...
رواية ثمار العار بالحلال ج2 الجزء الثالث
.....
ﺳﻬﻰ
ﺗﻌﺮﻓﻮﻥ ﺷﻨﻮ ﺷﻌﻮﺭ ﺍﻟﻮﺍﺣﺪ ﺍﻥ ﻳﻜﻮﻥ ﻣﻴﺖ ﻭﻳﺮﺟﻊ ﻟﻠﺤﻴﺎﺓ ﻓﺠﺎﺀﺓ
ﺍﻧﻲ ﻫﺬﺍ ﻛﺎﻥ ﺷﻌﻮﺭﻱ ﺑﻴﻮﻡ ﻭﻛﻌﺖ ﻋﻴﻨﻲ ﺑﻌﻴﻦ ﺛﺎﺋﺮ
ﻛﺎﻥ ﻟﻘﺎﺋﻲ ﺑﺜﺎﺋﺮ ﺻﺪﻣﺔ ﻭﻣﻔﺎﺟﺌﺔ ﻣﺠﻨﺖ ﻣﺘﻮﻗﻌﺘﻬﺎ
ﻭﻟﻮ ﻭﺍﺣﺪ ﻳﻜﻠﻲ ﺍﻥ ﺍﻟﻴﻮﻡ ﺭﺍﺡ ﺗﻠﺘﻘﻴﻦ ﻣﻊ ﻫﺬﺍ ﺍﻟﺸﺨﺺ
ﻛﺎﻥ ﺿﺤﻜﺖ ﻋﻠﻴﻪ ﻭﺍﺗﻬﻤﺘﺔ ﺑﺎﻟﺠﻨﻮﻥ
ﻻﻥ ﻣﻦ ﺳﺎﺑﻊ ﺍﻟﻤﺴﺘﺤﻴﻼﺕ ﻃﺮﻗﻨﺎ ﺗﻠﺘﻘﻲ
ﻟﻜﻦ ﺍﻟﺪﻧﻴﺎ ﺷﻜﺪ ﺻﻐﻴﺮﺓ
- ﺛﺎﺋﺮ !!!!!
ﺛﺎﺋﺮ - ﺳﻬﻮﺓ ﺛﺎﺋﺮ ﺯﻳﻦ ﺑﻌﺪﺝ ﻣﺎ ﻧﺴﻴﺘﻲ ؟؟؟
ﻧﺴﻴﻨﺎ ﻧﻔﺴﻨﺎ ﻟﻠﺤﻈﺎﺕ ﻭﺑﺪﻭﻥ ﺷﻌﻮﺭ ﻧﻄﻘﺖ ﺍﺳﻤﺔ ﺍﻣﺎﻡ ﺍﻟﻤﺪﻳﺮﺓ ﻭﻫﻮ ﻧﻔﺲ ﺣﺎﻟﻲ ﻛﺎﻥ ﻣﺼﺪﻭﻡ ﻭﺭﺩﺓ ﻓﻌﻠﺔ ﻛﺎﻧﺖ
ﻋﻨﻴﻔﺔ ﻟﻜﻦ ﺳﺮﻋﺎﻥ ﻣﺎ ﺍﺗﻼﺣﮕﻨﺎ ﻟﻨﻔﺴﻨﺎ
ﻭﺻﺮﻧﺎ ﻧﺘﺼﺮﻑ ﺑﺮﺳﻤﻴﺎﺕ ﺍﻣﺎﻡ ﺍﻟﻤﺪﻳﺮﺓ
ﻛﺎﻥ ﺍﻟﻤﻮﻗﻒ ﻭﺍﻟﻤﻜﺎﻥ ﺟﺪﺍً ﺣﺮﺝ
ﻟﻜﻦ
ﻫﻨﺎﺍﺍﻙ ﻛﺎﻥ ﺷﻲ ﻟﻢ ﻳﺴﺘﻄﻴﻊ ﺍﻳﺎً ﻣﻨﻬﻢ ﺍﻥ ﻳﻤﻨﻊ ﺣﺪﻭﺛﻪ
ﻻ ﺍﻟﻤﻜﺎﻥ ﻭﻻ ﻭﺟﻮﺩ ﺍﻟﻤﺪﻳﺮﺓ
ﻛﺎﻧﺖ ﻫﻨﺎﺍﺍﻙ ﺍﻟﻨﻈﺮﺍﺕ ﺍﻟﻤﺘﺒﺎﺩﻟﺔ ﺑﻴﻦ ﺍﻟﻌﻴﻮﻥ
ﻧﻈﺮﺍﺗﻬﻢ ﺗﺤﺠﻲ ﻣﻼﻳﻴﻦ ﺍﻟﻜﻠﻤﺎﺕ ﺍﻟﻐﻴﺮ ﺍﻟﻤﻨﻄﻮﻗﺔ
ﺳﻬﻰ
ﻳﻤﺔ ﺍﺣﺲ ﮔﻠﺒﻲ ﺭﺟﻌﺘﻠﺔ ﻧﺒﻀﺎﺗﻪ ﻋﺒﺎﻟﻚ ﺍﺭﺽ ﺟﺎﻓﺔ ﻗﺎﺣﻠﺔ
ﺻﺎﺭﻟﻬﺎ ﺳﻨﻴﻦ ﻣﺸﺎﻳﻔﺔ ﺍﻟﻤﺎﻱ ﻭﺑﻬﺎﻱ ﺍﻟﻠﺤﻀﺔ
ﺍﻧﻔﺘﺢ ﺑﻴﻬﺎ ﺟﺪﻭﻝ ﻣﻦ ﺍﻟﻤﻴﺎﻩ ﺍﻟﻌﺬﺑﺔ ﺍﻟﻲ ﺍﺗﻮﻏﻞ ﻟﺪﺍﺧﻞ
ﺍﺭﺍﺿﻴﻬﺎ ﺍﻟﻘﺎﺣﻠﺔ ﻭﺻﺎﺭ ﻳﺮﻭﻳﻬﺎ
ﺍﺭﺗﺒﻜﺖ ﻭﻣﮕﺪﺭﺕ ﺍﻧﻄﻖ ﺍﻱ ﻛﻠﻤﺔ ﻭﻋﻴﻮﻧﺔ ﺍﺑﺪ ﻣﺎ ﺍﺗﻐﻴﺮﺕ ﻭﻧﻈﺮﺍﺗﺔ ﺍﻟﻲ ﻛﺼﺘﻨﻲ ﻣﻦ ﻓﻮﻙ ﻟﻴﺠﻮﺓ
ﺑﺲ ﺷﻔﺖ ﺑﻴﻬﻢ ﻟﻤﺤﺔ ﺑﺮﻭﺩ ﻭﻗﺴﻮﺓ ﺯﺍﺋﺪ ﺍﻧﺘﻘﺎﻡ ﺧﻮﻓﺘﻨﻲ
ﺍﺗﻤﻨﻴﺖ ﺍﺷﺮﺩ ﻣﻦ ﻏﺮﻓﺔ ﺍﻟﻤﺪﻳﺮﺓ ﺭﻛﺾ ﺑﺪﻭﻥ ﻣﺎ ﺍﻟﺘﻔﺖ ﻣﻦ ﺍﻟﺨﻮﻑ
ﻳﻌﻨﻲ ﻛﻞ ﻫﺎﻱ ﺍﻟﺴﻨﻴﻦ ﻭﺷﺨﺼﻴﺘﻲ ﺍﻟﻘﻮﻳﺔ ﺍﻟﻲ ﺗﻌﺒﺖ ﻟﺤﺘﻰ ﺍﺑﻨﻴﻬﺎ
ﻛﻞ ﻫﺬﺍ ﻃﺎﺭ ﻣﻦ ﺍﻗﺮﺏ ﻧﺎﻓﺬﺓ ﺑﻠﺤﻈﺔ ﺍﻟﻲ ﻭﻛﻌﺖ ﻋﻴﻨﻲ ﻋﻠﻴﻪ
ﻭﺍﺭﺗﺒﻜﺖ ﻋﺒﺎﻟﻚ ﺭﺟﻌﺖ ﻧﻔﺴﻲ ﺫﻳﺞ ﺍﻟﺒﻨﻴﺔ ﺍﻟﺨﺠﻮﻟﺔ ﺍﻟﻲ
ﺗﻨﺨﺒﺺ ﻭﺗﺘﺨﺮﺑﻂ ﺍﻭﺿﺎﻋﻬﺎ ﺍﺫﺍ ﻭﻛﻌﺖ ﻋﻴﻮﻧﻬﺎ ﺑﻌﻴﻮﻧﺔ
ﺍﻧﺘﺒﻬﺖ ﻋﻠﻴﻪ
ﺭﻓﻊ ﺗﻚ ﺣﺎﺟﺐ ﻟﻔﺖ ﺍﻧﺘﺒﺎﻫﻲ ﺣﺎﺟﺒﻪ ﺍﻟﻤﻘﻄﻮﻉ ﻣﻦ ﺍﻟﻨﺺ
ﺍﻟﻲ ﻣﺨﻠﻲ ﺷﻜﻠﻪ ﻳﻮﺣﻲ ﺑﺎﻟﺨﻄﺮ ﻭﺍﻟﻬﻴﺒﺔ
ﺍﻧﺘﺒﻬﺖ ﻋﻠﻰ ﻣﻌﺎﻧﻲ ﻭﺟﻪ ﺻﺎﻳﺮﺓ ﺍﻛﺜﺮ ﻗﺴﺎﻭﺓ
ﺣﺴﻴﺖ ﻋﻠﻰ ﺍﻳﺪ ﻟﺰﻣﺖ ﺍﻳﺪﻱ
ﺩﻧﮕﺖ ﺷﻔﺘﻬﺎ ﺳﺮﻯ
ﻋﺰﺓ ﻫﺎﻱ ﺳﺮﻯ ﻭﺍﻟﻠﻪ ﻧﺴﻴﺘﻬﺎ ﻭﻧﺴﻴﺖ ﺳﺒﺐ ﻗﺪﻭﻣﻲ ﻟﻬﻨﺎ
ﺳﺮﻯ ﺑﺼﻮﺕ ﻫﺎﻣﺲ ﻏﻴﺮ ﻣﺴﻤﻮﻉ
- ﺳﺖ ﻫﺬﺍ ﺑﺎﺑﺎ ﺍﻟﻲ ﺣﺠﻴﺘﻠﺞ ﻋﻨﺔ
ﺍﻟﻤﺪﻳﺮﺓ - ﺍﺗﻔﻀﻠﻲ ﺳﺖ ﺳﻬﻰ
ﺳﻬﻰ
ﻛﻠﺶ ﻫﻮﺍﻱ ﻋﻠﻰ ﻋﻘﻠﻲ ﻳﺴﺘﻮﻋﺐ ﻛﻞ ﻫﺎﻱ ﺍﻟﺼﺪﻣﺎﺕ ﻭﺍﻟﻤﻔﺎﺟﺌﺎﺕ ﺑﻮﻗﺖ ﻭﺍﺣﺪ
ﺑﺎﻻﻭﻝ ﻇﻬﻮﺭ ﺛﺎﺋﺮ ﻭﺑﻌﺪﻳﻦ ﺗﻄﻠﻊ ﺳﺮﻯ ﺍﻟﻲ ﻛﺎﻧﺖ ﻃﺎﻟﺒﺔ ﻋﻨﺪﻱ ﻃﻮﻝ ﻫﺎﻱ ﺍﻟﻤﺪﺓ
ﻭﻣﺎ ﺍﺩﺭﻱ ﺍﻥ ﺍﺑﻮﻫﺎ ﺍﻟﻲ ﺗﺤﺠﻲ ﻋﻨﺔ ﻫﻮ ﻧﻔﺴﺔ ﺛﺎﺋﺮ
ﺑﺎﻟﻜﻮﺓ ﻛﺪﺭﺕ ﺍﺟﻤﻊ ﺍﺷﻼﺀ ﻧﻔﺴﻲ ﺍﻟﻲ ﺗﺒﻌﺜﺮﺕ ﺑﻠﺤﻈﺔ ﻟﻘﺎﺀ
ﺛﺎﺋﺮ
ﺳﻬﻰ - ﺍﺣﻢ ﺍﺣﻢ ﺍﻫﻼً ﻭﺳﻬﻼً ﺍﺑﻮ ﺳﺮﻯ ﺍﺫﺍ ﻣﺘﺼﻴﺮ ﺯﺣﻤﺔ ﻣﻤﻜﻦ ﺗﻌﻄﻴﻨﺎ ﻣﻦ ﻭﻗﺘﻚ ﻟﺤﻈﺔ
ﺣﺘﻰ ﺍﺣﺠﻲ ﻭﻳﺎﻙ ﺑﻤﻮﺿﻮﻉ ﻳﺨﺺ ﺳﺮﻯ
ﺷﻔﺘﺔ ﺍﺑﺘﺴﻢ ﺍﺑﺘﺴﺎﻣﺔ ﺍﺳﺘﻬﺰﺍﺀ
ﻭﻛﺄﻧﻪ ﻳﺘﺤﺪﺍﻧﻲ ﺍﻥ ﺍﻛﻌﺪ ﻭﻳﺎﻩ ﺑﻨﻔﺲ ﺍﻟﻤﻜﺎﻥ ﻟﻮﺣﺪﻧﺎ
ﺍﻋﺮﻑ ﺟﻤﻴﻊ ﻧﻈﺮﺍﺗﻪ ﻭﺍﻋﺮﻑ ﻫﺬﺍ ﺍﻟﺸﺨﺺ ﻣﺜﻞ ﻣﺎ
ﺍﻋﺮﻑ ﻧﻔﺴﻲ ﻟﻜﻦ ﻃﺎﺑﻊ ﺍﻟﻘﺴﺎﻭﺓ ﺍﻟﻲ ﺟﺎﻱ ﺍﺷﻮﻓﺔ ﻫﺴﺔ ﻫﺬﺍ ﺟﺪﻳﺪ ﻋﻠﻴﺔ
ﺛﺎﺋﺮ - ﺍﺗﻔﻀﻠﻲ ﺳﺘﺘﺖ ﺳﻬﻰ ﺍﺳﻤﻌﺞ
ﺭﻛﺰ ﻋﻠﻰ ﻛﻤﻠﺔ ﺳﺖ ﺍﺣﺲ ﺑﻲ ﻳﺮﻳﺪ ﻳﺴﺘﻔﺰﻧﻲ
ﻣﺎ ﺍﻋﺮﻑ ﻟﻴﺶ ﺣﺮﻛﺎﺗﻪ ﻛﻠﻬﺎ ﺗﺴﺘﻔﺰﻧﻲ
ﺣﺴﻴﺖ ﺑﺮﻭﺣﻲ ﺩﺍ ﺍﻣﺸﻲ ﺑﺤﻘﻞ ﺍﻟﻐﺎﻡ
ﺍﻧﺘﺒﻬﺖ ﻋﻠﻰ ﺍﻳﺪﺓ ﺍﺗﻜﻮﺭﺕ ﻋﻠﻰ ﺷﻜﻞ ﻗﻀﺔ ﻭﺑﻴﻨﺖ ﻋﺮﻭﮔﻪ ﻣﻨﻬﺎ ﻋﺒﺎﻟﻚ ﻳﺮﻳﺪ ﻳﻀﺮﺏ ﺷﺨﺺ
ﻭﺍﺣﺘﻤﺎﻝ ﻗﻮﻱ ﺍﻧﻲ ﻫﺬﺍ ﺍﻟﺸﺨﺺ
ﻭﻫﺬﺍ ﺍﻟﺸﻲ ﺍﺭﺑﻜﻨﻲ
ﺷﺎﻓﻨﻲ ﺍﺑﺎﻭﻉ ﻋﻠﻰ ﺍﻳﺪﺓ ﺑﺨﻮﻑ
ﺭﺟﻊ ﺍﺗﻜﺊ ﻋﻠﻰ ﻭﺭﺓ ﻭﺣﻂ ﺍﻳﺪﺓ ﻋﻠﻰ ﻟﺤﻴﺘﺔ ﻭﻛﻌﺪ
ﻳﺘﻠﻤﺲ ﺑﻴﻬﺎ ﻭﻋﻴﻮﻧﺔ ﺳﺎﻓﺮﺕ ﻋﻠﻰ ﻃﻮﻝ ﺟﺴﻤﻲ
ﻫﺴﺔ ﺍﻧﻲ ﻟﻴﺶ ﻛﺪﺍﻡ ﻫﺬﺍ ﺍﻟﺸﺨﺺ ﺍﺭﺟﻊ ﻟﻨﻘﻄﺔ ﺍﻟﺒﺪﺍﻳﺔ
ﻭﻻ ﻛﺄﻧﻲ ﺍﻧﻲ ﺍﻟﻤﺪﺭﺳﺔ ﺍﻟﻤﺤﺘﺮﻣﺔ ﺻﺎﺣﺒﺔ ﺍﻟﺸﺨﺼﻴﺔ ﺍﻟﻘﻮﻳﺔ ﻭﺍﻟﻜﻞ ﺑﺎﻟﻤﺪﺭﺳﺔ ﻳﺸﻬﺪﻟﻲ ﻋﻠﻰ ﺫﻟﻚ
ﺯﻳﻦ ﻟﻴﺶ ﺍﻣﺎﻡ ﻫﺬﺍ ﺍﻟﺸﺨﺺ
ﺍﺭﺟﻊ ﺗﻠﻤﻴﺬﺓ ﺑﺎﻟﻤﺪﺭﺳﺔ ﻭﺍﻛﻔﺔ ﮔﺪﺍﻡ ﺍﺳﺘﺎﺫﻫﺎ ﻭﻣﻨﺘﻈﺮﺓ ﺍﻟﻌﻘﺎﺏ ﻋﻠﻰ ﺷﻨﻮ ﺍﻟﻌﻘﺎﺏ ﻣﺎ ﺍﻋﺮﻑ
ﺍﻭﻭﻭﻑ ﻭﺍﻟﻠﻪ ﺍﺣﺲ ﺍﻋﺼﺎﺑﻲ ﺍﺗﻮﺗﺮﺕ ﻭﺍﻧﺸﺪﺕ ﻣﻦ ﻭﺭﺍﻩ
ﺳﺤﺒﺖ ﻧﻔﺲ ﺷﻬﻴﻖ ﻋﻤﻴﻖ ﻭﺯﻓﻴﺮ
ﺳﻬﻰ - ﺍﺣﻢ ﺍﻧﻲ ﺳﻤﻌﺖ ﺑﻴﻚ ﺍﻧﺖ ﺟﺎﻱ ﺣﺘﻰ ﺗﺎﺧﺬ ﺳﺮﻯ ﺗﻌﻴﺶ ﻭﻳﺎﻙ ﻫﻨﺎﻙ ﺑﺒﻴﺘﻜﻢ
ﻗﺎﻃﻌﻨﻲ ﺛﺎﺋﺮ
- ﻭﺍﻧﺘﻲ ﺷﻜﻮ ﺷﻨﻮ ﺩﺧﻠﺞ ﺑﺎﻟﻤﻮﺿﻮﻉ
ﺑﺎﻭﻋﺖ ﻋﺎﻟﻤﺪﻳﺮﺓ ﺍﺗﺴﻌﺖ ﻋﻴﻮﻧﻬﺎ ﻣﺘﻔﺎﺟﺌﺔ ﻣﻦ ﺭﺩﻩ
ﺍﻟﻤﺘﻬﺠﻢ
- ﺍﺭﺟﻮﻙ ﻣﻤﻜﻦ ﺗﺴﻤﻌﻨﻲ ﻟﻼﺧﻴﺮ ﻭﻣﺘﻘﺎﻃﻌﻨﻲ ﺍﺫﺍ ﻣﺘﺼﻴﺮ ﺯﺣﻤﺔ
- ﺍﺗﻔﻀﻠﻲ ﺑﺲ ﺍﺧﺘﺼﺮﻱ ﺑﺎﻟﻜﻼﻡ ﻋﻨﺪﻱ ﺷﻐﻞ ﻣﺴﺘﻌﺠﻞ
ﻳﻌﻨﻲ ﺻﺪﻙ ﻣﻴﺴﺘﺤﻲ ﻭﻳﻨﺮﻓﺰ ﻭﻣﺴﺘﻔﺰ
ﻋﻀﻴﺖ ﺷﻔﺘﻲ ﻛﻮﺓ ﻛﺪﺭﺕ ﺍﺗﺤﻜﻢ ﺑﻐﻀﺒﻲ ﻭﺑﻠﻌﺖ ﻛﻢ ﺍﻟﻜﻠﻤﺎﺕ ﺍﻟﻲ ﻛﻨﺖ ﻧﺎﻭﻳﺔ ﺍﻣﻄﺮﻫﻢ ﻋﻠﻰ ﺭﺍﺳﻪ ﻟﻜﻦ
ﺍﺗﻼﺣﻜﺖ ﻟﻠﻮﺿﻊ ﻭﺍﺗﺬﻛﺮﺕ ﻫﺪﻑ ﻭﺟﻮﺩﻱ ﻫﻨﺎ
ﺍﻣﺎﻡ ﻫﺬﺍ ﺍﻟﺸﺨﺺ
ﻫﺪﻓﻲ ﺳﺮﻯ ﻻﺯﻡ ﺍﺳﻴﻄﺮ ﻋﻠﻰ ﺍﻋﺼﺎﺑﻲ ﻋﻠﻤﻮﺩﻫﺎ
- ﺻﺤﻴﺢ ﻛﻼﻣﻚ ﺍﻧﻲ ﻣﺎﻟﻲ ﺣﻖ ﺍﺗﺪﺧﻞ ﻟﻜﻦ
ﻣﻦ ﺍﺷﻮﻑ ﻃﺎﻟﺒﺔ ﺷﺎﻃﺮﺓ ﻭﻣﺠﺘﻬﺪﺓ ﻣﻦ ﻃﺎﻟﺒﺎﺗﻲ
ﻣﺴﺘﻘﺒﻠﻬﺎ ﺍﻟﺪﺭﺍﺳﻲ ﻣﻬﺪﺩ ﺑﺎﻟﻔﺸﻞ
ﻳﻜﻮﻥ ﻣﻦ ﻭﺍﺟﺒﻲ ﺍﻥ ﺍﺳﻌﻰ ﻟﺘﻨﺒﻴﻪ ﺍﻻﻫﻞ
ﻋﻠﻰ ﻣﺴﺘﻘﺒﻞ ﺑﺘﻬﻢ
ﻓﻜﻞ ﺍﻟﻲ ﺍﺭﺟﻮ ﻣﻨﻚ ﺍﻥ ﻻ ﺗﻬﻤﻞ ﻣﺴﺘﻘﺒﻞ ﺳﺮﻯ ﺍﻟﻌﻠﻤﻲ
ﺧﻄﻴﺔ ﺍﺗﻤﻨﻰ ﺍﻥ ﺗﺴﻌﻰ ﺑﺎﻟﺒﺤﺚ ﻋﻠﻰ ﻣﺪﺭﺳﺔ ﻗﺮﻳﺒﺔ ﻫﻨﺎﻙ
ﻭﺗﻨﻘﻞ ﺍﻭﺭﺍﻗﻬﺎ ﺣﺘﻰ ﺗﻜﺪﺭ ﺗﻜﻤﻞ ﺩﺭﺍﺳﺘﻬﺎ
ﺍﺑﺎﻭﻉ ﻋﻠﻴﻪ ﻇﻞ ﺻﺎﻓﻦ ﻋﻠﻰ ﺷﻔﺎﻳﻔﻲ ﻣﻦ ﺍﺣﺠﻲ ﻋﺒﺎﻟﻚ
ﺑﺎﻟﺔ ﻣﻮ ﻳﻤﻲ ﺑﻐﻴﺮ ﻣﻜﺎﻥ ﻟﺪﺭﺟﺔ ﺍﺿﻄﺮﻳﺖ ﺍﻥ ﺍﺳﺄﻟﺔ
- ﺍﺣﻢ ﺍﻟﻌﻔﻮ ﺣﻀﺮﺗﻚ ﺗﺴﻤﻌﻨﻲ
ﺛﺎﺋﺮ ﻭﻫﻮ ﻳﻨﻔﺾ ﺭﺍﺳﻪ ﻣﻦ ﺍﻻﻓﻜﺎﺭ
ﺍﻟﺠﺮﻳﺌﺔ ﺍﻟﻲ ﺍﺳﺘﻮﻟﺖ ﻋﻠﻰ ﺗﻔﻜﻴﺮﻩ
ﻭﻫﻲ ﺗﺤﺠﻲ
- ﺍ ﺍﻱ ﻧﻌﻢ ﺍﺳﺘﻤﺮﻱ ﻛﻤﻠﻲ ﻛﻼﻣﺞ ﺍﺳﻤﻌﺞ
ﻋﻀﺖ ﺷﻔﺎﻳﻔﻬﺎ ﻗﻀﺖ ﻋﻠﻰ ﺍﺧﺮ ﻟﺤﻈﺔ ﺗﻌﻘﻞ
ﺑﺮﺍﺳﻲ
ﻛﻠﻤﺎ ﺗﺤﺮﻙ ﺷﻔﺎﻳﻔﻬﺎ
ﺍﻧﺔ ﻋﻘﻠﻲ ﻳﺮﻭﺡ ﺑﻐﻴﺮ ﻋﺎﻟﻢ ﻛﻠﻤﺎﺗﻬﺎ ﻭﺻﻮﺗﻬﺎ
ﻣﺜﻞ ﺧﻴﻮﻁ ﺍﻟﻌﻨﻜﺒﻮﺕ ﺗﻨﺴﺞ ﺧﻴﻮﻃﻬﺎ ﺣﻮﻝ ﺍﻓﻜﺎﺭﻱ ﻭﺗﻌﺰﻟﻨﻲ ﻋﻦ ﻛﻠﺸﻲ ﻳﺤﻴﻂ ﺑﻴﺔ ﻭﺗﺨﻠﻴﻨﻲ
ﺍﺑﺎﻭﻉ ﻓﻘﻂ ﺍﻟﻰ ﺣﺮﻛﺔ ﻫﺎﻱ ﺍﻟﺸﻔﺎﻳﻒ ﺍﻟﻲ ﻟﻄﺎﻟﻤﺎ
ﻋﺎﻧﻴﺖ ﻣﻨﻬﺎ ﻟﻴﺎﻟﻲ ﻭﺍﻳﺎﻡ ﻟﺤﺘﻰ ﺍﻛﺪﺭ ﺍﺑﻌﺪﻫﺎ ﻋﻦ ﻋﻘﻠﻲ ﻭﮔﻠﺒﻲ
ﺩﺧﻴﻞ ﺍﻟﻠﻪ ﺷﻜﺪ ﺣﺎﻗﺪ ﻋﻠﻴﻬﺎ ﻟﺪﺭﺟﺔ ﺍﻟﻜﺮﻩ ﺍﻻﻋﻤﻰ
ﻟﻜﻦ ﻣﻊ ﺍﻻﺳﻒ ﻫﺎﻱ ﺍﻟﺴﻨﻴﻦ ﻛﻠﻬﺎ ﻣﺎ ﻛﺪﺭﺕ ﺗﺸﻔﻴﻨﻲ
ﻛﺎﻥ ﻣﺠﺮﺩ ﻧﺴﻴﺎﻥ ﻣﺆﻗﺖ
ﻟﻜﻦ ﻟﻴﺲ ﻋﻼﺝ ﻣﻦ ﺍﻟﺸﻐﻒ
.......
ﺍﻟﻤﺪﻳﺮﺓ
ﻛﻤﻠﺖ ﻋﻠﻰ ﻛﻼﻡ ﺳﻬﻰ ﻻﻥ ﺣﺴﺖ ﺍﻟﺘﻮﺗﺮ ﺯﺍﺩ ﺑﺠﻮ ﺍﻟﻐﺮﻓﺔ ﻭﺍﻧﺘﺒﻬﺖ ﻋﻠﻰ ﻧﻈﺮﺍﺕ ﺍﺑﻮ ﺍﻟﻄﺎﻟﺒﺔ ﺍﻟﻐﻴﺮ ﻣﺮﺣﺐ ﺑﻴﻬﺎ ﻭﻛﺄﻧﻬﺎ ﺭﺍﺡ ﺗﺎﻛﻞ ﺳﻬﻰ ﺍﻛﻞ
- ﺻﺤﻴﺢ ﻛﻼﻡ ﺳﺖ ﺳﻬﻰ ﺑﻨﺘﻚ ﺳﺮﻯ ﺍﻣﺎﻣﻬﺎ ﻣﺴﺘﻘﺒﻞ ﺑﺎﻫﺮ
ﻓﻨﺮﺟﻮ ﻣﻨﻚ ﺍﻥ ﻻ ﺗﺘﻬﺎﻭﻥ ﻭﺗﻬﻤﻠﻬﺎ
ﺛﺎﺋﺮ ﺍﻧﺘﺒﻬﺖ ﻋﻠﻰ ﺻﻮﺕ ﺍﻟﻤﺪﻳﺮﺓ ﺍﻟﺒﺎﺭﺩ
ﻭﺍﻟﺘﻔﺘﺖ ﻋﻠﻴﻬﺎ ﻭﺷﻔﺖ ﺑﻨﻄﺮﺍﺗﻬﺎ ﺍﻟﺼﺎﺭﻣﺔ ﻋﺪﻡ ﻣﻮﺍﻓﻘﺘﻬﺎ
ﺑﺎﺳﻠﻮﺑﻲ ﺍﻟﻤﺴﺘﻔﺰ ﻣﻊ ﺍﺣﺪ ﻣﺪﺭﺳﺎﺗﻬﺎ ﺍﻟﻘﺪﻳﺮﺍﺕ
- ﺍﺷﻜﺮﻛﻢ ﻋﻠﻰ ﺍﻫﺘﻤﺎﻣﻜﻢ ﺑﻤﺴﺘﻘﺒﻞ ﺑﻨﺘﻲ
ﻟﻜﻦ ﻣﺎ ﺍﺗﻮﻗﻊ ﺍﻧﺘﻮ ﺭﺍﺡ ﺗﻜﻮﻧﻮﻥ ﺍﺣﺮﺹ ﻋﻠﻴﻬﺎ ﻣﻦ ﻋﻨﺪﻱ
ﺗﺮﺓ ﻟﺘﻨﺴﻮﻥ ﺍﻧﺎ ﺍﺑﻮﻫﺎ
ﻭﺍﻥ ﺷﺎﺀ ﺍﻟﻠﻪ ﺑﺪﻭﻥ ﻣﺘﺤﺠﻮﻥ
ﺭﺍﺡ ﺍﻛﻠﻒ ﺷﺨﺺ ﻳﻜﻤﻞ ﻣﻌﺎﻣﻠﺘﻬﺎ ﻭﺍﻭﺭﺍﻕ ﺍﻟﻨﻘﻞ ﻟﻌﻨﺪ ﻣﺪﺭﺳﺔ ﻗﺮﻳﺒﺔ ﻣﻦ ﻣﻨﻄﻘﺘﻨﺎ
ﺳﻬﻰ - ﺍﻧﻲ ﺍﺳﺘﺄﺫﻥ ﻣﻦ ﻋﻨﺪﻛﻢ ﻭﺍﺷﻜﺮﻙ ﻋﻠﻰ ﺍﺳﺘﻤﺎﻋﻚ
ﺍﻟﻲ ﻭﺩﻳﺮ ﺑﺎﻟﻚ ﻋﻠﻰ ﺳﺮﺍﻭﻱ ﺗﺮﺓ ﻫﻲ ﻭﺭﺩﺓ ﻣﺎﻝ ﺍﻟﻠﻪ
ﺍﻟﺘﻔﺘﺖ ﻋﻠﻰ ﺳﺮﻯ ﻭﺣﻈﻨﺘﻬﺎ
- ﻳﺎﻟﻠﻪ ﺣﺒﻴﺒﺘﻲ ﺍﻧﻲ ﻋﻨﻲ ﻛﻤﻠﺖ ﺭﺳﺎﻟﺘﻲ
ﻭﻳﺎﺝ ﺍﺗﻤﻨﻰ ﺍﺷﻮﻓﺞ ﺍﺣﻠﻰ ﺩﻛﺘﻮﺭﺓ ﻳﺎﻟﻠﻪ ﻓﻲ ﺍﻣﺎﻥ ﺍﻟﻠﻪ
ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ
ﻭﺻﻴﺮﻱ ﺳﺒﺎﻋﻴﺔ
ﺗﺮﻛﺘﻬﻢ ﻭﻃﻠﻌﺖ
ﻭﺍﺣﺲ ﺑﺎﻟﻨﻈﺮﺍﺕ ﺗﺨﺘﺮﻕ ﻇﻬﺮﻱ ﺑﺴﻬﺎﻡ
ﺍﺗﻌﺜﺮﺕ ﻭﺍﻧﻲ ﺍﻣﺸﻲ ﻭﻛﺎﻥ ﺑﺪﺍﺧﻠﻲ ﻫﻨﺎﻙ ﻛﻢ ﻣﻦ ﺍﻟﻤﺸﺎﻋﺮ ﺍﻟﻤﺘﻀﺎﺭﺑﺔ ﺍﻟﻲ ﻏﺰﺕ ﺍﻓﻜﺎﺭﻱ ﻣﺴﺤﺖ
ﺩﻣﻮﻋﻲ ﻣﻦ ﻋﻠﻰ ﺧﺪﻱ ﺣﺴﻴﺖ ﻭﺩﻋﺖ ﺑﻨﺘﻲ
ﻣﺎ ﺍﻋﺮﻑ ﻟﻴﺶ ﻛﻠﺶ ﻣﺘﻌﻠﻘﺔ ﺑﻄﺎﻟﺒﺎﺗﻲ ﺑﺸﻜﻞ ﻣﻮﻃﺒﻴﻌﻲ
ﺑﺤﻴﺚ ﺍﺣﺰﻥ ﻟﺤﺰﻧﻬﻢ ﻭﺍﻓﺮﺡ ﻟﻔﺮﺣﺘﻬﻢ
ﺍﺷﻜﺪ ﺍﻛﺮﻩ ﻟﺤﻈﺎﺕ ﺍﻟﻮﺩﺍﻉ
ﻫﻤﺰﻳﻦ ﻃﻠﻌﺖ ﻣﻦ ﻳﻤﻬﻢ
ﺍﺭﻳﺪ ﺍﺑﺘﻌﺪ ﻋﻦ ﻧﻈﺮﺍﺗﺔ ﺍﻟﻲ ﺍﺑﺪ ﻣﺘﻐﻴﺮﺕ
ﺑﺤﻴﺚ ﺣﺘﻰ ﺍﻟﻤﺪﻳﺮﺓ ﺣﺴﺖ ﻋﻠﻴﻪ
............-
ﺛﺎﺋﺮ
ﺑﺎﻟﺴﻴﺎﺭﺓ ﺟﺎﻱ ﺍﺳﻮﻕ ﻭﺑﻨﺘﻲ ﺳﺮﻯ ﻛﺎﻋﺪﺓ ﺑﺼﻔﻲ
ﻭﺑﺎﻟﻲ ﻋﻨﺪ ﺍﻟﻲ ﺍﺳﺘﺄﺫﻧﺖ ﻭﻃﻠﻌﺖ
ﻛﻮﺓ ﻛﺪﺭﺕ ﺍﻟﺰﻡ ﺭﻭﺣﻲ ﻭﻣﺎ ﺍﻛﻮﻡ ﻭﺭﺍﻫﺎ
ﺫﻛﺮﺕ ﻧﻔﺴﻲ ﺍﻥ ﻫﻲ ﻫﺴﺔ ﻣﺮﺓ ﻣﺘﺰﻭﺟﺔ ﻭﻣﺎ ﻳﺠﻮﺯ ﺍﻟﻲ
ﺟﺎﻱ ﺍﺳﻮﻱ ﻭﻳﺎﻫﺎ ﺑﺲ ﺍﺍﺍﺍﺍﺥ ﺍﻟﻠﻪ ﻣﻮ ﺑﻴﺪﻱ
ﺍﺳﺘﻐﻔﺮ ﺍﻟﻠﻪ ﻛﻮﺓ ﺍﺗﻤﺎﻟﻜﺖ ﻧﻔﺴﻲ ﻭﻣﺎ ﻫﺠﻤﺖ ﻋﻠﻴﻬﺎ
ﻭﺍﺧﻨﻜﻬﺎ ﻣﻦ ﺭﻛﺒﺘﻬﺎ ﺍﻟﻨﺤﻴﻠﺔ
ﺑﻨﺖ ﺍﻟﻠﺬﻳﻦ ﺍﺷﻮ ﺍﻟﺰﻣﻦ ﺯﺍﻳﺪﻫﺎ ﺟﻤﺎﻝ ﻓﻮﻙ ﺟﻤﺎﻟﻬﺎ
ﻋﻠﻰ ﺍﻻﺳﺎﺱ ﺍﻧﺔ ﺟﻨﺖ ﻧﺎﻗﺺ
ﻭﻫﺴﺔ ﺷﻔﺘﻬﺎ ﺍﺣﺲ ﺑﻨﻔﺲ ﺍﻟﻠﻬﻔﺔ ﻭﺍﻟﺸﻮﻙ ﺍﻟﻲ ﺑﺼﺪﺭﻱ
ﻭﺑﻌﺪ ﺯﺍﺩﺕ ﺍﺿﻌﺎﻑ ﻣﺎ ﺍﻋﺮﻑ ﺷﻨﻮ ﻣﺘﻐﻴﺮ ﺑﻴﻬﺎ
ﻛﺎﻥ ﻣﺜﻞ ﺍﻭﻝ ﻟﻘﺎﺀ ﻭﻳﺎﻫﺎ ﺍﺧﺬﺕ ﻋﻘﻠﻲ ﻭﺭﺟﻒ ﮔﻠﺒﻲ ﺍﻟﻬﺔ
ﻳﺎﻟﻠﻪ ﺷﻜﺪ ﮔﻮﻳﺔ ﻋﻴﻦ ﻭﺗﺤﺠﻲ ﻭﺑﻌﺪﻫﺎ ﻻﺑﺴﺔ
ﺛﻮﺏ ﺍﻟﺒﺮﺍﺋﺔ ﺍﻟﻤﺰﻳﻒ
ﺗﮕﺪﺭ ﺗﺨﺪﻉ ﺍﻟﻨﺎﺱ ﻛﻠﻬﺎ ﺑﺲ ﻣﺘﮕﺪﺭ ﺗﺨﺪﻋﻨﻲ
ﺻﺮﺕ ﺍﻋﺮﻓﻬﺎ ﻛﻠﺶ ﺯﻳﻦ
ﺫﻳﺐ ﻣﺘﻨﻜﺮ ﺑﺜﻴﺎﺏ ﺍﻟﺤﻤﻞ ﺍﻟﻮﺩﻳﻊ
ﺳﺮﻯ - ﺑﺎﺑﺎ ﺍﺷﻜﺮﻙ ﻋﻠﻰ ﻣﻮﺍﻓﻘﺘﻚ ﺍﻛﻤﻞ ﺩﺭﺍﺳﺘﻲ
ﺍﻧﺘﺒﻬﺖ ﻋﻠﻰ ﻛﻼﻡ ﺑﻨﺘﻲ
- ﺑﺎﺑﺎ ﺳﺮﻯ ﺍﻧﺎ ﺯﻋﻼﻥ ﻋﻠﻴﺞ
ﻛﺎﻥ ﺑﺄﺳﺘﻄﺎﻋﺘﺞ ﺗﺠﻨﺒﻴﻨﻲ ﻫﺬﺍ ﺍﻻﺣﺮﺍﺝ ﺍﻟﻲ ﺻﺎﺭ ﺍﻟﻴﻮﻡ ﺍﻣﺎﻡ ﺍﻟﻤﺪﻳﺮﺓ ﻭﺍﻟﻤﺪﺭﺳﺔ ﻋﺒﺎﻟﻬﻢ ﺍﻧﺎ ﺭﺟﺎﻝ ﻣﺘﺨﻠﻒ ﻭﻣﺎ ﻣﻬﺘﻢ ﻟﻤﺴﺘﻘﺒﻞ ﺑﻨﺘﻲ ﺍﻟﺪﺭﺍﺳﻲ
ﻟﻴﺶ ﻣﺎ ﺍﺗﺼﻠﺘﻲ ﻋﻠﻴﺔ ﻭﺣﺠﻴﺘﻲ ﻫﺬﺍ ﺍﻟﻜﻼﻡ ﺍﻟﻲ
ﺑﺪﻝ ﻣﺎ ﺗﺮﺣﻴﻦ ﻟﻤﺪﺭﺳﺘﺞ ﻭﺗﺸﺘﻜﻴﻨﻲ ﺍﻟﻬﺎ
- ﺍﺳﻔﺔ ﺑﺎﺑﺎ ﺑﺲ ﺳﺖ ﺳﻬﻰ ﻋﻠﻤﺖ ﺍﻟﻄﺎﻟﺒﺎﺕ ﻛﻠﻬﻢ ﺍﺫﺍ ﻋﻨﺪﻫﻢ ﻣﺸﺎﻛﻞ ﻳﺠﻮﻥ ﻳﺤﺠﻮﻥ ﻭﻳﺎﻫﺔ ﻭﺍﻧﻲ ﺍﺗﻌﻮﺩﺕ ﺍﺣﺠﻴﻠﻬﺎ ﻭﺍﻧﻲ ﻣﺎ ﻛﺪﺭﺕ ﺍﻭﺻﻠﻚ ﻭﺍﺣﺠﻲ ﻭﻳﺎﻙ
ﺍﻧﺖ ﺗﻌﺮﻑ ﺍﻣﻲ ﻣﺘﻘﺒﻞ ﺍﺗﺼﻞ ﻋﻠﻴﻚ
ﻣﻦ ﻳﻜﻮﻥ ﺍﻟﻤﻮﺿﻮﻉ ﺑﻲ ﺳﻴﺮﺓ ﺳﻬﻰ ﺍﺻﻐﻲ ﺑﻜﻞ ﺣﻮﺍﺳﻲ
- ﺍﻧﺘﻲ ﺷﺘﻌﺮﻓﻴﻦ ﻋﻨﻬﺎ ﻭﺗﮕﻌﺪﻳﻦ ﺗﺤﺠﻴﻠﻬﺎ ﺍﺳﺮﺍﺭﻧﺎ
- ﻻ ﺑﺎﺑﺎ ﺳﺖ ﺳﻬﻰ ﻛﻠﺶ ﺣﺒﺎﺑﺔ ﻭﺩﺍﺋﻤﺎ ﺗﺴﺎﻋﺪ ﺍﻟﻄﺎﻟﺒﺎﺕ
ﺗﮕﻮﻝ ﺍﺣﺴﻜﻢ ﺑﻨﺎﺗﻲ
ﮔﻠﺒﻲ ﻣﺘﺮﻭﺱ ﻏﻞ ﻭﻗﻬﺮ ﻣﻨﻬﺎ
ﻭﻣﺎﻳﺸﻔﻲ ﻏﻠﻴﻠﻲ ﻣﻨﻬﺎ ﻏﻴﺮ ﺍﻻﻧﺘﻘﺎﻡ
ﺑﺲ ﺍﺣﻤﺪ ﺍﻟﻠﻪ ﻭﺍﺷﻜﺮﺓ
ﻫﻲ ﻣﺘﺰﻭﺟﺔ ﻭﻏﻴﺮ ﺣﺮﺓ
ﺟﺎﻥ ﻋﺮﻓﺖ ﺷﻐﻠﻲ ﻭﻳﺎﻫﺎ
ﻭﺍﻟﻠﻪ ﺟﺎﻥ ﺣﻄﻤﺘﻬﺎ ﺑﺪﻭﻥ ﻣﻴﺮﻓﻠﻲ ﺟﻔﻦ
ﻭﺍﺧﻠﻴﻬﺎ ﺗﺘﻮﺳﻞ ﺍﻟﺮﺣﻤﺔ ﻭﻣﺎﺗﻨﻮﻟﻬﺎ
.......
ﺳﻬﻰ
ﺭﺟﻌﺖ ﻣﻦ ﺍﻟﻤﺪﺭﺳﺔ ﻭﺍﻧﻲ ﺑﻌﺪﻧﻲ ﺑﺤﺎﻟﺔ ﺻﺪﻣﺔ
ﻣﻌﻘﻮﻟﺔ ﺍﻟﻲ ﺩﻳﺼﻴﺮ ﻭﻳﺎﻱ ﻳﻌﻨﻲ ﺷﻨﻮ ﻣﻦ ﺻﺪﻓﺔ ﻫﺎﻱ
ﺍﻟﻲ ﺟﻤﻌﺘﻨﻲ ﺑﻬﺬﺍ ﺍﻟﺸﺨﺺ
ﻛﻨﺖ ﺩﺍﻳﺨﺔ ﻭﺍﺣﺲ ﺭﺍﺳﻲ ﻳﺮﻳﺪ ﻳﻄﻚ ﻣﻦ ﺍﻟﺘﻔﻜﻴﺮ
ﻫﻤﺰﻳﻦ ﺑﻌﺪ ﻣﺎ ﺍﺩﺍﻭﻡ ﻭﺭﺍﺡ ﺍﺳﺎﻓﺮ
ﻻﻥ ﻧﻈﺮﺍﺗﺔ ﺍﻟﻘﺎﺳﻴﺔ ﻛﺎﻧﺖ ﺗﻨﻄﻖ ﺑﺎﻻﻧﺘﻘﺎﻡ
ﻭﻫﺬﺍ ﺍﻟﺸﻲ ﺧﻮﻓﻨﻲ ﻣﻦ ﻋﻨﺪﺓ ﻭﻟﺪ ﻋﻨﺪﻱ ﺍﺣﺴﺎﺱ
ﺍﻟﻬﺮﻭﺏ ﻻﺑﻌﺪ ﻣﻜﺎﻥ ﻟﺤﺘﻰ ﻣﺎ ﺍﻭﻛﻊ ﺑﻴﻦ ﺍﻳﺪﻳﻪ
ﺍﺣﻤﺪ ﺍﻟﻠﻪ ﺍﻟﻒ ﻣﺮﺓ ﻻﻥ ﺑﻌﺪ ﺩﺭﻭﺑﻨﺎ ﻣﺮﺍﺡ ﺗﻠﺘﻘﻲ
ﻭﺻﻠﺖ ﻟﻠﺒﻴﺖ ﻭﺷﻔﺖ ﺍﻣﻲ ﻣﺨﺒﻮﺻﺔ ﻫﻲ ﻭﺗﻤﺎﺭﺓ ﻭﻧﻮﺭ
ﻭﺭﻳﻢ ﺍﺧﺘﻲ ﺧﻄﻴﺔ ﺟﺎﻳﺒﻬﺎ ﺯﻭﺟﻬﺎ ﻟﻌﺪﻧﺎ
ﺍﺑﺎﻭﻉ ﻋﻠﻴﻬﺎ ﺷﻠﻮﻥ ﺗﺸﺪ ﺑﺎﻟﻐﺮﺍﺽ ﻭﻳﺎﻧﺔ ﻭﺗﺒﺠﻲ ﻋﻠﻰ
ﻓﺮﺍﻛﻨﺎ
ﻭﺧﺎﻟﻮ ﻣﻮﻓﻖ ﺩﻳﻔﺘﺢ ﺑﺄﺧﺸﺎﺏ ﺍﻟﻐﺮﻑ
ﺍﻡ ﺳﻬﻰ : ﻫﻤﺰﻳﻦ ﻭﺻﻠﺘﻲ ﻳﺎﻟﻠﻪ ﺷﻮﻓﻲ ﺷﻐﻠﺞ ﻭﻳﺎﻧﺔ
ﺳﻬﻰ : ﻫﺴﺔ ﻳﻮﻡ
ﺍﻡ ﺳﻬﻰ : ﻣﻮ ﺗﻨﺴﻴﻦ ﻏﺮﺍﺽ ﺍﻟﺠﻬﺎﺯ ﻣﺎﻟﺘﺞ
ﺟﻤﺪﺕ ﺑﻤﻜﺎﻧﻲ ﺑﺎﻭﻋﺖ ﻋﻠﻰ ﺍﻣﻲ
ﻣﺮﺍﺕ ﺍﻣﻲ ﺗﺨﻮﻓﻨﻲ ﺑﺘﺼﺮﻓﺎﺗﻬﺎ
ﻳﻌﻨﻲ ﺑﻜﻞ ﻋﻘﻠﻬﺎ ﺗﺤﺠﻲ ﺗﺮﻳﺪ ﻣﻨﻲ ﺍﺣﻤﻞ ﺣﺘﻰ ﺍﻻﺷﻴﺎﺀ
ﺍﻟﻲ ﻛﺎﻧﺖ ﺗﺸﺘﺮﻳﻬﻢ ﺍﻟﻲ
ﻭﺗﻀﻤﻬﻢ ﻟﺠﻬﺎﺯ ﻋﺮﺳﻲ
ﻣﺎ ﺍﻋﺮﻑ ﻳﻤﻜﻦ ﺍﻣﻲ ﺻﺎﺭ ﻋﻨﺪﻫﺎ ﻫﻮﺱ
ﺍﻭ ﺍﻧﻈﺮﺑﺖ ﺑﻌﻘﻠﻬﺎ ﻣﻦ ﻭﺭﺍﻱ
ﻳﻌﻨﻲ ﺍﺑﺎﻭﻉ ﻋﻠﻴﻬﺎ ﻫﻲ ﺑﻴﺎ ﺣﺎﻝ
ﻭﺗﻔﻜﻴﺮﻫﺎ ﺍﺑﺪ ﻣﺎ ﺑﻄﻞ ﻣﻦ ﻧﺎﺣﻴﺘﻲ
ﺍﺣﻨﺎ ﻧﺮﻳﺪ ﻧﺘﺮﻙ ﺑﻴﺘﻨﺎ ﻭﻧﺴﺎﻓﺮ ﻋﻠﻤﻮﺩ ﺍﻻﻣﺎﻥ
ﻭﺍﻣﻲ ﺩﺍﻳﺨﺔ
ﺑﺠﻬﺎﺯ ﻋﺮﺱ ﻻ ﻭﺟﻮﺩ ﻟﻪ ﺍﺻﻼً
: ﺍﻥ ﺷﺎﺀ ﺍﻟﻠﻪ ﻳﻮﻡ ﺭﺍﺡ ﺍﺣﻀﺮﻫﻢ
ﺍﺳﺎﻳﺮﻫﺎ ﺍﺣﺴﻨﻠﻲ
ﺳﻤﻌﺖ ﻧﻘﺎﻟﻲ
ﻃﻠﻌﺘﺔ ﻣﻦ ﺍﻟﺠﻨﻄﺔ ﻭﺷﻔﺖ ﻋﺴﺎﻑ ﻳﺘﺼﻞ ﺑﻚ
ﺭﺩﻳﺖ ﺑﺨﻮﻑ
: ﺍﻟﻮ ﻫﻠﻮ ﻋﺴﺎﻑ ﺷﻌﺠﺐ ﻣﺘﺼﻞ
: ﻫﻠﻮ ﺷﻠﻮﻧﺞ ﺳﻬﻰ ﺍﺗﺼﻠﺖ ﻋﻠﻴﺞ ﺣﺘﻰ ﺍﻛﻠﺞ
ﺳﺎﺭﺓ ﺑﺎﻟﻤﺴﺘﺸﻔﻰ ﻭﺭﺍﺡ ﺗﺪﺧﻞ ﻋﻤﻠﻴﺎﺕ
ﻋﻨﺪﻫﺎ ﺍﻟﺘﻬﺎﺏ ( ﺑﺎﻟﺰﺍﺋﺪﺓ ﺍﻟﺪﻭﺩﻳﺔ )
ﻭﺧﺒﺼﺘﻨﻲ ﺍﻻ ﺗﺘﺼﻞ ﻋﻠﻰ ﺳﻬﻰ
ﺧﻠﻴﻬﺎ ﺗﺠﻴﻨﻲ ﺍﺭﻳﺪ ﺍﺷﻮﻓﻬﺎ ﻗﺒﻞ ﻻ ﺍﺩﺧﻞ ﻋﻤﻠﻴﺔ
ﺿﺮﺑﺖ ﺻﺪﺭﻱ ﺑﺨﻮﻑ
: ﻟﺞ ﻳﻤﺔ ﺳﻮﺩﺓ ﺑﻮﺟﻬﻲ
ﻫﺎﻱ ﺷﻮﻛﺖ ﺻﺎﺭﺕ ﺍﺷﻮ ﻣﺎ ﻋﻨﺪﻱ ﻋﻠﻢ
ﺍﻟﺒﺎﺭﺣﺔ ﻛﻨﺖ ﺍﺣﺠﻲ ﻭﻳﺎﻫﺔ ﻣﺠﺎﺑﺖ ﺳﻴﺮﺓ
: ﻟﻴﺶ ﻫﻲ ﺻﺪﻳﻘﺘﺞ ﺗﻨﺤﺰﺭ ﺍﺷﻮ ﻛﻠﻬﺎ ﻣﻔﺎﺟﺌﺎﺕ
ﻭﺍﻧﺘﻲ ﺍﻧﺸﻐﻠﺘﻲ ﺑﺴﺎﻟﻔﺔ ﺍﺧﻮﺝ ﻓﻤﺎ ﺭﺍﺩﺕ
ﺗﺸﻐﻠﺞ ﺍﻛﺜﺮ
: ﻋﻔﻴﺔ ﺑﺲ ﻛﻠﻲ ﻫﺴﺔ ﻫﻲ ﺑﺄﻱ ﻣﺴﺘﺸﻔﻰ
ﺫﻛﺮ ﺍﺳﻢ ﺍﻟﻤﺴﺘﺸﻔﻰ ﻭﺍﺗﻔﺎﺟﺌﺖ ﻛﺎﻧﺖ ﻧﻔﺲ ﺍﻟﻤﺴﺘﺸﻔﻰ ﺍﻟﻲ ﺑﻴﻬﺎ ﺍﺣﻤﺪ
ﺻﺎﺩﻑ ﻛﺎﻥ ﺧﺎﻟﻮ ﻣﻮﻓﻖ ﺍﺧﻮ ﺍﻣﻲ ﻣﻮﺟﻮﺩ ﻭﺍﺧﺬﻧﻲ ﺍﻧﻲ ﻭﺍﻣﻲ ﻭﻳﺎﻩ ﻟﻠﻤﺴﺘﺸﻔﻰ
ﻭﺍﻟﻠﻪ ﺑﻮﻗﺘﻬﺎ ﻣﻌﺮﻓﺖ ﺷﻨﻮ ﻟﺒﺴﺖ ﻣﻦ ﻛﺪ ﻣﺎ ﮔﻠﺒﻲ ﻛﺎﺭﺻﻨﻲ
ﻋﻠﻰ ﺻﺪﻳﻘﺘﻲ ﻭﺭﻓﻴﻘﺖ ﺩﺭﺑﻲ
ﺩﺧﻠﺖ ﻭﻋﻴﻮﻧﻲ ﺗﺪﻭﺭ ﻋﻠﻰ ﻋﺴﺎﻑ ﻭﺭﻛﻀﺖ ﺑﺘﺠﺎﻩ ﻋﺴﺎﻑ
: ﻫَـﺎ ﺑﺸﺮ ﻋﺴﺎﻑ ﺳﺎﺭﺓ ﻭﻳﻨﻬﺎ ﻻﺗﻜﻮﻝ ﺩﺧﻠﺖ ﻟﻠﻌﻤﻠﻴﺎﺕ
: ﺍﻱ ﻭﺍﻟﻠﻪ ﺩﺧﻠﻮﻫﺎ ﺳﺘﻮﻫﻢ ﻟﺼﺎﻟﺔ ﺍﻟﻌﻤﻠﻴﺎﺕ
ﻭﻛﺎﻧﺖ ﻣﻨﺘﻈﺮﺗﺞ
ﺑﺲ ﺍﻧﺘﻲ ﺍﺗﺄﺧﺮﺗﻲ
: ﺍﻱ ﻭﺍﻟﻠﻪ ﺍﻻﺯﺩﺣﺎﻣﺎﺕ ﻣﻜﺪﺭﺕ ﺍﻭﺻﻞ ﺑﺴﺮﻋﺔ
ﻛﻌﺪﺕ ﺑﺼﻒ ﺍﻣﻲ ﺍﻧﺘﻈﺮ ﺑﻘﻠﻖ
ﺧﺎﻟﻮ ﻣﻮﻓﻖ
: ﻛﻮﻟﻮ ﻳﺎﻟﻠﻪ ﺗﺮﺓ ﺍﻟﻌﻤﻠﻴﺔ ﺑﺴﻴﻄﺔ ﻭﻣﻴﺤﺘﺎﺟﻠﻬﺎ ﺷﻲ
: ﺻﺤﻴﺢ ﻛﻼﻣﻚ ﺑﺲ ﻫﻲ ﻻﻥ ﺣﺎﻣﻞ ﻭﻋﻤﻠﻴﺔ ﺑﻨﻔﺲ ﺍﻟﻮﻗﺖ ﺷﻮﻳﺔ ﺍﻟﺸﻐﻠﺔ ﺗﺨﻮﻑ
ﻭﺍﻟﻠﻪ ﺭﺍﺡ ﺍﻣﻮﺕ ﻣﻦ ﺍﻻﻧﺘﻈﺎﺭ
ﺍﺑﺎﻭﻉ ﻋﻠﻰ ﻋﺴﺎﻑ
ﺭﺍﻳﺢ ﺭﺍﺟﻊ ﻣﺜﻞ ﺍﻟﺘﻄﻠﻚ ﺧﻄﻴﺔ
ﻭﺍﻟﻠﻪ ﻭﺭﺓ ﺳﺎﻋﺔ ﻃﻠﻌﺖ ﺍﻟﻤﻤﺮﺿﺔ
ﻭﺭﻛﻀﻨﺎ ﻋﻠﻴﻬﺎ
ﻭﻛﺎﻟﺖ ﺍﻟﻤﺮﻳﻀﺔ ﺣﺎﻟﺘﻬﺎ ﻣﺴﺘﻘﺮﺓ ﻭﺗﻤﺖ ﺍﻟﻌﻤﻠﻴﺔ ﺑﻨﺠﺎﺡ
ﺻﺮﻧﺎ ﻧﺤﻤﺪ ﺍﻟﻠﻪ ﻭﻧﺸﻜﺮﻩ
ﻭﺭﺓ ﺳﺎﻋﺔ ﺍﺟﺔ ﻋﺴﺎﻑ ﻭﻛﻠﻲ
ﺗﻌﺎﻱ ﺩﺧﻠﻲ ﻟﺴﺎﺭﺓ ﺗﺮﻳﺪﺝ
ﺍﻛﻠﺖ ﮔﻠﺒﻲ ﺗﺮﻳﺪ ﺗﺸﻮﻓﺞ ﻋﺒﺎﻟﻚ ﻃﻔﻠﺔ
ﺩﺧﻠﺖ ﻋﻠﻴﻬﺎ ﻭﻛﺴﺮﺕ ﺧﺎﻃﺮﻱ
ﻫﻲ ﻛﻠﺶ ﻣﺘﻌﻠﻘﺔ ﺑﻴﺔ ﻭﻣﻦ ﻫﺎﻟﻠﺤﻈﺔ ﺷﻠﺖ ﻫﻢ ﻓﺮﺍﻛﻬﺎ
ﻫﻲ ﻛﻠﺶ ﻣﺘﻌﻠﻘﺔ ﺑﻴﺔ
ﻻﻥ ﻣﺎ ﻋﻨﺪﻫﺎ ﺍﺧﺖ
ﻭﺍﻧﻲ ﻛﻀﻴﺖ ﻛﻞ ﻋﻤﺮﻱ ﻭﻳﺎﻫﺎ
ﺍﻋﺮﻓﻬﺎ ﻭﺗﻌﺮﻓﻨﻲ ﻋﺸﻨﺎ ﺍﻟﺤﻴﺎﺓ ﻣﻦ ﺍﻟﺼﻐﺮ
ﺳﻮﻳﺔ ﺑﺤﻠﻮﻫﺎ ﻭﺑﻤﺮﻫﺎ ﻭﺗﺸﺎﺭﻛﻨﺎ
ﺟﻤﻴﻊ ﺍﺣﺰﺍﻧﺎ ﻭﺍﻓﺮﺍﺣﻨﺎ
ﺷﺎﻓﺘﻨﻲ ﺩﺧﻠﺖ ﻣﺪﺕ ﺍﻳﺪﻳﻬﺎ ﺍﻟﻲ
ﻭﻟﺰﻣﺘﻬﻢ ﺷﻔﺘﻬﻢ ﺑﺎﺭﺩﺍﺕ
ﺍﺑﺠﻲ ﻭﺍﻣﺴﺢ ﺑﺪﻣﻮﻋﻲ
: ﻫَـﺎ ﻟﺞ ﺛﻮﻟﺔ ﺷﻠﻮﻥ ﺗﺴﻮﻳﻦ ﻋﻤﻠﻴﺔ ﻭﻣﺎ ﺗﻨﺘﻈﺮﻳﻨﻲ ﺍﺟﻲ
ﺍﺧﺬ ﻭﻳﺎﺝ ﺻﻮﺭﺓ ﺳﻠﻔﻲ ﻗﺒﻞ ﻟﺘﺪﺧﻠﻴﻦ ﻟﺼﺎﻟﺔ ﺍﻟﻌﻤﻠﻴﺎﺕ
ﺣﺘﻰ ﺍﻟﺰﻣﻬﺎ ﻋﻠﻴﺞ ﺗﻬﺪﻳﺪ
ﺳﺎﺭﺓ ﺑﺘﻌﺐ ﻭﻛﻮﺓ ﺗﺤﺠﻲ ﺍﺑﺘﺴﻤﺖ
: ﺷﻔﺘﻲ ﺷﻠﻮﻥ ﺍﻧﻲ ﻃﻠﻌﺖ ﺍﻧﺼﺢ ﻣﻨﺞ ﻭﺳﺒﻘﺘﺞ
ﺑﺴﺘﻬﺎ ﻣﻦ ﺭﺍﺳﻬﺎ
: ﻟﺞ ﻋﻮﺑﺔ ﺧﻮﻓﺘﻴﻨﻲ
: ﻟﺘﺨﺎﻓﻴﻦ ﺻﺪﻳﻘﺘﺞ ﺑﺰﻭﻧﺔ ﺑﺴﺒﻊ ﺍﺭﻭﺍﺡ
: ﻫﻬﻬﻬﻬﻬﻪ ﺳﺘﻮﺝ ﻭﺍﻋﻴﺔ ﻣﻦ ﺍﻟﺒﻨﺞ ﻭﺍﻧﺘﻲ ﺍﻟﺴﺎﻧﺞ ﺑﻌﺪﺓ ﻃﻮﻟﺔ ﻣﺘﺮﻳﻦ
ﺍﻗﺘﺮﺑﺖ ﻣﻨﻬﺎ ﻭﺣﻄﻴﺘﻬﺎ ﺑﺤﻈﻨﻲ
ﻃﺒﻌﺎً ﺳﺎﺭﺓ ﻭﻋﺴﺎﻑ ﻋﺎﻧﻮ ﻛﻠﺶ ﻫﻮﺍﻱ ﺑﺴﺎﻟﻔﺔ ﺍﻟﺤﻤﻞ
ﻭ ﺳﺎﺭﺓ ﺑﺎﻟﻜﻮﺓ ﺻﺎﺭ ﻋﻨﺪﻫﺎ ﺣﻤﻞ
ﺑﻌﺪ ﻣﺎ ﺩﺧﻠﺖ ﺑﻤﺸﺎﻛﻞ ﻻ ﺣﺼﺮ ﻟﻬﺎ ﻣﻊ ﻋﻴﺎﻟﻬﺎ
ﺣﺘﻰ ﻭﺻﻠﺖ ﻫﻲ ﻭﻋﺴﺎﻑ ﻟﻠﻄﻼﻕ ﺑﺴﺒﺐ ﺍﻣﺔ
ﻭﻟﺤﺘﻬﺎ ﻋﻠﻰ ﺍﻟﻄﻔﻞ ﻭﺭﺑﻲ ﺭﺯﻗﻬﻢ ﺑﺎﻻﺧﻴﺮ ﺑﻌﺪ ﺳﻨﻮﺍﺕ ﺻﺒﺮ ﺑﻬﺬﺍ ﺍﻟﺤﻤﻞ
ﺳﺎﺭﺓ ﺑﺨﻮﻑ : ﺳﻬﻰ ﺍﻧﻲ ﻛﻠﺶ ﺧﺎﻳﻔﺔ ﻋﻠﻰ ﺍﻟﺤﻤﻞ
ﺧﺎﻑ ﺍﻓﻘﺪ ﺍﻟﺠﻨﻴﻦ
: ﻟﺘﺼﻴﺮﻳﻦ ﺧﻮﺍﻓﺔ ﺭﺑﻲ ﺍﻟﺤﺎﻓﻆ ﻣﻮ ﻛﺪﺍﻣﺞ ﺍﻟﺪﻛﺘﻮﺭ ﻛﺎﻝ ﺍﻟﻄﻔﻞ ﻣﺎ ﻋﻠﻴﻪ ﺷﻲ ﻭﺍﻟﻌﻤﻠﻴﺔ ﻣﻮ ﻳﻤﺔ ﻣﺮﺍﺡ ﺗﺄﺛﺮ ﻋﻠﻴﻪ
: ﻣﺎ ﻛﻠﺘﻴﻠﻲ ﺍﻧﺘﻲ ﺷﻠﻮﻧﺞ ﻭﺷﻐﻠﺘﻜﻢ ﺷﺼﺎﺭ ﻋﻠﻴﻬﺎ
ﻛﻌﺪﺕ ﺍﺣﺠﻲ ﻟﺴﺎﺭﺓ ﻛﻠﺸﻲ ﻋﻦ ﺍﺣﻤﺪ ﻭﺍﻟﻄﻼﺑﺔ ﻭﺍﻟﺴﻔﺮ
ﻭﺳﻮﻟﻔﺘﻠﻬﺎ ﻋﻦ ﺛﺎﺋﺮ ﻭﺑﻨﺘﺔ ﻭﺍﻟﺼﺪﻓﺔ
ﻭﻫﻲ ﻇﻠﺖ ﻓﺎﺗﺤﺔ ﺣﻠﻜﻬﺎ ﻣﻦ ﺍﻟﻤﻔﺎﺟﺌﺔ
: ﺷﻮﻓﻲ ﺍﺧﺬﻧﺎ ﺍﻟﻮﻗﺖ ﺑﺎﻟﺴﻮﺍﻟﻒ ﻭﻧﺴﻴﻨﺎ ﺍﻣﻲ ﻭﺧﺎﻟﻲ ﺑﺮﺓ ﻛﺎﻋﺪﻳﻦ ﻣﻨﺘﻈﺮﻳﻦ
ﺧﻠﻲ ﺍﺳﻠﻢ ﻋﻠﻴﺞ ﻭﺍﻃﻠﻊ ﺍﺣﺘﻤﺎﻝ ﺭﺍﺡ ﺍﺳﺎﻓﺮ ﺑﻌﺪ ﻣﺎ ﺍﺷﻮﻓﺞ
ﻣﺜﻠﻤﺎ ﺗﻌﺮﻓﻴﻦ ﺍﻟﻮﺿﻊ ﺧﻄﺮ ﻋﻠﻴﻨﺎ
ﺷﻔﺖ ﺑﻌﻴﻮﻧﻬﺎ ﺩﻣﻮﻉ ﻭﺻﺎﺭﺕ ﺗﺒﺠﻲ ﻣﺜﻞ ﺍﻟﻄﻔﻠﺔ
: ﻳﻌﻨﻲ ﺷﻨﻮ ﺑﻌﺪ ﻣﺎ ﺍﻛﺪﺭ ﺍﺷﻮﻓﺞ ﺷﻮﻛﺖ ﻣﺎ ﺍﻛﺪﺭ
ﻟﻌﺪ ﻣﻨﻮ ﺍﺷﺘﻜﻴﻠﺔ ﻫﻤﻲ
ﺣﺴﻴﺖ ﮔﻠﺒﻲ ﺍﺟﺔ ﻳﻄﻠﻊ ﻣﻦ ﻭﺭﺓ ﻛﻠﻤﺎﺗﻬﺎ
ﻓﻌﻼً ﺻﻌﺒﺔ ﻋﻠﻴﻨﺎ ﻧﺘﻔﺎﺭﻙ ﺑﻌﺪ ﻣﺎ ﺍﺗﻌﻮﺩﻧﺎ ﻛﻠﺔ ﺳﻮﻳﺔ
ﻣﻊ ﺑﻌﺾ
: ﻟﺞ ﻋﻮﺑﺔ ﺍﻧﻲ ﻛﻠﺖ ﺭﺍﺡ ﺍﺳﺎﻓﺮ ﻣﺎ ﻛﻠﺖ ﺭﺍﺡ ﺍﻣﻮﺕ
ﻳﻌﻨﻲ ﺍﻛﻮ ﺷﻲ ﺍﺳﻤﺔ ﻧﻘﺎﻝ ﺗﻜﺪﺭﻳﻦ ﺗﺘﺼﻠﻴﻦ ﻋﻠﻴﺔ
ﺷﻮﻛﺖ ﻣﺎ ﺗﺤﻨﻴﻦ ﻭﻳﻌﺠﺒﺞ ﺗﺨﺮﻋﻴﻨﻲ ﺑﺼﻮﺗﺞ
ﺍﺗﺼﻠﻲ
ﻛﻤﺖ ﻣﻦ ﻳﻤﻬﺎ ﺍﺣﺲ ﺑﮕﻠﺒﻲ ﻳﺮﻳﺪ ﻳﻄﻠﻊ ﻣﻦ ﺍﻟﻐﺼﺔ
ﻃﻠﻌﺖ ﻣﻦ ﻋﻨﺪﻫﺎ ﻭﺍﻟﺪﻣﻮﻉ ﺧﻨﻜﺘﻨﻲ
ﻋﺴﺎﻑ : ﺍﻭﻛﻔﻲ ﻋﻠﻰ ﻭﻳﻦ ﻟﻴﺶ ﻫﺎﻟﺪﻣﻮﻉ
ﻣﻜﺪﺭﺕ ﺍﺟﺎﻭﺑﺔ ﺷﻔﺘﺔ ﺩﺧﻞ ﻋﻠﻰ ﺳﺎﺭﺓ
ﻭﺭﻛﻀﺖ ﺷﻔﺖ ﺧﺎﻟﻮ ﻣﻮﻓﻖ ﻛﺪﺍﻣﻲ ﺭﺣﺖ ﻋﻠﻴﻪ
ﺧﻄﻴﺔ ﻓﺘﺤﻠﻲ ﺫﺭﺍﻋﻪ ﻭﺍﻧﻲ ﺷﻤﺮﺕ ﻧﻔﺴﻲ ﺑﺤﻀﻨﻪ
ﻭﻇﻠﻴﺖ ﺍﺑﺠﻲ
ﻭﻛﻌﺪ ﻳﻤﺴﺢ ﻋﻠﻰ ﻇﻬﺮﻱ ﻭﺭﺍﺳﻲ ﻳﻮﺍﺳﻴﻨﻲ
ﻟﻜﻦ ﻛﺎﻧﺖ ﻫﻨﺎﻙ ﻋﻴﻮﻥ ﺗﺮﺍﻗﺐ ﺍﻟﻤﻨﻈﺮ
ﻭﺗﺸﺘﻌﻞ ﻧﺎﺭ ﻭﻣﺤﺪ ﺍﻧﺘﺒﻪ ﻋﻠﻴﻪ
ﺛﺎﺋﺮ
ﺍﺧﺨﺦ ﺍﻟﻠﻪ ﺷﻔﺘﻬﺎ ﻃﺎﻟﻌﺔ ﻣﻦ ﻏﺮﻓﺔ ﺳﺎﺭﺓ ﻣﺮﺕ ﻋﺴﺎﻑ
ﻭﺭﺍﺣﺖ ﻟﺤﻀﻦ ﺭﺟﺎﻝ ﺟﺒﻴﺮ ﺑﺎﻟﻌﻤﺮ
ﺍﺟﻴﺖ ﺍﺗﺨﺒﻞ ﻭﺍﻟﻠﻪ ﻟﻮ ﻣﺎ ﻋﻴﺐ ﺍﺟﻴﺖ ﺍﺭﺗﻜﺐ ﺟﺮﻳﻤﺔ
ﺷﻔﺘﺔ ﺷﻠﻮﻥ ﺍﺧﺬﻫﺎ ﺑﺤﻀﻨﺔ ﻭﻛﻌﺪ ﻳﻮﺍﺳﻴﻬﺎ
ﻣﻦ ﻭﺍﺳﺎﻙ ﻣﻠﻚ ﺍﻟﻤﻮﺕ ﻻﺟﻞ ﻻ ﺗﻘﺮﺏ ﻋﻠﻰ ﺷﻲ
ﻳﺨﺼﻨﻲ
ﻋﻤﺮﻱ ﻣﺎ ﺍﺗﻤﻨﻴﺖ ﺷﻲ ﻳﺼﻴﺮ ﺍﻟﻲ
ﺑﺲ ﺑﺴﺎﻋﺔ ﺍﻟﻲ ﻭﻛﻌﺖ ﻋﻴﻨﻲ ﺑﻌﻴﻨﻬﺎ ﺍﺗﻤﻨﻴﺖ ﺍﻟﻠﻪ ﻳﺴﻠﻄﻨﻲ ﻋﻠﻴﻬﺎ ﻭﺍﻣﻠﻚ ﻋﻠﻴﻬﺎ ﺍﻟﺤﻖ ﻟﺤﺘﻰ
ﺍﻓﺮﻍ ﻛﻞ ﻗﻬﺮ ﺍﻟﺪﻧﻴﺎ ﺍﻟﻲ ﺷﻔﺘﺔ ﺑﻴﻬﺎ
ﺍﺣﺲ ﻧﺎﺭ ﺗﻠﺴﻊ ﺑﺼﺪﺭﻱ ﻭﺻﺎﺭﺕ ﺍﻟﺤﺮﺍﺭﺓ ﺗﻄﻠﻊ ﻣﻦ ﺟﺴﻤﻲ ﺷﻲ ﺍﻛﻴﺪ ﻫﺬﺍ ﻫﻮ ﺭﺟﻠﻬﺎ ﻣﻌﻘﻮﻟﺔ
ﻫﻮ ﻫﺬﺍ ﺍﻟﻲ ﻓﻀﻠﺘﺔ ﻋﻠﻴﺔ
ﺍﺭﻳﺪ ﺍﻣﻮﺕ ﻭﺍﻋﺮﻑ ﺷﻨﻮ ﺷﺎﻓﺖ ﺑﻬﺬﺍ ﺍﻟﺸﺎﻳﺐ
ﺷﻨﻮ ﻋﻨﺪﺓ ﻭﺍﻧﻲ ﻣﺎ ﺍﻣﻠﻜﺔ
ﺍﺷﻮ ﺍﻧﺎ ﻋﻨﺪﻱ ﺍﻟﻤﺎﻝ ﺟﺎﻩ ﻭﺑﻌﺪ ﻓﻮﻛﻬﻢ ﺷﺒﺎﺏ
ﻟﻴﺶ ﻓﻀﻠﺘﺔ ﻋﻠﻴﺔ
ﺷﻔﺘﻬﺎ ﺍﺑﺘﻌﺪﺕ ﻋﻦ ﺯﻭﺟﻬﺎ ﻭﻛﻌﺪﺕ ﺗﻤﺴﺢ ﺑﺪﻣﻮﻋﻬﺎ
ﻭﻫﻤﺴﺖ ﺑﺄﺫﻧﻪ ﻭﻫﻮ ﺗﺮﻛﻬﺎ ﻟﻮﺣﺪﻫﺎ ﻭﺭﺍﺡ
ﺍﺥ ﺍﻟﻠﻪ ﺣﻘﺔ ﻳﺴﻤﻊ ﻛﻼﻣﻬﺎ ﻣﺜﻞ ﺍﻟﻄﻔﻞ ﺍﻟﻤﻄﻴﻊ
ﻭﻳﻦ ﻳﺤﻠﻢ ﺑﻬﻴﺞ ﺟﻤﺎﺭﺓ ﺗﺼﻴﺮ ﻣﻦ ﻗﺴﻤﺘﺔ
ﻛﻮﺓ ﺍﺗﻤﺎﻟﻜﺖ ﻧﻔﺴﻲ ﻭﺷﻔﺖ ﺭﺟﻠﻴﺔ ﺧﺬﺗﻨﻲ ﻟﻌﻨﺪﻫﺎ ﻣﺜﻞ ﻛﻞ ﻣﺮﺓ ﺍﺻﺒﺢ ﻣﻮ ﻣﻠﻚ ﻧﻔﺴﻲ
: ﻫَـﺎ ﻳﺴﻬﻮﺓ ﺍﺷﻮ ﺟﻦ ﻃﺮﻳﻘﻨﺎ ﺻﺎﻳﺮﺓ ﺗﺘﻼﮔﺔ
ﻫﺎﻱ ﺍﻻﻳﺎﻡ
ﺳﻬﻰ ﺑﺸﻬﻜﺔ ﻭﺣﻄﺖ ﺍﻳﺪﻫﺎ ﻋﻠﻰ ﺻﺪﺭﻫﺎ
: ﺛﺎﺋﺮ ﺷﺘﺴﻮﻱ ﻫﻨﺎ
ﻭﻫﻮ ﻳﺘﺒﻊ ﺣﺮﻛﺘﻬﺎ ﺍﻟﻲ ﻣﺎ ﺗﺠﻮﺯ ﻣﻨﻬﺎ ﺍﻻ ﻣﻦ ﺍﻛﺴﺮ ﺍﻳﺪﻳﻬﺎ ﻳﺎﻟﻠﻪ ﺗـُـــﻮﺏ ﻣﻨﻬﺎ
: ﺍﻱ ﺛﺎﺋﺮ
ﻭﺍﻧﺘﻲ ﻣﻨﻮ ﻟﺤﺘﻰ ﺗﺴﺄﻟﻴﻨﻲ ﺷﺴﻮﻱ ﻫﻨﺎ
ﻟﻴﻜﻮﻥ ﺍﻟﻤﺴﺘﺸﻔﻰ ﻣﺎﻟﺖ ﺍﻟﺨﻠﻔﻮﺝ
ﻭﺍﻧﺎ ﻣﺎ ﻋﻨﺪﻱ ﻋﻠﻢ
ﺳﻬﻰ ﺑﺎﺭﺗﺒﺎﻙ : ﻻ ﻣﻮ ﻗﺼﺪﻱ ﺑﺲ ﺍﺗﻔﺎﺟﺌﺖ
: ﻣﻮ ﺑﻜﺪﻱ ﻣﺘﻔﺎﺟﺌﺔ
ﻣﻔﺎﺟﺌﺘﻲ ﺑﻴﺞ ﻛﺎﻧﺖ ﺍﻛﺒﺮ
ﻣﻦ ﺷﻔﺘﺞ ﺍﻧﺘﻲ ﻭ ﻫﺬﺍ ﺍﻟﺸﺎﻳﺐ ﺍﻟﻲ ﺍﺳﻤﺔ ﺯﻭﺟﺞ ﺑﺄﺣﻀﺎﻥ ﺑﻌﺾ
ﺑﺎﻟﻠﻪ ﺷﻜﺎﻟﺘﻠﺞ ﺭﻭﺣﺞ ﻭﺍﺧﺬﺗﻴﻪ
ﻭﻓﻀﻠﺘﻴﻪ ﻋﻠﻴﺔ ﺷﻨﻬﻮ ﻛﺪﺭ ﻳﻨﻄﻴﺞ ﻭﺍﻧﺎ ﻣﺎ ﻛﺪﺭﺕ ﻋﻠﻴﻪ
ﺑﺎﻟﻠﻪ ﻛﻠﻴﻠﻲ ﺍﺣﻠﻔﺞ ﺑﺎﻟﻠﻪ ﺑﺘﻮﺍﻟﻲ ﺍﻟﻠﻴﻞ ﻣﻦ ﻳﺠﻤﻌﻜﻢ
ﺣﻀﻦ ﻫﻢ ﺗﻬﻤﺴﻴﻦ ﺑﺎﺫﻧﻪ ﻭﻳﺴﻤﻊ ﺍﻧﻔﺎﺳﺞ
ﺳﻬﻰ
ﺍﺳﻤﻊ ﻛﻼﻣﻪ ﻭﺍﺣﺲ ﺑﮕﻠﺒﻲ ﻳﺮﻳﺪ ﻳﻮﻛﻒ
ﻫﻮ ﻧﻔﺴﺔ ﺛﺎﺋﺮ ﻣﺎ ﺍﺗﻐﻴﺮ ﻭﻻ ﺭﺍﺡ ﻳﺘﻐﻴﺮ ﻭﻗﺢ ﻭﻗﺢ ﻭﻗﺢ
: ﺍﺍﺍﺍﺍﻧﺖ ﺷﻜﺎﻋﺪ ﺗﺤﺠﻲ ﺍﺳﺘﺤﻲ ﻋﻠﻰ ﻧﻔﺴﻚ ﻋﻴﺐ ﻫﺬﺍ ﺍﻟﻜﻼﻡ
: ﺗﻌﺎﻝ ﺷﻮﻑ ﻣﻨﻮ ﻳﺤﺠﻲ ﻋﻦ ﺍﻟﻌﻴﺐ
ﻟﺞ ﻳﺎﻋﻴﺐ ﻭﺍﻧﺘﻲ ﺍﻟﻲ ﺳﻮﻳﺘﻲ ﺑﻴﺔ ﺗﻮﻋﺪﻳﻦ ﻭﺗﺨﻠﻔﻴﻦ ﺍﻟﻮﻋﺪ ﺷﻴﺴﻤﻮﻧﺔ
ﻗﻠﺔ ﺍﺻﻞ ﻟﻮ ﻗﻠﺔ ﺣﻴﺎﺀ ﻣﻦ ﺣﻀﺮﺗﺞ
ﺍﻧﻄﻴﺞ ﮔﻠﺐ ﻭﺍﻫﺪﻳﺞ ﻭﻃﻦ ﻭﺍﻭﻫﺒﻠﺞ ﺍﺳﻤﻲ ﺯﻭﺍﺝ ﻭﺳﺘﺮ
ﻛﻠﻬﻢ ﺿﺮﺑﺘﻴﻬﻢ ﺑﻌﺮﺽ ﺍﻟﺤﺎﻳﻂ ﺩﺳﺘﻲ ﻋﻠﻴﻬﻢ ﻭﺩﺭﺗﻲ ﻭﺟﻬﺞ ﻋﻠﻤﻮﺩ ﺷﻨﻮ ﻻ ﺗﻜﻮﻟﻴﻦ ﻋﻠﻤﻮﺩ ﻫﺬﺍ ﺍﻟﺸﺎﻳﺐ
ﻭﺍﻟﻠﻪ ﺍﺩﻓﻨﺞ ﻫﻨﺎ ﺑﺄﺭﺿﺞ ﻭﻣﺎ ﺍﺭﻣﺶ ﻟﺤﻀﺔ
: ﺍﻧﻲ ﻣﺎ ﻣﺠﺒﻮﺭﺓ ﺍﺑﺮﺭﻟﻚ ﻋﻦ ﻣﻮﻗﻔﻲ ﻫﻲ ﺟﺎﻧﺖ
ﻣﺮﺓ ﻭﺣﺪﺓ ﺑﺮﺭﺗﻠﻚ ﻭﺍﻧﺖ ﻣﺎ ﺳﻤﻌﺘﻨﻲ ﺑﻮﻗﺘﻬﺎ
ﺑﻌﺪ ﻣﺎ ﻛﻮ ﻓﺮﺻﺔ ﺛﺎﻧﻴﺔ ﺣﺘﻰ ﺍﺣﺠﻲ ﻟﻚ
: ﻃﺒﻌﺎً ﺣﻘﺞ ﺳﺘﺘﺖ ﺳﻬﻰ ﻭﻗﺘﺞ ﺛﻤﻴﻦ
ﻭﺍﻟﻠﻪ ﺭﺑﺞ ﺣﺎﺑﺞ ﺍﻧﺘﻲ ﻫﺴﺔ ﺑﻌﺼﻤﺖ ﺭﺟﺎﻝ
ﻭﺍﻟﻠﻪ ﻭﺣﻖ ﺍﻟﺤﻖ ﻟﻮ ﻣﺎ ﻣﺘﺰﻭﺟﺔ ﻟﺨﻠﻴﺞ ﺗﺘﻮﺳﻠﻴﻦ ﺍﻟﺮﺣﻤﺔ ﻭﻣﺎ ﺗﻄﻮﻟﻴﻨﻬﺎ ﻭﺗﻠﻜﻴﻨﻲ ﺑﻜﻞ ﻣﻜﺎﻥ ﺣﺘﻰ ﺑﺎﺣﻼﻣﺞ ﺍﻃﻠﻌﻠﺞ
ﻟﻜﻦ ﻣﻮ ﻣﻦ ﺷﻴﻤﺘﻲ ﺍﺩﻭﺱ ﻋﻠﻰ ﻋﺮﺽ ﺭﺟﺎﻝ
ﻣﻮ ﺫﻧﺒﺔ ﻣﺎﺧﺬﻟﺔ ﻧﺴﺮﺓ
ﺩﺍﺭ ﻭﺟﻬﺔ ﻭﺭﺍﺡ
ﻭﻇﻠﻴﺖ ﺍﺑﺎﻭﻉ ﻟﻈﻬﺮﺓ ﻳﻤﺔ ﺍﺟﻴﺖ ﺍﻭﻛﻊ ﻣﻦ ﻃﻮﻟﻲ ﻣﻦ ﺍﻟﺮﺟﻔﺔ
ﻫﺬﺍ ﺷﻨﻮ ﻣﻦ ﺍﻧﺴﺎﻥ ﻣﺎ ﺍﻋﺮﻑ ﺍﺣﺒﺔ ﻟﻮ ﺍﺧﺎﻑ ﻣﻦ ﺣﺒﺔ
ﻫﺬﺍ ﻟﻌﻨﺔ ﺣﻠﺖ ﻋﻠﻴﺔ ﺑﻴﻮﻡ ﻭﻻﺩﺗﻲ
ﻻ ﺍﻧﻄﻴﻚ ﻭﻻ ﺍﺧﻠﻲ ﺭﺣﻤﺔ ﺍﻟﻠﻪ ﺗﻨﺰﻝ ﻋﻠﻴﻚ
ﺑﻴﻮﻣﻬﺎ ﺭﺟﻌﺖ ﻟﻠﺒﻴﺖ ﻭﮔﻠﺒﻲ ﻣﻬﻤﻮﻡ ﻭﺧﺎﻳﻒ
ﻭﺻﻠﻨﺎ ﻟﻠﺒﻴﺖ ﻭﺷﻔﻨﺎﻩ ﻣﺨﺒﻮﺹ ﺧﺒﺺ ﻣﻦ ﺧﺎﻻﺗﻲ ﻭﺧﻮﺍﻟﻲ ﺍﻟﻲ ﺟﺎﻳﻴﻦ ﻟﺤﺘﻰ ﻳﻮﺩﻋﻮﻥ ﺍﻣﻲ ﻭﻳﺴﻠﻤﻮﻥ ﻋﻠﻴﻬﺎ
ﻭﺍﻣﺠﺪ ﺍﻟﻲ ﻃﺮﺡ ﺍﻟﻤﻘﺘﺮﺡ ﻛﺪﺍﻡ ﺍﻣﻲ
ﺍﻣﺠﺪ : ﻳﻮﻡ ﺍﻧﻲ ﻗﺮﺭﺕ ﺍﺻﻔﻲ ﺷﻐﻠﻲ ﻭﺍﺳﺎﻓﺮ
ﻟﻠﺨﺎﺭﺝ ﻭﺭﺓ ﻗﺘﻴﺒﺔ ﻭﺍﺳﺤﺒﻜﻢ ﻭﺭﺍﻱ ﺍﻧﺘﻲ ﻭﺳﻬﻰ ﻭﺍﺣﻤﺪ
ﻭﻋﺎﺋﻠﺘﻲ
ﺍﻡ ﺳﻬﻰ : ﻳﻤﺔ ﺍﻣﺠﺪ ﻣﺎ ﺍﻋﺮﻑ ﺷﻨﻮ ﺍﻛﻮﻝ
ﺣﺎﻳﺮﺓ ﻭﺍﻧﻲ ﺍﻋﺮﻑ ﺑﺮﻭﺣﻲ ﻣﻮ ﺣﻤﻞ ﻏﺮﺑﺔ
ﻣﻦ ﺳﻤﻌﺖ ﺑﻜﻼﻡ ﺍﺣﻤﺪ ﮔﻠﺒﻲ ﺍﻧﻘﺒﺾ
ﻭﺍﻧﻀﺎﻑ ﻫﻢ ﺟﺪﻳﺪ ﻟﻬﻤﻮﻣﻲ
ﻋﻠﻰ ﺍﻻﺳﺎﺱ ﺍﻧﻲ ﻧﺎﻗﺼﺔ
ﻫﺎﻱ ﻣﻨﻴﻦ ﻃﻠﻌﺘﻠﻲ ﺳﺎﻟﻔﺔ ﺍﻟﺴﻔﺮ ﻟﻠﺨﺎﺭﺝ
ﻟﻴﺶ ﻫﻮ ﺍﻧﻲ ﻛﺎﺩﺭﺓ ﺍﺗﺤﻤﻞ ﺍﻟﺴﻔﺮ ﺍﻟﻘﺮﻳﺐ ﺣﺘﻰ ﺍﺗﺤﻤﻞ ﺍﻟﺴﻔﺮ ﻟﻠﺨﺎﺭﺝ
ﻋﺰﺓ ﺑﻌﻴﻨﻲ ﻭﺍﺑﻨﻲ ﺣﺴﻮﻧﻲ ﻣﻠﻴﻮﻥ ﺑﺎﻟﻤﻴﺔ ﺍﻫﻠﺔ ﻣﺎ ﺭﺍﺡ ﻳﻮﺍﻓﻘﻮﻥ ﻋﻠﻰ ﺳﺎﻟﻔﺔ ﺍﻟﺴﻔﺮ
ﻫﻤﺔ ﻫﻨﺎ ﻭﺑﺎﻟﺸﺎﻓﻌﺎﺕ ﻳﺎﻟﻠﻪ ﻗﺒﻠﻮ ﻳﺒﻘﻮﻩ ﻋﻨﺪﻱ
ﻫﺎﻱ ﺷﻠﻮﻥ ﻭﺭﻃﺔ
ﻣﺎ ﺍﻛﺪﺭ ﺍﺣﺠﻲ ﻭﺍﻟﻮﺿﻊ ﻭﺍﻟﺠﻮ ﻣﺸﺤﻮﻥ ﻭﻣﺘﻮﺗﺮ
ﻭﺍﻣﺠﺪ ﺑﺎﻟﻜﻮﺓ ﻳﺮﻳﺪ ﻳﻘﻨﻊ ﺍﻣﻲ
ﻣﺎ ﺍﻛﺪﺭ ﺍﻓﺘﺢ ﺣﻠﻜﻲ ﻭﺍﻋﺘﺮﺽ
ﺳﻮﺩﺓ ﻋﻠﻴﺔ ﻫﻮ ﺑﺮﻭﺣﺔ ﻣﺤﺘﺎﺭ ﻳﻘﻨﻊ ﻣﻨﻮ
ﻭﻳﺎﺧﺬ ﻣﻨﻮ ﻣﻮ ﻛﺎﻓﻲ ﻛﻠﻨﺎ ﺑﺮﻛﺒﺘﺔ ﺍﻟﻠﻪ ﻳﺴﺎﻋﺪﻩ
ﺍﻟﺘﻬﻴﺖ ﻭﺻﺎﺭﺕ ﻫﻮﺍﻱ ﻣﺸﺎﻛﻞ ﻋﻨﺪﻧﺎ ﺗﺸﻐﻞ ﺑﻠﺪ ﻛﺎﻣﻞ ﺑﺤﺎﻟﻪ
ﺍﻫﻠﻲ ﺍﺣﻤﺪ ﻭﺍﻟﺜﺎﺭ ﺑﻴﺘﻨﺎ ﻻﺯﻡ ﻧﺘﺮﻛﺔ ﻭﺣﺴﻦ ﺍﺑﻨﻲ ﻻﺯﻡ ﻳﺴﺎﻓﺮ ﻭﻳﺎﻱ ﺯﻳﻦ ﻻﺯﻡ ﺍﻧﻄﻲ ﺧﺒﺮ ﻻﻫﻠﺔ
ﻭﺑﻴﺖ ﻋﻤﻮ ﻗﺎﺳﻢ ﺍﻟﻲ ﺧﻄﻴﺔ ﺭﺍﺡ ﻳﺒﺘﻠﻮﻥ ﺑﻴﻨﺎ
ﺣﻀﺮﻧﺎ ﻧﻔﺴﻨﺎ ﻟﻠﺴﻔﺮ ﻟﺒﻴﺖ ﻋﻤﻮ ﻗﺎﺳﻢ
ﻭﻧﻮﺭ ﺣﻀﺮﺕ ﺟﻨﻂ ﺍﻟﻨﻴﺸﺎﻥ ﺑﻠﻬﻔﺔ
ﻭﺭﻳﻢ ﺍﻟﻲ ﺧﻮﺕ ﻣﻦ ﺍﻟﺒﺠﻲ ﻋﻠﻰ ﻓﺮﺍﻗﻨﺎ
ﻭﺻﺮﺕ ﺍﻭﺩﻉ ﺑﺤﻴﻄﺎﻥ ﺍﻟﺒﻴﺖ ﻭﺍﻟﮕﻠﺐ ﻣﻤﻠﻮﺀ
ﺫﻛﺮﻳﺎﺕ ﺑﻴﻬﺎ ﺍﻟﺰﻳﻦ ﻭﺑﻴﻬﺎ ﺍﻟﺸﻴﻦ
ﻭﻣﺎ ﺍﻋﺮﻑ ﺷﻨﻮ ﻣﻨﺘﻈﺮﻧﻲ ﻫﻨﺎﻙ
ﻳﺎ ﺍﻟﻠﻪ ﺷﻜﺪ ﻗﺎﺳﻴﺔ ﺍﻟﺪﻧﻴﺎ
)))) ﻭﺍﻧﻲ ﺍﮔﻠﺞ ﻳﺴﻬﻮﺓ ﺛﺎﻳﺮ ﻭﻣﺎ ﺧﻔﻲَّ ﻛﺎﻥ ﺍﻋﻈﻢ ((((
ﻳﺘﺒﻊ
.....
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء