....
رواية ثمار العار بالحلال ج2 الجزء الثامن
.....
ﺩﺧﻠﺖ ﻟﻠﺒﻴﺖ ﻭﺍﻧﻲ ﺍﻟﻨﺎﺭ ﺗﺸﺘﻐﻞ ﺷﻌﻞ ﺑﻴﺔ
ﻣﺎ ﺍﻋﺮﻑ ﺷﻠﻮﻥ ﺍﻃﻔﻴﻬﺎ
ﻭﺍﻧﺎ ﺑﻴﺪﻱ ﺧﻠﻴﺖ ﺍﻟﺤﻄﺐ
ﺻﺮﺕ ﺩﻓﺎﻥ ﻧﻔﺴﻲ ﻭﻋﻠﻰ ﺟﺮﻭﺣﻲ
ﺭﺷﻴﺖ ﺍﻟﻤﻠﺢ ﺻﺮﺕ ﻋﺒﺎﻟﻚ ﻋﺪﻭ ﻧﻔﺴﻲ
ﻓﺎﺗﺤﺖ ﺟﺪﺗﻲ ﺣﺘﻰ ﺑﺴﺘﻌﺠﻠﻮﻥ ﺑﺨﻄﺒﺘﻲ
ﺟﻨﺖ ﺑﻮﻛﺘﻬﺎ ﺍﺭﻳﺪ ﺍﺣﺮﻙ ﮔﻠﺐ
ﺳﻬﻮﺓ ﺭﺩﺕ ﺍﺷﻮﻑ ﺍﻟﻠﻮﻋﺔ ﺑﻌﻴﻮﻧﻬﺎ
ﺑﺲ ﺍﺷﻮ ﻣﻦ ﺷﻔﺖ ﺑﻌﻴﻮﻧﻬﺎ ﺍﻟﺤﺰﻥ
ﻣﺎﺣﺴﻴﺖ ﺑﻄﻌﻢ ﺍﻻﻧﺘﺼﺎﺭ ﻭﻻ ﺷﻔﺔ ﻏﻠﻴﻠﻲ
ﺍﻱ ﻟﻴﺶ ﻣﻮ ﻫﺬﺍ ﺍﻟﻲ ﺭﺩﺗﺔ ﺍﺷﻮﻓﻬﺎ ﻣﻜﺴﻮﺭﺓ
ﻭﺗﺘﺄﻟﻢ ﻛﺪﺍﻣﻲ ﺣﺘﻰ ﻳﺸﻔﻲ ﺟﺮﺣﻲ
ﺩﻭﺭﺕ ﻋﻠﻰ ﻋﺪﻱ ﺣﺘﻰ ﺍﺷﻮﻑ ﺷﻨﻮ ﺳﺎﻟﻔﺘﺔ ﻭﻳﺔ ﺳﻬﻰ ﻫﻮ ﺷﻮﻛﺖ ﺷﺎﻳﻔﻬﺎ ﻭﺷﻨﻮ ﺳﺎﻟﻔﺔ ﺍﻟﺘﻬﺪﻳﺪ ﺍﻟﻲ ﻛﺎﻟﺖ ﻋﻠﻴﻪ ﻭﻳﺎﻫﻮ ﺩﺍﺯﺓ ﻋﻠﻴﻬﺎ
ﺩﺧﻠﺖ ﻭﻛﻞ ﻏﻀﺐ ﺍﻟﺪﻧﻴﺎ ﺑﻴﺔ
ﺩﺧﻠﺖ ﻋﻠﻴﻬﻢ ﺷﻔﺖ ﺍﻫﻠﻲ ﻛﻠﻬﻢ ﻣﺘﺠﻤﻌﻴﻦ ﻭﻋﺪﻱ ﻳﺤﺠﻲ ﻭﻳﺔ ﺟﺪﻱ ﻛﻠﺖ ﺍﻟﻠﻪ ﺟﺎﺑﻚ ﻳﺎﻟﻌﺎﺭ ﻫﻴﻦ ﻳﻌﺪﻱ
ﺗﻠﻌﺐ ﻣﻦ ﻭﺭﺍﻱ
ﺷﻔﺖ ﺍﺑﻮﻱ ﮔﺎﻡ ﻳﺮﻳﺪ ﻳﻄﻠﻊ
: ﻟﺤﻀﺔ ﺑﻮﻳﺔ ﻻ ﺗﻄﻠﻊ ﻋﻨﺪﻱ ﻣﻮﺿﻮﻉ ﻭﻳﺎﻛﻢ
: ﺧﻴﺮ ﺷﻌﻨﺪﻙ ﺍﻟﻴﻮﻡ ﺍﺷﻮ ﻋﻴﻮﻧﻚ ﺍﻟﻴﻮﻡ ﻛﻠﻬﺎ ﺷﺮ ﻳﺎﺳﺘﺎﺭ
ﺍﺧﻠﺺ ﻣﻦ ﻭﺍﺣﺪ ﻳﺠﻴﻨﻲ ﺍﻟﺜﺎﻧﻲ
: ﺍﻥ ﺷﺎﺀ ﺍﻟﻠﻪ ﻣﺎﻛﻮ ﺷﺮ ﺑﺲ ﺭﺩﺗﻜﻢ ﻛﻠﻜﻢ ﻫﻨﺎ
ﻭﺍﺭﻳﺪ ﻭﺍﺣﺪ ﺑﻴﻜﻢ ﻳﻔﻬﻤﻨﻲ ﻣﻨﻮ ﺍﻟﻲ ﺩﺍﺯ ﻋﺪﻱ ﻭﺭﺓ
ﺍﻟﺒﻨﻴﺔ ﺑﺎﻟﻜﻠﻴﺔ ﺣﺘﻰ ﻳﻬﺪﺩﻫﺎ ﻗﺒﻞ ﺟﻢ ﺳﻨﺔ
ﺷﻔﺖ ﺍﻟﺼﺪﻣﺔ ﺍﻧﺮﺳﻤﺖ ﻋﻠﻰ ﻭﺟﻪ ﺍﺑﻮﻱ
ﻭﻋﺪﻱ ﺟﺎﻥ ﻛﺎﻋﺪ ﻭﺑﺎﻟﺔ ﺍﺻﻼً ﻣﻮ ﻳﻤﻲ
ﺑﺮﻭﺩﻩ ﺷﻌﻞ ﺍﻟﻨﺎﺭ ﺑﻜﻠﺒﻲ ﺭﺣﺖ ﻫﺪﻳﺖ ﻋﻠﻴﻪ ﻭﻟﺰﻣﺘﺔ ﻣﻦ ﻳﺎﺧﺖ ﺛﻮﺑﻪ
: ﻭﻟﻚ ﻳﺎﻟﻌﺎﺭ ﺷﻠﻮﻥ ﺗﻠﻌﺐ ﻣﻦ ﻭﺭﺍﻱ ﻭﺗﻄﻌﻨﻲ
ﺍﻧﻄﻴﺘﺔ ﻟﻄﻤﺔ ﻋﻠﻰ ﻭﺟﻬﺔ
ﺑﺲ ﺻﺪﻣﻨﻲ ﺭﺩﻩ ﻣﺎ ﺷﺎﻝ ﺍﻳﺪﺓ ﺣﺘﻰ ﻳﺪﺍﻓﻊ ﻋﻦ ﻧﻔﺴﻪ
ﻋﺪﻱ : ﻫﺎﻙ ﺍﺧﺬ ﺭﺍﺣﺘﻚ ﻭﺍﺿﺮﺑﻨﻲ
ﻭﺍﺷﻔﻲ ﻏﻠﻴﻠﻚ ﻣﻨﻲ
ﺍﻧﺎ ﺍﺳﺘﺎﻫﻞ ﻛﻞ ﺍﻟﻲ ﻳﺼﻴﺮ ﺑﻴﺎ
ﺍﻟﻠﻪ ﺍﺧﺬ ﺑﺤﻘﻚ ﺍﻧﺖ ﻭﺫﻳﺞ ﺍﻟﻤﻜﺮﻭﺩﺓ
ﻭﻫﺬﺍ ﺍﻧﺎ ﺍﻟﻴﻮﻡ ﻭﺟﺎﻱ ﺍﻣﻮﺕ ﺑﺎﻟﻴﻮﻡ ﺍﻟﻒ ﻣﺮﺓ
ﺍﺳﺘﻐﺮﺑﺖ ﻣﻦ ﺭﺩﻩ ﻫﺬﺍ ﺷﺒﻲ ﺑﺎﻭﻋﺖ ﻟﻮﺟﻪ ﺍﺻﻔﺮ ﻭﺧﺎﻭﻱ
ﻣﺎﺑﻲ ﺭﻭﺡ
: ﺷﻤﺎﻟﻚ ﻳﺎﻻﻏﻢ ﺍﻥ ﺟﺎﻥ ﺍﻟﻠﻪ ﺍﻧﺘﻘﻢ ﻣﻨﻚ ﻓﻬﺬﺍ ﻛﻠﺔ ﻣﻦ
ﻣﻦ ﺍﻋﻤﺎﻟﻚ ﺍﻟﻌﻮﺟﺔ
ﺍﺣﺠﻲ ﻛﻮﻝ ﻣﻨﻮ
ﻣﻦ ﺩﺯﺍﻙ ﻋﻠﻰ ﺍﻟﺒﻨﻴﺔ ﻫﻨﺎﻙ ﻭﻛﻠﻚ ﺗﻬﺪﺩﻫﺎ
ﺣﺘﻰ ﺗﺮﻓﻀﻨﻲ ﻣﻦ ﺍﺟﻴﻬﺎ ﻭﺍﻃﻠﺒﻬﺎ ﻟﻠﺰﻭﺍﺝ
ﺍﺑﻮ ﺛﺎﺋﺮ : ﺍﻧﺎ ﺍﻟﻲ ﺩﺯﻳﺖ ﺍﺧﻮﻙ ﻋﺪﻱ ﻋﻠﻰ ﺍﻟﺒﻨﻴﺔ ﺣﺘﻰ ﻳﻜﻠﻠﻬﺎ ﺗﺒﺘﻌﺪ ﻋﻦ ﻃﺮﻳﻘﻚ
ﺷﻨﻲ ﻗﺎﺑﻞ ﺍﺧﺎﻑ ﻣﻨﻚ
ﺗﺮﺓ ﺍﻟﻲ ﺳﻮﻳﺘﺔ ﻛﻠﺔ ﻋﻠﻤﻮﺩ ﻣﺼﻠﺤﺘﻚ
ﻻﺗﻮﻛﻊ ﻣﺜﻠﻤﺎ ﻭﻛﻊ ﺍﺧﻮﻙ ﺍﻻﻋﻮﺝ
ﻻﻥ ﺍﻧﺘﻮ ﻣﻘﺼﺮﺗﻮ ﺑﺎﺧﺮ ﻓﺘﺮﺓ ﻣﻦ ﻛﻌﺪﺗﻮ ﺑﺒﻐﺪﺍﺩ ﻛﻤﺘﻮ ﺗﺨﺒﺼﻮﻥ ﻭﺗﻠﻌﺒﻮﻥ
ﻛﻠﺖ ﻫﺎﻱ ﻭﺣﺪﺓ ﻣﻦ ﺍﻟﺼﺎﻳﻌﺎﺕ
ﺍﻟﻲ ﻃﻤﻌﺎﻧﺔ ﺑﺤﻼﻟﻨﺎ ﻭﺟﺎﻫﻨﺎ
ﺛﺎﺋﺮ ﻣﺎﺟﻨﺖ ﻣﺘﻮﻗﻊ ﺍﺑﻮﻱ ﻳﺴﻮﻱ ﻭﻳﺎﻱ ﻫﻴﺞ ﺷﻲ
: ﻣﻌﻘﻮﻟﺔ ﻟﻬﻠﺪﺭﺟﺔ ﺗﻮﺻﻞ ﺑﻴﻚ ﺗﻬﺪﺩ
ﺑﻨﻴﺔ ﻻﺣﻮﻝ ﻭﻗﻮﺓ
: ﺷﻨﻲ ﺗﺮﺓ ﺍﺣﻨﺎ ﺑﻌﺪﻧﺎ ﻣﺎ ﻧﺴﻴﻨﺎ ﺳﻮﺍﻳﺖ ﻣﺮﺗﻚ
ﺍﻻﻭﻟﻰ ﺑﻴﻮﻡ ﻫﺠﺖ ﻣﻦ ﺍﻟﺴﻠﻒ
ﻭﺍﺧﺬﺕ ﺍﻟﻔﻠﻮﺱ
ﻓﻈﻠﺖ ﺍﻟﻔﻠﻮﺱ ﻋﻠﻴﻚ
ﻭﺍﻧﺖ ﺍﻟﺤﻤﺪﻟﻠﻪ
ﻣﺜﻞ ﺍﻻﻃﺮﺵ ﺑﺎﻟﺰﻓﺔ
ﺍﻧﺎ ﻟﻮ ﺷﺎﻳﻔﻚ ﻓﻄﻦ ﺟﺎﻥ ﻣﺎ
ﺧﻄﻴﺖ ﻫﻴﺞ ﺧﻄﻮﺓ
ﺍﻟﺠﺪ : ﺍﻱ ﺻﺤﻴﺢ ﻛﻼﻡ ﺍﺑﻮﻙ ﺗﺮﺓ ﺻﻌﺒﺔ ﻋﻠﻴﻨﺎ
ﻧﻠﻔﻲ ﻟﺒﻴﺘﻨﺎ ﺑﻨﺖ ﻣﺎﻧﻌﺮﻑ ﺍﺻﻠﻬﺎ ﻣﻦ ﻓﺼﻠﻬﺎ ﻭﺍﻧﺖ ﺣﺠﻴﺖ ﻋﻦ ﻣﺎﺿﻴﻬﺎ ﻣﻮﺵ ﻧﻈﻴﻒ
ﺛﺎﻳﺮ ﺑﻐﻀﺐ
ﺟﺪﻱ ﻫﺴﺔ ﻟﻮ ﻛﻠﺘﻠﻚ ﺍﺭﻳﺪﻙ ﺗﺨﻄﺒﻠﻲ
ﻭﺣﺪﺓ ﻣﻦ ﺑﻨﺎﺕ ﺍﺧﻮ ﻗﺎﺳﻢ
ﺗﺨﻄﺒﻬﺎ ﺍﻟﻲ
: ﺍﻱ ﺍﺧﻄﺒﻬﺎ ﺍﻟﻚ ﻭﺍﻧﺎ ﻣﻐﻤﺾ ﻋﻴﻮﻧﻲ
ﺷﺠﺎﺏ ﺍﻟﻄﻚ ﻋﻠﻰ ﺍﻟﻨﻚ
.......
ﺍﻟﻒ ﺭﺣﻤﺔ ﻋﻠﻰ ﻭﺍﻟﺪﻳﻚ
ﻭﺍﻧﺖ ﻛﻠﺘﻬﺎ ﺗﺨﻄﺒﻬﺎ ﻭﺍﻧﺖ ﻣﻐﻤﺾ
ﺗﺼﺪﻙ ﺑﺎﻟﻠﻪ ﺍﺫﺍ ﻛﻠﺘﻠﻚ ﺍﻟﺒﻨﻴﺔ ﺍﻟﻲ ﻫﻮﺍﻫﺎ
ﻛﻠﺒﻲ ﻭﺭﺩﺗﻬﺎ ﻭﻣﻴﺖ ﻋﻠﻴﻬﺎ
ﻫﻲ ﻧﻔﺴﻬﺎ ﺑﻨﺖ ﺍﺧﻮ ﻗﺎﺳﻢ
ﺑﺎﻧﺖ ﻋﻼﻣﺎﺕ ﺍﻟﻤﻔﺎﺟﺌﺔ ﻭﺍﻟﺼﺪﻣﺔ ﻋﻠﻰ ﺍﻟﻮﺟﻮﻩ ﺍﻟﺸﻴﺦ
ﻭﺍﺑﻮﻩ
ﻛﻠﻬﻢ ﺍﻧﺼﺪﻣﻮ ﻣﻦ ﺍﻟﻲ ﺳﻤﻌﻮﻩ
ﻟﻜﻦ ﻻ ﻳﺼﻠﺢ ﺍﻟﻌﻄﺎﺭ ﻣﺎ ﺍﻓﺴﺪﻩ ﺍﻟﺪﻫﺮ
.......................................
ﺳﻬﻰ
ﻣﻨﺘﻈﺮﺓ ﺭﺣﻤﺔ ﺍﻟﻠﻪ ﺗﻨﺰﻝ ﻋﻠﻴﺔ
ﻭﺍﻃﻤﺄﻥ ﮔﻠﺒﻲ ﻣﻦ ﻧﺎﺻﺮ ﻭﻋﻤﻲ ﺩﻛﻮﻟﻲ ﺻﺪﺭ
ﻭﻛﺎﻟﻮ ﻣﺤﺪ ﻳﻜﺪﺭ ﻳﺎﺧﺬ ﺍﺑﻨﻲ ﻣﻨﻲ .
ﺍﻧﺼﺪﻣﺖ ﻣﻦ ﻋﺮﻓﺖ ﻣﻦ ﻧﺎﺻﺮ ﺍﻥ ﻫﻤﺔ ﺑﻴﻨﻬﻢ ﻣﺸﺎﻛﻞ ﻭﻳﺔ ﻋﻢ ﺣﺴﻦ ﺍﺑﻨﻲ
ﻭﻋﺮﻓﺖ ﻫﻮﺍﻱ ﺍﺷﻴﺎﺀ ﻋﻦ ﻫﺬﺍ ﺟﺎﺳﻢ
ﺑﺄﻥ ﻫﻮ ﻣﻦ ﻋﺎﺋﻠﺔ ﺯﻳﻨﺔ ﻭﻣﺤﺘﺮﻣﺔ ﺑﺲ ﻫﺬﺍ ﻃﻠﻊ ﻋﻨﺪﻫﻢ
ﻧﺎﻗﺺ ﻭﺍﺧﻮﻩ ﻓﺮﺍﺱ ﺍﻧﻘﺘﻞ ﻣﻦ ﻭﺭﺍﻩ ﻭﺭﺓ ﺳﻮﺍﻟﻔﺔ
ﻭﻣﺸﺎﻛﻠﺔ ﻭﻳﺔ ﺍﻟﻨﺎﺱ ﺧﻄﻴﺔ ﻣﺎ ﻳﺴﺘﺎﻫﻠﻮﻥ
ﺍﺣﻴﺎﻧﺎً ﻳﻄﻠﻊ ﺑﺎﻟﻌﺎﺋﻠﺔ ﺷﺨﺺ ﻋﺎﻕ
ﺑﺘﺼﺮﻓﺎﺗﺔ ﺑﺤﻴﺚ ﻳﻬﺪﻡ ﺣﻴﺎﺓ ﻛﻞ ﺍﻟﻲ ﺣﻮﻟﻪ ﻭﻳﺠﺮﻫﻢ ﻟﻠﺤﻀﻴﺾ ﻭﻳﻌﻢ ﻋﻠﻴﻬﻢ ﻫﺬﺍ ﺟﺎﺳﻢ ﻭﺍﺣﺪ ﻣﻨﻬﻢ
ﻭﻋﺮﻓﺖ ﺍﻥ ﺍﻟﺸﻴﺦ ﻣﺰﺍﺣﻢ ﻣﺤﺮﻡ ﺩﺧﻠﺘﺔ ﻋﻠﻰ ﻣﻨﻄﻘﺘﻬﻢ
ﻻﻥ ﻃﻼﻳﺒﺔ ﻫﻮﺍﻱ ﻭﻣﺄﺛﺮﺓ ﻋﻠﻴﻬﻢ
ﻟﻜﻦ ﺍﻧﻲ ﻫﺬﺍ ﻛﻠﺔ ﻣﻴﻬﻤﻨﻲ ﺍﻫﻢ ﺷﻲ ﻋﻨﺪﻱ
ﺍﻥ ﺍﺑﻨﻲ ﻣﻴﺮﻭﺡ ﻣﻦ ﺣﻀﻨﻲ
ﺣﺴﻦ : ﻣﺎﻣﺎ ﺍﺭﻳﺪ ﺍﻃﻠﻊ ﺍﻟﻌﺐ ﻭﻳﺔ ﺍﻻﻭﻻﺩ ﻛﻠﻬﻢ ﺩﻳﻠﻌﺒﻮﻥ
ﻃﻮﺑﺔ ﺑﺎﻟﺴﺎﺣﺔ ﺍﻻ ﺍﻧﻲ ﻣﺤﺒﻮﺱ ﻫﻨﺎ
: ﻣﺎﻣﺎ ﺣﺒﻴﺒﻲ ﻭﺍﻟﻠﻪ ﺍﺧﺎﻑ ﻋﻠﻴﻚ
ﻋﺬﺭﺍﺀ : ﺣﺴﻮﻧﻲ ﻳﺎ ﮔﻠﺐ ﺧﺎﻟﺘﻮ ﺍﺳﻤﻊ ﻛﻼﻡ
ﻣﺎﻣﺎ ﻻﻥ ﻫﻲ ﻫﻮﺍﻱ ﺗﺤﺒﻚ ﻭﺍﻟﻮﺿﻊ ﺻﻌﺐ ﻧﺨﻠﻴﻚ ﺗﻄﻠﻊ
ﺳﻤﻠﻰ : ﺗﻌﺎﻝ ﺍﻟﻌﺐ ﻭﻳﺎﻱ ( ﺑﻠﻲ ﺳﺘﻴﺸﻦ )
ﺳﻬﻰ : ﻭﺍﻟﻠﻪ ﻳﺎﺭﻳﺖ . ﺗﺎﺧﺬﻳﻨﺔ ﻭﺗﻠﻌﺒﻲ ﻭﻳﺎﺝ
ﺑﻠﻜﻲ ﻳﻠﺘﻬﻲ
ﺩﺧﻠﺖ ﻋﻠﻴﻨﺎ ﻧﻮﺭ
ﻧﻮﺭ : ﺗﻌﺎﻱ ﺭﻭﺍﺀ ﺗﻔﻀﻠﻲ ﻓﻮﺗﻲ ﺟﻮﺓ ﻣﺤﺪ ﻫﻨﺎ ﻣﻦ ﺍﻟﻮﻟﺪ
ﻛﻤﻨﺎ ﺳﻠﻤﻨﺎ ﻋﻠﻰ ﺭﻭﺍﺀ ﻭﻛﺎﻧﺖ ﻣﺘﺮﺩﺩﺓ ﻭﺷﻜﻠﻬﺎ
ﺑﻌﺪﻫﺎ ﻣﺴﺘﺤﻴﺔ ﻣﻨﻲ
ﺭﺣﺒﺖ ﺑﻴﻬﺎ ﻭﺣﺴﺴﺘﻬﺎ ﺑﺎﻟﺘﺮﺣﻴﺐ
ﻓﺮﺣﺖ ﻣﻦ ﺷﺎﻓﺘﻨﻲ ﺳﻠﻤﺖ ﻋﻠﻴﻬﺎ
ﻭﺻﺎﺭﺕ ﺗﻀﺤﻚ ﻭﺗﺴﻮﻟﻒ ﻭﻳﺔ ﺍﻟﺒﻨﺎﺕ ﻭﻓﺎﺟﺌﺘﻨﺎ ﺍﻧﻲ ﻋﺬﺭﺍﺀ ﻣﻦ ﻛﺎﻟﺖ
: ﻟﻮ ﺍﺣﺠﻴﻠﻜﻢ ﻋﻦ ﻋﺪﻱ ﺷﺼﺎﺭ ﺑﻲ
ﻣﻦ ﻳﻮﻡ ﺍﻟﻲ ﺍﺟﺘﻲ ﻋﺬﺭﺍﺀ ﻟﺒﻴﺘﻨﺎ
ﻋﺬﺭﺍﺀ ﺑﺘﻠﻬﻒ ﺑﺲ ﺗﺤﺎﻭﻝ ﻣﺘﺒﻴﻦ ﻣﻬﺘﻤﺔ
: ﺷﻨﻮ ﺷﺒﻲ ﺍﺧﻮﺝ ﺷﺼﺎﻳﺮ ﺑﻲ ﻟﺘﺨﺎﻓﻴﻦ ﻋﻠﻴﻪ ﻫﺬﺍ ﻣﺎ ﻳﻬﺰﺓ ﺷﻲ
: ﻫﻬﻬﻬﻬﻬﻪ ﻻ ﺣﺒﻴﺒﺘﻲ ﺷﻜﻠﺞ ﻣﺎ ﺗﻌﺮﻓﻴﻦ ﺍﻟﻲ ﺍﻧﺎ ﻋﺮﻓﺘﺔ
ﻋﺬﺭﺍﺀ ﺑﻨﻔﺎﺫ ﺻﺒﺮ : ﺍﻱ ﻫﺴﺔ ﻏﻴﺮ ﺗﺤﺠﻲ ﻭﺗﻔﻀﻬﺎ
: ﻭﻟﺞ ﺑﻴﻮﻡ ﺍﻟﻲ ﻃﻠﻌﺘﻲ ﻣﻦ ﻋﻨﺪﻧﺎ ﺩﺍﺭ ﺣﺠﻲ ﺑﻴﻦ ﻋﺪﻱ ﻭﺟﺪﻱ ﻭﺟﺎﻥ ﻋﺪﻱ ﻣﺘﻔﺎﺟﻲﺀ ﻣﻦ ﺷﺎﻓﺞ
ﺑﺲ ﺍﻟﻐﺮﻳﺐ ﺑﺎﻻﻣﺮ ﺍﻥ ﺍﻟﻜﻼﻡ ﺍﻟﻲ ﺩﺍﺭ ﺑﻴﻦ ﺟﺪﻱ ﻭﻋﺪﻱ ﺟﺎﻥ ﻛﻠﺔ ﺍﻟﻐﺎﺯ
ﺑﻌﺪﻳﻦ ﻋﺮﻓﺖ
ﻋﺪﻱ ﻗﺒﻞ ﻓﺘﺮﺓ ﻓﺎﺗﺢ ﺍﺑﻮﻱ ﻭﺟﺪﻱ ﺑﺮﻓﻀﺔ ﺍﻟﺰﻭﺍﺝ ﻣﻦ ﻋﻨﺪﺝ
ﻭﻛﻠﻠﻬﻢ ﺍﻧﺎ ﺷﻔﺖ ﺑﻨﻴﺔ ﻫﻨﺎ ﻗﺒﻞ ﻓﺘﺮﺓ ﻭﻋﺠﺒﺘﻨﻲ
ﻭﺍﺭﻳﺪ ﺍﺗﺰﻭﺟﻬﺎ
ﻭﺑﻮﻗﺘﻬﺎ ﺍﺑﻮﻱ ﻭﺟﺪﻱ ﻟﻌﺒﻮ ﺑﻲ ﻟﻌﺐ ﻭﺭﻓﻀﻮ
ﺑﺲ ﺟﺪﻱ ﺍﻟﻮﺣﻴﺪ ﻭﺍﻓﻖ ﻋﻠﻰ ﻛﻼﻡ ﻋﺪﻱ
ﻭﻛﻠﺔ ﻳﺠﺮﺍﻟﻚ ﻋﺬﺭﺍﺀ ﺑﻌﺪ ﻣﺎ ﺗﺘﺰﻭﺟﻬﺎ ﺧﻼﺹ
ﻭﺍﺑﻮﻱ ﺳﺄﻟﺔ ﻣﻨﻮ ﺍﻟﺒﻨﻴﺔ
ﻛﺎﻝ ﺍﻟﺒﻨﻴﺔ ﺍﻟﻲ ﺷﻔﺘﻬﺎ ﺗﺼﻴﺮ ﺑﻨﺖ ﺍﺧﻮ ﻗﺎﺳﻢ
ﻟﻄﻤﺖ ﺳﻬﻰ ﻭﻧﻮﺭ
ﻧﻮﺭ : ﻋﺰﺓ ﺑﻌﻴﻨﺔ ﻣﻨﻴﻦ ﺷﺎﻓﻨﺎ ﻭﺍﺣﻨﺎ ﻣﺎ ﻃﺎﻟﻌﺎﺕ ﺑﺒﺎﺏ ﺍﻟﺒﻴﺖ
ﺭﻭﺍﺀ : ﺻﺒﺮﻱ ﺣﺒﻴﺒﺔ ﻻﺗﺴﺘﻌﺠﻠﻴﻦ ﻋﻠﻰ ﺭﺯﻗﺞ
ﺟﺎﻳﺘﺞ ﺑﺎﻟﺤﺠﻲ
ﺑﻌﺪﻳﻦ ﺗﺒﻴﻦ ﻣﻦ ﺻﺎﺣﺒﻨﺎ ﻃﻠﻊ ﺟﺎﻥ ﺷﺎﻳﻒ ﻋﺬﻳﺮﺓ
ﻭﻫﻮ ﻋﺒﺎﻟﺔ ﻭﺣﺪﺓ ﻣﻦ ﺑﻨﺎﺕ ﺍﺧﻮ ﻗﺎﺳﻢ ﻻﻥ
ﺑﻴﻮﻡ ﺍﻟﻲ ﺷﺎﻓﻬﺎ ﺻﺎﺩﻑ ﻭﺻﻮﻟﻜﻢ ﻟﺒﻴﺖ ﻋﻤﻜﻢ
ﻭﻫﻮ ﻫﻴﺞ ﺭﺑﻄﻬﺎ ﻻﻥ ﺟﺎﻥ ﻣﺎ ﺷﺎﻳﻒ ﻋﺬﻳﺮﺓ ﻣﻦ ﻋﻬﺪ ﺟﺎﻧﺖ ﺑﺎﻟﻤﺘﻮﺳﻄﺔ
ﻫﻬﻬﻬﻬﻬﻬﻬﻬﻪ ﺷﻔﺘﻲ ﺍﻟﻠﻪ ﺷﻠﻮﻥ ﺧﺴﺒﻚ ( ﺧﺮﺑﻂ ) ﺍﺣﻮﺍﻟﻪ
ﻭﺍﻟﻤﺼﻴﺒﺔ ﺟﺪﻱ ﻳﻌﺮﻑ ﺑﻬﺬﺍ ﻛﻠﺔ ﻭﺿﺎﻣﻬﺎ ﺍﻟﺔ
ﺳﻬﻰ ﺑﺘﻌﺠﺐ : ﺯﻳﻦ ﺟﺪﻛﻢ ﻣﻨﻴﻦ ﻋﺮﻑ ﺑﻜﻞ ﻫﺬﺍ
ﻋﺬﺭﺍﺀ ﺑﻤﻌﺮﻓﺔ : ﻫﻬﻬﻬﻪ ﺣﺒﻴﺒﺘﻲ ﺷﻜﻠﺞ ﺑﻌﺪﺝ ﻣﺎ ﺗﻌﺮﻓﻴﻦ ﺍﻟﺸﻴﺦ ﻣﺰﺍﺣﻢ
ﻭﻟﺞ ﻫﺬﺍ ﻣﺎ ﺻﺎﺭ ﺟﺒﻴﺮ ﺍﻟﻌﺸﻴﺮﺓ ﻟﻮﻣﺎ ﻓﻄﻨﺘﺔ
ﺭﻭﺍﺀ : ﺣﺒﻴﺒﺔ ﺟﺪﻱ ﺑﻲ ﻃﺒﻊ ﻳﺤﻂ ﻋﻴﻦ ﺑﻜﻞ ﻣﻜﺎﻥ
ﺗﻮﺻﻠﺔ ﻛﻞ ﺻﻐﻴﺮﺓ ﻭﺟﺒﻴﺮﺓ ﻭﺷﻨﻮ ﻳﺼﻴﺮ ﻣﻦ ﻭﺭﺍﻩ
ﺑﺎﺧﺘﺼﺎﺭ ﺟﺎﺳﻮﺱ ﻳﻨﻘﻠﺔ ﺍﻻﺧﺒﺎﺭ ﺍﻭﻝ ﺑﺎﻭﻝ
ﻟﺘﺴﺘﻐﺮﺑﻴﻦ ﺗﻮﺻﻞ ﺑﻲ
ﺣﺘﻰ ﻳﺨﻠﻲ ﺭﻗﻴﺐ ﻋﻠﻰ ﺍﻫﻞ ﺑﻴﺘﺔ
ﻧﻮﺭ : ﺍﻫﻮﻭﻭﻭﻭ ﻫﺎﻱ ﺷﻨﻮ ﺟﺪﻛﻢ ﺩﺍﻫﻴﺔ
: ﺍﻛﺜﺮ ﻣﻦ ﻣﺎ ﺗﺘﺼﻮﺭﻳﻦ ﻳﻤﻠﻚ ﺩﻫﺎﺀ ﺛﻠﻌﺐ
ﺭﻭﺍﺀ : ﻭﻟﺠﻦ ﺧﻠﻲ ﺍﺣﺠﻴﻠﻜﻢ ﺷﺴﻮﻳﺖ ﺑﺎﺧﻮﺍﻧﻲ
ﻋﺬﺭﺍﺀ ﺑﻠﻬﻔﺔ : ﺷﻨﻮ ﺷﻨﻮ
ﻭﺳﻬﻰ ﺗﺴﻤﻊ ﺑﺘﺮﻛﻴﺰ
ﺭﻭﺍﺀ : ﻭﺩﺍﻋﺘﺞ ﺧﻴﺔ
ﺍﻻ ﺍﺭﺑﻲ ﺍﺧﻮﺗﻲ ﻋﻠﻰ ﺍﻳﺪﻱ ﻫﺬﻭﻟﻲ ﺩﻭﺍﻫﻢ ﻋﻨﺪﻱ ﻭﺍﻧﺎ ﺍﻋﺮﻓﻠﻬﻢ
ﻋﺬﺭﺍﺀ : ﻭﻟﺞ ﻣﻮﺗﻴﻨﻲ ﺍﺣﺠﻲ ﺷﺴﻮﻳﺘﻲ
: ﻫﻬﻪ ﺍﻧﺎ ﺭﻭﺍﺀ ﻣﻮ ﻳﺎﻫﻮ ﺍﻟﺠﺎﻥ ﺧﻠﻴﺘﻠﺞ ﻋﺪﻱ ﻇﻞ ﻳﻜﻤﺰ ﻣﻦ ﻛﻠﺘﻠﺔ ﺍﺣﻤﺪ ﺍﺑﻦ ﻋﻤﻜﻢ ﺭﺍﺡ ﻳﺠﻲ ﻭﻳﻜﻌﺪ ﻋﻨﺪﻛﻢ ﻛﻢ ﻳﻮﻡ ﻭﺍﻧﻲ ﺍﻟﻔﺖ ﻓﻠﻢ ﻣﻦ ﻳﻤﻲ
ﻭﻛﺘﻠﺔ ﺍﺑﻦ ﻋﻤﻬﺎ ﺟﺎﻱ ﻭﺳﻤﻌﺖ ﺑﻲ
ﺭﺍﺡ ﻳﻨﻬﻲ ﻋﻠﻰ ﻋﺬﺭﺍﺀ
ﻭﻟﺞ ﻣﻮ ﻫﻨﺎ ﺍﻟﻨﻜﺘﺔ
ﺷﺒﻌﻲ ﺿﺤﻚ ﻣﻦ ﺩﺧﻞ ﺟﺪﻱ ﻋﻠﻴﻨﺎ ﻭﺷﻜﻠﺔ ﺳﻤﻊ ﺣﺠﻴﻨﺎ
ﻭﻛﻤﻞ ﻋﻠﻴﻪ
ﻭﻛﺎﻝ ﺍﻱ ﻭﺍﻟﻠﻪ ﺗﺴﺘﺎﻫﻞ ﻋﺬﻳﺮﺓ ﺍﺑﻦ ﻋﻤﻬﺎ ﺍﻭﻟﻰ ﺑﻴﻬﺎ ﻣﻦ ﺍﻟﻐﺮﻳﺐ ﻭﺍﻟﻮﻟﺪ ﻣﺎ ﻗﺎﺻﺮ ﺍﺩﺏ ﻭﺍﺧﻼﻕ ﻭﺷﺎﺏ
ﻣﻤﻠﻮﺡ ﻭﻣﻴﺖ ﺍﻟﻒ ﻭﺣﺪﺓ ﺗﺘﻤﻨﺎﻩ ﻳﺼﻴﺮ ﻣﻦ ﻧﺼﻴﺒﻬﺎ
ﻃﺒﻌﺎً ﺟﺪﻱ ﻳﺤﺠﻲ ﻭﻋﺪﻱ ﻇﻞ ﻳﻠﻮﺏ
ﻣﺎ ﻳﻌﺮﻑ ﺷﻴﺴﻮﻱ
ﻇﻠﻴﻨﺎ ﻧﻀﺤﻚ ﻋﻠﻴﻪ ﻣﻦ ﻛﻤﺰ ﻣﻦ ﻣﻜﺎﻧﻪ ﻣﺜﻞ ﺍﻟﻲ ﻭﺍﻛﻌﺔ ﺟﻤﺮﺓ ﻛﺎﻳﺪﺓ ﺑﺤﻀﻨﻪ
: ﻭﺍﻟﻠﻪ ﺍﺣﺮﻙ ﻋﺸﻴﺮﺕ ﻗﺎﺳﻢ ﻟﺴﺎﺑﻊ ﺟﺪ ﺍﺫﺍ ﻓﻜﺮﻭ
ﻳﺰﻭﺟﻬﺎ ﻟﻐﻴﺮﻱ
ﺍﻟﺸﻴﺦ ﻣﺰﺍﺣﻢ : ﺭﻭﺡ ﺗﻮﻛﻞ ﻳﺎﻟﺬﻳﺐ ﻫﺬﺍﻙ ﻫﻮ ﺑﻴﺖ ﻋﻤﻚ ﻗﺎﺳﻢ ﺗﻔﻀﻞ ﺑﺎﻟﻠﻪ ﺷﻮﻓﻨﺎ ﺷﺮﺍﺡ ﺗﺴﻮﻱ
ﻋﺪﻱ ﺑﺘﺤﺪﻱ : ﺑﺲ ﺍﺻﺒﺮﻟﻲ ﻭﺍﻧﺎ ﺍﺭﺍﻭﻳﻚ ﺫﻳﺐ ﻣﺰﺍﺣﻢ ﺷﻴﻜﺪﺭ ﻳﺴﻮﻱ
...............
ﻧﻮﺭ : ﻳﺒﻮﻭﻭﻭ ﺧﻄﻴﺔ ﻭﻟﺞ ﻟﻴﺶ ﺗﺴﻮﻳﻦ ﻫﺸﻜﻞ ﺑﺎﺧﻮﺝ ﻣﻮ ﺣﺮﺍﻡ ﻋﻠﻴﺞ ﺧﺎﻑ ﺍﻟﻠﻪ ﻳﻌﺎﻗﺒﺞ
ﻋﺬﺭﺍﺀ : ﻻ ﺧﻠﻲ ﻳﻮﻟﻲ ﻳﺴﺘﺎﻫﻞ ﺍﻟﻲ ﻳﺠﺮﺍﻟﺔ ﻛﻠﺔ ﻣﻦ ﺍﻳﺪﻳﻪ
ﻣﺤﺪ ﻛﻠﺔ ﺻﻴﺮ ﻣﻐﺮﻭﺭ ﺣﻘﺞ ﻣﺎ ﺷﺎﻳﻔﺔ ﻗﺒﻞ ﺷﻠﻮﻥ ﺟﺎﻥ ﺷﺎﻳﻒ ﻧﻔﺴﺔ ﻋﻠﻴﻨﺎ ﻋﺪﺍﻟﻚ ﺍﺣﻨﺔ ﻫﻤﺞ ﻭﻫﻮ ﺍﻟﻮﺣﻴﺪ ﺑﻴﻨﺎ
ﺍﻟﻤﺜﻘﻒ ﻣﺎ ﻳﻌﺮﻑ ﺍﻥ ﺍﻟﺜﻘﺎﻓﺔ ﻣﻮ ﺑﺎﻟﻤﻜﺎﻥ ﺍﻟﻲ ﻧﻌﻴﺶ
ﺑﻲ ﻭﻻ ﺑﻄﺮﻳﻘﺔ ﺍﻟﻠﻬﺠﺔ ﺍﻟﻲ ﻧﺴﺘﺨﺪﻣﻬﺎ ﻟﻜﻦ ﺍﻟﺜﻘﺎﻓﺔ
ﺛﻘﺎﻓﺔ ﺍﻟﻨﻔﺲ ﻭﺻﻔﺔ ﺍﻻﻧﺴﺎﻧﻴﺔ ﺑﻘﻤﺔ ﻫﺮﻡ ﺍﻟﻤﺜﻘﻒ
ﺑﺲ ﺍﻟﻈﺎﻫﺮ ﺍﻻﺥ ﺣﺎﺳﺒﻬﺎ ﻏﻠﻂ ﻭﻓﺎﻫﻢ ﺍﻟﻤﺜﻘﻒ ﺑﺼﻮﺭﺓ
ﺧﻄﺎﺀ
ﺧﻴﺮ ﻣﺜﺎﻝ ﺍﺑﻮﺝ ﻭﺍﺑﻮﻱ
ﻫﻤﺔ ﺧﻮﺍﻥ ﺍﺑﻮﺝ ﻣﺎﺧﺬ ﺷﻬﺎﺩﺓ ﻭﺍﺑﻮﻱ ﻻ
ﺑﺲ ﺍﺑﻮﺝ ﻛﺎﻥ ﻳﻌﺎﻣﻠﻜﻢ ﺑﺠﻮﺭ ﻭﺍﺑﻮﻱ ﻋﺎﻣﻠﻨﺎ
ﺑﺎﺣﺘﺮﺍﻡ ﻣﻨﻬﻮ ﺍﻟﻲ ﻛﺒﺮ ﺑﻴﻨﺎ ﻭﺍﺧﺬ ﺍﻟﺸﻬﺎﺩﺓ
ﻭﻣﺎ ﻳﻮﻡ ﺟﺒﺮ ﻭﺍﺣﺪ ﻣﻦ ﺧﻮﺍﻧﻲ ﻳﺘﺰﻭﺝ ﺑﺎﻟﻐﺼﺐ
ﻭﺣﺘﻰ ﺍﻧﺎ ﺑﺴﺎﻟﻔﺔ ﻋﺪﻱ ﺳﺄﻟﻨﻲ ﻭﺍﺧﺬ ﺭﺃﻳﻲ
ﻭﺍﻧﺎ ﻭﺍﻓﻘﺖ ﻣﻮ ﻋﺪﺍﻟﺞ ﻏﺼﺐ ﻋﻨﻲ ﻣﻮﻗﻔﻴﻨﻲ
ﻋﺪﻱ ﺟﺎﻥ ﺣﺘﻰ ﻳﻌﻴﺐ ﻋﻠﻰ ﻟﻬﺠﺘﻨﺎ ﺭﻏﻢ ﻫﻮ ﻫﻢ ﺍﺑﻦ ﻫَـﺎﻱ
ﺍﻟﻜﺎﻉ ﺑﺲ ﺷﻠﻜﺔ ﺣﺐ ﻳﺘﻨﺎﺳﺔ
ﻟﻜﻦ ﻫﻮ ﺍﻛﺒﺮ ﻏﺒﻲ ﺍﻟﻠﻬﺠﺔ ﻋﻤﺮﻫﺎ ﻣﺎ ﺟﺎﻧﺖ ﻣﻘﻴﺎﺱ ﻟﺜﻘﺎﻓﺔ
ﺍﻟﺸﺨﺺ ﻟﻴﺶ ﻫﻢ ﺑﻴﻨﺎ ﺍﻟﻤﺪﺭﺱ ﻭﺍﻟﺪﻛﺘﻮﺭ ﻭﺍﻟﻤﻬﻨﺪﺱ
ﻭﺑﻨﺎﺗﻨﺎ ﺑﻴﻬﻢ ﻣﺘﺨﺮﺟﺎﺕ ﺻﺤﻴﺢ ﻫﻤﺔ ﻣﺤﺎﻓﻈﻴﻦ ﻋﻠﻴﻨﺎ
ﺑﺲ ﻣﻮ ﻣﻌﻨﺎﻫﺎ ﻣﺎ ﻳﺤﺘﺮﻣﻮﻧﺎ ﺍﻛﻮ ﺑﻴﻨﺎ ﺍﻟﻤﺘﺸﺪﺩ ﻋﻠﻰ ﺍﻫﻞ ﺑﻴﺘﺔ ﻭﻣﺎ ﻳﺤﺘﺮﻡ ﺭﺍﺋﻲ ﺍﻟﻤﺮﻳﺔ ﻟﻜﻦ ﻣﻮ ﻛﻞ ﺍﺻﺎﺑﻊ ﺍﻳﺪﺝ ﺳﻮﺓ
ﺗﺮﺓ ﺣﺘﻰ ﺑﺎﻟﻤﺪﻳﻨﺔ ﺍﻛﻮ ﻫﻮﺍﻱ ﻧﺎﺱ ﻣﺎ ﻳﺤﺘﺮﻣﻮﻥ ﺍﻟﻤﺮﻳﺔ
ﺍﻟﻘﻀﻴﺔ ﻣﻮ ﺍﺣﻨﺎ ﻣﻦ ﺍﻟﺠﻨﻮﺏ ﻭﻣﻌﻨﺎﻫﺔ ﻣﺎ ﻳﺴﻮﻥ ﺣﺴﺎﺏ ﺍﻟﻨﺎ ﻻ ﺍﻟﻘﻀﻴﺔ ﺑﻜﻞ ﻣﻜﺎﻥ
ﻭﺭﺍﺡ ﺍﺛﺒﺘﻠﺞ ﻋﻨﺪﺝ ﺟﺪﻱ ﺍﻟﺸﻴﺦ ﻣﺰﺍﺣﻢ
ﻃﺒﻌﺎً ﻛﻠﻬﺎ ﺗﻬﺎﺑﺔ ﻭﻛﻠﻬﻢ ﻳﺴﻮﻟﺔ ﺍﻟﻒ ﺣﺴﺎﺏ ﻭﻣﺤﺪ ﻳﻜﺪﺭ ﻳﺘﻌﺪﺍﻩ
ﺑﺲ ﺗﺪﺭﻳﻦ ﺟﺪﻱ ﻛﻀﺔ ﻋﻤﺮﺓ ﻛﻠﺔ ﻣﺎ ﻳﺨﻄﻲ ﺧﻄﻮﺓ
ﺍﺫﺍ ﻣﻮ ﺟﺪﺗﻲ ﻋﻨﺪﻫﺎ ﻋﻠﻢ ﻭﺣﺘﻰ ﻣﺮﺍﺕ ﻳﺸﻮﺭﻫﺎ ﺑﺎﻣﻮﺭ ﺍﻟﺴﻠﻒ
ﺍﻱ ﻻ ﺗﻌﺎﻳﻨﻴﻦ ﻋﻠﻴﺔ ﻣﺼﺪﻭﻣﺔ ﻫﻴﺞ
ﺗﺮﺓ ﺟﺪﻱ ﻳﻌﺠﺒﺞ ﻭﻟﻬﺬﺍ ﻳﻮﻣﺞ ﺷﻜﺪ ﺍﺗﻤﺮﺿﺖ ﺟﺪﺗﻲ ﻭﻳﻬﺪﻭﻟﺔ ﻧﺴﻮﺍﻥ ﺑﺎﻟﺪﻭﺍﻭﻳﻦ ﺑﺲ ﻣﺎ ﻳﻮﻡ ﻗﻠﻞ ﻣﻦ ﻗﺪﺭ ﺟﺪﺗﻲ
ﺑﺎﻟﻌﻜﺲ ﻇﻞ ﻭﻳﺎﻫﺔ ﺑﺎﻟﺤﻠﻮﺓ ﻭﺍﻟﻤﺮﺓ
ﻭﺣﺘﻰ ﺗﻌﺎﻣﻠﺔ ﻭﻳﺔ ﺑﻨﺎﺗﺔ ﻛﺎﻥ ﻳﻤﻮﺕ ﻋﻠﻴﻬﻦ
ﻭﻣﺪﻟﻠﻬﻦ ﻭﺍﻟﺪﻟﻴﻞ ﻛﻞ ﻭﺣﺪﺓ ﻣﺴﻮﻳﻠﻬﺎ ﻭﺍﺣﺪ ﻣﻦ ﻫﺎﻱ ﺍﻟﺒﻴﻮﺕ ﺣﺎﻟﻬﺎ ﺣﺎﻝ ﺍﻟﻮﻟﺪ
ﻣﺘﺸﻮﻓﻴﻦ ﺍﺑﻮﻱ ﻛﻌﺪ ﻫﻨﺎ ﺑﻬﺬﺍ ﺍﻟﺒﻴﺖ ﻫﺬﺍ ﺟﺎﻥ ﻭﺍﺣﺪ ﻣﻦ ﺍﻟﺸﺮﻭﻁ ﻟﺤﺘﻰ ﻳﻘﺒﻞ ﻳﺰﻭﺟﺔ ﺑﻨﺘﺔ ﺷﺮﻁ ﻋﻠﻴﻪ ﻳﺘﺮﻙ ﺑﻐﺪﺍﺩ ﻳﻌﻴﺶ ﻳﻤﻬﻢ
ﺳﻬﻰ : ﺍﻟﻠﻪ ﻳﺎ ﻋﺬﺭﺍﺀ ﺑﺪﻳﺖ ﺍﺣﺐ ﺟﺪﺝ
ﻧﻮﺭ ﺑﺨﻔﺔ ﺩﻭﻡ : ﺍﻱ ﻋﻔﻴﺔ ﻣﺎ ﺗﻜﻠﻴﻠﺔ ﺳﻬﻰ ﺍﺧﺘﻲ ﺗﺤﺒﻚ ﻭﻳﺘﺰﻭﺟﻬﺎ ﻭﻧﺨﻠﺺ ﻣﻨﻬﺎ
ﺭﻭﺍﺀ : ﺧﺎﺏ ﻃﻴﺮﻱ ﺣﺘﻰ ﻣﺎ ﺟﺪﺗﻲ ﺗﻠﻌﺐ ﺑﻴﺞ ﻃﻮﺑﺔ
ﺗﺮﺓ ﻣﻮ ﻋﺪﺍﻟﺞ ﻣﺮﻳﺔ ﺟﺒﻴﺮﺓ ﻣﻦ ﻳﻜﻮﻥ ﺍﻟﺴﺎﻟﻔﺔ ﺑﻴﻬﺎ ﺷﺮﻳﺠﺔ
ﺗﺪﺧﻞ ﻋﻠﻴﻬﺎ ﺗﺸﻮﻓﻴﻬﺎ ﺗﺼﻴﺮ ﻭﻻ ﺑﻨﺖ ﺍﻝ٢٠
ﺑﺎﻟﻠﺴﺎﻥ ﻫﻬﻬﻬﻪ
ﺳﻬﻰ : ﺭﺑﻲ ﻳﻬﻨﻴﻬﻢ ﻭﻳﺴﻌﺪﻫﻢ
ﺳﻤﻌﻨﺎ ﺻﻮﺕ ﺟﺮﺱ ﺍﻟﺒﺎﺏ
ﻭﺍﺟﺎﻧﻲ ﺣﺴﻦ ﻳﺮﻛﺾ
: ﻣﺎﻣﺎ ﻋﻤﻲ ﺟﺎﺳﻢ ﺑﺎﻟﺒﺎﺏ
ﻳﻤﺔ ﻛﻠﺒﻲ ﻛﺮﺻﻨﻲ
ﻛﻤﺖ ﻣﻦ ﻣﻜﺎﻧﻲ ﻭﻃﻠﻌﺖ ﺷﻔﺖ
ﻋﻤﺘﻲ ﻣﻨﺘﻬﻰ
ﻻﺑﺴﺔ ﻋﺒﺎﺕ ﺍﻟﺮﺍﺱ ﻭﺗﺤﺠﻲ ﻭﻳﺎﻩ ﻳﻢ ﺍﻟﺒﺎﺏ
ﻃﺒﻌﺎً ﻣﺤﺪ ﻛﺎﻥ ﻣﻮﺟﻮﺩ ﻣﻦ ﺍﻟﻮﻟﺪ
ﻃﺎﻟﻌﻴﻦ
ﺳﻤﻌﺖ ﻋﻤﺘﻲ ﻣﻨﺘﻬﻰ ﺗﻜﻠﺔ ﻣﺎﻛﻮ ﺯﻟﻤﺔ
ﺑﺎﻟﺒﻴﺖ ﺭﻭﺡ
ﻭﺑﻌﺪﻳﻦ ﻣﻦ ﻳﺠﻮﻥ ﺍﻟﺰﻟﻢ ﺗﻌﺎﻝ ﻋﻠﻰ ﺍﺑﻨﻜﻢ ﻭﺍﺧﺬﺓ
ﻛﺎﻝ ﺯﻳﻦ ﺻﻴﺤﻠﻲ ﺍﻡ ﺣﺴﻦ ﺍﺭﻳﺪ ﺍﺣﺠﻲ ﻭﻳﺎﻫﺎ
ﻇﻞ ﺟﺴﻤﻲ ﻛﻠﺔ ﻳﺮﺟﻒ ﻣﻦ ﺳﻤﻌﺖ ﺻﻮﺗﺔ
ﻫﻮ ﻧﻔﺴﺔ ﺍﻟﻲ ﻛﺎﻟﺖ ﻋﻠﻴﻪ ﺭﻳﻢ ﺍﺗﻌﺎﺭﻙ ﻭﻳﺔ
ﺑﺎﺑﺎ ﺍﻟﻠﻪ ﻳﺮﺣﻤﺔ ﻭﻇﻞ ﻳﺼﻴﺢ
ﺟﻨﺖ ﻻﺑﺴﺔ ﺷﺎﻝ ﻭﻃﻠﻌﺘﻠﺔ ﺑﺎﻟﺒﺎﺏ ﻭﺍﺟﺘﻲ ﺍﻣﻲ ﻭﻳﺎﻱ
ﻭﺳﻠﻢ ﻋﻠﻴﻬﺎ
ﻣﻦ ﺷﻔﺖ ﺷﻜﻠﺔ ﺟﺎﻥ ﺟﺜﻞ ﻭﺻﺎﺣﺐ ﺍﻛﺘﺎﻑ ﻋﺮﻳﻀﺔ
ﻭﺍﻟﻠﻪ ﻣﻨﻄﻴﻪ ﺷﻜﻞ ﺟﻤﻴﻞ
ﺑﺲ ﻫﺬﺍ ﻛﻠﺔ ﻣﻮ ﺑﺎﻟﻌﻴﻦ ﻣﺎ ﺩﺍﻣﻪ ﻭﺻﺦ ﻭﺧﺮﻳﺞ ﺳﺠﻮﻥ
......
ﺍﺣﻴﺎﻧﺎً ﻧﺸﻮﻑ ﻭﻧﺼﺎﺩﻑ ﻫﻮﺍﻱ ﺍﺷﺨﺎﺹ
ﻳﻤﻠﻜﻮﻥ ﺍﻟﻮﺟﻪ ﺍﻟﺠﻤﻴﻞ ﻭﺍﻟﻮﺳﺎﻣﺔ ﻟﻜﻦ ﻣﻦ ﺗﻌﺎﺷﺮﻫﻢ
ﺗﻨﺼﺪﻡ ﺍﻥ ﻫﻤﺔ ﺗﺎﻓﻬﻴﻦ ﻫﺬﺍ ﺍﻟﺸﻲ ﻳﻨﻄﺒﻖ ﻋﻠﻰ ﺟﺎﺳﻢ
ﺷﻔﺘﺔ ﺍﻛﻠﻨﻲ ﺑﻨﻈﺮﺍﺕ ﻋﻴﻮﻧﺔ ﺍﻭﻝ ﻣﻄﻠﻌﺘﻠﺔ
ﺳﻠﻢ ﻋﻠﻴﺔ
: ﺷﻠﻮﻧﺞ ﺍﻡ ﺣﺴﻦ ﻣﻮ ﺣﻠﻮﺓ ﻣﻨﺞ ﺗﺨﻠﻴﻨﺎ ﻭﺍﻛﻔﻴﻦ ﻋﻠﻰ ﺍﻟﺒﺎﺏ
: ﺍﺳﻔﺔ ﺍﺧﻮﻳﺔ ﺑﺲ ﻣﺎﻛﻮ ﺭﺟﺎﻝ ﺑﺎﻟﺒﻴﺖ ﻭﺍﻧﺖ ﺗﻌﺮﻑ
ﺍﻻﺻﻮﻝ ﻣﺎﻳﺤﺘﺎﺝ ﺍﻋﻠﻤﻚ
: ﺍﻱ ﺻﺪﻙ ﻫﻢ ﺻﺤﻴﺢ ﻛﻼﻣﺞ
ﺍﻧﺎ ﺍﺟﻴﺖ ﻟﺤﺘﻰ ﺍﺷﻮﻑ ﺍﺑﻦ ﺍﺧﻮﻱ
ﻭﺳﻤﻌﺖ ﺑﻴﺞ ﻣﺎ ﺗﻘﺒﻠﻴﻦ ﻧﺎﺧﺬﺓ ﻋﺪﻧﺎ
ﺗﺮﺓ ﺑﻴﺖ ﺍﺑﻮﻩ ﺍﻭﻟﻰ ﺑﻲ ﻣﻦ ﺣﻴﺎﺓ ﺍﻟﺒﻬﺬﻟﺔ ﺍﻟﻲ ﻋﺎﻳﺸﻬﺎ
ﻭﺍﻧﺎ ﻣﺎ ﻳﺼﺮﻓﻠﻲ ﺍﻟﻲ ﺳﻤﻌﺘﺔ ﺍﻧﺘﻮ ﻛﻞ ﻳﻮﻡ ﺑﺪﻳﺮﺓ ﻣﺘﻬﺠﺮﻳﻦ
ﻋﻠﻤﻮﺩ ﻣﻄﻠﻮﺑﻴﻦ ﺛﺎﺭ ﻭﺍﻧﺎ ﺍﺧﺎﻑ ﻋﻠﻰ ﺍﺑﻦ ﺍﺧﻮﻱ
ﺗﺮﺿﻴﻬﺎ ﻳﺼﻴﺮ ﻋﻠﻴﻪ ﺷﻲ
ﻋﺰﺓ ﺑﻌﻴﻨﻲ ﻫﺬﺍ ﻳﻌﺮﻑ ﻛﻠﺸﻲ ﻋﻦ ﺣﻴﺎﺗﻨﺎ
: ﻻ ﻣﺎ ﺍﺭﺿﺎﻫﺎ ﺑﺲ ﺣﺴﻦ ﻫﺴﺔ ﻫﻮ ﺑﺎﻣﺎﻥ ﻫﻨﺎ ﻭﻣﺎ ﻋﻠﻴﻪ ﺷﻲ ﻭﺍﻥ ﺷﺎﺀ ﺍﻟﻠﻪ ﻣﺎﻛﻮ ﻓﺮﻕ ﻳﺘﺮﺑﺔ ﻋﺪﻧﺎ ﺍﻭ ﻋﺪﻛﻢ ﻛﻠﻬﺎ ﻧﻔﺲ ﺍﻟﻨﺎﺱ ﻭﺍﻻﻫﻞ
ﻛﻠﺖ ﺍﺣﺠﻲ ﻭﻳﺎﻩ ﺑﺎﻟﻠﻴﻦ ﺑﻠﻜﻲ ﻳﺤﻦ ﻭﻳﻘﺒﻞ ﻳﺨﻠﻲ ﻋﻨﺪﻱ
: ﻻ ﺍﻛﻮ ﻫﻮﺍﻱ ﻓﺮﻕ ﺷﻨﻮ ﺗﺮﺩﻳﻦ ﺍﻟﻨﺎﺱ ﺗﺎﻛﻞ ﻭﺟﻬﻨﺎ ﻭﻳﻜﻮﻟﻮﻥ ﺗﺎﺭﻛﻴﻦ ﻟﺤﻤﻬﻢ ﻳﺮﺑﻰ ﺑﻴﻦ ﺍﻟﻐﺮﺏ
ﻭﺍﻧﺎ ﻣﺜﻠﻤﺎ ﺗﻌﺮﻓﻴﻦ ﻋﻨﺪﻱ ﻭﻳﺔ ﻋﺸﻴﺮﺓ ﺍﻟﺸﻴﺦ ﻣﺰﺍﺣﻢ ﻫﻮﺍﻱ ﻃﻼﻳﺐ ﻭﻣﺎﻳﺼﻴﺮ ﺍﺧﻠﻴﻬﻢ ﻳﺮﺑﻮﻥ ﺍﺑﻦ ﺍﺧﻮﻱ
: ﻻ ﻋﻔﻴﺔ ﺍﻧﻲ ﺷﻠﻲ ﺩﺧﻞ ﺑﻌﺸﻴﺮﺓ ﺍﻟﺸﻴﺦ ﻣﺰﺍﺣﻢ ﺗﺮﺓ ﺍﻟﻠﻪ
ﻭﻛﻴﻠﻚ ﺍﺣﻨﺎ ﻣﻦ ﻏﻴﺮ ﻋﺸﻴﺮﺓ
: ﻻ ﻳﺎﺑﻮﻱ ﺍﻧﺘﻲ ﺷﻠﻮﻥ ﺷﻠﺞ ﻏﺮﺽ ﻭﺍﻧﺘﻲ ﻛﺎﻋﺪﺓ ﺑﻨﺼﻬﻢ ﻭﻋﻤﺞ ﻣﻨﺎﺳﺒﻬﻢ ﺟﺎ ﺷﻠﻮﻥ ﺑﻌﺪ ﺗﺼﻴﺮ ﺍﻟﻌﺸﺮﺓ
ﻃﺒﻌﺎ ﻫﻮ ﻳﺤﺠﻲ ﻭﻋﻴﻮﻧﺔ ﻣﻨﺰﻟﺖ ﻣﻦ ﻋﻠﻴﺔ ﺑﺤﻴﺚ ﺷﻜﻜﻨﻲ
ﺍﻧﻲ ﻣﻼﺑﺴﺔ ﺍﻟﺸﺎﻝ ﻋﺪﻝ ﺍﻭ ﻫﺪﻭﻣﻲ ﻣﻮ ﻣﺴﺘﻮﺭﺍﺕ
ﻛﻌﺪﺕ ﺍﻋﺪﻝ ﺑﺸﺎﻟﻲ ﻛﻨﺖ ﻻﺑﺴﺔ ﺩﺷﺪﺍﺷﺔ ﺛﻼﺙ ﺍﺭﺑﺎﻉ ﺍﻟﺮﺩﻥ ﻭﻃﺎﻟﻊ ﺭﺑﻊ ﻣﻦ ﺍﻳﺪﻱ
ﺍﺑﺎﻭﻉ ﻋﻠﻴﻪ ﺣﺘﻰ ﻣﻦ ﺭﻓﻌﺖ ﺍﻳﺪﻱ ﺍﻋﺪﻝ ﺍﻟﺸﺎﻝ
ﺍﻧﺮﻓﻌﺖ ﻋﻴﻨﻪ ﻭﻳﺎﻫﺎ
ﺧﺮﺏ ﻫﺬﺍ ﺷﻜﻠﺔ ﻣﺮﻛﺰ ﻭﻳﺔ ﻛﻞ ﺣﺮﻛﺔ
ﻫﻤﺲ ﺑﺼﻮﺕ ﻏﻴﺮ ﻣﺴﻤﻮﻉ ﻻﻣﻲ ﺍﻟﻮﺍﻛﻔﺔ ﺑﻘﺮﺑﻲ
: ﻭﻟﺞ ﺷﻨﻮ ﻫﺎﻱ ﺍﻳﺪ ﻟﻮ ﻛﻴﻤﺮ ﻣﻦ ﺍﺣﺘﺮﻛﻮ
ﺭﺟﻌﺖ ﻟﻠﺨﻠﻒ ﻣﻦ ﺍﺛﺮ ﺍﻟﺼﺪﻣﺔ
ﻭﺍﻟﻠﻪ ﻣﺠﻨﺖ ﻣﺘﻮﻗﻌﺔ ﺭﺍﺡ ﻳﻄﻠﻊ ﻣﻦ ﻋﻨﺪﺓ ﻫﻴﺞ ﻛﻼﻡ
ﻻﻥ ﺍﻧﻲ ﺍﺑﺪ ﻣﺎ ﺑﺪﺭ ﻣﻨﻲ ﺍﻱ ﺗﺼﺮﻑ ﻳﺸﺠﻌﺔ ﻋﻠﻰ ﺗﻘﻠﻴﻞ
ﺍﻻﺩﺏ ﻭﻳﺎﻱ ﻟﻜﻦ ﺷﻜﻞ ﺍﻟﺠﻠﺐ ﻳﻈﻞ ﻃﻮﻝ ﻋﻤﺮﺓ ﺫﻳﻠﺔ ﺍﻋﻮﺝ ﻭﺟﺎﺳﻢ ﺍﻋﻮﺝ
ﺑﺲ ﻣﻮ ﻫﻨﺎ ﺍﻟﻤﺼﻴﺒﺔ ﺍﻟﻤﺼﻴﺒﺔ
ﻣﻦ ﻛﻤﺰﻧﺎ ﺍﺛﻨﻴﻨﺎ ﻋﻠﻰ ﺻﻮﺕ ﺧﺸﻦ
ﻫﺰ ﺳﻜﻮﻥ ﺍﻟﻤﻜﺎﻥ ﻫﺰ
ﻋﺰﺯﺓ ﻫﺬﺍ ﺛﺎﺋﺮ ﺷﺠﺎﺑﺔ ﻟﻬﻨﺎ ﺣﻈﻲ ﺍﻟﻤﺼﺨﻢ
: ﻭﻟﻚ ﺟﺎﺍﺍﺍﺍﺍﺳﻢ ﺷﺠﺎﺑﻚ ﻫﻨﺎ ﻭﻣﻨﻮ ﺳﻤﺤﻠﻚ
ﺗﻌﺘﺐ ﺩﺍﺭﻧﺎ ﻭﺷﻌﻨﺪﻙ ﻭﺍﻛﻒ ﻭﻳﺔ ﺳﻬﻮﺓ
ﺟﺎﻥ ﻳﺤﺠﻲ ﻭﻋﻴﻮﻧﺔ ﻳﺮﺩﻥ ﻳﻄﻠﻌﻦ ﻣﻦ ﻣﻜﺎﻧﻬﻢ
...
ﻓﺘﺢ ﺍﻟﺒﻮﺍﺏ
ﺍﻟﺒﺎﺏ ﺍﻟﺮﺋﻴﺴﻲ ﻭﺩﺧﻠﺖ ﺑﺴﻴﺎﺭﺗﻲ ﻭﻭﻣﺮﻳﺖ ﻣﻦ ﻳﻢ ﺑﺎﺏ ﺑﻴﺖ ﻋﻤﻲ ﻗﺎﺳﻢ ﺍﺟﻴﺖ ﺍﺗﺨﺒﻞ ﻣﻦ ﻟﺠﺤﺖ ( ﺷﻔﺖ )
ﺟﺎﺳﻢ ﻭﺍﻛﻒ ﻳﻢ ﺑﺎﺏ
ﺑﻴﺖ ﻋﻤﻲ ﻧﺎﺻﺮ ﻭﺯﺍﺩ ﺟﻨﺎﻧﻲ ﻣﻦ ﺷﻔﺖ ﺳﻬﻰ ﻃﺎﻟﻌﺔ ﺗﺤﺠﻲ ﻭﻳﺎﻩ ﻭﻗﻔﺖ ﺍﻟﺴﻴﺎﺭﺓ ﻭﻧﺰﻟﺖ ﻣﻦ ﺍﻟﺴﻴﺎﺭﺓ ﺑﺪﻭﻥ ﻭﻋﻲ ﺭﻛﻀﺖ ﻋﻠﻰ ﺟﺎﺳﻢ
ﻣﻮ ﻫﻨﺎ ﺍﻟﻘﻬﺮ ﺍﺟﻴﺖ ﺍﻧﺠﻠﻂ ﻣﻦ ﺳﻤﻌﺘﺔ ﻳﻐﺎﺯﻟﻬﺎ
ﻭﻫﻲ ﺭﺍﻓﻌﺔ ﺍﻳﺪﻫﺎ ﻃﺎﻟﻌﺔ ﻧﺼﻬﺎ ﺑﻨﺖ ﺍﻻﻭﺍﺩﻡ
ﺣﺮﺕ ﻣﺎ ﺍﻋﺮﻑ ﺷﺴﻮﻱ
ﺍﺿﻤﻬﺎ ﻣﻦ ﻋﻴﻮﻥ ﺍﻟﻨﺠﺲ ﻟﻮ ﺍﻛﺴﺮ ﺍﺩﻳﻬﺎ ﺍﻟﻔﺎﻫﻴﺔ
ﺭﺣﺖ ﻋﻠﻴﻪ ﺑﺪﻭﻥ ﻣﻘﺪﻣﺎﺕ ﻛﺒﻞ ﺟﺮﻳﺘﺔ ﻣﻦ ﻳﺎﺧﺔ ﺛﻮﺑﻪ
ﻭﻧﺰﻟﺖ ﺑﻲ ﺿﺮﺏ ﺑﺪﻭﻥ ﻣﺎ ﺍﻋﺮﻑ ﺍﻟﻤﻦ ﺟﺎﻱ ﻭﺷﻴﺴﻮﻱ ﻫﻨﺎ ﻭﺷﻌﻨﺪﺓ ﻭﻳﺔ ﺳﻬﻰ ﻛﻤﺖ ﻣﺎ ﺍﺷﻮﻑ ﺩﺭﺑﻲ
ﺳﻤﻌﺖ ﺻﻮﺕ ﻋﻤﺘﻲ ﻣﻨﺘﻬﻰ
: ﻭﻟﻚ ﻋﻤﺔ ﺛﺎﺋﺮ ﺍﻭﻛﻒ ﺗﺮﺓ ﻫﺬﺍ ﺣﻤﺎ ﺳﻬﻰ ﻭﺟﺎﻱ ﻳﺎﺧﺬ ﺍﺑﻦ ﺍﺧﻮﻩ
ﻛﺎﻥ ﻛﻼﻡ ﻋﻤﺘﻲ ﻣﺜﻞ ﺍﻟﻀﺮﺑﺔ ﻋﻠﻰ ﻭﺟﻬﻲ ﺍﻧﺼﺪﻣﺖ
ﻫﺎﻱ ﺷﻨﻮ ﻣﻌﻘﻮﻟﺔ ﺍﻛﻮ ﻫﻴﺞ ﺷﻲ
ﺷﺠﺎﺏ ﺟﺎﺳﻢ ﻋﻠﻰ ﺳﻬﻰ ﻭﺷﻠﻮﻥ ﺍﻟﺪﺭﻭﺏ ﺍﻟﺘﻘﺖ
: ﻭﺍﺫﺍ ﻋﻢ ﺣﺴﻦ ﻟﻴﺶ ﻫﻮ ﻣﻮ ﻳﺪﺭﻱ ﺍﺣﻨﺎ ﻣﺤﺮﻣﻴﻦ ﻋﻠﻴﻪ
ﺩﺧﻮﻝ ﺍﻟﺴﻠﻒ ﻻ ﻭﺑﻌﺪ ﺑﻜﻞ ﺻﻼﻓﺔ ﺟﺎﻱ ﻟﻌﻨﺪ ﺑﻴﺘﻨﺎ
ﻣﻨﻮ ﺳﻤﺤﻠﻚ ﺗﺘﺠﺮﺍﺀ
ﻧﺘﺮ ﺍﻳﺪﻱ ﻭﺩﻓﻌﻨﻲ ﻭﺻﺮﺕ ﺍﺗﻼﻭﺓ ﻭﻳﺎﻩ
ﻛﺎﻥ ﻫﻮ ﻣﺎ ﻗﺎﺻﺮ ﻫﻢ ﻗﻮﻱ ﺍﻟﺒﻨﻴﺔ ﻭﻭﻛﻌﻨﺎ ﺳﻮﻳﺔ ﺑﺎﻟﻜﺎﻉ
ﻭﺻﺮﻧﺎ ﺗﻤﺮﻏﻞ ﺑﺎﻟﺘﺮﺍﺏ ﺭﺩﺕ ﺍﺑﺮﺩ ﮔﻠﺒﻲ ﻣﻨﺔ
ﺷﻠﻮﻥ ﻳﺘﺠﺮﺀ ﻭﻳﺤﺠﻲ ﻭﻳﺔ ﺳﻬﻮﺓ ﻫﻴﺞ
ﻭﻟﻚ ﻫﺎﻱ ﻣﺎﻟﺘﻲ ﻫﺎﻱ ﻣﻠﻜﻲ
ﺳﻤﻌﺖ ﻋﻴﺎﻁ ﻋﻤﺘﻲ ﻭﺍﺟﺖ ﺍﻟﺰﻟﻢ ﺗﺘﺮﺍﻛﺾ ﺍﻧﺎ
ﺑﺎﻟﻲ ﻣﻮ ﻳﻤﻬﻢ ﻛﺎﻥ ﺑﺎﻟﻲ ﻭﻋﻘﻠﻲ ﻛﻠﺔ ﻳﻢ ﻫﺬﺍ
ﺟﺎﺳﻢ
ﺣﺴﻴﺖ ﻋﻠﻰ ﺍﻟﻮﻟﺪ ﺻﺎﺭﻭ ﻳﻔﻜﻮﻧﺎ
ﻛﻮﺓ ﺳﺤﺒﻮﻧﻲ ﻋﻨﺔ ﻭﺩﻓﻌﻨﻲ ﻧﺎﺻﺮ ﻭﺻﺎﺭ ﺣﺎﺟﻮﺯ
ﺑﻴﻨﻲ ﻭﺑﻴﻦ ﺟﺎﺳﻢ ﺍﻟﻲ ﻳﺮﻳﺪ ﻳﺮﺟﻊ ﻳﻬﺪ ﻋﻠﻴﺔ
: ﻭﻟﻚ ﻧﺎﺻﺮ ﺭﺣﻤﺔ ﻋﻠﻰ ﻭﺍﻟﺪﻳﻚ ﻋﻮﻓﻨﻲ ﻋﻠﻴﻪ ﺑﻌﺪﻧﻲ ﻣﺎ ﺑﺮﺩ ﻛﻠﺒﻲ ﻣﻨﺔ
ﺟﺎﺳﻢ : ﺛﺎﻳﺮ ﻭﺍﻟﻠﻪ ﺍﺣﻄﻤﻚ ﻭﺍﻛﺴﺮ ﺭﺍﺳﻚ
ﺛﺎﺋﺮ ﺍﻟﻲ ﺻﺎﺭ ﻳﺪﻓﻊ ﺑﺎﻟﻮﻟﺪ ﻋﺪﻱ ﻭﻧﺎﺻﺮ ﺍﻟﻲ ﻭﺍﻛﻔﻴﻦ ﻛﺪﺍﻣﻪ
: ﺧﺎﻳﺐ ﻳﺎﻟﻌﺎﺭ ﺗﻜﺴﺮ ﺭﺍﺱ ﻣﻨﻮ ﺧﺎﻳﺐ ﺩﺗﻌﺎﻝ
ﻭﺧﻤﻄﺘﺔ ﻣﻦ ﻭﺭﺓ ﻧﺎﺻﺮ ﻭﻋﺘﻴﺖ ﺍﻟﻘﻤﻴﺺ ﻣﺎﻟﺘﺔ ﻭﺍﺟﺔ ﺑﻴﺪﻱ ﻭﺍﻧﺸﻚ ( ﺗﻤﺰﻕ )
ﻭﺭﺟﻌﺖ ﺍﻟﻌﺮﻛﺔ ﻣﻦ ﺟﺪﻳﺪ ﻭﺻﺎﺭﺕ ﻋﺠﺎﺝ ( ﺗﺮﺍﺑﺔ ﻏﺒﺎﺭ
ﺳﻤﻌﺖ ﺻﻮﺕ ﺟﺪﻱ ﻭﺍﻧﺘﺒﻬﺖ ﻋﻠﻰ ﺍﺧﻮ ﺟﺎﺳﻢ ﺍﺟﺔ
ﻭﻫﺎﻱ ﺍﻟﻔﺎﻫﻴﺔ ﺑﻌﺪﻫﺎ ﻭﺍﻛﻔﺔ ﺑﺎﻟﺒﺎﺏ ﻭﺣﺎﻃﺔ ﺍﻳﺪﻫﺎ ﻋﻠﻰ ﺻﺪﺭﻫﺎ
ﺍﺍﺍﺍﺍﺍﺥ ﺍﻟﻠﻪ ﻣﻦ ﺍﺣﺘﺮﻛﺖ ﻋﺸﻴﺮﺗﻚ ﻳﻘﺎﺳﻢ ﻋﻠﻰ ﻫﺎﻟﺒﻠﻮﺓ
ﺷﻔﺘﻬﻢ ﻣﻠﺘﻤﻴﻦ ( ﻣﺘﺠﻤﻌﻴﻦ ) ﻭﻳﺤﺠﻮﻥ ﻭﺍﻧﺎ ﺭﺣﺖ ﺍﺗﻜﺄﺕ ﻋﻠﻰ ﺳﻴﺎﺝ ﺑﻴﺖ ﻗﺎﺳﻢ ﻗﺮﻳﺐ ﻋﺎﻟﺒﺎﺏ
ﻭﻟﺰﻣﺖ ﻣﺘﻨﻲ ( ﺍﻟﺰﻧﺪ ) ﺣﺴﻴﺖ ﺑﺎﻻﻟﻢ ﺷﻜﻠﻲ ﺍﻛﻠﺖ
ﺿﺮﺑﺔ ﻗﻮﻳﺔ ﻋﻠﻴﻪ
ﻭﻫﻤﺴﺖ ﺑﺼﻮﺕ ﻣﺴﻤﻮﻉ ﺑﺲ ﻟﺴﻬﻰ
: ﻭﻟﺞ ﻳﺴﻬﻮﺓ ﺗﺪﺧﻠﻴﻦ ﺟﻮﺓ ﻟﻠﺒﻴﺖ ﻻ ﺗﺮﺓ ﻭﺍﻟﻠﻪ
ﺍﻃﻠﻊ ﺣﺮﻛﺔ ﻛﻠﺒﻲ ﻛﻠﻬﺎ ﺑﻴﺞ ﻭﺍﺭﺗﻜﺐ ﺑﻴﺞ ﺟﺮﻳﻤﺔ
ﺍﻧﺎ ﺍﻟﺞ ﺣﺴﺎﺑﻲ ﻭﻳﺎﺝ ﺑﻌﺪﻳﻦ
ﻳﺎﻟﻠﻪ ﻫﺴﺔ ﻛﺒﻞ ﺗﻔﻮﺗﻴﻦ ﻛﺪﺍﻣﻲ ﺩﺍﺧﻞ ﺍﻟﺒﻴﺖ
ﻟﺘﻈﻠﻴﻦ ﻭﺍﻛﻔﺔ ﺑﺎﻟﺒﺎﺏ ﻭﻓﺎﺗﺤﺔ ﺣﻠﻜﺞ
ﻭﺍﻟﺰﻟﻢ ﻛﻠﻬﺎ ﻫﻨﺎ ﺷﻜﻠﺞ ﻣﺘﻮﻧﺴﺔ ﻋﺎﻟﻔﺮﺟﺔ
ﻣﺎ ﺳﻤﻌﺖ ﻣﻨﻬﺎ ﺍﻱ ﻛﻠﻤﺔ ﻭﺷﻔﺘﻬﺎ ﻛﺒﻞ ﺩﺧﻠﺖ ﻭﺑﻘﺖ ﺑﺲ ﺍﻣﻬﺎ ﻭﻋﻤﺘﻲ ﻣﻨﺘﻬﻰ
ﻭﻳﺤﺠﻦ ﺑﺼﻮﺕ ﻧﺎﺻﻲ ﻭﻳﻬﺪﺋﻦ ﺍﻟﻤﻮﻗﻒ
ﺑﺲ ﺍﻧﺎ ﺑﺎﻟﻲ ﺭﺍﺡ ﻭﻏﺎﺏ ﻭﻳﺔ ﺍﻟﻲ ﺩﺧﻠﺖ ﻭﻣﺎ ﺣﻨﺖ ﻋﻠﻴﺔ
ﻭﺳﻤﻌﺘﻨﻲ ﺻﻮﺗﻬﺎ
ﺭﺩﺗﻬﺎ ﺑﺲ ﺗﺤﺠﻲ ﻭﻳﺎﻱ ﺣﺘﻰ ﻟﻮ ﺗﻌﺎﺭﻛﻨﻲ ﻣﻴﺨﺎﻟﻒ ﻗﺎﺑﻞ
ﺑﺲ ﺍﺭﻳﺪ ﺍﺳﻤﻊ ﺻﻮﺗﻬﺎ ﻭﺍﻟﻠﻪ ﺣﻨﻴﺖ ﺍﻟﻬﺔ
ﺷﻠﻮﻥ ﻳﺎﺭﺏ ﺷﻮﻛﺖ ﺗﻔﺮﺟﻬﺎ ﻋﻠﻲ
ﺣﺴﻴﺖ ﻋﻠﻰ ﻣﻨﺘﺼﺮ ﺍﺧﻮﻱ ﺍﻧﻄﺎﻧﻲ ﻛﻠﻴﻨﺲ
: ﻫﺎﻙ ﺍﻣﺴﺢ ﺣﻠﻜﻚ ﻛﻠﺔ ﺩﻡ
ﺍﻋﺎﻳﻦ ﻋﻠﻰ ﺟﺎﺳﻢ ﺍﻟﻲ ﻣﻼﺑﺴﺔ ﻣﺸﻜﻜﺔ ( ﻣﻤﺰﻗﺔ ) ﻭﻛﻠﻬﺎ ﺗﺮﺍﺏ
ﻭﺧﺸﻤﺔ ﻳﻨﺰﻑ ﺩﻡ ﻭﻭﺍﻛﻒ ﻳﻢ ﺍﺧﻮﻩ
ﺍﻟﺠﺒﻴﺮ ﺳﻤﻌﺘﺔ ﻳﺤﺠﻲ ﻭﻳﺔ ﺟﺪﻱ
ﺍﻟﺸﻴﺦ ﻣﺰﺍﺣﻢ : ﺷﻨﻲ ﺟﻮﻳﺴﻢ ﺷﻠﻮﻥ ﺗﺘﺠﺮﺀ ﻭﺗﺘﻌﺪﺓ ﻋﻠﻰ
ﺣﺮﻣﺔ ﺑﻴﺘﻨﺎ ﺷﻨﻲ ﺍﺣﻨﺎ ﻣﻮ ﺑﻌﻴﻨﻚ
ﺟﺎﺳﻢ : ﻣﺤﺸﻮﻡ ﺷﻴﺨﻨﺎ ﺍﻧﺎ ﻣﺎ ﺳﻮﻳﺖ ﺷﻲ ﻭﺍﻋﺮﻑ ﺍﻻﺻﻮﻝ
ﺩﻛﻴﺖ ﺍﻟﺒﺎﺏ ﻭﺣﺠﻴﺖ ﻭﻳﺔ ﻣﺮﺕ ﺍﺧﻮﻱ ﺍﻟﻤﺮﺣﻮﻡ ﻭﺭﺩﺕ ﺍﺷﻮﻑ ﺍﺑﻦ ﺍﺧﻮﻱ
ﺷﻨﻮ ﺑﻴﻬﺎ ﺷﻲ ﻟﻮ ﺍﻧﺎ ﻏﻠﻄﺎﻥ ؟
: ﺍﻱ ﺑﺲ ﺍﻻﺻﻮﻝ ﺗﻜﻮﻝ ﺗﻨﺘﻈﺮ ﺭﺟﺎﻝ ﺍﻟﺒﻴﺖ ﻳﺠﻲ ﻭﺗﺴﺘﺎﺫﻥ ﻣﻨﺔ ﻣﻮﺵ ﺗﺠﻲ ﻭﺗﺤﺠﻲ ﻭﻳﺔ ﺍﻟﻤﺮﺓ
ﻣﺎﻳﺠﻮﺯ ﻭﺍﻧﺎ ﺍﺑﻮﻙ
: ﺷﻴﺨﻨﺎ ﺍﻧﺎ ﺍﺳﺘﺄﺫﻧﺖ ﻣﻦ ﺍﺧﻮﺓ ﺍﻟﻤﺮﺓ ﺑﺒﻐﺪﺍﺩ ﻭﻫﻤﺔ ﻛﺎﻟﻮ ﻋﺎﺩﻱ ﺍﺧﺬ ﺍﺑﻦ ﺍﺧﻮﻙ ﻣﻦ ﺑﻴﺖ ﻋﻤﻨﺎ ﻭﺍﻧﺎ ﻣﺸﺘﺎﻗﻠﺔ
ﻭﺻﺎﺭﻟﻲ ﻫﻮﺍﻱ ﻣﺎ ﺷﺎﻳﻔﺔ
: ﺍﻱ ﺻﺪﻙ ﺍﺗﺬﻛﺮﺕ ﺗﻌﺎﻝ ﻛﻠﻲ ﺍﻧﺖ ﻣﻮﺵ ﺷﺮﺩﺕ ﻣﻦ ﺍﻟﺴﺠﻦ ﺷﻠﻮﻥ ﺍﺟﻴﺖ ﻋﻠﻴﻨﺎ
: ﻻ ﺷﺨﻴﻨﺎ ﺍﻧﺎ ﻣﻮ ﻫﺎﺭﺏ ﺍﻧﺎ ﻃﻠﻌﺖ ﺍﻓﺮﺍﺝ
ﺛﺎﺋﺮ : ﺧﺎﻳﺐ ﻭﻝ ﻣﻨﻴﻦ ﺍﺟﺎﻙ ﺍﻻﻓﺮﺍﺝ ﻭﺍﻧﺖ ﺳﺎﻟﻔﺘﻚ
ﻋﻮﺟﺔ ﺑﺲ ﻛﻮﻝ ﻃﻠﻌﻮﻙ ﺍﻟﻤﺎﻋﻨﺪﻫﻢ ﻣﺨﺎﻓﺔ ﺍﻟﻠﻪ
ﻣﺎﻛﻮ ﻏﻴﺮﻫﻢ ﺍﻟﻌﺼﺎﺑﺔ ﻫﻤﺔ ﻭﺭﺓ ﻃﻠﻌﺘﻚ ﻣﻦ ﺍﻟﺴﺠﻦ
ﺟﺎﺳﻢ : ﻭﻫﺴﺔ ﺍﻧﺖ ﺷﺘﺮﻳﺪ ﻳﺎﻫﻮ ﻳﻤﻚ
ﺷﻤﺎﻟﻚ ﻣﺤﺮﻭﻙ ﻛﻠﺒﻚ
ﺗﺮﺓ ﻭﺍﻟﻠﻪ ﺣﻠﻮﺓ ﻫﺎﻱ ﻫﺴﺔ ﻗﺎﺑﻞ ﺍﻧﺎ ﺟﺎﻱ ﺩﺍﻙ ﺑﺎﺑﻚ
ﻭﺍﻧﺖ ﻣﻨﻮ ﻳﻤﻚ ﺗﻜﻤﺰ
ﻫﺪ ﻳﺖ ﻋﻠﻴﻪ ﻣﺮﺓ ﺛﺎﻧﻴﺔ ﻭﻭﻗﻒ ﻛﺪﺍﻣﻲ ﻣﻨﺘﺼﺮ ﻛﻌﺪﺕ ﺍﺩﻓﻊ ﺑﻤﻨﺘﺼﺮ ﺍﺭﻳﺪ ﺑﺲ ﺍﻭﺻﻞ ﻟﻬﺬﺍ ﺍﻟﻌﺎﺭ ﻭﺿﻠﻴﺖ ﺍﺻﻴﺢ ﺑﺼﻮﺕ ﻋﺎﻟﻲ
: ﺑﺎﻟﻠﻪ ﺷﻮ ﺑﻌﺪ ﻣﻦ ﻛﺪﺍﻣﻲ ﺧﻠﻲ ﺍﺷﻮﻑ ﻫﺬﺍ ﺟﺎﻱ ﻳﺤﺠﻲ ﻭﻳﺎﻣﻦ
ﻭﻟﻚ ﺟﺎﺳﻢ ﻫﺎﻱ ﻋﻠﻲ ﺗﺤﺠﻲ ﺩﺻﺒﺮﻟﻲ ﻭﻟﻚ
ﺍﺩﻓﻊ ﺑﺎﻟﻮﻟﺪ ﻭﻫﻤﺔ ﻳﺼﺪﻭﻧﻲ
ﺳﻤﻌﺖ ﺻﻮﺕ ﺍﻡ ﺳﻬﻰ ﺗﺤﺠﻲ ﺑﺼﻮﺕ ﺿﻌﻴﻒ
: ﻳﻤﺔ ﺻﻠﻮ ﻋﻠﻰ ﻣﺤﻤﺪ ﻭﻫﺪﻭ ﺑﺎﻟﺮﺣﻤﻦ
ﺍﻧﻘﻬﺮﺕ ﻋﻠﻴﻬﺎ ﺣﺴﻴﺖ ﺑﻴﻬﺎ ﻣﺮﻳﺔ ﻣﺴﺎﻟﻤﺔ ﻭﺗﺨﺎﻑ ﻣﻦ ﺍﻟﻤﺸﺎﻛﻞ
ﺳﻤﻌﺖ ﺻﻮﺕ ﻋﻤﻲ ﻗﺎﺳﻢ ﻳﺤﺠﻲ ﻭﻳﺔ ﺟﺎﺳﻢ ﻭﺍﺧﻮﻩ
: ﺷﻮﻑ ﺑﻮﻳﺔ ﺍﻟﻮﻟﺪ ﻛﻀﺔ ﻛﻞ ﻫﺎﻱ ﺍﻟﺴﻨﻴﻦ ﻋﺎﻳﺶ ﺑﺤﻀﻦ ﺍﻣﺔ ﻭﺍﺗﺮﺑﻰ ﻋﻨﺪﻫﺎ ﻭﺍﺗﻌﻠﻢ ﻋﻠﻴﻬﺎ ﺗﺮﺓ ﻭﺍﻛﻔﺔ ﺗﺠﻲ ﺍﻧﺖ
ﻫﺴﺔ ﻭﺗﻄﺎﻟﺐ ﺑﻲ ﻳﺘﺮﻙ ﺍﻣﺔ ﻭﻳﻌﻴﺶ ﻭﻳﺎﻙ
ﺍﺗﻘﺪﻡ ﺍﻟﺸﻴﺦ ﻣﺰﺍﺣﻢ
: ﻛﻼﻡ ﻗﺎﺳﻢ ﺻﺤﻴﺢ ﻭﻣﺎﻋﻠﻴﻪ ﻏﺒﺎﺭ
ﺷﻮﻑ ﺑﻮﻳﺔ
ﺗﺮﺩﻭﻥ ﺗﺎﺧﺬﻭﻥ ﺍﺑﻨﻜﻢ ﺣﺘﻰ ﺗﺸﻮﻓﻮﻧﺎ
ﻭﺑﻴﻘﻰ ﻋﻨﺪﻛﻢ ﻛﻢ ﻳﻮﻡ ﻭﺗﺮﺟﻌﻮﻧﺔ ﺍﻫﻼً ﻭﺳﻬﻼً
ﻻ ﻭﺍﻟﻠﻪ ﻣﺎ ﻛﻮ ﻣﻌﺠﺒﻜﻢ ﺍﻟﺤﺠﻲ
ﺑﻮﻳﺔ ﻣﻦ ﻫﺴﺔ ﺍﻛﻠﻜﻢ ﺍﻟﺒﺎﺏ ﻳﻮﺳﻊ ﺟﻤﻞ
ﻭﺍﻟﻮﻟﺪ ﻣﺎ ﺗﺎﺧﺪﻭﻩ ﻣﻦ ﺣﻀﻦ ﺍﻣﺔ
ﻟﻮ ﻧﻌﺮﻑ ﻧﺴﻮﻳﻬﺎ ﺩﻡ ﻟﻠﺮﺟﺎﺏ
ﺣﺠﺔ ﺍﺧﻮ ﺟﺎﺳﻢ ﺍﻟﺠﺒﻴﺮ
: ﻫﺬﺍ ﻫﻮ ﺷﻴﺨﻨﺎ ﺍﻧﺖ ﺷﺘﻔﺼﻞ ﺍﺣﻨﺎ ﻧﻠﺒﺲ
ﻗﺎﺑﻠﻴﻦ ﺑﺤﻜﻤﻚ ﺍﺑﻨﺎ ﻧﺎﺧﺬﺓ ﻧﺸﻮﻓﺔ ﻭﻧﺮﺟﻌﺔ ﻷﻣﺔ
ﺍﻋﺬﺭﻧﺎ ﺗﺮﺓ ﺍﻧﺖ ﺗﻌﺮﻑ ﻫﺬﺍ ﻣﻦ ﺭﻳﺤﺔ ﺍﻟﻐﺎﻟﻲ
ﺟﺎﺳﻢ : ﺷﻨﻮ ﺷﺨﻴﻨﺎ ﻫﺬﺍ ﺑﻴﺎﻗﺎﻧﻮﻥ ﺗﺤﻜﻢ
ﺗﺮﺓ ﺍﻟﻮﻟﺪ ﻣﺮﺩﺓ ﻻﻫﻞ ﺍﺑﻮﻩ ﺍﺣﻨﺎ ﻣﺎ ﻃﺎﻟﺒﻴﻦ ﺷﻲ ﻏﻴﺮ ﺣﻜﻨﺎ ( ﺣﻘﻨﺎ )
ﺛﺎﺋﺮ ﺑﻜﻞ ﺣﻘﺪ : ﺟﺎﺳﻢ ﺟﻨﻚ ﻧﺴﻴﺖ ﻫﻨﺎ ﺍﺣﻨﺎ ﺍﻟﻘﺎﻧﻮﻥ
ﻭﺍﻟﺸﻴﺦ ﻣﺰﺍﺣﻢ ﺷﻨﻮ ﻳﺤﻜﻢ ﺍﻧﺖ ﻭﻋﺸﻴﺮﺗﻚ ﻛﻠﻬﺎ ﺗﻨﻔﺬﻭﻥ
ﺟﺎﺳﻢ : ﻻ ﻳﺜﺎﺋﺮ ﻏﻠﻄﺎﻥ ﺍﺫﺍ ﻫﻴﺞ ﺍﻟﺤﺠﻲ ﻭﺻﺎﺭﺕ ﻣﺜﻞ ﺍﻟﻐﺎﺑﺔ ﻭﺍﻟﻘﻮﻱ ﻳﺎﺧﺬ ﺍﻟﺮﺟﻴﺞ ( ﺍﻟﻀﻌﻴﻒ )
ﺟﺎ ﺑﺴﻴﻄﺔ ﺑﺎﺕ ﺍﻟﻤﺤﻴﺒﺲ
ﻭﺧﻠﻲ ﺍﺑﻨﺎ ﻋﻨﺪﻛﻢ ﺑﺲ ﻻ ﺗﺘﻔﺎﺟﺌﻮﻥ .
ﺑﺎﻟﻲ ﺭﺍﺡ ﻳﺠﻴﻜﻢ
: ﺍﻱ ﻫﺴﺔ ﺑﺪﺓ ﺍﻟﺤﺠﻲ ﻳﺤﻠﻰ
ﺍﻃﻠﻊ ﻣﻦ ﺍﻟﻮﻛﺮ ﻭﻃﻠﻊ ﻣﺨﺎﻟﺒﻚ ﻻﺗﻈﻞ ﺗﻤﺜﻞ ﺩﻭﺭ ﺍﻟﺼﺎﻟﺢ
ﻣﺎ ﻳﻠﻮﻙ ﻋﻠﻴﻚ ﺛﻮﺏ ﺍﻟﻮﻗﺎﺭ
ﺑﻴﻦ ﻋﻠﻰ ﺣﻘﻴﻘﺘﻚ ﻭﺍﺟﻤﻊ ﻋﺼﺎﺑﺘﻚ ﻭﺣﺎﻭﻝ ﻋﻠﻰ ﻛﺪ ﻣﺎ ﺗﻜﺪﺭ
ﺑﺲ ﺻﺪﻛﻨﻲ ﻣﺎ ﺭﺍﺡ ﺗﻄﻮﻝ ﺍﻇﻔﺮ ﻣﻦ ﺍﻟﻮﻟﺪ ﻣﺎ ﺩﺍﻡ ﺍﻧﺎ ﻋﺎﻳﺶ
: ﻭﺍﻧﺖ ﺷﻨﻮ ﺩﺧﻠﻚ ﺑﺎﻟﺴﺎﻟﻔﺔ ﻟﻮ ﺗﺘﻤﺮﻏﻞ ﺑﺪﻡ ﺍﻟﻤﺠﺎﺗﻴﻞ
ﺍﻧﺘﺒﻬﺖ ﻋﻠﻰ ﺍﺧﻮﻩ ﻟﺰﻣﺔ
: ﺍﻭﻛﻒ ﻳﺠﺎﺳﻢ ﺗﺮﺓ ﺍﺗﻌﺪﻳﺖ ﺣﺪﻭﺩﻙ
ﺍﻟﺘﻔﺖ ﻋﻠﻰ ﺟﺪﻱ ﻭﻛﻤﻞ
ﻧﺮﺟﻮ ﻣﻨﻜﻢ ﺍﻟﺴﻤﺎﺡ ﻭﻋﺬﺭﻭ ﺍﺧﻮﻱ ﻣﻘﻬﻮﺭ ﻻﻥ ﺻﺎﺭﻟﺔ ﻫﻮﺍﻱ ﻣﺎ ﺷﺎﻑ ﺍﺑﻦ ﺍﻟﻤﺮﺣﻮﻡ ﻭﻛﻠﺒﺔ ﻃﺎﻙ ﻋﻠﻴﻪ
ﻭﺍﺧﺬﻭﻫﺎ ﻛﻠﻤﺔ ﻣﻨﻲ ﺍﺑﻦ ﺍﻟﻤﺮﺣﻮﻡ ﺍﻟﻴﻮﻡ ﻧﺎﺧﺬﺓ ﻭﺑﻌﺪ ﻳﻮﻣﻴﻦ ﻧﺮﺟﻌﺔ
ﻗﺎﺳﻢ : ﺍﺭﻳﺪ ﻣﻨﻚ ﻭﻋﺪ ﻭﻛﻠﻤﺔ ﺭﺟﺎﻝ
: ﺍﻭﻋﺪﻙ ﺍﺭﺟﻌﺔ ﻟﺤﻀﻦ ﺍﻣﺔ ﻭﻋﺪ ﺭﺟﺎﻝ
.....
ﺍﺗﻔﻘﻮ ﻭﺍﻧﺘﻬﺖ ﺍﻟﺴﺎﻟﻔﺔ
ﻭﺍﺧﺬﻭ ﺣﺴﻦ ﻣﻨﻲ
ﺑﻌﺪ ﻣﺎ ﻛﻌﺪ ﻋﻤﻮ ﻗﺎﺳﻢ
ﻭﻧﺎﺻﺮ ﻳﻘﻨﻌﻮﻥ ﺑﻴﺔ ﺣﺘﻰ ﺍﺧﻠﻲ ﺣﺴﻦ ﻳﺮﻭﺡ ﻭﻳﺔ ﻋﻤﺎﻣﻪ ﺑﺲ ﻣﻮ ﺑﻴﺪﻱ ﻭﺍﻟﻠﻪ ﺧﺎﻳﻔﺔ ﻣﺎ ﺍﻛﺪﺭ ﻳﻤﻜﻦ ﻳﺎﺧﺬﻭﻧﺔ ﻭﻣﺎ ﻳﺮﺟﻌﻮﻧﺔ ﺍﻟﻲ ﺑﺲ ﻻ ﻋﻤﻮ ﻗﺎﺳﻢ ﻭﻋﺪﻧﻲ ﻳﺮﺟﻌﻠﻲ ﺍﺑﻨﻲ
ﻟﺤﻀﻨﻲ
ﻭﺩﻋﺖ ﺣﺴﻦ ﻭﻭﺻﺘﺔ ﻳﺪﻳﺮ ﺑﺎﻟﺔ ﻋﻠﻰ ﻧﻔﺴﺔ
ﻭﻳﺤﺬﺭ ﻣﻦ ﻋﻤﺔ ﺟﺎﺳﻢ
ﻭﺻﺮﺕ ﺍﺑﻮﺱ ﻭﺍﺣﻀﻦ ﺑﻲ ﺑﺎﻟﺒﺎﺏ ﺍﻟﺮﺋﺴﻲ
ﻭﻛﺎﻧﺖ ﻏﺎﻓﻠﺔ ﻋﻦ ﺍﻟﻌﻴﻮﻥ ﺍﻟﻲ ﻛﺎﻧﺖ ﺗﺮﺍﻗﺒﻬﺎ ﺑﻐﻴﺮﺓ
ﺷﻠﻮﻥ ﺗﺤﻀﻦ ﺍﺑﻨﻬﺎ ﺍﻣﺎﻡ ﻋﻴﻨﺔ ﻭﺗﺒﻮﺱ ﺑﻲ
ﺍﺫﺍ ﺍﻛﻮﻝ ﻭﺻﻠﺖ ﺑﻴﺔ ﺍﻟﻐﻴﺮﺓ ﻋﻠﻴﻬﺎ ﺣﺘﻰ ﻣﻦ ﺍﺑﻨﻬﺎ
ﺭﺍﺡ ﺗﻜﻮﻟﻮﻥ ﻫﺬﺍ ﻳﺒﺎﻟﻎ
ﺑﺲ ﻣﻮ ﺑﻴﺪﻱ ﻛﺎﻧﺖ ﺑﻌﻴﻮﻧﻬﺎ ﻧﻈﺮﺓ ﺣﻨﺎﻥ ﻭﺧﻮﻑ ﻋﻠﻰ ﺍﺑﻨﻬﺎ ﺍﺗﻤﻨﻴﺖ ﻫﺎﻱ ﺍﻟﻨﻈﺮﺍﺕ ﻛﻠﻬﺎ ﺍﻟﻲ ﺗﺼﻴﺮ
ﺭﺩﺗﻬﺎ ﺗﺮﻓﻊ ﻋﻴﻨﻬﺎ ﻭﺗﺸﻮﻓﻨﻲ ﺑﺲ ﻭﻳﻦ ﻫﻲ ﺭﺍﻳﺤﺔ ﺑﻐﻴﺮ ﻋﺎﻟﻢ ﻭﺣﻘﻬﺎ ﺍﺑﻨﻬﺎ ﺭﺍﺡ ﻳﺎﺧﺬﻭﻧﺔ ﻣﻦ ﺣﻀﻨﻬﺎ ﻣﻮ ﺷﻮﻳﺔ
ﺑﺲ ﻳﺎ ﻭﻳﻠﺔ ﺍﻟﻲ ﻳﺤﺎﻭﻝ ﻳﺤﺰﻥ ﺳﻬﻮﺓ ﺛﺎﻳﺮ
ﺍﻧﺎ ﺍﻟﺔ ﺑﺎﻟﻤﺮﺻﺎﺩ ﻭﺭﺍﺡ ﺍﻇﻞ ﻭﺭﺍﻩ ﻟﺤﺪ ﻣﺎ ﺍﺟﻴﺒﺔ ﻣﻨﻬﻢ
ﻭﺍﺭﺟﻌﺔ ﻟﺤﻀﻨﻬﺎ
ﺩﺧﻠﻨﺎ ﻟﻠﺒﻴﺖ
ﻭﺍﻧﺘﺒﻬﺖ ﻋﻠﻰ ﻋﺪﻱ ﺍﺧﻮﻱ ﺩﺧﻞ ﻭﻳﺎﻧﺔ ﻭﻫﺎﻱ ﻣﻮ ﻣﻦ ﻋﻮﺍﻳﺪﻩ ﻳﻔﻮﺕ ﻋﻠﻰ ﺑﻴﺖ ﻋﻤﻲ ﻗﺎﺳﻢ
ﻟﻜﻦ ﺑﻌﺪ ﺍﻟﻲ ﺳﻤﻌﺘﺔ ﻋﻨﺔ ﺭﻏﻢ ﺍﻧﺎ ﻭﻳﺎﻩ ﻋﻼﻗﺘﻨﺎ ﺧﺮﺑﺖ
ﺑﺲ ﺗﺒﻘﻰ ﺗﻮﺻﻠﻨﻲ ﺍﺧﺒﺎﺭﻩ
ﻭﻋﺮﻓﺖ ﺍﻥ ﻫﻮ ﻫﺎﻭﻱ ﻋﺬﺭﺍﺀ ﻭﻫﻮ ﻳﺠﻬﻞ ﺍﻣﺮﻫﺎ
ﻭﻛﺎﻥ ﺟﺪﻱ ﻋﻠﻰ ﻋﻠﻢ ﺑﻌﺪﻱ ﺣﺐ ﻋﺬﺭﺍﺀ ﻣﻦ ﺍﻭﻝ ﻳﻮﻡ ﺷﺎﻓﻪ ﻳﻌﺎﻳﻦ ﻋﻠﻰ ﻋﺬﺭﺍﺀ ﺑﻨﻈﺮﺓ ﻋﺸﻚ
ﻫﻬﻬﻬﻬﻬﻬﻪ ﺍﺛﺎﺭﻱ ﻃﻠﻊ ﺟﺪﻱ ﻣﻮﺵ ﻫﻴﻦ
ﻃﺒﻌﺎً ﺍﺑﻮﻱ ﻟﺤﺪ ﻫﺬﺍ ﻳﻮﻣﻲ ﻣﺎ ﺍﻋﺎﻳﻦ ﻋﻠﻴﻪ ﻭﻻ ﺍﺣﺠﻲ ﻭﻳﺎﻩ ﺻﻌﺒﺔ ﺍﻋﺎﻗﺐ ﺍﺑﻮﻱ ﻭﺍﺻﻴﺮ ﻋﺎﻕ
ﺑﺲ ﺻﺮﺕ ﻛﻠﺶ ﺑﺎﺭﺩ ﻭﻳﺎﻩ ﺑﺘﻌﺎﻣﻠﻲ
ﻭﺗﺼﺮﻓﺎﺗﻲ ﺗﺸﻬﺪ ﻋﻠﻰ ﺫﻟﻚ ﺍﻋﺎﻳﻦ ﻋﻠﻴﻪ ﻳﺤﺎﻭﻝ ﻳﺮﺩ
ﺍﻻﻣﻮﺭ ﻟﻮﺿﻌﻬﺎ ﺍﻟﺴﺎﺑﻖ ﺑﺲ ﻭﻳﻦ ﻫﻴﻬﺎﺕ ﮔﻠﺒﻲ ﺑﻌﺪﺓ ﻣﻠﺠﻮﻡ ﻣﻦ ﺳﻮﺍﻳﺘﻬﻢ ﻭﻳﺎﻱ
ﺍﻡ ﺳﻬﻰ ﻭﻫﻲ ﺗﺤﺠﻲ ﺑﻠﻬﻔﺔ
: ﻳﻤﺔ ﺳﻬﺎﻭﻱ ﻟﻔﻴﺘﻲ ﺍﻟﺪﻭﻟﻤﺔ ؟
: ﺍﻱ ﻳﻮﻡ ﻫﻴﺎﺗﻨﻲ ﺧﻠﺼﺘﻬﺎ
: ﺍﻱ ﻋﻔﻴﺔ ﺧﻠﻲ ﻧﺨﻠﺺ ﺑﺴﺮﻋﺔ ﺗﺮﺓ ﺍﺧﻮﺝ ﺍﺣﻤﺪ ﻋﻠﻰ ﺟﻴﺔ ﻳﻤﺔ ﺳﻮﺩﺓ ﻋﻠﻴﺔ ﺷﻜﺪ ﻣﺸﺘﺎﻗﺘﻠﺔ ﻭﻃﺎﻙ ﻛﻠﺒﻲ ﻋﻠﻴﻪ
ﻣﻨﺘﻬﻰ : ﻳﺎﺭﺏ ﻳﻮﺻﻞ ﺑﺎﻟﺴﻼﻣﺔ ﻭﺗﺎﺧﺬﻱ ﻟﺤﻀﻨﺞ ﻭﺗﻘﺮ ﻋﻴﻨﺞ ﺑﺸﻮﻓﺘﺔ
: ﺍﻣﻴﻦ ﻳﺎﺭﺏ
ﺍﻟﻴﻮﻡ ﺍﺣﻤﺪ ﺍﺧﻮﻱ ﻳﻮﺻﻞ ﻋﻠﻰ ﺑﻴﺖ ﻋﻤﻮ ﻗﺎﺳﻢ ﺑﻌﺪ
ﺷﻔﺎﺀ ﺟﺮﺣﺔ ﻭﻃﺎﺏ ﻗﺮﺭ ﻳﺠﻲ ﻟﻬﻨﺎ ﺣﺘﻰ ﻳﺴﻠﻢ ﻋﻠﻰ ﺍﻣﻲ
ﻭﻋﻠﻴﻨﺎ ﻗﺒﻞ ﻻ ﻳﺴﺎﻓﺮ ﻟﻠﺨﺎﺭﺝ ﻻﻥ ﺍﺧﻮﻱ ﺍﻣﺠﺪ ﻛﺎﻝ ﺧﻠﺼﺖ ﺍﻭﺭﺍﻕ ﺍﻟﻤﻌﺎﻣﻠﺔ ﻣﺎﻟﺘﺔ ﻭﺷﻐﻠﺘﺔ ﺻﺎﺭﺕ ﺟﺎﻫﺰﺓ
ﻭﺭﺍﺡ ﻳﺴﺎﻓﺮ ﻟﻠﺨﺎﺭﺝ ﻫﻨﺎﻙ ﻳﻢ ﻗﺘﻴﺒﺔ ﺍﺧﻮﻱ
ﻭﺑﻘﻴﺖ ﺑﺲ ﺍﻧﻲ ﻭﺍﻣﻲ ﻭﻋﺎﺋﻠﺔ ﺍﻣﺠﺪ ﺑﻌﺪﻧﺎ ﻣﻤﺨﻠﺼﺔ ﻣﻌﺎﻣﻼﺗﻨﺎ
ﻣﺎ ﺍﻋﺮﻑ ﺷﻨﻮ ﺷﻌﻮﺭﻱ ﺑﺲ ﺍﻧﻲ ﻣﺎ ﺍﺭﻳﺪ ﺍﺳﺎﻓﺮ
ﺻﺎﺭ ﻋﻨﺪﻱ ﻣﻮ ﺑﺲ ﺍﺑﻨﻲ ﺣﺴﻦ ﺍﺧﺎﻑ ﺍﻋﻮﻓﺔ ﻻ
ﺻﺎﺭ ﻋﻨﺪﻱ ﮔﻠﺒﻲ ﻫﻨﺎ ﺍﻧﺰﺭﻉ ﻭﺍﺳﺘﻘﺮ ﻭﺻﺎﺭ ﻳﻌﻴﺶ
ﺑﻠﻬﻔﺔ ﻫﻮﻯ ﺍﻟﻤﺤﺒﻮﺏ
ﺳﻤﻌﻨﺎ ﺻﻮﺕ ﻫﻮﺭﻧﺎﺕ ﺍﻟﺴﻴﺎﺭﺍﺕ ﻭﺍﻧﻲ ﺭﻛﻀﺖ
ﻭﻛﻠﺒﻲ ﺻﺎﺭ ﻃﺒﻞ ﻳﻮﻡ ﻳﻮﻡ ﺍﺣﻤﺪ ﻭﺻﻞ ﺍﺣﻤﺪ ﻭﺻﻞ
: ﺻﻠﻮﺍﺕ ﻋﻠﻰ ﻣﺤﻤﺪ ﻭﺍﻝ ﻣﺤﻤﺪ
ﻛﻠﻠﻮﻭﻭﻭﻭﺵ
ﺭﺣﺖ ﺍﺭﻛﺾ ﻟﻠﺒﺎﺏ ﻭﻓﺘﺤﺖ ﺍﻟﺒﺎﺏ ﻭﺷﻔﺖ ﺍﺣﻤﺪ ﺍﺧﻮﻱ
ﺩ ﻳﻨﺰﻝ ﻣﻦ ﺍﻟﺴﻴﺎﺭﺓ ﺧﻄﻴﺔ ﻛﻮﺓ ﻳﻨﺰﻝ ﻭﺍﻣﺠﺪ ﻳﺴﻨﺪﺓ ﺑﻴﺪﺓ
ﺭﺣﺖ ﺭﻛﺾ ﻋﻠﻴﻪ ﺑﺪﻭﻥ ﻭﻋﻲ
ﻭﻫﻮ ﺷﺎﻓﻨﻲ ﻭﺍﺑﺘﺴﻢ ﻭﺍﺧﺬﻧﻲ ﻟﺤﻀﻨﻪ
ﺑﺲ ﻛﺎﻥ ﻫﻨﺎﻙ ﺑﺎﻟﻄﺮﻑ ﺍﻟﻤﻘﺎﺑﻞ ﻣﻦ ﻳﺮﺍﻗﺐ ﻫﺬﺍ ﺍﻟﻤﻨﻈﺮ ﺑﺼﺪﻣﺔ
ﺛﺎﺋﺮ ﻭﻫﻮ ﻳﺮﻳﺪ ﻳﻬﺪ ﻋﻠﻰ ﻫﺬﺍ ﺍﻟﻲ ﺣﻀﻦ
ﺳﻬﻮﺓ ﻣﻨﻮ ﻫﺬﺍ
ﻟﺰﻣﺔ ﻋﺪﻱ ﻣﻦ ﻛﺘﻔﺔ : ﺧﺎﻳﺐ ﻳﺎﻟﻮﺣﺶ ﺩﺻﺒﺮ ﻭﻻ ﺗﺘﻬﻮﺭ ﺗﺮﺓ ﻫﺬﺍ ﺍﺧﻮﻫﺎ ﺍﻟﻲ ﺟﺎﻥ ﻣﺘﺼﻮﺏ
ﺛﺎﺋﺮ ﻭﻣﻲ ﺑﺎﺭﺩ ﻋﻠﻰ ﮔﻠﺒﻪ
: ﺍﺩﺭﻱ ﺷﻨﻮ ﻫﺎﻟﻌﺎﺋﻠﺔ ﺷﻜﺪ ﺗﺤﺐ ﺍﻻﺣﻀﺎﻥ
ﺷﻜﻠﻲ ﺭﺍﺡ ﺍﻧﺠﻠﻂ ﻟﺤﺘﻰ ﺍﺑﻌﺪ ﺍﻟﻨﺎﺱ ﻋﻦ ﺳﻬﻮﺓ
ﺍﻧﺘﺒﻬﻨﺎ ﻋﻠﻰ ﻧﺎﺻﺮ ﻃﻠﻊ ﻭﻛﻌﺪ ﻳﺴﻠﻢ ﻋﻠﻴﻪ ﻭﺍﺧﺬﺓ ﺑﺎﻻﺣﻀﺎﻥ
ﻋﺪﻱ
ﻃﺒﻌﺎً ﺍﻧﺎ ﺍﻋﺎﻳﻦ ﻭﻛﻠﺒﻲ ﺻﺎﺭ ﻧﺎﺭ
: ﻭﻟﻚ ﻳﺎﻟﻮﺣﺶ ﻣﻮ ﺍﻧﺖ ﺍﻟﻲ ﻻﺯﻡ ﻳﺨﺎﻑ ﻣﻨﺔ
ﻻ ﻭﻟﻚ ﺍﻧﺎ ﺍﻟﻤﻔﺮﻭﺽ ﺍﺧﺎﻑ ﻻﻥ ﺳﻤﻌﺖ ﺑﻲ ﺟﺎﻱ ﻳﻨﻬﻲ ﻋﻠﻰ ﻋﺬﺭﺍﺀ ﻭﻳﺘﺰﻭﺟﻬﺎ
ﺍﻧﺘﺒﻬﺖ ﻋﻠﻰ ﺭﻭﺣﻲ ﺍﺧﺬﺗﻨﻲ ﺭﺟﻠﻲ ﻟﻌﻨﺪﻫﻢ ﺑﺪﻭﻥ ﺷﻌﻮﺭ
ﻭﻟﺰﻣﻨﻲ ﺛﺎﺋﺮ ﻣﻦ ﺯﻧﺪﻱ
: ﻫﻬﻪ ﺧﺎﻳﺐ ﻋﺪﻱ ﻭﻳﻦ ﻣﻮﻟﻲ ﻻ ﺗﻔﻀﺢ ﻧﻔﺴﻚ ﻋﻴﺐ ﺗﺮﺓ
ﺍﻟﻮﻟﺪ ﺟﺎﻱ ﺧﻄﺎﺭ ﺑﺪﺍﺭﻧﺎ ﻭﻣﻮ ﻣﻦ ﺍﻻﺻﻮﻝ ﺗﺸﺮﺩﺓ
: ﺧﻮﻳﺔ ﻋﻮﻓﻨﻲ ﻭﺍﻟﻠﻪ ﻣﺮﺍﺡ ﺍﺳﻮﻱ ﺷﻲ ﺑﺲ ﺍﻋﺎﻳﻦ ﻋﻠﻴﻪ
ﻛﻠﺸﻲ ﻣﺎ ﺍﺳﻮﻳﻠﺔ ﺑﺲ ﺍﻛﺴﺮ ﺍﺳﻨﻮﻧﺔ ﻭﺍﻋﻤﻲ ﻋﻴﻨﺔ
: ﻫﻬﻬﻪ ﻻ ﻣﻜﺎﻳﻞ ﺷﻲ ﺍﻟﺤﻤﺪﻟﻠﻪ ﻋﺒﺎﻟﻲ ﺭﺍﺡ ﺗﺘﻌﺎﺭﻙ ﻭﻳﺎﻩ
ﺯﻳﻦ ﻃﻠﻊ ﺑﺲ ﺳﻼﻡ
ﻋﺪﻱ
ﺩﺧﻠﺖ ﻟﺒﻴﺖ ﻋﻤﻲ ﻗﺎﺳﻢ
ﻭﺍﻧﺎ ﻋﻴﻮﻧﻲ ﻋﻠﻰ ﻫﺬﺍ ﺍﺑﻦ ﻋﻤﻬﻢ ﺍﻟﻲ ﺍﺳﻤﺔ ﺍﺣﻤﺪ
ﻛﻮﺓ ﻻﺯﻡ ﻧﻔﺴﻲ ﻭﺛﺎﺋﺮ ﻳﻬﺪﻱ ﺑﻴﺔ
ﻛﻌﺪﻧﺎ ﺑﺎﻻﺳﺘﻘﺒﺎﻝ ﻭﺷﻔﺖ ﺍﺣﻤﺪ ﻛﺎﻡ ﻭﺩﺧﻞ ﺟﻮﺓ ﻟﺪﺍﺧﻞ ﺍﻟﺒﻴﺖ ﺑﻮﻭﻭﻭﻳﺔ ﻣﺎ ﺍﻛﺪﺭ ﺑﻌﺪ
ﻭﺍﻟﻠﻪ ﻣﺎ ﺣﺴﻴﺖ ﻋﻠﻰ ﻧﻔﺴﻲ ﻣﻦ ﻛﻤﺖ ﻭﺭﺍﻩ
ﺑﺲ ﻓﺠﺎﺀﺓ ﺣﺴﻴﺖ ﻋﻠﻰ ﺍﻳﺪ ﻟﺰﻣﺘﻨﻲ ﻭﺍﻧﺘﺒﻬﺖ
ﺷﻔﺖ ﺛﺎﺋﺮ
: ﺧﺎﻳﺐ ﺷﻤﺎﻟﻚ ﺩﻛﻌﺪ ﻻ ﺗﻔﻀﺤﻨﺎ
: ﻭﻟﻚ ﺷﻜﻌﺪ ﻣﺎ ﺟﺎﻱ ﺗﺸﻮﻑ ﺷﻠﻮﻥ ﻓﺎﺕ ﻋﺎﻟﺒﻴﺖ ﺟﻮﺓ ﺑﺪﻭﻥ ﺍﺳﺘﺄﺫﺍﻥ ﻭﻳﻦ ﻛﺎﻋﺪﻳﻦ ﻭﺍﻟﺒﻨﺎﺕ ﺟﻮﺓ
: ﺍﻛﻌﺪ ﻭﻟﻚ ﻫﺴﺔ ﺟﺪﻱ ﻋﻠﻰ ﺟﻴﺔ ﻫﻮ ﻭﻋﻤﺎﻣﻲ ﻟﺘﺨﻠﻴﻬﻢ ﻳﺸﻮﻓﻮﻥ ﻧﻈﺮﺓ ﻋﻴﻮﻧﻚ ﺍﻟﻤﻔﻀﻮﺣﺔ
ﻋﺪﺓ ﺍﻟﻮﻛﺖ ﻭﺻﺒﻮ ﺍﻻﻛﻞ ﻭﺍﻧﺎ
ﻋﻴﻮﻧﻲ ﺗﺪﻭﺭ ﻋﻠﻰ ﻃﻴﻔﻬﺎ ﺍﺗﻤﻨﻰ ﺍﻟﺠﺤﻬﺎ ﻭﺍﺷﻮﻓﻬﺎ ﻳﺎﺭﺏ ﻣﺎ ﺗﺤﻦ ﻋﻠﻴﺔ ﺣﺘﻰ ﺍﻟﻲ ﺍﺣﺒﻬﺎ ﺗﺼﻴﺮ ﺍﻟﻴﺔ
ﺑﺲ ﻭﻳﻦ ﻫﻴﻬﺎﺕ ﻫﺎﻱ ﻋﺬﺭﺍﺀ ﻭﺭﺍﺳﻬﺎ ﻳﺎﺑﺲ
ﺑﺎﻭﻋﺖ ﻋﻠﻰ ﻧﺎﺻﺮ ﺑﻌﺪﺓ ﻣﺎ ﻳﻌﺒﺮﻧﻲ ﺷﻜﻠﺔ ﺑﻌﺪﺓ ﺯﻋﻼﻥ ﻋﻠﻴﺔ
ﻭﻣﺎ ﻳﺮﻳﺪ ﻳﺤﺠﻲ ﻭﻳﺎﻱ ﺭﻏﻢ ﺻﺮﺕ ﺍﺣﺎﻭﻝ ﺍﺗﻘﺮﺑﻠﻪ
ﻭﺍﺗﻮﺩﺩ ﺍﻟﻬﻢ ﺑﺲ ﻫﻮ ﻭﻳﻦ ﻛﻠﺶ ﺣﺪﻱ ﻭﻳﺎﻱ ﻭﺟﺎﻑ ﺑﺘﻌﺎﻣﻠﺔ
ﻫﻲ ﻣﻮ ﻫﻨﺎ ﺍﻟﻤﺸﻜﻠﺔ ﻻ
ﺍﻟﻤﺸﻜﻠﺔ ﺑﺎﻟﺨﺒﺮ ﺍﻟﻲ ﺳﻤﻌﺘﺔ ﻣﻦ ﺭﻭﺍﺀ ﺍﺧﺘﻲ
ﻛﺎﻟﺖ ﺳﻤﻌﺖ ﺍﺑﻦ ﻋﻢ ﻋﺬﺭﺍﺀ ﺭﺍﺡ ﻳﻨﻬﻲ ﻋﻠﻴﻬﺎ ﻭﻳﺘﺰﻭﺟﻬﺎ
ﻃﺒﻌﺎ ﻟﻮ ﻳﻤﻮﺕ ﻣﺎ ﺭﺍﺡ ﺍﺧﻠﻲ ﻳﻠﻤﺴﻬﺎ
ﺑﺲ ﻣﺘﺖ ﻣﻦ ﺍﻟﻘﻬﺮ ﻣﻦ ﺳﻤﻌﺖ ﺑﻌﺬﺭﺍﺀ ﻣﻮﺍﻓﻘﺔ ﻋﻠﻴﻪ
ﻭﻗﻬﺮﻱ ﺯﺍﺩ ﻭﺍﺣﺘﺮﻛﺖ ﺣﺮﻙ
ﻣﻦ ﺩﺯﻳﺖ ﺭﻭﺍﺀ ﻋﻠﻴﻬﺎ
ﻭﺧﺒﺮﺗﻬﺎ ﺑﺤﺒﻲ ﺍﻟﻬﺎ ﻭﺭﻓﻀﺘﺔ
ﻭﻣﺎ ﻗﺒﻠﺖ ﺣﺘﻰ ﺗﺤﺠﻲ ﻭﻳﺎﻱ
ﺑﺲ ﻭﺍﻟﻠﻪ ﺗﺤﻠﻢ ﺍﺧﻠﻴﻬﺎ ﺗﺎﺧﺬﻩ ﺍﻻ ﻋﻠﻰ ﺟﺜﺘﻲ
ﻭﻟﺤﻜﺎﻳﺘﻲ ﺑﻘﻴﺔ
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء