....
رواية ثمار العار بالحلال ج2 الجزء السادس
.....
ﺣﺒﺎﻳﺐ ﻫﺬﺍ الحزء + 🔞 🔞🔞🔞
ﺍﺩﻡ
)) ﺁﺁﺁﺍﻫﻦ ﻋﻠﻰ ﻏﺪﺭﻙ ﻳﺎ ﺣﻮﻭﺍﺀ
ﺍﻣﺎ ﺁﻥ ﻟﻚِ ﺍﻟﻜﻒ ﻋﻦ ﺍﻟﻨﺰﺍﻉ
ﺍﻣﺎ ﻣﻦ ﺣﺪﻭﺩٍ ﻳﻘﻒ ﻋﻨﺪﻫﺎ ﻛﻴﺪﻙِ ﺍﻟﺨﺪﺍﻉ
ﺣﻮﺍﺀ
ﻗﻒ ﻋﻠﻰ ﻣﻬﻠﻚ ﻳﺎ ﺍﺩﻡ ﻓﺈﻧﻚ ﻟﺴﺖ ﺑﺬﻟﻚ ﺍﻟﻤﻼﻙٍ ﺍﻟﻤﺮﺍﻉ
ﻛﻴﺪﻱ ﻛﺎﻥ ﻻﺟﻞ ﺍﻟﺤﺐ ﻓﻌﺬﺭﺍً ﺍﻥ ﺗﺴﺒﺒﺖ ﻟﻚ ﺑﺎﻟﺼﺪﺍﻉ
... ﻗﻒ ﻭﺗﺮﻳﻴﺚ ﻭﻻ ﺗﺘﻬﻤﻨﻲ ﺑﺎﻟﺨﺪﺍﻉ
ﺑﺎﻟﻠﻪ ﻋﻠﻴﻚ ﻓﻤﺎﻛﺎﻥ ﻛﻴﺪ ﺍﺧﻮﺕ ﻳﻮﺳﻒ
ﺍﻟﻢ ﻳﻜﻴﺪﻭ ﻛﻴﺪﻫﻢ ﺑﺎﻟﺤﻘﺪ ﻭﺍﻟﺼﺮﺍﻉ
ﺍﻻ ﺗﺮﻯ ﻫﻨﺎﻟﻚ ﻓﺮﻕٌ ﺷﺎﺳﻊٌ ﺑﻴﻦ ﺍﻟﻜﻴﺪﻳﻦ
ﻓﻜﻴﺪﻱ ﺑﻨﻲ ﻻﺟﻞ ﺍﻟﺤﺐ
ﻭﻛﻴﺪﻙ ﺻﻨﻊ ﻻﺟﻞ ﺍﻟﺤﺮﺏ (( ﺧﺎﻃﺮﺗﻲ nuha-d-h
ﻛﻤﺰﺕ ﻣﻦ ﺳﻤﻌﺖ ﺻﻮﺕ ﺍﻟﺒﺎﺏ ﺍﻧﺴﺪ
ﺍﻟﺘﻔﺘﺖ ﻭﺑﺎﻭﻋﺖ ﺑﺨﻮﻑ
: ﺛﺎﺍﺍﺍﺍﺍﺍﺍﺍﺋﺮ !!!!!
ﺍﺑﺎﻭﻉ ﻋﻠﻴﻪ ﺩﺧﻞ ﻣﺜﻞ ﺍﻻﻋﺼﺎﺭ ﻋﻠﻰ ﺍﻟﻐﺮﻓﺔ
ﻭﻗﻔﻞ ﺍﻟﺒﺎﺏ ﻭﺑﺪﺓ ﻳﺘﻘﺪﻡ ﻋﻠﻴﺔ
ﺟﻤﺪﺕ ﺑﺪﻣﻲ
: ﺍﻱ ﻳﺴﻬﻮﺓ ﺛﺎﻳﺮ
ﺟﺎ ﺷﻌﺪﺍﻟﺞ ﺗﺴﻮﻳﻦ ﺳﻮﺍﻳﺘﺞ ﻭﻳﺎﻱ
ﻭﺗﻄﻠﻌﻴﻦ ﻣﻨﻬﺎ ﺳﺎﻟﻤﺔ
ﻭﻟﺞ ﺍﻧﺘﻲ ﻭﻳﺎﻣﻦ ﺍﻧﺪﻛﻴﺘﻲ
ﻣﻮﺵ ﺍﻧﺎ ﺍﻟﻲ ﻳﻨﻠﻌﺐ ﻭﻳﺎﻱ
ﺷﻜﻠﺞ ﻧﺴﻴﺘﻲ ﻣﻨﻮ ﺛﺎﻳﺮ
ﻭﻧﺴﻴﺘﻲ ﺷﺴﻮﺓ ﺑﻴﺞ ﻣﻦ ﺫﻳﺞ ﺍﻟﻤﺴﻴﺔ
ﺑﺲ ﺍﻟﻈﺎﻫﺮ ﺍﻧﺘﻲ ﻣﺎ ﺗﺘﻌﻀﻴﻦ
ﻭﺑﻌﺪﺝ ﻣﺎ ﺍﺗﻌﻠﻤﺘﻲ ﺍﻟﺪﺭﺱ ﺯﻳﻦ ﻭﺷﻜﻠﻲ
ﻗﺼﺮﺕ ﻭﻳﺎﺝ
ﺟﻨﻬﺎ ﺍﺧﺮ ﺩﻛﺔ ﻣﺎ ﻛﺪﺭﺕ
ﺗﻌﺮﻓﺞ ﻳﺎﻫﻮ ﺛﺎﻳﺮ
ﻳﻤﻜﻦ ﺟﻨﺖ ﻫﻮﺍﻱ ﻣﺘﺴﺎﻫﻞ ﻭﻳﺎﺝ
ﺑﺲ ﺗﻌﺮﻓﻴﻦ ﺷﻨﻮ
ﺍﻧﺘﻲ ﻭﺣﺪﺓ ﻣﺎ ﺗﺴﺘﺤﻖ ﺍﻟﻮﺍﺣﺪ ﻳﻌﺎﻣﻠﻬﺎ ﺑﺎﺣﺘﺮﺍﻡ
ﻭﻳﺪﺍﺭﻱ ﻣﺸﺎﻋﺮﻫﺎ
ﻻ ﺍﻧﺘﻲ ﺗﺴﺘﺎﻫﻠﻴﻦ ﻭﺍﺣﺪ ﻳﻌﺎﻣﻠﺞ ﺑﻜﻞ ﺫﺭﺓ ﺍﺣﺘﻘﺎﺭ
ﻭﻟﺞ ﺍﻧﺎ ﺗﻄﻌﻨﻴﻨﻲ ﺑﻈﻬﺮﻱ
ﻭﺗﺠﺬﺑﻴﻦ ﻋﻠﻲّ ﻭﺗﻜﻮﻟﻴﻦ ﺍﺗﺰﻭﺟﺖ
ﺷﻠﻮﻥ ﺍﻧﻄﺎﺝ ﮔﻠﺒﺞ ﺗﺸﻮﻓﻴﻨﻲ ﺍﺗﻠﻮﻉ ﻛﺪﺍﻣﺞ
ﻭﻣﺎ ﻳﺮﻓﻠﺞ ﺟﻔﻦ
ﺟﺎ ﺑﺴﻴﻄﺔ ﺍﻻ ﺍﺭﺍﻭﻳﺞ ﺍﻻﻣﻬﺎﺕ ﺷﺘﺠﻴﺐ
ﻣﺪ ﺍﻳﺪﺓ ﺑﺘﺠﺎﻫﻲ ﻳﺮﻳﺪ ﻳﻠﺰﻣﻨﻲ
ﺍﺑﺘﻌﺪﺕ ﻋﻨﺔ ﺑﺨﻮﻑ ﻭﺭﺟﻌﺖ ﻟﻠﺨﻠﻒ
ﺣﺠﻴﺖ ﻭﻳﺎﻩ ﺑﺮﻫﺒﺔ
: ﺍﻭﻛﻒ ﺛﺎﺋﺮ ﺧﻠﻲ ﺍﺷﺮﺣﻠﻚ ﻣﻮﻗﻔﻲ ﻭﺍﻧﺖ ﺍﺣﻜﻢ
: ﺷﻨﻬﻮ ﺷﺠﺎﻛﻢ ﻳﺎﻫﻮ ﺍﺳﺌﻠﺔ ﻳﻜﻠﻲ ﺧﻞ ﺍﺷﺮﺣﻠﻚ
ﻭﻳﻦ ﺟﻨﺘﻮ ﻛﻞ ﻫﺎﻱ ﺍﻟﺴﻨﻴﻦ
ﻭﻟﺞ ﺍﻧﺘﻲ ﺍﺳﺘﻐﻔﻠﺘﻴﻨﻲ ﻭﺍﻟﻈﺎﻫﺮ ﻫﻮﺍﻱ ﻣﺴﺘﻬﺎﻧﺔ ﺑﻴﺔ
: ﺩﺗﻌﺎﻱ ﺧﻠﻲ ﺍﺭﺍﻭﻳﺞ ﻳﺎﻫﻮ ﺛﺎﻳﺮ
ﺍﻟﻴﻮﻡ ﻣﺤﺪ ﻳﻜﺪﺭ ﻳﺨﻠﺼﺞ ﻣﻨﻲ
ﺩﻓﻌﻨﻲ ﻋﻠﻰ ﺍﻟﺴﺮﻳﺮ
ﻭﻛﻌﺖ ﻋﻠﻰ ﻇﻬﺮﻱ ﻣﺼﺪﻭﻣﺔ ﻣﻦ ﺭﺩﺓ ﻓﻌﻠﻪ
ﺭﺟﻌﺖ ﻋﻠﻰ ﻭﺭﺓ
: ﺍﺓ ﺍﺓ ﺛﺎﺋﺮ ﺍﻭﻛﻒ ﺑﺲ ﻟﺤﻈﺔ
: ﺍﺫﺍ ﺍﻧﺘﻲ ﻣﺮﺓ
ﺻﻴﺤﻲ ﻭﻋﻠﻲ ﺣﺴﺞ ( ﺻﻮﺗﺞ )
ﻭﺧﻠﻲ ﺍﻟﻨﺎﺱ ﻛﻠﻬﺎ ﺗﺴﻤﻊ
ﺣﺘﻰ ﻓﺪ ﻧﻮﺏ ﺗﻨﻔﻀﺤﻴﻦ ﺑﺎﻟﺴﻠﻒ
ﺷﻔﺘﺔ ﺍﺗﻘﺪﻡ ﻣﻨﻲ ﻭﻟﺰﻣﻨﻲ ﻣﻦ ﺭﺟﻠﻲ
ﺻﺮﺕ ﺍﻗﺎﻭﻣﺔ ﺍﺭﻳﺪ ﺍﺑﻌﺪﺓ ﻋﻨﻲ
ﻟﻜﻦ ﻫﻮ ﻛﺎﻥ ﺍﺳﺮﻉ ﻣﻨﻲ ﻭﺣﺒﺴﻨﻲ ﺑﻴﻦ ﺍﻳﺪﻳﻪ
ﻭﺳﺤﺒﻨﻲ ﻭﺻﺮﺕ ﺟﻮﺍﻩ
ﺣﺴﻴﺖ ﻣﺜﻞ ﺍﻟﻲ ﺩﺧﻠﻮ ﻋﻠﻴﻪ ﻣﺪﺍﻫﻤﺔ
ﻭﺭﺩﺓ ﻓﻌﻠﻲ ﻛﺎﻧﺖ ﺻﺮﺧﺔ ﺧﻮﻑ
ﺑﺲ ﺛﺎﺋﺮ ﻛﺎﻥ ﺍﻟﺔ ﺭﺃﻱ ﺍﺧﺮ ﺑﺎﻟﻤﻮﺿﻮﻉ
ﻭﻓﺎﺽ ﺑﻲ ﺍﻻﻣﺮ
ﻳﺮﻳﺪ ﻳﺮﺟﻊ ﻛﺒﺮﻳﺎﺋﻪ ﺍﻟﻤﺠﺮﻭﺡ
ﻭﺍﻟﺘﻘﻒ ﺻﺮﺧﺘﻬﺎ ﻣﻦ ﺑﻴﻦ ﺷﻔﺎﻳﻔﺔ ﺑﺪﻭﻥ ﺭﺣﻤﺔ ﺍﻭ
ﺗﺮﺩﺩ
ﺻﺮﺕ ﺍﺭﺟﻒ ﺑﻴﻦ ﺍﻳﺪﻳﻪ
ﻣﺜﻞ ﻭﺭﻗﺔ ﺷﺠﺮ ﻣﺎ ﺍﻋﺮﻑ
ﺷﺼﺎﺭ ﺑﻴﺔ ﺣﺴﻴﺖ ﻣﺮﻳﺖ ﺑﻬﻮﺍﻱ
ﻣﺸﺎﻋﺮ ﻣﺘﻀﺎﺭﺑﺔ ﻣﻦ ﺍﺛﺮ ﺍﻟﻬﺠﻮﻡ
ﺍﺧﺬ ﺷﻔﺎﻳﻔﻲ ﺑﻴﻦ ﺷﻔﺎﻳﻔﻪ ﻟﻠﻮﻫﻠﺔ ﺍﻻﻭﻟﻰ ﻛﻨﺖ ﺍﺗﻮﻗﻊ
ﺭﺍﺡ ﺍﺗﻘﻲﺀ
ﻳﻌﻨﻲ ﻛﻨﺖ ﻣﺘﺨﻴﻠﺔ ﺷﻌﻮﺭﻱ ﻭﺭﺩﺓ ﻓﻌﻠﻲ ﺭﺍﺡ ﺗﻜﻮﻥ
ﻣﺜﻞ ﺭﺩﺓ ﺍﻟﻔﻌﻞ ﻣﻊ
ﺧﻄﻴﺒﻲ ﻓﺮﺍﺱ ﻭﻫﻲ ﺍﻟﺘﻘﺰﺯ
ﻟﻜﻦ ﻟﺤﻈﺔ ﺍﺷﻮ ﻣﻊ ﺛﺎﺋﺮ
ﺍﻟﻮﺿﻊ ﻛﺎﻥ ﻳﺨﺘﻠﻒ ﺭﻏﻢ ﺧﻮﻓﻲ ﻣﻨﺔ ﻭﺭﻫﺒﺘﻲ
ﺑﺲ ﺣﺴﻴﺖ ﺭﻭﺣﻲ ﺫﺍﺑﺖ ﺑﻴﻦ ﺍﻳﺪﻳﻪ ﻭﺻﺎﺭ ﮔﻠﺒﻲ
ﻳﻨﺒﺾ ﺑﻠﻬﻔﺔ ﺩﻧﻚ ﺭﺍﺳﻪ
ﻭﺻﺎﺭ ﻳﻤﺸﻨﻲ ﻣﻦ ﺭﻛﺒﺘﻲ ﻭﺍﺧﺬ ﻧﻔﺲ ﻋﻤﻴﻖ ﻣﺜﻞ ﺍﻟﺸﻬﻜﺔ
ﻭﺗﺤﻮﻟﺖ ﻟﺤﻈﺎﺕ ﺍﻟﻌﻨﻒ ﺍﻟﻲ ﺑﻴﻨﺎ
ﺍﻟﻰ ﻟﺤﻈﺔ ﺷﻐﻒ
ﻭﺍﺗﻐﻴﺮﺕ ﻟﻤﺴﺎﺕ ﺛﺎﺋﺮ ﻣﻦ ﺍﻟﺨﺸﻮﻧﺔ ﺍﻟﻰ
ﺍﻟﺸﻐﻒ ﻟﻤﺴﺎﺗﺔ ﺍﺣﺘﻠﺖ ﻛﻞ ﺟﺰﺀ ﺑﺠﺴﻤﻲ
ﻟﺪﺭﺟﺔ ﺣﺴﻴﺖ ﺑﺮﻭﺣﻲ ﺿﻌﺖ ﺑﻴﻦ ﺍﻳﺪﻳﻪ
ﻭﻧﺴﻴﺖ ﻧﻔﺴﻲ
ﻻﺍﺍﺍ ﻣﺴﺘﺤﻴﻞ ﻫﺎﻱ ﻣﻮ ﺍﻧﻲ
ﺷﻨﻮ ﺟﺎﻱ ﻳﺼﻴﺮ ﻭﻳﺎﻱ
ﺍﻟﻤﻔﺮﻭﺽ ﻣﺎ ﺗﻜﻮﻥ ﻫﺎﻱ ﺭﺩﺕ ﻓﻌﻠﻲ ﺑﺘﺠﺎﻩ ﺛﺎﺋﺮ
ﻻ ﺍﻟﻤﻔﺮﺽ ﺍﻫﺮﺏ ﺍﺻﺮﺥ ﺍﻗﺎﻭﻡ ﺍﻟﻲ ﺩﻳﺼﻴﺮ ﻏﻠﻂ
ﻣﺎ ﺍﻋﺮﻑ ﺍﺣﺲ ﺑﺮﻭﺣﻲ ﻣﻮ ﻣﻠﻚ ﻧﻔﺴﻲ
ﻭﺍﺑﺎﻭﻉ ﻋﻠﻰ ﺛﺎﺋﺮ ﻧﻔﺲ ﺣﺎﻟﻲ ﻫﻢ ﺩﻳﻌﺎﻧﻲ
ﻭﺿﺎﻋﺖ ﻋﻠﻮﻣﺔ ﻣﺜﻠﻲ
ﺣﺴﻴﺖ ﺍﻟﻤﻮﺿﻮﻉ ﺑﺪﺓ ﻳﺨﺮﺝ ﻋﻦ ﺳﻴﻄﺮﺕ
ﺛﺎﺋﺮ ﻭﺻﺎﺭﺕ ﻟﻤﺴﺎﺗﻪ ﺗﺰﻳﺪ ﻋﻤﻖ ﻭﺟﺮﺋﺔ
ﻭﺻﺎﺭﺕ ﺍﻻﻧﻔﺎﺱ ﺗﻠﻬﺚ
ﺷﻜﻠﺔ ﻧﺴﻰ ﻧﻔﺴﻪ
ﻭﻧﺴﻰ ﺍﻟﻤﻜﺎﻥ ﺍﻟﻲ ﺍﺣﻨﺎ ﺑﻲ
ﺷﻬﻜﺖ ﻣﻦ ﺷﻔﺘﺔ ﺭﻓﻊ ﺛﻮﺑﻲ
ﺻﺪﺭﺕ ﻣﻦ ﺑﻴﻦ ﺷﻔﺎﻳﻔﻲ
ﺷﻬﻜﺖ ﺧﻮﻑ ﻭﺩﻓﻌﺘﺔ ﻋﻨﻲ ﺑﻜﻞ ﻗﻮﺗﻲ
: ﻻﻻﻻﺍﺍﺍﺍﺍﺍ ﺛﺎﺋﺮ ﻣﺴﺘﺤﻴﻞ ﺍﻧﻲ ﻣﻮ ﻟﻬﺎﻟﺪﺭﺟﺔ
ﺭﺧﻴﺼﺔ ﺩﻓﻌﺘﺔ ﻋﻨﻲ ﻭﻇﻠﻴﺖ ﺍﻗﺎﻭﻣﺔ
ﺑﺎﻭﻋﺖ ﻋﻠﻴﻪ ﻭﺷﻔﺖ ﺑﻌﻴﻮﻧﺔ ﻟﺬﺓ
ﺍﻟﻤﻘﺎﻭﻣﺔ ﻭﻛﺄﻧﻪ ﻳﺤﺎﻭﻝ ﻳﺮﻭﺽ ﻃﻔﻞ ﺻﻐﻴﺮ
ﻛﺎﻧﺖ ﺑﻌﻴﻮﻧﻪ ﻧﻈﺮﺍﺕ ﺍﻻﻧﺘﺼﺎﺭ
ﻳﻨﻈﺮ ﺍﻟﻰ ﻣﺤﺎﻭﻟﺘﻲ ﺍﻟﻌﻘﻴﻤﺔ ﻟﺤﻤﺎﻳﺔ ﻧﻔﺴﻲ
ﺑﺴﺘﻬﺰﺍﺀ
ﺑﺼﻮﺕ ﺗﺘﺼﻨﻊ ﺑﻲ ﺍﻟﺸﺠﺎﻋﺔ
: ﺍﺑﺘﻌﺪ ﻋﻨﻲ ﻻ ﻳﻤﻜﻦ ﺍﺧﻠﻴﻚ ﺗﻘﻠﻞ ﻣﻦ ﻗﻴﻤﺘﻲ
ﻭﺗﺨﻠﻴﻨﻲ ﺍﻓﻘﺪ ﺍﺣﺘﺮﺍﻣﻲ ﻟﻨﻔﺴﻲ
ﺛﺎﺋﺮ ﻭﺑﺼﻮﺕ ﻫﺎﻣﺲ
: ﻭﻟﺞ ﻳﺴﻬﻮ ﺍﻧﺘﻲ ﺍﻧﺨﻠﻘﺘﻲ ﻟﺤﻀﻦ ﺛﺎﻳﺮ
ﻣﺎﻣﺶ ﻏﻴﺮﻱ ﻳﻜﺪﺭ ﻳﺮﻭﻳﺞ ﻭﻳﻨﺴﻴﺞ ﻧﻔﺴﺞ
ﻭﻻ ﺭﺍﺡ ﻳﻜﺪﺭ ﻳﺎﺧﺬ ﻣﻜﺎﻧﻲ ﻭﺍﻧﺎ ﻫﺬﺍ ﻣﻜﺎﻧﻲ
ﻭﻫﻮ ﻳﺄﺷﺮ ﻋﻠﻰ ﺻﺪﺭﻫﺎ
.....
ﺛﺎﻳﺮ
ﻫﻨﺎﻙ ﺷﻌﺮﺓ ﺟﺪﺍً ﺭﻓﻴﻌﺔ ﺗﻔﺼﻞ ﺑﻴﻦ ﺍﻟﻐﻀﺐ ﻭﺍﻟﺸﻐﻒ
ﻟﺪﺭﺟﺔ ﺍﻧﻚ ﻣﺎ ﺗﻜﺪﺭ ﺗﻤﻴﺰ ﺑﻴﻦ ﺍﻻﻣﺮﻳﻦ ﻣﻌﺎً
ﻭﺍﻟﺪﻟﻴﻞ ﺍﻭﻝ ﻣﺎ ﺍﺧﺬﺕ ﺳﻬﻮﺓ ﺑﻴﻦ ﺍﺣﻀﺎﻧﻲ
ﻓﻘﺪﺕ ﺍﻟﺴﻴﻄﺮﺓ ﻋﻠﻰ ﺍﻟﻤﻮﺿﻮﻉ
ﻭﺍﻻﻣﺮ ﺧﺮﺝ ﻣﻦ ﺑﻴﻦ ﺍﻳﺪﻳﺔ
ﺿﻌﺖ ﺑﻴﻦ ﺍﺣﻀﺎﻧﻬﺎ
ﻭﻧﺴﻴﺖ ﺳﺒﺐ ﻭﺟﻮﺩﻧﺎ ﻫﻨﺎ
ﻭﻛﻠﺸﻲ ﻃﺎﺭ ﻣﻦ ﻋﻘﻠﻲ
ﻭﻣﺎ ﺑﻘﻰ ﺍﻻ ﺣﻀﻦ ﺳﻬﻰ
ﺣﺴﻴﺖ ﻫﺬﺍ ﺍﻟﺤﻀﻦ ﻭﻫﺎﻱ ﺍﻟﺸﻔﺎﻳﻒ ﺍﻧﺨﻠﻘﺖ ﺑﺲ ﺍﻟﻲ
ﻋﺮﻓﺖ ﺑﻠﺤﻀﺘﻬﺎ ﻣﻦ ﺧﺒﺮﺗﻲ
ﺍﻥ ﺳﻬﻮﺓ ﺛﺎﻳﺮ ﻣﺤﺪ ﻻﻣﺲ
ﺑﺮﺍﺋﺘﻬﺎ ﻏﻴﺮﻱ ﻭﺍﻟﺪﻟﻴﻞ ﻗﻠﺔ ﻣﻌﺮﻓﺘﻬﺎ
ﺑﺎﻟﻮﺿﻊ ﺍﻟﻲ ﻫﻲ ﺑﻲ
ﻣﺎ ﻛﻔﺎﻫﺔ ﻫﺬﺍ ﻛﻠﺔ
ﻓﻮﻙ ﺍﻟﻀﻴﻢ ﺍﺟﺘﻨﻲ ﺍﺳﺘﺠﺎﺑﺘﻬﺎ
ﻭﻳﺎﻱ ﻭﺭﺟﻔﺔ ﺟﺴﻤﻬﺎ ﺟﻮﺓ ﺍﻳﺪﻱ ﻭﺣﺮﺍﺭﺓ ﺍﻧﻔﺎﺳﻬﺎ
ﺟﺎﻧﺖ ﺍﻟﻘﺸﺔ ﺍﻟﻲ ﻗﺴﻤﺖ ﻇﻬﺮ ﺍﻟﺒﻌﻴﺮ
ﻫﻲ ﺟﺎﻧﺖ ﻋﺎﻳﺰﺓ ﻭﺍﻟﺘﻤﺖ ﻋﻠﻴﻚ ﻳﺎﻟﻮﺣﺶ
ﺑﺴﺴﺴﺴﺴﺴﺲ ﻓﺠﺎﺀﺓ ﺣﺴﻴﺖ
ﺑﻴﻬﺎ ﺩﻓﻌﺘﻨﻲ ﺑﻜﻞ ﻗﻮﺓ ﻭﺑﻌﺪﺗﻨﻲ ﻋﻨﻬﺎ ﺑﺤﻴﺚ ﺻﺪﻣﺘﻨﻲ ﻗﻮﺗﻬﺎ ﻭﻣﺎ ﺟﻨﺖ ﻣﺘﻮﻗﻌﻬﺎ ﺗﻜﺪﺭ ﺗﺪﻓﻌﻨﻲ
ﺳﻬﻰ
ﻭﻫﻲ ﺗﺤﺠﻲ ﺑﻮﻫﻦ ﻭﺗﻌﺐ ﺑﻌﺪ ﺍﻟﺼﺮﺍﻉ ﺍﻟﻲ ﻋﺎﺷﺘﺔ : ﻟﻚ ﺛﺎﺋﺮ ﻋﺸﻢ ﺍﺑﻠﻴﺲ ﺑﺎﻟﺠﻨﺔ ﻣﺴﺘﺤﻴﻞ
ﺍﺧﻴﻠﻴﻚ ﺍﺗﺪﻧﺴﻨﻲ ﻭﺗﻠﻮﺛﻨﻲ ﺑﻬﺬﺍ ﺗﺼﺮﻓﻚ
ﺍﺻﺤﻰ ﻋﻠﻰ ﺣﺎﻟﻚ ﻣﻮ ﺍﻧﻲ ﺍﻟﻲ ﺗﺮﺧﺺ ﻧﻔﺴﻬﺎ
ﺍﻋﺎﻳﻦ ﻋﻠﻴﻬﺎ ﻛﺎﻣﺖ ﻣﻦ ﺍﻟﺴﺮﻳﺮ ﺑﺴﺮﻋﺔ ﻭﻛﻌﺪﺕ ﺗﻠﻢ ﺑﺎﻃﺮﺍﻑ ﺛﻮﺑﻬﺎ ﻭﺗﻌﺪﻝ ﺑﺨﺼﻞ ﺷﻌﺮﻫﺎ ﺍﻟﻬﺎﺭﺑﺔ ﻣﻦ ﺍﻟﺸﺎﻝ
ﺑﺼﻮﺕ ﻫﺎﻣﺲ
: ﺍﺩﺭﻱ ﺑﻴﻚ ﻣﻘﻬﻮﺭﻻﻥ ﻛﺮﺍﻣﺘﻚ ﺍﻧﺠﺮﺣﺖ
ﺑﺲ ﺍﺳﺄﻟﻚ ﺑﺎﻟﻠﻪ ﺷﻮﻑ ﺍﻧﺖ ﺷﺴﻮﻳﺖ ﺑﻴﺔ ﻣﻦ ﺍﻧﺠﺮﺣﺖ ﻛﺮﺍﻣﺘﻚ ﻫﺎﻱ ﻭﺍﻧﺖ ﺭﺟﺎﻝ
ﻟﻌﺪ ﺍﻧﻲ ﺷﻜﻮﻝ ﺍﺫﺍ ﺷﺮﻓﻲ ﺍﺗﺪﻧﺲ
ﺷﺘﺘﻮﻗﻊ ﺭﺍﺡ ﻳﻜﻮﻥ ﺭﺩﻱ ﻋﻠﻴﻚ
: ﻭﻟﺞ ﺳﻬﻮﺓ ﻋﻦ ﻳﺎ ﻛﺮﺍﻣﺔ ﺗﺤﺠﻴﻦ
ﻭﻟﺞ ﺍﻟﻤﻮﺿﻮﻉ ﺍﺗﻌﺪﺓ ﺳﺎﻟﻔﺔ ﺍﻟﻜﺒﺮﻳﺎﺀ
ﺧﺎﻳﺒﺔ ﺍﺳﻮﻟﻔﻠﺞ ﻋﻠﻰ ﺍﻟﺠﺮﺡ ﺍﻟﺒﮕﻠﺒﻲ
ﺷﻠﻮﻥ ﻛﻤﺖ ﺍﻧﺎﺯﻉ ﻭﻳﺔ ﺍﻟﻤﻮﺕ ﻣﻦ ﺩﺭﻳﺖ ﺑﻴﺞ
ﺭﺍﺡ ﺗﺼﻴﺮﻳﻦ ﻣﻦ ﻧﺼﻴﺐ ﻏﻴﺮﻱ
ﺍﺣﺠﻴﻠﺞ ﻋﻦ ﺍﻟﻮﺟﻊ ﻭﺍﻟﻤﺮ ﺍﻟﻲ ﻋﺸﺖ ﺑﻲ
ﻭﻟﺞ ﺻﺮﺕ ﻋﺎﻳﺶ ﺑﺪﻭﻥ ﺭﻭﺡ
ﺍﻧﺴﻠﺒﺖ ﺍﻟﺮﻭﺡ ﺑﻴﻮﻡ ﺍﻟﺴﻤﻌﺖ ﺑﻲ ﺧﺒﺮ ﻋﺮﺳﺞ
ﻭﺷﻔﺘﺞ ﻻﺑﺴﺔ ﺣﻠﻘﺔ ﻏﻴﺮﻱ
ﺟﺎ ﺷﻌﺒﺎﻟﺞ ﻫﻲ ﺳﻬﻠﺔ ﺍﻟﻤﺸﺎﻋﺮ ﻭﺗﻠﻌﺒﻴﻦ ﺑﻴﻬﺎ
ﺑﺲ ﻛﻮﻥ ﺍﻟﻠﻪ ﻳﺒﻠﻴﺞ ﻣﺜﻞ ﻣﺎ ﺑﻼﻧﻲ
ﻭﻋﺴﺎﺝ ﺗﺸﺮﺑﻴﻦ ﻣﻦ ﻧﻔﺲ ﺍﻟﻜﺎﺱ ﺍﻟﻲ ﺷﺮﺑﺖ ﻣﻨﺔ
: ﺍﻭﻛﻒ ﻣﻮ ﻛﻞ ﻣﺮﺓ ﺍﻧﺖ ﺗﺤﺠﻲ ﻭﺗﺤﻜﻢ ﺗﺮﺓ ﺍﻟﻜﻼﻡ ﻣﻮ ﺑﺲ ﺍﻟﻚ
ﺍﻧﻲ ﻣﻮ ﻣﺴﺘﻬﺎﻧﺔ ﺑﻴﻚ ﻭﻻ ﺩﺍ ﺍﻟﻌﺐ ﺑﻤﺸﺎﻋﺮﻙ
ﺗﺮﺓ ﺍﻧﻲ ﺟﻨﺖ ﻣﺠﺒﻮﺭﺓ
ﻭﻫﻤﺔ ﺍﻟﻲ ﺑﻌﺪﻭﻧﻲ ﻋﻨﻚ
ﻟﻚ ﺛﺎﺋﺮ ﺗﻌﺮﻑ ﺍﻧﺖ ﻣﻜﺎﻧﻚ ﺑﮕﻠﺒﻲ ﺷﻨﻮ ﺟﺎﻥ
ﻟﻚ ﺍﻧﺖ ﺟﻨﺖ ﺑﺎﻟﻨﺴﺒﺔ ﺍﻟﻲ ﻣﺜﻞ ﺍﻟﺤﻠﻢ ﺍﻟﻮﺭﺩﻱ
ﺩﺧﻠﺖ ﺑﺤﻴﺎﺗﻲ ﻭﻟﻮﻧﺖ ﻋﺎﻟﻤﻲ ﺍﻻﺳﻮﺩ
ﺍﻧﺖ ﺍﻟﻨﻮﺭ ﺍﻟﻲ ﺿﻮﺓ ﻇﻼﻡ ﺣﻴﺎﺗﻲ
ﺷﺘﺘﻮﻗﻊ ﻣﻨﻲ ﻣﻌﻘﻮﻟﺔ ﺍﺗﺮﻛﻚ ﺑﺄﺭﺍﺩﺗﻲ
ﺑﻌﺪ ﻣﺎ ﻛﻨﺖ ﺍﺳﻤﻴﻚ ﺍﻣﻠﻲ ﺍﻟﺠﻤﻴﻞ
ﺗﺮﺓ ﺍﻧﻲ ﺑﺸﺮ ﻣﻮ ﻣﻼﻙ
ﺭﺩﺕ ﺍﺻﻴﺮ ﺍﻧﺎﻧﻴﺔ ﻭﺍﺧﺬ ﺣﺒﻚ ﻏﺼﺐ ﻋﺎﻟﻜﻞ
ﻟﻜﻦ ﻏﺼﺐ ﻋﻨﻲ ﺑﻌﺪﻭﻧﻲ ﻋﻨﻚ
: ﺷﻨﻬﻮ ﻣﻨﻮ ﺟﺎﺑﺮﺝ ﻳﺴﻬﻮﺓ
ﻣﻨﻮ ﺍﻟﺔ ﻣﺼﻠﺤﺔ ﺑﺒﻌﺎﺩﺝ ﻋﻨﻲ
: ﻫﺬﺍ ﺍﻟﺠﻮﺍﺏ ﻣﻮ ﻋﻨﺪﻱ ﺭﻭﺡ ﺍﺳﺄﻝ ﺍﺧﻮﻙ ﻋﺪﻱ
ﻭﮔﻠﺔ ﻣﻨﻮ ﺍﻟﺔ ﻣﺼﻠﺤﺔ ﺑﻔﺮﺍﻗﻨﺎ
ﻫﻮ ﺍﻟﻲ ﺭﺍﺡ ﻳﻜﺪﺭ ﻳﺤﺠﻴﻠﻚ ﻣﻨﻮ ﻭﺭﺓ ﻫﺬﺍ ﻛﻠﺔ
ﺗﻠﮕﺔ ﺍﻟﺠﻮﺍﺏ ﻋﻨﺪﺓ
: ﻳﺴﻬﻮﺓ ﺍﺣﺠﻲ ﻋﺪﻝ ﻣﺎ ﺍﺣﺐ ﺍﻻﻟﻐﺎﺯ
ﺣﺘﻰ ﻟﻮ ﺟﺎﻥ ﻛﻼﻣﺞ ﺻﺤﻴﺢ
ﻟﻴﺶ ﻣﺎ ﺍﺟﻴﺘﻲ ﻭﺣﺠﻴﺘﻴﻠﻲ
ﻟﻴﺶ ﺍﻧﺎ ﻣﺎ ﺍﺳﺘﺤﻖ ﺍﻋﺮﻑ ﺑﺎﻟﻤﻮﺿﻮﻉ
ﻟﻮ ﺛﺎﻳﺮ ﻋﺎﺩﻱ ﻋﻨﺪﺝ ﺗﻜﺪﺭﻳﻦ ﺗﻌﺪﻳﻦ ﺣﺒﺔ ﺑﺴﻬﻮﻟﺔ
ﺯﻳﻦ ﺍﺣﻠﻔﺞ ﺑﺎﻟﻠﻪ
ﻟﻮﺟﻨﺘﻲ ﺻﺪﻙ ﻣﺜﻠﻤﺎ ﺗﺘﺪﻋﻴﻦ ﺑﺤﺒﺞ ﺍﻟﻲ
ﻟﻴﺶ ﻣﺎ ﺣﺎﻭﻟﺘﻲ ﺗﺤﺎﺭﺑﻴﻦ ﻋﺪﻱ ﻭﺍﻻ ﻏﻴﺮﻩ
ﻣﻦ ﺍﺟﻞ ﺣﺒﺞ ﺍﻟﻲ ﺑﺲ ﺍﻟﻈﺎﻫﺮ
ﺣﺒﻨﺎ ﺑﺎﻟﻨﺴﺒﺔ ﺍﻟﺞ ﻣﺎ ﻳﺴﺘﺤﻖ
ﺍﻟﻌﻨﺎﺀ ﻣﻦ ﺣﻈﺮﺓ ﺟﻨﺎﺑﺞ
ﻭﻓﻀﻠﺘﻲ ﺗﺨﺘﺎﺭﻳﻦ ﺍﻟﺨﻴﺎﺭ ﺍﻻﺳﻬﻞ
ﻭﻫﻮ ﺍﻻﺑﺘﻌﺎﺩ ﻋﻨﻲ ﻻﻥ ﺑﻨﻈﺮﺝ ﺍﻧﺎ ﻣﺎ ﺍﺳﺘﺎﻫﻞ
ﺍﻟﻤﻌﺎﻧﺎﺓ ﻭﺷﻠﻌﺎﻥ ﺍﻟﮕﻠﺐ
ﺑﻴﻨﻤﺎ ﺍﻧﺎ ﺍﻧﺤﻄﻴﺖ ﺑﻨﻔﺲ ﻣﻮﻗﻔﺞ
ﻭﺧﻴﺮﻭﻧﻲ ﺑﻴﻦ ﺣﺒﺞ ﺑﻜﻔﺔ ﻭﺍﻫﻠﻲ ﻭﻧﺎﺳﻲ ﺑﻜﻔﺔ
ﺗﺪﺭﻳﻦ ﺍﻧﺎ ﺷﺴﻮﻳﺖ
ﺗﺮﻛﺘﻬﻢ ﻛﻠﻬﻢ ﻭﺍﺟﻴﺘﺞ ﻛﻞ ﻫﺬﺍ ﻣﺎ ﻓﺮﻕ ﻋﻨﺪﺝ ﺑﺸﻲ
ﻭﻻ ﺃﺛﺮ ﻋﻠﻴﺞ
ﻧﺼﻴﺤﺔ ﺍﻟﺞ ﻻ ﺗﺨﻠﻴﻦ ﻫﺬﺍ ﻛﻼﻣﺞ
ﻋﺬﺭ ﺣﺘﻰ ﺗﺨﺘﺒﺌﻴﻦ ﻭﺭﺍﻩ
ﻫﺎﻱ ﺍﻟﺤﺠﺔ ﺗﻜﺪﺭﻳﻦ ﺗﻘﻨﻌﻴﻦ ﺑﻴﻬﺎ ﻧﻔﺴﺞ
ﺑﺲ ﻣﺎ ﺭﺍﺡ ﺗﻜﺪﺭﻳﻦ ﺗﻘﻨﻌﻨﻲ
ﻓﺘﺤﺖ ﺣﻠﮕﻲ ﺭﺩﺕ ﺍﺣﺠﻲ
ﺭﻓﻊ ﺍﻳﺪﺓ ﺑﺄﺷﺎﺭﺓ ﻏﺎﺿﺒﺔ ﻣﻨﻌﻨﻲ ﻣﻦ ﺍﻟﻜﻼﻡ
ﻭﻛﻤﻞ ﺑﻮﻋﺪ
: ﺑﺲ ﺍﻟﻈﺎﻫﺮ ﺍﻧﺘﻲ ﺍﻟﺒﺎﻳﻌﺔ ﻭﺍﻧﺎ ﺍﻟﻤﺸﺘﺮﻱ
ﻟﻜﻦ ﻫﻴﻦ ﻳﺴﻬﻮﺓ ﺍﺫﺍ ﻣﺎ ﺍﻋﻠﻤﺞ ﺍﻟﻠﻪ ﺣﻖ ﺑﺴﻴﻄﺔ
ﺷﻔﺘﺔ ﻋﺎﻓﻨﻲ ﻭﻃﻠﻊ ﻣﻦ ﺍﻟﻐﺮﻓﺔ
ﻭﻇﻠﻴﺖ ﺍﻧﻲ ﻟﻮﺣﺪﻱ
ﺧﺎﻭﻳﺔ ﺣﺴﻴﺖ ﻣﺜﻞ ﺍﻟﻲ ﻫﺒﺖ ﻋﻠﻴﻪ
ﺭﻳﺢ ﻋﺎﺗﻴﺔ ﻭﺣﻞ ﺑﻲ ﺍﻟﺪﻣﺎﺭ ﻫﻴﺞ ﺻﺎﺭ ﺑﺤﺎﻟﻲ
ﺣﺮﺕ ﻣﺎ ﺍﻋﺮﻑ ﺷﺘﺼﺮﻑ
ﻟﻤﻴﺖ ﺷﺎﻟﻲ ﻭﺭﺣﺖ ﻭﻛﻔﺖ ﮔﺒﺎﻝ
ﺍﻟﻤﺮﺍﻳﺎ ﺍﺭﻳﺪ ﺍﺷﻮﻑ ﻧﻔﺴﻲ
ﻗﺒﻞ ﻻ ﺍﻧﺰﻝ ﻭﺍﻟﻨﺎﺱ ﺗﺸﻮﻓﻨﻲ ﻭﻳﻨﺘﺒﻬﻮﻥ ﻋﻠﻴﺔ
ﺍﻧﺼﺪﻣﺖ ﻣﻦ ﺷﻔﺖ ﺷﻜﻠﻲ
ﻫﺎﻱ ﻣﻨﻮ ﻣﻌﻘﻮﻟﺔ ﺍﻧﻲ
ﺷﻔﺎﻳﻔﻲ ﻣﻮﺭﻣﺔ ﻭﺣﻤﺮﺓ
ﻭﺧﺪﻭﺩﻱ ﻧﺎﺭ ﻭﻋﻴﻮﻧﻲ ﺑﻴﻬﻢ ﻟﻤﻌﺔ
ﻭﺷﻌﺮﻱ ﻣﻬﻮﺱ ﺻﺮﺕ ﺍﻋﺪﻝ ﺑﻮﺟﻬﻲ ﻭﺍﻣﺴﺢ
ﻋﻠﻰ ﺷﻔﺎﻳﻔﻲ ﻭﻋﺪﻟﺖ ﺷﺎﻟﻲ
ﻭﺷﻬﻜﺖ
ﻋﺰﺓ ﺍﻟﻌﺰﺍﻧﻲ ﻫﺎﻱ ﺷﻨﻮ ﺍﻟﻲ ﺑﺮﮔﺒﺘﻲ
ﺍﺛﺎﺭ ﺑﻘﻌﺔ ﺣﻤﺮﺓ ﻋﻠﻰ ﺭﮔﺒﺘﻲ
ﻟﻤﺴﺘﻬﺎ ﻣﺎ ﺍﺗﺄﺫﻳﻨﻲ
ﻭﺍﺗﺬﻛﺮﺕ ﺛﺎﺋﺮ ﻭﺣﺮﻛﺘﺔ ﻭﻳﺎﻱ
ﺷﺠﺎﻧﻲ ﻇﻠﻴﺖ ﺍﺣﺠﻲ ﻭﻳﺔ ﺭﻭﺣﻲ ﺑﺎﻟﻤﺮﺍﻳﺎ
ﻟﺞ ﺍﻧﺘﻲ ﻣﻨﻮ ﻣﺪﺍ ﺍﻋﺮﻓﺞ
ﺷﺴﻮﻳﺘﻲ ﺑﺮﻭﺣﺞ
ﺍﻧﻲ ﻟﻴﺶ ﻫﺪﺭﺕ ﺣﺸﻤﺖ ﻧﻔﺴﻲ
ﻛﻠﺔ ﻣﻦ ﻭﺭﺍﻙ
ﻻﻻ ﻣﻮ ﻣﻨﺔ ﺍﻟﺼﻮﺝ
ﺍﻧﻲ ﺍﻟﻲ ﺿﻌﻔﺖ ﺍﻧﻲ ﺍﻟﻲ ﺍﺳﺘﺴﻠﻤﺖ
ﻭﻣﺎ ﺻﻨﺖ ﻧﻔﺴﻲ ﻏﺒﻴﺔ ﻏﺒﻴﺔ ﻏﺒﻴﺔ
ﻭﺗﺒﻘﻴﻦ ﻏﺒﻴﺔ ﻃﻮﻝ ﻋﻤﺮﺝ
ﻋﺪﻟﺖ ﻭﺿﻌﻲ ﻭﻟﺒﺴﺖ ﺷﺎﻟﻲ ﻭﺍﻳﺪﻳﺔ ﺗﺮﺟﻒ
ﻃﻠﻌﺖ ﻣﻦ ﺍﻟﻐﺮﻓﺔ ﻭﺍﻧﻲ ﺍﺗﺮﻧﺢ ﻣﻦ ﺍﻟﺨﻮﻑ
ﻭﺍﺗﻠﻔﺖ ﻣﺜﻞ ﺍﻟﺤﺮﺍﻣﻲ
ﻭﺻﻠﺖ ﻳﻢ ﻣﺤﺠﺮ ﺍﻟﺪﺭﺝ
ﻭﺷﻔﺖ ﺭﻭﺍﺀ ﺍﺧﺘﺔ ﻛﺎﻋﺪﺓ ﻋﺎﻟﺪﺭﺝً ...
ﺳﺄﻟﺘﻬﺎ ﺷﺘﺴﻮﻳﻦ ﻫﻨﺎ . ﻛﺎﻋﺪﺓ ...
ﺭﻭﺍﺀ ﺑﺎﺭﺗﺒﺎﻙ
: ﺟﻨﺖ ﻣﻨﺘﻈﺮﺗﺞ ﺗﻄﻠﻌﻴﻦ ﻭﺍﻧﺰﻝ ﻭﻳﺎﺝ ﺧﺎﻑ ﺍﻣﺞ ﺗﺸﻮﻓﻨﻲ ﻧﺎﺯﻟﺔ ﻭﺍﻧﺘﻲ ﻣﻮ ﻭﻳﺎﻱ ﻭﺗﺴﺄﻟﻨﻲ ﻋﻨﺞ
ﻭﺍﻧﺘﻲ ﻣﺎ ﻧﺎﻗﺼﺔ ﻛﻼﻡ ﺯﺍﻳﺪ
ﺳﻬﻰ ﺑﺘﺴﺎﺋﻞ
ﺷﻨﻮ ﻗﺼﺪﻫﺎ ﺑﻜﻼﻡ ﺯﺍﻳﺪ ﺑﺲ ﺍﻟﻈﺎﻫﺮ ﺭﻭﺍﺀ ﺗﻌﺮﻑ ﻛﻠﺸﻲ ﻋﻨﻲ ﻭﻋﻦ ﺛﺎﺋﺮ
: ﺭﻭﺍﺀ ﻟﻴﺶ ﻫﻴﺞ ﺳﻮﻳﺘﻲ ﺑﻴﺔ
ﺍﻧﺘﻲ ﻧﺼﺒﺘﻴﻠﻲ ﻛﻤﻴﻦ
ﻭﺧﻠﻴﺘﻨﻲ ﺑﻮﺿﻊ ﻻ ﻳﺤﺴﺪ ﻋﻠﻴﻪ
ﺭﻭﺍﺀ ﺑﺘﻮﺳﻞ
: ﺻﺪﻛﻴﻨﻲ ﻭﺍﻟﻠﻪ ﺣﻜﻢ ﺍﻟﻘﻮﻱ ﻋﺎﻟﻀﻌﻴﻒ
ﻣﺎ ﺍﻛﺪﺭ ﺍﻛﻠﺔ ﻻ
ﺍﻧﺘﻲ ﻣﺎ ﺷﻔﺘﻴﻪ ﻣﻦ ﺭﺟﻊ ﻣﻦ ﺑﻐﺪﺍﺩ ﺍﻟﻴﻮﻡ
ﺷﻠﻮﻥ ﺟﺎﻥ ﺣﺎﻟﺔ ﻳﺨﻮﻑ ﻣﻦ ﺍﻟﻐﻀﺐ ﻭﻣﻨﻬﺎﺭ
ﺣﺬﺭﻧﻲ ﻭﻛﺎﻝ
: ﺍﺭﻳﺪﺝ ﺗﺠﻴﺒﻴﻦ ﺳﻬﻰ ﻟﻌﻨﺪﻱ ﺍﺭﻳﺪ ﺍﺣﺠﻲ ﻭﻳﺎﻫﺎ
ﺣﻠﻔﺘﺔ ﻭﻛﺘﻠﺔ ﻛًﻮﻝ ﻭﺍﻟﻠﻪ ﻣﺎ ﺗﺴﻮﻳﻠﻬﺎ ﺷﻲ
ﻭﻫﻮ ﻭﻋﺪﻧﻲ ﻣﺎ ﻳﺄﺫﻳﺞ
ﻋﺒﺎﻟﻲ ﺍﺫﺍ ﺍﺧﻠﻴﻜﻢ ﺗﻠﺘﻘﻮﻥ
ﺭﺍﺡ ﺍﻋﻤﻞ ﺑﻴﻜﻢ ﻣﻌﺮﻭﻑ ﻭﺍﻛﺴﺐ ﺑﻴﻜﻢ ﺛﻮﺍﺏ
ﻟﺤﺘﻰ ﺗﺤﺠﻮﻥ ﻣﻊ ﺑﻌﺾ ﻭﺗﻀﻤﺪﻭﻥ ﺟﺮﻭﺡ ﺑﻌﻀﻜﻢ
ﺑﺲ ﺷﻜﻠﻲ ﺧﺒّﺼﺖ ﻭﺧﺮﺑﺖ ﺍﻻﻭﻝ ﻭﺍﻟﺘﺎﻟﻲ
ﺑﻬﺎﻱ ﺳﻮﺍﻳﺘﻲ
ﺳﻬﻰ ﺑﻘﻠﺔ ﺣﻴﻠﺔ : ﻫﻮ ﻣﻮ ﺻﻮﺟﺞ ﻭﻻ ﺻﻮﺝ ﺍﺣﺪ
ﺻﻮﺟﻲ ﺍﻧﻲ ﺍﻟﻲ ﺍﻣﻨﺖ ﺑﻴﺞ ﻭﺑﺄﺧﻮﺝ ﺍﻛﺜﺮ ﻣﻦ ﺍﻟﻼﺯﻡ
ﻛﺎﻥ ﻻﺯﻡ ﺍﺣﻂ ﺣﺪ
ﻭﺍﻟﻈﺎﻫﺮ ﺍﻧﺘﻲ ﻋﻨﺪﺝ ﻋﻠﻢ ﺑﻜﻠﺸﻲ ﻭﺗﻌﺮﻓﻴﻦ ﺑﻤﻮﺿﻮﻋﻨﺎ
ﺑﺎﻟﻠﻪ ﺷﻨﻮ ﺗﺘﻮﻗﻌﻴﻦ ﺭﺩﺓ ﻓﻌﻞ ﻭﺍﺣﺪ ﻣﺜﻞ ﺍﺧﻮﺝ ..
ﺍﺫﺍ ﻛﺎﻥ ﻛﺒﺮﻳﺎﺋﺔ ﻣﺠﺮﻭﺡ
ﺗﺘﻮﻗﻌﻴﻦ ﺭﺍﺡ ﻳﺮﺣﻤﻨﻲ ﻟﻮ ﻳﻔﻬﻤﻨﻲ
ﻻ ﺑﺎﻟﻌﻜﺲ ﻣﺎ ﺭﺍﺡ ﻳﺘﺮﺩﺩ ﻟﺤﻈﺔ ﻭﺣﺪﺓ
ﻟﺤﺘﻰ ﻳﺴﺤﻜﻨﻲ ﻭﻳﺪﻣﺮﻧﻲ
ﺭﻭﺍﺀ ﺑﻘﻬﺮ : ﻣﻦ ﺳﻮﺩﺓ ﺑﻮﺟﻬﻲ ﻭﺍﻟﻠﻪ ﺧﻴﺔ ﻣﺴﺤﻴﻬﺎ ﺑﻮﺟﻬﻲ
ﻭﺍﻟﻠﻪ ﻣﺎ ﺍﻋﺮﻑ ﻭﻳﻦ ﺍﻭﺩﻱ ﻭﺟﻬﻲ ﻣﻨﺞ
ﺣﻘﺞ ﻋﻠﻴﺔ ﻭﻣﺎﻳﺼﻴﺮ ﺑﺨﺎﻃﺮﺝ ﺍﻻﻃﻴﺐ
ﺍﻻ ﺍﺷﺘﻜﻴﻪ ﻋﻨﺪ ﺟﺪﻱ ﺍﻟﺸﻴﺦ ﻣﺰﺍﺣﻢ ﻭﺍﺧﻠﻲ ﻳﺎﺧﺬﻟﺞ ﺣﻘﺞ
ﺷﻔﺖ ﺍﻟﻨﺪﻡ ﻭﺍﺿﺢ ﺑﻌﻴﻮﻥ ﺭﻭﺍﺀ
ﻭﻛﺎﻥ ﺍﻋﺘﺬﺍﺭﻫﺎ ﻧﺎﺑﻊ ﻣﻦ ﺻﻤﻴﻢ ﮔﻠﺒﻬﺎ
ﻫﻮ ﺑﻴﻬﺎ ﺍﻭ ﻣﻦ ﻏﻴﺮﻫﺎ ﻛﺎﻥ ﻻﺯﻡ ﺗﺤﺪﺙ ﻣﻮﺍﺟﻬﺔ ﺑﻴﻨﻲ ﻭﺑﻴﻦ ﺛﺎﺋﺮ ﻻﻥ ﻋﺮﻑ ﺑﻜﺬﺑﺔ ﺯﻭﺍﺟﻲ ﺍﻟﺰﺍﺋﻒ
ﻭﺍﺩﺭﻱ ﺑﻲ ﻣﺎ ﺭﺍﺡ ﻳﻌﺪﻳﻬﺎ ﺑﺴﻬﻮﻟﺔ
ﻭﻫﺬﺍ ﺍﻧﻲ ﺍﺧﺬﺕ ﺍﻟﻤﻘﺴﻮﻡ ﻣﻨﺔ ﻭﺍﻟﻠﻪ ﺍﻟﻌﺎﻟﻢ ﺷﻴﻨﺘﻈﺮﻧﻲ
ﺑﻌﺪ ﻣﻦ ﻋﻘﻮﺑﺔ
: ﺍﻋﺘﺬﺍﺭﺝ ﻣﻘﺒﻮﻝ ﻋﻔﻴﺔ ﻟﺘﺠﻴﺒﻴﻦ ﺳﻴﺮﺓ ﺑﺎﻟﻲ ﺻﺎﺭ
ﻻﻱ ﻭﺍﺣﺪ ﻻ ﺟﺪﺝ ﻭﻻ ﻏﻴﺮﻩ ﺍﻧﻲ ﻣﺜﻠﻤﺎ ﮔﻠﺘﻲ ﻣﺎ ﻧﺎﻗﺼﺔ
ﻛﻼﻡ ﻭﻓﻀﺎﻳﺢ
ﻭﻟﺘﺨﺎﻓﻴﻦ ﻣﺎ ﺭﺍﺡ ﺍﺷﻴﻞ ﺑﮕﻠﺒﻲ ﻋﻠﻴﺞ
ﺍﻧﺘﻲ ﻣﺎﻟﺞ ﺫﻧﺐ ﺑﺘﺼﺮﻓﺎﺕ ﺛﺎﺋﺮ
ﺍﻧﺘﻲ ﺻﺮﺗﻲ ﻭﺳﻴﻠﺔ ﺑﻴﺪ ﺛﺎﺋﺮ ﻟﺤﺘﻰ ﻳﻮﺻﻠﻨﻲ
ﺳﻮﺍﺀ ﺑﻴﺞ ﻣﻦ ﺩﻭﻧﺞ
ﺭﺍﺡ ﻳﻮﺻﻠﻨﻲ ﻳﻮﺻﻠﻨﻲ
......
ﺍﻧﺘﻬﻰ ﻛﻼﻣﻨﺎ ﻭﺑﻌﺪ ﻣﺎ ﻳﻔﻴﺪ ﺍﻟﻌﺘﺎﺏ
ﻭﺍﻟﻲ ﺻﺎﺭ ﺻﺎﺭ
ﻧﺰﻟﻨﺎ ﻳﻢ ﺍﻟﺒﻨﺎﺕ ﻭﮔﻠﺒﻲ ﻛﻞ ﺳﺎﻋﺔ ﻳﻨﺘﻔﺾ ﻣﺎ ﺍﻋﺮﻑ ﻟﻴﺶ
ﺭﺣﺖ ﻛﻌﺪﺕ ﺑﺼﻒ ﺍﻣﻲ ﻭﺑﻌﺪ ﻣﺎ ﺍﺗﺤﺮﻛﺖ ﻣﻦ ﻣﻜﺎﻧﻲ
ﺗﻮﺑﺔ ﻟﻠﻪ ﺍﺫﺍ ﺑﻌﺪ ﺍﺗﺤﺮﻙ ﻣﻨﺎ
ﺻﺎﺭﺕ ﺍﻻﻓﻜﺎﺭ ﺗﺎﺧﺬﻧﻲ ﻭﺗﺠﻴﺒﻨﻲ
ﻭﺍﺳﻤﻊ ﺳﻮﺍﻟﻒ ﺍﻟﻨﺴﻮﺍﻥ ﻭﺍﻣﻲ ﻛﺎﻋﺪﺓ ﻭﻳﺎﻫﻦ
ﻭﺟﺪﺗﻬﻢ ﺍﻟﺠﺒﻴﺮﺓ ﻛﺎﻋﺪﺓ ﺑﺎﻟﻨﺺ
ﻭﺍﺟﺔ ﺣﺴﻦ ﺍﺑﻨﻲ ﻳﺮﻛﺾ ﻭﻛﻌﺪ ﻳﻤﻲ
: ﻣﺎﻣﺎ ﺟﻮﻋﺎﻥ ﺷﻮﻛﺖ ﺗﺼﺒﻮﻥ ﻏﺪﺓ
ﺳﻤﻌﺖ ﻭﺣﺪﺓ ﻣﻦ ﺍﻟﻨﺴﻮﺍﻥ ﻋﺮﻓﺘﻨﻲ ﻋﻠﻴﻬﺎ
ﻋﺬﺭﺍﺀ ﻭﻛﺎﻟﺖ ﻫﺎﻱ ﺧﺎﻟﺘﻲ ﺳﻨﺎﺀ ﺍﺧﺖ ﺍﻣﻲ ﺗﺼﻴﺮ ﻋﻤﺖ ﻋﺪﻱ ﺍﺧﺖ ﺍﺑﻮﻩ
ﻫﺎﻱ ﺍﺭﻣﻠﺔ ﻭﻋﺎﻳﺸﺔ ﻫﻨﺎ ﻭﻋﻨﺪﻫﺎ ﺛﻨﻴﻦ ﺑﻨﺎﺕ
ﻣﺘﺰﻭﺟﺎﺕ ﻭﺣﺪﺓ ﺑﺒﻐﺪﺍﺩ ﻭﺣﺪﺓ ﻫﻨﺎ ﻗﺮﻳﺐ ﻋﻠﻴﻨﺎ
ﺑﺲ ﻫﺎﻱ ﺍﻟﻠﻪ ﻣﺎ ﻳﺠﺮﻋﻬﺎ
ﺍﻧﺘﻘﻠﺖ ﻟﻠﺴﻜﻦ ﻫﻨﺎ ﺑﻬﺬﺍ ﺍﻟﺒﻴﺖ ﻣﻦ ﻣﺎﺗﺖ ﺍﻡ ﻋﺪﻱ ﻣﺮﺕ ﺧﺎﻟﻲ ﻭﺻﺎﺭﺕ ﺗﺪﻳﺮ ﻫﺬﺍ ﺍﻟﺒﻴﺖ ﻭﺗﺘﺨﺒﻞ
ﻣﻦ ﺳﻴﺮﺕ ﻣﺮﻳﺔ ﺗﺠﻲ ﺗﻌﻴﺶ ﺑﻬﺬﺍ ﺍﻟﺒﻴﺖ ﻭﺗﺸﺎﺭﻛﻬﺎ ﺑﻲ
ﺍﺗﺬﻛﺮ ﺷﻠﻮﻥ ﻧﺸﺒﺖ ﻭﻳﺔ ﻣﺮﺕ ﻋﻠﻲ ﺍﺧﻮﻫﻢ ﺍﻟﺠﺒﻴﺮ
ﻣﻨﺎ ﻟﺤﺪ ﻣﺎ ﺷﺮﺩﺗﻬﺎ ﻣﻦ ﺍﻟﺒﻴﺖ ﻭﻋﺰﻝ ﺑﻴﻬﺎ ﻋﻠﻲ ﺑﺒﻴﺖ ﻟﻮﺣﺪﻫﺎ ﻫﻨﺎ ﺑﻮﺍﺣﺪ ﻣﻦ ﻫﺎﻱ ﺍﻟﺒﻴﻮﺕ
: ﻣﺎﻣﺎ ﺟﻮﻋﺎﻥ
ﺳﻤﻌﺖ ﺧﺎﻟﺘﻬﻢ ﺳﻨﺎﺀ
: ﻳﺎﺍﺍﺍ ﻫﻮ ﻫﺬﺍ ﺍﻟﻔﺮﺥ ﺍﻟﻲ ﺻﺎﺭ ﻣﻦ ﻭﺭﺓ ﺍﻟﺴﺎﻟﻔﺔ ﺍﻟﻌﻮﺟﺔ
ﻣﺎﻟﺘﺞ
ﻳﻤﺔ ﺍﻭﻝ ﻣﺎ ﺳﻤﻌﺖ ﻛﻼﻣﻬﺎ
ﺟﻤﺪ ﺍﻟﺪﻡ ﺑﻌﺮﻭﻛﻲ ﻭﺻﺎﺭ ﻭﺟﻬﻲ ﻳﻨﻄﻲ ﺍﻟﻮﺍﻥ
ﻻ ﻳﺎﺍﺍﺍﺍﺍ ﺍﻟﻠﻪ ﻫﺎﻱ ﻭﻳﻦ ﺟﺎﻧﺘﻠﻲ
ﻣﻌﻘﻮﻟﺔ ﺑﻌﺪ ﻛﻞ ﻫﺎﻟﺴﻨﻴﻦ
ﻫﺬﺍ ﺍﻟﻌﺎﺭ ﻳﻈﻞ ﻻﺣﻜﻨﻲ ﺣﺘﻰ ﻫﻨﺎ
ﺳﻤﻌﺖ ﻣﺮﺕ ﻋﻤﻲ ﻣﻨﺘﻬﻰ ﻛﻤﺰﺕ ﻣﻦ ﻣﻜﺎﻧﻬﺎ
: ﻻ ﻳﺎ ﺧﻴﺘﻲ ﻋﻔﻮ ﻋﻠﻴﺞ ﺷﻨﻬﻮ ﻫﺬﺍ ﺍﻟﻜﻼﻡ
ﺗﺮﺓ ﺳﻬﻮﺓ ﻣﺘﺰﻭﺟﺔ ﻭﻫﺬﺍ ﺍﺑﻨﻬﺎ ﻣﻦ
ﺯﻭﺟﻬﺎ ﺍﻟﻤﺮﺣﻮﻡ
ﺳﻨﺎﺀ : ﺟﺎ ﺍﻧﺘﻲ ﻣﻮﺵ ﻗﺒﻞ ﺟﻢ ( ﻛﻢ ) ﺳﻨﺔ
ﻛﻠﺘﻲ ﺑﻨﺖ ﺣﻤﺎﺝ ﺣﺒﻠﺖ ﻣﻦ ﺧﻄﻴﺒﻬﺎ ﻭﺻﺎﺭ ﻋﻨﺪﻫﺎ ﻓﺮﺥ ﻣﻨﺔ ﻭﻣﺎﺕ ﻭﺻﺎﺭﺕ ﺳﺎﻟﻔﺘﻬﺎ ﻋﻠﻰ ﻛﻞ ﺍﻟﺴﺎﻥ
ﺟﺎ ﻫﻲ ﺷﻠﻮﻥ ﺗﺼﻴﺮ ﺍﻟﺸﻐﻠﺔ ﺍﻟﻌﻮﺟﺔ ﺑﻌﺪ
ﺑﺎﻭﻋﺖ ﻋﻠﻰ ﻣﺮﺕ ﻋﻤﻲ ﻇﻞ ﻭﺟﻬﺎ ﻳﻨﻄﻲ ﺍﻟﻮﺍﻥ
ﺍﻣﻲ ﺟﺎﻭﺑﺘﻬﺎ
: ﺷﻮﻓﻲ ﻋﻴﻨﻲ ﺗﺮﺓ ﺑﻨﺘﻲ ﻣﺘﺮﺑﺎﻳﺔ ﻭﺑﻨﺖ ﺍﺻﻮﻝ
ﻭﻣﺎﻛﻮ ﺍﻧﺴﺎﻥ ﻣﻌﺼﻮﻡ ﻣﻦ ﺍﻟﻐﻠﻂ
ﺑﻨﺘﻲ ﻏﻠﻄﺖ ﺻﺢ ﺑﺲ ﻣﺎ ﺯﻧﺖ
ﻣﺎ ﺍﺭﺗﻜﺒﺖ ﺍﻟﺤﺮﺍﻡ ﺑﺎﻟﻌﻜﺲ
ﻓﺮﺍﺱ ﺟﺎﻥ ﺯﻭﺟﻬﺎ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﺔ
ﺻﺤﻴﺢ ﺍﻟﻄﺮﻳﻘﺔ ﺧﻄﺎﺀ ﺑﺲ ﻳﺒﻘﻰ ﻫﺬﺍ ﻗﺪﺭ ﻭﻣﻜﺘﻮﺏ
ﻭﻣﺎ ﻣﻨﺔ ﻣﻬﺮﺏ
ﺍﻟﺠﺪﺓ : ﺍﻱ ﻭﺍﻟﻠﻪ ﻳﻤﺔ ﻛﻼﻣﺞ ﻋﺪﻝ
ﻛﻠﺸﻲ ﺑﺎﻟﻘﺴﻤﺔ ﻭﺍﻟﻨﺼﻴﺐ
ﻭﻣﺎﻋﻠﻴﺞ ﺑﻴﻬﺎ ﺣﺒﻴﺒﺔ ﻣﺴﺤﻴﻬﺎ ﺑﻮﺟﻬﻲ
ﺍﺩﺭﻱ ﺑﻴﺞ ﺯﻋﻠﺘﻲ ﻣﻦ ﻛﻼﻡ ﺳﻨﻴﻮﺓ
ﺍﻋﺮﻑ ﻛﻠﺶ ﺯﻳﻦ
ﻣﻮﺵ ﻣﻦ ﺍﻻﺻﻮﻝ ﻭﻛﺮﻡ ﺍﻟﻀﻴﻒ
ﺗﻌﻴﺮﻳﻨﺔ ﻭﻫﻮ ﺟﺎﻟﺲ ﺑﺪﺍﺭﺝ ﻻﻥ ﻫﺬﺍ ﻳﻘﻞ ﻣﻦ ﻣﻘﺪﺍﺭﺝ
ﺳﻨﺎﺀ ﺑﻘﻬﺮﺭ : ﺷﻨﻬﻮ ﺣﺠﻴﺔ ﻫﺴﺔ ﺍﺣﻨﺎ ﺷﺤﺠﻴﻨﺎ
ﺣﺘﻰ ﻛﻤﺘﻲ ﻋﻠﻴﻨﺎ
: ﻛﻮﻣﻲ ﻭﻟﻲ ﻣﻨﺎ ﻻ ﺣﻠﺖ ﺑﺮﻛﺔ ﺑﻮﻳﻬﺞ ( ﺍﻟﻮﺟﻪ )
ﺟﺎ ﺍﻧﺘﻲ ﺗﺒﻘﻴﻦ ﻣﻠﻜﻮﻓﺔ ( ﺭﻋﻨﺔ )
ﻛﺎﻥ ﻛﻼﻡ ﺟﺪﺗﻬﻢ ﻣﻊ ﺳﻨﺎﺀ
ﺑﺮﺩ ﮔﻠﺒﻲ ﺑﺲ ﺍﻟﻤﺸﻜﻠﺔ ﻛﺎﻥ ﻛﻼﻡ ﺳﻨﺎﺀ ﻛﻠﺔ ﺻﺤﻴﺢ
ﻭﺷﻜﻠﺔ ﻫﺬﺍ ﺍﻟﻌﺎﺭ ﻣﺎ ﻧﺎﻭﻱ ﻳﺤﻞ ﻋﻨﻲ ﻭﻳﻔﻜﻨﻲ
..............................
ﻧﺎﺻﺮ : ﺷﻨﻬﻮ ﻋﺪﻱ ﺍﺷﻮ ﻗﻠﺔ ﺳﻔﺮﺍﺗﻚ ﻟﺒﻐﺪﺍﺩ ﻭﺻﺮﺕ ﺗﺘﻮﺍﺟﺪ ﻭﻳﺎﻧﺔ ﺑﺎﻟﺴﻠﻒ
ﻛﻠﺶ ﻫﻮﺍﻱ ﻫﺎﻱ ﺍﻻﻳﺎﻡ
ﻭﻫﺎﻱ ﻣﻮ ﻣﻦ ﻋﻮﺍﻳﺪﻙ
ﻻ ﻳﻜﻮﻥ ﺻﺮﺕ ﺗﺤﺐ ﺍﻟﺴﻠﻒ
ﻋﺪﻱ : ﺷﻨﻬﻮ ﻭﺍﻟﻠﻪ ﺣﺮﻧﺎ ﻭﻳﺎﻛﻢ
ﻫﺎﺟﺮﻧﺎ ﺍﻟﺴﻠﻒ ﺗﺤﺠﻮﻥ
ﺑﻘﻴﻨﺎ ﺑﺎﻟﺴﻠﻒ ﻫﻢ ﺑﻌﺪﻛﻢ ﺗﺤﺠﻮﻥ
ﺟﺎ ﺍﻧﺘﻮ ﺷﻨﻮ ﻣﺼﻴﺒﺘﻜﻢ ﻣﺎﻋﻨﺪﻛﻢ
ﺳﺎﻟﻔﺔ ﻏﻴﺮ ﻋﺪﻱ ﺍﻟﻤﻜﺮﻭﺩ
: ﺧﺎﻳﺐ ﺷﺤﺠﻴﻨﺎ ﻳﺎ ﺟﻠﻤﺔ ( ﻛﻠﻤﺔ ) ﺭﺩﻱ ﺑﻤﻜﺎﻧﺞ
.................
ﻋﺪﻱ
ﻓﻌﻼً ﻛﺎﻥ ﻛﻼﻡ ﻧﺎﺻﺮ ﺻﺤﻴﺢ
ﻗﻠﺖ ﺳﻔﺮﺍﺗﻲ ﻟﺒﻐﺪﺍﺩ
ﻭﺻﺮﺕ ﺍﺿﻮﺝ ﻣﻦ ﻃﺎﺭﻱ ﺍﻟﺴﻔﺮ
ﻣﻦ ﻳﻮﻡ ﻭﻛﻌﺖ ﻋﻴﻨﻲ ﻋﻠﻰ ﻏﺰﺍﻟﺔ ﺑﺖ ﺍﺧﻮ ﻗﺎﺳﻢ
ﺑﺲ ﺍﺍﺍﺍﺍﺍﺥ ﻟﻮ ﺍﻟﺠﺤﻬﺎ ( ﺍﺷﻮﻓﻬﺎ ) ﺣﺘﻰ ﻟﻮ ﻣﺮﺓ ﻭﺣﺪﺓ ﺑﺲ
ﻏﻴﺮ ﺍﻣﻮﺕ ﻣﻦ ﺍﻟﻔﺮﺣﺔ
ﺑﺲ ﺍﻧﺎ ﺑﻌﺪ ﻣﺎ ﺑﻴﺔ ﺻﺒﺮ ﻻﺯﻡ ﺍﺷﻮﻓﻠﻲ ﺻﺮﻓﺔ
ﺍﻓﺎﺗﺢ ﺍﺑﻮﻱ ﺑﺎﻟﺴﺎﻟﻔﺔ ﻭﺍﺧﻠﻴﻪ ﻳﺨﻄﺒﻠﻲ ﺑﻨﺖ ﺍﺧﻮ ﻗﺎﺳﻢ
ﻭﻣﺎﻋﻠﻴﺔ ﺑﻌﺬﺭﺍﺀ ﺧﻠﻬﺎ ﺗﻮﻟﻲ ﻣﻮ ﻣﺸﻜﻠﺘﻲ ﻫﺎﻱ
ﺟﺪﻱ ﻫﻮ ﺍﻟﻲ ﺣﺠﺰﻫﺎ ﺍﻟﻲ ﻫﻮ ﺍﻟﻲ ﻳﺒﺘﻠﻲ ﺑﻴﻬﺎ
.......
ﻣﻨﺘﺼﺮ : ﺷﻤﺎﻟﻚ ﻳﺎ ﺫﻳﺐ ﻟﻴﺶ ﺗﻌﻮﻱ
ﻧﺎﺻﺮ ﻣﺎ ﺟﺬﺏ ﺑﻜﻼﻣﻪ ﺻﺤﻴﺢ ﺟﻨﺖ
ﺑﺎﻟﺴﻨﺔ ﺣﺴﻨﺔ ﻧﺸﻮﻓﻚ ﻫﻨﺎ
ﺟﻨﻚ ﺍﻧﺖ ﻣﻮ ﺍﺧﻮﻧﺎ ﻣﻦ ﻭﺭﺓ ﻛﺜﺮﺕ ﺳﻔﺮﺍﺗﻚ ﻋﺪﺍﻟﻚ ﻣﻬﺎﺟﺮ ﻭﻣﺎ ﻋﺎﻳﺶ ﻭﻳﺎﻧﺔ
ﺍﻧﺖ ﺣﺘﻰ ﻣﺎ ﺗﻌﺮﻑ ﺷﻴﺼﻴﺮ ﺑﺎﻟﺴﻠﻒ
ﻭﺷﻨﻮ ﻳﺠﺮﻱ ﻋﻠﻴﻪ
ﻳﻤﻜﻦ ﻟﻮ ﺍﻫﺪﻙ ﺑﻨﺺ ﺍﻟﺴﻠﻒ
ﺍﺣﺘﻤﺎﻝ ﺍﺗﻴﻪ ( ﺗﻀﻴﻊ )
: ﺧﺎﻳﺐ ﻣﺎ ﺗﺴﺪ ﺣﻠﻜﻚ ﻻ ﺍﺟﻲ ﺍﺳﺪﺓ ﺍﻟﻚ
ﻛﻤﺖ ﻣﻦ ﻳﻤﻬﻢ ﻭﺭﺣﺖ ﻣﺘﻮﺟﻪ ﻟﻠﻤﻄﺒﺦ
ﺳﻤﻌﺖ ﻧﺎﺻﺮ ﺻﺎﺡ ﻣﻦ ﻭﺭﺍﻱ
: ﻋﻠﻰ ﻭﻳﻦ ﺭﺍﻳﺢ ﺗﺮﺓ ﺍﻟﻤﻄﺒﺦ ﻛﻠﻬﺎ ﺣﺮﻳﻢ
ﺷﻌﻨﺪﻙ ﻫﻨﺎﻙ
ﺍﻟﺘﻔﺘﺖ ﻋﻠﻴﻪ ﺑﻐﻀﺐ
: ﺧﺎﻳﺐ ﻣﺎ ﺗﺎﻛﻞ ﺗﺒﻦ ﻫﻢ ﺑﻴﺘﻨﺎ ﻭﻫﻢ
ﺗﺤﻜﻤﻨﻲ ﺑﻲ
ﻋﻔﺘﺔ ﻭﺩﺧﻠﺖ ﺟﻮﺓ ﻟﻠﻤﻄﺒﺦ
ﻧﺎﺻﺮ ﺑﻐﻀﺐ : ﺷﻮﻑ ﻭﻟﻚ ﻫﺬﺍ ﺍﺧﻮﻙ ﺷﻜﻠﺔ ﺗﺴﻮﺩﻥ ﻭﻛﺜﺮﺕ ﺳﻔﺮﺍﺗﺔ ﺍﺛﺮﺕ ﻋﻠﻴﻪ ﻭﻏﺴﻠﺖ ﻋﻘﻠﺔ ﻭﺧﻠﺘﺔ ﻳﻨﺴﻰ ﺍﻟﺤﺸﻤﺔ ﻭﺣﺮﻣﺔ ﺍﻟﺒﻴﺖ
.....................
ﻓﺘﺖ ﺟﻮﺓ ﻟﻠﻤﻄﺒﺦ ﻭﻋﻔﺖ ﻭﺭﺍﻱ ﻧﺎﺻﺮ ﺷﺎﻳﻂ ﻣﻦ ﺍﻟﻘﻬﺮ
ﻣﺎ ﺍﺩﺭﻱ ﻟﻴﺶ ﺍﺣﺐ ﺍﺗﻌﺎﺭﻙ ﻭﻳﺔ ﻧﺎﺻﺮ
ﻳﻤﻜﻦ ﺣﺘﻰ ﻳﻜﺮﻫﻨﻲ
ﻭﻳﺤﻠﻒ ﻋﻠﻴﺔ ﻭﻳﻜﻮﻝ ﻣﺎ ﺍﺯﻭﺟﻚ ﺍﺧﺘﻲ
ﺑﺲ ﺍﻟﻈﺎﻫﺮ ﻛﻞ ﻣﺤﺎﻭﻻﺕ ﺍﻟﺼﺪ ﻭﻳﺎﻩ ﻣﺎﺟﺎﺑﺖ ﻧﺘﻴﺠﺔ
ﺩﺧﻠﺖ ﻭﻣﺎ ﺷﻔﺖ ﺍﺣﺪ ﺑﺎﻟﻤﻄﺒﺦ ﺑﺲ ﻟﻤﺤﺖ ﻣﻨﺎﻙ ﺑﺎﻟﻄﺮﻑ ﻭﺣﺪﺓ ﻭﺍﻛﻔﺔ ﻋﻠﻰ ﺍﻟﻜﺎﻭﻧﺘﺮ ﻭﻣﺎ ﺍﻋﺮﻑ ﺷﺠﺎﻱ ﺗﺴﻮﻱ
ﺳﻤﻌﺘﻬﺎ ﺗﺪﻥ ﺩﻥ ﺑﺼﻮﺕ ﻧﺎﺻﻲ
ﺍﺣﻨﺎ ﻣﻄﺒﺨﻨﺎ ﻛﻠﺶ ﺟﺒﻴﺮ
ﻋﺪﺍﻟﻲ ﻫﺎﻱ ﺭﻭﺍﺀ ﺍﻗﺘﺮﺑﺖ ﻣﻨﻬﺎ ﺷﻤﻴﺖ ﺭﻳﺤﺔ ﺧﻴﺎﺭ
ﺷﻜﻠﻬﺎ ﺗﺴﻮﻱ ﺯﻻﻃﺔ
ﻣﺪﻳﺖ ﺍﻳﺪﻱ ﻣﻦ ﻭﺭﺍﻫﺎ ﻭﻋﺒﺮﺗﻬﺎ ﻭﺍﺧﺬﺕ ﻣﻦ ﻣﺎﻋﻮﻥ ﺍﻟﺰﻻﻃﺔ ﺧﻴﺎﺭﺓ
ﻛﺎﻥ ﺗﺼﺮﻓﻲ ﻃﺒﻴﻌﻲ ﻭﺭﺍﺀ ﻣﺘﻌﻮﺩﺓ ﻋﻠﻴﺔ
ﺑﺲ ﺳﻤﻌﺖ ﺷﻬﻜﺔ ﻭﺍﻟﺘﻔﺘﺖ ﻭﺻﺎﺭﺕ ﻋﻴﻨﻲ ﺑﻌﻴﻨﻬﺎ
......
ﺍﺍﺍﺍﺍﺍﺍﺍﺍﺍﺍﺥ ﺍﻟﻠﻪ ﻣﻌﻘﻮﻟﺔ ﺍﻟﻲ ﺍﻧﺎ ﺟﺎﻱ ﺍﺷﻮﻓﺔ
ﻻ ﻣﺴﺘﺤﻴﻞ ﻣﺎ ﺟﺎﻱ ﺍﺻﺪﻙ
ﺷﻔﺖ ﻋﻴﻮﻧﻬﺎ ﺍﻧﻔﺘﺤﺖ ﻋﻠﻰ ﻭﺳﻌﻬﻦ
ﺍﺍﺍﺍﺥ ﺑﻮﻳﺔ ﺻﺮﺕ ﻛﻠﻲ ﺍﺭﺟﻒ
ﺧﺎﻳﺐ ﺷﻤﺎﻟﻚ ﻋﺪﻱ ﺍﺭﻛﺰ
ﻋﻴﺐ ﻋﻠﻴﻚ ﺍﻧﺖ ﺭﺟﺎﻝ
: ﺍﺣﻢ ﺍﻧﺘﻲ ﻣﻨﻬﻮ
ﺷﻔﺘﻬﺎ ﺧﺰﺭﺗﻨﻲ
: ﻭﺍﻧﺖ ﻳﺎﻫﻮ ﻣﺎﻟﺘﻚ ﺟﺎﻱ ﺗﺴﺄﻟﻨﻲ
ﺍﻧﺘﺒﻬﺖ ﻋﻠﻴﻬﺎ ﺧﺰﺭﺗﻨﻲ
ﺭﻛﻀﺖ ﻣﻦ ﻛﺪﺍﻣﻲ ﻭﻃﻠﻌﺖ ﻣﻦ ﺍﻟﻤﻄﺒﺦ
ﻳﺎ ﺑﻮﻳﺔ ﺑﻌﺪ ﻫﺎﻱ ﻫﻲ ﻣﺎ ﺍﻛﺪﺭ ﺭﺍﺡ ﺍﻓﺎﺗﺢ ﺍﺑﻮﻱ ﺍﻟﻴﻮﻡ
ﻣﺎ ﺩﺍﻡ ﻋﻤﻲ ﻗﺎﺳﻢ ﻫﻨﺎ
ﺑﻌﺪ ﻣﺎ ﻋﺎﺩ ﺑﻴﺎ ﺻﺒﺮ
ﺭﺣﺖ ﺍﺷﻮﻑ ﺍﺑﻮﻱ ﻭﻳﻦ
...........................
ﺛﺎﺋﺮ
ﻧﺰﻟﺖ ﻭﺍﺑﺘﻌﺪﺕ ﻋﻨﻬﺎ
ﺍﺣﺘﻤﺎﻝ ﻟﻮ ﺑﺎﻗﻲ ﺷﻮﻳﺔ ﺑﻌﺪ ﺟﺎﻥ
ﺍﺧﺬﺗﻬﺎ ﻏﺼﺐ ﻋﻨﻬﺎ
ﺭﻏﻢ ﺍﻟﻌﺬﺍﺏ ﻭﺟﻊ ﺍﻟﮕﻠﺐ ﺍﻟﻲ ﺷﻔﺘﺔ ﻣﻨﻬﺎ
ﺑﺲ ﺑﻌﺪﺓ ﮔﻠﺒﻲ ﺧﺎﻳﻦ ﻭﻳﺤﺐ ﺟﺘﺎﻟﺔ ( ﻗﺎﺗﻠﻪ )
ﺭﺣﺖ ﺩﺧﻠﺖ ﻋﺎﻟﺪﻳﻮﺍﻥ ﺍﺩﻭﺭ ﻋﻠﻰ ﻋﺪﻱ
ﻻﺯﻡ ﺍﺳﺌﻠﺔ ﻣﻨﻴﻦ ﻳﻌﺮﻑ ﺳﻬﻰ ﻭﺷﻠﻮﻥ ﻭﺻﻠﻠﻬﺎ
ﻭﺷﻨﻮ ﻗﺼﺪﻫﺎ ﻏﺼﺐ ﻋﻨﻲ ﺑﻌﺪﻭﻧﻲ
ﻛﺎﻥ ﺭﺍﺳﻲ ﻭﻓﻜﺮﻱ ﻣﺸﻐﻮﻝ ﺑﻬﻮﺍﻱ ﺍﺳﺄﻟﺔ
ﺷﻔﺖ ﺍﺑﻮﻱ ﻭﺟﺪﻱ ﻭﺭﺟﻞ ﻋﻤﺘﻲ ﻗﺎﺳﻢ
ﻭﻋﻤﺎﻣﻲ ﺍﻟﺒﻘﻴﺔ ﻭﺍﻭﻻﺩﻫﻢ ﺑﺲ ﻣﺎﻛﻮ ﻋﺪﻱ
ﺍﻟﺸﻴﺦ ﻣﺰﺍﺣﻢ : ﻫَـﺎ ﻳﺎﻟﻮﺣﺶ ﺷﻨﻬﻲ ﺍﻻﺧﺒﺎﺭ
ﺑﺎﻭﻋﺖ ﻟﺠﺪﻱ ﺑﻨﻈﺮﺓ ﺍﻟﻌﺎﺭﻑ
: ﻋﻠﻤﻲ ﻋﻠﻤﻚ ﺷﻴﺨﻨﺎ ﻫﺎﺕ ﻣﺎ ﻋﻨﺪﻙ ﺍﺣﺠﻲ ﺗﻜﻠﻢ
: ﻛﻔﻮ ﻣﻨﻚ ﻳﺎﻟﻮﺣﺶ ﻭﺍﻟﻠﻪ ﺍﻧﻚ ﺗﻔﻬﻤﻨﻲ
ﺷﻮﻓﻮ ﻳﺎﻟﺮﺑﻊ ﺗﺮﺍﻧﻲ ﻭﺻﻠﻨﻲ ﺧﺒﺮ ﻋﻦ ﺟﺎﺳﻢ ﻭﺍﺭﻳﺪ ﺍﺗﺎﻛﺪ
ﻣﻦ ﺻﺤﺘﺔ ﻳﮕﻠﻚ
ﺟﺎﺳﻢ ﺭﺍﺡ ﻳﻄﻠﻊ ﻣﻦ ﺍﻟﺴﺠﻦ
ﻋﻠﻲ : ﺟﺪﻱ ﻣﻮﺵ ﺭﺍﺡ ﻳﻄﻠﻊ ﻣﻦ ﺍﻟﺴﺠﻦ
ﺟﺪﻱ ﻫﺬﺍ ﺟﺎﺳﻢ ﺷﺎﺭﺩ ﻣﻦ ﺍﻟﺴﺠﻦ
: ﻫﺎﻩ ﻣﻨﻬﻮ ﻛﻠﻚ
: ﻋﻔﻮ ﻋﻠﻴﻚ ﺷﻴﺨﻨﺎ ﺗﺮﺑﻴﺘﻚ ﺍﺣﻨﺎ ﺫﻳﺎﺑﻚ ( ﺍﻟﺬﺋﺎﺏ )
ﻭﻣﺎﺗﻐﻤﺾ ﺍﻟﻨﺎ ﻋﻴﻦ
ﺍﻟﺘﻔﺖ ﻋﻠﻰ ﺛﺎﺋﺮ
: ﻫَـﺎ ﻳﺜﺎﻳﺮ ﺷﻨﻬﻮ ﺷﻮﺭﻙ
: ﺷﻮﺭﻱ ﻣﻦ ﺷﻮﺭﻙ ﻳﺎﻟﺸﻴﺦ
: ﺟﺎ ﻣﺎﺩﺍﻡ ﺻﺎﺭ ﺍﻟﺸﻮﺭ ﺷﻮﺭﻱ
ﺍﻧﻄﻲ ﺧﺒﺮ ﻟﺸﻴﻮﺥ ﻋﺸﺎﻳﺮ ﺍﻟﺴﻠﻒ
ﻭﻛﻠﻬﻢ ﺍﻟﺸﻴﺦ ﻣﺰﺍﺣﻢ ﺍﻟﻴﻮﻡ ﻳﺮﻳﺪﻛﻢ
ﺗﺠﺘﻤﻌﻮﻥ ﺑﺎﻟﺪﻳﻮﺍﻥ ﻻﺯﻡ ﻧﺸﻮﻓﻠﻨﺎ ﺣﻞ
ﻫﺬﺍ ﺟﺎﺳﻢ ﻭﺭﺍﻩ ﻋﺼﺎﺑﺔ
ﻋﻠﻲ : ﺟﺪﻱ ﺟﺎﺳﻢ ﻧﻘﻄﺔ ﺑﺒﺤﺮ ﻟﻬﺬﻭﻟﻲ ﺍﻟﻤﻬﺮﺑﻴﻦ
ﺑﺲ ﻛﻴﺪﻥ ﻫﻮ ﻧﺎﻓﻌﻬﻢ ﻣﺒﻘﻴﻦ ﻋﻠﻴﻪ ﻭﻳﺴﺎﻋﺪﻭﻧﺔ
ﻧﻬﺾ ﺛﺎﺋﺮ ﻣﻦ ﻣﻜﺎﻧﻪ
: ﺷﻜﻠﺔ ﻫﺬﺍ ﺟﺎﺳﻢ ﻣﺎ ﻧﺎﻭﻱ ﻳﺠﻴﺒﻬﺎ ﻟﺒﺮ ﻭﻻ ﺭﺍﺡ ﻳﺮﺗﺎﺡ ﻭﻳﻬﺪﺍﻟﻪ ﺑﺎﻝ ﺍﻻ ﻣﻦ ﻳﺴﻮﻳﻠﺔ ﻣﻜﺴﻮﺭﺓ ﻭﺗﺮﻭﺡ ﺭﻛﺒﺘﺔ
ﻣﻦ ﻭﺭﺍﻫﺎ
ﺭﺣﺖ ﺩﺧﻠﺖ ﺟﻮﺓ ﻟﻠﺒﻴﺖ
ﻭﺷﻔﺖ ﺭﻭﺍﺀ ﺑﺎﻭﻋﺘﻠﻲ ﻭﻋﻘﺠﺖ ﻭﺟﻬﺎ ﺑﺰﻋﻞ
ﻋﺮﻓﺖ ﻟﻴﺶ ﻋﺎﺑﺴﺔ ﻭﺟﻬﺔ ﻋﻠﻴﺔ
ﻻﻥ ﺍﺳﺘﺨﺪﻣﺘﻬﺎ ﻃﻌﻢ ﻭﺿﻐﻄﺖ ﻋﻠﻴﻬﺎ ﻟﺤﺘﻰ ﺗﺠﻴﺒﻠﻲ ﺳﻬﻮﺓ ﻟﺤﺪ ﻋﻨﺪﻱ
ﻋﻠﻰ ﺍﻟﻌﻤﻮﻡ ﺍﻧﺎ ﺑﻴﻬﺎ ﺑﻼﻫﺎ ﺍﻧﺎ ﺻﺎﻳﺪﻫﺎ ﺻﺎﻳﺪﻫﺎ ﻭﻳﻦ ﺗﺮﻭﺡ ﻣﻨﻲ ﺍﺷﻮ ﺍﻟﺴﻠﻒ ﻛﻠﻬﺎ ﺍﻟﻲ
: ﺭﻭﻳﺔ ﻋﺪﻟﻲ ﺟﻬﺮﺗﺞ ( ﻭﺟﻬﺞ )
ﻻ ﺍﻋﺮﻑ ﺷﻠﻮﻥ ﺍﻋﺪﻟﻬﺎ ﺍﻟﺞ
: ﺷﻨﻬﻮ ﺷﺘﺮﻳﺪ ﻣﻨﻲ
: ﺟﺪﺗﻲ ﻭﻳﻦ ﻣﻨﻬﻮ ﻋﻨﺪﻫﺎ
: ﺟﺪﺗﻲ ﻛﺎﻋﺪﺓ ﻭﻳﺔ ﻋﻤﺎﺗﻲ ﻭﻧﺴﻮﺍﻥ ﻋﻤﺎﻣﻲ ﻭﺍﻟﺨﻄﺎﺭ
: ﻣﻨﻬﻮ ﺍﻟﺨﻄﺎﺭ
: ﺑﻴﺖ ﺍﺧﻮ ﻋﻤﻲ ﻗﺎﺳﻢ
: ﺧﻮﺵ ﺳﻮﻳﻠﻲ ﻃﺮﻳﻖ ﺍﺭﻳﺪ ﺍﻓﻮﺗﻦ ﻋﻨﺪ ﺟﺪﺗﻲ
ﺩﺧﻠﺖ ﻭﺷﻔﺖ ﺳﻬﻮﺓ ﻛﺎﻋﺪﺓ ﺑﺼﻒ ﻣﺮﻳﺔ ﺟﺒﻴﺮﺓ ﺑﺎﻟﻌﻤﺮ
ﺷﻜﻠﻬﺎ ﻫﺎﻱ ﺍﻣﻬﺎ
ﺭﺣﺖ ﺳﻠﻤﺖ ﻋﻠﻰ ﺟﺪﺗﻲ ﻭﻋﻤﺎﺗﻲ ﻭﮔﻌﺪﺕ ﺑﺼﻒ ﺟﺪﺗﻲ
: ﻫﻠﺔ ﻳﻤﺔ ﺛﺎﻳﺮ ﺷﻠﻮﻧﻚ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻚ ﻳﺎﺑﻌﺪ ﺷﻴﺒﻲ
: ﺍﻟﻠﻪ ﻳﺴﻠﻤﺞ ﻳﺎﻟﻐﺎﻟﻴﺔ
: ﻳﻤﺔ ﻣﺎ ﺑﺴﻚ ﺳﻔﺮ ﻟﻠﻮﻻﻳﺔ
: ﻳﺎﻟﻐﺎﻟﻴﺔ ﺳﺎﻓﺮﺕ ﺑﺸﻐﻞ
ﻛﻠﺶ ﻣﻬﻢ
ﻋﺎﻳﻨﺖ ﻋﻠﻰ ﺳﻬﻮﺓ ﻭﺻﺪﺕ ﻋﻴﻨﻬﺎ ﺑﻌﻴﻨﻲ ﻭﺩﻧﻜﺖ
ﺭﺍﺳﻬﺎ ﺑﺴﺮﻋﺔ
: ﻭﺷﻨﻬﻮ ﻫﺬﺍ ﺍﻟﺸﻐﻞ ﺍﻟﻲ ﻳﺨﻠﻴﻚ ﻣﺎ ﺗﻨﺸﺪ ﻋﻦ ﻫﻠﻚ
: ﻳﺎﻟﻐﺎﻟﻴﺔ ﺟﺎﻥ ﻋﻨﺪﻱ ﺷﻐﻞ ﻳﻢ ﻭﻟﺪ ﺟﻨﺖ ﻣﺄﻣﻨﺔ ﻋﻠﻰ
ﺷﻐﻠﺔ ﻏﺎﻟﻴﺔ ﻭﺧﺎﻥ ﺍﻻﻣﺎﻧﺔ
ﻭﺭﺣﺖ ﻋﻠﻴﻪ ﻫﻨﺎﻙ ﻭﻟﺰﻣﺘﺔ ﻭﺍﻧﻄﻴﺘﺔ ﺩﺭﺱ
ﺣﺘﻰ ﻳﻌﺮﻑ ﺷﻠﻮﻥ ﻳﺼﻮﻥ ﺍﻻﻣﺎﻧﺔ
: ﻳﻤﺔ ﺻﺨﺎﻡ ﻫﺬﺍ ﻣﻮﺵ ﺭﺟﺎﻝ ﻫﺬﺍ ﻗﻠﻴﻞ ﻧﺎﻣﻮﺱ
ﺟﺎ ﻳﻤﺔ ﺍﻧﺖ ﺷﺠﺎﻙ ﺭﺣﺖ ﻭﺍﻣﻨﺖ ﻋﻨﺪﺓ
: ﺟﺪﺓ ﻣﺎ ﺟﻨﺖ ﺣﺎﺳﺐ ﺣﺴﺎﺏ ﺍﻟﻐﺪﺭ
ﻣﻦ ﺍﻋﺰ ﻧﺎﺳﻲ
ﻃﺒﻌﺎً ﻫﻮ ﻳﺤﺠﻲ ﻭﻳﺒﺎﻭﻉ ﻋﻠﻰ ﺳﻬﻰ ﺍﻟﻲ ﻛﺎﻋﺪﺓ ﺗﻔﺮﻙ ﺑﺪﻳﻬﺎ ﻣﻦ ﺍﻻﺭﺗﺒﺎﻙ
ﺗﻌﺮﻑ ﺍﻥ ﻫﻮ ﻛﺎﻥ ﻳﻘﺼﺪﻫﺎ ﻫﻲ ﻭﻋﺴﺎﻑ ﺑﻬﺬﺍ ﻛﻼﻣﻪ
: ﺍﻱ ﻳﺠﺪﺓ ﺧﻠﻲ ﺍﻓﺮﺣﺞ
: ﻛﻮﻝ ﻳﺎﺑﻌﺪ ﻃﻮﺍﻳﻔﻲ
: ﺍﺭﻳﺪﺝ ﺗﻌﺠﻠﻴﻦ ﺑﺴﺎﻟﻔﺔ ﺯﻭﺍﺟﻲ ﻣﻦ ﺑﻨﺖ ﺍﻟﺸﻴﺦ ﺭﺍﺟﻊ
ﻣﻮﺵ ﺍﻧﺘﻮ ﺧﻄﺒﺘﻮﻫﺎ ﺍﻟﻲ
ﺳﻤﻌﺖ ﺻﻮﺕ ﺷﻬﻜﺔ ﻣﻜﺘﻮﻣﺔ ﺭﻓﻌﺖ ﺭﺍﺳﻲ ﻭﻋﺎﻳﻨﺖ
ﺷﻔﺘﻬﺎ ﺳﻬﻮﺓ ﺣﺎﻃﺔ ﺍﻳﺪﻫﺎ ﻋﻠﻰ ﺣﻠﮕﻬﺎ
ﺷﻜﻞ ﺍﻟﺨﺒﺮ ﺻﺪﻣﻬﺎ
ﺑﻌﺪﺝ ﻳﺴﻬﻮﺓ ﻣﺎ ﺷﻔﺘﻲ ﺷﻲ
ﺍﻻ ﺍﺷﺮﺑﺞ ﻣﻦ ﻛﺎﺱ ﺍﻟﻤﺮ ﺍﻟﻲ ﺷﺮﺑﺖ ﻣﻨﺔ
ﺍﺗﺠﺮﻋﻲ ﻭﺣﺴﻲ ﺑﺎﻟﻮﺟﻊ ﻭﺍﻻﻟﻢ ﺍﻟﻲ ﺣﺴﻴﺖ ﺑﻲ
ﻭﺷﻮﻓﻲ ﺷﻠﻮﻥ ﺗﻮﺟﻊ ﺟﻠﻤﺔ ( ﻛﻠﻤﺔ )
ﺍﻟﻤﺤﺒﻮﺏ ﻣﻦ ﻳﻐﺪﺭ ﺑﺤﺒﻴﺒﻪ
)) ﻭﺍﻧﻲ ﺍﻛﻠﻚ ﻳﺜﺎﻳﺮ ﻓﺘﺤﺖ ﻋﻠﻰ ﺭﻭﺣﻚ ﺍﺑﻮﺍﺏ ﺟﻬﻨﻢ ((
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء