رواية اهدتني عاراً الجزء الثاني
للكاتبة نورا ناصر
...
ﺟﻬﺎﺩ :. ﺣﺎﻭﻟﺖ ﺍﺗﻬﺮﺏ ﻣﻦ ﻣﺤﻤﺪ ﻭﻣﻦ ﺍﻟﻤﻮﺿﻮﻉ ﻛﻠﻪ ﻛﺘﻠﻪ ﻻ ﻳﻤﻌﻮﺩ ﺍﻋﻔﻴﻨﻲ ﺍﻧﻲ ﻣﺎﺍﻣﻔﻜﺮ ﻫﺴﻪ ﺑﺎﻟﺰﻭﺍﺝ ﻭﺍﻟﻠﻪ ﻳﺴﺘﺮ ﻋﻠﻰ ﺍﺧﺘﻚ ﺍﻥ ﺷﺎﺀﺍﻟﻠﻪ ﻭﻋﺎﺷﺖ ﺍﻳﺪﻙ ﻋﻠﻰ ﺍﻟﻐﺪﺍ
ﻣﺤﻤﺪ : ﺳﻴﺪﻱ ﻣﺎﺍﻛﻠﺖ
ﺟﻬﺎﺩ : ﺍﻛﻠﺖ ﻧﻌﻤﻪ ﺍﻟﺤﻤﺪﻟﻠﻪ ﺷﺒﻌﺖ .
ﺭﺣﺖ ﻏﺴﻠﺖ ﻭﻛﻌﺪﺕ ﺍﻛﻤﻞ ﺷﻐﻠﻲ .
ﻭﺍﺳﺘﻤﺮﺕ ﺍﻻﻳﺎﻡ ﻭﻣﺤﻤﺪ ﻳﻠﻤﺢ ﻭﻳﻜﻮﻝ ﻧﻨﺘﻈﺮﻛﻢ ﺗﺠﻮﻥ ﻭﻣﻦ ﻫﺎﻟﺤﺠﻲ ﻭﺍﻧﻲ ﻛﻞ ﻣﺮﻩ ﺍﻏﻠﺲ ﻋﻨﻪ ﻭﺍﺗﻬﺮﺏ ﻣﻨﻪ .
ﻓﺪ ﻳﻮﻡ ﺟﻨﺖ ﺑﺎﻟﺸﻐﻞ ﻛﺎﻋﺪ ﻭﺍﺭﺍﺟﻊ ﺍﻻﻭﺭﺍﻕ ﺍﻟﻲ ﻳﻤﻲ ﺩﺧﻞ ﺷﺮﻃﻲ ﻛﺎﻝ ﺳﻴﺪﻱ ﻫﻲ ﻣﺮﻩ ﺗﺮﻳﺪ ﺍﻟﻀﺎﺑﻂ ﻭﺍﻟﻀﺎﺑﻂ ﻣﻤﻮﺟﻮﺩ ﻟﻬﺴﻪ ﻣﺎﺍﺟﻪ
ﻛﺘﻠﻪ ﺩﺧﻠﻬﺎ ﺧﻨﺸﻮﻑ ﺷﺘﺮﻳﺪ
ﺭﺍﺡ ﺍﻟﺸﺮﻃﻲ ﻭﺍﺟﻪ ﻭﻳﺎ ﻣﺮﻩ ﺿﻌﻴﻔﻪ ﻭﺷﺎﻳﻠﻪ ﻋﻼﻛﺔ ﻣﺴﻮﺍﻙ ﻭﺷﻮﻳﻪ ﻣﻼﺑﺴﻬﺎ ﻣﺒﻬﺬﻟﻪ ﻭﻋﺒﺎﻳﺘﻬﻪ ﻗﺪﻳﻤﻪ ﻛﻠﺶ
ﻛﻤﺖ ﻣﻦ ﻋﻠﻰ ﺍﻟﻜﺮﺳﻲ ﻭﺭﺣﺖ ﻳﻤﻬﺎ .
ﻛﺘﻠﻬﺎ ﺗﻔﻀﻠﻲ ﺣﺠﻴﻪ ﻋﻨﺪﺝ ﺷﺊ ؟
ﻛﺎﻟﺖ ﺍﻱ ﻳﻤﻪ ﻓﺪﻭﺓ ﺍﺭﻭﺣﻠﻚ ﻫﺎﻱ ﺍﻭﺭﺍﻗﻲ .
ﺍﺧﺬﺗﻬﻦ ﻣﻨﻬﺎ ﺷﻔﺘﻬﻦ ﺟﻨﺴﻴﻪ ﻭﺷﻬﺎﺩﺓ ﺍﻟﺠﻨﺴﻴﻪ
ﺟﻬﺎﺩ : ﺷﻨﻮﻭ ﻫﺬﺍ ﺑﺎﺍﺳﺘﻐﺮﺍﺏ
ﺍﺭﻳﺪﻙ ﺗﻄﻠﻌﻠﻲ ﺟﻮﺍﺯ ﺍﺭﻳﺪ ﺍﺳﺎﻓﺮ ﻟﻠﺮﺿﺎ
ﺍﺑﺘﺴﻤﺖ ﻋﻠﻴﻬﺎ ﻛﻠﺘﻠﻬﺎ ﺣﺠﻴﻪ ﺑﺲ ﻫﺬﺍ ﻣﺮﻛﺰ ﺷﺮﻃﻪ ﻳﻌﻨﻲ ﻧﻄﻠﻊ ﺩﻭﺭﻳﺎﺕ ﻧﻠﻘﻲ ﺍﻟﻘﺒﺾ ﻋﻠﻰ ﻣﺠﺮﻣﻴﻦ
ﻣﻮ ﺗﺎﺑﻊ ﻟﻠﺠﻮﺍﺯﺍﺕ ﻭﺍﻟﺠﻨﺴﻴﻪ ﻭﺑﻌﺪﻳﻦ ﺍﻧﺘﻲ ﺻﻮﺭﺓ ﺍﻟﺠﻨﺴﻴﻪ ﻣﺘﺸﺒﻪ ﺻﻮﺭﺓ ﺷﻬﺎﺩﺓ ﺍﻟﺠﻨﺴﻴﻪ ﻻﺯﻡ ﺍﺟﻴﺒﻴﻦ ﺻﺤﻪ ﺻﺪﻭﺭ ﻭﻳﺼﺤﺤﻮﻥ ﺍﻟﺠﻨﺴﻴﻪ .
ﻳﻤﻪ ﻓﺪﻭﺓ ﺍﺭﻭﺣﻠﻚ ﺳﻮﻳﻬﺎ ﻣﻦ ﻳﻤﻚ ﺍﻧﺘﻪ ﻛﻞ ﺷﻲ ﺗﻜﺪﺭ ﺗﺴﻮﻱ
ﺣﺠﻴﻪ ﺑﻌﻴﻨﻲ ﺑﺲ ﻭﺍﻟﻠﻪ ﻣﻴﺼﻴﺮ ﻻﺯﻡ ﺧﺘﻢ
ﺍﺷﻮ ﻫﻲ ﻇﻠﺖ ﺗﻔﺮ ﺑﺤﻠﻜﻬﺎ ﻛﺎﻟﺖ ﺍﻳﻴﻴﻪ ﻟﻮ ﻣﻦ ﻫﺬﻥ ﺍﻣﻬﺎﺕ ﺑﻨﻄﺮﻭﻧﺎﺕ ﺟﺎﻥ ﺑﺴﺮﻋﻪ ﻣﺸﻴﺘﻬﻦ ﺑﺲ ﺷﻔﺘﻨﻲ ﻋﺠﻴﺰ ﻣﺎﺍﻓﻴﺪ .. ﻭﻟﻚ ﻳﻤﻪ ﺳﻮﻳﻬﺎ ﻝ ﺍﻟﻠﻪ ﻭﺍﻟﻠﻪ ﺣﺘﺊ ﻛﺮﻭﺓ ﻣﺎﻋﻨﺪﻱ ﻭﺍﻧﺘﻢ ﺍﻗﺮﺏ ﻣﺮﻛﺰ ﺍﺟﻴﺘﻜﻢ .
ﺍﺳﺘﻐﻔﺮﺕ ﺭﺑﻲ ﻫﺴﻪ ﻫﺎﻱ ﺷﻴﻔﻬﻤﻬﺎ ﺗﺠﻴﻚ ﺳﻮﺍﻟﻒ ﻻ ﻋﻠﻰ ﺍﻟﺒﺎﻝ ﻭﻻ ﻋﻠﻰ ﺍﻟﺨﺎﻃﺮ ... ﻭﺍﻟﻠﻪ ﺳﻮﺍﻟﻒ ﺗﻌﺒﺎﻧﻪ ﺻﺪﻭﻙ ﻟﻮ ﻛﺎﻟﻮ ﺷﺮ ﺍﻟﺒﻠﻴﻪ ﻣﺎﻳﻀﺤﻚ .
ﺑﻬﺎﻱ ﺍﻻﺛﻨﺎﺀ ﺩﺧﻞ ﻣﺤﻤﺪ ﻛﻠﺖ ﺍﻟﻠﻪ ﺟﺎﺑﻪ ﻫﻢ ﺍﻓﺘﻚ ﻣﻨﻪ ﻭﻫﻢ ﻳﺨﻠﺼﻨﻲ ﻣﻨﻬﺎ .
ﻛﺘﻠﻪ ﻣﺤﻤﺪ ﺍﺧﺬ ﺩﻭﺭﻳﻪ ﻭﺍﺧﺬ ﺍﻟﺤﺠﻴﻪ ﻟﻠﺠﻮﺍﺯﺍﺕ ﺟﻴﺐ ﺍﻟﻬﺎ ﺻﺤﻪ ﺻﺪﻭﺭ ﻭﺭﺟﻌﻬﺎ ﻟﻠﺠﻨﺴﻴﻪ ﺻﺤﺢ ﺍﻟﺠﻨﺴﻴﻪ ﻭﺍﺭﺟﻊ ﻟﻠﺠﻮﺍﺯﺍﺕ ﻭﺧﻠﻴﻬﺎ ﺗﻨﻄﻲ ﻟﻠﺼﻚ 30 ﺍﻟﻒ
ﺍﺷﻮ ﻫﻲ ﻋﺎﻃﺖ
ﻳﻤﻤﻤﻪ ﻭﺷﺪﻋﻮﻩ 30 ﺍﻟﻒ
ﻇﻠﻴﺖ ﺻﺎﻓﻦ ﺑﻮﺟﻬﺎ ﻟﻌﺪ ﺷﻮﻥ ﺭﺍﺡ ﺗﺴﺎﻓﺮ ﺍﺫﺍ ﻣﺎﺗﻨﻄﻲ 30 ﺍﻟﻒ .
ﻣﺒﻴﻦ ﻋﻠﻴﻬﺎ ﺑﻨﺺ ﻋﻘﻞ ﺧﻄﻴﻪ ﺳﺎﻟﺘﻬﺎ ﻭﻳﻦ ﻭﻟﺪﺝ
ﻛﺎﻟﺖ ﺍﺛﻨﻴﻦ ﺷﻬﺪﺍﺀ ﻭﺍﺣﺪ ﻣﺎﻳﺪﺭﻱ ﻋﻨﻲ .
ﻛﻠﺖ ﺑﻜﻠﺒﻲ ﺣﻘﻬﺎ ﺗﻔﻘﺪ ﻋﻘﻠﻬﺎ
ﺍﺧﺬﺗﻬﺎ ﻟﻠﺠﻮﺍﺯﺍﺕ ﻭﺗﻜﻔﻠﺖ ﺑﻜﻞ ﺷﻲ ﺣﺘﻰ ﺍﻟـ 30 ﺍﻟﻒ ﺩﻓﻌﺘﻬﺎ ﻋﻨﻬﺎ .
ﺑﻌﺪﻫﺎ ﺭﺟﻌﺖ ﻟﺒﻐﺪﺍﺩ ﺻﺮﺕ ﺍﻛﺮﻩ ﺍﺭﺟﻊ ﻟﺒﻴﺘﻨﺎ ﻟﻮ ﻣﺎ ﺍﻣﻲ ﻛﺎﺳﺮﻩ ﻇﻬﺮﻱ ﺩﻭﻡ ﺗﺨﺎﺑﺮ ﺗﻜﻠﻲ ﺗﻌﺎﻝ ﻣﺸﺘﺎﮔﻪ ﺍﺷﻢ ﺭﻭﻳﺤﺘﻚ ﻻ ﺗﺠﻔﻲ ﻻﺗﻄﻮﻝ ﻋﻠﻴﻪ ﻏﻴﺎﺑﻚ ﻻﺗﺤﺮﻙ ﮔﻠﺒﻲ ﻓﻮﻙ ﻣﺎﻫﻮ ﻣﺤﺘﺮﻙ ﻋﻠﻴﻚ ﻭﻋﻠﻰ ﺍﻟﻲ ﺻﺎﺭ ﺑﻴﻚ .
ﺻﺮﺕ ﻣﻦ ﺍﻣﺸﻲ ﺑﺎﻟﻤﻨﻄﻘﻪ ﺍﺣﺲ ﺍﻟﻜﻞ ﻳﺤﺠﻲ ﺑﺴﺎﻟﻔﺘﻲ ﻟﺬﻟﻚ ﻇﻠﻴﺖ ﻣﻦ ﺍﺭﻭﺡ ﻛﻠﻪ ﺑﺎﻟﺒﻴﺖ ﺣﺘﻰ ﺧﻮﺍﺗﻲ ﺍﻟﻤﺘﺰﻭﺟﺎﺕ ﻣﻦ ﻳﺠﻦ ﻣﺎﺍﻧﺰﻝ ﺍﺳﻠﻢ ﻋﻠﻴﻬﻢ ﺍﻗﻔﻞ ﺍﻟﺒﺎﺏ ﻭﻣﺎﺷﻮﻓﻬﻢ ﺍﻧﻌﺰﻟﺖ ﻋﻦ ﺍﻟﻌﺎﻟﻢ ﻛﻠﻪ ﺻﺮﺕ ﺍﺗﺤﺴﺲ ﻣﻦ ﻛﻞ ﺷﻲ ﻭﺩﻭﻡ ﻣﺘﻮﺗﺮ ﻭﻋﺼﺒﻲ .
ﺑﺲ ﺑﺎﻟﺸﻐﻞ ﺍﺭﺗﺎﺡ ﻻﻥ ﻣﺤﺪ ﻳﻌﺮﻑ ﺑﺴﺎﻟﻔﺘﻲ .
ﻓﺪ ﻳﻮﻡ ﻋﻨﺪﻱ ﺍﺧﺘﻲ ﻣﺘﺰﻭﺟﻪ ﺑﻐﻴﺮ ﻣﺤﺎﻓﻀﻪ ﻭﻣﺎﺍﺗﺠﻲ ﺍﻟﻨﺎ ﺍﻟﻪ ﺑﺎﻟﺴﻨﺘﻴﻦ ﻣﺮﻩ
ﺻﺎﺩﻑ ﺟﻴﺘﻬﺎ ﻭﻳﺎ ﺍﺟﺎﺯﺗﻲ ﺍﺟﺖ ﺍﻟﻲ ﻟﻠﻐﺮﻓﻪ ﺳﻠﻤﺖ ﻋﻠﻴﻪ
ﺣﻮﺭﺍﺀ : ﺟﻬﺎﺩ ﺑﻌﺪ ﺍﺧﺘﻚ ﺷﺼﺎﻳﺮ ﺑﻴﻚ ﻟﻴﺶ ﻫﻴﺞ ﻣﺴﻮﻱ ﺑﻨﻔﺴﻚ ﻳﺎﺧﻮﻳﻪ .
ﺟﻬﺎﺩ : ﺷﻨﺴﻮﻱ ﻫﺬﺍ ﺣﺎﻝ ﺍﻟﺪﻧﻴﺎ
ﺣﻮﺭﺍﺀ : ﻳﺎﺧﻮﻳﻪ ﻣﻮ ﻫﻴﺞ ﺣﺎﺑﺲ ﻧﻔﺴﻚ ﻭﻣﺎﺗﺸﺘﻬﻲ ﺍﻟﺪﻧﻴﺎ ﻭﻣﻨﻌﺰﻝ ﻋﻦ ﺍﻻﻫﻞ ﻛﻠﻬﺎ ﺍﻧﺖ ﺍﻟﺴﺒﻊ ﺍﻟﺠﺒﻞ ﺍﻟﻲ ﻣﺎﻳﻬﺰﻩ ﺭﻳﺢ ﻫﻴﺠﻲ ﻳﺼﻴﺮ ﺑﻴﻚ .
ﺟﻬﺎﺩ : ﻳﺎﺧﻴﺘﻲ ﻛﻞُ ﻗﻮﻱٌ ﻟﺰﻣﺎﻧﻪِ ﻳﻠﻴﻦ
ﺣﻮﺭﺍﺀ : ﺍﺳﻢ ﺍﻟﻠﻪ ﻋﻠﻴﻚ ﺑﻌﺪ ﻋﻴﻨﻲ ﺑﻐﺪﺍﺩ ﻣﻠﻴﺎﻧﻪ ﻧﺴﻮﺍﻥ ﺗﺮﻳﺪ ﺍﺧﻄﺒﻠﻚ ﻋﻨﺪﻙ ﻭﺣﺪﻩ ﺍﺧﻄﺒﻬﺎ ﺍﻟﻚ ﺍﻧﺖ ﺑﺲ ﻗﺮﺭ ﻭﺍﻟﻠﻪ ﻧﺠﻴﺒﻠﻚ ﺍﺣﻼﻫﻦ ﻭﺍﺷﺮﻓﻬﻦ ﻭﺑﺖ ﺑﻴﺖ ﻭﺃﺻﻮﻝ ﺷﺘﻜﻮﻝ؟
ﺟﻬﺎﺩ : ﻣﺎﺍﺭﻳﺪ ﺧﻴﺘﻲ ﻣﺎﺍﺭﻳﺪ ﻻﺗﻌﺒﻴﻦ ﻧﻔﺴﺞ ﻭﻳﺎﻱ
ﺷﺎﻳﻞ ﻫﺎﻟﻔﻜﺮﻩ ﻣﻦ ﺑﺎﻟﻲ . ﻋﻮﻓﺞ ﻣﻨﻲ ﺍﻧﺖ ﺷﻠﻮﻧﺞ ﻭﻟﺪﺝ ﺷﻠﻮﻧﻬﻢ ﺧﻮ ﻣﺎﻣﺄﺫﻳﻨﺞ ؟
ﺣﻮﺭﺍﺀ : ﺍﻧﻲ ﻣﺎﺍﺭﻳﺪ ﺍﺿﻮﺟﻚ ﻭﻻﺍﺣﻤﻠﻚ ﻓﻮﻙ ﻃﺎﻗﺘﻚ
ﺟﻬﺎﺩ : ﻛﻠﻴﻠﻲ ﻋﻠﻴﻬﻢ ﺍﻃﻴﺢ ﺣﻈﻬﻢ ﺍﺫﺍ ﻣﺄﺫﻳﻨﺞ .
ﺣﻮﺭﺍﺀ : ﺍﻛﻮ ﻏﻴﺮ ﺍﻟﺪﺭﺍﺳﻪ ﻣﺎﻳﻘﺒﻠﻮﻥ ﻳﺪﺭﻭﺳﻮﻥ ﺷﺎﻟﻌﻴﻦ ﮔﻠﺒﻲ .
ﺟﻬﺎﺩ : ﺩﺑﺎﺭﻫﻢ ﻳﻤﻲ ﻻﺗﺸﻴﻠﻴﻦ ﻫﻢ ﻣﺪﺍﻡ ﺟﺎﻳﺒﺘﻬﻢ ﻭﻳﺎﺝ ﺍﻧﻲ ﺍﺣﺎﺟﻴﻬﻢ .
ﺣﻮﺭﺍﺀ : ﺑﻌﺪ ﮔﻠﺒﻲ ﺧﻮﻳﻪ ﻛﻞ ﻫﺬﺍ ﺍﻟﻬﻢ ﺍﻟﺸﺎﻳﻠﻪ ﻭﻫﻢ ﺑﻌﺪ ﺷﺎﻳﻞ ﻫﻤﻲ
ﺟﻬﺎﺩ : ﻟﻌﺪ ﺷﻮﻥ ﺍﻧﺖ ﻋﺰﻳﺰﺓ ﻋﻠﻴﻪ ﺍﻡ ﻋﻼﻭﻱ ﻣﻦ ﺑﻌﺪ ﺍﻣﻲ ﺑﺎﻟﻤﻌﺰﻩ ﻫﻲ ﺍﻧﺖ .
ﺣﻮﺭﺍﺀ : ﺑﻌﺪ ﻋﻤﺮﻱ ﺧﻮﻳﻪ ﻋﺴﻰ ﺍﻟﻠﻪ ﻳﺮﺯﻗﻚ ﺑﻨﺖ ﺍﻟﺤﻼﻝ ﺍﻟﻲ ﺗﺼﻮﻧﻚ ﻭﺗﺤﺎﻓﻆ ﻋﻠﻴﻚ ﻭﻳﻄﻠﻊ ﺣﻮﺑﺘﻚ ﺑﻬﺎﻟﻤﻔﻠﻮﮔﻪ ﻫﻲ ﺍﻟﻤﺎﺗﺨﺎﻑ ﻣﻦ ﺍﻟﻠﻪ .
ﺟﻬﺎﺩ : ﻫﺴﻪ ﻣﻮ ﻛﺎﻋﺪﻳﻦ ﻭﺟﺎﻱ ﻧﺤﺠﻲ ﺍﻟﻪ ﺗﺠﻴﺒﻴﻠﻲ ﺳﻴﺮﺗﻬﺎ
ﺣﻮﺭﺍﺀ : ﻳﺎﺧﻮﻳﻪ ﺍﻋﺬﺭﻧﻲ ﻭﺍﻟﻠﻪ ﺑﺲ ﺍﻧﺖ ﺍﺗﺰﻭﺝ ﺑﻨﺎﺕ ﺍﻟﺤﻼﻝ ﻫﻮﺍﻱ ﻳﺎﺧﻮﻳﻪ ﻻﺗﻈﻞ ﻫﻴﺞ .
ﺗﺰﻭﺝ ﺧﻠﻲ ﻧﺸﻮﻑ ﺧﻠﻔﺘﻚ .
ﺟﻬﺎﺩ : ﻳﺼﻴﺮ ﺧﻴﺮ ﺍﻥ ﺷﺎﺀﺍﻟﻠﻪ ﻭﻳﻨﻬﻢ ﻭﻟﺪﺝ ﺧﻠﻲ ﺍﺣﺎﺟﻴﻬﻢ
ﺣﻮﺭﺍﺀ : ﺟﻮﻩ ﻳﻢ ﺟﺪﻫﻢ .
ﺟﻬﺎﺩ : ﻧﺰﻟﺖ ﺟﻮﻩ ﻭﺭﺣﺖ ﻟﻼﺳﺘﻘﺒﺎﻝ ﺻﺤﺖ ﻋﻠﻴﻬﻢ ﺍﺟﻮﻱ ﺳﻠﻤﻮﺍ ﻋﻠﻴﻪ ﻭﺍﺧﺬﺗﻬﻢ ﻟﻐﺮﻓﺘﻲ
ﻛﺘﻠﻬﻢ ﻛﻌﺪﻭﺍ .
ﺍﻳﻪ ﺷﻠﻮﻧﻜﻢ ﻭﺷﻜﺪ ﺩﺭﺟﺎﺗﻜﻢ
ﻋﻠﻲ : ﻭﺍﻟﻠﻪ ﺧﺎﻟﻮ ﺍﻧﻲ ﻭﺍﻛﻊ ﺑﺪﺭﺳﻴﻦ
ﺟﻬﺎﺩ : ﻻ ﻳﺎﺣﻤﺎﺭ ﻭﺍﻧﺖ ﻭﻟﻚ ؟
ﺣﺴﻴﻦ : ﻭﺍﻟﻠﻪ ﺧﺎﻟﻮ ﺍﻛﻠﻚ ﺑﺲ ﻻﺗﻐﻠﻂ ﻋﻠﻴﻪ
ﺟﻬﺎﺩ : ﺍﺣﺠﻲ ﻳﺎﺑﻐﻞ ﺧﻠﻲ ﺍﺳﻤﻌﻚ
ﺣﺴﻴﻦ : ﺧﺎﻟﻮﺍ ﺍﻧﻲ ﻭﺍﻛﻊ ﺑﺘﻼﺛﻪ ﺩﺭﻭﺱ
ﺟﻬﺎﺩ : ﻣﻮ ﻛﺘﻠﻚ ﺑﻐﻞ ﺑﻐﻞ ﺣﺘﻰ ﺍﻟﺒﻐﻞ ﻫﻢ ﺍﺣﺴﻦ ﻣﻨﻜﻢ
ﻭﺷﻨﻮ ﻣﺎﻧﺎﻭﻳﻦ ﺗﻌﺪﻟﻮﻥ ﺩﺭﺟﺎﺗﻜﻢ ﻫﺎﺍ
ﺷﻮﻓﻮﺍ ﺍﺧﺘﻲ ﻣﺎﺍﺭﻳﺪﻛﻢ ﺗﺄﺫﻭﻧﻬﺎ ﻭﺗﺸﻠﻌﻮﻥ ﮔﻠﺒﻬﺎ
ﺭﺑﺘﻜﻢ ﻫﻲ ﺍﻟﺴﻨﻴﻦ ﻛﻠﻬﺎ ﺣﺘﻰ ﻳﺼﻴﺮ ﺑﺮﺍﺳﻜﻢ ﺧﻴﺮ
ﺗﺮﻩ ﻭﺍﻟﻠﻪ ﺍﺫﺍ ﺭﺳﺒﺘﻮﺍ ﺍﺟﻴﻜﻢ ﻟﺒﻴﺘﻜﻢ ﺑﺪﻳﺎﻟﻰ ﻭﺍﻋﻠﻜﻜﻢ ﺑﻤﻜﺎﻥ ﺍﻟﺒﻨﻜﻪ ﻭﺍﺷﺒﻌﻜﻢ ﺩﻙ ﻛﺘﻞ ﻣﻔﻬﻮﻭﻭﻡ .
ﻇﻠﻮﺍ ﻳﻀﺤﻜﻮﻥ ﻛﺘﻠﻬﻢ ﻳﻌﻨﻲ ﻣﺘﺼﺪﻛﻮﻥ ﻣﻮ ؟؟
ﺍﻧﻲ ﻛﻠﻤﺘﻲ ﻭﺣﺪﻩ ﻭﻣﺘﺼﻴﺮ ﺍﺛﻨﻴﻦ ﻭﻛﻞ ﺷﻲ ﻭﻻﺍﺧﺘﻲ .
ﻋﻠﻲ : ﺯﻳﻦ ﺧﺎﻟﻮ ﺗﺪﻟﻞ ﺍﻥ ﺷﺎﺀﺍﻟﻠﻪ ﻧﻌﺪﻟﻬﺎ
ﺟﻬﺎﺩ : ﺍﻱ ﻫﻴﺞ ﺍﺭﻳﺪﻙ ﺍﻟﻠﺘﻔﺘﺖ ﻟﺤﺴﻴﻦ ﻛﺘﻠﻪ ﻭﻟﻚ ﻭﺍﻧﺖ ؟؟
ﺣﺴﻴﻦ : ﺍﻱ ﺧﺎﻟﻮ ﺍﻥ ﺷﺎﺀﺍﻟﻠﻪ ﺑﺲ ﺍﺭﻳﺪ ﺍﻳﻔﻮﻥ
ﺟﻬﺎﺩ : ﻫﻮ ﺍﻧﺖ ﺭﺍﺡ ﺗﻨﺠﺢ ﺍﻟﻨﻪ ﻟﻮ ﺍﻟﻚ
ﺑﺲ ﻣﻴﺨﺎﻟﻒ ﻳﺠﻴﻚ ﺍﻳﻔﻮﻥ ﺑﺲ ﺑﺸﺮﻁ ﺍﺭﻳﺪ ﺩﺭﺟﺎﺕ ﻋﺎﻟﻴﻪ ﺗﺮﻓﻊ ﺑﻴﻬﻪ ﺭﺍﺱ ﺍﻣﻚ .
ﺣﺴﻴﻦ : ﺍﻥ ﺷﺎﺀﺍﻟﻠﻪ ﺧﺎﻟﻮ
ﺟﻬﺎﺩ : ﻧﺰﻟﻨﻪ ﺟﻮﻩ ﺍﻫﻠﻲ ﻓﺮﺣﻮﺍ ﻣﻦ ﺷﺎﻓﻮﻧﻲ ﻫﻴﺞ ﻭﺧﺎﺻﺔ ﺍﻣﻲ ﻭﺍﺑﻮﻱ .
ﻇﻠﺖ ﺍﻣﻲ ﺗﻜﻮﻝ ﻟﺤﻮﺭﺍﺍﺀ ﻗﻨﻌﻲ ﺧﻞ ﻳﺘﺰﻭﺝ ﻻﻳﻈﻞ ﻫﻴﺞ
ﺑﻠﻜﻲ ﻳﺘﻐﻴﺮ ﻭﺗﺘﺤﺴﻦ ﺣﺎﻟﺘﻪ ﻣﻦ ﻳﺘﺰﻭﺝ .
ﺍﻧﻲ ﻋﻔﺘﻬﻢ ﻭﺻﻌﺪﺕ .
ﻭﺗﺬﻛﺮﺕ ﺭﺅﻯ
ﺟﺎﻧﺖ ﺟﻤﻴﻠﺔ ﺟﺪﺍ ﻋﻴﻮﻧﻬﺎ ﺧﻀﺮ ﻛﺒﺎﺭ ﻭﺷﻌﺮﻫﺎ ﺍﺳﻮﺩ ﻣﺎﻱ ﺳﺮﺡ ﻭﻋﺪﻫﻪ ﺧﺪﻭﺩ ﻭﺟﺴﻤﻬﺎ ﻛﻠﺶ ﺣﻠﻮ
ﻛﻞ ﺷﻲ ﺑﻴﻬﺎ ﻣﺜﺎﻟﻲ ﻭﻛﺎﻣﻞ ﻭﺍﻟﻜﻤﺎﻝ ﻟﻠﻪ ﻭﺣﺪﻩ
ﺍﻭﻝ ﻣﺎﺷﻔﺘﻬﺎ ﺑﺎﻟﻤﻨﻄﻘﻪ ﺟﺎﻧﺖ ﺟﺎﻳﻪ ﺯﻳﺎﺭﻩ ﻻﻗﺎﺭﺑﻬﺎ ﻋﺠﺒﺘﻨﻲ ﻛﻠﺶ ﻭﻇﻠﻴﺖ ﺍﻣﺸﻲ ﻭﺭﺍﻫﺎ ﻫﻲ ﻭﻭﻳﺎﻫﻪ ﻭﺣﺪﻩ ﺷﻔﺘﻬﺎ ﺩﺧﻠﺖ ﻟﻼﺳﻮﺍﻕ ﺩﻫﻠﺖ ﻭﺭﺍﻫﺎ ﻇﻠﺖ ﺗﺒﺎﻭﻋﻠﻲ ﻭﺍﺑﺘﺴﻤﺖ ﺟﻤﺎﻟﻬﻪ ﻓﺪ ﺷﻲ ﻭﻋﻴﻮﻧﻬﺎ ﻋﺎﻟﻢ ﺛﺎﻧﻲ ﻣﻦ ﺍﻟﺠﻤﺎﻝ ﺑﻠﻮﻥ ﺍﻟﺰﻣﺮﺩ ﺍﻟﺼﺎﻓﻲ .
ﺣﺴﻴﺘﻬﺎ ﺧﻔﻴﻔﻪ ﺗﺒﺎﻭﻋﻠﻲ ﻭﺗﻀﺤﻚ ﺑﺲ ﻣﺎﺍﻫﺘﻤﻴﺖ ﺟﺬﺑﻨﻲ ﺟﻤﺎﻟﻬﺎ ﻭﻣﺎﻓﻜﺮﺕ ﺑﺎﻻﺧﻼﻕ ﺍﺑﺪ .
ﺗﺒﻌﺘﻬﺎ ﻟﺒﻴﺖ ﺍﻗﺎﺭﺑﻬﺎ ﻭﺩﺯﻳﺖ ﺍﻣﻲ ﺗﺨﻄﺒﻬﺎ ﻭﺻﺎﺭﺕ ﺍﻟﻲ .
ﻏﻤﻀﺖ ﻋﻴﻮﻧﻲ ﺭﺩﺕ ﺍﺑﻌﺪ ﻫﻲ ﺍﻟﺬﻛﺮﻳﺎﺕ ﻋﻨﻲ .
ﻛﻤﺖ ﺍﺩﺧﻦ ﻭﺍﻓﻜﺮ ﺭﺍﺡ ﺑﺎﻟﻲ ﻟﻤﺤﻤﺪ ﻭﺗﺨﻴﻠﺖ ﺷﻜﻞ ﺍﺧﺘﻪ ﻳﻤﻜﻦ ﺗﺸﺒﻬﻪ ﻭﻫﻢ ﻋﺪﻫﻪ ﺷﻮﺍﺭﺏ ﻣﺜﻠﻪ .
ﻣﺤﻤﺪ ﺧﻠﻮﻕ ﻭﻣﻠﺘﺰﻡ ﻓﻜﺮﺕ ﺑﺎﺧﺘﻪ ﻫﻮ ﺍﻟﻲ ﻣﺮﺑﻴﻬﺎ ﻻﻥ ﻳﺘﻴﻤﻪ ﺍﺑﻮﻫﺎ ﻣﻴﺖ ﻣﻦ ﻫﻮﺍﻱ .
ﺑﻌﺪﻫﺎ ﻃﺮﺩﺕ ﺍﻟﻔﻜﺮﺓ ﻣﻦ ﺑﺎﻟﻲ، ﻣﺎﺍﺭﻳﺪ ﺍﺯﻭﺝ ﺍﻧﻲ ﻣﺎﻣﺴﺘﻘﺮ ﻭﻣﺘﺸﺘﺖ ﻭﻛﺎﺭﻩ ﺍﻟﻨﺴﻮﺍﻥ ﻛﻠﻬﺎ
ﺍﺣﺴﻬﻢ ﻛﻠﻬﻢ ﺧﺎﻳﻨﺎﺕ .
ﺍﺧﺬﺕ ﺑﺎﻛﻴﺖ ﺍﻟﺠﻜﺎﻳﺮ ﻭﻧﺰﻟﺖ ﺟﻮﻩ ﻳﻢ ﺍﻫﻠﻲ .
ﻟﮕﻴﺘﻬﻢ ﻛﻠﻬﻢ ﻣﺘﺠﻤﻌﻴﻦ ﺑﺲ ﻛﻮﺍﻛﺐ ﺗﺸﻌﻮﻁ ﻣﺪﺭﻱ ﻭﻳﻦ ﺍﺭﺗﺎﺣﻴﺖ ﻟﻌﺪﻡ ﻭﺟﻮﺩﻫﺎ ﻭﻛﻌﺪﺕ ﺑﻴﻨﺎﺗﻬﻢ
ﺍﻣﻲ ﺍﺑﺘﺴﻤﺖ ﺑﻮﺟﻬﻲ ﺍﺑﺘﺴﺎﻣﻪ ﺣﺰﻳﻨﻪ ﺑﺎﺩﻟﺘﻬﺎ ﺍﻻﺑﺘﺴﺎﻣﻪ ﺗﻘﺮﺑﺖ ﻣﻨﻲ ﻭﺣﻀﻨﺘﻨﻲ ﻛﺎﻟﺖ ﻳﻤﻪ ﻋﻤﺘﻚ ﻭﺧﺎﻟﺘﻚ ﺍﻧﻄﻮﻧﻪ ﻧﺴﻮﺍﻥ ﺍﻟﻚ ﺍﺧﺘﺎﺭ ﻣﻨﻮ ﺗﺮﻳﺪ ﺗﻨﺎﺳﺒﻚ ﺣﺘﻰ ﻧﺨﻄﺒﻬﺎ ﺍﻟﻚ ؟
ﻭﺧﺮﺕ ﺍﻳﺪﻫﺎ ﻭﻭﻛﻔﺖ ﻣﺼﺪﻭﻭﻡ ﻣﻦ ﻛﻼﻣﻬﺎﺍ ﻛﺘﻠﻬﺎ ﺷﻨﻮﻭ ﺷﺪﻛﻮﻟﻴﻦ ﺍﻧﺘﻲ ﺍﻧﻲ ﻣﺎﺍﺭﻳﺪ ﺍﺗﺰﻭﺝ .
ﺟﺎﻭﺑﺘﻨﻲ ﺑﺤﻨﻴﻪ ﻭﻫﻲ ﺗﺤﻂ ﺍﻳﺪﻫﺎ ﻋﻠﻰ ﻛﺘﻔﻲ ﻭﺑﺼﻮﺗﻬﺎ ﺍﻟﺤﺰﻳﻦ .. ﻳﻤﻪ ﺟﻬﺎﺩ ﺍﺯﻭﺝ ﺍﺯﻭﺝ ﻭﺍﻟﻠﻪ ﺍﺫﺍ ﺍﺯﻭﺟﺖ ﺭﺍﺡ ﺗﺒﻴﻦ ﻟﻠﻨﺎﺱ ﺍﻧﺖ ﻣﻮ ﺿﻌﻴﻒ ﻭﻣﺎﻫﻤﺘﻚ ﻣﺮﻩ .
ﺻﺮﺧﺖ ﺑﻌﺼﺒﻴﻪ ﻭﺍﻧﻲ ﺍﺣﺲ ﺑﻤﺮﺍﺭﺓ ﺑﺠﻮﻓﻲ ... ﺗﺮﺥ ﻭﺍﻟﻠﻪ ﺧﺒﻠﺘﻮﻧﻲ ﻣﻮ ﺿﻌﻴﻒ ﻣﻮ ﺿﻌﻴﻒ ... ﻭﻋﺒﺎﻟﻚ ﻛﻞ ﺷﻮﻳﻪ ﺗﺬﻛﺮﻭﻧﻲ ﺑﻀﻌﻔﻲ
ﺍﻣﻲ ﺑﺤﻨﻴﻪ .. ﺟﻬﺎﺩ .. ﻣﺎﺧﻠﻴﺘﻬﺎ ﺗﻜﻤﻞ ﻛﻼﻣﻬﺎ ﻭﺭﻓﻌﺖ ﺍﺻﺒﻌﻲ ﺑﺘﻬﺪﻳﺪ ﻳﻤﻪ ﻣﺎﻣﺴﻤﻮﺡ ﺍﻟﺞ ﺗﺪﺧﻠﻴﻦ ﺑﺨﺼﻮﺻﻴﺎﺗﻲ ﻣﻔﻬﻮﻭﻡ
ﺷﻔﺖ ﺍﺑﻮﻳﻪ ﻋﺎﻁ ﺑﻴﻪ ﺑﻐﻀﺐ ﻟﻚ ﺟﻬﺎﺩ ﻻ ﺗﺮﻓﻊ ﺻﻮﺗﻚ ﻋﻠﻰ ﺍﻣﻚ ﻭﺍﺣﺘﺮﻣﻬﺎ ﺗﺮﻩ ﺯﻭﺩﺗﻬﺎ ﻭﺍﻟﻠﻪ ﻭﺍﻟﻠﻪ ﻻ ﺍﺷﻮﻓﻚ ﻭﺟﻬﻲ ﺍﻟﺜﺎﻧﻲ
ﺳﻜﺘﺖ ﻭﻏﺼﻴﺖ ﺑﺎﻟﻜﻼﻡ .. ﻟﻌﻔﻮﻭ ﻳﺎﺑﻪ ﻭﺭﺟﻌﺖ ﺑﺴﺖ ﺍﻣﻲ ﻭﺍﻋﺘﺬﺭﺗﻠﻬﺎ ﺷﻔﺘﻬﺎ ﻧﺰﻟﻦ ﺩﻣﻮﻋﻬﺎ ﺍﺭﺗﺒﻜﺖ ﻣﻦ ﺷﻔﺖ ﺩﻣﻮﻋﻬﺎ ﻫﻲ ﻣﻮ ﺫﻧﺒﻬﺎ ﺑﺲ،ﺍﻧﻲ ﻣﻦ ﻗﻬﺮﻱ ﺍﺫﺏ ﺣﺮﻛﺘﻲ ﺑﺎﻱ ﺷﺨﺺ ﻳﺼﻴﺮ ﻛﺪﺍﻣﻲ
ﻣﺎﺍﻋﺮﻑ ﻟﻴﺶ ﺣﺴﻴﺖ ﺑﻀﻴﻖ ﻣﻦ ﻛﻼﻡ ﺍﻣﻲ ﻭﺍﻧﻘﻬﺮﺕ ﻋﻠﻴﻬﺎ ﺧﻄﻴﻪ ﺷﺎﻳﻠﻪ ﻫﻤﻲ ﻭﻫﻲ ﻣﺘﻌﺮﻑ ﺑﻨﺎﺭ ﺍﻟﻤﺘﻮﺟﺮﺓ ﺑﺪﺍﺧﻠﻲ ﻭﺑﻬﺎﻱ ﺍﻻﺛﻨﺎﺀ ﺍﺫﻛﺮﺕ ﻃﻠﺐ ﻣﺤﻤﺪ ﻛﻠﺖ ﺑﻜﻠﺒﻲ ﺍﻧﺎﺳﺐ ﺍﻟﻐﺮﺏ ﻭﻻ ﺍﻧﺎﺳﺐ ﻋﻤﺎﻣﻲ ﻭﻛﺮﺍﻳﺒﻲ
ﺭﺟﻌﺖ ﺣﻀﻨﺘﻨﻲ ﺑﺤﻨﺎﻥ ﻭﻛﺎﻟﺖ ﻳﻤﻪ ﺟﻬﺎﺩ ﺍﺭﻳﺪ ﺍﺭﺗﺎﺡ ﺭﻳﺤﻨﻲ ﻳﻤﻪ ﺭﻳﺢ ﻗﻠﺒﻲ ﻭﺍﻟﻠﻪ ﺗﻌﺒﺖ ﻓﻜﺮﻱ ﻭﺑﺎﻟﻲ ﻛﻮﻟﻪ ﻳﻤﻚ .. ﺍﺣﺲ ﻫﻤﻚ ﺳﺮﻃﺎﻥ ﻳﻨﻬﺶ،ﺑﻌﻀﻤﻲ
ﺭﺟﻌﺖ ﻛﻠﺖ ﺍﻟﻬﺎ ﻳﻤﻪ ﺍﻧﻲ ﻣﺎﺍﺭﻳﺪ ﻣﻦ ﻛﺮﺍﻳﺒﻲ ﺗﻌﺮﻓﻴﻦ ﺧﻴﺎﻧﺔ ﺍﺑﻦ ﻋﻤﻲ ﺑﻌﺪﻫﺎ ﺗﺴﺮﻱ ﺑﺪﻣﻲ ﻭﺍﻟﻠﻪ ﻛﺮﻫﺖ ﺍﻫﻠﻲ ﻭﻧﺎﺳﻲ ﻭﻋﺸﻴﺮﺗﻲ ﻭﻛﺮﻫﺖ ﺩﻣﻲ ﻻﻥ ﻣﻦ ﻧﻔﺲ ﺻﻨﻔﻬﻢ
ﺑﺴﺖ ﺍﻳﺪﻫﺎ ﻛﺘﻠﻬﺎ ﻳﻤﻪ ﻫﺬﺍ ﻫﻮ ﺍﻥ ﺷﺎﺀﺍﻟﻠﻪ ﻫﺬﺍ ﺍﻟﺸﻬﺮ ﺟﻨﺘﺞ ﺑﺎﻟﺒﻴﺖ ﺑﻌﺪ ﺷﺘﺮﺩﻳﻦ ﺗﺎﻣﺮﻳﻦ ﺍﻣﺮ .
ﻛﺎﻟﺖ ﺑﻔﺮﺡ ﺍﺧﻄﺐ ﺍﻟﻚ ﺑﻨﺖ ﻋﻤﺘﻚ ﻟﻮ ﺑﻨﺖ ﺧﺎﻟﻚ ﺍﻧﺖ ﺍﺧﺘﺎﺭ .
ﻛﺘﻠﻪ ﻻ ﻋﻤﺘﻲ ﻭﻻ ﺧﺎﻟﻲ ﺻﺪﻳﻘﻲ ﺍﻧﻄﺎﻧﻲ ﻣﺮﺓ ﻭﺍﻟﻨﻪ ﻛﻼﻡ ﺛﺎﻧﻲ ﻭﺍﻟﻲ ﺷﺮﻭﻁ ﻻﻥ ﻣﺎﺍﺭﻳﺪ ﺍﻫﻞ ﺻﺪﻳﻘﻲ ﻳﻌﺮﻓﻮﻥ ﻣﺮﺗﻲ ﺍﻧﻬﺰﻣﺖ
ﺑﻘﻠﺒﻲ ﻛﻠﺖ ﻣﺤﻤﺪ ﻣﺎﻣﺘﺤﻜﻢ ﺑﺎﻟﻠﺴﺎﻧﻪ ﻭﺍﺧﺎﻑ ﻳﻔﻀﺤﻨﻲ،ﺑﺎﻟﻤﺮﻛﺰ ﻭﺑﻴﻦ ﺍﻟﻀﺒﺎﻁ .
ﺍﻻﻡ : ﻟﻌﺪ ﻳﻤﺘﻪ ﻧﺮﻭﺡ ﻧﺸﻮﻓﻬﺎ
ﺟﻬﺎﺩ : ﺻﺒﺮﺝ ﻋﻠﻴﻪ ﻳﻤﻪ ﺧﻠﻲ ﺍﺭﺩ ﺧﺒﺮ ﻟﻠﻮﻟﺪ .
ﺧﻠﻴﺖ ﺍﻣﻲ ﺗﺪﻋﻴﻠﻲ ﻭﺧﻮﺍﺗﻲ ﻭﺍﺑﻮﻱ ﻓﺮﺣﺎﻧﻴﻦ
ﻭﻃﻠﻌﺖ ﻣﻦ ﺍﻻﺳﺘﻘﺒﺎﻝ ﻭﺍﺗﺠﻬﺖ ﺻﻮﺏ ﺍﻟﻤﻄﺒﺦ ﺍﺭﻳﺪ ﺍﺷﺮﺏ ﻣﻲ .
ﻗﺒﻞ ﻻﺍﻓﻮﺕ ﻟﻠﻤﻄﺒﺦ ﺳﻤﻌﺖ ﻣﺮﺕ ﺍﺧﻮﻳﻪ ﺗﻜﻮﻝ ﻻﺧﺘﻲ ﺯﻳﻦ ﺭﺅﻯ ﺷﻠﻮﻥ ﺭﺍﺡ ﺗﺘﺰﻭﺝ ﻋﺎﻣﺮ ﻭﻫﻲ ﻋﻠﻰ ﺫﻣﺔ ﺟﻬﺎﺩ ؟
ﺿﻤﻴﺎﺀ : ﺍﻛﻴﺪ ﺗﻄﻠﻚ ﻏﻴﺎﺑﻲ .
ﺟﻬﺎﺩ : ﻗﺒﻞ ﻻﻳﻜﻤﻠﻮﻥ ﺣﺪﻳﺜﻬﻢ ﺍﺗﺴﺤﺒﺖ ﻣﻦ ﻣﻜﺎﻧﻲ ﻭﻏﻠﺴﺖ ﻋﻠﻰ ﺷﺮﺏ ﺍﻟﻤﻲ ﻭﻧﺴﻴﺖ ﺍﻧﻲ ﺍﺻﻼ ﻋﻄﺸﺎﻥ
ﻭﺻﻠﺖ ﻟﺒﺎﺏ ﺍﻻﺳﺘﻘﺒﺎﻝ ﺷﻔﺖ ﻋﻤﺘﻲ ﻛﻮﺍﻛﺐ ﻋﺒﺎﻳﺘﻬﺎ ﻋﻠﻰ ﺭﺍﺳﻬﺎ ﻭﻓﺎﺗﺖ ﻟﻠﺒﻴﺖ
ﺭﺣﺖ ﻳﻤﻬﺎ ﺗﺮﻳﺪ ﺗﺘﺠﻨﺒﻨﻲ ﺻﺮﺕ ﮔﺒﺎﻟﻬﺎ ﺧﺰﺭﺗﻬﺎ ﻛﺘﻠﻬﺎ ﻭﻳﻦ ﺟﻨﺘﻲ ﺗﺸﻌﻮﻃﻴﻦ ﻫﺎﺍ ﺟﻨﺘﻲ ﺑﺎﻟﺒﻴﻮﺕ ﺗﻔﺘﻨﻴﻦ ﻣﻮ ﻟﺰﻣﻲ ﻛﺎﻋﺞ ﻻﺍﺣﺮﻛﺞ ﺣﺮﻙ ﺍﻓﺘﻬﻤﺘﻲ .
ﻛﻮﺍﻛﺐ : ﻳﺎ ﺷﺒﻴﻚ ﺍﻧﺖ ﻣﺘﺨﺒﻞ ﻫﺎﺍ ﺷﺒﻴﻚ ﺍﻟﻪ ﺍﻛﻮﻝ ﻻﺑﻮﻙ ﻋﻠﻴﻚ ﻳﺨﻠﻴﻠﻚ ﺣﺪ ﺍﻧﻲ ﻣﺎﺍﺗﺤﻤﻠﻚ ﺑﻌﺪ .
ﺟﻬﺎﺩ : ﺷﺘﻜﻮﻟﻴﻠﻪ ﻫﺎﺍ ﺷﺘﻜﻮﻟﻴﻦ ﻭﺍﻟﻠﻪ ﺍﺩﻓﻨﺞ ﺩﻓﻦ ﻻﺗﻨﺴﻴﻦ ﺗﺤﺬﻳﺮﻱ ﺍﻟﺞ ﺗﺮﻩ ﺍﻧﻲ ﺟﺎﺩ ﺑﻜﻼﻣﻲ ﻭﻳﺎﺝ
ﻛﻮﺍﻛﺐ : ﺍﻳﻴﻴﻪ ﻭﺍﻟﻠﻪ ﻣﺼﺨﺘﻬﺎ ﺧﺎﻳﺐ ﺭﻭﻭﻭﺡ .
ﺟﻬﺎﺩ : ﺗﻨﻔﺴﺖ ﻭﻣﺴﺤﺖ ﻋﻠﻰ ﺷﻌﺮﻱ ﻭﺻﻌﺪﺕ ﻓﻮﻙ
ﻭﺭﺟﻌﺖ ﺍﻟﻲ ﺫﻛﺮﻳﺎﺗﻲ ﻭﻱ ﺭﺅﻯ .
ﻣﻦ ﺗﺰﻭﺟﻨﺎ ﻭﺑﻌﺪ ﺍﻟﺰﻭﺍﺝ ﺟﻨﺖ ﺍﺣﺒﻬﺎ ﻭﻣﺪﻟﻠﻬﻪ ﺣﻴﻴﻞ
ﻭﻣﻦ ﺻﺎﺭ ﺍﺑﻄﻨﻬﺎ ﻃﻔﻞ ﻭﻣﺎﺕ ﻛﻠﺶ ﺍﻧﻘﻬﺮﺕ .
ﺑﺲ ﻣﺠﺎﻥ ﻣﻘﺴﻮﻡ ﻳﺠﻲ ﻟﻠﺪﻧﻴﺎ ﺣﺘﻰ ﻻﻳﺘﻌﺬﺏ
ﻣﺮﻩ ﺍﺷﺘﻜﺖ ﺍﻣﻲ ﻣﻨﻬﺎ ﻭﺍﻧﻲ ﺍﻋﺮﻓﻬﺎ ﻻﻣﻲ ﻣﺮﺍﻩ ﺣﻘﺎﻧﻴﻪ ﻭﻣﺎﺗﻜﺬﺏ ﺍﺑﺪ ﻣﻮ ﻻﻥ ﻫﻲ ﺍﻣﻲ ﻻ ﺑﺲ ﺍﻧﻲ ﻣﺸﻔﺖ ﻣﺜﻠﻬﺎ ﻣﺮﻩ ﺗﻌﺮﻑ ﺍﻟﺤﻖ ﻭﻣﺎﺗﻈﻠﻢ ﺍﺣﺪ .
ﻛﻠﺘﻠﻲ ﻳﻴﻤﻪ ﻣﺮﺗﻚ ﻣﺎﻣﺤﺘﺸﻤﻪ ﻭﻣﻴﺎﻧﺘﻬﺎ ﺯﺍﻳﺪﻩ ﻭﻱ ﺍﺑﻦ ﻋﻤﻚ .
ﻣﻦ ﺣﺎﺟﻴﺖ ﺭﺅﻯ ﻧﻜﺮﺕ ﻭﻇﻠﺖ ﺗﻌﻴﻂ ﻭﺣﻠﻔﺖ ﻣﻴﺔ ﻳﻤﻴﻦ ﻫﺎﻟﺤﺠﻲ ﺟﺬﺏ ﻭﻣﺎﻟﺖ ﺍﺻﻼ ﺍﻟﻜﻞ ﻳﻐﺎﺭﻭﻥ ﻣﻨﻲ ﻭﻣﻦ ﺟﻤﺎﻟﻲ ﺍﻧﻲ ﻣﻌﻨﺪﻱ ﺷﻲ ﺍﺑﺪ .
ﺍﺭﻳﺪ ﺍﻧﺴﻰ ﺍﺭﻳﺪ ﺍﺑﻌﺪ ﻛﻞ ﻫﺎﻟﺬﻛﺮﻳﺎﺕ ﺍﻟﺘﻌﻴﺴﻪ ﻋﻨﻲ ﻣﺪﺍﻛﺪﺭ .
ﻗﺮﺭﺕ ﺍﺗﻮﺍﺻﻞ ﻭﻱ ﻣﺤﻤﺪ ﻭﺍﻓﺘﺢ ﻭﻳﺎ ﻣﻮﺿﻮﻉ ﺍﺧﺘﻪ ﺍﺫﺍ ﺑﻌﺪﻩ ﻳﺮﻳﺪ ﻳﻨﻄﻴﻬﺎ ﺍﻭ ﻻ .
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء