
ﺍﻟﻜﻞ ﻫﺰﻭ ﺑﺮﺍﺳﻬﻢ ﺍﻱ ﻭﺍﻥ ﺷﺎﺀﺍﻟﻠﻪ
ﺍﻣﺎ ﻛﻮﺍﻛﺐ ﺗﺒﺎﻭﻋﻠﻲ ﺑﺨﺰﺭ ﻭﺍﻧﻲ ﻫﻢ .
ﻭﺍﺑﻮﻳﻪ ﺍﻟﻘﻰ ﻋﻠﻴﻬﻢ ﻣﺤﺎﺿﺮﻩ
ﻻﺯﻡ ﻧﻨﺴﻰ ﺍﻟﻲ ﺭﺍﺡ ﻭﻧﺒﺪﻱ ﻣﻦ ﺟﺪﻳﺪ ﻭﺟﻬﺎﺩ ﻣﺮ ﺑﺎﺯﻣﻪ ﻭﺍﻟﺤﻤﺪﻟﻠﻪ ﺍﻟﻲ ﻃﻠﻊ ﻣﻨﻬﺎ .
ﻻﺯﻡ ﺗﺎﺧﺬﻭﻥ ﺍﻟﻜﻼﻡ ﻭﻣﺘﺤﺠﻮﻥ ﺷﻲ ﻛﺪﺍﻡ ﺍﻟﺒﻨﻴﻪ ﻭﻧﺴﺪ ﻫﺎﻟﺴﻴﺮﻩ .
ﺟﻬﺎﺩ ... ﺳﺎﻟﻮﻧﻲ ﺷﻨﻮ ﺍﺳﻤﻬﺎ ﺿﺤﻜﺖ ﻛﺘﻠﻬﻢ ﺟﻨﻪ
ﻭﺑﻘﻠﺒﻲ ﻛﻠﺖ ﻭﺍﻧﻲ ﺟﻬﻨﻢ .
ﻳﻮﻡ ﺛﺎﻧﻲ ﺍﻻﺭﺑﻌﺎﺀ ﺍﻟﺼﺒﺢ ﻃﻠﻌﻨﻪ ﺍﻧﻲ ﻭﺍﻣﻲ ﻭﺍﺑﻮﻳﻪ ﻭﺍﻣﺠﺪ ﺍﺧﻮﻱ ﻭﺧﺎﻟﻲ ﻟﻠﺒﺼﺮﻩ ﺩﺭﻭﺡ ﻧﺠﻴﺒﻬﺎ .
ﺍﺧﺬﻧﺎﻫﻪ ﻭﻃﻠﻌﻨﻪ ﺍﻟﺒﻐﺪﺍﺩ ﻭﺻﻠﻨﻪ ﺍﻟﻤﻐﺮﺏ ﻫﻲ ﺭﺍﺡ ﺗﺒﻘﻰ ﺍﺑﻴﺖ ﺍﺧﻮﻱ ﻭﻳﻮﻡ ﺛﺎﻧﻲ ﺍﻟﻲ ﻫﻮ ﺍﻟﺨﻤﻴﺲ ﺭﺍﺡ ﻳﻜﻮﻥ ﺍﻟﻌﺮﺱ .
* ﺟﻨﻪ
ﻣﻦ ﺭﺣﻨﻪ ﻧﻌﻘﺪ ﻣﺤﻜﻤﻪ ﺍﺑﺎﻭﻋﻠﻪ ﺷﻠﻮﻥ ﺷﺨﺼﻴﻪ ﺑﺲ ﻛﻠﺶ ﺛﻜﻴﻞ ﻛﻠﻤﻪ ﻣﺎﻧﻄﻖ ﻭﻳﺎﻳﻪ ﻭﻻﻳﺒﺎﻭﻋﻠﻲ ﺍﺳﺘﻐﺮﺑﺖ ﻫﻮﺍﻱ ﻟﻴﺶ ﻫﻴﺞ ﻳﺘﺼﺮﻑ .
ﻻﺑﺲ ﻧﻈﺎﺭﺍﺕ ﺷﻤﺴﻴﻪ ﻧﻴﻠﻲ ﻭﺍﻟﻘﻤﻴﺺ ﻫﻢ ﻧﻴﻠﻲ ﻭﺑﻨﻄﺮﻭﻥ ﺑﻴﺠﻲ . ﺍﻟﻤﻼﺑﺲ ﻛﺎﻋﺪﻩ ﻋﻠﻰ ﺟﺴﻤﻪ ﻛﻠﺶ ﻣﺮﺗﺐ ﻭﻋﻄﺮﻩ ﻳﻔﺢ .
ﺑﺲ ﺿﻮﺟﻨﻲ ﺑﺮﻭﺩﻩ ﻭﺣﺘﻰ ﺍﻣﻲ ﺍﻧﺘﺒﻬﺖ . ﺗﺎﻟﻲ ﻛﻠﺖ ﻳﻮﻭ ﺗﺮﻭﺡ ﻓﺪﻭﻩ ﻟﺴﺎﻣﺮ ﺷﻠﻮﻥ ﺟﺎﻥ ﺩﻣﻪ ﺧﻔﻴﻒ ﺍﻧﻲ ﺷﻌﻠﻴﻪ ﺑﻲ ﻟﻴﺶ ﻣﻬﺘﻤﻪ ﻟﺘﺼﺮﻓﺎﺗﻪ
. ...
....
ﻗﺒﻞ ﻟﻴﺠﻮﻥ ﻳﺎﺧﺬﻭﻧﻲ ﺳﻮﻳﺖ ﺣﻨﻪ ﻭﻋﺰﻣﺖ ﺻﺪﻳﻘﺎﺗﻲ ﻇﻠﻦ ﻳﺴﺎﻟﻦ ﻳﺮﺩﻥ ﺻﻮﺭﻩ ﺍﻟﻪ ﻛﺘﻠﻬﻢ ﻣﺎﻋﻨﺪﻱ ﺗﻔﺎﺟﺌﻮ
ﻋﻼ : ﺗﺮﺩﻭﻥ ﺗﺸﻮﻓﻮﻧﻪ ﺷﻮﻓﻮﺍ ﻋﻤﺎﺭ ﻛﻮﺳﻮﻓﻲ ﺑﻲ ﺷﺒﻪ ﻣﻨﻪ .
ﺧﻠﺼﺖ ﺍﻟﺤﻨﻪ ﻭﺍﻧﻲ ﻛﺎﺿﻴﺘﻬﺎ ﺑﺲ ﺑﺠﻲ ﺧﻮﻑ ﻋﻠﻰ ﻋﺪﻡ ﺍﺭﺗﻴﺎﺡ ﻭﺣﺘﻰ ﺍﻣﻲ ﺑﺲ ﺗﺒﺠﻲ .
ﺻﺎﺣﻠﻲ ﻣﺤﻤﺪ ﻭﺍﻣﻲ ﻭﻛﻌﺪﻭﻧﻲ ﺑﻨﺼﻬﻢ ﻭﻇﻠﻮﺍ ﻳﻨﺼﺤﻮﻧﻲ .
ﻣﺤﻤﺪ ؛ﺟﻨﻪ ﺍﺭﻳﺪﺝ ﺗﺮﻓﻌﻴﻦ ﺭﺍﺳﻲ ﻟﺴﺎﻧﺞ ﺍﻟﻄﻮﻳﻞ ﺗﻜﺼﺮﻳﻨﻪ ﻭﺗﺤﺘﺮﻣﻴﻦ ﺭﺟﻠﺞ ﻭﺍﻫﻠﻪ ﺧﻮﺵ .
ﺍﻻﻡ : ﻳﺎﻳﻤﻪ ﺍﻧﺴﻲ ﺍﻟﺮﺍﺡ ﻭﺩﻳﺮﻱ ﺑﺎﻟﺞ ﺗﺠﻴﺒﻴﻦ ﺳﻴﺮﺓ ﺍﻟﻤﺎﺿﻲ ﻭﻳﺎ ﻭﺗﺤﺠﻴﻦ ﺑﺨﻄﻴﺒﺞ ﺧﻮﺵ ﺍﻧﺴﻲ ﻭﺍﺑﺪﻱ ﻣﻦ ﺟﺪﻳﺪ .
ﺟﻨﻪ :
ﻛﺘﻠﻬﻢ ﺻﺎﺭ ﻭﺭﺣﺖ ﺣﻀﺮﺕ ﺍﻏﺮﺍﺿﻲ ﺑﺎﻟﺪﻣﻮﻉ
ﺭﺍﻳﺤﻪ ﻟﻤﻜﺎﻥ ﻻﺍﻋﺮﻓﻪ ﻭﻻﺷﺎﻳﻔﺘﻪ ﻣﻦ ﻗﺒﻞ ﻭﻻﺍﻋﺮﻑ ﺍﺣﺪ ﻫﻨﺎﻙ ﻭﺭﺍﻳﺤﻪ ﻭﺣﺪﻱ .
ﻳﻮﻡ ﺍﻻﺭﺑﻌﺎﺀ ﺍﺟﻮ ﺍﻟﻈﻬﺮ ﺍﻭﻝ ﻣﺸﺎﻓﺘﻨﻲ ﺍﻣﻪ ﺻﻔﻨﺖ ﺑﻮﺟﻬﻲ ﺗﺎﻟﻲ ﺻﻠﺖ ﻋﻠﻰ ﺍﻟﻨﺒﻲ ﻭﻛﺎﻟﺖ
ﺟﻨﺞ ﻣﻼﻙ ﻳﻤﻪ ﺗﺨﺒﻠﻴﻦ ﺍﻟﻠﻪ ﻳﺴﺘﺮ ﻋﻠﻴﺞ ﻭﻳﺴﻌﺪﺝ .
ﺍﺧﺬﻭﺍ ﺍﻏﺮﺍﺿﻲ ﺧﻠﻮﻫﻢ ﺑﺎﻟﺴﻴﺎﺭﺍﺕ .
ﻭﺩﻋﺖ ﺍﺧﻮﺍﻧﻲ ﻭﻣﻬﺎ ﻭﻛﻠﻬﻢ ﻳﺪﻋﻮﻟﻲ ﺍﻟﻠﻪ ﻳﺴﻌﺪﺝ .
ﺑﺲ ﻗﻠﺒﻲ ﻣﻘﻤﻮﺕ ﻭﻣﻤﺮﺗﺎﺣﻪ .
ﺣﻀﻨﺖ ﻣﻬﺎ ﻭﺑﺠﻴﺖ ﺑﺠﻲ ﻣﺼﺎﻳﺮ
ﻃﻠﻌﻨﺎ ﻭﻳﺎﻫﻢ . ﻭﻳﺎﻳﻪ ﺍﻣﻲ ﻋﻼ ﻭﻋﺬﺭﺍﺀ ﻛﻌﺪﺕ ﺑﺼﻒ ﺍﻣﻪ ﻭﻇﻠﺖ ﺗﺴﻮﻟﻒ ﻭﻳﺎﻱ
ﻭﺻﻠﻨﻪ ﺍﻟﻤﻐﺮﺏ ﻛﺎﻟﺖ ﺍﻣﻪ ﺭﺍﺡ ﻧﻮﺩﻳﻜﻢ ﻟﺒﻴﺖ ﺍﺑﻨﻲ ﺍﻣﺠﺪ ﻭﺍﻧﻲ ﺭﺍﺡ ﺍﺑﺎﺕ ﻭﻳﺎﺝ ﻭﺑﺎﺟﺮ ﺍﻟﺼﺒﺢ ﺍﻟﺒﻨﺎﺕ ﻳﻮﺩﻭﺝ ﻟﻠﺼﺎﻟﻮﻥ .
ﻧﺰﻟﻨﺎ ﻟﺒﻴﺖ ﺍﺧﻮ ﻭﻫﻮ ﺭﺍﺡ ﻣﺎﻧﺰﻝ ﻭﻳﺎﻧﻪ
ﺍﺳﺘﻘﺒﻠﻮﻧﻪ ﻣﺮﺗﻪ ﻭﺑﻨﺎﺗﻪ ﻛﺒﺎﺭ ﺗﺠﻲ ﺍﻋﻤﺎﺭﻫﻦ ﺏ 16 ﺍﻭ 17
ﺑﻘﻴﻨﻪ ﺍﻟﻠﻴﻞ ﻋﺪﻫﻢ .
ﺻﺒﻮﺍ ﺍﻟﻌﺸﺎ ﻣﻜﺪﺭﺕ ﺍﻛﻞ ﻭﻻ ﻟﻜﻤﻪ ﻧﻔﺴﻴﺘﻲ ﻣﺴﺪﻭﺩﻩ ﺷﻜﺪ ﺗﻮﺳﻠﻮﺍ ﺑﻴﻪ ﻛﺘﻠﻬﻢ ﻣﺎﺍﺷﺘﻬﻲ .
ﺻﺎﺭ ﺍﻟﻠﻴﻞ ﻛﻠﻬﻢ ﻧﺎﻣﻮ .
ﺑﺲ ﺍﻧﻲ ﺍﺗﻜﻠﺐ ﺑﺎﻟﻔﺮﺍﺵ ﻭﻣﺎﺍﻳﺠﻴﻨﻲ ﻧﻮﻡ ﺍﻓﻜﺮ ﺑﺎﻣﻲ ﻭﺍﻓﻜﺮ ﺑﺠﻬﺎﺩ ﺷﻠﻮﻥ ﻭﺍﻧﻲ ﻣﺎﺍﻋﺮﻓﻪ ﻭﻣﻤﺘﺄﻗﻠﻤﻪ ﻭﻳﺎ ﺣﺘﻰ ﺷﻮﻥ ﺭﺍﺡ ﺍﺻﻴﺮ ﺍﻟﻪ ﺯﻭﺟﻪ ﻭﻫﻮ ﺣﺘﻰ ﻛﻠﻤﻪ ﻣﺤﺎﺟﻲ ﻭﻳﺎﻳﻪ .
ﻣﻌﻘﻮﻟﻪ ﻣﺮﻳﺾ ﻧﻔﺴﻲ ﻻﻥ ﻣﺮﺗﻪ ﻣﻴﺘﻪ
ﺑﻘﺖ ﺍﻻﻓﻜﺎﺭ ﺍﺑﺎﻟﻲ ﺗﺠﻴﺒﻨﻲ ﻭﺗﻮﺩﻳﻨﻲ .
ﻟﻠﺼﺒﺢ ﻛﻌﺪﺕ ﻋﻴﻮﻧﻲ ﻣﻮﺭﻣﻪ .
ﺑﻨﺖ ﺍﺧﻮ ﺍﺳﻤﻬﺎ ﻳﺎﺳﻤﻴﻦ ﻋﻠﻤﺘﻨﻲ ﺍﺩﻟﻚ ﺟﻮﻩ ﻋﻴﻮﻧﻲ ﻳﺮﻭﺡ ﺍﻟﻮﺭﻡ .
ﺳﻮﻭﻟﻨﻪ ﺭﻳﻮﻙ ﺍﻛﻠﺖ ﻟﻜﻤﻪ ﻭﻛﻤﺖ
ﻭﺍﺟﺖ ﺍﺧﺘﻪ ﺣﻮﺭﺍﺀ ﺍﻭﻝ ﻣﺮﻩ ﺍﺷﻮﻓﻬﺎ ﻇﻠﺖ ﺗﺒﺎﻭﻋﻠﻲ ﺑﺎﺳﺘﻐﺮﺍﺏ
ﺷﺒﻴﻬﻢ ﻫﻴﺞ ﻳﺒﺎﻭﻋﻮﻟﻲ
ﺳﺎﻟﺘﻨﻲ ﻋﻴﻮﻧﺞ ﻫﻲ ﻟﻮ ﻋﺪﺳﺎﺕ ﻛﺘﻠﻬﺎ ﻻ ﻋﻴﻮﻧﻲ
ﻛﺎﻟﺖ ﻫﻤﻤﻢ ﻭﻃﻠﻌﻨﺎ ﻟﻠﺼﺎﻟﻮﻥ .
ﻛﻞ ﺷﻲ ﻫﻲ ﺍﺧﺘﺎﺭﺗﻪ ﻣﺎﺍﻧﻜﺮ ﺫﻭﻗﻬﺎ ﺟﺎﻥ ﻛﻠﺶ ﺣﻠﻮ
ﺍﻟﺒﺪﻟﻪ ﻭﺍﻟﻤﻜﻴﺎﺝ ﻭﺍﻟﺘﺴﺮﻳﺤﻪ ﻛﻠﻪ ﻫﻲ .
ﻭﻳﺎﻧﺎ ﺑﻨﺎﺕ ﺍﻣﺠﺪ ﻭﻋﻼ
ﺍﻣﻲ ﻭﻋﺬﺭﺍﺀ ﺑﻘﻮﺍ ﺑﺎﻟﺒﻴﺖ
ﺑﻌﺪ ﻣﺎﻟﺒﺴﺖ ﺍﻟﺒﺪﻟﻪ ﻭﻛﻤﻠﺖ ﺗﺴﺮﻳﺤﻪ ﻭﻛﻞ ﺷﻲ
ﻭﻛﻌﺪﻧﺎ ﻧﻨﺘﻈﺮﻫﻢ ﻳﺠﻮﻥ ﻋﻠﻴﻨﺎ
ﻭﺍﻧﻲ ﻛﺎﻋﺪﻩ ﺍﺑﺎﻭﻉ ﻓﺮﺍﺷﻪ ﺗﻄﻴﺮ ﻳﻤﻲ ﺗﺤﻂ ﻋﻠﻰ ﺑﺪﻟﺘﻲ ﻋﻠﻰ ﺍﻻﻛﻠﻴﻞ ﻭﻛﺘﻔﻲ .
ﺷﺎﻓﺘﻬﺎ ﻭﺣﺪﻩ ﺑﺎﻟﺼﺎﻟﻮﻥ ﺟﺎﻥ ﺗﻜﻮﻝ ﻫﻲ ﻧﺴﻤﻴﻬﺎ ﺭﻭﻳﺤﻪ !!! ﺍﻧﻲ ﺍﻧﻘﻤﺖ ﻗﻠﺒﻲ ﺍﻧﻘﻬﺮﺕ ﺣﺴﻴﺖ ﻫﻲ ﺭﻭﺡ ﺳﺎﻣﺮ ﻣﺮﺍﻓﻘﺘﻨﻲ ﺑﻬﺬﺍ ﻳﻮﻣﻲ ﺍﻟﺪﻣﻮﻉ ﻇﻠﺖ ﺗﻨﺰﻝ ﻣﻦ ﻋﻴﻮﻧﻲ
ﺗﺨﺒﻠﺖ ﺑﺴﺎﻋﺘﻬﺎ ﺍﺭﻳﺪ ﺍﺷﻬﻚ ﻭﺍﺻﺮﺥ
ﻣﻜﺪﺭﺕ ﺣﺘﻰ ﺍﺳﻴﻄﺮ ﻋﻠﻰ ﻧﻔﺴﻲ ﻇﻠﻮ ﻳﺴﻜﺘﻮﻥ ﺑﻴﻪ ﻣﺎﺍﻛﺪﺭ ﺍﺳﻜﺖ .
ﺍﺟﻮﻱ ﻋﻠﻴﻨﻪ ﻭﺩﻭﻧﺎ ﻟﺒﻴﺖ ﺟﻬﺎﺩ ﻭﺍﻧﻲ ﻛﺎﻋﺪﻩ ﺍﻟﻔﺮﺍﺷﻪ ﻣﻤﻔﺎﺭﻛﺘﻨﻲ ﺗﺨﺒﻠﺖ ﺑﺎﻟﺰﺍﻳﺪ .
ﻭﺍﻟﻤﻜﻴﺎﺝ ﻛﻠﻪ ﺧﺮﺏ ﻭﺳﺎﻝ .
ﻇﻠﻴﺖ ﺍﺑﺎﻭﻉ ﻟﻠﻔﺮﺍﺷﻪ ﻣﺘﻌﻮﻓﻨﻲ
ﺻﺮﺕ ﺍﺣﺎﺟﻴﻬﺎ ﺑﻘﻠﺒﻲ
ﻫﻲ ﻗﺴﻤﻪ ﻭﺍﻧﺖ ﻣﺎ ﻣﻘﺴﻮﻡ ﻟﻲ ﺫﻳﺞ ﺩﺍﻣﺖ ﺣﺘﻰ ﻫﺎﻱ ﺗﺪﻭﻡ ﻟﻲ ﻳﻞ ﺧﺬﻭﻙ ﺍﺩﻋﻴﻠﻲ ﺑﺮﻭﻳﺤﺖ ﺣﻼﻝ ﺍﻟﻠﻪ ﻳﺴﺘﺮ ﺑﺎﺟﺮ ﺷﻤﻀﻤﻮﻡ ﻟﻲ
ﻭﻣﺎﺍﺩﺭﻱ ﺷﻤﻀﻤﻮﻡ ﺍﻟﻲ ﻳﻤﻜﻦ ﺳﺎﻣﺮ ﻣﺎﺕ ﻭﺑﻘﺖ ﻧﻔﺴﻪ ﺑﻴﻪ .
ﻭﺍﺟﻮ ﻳﺮﺩﻭﻥ ﻳﺰﻓﻮﻧﻪ ﻟﻠﻐﺮﻓﻪ ﺍﺧﺘﻪ ﺧﻠﺖ ﺍﻳﺪﻱ ﺑﻴﺪﻩ ﻫﻮ ﺑﺎﺭﺩ ﻭﺍﻧﻲ ﻣﺜﻞ ﺍﻟﺼﻨﻢ ﺍﻟﻲ ﻳﺤﺮﻛﻮﻥ ﺑﻲ ﻭﻣﺎﺍﺩﺭﻱ
ﺷﻮﻥ ﺭﺍﺡ ﺗﺨﻠﺺ ﻫﻲ ﺍﻟﻠﻴﻠﻪ . ﺻﻌﺪﻧﺎ ﺍﻟﺪﺭﺝ ﻭﺍﺣﺲ ﺍﻳﺪﻩ ﺗﺠﻮﻳﻨﻲ .
ﺍﻭﻝ ﻣﺎﺩﺧﻠﻨﺎ ﻟﻠﻐﺮﻓﻪ ﻭﺍﻧﺴﺪﺕ ﺍﻟﺒﺎﺏ ﻋﻠﻴﻨﻪ . ﻭﺑﻘﻴﻨﻪ ﻭﺣﺪﻧﺎ
ﻫﻮ ﺗﺮﻙ ﺍﻳﺪﻱ ﻭﺭﺍﺡ ﻳﻢ ﻣﻴﺰ ﺍﻟﺘﻮﺍﻟﻴﺖ
ﺑﻘﻴﺖ ﻭﺍﻛﻔﻪ ﻳﻢ ﺍﻟﺒﺎﺏ ﻣﺎﻝ ﺍﻟﻔﺮﻓﻪ ﻭﻫﻲ ﻣﺴﺪﻭﺩﻩ
ﺑﺪﺧﻠﺘﻲ ﻗﻠﺒﻲ ﺍﻧﻘﻤﺖ ﺍﻛﺜﺮ ﻭﻗﺸﻌﺮﻳﺮﻩ ﺳﻴﻄﺮﺕ ﻋﻠﻰ ﺟﺴﻤﻲ
ﺧﻮﻓﺘﻨﻲ ﺍﻟﻐﺮﻓﻪ ﻛﻠﺶ ﻓﻜﺮﺕ ﺷﻨﻮ ﺍﻟﻲ ﺻﺎﺭ ﺑﻬﻲ ﺍﻟﻐﺮﻓﻪ ﻳﻤﻜﻦ ﻣﺮﺗﻪ ﻣﺎﺗﺖ ﺑﻴﻬﺎ ﻭﻫﻴﺞ ﺍﻧﻲ ﺍﻧﻘﻤﺘﺖ
ﺍﺣﺲ ﺭﺟﻠﻴﻪ ﺑﻌﺪ ﻣﺎﺍﺗﻜﺪﺭ ﺗﺸﻴﻠﻨﻲ
ﻣﻦ ﺍﻟﺨﻮﻑ ﻭﺍﻟﺮﺑﻜﻪ ﺣﺴﻴﺖ ﻣﺎﺍﻛﺪﺭ ﺍﺗﻨﻔﺲ ﺿﻠﻦ ﺍﺩﻳﻪ ﻳﺮﺟﻔﻦ ﻭﺑﻠﻌﺖ ﻏﺼﺘﻲ ﻭﺍﺷﻬﻚ ﺷﻬﻜﺎﺕ ﻣﺘﺘﺎﻟﻴﻪ ﺷﻔﺘﻪ ﺗﻘﺮﺏ ﻣﻨﻲ ﻣﻦ ﺷﻔﺘﻪ ﺻﺎﺭ ﻛﻮﻭﻟﺶ ﻗﺮﻳﺐ ﻭﻃﻴﺖ ﺭﺍﺳﻲ ﺍﻛﺜﺮ ﺣﺴﻴﺖ ﺑﺎﺍﻃﺮﺍﻑ ﺍﺻﺎﺑﻌﻪ ﺍﻟﺒﺎﺭﺩﻩ ﺗﺤﺖ ﺣﻨﻜﻲ ﻳﺮﻓﻊ ﻭﺟﻬﻲ
ﻓﺘﺤﺖ ﻋﻴﻮﻧﻲ ﺑﺒﻄﺊ ﺷﺪﻳﺪ ﻭﺍﻧﻲ ﺷﻔﺎﻳﻔﻲ ﺗﺮﺟﻒ ﺍﻭﻝ ﻣﺎﺍﻟﺘﻘﺖ ﻋﻴﻮﻧﻲ ﺑﻌﻴﻮﻧﻪ ﺣﺴﻴﺘﻪ ﺗﻐﻴﺮﺕ ﻣﻼﻣﺤﻪ ﺷﻮﻳﻪ ﺷﻮﻳﻪ ﻭﺻﺎﺭ ﺗﻨﻔﺴﻪ ﺳﺮﻳﻊ ﺭﻛﺰ ﺑﻌﻴﻮﻧﻲ ﺑﻘﻮﺓ ﺳﺄﻟﻨﻲ ﻋﻴﻮﻧﺞ ﻟﻮ ﺷﻨﻮﻭ؟؟
ﮔﻠﺖ ﺑﻘﻠﺒﻲ ﻋﻔﻴﻪ ﺳﺆﺍﻝ ﻛﻠﺴﺎﻉ ﺳﺎﺋﻠﻴﻨﻪ
ﺟﺎﻭﺑﺖ ﺑﻜﻠﻤﺎﺕ ﻣﺘﻘﻄﻌﻪ ﻭﺻﻮﺕ ﺭﺍﻳﺢ ﻣﻦ ﺍﻟﺒﻜﺎﺀ .. ﻋﻴﻮﻧﻲ ... ﺷﻔﺘﻪ ﺯﻡ ﺷﻔﺎﻳﻔﻪ ﻭﺩﻓﻌﻨﻲ ﻣﻦ ﻛﺘﻔﻲ ﺩﻓﻌﻪ ﺧﻔﻴﻔﻪ ﻭﺍﺑﺘﻌﺪ ﻋﻨﻲ ﻭﻃﻠﻊ ﺑﺎﻟﺒﻠﻜﻮﻧﻪ .
ﺟﻬﺎﺩ *
ﻳﺎ ﻟﺼﺪﻣﺘﻲ ﻳﺎ ﻻﻧﻜﺴﺎﺭﻱ ﺗﻠﻚ ﺍﻟﺼﻐﻴﺮﺓ ﺑﻌﻴﻨﺎﻥ ﺧﻀﺮﺍﻭﺗﺎﻥ .. ﺍﺻﺒﺤﺖ ﻙ ﺍﻻﺳﺪ ﺍﻟﻤﺠﺮﻭﺡ ﻋﻨﺪ ﺭﺅﻳﺔ ﻋﻴﻨﻴﻬﺎ ﻓﻬﻲ ﺗﺰﻳﺪﻧﻲ ﺍﻟﻤﺎ ﻭﺗﻘﺘﻞ ﻗﻠﺒﻲ .. ﺟﻌﻠﺘﻨﻲ ﺍﺣﻜﻢ ﻋﻠﻴﻬﺎ ﺑﺎﻟﻘﺴﻮﻩ ،ﺑﺎﻟﻜﺮﻩ ﻭﺍﺍﻟﺒﺴﺘﻬﺎ ﺗﻬﻤﺔ ﺍﻟﺘﺸﺎﺑﻪ ﻓﻬﻲ ﺗﺸﺒﻪ ﻋﻴﻮﻥ ﻣﻦ ﺍﻫﺪﺗﻨﻲ ﻋﺎﺭﺍً
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء