رواية ثمار العار بالحلال ج2 الجزء السادس عشر
......
ﻋﺬﺭﺍﺀ : ﻭﻟﺞ ﺳﻬﻰ ﺻﺒﺮﻱ ﻫﺴﺔ ﻫﻲ ﻏﻴﺮ
ﺗﻔﻬﻤﻨﻲ ﺷﻨﻮ ﺍﻟﺴﺎﻟﻔﺔ
ﻋﻔﺘﻬﺎ ﺗﺤﺠﻲ ﻭﺍﻧﻲ ﻋﻘﻠﻲ ﻗﻔﻞ
ﺭﺣﺖ ﻭﻓﺘﺤﺖ ﺍﻟﺒﺎﺏ ﻭﺩﺧﻠﻨﺎ ﻋﻠﻰ ﺑﻴﺖ ﺟﺪﻫﻢ
ﺩﺧﻠﺖ ﻋﻠﻴﻬﻢ ﺷﻔﺖ ﺛﺎﺋﺮ ﻭﺟﺪﺓ ﻭﺭﻭﺍﺀ ﺍﺟﺘﻲ ﻭﺭﺍﻧﺎ
ﻭﺍﺗﻘﺪﻣﺖ ﻣﻦ ﻋﻨﺪﺓ
ﻭﺍﻧﺘﺒﻬﺖ ﻋﻠﻰ ﺯﻭﺟﺘﺔ ﻓﺎﻃﻤﺔ
ﻛﺎﻋﺪﺓ ﺗﺪﺭﺱ ﻭﻳﺔ ﺳﺮﻯ
ﺛﺎﺋﺮ ﻧﻬﺾ ﻣﻦ ﻣﻜﺎﻧﻪ ﻣﺘﻔﺎﺟﻲﺀ
: ﺳﻬﻮﺓ !!!!
: ﺷﻮﻑ ﺛﺎﺋﺮ ﻫﺎﻱ ﻛﺪﺍﻡ ﺟﺪﻙ ﻫﺎﻱ ﺍﺧﺮ ﻣﺮﺓ ﺍﻛﻠﻚ
ﺍﺑﻌﺪ ﻋﻦ ﺣﻴﺎﺗﻲ ﻭﺟﻮﺯ ﻣﻨﻲ
ﺗﺮﺓ ﻭﺍﻟﻠﻪ ﻣﺼﺨﺘﻬﺎ
ﺍﻟﺘﻔﺘﺖ ﻟﺠﺪﺓ
ﺷﻴﺨﻨﺎ ﺗﻘﺒﻠﻬﺎ ﻛﻠﻤﺎ ﺗﺠﻴﻨﻲ ﻗﺴﻤﺔ
ﻳﻜﻮﻡ ﺛﺎﺋﺮ ﻳﻌﺮﻗﻠﻬﺎ ﺑﻮﺟﻬﻲ ﻭﻳﺸﺮﺩ ﺍﻟﺨﻄﺎﺑﺔ ﻣﻦ ﺍﻟﺒﺎﺏ
ﻟﻴﺶ ﻫﻴﺞ ﻳﻜﺴﺮ ﺑﺨﺘﻲ
ﺍﻟﺘﻔﺘﺖ ﻋﻠﻴﻪ
ﺗﺮﺓ ﻻ ﺍﻧﻲ ﺑﻨﺖ ﻋﻤﻚ ﻭﻻ ﺍﻋﺮﻓﻚ ﻭﻻ ﺗﻌﺮﻓﻨﻲ
ﺗﺮﺓ ﺍﻧﺖ ﻣﺎ ﺗﻤﻠﻚ ﺍﻱ ﺣﻖ ﻋﻠﻴﺔ
ﺣﺘﻰ ﺗﺴﻮﻱ ﻫﻴﺞ ﻭﻳﺎﻱ
: ﻟﻮﺗﻤﻮﺗﻴﻦ ﻭﻣﺎﺟﻮﺯ ﻣﻨﺞ
ﺍﻧﺘﺒﻬﺖ ﻋﻠﻰ ﻋﺬﺭﺍﺀ ﺣﻄﺖ ﺍﻳﺪﻫﺎ ﻋﻠﻰ ﺣﻠﻜﻬﺎ ﻣﺘﻔﺎﺟﺌﺔ
ﺑﻜﻼﻡ ﺛﺎﺋﺮ
: ﻣﻮ ﺑﻜﻴﻔﻚ
ﻭﻟﻮ ﺗﺒﻘﻰ ﺍﻧﺖ ﺍﺧﺮ ﺷﺨﺺ ﻋﺎﻻﺭﺽ ﻣﺎ ﺭﺍﺡ ﺍﺗﺰﻭﺟﻚ
ﻭﺍﻥ ﻛﺎﻥ ﻗﺒﻞ ﻋﻨﺪﻱ ﺍﻗﺘﻨﺎﻉ ﺑﻴﻚ ﻭﺍﺣﺪ ﺑﺎﻟﻤﻴﺔ
ﻫﺴﺔ ﻣﻦ ﺷﻔﺖ ﺯﻭﺟﺘﻚ
ﺻﺎﺭ ﻣﺴﺘﺤﻴﻞ ﺍﻗﺒﻞ ﺑﻴﻚ
ﺍﻓﻬﻤﻬﺎ ﻣﻦ ﺍﻻﺧﻴﺮ ﺍﻧﺎ ﻣﻮ ﺍﻟﻚ
ﺍﺳﺘﺴﻠﻢ ﻟﻼﻣﺮ ﺍﻟﻮﺍﻗﻊ ﻭﺍﺭﺿﻰ
ﺑﺎﻟﻘﺴﻤﺔ ﻭﺍﻟﻨﺼﻴﺐ
ﻇﻞ ﻳﺒﺎﻭﻉ ﺑﻮﺟﻬﻲ ﻣﺼﺪﻭﻡ ﻣﻦ ﻛﻼﻣﻲ
ﻭﻟﻢ ﻗﺒﻀﺔ ﺍﻳﺪﺓ ﻭﺷﻔﺖ ﻭﺟﻬﺎ ﺻﺎﺭ ﺍﺣﻤﺮ ﻣﻦ ﺍﻟﻐﻀﺐ ﻭﻋﺾ ﺷﻔﺘﺔ ﻭﻛﻮﺓ ﻻﺯﻡ ﺭﻭﺣﺔ ﻛﺪﺍﻡً
ﺟﺪﻩ ﻣﺎ ﻳﺴﻮﻱ ﺷﻲ
ﺛﺎﺋﺮ : ﺷﻮﻓﻲ ﻳﺴﻬﻮﺓ ﺍﻧﺎ ﺟﻨﺖ ﻣﺘﻤﺴﻚ ﺑﻴﺞ ﻟﺤﺪ ﺍﺧﺮ ﻟﺤﻀﺔ ﻻﺟﻞ ﺍﻟﻮﻋﺪ ﻭﺭﺩﺗﺞ ﺗﺼﻴﺮﻳﻦ ﺣﻼﻟﻲ ﻟﻜﻦ ﺑﻌﺪﻣﺎ ﺳﻤﻌﺖ ﻫﺬﺍ ﺍﻟﻜﻼﻡ ﻣﻨﺞ
ﺍﺣﺐ ﺍﻛﻠﺞ ﺭﻭﺣﻲ ﻳﺒﻨﺖ ﺍﻟﻨﺎﺱ
ﺍﻟﻨﻔﺲ ﻃﺎﺑﺖ ﻣﻨﺞ ﻭﺍﺧﺬﻳﻬﺎ ﻣﻨﻲ ﻛﻠﻤﺔ
ﺑﻌﺪ ﻣﺎ ﺭﺍﺡ ﺍﺗﻌﺮﺿﻠﺞ
ﻭﻟﻮ ﺗﺒﻘﻴﻦ ﺑﺲ ﺍﻧﺘﻲ ﻣﺮﻳﺔ ﻋﻠﻰ ﻭﺟﻪ ﺍﻻﺭﺽ ﻣﺎ ﺍﺗﺰﻭﺟﺞ
ﻛﻠﺸﻲ ﺍﺭﺿﺎﻩ ﻣﻨﺞ ﺍﻻ ﺍﻟﺬﻝ ﻭﺍﻟﻬﻮﺍﻥ
ﻫﺬﺍ ﺍﻟﻲ ﺻﻌﺒﺔ ﺍﻗﺒﻠﻬﺎ ﻋﻠﻰ ﻧﻔﺴﻲ
ﻛﺮﺍﻣﺘﻲ ﻓﻮﻕ ﻛﻠﺸﻲ
ﺷﻔﺘﺔ ﻛﺎﻡ ﺑﻐﻀﺐ ﻣﻦ ﻭﻃﻠﻊ ﻣﻦ ﻳﻤﻨﺎ
ﺍﻟﺠﺪ : ﻫﺬﺍ ﻫﻮ ﺑﻨﻴﺘﻲ ﺍﻟﺞ ﺍﻟﺘﺮﺩﻳﻨﺔ
ﺑﺲ ﺍﻧﺘﻲ ﻣﺎ ﺗﻤﻨﻌﻴﻨﺎ ﻣﻦ ﺍﻟﻤﺤﺎﻭﻟﺔ
ﻋﻘﺪﺕ ﺣﺎﺟﺒﻲ ﺑﺘﺴﺎﺋﻞ ﺷﻨﻮ ﻳﻘﺼﺪ
ﺍﻟﺘﻔﺖ ﻟﻌﺬﺭﺍﺀ : ﻋﺬﻳﺮ ﺍﺧﺬﻱ ﺑﻨﺖ ﻋﻤﺞ ﻭﺭﺟﻌﻲ ﻟﺒﻴﺖ ﺍﺑﻮﺝ
ﻭﻛﻠﻲ ﻻﺑﻮﺝ ﺍﻟﺒﺎﺟﺮ ﺟﺪﻱ ﺍﻟﺸﻴﺦ ﺟﺎﻳﺐ
ﺷﻴﻮﺧﻬﻢ ﻭﺟﺎﻱ
ﻣﺎﺍﻓﺘﻬﻤﺖ ﺷﻨﻮ ﻳﺤﺠﻲ
ﻣﻌﻘﻮﻟﺔ ﺍﻧﻲ ﺍﺗﺠﺎﻭﺯﺕ ﺑﻜﻼﻣﻲ
ﻭﺭﺍﺡ ﻳﺸﺘﻜﻴﻨﻲ ﻟﻌﻤﻮ ﻗﺎﺳﻢ
ﺣﺴﻴﺖ ﻋﻠﻰ ﻋﺬﺭﺍﺀ ﺳﺤﺒﺘﻲ ﻣﻦ ﺍﻳﺪﻱ
ﻭﻃﻠﻌﺘﻨﻲ ﺑﺮﺓ
: ﻭﻟﺞ ﻣﻦ ﻋﺰﺓ ﺍﻟﻌﺰﺍﺝ ﺷﻠﻮﻥ ﺗﺘﺠﺮﺋﻴﻦ ﻭﺗﺤﺠﻴﻦ ﻭﻳﺔ ﺟﺪﻱ ﻫﻴﺞ
ﻣﺎﻛﻮ ﺣﺮﻣﺔ ﺗﻌﻠﻲ ﺻﻮﺗﻬﺎ ﻋﻠﻰ ﺍﻟﺸﻴﺦ ﻣﺰﺍﺣﻢ ﻭﺍﻧﺘﻲ ﺳﻮﻳﺘﻲ ﺷﻴﻦ ﺑﻬﺎﻱ ﺳﻮﺍﻳﺘﺞ
ﻣﺎ ﺍﻛﻮﻝ ﺍﺳﺘﻠﻤﻲ ﺍﻟﻲ ﺭﺍﺡ ﻳﺠﻴﺞ
: ﻭﺍﻟﻠﻪ ﺍﺑﺪ ﻣﺎ ﻣﺘﻨﺪﻣﺔ ﻋﻠﻰ ﺍﻟﺸﻲ ﺍﻟﻲ ﺳﻮﻳﺘﺔ ﻛﺎﻥ ﻻﺯﻡ ﺍﺣﻂ ﺣﺪ ﻣﻦ ﺯﻣﺎﻥ ﻟﺘﺪﺧﻼﺕ ﺛﺎﺋﺮ ﺑﺤﻴﺎﺗﻲ
..................................................
ﺳﺠﻠﺖ ﻓﺎﻃﻤﺔ ﺑﻤﺪﺭﺳﺔ ﺳﺮﻯ ﺑﻨﺘﻲ ﻭﺧﻠﻴﺘﻬﺎ ﺗﻜﻤﻞ ﺩﺭﺍﺳﺔ
ﺷﻔﺘﻬﺎ ﺻﺎﺭﺕ ﻣﺜﻞ ﺍﻟﻌﺼﻔﻮﺭ ﺍﻟﻲ ﺟﺎﻥ ﻣﻜﺴﻮﺭ ﺍﻟﺠﻨﺎﺡ
ﻭﻣﻦ ﻳﺒﺪﻱ ﻳﺸﻔﻰ ﺟﺮﺣﻪ ﻳﺒﺪﻱ
ﺷﻮﻳﺔ ﺷﻮﻳﺔ ﻳﻔﺮﺩ ﺟﻨﺎﺣﻪ ﺣﺘﻰ ﻳﻄﻴﺮ ﺣﻴﻴﻴﻞ ﺑﻴﻬﺎ ﺷﺒﻪ ﻣﻦ ﺑﻨﺘﻲ ﺑﺎﻟﺘﺼﺮﻓﺎﺕ
ﻳﻌﻨﻲ ﺷﻴﺼﻴﺮ ﻟﻮ ﺍﻟﻮﺍﺣﺪ ﻳﻨﻄﻲ ﺷﻮﻳﺔ ﺍﻣﻞ ﻭﻓﺮﺻﺔ
ﻟﻬﻴﺞ ﺍﻧﺴﺎﻥ ﺿﻌﻴﻒ
ﺍﻟﺸﻴﺦ ﻳﺒﺎﻭﻉ ﻋﻠﻴﻬﻦ : ﺛﺎﻳﺮ ﺻﺪﻙ ﻣﺎﻛﻠﺖ ﻭﻳﻦ ﻭﺻﻠﺖ ﺑﺴﺎﻟﻔﺔ ﺍﺑﻦ ﻋﻤﻬﺎ ﺑﻴﻮﻡ ﻃﻠﻌﺘﺔ ﻣﻦ ﺍﻟﺴﺠﻦ
........
: ﺷﻴﺨﻨﺎ ﻓﻀﻴﺖ ﺍﻟﺴﺎﻟﻔﺔ ﻭﻳﺎﻩ ﻭﺻﺎﺭﺕ ﻛﻠﻬﺎ ﻣﺴﺄﻟﺔ . ﻭﻗﺖ
: ﻛﻔﻮ ﻣﻨﻚ ﻳﺎﻟﺬﻳﺐ ﺗﺮﺑﺎﺗﻲ ﻭﺍﻋﺮﻓﻚ ﺯﻳﻦ
ﻣﺎ ﺗﺮﺿﻰ ﻋﺎﻟﻌﻮﺟﺔ
ﺍﺗﺬﻛﺮ ﻣﻦ ﺟﺎﺑﻮﻟﻲ ﺍﻟﻮﻟﺪ ﺍﻟﺸﺎﺏ ﺍﺑﻦ ﻋﻢ ﻓﺎﻃﻤﺔ ﻣﺠﺘﻔﻴﻨﺎ
ﻛﺴﺮ ﺧﺎﻃﺮﻱ ﻻﻥ ﻣﺤﺪ ﻳﺤﺲ ﺑﻨﺎﺭﻩ ﻏﻴﺮﻱ
ﻃﻠﺒﺖ ﻣﻨﻬﻢ ﺍﻥ ﻳﻄﻠﻌﻮﻥ ﻭﻳﺘﺮﻛﻮﻧﺎ ﻟﻮﺣﺪﻧﺎ
ﻭﺻﺮﺕ ﺍﺑﺎﻭﻉ ﻋﻠﻴﻪ ﻭﻫﻮ ﺑﻨﻔﺲ ﺍﻟﻮﻗﺖ
ﺑﺎﺩﻟﻨﻲ ﺍﻟﻨﻈﺮﺍﺕ ﻛﺎﻥ ﺟﺴﺮ
ﻭﻭﺍﺿﺢ ﻋﻠﻴﻪ ﻋﻨﻔﻮﺍﻥ ﺍﻟﺸﺒﺎﺏ
: ﺍﻧﺖ ﻭﻳﻦ ﺟﻨﺖ ﻋﻦ ﺑﻨﺖ ﻋﻤﻚ
ﻣﻦ ﺧﻄﺒﻨﺎﻫﺎ
: ﺟﻨﺖ ﻣﻨﺘﻈﺮﻫﺎ ﺗﻜﺒﺮ ﻭﺍﺗﺰﻭﺟﻬﺎ ﻟﻜﻦ ﺍﺑﻮﻙ
ﺣﺮﺝ ﻋﻤﻲ ﺑﺎﻟﺪﻳﻮﺍﻥ ﻭﺍﺳﺘﺤﻰ ﻳﺮﺩﺓ
ﻣﺜﻠﻤﺎ ﺗﻌﺮﻑ ﺍﻧﺘﻮ ﻧﺎﺱ ﺍﻟﻮﺍﺣﺪ ﻳﺘﻤﻨﻰ ﺑﺲ ﺑﻨﺎﺳﺒﻜﻢ
: ﺯﻳﻦ ﻟﻴﺶ ﺍﻧﺘﻈﺮﺕ ﻳﺼﻴﺮ ﺍﻟﻌﺮﺱ ﻳﺎﻟﻠﻪ
ﺍﻋﺘﺮﺿﺖ
: ﺟﻨﺖ ﻣﻠﺘﺤﻖ ﻃﻮﻝ ﻫﺎﻱ ﺍﻟﻤﺪﺓ
ﻭﻣﻦ ﻧﺰﻟﺖ ﺻﺎﺩﻑ ﻋﺮﺳﻬﺎ ﻭﺍﻧﻲ ﺍﺟﻴﺖ ﺍﺗﺨﺒﻞ
ﻫﻮ ﻳﺤﺠﻲ ﻭﺑﺪﺓ ﻳﺎﻛﻠﻨﻲ
ﺍﺣﻠﻔﻨﻚ ﺑﺎﻟﻠﻪ ﺧﻮﻣﺎ ﺍﻗﺘﺮﺑﺖ ﻣﻨﻬﺎ
: ﻭﺍﺫﺍ ﺟﻨﺖ ﻣﻘﺘﺮﺏ ﺷﺮﺍﺡ ﺗﺴﻮﻱ
: ﺍﻧﺎ ﺍﻋﺮﻑ ﻓﺎﻃﻤﺔ ﺑﻨﺖ ﻋﻤﻲ ﻣﻦ ﻫﻲ ﻭﺻﻐﻴﺮﺓ
ﺭﺑﺖ ﻛﺒﺎﻝ ﻋﻴﻨﻲ
ﻣﺎ ﺭﺍﺡ ﺗﻘﺒﻞ ﺑﻴﻚ ﺷﻮﻑ ﺣﺎﻟﻚ ﺍﻧﺖ ﺣﺘﻰ ﺍﻛﺒﺮ ﻣﻦ ﺍﺑﻮﻫﺎ
ﺳﻜﺘﺖ
: ﺯﻳﻦ ﺷﻨﻮ ﺣﻠﻬﺎ
: ﻃﻠﻜﻬﺎ ﻭﺍﻧﺎ ﺍﺗﺰﻭﺟﻬﺎ ﻣﺎ ﻳﻨﺮﺍﺩﻟﻬﺎ ﻛﻼﻡ
: ﺯﻳﻦ ﻭﻋﺸﻴﺮﺗﻚ ﻭﻋﺸﻴﺮﺗﻲ ﻭﺍﻟﻨﺎﺱ
ﻭﺍﻟﻤﺠﺘﻤﻊ ﺷﺮﺍﺡ ﺗﺠﺎﻭﺑﻬﻢ
: ﺍﻧﺎ ﻣﺎ ﻣﺴﻮﻱ ﺣﺮﺍﻡ ﺗﺮﺓ ﻻﻧﻲ ﺍﻭﻝ ﻭﺍﺣﺪ
ﻳﺘﺰﻭﺝ ﻣﺮﺓ ﻣﻄﻠﻜﺔ ﻭﻻ ﺍﺧﺮ ﻭﺍﺣﺪ
: ﻫَـﺎ ﻳﻌﻨﻲ ﺍﻧﺖ ﺗﺸﻮﻑ ﻫﻴﺞ
ﻋﺎﺩﻱ ﻋﻨﺪﻙ ﺗﻀﺮﺏ ﺑﺎﻟﻌﺎﺩﺍﺕ ﻭﺣﺠﻲ ﺍﻟﻨﺎﺱ ﺑﻌﺮﺽ ﺍﻟﺤﺎﻳﻂ ﻭﺗﺘﺰﻭﺟﻬﺎ
: ﻟﻴﺶ ﻫﻮ ﻣﻦ ﺷﻮﻛﺖ ﺍﻟﺴﺘﺮ ﺻﺎﻳﺮ ﺣﺮﺍﻡ
ﻭﺍﺫﺍ ﺟﺎﻥ ﻋﻦ ﻛﻼﻡ ﺍﻟﻨﺎﺱ ﻭﺩﺍﻋﺘﻚ ﻋﻤﻲ
ﺍﺭﺿﺎﺋﻬﻢ ﺍﺧﺮ ﻫﻤﻲ
ﻣﺎﻟﻲ ﻏﺮﺽ ﺑﻜﻼﻣﻬﻢ ﺷﻴﺮﺩﻭﻥ ﻳﺤﺠﻮﻥ ﺧﻞ ﻳﺤﺠﻮﻥ ﻫﻤﺔ ﺷﻮﻛﺖ ﺳﻜﺘﻮ ﺣﺘﻰ ﻳﺒﺪﻭﻥ ﻳﺤﺠﻮﻥ
ﺟﻨﺖ ﻣﺘﻌﻤﺪ ﺍﺳﺘﻔﺰﺓ ﺑﻜﻼﻣﻲ ﻭﺍﻻﺳﺌﻠﺔ
ﺭﺩﺕ ﺍﺟﺲ ﻣﺎﻳﻪ ﻣﻦ ﻧﺎﺣﻴﺔ ﺑﻨﺖ ﻋﻤﺔ ﺷﻨﻮ
ﻫﻮ ﺻﺪﻙ ﻳﺤﺒﻬﺎ ﻟﻮ ﻧﺰﻭﺓ ﻣﺮﺍﻫﻖ ﻭﺗﻌﺪﻱ
ﺍﺭﻳﺪ ﺍﺿﻤﻦ ﻣﺴﺘﻘﺒﻞ ﺍﻟﺒﻨﻴﺔ ﺍﺫﺍ ﻋﺘﻘﺘﻬﺎ ﻟﻮﺟﻪ
ﺍﻟﻠﻪ ﺗﻌﺎﻟﻰ ﻭﻃﻠﻜﺘﻬﺎ
ﺍﺗﺄﻛﺪ ﻣﻨﺔ ﺍﻧﻪ ﺭﺍﺡ ﺻﺪﻙ ﻳﺘﺰﻭﺟﻬﺎ ﻭﻳﺴﺘﺮ ﻋﻠﻴﻬﺎ
ﻭﻣﺎ ﻳﻨﻜﺴﺮ ﺑﺨﺘﻬﺎ ﻭ ﻻﺗﺒﻘﻰ ﻣﻌﻠﻜﺔ ﻭﻣﺮﻛﻮﻧﺔ ﺑﺴﺒﺐ
ﺍﻻﻋﺮﺍﻑ ﻭﺍﻟﻘﻮﺍﻧﻴﻦ ﺍﻟﺴﺎﺩﻳﺔ ﺑﺎﻟﻤﺠﺘﻤﻊ
: ﺷﻮﻑ ﻳﺎﺍﺍ ... ﺷﻨﻮ ﻛﺘﻠﻲ ﺍﺳﻤﻚ
: ﺍﺳﻤﻲ ﻣﺤﻤﺪ
ﻭﻳﻨﺎﺩﻭﻧﻲ ﺣﻤﻴﺪ
: ﺷﻮﻑ ﺣﻤﻴﺪ ﺍﻟﻚ ﺍﻟﺘﺮﻳﺪﺓ
ﺑﺲ ﺑﺸﺮﻁ ﻣﺎ ﺍﻛﺪﺭ ﻫﺴﺔ ﺍﻃﻠﻜﻬﺎ
ﻻﻥ ﻣﺜﻠﻤﺎ ﺗﻌﺮﻑ ﺍﺫﺍ ﻃﻠﻜﺘﻬﺎ
ﻫﺴﺔ ﺭﺍﺡ ﺍﻟﻨﺎﺱ ﺗﺎﻛﻞ
ﻭﺟﻬﺎ ﻭﺟﻪ ﺍﺑﻮﻫﺎ ﺑﺎﻟﻜﻼﻡ ﻭﺍﻧﺖ ﺗﻌﺮﻑ ﺍﻟﻌﺎﻟﻢ ﺍﻟﻤﺎﺗﺨﺎﻑ ﺍﻟﻠﻪ ﻣﺎ ﺗﺮﺣﻢ
ﻓﻜﻞ ﺍﻟﻲ ﺍﺭﻳﺪﺓ ﻣﻨﻚ ﺗﺼﺒﺮ ﻋﻠﻴﺔ
ﺳﻨﺔ ﺗﺒﻘﻰ ﻋﻨﺪﻱ
ﻣﻨﻬﺎ ﺗﻨﺘﻈﺮﻫﺎ ﺷﻮﻳﺔ ﺗﻜﺒﺮ ﻭﻣﻨﻬﺎ ﻫﺎﻱ ﻣﻬﻠﺔ ﺍﻛﺪﺭ
ﺍﺧﻠﻴﻬﺎ ﺗﻜﻤﻞ ﺩﺭﺍﺳﺘﻬﺎ ﻭﻳﺔ ﺑﻨﺘﻲ
ﻭﺍﻟﻚ ﻭﻋﺪ ﻣﻨﻲ ﺍﺑﻘﻰ ﻣﺤﺎﻓﻆ ﻋﻠﻴﻬﺎ ﻟﺤﺪ ﻣﺎ
ﺗﺼﻴﺮ ﻣﻦ ﻗﺴﻤﺘﻚ ﻫﺎ ﺷﻜﻠﺖ
ﺷﻔﺖ ﺍﻟﻮﻟﺪ ﻛﺎﻡ ﻃﻔﺮ ﻣﻦ ﻣﻜﺎﻧﻪ ﻭﺣﻀﻨﻲ ﻣﻦ ﺍﻟﻔﺮﺣﺔ ﻭﺍﻟﻠﻪ ﺍﻧﻜﺴﺮ ﻛﻠﺒﻲ ﻋﻠﻴﻪ
ﺍﻧﺎ ﺍﻛﺜﺮ ﻭﺍﺣﺪ ﻳﻌﺮﻑ ﺷﻠﻮﻥ ﺗﻜﻮﻥ ﻟﻮﻋﺔ ﺍﻟﻤﺤﺒﻮﺏ ﻣﻦ ﻳﺘﺨﻴﻞ ﺣﺒﻴﺒﺔ ﺑﺤﻀﻦ ﻏﻴﺮﺓ
ﻳﻤﻜﻦ ﻳﻨﻄﻌﻦ ﺑﺎﻟﻴﻮﻡ ﺍﻟﻒ ﻃﻌﻨﺔ ﺳﺒﺒﻬﺎ ﺍﻟﺤﺴﺮﺓ ﻭﺍﻻﻟﻢ
((())
ﺣﺎﺭﺙ : ﻋﺬﺭﺍﺀ ﺳﻬﻰ ﺗﻌﺎﻟﻦ
ﻋﺬﺭﺍﺀ : ﺷﻜﻮ ﻟﻴﺶ ﺗﺼﻴﺢ
ﺳﻬﻰ : ﻫﻠﻮ ﺣﺎﺭﺙ ﺍﻟﻠﻪ ﻳﺴﺎﻋﺪﻙ
ﺣﺎﺭﺙ : ﺑﺎﺭﻛﻮﻟﻲ ﺍﺗﻌﻴﻨﺖ
ﻋﺬﺭﺍﺀ : ﻛﻠﻠﻠﻠﻮﻭﻭﺷﺶ
ﺳﻬﻰ : ﻭﺍﺧﻴﺮﺍ ﺍﺗﻌﻴﻨﺖ ﻳﻌﻨﻲ ﺍﻛﺪﺭ ﻣﻦ ﻫﺴﺔ ﺍﻛﻠﻚ ﺍﻟﻒ ﻣﺒﺮﻭﻙ ﻋﻠﻰ ﺍﻟﺰﻭﺍﺝ
ﺣﺎﺭﺙ ﺑﻔﺮﺣﺔ : ﺍﻱ ﻭﺍﻟﻠﻪ ﺍﻥ ﺷﺎﺀ ﺍﻟﻠﻪ ﺑﺎﻗﺮﺏ ﻓﺮﺻﺔ ﺍﻓﺎﺗﺢ ﺍﺑﻮﻱ ﺑﺎﻟﺰﻭﺍﺝ ﻭﺍﺧﻠﻲ ﻳﺨﻄﺒﻬﺎ ﺍﻟﻲ ﻻﻥ ﻣﺘﻨﺎ ﻣﻦ ﺍﻻﻧﺘﻈﺎﺭ
((((()))))
ﻧﻮﺭ : ﻋﻔﻴﺔ ﺳﻬﻰ ﺍﻟﻴﻮﻡ ﻻ ﺗﺘﺎﺧﺮﻳﻦ ﺣﺘﻰ ﻧﺮﻭﺡ
ﻟﻠﺴﻮﻙ ﻧﻜﻤﻞ ﺷﻐﻼﺕ ﺍﻟﺠﻬﺎﺯ ﻣﺒﻘﺔ ﺷﻲ ﻋﻠﻰ ﻋﺮﺳﻲ
.......
ﺍﻥ ﺷﺎﺀ ﺍﻟﻠﻪ ﺣٍٍِْــًﺒٌٍـــِٓﯥٍٓ ﺍﺫﺍ ﻗﺒﻞ ﺍﻟﻤﺪﻳﺮ ﺍﻟﻴﻮﻡ ﻳﻨﻄﻴﻨﻲ ﺍﺟﺎﺯﺓ
ﺍﺟﻲ ﺑﺲ ﺍﺫﺍ ﻣﺎ ﻛﺪﺭﺕ ﺍﺧﺬﻱ ﺍﻣﻲ ﻭﺭﻭﺣﻲ
ﺭﺣﺖ ﻟﻠﺪﻭﺍﻡ ﻭﺍﻧﻲ ﺍﻓﻜﺮ ﺑﻤﻮﻗﻔﻲ ﻣﻊ ﺛﺎﺋﺮ ﻭﺟﺪﺓ
ﻭﻛﻼﻡ ﻋﺬﺭﺍﺀ ﺍﻗﻠﻘﻨﻲ
ﻳﻌﻨﻲ ﺷﻨﻮ ﻳﺮﻳﺪﻧﻲ ﺍﺑﻘﻰ ﻣﺘﻜﺘﻔﺔ ﻭﻋﺎﺟﺰﺓ ﺍﻣﺎﻡ ﺗﺼﺮﻓﺎﺕ ﺛﺎﺋﺮ ﻭﺍﻟﻮﻗﺖ ﺩﻳﺮﻭﺡ ﻣﻦ ﺑﻴﻦ ﺍﻳﺪﻱ ﻭﺍﺧﺎﻑ ﺍﻓﻘﺪ ﺍﺑﻨﻲ
ﺩﺧﻠﺖ ﻟﻠﻤﺪﺭﺳﺔ ﻭﺍﻧﻄﻴﺖ ﺣﺴﻦ ﻣﺼﺮﻓﺔ ﻭﺟﻨﻄﺘﺔ ﻭﺍﻧﻄﻠﻘﺖ ﺑﻴﻮﻣﻲ ﺍﻟﻤﺪﺭﺳﻲ
...........................
ﺍﻟﺸﻴﺦ : ﺷﻮﻑ ﺑﻮﻳﺔ ﺛﺎﻳﺮ ﺍﻟﻴﻮﻡ ﺭﺍﺡ ﺍﺧﺬ ﺍﻟﺸﻴﻮﺥ
ﻟﺒﻴﺖ ﻗﺎﺳﻢ ﻭﺍﻃﻠﺐ ﺑﻨﺖ ﺍﺧﻮﻩ ﻣﻨﺔ
ﺛﺎﻳﺮ ﺍﻧﺘﻔﺾ : ﻻ ﺟﺪﻱ ﻣﺎ ﻳﺤﺘﺎﺝ
ﺍﻧﺴﻰ ﺍﻟﻤﻮﺿﻮﻉ ﺑﻌﺪ ﻣﺎﻋﺎﺩ ﺑﻴﻨﻲ ﻭﺑﻴﻦ ﺳﻬﻮﺓ ﻗﺴﻤﺔ
ﻭﻧﺼﻴﺐ
: ﺧﺎﻳﺐ ﺟﺎ ﺍﻧﺎ ﺑﻜﻴﻔﻚ
ﻛﻞ ﻳﻮﻡ ﻃﺎﻟﻌﻠﻲ ﺑﺴﺎﻟﻔﺔ ﻳﺎ ﺯﻭﺟﻮﻧﻲ ﻭﻻﺗﺰﻭﺟﻮﻧﻲ
ﻭﻟﻚ ﻣﻮ ﻋﺪﺍﻟﻚ ﻛﺒﺮﺕ ﻭﻣﺎ ﺍﻛﺪﺭ ﻋﻠﻴﻚ
ﺗﺮﺓ ﺍﻋﻠﻜﻚ ﻓﻠﻘﺔ ﻭﺍﻧﻄﻴﻚ ﺑﺎﻟﻌﺼﺎ ﻋﻠﻰ ﺭﺟﻠﻴﻚ
ﻭﺍﺧﻠﻴﻚ ﺷﻬﺮ ﻣﮕﺮﻡ
: ﺟﺪﻱ ﺗﺮﺓ ﺍﻧﺎ ﺍﻟﻲ ﺭﺍﺡ ﺍﺗﺰﻭﺝ ﺗﺮﺓ ﻫﻲ ﻣﻮ ﺑﺎﻟﻜﻮﺓ ﺷﻮﻓﺖ ﻋﻴﻨﻚ ﺍﻟﺒﻨﻴﺔ ﻫﻢ ﻣﺎ ﺗﺮﻳﺪﻧﻲ ﻭﻻ ﺍﻧﺎ ﺍﺭﻳﺪﻫﺎ ﻛﻠﻤﻦ ﻳﺮﻭﺡ
ﺑﻄﺮﻳﻘﺔ
: ﺧﺎﻳﺐ ﺭﻭﺡ ﻛﻮﻡ ﻣﻦ ﺟﺪﺍﻣﻲ ﻻ ﺣﻠﺖ ﺑﺮﻛﺔ ﺑﻴﻚ ﺍﻧﺎ ﺍﻋﺮﻑ ﺷﺴﻮﻳﺖ ﺑﺪﻳﻨﻴﺘﻲ ﺣﺘﻰ ﺍﻟﻠﻪ ﻳﺒﻼﻧﻲ ﺑﻴﻚ
ﺷﻮﻑ ﻭﻟﻚ ﻫﻲ ﻛﻠﻤﺔ ﻭﻣﺎ ﺗﺼﻴﺮ ﺛﻨﻴﻦ
ﺍﻧﺎ ﺍﻧﻄﻴﺖ ﺧﺒﺮ ﻟﻘﺎﺳﻢ ﻭﻛﺘﻠﺔ ﻳﺴﺘﻌﺪ ﺍﺡ ﺟﺎﻳﻴﻦ ﺍﻧﺎ ﻭﺍﻟﺸﻴﻮﺥ
ﻭﻋﻮﺩﻙ ﺧﻠﻲ ﺯﻟﻤﺔ ﻳﻜﺴﺮ ﻛﻠﻤﺘﻲ
ﺷﻔﺘﺔ ﻟﺒﺲ ﺍﻟﺒﺸﺖ ﻭﻋﺪﻝ ﻋﮕﺎﻟﻪ ﻭﻃﻠﻊ
ﻃﻠﻌﺖ ﻣﻦ ﺑﻴﺘﻨﺎ
ﻭﺍﺗﻮﺟﻬﺖ ﻋﻠﻰ ﻣﺪﺭﺳﺔ ﺳﻬﻰ ﺣﺘﻰ ﺍﻧﺘﻈﺮﻫﺎ ﻳﻢ ﺍﻟﺒﺎﺏ
ﺍﺭﻳﺪ ﺍﺣﺠﻲ ﻭﻳﺎﻫﺎ
.......................
ﺳﻬﻰ ﻭﺍﻧﻲ ﺑﺎﻟﺪﻭﺍﻡ ﺍﺟﺎﻧﻲ ﺍﺗﺼﺎﻝ ﻣﻦ ﻋﺬﺭﺍﺀ ﻭﻫﻲ ﺗﻌﻴﻂ ﺑﻔﺮﺣﺔ
ﻭﻟﺞ ﺳﻬﻰ ﻭﺍﺧﻴﺮﺍ ﺍﺟﻮﺝ ﻧﺎﺱ ﻳﺨﻄﺒﻮﺝ
: ﺷﻨﻮ ﻣﻨﻮ
: ﻭﻟﺞ ﺍﻟﻮﺣﺶ ﺑﺬﺍﺕ ﻧﻔﺴﺔ ﻃﻠﺒﺞ ﻣﻦ ﺍﺑﻮﻱ
ﻫﺴﺔ ﻭﻫﺴﺔ ﺍﻟﺸﻴﺦ ﻣﻮﺟﻮﺩ ﻭﻃﻠﺒﺞ ﻣﻦ ﺍﺑﻮﻱ
ﻋﻘﺪﺕ ﺣﻮﺍﺟﺒﻲ ﻭﺍﻧﻲ ﺍﻛﻮﻝ ﻭﺣﺶ ﺍﻧﻲ ﺳﺎﻣﻌﺔ ﺑﻬﺬﺍ ﺍﻻﺳﻢ
ﺑﺲ ﻣﻨﻮ ﺳﻤﻌﺖ ﺻﻮﺕ ﺍﻟﺠﺮﺱ ﺩﻙ
: ﺷﻮﻓﻲ ﻋﺬﻭﺭ ﺍﻧﻲ ﻫﺴﺔ ﻋﻨﺪﻱ ﺩﺭﺱ ﻓﺪ ﺳﺎﻋﺔ ﻭﻳﺨﻠﺺ ﺍﻟﺪﻭﺍﻡ ﺍﺭﻳﺪﺝ ﺗﻔﺮﻏﻴﻦ ﻧﻔﺴﺞ ﻭﺗﻜﻌﺪﻳﻦ ﺗﺤﺠﻠﻲً
ﺑﺎﻟﺘﻔﺼﻴﻞ ﺍﻟﻤﻤﻞ ﻋﻦ ﺍﻟﻮﺣﺶ ﻭﻛﻠﺸﻲ ﻋﻨﺔ ﻭﺷﻜﻠﺔ ﻭﻃﻮﻟﺔ
ﻋﺬﺭﺍﺀ ﺑﺎﺳﺘﻐﺮﺍﺏ : ﻭﻟﺞ ﺳﻬﻮﺓ ﺷﺒﻴﺞ ﺷﻨﻮ ﺍﻟﺴﺎﻟﻔﺔ
ﺟﺎ ﺷﺤﺎﻝ ﻟﻮ ﻣﺎ ﺗﻌﺮﻓﻴﻨﺔ ﺣﻖ ﺍﻟﻤﻌﺮﻓﺔ
: ﺳﺖ ﺳﻬﻰ ﺍﻟﺼﻒ ﻣﺎﻟﺘﺞ ﻫﻮﺳﺔ ﺭﻭﺣﻲ ﺳﻜﺘﻴﻬﻢ ﻻﻥ ﺷﻌﺒﺔ ﺃ ﻋﻨﺪﻫﻢ ﺍﻣﺘﺤﺎﻥ ﻭﺻﻔﺞ ﺟﺎﻱ ﻳﺄﺛﺮﻭﻥ ﻋﻠﻴﻬﻢ
: ﻳﺎﻟﻠﻪ ﻋﺬﺭﺍﺀ ﺍﻧﻲ ﺭﺍﻳﺤﺔ ﺑﻌﺪﻳﻦ ﻧﺤﺠﻲ ﻳﺎﻟﻠﻪ ﻣﻊ ﺍﻟﺴﻼﻣﺔ ﺍ
ﺧﻠﺺ ﺍﻟﺪﻭﺍﻡ
ﻭﺍﻧﻲ ﺍﻓﻜﺮ ﺑﻜﻼﻡ ﻋﺬﺭﺍﺀ ﻣﻌﻘﻮﻟﺔ ﺍﻟﻠﻪ ﺍﺳﺘﺠﺎﺏ ﺩﻋﺎﺋﻲ
ﺭﺍﺡ ﺍﺗﺰﻭﺝ
ﺑﺲ ﻟﺤﻈﺔ ﺍﻟﻮﺣﺶ
ﺍﻱ ﺻﺪﻙ ﻫﺬﺍ ﻣﻮ ﻧﻔﺴﺔ ﺍﻟﻲ ﺫﺍﻙ ﺍﻟﻴﻮﻡ ﺍﻟﺒﻨﺎﺕ ﺟﺎﻧﻮ ﻳﺤﺠﻮﻥ ﺑﻲ ﺍﻱ ﺑﺲ ﺻﺪﻙ ﻫﻮ ﺷﻨﻮ ﺍﺳﻤﺔ
ﺷﻲ ﺍﻛﻴﺪ ﻋﻨﺪﺓ ﺍﺳﻢ ﻣﺎﻣﻌﻘﻮﻟﺔ
ﺟﺪﻩ ﻣﺴﻤﻴﻪ ﺍﻟﻮﺣﺶ
ﺍﻫﻮﻭﻭ ﻭﻧﻮﺏ ﺍﻟﺒﻨﺎﺕ ﻛﻠﻬﺎ ﺗﺨﺎﻑ ﻣﻨﺔ ﻭﻣﺮﻋﻮﺑﺎﺕ
ﺍﻟﻲ ﺍﻋﺮﻓﺔ ﺍﻥ ﻫﻮ ﺍﻻﻳﺪ ﺍﻟﻴﻤﻨﻰ ﻟﺠﺪﻩ
ﻭﺍﻻﻣﺮ ﺍﻟﻨﺎﻫﻲ ﺑﻌﺪ ﺟﺪﻩ
ﻭﻛﻠﻬﻢ ﻳﺴﻮﻟﺔ ﺍﻟﻒ ﺣﺴﺎﺏ
ﺯﻳﻦ ﺍﻧﻲ ﺷﻌﺠﺐ ﻣﺎ ﺻﺎﺩﻓﺘﺔ ﻭﻻ ﺳﺎﻣﻌﺔ ﺑﻲ
ﺍﻻ ﻣﻦ ﺣﺠﻮ ﺑﻲ ﺍﻟﺒﻨﺎﺕ
ﺷﻜﻠﺔ ﻣﺎ ﻋﺎﻳﺶ ﻫﻨﺎ ﺑﺎﻟﻤﻨﻄﻘﺔ ﻻﻥ ﺣﺴﺐ ﻛﻼﻣﻬﻦ
ﻫﻮ ﻫﻮﺍﻱ ﻳﺴﺎﻓﺮ ﺣﺘﻰ ﻳﺪﻳﺮ ﺷﻐﻠﻬﻢ
ﺑﺲ ﺧﻠﻲ ﺍﻭﺻﻞ ﻟﻠﺒﻴﺖ ﺣﺘﻰ ﺍﻛﺮﺹ ﺑﻌﺬﺭﺍﺀ ﻭﺍﺧﻠﻴﻬﺎ ﺗﺤﺠﻴﻠﻲ ﻋﻨﺔ
ﺍﺑﺘﺴﻤﺖ ﺑﺨﺒﺎﺛﺔ ﻭﺣﻘﺪ ﺯﺍﺋﺪ ﻗﻠﺐ ﺧﺎﻓﻖ
ﺍﺭﻳﺪ ﺍﻭﺍﻓﻖ ﻋﺎﻟﻮﺣﺸﺶ ﻭﻣﺎ ﺍﺭﻳﺪ ﺍﻭﺍﻓﻖ
ﺷﻲ ﺍﻛﻴﺪ ﻫﻮ ﻣﻦ ﻗﺮﺍﺑﺔ
ﺛﺎﺋﺮ ﻳﻌﻨﻲ ﺭﺍﺡ ﺍﻇﻞ ﺍﻋﺎﻧﻲ ﻭﺍﺷﻮﻑ ﺛﺎﺋﺮ ﻛﺒﺎﻟﻲ
ﻭﺍﺭﻳﺪ ﺍﺗﺰﻭﺝ ﺍﻟﻮﺣﺶ ﻻﻥ ﺭﺍﺡ ﺗﻨﺤﻞ ﻛﻞ ﺍﻣﻮﺭﻱ ﺑﺰﻭﺍﺟﻲ ﻣﻨﺔ
ﻭﺧﻠﻲ ﻧﺸﻮﻑ ﺍﺳﺘﺎﺫ ﺛﺎﺋﺮ ﺷﺮﺍﺡ ﻳﻜﺪﺭ ﻳﺴﻮﻱ ﻭﻳﺔ ﻫﺬﺍ ﺍﻟﻲ
ﺍﺳﻤﺔ ﻭﺣﺶ
ﻫﻢ ﻳﻄﻔﺸﺔ ﻟﻮ ﻳﺰﺣﻠﻜﺔ ﮬٍَﮭٍُﮫَ
ﺣﺘﻰ ﻣﺎ ﻳﻮﺩﻱ ﻭﺭﺓ ﺍﻟﺸﻤﺲ
: ﻳﺎﻟﻠﻪ ﺣﺴﻦ ﺧﻠﻲ ﻧﺮﻭﺡ
ﻃﻠﻌﺖ ﺑﺎﻟﺒﺎﺏ ﻭﺍﻧﺘﺒﻬﺖ ﻋﻠﻰ ﺛﺎﺋﺮ ﻧﺰﻝ ﻣﻦ ﺳﻴﺎﺭﺗﺔ ﻭﺍﺟﺔ ﺑﺘﺠﺎﻫﻲ
ﻣﻌﻘﻮﻟﺔ ﺳﻤﻊ ﺑﺎﻟﺨﺒﺮ ﻭﺟﺎﻱ ﻳﺤﺬﺭﻧﻲ ﺣﺘﻰ ﺍﺭﻓﺾ
ﺟﺎﻥ ﺣﺴﻦ ﻳﻠﻌﺐ ﻗﺮﻳﺐ ﻣﻨﻲ ﻭﻳﺔ ﺍﻻﻭﻻﺩ
ﺷﻔﺘﺔ ﺍﻗﺘﺮﺏ ﻭﻛﻒ ﻛﺪﺍﻣﻲ
ﺧﺰﺭﺗﺔ : ﺛﺎﺋﺮ !!! ﺷﺘﺴﻮﻱ ﻣﻨﺘﻈﺮﻧﻲ ﺑﺒﺎﺏ ﺍﻟﻤﺪﺭﺳﺔ
.......
: ﺳﻬﻮﺓ ﻋﻨﺪﻱ ﻛﻼﻡ ﻭﻳﺎﺝ ﺍﺭﻳﺪﺝ ﺗﺴﻤﻌﻴﻨﺔ
ﺑﺨﺼﻮﺹ ﻣﻮﺿﻮﻉ ﺍﻟﺨﻄﻮﺑﺔ ﺟﺪﻱ ﺭﺍﺡ ﻫﻮ ﻭﺍﻟﺸﻴﻮﺥ
ﻟﻌﻨﺪ ﻋﻤﺞ ﺣﺘﻰ ﻳﻄﻠﺐ ﺍﻳﺪﺝ
: ﻫﺎ ﻳﻌﻨﻲ ﻭﺻﻠﻚ ﺧﺒﺮ ﺧﻄﻮﺑﺘﻲ
ﻻﺗﻜﻮﻝ ﺟﺎﻱ ﺗﺒﺎﺭﻛﻠﻲ
: ﺍﻱ ﻋﺮﻓﺖ ﻣﻦ ﺟﺪﻱ ﻭﻫﻮ ﻛﺎﻝ ﻏﺼﺒﻦ ﻋﻠﻴﻚ
ﺍﺭﻭﺡ ﺍﺧﻄﺒﻬﺎ ﺷﻮﻓﻲ ﻭﺍﻧﺎ ﻣﻦ ﻫﺴﺔ ﺍﻛﻠﺞ
ﺍﺣﺴﻨﻠﺞ ﺭﻓﻀﻲ ﺗﺮﺓ ﻣﺎ ﻳﺤﺼﻠﺞ ﻃﻴﺐ
: ﻻ ﻣﺎ ﺣﺰﺭﺕ
ﺍﻧﻲ ﻣﻦ ﻫﺴﺔ ﺍﻛﻠﻚ ﺭﺍﺡ ﺍﻭﺍﻓﻖ
ﻋﻠﻰ ﻃﻠﺐ ﺟﺪﻙ
: ﺷﻮﻓﻲ ﻭﻟﺞ ﻗﺴﻤﺎ ﺑﺬﺍﺕ ﺍﻟﻠﻪ ﺍﺫﺍ ﻭﺍﻓﻘﺘﻲ
ﻋﻠﻰ ﺍﻟﺰﻭﺍﺝ ﺍﻻ ﺍﺳﻮﺩ ﻋﻴﺸﺘﺞ
ﺷﻌﺠﺐ ﺷﻐﻴﺮ ﺭﺍﻳﺞ
: ﻏﻴﺮﺕ ﺭﺍﺋﻲ ﻻﻥ ﻣﺒﻘﻰ ﺷﻲ ﻋﻦ ﺳﻔﺮﻱ ﻭﺣﺴﻦ ﺭﺍﺡ ﻳﻀﻴﻊ ﻣﻦ ﺍﻳﺪﻱ
ﻭﺍﻧﺖ ﻣﺎ ﺭﺍﺡ ﺗﻜﺪﺭ ﺗﺠﺒﺮﻧﻲ ﻋﺎﻟﺮﻓﺾ
ﻭﻫﺎﻟﻤﺮﺓ ﺍﺗﺤﺪﺍﻙ ﺗﻜﺪﺭ ﺗﺰﺣﻠﻜﺔ
ﻻﻥ ﻫﺬﺍ ﺍﻟﻮﺣﺶ ﻣﻮ ﺍﻱ ﻭﺍﺣﺪ
ﻋﻌﻘﺪ ﺣﻮﺍﺟﺒﻪ ﺑﺘﺴﺎﺋﻞ ﺷﺘﻘﺼﺪ ﻫﺎﻱ
: ﺷﺒﻴﺞ ﺳﻬﻮﺓ ﺷﺘﺤﺴﻴﻦ
ﺍﻧﺘﻲ ﺗﻌﺮﻓﻴﻦ ﻣﻨﻮ ﺍﻟﻮﺣﺶ ﺣﺘﻰ ﺟﺎﻱ ﺗﺤﺠﻴﻦ ﺑﻲ
: ﻃﺒﻌﺎ ﺷﻠﻮﻥ ﻣﺎ ﺍﻋﺮﻓﺔ ﻭﺍﻟﻜﻞ ﺗﺤﺠﻲ ﺑﻲ
ﺍﻧﻲ ﻣﺎ ﻳﻬﻤﻨﻲ ﺍﻟﺸﻜﻞ ﺍﻫﻢ ﺷﻲ ﻋﻨﺪﻱ ﺍﻻﺧﻼﻕ ﻭﻳﻜﻮﻥ ﺭﺟﺎﻝ ﻳﻜﺪﺭ ﻳﺤﻤﻴﻨﻲ
: ﺧﺎﻳﺒﺔ ﺳﻬﻮﺓ ﺗﺤﺠﻴﻦ ﺍﻟﺼﺪﻙ ﻟﻮ ﺗﺠﺬﺑﻴﻦ
ﻻ ﺗﺨﺒﻠﻴﻨﻲ
ﺍﻧﺘﺒﻬﺖ ﻋﻠﻰ ﺣﺎﺭﺙ ﺍﺟﺎﻧﺎ ﻣﻦ ﺑﻌﻴﺪ
ﻭﻫﻮ ﻳﺒﺘﺴﻢ
ﺍﻟﺘﻔﺘﺖ ﻋﻠﻴﻪ ﺣﺘﻰ ﺍﺧﺘﻢ ﻛﻼﻣﻲ
: ﻋﻔﻴﺔ ﺛﺎﺋﺮ ﻻ ﺗﺴﻮﻳﻠﻲ ﻣﺸﺎﻛﻞ
ﻫﻮ ﻛﻠﺸﻲ ﺑﺎﻟﻘﺴﻤﺔ ﻭﺍﻟﻨﺼﻴﺐ
ﻭﺻﻞ ﻳﻤﻨﺎ ﺣﺎﺭﺙ ﻭﺍﻧﺘﻬﻰ ﺍﻟﺤﺪﻳﺚ
ﻣﺨﺘﻮﻡ ﺑﻜﻼﻡ ﺛﺎﺋﺮ : ﻭﺍﻟﻠﻪ ﺛﻢ ﻭﺍﻟﻠﻪ ﺍﺫﺍ ﻭﺍﻓﻘﺘﻲ
ﻋﺎﻟﺰﻭﺍﺝ ﺭﺍﺡ ﺍﺳﻌﻲ ﺍﺳﻮﺩﻛﻞ ﻳﻮﻡ ﺑﺤﻴﺎﺗﺞ ﻭﻳﺎﻱ
ﻻﻥ ﺳﻮﻳﺘﻴﻨﻲ ﻣﺜﻞ ﺍﻟﻠﻌﺒﺔ ﺑﻴﺪﺝ
ﻳﺎ ﺍﺭﻳﺪﻙ ﻳﺎ ﻣﺎ ﺍﺭﻳﺪﻙ ﻭﺍﻟﻠﻪ ﺣﻴﺮﺗﻴﻨﻲ ﻭﻳﺎﺝ
...............................
ﻭﺻﻠﺖ ﻟﻠﺒﻴﺖ
ﻭﺭﺣﺖ ﺻﻌﺪﺕ ﻓﻮﻙ ﻭﺑﺪﻟﺖ ﻣﻼﺑﺲ ﺣﺴﻦ ﻭﻏﻴﺮﺕ ﻣﻼﺑﺴﻲ ﻭﺍﻧﻲ ﺍﻓﻜﺮ ﺑﻜﻼﻡ ﺛﺎﺋﺮ
ﻣﺎ ﺍﻋﺮﻑ ﺍﻧﻘﻬﺮ ﻣﻨﺔ ﻣﺪﺭﻱ ﻋﻠﻴﻪ ﻛﻀﺔ ﻋﻤﺮﺓ ﻭﻳﺎﻱ ﻛﻠﺔ ﺗﻬﺪﻳﺪ
ﻧﺰﻟﺖ ﺣﺘﻰ ﻧﺘﻐﺪﺓ
ﻭﺍﺟﺎﻧﻲ ﻋﻤﻮ ﻗﺎﺳﻢ
: ﻫﻠﺔ ﺑﻮﻳﺔ ﺳﻬﻮﺓ ﺷﻠﻮﻧﺞ
ﻋﺮﻓﺖ ﺑﻲ ﻳﺮﻳﺪ ﻳﻔﺎﺗﺤﻨﻲ ﺑﺎﻟﻤﻮﺿﻮﻉ
: ﺍﻟﻴﻮﻡ ﺍﺟﺎﻧﻲ ﻋﻤﻲ ﺍﻟﺸﻴﺦ ﻫﻨﺎ ﻋﺪﻧﺎ ﺣﺘﻰ ﻳﻄﻠﺐ ﺍﻳﺪﺝ
ﻭﺍﻧﺎ ﻛﻠﺖ ﺍﺳﺄﻟﺞ
ﻣﺎ ﺍﻋﺮﻑ ﻟﻴﺶ ﻣﻦ ﺻﺎﺭﺕ ﺻﺪﻙ ﻭﻭﺻﻠﺖ ﻟﻠﻌﻈﻢ
ﺑﺪﻳﺖ ﺍﺧﺎﻑ
ﺍﻱ ﺧﺎﻳﻔﺔ ﺍﺫﺍ ﻭﺍﻓﻘﺖ ﻋﺎﻟﺰﻭﺍﺝ
ﺭﺍﺡ ﺍﻧﻬﻲ ﺍﻱ ﺍﻣﻞ ﺑﺤٍٍِْــًﺒٌٍـــِٓﯥٍٓ ﻭﻳﺔ ﺛﺎﺋﺮ
ﺑﺲ ﻋﻠﻰ ﺍﻻﻗﻞ ﺭﺍﺡ ﺍﺿﻤﻦ ﺣﺴﻦ ﺍﺑﻨﻲ
ﻭﻣﺎ ﺍﺳﺎﻓﺮ ﻫﻮ ﻻﺯﻡ ﺍﺧﺘﺎﺭ ﺑﻴﻦ ﺛﺎﺋﺮ ﻭﺣﺴﻦ
ﻭﺍﻧﻲ ﻛﺄﻡ ﺭﺍﺡ ﺍﺧﺘﺎﺭ ﺍﺑﻨﻲ
: ﻋﻤﻮ ﺍﻧﻲ ﻣﻮﺍﻓﻘﺔ
: ﺍﻟﻠﻪ ﻳﺒﺎﺭﻙ ﺑﻴﺞ ﺑﻮﻳﺔ ﻭﺗﺴﺘﺎﻫﻠﻴﻦ ﻛﻞ ﺍﻟﺨﻴﺮ ﻭﺛﺎﺋﺮ ﺭﺟﺎﻝ ﻣﻌﺪﻝ ﻭﺭﺍﺡ ﻳﺼﻮﻧﺞ ﻭﺳﻌﺪﺝ
ﻟﺤﻈﺔ ﻟﺤﻈﺔ ﺍﻧﻲ ﻳﻤﻜﻦ ﺳﻤﻌﺖ ﻏﻠﻂ
: ﻋﻤﻮ ﺷﻨﻮ ﻟﺤﻈﺔ ﺷﻨﻮ ﻛﻠﺖ
: ﺍﻟﻒ ﻣﺒﺮﻭﻙ ﻋﻠﻴﺞ
: ﻻ ﻗﺼﺪﻱ ﺷﻨﻮ ﺍﺳﻢ ﺍﻟﻌﺮﻳﺲ
ﻋﺬﺭﺍﺀ : ﻳﺎﻟﻔﺎﻫﻴﺔ ﺍﺳﻤﺔ ﺛﺎﻳﺮ ﻭﻳﺼﻴﺤﻮﻧﺔ ﺍﻟﻮﺣﺶ ﺟﺎ ﺍﻧﺘﻲ ﺷﻤﺎﻟﺞ ﺍﻟﻠﻪ ﻣﺨﺴﺒﻚ ﺣﺎﻟﺞ ﻣﻦ ﺩﻭﻥ ﺍﻟﻮﺍﺩﻡ
ﺑﺎﻟﻤﻜﻠﻮﺏ
ﺍﺣﺠﻲ ﻭﻳﺎﺝ ﺑﺎﻟﻨﻘﺎﻝ ﺍﺭﻳﺪ ﺍﻓﻬﻤﺞ ﻭﺍﻧﺘﻲ ﺗﻜﻤﺰﻳﻦ
: ﺍﻭﻛﻒ ﻋﻤﻮ ﺛﺎﺋﺮ ﻣﻮ ﺍﺗﺰﻭﺝ ﻣﺼﺎﺭﻟﺔ ﻫﻮﺍﻱ ﻭﺑﻨﻴﺔ ﺻﻐﻴﺮﺓ ﺷﻠﻮﻥ ﺗﺮﺿﺎﻫﺎ ﺍﺩﺧﻞ ﺯﻭﺟﺔ ﺛﺎﻧﻴﺔ ﻋﻠﻰ ﺑﻨﻴﺔ
ﺻﻐﻴﺮﺓ ﻣﺼﺎﺭﻟﻬﺎ ﻫﻮﺍﻱ ﻣﻦ ﻋﺮﺳﺖ
ﻋﻤﻮ ﺍﺳﺄﻟﻚ ﺑﺎﻟﻠﻪ ﻣﺴﺄﻟﺖ ﻧﻔﺴﻚ ﻫﺎﻱ ﺍﻟﻄﻔﻠﺔ ﺍﻟﻤﻜﺮﻭﺩﺓ ﻭﻳﻦ ﺗﺮﻭﺡ
: ﺗﺮﺓ ﻳﺎﺑﻌﺪ ﻋﻤﺞ ﻣﺎ ﺑﻴﻬﺎ ﺷﻲ ﻭﺷﻜﻞ ﺍﻟﻮﻟﺪ ﺷﺎﺭﻳﺞ ﻭﺍﻧﺘﻲ ﺷﻮﻓﺖ ﻋﻴﻨﺞ ﻣﺎ ﻋﻨﺪﺝ ﻏﻴﺮ ﺧﻴﺎﺭ ﺣﺘﻰ ﺗﻀﻤﻨﻴﻦ ﺍﺑﻨﺞ ﻳﺒﻘﻰ ﺑﺤﻀﻨﺞ
ﺗﺮﻛﺘﻬﻢ ﻭﺻﻌﺪﺕ ﻓﻮﻙ ﻣﺎ ﺍﺗﻐﺪﻳﺖ
ﻳﻌﻨﻲ ﻣﻌﻘﻮﻟﺔ ﺍﻟﻲ ﺟﺎﻱ ﻳﺼﻴﺮ ﻭﻳﺎﻱ
ﺍﺣﺲ ﺑﺮﻭﺣﻲ ﻋﺎﻳﺸﺔ ﺑﺪﻭﺍﻣﺔ ﺷﻜﺎﻋﺪ ﻳﺼﻴﺮ ﻭﻳﺎﻱ
ﻳﻌﻨﻲ ﺛﺎﺋﺮ ﻫﻮ ﻧﻔﺴﺔ ﺍﻟﻮﺣﺶ
ﻣﻦ ﺍﻟﻠﻪ ﻳﺎﺧﺬﺝ ﻳﺴﻬﻰ ﻋﻠﻰ ﻫﺎﻟﺪﻛﺔ
ﻳﻌﻨﻲ ﻫﻮ ﺟﺎﻥ ﻣﻨﺘﻈﺮﻧﻲ ﺣﺘﻰ ﻳﺤﺬﺭﻧﻲ ﻣﻦ ﺍﻟﻤﻮﺍﻓﻘﺔ ﻋﻠﻴﻪ ﻭﺍﻧﻲ ﻣﺪﻳﺖ ﺍﻟﻠﺴﺎﻥ ﻋﺒﺎﻟﻚ ﻣﻴﺘﺔ ﻋﻠﻴﻪ
ﻣﺴﺘﺤﻴﻞ ﺍﺑﻨﻲ ﺳﻌﺎﺩﺗﻲ ﺑﺮﺍﺱ ﻃﻔﻠﺔ ﺻﻐﻴﺮﺓ ﻛﻠﺸﻲ ﻣﺎ ﺷﺎﻓﺖ ﻣﻦ ﺍﻟﺪﻧﻴﺎ ﻭﺍﻛﺴﺮ ﺑﺨﺘﻬﺎ
ﺣﺮﺕ ﺷﻨﻮ ﺍﺧﺘﺎﺭ ﺍﺑﻨﻲ ﻟﻮ ﻣﺴﺘﻘﺒﻞ ﺍﻟﺒﻨﻴﺔ
.......
ﺩﺧﻠﺖ ﻋﻠﻴﺔ
ﺍﻣﻲ ﻭﻣﺎ ﺍﺩﺍﺭﺍﻙ ﻣﺎ ﺍﻣﻲ ﻫﻲ ﻣﻦ ﻏﻴﺮ ﻛﻠﺸﻲ ﺟﺎﻧﺖ ﻧﺎﺷﺒﺔ ﻭﻳﺎﻱ ﺣﺘﻰ ﺗﺰﻭﺟﻨﻲ ﻣﻮ ﻧﻮﺏ ﺍﺟﺎﻧﻲ ﺷﺨﺺ
ﻫﻲ ﺟﺎﻧﺖ ﺑﺴﺮﻫﺎ ﺗﺘﻤﻨﺎﻩ ﻳﻜﻮﻥ ﻣﻦ ﻧﺼﻴﺒﻲ
ﻭﻛﻌﺪﺕ ﺗﻘﻨﻊ ﺑﻴﺔ ﻭﺍﻧﻲ ﻣﻌﻨﺪﺓ ﻻﻥ ﻛﻠﻤﺎ ﺍﺭﻳﺪ ﺍﺣﺎﻭﻝ ﺗﺠﻲ ﺻﻮﺭﺓ ﺍﻟﺒﻨﻴﺔ ﺍﻟﺼﻐﻴﺮﺓ ﻓﺎﻃﻤﺔ ﻛﺒﺎﻝ ﻋﻴﻨﻲ
...........
ﺟﻨﺖ ﺍﻧﻲ ﻭﻋﺬﺭﺍﺀ ﻛﺎﻋﺪﺍﺕ ﺍﻟﻌﺼﺮ ﻭﻫﻲ ﺗﺤﺠﻲ ﻭﻳﺎﻱ
ﺗﺮﻳﺪ ﺗﻘﻨﻌﻨﻲ ﻋﻠﻰ ﺍﻟﻤﻮﺍﻓﻘﺔ
ﻭﺍﻧﻲ ﺧﺎﻳﻔﺔ ﻣﺎ ﺍﻋﺮﻑ ﺷﻨﻮ ﺍﻗﺮﺭ ﻭﻋﻤﻮ ﺑﻌﺪﺓ ﻣﺎ ﺭﺩﻟﻬﻢ ﺍﻟﺨﺒﺮ ﻭﺍﻣﻲ ﺣﺠﺖ ﻭﻳﺔ ﺍﺧﻮﺗﻲ ﻭﻓﺮﺣﻮ ﺧﺼﻮﺻﺎً ﻣﻦ ﻋﺮﻓﻮ ﺑﺜﺎﺋﺮ ﻫﻮ ﺍﻟﻌﺮﻳﺲ
: ﺩﺧﻠﺖ ﻋﻠﻴﻨﺎ ﺭﻭﺍﺀ ﻭﺍﺗﻔﺎﺟﺌﺖ ﻣﻦ ﺩﺧﻠﺖ ﻭﺭﺍﻫﺎ ﺯﻭﺟﺔ ﺛﺎﺋﺮ ﺳﻠﻤﻨﺎ ﻋﻠﻰ ﺑﻌﺾ ﻭﻫﻲ ﺑﻌﻴﻨﻬﺎ ﻛﻼﻡ
ﻓﺎﻃﻤﺔ : ﻋﻤﺔ ﺳﻬﻰ ﻋﻦ ﺍﺫﻧﺞ ﺍﺭﻳﺪ ﺍﺣﺠﻲ ﻭﻳﺎﺝ ﺑﺴﺎﻟﻔﺔ
ﺑﻴﻨﻲ ﻭﺑﻴﻨﺞ ﺗﻜﺪﺭﻳﻦ ﺗﺎﺧﺬﻳﻨﻲ ﻟﻐﺮﻓﺘﺞ
ﺍﺗﻌﺠﺒﺖ ﻋﻠﻰ ﻛﻼﻣﻬﺎ ﻣﻮ ﻋﺒﺎﻟﻚ ﻃﻔﻠﺔ ﺻﻐﻴﺮﺓ
ﺑﺲ ﺷﻜﻞ ﺑﻨﺎﺗﻬﻢ ﻫﻨﺎ ﻳﻜﺒﺮﻭﻥ ﻗﺒﻞ ﺍﻋﻤﺎﺭﻫﻢ ﺑﺤﻜﻢ ﺍﻫﻠﻬﻢ ﻭﺍﻟﻌﺎﺩﺍﺕ
ﺍﺧﺬﺗﻬﺎ ﻭﺻﻌﺪﻧﺎ ﻓﻮﻙ ﻭﺍﻧﻲ ﻣﻴﺖ ﺍﻟﻒ ﺳﺎﻟﻔﺔ ﺑﺮﺍﺳﻲ
ﺳﺪﻳﺖ ﺍﻟﺒﺎﺏ
ﻭﻛﻌﺪﻧﺎ ﺳﻮﻳﺔ
ﻓﺎﻃﻤﺔ : ﺷﻮﻓﻲ ﻋﻤﺔ ﻣﻦ ﺑﻌﺪ ﺍﺫﻧﺞ ﺍﺭﻳﺪ ﺍﺣﺠﻲ ﻭﻳﺎﺝ
ﻭﺗﺴﻤﻌﻴﻨﻲ ﺗﺮﺓ ﻫﺬﺍ ﺍﻟﻜﻼﻡ ﺍﻟﻲ ﺭﺍﺡ ﺍﺣﺠﻲ ﻣﺤﺪ ﻳﻌﺮﻑ ﺑﻲ ﻏﻴﺮﻱ ﺍﻧﺎ ﻭﻋﻤﻲ ﺛﺎﻳﺮ ﻭﺟﺪﻱ
: ﺍﺗﻔﻀﻠﻲ ﺍﺳﻤﻌﺞ
: ﻭﺍﻟﻠﻪ ﺍﻧﻲ ﺍﺟﻴﺖ ﻣﻦ ﻭﺣﺪﻱ ﻣﺤﺪ ﺩﺍﺯﻧﻲ ﻋﻠﻴﺞ
ﺑﺲ ﻣﺎ ﻛﺪﺭﺕ ﺍﺷﻮﻑ ﻋﻤﻲ ﺍﻟﺸﻴﺦ ﻳﺘﻌﺬﺏ ﺑﺤﺒﺞ
ﻣﻦ ﻭﺭﺍﻱ
: ﻟﻴﺶ ﺍﻧﺘﻲ ﺷﻨﻮ ﺩﺧﻠﺞ
: ﻻ ﺷﻠﻮﻥ ﺷﻨﻮ ﺩﺧﻠﻲ ﻭﺍﻧﺘﻲ ﺫﺍﻙ ﺍﻟﻴﻮﻡ ﺩﺧﻠﺘﻲ ﻋﻠﻴﻨﺎ
ﻭﻇﻠﻴﺘﻲ ﺗﺤﺠﻴﻦ ﻋﻠﻴﻪ ﻭﺗﻜﻮﻟﻴﻦ ﻣﺎ ﺍﺗﺰﻭﺟﻚ ﻋﻠﻤﻮﺩ ﻣﺎ ﺍﻛﺴﺮ ﺑﺨﺖ ﻫﺎﻱ ﺍﻟﺒﻨﻴﺔ
ﺟﺎ ﺷﻌﺪﺍﻟﺞ ﻣﺎ ﺍﻋﺮﻑ ﺍﻟﺤﺠﻲ
: ﺍﻟﻤﻄﻠﻮﺏ ﺷﻨﻮ
: ﺷﻮﻓﻲ ﻋﻤﺔ ﺍﻧﻲ ﻭﻋﻤﻲ ﺍﻟﺸﻴﺦ ﻣﺎ ﺑﻴﻨﺎ ﺍﻱ ﺷﻲ ﻻ ﻋﺪﺍﻟﺞ
ﺍﻧﺎ ﺍﺭﻳﺪﺓ ﻟﻮ ﻫﻮ ﻳﺮﻳﺪﻧﻲ ﺑﺲ ﺣﺒﻴﺖ ﺍﻛﻠﺞ
ﺍﺫﺍ ﺗﺮﺩﻳﻦ ﺗﺮﻓﻀﻴﻦ ﻻ ﺗﺨﻠﻴﻨﻲ ﺳﺒﺐ ﺭﻓﻀﺞ ﻻﻥ ﺍﻧﺎ ﻣﺎ ﺑﺎﻗﻴﺔ ﻋﻨﺪ ﺍﻟﺸﻴﺞ ﻫﻲ ﻛﻠﻬﺎ ﻛﻢ ﺷﻬﺮ ﻭﺍﺗﻄﻠﻚ ﻭﺑﻌﺪﻫﺎ ﺍﺗﺰﻭﺝ ﺍﺑﻦ ﻋﻤﻲ ﻣﺜﻞ ﻣﺎ ﻭﻋﺪﻧﺎ ﻋﻤﻲ ﺛﺎﻳﺮ ﺍﻧﺎ ﻭﺣﻤﻴﺪ
ﻇﻠﻴﺖ ﻓﺎﺗﺤﺔ ﺣﻠﻜﻲ ﻋﻠﻰ ﻛﻼﻣﻬﺎ
: ﺷﻨﻮ ﻗﺼﺪﺝ
: ﻋﻤﺔ ﺍﻧﻲ ﻣﻦ ﺟﻨﺖ ﺻﻐﻴﺮ ﺍﺑﻦ ﻋﻤﻲ ﻧﺎﻫﻲ ﻋﻠﻴﺔ
ﺑﺲ ﺍﻟﻈﺮﻭﻑ ﻣﺎ ﺟﺮﺕ ﻭﻳﺎﻧﺔ ﻭﺻﺎﺭ ﺍﻟﻲ ﺻﺎﺭ ﻭﻋﻤﻲ ﺛﺎﻳﺮ ﻓﻬﻢ ﺍﻟﺴﺎﻟﻔﺔ ﻣﻦ ﺍﺑﻦ ﻋﻤﻲ ﺣﻤﻴﺪ ﻭﺍﺗﻔﻖ ﻭﻳﺎﻩ ﺍﻥ ﺍﺑﻘﻰ ﺳﻨﺔ ﻋﻨﺪﻫﻢ ﻭﺑﻌﺪﻳﻦ ﻳﻄﻠﻜﻨﻲ ﺣﺘﻰ ﻳﺘﺰﻭﺟﻨﻲ ﺍﺑﻦ ﻋﻤﻲ
ﻭﻫﺴﺔ ﺍﻧﺎ ﺑﺤﺴﺒﺔ ﺑﻨﺘﺔ ﻭﺧﻼﻧﻲ ﺍﻛﻤﻞ ﻣﺪﺭﺳﺘﻲ
ﻭﻳﺔ ﺳﺮﻯ
ﻭﺣﺘﻰ ﺍﻧﺎﻡ ﻭﻳﺎﻫﺎ ﺑﻨﻔﺲ ﺍﻟﻐﺮﻓﺔ
ﻳﻌﻨﻲ ﺷﻮﻓﺔ ﻋﻴﻨﺞ ﺑﻴﺞ ﺑﻼﻳﺎﺝ ﺍﻧﺎ ﻣﺎ ﻇﺎﻟﺔ
ﻓﻼ ﺗﻘﻬﺮﻳﻦ ﻋﻤﻲ ﺛﺎﻳﺮ ﺗﺮﺓ ﻫﻮ ﺧﻄﻴﺔ ﻣﺎ ﻳﺴﺘﺎﻫﻞ
ﻭﺍﻟﻠﻪ ﻣﻦ ﻃﻠﻌﺘﻲ ﺑﺬﺍﻙ ﺍﻟﻴﻮﻡ ﻣﻦ ﻋﺪﻧﺎ
ﺷﻔﺘﺔ ﻛﺎﻋﺪ ﺑﺎﻟﺤﺪﻳﻘﺔ ﻳﺪﺧﻦ ﻭﺍﺳﻤﻌﺔ ﻳﺤﺠﻲ ﻭﻳﺔ ﻋﺪﻱ ﻳﻜﻠﺔ
ﺍﻧﺸﻠﻊ ﮔﻠﺒﻲ ﻭﻣﺎﻋﺎﺩ ﺑﺎﻟﻄﻴﺐ ﺗﺼﻴﺐ
ﻇﻠﻴﺖ ﻓﺎﺗﺤﺔ ﺣﻠﻜﻲ ﻋﻠﻰ ﻛﻼﻣﻬﺎ
ﻣﺎ ﺍﻋﺮﻑ ﻳﻤﻜﻦ ﺍﻟﻠﻪ ﺭﺳﻠﻬﺎ ﺍﻟﻲ ﺣﺘﻰ
ﺗﺨﻠﻴﻨﻲ ﺍﺗﺨﺬ ﺍﻟﻘﺮﺍﺭ ﺍﻟﺼﺤﻴﺢ ﺑﻌﺪﻣﺎ ﻛﻨﺖ ﻣﺘﺮﺩﺩﺓ ﻭﻛﺎﻥ ﺍﻟﺤﺎﺟﺰ ﺍﻟﻮﺣﻴﺪ ﺍﻟﻲ ﺑﻴﻨﻲ ﻭﺑﻴﻦ ﺛﺎﺋﺮ ﻫﻮ ﺯﻭﺟﺘﺔ
ﻭﻫﺬﺍ ﺍﻟﺤﺎﺟﺰ ﺍﻧﺰﺍﻝ ﻣﻦ ﻃﺮﻳﻘﻲ
ﺑﻌﺪﻣﺎ ﻃﻠﻌﻮ ﺍﻟﺒﻨﺎﺕ ﻣﻦ ﺑﻴﺖ ﻋﻤﻮ ﻭﺻﺎﺭ ﺍﻟﻠﻴﻞ
ﺻﺎﺣﻨﻲ ﻋﻤﻮ ﻗﺎﺳﻢ ﺍﻧﻲ ﻭﺍﻣﻲ
ﻟﻼﺳﺘﻘﺒﺎﻝ ﻭﺟﺎﻥ ﻛﺎﻋﺪ ﻟﻮﺣﺪﺓ
ﻗﺎﺳﻢ : ﺷﻮﻓﻲ ﺳﻬﻮﺓ ﻫﺴﺔ ﺍﻟﺸﻴﺦ ﻣﺰﺍﺣﻢ ﻣﻨﺘﻈﺮ ﻣﻨﻲ ﺍﺗﺼﺎﻝ ﺣﺘﻰ ﺍﺭﺩﻟﺔ ﺍﻟﺠﻮﺍﺏ
ﻫَـﺎ ﺑﻮﻳﺔ ﺷﻨﻮ ﺭﺩﺝ ﺻﺎﺭﻟﺞ ﺛﻼﺙ ﺍﻳﺎﻡ ﺗﻔﻜﺮﻳﻦ
ﺍﻡ ﺳﻬﻰ ﺑﻠﻬﻔﺔ : ﺧﻮﻳﺔ ﻣﺎ ﻳﺤﺘﺎﺟﻠﻬﺎ ﺳﺆﺍﻝ ﺍﻧﺎ ﺍﻛﻠﻚ
ﻣﻮﺍﻓﻘﺔ
ﺑﺎﻭﻋﺖ ﻻﻣﻲ ﻣﻨﻔﺎﺟﺌﺔ ﻫﺎﻱ ﺍﻣﻲ ﻣﻮ ﻃﺒﻴﻌﻴﺔ ﻳﻌﻨﻲ ﺻﺪﻙ ﺗﺤﺠﻲ
ﻗﺎﺳﻢ : ﻻ ﺧﻠﻴﻨﻲ ﺍﺳﻤﻌﻬﺎ ﻣﻨﻬﺎ ﻫﻲ ﺍﻟﻲ ﺗﻘﺮﺭ
ﻏﻤﻀﺖ ﻋﻴﻮﻧﻲ ﻭﺳﺤﺒﺖ ﻧﻔﺲ ﻋﻤﻴﻖ ﻭﻃﺮﺣﺘﻪ
ﻭﺯﺍﺩﺕ ﺩﻛﺎﺕ ﻛﻠﺒﻲ
ﺻﺎﺭ ﺣﺎﻟﻲ ﺍﺷﺒﻪ ﺍﻟﻄﺎﻟﺐ ﺍﻟﻲ ﻳﻜﻮﻥ ﺑﺎﻻﻣﺘﺤﺎﻥ
ﻭﻋﻨﺪﺓ ﺧﻴﺎﺭﺍﺕ ﻭﻣﺎ ﻳﻌﺮﻑ ﺍﻱ ﻭﺍﺣﺪ ﻳﺨﺘﺎﺭ ﻳﻈﻞ ﻳﻐﻤﺾ ﺑﻌﻴﻮﻧﺔ ﻭﻳﻤﺪ ﺻﺒﻌﺔ ﻋﻠﻰ ﺍﻟﻮﺭﻗﺔ
ﻭﺭﺍﺡ ﻳﺨﺘﺎﺭ ﺍﻻﺟﺎﺑﺔ ﺍﻟﻲ ﻭﻭﻛﻊ ﻋﻠﻴﻬﺎ ﺍﻻﺻﺒﻊ
ﻫﺬﺍ ﺣﺎﻟﻲ ﺻﺎﺭ ﻣﻦ ﺑﻌﺪ ﺳﺆﺍﻝ ﻋﻤﻲ
ﻏﻤﻀﺖ ﺍﻟﻌﻴﻮﻥ ﻭﻗﻄﻌﺖ ﺍﻟﻨﻔﺲ
: ﻣﻮﺍﻓﻘﺔ
ﺳﻤﻌﺖ ﺻﻮﺕ ﺍﻣﻲ ﻫﻠﻬﻠﺖ ﻭﻋﻤﻲ ﻳﺒﺎﺭﻛﻠﻲ
ﻭﺍﻟﻜﻞ ﺍﺟﺔ ﻳﺤﻀﻨﻲ ﻧﻮﺭ ﻋﺬﺭﺍﺀ ﻭﻋﻤﺘﻲ ﻣﻨﺘﻬﻰ ﻭﺍﻧﻲ ﻣﺼﺪﻭﻣﺔ
ﺷﻨﻮ ﻣﻌﻘﻮﻟﺔ ﺍﻧﻲ ﻭﺍﻓﻘﺖ
ﺻﺮﺕ ﻣﺜﻞ ﺍﻟﻲ ﻋﺎﻳﺶ ﺑﺪﻭﺍﻣﺔ
ﻭﻛﻠﺒﻲ ﻳﺪﻙ ﺣﻴﻞ
ﺳﻤﻌﺖ ﺻﻮﺕ ﻋﻤﻮ ﻗﺎﺳﻢ ﺍﺗﺼﻞ ﻋﻠﻰ ﺍﻟﺸﻴﺦ ﻭﻭﺍﻧﻄﺎﻩ ﺍﻟﻤﻮﺍﻓﻘﺔ
ﻭﺍﻟﻜﻞ ﺍﻧﺨﺒﺺ ﻭﻓﺮﺣﺎﻥ ﻭﺍﻭﻻﺩ ﻋﻤﻲ ﻳﺤﻤﻮﺩﻥ ﺑﺄﺧﻼﻗﻪ
ﻭﺣﺎﺭﺙ : ﻭﻟﻮ ﺍﻧﺎ ﻣﺎ ﺍﺣﺒﺔ ﻻﻥ ﻫﻮ ﻣﺘﻮﺣﺶ
ﺑﺲ ﻭﺍﻟﻠﻪ ﻓﺮﺣﺖ ﻻﻥ ﺑﻌﺪ ﺭﺍﺡ ﺗﻈﻠﻴﻦ ﻳﻤﻨﺎ ﺑﺪﻳﺮﺗﻨﺎ ﻭﻣﺎ ﺭﺍﺡ ﺗﻔﺎﺭﮔﻴﻨﺎ ﺑﺲ ﺍﻥ ﺷﺎﺀ ﺍﻟﻠﻪ ﻋﻠﻰ ﺍﻳﺪﺝ ﺗﺮﻭﺿﻴﻦ ﺍﻟﻮﺣﺶ ﺍﻟﻲ ﺑﺪﺍﺧﻠﻪ
ﺑﻌﺪﻳﻦ ﺍﺗﺼﻞ ﺍﻟﺸﻴﺦ ﻋﻠﻰ ﻋﻤﻮ ﻗﺎﺳﻢ ﻭﺣﺪﺩﻭ ﻣﺸﻴﺔ ﺍﻟﺰﻟﻢ
ﻭﺍﻧﻲ ﺻﺮﺕ ﺍﺗﮕﻠﺐ ﺑﻴﻦ ﺷﻌﻮﺭ ﺍﻟﻔﺮﺣﺔ
ﻭﺑﻴﻦ ﺍﻟﺨﻮﻑ ﻻﻥ ﻟﺤﺪ ﺍﻻﻥ ﻣﺎﻧﺎﺳﻴﺔ
ﺗﻬﺪﻳﺪ ﺛﺎﺋﺮ ﺍﻟﻲ
ﻟﻜﻦ ﻭﻋﺪﺓ ﻧﻔﺴﻲ ﺍﻥ ﺍﺗﺤﻤﻞ
ﻻﺟﻞ ﺛﺎﺋﺮ ﻭﺣﺴﻦ ﻭﻫﺬﺍ ﺍﻟﺸﻲ ﺑﺤﺪ ﺫﺍﺗﻪ ﺭﺍﺡ ﻳﻨﻄﻴﻨﻲ ﺍﻟﻘﻮﺓ
ﺣﺘﻰ ﺍﻗﺎﺗﻞ ﻭﺍﺣﻈﻲ ﺑﺤﺒﺔ ﻣﻦ ﺟﺪﻳﺪ
.........................
ﺍﺑﻮ ﺛﺎﺋﺮ : ﺑﻮﻳﺔ ﺷﻠﻮﻥ ﺗﺨﻄﻲ ﻫﻴﺞ ﺧﻄﻮﺓ ﺑﺪﻭﻥ ﻣﺎ ﺗﺴﺘﺸﻴﺮﻧﻲ ﺍﻧﺎ ﻭﻳﻦ ﺭﺣﺖ ﻟﻮ ﻣﺎ ﺍﻟﻲ ﻛﻠﻤﺔ ﺑﺎﻟﻤﻮﺿﻮﻉ
: ﺷﻨﻲ ﺑﻮﻳﺔ ﺟﺎﻱ ﺗﻌﻠﻤﻨﻲ ﻣﻦ ﺗﺎﻟﻲ ﻋﻤﺮﻱ ﺍﻟﺼﺢ ﻣﻦ ﺍﻟﻐﻠﻂ
: ﻻ ﺑﻮﻳﺔ ﺣﺸﺎﻙ ﺑﺲ ﺑﻨﺖ ﺍﺧﻮ ﻗﺎﺳﻢ ﻣﺎ ﺗﺼﻠﺢ ﻣﺮﺓ ﻟﺜﺎﺋﺮ
ﻻﻥ ﻫﻲ ﻣﻮ ﻛﻔﻮ ﻭﺗﺒﻘﻰ ﺑﻨﺖ ﺍﻟﻤﺪﻳﻨﺔ ﻣﻮ ﻋﺪﺍﻟﻚ
ﻛﻌﺪﺕ ﻫﻨﺎ ﺑﺎﻟﺴﻠﻒ ﻛﻢ ﻳﻮﻡ ﺻﺎﺭﺕ ﻣﺜﻠﻨﺎ
ﻻ ﺑﻮﻳﺔ ﺗﺮﺓ ﺍﻟﻠﻪ ﻭﻛﻠﻴﻚ ﻫﺎﻱ ﺑﺲ ﺗﺘﺰﻭﺝ ﺛﺎﻳﺮ ﺗﻔﺮ ﻋﻘﻠﺔ
ﻭﺗﻐﺴﻞ ﺩﻣﺎﻏﻪ ﻭﺗﺎﺧﺬﺓ ﻭﻳﺎﻫﺎ ﻫﻨﺎﻙ ﺑﺒﻐﺪﺍﺩ ﻭﺗﻌﻴﺶ
ﻭﻳﺼﻴﺮ ﺛﺎﻳﺮ ﻣﺤﺒﺲ ﺑﻴﺪﻫﺎ
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء