...
رواية عشقت فصليتي الجزء التاسع
...
# ﻋﺸﻘﺖ _ ﻓﺼﻠﻴﺘﻲ
ﺍﻟﺒﺎﺭﺕ ﺍﻝ 9
ﺑﻘﻠﻤﻲ # ﻣﻴﺪﻳﺎ _ ﺍﻟﻔﻬﺪ
ﻣﺎﺯﻥ .. ﺍﻧﻲ ﺭﺍﺡ ﺍﻧﺎﻡ ﻫﻨﺎ ﻻ ﻣﺎﻛﻮ ﻏﺮﻓﻪ ﻓﺎﺭﻏﻪ ﺑﺎﻟﺒﻴﺖ
ﻣﻠﻚ 😨.. ﺍﻱ ﻋﺎﺩﻱ ﺍﻧﻲ ﺍﻧﺰﻝ ﺑﺎﻟﻤﺨﺰﻥ ﺍﻧﺎﻡ ﺻﻼ ﺗﻌﻠﻤﺖ ﻋﻠﻴﻪ
ﻣﺎﺯﻥ .. ﺍﻭﻛﻔﻲ ﻭﻳﻦ ﺭﺍﻳﺤﺔ ، ﻧﺎﻣﻲ ﻫﻨﺎ ﻗﺎﺑﻞ ﺍﻧﻲ ﺭﺍﺡ ﺍﻛﻠﺞ ، ﺭﺍﺡ ﺍﻧﺎﻡ ﻉ ﺍﻟﻘﻨﻔﻪ ﻭﺍﻧﺘﻲ ﻧﺎﻣﻲ ﻉ ﺍﻟﺠﺮﺑﺎﻳﺔ
ﻣﻠﻚ .. ﻻ ﻣﺎﻛﻮ ﺩﺍﻋﻲ ﺍﻧﻲ ﺭﺍﺡ ﺍﻧﺰﻝ ﺟﻮﺓ
ﻣﺎﺯﻥ .. ﺍﻧﺘﻲ ﻟﻴﺶ ﺗﺤﺒﻴﻦ ﺗﻌﺎﻧﺪﻳﻨﻲ ﻣﺎﻛﻮ ﺷﻐﻠﻪ ﻛﻠﺘﻠﺞ ﻋﻠﻴﻬﺎ ﺍﺫﺍ ﻣﺎﻋﺎﻧﺪﺗﻲ ﻭﺳﻮﻳﺘﻲ ﻋﻜﺲ ﻣﺎﺭﻳﺪ ، ﻳﻼ ﻧﺎﻣﻲ ﻫﻨﺎ ﻭﻫﺬﺍ ﺍﻟﺒﺎﺏ ﻭﻗﻔﻠﺘﻪ ﺍﺭﻳﺪ ﺍﺷﻮﻑ ﺷﻠﻮﻥ ﺗﻨﺰﻟﻴﻦ ﺑﻌﺪ
ﻣﻠﻚ .. ﻛﺎﻡ ﻗﻔﻞ ﺍﻟﺒﺎﺏ ﻭﻭﺟﻬﻪ ﻣﻌﺼﺐ ، ﻛﻤﺖ ﺍﺑﺠﻲ ﺧﻔﺖ ﻣﻨﻪ ﺷﻨﻮ ﺍﻧﺎﻡ ﻭﻳﻪ ﻭﻟﺪ ﻣﺎ ﺍﻋﺮﻓﻪ ﺑﻨﻔﺲ ﺍﻟﻐﺮﻓﻪ ﻻ ﻭﺍﻟﻨﻮﺏ ﻗﻔﻞ ﺍﻟﺒﺎﺏ 😭😭
ﻣﺎﺯﻥ .. ﻫﺎﻱ ﺷﺒﻴﺞ ﺑﺎﺑﺎ ﻉ ﺷﻨﻮ ﺗﺒﺠﻴﻦ ﺷﻨﻮ ﺍﻋﺾ ﻭﺍﻧﻲ ﻣﺎﺩﺭﻱ ، ﺍﺩﺭﻱ ﺑﻴﺞ ﺿﺠﺘﻲ ﻣﻨﻲ ﻻﻥ ﺿﺮﺑﺘﺞ ﺑﺲ ﺻﺪﻛﻲ ﺑﺎﻟﻠﻪ ﻟﻮ ﻣﺎﺿﺎﺭﺑﺞ ﺟﺎﻥ ﺍﻣﻲ ﺧﻠﺼﺖ ﻋﻠﻴﺞ ﻭﺍﻧﻲ ﻫﻢ ﻣﺎﺍﺧﻠﺺ ﻣﻦ ﺍﻟﻠﺴﺎﻧﻬﺎ ﺗﻀﻞ ﺗﺤﺠﻲ ﻋﻠﻴﻪ ، ﺍﻧﻲ ﺍﺳﻒ ﻻﻥ ﺿﺮﺑﺘﺞ
ﻣﻠﻚ .. ﺍﺭﻳﺪ ﺍﻧﺰﻝ ﺟﻮﺓ ﻣﺎﻛﺪﺭ ﺍﺑﻘﻪ ﻫﻨﺎ ﺍﻓﺘﺢ ﺍﻟﺒﺎﺏ
ﻣﺎﺯﻥ .. ﺍﻧﺘﻲ ﻟﻴﺶ ﻣﺼﺮﺓ ﺗﻀﻮﺟﻴﻨﻲ ﺑﺎﺑﺎ ﻻ ﺗﺨﺎﻓﻴﻦ ﻣﻨﻲ ﺍﺻﻼ ﻣﻌﺘﺒﺮﺝ ﻣﺜﻞ ﺍﺧﺘﻲ ،ﺍﻧﻲ ﺃﺣﺐ ﻣﻨﺎﺭ ﻭﺍﻥ ﺷﺎﺀ ﺍﻟﻠﻪ ﺭﺍﺡ ﻧﺘﺰﻭﺝ ﻋﻦ ﻗﺮﻳﺐ
ﻣﻠﻚ .. ﺭﺟﻌﺖ ﻛﻌﺪﺕ ﻉ ﺍﻟﺠﺮﺑﺎﻳﺔ ﺑﺲ ﺑﻘﻴﺖ ﻻﺑﺴﻪ ﺷﺎﻟﻲ ﻭﻛﺎﻋﺪﻩ ﻭﻣﺘﻐﻄﻴﻪ ﺑﺎﻟﺠﺮﺟﻒ ﻛﺎﻡ ﻃﻔﻪ ﺍﻟﻀﻮﺓ ﺑﻘﻪ ﺑﺲ ﺍﻟﺘﻠﻔﺰﻳﻮﻥ ﻣﺸﺘﻐﻞ ﻭﻃﺎﻟﻊ ﻓﻠﻢ ﺍﺟﻨﺒﻲ ، ﻭﻣﺎﺯﻥ ﻛﺎﻋﺪ ﻉ ﺍﻟﻘﻨﻔﻪ
ﻣﺎﺯﻥ .. ﺭﮔﺒﺘﻲ ﻛﺎﻣﺖ ﺗﻮﺟﻌﻨﻲ ﻣﻦ ﺍﻟﻜﻌﺪﻩ
ﻣﻠﻚ .. ﻛﻤﺖ ﺍﻏﻔﻲ ﺑﺲ ﺍﺣﺎﻭﻝ ﺍﺿﻞ ﺻﺎﺣﻴﻪ ﺷﻮ ﻫﺬﺍ ﻭﺭﺓ ﺷﻮﻳﻪ ﻛﺎﻡ ﻭﺍﺟﻪ ﻋﻠﻴﻪ، ﻛﻤﺖ ﺍﻗﺮﻩ ﺁﻳﺎﺕ ﻳﻤﻪ ﺷﺮﺍﺡ ﻳﺼﻴﺮ ﺑﻴﺞ ﻣﻠﻚ 😧
ﻣﺎﺯﻥ .. ﺷﺒﻴﺞ ﺍﺧﺘﺮﻋﺘﻲ ﺍﺟﻴﺖ ﺍﺧﺬ ﺍﻟﻤﺨﺪﻩ 😂 ﻭﺍﻟﻠﻪ ﺿﺤﻜﺘﻴﻨﻲ ﺑﺎﺑﻪ ﻟﻮ ﺍﺭﻳﺪ ﺷﻲ ﻣﻨﺞ ﺟﺎﻥ ﺍﺧﺬﺗﻪ ﻣﻦ ﺍﻭﻝ ﻳﻮﻡ ﻋﻘﺪﺕ ﻋﻠﻴﺞ ﺍﻃﻤﺌﻨﻲ ﺃﻃﻤﺌﻨﻲ ﻣﻮ ﺍﻧﻲ ﺍﻟﻲ ﻳﻨﺨﺎﻑ ﻣﻨﻲ
ﻣﻠﻚ .. ﺑﮕﻠﺒﻲ،، ﻫﻮ ﻳﺎ ﻃﻤﺌﻨﻲ ﺍﻧﻲ ﮔﻠﺒﻲ ﻭﻛﻊ ﺑﺎﻟﻜﺎﻉ ﻣﻦ ﺍﻟﺨﻮﻑ ﺭﺑﻲ ﺷﻴﻌﺪﻱ ﻫﻞ ﺍﻟﻠﻴﻠﻪ
ﻣﺎﺯﻥ .. ﻛﻌﺪﺕ ﺍﻟﺼﺒﺢ ﻣﺘﻜﺴﺮ ﻣﻨﻮﺭﺓ ﺍﻟﻘﻨﻔﻪ ﻇﻬﺮﻱ ﻳﻤﻮﺗﻨﻲ ﺍﺭﻳﺪ ﺍﻛﻮﻡ ﻣﺎﻛﺪﺭ
ﻣﻠﻚ .. ﻛﻌﺪﺕ ﺍﻟﺼﺒﺢ ﻃﺒﻴﺖ ﻟﻠﺤﻤﺎﻡ ﻏﺴﻠﺖ ﻭﺟﻬﻲ ﻭﺭﺟﻌﺖ ﻛﻌﺪﺕ ﻉ ﺍﻟﺠﺮﺑﺎﻳﻪ ﻻﻥ ﻣﺎﺯﻥ ﻗﻔﻞ ﺍﻟﺒﺎﺏ ﺍﻟﺒﺎﺭﺣﺔ ﺍﻻ ﺍﻧﻲ ﺟﺎﻥ ﻧﺎﺯﻟﻪ ﻣﻦ ﺍﻭﻝ ﻣﺎﻛﻌﺪﺕ
ﻣﺎﺯﻥ .. ﺻﺒﺎﺡ ﺍﻟﺨﻴﺮ
ﻣﻠﻚ .. ﺻﺒﺎﺡ ﺍﻟﻨﻮﺭ
ﻣﺎﺯﻥ .. ﺷﻠﻮﻥ ﻧﻤﺘﻲ ﺍﻥ ﺷﺎﺀ ﺍﻟﻠﻪ ﻣﺮﺗﺎﺣﺔ
ﻣﻠﻚ .. ﺍﻱ ﺍﻟﺤﻤﺪ ﻟﻠﻪ
ﻣﺎﺯﻥ .. ﺍﻧﻲ ﺍﺗﻜﺴﺮﺕ ﺑﺎﺟﺮ ﺍﻧﺰﻝ ﺩﻭﺷﻚ ﻭﺍﻧﺎﻡ ﻋﻠﻴﻪ ﺍﺣﺴﻦ
ﻣﻠﻚ .. ﺍﺭﻳﺪ ﺍﻧﺰﻝ ﻣﻤﻜﻦ ﺗﻔﺘﺢ ﺍﻟﺒﺎﺏ
ﻣﺎﺯﻥ .. ﺍﻱ ﻫﺎﺝ ﻫﺬﺍ ﺍﻟﻤﻔﺘﺎﺡ ﺍﺭﻳﺪ ﺭﻳﻮﻙ ﺍﻟﻴﻮﻡ ﺳﻮﻳﻠﻲ ﺑﺘﻴﺘﻪ ﻭﺑﻴﺾ
....
ﻣﻠﻚ .. ﺍﻱ ﺣﺎﺿﺮ
ﻣﺎﺯﻥ .. ﺗﻌﺎﻟﻲ ﻭﻳﻦ ﻫﺪﻭﻣﻲ ﺷﻮ ﻣﻤﺤﻀﺮﺗﻬﻦ
ﻣﻠﻚ .. ﻛﻠﺸﻲ ﻣﻮﺟﻮﺩ ﺑﺎﻟﻜﻨﺘﻮﺭ ﻭﻛﺎﻭﻳﻪ ﻛﻞ ﺍﻟﻤﻼﺑﺲ ، ﻏﻴﺮ ﺍﻧﺖ ﺗﺨﺘﺎﺭ ﺍﻧﻲ ﻣﺎﺍﻋﺮﻑ ﺍﻧﺖ ﺷﺘﺤﺐ ﺗﻠﺒﺲ
ﻣﺎﺯﻥ .. ﺍﻭﻙ ... ﺑﻘﻠﻤﻲ ﻣﻴﺪﻳﺎ ﺍﻟﻔﻬﺪ
ﻣﻠﻚ .. ﻧﺰﻟﺖ ﺳﻮﻳﺖ ﺭﻳﻮﻙ ﻟﻜﻴﺖ ﻣﻴﺮﻱ ﻭﺣﺪﻫﺎ ﺧﻄﻴﻪ ﺳﺎﻋﺪﺗﻬﺎ ﺍﺟﺘﻲ ﻟﻴﻠﻰ ،ﻳﺒﻮﻩ ﺍﺟﺘﻲ ﺍﻡ ﺍﻟﻤﺸﺎﻛﻞ ﻳﺎﺭﺏ ﺍﺳﺘﺮ
ﻣﺎﺯﻥ .. ﻫﺎﺍ ﻭﻳﻦ ﺍﻟﺮﻳﻮﻙ
ﻣﻠﻚ .. ﻫﺬﺍ ﻛﻤﻞ ﺑﺲ ﻟﺤﻈﺔ ﺍﺻﺐ ﺍﻟﺠﺎﻱ
ﺍﺗﺮﻳﻚ ﻣﺎﺯﻥ ﻭﻃﻠﻊ ﻭﻭﺻﺎﻧﻲ ﻣﺎﺍﺣﺠﻲ ﻭﻳﻪ ﺍﻱ ﺍﺣﺪ ، ﻛﻌﺪﺕ ﺳﺎﻋﺪﺕ ﻣﻴﺮﻱ ﻛﻠﺘﻠﻬﺎ ﺍﻧﻲ ﺍﻏﺴﻞ ﺍﻟﻤﻮﺍﻋﻴﻦ ﻋﻮﻓﻴﻬﻦ ، ﻭﺍﺷﺘﻐﻠﺖ ﺧﺒﺎﺛﻪ ﺍﻟﺠﻨﺎﻳﻦ ﻣﺴﻮﻳﺎﺕ ﺣﺰﺏ ﻋﻠﻴﻪ ﻛﻞ ﺷﻮﻳﻪ ﻣﻄﻠﻌﺎﺕ ﻣﻮﺍﻋﻴﻦ ﻭﺍﻧﻲ ﺳﺎﻛﺘﻪ، ﺍﺧﺮ ﺷﻲ ﺍﺟﺘﻲ ﻭﺣﺪﻩ ﻣﻨﻬﻦ ﺍﻧﻲ ﻭﺍﻛﻔﻪ ﻭﻫﻴﻪ ﺍﺟﺘﻲ ﻋﻠﻴﻪ ﺟﺎﻥ ﺗﻮﻛﻊ ﺍﻟﻤﻮﺍﻋﻴﻦ ﺍﻟﺒﻴﺪﻫﺎ ﺑﺎﻟﻜﺎﻉ ﻭﺗﻜﺴﺮﻥ ﻭﻛﺎﻣﺖ ﺗﺤﺠﻲ ﻋﻠﻴﻪ ﺷﻨﻮ ﻋﻤﻴﻪ ﺍﻧﺘﻲ ﻛﺴﺮﺗﻲ ﺍﻟﻤﻮﺍﻋﻴﻦ ، 😳 ﺍﻧﻲ ﺷﻌﻠﻴﻪ ﺍﻧﺘﻲ ﺷﻤﺮﺗﻴﻬﻦ ﺑﺎﻟﻜﺎﻉ ، ﻛﺎﻣﺖ ﺍﺩﺭﺩﻡ ﻋﻔﺘﻬﺎ ﻭﺻﻌﺪﺕ ﻭﺑﻘﻴﺖ ﻛﺎﻋﺪﻩ ﻟﻠﻴﻞ ﺑﺎﻟﻐﺮﻓﻪ ﺑﻼ ﺍﻛﻞ ﻭﺷﺮﺏ
ﻣﺎﺯﻥ .. ﻃﺒﻴﺖ ﻟﻠﺒﻴﺖ ﻭﺍﻣﻲ ﻭﻧﺴﻮﺍﻥ ﺍﺧﻮﺗﻲ ﻣﺠﺘﻤﻌﺎﺕ ﺳﻠﻤﺖ ﻋﻠﻴﻬﻦ ،
ﺍﻡ ﻣﺎﺯﻥ .. ﻣﺎﺯﻥ ﺍﺗﻀﺐ ﻫﺎﻱ ﺍﻟﻜﻠﺒﻪ ﺍﻟﻲ ﻋﻨﺪﻙ ﻟﻮ ﺍﻧﻲ ﺍﺗﺼﺮﻑ ﻭﻳﺎﻫﺎ ﺗﺮﻩ ﻭﺻﻠﺖ ﺣﺪﻫﺎ
ﻣﺎﺯﻥ .. ﺧﻴﺮ ﺷﻜﻮ
ﻣﻠﻚ .. ﻛﺎﻋﺪﻩ ﻓﻮﻙ ﻭﺣﺪﻱ ﻭﻃﺎﻛﻪ ﺭﻭﺣﻲ ﺣﺘﻪ ﺍﻟﺘﻠﻔﺰﻳﻮﻥ ﺩﺧﺖ ﻣﻨﻪ ﻭﻃﻔﻴﺘﻪ ، ﻟﺸﻮﻳﻪ ﻭﺩﺧﻞ ﻣﺎﺯﻥ ﻭﻛﻞ ﻋﺎﺩﻩ ﺷﺎﺣﻨﻲ ﻋﻠﻴﻪ ﺍﺻﻼ ﺍﺗﻌﻠﻤﺖ
ﻣﺎﺯﻥ .. ﻟﻴﺶ ﺍﻟﻴﻮﻡ ﻣﻜﺴﺮﺓ ﺍﻟﻤﻮﺍﻋﻴﻦ ﻭﺣﺘﻪ ﻣﺎ ﻻﻣﺘﻬﻢ
ﻣﻠﻚ .. ﻫﺎﺍﺍ ﻛﺎﻟﻮﻟﻚ ﺍﻧﻲ ﻛﺴﺮﺗﻬﻦ ﺍﻛﻴﺪ ، ﺍﺳﺘﻐﻔﺮ ﺍﻟﻠﻪ ﺭﺑﻲ
ﻣﺎﺯﻥ .. ﺗﺮﻩ ﺭﻭﺣﻲ ﺧﻠﺼﺎﻧﻪ ﻭﻣﺎﻟﻲ ﺧﻠﻚ ﻫﺎﻱ ﺍﻟﺴﻮﺍﻟﻒ ﻣﺎﻝ ﻧﺴﻮﺍﻥ ﺍﻟﻄﺎﻳﺢ ﺣﻈﻬﺎ ، ﻟﻴﺶ ﺍﺳﻮﻳﻦ ﻫﻴﺞ ﺟﻨﺖ ﻣﺮﺗﺎﺡ ﻭﻋﺎﻳﺶ ﺣﻴﺎﺗﻲ ﻣﻨﻴﻦ ﺟﻴﺘﻴﻨﻲ
ﻣﻠﻚ .. 😔😔😔
ﻣﺎﺯﻥ .. ﻛﻮﻣﻲ ﺍﻋﺘﺬﺭﻱ ﻣﻦ ﺍﻣﻲ ﻭﻧﺰﻟﻲ ﺳﻮﻱ ﻋﺸﻪ ﻣﻴﺖ ﺟﻮﻉ
ﻣﻠﻚ .. ﺳﻜﺘﺖ ﻗﺎﺑﻞ ﺷﺮﻳﺪ ﺍﺣﺠﻲ ﻣﺤﺪ ﺭﺍﺡ ﻳﺼﺪﻛﻨﻲ ، ﻧﺰﻟﺖ ﺟﻮﺓ ﻭﻫﻮ ﺑﻘﺔ ﻳﺴﺒﺢ ﻓﻮﻙ
ﺍﻡ ﻣﺎﺯﻥ .. ﻭﻟﻲ ﻳﻼ ﻣﺎﺭﻳﺪ ﻣﻨﺞ ﺍﻋﺘﺬﺍﺭ ، ﻣﺎﺭﻳﺪ ﺍﺷﻮﻑ ﻭﺟﻬﺞ
ﻣﻠﻚ .. ﻋﻔﺘﻬﺎ ﻭﺭﺣﺖ ﻟﻠﻤﻄﺒﺦ ﺳﻮﻳﺖ ﻋﺸﻪ ﻭﺍﻧﻲ ﻭﺍﻛﻔﻪ ﺍﻛﻠﺖ ﻛﻢ ﻟﻜﻤﺔ ،، ﺑﻴﺞ ﻗﺼﺺ ﻣﻦ ﺣﻴﺎﺗﻨﺎ M&T
ﻟﻴﻠﻰ .. ﺑﻌﺪ ﻭﺑﻌﺪ ﺭﺍﺡ ﻧﺴﻮﻱ ﺑﻴﺞ ﻭﻧﺒﺰﻋﺞ ﺍﻻ ﺍﺧﻠﻴﺞ ﺗﺘﻨﺪﻣﻴﻦ ﻭﺗﻌﺮﻓﻴﻦ ﺷﻠﻮﻥ ﺗﺘﺼﺮﻓﻴﻦ ﻭﻳﺎﻳﻪ
ﻣﻠﻚ .. ﺣﺎﻭﻟﺖ ﺗﺴﺘﻔﺰﻧﻲ ﺑﻜﻞ ﺍﻟﻄﺮﻕ ﻭﺍﻧﻲ ﺍﺑﺪ ﺟﻨﻬﺎ ﻣﺎﻛﻮ ﻳﻤﻲ ، ﻛﻤﻠﺖ ﺍﻟﻌﺸﻪ ﻭﻋﻔﺘﻬﺎ ﻭﺻﻌﺪﺗﻪ ﻓﻮﻙ
ﻣﺎﺯﻥ .. ﺍﺗﻌﺸﻴﺖ ﻭﻛﻤﻠﺖ ﻭﺩﺍﻧﺰﻝ ﺩﻭﺷﻚ ، ﺟﺎﻥ ﺩﻛﻮﻝ ﺍﻧﺖ ﻧﺎﻡ ﻉ ﺍﻟﺠﺮﺑﺎﻳﺔ ،
ﻻ ﻣﺎﺭﻳﺪ ﺭﺍﺡ ﺍﻧﺰﻝ ﺍﻟﺪﻭﺷﻚ
ﻣﻠﻚ .. ﺍﺗﻤﺪﺩ ﻉ ﺍﻟﺪﻭﺷﻚ ، ﻭﺧﺎﺑﺮﺗﻪ ﻣﻨﺎﺭ ﻭﻛﻌﺪ ﻳﺴﻮﻟﻒ ﻭﻳﺎﻫﺎ ﻭﺍﻧﻲ ﻛﺎﻋﺪﻩ ﺷﻠﻮﻥ ﻳﺤﺠﻲ ﻭﻳﺎﻫﺎ ﻛﻠﻪ ﺣﺒﻴﺒﺘﻲ ﻭﺣﻴﺎﺗﻲ ،
....
ﺗﺴﺮﻳﻊ ﻟﻸﺣﺪﺍﺙ ………………
ﻣﺮﺕ ﺍﻻﺷﻬﺮ ﻭﺍﻧﻲ ﻉ ﻧﻔﺲ ﺣﺎﻟﻲ ﻻ ﺍﻧﻲ ﻣﺮﺗﺎﺣﻪ ﻭﻋﺎﻳﺸﻪ ﺑﻬﻞ ﺍﻟﺒﻴﺖ ﻭﻻ ﻫﻤﻪ ﺭﺟﻌﻮﻧﻲ ﻻﻫﻠﻲ ، ﻣﻠﻴﺖ ﺍﺣﺘﺎﺝ ﺍﺷﻴﺎﺀ ﺍﻟﻴﻪ ﻣﺎﻛﺪﺭ ﺍﺣﺠﻲ ﻭﺍﻃﻠﺐ ﻣﻦ ﻣﺎﺯﻥ ، ﻭﻣﺎﺯﻥ ﻣﻠﺘﻬﻲ ﻭﻳﻪ ﻣﻨﺎﺭ ﻳﻮﻣﻴﻪ ﺗﺘﺰﻋﻞ ﻭﻳﺎﻩ ﻭﻫﺬﻧﻲ ﺍﻻﻓﺎﻋﻲ ﻳﺨﺎﺑﺮﻧﻬﺎ ﻭﻳﻜﻠﻠﻬﺎ ﺍﻧﻲ ﻣﺘﻘﺮﺑﺔ ﻉ ﻣﺎﺯﻥ ﻭﻣﺎﺍﻋﺮﻑ ﺷﻴﻜﻮﻟﻦ ﻣﻦ ﻫﻞ ﺍﻟﺤﺠﻲ ﻳﻮﻣﻴﻪ ﻣﺴﻮﻳﺎﺗﻠﻲ ﻣﺸﻜﻠﻪ ﻭﻳﺠﻲ ﻣﺎﺯﻥ ﻳﻬﺪﺩ ﻭﻳﺤﺠﻲ ﻋﻠﻴﻪ ، ﻣﻠﻴﺖ ﻭﻃﻜﺖ ﺭﻭﺣﻲ ﺍﻟﻮﻟﺪ ﺯﻳﻦ ﻭﻳﺎﻳﻪ ﺑﺲ ﺫﻧﻲ ﺑﺤﺠﻴﻬﻦ ﺩﻳﺨﺒﻠﻨﻪ
ﻣﺎﺯﻥ ﻣﺤﺘﺎﺟﺔ ﻛﻢ ﺷﻐﻠﺔ ﺍﺭﻳﺪ ﺍﺷﺘﺮﻳﻬﻦ
ﻣﺎﺯﻥ .. ﻛﺘﺒﻴﻬﻦ ﺑﻮﺭﻗﻪ ﻭﺍﻧﻲ ﺍﺟﻴﺒﻠﺞ ،ﻭﻳﻦ ﺍﻟﺤﺬﺍﺀ ﺍﻻﺳﻮﺩ
ﻣﻠﻚ .. ﻳﺎﺭﺑﻲ ﺷﻜﺘﺐ ﻭﺍﻟﻠﻪ ﺍﺳﺘﺤﻲ ، ﻣﻮ ﺍﺭﻳﺪ ﺍﺭﻭﺡ ﻟﻠﺼﻴﺪﻟﻴﻪ
ﻣﺎﺯﻥ .. ﺷﺒﻴﺞ ﺑﺎﺑﺎ ﻛﺘﻠﺞ ﺍﻧﻲ ﺍﺟﻴﺒﻠﺞ ﺷﺒﻴﺞ ﻣﺮﻳﻀﻪ ؟
ﻣﻠﻚ .. ﺍﻱ ﻣﺮﻳﻀﻪ
ﻣﺎﺯﻥ .. ﺍﻣﺸﻲ ﺍﻭﺩﻳﺞ ﻟﻠﻄﺒﻴﺒﻪ
ﻣﻠﻚ .. ﻫﺎﺍﺍﺍ ﻻ ﺍﺭﻭﺡ ﻟﻠﺼﻴﺪﻟﻴﻪ ﺍﺣﺴﻦ
ﻣﺎﺯﻥ .. ﻓﻀﻴﻨﻲ ﺑﺪﻟﻲ ﺑﺴﺮﻋﻪ
ﻣﻠﻚ .. ﻣﺎﺻﺪﻛﺖ ﻣﻦ ﻛﺎﻝ ﺑﺪﻟﻲ ﺭﻛﻀﺖ ﺑﺪﻟﺖ ﻭﻟﺒﺴﺖ ﺻﺎﻳﺘﻲ ﻭﻫﻮ ﻛﺎﻋﺪ ﻉ ﺍﻟﻘﻨﻔﻪ ﺷﺎﻓﻨﻲ ﺑﻘﻪ ﻳﺒﺎﻭﻉ
ﻣﺎﺯﻥ .. ﻫﺎﻱ ﺷﻼﺑﺴﻪ
ﻣﻠﻚ .. ﺻﺎﻳﺔ
ﻣﺎﺯﻥ .. ﻣﺎﻋﺪﻧﻪ ﻧﺴﻮﺍﻥ ﻳﻠﺒﺴﻦ ﺻﺎﻳﺎﺕ ﺭﻭﺣﻲ ﻟﺒﺴﻲ ﻋﺒﺎﻳﻪ ﻣﺎﻝ ﺭﺍﺱ
ﻣﻠﻚ .. ﺑﺲ ﻣﺎﻋﻨﺪﻱ
ﻣﺎﺯﻥ .. ﺍﻭﻛﻔﻲ ﻫﺴﻪ ﺍﺟﻴﺒﻠﺞ ﻣﻦ ﺍﻣﻲ
ﻣﻠﻚ .. ﻋﺰﺓ ﻭﻫﻮ ﻭﻳﻦ ﺍﻋﺮﻑ ﺍﻟﻠﺒﺲ ﻋﺒﺎﻳﺔ ،
ﻣﺎﺯﻥ .. ﻳﻤﻪ ﺍﺭﻳﺪ ﻋﺒﺎﻳﻪ ، ﻟﻤﻠﻚ ﺍﺭﻳﺪ ﺍﻭﺩﻳﻬﺎ ﻟﻠﻄﺒﻴﺒﻪ ﻣﺮﻳﻀﻪ
ﺍﻡ ﻣﺎﺯﻥ .. ﺷﺒﻴﻬﺎ ﻣﺮﻳﻀﻪ ﻣﺜﻞ ﺍﻟﺤﺼﺎﻥ ﺗﺮﻛﺾ ﻣﻦ ﺍﻟﺼﺒﺢ ﻟﻬﺴﻪ ،
ﻣﺎﺯﻥ .. ﻣﺎﺩﺭﻱ ﺷﺒﻴﻬﺎ ﺍﻧﻄﻴﻨﻲ ﻭﺧﻠﺼﻴﻨﻲ ﻓﺪﻭﺓ
ﻣﻠﻚ .. ﻟﺒﺴﺖ ﺍﻟﻌﺒﺎﻳﻪ ﺷﻮﻳﻪ ﻛﻮﻳﻠﻪ ﻋﻠﻴﻪ ﻭﺗﺴﺤﻞ ، ﺭﺣﻨﻪ ﻟﻠﺼﻴﺪﻟﻴﻪ ﺍﻭﻳﻠﻲ ﺻﺎﺭﻟﻲ ﺷﻜﺪ ﻣﺸﺎﻳﻔﻪ ﻧﺎﺱ ﻭﻻ ﻃﺎﻟﻌﻪ ، ﺍﺷﺘﺮﻳﺖ ﺍﻟﻲ ﺍﺭﻳﺪﻩ ﻭﻫﻮ ﺩﻓﻊ ﻓﻠﻮﺱ
ﻣﺎﺯﻥ .. ﺍﻣﺸﻲ ﻟﻠﺴﻮﻙ ﺍﺷﺘﺮﻱ ﻣﻼﺑﺲ ﻭﺍﻟﻲ ﺗﺮﻳﺪﻱ
ﻣﻠﻚ .. ﺍﻟﻠﻪ ﺍﻟﻴﻮﻡ ﻻﺯﻡ ﻳﺴﺠﻞ ﺑﺎﻟﺘﺎﺭﻳﺦ ﻫﻢ ﻃﻠﻌﺖ ﻭﻫﻢ ﻟﻠﺴﻮﻙ ﺍﻟﻮﻧﺴﻪ ﺍﻟﺤﻘﻴﻘﻴﺔ
ﻣﺎﺯﻥ .. ﺍﺑﺎﻭﻉ ﻋﻠﻴﻬﺎ ﻣﻤﺼﺪﻛﻪ ﻣﻜﻴﻔﻪ ﻭﺗﻀﺤﻚ ، ﻫﺎﻱ ﺍﻭﻝ ﻣﺮﺓ ﺍﺷﻮﻓﻬﺎ ﻓﺮﺣﺎﻧﻪ ، ﺧﻠﻴﺘﻬﺎ ﻉ ﺭﺍﺣﺘﻬﺎ ﺗﺸﺘﺮﻱ
ﻣﻠﻚ .. ﺍﺷﺘﺮﻳﺖ ﺩﺷﺎﺩﻳﺶ ﺟﺪﻳﺪﻩ ﻫﻞ ﻣﺮﺓ ﻗﻴﺎﺳﻲ ﻣﻮ ﺍﺣﺠﺎﻡ ﺧﺎﺻﻪ ﻣﺜﻞ ﺍﻟﻲ ﺟﺎﺑﻬﻦ ﻣﺎﺯﻥ ، ﺍﺷﺘﺮﻳﺖ ﻋﻄﻮﺭ ﻭﻣﻜﻴﺎﺝ ﻻﻥ ﺍﺣﺐ ﺍﻟﻤﻜﻴﺎﺝ ﻣﻦ ﺟﻨﺖ ﺑﺎﻟﻜﻠﻴﻪ ﻛﻮﻣﻪ ﻋﻨﺪﻱ، ﻭﻣﺎﺯﻥ ﻭﺩﺍﻧﻲ ﻉ ﻣﺤﻞ ﻋﺒﻲ ﻭﻛﺎﻝ ﺷﻮﻓﻲ ﻭﺣﺪﻩ ﻉ ﻛﺪﺝ ، ﻃﺒﻌﺎ ﻃﻮﻝ ﺍﻟﻄﺮﻳﻖ ﺍﻧﻲ ﺍﺗﻌﺜﺮ ﺑﺎﻟﻌﺒﺎﻳﻪ ﻭﺗﺒﻬﺬﻟﺖ ﺑﻴﻬﺎ ﻭﺍﻧﻮﺏ ﺻﺎﺭﺕ ﻛﻠﻬﺎ ﺗﺮﺍﺏ ﺗﺴﺤﻞ
ﻣﺎﺯﻥ .. ﻧﻤﺸﻲ ﺑﺎﻟﺴﻮﻙ ﻭﻫﻴﻪ ﻛﻞ ﺷﻮﻳﻪ ﻭﺗﺮﻳﺪ ﺗﻮﻛﻊ ، ﻋﺒﺎﺗﺞ ﺳﺪﻳﻬﺎ ﻓﻀﺤﺘﻴﻨﻲ، ﺗﻌﺎﻟﻲ ﺍﺷﺘﺮﻱ ﻭﺣﺪﻩ ﺍﺻﻐﺮ ، ﺩﻧﻤﺸﻲ ﻭﺟﺎﻥ ﺗﻌﺜﺮ ﻭﻛﻌﺖ ﺑﺎﻟﻜﺎﻉ ،
....
ﻣﻠﻚ .. ﻭﻛﻌﺖ ﻭﺑﻘﻴﺖ ﻛﺎﻋﺪﻩ ﻣﻦ ﺍﻟﻔﺸﻠﻪ ﻟﺴﻮﻙ ﻛﻠﻪ ﻛﺎﻝ ﺍﻟﻠﻪ ﺍﻟﻠﻪ 😭😓
ﻣﺎﺯﻥ .. ﺷﺒﻴﺞ ﺗﻌﻮﺭﺗﻲ ، ﻛﻮﻣﻲ ، ﻛﻮﻣﺘﻬﺎ ﻭﻫﻴﻪ ﺗﺒﺠﻲ ﻋﺒﺎﻟﻲ ﺑﻴﻬﺎ ﺷﻲ، ﻭﻟﺞ ﺍﺣﺠﻲ ﺷﺒﻴﺞ
ﻣﻠﻚ .. ﻣﺎﺑﻴﻪ ﺷﻲ 😭
ﻣﺎﺯﻥ .. ﻟﻴﺶ ﺗﺒﺠﻴﻦ ﻛﺎﻓﻲ ﺳﻜﺘﻲ
ﻣﻠﻚ .. ﻣﻦ ﺍﻟﻔﺸﻠﻪ ﻛﻤﺖ ﺍﺑﺠﻲ ، ﻋﺎﺩ ﻣﻦ ﺍﺷﺘﺮﻳﺖ ﺍﻟﻌﺒﺎﻳﻪ ﺍﻻﺻﻐﺮ ﺷﻮﻳﻪ ﺍﺣﺴﻦ ﻣﺎﺍﺗﻌﺜﺮ ﺑﻴﻬﺎ ،، ﺭﺟﻌﻨﻪ ﻟﻠﺒﻴﺖ ﺩﻙ ﺗﻠﻔﻮﻥ ﻣﺎﺯﻥ ﻳﻤﻜﻦ ﻣﻨﺎﺭ
ﻣﺎﺯﻥ .. ﻫﻠﻮ ﺣﺒﻲ ﺷﻠﻮﻧﺞ
📞 ﺍﻧﺖ ﺍﻟﻴﻮﻡ ﻣﻮ ﻛﻠﺖ ﺍﻣﺮﻟﺞ ﺷﻮ ﻣﺎﻛﻮ
📞 ﺍﻭﻭﻭ ﻭﺍﻟﻠﻪ ﻧﺴﻴﺖ ﺻﺎﺭﺕ ﻋﻨﺪﻱ ﺷﻐﻠﻪ ﻭﻧﺴﻴﺖ
📞 ﺻﺎﺭﺕ ﻋﻨﺪﻙ ﺷﻐﻠﻪ ﻟﻮ ﻃﻠﻌﺖ ﺍﻧﺖ ﻭﺍﻟﺨﺎﺗﻮﻥ ﺗﺘﻮﻧﺴﻮﻥ
📞 ﻣﻨﻮ ﻛﺎﻟﺞ ﻟﻴﻠﻰ ﻟﻮ ﻣﻨﻮ ؟
📞 ﻣﻌﻠﻴﻚ ﻣﻨﻮ ﻛﺎﻟﻲ ﺍﻟﻤﻬﻢ ﺻﺢ ﻫﻞ ﺣﺠﻲ ﻣﻮ ؟
📞 ﻣﺮﻳﻀﻪ ﻭﺩﻳﺘﻬﺎ ﻟﻠﻄﺒﻴﺒﺔ ﻭﺭﺟﻌﻨﻲ
📞 ﺧﺎﻑ ﺣﺎﻣﻞ ﻻ ﺗﺴﺘﺤﻲ ﻋﺎﺩﻱ ﻛﻮﻝ
📞 ﻣﻨﺎﺭ ﺷﻬﻞ ﺣﺠﻲ ﻋﻴﺐ ﺗﺪﺭﻳﻦ ﻣﺎﻋﻨﺪﻱ ﺷﻲ ﻭﻳﻪ ﺍﻟﺒﻨﻴﺔ
📞 ﺍﻱ ﻣﺒﻴﻦ ﻣﺎﻋﻨﺪﻙ ﺷﻲ ﺍﺻﻼ ﺍﻧﺖ ﻣﺘﺰﻭﺟﻬﺎ ﺍﺩﺭﻱ ﺑﻴﻚ ﺍﺟﺬﺏ ﻋﻠﻴﻪ
📞 ﺍﻫﻮﻭ ﺍﻟﻈﺎﻫﺮ ﻣﺎﻟﻴﻦ ﺭﺍﺳﺞ ﺷﻤﺎ ﺍﺣﺠﻲ ﻣﺘﻘﺘﻨﻌﻴﻦ ، ﺭﻭﺣﻲ ﺑﺎﺑﻪ، ﺑﻴﺞ ﻗﺼﺺ ﻣﻦ ﺣﻴﺎﺗﻨﺎ M&T
ﻣﺎﺯﻥ .. ﺳﺪﻳﺖ ﺍﻟﺨﻂ ﺑﻮﺟﻬﺎ ﻫﺎﻱ ﺍﻭﻝ ﻣﺮﺓ ﺍﺳﻮﻳﻬﺎ ، ﺭﺟﻌﺖ ﻟﻠﻐﺮﻓﻪ ﺍﺭﻳﺪ ﺍﺑﺪﻝ
ﻣﻠﻚ .. ﺍﻛﻴﺪ ﺭﺍﺡ ﺗﺎﺧﺬﻩ ﺣﺎﺻﻞ ﻓﺎﺻﻞ ، ﻭﺭﺍﺡ ﻳﻀﻞ ﻳﺘﻮﺳﻞ ﺑﻴﻬﺎ ﻭﻳﺮﺍﺿﻴﻬﺎ ﻻﻥ ﺍﻻﻓﺎﻋﻲ ﺍﻟﺼﻔﺮﺍﺀ ﺍﻟﻲ ﻳﻤﻲ ﺍﻧﻄﻨﻬﺎ ﻛﻞ ﺗﺤﺮﻛﺎﺗﻨﻪ 😏 ﺷﺴﻮﻳﻠﻪ ﻫﻮ ﺍﻟﻬﺎ ﻗﺎﺑﻞ ﺭﺍﺡ ﻳﺒﺎﻭﻉ ﻋﻠﻴﻪ ،
ﻧﺰﻋﺖ ﺍﻟﺪﺷﺪﺍﺷﻪ ﺍﻟﺠﺒﻴﺮﺓ ﻭﺍﺭﻳﺪ ﺍﻟﻠﺒﺲ ﺍﻟﺪﺷﺪﺍﺷﻪ ﺍﻟﺠﺪﻳﺪﻩ ، ﻭﺟﺎﻥ ﻳﻔﻮﺕ ﻣﺎﺯﻥ ﻭﺍﻧﻲ ﺑﺲ ﺑﺎﻻﺗﻚ
ﻣﺎﺯﻥ .. ﺩﺧﻠﺖ ﻟﻠﻐﺮﻓﻪ ﻭﺍﺷﻮﻑ ﻣﻠﻚ ﺑﺜﻮﺏ ﻣﺪﻟﻊ ﻭﺧﻔﻴﻒ ﺑﻘﻴﺖ ﺻﺎﻓﻦ ﻣﺎﻋﺮﻑ ﺷﺼﺎﺭ ﺑﻴﻪ ،
ﻣﻠﻚ .. ﻣﻦ ﺷﻔﺘﻪ ﺟﻤﺪﺕ ﺑﻤﻜﺎﻧﻲ ﺍﻧﻮﺏ ﺭﻛﻀﺖ ﻟﻠﺤﻤﺎﻡ ﻭﺳﺪﻳﺖ ﺍﻟﺒﺎﺏ ﻳﺎﺭﺑﻲ ﻭﺍﻟﻠﻪ ﻣﻤﺘﻮﻗﻌﻪ ﺭﺍﺡ ﻳﺮﺟﻊ 😭😰
ﻣﺎﺯﻥ .. ﺷﻨﻮ ﻣﺘﻌﺮﻓﻴﻦ ﺍﻛﻮ ﺍﺣﺪ ﻭﻳﺎﺝ ﺑﺎﻟﻐﺮﻓﻪ ﻣﻮ ﺍﻛﻮ ﺣﻤﺎﻡ ﻭﺑﺎﺏ ﺗﻘﻔﻠﻲ ﺷﻨﻮ ﻣﺘﻔﻜﺮﻳﻦ ،، ﺭﺩﺕ ﺍﺑﺮﺭ ﺻﻔﻨﺘﻲ ﻋﻠﻴﻬﺎ ﻭﻉ ﺟﺴﻤﻬﺎ ﺍﻭﻝ ﻣﺮﺓ ﺍﺷﻮﻑ ﺟﺴﻢ ﺑﻨﻴﻪ ﺍﻧﻮﺏ ﻣﻮ ﺟﺴﻢ ﻻ ﻗﺎﻟﺐ ﻣﺼﺒﻮﺑﻪ ﺻﺐ
ﻣﻠﻚ .. ﻭﺍﻟﻠﻪ ﻣﺎﺩﺭﻱ ﻋﺒﺎﻟﻲ ﻃﻠﻌﺖ ﻣﻦ ﺩﻙ ﺗﻠﻔﻮﻧﻚ ، ﺑﻘﻴﺖ ﺑﺎﻟﺨﻤﺲ ﺩﻗﺎﻳﻖ ﻛﺎﻋﺪﻩ ﺑﺎﻟﺤﻤﺎﻡ ﺍﻧﺘﻈﺮﻩ ﻳﻄﻠﻊ ﻻﻥ ﺭﻛﻀﺖ ﻟﻠﺤﻤﺎﻡ ﻭﻣﺎﺧﺬﺕ ﻭﻳﺎﻳﻪ ﺍﻟﺪﺷﺪﺍﺷﻪ
ﻣﺎﺯﻥ .. ﻣﻨﺘﻈﺮ ﺍﻟﻠﻌﺒﻪ ﻣﺎﻝ ﺭﻳﺎﻝ ، ﻃﻠﻌﺖ ﻛﻌﺪﺕ ﺍﺗﻔﺮﺝ ﻋﻠﻴﻬﺎ ﻭﻣﻠﻚ ﻃﺒﺖ ﺑﻌﺪ ﻣﺎﻃﻠﻌﺖ ﻭﺭﺓ ﺷﻮﻳﻪ ﺻﺤﺖ ﻋﻠﻴﻬﺎ،، ﻳﻤﻌﻮﺩﻩ ﻣﻄﻠﻌﻴﻦ ﻭﻳﻦ ﺻﺮﺗﻲ
ﻣﻠﻚ .. ﻋﺰﺓ ﺷﻜﻮﻟﻪ ،، ﻫﺎﺍﺍ ﺍﻱ ﻫﺴﻪ ﺍﻃﻠﻊ ، ﺍﻧﻮﺏ ﺍﺧﺘﻨﻜﺖ ﻣﻦ ﺍﻟﺤﻤﺎﻡ
ﻣﺎﺯﻥ .. ﺷﺒﻴﺞ ﺻﺎﻳﺮ ﻭﻳﺎﺝ ﺷﻲ
ﻣﻠﻚ .. ﺩﺧﻠﺖ ﻟﻠﺤﻤﺎﻡ ﻭﻣﺎﺧﺬﺕ ﻣﻼﺑﺴﻲ 😓
ﻣﺎﺯﻥ .. ﻫﺬﻧﻲ ﺍﻟﻲ ﺑﺎﻟﻌﻼﻛﺔ
.....
ﻣﻠﻚ .. ﺍﻱ
ﻣﺎﺯﻥ .. ﺷﻠﺖ ﺍﻟﻌﻼﻛﻪ ﻭﺩﺍﻧﻄﻴﻬﺎ ﺩﻛﻴﻴﺖ ﺍﻟﺒﺎﺏ ﻭﻣﺪﺕ ﺑﺲ ﺍﻳﺪﻫﺎ ﺍﻭﻳﻠﻲ ﻣﺪﺑﺪﺑﻪ ﻭﺑﻴﻀﻪ
ﻣﻠﻚ .. ﻳﺎ ﻓﺸﻠﺘﺎﺍﺍﺍﺍﻩ ﺷﻜﺪ ﻋﻴﺐ ﻣﻨﻪ ، ﻟﺒﺴﺖ ﻭﻃﻠﻌﺖ ﺑﺲ ﻛﻠﺶ ﺣﻠﻮﺓ ﺍﻟﺪﺷﺪﺍﺷﻪ ﻫﻤﺰﻳﻦ ﺍﺷﺘﺮﻳﺘﻬﺎ
ﻣﺎﺯﻥ .. ﻣﻨﺪﻣﺞ ﻭﻳﻪ ﺍﻟﻠﻌﺒﺔ ﻭﺟﺎﻥ ﺍﻳﻜﻮﻝ ﺍﻟﻔﺮﻳﻖ ﻋﻄﺖ ﺣﻴﻞ
ﻣﻠﻚ .. ﻳﻤﻪ ﻓﺰﻳﺖ
ﻣﺎﺯﻥ .. ﻫﻬﻬﻬﻪ ﻻﺯﻡ ﺗﺘﻌﻠﻤﻴﻦ ﺍﻧﻲ ﻣﻦ ﺍﺗﺎﺑﻊ ﺍﻟﻄﻮﺑﺔ ﺍﻓﻘﺪ ،،ﺍﻧﺪﺍﺭﻳﺖ ﻭﻋﺒﺎﻟﻲ ﻏﻴﺮ ﻭﺣﺪﻩ ﻭﺍﻛﻔﻪ ﻋﻔﺖ ﺍﻟﻠﻌﺒﺔ ﻭﺍﺑﺎﻭﻉ ﻋﻠﻴﻬﺎ ،، ﺷﻜﺪ ﺟﺎﻧﺖ ﻣﻈﻠﻮﻣﻪ ﺑﻞ ﺩﺷﺎﺩﻳﺶ ﺍﻟﻲ ﺍﻧﻲ ﺟﺒﺘﻬﻦ ﻣﻄﻠﻌﺎﺗﻬﺎ ﻋﺠﻮﺯ ، ﺑﺎﻟﻌﺎﻓﻴﺔ
ﻣﻠﻚ .. ﻫﺎﺍﺍ ؟؟
ﻣﺎﺯﻥ .. ﻫﺎﻱ ﻣﻮ ﺟﺪﻳﺪﺓ ﺍﻟﺪﺷﺪﺍﺷﻪ ؟
ﻣﻠﻚ .. ﻫﺎﺍ ﺍﻱ ، ﺍﻟﻠﻪ ﻳﻌﺎﻓﻴﻚ
ﻣﺎﺯﻥ .. ﻛﻠﺶ ﺣﻠﻮﺓ ﻋﻠﻴﺞ ، ﺍﺑﺎﻭﻉ ﻋﻠﻴﻬﺎ ﺻﺎﺭﺕ ﻋﺒﺎﺭﻩ ﻋﻦ ﻗﻄﻌﻪ ﺣﻤﺮﺓ ﻣﻦ ﺍﻟﺨﺠﻞ
ﻣﻠﻚ .. ﻋﺰﺓ ﻣﺘﺘﻌﻠﻤﻪ ﻋﻠﻴﻪ ﻳﺤﺠﻲ ﻭﻳﺎﻳﻪ ﻫﻴﺞ ﻣﺘﺖ ﻣﻦ ﺍﻟﺨﺠﻞ
ﺗﺴﺮﻳﻊ ﻟﻸﺣﺪﺍﺙ …………
ﻣﻠﻚ .. ﻣﺎﺯﻥ ﺑﻤﺮﻭﺭ ﺍﻟﻮﻗﺖ ﺍﺗﻐﻴﺮ ﻭﻳﺎﻳﻪ ﻭﺍﻧﻲ ﺍﺗﻌﻠﻤﺖ ﻉ ﻭﺟﻮﺩﻩ ﺻﺎﺭ ﻳﻬﺘﻢ ﺍﻛﺜﺮ ﺑﺲ ﺑﻘﻰ ﻭﻳﻪ ﻣﻨﺎﺭ ﻭﻳﺨﺎﺑﺮﻫﺎ ﻛﺪﺍﻣﻲ ﻛﻤﺖ ﺍﻏﺎﺭ ﻭﺍﺿﻮﺝ ﻣﻦ ﺗﺘﺼﻞ ﻋﻠﻴﻪ ، ﺍﺣﺲ ﮔﻠﺒﻲ ﻛﺎﻡ ﻳﺪﻙ ﻣﻦ ﺟﺪﻳﺪ ﺑﺲ ﺍﻋﺮﻑ ﺑﻲ ﻣﻮ ﺍﻟﻲ ﻭﻻ ﺭﺍﺡ ﻳﺤﺒﻨﻲ ﻳﻮﻡ ﻣﻦ ﺍﻻﻳﺎﻡ ﺑﺲ ﻣﺎﻛﺪﺭ ﻣﺎﺍﺣﺒﺔ ، ﻣﻦ ﻳﺮﻭﺡ ﻟﻠﺸﻐﻞ ﺍﻃﻠﻊ ﺻﻮﺭﺓ ﻭﺍﺑﻘﻪ ﺍﺑﺎﻭﻉ ﺑﻴﻬﻦ ﻻﻥ ﻣﺎﻛﺪﺭ ﺍﺑﺎﻭﻉ ﻋﻠﻴﻪ ﺑﺎﻟﺤﻘﻴﻘﻪ ﻣﺎﻋﺮﻑ ﺷﻴﺼﻴﺮ ﺑﻴﻪ ﻣﻦ ﺍﺷﻮﻑ ﻭﺟﻪ ﺍﻟﺤﻠﻮ ﻭﻋﻴﻮﻧﻪ ﺍﻟﻌﺴﻠﻴﻪ ﻳﻤﻪ ﻣﻮ ﻭﺟﻪ ﻛﻤﺮ ،
ﻣﺮ ﻛﻢ ﺷﻬﺮ ﻭﺍﻧﻲ ﻛﻠﺸﻲ ﻣﺎﺍﻋﺮﻑ ﻋﻦ ﺍﻫﻠﻲ ﺍﺷﺘﺎﻕ ﺍﻻﻣﻲ ﻭﺑﺎﻟﻲ ﻳﻤﻬﺎ، ﺑﺲ ﺷﺴﻮﻱ ﺍﻟﻠﻪ ﻳﺴﺎﻣﺤﻚ ﺍﺑﻮ ﻣﺎﺯﻥ ﻛﺴﺮ ﺗﻠﻔﻮﻧﻲ ، ﺍﻟﻴﻮﻡ ﻣﻦ ﻳﺮﺟﻊ ﻣﺎﺯﻥ ﺍﻃﻠﺐ ﻣﻨﻪ ﺗﻠﻔﻮﻧﻪ ﻭﺍﺩﻙ ﻉ ﺍﻣﻲ ﺑﻠﻜﻲ ﻳﻘﺒﻞ
ﻣﺎﺯﻥ .. ﻳﻮﻣﻴﻪ ﻣﻨﺎﺭ ﺗﺘﻌﺎﺭﻙ ﻭﻳﺎﻳﻪ ﺑﺴﺒﺐ ﻣﻠﻚ ، ﻣﺠﺎﻥ ﺍﺑﺎﻟﻲ ﺑﺲ ﺑﺴﺒﺐ ﺣﺠﻴﻬﺎ ﺧﻠﺘﻨﻲ ﺍﻧﺘﺒﻪ ﻋﻠﻴﻬﺎ ،، ﻛﻤﺖ ﺍﻗﺎﺭﻥ ﺑﻴﻦ ﺗﺼﺮﻓﺎﺕ ﻣﻠﻚ ﻭﺗﺼﺮﻓﺎﺕ ﻣﻨﺎﺭ،، ﻫﺎﻱ ﻋﺎﻗﻠﻪ ﻭﻫﺎﺩﺋﺔ ﻭﻣﺎﻟﻬﺎ ﺻﻮﺕ ﻭﺫﻳﺞ ﺑﺲ ﺗﺘﺰﻋﻞ ﻭﺗﺘﻤﺸﻜﻞ ﻭﻋﺒﺎﻟﻚ ﻃﻔﻠﻪ ﺻﻐﻴﺮﺓ ،ﺗﻌﺒﺘﻨﻲ ﺑﺲ ﺍﺣﺒﻬﺎ ﻣﻮ ﺑﻴﺪﻱ ،
ﺭﺟﻌﺖ ﻟﻠﺒﻴﺖ ﻟﻜﻴﺖ ﺍﻟﻌﺸﻪ ﺟﺎﻫﺰ ﺑﺎﻟﻐﺮﻓﻪ ﻣﺴﻮﻳﻪ ﻣﻠﻚ ﺑﻴﺘﺰﺍ ﻭﺑﺒﺴﻲ ﻭﺑﺘﻴﺘﻪ ،، ﺍﻟﻠﻪ ﻫﺎﻱ ﺷﻤﺴﻮﻳﻪ ﺍﻟﻴﻮﻡ ﻋﺎﻟﻜﺘﻬﺎ 😋
ﻣﻠﻚ .. ﺑﺎﻟﻌﺎﻓﻴﺔ ﻣﻦ ﺫﺍﻙ ﺍﻟﻴﻮﻡ ﺑﺎﻟﻔﻠﻢ ﻣﻦ ﺍﻛﻠﻮﺍ ﺑﻴﺘﺰﺍ ﻭﺍﻧﺖ ﻛﻠﺖ ﻣﺎﻝ ﺑﻴﺘﺰﺍ ، ﻭﺍﻟﻴﻮﻡ ﺍﺗﺬﻛﺮﺕ ﺣﺠﻴﻚ ﻭﺳﻮﻳﺘﻠﻚ 🙂
ﻣﺎﺯﻥ .. ﻳﻌﻨﻲ ﻫﺎﻱ ﺍﻧﺘﻲ ﻣﺴﻮﻳﺘﻬﺎ ؟؟
ﻣﻠﻚ .. ﺍﻱ 😊
ﻣﺎﺯﻥ .. ﻭﺍﻟﻠﻪ ﻋﺒﺎﻟﻲ ﻣﻦ ﺍﻟﻤﻄﻌﻢ ﻣﻮﺻﻴﺘﻬﺎ
ﻣﻠﻚ .. ﻻ ﻗﺎﺑﻞ ﻋﻨﺪﻱ ﺗﻠﻔﻮﻥ ﻭﺍﻭﺻﻲ، ﺳﻮﻳﺖ ﺍﺛﻨﻴﻦ ﻭﺣﺪﻩ ﺍﻟﻚ ﻭﺣﺪﻩ ﺑﻘﻴﺘﻬﺎ ﺟﻮﺓ ﻟﻠﻲ ﺗﺼﻴﺮ ﻣﻦ ﻧﺼﻴﺒﻪ
ﻣﺎﺯﻥ .. ﻭﺍﻟﻠﻪ ﻋﻔﻴﻪ ﻋﻠﻴﺞ ﻭﺍﻟﻠﻪ ﻣﻌﺪﻟﻪ ،، ﻳﻼ ﺗﻌﺎﻟﻲ ﺍﻛﻌﺪﻱ ﻭﻳﺎﻳﻪ ﺃﻛﻠﻲ
ﻣﻠﻚ .. ﻻ ﻋﻠﻴﻚ ﺑﺎﻟﻌﺎﻓﻴﺔ
ﻣﺎﺯﻥ .. ﻟﻮ ﺑﺲ ﺗﺒﻄﻠﻴﻦ ﻋﻨﺎﺩ ﻭﻣﺴﺘﺤﺔ ﺟﺎﻥ ﺍﺣﻨﻪ ﺑﺨﻴﺮ ،، ﻳﻼ ﺗﻌﺎﻟﻲ ﺍﻛﻌﺪﻱ ﺃﻛﻠﻲ
ﻣﻠﻚ .. ﻛﻌﺪﺕ ﺃﻛﻠﺖ ﻭﻣﺴﺘﺤﻴﺔ ﻭﻛﻞ ﺷﻮﻳﻪ ﺍﺑﺎﻭﻉ ﻋﻠﻴﻪ ، ﺍﺭﻳﺪ ﺍﻛﻮﻟﻪ ﻉ ﺍﻟﺘﻠﻔﻮﻥ ﻭﺍﺧﺎﻑ ﻭﺍﺳﻜﺖ
....
ﻣﺎﺯﻥ .. ﺷﺒﻴﺞ ؟؟
ﻣﻠﻚ .. ﻣﺎﺑﻴﻪ ﺷﻲ
ﻣﺎﺯﻥ .. ﻻ ﻋﻨﺪﺝ ﺷﻲ ﻣﺒﻴﻦ ، ﻳﻼ ﻛﻮﻟﻲ ﺻﺎﻳﺮ ﺷﻲ ؟؟
ﻣﻠﻚ .. ﻻ ﻭﺍﻟﻠﻪ ﻣﺼﺎﻳﺮ ﺷﻲ ﺑﺲ ...
ﻣﺎﺯﻥ .. ﺑﺲ ﺷﻨﻮ ﻟﻴﺶ ﺳﻜﺘﻲ
ﻣﻠﻚ .. ﺻﺎﺭ ﺍﺷﻬﺮ ﻣﺎﺍﻋﺮﻑ ﺍﺧﺒﺎﺭ ﺍﻫﻠﻲ ﻭﺧﺎﺻﻪ ﺃﻣﻲ ﺑﺎﻟﻲ ﻳﻤﻬﺎ ﻭﻣﺸﺘﺎﻗﺘﻠﻬﺎ ، ﺑﻠﻜﻲ ﺍﺫﺍ ﻗﺒﻠﺖ ﺗﻨﻄﻴﻨﻲ ﺗﻠﻔﻮﻧﻚ ﺍﺩﻙ ﻋﻠﻴﻬﺎ ﺍﻃﻤﻦ
ﻣﺎﺯﻥ .. ﻭﻟﻴﺶ ﺗﻠﻔﻮﻧﻲ ﺑﺎﺟﺮ ﺍﻟﺼﺒﺢ ﺍﺟﻴﺒﻠﺞ ﻭﺍﺣﺪ ﺍﻟﺞ ﻭﺧﺎﺑﺮﻳﻬﻢ ﻉ ﺭﺍﺣﺘﺞ
ﻣﻠﻚ .. ﻻ ﻋﻔﻴﺔ ﺧﺎﻑ ﺍﺑﻮﻙ ﻳﺴﻮﻱ ﻣﺸﻜﻠﻪ ﻭﻣﺎﺑﻴﻪ ﺣﻴﻞ ﻟﻠﻤﺸﺎﻛﻞ
ﻣﺎﺯﻥ .. ﻣﻌﻠﻴﺞ ﺍﻧﺘﻲ ﺭﺍﺡ ﺍﺟﻴﺒﻪ ﺍﻧﻲ ﻣﺤﺪ ﻳﻜﺪﺭ ﻳﺤﺠﻲ ، ﻭﺍﺑﻮﻳﻪ ﻣﻦ ﺇﻟﻲ ﺻﺎﺭ ﻗﺒﻞ ﺑﻌﺪ ﻣﺤﺠﻪ ﻭﻣﺪﺧﻞ ﺑﻴﺞ
ﻣﻠﻚ .. ﺍﻱ ﺻﺢ ﻭﺍﻧﻲ ﻫﻢ ﻣﻦ ﺍﺷﻮﻓﻪ ﻣﺎﺍﻃﻠﻊ ﻣﻦ ﺍﻟﻐﺮﻓﻪ ﻛﻠﺶ ﺍﺧﺎﻑ ﻣﻨﻪ
ﻣﺎﺯﻥ .. ﺧﻠﺺ ﺑﺎﺟﺮ ﺭﺍﺡ ﺍﺟﻴﺒﻠﺞ ﺍﺩﻟﻠﻲ
ﻣﻠﻚ .. ﺷﻜﺮﺍ ﻭﺍﻟﻠﻪ ﻣﺎﻋﺮﻑ ﺷﻜﻮﻟﻚ ﺑﺲ ﺭﺑﻲ ﻳﺤﻤﻴﻚ ﻭﻳﺤﻔﻆ ﻟﻚ ﺷﺒﺎﺑﻚ ، ﺑﻬﻞ ﺃﺛﻨﺎﺀ ﺍﻧﺪﻙ ﺍﻟﺒﺎﺏ
ﻣﺎﺯﻥ .. ﻣﻨﻮ ؟؟
ﺍﺑﻮ ﻣﺎﺯﻥ .. ﻟﻴﺶ ﺗﻠﻔﻮﻧﻚ ﻣﻐﻠﻖ ﺗﻌﺎﻝ
ﻣﻠﻚ .. ﻳﻤﻪ ﺟﺒﻨﻪ ﺳﻴﺮﺕ ﺍﻟﻘﻂ ﺍﺟﺔ ﻭﻧﻂ ﻣﻨﻴﻦ ﻃﻠﻊ ﻫﺬﺍ ؟ﺷﻨﻮ ﻳﺸﺘﻢ ﺭﻳﺤﺔ ﺍﻟﻤﻮﺑﺎﻳﻞ ﺑﻌﺪﻩ ﺣﺘﻪ ﻣﺠﺎﻳﺒﻪ ،، ﻃﺒﻌﺎ ﺍﺣﺠﻲ ﺑﮕﻠﺒﻲ
ﻣﺎﺯﻥ .. ﻳﺎﺑﻪ ﻣﺨﻠﺺ ﺷﺤﻦ، ﺑﮕﻠﺒﻲ ﻭﺍﻟﻠﻪ ﻣﻦ ﺩﻭﺧﺔ ﻣﻨﺎﺭ ﻗﻔﻠﺘﻪ ﺍﺭﻳﺪ ﺷﻮﻳﻪ ﺍﺭﻳﺢ ﺭﺍﺳﻲ ، ﺍﺑﺎﻭﻉ ﻉ ﺍﺑﻮﻳﻪ ﺑﻴﺪﻩ ﻗﻄﻌﺔ ﻣﻦ ﺍﻟﺒﻴﺘﺰﺍ ﺿﺤﻜﺖ
ﺍﺑﻮ ﻣﺎﺯﻥ .. ﻫﺎﻱ ﺍﻧﺖ ﺟﺎﻳﺐ ﻫﺎﻱ ﺍﻟﺒﻴﺘﺰﺍ، ﻣﻨﻴﻦ ﺟﺒﺘﻬﺎ ﻃﻴﺒﻪ ﺧﻠﻲ ﻧﻮﺻﻲ ﻟﻠﺒﻴﺖ ﻛﻠﻪ
ﻣﺎﺯﻥ .. ﻫﻬﻬﻬﻪ ﻻ ﻳﺎﺑﻪ ﻣﻮ ﺍﻧﻲ ﺟﺎﻳﺒﻬﺎ ﻫﺎﻱ ﻣﻠﻚ ﻣﺴﻮﻳﺘﻬﺎ ﺑﺲ ﻣﻀﺒﻮﻃﻪ ﻣﻮ؟
ﺍﺑﻮ ﻣﺎﺯﻥ .. ﻫﺎﺍ ﻋﺒﺎﻟﻲ ﺟﺎﻫﺰﺓ
ﻣﺎﺯﻥ .. ﻫﺎ ﻳﺎﺑﺔ ﻭﻳﻦ ﺷﻮ ﻋﻔﺘﻨﻲ ﻭﺭﺣﺖ ﻣﺘﺮﻳﺪ ﺍﻭﺻﻴﻠﻚ ﺍﻟﺸﻴﻒ ﻣﻠﻚ،، ﺑﻘﻠﻤﻲ ﻣﻴﺪﻳﺎ ﺍﻟﻔﻬﺪ
ﺍﺑﻮ ﻣﺎﺯﻥ .. ﻻ ﻣﺎﺭﻳﺪ ﺭﻭﺡ ﻧﺎﻡ
ﻣﺎﺯﻥ .. ﻫﻬﻬﻬﻬﻬﻬﻬﻬﻬﻬﻪ ﺷﻜﻠﻪ ﺍﻟﺤﺠﻲ ﺍﻧﻤﺴﺖ ﻛﺮﺍﻣﺘﻪ ﻣﻤﺘﻌﻠﻢ ﻳﻤﺪﺡ ﻣﻠﻚ ﺍﻭ ﺍﻱ ﺷﻲ ﻫﻴﻪ ﻣﺴﻮﻳﺘﻪ
ﻣﻠﻚ ﻣﻴﺨﺎﻟﻒ ﺍﻃﻠﺐ ﻣﻨﺞ ﻃﻠﺐ
ﻣﻠﻚ .. ﺍﻱ ﺍﻛﻴﺪ ﺍﻃﻠﺐ
ﻣﺎﺯﻥ .. ﺗﻜﺪﺭﻳﻦ ﺗﺴﻮﻱ ﻓﺪ 4 ﺑﻴﺘﺰﺍ
ﻣﻠﻚ .. ﺍﻱ ﻋﺎﺩﻱ ﺑﺲ ﻣﺎﻛﻮ ﺟﺒﻦ ﺧﻠﺺ
ﻣﺎﺯﻥ .. ﺧﻮﺵ ﺭﺍﺡ ﺍﺭﻭﺡ ﺍﺟﻴﺐ ﻫﺴﻪ ﻭﺍﻧﻲ ﺍﺳﺎﻋﺪﺝ
ﻣﻠﻚ .. ﻧﺰﻟﺖ ﺳﻮﻳﺖ ﺍﻟﻌﺠﻴﻨﻪ ﻭﺣﻈﺮﺗﻬﺎ ﺷﻮﻳﻪ ﻭﺍﺟﻪ ﻣﺎﺯﻥ ﻭﻛﻌﺪ ﻳﺴﺎﻋﺪﻧﻲ ﻭﻳﻀﺤﻚ ﻭﺍﻧﻲ ﺍﺿﺤﻚ ﻉ ﺿﺤﻜﺘﻪ ﺍﻟﺤﻠﻮﺓ ، ﻛﻤﻠﻨﺎﻫﻦ ﺑﺲ ﻣﺒﻴﻦ ﻋﻠﻴﻬﻦ ﺍﻃﻴﺐ ﻣﻦ ﺍﻟﻲ ﺳﻮﻳﺘﻬﻦ ﺍﻭﻝ ﻣﺮﺓ ﻳﻤﻜﻦ ﻻﻥ ﺍﻛﻮ ﺃﻳﺪ ﺣﻠﻮﺓ ﺳﺎﻋﺪﺗﻨﻲ
ﻣﺎﺯﻥ .. ﻛﻤﻠﻨﻪ ﺍﻟﺒﻴﺘﺰﺍ ﻭﺧﻠﻴﺘﻬﻦ ﺑﺎﻟﻬﻮﻝ ﻉ ﻣﻴﺰ ﺍﻟﻄﻌﺎﻡ ﻭﺻﺤﺖ ﺍﻟﺠﻬﺎﻝ ﻻﻥ ﺍﻣﻬﺎﺗﻬﻢ ﻣﻴﺴﺘﺎﻫﻠﻦ ﻛﻞ ﻣﺸﺎﻛﻠﻲ ﻭﻳﻪ ﻣﻨﺎﺭ ﺑﺴﺒﺒﻬﻦ ﻭﺑﺴﺒﺐ ﻧﻘﻠﻬﻦ ﻟﻠﺤﺠﻲ
ﻣﻠﻚ .. ﻣﺮﺕ ﺍﻻﻳﺎﻡ ﻣﺎﺯﻥ ﺟﺎﺑﻠﻲ ﻣﻮﺑﺎﻳﻞ ﻭﺍﻻﻣﻮﺭ ﺍﻟﺤﻤﺪ ﻟﻠﻪ ﺯﻳﻨﻪ ، ﺑﺲ ﻣﻨﺎﺭ ﺩﺍﺋﻤﺎ ﺗﻀﻮﺝ ﻣﺎﺯﻥ ﺗﺰﻋﻞ ﻋﻠﻴﻪ ﻭﻣﺮﺍﺕ ﻳﺨﻠﻴﻨﻲ ﺍﻧﻲ ﺍﺣﺠﻲ ﻭﻳﺎﻫﺎ ﺣﺘﻪ ﺍﺻﺎﻟﺤﻬﻢ ﻃﺒﻌﺎ ﺍﺣﺠﻲ ﻭﻳﺎﻫﺎ ﻏﺼﺐ ﻋﻨﻲ ﻟﻮ ﺑﻴﺪﻱ ﺍﺧﻠﻲ ﻳﻨﺴﺎﻫﺎ ﺻﺪﻙ ﻣﺘﺴﺘﺎﻫﻞ ﻫﻴﺞ ﻭﺍﺣﺪ ﺍﺣﺴﻬﺎ ﺯﻋﻄﻮﻃﻪ ﻭﻣﻮ ﻧﺎﺿﺠﺔ ، ﻣﺮﺍﺕ ﺍﺣﺴﺪﻫﺎ ﻉ ﻣﺎﺯﻥ ﻭﺷﻠﻮﻥ ﻳﺤﺒﻬﺎ ﻭﻣﺮﺍﺕ ﺍﺗﻤﻨﻰ ﺍﻧﻲ ﻛﻮﻥ ﺑﺪﺍﻟﻬﺎ 😔
ﻛﺎﻋﺪﺓ ﺑﺎﻟﻐﺮﻓﻪ ﻣﺜﻞ ﻳﻮﻣﻴﻪ ﻭﻃﺐ ﻣﺎﺯﻥ ﻋﺼﺒﻲ ﻭﻳﻌﻴﻂ ﻣﻮ ﻃﺒﻴﻌﻲ ﺍﻟﻴﻮﻡ ﺷﻜﻮ ﺷﺼﺎﻳﺮ
ﻣﺎﺯﻥ .. ﺍﻭﻭﻑ ﺷﻮﻛﺖ ﺍﺧﻠﺺ ﻣﻨﺞ ﺩﻣﺮﺗﻴﻨﻲ ﺍﻟﻠﻪ ﻳﺎﺧﺬﺝ ﻭﻳﺨﻠﺼﻨﻲ ﻣﻨﺞ 😠 ﺑﺴﺒﺒﺞ ﺧﺴﺮﺕ ﺍﻟﻲ ﺍﺣﺒﻬﺎ
…………
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء