للكاتبة امان السامرائي
🌸
ﺟﺎﻧﺖ ﺍﻟﺪﻧﻴﺎ ﻧﺺ ﺍﻟﻠﻴﻞ ﻭﺍﻧﻲ ﻣﻔﺘﺤﺔ ﻭﺍﺑﺎﻭﻉ ﻟﻠﺴﻜﻒ ... . ﻭﻣﻤﺼﺪﻛﺔ ﺍﻟﻲ ﺩﻳﺼﻴﺮ ....
ﻣﻌﻘﻮﻟﺔ .....
ﺍﻧﻲ ﻭﺍﻓﻘﺖ ﻋﻠﻰ ﺧﻄﺒﺔ .. ﻓﺮﻗﺎﻥ ... ﻭﻟﻴﺶ ﺧﻄﺒﻨﻲ ...
ﺍﺗﺬﻛﺮﺕ ﻣﻦ ﻛﻠﻲ .. ﺍﻣﺠﺪ ﺍﺫﺍ ﺟﺎﻥ ﺑﻴﻨﻲ ﻭﺑﻴﻦ ﻓﺮﻗﺎﻥ ﺷﻲ ...
ﻣﻌﻘﻮﻟﺔ ﻻﺣﻆ ﻋﻠﻰ ﻓﺮﻗﺎﻥ ﺷﻲ ... ﺯﻳﻦ ﻣﻦ ﺷﻮﻛﺖ ﻭﺍﻧﻲ ﻟﻴﺶ ﻣﻨﺘﺒﻬﺖ .. ﻫﻮ ﺟﺎﻥ ﺩﺍﺋﻤﺎ ﻳﻜﻮﻝ ﺍﻧﻲ ﺍﺧﻮﻛﻢ ...
ﻣﻌﻘﻮﻟﺔ ﺑﻬﺎﻱ ﺍﻻﺭﺑﻊ ﺳﻨﻴﻦ ﻣﺜﻞ ﻣﻜﺎﻝ ﺍﻣﺠﺪ ﻛﻠﺸﻲ ﻳﺘﻐﻴﺮ ... ﺑﺲ ﺍﻧﻲ ﻣﺮﺍﺡ ﺍﻛﺪﺭ ﺍﺣﺒﺔ ....
...
ﺍﺷﻠﻮﻥ ﻭﺍﻓﻘﺖ ... ﻛﻞ ﻋﻤﺮﻱ ﺍﺷﻮﻓﺔ ﺍﺥ ﻣﺠﺎﺑﺘﺔ ﺍﻣﻲ ...
ﺍﺧﺬﺗﻨﻲ ﺍﻟﻨﻮﻣﺔ ﻭﺍﻧﻲ ﺍﻟﻨﺪﻡ ﻳﺎﻛﻞ ﺑﻴﺔ ..... ﻭﺩﻣﻮﻋﻲ ﻣﻮﻛﻔﺖ ﻟﻴﺶ ﺍﻣﺠﺪ ﻫﻴﺞ ﺳﻮﻳﺖ ﺑﻴﺔ ...
ﻛﻌﺪﺕ ﺛﺎﻧﻲ ﻳﻮﻡ ﺏ ١٢ ﺍﻟﻀﻬﺮ ... ﺑﺲ ﻣﺮﻳﻀﺔ ﻣﻮ ﻣﺮﺽ ﺟﺴﺪ ﻛﻠﺒﻲ ﻫﻮ ﺍﻟﻤﺘﻤﺮﺽ ...
ﺻﺎﺭﺕ ﺳﺎﻋﺔ ٢ ﺍﻟﻀﻬﺮ ﻭﺍﻧﻲ ﺑﻔﺮﺍﺷﻲ ﻭﺍﺑﺎﻭﻉ ﻋﻠﻰ ﺍﻟﺴﻜﻒ ... ﻭﻣﺎﺑﺒﺔ ﺍﻛﻮﻡ .... ﺍﺣﺲ ﺍﻟﺪﻧﻴﺎ ﻣﺮﺍﺿﻴﺔ ﺗﻨﺼﻔﻨﻲ ... ﻣﺮﺍﺿﻴﺔ ﺍﺗﺨﻠﻨﻲ ﺍﻧﺴﻌﺪ ﻭﺍﺭﺗﺎﺡ ...
ﺭﺟﻌﺘﻨﻲ ... ﻣﻦ ﺍﻟﻨﻀﺮ ﻟﻠﺴﻜﻒ ﻓﺘﺤﺔ ﺍﻟﺒﺎﺏ ... ﺍﻟﺘﻔﺖ ﺟﺎﻧﺐ ﺍﻟﺒﺎﺏ ...
ﺟﺎﻧﺖ ﺍﻣﻲ ... ﻳﻼ ﻣﺎﻣﺎ ﻧﺮﻳﻤﺎﻥ ... ﻛﻮﻣﻲ ﻛﺎﻓﻲ ﻧﻮﻡ ﺍﺗﺼﻠﺖ ﻧﺎﺩﻳﺔ ﻭﻛﺎﻟﺖ .. ﺍﻛﻮ ﻧﺴﻮﺍﻥ ﺛﻨﻴﻦ ﺭﺍﺡ ﻳﺠﻮﻥ ﻋﻠﻴﺞ ... ﻋﻠﻰ ﻣﻮﺩ ﺧﻴﺎﻁ ...
ﺟﺎﻭﺑﺘﻬﺎ . ﺑﻤﻠﻞ ... ﻫﺴﻪ ﺭﺍﺡ ﺍﻛﻮﻡ ...
ﺗﻘﺮﺑﺖ ﻋﻠﻴﺔ ... ﻭﻛﻌﺪﺕ ﺟﻨﺒﻲ ﻋﻠﻰ ﺍﻟﺴﺮﻳﺮ ... ﻣﺎﻣﺎ ... ﻧﺮﻳﻤﺎﻥ ... ﺍﻧﺘﻲ ﻣﻤﻀﻄﺮﺓ ﺗﻮﺍﻓﻘﻴﻦ ﻋﻠﻰ ﻓﺮﻗﺎﻥ ..... ﺍﺩﺭﻱ ﺑﻴﺞ ﻣﺘﺤﺒﻲ .. ﻭﺍﺗﺸﻮﻓﻲ ﻛﺎﺥ ...
ﻣﺎﻣﺎ ﻣﻨﻮ ﺍﺣﺴﻦ ﻣﻦ ﻓﺮﻗﺎﻥ ...
ﺳﻜﺘﺖ ﺍﻣﻲ ﻭﻧﺰﻟﺖ ... ﻧﻬﻀﺖ ﻭﺭﺍﻫﺎ ..... ﻏﺴﻠﺖ ﻭﻧﺰﻟﺖ ﻳﻢ ﺑﺎﺑﺎ ....
ﻛﻌﺪﺕ ﻳﻤﻬﻢ ...
ﻛﻠﻲ ﺍﺑﻮﻳﺔ .... ﻧﺮﻳﻤﺎﻥ ... ﺑﻴﺖ ﻋﻤﺞ ﺍﻟﻴﻮﻡ ﺍﻟﻌﺼﺮ ﻳﺰﻭﺭﻭﻧﺎ ﻭﻳﺘﻔﻘﻮﻥ ﻋﻠﻰ ﻛﻠﺸﻲ ....
ﻣﺎﺷﻲ ﺑﺎﺑﺎ ....
ﻛﻤﺖ ... ﺭﺣﺖ ﻛﻌﺪﺕ ﺑﺎﻟﻤﺮﺟﻮﺣﺔ ... ﺻﺎﺭﺕ ﻣﻠﺠﺄﻱ ﺍﻟﻮﺣﻴﺪ ... ﺍﻟﻲ ﺍﺣﺲ ﻧﻔﺴﻲ ﺍﺭﺗﺎﺡ ﺑﻲ ... ﻻﻥ ﺍﻟﻤﻜﺎﻥ ﺍﻟﻲ ﺍﻧﺠﻤﻌﻨﺔ ﺑﻲ ﺍﻧﻲ ﻭﺍﻣﺠﺪ .... ﺷﻜﻢ ﻣﺮﺓ .
ﻣﺎﺍﻋﺮﻑ ﺑﺲ ﻋﻠﻰ ﻛﺪ ﻣﺎ ﺍﻛﻌﺪ ﺑﻴﻬﺎ ﺍﺭﺗﺎﺡ .....
ﺑﺪﺕ ﺩﻣﻮﻋﻲ ﺗﻨﺰﻝ .... ﺍﻟﻤﻔﺮﻭﺽ ﺍﻟﺒﻨﻴﺔ ﺗﻔﺮﺡ ﺑﺎﻟﺨﻄﺒﺔ ... ﺑﺲ ﺍﻧﻲ ﻋﺒﺎﻟﻚ ﺭﺍﺡ ﺍﻧﺤﻜﻢ ﻣﺆﺑﺪ ...
ﻳﺎﺭﺏ ... ﻳﺎﻣﻐﻴﺮ ﺍﻻﺣﻮﻝ ﺧﻴﺮ ﺣﺎﻟﻲ ﻣﻦ ﺣﺎﻝ ﺍﻟﻰ ﺣﺎﻝ .....
ﺻﺎﺭ ﺍﻟﻐﺪﺓ ﻛﻠﺘﻠﻬﻢ ﻣﺎ ﺍﺷﺘﻬﻲ .... ﺻﻌﺪﺕ ﻟﻐﺮﻓﺘﻲ ...
ﻓﺘﺤﺖ ﺍﻟﻜﻨﺘﻮﺭ ... ﻟﺒﺴﺖ ﺗﻨﻮﺭﺓ ﺳﻮﺩﺓ ﻓﺴﺘﺎﻥ ﺑﻴﺠﻲ ﻣﻘﻔﻞ ﺑﺎﺳﻮﺩ ﻭﺍﺣﻤﺮ ... ﻭﻟﺒﺴﺖ ... ﻓﻮﻛﺎ ﺟﺎﻛﻴﺖ ﺍﺳﻮﺩ ﺣﻴﺎﻛﺔ ... ﻭﺑﻲ ﻭﺭﺩﺍﺕ ﻳﻢ ﺍﻟﺼﺪﺭ ﺍﺣﻤﺮ ... ﻣﺸﻄﺖ ﺷﻌﺮﻱ ..
ﻭﺷﺪﻳﺘﺔ ﻛﻌﻜﺔ ..... ﻣﺨﻠﻴﺖ ﺍﻱ ﻣﻜﻴﺎﺝ .... ﺑﺲ ﺣﺎﻭﻟﺖ ﺍﺿﻢ ﺍﻟﻬﻼﻟﺖ ﺍﻟﻲ ﺟﻮﺓ ﻋﻴﻮﻧﻲ ...
ﻧﺰﻟﺖ ﻭﺟﺎﻧﻮ ﺟﺎﻳﻦ ... ﺭﺣﺒﻮ ﺑﻴﺔ ﻭﺑﺎﺩﻟﺘﻬﻢ ﺍﻟﺘﺮﺣﻴﺐ ....
ﺑﺲ ﻓﺮﻗﺎﻥ ﻣﻜﺪﺭﺕ ﺣﺘﻰ ﺍﺣﻂ ﻋﻴﻨﻲ ﺑﻌﻴﻨﺔ ... ﺣﺴﻴﺖ ﻧﻔﺴﻲ ﺍﻭﻝ ﻣﺮﺓ ﺍﺷﻮﻓﺔ ....
ﺳﻮﻟﻔﻮ ﺷﻮﻳﺔ ... ﻭﺭﺍﻫﺎ ﻓﺘﺤﻮﻭ ﺍﻟﻤﻮﺿﻮﻉ ﻛﻤﺖ ﻗﺪﻣﺖ ﺍﻟﻀﻴﺎﻓﺔ .... ﻭﺍﺗﻔﻘﻮ ﻭﺍﻧﻲ ﺑﺲ ﺍﻫﺰ ﺭﺍﺳﻲ ... ﻻﻥ ﺣﺘﻰ ﺍﻟﻨﻌﻢ ﻣﺘﻄﻠﻊ ...
ﺍﺗﻔﻘﻮ ﻋﻠﻰ ﻛﻠﺸﻲ ... ﻭﺣﺪﺩﻭ ﺍﻟﺠﻤﻌﺔ .. ﻳﻌﻨﻲ ﺑﻌﺪ ﺍﺭﺑﻌﺔ ﺍﻳﺎﻡ ... ﺧﻄﺒﺔ ﻓﻘﻂ .. ﻭﺭﺍﻫﺎ ﻋﻘﺪ ﻣﺤﻜﻤﺔ ... ﻣﺠﺎﻥ ﺍﻛﻮ ﻋﻘﺪ ﺳﻴﺪ ...
ﺷﻔﺖ ﺳﻌﺎﺩﺓ ﻋﻠﻰ ﻭﺟﻮﻩ ﻓﺮﻗﺎﻥ ... ﻃﺎﻳﺮ ﻣﻦ ﺍﻟﻔﺮﺡ .... ﺑﺲ ﺍﻧﻲ ﻛﻠﺒﻲ ﻣﻌﺼﻮﺭ ... ﺍﺣﺲ ﺍﺭﻳﺪ ﺍﺳﺘﻔﺮﻍ ﻣﻦ ﺍﻟﻘﻬﺮﺓ .... ﺷﻌﻮﺭ ﺟﺎﻥ ﺍﺑﺪ ﻣﺤﻠﻮﻭ ﻣﺜﻞ ﻭﺍﺣﺪ ﺣﺎﻃﻴﻦ ﻋﻠﻰ ﺭﻛﺒﺘﻪ ﺣﺒﻞ ....
.....
ﻃﻠﻌﻮﻭ ﻭﺍﺟﻮﻱ ﺍﻟﻨﺴﻮﺍﻥ ﺍﻟﻲ ﺩﺯﺗﻬﻢ ﺧﺎﻟﺔ ﻧﺎﺩﻳﺔ ... ﺟﺎﻥ ﺧﻴﺎﻃﻬﻢ ﺑﺴﻴﻂ .... ﻭﺍﻓﻘﺖ ﻭﺍﻻﺟﺮﺓ ﻫﻢ ﺟﺎﻧﺖ ﺑﺴﻴﻄﺔ
ﻣﺮﺭ ﺍﻟﻮﻗﺖ ﻭﺻﺎﺭ ﺛﺎﻧﻲ ﻳﻮﻡ ... ﺭﺣﺖ ﻟﺪﻭﺍﻡ ... ﺑﺲ ﺟﺎﻧﺖ ﺍﻟﻤﺪﻳﺮﺓ ﻣﺰﻋﻮﺟﺔ ﻣﻨﻲ .... ﻛﻠﺘﻠﻬﺎ ﺟﺎﻧﺖ ﺧﻄﺒﺘﻲ ... ﺗﻜﺪﺭﻳﻦ ﺗﻘﻄﻌﻴﻦ ﻣﻦ ﺭﺍﺗﺒﻲ ... ﻛﺎﻟﺖ ﻳﻼ ﺍﻋﺘﺒﺮﻳﻬﺎ ﻫﺪﻳﺔ ﺍﻟﺨﻄﺒﺔ .... ﺧﻠﺺ ﺍﻟﺪﻭﺍﻡ ﻃﻠﻌﺖ ﻟﻜﻴﺖ ﻓﺮﻗﺎﻥ ﻭﺍﻛﻒ ....
ﺍﺳﺘﻐﺮﺑﺖ .. ﺿﺠﺖ ... ﺷﺎﻓﻨﻲ ﻧﺰﻝ ... ﻛﺎﻝ ﺗﻌﺎﻟﻲ ﺍﻭﺻﻠﺞ ... ﺍﺗﻘﺮﺑﺖ ﻋﻠﻴﺔ ... ﻛﺘﻠﺔ ﻣﺠﺎﻥ ﺍﻛﻮ ﺩﺍﻋﻲ ﺍﻧﻲ ﺍﺭﻭﺡ ﻧﻔﺮﺍﺕ ....
ﺍﺻﺮ ﺍﺻﻌﺪ ﺻﻌﺪﺕ ﺑﺲ ﻣﻌﺼﺒﺔ ﻣﻨﺔ ...... ﺳﻴﺘﺔ ﺣﺎﺷﺮ ﺭﻭﺣﺔ ﺑﺤﻴﺎﺗﻲ ....
ﻛﺘﻠﺔ ﺍﻧﻲ ﻣﻄﻠﺒﺖ ﻣﻨﻚ ... ﺗﺠﻲ ﺗﻮﺻﻠﻨﻲ .
ﺟﺎﻭﺑﻨﻲ ﺑﺮﻭﺩ ....
ﻋﺎﺩﻱ ﺣﻴﺎﺗﻲ .... ﻏﻴﺮ ﺻﺮﻧﺔ ﻣﺨﻄﻮﺑﻴﻦ ...
ﺍﻭﻝ ﺷﻲ ﻣﺎ ﺍﺣﺐ ﻫﺎﻱ ﺍﻻﻟﻔﺎﻅ .... ﺛﺎﻧﻲ ﺷﻲ ..
ﻟﺴﺔ ﻣﺼﺎﺭﺕ ﺍﻟﺨﻄﺒﺔ ﺭﺳﻤﻲ .. ﻣﻦ ﺍﺗﺼﻴﺮ ﺭﺳﻤﻲ ﻋﻮﺩ ﻧﺘﻔﻖ .. ﻋﺪﻫﺎ ﻣﺎ ﺍﻋﺮﻑ ﺫﺍ ﺍﺑﻮﻳﺔ ﻳﺨﻠﻴﻨﻲ ﺍﺭﻛﺐ ﺑﺴﻴﺎﺭﺗﻚ ﺍﺳﺎﺳﺎ ....
ﺑﺲ ﺣﺠﻴﺖ ﺑﻨﺘﺮ .. ﻭﺑﻌﺼﺒﻴﺔ ... ﻫﻮ ﻣﺠﺎﻭﺏ ﺷﻲ ﻭﺻﻠﻨﻲ ﻟﻠﺒﻴﺖ ﻭﺭﺍﺡ ..
ﺍﺗﻨﺪﻣﺖ ... ﻫﻮ ﻣﺎﻟﺔ ﺫﻧﺐ ... ﻛﻞ ﺍﻟﻲ ﺩﻳﺼﻴﺮ ﺫﻧﺐ ﺍﻣﺠﺪ .. ﻋﻘﺪﻧﻲ ....
ﺩﺧﻠﺖ ﻟﻠﺒﻴﺖ ... ﺍﺗﻐﺪﻳﺖ ... ﻭﻛﻤﻠﺖ .. ﻭﻧﻤﺖ ﻛﻌﺪﺕ ﺍﻟﻤﻐﺮﺏ .. ﻧﺰﻟﺖ ﺳﻤﻌﺖ ﺻﻮﺕ ﻓﺮﻗﺎﻥ ﺍﻭﻭﻭﻭﻑ ﺷﻬﻞ ﺍﻟﺰﻛﺔ ... ﺷﺒﻲ ... ﻣﻤﺼﺪﻙ ... ﻟﻌﺪ ﻣﻦ ﺍﺗﺼﻴﺮ ﺭﺳﻤﻲ ﺷﺮﺍﺡ ﻳﺴﻮﻱ 😖... .... ﺭﺩﺕ ﺍﺩﺧﻞ .. ﻭﺍﻧﺼﺪﻣﺖ ﻣﻦ ﺷﻔﺖ ﺍﻣﺠﺪ ﻛﺎﻋﺪ .... ﻭﻫﺎﻱ ﺍﻟﺤﻴﺔ ﺍﻟﻔﺮﻧﺴﻴﺔ ..... ﻛﺎﻋﺪﺓ ﺑﺼﻔﺔ 😡... ..
ﺷﻨﻮ ﻫﻞ ﺍﻟﺠﺮﺃﺓ ﺟﺎﻳﺒﻬﺎ ﻟﺒﻴﺘﻨﺎ .....
ﺩﻳﺬﻟﻨﻲ ﺑﻌﺪ .... ﺍﻧﻲ ﺍﻟﻚ ....
ﺻﻌﺪﺕ ﺭﻛﺾ ﻣﺨﻠﻴﺖ ﺍﺣﺪ ﻳﻨﺘﺒﻪ ﻋﻠﻴﺔ .... ﻟﺒﺴﺖ ﻓﺴﺘﺎﻥ ... ﺍﺳﻮﺩ ﻗﺪﻳﻔﺔ ... ﻣﻜﺴﻢ ﻋﻠﻰ ﺍﻟﺠﺴﻢ ... ﺟﻮﺓ ﺍﻟﺮﻛﺒﺔ .. ﻭﺑﻲ ﻭﺭﺩ ﺍﺣﻤﺮ ﻧﺎﻋﻢ ﻣﻄﺮﺯ ﻣﻦ ﺟﻮﺓ ... ﻟﺒﺴﺖ ﺣﺬﺍﺀ ﻛﻌﺐ ﺷﻮﻳﺔ .... ﺷﻠﺖ ﺷﻌﺮﻱ ﻋﻠﻲ ﻭﻣﺸﻄﺘﺔ ﺣﻄﻴﺖ ﻛﺤﻠﻠﻠﺔ ﻃﻮﻭﻭﺥ ﻛﻠﺶ ﺑﺤﻴﺎﺗﻲ ﻣﺤﺎﻃﺘﻬﺎ ﻫﻴﺞ .... ﻭﺣﻤﺮﺓ ﺣﻤﺮﺓ ... ﺧﻞ ﺍﺷﻮﻓﻚ ﻳﺎﻫﻮ ﺍﺣﻠﻰ ﺍﻟﺸﺮﻗﻴﺔ ....
ﻟﻮ ﻫﺎﻱ ﺍﻟﺒﻠﻜﺔ .... ﺍﻟﻔﺮﻧﺴﻴﺔ .. ﺷﻌﺠﺒﻚ ﻣﻨﻬﺎ ... ﺟﻨﻬﺎ ﻋﻜﺮﺏ ﺍﺻﻔﺮ ....
ﻧﺰﻟﺖ ﻭﺍﻧﻲ .... ﺍﺩﻟﻊ ﺑﻤﺸﻴﺘﻲ ..... ﺭﻓﻌﺖ ﺭﺍﺳﻲ ﻭﺩﺧﻠﺖ ﺳﻠﻤﺖ ﻋﺎﺩﻱ ﺑﺮﻭﺩ ... ﻛﺎﻣﺖ .. ﺻﺎﻓﺤﺘﻨﻲ ... ﻭﺭﺍﺩﺕ ﺗﺒﻮﺳﻨﻲ .... ﻣﻄﻴﺘﻬﺎ ﻣﺠﺎﻝ ﺑﻌﺪﺕ ﻋﻨﻬﺎ ﺳﻠﻤﺖ ﻋﻠﻰ ﺍﻣﺠﺪ ....
ﺭﺣﺖ ﺣﺠﻴﺖ ﻭﻳﺔ ﻓﺮﻗﺎﻥ ... ﺍﺟﻴﺖ ﻭﺍﻧﻲ ﻓﻮﻭﻭﻙ .. ﺍﻋﺘﺬﺭ ﺟﺎﻥ ﺻﻌﺪﺕ ﻛﻌﺪﺗﻨﻲ .... ﺍﺑﺘﺴﻢ ﻓﺮﻗﺎﻥ .. ﻻ ﻋﺎﺩﻱ ... ﺍﺗﻘﺮﺑﺖ ﻣﻨﻪ ﻭﻛﻌﺪﺕ ﺑﺼﻔﺔ ... ﻛﺘﻠﺔ ﺍﺭﻳﺪ ﺍﻃﻠﻊ ﺍﺷﺘﺮﻱ ﻓﺴﺘﺎﻥ ﺍﻟﺨﻄﺒﺔ ..... ﺍﺑﺘﺴﻢ ﻭﻛﺎﻝ ﺍﻧﻲ ﺟﺎﻳﺒﺔ ﻣﻦ ﻣﺼﺮ .... ﺳﻮﻳﺖ ﺭﻭﺣﻲ ﻛﻴﻔﺖ ... ﺻﺪﻙ ... ﻋﺎﺷﺖ ﺍﻳﺪﻙ ...
ﺍﻟﺘﻔﺘﺖ ﻋﻠﻰ ﻣﺎﺭﻳﺎ ...
ﺗﻌﺮﻏﻴﻦ ﻋﺮﺑﻲ ... ﺟﺎﻭﺑﺘﻨﻲ ﻣﻜﺴﺮ .
ﺍﻳﻲ ﺍﻧﺎ ﻳﻌﺮﻑ ﻳﺘﻜﻠﻢ ﻋﺮﺑﻲ ... ﺍﻣﺠﺪ ﻋﺎﻟﻤﻨﻲ .... ﺍﻟﺘﻔﺘﺖ ﻋﻠﻴﺔ ﺻﺢ my love ...
ﻫﺰ ﺭﺍﺳﺔ ...
ﺧﻠﻴﺖ ﻋﻴﻨﻲ ﺑﻌﻴﻨﺔ ... ﻭﺭﻓﻌﺘﻠﺔ ﺗﻚ .. ﺣﺎﺟﺐ ... ﺟﺎﻥ ﻣﻌﺼﺐ ﻭﻋﺎﻛﺪ ﺣﻮﺍﺟﺒﺔ ﻳﻼ ﺍﺣﻨﺎ ﻧﺘﺮﺧﺺ .....
ﻃﻠﻊ ﻭﻃﻠﻌﺖ ﻭﺭﺍﺍ ...
ﻛﻤﺰﺕ ﻣﻦ ﻣﻜﺎﻧﻲ ... ﻻﻥ ﻛﺎﻋﺪﺓ ﻳﻢ ﻓﺮﻗﺎﻥ ﻋﻠﻰ ﻧﺎﺭ ....
ﻛﺘﻠﺔ ﻋﻄﺸﺖ .... ﺭﺣﺖ ﺷﺮﺑﺖ ﻣﻲ ... ﻭﺭﺟﻌﺖ ..
.
ﺣﺎﺟﺎﻧﻲ ... ﻧﺮﻳﻤﺎﻥ .... ﺍﺟﻴﺖ ﺣﺘﻰ ﺍﻛﻮﻟﺞ ﻋﻠﻰ ﺍﻟﻔﺴﺘﺎﻥ .. ﻋﻠﻰ ﻣﻮﺩ ﻟﺘﺸﺘﺮﻳﻦ ... ﺑﺎﺟﺮ ﺍﻣﺮ ﺍﻧﻄﻲ ﺍﻟﺞ .....
ﻣﺎﺷﻲ .... ﺍﺳﺘﺄﺫﻥ ﻭﻃﻠﻊ .... ﺍﻟﺤﻤﺪ ﺍﻟﻠﻪ ﺭﺍﺡ ...
ﺻﻌﺪﺕ ﻓﻮﻙ ﺑﺪﻟﺖ ﻣﻼﺑﺴﻲ ... ﻭﺍﺗﺬﻛﺮﺕ ... ﻭﻛﻌﺪﺗﻬﺎ .. ﻭﻟﺒﺴﻬﺎ .... ﻫﻲ ﻻﻳﻜﺔ ﻻﻣﺠﺪ ﺍﻧﻲ ﻭﻳﻦ ﻋﻨﻬﺎ ... ﺑﺲ ﻃﻮﻟﻬﺎ ﻭﻟﻮﻥ ﻋﻴﻮﻧﻬﺎ ... ﺑﻤﺮﺓ ﻣﺎﻋﺪﺓ ﺷﻌﺮﻫﺎ .....
ﺍﻧﻬﻀﻤﺖ ﻋﻠﻰ ﻧﻔﺴﻲ ... ﻧﺰﻟﺖ ﺩﻣﻮﻋﻲ ... ﺍﻟﻴﺎ ﺩﺭﺟﺔ ﻭﺻﻠﻨﻲ ... ﺍﻣﺠﺪ ... ﺧﻼﻧﻲ ﺍﻗﺮﺍﻥ ﻧﻔﺴﻲ ﻭﺍﻏﺎﺭ ...
......
ﺛﺎﻧﻲ ﻳﻮﻡ ﺟﺎﻥ ﺭﻭﺗﻴﻨﻲ ... ﺭﺟﻌﺖ ﻣﻦ ﺍﻟﺪﻭﺍﻡ ﻟﻜﻴﺖ ﻓﺮﻗﺎﻥ ...
ﺟﺎﻳﺐ ﺍﻟﻔﺴﺘﺎﻥ ... ﺣﺘﻰ ﻣﻔﺘﺤﺘﺔ ... ﺳﺎﻟﺘﻬﻢ ﻛﺎﻟﻮ ﺣﻠﻮﻭ ﻭﻣﻘﺎﺳﺞ .. ﻛﻠﺘﻠﻬﻢ ﻫﺎﻳﻬﻴﺔ ...
ﺻﻌﺪﺕ ﻳﺎﻟﻠﻪ ﺑﺎﺟﺮ .... ﻧﻤﺖ ﻣﻜﻌﺪﺕ ﻟﻠﻴﻞ ... ﺍﺗﻌﺸﻴﺖ ﻏﺼﺐ ﻋﻨﻲ .... ﻳﺎ ﺍﻟﻠﻪ ﺍﺭﺣﻤﻨﻲ ... ﺷﻴﻞ ﻣﻦ ﻛﻠﺒﻲ ﺣﺐ ﺍﻣﺠﺪ .... ﻳﺎﺭﺏ .....
ﺻﻌﺪﺕ ﻟﻐﺮﻓﺘﻲ ... ﻟﻠﻤﻜﺎﻥ ﺍﻟﻮﺣﻴﺪ ﺍﻟﻲ ﺍﺣﺲ ﺑﻲ ﺑﺮﺍﺣﺔ ﺍﻟﻤﻜﺎﻥ ﺍﻟﻲ ﺍﻛﺪﺭ ﺍﺑﺠﻲ ﺑﻲ ﺑﺮﺍﺣﺔ ﺑﺪﻭﻥ ﻣﺤﺪ ﻳﺤﺲ ﺑﻴﺔ ... ﺍﻟﻤﻜﺎﻥ ﺍﻟﻲ ﺷﻬﺪ ﻋﻠﻰ ﺍﺣﻼﻣﻲ ﻭﺍﻧﻜﺴﺎﺭﺍﺗﻲ ....
ﺑﻜﻞ ﺯﻭﺍﻳﺔ .. ﺑﻬﺎﻱ ﺍﻟﻐﺮﻓﺔ ﺣﻠﻢ ﺍﻧﺪﻓﻦ .... ﻭﺣﻠﻢ ﺍﻧﺒﻨﺔ ....
ﺍﻟﻰ ﺍﻥ ﻏﻔﻴﺖ ﻭﺍﻧﻲ ﺍﺣﺎﺟﻲ ﻏﺮﻓﺘﻲ ﻭﻣﻠﺠﺄﻱ ﺍﻟﻮﺣﻴﺪ ...
ﺻﺎﺭ ﺍﻟﺼﺒﺢ ﺍﺟﺘﻲ ﻧﻮﺭ ﻛﻌﺪﺗﻨﻲ .. ﻣﻦ ﺍﻝ٩ ...
ﻧﺮﻳﻤﺎﺍﺍﻥ ﻳﻼ ﻛﻮﻣﻲ ﺳﺎﻋﺔ ﺗﺴﻌﺔ ....
ﻧﻮﺭ .. ﺭﻭﺣﻲ ﻣﻦ ﻭﺟﻬﻲ ... ﻣﺎ ﺍﺭﻳﺪ ﺍﻛﻌﺪ ﺑﻌﺪ ﻭﻛﺖ ....
ﻧﺮﻳﻤﺎﻥ .. ﻓﺮﻗﺎﻥ ﺍﺗﺼﻞ ﻳﻜﻮﻝ ﺧﻞ ﺗﺘﺤﻀﺮ ﺑﺎﻝ١١ ﺍﻣﺮ ﺍﻭﺩﻳﻬﺎ ﻟﻠﺼﺎﻟﻮﻥ ....
ﻫﺎﺍﺍﺍﺍ ﻭﻣﻨﻮ ﻛﻠﺔ ﺭﺍﺡ ﺍﺭﻭﺡ ﻟﺼﺎﻟﻮﻥ ... ﺷﻨﻮ ﺟﺎﻭﺑﺘﻮ ...
ﺍﻧﻲ ﺟﺎﻭﺑﺘﺔ .... ﻭﻛﺘﻠﺔ ﺗﻤﺎﻡ ...
ﺍﻧﺘﻲ ﻏﻴﺮ ﺗﺴﺄﻟﻴﻨﻲ ...
ﻧﺮﻳﻤﺎﻥ ﺻﺢ ﻋﻤﺮﻱ ١٥ ﺳﻨﺔ ﺑﺲ ﺍﻛﺪﺭ ﺍﻓﻜﺮ ﻳﻌﻨﻲ ﻋﻘﻠﻲ ﻣﻮ ﻭﺍﻛﻒ ﻣﻌﺎﺭﻓﻬﻢ ﺭﺍﺡ ﻳﺠﻮﻥ ﻭﺧﺎﻟﺘﻲ ... ﻭﺍﻧﺘﻲ ﺗﺮﻳﺪﻳﻦ ﺗﻤﻜﻴﺠﻴﻦ ﻧﻔﺴﺞ ..... ﻫﺬﺍ ﺍﻟﻮﺍﻗﻊ ﻭﻻﺯﻡ ﺗﺘﺠﺎﺭﻳﻦ ﻭﻳﺎ ... ﻛﺎﻓﻲ ﺧﺎﻟﺘﺔ ﺑﻬﺎﻱ ﺍﻟﻐﺮﻓﺔ ﺍﻟﻲ ﺗﺎﺭﺳﺔ ﺟﻮﻫﺎ ﻛﺎﺋﺒﺔ ...
ﻛﺎﻣﺖ ﻣﻦ ﻳﻤﻲ ﻭﺍﺗﺠﻬﺖ ﻟﺸﺒﺎﻙ .. ﻓﺘﺤﺖ ﺍﻟﺒﺮﺩﺍﺕ ... ﻭﻓﺘﺤﺖ ﺍﻟﺸﺒﺎﻙ ﻫﻮﺕ ﺍﻟﻐﺮﻓﺔ ... ﻭﻫﻲ ﺗﺤﺠﻲ ...
ﻧﺮﻳﻤﺎﻥ ﻣﺎﻛﻮ ﺍﺣﺪ ﻳﻤﻮﺕ ﻭﺭﺓ ﺍﺣﺪ ... ﺟﺎﻥ ﻣﺎﺗﺖ ﺍﻣﻲ ﻭﺭﺓ ﺍﺧﻮﻳﺔ ... ﺑﺲ ﻛﻠﻨﺔ ﻋﺸﻨﺔ ... ﻛﻮﻣﻲ ﻋﺎﺩ .. ﻭﺻﻴﺮﻱ ﻗﻮﻳﺔ ..
ﺿﻠﻴﺖ ﻣﺒﻬﻮﺗﺔ ... ﺍﺷﻮﻛﺖ ﻧﻮﺭ ﻛﺒﺮﺕ ﻭﺻﺎﺭﺕ ﺗﻨﺼﺤﻨﻲ ﻭﻻ ﺣﺠﻴﻬﺎ ﻛﻠﺔ ﺻﺪﻙ ...
ﻛﻤﺖ ﻣﻦ ﻣﻜﺎﻧﻲ ﺳﺒﺤﺖ ﻭﺍﺗﺮﻳﻜﺖ ﻭﺍﺟﺔ ﺏ ﺍﻝ ١١ ﻓﺮﻗﺎﻥ ﻭﺭﺣﺖ ﻭﻳﺎ ﻟﻠﺼﺎﻟﻮﻥ ...
ﺟﺎﻥ ﺻﺎﻟﻮﻥ ﺭﺍﻗﻲ ﻧﻮﻋﺎ ﻣﺎ ... ﺷﻐﻠﻬﻢ ﺣﻠﻮﻭﻭ ﺍﺳﺘﻠﻤﻨﻲ ﻣﻦ ﻭﺻﻠﺖ ﻟﻞ ٣ ﻣﻜﻤﻠﻨﻲ ... ﺟﺎﻧﺖ ﻧﻮﺭ ﻭﻳﺎﻳﺔ ﺟﺎﻳﺒﺔ ﺍﻟﻔﺴﺘﺎﻥ .. ﻭﺍﻟﻐﺮﺍﺽ ﻟﺒﺴﺖ ﺍﻟﻔﺴﺘﺎﻥ ... ﺟﺎﻥ ﻟﻮﻧﺔ ... ﺣﺒﺮﻱ ... ﻭﻣﺨﺼﺮ ﻋﻠﻴﺔ ... ﻭﺑﻲ ﻓﻴﻮﻧﻜﺔ ... ﺟﺎﻧﺒﻴﺔ ٠ﺟﺒﻴﺮﺓ ﺗﺮﺗﺮ ... ﻭﺍﻟﺼﺪﺭ ﺑﻲ ﺷﻐﻞ ﻛﻠﺶ ﺣﻠﻮﻭ ﻓﻀﻲ ...
ﻭﺍﻛﺴﺴﻮﺍﺭﺍﺕ ... ﻓﻀﻴﺔ ﻭﻛﺮﺳﺘﺎﻝ ﻛﻠﺶ ﺭﻭﻋﺔ ... ﺻﺪﻙ ﻃﻠﻌﺖ ﻛﻠﺶ ﺣﻠﻮﺓ ... ﻭﺍﻧﻲ ﺍﺗﺎﻣﻞ ﻧﻔﺴﻲ ﻛﺪﺍﻡ ﺍﻟﻤﺮﺍﻳﺔ ...
ﺷﻨﻮ ﻳﺼﻴﺮ ﻟﻮ ﺍﻧﻲ ﻫﺴﺔ ﻓﺮﺣﺎﻧﺔ ... ﻳﻌﻨﻲ ﻟﻮ ﻣﺎﻫﻲ ﺍﻟﺤﺠﺎﺭﺓ ﺍﻟﻲ ﻋﻠﻰ ﺻﺪﺭﻱ ... ﺣﻠﻢ ﻛﻞ ﺍﺑﻴﻨﺔ ... ﺑﺲ ﺍﻧﻲ ﺍﺳﻮﺀ ﻛﻮﺍﺑﻴﺴﻲ .....
ﺻﺤﺘﻨﻲ ﻧﻮﺭ ﻣﻦ ﺻﻔﻨﺘﻲ ... ﻳﻼ .. ﻧﺮﻳﻤﺎﻥ .. ﺍﺟﺔ ﻓﺮﻗﺎﻥ .. ﻋﺪﻟﺘﻠﻲ ﺍﻟﺒﺪﻟﺔ ﻭﻛﻠﺘﻠﻲ ﺣﺒﻴﺒﺘﻲ .. ﻓﺮﺩﻳﻬﺎ ﺷﻮﻱ .. ﻓﺮﻗﺎﻥ ﻣﺎﻟﺔ ﺫﻧﺐ ... ﻃﻠﻌﺘﻠﻲ ﺟﺎﻛﻴﺖ ﻓﺮﻭﻭ ﺭﺻﺎﺻﻲ ... ﻫﻢ ﻓﺮﻗﺎﻥ ﺟﺎﻳﺒﺔ ... ﻫﻮ ﺟﺎﻥ ﻣﻬﺘﻢ ﺑﺎﺩﻕ ﺍﻟﺘﻔﺎﺻﻴﻞ ...
ﻃﻠﻌﺖ ﻭﺟﺎﻥ ﻭﺍﻛﻒ ﻋﻠﻰ ﺍﻟﺴﻴﺎﺭﺓ ﻣﻦ ﺷﺎﻓﻨﻲ ﻋﺪﻝ ﻭﻛﻔﺘﺔ .. ﺍﺑﺘﺴﻢ ... ﻭﻛﻠﻲ ... ﺍﻟﻠﻪ ﻳﺤﻔﻀﺞ ﺍﻟﻲ ... ﻳﺎﺍﻡ ﺑﻴﺘﻲ ...
ﺍﺭﺗﺒﻜﺖ ﻭﺭﺟﻌﺖ ﻧﻔﺲ ﺍﻟﺤﺠﺎﺭﺓ ﺍﻟﻲ ﻋﻠﻰ ﻛﻠﺒﻲ ..
ﺣﺎﻭﻝ ﻳﻠﺰﻡ .. ﻳﺪﻱ ﻭﻳﺼﻌﺪﻧﻲ ﺑﺎﻟﺴﻴﺎﺭﺓ .... ﺍﻧﺘﻔﺾ ﻛﻠﺒﻲ ﻭﺭﻛﺒﺖ ﺳﺮﻳﻊ ... ﺣﺲ ﺑﻴﺔ ﺑﺲ ﺍﺗﻐﺎﺿﺎ ﻋﻦ ﺍﻟﻤﻮﻗﻒ ....
ﻭﺻﻠﺖ ... ﻟﻠﺒﻴﺖ ﺟﺎﻧﻮ ﺍﻣﻲ ﻭﻳﺎﺳﻤﻴﻦ ﻳﻨﺘﻀﺮﻭﻧﻲ ... ﻫﻠﻬﻠﺖ ﺍﻣﻲ ﻣﻦ ﺷﺎﻓﺘﻨﻲ ﻭﻓﺮﻗﺎﻥ ﺭﺍﺡ ﻟﺒﻴﺘﻬﻢ ﻳﻠﺒﺲ ﻣﻼﺑﺴﺔ ﻭﻳﺠﻲ .... ﻣﺠﺎﻥ ﺍﻛﻮ ﺍﺣﺪ ... ﺑﻌﺪ ﻣﺤﺪ ﺟﺎﻱ ..... ﺟﺎﻧﺖ ﺍﻣﻲ ﻣﺮﺗﺒﺔ ﻛﻠﺸﻲ ....
ﻧﺺ ﺳﺎﻋﺔ ﻭﺑﺪﻭ ﻳﻠﺘﻤﻮﻥ ﺍﻟﻤﻌﺎﺭﻑ ﻭﺍﺟﻮﻱ ﺍﻫﻞ ﻓﺮﻗﺎﻥ ﻭﺧﺎﻟﺘﺔ . ﻭﺍﺻﺪﻗﺎﺋﻬﻢ .. ﺟﺎﻧﺖ ﺣﻔﻠﺔ ﻋﻠﻰ ﻛﺪﻧﺔ ﺑﺴﻴﻄﺔ ...
ﻓﺮﻗﺎﻥ ﻛﺎﻋﺪ ﻳﻤﻲ ... ﺑﺲ ﺍﻧﻲ ﺑﻐﻴﺮ ﻋﺎﻟﻢ ... ﻣﺪﺍ ﺍﺗﻘﺒﻠﺔ ... ﻣﺪﺍ ﺍﻛﺪﺭ ﻳﻜﻮﻥ ﺍﻛﺜﺮ ﻣﻦ ﺍﺑﻦ ﻋﻤﻲ ﻭﺍﺥ ....
ﻟﺒﺴﻨﻲ ﺍﻟﺤﻠﻘﺔ ... ﻭﺍﻟﺬﻫﺐ ﺑﺲ ﻣﺪﺍ ﺍﻛﺪﺭ ﺍﺣﺲ ﺍﻱ ﺍﺣﺴﺎﺱ .... ﻛﺎﺭﻫﺔ ﻛﻞ ﺷﻲ ... ﻣﺘﻨﺪﻣﺔ ... ﻭﻣﺪﺍ ﺍﻛﺪﺭ ... ﺍﺗﺮﺍﺟﻊ ....
ﻃﻠﻌﻮ ﺍﻟﻨﺎﺱ ... ﻭﺑﻘﻴﻨﺔ ﻭﺣﺪﻧﺔ ... ﻃﻠﺐ ﻣﻨﻲ ﻓﺮﻗﺎﻥ ... ﻧﻜﻌﺪ ﺑﺎﻟﻤﺮﺟﻮﺣﺔ ....
ﻃﻠﻌﺖ ﻭﻳﺎ ﺑﺲ ﻣﺨﺘﻨﻜﺔ ﻭﻣﺎ ﺍﺭﻳﺪ ﺍﻛﻌﺪ ﻭﻳﺎ ... ﻫﺬﺍ ﺍﻟﻤﻜﺎﻥ ﻳﺨﺼﻨﺎ ﺑﺲ ﺍﻧﻲ ﻭﺍﻣﺠﺪ ... ﻟﻜﻦ ﻧﺎ ﺍﻛﺪﺭ ﺍﺭﻓﺾ ﻣﺎﻋﻨﺪﻱ ﻋﺬﺭ ...
ﻃﻠﻌﺖ .... ﻭﻛﻌﺪﻧﺔ ﻭﺍﻧﻲ ﺳﺎﻛﺘﺔ ﻭﺑﺎﻟﻜﻮﺓ ﻻﺯﻣﺔ ﻧﻔﺴﻲ .....
ﺣﺘﻰ ﻟﺘﻨﺰﻝ ﺩﻣﻌﺘﻲ .... ﺧﺮﻕ ﻫﻠﺴﻜﻮﺕ ﺻﻮﺕ ﻓﺮﻗﺎﻥ ﻭﻫﻮ ﻳﺤﺠﻲ ....
ﺗﺪﺭﻳﻦ ... ﻧﺮﻳﻤﺎﻥ .. ...
ﻣﻦ ﻋﻤﺮﻱ ١٨ ﺳﻨﺔ ﻭﺍﻧﻲ ﺍﺗﺨﻴﻞ ﻳﻮﻡ ﺧﻄﻮﺑﺘﻨﺎ ... ﺍﺗﺨﻴﻞ ... ﺗﻔﺎﺻﻴﻠﺞ ... ﻭﺍﻧﺘﻲ ﻭﻳﺎﻳﺔ ﺑﺨﻄﺒﺘﻨﺔ ....
ﺗﺬﻛﺮﻳﻦ ﻧﺮﻳﻤﺎﻥ ﺟﺎﻥ ﺍﻛﻮ ﺧﻼﻑ ﺑﺴﻴﻂ ﺑﻴﻦ ﺍﻫﻠﻨﺔ ﻭﺗﻘﺮﻳﺒﺎ ﺿﻠﻴﻨﺔ ﺳﻨﺘﻴﻦ ﻣﻤﺘﺸﺎﻭﻓﻴﻦ .... ﻭﺑﻌﺪﻫﺎ ﺑﻌﻴﺪ ﻣﻦ ﺍﻻﻋﻴﺎﺩ ﺍﺗﺸﺎﻓﻮﻧﻬﺎ .. ﺑﻮﻛﺘﻬﺎ ﺟﺎﻥ ﻋﻤﺮﺝ ١٤ ﺳﻨﺔ ... ﻭﺍﻧﻲ ﻋﻤﺮﻱ ١٨ .... ﻭﻛﻌﺖ ﻋﻠﻴﺞ ﻋﻴﻨﻲ ... ﻭﻛﻌﺘﻲ ﺑﻨﺺ ﺭﻭﺣﻲ ﻭﻛﻠﺒﻲ ... ﺣﺒﻴﺘﺞ ... ﺑﺲ ﺍﻧﺘﻲ ﺟﻨﺘﻲ ﺻﻐﻴﺮﺓ .. ﻭﻣﺤﺒﻴﺖ ﺍﻧﺒﻬﺞ ﻋﻠﻰ ﻫﻴﺞ ﺷﻲ .... ﻭﺻﺎﺭ ﻋﻤﺮﺝ ١٥ ﺳﻨﻪ ﻭﺳﺎﻓﺮ ﺧﺎﻟﺪ ... ﺣﺴﻴﺖ ﻧﻔﺴﻲ ﺍﻧﺘﻲ ﻣﺴﺆﻟﺔ ﻣﻨﻲ ..... ﻭﻻﺯﻡ ﺍﺿﻞ ﻳﻤﻜﻢ ... ﻛﻞ ﻣﺮﺓ ﺟﻨﺖ ﺍﺷﻮﻓﺞ ... ﺣﺒﺞ ﻳﺰﻳﺪ ... ﻣﻴﻨﻘﺺ ...
ﻭﻣﻦ ﺳﺎﻓﺮﺕ ﺣﺒﻴﺘﺞ ﺍﻛﺜﺮ ... ﻻﻥ ﻣﺎﻛﻮ ﻣﻨﺞ .. ﻻﺍﺑﺮﺍﺋﺘﺞ ﻭﻻ ﺑﻨﻀﺎﻓﺔ ﻗﻠﺒﺞ
...
ﺟﺎﻥ ﻓﺮﻗﺎﻥ ﻳﺤﺠﻲ ﻭﺩﻣﻮﻋﻲ ﺍﺗﺼﺐ .... ﻣﺎﺩﺭﻱ ﻋﻠﻰ ﻓﺮﻗﺎﻥ ﺍﻟﻲ ﻭﺿﺢ ﺍﻟﺤﺐ ﺑﻌﻴﻮﻧﺔ ...
ﻟﻮ ﻋﻠﻰ ﺣﻀﻲ ﺍﻟﻲ ﺣﺒﻴﺖ ﻣﻦ ﻛﻞ ﻛﻠﺒﻲ ... ﻭﻣﻠﺤﻜﺖ ﺣﺘﻰ ﺍﺗﻬﻨﻰ ..
ﺣﺎﻭﻝ ﻓﺮﻗﺎﻥ ﻳﻤﺴﻚ ﺍﻳﺪﻱ ....
ﻧﻬﻀﺖ ﻣﻦ ﻣﻜﺎﻧﻲ ﺑﺴﺮﻋﺔ ....
ﻓﺮﻗﺎﻥ ﺍﻧﻲ ﺗﻌﺒﺖ ﻛﻠﺶ ﻭﺻﺪﺍﻉ ﻣﻮﺗﻨﻲ ... ﺭﺍﺡ ﺍﺩﺧﻞ ﺍﺳﺒﺢ ..
ﻣﺎﺷﻲ ﺣﺒﻴﺒﺘﻲ ..
ﻏﻤﻀﺖ ﻋﻴﻮﻧﻲ .... ﺑﺼﺒﺮ ﻣﺎﺣﺐ ﺍﺳﻤﻌﺔ ﻳﻜﻮﻝ ﺣﺒﻴﺒﺘﻲ ﺍﻭ ﻳﺘﻐﺰﻝ ... ﺍﺣﺲ ﻧﻔﺴﻲ ﺍﺧﺘﻨﻚ ...
ﺍﺣﺲ ﺣﺮﺍﻡ ﺍﻟﻲ ﺩﻳﺼﻴﺮ ... ﺍﻧﻲ ﺷﻨﻮ ﺩﺍ ﺍﺳﻮﻱ ...
ﺭﺣﺖ ﺟﻮﺓ ﺣﺘﻰ ﺑﺪﻭﻥ ﻣﺎ ﺍﻭﺩﻋﺔ ...
ﺩﺧﻠﺖ ﺟﻮﺓ .. ﻭﻧﺰﻋﺖ ﺍﻟﻔﺴﺘﺎﻥ ... ﺑﺪﻳﺖ ﺍﻓﺘﺢ ﺍﻟﻤﺎﺷﺎﺕ ... ﻭﺍﻧﻲ ﺩﻣﻮﻋﻲ ﺗﻨﺰﻝ ... ﻭﻳﻨﺰﻝ ﻭﻳﺎﻫﺎ ﻛﻞ ﺣﻠﻢ ﺑﻨﻴﺘﺔ ﻭﻳﺔ ﺍﻣﺠﺪ .... ﻛﻞ ﻟﺤﻀﺔ ... ﺟﻤﻌﺘﻨﻲ ﺑﻲ ...
ﺩﺧﻠﺖ ﺟﻮﺓ ﺍﻟﺪﻭﺵ ... ﻭﻛﻌﺪﺕ ﺑﻜﺎﻉ ﺍﻟﺤﻤﺎﻡ .... ﻭﺩﻣﻌﻮﻱ ﺍﺗﻨﺰﻝ ﺣﺮﻛﺘﻨﻲ ﺣﺮﻙ ... ﺑﺲ ﺍﻟﻲ ﻗﻬﺮﻧﻲ ... ﺍﻣﺠﺪ .. ﺣﺘﻰ ﻣﺒﻴﻦ ﺍﻱ ﺭﺩﺓ ﻓﻌﻞ .. ﻧﺰﻟﺖ ﺟﻮﺓ .... ﻛﺎﻋﺪﻳﻦ ﻧﺘﻌﺸﺔ ... ﺩﻙ ﺍﻟﺘﻠﻔﻮﻥ ... ﻛﺎﻣﺖ ﺍﻣﻲ ﺭﺩﺕ ..... ﻣﺎﻛﻮ ﺍﺣﺪ .... ﺭﺟﻊ ﻭﺭﺓ ﺩﻗﺎﻳﻖ .... ﺩﻙ .... ﻛﻌﺪﻱ ﻣﺎﻣﺎ ﺍﻧﻲ ﺍﺭﺩ .. ﺭﻓﻌﺖ ﺍﻟﺴﻤﺎﻋﺔ ....
ﺍﻟﻮﻭﻭ ..... ﺍﻟﻮﻭﻭﻭﻭﻭﻭ ...
ﺍﺟﺔ ﺍﺑﺄﺫﻧﻲ ... ﺻﻮﺕ ﺍﻣﺠﺪ ﻣﺨﻨﻮﻙ ..... ﻭﺍﻧﻔﺎﺳﺔ ﺳﺮﻳﻌﺔ ....
ﻣﺒﺮﻭﻙ ... ﻋﺼﻔﻮﺭﺓ ...... ﺟﻨﺖ ﺍﺗﻤﻨﻰ .. ﺣﻠﻘﺘﻲ ﺍﻟﻲ ﺑﻴﺪﺝ ....
ﺑﺪﻳﺖ ﺍﺣﺲ ﺣﺮﺍﺭﺓ ﻋﻠﻰ ﺧﺪﻭﺩﻱ ﻗﻔﻠﺖ ﺍﻟﺨﻂ .... ﻭﻣﺴﺤﺖ ﺩﻣﻮﻋﻲ ﻭﺭﺟﻌﺖ ﻛﻌﺪﺕ .... ﻛﻠﺘﻠﻬﻢ ﻣﺤﺪ ﻳﺮﺩ .... ﺍﻧﻬﺪ ﺣﻴﻠﻲ ﻭﻋﻴﻮﻧﻲ ﻏﻮﺭﻛﻦ ......
ﺗﺼﺒﺤﻮﻥ ﻋﻠﻰ ﺧﻴﺮ .. ﺭﺍﺡ ﺍﻧﺎﻡ ﻣﺘﺖ ﺗﻌﺐ ...
ﺻﻌﺪﺕ ﺭﻛﺾ ﻟﻐﺮﻓﺘﻲ .. ﺣﻄﻴﺖ ﺭﺍﺳﻲ ﺑﺎﻟﻤﺨﺪﺓ ... ﻭﺑﺪﻳﺖ ﺍﺷﻬﻚ .. ﻛﻞ ﺷﻬﻜﺔ ﺍﺣﺴﻬﺎ ﺗﺨﻨﻜﻨﻲ ... ﺍﺣﺲ ﺍﻟﻨﻔﺲ ﺍﻟﻄﻠﻊ ﻣﺮﺍﺡ ﺍﻛﺪﺭ ﺍﺧﺬﺓ ﻣﺮﺓ ﺛﺎﻧﻲ ... ﺟﺎﻧﺖ ﺣﺴﺮﺓ ﺑﺪﺍﺧﻠﻲ ... ﺍﻟﻰ ﺍﻥ ﻏﻔﻴﺖ ﻭﺍﻧﻲ ﺍﻟﻤﻮﺕ ﺍﻫﻮﻥ ﻋﻠﻴﺔ ﻣﻦ ﺍﻟﻲ ﺩﺍ ﺍﺣﺲ ﺑﻲ .... ﺍﻣﺠﺪ ﻣﺪﺍ ﺍﻛﺪﺭ ﺍﻃﻠﻌﺔ ﻣﻦ ﺩﻣﺎﻏﻲ ﺍﺗﻮﻏﻞ ﺩﺍﺧﻞ ﺭﻭﺣﻲ ﺻﺢ ﻣﺪﺓ ﺣﺒﻲ ﺍﻟﺔ ﻗﺼﻴﺮﺓ ... ﺑﺲ ﺟﻨﺖ ﻣﻦ ﺍﺷﻮﻓﺔ ﺍﺣﺲ ﺭﻭﺣﻲ ﻣﻮ ﻣﻠﻚ ﻧﻔﺴﻲ ﻣﻠﻜﺔ ﺍﻟﻪ ... ﻫﻮ ﺍﻟﺸﺨﺺ ﺍﻟﻲ ﺍﺿﻌﻒ ﺑﻨﻀﺮﺓ ﻋﻴﻨﺔ 😔....
ﺧﻠﺺ ﻳﻮﻡ ﻃﻮﻳﻞ .... ﺗﻌﺐ ﻛﻠﺒﻲ ﻭﻋﻘﻠﻲ ﺍﻛﺜﺮ ﻣﻦ ﺗﻌﺐ .. ﺟﺴﻤﻲ ...
ﻛﻌﺪﺕ ﺛﺎﻧﻲ ﻳﻮﻡ ... ﻃﻠﻌﺖ ﻣﻦ ﻭﻛﺖ ﻛﻠﺶ ﻗﺒﻞ ﻟﻴﺠﻲ ﻓﺮﻗﺎﻥ ﻭﻳﻜﻮﻝ ﺍﻭﺻﻠﺞ ... ﻣﺎﺭﻳﺪ ﺍﺻﻌﺪ ﻭﻳﺎﺍﺍ
ﻣﺪﺍ ﺍﻛﺪﺭ ﺳﺎﻋﺪﻧﻲ ﻳﺎﺭﺑﻲ .....
ﺻﺎﺭ ﻭﻛﺖ ﺍﻟﺮﺟﻌﺔ ﻟﻠﺒﻴﺖ ... ﻃﻠﻌﺖ ﺍﺗﺨﺘﻞ ﺩﺍ ﺍﺷﻮﻑ ﺧﻤﺎ ﻓﺮﻗﺎﻥ ﻭﺍﻛﻒ .... ﺷﻔﺘﺔ ﻭﺍﻛﻒ ... ﻃﻠﻌﺖ ﻭﺣﺪﺓ ﻭﻳﺎﻧﺔ ... ﻭﻛﻔﺘﻬﺎ ... ﻭﻃﻠﺒﺖ ﻣﻨﻬﺎ ﺍﺗﻜﻮﻟﺔ ... ﻃﻠﻌﺖ .... ﻭﻓﻌﻼ ... ﺣﺠﺖ ﻭﻳﺎ ﺭﻛﺐ ﺳﻴﺎﺭﺗﺔ ﻭﺭﺍﺡ .... ﺍﻳﻲ ﺍﻟﺤﻤﺪ ﺍﻟﻠﻪ .... ﻃﻠﻌﺖ ... ﻭﺻﻠﺖ ﻓﺮﻋﻨﺔ ﻭﻧﺰﻟﺖ ... ﻭﺭﺣﺖ ﺍﻣﺸﻲ ... ﺟﻨﺖ ﺻﺎﻓﻨﺔ .. ﻭﺍﻟﺪﻧﻴﺎ
.. ﻭﺑﺎﺭﺩﺓ ... ﺟﺎﻥ ٢٠ ﺑﺸﻬﺮ ﺍﻟﻮﺍﺣﺪ .... ﻳﻌﻨﻲ ﻗﻤﺔ ﺍﻟﺸﺘﺔ ......
ﺭﻓﻌﺖ ﻋﻴﻨﻲ ﺷﻔﺖ ﺳﻴﺎﺭﺓ ﻓﺮﻗﺎﻥ .. ﺑﺪﻳﺖ ﺍﺗﻘﺮﺏ ... ﻭﺍﺷﻮﻑ ﻓﺮﻗﺎﻥ ﻭﺍﻣﺠﺪ ... ﻣﺘﻼﺯﻣﻴﻦ ... ﻭﺍﺣﺪ ﻻﺯﻡ ﺍﻟﺦ ﻣﻦ .... ﻳﺎﺧﺘﺔ ..... ﺍﻟﻰ ﺍﻥ ﺍﻣﺠﺪ ﺿﺮﺏ ﻓﺮﻗﺎﻥ .. ﻛﻠﺔ ﻛﻮﻣﺔ ﺑﻜﺎﻋﺔ ... ﻭﺻﺎﺭ ﻓﻮﻛﺎﺓ ﻭﻳﻀﺮﺏ ﺑﻲ ...
ﻭﻓﺮﻗﺎﻥ ﺟﺎﻱ ﻳﺤﺎﻭﻝ ﻳﺒﻌﺪﺓ .... ﻛﻤﺖ ﺍﺭﻛﺾ ﺳﺮﻳﻊ ... ﻭﺻﻠﺖ . ﻳﻤﻬﻢ ﻭﺍﻧﻲ ﺍﺻﻴﺢ ....
ﺍ
ﻋﻮﻭﻭﻭﻓﺔ .... ﻟﻚ ﺍﻣﺠﺪ ﻋﻮﻭﻭﻭﻭﻓﺔ ﻛﺎﺍﺍﺍﻓﻲ ....
......
ﻟﺠﺠﺠﺞ ﻧﺮﻳﻤﺎﻥ ﻋﻮﻭﻭﻭﻭﻭﻭﻓﻴﻨﻲ ﺍﺳﻜﻄﺔ ﻟﻬﻞ ﺍﻟﻌﺎﺭ .....
ﻛﻤﺖ ﺍﺿﺮﺏ ﺑﺎﻣﺠﺪ
ﻟﻚ ﺍﻣﺠﺪ ﺭﺍﺡ ﻳﻤﻮﺕ ﺑﻴﻴﻴﻴﺪﻛﻚ .... ﻟﻜﻜﻚ ﻋﻮﻭﻭﻭﻭﻓﺔ ...
ﻧﻬﺾ ﺍﻣﺠﺪ ﻭﻫﻮ .... ﻳﻔﻮﺭﺭﺭ .... ﻟﺞ ﻧﺮﻳﻤﺎﻥ ﻫﺬﺍ ﻧﺎﻗﺺ ﻣﻴﺘﺴﺘﺎﺍﺍﺍﻫﻠﺞ .... ﻓﺼﺨﻲ ﺧﻄﻮﺑﺘﺞ ....
ﺑﻌﺪﺓ ﻣﻤﻜﻤﻞ ..... ﻗﺎﻃﻌﺘﺔ ....
ﻻ ﻭﻭﻭﻭﻭﺍﻟﻠﻠﻠﻪ ﻣﻮ ﻫﻲ ﻋﻠﻰ ﻣﺰﺯﺍﺍﺍﺍﺟﻚ ..... ﻫﺬﺍﺍ ﺍﻟﻲ ﺩﺗﺤﺠﻲ ﻋﻠﻴﺔ ﺍﺣﺴﻨﻨﻨﻨﻨﻦ ﻣﻨﻨﻨﻨﻚ .... ﻟﻜﻜﻜﻜﻚ ﻣﻮﻭﻭﺧﺎﺍﺍﺍﻳﻦ ... ﻣﻮﻭﻭﻭﺣﺮﺍﻣﻴﻴﻲ ﺑﻴﺖ .... ﻟﻚ ﺩﻙ ﺍﻟﺒﺎﺏ ﺍﺟﺔ ﻣﻦ ﺍﻟﺒﺎﺏ .... ﻭﺍﻧﻲ ﺍﻟﻤﻐﻔﻠﺔ ﺍﻟﻲ ﻭﺛﻘﺖ ... ﺑﻴﻴﻴﻴﻚ ... ﺍﻃﻠﻊ ﻣﻦ ﺣﻴﺎﺍﺍﺍﺗﻲ .. ﺧﻠﻴﻨﻲ ﺍﻧﺴﺎﺍﺍﺍﻙ .... ﻛﻤﻤﺖ ﺍﺿﺮﺏ ﺑﻲ .... ﺍﻛﺮﺭﺭﺭﺭﺭﻫﻜﻜﻚ ...
ﻟﺰﻡ ﺍﻳﺪﻱ ﻭﺻﺎﺡ ﺑﻴﺔ ﺻﻮﻭﻭﺕ ....
ﻛﺎﺍﺍﺍﺍﺍﺍﺍﻓﻴﻴﻴﻲ ..... ﺍﺳﺴﺴﺴﺴﺴﺴﻤﻌﻴﻴﻴﻴﻲ .... ﺍﺧﺮ ﻣﺮﺓ ﺍﻛﻮﻭﻭﻭﻭﻭﻟﻬﺎﺍﺍﺍ ﺍﻟﺞ .... ﺗﺴﻤﻌﻴﻨﻲ ﻟﻮ ﻻﺍﺍﺍﺍ ... ﺗﺴﻤﻌﻴﻦ ﻋﺬﺭﻳﻴﻲ ﻟﻮ ﻻﺍﺍﺍﺍ ....
ﻣﺎﺍﺍﺍ ﺍﺳﻤﻌﻚ .... ﻭﻣﺎﻣﻘﺒﻮﻝ ﻣﻨﻚ ﻋﺬﺭ ﺍﻧﻲ ﻣﺨﻄﻮﺑﺔ ﻟﻐﻴﺮﻙ .... ﻳﻼ ﺭﻭﺡ ﻭﻟﺘﺠﻲ ﺑﻌﺪ ....
ﻫﺪ ﺍﻳﺪﻱ .... ﺷﻮﻓﻲ ﻧﺮﻳﻤﺎﻥ .... ﺍﻧﺘﻲ ﻣﺘﺴﺘﺤﻘﻴﻦ ﺣﺒﻲ ﻭﺗﻨﺎﺯﻻﺗﻲ ﺍﻟﺞ .. ﺧﻼﺹ ﻣﻮﺑﺲ ﺍﻧﺘﻲ ﻋﻨﺪﺝ ﻛﺮﺍﺍﻣﺔ ﻭﻛﺒﺮﻳﺎﺀ ..... ﺭﺍﺡ ﺍﻃﻠﻊ ﻣﻦ ﺣﻴﺎﺗﺞ ﻟﻼﺑﺪ ... ﺭﺍﺡ ﺍﺭﺟﻊ ﻣﻨﻴﻦ ﻣﺠﻴﺖ ﻭﻻ ﺭﺍﺡ ﺍﺧﻠﻴﺞ ﺍﺗﺸﻮﻓﻴﻨﻲ ﺑﻌﺪﺩ .... ﺩﺍﻡ ﻓﻀﻠﺘﻲ ﺷﺨﺺ ﻏﻴﺮﻱ ﺑﺪﻭﻥ ﺣﺘﻰ ﻣﺘﺴﻤﻌﻴﻨﻲ ... ﻟﺞ ﺍﻟﻲ ﻳﺤﺐ ﻛﻠﺒﺔ ﻣﺎ ﻳﻨﻴﻄﻲ ﻳﻨﺎﻡ ﺍﻟﻠﻴﻞ ﻣﻦ ﺩﻭﻥ ﻣﺤﺒﻮﺑﺔ ... ﻭﺍﻧﺘﻲ ﻣﻮﻗﺎﺑﻠﺔ ... ﺣﺘﻰ ﺗﺴﻤﻌﻴﻨﻲ .... ﻟﻮ ﺗﺒﻘﻴﻦ ﺍﺧﺮ ﻣﺮﺓ ﻋﻠﻰ ﻭﺟﻪ ﻫﻼﺭﺽ ... ﻣﺎﻋﺎﺩ ﻟﺞ ﻣﻜﺎﻥ ﺑﺤﻴﺎﺗﻲ .... ﻭﺍﻥ ﻛﻠﺒﻲ ﺭﺍﺩﺝ .... ﺍﻃﻠﻌﺔ ﻣﻦ ﻣﻜﺎﻧﺔ ... ﻭﺍﺩﻭﺱ ﻋﻠﻴﺔ .....
ﻭﻳﺔ ﻛﻞ ﻛﻠﻤﺔ ﻃﻠﻌﺖ ﻣﻦ ﺣﻠﻚ ﺍﻣﺠﺪ ﻛﻠﺒﻲ ﺍﺣﺴﺔ ﻳﺘﻔﺘﻔﺖ ... ﺍﺣﺲ ﺭﻭﺣﻲ ﺗﺮﻳﺪ ﺗﻄﻠﻊ ... ﺍﺭﻳﺪ ﺍﺳﻜﺘﺔ ﻭﺍﻛﻠﺔ ﺍﺗﺮﺟﺎﻙ ﻻﺗﺤﺠﻲ ﻫﻴﺞ .... ﺍﺗﺮﺟﺎﻙ ... ﻛﻠﺒﻲ ﺩﻳﻌﺘﺼﺮ ﻣﻦ ﻛﻼﻣﻚ .... ﺑﺲ ﻣﻜﺪﺭﺕ ... ﺗﺮﻛﻨﻲ ﻭﻣﺸﺔ .....
ﻭﺻﻞ ﻳﻢ ﺳﻴﺎﺭﺗﺔ .. ﺿﺮﺏ ﺳﻴﺎﺭﺗﺔ ﺑﻮﻛﺲ ﺣﺴﻴﺖ ﺍﻳﺪﺓ ﺍﺗﻤﻠﺨﺖ .... ﺭﻛﺐ ﻭﺭﺍﺡ .... ﺟﺎﻥ ﻓﺮﻗﺎﻥ ﻳﺤﺎﻭﻝ ﻳﻤﺴﺢ ﺍﻟﺪﻡ ﺍﻟﻲ ﻋﻠﻰ ﺧﺸﻤﺔ ... ﻭﻳﻨﻔﺾ ﻣﻼﺑﺴﺔ .... ﺍﻟﺘﻔﺘﺖ ﻋﻠﻴﺔ .. ﻓﺮﻗﺎﻥ ﻣﺮﺍﺡ ﺍﻛﺪﺭ ﺍﺩﺧﻠﻚ ﻫﻴﺞ ... ﺍﻋﺬﺭﻧﻲ ...
ﺍﺩﺧﻠﻲ ﺟﻮﺓ ﻧﺮﻳﻤﺎﻥ .. ﺣﺒﻴﺒﺘﻲ ... ﻭﻻ ﻳﻬﻤﺞ .. ﻛﻼﻡ ﺍﻣﺠﺪ ﺍﻣﺠﺪ ﻳﺤﺎﻭﻝ ﻳﺨﺮﺏ ﺑﻴﻨﺔ ﺍﺗﺮﺟﺎﺝ ... ﻻ ﺗﺴﻤﻌﻴﻦ ﺍﻟﺔ ...
ﺍﻧﺸﺎﺀ ﺍﻟﻠﻪ .... ﻣﻊ ﺍﻟﺴﻼﻣﺔ ...
ﻣﻊ ﺍﻟﺴﻼﻣﺔ ....
ﺩﺧﻠﺖ ﻟﻬﻠﻲ .... ﺳﻠﻤﺖ .. ﻛﻮﺓ .. ﺻﻌﺪﺕ ﻟﻠﻤﻜﺎﻥ ﺍﻟﻲ ﺍﺭﺗﺎﺡ ﺑﻲ ... ﻟﻠﻤﻜﺎﻥ ﺍﻟﻲ ﺍﺣﺲ ﺑﻲ ﺑﺮﺍﺣﺔ ... ﺻﺎﺭﺕ ﻟﻲ ﻋﺎﺩﺓ ﺍﻭﻝ ﻣﺎ ﺍﺩﺧﻞ ﻏﺮﻓﺘﻲ .. ﺗﺒﺪﻱ ﺗﻨﺰﻝ ﺩﻣﻮﻋﻲ ﻭﻛﺎﻧﻪ ﻋﺮﻓﺖ ﺍﻟﻤﻜﺎﻥ ... ﺍﻟﻲ ﺗﺼﻴﺮ ﺣﺮﺓ ﺑﻲ .... ﻛﻼﻡ ﺍﻣﺠﺪ ﻳﺮﻥ ﺑﺪﻣﺎﻏﻲ .... ﻳﺎﺭﺏ ﺍﺣﺲ ﻧﻔﺴﻲ ﺑﻜﺎﺑﻮﺱ ... ﻣﺪﺍ ﺍﺳﺘﻮﻋﺐ ﺍﻟﻲ ﺩﻳﺼﻴﺮ .... ﺿﻠﻴﺖ ﺍﺑﺠﻲ ﺍﻟﻰ ﺍﻥ ﻧﻤﺖ ...
ﻛﻌﺪﺕ ﺍﻟﻤﻐﺮﺏ ... ﻛﻌﺪﺕ ﻣﻊ ﺍﻫﻠﻲ ﺷﻮﻳﺔ ﺑﻌﺪﻫﺎ ﻃﻠﻌﺖ ﻛﻌﺪﺕ ﺑﺎﻟﻤﺮﺟﻮﺣﺔ ... ﺻﺎﺭﻥ ﻳﻨﺰﻟﻦ ﺩﻣﻮﻋﻲ ﻭﺣﺪﻫﻢ ... ﻛﻞ ﺩﻣﻌﺔ ﺗﻨﺰﻝ ﺍﺣﺴﻬﺎ ﺗﻄﻠﻊ ﻣﻨﻬﺎ ﻗﻄﻌﺔ ﻣﻦ ﺭﻭﺣﻲ ....
ﺟﻨﺖ ﺳﺎﺭﺣﺔ ﻭﺍﺗﺬﻛﺮ ﻛﻼﻡ ﺍﻣﺠﺪ ... ﻭﻋﻴﻮﻧﻲ ﻣﻦ ﻏﻴﺮ ﺻﻮﺕ ﺑﺲ ﺍﻟﺪﻣﻮﻉ ﺍﺗﻬﻞ .. ﺭﻓﻌﺖ ﺭﺍﺳﻲ ﺷﻔﺖ ﺍﺑﻮﻳﺔ ﻭﺍﻛﻒ ....
ﺑﺎﺑﺎ ﺍﺷﻮﻛﺖ ﺍﺟﻴﺖ ﻣﺤﺴﻴﺖ ﻋﻠﻴﻚ ... ﺻﺮﺕ ﺍﻣﺴﺢ ﺑﺪﻣﻮﻋﻲ ﻭﺍﺣﺎﺟﻲ ... ﺍﺟﺔ ﻛﻌﺪ ﺟﻨﺒﻲ ... ﻭﻣﺴﻚ ﺍﻳﺪﻱ ...
ﺷﺒﻴﻬﺎ ﺍﻟﺴﺒﺎﻋﻴﺔ .. ﺗﺒﺠﻲ ..
ﺻﺮﺕ ﺍﺑﺘﺴﻢ ... ﻣﺎﺑﻴﺔ ﺷﻲ ﺑﺎﺑﺎ ﺻﺪﻙ ... ﺷﻮﻱ ﻛﺂﺑﺔ ...
......
ﺑﺲ ﻫﺎﻱ ﻣﻮ ﻛﺂﺑﺔ ﻳﻨﺮﻣﺎﻥ ... ﺑﻬﻞ ﺍﻟﻌﻴﻮﻥ ﺍﻟﺤﻠﻮﺓ ﺍﻛﻮ ﺣﺰﻥ ...
ﺻﺎﺭﻥ ﺩﻣﻮﻋﻲ ﻳﻨﺰﻟﻦ ... ﻣﺎﻛﻮ ﺷﻲ ﻳﺎ ﺭﻭﺣﻲ ﻣﻦ ﺍﻟﺪﻧﻴﺎ ﺑﺲ ﺯﻋﻼﻧﺔ ﺣﺴﻴﺖ ﻧﻔﺴﻲ ﺭﺍﺡ ﺍﻓﺎﺭﻛﻢ .... ﺣﻄﻴﺖ ﺭﺍﺳﻲ ﻋﻠﻰ ﺻﺪﺭﺓ ... ﻭﺻﺎﺭﻥ ﺍﻟﺪﻣﻮﻉ ... ﺷﻬﻜﺎﺕ ﻋﺎﻟﻴﺔ .... ﻭﻫﻮ ﻳﻄﺒﻄﺐ ﻋﻠﻰ ﺟﺘﻔﻲ ...
ﺍﻧﺘﻲ ﻗﻮﻳﺔ ....... ﺍﻧﺘﻲ ﺍﺑﻨﻲ ﺍﻟﻲ ﺍﻋﺘﻤﺪ ﻋﻠﻴﺔ .. ﻭﺍﺭﻓﻊ ﺭﺍﺳﻲ ﺑﻲ .. ﺍﻧﺘﻲ ﺍﺑﻨﻲ ﺍﻟﻲ ﺷﺎﻟﻨﻲ ﺑﻤﺮﺿﻲ ﻭﺩﺍﺭ ﺑﺎﻟﺔ ﻋﻠﻰ ﺧﻮﺍﺗﺔ ... ﺍﻧﺘﻲ ﻧﺮﻳﻤﺎﻥ ﺟﺒﻞ . ﻻ ﺗﻬﺰﺝ ﺭﻳﺢ ﻋﺎﺑﺮﺓ ...
ﺍﻟﺪﻧﻴﺎ ﻛﻠﻬﺎ .. ﺧﻞ ﺗﺒﺠﻲ ... ﺑﺲ ﻋﻴﻮﻥ ﻧﻴﻨﺎ ﺍﻟﺮﻗﻴﻘﺔ ... ﻻ ﺗﻨﺰﻝ ﻣﻨﻬﺎ ﺩﻣﻌﺔ .... ﻣﺎﻛﻮ ﺷﻲ ﻣﺎﻟﺔ ﺣﻞ ... ﻭﻻ ﺍﻛﻮ ﺍﻣﺮ ﻳﺒﻘﻰ ﻟﺤﺎﻟﺔ .... ﻟﺘﺨﺎﻓﻴﻦ ﻭﺗﺒﺠﻴﻦ ﻳﺮﻭﺡ ﺍﺑﻮﺝ ﻣﺎﻛﻮ ﺷﻲ ﻣﻴﺘﺼﻠﺢ ....
. ﻛﺎﻡ ﺍﺑﻮﻳﺔ .... ﻭﺩﺧﻞ ﺟﻮﺓ .... ﻭﺭﺍ ﺩﺧﻠﺖ ﺍﻛﻠﺖ ﻟﻜﻤﺘﻴﻦ ..... ﺩﻙ ﺍﻟﺘﻠﻔﻮﻥ ﺣﺴﻴﺖ ﺑﻲ ﺍﻣﺠﺪ ... ﺭﻛﻀﺖ ﻋﻠﻴﺔ ... ﻓﺘﺤﺖ ﺍﻟﺴﻤﺎﻋﺔ ... ﻣﺎﻛﻮ ﺻﻮﺕ ... ﻛﻠﺖ ﺍﻟﻮﻭﻭﻭﻭﻭ .... ﻣﻨﻮﻭﻭ ﻭﺍﻧﻜﻄﻊ ﺍﻟﺨﻂ .... ﻋﺮﻓﺘﺔ ﻫﻮ ﺳﻮﻳﺖ ﻧﻔﺴﻲ ﺍﺣﺠﻲ ﻭﻳﺔ ﻣﻬﺎ ﺻﺪﻳﻘﺘﻲ ... ﻭﻃﺒﻜﺘﺔ .. ﻭﺻﻌﺪﺕ ﻟﻐﺮﻓﺘﻲ .... ﺻﺎﺭﺕ ﻋﻨﺪﻱ ﻋﺎﺩﺓ ﺍﺑﺠﻲ ﻳﻼ ﺍﻛﺪﺭ ﺍﻏﻔﺔ .... ﺍﺣﺲ ﻧﻔﺴﻲ ﺗﻌﺒﺎﻧﺔ ... ﻣﺎﻋﺮﻑ ﻟﻴﺶ ... ﻳﻤﻜﻦ ﺭﻭﺣﻲ ﻫﻲ ﺍﻟﻲ ﺗﻌﺒﺎﻧﺔ ...... ﺍﻟﻰ ﺍﻥ ﻏﻔﻴﺖ ....
ﻛﻌﺪﺕ ﺛﺎﻧﻲ ﻳﻮﻡ ﻟﺮﻭﺗﻴﻦ ﺍﻟﻌﺎﺩﻱ ﺍﻃﻠﻊ ﻣﻦ ﻭﻛﺖ ﻭﺍﺭﺟﻊ ﻭﺭﺍ ﻣﺎ ﺍﺗﺎﻛﺪ ﻓﺮﻗﺎﻥ ﻣﻮ ﺑﺎﻟﺒﺎﺏ . ﺣﺘﻰ ﻣﺎ ﺍﺻﻌﺪ ﻭﻳﺎ ...
ﺍﻟﺨﻴﺎﻁ ﺑﺎﻟﻤﻜﻴﻨﺔ ﺍﻟﻲ ﺍﺷﺘﺮﻳﺘﻬﺎ ﺑﺪﺓ ﻳﺰﻳﺪ ﻭﺍﻟﻨﺎﺱ ﻛﺎﻣﺖ ﺗﻌﺮﻓﻨﻲ .. ﻭﺻﺎﺭﻭ ﻳﺠﻮﻥ ﻧﺴﻮﺍﻥ ... ﺍﻣﻲ ﺗﺎﺧﺬ ﺍﻟﻘﻴﺎﺳﺎﺕ ﻭﺍﻟﻤﻮﺩﻳﻞ ....
ﺟﻨﺖ ﺍﻛﻌﺪ ﻧﻮﺭ ﻳﻤﻲ ... ﻭﺍﻋﻠﻤﻬﺎ ﺧﻴﺎﻁ .... ﻭﻓﺼﺎﻝ ....
ﺻﺮﺕ ﺍﺣﺲ ﻧﻮﺭ ﻛﺒﺮﺕ ..... ﻭﺍﺣﺴﻬﺎ ﺻﺎﻳﺮﺓ ﻣﺜﻠﻲ
ﻭﺻﺎﺭ ﺍﻣﺠﺪ ﻛﻞ ﻳﻮﻣﻴﻦ ﻳﺪﻙ ... ﺍﺫﺍ ﺭﻓﻊ ﺍﺣﺪ ﻏﻴﺮﻱ ﺍﻟﺴﻤﺎﻋﺔ ﻳﺴﺪﺓ .. ﻭﻳﻀﻞ ﻳﺪﻙ ﺍﻟﻰ ﺍﻥ ﺍﻧﻲ ﺍﺭﺩ
ﺑﺲ ﺍﺳﻤﻊ ﺻﻮﺕ ﻧﻔﺴﺔ .... ﻭﻳﺴﺪﺓ ....
ﻣﺮﺕ ﺍﻻﻳﺎﻡ ﻋﻠﻰ ﺭﻭﺗﻴﻦ ... ﻳﺠﻲ ﻓﺮﻗﺎﻥ ﻳﻜﻌﺪ ﺷﻮﻳﺔ ﻭﻳﺮﻭﺡ .... ﻣﺤﺎﻭﻝ ﻳﺘﻘﺮﺏ ... ﻫﻮﺍﻳﺔ ... ﻻﻥ ﻳﻌﺮﻑ ﺑﻴﺔ ... ﻣﺪﺍ ﺍﺗﻘﺒﻞ ﺍﻟﻤﻮﺿﻮﻉ .. ﻣﺤﺐ ﻳﻀﻐﻂ ﻋﻠﻴﺔ ....
ﺭﺟﻊ ﺍﻟﻜﺎﺑﻮﺱ ﻳﻼﺣﻜﻨﻲ .... ﻭﺍﻧﻲ ﺍﺷﻮﻑ ﻋﺮﺑﻴﺪ ﻳﺪﺧﻞ ﻟﺒﻴﺘﻨﺔ ... ﻭﻳﻜﻌﺪ ﺑﻜﺮﺳﻲ ﺍﺑﻮﻳﺔ ... ﻭﺍﻛﻌﺪ ﺍﺗﻌﻮﺫ ﺍﻟﺸﻴﻄﺎﻥ ... ﻭﺍﻗﺮﺍﻟﺔ ﺍﻳﺔ ﺍﻟﻜﺮﺳﻲ ﻭﺍﻧﺎﻡ ....
ﺑﻴﻮﻡ ١٩٨١ / ٢ / ٤
ﺟﻨﺖ ﻛﺎﻋﺪﺓ ﺑﺎﻟﻤﺮﺟﻮﺣﺔ ... ﺑﺲ ﻃﺎﺑﻚ ﻋﻠﻰ ﻧﻔﺴﻲ ﺷﻲ ... ﺟﺎﻧﺖ ﻣﻐﺮﺑﻴﺔ ... ﺍﺗﻌﻮﺫﺕ ﺍﻟﺸﻴﻄﺎﻥ .... ﺟﺎﻥ ﺷﺒﺎﻁ ﺑﺎﺭﺩ .... ﻭﻫﻮ ﺍﺻﻼ ﺷﻬﺮ ﺍﻟﺜﺎﻧﻲ ﻛﺌﻴﺐ ﻭﺣﺰﻳﻦ ... ﺷﻔﺖ ﺍﺑﻮﻳﺔ ﻣﺒﺪﻝ ﻭﻳﺮﻳﺪ ﻳﻄﻠﻊ ...
ﻋﻠﻰ ﺧﻴﺮ ﺑﺎﺑﺎ ... ؟؟؟؟
ﺍﻥ ﺷﺎﺀ ﺍﻟﻠﻪ ﺧﻴﺮ ﺑﻨﻴﺘﻲ ..... ﻃﻤﻨﻲ ﻛﻠﺒﺞ
ﺣﻀﻨﺘﺔ ﻗﻮﻭﻭﻱ ... ﺍﻧﺖ ﺍﺣﻦ ﺷﺨﺺ ﺑﺪﻧﻴﺎ .. ﺷﻤﻴﺘﺔ ﻗﻮﻱ .. ﺑﺎﺑﺎ ﺍﻟﻠﻪ ﻣﻴﺤﺮﻣﻨﺔ ﻣﻨﻚ ....
ﻃﻠﻊ ﺍﺑﻮﻳﺔ .... ﺑﺲ ﺑﻌﺪﻧﻲ ... ﻣﻘﺒﻮﺽ ﻗﻠﺒﻲ ... ﺩﺧﻠﺖ ﺟﻮﺓ ﻭﺑﺪﻳﻨﺔ ﻧﺴﻮﻱ ﻋﺸﺔ ..... ﻛﻤﻠﻨﺔ ﺍﻟﻌﺸﺎ ﻭﺍﺣﻨﺔ ﻧﻨﺘﻀﺮ ﺍﺑﻮﻳﺔ ... ﺻﺎﺭﺕ ﺍﻝ ٩ ﻭﺍﺑﻮﻳﺔ ﻣﺎﻛﻮ .....
ﻣﺎﻣﺎ ﺍﺑﻮﻳﺔ ﻭﻳﻦ ﺭﺍﺡ ......
ﻛﺎﻝ ﻋﻨﺪﻱ ﺷﻐﻠﺔ ....... ﻣﺎﻋﺮﻑ ﻭﻳﻦ ﺭﺍﺡ ....
ﺳﺘﺮﻙ ﻳﺎﺭﺏ .... ﺻﺎﺭﺕ ﺍﻝ ١٠ ... ﻭﺍﺑﻮﻳﺔ ﻣﺎﻛﻮ .. ﻭ١١ ﻭﺍﻝ ١٢ .. ﺑﺲ ﺑﺪﻳﺖ ﺍﺧﺎﻑ ... ﺣﺴﻴﺖ ﻣﺨﻨﻮﻛﺔ ... ﺻﺮﺕ ﺍﺭﻭﺡ ﻭﺍﺟﻲ ﻭﺍﺑﺎﻭﻉ ﻣﻦ ﺍﻟﺸﺒﺎﻙ ........
ﺭﻥ ﺍﻟﺘﻠﻔﻮﻥ ... ﺗﺮﺭﺭﺭﺭﺭﺭﻥ ﺗﺮﺭﺭﺭﺭﺭﺭﺭﻥ .... ﺛﻜﻞ ﻧﻔﺴﻲ ﻭﻭﻭﺭﺟﻠﻲ ﻛﺎﻣﺖ ﻣﺘﺤﻤﻞ ﺛﻜﻞ ﻧﻔﺴﻲ .... ﻣﺸﻴﺖ ﺑﺨﻄﻮﺍﺕ ﺧﺎﻳﻔﺔ ..... ﺭﻓﻌﺖ ﺍﻟﺴﻤﺎﻋﺔ ....
ﺟﺎﻭﺑﺖ ....
ﺍﻟﻮﻭﻭﻭﻭ ... ﺍﺟﺎﻧﻲ ﺻﻮﺕ ﻓﺮﻗﺎﻥ ﻣﺨﻨﻮﻙ ....
ﻧﺮﻳﻤﺎﻥ ... ﻋﻤﻲ ﺷﻮﻳﺔ ﻣﺮﺗﻔﻊ ﺿﻐﻄﺔ ﺍﺣﻨﺔ ﺑﺎﻟﻤﺴﺘﺸﻔﻰ ....
ﻳﻤﺔ ﻋﺰﺯﺓ ﺑﻌﻴﻨﻲ ﺷﺒﻲ ﺍﺑﻮﻳﺔ .... ﻟﻚ ﻓﺮﺭﺭﻗﺎﻥ ﻋﻠﻴﻚ ﺍﻟﻠﻪ ﻋﺎﻳﺶ ... ﺍﻧﺘﻮﻭﻭﻭﻭﻭ ﻭﻳﻴﻦ ..
ﻭﺍﻟﻠﻪ ﻋﺎﻳﺶ ﺍﺣﻨﺔ ... ﺑﻤﺴﺘﺸﻔﻰ ﻋﺪﻧﺎﻥ ﺧﻴﺮ ﺍﻟﻠﻪ .....
ﺳﺪﻳﺖ ﺍﻟﺨﻂ ... ﻭﺭﻭﺣﻲ ﻣﻔﺮﻓﺤﺔ ... ﺣﺴﻴﺖ ﻣﺒﻘﺔ ﺩﻡ ﺑﺠﺴﻤﻲ ... ﻣﺎﻣﺎ ﺍﺑﻮﻳﺔ ﻣﺮﺗﻔﻊ ﺿﻐﻄﺔ .. ﻭﺑﺎﻟﻤﺴﺘﺸﻔﻰ .... ﻳﻼ ﺍﻧﺮﻭﺡ .... ﻃﻠﻌﺖ ﻣﺜﻞ ﺍﻟﻤﺨﺒﻠﺔ ﺩﻛﻴﺖ ﺍﻟﺒﺎﺏ ﻋﻠﻰ ﺍﻟﺠﻴﺮﺍﻥ ﺑﻜﻞ ﻗﻮﻭﻭﻭﺗﻲ ﻣﺒﻄﻠﺖ ﺩﻙ ....
ﻃﻠﻊ ﺍﺑﻮ ﻋﺒﺪ ﺍﻟﻠﻪ ﻣﻬﺒﻮﻁ .... ﺧﻴﺮ ﺑﻮﻳﺔ ﻧﺮﻳﻤﺎﻥ .... ﺷﺠﺮﺍﻟﻜﻢ .....
ﻋﻤﻲ ﺍﻧﻲ ﺑﺮﻛﺒﺘﻚ ﺍﺑﻮﻳﺔ ﺑﺎﻟﻤﺴﺘﺸﻔﻰ ﻭﻣﺎﻋﻨﺪﻱ ﺍﺣﺪ ﻳﻮﺩﻳﻨﻲ .....
ﺩﻗﺎﻳﻖ ... ﻭﺍﻧﻲ ﻳﻤﻜﻢ .. ﺣﻀﺮﻭ ﻧﻔﺴﻜﻢ ...
ﺭﺟﻌﺖ ﻟﻠﺒﻴﺖ ... ﺍﺧﺬﺕ ﺍﻟﻔﻠﻮﺱ ﻭﺑﺪﻟﺖ ﻋﻠﻰ ﺍﻟﺴﺮﻳﻊ ﻭﺍﻣﻲ ﻟﺒﺲ ﻋﺒﺎﻳﺔ ﻋﻠﻰ ﺍﻟﺴﺮﻳﻊ .... ﺍﺗﺼﻠﺖ ﺑﺨﺎﻟﺔ ﻧﺎﺩﻳﺔ ﻭﺑﻠﻐﺘﻬﺎ ﺍﻟﺒﻨﺎﺕ ﻭﺣﺪﻫﻦ ﺑﺎﻟﺒﻴﺖ ﻫﻲ ﺑﻌﺪ ﻋﻠﻴﻨﺔ ﻓﺮﻋﻴﻦ ...
ﻛﺎﻟﺖ ﻫﺴﺔ ﺟﺎﻳﻬﻴﻦ ﺍﻧﻲ ﻭﺍﺑﻮ ﺟﻤﺎﻝ ﻧﺎﺧﺬﻫﻦ ﻳﻤﻨﺔ ﺑﻠﻐﺘﻬﻦ ﻭﻗﻔﻠﻦ ﺍﻟﺒﺎﺏ ﻭﺭﺍﻧﺔ ... ﻭﻃﻠﻌﺖ ﻟﻜﻴﺖ ﺍﺑﻮ ﻋﺒﺪ ﺍﻟﻠﻪ ﻳﻨﺘﻀﺮﻧﺔ ... ﺭﻛﺒﻨﺔ ﻭﺍﺗﻮﺟﻬﻨﺎ ﻟﻠﻤﺴﺘﺸﻔﻰ .... ﺍﻟﻄﺮﻳﻖ ﻛﻠﺔ ﻭﺍﻧﻲ ﺍﺭﺩﺩﺩ ...
. ﻻ ﺍﻟﻪ ﺍﻻ ﺍﻧﺖ ﺳﺒﺤﺎﻧﻚ ﺍﻧﻲ ﻛﻨﺖ ﻣﻦ ﺍﻟﻀﺎﻟﻤﻴﻦ ...
ﻻ ﺍﻟﻪ ﺍﻻ ﺍﻧﺖ ﺳﺒﺤﺎﻧﻚ ﺍﻧﻲ ﻛﻨﺖ ﻣﻦ ﺍﻟﻀﺎﻟﻤﻴﻦ ......
ﻭﺻﻠﻨﻬﺎ ﻭﺍﻧﻲ ﻣﺜﻞ ﺍﻟﻤﺨﺒﻠﺔ ﺍﺭﻛﺾ ﺑﺎﻟﻤﻤﺮﺍﺕ ﻭﺍﺳﺄﻝ ﺍﺧﻴﺮ ﺷﻲ ﺷﻔﺖ ﻓﺮﻗﺎﻥ ... ﺭﺣﺖ ﻋﻠﻴﺔ ﺭﻛﺾ .....
ﻓﺮﻗﺎﻥ ﺟﺎﻥ ﻛﺎﻋﺪ ﻭﻣﺨﻠﻲ ﺍﻳﺪﻱ ﻋﻠﻰ ﺭﺍﺳﺔ ....
ﻓﺮﻗﺎﺍﺍﺍﻥ ﺍﺑﻮﻳﺔ ﻭﻳﻨﺔ ....
ﺑﺎﻟﻌﻤﻠﻴﺎﺕ .....
ﻛﻌﺪﺕ ﺑﺎﻟﻜﺎﻉ ﻟﻲ .. ﻟﻴﻴﺶ ﺑﺎﻟﻌﻤﻠﻴﺎﺕ ..... ؟؟؟؟ ﺟﻠﻄﺔ ﻣﻮﻭﻭ ....
ﺍﻳﻴﻲ ...
ﺭﺟﻌﺖ ﺑﻴﺔ ﺍﻟﺬﻛﺮﻳﺎﺕ ﻣﻦ ﺳﺎﻓﺮ ﺧﺎﻟﺪ ﻭﺍﻧﺠﻠﻂ ﺍﺑﻮﻳﺔ ... ﺭﺟﻌﺖ ﻧﻔﺲ ﺍﻟﻐﺼﺔ ... ﺍﺗﺬﻛﺮﺕ ﻣﻦ ﻛﺎﻝ ﺍﻟﺪﻛﺘﻮﺭ ﺍﺫﺍ ﺻﺎﺭﺕ ﻋﻨﺪﺓ ﺍﺯﻣﺔ ﻗﻠﺒﻴﺔ ﻣﺮﺓ ﺛﺎﻧﻴﺔ ... ﺍﺣﺘﻤﺎﻝ ﺿﺌﻴﻞ ﻳﻨﺠﻮ ﻣﻨﻪ ...... ﺭﺑﻲ ﺩﺧﻠﻴﻚ .... ﻻﺗﻜﺴﺮ ﺿﻬﺮﻱ ... ﺭﺑﻲ ﺍﺧﺬﻧﻲ ﺍﻧﻲ ﻭﺧﻠﻲ ﻳﻌﻴﺶ .... ﺭﺑﻴﻴﻴﻲ ﺩﺧﻴﻠﻚ ... ﻟﺘﺨﻠﻴﻨﺔ ﺑﺪﻭﻧﺔ ... ﺭﺑﻲ ﻟﺘﻴﺘﻤﺔ ... ﻳﺎﺭﺏ . ﻫﻮ ﻋﺎﻣﻮﺩ ﺍﻟﺒﻴﺖ ﻳﻨﻬﺪﻡ ﻋﻠﻴﻨﺔ ﺑﻠﻴﺎ ....... ﺍﺷﻮﻑ ﺍﻣﻲ ﻻﺑﺖ ﺭﻭﺣﻬﺎ ﻭﻫﻲ ﺗﺒﺠﻲ ... ﻭﺍﻧﻲ ﺍﺩﻣﻮﻋﻲ ﻣﺪﻳﻨﺸﻔﻦ ﻛﻤﺖ ...
ﻃﻠﻊ ﺍﺑﻮﻳﺔ ﻣﻦ ﺍﻟﻌﻤﻠﻴﺎﺕ .... ﻭﺩﻭ ... ﻟﻼﻧﻌﺎﺵ .... ﻃﻠﻊ ﺍﻟﺪﻛﺘﻮﺭ ...
ﺭﻛﻀﺖ ﻋﻠﻴﺔ .
. ﺩﻛﺘﻮﺭ ... ﺷﺒﻴﻲ ﻭﺍﻟﺪﻱ ...
ﻳﺎ ﺍﻧﺴﺔ ﻭﺍﻟﺪﺝ ﻣﺘﻌﺮﺽ ﻝ ٣ ﺟﻠﻄﺎﺕ ﻛﻠﺶ ﻗﻮﻳﺔ ... ﺳﻮﻳﻨﺔ ﺍﻟﻲ ﻋﻠﻴﻨﺔ ﻭﺍﻟﺒﺎﻗﻲ ﺑﻴﺪ ﺭﺑﻲ ... ﺍﺩﻋﻮﻟﺔ ﻋﺴﻰ ﻭﻟﻌﻞ ﺍﻟﺪﻋﺎﺀ ﻳﻐﻴﺮ ﺍﻟﺤﺎﻝ .... ﺍﻧﻬﺪ ﺣﻴﻠﻲ ... ﻣﻦ ﻛﺎﻝ ﻫﻴﺞ ﺍﻟﺪﻛﺘﻮﺭ ... ﺭﺟﻠﻲ ﺑﺎﺩﺕ ﻭﻣﺎﻋﺪﺕ ﺍﺗﺸﻴﻠﻨﻲ
......
ﻣﺸﺔ ﺍﻟﺪﻛﺘﻮﺭ .. ﻣﻦ ﻳﻤﻨﺔ ... ﻭﺍﻧﻲ ﻛﺎﻋﺪﺓ ﺑﺎﻟﻜﺎﻉ .... ﺍﺣﺲ ﺩﻣﺎﻏﻲ ﺛﻜﻞ ... ﻭﺻﺎﺭ ﺭﺍﺳﻲ ﺍﺛﻜﻞ ﻣﻦ ﺟﺴﻤﻲ ....
.
ﺣﺎﺟﻴﺖ ﻓﺮﻗﺎﻥ ﺑﺘﻌﺐ ﻭﺩﻣﻮﻉ ﺗﺠﺮﻱ ..... ﺷﺒﻲ ﺍﺑﻮﻳﺔ ... ﻫﻮ ﻣﻴﺼﻌﺪ ﺿﻐﻄﺔ ﻭﻳﺼﻴﺮ ﺣﺎﻟﺔ ﻫﻴﺞ .. ﺍﻟﺔ ﻣﻘﻬﻮﺭ ﻗﻬﺮﺓ ﻗﻮﻳﺔ .... ﺍﺑﻮﻳﺔ ﻭﻳﻦ ﺟﺎﻥ ﻓﺮﻗﺎﻥ ﻭﻟﺘﻘﻴﺖ ﺑﻲ ...
ﻧﺮﻳﻤﺎﻥ ﻋﻤﻲ ﺍﺗﺼﻞ ﺑﻴﺔ ﻭﺟﺎﻥ ﻭﺍﻛﻒ ﻳﻢ ﻛﺎﺑﻴﻨﺔ ﺗﻠﻔﻮﻥ ﻋﺎﻡ ﻭﻛﺎﻝ ﺗﻌﺎﻝ ﺍﺧﺬﻧﻲ ..... ﻣﻦ ﺭﻛﺐ ﻭﻳﺎﻳﺔ ﺑﺴﻴﺎﺭﺓ .. ﺟﺎﻥ ﻣﻘﻬﻮﺭ ﻭﺟﻬﺔ ﺍﺣﻤﺮﺭ ... ﺳﺄﻟﺘﺔ ... ﺷﺒﻴﻚ ﻋﻤﻲ .... ﻭﻳﻦ ﺟﻨﺖ ﻛﺎﻝ ﺟﻨﺖ ﺍﺣﺠﻲ ﻭﻳﺔ ﺍﻣﺠﺪ .....
ﻗﺎﻃﻌﺘﺔ ﺍﻣﻴﻲ ... ﺑﺲ ﺍﻣﺠﺪ ﻣﺴﺎﻓﺮ !!!.. ؟؟؟؟
ﺍﺍﺍ ﻭﺍﺍﻟﻠﻪ ﻣﺎﺍﺍﺩﺭﻱ ﺑﻌﺪ ﻫﻮ ﻫﻴﺞ ﻛﺎﻟﻲ ....
ﺿﻠﻴﺖ ﺍﻓﻜﺮ ﺷﻜﺎﻝ ﺍﻣﺠﺪ ﻻﺑﻮﻳﺔ ﻭﺧﻼ ﻫﻴﺞ ﻳﺼﻴﺮ ﺑﻲ ....
ﺷﻨﻮ ﺍﻟﻲ ﺍﺫﻧﺒﺖ ﺑﻲ ﻳﺎﺭﺑﻲ ... ﺣﺘﻰ ﻫﻴﺞ ﻳﺴﻮﻱ ﺑﻴﺔ ﺍﻣﺠﺪ .... ﻧﻬﻀﺖ ﻭﺍﻧﻲ ﺍﻧﺘﺠﻲ ﻋﻠﻰ ﺍﻟﺤﺎﻳﻂ ... ﺭﺣﺖ ﻭﺻﻠﺖ ﻏﺮﻓﺔ ﺍﻻﻧﻌﺎﺵ ... ﻭﺑﺎﻭﻋﺖ ﻣﻦ ﺍﻟﺠﺎﻣﺔ ... ﺟﺎﻥ ﺍﺑﻮﻳﺔ ﺑﻨﻮﻣﺔ ﻋﻤﻴﻴﻴﻴﻘﺔ ... ﻭﻋﻠﻰ ﺻﺪﺭﺓ ﺍﺟﻬﺰﺓ .... ﻭﺣﺎﻃﻴﻠﺔ ﺟﻬﺎﺯ ﺗﻨﻔﺲ ...
ﺍﺣﺎﺟﻲ ﺑﺪﺍﺧﻠﻲ .... ﺑﺎﺑﺎ ﻓﺪﻭﺓ ... ﻓﺘﺢ ﻋﻴﻮﻧﻚ ... ﺣﺒﻴﺒﻲ ﺍﻧﺖ ﻓﺘﺢ ﻭﺍﺭﺟﻊ ﺍﻟﻨﺔ ﺍﺣﻨﻪ ﺑﺤﺎﺟﺘﻚ .... ﺍﻧﻲ ﺑﻨﻴﺔ ﺑﺎﺑﺎ ﻣﻮ ﻭﻟﺪ ﺣﺘﻰ ﺗﻌﻮﻓﻨﻲ ﻭﺣﺪﻱ .... ﺍﺷﻬﻚ .. ﻭﺩﻣﻮﻋﻲ ﻣﺪﺗﻮﻛﻒ .... ﺟﺎﻧﺖ ﺍﻣﻲ ﻭﺍﻛﻔﺔ ﻳﻤﻲ ﺗﺒﺠﻲ ﺑﺘﻮﺳﻞ ... ﻭﻋﻴﻮﻧﻬﺎ ﺍﻟﻲ ﺗﺤﺠﻲ ... ﻭﺩﻣﻮﻋﻬﺎ ﺗﺴﺘﻨﺠﺪ ....
ﻭﺭﺓ ﺳﺎﻋﺎﺕ ﻭﺍﻧﻲ ﻭﺍﻛﻔﺔ ﻋﻠﻰ ﺍﻟﺠﺎﻣﺔ ... ﻭﺍﺣﺠﻲ ﻭﻳﺔ ﺍﺑﻮﻳﺔ .... ﺭﻛﺰﺕ ﺷﻔﺖ ﺗﻨﻔﺴﺔ ﻏﺮﻳﺐ ... ﺭﻓﻌﺖ ﻋﻴﻨﻲ ﺷﻔﺖ ﺟﻬﺎﺯ ﺍﻟﻘﻠﺐ ﺑﺪﺕ ﺩﻛﺎﺗﺔ ... ﺗﺘﺨﺮﺑﻂ .... ﺑﻌﺪﻳﻦ ﺑﺪﺕ ﺍﺗﻘﻞ ....
ﺍﻧﺠﻨﻴﻴﻴﻴﺖ ﺻﺮﺕ ﺍﻋﻴﻴﻴﻂ ﻣﺜﻞ ﺍﻟﻔﺎﻛﺪﺓ ﻋﻘﻞ ....
ﺍﻟﺤﻜﻮﻟﻲ ... ﺍﻟﺤﻜﻮﻟﻴﻲ ﺭﺍﺡ ﻳﻤﻮﻭﻭﻭﻭﺕ ﺭﺍﺍﺍﺍﺍﺡ ﻳﻤﻮﺕ ...
ﻣﻦ ﺗﻔﺮﻓﺢ ﺭﻭﺣﻲ ... ﺻﺮﺕ ﺍﻛﻤﺰﺯﺯ ﻭﺍﻟﻄﻢ .....
ﻭﺭﺓ ﺛﻮﺍﻧﻴﻲ ......
___________________________
ﺗﻮﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﺕ ....
ﻭﻛﻒ ﻛﻠﺒﺔ .... ﻭﻫﻢ ﻳﺴﻌﻘﻮﻥ ﺑﻲ .. ﻭﻭﺍﻟﺨﻂ ﻣﺮﺍﺿﻲ ﻳﺘﻌﺮﺝ ... ﺑﻘﺔ ﻋﺪﻝ .......
ﻭﻛﻒ ﻛﻠﺐ ﺍﺑﻮﻳﺔ ﻭﻛﻜﻜﻔﺖ ﻭﻳﺎ ﺍﻟﺴﺎﻋﺔ .... ﻭﺍﻟﺰﻣﻦ ﻭﺍﻟﻔﺮﺡ ... ﻛﻠﺸﻲ ﻭﻛﻒ ﻭﺍﻧﺘﻬﻰ ...... ﺣﺴﻴﺖ ﺿﻬﺮﻱ ﺍﺣﺪ ﻛﺴﺮﺓ ... ﺑﺤﻴﺚ ﺭﺟﻠﻲ ﺍﻧﺜﻨﺖ ﻋﻠﻰ ﺍﻟﻜﺎﺍﺍﻉ ... ﺑﻌﺪﻳﻦ ... ﺻﺎﺭﺕ ﻭﺷﺔ ﺑﺎﺫﻧﻲ ... ﻭﺻﺎﺭﺕ ﺍﻟﺪﻧﻴﺎﺍﺍ ﺣﺎﺭﺓ ... ﻭﺍﻟﺘﺤﻔﻨﻲ ﺍﻟﺴﻮﺍﺩ ....... ﺍﺧﺬﻧﻲ ﻭﻳﺎ ﻳﺎﺭﺏ ....
•
•
•
•
ﺟﻨﺖ ﻛﺎﻋﺪﺓ ... ﺑﺎﻟﻨﺴﻮﺍﻥ ... ﻭﺍﻟﻜﻞ ﻻﺑﺲ ﺍﺳﻮﺩ ..... ﺟﻨﺖ ﺍﻏﻴﺐ ﻋﻦ ﺍﻟﻌﺎﻟﻠﻠﻢ ... ﻭﺍﺣﺲ .. ﺍﻟﺪﻧﻴﺎﺍﺍ ﻭﻛﻔﺖ ﻻ ﺻﻮﺕ ﻻ ﺣﺮﻛﺔ ... ﺍﻱ ﺷﻲ ﻣﺎﻛﻮ ﺑﺠﻨﺒﻲ .... ﺩﻣﻮﻋﻲ ﻳﻨﺰﻟﻦ ﺑﺲ ﺑﺪﻭﻥ ﺻﻮﺕ .... ﺍﻟﻌﺒﺮﺓ ﺧﺎﻧﻜﺘﻨﻲ .... ﻳﺮﺟﻌﻠﻲ ﻭﻋﻴﻲ ... ﺍﺑﺎﻭﻉ ﺍﺷﻮﻑ ﻧﻮﺭ ... ﻧﺎﻳﻤﺔ ﺑﺤﻀﻦ ﺍﻣﻲ .... ﻭﺗﺒﺠﻲ ... ﻭﻳﺎﺳﻤﻴﻦ ﺧﺎﺗﻠﺔ ﺑﺼﻔﻬﻢ ....
ﺯﻳﻦ ﺍﻧﻲ ﻣﻨﻮ ﺍﻟﻲ .... ﺑﺎﺑﺎ ... ﺑﺎﺑﺎ ﻋﻔﺘﻨﻨﻲ ... ﻭﺣﺪﻱ ﻟﻴﻴﻴﺶ .... ﺑﻌﺪﻧﻲ ﺻﻐﻴﺮﺓ ﻭﺍﻟﻠﻪ ﺻﻐﻴﺮﺓ ﻋﻠﻴﺘﻢ ﻳﺎﺭﺑﻲ ... ﻣﺎﻋﻨﺪﻱ ﻏﻴﺮ ﺍﺑﻮﻳﺔ .... ﺭﺟﻌﺘﻠﻲ ﺣﺎﻟﺘﻲ ﺍﻟﻬﺴﺘﻴﺮﻳﺔ .... ﻭﺻﺮﺕ ﺍﺿﺮﺏ ﺑﻨﻔﺴﻲ ﻗﻮﻭﻭﻭﻱ .. ﺍﻟﻰ ﺍﻥ ﻳﻐﻤﻰ ﻋﻠﻴﺔ ..... ﺻﺎﺭ ﺛﺎﻟﺖ ﻳﻮﻡ .... ﻭﺍﻧﻲ ﻗﻮﺗﻲ ﺧﺎﺍﺭﺕ ... ﺻﻮﺗﻲ ﻣﻴﻄﻠﻊ .... ﺭﺟﻌﻨﻲ ﻟﻠﻌﺎﻟﻢ .. ﺻﻮﺕ ﺧﺎﻟﺘﻲ .... ﻭﻫﻲ ﺗﺒﺠﻲ .. ﻭﺍﻣﻲ ﺣﺎﺿﻨﺘﻬﺎﺍﺍ .... ﺍﺗﻜﻠﻠﻬﺎ ﺍﻣﺠﺪ ﺑﺮﺓ ﻳﺮﻳﺪﺝ ... ﺣﺴﻴﺖ ﺭﺟﻌﺖ ﻟﻮﻭﻋﻴﻲ ..... ﺻﺎﺭﺕ ﺑﻴﺔ ﻛﻞ ﺍﻟﻘﻮﺓ ... ﺍﻟﻲ ﻣﺴﺘﻌﺪﺓ ﺑﻴﻬﺎ ﺍﻗﺘﻞ ﺍﻣﺠﺪﺩ .... ﺭﻛﻀﺖ ﻣﺜﻞ ﺍﻟﻬﺎﺟﺮﺓ .... ﺭﻛﻀﺖ ﻋﻠﻴﺔ ... ﺟﺎﻥ ﻭﺍﻛﻒ ﺑﺎﻟﻄﺮﻣﺔ ... ﺷﺎﻓﻨﻲ ... ﻭﺩﻧﺞ
.....
ﺻﺮﺕ ﺍﺻﺮﺭﺭﺭﺭﺥ ﻟﻠﻠﻠﻠﻠﻴﺶ .... ﺍﻣﺠﺪﺩﺩﺩ ﻟﻴﻴﻴﻴﺶ ﺣﺮﺭﺭﺭﺭﺭﻣﺘﻨﻲ ﻣﻦ ﺍﺑﻮﻳﺔ ..... ﺷﻨﻮﻭﻭ ﻛﺘﻠﺔ .... ﺑﺲ ﻛﻮﻭﻭﻭﻭﻟﻲ ﺷﻨﻮﻭﻭ ﻛﺘﺘﻠﻠﻠﺔ .. ﺧﻠﻴﺘﺔ ﻳﻤﻮﻭﻭﻭﺕ .... ﺻﺮﺕ ﺍﺿﺮﺏ ﺑﻲ ﻭﻫﻮ ﻳﺮﺟﻊ ... ﻭﺍﻧﻲ ﻣﻨﻬﺎﺭﺓ ﻻﻧﻦ ﺣﺒﻴﺘﻚ .... ﺍﻧﺘﻘﻤﺘﺘﺖ ﻣﻨﻲ ... ﺟﺎﻥ ﺫﺑﺤﺘﻨﻲ ... ﺍﻟﻴﻴﻴﻴﻲ .... ﻟﺰﻡ ﺍﻳﺪﻱ ﻭﺍﻧﻲ ﺍﺿﺮﺏ ﻋﻠﻰ ﺻﺪﺭﺓ .... ﺑﻜﻞ ﻣﺎﻋﻨﺪﻱ ﻣﻦ ﻗﻮﺓ ... ﺟﺮﻧﻲ ﻗﻮﻭﻱ ﻭﺣﻀﻨﻴﻲ .... ﺩﻓﻨﺖ ﻭﺟﻬﻲ ﺑﻘﻤﻴﺼﺔ ... ﻭﺻﺮﺭﺕ ﺍﺷﻬﻚ ..
. ﺑﻜﻞ ﻗﻮﺗﻲ .... ﻃﻠﻌﺖ ﻛﻞ ﺍﻟﻌﺒﺮﺍﺕ ﺍﻟﻲ ﺍﻧﻜﺒﺴﻦ ﺑﺼﺪﺭﻱ ....
ﺍﻟﻰ ﺍﻥ ﺣﺴﻴﺖ ﻧﻔﺴﻲ ﺻﺮﺕ ﺧﻔﻴﻔﺔ ... ﻭﺍﺫﻧﻲ ﻭﺷﺖ ....
ﻛﻌﺪﺕ .. ﻟﻜﻴﺖ ﺭﻭﺣﻲ ﺑﺎﻟﻐﺮﻓﺔ ... ﻣﺎﻟﺘﻲ ... ﻭﻧﻮﺭ ﻳﻤﻲ ....
ﺟﺎﻧﺖ ﻭﺍﻛﻔﺔ ﺑﺎﻟﺸﺒﺎﻙ ﻣﺎﻟﺖ ﺍﻟﻐﺮﻓﺔ ... ﺻﺤﺖ ﻋﻠﻴﻬﺎ ﻭﺭﺍﺳﻲ ﺛﻜﻴﻴﻞ ... ﻧﻮﻭﻭﺭ ...
ﻫﺎﺍﺍﺍﺣﺒﻴﺒﺘﻲ .. ﻛﻌﺪﺗﻲ ....
ﺳﺎﻋﺔ ﺑﻴﺶ ...
ﺑﺎﻻﺭﺑﻌﺔ ﺍﻟﻔﺠﺮ
ﻭﺍﻧﻲ ﺷﺼﻌﺪﻧﻲ ﻫﻨﺎ ﻭﺷﻮﻛﺖ ﻧﻤﺖ ....
ﺑﻌﺪ ﻣﺎ ﺿﺮﺑﺘﻲ ﺍﻣﺠﺪ ..... ﺑﻬﺴﺘﻴﺮﻳﺔ .... ﻓﻘﺪﺗﻲ ﺍﻟﻮﻋﻲ ...
ﻭﺷﺎﻟﺞ ﻭﺻﻌﺪﺝ .. ﻟﻬﻨﺎ ....
ﻣﻦ ﻳﺎ ﺳﺎﻋﺔ .. ﻣﻦ ﺍﻝ ٥ ﺍﻟﻌﺼﺮ ...
ﺑﻌﺪ ﻟﺠﻴﺒﻴﻦ ﺳﻴﺮﺗﺔ ﻋﻠﻰ ﻟﺴﺎﻧﺞ ...
ﻧﺮﻳﻤﺎﻥ ﺍﻣﺠﺪ ﻳﻜﻮﻝ ﻻﻣﻲ .. ﻫﻮ ﺍﺑﺪ ﻣﺤﺎﺟﻲ ﻭﻳﺔ ﺍﺑﻮﻳﺔ ...
ﻛﺬﺍﺍﺏ .... ﻟﺘﺼﺪﻛﻮﻭ ...
ﺍﻧﺘﻲ ﺷﻤﺪﺭﻳﺞ ... ﻳﺠﻮﺯ ﻓﺮﻗﺎﻥ ﻣﻔﺘﻬﻢ ﻏﻠﻂ ... ﻟﻮﻳﺮﻳﺪ ﻳﺎﺫﻳﺞ .. ﺟﺎﻥ ﻛﺎﻝ ﻻﺑﻮﻳﺔ ﺍﻭﻝ ﻣﺴﺎﻓﺮ ﻣﻦ ﻳﻮﻡ ﺧﻄﺒﺘﺞ ... ﺑﻌﺪﻳﻦ ﻫﻮ ﺳﺎﻓﺮ ﻭﻋﺎﻓﺞ ﺍﺗﻜﻤﻠﻴﻦ ﺣﻴﺎﺗﺞ ... ﻟﻴﺶ ﻳﺎﺫﻳﺞ ﺑﺎﺑﻮﻳﺔ ....
ﻣﺎﻋﺮﻑ ﻧﻮﺭ ﺑﺲ ﻫﺬﺍ ﺍﻟﺸﺨﺺ ﺍﻧﻲ ﻣﺎﻋﻨﺪﻱ ﺛﻘﺔ ﺑﻲ ...
ﻣﻨﻮ ﻳﻤﻨﻪ
ﻣﺤﺪ ﺍﻟﻴﻮﻡ ﻛﻠﻬﻢ ﻣﺸﻮﻭ ﻟﺒﻴﻮﺗﻬﻢ ..
ﻛﻤﺖ ﺍﺗﻮﺿﻴﺖ ﻭﺿﻠﻴﺖ ﺭﻛﻌﺘﻴﻦ ... ﺳﻠﻤﺖ ﺭﻓﻌﺖ ﺍﻳﺪﻱ ...
ﻳﺎﺟﺒﺮ ﺍﻟﺨﻮﺍﻃﺮ ... ﺍﺟﺒﺮﻧﺎ ﺟﺒﺮﺍﺍ ﻳﻠﻴﻖ ﺑﺮﺣﻤﺘﻚ ... ﺟﺒﺮﺍ ﻳﺘﻌﺠﺐ ﻟﻪ ﺍﻫﻞ ﺍﻻﺭﺽ ﻭﺍﻫﻞ ﺍﻟﺴﻤﺎﺀ .....
. ﻧﺰﻟﺖ ﺟﻮﺓ ﻭﺍﻟﺤﺰﻥ ﻣﺎﻛﻠﻨﻲ ... ﺷﻔﺖ ﺍﻣﻲ ﻛﺎﻋﺪﺓ ﺗﺒﺠﻲ ﻭﺿﻬﺮﻫﺔ ﻣﺤﻨﻲ .. ﻭﻛﺘﻬﺎ ﻋﺮﻓﺖ ﺍﻧﻮ ﺍﻧﻲ ﻻﺯﻡ ﺍﺻﻴﺮ ﺍﻻﺏ ﻭﺍﻻﺥ ..
ﻻﺯﻡ ﺍﻗﻮﻯ ﻋﻠﻰ ﻣﻮﺩ ﺍﻣﻲ ﻣﺎ ﺍﺗﺤﻤﻞ ﺧﺴﺎﺭﺗﻬﺎ ﻫﻲ ﻫﻢ ...
ﻫﺎ ﻣﺎﻣﺎ ..
ﻫﺎ ﺣﺒﻴﺒﺘﻲ ...
ﻟﻴﺶ ﻣﻨﺎﻳﻤﺔ ...
ﻣﺴﺘﺎﺣﺸﺔ ﻣﻦ ﺍﻟﻐﺮﻓﺔ .. ﻭﺍﻟﺒﻴﺖ ﻣﺎﺑﻲ ﺭﺟﺎﻝ ... ﻣﻮ ﻣﺎﻝ ﺍﻧﺎﻡ ﻭﺍﻧﺘﻮ ﺑﻐﺮﻓﻜﻢ .. ﻧﺎﻳﻤﻴﻦ ...
ﺍﻱ ﻫﻢ ﺻﺪﻙ ﺗﻌﺎﻟﻮ ﻛﻠﻨﺔ ﺍﻧﺎﻡ ﻫﻨﺎ ... ﺑﺎﻟﻬﻮﻝ ...
ﺻﺤﺖ ﻧﻮﺭ ﺟﺒﻨﺔ ﻓﺮﺍﺵ ﺍﻟﻰ ﻭﻟﻴﺎﺳﻤﻦ ﻭﻻﻣﻲ ﻭﻟﻨﻮﺭ ...
ﻭﻧﻤﻨﺔ ﻭﺣﺪﺓ ﺑﺼﻒ ﺍﻟﺦ ... ﺣﺴﻴﻨﺔ ﺑﻼﻣﺎﻥ .... ﻛﻌﺪﺕ ﺍﻟﺼﺒﺢ ﻟﻜﻴﺖ ... ﻧﻮﺭ ﺑﺎﻟﻤﻄﺒﺦ ﺗﺴﻮﻱ ﺭﻳﻮﻙ ... ﺍﻧﻘﻬﺮﺕ ﻋﻠﻴﻬﺎﺍ ... ﺗﺮﻳﺪ ﺗﺮﺟﻊ ﺍﺗﻠﻤﻨﺔ ... ﻫﻲ ﻫﻢ ﺧﻄﻴﺔ ...
ﻫﻲ ﻫﻢ ﺧﻄﻴﺔ ...
ﻛﻤﺖ ﻏﺼﺐ ﻋﻨﻲ ﻭﻳﺎﻫﺎ ... ﺍﻭﻝ ﻣﻄﻠﻌﺖ ﺷﻔﺖ ﻛﺮﺳﻲ ﺑﺎﺑﺎ ﺻﺎﺭ ﻣﻘﺎﺑﻴﻠﻲ ... ﻭﺍﻟﺮﺍﺩﻳﻮ ﺍﻟﻴﻮﻡ ﻃﺎﻓﻲ ... ﺭﺟﺖ ﺩﻣﻮﻋﻲ ﺗﻨﺰﻝ .... ﺭﺣﺖ ﻏﺴﻠﺖ ﻭﺟﻬﻲ ... ﻭﺳﺎﻋﺪﺕ ﻧﻮﺭ ﺑﺎﻟﺮﻳﻮﻙ ... ﺟﺒﻨﺎ ﻭﻛﻌﺪﺕ ﺍﻣﻲ .. ﻭﻳﺎﺳﻤﻴﻦ ... ﺍﻛﻠﻨﺔ ﻛﻞ ﻭﺣﺪﺓ ﻟﻜﻤﺘﻴﻦ ﺣﺘﻰ ﻧﻜﺪﺭ ﻧﻌﻴﺶ ....
.....
ﺻﺎﺭﺕ ﺍﻻﻳﺎﻡ ﺍﺗﻤﺮ .. ﻭﻛﻤﻞ ١٠ ﺍﻳﺎﻡ ﻋﻠﻰ ﻭﻓﺎﺓ ﺍﺑﻮﻳﺔ ... ﺍﻟﻨﺎﺱ ﺑﻌﺪ ﻣﺤﺪ ﻳﺠﻲ ... ﺑﺲ ﺍﻟﺒﻴﺖ ﺣﺰﺯﺯﻳﻦ ﻭﺍﺣﺲ ﺍﻟﺤﺰﻥ ﻳﺎﻛﻠﻨﻲ .... ﻣﻦ ﺍﻟﺪﺍﺧﻞ ... ﻣﺎﻣﺮﺕ ﻋﻠﻴﺔ ﻟﻴﻠﺔ ﺍﻻ ﻭﺍﻧﻲ ﻣﺒﺒﻠﺔ ﺍﻟﻤﺨﺪﺓ .... ﺻﺮﻧﺔ ﺍﻧﺎﻡ ﺑﺎﻟﻬﻮﻝ ﺍﺭﺑﻌﺘﻨﺔ ... ﻫﻴﺞ ﻳﻼ ﺻﺮﻧﺔ ﻧﻜﺪﺭ ﺍﻧﺎﻡ .... ﺟﺎﻥ ﻓﺮﻗﺎﻥ ﻳﻮﻣﻴﺔ ﻳﺠﻲ ... ﻭﻳﺘﺼﻞ .... ﺑﺲ ﻭﻻ ﻣﺮﺓ ﺣﺠﻴﺖ ﻭﻳﺎﺍ ...
ﻣﺮﺕ ﺍﻻﻳﺎﻡ .. ﻭﺍﻟﺤﺮﺏ ﺍﺷﺘﺪﺕ ... ﻭﺑﻐﺪﺍﺩ ﺻﺎﺭﺕ ﺗﺪﺧﻞ ﻏﺎﺭﺍﺕ ...
ﺭﺟﻌﺖ ﻟﻠﺮﻭﺿﺔ .. ﻟﻜﻴﺖ .. ﺟﺎﻳﺒﻴﻦ ﻭﺣﺪﺓ ﺍﺑﺪﺍﻟﻲ ...
ﺍﻟﺘﻤﺖ ﻋﻠﻴﺔ ﻣﻦ ﻛﻞ ﺷﻲ ... ﻣﺮ ﺷﻬﺮ ﻋﻠﻰ ﻭﺍﻓﺎﺓ ﺍﺑﻮﻳﺔ ... ﻣﺪﻧﻜﺪﺭ ﻧﺮﺟﻊ ﻃﺒﻴﻌﻴﻦ ... ﻛﻠﻨﺔ ﻧﺒﺠﻲ .. ﻭﺍﻟﺤﺰﻥ ﻣﺨﻴﻢ ﻋﻠﻰ ﺍﺟﺰﺀ ﺑﻴﺘﻨﺔ ....... ﺟﺎﻧﻮ ﺍﻟﺠﻴﺮﺍﻥ ﻳﺰﻭﺭﻭﻧﺔ ....
ﺣﺠﻴﺖ ﻛﺪﺍﻡ ﻭﺣﺪﺓ ﻣﻦ ﺟﻮﺍﺭﻳﻨﺔ ﻋﻠﻰ ﺷﻐﻞ ﻭﻛﺎﻟﺖ ﺗﺸﺘﻐﻠﻴﻦ ﺑﺎﻻﻭﺭﺯﺩﻱ ....
ﻃﺒﻌﺎﺍﺍ ﺧﺎﻟﺔ .. ﻋﻠﻮﻯ ...
ﺑﺎﺟﺮ .. ﺭﻭﺣﻲ .. ﺍﺳﺄﻟﻲ ﻋﻠﻰ ﺍﺑﻮ ﻣﺤﻤﺪ ﺍﻟﺮﺍﻭﻱ ... ﻭﻛﻮﻟﻴﻠﺔ ﺍﻧﻲ ﻣﻦ ﻃﺮﻑ ﺳﻌﺎﺩ ﺣﻤﻴﺪ ﺍﻟﺮﺍﻭﻱ .... ﻭﺍﻧﻲ ﻣﻦ ﺍﺭﺟﻊ ﺍﻧﻄﻲ ﺧﺒﺮ
..
ﺗﺴﻠﻤﻴﻦ ﺧﺎﻟﺔ ....
ﺻﺎﺭ ﺛﺎﻧﻲ ﻳﻮﻡ ﻭﻣﺜﻞ ﻣﻜﺎﻟﺘﻠﻲ ﺳﻮﻳﺖ .. ﻭﻓﻌﻼ ﺟﺎﻥ ﺧﻮﺵ ﺭﺟﺎﻝ ... ﻭﺧﻼﻧﻲ ﻋﻠﻰ ﻗﺴﻢ ﻣﻼﺑﺲ ﺍﻟﻨﺴﺎﺋﻴﺔ ...
ﻭﺍﻟﺮﺍﺗﺐ ﺟﺎﻥ ﻧﻌﻤﺔ ... ﻣﺸﻴﺖ ﺑﻤﻌﺎﻣﻠﺔ ﺗﻘﺎﻋﺪ ﺍﺑﻮﻳﺔ .. ﺻﺢ ﻗﻞ .. ﺑﺲ ﻳﻄﻠﻌﻠﻨﺔ ﺗﻘﺎﻋﺪ ...
ﺭﺟﻌﺖ ﺍﻟﻨﺎﺱ .. ﺍﺗﺨﻴﻂ ﻋﻨﺪﻱ ... ﺑﺪﺓ ﺍﻟﺮﺑﻴﻊ ... ﻭﺍﻟﺠﻮﻭ ﺑﺪﺓ ﻳﺪﻓﺔ ...
ﻓﺮﻗﺎﻥ ﻣﻔﺎﺭﻛﻨﺔ ... ﻭﺩﺍﺋﻤﺎﺍﺍ ﻳﺠﻴﻨﺔ ﻭﻳﺠﺐ ﺑﻴﺪﺓ ﻓﻮﺍﻛﻪ ﻭﺣﻠﻮﻳﺎﺕ ..... ﻫﻮ ﺍﻟﺴﻨﺪ ﺍﻟﻮﺣﻴﺪ ﺍﻟﻲ ﺑﻘﺔ ...
ﻃﺮﺡ ﻋﻠﻴﺔ ﻓﻜﺮﺓ ﺍﻟﺰﻭﺍﺝ ﻟﻜﻦ ﺭﻓﻀﺖ ﺭﻓﺾ ﻗﺎﻃﻊ .. ﻛﺘﻠﺔ ﺍﻟﻰ ﺍﻥ ﺗﻄﻠﻊ ﺳﻨﻮﻳﺔ ﺍﺑﻮﻳﺔ ... ﻭﺍﻓﻖ ....
ﻣﺮﺓ ﺟﻨﺖ ﻓﻮﻙ ﺍﺑﺪﻝ .... ﻭﻧﺰﻟﺖ ﺳﻤﻌﺖ ﺻﻮﺕ ﻓﺮﻗﺎﻥ .... ﺩﺧﻠﺖ ﺟﺎﻥ ﻛﺎﻋﺪ ﻋﻠﻰ ﺍﻝ ﻛﺮﺳﻲ ﻣﺎﻟﺖ ﺍﺑﻮﻳﺔ ...
ﺍﺗﺬﻛﺮﺕ ﺍﻟﻜﺎﺑﻮﺱ ..... ﻛﻤﺖ ﺍﺻﺮﺥ ﺑﻼ ﻭﺍﻋﻴﺔ ... ﻛﻮﻭﻭﻭﻭﻭﻡ ﻫﺬﺍﺍﺍ ﻣﻜﺎﻥ ﺍﺑﻮﻳﺔ .... ﻛﻮﻭﻭﻭﻭﻡ ...
ﻫﻮ ﺧﻄﻴﺔ ﻓﺰ ... ﻣﻦ ﻣﻜﺎﻧﺔ ﻭﺿﻞ ﻳﺘﻌﺬﺭ .... ﻭﻣﺠﺎﻥ ﻗﺼﺪﻱ ﻭﺍﻟﻠﻪ ...... ﺍﻧﻲ ... ﺍﺳﻒ .... ﻫﺪﺀﺕ ﺍﺷﻮﻳﺔ ﻭﻛﺘﻠﺔ ﺍﻧﻲ ﻣﺪﺍ ﺍﺳﺘﻮﻋﺐ ﺍﻟﺼﺪﻣﺔ ﻟﺤﺪ ﺍﻻﻥ ....
ﺍﺗﻘﺒﻞ ﺍﻟﻤﻮﺿﻮﻉ ﻭﻛﻌﺪ ﻣﻘﺎﺑﻴﻠﻲ ... ﻭﺿﻞ ﻳﺘﻌﺬﺭ ﺷﻮﻳﺔ ﺍﺳﺄﺫﻥ ﻭﺭﺍﺡ ....
ﻻﻣﺘﻨﻲ ﺍﻣﻲ .. ﻭﻧﻮﺭ ﻋﻠﻰ ﺍﻟﻲ ﺳﻮﻳﺘﺔ ... ﺑﺲ ﻣﻮ ﺑﻴﺪﻱ ...
.. ﺍﻟﻴﻮﻡ ﺻﺎﺭ ﻻﺑﻮﻳﺔ ... ٣ ﺍﺷﻬﺮ ... ﻣﺮﺓ ﺑﺴﺮﻋﺔ ... ﻭﺍﺣﻨﻪ ﺑﻜﻞ ﺯﺍﻭﻳﺔ ﻧﺘﺨﻴﻠﺔ ... ﺍﻧﻄﻔﻴﻨﺔ ﻣﻦ ﺑﻌﺪﺓ ... ﻭﺻﺮﻧﺔ ﻳﺘﻴﻤﺎﺕ ﻭﻛﺴﻮﺭﺍﺕ ... ﻭﺍﻟﻨﺎﺱ ﻋﻴﻨﻬﻢ ﻋﻠﻴﻨﺔ ... ﻻﻥ ﻧﺴﻮﺍﻥ ﻭﺣﺪﻧﺔ ﺑﺎﻟﺒﻴﺖ
...
ﻣﻦ ﺍﻟﺤﺮﺏ ﻭﺍﻟﻨﺎﺱ ﻣﻠﺘﻬﻴﺔ ﺑﻴﻬﺔ .... ﺻﺎﺭ ﺍﻛﻮ ﺣﺮﺍﻣﻴﺔ ﻛﻤﺖ ﺍﺗﺨﻴﻞ ... ﻳﻄﻔﺮﻭﻥ ﻋﻠﻴﻨﺔ ..... ﺍﻟﻠﻴﻞ ﺻﺮﺕ ﻣﺎ ﺍﻧﺎﻣﺔ
.. ﺛﺎﻧﻲ ... ﻳﻮﻡ ﺭﺣﺖ ﺟﺒﺖ ٣ ﻗﻔﺎﻟﺔ ﻟﺒﺎﺏ ﺍﻟﺴﻄﺢ ... ﻭﻗﻔﻠﻴﻦ ﻟﺒﺎﺏ ﺍﻟﻤﻄﺒﺦ ... ﻭﻗﻔﻠﻴﻦ ﻟﺒﺎﺏ ﺍﻟﺸﺎﺭﻉ .... ﻭﺻﺮﺕ ﺍﻓﺘﺮ ﺑﻠﻴﻞ ﺍﺗﺎﻛﺪ ﺑﻌﺪﻫﻦ ﻣﻘﻔﻼﺕ .... ﺟﺎﻧﺖ ﻓﺘﺮﺓ ﺑﺤﻴﺎﺗﻲ ﻛﻠﺶ ﺻﻌﺒﺔ .... ﺍﻻﻳﺎﻡ ﺍﺗﻤﺮ ﺑﺼﻌﻮﺑﺔ ﻭﺑﺨﻮﻑ ... ﻣﺎﻛﻮ ﺍﻣﺎﻥ ﻣﺜﻞ ﺍﻣﺎﻥ ﺍﻻﺏ ...
ﺟﻨﺖ ﺍﺧﻴﻂ ﻭﺍﻣﻲ ﺍﺩﺭﺱ ﻳﺎﺳﻤﻴﻦ ﻭﻧﻮﺭ ﺗﻘﺮﺓ .... ﺩﻙ ﺍﻟﺘﻠﻔﻮﻥ .... ﺭﻓﻌﺘﺔ ...
ﺍﻟﻮﻭﻭﻭﻭﻭ .....
ﻣﺤﻨﻴﺘﻲ ؟؟؟ ﺟﻨﺖ ﺍﺷﻮﻑ ﻛﻞ ﺍﻟﺮﻗﺔ ﻭﺍﻻﻧﻮﺛﺔ ﻭﻻﺣﺎﺳﻴﺲ ﺑﻴﺞ ... ﻛﻠﺒﺞ ﻫﺬﺍﻙ ﻭﻳﻦ .....
ﻟﺘﺘﺼﻞ ﺍﺗﺮﺟﺎﻙ .... ﻋﻮﻑ ﺍﻟﺠﺮﻭﺡ ﺗﻠﺘﺌﻢ ... ﻣﺎﻋﺎﺩ ﺍﺗﺤﻤﻞ .. ﻛﻠﺒﻲ ﺩﺍ ﺍﺣﻮﻝ ﺍﻣﻮﺗﺔ ... ﻣﻊ ﺍﻟﺴﻼﻣﺔ ...
ﻃﺒﻜﺖ ﺍﻟﺨﻂ ... ﻭﺍﺣﺎﺟﻲ ﺭﻭﺣﻲ ... ﺍﻱ ﺣﻨﻴﻴﺖ ... ﺑﺲ ﺷﻨﻮ ﺍﻟﻔﺎﻳﺪﺓ ﺍﻧﻲ ﺍﻧﺨﻄﺒﺖ ﻭﺍﻧﺖ ﺍﻛﻴﺪ ﺭﺍﺡ ﺗﺨﻄﺐ .. ﻣﺎﺭﻳﺎ .... ﻛﻤﻠﺖ ﺍﻟﺒﻴﺪﻱ ﻭﻗﻔﻠﺖ ﺍﻟﺒﻮﺏ ...
ﻛﻌﺪﺕ ﺍﻟﺼﺒﺢ ﺳﺎﻋﺔ ﺳﺒﻌﺔ ﻋﻠﻰ ﺩﻛﺔ ﺍﻟﺒﺎﺏ ....
ﻳﺎﺳﺘﺎﺭ ﻣﻨﻮ ﻳﺠﻲ ﻫﺴﺔ ﻛﻤﺖ ... ﻓﺘﺤﺖ ﺑﺎﺏ ﺍﻟﻤﻄﺒﺦ ﻭﺍﺻﻴﺢ ﻣﻨﻮ ... ﺻﺎﺡ ﻓﺮﻗﺎﻥ ﺍﻧﻲ ..... ﺭﻛﻀﺖ ﻓﺘﺤﺖ ﺍﻟﺒﺎﺏ .... ﺍﻧﺼﺪﻣﺖ ....
ﻓﻒ ﻓﺮﻗﺎﻥ ﻟﻴﺶ ﻻﺑﺲ ﺑﺪﻟﺔ ﻋﺴﻜﺮﻳﺔ ...
ﺩﺧﻞ ﺑﺎﻟﻄﺮﻣﺔ ....
ﺍﺳﺘﺪﻋﻮﻧﻲ ﻟﻠﺨﺪﻣﺔ ﺍﻻﻟﺰﺍﻣﻴﺔ ... ﺣﺒﻴﺒﺘﻲ .....
ﻟﺘﻜﻮﻟﻬﺎ ﻓﺮﻗﺎﻥ ﻣﺒﻘﺎﻟﻨﺔ ﻏﻴﺮﻙ ....
ﻧﺮﻳﻤﺎﻥ ﺍﻃﻤﺌﻨﻲ ... ﻛﻠﻬﺎ ﺷﻜﻢ ﺷﻬﺮ ..
. ﻳﺎﺷﻜﻢ ﺷﻬﺮ ... ﻫﺎﻱ ﺣﺮﺏ ﻓﺮﻗﺎﻥ ﻳﻌﻨﻲ ﺍﻟﻲ ﻳﺮﻭﺡ ﻣﺤﺪ ﻳﺼﺪﻙ ﻳﺮﺟﻊ ....
ﻟﺰﻡ ﺍﻳﺪﻱ ... ﻫﺬﻳﺞ ﺍﻟﻠﺤﻀﺔ ﺳﻤﺤﺘﻠﺔ ... ﻏﻤﻀﺖ ﻋﻴﻮﻧﻲ ﻭﺩﻣﻮﻋﻲ ﺍﺗﺼﺐ ﺷﻤﻴﻜﻮﻥ ﻣﺘﻬﻮﻥ ﻋﻠﻴﺔ ﻋﺸﺮﺗﺔ ....
ﻟﺘﺒﺠﻴﻦ ... ﺣﺒﻲ ... ﻣﺮﺍﺡ ﺍﻋﻮﻓﺞ ﺑﻬﻞ ﺍﻟﺪﻧﻴﺎ ﻭﺣﺪﺝ ..
. ﺻﺮﺕ ﺍﺑﺠﻲ ﺍﻛﺜﺮ ... ﺗﺮﺟﻊ ﺑﺴﻼﻣﺔ ...
ﺻﺎﺭﻥ ﻋﻴﻮﻧﺔ ﺗﻨﺰﻝ ﻣﻨﻬﺎ ﺩﻣﻮﻉ ....
ﻃﻠﻊ ﻋﻠﻰ ﺍﻟﺴﺮﻳﻊ .... ﻣﺘﺘﺖ ﻗﻬﺮ ... ﻳﺎﺭﺏ ﻣﺒﻘﺎﻟﻨﺔ ﻏﻴﺮ ﻓﺮﻗﺎﻥ ....
ﻗﺮﺭﺕ ﻣﻦ ﻭﻗﺘﻬﺎ .. ﺍﺣﺎﻭﻝ ﺍﺗﻘﺒﻠﺔ ... ﺑﻌﺪ ﻣﺎ ﺍﺗﻌﺎﻣﻞ ﻭﻳﺎ ﺑﻬﻞ ﺍﻟﺠﻔﺎﻑ ... ﻫﻮ ﺷﻨﻮ ﺫﻧﺒﺔ ﻏﻴﺮ ﺣﺐ ...
...... ﻭﻣﻀﺖ ﺍﻻﻳﺎﻡ ﺑﻴﻦ ﺷﻐﻞ ﺑﺎﻟﻮﺭﺯﺩﻱ ... ﻭﺍﻟﻤﻜﻴﻨﺔ ... ﻭﺍﻛﻤﻞ ﺍﻣﻮﺭ ﺍﻟﺒﻴﺖ .....
ﺣﺎﻭﻟﺖ ﺍﺧﻠﻲ ﻧﻮﺭ ﻳﻤﻲ ﻋﻠﻰ ﻃﻮﻝ ... ﺧﻠﻴﺘﻬﺎ ﺻﺪﻳﻘﺘﻲ ... ﺻﺮﺕ ﺍﺧﺎﻑ ﻋﻠﻴﻬﻦ ﻛﻠﺶ .
.. ﻋﻠﻤﺘﻬﺎ ﺍﺷﻠﻮﻥ ﺗﻜﻌﺪ ﻋﻠﻰ ﺍﻟﻤﻜﻴﻨﻪ ... ﻭﺍﺷﻠﻮﻥ ﺍﺗﻔﺼﻞ ﺍﻻﺷﻴﺎﺀ ﺍﻟﺒﺴﻴﻄﺔ ...
ﺻﺎﺭﺕ ﺍﻟﺪﻧﻴﺎ ﺻﻴﻒ ... ﺑﻨﺺ ﺷﻬﺮ ﺣﺰﻳﺮﺍﻥ .... ﻓﺮﻗﺎﻥ ﺻﺎﺭ ﻳﻨﺰﻝ ﺑﺎﻟﺸﻬﺮ ﺍﻭﻝ ﻛﻞ ﺍﺭﺑﻌﻴﻦ ﻳﻮﻡ ﻣﺮﺓ .... ﺍﻭﻝ ﻣﻴﻨﺰﻝ ﻳﺠﻲ ﻋﻠﻴﺔ . ﺟﻨﺖ ﺍﺳﺘﻘﺒﻠﺔ ﺑﺈﺑﺘﺴﺎﻣﺔ ... ﻭﺍﺟﺎﻭﺏ ﻭﻳﺎ ﻭﺍﺳﻮﻟﻒ ﺻﺢ ﻣﺠﺒﻮﺭﺓ ﻭﻏﺎﺻﺒﺔ ﻧﻔﺴﻲ .... ﺑﺲ ﻫﻮ ﺭﺍﺡ ﺍﻛﻤﻞ ﺣﻴﺎﺗﻲ ﻭﻳﺎ ... ﻛﻠﺒﻲ ﻣﻴﺪﻙ ﺍﻟﻪ ﺍﺑﺒﺪ ... ﻭﻻ ﻳﺮﻑ ﻣﻦ ﻳﺸﻮﻓﺔ ...
ﻳﻮﻡ ٦/ ٢٧ ....
٠ﺟﺎﻧﺖ ﺳﺎﻋﺔ ٦ ﺍﻟﺼﺒﺢ ...... ﺍﻟﺸﻤﺲ ﻋﺎﻟﻴﺔ ﺍﻧﺪﻙ ﺍﻟﺒﺎﺏ
ﻛﺎﻟﻌﺎﺩﺓ ﺍﻛﻴﺪ ﻓﺮﻗﺎﻥ ... ﺻﺤﺖ ﻣﻨﻮﻭﻭﻭ
ﺟﺎﻭﺏ
ﺍﻧﻲ ﻧﺮﻳﻤﺎﻥ .....
ﺍﻧﻌﺼﺮ ﻛﻠﺒﻲ .... ﻭﻛﻠﺒﺖ ﻣﻌﺪﺗﻲ .... ﻭﺭﺟﻔﺖ ... ﻫﺬﺍ ﺍﻟﺼﻮﺕ ﺍﻋﺮﻓﺔ ... ﻳﺎﺭﺏ ﻳﻜﻮﻥ ﻣﻮﻭﻭ ﻫﻮﻭﻭﻭ ... ﺻﺤﺖ ﻣﻨﻮﻭﻭﺍﻧﺖ ....
ﺍﻓﺘﺤﻲ ﻧﺮﻳﻤﺎﻥ ﺷﺒﻴﺞ ﻣﻌﺮﻓﺘﻴﻨﻲ ....
ﺍﺗﻘﺮﺑﺖ ﻭﺍﻳﺪﻱ ﺗﺮﺟﻒ .... ﻓﺤﺘﻬﺔ ﻟﻠﺒﺎﺏ .... ﻏﻤﻀﺖ ﻋﻴﻮﻧﻲ ﻣﺜﻞ ﻣﺘﻮﻗﻌﺖ ....
ﺧﺎﺍﺍﺍﺍﺍﺍﺍﻟﺪ .....
.. ﻃﺒﻌﺎﺍﺍﺍ ﻣﺎ ﺍﻋﺮﻓﻚ ﺻﺎﺭ ٧ ﺳﻨﻮﺍﺕ ﻣﺎﺳﺎﻣﻌﺔ ﺻﻮﺗﻚ ........ ﺷﺮﺟﻌﻚ
......
ﺷﺒﻴﺞ ﻧﺮﻳﻤﺎﻥ ... ﻫﻴﺞ ﺗﺴﺘﻘﺒﻠﻴﻦ ﺍﺧﻮﺝ ... ؟؟؟
ﺍﺧﻮﻭﻭﻭﻳﺔ !!!!!... ﻣﺎ ﺍﺗﺬﻛﺮ ... ﻋﻨﺪﻱ ﺍﺥ ﺍﺧﻮﻳﺔ ﻣﺎﺕ ﻗﺒﻞ ﺳﺒﻊ ﺳﻨﻮﺍﺕ ...
ﺍﺟﺖ ﺍﻣﻲ ﻣﻨﻮ ﻧﺮﻳﻤﺎﻥ .. ؟؟؟ .. ﺩﺧﻞ ... ﺷﺎﻓﺘﺔ ﺍﻣﻲ ﻭﻛﺎﻣﺖ ﺗﺒﺠﻲ ﻭﺗﺮﻛﺾ ... ﻋﻠﻴﺔ .. ﺣﻀﻨﻬﺎ ﻭﺑﻮﺳﺘﺔ .... ﻭﻫﻲ ﺗﺒﺠﻲ .. ﻭﺍﺗﻜﻠﺔ ﺍﺑﻮﻙ ﺭﺍﺡ ﻭﻋﺎﻓﻨﺔ ... ﻋﺎﻓﻨﻲ ﻭﺣﺪﻱ ...
ﺍﺗﻔﺎﺟﺄﺕ ﻣﻦ ﻛﻼﻡ ﺍﻣﻲ ... ﻟﻌﺪ ﺍﻧﻲ ﻫﻨﺎ ﺷﻨﻮﻭ ...
ﺩﺧﻠﻮﻭ ﺟﻮﺓ ﺿﻠﻴﺖ ﻛﺎﻋﺪﺓ ﺑﺎﻟﻤﺮﺟﻮﺣﺔ ... ﺷﻌﺮﻑ .. ﺧﺎﻟﺪ ﺍﺑﻮﻳﺔ ﻣﻴﺖ ..... ﻣﻤﺮﺗﺎﺣﺔ ﻟﺠﻴﺘﺔ .... ﻳﺠﻮﺯ ﺍﺗﻨﺪﻡ .. ﻭﺭﺟﻊ . ﺍﻻﻓﻜﺎﺭ ﺗﺮﻭﺡ ﻭﺗﺠﻲ .. ﺩﺧﻠﺖ ﺟﻮﺓ .. ﺷﻔﺖ ﺍﻣﻲ ﺗﺴﻮﻱ ﺭﻳﻮﻙ .. ﻭﻫﻮ ﻣﻠﺘﻬﻲ ﻭﻳﺎﻫﺎ ﻭﻳﺴﻮﻟﻔﻮﻥ .... ﺍﺧﺬﺗﻠﻲ ﺻﻔﻨﺔ ﻭﺍﺗﺬﻛﺮﺕ ﺧﺎﻟﺪ ﺟﺎﻥ ﻳﻤﺪ ﺍﻳﺪﺓ ﻋﻠﻰ ﻓﻠﻮﺱ ﺍﺑﻮﻳﺔ ... ﻫﻮ ﻭﺻﻐﻴﺮ ....
ﺭﺣﺖ ﻋﻠﻰ ﻣﺠﺮ ﺍﻟﻤﻜﻴﻨﺔ .... ﻃﻠﻌﺖ ﻛﻞ ﻓﻠﻮﺱ ﺍﻟﺨﻴﺎﻁ ﺍﻟﻲ ﺟﺎﻣﻌﺘﻬﻦ .... ﺧﻠﻴﺘﻬﻦ ﺑﺠﻨﻄﺘﻲ ... ﻭﻫﻢ ﺷﻜﻢ ﻓﻠﺲ ﺍﻣﻲ ﺿﺎﻣﺘﻬﻦ ﻃﻠﻌﺖ ﻧﺼﻬﻦ ﻭﺍﺧﺬﺗﻬﻦ ﺧﻠﻴﺘﻠﻬﺎ ﺣﻚ ﻣﺴﻮﺍﻙ ....
ﻟﺒﺴﺖ ﻭﺑﺪﻟﺖ ﻭﻃﻠﻌﺖ .... ﺣﺴﺒﺖ ﺍﻟﻔﻠﻮﺱ ...
ﺭﺟﻌﺖ ﺑﺎﻻﺭﺑﻌﺔ ﺍﻟﻌﺼﺮ ... ﻣﺮﻳﺖ ﻟﺨﺎﻟﺔ ﻧﺎﺩﻳﺔ ... ﻭﺿﻤﻴﺖ ﻳﻤﻬﺎ ﺍﻟﻔﻠﻮﺱ ﺍﺧﺬﺕ ﻣﻨﻬﻦ ﺷﻲ ﻗﻠﻴﻞ .. ﻭﻃﻠﻌﺖ ....
ﻭﺻﻠﺖ ﻟﻜﻴﺘﻬﻢ ﻛﺎﻋﺪﻳﻦ ﻫﻮ ﻭﺍﻣﻲ ﻭﺍﻟﺒﻨﺎﺕ ﻳﺸﺮﺑﻮﻥ ﺟﺎﻱ ... ﻛﻌﺪﺕ ﻳﻤﻬﻢ ﺑﺲ ﺷﻜﺪ ﺷﺎﻳﻠﺔ ﺑﻜﻠﺒﻲ ﻋﻠﻴﺔ ...
ﻣﺴﺘﺤﻴﻞ ﻫﺬﺍ ﺍﻟﺸﺨﺺ ﻳﺤﻤﻞ ﻧﻔﺲ ﺩﻡ ﺍﺑﻮﻳﺔ ... ﻣﺎﻛﻮ ﻣﻘﺎﺭﻧﺔ ﺍﺑﺪ ....
ﺧﺎﻟﺪ _ ﻧﺮﻳﻤﺎﻥ ... ﻣﺪﺍﻡ ﺍﺟﻴﺘﻲ .. ﺍﺭﻳﺪ ﺍﻓﺘﺢ ﻭﻳﺎﻛﻢ ﻣﻮﺿﻮﻉ ...
ﺣﻄﻴﺖ ﻋﻴﻨﻲ ﺑﻌﻴﻨﺔ ﻭﻣﺮﻣﺸﺖ ... ﻛﻮﻭﻭﻝ ﻧﺴﻤﻊ ...
ﺭﺍﺡ ﺍﺳﻮﻳﻠﻜﻢ ﻣﻌﺎﻣﻠﺔ ﻭﺍﺣﺎﻭﻝ ﺍﺳﺤﺒﻜﻢ ....
ﺍﺣﻨﺔ ﻣﻨﻄﻠﻊ ﻋﺘﺒﺔ ﺑﻐﺪﺍﺩ ....
ﻧﺮﻳﻤﺎﻥ .. ﺍﻧﻲ ﻣﺪﺍ ﺍﺧﻴﺮﺝ .. ﺍﻧﻲ ﺩﺍ ﺍﺑﻠﻐﺞ ....
ﻻ ﻋﻴﻮﻧﻲ .. ﻣﻨﻄﻠﻊ ﻛﺎﻋﺪﻳﻦ ﻫﻨﺎ . ﻭﺳﺎﻛﺘﻴﻦ .....
ﺻﺪﻙ ﻧﺴﻴﺖ ﺍﻧﺘﻲ ﻣﻮ ﻣﺨﻄﻮﺑﺔ ... ﺷﻌﻠﻴﺞ ﻣﻦ ﺍﻣﻲ ﻭﺧﻮﺍﺗﻲ .. ﺍﻧﻲ ﺍﺧﺬﻫﻦ ﻳﻤﻲ ...
ﻓﺎﺭ ﺩﻣﻲ ﻭﻛﻤﺖ ﻭﻛﻔﺖ ... ﺣﺠﻲ ﻳﻔﺪﻳﻚ ﺧﺎﻟﺪ .. ﺍﻣﻚ ﻭﺧﻮﺍﺗﻚ ﻣﺴﺆﻟﻴﺘﻲ ﺍﺑﻮﻳﺔ ﺣﻄﻬﻦ ﺍﻣﺎﻧﺔ ﺑﺮﻛﺒﺘﻲ ﺍﻧﻲ ... ﺍﻧﺖ ﻣﺠﻨﺖ ﻣﻮﺟﻮﺩ ... ﻭﻻﺗﻌﺮﻑ ﺍﻱ ﺷﻲ ﻋﻨﺔ ﺍﻧﻲ ﺍﻟﻲ ﺻﺮﺕ ﺍﻻﺥ ﺑﺪﺍﻟﻚ ... ﻭﻫﺴﺔ ﺍﻧﻲ ﺍﻻﺏ ﻭﺍﻻﺥ ... ﺍﻧﺖ ﺍﻭﻝ ﻭﺗﺎﻟﻲ .. ﺭﺍﺡ ﺗﺮﺟﻊ ﻣﻴﻦ ﻣﺠﻴﺖ .... ﻣﻌﺪﺕ ﻭﺍﺣﺪ ﻣﻦ ﻋﺪﻧﺔ .... ﺻﻌﺪﺕ ﻓﻮﻙ .... ﻭﺩﻣﻮﻋﻲ ﺻﺎﺭﺕ ﺷﻼﻝ ... ﻟﻴﺶ ﻳﺎﺑﺔ ﻟﻴﺶ ﻋﻔﺘﻨﺔ ﻋﻠﻰ ﺍﻳﺪ ﺧﺎﻟﺪ ﻭﻏﻴﺮﺓ ... ﻟﻴﻴﻴﻴﺶ
ﻧﻤﺖ ﻭﻛﻌﺪﺕ ﻟﻜﻴﺘﺔ ﻃﺎﻟﻊ .... ﺍﻣﻲ ﺟﺎﻧﺖ ﻛﺎﻋﺪﺓ ﻭﺻﺎﻓﻨﺔ ... ﺭﺣﺖ ﻛﻌﺪﺕ ﻳﻤﻬﺎ ...
ﺷﺒﻴﺞ ﻣﺎﻣﺎ ؟؟
ﻣﺎﺑﻴﺔ ﺣﺒﻴﺒﺘﻲ ...
ﻣﺎﻣﺎ ﺧﺎﻟﺪ ﺗﺮﻯ ﺍﻭﻝ ﻭﺗﺎﻟﻲ ﻳﺮﺟﻊ .. ﻻﻟﻤﺎﻧﻴﺎ ... ﺗﺮﺓ ﻣﺠﺎﻱ ﻳﺒﻘﻰ ﻳﻤﻨﺔ ...... ﻟﻠﺘﺄﻣﻠﻴﻦ ﺧﺎﻟﺪ ﺍﺑﻨﺞ ﻭﺍﻧﺘﻲ ﺗﻌﺮﻓﻲ ﻣﺎ ﻣﻨﺔ ﺧﻴﺮ
ﺍﻱ ﻭﺍﻟﻠﻪ ﻳﻤﺔ ﺣﺴﺒﺎﻟﻲ ﺟﺎﻱ ﻳﺪﻳﺮ ﺑﺎﻟﺔ ﻋﻠﻴﺠﻦ .. ﺻﻔﻴﺘﻦ ﻻ ﺳﻨﺪ ﻭﻻ ﺿﻬﺮ ....
ﻳﻤﺔ ﻟﺘﺨﺎﻓﻴﻦ .. ﺍﻧﻲ ﻫﻨﺎ ﻣﺮﺍﺡ ﺍﻋﻮﻓﻜﻢ .. ﺣﺘﻰ ﺍﺫﺍ ﺍﺗﺰﻭﺟﺖ ...
.......
ﻃﺒﻌﺎ ﺑﺲ ﻓﻜﺮﺓ ﺍﻧﻮ ﺍﺗﺰﻭﺝ .. ﻭﻳﺼﻴﺮ ﺷﻲ ﺣﻘﻴﻘﻲ ﺍﻧﺮﻋﺐ ..... ﻫﺴﺔ ﺧﻮﺍﺗﻲ ﺍﻟﺤﺠﺔ ﻣﺴﺘﺤﻴﻞ ﺍﻃﻠﻊ ﻣﻦ ﻫﺬﺍ ﺍﻟﺒﻴﺖ ﻭﺍﻋﻮﻓﻬﻦ ﻭﺣﺪﻫﻦ .....
ﺻﺎﺭ ﺍﻟﻠﻴﻞ ﻭﺍﺟﺔ ﺧﺎﻟﺪ ﺍﻭﻝ ﻣﺂﺟﺔ ﺻﻌﺪﺕ ﻓﻮﻙ ... ﺷﻮﻳﺔ ﻭﺳﻤﻌﺘﺔ ﻳﺼﻴﺢ ....
ﺻﺒﺮﺍ ﺟﻤﻴﻼ ﻳﺎﺭﺑﻲ ... ﺷﺒﻲ ﻫﺬﺍ ﺑﺪﺓ ﻳﺸﻴﺦ ....
ﻧﺰﻟﺖ ﺧﻴﺮ ﺧﻴﺮ ﺷﻜﻮﻭ ﻓﻀﺤﺘﻨﺔ ﺑﻴﻦ ﺍﻟﺠﻮﺍﺭﻳﻦ ...
ﺷﺒﻲ ﻳﻤﺔ ﻳﺼﻴﺢ .
.. ﻳﺮﻳﺪ ﺍﺻﺮﻓﻠﺔ ﻓﻠﻮﺱ ﻭﺩﻭﺭﺗﻬﻦ ﻣﻠﻜﻴﺘﻬﻦ ... ﻭﺍﻟﻲ ﺑﺎﻟﻤﻜﻴﻨﺔ .. ﻣﺎﻛﻮ ..
ﺍﻱ ﻳﻤﻪ ﻣﺎﻋﻨﺪﺓ ﻛﻠﻬﻦ ﻭﺩﻳﺘﻬﻦ ﺩﻳﻦ .. ﺍﺟﺔ ﻋﻠﻴﺔ ﻟﻌﺪ ﺍﻧﺘﻲ ﺩﺍﻳﺤﺔ ﻟﻠﻌﺼﺎﺭﻱ ... ﻭﻳﻦ ﺍﺗﻮﺩﻳﻦ ﺍﻟﻔﻠﻮﺱ ... ﻭﺍﻟﺒﻴﺖ ﻣﺴﻮﻳﺘﺔ ﺣﻤﺎﻡ ﻧﺴﻮﺍﻥ ... ﻭﻳﻦ ﺍﺗﻮﻭﻭﻭﺩﻳﻬﻦ ... ﻋﺎﻁ ﺑﻮﺟﻬﻲ ... ﻏﻤﻀﺖ ﻋﻴﻨﻲ ... ﻓﺘﺤﺘﻬﺎ ....
ﺍﻟﻠﻪ ﺗﺤﺠﻲ ﻋﻠﻰ ﺍﻟﺪﻳﺎﺍﺍﺍﺣﺔ ... ﻣﺠﺎﺍﺍﺍﻥ ﺿﻠﻴﺖ ﻫﻨﺎ ﻭﺍﻧﺖ ﺍﻟﻠﻲ ﻭﻛﻠﺘﻨﺔ ..... ﻭﺍﻧﺖ ﺍﻟﻴﻴﻴﻲ ﺷﺘﻐﻠﻠﻠﻠﻠﻠﺖ . ﻭﻣﺨﻠﻴﺘﻨﻲ ﺍﺩﻭﻭﺡ .... ﺍﻧﺖ ﺍﺧﺮ ﻭﺍﺣﺪ ﻳﺤﻘﻠﺔ ﻳﺤﺎﺳﺒﻨﻴﻴﻴﻴﻲ .... ﻟﻚ ﺍﻧﺖ ... ﻣﺘﻨﺤﺴﺐ ﻋﻠﻴﻴﻴﻴﻨﺔ ﺭﺟﺎﺍﺍﻝ ... ﺗﺮﻯ ﺍﻧﺖ ﻣﻮﺑﻌﻴﻨﻲ ..
ﺿﺮﺑﻨﻲ ﺭﺍﺷﺪﻱ .... ﺍﺫﻧﻲ ﻃﻮﻃﺖ ... ﻭﺻﺎﺭ .. ﺧﺪﻱ ﻳﻄﻠﻊ ﻧﺎﺍﺭﺭ ... ﺑﺲ ﺩﻣﻌﺔ ﻣﻨﺰﻟﺖ ﻣﻨﻲ ﺣﻄﻴﺖ ﻋﻴﻨﻲ ﺑﻌﻴﻨﺔ .... ﻫﻬﻬﻪ ﺧﺎﺍﻑ ﻋﺒﺎﻟﻚ ﺍﺗﺨﻮﻓﻨﻲ ﺗﺮﻯ ﺟﻠﺐ ﺑﻴﺖ ﺍﻡ ﺷﺎﻛﺮ ﻳﺨﻮﻭﻑ ﺍﻛﺜﺮ ﻣﻨﻚ .....
ﻋﺎﻓﻨﺔ ﻭﻃﻠﻊ .. ﻛﻌﺪﺕ ﺑﺎﻟﻜﺎﻉ ﺍﺑﺠﻲ .. ﻭﺍﻟﻄﻢ
.. ﻭﻣﻠﺨﺖ ﻧﺺ ﺷﻌﺮﻱ ﻭﺍﻧﻲ ﺍﺻﻴﺢ ﻳﺎﺑﺔ ﺗﻌﺎﺍﺍﻟﻲ ﺍﺧﺬﻧﻲ ﻭﻳﺎﺍﺍﻙ ...... ﺍﻟﻠﻪ ﻳﺎﺧﺬﻙ ﻳﺎﺍﺍﺍﺧﺎﻟﺪ 😭😭😭...
ﺻﻌﺪﺕ ... ﻟﻐﺮﻓﺘﻲ ﺑﺲ ﻣﻜﺪﺭﺕ ﺍﻧﺎﻡ .. ﻟﻨﺺ ﺍﻟﻠﻴﻞ ﻭﺍﻧﻲ ﻛﺎﻋﺪﺓ .... ﺍﺧﺬﺕ ﻓﺮﺍﺵ ﻭﻧﺰﻟﺖ ﺟﻮﺓ .. ﻳﻢ ﺍﻣﻲ ﻭﺍﻟﺒﻨﺎﺕ ﺟﺎﻧﺖ ﺍﻣﻲ ﻛﺎﻋﺪﺓ ﺍﻭﻝ ﻣﻨﺰﻟﺖ ﻭﻃﻤﺄﻧﺖ . ﻧﺎﻣﺖ ﻭﺍﻧﻲ ﻫﻢ .. ﻧﻤﺖ
ﻛﻌﺪﺕ ﺍﻟﺼﺒﺢ ..
ﺭﺣﺖ ﻟﺪﻭﺍﻣﻲ ﻭﺭﺟﻌﺖ ... ﺍﻭﻝ ﻣﻔﺘﺤﺖ ﺍﻟﺒﺎﺏ .
. ﺍﺟﺘﻲ ﻧﻮﺭ ﻋﻠﻴﺔ ﺗﺮﻛﺾ ﺗﺒﺠﻲ ... ﻟﺞ ﻧﺮﻳﻤﺎﻥ ... ﺍﻟﺤﻜﻲ ﺧﺎﻟﺪ ﻳﺮﻳﺪ ﻳﺒﻴﻊ ﺍﻟﺒﻴﺖ ...
ﺭﻛﻀﺖ ﺟﻮﺓ ﺷﻔﺘﺔ ﺩﻳﺘﻨﺎﻗﺶ ﻭﻳﺔ ﺍﻣﻲ ... ﻭﺍﻣﻲ ﺍﺗﻜﻠﺔ ﻻ ..
ﻣﻨﺒﻴﻌﺔ ... ﻫﺬﺍ ﺍﻟﻲ ﺑﻘﺔ ﻣﻦ ﺭﻳﺤﺔ ﺍﺑﻮﻙ
.
ﺷﻨﻮﻭﻭﻭ ﺧﺎﻟﻠﺪ ﺷﺒﻴﻚ .... ﺍﺗﺨﺒﻠﺖ .. ﺗﺸﺮﺩﻧﺔ ﺑﺎﻟﺸﻮﺍﺭﻉ
ﺍﻟﺒﻴﺖ ﺍﺑﻴﻌﺔ ﻭﺍﺧﺬ ﺣﺼﺘﻲ .. ﻋﺪﻛﻢ ﺗﻨﻄﻮﻧﻲ ﺣﺼﺘﻲ .. ﻭﺍﻋﻮﻓﻠﻜﻢ ﺍﻟﺒﻴﺖ ...
. ﻭﺍﺣﻨﺔ ﺧﺎﻟﺪ ... ﻭﻳﻦ ﺍﻧﺮﻭﻭﺡ .... ﻟﻴﺶ ﺍﺗﺮﻳﺪ ﺍﺗﺼﻴﺮﺭﺭ ﺍﻧﺖ ﻭﺍﻟﺰﻣﻦ ﻋﻠﻴﻨﺔ ... ﻣﻜﺎﻓﻲ ﻋﻔﺘﻨﺔ ﻧﺴﻮﺍﻥ ﻭﺣﺪﻧﺔ .. ﻭﻣﺎﺭﻓﻠﻚ ﺟﻔﻦ .... ﺧﺎﻟﺪ ... ﺍﻟﺒﻴﺖ ﻣﻴﻨﺒﺎﻉ .. ﻭﺗﺪﺭﻱ ﻣﺎﻋﺪﻧﺔ ﻧﺸﺘﺮﻱ ﺣﺼﺘﻚ
ﺍﻟﺒﻴﺖ ﻳﻨﺒﺎﻉ ... ﻟﻮ ﻋﻠﻰ ﻛﺺ ﺭﻛﺒﺘﺞ ....
ﺍﺗﻬﺴﺘﺮﺕ ... ﻟﻴﻴﻴﻴﻴﺶ .. ﺍﺗﺮﻳﺪ ﺗﺤﺮﻣﻨﻪ ﻣﻦ ﺍﺧﺮ ﺷﻲ ﺣﻠﻮﻭ ﺑﺤﻴﺎﺗﻨﺔ ... ﻟﻚ ﺍﺑﻮﻳﺔ ﻟﺴﺎﻋﻬﺎ ﺫﻛﺮﻳﺎﺗﺔ ﻋﺎﻳﺸﺔ ﺑﻠﺒﻴﺖ .. ﻣﻦ ﺍﻧﺒﻴﻌﺔ ﻳﻌﻨﻲ ﺍﺑﻮﻳﺔ ﻳﻤﻮﺕ ﻣﻦ ﺻﺪﻙ ... ﻟﻬﺴﺔ ﺣﺴﺔ ﺑﻜﻞ ﺯﺍﻭﻭﻳﺔ ... ﺧﺎﻟﺪ ﺷﺪﺗﺴﻮﻱ ... ﺑﻴﻨﺔﺓ ﺷﺮﺟﺠﺠﺠﺠﻌﻚ ..
ﻧﺮﻳﻤﺎﻥ ﻟﻮ ﺍﺑﻮﻳﺔ ﻳﺮﺟﻊ ﻟﻠﺤﻴﺎﺓ ﺭﺍﺡ ﺍﺑﻴﻊ ﺍﻟﺒﻴﺖ ﻳﻌﻨﻲ ﺍﺑﻴﻌﺔ .. .... ﺍﻟﻴﻮﻡ ﻳﺠﻮﻥ ﻧﺎﺱ ﺍﻳﺸﻮﻓﻮ ... ﺣﻀﺮﻭﻭﻭ
ﻣﺎﻣﺎ ﺍﻧﺘﻮ ﻻﻛﻲ ﺑﻤﺰﺑﻠﺔ .... ﻫﺬﺍ ﻣﺴﺘﺤﻴﻞ ﺍﻧﺘﻲ ﺷﺎﻳﻠﺘﺔ ﺑﺪﺍﺧﻞ ﺍﺣﺸﺎﺋﺞ .. ﻻﻥ ﻫﺬﺍ ﻳﻨﻜﺴﺞ .... ﺭﺟﻊ ﺍﻳﺮﻳﺪ ﻳﻀﺮﺑﻨﻲ ..... ﻟﺰﻣﺖ ﺍﻳﺪﺓ .. ﺍﺷﺘﻜﻲ ﻋﻠﻴﻚ ﻭﺍﻟﻠﻪ ... ﺑﺲ ﺟﺴﻤﻲ ﻛﻠﺔ ﻳﺮﺟﻒ
ﻫﻬﻬﻬﻪ ﺍﻧﺘﻲ ﻟﺘﺼﻴﺮﻳﻦ ﺷﺮﻳﻔﺔ ﺑﺮﺍﺳﻲ .... ﺗﺮﻯ ﺳﺎﻟﻔﺔ ﺍﻣﺠﺪ ﻣﻌﺒﺮﻫﺎ ﺍﻟﺞ ﺑﻤﺰﺍﺟﻲ .... ﺍﺧﺮ ﻭﺣﺪﺓ ﺗﺤﺠﻲ ﺍﻧﺘﻲ ... ﻣﻮ ﺟﻨﺘﻲ ﺍﺗﺮﻳﺪﻥ ﺍﺗﻔﺮﻳﻦ ﻋﻠﻰ ﺍﻣﺠﺪ ﻋﻠﻰ ﻣﻮﺩ ﻓﻠﻮﺳﺔ
ﺍﻧﺼﺪﻣﺖ ... ﺷﻌﺮﻓﺔ ﺑﺎﻣﺠﺪ ... ﺿﻠﻴﺖ .. ﻓﺎﻛﺔ ﺣﻠﻜﻲ ﻭﻋﻴﻮﻧﻲ .. ﻋﻠﻴﺔ ..
ﺍﻟﺘﻔﺖ ﻭﻛﺎﻝ ﻻﻣﻲ ﺣﻀﺮﻭ ﺍﻟﺒﻴﺖ ... ﻓﺪ ﺳﺎﻋﺔ ﻳﺠﻮﻥ ... ﺍﻟﻌﺎﻟﻢ
ﺭﻛﻀﺖ ﻭﺭﺍ ... ﺧﺎﻟﺪ ﺍﺫﺍ ﻣﻮ ﺍﻧﻲ ﻭﻻ ﺍﻣﻲ ﻭﻻﻧﻮﺭ ﺍﻟﻨﺔ ﺣﻮﺑﺔ ... ﺍﻧﺸﺎﺀ ﺍﻟﻠﻪ ﺣﻮﺑﺔ ﻳﺎﺳﻤﻴﻦ ﺗﻄﻠﻊ ﺑﻴﻚ ....
ﺻﺤﺖ ﻋﻠﻴﺔﺓ ﺧﺎﺍﺍﻟﺪ ....
ﺣﻮﺑﺔ ﺍﻟﻨﺜﻴﺔ ﺗﻌﺜﺮﻙ ... ﺩﻳﺮ ﺑﺎﻟﻚ ﻳﺎﻟﻨﺠﺮ ....
ﺍﺣﺲ ﺭﻭﺣﻲ ﻻﺑﺖ ﻣﻦ ﺍﻟﻘﻬﺮ ... ﻭﻣﺪﺍ ﺍﻛﺪﺭ ﺍﺳﻮﻱ ﺷﻲ ﻋﻠﻮﻯ ﻓﺮﻗﺎﻥ ﻳﺠﻲ .. ﻟﻬﻨﺎ ﺑﻠﻜﺖ ﻳﻠﻜﺎﻟﺔ ﺣﻞ
....
ﺍﺟﻮﻱ ﺍﻟﻨﺎﺱ ... ﺍﻟﻌﺼﺮ ﻭﺷﺎﻓﻮﻭ ﺍﻟﺒﻴﺖ ... ﺿﻠﺖ ﺩﻣﻮﻋﻲ ﺍﺗﺼﺐ ﻳﺎﺭﺏ ﻣﻴﻨﺒﺎﻉ ... ﻛﺎﻋﺪﺓ ﺑﺎﻟﻤﺮﺟﻮﺣﺔ ﻭﺍﺣﺲ ﻛﻠﺒﻲ ﺩﻳﺘﻔﺘﻔﺖ .... ﻛﻠﺸﻲ ﺣﻠﻮﻭﻭ ﻭﻣﺼﺒﺮﻧﻲ ﻋﻠﻰ ﻣﺮ ﻫﺎﻱ ﺍﻟﺤﻴﺎﺓ ﻛﻠﺸﻲ ﺣﻠﻮﺓ ﺑﻬﺎﻱ ﺍﻟﺪﻧﻴﺎ .. ﺩﻳﺮﻭﺡ ﻣﻦ ﺍﻳﺪﻱ .....
ﻃﻠﻌﻮ ﺍﻟﻨﺎﺱ .. ﻭﺟﺎﻥ ﺍﻣﺒﻴﻦ .. ﻋﺎﺟﺒﻬﻢ ﺍﻟﺒﻴﺖ .. ﺍﺗﺼﺎﻓﺢ ﺍﻟﺮﺟﺎﻝ ﻭﻳﺔ ﺧﺎﻟﺪ ... ﻭﻛﻤﺖ ﺍﺗﺠﻬﺖ ﻋﻠﻴﻬﻢ ... ﺳﺎﻟﺖ ﺍﻟﻤﺮﺓ ... ﺷﻜﺪ ﺍﻟﺴﻌﺮ ﺍﻟﻲ ﺍﺗﻔﻘﺘﻮ ﻋﻠﻴﺔ ... ﻛﺎﻟﺔ ﺍﻟﺮﺟﺎﻝ ﺍﻟﺴﻌﺮ ﻭﻫﻮ ﻣﺴﻐﺮﺏ .... ﺍﻟﻠﻪ ﻳﻘﺪﻡ ﺍﻟﻲ ﺑﻲ ﺍﻟﺨﻴﺮ ...
ﻛﻌﺪﺕ ﺣﺴﺒﺖ ﺷﻜﺪ ﺍﻟﻔﻠﻮﺱ ﺍﻟﻲ ﺭﺍﺡ ﺗﻮﻛﻊ ﺍﻟﻨﺔ ﺍﻧﻲ ﻭﺍﻣﻲ ... ﻭﺍﻟﺒﻨﺎﺕ .
.... ﺛﺎﻧﻲ ﻳﻮﻡ ﻃﻠﻌﺖ ...
ﻣﻦ ﺍﻟﺪﻭﺍﻡ .. ﺭﺣﺖ ﺍﺩﻭﺭ ﺑﻴﺖ ﺍﻟﻨﺔ ..... ﺷﺮ ﻻ ﺑﺪ ﻣﻨﻪ
ﺑﻤﻨﻄﻘﺔ ... ﺍﺷﻮﻳﺔ ﺍﺑﻌﺪ ... ﻋﻦ ﻣﻨﻄﻘﺘﻨﺔ .... ﺍﻟﻠﻪ ﻻ ﻳﻔﻮﻗﻚ ﻳﺎ ﺧﺎﻟﺪ ﻭﻳﻦ ﺭﺍﺡ ﺍﺗﺒﻬﺬﻟﻨﺎ .... ﻟﻜﻴﺖ ﺑﻴﺖ ﺻﻐﻴﺮ ... ﻛﺘﻠﺔ ﺍﻓﻜﺮ ﻭﺍﺟﻴﺐ ﺍﻟﻮﺍﻟﺪﺓ .... ﺍﺗﻔﻘﺖ ﻣﺒﺪﺃﻱ ...
ﺭﺟﻌﺖ ﻟﻠﺒﻴﺖ ﻭﻳﺔ ﺍﻟﻤﻐﺮﺏ ... ﻟﻜﻴﺖ ﺍﻣﻲ ﺗﻨﺘﻀﺮﻧﻲ ﺑﺎﻟﻤﺮﺟﻮﺣﺔ ...
ﻭﻳﻦ ﺻﺮﺗﻲ ... ﺿﻞ ﺑﺎﻟﻲ ...
ﺭﺣﺖ ﺩﻭﺭﺕ ﺑﻴﺖ ..
ﻛﺎﻣﺖ ﺍﻣﻲ ﺗﺒﺠﻲ ... ﺣﺒﻴﺒﺘﻲ ﻣﺎﻣﺎ ﻟﺘﺒﺠﻴﻦ ﻛﻠﺸﻲ ﻗﺴﻤﺔ ... ﺍﺫﺍ ﺿﻠﺖ ﻋﻠﻰ ﻫﺎﻱ ﺳﻬﻠﺔ .... ﺑﺲ ﻟﺘﺠﻴﺒﻴﻦ ﻃﺎﺭﻱ ﻟﺨﺎﻟﺪ ﻭﻻ ﺍﺗﻜﻮﻟﻴﻠﺔ ﻟﻜﻴﺖ ﺑﻴﺖ ...
. ﺑﺎﻉ ﺍﻟﺒﻴﺖ ﺧﺎﻟﺪ ... ﻭﺭﺣﻨﺔ ﺍﺗﻜﺎﺗﺒﻨﺔ .. ﻣﺨﻠﻴﺘﻬﻢ ﻳﺴﻮﻥ ﻭﻛﺎﻟﺔ ﻟﺨﺎﻟﺪ
ﻭﻗﺮﻳﺖ ﺑﺎﻟﻤﻜﺎﺗﺒﺔ ﺷﻜﺪ ﺍﻟﻤﺒﻠﻎ ﺣﺘﻰ ﺍﻋﺮﻑ ﻭﻣﻴﺒﻮﻛﻨﺔ ... ﻻﻥ ﻣﺎﻋﻨﺪﻱ ﺍﺑﺪ ﺛﻘﺔ ﺑﻲ ... ﺭﺟﻌﻨﺔ ﻟﻠﺒﻴﺖ .. ﻭﻧﻄﻮﻧﺔ ﻣﻬﻠﺔ ﺷﻬﺮ ﺣﺘﻰ ﺍﻧﺸﻴﻞ ﻭﺍﻧﻔﺮﻏﻠﻬﻢ ﺍﻟﺒﻴﺖ
... ﺍﺧﺬﺕ ﺍﻟﻌﻼﻛﺔ ﻏﻔﻞ ﻣﻦ ﻳﻢ ﺧﺎﻟﺪ ﻭﻃﻠﻌﺖ ﻓﻠﻮﺳﺔ ﻭﺷﻜﺪ ﻳﻮﻛﻌﻠﺔ ... ﻭﺍﺧﺬﺕ ﺍﻟﻌﻼﻛﺔ ﻭﺭﻛﻀﺖ ﻟﺒﻴﺖ ﺧﺎﻟﺔ ﻧﺎﺩﻳﺔ ... ﻭﺧﻠﻴﺘﻬﻦ ﻳﻤﻬﺎ ...
ﺭﺟﻌﺖ ﺳﻤﻌﺖ ﻛﺒﺎﻋﺎﺗﺔ ﻟﺴﺎﺑﻊ ﺟﺎﺭ ... ﻭﻛﻔﺖ ﺑﻮﺟﻬﺎ ﻛﺘﻠﺔ ﻫﺬﺍ ﺣﻘﻚ . ﺍﻟﻚ ﺍﻟﺜﻤﻦ .. ﻭﺍﻟﺒﺎﻗﻲ ﺣﻘﻨﺎ ... ﺗﺮﻯ ﻋﻨﺪﻱ ﻧﺴﺨﺔ ﻣﻦ ﺍﻟﻤﻜﺎﺗﺒﺔ ... ﻭﻛﻞ ﻭﺍﺣﺪ ﻳﻌﺮﻑ ﺍﻟﻲ ﺍﻟﺔ ﻭﺍﻟﻲ ﻋﻠﻴﺔ ... ﺿﻞ ﻣﻌﺼﺐ ....
ﺧﺎﺍﺍﻟﺪ ... ﺗﺮﻯ ﺍﺧﺬﺕ ﺣﺼﺘﻚ ﻣﻦ ﻫﻠﺒﻴﺖ .. ﺗﻜﺪﺭ ﺗﻄﻠﻊ ... ﺑﻌﺪ ...
ﻃﺎﻟﻊ ﻭﻣﺴﺎﻓﺮ ﺑﺎﺟﺮ ... ﻭﻣﻔﺎﺭﻙ ﺧﻠﻘﺘﺞ ﻟﻼﺑﺪ
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء