...
رواية ثمار العار بالحلال ج2 الجزء الثامن عشر
.......
ﻃﻠﻌﺖ ﻣﻦ ﻳﻢ ﺳﻬﻮﺓ ﻭﺍﻧﺎ ﺧﺎﻳﻒ ﺍﺿﻌﻒ ﻛﺪﺍﻣﻬﺎ
ﻭﻣﺎ ﺍﺗﻤﺎﻟﻚ ﻧﻔﺴﻲ ﻭﺍﺭﺟﻊ ﻋﻠﻴﻬﺎ ﺍﻛﻠﻬﺎ
ﻛﻮﻥ ﺍﺧﻠﻴﻬﺎ ﻟﻠﺼﺒﺢ ﺗﻮﻥ ﻭﻣﺎ ﺑﻘﻲ ﺑﻴﻬﺎ ﺷﻲ ﺻﺎﺣﻲ
ﺍﺭﻳﺪ ﺍﻃﻔﻲ ﻧﺎﺭ ﮔﻠﺒﻲ ﺑﻴﻬﺎ
ﺑﺲ ﻟﺰﻣﺖ ﻧﻔﺴﻲ
ﻣﻦ ﺷﻔﺘﻬﺎ ﺑﺎﻟﺮﻭﺏ ﺍﻻﺑﻴﺾ
ﺟﺎﻧﺖ ﻫﺎﻱ ﺍﻋﺰ ﺍﻣﻨﻴﺔ ﻋﻠﻰ ﮔﻠﺒﻲ
ﺍﺷﻮﻓﻬﺎ ﻻﺑﺴﺘﻠﻲ ﺍﻟﺜﻮﺏ ﺍﻻﺑﻴﺾ ﻣﺜﻞ ﺍﻟﻤﻠﻜﺔ
ﻭﺑﻬﺬﺍ ﺍﻟﻴﻮﻡ ﻛﻨﺖ ﻧﺎﻭﻱ ﺍﺭﻭﻱ ﻋﻄﺸﻲ
ﻭﺿﻤﺄ ﺍﻟﺴﻨﻴﻦ
ﻟﻜﻦ ﻣﻮﺍﻓﻘﺘﻬﺎ ﺑﺎﻟﺰﻭﺍﺝ ﻣﻨﻲ ﻛﻠﺒﺖ ﻛﻞ ﺍﻟﻤﻮﺍﺯﻳﻦ
ﻭﺧﻠﺘﻨﻲ ﺍﻋﻴﺪ ﻛﻞ ﺣﺴﺎﺑﺎﺗﻲ ﻭﻳﺎﻫﺔ
ﺍﺟﺖ ﻣﻮﺍﻓﻘﺘﻬﺎ ﺑﺎﻟﺰﻭﺍﺝ ﺑﺎﻟﺘﻮﻗﻴﺖ ﺍﻟﺼﺤﻴﺢ ﺑﺎﻟﻨﺴﺒﺔ ﺍﻟﻬﺔ ﻻﻥ ﺷﺎﻓﺖ ﺍﻥ ﺯﻭﺍﺟﻬﺎ ﻣﻨﻲ ﻳﺨﺪﻡ ﻣﺼﻠﺤﺘﻬﺎ
ﺻﺮﺕ ﺑﺎﻟﻨﺴﺒﺔ ﺍﻟﻬﺔ ﻭﺳﻴﻠﺔ ﺣﺘﻰ ﺍﺣﻘﻖ ﻫﺪﻓﻬﺎ
ﻣﻮ ﻻﺟﻞ ﺣﺒﻬﺎ ﻟﺜﺎﺋﺮ
ﻳﻌﻨﻲ ﺑﺄﺧﺘﺼﺎﺭ ﻛﺎﻧﺖ ﺭﺍﺡ ﺗﺘﺰﻭﺝ ﺑﻜﻞ ﺍﻻﺣﻮﺍﻝ ﺍﻧﺎ ﺍﻭ ﻏﻴﺮﻱ ﺍﻫﻢ ﺷﻲ ﺗﺘﺰﻭﺝ
ﺍﺫﻥ ﻣﺎﻛﻮ ﺷﻲ ﺧﺎﺹ
.............
ﻋﺪﻱ : ﻫﺎﻱ ﺷﻨﻮ ﻭﺣﺶ ﺷﺠﺎﺑﻚ ﻋﻠﻴﻨﺎ ﺑﻬﺎﻟﻠﻴﻞ
ﻭﻟﻚ ﺟﺎ ﻣﻮ ﺍﻟﻴﻮﻡ ﻟﻴﻠﺔ ﻋﺮﺳﻚ ﺷﻌﺪﻧﻚ ﻻﺣﻜﻨﻲ ﻟﻬﻨﺎ
ﻭﻋﺎﻳﻒ ﻣﺮﻳﺘﻚ
ﻛﻌﺪﺕ ﻋﻠﻰ ﺍﻟﻜﺮﺳﻲ ﻣﻘﺎﺑﻴﻞ ﻋﺪﻱ
ﺟﺎﻥ ﻛﺎﻋﺪ ﺑﻤﻜﺎﻥ ﻣﺨﺼﺼﻴﻨﺔ ﺑﺎﻟﻤﺰﺭﻋﺔ ﻧﺠﺘﻤﻊ ﺑﻲ ﺍﻧﺎ ﻭﺍﻟﺸﺒﺎﺏ ﻣﺜﻞ ﺍﻟﻜﻌﺪﺓ ﺍﻟﻌﺮﺑﻴﺔ ﺑﻨﺺ ﺍﻟﻤﺰﺭﻋﺔ
ﻗﺮﺏ ﺳﺎﻛﻴﺔ ( ﺍﻟﺴﺎﻗﻴﺔ ) ﺍﻟﻤﺎﻱ
ﻣﺮﺍﺕ ﻧﻠﺘﻢ ﺍﺣﻨﺎ ﻭﺍﻟﺮﺑﻊ
ﻧﺸﺮﺏ ﻧﺮﻛﻴﻠﺔ ﻟﻮ ﻣﺮﺍﺕ ﻧﻠﻌﺐ ﺩﻭﻣﻨﺔ
ﺍﺳﻤﻊ ﺻﻮﺕ ﺻﻔﻴﺮ ﺻﺮﺍﺻﻴﺮ ﺍﻟﻠﻴﻞ ﻭﻧﻘﻴﻖ ﺍﻟﻀﻔﺎﺩﻉ ﺟﺎﻥ ﻳﺨﺘﺮﻕ ﺳﻜﻮﻥ ﺍﻟﻠﻴﻞ
ﺭﻓﻌﺖ ﺭﺍﺳﻲ ﺟﺎﻧﺖ ﺍﻟﻨﺠﻮﻡ ﻭﺍﺿﺤﺔ ﺑﺎﻟﺴﻤﺎ ﺗﻼﻟﻲ
ﻫﻨﺎ ﻋﺪﻧﺎ ﺍﻟﻨﺠﻮﻡ ﺍﻭﺿﺢ ﻣﻦ ﻧﺠﻮﻡ ﺑﺎﻟﻤﺪﻳﻨﺔ
ﻳﻤﻜﻦ ﻻﻥ ﺍﺿﻮﺍﺀ ﺍﻟﻤﺪﻳﻨﺔ ﺗﻌﻢ ﻋﻠﻰ ﺿﻮﺓ ﺍﻟﻨﺠﻤﺔ ﻭﺳﻮﺍﺩ ﺍﻟﻠﻴﻞ
ﻋﺪﻱ : ﺷﺒﻴﻚ ﻳﺎﺧﻮﻱ ﻣﻮ ﻋﻠﻰ ﺑﻌﻀﻚ
ﻟﻴﺶ ﻻﻓﻲ ﻫﻨﺎ ﻭﻋﻨﺪﻙ ﺣﺮﻣﺔ ﺗﻨﺘﻀﺮﻙ
: ﻋﺪﻱ ﺍﺣﺲ ﺑﺮﻭﺣﻲ ﻣﺨﻨﻮﻙ ﻣﺎ ﺍﻋﺮﻑ ﺷﺒﻴﺔ
: ﺷﺒﻴﻚ ﻭﺣﺶ ﺻﺎﺭ ﺷﻲ ﺑﻴﻨﻚ ﻭﺑﻴﻦ ﺣﺮﻣﺘﻚ ﻳﺨﻠﻚ ﺗﻄﻔﺶ ﻣﻨﻬﺎ ﻣﻦ ﺍﻭﻝ ﻟﻴﻠﺔ
: ﻟﻴﺶ ﻫﻮ ﺑﻘﻰ ﺷﻲ ﻣﺎ ﺻﺎﺭ ﺑﻴﻨﻲ ﻭﺑﻴﻨﻬﺎ ﺣﺘﻰ ﺗﺠﻲ ﻫﺎﻱ ﺍﻟﻠﻴﻠﺔ ﻭﺗﻜﻤﻠﻬﺎ
: ﻭﺣﺶ ﺍﻧﺖ ﻫﺬﺍ ﻋﻴﺒﻚ ﺑﻴﻚ ﻃﺒﻊ
ﺻﻌﺐ ﺗﺴﺎﻣﺢ ﻏﻴﺮﻙ
ﻭﺑﻌﺪﻳﻦ ﺗﻜﻌﺪ ﺗﺸﺘﻜﻲ ﻣﻦ ﺳﻮﺀ ﺍﻟﺤﻆ
ﻳﺎ ﺍﺧﻲ ﺳﺎﻣﺢ ﺣﺘﻰ ﺗﻌﻴﺶ ﺣﻴﺎﺗﻚ ﻣﺮﺗﺎﺡ
ﺍﻧﺎ ﻣﺎ ﺍﻋﺮﻑ ﺷﻨﻮ ﺻﺎﻳﺮ ﺑﻴﻨﻜﻢ ﺍﻧﺖ ﻭﺯﻭﺟﺘﻚ
ﺑﺲ ﺍﻋﺮﻓﻚ ﺍﻧﺖ ﺷﻨﻮ ﻻﻥ ﺍﺧﻮﻱ ﻭﺻﻌﺐ ﺍﻟﻌﺸﺮﺓ
ﻟﺬﻟﻚ ﺭﺍﺡ ﺍﻛﻮﻝ ﺍﻟﻠﻪ ﻳﺴﺎﻋﺪ ﺍﻟﻤﻜﺮﻭﺩﺓ ﻋﻠﻴﻚ
ﻭﻫﺴﺔ ﺭﺍﺡ ﺍﻃﻠﻊ ﺻﺪﺭﻱ ﻣﺜﻞ ﺑﻴﺒﻴﺘﻲ
ﻭﺍﺩﻋﻠﻴﻬﺎ ﻛﻮﻥ ﺍﻟﻠﻪ ﻳﻨﺼﺮﻫﺎ ﻋﻠﻴﻚ
ﻭﻳﻘﻮﻳﻬﺎ ﻭﺣﺘﻰ ﺗﻘﻀﻲ ﻋﻠﻰ ﺍﻟﻮﺣﺶ ﺍﻟﺮﺍﻛﺐ ﺭﺍﺳﻚ
ﻟﺪﺭﺟﺔ ﺍﺣﺲ ﺑﻴﻚ ﺭﺍﺡ ﻳﻄﻠﻌﻠﻚ ﮔﺮﻭﻥ
ﺍﻟﺘﻔﺘﺖ ﺍﺩﻭﺭ ﻋﺎﻟﺤﺎﺭﺱ
: ﺯﻳﺪﻭﻥ ﺟﻴﺒﻠﻲ ﺳﺘﻜﺎﻥ ﺟﺎﻱ ﺭﺍﺳﻲ ﺭﺍﺡ ﻳﻄﻚ
ﺭﺩﺕ ﺍﻣﺎﻃﻞ ﺑﺎﻟﻮﻗﺖ ﻭﺍﺗﺄﺧﺮ ﻟﺘﺎﻟﻲ ﺍﻟﻠﻴﻞ
ﺣﺘﻰ ﻣﻦ ﺍﺭﺟﻊ ﺍﻟﻜﺎﻫﺔ ﻧﺎﻳﻤﺔ ﻭﻣﺎ ﺍﻇﻞ ﺍﻋﺎﻧﻲ
ﻋﺪﻱ : ﻳﺎﻟﻠﻪ ﻭﺣﺶ ﻛﻮﻡ ﻻ ﺗﻮﺻﻞ ﻋﻠﻮﻣﻚ ﻟﺠﺪﻱ
ﻭﻳﺒﻬﺬﻟﻚ ﺗﺮﺓ ﻫﺬﺍ ﺟﺪﻙ ﺍﻟﻠﻪ ﻳﺴﺘﺮﺓ ﻣﻨﺔ ﺣﺎﻁ ﺑﻜﻞ ﻣﻜﺎﻥ ﻋﻴﻮﻥ ﺗﺘﺮﺻﺪ
: ﻫﺬﺍ ﻫﻮ ﻛﺎﻳﻢ ﻻﻥ ﻛﻠﺶ ﺗﻌﺒﺎﻥ ﻭﻣﺘﻜﺴﺮ ﺍﺳﺘﻐﻔﺮ ﺍﻟﻠﻪ
ﻣﻮ ﻋﺮﺱ ﺟﻬﺎﺩ ﻫﺬﺍ ﺣﺮﺏ ﺍﻟﺒﻮﻡ ﻃﺎﺡ ﺣﻈﻲ ﻣﻦ ﺍﻟﺮﻛﻀﺔ ﻭﺍﻟﻮﻛﻔﺔ
ﺗﺮﻛﺘﺔ ﻟﻮﺣﺪﺓ ﻭﺭﺣﺖ ﺍﺗﻤﺸﻰ ﺑﺎﻟﻤﺰﺭﻋﺔ ﺣﺘﻰ ﺍﻭﺻﻞ ﻟﻠﺒﻴﺖ
.......................
ﺩﺧﻠﺖ ﻟﻠﺒﻴﺖ ﺍﻟﺴﺎﻋﺔ ( ٢ ﺹ )
ﺷﻔﺖ ﺟﺪﺗﻲ ﻣﺮﺕ ﻣﻦ ﻳﻤﻲ ﺑﺪﻭﻥ ﻣﺎ ﺗﻨﺘﺒﻪ ﻋﻠﻲ
ﺟﺎﻧﺖ ﺭﺍﻓﻌﺔ ﺭﺩﻧﻬﺎ ﺑﻮﺿﻌﻴﺔ ﺍﻟﻮﺿﻮﺀ ﻭﻣﺤﻠﻠﺔ ﺷﻴﻠﺘﻬﺎ
ﻭﻣﻄﻠﻌﺔ ﻣﻘﺪﻣﺔ ﺷﻌﺮﻫﺎ
ﻫﺎﻱ ﺍﻟﺼﻮﺭﺓ ﺩﺍﺋﻤﺎً ﺗﺘﻜﺮﺭ ﺑﻬﻴﺞ ﻭﻗﺖ ﻣﻦ ﺍﻟﻠﻴﻞ
ﺍﺳﺘﻌﺪﺍﺩﺍً ﻟﺼﻼﺓ ﺍﻟﻠﻴﻞ ﺻﺎﺭﺕ ﻋﺎﺩﺓ ﻛﻞ ﻳﻮﻡ ﺍﺳﻤﻊ ﺻﻮﺗﻬﺎ ﺍﻟﻬﺎﻣﺲ ﺑﺎﻟﺘﺴﺒﻴﺤﺎﺕ
ﺻﻌﺪﺕ ﻓﻮﻙ ﻭﺩﺧﻠﺖ ﻟﻠﻐﺮﻓﺔ ﺟﺎﻥ ﺍﻟﻀﻮﺓ ﻣﻔﺘﻮﺡ
ﺍﻧﺘﺒﻬﺖ ﻋﻠﻰ ﺳﻬﻰ ﺑﻨﺺ ﺍﻟﺴﺮﻳﺮ ﻭﻣﻐﻴﺮﺓ ﻣﻼﺑﺴﻬﺎ ﺑﺜﻮﺏ ﺛﺎﻧﻲ ﻋﺎﺩﻱ
ﻭﻛﺎﻧﺖ ﻧﺎﻳﻤﺔ ﺑﻮﺿﻌﻴﺔ ﺍﻟﺠﻨﻴﻦ ﻭﺣﺎﺿﻨﺔ ﺻﻮﺭﺓ
ﺑﺪﻟﺖ ﻣﻼﺑﺴﻲ
ﻭﻛﻌﺪﺕ ﻋﻠﻰ ﻃﺮﻑ ﺍﻟﺴﺮﻳﺮ ﺍﺑﺎﻭﻋﻠﻬﺎ ﻣﺪﻳﺖ ﺍﻳﺪﻱ ﻭﺳﺤﺒﺖ ﺍﻟﺼﻮﺭﺓ ﺍﻟﺤﺎﺿﻨﺘﻬﺎ
ﺷﻔﺘﻬﺎ ﺻﻮﺭﺕ ﺍﺑﻨﻬﺎ
ﺍﺧﺬﺕ ﻧﻔﺲ ﻋﻤﻴﻖ ﻣﺎ ﺍﻋﺮﻓﺞ ﺍﻧﺘﻲ ﺷﻨﻮ
ﺍﻧﺴﺎﻧﺔ ﺿﻌﻴﻔﺔ ﻟﻮ ﺷﻴﻄﺎﻥ ﺑﺠﺴﺪ ﻣﻼﻙ
ﺟﻨﺖ ﻛﻠﺶ ﺗﻌﺒﺎﻥ ﻭﻣﺎ ﻣﺴﺘﻌﺪ ﺍﻏﻴﺮ ﻣﻜﺎﻥ ﻧﻮﻣﺘﻲ
ﺍﺗﻤﺪﺩﺕ ﺑﺼﻔﻬﺎ
ﻭﺍﻟﺘﻔﺘﺖ ﻋﻠﻴﻬﺎ ﻣﺪﻳﺖ ﺍﻳﺪﻱ ﻭﺳﺤﺒﺖ ﺧﺼﻠﺔ
ﻣﻦ ﺷﻌﺮﻫﺎ ﻭﺷﻤﻴﺖ ﻋﻄﺮﻫﺎ
ﺛﺎﺋﺮ ﻣﻮ ﻫﻮ ﻫﺬﺍ ﺍﻟﻲ ﺟﻨﺖ ﺗﺘﻤﻨﺎﻩ
ﻭﻫﺎﻱ ﺳﻬﻮﺓ ﺻﺎﺭﺕ ﺍﻡ ﺑﻴﺘﻚ ﻟﻴﺶ ﻣﺎ
ﺗﺎﺧﺬﻫﺎ ﻟﺤﻀﻨﻚ ﻭﺗﺸﻢ ﻋﻄﺮﻫﺎ
ﺍﻱ ﺑﺲ ﻭﻛﺮﺍﻣﺘﻲ ﺍﻟﺪﺍﺳﺘﻬﺎ ﻭﺟﺮﺡ ﮔﻠﺒﻲ ﺍﻟﻲ ﺑﻌﺪﺓ ﻣﺎ ﺷﻔﻰ
ﺻﺮﺕ ﺍﺧﻮﺽ ﺻﺮﺍﻉ ﺑﻴﻨﻲ ﻭﺑﻴﻦ ﻧﻔﺴﻲ
ﻭﻧﺠﺢ ﺍﻟﺠﺎﻧﺐ ﺍﻟﻤﺘﻠﻬﻒ ﻟﺤﻀﻨﻬﺎ
ﻳﻌﻨﻲ ﺗﺮﺓ ﺻﻌﺒﺔ ﺗﻄﻠﺐ ﻣﻦ ﻭﺍﺣﺪ ﺟﻮﻋﺎﻥ
ﻛﺪﺍﻣﺔ ﺍﻛﻞ ﻣﺎ ﻳﻤﺪ ﺍﻳﺪﺓ ﻭﻳﺎﻛﻞ
ﻣﺎ ﺣﺴﻴﺖ ﻋﻠﻰ ﻧﻔﺴﻲ ﻣﻦ ﻣﺪﻳﺖ ﺍﻳﺪﻱ ﻭﺳﺤﺒﺖ ﺟﺴﻤﻬﺎ ﺍﻟﺪﺍﻓﻲ ﻟﺤﻀﻨﻲ
ﺍﻧﺘﺒﻬﺖ ﻋﻠﻴﻬﺎ ﺍﺗﻤﻠﻤﻠﺖ ﻣﻦ ﻧﻮﻣﺘﻬﺎ ﻣﺜﻞ ﺍﻟﺒﺰﻭﻥ
ﺑﺪﻭﻥ ﻣﺎﺗﺤﺲ
ﻭﻗﺮﺑﺖ ﺭﺍﺳﻬﺎ ﻭﺧﻠﺘﺔ ﺑﻴﻦ ﺭﮔﺒﺘﻲ ﻭﺭﺍﺳﻲ
ﺣﺮﻛﺘﻬﺎ ﻗﻀﺖ ﻋﻠﻰ ﺍﺧﺮﻗﻄﺮﺓ ﻋﻘﻞ ﻋﻨﺪﻱ
ﻟﻤﻴﺘﻬﺎ ﻛﻠﻬﺎ ﻟﺤﻀﻨﻲ
ﻭﻻﺅﻝ ﻣﺮﺓ ﺑﺤﻴﺎﺗﻲ ﺍﺣﻂ ﺭﺍﺳﻲ ﻋﺎﻟﻤﺨﺪﺓ ﻭﺍﻧﺎﻡ ﻣﺮﺗﺎﺡ
......
ﺻﺤﻴﺖ ﻣﻦ ﻧﻮﻣﻲ ﻋﻠﻰ ﺻﻮﺕ ﻭﺍﺣﺪ ﻳﺪﻙ ﺑﺎﻟﺒﺎﺏ
ﻓﺘﺤﺖ ﻋﻴﻮﻧﻲ ﻭﺑﺪﻳﺖ ﺍﺗﺬﻛﺮ ﺭﻭﺣﻲ ﺍﻧﻲ ﻭﻳﻦ
ﺍﻱ ﻧﻌﻢ
ﺍﻟﺒﺎﺭﺣﺔ ﻋﺮﺳﻲ ﻭﺍﻧﻲ ﻫﺴﺔ ﻣﻮ ﺑﺒﻴﺖ ﻋﻤﻮ
ﻭﺣﺴﻦ ﺍﺑﻨﻲ ﻣﻮ ﺑﺤﻀﻨﻲ ﻭﻻ ﻧﻮﺭ ﻭﻻ ﺍﻣﻲ ﻳﻤﻲ
ﻭﺍﺧﺮ ﺷﻲ ﺍﺗﺬﻛﺮﺓ ﺑﺎﻟﻠﻴﻞ ﺛﺎﺋﺮ ﻃﻠﻊ ﻣﻦ ﻳﻤﻲ
ﻭﺗﺮﻛﻨﻲ ﻟﻮﺣﺪﻱ ﻣﻊ ﺍﻟﻤﺠﻬﻮﻝ
ﺑﻮﻗﺘﻬﺎ ﺻﺮﺕ ﺍﺭﻭﺡً ﻭﺍﺭﺟﻊ ﻭﻣﺎ ﺍﻋﺮﻑ ﺷﻨﻮ ﺍﺗﺼﺮﻑ ﺑﻤﺜﻞ ﻫﻴﺞ ﻣﻮﻗﻒ ﻭﺷﻨﻮ ﺍﻟﺨﻄﻮﺓ ﺍﻟﻘﺎﺩﻣﺔ ﺍﻟﻲ ﺭﺍﺡ ﺍﺧﻄﻴﻬﺎ
ﻭﻳﺔ ﺛﺎﺋﺮ ﺍﺣﺲ ﺑﺮﻭﺣﻲ ﺟﺎﻱ ﺍﻣﺸﻲ ﻋﻠﻰ
ﺟﺴﺮ ﻭﻫﺬﺍ ﺍﻟﺠﺴﺮ ﻳﻜﻮﻥ ﻣﻤﻠﺆ ﺑﺎﻟﺨﻄﺎﻃﻴﻒ
ﻭﻣﺎ ﺍﻋﺮﻑ ﺑَـــﺄﻱ ﻟﺤﻈﺔ ﺍﺯﻟﻚ ﻣﻦ ﺍﻟﺠﺴﺮ ﻭﺍﻭﻛﻊ ﻋﻠﻰ ﻭﺟﻬﻲ ( ﺍﺳﻘﻂ ) ﺑﺎﻭﻋﺖ ﻟﺮﻭﺣﻲ ﺑﺎﻟﻤﺮﺍﻳﺎ
ﻭﺷﻔﺖ ﻣﻼﺑﺴﻲ ﺍﻟﻤﻬﻮﺳﺔ ﻣﻜﻴﺎﺟﻲ ﺍﻟﻤﺨﺮﺑﻂ
ﻟﻠﺤﻈﺔ ﺍﺗﻮﻫﻤﺖ ﺍﻥ ﺛﺎﺋﺮ ﻛﺎﻥ ﻓﻌﻼً ﻗﺒﻞ ﺳﺎﻋﺎﺕ ﻧﺎﻳﻢ ﺑﺤﻈﻨﻲ
ﻳﻌﻨﻲ ﻓﻌﻼً ﻭﺣﺶ ﻭﻣﺎ ﻳﻔﻮﺗﺔ ﺷﻲ
ﺳﺒﺤﺖ ﻭﻭﺑﺪﻟﺖ ﺭﻭﺑﻲ ﻻﻥ ﺑﻌﺪ ﻣﺎﻟﺔ ﺩﻭﺭ ﺑﺪﻟﺘﺔ
ﺑﺪﺷﺪﺍﺷﺔ ﻓﺎﻧﻴﻼ ﺭﺑﻊ ﺭﺩﻥ
ﺍﻧﻲ ﻻﺯﻡ ﺍﻛﻮﻥ ﻗﻮﻳﺔ
ﻭﻣﺎ ﺭﺍﺡ ﺍﺧﻠﻲ ﻫﺬﺍ ﺍﻟﻤﻮﻗﻒ ﻳﻬﺰﻧﻲ
ﺍﻱ ﺳﻬﻰ ﺍﻧﺘﻲ ﻗﻮﻳﺔ ﻭﻛﺪﺭﺗﻲ ﺗﺠﺘﺎﺯﻳﻦ
ﻫﻮﺍﻱ ﺣﻮﺍﺟﺰ ﻭﺻﺒﺮﺗﻲ
ﺍﻛﺒﺮ ﻣﻦ ﻫﺬﺍ ﺍﻟﻤﻮﻗﻒ
ﻭﺑﻌﺪﻫﺎ ﺍﻟﺤﻴﺎﺓ ﻛﺪﺍﻣﻨﺎ ﻭﻫﺬﺍ ﺍﻭﻝ ﻳﻮﻡ ﺍﻟﻲ ﻭﻳﺔ ﺛﺎﺋﺮ
ﻻﺯﻡ ﺍﻧﻄﻲ ﻓﺮﺻﺔ
ﺍﺗﻤﺪﺩﺕ ﻋﻠﻰ ﺍﻟﺴﺮﻳﺮ ﺑﺘﺮﺩﺩ ﻭﺍﺭﺗﺒﺎﻙ
ﺣﺘﻰ ﺑﻨﻮﻣﺘﻲ ﻣﺎ ﺍﻋﺮﻑ ﺍﻗﺮﺭ ﻭﻳﻦ ﺍﻧﺎﻡ ﺍﻧﺘﻈﺮﺕ ﺛﺎﺋﺮ ﻭﺍﻟﻮﻗﺖ ﺍﺗﺄﺧﺮ ﻭﻫﻮ ﺑﻌﺪﺓ ﻣﺎ ﺭﺟﻊ ﺗﺎﻟﻲ
ﻏﻠﺒﻨﻲ ﺍﻟﻨﻌﺎﺱ ﻭﺣﻄﻴﺖ ﺭﺍﺳﻲ ﻋﺎﻟﻤﺨﺪﺓ ﻭﺣﺴﻴﺖ ﺑﺠﻔﻮﻧﻲ ﺛﻜﻠﺖ
ﻭﻏﻄﻴﺖ ﺑﻨﻮﻡ ﻋﻤﻴﻖ
.................
ﺭﺟﻊ ﻣﺮﺓ ﺛﺎﻧﻴﺔ ﺻﻮﺕ ﻃﺮﻕ ﺍﻟﺒﺎﺏ
ﺭﺩﺕ ﺍﻛﻮﻡ ﻣﻦ ﻣﻜﺎﻧﻲ ﺣﺘﻰ ﺍﻓﺘﺢ ﺍﻟﺒﺎﺏ ﻟﻜﻦ ﺣﺴﻴﺖ ﻋﻠﻰ ﺷﻲ ﺟﺮ ﺷﻌﺮﻱ ﻟﺤﻈﺔ ﻫﺎﻱ ﺷﻨﻮ ﺍﻟﺘﻔﺘﺖ
ﻭﻓﺘﺤﺖ ﻋﻴﻮﻧﻲ ﻋﻠﻰ ﻭﺳﻌﻬﻦ ﻫﺬﺍ ﺛﺎﺋﺮ ﻧﺎﻳﻢ ﺑﺼﻔﻲ
ﻳﺒﻮﻭ ﻭﻣﺎ ﻻﺑﺲ ﺑﺲ ﺷﻮﺭﺕ
ﻳﺒﻮﻭﻭ ﻭﻧﺎﻳﻢ ﻋﻠﻰ ﺷﻌﺮﻱ ﺳﺤﺒﺘﺔ ﻋﻠﻰ ﻛﻴﻒ ﻣﻦ ﺟﻮﺓ ﺭﺍﺳﻪ ﻛﻤﺖ ﻭﺍﺗﻮﺟﻬﺖ ﻟﻠﺒﺎﺏ ﺣﺘﻰ ﺍﻓﺘﺤﺔ
ﺳﻤﻌﺖ ﺻﻮﺗﺔ ﺍﻟﺜﻜﻴﻞ ﻣﻦ ﺍﺛﺮ ﺍﻟﻨﻮﻡ
: ﺍﻭﻛﻔﻲ ﻟﺤﻈﺔ ﻭﻳﻦ ﺭﺍﻳﺤﺔ ﻭﺍﻧﺘﻲ ﺑﻬﺬﺍ ﺷﻜﻠﺞ ﻭﻣﻔﺮﻋﺔ
ﺭﺟﻌﻲ ﺩﺧﻠﻲ ﺟﻮﺓ ﺑﺎﻟﺤﻤﺎﻡ ﺳﻮﻱ ﻧﻔﺴﺞ ﺟﺎﻱ ﺗﺴﺒﺤﻴﻦ
ﺍﺣﺘﻤﺎﻝ ﻫﺎﻱ ﻋﻤﺘﻲ ﺳﻨﺎﺀ ﻟﻮ ﻭﺍﺣﺪ ﻣﻦ ﺍﺧﻮﺗﻲ
ﻛﺎﻥ ﻳﺤﺠﻲ ﻭﻳﺎﻱ ﻭﻫﻮ ﻳﻜﻮﻡ ﻣﻦ ﺍﻟﺴﺮﻳﺮ
ﺍﺗﻌﺠﺒﺖ ﻋﻠﻰ ﺷﻜﻠﺔ ﺷﻠﻮﻥ ﻭﺍﺛﻖ ﻣﻦ ﻧﻔﺴﺔ ﻳﺘﻨﻘﻞ ﺑﺎﻟﻐﺮﻓﺔ ﻭﻫﻮ ﻻﺑﺲ ﺑﺲ ﺷﻮﺭﺕ ﺣﺎﻑ
ﺍﻟﻠﻪ ﻋﻠﻰ ﺑﺮﻭﺩﻙ ﻳﺎ ﺍﺧﻲ
ﺍﺭﺣﻢ ﮔﻠﺒﻲ ﺟﺮﻳﺖ ﺣﺴﺮﺓ
ﺭﺣﺖ ﺩﺧﻠﺖ ﻟﻠﺤﻤﺎﻡ ﻭﻏﻠﻘﺖ ﺍﻟﺒﺎﺏ ﻭﺭﺍﻱ
ﻭﺣﻄﻴﺖ ﺍﺫﻧﻲ ﻋﺎﻟﺒﺎﺏ ﻭﺻﺮﺕ ﺍﺳﻤﻊ ﺍﺻﻮﺍﺕ ﺍﻟﻬﻼﻫﻞ
ﻫﺎﻱ ﻋﻤﺘﺔ ﺳﻨﺎﺀ ﻣﺎ ﻛﻮ ﻏﻴﺮﻫﺎ
ﺳﻤﻌﺖ ﺻﻮﺕ ﺭﺟﺎﻝ ﺩﺧﻞ ﻭﻳﻜﻠﺔ ﻫَـﺎ ﻭﺣﺶ ﺑﺸﺮ
ﻭﺳﻤﻌﺖ ﺻﻮﺕ ﺿﺤﻜﺔ ﺛﺎﺋﺮ
ﻳﻤﺔﺓﺓﺓﺓ ﻣﻨﻚ ﺛﺎﺋﺮ
ﻋﺎﺩﻱ ﻋﻨﺪﻙ ﺗﻀﺤﻚ ﻭﻳﺔ ﻏﻴﺮﻱ
ﻳﻌﻨﻲ ﺍﻧﺖ ﺍﻧﺴﺎﻥ ﻃﺒﻴﻌﻲ ﺗﻀﺤﻚ ﻭﺗﺒﺘﺴﻢ ﻭﺗﺠﺎﻣﻞ ﻭﺗﺒﺘﺴﻢ ﺍﺷﻮ ﺍﻧﻲ ﻭﻻﻣﺮﺓ ﺷﻔﺘﻚ ﺗﻀﺤﻚ ﻭﻳﺎﻱ
ﺍﻭﻭﻭﻑ ﻣﻨﻚ ﺷﻜﻠﻲ ﺭﺍﺡ ﺍﻛﻮﻡ ﺍﻏﺎﺭ ﺣﺘﻰ ﻣﻦ ﻋﻤﺘﺔ ﻭﺍﺧﻮﺗﺔ
ﻟﺤﻈﺔ ﺳﻬﻰ ﺑﻌﺪﺝ ﺑﺒﺪﺍﻳﺔ ﺍﻟﻄﺮﻳﻖ
ﻻ ﺗﺴﺘﺴﻠﻤﻴﻦ ﻣﻦ ﻫﺴﺔ
ﺳﻤﻌﺖ ﺍﻟﺒﺎﺏ ﺍﻧﺴﺪ
ﺭﺣﺖ ﻏﺴﻠﺖ ﻭﻛﻤﻠﺖ
ﻭﻓﺘﺤﺖ ﺷﻌﺮﻱ ﻭﺧﻠﻴﺘﺔ ﻋﻠﻰ ﺟﺎﻧﺐ ﻭﺭﺷﻴﺖ ﺷﻮﻳﺔ ﻋﻄﺮ
ﻭﻃﻠﻌﺖ ﺷﻔﺘﺔ ﻳﻜﻠﺐ ﺑﺎﻝ TV
ﺣﺠﺔ ﻭﻳﺎﻱ ﺑﺪﻭﻥ ﻣﺎ ﻳﻠﺘﻔﺖ : ﺗﻌﺎﻱ ﺍﺗﺮﻳﻜﻲ
ﺍﺧﺬﺕ ﻧﻔﺲ ﻋﻤﻴﻖ ﻣﺎ ﺭﺍﺡ ﺍﺳﻤﺢ ﻟﻨﻔﺴﻲ ﺍﺿﻌﻒ ﺍﻣﺎﻣﻪ ﻭﺍﺑﻴﻦ ﺧﻮﻓﻲ ﻣﻨﺔ ﺣﺘﻰ ﻟﻮ ﻛﺎﻥ ﺫﺍﻙ ﺍﻟﻮﺣﺶ ﺍﻟﻲ ﺍﻟﻜﻞ ﻳﺨﺎﻑ ﻣﻨﺔ
ﻻﻥ ﺍﻧﻲ ﺍﻟﻮﺣﻴﺪﺓ ﺍﻟﻲ ﻛﺪﺭﺕ ﺍﺷﻮﻑ ﺍﻟﺠﺎﻧﺐ ﺍﻟﺠﻤﻴﻞ
ﺑﺜﺎﺋﺮ ﺍﻟﻲ ﻛﺎﻥ
ﻳﺒﺎﺩﻟﻨﻲ ﺍﻟﻨﻈﺮ ﺑﻜﻞ ﺷﻮﻙ ﻭﻟﻬﻔﺔ
ﺭﺍﺡ ﺍﺳﻌﻲ ﺍﻓﺮﺽ ﻧﻔﺴﻲ ﻋﻠﻴﻪ ﻭﺍﺭﺟﻊ ﺣﺐ ﺛﺎﺋﺮ
ﻣﺴﺘﺤﻴﻞ ﺍﺧﻠﻴﻪ ﻳﺨﻠﻴﻨﻲ ﻋﻠﻰ ﻫﺎﻣﺶ
ﺣﻴﺎﺗﺔ
.................
ﺭﺣﺖ ﻛﻌﺪﺕ ﺑﺼﻔﻪ
ﻛﺎﻧﺖ ﺻﻴﻨﻴﺔ ﺍﻟﺮﻳﻮﻙ ﻣﺘﺮﻭﺳﺔ ﺑﺎﻧﻮﺍﻉ ﺍﻻﻛﻞ
ﻣﻦ ﺟﺒﻦ ﻭﮔﻴﻤﺮ ﻭﻛﺎﻫﻲ ﻭﺑﻴﺾ ﻭﺯﻳﺘﻮﻥ ﻭﺧﺒﺰ ﺣﺎﺭ
ﻛﺎﻥ ﻛﻠﺶ ﻫﻮﺍﻱ ﺍﻛﻞ ﻳﻜﻔﻲ ﻟﻌﺸﻴﺮﺓ ﺑﺤﺎﻟﻬﺎ
ﻣﺪﻳﺖ ﺍﻳﺪﻱ ﺍﺧﺬﺕ ﺍﻟﺴﻜﻴﻨﺔ ﻭﺻﺮﺕ ﺍﻗﻄﻊ ﺍﻟﻜﺎﻫﻲ
ﻟﻘﻄﻊ ﺻﻐﺎﺭ
ﺍﻧﺘﺒﻬﺖ ﻋﻠﻴﻪ ﻳﻤﺪ ﺍﻳﺪﺓ ﻋﻠﻰ ﺍﻟﻘﻄﻊ ﻭﻳﺎﻛﻞ ﻭﻋﻴﻮﻧﺔ
ﻋﻠﻴﻪ ﻳﺒﺎﻭﻋﻠﻲ ﺷﻠﻮﻥ ﺍﻛﻞ ﺑﺨﺠﻞ
ﻣﺪﻳﺖ ﺍﻳﺪﻱ ﻋﻠﻰ ﻗﻄﻌﺔ ﻛﺎﻫﻲ ﻭﻏﻤﺴﺘﻬﺎ ﺑﺎﻟﻜﻴﻤﺮ
ﺭﺩﺕ ﺍﻛﻠﻬﺎ ﻣﺤﺴﻴﺖ ﺍﻻ ﻋﻠﻰ ﺍﻳﺪ ﺛﺎﺋﺮ ﺳﺤﺒﺖ ﺍﻳﺪﻱ
ﻭﻭﺻﻠﻬﺎ ﻟﺤﻠﻜﺔ ﻭﺍﻛﻞ ﺍﻟﻘﻄﻌﺔ ﻭﻋﻴﻮﻧﺔ ﺑﻌﻴﻮﻧﻲ
ﻫﻨﺎ ﺍﻧﺎ ﺿﻴﻌﺖ ﻛﻠﺸﻲ
ﻭﺻﺮﺕ ﺑﺲ ﺍﺭﻣﺶ ﺑﻌﻴﻮﻧﻲ
ﻳﺎﻟﻠﻪ ﺷﻜﺪ ﺍﺣﺒﺔ ﺑﺲ ﻫﻮ ﻗﺎﺳﻲ ﻭﮔﻠﺒﻪ ﺟﺎﻓﻲ
ﺷﻔﺘﺔ ﺍﻗﺘﺮﺏ ﻣﻨﻲ ﻭﺻﺎﺭﺕ ﺍﻧﻔﺎﺳﻨﺎ ﻭﺣﺪﺓ ﻭﻋﻴﻮﻧﺔ
ﻋﻠﻰ ﺷﻔﺎﻳﻔﻲ ﺗﺮﻳﺪ ﺗﺎﻛﻠﻬﺎ ﻏﻤﻀﺖ ﻋﻴﻮﻧﻲ ﻭﺳﻠﻤﺖ
ﻟﻠﻲ ﺭﺍﺡ ﻳﺼﻴﺮ ﺣﺴﻴﺖ ﻋﻠﻰ ﺍﻧﻔﺎﺳﻪ ﺻﺎﺭﺕ ﻗﺮﻳﺒﺔ
ﻭﻫﻤﺲ ﻳﻢ ﺍﺫﻧﻲ ﻭﻛﺎﻝ
: ﺳﻬﻰ ﺣﻀﺮﻱ ﻧﻔﺴﺞ ﺣﺘﻰ ﻧﻨﺰﻝ ﺟﻮﺓ
ﻧﺼﺒﺢ ﻋﻠﻰ ﺍﻫﻠﻲ
ﻓﺘﺤﺖ ﺣﻠﻜﻲ ﻭﻋﻴﻮﻧﻲ ﻋﻠﻰ ﻭﺳﻌﻬﻦ ﻣﻦ ﺍﻟﺒﻮﺭﻱ ﺍﻟﻲ ﺍﻛﻠﺘﺔ
: ﻫﺎﺍﺍﻩ
: ﺷﻨﻮ ﺷﺒﻴﺞ ﻣﺎ ﺳﻤﻌﺘﻲ ﺍﻛﻠﺞ ﺟﻬﺰﻱ ﻧﻔﺴﺞ ﺣﺘﻰ ﻧﻨﺰﻝ
ﺳﻮﻳﺔ
: ﻫﺎﺍﺍ ﺍﻱ ﻫﺴﺔ ﻟﺤﻈﺔ
......
ﺻﺒﺮﻱ ﻋﻠﻴﺔ ﺷﻮﻳﺔ ﻳﺒﺖ ﮔﻠﺒﻲ
ﺧﻠﻴﻨﻲ ﺍﺣﺮﻙ ﺍﻋﺼﺎﺑﺞ ﻣﺜﻞ ﻣﺎ ﺣﺮﻛﺘﻲ ﺍﻋﺼﺎﺑﻲ
ﺑﺎﻟﻠﻴﻞ ﺍﺷﻮﻓﺞ ﻧﺎﻳﻤﺔ ﻣﺘﻬﻨﻴﺔ ﺍﻟﻠﻴﻞ ﻛﻠﺔ ﻭﺗﺘﻜﻠﺒﻴﻦ ﻭﺍﻧﺎ
ﺍﺑﻮ ﺍﺑﻮﻱ ﻣﺸﺘﻐﻞ
ﺍﺗﻤﻨﻴﺖ ﻫﺬﺍ ﺍﻟﺼﺎﺭ ﺑﻴﺔ ﻛﻮﻥ ﺑﻴﺞ ﻳﺼﻴﺮ
............
ﺑﻨﻔﺲ ﺍﻟﻴﻮﻡ ﺍﺟﺘﻲ ﺍﻣﻲ ﻭﻋﻤﺔ ﻣﻨﺘﻬﻰ ﻭﻋﺬﺭﺍﺀ
ﺳﻠﻤﺖ ﻋﻠﻴﻬﻢ ﻭﺳﺄﻟﺖ ﺍﻣﻲ ﻋﻦ ﺣﺴﻦ
ﻭﺭﺓ ﻓﺘﺮﺓ ﺍﺧﺬﺗﻨﻲ ﻋﺬﺭﺍﺀ ﻭﺻﻌﺪﻧﺎ ﻓﻮﻙ ﻋﺮﻓﺖ ﺑﻴﻬﺎ ﺗﺮﻳﺪ ﺗﺤﺠﻲ ﻭﻳﺎﻱ ﻋﻦ ﺷﻲ
ﻋﺬﺭﺍﺀ : ﺳﻜﺘﻲ ﺳﻬﻰ ﺭﺍﺡ ﺍﻣﻮﺕ
: ﻟﺞ ﺷﻨﻮ ﺍﺣﺠﻲ
: ﺍﻟﺒﺎﺭﺣﺔ ﺑﺎﻟﻠﻴﻞ ﺻﺪﻳﻖ ﺣﺎﺭﺙ ﺍﻟﺪﻛﺘﻮﺭ ﺍﻟﻲ ﺍﺳﻤﺔ ﻣﺼﻄﻔﻰ ﻃﻠﺐ ﺍﻳﺪﻱ ﻟﻠﺰﻭﺍﺝ ﻣﻦ ﺣﺎﺭﺙ
ﻭﺣﺎﺭﺙ ﺧﺒﺮ ﺍﺑﻮﻱ
ﺷﻠﻮﻥ ﺩﺑﺮﻳﻨﻲ ﻭﺍﻧﺎ ﻣﺎ ﺍﺭﻳﺪ ﺍﺗﺰﻭﺝ
: ﻻ ﻣﻮ ﻣﺎ ﺗﺮﺩﻳﻦ ﺗﺘﺰﻭﺟﻴﻦ
ﻛﻮﻟﻲ ﺍﺭﻳﺪ ﻋﺪﻱ ﻻﺗﻜﺎﺑﺮﻳﻦ
ﺍﺭﻳﺪ ﺍﻋﺮﻑ ﺍﻧﺘﻮ ﻣﻦ ﻳﺎ ﻃﻴﻨﺔ ﻣﺨﻠﻮﻗﻴﻦ ﺍﻧﺘﻲ
ﻭﺍﺑﻦ ﺧﺎﻟﺞ
: ﻟﻴﺶ ﺷﻨﻮ ﺻﺎﺭ ﺑﻴﻨﻜﻢ
: ﻻ ﻣﺎﻛﻮ ﺷﻲ ﺳﻼﻣﺘﺞ ﻻﺗﻐﻴﺮﻳﻦ ﺍﻟﻤﻮﺿﻮﻉ
ﻫﺴﺔ ﺷﻨﻮ ﺭﺍﺡ ﺗﺴﻮﻳﻦ ﺗﺤﺠﻴﻦ ﻟﻌﺪﻱ ﻟﻮ ﺗﻔﻀﻠﻴﻦ
ﺗﺴﻜﺘﻴﻦ
: ﻟﺞ ﻣﺎ ﺍﻛﺪﺭ ﻛﺮﺍﻣﺘﻲ ﻓﻮﻙ ﻛﻠﺸﻲ ﻭﻫﻮ ﺍﻟﻠﻪ ﻳﺤﻔﻈﺔ ﺑﻌﺪﺓ ﻣﺎ ﺍﺗﻐﻴﺮ
ﻟﺞ ﺗﺘﺬﻛﺮﻳﻦ ﻣﻦ ﺻﺎﺣﺘﻨﻲ ﺟﺪﺗﻲ ﺣﺘﻰ ﺍﺫﺏ ﻃﺸﺖ ﺍﻟﻤﺎﻱ ( ﻣﺎﺀ )
ﺍﺧﺬﺗﺔ ﻭﺻﻌﺪﺕ ﻓﻮﻙ ﻟﻠﺴﻄﺢ
ﻭﻣﺎ ﺣﺴﻴﺖ ﺍﻻ ﻭﻭﺍﺣﺪ ﺳﺤﺒﻨﻲ ﻣﻦ ﺯﻧﺪﻱ ﻭﻫﻤﺲ ﺑﺎﺫﻧﻲ
ﻭﻳﻦ ﺗﺮﺣﻴﻦ ﻣﻨﻲ ﺍﻟﻴﻮﻡ
ﺟﺎ ﻋﺪﺍﻟﺞ ﻣﻦ ﺗﺘﻤﻀﺤﻜﻴﻦ ﻭﻳﺔ ﺻﺎﺣﺐ ﺣﻮﻳﺮﺙ
ﺍﻋﺒﺮﻫﺎ ﺍﻟﺞ
ﺿﺮﺑﺖ ﻋﻠﻰ ﻭﺟﻬﻲ : ﻋﺰﺓ ﺑﻌﻴﻨﺞ ﺷﻨﻮ ﺳﻮﺍﻟﺞ
: ﻭﺍﻟﻠﻪ ﻟﻮ ﺍﻛﻠﺞ ﻳﻤﻜﻦ ﺗﻀﺤﻜﻴﻦ
: ﺷﻨﻮ؟
: ﺍﻗﺘﺮﺏ ﻣﻨﻲ ﻭﺧﻤﻄﺘﻲ ﺑﻌﻀﺔ ﻣﻦ ﺯﻧﺪﻱ ﺣﻴﻞ ﺑﺤﻴﺚ ﺍﺟﻴﺖ ﺍﺑﺠﻲ ﺍﻻ ﺷﻮﻳﺔ
ﺍﺗﻔﺎﺟﺌﺖ ﻣﻦ ﺣﺮﻛﺘﺔ ﺍﻟﻐﺮﻳﺒﺔ
ﻋﺪﻱ : ﺍﻋﺘﺒﺮﻱ ﻫﺎﻱ ﺍﻟﻌﻀﺔ ﺧﺘﻢ ﺑﺎﻟﻤﻠﻜﻴﺔ ﺣﺘﻰ ﺗﻮﺑﻴﻦ
ﺗﺒﺎﻭﻋﻴﻦ ﻟﻐﻴﺮﻱ
ﻋﺬﺭﺍﺀ : ﻭﺍﻟﻠﻪ ﺍﻧﺖ ﺍﻛﺒﺮ ﻣﺨﺒﻞ ﺷﻔﺘﺔ ﺑﺤﻴﺎﺗﻲ ﻭﺍﻻ ﺍﺷﺘﻜﻴﻚ ﻟﺠﺪﻱ ﻭﺩﻓﻌﺘﺔ ﻣﻦ ﺻﺪﺭﻩ ﺣﻴﻞ
ﺯﻳﻦ ﻣﺎ ﻭﻛﻊ ﻣﻦ ﺍﻟﺪﺭﺝ ﺍﻟﻠﻪ ﻟﻄﻒ
ﻋﺪﻱ : ﻭﺍﻟﻠﻪ ﻳﺎﺭﻳﺖ ﺗﺸﺘﻜﻴﻦ ﻟﺠﺪﻱ
ﺭﺍﺡ ﺗﺴﻮﻳﻦ ﻋﻠﻴﺔ ﻓﻀﻞ ﺑﻠﻜﻲ ﻳﻌﺠﻞ ﺑﺰﻭﺍﺟﻨﺎ ﻣﻦ ﻳﺸﻮﻓﺞ
ﻛﺎﺗﻠﺔ ﺭﻭﺣﺞ ﻋﺎﻟﺰﻭﺍﺝ ﻣﻨﻲ
: ﻻ ﻭﺍﻟﻠﻪ ﺍﺣﻠﻒ ﺷﻨﻮ ﺷﺎﻳﻔﻨﻲ ﺣﺒﻮﺑﻲ ﻛﺎﻋﺪﺓ ﺍﺑﺠﻲ ﻋﻠﻴﻚ
: ﺟﺎ ﺷﻌﺪﺍﻟﺞ ﻣﺎ ﺍﺷﻮﻓﺞ ﺷﻠﻮﻥ ﺗﻌﺎﻳﻨﻴﻦ ﻋﻠﻴﺔ
ﻭﻳﻦ ﻣﺎ ﺍﺭﻭﺡ
: ﻻ ﻋﻴﻨﻲ ﺣﻀﺮﺗﻚ ﻣﺘﻮﻫﻢ
: ﺗﺮﺓ ﺍﻟﻠﻪ ﻭﻛﻴﻠﺞ ﺍﻟﺒﺎﺭﺣﺔ ﻫﻮﺍﻱ ﺷﻴﻮﺥ ﻫﺪﻭ ﺑﻨﺎﺗﻬﻢ ﻟﻠﺸﻴﺦ ﻣﺰﺍﺣﻢ ﻟﻮﺍﺣﺪ ﻣﻨﺎ
ﺗﺮﺓ ﻣﻮ ﻋﺪﺍﻟﺞ ﻭﺍﻟﻠﻪ ﺍﻟﻜﻞ ﻳﺘﻤﻨﻰ ﺑﺲ ﺍﺷﺎﺭﺓ ﻣﻨﻲ ﺣﺘﻰ ﺍﺷﺮﻓﻬﻢ ﻭﺍﻧﺎﺳﺒﻬﻢ
ﻭﺍﻧﺘﻲ ﺍﻣﺞ ﺩﺍﻋﻴﺘﻠﺞ ﺑﻴﻮﻡ ﺣﺒﺞ ﮔﻠﺒﻲ
: ﻻ ﻳﺎﺷﻴﺦ ﺍﺣﻠﻒ
ﻗﺼﺪﻙ ﺍﻧﺖ ﺍﻟﻜﺎﺗﻞ ﻧﻔﺴﻚ ﻋﻠﻴﺔ
ﻭﺷﻜﻠﻚ ﺍﻧﺖ ﺑﻌﺪﻙ ﻣﺎﺗﻮﺏ ﻣﻦ ﻫﺬﺍ ﺍﻟﻐﺮﻭﺭ
ﺧﻠﻲ ﺑﺒﺎﻟﻚ ﺗﺮﺓ ﺍﻧﺖ ﺣﺘﻰ ﻣﺎ ﺗﻄﺮﻱ ﻋﻠﻰ ﺑﺎﻟﻲ
.........
: ﻳﻌﻨﻲ ﺳﻬﻰ
ﺑﺄﺧﺘﺼﺎﺭ ﻫﻮ ﻟﺤﺪ ﺍﺧﺮ ﻟﺤﻈﺔ ﺑﻌﺪﺓ ﺷﺎﻳﻒ ﺣﺎﻟﺔ
ﻣﺎ ﺍﺗﻐﻴﺮ ﺷﻔﺘﻲ ﺷﻠﻮﻥ ﺻﻌﺒﺔ
ﺍﺗﻨﺎﺯﻝ ﻭﺍﺣﺠﻲ ﻭﻳﺎﻩ
: ﻭﺍﻟﻠﻪ ﻣﻮﻗﻔﺞ ﺻﻌﺐ ﻣﺎ ﺍﻋﺮﻑ ﺷﻨﻮ ﺍﻛﻠﺞ
: ﺗﻌﺮﻓﻴﻦ ﺷﻨﻮ ﻣﺴﺘﺤﻴﻞ ﺍﺗﻨﺎﺯﻝ ﻟﻌﺪﻱ ﻭﺍﺣﺎﺟﻲ ﻋﻠﻰ ﻣﻮﺿﻮﻉ ﺍﻟﺨﻄﻮﺑﺔ
ﺑﺲ ﺍﻧﻲ ﺭﺍﺡ ﺍﺳﻠﻢ ﺍﻣﺮﻱ ﻟﻠﻪ
ﻭﺍﺷﻮﻑ ﺷﻨﻮ ﺗﺎﻟﻴﻬﺎ
....................
ﺩﺧﻠﺖ ﻋﻠﻴﻨﺎ ﺭﻭﺍﺀ ﻭﺻﺎﺣﺘﻨﺎ
ﻻﻥ ﺍﻣﻲ ﻭﻋﻤﺘﻲ ﺭﺍﺡ ﻳﻄﻠﻌﻮﻥ
ﻧﺰﻟﺖ ﺣﺘﻰ ﺍﺳﻠﻢ ﻋﻠﻴﻬﻢ ﻗﺒﻞ ﻻ ﻳﺮﺣﻮﻥ
: ﻳﺎﻟﻠﻪ ﻣﺎﻣﺎ ﺳﻬﺎﻭﻱ ﺍﻧﻲ ﺭﺍﻳﺤﺔ ﺧﻠﻲ ﺍﺳﻠﻢ ﻋﻠﻴﺞ
: ﻟﻴﺶ ﻣﺎﻣﺎ ﺑﻌﺪ ﻭﻛﺖ
: ﻻ ﻳﻮﻡ ﻋﻴﺐ ﺍﻧﺘﻲ ﻋﺮﻭﺱ ﻭﺣﺴﻦ ﺗﺮﻛﺘﺔ ﺑﺎﻟﺒﻴﺖ ﻭﻛﻮﺓ
ﻗﺒﻞ ﻳﺒﻘﻰ ﻫﻨﺎﻙ ﻳﻢ ﻧﻮﺭ
: ﻟﻴﺶ ﻣﺎ ﺟﺒﺘﻲ ﻭﻳﺎﺝ
: ﻻ ﻣﺎﻣﺎ ﻋﻴﺐ ﺧﻠﻲ ﺗﻌﺪﻱ ﻳﻮﻣﻴﻦ ﻳﺎﻟﻠﻪ ﺍﺧﻠﻲ ﻳﺠﻲ
ﻭﺻﻠﺖ ﺍﻣﻲ ﻭﻋﺬﺭﺍﺀ ﻭﻋﻤﺔ ﻣﻨﺘﻬﻰ ﻟﻠﺒﺎﺏ
ﻭﺷﻔﺖ ﺣﺎﺭﺙ ﻣﻨﺘﻈﺮﻫﻢ ﺑﺎﻟﺒﺎﺏ
ﺣﺎﺭﺙ : ﻫﻠﺔ ﺑﺴﻬﺎﻭﻱ ﻣﺒﺮﻭﻙ ﻳﺎﺑﺔ ﻭﺍﻟﻠﻪ ﺍﻟﺒﻴﺖ
ﻳﮕﻠﻲ ﺍﻃﻠﻊ ﺟﻴﻒ ﺍﻧﺘﻲ ﻣﺎﻛﻮ
: ﻫﻬﻬﻪ ﺗﺴﻠﻤﻠﻲ ﻭﺍﻟﻠﻪ ﺍﺑﻦ ﺣﻼﻝ ﻣﺎ ﺗﻨﺴﻰ ﺍﻟﻌﺸﺮﺓ
ﻛﺎﻥ ﻫﺬﺍ ﺍﻟﻜﻼﻡ ﺍﻟﻤﺘﺒﺎﺩﻝ ﺑﻴﻨﻲ ﻭﺑﻴﻦ ﺣﺎﺭﺙ
ﻣﺘﻌﻮﺩﻳﻦ ﻋﻠﻴﻪ ﺍﻧﻲ ﻭﻳﺎﻩ ﻭﻋﺬﺭﺍﺀ
ﻋﺎﺩﻱ
ﺑﺲ ﺳﻤﻌﺖ ﺻﻮﺕ ﺧﺸﻦ ﻣﻦ ﻭﺭﺍﻱ
ﺛﺎﺋﺮ : ﺣﺎﺭﺙ ﺷﻌﻨﺪﻙ ﻣﻮﮔﻒ ﺍﻟﻨﺴﻮﺍﻥ ﺑﺎﻟﺒﺎﺏ ﻭﻣﻨﺎ ﺍﻟﺰﻟﻢ
ﺩﺍﺧﻠﺔ ﻃﺎﻟﻌﺔ
ﺧﺰﺭﻧﻲ : ﻭﺍﻧﺘﻲ ﻓﻮﺗﻲ ﺩﺧﻠﻲ ﺟﻮﺓ ﻛﺪﺍﻣﻲ
ﺷﻔﺖ ﺣﺎﺭﺙ ﺍﺗﻀﺎﻳﻖ ﻣﻦ ﻛﻼﻡ ﺛﺎﺋﺮ
ﻃﺒﻌﺎً ﺍﻣﻲ ﺭﺍﺣﺖ ﺗﺘﻤﺸﻰ ﻫﻲ ﻭﻋﻤﺘﻲ ﻣﻨﺘﻬﻰ ﻭﻋﺬﺭﺍﺀ ﻗﺒﻞ ﺣﺎﺭﺙ
ﺩﺧﻠﺖ ﺟﻮﺓ ﻟﻠﻤﻄﺒﺦ ﻣﺎﺣﺒﻴﺖ ﻣﻮﻗﻔﺔ ﺑﺲ ﻣﺎ ﻛﺪﺭﺕ ﺍﻋﻠﻖ
ﺻﺎﺭ ﻭﻗﺖ ﺍﻟﻌﺸﺎﺀ
ﻭﺍﻧﺨﺒﺺ ﺍﻟﻤﻄﺒﺦ ﺧﺒﺺ ﺑﺎﻟﺒﻨﺎﺕ ﻗﺮﺍﻳﺒﻬﻢ ﻭﺳﻨﺎﺀ
ﺍﻟﻲ ﺗﻄﺒﺦ ﻭﺗﺤﻀﺮ ﺑﺎﻻﻛﻞ ﻭﺗﺤﺠﻲ ﻭﻳﺔ ﺍﻟﺒﻨﺎﺕ
ﻻﻥ ﻋﻨﺪﻫﻢ ﺧﻄﺎﺭ
ﻣﺒﻴﻨﻴﻦ ﻣﻌﺰﺑﻴﻦ
ﻭﺍﻟﻈﺎﻫﺮ ﺍﺭﺑﻌﺔ ﻭﻋﺸﺮﻳﻦ ﺳﺎﻋﺔ ﺑﻴﺘﻬﻢ ﻣﺎ ﻳﻔﺮﻍ
ﻭﺛﺎﺋﺮ ﻣﺎ ﺑﻴﻦ
ﺭﺩﺕ ﺍﻣﺪ ﺍﻳﺪﻱ ﻟﺴﺎﻋﺪﻫﻢ
ﺳﻤﻌﺖ ﺻﻮﺕ ﻋﻤﺘﺔ ﺻﺎﺣﺖ ﻭﻛﻤﺰﺗﻨﻲ
: ﻻﻻﻻ ﺧﻠﻴﺞ ﺣﺒﻴﺒﺔ ﻣﺮﺗﺎﺣﺔ ﻣﺎﻟﺞ ﺩﺧﻞ
ﺍﻧﺘﻲ ﻋﺮﻭﺱ
ﻣﺎ ﺍﻋﺮﻑ ﺧﺎﻳﻔﺔ ﻋﻠﻴﺔ ﻟﻮ ﺧﺎﻳﻔﺔ ﻣﻨﻲ
ﺍﺗﺪﺧﻞ ﺑﺎﻣﻮﺭﻫﺎ
ﺍﺟﺘﻨﻲ ﺑﻨﻴﺔ ﺻﻐﻴﺮﺓ ﻣﻦ ﺑﻨﺎﺗﻬﻢ ﺗﺼﻴﺮ ﺑﻨﺖ ﺣﻤﺎﻱ
: ﻋﻤﺔ ﺳﻬﻰ ﻋﻤﻲ ﺛﺎﻳﺮ ﻳﺮﻳﺪﺝ
ﺍﺑﺘﺴﻤﺖ ﻋﻠﻰ ﻛﻠﻤﺘﻬﺎ
ﺍﺣﺠﻲ ﻭﻳﺔ ﻧﻔﺴﻲ
ﻭﺣﺶ ﻋﻠﻴﺞ ﺣٍٍِْــًﺒٌٍـــِٓﯥٍٓ ﻣﻮ ﻋﻠﻴﺔ
ﺍﻭﻭﻭﻑ ﺭﺣﺖ ﺍﺩﻭﺭ ﻋﻠﻴﻪ ﺑﻠﻬﻔﺔ
ﺻﺪﻙ ﻫﻲ ﻣﺎ ﻛﺎﻟﺖ ﻭﻳﻦ
ﺍﻟﺘﻔﺘﺖ ﺻﺎﺣﻨﻲ ﺟﺎﻥ ﺑﺎﻟﻬﻮﻝ ﻟﻮﺣﺪﺓ
: ﺍﻛﺪﺭ ﺍﻋﺮﻑ ﺷﻨﻮ ﺗﻔﺴﻴﺮ ﺍﻟﻤﻮﻗﻒ ﺍﻟﻲ ﺷﻔﺘﺔ ﻳﻢ ﺑﺎﺏ ﺍﻟﺸﺎﺭﻉ
: ﻗﺼﺪﻙ ﺍﻧﻲ ﻭﺣﺎﺭﺙ
: ﺍﻱ ﻟﻴﺶ ﺍﻛﻮ ﻏﻴﺮﺓ ﺑﻌﺪ ﺟﻨﺘﻲ ﻭﺍﻛﻔﺔ ﻭﻳﺎﻩ ﻳﻢ ﺍﻟﺒﺎﺏ
: ﻻ ﺑﺲ ﺗﺮﺓ ﻋﺎﺩﻱ ﺭﺣﺖ ﻭﺻﻠﺖ ﺍﻣﻲ ﻭﻋﻤﺘﻲ ﻟﻠﺒﺎﺏ
ﻭﺳﻠﻤﺖ ﻋﻠﻴﻬﻢ ﻭﻫﻮ ﺑﺎﻟﺼﺪﻓﺔ ﺟﺎﻥ ﺟﺎﻱ ﻋﻠﻴﻬﻢ ﺣﺘﻰ ﻳﺮﺟﻌﻬﻢ ﻟﻠﺒﻴﺖ ﺗﺮﺓ ﻟﺘﻨﺴﻰ ﻫﻮ ﺍﺑﻦ ﻋﻤﻲ ﻗﺒﻞ ﻻ ﺍﻧﺖ ﺗﺼﻴﺮ ﺯﻭﺟﻲ ﻭﺍﻟﺴﻼﻡ ﻭﺍﺟﺐ
ﺷﻔﺘﺔ ﻟﺰﻣﻨﻲ ﺣﻴﻞ ﻣﻦ ﺯﻧﺪﻱ ﻭﻫﺰﻧﻲ ﻗﻮﻱ ﺍﺣﺲ ﺳﻨﻮﻧﻲ
ﺍﺳﻄﻜﺖ ﻭﺭﺍﺳﻲ ﻫﺪﻝ
: ﺍﺥ ﺛﺎﺋﺮ ﻋﻠﻰ ﻛﻴﻔﻚ ﺩﺗﺄﺫﻳﻨﻲ
ﺍﺣﺠﻲً ﻭﺍﻟﺪﻣﻌﺔ ﻛﺎﻣﺖ ﺗﻼﻟﻲ ﺑﻌﻴﻨﻲ
: ﻟﺞ ﺳﻬﻰ ﻫﺬﺍ ﺍﻟﺴﺎﻧﺞ ﺍﻛﺼﺔ ﻭﺍﺫﺑﺔ ﻟﻠﺠﻼﺏ ﺍﻟﺒﻠﺴﻠﻒ
ﺩﻳﺮﻱ ﺑﺎﻟﺞ ﺑﻌﺪ ﺗﻌﺪﻳﻦ ﺣﺪﻭﺩﺝ
ﻭﻭﻛﻌﺖ ﺩﻣﻮﻋﻲ ﻭﺻﺮﺕ ﺍﺩﻓﻊ ﺑﻲ
ﺳﻤﻌﻨﺎ ﺻﻮﺕ ﻋﻤﺘﺔ ﺍﻗﺘﺮﺏ ﻣﻦ ﺍﻟﻬﻮﻝ
ﺷﻔﺘﺔ ﺳﺤﺒﻨﻲ ﻋﻠﻴﻪ ﻓﺠﺎﺀﺓ ﻭﺍﺧﺬ ﺷﻔﺘﻲ ﺑﻴﻦ ﺷﻔﺎﻳﻔﻪ
ﺻﺪﻣﺘﻨﻲ ﺣﺮﻛﺘﺔ ﻭﺣﻀﻨﻲ ﻭﺩﺍﺭﻧﻲ ﻭﺻﺎﺭ ﻇﻬﺮﻱ
ﻣﻮﺍﺟﻪ ﺍﻟﺒﺎﺏ
ﻟﻠﺤﻈﺎﺕ ﺣﺴﻴﺖ ﺑﺮﻭﺣﻲ ﺩﺧﺖ ﻭﺫﺑﺖ ﺑﻴﻦ ﺍﻳﺪﻳﻪ
ﻛﺎﻧﺖ ﻓﻘﻂ ﻣﺠﺮﺩ ﻟﺤﻈﺎﺕ ﻟﻜﻦ ﺳﺮﻋﺎﻥ ﻣﺎ ﺍﺧﺘﻔﻰ
ﺳﺤﺮ ﺍﻟﻠﺤﻀﺔ
ﺑﺪﺧﻮﻝ ﻋﻤﺘﺔ : ﻳﺎﺍﺍﺍﺍ ﺧﺎﻳﺐ ﻭﺣﺶ
ﺟﺎ ﻣﺎﻋﻨﺪﻙ ﺻﺒﺮ ﻋﻠﻰ ﻣﺮﻳﺘﻚ ﻭﺗﺎﺧﺬﻫﺎ ﻟﻠﻐﺮﻓﺔ
ﺟﺎﻧﺖ ﺗﺤﺠﻲ ﻭﺗﺨﺰﺭ ﺑﻴﺔ ﺍﺣﺲ ﺑﻌﻴﻮﻧﻬﺎ ﺗﺠﺪﺡ ﻧﺎﺭ
.......
ﺍﻧﺘﺒﻬﺖ ﻋﻠﻴﻪ ﺣﺠﺔ ﻭﻳﺔ ﻋﻤﺘﺔ ﺑﺒﺮﻭﺩ
ﻭﻻ ﺟﻨﺔ ﻗﺒﻞ ﺷﻮﻳﺔ ﻳﺒﺎﺩﻟﻨﻲ ﺍﻟﺤﻀﻦ
ﻳﺎﺑﺮﻭﺩ ﺍﻋﺼﺎﺑﺔ
ﻣﻮ ﻣﺜﻞ ﺣﻈﻲ ﺻﺎﺭ ﻭﺟﻬﻲ ﻳﻨﻄﻲ ﺍﻟﻮﺍﻥ
ﻭﺭﺟﻠﻲ ﻛﺎﻣﺖ ﺗﺮﺟﻒ
ﻛﻮﺓ ﻻﺯﻣﺔ ﺭﻭﺣﻲ ﻻ ﺍﻛﻌﺪ ﺑﺎﻟﻜﺎﻉ
ﺍﻧﺘﺒﻬﺖ ﻋﻠﻰ ﻋﻤﺘﺔ ﻃﻠﻌﺖ
ﻭﺭﺟﻊ ﺛﺎﺋﺮ ﻛﻤﻞ ﻛﻼﻣﺔ
: ﺷﻮﻓﻲ ﺳﻬﻰ ﻫَـﺎﻱ ﺍﺧﺮ ﻣﺮﺓ ﺍﺣﺬﺭﺝ
ﺍﻧﺘﺒﻬﻲ ﻟﺘﺼﺮﻓﺎﺗﺞ ﺗﺮﺓ ﻫﻨﺎ ﻣﻮ ﺑﻴﺖ ﺍﺑﻮﺝ ﻭﺗﺎﺧﺬﻳﻦ ﺭﺍﺣﺘﺞ ﺑﺎﻟﺤﺠﻲ ﻭﻳﺔ ﻳﺎﻫﻮ ﺍﻟﺠﺎﻥ
ﻫﺬﺍ ﺑﻴﺖ ﺷﻴﻮﺥ ﻭﺍﻟﺔ ﻫﻴﺒﺘﺔ ﻻ ﺗﺨﻠﻴﻦ ﺗﺼﺮﻓﺎﺗﺞ
ﺍﻟﺮﻋﻨﺔ ﺗﻌﻢ ﻋﻠﻴﺞ ﺍﺗﺠﻨﺒﻴﻨﻲ ﻣﺎ ﺩﺍﻡ ﺍﻟﻨﻔﺲ ﻋﻠﻴﺞ ﻃﻴﺒﺔ
: ﻟﻴﺶ ﺗﺼﻴﺢ ﻭﺗﻬﺪﺩ
ﺗﻜﺪﺭ ﺗﺤﺎﺟﻴﻨﻲ ﺑﻬﺪﻭﺀ ﺑﺪﻭﻥ ﺗﻮﻋﺪ
ﺗﺮﻛﺘﺔ ﻭﻃﻠﻌﺖ
ﻋﺮﻓﺖ ﺷﻨﻮ ﺟﺎﻥ ﺳﺒﺐ ﺣﻀﻨﺔ ﺍﻟﻲ ﻗﺒﻞ ﺷﻮﻳﺔ
ﻛﺎﻥ ﻳﻌﺮﻑ ﻋﻤﺘﺔ ﺭﺍﺡ ﺗﺪﺧﻞ ﻋﻠﻴﻨﺎ ﻭﺣﺐ ﻳﺮﺍﻭﻳﻬﺎ
ﺍﺣﻨﺎ ﻋﺮﺳﺎﻥ ﺑﻄﺮﻳﻘﺘﺔ ﺍﻟﺨﺎﺻﺔ ﻭﺍﺗﻮﻗﻊ ﻫﺎﻱ ﺭﺳﺎﻟﺔ ﺛﺎﻧﻴﺔ ﻟﻌﻤﺘﺔ
ﻭﺍﻟﻠﻪ ﻫﺬﺍ ﺛﺎﺋﺮ ﺣﻴﺮﻧﻲ ﻣﺎ ﺑﺎﻗﻲ ﻭﺍﺣﺪ ﺑﻬﺬﺍ ﺍﻟﺒﻴﺖ ﻣﺎ ﻣﺴﻮﻱ ﻭﻳﺎﻩ ﻣﺸﻜﻠﺔ
........................................
ﻋﺪﺓ ﺍﺳﺒﻮﻉ ﻋﻠﻰ ﺯﻭﺍﺟﻲ
ﻭﺑﻌﺪ ﻣﺎ ﺍﻟﺘﻘﻴﺖ ﺑﺜﺎﺋﺮ
ﻭﻟﻮﻣﺎ ﺍﺛﺮ ﻃﺒﻌﺔ ﺭﺍﺳﺔ ﻋﻠﻰ ﺍﻟﻤﺨﺪﺓ ﺍﻟﻲ ﺑﺼﻔﻲ
ﻳﺸﻬﺪ ﻋﻠﻰ ﺍﻧﻪ ﺑﺎﺕ ﺍﻟﻠﻴﻞ ﺑﻘﺮﺑﻲ
ﺟﺎﻥ ﺷﻜﻴﺖ ﺍﻧﻪ ﻋﻨﺪﺓ ﻣﻜﺎﻥ ﺛﺎﻧﻲ ﻳﻨﺎﻡ ﺑﻲ
ﻭﻫﺬﺍ ﺍﻟﺸﻲ ﺣﻴﻴﻤﻮﺗﻨﻲ
ﺻﺤﻴﺢ ﻭﻋﺪﺕ ﻧﻔﺴﻲ ﺍﺻﺒﺮ ﻋﻠﻴﻪ
ﻟﻜﻦ ﻋﻨﺪﻱ ﻟﻬﻔﺔ ﻭﺷﻮﻙ ﻛﻮﻣﺔ ﻟﺜﺎﺋﺮ
ﺷﻠﻮﻥ ﺭﺍﺡ ﺍﻭﺻﻠﻪ
ﻭﺧﻼﻝ ﻫﺎﻱ ﺍﻻﻳﺎﻡ ﺑﺪﻳﺖ ﺍﺗﻜﻴﻒ ﺑﻴﻦ ﻋﻴﺎﻟﻲ
ﺑﺎﻟﺒﺪﺍﻳﺔ ﺟﺎﻥ ﺣﺎﻟﻲ ﻣﺜﻞ ﺍﻻﻋﻤﻰ ﺍﻟﻲ ﻳﺘﺨﺒﻂ ﺑﺎﻟﻈﻼﻡ
ﻭﻣﺎ ﻳﻨﺪﻝ ﺍﻱ ﺷﻲ
ﻭﺛﺎﺋﺮ ﻣﺎ ﻛﻠﻒ ﻧﻔﺴﺔ ﻳﺴﺎﻋﺪﻧﻲ ﻭﻳﺸﻮﻓﻨﻲ ﺷﻤﺤﺘﺎﺟﺔ
ﺍﻭ ﻋﻠﻰ ﺍﻻﻗﻞ ﻳﻌﻠﻤﻨﻲ ﻋﻠﻰ ﺍﻃﺒﺎﻋﻬﻢ
ﺟﻨﺖ ﺍﻛﻌﺪ ﻣﻦ ﺍﻟﻨﻮﻡ ﻣﺎ ﺍﻟﻜﺎﻩ ﻭﺍﻧﺰﻝ
ﺍﺷﻮﻑ ﺍﻟﺒﻨﺎﺕ ﺯﻳﻨﺔ ﻣﺮﺕ ﺍﺧﻮﻫﻢ ﺳﻌﺪ
ﻭﺳﻨﺎﺀ ﻭﺭﻭﺍﺀ ﻋﻠﻰ ﻗﺪﻡ ﻭﺳﺎﻕ ﻭﺍﻛﻔﺎﺕ ﺑﺎﻟﻤﻄﺒﺦ ﻳﺴﻮﻭﻥ ﺭﻳﻮﻙ
ﻳﻌﻨﻲ ﺍﻭﻝ ﻣﺮﺓ ﺍﺷﻮﻑ ﻫﻴﺞ ﺷﻲ
ﺍﺣﻨﺎ ﻋﻨﺪﻧﺎ ﺍﻟﺮﻳﻮﻙ ﻗﻄﻌﺔ ﺻﻤﻮﻥ ﻭﻗﻄﻌﺔ ﺟﺒﻦ ﺍﻭ ﺑﻴﺾ ﮔﻠﻲ ﻣﺘﺘﻌﺪﺓ ﻫﺬﻧﻲ ﺍﻟﺜﻨﻴﻦ ﻭﻛﻮﺏ ﺷﺎﻱ
ﺑﺲ ﻫﻤﺔ ﻫﻨﺎ ﻻ ﻏﻴﺮ
ﻋﺒﺎﻟﻚ ﻋﺎﺯﻣﻴﻦ
ﻻﺯﻡ ﺗﻨﻔﺮﺵ ﺳﻔﺮﺓ ﻭﻳﻨﺼﺐ ﺍﻻﻛﻞ
ﻳﻨﺰﻟﻮﻥ ﺗﺮﻣﺰ ﺍﻟﺠﺎﻱ ﻭﺗﺮﻣﺰ ﺍﻟﺤﻠﻴﺐ ﻳﺤﻄﻮﻧﺔ ﺑﻄﺮﻑ ﺍﻟﺴﻔﺮﺓ
ﻛﻠﻤﺎ ﺍﻛﻌﺪ ﻣﻦ ﺍﻟﻨﻮﻡ ﻭﻧﺰﻝ ﺍﻟﻜﺔ ﺍﻟﺒﻨﺎﺕ ﺳﺎﺑﻘﺎﺗﻨﻲ ﻭﻛﺎﻋﺪﺍﺕ ﻗﺒﻠﻲ
ﺍﺩﺭﻱ ﻫﻤﺔ ﺑﺄﻱ ﺳﺎﻋﺔ ﻳﻜﻌﺪﻭﻥ ؟؟
ﺣﺘﻰ ﻳﻠﺤﻜﻮﻥ ﻳﺴﻮﻥ ﻫﺬﺍ ﻛﻠﺔ
ﺧﻠﺼﻮ ﺻﺐ ﺍﻻﻛﻞ ﻭﻛﻌﺪ ﺍﻟﻜﻞ
ﺍﺑﺎﻭﻉ ﻋﻠﻴﻬﻢ ﺣﻤﻮﻳﻨﻲ ﺳﻌﺪ ﻭﻣﻨﺘﺼﺮ ﻭﻋﺪﻱ
ﺑﺎﻟﻠﻪ ﻋﻠﻲ ﺍﺧﻮﻫﻢ ﺍﻟﺠﺒﻴﺮ ﻋﺎﺯﻝ ﻋﻨﻬﻢ ﺑﺒﻴﺖ ﻟﻮﺣﺪﺓ
ﻭﺛﺎﺋﺮ ﻣﻤﻮﺟﻮﺩ
ﺑﺎﻭﻋﺖ ﻋﻠﻰ ﺯﻳﻨﺔ ﺷﻠﻮﻥ ﻛﻌﺪﺕ ﺑﺼﻒ ﺯﻭﺟﻬﺎ
ﻭﺍﻟﻜﻞ ﺍﺧﺬ ﻣﻜﺎﻧﻪ ﻭﺍﻟﺘﻬﻰ ﻳﺎﻛﻞ
ﺣﺴﻴﺖ ﻣﻜﺎﻧﻲ ﻏﻠﻂ ﺑﻴﻨﻬﻢ
ﻻﻥ ﺟﺎﻧﺖ ﺑﻄﺎﻗﺔ ﺍﻻﻧﺘﻤﺎﺀ ﺍﻟﻰ ﻫﺎﻱ ﺍﻟﻤﺠﻤﻮﻋﺔ
ﻣﻔﻘﻮﺩﺓ ﺍﻟﻲ ﻫﻮ ﺛﺎﺋﺮ ﻛﺎﻥ ﺍﻟﻤﺮﻭﺽ ﻳﻜﻮﻥ ﻣﺘﻮﺍﺟﺪ
ﺣﺘﻰ ﻳﺴﺎﻋﺪﻧﻲ ﺍﺗﻌﻮﺩ ﻋﻠﻴﻬﻢ
ﻟﺬﻟﻚ ﺟﻨﺖ ﻛﻠﺔ ﺍﻛﻌﺪ ﺑﻄﺮﻑ ﺍﻟﺴﻔﺮﺓ
ﻭﺍﺳﺘﺤﻲ ﺍﻣﺪ ﺍﻳﺪﻱ ﻭﺍﻛﻞ ﺭﻏﻢ ﻣﻴﺘﺔ ﻣﻦ ﺍﻟﺠﻮﻉ
ﻫﻤﺔ ﻧﺎﺱ ﻏﺮﺑﺔ ﺑﺎﻟﻨﺴﺒﺔ ﺍﻟﻲ ﻭﻣﺎ ﺍﻋﺮﻑ ﺍﺧﺬ ﺭﺍﺣﺘﻲ
ﺍﺷﻮﻑ ﺣﻤﻮﻳﻨﻲ ﺷﻠﻮﻥ ﻣﻨﻄﻠﻘﻴﻦ ﺑﺎﻟﺴﻮﺍﻟﻒ ﻋﺎﻻﻛﻞ
ﺟﻨﺖ ﻣﺴﺘﻐﺮﺑﺔ ﻫﺬﺍ ﺍﻟﻮﺿﻊ
ﻳﻤﻜﻦ ﻻﻥ ﻃﻠﻌﺖ ﻣﻦ ﺑﻴﺖ
ﻭﺍﻫﻞ ﻣﺜﻞ ﺑﺎﺑﺎ ﺍﻟﻠﻪ ﻳﺮﺣﻤﺔ ﻣﺠﺎﻥ ﻫﺎﻟﻜﺪ ﻳﺘﻮﺍﺻﻞ
ﺍﻭ ﻳﻌﺰﻡ ﺍﻟﻨﺎﺱ
ﻭﺗﺠﻤﻌﻨﺎ ﻛﺎﻥ ﻳﻨﻌﺪ ﺑﺎﻻﺻﺎﺑﻊ ﺑﺒﻴﺖ ﺍﻫﻠﻲ
ﺍﺑﺎﻭﻋﻠﻬﻢ
ﺭﻏﻢ ﻫﻮﺳﺘﻬﻢ ﺑﺲ ﺟﺎﻥ ﻳﺤﻴﻂ ﺑﻴﻬﻢ ﺟﻮ ﻋﺎﺋﻠﻲ ﺟﺪﺍ ﺩﺍﻓﻲﺀ
ﻭﺍﻟﺠﺪ ﻛﺎﻋﺪ ﻳﺴﻤﻌﻬﻢ ﺑﻮﻗﺎﺭ ﻭﻣﺎ ﻳﻌﻠﻖ ﺍﻻ ﺑﻜﻠﻤﺔ ﺍﻭ ﻛﻠﻤﺘﻴﻦ ﻭﺍﻟﺠﺪﺓ ﻣﻨﻄﻠﻘﺔ ﻭﻳﺔ ﺍﺣﻔﺎﺩﻫﺎ
ﺍﻣﺎ ﻋﻦ ﺍﺑﻮﻫﻢ ﻓﻬﺬﺍ ﺍﻟﺸﺨﺺ ﺑﺎﻟﻨﺴﺒﺔ ﺍﻟﻲ ﺟﺪﺍً ﻏﺎﻣﺾ
ﻭﺑﺎﺭﺩ ﻫﻮ ﻭﺳﻨﺎﺀ ﺣﺎﻃﺘﻬﻢ ﺑﻨﻔﺲ ﺍﻟﺨﺎﻧﺔ
ﻣﺎ ﺣﺒﻴﺘﻬﻢ ﻭﺍﻟﻈﺎﻫﺮ ﺍﻟﺸﻌﻮﺭ ﻣﺘﺒﺎﺩﻝ ﻫﻤﺔ ﻫﻢ ﻣﻴﺤﺒﻮﻧﻲ
ﺑﺎﻟﻠﻪ ﺳﻨﺎﺀ ﻋﺮﻓﺖ ﻋﻠﺘﻬﺎ ﺷﻨﻮ
ﺯﻳﻦ ﺍﻻﺏ ﺷﻨﻮ ﺳﺎﻟﻔﺘﺔ ﻭﻳﺎﻱ
ﻳﻜﻮﻣﻨﻲ ﺑﻨﺖ ﺍﻟﻤﺪﻳﻨﺔ ﻭﻳﻜﻌﺪﻧﻲ ﺑﻨﺖ ﺍﻟﻤﺪﻳﻨﺔ
ﻟﺤﺪ ﻣﺎ ﺧﺰﺭﺓ ﺍﻟﺸﻴﺦ ﻣﺰﺍﺣﻢ
ﻭﻛﻠﺔ ﺷﻤﺎﻟﻚ ﻳﺎﺭﺟﺎﻝ ﮔﻤﺖ ﻋﻠﻰ ﺑﻨﺖ ﺍﻟﻤﺪﻳﻨﺔ
ﺍﻟﻠﻪ ﺍﻟﻌﺎﻟﻢ ﺷﻨﻮ ﻣﺴﻮﻳﺎﺕ ﺑﻴﻚ ﺑﻨﺎﺕ ﺍﻟﻤﺪﻳﻨﺔ
ﻟﺤﺘﻰ ﺗﻌﺎﺩﻱ ﺍﻟﻔﺮﺧﺔ
ﺷﻔﺘﺔ ﺑﻠﻊ ﺍﻟﺴﺎﻧﻪ ﻭﺳﻜﺖ
ﻭﺍﻧﺘﺒﻬﺖ ﺑﻌﺪ ﻋﻠﻰ ﻓﻘﺮﺓ ﺧﻼﻝ ﻫﺬﺍ ﺍﻻﺳﺒﻮﻉ
ﺷﻔﺖ ﺍﻟﺸﻴﺦ ﻳﻌﺘﻤﺪ ﻭﻳﻜﻠﻒ ﻭﻳﺴﺘﺸﻴﺮ ﺍﺣﻔﺎﺩﻩ
ﺍﻛﺜﺮ ﻣﻦ ﺍﺑﻨﻪ
ﻫﺬﺍ ﺍﻟﺸﻲ ﻏﺮﻳﺐ ﻭﺍﻟﺴﺆﺍﻝ ﻇﻞ ﺑﺪﻭﻥ ﺍﺟﺎﺑﺔ ﺷﻤﻌﻨﺎ
ﺍﺑﻮﻫﻢ ﻣﻨﺒﻮﺫ ﻣﻦ ﻗﺒﻞ ﺍﻟﺸﻴﺦ ﻭﺛﺎﺋﺮ
ﺍﻣﺎ ﺍﻟﺒﻘﻴﺔ ﻓﻴﻜﻨﻮﻥ ﻟﻪ ﺍﻻﺣﺘﺮﺍﻡ ﻭﺍﻟﻄﺎﻋﺔ
ﺻﺤﻴﺖ ﻣﻦ ﺗﻔﻜﻴﺮﻱ ﻋﻠﻰ ﺻﻮﺕ ﺟﺪﺗﻬﻢ ﺗﺤﺠﻲ ﻭﻳﺎﻱ
: ﻳﻤﺔ ﺳﻬﻮﺓ ﺍﺧﺬﻱ
ﺍﻧﻄﺘﻨﻲ ﻛﻼﺹ ﺣﻠﻴﺐ
ﻫﺎﺝ ﺷﺮﺑﻲ ﺣﺒﻴﺒﺔ ﻫﺬﺍ ﺣﻠﻴﺐ ﺩﻭﺍﺏ ( ﺟﺎﻣﻮﺱ )
ﻣﻦ ﺣﻼﻟﻨﺎ
ﺍﺧﺬﺗﺔ ﻣﻨﻬﺎ ﻭﻗﺮﺑﺘﺔ ﺍﺭﻳﺪ ﺍﺷﺮﺏ ﻭﻗﺒﻞ ﻻ ﺍﺣﻄﺔ ﺑﺤﻠﻜﻲ ﺑﺲ ﺷﻤﻴﺖ ﺭﻳﺤﺘﺔ ﻭﺍﻧﻲ ﻣﻌﺪﺗﻲ ﮔﻠﺒﺖ
ﺭﺟﻌﺘﻪ ﻟﻤﻜﺎﻧﻪ ﻭﻋﻘﺠﺖ ﻭﺟﻬﻲ
: ﺑﻴﺒﻲ ﻫﺎﻱ ﺷﻨﻮ ﻣَﺤﻠﻮﺓ ﺭﻳﺤﺘﺔ
ﻋﺪﻱ : ﺍﻭﻭﻭﻱ ﺩﺍﺩﺍ ﻋﻠﻰ ﻛﻴﻔﺞ ﻟﺘﻮﮔﻊ ﺍﻇﺎﻓﺮﺝ
: ﺣﺒﻴﺒﺔ ﺷﺮﺑﻲ ﺣﺘﻰ ﻟﻮ ﻛﻮﺓ ﻋﻠﻴﺞ ﺗﺮﺓ ﻫﻮ ﺍﻟﻲ
ﻳﻘﻮﻱ ﺍﻟﻌﻈﺎﻡ ﻣﺎ ﺗﺸﻮﻓﻴﻦ ﺭﻭﺣﺞ ﺷﻠﻮﻥ ﺗﺮﻓﺔ
ﻭﻣﻦ ﺍﻟﻬﻮﻯ ﺗﻮﮔﻌﻴﻦ
ﺷﻮﻓﻲ ﻫﺬﺍ ﺣﻠﻴﺐ ﺩﻭﺍﺏ
ﻋﺪﻛﻢ ﺑﺎﻟﻮﻻﻳﺔ ﻣﻮ ﻳﺎﻫﻮ ﺍﻟﺠﺎﻥ ﻳﻜﺪﺭ ﻳﺤﺼﻠﺔ
ﻭﺍﻧﺘﻮ ﻛﺎﺿﻴﻬﺎ ﻋﻠﻰ ﺣﻠﻴﺐ ﻗﻮﺍﻃﻲ ﻣﺎﺑﻲ ﺧﻴﺮ ﻓﺎﻫﻲ
.......
ﻫﻤﺔ ﻳﺤﺠﻮﻥ ﺍﻧﻲ ﻭﺟﻬﻲ ﺻﺎﺭ ﻃﻤﺎﻃﺔ
ﻭﺧﺎﻑ ﺟﻨﺖ ﺍﻓﻜﺮ ﺍﻣﺪ ﺍﻳﺪﻱ ﻭﺍﻛﻞ
ﺑﻌﺪ ﺗﺼﻨﻴﻒ ﻋﺪﻱ ﻭﻛﻼﻡ ﺟﺪﺗﻬﻢ ﺑﻄﻠﺖ ﺍﻣﺪ ﺍﻳﺪﻱ ﻭﺍﻛﻞ
ﺣﺴﻴﺖ ﺑﻤﺮﺍﻗﺒﺖ ﺍﻟﻜﻞ ﺍﻟﻲ
ﺍﺗﻤﻠﻤﻠﺖ ﻣﻦ ﻣﻜﺎﻧﻲ ﻭﺍﻧﻲ ﺍﺑﺎﻭﻉ ﻋﻠﻰ ﺍﻟﻜﻴﻤﺮ ﻭﺍﻟﺨﺒﺰ ﺍﻟﺤﺎﺭ ﺍﺣﺲ ﺑﻄﻨﻲ ﻇﻠﺖ ﺗﻄﻠﻊ ﺍﺻﻮﺍﺕ ﻣﻮ ﺳﻴﻘﻴﺔ
ﻣﻦ ﺍﺛﺮ ﺍﻟﺠﻮﻉ
ﺳﻤﻌﺖ ﺻﻮﺕ ﺛﺎﺋﺮ ﺩﺧﻞ ﻟﻠﻤﻄﺒﺦ
: ﺍﻟﻠﻪ ﺑﺎﻟﺨﻴﺮ
ﺍﻟﻜﻞ : ﺍﻟﻠﻪ ﺑﺎﻟﻨﻮﺭ
ﺍﻟﺸﻴﺦ : ﻫﻠﺔ ﺑﺎﻟﻮﺣﺶ ﻋﺠﺰﻧﺎ ﻧﺤﺼﻠﻚ ﻫﺎﻱ ﺍﻻﻳﺎﻡ
ﻛﻠﻨﺎ ﻧﻌﺬﺭﻙ ﻋﺮﻳﺲ ﻭﻣﻠﺘﻬﻲ ﺑﻤﺮﻳﺘﻚ ﺑﺲ ﺍﺛﺎﺭﻳﻚ ﻋﺎﻳﻒ ﺣﺘﻰ ﺍﻟﻤﺮﺓ ﻭﻃﺎﻟﻊ ﻣﻦ ﺍﻟﻐﺒﺸﺔ
: ﻣﺸﻐﻮﻝ ﻳﺎﻟﻐﺎﻟﻲ
ﺑﺎﺱ ﺭﺍﺱ ﺟﺪﺓ ﻭﻛﻌﺪ ﺑﺼﻔﻪ
ﺍﻧﻲ ﻛﻤﺖ ﻣﻦ ﺍﻟﺴﻔﺮﺓ ﺣﺘﻰ ﺍﺟﻴﺐ ﺳﺘﻜﺎﻥ
ﺣﺴﻴﺖ ﺑﻨﻈﺮﺍﺗﻪ ﻭﺭﺍﻱ
ﻣﺜﻞ ﺍﻟﻲ ﻛﺎﻥ ﻳﺪﻭﺭ ﻋﻠﻴﺔ
ﻣﺎ ﺍﻋﺮﻑ ﻟﻴﺶ ﮔﻠﺒﻲ ﻳﻈﻞ ﻳﺮﻓﺮﻑ ﻣﻦ ﺍﺳﻤﻊ ﺻﻮﺗﻪ
ﺻﺒﻴﺘﻠﺔ ﺍﻟﺠﺎﻱ ﻭﺍﻧﻄﻴﺘﺔ
ﻭﺍﺗﻼﻣﺴﺖ ﺍﺻﺎﺑﻌﻲ ﻭﻳﺔ ﺍﺻﺎﺑﻌﻪ ﺍﻟﺨﺸﻨﺔ
ﺭﺟﻔﺖ ﺍﻳﺪﻱ ﻭﺍﻫﺘﺰ ﺍﻟﺠﺎﻱ
ﺭﻓﻊ ﺭﺍﺳﻪ ﻭﺻﺎﺭﺕ ﻋﻴﻮﻧﺔ ﺑﻌﻴﻮﻧﻲ
ﻓﻬﻴﺖ ﻭﻧﺴﻴﺖ ﺣﺎﻟﻲ
ﺍﺭﻳﺪﺓ ﻣﺜﻠﻤﺎ ﺍﻟﺒﻨﻴﺔ ﺗﺤﻦ ﻟﺤﻀﻦ ﺍﺑﻮﻫﺎ
ﺣﺴﻴﺖ ﺑﻐﺼﺔ ﻣﻦ ﻭﺭﺓ ﺟﻔﺎﻩ
ﺍﺧﺬ ﺍﺳﺘﻜﺎﻥ ﺍﻟﺠﺎﻱ ﻭﺭﺟﻊ ﻛﻤﻞ ﻛﻼﻣﻪ ﻭﺍﻧﻲ
ﻛﻤﺖ ﻣﻦ ﺍﻟﺴﻔﺮﺓ ﻋﻠﻰ ﺷﻨﻮ ﻛﺎﻋﺪﺓ ﻭﺍﻧﻲ ﻣﺎﻟﻲ ﺩﻭﺭ
ﺍﻟﺠﺪﺓ : ﻫﺎ ﻳﻤﺔ ﺳﻬﻮﺓ ﻟﻴﺶ ﻛﻤﺘﻲ ﺍﺷﻮ ﻣﺎ ﺍﻛﻠﺘﻲ ﺷﻲ
: ﻻ ﻣﺎﻣﺸﺘﻬﻴﺔ
ﺍﺑﺎﻭﻉ ﻋﻠﻰ ﻋﻴﻮﻧﻪ ﺷﻠﻮﻥ ﻇﻞ ﻳﺮﺍﻗﺒﻨﻲ
ﺍﺣﺲ ﺍﻛﻮ ﻛﻼﻡ ﺑﻌﻴﻮﻧﻪ ﻣﻮ ﺭﺍﺿﻲ ﻳﺤﻦ ﻋﻠﻴﺔ
ﻭﻳﺴﻤﻌﻨﻴﺎﻩ
ﺧﻠﺼﻮ ﺍﻛﻞ ﻭﺻﺎﺭ ﻋﻠﻴﺔ ﻏﺴﻞ ﺍﻟﻤﻮﺍﻋﻴﻦ
ﻭﺍﻟﺘﻬﻴﺖ ﺍﻓﺮﻍ ﺑﺎﻟﺼﺤﻮﻥ
ﻭﻋﻤﺘﻬﻢ ﺳﻨﺎﺀ ﻃﻠﻌﺖ ﻟﻠﺴﻮﻙ
ﺳﻤﻌﺖ ﺻﻮﺕ ﺛﺎﺋﺮ ﻣﻦ ﻭﺭﺍﻱ ﻛﻠﺶ ﻗﺮﻳﺐ
ﺻﺒﻴﻠﻲ ﺍﺳﺘﻜﺎﻥ ﺟﺎﻱ ﻭﻛﻠﻴﻠﻲ ﺑﻴﺾ
ﻭﺻﻌﺪﻱ ﺍﻟﻲ ﻓﻮﻙ
ﻋﮕﺪﺕ ﺣﻮﺍﺟﺒﻲ ﻫﺎﻱ ﺷﻨﻮ ﻫﺬﺍ ﻛﻢ ﻣﺮﺓ ﻳﺘﺮﻳﻚ
ﺑﺎﻟﻴﻮﻡ
ﻛﻤﻠﺖ ﺗﻨﻈﻴﻒ ﺍﻟﻤﻄﺒﺦ ﻭﻋﺪﻟﺘﺔ ﻋﻠﻰ ﺣﺒﺎﻳﺔ ﻭﻧﺺ ﺣﺘﻰ ﻣﺎ ﺍﻭﻛﻊ ﺑﺎﻟﺴﺎﻥ ﻋﻤﺘﻬﻢ
ﺣﻀﺮﺕ ﺍﻟﺮﻳﻮﻙ ﻭﺣﻄﻴﺘﺔ ﺑﺎﻟﺼﻴﻨﻴﺔ ﻭﺻﻌﺪﺗﺔ ﻓﻮﻙ
ﺩﺧﻠﺖ ﻟﻠﻐﺮﻓﺔ ﻭﺷﻔﺘﺔ ﻣﺘﻤﺪﺩ ﻋﺎﻟﺴﺮﻳﺮ
ﻛﺎﻥ ﻻﺯﺍﻝ ﺑﻤﻼﺑﺲ ﺍﻟﺸﻐﻞ ﺍﻟﻌﺠﻴﺒﺔ
ﺛﺎﺋﺮ ﻣﺠﻤﻮﻋﺔ ﺍﻟﻐﺎﺯ ﻳﻌﻨﻲ ﻫﺬﺍ ﺍﻟﺨﻴﺮ ﻛﻠﺔ
ﻋﻨﺪﺓ ﻣﻼﺑﺲ ﺗﻌﺒﺎﻧﺔ ﺩﺍﺋﻤﺎ ﻳﻄﻠﻊ ﺑﻴﻬﺎ
ﺑﺲ ﺣﻘﻴﻘﺘﺎ ﺣﺘﻰ ﻫﺬﻧﻲ ﺍﻟﻤﻼﺑﺲ ﻫﻢ ﻻﻳﻜﺎﺕ ﻋﻠﻴﻪ
ﺷﻤﺎﻍ ﻋﺮﺑﻲ ﻣﻠﻔﻮﻑ ﻋﺎﻟﺮﺍﺱ ﻭﺑﺪﻱ ﺍﺳﻮﺩ
ﻭﻛﺎﻭﺑﻮﻱ ﻛﺎﺣﺖ
ﺍﺻﻼ ﺻﺎﻳﺮﺍﺕ ﻋﻠﻴﻪ ﻋﺒﺎﻟﻚ ﻣﻮﺩﺓ
ﺣﻄﻴﺖ ﺍﻟﺼﻴﻨﻴﺔ
ﻗﺮﻳﺐ ﻋﻠﻴﻪ
ﻭﺭﺩﺕ ﺍﻃﻠﻊ
ﺻﺎﺣﻠﻲ : ﺳﻬﻰ ﺗﻌﺎﻟﻲ
ﻻ ﻋﻔﻴﺔ ﺷﻨﻮ ﺳﻬﻰ ﻫﺎﻱ ﻛﻞ ﻣﺮﺓ ﻳﺼﻴﺤﻨﻲ ﺳﻬﻰ ﺍﻣﻮﻭﻭﺕ ﻣﻦ ﺍﻟﻘﻬﺮ ﻟﻴﺶ ﺳﻬﻮﺓ ﻭﻳﻦ ﺭﺍﺣﺖ
ﻋﺮﻓﺖ ﻧﻮﻉ ﺍﻟﺤﺮﺏ ﺍﻟﺒﺎﺭﺩﺓ ﺍﻟﻲ ﺷﻨﻬﺎ ﻋﻠﻴﺔ ﺛﺎﺋﺮ
ﺍﻟﺘﻔﺘﺖ ﻋﻠﻴﻪ : ﻧﻌﻢ
: ﺗﻌﺎﻱ ﺍﺗﺮﻳﻜﻲ
ﺍﺗﻔﺎﺟﺌﺖ ﺑﻄﻠﺒﻪ ﻳﻌﻨﻲ ﺷﻨﻮ ﻫﺬﺍ ﺍﻟﺮﻳﻮﻙ ﺍﻟﻲ
: ﻻ ﻣﻤﺸﺘﻬﻴﺔ ﺍﻛﻞ
: ﻣﻮ ﺑﻜﻴﻔﺞ ﺗﺎﻛﻠﻴﻦ ﻣﺎ ﻏﺼﺒﻦ ﻋﻠﻴﺞ
ﻣﺎ ﺑﻴﺔ ﺣﻴﻞ ﺗﻮﻛﻌﻴﻦ ﻓﻮﻙ ﺭﺍﺳﻲ ﻭﺍﺑﺘﻠﻲ ﺑﻴﺞ
: ﻟﺘﺨﺎﻑ ﻋﻠﻴﺔ ﻣﺎ ﻳﺼﻴﺮ ﺑﻴﺔ ﺷﻲ
: ﻣﺎ ﺧﺎﻳﻒ ﻋﻠﻴﺞ ﻳﺎﻟﻠﻪ ﻻﺗﺨﻠﻴﻨﻲ ﺍﻭﻛﻠﺞ ﺑﻴﺪﻱ
: ﻻ ﻣﻴﺤﺘﺎﺝ ﺭﺍﺡ ﺍﻛﻌﺪ
ﻛﻌﺪﺕ ﺍﻛﻞ ﻭﻣﺎ ﺣﺴﻴﺖ ﻋﻠﻰ ﺭﻭﺣﻲ ﺍﻻ ﺧﻠﺼﺖ ﻋﻠﻰ ﻛﻞ
ﺍﻻﻛﻞ ﺍﻟﻤﻮﺟﺪ ﺑﺎﻟﺼﻴﻨﻴﺔ
ﺟﺮﻳﺖ ﻧﻔﺲ ﻋﻤﻴﻖ ﺑﺮﺍﺣﺔ ﺍﻟﺸﺒﻊ
ﻭﺭﻓﻌﺖ ﺭﺍﺳﻲ ﺷﻔﺖ ﺛﺎﺋﺮ ﻋﻴﻮﻧﺔ ﻣﺴﺒﻠﺔ ﻋﻠﻴﺔ ﻭﻧﻈﺮﺍﺗﻪ
ﻛﺎﻧﺖ ﺑﻴﻬﺎ ﻟﻬﻔﺔ ﻋﻠﻰ ﺷﻔﺎﻳﻔﻲ
ﺍﺭﺗﺒﻜﺖ
ﻗﻄﻊ ﻋﻠﻴﻨﺎ ﻟﺤﻈﺔ ﺍﻟﻮﺻﺎﻝ ﺻﻮﺕ ﺍﻟﻨﻘﺎﻝ ﺍﻟﻤﺰﻋﺞ
ﺭﺩ ﻋﻠﻰ ﺍﻟﻤﺘﺼﻞ
ﺍﻧﻲ ﺍﺳﺘﻐﻠﻴﺘﻬﺎ ﻓﺮﺻﺔ ﻭﺍﺧﺬﺕ ﺍﻟﺼﻴﻨﻴﺔ ﻭﺭﺩﺕ ﺍﻃﻠﻊ
ﻭﺳﻤﻌﺖ ﺻﻮﺕ ﺛﺎﺋﺮ ﻳﺤﺎﺟﻲ ﺍﻟﻤﺘﺼﻞ
: ﺳﺠﻰ ﺍﻧﺎ ﻛﻠﺖ ﻣﺎ ﺭﺍﺡ ﺍﺗﺎﺧﺮ ﻋﻠﻴﺞ ﻳﻮﻣﻴﻦ ﻭﺍﻧﺎ ﻳﻤﺞ ﺑﺒﻐﺪﺍﺩ ﻋﻠﻰ ﺷﻨﻮ ﺣﺎﺭﻛﺔ ﺍﻟﺠﻮ
ﺟﻤﺪﺕ ﺑﻤﻜﺎﻧﻲ ﻭﺣﺴﻴﺖ ﮔﻠﺒﻲ ﻭﮔﻊ ﺑﻴﻦ ﺭﺟﻠﻴﺔ
ﺷﻨﻮﻭﻭ ﻭ ﺳﺠﻰ ﻣﻨﻮ ؟؟ !!
ﻻ ﻋﻔﻴﺔ ﺛﺎﺋﺮ ﻛﻠﺸﻲ ﺍﺗﺤﻤﻞ ﻭﺍﺻﺒﺮ ﺻﺪﻙ ﺟﻔﺎﻙ ﻗﺴﺎﻭﺗﻚ ﺍﻻ ﺍﻟﺨﻴﺎﻧﺔ
ﻣﺎ ﺍﻛﺪﺭ ﺍﺗﺤﻤﻠﻬﺎ ﻻ ﻳﺎﺭﺑﻲ
......................
ﻋﺪﺕ ﺍﻻﻳﺎﻡ ﻭﺑﻴﺪﺕ ﺷﻮﻳﺔ ﺷﻮﻳﺔ ﺍﺗﻌﻠﻢ ﻋﻠﻴﻬﻢ
ﻭﺍﻟﻠﻪ ﻳﻨﻄﻲ ﺭﻭﺍﺀ
ﻋﻠﻤﺘﻨﻲ ﻋﻠﻰ ﺫﺑﺔ ﺍﻫﻠﻬﺎ ﻳﻌﻨﻲ ﻣﺜﻼ
ﻣﺎﻛﻮ ﻭﺣﺪﺓ ﺗﻈﻞ ﻧﺎﻳﻤﺔ ﺑﻐﺮﻓﺘﻬﺎ ﻟﺤﺪ ﺍﻟﺴﺎﻋﺔ ٩ﺍﻟﺼﺒﺢ
ﺍﻟﺞ ﺣﻖ ﺗﺼﻌﺪﻳﻦ ﺍﻟﻈﻬﺮ ﻟﻐﺮﻓﺘﺞ ﻫﺬﺍ ﺍﻟﻜﻼﻡ ﻣﻮ ﺑﺲ ﻳﻨﻄﺒﻖ ﻋﻠﻴﺔ ﻻ ﺣﺘﻰ ﻳﻨﻄﺒﻖ ﻋﻠﻰ ﺍﻟﺒﻘﻴﺔ ﻋﻨﺪﻫﻢ ﺟﻨﺔ
ﺍﺳﻤﻬﺎ ﺯﻳﻨﺔ ﻛﻠﺶ ﺣﺒﺎﺑﺔ ﻭﻣﻄﻴﻌﺔ ﻃﺎﻋﺔ ﻋﻤﻴﺎﺀ ﻟﺴﻨﺎﺀ
ﻟﺪﺭﺟﺔ ﺣﺘﻰ ﺗﺘﺪﺧﻞ ﺑﻨﻮﻣﺘﻬﺎ ﻭﻳﺔ ﺯﻭﺟﻬﺎ
ﺍﺟﺔ ﺷﻌﺮ ﺭﺍﺳﻲ ﻳﻮﻛﻒ ﻣﻦ ﻛﻼﻡ ﺭﻭﺍﺀ
ﻟﻬﻞ ﺍﻟﺪﺭﺟﺔ ﻭﺻﻞ ﺑﻴﻬﺎ ﺍﻟﺤﺎﻝ ﻭﻓﺮﺽ ﺳﻴﻄﺮﺗﻬﺎ ﻭﺻﻠﺖ ﻟﺤﺪ ﺗﺪﺧﻞ ﺑﺤﻴﺎﺗﻬﻢ ﺍﻟﺸﺨﺼﻴﺔ
ﻭﺍﻧﻲ ﻫﺬﺍ ﺍﻟﺸﻲ ﺍﺭﻓﻀﺔ
ﻣﻨﻌﺎً ﺑﺎﺗﺎ ﻣﺴﺘﺤﻴﻞ ﺍﺧﻠﻴﻬﺎ ﺗﺘﺪﺧﻞ ﺑﺤﻴﺎﺗﻲ ﺍﻧﻲ ﻭﺛﺎﺋﺮ
ﺍﺑﺘﺴﻤﺖ ﺑﺴﺮﻱ ﻋﻠﻰ ﺍﻻﺳﺎﺱ ﺍﻻﺳﺘﺎﺫ ﻓﺎﺿﻴﻠﻲ
ﻭﺍﻧﻲ ﻛﺎﻋﺪﺓ ﺍﺗﺤﻠﻒ ﺍﺻﻼ ﻫﻮ ﻣﺎﻣﮕﻠﺒﻨﻲ ﻭﻣﺎ ﻳﺪﺭﻱ ﺑﻴﺔ
ﺑﻴﺎ ﺍﺭﺽ
ﻭﻣﻦ ﺛﺎﻟﺚ ﻳﻮﻡ ﻗﺴﻤﻮ ﺷﻐﻞ ﺍﻟﺒﻴﺖ ﺑﻴﻨﻲ ﺍﻧﻲ ﺍﻟﺒﻨﺎﺕ
ﺟﺎﻥ ﻧﻈﺎﻡ ﺍﻟﺒﻴﺖ ﻣﺎﺷﻲ ﻣﺜﻞ ﺍﻟﺴﺎﻋﺔ
ﻭﺍﻱ ﺧﻼﻑ ﺍﻭ ﺑﻠﺒﻠﺔ ﺗﺼﻴﺮ
ﮔﺒﻞ ﺗﺪﺧﻞ ﺳﻨﺎﺀ ﺗﺴﻜﺘﻬﻢ
................
ﺍﺗﺼﻠﺖ ﻋﻠﻰ ﺻﺪﻳﻘﺘﻲ ﺳﺎﺭﺓ ﻭﻛﺎﻟﻌﺎﺩﺓ ﻛﻨﺖ ﺍﺣﺠﻴﻠﻬﺎ
ﻋﻦ ﺣﻴﺎﺗﻲ ﻭﻳﺔ ﺛﺎﺋﺮ ﻭﻇﻠﺖ ﺗﻌﻠﻢ ﻭﺗﻨﺼﺢ ﺑﻴﺔ ﺑﺤﻜﻢ ﺍﻧﻬﺎ ﻣﺘﺰﻭﺟﺔ ﻗﺒﻠﻲ ﻭﻋﻨﺪﻫﺎ ﺧﺒﺮﺓ
ﻭﺑﻌﺪﻣﺎ ﻓﻬﻤﺘﻬﺎ ﻋﺪﻡ ﻭﺟﻮﺩﻩ ﻭﻣﺎ ﻳﻨﻔﻊ ﺗﻄﺒﻴﻖ ﻧﺼﺎﺋﺤﻬﺎ
ﺑﻠﺒﺲ ﻣﻼﺑﺲ ﺍﻟﻨﻮﻡ ﻭﺍﻟﻔﻴﻜﺎﺕ
: ﺯﻳﻦ ﻟﻴﺶ ﻣﺘﺠﺮﺑﻴﻦ ﺍﻥ ﺗﻨﺰﻟﻴﻦ ﺗﻨﺎﻣﻴﻦ ﺟﻮﺓ ﻋﻨﺪ ﺣﻤﺎﺗﺞ ﺭﻭﺍﺀ ﺑﺎﻟﻠﻪ ﺷﻮﻓﻲ ﺷﺮﺍﺡ ﺗﻜﻮﻥ ﺭﺩﺕ ﻓﻌﻠﻪ .......
........
ﻣﺮﺕ ﺍﻻﻳﺎﻡ ﻋﻠﻰ ﺯﻭﺍﺟﻲ
ﻭﺍﻧﺎ ﺍﻧﺴﻤﻂ ﺍﺑﻮ ﺍﺑﻮﻱ ﻣﻦ ﻭﺭﺓ ﺳﻬﻮﺓ
ﺟﻨﺖ ﺍﻃﻠﻊ ﻛﻞ ﻳﻮﻡ ﻣﻦ ﺍﻟﺼﺒﺢ ﻭﺍﺭﺟﻊ ﺑﺘﺎﻟﻲ ﺍﻟﻠﻴﻞ ﻣﺘﺄﺧﺮ ﺟﺎﻥ ﻋﻨﺪﻱ ﺷﻐﻞ ﻫﻮﺍﻱ ﻭﺍﺻﻞ ﻟﺮﺍﺳﻲ
ﻭﻫﻢ ﻫﻲ ﻓﺮﺻﺔ ﺣﺘﻰ ﻣﺎ ﺍﺷﻮﻓﻬﺎ ﻛﺪﺍﻣﻲ ﻭﺍﺿﻌﻒ
ﺟﻨﺖ ﻣﻦ ﺍﺭﺟﻊ ﻭﺍﺩﺧﻞ ﻟﻠﻐﺮﻓﺔ ﺍﺷﻢ ﺭﻳﺤﺔ ﻋﻄﺮﻫﺎ
ﻣﺎﻟﻴﺔ ﺍﻟﻐﺮﻓﺔ ﺻﺮﺕ ﻭﻳﻦ ﻣﺎ ﺍﺩﻭﺭ ﻭﺟﻬﻲ ﺍﻟﻜﺔ ﺍﻟﻬﺔ ﺷﻲ ﻳﺨﺼﻬﺎ
ﺍﺗﻌﻮﺩﺕ ﻛﻞ ﻳﻮﻡ ﺍﻧﺎﻡ ﻭﺍﺧﺬﻫﺎ ﻟﺤﻀﻲ ﺑﺪﻭﻥ ﻣﺘﺤﺲ ﻋﻠﻴﺔ ﻭﺍﻇﻞ ﺍﺷﻢ ﺭﻳﺤﺔ ﻋﻄﺮﻫﺎ ﻭﺍﻧﺎﻡ ﻋﻠﻰ ﺷﻌﺮﻫﺎ
ﺑﺲ ﺟﻨﺖ ﻫﻮﺍﻱ ﺍﻋﺎﻧﻲ ﻗﺮﺑﻬﺎ ﻣﻨﻲ ﺑﺪﻭﻥ ﻣﺎ ﺍﻣﻠﻜﻬﺎ
ﻭﺍﻧﺎ ﺭﺟﺎﻝ ﻣﻮ ﻣﻼﻙ ﻭﺍﺭﻳﺪﻫﺎ ﻛﻤﺮﺓ
ﺻﺎﺭ ﺣﺎﻟﻲ ﻭﻳﺎﻫﺎ ﻣﺜﻞ ﺍﻟﻲ ﻳﻤﺸﻲ ﻋﻠﻰ ﺍﻟﻤﺴﺎﻣﻴﺮ
ﺣﺘﻰ ﻳﻮﺻﻞ ﻟﻠﺠﺎﻧﺐ ﺍﻻﺧﺮ ﺳﺎﻟﻢ ﺑﺪﻭﻥ ﺧﺴﺎﺋﺮ
ﺩﺧﻠﺖ ﻟﻠﺒﻴﺖ
ﻭﺻﺎﺭ ﺟﺪﻱ ﺑﻮﺟﻬﻲ
: ﺗﻌﺎﻝ ﺛﺎﻳﺮ ﺍﺭﻳﺪﻙ ﺑﺠﻠﻤﺔ ( ﺑﻜﻠﻤﺔ )
: ﺍﻣﺮ ﺷﻴﺨﻨﺎ
: ﻣﺎ ﻳﺄﻣﺮ ﻋﻠﻴﻚ ﻋﺪﻭ
ﺍﺭﻳﺪ ﺍﺣﺎﺟﻴﻚ ﺑﺴﺎﻟﻔﺔ ﺗﺨﺺ ﺍﺑﻮﻙ
: ﺷﺒﻲ ﺍﺑﻮﻱ
: ﻭﺻﻠﻨﻲ ﺧﺒﺮ ﺍﻧﺖ ﻛﺎﻋﺪ ﺗﻠﻢ ﺑﺨﺮﺍﺑﻴﻂ ﺍﺑﻮﻙ
ﻣﻦ ﻭﺭﺍﻩ ﺗﻜﺪﺭ ﺗﻔﻬﻤﻨﻲ ﺷﻨﻮ ﺑﻴﻨﻚ ﻭﺑﻴﻦ ﺍﺑﻮﻙ
ﻏﻴﺮ ﺳﺎﻟﻔﺔ ﺳﻬﻮﺓ
ﺍﺣﺲ ﺍﻛﻮ ﺷﻲ ﻏﺎﻳﺐ ﻋﻨﻲ
ﺍﺭﻳﺪ ﺍﺳﻤﻌﻬﺎ ﻣﻨﻚ ﻭﻻ ﺗﺨﻠﻴﻨﻲ ﺍﺳﻤﻌﻬﺎ ﻣﻦ ﻏﻴﺮﻙ
ﺍﺣﺠﻴﻠﻲ ﻣﺎ ﺩﺍﻡ ﺍﺑﻮﻙ ﻫﺴﺔ ﺑﺎﻟﻌﻤﺮﺓ
............................
ﺍﻧﺘﻈﺮﺗﺔ ﻭﺍﻧﻲ ﻧﺎﻳﻤﺔ ﻳﻢ ﺭﻭﺍﺀ
ﺑﻌﺪ ﻣﺎ ﺍﻧﺴﻄﺮﺕ ﺳﻄﺮ ﻣﻨﻬﺎ ﻭﻣﻦ ﺍﺳﺌﻠﺘﻬﺎ
ﺷﻨﻮ ﻭﻟﻴﺶ ﻭﺷﺼﺎﻳﺮ ﺑﻴﻨﻜﻢ ﻭﺍﺳﺌﻠﺔ ﻛﻮﻣﺔ
ﺍﺧﺘﺼﺮﺗﻬﺎ ﺑﺠﻤﻠﺔ ﻭﺣﺪﺓ
: ﺍﺧﻮﺝ ﻳﺘﺄﺧﺮ ﻭﺍﻧﻲ ﺍﺧﺎﻑ ﺍﻧﺎﻡ ﻟﻮﺣﺪﻱ
ﺍﻧﺘﻈﺮﺗﺔ ﻭﺍﻻﻓﻜﺎﺭ ﺳﻄﺮﺗﻨﻲ ﻭﻛﺎﻟﻌﺎﺩﺓ ﻳﻐﻠﺒﻨﻲ ﺍﻟﻨﻌﺎﺱ ﻭﺍﻧﺎﻡ
ﺣﺴﻴﺖ ﻋﻠﻰ ﺍﻳﺪ ﺗﺤﺮﻙ ﺑﻜﺘﻔﻲ
ﻭﻫﻤﺲ ﺑﺼﻮﺕ ﻧﺎﺻﻲ
: ﺳﻬﻰ ﻛﻌﺪﻱ ﺻﻌﺪﻱ ﻓﻮﻙ ﻟﻐﺮﻓﺘﺞ
ﻛﻮﺓ ﻓﺘﺤﺖ ﻋﻴﻮﻧﻲ ﻣﻦ ﺍﻟﻨﻌﺎﺱ ﻭﺷﻔﺖ
ﺛﺎﺋﺮ ﻭﺍﻛﻒ ﻓﻮﻙ ﺭﺍﺳﻲ
ﻫﻤﺴﺖ : ﺛﺎﺋﺮ ﺍﻧﺖ ﺭﺟﻌﺖ
ﺷﻔﺖ ﺷﺮﺭ ﻳﺘﻄﺎﻳﺮ ﻣﻦ ﻋﻴﻮﻧﺔ ﻣﻦ ﺍﻟﻐﻀﺐ
: ﺍﻧﺎ ﻃﺎﻟﻊ ﺧﻼﻝ ﺩﻗﻴﺘﻴﻦ ﺍﻟﻜﺎﺝ ﺻﺎﻋﺪﺓ ﻭﺭﺍﻱ
ﺗﺮﻛﻨﻲ ﻭﺻﻌﺪ
ﻛﻤﺖ ﻣﻦ ﻣﻜﺎﻧﻲ ﻭﺻﻌﺪﺕ ﻭﺭﺍﻩ ﺍﻏﻤﺾ ﻋﻴﻦ ﻭﺍﻓﺘﺢ ﻋﻴﻦ
ﺍﺑﺘﺴﻤﺖ ﺑﺪﺍﺧﻠﻲ ﻭﺍﺧﻴﺮﺍً ﻛﺪﺭﺕ ﺍﺧﺬ ﻣﻨﺔ ﺍﺳﺘﺠﺎﺑﺔ
ﺍﻫﺘﺰ ﺍﻟﺠﺒﻞ
ﺑﻌﺪﻣﺎ ﺍﻳﺴﺖ ﻣﻦ ﻭﺟﻮﺩﻩ ﺑﺎﻟﺒﻴﺖ
ﻓﺘﺤﺖ ﺍﻟﺒﺎﺏ ﻭﺩﺧﻠﺖ ﻭﺣﺴﻴﺖ ﻋﻠﻰ ﺍﻳﺪ
ﺳﺤﺒﺘﻨﻲ ﻭﺩﻓﻌﺘﻨﻲ ﻛﺪﺍﻡ
: ﺍﻛﺪﺭ ﺍﻋﺮﻑ ﺷﻨﻮ ﻣﻌﻨﻰ ﻫﺎﻱ ﺍﻟﺤﺮﻛﺔ ﺍﻟﻲ ﺳﻮﻳﺘﻬﺎ
: ﺍﻧﺖ ﺩﺍﺋﻤﺎً ﺗﺘﺄﺧﺮ ﻭﺍﻧﻲ ﺍﺧﺎﻑ ﻟﻮﺣﺪﻱ
ﻓﻨﺰﻟﺖ ﻳﻢ ﺭﻭﺍﺀ ﻭﻧﻤﺖ
: ﺍﻫﺎﺍ ﻳﻌﻨﻲ ﺣﻀﺮﺗﺞ ﻣﺎ ﺣﺴﺒﺘﻲ ﺣﺴﺎﺏ
ﺍﺧﻮﻱ ﻋﺪﻱ ﻳﺪﺧﻞ ﻋﻠﻴﻜﻢ ﻭ ﻳﻨﺪﻩ ﺭﻭﺍﺀ ﻣﺜﻠﻤﺎ ﻣﺘﻌﻮﺩ ﻛﻞ ﻳﻮﻡ
ﻭﻻ ﺳﻮﻳﺘﻲ ﺣﺴﺎﺑﻲ ﻣﻦ ﺍﺭﺟﻊ ﻭًﻣﺎ ﺍﻟﻜﺎﺝ
ﻭﺍﺫﺍ ﺷﺎﻓﻮﺝ ﺍﻫﻠﻲ ﺗﻄﻠﻌﻴﻦ ﻣﻦ ﻏﺮﻓﺔ ﺭﻭﺍﺀ
ﺷﺮﺍﺡ ﻳﻜﻮﻟﻮﻥ ﻣﺎ ﺻﺎﺭﻟﻬﻢ ﻫﻮﺍﻱ ﻣﻦ ﻣﺘﺰﻭﺟﻴﻦ ﻭﻫﺎﺟﺮﺓ ﻓﺮﺍﺵ ﺭﺟﻠﻬﺎ
: ﻫﺎﺍ ﻣﺎ ﺗﺴﺄﻝ ﻧﻔﺴﻚ ﻣﻨﻮ ﻫﺎﺟﺮ ﻣﻨﻮ ﺍﻧﻲ ﻟﻮ ﺍﻧﺖ
ﻳﻌﻨﻲ ﻛﻞ ﻫﻤﻚ ﺧﺎﻑ ﺗﻬﺘﺰ ﺭﻭﺟﻮﻟﺘﻚ
ﻻﺗﺨﺎﻑ ﺣٍٍِْــًﺒٌٍـــِٓﯥٍٓ ﺍﻧﺖ ﺭﺟﺎﻝ
ﻭﻫﺰﻳﺖ ﺍﻳﺪﻱ ﺑﺴﺘﻬﺰﺍﺀ
ﺣﺴﻴﺖ ﻋﻠﻰ ﺭﺍﺷﺪﻱ ﺍﻧﻄﺒﻊ ﻋﻠﻰ ﺧﺪﻱ
ﺭﻓﻌﺖ ﺍﻳﺪﻱ ﻭﻟﺰﻣﺖ ﺧﺪﻱ ﻣﻦ ﺍﺛﺮ ﺍﻟﻀﺮﺑﺔ ﺣﺴﻴﺖ ﺑﺤﺮﺍﺭﺓ ﺗﻄﻠﻊ ﻣﻦ ﺧﺪﻱ
: ﻟﺞ ﺳﻬﻰ ﺍﻧﺎ ﺭﺟﺎﻝ ﻣﺎ ﻏﺼﺒﺎً ﻋﻠﻴﺞ ﻭﻋﺎﻟﺨﻠﻔﻮﺝ
ﻭﻫﺴﺔ ﺍﺭﺍﻭﻳﺞ ﺷﻠﻮﻥ ﺗﺴﺘﻬﺰﺋﻴﻦ ﺑﺎﻟﺮﺟﺎﻝ
ﺩﻓﻌﻨﻲ ﻋﺎﻟﺴﺮﻳﺮ ﻭﺷﻬﻜﺖ ﺑﺨﻮﻑ ﻣﻦ ﻧﻴﺘﺔ
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء