....
رواية ثمار العار بالحلال ج2 الجزء السابع عشر
......
ﻛﻼﻡ ﺳﻬﻰ ﻭﺭﻓﻀﻬﺎ ﺍﻟﻲ ﻛﺪﺍﻡ ﺍﻟﻜﻞ
ﻛﺎﻥ ﺍﻛﺒﺮ ﻃﻌﻨﺔ ﺍﺗﻌﺮﺽ ﺍﻟﻬﺎ ﻟﺜﺎﻧﻲ ﻣﺮﺓ ﺑﺤﻴﺎﺗﻲ ﻋﻠﻰ ﺍﻳﺪ ﺳﻬﻮﺓ
ﻭﺍﻧﺎ ﻣﺎ ﻣﺴﺘﻌﺪ ﺑﻌﺪ ﺍﺗﻨﺎﺯﻝ
ﻟﻬﻨﺎ ﻭﻛﺎﻓﻲ ﺷﻜﻠﻲ ﻣﺎ ﺭﺍﺡ ﺍﺗﻌﻠﻢ ﻣﻦ
ﻟﺴﻌﺔ ﺍﻟﺰﻣﻦ
ﻛﻞ ﻣﺮﺓ ﺍﻛﻮﻥ ﺍﻧﺎ ﺍﻟﺨﺎﺳﺮ ﺍﻟﻮﺣﻴﺪ ﺑﺎﻟﺤﺐ
ﺯﻭﺟﺘﻲ ﺍﻻﻭﻟﻰ ﻣﻘﺼﺮﺕ
ﻭﺍﺟﺘﻲ ﺳﻬﻰ ﻭﻛﺴﺮﺕ ﺟﻤﻴﻊ ﺍﻟﻘﻮﺍﻋﺪ ﺑﺎﻓﻌﺎﻟﻬﺎ ﻭﺻﺪﻫﺎ ﻭﺭﻏﻢ ﺫﻟﻚ ﻣﺎﺯﻟﺖ ﻣﺘﻤﺴﻚ ﺑﻴﻬﺎ
ﻭﻫﻲ ﻛﺎﻧﺖ ﻟﺤﺪ ﺍﺧﺮ ﻟﺤﻈﺔ ﺗﺮﻳﺪ ﺗﺘﺰﻭﺝ ﺷﺨﺺ ﺛﺎﻧﻲ
ﻭﺗﺘﺮﻛﻨﻲ ﻭﺭﺍﻫﺎ ﺑﺪﻭﻥ ﻣﺎ ﻳﺮﻓﻠﻬﺎ ﺟﻔﻦ ﻣﻮﻗﻔﻬﺎ ﻫﺬﺍ
ﺻﺪﻣﻨﻲ ﻭﺧﻠﺘﻨﻲ ﺍﺻﺤﻰ ﻋﻠﻰ ﺣﺎﻟﻲ
ﻭﺍﻟﻠﻪ ﻋﻠﻰ ﺍﻳﺪﻫﺎ ﺷﻔﺖ ﺍﻧﻮﺍﻉ ﺍﻟﺼﺪ ﻭﺍﻟﻬﺠﺮ
ﻛﺮﻫﺖ ﻛﻠﺸﻲ ﺑﺤﻴﺎﺗﻲ ﻭﺷﻜﻞ ﺣﻈﻲ ﻣﺎ ﻛﺎﻋﺪ
ﻭﻳﺔ ﺍﻟﻌﺸﻚ
...........................
ﺍﻡ ﺳﻬﻰ ﻭﺍﻟﻔﺮﺣﺔ ﻣﺎ ﺳﺎﻳﻌﺘﻬﺎ
ﺗﺒﺎﻭﻉ ﻟﺒﻨﺘﻬﺎ ﻻﺑﺴﺔ ﺛﻮﺏ ﺍﻟﻌﺮﺱ
ﻣﺎﻣﺼﺪﻛﺔ ﻋﻴﻮﻧﻬﺎ ﻛﻞ ﺳﺎﻋﺔ ﺗﺼﻠﻲ ﻋﻠﻰً ﺍﻟﻨﺒﻲ
ﺧﺎﻑ ﺗﺤﺴﺪﻫﺎ
: ﻣﺎﻣﺎ ﺳﻬﺎﻭﻱ ﻋﻴﻦ ﺍﻟﺒﺎﺭﺩﺓ ﻋﻠﻴﺞ ﻃﺎﻟﻌﺔ ﺗﺠﻨﻨﻴﻦ
ﺭﺑﻲ ﻳﺴﻌﺪﺝ ﻭﻳﻬﻨﻴﺞ
ﺍﺑﺎﻭﻉ ﻋﻠﻰ ﺍﻣﻲ ﺷﻠﻮﻥ ﻓﺮﺣﺎﻧﺔ
ﻭﺍﻧﻲ ﺍﻟﻨﺎﺭ ﺗﺴﻌﺮ ﺑﮕﻠﺒﻲ ﻣﻦ ﺍﻟﺨﻮﻑ ﺍﻟﻲ ﺟﺎﻱ ﺍﺷﻌﺮ ﺑﻲ
ﺍﻟﻴﻮﻡ ﺍﺭﻭﺡ ﺑﺮﺟﻠﻲ ﻟﻠﺠﺤﻴﻢ
ﻟﺤﺪ ﻫﺴﺔ ﺍﺗﺬﻛﺮ ﺑﻴﻮﻡ ﺻﺎﺭﺕ ﻣﺸﻴﺖ ﺍﻟﺰﻟﻢ
ﻭﺍﻟﺸﻴﻮﺥ ﻭﺻﺎﺭ ﺍﻟﻌﻘﺪ
ﺍﺗﻔﺎﺟﺌﺖ ﻣﻦ ﻛﺎﻟﺖ ﺭﻭﺍﺀ ﺛﺎﺋﺮ ﺻﺎﺭ ﻋﻨﺪﺓ ﺷﻐﻞ
ﻭﻣﺎ ﺭﺍﺡ ﻳﻜﺪﺭ ﻳﺪﺧﻞ ﻳﻠﺒﺴﺞ ﺍﻟﺬﻫﺐ
ﻛﻠﺖ ﻣﻴﺨﺎﻟﻒ ﺍﺻﺒﺮ ﻭﺍﺗﺤﻤﻞ ﻭﻻﺯﻡ ﺍﻛﻮﻥ ﻣﺴﺘﻌﺪﺓ
ﻟﺮﺩﺓ ﻓﻌﻠﻪ ﻭﻣﺎ ﺭﺍﺡ ﺍﺳﺘﺴﻠﻢ
ﺍﻋﺮﻑ ﻛﻠﺶ ﺯﻳﻦ ﺍﻧﻲ ﻣﻦ ﻭﺍﻓﻘﺖ ﻋﻠﻰ ﺯﻭﺍﺟﻲ ﻣﻦ ﺛﺎﺋﺮ ﻛﻨﺖ ﺍﻋﺮﻑ ﺭﺍﺡ ﻳﻜﻮﻥ ﺍﻣﺎﻣﻲ ﻫﻮﺍﻱ ﺣﻮﺍﺟﺰ
ﺗﺤﻴﻞ ﺑﻴﻨﻲ ﻭﺑﻴﻦ ﺛﺎﺋﺮ ﺍﻭﻟﻬﺎ ﺻﺪﻱ ﻭﺛﺎﻧﻴﻬﺎ ﺧﺬﻻﻧﻲ ﺍﻟﺔ
ﺍﻛﺜﺮ ﻣﻦ ﻣﺮﺓ ﻭﻫﻮ ﺣﻘﺔ ﻫﻮ ﻗﺎﺗﻞ ﺑﻤﺎ ﻓﻴﻪ ﺍﻟﻜﻔﺎﻳﺔ ﻋﻠﻤﻮﺩﻱ
ﻭﺍﻧﻲ ﻣﺎ ﺍﺗﻨﺎﺯﻟﺖ ﻋﻦ ﺍﻱ ﺣﻖ ﻣﻦ ﺣﻘﻮﻗﻲ
ﻭﻛﻨﺖ ﻟﺤﺪ ﺍﺧﺮ ﻟﺤﻈﺔ ﻣﺴﺘﻌﺪﺓ ﺍﻥ ﺍﺗﺰﻭﺝ ﻏﻴﺮﻩ ﻭﺍﺗﺮﻛﺔ ﻋﻠﻤﻮﺩ ﺍﺑﻨﻲ
ﻭﻫﺎﻱ ﺷﺎﻧﺖ ﺑﺨﺎﻃﺮﺓ ﻭﻳﺎﻱ
ﺻﻌﺪﺕ ﺑﻴﻮﻣﻬﺎ ﺑﺎﻟﻠﻴﻞ ﻭﺑﺪﻟﺖ ﻣﻼﺑﺴﻲ ﻭﻏﺴﻠﺖ ﻭﺟﻬﻲ
ﻭﺍﻧﻲ ﻛﻠﺒﻲ ﻣﻴﺖ ﻋﻠﻰ ﺷﻮﻓﺘﻪ
ﻭﺻﻠﺖ ﺭﺳﺎﻟﺔ ﻓﺘﺤﺖ ﺍﻟﻨﻘﺎﻝ ﻭﺟﺎﻧﺖ ﻣﻦ ﺛﺎﺋﺮ
: ﺍﻟﻒ ﻣﺒﺮﻭﻙ ﻋﻠﻴﺞ ﺍﻧﺎ
ﺷﻮﻓﻲ ﺳﻬﻮﺓ ﻣﻮ ﺑﻌﺪﻳﻦ ﺗﻜﻌﺪﻳﻦ ﺗﻨﺪﺑﻴﻦ ﺣﻈﺞ
ﺗﺮﺓ ﺍﻧﺘﻲ ﺟﺒﺘﻴﻬﺎ ﻟﻨﻔﺴﺞ
ﻭﺭﺍﺡ ﺗﺪﺧﻠﻴﻦ ﺑﺮﺟﻞ ﻟﻠﺠﺤﻴﻢ
ﻭﺍﻟﻈﺎﻫﺮ ﺑﻌﺪﺝ ﻣﺴﺘﻬﺎﻧﺔ ﺑﻴﺔ ﻭﻣﺎ ﺗﻬﺎﺑﻴﻦ
ﺍﻟﻮﺣﺶ ﺍﻟﺪﺍﺧﻠﻲ
ﻛﻮﻧﻲ ﻣﺴﺘﻌﺪﺓ ﻟﻠﻲ ﺭﺍﺡ ﻳﺠﻴﺞ
..........
ﺭﺟﻔﺖ ﺍﻳﺪﻱ ﻭﻛﻊ ﺍﻟﻨﻘﺎﻝ ﻣﻨﻲ ﻣﻦ ﺍﻟﺨﻮﻑ
ﺻﺎﺭ ﺛﺎﺋﺮ ﻳﺘﻮﻋﺪﻟﻲ
ﻭﺍﺗﻔﺎﺟﺌﺖ ﻳﻮﻡ ﺛﺎﻧﻲ ﺍﻟﻤﻬﺮ ﻋﻤﻮ ﻗﺎﺳﻢ ﻛﺎﻝ
: ﺍﻟﺸﻴﺦ ﻣﺰﺍﺣﻢ ﻳﻜﻮﻝ ﺑﻨﻬﺎﻳﺔ ﻫﺬﺍ ﺍﻻﺳﺒﻮﻉ ﺍﻟﺰﻭﺍﺝ
ﺍﺳﺘﻐﺮﺑﺖ ﻣﻦ ﺍﻻﺳﺘﻌﺠﺎﻝ ﻭﺧﻔﺖ ﺍﺣﺲ ﺑﺮﻭﺣﻲ
ﺿﻴﻌﺖ ﻧﻔﺴﻲ ﺑﻘﺮﺍﺭﻱ
ﻭﻗﻄﻌﺖ ﻃﺮﻳﻖ ﻃﻮﻳﻞ ﻣﺎﻣﻨﺔ ﺭﺟﻌﺔ
ﻭﻣﺸﻴﺖ ﺑﻲ ﺑﺪﻭﻥ ﻣﺎ ﺍﻟﺘﻔﺖ ﺧﻠﻔﻲ
ﻣﺮ ﻋﻠﻴﺔ ﺍﻻﺳﺒﻮﻉ ﻭﺍﻧﻲ ﺍﺣﺲ ﺭﻭﺣﻲ ﺑﺤﻠﻢ ﻭﺍﺭﻳﺪ ﺍﺻﺤﻰ ﻣﻨﺔ
ﺍﻣﻲ ﻭﻋﻤﺔ ﻣﻨﺘﻬﻰ ﺧﺒﺼﻨﻲ ﺧﺒﺺ
ﻭﺍﻣﻲ ﻛﻞ ﺳﺎﻋﺔ ﺗﻜﻮﻝ ﻫﻤﺰﻳﻦ ﺍﻧﻲ ﻣﺠﻬﺰﺓ ﺳﻬﺎﻭﻱ
ﻣﻦ ﻛﻠﺸﻲ ﺑﺲ ﻻﺯﻡ ﻧﻄﻠﻊ ﺍﻛﻤﻞ ﻛﻢ ﺷﻐﻠﺔ
ﺍﻧﻲ ﺳﻮﻳﺖ ﺭﻭﺣﻲ ﻣﻠﺘﻬﻴﺔ ﺍﺩﺭﺱ ﺣﺴﻦ ﺑﺲ ﻟﻜﻦ
ﻫﻴﻬﺎﺕ ﺍﻳﻦ ﺗﻔﺮﻭﻥ
ﺍﻟﺠﺪﺓ ﻭﻋﻤﺎﺗﺔ ﺍﺳﺘﻠﻤﻮﻧﻲ ﺯﻳﺎﺭﺍﺕ ﻭﻫﻼﻫﻞ
ﺍﺗﺬﻛﺮ ﺩﺧﻠﺖ ﻋﻠﻴﻨﺎ ﺑﻴﺒﺘﻬﻢ ﻫﻲ ﻭﻋﻤﺎﺗﺔ ﻭﺟﺎﻧﻮ ﻣﺤﻤﻼﺕ ﺑﺎﻟﺠﻨﻂ ﻣﺎ ﺍﻋﺮﻑ ﺷﻨﻮ ﺑﻴﻬﺎ
ﺑﺲ ﺣﺴﺐ ﻛﻼﻡ ﺑﻴﺒﺘﻬﻢ : ﻳﻤﺔ ﻫﺬﺍ ﻧﻴﺸﺎﻧﺞ
ﺗﻌﺎﻱ ﻳﻤﺔ ﺧﻞ ﺍﺣﺒﻨﺞ ( ﺑﻮﺳﺔ )
ﺍﻗﺘﺮﺑﺖ ﻣﻨﻬﺎ ﻭﺑﺎﺳﺘﻨﻲ ﻣﻦ ﺧﺪﻱ ﻭﻫﻲ ﺗﻬﻠﻲ ﻭﺗﺼﻠﻲ
ﻭﺑﻌﺪﻫﺎ
ﺍﺳﺘﻠﻤﻨﻲ ﻋﺬﺭﺍﺀ ﻭﺑﻨﺎﺕ ﺧﺎﻟﻬﺎ ﺗﻨﻈﻴﻒ ﻭﺗﻌﺪﻳﻞ ﻭﺣﻒ
ﻭﺍﻧﻲ ﺍﺣﺲ ﺭﻭﺣﻲ ﻣﺜﻞ ﺍﻟﻠﻌﺎﺑﺔ ﺑﻴﺪﻫﻢ
ﻭﺗﺮﻛﻴﺰﻱ ﻣﺘﺸﺘﺖ
ﺟﻨﺖ ﺍﺗﻤﻨﻰ ﺍﺷﻮﻑ ﺛﺎﺋﺮ ﺣﺘﻰ ﻳﻄﻤﻨﻲ ﺍﻧﻮ ﻗﺮﺍﺭﻱ
ﺑﺎﻟﻤﻮﺍﻓﻘﺔ ﺟﺎﻥ ﺻﺤﻴﺢ
ﻭﻣﺎ ﺍﺭﻳﺪ ﺍﺗﻨﺪﻡ
ﺍﺑﺎﻭﻉ ﻋﻠﻰ ﺣﺴﻦ ﺷﻠﻮﻥ ﻓﺮﺣﺎﻥ
ﻭﺍﺳﺘﻐﺮﺑﺖ ﻣﻦ ﺍﺟﺎﻧﻲ ﻭﻛﺎﻝ ﻣﺎﻣﺎ ﻋﻤﻮ ﺛﺎﺋﺮ ﻛﺎﻝ
ﺍﻧﺖ ﺗﻜﻌﺪ ﻭﻳﺔ ﺍﻟﺰﻟﻢ ﺑﺎﻟﻌﺮﺱ
ﻭﻋﻤﻮ ﻧﺎﺻﺮ ﻛﺎﻝ ﺍﻧﺎ ﺍﺟﻴﺒﺔ ﻭﻳﺎﻱ
ﻃﺒﻌﺎً ﻫﻲ ﻛﺎﻧﺖ ﻣﺠﺮﺩ ﻛﻠﻤﺎﺕ
ﺑﺲ ﺣﺴﻴﺖ ﺑﻴﻬﻢ ﺍﻛﻮ ﺍﻣﻞ
ﺧﻠﺺ ﺍﻻﺳﺒﻮﻉ ﻭﺑﻨﻬﺎﻳﺔ ﺑﺎﻟﻠﻴﻞ
ﺯﺍﺭﻧﺎ ﺍﻟﺸﻴﺦ ﻭﺍﺑﻮ ﺛﺎﺋﺮ ﻭﺻﺎﺣﻠﻲ ﻋﻤﻮ ﻗﺎﺳﻢ ﺣﺘﻰ ﺍﺩﺧﻞ ﻋﻠﻴﻬﻢ
ﺩﺧﻠﺖ ﻭﺳﻠﻤﺖ ﻭﺍﻧﻲ ﻛﻠﺒﻲ ﻳﺮﺟﻒ ﻭﺭﺟﻠﻲ ﺗﻄﻚ ﺑﺮﺟﻞ ﺟﻨﺖ ﺍﺗﻤﻨﻰ ﺍﻥ ﺛﺎﺋﺮ ﻳﻜﻮﻥ ﺟﺎﻱ ﻭﻳﺎﻫﻢ ﻟﻜﻦ ﺧﺎﺑﺖ ﻛﻞ ﺍﻣﺎﻟﻲ ﻣﻦ ﺷﻔﺖ ﺑﺲ ﺟﺪﻩ ﻭﺍﺑﻮﻩ ﻣﻮﺟﻮﺩﻳﻦ
ﺳﻠﻢ ﻋﻠﻴﺔ ﺟﺪﻫﻢ ﻭﺭﺣﺖ ﺍﻗﺘﺮﺑﺖ ﺍﺳﻠﻢ ﻋﻠﻰ ﺍﺑﻮﻩ ﺍﺗﻔﺎﺟﺌﺖ ﺑﻜﻤﻴﺔ ﺍﻟﺒﺮﻭﺩ ﺍﻟﻲ ﻋﺎﻣﻠﻨﻲ ﺑﻴﻬﺎ
ﺍﺑﺘﻌﺪﺕ ﻋﻨﺔ ﻭﺍﻧﻲ ﻣﺤﻤﻠﺔ ﺑﺎﻟﻒ ﻋﻼﻣﺔ ﺍﺳﺘﻔﻬﺎﻡ ؟؟؟
ﺷﻨﻮ ﺳﺒﺐ ﻫﺎﻟﺒﺮﻭﺩ،؟؟؟
ﺍﺗﺼﻠﺖ ﻋﻠﻰ ﺻﺪﻳﻘﺘﻲ ﺳﺎﺭﺓ ﻭﻋﺰﻣﺘﻬﺎ
ﻭﻫﻲ ﻛﺎﻟﺖ ﺍﺗﻤﻨﻰ ﺍﺟﻲ ﺑﺲ ﻣﺜﻠﻤﺎ ﺗﻌﺮﻓﻴﻦ ﻋﺴﺎﻑ ﻭﺛﺎﺋﺮ ﻣﻴﺘﺤﺎﺟﻮﻥ ﻭﺑﻌﺪﺓ ﺛﺎﺋﺮﺯﻋﻼﻥ ﻋﻠﻰ ﻋﺴﺎﻑ ﻭﻣﺎﺧﺬ ﻣﻨﺔ ﻣﻮﻗﻒ
ﻣﺎ ﺍﻋﺮﻑ ﻟﻴﺶ ﻣﻦ ﺍﺗﺼﻠﺖ ﻋﻠﻰ ﺳﺎﺭﺓ ﻭﺣﺠﻴﺖ ﻭﻳﺎﻫﺔ ﺯﺍﺫ ﺧﻮﻓﻲ ﺑﺎﻟﺰﺍﻳﺪ
ﻭﻋﺮﻓﺖ ﺻﻔﺔ ﺟﺪﻳﺪﺓ ﻋﻦ ﺛﺎﺋﺮ ﺍﻧﻪ ﺭﺍﺳﺔ ﻳﺎﺑﺲ
ﻭﺯﻋﻠﻪ ﻛﻠﺶ ﺻﻌﺐ
ﻳﻌﻨﻲ ﺻﺪﻳﻘﺔ ﺭﻭﺡ ﺑﺎﻟﺮﻭﺡ ﻭﻫﻮ ﻟﺤﺪ ﺍﻻﻥ ﻣﻴﺘﺤﺎﺟﺔ ﻭﻳﺎﻩ
ﻭﺍﻻﺩﻫﻰ ﻭﺍﻻﻣﺮ ﻣﻦ ﻫﺬﺍ ﻛﻠﺔ ﺍﻧﺼﺪﻣﺖ ﻣﻦ
ﻋﺮﻓﺖ ﻣﻦ ﺭﻭﺍﺀ ﺍﻥ ﺛﺎﺋﺮ ﺑﻌﺪﺓ ﻣﺰﺍﻋﻞ ﺍﺑﻮﻩ ﻭﻭﺟﻬﺔ ﺛﻜﻴﻞ ﻋﻠﻴﻪ
ﻭﻣﻦ ﻋﻨﺪﻫﺎ ﻗﺮﻳﺖ ﻋﻠﻰ ﺭﻭﺣﻲ ﺳﻮﺭﺓ ﺍﻟﻔﺎﺗﺤﺔ
ﻻﻥ ﺍﻟﻈﺎﻫﺮ ﻃﺮﻳﻖ ﺍﻟﻮﺻﻮﻝ ﻟﺜﺎﺋﺮ ﻣﻮ ﺑﺲ ﺑﻲ ﺣﻮﺍﺟﺰ
ﻻ ﻭﺍﻧﻤﺎ ﻣﺘﺮﻭﺱ ﺣﻮﺍﺟﺰ ﻛﻮﻧﻜﺮﻳﺘﻴﺔ
ﻭ ﺍﻣﻲ ﻭﻋﻤﺔ ﻣﻨﺘﻬﻰ ﺍﺧﺬﻭ ﺟﻨﻄﻲ ﻛﻠﻬﻢ ﻭﺭﺍﺣﻮ ﻫﻨﺎﻙ
ﻳﺼﻔﻄﻮﻧﻬﺎ ﺑﻐﺮﻓﺔ ﺛﺎﺋﺮ
ﻳﻌﻨﻲ ﺷﻨﻮ ﺭﺍﺡ ﻧﻜﻮﻥ ﺍﻧﻲ ﻭﻳﺎﻩ ﺑﻤﻜﺎﻥ ﻭﺍﺣﺪ ﻭﻳﺠﻤﻌﻨﺎ ﺳﻮﺓ
ﺣﺴﻴﺖ ﺑﺸﻌﻮﺭ ﺩﺍﻋﺐ ﺍﺣﺴﺎﺳﻲ
ﻳﻌﻨﻲ ﺭﺍﺡ ﻳﺮﺗﺒﻮﻥ ﻋﻄﻮﺭﻱ ﺑﺼﻒ ﻋﻄﻮﺭ ﺛﺎﺋﺮ
ﻭﻣﻼﺑﺴﻲ ﻳﺼﻔﻄﻮﻧﻬﺎ ﺑﻜﻨﺘﻮﺭ ﺛﺎﺋﺮ ﻳﻢ ﻣﻼﺑﺴﻬﺎ
ﻛﺎﻥ ﺍﻟﺸﻌﻮﺭ ﺑﺤﺪ ﺫﺍﺗﻪ ﺑﻲ ﻟﺬﺓ ﻭﻧﻜﻬﺔ ﻣﻤﻠﺆﺓ ﺑﺎﻟﺸﻐﻒ
ﺍﺗﻤﻨﻰ ﺛﺎﺋﺮ ﻳﺤﺲ ﻣﺜﻠﻲ ﺑﻨﻔﺲ ﺍﻟﺸﻮﮒ ﺍﻟﻲ ﺍﻧﻲ ﺍﺣﺲ ﺑﻲ ﺑﺄﺗﺠﺎﻫﺔ
.......................
ﺩﺧﻠﺖ ﻋﺬﺭﺍﺀ ﻋﻠﻴﺔ ﻭﺟﺎﻧﺖ ﻃﺎﻟﻌﺔ ﺗﺠﻨﻦ
ﻋﺬﺭﺍﺀ : ﺧﺎﻟﺔ ﺭﺍﺡ ﻳﻮﺻﻠﻮﻥ ﺧﻠﻲ ﻧﻠﺒﺴﻬﺎ ﺍﻟﺒﺮﻧﺺ
ﻛﻠﺒﻲ ﻛﺎﻡ ﻳﺮﻓﺮﻑ ﻣﺜﻞ ﺍﻟﻌﺼﻔﻮﺭ
ﺍﻣﻲ ﺍﻧﺘﺒﻬﺖ ﻋﻠﻴﺔ
ﻻﻥ ﺍﻭﻝ ﻣﺮﺓ ﺍﻣﺮ ﺑﻬﻴﺞ ﺷﻌﻮﺭ
ﻳﻌﻨﻲ ﺷﻨﻮ ﺍﻧﻲ ﺭﺍﺡ ﺍﻋﺮﺱ ﻳﻌﻨﻲ ﺑﻌﺪ ﻣﺎ ﺭﺍﺡ ﺻﺒﺢ
ﺑﻮﺟﻪ ﺍﻣﻲ ﻭﺍﻛﻠﻠﻬﺎ ﺻﺒﺎﺡ ﺍﻟﺨﻴﺮ
ﺷﻔﺘﻬﺎ ﻛﺎﻣﺖ ﺗﻤﺴﺢ ﺑﺪﻣﻮﻋﻬﺎ
ﺩﺧﻠﺖ ﻧﻮﺭ ﻭﻛﺎﻟﺖ ﺍﺧﻮﺍﻧﻲ ﻳﺮﺩﻭﻥ ﻳﺸﻮﻓﻮﻧﻲ
ﺍﺗﺼﻠﺖ ﻋﻠﻴﻬﻢ ﺻﻮﺕ ﻭﺻﻮﺭﺓ ﻭﻓﺘﺤﺖ ﻛﺎﻣﺮﺓ ﻭﻳﺎﻫﻢ ﻭﺷﻔﺖ ﺍﺧﻮﺗﻲ
ﺍﻣﺠﺪ ﻗﺘﻴﺒﺔ ﺍﺣﻤﺪ ﻛﻠﻬﻢ ﻛﺎﻋﺪﻳﻦ ﻭﻳﺴﻠﻤﻮﻥ ﻋﻠﻴﺔ
ﺍﺣﻤﺪ : ﻛﻠﻠﻠﻠﻠﻠﻮﻭﻭﻭﺵ ﻭﺍﺧﻴﺮﺍ ﺭﺍﺡ ﺗﺘﺰﻭﺟﻴﻦ
ﻭﻇﻞ ﻳﻬﻮﺱ
ﻋﺮﺱ ﺳﻬﻮﺓ ﻫﻴﻞ ﻭﻃﺶ ﺑﺎﻟﻮﻻﻳﺔ ﻋﺮﺱ ﺳﻬﻮﺓ
ﻭﺷﻔﺖ ﻗﺘﻴﺒﺔ ﻳﻀﺤﻚ ﻭﻳﺒﺎﺭﻛﻠﻲ
ﻭﺍﻧﺘﺒﻬﺖ ﻻﻣﺠﺪ ﻳﺒﺘﺴﻢ ﻭﺑﻌﻴﻮﻧﺔ ﻏﺼﺔ
ﻭﺷﻮﻕ ﻻﻫﻠﺔ
ﺍﻧﻜﺴﺮ ﮔﻠﺒﻲ ﻋﻠﻰ ﺍﺧﻮﺗﻲ ﺭﻏﻢ ﺿﺤﻜﺘﻬﻢ ﻭﺗﻬﺎﻧﻴﻬﻢ ﻣﺎﻛﺪﺭ
ﻳﺨﻔﻮﻥ ﻋﻨﻲ ﻧﻈﺮﺍﺕ ﺍﻟﺤﺰﻥ ﺍﻟﻤﻮﺟﻮﺩﺓ ﺑﻌﻴﻮﻧﻬﻢ
ﻛﺎﻥ ﻭﺍﺿﺢ ﻋﻠﻴﻬﻢ ﻳﺤﺴﻮﻥ ﺑﺎﻟﻐﺮﺑﺔ ﻭﺍﻟﻔﺮﺍﻕ ﻋﻦ ﺍﻻﺣﺒﺔ
ﻻ ﻳﻄﺎﻕ ﻟﻜﻦ ﺍﻟﺪﻧﻴﺎ ﻣﺎﻟﻬﺔ ﺻﺎﺣﺐ
ﺧﺎﻧﺘﻨﻲ ﺩﻣﻮﻋﻲ ﻣﻦ ﺣﺠﺔ ﺍﻣﺠﺪ
: ﺍﻟﻒ ﻣﺒﺮﻭﻙ ﻳﺎﻟﻮﺭﺩﺓ ﺍﺗﻤﻨﻴﺖ ﺍﻧﺎ ﻣﻮﺟﻮﺩ ﻭﺍﺳﻠﻤﺞ ﺑﻴﺪﻱ
ﻟﺰﻭﺟﺞ ﻭﺍﻭﺻﻴﻪ ﻋﻠﻴﺞ ﺑﺲ
ﺷﻜﻠﻲ ﻣﺎﻣﻜﺘﻮﺑﻠﻲ ﺑﺲ ﻳﺎﻟﻠﻪ
ﺍﻫﻢ ﺷﻲ ﺷﻔﺘﺞ ﺑﺜﻮﺏ ﺍﻟﻌﺮﺱ ﺣﻴﻞ ﺣﻠﻴﺎﻧﺔ
ﻭﻻﻳﻚ ﻋﻠﻴﺞ ﺩﻳﺮﻱ ﺑﺎﻟﺢ ﻋﻠﻰ ﻧﻔﺴﺞ
ﺻﺮﺕ ﺍﻧﺴﺢ ﺩﻣﻌﺔ ﻭﺗﺰﻝ ﺍﻟﺜﺎﻧﻴﺔ
ﻋﺬﺭﺍﺀ : ﻳﺎﻟﻠﻪ ﻛﺎﻓﻲ ﺷﻨﻮ ﻛﻠﺒﺘﻴﻬﺎ ﻣﻨﺎﺣﺔ ﺗﺮﺓ ﺭﺍﺡ ﺗﺴﻴﺢ ﺍﻟﻜﺤﻠﺔ ﻭﺗﺼﻴﺮﻳﻦ ﺗﺨﻮﻓﻴﻦ ﺟﻨﺞ ﺯﻭﻣﺒﻲ
ﺳﻤﻌﻨﺎ ﺻﻮﺕ ﺍﻟﻄﺒﻞ ﻭﺍﻟﻬﻼﻫﻞ ﻭﺍﻟﺰﻟﻢ ﺻﺎﺭﺕ ﺧﺒﺼﺔ ﻭﻛﻤﺰﺕ ﻣﻦ ﻣﻜﺎﻧﻲ ﻣﻦ ﺻﻮﺕ ﺍﻟﺮﻣﻲ
ﻋﺒﺎﻟﻚ ﻣﻮ ﻋﺮﺱ ﺣﺮﺏ
ﺷﻔﺖ ﻋﻤﻮ ﻗﺎﺳﻢ ﻳﺒﺘﺴﻢ ﺍﻟﻲ ﻛﺎﻥ ﺑﻤﺜﺎﺑﺔ ﺍﻻﺏ ﺑﻮﻗﻔﺘﺔ ﻭﻳﺎﻱ
ﺍﻗﺘﺮﺏ ﻣﻨﻲ ﻭﺑﺎﺳﻨﻲ ﻣﻦ ﺭﺍﺳﻲ
: ﺍﻟﻒ ﻣﺒﺮﻭﻙ ﺳﻬﺎﻭﻱ ﺭﺑﻲ ﻳﻬﻨﻴﺞ
ﺩﺧﻠﻮ ﺍﻟﻨﺴﻮﺍﻥ ﺑﺎﻟﺼﻔﻜﺎﺕ ﻭﺍﻟﻬﻼﻫﻞ
ﻭﺩﺧﻞ ﻭﺭﺍﻫﻢ ﺍﻟﺸﻴﺦ ﻣﺰﺍﺣﻢ
ﻛﺎﻥ ﻻﺑﺲ ﺑﺸﺖ ﻭﻋﻜﺎﻝ ﻛﺎﻥ ﻳﻨﻄﻖ ﺑﺎﻟﻬﻴﺒﺔ ﺍﻟﻮﻗﺎﺭ
ﻳﺤﻴﻄﻮﻥ ﺑﻲ ﻣﺜﻞ ﺍﻟﻬﺎﻟﺔ
ﻳﻤﺔ ﮔﻠﺒﻲ ﻛﻤﺰ ﻣﻦ ﻣﻜﺎﻧﺔ ﺑﻴﻮﻡ ﻃﻞ ﻋﻠﻴﺔ ﺛﺎﺋﺮ ﺑﻄﻠﺔ
ﺍﻟﻌﺮﺳﺎﻥ ﺍﺟﻴﺖ ﺍﻭﻛﻊ ﻣﻦ ﻃﻮﻟﻲ
ﻗﻄﻌﺖ ﺍﻟﻨﻔﺲ
ﻛﻌﺪ ﺑﺼﻔﻲ ﺑﺲ ﻣﺤﺠﺔ ﺍﻱ ﻛﻠﻤﺔ ﻭﻳﺎﻱ
ﻭﻛﺎﻥ ﻳﺒﺘﺴﻢ ﻭﻳﺴﻠﻢ ﻋﻠﻰ ﻋﻤﺎﺗﺔ ﻭﺍﻻﻫﻞ
ﻭﻣﺎ ﻭﺟﻬﻠﻲ ﺍﻱ ﻧﻈﺮﺓ
ﺟﻨﺖ ﻛﻠﻲ ﺍﺭﺟﻒ
ﺍﻧﺘﺒﻬﺖ ﻋﻠﻰ ﺍﻟﺸﻴﺦ ﻣﺰﺍﺣﻢ ﺍﻗﺘﺮﺏ ﻣﻦ ﻋﻨﺪﻧﺎ
: ﻳﺎﻟﻠﻪ ﺑﻮﻳﺔ ﻋﻠﻰ ﺑﺮﻛﺔ ﺍﻟﻠﻪ
ﻧﻬﻀﻨﺎ ﺍﺛﻨﻴﻨﺎ ﻭﺣﻂ ﺍﻳﺪﻳﻨﺎ ﺑﺄﻳﺪ ﺑﻌﺾ
ﻟﻤﺲ ﺍﻳﺪﻱ ﺣﺴﻴﺖ ﻣﺜﻞ ﺍﻟﺘﻴﺎﺭ ﺍﻟﻜﻬﺮﺑﺎﺋﻲ ﺳﺮﺓ ﺑﺤﺴﻤﻲ
ﻛﺎﻧﺖ ﺍﻳﺪﻱ ﻗﻄﻌﺔ ﺛﻠﺞ ﻭﺍﻳﺪﺓ ﻧﺎﺭ
ﺍﺗﻮﻏﻞ ﺩﻓﻮ ﺍﻳﺪﺓ ﻭﻭﺻﻞ ﻟﻜﻠﺒﻲ
ﻛﺎﻥ ﻫﻨﺎﻙ ﺿﻮﺀ ﺿﻌﻴﻒ ﻣﻮﺟﻮﺩ ﺩﺍﺧﻞ ﮔﻠﺒﻲ ﻫﺬﺍ ﺍﻟﻀﻮﺀ ﻫﻮ ﺍﻻﻣﻞ ﺍﻟﻲ ﻣﻦ ﺧﻼﻟﻪ ﻛﺪﺭﺕ ﺍﻣﺸﻲ ﻭﻳﺔ ﺛﺎﺋﺮ ﻭﺍﻃﻠﻊ
ﻣﻦ ﺍﻟﺒﻴﺖ ﺍﻫﻠﻲ
......
ﺍﺗﻨﻔﺴﺖ ﺭﻳﺤﺘﺔ ﻭ ﺗﺴﺮﺑﺖ ﻟﺪﺍﺧﻞ ﺍﻧﻔﺎﺳﻲ ﻭﺩﺧﺖ
ﺻﺎﺭ ﻛﻞ ﺍﻟﺤﻀﻮﺭ ﻣﺎﻟﻬﻢ ﻭﺟﻮﺩ ﺍﻻ ﺛﺎﺋﺮ
ﻛﻨﺖ ﻣﺮﻛﺰﺓ ﻭﻳﺎﻩ ﻟﺪﺭﺟﺔ ﻟﻮ ﻳﺮﻣﺶ ﺍﺣﺲ ﺑﻲ
ﺍﻧﺘﺒﻬﺖ ﻋﻠﻴﻪ ﻣﺪ ﺍﻳﺪﺓ ﻭﻧﺰﻝ ﺍﻟﺒﺮﻧﺺ ﻋﻠﻰ ﻭﺟﻬﻲ
ﺍﺣﺲ ﺑﺮﻭﺣﻲ ﻣﺎ ﺍﻛﺪﺭ ﺍﺷﻮﻑ ﻃﺮﻳﻘﻲ ﻃﻠﻌﺖ ﺑﺒﺎﺏ ﺍﻟﺒﻴﺖ ﻭﺍﺷﺘﻐﻞ ﺍﻟﺮﻣﻲ ﻭﺍﻟﻬﻼﻫﻞ
ﻛﻤﺰﺕ ﻣﻦ ﻣﻜﺎﻧﻲ ﻭﻟﺰﻣﺖ ﺍﻳﺪﺓ ﺣﻴﻞ ﺍﺭﻳﺪ ﺍﺣﺲ ﺑﺎﻣﺎﻥ
ﺭﻓﻌﺖ ﺭﺍﺳﻲ ﺣﺘﻰ ﺍﺷﻮﻑ ﻃﺮﻳﻘﻲ
ﺍﻧﺘﺒﻬﺖ ﻋﻠﻴﻪ ﻗﺮﺏ ﺭﺍﺳﻪ ﻭﻫﻤﺲ ﺑﺎﺫﻧﻲ
ﻧﺰﻟﻲ ﺭﺍﺳﺞ ﻻ ﻳﺸﻮﻓﻮﺝ ﺍﻟﺰﻟﻢ
ﻳﻤﻤﻤﻤﻤﻤﻤﻤﻤﻤﻤﻤﺔ ﺻﻮﺗﺔ ﻳﻤﺔ ﻳﺎﺻﻮﺗﺔ
ﺍﺷﻜﺪ ﻣﺸﺘﺎﻗﺔ ﺍﺳﻤﻊ ﺻﻮﺗﺔ
ﻫﻲ ﻛﺎﻧﺖ ﻣﺠﺮﺩ ﻫﻤﺴﺔ ﺑﺎﻧﻔﺎﺳﻪ ﺍﻟﺤﺎﺭ ﻣﺮﺕ ﻋﻠﻰ ﺭﻛﺒﺘﻲ
ﺻﺮﺕ ﺍﺯﻫﺮ ﻣﺜﻞ ﺍﻟﻮﺭﺩﺓ ﺍﻟﻲ ﻳﺰﻛﻮﻧﻬﺎ ( ﻳﺴﻘﻮﻧﻬﺎ )
ﺑﻤﻲ
ﻓﺘﺢ ﺑﺎﺏ ﺍﻟﺴﻴﺎﺭﺓ ﻭﺳﺎﻋﺪﻧﻲ ﻫﻮ ﻭﺍﻣﻲ ﺣﺘﻰ ﺍﺻﻌﺪ
ﺻﻌﺪﺕ ﻭﺑﺎﻭﻋﺖ ﺟﺎﻥ ﺍﻟﺸﺎﺭﻉ ﻣﺘﺮﻭﺱ ﺟﻬﺎﻝ ﻭﺯﻟﻢ
ﻭﺷﻔﺖ ﺍﺑﻨﻲ ﺣﺴﻦ ﻻﺑﺲ ﻗﺎﻁ ﻓﺪﻭﺓ ﻟﻄﻮﻟﺔ ﻭﻭﺍﻛﻒ ﻳﻢ ﻧﺎﺻﺮ ﻻﺑﺲ ﺩﺷﺪﺍﺷﺔ ﺑﻴﻀﺔ
ﻭﺣﺎﺭﺙ ﻫﻢ ﻻﺑﺲ ﻗﺎﻁ
ﺳﻤﻌﺖ ﺑﺎﺏ ﺍﻟﺴﻴﺎﺭﺓ ﺍﻧﻔﺘﺢ ﻭﺭﻛﺐ ﺛﺎﺋﺮ
ﻭﻋﻠﻲ ﺍﺧﻮﻩ ﻛﺎﻥ ﻫﻮ ﺍﻟﻲ ﻳﺴﻮﻕ
ﺑﺎﺭﻛﻠﻲ ﻭﺷﻐﻞ ﺍﻟﺴﻴﺎﺭﺓ ﺳﻤﻌﺖ ﺍﺻﻮﺍﺕ ﺍﻟﺠﻬﺎﻝ ﺗﺮﻛﺾ
ﻭﺭﺓ ﺍﻟﺴﻴﺎﺭﺓ ﻋﺒﺎﻟﻚ ﺭﺍﺡ ﻳﺰﻓﻮﻧﺎ ﺑﻄﺮﻳﻘﺘﻬﻢ ﺍﻟﺨﺎﺻﺔ
ﻭﺍﺗﺤﺮﻛﺖ ﺍﻟﺴﻴﺎﺭﺕ ﻭﺍﺻﻮﺍﺕ ﺍﻟﻬﻮﺭﻧﺎﺕ ﻣﻠﺔ ﺍﻟﺸﺎﺭﻉ
ﺍﻧﺘﻬﺖ ﻋﻠﻰ ﻋﺪﻱ ﻛﻌﺪ ﻳﺮﻣﻲ
ﻋﻠﻲ : ﺍﻟﻒ ﻣﺒﺮﻭﻙ ﻳﺎﻟﻮﺣﺶ ﺷﺎﻳﻒ ﺧﻴﺮ ﻭﺗﺴﺘﺎﻫﻠﻬﺎ
ﻛﻤﺰ ﻛﻠﺒﻲ ﻣﻦ ﺳﻤﻌﺖ ﻛﻠﻤﺔ ﻭﺣﺶ
ﻣﺎ ﺍﻋﺮﻑ ﻟﻴﺶ ﻣﻦ ﻳﻮﻡ ﻋﺮﻓﺖ ﺛﺎﺋﺮ ﻫﻮ ﻧﻔﺴﺔ ﺍﻟﻮﺣﺶ
ﻭﺍﻧﻲ ﺻﺮﺕ ﺍﺑﺎﻭﻋﻠﻪ ﻛﺸﺨﺺ ﻏﺮﻳﺐ ﻋﻠﻴﺔ
ﻻﻥ ﻛﻨﺖ ﺍﺟﻬﻞ ﺍﻥ ﺛﺎﺋﺮ ﻫﻮ ﻧﻔﺴﺔ ﺍﻟﻮﺣﺶ ﺍﻟﻲ ﻳﺨﺎﻓﻮﻥ ﻣﻨﺔ ﺍﻟﺠﻤﻴﻊ
ﻛﻨﺖ ﺍﺟﻬﻞ ﻫﺬﺍ ﺍﻟﺠﺎﻧﺐ ﻣﻦ ﺛﺎﺋﺮ
ﻃﻮﻝ ﻫﺎﻱ ﻣﻌﺮﻓﺘﻲ ﺑﻲ ﻛﻨﺖ ﺍﺷﻮﻑ ﻓﻘﻂ ﺍﻟﺠﺎﻧﺐ ﺍﻟﻤﺘﺤﻀﺮ ﻣﻦ ﺛﺎﺋﺮ
ﺍﻣﺎ ﻫﺬﺍ ﺍﻟﺸﺨﺺ ﺍﻟﻜﺎﻋﺪ ﺑﺼﻔﻲ ﺷﺨﺺ ﻏﺮﻳﺐ ﻋﻠﻴﺔ ﻳﻨﺎﺩﻭﻧﺔ ﺍﻟﻮﺣﺶ
ﻋﻠﻰ ﺍﺳﺎﺱ ﺍﻧﻲ ﻧﺎﻗﺼﺔ ﻣﺨﺎﻭﻑ ﻭﻫﺬﺍ ﺍﻻﺳﻢ ﺯﺍﺩﻫﻢ ﻋﻠﻴﺔ
.......................
ﻓﻲ ﻟﺐ ﺍﺟﻮﺍﺀ ﺍﻟﻌﺮﺱ ﻛﺎﻥ ﻫﻨﺎﻙ ﺣﺒﻴﺐ
ﻻ ﻳﺰﺍﻝ ﻳﻌﺎﻧﻲ ﻣﻦ ﺭﺅﻳﺔ ﺑﻨﺖ ﻋﻤﺘﺔ ﺗﺒﺘﺴﻢ ﻟﻐﻴﺮﺓ
ﻋﺬﺍﺭ ﻋﺪﻱ
ﺷﻔﺘﻬﺎ ﺭﻛﺒﺖ ﺑﺴﻴﺎﺭﺓ ﺍﺧﻮﻫﺎ ﺣﺎﺭﺙ
ﻭﺍﺟﻴﺖ ﺍﺗﺨﺒﻞ ﻣﻦ ﺷﻔﺖ ﺻﺪﻳﻖ ﺣﺎﺭﺙ ﻛﺎﻋﺪ
ﺑﺼﻔﺔ
ﻣﺎ ﺷﻔﺖ ﻧﻔﺴﻲ ﺍﻻ ﺳﺎﺣﺐ ﺍﻟﻮﻟﺪ ﻭﻣﻄﻠﻌﺔ ﻣﻦ ﺍﻟﺴﻴﺎﺭﺓ ﻭﻛﺎﻋﺪ ﺑﻤﻜﺎﻧﺔ
ﺣﺎﺭﺙ : ﺧﻴﺮ ﺍﺑﻮ ﺍﻟﺸﺒﺎﺏ ﺟﺎ ﻭﻳﻦ ﻣﺼﻄﻔﻰ ﺭﺍﺡ
: ﻣﺼﻄﻔﻰ ﻧﺰﻟﺘﺔ ﻣﻦ ﺍﻟﺴﻴﺎﺭﺓ ﻭﻛﻠﺖ ﺍﺭﻛﺐ ﻭﻳﺎﻙ ﻻﻥ
ﺳﻴﺎﺭﺗﻲ ﺍﻧﻄﻴﺘﻬﺎ ﻻﺧﻮﻱ ﺭﺍﻓﺪ
ﺷﻔﺘﻬﺎ ﻭﺭﻑ ﻛﻠﺒﻲ ﻟﻬﻮﺍﻫﺎ ﻭﺍﺗﻤﻨﻴﺖ ﺗﺤﻦ ﻋﻠﻴﻪ
ﺑﻨﻈﺮﺓ ﻣﻨﻬﺎ
.....................
ﻭﺻﻠﻨﺎ ﻟﺒﻴﺖ ﺟﺪﻫﻢ ﺑﻌﺪﻣﺎ ﺍﺧﺬﻭﻧﺎ ﻓﺮﺓ
ﻣﺎ ﺍﻋﺮﻑ ﻟﻴﺶ ﻫﺎﻱ ﺍﻟﻔﺮﺓ ﺑﺎﻟﺴﻴﺎﺭﺍﺕ
ﺑﺲ ﻳﺘﻬﻴﺄ ﻟﻲ ﺍﻥ ﻫﺬﺍ ﻧﻮﻉ ﻣﻦ ﺍﻧﻮﺍﻉ
ﺍﻟﺘﻔﺎﺧﺮ ﺑﻴﻦ ﺍﻟﻌﺸﺎﻳﺮ
ﻳﺴﻤﻮﻧﺔ ﺍﻻﺷﻬﺎﺭ ﺑﺎﻟﺰﻭﺍﺝ
ﻭﺍﻭﻝ ﻣﺎ ﻭﺻﻠﻨﺎ ﻟﺒﻴﺖ ﺍﻟﺸﻴﺦ
ﺫﺑﺤﻮ ﻳﻢ ﺭﺟﻠﻲ ﺫﺑﻴﺤﺔ
ﻭﺍﻭﻝ ﻣﺎ ﺷﻔﺖ ﺍﻟﺪﻡ
ﮔﺒﻞ ﺍﻏﻤﻰ ﻋﻠﻴﻪ ﻭﻣﺎ ﺣﺴﻴﺖ ﺑﻌﺪﻫﺎ ﺑﺄﻱ ﺷﻲ
ﺷﻔﺘﻬﺎ ﺍﻏﻤﻲ ﻋﻠﻴﻬﺎ
ﺷﻠﺘﻬﺎ ﻫﻲ ﻭﺑﺪﻟﺘﻬﺎ ﺍﻟﻬﻮﺳﺔ
ﻭﺍﻧﺨﺒﺼﻮ ﺍﻟﻜﻞ ﻭﺻﺮﺕ ﺍﺻﻴﺢ ﺳﻮﻭ ﻣﺠﺎﻝ
ﺍﺭﻳﺪ ﺍﻓﻮﺕ ﻭﺻﻌﺪﺗﻬﺎ ﻓﻮﻙ ﻟﺤﺠﺮﺗﻲ
ﺟﺎﻥ ﻛﻠﺒﻲ ﻳﺮﻋﺪ ﺭﻋﺪ ﻣﻦ ﺣﺴﻴﺖ ﺑﻴﻬﺎ ﺻﺎﺭﺕ ﺑﻴﻦ ﺍﻳﺪﻳﺔ
ﺣﺴﻴﺖ ﻋﻠﻰ ﺿﺮﺑﺎﺕ ﺧﻔﻴﻔﺔ ﻋﻠﻰ ﺧﺪﻱ
ﻓﺘﺤﺖ ﻋﻴﻮﻧﻲ ﻋﻠﻰ ﻛﻴﻒ ﻭﺍﻧﻲ ﺍﺣﺲ ﺑﺪﻭﺧﺔ
ﺭﻛﺰﺕ ﺷﻮﻳﺔ
ﺑﺎﻭﻋﺖ ﺷﻔﺖ ﻭﺟﻪ ﺛﺎﺋﺮ ﺍﻟﺨﺎﻳﻒ ﻳﺮﻳﺪ ﻳﻄﻤﻦ ﻋﻠﻴﺔ
ﺍﻱ ﻫﻮ ﻫﺬﺍ ﺛﺎﺋﺮ
ﻟﻜﻦ ﺳﺮﻋﺎﻥ ﻣﺎ ﺍﺗﺤﻮﻝ ﺍﻟﻰ ﻭﺣﺶ ﻣﻦ ﺷﺎﻓﻨﻲ
ﺍﺳﺘﺮﺩﻳﺖ ﺍﻟﻮﻋﻲ ﻭﺷﻔﺖ ﺍﻣﻲ ﻣﺪﺗﻠﻲ ﻛﻼﺹ
ﻋﺼﻴﺮ
: ﻟﺰﻣﻲ ﻣﺎﻣﺎ ﺳﻬﺎﻭﻱ ﺷﺮﺑﻴﻠﺞ ﺷﻮﻳﺔ
ﺑﻠﻠﻲ ﺣﻠﻜﺞ ﺑﻲ
ﺷﻔﺘﺔ ﻧﻬﺾ ﻣﻦ ﻳﻤﻲ
: ﺍﻧﺎ ﺍﺗﺮﺧﺺ ﺭﺍﻳﺢ ﻳﻢ ﺍﻟﺰﻟﻢ
ﺑﺪﻳﺖ ﺍﺳﺘﻮﻋﺐ ﻣﻜﺎﻧﻲ ﻭﺷﻔﺖ ﻧﻔﺴﻲ ﻧﺎﻳﻤﺔ ﺑﻮﺳﻂ
ﺳﺮﻳﺮ ﻋﻠﻴﻪ ﻓﺮﺷﺔ ﻣﻠﻜﻴﺔ ﻟﻮﻧﻬﺎ ﺍﺑﻴﺾ
ﻣﺎﻝ ﻋﺮﺳﺎﻥ ﺑﺲ ﻛﻠﺶ ﺣﻠﻮﺓ
ﻭﻛﺎﻥ ﻋﻄﺮ ﺍﻟﻐﺮﻓﺔ ﻛﻠﺔ ﺑﺨﻮﺭ ﻋﺮﺑﻴﺔ
ﺻﺮﺕ ﺍﺑﺎﻭﻉ ﻟﻜﻞ ﺗﻔﺼﻴﻞ ﺑﺎﻟﻐﺮﻓﺔ
ﻭﺍﺗﻤﻬﻦ ﺍﻧﺘﺒﻬﺖ ﻋﻠﻰ ﺑﺶ ﻣﻌﻠﻚ ﻋﻠﻰ ﺯﺍﻭﻳﺔ ﺍﻟﻐﺮﻓﺔ
ﻭﺑﺼﻔﻬﺎ ﺭﻭﺏ ﻧﻮﻡ ﺍﺑﻴﺾ ﺧﺎﺹ ﺑﻴﺔ
ﺣﺴﻴﺖ ﺑﺨﺪﻭﺩﻱ ﺻﺎﺭﻥ ﺣﻤﺮ
ﻣﻦ ﻛﺪ ﻣﺎ ﺟﻨﺖ ﻣﺸﻐﻮﻟﺔ ﺑﺎﻟﺘﻔﻜﻴﺮ ﺑﺜﺎﺋﺮ
ﻧﺴﺎﻧﻲ ﺣﺘﻰ ﺷﻠﻮﻥ ﺍﺳﺘﻌﺪ ﻟﻬﺎﻱ ﺍﻟﻠﻴﻠﺔ
ﺑﻌﺪ ﻣﺮﻭﺭ ﺳﺎﻋﺎﺕ
ﻻﺗﺨﻠﻮ ﻣﻦ ﺍﻟﺨﺒﺼﺔ ﻭﺍﻟﻬﻮﺳﺔ ﻧﺎﺱ ﺩﺍﺧﻠﺔ ﻭﻧﺎﺱ ﻃﺎﻟﻌﺔ
ﻭﺍﻟﺠﺪﺓ ﺧﻄﻴﺔ ﺩﺧﻠﺘﻠﻲ
ﻭﻛﺎﻟﺖ ﻳﻤﺔ ﻏﻴﺮﻱ ﻫﺪﻣﻮﺝ ( ﺍﺑﺪﻝ ﻣﻼﺑﺴﻲ )
ﺩﺧﻠﺖ ﻭﻳﺎﻱ ﺍﻣﻲ ﻭﺳﺎﻋﺪﺗﻨﻲ
ﻣﺎ ﺍﻋﺮﻑ ﺷﻨﻮ ﻛﺎﻥ ﻗﺼﺪﻫﻢ
ﻟﺒﺴﺖ ﺍﻟﺴﻴﺖ ﺍﻻﺑﻴﺾ ﺭﻏﻢ ﺍﻧﻲ ﻣﻮ ﺑﻨﻴﺔ ( ﻋﺬﺭﺍﺀ )
ﺑﺲ ﺍﻣﻲ ﺍﺻﺮﺕ ﻫﻲ ﻭﺍﻟﺠﺪﺓ ﺍﻻ ﺍﻟﺒﺲ ﺍﺑﻴﺾ
ﺗﻜﻮﻝ ﻓﺎﻝ ﺧﻴﺮ
ﻃﻠﻌﺖ ﻭﺻﺎﺭﺕ ﺍﻟﺠﺪﺓ ﺗﻬﻠﻲ ﻭﺗﺼﻠﻲ ﻭﺗﻘﺮﺓ ﺍﻳﺎﺕ
ﺑﻌﺪﻳﻦ ﺷﻔﺘﻬﻢ
ﺟﺎﺑﻮ ﻃﺸﺖ ﻣﺎﻱ ﻭﺭﺩ ﻭﻭﺭﻕ ﻳﺎﺱ
: ﺳﻬﻮﺓ ﺟﺪﺓ ﺣﻄﻲ ﺭﺟﻠﺞ ﺑﻬﺬ ﺍﻟﻤﺎﻱ
ﻭﺑﻌﺪ ﺳﻮﺗﻠﻲ ﻃﻘﻮﺱ ﻏﺮﻳﺒﺔ ﻋﺠﺒﺔ
ﺗﻜﻮﻝ ﺍﻧﻬﺎ ﻟﻬﺎ ﺍﻟﺪﻭﺭ ﺑﻨﺠﺎﺡ ﺍﻟﺤﻴﺎﺓ ﺍﻟﺰﻭﺟﻴﺔ
ﺑﻴﻦ ﺍﻟﺰﻭﺟﻴﻦ
ﻛﻨﺖ ﺍﻧﻔﺬ ﻛﻠﺸﻲ ﺗﻄﻠﺒﺔ ﻣﻨﻲ
ﺍﺣﺘﺮﺍﻣﺎً ﺍﻟﻬﺎ ﻟﻜﻦ ﺑﻐﻴﺮ ﺍﻗﺘﻨﺎﻉ
ﻣﻦ ﺧﻠﺼﺖ ﺻﺎﺣﺖ ﻟﻌﺬﺭﺍﺀ
ﻭﺍﻧﻄﺘﻬﺎ ﺍﻟﻄﺖ ﻭﻛﺎﻟﺖ
: ﺷﻤﺮﻱ ﺍﻟﻤﺎﻱ ﺑﺎﻟﺴﻄﺢ
ﺩﺧﻠﺖ ﺭﻭﺍﺀ ﺑﺼﻴﻨﻴﺔ ﺍﻟﻌﺸﺎﺀ ﻭﻛﺎﻧﺖ ﻣﻐﻄﻴﻬﺎ ﺑﻘﻤﺎﺵ ﺍﺑﻴﺾ
ﻭﺍﻧﻔﺘﺢ ﺍﻟﺒﺎﺏ ﻭﺳﻤﻌﺖ ﺻﻮﺕ ﺧﺸﻦ
ﻳﻤﺔ ﺛﺎﺋﺮ ﻧﺰﻝ ﻋﻠﻰ ﺭﺍﺱ ﻭﺍﻳﺪ ﺑﻴﺒﺘﺔ ﻭﺑﺎﺳﻬﺎ
ﻭﻧﻮﺏ ﺍﺗﺮﺧﺼﺖ ﻣﻨﻲ ﺍﻧﻲ ﻭﻳﺎﻩ ﻭﻃﻠﻌﺖ ﻫﻲ ﻭﺍﻣﻲ
...............
ﻭﺗﺮﻛﻮﻧﻲ ﻟﻮﺣﺪﻱ ﻳﻢ ﺍﻟﻮﺣﺶ
ﺣﺴﻴﺖ ﺑﺮﻭﺣﻲ ﺭﺟﻌﺖ ﻃﻔﻠﺔ ﺻﻐﻴﺮﺓ
ﺍﻭﻝ ﻳﻮﻡ ﺍﻟﻬﺔ ﺑﺎﻟﻤﺪﺭﺳﺔ ﻭﺗﺒﺠﻲ ﺗﺮﻳﺪ
ﺍﻣﻬﺎ
ﺍﻱ ﺍﻧﻲ ﺑﻬﺎﻱ ﺍﻟﻠﺤﻈﺔ ﺍﺭﻳﺪ ﺍﻣﻲ
ﻭﻟﻮﻣﺎ ﻋﻴﺐ ﺟﺎﻥ ﻛﻌﺪﺕ ﺑﺎﻟﻜﺎﻉ ﺍﺻﻴﺢ ﺍﺭﻳﺪ ﺍﻣﻲ
ﻻﻥ ﺷﻌﻮﺭ ﺍﻭﻝ ﻣﺮﺓ ﺑﺤﻴﺎﺗﻲ ﺍﺣﺲ ﺑﻬﺬﺍ ﺍﻻﺣﺮﺍﺝ
ﺍﻻﺭﺗﺒﺎﻙ ﻣﻦ ﺍﻟﻤﻮﻗﻒ ﻭﺍﻟﻠﻪ ﻳﺤﻔﻈﺔ ﺛﺎﺋﺮ ﻣﺪﺭﻱ
ﺍﻟﻮﺣﺶ ﻣﺎ ﺟﺎﻱ ﻳﺴﻬﻞ ﻋﻠﻴﺔ ﺍﻻﻣﻮﺭ
ﺭﻓﻌﺖ ﺭﺍﺳﻲ ﺍﺭﻳﺪ ﺍﻭﻑ ﺷﻨﻮ ﺟﺎﻱ ﻳﺴﻮﻱ
ﺍﻧﺼﺪﻣﺖ ﺷﻔﺘﺔ
ﻭﺍﻛﻒ ﺑﻤﻜﺎﻧﺔ ﻳﻢ ﺍﻟﺒﺎﺏ
ﻣﺼﺪﻭﻡ ﻭﻳﺒﺎﻭﻉ ﻋﻠﻴﻪ ﻭﻛﺎﻧﺖ ﻋﻴﻮﻧﺔ ﺗﺮﻳﺪ ﺗﺎﻛﻠﻨﻲ ﺑﻨﻈﺮﺍﺗﺔ
ﺍﻱ ﻫﺎﻱ ﺍﻟﻨﻈﺮﺍﺕ ﻧﻔﺴﻬﻢ ﻧﻈﺮﺍﺗﺔ
ﺍﻟﻲ ﻛﺎﻧﺖ ﺗﺮﺍﻗﺒﻨﻲ ﻣﻦ ﺟﻨﺖ ﺑﺎﻟﻜﻠﻴﺔ ﻭﺧﻠﺘﻨﻲ ﺍﺗﻌﻠﻖ ﺑﻲ
ﺍﻧﺘﺒﻬﺖ ﻋﻠﻴﻪ ﻫﺰ ﺭﺍﺳﺔ ﻣﺜﻞ ﺍﻟﻲ ﻳﺼﺤﻲ ﻧﻔﺴﺔ
ﺣﺘﻰ ﻳﻮﻋﻰ
ﺍﺑﺎﻭﻉ ﻋﻠﻴﻪ ﺑﻄﺮﻑ ﻋﻴﻨﻲ ﻧﺰﻉ ﻋﻜﺎﻟﻪ
ﻭﺍﻟﺠﻔﻴﺔ ﻭﻋﻠﻜﻬﻢ
ﻭﻓﺘﺢ ﻛﻢ ﺩﻛﻤﺔ
ﺟﻨﺖ ﻛﺎﻋﺪﺓ ﻋﻠﻰ ﻃﺮﻑ ﺍﻟﺴﺮﻳﺮ ﻭﻣﺪﻧﻜﺔ ﺭﺍﺳﻲ
ﻭﺍﻳﺪﻱ ﻣﺘﺸﺎﺑﻜﺔ ﻣﻊ ﺑﻌﺾ
ﺣﺴﻴﺖ ﺑﻲ ﺍﻗﺘﺮﺏ ﻣﻨﻲ
ﻭﻇﻞ ﻭﺍﻛﻒ
ﺭﻓﻌﺖ ﺭﺍﺳﻲ ﺍﺭﻳﺪ ﺍﻋﺮﻑ ﺷﻨﻮ ﺩﻳﺴﻮﻱ
ﺑﺎﻭﻋﺘﻠﺔ ﻛﻌﺪ ﻳﺨﺮﺑﻂ ﺑﺸﻌﺮﻩ
ﻭﺧﺮﺑﻂ ﺍﻟﺪﺷﺪﺍﺷﺔ ﻭﺣﻄﻬﺎ ﺍﻟﻔﺘﺤﺔ ﺻﻔﺢ
ﺟﻨﺖ ﺍﺭﺍﻗﺐ ﺣﺮﻛﺎﺗﻪ
ﻣﺴﺘﻐﺮﺑﺔ ﺷﻨﻮ ﺩﻳﺴﻮﻱ
ﺍﻗﺘﺮﺏ ﻣﻨﻲ ﻭﻫﻤﺴﻠﻲ
ﺷﻮﻓﻲ ﻳﺴﻬﻮﺓ ﻛﻞ ﺍﻟﻲ ﺭﺍﺡ ﺍﺳﻮﻱ
ﻣﻮ ﻟﺨﺎﻃﺮﺝ ﻻ
ﻭﺍﻧﻤﺎ ﺣﺘﻰ ﺍﺛﺒﺖ ﻟﻠﻜﻞ ﺍﻧﺎ ﺍﻣﺘﻠﻜﺘﺞ
ﻣﺴﺢ ﺑﻄﺮﻑ ﺻﺒﻌﺔ ﺷﻔﺘﻲ ﻭﻋﺼﺮﻫﺎ
ﻭﻧﺰﻋﻨﻲ ﺍﻟﺮﻭﺏ ﻭﻣﻴﻞ ﺍﻟﺸﺮﻳﻂ ﻋﻦ ﻛﺘﻔﻲ
ﻭﺧﺮﺑﻂ ﺷﻌﺮﻱ ﻭﻣﺴﺢ ﻋﻴﻨﻲ ﻣﻦ ﺍﻟﻄﺮﻑ
ﺭﺍﺡ ﺍﺗﺨﺒﻞ ﻫﺬﺍ ﺷﺪﻳﺴﻮﻱ ﻭﻳﺎﻱ
ﺑﺎﻭﻋﺖ ﻋﻠﻴﻪ ﺷﻠﻮﻥ ﺣﻂ
ﺻﺒﻌﺔ ﺍﻟﻲ ﺻﺎﺭ ﺑﻲ ﺍﺛﺮ ﺍﻟﺤﻤﺮﺓ
ﻭﻣﺴﺢ ﺑﻲ ﺭﻛﺒﺘﺔ
ﻧﻬﻀﺖ ﻣﺼﺪﻭﻣﺔ ﻣﻦ ﺣﺮﻛﺘﺔ
ﺗﺮﻛﻨﻲ ﻭﻃﻠﻊ ﻳﺘﺒﺎﻫﺔ ﺍﻣﺎﻡ ﺍﻫﻠﺔ ﻭﺍﻟﺮﺑﻊ
ﺑﺄﻣﺘﻼﻛﻲ ﻭﺻﺮﺕ ﻣﻦ ﺣﻼﻟﻪ
ﻋﺮﻓﺖ ﺷﻨﻮ ﻛﺎﻥ ﻳﻘﺼﺪ ﺑﻜﻞ ﻫﺎﻱ ﺍﻟﺤﺮﻛﺎﺕ
ﺣﺘﻰ ﺗﺒﻴﻦ ﻋﻠﻴﻪ ﻣﻌﺎﻟﻢ ﺍﻟﻌﺮﻳﺲ
ﺣﺘﻰ ﻛﻞ ﻭﺍﺣﺪ ﻳﺸﻮﻓﺔ ﻣﻦ ﺍﻻﻫﻞ ﺭﺍﺡ ﻳﻌﺮﻑ
ﺍﻧﻪ ﻗﻀﺔ ﻫﺎﻱ ﺍﻟﻠﺤﻀﺎﺕ ﺍﻟﺤﺎﻣﻴﺔ ﺑﺤﻀﻦ ﺯﻭﺟﺘﺔ
ﻭﺍﻣﺘﻠﻜﻬﺎ
ﻭﻣﻦ ﻫﺎﻱ ﺍﻟﻠﺤﻈﺔ ﻋﺮﻓﺖ
ﺍﻥ ﻫﺬﺍ ﺷﻲ ﺳﻲﺀ ﻭﺍﻟﻘﺎﺩﻡ ﺍﺳﻮﺀ
ﻛﻌﺪﺕ ﻋﺎﻟﺴﺮﻳﺮ ﻭﺍﻧﻲ ﻣﺜﻞ ﺍﻟﻤﺒﻨﺠﺔ ﻣﺎﺑﻴﻦ
ﻧﺪﻡ ﻭﺣﻴﺮﺓ
ﻓﻬﻤﺖ ﺭﺳﺎﻟﺔ ﺛﺎﺋﺮ ﻭﺍﻟﻠﻪ ﻳﻌﻠﻢ ﺷﻨﻮ ﺭﺍﺡ ﺍﺷﻮﻑ ﻋﻠﻰ ﺍﻳﺪ
ﺛﺎﺋﺮ ﻭﺍﻟﻮﺣﺶ
ﻭﻫﻨﺎ ﺗﺒﺪﺍ ﺣﻴﺎﺓ ﺟﺪﻳﺪﺓ ﻣﻊ ﺳﻬﻰ ﻭﺛﺎﺋﺮ
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء