....
رواية عشقت فصليتي الجزء الحادي عشر
...
# ﻋﺸﻘﺖ _ ﻓﺼﻠﻴﺘﻲ
ﺍﻟﺒﺎﺭﺕ ﺍﻝ 11
ﺑﻘﻠﻤﻲ # ﻣﻴﺪﻳﺎ _ ﺍﻟﻔﻬﺪ
ﻣﻠﻚ .. ﺳﻮﻳﺖ ﻣﺜﻞ ﻣﺎ ﻛﺎﻝ ﻣﺎﺯﻥ ﻧﺰﻟﺖ ﻭﻫﻮ ﻳﺒﺎﻭﻉ ﻋﻠﻴﻪ ﻣﻦ ﺑﻌﻴﺪ ﺩﻛﻴﺖ ﺍﻟﺒﺎﺏ ﻭﺟﺎﻥ ﻳﻨﻔﺘﺢ ﺍﻟﺒﺎﺏ ﺑﻘﻴﺖ ﺟﺎﻣﺪﻩ ﻭﺩﻣﻮﻋﻲ ﺗﺠﺮﻱ ﻟﻮ ﺗﺪﺭﻭﻥ ﻣﻨﻮ ﻓﺘﺢ ﺍﻟﺒﺎﺏ ،، ﻧﻬﻰ ﺍﻱ ﻧﻬﻰ ﺍﻟﻲ ﻣﻨﻮﺭﺍﻫﺎ ﺍﻧﻲ ﻋﻔﺖ ﺩﺭﺍﺳﺘﻲ ﺍﻟﻲ ﻣﻨﻮﺭﺍﻫﺎ ﺻﺮﺕ ﺧﺪﺍﻣﻪ 😭
ﻧﻬﻰ .. ﺗﻔﻀﻠﻲ ﻣﻨﻮ ﺭﺍﻳﺪﺓ ؟؟
ﻣﻠﻚ .. ﻣﻌﺮﻓﺘﻴﻨﻲ ﻣﻮ ﺑﺲ ﺍﻧﻲ ﻋﺮﻓﺘﺞ ﻣﻦ ﺍﻟﺼﻮﺭ ﺍﻟﻤﻮﺟﻮﺩﻩ ﺑﻴﺖ ﺍﻫﻠﺞ
ﻧﻬﻰ .. ﺍﻧﺘﻲ ﻣﻠﻚ 😦
ﻣﻠﻚ .. ﻻ ﺍﻧﻲ ﺍﻟﻔﺼﻠﻴﺔ ﺍﻟﻲ ﺿﺎﻉ ﻣﺴﺘﻘﺒﻠﻬﺎ ، ﺍﻟﻔﺼﻠﻴﺔ ﺍﻟﻲ ﺍﻧﺘﻲ ﻭﺯﻭﺟﺞ ﺿﺤﻴﺘﻮﺍ ﺑﻴﻬﺎ ، ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﻋﻠﻴﺞ ﻭﻋﻠﻴﻪ ،ﺭﺑﻲ ﻳﺎﺧﺬ ﺣﻘﻲ ﻣﻨﻜﻢ
ﻧﻬﻰ .. ﺩﺧﻠﻲ ،،ﺍﻟﻠﻪ ﻋﻠﻴﺞ ﺍﻣﻲ ﻭﺍﺑﻮﻳﻪ ﺷﻠﻮﻧﻬﻢ ﻭﺍﺧﻮﺗﻲ ﻭﺧﻮﺍﺗﻲ ﺷﻠﻮﻥ ﺻﺤﺘﻬﻢ
ﻣﻠﻚ .. ﻛﻌﺪﺕ ﺑﻜﻞ ﻭﻗﺎﺣﺔ ﻭﺻﻼﻓﺔ ﺗﺴﺄﻟﻨﻲ ﻭﻛﺄﻧﻪ ﻛﻠﺸﻲ ﻣﺼﺎﻳﺮ ،
ﺍﻧﺘﻲ ﻫﻴﺞ ﻫﺎﻣﻴﺞ ﺍﻫﻠﺞ ، ﺗﻀﺤﻜﻴﻦ ﻋﻠﻴﻪ ﻟﻮ ﻉ ﻧﻔﺴﺞ ، ﻭﺧﺮﻱ ﻟﻌﺒﺘﻲ ﻧﻔﺴﻲ ﻣﺠﺎﻳﻪ ﺣﺘﻪ ﺍﺷﻮﻑ ﺧﻠﻘﺘﺞ ،ﺩﻓﻌﺘﻬﺎ ﻭﻓﺘﺖ
ﺍﻡ ﻣﻠﻚ .. ﻳﻤﻪ ﺑﻨﺘﻲ ﻣﻠﻮﻛﻪ ، ﻫﺎﻱ ﺍﻧﺘﻲ ﻛﺒﺎﻟﻲ ﻟﻮ ﻛﺒﺮﺕ ﻭﺧﺮﻓﻴﺖ ﻭﻛﻤﺖ ﺍﺗﺨﻴﻞ ﺻﻮﺭﺗﺞ
ﻣﻠﻚ .. ﻻ ﻣﺎﻣﺎ ﻫﺎﻱ ﺍﻧﻲ ﻣﻠﻚ ﻣﺪﺗﺨﻴﻠﻴﻦ ، ﺭﻛﻀﺖ ﻋﻠﻴﻬﺎ ﻭﺣﻀﻨﺘﻬﺎ ﻭﻛﻌﺪﻧﻪ ﻧﺒﺠﻲ ﺍﺭﻳﺪ ﺍﺷﺒﻊ ﻣﻨﻬﺎ ، ﺧﺎﺑﺮﺕ ﻣﺴﻚ ﺟﺎﺑﺖ ﺟﻬﺎﻟﻬﺎ ﻭﻭﺭﺩ ﻭﻣﻨﻰ ﻳﺒﻮﺳﻦ ﺑﻴﻪ ﺍﻟﻜﻞ ﻓﺮﺡ ﺑﻴﻪ ،، ﺟﺎﻥ ﺍﻟﻌﺼﺮ ﻓﺎﺧﻮﺍﻧﻲ ﻣﻤﻮﺟﻮﺩﻳﻦ ، ﺍﺣﺴﻦ ﻣﺎﺭﻳﺪ ﺍﺷﻮﻑ ﺍﻱ ﻭﺍﺣﺪ ﻣﻨﻬﻦ ﺷﺎﻟﻮﻧﻲ ﻭﺷﻤﺮﻭﻧﻲ ﻣﻬﻤﻴﺘﻬﻢ ﺭﺟﻌﻮﺍ ﻋﺎﺷﻮ ﺣﻴﺎﺗﻬﻢ ﻭﻛﺄﻧﻪ ﻣﺠﻨﺖ ﺍﺧﺘﻬﻢ ﻭﻋﺎﻳﺸﻪ ﻭﻳﺎﻫﻢ ،
ﻭﺭﺩ .. ﻭﻟﺞ ﻣﻠﻮﻛﻪ ﺷﻠﻮﻥ ﻋﺎﻳﺸﻪ ﻭﻳﺎﻫﻢ ﺷﻠﻮﻥ ﻳﻌﺎﻣﻠﻮﺝ ﺍﻛﻴﺪ ﺣﺎﻟﻬﻢ ﺣﺎﻝ ﺍﻟﺤﻴﺔ ﻟﻬﻨﺎ
ﻣﻠﻚ .. ﻻ ﺯﻳﻨﻴﻦ ﻣﺤﺪ ﻋﻠﻴﻪ ﺑﻴﻪ ﻭﻣﺎﺯﻥ ﻣﻴﻘﺒﻞ ﺍﺣﺪ ﻳﺘﺠﺎﻭﺯ ﻋﻠﻴﻪ، # ﻗﺼﺺ _ ﻣﻦ _ ﺣﻴﺎﺗﻨﺎ M& T
ﻣﺴﻚ .. ﻭﻟﺞ ﺷﻠﻮﻧﻪ ﻫﺬﺍ ﻣﺎﺯﻥ ﺍﻛﻴﺪ ﺷﺎﺏ ﻳﻤﻮﺕ ﻣﻮ ؟ ﻣﺎﻋﻨﺪﺝ ﺻﻮﺭﺓ ﺍﻟﻪ
ﻣﻠﻚ .. ﺑﻌﺪﺝ ﻉ ﺧﺒﺎﻻﺗﺞ ﻣﺘﻐﻴﺮﺗﻲ ﻭﻟﺞ ﻣﻮ ﺟﻬﺎﻟﺞ ﺭﺍﺡ ﻳﺼﻴﺮﻭﻥ ﺑﻄﻮﻟﺞ ﻫﻬﻬﻬﻬﻪ،، ﻻ ﻣﺎﻋﻨﺪﻱ ﺻﻮﺭﺓ ﺍﻟﻪ ، ﻃﺒﻌﺎ ﻛﻌﺪﻧﻪ ﺑﻐﺮﻓﺔ ﺍﻣﻲ ﻭﻧﻬﻰ ﻣﻘﺒﻠﺖ ﺗﻔﻮﺕ ﺍﺻﻼ ﺑﺪﻱ ﺍﺷﺮﺏ ﻣﻦ ﺩﻣﻬﺎ ، ﻣﻨﻰ ﻏﺜﺘﻨﻲ ﻭﻗﻬﺮﺗﻨﻲ ﺑﻌﺪﻫﺎ ﻉ ﻃﺒﻌﻬﺎ
ﻣﻨﻰ .. ﻫﻢ ﺳﻮﻭﻟﺞ ﻋﺮﺱ ﻭﺯﻓﻪ ﻟﻮ ﻉ ﺍﻟﺴﻜﻴﺘﻲ، ﻻﻥ ﻣﺤﻤﺪ ﺳﻮﺓ ﻋﺮﺱ ﺍﻟﻨﻬﻰ ﻋﺰﻡ ﺑﻲ ﻛﻞ ﺍﻟﻨﺎﺱ ﻉ ﻛﻮﻟﺘﻬﻢ ﻋﺮﺱ ﺭﻧﺎﻧﻲ
ﻣﻠﻚ .. ﻻ ﻣﺎﺳﻮﻭ ﻭﺣﺘﻪ ﻟﻮ ﻳﺴﻮﻭﻥ ﺍﻧﻲ ﻣﺎﺭﻳﺪ ﻻﻥ ﻣﻮ ﺍﺧﺘﻴﺎﺭﻱ ﻭﺑﺮﺿﺎﺗﻲ ﺍﺗﺰﻭﺟﺖ ﻣﺜﻞ ﻣﺤﻤﺪ ﻭﻧﻬﻰ
ﺍﻡ ﻣﻠﻚ .. ﻣﻨﻰ ﺷﻬﻞ ﺣﺠﻲ ﺍﺳﻜﺘﻲ ﻳﻼ
ﻣﻨﻰ .. ﻉ ﻛﻴﻔﺞ ﻋﻤﺔ ﻗﺎﺑﻞ ﺷﺤﺠﻴﺖ ﺑﺎﻟﻲ ﻳﻤﻬﺎ ﻭﺳﺄﻟﺘﻬﺎ ، ﺻﺪﻙ ﻣﻨﻰ ﻣﻦ ﺣﺠﻲ ﻧﻬﻰ ﻋﺮﻓﺖ ﺍﻧﻮ ﺍﻫﻠﻬﺎ ﺍﻏﻨﻴﺎﺀ ﺣﻴﻞ ﻭﺑﻴﺘﻬﻢ ﻣﺜﻞ ﺍﻟﻘﺼﺮ ﺻﺢ ﻣﻮ ، ﻋﻤﻲ ﻋﻨﺪﺝ ﺑﺨﺖ ﻳﻬﺰ ﺟﺒﺎﻝ
ﺍﻡ ﻣﻠﻚ .. ﻭﺗﺎﻟﻲ ﻭﻳﺎﺝ ﺍﻧﺘﻲ ﻣﻴﻔﻴﺪ ﻭﻳﺎﺝ ﺍﻟﺤﺠﻲ ﻳﻼ ﺍﻣﺸﻲ ﻛﻮﻣﻲ ﺭﻭﺣﻲ ﺍﻟﻐﺮﻓﺘﺞ
ﻣﻨﻰ .. ﺍﻭﻭﻭ ﻭﺍﻧﻲ ﺷﺤﺠﻴﺖ ﻫﻮ ﺍﻧﻲ ﺍﻟﻤﻜﺮﻭﻫﺎ ﺑﻬﻞ ﺍﻟﺒﻴﺖ ﻣﺤﺪ ﻳﺘﺤﻤﻠﻲ ﻛﻠﻤﻪ ﻭﺣﺪﻩ ، ﺗﺤﺴﺒﻨﻲ ﻏﺮﻳﺒﻪ ﻣﻮ ﻣﺮﺕ ﺍﺑﻨﺞ
.....
ﻣﻠﻚ .. ﻣﺎﻣﺎ ﻋﻮﻓﻴﻬﺎ ﺍﻧﻲ ﻣﺘﻌﻠﻤﻪ ﻉ ﺳﻮﺍﻟﻒ ﻣﻨﻰ ، ﺍﻱ ﺣﺒﻴﺒﺘﻲ ﻭﺍﻛﺒﺮ ﻣﻦ ﺍﻟﻘﺼﺮ ﻫﻢ ﻭﺍﻟﺤﻤﺪ ﻟﻠﻪ ﻋﺎﻳﺸﻪ ﻭﻣﺮﺗﺎﺣﺔ ﻭﻣﺎﺯﻥ ﻣﺪﻟﻠﻨﻲ ﻣﻤﺨﻠﻴﻨﻲ ﺍﺣﺘﺎﺝ ﺷﻲ
ﻣﻨﻰ .. ﺑﺎﻟﻌﺎﻓﻴﺔ ﻋﻠﻴﺞ ﻣﺎﺯﻥ ﻭﺍﻫﻠﻪ 😒 ﻫﻴﻪ ﺍﻟﻔﺼﻠﻴﺔ ﺩﺍﺋﻤﺎ ﺗﺼﻴﺮ ﻣﺴﻌﺪﺓ ﻛﻮﻝ ﻋﻤﺮﻫﺎ
ﻣﻠﻚ .. ﺍﻥ ﺷﺎﺀ ﺍﻟﻠﻪ ﻳﺎﺭﺏ ﺍﻟﺴﻌﺎﺩﻩ ﺍﻟﺒﻴﻪ ﺗﻨﺪﺍﺭ ﺑﻴﺞ ﺣﺒﻴﺒﺘﻲ ﻭﻣﺮﺕ ﺍﺧﻮﻳﺔ
ﻭﺭﺩ .. ﻋﻮﻓﻴﻨﻪ ﻣﻦ ﺍﻋﻴﺎﻟﺞ ﻛﻮﻟﻴﻠﻲ ﺍﻧﺘﻲ ﻣﺮﺗﺎﺣﺔ ﻣﻠﻚ ﺍﻟﻠﻪ ﻋﻠﻴﺞ ﻭﺍﻟﻠﻪ ﺩﺍﺋﻤﺎ ﺑﺎﻟﻲ ﻳﻤﺞ ﺍﻛﻮﻝ ﺷﻠﻮﻥ ﻋﺎﻳﺸﻪ ﻭﻳﻪ ﻧﺎﺱ ﻃﺒﻌﻬﻢ ﻏﻴﺮ ﻃﺒﻌﻨﻪ ،ﺑﻘﻠﻤﻲ ﻣﻴﺪﻳﺎ ﺍﻟﻔﻬﺪ
ﻣﻠﻚ .. ﺣﺒﻴﺒﺘﻲ ﻭﺭﺩﺓ ﺍﻟﺤﻤﺪ ﻟﻠﻪ ﺑﺨﻴﺮ ﻭﻧﻌﻤﺔ ، ﻳﻜﻔﻴﻨﻲ ﺍﺳﻤﻊ ﻣﻨﺞ ﻫﻞ ﺣﺠﻲ ﺍﻟﺤﻠﻮ ﻭﺍﻧﻮ ﺍﻧﻲ ﻉ ﻋﺒﺎﻟﺞ ،
ﻛﻌﺪﺕ ﺑﻴﺖ ﺍﻫﻠﻲ ﺳﺎﻋﺘﻴﻦ ﺑﺲ ﻣﺎﺣﺴﻴﺖ ﺑﻴﻬﻦ ﻋﺒﺎﻟﻚ ﺛﺎﻧﻴﺘﻴﻦ ، ﺩﻙ ﻋﻠﻴﻪ ﻣﺎﺯﻥ 😔
📞 ﺍﻟﻮﻭ ﻣﻠﻚ ﺍﻧﻲ ﺑﺎﻟﺒﺎﺏ ﻳﻼ ﺍﻃﻠﻌﻲ
📞 ﻓﺪﻭﺓ ﻣﺎﺯﻥ ﺧﻠﻴﻨﻲ ﺍﺑﻘﻰ ﺍﻟﻴﻮﻡ ﻭﺍﻟﻠﻪ ﻣﺎﺷﺒﻌﺖ ﻣﻦ ﺍﻫﻠﻲ ﻭﻣﻦ ﺭﻳﺤﺔ ﺍﻣﻲ
📞 ﺍﺣﻨﻪ ﻣﻮ ﺍﺗﻔﻘﻨﻪ ﺑﺲ ﺳﺎﻋﺘﻴﻦ ، ﻳﻼ ﺍﻧﺘﻈﺮﺝ ﺑﺎﻟﺒﺎﺏ ﻻ ﺗﺘﺄﺧﺮﻳﻦ
📞 ﺣﺒﺎﺏ ﺍﻟﻠﻪ ﻳﺨﻠﻴﻚ
📞 ﻣﻠﻚ ﻻﺗﻠﺤﻴﻦ ﻣﺎﺣﺐ ﺍﻟﻤﻠﺤﺔ ، ﻳﻼ ﻣﻨﺘﻈﺮﺝ، ﻭﺍﻥ ﺷﺎﺀ ﺍﻟﻠﻪ ﻏﻴﺮ ﻣﺮﺓ ﻫﻢ ﺍﺟﻴﺒﺞ ﻣﻮ ﺍﺧﺮ ﻣﺮﺓ ﻫﺎﻱ
📞 ﺍﻭﻙ ﺑﻜﻴﻔﻚ ﺑﺲ ﺍﺣﻀﺮ ﻧﻔﺴﻲ ﻭﺍﻃﻠﻊ ﺩﻗﺎﻳﻖ
ﻣﻠﻚ .. ﻟﺒﺴﺖ ﺷﺎﻟﻲ ﻭﻋﺒﺎﺗﻲ ﻭﻃﻠﺒﺖ ﻣﻦ ﺍﻣﻲ ﺻﻮﺭﻩ ﺍﻟﻬﺎ ﻭﺍﻟﺒﺎﺑﺎ ﺍﻟﻠﻪ ﻳﺮﺣﻤﻪ ، ﻭﺳﻠﻤﺖ ﻋﻠﻴﻬﻢ ﻭﻃﻠﻌﺖ ﻟﻜﻴﺖ ﻣﺤﻤﺪ ﺑﻮﺟﻬﻲ
ﻣﺤﻤﺪ .. ﻣﻠﻚ ﺷﻠﻮﻧﺞ ؟ ﺍﻭﻝ ﻣﺎﺧﺎﺑﺮﺗﻨﻲ ﻧﻬﻰ ﻭﻛﺎﻟﺖ ﻣﻠﻚ ﻫﻨﺎ ﻋﻔﺖ ﻛﻠﺸﻲ ﻭﺍﺟﻴﺖ ﺍﺷﻮﻓﺞ
ﻣﻠﻚ .. ﺧﻠﻒ ﺍﻟﻠﻪ ﻋﻠﻴﻚ ﻣﺘﻘﺼﺮ ﻳﺎ ﺍﺧﻮﻳﻪ ﻭﺣﺰﺍﻡ ﻇﻬﺮﻱ ، ﻣﺎﻗﺼﺮﺕ ﻭﺟﻨﺖ ﻛﺪﻫﺎ ﻭﻧﻔﺬﺕ ﻭﺻﻴﺔ ﺑﺎﺑﺎ ﻭﺩﺭﺕ ﺑﺎﻟﻚ ﻋﻠﻴﻪ ﺍﺷﻜﺮﻙ ﻣﻦ ﻛﻞ ﮔﻠﺒﻲ 🙂
ﻃﺒﻌﺎ ﺍﺣﺠﻲ ﻭﻳﺎﻩ ﻭﮔﻠﺒﻲ ﻳﺮﺟﻒ ﻭﺍﻟﺪﻣﻌﻪ ﺑﻄﺮﻑ ﻋﻴﻨﻲ ﺑﺲ ﻛﻠﺖ ﻻ ﺧﻠﻲ ﺍﺻﻴﺮ ﻗﻮﻳﻪ ﻭﻣﺎ ﺍﺿﻌﻒ ، ﺷﻔﺖ ﻣﺎﺯﻥ ﻧﺰﻝ ﻣﻦ ﺍﻟﺴﻴﺎﺭﺓ ﻭﺟﺎﻱ ﻋﻠﻴﻨﻪ ﺧﻔﺖ ﻻﺗﺼﻴﺮ ﻣﺸﻜﻠﻪ ﻻﻥ ﻋﻴﻮﻧﻪ ﺗﺠﺪﺡ ﻧﺎﺭ ، ﻋﻔﺖ ﻣﺤﻤﺪ ﻣﺎﺍﻋﺮﻑ ﺷﻨﻮ ﺟﺎﻥ ﻳﺤﺠﻲ ﺗﺨﺮﺑﻄﺖ ﺍﻭﺿﺎﻋﻲ ﻣﻦ ﺷﻔﺖ ﻭﺟﻪ ﻣﺎﺯﻥ ،، ﻣﺸﻴﺖ ﻋﻠﻴﻪ ﺑﺴﺮﻋﻪ
ﻣﺎﺯﻥ .. ﻫﺬﺍ ﺍﺧﻮﺝ ﻣﺤﻤﺪ ﺍﻟﻌﺎﺭ ﻣﻮ؟
ﻣﻠﻚ .. ﺍﻟﻠﻪ ﻳﺨﻠﻴﻚ ﺍﻣﺸﻲ ﺑﻼ ﻣﺸﺎﻛﻞ ﺍﺗﺠﺮﺃﺕ ﻭﻟﺰﻣﺖ ﺍﻳﺪﻩ ﻭﻣﺸﻴﻨﻪ ﻟﻠﺴﻴﺎﺭﺓ ﻭﺻﻌﺪﻧﻪ ﺑﻴﻬﺎ
.
ﻧﺎﺋﻞ .. ﻃﺎﻟﻊ ﺍﻟﻤﻐﺮﺏ ﺍﺭﻳﺪ ﺍﺭﻭﺡ ﻟﻼﺳﻮﺍﻕ ﻭﺷﻔﺖ ﻭﺣﺪﻩ ﻻﺑﺴﻪ ﻋﺒﺎﻳﻪ ﺑﺸﺎﺭﻉ ﺑﻴﺖ ﻋﻤﻲ ﻛﺎﻇﻢ ﺷﺒﻬﺘﻬﺎ ﺑﻤﻠﻚ ، ﻣﻌﻘﻮﻟﻪ ﺍﻧﻮﺏ ﺍﺗﻘﺮﺑﺖ ﺍﻱ ﻭﺍﻟﻠﻪ ﻫﺎﻱ ﻫﻴﻪ ﺍﻧﻮﺏ ﻟﺰﻣﺖ ﺍﻳﺪ ﺍﻟﻮﻟﺪ ﺍﻟﻲ ﻭﻳﺎﻫﺎ ﻣﺘﺤﻤﻠﺖ ﺷﻔﺖ ﺻﺪﻳﻘﻲ ﻋﻨﺪﻩ ﺩﺭﺍﺟﺔ ﻃﻠﺒﺘﻬﺎ ﻣﻨﻪ ﻭﺑﻘﻴﺖ ﺍﻣﺸﻲ ﻭﺭﺍﻫﻢ
ﻣﻠﻚ .. ﻃﻮﻝ ﺍﻟﻄﺮﻳﻖ ﺍﺑﺎﻭﻉ ﻉ ﻣﺎﺯﻥ ﺿﺎﻳﺞ ﻭﺻﺎﻳﺮ ﻋﺼﺒﻲ ﻭﻳﺴﻮﻕ ﺳﺮﻳﻊ ،، ﻋﻔﻴﺔ ﻉ ﻛﻴﻔﻚ ﻭﺍﻟﻠﻪ ﺍﺧﺎﻑ ﻣﻦ ﺍﻟﺴﺮﻋﻪ
ﻣﺎﺯﻥ .. ﺗﻨﺪﻣﺖ ﻻﻥ ﺟﺒﺖ ﻣﻠﻚ ﻻﻫﻠﻬﺎ ﻣﻦ ﺷﻔﺖ ﻣﺤﻤﺪ ﺭﺩﺕ ﺍﻣﻮﺗﻪ ﻭﺍﺧﻠﺺ ﻋﻠﻴﻪ ﻣﻨﻮﺭﺍﻩ ﺻﺮﻧﻪ ﻋﻠﺞ ﺑﺤﻠﻮﻙ ﺍﻟﻨﺎﺱ ، ﺑﺲ ﻣﻊ ﻫﺬﺍ ﺍﻧﻘﻬﺮﺕ ﻉ ﻣﻠﻚ ﻃﻮﻝ ﻫﻞ ﻓﺘﺮﺓ ﻫﻴﻪ ﻣﺪﺍﺭﻳﺘﻨﻲ ﻭﻣﺎ ﻃﻠﻊ ﺻﻮﺗﻬﺎ ﻛﻠﺸﻲ ﺍﻟﺨﺎﻃﺮﻫﺎ ﻳﻬﻮﻥ ، ﺍﻧﻮﺏ ﻛﺎﻟﺖ ﺧﻔﻒ ﺍﻟﺴﺮﻋﻪ ﺍﺧﺎﻑ ،ﺧﻔﻔﺖ
......
ﻣﻠﻚ ﺗﻌﺸﻴﺘﻲ ﺑﻴﺖ ﺍﻫﻠﺞ ﻟﻮﻻ ؟
ﻣﻠﻚ .. ﻻ ﻭﺍﻟﻠﻪ ﻋﻔﺘﻬﻢ ﻳﺤﻀﺮﻭﻥ ﺑﺎﻟﻌﺸﻪ ﻭﺍﻧﺖ ﺍﺟﻴﺖ ﻋﻠﻴﻪ
ﻣﺎﺯﻥ .. ﺍﻧﻲ ﺟﻮﻋﺎﻥ ﺷﻨﻮ ﺭﺃﻳﺞ ﻧﺮﻭﺡ ﻟﻠﻤﻄﻌﻢ ﻧﺘﻌﺸﻪ
ﻣﻠﻚ .. ﺑﻜﻴﻔﻚ، ﺑﺪﺍﺧﻠﻲ ﻓﺮﺣﺖ ﺍﻟﺤﻤﺪ ﻟﻠﻪ ﺭﺟﻊ ﺍﻟﻄﺒﻴﻌﺘﻪ ﻭﺭﺍﺣﺖ ﺍﻟﻌﺼﺒﻴﻪ،ﺩﺧﻠﻨﻪ ﻟﻠﻤﻄﻌﻢ ﻳﺠﻨﻦ ﻭﺷﻠﻮﻥ ﺑﻲ ﻧﺎﺱ ﻭﺑﻨﺎﺕ ﻳﺨﺒﻠﻦ ﺑﺎﻟﻠﺒﺲ ﻭﺍﻷﻧﺎﻗﺔ ﻭﺍﻧﻲ ﻃﺎﺑﺔ ﺑﻌﺒﺎﻳﺘﻲ ،،ﺍﻭﻭﻑ ﺭﺍﺡ ﺯﻣﻦ ﺍﻟﻠﺒﺲ ﻭﺍﻻﻧﺎﻗﺔ ﺟﺎﻥ ﻟﺒﺴﻲ ﻛﻠﻪ ﺑﻨﺎﻃﻴﺮ ﻭﻗﻤﺼﺎﻥ ﻭﺗﻨﺎﻧﻴﺮ ﻫﺴﻪ ﻋﺒﺎﻳﺘﻲ ﻭﺍﻧﻲ 😏
ﻣﺎﺯﻥ .. ﻛﻌﺪﻧﻪ ﻧﺘﻌﺸﻪ ﺍﺑﺎﻭﻉ ﻉ ﻣﻠﻚ ﺻﺎﻓﻨﻪ ﺗﺒﺎﻭﻉ ﻉ ﺍﻟﻨﺎﺱ ،، ﻳﻤﻌﻮﺩﻩ ﺍﻛﻠﻲ ﺑﺮﺩ ﺍﻻﻛﻞ
ﻣﻠﻚ .. ﺩﺍﺃﻛﻞ ﻭﺍﻟﻠﻪ ،، ﺑﻴﺞ ﻗﺼﺺ ﻣﻦ ﺣﻴﺎﺗﻨﺎ M&T
ﻣﺎﺯﻥ .. ﺷﻨﻮ ﺭﺃﻳﺞ ﺑﺎﻟﻤﻄﻌﻢ ﺣﻠﻮ ﻣﻮ؟؟
ﻣﻠﻚ .. ﺍﻱ ﻛﻠﺶ ﺣﻠﻮ ﻭﺍﻷﻛﻞ ﻃﻴﺐ ، ﺷﻜﺮﺍ ﻉ ﻫﺎﻱ ﺍﻟﻄﻠﻌﻪ ﺻﺎﺭ ﻛﻮﻣﻪ ﻣﺎﻃﺎﻟﻌﻪ ﻭﻣﻐﻴﺮﺓ ﺟﻮ
ﻣﺎﺯﻥ .. ﺍﺩﻟﻠﻲ ﺍﺣﻨﻪ ﻛﻢ ﻣﻠﻚ ﻋﺪﻧﻪ، ﻭﻟﺰﻣﺖ ﺍﻳﺪﻫﺎ ﺑﺲ ﻫﻞ ﻣﺮﺓ ﻣﺎﺳﺤﺒﺘﻬﺎ ، ﺑﺲ ﻛﻞ ﻋﺎﺩﻩ ﺻﺎﺭﺕ ﺣﻤﺮﺓ ﻣﻦ ﺍﻟﺨﺠﻞ
ﻣﻠﻚ .. ﺍﻟﻴﻮﻡ ﻛﻠﺶ ﺗﻮﻧﺴﺖ ﻭﻳﻪ ﻣﺎﺯﻥ ﻧﺴﻴﺖ ﻫﻤﻲ ﻛﻠﻪ ، ﺭﺟﻌﻨﺎ ﻟﻠﺒﻴﺖ ﻭﻫﻮ ﻣﺸﻐﻞ ﺍﻏﺎﻧﻲ ﺣﻠﻮﺓ ﻭﻛﻞ ﺷﻮﻳﻪ ﻳﺒﺎﻭﻉ ﻋﻠﻴﻪ ﻭﺍﻧﻲ ﻣﺴﺘﺤﻴﺔ ، ﻳﺎﺭﺏ ﺩﺧﻴﻠﻚ ﻛﻤﻠﻲ ﻓﺮﺣﺘﻲ ﺍﻟﻴﻮﻡ ﻣﺎﺭﻳﺪ ﻳﻄﻠﻌﻠﻲ ﺷﻲ ﻳﻨﻐﺺ ﻋﻠﻴﻪ ﻓﺮﺣﺘﻲ ، ﻭﺻﻠﻨﺎ ﻟﻠﺒﻴﺖ ﺩﻧﻴﺎ ﻟﻠﻴﻞ ﺍﻟﻜﻞ ﻧﺎﻳﻢ
ﻣﺎﺯﻥ .. ﺍﻟﻴﻮﻡ ﺣﺴﻴﺖ ﻧﻔﺴﻲ ﻧﺴﻴﺖ ﻣﻨﺎﺭ ﻧﻬﺎﺋﻴﺎ ﻭﺑﻌﺪ ﻣﺘﻬﻤﻨﻲ ﻣﻌﻘﻮﻟﻪ ﺑﻴﻦ ﺍﻳﺪﻱ ﻫﻴﺞ ﻣﺮﺓ ﻛﺎﻣﻠﻪ ﻭﻋﺎﻗﻠﻪ ﻭﺣﻠﻮﺓ ﻭﺍﻏﺚ ﻭﺍﻗﻬﺮ ﻧﻔﺴﻲ ﻉ ﻭﺣﺪﻩ ﻃﻔﻠﻪ ﻭﻣﺘﻌﺮﻑ ﺗﺘﺼﺮﻑ ﻣﺜﻞ ﻣﻨﺎﺭ ﻻ ﻭﻓﻮﻙ ﻫﺬﺍ ﻋﺎﻓﺘﻨﻲ ﻭﺗﺰﻭﺟﺖ ،
ﻣﺮﺕ ﺍﻻﻳﺎﻡ ﻭﺍﻧﻲ ﺑﺪﻳﺖ ﺍﺗﻌﻠﻖ ﺑﻤﻠﻚ ﻭﺍﺣﺒﻬﺎ ﻳﻮﻡ ﺑﻌﺪ ﻳﻮﻡ ، ﻣﻦ ﺍﺩﺧﻞ ﻟﻠﺒﻴﺖ ﻭﺍﺷﻮﻓﻬﺎ ﺍﺭﺗﺎﺡ ﺟﻨﺖ ﺍﻣﻬﺪﻟﻬﺎ ﺍﻧﻮ ﺍﻧﻲ ﺑﺪﻳﺖ ﺍﺣﺒﻬﺎ ﻭﺍﺭﻳﺪﻫﺎ ﺗﺒﺎﺩﻟﻨﻲ ﻧﻔﺲ ﺍﻟﺸﻌﻮﺭ ﺑﺲ ﻫﻴﻪ ﺗﺘﻬﺮﺏ ﻣﺎﺩﺭﻱ ﻟﻴﺶ ﻭﺍﻧﻲ ﻣﺘﺄﻛﺪ %100 ﻫﻴﻪ ﺗﺤﺒﻨﻲ ﻭﺗﺮﻳﺪﻧﻲ ﻣﺜﻞ ﻣﺎﺍﻧﻲ ﺍﺭﻳﺪﻫﺎ
ﻣﻠﻚ .. ﻣﺎﺯﻥ ﻛﺎﻡ ﻳﺤﺒﻨﻲ ﺟﻨﺖ ﻣﻤﺼﺪﻛﺔ ﻭﻓﺮﺣﺎﻧﻪ ﺑﺲ ﻣﺎﺑﻴﻦ ﺍﻟﻪ ﺍﺧﺎﻑ ﻻﻥ ﻛﻠﺸﻲ ﺣﻠﻮ ﺑﺤﻴﺎﺗﻲ ﻧﻬﺎﻳﺘﻪ ﻛﺎﺭﺛﻴﺔ ﺗﺼﻴﺮ ﺍﺩﺭﻱ ﺑﺤﻈﻲ ، ﺟﻨﺖ ﺍﺗﻤﻨﻰ ﺍﻛﻮﻟﻪ ﺍﻧﻲ ﻫﻢ ﺍﺣﺒﻚ ﻭﺍﺭﻳﺪﻙ ﺑﺲ ﻣﺎﺍﻛﺪﺭ ﺍﻟﺨﻮﻑ ﺍﻟﺒﻴﻪ ﺍﻛﺒﺮ ﻭﺑﻨﻔﺲ ﺍﻟﻮﻗﺖ ﻣﺎﺭﻳﺪ ﺍﺻﻴﺮ ﺳﻬﻠﺔ ﺑﺎﻟﻨﺴﺒﺔ ﺍﻟﻪ ﺷﻮﻛﺖ ﻣﻴﺮﻳﺪ ﻳﻠﻜﺎﻧﻲ ﻣﺘﻮﻓﺮﺓ ، ﻣﺜﻞ ﻣﺎ ﺻﺎﺭ ﻭﻳﻪ ﻧﺎﺋﻞ ﺗﻌﻠﻤﺖ ﺩﺭﺱ ﻣﺎﺍﻧﺴﺎﻩ ﻃﻮﻝ ﺣﻴﺎﺗﻲ
ﻣﺎﺯﻥ .. ﻣﺮ ﻛﻢ ﺷﻬﺮ ﻭﻣﻠﻚ ﻉ ﻧﻔﺲ ﺍﻟﺤﺎﻝ ﻣﺮﺓ ﺍﺣﺴﻬﺎ ﺗﺤﺒﻨﻲ ﻭﺗﺮﻳﺪﻳﻨﻲ ﻭﺍﺫﺍ ﺃﺗﺄﺧﺮ ﺗﺨﺎﺑﺮﻧﻲ ﻭﺗﺴﺄﻝ ﻋﻠﻴﻪ ﻭﻣﺮﺓ ﺍﺣﺲ ﻫﻴﻪ ﻣﺘﺮﻳﺪﻧﻲ ﻣﺠﺮﺩ ﺍﻧﻲ ﻭﺍﻗﻊ ﺣﺎﻝ ﺍﺗﻘﺒﻠﺘﻪ ﻭﺗﺨﺪﻣﻨﻲ ﻭﻗﺎﻳﻤﻪ ﺑﻜﻞ ﺷﻲ ﻳﺨﺼﻨﻲ ،، ﺍﻟﻴﻮﻡ ﺍﺭﻳﺪ ﺍﺧﺼﻤﻬﺎ ﻭﻳﺎﻫﺎ ﻭﺍﺭﺳﻴﻠﻲ ﻉ ﺑﺮ ﻛﺎﻓﻲ ﻫﻞ ﻓﺘﺮﺓ
ﻣﻠﻚ .. ﻛﺎﻋﺪﻩ ﺑﺎﻟﻤﻄﺒﺦ ﺍﺣﻀﺮ ﻋﺸﻪ ﺍﺩﺭﻱ ﺑﻤﺎﺯﻥ ﺑﻬﻴﺞ ﻭﻗﺖ ﻳﺠﻲ ﻟﻠﺒﻴﺖ ،
ﻣﺎﺯﻥ .. ﻣﻠﻚ ﺗﻌﺎﻟﻲ ﻭﺭﺍﻳﻪ ﺍﺭﻳﺪ ﺍﺣﺠﻲ ﻭﻳﺎﺝ
ﻣﻠﻚ .. ﺍﻱ ﺩﻗﺎﻳﻖ ﺭﺍﺡ ﺍﺧﻠﺺ ﺍﻟﻌﺸﻪ ﻭﺍﺻﻌﺪ
ﻣﺎﺯﻥ .. ﻻ ﺗﻌﺎﻟﻲ ﻫﺴﻪ ﻣﺎﺭﻳﺪ ﻋﺸﻪ ﻋﻨﺪﻱ ﻣﻮﺿﻮﻉ ﻣﻬﻢ ﻣﻴﺘﺎﺟﻞ
ﻣﻠﻚ .. ﺑﮕﻠﺒﻲ ﻳﺎﺳﺘﺎﺭ ﻳﺎﺭﺑﻲ ،، ﺍﻱ ﺻﺎﺭ ﺧﻠﻲ ﺍﻃﻔﻲ ﺍﻟﻨﺎﺭ ، ﻋﺎﻓﻨﻲ ﻭﺻﻌﺪ ، ﻭﺟﻪ ﻭﻛﻼﻣﻪ ﺟﺪﻱ ﺍﻛﻴﺪ ﺻﺎﻳﺮ ﺷﻲ ، ﻃﻔﻴﺖ ﺍﻟﻄﺒﺎﺥ ﻭﺻﻌﺪﺕ ﻭﺭﺍﻩ
.....
ﻣﺎﺯﻥ .. ﺗﻌﺎﻟﻲ ﻛﻌﺪﻱ ﻫﻨﺎ ﺍﺭﻳﺪ ﺍﺣﺠﻲ ﻭﻳﺎﺝ ،
ﻣﻠﻚ .. ﻛﻌﺪﺕ ﻳﻤﻪ ﻭﺑﺪﺍﺧﻠﻲ ﺍﻟﻒ ﻋﻼﻣﺔ ﺍﺳﺘﻔﻬﺎﻡ
ﻣﺎﺯﻥ .. ﻣﻠﻚ ﺻﺎﺭ ﻣﺪﺓ ﺍﻛﻮﻟﺞ ﺍﻧﻲ ﺑﺪﻳﺖ ﺍﺣﺒﺞ ﻭﺍﺭﻳﺪﺝ ﺗﺒﺎﺩﻟﻴﻨﻲ ﺍﻟﺸﻌﻮﺭ ﻭﺍﻧﺘﻲ ﻛﻠﻪ ﺗﺘﻬﺮﺑﻴﻦ ﻣﻨﻲ ﻭﺍﻧﻲ ﻣﺎﺍﺣﺐ ﺍﻓﺮﺽ ﻧﻔﺴﻲ ﻉ ﺃﻱ ﺍﺣﺪ ، ﻭﻋﺮﻓﺖ ﻣﻦ ﺧﻼﻝ ﺗﻬﺮﺑﺞ ﺍﻧﺘﻲ ﻣﺘﺤﺒﻴﻨﻲ ﻭﻻ ﺗﺮﻳﺪﻳﻨﻲ ﺑﻌﺪ ﻣﺎﻛﻮ ﺩﺍﻋﻲ ﺗﻀﻠﻴﻦ ﻉ ﺫﻣﺘﻲ ﺑﺎﺟﺮ ﻣﻦ ﺍﻟﺼﺒﺢ ﺍﺧﺬﺝ ﻻﻱ ﺳﻴﺪ ﻭﺍﻃﻠﻜﺞ ﻫﻢ ﺍﻧﺘﻲ ﺗﺨﻠﺼﻴﻦ ﻣﻨﻲ ﻭﻫﻢ ﺍﻧﻲ ﺍﺗﺰﻭﺝ ﻭﺍﻋﻴﺶ ﺣﻴﺎﺗﻲ ﺍﺭﻳﺪ ﺍﺳﺘﻘﺮ ﺍﻟﺒﻜﺪﻱ ﻋﻨﺪﻩ ﻛﻮﻣﻪ ﺟﻬﺎﻝ ﻫﺴﻪ
ﻣﻠﻚ .. ﻫﻮ ﻳﺤﺠﻲ ﻭﺍﻧﻲ ﻣﺼﺪﻭﻣﻪ ﻋﺰﺓ ﻟﻴﺶ ﻣﺎﻛﻮ ﺷﻲ ﺣﻠﻮ ﻳﺪﻭﻣﻠﻲ ﻟﻬﻞ ﺩﺭﺟﺔ ﺍﻧﻲ ﻓﮕﺮ ،، ﻣﺘﺖ ﻗﻬﺮ ﻣﻦ ﺣﺠﻴﺔ ﺑﻘﻴﺖ ﺳﺎﻛﺘﻪ ﻭﻣﺪﻧﻜﻪ
ﻣﺎﺯﻥ .. ﻃﺒﻌﺎ ﺣﺠﻴﺖ ﻫﻴﺞ ﺣﺘﻪ ﺗﻨﺠﺒﺮ ﺗﻌﺘﺮﻑ ﺑﺤﺒﻬﺎ ﺍﻟﻲ ﺍﻧﻲ ﺟﺬﺏ ﻻ ﺍﻃﻠﻜﻬﺎ ﻭﻻ ﺍﺗﺰﻭﺝ ﻭﺣﺪﻩ ﻏﻴﺮﻫﺎ ﺑﺲ ﻻﺯﻡ ﺍﺣﺠﻲ ﻫﻴﺞ ﺣﺘﻪ ﺍﻋﺮﻑ ﺭﺩﺕ ﻓﻌﻠﻬﺎ ،، ﺷﻮ ﺳﺎﻛﺘﻪ ﻣﺘﺮﻳﺪﻳﻦ ﺗﺤﺠﻴﻦ ﺷﻲ ؟ ﺧﻮﺵ ﻳﻌﻨﻲ ﻣﺎﻋﻨﺪﺝ ﺍﻋﺘﺮﺍﺽ ﻳﻼ ﺍﻧﻲ ﺍﺭﻭﺡ ﺍﻓﺎﺗﺢ ﺍﺑﻮﻳﻪ ﺑﺎﻟﻤﻮﺿﻮﻉ ، ﻛﻤﺖ ﻭﺻﻠﺖ ﻟﻠﺒﺎﺏ ﺟﺎﻥ ﺗﺼﻴﺤﻨﻲ 😌
ﻣﻠﻚ .. ﻣﺎﺯﻥ ﺍﻭﻛﻒ ﺩﻗﻴﻘﻪ 😥😢
ﻣﺎﺯﻥ .. ﺍﻧﺪﺍﺭﻳﺖ ﺑﻜﻞ ﺑﺮﻭﺩ ﺑﺲ ﺑﺪﺍﺧﻠﻲ ﻓﺮﺣﺎﻥ ، ﻫﺎﺍ ﻣﻠﻚ ﻋﻨﺪﺝ ﺷﻲ ﺗﺤﺠﻲ ؟
ﻣﻠﻚ .. ﺍﻱ ،، ﻣﺎﺯﻥ ﻻﻃﻠﻜﻨﻲ ﻣﺎﺭﻳﺪ ﺍﻃﻠﻚ ﻣﻨﻚ
ﻣﺎﺯﻥ .. ﻻ ﺗﺨﺎﻓﻴﻦ ﻣﺘﺒﻘﻴﻦ ﻫﻨﺎ ﺍﻧﻲ ﺍﻗﻨﻊ ﺍﺑﻮﻳﻪ ﻭﻧﺮﺟﻌﺞ ﺍﻟﺒﻴﺖ ﺍﻫﻠﺞ
ﻣﻠﻚ .. ﻻ ﻣﻮ ﻫﺬﺍ ﺍﻟﺴﺒﺐ ﺍﻧﻲ ﻣﺎﺭﻳﺪ ﺍﻃﻠﻚ ﻣﻨﻚ ﺍﺻﻼ ﺍﺭﻳﺪ ﺍﺑﻘﻰ ﻋﺎﻳﺸﻪ ﻭﻳﺎﻙ ﻫﻨﺎ
ﻣﺎﺯﻥ .. ﻟﻴﺶ ؟ ﻣﻮ ﻣﺘﺮﻳﺪﻧﻲ ﺍﻧﺘﻲ
ﻣﻠﻚ .. ﻻ ﺍﺭﻳﺪﻙ 😭
ﻣﺎﺯﻥ .. ﺭﺣﺖ ﻋﻠﻴﻬﺎ ﻭﺣﻀﻨﺘﻬﺎ ﺣﻴﻞ ﻳﻌﻨﻲ ﻣﺘﺠﻴﻦ ﺍﻻ ﺑﺎﻟﺘﻬﺪﻳﺪ ،، ﺍﻭﻭﻑ ﻣﻨﺞ ﻓﺼﻠﻴﺘﻲ ﺍﻟﺤﻠﻮﺓ ﺍﻧﻲ ﺍﻋﺸﻘﺞ
ﻣﻠﻚ .. ﻣﻦ ﺣﻀﻨﻲ ﺣﺴﻴﺖ ﺑﺄﻣﺎﻥ ﻭﺑﺤﺐ ﻣﻮ ﻃﺒﻴﻌﻲ ﺭﺩﺕ ﻣﺘﻨﺘﻬﻲ ﻫﺎﻱ ﺍﻟﻠﺤﻈﻪ ﻭﺗﺨﻠﺺ ، ﺍﻭﻭﻑ ﺷﻜﺪ ﺍﺣﺒﻪ
ﻣﺎﺯﻥ .. ﻣﻠﻮﻛﻪ ﺗﺤﺒﻴﻨﻲ ؟؟
ﻣﻠﻚ .. ﺍﻱ ☺
ﻣﺎﺯﻥ .. ﺷﻨﻮ ﺍﻱ ،، ﻛﻮﻟﻴﻠﻲ ﺍﺣﺒﻚ ﺧﻠﻲ ﺍﺳﻤﻌﻬﺎ ﻣﻨﺞ ﻳﻼ
ﻣﻠﻚ .. ﺍﺣﺒﻚ ،،
ﻣﺎﺯﻥ .. ﺍﻭﻳﻠﻲ ﻟﻮ ﺍﺩﺭﻱ ﻣﻦ ﺯﻣﺎﻥ ﻫﻴﺞ ﺣﺎﺟﻲ ﻃﻮﻝ ﻫﻞ ﻓﺘﺮﺓ ﺧﺒﻠﺘﻴﻨﻲ ،، ﻭﺟﺎﻥ ﺑﻄﻨﻲ ﺍﻟﻔﻀﻴﺤﺔ ﻛﺎﻣﺖ ﺍﻃﻠﻊ ﺻﻮﺕ 😂
ﻣﻠﻚ .. ﻳﻼ ﺍﺭﻭﺡ ﺍﺳﻮﻱ ﺍﻟﻌﺸﻪ ﺑﻄﻨﻚ ﻛﺎﻣﺖ ﺍﺗﺰﻗﺰﻕ 😄
ﻣﺎﺯﻥ .. ﻫﺎﺍ ﺗﻀﺤﻜﻴﻦ ﻉ ﺑﻄﻨﻲ ﻳﻼ ﺭﻭﺣﻲ ﻻ ﺍﺭﻳﺪﺝ ﻭﻻ ﺍﺭﻳﺪ ﺣﺒﺞ 😅
ﻣﻠﻚ .. 😄 ﻻ ﻣﻮﻗﺼﺪﻱ ﺍﺳﻔﻪ ﻭﺍﻋﺘﺬﺭ ﻣﻦ ﻛﺮﺷﻚ
ﻣﺎﺯﻥ .. ﻋﺎﺍﺍﺍ ﺍﻧﻲ ﻋﻨﺪﻱ ﻛﺮﺵ ،، ﺍﺻﻼ ﺃﻛﻠﻲ ﻗﻠﻴﻞ ﺑﺲ 6 ﻭﺟﺒﺎﺕ ﺑﺎﻟﻴﻮﻡ 🤣
ﻣﻠﻚ .. ﺍﻱ ﺧﻄﻴﻪ ﻣﻴﺖ ﺟﻮﻉ ﺳﻮﺩﻩ ﻋﻠﻴﻪ ،، ﻛﻠﻪ ﻣﻨﻲ ﻣﻮﺗﻚ ﺟﻮﻉ
ﻣﺎﺯﻥ .. ﻳﻼ ﺭﺍﺡ ﺗﻜﻌﺪﻳﻦ ﺗﺼﻨﻔﻴﻦ ﻋﻠﻴﻪ ﺻﺪﻙ ﺍﻧﺘﻦ ﺍﻟﻨﺴﻮﺍﻥ ﻣﺘﻨﻄﻦ ﻋﻴﻦ ،ﺑﻘﻠﻤﻲ ﻣﻴﺪﻳﺎ ﺍﻟﻔﻬﺪ
ﻣﻠﻚ .. 😒😒😒
ﺑﺎﻭﻋﺘﻠﻪ ﺻﻔﺢ ﻭﺷﺒﻴﻬﻦ ﺍﻟﻨﺴﻮﺍﻥ ؟؟
ﻣﺎﺯﻥ .. ﻏﻴﺮ ﻳﻤﻮﺗﻦ ﺗﻤﻮﺕ ﻭﺧﺎﺻﻪ ﺍﻟﻔﺼﻠﻴﺎﺕ ﻋﺸﻖ 😍
....
ﻣﻠﻚ .. ﺗﺮﻩ ﺍﺿﻮﺝ ﻣﻦ ﻫﺎﻱ ﺍﻟﻜﻠﻤﺔ 😔
ﻣﺎﺯﻥ .. ﻭﺍﻟﻠﻪ ﻟﻮ ﻣﺎﻫﺎﻱ ﺍﻟﺴﺎﻟﻔﻪ ﺟﺎﻥ ﻭﻳﻦ ﻟﻜﻴﺖ ﻣﻠﻮﻛﻪ ﺑﻌﺪ ،، ﻳﻼ ﻭﻟﺞ ﻣﻮ ﺍﺣﺘﺮﻙ ﺍﺑﻮﻳﻪ ﻣﻦ ﺍﻟﺠﻮﻉ
ﻣﻠﻚ .. ﺍﺩﻟﻞ ﺍﺻﻼ ﻫﻮ ﻛﺎﻣﻞ ﻳﻼ ﻧﺎﺯﻟﻪ
ﻣﺎﺯﻥ .. ﻣﻠﻮﻛﻪ
ﻣﻠﻚ .. ﺍﻧﺪﺍﺭﻳﺖ ﻋﻠﻴﻪ ﻫﺎﺍﺍ
ﻣﺎﺯﻥ .. 😚😚
ﻣﻠﻚ .. ☺☺
ﺗﺴﺮﻳﻊ ﻟﻸﺣﺪﺍﺙ ……………
ﻣﻠﻚ .. ﻣﺮﺕ ﺍﻻﻳﺎﻡ ﻭﻣﺎﺯﻥ ﻭﻋﺪﻧﻲ ﺍﻧﻮ ﻣﻴﺘﻘﺮﺑﻠﻲ ﺍﻻ ﻧﻌﻘﺪ ﻣﺤﻜﻤﺔ ﻭﻧﺴﻮﻱ ﻋﺮﺱ ﻃﺒﻌﺎ ﺍﻧﻲ ﻃﺮﺕ ﻣﻦ ﺍﻟﻔﺮﺣﺔ ﻻﻥ ﺣﻠﻢ ﻛﻞ ﺑﻨﻴﻪ ﺗﻠﺒﺲ ﺍﻟﺒﺪﻟﻪ ﺍﻟﺒﻴﻀﻪ ﻭﺗﺼﻴﺮ ﻋﺮﻭﺱ ، ﺑﺲ ﺍﻫﻠﻪ ﻣﻌﺎﺭﺿﻴﻦ ﻳﻜﻮﻟﻮﻥ ﻋﻠﻴﻤﻦ ﺗﺴﻮﻱ ﻋﺮﺱ ﻭﻣﺼﺎﺭﻳﻒ ﻉ ﻫﺎﻱ ﺑﻨﺖ ﺍﻟﺸﻮﺍﺭﻉ ،،
ﺷﻜﺪ ﺍﻧﻘﻬﺮ ﻣﻦ ﻳﺼﻐﺮﻭﻧﻲ ﻛﺪﺍﻡ ﺍﻻﺣﺒﺔ ، ﺍﻣﻪ ﺷﺪﺕ ﻭﻳﺎﻳﻪ ﺍﻛﺜﺮ ﻣﻦ ﻗﺒﻞ ﻣﻦ ﻋﺮﻓﺖ ﺑﻤﺎﺯﻥ ﻳﺤﺒﻨﻲ ، ﺟﺮﻋﺖ ﺍﻟﻤﺮ ﺍﻟﺨﺎﻃﺮ ﻋﻴﻮﻥ ﻣﺎﺯﻥ ﻫﻮ ﺍﻟﻲ ﻣﻬﻮﻥ ﻋﻠﻴﻪ
ﻣﺎﺯﻥ .. ﺍﻫﻠﻲ ﺭﺍﺳﻬﻢ ﻳﺎﺑﺲ ﻭﺍﻧﻲ ﻣﺎﺭﻳﺪﻫﻢ ﻳﻐﻀﺒﻮﻥ ﻋﻠﻴﻪ ﻣﻬﻤﺎ ﻛﺎﻥ ﻫﺬﻭﻟﻪ ﺍﻫﻠﻲ ﺍﻟﻲ ﺗﻌﺒﻮﺍ ﻋﻠﻴﻪ ،، ﻣﺮﺍﺕ ﺍﺷﻮﻑ ﻣﻠﻚ ﺗﺒﺠﻲ ﺗﻜﺴﺮ ﮔﻠﺒﻲ ﻫﻢ ﺍﺗﻌﺬﺑﺖ ﺑﺤﻴﺎﺗﻬﺎ ﻫﻮﺍﻱ ،ﻗﺼﺺ ﻣﻦ ﺣﻴﺎﺗﻨﺎ M&T
ﻣﻠﻚ .. ﻣﻦ ﻗﻬﺮﻱ ﺍﺑﻘﺔ ﺑﺲ ﺍﺑﺠﻲ ،، ﻳﺠﻲ ﻣﺎﺯﻥ ﻳﺒﻘﺔ ﺣﺎﺿﻨﻲ ﻭﻳﻜﻮﻟﻲ ﺑﺲ ﺻﺒﺮﻱ ﻋﻠﻴﻪ ﺷﻬﺮﻳﻦ ﻳﺴﺎﻓﺮﻭﻥ ﺍﻣﻲ ﻭﺍﺑﻮﻳﻪ ﻭﺍﺳﻮﻳﻠﺞ ﺍﺣﻠﻰ ﺯﻓﻪ ،،
ﻣﺎﺯﻥ .. ﺍﺣﻨﻪ ﺻﺢ ﻣﺘﺰﻭﺟﻴﻦ ﺷﺮﻋﺎ ﻭﺍﻧﺘﻲ ﺣﻼﻟﻲ ﺑﺲ ﻣﺎﺍﻋﺮﻑ ﻧﻔﺴﻲ ﻣﺘﺘﻘﺒﻞ ﺍﺧﺬﺝ ﺑﺪﻭﻥ ﻋﺮﺱ ﻭﺍﺷﻮﻑ ﺍﻟﻔﺮﺣﺔ ﺑﻌﻴﻮﻧﺞ ﺍﻟﺤﻠﻮﺍﺕ ﺗﺴﻮﻱ ﻋﻨﺪﻱ ﺍﻟﺪﻧﻴﺎ ، ﻭﻋﺪ ﺍﻋﻘﺪ ﻋﻠﻴﺞ ﻣﺤﻜﻤﺔ ﺑﺲ ﺻﺒﺮﻱ ﺷﻬﺮﻳﻦ
ﻣﻠﻚ .. ﻭﺍﻧﻲ ﺍﺻﺒﺮ ﻭﺍﻧﺘﻈﺮﻙ ﺍﻟﻌﻤﺮ ﻛﻠﻪ ، ﻭﺟﻮﺩﻙ ﻳﻤﻲ ﻣﻜﻔﻴﻨﻲ ﻭﺯﺍﻳﺪ
ﻣﺎﺯﻥ .. ﺑﺴﺘﻬﺎ ﻣﻦ ﺭﺍﺳﻬﺎ ﻭﻛﻠﺘﻠﻬﺎ ﻭﺍﻟﻠﻪ ﺍﻻ ﺍﻋﻮﺿﺞ ﻋﻦ ﻛﻞ ﺍﻟﻲ ﺷﻔﺘﻲ ﺑﺤﻴﺎﺗﺞ
ﻣﻠﻚ .. ﺑﻘﻴﺖ ﺍﻧﺘﻈﺮ ﻫﻞ ﺷﻬﺮﻳﻦ ﻉ ﺍﺣﺮ ﻣﻦ ﺍﻟﺠﻤﺮ ،ﻋﺒﺎﻟﻚ ﺍﻻﻳﺎﻡ ﻣﺎ ﺗﻤﺸﻲ ، ﻃﺒﻌﺎ ﻛﻤﺖ ﺍﻧﺰﻉ ﺍﻟﺤﺠﺎﺏ ﻛﺪﺍﻡ ﻣﺎﺯﻥ ﺷﻮﻳﻪ ﺍﻟﻤﺴﺘﺤﻪ ﻭﺍﻟﺨﺠﻞ ﻗﻞ ، ﻭﻣﺎﺯﻥ ﻛﻞ ﻳﻮﻡ ﻳﺠﻴﺒﻠﻲ ﺣﻠﻮﻳﺎﺕ ﻭﺟﺒﺲ ﺻﺢ ﺷﻲ ﺑﺴﻴﻂ ﺑﺲ ﺑﺎﻟﻨﺴﺒﺔ ﺇﻟﻲ ﺟﺒﻴﺮ ﻛﺎﻓﻲ ﺍﻧﻲ ﻉ ﺑﺎﻟﻪ ﻭﻳﺬﻛﺮﻧﻲ ﺣﺘﻪ ﻟﻮ ﻋﻠﺞ ﻫﻢ ﺍﻓﺮﺡ ﺑﻲ
ﻣﺎﺯﻥ .. ﻭﻳﻦ ﺍﻟﻔﺼﻠﻴﺔ ﻣﺎﻟﺘﻲ ﻣﺸﺘﺎﻗﻠﻬﺎ
ﻣﻠﻚ .. ﻣﺎﺯﻥ ﻭﺍﻟﻠﻪ ﺍﺿﻮﺝ ﻣﻦ ﻫﻴﺞ ﺗﺤﺠﻲ ،،
ﻣﺎﺯﻥ .. ﺍﻭﻳﻠﻲ ﺑﺎﻟﺤﻤﺎﻡ ﺍﻟﺤﻠﻮ ﻣﻴﺨﺎﻟﻒ ﺗﻔﺘﺢ ﺍﻟﺒﺎﺏ ﻳﺎﻋﺴﻞ
ﻣﻠﻚ .. ﻣﺎﺯﻥ ﺗﺮﻩ ﺍﻧﺖ ﺍﻟﻲ ﻭﻋﺪﺗﻨﻲ ﺻﺢ ؟
ﻣﺎﺯﻥ .. ﻋﻤﻲ ﻭﺩﺍﻋﺘﺞ ﺍﺷﺎﻗﻪ ﺍﺭﻳﺪ ﺍﺣﺠﻴﺞ ، ﻳﻼ ﻃﻠﻌﻲ ﺍﺭﻳﺪﺝ
ﻣﻠﻚ .. ﻟﺤﻈﻪ ﺧﻠﺼﺖ ،، ﻃﺒﻌﻦ ﺍﺷﺘﺮﻳﺖ ﺛﻮﺏ ﻃﻮﻳﻞ ﻧﺺ ﺭﺩﻥ ﻭﺣﻄﻴﺖ ﻣﻜﻴﺎﺝ ﺑﺲ ﻫﻞ ﻣﺮﺓ ﻃﻮﺧﺖ ، ﻃﻠﻌﺖ ﻟﻜﻴﺘﻪ ﺟﺎﻳﺒﻠﻲ ﺑﻮﻛﻴﻪ ﻭﺭﺩ ﺍﺣﻤﺮ ﻳﺠﻨﻦ ☺
ﻣﺎﺯﻥ .. ﻟﺞ ﺑﻨﺖ ﺍﻻﻭﺍﺩﻡ ﺷﻄﺎﻟﻌﻪ ﺷﻴﺼﺒﺮﻧﻲ ﺷﻬﺮﻳﻦ ، ﻧﺎﻭﻳﻪ ﺗﻤﻮﺗﻴﻨﻲ ﻟﻮ ﻧﺎﻭﻳﻪ ﻉ ﻧﻔﺴﻪ ﻭﺣﺪﻩ ﻣﻦ ﺍﻻﺛﻨﻴﻦ ، ﺗﻌﺎﻟﻲ ﻛﻌﺪﻱ ﻫﻨﺎ ﺗﻌﺎﻟﻲ ،
ﻣﻠﻚ .. ﻛﻌﺪﺕ ﻉ ﺍﻟﺘﺨﻢ ﻭﺧﺠﻠﺖ ﻣﻦ ﺣﺠﻴﺔ ﺣﻴﻞ
ﻣﺎﺯﻥ .. ﺗﺪﺭﻳﻦ ﻟﻴﺶ ﺟﺒﺘﻠﺞ ﻭﺭﺩ ﺍﺣﻤﺮ ،، ﻻﻥ ﺫﻛﺮﻧﻲ ﺑﻠﻮﻥ ﺧﺪﻭﺩﺝ ﻣﻦ ﺗﺨﺠﻠﻴﻦ ، ﺍﻱ ﻣﺜﻞ ﻫﺴﻪ ﺍﻭﻳﻠﻲ ﺧﺪﻭﺩﺝ ﻣﺎﻝ ﻋﺾ ،
.....
ﻣﻠﻚ .. ﺍﻟﻴﻮﻡ ﺯﺍﻳﺪﻩ ﻋﻨﺪﻩ ﺍﻟﺮﻭﻣﺎﻧﺴﻴﻪ ﺍﺣﺠﻲ ﺑﮕﻠﺒﻲ ،، ﻣﺪ ﺍﻳﺪﻩ ﺑﺠﻴﺒﻪ ﻭﻃﻠﻊ ﺣﻠﻘﺎﺕ ﺍﺛﻨﻴﻦ ، ﺑﻘﻴﺖ ﺻﺎﻓﻨﻪ
ﻣﺎﺯﻥ .. ﻣﺪﺍﻡ ﺷﻬﺮﻳﻦ ﻭﻧﺘﺰﻭﺝ ﻣﻮ ﻻﺯﻡ ﺍﺧﻄﺒﺞ ﻭﻧﻠﺒﺲ ﺣﻠﻘﺎﺕ ،، ﺷﺪﻛﻮﻟﻴﻦ ؟؟
ﻣﻠﻚ .. ☺ ﺑﻜﻴﻔﻚ ،، ﺍﻧﻲ ﻃﺎﻳﺮﺓ ﻣﻦ ﺍﻟﻔﺮﺡ ﻟﺒﺴﻨﻲ ﺍﻟﺤﻠﻘﻪ ﺑﺄﻳﺪﻱ ﺍﻟﻴﻤﻨﻪ ﻭﺍﻧﻄﺎﻧﻲ ﺣﻠﻘﺘﻪ
ﻣﺎﺯﻥ .. ﻫﺎﺍ ﺗﻠﺒﺴﻴﻨﻲ ﻟﻮ ﻫﻢ ﺗﺴﺘﺤﻴﻦ
ﻣﻠﻚ .. ﻟﺰﻣﺖ ﺍﻳﺪﻩ ﻭﺍﺭﺟﻒ ﻣﺎﺍﻋﺮﻑ ﺷﺼﺎﺭ ﺑﻴﻪ ﻟﺒﺴﺘﻪ ﺍﻟﺤﻠﻘﻪ ، ﺟﺎﻥ ﻳﻄﻠﻊ ﺍﻟﻤﻮﺑﺎﻳﻞ ﻭﻃﻚ ﺻﻮﺭﻩ ﺍﻻﺩﻳﻨﻪ ﻭﻟﻠﻮﺭﺩ ﻭﻧﺰﻟﻬﺎ ﻉ ﺍﻟﻔﻴﺲ ﻣﺎﻟﺘﻪ
ﻣﺎﺯﻥ .. ﺍﺑﺎﻭﻉ ﻋﻠﻴﻬﺎ ﻋﻴﻮﻧﻬﺎ ﺗﻠﻤﻊ ﻣﻦ ﺍﻟﻔﺮﺡ ، ﺍﻟﻠﻪ ﻳﻘﺪﺭﻧﻲ ﻭﺍﺳﻌﺪﺝ ﻭﺍﺷﻮﻓﺞ ﻃﻮﻝ ﻋﻤﺮﺝ ﻓﺮﺣﺎﻧﻪ
ﻣﻠﻚ .. ﺑﻮﺟﻮﺩﻙ ﺍﻥ ﺷﺎﺀ ﺍﻟﻠﻪ ﺣﺒﻴﺒﻲ 😊
ﻣﺎﺯﻥ .. ﺷﻨﻮ ﺷﻨﻮ ﺷﻜﻠﺘﻲ ،، ﻋﻴﺪﻳﻬﺎ ﺑﺪﺍﻋﺘﻲ ﻋﻠﻴﺞ
ﻣﻠﻚ .. ﺣﺒﻴﺒﻲ ﻭﺣﻴﺎﺗﻲ
ﻣﺎﺯﻥ .. ﻣﻮ ﻛﻠﺘﻠﺞ ﺍﻧﺘﻲ ﻧﺎﻭﻳﻪ ﻉ ﻧﻔﺴﺞ ﺍﻟﻴﻮﻡ
ﻣﻠﻚ .. ☺☺ ﻣﺎﺯﻥ ﻭﺍﻟﻠﻪ ﺍﺧﺠﻞ ﻻﺗﺤﺠﻲ ﻫﻴﺞ
ﻣﺎﺯﻥ .. ﻣﺎﺑﻘﻰ ﺷﻲ ﻭﻳﺴﺎﻓﺮﻭﻥ ﺍﻣﻲ ﻭﺍﺑﻮﻳﻪ ﻭﻋﻮﺩ ﻫﻢ ﻛﻮﻟﻲ ﺍﺧﺠﻞ ﺣﺘﻪ ﺍﻛﺴﺮ ﺭﺍﺳﺞ
ﻣﻠﻚ .. ﻧﺰﻟﺖ ﺳﻮﻳﺖ ﻛﻴﻜﻪ ﺻﻐﻴﺮﺓ ﻭﺳﻮﻳﺖ ﺍﺣﺘﻔﺎﻝ ﻉ ﻛﺪﻧﻪ ﺍﻧﻲ ﻭﻣﺎﺯﻥ ، ﺑﻴﻮﻣﻬﺎ ﻣﺎﺯﻥ ﻧﺎﻡ ﺟﻮﺓ ﻳﻜﻮﻝ ﻣﺎﺿﻤﻦ ﻧﻔﺴﻲ ﻳﺠﻮﺯ ﺑﺎﻟﻠﻴﻞ ﻭﺍﻫﺠﻢ ﻋﻠﻴﺞ 😂
ﻣﺎﺯﻥ .. ﺍﺣﺴﺐ ﺍﻻﻳﺎﻡ ﺑﺎﻟﺴﺎﻋﻪ ﻭﺍﻟﺪﻗﺎﻳﻖ ﻭﺍﻟﺜﻮﺍﻧﻲ ﺍﺭﻳﺪ ﺑﺲ ﻳﺠﻲ ﺍﻟﻴﻮﻡ ﺍﻟﻲ ﻳﺴﺎﻓﺮﻭﻥ ﺑﻲ ﺍﻣﻲ ﻭﺍﺑﻮﻳﻪ ﺣﺘﻪ ﻧﺘﺰﻭﺝ ﺑﺮﺍﺣﺘﻨﻪ ، ﺑﻘﻠﻤﻲ ﻣﻴﺪﻳﺎ ﺍﻟﻔﻬﺪ
ﻣﻠﻚ .. ﻭﺍﻛﻔﻪ ﺑﺎﻟﻤﻄﺒﺦ ﻭﻳﻪ ﻣﻴﺮﻱ ﺩﺍﺋﻤﺎ ﺍﺳﺎﻋﺪﻫﺎ ﻻﻥ ﻣﺤﺪ ﻳﻜﻮﻝ ﻋﻠﻴﻬﺎ ﺧﻄﻴﺔ ،، ﻭﮔﻠﺒﻲ ﺍﻧﻘﺒﺾ ﺣﺴﻴﺖ ﺍﻛﻮ ﺷﻲ ﻣﻮ ﺯﻳﻦ ﺭﺍﺡ ﻳﺼﻴﺮ ، ﻃﻠﻌﺖ ﻗﺮﺁﻥ ﺳﻮﺭﺓ ﺍﻟﺒﻘﺮﺓ ﻭﺩﻣﻮﻋﻲ ﻛﺎﻣﺖ ﺗﻨﺰﻝ ،، ﻳﺎﺭﺑﻲ ﺷﺒﻴﻪ ﺩﺧﻴﻠﻚ ﺭﺑﻲ ﻋﺪﻱ ﻫﻞ ﻳﻮﻡ ﻉ ﺧﻴﺮ
ﻣﺎﺯﻥ .. ﺩﺍﺋﻤﺎ ﺍﺳﻬﺮ ﺍﻧﻲ ﻭﺟﻤﺎﻋﺘﻲ ﻟﻮ ﺑﻤﻄﻌﻢ ﻟﻮ ﺑﺎﻟﻘﺎﻋﻪ ﻣﺎﻝ ﺑﺎﻟﻴﺎﺭﺩ ﻟﻞ 12 ﻳﻼ ﺍﺭﺟﻊ ﻭﺻﻠﺖ ﻟﻠﺒﻴﺖ ﺩﺍﺍﻧﺰﻝ ﺍﻓﺘﺢ ﺍﻟﺒﺎﺏ ﻭﻣﺎﺍﺣﺲ ﺍﻻ ﺍﺭﺑﻊ ﻣﻠﺜﻤﻴﻦ ﻟﺰﻣﻮﻧﻲ ﻭﻛﺎﻣﻮﺍ ﻳﻀﺮﺑﻮﻥ ﺑﻴﻪ ﺍﺭﻳﺪ ﺍﺩﺍﻓﻊ ﻉ ﻧﻔﺴﻲ ﻣﻜﺪﺭﺕ ﺷﺎﻳﻠﻴﻦ ﺑﻴﺪﻫﻢ ﺣﺪﺍﻳﺪ ﻛﻤﺖ ﺍﺻﻴﺢ ﻉ ﺍﺧﻮﺗﻲ ﺣﻴﻞ ﻣﻦ ﺷﺎﻓﻮﻧﻲ ﺍﺻﻴﺢ ﺧﺎﻓﻮ ﻭﻧﻬﺰﻣﻮ ﻭﺍﺣﺪ ﻣﻨﻬﻢ ﻛﺎﻟﻲ ﻛﻼﻡ ﻣﺎﻓﺘﻬﻤﺘﻪ
_ ﻫﺬﺍ ﻣﺼﻴﺮ ﺍﻟﻲ ﻳﺎﺧﺬ ﺷﻲ ﻣﻮ ﺍﻟﻪ
ﻋﺎﻓﻨﻲ ﻭﺭﺍﺡ ﺑﺲ ﻭﻟﺪ ﺍﻟﻜﻠﺐ ﺩﻣﻮﻧﻲ ﺍﺩﻣﻲ ،،
ﻣﻠﻚ .. ﺑﻘﺔ ﺑﺎﻟﻲ ﻳﻢ ﻣﺎﺯﻥ ﻭﮔﻠﺒﻲ ﻣﻌﺼﻮﺭ ، ﺑﺲ ﻫﻮ ﻣﺘﻌﻠﻢ ﻳﺘﺄﺧﺮ ﻫﻴﺞ ﻭﻗﺖ ﻭﻣﺎﺭﻳﺪ ﺍﺩﻙ ﻋﻠﻴﻪ ﺣﺘﻪ ﻻﻳﻀﻮﺝ ﻣﻨﻲ ، ﺑﻘﻴﺖ ﻛﺎﻋﺪﻩ ﻭﺍﻗﺮﻩ ﺍﻳﺔ ﺍﻟﻜﺮﺳﻲ ، ﻟﺸﻮﻳﻪ ﻭﺩﺧﻞ ﻋﻠﻴﻪ ﻣﺎﺯﻥ ﻣﺪﻣﻪ ﻭﻗﻤﻴﺼﻪ ﻣﺸﻜﻚ ﺭﺍﺳﺎ ﻋﻄﺖ،، ﻫﺎﻱ ﺷﺒﻴﻚ
ﻣﺎﺯﻥ .. ﺍﺵ ﺍﺵ ﻧﺼﻲ ﺻﻮﺗﺞ ﻟﺤﺪ ﻳﺴﻤﻊ ﻣﻦ ﺍﻟﺒﻴﺖ
ﻣﻠﻚ .. ﻫﺎﻱ ﻣﻨﻮ ﻫﻴﺞ ﻣﺴﻮﻱ ﺑﻴﻚ ﺧﻤﺎ ﺍﻛﻮ ﺷﻲ ﻳﻮﺟﻌﻚ ﺩﺍﻳﺦ ﺑﻴﻚ ﺷﻲ
ﻣﺎﺯﻥ .. ﻭﻟﺞ ﻣﻜﺴﺮ ﺗﻜﺴﺮ ﻭﺩﻛﻮﻟﻲ ﺧﻤﺎ ﺷﻲ ﻳﻮﺟﻌﻚ ﻻ ﻭﺍﻟﻠﻪ ﻣﺎﻛﻮ ﺷﻲ ،
ﻣﻠﻚ .. ﻭﺍﻟﻠﻪ ﻣﻦ ﺍﻟﻬﺒﻄﻪ ﻣﺎﺍﻋﺮﻑ ﺷﻜﻤﺖ ﺍﺣﺠﻲ ﻣﻨﻮ ﺳﻮﻩ ﺑﻴﻚ ﻫﻴﺞ ﻓﻬﻤﻨﻲ
ﻣﺎﺯﻥ .. ﺃﻭﻝ ﺷﻲ ﺧﻠﻲ ﺍﻏﺴﻞ ﺟﺴﻤﻲ ﻭﻋﺎﻟﺠﻲ ﺍﻟﺠﺮﻭﺡ ﻭﺑﻌﺪﻳﻦ ﺍﺳﻮﻟﻔﻠﺞ ،،
ﻣﻠﻚ .. ﻧﺰﻉ ﺍﻟﻘﻤﻴﺺ ﻭﺷﻔﺖ ﻇﻬﺮﻫﺎ ﻣﺼﺒﻮﻍ ﺻﺒﻎ ﻣﻦ ﻛﺜﺮ ﺍﻟﻀﺮﺏ ،، ﺍﻭﻭﻭﻑ ﺳﻮﺩﻩ ﻋﻠﻴﻪ ﺷﺼﺎﻳﺮ ﺑﻴﻚ ﻛﻮﻥ ﺗﺘﻜﺴﺮ ﺍﺩﻳﻬﻢ ﺍﻟﻲ ﺳﻮﻭ ﺑﻴﻚ ﻫﻴﺞ
ﻣﺎﺯﻥ .. ﺍﻱ ﻭﺍﻟﻠﻪ ﺩﺍﺭﻭﺍ ﻋﻠﻴﻪ ﺍﺭﺑﻌﻪ ﻣﻮﺗﻨﻲ ﺿﺮﺏ ، ﺑﺲ ﻭﺍﺣﺪ ﻣﺪﺭﻱ ﺷﻌﻨﺪﻩ ﻭﻳﺎﻳﻪ ،
ﻣﻠﻚ .. ﻣﻦ ﺳﻮﻟﻔﻠﻲ ﻣﺎﺯﻥ ﻉ ﺍﻟﻜﻼﻡ ﺍﻟﻲ ﺳﻤﻌﻪ ﻣﺎﺩﺭﻱ ﻟﻴﺶ ﺍﺟﺔ ﻉ ﺑﺎﻟﻲ ﻧﺎﺋﻞ ﻣﻌﻘﻮﻟﻪ ﻫﻮ ﺑﺲ ﺷﻠﻮﻥ ﺍﻧﺪﻝ ﺍﻟﺒﻴﺖ ﻻ ﻣﺴﺘﺤﻴﻞ
ﻣﺎﺯﻥ .. ﻫﻴﻴﻲ ﻭﻳﻦ ﺭﺣﺘﻲ
ﻣﻠﻚ .. ﻫﺎﺍ ﻻ ﻭﻳﺎﻙ ﺑﺲ ﺍﻧﻘﻬﺮﺕ ﻋﻠﻴﻚ
ﻣﺎﺯﻥ .. ﻛﻮﻣﻲ ﺟﻴﺒﻲ ﺍﻟﻤﻌﻘﻢ ﻭﻋﺼﺎﺭﺓ ﺑﺎﻟﺤﻤﺎﻡ ﺩﺍﻭﻳﻠﻲ ﺍﻟﺠﺮﻭﺡ ﻛﻠﺶ ﻣﺘﺄﺫﻱ ، ﺑﻘﻠﻤﻲ # ﻣﻴﺪﻳﺎ _ ﺍﻟﻔﻬﺪ
ﻣﻠﻚ .. ﺑﻘﻰ ﻣﺎﺯﻥ ﻳﺮﻛﺰ ﻉ ﻛﺎﻣﻴﺮﺍﺕ ﺍﻟﻤﺮﺍﻗﺒﺔ ﺑﺲ ﻫﻤﻪ ﻣﻠﺜﻤﻴﻦ ﻭﺭﻗﻢ ﺍﻟﺴﻴﺎﺭﺓ ﻣﺎﻭﺍﺿﺢ ،،ﻭﺩﺍﻳﺦ ﻳﺮﻳﺪ ﻳﻌﺮﻑ ﺫﻭﻟﻪ ﻣﻨﻮ، ﺣﻴﺎﺗﻲ ﺩﻋﻮﻓﻚ ﻣﻦ ﻫﻞ ﺳﺎﻟﻔﻪ ﺍﻟﻠﻪ ﻳﺎﺧﺬ ﺣﻘﻚ ﺍﻥ ﺷﺎﺀ ﺍﻟﻠﻪ ،، ﻣﺎﺯﻥ ﻫﺎﻙ ﺗﻠﻔﻮﻧﻚ ﺍﻳﺪﻙ
ﻣﺎﺯﻥ .. ﻣﻨﻮ ﺍﻟﻤﺘﺼﻞ؟
ﻣﻠﻚ .. ﻣﺎﺩﺭﻱ ﺭﻗﻢ ﻏﺮﻳﺐ
ﻣﺎﺯﻥ .. ﺍﻟﻮﻭﻭ ﻣﻨﻮ
ﻣﻠﻚ .. ﺷﻮ ﺟﺎﻭﺏ ﻭﺟﻬﺎ ﻛﺎﻡ ﻳﻨﻄﻲ ﺍﻟﻮﺍﻥ ﻭﻳﺒﺎﻭﻉ ﻋﻠﻴﻪ ،،
………………………………………………………
ﻗﺮﺍﺀﺓ ﻣﻤﺘﻌﺔ،، ﻳﻼ ﺍﺭﻳﺪ ﺍﺷﻮﻑ ﺗﻮﻗﻌﺎﺗﻜﻢ ﻟﻠﺒﺎﺭﺕ ﺍﻟﻴﺠﻲ ﻭﻣﻨﻴﻦ ﺗﺘﻮﻗﻌﻮﻥ ﻫﻞ ﺍﺗﺼﺎﻝ ﻭﻟﻴﺶ ﺗﺨﺮﺑﻄﺖ ﺍﻭﺿﺎﻉ ﻣﺎﺯﻥ ؟
....
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء