.....
رواية ثمار العار بالحلال ج2 الجزء السابع
.....
ﻋﻠﻲ : ﺧﺎﻳﺐ ﻋﺪﻱ ﺍﻭﻛﻒ ﻋﻮﺝ ﻭﺍﺣﺠﻲ ﻋﺪﻝ
ﺍﺷﻮ ﺟﻨﻚ ﻛﻤﺖ ﺗﺨﺮﺑﻂ ﻣﺎ ﺗﻌﺮﻑ ﺗﺤﺸﻢ
ﺍﻧﺖ ﺗﻌﺮﻑ ﻛﻠﺶ ﺯﻳﻦ ﺍﺣﻨﺎ ﺧﺎﻃﺒﻴﻦ ﺍﻟﻚ ﻋﺬﺭﺍﺀ
ﻭﻳﻦ ﺟﻨﺖ ﻛﻞ ﻫﺎﻱ ﺍﻟﺴﻨﻴﻦ ﻳﺎﻟﻠﻪ ﻫﺴﺔ ﺣﺠﻴﺖ ﺷﻨﻲ ﻧﺰﻝ ﻋﻠﻴﻚ ﺍﻟﻮﺣﻲ
: ﻻ ﺑﺲ ﺍﻧﺎ ﻫﺴﺔ ﻳﺎﻟﻠﻪ ﻓﻜﺮﺕ ﺍﺗﺰﻭﺝ
ﺍﺑﻮﻩ : ﻭﻣﻨﻬﻲ ﻫﺎﻱ ﺍﻟﻲ ﻓﻜﺮﺕ ﺗﺘﺰﻭﺟﻬﺎ
ﻻﻳﻜﻮﻥ ﻭﺣﺪﺓ ﻣﻦ ﺍﻟﻐﻮﺍﻧﻲ ﻣﺎﻟﺘﻚ ﺍﻣﻬﺎﺕ ﺍﻟﻮﻻﻳﺔ
: ﻻ ﺑﻮﻳﺔ ﺍﻟﻲ ﺍﺭﻳﺪﻫﺎ ﺍﻧﺘﻮ ﺗﻌﺮﻓﻮﻧﻬﺎ ﺗﺼﻴﺮ ﺑﻨﺖ ﺍﺧﻮ ﻗﺎﺳﻢ ﺭﺟﻞ ﻋﻤﺘﻲ
ﺍﺑﻮ ﻋﺪﻱ : ﺍﻟﻠﻪ ﻳﺼﺨﻢ ﻭﺟﻬﻚ ﻳﻌﺪﻱ
ﻋﻠﻰ ﻫﺎﻟﺴﻮﺍﻳﺔ ﻭﻟﻚ ﻭﺍﻟﻠﻪ ﺳﺎﻟﻔﺘﻚ ﻏﻤﺔ ﻣﺜﻠﻚ
ﻛﻀﻴﺖ ﻃﻮﻝ ﻋﻤﺮﻙ ﺍﻋﻮﺝ ﻭﺗﻤﺸﻲ ﻛﻠﺔ ﺑﺎﻟﻤﮕﻠﻮﺏ
ﻳﻌﻨﻲ ﻫﺴﺔ ﺍﻧﺖ ﺟﺎﻱ ﺗﺮﻳﺪﻧﻲ ﺍﺣﺠﻲ ﻭﻳﺔ
ﻋﻤﻚ ﻗﺎﺳﻢ ﻭﺍﻛﻠﺔ ﻣﺎ ﻧﺮﻳﺪ ﺑﻨﺘﻚ ﺍﻟﻲ ﻣﻮﻗﻔﻴﻦ ﻗﺴﻤﺘﻬﺎ ﺻﺎﺭﻟﻨﺎ ﺳﻨﻴﻦ ﻭﺍﻧﻄﻴﻨﺎ ﺑﻨﺖ ﺍﺧﻮﻙ ﻻﻥ ﺣﻀﺮﺓ ﺟﻨﺎﺏ ﻋﺪﻱ ﺍﻧﻌﺠﺐ ﺑﻴﻬﺎ
ﻭﻳﻦ ﻛﺎﻋﺪﻳﻦ
ﻋﺪﻱ ﺑﻌﻨﺎﺩ ﻭﺭﺍﺱ ﻳﺎﺑﺲ
: ﻭﺍﻟﻠﻪ ﺍﻧﺎ ﻫﺬﺍ ﺍﻟﻌﻨﺪﻱ ﺯﻭﺍﺝ ﻣﻦ ﻋﺬﺭﺍﺀ ﺑﻨﺖ ﻋﻤﺘﻲ
ﻣﺎ ﺍﺗﺰﻭﺝ ﻭﺍﻋﻠﻰ ﻣﺎ ﺑﺨﻴﻠﻜﻢ ﺍﺭﻛﺒﻮﻩ
ﻫﻮ ﺟﺪﻱ ﺣﺠﺰﻫﺎ ﺍﻟﻲ ﻭﺭﻃﻨﻲ ﺑﻌﺬﺭﺍﺀ
ﻫﻮ ﺧﻠﻲ ﻳﺒﺘﻠﻲ ﺑﻴﻬﺎ
ﻧﻬﺾ ﻋﻠﻲ ﻣﻦ ﻣﻜﺎﻧﺔ ﻳﺮﻳﺪ ﻳﻬﺪ ﻋﻠﻰ ﻋﺪﻱ
ﻟﺰﻣﺔ ﺍﻟﺸﻴﺦ ﻣﺰﺍﺣﻢ ﻣﻦ ﺍﻳﺪﻩ
: ﺍﺻﺒﺮ ﻳﺎﺑﻌﺪ ﺟﺪﻙ ﺧﻠﻪ ﻳﺤﺠﻲ ﻟﻮﺣﺪﻩ
ﻫﺬﺍ ﺩﻭﺍﻩ ﻋﻨﺪﻱ
ﺍﻟﺸﻴﺦ ﻣﺰﺍﺣﻢ ﻳﺎﻋﻴﻦ ﻋﻠﻰ ﻋﺪﻱ ﺑﻨﻈﺮﺍﺕ ﻛﻠﻬﺎ ﻣﻜﺮ
: ﻫﺬﺍ ﻫﻮ ﻳﺎﻟﺬﻳﺐ ﺍﻟﻚ ﺍﻟﺘﺮﻳﺪﺓ ﺯﻭﺍﺝ ﻣﻦ ﺑﻨﺖ ﻗﺎﺳﻢ
ﻣﺎﻛﻮ ﺑﺲ ﻫَـﺎ
ﺧﻠﻲ ﺑﺒﺎﻟﻚ ﻣﺎ ﺍﺭﻭﺡ ﺍﺧﻄﺒﻠﻚ ﺑﻨﺖ ﺍﺧﻮﻩ ﻟﻮﺗﻤﻮﺕ
ﺍﻧﺖ ﻟﻮﺣﺪﻙ ﺭﻭﺡ ﺍﺧﻄﺒﻬﺎ
ﺍﺑﻮﻋﺪﻱ : ﻻ ﻳﺎﺑﻮﻱ ﺷﻨﻲ ﻫﻮ ﺑﻜﻴﻔﺔ
ﻳﺘﺰﻭﺝ ﻋﺬﺭﺍﺀ ﻣﺎﻏﺒﺼﻦ ﻋﻠﻴﻪ ﻭﻋﺎﻟﺨﻠﻔﺔ
ﻫﻲ ﻟﻌﺒﺔ ﻛﻞ ﻳﻮﻡ ﺟﺎﻱ ﺍﺳﺘﺎﺫ ﻋﺪﻱ
ﺑﻤﺼﻴﺒﺔ ﻭﺍﻟﻠﻪ ﺍﻛﺴﺮﺓ ﻭﺍﻛﻌﺪﺓ ﺑﺎﻟﺒﻴﺖ ﻭﻻ ﻳﺘﺰﻭﺝ ﻏﻴﺮ ﻋﺬﺭﺍﺀ
: ﻛﻠﺸﻲ ﺑﺎﻟﺠﺒﺮ ﺍﻻ ﺍﻟﺰﻭﺍﺝ ﻣﺎ ﺑﻲ ﺍﻛﺮﺍﻩ ﺧﻠﻪ ﺑﺮﺍﺣﺘﺔ
ﺷﻜﻠﻪ ﻳﻄﺮﺏ ﻋﺎﻟﻐﺮﻳﺐ
.................................
ﺍﺣﻴﺎﻧﺎً ﺗﻤﺮ ﻋﻠﻰ ﺍﻟﺸﺨﺺ ﻣﻮﺍﻗﻒ
ﻳﺤﺲ ﻋﺒﺎﻟﻚ ﺍﺗﻮﻗﻒ ﺑﻴﻪ ﺍﻟﺰﻣﻦ
ﺍﻱ ﺍﻧﻲ ﻫﺎﻱ ﺍﻟﺤﺎﻟﺔ ﺻﺎﺭﺕ ﻭﻳﺎﻱ ﻣﻦ ﺳﻤﻌﺖ ﻛﻼﻡ
ﺛﺎﺋﺮ
ﺣﺴﻴﺖ ﻛﻠﺸﻲ ﺍﺗﻮﻗﻒ ﺣﻮﻟﻲ
ﻣﻦ ﺍﻟﺼﺪﻣﺔ
ﻛﺎﻧﺖ ﺍﺛﺮ ﻛﻠﻤﺎﺕ ﺛﺎﺋﺮ ﻋﻠﻴﺔ ﻣﺜﻞ ﻭﻗﻊ ﺍﻟﺼﺎﻋﻘﺔ ﻋﺎﻟﺮﺍﺱ
ﺍﺟﻴﺖ ﺍﻣﻮﻭﺕ ﻣﻦ ﺣﺠﺔ ﻭﻳﺔ ﺟﺪﺗﺔ
ﻻﺍﺍﺍﺍ ﻳﺎﻟﻠﻪ ﻻﺍﺍﺍ ﻟﻴﺶ ﺛﺎﺋﺮ ﻟﻴﺶ
ﻋﺎﻗﺒﻨﻲ ﺑﺲ ﻣﻮ ﻫﺸﻜﻞ
ﻫﺬﺍ ﻣﻮﺕ ﺑﻄﻲﺀ
ﻻ ﻣﺴﺘﺤﻴﻞ ﻳﺄﺫﻳﻨﻲ
ﻣﻌﻘﻮﻟﺔ ﺩﻳﺠﺬﺏ ﻋﻠﻴﺔ ﺣﺘﻰ ﻳﺤﺮﻙ ﮔﻠﺒﻲ
ﻭﻳﺴﻮﻱ ﺑﻴﺔ ﻣﺜﻞ ﻣﺎ ﺳﻮﻳﺖ ﺑﻲ
ﻻ ﺑﺲ ﺍﻟﺠﺪﺓ ﻇﻠﺖ ﺗﻬﻠﻲ ﻭﺗﺼﻠﻲ
: ﻳﺎﻳﻤﺔ ﻣﻦ ﺳﺎﻋﺔ ﺍﻟﻤﺒﺎﺭﻛﺔ . ﺍﺷﻮﻓﻚ ﻋﺮﻳﺲ
ﻭﺭﺑﻌﻚ ﻳﺰﻓﻮﻧﻚ
ﺟﺎﻧﺖ ﻛﻞ ﻛﻠﻤﺔ ﺗﻄﻠﻊ ﻣﻦ ﺍﻟﺠﺪﺓ
ﺍﺣﺲ ﺑﻴﻬﺎ ﺗﮕﻄﻊ ﺑﺸﺮﺍﻳﻴﻦ ﮔﻠﺒﻲ
ﻇﻠﻴﺖ ﺍﺣﻮﻡ ﻣﺜﻞ ﺍﻟﺒﺰﻭﻥ ﺍﻟﻲ ﺳﺎﺩﻳﻦ ﻋﻠﻰ ﺫﻳﻠﻬﺎ ﺍﻟﺒﺎﺏ
ﻓﺮﺕ ﺭﻭﺣﻲ ﻣﺎ ﺍﻋﺮﻑ ﺷﺴﻮﻱ
ﺣﺴﻴﺖ ﻭﺟﻬﻲ ﻳﻄﻠﻊ ﻣﻦ ﻋﻨﺪﺓ ﺣﺮﺍﺭﺓ
ﺍﺗﻤﻨﻴﺖ ﺍﻟﻬﺮﻭﺏ ﻣﻦ ﻫﺬﺍ ﺍﻟﻤﻜﺎﻥ
ﺍﺭﻳﺪ ﺍﺧﺘﻔﻲ ﻣﻦ ﺍﻟﻮﺟﻮﺩ
ﻭﺍﻟﻠﻪ ﺗﻮﺟﻊ ﺍﻟﻢ ﻃﻌﻨﺔ ﺍﻟﺤﺒﻴﺐ
ﺻﻌﺒﺔ ﺍﻟﻮﺍﺣﺪ ﻳﻌﺎﻧﻲ ﻣﻦ ﺍﻻﻟﻢ
ﻭﺍﻟﻤﺸﻜﻠﺔ ﺍﻻﻟﻢ ﺩﺍﺧﻠﻲ ﻣﻴﺒﻴﻦ
ﻭﻻ ﺍﺣﺪ ﻳﻜﺪﺭ ﻳﺸﻮﻓﺔ
ﺻﺒﻮ ﺍﻟﻐﺪﺓ ﻭﺧﻠﺺ ﻭﺍﻧﻲ ﻣﺎ ﺍﻓﺘﻬﻤﺖ ﻣﻨﺔ
ﺍﻱ ﺷﻲ ﻭﻛﻞ ﺳﺎﻋﺔ
ﻋﻤﺔ ﻣﻨﺘﻬﻰ ﺗﻨﺒﻬﻨﻲ ﻟﺤﺘﻰ ﺍﻣﺪ ﺍﻳﺪﻱ ﻭﺍﻛﻞ
ﺑﺲ ﺷﺎﻛﻞ ﻭﺍﻧﻲ
ﺍﺣﺲ ﺑﺎﻻﻛﻞ ﺻﺎﺭ ﻃﻌﻤﺔ
ﺑﺤﻠﻜﻲ ﻣﺜﻞ ﺍﻟﻌﻠﻘﻢ ﻣﺮ
ﻋﺒﺎﻟﻚ ﻃﺎﺑﻮﻙ ﻳﺪﺧﻞ ﺑﻤﻌﺪﺗﻲ
ﺍﻟﻠﻪ ﻳﺴﺎﻣﺤﻚ ﺛﺎﺋﺮ
ﺍﺩﺭﻱ ﺑﻴﻚ ﺗﺤﺒﻨﻲ ﻭﺗﺪﺭﻱ ﺑﻴﺎ ﺍﺣﺒﻚ
ﻭﺭﻏﻢ ﻫﺬﺍ ﻛﻠﺔ ﻋﺎﻧﺪﺕ ﺍﻟﮕﻠﺐ ﻭﻛﺎﺑﺮﺕ
ﻭﺩﺳﺖ ﻋﻠﻰ ﻛﻠﺒﻚ ﻭﻛﻠﺒﻲ ﺑﻜﻞ ﻗﺴﻮﺓ
ﺑﺲ ﻋﻠﻤﻮﺩ ﺗﺸﻮﻓﻨﻲ ﺍﺗﻤﺮﻣﺮ
ﺣﺮﺍﻡ ﻋﻠﻴﻚ
ﺑﺎﻧﺖ ﻋﻠﻰ ﻭﺟﻬﻲ ﻋﻼﻣﺎﺕ ﺍﻟﺒﺆﺱ ﻭﺍﻟﻘﻬﺮ
ﻭﺍﻣﻲ ﻭﻧﻮﺭ ﺣﺴﻮ ﻋﻠﻴﺔ
ﻧﻮﺭ ﺑﻬﻤﺲ : ﺷﻨﻮ ﺷﺒﻴﺞ ﺍﺷﻮ ﺷﻜﻠﺞ ﻣﺎ ﻋﺠﺒﻨﻲ
ﺷﻜﻮ ﺳﺎﻣﻌﺔ ﺷﻲ
: ﻻ ﻣﺎ ﺑﻴﺔ ﺷﻲ ﻟﻴﻈﻞ ﺑﺎﻟﺞ
ﺑﺲ ﺷﻜﻠﻲ ﺭﺍﺡ ﺍﻭﮔﻊ ﻣﺮﻳﻀﺔ ﺍﺣﺲ ﻣﻌﺪﺗﻲ ﮔﺎﻣﺖ ﺗﮕﻠﺐ
ﺍﻣﻲ : ﻟﻌﺪ ﻳﺎﻟﻠﻪ ﺧﻠﻲ ﻧﺘﺮﺧﺺ ﻣﻨﻬﻢ
ﻭﻧﺮﺟﻊ ﻟﻠﺒﻴﺖ ﺣﺘﻰ ﺍﻧﻲ ﺍﺣﺲ ﺭﺍﺳﻲ ﻳﺮﻳﺪ ﻳﻄﻚ
ﻣﻦ ﻭﺭﺓ ﺍﻟﻬﻮﺳﺔ
ﻟﺞ ﻋﻴﻨﻲ ﺍﻟﻠﻪ ﻳﺴﺎﻋﺪﻫﻢ ﻫﺎﻱ ﺷﻠﻮﻥ ﻳﺘﺤﻤﻠﻮﻥ
ﻫﻴﺞ ﺍﺯﻋﺎﺝ
ﺭﺣﺖ ﺣﺘﻰ ﺍﺻﻴﺢ ﻋﺬﺭﺍﺀ
ﻋﻠﻤﻮﺩ ﺗﻜﻮﻝ ﻟﻨﺎﺻﺮ ﻳﺮﺟﻌﻨﺎ ﻟﻠﺒﻴﺖ
ﻭﺻﻠﺖ ﻋﻠﻰ ﺍﻟﻤﻄﺒﺦ
ﺣﺴﻴﺖ ﻋﻠﻰ ﺍﻳﺪ ﻗﻮﻳﺔ ﺳﺤﺒﺘﻨﻲ
ﻭﺩﺧﻠﺘﻨﻲ ﻟﻤﺨﺰﻥ ﺍﻟﻤﻄﺒﺦ
ﺍﻟﺘﻔﺘﺖ ﺷﻔﺘﺔ ﺛﺎﺋﺮ
ﺍﺗﻤﻨﻴﺖ ﻛﻮﻥ ﻋﻨﺪﻱ ﻗﻮﺓ ﺍﻃﻠﻊ ﺣﺮﻛﺖ
ﺍﻟﻲ ﺑﮕﻠﺒﻲ ﻛﻠﻬﺎ ﺑﻲ
ﺳﺤﺒﺖ ﺍﻳﺪﻱ ﻣﻨﺔ ﺑﻨﺘﺮﺓ
: ﺍﺗﺮﻙ ﺍﻳﺪﻱ ﺍﻳﺎﻧﻲ ﻭﻳﺎﻙ ﺗﺘﺠﺮﺀ ﻭﺗﻠﻤﺴﻨﻲ
ﻣﻨﻮ ﺍﻧﺖ ﺣﺘﻰ ﺗﺴﻤﺢ ﻟﻨﻔﺴﻚ ﺗﺘﺼﺮﻑ ﻫﻴﺞ ﻭﻳﺎﻱ
: ﻫَـﺎ ﻳﺴﻬﻮﺓ ﺍﻟﻈﺎﻫﺮ ﺟﺎﻱ ﺗﻌﺎﻧﻴﻦ
ﻣﻮ ﺗﻨﺴﻴﻦ ﺗﺮﺓ ﺍﻧﺘﻲ ﻣﻌﺰﻭﻣﺔ
: ﺍﺷﻜﺮﻙ ﻛﻠﻚ ﺫﻭﻕ ﻣﺎ ﻗﺼﺮﺕ
ﺍﻥ ﺷﺎﺀ ﺍﻟﻠﻪ ﺍﺟﻲ ﺑﻤﻬﺮﻙ ﻭﺍﻃﺶ ﺟﻜﻠﻴﺖ ﺑﻌﺪ
ﺷﻔﺘﺔ ﻛﻮﺭ ﺍﻳﺪﺓ ﺑﻘﺒﻀﺔ ﺩﻓﻌﻨﻲ ﻋﻠﻰ ﺍﻟﺤﺎﻳﻂ
ﻭﺿﺮﺏ ﺍﻟﺤﺎﻳﻂ ﺍﻟﻲ ﺑﺼﻒ ﺭﺍﺳﻲ
: ﺳﻬﻮﺓ ﻋﻴﻮﻧﺞ ﻓﺎﺿﺤﺘﺞ
ﻭﺗﺤﺠﻲ ﻋﻜﺲ ﻣﺎ ﻳﻠﻔﻀﺔ ﺍﻟﺴﺎﻧﺞ
ﺩﻓﻌﺘﺔ ﻣﻦ ﺻﺪﺭﺓ
: ﻭﻫﺴﺔ ﺍﻧﺖ ﺷﺘﺮﻳﺪ ﻣﻨﻲ
ﺟﺎﻱ ﺗﺮﻳﺪ ﺗﺸﻮﻓﻨﻲ ﺷﻠﻮﻥ
ﺍﻋﺎﻧﻲ ﻭﻳﺔ ﺧﺒﺮ ﺯﻭﺍﺟﻚ
ﻻ ﺛﺎﺋﺮ ﺭﺍﺟﻊ ﺣﺴﺎﺑﺎﺗﻚ
ﻣﻮ ﻋﺒﺎﻟﻚ ﺑﻬﺬﺍ ﻣﻮﻗﻔﻚ ﺭﺍﺡ ﺗﻜﺪﺭ ﺗﻜﺴﺮﻧﻲ ﺑﺎﻟﻌﻜﺲ
ﺍﻟﻀﺮﺑﺔ ﺍﻟﻲ ﻣﺎ ﺗﻤﻮﺗﻚ ﺗﻘﻮﻳﻚ
ﻭﺍﻧﻲ ﻗﻮﻳﺖ ﻭﺍﻧﺖ ﺍﻟﺨﺴﺮﺕ
ﻭﺍﻥ ﺷﺎﺀ ﺍﻟﻠﻪ ﺍﻻﻳﺎﻡ ﺗﺜﺒﺖ ﻣﻨﻮ ﺑﻴﻨﺎ ﺍﻟﻐﻠﻄﺎﻥ
ﺭﺩﺕ ﺍﻃﻠﻊ ﺳﺤﺒﻨﻲ
: ﺍﻭﻛﻔﻲ ﻣﺎﺧﻠﺼﺖ ﻛﻼﻣﻲ ﻭﻳﺎﺝ
ﺍﺑﺘﺴﻤﺖ ﺑﺴﺘﻬﺰﺍﺀ
: ﻣﺮﺍﺡ ﺗﻜﺪﺭ ﺑﻌﺪ ﺗﺨﻮﻓﻨﻲ ﻫﺬﺍ ﻛﺎﻥ ﺯﻣﺎﻥ
ﻣﻦ ﻛﻨﺖ ﺍﺳﻮﻳﻠﻚ ﺍﻟﻒ ﺣﺴﺎﺏ
ﻻﻥ ﺑﻮﻗﺘﻬﺎ ﻛﻨﺖ ﻣﺎﻟﻚ ﺍﻟﮕﻠﺐ ﻭﺍﻟﺮﻭﺡ
ﻭﺍﺳﻮﻱ ﺣﺴﺎﺏ ﻟﺰﻋﻠﻚ
ﻟﺰﻣﻨﻲ ﻣﻦ ﺯﻧﺪﻱ ﻗﻮﻱ
: ﻟﺞ ﻣﺎﻏﺼﺒﻦ ﻋﻠﻴﺞ ﻭﻋﻠﻰ ﻋﺸﻴﺮﺗﺞ ﺗﺒﻘﻴﻦ ﺗﺴﻮﻳﻠﻲ
ﺍﻟﻒ ﺣﺴﺎﺏ
ﻻﻥ ﺭﺍﺡ ﺍﺑﻘﻰ ﻭﺭﺍﺝ ﻭﺭﺍﺝ ﻣﺜﻞ ﻇﻠﺞ
ﻣﺎ ﺭﺍﺡ ﺍﺧﻠﻴﺞ ﺗﺘﻬﻴﻨﻴﻦ ﺑﺤﻴﺎﺗﺞ ﻣﻮ ﺛﺎﺋﺮ ﺍﻟﻲ
ﺗﻠﻌﺐ ﻋﻠﻴﻪ ﻭﺣﺪﺓ ﻭﺗﺘﻌﺪﺍﻩ ﻭﺗﻄﻠﻊ ﺳﺎﻟﻤﺔ
ﺳﻤﻌﻨﺎ ﺻﻮﺕ ﺧﻠﻔﻨﺎ ﺍﻟﺘﻔﺘﺖ ﺑﺨﻮﻑ
ﺷﻔﺘﻬﺎ ﺭﻭﺍﺀ
ﺭﻭﺍﺀ : ﺛﺎﺋﺮ ﺍﺑﺘﻌﺪ ﻋﻦ ﺳﻬﻮﺓ
ﺗﺮﺓ ﺍﻧﺖ ﻫﻮﺍﻱ ﻣﺼﺨﺘﻬﺎ ﻭﻳﺎﻫﺔ ﺑﺘﺼﺮﻓﻚ
ﻭﺍﻟﻠﻪ ﺍﺫﺍ ﺑﻘﻴﺖ ﻋﻠﻰ ﻫﺎﻱ ﺳﻮﺍﻟﻔﻚ ﺍﺷﺘﻴﻜﻲ ﻟﺠﺪﻱ ﻋﻠﻴﻚ ﻭﺍﺧﺒﺮﺓ ﺑﺴﻮﺍﻳﺘﻚ ﻭﺧﻄﻴﺘﻬﺎ ﺑﺮﻛﺒﺘﻚ
......
ﻣﻦ ﺍﺟﺘﻲ ﺭﻭﺍﺀ ﺣﺴﻴﺖ
ﻋﺒﺎﻟﻚ ﺍﻟﻠﻪ ﺑﻌﺜﻠﻲ ﺣﺒﻞ ﺍﻟﻨﺠﺎﺓ
ﺭﺣﺖ ﻭﺗﺮﻛﺘﻬﻢ ﻟﻮﺣﺪﻫﻢ
ﺩﻭﺭﺕ ﻋﻠﻰ ﻋﺬﺭﺍﺀ ﻭﻟﻜﻴﺘﻬﺎ ﻛﺎﻋﺪﺓ ﻳﻢ ﺍﻟﺒﻨﺎﺕ ﺗﺴﻮﻟﻒ
ﺭﺍﺣﺖ ﻭﺻﺎﺣﺖ ﻟﻨﺎﺻﺮ ﻭﻛﺎﻝ ﺟﻬﺰﻭ ﺣﺎﻟﻜﻢ
ﺣﺘﻰ ﺍﻣﻲ ﺧﻞ ﺗﺮﺟﻊ ﻭﻳﺎﻛﻢ ﻻ ﺗﺒﻘﻰ ﻫﻨﺎ
ﻋﺬﺭﺍﺀ : ﺷﻨﻮ ﻟﻴﺶ ﺗﺮﺟﻊ ﺍﻧﺖ ﺗﻌﺮﻑ ﺑﺄﻣﻲ
ﺗﺘﺄﺧﺮ ﺩﺍﺋﻤﺎً ﻫﻨﺎ ﺑﺒﻴﺖ ﺟﺪﻱ
: ﻛﻠﻴﻠﻬﺎ ﺍﺑﻮﻱ ﻳﺮﻳﺪﻫﺎ ﺑﺸﻐﻠﺔ ﻣﻬﻤﺔ
: ﻫَـﺎ ﺧﻮﺵ
ﻭﺍﻟﻠﻪ ﺑﻮﻛﺘﻬﺎ ﺟﻨﺖ ﻛﻮﺓ ﻻﺯﻣﺔ ﺭﻭﺣﻲ
ﻣﺎ ﺍﻋﺮﻑ ﺑﺲ ﻣﻮﻗﻒ ﺛﺎﺋﺮ ﻭﻳﺎﻱ ﻫﺰﻧﻲ
ﻭﺣﻄﻤﻨﻲ ﺍﻟﻰ ﻗﻄﻊ ﻣﺘﻨﺎﺛﺮﺓ
ﻳﻌﻨﻲ ﺍﻟﻰ ﻣﺘﻰ ﺍﻇﻞ ﺍﻧﻲ ﺍﻟﺠﺎﻧﺐ ﺍﻟﺨﺴﺮﺍﻥ
ﻳﻌﻨﻲ ﺷﻮﻛﺖ ﺍﺻﻴﺮ ﻣﺜﻞ ﺍﻟﺒﻨﺎﺕ ﺍﺣﺐ ﻭﺍﻧﺤﺐ
ﺑﺪﻭﻥ ﻣﺎ ﺍﺣﺲ ﺑﺎﺷﻮﺍﻙ ﻭﻟﻮﻋﺔ
ﺍﺩﺭﻱ ﺍﻧﻲ ﺷﻨﻮ ﺷﻔﺖ ﻣﻦ ﺣﻴﺎﺗﻲ
ﺍﺷﻮ ﻛﻞ ﻣﺎ ﺍﻛﻮﻝ ﻫﺎﻧﺖ
ﺍﺻﺤﻰ ﻋﻠﻰ ﺿﺮﺑﺔ ﻓﻮﻙ ﺍﻟﺮﺍﺱ
ﺗﺨﻠﻴﻨﻲ ﺗﺎﻳﻬﺔ ﻭﺣﺎﻳﺮﺓ ﻭﺑﻨﺺ ﺍﻟﺪﺭﺏ ﻣﺤﺘﺎﺭﺓ
ﺍﻟﻤﻦ ﺍﺭﻭﺡ ﻭﻳﻦ ﺍﺗﺠﻪ ﻭﺷﻨﻮ ﺍﺧﺘﺎﺭ
ﻟﻜﻦ ﻫﺎﻟﻤﺮﺓ ﻻﺍﺍﺍﺍﺍ ﺭﺍﺡ ﺍﻛﻮﻥ ﺍﻧﺎﻧﻴﺔ
ﺭﺍﺡ ﺍﻧﺘﻔﺾ ﻣﺴﺘﺤﻴﻞ ﺍﺭﺿﻰ ﺍﻥ ﺍﻛﻮﻥ ﺍﻧﻲ ﺍﻟﻄﺮﻑ
ﺍﻟﺨﺴﺮﺍﻥ
ﻭﺻﻠﻨﺎ ﻟﻠﺒﻴﺖ ﺻﺤﺖ ﻟﺤﺴﻦ
ﺣﺘﻰ ﺍﺣﻀﺮﻟﻪ ﻣﻼﺑﺲ ﻭﻳﺪﺧﻞ ﻳﺴﺒﺢ
ﻧﺰﻟﺖ ﺷﻔﺘﺔ ﺩﺍﺧﻞ ﻟﻠﺤﻤﺎﻡ
ﺳﻤﻌﺖ ﺻﻮﺕ ﻧﺎﺻﺮ ﻳﺼﻴﺢ ﺑﻐﻀﺐ
ﻭﺍﻧﺘﺒﻬﺖ ﻋﻠﻰ ﻧﻮﺭ ﻭﺍﻛﻔﺔ ﻗﺮﺏ ﺑﺎﺏ ﺍﻟﺼﺎﻟﺔ ﻭﺗﺘﺴﻤﻊ
ﻟﻠﻜﻼﻡ ﺭﺣﺖ ﺍﻗﺘﺮﺑﺖ ﻣﻨﻬﺎ ﺑﺘﺴﺎﺋﻞ
ﺍﺷﺮﺗﻠﻲ ﻋﻠﻰ ﺣﻠﻜﻬﺎ ﺣﺘﻰ ﺍﺳﻜﺖ ﺗﺮﻳﺪ ﺗﺴﻤﻊ
ﻫﻤﺴﺘﻠﻲ ﺑﺼﻮﺕ ﻧﺎﺻﻲ
: ﺑﺲ ﻟﺤﻈﺔ ﺧﻠﻲ ﺍﺳﻤﻊ ﻭﺍﻓﻬﻤﺞ ﺷﻨﻮ ﺻﺎﻳﺮ
ﺳﻤﻌﺖ ﺻﻮﺕ ﻋﻤﻲ ﻳﺤﺠﻲ ﻭﻳﺔ ﻧﺎﺻﺮ ﻭﺻﻮﺕ ﻋﺬﺭﺍﺀ
ﺟﻨﻬﺎ ﺟﺎﻧﺖ ﺗﺒﺠﻲ ﻛﻠﺸﻲ ﻣﻔﺘﻬﻤﺖ
ﺳﻤﻌﺖ ﺻﻮﺕ ﺣﺴﻦ
: ﻣﺎﻣﺎ ﻭﻳﻨﺞ ﺍﻧﻄﻴﻨﻲ ﺍﻟﻤﻨﺸﻔﺔ
ﺭﺣﺖ ﻋﻠﻴﻪ ﻭﺩﻳﺖ ﺍﻟﻤﻨﺸﻔﺔ ﻭﻛﻌﺪﺕ ﺍﻟﺒﺴﺔ
ﻣﻼﺑﺴﺔ
: ﺻﺎﻳﺮ ﺍﺳﻤﺮ ﻣﻦ ﻭﺭﺓ ﺍﻟﺸﻤﺲ ﺑﻌﺪ ﻣﺘﻄﻠﻊ ﺗﻠﻌﺐ ﺑﺮﺓ ﺑﺎﻟﻈﻬﺮ ﺗﺴﻤﻌﻨﻲ ؟
: ﺍﻱ ﻣﺎﻣﺎ ﺻﺎﺭ ﺗﺮﺓ ﻣﻮ ﺑﺲ ﺍﻧﻲ ﺍﻟﻌﺐ ﻛﻠﻬﻢ ﺍﻟﺠﻬﺎﻝ
ﻳﻄﻠﻌﻮﻥ ﻳﻠﻌﺒﻮﻥ ﺑﺎﻟﺴﺎﺣﺔ ﺍﻟﻲ ﻭﺭﺓ ﺑﻴﺖ ﻋﻤﻮ ﻗﺎﺳﻢ
: ﻣﻴﺨﺎﻟﻒ ﻣﺎﻣﺎ ﺣﺒﻴﺒﻲ ﻣﻴﺼﻴﺮ
ﺍﺳﻤﻊ ﺍﻟﻜﻼﻡ ﻻﺑﻌﺪﻳﻦ ﺗﻮﻛﻊ ﻣﺮﻳﺾ ﺑﻀﺮﺑﺔ ﺷﻤﺲ
ﻭﺍﺣﺘﺎﺭ ﺑﻴﻚ
ﺟﻨﺖ ﺍﺣﺠﻲ ﻭﺩﺧﻠﺖ ﻧﻮﺭ ﻋﻠﻴﻨﺎ ﺑﺎﻟﻐﺮﻓﺔ
ﻧﻮﺭ : ﺳﻜﺘﻲ ﻣﺘﺖ ﻗﻬﺮ
: ﺷﻜﻮ ﺷﺼﺎﻳﺮ
: ﻟﺞ ﻋﺪﻱ ﺧﻄﻴﺐ ﻋﺬﺭﺍﺀ
ﺣﺎﺟﻲ ﻭﻳﺔ ﺟﺪﺓ
ﻣﺎ ﻳﺮﻳﺪ ﻳﺘﺰﻭﺝ ﻋﺬﺭﺍﺀ
ﻭﻳﻜﻮﻝ ﺷﺎﻳﻒ ﺑﻨﻴﺔ ﻭﻋﺎﺟﺒﺘﺔ ﻭﻳﺮﻳﺪ ﻳﺘﺰﻭﺟﻬﺎ
ﺿﺮﺑﺖ ﻋﻠﻰ ﺻﺪﺭﻱ ﺑﺼﺪﻣﺔ
: ﻋﺰﺓ ﺑﻌﻴﻨﺔ ﻭﻋﺬﺭﺍﺀ ﺷﺴﻮﺕ
: ﻟﺞ ﻫﻮ ﻣﺎﻛﺴﺮ ﺧﺎﻃﺮﻱ ﺍﻻﻋﺬﺭﺍﺀ
ﻛﺎﻧﺖ ﺗﺴﻤﻊ ﻛﻼﻡ ﻧﺎﺻﺮ ﺍﻟﻤﻘﻬﻮﺭ
ﻣﻦ ﺗﺼﺮﻑ ﻋﺪﻱ ﺑﺘﺠﺎﻩ ﺍﺧﺘﺔ
ﻭﺭﻓﻀﺔ ﺍﻟﻬﺎ ﻛﺎﻥ ﻣﻮﻗﻒ ﺟﺪﺍً ﺟﺎﺭﺡ
ﺍﻟﻠﻪ ﻳﺴﺎﻋﺪﻫﺎ
ﻛﻤﺖ ﻣﻦ ﻣﻜﺎﻧﻲ
: ﺧﻠﻲ ﺍﺭﻭﺡ ﺍﺷﻮﻓﻬﺎ ﻫﺴﺔ ﻫﻲ ﻭﻳﻦ
: ﻣﺎ ﺍﺩﺭﻱ ﻋﻔﺘﻬﻢ ﺑﻌﺪﻫﻢ ﻛﺎﻋﺪﻳﻦ ﻳﺤﺠﻮﻥ
ﺭﺣﺖ ﻧﺰﻟﺖ ﺟﻮﺓ ﻭﺍﻧﺘﺒﻬﺖ ﻋﻠﻰ ﻋﺬﺭﺍﺀ
ﻃﻠﻌﺖ ﻣﻦ ﺍﻻﺳﺘﻘﺒﺎﻝ ﻭﻭﺟﻬﺎ ﻣﺎ ﻳﺘﻔﺴﺮ
ﺭﺣﺖ ﻭﺭﺍﻫﺎ ﺣﺘﻰ ﺍﺻﺒﺮﻫﺎ ﻻﻥ ﺍﻧﻲ
ﺍﻛﺜﺮ ﻭﺣﺪﺓ ﺗﺤﺲ ﺑﻠﻮﻋﺔ ﻋﺬﺭﺍﺀ
ﺍﺣﻨﺎ ﺍﻟﺜﻨﻴﻦ ﺩﻧﺸﺮﺏ ﻣﻦ ﻧﻔﺲ ﺍﻟﻜﺎﺱ
: ﻳﻤﻌﻮﺩﺓ ﻋﺬﺭﺍﺀ ﻟﺘﻀﻮﺟﻴﻦ ﺗﺮﺓ ﻋﺪﻱ
ﻣﺎ ﻳﺴﺘﺎﻫﻞ ﺗﻘﻬﺮﻳﻦ ﻧﻔﺴﺞ ﻋﻠﻤﻮﺩﺓ
: ﻋﺬﺭﺍﺀ ﻭﻫﻲ ﺗﻜﻤﻞ ﻃﺮﻳﻘﻬﺎ ﻭﺗﺪﺧﻞ ﻟﻐﺮﻓﺘﻬﺎ
ﻭ ﺍﺑﺘﺴﻤﺖ ﺑﺎﺳﺘﻬﺰﺍﺀ
: ﻻ ﺍﻧﺎ ﻣﺎ ﺍﺣﺲ ﺑﺎﻟﻘﻬﺮ ﺟﺞ
ﺍﻧﺎ ﺟﺎﻱ ﺍﺣﺲ ﺑﺎﻟﻤﻮﺕ
ﺍﻱ ﺍﻧﺎ ﻫﺴﺔ ﺣﺎﻟﻲ ﻣﻦ ﺣﺎﻝ ﺍﻟﻤﻴﺖ ﺍﺣﺲ
ﺑﺮﻭﺣﻲ ﻣﺴﻠﻮﺑﺔ ﺍﻟﺮﻭﺡ
ﺷﻔﺘﻬﺎ ﺗﺮﻛﺘﻨﻲ
ﻭﻓﺘﺤﺖ ﺍﻟﻜﻨﺘﻮﺭ ﻭﻃﻠﻌﺖ ﻣﻨﺔ
ﻋﺒﺎﻳﺔ ﻭﻟﺒﺴﺘﻬﺎ
: ﺷﻨﻮ ﻋﺬﺭﺍﺀ ﻭﻳﻦ ﺭﺍﻳﺤﺔ
ﺑﺎﻧﺖ ﻋﻠﻰ ﻭﺟﻬﺎ ﺍﻟﻨﻴﺔ
ﻭﺑﺮﺍﺳﻬﺎ ﺷﻐﻠﺔ ﺗﺮﻳﺪ ﺗﺴﻮﻳﻬﺎ
: ﺍﻧﺎ ﺭﺍﻳﺤﺔ ﺍﺣﻂ ﺍﻟﻨﻘﻂ ﻋﻠﻰ ﺍﻟﺤﺮﻭﻑ ﻭﺍﺣﻞ ﺍﻟﺴﺎﻟﻔﺔ
ﻻﻥ ﺍﻟﻈﺎﻫﺮ ﺍﺑﻮﻱ ﻳﺴﺘﺤﻲ ﻳﺮﺩ ﺟﺪﻱ
ﻭﺟﺪﻱ ﻣﺤﺘﻢ ﻋﻠﻰ ﻋﺪﻱ ﻳﺘﺰﻭﺟﻨﻲ
ﻣﺎﻛﻮ ﻳﺘﺒﺮﺓ ﻣﻦ ﻋﻨﺪﺓ ﺍﺫﺍ ﻣﺎ ﻳﺘﺰﻭﺟﻨﻲ
ﻭﻧﺎﺻﺮ ﺭﺍﻓﺾ
ﻫﺬﺍ ﺍﻟﺤﺠﻲ ﻻﻥ ﻳﺸﻮﻑ ﺑﺎﺻﺮﺍﺭ ﺟﺪﻱ
ﻳﻘﻠﻞ ﻣﻦ ﻣﻘﺪﺍﺭﻱ
ﻭﻳﻬﻴﻦ ﻛﺮﺍﻣﺘﻲ ﺍﻟﻤﻬﺪﻭﺭﺓ ﺷﻨﻮ
ﻳﻔﺮﺿﻨﻲ ﻋﻠﻰ ﻋﺪﻱ ﺍﻻ ﻳﺘﺰﻭﺟﻨﻲ
ﺗﺮﺓ ﺍﻟﺰﻭﺍﺝ ﻣﻮ ﺑﺎﻟﻜﻮﺓ
ﻭﺍﻧﻲ ﻛﻠﺸﻲ ﺧﺴﺮﺕ
ﻋﻠﻰ ﺍﻻﻗﻞ ﺍﺭﻭﺡ ﺍﻟﺤﻚ ﺍﻧﻘﺬ ﻛﺮﺍﻣﺘﻲ ﻭﺍﻟﺒﺎﻗﻲ ﻣﻦ ﻣﺎﻱ ﻭﺟﻬﻲ
ﻳﺴﻬﻮﺓ ﺍﻻ ﺍﻟﺬﻟﺔ ﻣﺎ ﺭﺍﺡ ﺍﻛﺪﺭ ﺍﺗﻌﺎﻳﺶ ﻭﻳﺎﻫﺔ
ﻭﺍﻟﻠﻪ ﺍﻛﺘﻞ ( ﺍﻗﺘﻞ ) ﺭﻭﺣﻲ ﻭﺍﻣﻮﺕ ﻭﻻ ﺍﻧﺬﻝ
.....
ﻳﻌﻨﻲ ﻫﺴﺔ ﺍﻧﺘﻲ ﺑﻜﻞ ﻋﻘﻠﺞ ﺭﺍﺡ ﺗﻄﻠﻌﻴﻦ
ﻭﺗﻮﺍﺟﻬﻴﻦ ﺟﺪﺝ ﻟﻮﺣﺪﺝ
: ﺍﻱ ﺷﻜﻮ ﺑﻴﻬﺎ ﺗﺮﺍﺝ ﻣﺎ ﺗﻌﺮﻓﻴﻦ ﻋﺬﺭﺍﺀ ﺑﻨﺖ ﻋﻤﺞ
ﺍﻧﺎ ﻛﻠﺸﻲ ﻭﻻ ﻛﺮﺍﻣﺘﻲ
ﻭﺍﻟﻠﻪ ﻟﻮﻣﻮ ﺟﺪﻱ ﻋﺴﻰ ﻣﺎ ﻳﺪﻓﻨﻮﻧﻲ ﻭﺍﻧﻲ ﺣﻴﺔ
ﺍﻻ ﺍﺭﻭﺡ ﻭﺍﻭﺍﺟﻬﻢ ﻭ ﺷﻴﺮﻳﺪ ﻳﺼﻴﺮ ﺧﻠﻲ ﻳﺼﻴﺮ
ﻗﺎﺑﻞ ﺗﻨﮕﻠﺐ ﺍﻟﺪﻧﻴﺎ
ﺳﻬﻰ ﺑﺮﺗﺒﺎﻙ
ﻫﺎﻱ ﺷﻠﻮﻥ ﺍﻋﻮﻓﻬﺎ ﺗﺮﻭﺡ ﻟﻮﺣﺪﻫﺎ
ﻭﺍﻟﻠﻪ ﻣﺮﺩﺕ ﮔﻠﺒﻲ
ﺧﺎﻑ ﺗﺘﺼﺮﻑ ﺑﺘﻬﻮﺭ ﻭﺗﺮﻭﺡ ﺑﺎﻟﺮﺟﻠﻴﻦ
ﻋﺰﺓ ﻭﻧﺎﺻﺮ ﻭﻋﻤﻲ ﻫﻨﺎ ﻭﺍﻟﻠﻪ ﻳﻤﻮﺗﻮﻫﺎ
: ﺍﻧﺘﻈﺮﻳﻨﻲ ﻟﺤﻈﺔ ﺍﺟﻲ ﻭﻳﺎﺝ
: ﻻ ﻣﺎ ﻳﺤﺘﺎﺝ ﺧﻠﺞ ﺍﻧﺘﻲ ﻫﻨﺎ
ﻋﻮﻓﻴﻨﻲ ﺍﺭﻭﺡ ﻟﻮﺣﺪﻱ ﺍﻭﺍﺟﻪ ﺍﻟﻤﻮﺕ
: ﻋﺬﺭﺍﺀ ﻣﺎ ﺍﻋﻮﻓﺞ ﻭﻳﺎﺝ ﻟﻠﻤﻮﺕ
ﺭﺣﺖ ﺭﻛﺾ ﻋﻠﻰ ﻛﻨﺘﻮﺭﻫﺎ ﻭﺍﺧﺬﺕ ﻣﻨﻬﺎ ﻋﺒﺎﻳﺔ ﻭﻟﺒﺴﺘﻬﺎ
ﻋﻠﻰ ﺍﻛﺘﺎﻓﻲ ﺷﻠﻮﻥ ﻣﺎﺟﺎﻥ
ﺷﻔﺘﻬﺎ ﻓﺘﺤﺖ ﺍﻟﺒﺎﺏ ﻭﻃﻠﻌﺖ ﺭﻛﻀﺖ ﻭﺭﺍﻫﺎ
ﻭﺍﻧﻲ ﺍﻟﺒﺲ ﺍﻟﺸﺎﻝ ﻋﻠﻰ ﺭﺍﺳﻲ ﺑﺎﻟﻄﺮﻳﻖ
ﻳﺎﻟﻠﻪ ﺟﻴﺐ ﺍﻟﻌﻮﺍﻗﺐ ﺳﻠﻴﻤﺔ ﻳﺎﺭﺏ
ﺷﻔﺘﻬﺎ ﻓﺘﺤﺖ ﺑﺎﺏ ﺍﻟﺒﻴﺖ ﺍﻟﺮﺋﻴﺴﻲ
ﻭﻛﺎﻥ ﺍﻟﻮﻗﺖ ﻣﻐﺮﺏ ﻇﻠﻤﺔ
ﺍﺣﻴﺎﻧﺎ ﻣﻦ ﺗﺸﻮﻑ ﺑﻠﻮﺓ ﺍﻟﻨﺎﺱ ﺗﻬﻮﻥ ﻋﻠﻴﻚ ﺑﻠﻮﺗﻚ
ﻳﻤﻜﻦ ﺍﻧﻲ
ﺍﺧﺬﺕ ﺍﺳﺘﺤﻘﺎﻗﻲ ﺑﺎﻟﺤﺐ ﻟﻜﻦ ﺧﻄﻴﺔ ﻋﺬﺭﺍﺀ
ﻛﻠﺸﻲ ﻣﺸﺎﻓﺖ
ﻛﻠﺶ ﺻﻌﺒﺔ ﺑﻌﺪ ﻃﻮﻝ ﻫﺎﻱ ﺍﻟﺴﻨﻴﻦ ﻭﺍﻟﺼﺒﺮ ﺍﻟﻲ ﺻﺒﺮﺗﺔ ﺗﺎﻟﻲ ﺗﺸﻮﻑ ﺣﺒﻬﺎ ﻳﻨﻬﺪﻡ ﻛﺪﺍﻡ ﻋﻴﻨﻬﺎ
ﺣﺘﻰ ﻣﺎﻟﺤﻜﺖ ﺗﺘﻬﻨﺎ ﺑﻲ
: ﻟﺞ ﺍﻭﻛﻔﻲ ﻋﻠﻰ ﻛﻴﻔﺞ ﻟﺘﻤﺸﻴﻦ ﺳﺮﻳﻊ
ﻃﺒﻌﺎً ﺍﻧﻲ ﺍﺣﺠﻲ ﻭﺍﻧﻔﺎﺳﻲ ﻣﺘﻘﻄﻌﺔ
ﻣﺎ ﺍﺩﺭﻱ ﻣﻦ ﺍﻟﺨﻮﻑ ﻣﺪﺭﻱ ﻣﻦ ﺍﻟﺴﺮﻋﺔ ﻣﺪﺭﻱ
ﻣﻦ ﺍﻻﺭﺗﺒﺎﻙ ﺍﺷﻮ ﻛﻠﻬﺎ ﺍﻟﺘﻤﺖ ﻋﻠﻴﻨﺎ
ﻭﺻﻠﻨﺎ ﻭﺩﻓﻌﺖ ﺑﺎﺏ ﺑﻴﺖ ﺟﺪﻫﺎ ﻻﻥ ﻛﺎﻥ
ﻣﺮﺩﻭﺩ ﺑﺪﻭﻥ ﻗﻔﻞ
ﺷﻔﺘﻬﺎ ﺩﺧﻠﺖ ﻟﻠﻤﻄﺒﺦ ﻭﺷﻔﺖ ﺭﻭﺍﺀ ﻭﻋﻤﺘﻬﺎ ﺳﻨﺎﺀ
ﻫﻨﺎﻙ
ﺭﻭﺍﺀ ﺑﺘﻌﺠﺐ : ﺧﻴﺮ ﻋﺬﻭﺭ ﻋﺴﻰ ﻣﺎﺷﺮ
ﻭﺟﻬﺞ ﻣﺎﻳﺘﻔﺴﺮ ﺷﻨﻮ ﺻﺎﻳﺮ ﺷﻲ
: ﻻ ﻣﺼﺎﻳﺮ ﺷﻲ ﺑﺲ ﻛﻮﻟﻲ
ﺟﺪﻱ ﻭﻳﻦ
ﺳﻨﺎﺀ : ﺷﻨﻲ ﻋﺬﻳﺮﺓ ﺷﺮﺟﻌﺞ ﻋﻠﻴﻨﺎ
ﺍﻧﺘﺒﻬﺖ ﻋﻠﻰ ﻋﺬﺭﺍﺀ ﻏﻠﺴﺖ ﻋﻠﻰ ﺧﺎﻟﺘﻬﺎ ﻭﺩﺧﻠﺖ ﺟﻮﺓ ﻋﻠﻰ ﺍﻟﻤﻜﺎﻥ ﺍﻟﻲ ﺍﺷﺮﺕ ﻋﻠﻴﻪ ﺭﻭﺍﺀ
ﺍﻧﻲ ﺟﻨﺖ ﺑﺲ ﺍﺑﺎﻭﻉ ﺑﻌﻴﻮﻧﻲ ﻭﻣﺤﺮﺟﺔ
ﻻﺑﻴﺔ ﺍﻋﻮﻓﻬﺎ ﺗﺮﻭﺡ ﻟﻮﺣﺪﻫﺎ ﻭﻻ ﺑﻴﺔ ﺍﻛﻤﻞ ﻃﺮﻳﻘﻲ ﻭﺍﺩﺧﻞ ﻭﻳﺎﻫﺔ ﺍﺧﺎﻑ ﺍﺷﻮﻑ ﺛﺎﺋﺮ ﻭﺍﻧﻲ ﺣﻠﻔﺖ ﺑﻌﺪ ﻣﺎ ﺍﺷﻮﻓﺔ ﻭﻻ ﻳﺸﻮﻓﻨﻲ
ﺑﺲ ﺍﻟﻈﺎﻫﺮ ﻣﺤﺪ ﻳﻜﺪﺭ ﻳﺘﺤﻜﻢ ﺑﺎﻟﻘﺪﺭ
ﺷﻔﺘﻬﺎ ﺩﺧﻠﺖ ﻋﻠﻰ ﺟﺪﻫﺎ ﻛﺎﻥ ﻛﺎﻋﺪ ﻳﻢ ﺑﻴﺒﻴﺘﻬﻢ
ﻭﺍﻧﺘﺒﻬﺖ ﻋﻠﻰ ﺍﺑﻮﻋﺪﻱ ﻛﺎﻋﺪ ﻳﻤﻬﻢ
ﻭﺍﺟﺘﻲ ﺭﻭﺍﺀ ﻭﺳﻨﺎﺀ ﻭﺭﺍﻧﺎ
ﺍﻟﺸﻴﺦ ﻣﺰﺍﺣﻢ ﺑﻐﻀﺐ : ﻭﻟﺞ ﻋﺬﻳﺮ ﺷﺠﺎﺑﺞ ﻟﻬﻨﺎ ﻟﻮﺣﺪﺝ
ﻭﻳﻦ ﺍﺑﻮﺝ ﻭﺍﺧﻮﺝ ﻋﻨﺞ
ﺷﻨﻲ ﻫﻠﺞ ﻳﺪﺭﻭﻥ ﺑﻴﺞ ﻃﺎﺭﺓ
ﺍﻟﺪﺭﺏ ﻭﺟﺎﻳﺘﻨﺎ ﻟﻮﺣﺪﺝ ﺗﺎﻟﻲ ﺍﻟﻠﻴﻞ ؟
ﻋﺰﺯﺯﺓ ﺑﻌﻴﻨﺞ ﻳﻌﺬﺭﺍﺀ ﻭﺍﻟﻠﻪ ﺭﺣﺘﻲ ﺑﺎﻟﺮﺟﻠﻴﻦ
ﻳﻤﺔ ﻫﺬﺍ ﺟﺪﻫﻢ ﻭﺍﻟﻠﻪ ﻳﺨﻮﻑ ﺍﻧﻲ ﻣﻦ ﻳﻤﻲ ﻳﺒﺴﺖ ﺑﺪﻣﻲ
ﻋﺬﺭﺍﺀ : ﺟﺎﺑﺘﻨﻲ ﻛﺮﺍﻣﺘﻲ ﺍﻟﻤﻬﺪﻭﺭﺓ ﻳﺠﺪﻱ
ﺗﺮﺿﺎﻫﺔ ﺍﻧﻬﺎﻥ ﻭﻳﻘﻞ ﻣﻘﺪﺍﺭﻱ
: ﻻ ﻣﺎ ﻋﺎﺵ ﻣﻦ ﻳﻘﻠﻞ ﻣﻘﺪﺍﺭﺝ ﻳﺒﻨﺖ ﻗﺎﺳﻢ
: ﺟﺎ ﺍﺟﻴﺖ ﻭﻋﻨﺪﻱ ﻳﻤﻚ ﺭﺟﻰ
: ﺷﻨﻬﻮ ﻛﻮﻟﻲ
: ﺷﻴﺨﻨﺎ ﻟﻴﺶ ﺗﺠﺒﺮ ﻋﺪﻱ ﺑﻴﺔ ﺣﺘﻰ ﻳﺮﺿﻰ ﻳﺘﺰﻭﺟﻨﻲ
ﺗﺮﺍﻧﻲ ﻻ ﺑﺎﻳﺮﺓ ﻭﻻﻧﻲ ﻋﺎﻧﺲ
ﺍﺫﺍ ﻫﻮ ﻣﺎ ﻳﺮﻳﺪﻧﻲ ﺍﻧﺎ ﻫﻢ ﻣﺎ ﺍﺭﻳﺪﺓ
ﻭﺍﻟﻠﻪ ﻭﺣﻖ ﺍﻟﺤﻖ ﻟﻮ ﺗﻜﻄﻌﻮﻧﻲ ﻭﺻﻞ ﻣﺎ ﺍﻗﺒﻞ ﺍﺗﺰﻭﺟﺔ
ﺍﺑﻮ ﻋﺪﻱ : ﻭﻟﺞ ﻋﺬﻳﺮ ﺍﺷﻮ ﺟﻨﺞ ﻛﺒﺮﺗﻲ
ﻭﺻﺮﺗﻲ ﻣﺎ ﺗﺤﺸﻤﻴﻦ
ﺍﻟﺠﺪ : ﻋﻮﻓﻬﺎ ﻳﻔﺎﺿﻞ ﺗﺮﺍﻫﺎ ﺗﻤﻠﻚ ﻋﻠﻴﻨﺎ ﺍﻟﺤﻖ
ﺑﺴﻮﺍﻳﺖ ﺍﺑﻨﻚ
ﺍﺑﻮ ﻋﺪﻱ : ﺑﻮﻳﺔ ﻫﺎﻱ ﺣﺮﻣﺔ ﻭﻣﺎ ﻟﻬﺎ ﺣﺠﺎﻳﺔ ﺑﺎﻟﻤﻮﺿﻮﻉ
ﻋﺪﻱ ﻳﺘﺰﻭﺟﻬﺎ ﻣﺎﻏﺼﺒﻦ ﻋﻠﻴﻪ ﻭﻋﻠﻴﻬﺎ
ﺍﺣﻨﺎ ﻣﻦ ﺷﻮﻛﺖ ﻧﺎﺧﺬ ﺭﺃﻱ ﻭﻟﺪﻧﺎ ﻟﻮ ﺑﺘﻨﺎ
: ﺟﺎ ﺍﻧﺖ ﻋﺪﺍﻟﻚ ﻣﻦ ﺗﺤﺠﻲ ﻫﻴﺞ ﻭﺗﺠﺒﺮﻫﻢ ﻳﺘﺰﻭﺟﻮﻥ ﺭﺍﺡ ﺗﺴﻮﻱ ﺧﻴﺮ ﺑﻴﻬﻢ ﻻ ﻳﺎﺑﻮﻱ ﻣﻮﻫﻴﺞ ﺍﻟﺤﺠﻲ
ﺍﻟﺘﻔﺖ ﻋﻠﻰ ﻋﺬﺭﺍﺀ
: ﺗﻌﺎﻱ ﻳﺎﺑﻌﺪ ﺟﺪﺝ ﺍﻧﺎ ﻛﺴﺮﺗﻚ ﻭﻋﺪﻱ ﺧﺬﻟﻨﻲ
ﺑﺮﻓﻀﺔ ﺍﻟﺰﻭﺍﺝ ﻣﻨﺞ
ﻛﻮﻟﻲ ﺑﻮﻳﺔ ﺍﻧﺘﻲ ﺷﺘﺎﻣﺮﻳﻦ ﺍﻧﺎ ﺣﺎﺿﺮ
ﺍﻧﺎ ﺷﻴﺦ ﻭﺍﻥ ﺷﺎﺀ ﺍﻟﻠﻪ ﺍﻛﻮﻥ ﻋﺎﺩﻝ ﻭﺍﻛﺪﺭ ﺍﺧﺬﻟﺞ ﺑﺤﻘﺞ
ﻳﻤﺔ ﺍﺣﺲ ﺑﻤﺎﻱ ﺑﺎﺭﺩ ﻧﺰﻝ ﻋﻠﻰ ﻛﻠﺒﻲ ﺑﻜﻼﻡ ﺟﺪﻫﻢ
ﺍﻟﻠﻪ ﻳﺮﺿﻰ ﻋﻠﻴﻪ ﺟﺒﺮ ﺑﺨﺎﻃﺮﻫﺎ
ﻋﺬﺭﺍﺀ ﻭﻫﻲ ﺗﻠﺰﻡ ﺻﺪﺭﻫﺎ ﻣﻦ ﻧﺎﺣﻴﺔ ﮔﻠﺒﻬﺎ
ﺍﺣﺲ ﺑﻴﻬﺎ ﻳﻌﺼﺮﻫﺎ ﻣﻦ ﺍﻻﻟﻢ
: ﺷﻮﻑ ﻳﺠﺪﻱ ﺍﻧﻲ ﻣﻦ ﻓﺘﺤﺖ ﻋﻴﻮﻧﻲ ﻋﺎﻟﺪﻧﻴﺎ ﻭﻭﻋﻴﺖ ﻋﻠﻴﻬﺎ ﻭﺍﻧﻲ ﺍﻋﺮﻑ ﻋﺪﻱ ﺍﻟﻲ ﻭﺍﻧﻲ ﻟﻌﺪﻱ
ﻭﺑﻴﻮﻡ ﺑﺪﺓ ﻛﻠﺒﻲ ﻳﻨﺒﺾ ﻣﺎ ﻧﺒﺾ ﺍﻻ ﻻﺟﻠﻪ
ﻟﻜﻦ ﺑﻴﻮﻡ ﺍﻟﻲ ﻳﻮﺻﻞ ﺍﻟﻤﻮﺿﻮﻉ ﻟﺤﺪ ﻛﺮﺍﻣﺘﻲ
ﻻﺍﺍﺍ ﻋﺎﺩ ﻟﻬﻨﺎ ﻭﻛﺎﻓﻲ
ﺍﻟﻌﻦ ﺍﺑﻮ ﺍﻟﺤﺐ ﺍﻟﻲ ﻳﺬﻝ ﺻﺎﺣﺒﻪ ﻳﺠﺪﻱ
ﺍﻧﻲ ﺍﺟﻴﺘﻚ ﻭﺍﺩﺭﻱ ﺑﻴﻚ ﺗﺤﻜﻢ ﺑﺎﻟﻌﺪﻝ
ﺍﻧﺎ ﻣﺎ ﺍﺭﻳﺪ ﺷﻲ ﻏﻴﺮ ﺗﺤﻠﻨﻲ ﻭﺗﺤﺮﺭﻧﻲ ﻣﻦ ﻫﺬﺍ ﺍﻟﺰﻭﺍﺝ
ﻻﻥ ﺍﺑﻮﻱ ﻭﺍﺧﻮﻱ ﻳﺴﺘﺤﻮﻥ ﻣﻨﻚ
ﻭﻣﺎ ﻳﻜﺪﺭﻭﻥ ﻳﺮﻓﻀﻮﻟﻚ ﻃﻠﺐ ﺍﺑﻮﺱ ﺍﻳﺪﻙ ﺍﻋﺘﻘﻨﻲ ﻟﻮﺟﻪ ﺍﻟﻠﻪ
ﻣﺎﻟﻲ ﻗﺴﻤﺔ ﻭﻧﺼﻴﺐ ﻭﻳﺔ ﻋﺪﻱ ﺧﻠﻪ ﻳﺘﺰﻭﺝ ﺍﻟﻲ ﻳﺮﻳﺪﻫﺎ ﻛﻠﺒﻪ ﻭﺍﻧﻲ
ﻫﻮ ﻣﺎﻟﻪ ﺫﻧﺐ ﺍﻥ ﺟﺎﻥ ﻛﻠﺒﻪ ﻣﺎ ﻳﻬﻮﺍﻧﻲ
ﺗﺮﺓ ﺍﻟﺤﺐ ﻭﺍﻟﺰﻭﺍﺝ ﻣﻮﺑﺎﻟﻐﺼﺐ
......
ﻭﺍﻟﻠﻪ ﺍﺳﻤﻊ ﻛﻼﻡ ﻋﺬﺭﺍﺀ ﻭﻛﻠﺒﻲ ﻳﺘﻜﻄﻊ ﻋﻠﻴﻬﺎ ﻣﻦ ﺍﻟﻘﻬﺮ
ﺍﺻﻌﺐ ﺷﻌﻮﺭ ﻳﻤﺮ ﻋﺎﻟﻮﺍﺣﺪ
ﻫﻮ ﺷﻌﻮﺭ ﺍﻟﺤﺐ ﻣﻦ ﻃﺮﻑ ﻭﺍﺣﺪ
ﻳﻜﻮﻥ ﻫﻮﺍﻱ ﺑﻲ ﻏﺼﺔ
ﺻﻌﺒﺔ ﺗﺸﻮﻑ ﺣﺒﻚ ﻳﻨﺰﻑ ﻟﻐﻴﺮﻙ
ﻭﻛﻞ ﺍﺣﻼﻣﻚ ﺑﻠﺤﻈﺔ ﻭﺣﺪﺓ ﺗﺼﻴﺮ ﺭﻣﺎﺩ
: ﻫﺬﺍ ﻫﻮ ﻳﺎﺑﻌﺪ ﺟﺪﺝ ﻣﺎ ﻳﺠﺮﺍﻟﺞ ﺍﻻ ﻃﻴﺐ
ﺍﻧﺎ ﺭﺍﺡ ﺍﺩﺯ ﻋﻠﻰ ﺍﺑﻮﺝ ﻭﺍﻛﻠﻪ ﻣﺎﻛﻮ ﺑﺎﻟﻄﻴﺐ ﻧﺼﻴﺐ
ﻭﺍﻃﻠﺐ ﺍﻟﺴﻤﻮﺣﺔ ﻣﻨﺔ
ﻋﺎﺩ ﻟﻬﻨﺎ ﻭﻋﺪﺍﻩ ﺍﻟﻌﻴﺐ ﺍﺑﻮﺝ ﻛﻔﺔ ﻭﻭﻓﻰ ﻭﻣﺎﻃﻠﻌﺖ ﻣﻨﺔ ﺍﻟﺸﻴﻨﺔ
ﺍﻟﻌﻴﺐ ﺑﺄﺑﻨﺎ ﻭﻋﺴﻰ ﺍﻟﻠﻪ ﻳﺮﺯﻗﺞ ﺑﻮﻟﺪ ﺍﻟﺤﻼﻝ ﺍﻟﻲ ﻳﻌﺮﻑ ﻗﺪﺭﺝ ﻭﻃﻴﺐ ﺍﺻﻠﺞ
ﺷﻔﺖ ﻋﺬﺭﺍﺀ ﺳﺤﺒﺘﻨﻲ ﻣﻦ ﺍﻳﺪﻱ ﻭﺭﺍﺩﺕ ﺗﻄﻠﻊ
ﻭﺍﻧﺼﺪﻣﻨﺎ ﺑﻌﺪﻱ ﻭﺍﻛﻒ ﺧﻠﻔﻨﺎ ﺷﻜﻠﺔ ﺳﻤﻊ ﻛﻼﻡ ﻋﺬﺭﺍﺀ
ﺍﻧﺘﺒﻬﺖ ﻋﻠﻴﻪ
ﺑﺎﻧﺖ ﻋﻠﻰ ﻭﺟﻬﺔ ﻋﻼﻣﺔ ﺍﻟﺼﺪﻣﺔ ﻭﺍﻟﺠﺰﻉ
ﻫﺬﺍ ﺷﺒﻲ ﺟﻨﺔ ﺷﺎﻳﻔﻠﺔ ﻓﻠﻢ ﺭﻋﺐ ﺷﻜﻮ
ﺍﻧﺘﺒﻬﺖ ﻋﻠﻴﻪ ﻳﺒﺎﻭﻉ ﻟﻌﺬﺭﺍﺀ ﻣﺼﺪﻭﻡ ﻭﻭﺟﻬﺔ ﻣﺨﻄﻮﻑ ﻟﻮﻧﺔ
ﺑﺲ ﻗﺒﻞ ﻻﻧﻄﻠﻊ
ﻭﻛﻔﺖ ﻛﺒﺎﻟﻪ
: ﺍﻟﻒ ﻣﺒﺮﻭﻙ ﻳﻌﺪﻱ ﻋﺴﺎﻙ ﻣﺘﻬﻨﻲ
ﻭﺷﻮﻑ ﺣﻴﺎﺗﻚ
ﺗﺮﺍﻧﻲ ﻣﺎ ﻣﻴﺘﺔ ﻋﻠﻴﻚ ﻭﺍﻟﻲ ﺧﻠﻘﻚ
ﺧﻠﻖ ﻏﻴﺮﻙ ﺍﺳﺄﻝ ﺍﻟﻠﻪ ﻳﻌﻮﺿﻨﻲ
ﺑﻮﺍﺣﺪ ﻳﻌﺰﻧﻲ ﻭﻳﻐﻠﻴﻨﻲ
ﺗﺮﺍﻙ ﻣﺎ ﻣﺠﺒﻮﺭ ﺗﺘﺰﻭﺟﻨﻲ ﻏﺼﺐ ﻋﻨﻚ
ﻭﺍﻧﻲ ﻫﺴﺔ ﺣﻠﻴﺘﻚ ﻣﻦ ﻫﺬﺍ ﺍﻟﺤﻤﻞ
ﺍﻧﻲ ﻋﻨﺪﻱ ﻋﺘﺐ ﻭﺍﺣﺪ ﻳﻤﻚ
ﻟﻴﺶ ﻫﺎﻟﻜﺪ ﺍﺗﺄﺧﺮﺕ ﻳﺎﻟﻠﻪ ﺣﺠﻴﺖ
ﻟﻴﺶ ﻛﺴﺮﺕ ﺳﻨﻴﻦ ﻋﻤﺮﻱ ﻭﺍﻧﻲ ﺑﻨﻴﺔ
ﻭﻣﻦ ﺍﻧﺖ ﺣﺒﻴﺖ ﻳﺎﻟﻠﻪ ﺍﺗﻜﺮﻣﺖ ﻋﻠﻴﻨﺎ
ﻭﺍﻋﺘﺮﺿﺖ ﺑﺲ ﺗﺪﺭﻱ ﺷﻨﻮ
ﺍﺭﻳﺪ ﻛﻮﻥ ﺍﻟﺒﻴﺔ ﺑﻴﻚ ﻳﺼﻴﺮ
ﻛﺎﻧﺖ ﻋﺬﺭﺍﺀ ﺗﺤﺠﻲ ﻭﺗﻌﺼﺮ ﺑﻴﺪﻱ ﻗﻮﻱ
ﺣﺴﻴﺖ ﻋﻠﻰ ﺭﺟﻔﺔ ﺟﺴﻤﻬﺎ
ﺳﺤﺒﺘﻨﻲ ﻭﻳﺎﻫﺎ ﻭﻃﻠﻌﺖ
ﺑﺲ ﺍﻟﻐﺮﻳﺐ ﺑﺎﻻﻣﺮ ﻋﺪﻱ
ﺷﺒﻲ ﻣﺎﺣﺠﺔ ﻭﻻ ﻛﻠﻤﺔ ﺑﺲ ﻇﻞ ﻓﺎﺗﺢ ﻋﻴﻮﻧﺔ ﻋﻠﻰ ﻭﺳﻌﻬﻦ ﻭﻛﺄﻧﻪ ﻣﺎﻣﺼﺪﻙ ﺍﻟﻲ ﺩﻳﺸﻮﻓﺔ ﻛﺪﺍﻣﺔ
ﻭﺍﻟﻠﻪ ﺩﺧﺖ ﻭﺍﻧﺴﻄﺮﺕ
ﻭﻋﻘﻠﻲ ﺭﺍﺡ ﻳﻮﻛﻒ ﺷﻨﻮ ﺩﻳﺼﻴﺮﺑﻴﻨﺎ
.......................
ﻛﻠﺸﻲ ﺟﻨﺖ ﺍﺗﻮﻗﻊ ﺍﻻ ﻫﺎﻱ ﺍﻟﻤﺼﻴﺒﺔ ﻣﺎ ﺟﻨﺖ ﻣﺘﻮﻗﻬﺎ
ﺣﺘﻰ ﺑﺄﺣﻼﻣﻲ ﻳﻌﻨﻲ
ﻟﻮ ﺑﻌﺪ ﻣﻴﺖ ﺳﻨﺔ ﻣﺎ ﺭﺍﺡ ﺍﻧﺴﻰ ﻫﺎﻱ ﺍﻟﺼﺪﻣﺔ ﻭﻻ ﻫﺬﺍ ﺍﻟﻤﻮﻗﻒ ﺍﻟﻲ ﺣﻄﻴﺖ ﻧﻔﺴﻲ ﺑﻲ
ﺟﺎﻥ ﺍﺻﻌﺐ ﻣﻮﻗﻒ
ﻣﻦ ﺩﺧﻠﺖ ﻋﻠﻰ ﺑﻴﺘﻨﺎ ﻭﺳﻤﻌﺖ ﺻﻮﺕ ﺑﻨﻴﺔ ﺗﺤﺠﻲ ﺑﺤﺮﻛﺔ ﻭﻳﺔ ﺟﺪﻱ ﺍﻗﺘﺮﺑﺖ ﻭﺳﻤﻌﺖ ﺍﺳﻤﻲ ﺑﺎﻟﺤﺪﻳﺚ
ﺩﺧﻠﺖ ﺷﻔﺘﻬﺎ ﻣﻨﻄﺘﻨﻲ ﻇﻬﺮﻫﺎ
ﻭﻋﺮﻓﺖ ﻫﺎﻱ ﻋﺬﺭﺍﺀ ﺟﺎﻱ ﺗﺤﺠﻲ ﻭﻳﺔ ﺟﺪﻱ
ﻭﺍﻟﻜﻞ ﺟﺎﻥ ﻣﻮﺟﻮﺩ ﻭﻳﺴﻤﻊ ﻟﺤﺠﻴﻬﺎ
ﻛﻌﺪﺕ ﺍﺳﻤﻊ ﻛﻼﻣﻬﺎ
ﺟﺎﻧﺖ ﺗﺤﺠﻲ ﻭﻳﺎﻩ ﺑﻜﻞ ﺣﺮﻛﺔ
ﻛﺴﺮﺕ ﺧﺎﻃﺮﻱ ﻣﻦ ﻋﺮﻓﺖ ﺑﻴﻬﺎ ﺗﺤﺒﻨﻲ
ﺑﺲ ﻳﺎﻧﺎﺱ ﺍﻟﺤﺐ ﻣﻮ ﺑﺎﻟﻜﻮﺓ
ﻭﻓﺮﺣﺖ ﻣﻦ ﺳﻤﻌﺖ ﻃﻠﺒﻬﺎ ﻣﻦ ﺟﺪﻭﻱ
ﺍﻥ ﻳﻌﺘﻘﻬﺎ ﻣﻦ ﻫﺬﺍ ﺍﻟﺰﻭﺍﺝ
ﻟﻜﻦ ﺍﻧﺼﺪﻣﺖ ﺻﺪﻣﺔ ﻋﻤﺮﻱ ﻣﻦ ﺍﻟﺘﻔﺘﺖ ﻭﺭﺍﺩﺕ ﺗﻄﻠﻊ
ﻻﺍﺍﺍﺍﺍﺍﺍ ﻳﺎﻟﻠﻪ ﻻﺍﺍﺍﺍﺍﺍ
ﺷﻨﻮ ﻟﺤﻈﺔ ﺷﺠﺎﻱ ﻳﺼﻴﺮ
ﻣﻌﻘﻮﻟﺔ ﺍﻟﻲ ﺟﺎﻱ ﺍﺷﻮﻓﺔ ﻛﺪﺍﻣﻲ
ﻻ ﻣﺴﺘﺤﻴﻞ ﻻﺗﻜﻮﻟﻮﻥ ﻫﺎﻱ ﻫﻲ ﻧﻔﺴﻬﺎ ﻋﺬﺭﺍﺀ
ﺍﻟﻲ ﺗﻌﻠﻚ ﻛﻠﺒﻲ ﺑﻬﻮﺍﻫﺎ
ﻭﺍﻟﻠﻪ ﻟﻮ ﺍﺣﺠﻲ ﺳﺎﻟﻔﺘﻲ ﻟﻠﻤﺨﺒﻞ ﺍﻟﺒﺸﺎﺭﻉ ﻣﺮﺍﺡ ﻳﺼﺪﻛﻨﻲ
ﺍﺩﺭﻱ ﻟﻴﺶ ﺍﻧﺎ ﻣﺸﺎﻳﻔﻬﺎ ﻟﻴﺶ ﻳﺎﻟﻠﻪ
ﺻﺤﻴﺢ ﺟﻨﺖ ﻛﺎﺿﻴﻬﺎ ﺩﻳﺎﺣﺔ ﻭﺳﻔﺮ
ﻭﻣﺎﻛﻠﻔﺖ ﺣﺎﻟﻲ ﺍﺷﻮﻓﻬﺎ
ﺍﺻﻼ ﺟﻨﺖ ﺍﺗﻌﻤﺪ ﻣﺎ ﺍﻭﺻﻞ ﻟﺒﻴﺘﻬﻢ ﻭﻻ ﺍﺟﻴﺐ ﻃﺎﺭﻳﻬﺎ
ﺧﺎﻑ ﻳﺘﺬﻛﺮﻭﻥ ﻭﻳﺰﻭﺟﻮﻧﻲ ﻭﺟﻨﺖ ﺍﺗﻬﺮﺏ ﻣﻨﻬﺎ
ﻭﻛﻞ ﻫﺎﻱ ﺳﻨﻴﻦ ﺟﻨﺖ ﻣﻌﻠﮕﻬﺎ
ﻭﺍﻟﻠﻪ ﻳﻤﻜﻦ ﻫﺎﻱ ﺣﻮﺑﺘﻬﺎ ﻃﻠﻌﺖ ﺑﻴﺔ
ﻳﻤﻜﻦ ﻫﺎﻱ ﻟﻌﻨﺔ ﻣﻦ ﺭﺑﻲ ﻻﻥ ﻋﺬﺑﺘﻬﺎ ﻭﻳﺎﻱ
ﻭﻋﺬﺑﺖ ﺍﻫﻠﻲ ﻭﺷﻠﻌﺖ ﻛﻠﺒﻬﻢ ﻭﻛﻞ ﻳﻮﻡ ﺟﺎﻳﺒﻠﻬﻢ
ﻣﺼﻴﺒﺔ ﺑﻜﺪ ﺭﺍﺳﻲ ﻳﺎﻟﻠﻪ
ﻣﻌﻘﻮﻟﺔ ﺍﻧﻲ ﻓﺮﻃﺖ ﺑﺤﺒﻲ ﻭﺑﻌﺪﺗﻬﺎ ﻋﻨﻲ ﺑﺪﻭﻥ ﻣﺎ ﺍﺩﺭﻱ
ﺍﺍﺍﺍﺍﺍﺥ ﺍﻟﻠﻪ
ﻋﻈﻴﺖ ﺍﻳﺪﻱ ﻣﻦ ﺍﻟﻘﻬﺮ ﻭﺍﻧﺘﺒﻬﺖ
ﻋﻠﻰ ﺟﺪﻱ ﺍﻟﻲ ﺟﺎﻥ ﻳﻌﺎﻳﻦ ﻋﻠﻴﺔ ﺑﺸﻤﺎﺗﺔ
ﻣﺎ ﺍﺩﺭﻱ ﻟﻴﺶ ﺍﺣﺲ ﺟﺪﻱ ﻭﺭﺓ
ﺑﻜﻠﺸﻲ ﺟﺎﻱ ﻳﺼﻴﺮ ﻭﻳﺎﻱ ﻭﻣﺘﻌﻤﺪ ﻳﺨﻠﻴﻨﻲ ﺍﻋﻤﻰ ﻋﻦ ﺷﻮﻓﺖ ﻋﺬﺭﺍﺀ ﻭﻳﺸﻮﻓﻨﻲ ﺍﺗﻠﻮﻉ
ﺍﺩﺭﻱ ﻫﻮ ﻣﺎ ﻳﺨﻔﻰ ﻋﻠﻴﻪ ﺷﻲ
ﺍﻱ ﻻﻥ ﻫﻮ ﻣﺎ ﺻﺎﺭ ﺷﻴﺦ ﻭﻻ ﻭﺻﻞ ﻟﻬﺎﻱ ﻣﻜﺎﻧﺘﺔ ﺍﻻ ﻻﺟﻞ ﻓﻄﻨﺘﻪ ﻭﻭﻋﻴﻪ
ﻟﻜﻦ ﺗﻮﺻﻞ ﺑﻴﻪ ﺍﻟﻤﻮﺍﺻﻴﻞ ﻳﺨﻠﻴﻨﻲ ﺍﺗﻠﻮﻉ ﻭﻳﺸﻮﻓﻨﻲ
ﺍﺣﺠﻲ ﻭﺍﻋﺘﺮﺽ ﻭﻫﻮ ﺩﺍﺭﻱ ﻫﺬﺍ ﺍﻟﻲ
ﻣﺎ ﻛﺪﺭ ﻋﻘﻠﻲ ﻳﺸﻴﻠﻬﺎ
ﺍﻟﺸﻴﺦ ﻣﺰﺍﺣﻢ ﺑﺸﻤﺎﺗﺔ
: ﻫَـﺎ ﻳﻌﺪﻱ ﺷﻤﺎﻟﻚ ﻭﺟﻬﻚ ﺍﻧﻜﻠﺐ ﻟﻮﻧﻪ
ﺟﻨﻚ ﺷﺎﻳﻒ ﻣﻠﻚ ﺍﻟﻤﻮﺕ
ﻋﺪﻱ ﺑﻘﻬﺮ : ﻫﺎ ﻳﺠﺪﻱ ﺟﻨﻚ ﺗﻌﺮﻑ
ﺷﺠﺎﻱ ﻳﺼﻴﺮ ﺑﺤﺎﻟﻲ
ﺍﺷﻮ ﺟﻨﻲ ﺍﺷﻮﻑ ﺍﻟﺸﻤﺎﺗﺔ ﺑﻌﻴﻮﻧﻚ
: ﺣﻞ ﺗﺴﺘﺎﻫﻞ ﺍﻟﻲ ﻳﺠﺮﺍﻟﻚ
ﺍﺣﺼﺪ ﻫﺬﺍ ﻣﺎﺟﻨﺘﺔ ﺍﻳﺪﻙ
ﺟﺎ ﺷﻌﺪﺍﻟﻚ ﺍﻓﻮﺗﻬﺎ ﺍﻟﻚ
ﻭﺍﺧﻠﻴﻚ ﺗﺴﺮﺡ ﻭﺗﻤﺮﺡ ﻭﺗﻠﻌﺐ ﺑﺬﻳﻠﻚ
ﺗﺮﺍﻙ ﻫﻮﺍﻱ ﻣﺴﺘﻬﺎﻥ ﺑﻴﺔ
ﺗﺮﺍﻧﻲ ﺍﻟﺸﻴﺦ ﻣﺰﺍﺣﻢ
ﻻ ﻋﺪﺍﻟﻚ ﺍﻓﻮﺗﻬﺎ ﺍﻟﻚ ﺑﺪﻭﻥ ﻣﺎ ﺍﻋﻠﻤﻚ ﺩﺭﺱ
ﻫﺎﻙ ﻳﺎﻟﻠﻪ ﺍﺳﺘﻠﻢ
ﺭﻭﺡ ﺷﻮﻑ ﻣﻨﻬﻮ ﺍﻟﻲ ﺭﺍﺡ ﻳﻨﻄﻴﻚ ﻣﺮﺓ ﺑﻌﺪ
ﻫﺎﻟﻤﺮﺓ ﺍﻧﺖ ﻟﻮﺣﺪﻙ ﻭﻣﺤﺪ ﺭﺍﺡ ﻳﻮﻛﻒ ﻭﻳﺎﻙ
ﻋﺪﻱ
ﻇﻠﻴﺖ ﺑﺲ ﺍﻋﺎﻳﻦ ﻋﻠﻴﻪ
ﻳﺎﻟﻠﻪ ﺷﻜﺪ ﺷﺎﻳﻒ ﻣﻜﺮ ﺑﺤﻴﺎﺗﻲ ﻣﺜﻞ ﻣﻜﺮ ﺟﺪﻱ ﻣﺎ ﺷﻔﺖ
ﻣﻌﻘﻮﻟﺔ ﻫﻴﺞ ﻳﺴﻮﻱ ﺑﻴﺔ
ﻋﺪﻱ ﺑﺮﻭﺡ ﺧﺎﻭﻳﺔ
: ﺗﺼﺪﻙ ﺑﺎﻟﻠﻪ ﺍﺫﺍ ﺍﻛﻠﻚ ﺩﺭﺳﻚ ﺟﺎﻥ ﻛﻠﺶ ﺻﻌﺐ
ﻭﺷﻜﻠﻚ ﻧﺠﺤﺖ ﻣﻦ ﺧﻠﻴﺘﻨﻲ ﺍﺗﻌﻠﻚ ﺑﻌﺬﺭﺍﺀ ﻛﺒﺎﻝ ﻋﻴﻨﻚ
ﺍﻱ ﺍﻧﺎ ﻫﻮﻳﺖ ﻋﺬﺭﺍﺀ ﻭﺍﻟﻔﻀﻞ ﻳﺮﺟﻊ ﺍﻟﻚ
ﺑﺲ ﻟﻴﺶ ﻣﺎﺣﺠﻴﺖ ﻟﻴﺶ ﻣﺎ ﻛﻠﺖ ﻭﻳﻦ ﺗﺮﻳﺪ ﺗﻮﺻﻞ
: ﺑﻌﺪﺓ ﺍﻟﺪﺭﺱ ﻣﺎ ﺧﻠﺺ ﻭﻳﺎﻙ ﻭﺑﻌﺪﻙ ﻣﺎ ﺗﻌﻠﻤﺖ ﺷﻲ
ﺭﻭﺡ ﻋﺎﻧﻲ ﻭﺟﺎﻫﺪ ﻟﻮﺣﺪﻙ ﻭﺣﺲ ﺷﻮﻳﺔ ﺑﻠﻮﻋﺘﻨﺎ
ﻣﻮ ﻋﺪﺍﻟﻚ ﻛﻠﺸﻲ ﺗﺮﻳﺪﺓ ﻳﺠﻴﻚ ﺑﺴﻬﻮﻟﺔ
......
ﺟﺪﻱ ﻳﺤﺠﻲ ﻭﺍﻧﻲ ﺍﻟﻨﺎﺭ ﺑﻴﺔ ﻛﺎﻳﺪﺓ ﺍﺣﺲ ﺭﻭﺣﻲ ﻛﺎﻣﺖ ﺗﻜﻤﺰ ﻣﻦ ﺍﻟﻘﻬﺮ
ﻭﺍﻟﻠﻪ ﻋﻘﺎﺏ ﺟﺪﻱ ﻣﻮ ﻫﻴﻦ ﻭﻳﺎﻱ ﻫﺴﺔ ﺷﺴﻮﻱ
ﻭﻳﻦ ﺍﻧﻄﻲ ﻭﺟﻬﻲ
ﺍﻟﺸﻴﺦ ﻣﺰﺍﺣﻢ : ﻫَـﺎ ﻭﺍﻛﻠﻚ ﺍﻳﺎﻫﺎ ﻣﻦ ﻫﺴﺔ
ﺍﻧﺎ ﻣﺎﻟﻲ ﻏﺮﺽ ﺍﺫﺍ ﺍﺟﻮﻫﺎ ﺧﻄﺎﺑﺔ ﻭﻗﺒﻠﻮ ﺍﻫﻠﻬﺎ ﻣﻮ ﺗﺠﻲ ﻟﻌﻨﺪﻱ ﺗﺘﻮﺳﻞ
: ﺷﻮﻑ ﺟﺪﻱ ﻛﻠﺸﻲ ﺍﻧﺖ ﺳﻮﻳﺘﺔ ﺑﻴﺪﻙ ﺻﺎﺭ ﻭﻧﺠﺢ
ﺑﺲ ﻗﺴﻤﺎً ﺑﺬﺍﺕ ﺍﻟﻠﻪ ﻭﺣﻖ ﺍﻟﺤﻖ
ﺣﺠﺎﻳﺔ ﻭﺭﺩ ﻏﻄﺎﻫﺎ ﺧﻠﻲ ﻳﻜﻮﻥ ﺑﻌﻠﻮﻣﻚ ﻭﻣﻌﻠﻮﻡ ﺍﻟﺠﻤﻴﻊ
ﻋﺬﺭﺍﺀ ﺍﻟﻲ ﻣﺎ ﺗﺼﻴﺮ ﻟﻐﻴﺮﻱ
ﻭﺭﺍﺡ ﺍﺭﺍﻭﻳﻚ ﺣﺠﻲ ﺍﻟﺮﺟﺎﻝ ﺷﻠﻮﻥ ﻳﺼﻴﺮ
ﺭﻭﺍﺀ
ﻋﻤﺘﻲ ﺳﻨﺎﺀ ﺍﺑﻮﻱ ﻭﺟﺪﺗﻲ ﺍﻟﻜﻞ ﻇﻞ ﺣﺎﻳﺮ ﻣﻦ ﺍﻟﻜﻼﻡ
ﺍﻟﻲ ﺩﺍﺭ ﺑﻴﻦ ﻋﺪﻱ ﻭﺟﺪﻱ ﺍﻟﺸﻴﺦ ﻣﺰﺍﺣﻢ
ﻛﺎﻥ ﻛﻠﺔ ﺍﻟﻐﺎﺯ ﺷﻨﻮ ﺟﺎﻱ ﻳﺼﻴﺮ ﺷﻨﻮ ﺍﻟﺴﺎﻟﻔﺔ
ﺯﻳﻦ ﺍﺩﺭﻱ ﻋﺪﻱ ﻣﻮ ﺟﺎﻥ ﻳﺼﻴﺢ ﻭﻳﺴﺘﺮﻳﺢ ﻣﺎ ﻳﺮﻳﺪ ﻋﺬﺭﺍﺀ ﺯﻳﻦ ﺷﻮ ﻏﻴﺮ ﻛﻼﻣﻪ ﺑﺴﺮﻋﺔ
ﺑﺲ ﺍﻟﻈﺎﻫﺮ ﺍﻛﻮ ﻟﻐﺰ ﺑﻴﻨﺔ ﻭﺑﻴﻦ ﺟﺪﻱ ﻭﺷﻜﻞ ﺟﺪﻱ ﺟﺎﻥ ﻧﺎﺻﺒﻠﺔ ﻛﻤﻴﻦ ﻭﺣﺐ ﻳﻌﻠﻤﻪ ﺍﻟﺪﺭﺱ ﻳﺒﻮﻭﻭﻭﻭﻭ ﻭﺍﻟﻠﻪ ﺭﺍﺡ ﺍﻧﺠﻦ
ﻣﻦ ﻭﺭﺓ ﺍﺧﻮﺗﻲ ﺍﺩﺭﻱ ﺷﺠﺎﻫﻢ ﻭﺍﺣﺪﻫﻢ ﺟﻨﺔ
ﻋﺎﺻﻔﺔ ﻭﻣﻄﺒﻖ ﻣﻘﻮﻟﺔ
ﻋﻠﻴﺔ ﻭﻋﻠﻰ ﺍﻋﺪﺍﺋﻲ
ﻳﺤﻄﻢ ﻛﻠﺸﻲ ﻳﻮﻛﻒ ﺑﻄﺮﻳﻘﺔ
.....................
ﺩﺧﻠﺖ ﻋﻠﻰ ﻋﺬﺭﺍﺀ ﺑﻐﺮﻓﺘﻬﺎ
ﻻﻥ ﺻﺎﺭﻟﻬﺎ ﻳﻮﻣﻴﻦ ﺣﺎﺑﺴﺔ ﺭﻭﺣﻬﺎ ﺑﻐﺮﻓﺘﻬﺎ ﻭﻛﻞ ﺍﻟﻲ ﺑﺎﻟﺒﻴﺖ ﻋﺮﻑ ﺑﻴﻬﺎ ﺭﺍﻳﺤﺔ ﻟﺒﻴﺖ ﺟﺪﻫﺎ
ﻭﺍﺧﻮﻫﺎ ﻧﺎﺻﺮ ﺑﻮﻛﺘﻬﺎ ﻟﻌﺐ ﺑﻴﻬﺎ ﻃﻮﺑﺔ
ﻭﻇﻞ ﻳﺮﺯﻝ ﺑﻴﻬﺎ
ﺷﻠﻮﻥ ﺗﺘﺠﺮﺍﺀ ﻭﺗﻄﻠﻊ ﻣﻦ ﺍﻟﺒﻴﺖ ﻣﻦ ﺩﻭﻥ ﻋﻠﻤﻬﻢ
ﺑﺲ ﺷﻜﻠﺔ ﺭﺍﺿﻲ ﻋﻠﻰ ﻣﻮﻗﻔﻬﺎ ﻣﻦ ﻋﺪﻱ
ﺑﺲ ﻣﺎ ﺣﺐ ﻳﺒﻴﻦ ﺍﻟﻬﺔ
ﺷﻔﺘﻬﺎ ﻛﺎﻋﺪ ﻟﻮﺣﺪﻫﺎ ﺑﻐﺮﻓﺘﻬﺎ
ﻭﻻﺯﻣﺔ ﺻﻮﺭﺓ ﻟﻨﺎﺻﺮ ﻭﻋﺪﻱ ﻭﺟﺎﻱ ﺗﺤﺮﻙ ﺑﻴﻬﺎ
ﺟﺮﺕ ﺣﺴﺮﺓ : ﺗﺪﺭﻳﻦ ﻳﺴﻬﻮﺓ ﺷﻜﺪ ﺻﻌﺒﺔ ﻋﻠﻴﺔ ﻣﻦ ﺍﺷﻮﻑ ﺣٍٍِْــًﺒٌٍـــِٓﯥٍٓ ﻳﻨﻬﺪﻡ ﺑﻠﺤﻈﺔ ﻭﻳﺼﻴﺮ ﺣﻄﺎﻡ
ﺗﺪﺭﻳﻦ ﺍﻧﻲ ﻛﺒﺮﺕ ﻭﺍﻧﻲ ﺍﺩﺍﺭﻳﻪ ﻣﺜﻞ ﺍﻻﻡ ﺍﻟﻲ ﺗﺪﺭﺍﻱ ﺑﻄﻔﻠﻬﺎ
ﺳﻬﻰ : ﺯﻳﻦ ﺍﻧﺘﻲ ﻟﻴﺶ ﺭﻓﻀﺘﻲ ﺗﺴﻤﻌﻴﻦ ﺭﻭﺍﺀ ﻣﻦ ﺍﺟﺘﻲ
ﻭﻛﺎﻟﺖ ﻋﺪﻱ ﻳﺮﻳﺪ ﻳﺤﺠﻲ ﻭﻳﺎﺝ ﺿﺮﻭﺭﻱ
: ﻳﻌﻨﻲ ﺷﻨﻮ ﺗﺘﻮﻗﻌﻴﻦ ﺭﺍﺡ ﻳﺤﺠﻲ
ﻣﺜﻼً ﺷﻲ ﺍﻛﻴﺪ ﺣﺎﻱ ﻳﺤﺲ ﺑﺎﻟﺬﻧﺐ
ﻣﻦ ﺍﻟﻲ ﺻﺎﺭ ﻭﺷﻲ ﺍﻛﻴﺪ ﺍﺑﻮﻩ ﺿﺎﻏﻂ ﻋﻠﻴﻪ
ﻳﺎﻟﻠﻪ ﺟﺎﻱ ﻳﺮﻳﺪ ﻳﺤﺠﻲ ﻭﻳﺎﻱ
: ﺍﻱ ﺑﺲ ﻣﻦ ﻛﻼﻡ ﺭﻭﺍﺀ ﻋﻦ ﻋﺪﻱ ﺍﻓﺘﻬﻤﺖ
ﻏﻴﺮ ﺷﻲ ﻫﻲ ﮔﺎﻟﺖ
ﺻﺎﺭ ﺷﻲ ﺑﻴﻦ ﺟﺪﻱ ﻭﻋﺪﻱ
ﻭﻫﻮ ﻫﺴﺔ ﻣﺘﻨﺪﻡ ﻭﺣﺎﻟﺔ ﺍﻧﮕﻠﺐ ﺑﻴﻮﻡ ﺍﻟﻲ ﺷﺎﻓﺞ
ﺗﺤﺠﻴﻦ ﻭﻳﺔ ﺟﺪﺓ
: ﺍﻧﺎ ﺑﻌﺪ ﻣﺎ ﻳﻬﻤﻨﻲ ﻋﺪﻱ ﻛﺴﺮﻧﻲ
ﻭﺍﻟﻲ ﺍﻧﻜﺴﺮ ﺑﻌﺪ ﻣﺎ ﻳﺘﺼﻠﺢ
: ﻳﻌﻨﻲ ﺷﻠﻮﻥ ﺗﺒﻘﻴﻦ ﻫﻴﺞ ﺗﺤﺮﻛﻴﻦ ﺑﺮﻭﺣﺞ
ﻭﺗﻌﺬﺑﻴﻦ ﺣﺎﻟﺞ
: ﻟﺞ ﺳﻬﻰ ﻣﻮ ﺑﻴﺪﻱ ﻣﺎ ﺍﻣﺪﺭ ﻭﺍﻟﻠﻪ ﺟﺎﻱ ﺍﺗﺄﻟﻢ
ﺍﺧﺲ ﻧﺎﺭ ﺑﺼﺪﺭ
ﺳﻬﻰ ﻭﻳﺔ ﺣﺎﻟﻬﺎ
ﺣﺎﻟﺞ ﻣﺜﻞ ﺣﺎﻟﻲ ﻳﻌﺬﺭﺍﺀ
ﻭﺍﻟﻠﻪ ﺍﺣﺲ ﺑﻨﺎﺭﺝ
..........................................
ﺍﻡ ﺳﻬﻰ : ﻣﺎﻣﺎ ﺳﻬﺎﻭﻱ ﺍﺗﺼﻞ ﺍﺧﻮﺝ ﺍﻣﺠﺪ
ﻭﻳﻜﻮﻝ ﻋﻢ ﺣﺴﻦ ﺍﺗﺼﻞ ﻋﻠﻴﻪ ﻳﺮﻳﺪ ﻳﺠﻲ ﻳﺎﺧﺬﺓ
ﺍﺑﻦ ﺍﺧﻮﻩ ﻻﻥ ﻋﻤﺔ ﺍﻟﻲ ﺟﺎﻥ ﺑﺎﻟﺴﺠﻦ ﻃﻠﻊ
ﻭﻧﺎﻭﻱ ﻳﺮﺟﻌﺔ ﻳﻌﻴﺶ ﻋﻨﺪﺓ
ﻭﺍﻣﺠﺪ ﻭﺻﻔﻠﻬﻢ ﺑﻴﺖ ﻋﻤﻜﻢ ﻗﺎﺳﻢ ﻻﻥ ﻫﻤﺔ ﻫﻨﺎ ﻗﺮﻳﺒﻴﻦ ﻋﻠﻴﻨﺎ ﻭﺭﺍﺡ ﻳﺠﻲ ﻳﺎﺧﺬﺓ
: ﻋﺰﺓ ﺑﻌﻴﻨﻲ ﻟﺞ ﻳﻮﻡ ﺷﻠﻮﻥ ﺑﻴﺔ
ﻭﺍﻟﻠﻪ ﺍﻣﻮﺕ ﺭﻭﺣﻲ ﺍﺫﺍ ﺍﺧﺬﻭ ﺍﺑﻨﻲ ﻣﻨﻲ
ﻻ ﻋﻔﻴﺔ ﻭﻧﻮﺏ ﻣﻨﻮ ﻳﺮﻳﺪ ﻳﺎﺧﺬﺓ
ﻋﻤﺔ ﺍﻟﻲ ﺟﺎﻥ ﺑﺎﻟﺴﺠﻦ
: ﻟﺞ ﻣﺎﻣﺎ ﺳﻬﺎﻭﻱ ﻻﺗﺰﻳﺪﻳﻦ ﻛﻠﺒﻲ ﺿﻴﻢ ﻓﻮﻙ ﺍﻟﻀﻴﻢ ﺍﻟﻌﻨﺪﻱ ﺷﺒﻴﺪﻧﺎ ﻋﻠﻴﻪ
: ﻻ ﻻﻳﻤﻜﻦ ﻣﺴﺘﺤﻴﻞ ﺍﺧﻠﻲ ﺍﺑﻨﻲ ﻳﺘﺮﺑﻰ ﺑﻴﺪ ﻭﺍﺣﺪ
ﺧﺮﻳﺞ ﺳﺠﻮﻥ ﻭﺍﻟﻠﻪ ﺍﺭﻓﻊ ﻋﻠﻴﻬﻢ ﻗﻀﻴﺔ
ﺍﺑﻨﻲ ﺣﺴﻦ ﻣﻮ ﺻﻐﻴﺮ ﻭﺷﻲ ﺍﻛﻴﺪ ﺭﺍﺡ ﺗﺼﻴﺮ ﺍﻟﻮﺻﺎﻳﺔ ﻟﺼﺎﻟﺤﻲ
: ﻭﻫﺎﻱ ﺍﻧﺘﻲ ﻛﻠﺘﻴﻬﺎ ﺑﻠﺴﺎﻧﺞ ﺧﺮﻳﺞ ﺳﺠﻮﻥ ﻭﻣﺠﺮﻡ ﻳﻌﻨﻲ ﺷﺘﺘﻮﻗﻌﻴﻦ ﺭﺍﺡ ﻳﻌﻮﻓﺞ ﺑﺤﺎﻟﺞ
ﻟﺞ ﻋﻴﻨﻲ ﺳﻬﻰ ﺳﺘﺮﻱ ﻋﻠﻴﺔ
ﻣﺎ ﺑﻴﺔ ﺣﻴﻞ ﻣﺸﺎﻛﻞ ﻛﺎﻓﻲ ﺍﻟﻲ ﺻﺎﺭ ﻭﻳﺔ ﺍﺧﻮﺝ
ﺍﺣﻤﺪ ﺣﺘﻰ ﺟﺮﺣﺔ ﺑﻌﺪﺓ ﻣﺎ ﺷﻔﻰ
ﻣﻮ ﺑﻌﻴﺪ ﻳﻜﻌﺪ ﻳﻬﺪﺩﻧﺎ ﺑﻮﺍﺣﺪ ﻣﻦ ﺍﺧﻮﺗﺞ
ﻇﻠﻴﺖ ﺍﺣﻮﻡ ﻭﺍﺗﻜﻠﺐ ﻣﺜﻞ ﺍﻟﺴﻤﺠﺔ ﺍﻟﻤﺘﺰﻭﻫﺮﺓ
ﻻ ﻋﻔﻴﺔ ﻛﻠﺸﻲ ﻭﻻ ﺍﺑﻨﻲ ﻭﺍﻟﻠﻪ ﺍﺗﺨﺒﻞ
ﻭﻳﻦ ﺍﻧﻄﻲ ﻭﺟﻬﻲ
ﺍﺟﺘﻲ ﺳﻠﻤﻰ
: ﺍﺑﻮﻱ ﻳﺮﻳﺪﺝ ﻛﺎﻝ ﺻﻴﺤﻲ ﺳﻬﻰ
: ﻣﺎ ﺗﻌﺮﻓﻴﻦ ﺷﻨﻮ ﺭﺍﺩ ﻣﻨﻲ
: ﻭﻻ ﻭﺍﻟﻠﻪ ﺑﺲ ﺷﻜﻞ ﺍﻟﻤﻮﺿﻮﻉ ﻳﺨﺺ
ﺍﺑﻨﺞ ﺣﺴﻦ
ﻧﺰﻟﺖ ﺍﺭﻛﺾ ﻋﺰﺓ ﺑﺲ ﻻ ﺍﺟﺔ ﻋﻤﺔ ﻋﻠﻴﻪ ﻳﺮﻳﺪ ﻳﺎﺧﺬﺓ
ﺷﻔﺖ ﻋﻤﻮ ﻗﺎﺳﻢ ﻛﺎﻋﺪ ﻭﻳﻤﺔ ﻧﺎﺻﺮ
ﻗﺎﺳﻢ : ﺗﻌﺎﻱ ﻳﺎﺑﻌﺪ ﻋﻤﺞ ﻋﻨﺪﻱ ﻣﻮﺿﻮﻉ ﻭﻳﺎﺝ
: ﻛﻮﻝ ﻋﻤﻮ ﺍﺳﻤﻌﻚ
: ﻋﻤﻲ ﺍﺧﻮﺝ ﺍﻣﺠﺪ ﺍﺗﺼﻞ ﻋﻠﻴﺔ ﻭﻛﻠﻲ ﻋﻤﺎﻡ ﺍﺑﻨﺞ
ﻳﺮﺩﻭﻥ ﻳﺎﺧﺬﻭﻧﺎ ﻳﻌﻴﺶ ﻋﻨﺪﻫﻢ
: ﺍﻱ ﺻﺤﻴﺢ ﻋﻔﻴﺔ ﻋﻤﻮ ﺍﻧﻲ ﺑﺮﻛﺒﺘﻚ
ﻟﺘﺨﻠﻴﻬﻢ ﻳﺎﺧﺬﻭﻥ ﺍﺑﻨﻲ ﻣﻨﻲ ﻭﺍﻟﻠﻪ ﺍﻣﻮﺕ
ﻧﺎﺻﺮ ﻧﻬﺾ ﺑﻔﺰﺯﻋﺔ : ﻋﻔﻮ ﻋﻠﻴﺞ ﻳﺴﻬﻰ
ﺗﺨﺎﻓﻴﻦ ﻭﺍﺣﻨﺎ ﻣﻮﺟﻮﺩﻳﻦ ﻭﺍﻟﻠﻪ
ﻣﺎﺩﺍﻣﻨﻲ ﺍﺷﻢ ﺍﻟﻬﻮﻯ ﻣﺴﺘﺤﻴﻞ ﺍﺧﻠﻲ
ﺍﻟﻮﺻﺦ ﺟﺎﺳﻢ ﻳﻤﺪ ﺍﻳﺪﺓ ﻋﻠﻰ ﺍﺑﻨﺞ
ﻭﺍﻟﻠﻪ ﻟﻮ ﺍﻋﺮﻑ ﺍﺳﻮﻳﻬﺎ ﺩﻡ ﻟﻠﺮﺟﺎﺏ
ﻳﺘﺒﻊ
. .
للمتعة تشويق اكثر مع تطبيق
قصص عراقية
موقع
روايات - Novels
.....
قيم التطبيق لدعمنا اكثر
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
1 التعليقات:
إضغط هنا لـ التعليقاتمبدعين استمرو
تحويل كودإخفاء محول الأكواد الإبتساماتإخفاء