...
رواية عشقت فصليتي الجزء العاشر
..
# ﻋﺸﻘﺖ _ ﻓﺼﻠﻴﺘﻲ
ﺍﻟﺒﺎﺭﺕ ﺍﻝ 10
ﺑﻘﻠﻤﻲ # ﻣﻴﺪﻳﺎ _ ﺍﻟﻔﻬﺪ
ﻣﺎﺯﻥ .. ﺍﻭﻭﻑ ﺷﻮﻛﺖ ﺍﺧﻠﺺ ﻣﻨﺞ ﺩﻣﺮﺗﻴﻨﻲ ﺍﻟﻠﻪ ﻳﺎﺧﺬﺝ ﻭﻳﺨﻠﺼﻨﻲ ﻣﻨﺞ 😠 ﺑﺴﺒﺒﺞ ﺧﺴﺮﺕ ﺍﻟﻲ ﺍﺣﺒﻬﺎ ،،
ﻗﺒﻞ ﻛﻢ ﻳﻮﻡ ﺗﻌﺎﺭﻛﺖ ﻭﻳﻪ ﻣﻨﺎﺭ ﻣﺜﻞ ﻛﻞ ﻣﺮﺓ ﺑﺲ ﻫﻞ ﻣﺮﺓ ﻏﻠﻘﺖ ﺧﻄﻬﺎ ﻭﺣﻈﺮﺗﻨﻲ ﻣﻦ ﻛﻞ ﺍﻟﺒﺮﺍﻣﺞ ، ﻛﻠﺖ ﻋﺎﺩﻱ ﻳﻮﻣﻴﻦ ﻭﺗﺮﺟﻊ ، ﻣﺮ 3 ﺍﻳﺎﻡ ﻭﻫﻴﻪ ﻣﺎﻛﻮ ، ﺩﺧﻠﺖ ﻟﻠﺒﻴﺖ ﻭﺳﻤﻌﺖ ﺍﻣﻲ ﻣﻌﺼﺒﺔ ﻭﺗﺤﺠﻲ ﺑﺎﻟﺘﻠﻔﻮﻥ
📞 ﺍﻡ ﻣﺎﺯﻥ .. ﺷﻠﻮﻥ ﺗﻨﻄﻴﻬﺎ ﺍﻻﺑﻦ ﻋﻤﻬﺎ ﻣﻮ ﺗﺪﺭﻳﻦ ﺍﻧﻲ ﺍﺭﻳﺪﻫﺎ ﻟﻤﺎﺯﻥ ، ﺷﻨﻮ ﻟﻌﺐ ﺟﻬﺎﻝ
📞 ﺍﻡ ﻣﻨﺎﺭ .. ﺣﺠﻴﺔ ﺷﻐﻠﺔ ﺍﻟﻔﺼﻠﻴﺔ ﻃﻮﻟﺖ ﻭﺷﻜﻠﻬﺎ ﺑﻌﺪ ﻣﻄﻮﻟﻪ ﺍﻛﺜﺮ ﻭﺍﻟﺒﻨﻴﻪ ﺩﺗﺠﻴﻬﺎ ﻗﺴﻢ ﺯﻳﻨﻪ ﻭﺍﺑﻮﻫﺎ ﺍﻧﻄﺎﻫﺎ ﺍﻻﺑﻦ ﻋﻤﻬﺎ ﻣﺎﺑﻴﺪﻱ ﺷﻲ ﺍﻛﺪﺭ ﺍﺳﻮﻱ
📞 ﺍﻡ ﻣﺎﺯﻥ .. ﺍﻧﻲ ﻟﻮ ﺑﻴﺪﻱ ﻣﻦ ﺍﻭﻝ ﻳﻮﻡ ﺍﻃﺮﺩﻫﺎ ﻭﻣﺎﺧﻠﻴﻬﺎ ﺗﺒﻘﻰ ﺑﻴﺘﻲ ، ﺑﺲ ﺷﺴﻮﻱ ﺍﻟﺤﺠﻲ ﻣﺎﻛﺪﺭ ﺍﺣﺠﻲ ﻭﻳﺎﻩ ، ﻫﺴﻪ ﺷﻠﻮﻥ ﺷﻜﻮﻝ ﻟﻤﺎﺯﻥ ﻭﺍﻟﻠﻪ ﻳﺘﺨﺒﻞ ﺍﺫﺍ ﻋﺮﻑ
ﻣﺎﺯﻥ .. ﻳﻤﻪ ﺷﻜﻮ ﺷﺼﺎﻳﺮ ﺷﺒﻴﻬﺎ ﻣﻨﺎﺭ، ﻫﺎﻱ ﺧﺎﻟﺘﻲ ﺗﺤﺠﻲ ﻭﻳﺎﺝ ﻣﻮ؟؟
📞 ﺍﻡ ﻣﺎﺯﻥ .. ﺭﻭﺣﻲ ﻫﺴﻪ ﻣﺎﻛﺪﺭ ﺍﺣﺠﻲ ﺑﻌﺪﻳﻦ ﻧﺘﺨﺎﺑﺮ
ﻣﺎﺯﻥ ﻳﻤﻪ ﺗﺮﺓ ﻛﻠﺸﻲ ﻗﺴﻤﻪ ﻭﻧﺼﻴﺐ ﻭﻣﻨﺎﺭ ﻣﻮ ﻗﺴﻤﺘﻚ ﺍﻧﺨﻄﺒﺖ ﻻﺑﻦ ﻋﻤﻬﺎ
ﻣﺎﺯﻥ .. ﺷﻨﻮ ﻳﻤﻪ ﺷﺘﺤﺠﻴﻦ ﺃﻛﻴﺪ ﺗﺸﺎﻗﻴﻦ ، ﻣﺴﺘﺤﻴﻞ ﻣﻨﺎﺭ ﺗﺘﺰﻭﺝ ﻭﺍﺣﺪ ﻏﻴﺮﻱ ﺍﺩﺭﻱ ﺑﻴﻬﺎ ﺗﺤﺒﻨﻲ ﻭﺗﺴﻮﻱ ﻫﻴﺞ ﺗﺮﻳﺪ ﺗﻀﻮﺟﻨﻲ ﻭﺑﺲ، ﻛﻞ ﻫﺬﺍ ﺟﺬﺏ
ﺍﻡ ﻣﺎﺯﻥ .. ﻻ ﻳﻤﻪ ﻣﻮ ﺟﺬﺏ ، ﻭﺍﻟﺨﻤﻴﺲ ﺍﻟﻌﻘﺪ ﻣﺎﻟﺘﻬﺎ ، ﻻﺗﺴﻮﻳﻠﻨﻪ ﻣﺸﺎﻛﻞ ﺗﺮﻩ ﺍﺑﻮﻙ ﻳﺘﺨﺒﻞ ﻭﺍﻧﻲ ﻣﺮﻳﻀﻪ ﻣﺎﻟﻲ ﺧﻠﻚ،، ﻭﺍﻟﻠﻪ ﺍﺯﻭﺟﻚ ﺍﻏﺎﺗﻬﺎ ﺑﺲ ﺍﻧﺖ ﺍﺷﺮﻟﻲ ﻭﻣﻌﻠﻴﻚ
ﻣﺎﺯﻥ .. ﺍﻣﻲ ﺗﺤﺠﻲ ﻭﺍﻧﻲ ﻋﻘﻞ ﻣﺎﺑﻘﻪ ﺑﺮﺍﺳﻲ ، ﺑﻌﺪ ﻛﻞ ﺷﻲ ﺑﻴﻨﻪ ﻛﻞ ﻫﻞ ﺍﻟﺴﻨﻴﻦ ﻭﻋﺎﺩﻱ ﺑﻜﻞ ﺳﻬﻮﻟﻪ ﺗﺮﻭﺡ ﻟﻐﻴﺮ ﻭﺍﺣﺪ ﻣﺪﺍ ﺍﺟﻤﻊ ﺭﺍﺳﻲ ﺭﺍﺡ ﻳﻄﻚ ،،
ﺩﻣﺮﺗﻮﺍ ﺣﻴﺎﺗﻲ ﻛﻠﻜﻢ ﺍﺑﻮﻳﻪ ﻭﺍﻧﺘﻲ ﻭﻧﻬﻰ ﻭﻫﺎﻱ ﺍﻟﻔﻮﻙ ، ﺻﻌﺪﺕ ﺑﺪﻭﻥ ﻭﻋﻲ ﻉ ﺍﻟﺪﺭﺝ ﺳﻮﻳﺘﻪ ﺧﻄﻮﺗﻴﻦ
ﻣﻠﻚ .. ﺍﻭﻝ ﻣﺪﺧﻞ ﻭﺷﻔﺘﻪ ﻣﻌﺼﺐ ﺧﻔﺖ ﺍﻭﻝ ﻣﺮﺓ ﺍﺷﻮﻓﻪ ﺑﻬﻞ ﺣﺎﻟﻪ ،، ﻳﺼﻴﺢ ﻭﻳﻌﻴﻂ ﻳﻜﻮﻟﻲ ﺑﺴﺒﺒﺞ ﺧﺴﺮﺕ ﺣﺒﻴﺒﺘﻲ ، ﺑﻘﻠﻤﻲ ﻣﻴﺪﻳﺎ ﺍﻟﻔﻬﺪ
ﻣﺎﺯﻥ .. ﺗﻌﺮﻓﻴﻦ ﺷﻨﻮ ﺣﺐ ﺣﻴﺎﺗﻲ ﺗﺮﻭﺡ ﺑﺤﻀﻦ ﻭﺍﺣﺪ ﻏﻴﺮﻱ ، ﻛﻠﻪ ﺑﺴﺒﺒﺞ 😠
ﻣﻠﻚ .. ﺷﻨﻮ ﺷﺼﺎﻳﺮ ، ﺍﻧﻲ ﻣﺎﺳﻮﻳﺖ ﺷﻲ ﻭﺍﻟﻠﻪ
ﻣﺎﺯﻥ .. ﻟﺞ ﺍﻧﺘﻲ ﺳﺒﺐ ﻛﻞ ﺍﻟﻤﺼﺎﻳﺐ ، ﻣﻨﺎﺭ ﺍﻧﺨﻄﺒﺖ ، ﻛﻌﺪﺕ ﻉ ﺍﻟﺘﺨﻢ ﻭﺧﻠﻴﺖ ﺍﻳﺪﻱ ﻉ ﺭﺍﺳﻲ
ﻣﻠﻚ .. ﺑﺲ ﻟﻮ ﻫﻴﻪ ﺻﺪﻙ ﺗﺤﺒﻚ ﺟﺎﻥ ﻣﺎﻗﺒﻠﺖ ﺑﻐﻴﺮﻙ ، ﻣﺎﻛﻮ ﺩﺍﻋﻲ ﻗﺎﻫﺮ ﻧﻔﺴﻚ ﻉ ﺍﻟﻔﺎﺿﻲ ،، ﺑﻌﺪﻧﻲ ﻣﻤﺨﻠﺼﻪ ﺍﻟﺤﺠﺎﻳﺔ ﺟﺎﻥ ﻳﻜﻮﻡ ﻋﻠﻴﻪ
ﻣﺎﺯﻥ .. ﻣﻦ ﺣﺠﺖ ﻣﻠﻚ ﻫﻴﺞ ﺗﺨﺒﻠﺖ ﺭﺩﺕ ﺍﺿﺮﺑﻬﺎ ﺭﻓﻌﺖ ﺍﻳﺪﻱ ، ﺍﻧﻮﺏ ﻋﻔﺘﻬﺎ ﻭﻃﻠﻌﺖ
ﻣﻠﻚ .. ﻣﻦ ﻛﺎﻡ ﻋﻠﻴﻪ ﺭﺍﺳﺎ ﻏﻤﻀﺖ ﻭﺿﻤﻴﺖ ﺭﺍﺳﻲ ﻛﻠﺖ ﺧﻠﺺ ﺭﺍﺡ ﻳﻤﻮﺗﻨﻲ ﺍﻟﻴﻮﻡ 😖 ، ﺍﻧﻮﺏ ﺳﻤﻌﺖ ﺍﻟﺒﺎﺏ ﺍﻧﺮﻛﻊ ﺭﻓﻌﺖ ﺭﺍﺳﻲ ﻟﻜﻴﺘﻪ ﻣﺎﻛﻮ ، ﻳﻤﻪ ﺍﻟﺤﻤﺪ ﻟﻠﻪ ﻣﺎﺳﻮﺍﻟﻲ ﺷﻲ
.....
ﻣﺎﺯﻥ .. ﺍﺣﺲ ﻧﺎﺭ ﺑﮕﻠﺒﻲ ﻭﺣﺴﺮﺓ ﺟﺒﻴﺮﺓ ،، ﺍﻧﻮﺏ ﻣﻦ ﺣﺠﺖ ﻣﻠﻚ ﺍﺗﺨﺒﻠﺖ ﻣﻌﻘﻮﻟﻪ ﻣﻨﺎﺭ ﻣﺘﺤﺒﻨﻲ ، ﺷﻠﻮﻥ ﺭﺿﺖ ﺑﻐﻴﺮﻱ ﺭﺍﺡ ﺍﺗﺨﺒﻞ ، ﺍﺩﻙ ﻋﻠﻴﻬﺎ ﻣﺎﻛﻮ ﻣﻐﻠﻖ ، ﺍﺍﺍﻩ ﺍﺭﻳﺪ ﺷﻲ ﻳﺒﺮﺩ ﻧﺎﺭ ﮔﻠﺒﻲ ، ﻧﺰﻟﺖ ﻣﻦ ﺍﻟﺴﻴﺎﺭﺓ ﻭﺍﻣﺸﻲ ﺑﺪﻭﻥ ﻭﻋﻲ ﺍﺣﺲ ﺭﻭﺣﻲ ﻧﺴﻠﺒﺖ ﻣﻨﻲ ، ﺭﺩﺕ ﺍﺭﻭﺡ ﺍﻟﺒﻴﺖ ﺧﺎﻟﺘﻲ ،، ﻻ ﻣﺎﺭﻭﺡ ﻟﻮ ﺗﺼﻴﺮ ﺭﻭﺣﻲ ﺑﻴﻬﺎ ﻫﻢ ﻣﺎ ﻧﺰﻝ ﻧﻔﺴﻲ ﺍﻟﻬﺎ ، ﺧﻠﺺ ﻣﺜﻞ ﻣﺎﻫﻲ ﻃﻠﻌﺘﻨﻲ ﻣﻦ ﺣﻴﺎﺗﻬﺎ ﺍﻧﻲ ﻫﻢ ﺍﻃﻠﻌﻬﺎ ﻣﻦ ﺣﻴﺎﺗﻲ ، ﺍﻣﺸﻲ ﻭﺍﺣﺠﻲ ﻭﻳﻪ ﻧﻔﺴﻲ ﻭﺑﻌﺪﻫﺎ ﻣﺎﺣﺴﻴﺖ ﺑﺸﻲ
ﻣﻠﻚ .. ﺍﻟﺼﺮﺍﺣﺔ ﺟﺎﻥ ﺍﺣﻠﻰ ﺧﺒﺮ ﺳﻤﻌﺘﻪ ﺑﺤﻴﺎﺗﻲ ﺍﻧﻮ ﻣﻨﺎﺭ ﺍﻧﺨﻄﺒﺖ ﺍﺗﻤﻨﻴﺖ ﺍﺩﻙ ﻭﺍﺭﻛﺺ ، ﺍﺍﻑ ﻭﺍﺧﻴﺮﺍ ﺭﺍﺡ ﺍﺧﻠﺺ ﻣﻨﻬﺎ ، ﺑﺲ ﻛﻞ ﺍﻟﻌﺎﺩﻩ ﺍﻟﻔﺮﺣﺔ ﻣﺪﻭﻣﻠﻲ ﺑﻨﺺ ﺍﻟﻠﻴﻞ ﺳﻤﻌﺖ ﻋﻴﺎﻁ ﺑﺎﻟﺒﻴﺖ ﺭﺩﺕ ﺍﻧﺰﻝ ﻭﺧﻔﺖ ﻣﺎﻛﺪﺭﺕ، ﺩﻛﻴﺖ ﻉ ﻣﺎﺯﻥ ﻻﻥ ﻫﻮ ﺍﻭﻝ ﻭﺍﺣﺪ ﺍﺟﺔ ﺑﺎﻟﻲ ﻣﻦ ﺳﻤﻌﺖ ﺍﻟﻌﻴﺎﻁ ، ﺍﺩﻙ ﻣﺸﻐﻮﻝ ، ﻧﺰﻟﺖ ﺍﻟﺪﺭﺝ ﻭﺍﻧﻲ ﺣﺎﻃﻪ ﺍﻳﺪﻱ ﻉ ﮔﻠﺒﻲ ،
ﺍﺑﻮ ﻣﺎﺯﻥ .. ﻭﻟﺞ ﻳﺎ ﻣﺮﺓ ﺧﻠﻴﻨﻲ ﺍﺳﻤﻊ ﻭﺍﻓﺘﻬﻢ ﻣﻦ ﺍﻟﺮﺟﺎﻝ ﺍﺳﻜﺘﻲ ،، ﺑﺼﻴﺎﺡ
ﺍﻡ ﻣﺎﺯﻥ .. ﺭﺍﺡ ﺍﻟﻮﻟﺪ ﺍﺑﻨﻲ ﻣﺎﺕ ﻣﻨﻮﺭﺍﻙ ﺩﻛﻴﺖ ﺭﺟﻞ ﺍﻻ ﻳﺎﺧﺬ ﻫﺎﻱ ﺍﻟﻔﮕﺮ ﺑﻨﺖ ﺍﻟﻔﮕﺮ ، ﻫﻴﻪ ﺍﺭﺗﺎﺣﻴﺖ
ﻣﻠﻚ .. ﻣﻦ ﺳﻤﻌﺖ ﺍﻡ ﻣﺎﺯﻥ ﻫﻴﺞ ﺣﺠﺖ ﺭﺟﻠﻴﻪ ﺍﺣﺴﻬﻦ ﺻﺎﺭﻥ ﺧﻴﻮﻁ ﻣﻮ ﻋﻈﻢ ﻭﻟﺤﻢ ، ﻛﻌﺪﺕ ﻉ ﺍﻟﺪﺭﺝ ﻭﺩﻣﻮﻋﻲ ﻧﺰﻟﺖ ، ﻻ ﻳﺎﺭﺑﻲ ﻻﺗﺨﻠﻲ ﻣﺎﺯﻥ ﻳﻤﻮﺕ ﺩﺧﻴﻠﻚ 😭
ﺍﺑﻮ ﻣﺎﺯﻥ .. ﺩﺧﻴﻠﻚ ﺑﺲ ﻃﻤﻨﻲ ﺍﺑﻨﻲ ﻋﺎﻳﺶ ﻛﻠﺸﻲ ﻣﺎﺭﻳﺪ ﻣﻦ ﻫﻞ ﺍﻟﺪﻧﻴﺎ ﺑﺲ ﺟﺎﻭﺑﻨﻲ
📞 ﺣﺠﻲ ﻣﺎﺍﻋﺮﻑ ﻛﺎﻃﻊ ﺍﻟﻨﻔﺲ ﻭﺍﻟﻀﺮﺑﻪ ﻗﻮﻳﻪ ﻭﺍﻟﻠﻪ ﺷﺎﻫﺪ ﺷﻔﻨﺎﻩ ﻣﺪﺩ ﺑﺎﻟﻜﺎﻉ ﻭﺍﻟﻲ ﺿﺮﺑﻪ ﺍﻧﻬﺰﻡ ، ﻭﺍﻧﻲ ﻭﺍﺧﻮﻳﻪ ﻣﺎﺧﺬﻱ ﻟﻠﻤﺴﺘﺸﻔﻰ ﺗﻌﺎﻝ ﻭﺍﻥ ﺷﺎﺀ ﺍﻟﻠﻪ ﻧﺘﺎﻟﺤﻚ ﺍﻟﻪ
ﻣﻠﻚ .. ﺍﻡ ﻣﺎﺯﻥ ﺍﺩﻙ ﻭﺗﻠﻄﻢ ﻭﺍﺑﻮﻩ ﻳﺮﺟﻒ ﻭﺍﻭﻝ ﻣﺮﺓ ﺍﺷﻮﻓﻪ ﻫﻴﺞ ﺿﻌﻴﻒ ﻭﻣﻬﺰﻭﺯ ،، ﺑﻘﻴﺖ ﺍﺩﻋﻲ ﺍﻟﻠﻪ ﺍﻧﻮ ﻣﺎﺯﻥ ﻳﻄﻠﻊ ﻋﺎﻳﺶ
ﺍﻡ ﻣﺎﺯﻥ .. ﻭﻟﺞ ﻣﻨﻮﺭﺍﺝ ﺍﺑﻨﻲ ﻣﺎﺕ ﻣﻨﻮﺭﻩ ﻛﺼﺘﺞ ﺍﻟﻔﮕﺮ ﺍﻟﻴﻮﻡ ﺍﺧﻠﺺ ﻋﻠﻴﻬﺎ ﻋﻮﻓﻮﻧﻲ
ﻣﻠﻚ .. ﻛﻤﺖ ﻉ ﺍﻟﺴﺮﻳﻊ ﻭﺩﺧﻠﺖ ﻟﻠﻐﺮﻓﻪ ، ﻳﺎﺭﺏ ﺧﻠﻲ ﻳﺮﺟﻊ ﺳﺎﻟﻢ ﺣﺘﻪ ﻟﻮ ﻳﺘﺰﻭﺝ ﻣﻨﺎﺭ ﻭﻋﺸﺮﺓ ﻭﻳﺎﻫﺎ ﺍﻫﻢ ﺷﻲ ﻣﻴﺼﻴﺮ ﺑﻲ ﺷﻲ 😭
ﻣﺎﺯﻥ .. ﺻﺤﻴﺖ ﻟﻜﻴﺖ ﻧﻔﺴﻲ ﺑﺎﻟﻤﺴﺘﺸﻔﻰ ﻭﺍﺑﻮﻳﻪ ﻭﺍﻣﻲ ﻓﻮﻙ ﺭﺍﺳﻲ ،، ﺭﺃﺳﻲ ﻳﻮﺟﻌﻨﻲ ﺑﺲ ﺍﺭﻳﺪ ﺍﺣﺠﻲ ﻣﺎﻛﺪﺭ ﺍﺣﺲ ﺣﻠﻜﻲ ﻣﺮﺑﻂ ﻭﻣﺨﻴﻄﻲ ﺑﺤﺪﻳﺪ
ﺍﻡ ﻣﺎﺯﻥ .. ﻳﻤﻪ ﺍﺑﻨﻲ ﺑﻌﺪ ﮔﻠﺒﻲ ﻳﻮﻣﻲ ﻗﺒﻞ ﻳﻮﻣﻚ ﺍﻣﻲ ﺣﺒﻴﺒﻲ، ﺑﻴﺞ ﻗﺼﺺ ﻣﻦ ﺣﻴﺎﺗﻨﺎ M&T
ﺍﺑﻮ ﻣﺎﺯﻥ .. ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ﻭﻟﻴﺪﻱ ﻭﻟﻚ ﺭﺩﻧﻪ ﻧﻤﻮﺕ ﻣﻦ ﺧﻮﻓﻨﻪ ﻋﻠﻴﻚ
ﻣﺎﺯﻥ .. ﺍﺷﺮﺕ ﻻﺑﻮﻳﻪ ، ﺍﻧﻮ ﻣﺎﻛﺪﺭ ﺍﺣﺠﻲ ﻟﻴﺶ
ﺍﺑﻮ ﻣﺎﺯﻥ .. ﺍﺑﻨﻲ ﺍﻧﺪﻋﻤﺖ ﻭﺻﺎﺭ ﻋﻨﺪﻙ ﻛﺴﻮﺭ ﺑﺠﺴﻤﻚ ، ﻭﻓﻜﻚ ﺍﻧﻜﺴﺮ ﻭﺧﻠﻮﻟﻚ ﺗﻘﻮﻳﻢ
ﻣﻠﻚ .. ﺑﻘﻴﺖ ﻳﻮﻡ ﻛﺎﻣﻞ ﺍﻧﻲ ﺑﻘﻠﻖ ﻭﻣﺤﺪ ﻳﺤﺠﻲ ﻭﻳﻄﻤﻨﻲ ﺍﻟﻜﻞ ﺫﺍﺏ ﺍﻟﺼﻮﺝ ﺑﻴﻪ ، ﺍﺭﻳﺪ ﺑﺲ ﺧﻴﻂ ﺍﻣﻞ ﺍﻧﻮ ﻣﺎﺯﻥ ﻣﺎﺑﻲ ﺷﻲ ﻣﺎﻛﻮ ﻣﺤﺪ ﻳﺤﺠﻲ ﺃﺳﺄﻝ ﻣﻨﻮ ﺍﻟﻜﻞ ﻛﺎﻟﺒﻪ ﻭﺟﻬﺎ ﻋﻠﻴﻪ
ﻣﺎﺯﻥ .. ﺍﻟﻲ ﺿﺮﺑﻨﻲ ﻃﻠﻊ ﻭﺍﺣﺪ ﻣﺮﺍﻫﻖ ﻣﺎﺧﺬ ﺳﻴﺎﺭﺓ ﺍﺑﻮﻩ ﻭﻳﺴﻮﻕ ﺑﻴﻬﺎ ،، ﻛﻠﺖ ﻻﺑﻮﻳﻪ ﻳﺘﻨﺎﺯﻝ ﻋﻦ ﺍﻟﺸﻜﻮﻩ ،، ﻃﺒﻌﺎ ﺍﻳﺪﻱ ﻭﺭﺟﻠﻲ ﺍﻟﻴﻤﻴﻦ ﻣﻜﺴﻮﺭﺍﺕ ، ﺣﻠﻜﻲ ﻛﻠﻪ ﺗﻘﻮﻳﻢ ﻣﺎﻛﺪﺭ ﺍﺣﺠﻲ ﺍﻣﻲ ﺗﺴﻮﻳﻠﻲ ﺷﻮﺭﺑﺔ ﻭﺍﺷﺮﺑﻬﺎ ﺑﺎﻟﻜﺼﺒﺔ ﺑﻘﻴﺖ ﻳﻮﻣﻴﻦ ﺑﺎﻟﻤﺴﺘﺸﻔﻰ ، ﻃﻜﺖ ﺭﻭﺣﻲ ﻳﺎﺑﺔ ﺍﺭﻳﺪ ﺍﻃﻠﻊ ، ﻃﻠﻌﻮﻧﻲ ﻣﺎﺗﺤﻤﻞ
.......
ﺍﺑﻮ ﻣﺎﺯﻥ .. ﺍﻭﻝ ﺷﻲ ﺍﺷﻮﻑ ﺍﻟﻄﺒﻴﺐ ﺷﻴﻜﻮﻝ ،ﺍﺫﺍ ﻗﺒﻞ ﺍﻃﻠﻌﻚ ﻋﻮﺩ ﻣﻴﺨﺎﻟﻒ ﺍﻧﻄﻠﻌﻚ ﺍﻟﻴﻮﻡ
ﻣﻠﻚ .. ﻣﻦ ﺧﻼﻝ ﺍﻡ ﻣﺎﺯﻥ ﺍﺷﻮﻓﻬﺎ ﺗﺴﻮﻱ ﺍﻛﻞ ﻭﺗﺮﻭﺡ ﻟﻠﻤﺴﺘﺸﻔﻰ ﺍﻃﻤﻨﺖ ﺍﻧﻮ ﻣﺎﺑﻲ ﺷﻲ ﺍﺳﻢ ﺍﻟﻠﻪ ﻟﻮ ﺑﻲ ﺷﻲ ﺟﺎﻥ ﺍﻟﺪﻧﻴﺎ ﺍﻧﮕﻠﺒﺖ ﺍﻟﻒ ﺍﻟﺤﻤﺪ ﻟﻠﻪ ،، ﻛﺎﻋﺪﻩ ﻓﻮﻙ ، ﻭﺟﺎﻧﻲ ﻭﺍﺣﺪ ﻣﻦ ﺍﻟﺠﻬﺎﻝ ،
_ ﺑﻴﺒﻲ ﺩﻛﻮﻝ ﺍﻧﺰﻟﻲ ﻭﺟﻴﺒﻲ ﻭﻳﺎﺝ ﻣﻼﺑﺲ ﻟﻌﻤﻮ ﻣﺎﺯﻥ
ﺍﻱ ﻫﺴﻪ ﺍﺣﻀﺮﻫﻦ ﺑﻌﻼﻛﺔ ﻭﺍﻧﺰﻟﻬﻦ
_ ﻻ ﻋﻤﻮ ﻣﺎﺯﻥ ﻃﻠﻊ ﻣﻦ ﺍﻟﻤﺴﺘﺸﻔﻰ ﻭﻛﺎﻋﺪ ﺟﻮﺓ ﺑﻐﺮﻓﻪ ﺑﻴﺒﻲ
ﻣﻠﻚ .. ﻣﻦ ﻛﺎﻝ ﻫﻴﺞ ﺣﺴﻴﺖ ﮔﻠﺒﻲ ﻃﺎﺭ ﻛﻤﺖ ﻣﺎﺍﻧﺪﻝ ﻃﺮﻳﻘﻲ ، ﺑﺴﺮﻋﻪ ﻃﻠﻌﺖ ﺗﺮﺍﻛﺴﻮﺩ ﻭﻣﻼﺑﺲ ﺩﺍﺧﻠﻴﺔ ، ﻭﻧﺰﻟﺖ ﺷﻔﺘﻪ ﺍﻧﺼﺪﻣﺖ ﻣﺎﻋﺮﻓﺘﻪ ﻭﺟﻬﺎ ﻣﻮﺭﻡ ﻳﺨﻮﻑ ﻭﺑﻨﻔﺲ ﺍﻟﻮﻗﺖ ﻳﻜﺴﺮ ﺍﻟﮕﻠﺐ
ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ
ﻣﺎﺯﻥ .. ﺍﻟﻠﻪ ﻳﺴﻠﻤﺞ ،، ﻳﻤﻪ ﺻﻴﺤﻴﻠﻲ ﻭﺍﺣﺪ ﻣﻦ ﺍﻟﻮﻟﺪ ﻳﺴﺎﻋﺪﻧﻲ ﺑﺎﻟﺴﺒﺢ ﻣﺎﻛﺪﺭ ﻭﺣﺪﻱ
ﺍﻡ ﻣﺎﺯﻥ .. ﺍﻱ ﻳﻤﻪ ﻫﺴﻪ ،، ﺗﻌﺎﻟﻲ ﻣﻠﻚ ﺍﺭﻳﺪ ﺍﺣﺠﻲ ﻭﻳﺎﺝ ، ﺑﺎﻋﻲ ﺭﺍﺡ ﻳﺒﻘﻰ ﻣﺎﺯﻥ ﻫﻞ ﻓﺘﺮﺓ ﺑﻐﺮﻓﺘﻲ ﻭﺍﻧﺘﻲ ﻧﺰﻟﻲ ﺟﻮﺓ ﻛﻌﺪﻱ ﺧﺎﻑ ﻳﺤﺘﺎﺝ ﺷﻲ ﺧﻤﺎ ﺍﺑﻘﻰ ﻛﻞ ﺷﻮﻳﻪ ﺩﺍﺯﻩ ﻋﻠﻴﺞ ﻭﺍﺣﺪ
ﻣﻠﻚ .. ﺍﻱ ﺣﺠﻴﺔ ﺻﺎﺭ ،، ﺑﻘﻠﻤﻲ ﻣﻴﺪﻳﺎ ﺍﻟﻔﻬﺪ
ﺍﻡ ﻣﺎﺯﻥ .. ﻳﻼ ﺭﻭﺣﻲ ﺳﻮﻱ ﺷﻮﺭﺑﻪ ﻣﺎﻝ ﺩﺟﺎﺝ ﻭﺧﻠﻄﻴﻬﺎ ﺑﺎﻟﺨﻼﻁ ﻭﺧﻠﻲ ﻭﻳﺎﻫﺎ ﻛﺼﺒﺔ ، ﻭﻣﻨﺎ ﻭﻫﻴﺞ ﺍﻛﻞ ﻣﺎﺯﻥ ﻛﻠﻪ ﺑﺎﻟﺨﻼﻁ ﻻﻥ ﻣﻴﻜﺪﺭ ﻳﻔﺘﺢ ﺣﻠﻜﺔ
ﻣﻠﻚ .. ﺍﻱ ﺣﺎﺿﺮ ، ﺍﻧﻘﻬﺮﺕ ﻋﻠﻴﻪ ﺧﻄﻴﺔ ﺷﺼﺎﻳﺮ ﺑﻲ ﻣﻌﻘﻮﻟﻪ ﻫﻮ ﺫﺏ ﻧﻔﺴﻪ ﻉ ﺍﻟﺴﻴﺎﺭﺓ ﻉ ﻣﻮﺩ ﻣﻨﺎﺭ ﻭﺍﻟﻠﻪ ﻋﻤﻲ ﺍﻟﻒ ﻣﺮﺓ ﻫﻨﻴﺎﻟﺞ ﻉ ﺣﺐ ﻣﺎﺯﻥ ﻣﺎﻗﺪﺭﺗﻲ ﺍﻟﻨﻌﻤﺔ ﺍﻟﻲ ﺑﻴﺪﺝ ، ﺑﻘﻠﻤﻲ ﻣﻴﺪﻳﺎ ﺍﻟﻔﻬﺪ
ﻣﺎﺯﻥ .. ﺍﺷﻮﻑ ﺍﻣﻲ ﻭﺍﺑﻮﻳﻪ ﻣﺘﺒﻬﺬﻟﻴﻦ ﻧﺎﻳﻢ ﺑﻐﺮﻓﺘﻬﻢ ، ﻃﻠﺒﺖ ﻣﻦ ﺍﺧﻮﺍﻧﻲ ﻳﺼﻌﺪﻭﻧﻲ ﻟﻐﺮﻓﺘﻲ ﺍﺻﻼ ﻫﻨﺎﻙ ﺍﺭﺗﺎﺡ ﺍﻛﺜﺮ ﻣﺘﻌﻠﻢ ﻉ ﻣﻜﺎﻧﻲ
ﺍﻡ ﻣﺎﺯﻥ .. ﻳﻤﻪ ﺷﻠﻮﻥ ﺍﺧﻠﻴﻚ ﺗﺼﻌﺪ ﻣﻨﻮ ﻳﺪﺍﺭﻳﻚ
ﻣﺎﺯﻥ .. ﻣﺎﺣﺘﺎﺝ ﺷﻲ ﻭﺍﺫﺍ ﺭﺩﺕ ﺷﻲ ﺍﺻﻴﺢ ﻉ ﻭﺍﺣﺪ ﻣﻦ ﺍﻟﻮﻟﺪ ﻳﺴﺎﻋﺪﻧﻲ ﻭﻣﻠﻚ ﻫﻢ ﻣﻮﺟﻮﺩﻩ ،
ﻣﻠﻚ .. ﺻﻌﺪ ﻣﺎﺯﻥ ﻟﻠﻐﺮﻓﻪ ﻭﺑﻘﻴﺖ ﺍﺩﺍﺭﻱ ﺑﻲ ﻭﺷﺎﻳﻠﺘﻪ ﺷﻴﻞ ﻗﺒﻞ ﻣﻴﻄﻠﺐ ﺍﻟﺸﻐﻠﺔ ﺍﺭﻛﺾ ﺍﺳﻮﻳﻬﺎ
ﻣﺎﺯﻥ .. ﻣﺮ ﺍﺳﺒﻮﻉ ﻋﺒﺎﻟﻚ ﺳﻨﻪ ﻋﻠﻴﻪ ﻃﻜﺖ ﺭﻭﺣﻲ ﻣﻦ ﺍﻟﺒﻴﺖ ﻭﻣﻦ ﺍﻟﺘﻘﻮﻳﻢ ﻭﻣﻦ ﺍﻟﻜﺼﺒﺔ ﺍﻟﻲ ﺩﻣﺮﺗﻨﻲ ، ﻧﻔﺴﻴﺘﻲ ﺯﻓﺖ ﻣﻨﺎ ﺣﺮﻛﺘﻲ ﺻﻌﺒﺔ ﻭﻣﻨﺎ ﺗﻔﻜﻴﺮﻱ ﺏ ﻣﻨﺎﺭ ﺩﻣﺮﻧﻲ ، ﺍﻟﻜﻞ ﺍﺟﺔ ﻭﺷﺎﻓﻨﻲ ﺍﻻ ﻫﻴﻪ ﺑﻌﺪ ﻣﺸﻔﺘﻬﺎ ،،
ﻣﻠﻚ .. ﻳﻼ ﻣﺎﺯﻥ ﻛﻮﻡ ﺍﻛﻌﺪ ﺟﺒﺘﻠﻚ ﺷﻮﺭﺑﻪ
ﻣﺎﺯﻥ .. ﻣﺎﺭﻳﺪ ﻟﻌﺒﺖ ﻧﻔﺴﻲ ﻣﻦ ﺍﻻﻛﻞ ﻭﻣﻦ ﻭﺿﻌﻲ ﺻﻴﺤﻴﻠﻲ ﻭﺍﺣﺪ ﻣﻦ ﺍﻟﻮﻟﺪ ﻳﻮﺩﻳﻨﻲ ﺍﺷﻠﻊ ﺍﻟﺘﻘﻮﻳﻢ
ﻣﻠﻚ .. ﻳﺤﺠﻲ ﻭﻣﻌﺼﺐ ﻭﺿﺎﻳﺞ ﻣﻦ ﺍﻟﺘﻘﻮﻳﻢ ،، ﺑﺲ ﻉ ﻛﻴﻔﻴﻚ ﻛﻮﻟﻲ ﺷﺘﺮﻳﺪ ﻭﺍﻧﻲ ﺍﺳﻮﻳﻠﻚ ﺍﻱ ﺍﻛﻠﻪ
ﻣﺎﺯﻥ .. ﺍﻧﺘﻲ ﻣﺨﺒﻠﻪ ﻣﺘﺸﻮﻓﻴﻦ ﻣﺎﻛﺪﺭ ﺍﻓﺘﺢ ﺣﻠﻜﻲ ﺷﻠﻮﻥ ﺍﻛﻞ ،
ﻣﻠﻚ .. ﺍﺗﺤﻤﻞ ﻣﺎ ﺑﻘﻰ ﺷﻲ ﻭﺗﻔﺘﺢ ﺍﻟﺘﻘﻮﻳﻢ ، ﻳﻼ ﻋﺪﻝ ﻛﻌﺪﺗﻚ ،، ﺧﻠﻴﺖ ﺍﻟﻤﺨﺪﻩ ﻭﺭﺓ ﻇﻬﺮﻫﺎ ﻭﻃﺨﻴﺖ ﺑﻲ ﺑﻘﻰ ﻳﺒﺎﻭﻉ ﻋﻠﻴﻪ ، ﺑﺴﺮﻋﻪ ﻧﺰﻟﺖ ﺑﺤﺠﺔ ﺍﺟﻴﺐ ﻣﻲ
......
ﻣﺎﺯﻥ .. ﺑﻘﻴﺖ ﺍﺑﺎﻭﻉ ﻉ ﻣﻠﻚ ﻭﺷﻠﻮﻥ ﻣﺘﺤﻤﻠﺘﻨﻲ ﻭﻣﺪﺍﺭﻳﺘﻨﻲ ﺍﺣﺠﻲ ﻋﻠﻴﻬﺎ ﻭﺍﻋﻴﻂ ﻭﻫﻴﻪ ﺳﺎﻛﺘﻪ ﻭﻣﺘﺤﻤﻠﺔ ﺑﻼ ﻫﺎﻱ ﻟﻮ ﻣﻨﺎﺭ ﻣﻮ ﺟﺎﻥ ﺭﺍﺳﺎ ﻣﻠﺖ ﻣﻨﻲ ، ﻛﺎﻓﻲ ﻣﺎﺯﻥ ﻃﻠﻌﻬﺎ ﻣﻦ ﺭﺍﺳﻚ ﺍﺻﻼ ﻣﺘﺴﺘﺎﻫﻞ ﺍﻓﻜﺮ ﺑﻴﻬﺎ ﺍﻟﺨﺎﻳﻨﻪ ، ﺑﻘﻠﻤﻲ ﻣﻴﺪﻳﺎ ﺍﻟﻔﻬﺪ،
ﻣﻠﻚ .. ﻣﺮﺕ ﺍﻻﺷﻬﺮ ﻣﺎﺯﻥ ﻓﺘﺢ ﺍﻟﺘﻘﻮﻳﻢ ﻭﺍﻟﺤﻤﺪ ﻟﻠﻪ ﺭﺟﻊ ﻳﺎﻛﻞ ﺑﺲ ﺍﻳﺪﻩ ﺧﻄﻴﺔ ﻛﻠﺶ ﻣﺘﺄﺫﻳﺔ ﺧﺎﻟﻴﻦ ﺑﻼﺗﻴﻦ ﺷﻜﻠﻬﺎ ﻳﺨﻮﻑ ﻛﻠﻬﺎ ﺣﺪﺍﻳﺪ ،،
ﺑﺎﻟﺒﺪﺍﻳﺔ ﺟﺎﻧﻮ ﺍﺧﻮﺍﻧﻪ ﻳﻠﺒﺴﻮﻩ ﻭﻳﺴﺒﺤﻮﻩ ﺑﻌﺪﻳﻦ ﻛﺎﻡ ﻫﻮ ﻭﺣﺪﻩ ﻳﺴﺒﺢ ﺑﺲ ﻣﻴﻜﺪﺭ ﻳﻠﺒﺲ ﻭﺣﺪﻩ ،، ﺍﻧﻲ ﺍﺳﺎﻋﺪﻩ ﻣﻦ ﻳﺮﻳﺪ ﻳﺒﺪﻝ ﻻﻥ ﻣﻴﻜﺪﺭ ﻭﺣﺪﻩ ﺑﺲ ﺷﻨﻮ ﺣﻴﻞ ﺍﺧﺠﻞ ﺑﺲ ﻉ ﺍﻋﺼﺎﺑﻲ ﻣﺎﻋﻨﺪﻩ ﺍﺣﺪ ﻏﻴﺮﻱ
ﻣﺎﺯﻥ .. ﻣﻠﻚ ﺗﺤﺎﻭﻝ ﺗﺴﻮﻱ ﻛﻠﺸﻲ ﻳﺮﻳﺤﻨﻲ ﻭﺗﺮﻳﺪﻧﻲ ﺑﺲ ﺍﺭﺿﻰ ، ﺷﻜﺪ ﺍﺻﻴﺮ ﻋﺼﺒﻲ ﻭﺍﺿﻮﺝ ﻣﻦ ﻛﻌﺪﺕ ﺍﻟﺒﻴﺖ ﻭﻣﻦ ﻭﺿﻌﻲ ﻭﺣﺮﻛﺘﻲ ﺍﻟﻲ ﻣﻮ ﻣﺜﻞ ﻗﺒﻞ ، ﺑﺲ ﻫﻴﻪ ﺩﺍﺋﻤﺎ ﺗﻤﺘﺺ ﻏﻀﺒﻲ ﺑﺎﺳﻠﻮﺑﻬﺎ ﻭﺑﻀﺤﻜﺘﻬﺎ ﺍﻟﺤﻠﻮﺓ ،
ﺑﺲ ﺍﺣﻠﻰ ﺷﻲ ﺑﻴﻬﺎ ﻣﻦ ﺗﺨﺠﻞ ﻭﺗﺼﻴﺮ ﺣﻤﺮﺓ ﺗﺼﻴﺮ ﻏﻴﺮ ﺷﻲ ﺑﺪﻱ ﺍﻟﺰﻡ ﺧﺪﻭﺩﻫﺎ ﻭﺍﻛﺮﺻﻬﻦ
ﻣﻠﻚ .. ﺧﻼﻝ ﻫﻞ ﻛﻢ ﺷﻬﺮ ﻣﺎﺯﻥ ﺻﺎﺭﺕ ﻧﻈﺮﺍﺗﻪ ﺍﻟﻲ ﻣﻮ ﻃﺒﻴﻌﻴﻪ ، ﻣﺎﺍﻋﺮﻑ ﺑﻴﻦ ﺍﻟﻔﺮﺣﺎﻧﻪ ﻭﺑﻴﻦ ﺍﻟﺨﺎﻳﻔﻪ ، ﻻﻥ ﺍﺩﺭﻱ ﻛﻠﺸﻲ ﺣﻠﻮ ﺑﺤﻴﺎﺗﻲ ﻣﻴﺪﻭﻡ
ﻣﺎﺯﻥ .. ﻣﻠﻚ ﺷﺒﻴﺞ ﺷﻮ ﺻﺎﻓﻨﻪ ﺍﺣﺠﻲ ﻭﻳﺎﺝ ﻭﻣﻮ ﻳﻤﻲ ﺑﻴﺞ ﺷﻲ
ﻣﻠﻚ .. ﻻ ﻣﺎﺑﻴﻪ ﺷﻲ ، ﺷﻨﻮ ﺗﺮﻳﺪ ﺷﻲ ﺍﺟﻴﺒﻠﻚ ﻣﻲ ﻋﺼﻴﺮ
ﻣﺎﺯﻥ .. ﻻ ﻣﺎﺭﻳﺪ ﺷﻲ ، ﺗﺪﺭﻳﻦ ﻭﻻ ﻣﺮﺓ ﺻﺎﺭﺗﻠﻲ ﻓﺮﺻﻪ ﺍﻋﺮﻑ ﺷﻲ ﻋﻨﺞ ، ﺳﻮﻟﻔﻴﻠﻲ ﺷﻠﻮﻥ ﺟﺎﻧﺖ ﺣﻴﺎﺗﺞ ﻗﺒﻞ ﻣﺘﺠﻴﻦ ﺍﻟﺒﻴﺘﻨﻪ
ﻣﻠﻚ .. ﺍﻭﻝ ﻣﺎ ﻛﺎﻝ ﺷﻠﻮﻥ ﺟﺎﻧﺖ ﺣﻴﺎﺗﺞ ﻗﺒﻞ ، ﺭﺃﺳﺎ ﺍﺟﺔ ﻧﺎﺋﻞ ﺑﺎﻟﻲ ﻭﻋﻴﻨﻲ ﺩﻣﻌﺖ ﻣﻬﻤﺎ ﺻﺎﺭ ﻣﺴﺘﺤﻴﻞ ﺍﻟﻮﺍﺣﺪ ﻳﻨﺴﻪ ﺣﺒﺔ ﺍﻻﻭﻝ ، ﻭﺍﻟﺨﻴﺎﻧﻪ ﺍﻝ ﺗﻌﺮﺿﺖ ﺍﻟﻬﺎ ﺑﺴﺒﺐ ﻫﻞ ﺣﺐ ، ﻗﺼﺺ ﻣﻦ ﺣﻴﺎﺗﻨﺎ M&T
ﻣﺎﺯﻥ .. ﻳﻤﻌﻮﺩﻩ ﻭﻳﻦ ﺭﺣﺘﻲ ﻧﺤﻨﻮ ﻫﻨﺎ
ﻣﻠﻚ .. ﻻ ﻭﻳﺎﻙ ﺑﺲ ﺍﺗﺬﻛﺮﺕ ﺷﻲ ،، ﻣﺎﻋﺮﻑ ﺷﺘﺮﻳﺪ ﺗﻌﺮﻑ ﺍﻧﺖ ﺍﺳﺄﻟﻨﻲ
ﻣﺎﺯﻥ .. ﻳﻌﻨﻲ ﻋﻦ ﻧﻔﺴﺞ ﻭﻋﻦ ﺩﺭﺍﺳﺘﺞ ﻭﺣﻴﺎﺗﺞ ﺑﻴﺖ ﺍﻫﻠﺞ ﺑﻴﻦ ﻗﻮﺳﻴﻦ ﻛﻠﺸﻲ
ﻣﻠﻚ .. ﺍﺳﺘﻐﺮﺑﺖ ﻣﻦ ﺍﻫﺘﻤﺎﻣﻪ ﺑﺤﻴﺎﺗﻲ ﻗﺒﻞ ﻭﻳﺮﻳﺪ ﻳﻌﺮﻑ، ﺑﺪﻳﺖ ﺍﺳﻮﻟﻔﻠﻪ ﻋﻦ ﻛﻠﻴﺘﻲ ﻭﺍﻫﻠﻲ ﻭﻋﻦ ﻣﺴﻚ ﻻﻥ ﺟﺎﻧﺖ ﻛﻠﺶ ﻣﻘﺮﺑﺔ ﻣﻨﻲ
ﻣﺎﺯﻥ .. ﻫﻢ ﻣﺸﺘﺎﻗﻪ ﺍﻻﻫﻠﺞ ؟
ﻣﻠﻚ .. ﺭﺃﺳﺎ ﺑﺠﻴﺖ ﺍﻱ ﻭﺍﻟﻠﻪ ﻛﻠﺶ ﻭﺧﺎﺻﻪ ﻣﺎﻣﺎ ﺍﻣﻮﺕ ﻭﺍﺷﻮﻓﻬﺎ ﺻﺎﺭ ﺳﻨﻪ ﻳﻤﻜﻢ ﺑﺲ ﺭﻭﺣﻲ ﻭﮔﻠﺒﻲ ﻳﻤﻬﺎ 😔
ﻣﺎﺯﻥ .. ﻭﻋﺪ ﻋﻠﻴﻪ ﺑﺲ ﺍﻃﻴﺐ ﻭﺍﺷﻴﻞ ﺍﻟﺠﺒﻴﺮﺓ ﺍﻟﻲ ﺑﻴﺪﻱ ﻭﺑﺮﺟﻠﻲ ﺍﻭﺩﻳﺞ ﻋﻠﻴﻬﻢ
ﻣﻠﻚ .. ﺻﺪﻙ ﻣﺎﺯﻥ ﺗﺤﺠﻲ ﺻﺪﻙ ﻟﺔ ﺍﺗﺨﻴﻞ ﺧﺎﻑ ﺍﺫﺍﻧﻲ ﺑﻴﻬﺎ ﺧﻠﻞ ﻭﻛﻤﺖ ﺍﺗﻮﻫﻢ
ﻣﺎﺯﻥ .. ﻫﻬﻬﻬﻪ ﻻ ﺻﺪﻙ ، ﻭﻟﺰﻣﺖ ﺍﻳﺪﻫﺎ
ﻣﻠﻚ .. ﻟﺰﻡ ﺍﻳﺪﻱ ﻣﺎﺍﻋﺮﻑ ﺷﺼﺎﺭ ﺑﻴﻪ ﺭﺍﺳﺎ ﺳﺤﺒﺘﻬﺎ ﻭﻛﻔﺖ ﻻﻥ ﺟﻨﻪ ﻛﺎﻋﺪﻳﻦ ﻉ ﺍﻟﻘﻨﻔﺔ
ﻣﺎﺯﻥ .. ﺷﺒﻴﺞ ﻉ ﻛﻴﻔﺞ ﻗﺎﺑﻞ ﺷﺴﻮﻳﺘﻠﺞ
ﻣﻠﻚ .. ﺑﻘﻴﺖ ﻣﺪﻧﻜﻪ ﻭﻣﺴﺘﺤﻴﺔ ، ﻳﻼ ﺍﻧﻲ ﺍﻧﺰﻝ ﺍﻏﺴﻞ ﺍﻟﻤﻼﺑﺲ ﺗﺮﻳﺪ ﺷﻲ ﺍﺟﻴﺒﻠﻚ ؟؟
.....
ﻣﺎﺯﻥ .. ﺑﮕﻠﺒﻲ، ﻳﻤﻪ ﻓﺪﻭﺓ ﻟﻠﺨﺠﻼﻥ ﻭﺍﻟﻤﺴﺘﺤﻲ ، ﻻ ﻣﺎﺭﻳﺪ ﺷﻲ ، ﺻﻔﻨﺖ ﻉ ﻧﻔﺴﻲ ﻣﻌﻘﻮﻟﻪ ﺣﺒﻴﺘﻬﺎ ﻣﻌﻘﻮﻟﻪ ﻋﺸﻘﺖ ﻓﺼﻠﻴﺘﻲ ؟؟
ﻣﻠﻚ .. ﻳﻤﻪ ﮔﻠﺒﻲ ﺭﺍﺡ ﻳﻮﻛﻒ ﻣﻤﺼﺪﻛﻪ ﻣﻌﻘﻮﻟﻪ ﻣﺎﺯﻥ ﻛﻤﺶ ﺍﻳﺪﻱ ﻟﻮ ﺍﺗﺨﻴﻞ ﺍﻣﺸﻲ ﻭﺍﺑﺘﺴﻢ ، ﺍﻭﻳﻠﻲ ﺻﺪﻙ ﻭﻫﻞ ﺍﻻﺷﻜﺮ ﻳﻜﻮﻡ ﻳﺤﺒﻨﻲ ﻣﺎﺻﺪﻙ ﻭﺍﻟﻠﻪ ،ﻓﺪﻭﺓ ﺍﻟﻄﻮﻟﻪ ﺍﻟﺤﻠﻮ
ﻣﺎﺯﻥ .. ﻣﺮﺕ ﺍﻻﻳﺎﻡ ﻭﻧﺰﻋﺖ ﺍﻟﭽﺒﺲ ﻭﺻﺮﺕ ﺍﺣﺴﻦ ﻣﻦ ﻗﺒﻞ ﺭﺟﻌﺖ ﻟﻠﺒﻴﺖ ﻭﻟﻜﻴﺖ ﻧﺴﻮﺍﻥ ﺍﺧﻮﺗﻲ ﻭﺟﻬﺎﻟﻬﻦ ﻣﺒﺪﻟﻴﻦ ﻭﺩﻳﻄﻠﻮﻥ ، ﻫﺎﺍ ﻭﻳﻦ ﺭﺍﻳﺤﻴﻦ ﺍﻟﻴﻮﻡ
ﻟﻴﻠﻰ .. ﻟﻴﺶ ﻣﺘﺪﺭﻱ ﻣﻦ ﺍﻟﻴﻮﻡ ﻋﺮﺱ ﻣﻨﺎﺭ ﺑﻨﺖ ﺧﺎﻟﺘﻚ 😼 ، ﻳﻜﻮﻟﻚ ﻣﺴﻮﻳﻦ ﺍﻟﻌﺮﺱ ﺑﻨﺎﺩﻱ ﺍﻟﺼﻴﺪ
ﻣﺎﺯﻥ .. ﻣﻦ ﺣﺠﺖ ﻫﻴﺞ ﻓﺎﺭﺕ ﺍﻋﺼﺎﺑﻲ ﻋﻔﺘﻬﺎ ﻭﺻﻌﺪﺕ ﺑﺲ ﻧﺎﺭ ﻭﺗﺤﺮﻛﻨﻲ ﺣﺮﻙ ، ﺍﻟﺨﺎﻳﻨﻪ ﺳﻮﺗﻬﺎ ﺻﺪﻙ ﻭﺗﺰﻭﺟﺖ ﻭﺍﻧﻲ ﻓﻮﻙ ﺍﻟﺴﻨﻪ ﻋﺎﻗﺪ ﻉ ﻣﻠﻚ ﻣﺎﻓﻜﺮﺕ ﺍﺑﺎﻭﻉ ﻋﻠﻴﻬﺎ ﺍﻛﻮﻝ ﻻ ﻣﻨﺎﺭ ﻣﺎﻟﻴﻪ ﻋﻴﻨﻲ ، ﻭﻣﻠﻚ ﺣﻼﻟﻲ
ﻣﻠﻚ .. ﻃﺒﻴﺖ ﺳﺒﺤﺖ ﺑﺎﻟﺤﻤﺎﻡ ﻭﻻﻓﻪ ﻧﻔﺴﻲ ﺑﺎﻟﺒﺮﻧﺺ ، ﻃﻠﻌﺖ ﺍﺟﻴﺐ ﻣﻼﺑﺴﻲ ﺧﺎﻟﺘﻬﻦ ﻉ ﻛﺮﺳﻲ ﻭﺍﺷﻮﻑ ﻣﺎﺯﻥ ﻭﺍﻛﻒ ﻭﻋﻴﻮﻧﻪ ﻣﻮ ﻃﺒﻴﻌﻴﺎﺕ ﺭﺩﺕ ﺍﺧﺬ ﺍﻟﻬﺪﻭﻡ ﺻﺎﺭ ﺑﻮﺟﻬﻲ ﺧﻔﺖ ، ﺷﺒﻴﻚ ﻣﺎﺯﻥ ؟؟ّ
ﻣﺎﺯﻥ .. ﻣﻨﺎ ﻣﻨﺎﺭ ﻭﻋﺮﺳﻬﺎ ﻭﻣﻨﺎ ﻣﻠﻚ ﻃﺎﻟﻌﻪ ﺑﺎﻟﺒﺮﻧﺺ ﻣﺎﺣﺴﻴﺖ ﺑﻨﻔﺴﻲ ﺍﻻ ﻭﺍﻧﻲ ﺍﺣﻀﻦ ﺑﻴﻬﺎ ﻭﺍﺑﻮﺳﻬﺎ
ﻣﻠﻚ .. ﺑﺪﻩ ﻳﺘﻘﺮﺑﻠﻲ ﻭﺍﻧﻲ ﺍﺩﻓﻊ ﺑﻲ ﺣﻴﻞ ﻭﺍﺭﻳﺪ ﺍﻭﺧﺮ ﻣﻨﻪ ﺑﺲ ﻣﺎﻛﺪﺭ ﺍﻗﻮﻯ ﻣﻨﻲ ﺍﺗﻮﺳﻞ ﺑﻲ ، ﻣﺎﺯﻥ ﺍﻟﻠﻪ ﻳﺨﻠﻴﻚ ﻋﻮﻓﻨﻲ ﺷﺒﻴﻚ ﺍﻟﻠﻪ ﻳﺨﻠﻴﻚ ﻭﺧﺮ ﻣﻨﻲ 😭
ﻣﺎﺯﻥ .. ﻣﻦ ﻛﺎﻣﺖ ﺗﺒﺠﻲ ﻭﺗﻌﻴﻂ ﻉ ﻛﻴﻒ ﻭﺗﺪﻓﻊ ﺑﻴﻪ ﺣﺴﻴﺖ ﻉ ﻧﻔﺴﻲ ﺍﻧﻲ ﺷﺪﺍﺳﻮﻱ ﺷﻠﻮﻥ ﻫﻴﺞ ﺍﺳﻮﻱ ﺑﻤﻠﻚ ،، ﻋﻔﺘﻬﺎ ﻭﻧﺰﻟﺖ ﺟﻮﺓ، ﻗﺼﺺ ﻣﻦ ﺣﻴﺎﺗﻨﺎ M&T
ﻣﻠﻚ .. ﺍﺧﻄﺖ ﻫﺪﻭﻣﻲ ﻭﺭﺟﻌﺖ ﻟﻠﺤﻤﺎﻡ ﺍﺑﺠﻲ ﺟﻮﺓ ﺍﻟﺪﻭﺵ 😭 ﻣﺎﺍﻋﺮﻑ ﻟﻴﺶ ﻫﻴﺞ ﺧﻔﺖ ﻣﻨﻪ ﻭﻉ ﺍﻟﻌﻠﻢ ﺍﻧﻲ ﻣﻌﺠﺒﺔ ﺑﻲ ﺍﻛﺜﺮ ﻣﻦ ﻣﺎﻫﻮ ﻣﻌﺠﺐ ﺑﻴﻪ ﺑﺲ ﺣﺴﻴﺖ ﺑﺎﻹﻫﺎﻧﺔ ﻟﻴﺶ ﺑﻬﻞ ﻳﻮﻡ ﻫﻴﺞ ﻳﺘﻘﺮﺑﻠﻲ ﻻﻥ ﻋﺮﺱ ﻣﻨﺎﺭ ؟
ﻣﺎﺯﻥ .. ﺑﻘﻴﺖ ﻛﻢ ﻳﻮﻡ ﺍﻧﻲ ﺑﺎﻟﻬﻮﻝ ﻛﺎﻋﺪ ﻭﺣﺘﻪ ﻣﺎﺍﻃﻠﺐ ﻣﻨﻬﺎ ﺷﻲ ﻣﺎﻟﻲ ﻋﻴﻦ ﺍﺣﺤﻲ ﻭﻳﺎﻫﺎ ﺑﻌﺪ ﺍﻟﻲ ﺳﻮﻳﺘﻪ ،
ﺍﻡ ﻣﺎﺯﻥ .. ﻳﻤﻪ ﺻﺎﺭﻟﻚ ﻛﻢ ﻳﻮﻡ ﻣﻮ ﻃﺒﻴﻌﻲ ﻟﻴﺶ ﻋﺎﻳﻒ ﻏﺮﻓﺘﻚ ﻭﺗﻔﺮﺵ ﺑﺎﻟﻬﻮﻝ ﺗﻨﺎﻡ
ﻣﺎﺯﻥ .. ﻫﻴﺞ ﻋﺎﺟﺒﻨﻲ ﻣﻴﺼﻴﺮ ﺍﻧﺎﻡ ﻫﻨﺎ ﺷﻨﻮ ﺣﺮﺍﻡ
ﺍﻡ ﻣﺎﺯﻥ .. ﻭﺷﺒﻴﻚ ﻛﺒﻴﺖ ﺑﻮﺟﻬﻲ ﻗﺎﺑﻞ ﺷﺤﺠﻴﺖ ﺍﻧﻲ
ﻣﻠﻚ .. ﺑﻘﻴﺖ ﻛﻢ ﻳﻮﻡ ﻛﻠﻪ ﻭﺣﺪﻱ ﺑﺎﻟﻐﺮﻓﻪ ﺍﺻﻼ ﻣﺎﻛﺪﺭ ﺍﻧﺰﻝ ﺍﺩﺭﻱ ﺑﻤﺎﺯﻥ ﻛﺎﻋﺪ ﺟﻮﺓ ﺑﺎﻟﻬﻮﻝ ﻣﺎﻛﺪﺭ ﺍﺷﻮﻓﻪ ، ﻛﻤﺖ ﺍﻗﻔﻞ ﺑﺎﺏ ﺍﻟﻐﺮﻓﻪ ﻋﻠﻴﻪ
ﻣﺎﺯﻥ .. ﺻﻌﺪﺕ ﺍﺟﻴﺐ ﻣﻼﺑﺴﻲ ﺍﻓﺘﺢ ﺑﺎﻟﺒﺎ ﻣﻘﻔﻮﻝ ، ﺩﻛﻴﺘﻪ
ﻣﻠﻚ .. ﻣﻨﻮ ؟؟
ﻣﺎﺯﻥ .. ﺍﻧﻲ ﻓﺘﺤﻲ ﺍﻟﺒﺎﺏ
ﻣﻠﻚ .. ﻳﻤﻪ ﺍﻟﻠﻪ ﺍﻟﻴﺴﺘﺮ ﺻﺎﺭ ﻛﻮﻣﻪ ﻣﺎﺻﺎﻋﺪ ﻭﺍﺫﺍ ﻳﺮﻳﺪ ﺷﻲ ﻳﺪﺯ ﺑﻨﺖ ﺍﺧﻮﻩ ﻋﻠﻴﻪ ، ﻟﺒﺴﺖ ﺷﺎﻟﻲ ﻭﻓﺘﺤﺖ ﺍﻟﺒﺎﺏ
ﻣﺎﺯﻥ .. ﺷﻨﻮ ﻣﺘﻌﺮﻓﻴﻦ ﺗﺴﻠﻤﻴﻦ ﺧﺮﺳﻪ ؟
ﻣﻠﻚ .. ﻫﻠﻮ ﺷﻠﻮﻧﻚ ﻭﻣﺪﻧﻜﻪ
ﻣﺎﺯﻥ .. ﻣﻠﻚ ﺍﺳﻒ ﻣﺎ ﺍﻋﺮﻑ ﺷﺠﺎﻧﻲ ﺫﺍﻙ ﺍﻟﻴﻮﻡ ﻣﻮ ﻗﺼﺪﻱ ﺍﺳﻮﻳﻠﺞ ﺷﻲ ﻭﺍﻟﻠﻪ
ﻣﻠﻚ .. ﻫﻮ ﻳﺤﺠﻲ ﻭﺍﻧﻲ ﻣﺪﻧﻜﻪ ﻣﺎﻛﺪﺭ ﺣﺘﻪ ﺍﺭﻓﻊ ﺭﺍﺳﻲ ، ﺍﺟﻪ ﺍﺗﻘﺮﺏ ﻭﻛﻌﺪ ﻳﻤﻪ ﺍﻧﻲ ﺍﺩﻧﻴﺖ ﺷﻮﻳﻪ
ﻣﺎﺯﻥ .. ﺭﻓﻌﺖ ﺭﺍﺳﻬﺎ ﺑﻴﺪﻱ ﻭﻛﻠﺘﻠﻬﺎ ، ﺑﻌﺪ ﺿﺎﻳﺠﺔ ﻣﻨﻲ ﻭﺍﻟﻠﻪ ﻣﻮ ﻗﺼﺪﻱ ﺍﺿﻮﺟﺞ ،، ﺑﻘﻠﻤﻲ ﻣﻴﺪﻳﺎ ﺍﻟﻔﻬﺪ
ﻣﻠﻚ .. ﻻ ﻋﺎﺩﻱ ﻣﺼﺎﺭ ﺷﻲ ، ﺍﻭﻑ ﻫﺬﺍ ﮔﻠﺒﻲ ﺭﺍﺡ ﻳﻔﻀﺤﻨﻲ ﻳﻤﻜﻦ ﺩﻛﺎﺗﻪ ﻭﺍﺻﻠﻪ ﺍﻟﺴﺎﺑﻊ ﺟﺎﺭ، ﻭﻧﻔﺴﻲ ﺗﺨﺮﺑﻄﺖ ﻛﻤﺖ ﺍﺗﻨﻔﺲ ﺑﺴﺮﻋﻪ
ﻣﺎﺯﻥ .. ﺷﺒﻴﺞ ﻣﻠﻚ ﺑﻌﺪﺝ ﺧﺎﻳﻔﻪ ﻣﻨﻲ ، ﻉ ﻛﻴﻔﺞ ﻧﻔﺴﺞ ﺭﺍﺡ ﻳﻨﻜﻄﻊ
ﻣﻠﻚ .. ﻻ ﻣﺎ ﺧﺎﻳﻔﺔ
ﻣﺎﺯﻥ .. ﻟﻌﺪ ﺭﻓﻌﻲ ﺭﺍﺳﺞ ﺍﺭﻳﺪ ﺍﺷﻮﻑ ﻭﺟﻬﺞ ﺍﻟﺤﻠﻮ
ﻣﻠﻚ .. ﺑﮕﻠﺒﻲ ﻣﻮ ﺍﻧﻲ ﻭﺟﻬﻲ ﺍﻟﺤﻠﻮ ﺍﻧﺖ ﻭﺟﻬﻚ ﻛﻤﺮ 14 ، ﺭﻓﻌﺖ ﺭﺍﺳﻲ ﻣﻮ ﻋﻴﻮﻥ ﻳﺎﺭﺑﻲ ﺑﺤﺮ ﻳﻐﺮﻙ ﺍﻛﺒﺮ ﻭﺍﺣﺪ ﺑﻴﻬﻦ
ﻣﺎﺯﻥ .. ﻣﻠﻚ ﻣﻮ ﺗﺮﻳﺪﻳﻦ ﺗﺮﻭﺣﻴﻦ ﺗﺸﻮﻓﻴﻦ ﺍﻫﻠﺞ ﻳﻼ ﻛﻮﻣﻲ ﺑﺪﻟﻲ ﺍﻭﺩﻳﺞ ﺑﺲ ﺳﺎﻋﺘﻴﻦ ﻭﺍﺩﻙ ﻋﻠﻴﺞ ﺍﻃﻠﻌﻴﻦ ﺍﻭﻙ ؟
ﻣﻠﻚ .. 😮😮
ﻣﺎﺯﻥ .. ﺷﺒﻴﺞ ﻓﺘﺤﺘﻲ ﺣﻠﻜﺞ ﺗﺮﻳﺪﻳﻦ ﺗﺮﻭﺣﻴﻦ ﻟﻮﻻ
ﻣﻠﻚ .. ﺍﻱ ﺍﻱ ﻃﺒﻌﺎ ﺍﺭﻳﺪ ﺑﺲ ﻣﺎﺻﺪﻛﺖ ﻣﻦ ﻛﻠﺘﻠﻲ ، ﻣﺜﻞ ﺍﻟﺒﺮﻕ ﻛﻤﺖ ﻟﺒﺴﺖ ﻭﺣﻀﺮﺕ ﻧﻔﺴﻲ ﻭﻟﺒﺴﺖ ﻋﺒﺎﺗﻲ ﻭﺧﻠﻴﺖ ﻣﻜﻴﺎﺝ ﺧﻔﻴﻒ ﺍﺻﻼ ﻣﻤﺒﻴﻦ ، ﻭﻣﻨﻄﻴﺖ ﺧﺒﺮ ﻻﻣﻲ ﺍﺭﻳﺪ ﺍﺳﻮﻳﻠﻬﺎ ﻣﻔﺎﺟﺌﺔ ،
ﺍﻭﻑ ﻣﻌﻘﻮﻟﻪ ﺑﻌﺪ ﻛﻞ ﻫﻞ ﺍﻟﻔﺘﺮﺓ ﺍﺭﺟﻊ ﺍﺷﻮﻑ ﺍﻣﻲ ﻭﺍﺷﻢ ﺭﻳﺤﺘﻬﺎ ﺍﻭﻳﻠﻲ ﻭﺍﻟﻠﻪ ﻣﺎﺻﺪﻙ ﺍﺻﻼ ﺍﻧﻲ ﻛﻄﻌﺖ ﺍﻻﻣﻞ ﺍﻭﻝ ﻣﺎﺩﺧﻠﺖ ﻫﻞ ﺑﻴﺖ ﺍﻧﻮﻭ ﺑﻌﺪ ﺍﺷﻮﻑ ﺍﻱ ﺍﺣﺪ ﻣﻦ ﺍﻫﻠﻲ ، ﻭﺑﻨﻔﺲ ﺍﻟﻮﻗﺖ ﻣﺎﺭﻳﺪ ﺍﺷﻮﻑ ﻣﺤﻤﺪ ﻭﻣﺮﺗﻪ ﻳﻤﻜﻦ ﺍﺷﺮﺏ ﻣﻦ ﺩﻣﻬﻢ ﺍﺫﺍ ﺷﻔﺘﻬﻦ ﺩﻣﺮﻭﺍ ﺣﻴﺎﺗﻲ ،
ﻻ ﻟﻮ ﻣﺎ ﻫﻤﻪ ﺟﺎﻥ ﺍﻧﻲ ﻣﺎﺷﻔﺖ ﻣﺎﺯﻥ ﻭﻋﺮﻓﺘﻪ ﺍﻭﻑ ﻣﺎﺯﻥ ﻣﻮ ﺷﺎﻳﻠﻪ ﻓﻜﺮﺓ ﺍﻟﺤﺐ ﻣﻦ ﺭﺍﺳﻲ ﺑﻌﺪ ﺇﻟﻲ ﺳﻮﺍﻩ ﻧﺎﺋﻞ ﺑﻴﻪ ﺷﻠﻮﻥ ﻭﺭﻃﺖ ﻧﻔﺴﻲ ﻭﺣﺒﻴﺘﻚ
ﻣﺎﺯﻥ .. ﻛﻌﺪﺕ ﺑﺎﻟﻬﻮﻝ ﺍﻧﺘﻈﺮﻫﺎ ﺗﻨﺰﻝ ، ﻭﺭﻩ ﺷﻮﻳﻪ ﻧﺰﻟﺖ ﺍﺣﺴﻬﺎ ﻣﺤﻠﻮﺓ ﺑﻘﻴﺖ ﺍﺑﺎﻭﻉ ﻋﻠﻴﻬﺎ ،، ﻃﺎﻟﻌﻪ ﺣﻠﻮﺓ ﺍﻟﻴﻮﻡ
ﻣﻠﻚ .. ﺑﺨﺠﻞ ﺷﻜﺮﺍ ،، ﺻﻌﺪﺕ ﺑﺎﻟﺴﻴﺎﺭﺓ ﻭﺭﺍﺟﻒ ﻭﺍﻓﻜﺮ ﺷﻠﻮﻥ ﺭﺍﺡ ﻳﻜﻮﻥ ﺍﻟﻘﺎﺀ ﺑﺎﻣﻲ ، ﻭﺻﻠﻨﻪ ﻟﻤﻨﻄﻘﺘﻨﻪ ﺭﺟﻌﺘﻠﻲ ﻛﻞ ﺍﻟﺬﻛﺮﻳﺎﺕ ﺍﻟﺤﻠﻮﺓ ﻭﺍﻟﻤﻮ ﺣﻠﻮﺓ ، ﺭﺟﻠﻴﻪ ﻛﺎﻣﺖ ﺗﺮﺟﻒ ﻣﻦ ﺷﻔﺖ ﺑﺎﺏ ﺍﻟﺒﻴﺖ
ﻣﺎﺯﻥ .. ﻣﻠﻚ ﺷﺒﻴﺞ ﺗﻨﺰﻟﻴﻦ ﻟﻮﻻ ؟
ﻣﻠﻚ .. ﺍﻱ ﺍﻧﺰﻝ ﺑﺲ ﺧﺎﻳﻔﻪ
ﻣﺎﺯﻥ .. ﻣﻦ ﺷﻨﻮ ﺧﺎﻳﻔﻪ ﺍﻧﺘﻲ ﻣﻮ ﺗﺮﻳﺪﻳﻦ ﺗﺸﻮﻓﻴﻦ ﺍﻫﻠﺞ، ﻳﻼ ﺍﺧﺬﻱ ﻧﻔﺲ ﻋﻤﻴﻖ ﻭﺍﻧﺰﻟﻲ ﺍﻛﻴﺪ ﺍﻣﺞ ﺭﺍﺡ ﺗﻔﺮﺡ ﺑﺸﻮﻓﺘﺞ
ﻣﻠﻚ .. ﺳﻮﻳﺖ ﻣﺜﻞ ﻣﺎ ﻛﺎﻝ ﻣﺎﺯﻥ ﻧﺰﻟﺖ ﻭﻫﻮ ﻳﺒﺎﻭﻉ ﻋﻠﻴﻪ ﻣﻦ ﺑﻌﻴﺪ ﺩﻛﻴﺖ ﺍﻟﺒﺎﺏ ﻭﺟﺎﻥ ﻳﻨﻔﺘﺢ ﺍﻟﺒﺎﺏ ﺑﻘﻴﺖ ﺟﺎﻣﺪﻩ ﻭﺩﻣﻮﻋﻲ ﺗﺠﺮﻱ ﻟﻮ ﺗﺪﺭﻭﻥ ﻣﻨﻮ ﻓﺘﺢ ﺍﻟﺒﺎﺏ
……
يتبع..
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء