.....
رواية ثمار العار بالحلال ج2 الجزء الثاني
....
ﺍﻡ ﺳﻬﻰ - ﻳﻤﺔ ﺻﺨﺎﻡ ﺍﻟﺼﺨﻤﻨﺔ ﻳﺒﻮﻭﻭﻭ ﻫﺎﻱ ﻭﻳﻦ ﺟﺎﻧﺘﻠﻲ
ﻧﺰﻟﺖ ﺍﻟﺪﺭﺝ ﺍﺭﻛﺾ ﻭﺭﺟﻠﻴﺔ ﺗﺮﺟﻒ
ﺳﻬﻰ - ﻳﻮﻡ ﺷﻜﻮ ﺷﺼﺎﺭ
ﺍﻣﺠﺪ - ﻟﺘﺨﺎﻓﻴﻦ ﻣﺼﺎﻳﺮ ﺷﻲ ﺑﺲ ﺍﻟﻮﺍﻟﺪﺓ
ﻻﺯﻡ ﺗﺴﻮﻱ ﻣﻦ ﺍﻟﺤﺒﺔ ﻛﺒﺔ ﻭﺗﻌﻈﻢ ﺍﻻﻣﻮﺭ
ﺍﻡ ﺳﻬﻰ - ﻭﻟﻚ ﻳﻤﺔ ﺍﻣﺠﺪ ﺷﺘﺤﺠﻲ ﺍﻧﺖ
ﻳﻤﺔ ﺍﻟﻤﻮﺿﻮﻉ ﻣﺎ ﻳﻨﺴﻜﺖ ﻋﻠﻴﻪ
ﺳﻬﻰ - ﻋﻔﻴﺔ ﺍﺣﺠﻮ ﺷﻨﻮ ﺻﺎﻳﺮ
ﺍﻣﺠﺪ - ﺍﺳﺘﻠﻤﺖ ﺗﻬﺪﻳﺪ ﻣﻦ ﺟﻤﺎﻋﺔ ﻣﺠﻬﻮﻟﺔ
ﻫﺎﻱ ﻧﺎﺱ ﺗﻌﺒﺎﻧﺔ
ﺍﻡ ﺳﻬﻰ - ﻟﻚ ﻳﻮﻡ ﺷﻠﻮﻥ ﻧﺎﺱ ﺗﻌﺒﺎﻧﻴﻦ ﻟﻴﺶ ﻣﻮ ﻫﻤﺔ ﻧﻔﺴﻬﻢ ﺍﻟﻲ ﻗﺘﻠﻮ ﺍﺑﻮﻙ ﺑﺒﺎﺏ ﺍﻟﺒﻴﺖ
ﺳﻬﻰ : ﻣﻨﻮ ﻫﺬﻭﻟﻲ ﺷﻨﻮ ﻳﺮﻳﺪﻭﻥ
.....................
ﻣﻨﺘﺼﺮ - ﻭﻟﻚ ﻋﺪﻱ ﺍﻟﺤﻚ ﺳﻤﻌﺖ ﺍﻟﺸﻴﺦ ﻣﺰﺍﺣﻢ ﻳﺤﺠﻲ ﻭﻳﺔ ﺍﺑﻮﻱ ﻳﮕﻮﻝ
ﺭﺍﺡ ﻧﺴﻮﻱ ﻣﺸﻴﺔ ﺯﻟﻢ ﻭﺷﻴﻮﺥ ﺑﻬﺎﻱ ﺍﻟﻔﺘﺮﺓ ﻋﻠﻤﻮﺩ ﻧﻄﻠﺐ ﺍﻳﺪ ﻋﺬﺭﺍﺀ ﺑﻨﺖ ﻗﺎﺳﻢ ﻟﻌﺪﻱ
ﻋﺪﻱ - ﺍﺍﺍﺍﺍﺥ ﺍﻟﻠﻪ ﻫﺎﻱ ﺷﻠﻮﻥ ﻭﺭﻃﺔ
ﺍﻧﺎ ﻟﻴﻮﻣﻲ ﻫﺬﺍ ﺍﺗﻬﺮﺏ ﻣﻦ ﺑﻨﺖ ﻋﻤﺘﻲ ﺍﻟﻲ ﺣﺠﺰﻫﺎ ﺍﻟﻲ ﺟﺪﻱ ﻭﺭﻃﻨﻲ ﺑﻴﻬﺎ
ﺍﺗﺬﻛﺮ ﻣﻦ ﻭﺍﺣﻨﺎ ﺻﻐﺎﺭ
ﺟﻨﺎ ﻧﻠﻌﺐ ﺳﻮﻳﺔ ﻭﻟﺪ ﻭﺑﻨﺎﺕ
ﺑﺲ ﺍﺣﻨﺎ ﻃﺒﻌﻨﺎ ﺍﺫﺍ ﺍﻟﺒﻨﻴﺔ ﺑﻠﻐﺖ ﻳﻌﻨﻲ ﻭ ﻳﺼﻴﺮ ﻋﻤﺮﻫﺎ
١٢ﺳﻨﺔ
ﺗﻜﻮﻡ ﺑﻌﺪ ﻣﺘﻄﻠﻊ ﺑﺒﺎﺏ ﺍﻟﺒﻴﺖ ﻭﻣﺘﺨﺘﻠﻂ ﺑﺎﻻﻭﻻﺩ
ﺑﺲ ﺍﻧﻲ ﺍﺗﺬﻛﺮ ﻋﻠﻴﻬﺎ ﻣﻠﺤﺔ ﻭﺻﺤﺎﺑﺔ ﻇﻔﺎﻳﺮ
ﻭﺗﻘﻮﻳﻢ ﺍﺳﻨﺎﻥ
ﻳﻌﻨﻲ ﺑﻌﺪ ﻫﺎﻱ ﺍﻟﺴﻨﻴﻦ ﺷﺘﺮﻳﺪ ﺗﺼﻴﺮ
ﺍﺳﺘﻐﻔﺮ ﺍﻟﻠﻪ ﻭﺍﻟﻠﻪ ﺑﻠﻮﺓ
ﻭﺍﺫﺍ ﺑﻨﺖ ﻋﻤﺘﻲ ﻣﻨﺘﻬﻰ
ﻳﻌﻨﻲ ﻫﻲ ﺟﺒﺮ ﻻﺯﻡ ﺍﺗﺰﻭﺟﻬﺎ ؟؟؟
ﻋﺪﻱ ﻭﻫﻮ ﻳﺠﺮ ﺣﺴﺮﺓ
- ﺍﺳﺘﻐﻔﺮ ﺍﻟﻠﻪ ﻭﻛﻞ ﻫﺎﻱ ﺍﻟﺴﻨﻴﻦ ﺍﺗﻬﺮﺏ ﻣﻦ ﺳﻴﺮﺕ ﺍﻟﺰﻭﺍﺝ
ﺣﺘﻰ ﺑﻠﻜﻲ ﺍﺣﺪ ﻳﺘﻘﺪﻣﻠﻬﺎ ﻭﻳﺘﺰﻭﺟﻬﺎ ﻭﻳﺨﻠﺼﻨﻲ ﻣﻨﻬﺎ
ﺑﺲ ﺻﺎﺭ ﻋﻤﺮﻫﺎ
٢٢ﺳﻨﺔ ﻭﻣﺎﺳﻤﻌﺖ ﻓﺪ ﻳﻮﻡ ﻭﺍﺣﺪ ﺍﺟﺔ ﺍﺗﻘﺪﻣﻠﻬﺎ
ﻳﻌﻨﻲ ﺩﺧﻴﻞ ﺍﻟﻠﻪ ﺷﻜﺪ ﺟﻜﻤﺔ
ﻣﻨﺘﺼﺮ - ﻳﺎ ﺧﻮﻳﺔ ﺣﺮﺍﻡ ﻋﻠﻴﻚ ﻣﻌﻠﮕﻬﺎ ﺧﻄﻴﺔ
ﺷﻨﻮ ﺫﻧﺒﻬﺎ ﺗﺮﺍﻩ ﺍﻟﻨﺎﺱ ﻛﻠﻬﺎ ﺗﻌﺮﻑ ﻫﻲ ﻣﺤﺠﻮﺯﺓ
ﺍﻟﻚ ﺑﻌﺪ ﻣﻨﻬﻮ ﺍﻟﻲ ﻳﺘﺠﺮﺀ ﻳﻄﻠﺒﻬﺎ
ﻋﺪﻱ - ﺧﺎﺏ ﻣﺘﻮﻟﻲ ﻣﻨﺎ ﻻ ﺍﺟﻲ ﺍﻃﻠﻊ ﺣﺮﮔﺔ ﺍﻟﻲ ﺑﮕﻠﺒﻲ
ﻛﻠﻬﺎ ﺑﻴﻚ
ﻣﻨﺘﺼﺮ ﻭﻫﻮ ﻳﻀﺤﻚ
- ﻫﻬﻬﻬﻪ ﻭﻟﻚ ﻋﻤﻲ ﺍﻧﺖ ﺻﺪﻙ ﻓﻠﻢ ﺧﺎﻳﺐ ﺷﻨﻬﻲ ﺍﻟﺴﺎﻟﻔﺔ
ﺍﺗﺰﻭﺝ ﻭﻓﻀﻬﺎ
ﻣﻦ ﻭﺭﺍﻙ ﻣﺤﺪ ﺭﺍﺿﻲ ﻳﺰﻭﺟﻨﻲ ﺍﻻ ﺍﻧﺖ ﺗﻌﺮﺱ
- ﺧﻼﺹ ﻫﺬﺍ ﻫﻮ ﺧﻠﻴﻬﻢ ﻳﺰﻭﺟﻮﻧﻲ
ﺑﺲ ﺧﻠﻴﻬﺎ ﺑﺒﺎﻟﻬﻢ
ﻭﺍﻟﻠﻪ ﻭﻻ ﺍﺑﻄﻞ ﺳﻮﺍﻟﻔﻲ
ﻭﺍﺑﻘﻰ ﺍﺳﺎﻓﺮ ﻟﺒﻐﺪﺍﺩ ﻭﺍﺗﻮﻧﺲ ﻭﻫﻤﺔ ﺑﻜﻴﻔﻬﻢ ﻣﺸﻜﻠﺘﻬﻢ
ﺧﻮ ﻣﺎﻳﻌﺪﻣﻮﻧﻲ ﺑﺎﻟﺤﻴﺎﺓ ﻋﻠﻤﻮﺩﻫﺎ
ﺩﺧﻞ ﺛﺎﺋﺮ ﻫﻮ ﻭﺍﺑﻮﻩ
ﻳﺘﻨﻔﺲ ﺑﻐﻀﺐ
ﺛﺎﺋﺮ - ﮔﺘﻠﻚ ﻳﺎﺑﺔ ﺍﺟﻴﺒﻬﺎ ﻫﻨﺎ ﺗﻌﻴﺶ ﻋﻨﺪﻱ ﻻﺗﻄﻮﻟﻮﻥ ﺍﻟﺴﺎﻟﻔﺔ ﺗﺮﺓ ﺍﻟﻤﻮﺿﻮﻉ ﻣﻴﺤﺘﺎﺝ ﻫﺎﻱ ﺍﻟﻬﻮﺳﺔ ﻛﻠﻬﺎ
ﺍﺑﻮ ﺛﺎﺋﺮ - ﺑﺲ ﺑﻮﻳﺔ ﺛﺎﺋﺮ ﺍﻣﻬﺎ ﺗﺮﻳﺪﻫﺎ
ﺛﺎﺋﺮ ﺑﻜﻞ ﻗﺴﻮﺓ - ﻣﺸﻜﻠﺘﻬﺎ ﻣﻮ ﻣﺸﻜﻠﺘﻲ
...................................
ﺍﻡ ﺍﺑﺮﺍﻫﻴﻢ - ﻟﺞ ﻋﻴﻨﻲ ﺍﻡ ﺍﻣﺠﺪ ﺷﻔﺘﻠﺞ ﺷﻴﺦ ﻛﻠﻬﺎ ﺗﺤﻤﺪ ﺑﻲ
ﻳﮕﻮﻟﻮﻥ ﻋﻨﺔ ﻣﺒﺮﻭﻙ
ﺧﻠﻲ ﻧﺎﺧﺬ ﺳﻬﻰ ﺑﻠﻜﻲ ﻳﺴﻮﻳﻠﻬﺎ ﺣﺠﺎﺏ
ﻟﻮ ﻳﻘﺮﺓ ﻋﻠﻴﻬﺎ ﺑﻠﻜﻲ ﺗﻨﻔﺘﺢ ﻗﺴﻤﺘﻬﺎ
ﺍﻡ ﺳﻬﻰ - ﻭﺍﻟﻠﻪ ﻳﺎﺭﻳﺖ ﺍﻟﻠﻪ ﻭﺍﻳﺪﺝ ﺑﻠﻜﻲ ﺗﻨﻔﺘﺢ ﻗﺴﻤﺘﻬﺎ
ﻟﺞ ﻋﻴﻨﻲ ﺭﺍﺡ ﺍﻣﻮﺕ ﻣﻦ ﺍﻟﻘﻬﺮ ﻋﻠﻴﻬﺎ
ﺑﺲ ﻻ ﺗﻌﻨﺲ ﻭﺗﻈﻞ ﻣﺤﺪ ﻳﻘﺒﻞ ﻳﺘﺰﻭﺟﻬﺎ
ﺍﻡ ﺍﺑﺮﺍﻫﻴﻢ - ﺍﻱ ﻋﻴﻨﻲ ﺣﻘﺞ ﺍﻟﻠﻪ ﻳﺴﺎﻋﺪ ﮔﻠﺒﻬﺎ
ﺍﻻﺻﻐﺮ ﻣﻨﻬﺎ ﺍﺗﺰﻭﺟﻦ ﻭﻓﺘﺤﻦ ﺑﻴﻮﺕ ﻭﺧﻠﻔﻦ
ﻭﻫﻲ ﺑﻌﺪﻫﺎ ﻭﺍﻟﺤﻆ ﻣﻦ ﺣﻈﻬﺎ
ﻫﺎﻱ ﺑﺘﺞ ﺑﺲ ﺟﻤﺎﻝ ﺑﻼ ﺣﻆ
ﺍﻡ ﺳﻬﻰ - ﺍﻛﻠﺞ ﻫﺬﺍ ﺍﻟﺸﻴﺦ ﻣﻴﺼﻴﺮ ﻳﺴﻮﻳﻠﻬﺎ ﺣﺠﺎﺏ
ﺑﺪﻭﻥ ﻣﺘﺮﻭﺣﻠﺔ
ﺍﻡ ﺍﺑﺮﺍﻫﻴﻢ - ﻻ ﺩﺍﺩﺍ ﻣﻴﺼﻴﺮ ﺍﻻﻫﻲ ﺻﺎﺣﺒﺔ ﺍﻟﺸﺄﻥ ﺗﺮﻭﺣﻠﺔ
.....
ﺳﻬﻰ ﺳﻤﻌﺖ ﻛﻼﻡ ﺍﻣﻲ ﻭﺍﻡ ﺍﺑﺮﺍﻫﻴﻢ ﻣﺘﺖ ﻗﻬﺮ ﻭﺩﺧﻠﺖ ﻋﻠﻴﻬﻢ ﻭﻓﺎﺟﺌﺘﻬﻢ
- ﻳﻮﻡ ﻣﻦ ﺻﺪﻙ ﺗﺤﺠﻴﻦ ﻛﻞ ﻋﻘﻠﺞ
ﻫﺎﻱ ﺍﻧﺘﻲ ﺍﻟﻮﺍﻋﻴﺔ ﺍﻟﻤﺜﻘﻔﺔ ﺗﺪﻭﺭﻳﻦ ﻫﻴﺞ ﺳﻮﺍﻟﻒ
ﻣﻊ ﺍﻻﺳﻒ ﻋﻠﻴﺞ ﻳﻮﻡ ﺷﺒﻘﻴﺘﻲ ﻟﻠﻤﺘﺨﻠﻔﺎﺕ ﺍﻟﻲ ﻣﺎﻋﺪﻫﻢ
ﺗﻮﻋﻴﺔ ﻭﻣﻌﺮﻓﺔ
ﻗﺎﺑﻞ ﺍﻟﺸﻴﺦ ﺍﺣﺴﻦ ﻣﻦ ﺭﺏ ﺍﻟﻌﺎﻟﻤﻴﻦ ؟
ﻭﺍﻟﻠﻪ ﺻﺪﻣﺘﻴﻨﻲ ﻳﻮﻡ ﺯﻳﻦ ﻟﻬﺪﺭﺟﺔ ﺍﻧﻲ ﺣﺠﺮ ﻋﺜﺮﺓ ﺻﺎﻳﺮﺓ
ﺑﺤﻴﺎﺗﻜﻢ ﺍﻧﺘﻲ ﻭﺍﻣﺠﺪ ﻭﺍﺣﻤﺪ
ﺍﻱ ﻣﻮ ﺯﻫﮕﺘﻮﻧﻲ ﺑﻌﻴﺸﺖ ﺍﻟﻠﻪ ﻛﺎﻓﻲ ﻋﺎﺩ
ﺍﻋﺘﺒﺮﻭﻧﻲ ﻋﻨﺪﻛﻢ ﺟﻠﺐ ﻭﺍﺗﺤﻤﻠﻮﻧﻲ ﺷﻠﻮﻥ ﺑﺎﻟﻠﻪ ﺗﺬﺑﻮﻧﻲ ﺑﺎﻟﺸﺎﺭﻉ
ﻳﻌﻨﻲ ﺯﻭﺍﺝ ﻭﺍﻟﻠﻪ ﻣﺎﻛﺎﺗﺒﻠﻲ ﺍﺗﺰﻭﺝ
ﺗﺮﺓ ﻻﺍﻧﻲ ﺍﻭﻝ ﻭﺣﺪﺓ ﻭﻻ ﺍﺧﺮ ﻭﺣﺪﺓ
ﺍﻧﻲ ﺍﺩﺭﻱ ﺑﻴﺞ ﻟﻴﺶ ﻫﻴﺞ ﺩﺗﺴﻮﻳﻦ ﻻﻥ ﺍﺧﺘﻲ ﻧﻮﺭ ﺍﻟﺼﻐﻴﺮﺓ ﺭﺍﺡ ﺗﺘﺰﻭﺝ ﻭﺍﻧﻲ ﺑﻌﺪﻧﻲ
ﻳﻤﺔ ﺍﺭﺿﻲ ﺑﺎﻻﻣﺮ ﺍﻟﻮﺍﻗﻊ ﻛﻠﻤﻦ ﻭﻗﺴﻤﺘﺔ
ﻋﻔﺘﻬﻢ ﻭﻃﻠﻌﺖ
ﺍﻡ ﺳﻬﻰ ﻭﻫﻲ ﺗﺤﺠﻲ ﻭﻳﺔ ﺍﻡ ﺍﺑﺮﺍﻫﻴﻢ
- ﺧﻮ ﺷﻔﺘﻲ ﺑﻌﻴﻨﺞ ﺻﺎﻳﺮﺓ ﺍﻋﺼﺎﺏ ﻭﻣﺎﺗﺘﺤﺎﺟﺔ
ﺍﻡ ﺍﺑﺮﺍﻫﻴﻢ ﺑﺠﻬﻞ - ﺍﻱ ﻋﻴﻨﻲ ﻫﺎﻱ ﺑﻨﺘﺞ ﺑﺎﻧﺖ ﻋﻠﻴﻬﺎ ﻋﻼﻣﺎﺕ ﺍﻟﻌﻨﻮﺳﺔ ﻣﺎﻋﻠﻴﺞ ﺑﻴﻬﺎ ﻭﺑﻜﻼﻣﻬﺎ ﺗﺮﺓ ﺑﻨﺘﺞ ﺣﻠﻬﺎ ﻋﻨﺪ ﺍﻟﺸﻴﺦ
ﺍﻡ ﺳﻬﻰ - ﻟﺞ ﻋﻴﻨﻲ ﺳﺪﻱ ﺍﻟﻤﻮﺿﻮﻉ ﻫﻮ ﺣﺘﻰ ﻟﻮ ﻫﻲ ﺗﻘﺒﻞ
ﺍﺧﻮﺍﻧﻬﺎ ﻣﺮﺍﺡ ﻳﻘﺒﻠﻮﻥ ﺗﻄﻠﻊ ﺍﺫﺍ ﺩﺭﻭ ﻳﻠﻌﺒﻮﻥ ﺑﻴﻬﺎ ﻃﻮﺑﺔ
ﺷﻮﻓﺖ ﻋﻴﻨﺞ ﺣﺼﺮﺓ ﻋﻠﻴﻬﺎ ﺍﻟﻄﻠﻌﺔ
ﺳﻮﺩﺓ ﻋﻠﻴﺔ ﺣﺘﻰ ﺯﻳﺎﺭﺓ ﻷﺑﻮﻫﺎ ﻛﻮﺓ ﺍﺧﺬﻫﺎ ﺍﻣﺠﺪ ﻣﺮﺓ ﻭﺣﺪﺓ ﻣﺘﺸﻮﻓﻴﻦ ﺍﺭﻳﺪ ﺍﺷﻮﻓﻬﺎ ﻣﺘﺰﻭﺟﺔ ﻭﺑﺮﺍﺱ ﺭﺟﺎﻝ ﺣﺘﻰ ﺍﻃﻤﻦ ﻋﻠﻴﻬﺎ ﻭﻳﺮﺗﺎﺡ ﺑﺎﻟﻲ
........................................
ﺳﻬﻰ
ﺑﺎﻟﻤﺪﺭﺳﺔ
: ﻫﻠﻮ ﺳﺮﻯ ﻫَـﺎ ﺷﻠﻮﻧﺞ ﺍﻟﻴﻮﻡ
ﺳﺮﻯ - ﻫﻠﻮ ﺳﺖ
ﺍﻧﻲ ﺯﻳﻨﺔ ﺍﻟﺤﻤﺪﻟﻠﻪ
: ﺣﺠﻴﺘﻲ ﻭﻳﺔ ﺑﺎﺑﺎ ﻋﻠﻰ ﻣﻮﺿﻮﻋﺞ
: ﻻ ﻣﻜﺪﺭﺕ ﺍﺣﺠﻲ ﻭﻳﺎﻩ ﺳﻤﻌﺖ ﻣﻦ ﺧﺎﻟﻮ ﻛﺎﻝ
ﺍﺑﻮﺝ ﺭﺍﺡ ﻳﺠﻲ ﻳﺎﺧﺬﺝ ﻋﻠﻰ ﻧﻬﺎﻳﺔ ﺍﻻﻣﺘﺤﺎﻧﺎﺕ
: ﻳﺎﻟﻠﻪ ﺣٍٍِْــًﺒٌٍـــِٓﯥٍٓ ﻋﺎﺩﻱ ﻣﻦ ﻳﺠﻲ ﻋﻠﻴﺞ ﺣﺎﻭﻟﻲ ﺗﻔﻬﻤﻲ
: ﺍﻥ ﺷﺎﺀ ﺍﻟﻠﻪ
: ﺍﻧﻲ ﺭﺍﺡ ﺍﺧﻠﻲ ﺍﻟﻤﺪﻳﺮﺓ ﺗﺤﺠﻲ ﻭﻳﺎﻩ ﻋﻠﻰ ﻣﺴﺘﻮﺍﺝ
ﻣﻦ ﻳﺠﻲ ﻳﺎﺧﺬ ﺍﻭﺭﺍﻕ ﺍﻟﻨﻘﻞ ﻣﺎﻟﺘﺞ ﺑﻠﻜﻲ ﻳﺘﻔﻬﻢ
ﺳﺮﻯ ﺑﺎﻣﻞ : ﻭﺍﻟﻠﻪ ﻳﺎ ﺭﻳﺖ ﺳﺖ ﺍﻛﻮﻥ ﻣﻤﻨﻮﻧﺔ
..............................
ﺛﺎﺋﺮ
ﺑﻮﻳﺔ ﻣﻨﻮ ﮔﻠﻚ ﺗﺨﻄﺒﻠﻲ ﺑﻨﺖ ﺍﻟﺸﻴﺦ ﺭﺍﺟﺢ
ﺗﺮﺓ ﺍﻧﺎ ﻣﻮﺵ ﺟﺎﻫﻞ
ﺍﻧﺖ ﺣﺘﻰ ﻣﺎ ﻛﻠﻔﺖ ﻧﻔﺴﻚ ﺗﺴﺄﻟﻨﻲ
ﺍﻟﺸﻴﺦ ﻣﺰﺍﺣﻢ ﺿﺮﺏ ﺍﻟﻌﺼﺎ ﺑﺎﻻﺭﺽ
: ﻭﻣﺎ ﺩﺍﻣﻚ ﻳﺎﻟﻮﺣﺶ ﻣﻮﺵ ﺟﺎﻫﻞ ﻣﻌﻨﺎﺗﻬﺎ ﺗﻌﺮﻑ ﺑﺎﻻﺻﻮﻝ
ﻭﺍﻻﺻﻮﻝ ﺗﮕﻮﻝ ﺗﻮﺍﻓﻖ ﺍﺑﻮﻙ ﻻﻥ ﺍﻧﻄﺔ ﺣﺠﺎﻳﺔ ﻟﻠﺸﻴﺦ ﺭﺍﺟﺢ
ﻭﻃﻠﺐ ﻣﻨﺔ ﺍﻳﺪ ﺑﺘﺔ ﺍﻟﻚ
ﻭﺍﻟﺸﻴﺦ ﺭﺍﺟﺢ ﻗﺒﻞ ﻭﻛﺎﻝ ﮔﺒﻌﻮ ﻭﺍﺧﺬﻭ
ﻧﻬﺾ ﺛﺎﺋﺮ ﺑﻐﻀﺐ ﻭﻟﻢ ﺍﻳﺪﺓ ﺑﻘﺒﻀﺔ
- ﻫﺬﺍ ﻫﻮ ﺑﺮﺍﺣﺘﻜﻢ ﺍﻟﻲ ﺗﺸﻮﻓﻮ ﺳﻮﻩ
ﺍﻧﺎ ﺍﺗﺮﺧﺺ ﻣﻨﻜﻢ
ﻭﺗﺮﻛﻬﻢ ﻭﻃﻠﻊ
ﺍﻟﺘﻘﻰ ﺑﻄﺮﻳﻘﺔ ﺑﻌﺪﻱ ﻭﺿﺮﺑﺔ ﺑﻜﺘﻔﺔ ﻭﻣﺸﺔ ﺑﺪﻭﻥ ﻣﺎ ﻳﻠﺘﻔﺖ
ﻋﻠﻴﻪ
ﻋﺪﻱ - ﺷﻨﻲ ﻭﺣﺶ ﻋﻠﻰ ﻭﻳﻦ ﺭﺍﻳﺢ ﺍﻭﻛﻒ
ﺛﺎﺋﺮ - ﻓﺎﻳﺮ ﻣﻦ ﺍﻟﻐﻀﺐ ﻭﺍﻟﻘﻬﺮ ﻭﻛﺄﻥ ﺍﻧﺎ ﻧﺎﻗﺺ ﻋﻠﺔ ﻭﻳﺮﺩﻭﻥ ﻳﺤﻄﻮﻥ ﺑﺮﺍﺳﻲ ﻣﺮﺓ
ﻋﺪﻱ ﻛﻤﻞ ﻃﺮﻳﻘﺔ ﻭﻫﻮ ﻳﻔﺮ ﺑﻴﺪﺓ ﻣﺘﻌﺠﺐ ﻋﻠﻰ ﺍﺧﻮﻩ ﺍﻟﺜﺎﻳﺮ
ﻭﺩﺧﻞ ﻋﻠﻰ ﺍﺑﻮﻩ ﻭﺟﺪﻩ
ﻭﺷﺎﻑ ﺍﻟﺠﻮ ﻣﺘﻮﺗﺮ
: ﺍﺣﻢ ﺍﻟﻠﻪ ﺑﺎﻟﺨﻴﺮ
ﺍﻟﺸﻴﺦ ﻣﺰﺍﺣﻢ - ﻫﻠﺔ ﺍﻟﻠﻪ ﺑﺎﻟﻨﻮﺭ
ﺍﻳﻪ ﺷﺮﻑ ﺍﻟﻤﺴﻌﺪ
ﺟﺎ ﺍﻧﺖ ﺷﻨﻬﻮ ﻣﺎﺗﻜﻮﻝ ﻋﻨﺪﻙ ﺍﻫﻞ ﻭﺗﻨﺸﺪ ﻋﻠﻴﻬﻢ
.....
ﻋﺪﻱ ﻳﺤﺠﻲ ﻭﻳﺔ ﻧﻔﺴﻪ
ﻭﺍﻟﻠﻪ ﻭﺍﺟﺎﻙ ﺍﻟﻤﻮﺕ ﻳﺎ ﺗﺎﺭﻙ ﺍﻟﺼﻼﺓ ﺍﻟﻈﺎﻫﺮ ﺍﻟﻴﻮﻡ
ﺍﻟﺸﻴﺦ ﻣﺰﺍﺣﻢ ﻣﺴﻮﻱ ﺣﻤﻠﺔ ﺗﺼﻔﻴﺔ
: ﺷﻴﺨﻨﺎ ﺍﻋﺬﺭﻧﻲ
ﺗﺮﺍﻧﻲ ﻣﻌﺬﻭﺭ ﺷﻐﻞ ﺑﻐﺪﺍﺩ ﻃﺎﻳﺢ ﻛﻠﺔ ﺑﺮﺍﺳﻲ
ﻭﺷﻮﻓﺖ ﻋﻴﻨﻚ ﻣﺎ ﻓﺎﺭﻍ ﺍﺣﻚ ﺭﺍﺳﻲ
: ﺧﺎﻳﺐ ﺷﻮﻑ ﻭﻟﻚ ﻫﺎﻱ ﺳﻮﺍﻟﻔﻚ ﻣﺎ ﺗﻌﺒﺮ ﻋﻠﻴﺔ ﻻ ﻋﺪﺍﻟﻚ
ﺍﻧﺎ ﻣﺎ ﺍﻋﺮﻑ ﻭﻳﻦ ﺗﻮﻟﻲ
ﻭﻭﻳﻦ ﺗﺨﻮﺗﻞ ﺗﺮﺓ ﻳﻜﻮﻥ ﺑﻌﻠﻮﻣﻚ
ﻛﻠﺸﻲ ﺗﺴﻮﻳﻪ ﻳﺠﻴﻨﻲ ﺑﺎﻟﺤﺮﻑ ﺍﻟﻮﺍﺣﺪ
ﻋﺪﻱ : ﻣﺎ ﺍﺩﺭﻱ ﻟﻴﺶ ﻣﺎ ﺍﺳﺘﻐﺮﺏ ﻭﻻ ﻣﺘﻔﺎﺟﻲﺀ
ﺍﻋﺮﻑ ﺑﻴﻚ ﻣﺎ ﺗﻌﺪﻱ ﻋﻠﻴﻚ ﻻﺻﻐﻴﺮ ﻭﻻﺟﺒﻴﺮﺓ
ﺍﺫﺍ ﻣﺎﻳﻜﻮﻥ ﻋﻨﺪﻙ ﺑﻴﻬﺎ ﻋﻠﻢ ﻋﻤﻨﻚ ﺫﻳﺐ
: ﺑﻼ ﻫﺬﺭﺓ ﺣﻀﺮ ﻧﻔﺴﻚ ﻋﻠﻰ ﻧﻬﺎﻳﺔ ﺍﻟﺸﻬﺮ ﺭﺍﺡ ﻧﺴﻮﻱ ﻣﺸﻴﺔ ﺯﻟﻢ ﻭﻧﺨﻄﺒﻠﻚ ﺑﻨﺖ ﻋﻤﺘﻚ
ﻣﺎ ﺍﺭﻳﺪ ﻫﺎﻟﻤﺮﺓ ﺍﻋﺬﺍﺭ ﻭﺣﺠﺞ
ﻭﺍﻟﻠﻪ ﻣﻦ ﻭﺭﺍﻙ ﻛﺼﺮﺕ ﺭﮔﺒﺘﻲ ﺟﺪﺍﻡ ﻗﺎﺳﻢ ﺭﺟﻞ ﻋﻤﺘﻚ
ﻋﺪﻱ ﺑﻄﺎﻋﺔ ﻣﻐﺼﻮﺑﺔ
: ﻫﺬﺍ ﻫﻮ ﺟﺪﻱ ﺗﻢ ﺷﺘﻔﺼﻞ ﺍﻧﺎ ﺍﻟﺒﺲ
ﺍﺑﻮ ﻋﻠﻲ : ﻣﺎ ﻏﺼﺒﻦ ﻋﻠﻴﻚ ﺗﻨﻔﺬ ﻭﺍﻧﺖ ﺍﻟﻤﻤﻨﻮﻥ
ﺷﻨﻬﻮ ﻧﺴﻴﺖ ﺳﻮﺍﻳﺘﻚ
ﺍﻟﻲ ﺳﻮﺩﺕ ﻭﺟﻮﻫﻨﺎ
ﻋﺪﻱ ﺑﻘﻬﺮ - ﺑﻮﻳﺔ ﻣﻮ ﻭﻛﺘﺔ ﻫﺬﺍ ﺍﻟﺤﺠﻲ
...........................
ﺟﻨﺖ ﺭﺍﺟﻌﺔ ﻣﻦ ﺍﻟﺪﻭﺍﻡ
ﻭﺍﺷﻮﻑ ﺍﻟﻨﺎﺱ ﻣﻠﺘﻤﺔ ﺑﺒﺎﺏ ﺍﻟﺒﻴﺖ ﻭﺻﻮﺕ ﻋﻴﺎﻁ
ﻋﺰﺓ ﺍﻟﻌﺰﺍﻧﻲ ﻳﻤﺔ ﻫﺬﺍ ﺑﻴﺖ ﺍﻫﻠﻲ
ﺷﻨﻮ ﺻﺎﻳﺮ ﻭﺻﻠﺖ ﺍﻟﺴﻴﺎﺭﺓ ﻳﻢ ﺑﺎﺏ ﺍﻟﺒﻴﺖ ﻭﻓﺘﺤﺖ ﺍﻟﺒﺎﺏ
ﺍﺭﻳﺪ ﺑﺲ ﺍﻧﺰﻝ ﻣﻦ ﺍﻟﺴﻴﺎﺭﺓ
ﻭﺍﻭﺻﻞ ﻟﺒﺎﺏ ﺑﻴﺘﻨﺎ
ﻣﻜﺪﺭﺕ ﺍﺣﺲ ﺭﺟﻠﻴﺔ ﺻﺎﺭﻭ ﺧﻴﻮﻁ
ﻟﻜﻴﺖ ﺍﻣﻲ ﻛﺎﻋﺪﺓ ﺑﻨﺺ ﺍﻟﻜﺮﺍﺝ ﻳﻢ ﺑﺎﺏ ﺍﻟﻤﻄﺒﺦ ﻭﻧﺴﻮﺍﻥ ﺍﻟﻤﻨﻄﻘﺔ ﻳﻬﺪﺅﻥ ﺑﻴﻬﺎ ﻭﻻﺯﻣﺎﺕ ﺍﻳﺪﻫﺎ ﺣﺘﻰ ﻣﺎﺗﻠﻄﻢ
ﺷﻔﺘﻬﺎ ﺗﺤﺮﻙ ﺑﺮﺍﺳﻬﺎ ﻭﺗﺼﻴﺢ ﻳﻤﺔ ﺍﺣﻤﺪ ﻳﻤﺔ ﻗﺘﻠﻮ ﺍﺑﻨﻲ
ﺣﺴﻴﺖ ﺑﺎﺩ ﺟﺴﻤﻲ ﻭﻭﮔﻌﺖ ﺟﻨﻄﺘﻲ ﻣﻦ ﺍﻳﺪﻱ ﻭﺟﺴﻤﻲ ﺻﺎﺭ ﻛﻠﺔ ﻳﺮﺟﻒ
ﺍﺟﺎﻧﻲ ﺍﺑﻨﻲ ﺣﺴﻮﻧﻲ ﻳﺒﺠﻲ ﻭﺣﻀﻨﻲ
ﺣﺴﻦ - ﻣﺎﻣﺎ ﺭﻣﻮ ﺧﺎﻟﻮ ﺍﺣﻤﺪ ﻳﻢ ﺑﺎﺏ ﺍﻟﺒﻴﺖ
ﺍﻟﻨﺎﺱ ﺗﻜﻮﻝ
ﺻﻔﺖ ﺳﻴﺎﺭﺓ ﻳﻢ ﺑﺎﺏ ﺍﻟﺒﻴﺖ ﺑﻴﻬﺎ ﺍﺛﻨﻴﻦ ﺭﻳﺎﺟﻴﻞ
ﻭﺭﻣﻮ ﻋﻠﻰ ﺧﺎﻟﻮ ﺍﺣﻤﺪ ﻭﻋﻠﻰ ﺍﻟﺒﻴﺖ
ﻭﻛﻌﺖ ﺑﺎﻟﮕﺎﻉ ﻣﻦ ﺳﻤﻌﺖ ﻛﻼﻡ ﺣﺴﻦ
ﺍﺣﺲ ﮔﻠﺒﻲ ﺍﻧﺨﻤﻂ ﺍﻟﺘﻔﺘﺖ
ﺷﻔﺖ ﺧﺎﻟﻲ ﻳﻬﺪﻱ ﺑﺄﻣﻲ ﻭﻳﺼﺒﺮﻫﺎ
ﻣﻮﻓﻖ - ﺍﻡ ﺍﻣﺠﺪ ﺭﺣﻤﺔ ﻋﻠﻰ ﻭﺍﻟﺪﻳﺞ ﻣﻴﺼﻴﺮ ﺍﻟﻲ ﺩﺗﺴﻮﻱ ﺑﺮﻭﺣﺞ ﺣﺘﻰ ﻣﻮ ﺯﻳﻦ ﻋﻠﻰ ﺍﺣﻤﺪ
ﻫﻴﺞ ﺗﻔﺎﻭﻟﻴﻦ ﻋﺎﻟﻮﻟﺪ
ﺳﻬﻰ ﻭﺑﺼﻮﺕ ﻳﺮﺟﻒ ﻭﮔﻮﺓ ﺗﻄﻠﻊ ﺍﻟﻜﻠﻤﺔ
- ﺧﺎﻟﻮ ﺍﺭﻭﺣﻠﻚ ﻓﺪﻭﺓ ﻓﻬﻤﻨﻲ ﮔﻠﺒﻲ ﺭﺍﺡ ﻳﻮﮔﻒ
ﻣﺪﺍ ﺍﻓﺘﻬﻢ ﺷﻨﻮ ﺻﺎﻳﺮ
- ﺍﺣﻤﺪ ﺭﻣﻮﻩ ﺑﺒﺎﺏ ﺍﻟﺒﻴﺖ ﻭﻫﺴﺔ ﻫﻮ ﺑﺎﻟﻤﺴﺘﺸﻔﻰ ﻭﺣﺎﻟﺘﺔ ﻛﻠﺶ ﺧﻄﺮﺓ
ﻭﺍﺟﺘﻲ ﺍﻟﺸﺮﻃﺔ ﻟﻬﻨﺎ ﻭﮔﻌﺪﻭ ﻳﺤﻘﻘﻮﻥ
ﻭﺑﻌﺪ ﺍﻟﺘﺤﻘﻴﻖ ﻳﻜﻮﻟﻮﻥ ﺍﻛﻮ ﺷﻬﻮﺩ ﻋﻴﺎﻥ ﺷﺎﻳﻔﻴﻬﻢ ﺑﺎﻟﻤﻨﻄﻘﺔ ﻗﺒﻞ ﻛﻢ ﻳﻮﻡ
ﺩﺍﺯﻳﻦ ﺍﻟﻜﻢ ﺗﻬﺪﻳﺪ ﻋﻠﻰ ﺍﺳﺎﺱ ﺑﻴﻨﻬﻢ ﻭﺑﻴﻨﻜﻢ ﺛﺎﺭ
ﻭﺩﻡ ﻻﻥ ﺍﺑﻮﻛﻢ ﺍﻟﻠﻪ ﻳﺮﺣﻤﺔ ﺑﺰﻣﻦ ﺍﻟﻨﻈﺎﻡ ﺍﻟﺒﺎﺋﺪ
ﻛﺎﻥ ﺣﺎﻛﻢ ﻋﻠﻰ ﺛﻼﺙ ﺧﻮﺍﻥ ﺑﺎﻻﻋﺪﺍﻡ
ﻭﻫﺴﺔ ﺍﺧﻮﺗﻬﻢ ﺍﻟﻲ ﻛﺒﺮﻭﺍ ﻳﺮﺩﻭﻥ ﻳﺎﺧﺬﻭﻥ ﺍﻟﺜﺎﺭ ﻭﻳﻜﻠﺞ
ﻫﺬﺍ ﻭﺍﺣﺪ ﻭﺑﻌﺪ ﻧﻜﺘﻞ ﺛﻨﻴﻦ ﻣﻨﻜﻢ ﺣﺘﻰ ﻧﺎﺧﺬ ﺑﺜﺎﺭﻧﺎ
ﺣﺴﻦ - ﺍﻱ ﻣﺎﻣﺎ ﺣﺘﻰ ﻛﺘﺒﻮ ﻋﻠﻰ ﺍﻟﺴﻴﺎﺝ
ﻫﺬﺍ ﺍﻟﺒﻴﺖ ﻣﻄﻠﻮﺏ ﺩﻡ
ﻛﻌﺪﺕ ﺍﺿﺮﺏ ﻋﻠﻰ ﻭﺟﻬﻲ ﻭﺍﻟﻄﻢ ﻋﺎﻟﻀﻴﻢ
ﻳﻤﺔ ﻫﺎﻱ ﻭﻳﻦ ﺟﺎﻧﺘﻠﻨﺎ
ﻭﺷﻔﺖ ﺍﻣﻲ ﺍﺗﺨﺮﺑﻄﺖ ﻭﺍﺧﺬﻭﻫﺎ ﻟﻠﻤﺴﺘﺸﻔﻰ ﻭﺑﻴﻮﻣﻬﺎ
ﺧﻄﻴﺔ ﻭﻃﻠﻌﺖ ﻣﺮﺗﻔﻊ ﺿﻐﻄﻬﺎ ﺍﻧﻄﻮﻫﺎ ﺍﺑﺮﺓ ﺗﻨﺰﻝ ﺍﻟﻀﻐﻂ ﻭﺭﺟﻌﻨﺎ ﻭﺍﻣﺠﺪ ﺑﺎﻟﻤﺴﺘﺸﻔﻰ ﻭﻳﺔ ﺍﺣﻤﺪ
ﻭﺍﻟﻜﻞ ﻣﺨﺒﻮﺹ ﺧﺒﺺ ﻋﻠﻰ ﺑﻴﺘﻨﺎ
ﻭﺻﻠﻨﺎ ﻟﻠﺒﻴﺖ ﻭﺍﺟﺘﻲ ﺭﻳﻢ ﺍﺧﺘﻲ ﻭﺟﻬﺎ ﺍﺻﻔﺮ ﻣﻦ ﺍﻟﺨﻮﻑ ﺭﺟﻠﻬﺎ ﺟﺎﺑﻬﺎ ﻟﻌﺪﻧﺎ ﻭﺭﺍﺡ ﻟﻠﻤﺴﺘﺸﻔﻰ ﻳﻢ ﺍﻟﻮﻟﺪ ﺣﺘﻰ ﻳﻄﻤﻦ ﻋﻠﻰ ﺍﺣﻤﺪ ﻭﺍﺣﻤﺪ ﺍﻟﻲ ﻟﺤﺪ ﺍﻻﻥ ﻣﺎ ﻧﻌﺮﻑ ﻭﺿﻌﺔ ﺷﻨﻮ
.......
ﻭﺑﻮﻗﺖ ﺍﻟﻤﻐﺮﺏ
ﻭﺻﻞ ﻋﻤﻲ ﻗﺎﺳﻢ ﻭﻫﻮ ﻭﺧﻤﺲ ﺳﻴﺎﺭﺍﺕ ﻣﺘﺮﻭﺳﺔ ﺭﻳﺎﺟﻴﻞ ﻣﻌﮕﻠﺔ ﻭﺍﺣﺪﻫﻢ ﺟﻨﺔ ﺑﺎﺏ ﻣﻦ ﺍﻟﻀﺨﺎﻣﺔ ﺑﺎﻻﻭﻝ ﺧﻔﺖ ﺣﺴﺒﺎﻟﻲ ﻫﺬﻭﻟﻲ ﺍﺟﻮ ﻋﻠﻴﻨﺎ ﺣﺘﻰ ﻳﺼﻔﻮﻧﺔ ﻭﺍﺣﺪ ﻭﺍﺣﺪ
ﺟﻨﺎ ﻛﺎﻋﺪﻳﻦ ﻳﻢ ﺍﻣﻲ ﺑﻐﺮﻓﺘﻬﺎ
ﺩﺧﻞ ﻋﻠﻴﻨﺎ ﺍﻣﺠﺪ
ﻭﺻﺎﺣﻨﻲ ﺍﻧﻲ ﻭﺗﻤﺎﺭﺓ ﻭﺭﻳﻢ ﻭﻧﻮﺭ
ﺍﻣﺠﺪ - ﺑﻨﺎﺕ ﺳﻮﻭ ﺣﺴﺎﺑﻜﻢ ﺍﻟﻴﻮﻡ ﻋﻤﻲ ﻗﺎﺳﻢ ﻭﺍﻟﺰﻟﻢ ﺍﻟﻲ ﺟﺎﻳﻴﻦ ﻭﻳﺎﻩ ﺭﺍﺡ ﻳﺒﻘﻮﻥ ﻋﺪﻧﺎ
ﻭﺣﻀﺮﻭ ﺍﻟﻔﺮﺵ ﻭﺍﻟﻌﺸﺎ ﺍﺭﻳﺪﻛﻢ ﺗﺒﻴﻀﻮﻥ ﺍﻟﻮﺟﻪ
ﺳﻬﻰ - ﻫﺬﻭﻟﻲ ﻣﻨﻮ ﺍﻟﻲ ﺍﺟﻮ ﻭﻳﺔ ﻋﻤﻮ ﻗﺎﺳﻢ
ﺍﻣﺠﺪ - ﻫﺬﻭﻟﺔ ﻧﺴﺎﺑﺖ ﻋﻤﻮ ﻗﺎﺳﻢ ﺧﻮﺍﻝ ﺍﻭﻻﺩﺓ ﺍﻫﻞ ﺯﻭﺟﺘﺔ
ﻟﺞ ﻫﺬﻭﻟﻲ ﻳﻬﺰﻭﻥ ﺍﻟﻜﺎﻉ ﻫﺰ ﺍﺫﺍ ﺻﺎﺭﺕ ﻋﻨﺪﻫﻢ ﻃﻼﺑﺔ
ﻭﺍﻟﻠﻪ ﺳﺨﺮﻫﻢ ﺍﻟﻨﺔ ﻣﻦ ﺩﺭﻭ ﺑﻌﻤﻮ ﻗﺎﺳﻢ ﻋﻨﺪﺓ ﻃﻼﺑﺔ ﻭﻣﺘﻌﺪﻳﻦ ﻋﻠﻰ ﺍﻭﻻﺩ ﺍﺧﻮﻩ
ﻣﻘﺒﻠﻮ ﻳﺨﻠﻮﻧﺔ ﻳﺴﺎﻓﺮ ﻟﻮﺣﺪﺓ ﻭﺍﺟﻮ ﻭﻳﺎﻩ
ﻟﺞ ﻟﻮﺗﺸﻮﻓﻴﻦ ﺳﻴﺎﺭﺍﺗﻬﻢ ﺷﻠﻮﻥ ﺳﺪﺕ ﺍﻟﻤﻨﻄﻘﺔ
ﺧﻄﻴﺔ ﺟﺎﺑﻮﻭﻳﺎﻫﻢ ﺍﺛﻨﻴﻦ ﺑﻴﻚ ﺍﺏ ﺩﺑﻞ ﻗﻤﺎﺭﺓ
ﻭﻋﻠﻴﻬﺎ ﺍﺛﻨﻴﻦ ﺣﺮﺱ ﻣﺴﻠﺤﻴﻦ ﺑﺮﺷﺎﺵ )) ﺑﻲ ﻛﻲ ﺳﻲ ((
ﮔﺎﻟﻮ ﺳﻴﺎﺭﺓ ﺗﺒﻘﻰ ﺑﺒﺎﺏ ﺍﻟﺒﻴﺖ ﻭﺍﻟﺜﺎﻧﻴﺔ ﺗﻨﺘﻘﻞ ﻭﻳﺎﻫﻢ ﻟﻠﻤﺮﻛﺰ
ﺳﻬﻰ
ﻭﺑﻴﻮﻣﻬﺎ ﺍﻧﺨﺒﺼﻨﺎ ﺧﺒﺺ
ﻃﺒﺦ ﻭﺟﺎﻱ ﻭﻛﻞ ﺳﺎﻋﺔ ﺻﻴﻨﻴﺔ ﺟﺎﻱ ﺗﺮﻭﺡ ﻭﺗﺠﻲ ﻭﻇﻠﻴﺖ ﺍﺣﻮﻡ ﻭﺍﻟﻠﻪ ﺧﺎﻳﻔﺔ ﻋﻠﻰ ﺍﺧﻮﺗﻲ
ﻭﻫﺬﺍ ﺍﺣﻤﺪ ﻣﺎ ﺍﻋﺮﻑ ﺷﻨﻮ ﻣﺼﻴﺮﺓ
ﻭﺑﻌﺪ ﺳﺎﻋﺎﺕ ﺍﻻﻧﺘﻈﺎﺭ ﻭﺍﻟﺪﻋﺎﺀ ﻭﻣﺎ ﻇﻞ ﺩﻋﺎﺀ ﻣﺎ ﺩﻋﻴﺘﺔ ﻟﺤﺘﻰ ﻳﻄﻠﻊ ﺍﺧﻮﻱ ﻣﻦ ﻫﺎﻱ ﺍﻟﺸﺪﺓ ﻭﻳﺮﺟﻌﺔ ﺍﻟﻨﺎ ﺳﺎﻟﻢ
ﺑﺲ ﺍﻟﺤﻤﺪ ﻟﻠﻪ ﻃﻤﻨﺎ ﺍﻣﺠﺪ ﻋﻠﻴﻪ ﻭﮔﺎﻝ ﻛﺪﺭﻭ ﻳﺠﺘﺎﺯﻭﻥ ﻣﺮﺣﻠﺔ ﺍﻟﺨﻄﺮ ﻭﺳﻴﻄﺮﻭ ﻋﻠﻰ ﺍﻻﺻﺎﺑﺔ
ﺍﻣﺎ ﻫﺎﻱ ﺍﻟﻄﻼﺑﺔ ﻭﺍﻟﻬﻮﺳﺔ ﺍﺳﺘﻤﺮﺕ ﺛﻼﺙ ﺍﻳﺎﻡ
ﻭﺍﻟﺸﺮﻃﺔ ﻣﻜﺪﺭﺕ ﺗﻮﻛﻊ ﻋﻠﻰ ﺍﻟﻲ ﺭﻣﻮ ﺍﺧﻮﻱ ﺍﺣﻤﺪ
ﻭﺻﺮﻧﺎ ﺑﺤﺎﻟﺔ ﻗﻠﻖ ﻭﻧﺘﺮﻗﺐ ﺍﻟﺮﺍﻳﺢ ﻭﺍﻟﺠﺎﻱ
ﻭﺍﻧﻲ ﻋﻨﺪﻱ ﺍﻣﺘﺤﺎﻧﺎﺕ ﻧﻬﺎﻳﺔ ﺍﻟﺴﻨﺔ
ﺑﻬﺎﻱ ﺍﻻﻳﺎﻡ
ﻭﻻﺯﻡ ﺍﺭﻭﺡ ﻃﻠﺒﺖ ﺍﺟﺎﺯﺓ ﻳﻮﻣﻴﻦ ﺑﺲ ﺍﻟﻤﺪﻳﺮﺓ ﺍﺗﺼﻠﺖ ﻭﺷﺮﺣﺘﻠﻬﺎ ﺍﻟﺴﺎﻟﻔﺔ ﻭﻛﺎﻟﺖ ﺑﺲ ﺗﻌﺎﻱ ﺍﻣﺘﺤﻨﻲ ﺻﻔﺞ
ﻭﺍﺧﺬﻱ ﺭﺍﺣﺘﺞ ﺍﺣﻨﺎ ﻧﺴﺪ ﻣﻜﺎﻧﺞ
ﺻﺎﺭ ﺍﻟﻠﻴﻞ ﻭﺩﺧﻞ ﻋﻠﻴﻨﺎ ﻋﻤﻮ ﻗﺎﺳﻢ ﻭﻭﻳﺎﻩ ﺍﺧﻮﻱ ﺍﻣﺠﺪ ﺟﺎﻧﻮ ﺳﺘﻮﻫﻢ ﺭﺍﺟﻌﻴﻦ ﻣﻦ ﺍﻟﻤﺴﺘﺸﻔﻰ
ﻃﺒﻌﺎ ﻧﺺ ﺍﻟﺰﻟﻢ ﺍﻟﻲ ﺍﺟﻮ ﻭﻳﺔ ﻋﻤﻮ ﻗﺎﺳﻢ ﺭﺟﻌﻮ
ﻭﺑﻘﻮ ﺑﺲ ﻛﻢ ﻭﺍﺣﺪ
- ﺍﻟﻠﻪ ﻳﺴﺎﻋﺪﻛﻢ ﺍﺻﺒﻠﻜﻢ ﻋﺸﺎ
ﻗﺎﺳﻢ - ﻻﻋﻤﻮ ﻣﺎﻳﺤﺘﺎﺝ ﻣﺘﻌﺸﻴﻦ ﺑﺲ ﺍﺫﺍ ﺗﻜﺪﺭﻳﻦ ﺻﺒﻴﻠﻲ ﺟﺎﻱ ﻳﺎﺑﻌﺪ ﻋﻤﺞ
- ﻣﻦ ﻋﻴﻮﻧﻲ ﻋﻤﻮ
ﺭﺣﺖ ﺩﺧﻠﺖ ﻟﻠﻤﻄﺒﺦ ﻭﺷﻔﺖ ﻧﻮﺭ ﺍﺧﺘﻲ ﮔﺎﻋﺪﺓ ﻋﻠﻰ ﻣﻴﺰ ﺍﻟﻄﻌﺎﻡ ﻭﺩﺗﻘﺮﺓ ﺍﻣﺘﺤﺎﻧﻬﺎ
ﻓﺰﺕ ﻣﻦ ﻣﻜﺎﻧﻬﺎ ﻭﺍﺟﺘﻲ ﻟﻌﻨﺪﻱ
ﻧﻮﺭ ﺑﺘﺴﺎﺋﻞ ﻭﻋﻴﻮﻧﻬﺎ ﻋﻠﻰ ﺑﺎﺏ ﺍﻟﻤﻄﺒﺦ
: ﺍﻛﻮﻝ ﺳﻬﺎﻭﻱ ﻣﻨﻮ ﺍﺟﺔ
: ﻋﻤﻮ ﻗﺎﺳﻢ ﻭﺍﻣﺠﺪ ﻟﻴﺶ ﺗﺴﺄﻟﻴﻦ
: ﻫَـﺎ ﻻ ﻫﻴﺞ ﺑﺲ ﺣﺴﺒﺎﻟﻲ ﺑﻌﺪ ﺍﺟﻮ ﻧﺎﺱ ﻭﻳﺎﻫﻢ
: ﻻ ﺣٍٍِْــًﺒٌٍـــِٓﯥٍٓ ﺍﻋﺮﻓﺞ ﻋﻠﻰ ﺷﻨﻮ ﺩﺗﺴﺄﻟﻴﻦ
ﻋﻠﻰ ﺣﺒﻴﺐ ﺍﻟﻘﻠﺐ
ﺩﺧﻞ ﻋﻠﻴﻨﺎ ﺍﻣﺠﺪ
: ﺳﻬﻰ ﺣﻀﺮﻱ ﺷﻮﺭﺑﺔ ﻟﺤﻢ ﺣﺘﻰ ﻧﺎﺧﺬﻩ ﻭﻳﺎﻧﺔ ﻟﻠﻤﺴﺘﺸﻔﻰ ﻻﺣﻤﺪ
: ﺻﺎﺭ ﭠــڊٍﻟََُﻞََُؖ ﺑﺲ ﺩﻗﺎﻳﻖ
ﻭﻧﻮﺭ ﺍﻧﺸﻐﻠﺖ ﺑﺘﺤﻀﻴﺮ ﺍﻟﺸﻮﺭﺑﺔ
ﻛﻤﻠﺖ ﺍﻟﺠﺎﻱ ﻭﺍﻧﻲ ﺍﺑﺎﻭﻉ ﻋﻠﻴﻬﺎ ﺧﻄﻴﺔ ﻛﺎﻥ ﺑﻌﺪ ﻛﻢ ﻳﻮﻡ ﺯﻭﺍﺟﻬﺎ ﻻﺑﻦ ﻋﻤﻲ ﻗﺎﺳﻢ ﺑﺲ ﻣﻦ ﻭﺭﺓ ﺳﺎﻟﻔﺔ ﺍﺣﻤﺪ
ﺭﺍﺡ ﻳﺄﺟﻠﻮﻥ ﺍﻟﻌﺮﺱ
ﺭﺣﺖ ﺍﺧﺬﺕ ﺍﻟﺼﻴﻨﻴﺔ ﺍﻟﺠﺎﻱ ﻭﺩﺧﻠﺖ ﻋﻠﻴﻬﻢ ﻭﺳﻤﻌﺘﻬﻢ
ﻗﺎﺳﻢ - ﺷﻮﻑ ﻋﻤﻮ ﺍﻣﺠﺪ ﺗﺮﺓ ﺍﻟﺴﺎﻟﻔﺔ ﻣﺎ ﻳﻨﺴﻜﺖ ﻋﻠﻴﻬﺎ
ﻭﺷﻮﻓﺖ ﻋﻴﻨﻚ ﺍﻟﻲ ﺭﻣﻮ ﺍﺧﻮﻙ ﻟﺤﺪ ﻳﻮﻣﻚ ﻫﺬﺍ ﻣﺤﺪ ﻟﺰﻣﻬﻢ ﻻ ﺣﻜﻮﻣﺔ ﻭﻻ ﺟﻤﺎﻋﺘﻨﺎ ﻛﺪﺭﻭ ﻳﻄﻴﺤﻮﻥ ﻋﻠﻰ ﺍﺛﺮﻫﻢ
ﺍﻣﺠﺪ : ﻳﻌﻨﻲ ﺷﺒﻴﺪﻧﺎ ﺷﻨﺴﻮﻱ
: ﻻ ﺑﻴﺪﻧﺎ ﺧﻮ ﻣﺎ ﻧﻜﻌﺪﻟﻬﻢ ﻣﻨﺎ ﺍﺣﺪ ﻣﺎ ﻳﺼﻔﻮﻧﻜﻢ ﻭﺍﺣﺪ ﻭﺍﺣﺪ
...........................
ﻋﺪﻱ : ﻭﺣﺶ ﺧﻮﻳﺔ ﺍﺗﻜﻔﻰ ﺍﻟﺸﺮ ﻭﺍﻟﻌﻦ ﺍﻟﺸﻴﻄﺎﻥ ﻣﻮ ﻛﻠﺸﻲ ﺑﺎﻟﻘﻮﺓ ﺗﺎﺧﺬﺓ
ﺛﺎﺋﺮ : ﻣﺎﻟﻚ ﺩﺧﻞ ﺍﻧﺖ ﺍﻃﻠﻊ ﻣﻨﻬﺎ ﺍﻧﺎ ﺍﻋﺮﻑ ﺷﺠﺎﻱ ﺍﺳﻮﻱ
ﻗﺎﺑﻞ ﺗﺮﻳﺪﻧﻲ ﺍﻋﺎﻳﻦ ﻋﻠﻰ ﻟﺤﻤﻲ ﻳﺘﺮﺑﻰ ﺑﻴﺪ ﺍﻟﻐﺮﻳﺐ ﻭﺍﺳﻜﺖ ﻣﺜﻠﻚ
ﻋﺪﻱ ﺑﻘﻬﺮ : ﺷﺘﻘﺼﺪ ﻳﺎﻟﻮﺣﺶ ﻣﻮﺵ ﺍﻧﺖ ﺍﻟﻲ ﺗﻌﻴﺮﻧﻲ
ﻋﻔﻮ ﻋﻠﻴﻚ ﻫﺎﻱ ﻣﻮﺵ ﻣﻦ ﺷﻴﻤﻚ
ﺛﺎﺋﺮ : ﻫﺬﺍ ﻣﻮ ﻋﺎﺭ ﻫﺬﺍ ﻭﺍﻗﻊ ﺣﺎﻝ ﺍﻧﺖ ﺍﺗﻨﺎﺯﻟﺖ ﻋﻦ
ﺍﺑﻨﻚ ﻭﺍﻧﻬﺰﻣﺖ ﻣﻦ ﻣﺴﺆﻟﻴﺘﺔ ﻋﺒﺎﻟﻚ ﺍﺫﺍ ﺍﺧﺬﺗﺔ ﺗﺤﺖ ﺍﺟﻨﺎﺣﻚ ﺭﺍﺡ ﻳﺼﺒﺢ ﻋﺎﺭ ﻳﺴﻮﺩ ﻭﺟﻬﻚ
ﻋﺪﻱ : ﺍﻧﺖ ﺷﻨﻬﻮ ﻣﺎ ﺗﺴﻤﻊ ﺯﻳﻦ ﺍﻛﺘﻞ ﺭﻭﺣﻲ ﺑﺎﻟﻠﻪ ﺣﺘﻰ ﺗﺼﺪﻛﻮﻧﻲ
ﻳﺎ ﻧﺎﺱ ﻳﺎ ﻋﺎﻟﻢ ﻫﺬﺍ ﺍﻟﻔﺮﺥ ﻣﻮﺵ ﺍﻟﻲ
ﺍﺑﺘﻠﻴﺖ ﻋﻠﻰ ﻋﻤﺮﻱ ﻭﺳﻮﻳﺖ ﺯﻳﻦ
ﺛﺎﺋﺮ : ﺗﺮﻳﺪ ﺗﻘﻨﻌﻨﻲ ﺍﻥ ﺍﻧﺖ ﻛﺎﻋﺪ ﺗﺼﺮﻑ ﻋﻠﻰ ﺍﻟﺤﺮﻣﺔ ﻭﺍﺑﻨﻬﺎ ﻟﺴﻮﺍﺩ ﻋﻴﻮﻧﻬﺎ ﺯﻳﻦ ﻫﻲ ﻟﻴﺶ
ﺷﻜﺘﻚ ﻋﻨﺪ ﺟﺪﻱ
ﻋﺪﻱ : ﻭﺍﻧﺎ ﺷﺪﺭﺍﻧﻲ ﻣﺎ ﺗﺮﻭﺡ ﺗﺴﺄﻝ ﺍﺑﻮﻙ ﺍﺷﻮ ﻫﻮ ﻭﺭﺓ ﻛﻞ ﻣﺼﻴﺒﺔ ﺗﻄﻴﺢ ﻓﻮﻙ ﺭﺍﺳﻲ
ﺛﺎﺋﺮ ﺑﺘﺴﺎﺋﻞ : ﻭﺍﺑﻮﻱ ﺷﺪﺧﻠﻪ
ﻋﺪﻱ : ﻭﺍﻟﻠﻪ ﻳﺎ ﻭﺣﺶ ﻣﺮﺍﺕ ﺍﺣﺲ ﺑﻴﻚ ﻣﻈﻠﻮﻡ ﻭﻣﺮﺍﺕ
ﺍﺣﺲ ﺑﻴﻚ ﻇﺎﻟﻢ
: ﺧﺎﻳﺐ ﺗﺤﺠﻲ ﻋﺪﻝ ﻭﻻ ﺗﻈﻞ ﺗﺬﺏ ﺍﻟﻐﺎﺯ
ﻓﻬﻤﻨﻲ ﺷﺘﻘﺼﺪ ﻛﻞ ﻣﺼﻴﺒﺔ ﻭﺭﺍﻫﺎ ﺍﺑﻮﻱ ﺛﻤﻦ ﻛﻼﻣﻚ ﻛﺒﻞ ﻻ ﺗﺤﺠﻴﻪ
ﻋﺪﻱ : ﻣﺎﻛﻮ ﺍﻟﻐﺎﺯ ﺑﺲ ﺍﺣﺐ ﺍﻧﺒﻬﻚ ﻻﺗﺜﻖ ﺑﺄﻱ ﻭﺍﺣﺪ ﻭﺍﺗﻮﻗﻊ ﺍﻟﻐﺪﺭ ﺣﺘﻰ ﻣﻦ ﺍﻗﺮﺏ ﺍﻟﻨﺎﺱ ﺍﻟﻚ ﻳﺎﻟﻮﺣﺶ
ﺍﺫﺍ ﻃﺎﺡ ﺍﻟﮕﻮﻱ ﻛﺜﺮﻥ ﺳﺠﺎﺟﻴﻨﻪ ( ﺍﻟﺴﻜﻴﻦ )
...............................
ﻗﺎﺳﻢ
ﺍﻧﺘﻮ ﻣﻼﺯﻡ ﺑﻌﺪ ﺗﺒﻘﻮﻥ ﻫﻨﺎ ﻻﻥ ﺍﻟﻮﺿﻊ ﺧﻄﺮ ﻋﻠﻴﻜﻢ
ﻭﻋﻠﻰ ﺍﻟﺒﻨﺎﺕ ﻓﺎﺣﺴﻦ ﺷﻲ ﺗﺠﻮﻥ ﻋﻨﺪﻱ ﻫﻨﺎﻙ ﻭﺍﻧﻲ ﺍﺿﻤﻨﻠﻜﻢ ﺳﻼﻣﺘﻜﻢ ﻻﻥ ﺍﻟﺴﻠﻒ ﺭﺍﺟﻊ ﻛﻠﺔ ﻟﻨﺴﺎﺑﺘﻲ
ﻭﻫﻨﺎﻙ ﺍﻛﺜﺮ ﺍﻣﺎﻥ
ﺍﻡ ﺳﻬﻰ - ﺍﻱ ﻭﺍﻟﻠﻪ ﺧﻮﻳﺔ ﻳﺎ ﺭﻳﺖ
ﺍﻧﻲ ﺑﻌﺪ ﻣﺎﻟﻲ ﮔﻌﺪﺓ ﺑﻬﺬﺍ ﺍﻟﺒﻴﺖ
ﺍﻟﻲ ﺍﺧﺬ ﺍﺑﻮ ﺑﻴﺘﻲ ﻭﻫﺴﺔ ﺯﻳﻦ ﻣﺎ ﺍﺧﺬ ﺍﺑﻨﻲ
ﺍﻣﺠﺪ - ﻋﻤﻲ ﺷﻨﻮ ﺗﺤﺠﻲ ﻭﺷﻐﻠﻨﺎ ﻭﺑﻴﻮﺗﻨﺎ
ﻗﺎﺳﻢ - ﻋﻤﻲ ﻳﺎﺭﻭﺡ ﻣﺎﺑﻌﺪﺝ ﺭﻭﺡ ﺍﻧﺖ ﺷﺘﺤﺠﻲ ﻭﻟﻚ ﻋﻤﻲ ﻫﺬﺍ ﺛﺄﺭ ﺗﻌﺮﻑ ﺷﻨﻮ ﺛﺎﺭ ﻳﻌﻨﻲ ﻣﺮﺍﺡ ﻳﺮﺗﺎﺣﻮﻥ ﺍﻻ ﻳﺼﻔﻮﻛﻢ ﻛﻠﻜﻢ ﺍﻧﺖ ﻭﺍﺧﻮﺍﻧﻚ ﻭﻣﻮﺑﻌﻴﺪ ﺣﺘﻰ ﺍﻟﺒﻨﺎﺕ
ﻫﺬﻭﻟﻲ ﻧﺎﺱ ﻣﺎﻳﺨﺎﻓﻮﻥ ﺍﻟﻠﻪ ﻭﺷﻮﻓﺖ ﻋﻴﻨﻚ ﺩﻭﻟﺔ ﻭﺣﻜﻮﻣﺔ
ﻣﺎﻛﻮ ﺍﺷﻮ ﻫﻲ ﺗﺎﻳﻬﺔ ﻫﺬﺍ ﺍﺧﻮﻙ ﺻﺎﺭﻟﺔ ﺍﺳﺒﻮﻉ ﺣﺎﻭﻟﻮ ﺍﻏﺘﻴﺎﻟﻪ ﻭﻟﺤﺪ ﺍﻻﻥ ﻣﺎﻛﻮ ﺍﻱ ﺧﺒﺮ ﻋﻦ ﺍﻟﻲ ﺭﻣﻮﻩ ﻭﻻ ﻛﺪﺭﻭ ﻳﻮﺻﻠﻮﻧﻬﻢ ﺑﺎﻟﻠﻪ ﻓﻬﻤﻨﻲ ﻣﻦ
ﻳﻌﻴﺪﻭﻥ ﺍﻟﻜﺮﺓ ﻭﻳﻬﺠﻤﻮﻥ ﻋﻠﻴﻜﻢ
ﺑﺎﻟﻠﻪ ﮔﻠﻲ ﺍﻧﺎ ﺍﻃﺎﻟﺐ ﻣﻨﻮ ﺑﺪﻣﻜﻢ
ﺍﻣﺠﺪ ﺑﺎﺳﺘﺴﻼﻡ - ﺷﻮﻑ ﻋﻤﻲ ﺍﻧﺖ ﻫﺴﺔ ﺍﺧﺬ ﺍﻣﻲ ﻭﺍﺧﻮﺍﺗﻲ ﻭﺳﺎﻓﺮ ﺑﻴﻬﻢ ﻟﺴﻠﻔﻜﻢ
ﻭﺍﻧﺎ ﺍﺧﺬ ﺯﻭﺟﺘﻲ ﻭﺍﻻﻭﻻﺩ ﺍﻭﺩﻳﻬﻢ ﻻﻫﻠﻬﺎ
ﻭﺍﺣﺘﻤﺎﻝ ﻫﻨﺎﻙ ﺍﺑﺎﺕ ﻋﻨﺪﻫﻢ
ﻣﻨﺎ ﻟﺤﺪ ﻣﺎ ﺍﺷﻮﻓﻠﻲ ﺣﻞ ﻟﻮﺿﻌﻨﺎ
ﻗﺎﺳﻢ : ﺷﺘﻨﺘﻈﺮ ﺗﻌﺎﻝ ﻭﻳﺎﻧﺔ ﺑﻌﺪ
ﺍﻣﺠﺪ .. ﻭﺍﺣﻤﺪ ﺍﺧﻮﻱ ﻫﻨﺎ ﻣﺎ ﺍﻛﺪﺭ ﺍﻋﻮﻓﺔ ﻋﻠﻰ ﺍﻻﻗﻞ ﺧﻠﻲ
ﻳﺸﻔﻰ ﺟﺮﺣﺔ ﻭﺍﺟﻴﺒﺔ ﻭﻳﺎﻱ
ﺳﻬﻰ ﻭﺗﻢ ﺍﻻﺗﻔﺎﻕ ﻋﻠﻰ ﻫﺬﺍ ﺍﻟﻤﺒﺪﺍﺀ
ﻳﻌﻨﻲ ﺷﻨﻮ ﺍﻧﻲ ﺍﺳﺎﻓﺮ ﻭﺍﺑﻨﻲ ﻭﺍﻫﻠﺔ ﺷﻲ ﺍﻛﻴﺪ ﻣﺮﺍﺡ ﻳﻘﺒﻠﻮﻥ
ﺍﺳﺎﻓﺮ ﺑﻲ ﺑﺪﻭﻥ ﻋﻠﻤﻬﻢ
.................
ﺍﻟﺘﻬﺔ ﺍﻣﺠﺪ ﺍﺧﻮﻳﺔ ﺑﺘﺮﺗﻴﺐ ﺍﻟﻮﺿﻊ
ﻭﺍﻧﻲ ﻭﺍﻣﻲ ﺍﻟﺘﻬﻴﻨﺎ . ﻧﺤﻤﻞ ﺑﺎﻏﺮﺍﺽ ﺍﻟﺒﻴﺖ ﺑﺎﻟﻜﺮﺍﺗﻴﻦ
ﻭﻛﺎﻧﺖ ﺟﺎﺭﺗﻨﺎ ﺍﻡ ﺍﺑﺮﺍﻫﻴﻢ ﻣﻮﺟﻮﺩﺓ ﻭﻳﺎﻧﺔ
ﺗﺴﺎﻋﺪﻧﺎ
ﺳﻬﻰ - ﻳﻤﺔ ﺍﻟﻴﻮﻡ ﺭﺍﺡ ﺍﺩﺍﻭﻡ ﺍﺳﻠﻤﻬﻢ ﺍﻟﺴﺠﻼﺕ ﻭﺍﻻﺳﺌﻠﺔ
ﻭﺍﻣﺘﺤﻦ ﺻﻔﻲ ﻭﺍﺟﻲ ﻣﺮﺍﺡ ﺍﺗﺄﺧﺮ
ﻭﺍﻟﻠﻪ ﻛﺎﻥ ﺍﻟﻴﻮﻡ ﺍﺧﺮ ﺍﻣﺘﺤﺎﻥ
ﺭﺣﺖ ﻟﻠﻤﺪﺭﺳﺔ ﻭﺍﺣﺲ ﺍﻟﺪﻧﻴﺎ ﺿﺎﻳﻜﺔ ﺑﻌﻴﻨﻲ
ﺍﺑﻮ ﻋﺒﺎﺱ ﺍﻟﺴﺎﻳﻖ - ﻫﻠﺔ ﻋﻤﻮ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻜﻢ
ﺳﻤﻌﺖ ﺑﺎﻟﺨﺒﺮ ﻭﻭﺍﻟﻠﻪ ﻛﻠﺶ ﺍﻧﻘﻬﺮﺕ ﻋﻠﻰ ﺍﺣﻤﺪ ﻣﻴﺴﺘﺎﻫﻞ
- ﺍﻟﻠﻪ ﻳﺴﻠﻤﻚ ﻋﻤﻮ ﻭﺍﻟﻠﻪ ﻋﻤﻮ ﻛﻠﺶ ﺧﺎﻳﻔﺔ ﻋﻠﻰ ﺍﺧﻮﺍﻧﻲ
- ﺍﻟﻠﻪ ﻳﻜﻔﻴﻜﻢ ﺷﺮﻫﻢ ﻫﺬﻭﻟﻲ ﻧﺎﺱ ﻣﺘﺨﺎﻑ ﺍﻟﻠﻪ ﻣﺎ ﻋﻨﺪﻫﻢ ﺷﻐﻞ ﻭﻋﻤﻞ ﻓﺎﺭﻏﻴﻦ
ﻭﺻﻠﺖ ﻟﻠﻤﺪﺭﺳﺔ ﻭﺭﺣﺖ ﺩﺧﻠﺖ ﻋﺎﻟﻤﺪﻳﺮﺓ ﻭ ﺳﻠﻤﺘﻬﺎ ﺳﺠﻞ ﺍﻟﺪﺭﺟﺎﺕ ﻭﻓﻬﻤﺘﻬﺔ ﺍﻟﺴﺎﻟﻔﺔ
ﻭﻛﺎﻥ ﺍﻟﻴﻮﻡ ﺍﺧﺮ ﻳﻮﻡ ﻓﻲ ﺍﻻﻣﺘﺤﺎﻧﺎﺕ
ﻟﻜﻦ ﺍﻟﻤﺪﻳﺮﺓ ﺍﻧﻄﺘﻨﻲ ﺍﺟﺎﺯﺓ ﻭﺍﺳﺘﺜﻨﺘﻨﻲ ﻣﻦ ﺗﺼﺤﻴﺢ ﺩﻓﺎﺗﺮ ﺍﻻﻣﺘﺤﺎﻥ ﻻﻥ ﻭﺭﺍﻱ ﺳﻔﺮ
ﻭﺭﺣﺖ ﻋﻠﻰ ﺻﻔﻲ ﻭﺑﻠﺸﺖ ﻳﻮﻣﻲ ﺍﻻﻣﺘﺤﺎﻧﻲ
ﻭﻛﺎﻟﻌﺎﺩﺓ ﺍﺷﺠﻊ ﺑﻄﺎﻟﺒﺎﺗﻲ
ﻭﺷﻔﺖ ﺍﻟﻄﺎﻟﺒﺔ ﺳﺮﻯ ﺗﻜﺘﺐ ﻭﺗﺒﺎﻭﻉ ﻋﻠﻴﺔ ﺑﺎﺭﺗﺒﺎﻙ
ﻭﻛﻞ ﺳﺎﻋﺔ ﺗﺒﺎﻭﻋﻠﻲ
ﻋﺮﻓﺖ ﻋﻨﺪﻫﺎ ﻛﻼﻡ ﺑﺲ ﻛﺎﻥ ﺍﻟﻮﻗﺖ ﻣﻴﺴﻤﺤﻠﻲ
ﺍﻥ ﺍﺗﻜﻠﻢ ﻭﻳﺎﻫﺔ ﻻﻥ ﺟﻨﺖ ﺍﺭﺍﻗﺐ
ﻭﺭﺓ ﺭﺑﻊ ﺳﺎﻋﺔ
ﺍﺟﺘﻲ ﻣﺪﺭﺳﺔ ﺻﺎﺣﺖ ﻟﺴﺮﻯ
ﻛﺎﻟﺖ ﺍﺑﻮﻫﺎ ﺇﺟﺔ ﻋﻠﻴﻬﺎ
ﺷﻔﺖ ﺳﺮﻯ ﻇﻠﺖ ﺗﺒﺠﻲ ﻭﺑﺎﻭﻋﺘﻠﻲ
ﺳﺮﻯ - ﺳﺖ ﻋﻔﻴﺔ ﻫﺬﺍ ﺑﺎﺑﺎ ﺍﺟﺔ ﻋﻠﻴﺔ ﺣﺘﻰ ﻳﺎﺧﺬﻧﻲ ﻭﻳﺎﻩ
ﻫﻮ ﺣﺠﺔ ﻭﻳﺔ ﺧﺎﻟﻮ ﮔﻠﺔ ﺍﻟﻴﻮﻡ ﺍﺧﺬ ﺳﺮﻯ ﻣﻦ ﺍﻟﻤﺪﺭﺳﺔ ﺣﻀﺮﻭ ﺟﻨﻄﺔ ﻣﻼﺑﺴﻬﺎ
ﻋﻔﻴﺔ ﺳﺖ ﺗﻌﺎﻱ ﺍﺣﺠﻲ ﻭﻳﺎﻩ ﻭﻗﻨﻌﻲ ﺍﻛﻤﻞ ﺩﺭﺍﺳﺘﻲ
- ﺷﻮﻓﻲ ﺣﺒﻴﺒﺘﻲ ﺭﻭﺣﻲ ﺍﻧﺘﻲ ﻭﺍﻧﻲ ﺟﺎﻳﺔ ﻭﺭﺍﺝ ﺑﺲ ﺷﻮﻳﺔ
ﺍﺷﻮﻑ ﻣﺪﺭﺳﺔ ﺗﺄﺧﺬ ﻣﻜﺎﻧﻲ
ﺭﺍﺣﺖ ﺳﺮﻯ ﻭﺻﺤﺖ ﻟﻠﻤﺪﺭﺳﺔ ﻭﺳﻠﻤﺘﻬﺎ ﻣﻜﺎﻧﻲ
ﻭﺭﺣﺖ ﻭﺭﺓ ﺳﺮﻯ ﺣﺘﻰ ﺍﺣﺠﻲ ﻭﻳﺔ
ﺍﺑﻮﻫﺎ
ﺳﺄﻟﺖ ﺍﻟﻔﺮﺍﺷﺔ ﻋﻠﻴﻬﺎ ﻛﺎﻟﺖ ﻳﻢ ﺍﻟﻤﺪﻳﺮﺓ
ﺩﻛﻴﺖ ﺍﻟﺒﺎﺏ ﺍﺳﺘﺄﺫﻧﺖ
ﺭﻓﻌﺖ ﺭﺍﺳﻲ ﻭﺍﻧﻲ ﻣﺒﺘﺴﻤﺔ
ﻫﻨﺎﺍﺍﺍﺍﺍﺍﺍﺍﺍ
ﻭﺍﻧﺼﺪﻣﺖ ﺻﺪﻣﺔ ﺣﻴﺎﺗﻲ ﻭﺍﺗﺰﻟﺰﻟﺖ ﻣﻦ ﺍﺭﺿﻲ
ﻭﻭﮔﻌﺖ ﺍﻻﻭﺭﺍﻕ ﺍﻟﻲ ﺟﻨﺖ ﻻﺯﻣﺘﻬﻢ
ﻻﺍﺍﺍﺍﺍ ﻣﺴﺘﺤﻴﻞ
ﻫﻤﺴﺖ ﺑﺼﻮﺕ ﻧﺎﺻﻲ
- ﺛﺎﺋﺮ
ﺷﻔﺘﺔ ﺭﻓﻊ ﺭﺍﺳﺔ ﻭﺍﺟﺖ ﻋﻴﻨﺔ ﺑﻌﻨﻴﻨﻲ
ﻭﻛﺎﻧﺖ ﺍﻟﻤﻔﺎﺟﺌﺔ ﻣﺮﺳﻮﻣﺔ ﻋﻠﻰ ﻭﺟﻬﺔ ﻣﺜﻠﻲ ﻣﺼﺪﻭﻡ
- ﻧﻬﺾ ﻣﻦ ﻣﻜﺎﻧﻪ ﻭﻋﻴﻮﻧﺔ ﺑﻌﻴﻮﻧﻲ ﻭﻛﺄﻥ ﻳﺮﻳﺪ
ﻳﺘﺄﻛﺪ
- ﺳﻬﻮﺓ
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
2 التعليقات
إضغط هنا لـ التعليقاتممكن تنزل روايه ثمار العار بالحلال الجزء الثاني كامل لان نازل بس النصف الأول والنصف الثاني ممكن التكمله رجاد
ردان شاء الله اليوم راح تنزل الرواية كاملة لاكن صبركم لان الجزء 2 يتكون من 22 جزء
ردتحويل كودإخفاء محول الأكواد الإبتساماتإخفاء