رواية اهدتني عاراً الجزء الرابع
للكاتبة نورا ناصر
...
ﺟﻨﻪ :
ﻭﻛﻊ ﺍﻟﺨﺒﺮ ﻋﻠﻴﻪ ﻣﺜﻞ ﺍﻟﺼﺎﻋﻘﻪ ﺍﻟﻲ ﺗﻮﻛﻊ ﻋﻠﻰ ﺍﻱ ﺷﻲ ﻭﺗﺤﺮﮔﻪ ﺍﻧﻲ ﺣﺮﮔﺖ ﺭﻭﺣﻲ ﻭﻗﻠﺒﻲ ﻭﻣﺼﺪﻛﺖ ﻻ ﺷﻨﻮ ﻳﻤﻮﺕ ﻣﺴﺘﺤﻴﻞ ﻳﺼﻴﺮ ﻫﻴﺞ
ﺑﻠﺤﻈﻪ ﻓﻘﺪﺕ ﺍﻳﻤﺎﻧﻲ ﻭﻧﺴﻴﺖ ﺍﻥ ﺍﻟﻤﻮﺕ ﺣﻖ
ﻳﻤﻪ ﺗﺸﺎﻗﻴﻦ ﻭﻳﺎﻱ
ﺍﺑﺎﻭﻋﻠﻬﺎ ﺗﺒﺠﻲ
ﺩﺭﺕ ﻋﻠﻰ ﻣﻬﺎ ﻛﻮﻟﻲ ﺷﺴﺎﻟﻔﻪ ﻛﻮﻟﻲ ﻣﻬﺎ ﻋﻔﻴﻪ
ﻣﻬﺎ : ﻋﻼ ﺧﺎﺑﺮﺕ ﻛﺎﻟﺖ ﻣﺪﻋﻮﻡ ﺑﺎﻟﺪﺭﺍﺟﻪ .
ﺟﻨﻪ : ﻳﻌﻨﻲ ﻣﺎﺕ ﻟﻮ ﺑﻌﺪﻩ ﺑﻲ ﺭﻭﺡ ﮔﻮﻭﻭﻟﻲ
ﻣﻬﺎ : ﻣﺎﺕ ﺟﻨﻪ ﻣﺎﺍﺍﺕ .
ﺻﺮﺧﺖ ﻳﻤﻪ ﻭﻇﻠﻴﺖ ﺍﻣﻠﺦ ﺑﺮﻭﺣﻲ ﻭﺷﻤﺮﺕ ﻧﻔﺴﻲ ﻋﻠﻰ ﺍﻣﻲ ﺍﺟﺮﺟﺮ ﺑﻤﻼﺑﺴﻬﺎ ﻛﺘﻠﻬﻪ ﻳﻤﻪ ﺣﺒﻮﺑﻪ ﻻﺗﻜﻮﻟﻴﻦ ﻣﻴﺖ ﻛﻮﻟﻲ ﺍﻧﺸﻞ ﻛﻮﻟﻲ ﺗﻌﻮﻕ ﺍﺭﺿﻰ ﺑﻲ ﻭﻣﺎﺍﻋﻮﻓﻪ ﺑﺲ ﻻﺗﮕﻮﻟﻴﻠﻲ ﻣﺎﺕ ﺍﻟﻠﻪ ﻳﺮﺿﻰ ﻋﻠﻴﺞ ﻳﻤﻪ .
ﺍﻣﻲ ﺣﻀﻨﺘﻨﻲ ﻭﺧﻠﺖ ﺭﺍﺳﻲ ﺑﺤﻀﻨﻬﺎ ﻭﺗﺒﺠﻲ ﻭﻣﻨﻬﺎﺭﻩ ﻣﺜﻠﻲ ﻭﺍﻛﺜﺮ ﻫﻲ ﻛﻠﺶ ﺗﻌﺰ ﺳﺎﻣﺮ ﻭﺗﺤﺒﻪ
ﺑﻘﻴﻨﻪ ﻋﻠﻰ ﻧﺎﺭ ﻛﻞ ﺷﻮﻳﻪ ﺍﺭﻳﺪ ﺍﻛﻮﻡ ﺍﻃﻠﻊ ﻣﻦ ﺍﻟﺒﻴﺖ ﻟﻠﺸﺎﺭﻉ ﻭﺍﺭﻭﺡ ﻟﺒﻴﺘﻬﻢ ﻭﺣﺪﻱ ﻭﻫﻢ ﻳﻠﺰﻣﻮﻧﻲ .
ﻭﺍﺻﺮﺥ ﺍﻛﻮﻟﻬﻢ ﻭﺩﻭﻧﻲ ﺍﻟﻪ ﻭﻳﻨﻪ ﻫﻮ ﻫﺴﻪ ﻭﺑﻴﺎ ﺣﺎﻝ ﻭﺷﻠﻮﻥ ﻣﺎﺕ ﺣﺘﻰ ﻣﺎﺍﻋﺮﻑ ﺷﻠﻮﻥ ﻣﺎﺕ
ﺍﻣﻲ ﻛﺎﻟﺖ ﺣﺎﺩﺙ ﺑﺎﻟﺪﺭﺍﺟﻪ ﻣﺎﻟﺘﻪ
ﻛﻠﻪ ﻣﻨﻲ ﺍﻧﻲ ﻫﻮ ﺟﺎﻱ ﺍﻟﻲ ﺍﻧﻲ ﺗﺴﺒﺒﺖ ﺑﻤﻮﺗﻪ
ﺑﻌﺪﻫﺎ ﻛﻠﺖ ﻻﻳﻤﻜﻦ ﺟﺬﺏ ﻳﺠﺬﺑﻮﻥ ﻋﻠﻴﻪ ﻳﻤﻜﻦ ﺑﻌﺪﻩ ﺑﻲ ﺭﻭﺡ ﻣﻤﻌﻘﻮﻟﻪ ﻳﻤﻮﺕ ﺑﻬﺎﻟﺴﺮﻋﻪ .
ﺑﻬﺎﻻﺛﻨﺎﺀ ﺍﺍﺟﻪ ﺍﺧﻮﻱ ﺍﺣﻤﺪ ﺷﺎﻓﻨﻪ ﺑﻬﺎﻟﺤﺎﻟﻪ
ﻛﺘﻠﻪ ﺍﺣﻤﺪ ﻛﻠﻲ ﻣﺎﻣﻴﺖ ﺳﺎﻣﺮ ﻋﻔﻴﻪ ﮔﻠﻲ
ﺍﺣﻤﺪ : ﻫﺬﺍ ﺣﻀﺞ ﺟﻨﻪ ﺑﻌﺪ ﺷﺴﻮﻳﻦ
ﺟﻨﻪ : ﻭﺩﻳﻨﻲ ﺍﺣﻤﺪ ﻓﺪﻭﻩ ﻭﺩﻳﻨﻲ ﻫﺴﻪ ﻟﺒﻴﺘﻬﻢ
ﺍﺣﻤﺪ : ﻳﻼ ﺍﺭﻭﺡ ﺍﺟﻴﺐ ﺗﻜﺴﻲ ﻳﻮﺻﻠﻨﻪ
ﻣﻬﺎ ﺟﺎﺑﺘﻠﻲ ﺩﺷﺪﺍﺷﻪ ﺳﻮﺩﻩ ﻭﻟﺒﺴﺘﻨﻲ ﻭﺍﻧﻄﺘﻨﻲ ﻋﺒﺎﻳﺔ ﺭﺍﺱ ﻟﻔﻴﺖ ﺭﻭﺣﻲ .
ﺍﺟﻪ ﺍﺣﻤﺪ ﻭﻛﺎﻝ ﻳﻼ ﺍﻟﺘﻜﺴﻲ ﺑﺎﻟﺒﺎﺏ ﻃﻠﻌﻨﻪ ﻣﻦ ﺍﻟﺒﻴﺖ ﻭﺻﻌﺪﻧﻪ ﺑﺎﻟﺴﻴﺎﺭﻩ ﻣﻜﺪﺭﺕ ﺍﻛﺘﻢ ﺷﻬﮕﺎﺗﻲ ﻭﻭﺑﺠﻴﻲ
ﻃﻮﻝ ﺍﻟﻄﺮﻳﻖ ﻣﻤﺼﺪﻛﻪ ﺍﻭﺻﻞ ﻭﺍﺗﺎﻛﺪ ﻣﻨﻪ ﺻﺪﻙ ﻣﻴﺖ ﻣﺴﺘﺤﻴﻞ ﻳﻤﻜﻦ ﺑﻲ ﺷﻲ ﻣﺒﺘﻮﺭﻩ ﺭﺟﻠﻪ ﺍﻳﺪﻩ ﻳﺒﻌﺪ ﺍﻳﺪﻱ ﺑﺲ ﻛﻮﻥ ﻣﺎ ﻣﻴﺖ ﻛﺎﻓﻲ ﻧﻔﺴﻪ ﺑﺎﻟﺪﻧﻴﺎ .
ﺍﻭﻝ ﻣﺎﻭﺻﻠﻨﻪ ﺍﻟﺒﻴﺘﻬﻢ ﺟﺎﻧﻮﺍ ﺍﺳﺘﻮﻫﻢ ﺟﺎﻳﺒﻴﻦ ﺍﻟﺘﺎﺑﻮﺕ ﺍﻧﻲ ﻫﻨﺎ ﺍﻧﻬﺎﺭﻳﺖ ﻭﻣﺎﺑﻘﺖ ﻗﻮﻩ ﺑﻴﻪ ﻣﻦ ﺷﻔﺘﻬﻢ ﻳﻨﺰﻟﻮﻧﻪ ﻣﻦ ﺍﻟﺴﻴﺎﺭﻩ .
ﻭﻟﻬﺴﻪ ﺍﻻﻣﻞ ﺑﺪﺍﺧﻠﻲ ﺍﻛﻮﻝ ﻳﻤﻜﻦ ﻣﻮ ﺍﻟﻪ ﻫﺬﺍ ﺍﻟﺘﺎﺑﻮﺕ ﻟﺠﻴﺮﺍﻧﻬﻢ ﺍﺣﺪ ﻣﻮ ﺍﻟﻪ ﻣﺎﺍﻛﺪﺭ ﺍﺻﺪﻙ .
ﺑﺲ ﺷﻔﺘﻬﻢ ﻓﻮﺗﻮﺍ ﻟﻠﺒﻴﺘﻬﻢ ﻧﺰﻟﺖ ﺑﺴﺮﻋﻪ ﻣﻦ ﺍﻟﺴﻴﺎﺭﻩ ﻭﻋﻔﺖ ﺍﻣﻲ ﻭ ﺭﺣﺖ ﺍﻣﺸﻲ ﻭﺣﺪﻱ ﺍﺗﻌﺜﺮ ﺑﻤﺸﻴﺘﻲ ﻭﺍﺑﺠﻲ ﻭﺍﺗﻜﻰ ﻉ ﺍﻟﺴﻴﺎﺝ ﻣﺎﺑﻴﻪ ﺍﻣﺸﻲ
ﻟﺤﺪ ﻣﻮﺻﻠﺖ ﻟﻠﺒﻴﺖ ﺷﻔﺖ ﺍﻟﻨﺎﺱ ﻛﻠﻬﺎ ﻣﻠﺘﻤﻪ ﻭﺗﺒﺠﻲ ﺻﻮﺕ ﺍﻟﺼﺮﻳﺦ ﻭﺍﻟﺒﺠﻲ ﺻﻢ ﺍﺫﻧﻲ .
ﺍﻟﻨﺎﺱ ﻫﻮﺍﻳﻪ ﻭﺍﻧﻲ ﺍﺭﻳﺪ ﺍﺷﻮﻓﻪ ﻭﺍﻭﺩﻋﻪ ﺍﻟﻮﺩﺍﻉ ﺍﻻﺧﻴﺮ ﺑﺲ ﻣﮕﺪﺭﺕ ﺍﻟﻨﺎﺱ ﻣﻠﺘﻤﻴﻦ ﻋﻠﻰ ﺗﺎﺑﻮﺗﻪ .
ﻭﻇﻠﻦ ﺍﻟﻨﺴﻮﺍﻥ ﻳﺮﺩﻥ ﻳﻔﺘﺤﻨﻪ ﻓﺸﺎﻟﻮ ﺑﺴﺮﻋﻪ
ﺷﻔﺖ ﻋﻤﺘﻲ ﺍﻡ ﺳﺴﺎﻣﺮ ﺗﺮﻳﺪ ﺗﻄﻠﻊ ﻭﺭﻩ ﺍﻟﺘﺎﺑﻮﺕ ﺷﻤﺮﺕ ﺭﻭﺣﻲ ﻋﻠﻴﻬﺎ ﻭﻇﻠﻴﺖ ﺍﺻﺮﺥ
ﻭﻫﻲ ﻫﻢ ﺣﻀﻨﺘﻨﻲ ﻭﻇﻠﻴﻨﻪ ﺍﺛﻨﻴﻨﻪ ﻧﺼﺮﺥ ﻭﺍﻟﻠﺘﻤﻮﺍ ﺍﻟﻨﺴﻮﺍﻥ ﻋﻠﻴﻨﻪ ﻭﻭﻛﻌﻨﻪ ﺑﺎﻟﻜﺎﻉ .
ﺣﻀﻨﺘﻨﻲ ﻭﺗﺒﺠﻲ ﻭﺗﺤﺠﻲ
ﻫﺎﺍ ﻳﻌﺰﻳﺰﺓ ﺳﺎﻣﺮ ﻫﺎ ﻳﺎﺣﺒﻴﺒﺔ ﺳﺎﻣﺮ ﺭﺍﺡ ﻳﻤﻪ ﺭﺍﺡ
ﺭﺍﺡ ﻣﻨﺞ ﻭﻣﻨﻲ ﺷﻜﺪ ﻳﺤﺒﺞ ﺷﻜﺪ ﻳﺤﺠﻲ ﺑﻴﺞ
ﺭﺍﺡ ﺑﻌﺪ ﻣﺎﺍﺷﻮﻓﻪ ﻭﻻ ﺍﻧﺖ ﺗﺸﻮﻓﻴﻨﻪ .
ﺟﺎﻧﺖ ﻛﻠﻤﺎﺗﻬﺎ ﻭﺧﺎﺻﺔ ﻣﻦ ﻛﺎﻟﺖ ﺑﻌﺪ ﻣﺘﺸﻮﻓﻴﻨﻪ ﺗﻘﻄﻊ ﺭﻭﺣﻲ ﺗﻤﻨﻴﺖ ﺍﺭﻭﺡ ﻭﻳﺎ ﺑﺎﻟﺘﺎﺑﻮﺕ ﻭﻻﺍﻋﻴﺶ ﺑﺪﻭﻧﻪ .
ﺍﺟﻮﻱ ﺑﻨﺎﺗﻬﺎ ﺍﻟﻬﺎ ﻛﻠﻮﻟﻬﺎ ﻳﻠﻪ ﻳﻤﻪ ﺗﺮﻩ ﺭﺍﺡ ﻳﺮﺣﻮﻥ ﻳﺪﻓﻨﻮﻧﻪ ﻟﺤﻜﻲ
ﻛﺎﻣﺖ ﻭﻫﻲ ﺗﺤﺠﻲ ﻭﺗﺒﺠﻲ ﻭﻋﺒﺎﻳﺘﻬﺎ ﻛﻠﻬﺎ ﺗﺮﺍﺏ
ﺗﻤﺴﻜﺖ ﺑﻴﻬﺎ ﺍﻟﻪ ﺍﺭﻭﺡ ﻭﻳﺎﻫﻪ ﺷﺎﻓﺘﻨﻲ ﺍﻣﻲ
ﻛﺎﻟﺖ ﻭﻳﻦ ﺗﺮﺣﻴﻦ ﻳﻴﻤﻪ
ﻳﻤﻪ ﺍﺭﻳﺪ ﺍﻭﺩﻋﻪ ﺍﻧﻲ ﻣﺎﺷﻔﺘﻪ ﺍﻟﻲ ﺣﻖ ﺍﺷﻮﻓﻪ
ﻫﻤﺴﺖ ﺍﻟﻲ ﻭﻟﺞ ﺧﻮﺍﻧﺞ ﻣﺎﻳﻘﺒﻠﻮﻥ ﺍﺑﻘﻲ ﻫﻨﺎ ﻳﻤﻪ ﺭﺍﺡ ﺑﻌﺪ ﻣﺎﻳﺮﺟﻊ .
ﻋﺎﻧﺪﺕ ﺍﻟﻪ ﺍﺭﻭﺡ
ﻋﻤﺘﻲ ﺳﺤﺒﺘﻨﻲ ﻣﻦ ﺷﺎﻓﺖ ﺭﻓﺾ ﺍﻣﻲ ﻭﻛﺎﻟﺖ ﺧﻠﻲ ﻳﺸﻮﻓﻬﺎ ﺍﺧﺮ ﻣﺮﻩ ﻫﻮ ﻳﺤﺒﻬﺎ ﺧﻠﻲ ﻳﺮﺗﺎﺡ ﺑﺸﻮﻓﺘﻬﺎ
ﺭﺣﺖ ﻭﺭﻩ ﻋﻤﺘﻲ ﻭﺻﻌﺪﻧﺎ ﺑﺴﻴﺎﺭﻩ ﺳﺘﺎﺭﻛﺲ
ﺑﻴﻬﺎ ﺍﺧﻮ ﻭﺧﺎﻟﻪ ﻭﻭﻟﺪ ﻋﻤﻪ .
ﺻﻮﺕ ﺍﻻﻧﻴﻦ ﻭﺍﻟﺒﺠﻲ ﻣﻠﺊ ﺍﺫﻧﻲ ﻭﺩﻣﻮﻋﻲ ﺷﻼﻝ ﻭﺣﺮﺍﺭﻩ ﺑﺠﻮﻓﻲ ﺗﺨﻠﻴﻨﻲ ﺍﺣﺲ ﺍﻧﻪ ﺍﻧﻲ ﺑﺠﺤﻴﻢ
ﺍﻟﻄﺮﻳﻖ ﻃﻮﻳﻞ ﻣﻦ ﺍﻟﺒﺼﺮﻩ ﻟﻠﻨﺠﻒ ﺍﻟﺒﺠﻲ ﺑﺎﻟﺴﻴﺎﺭﻩ ﻣﺎﻭﻛﻒ ﻭﺣﺠﻲ ﻋﻤﺘﻲ ﻳﺒﺠﻲ ﺍﻟﺼﺨﺮ ﻭﻫﻲ ﺗﻨﻌﺎﻟﻪ
ﻛﻞ ﺍﻟﻲ ﺟﺎﻥ ﻳﺸﻐﻞ ﻓﻜﺮﻱ ﺷﻮﻥ ﺭﺍﺡ ﺍﻋﻴﺶ ﺑﺪﻭﻧﻪ ﺷﻮﻥ ﺍﺑﺪﻱ ﻣﻦ ﻏﻴﺮﻩ .
ﻣﺮ ﺷﺮﻳﻂ ﺫﻛﺮﻳﺎﺗﻲ ﻭﻳﺎ ﻣﻦ ﺟﻨﺖ ﺍﺭﻭﺡ ﻭﻳﺎ ﺍﻣﻲ ﻟﺒﻴﺖ ﻋﻼ ﻭﺍﺷﻮﻓﻪ ﻳﺒﻘﻰ ﺍﺑﺎﺏ ﺑﻴﺘﻬﻢ ﻣﻦ ﻧﻔﻮﺕ ﻟﺤﺪ ﻣﺎﻧﻄﻠﻊ ﺟﺎﻥ ﻳﻜﻮﻝ ﻟﺮﺟﻞ ﻋﻼ ﺑﺲ ﺍﺷﺘﻐﻞ ﻭﺍﺟﻤﻊ ﻛﻢ ﻓﻠﺲ ﺍﺧﻄﺒﻬﺎ ﻭﺗﺠﻲ ﻋﻼ ﺗﻜﻮﻟﻲ ﻭﺍﻧﻲ ﺍﻓﺮﺡ ﻣﻦ ﺻﺪﻙ ﺣﺒﻴﺘﻪ
ﻣﻬﺎ ﺗﻜﻮﻟﻲ ﻭﻟﺞ ﺣﻴﻴﻞ ﺍﺳﻤﺮ ﺭﺍﺡ ﺗﺼﻴﺮﻳﻦ ﺍﻧﺖ ﻭﻳﺎ ﺣﻠﻴﺐ ﻭﻛﻜﻮ .
ﺍﻛﻮﻝ ﺍﻟﻬﺎ ﻣﻴﺨﺎﻟﻒ ﺍﺭﻳﺪﻩ ﺑﺲ ﺿﺤﻜﺘﻪ ﺗﺨﺒﻞ .
ﺍﺟﻪ ﺧﻄﺒﻨﻲ ﻣﺎﻃﻠﺒﻨﺎ ﻣﻬﺮ ﻫﻮﺍﻱ ﻭﻻﺗﺸﺮﻃﻨﻪ ﻋﻠﻴﻬﻢ ﻗﺒﻠﺖ ﺑﻜﻞ ﺷﻲ ﻭﻣﻬﺘﻤﻴﺖ ﻟﺸﻐﻠﻪ ﺍﻟﻲ ﻣﻴﺤﺼﻞ ﻣﻨﻪ ﻫﻮﺍﻳﻪ ﻭﻻﻓﻜﺮﺕ ﻣﺎﻋﻨﺪﻩ ﺳﻴﺎﺭﻩ ﺑﺲ ﺩﺭﺍﺟﻪ ﻳﺮﻭﺡ ﺑﻴﻬﺎ ﻟﺮﺯﻗﻪ ﻭﺑﺸﻐﻠﻪ ﺑﺎﻟﺴﻘﻮﻑ ﺍﻟﺜﺎﻧﻮﻳﻪ .
ﻣﻦ ﻳﺠﻲ ﻳﺠﻴﺒﻠﻲ ﺟﺒﺲ ﻭﻧﺴﺘﻠﻪ ﺍﻓﺮﺡ ﻭﻧﻜﻌﺪ ﻧﺎﻛﻞ ﺍﻧﻲ ﻭﻳﺎ ﻋﻨﺪﻱ ﺑﺎﻟﺪﻧﻴﺎ ﻭﺷﻜﺪ ﺍﻓﺮﺡ ﻣﺎﺭﺩﺕ ﺑﺲ ﺍﻋﻴﺶ ﻭﻳﺎ ﺑﺴﻌﺎﺩﻩ ﻣﺠﻨﺖ ﺍﺷﻮﻓﻪ ﺍﺟﻤﻞ ﻣﺎﺑﺎﻟﺪﻧﻴﺎ ﻻ ﺑﻞ ﺟﻨﺖ ﺍﺷﻮﻓﻪ ﺩﻧﻴﺎ ﺑﺤﺎﻟﻬﺎ ﻭﻛﻞ ﺍﻟﻲ ﺑﻴﻬﺎ ﺣﻠﻮ ﺧﺎﺻﺔ ﻫﻮ ﺟﺎﻥ ﻃﻴﺐ ﻭﻳﺤﺘﺮﻣﻨﻲ ﻳﺨﺎﻑ ﻋﻠﻴﻪ ﻭﻳﻘﺪﺭﻧﻲ ﻫﻮﺍﻳﻪ .
ﺍﺑﺪ ﻣﺎﻓﺪ ﻳﻮﻡ ﺗﺼﺮﻑ ﻭﻳﺎﻱ ﺗﺼﺮﻑ ﻣﺤﻠﻮ
ﻛﻞ ﻳﻮﻡ ﺟﺎﻥ ﻳﻜﺒﺮ ﺑﻌﻴﻨﻲ ﺑﺲ ﻣﺎﻣﻘﺴﻮﻣﻠﻲ ﻭﺭﺍﺡ ﻣﻦ ﺍﻳﺪﻱ ﻭﻫﻮ ﺑﻄﺮﻳﻘﻪ ﺍﻟﻲ .
ﻭﺻﻠﻨﺎ ﻟﻠﻨﺠﻒ ﻗﺒﻞ ﺍﻟﻔﺠﺮ ﺑﺸﻮﻳﻪ . ﻭﻫﻮ ﺳﻮﺩﻩ ﻋﻠﻴﻪ ﺑﻌﺪﻩ ﻳﻨﺰﻑ ﻧﺰﻟﻨﻪ ﺑﺎﻟﻤﻐﻴﺴﻞ ﻭﻣﺮﻩ ﺛﺎﻧﻴﻪ ﻏﺴﻠﻮﺍ .
ﺍﻣﻪ ﺻﻤﻤﺖ ﺍﻟﻪ ﺗﺸﻮﻓﻪ ﺩﺧﻠﻮﻧﺎ ﺍﻧﻲ ﻭﻫﻲ ﻭﺍﺧﻮ ﻻﺯﻣﻬﺎ ﻭﻳﻤﺸﻴﻬﻪ ﻭﺍﻧﻲ ﺍﺟﺮ ﺭﻭﺣﻲ ﺟﺮ ﻛﻮﻩ ﺍﻣﺸﻲ .
ﻓﺘﻨﻪ ﺟﻮﻩ ﺩﺧﻠﺖ ﻭﻛﺎﻧﻪ ﻫﻨﺎ ﺍﻧﺴﻠﺒﺖ ﺭﻭﺣﻲ ﺟﺎﻧﻮﺍ ﻣﺨﻠﻴﻨﻪ ﻋﻠﻰ ﺍﻟﺪﭼﻪ ﻭﻣﻜﻔﻨﻴﻨﻪ ﻻﻓﻴﻦ ﻛﺼﺘﻪ ﺑﻮﺻﻠﻪ ﺑﻴﻀﻪ ﺑﺎﻭﻋﺘﻠﻪ ﻣﻌﺒﺎﻟﻚ ﻣﻴﺖ ﻻ ﻭﻛﺎﻧﻤﺎ ﻧﺎﻳﻢ ﺑﺴﻼﻡ .
ﺻﻌﺐ ﺗﺸﻮﻑ ﺍﻟﻲ ﺗﺤﺒﻪ ﻭﻫﻮ ﺑﻬﺎﻟﺤﺎﻟﻪ ﻣﺎﺑﻲ ﻧﻔﺲ ﻣﻴﺖ ﻭﻫﻴﺞ ﻣﻮﺗﻪ ﻣﺆﻟﻤﻪ ﻭﺟﻬﻪ ﻣﺠﺮﺡ ﺑﺲ ﻣﻼﻣﺤﻪ ﻣﺒﻴﻨﻪ . ﻛﺎﻧﻪ ﻣﺒﺘﺴﻢ .
ﺍﻣﻪ ﺣﺎﺟﺘﻪ ﻭﺑﻌﺪﻫﺎ ﺍﻧﻲ ﺧﺎﻧﻲ ﺍﻟﺘﻌﺒﻴﺮ ﻣﻜﺪﺭﺕ ﺍﻧﻄﻖ ﺑﺸﻲ ﻏﻴﺮ ﺍﻟﻌﺘﺎﺏ
ﺳﺎﻣﺮ ﺍﺭﻭﺡ ﻓﺪﻭﻩ ﻟﺴﻤﺎﺭﻙ ﻟﻴﺶ ﺗﻌﻮﻓﻨﻲ ﻧﺺ ﺍﻟﻄﺮﻳﻖ ﻣﻮ ﻉ ﺍﺳﺎﺱ ﻧﻜﻤﻞ ﺳﻮﻩ ﻧﻌﻴﺶ ﺳﻮﻩ ﻭﻧﻤﻮﺕ ﺳﻮﻩ
ﻟﻴﺶ ﺳﺎﻣﺮ ﺷﻠﻠﻮﻥ ﺭﺍﺡ ﺍﻋﻴﺶ ﺑﺪﻭﻧﻚ ﺍﻧﻲ .
ﺗﺒﻘﻰ ﺑـ ﻗﻠﺒّﻲ ﻣﻬﻤﺎ ﺧﺬﺍﻙ ﺍﻟﺒﻌﺪ
ﺟﺎﻧﺖ ﺍﺳﻮﺀ ﻟﺤﻈﺎﺕ ﺣﻴﺎﺗﻲ ﺍﺣﺴﺎﺳﻲ ﻣﺜﻞ ﺍﻟﻲ ﺻﻌﺪﺕ ﻋﻠﻰ ﺻﺪﺭﻩ ﺷﺎﺣﻨﻪ ﻛﺒﻴﺮﻩ ﻭﺑﻘﺖ ﺟﺎﺛﻤﻪ ﻭﻣﺘﺘﺤﺮﻙ
ﻭﺍﻧﺪﻓﻦ ﺳﺎﻣﺮ ﺟﻮﻩ ﺍﻟﺘﺮﺍﺏ ﺍﻧﺪﻓﻦ ﺷﺎﺏ ﺑﻌﻤﺮ 25 ﺳﻨﻪ ﻣﺸﺎﻑ ﻣﻦ ﺣﻴﺎﺗﻪ ﺷﻲ ﺧﻼﻧﻲ ﻭﺧﻠﻪ ﺍﻣﻪ ﻭﺭﺍﻩ ﺍﻡ ﺛﻜﻠﻰ ﻭﺣﺒﻴﺒﻪ ﻣﺠﺮﻭﺣﻪ ﻭﻳﺎﺋﺴﻪ .
ﻭﺭﺟﻌﻨﻪ ﻟﻠﺴﻴﺎﺭﻩ ﻭﻃﻮﻝ ﻃﺮﻳﻖ ﻣﺘﻌﺐ ﻭﻃﻠﻊ ﺍﻭﻝ ﺻﺒﺢ ﻭﺍﻧﻲ ﻭﺳﺎﻣﺮ ﻣﻮ ﺳﻮﻩ .
ﻭﺻﻠﻨﻪ ﻭﻗﺖ ﺍﻟﻀﺤﻰ ﻟﻠﺒﺼﺮﻩ ﻭﻟﺒﻴﺖ ﺍﻫﻞ ﺳﺎﻣﺮ ﻭﺍﺣﻨﺎ ﻣﻨﻬﺎﺭﻳﻴﻦ .
ﺟﺎﻥ ﺍﻟﺒﻴﺖ ﺑﻲ ﻧﺎﺱ ﺍﺧﺬﺗﻠﻲ ﺭﻛﻦ ﻭﻛﻌﺪﺕ ﺑﻲ
ﻭﺍﺳﻤﻊ ﻧﺴﻮﺍﻥ ﻗﺮﻳﺒﻴﻦ ﻣﻨﻲ ﻳﺤﺠﻮﻥ
ﻳﻜﻮﻟﻮﻥ ﻳﺎ ﻫﻲ ﺧﻄﻴﺒﺘﻪ ﺷﻜﺪ ﺣﻠﻮﻩ ﻭﺑﻌﺪﻫﺎ ﺯﻏﻴﺮﻩ
ﻭﺣﺪﻩ ﺗﻜﻮﻝ ﺍﻱ ﺣﻠﻮﻩ ﻭﺑﻌﺪﻫﺎ ﺯﻏﻴﺮﻩ ﻫﺴﻪ ﺑﺴﺮﻋﻪ ﺗﺰﻭﺝ ﻭﺭﺍﻩ .
ﺟﻨﺖ ﺑﻘﻮﻯ ﻣﻨﻬﻜﻪ ﺑﺲ ﺣﻴﻴﻞ ﺗﺄﺛﺮﺕ ﺑﻜﻼﻣﻬﻢ ﺗﻤﻨﻴﺖ ﺍﺭﺩﻫﻢ ﺑﺲ ﻣﺎﺍﺑﻴﻪ ﺍﻧﻲ ﺑﻴﺎ ﺣﺎﻝ ﻭﻫﻢ ﻳﺤﺠﻮﻥ ﻫﻴﺞ
ﻟﻴﺶ ﻳﺸﻤﺮﻭﻥ ﺣﺠﻲ ﻗﺒﻞ ﻻﻳﺘﺎﻛﺪﻭﻥ ﻣﻨﻪ ﻳﺠﺮﺡ ﺍﻭ ﻻ .
ﺑﻌﺪ ﺳﺎﻋﻪ ﺍﺟﺖ ﻋﻼ ﺍﺧﺘﻲ ﻭﻛﻌﺪﺕ ﻳﻤﻲ ﻭﺍﻧﻲ ﻣﺜﻞ ﺻﻨﻢ ﻭﺑﺲ ﺩﻣﻮﻋﻲ ﺗﻨﺰﻝ ﻋﻠﻰ ﺧﺪﻱ ﻣﺜﻞ ﺣﻨﻔﻴﻪ ﻣﻔﺘﻮﺣﻪ ﻋﻤﺮﻱ ﻣﺎﺑﺠﻴﺖ ﻫﺎﻟﻜﺪ . ﻟﺰﻣﺖ ﺍﻳﺪﻱ ﻭﻛﺎﻟﺖ
ﻋﻠـﺎـ : ﺟﻨﻪ ﺣﻴﺎﺗﻲ ﻛﻮﻣﻲ ﺑﺪﻟﻲ ﻣﻠﻠـ ﺑﺴﺞ .
ﺟﻨﻪ : ﻣﺎﺭﺩﻳﺖ ﻋﻠﻴﻬﺎ
ﻋﻼ : ﻳﻠﻪ ﺣﻴﺎﺗﻲ ﻓﺪﻭﻩ ﺍﻟﻌﻤﺮﺝ ﻛﻮﻣﻲ ﺍﺧﺬﺝ ﺍﻟﺒﻴﺘﻨﺎ ﺍﻧﻄﻴﺞ ﻣﻼﺑﺲ ﻣﻨﻲ ﺑﺪﻟﻲ ﻭﺭﺟﻌﻲ .
ﺟﻨﻪ : ﻣﺎﺍﺭﻳﺪ ﻋﻼ ﻭﺧﺮﻱ ﻋﻨﻲ .
ﻋﻼ : ﺍﻭﻭﻑ ﺳﻮﺩﻩ ﻋﻠﻴﻪ ﻋﻤﺮﻱ ﺟﻨﻪ ﻟﺘﺴﻮﻳﻦ ﺑﻨﻔﺴﺞ ﻫﻴﺞ .
ﺟﻨﻪ : ﺑﻘﻴﺖ ﺑﺲ ﺍﺑﺎﻭﻉ ﺑﻌﻴﻮﻧﻲ ﻭﺳﺎﻛﺘﻪ ﻭﺍﻟﺪﻣﻮﻉ ﺗﻨﺰﻝ .
ﺍﺟﺖ ﺍﻣﻲ ﻭﻣﻬﺎ ﻭﻋﺬﺭﺍﺀ ﻭﻛﻌﺪﻭﺍ ﻳﻤﻲ ﻭﻫﻢ ﻳﺒﺠﻮﻥ
ﻋﻼ : ﻳﻤﻪ ﻗﻨﻌﻴﻬﺎ ﺧﻠﻴﻬﺎ ﺗﻜﻮﻡ ﺗﺒﺪﻝ ﺷﻮﻓﻲ ﻣﻼﺑﺴﻬﺎ ﻛﻠﻬﺎ ﺗﺮﺍﺏ
ﺍﻻﻡ : ﻳﻤﻪ ﺟﻨﺎﻭﻱ ﻛﻮﻣﻲ ﺑﺪﻟﻲ ﻣﻼﺑﺴﺞ ﻛﻠﻬﺎ ﺗﺮﺍﺏ ﻣﻘﺒﺮﻩ ﻣﻮﺯﻳﻦ ﺗﺒﻘﺒﻦ ﺑﻴﻬﻢ ﻳﻼ ﺣﺒﻴﺒﺘﻲ .
ﺟﻨﻪ : ﻛﻮﻩ ﻗﻨﻌﻮﻧﻲ ﻭﺍﺧﺬﺗﻨﻲ ﻋﻼ ﻟﺒﻴﺘﻬﻢ ﺑﺪﻟﺖ ﺑﻐﺮﻓﺘﻬﺎ ﻭﺭﺟﻌﺖ ﻟﺒﻴﺖ ﺳﺎﻣﺮ
ﻭﻛﻌﺪﺕ ﻳﻢ ﺍﻣﻪ ﺍﺑﺠﻲ ﻭﺍﺳﻤﻊ ﺻﻮﺕ ﺍﻣﻪ ﻭﻫﻲ ﺗﻨﻌﻰ ﻭﺧﻮﺍﺗﻪ ﻭﺑﻮﺍﺟﻴﻬﻢ ﺣﺴﻴﺖ ﻣﻮ ﺑﺲ ﺍﻧﻲ ﻓﻘﺪﺗﻪ ﺳﺎﻣﺮ ﺟﺎﻥ ﻃﻴﺐ ﻭﻣﺤﺒﻮﺏ .
ﻣﺮﺕ 3 ﺍﻳﺎﻡ ﺍﻟﻔﺎﺗﺤﻪ ﺟﻨﺖ ﺍﺣﺲ ﺑﻔﺮﺍﻍ ﺟﺒﻴﺮ ﻭﻣﺘﻌﺐ ﺑﻜﻞ ﻟﺤﻈﻪ ﺟﻨﺖ ﺍﺷﺘﺎﻗﻠﻪ .
ﺑﻴﻮﻡ ﺍﻟﺜﺎﻟﺚ ﺳﻮﻭ ﺍﻟﻪ ﺻﻴﻨﻴﻪ ﺑﻴﻬﺎ ﺷﻤﻮﻉ ﻭﺣﻠﻮﻳﺎﺕ ﻭﺧﻠﻮﺍ ﺻﻮﺭﺗﻪ ﺑﻴﻬﺎ ﻭﻗﺮﻭﺍ ﻋﻠﻴﻬﺎ ﺳﻮﺭﺓ ﻳﺎﺳﻴﻦ ﻭﺣﺪﻳﺚ ﺍﻟﻜﺴﺎﺀ .
ﺟﻨﺖ ﺍﺑﺎﻭﻉ ﻟﻠﺼﻮﺭﻩ ﺑﺲ ﻣﻤﺼﺪﮔﻪ ﻣﻴﺖ ﺍﺣﺲ ﺍﻟﺼﻮﺭﻩ ﺗﺤﺎﺟﻴﻨﻲ ﺗﻀﺤﻜﻠﻲ ﺑﺲ ﻣﻮ ﻣﻴﺖ .
ﺧﻠﺼﺖ ﺍﻟﻔﺎﺗﺤﻪ ﻭﺭﺟﻌﻨﻪ ﻟﻠﺒﻴﺖ ﻣﺮﻳﺖ ﺑﺎﻳﺎﻡ ﺻﻌﺒﻪ ﻧﻔﺴﻴﺘﻲ ﺗﺪﻣﺮﺕ ﻛﻠﺶ ﺗﺠﻴﻨﻲ ﺣﺎﻻﺕ ﺍﺑﺠﻲ ﺑﺼﺮﺍﺥ ﻳﻮﺻﻞ ﺻﻮﺗﻲ ﻟﻠﺠﻴﺮﺍﻥ ﺣﺘﻰ ﺍﺑﻮﻫﻢ ﻳﻨﻘﻬﺮ ﻋﻠﻴﻪ ﻭﻳﺪﺯ ﺑﻨﺎﺗﻪ ﻳﻤﻲ ﻳﻮﺍﺳﻮﻧﻲ .
ﺍﺣﺲ ﺍﻋﺘﺰﻟﺖ ﺍﻟﺤﻴﺎﺓ ﻭﺍﻟﺪﻧﻴﺎ ﻛﻠﻬﺎ ﻭﻣﺎﻟﻲ ﻭﺍﻫﺲ ﺣﺘﻰ ﺍﺗﻨﻔﺲ .
ﻓﺪ ﻳﻮﻡ ﺟﺘﻲ ﺍﻣﻲ ﺍﻟﻲ ﻭﺍﻧﻲ ﺑﺎﻟﻐﺮﻓﻪ ﻛﺎﻟﺖ ﻫﺬﺍ ﺛﺎﻣﺮ ( ﺍﺧﻮ ﺳﺎﻣﺮ ) ﻳﺮﻳﺪ ﻳﺤﺠﻲ ﻭﻳﺎﺝ .
ﺍﺧﺬﺕ ﺍﻟﺘﻠﻴﻔﻮﻥ ﻣﻦ ﺍﻣﻲ ﻭﺣﺎﺟﻴﺘﻪ
ﺍﻟﻮﻭ
ﺛﺎﻣﺮ : ﺍﻟﻮ ﻫﻠﻮ ﺟﻨﻪ ﺷﻠﻮﻧﺞ
ﺟﻨﻪ : ﻋﻠﻰ ﺍﻟﻠﻪ
ﺛﺎﻣﺮ : ﺟﻨﻪ ﺍﻧﺖ ﻋﺰﻳﺰﺓ ﺳﺎﻣﺮ ﻭﺳﻤﻌﺖ ﺑﻴﺞ ﺗﻌﺒﺎﻧﻪ ﻋﻠﻰ ﻓﺮﺍﻗﻪ ﺧﺎﺑﺮﺕ ﺣﺘﻰ ﺍﻃﻤﺄﻥ ﻋﻠﻴﺞ .
ﺟﻨﻪ : ﺍﻟﺤﻤﺪﻟﻠﻪ ﻋﻠﻰ ﻛﻞ ﺣﺎﻝ
ﺛﺎﻣﺮ : ﺍﻟﺤﻤﺪﻟﻠﻪ ﻫﺬﺍ ﺍﻣﺮ ﺍﻟﻠﻪ ﺷﻨﺴﻮﻱ ﻛﻠﻨﺎ ﺧﺴﺮﻧﺎ ﺑﺲ ﺍﻧﺖ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ .
ﺟﻨﻪ : ﺍﻟﻠﻪ ﻛﺮﻳﻢ
ﺛﺎﻣﺮ : ﺍﺫﺍ ﻣﺤﺘﺎﺟﻪ ﺷﻲ ﻛﻮﻟﻲ ﺍﻧﻲ ﺑﺨﺪﻣﺘﺞ
ﺟﻨﻪ : ﻣﺎﺗﻘﺼﺮ ﺛﺎﻣﺮ ﺍﻟﻠﻪ ﻭﻳﺎﻙ
ﺛﺎﻣﺮ : ﺍﻟﻠﻪ ﻭﻳﺎﺝ .
ﺟﻨﻪ : ﻣﺮﺕ ﻳﻮﻣﻴﻦ ﻋﻠﻰ ﺍﺗﺼﺎﻝ ﺛﺎﻣﺮ ﺟﻨﺖ ﻛﺎﻋﺪﻩ ﺑﺎﻟﻐﺮﻓﻪ ﻭﻧﻔﺲ ﺣﺎﻟﺘﻲ ﺭﻥ ﺗﻠﻴﻔﻮﻧﻲ ﺷﻔﺘﻪ ﺭﻗﻢ ﺍﻡ ﺳﺎﻣﺮ ﻓﺘﺤﺖ ﺧﻂ
ﺍﻟﻮ ﺷﻠﻮﻧﺞ ﻋﻤﻪ ﺷﻮﻥ ﺻﺤﺘﺞ
ﺍﻡ ﺳﺎﻣﺮ : ﻭﻟﺞ ﺍﻧﺖ ﺑﻴﺎ ﻋﻴﻦ ﺗﺨﺎﺑﺮﻳﻦ ﺛﺎﻣﺮ ﻭﺗﺤﺎﺟﻴﻨﻪ ﻣﻮﺗﻲ ﺳﺎﻣﺮ ﻇﻠﻴﺘﻲ ﺍﺩﻛﺪﻛﻴﻦ ﻋﻠﻰ ﺛﺎﻧﻲ ﺗﺮﺩﻳﻦ ﺗﻤﻮﺗﻴﻨﻪ ﻳﺎﻟﺒﻮﻣﻪ ﻳﺎﻟﻔﻜﺮ ﻟﻮ ﻣﺎﺍﻧﺖ ﺍﻟﺴﺒﺐ ﺑﻤﻮﺗﺖ ﺳﺎﻣﺮ ﺟﺎﻥ ﻛﺎﻋﺪ ﻳﻤﻨﻪ ﻭﻛﻞ ﺳﺎﻋﻪ ﺗﺨﺎﺑﺮﻳﻨﻪ ﻳﻼ ﺗﻌﺎﻝ ﻭﻳﻼ ﺗﻌﺎﻝ ﻟﺤﺪ ﻣﺎﺍﺟﺎﺝ ﻭﺍﻧﺪﻋﻢ ﻭﺍﻟﻠﻪ ﺍﺫﺍ ﺳﻤﻌﺖ ﺑﻴﺞ ﻣﺨﺎﺑﺮﻩ ﻋﻠﻰ ﺛﺎﻣﺮ ﺑﻌﺪ ﻻﺍﺟﻴﺞ ﻟﻠﺒﻴﺖ ﺍﺟﺮﺝ ﻣﻦ ﺷﻌﺮﺝ ﺍﺳﺤﻠﺞ ﺳﺤﻞ ﺍﻓﺘﻬﻤﺘﻲ .
ﺟﻨﻪ : ﺍﻧﺖ ﻷﻥ ﺍﻡ ﺳﺎﻣﺮ ﻣﺮﺍﺡ ﺍﺭﺩ ﻋﻠﻴﺞ ﺑﺲ ﺍﺑﻨﺞ ﻫﻮ ﺍﻟﻲ ﺍﺗﺼﻞ ﻋﻠﻴﻪ ﻣﻮ ﺍﻧﻲ .
ﻭﺳﺪﺗﻪ ﻣﺎﺍﻧﻄﺘﻨﻲ ﻓﺮﺻﻪ ﺍﺣﺠﻲ ﺍﺧﺬﺗﻨﻲ ﺣﺎﺻﻞ ﻓﺎﺻﻞ .
ﻣﻮﺗﺘﻨﻲ ﻓﻮﻙ ﻣﺎﺍﻧﻲ ﻣﻴﺘﻪ ﻇﻠﻴﺖ ﺑﻤﻜﺎﻧﻲ ﺍﺻﺮﺥ ﻭﺍﺑﺠﻲ
ﺍﺟﻮ ﺍﻣﻲ ﻭﻣﻬﺎ ﻭﻋﺬﺭﺍﺀ ﻳﺮﻛﻀﻮﻥ ﺍﻟﻲ ﻧﻤﺖ ﺑﺤﻀﻦ ﺍﻣﻲ ﻭﺍﺷﻬﻚ ﻛﺘﻠﻬﺎ ﻳﻤﻪ ﻟﻴﺶ ﻳﺼﻴﺮ ﺑﻴﻪ ﻫﻴﺞ ﺍﻧﻲ ﻟﻴﺶ .
ﻇﻠﺖ ﺗﻤﺴﺢ ﻋﻠﻰ ﺷﻌﺮﻱ ﺑﺤﻨﻴﻪ
ﺍﻻﻡ : ﻳﻴﻤﻪ ﺍﻧﺖ ﻻﺍﻭﻝ ﻭﺣﺪﻩ ﻭﻻﺍﺧﺮ ﻭﺣﺪﻩ ﻳﻤﻮﺕ ﺧﻄﻴﺒﻬﺎ ﺑﻌﺪﺝ ﺯﻏﻴﺮﻩ ﻭﺍﻻﻳﺎﻡ ﻛﺪﺍﻣﺞ ﺍﺻﺒﺮﻱ ﺍﻟﻠﻪ ﻣﻊ ﺍﻟﺼﺎﺑﺮﻳﻦ ﻟﻴﺶ ﺳﻮﻳﻦ ﺑﻨﻔﺴﺞ ﻫﻴﺞ .
ﺟﻨﻪ : ﻛﻤﺖ ﻣﻦ ﺣﻈﻨﻬﺎ ﻛﺘﻠﻬﺎ ﻳﻤﻪ ﺑﺲ ﺍﻧﻲ ﻏﻴﺮ ﺍﻧﻲ ﺳﺒﺐ ﺑﻤﻮﺗﺔ ﺳﺎﻣﺮ ﺟﺎﻥ ﺟﺎﻱ ﺍﻟﻲ .
ﻣﻬﺎ : ﻟﻴﺶ ﺗﻜﻮﻟﻴﻦ ﻫﻴﺞ ﺟﻨﻪ ﺣﺒﻴﺒﺘﻲ ﻫﺬﺍ ﻗﻀﺎﺀ ﺍﻟﻠﻪ ﻭﻗﺪﺭﻩ ﻣﻮﺯﻳﻦ ﺗﻜﻮﻟﻴﻦ ﻫﻴﺞ ﻫﺬﺍ ﺍﻋﺘﺮﺍﺽ ﻋﻠﻰ ﺍﺭﺍﺩﺓ ﺭﺏ ﺍﻟﻌﺎﻟﻤﻴﻦ .
ﺍﻻﻡ : ﻳﻤﻪ ﻛﻮﻣﻲ ﻏﺴﻠﻲ ﻭﺟﻬﺞ ﻭﺍﺭﺗﺎﺣﻲ ﺣﺘﻰ ﻧﻄﻠﻊ ﺷﻨﻮ ﺭﺍﻳﺞ ﺍﺧﺬﺟﻦ ﻧﺘﻮﻧﺲ ﺍﻟﻤﻜﺎﻥ ﺍﻟﻲ ﺟﻨﻪ ﺗﺮﻳﺪﻩ ؟
ﺟﻨﻪ : ﻣﺎﺍﺭﻳﺪ ﻳﻤﻪ ﺍﺭﻳﺪ ﺍﻧﺎﻡ ﻋﻮﻓﻮﻧﻲ ﻟﻮﺣﺪﻱ .
ﻣﻬﺎ : ﺍﺣﻨﻪ ﺭﺍﺡ ﻧﻄﻠﻊ ﺍﻧﺖ ﻛﻮﻣﻲ ﺗﻮﺿﻲ ﺻﻠﻲ ﺭﻛﻌﺘﻴﻦ ﻭﺍﻫﺪﻳﻬﺎ ﻟﺴﺎﻣﺮ ﺣﺘﻰ ﻫﻮ ﻳﺮﺗﺎﺡ ﻭﺍﻧﺖ ﻫﻢ ﺗﺮﺗﺎﺣﻴﻦ .
ﺟﻨﻪ : ﻫﺰﻳﺖ ﺑﺮﺍﺳﻲ ﻭﻛﻤﺖ ﺗﻮﺿﻴﺖ ﻭﺭﺟﻌﺖ ﻟﻠﻐﺮﻓﻪ ﻓﺮﺷﺖ ﺳﺠﺎﺩﺓ ﺍﻟﺼﻼﺓ ﻭﻛﻌﺪﺕ ﺍﺻﻠﻲ ﻭﺍﻗﺮﺍ ﻗﺮﺍﻥ ﻭﺍﻫﺪﻳﻬﺎ ﻟﺮﻭﺡ ﺳﺎﻣﺮ .
ﺑﻘﻰ ﻛﻼﻡ ﺍﻣﻪ ﻳﺮﻥ ﺑﺎﺫﻧﻲ ﻳﻌﺬﺑﻨﻲ
ﻣﺮﺕ 40 ﻳﻮﻡ ﻋﻠﻰ ﻭﻓﺎﺗﻪ ﺑﻴﻮﻡ ﺍﻻﺭﺑﻌﻴﻦ ﺳﻮﻭﻟﻪ ﺛﻮﺍﺏ ﺑﺲ ﺍﻧﻲ ﻣﻜﺪﺭﺕ ﺍﺭﻭﺡ ﺑﺴﺒﺐ ﻛﻼﻡ ﺍﻣﻪ ﺍﻟﻲ ﺍﺧﺮ ﻣﺮﻩ .
ﺧﺎﺑﺮﺕ ﻋﻼ ﻭﺣﺎﺟﻴﺘﻬﻪ
ﻋﻼ ﺭﺣﺘﻲ ﻻﺭﺑﻌﻴﻦ ﺳﺎﻣﺮ
ﻋﻼ : ﻻ ﻣﺎﺭﺣﺖ ﻭﺍﻟﻠﻪ ﺑﺲ ﻋﻤﺘﻲ ﺭﺍﺣﺖ
ﺟﻨﻪ : ﺍﻱ ﻣﺎﺳﻤﻌﺖ ﺷﻲ ﻣﺎﺣﺠﺖ ﺷﻲ ؟؟
ﻋﻼ : ﻻ ﺑﺲ ﺧﻮﺍﺗﻪ ﻛﺎﻟﻦ ﻣﺤﺎﺟﻴﺎﺕ ﺍﻣﻪ ﻭﻣﻌﺎﺗﺒﺎﺗﻬﻪ ﺷﻮﻥ ﺣﺎﺟﻴﻪ ﻭﻳﺎﺝ ﻫﻴﺠﻲ .
ﺟﻨﻪ : ﺍﻧﻲ ﺻﺢ ﻣﺎﺭﺣﺖ ﻟﻼﺭﺑﻌﻴﻦ ﻣﺎﻟﺘﻪ ﺑﺲ ﻧﺼﺒﺘﻠﻪ ﻣﺄﺗﻢ ﺑﺮﻭﺣﻲ ﻭﺑﻘﻠﺒﻲ ﻭﻣﺎﺭﺍﺡ ﺍﻧﺴﻰ ﻟﻠﻤﻮﺕ .
ﻋﻼ : ﺣﻴﺎﺗﻲ ﺍﻟﻠﻪ ﻳﻌﻮﺿﺞ ﺍﻥ ﺷﺎﺀﺍﻟﻠﻪ
ﺟﻨﻪ : ﻣﺎﺍﺭﻳﺪ ﺗﻌﻮﻳﺾ ﺍﺭﻳﺪ ﺍﻟﻠﻪ ﻳﺼﺒﺮﻧﻲ ﻋﻠﻰ ﻓﺮﺍﮔﻪ .
ﻋﻼ : ﻭﻧﻌﻢ ﺑﺎﻟﻠﻪ . ﺷﻨﻮ ﺭﺍﻳﺞ ﻧﺴﻮﻱ ﺳﻔﺮﻩ ﻧﺮﻭﺡ ﻟﺨﻄﻮﺓ ﺍﻻﻣﺎﻡ ﻋﻠﻲ ﻧﺎﺧﺬ ﻋﺸﺎﻧﻪ ﻭﻧﺼﻠﻲ ﻫﻨﺎﻙ ﺣﺘﻰ ﺗﺮﺗﺎﺡ ﻧﻔﺴﻴﺘﺞ
ﺟﻨﻪ : ﺍﻧﻲ ﺍﺭﻳﺪ ﺍﺭﻭﺡ ﺍﺯﻭﺭ ﻗﺒﺮ ﺳﺎﻣﺮ ﺑﻠﻜﻲ ﺍﺭﺗﺎﺡ ﻫﻢ
ﻋﻼ : ﺍﻱ ﺣﺒﻴﺒﺘﻲ ﺑﺲ ﺧﻠﻲ ﻳﺮﺟﻌﻮﻥ ﻫﻢ ﻣﻮ ﺍﺍﻟﺒﺎﺭﺣﻪ ﻃﻠﻌﻮﺍ ﺯﻳﺎﺭﻩ ﺍﻟﻪ
ﺟﻨﻪ : ﻣﻦ ﻳﺮﺟﻌﻮﻥ ﻛﻠﻴﻠﻲ ﺣﺘﻰ ﺍﺭﻭﺡ ﺍﻧﻲ
ﻋﻼ : ﺍﻥ ﺷﺎﺀﺍﻟﻠﻪ ﺣﻀﺮﻭﺍ ﻧﻔﺴﻜﻢ ﺍﻟﻴﻮﻡ ﺍﺭﻭﺡ ﻟﻠﺨﻄﻮﻩ ﺍﻟﻌﺼﺮ ﻣﺎﺷﻲ .
ﺟﻨﻪ : ﺯﻳﻦ .
ﺧﺘﻤﺘﻬﺎ ﻭﻳﺎﻫﻪ ﻭﺭﺣﺖ ﻗﻨﻌﺖ ﺍﻣﻲ ﺗﺎﺧﺬﻧﻲ ﻟﻠﻨﺠﻒ ﺍﺯﻭﺭ ﻗﺒﺮ ﺳﺎﻣﺮ
ﻛﺎﻟﺖ ﻣﻴﺨﺎﻟﻒ ﺑﺲ ﺧﻠﻲ ﻳﺮﺟﻌﻮﻥ ﺍﻫﻠﻪ .
ﺩﺧﻠﺖ ﻟﻠﻐﺮﻓﻪ ﻭﻟﺰﻣﺖ ﺗﻠﻴﻔﻮﻧﻲ ﺷﻔﺖ ﻣﺴﺠﺎﺕ ﻣﻦ ﺛﺎﻣﺮ
ﻫﻠﻮ ﺟﻨﻪ ﻟﻴﺶ ﻣﺎﺍﺟﻴﺘﻲ ﻟﺜﻮﺍﺏ ﺍﻻﺭﺑﻌﻴﻦ ﻣﺎﻟﺖ ﺳﺎﻣﺮ ﺍﻧﺖ ﺗﺪﺭﻳﻦ ﺍﻣﻲ ﮔﻠﺒﻬﺎ ﻣﺤﺮﻭﻙ ﻭﺣﻴﻞ ﻣﺘﺄﺛﺮﻩ ﺣﺠﺖ ﻫﺎﻟﺤﺠﻲ ﻣﻮ ﻣﻦ ﻛﻞ ﻗﻠﺒﻬﺎ ﺟﺎﻥ ﺟﻴﺘﻲ ﻟﺨﺎﻃﺮ ﺳﺎﻣﺮ
....
....
ﻣﺎﺭﺩﻳﺖ ﻋﻠﻴﻪ ﻭﺍﻧﻄﻴﺘﻪ ﺣﻀﺮ ﻻ ﺗﺼﻴﺮ ﺳﺎﻟﻔﻪ ﺛﺎﻧﻴﻪ ﺍﻛﺒﺮ
ﺍﻟﻌﺼﺮ ﺍﺟﺖ ﻋﻼ ﻭﺯﻭﺟﻬﺎ ﺩﻳﺎﺧﺬﻭﻧﻪ ﻟﻠﺨﻄﻮﻩ
ﻋﺬﺭﺍﺀ ﻇﻠﺖ ﺗﺘﻮﺳﻞ ﺑﺎﻣﻲ ﺣﺘﻰ ﺗﻘﻨﻊ ﻣﺤﻤﺪ ﺗﺮﻭﺡ ﻭﻳﺎﻧﻪ .
ﻫﻲ ﺣﺎﻣﻞ ﻭﺣﻤﻠﻬﻪ ﻣﻬﺪﺩ ﺑﺎﻻﺳﻘﺎﻁ ﻭﻫﻮ ﻣﺎﻳﻘﺒﻞ ﺗﻄﻠﻊ ﻳﺨﺎﻑ ﻋﻠﻰ ﺍﺑﻨﻪ .
ﻛﺎﻋﺪﻳﻦ ﺑﺎﻟﻤﻄﺒﺦ ﺍﻧﻲ ﻭﻣﻬﺎ ﻭﺍﻣﻲ ﺟﺎﻱ ﻧﺤﻀﺮ ﺍﻟﻌﺸﺎ ﻟﻠﺮﻭﺣﻪ
ﻭﻫﻲ ﻻﺯﻣﻪ ﺍﻣﻲ ﻭﺗﺘﻮﺳﻞ ﺑﻴﻬﺎ
ﺧﺎﻟﻪ ﻓﺪﻭﻩ ﻛﻠﻴﻠﻪ ﺧﻠﻲ ﻳﺨﻠﻴﻨﻲ ﺍﺭﻭﺡ
ﻣﺤﻤﺪ : ﻛﻀﻲ ﻛﺎﻋﺞ ﻋﺬﺭﺍﺀ ﺍﻟﻄﺮﻳﻖ ﻃﻮﻳﻞ ﻻﻳﺼﻴﺮ ﺑﺎﻟﻄﻔﻞ ﺷﻲ
ﻋﺬﺭﺍﺀ : ﺍﻱ ﻫﻲ ﻛﻠﻬﺎ ﺳﻮﺍﻟﻔﻚ ﺍﻧﺖ ﻣﺎﺗﺼﺒﺮ ﻭﺗﺴﻮﻱ ﺣﺮﻛﺎﺕ ﻋﻨﻴﻔﻪ ﻣﻦ ﺗﺘﻘﺮﺏ ﺍﺣﺴﻦ ﺍﻟﻚ ﻫﻴﺞ ﺷﻨﻮ ﺍﻧﻲ ﺍﺣﺮﻡ ﺭﻭﺣﻲ ﻣﻦ ﺍﻟﻄﻠﻌﻪ .
ﻣﺤﻤﺪ : ﺍﺷﺸﺶ ﻋﻴﺐ ﺷﻬﺎﻟﺤﺠﻲ ﻛﺪﺍﻡ ﺍﻟﺒﻨﺎﺕ ﺑﻌﺪﻫﻦ ﻣﺎﻣﺘﺰﻭﺟﺎﺕ .
ﺍﻣﺸﻲ ﻛﺪﺍﻣﻲ ﻳﺎﻟﻠﻪ ﺍﻣﺸﻲ .
ﺟﻨﻪ ﻭﻣﻬﺎ ﻳﺘﺒﺎﺩﻟﻮﻥ ﺍﻟﻨﻈﺮﺍﺕ ﻭﻳﻀﺤﻜﻮﻥ
ﺍﻻﻡ : ﻳﻤﻪ ﻣﺤﻤﺪ ﺧﻠﻲ ﻧﺎﺧﺬﻫﻪ ﻣﻜﺎﻥ ﺑﻲ ﺑﺮﻛﻪ ﺑﻠﻜﻲ ﺍﻟﻠﻪ ﻳﺜﺒﺖ ﺣﻤﻠﻬﻪ .
ﻋﺬﺭﺍﺀ : ﺍﻱ ﻭﺍﻟﻠﻪ ﺻﺪﻙ ﺍﺭﻭﺡ ﺍﺩﻋﻲ ﻫﻨﺎﻙ ﺍﻟﻠﻪ ﻳﺜﺒﺖ ﺣﻤﻠﻲ ﺑﺠﺎﻩ ﺍﻻﻣﻴﺮ .
ﻣﺤﻤﺪ : ﻳﻤﻪ ﺍﺧﺬﻳﻬﻪ ﺑﺲ ﻋﻠﻰ ﻣﺴﺆﺅﻟﻴﺘﺞ ﺻﺎﺭﻟﻲ ﺳﻨﺘﻴﻦ ﺍﻧﺘﻈﺮ ﻫﺬﺍ ﺍﻟﻄﻔﻞ ﻣﺎﺍﺭﻳﺪ ﻳﺼﻴﺮ ﺑﻲ ﺷﻲ .
ﺍﻻﻡ : ﺍﻱ ﻳﻤﻪ ﺍﻃﻤﺄﻥ ﺍﻟﻠﻪ ﻳﺤﻤﻲ ﺍﻥ ﺷﺎﺀﺍﻟﻠﻪ
ﻣﺤﻤﺪ ﺍﻟﻠﺘﻔﺖ ﻟﻌﺬﺭﺍﺀ ﻋﺾ ﺍﺻﺒﻊ ﺍﻟﺸﻬﺎﺩﻩ ﻭﻛﻠﻠﻬﻪ ﺍﺧﺨﺦ ﻣﻨﺞ ﺯﻋﻄﻮﻃﻪ ﻭﻻﺗﻜﺒﺮﻳﻦ .
ﻭﻃﻠﻊ ﻣﻦ ﺍﻟﻤﻄﺒﺦ .
ﺍﻻﻡ : ﻳﻼ ﻋﺬﻭﺭﻩ ﺭﻭﺣﻲ ﺑﺪﻟﻲ ﻭﻻﺗﻠﺒﺴﻴﻦ ﻛﻌﺐ ﻋﺎﻟﻲ ﻭﻋﻠﻰ ﻛﻴﻔﺞ ﺍﻣﺸﻲ
ﻋﺬﺭﺍﺀ : ﺻﺎﺭ ﺧﺎﻟﻪ .
ﻛﻤﻠﻨﺎ ﺗﺤﻀﻴﺮ ﻭﻃﻠﻌﻨﺎ
ﻋﻼ : ﻓﺪﻭﻩ ﺟﻨﻮﻧﻪ ﺷﻬﺎﻟﺠﻤﺎﻝ ﺗﺨﺒﻠﻴﻦ ﺻﺎﻳﺮﻩ ﺍﺣﻠﻰ ﻣﻦ ﻗﺒﻞ ﻭﺭﺍﺟﻊ ﺍﻟﻤﺎﻱ ﻭﺟﻬﺞ
ﺟﻨﻪ : ﺍﻱ ﺍﻛﻠﻲ ﺑﻌﻘﻠﻲ ﺣﻼﻭﻩ .
ﻋﻼ : ﻻ ﻭﻟﺞ ﺻﺪﻙ ﻣﻮ ﺟﺬﺏ .
ﺭﺣﻨﻪ ﻟﻠﺨﻄﻮﻩ ﻭﺩﺧﻠﻨﻪ ﻟﻠﺠﺎﻣﻊ ﺻﻠﻴﻨﻪ ﻭﻃﻠﻌﻨﻪ ﺗﻌﺸﻴﻨﻪ ﻭﺭﺟﻌﻨﻪ ﻟﻠﺒﻴﺖ .
ﺷﻮﻳﻪ ﺗﻐﻴﺮﺕ ﻧﻔﺴﻴﺘﻲ ﺑﻌﺪﻫﺎ ﺑﺎﻳﺎﻡ ﺍﺧﺬﻧﻪ ﺍﺣﻤﺪ ﺍﻧﻲ ﻭﺍﻣﻲ ﻟﻠﻨﺠﻒ ﻭﺯﺭﺕ ﻗﺒﺮ ﺳﺎﻣﺮ ﻛﻌﺪﺕ ﻳﻤﻪ ﻭﺑﺠﻴﺖ ﻛﺘﻠﻪ ﺍﺫﺍ ﺍﻧﻲ ﺍﻟﺴﺒﺐ ﺑﻤﻮﺗﻚ ﺳﺎﻣﺤﻨﻲ ﮔﻠﺒﻲ ﻣﺎﻣﺮﺗﺎﺡ .
ﻭﺭﺟﻌﻨﻪ ﻟﻠﺒﺼﺮﻩ .
ﺑﻌﺪﻫﻪ ﺑﻜﻢ ﻳﻮﻡ ﺩﺧﻠﺖ ﻟﻠﻤﻄﺒﺦ ﻣﻬﺎ ﺟﺎﻱ ﺗﺨﺎﺑﺮ ﻭﻭﺟﻬﺎ ﻳﻀﺤﻚ ﺳﺪﺗﻪ ﻭﻛﺎﻟﺖ
ﻣﻬﺎ : ﺍﺭﻳﺪ ﺍﻛﻠﺞ ﺷﻲ ﻳﻔﺮﺣﺞ
ﺟﻨﻪ : ﻛﻮﻟﻲ ﻳﺎﺍﻟﻠﻪ ﺷﻨﻮ ﻫﻮ ﻣﺤﺘﺎﺟﻴﻦ ﻓﺮﺣﻪ
ﻣﻬﺎ : ﻓﻬﺪ ﺭﺍﺡ ﻳﺠﻲ ﻳﺨﻄﺒﻨﻲ
ﺟﻨﻪ : ﺻﺪﻙ ﺑﻌﺪ ﻋﻤﺮﻱ ﺍﻟﻒ ﻣﺒﺮﻭﻙ
ﻣﻬﺎ : ﺍﻱ ﻗﺒﻞ ﺑﻴﻪ ﻳﻜﻮﻟﻲ ﺍﺣﺒﺞ ﻣﻴﻬﻤﻨﻲ ﺑﺲ ﺭﻭﺣﺞ .
ﺟﻨﻪ : ﺍﻧﺖ ﻧﻴﺘﺞ ﺻﺎﻓﻴﻪ ﻭﺍﻟﻠﻪ ﻳﺤﺒﺞ ﺍﻧﻄﺎﺝ ﻋﻠﻰ ﻛﺪ ﻧﻴﺘﺞ .
ﻣﻬﺎ : ﺍﻟﺤﻤﺪﻟﻠﻪ ﺑﺎﺟﺮ ﺭﺍﺡ ﺗﺠﻲ ﺍﻣﻪ
ﺟﻨﻪ : ﺍﻟﺤﻤﺪﻟﻠﻪ ﺍﻟﻠﻪ ﻳﻬﻨﻴﻜﻢ .
ﻳﻮﻡ ﺍﻟﺜﺎﻧﻲ ﺍﺟﺖ ﺍﻣﻪ ﻭﺷﺎﻓﺘﻬﺎ ﺍﻧﻲ ﻣﺎﻃﻠﻌﺖ ﺍﻟﻬﻢ ﻣﻬﺎ ﺗﻜﻮﻝ ﻣﺒﻴﻦ ﻣﻮﻋﺎﺟﺒﻬﺎ ﻭﺿﻊ ﺭﺟﻠﻲ ﺑﺲ ﻓﻬﺪ ﻛﺎﻳﻠﻠﻬﺎ ﻣﻌﻠﻴﺞ ﺑﺎﻣﻲ ﺍﺣﻨﺎ ﺭﺍﺡ ﻧﺴﻜﻦ ﺑﻴﺖ ﻭﺣﺪﻧﻪ .
ﻭﺗﻤﺖ ﺍﻟﺨﻄﺒﻪ ﻭﻛﻞ ﺷﻲ ﺗﻤﺎﻡ
ﺑﻴﻮﻡ ﺍﻟﺤﻔﻠﻪ ﻟﺒﺴﺖ ﺑﺪﻟﻪ ﺳﻮﺩﻩ ﺑﻴﻨﺼﻞ ﻛﻠﻬﺎ ﺗﻠﻤﻊ
ﻣﻦ ﺟﻨﺖ ﺍﻗﺪﻡ ﺍﻟﻤﺎﻱ ﻟﻠﻤﻌﺎﺯﻳﻢ ﺳﻤﻌﺖ ﺍﻫﻞ ﻓﻬﺪ ﻳﻜﻮﻟﻮﻥ ﻫﻲ ﺍﺧﺘﻬﺎ ﺍﺣﻠﻰ ﻣﻨﻬﺎ ﺷﺒﻲ ﻓﻬﺪ ﻳﺤﻀﻲ ﻟﻮ ﺧﺎﻃﺐ ﻫﻲ ﻣﻮ ﺍﺣﺴﻦ ﻣﻦ ﺫﻳﺞ ﻣﺎﺗﻤﺸﻲ ﺯﻳﻦ .
ﺑﺎﻭﻋﺘﻠﻬﻢ ﻭﺭﻓﻌﺖ ﺣﺎﺟﺒﻲ ﻛﺎﻟﻬﻢ ﺍﻟﺤﺐ ﺍﻋﻤﻰ ﻳﺤﻀﻲ ﺿﺤﻜﻮﺍ ﻭﺩﺍﺭﻭﺍ ﻭﺟﻬﻬﻢ .
ﻣﻬﺎ ﺣﻠﻮﻩ ﺣﻨﻄﺎﻭﻳﻪ ﻭﻋﻴﻮﻧﻬﺎ ﻛﺒﺎﺭ ﻣﻼﻣﺤﻬﺎ ﻛﻠﻬﺎ ﺣﻠﻮﻩ ﺷﻌﺮﻫﺎ ﻭﺟﺴﻤﻬﺎ ﻭﻛﻠﻬﺎ ﻧﺎﺯﻛﻪ ﻭﺑﺎﻟﺤﻔﻠﻪ ﻃﻠﻌﺖ ﺗﺠﻨﻦ ﺑﻔﺴﺘﺎﻥ ﻟﻮﻧﻪ ﻭﺭﺩﻱ ﻋﻠﻰ ﺑﺼﻠﻲ . ﻓﻬﺪ ﻣﻮ ﻛﻠﺶ ﺣﻠﻮ ﺑﺲ ﺷﻜﻠﻪ ﻣﻘﺒﻮﻝ .
ﻭﻫﻲ ﻣﺮﺕ ﺳﻨﻪ ﻭﻧﺺ ﻋﻠﻰ ﺣﺎﺩﺛﺔ ﺳﺎﻣﺮ
ﺗﻘﺪﻣﻮﻟﻲ ﻫﻮﺍﻳﻪ ﺑﺲ ﺭﻓﻀﺖ ﻭﺧﺎﺻﺔ ﺣﻤﺎﻫﻪ ﻟﻤﻬﺎ ﺑﺲ ﺭﻓﻀﺖ
ﺛﺎﻣﺮ ﺷﺎﻳﻒ ﺍﺧﺘﻲ ﻭﻫﻢ ﻣﺤﺎﺟﻴﻬﻪ ﻋﻠﻴﻪ ﻛﺎﻳﻞ ﺍﻟﻬﺎ ﺍﺫﺍ ﺍﺧﻄﺒﻬﺎ ﺗﻮﺍﻓﻖ ﺍﻧﻲ ﻛﺘﻠﻬﺎ ﺍﺑﺪ ﻣﺴﺘﺤﻴﻞ ﺍﻟﻐﺮﺑﻪ ﻣﺎﺍﻗﺒﻞ ﺑﻴﻬﻢ ﺑﻌﺪ ﻣﻮ ﺍﺧﻮ ﺳﺎﻣﺮ .
ﻋﺬﺭﺍﺀ ﻭﻣﻬﺎ ﻭﻟﺪﻭ ﻭﺻﺎﺭ ﻋﺪﻫﻢ ﻭﻟﺪ .
ﻭﺍﻧﻲ ﺑﻘﻴﺖ ﻋﺎﺯﻓﻪ ﻋﻦ ﺍﻟﺰﻭﺍﺝ ﻭﻣﺎﺍﻓﻜﺮ ﺑﻲ ﺍﺑﺪ ﺧﺎﻳﻔﻪ ﺧﺎﺻﺔ ﻫﻮﺍﻳﻪ ﺳﻤﻌﺖ ﺣﺠﻲ ﻣﻦ ﺍﻡ ﺳﺎﻣﺮ
ﺗﺠﻲ ﻟﺒﻴﺖ ﺍﺧﺘﻲ ﻋﻼ ﻭﺗﺤﺠﻲ ﻭﻋﻼ ﻓﻄﻴﺮﻩ ﻛﻠﺸﻲ ﺗﺤﺠﻲ ﻛﺪﺍﻣﻲ ﺍﻭ ﺍﻧﻲ ﺍﺳﻤﻌﻬﺎ ﺗﺤﺠﻲ ﻻﻣﻲ
ﺗﻜﻮﻝ ﺣﻀﻨﻪ ﻫﺬﺍ ﺍﺑﻨﻪ ﻣﺎﺕ ﻭﻣﻦ ﻫﺎﻟﺤﺠﻲ
ﻓﺒﻘﻴﺖ ﻣﺘﺨﻮﻓﻪ .
ﻓﺪ ﻳﻮﻡ ﻛﺎﻋﺪﻳﻦ ﺑﺎﻟﻬﻮﻝ ﻛﻠﻨﻪ ﺟﺎﻥ ﺑﺤﻀﻨﻲ ﻳﻮﺳﻒ ﺍﺑﻦ ﻣﺤﻤﺪ ﺟﺎﻱ ﺍﻟﻌﺒﻪ ﻣﺘﻌﻠﻘﻪ ﺑﻲ ﻭﻫﻮ ﻫﻢ ﻳﺤﺒﻨﻲ ﻭﻳﺎ ﺍﻧﺴﻰ ﻫﻤﻲ .
ﻣﺤﻤﺪ : ﻫﻠﻪ ﺑﺎﺧﺘﻲ ﺟﻨﻮﻧﻪ ﻭﻟﺞ ﺷﻮﻥ ﺟﺎﻳﺒﻠﺞ ﻋﺮﻳﺲ ﺗﻌﺎﻱ ﻧﺰﻟﻲ ﻛﻌﺪﻱ ﺟﻮﻩ ﺧﻠﻲ ﺍﺳﻮﻟﻔﻠﺞ .
ﺟﻨﻪ : ﻣﺤﻤﺪ ﻣﺎﺍﺭﻳﺪ ﺍﺗﺰﻭﺝ ﻣﻨﻮ ﻛﻠﻚ ﺍﺭﻳﺪ ﻋﺮﻳﺲ ﺍﻧﻲ ﺑﺎﻟﻠﻪ ﺳﺪ ﺍﻟﻤﻮﺿﻮﻉ ﺩﺧﻴﻠﻚ .
ﻣﺤﻤﺪ : ﻭﻟﻴﺶ ﻣﺎﺗﺮﺩﻳﻦ ﺗﺘﺰﻭﺟﻴﻦ ﺑﺎﻟﻠﻪ ﺷﺘﻨﺘﻈﺮﻳﻦ ﺳﺎﻣﺮ ﻳﺮﺟﻊ ﻣﺎﺭﺍﺡ ﻳﺮﺟﻊ ﺳﺎﻣﺮ ﻣﻦ ﮔﺒﺮﻩ ﺗﺮﻩ .
ﺟﻨﻪ : ﻣﺤﻤﺪ ﻻﺗﺠﺮﺣﻨﻲ ﻛﺘﻠﻚ ﻣﺎﺍﺭﻳﺪ ﺍﺯﻭﻭﺝ
ﻧﺰﻟﺖ ﻳﻮﺳﻒ ﻣﻦ ﺣﻀﻨﻲ ﻭﺭﺣﺖ ﺍﺭﻛﺾ ﻟﻠﻐﺮﻓﻪ ﻭﺍﺳﻤﻌﻪ ﻳﻜﻮﻝ
ﻣﻮﺑﻜﻴﻔﺞ ﺍﻓﺘﻬﻤﺘﻲ ﻟﻮ ﻻ .
ﻇﻠﻴﺖ ﺍﺩﺭﺩﻡ ﻭﺍﻧﻲ ﺍﻣﺸﻲ ﺑﺎﻟﻤﻤﺮ ﺍﺭﻳﺪ ﺍﺭﻭﺡ ﻟﻠﻐﺮﻓﻪ
ﺩﺭﻭﺡ ﻭﺍﻟﻠﻪ ﻭﻻ ﺍﻭﺍﻓﻖ ﻳﺮﻳﺪ ﺑﺲ ﻳﺨﻠﺺ ﻣﻨﻲ ﻋﺒﺎﻟﻚ ﻛﺎﻋﺪﻩ ﻋﻠﻰ ﻛﻠﺒﻪ
ﻟﻠﺤﻜﺎﻳﻪ ﺑﻘﻴﻪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء