رواية اهدتني عاراً الجزء الثالث
للكاتبة نورا ناصر
....
ﺛﺎﻟﺚ ﻳﻮﻡ ﺷﻬﺮ ﺭﻣﻀﺎﻥ ﺍﻟﻜﺮﻳﻢ ﺍﻟﺴﺎﻋﻪ 6:15 ﻗﺮﻳﺐ ﺍﻟﻤﻐﺮﺏ "
ﺩﺍﺣﻀﺮ ﺍﺳﻮﻱ ﻋﺼﻴﺮ ﻣﺸﻤﺶ ﻃﺒﻴﻌﻲ
ﻛﺴﺮﺕ ﺍﻟﺜﻠﺞ ﺍﻟﻰ ﻣﻜﻌﺒﺎﺕ ﻭﻃﻠﻌﺖ ﺍﻟﻨﻮﻩ ﻣﻦ ﺍﻟﻤﺸﻤﺶ ﻭﺧﻠﻴﺘﻪ ﺑﺎﻟﺨﻼﻁ ﻭﺧﻠﻴﺖ ﻓﻮﻛﻪ ﻣﻲ ﺑﺎﺭﺩ ﻭﺳﻜﺮ ﻧﺎﻋﻢ ﻭﺧﻠﻄﺘﻬﻢ ﺳﻮﻩ .
ﻭﺑﻘﻴﺖ ﺍﺑﺎﻭﻉ ﺍﻟﻬﻢ ﻭﻫﻢ ﻳﺨﺘﻠﻄﻮﻥ ﻣﻊ ﺑﻌﺾ ﻟﺤﺪ ﻣﻴﺼﻴﺮﻭﻥ ﺧﻠﻴﻂ ﻭﺍﺣﺪ ﻭﺻﻮﺕ ﺍﻟﺨﻼﻁ ﺑﺄﺫﻧﻲ ﻳﺮﻥ ﻭﻱ ﺩﻭﺧﺔ ﺍﻟﺼﻴﺎﻡ .
ﺍﻣﻤﻤﻢ ﺭﻳﺤﺘﻬﻢ ﻃﻴﺒﻪ ﺗﺠﻨﻦ ﻭﺷﻜﻠﻬﻢ ﺍﺭﻭﻭﻉ ﻭﺍﻟﺪﻧﻴﺎ ﺣﺮ
ﻭﺍﻧﻲ ﺻﺎﻳﻤﻪ ﻭﻣﻴﻴﺘﻪ ﻋﻄﺶ
ﻓﺮﻏﺖ ﺍﻟﻌﺼﻴﺮ ﻣﻦ ﺍﻟﺨﻼﻁ .
ﺳﺎﻣﺮ ﺧﻄﻴﺒﻲ ﻳﺤﺐ ﺍﻟﻌﺼﻴﺮ ﻫﺬﺍ
ﻭﺻﻴﺖ ﺍﻣﻲ ﻟﻢ ﻃﻠﻌﺖ ﻟﻠﺴﻮﻙ ﺍﻟﺼﺒﺢ ﺗﺠﻴﺐ ﻭﻳﺎﻫﻪ ﻣﺸﻤﺶ ﻣﻤﺮﻭﺩ ﺣﺘﻰ ﺍﺳﻮﻱ ﻣﻨﻪ ﻋﺼﻴﺮ ﻻﻥ ﺳﺎﻣﺮ ﻣﻌﺰﻭﻡ ﻋﺪﻧﺎ ﻋﻠﻰ ﺍﻟﻔﻄﻮﺭ .
ﺍﻟﻴﻮﻡ ﻣﺮﺕ 33 ﻳﻮﻡ ﻋﻠﻰ ﺧﻄﻮﺑﺘﻨﺎ .
ﺃﻧﻲ ﺍﺳﻤﻲ ﺟﻨﻪ ﻋﻤﺮﻱ 20 ﺳﻨﻪ .
ﻭﺻﻠﺖ ﻟﻠﺜﺎﻟﺚ ﻣﺘﻮﺳﻂ ﻭﻛﻌﺪﺕ ﺑﺎﻟﺒﻴﺖ
ﻣﺘﻮﺳﻄﺔ ﺍﻟﻄﻮﻝ ﺿﻌﻴﻔﻪ ﺑﻴﻀﺎﺀ ﺍﻟﺒﺸﺮﻩ ﻳﺘﺪﺭﺝ ﻟﻮﻥ ﻋﻴﻮﻧﻲ ﺑﻴﻦ ﺍﻻﺧﻀﺮ ﻭﺍﻟﺮﻣﺎﺩﻱ
ﺍﺑﻮﻳﻪ ﻣﺘﻮﻓﻲ ﻣﻦ ﻋﻤﺮﻱ 5 ﺳﻨﻴﻦ ﺍﻟﻠﻪ ﻳﺮﺣﻤﻪ ﻭﻳﺮﺣﻢ ﻛﻞ ﺍﻻﻣﻮﺍﺕ .
ﻋﻨﺪﻱ ﺍﺧﻮﺍﻥ ﺍﺛﻨﻴﻦ ﻭﺍﺧﻮﺍﺕ ﺍﺛﻨﻴﻦ
ﺍﺧﻮﻳﻪ ﻣﺤﻤﺪ ﻣﺘﺰﻭﺝ ﻣﻦ ﺳﻨﻪ ﻭﻣﺎﻋﻨﺪﻩ ﺍﻃﻔﺎﻝ ﺍﻟﺤﺪ ﺍﻻﻥ ﺷﺮﻃﻲ ﻳﺪﺍﻭﻡ ﺑﺎﻟﺒﺼﺮﻩ .
ﺍﺣﻤﺪ ﻣﻤﺘﺰﻭﺝ ﻃﺎﻟﺐ ﻛﻠﻴﺔ ﺍﺩﺍﺭﻩ ﻭﺍﻗﺘﺼﺎﺩ
ﺍﺧﻮﺍﺗﻲ ﻋﻼ ﻣﺘﺰﻭﺟﻪ
ﺳﺎﻣﺮ ﺧﻄﻴﺒﻲ ﻳﺼﻴﺮ ﺟﻴﺮﺍﻧﻬﻢ ﻭﺻﺎﺭﺕ ﺍﻟﻘﺴﻤﻪ .
ﻭﻋﻨﺪﻱ ﺍﺧﺖ ﺍﻛﺒﺮ ﻣﻨﻲ ﺑﺴﻨﺘﻴﻦ ﻣﻬﺎ ﻣﻤﺘﺰﻭﺟﻪ .
ﻣﻬﺎ ﺗﻌﺮﺿﺖ ﻟﺤﺎﺩﺙ ﻣﻦ ﺳﻨﻴﻦ ﺍﺩﻯ ﺍﻟﻰ ﺗﺸﻮﻩ ﺑﻜﻌﺐ ﺭﺟﻠﻬﺎ ﻭﺟﻌﻞ ﻣﻦ ﻣﺸﻴﺘﻬﺎ ﻣﻮ ﺻﺤﻴﺤﻪ ﻭﺑﺸﻜﻞ ﻭﺍﺿﺢ .
ﺍﺭﻳﺪ ﺍﺧﻠﻲ ﺍﻟﻌﺼﻴﺮ ﺑﺎﻟﺜﻼﺟﻪ ﺩﺧﻠﺖ ﺍﺧﺘﻲ ﻣﻬﺎ
ﻣﻬﺎ : ﺍﻣﻤﻤﻢ ﻩ̷̷َـَْـُﺬﺁ ﺷﻨﻮﻭ ﺭﻳﺤﺔ ﺍﻟﻌﺼﻴﺮ ﺗﺠﻨﻨﻦ ﺍﺭﻳﺪ ﺍﻓﻄﺮ ﻋﻠﻰ ﻫﺎﻟﺮﻳﺤﻪ .
ﺟﻨﻪ : ﺗﺮﻩ ﻣﺎﺳﻮﻳﺖ ﺑﺲ ﻋﻠﻰ ﮔﺪﻧﺎ ﺍﻧﻲ ﻭﺳﺎﻣﺮ ﺗﺮﺩﻭﻥ ﺍﻧﺘﻮﺍ ﺳﻮﻭﻟﻜﻢ ﻣﺎﺑﻴﻪ ﻳﺘﻌﺐ ﺍﻓﻔﻒ ﻋﻄﺸﺖ
ﻣﻬﺎ : ﺍﻳﺒﺎﺍﺍﻩ ﺍﻱ ﻛﺎﻓﻲ ﻩ̷̷َـَْـُﺬﺁ ﻋﻮﺩ ﻧﺸﺮﺏ ﻭﻳﺎﻛﻢ
ﺟﻨﻪ : ﻟﭑ ﻋﻴﻮﻧﻲ ﻟﭑ ﻧﻜﻌﺪ ﻭﺣﺪﻩ ﻧﺎﺧﺬ ﺭﺍﺣﺘﻨﻪ
ﻣﻬﺎ : ﻫﻪ ﺍﺳﻢ ﺍﻟﻠﻪ ﺗﺎﺧﺬ ﺭﺍﺣﺘﻬﺎ ﻭﻱ ﺍﺑﻮ ﺧﺸﻢ ﺷﻄﻮﻟﻪ .
ﺟﻨﻪ :
ﺗﻘﺮﺑﺖ ﻣﻨﻬﺎ ﻫﻤﺴﺖ ﺑﺄﺫﻧﻬﺎ ﻟﭑ ﺃﺣﺪ ﻳﺴﻤﻊ
ﻣﻮ ﺍﺣﻠﻰ ﻣﻦ ﺣﺒﻴﺒﺞ ﻫﺬﺍ ﺍﻟﻲ ﺍﺳﻤﻪ ﺍﺳﺪ ﻣﺪﺭﻱ ﻧﻤﺮ
ﻣﻬﺎ : ﻧﻨﻨﻨﻦ ﻣﺎﺗﻀﺤﻚ ﺗﺮﻩ ﺍﺳﻤﻪ ﻓﻬﺪ
ﺟﻨﻪ : ﺍﻱ ﺍﻟﻤﻬﻢ ﺣﻴﻮﺍﻥ
ﻣﻬﺎ ( ﺑﺄﻧﺰﻋﺎﺝ ﻭﺣﺰﻥ ) : ﺍﻭﻭﻭﻑ
ﺟﻨﻪ : ﺷﺒﻴﺞ ﺿﺠﺘﻲ ﺗﺮﻩ ﺩﺍﺍﺷﺎﻗﻪ !!!
ﻣﻬﺎ : ﻣﺎﺿﺠﺖ ﻣﻨﺞ ﺍﻧﺖ ﺗﺪﺭﻳﻦ ﺑﻴﻪ ﺑﺲ ﺧﺎﻳﻔﻪ ﻳﺮﻳﺪ ﻳﺠﻲ ﻳﺨﻄﺒﻨﻲ
ﺟﻨﻪ : ﻛﻮﻟﻲ ﻭﺍﻟﻠﻪ
ﻣﻬﺎ : ﺍﻱ ﺑﺲ ﺍﻧﻲ ﻛﺘﻠﻪ ﻳﺄﺟﻠﻬﻪ
ﺟﻨﻪ : ﻟﻴﺶ ﻭﻟﺞ ﺟﺎﻥ ﺧﻠﻴﺘﻲ ﻳﺠﻲ
ﻣﻬﺎ : ﻣﻮ ﺧﺎﻳﻔﻪ ﺍﻧﻲ ﻣﺎﮔﺘﻠﻪ ﻋﻠﻰ ﻭﺿﻊ ﺭﺟﻠﻲ
ﺟﻨﻪ : ﺍﻱ ﻣﻔﺮﻭﺽ ﺗﻜﻮﻟﻴﻠﻪ ﻣﻴﺼﻴﺮ ﺗﻀﻤﻴﻦ ﻋﻠﻴﻪ
ﺑﺎﻋﻲ ﺣﺒﻴﺒﺘﻲ ﺍﻧﺖ ﻣﺎﻧﺎﻗﺼﺞ ﺷﻲ ﻭﻫﺎﻟﺸﻲ ﺍﻟﻲ ﻋﻨﺪﺝ ﻣﻮ ﺑﻴﺪﺝ ﻭﻧﻤﺮ ﻣﺪﺭﻱ ﺿﺒﻊ
ﻣﻬﺎ : ﺍﻭﻭﻭﻭ ﻭﻛﺖ ﺷﻘﺎﺍﺍﺝ ﻫﺴﻪ ﺍﺳﻤﻪ ﻓﻬﺪ
ﺟﻨﻪ : ﺍﻟﻤﻬﻢ ﺍﺫﺍ ﻳﺤﺒﺞ ﺻﺪﮒ ﻣﻴﻬﻤﻪ ﺭﺟﻠﺞ ﻫﻮ ﺭﺍﺡ ﻳﻌﺎﺷﺮﺝ ﻳﻌﺎﺷﺮ ﺍﺧﻼﻗﺞ ﺭﻭﺣﺞ ﻗﻠﺒﺞ ﻣﻮ ﺟﺴﺪﺝ
ﻣﻬﺎ : ﻫﻮ ﻳﺤﺒﻨﻲ ﻭﺣﺘﻰ ﺻﻮﺭﻩ ﻣﺎﻃﻠﺐ ﻳﺸﻮﻓﻨﻲ ﺑﺲ ﻭﺻﻔﺘﻠﻪ ﺷﻜﻠﻲ .
ﺟﻨﻪ : ﻟﻌﺪ ﻫﺴﻪ ﺷﻮﻥ ﻻﺯﻡ ﻳﻌﺮﻑ
ﻣﻬﺎ : ﻛﻠﺶ ﻣﺘﻮﺗﺮﻩ ﻭﺧﺎﻳﻔﻪ ﺍﻓﺘﺢ ﻭﻳﺎ ﺍﻟﻤﻮﺿﻮﻉ
ﺗﻜﺪﺭﻳﻦ ﺗﺤﺠﻴﻦ ﻭﻳﺎ ﺍﻧﺖِ ؟؟
ﺟﻨﻪ : ﺑﺲ ﺳﺎﻣﺮ ﻣﺎﻳﻘﺒﻞ ﺍﺣﺠﻲ ﻭﻳﺎ ﻏﺮﺑﻪ
ﻣﻬﺎ : ﻻ ﺷﻮﻭﻥ ﺑﺪﻭﻥ ﻣﺎﻳﺪﺭﻱ ﻃﺒﻌﺎ
ﺟﻨﻪ : ﻣﺎﺍﻛﺪﺭ ﻫﻲ ﺧﻴﺎﻧﻪ ﻣﺎﺍﻛﺪﺭ
ﻣﻬﺎ : ﺍﻧﻲ ﺭﺍﺡ ﺍﺣﺎﺟﻲ ﺍﺫﺍ ﻓﺘﺢ ﻭﻳﺎﻳﻪ ﺍﻟﻤﻮﺿﻮﻉ ﻣﺮﻩ ﺛﺎﻧﻴﻪ ﻭﺍﻣﺮﻱ ﻷ • ﺍﻟﻠّـﮧ̣̥
ﺟﻨﻪ : ﺑﺎﻋﻲ ﺍﺫﺍ ﻣﺎﺗﻘﺒﻞ ﺍﻟﻤﻮﺿﻮﻉ ﺍﻳﺎﺝ ﺗﻨﻘﻬﺮﻳﻦ ﻭﺗﻀﻮﺟﻴﻦ ﻷﻥ ﻣﺎﻳﺴﻮﻩ ﺗﺮﻩ ﺩﻣﻌﻪ ﻣﻦ ﻋﻴﻨﺞ ﻣﻴﺴﻮﻩ ﻭﺍﻟﻠﻪ ﻳﺤﺒﺞ ﺍﻟﻲ ﻛﺸﻔﻪ ﻛﺪﺍﻣﺞ ﻭ
ﻣﻬﺎ : ﺳﻜﺘﻲ ﺟﻨﻪ ﺍﻟﻠﻪ ﻻﻳﻜﻮﻟﻬﺎ
ﺟﻨﻪ : ﺯﻳﻦ ﺍﻧﻲ ﺍﺭﻭﺡ ﺍﺗﺤﻀﺮ ﺭﺍﺡ ﻳﺠﻲ ﺳﻤﻮﺭﺗﻲ
ﻣﻬﺎ : ﻭﻟﻲ ﺍﻧﺖ ﻭﺳﻤﻮﺭﺗﺞ ﺍﺑﻮ ﺧﺸﻢ
ﺟﻨﻪ : ﺍﻱ ﻓﺪﻳﺘﻪ ﻭﻓﺪﻳﺖ ﺧﺸﻤﻪ ﻭﺍﺳﻤﻪ ﻭﺭﺳﻤﻪ
ﻣﻬﺎ : ﻧﻨﻨﻨﻨﻨﻦ
ﺭﺣﺖ ﻟﻠﻐﺮﻓﻪ ﺣﻀﺮﺗﻠﻲ ﺗﺮﺍﻙ ﻭﺭﺩﻱ ﻭﺭﺻﺎﺻﻲ ﻣﺨﻄﻂ ﻭﺭﺣﺖ ﺳﺒﺤﺖ ﻻﻥ ﺍﻧﺴﻠﻜﺖ ﺳﻠﻚ ﺑﺎﻟﻤﻄﺒﺦ ﻣﻦ ﺍﻟﺤﺮﺍﺭﻩ ﺻﺮﺕ ﺑﻴﻀﻪ ﻣﺴﻠﻮﮔﻪ .
ﻛﻮﻣﻪ ﺟﺪﻭﺭ ﻉ ﺍﻟﻄﺒﺎﺥ ﻣﺸﻌﻮﻟﻪ ﺍﻟﺪﻭﻟﻤﻪ ﻭﺍﻟﺘﺸﺮﻳﺐ ﻭﺍﻟﺸﻮﺭﺑﻪ ﻭﺍﻟﺘﻤﻦ .
ﺍﻟﻔﺮﻥ ﻣﺸﻌﻮﻝ ﻭﺑﻲ ﺩﺟﺎﺟﻪ ﺗﻨﺸﻮﻱ
ﺍﻟﻄﺒﺎﺥ ﺍﺭﺑﻊ ﻋﻴﻮﻥ ﻟﻮ ﺑﻲ ﻋﻴﻦ ﺧﺎﻣﺴﻪ ﺟﺎﻥ ﻫﻢ ﺍﻧﺸﻌﻠﺖ ﻭﺧﻠﻴﻨﻪ ﻋﻠﻴﻬﺎ ﺷﻲ .
ﻭﻟﻮ ﻋﻨﺪﻩ ﻟﺴﺎﻥ ﻫﻢ ﺟﺎﻥ ﺣﺠﻪ ﻭﻛﺎﻝ ﺭﺣﻤﻮﻧﻲ ﺯﻳﻦ ﻣﻨﻪ ﻣﺎﻳﻨﻔﺠﺮ .
ﻫﺬﺍ ﺍﻟﺤﺎﻝ ﺑﺮﻣﻀﺎﻥ ﺍﺧﻮﺍﻧﻲ ﺍﻟﻮﻟﺪ ﺍﺫﺍ ﻣﺎﺷﺎﻓﻮﺍ ﻛﺬﺍ ﺍﻛﻠﻪ ﻉ ﺍﻟﻔﻄﻮﺭ ﻳﻈﻠﻮﻥ ﻳﺤﺠﻮﻥ .
ﻭﺍﺫﺍ ﻃﺒﺨﻨﺎ ﻫﻮﺍﻳﻪ ﻣﻴﺎﻛﻠﻮﻥ ﻛﻠﻬﺎ ﻟﻜﻤﺘﻴﻦ ﻣﻦ ﻛﻞ ﺍﻛﻠﻪ ﻭﺍﻟﺒﺎﻗﻲ ﻛﻠﻪ ﻣﻲ ﻭﻋﺼﻴﺮ ﻭﻟﺒﻦ ﻳﻤﻠﻮﻥ ﻣﻌﺪﺗﻬﻢ .
ﺧﻠﺼﺖ ﺳﺒﺎﺣﻪ ﻭﺑﺪﻟﺖ ﻧﺸﻔﺖ ﺷﻌﺮﻱ ﻭﺭﺣﺖ ﻟﻠﻤﻄﺒﺦ ﺍﻣﻲ ﺩﺗﺠﻴﻚ ﺍﻻﻛﻞ ﻭﻣﻬﺎ ﻳﻤﻬﺎ .
ﻣﺎﻣﺎ ﺻﺒﻲ ﺍﻟﻨﻪ ﺍﻧﻲ ﻭ ﺳﺎﻣﺮ ﻭﺣﺪﻧﻪ ﻧﮕﻌﺪ ﻧﺎﻛﻞ .
ﺍﻻﻡ : ﻻ ﻳﻤﻪ ﻋﻴﺐ ﺍﺧﻮﺗﺞ ﻣﻮﺟﻮﺩﻳﻦ ﻭﻧﻜﻌﺪ ﻛﻠﻨﺎ ﺳﻮﻩ .
ﻣﻬﺎ : ﺃﺛﮕﻠﻲ ﺷﻮﻳﻪ ﺛﮕﻠﻲ ﻋﻴﻴﺐ ﺧﺰﻳﺘﻴﻨﻪ ﺍﻟﻴﻜﻮﻝ ﺑﺲ ﺍﻧﺖِ ﻣﺨﻄﻮﻭﺑﻪ .
ﺟﻨﻪ : ﺷﺼﺎﺭ ﻫﺴﻪ ﺑﻄﻠﺖ ﻣﺎﺍﺭﺍﺡ ﺍﻛﻌﺪ ﻭﻳﺎ ﻭﺣﺪﻧﺎ .
ﺍﻻﻡ : ﺑﻨﻴﺘﻲ ﻭﺭﻩ ﺍﻟﻔﻄﻮﺭ ﺍﺫﺍ ﻛﺎﻣﻮﺍ ﺍﺧﻮﺍﻧﺞ ﻛﻌﺪﻱ ﻭﻳﺎ ﺷﻮﻳﻪ ﻟﻮﺣﺪﻛﻢ .
ﺟﻨﻪ : ﺍﻱ ﺧﻮﻭﺵ ( ﺑﺘﺬﻣﺮ )
ﻣﻬﺎ : ﺍﻱ ﺛﮕﻠﻲ ﻳﺎﺑﻨﻴﻪ ﺍﻟﺜﮕﻞ ﺯﻳﻨﻪ
ﺟﻨﻪ : ﺧﻨﺸﻮﻭﻓﺞ ﺗﺜﮕﻠﻴﻴﻦ ( ﺗﻐﻤﺰ ﻟﻬﺎ )
ﻣﻬﺎ : ﻧﺠﺒﻲ
ﺟﻨﻪ : ﺍﻧﺖ ﻧﺠﺒﻲ
ﻣﻬﺎ : ﻻ . ﺍﻧﺖ
ﺍﻻﻡ : ﻫﻲ ﺷﻨﻮﻭﻭ ﻭﻟﺠﻦ ﺗﺨﺒﻠﺘﻦ ﻛﺪﺍﻣﻲ ﺗﺘﻌﺎﺭﻛﻦ ﺗﺎﻟﻲ ﺍﻟﻠﻪ ﻳﻌﺎﻗﺒﻜﻢ ﻛﻞ ﻭﺣﺪﻩ ﺗﺰﻭﺝ ﻣﻜﺎﻥ ﻭﺗﺼﻴﺮ ﺣﺴﺮﻩ ﻋﻠﻴﻬﻪ ﺷﻮﻓﺖ ﺍﺧﺘﻬﺎ .
ﺟﻨﻪ : ﺧﻮﺵ ﺭﺯﺍﻟﻪ ﻣﻦ ﻧﺒﻊ ﺍﻟﺤﻨﺎﻥ
ﺍﻧﻲ ﺭﺍﻳﺤﻪ ﺍﺷﻮﻑ ﺳﺎﻣﺮ .
ﻃﻠﻌﺖ ﺑﺮﻩ ﺑﺎﻟﻜﺮﺍﺝ ﺍﻟﺠﻮ ﺣﺎﺭ ﻛﻠﺶ ﺑﻴﺪﻱ ﺗﻠﻴﻔﻮﻧﻲ ﺍﺗﺼﻠﺖ ﺑﻲ ﻣﻴﺠﺎﻭﺏ ﻳﻤﻜﻦ ﻉ ﺍﻟﺪﺭﺍﺟﻪ ﺧﻠﻲ ﻻﺍﻗﻠﻘﻪ ﻻﻳﺴﻮﻱ ﺣﺎﺩﺙ .
ﺩﺧﻠﺖ ﻟﻠﻤﻄﺒﺦ ﻭﻣﻬﺎ ﺗﺨﺰﺭﻧﻲ ﻭﺍﻧﻲ ﺍﻣﺪ ﻟﺴﺎﻧﻲ ﺍﻟﻬﺎ
ﺛﻮﺍﻧﻲ ﻭﺩﺧﻠﺖ ﻣﺮﺕ ﺍﺧﻮﻳﻪ ﻋﺬﺭﺍﺀ ﺗﻮﻫﺎ ﻛﺎﻋﺪﻩ ﻣﻦ ﺍﻟﻨﻮﻡ ﻭﺗﺘﺜﺎﻭﺏ ﻳﺎﺩﻭﺏ ﺑﺲ ﻏﺎﺳﻠﻪ ﻭﺟﻬﻪ .
ﻋﺬﺭﺍﺀ : ﺧﺎﻟﻪ ﺍﺳﺎﻋﺪﻛﻢ ﺑﺸﻲ ؟؟
ﺍﻻﻡ : ﻻ ﺣﺒﻴﺒﻴﻪ ﻣﺨﻠﺼﻴﻦ
ﺟﻨﻪ : ﻋﺬﻭﺭﻩ ﺣﺒﻴﺒﺒﻪ ﻣﺸﻜﻮﺭﻩ ﻛﻞ ﺷﻲ ﻣﺨﻠﺼﻴﻦ ﺑﺲ ﺑﺎﻗﻲ ﺍﻻﺫﺍﻥ ﺍﺫﺍ ﺗﺮﺩﻳﻦ ﺍﺫﻧﻲ ﺣﺘﻰ ﻧﻔﻄﺮ .
ﻋﺬﺭﺍﺀ : ﻫﻪ ﺗﺮﻩ ﻣﺎﺗﻀﺤﻚ
ﺟﻨﻪ : ﻫﻮ ﺍﻧﻲ ﻛﺎﻳﻠﺘﻠﺞ ﺿﺤﻜﻲ ؟
ﻛﺎﻣﺖ ﻋﺬﺭﺍﺀ ﺗﻜﺸﻒ ﺑﺎﻟﻜﺪﻭﺭﻩ ﺍﺧﺮ ﺷﻲ ﻭﺻﻠﺖ ﻟﻠﺰﻻﻃﻪ ﻛﺎﻟﺖ
ﻋﺬﺭﺍﺀ : ﻫﻲ ﺷﻨﻮ ﺍﻛﻮ ﻭﺍﺣﺪ ﻳﺨﻠﻲ ﺯﻻﻃﻪ ﻭﻱ ﻃﺮﺷﻲ .
ﺟﻨﻪ : ﺍﻱ ﺳﺎﻣﺮ ﻳﺤﺒﻪ ﻫﻴﺞ ﻭﺳﻮﻳﺘﻪ ﻣﻌﺎﺟﺒﺞ ﻟﺘﺎﻛﻠﻴﻦ ﻣﻨﻪ .
ﻋﺬﺭﺍﺀ : ﺍﻳﻴﻴﻪ ﺳﺎﻣﺮ ﺍﻟﻴﻮﻡ ﻫﻨﺎ ؟؟
ﺟﻨﻪ : ﺍﻱ ﺣﺒﻴﺒﺘﻲ ﻫﻨﺎ ﻳﺘﻔﻄﺮ ﻭﻳﺎﻧﻪ
ﻋﺬﺭﺍﺀ : ﻟﻌﺪ ﺍﻧﻲ ﺍﻛﻞ ﺑﻐﺮﻓﺘﻲ ﻻﻥ ﺍﺳﺘﺤﻲ ﻭﺍﻧﺘﻢ ﺗﺎﻛﻠﻮﻥ ﻛﻠﻜﻢ ﺳﻮﻩ
ﺍﻻﻡ : ﻋﻠﻰ ﺭﺍﺣﺘﺞ ﻳﻤﻪ
ﺟﻨﻪ : ﺍﻱ ﻣﻮ ﻫﻮ ﺭﺍﺡ ﻳﺎﻛﻠﺞ
ﺍﻻﻡ : ﻛﺎﻓﻲ ﺟﻨﻪ ﺷﻜﺪ ﺗﻠﺤﻴﻦ .
ﻋﺬﺭﺍﺀ : ﺍﻧﻲ ﺭﺍﻳﺤﻪ ﻳﻤﻜﻦ ﺍﺣﻤﺪ ﻳﺼﻴﺤﻠﻲ .
ﺟﻨﻪ :
ﻃﻠﻌﺖ ﻋﺬﺭﺍﺀ ﻣﻦ ﺍﻟﻤﻄﺒﺦ ﻭﻣﺎﻣﺎ ﻭﻣﻬﺎ ﺍﺳﺘﻠﻤﻮﻧﻲ
ﻋﻠﻰ ﻛﻴﻔﺞ ﺭﺍﺡ ﺗﺎﻛﻠﻴﻬﻪ ﺷﺠﺎﺝ
ﻛﺘﻠﻬﻢ ﻻﻥ ﺍﺩﺭﻱ ﻓﻮﺗﺘﻬﺎ ﻟﻠﻤﻄﺒﺦ ﻣﻮ ﻫﺎﻟﻠﻪ ﺑﺎﻟﻠﻪ ﺑﺲ ﺗﻌﻴﺐ ﺍﺻﻼ ﻫﻲ ﻣﺎﺗﺮﻳﺪ ﺗﺎﻛﻞ ﻭﻳﺎﻧﻪ ﺍﻣﻬﺎ ﺩﺍﺯﺗﻠﻬﺎ ﻓﻄﻮﺭ .
ﺍﻻﻡ : ﻭﺍﻧﺖ ﺷﻌﻠﻴﺞ ﺑﻴﻬﺎ ﻣﻮ ﻫﻢ ﻭﺭﺍﺝ ﻋﻴﺎﻝ ﺗﺮﻩ ﻳﺴﻜﻤﻮﻧﺞ ﺳﻜﻢ
ﺟﻨﻪ : ﺍﻧﻲ ﻣﻮ ﻣﺜﻠﻬﺎ ﻧﻬﺎﺭ ﻛﻠﻪ ﺣﺎﻃﻪ ﺭﺟﻞ ﻋﻠﻰ ﺭﺟﻞ ﻭﺗﺘﺄﻣﺮ .
ﻣﻬﺎ : ﻭﺍﻧﺖ ﺷﺴﻮﻳﺘﻲ ﻋﻴﻨﻲ ﺯﻻﻃﻪ ﻭﻋﺼﻴﺮ ﻣﺸﻤﺶ
ﺟﻨﻪ : ﻭﺍﻟﺘﻨﻀﻴﻒ ﻣﻨﻮ ﻳﻨﻀﻒ ﻣﻮ ﻛﻠﻪ ﻋﻠﻴﻪ ﻭﺍﻧﺘﻦ ﻛﺎﻋﺪﺍﺕ ﻭﺳﺎﻛﺘﺎﺕ
ﻣﻬﺎ : ﺍﻧﺖ ﺗﺪﺭﻳﻦ ﻣﺎﺑﻴﻪ ﺍﻧﻀﻒ ﻣﻦ ﺭﺟﻠﻲ ﺍﻧﻲ
ﺟﻨﻪ : ﺍﻱ ﺍﻋﺮﻑ ﺣﺒﻴﺒﺘﻲ ﺑﺲ ﻗﺼﺪﻱ ﻋﻠﻰ ﺳﺖ ﺍﻟﺤﺴﻦ ﻭﺍﻟﺠﻤﺎﻝ
ﺍﻧﻲ ﺍﺭﻭﺡ ﺍﺧﺎﺑﺮ ﺳﺎﻣﺮ ﺗﺎﺧﺮ ﻫﻮﺍﻳﻪ .
ﺍﺣﺲ ﺭﺍﺡ ﺍﺟﻔﺺ ﻭﺍﺟﺮﺡ ﻣﻬﺎ ﻭﻣﺎﺭﻳﺪ ﻳﺼﻴﺮ ﻫﻴﺞ .
ﺍﻻﻡ : ﻛﺎﻓﻲ ﻛﻞ ﺷﻮﻳﻪ ﺗﺪﻛﻴﻦ ﻋﻠﻴﻪ ﻳﻤﻜﻦ ﻋﻨﺪﻩ ﺷﻐﻞ ﻭﺗﺎﺧﺮ
ﺟﻨﻪ : ﻣﺎﻣﺎ ﻫﻮ ﺑﺮﻣﻀﺎﻥ ﺷﻐﻠﻪ ﺑﺎﻟﻠﻴﻞ ﺑﺲ ﮔﻠﺒﻲ ﻋﻠﻴﻪ ﻣﺎﻳﺮﺩ ﻣﺎﺍﺩﺭﻱ ﺷﺒﻲ
ﺍﻻﻡ : ﺍﻱ ﻳﺎﺍﻣﻲ ﻳﻤﻜﻦ ﺑﺎﻟﻄﺮﻳﻖ ﺍﺻﺒﺮﻱ ﺷﻮﻳﻪ .
ﺟﻨﻪ : ﻃﻠﻌﺖ ﻣﻦ ﺍﻟﻤﻄﺒﺦ ﻭﺳﻤﻌﺖ ﺍﻻﺫﺍﻥ ﺍﺫﻥ
ﻭﺍﺧﻮﺍﻧﻲ ﻛﻠﻬﻢ ﺗﻮﺿﻮﺍ ﻭﺭﺍﺣﻮﺍ ﻳﺼﻠﻮﻥ
ﺍﻣﻲ ﻭﻣﻬﺎ ﺩﻳﺤﻀﺮﻭﻥ ﺍﻟﺴﻔﺮﻩ ﻭﺍﻧﻲ ﺑﻴﺪﻱ ﺍﻟﺘﻠﻴﻔﻮﻥ ﻭﻋﻴﻨﻲ ﻭﺍﺫﻧﻲ ﻉ ﺍﻟﺒﺎﺏ ﻛﻞ ﺷﻮﻱ ﺍﻛﻮﻝ ﻫﺴﻪ ﻳﺠﻲ ﻭﺻﺎﺭﺕ ﺳﺒﻌﻪ ﻭﺭﺑﻊ ﻭﺍﻧﻲ ﺣﺘﻰ ﻣﺎﻓﻄﺮﺕ .
ﺍﻟﻜﻞ ﺗﺠﻤﻊ ﻋﻠﻰ ﺍﻟﺴﻔﺮﻩ ﻭﺻﺎﺣﻮﻟﻲ ﺗﻌﺎﻟﻲ ﺍﻓﻄﺮﻱ ﻳﻤﻜﻦ ﺻﺎﺭ ﻋﻨﺪﻩ ﺷﻐﻞ ﻭﻣﻴﺠﻲ .
ﺗﺠﺎﻫﻠﺘﻬﻢ ﻭﻃﻠﻌﺖ ﺭﻗﻢ ﺍﻡ ﺳﺎﻣﺮ ﺍﺗﺼﻠﺖ ﺑﻴﻬﺎ ﻣﺘﺠﺎﻭﺏ
ﮔﻠﺒﻲ ﻇﻞ ﻳﻠﻌﺐ ﺍﻛﻴﺪ ﺻﺎﻳﺮ ﺷﻲ .
ﺭﺣﺖ ﺍﻛﻠﺖ ﻛﻢ ﻟﮕﻤﻪ ﻭﻛﻤﺖ ﻉ ﺍﻟﺴﺮﻳﻊ ﺗﻮﺿﻴﺖ ﻭﺻﻠﻴﺖ .
ﻭﺑﻘﻴﺖ ﺑﺎﻟﻐﺮﻓﻪ ﻣﺎﻃﻠﻌﺖ ﻣﻨﻬﺎ ﻭﺍﻟﺘﻠﻴﻔﻮﻥ ﺑﺄﻳﺪﻱ ﻛﻞ ﺷﻮﻳﻪ ﺍﺑﻮﻋﻠﻪ ﺑﺲ ﻣﺎﺍﺗﺼﻞ ﻻﻥ ﻛﻠﻤﺎ ﺍﺗﺼﻞ ﻣﺎﺍﻻﮔﻲ ﺍﻟﺠﻮﺍﺏ ﺍﻳﺴﺖ .
ﻟﺤﺪ ﻣﺎﺳﻤﻌﺖ ﺻﻮﺕ ﺻﺮﻳﺦ ﺍﻣﻲ ﻣﺘﺖ ﺍﺣﺲ ﻗﻄﺮﺓ ﺩﻡ ﻣﺒﻘﺖ ﺑﺠﺴﻤﻲ ﻃﻠﻌﺖ ﺍﺭﻛﺾ ﺍﺩﻭﺭ ﺍﻣﻲ ﻭﻳﻦ ﻭﺭﺣﺖ ﻳﻤﻬﺎ
ﻣﻬﺎ ﻛﺎﻋﺪﻩ ﺑﺼﻔﻬﺎ ﻭﺗﺒﺠﻲ ﻭﻋﺬﺭﺍﺀ ﻫﻢ ﻣﺪﻧﻜﻪ ﻭﻣﻘﻬﻮﺭﻩ
ﺭﺣﺖ ﻻﻣﻲ ﺍﺟﺮﺟﺮ ﺑﻤﻼﺑﺴﻬﺎ ﺧﻴﺮ ﻣﺎﻣﺎ ﺍﻛﻮ ﺷﻲ
ﻣﺘﺴﻤﻌﻨﻲ ﻭﻣﻨﻬﺎﺭﻩ ﺑﺎﻟﺒﺠﻲ ﺗﻮﻗﻌﺖ ﻭﺍﺣﺪ ﻣﻦ ﺍﺧﻮﺗﻲ ﺑﻲ ﺷﻲ ﻻﻥ ﻫﻢ ﻭﺭﻩ ﺍﻟﻔﻄﻮﺭ ﻳﻄﻠﻌﻮﻥ .
ﺑﻘﻴﺖ ﺍﺗﻮﺳﻞ ﺑﺎﻣﻲ ﺗﺤﺠﻴﻠﻲ ﺷﺒﻴﻬﺎ ﻭﻫﻲ ﻣﻨﻬﺎﺭﻩ ﻭﺗﺒﺠﻲ ﻭﺍﻧﻲ ﻗﻠﺒﻲ ﻧﺎﺭ ﻭﻣﺎﺍﻋﺮﻑ ﺷﺴﻮﻱ ﻭﻣﺎﺍﻋﺮﻑ ﺍﻣﻲ ﺷﺒﻴﻬﺎﺍ ﻟﺤﺪ ﻣﺎﻛﻠﺘﻠﻲ ﺍﺧﺘﺞ ﻋﻼ ﺧﺎﺑﺮﺕ ﻭﺗﻜﻮﻝ ﺳﺎﻣﺮ ﻣﺎﺕ !!!
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء