رواية مطلقات ولكن الجزء الرابع | النهاية
للكاتبة دنيا خيون
......
ﺑﻜﻴﺖ ﻭﻫﻞ ﺑﻜﺎﺀ ﺍﻟﻘﻠﺐ ﻳﺠﺪﻱ؟ ﻓﺮﺍﻕ ﺃﺣﺒﺘﻲ ﻭﺣﻨﻴﻦ ﻭﺟﺪﻱ !! ﻓﻤﺎ ﻣﻌﻨﻰ ﺍﻟﺤﻴﺎﻩ ﺇﺫﺍ ﺍﻓﺘﺮﻗﻨﺎ؟؟ ﻭﻫﻞ ﻳﺠﺪﻱ ﺍﻟﻨّﺤﻴﺐ ﻓﻠﺴﺖ ﺃﺩﺭﻱ !! ﻓﻼ ﺍﻟﺘّﺬﻛﺎﺭ ﻳﺮﺣﻤﻨﻲ ﻓﺄﻧﺴﻰ ﻭﻻ ﺍﻷﺷﻮﺍﻕ ﺗﺘﺮﻛﻨﻲ ﻟﻨﻮﻣﻲ ﻓﺮﺍﻕ ﺃﺣﺒّﺘﻲ ﻛﻢ ﻫﺰّ ﻭﺟﺪﻱ ﻭﺣﺘّﻰ ﻟﻘﺎﺋﻬﻢ ﺳﺄﻇﻞّ ﺃﺑﻜﻲ ﺗﻌﺒﺖ ﺃﻛﺘﻢ ﻗﻬﺮ ﺣﺒّﻲ ﻭﺃﻋﺎﻧﺪ ﻛﻞّ ﺣﺴّﺎﺩﻱ ﻭﻻ ﻭﺩّﻱ ﺃﺣﺪ ﻳﺪﺭﻱ ﻋﻦ ﺣﻴﺎﺗﻲ ﻭﺵ ﺟﺮﻯ ﻓﻴﻬﺎ ﺃﻧﺎ ﻓﻲ ﻳﻮﻡ ﺣﺒّﻴﺘﻚ، ﺍﺣﺴّﻪ ﻳﻮﻡ ﻣﻴﻼﺩﻱ ــــــــــــــــــــــــــــــــــــــــــــــــــــــــــــــــــــــــــــــــــــــــ
ﻛﻴﺎﻥ : ﺍﻭﻛﻔﻲ ﻫﺬﺍ ﻣﻨﻮ ﺍﻟﺘﺤﺠﻴﻦ ﻭﻳﺎ ﻻ ﺍﻧﺘﻲ ﻣﻮ ﺷﻬﺪ ﺷﻬﺪ ﻟﻮ ﺷﻨﻮ ﺗﺤﺠﻴﻦ ﺍﻧﻲ ﺍﻋﺮﻓﺞ ﻣﺠﺒﻮﺭﻩ ﻭﺍﻧﻲ ﻃﻼﻙ ﻣﺎﻃﻠﻚ ﻭﻫﺬﺍ ﺍﺧﻮﺝ ﺍﻟﺴﻜﻂ ﺍﻧﻲ ﺍﻟﻪ ﺍﻟﻴﻮﻡ ﻟﻮ ﺍﻧﻲ ﻟﻮ ﻫﻮﻩ ﺟﺎﻳﺞ ﻛﻠﻴﻠﻪ ﺍﻧﻲ ﻣﺎﺧﺎﻑ ﺑﺲ ﻣﻦ ﺍﻟﻲ ﺧﻠﻘﻨﻲ
ﺷﻬﺪ : ﻛﻴﺎﻥ ﻛﻴﺎﺍﺍﻥ
ﻛﻴﺎﻥ : ﺍﺍﺍﻩ ﺍﺍﺍﺍﺍﺍﺍﺍﺍﻩ ﻣﺤﻤﺪ ﺍﻟﻠﻪ ﻳﺎﺧﺬﻙ ﻭﺍﺿﺮﺏ ﻋﻞ ﺍﺳﺘﻴﺮﻥ ﻗﻮﻱ ﻭﺍﻟﻠﻪ ﺍﻟﻴﻮﻡ ﺍﻧﻲ ﺍﻋﻠﻤﻚ ﺷﻠﻮﻥ ﺗﺠﺒﺮﻫﻪ ﻭﺍﺳﻮﻕ ﺳﺮﻳﻌﻊ ﻣﺎﺣﺲ ﺍﻟﻪ ﺩﻋﻤﺖ ﺳﻴﺎﺭﻩ ﻧﺰﻟﺖ ﻳﻤﻌﻮﺩ ﺷﺘﺮﻳﺪ ﺍﻧﻄﻴﻚ ﻫﺎﻱ ﺍﻟﺴﻨﻮﻳﻪ ﺍﺧﻮﻱ ﻣﺴﺘﻌﺠﻞ ﺑﻠﻜﻮﻩ ﻫﺪﻧﻲ ﺍﺧﺪ ﺍﻟﺴﻨﻮﻳﻪ ﻭﺍﺧﺬ ﺭﻗﻤﻲ ﻭﻛﺘﻠﻪ ﺧﺎﺑﺮﻧﻲ ﺻﻌﺪﺕ ﺍﻛﻤﻞ ﻃﺮﻳﻘﻲ ﺍﺭﻭﺡ ﺍﻟﺒﻴﺖ ﺷﻬﺪ ﻭﺻﻠﺖ ﺍﻟﺒﻴﺖ ﺷﻬﺪ ﺍﺩﻛﻚ ﺑﻠﺒﺎﺏ ﻃﻠﻌﻠﻲ ﺍﻟﺤﺎﺭﺱ ﺍﺷﻮ ﻫﺬﺍ ﻣﻴﻘﺒﻞ ﺍﻃﺐ ﻳﻜﻮﻝ ﻣﻤﻨﻮﻉ ﻃﺐ ﺍﻟﺒﺎﺷﺎ ﻣﻴﻄﺐ ﺿﻠﻴﺖ ﺍﻋﻴﻂ ﻭﺍﺻﻴﺤﺢ ﺷﻔﺖ ﺷﻬﺪ ﻭﺍﻛﻔﻪ ﻭﻛﻤﺖ ﺍﺻﻴﺢ ﻋﻠﻴﻬﻪ ﺷﻬﺪﺩﺩ ﺷﻬﺪﺩﺩ ﺗﻌﺎﻟﻲ ﺣﺒﻴﺒﺘﻲ ﺧﻠﻨﺮﻭﺡ ﺍﻟﺒﻴﺘﻨﻪ ﻳﻠﻪ ﺑﺴﺮﻋﻪ ﺷﻬﻮﺩﻩ ﺍﺷﻮﻑ ﻣﺤﻤﺪ ﺩﻓﻌﻪ ﻭﺳﺪ ﺍﻟﺒﺎﺏ
ﻣﺤﻤﺪ : ﺍﻳﻲ ﻋﺎﺩﻱ ﻋﺪﻛﻢ ﺍﻟﺼﻴﺎﺡ ﺍﻧﺘﻪ ﻭﺍﻣﻚ ﻫﺬﺍ ﻣﺴﺘﻮﺍﻛﻢ ﺳﻮﻗﻲ ﻋﻴﺐ ﺑﺎﺑﺎﺗﻲ ﻫﻨﺎ ﻣﻨﻄﻘﻪ ﺭﺍﻗﻴﻪ ﻛﻠﻬﻪ ﺷﺨﺼﻴﺎﺕ ﻣﻮ ﻣﺜﻠﻜﻢ ﻣﻌﻠﻤﻴﻦ ﻋﻞ ﻣﺰﺑﻠﻪ
ﻛﻴﺎﻥ : ﻣﺤﻤﺪ ﺍﺣﺘﺮﻡ ﻧﻔﺴﻚ ﻻﻥ ﺍﻧﻲ ﻟﻴﻬﺴﻪ ﺍﻛﻮﻝ ﺍﺣﺘﺮﻣﻚ ﻟﺨﺎﻃﺮ ﺍﺑﻮﻙ ﻭﺷﻬﺪ ﻣﺎﺭﻳﺪ ﺍﺷﻮﻓﻚ ﻭﺟﻬﻲ ﺍﻟﺜﺎﻧﻲ
ﻣﺤﻤﺪ : ﻫﻬﻬﻬﻬﻬﻪ ﺿﺤﻜﺘﻨﻲ ﻣﻦ ﻛﻞ ﻛﻠﺒﻲ ﻭﺍﻟﻠﻪ ﺧﻔﺖ ﻋﻔﻴﻪ ﻻﺍ ﻛﻠﺸﻲ ﻭﻻ ﻭﺟﻬﻚ ﺍﻟﺜﺎﻧﻲ ﺍﻛﻠﻚ ﺟﺮﺑﻮﻉ ﺭﻭﺡ ﺍﻟﻜﺎﻟﻚ ﻣﻜﺎﻥ ﺍﺧﺘﻞ ﺑﻲ ﻗﺒﻞ ﻻ ﺍﻧﻲ ﺍﺷﻮﻓﻚ ﻭﺟﻬﻲ ﺍﻟﺜﺎﻧﻲ ﺍﻭﻭﻳﻠﻲ ﺍﺗﺒﻮﺱ ﺍﻻﺩﻳﻦ ﻭﺍﻟﻠﻪ ﺍﺧﻠﻴﻚ
ﻛﻴﺎﻥ : ﻻ ﺍﻟﻀﺎﻫﺮ ﻛﻞ ﺍﺣﺘﺮﺍﻡ ﻣﻌﻨﺪﻙ ﺗﻌﺎﻝ ﺍﺷﻮﻓﻚ ﺍﻻﺣﺘﺮﺍﻡ ﺷﻠﻮﻥ ﻳﺼﻴﺮ ﺗﻼﺯﻣﻨﻪ ﻭﺿﺎﺭﺑﻨﻪ ﻛﺘﻠﺘﻪ ﻛﺘﻠﻪ ﻭﺑﻌﺪﻩ ﻛﻠﺒﻲ ﻣﻔﺎﻳﺨﺦ ﻃﻠﻌﺖ ﺷﻬﺪ ﺗﺮﻛﺾ ﻫﻴﻪ ﻭﺍﻣﻬﻪ
ﺷﻬﺪ : ﻛﻴﺎﻥ ﻋﻮﻓﻪ ﻋﻔﻴﻪ ﻻ ﻋﻮﻓﻪ ﺑﺎﻭﻉ ﺷﻨﻮ ﺍﻧﺘﻪ ﻣﺘﻌﺮﻑ ﺑﻠﺤﺠﻲ ﺍﻧﻲ ﻣﺎﺭﻳﺪﻙ ﻋﻮﻓﻨﻲ ﻳﺎﺧﻲ ﻣﻠﻴﺖ ﻣﻨﻚ ﻭﻣﻦ ﻋﻴﺸﺘﻜﻢ ﺑﻌﺪ ﻣﺎ ﺍﺗﺤﻤﻞ ﻭﺣﺠﻲ ﻣﺤﻤﺪ ﻛﻠﻪ ﺻﺤﻴﺢ ﻭﺍﻧﻲ ﻭﻱ ﺍﺧﻮﻳﻪ ﺍﻧﻲ ﻏﻠﻄﺎﻧﻪ ﻗﺒﻠﺖ ﺑﻴﻚ ﻣﻦ ﺍﻟﺒﺪﺍﻳﻪ
ﻣﺤﻤﺪ : ﺻﺤﺖ ﺍﻟﻮﻟﺪ ﺍﻟﺤﻤﺎﻳﻪ ﺟﺘﻔﻮ ﺍﻣﺸﻮ ﺩﺧﻠﻮ ﺟﻮﻩ ﺑﻠﻤﻜﺘﺐ ﻭﺍﻧﻲ ﺟﺎﻱ
ﺷﻬﺪ : ﻣﺤﻤﺪ ﻋﻔﻴﻪ ﻋﻮﻓﻪ ﺍﺳﻮﻱ ﺍﻟﺘﺮﻳﺪﻩ ﺣﺒﺎﺏ
ﺍﻻﻡ : ﻣﺤﻤﺪ ﻛﺎﻓﻲ ﻋﻮﻑ ﺍﻟﻮﻟﺪ ﻻ ﺍﺧﺎﺑﺮ ﺍﺑﻮﻙ ﻳﺸﻮﻑ ﺣﻞ ﻭﻳﺎﻙ ﺷﻠﻌﺘﻪ ﺍﻟﻜﻠﺒﻲ
ﻣﺤﻤﺪ : ﺑﺎﻋﻲ ﺷﻬﺪ ﺍﻭﻛﻔﻲ ﻭﻳﺎﻱ ﻭﻧﻔﺬﻱ ﺣﺠﻲ ﻋﻠﻤﻮﺩ ﺭﺟﻠﺞ ﻳﺮﺟﻊ ﺳﺎﻟﻢ ﺍﻻﻫﻠﻪ
ﺷﻬﺪ : ﺍﻱ ﻭﺍﻟﻠﻪ ﺷﺘﻜﻮﻝ ﺍﻧﻔﺬ ﺑﺲ ﻋﻮﻑ ﻛﻴﺎﻥ ﻋﻔﻴﻪ
ﺍﻻﻡ : ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﺍﻧﺘﻪ ﻣﻮ ﺍﺑﻨﻲ ﻻ ﻣﺴﺤﻴﻞ ﻛﻠﺒﻲ ﻣﺮﺍﺿﻲ ﻋﻠﻴﻚ ﻭﻋﻞ ﺗﺴﻮﻱ ﺑﺎﺧﺘﻚ
......
ﻣﺤﻤﺪ : ﺍﻱ ﺣﺒﺎﺏ ﻫﺴﻪ ﻳﺤﻠﻮ ﺭﺍﺡ ﺍﺟﻴﺐ ﺍﻟﺴﻴﺪ ﻳﻄﻠﻚ ﺍﺫﺍ ﻣﻄﻠﻚ ﺗﻌﻢ ﻋﻠﻰ ﻧﻔﺴﻚ ﻭﻋﻠﻰ ﺍﺧﻮﻙ ﺍﺩﻣﺮﻛﻢ ﻭﻫﻴﻪ ﺍﻟﺒﻨﻴﻪ ﻣﺘﺮﻳﺪﻙ ﻟﺼﻴﺮ ﻟﺰﻛﻪ ﻋﻴﺐ ﺍﻟﺮﺟﺎﻝ ﻫﻢ ﻳﺨﻠﻲ ﻛﺮﺍﻣﺘﻪ ﻓﻮﻙ ﻛﻠﺸﻲ ﺣﺲ ﻋﻠﻰ ﻧﻔﺴﻚ
ﻛﻴﺎﻥ : ﻧﺬﻝ ﺗﻔﻔﻒ ﻋﻠﻴﻚ ﻟﻮ ﺭﺟﺎﻝ ﻭﺧﺮ ﺟﻼﺑﻚ ﻭﺍﻧﻲ ﺍﻋﻠﻤﻚ ﺍﻟﻤﻬﺎﺕ ﺷﺠﺎﺑﺖ
ﻣﺤﻤﺪ : ﻫﻬﻬﻬﻬﻬﻪ ﻋﺎﺩ ﺍﻧﺘﻪ ﺻﺪﻙ ﻟﻮﺣﻪ ﻓﻨﻴﻪ ﺑﺲ ﻟﺴﺎﻧﻬﻪ ﻣﺪﺭﻋﻪ ﻭﻣﺘﺤﺘﺮﻡ ﻭﻋﻴﻦ ﺻﻠﻔﻪ ﺑﻌﺪ ﺷﺠﺎﺑﺖ
ﻛﻴﺎﻥ : ﺑﺼﻮﺕ ﻋﺎﻟﻲ ﻟﻜﻜﻜﻜﻜﻚ ﻣﺤﻤﺪ ﻟﺘﺠﺎﻭﺯﺯ ﻋﻠﻰ ﺍﻣﻲ ﺣﻘﻴﺮﺭﺭﺭﺭﺭﺭ
ﻣﺤﻤﺪ : ﻳﻠﻪ ﺣﺒﺎﺏ ﺍﻛﻌﺪ ﻭﻃﻠﻚ ﺗﺮﻩ ﺍﻟﺸﻴﺦ ﻣﻦ ﺟﻤﺎﻋﺘﻨﻪ ﻃﻠﻚ ﻻ ﺍﺩﻓﻨﻚ ﻫﻨﺎ
ﻛﻴﺎﻥ : ﺍﺭﻳﺪ ﺍﺣﺠﻲ ﻭﻱ ﺷﻬﺪ ﺑﻼﻭﻝ ﻭﺑﻌﺪﻳﻦ ﺍﻗﺮﺭ ﺍﻃﻠﻚ ﻟﻮ ﻻ
ﻣﺤﻤﺪ : ﺑﺎﻭﻉ ﺍﻧﻲ ﺭﺍﺡ ﺍﺧﻠﻴﻪ ﺗﺤﺠﻲ ﻭﻳﺎﻫﻪ ﻣﻮﻭ ﺧﻮﻑ ﻣﻨﻚ ﺑﺲ ﺣﺘﻪ ﺗﻌﺮﻑ ﻫﻴﻪ ﻣﺘﺮﻳﺪﻙ ﺷﻬﺪﺩﺩ ﺷﻬﺪﺩﺩ
ﻳﻠﻪ ﻳﻮﻟﺪ ﻃﻠﻌﻮ ﺑﺮﻩ ﺗﻌﺎﻟﻲ ﺍﺣﺠﻲ ﻭﻳﺎﺝ ﻗﺒﻞ ﻟﺪﺧﻠﻴﻦ ﻳﺮﻳﺪ ﻳﺤﺠﻲ ﻭﻳﺎﺝ ﺧﻠﻴﻨﻪ ﻧﺨﻠﺺ ﺗﺮﻩ ﺻﺒﺮﻱ ﺑﺪﻩ ﻳﻨﻔﺬ ﺑﺎﻋﻲ ﻗﺒﻞ ﻟﺪﺧﻠﻴﻦ ﻭﺗﺤﺠﻲ ﻭﻳﺎ ﺍﺣﺬﺭﻱ ﻭﺫﻛﺮﻱ ﺍﻧﻲ ﺷﺴﻮﻱ ﺍﻛﺪﺭ ﻋﻮﻓﻲ ﺍﻟﻮﻟﺪ ﻳﺮﺟﻊ ﺳﺎﻟﻢ ﻻﻣﻪ ﻻ ﺑﻄﺮﻳﻖ ﺗﺘﻜﻠﺐ ﺍﻟﺴﻴﺎﺭﻩ ﻭﺍﻟﻠﻪ ﻳﺮﺣﻤﻪ ﻟﻮ ﻃﻠﻘﻪ ﻣﻦ ﻭﺍﺣﺪ ﻣﺨﺒﻞ . ﺧﻠﺼﻴﻨﻲ ﻫﻮﺍﻱ ﺷﻐﻼﺕ ﺍﻛﺪﺭ ﺍﺳﻮﻱ
ﻛﻴﺎﻥ : ﺷﻬﺪ ﺍﻋﺮﻑ ﻣﺠﺒﻮﺭﻩ ﻭﺧﺎﻳﻔﻪ ﻛﻠﻴﻠﻲ ﺣﺒﻴﺒﺘﻲ ﻟﺘﺨﺎﻓﻴﻦ ﻫﺬﺍ ﺍﺧﻮﺝ ﺑﺲ ﺣﺠﻲ ﺟﺒﺎﻥ ﺍﻣﺸﻲ ﻭﻳﺎﻱ ﺗﻌﺎﻱ ﻳﻠﻪ
ﺷﻬﺪ : ﻋﻮﻑ ﻳﺪﻱ ﺍﻟﻀﺎﻫﺮ ﺍﻧﺘﻪ ﻣﺘﻔﻬﻢ ﺑﻠﺤﺠﻲ ﺍﻧﻲ ﺑﻌﺪ ﻣﺎ ﺍﺭﻳﺪﻙ ﻛﺎﻓﻲ ﻋﻮﻓﻨﻲ ﺍﻛﻠﻚ ﺗﻌﺒﺖ ﻣﻨﻜﻢ ﺍﺧﺪﻡ ﺑﺎ ﺍﻣﻚ ﻭﻫﻴﻪ ﻣﺮﺍﺿﻴﻪ ﺍﻧﻲ ﻫﻨﺎ ﺟﻨﺖ ﻣﻠﻜﻪ ﻭﺍﻟﻌﺐ ﻟﻌﺐ ﺑﻠﻔﻠﻮﺱ ﻣﺎﺷﻴﻞ ﻫﻢ ﺍﻟﻜﻠﺸﻲ ﻋﻨﺪﻙ ﻛﻠﻪ ﺣﺼﺮﻩ ﻋﻠﻴﻪ ﻣﺘﺘﺖ ﻛﺎﻓﻲ ﻣﺤﻤﺪ ﺣﺠﻴﻪ ﺻﺢ ﻭﺍﻧﻲ ﻫﺴﻪ ﻳﻠﻪ ﺻﺤﻴﺖ
ﻛﻴﺎﻥ : ﺷﻬﺪ ﺷﻨﻮ ﻫﺬﺍ ﺍﻟﺤﺠﻲ ﻣﺎﺻﺪﻙ ﻫﺎﻱ ﺍﻧﺘﻲ ﻣﻌﻘﻮﻟﻪ ﻻ ﺍﻛﻴﺪ ﺟﺎﺑﺮﺝ ﻣﺤﻤﺪ ﺗﺤﺠﻴﻦ ﻫﻴﺞ
ﺷﻬﺪ : ﻛﺎﻓﻲ ﻋﺎﺍﺍﺍﺍﺍﺍﺩﺩﺩﺩ ﺍﺫﺍ ﻋﻨﺪﻙ ﻛﺮﺍﻣﻪ ﻃﻠﻚ ﻟﺼﻴﺮ ﻟﺰﻛﻪ ﻣﻠﻴﺖ ﻣﻨﻜﻚ ﻛﺎﻓﻴﻲ ﺣﺴﺴﺲ
ﻛﻴﺎﻥ : ﻛﺎﻓﻲ ﻟﺘﻜﻤﻠﻴﻦ ﺑﺲ ﻣﻊ ﺍﻻﺳﻒ ﺑﻌﺘﻴﻨﻲ ﺑﺴﺮﻋﻪ ﻭﺍﻧﻲ ﺍﻟﻐﻠﻄﺎﻥ ﻣﺠﻠﺐ ﺑﻴﺞ ﺗﻌﺎﻟﻲ ﻃﻠﻌﺖ ﺍﻧﻲ ﻣﻤﻮﻓﺮﻟﺞ ﺍﻟﻌﻴﺸﻪ ﺍﻟﻤﻨﺎﺳﺒﻪ ﻭﻧﺘﻲ ﻣﻌﺎﺟﺒﺞ ﻋﻴﺸﺘﻲ ﻫﺴﻪ ﺍﻧﺘﻲ ﺷﺘﺮﻳﺪﻳﻦ ﻣﻦ ﺍﻻﺧﻴﺮ
ﺷﻬﺪ : ﻃﻠﻜﻨﻲ ﻃﻠﻜﻨﻲ ﻛﻴﺎﻥ ﺍﺭﺟﻮﻙ
ﻛﻴﺎﻥ : ﻛﻠﺒﻲ ﺍﺷﺘﻌﻞ ﺟﻤﺮ ﻭﺍﻧﻲ ﺍﺳﻤﻊ ﺣﺠﻴﻬﻪ ﻛﺘﻠﻬﻪ ﺷﺘﺮﻳﺪﻳﻦ ﻛﺎﻟﺖ ﻃﻠﻜﻨﻲ ﻟﺰﻣﺘﻬﻪ ﻣﻦ ﻳﺪﻫﻪ ﺣﻴﻞ ﻭﻋﺼﺮﺗﻬﻪ ﺭﺩﺗﻬﻪ ﺗﺤﺲ ﺑﻮﺟﻊ ﻛﻠﺒﻲ ﺳﻬﻠﻪ ﺍﻟﺘﺮﻳﺪﻱ ﻳﺼﻴﺮ ﻣﻮ ﺍﻧﻲ ﺍﺫﻝ ﻧﻔﺴﻲ ﻭﻛﺮﺍﻣﺘﻲ ﻋﻠﻤﻮﺩ ﻭﺣﺘﻪ ﺑﺎﻋﺖ ﺑﺴﺮﻋﻪ ﺍﻧﻲ ﻋﺒﺎﻟﻲ ﻗﺒﻞ ﻟﻮ ﺍﻟﺪﻧﻴﺎ ﻛﻠﻬﻪ ﺿﺪﻧﻪ ﻣﻨﻔﺘﺮﻙ ﺑﺲ ﺑﺎﻭﻟﻬﻪ ﻭﺑﻌﺘﻲ ﺑﻠﺮﺧﻴﺺ ﺣﺒﻴﺘﺞ ﻫﺮﺍﻱ ﻭﺗﺎﻟﻲ ﺟﺮﺣﺘﻴﻨﻲ
ﻣﺤﻤﺪ : ﻳﻠﻪ ﺧﻠﺼﺖ ﺍﻟﻤﺴﺮﺣﻴﻪ ﻣﺎﻟﺘﻜﻢ ﺍﻟﺮﺟﺎﻝ ﻭﺍﻛﻒ ﻓﻀﻨﻪ
ﻛﻴﺎﻥ : ﺍﻱ ﺍﻧﻲ ﻫﻢ ﺍﻟﻤﺎﻳﺮﻳﺪﻧﻲ ﻣﺎﺭﻳﺪﻩ ﺍﺟﻪ ﺍﻟﺴﻴﺪ ﻭﻃﻠﻜﻨﻪ ﻫﻤﻪ ﻣﺤﻀﺮﻳﻦ ﻛﻠﺸﻲ ﺑﺲ ﻣﻦ ﻃﻠﻜﺘﻬﻪ ﻛﻠﺒﻲ ﺑﺠﻪ ﻫﻮﺍﻱ ﻣﺎﻛﺪﺭ ﺍﺿﻬﺮ ﺣﺰﻧﻲ ﻛﺮﺍﻣﻲ ﺟﺮﺣﻮﻫﻪ ﻋﻔﺖ ﻭﻃﻠﻌﺖ ﻣﺎﺑﺎﻭﻋﺖ ﺑﻮﺟﻪ ﺍﺣﺪ ﻻﻥ ﻣﺎﻛﺪﺭ ﺍﺷﻮﻑ ﻭﺟﻬﻪ ﻣﻌﻘﻮﻟﻪ ﺷﻬﺪ ﺑﻌﺪ ﻣﺎ ﺍﺷﻮﻓﺞ ﺭﺟﻌﺖ ﻟﻠﺒﻴﺖ ﻟﻤﻴﺖ ﻫﺪﻭﻣﻲ ﻭﻃﻠﻌﺖ ﺍﻣﻲ ﺻﻴﺤﺖ ﻋﻠﻲ ﺑﺲ ﻣﺎﺟﺎﻭﺑﺘﻬﻪ ﻣﺎﺭﻳﺪ ﺍﺷﻮﻑ ﺍﺣﺪ
ﺍﻡ ﻛﻴﺎﻥ : ﻛﻴﺎﺍﺍﻥ ﻭﻟﻜﻚ ﻛﻴﺎﺍﻥ ﺷﻨﻮ ﺣﺘﻪ ﺍﻻﺣﺘﺮﺍﻡ ﺷﻠﺘﻪ ﻣﻦ ﺍﺣﺠﻲ ﻭﻳﺎﻙ ﺟﺎﻭﺏ ﺍﺷﻮ ﻫﺬﺍ ﺍﺧﺬ ﺟﻨﻄﺘﻪ ﻭﺭﺍﺡ ﻭﻋﺎﻓﻨﻲ ﺍﺣﺠﻲ ﻭﻱ ﻧﻔﺴﻲ ﺍﻱ ﺍﻛﻴﺪ ﻣﺨﺒﻠﻪ ﺍﻟﻮﻟﺪ ﺍﺫﺍ ﻣﺎ ﺍﻋﻠﻤﻬﻪ ﺑﺴﻴﻄﻪ ﺷﻬﺪ ﺍﻡ ﺍﻟﺴﺤﻮﺭﻩ ﺧﺒﻠﺘﻲ ﺍﻟﻮﻟﺪ ﻭﻛﺎﻡ ﻣﻴﺸﻮﻓﻨﻲ
......
ﺟﻨﺎﻥ : ﺍﻟﻮﻭﻭ ﻋﻠﻲ ﺍﻛﻠﻚ ﺍﺷﻮ ﺍﺟﻪ ﻛﻴﺎﻥ ﻃﺐ ﺍﺧﺬ ﺟﻨﻄﺘﻪ ﻭﻃﻠﻊ ﻭﻋﻤﺘﻲ ﺻﺎﺣﺖ ﺣﺠﺖ ﻣﺮﺩ ﻋﻠﻴﻬﻪ ﺑﻠﻪ ﺷﻮﻑ ﺷﺒﻲ ﺍﺷﻮ ﻭﺟﻬﻪ ﺻﺎﻳﺮ ﺍﺻﻔﺮ ﺣﺘﻪ ﺧﻔﺖ ﻋﻠﻴﻬﻪ
ﻋﻠﻲ : ﻫﺴﻪ ﺍﺧﺎﺑﺮ ﻭﺍﺷﻮﻑ ﺍﺷﻮ ﺍﺧﺎﺑﺮ ﻣﻐﻠﻖ ﻣﻠﻴﺖ ﻣﻐﻠﻖ ﻣﻐﻠﻖ
ﺷﻬﺪ : ﺑﻌﺪ ﻣﺎﻃﻠﻜﻨﻲ ﻣﺎﻋﺮﻑ ﺷﻜﻮﻝ ﻗﻄﻌﻪ ﻣﻦ ﺭﻭﺣﻲ ﻭﻃﻠﻌﺖ ﻭﻳﺎ ﺍﺣﺒﻪ ﻭﺍﻟﻠﻪ ﻭﺍﺻﺮﺥ ﺑﻜﻞ ﻗﻮﺗﻲ ﺑﺪﺍﺧﻠﻲ ﺑﺲ ﻣﺤﺪ ﻳﺴﻤﻊ ﻣﺎﺑﺎﻭﻉ ﺑﻮﺟﻬﻲ ﻭﻃﻠﻊ ﺣﻘﻪ ﻣﺎ ﺍﻟﻮﻣﻪ ﺍﻋﺮﻑ ﻫﺴﻪ ﻫﻮﻩ ﺷﻴﺤﺲ ﺑﺲ ﻣﺠﺒﻮﺭﻩ ﺍﺧﺎﻑ ﻋﻠﻴﻪ ﻻ ﻣﺤﻤﺪ ﻳﺌﺬﻱ ﻭﺻﻴﺮ ﺷﻐﻠﻪ ﻋﻨﺎﺩ ﺩﺧﻠﺖ ﻟﻠﻐﺮﻓﻪ ﻭﻗﻔﻠﺖ ﺍﻟﺒﺎﺏ ﻭﺑﺲ ﺍﻟﺒﺠﻲ ﻋﻨﺪﻱ ﺍﻣﻲ ﺩﻛﺘﺖ ﺩﻛﺘﺖ ﻛﻠﺘﻠﻬﻪ ﻟﺘﺨﺎﻓﻴﻦ ﻣﺎ ﺍﻣﻮﺕ ﺑﺲ ﻋﻮﻓﻮﻧﻲ ﺍﻟﻠﻪ ﻳﺨﻠﻴﻜﻢ
ﻋﻠﻲ : ﺍﻟﻮﻭ ﺟﻨﺎﻥ ﺍﺧﺎﺑﺮ ﻋﻠﻰ ﻛﻴﺎﻥ ﻭﻣﺎﻛﻮ ﻣﻐﻠﻖ ﻛﻠﺒﻲ ﻣﺎﻣﺮﺗﺎﺡ ﻭﺩﻳﺘﻠﻪ ﺭﺳﺎﻟﻪ ﺍﻛﻠﺞ ﺧﺎﺑﺮﻱ ﻋﻠﻰ ﺷﻬﺪ ﺍﻣﻬﻪ ﺳﺌﻠﻲ ﺍﺧﺎﻑ ﺭﺍﺣﻠﻬﻢ ﻻ ﻳﺴﻮﻱ ﻣﺸﻜﻠﻪ
ﺟﻨﺎﻥ : ﺍﻱ ﻫﺴﻪ ﺍﺧﺎﺑﺮ ﺍﻟﻮﻭﻭ ﻫﻠﻮ ﺧﺎﻟﻪ ﺷﻠﻮﻧﻬﻪ ﺷﻬﺪ ﺧﺎﻟﻪ ﺑﺲ ﺣﺒﻴﺖ ﺍﺳﺌﻠﺞ ﺳﺆﺍﻝ ﻛﻴﺎﻥ ﻫﻢ ﺍﺟﺎﻛﻢ ﺍﻟﻴﻮﻡ ﺷﻨﻮﻭ ﻻ ﻣﺎﺻﺪﻙ ﻟﻴﺶ ﺷﻠﻮﻥ ﺻﺎﺭ ﻫﻴﺞ
ﺍﻡ ﺷﻬﺪ : ﺧﺎﻟﻪ ﻟﺘﺴﺌﻠﻴﻨﻲ ﺑﻌﺪ ﻫﻮﻩ ﻫﺬﺍ ﺍﻟﺼﺎﺭ ﻫﻮﻩ ﻳﺤﺠﻴﻠﻜﻢ
ﺟﻨﺎﻥ : ﺍﻟﻮﻭ ﻋﻠﻲ ﺗﻌﺎﻝ ﻟﻠﺒﻴﺖ ﺍﺭﻳﺪ ﺍﺣﺠﻲ ﻭﻳﺎﻙ
ﻋﻠﻲ : ﺟﻨﺎﻥ ﺍﺣﺠﻲ ﺷﻜﻮ ﺗﺮﻩ ﺍﻟﺪﻧﻴﺎ ﻃﻠﻌﺖ ﻣﻦ ﻋﻴﻨﻲ
ﺟﻨﺎﻥ : ﻋﻠﻲ ﻛﻴﺎﻥ ﻃﻠﻚ ﺷﻬﺪ
ﻋﻠﻲ : ﺷﻨﻮﻭﻭﻭﻭﻭﻭﻭﻭﻭﻭ ﺷﻠﻮﻥ ﺟﺎﻱ ﺟﺎﻱ
ﺍﻡ ﻛﻴﺎﻥ : ﺷﻨﻮ ﻫﺬﺍ ﺍﻟﺴﻤﻌﺘﻪ ﺻﺪﻙ ﻭﺍﺧﻴﺮﺍ ﺀﻭﻭﻭﻑ ﺍﻭﺯﻉ ﺟﻜﻠﻴﺖ ﺍﻟﻴﻮﻡ ﻣﻦ ﺧﻠﺼﺖ ﻣﻦ ﻫﻞ ﺑﻮﻣﻪ
ﺟﻨﺎﻥ : ﻋﻤﻪ ﺣﺮﺍﻡ ﻋﻠﻴﺞ ﻫﺴﻪ ﻓﻜﺮﻱ ﺑﻜﻴﺎﻥ ﻭﺍﻟﺼﺎﻳﺮ ﺑﻲ
ﺍﻡ ﻛﻴﺎﻥ : ﺷﺼﺎﻳﺮﻟﻪ ﻗﺎﺑﻞ ﻳﺒﺠﻴﻠﻪ ﻳﻮﻣﻴﻦ ﻭﻳﻨﺴﻪ
ﻋﻠﻲ : ﺟﻨﺎﻥ ﺷﺼﺎﺭ ﺍﺣﺠﻲ
ﺟﻨﺎﻥ : ﻣﺎﻋﺮﻑ ﺍﻣﻬﻪ ﻛﺎﻟﺖ ﺧﻠﻲ ﻛﻴﺎﻥ ﻳﺴﻮﻟﻔﻠﻜﻢ
ﻋﻠﻲ : ﻳﻤﻪ ﻫﺴﻪ ﺍﺭﺗﺎﺣﻴﺘﻲ ﻣﻦ ﻃﻠﻜﻮﻭ ﻭﻫﻮﻩ ﻭﻳﻦ ﺭﺍﺡ
ﺧﺎﻳﻒ ﻟﻴﺴﻮﻱ ﺷﻲ ﺑﻨﻔﺴﻪ ﻳﻤﻪ ﻟﻴﺶ ﻫﻴﺞ
ﺍﻡ ﻛﻴﺎﻥ : ﻋﻠﻲ ﺑﻼ ﻟﻐﻮﻩ ﺷﻨﻮ ﺧﺎﻳﻒ ﻋﻠﻴﻪ ﻫﻮﻩ ﺻﻐﻴﺮ ﺧﻠﻲ ﻳﺮﺗﺎﺣﻠﻪ ﻳﻮﻣﻴﻦ ﻭﻳﺠﻲ
ﻋﻠﻲ : ﻳﻤﻪ ﺍﻧﺘﻲ ﺗﻌﺮﻓﻴﻦ ﺷﻜﺪ ﻳﺤﺐ ﺷﻬﺪ ﻫﺴﻪ ﺷﻨﻮ ﻭﺿﻌﻪ ﻭﻳﻦ ﺭﺍﺡ ﺍﻧﻲ ﻃﺎﻟﻊ ﺍﺩﻭﺭ ﻋﻠﻴﻪ ﺍﺳﺌﻞ ﺍﺻﺪﻗﺎﺋﻪ
ﺍﻡ ﺷﻬﺪ : ﺍﻟﻮ ﻳﻤﻪ ﺍﻣﺠﺪ ﺍﺭﻳﺪﻙ ﺗﺠﻲ ﻣﺤﺘﺎﺟﺘﻚ ﻫﺬﺍ ﺍﺧﻮﻙ ﻃﻠﻚ ﺍﺧﺘﻚ ﻭﻫﻴﻪ ﻗﺎﻓﻠﻪ ﺍﻟﺒﺎﺏ ﻋﻠﻴﻬﻪ ﻭﻣﺎﻋﺮﻑ ﺷﺴﻮﻱ
ﺍﻣﺠﺪ : ﺍﺍﺍﺍﻩ ﺻﺪﻙ ﻫﺬﺍ ﺍﻟﺤﺠﻲ ﻳﻌﻨﻲ ﻣﺤﻤﺪ ﺳﻮﺍﻫﻪ ﺷﻠﻮﻥ ﻗﺒﻞ ﻛﻴﺎﻥ ﻳﻄﻠﻚ
ﺍﻡ ﺷﻬﺪ : ﻳﻤﻪ ﺗﻌﺎﻝ ﻭﺍﺳﻮﻟﻔﻠﻚ ﺍﺳﻮﻩ ﺑﻴﻨﻪ ﺍﺧﻮﻙ ﻟﻌﺐ ﻟﻌﺐ ﺑﻠﺒﻨﻴﻪ
ﺍﻣﺠﺪ : ﺷﻨﻮ ﻫﻮﻩ ﺑﻜﻴﻔﻪ ﻣﺎﻛﻮ ﺟﺒﻴﺮﻩ ﻋﻨﺪﻩ ﺑﺎﺟﺮ ﺭﺍﺡ ﺍﺟﻲ ﻭﺍﻧﻲ ﺍﻋﺮﻑ ﺷﻠﻮﻥ ﺍﺣﺠﻲ ﻭﻳﺎ
ﺷﻬﺪ : ﺍﻧﻲ ﺷﻠﻮﻥ ﺳﻮﻳﺖ ﻫﻴﺞ ﻳﻌﻨﻲ ﺍﻧﻲ ﻫﺴﻪ ﻧﺎﻳﺮﺑﻄﻨﻲ ﺷﻲ ﺑﻜﻴﺎﻥ ﺻﺮﺕ ﻣﺤﺮﻣﻪ ﻋﻠﻴﻪ ﺷﻠﻮﻥ ﺳﻮﻳﺖ ﻫﻴﺢ ﺍﻟﻠﻪ ﻻ ﻳﻮﻓﻘﻜﻚ ﻣﺤﻤﺪ ﺷﺴﻮﻱ ﻳﺎﺭﺑﻲ ﺷﺴﻮﻱ ﺍﻱ ﺧﻞ ﺍﺧﺎﺑﺮﻩ ﻭﺍﺣﺠﻲ ﻭﻳﺎ ﻣﺎﻛﺪﺭ ﺍﺳﺘﺤﻤﻞ ﻳﻮﻓﻨﻲ ﺍﻣﻮﺕ ﺍﺧﺎﺑﺮﻩ ﺍﺧﺎﺑﺮﻩ ﻣﺎﻛﻮ ﻣﻐﻠﻖ ﻟﻴﺶ ﺷﺼﺎﻳﺮ ﺧﺎﻑ ﺻﺎﻳﺮ ﺷﻲ ﺑﻲ ﻳﺎﺭﺑﻲ ﺭﺣﻤﺘﻚ ﺭﺑﻲ ﺍﺣﻤﻲ ﻭﻳﻦ ﻣﺎ ﺟﺎﻥ ﻭﻻﺗﺤﺮﻣﻨﻲ ﻣﻨﻪ ﻭﺍﻟﻠﻪ ﺍﺗﺨﺒﻞ ﺍﻧﻲ ﺍﺫﺍ ﺻﺎﺭ ﺑﻲ ﺷﻲ ﺍﻧﻲ ﻏﺒﻴﻪ ﺟﺮﺣﺘﻪ ﻫﻮﺍﻱ ﺑﻌﺪ ﻣﻴﺴﺎﻣﺤﻨﻲ ﺧﻞ ﺍﺧﺎﺑﺮ ﺟﻨﺎﻥ ﺍﺳﺌﻠﻬﻪ ﻋﻠﻴﻪ ﺍﻟﻮﻭﻭ ﺟﻨﺎﻥ ﻋﻔﻴﻪ ﻛﻴﺎﻥ ﻭﻳﻦ ﺍﺷﻮ ﻣﻐﻠﻖ
ﺟﻨﺎﻥ : ﺷﻬﺪ ﺷﺼﺎﺭ ﻋﻔﻴﻪ ﺍﺣﺠﻲ ﺷﻠﻮﻥ ﻃﻠﻜﺘﻮ
ﺷﻬﺪ : ﺣﺠﻴﺖ ﻛﻠﺸﻲ ﺍﻟﺠﻨﺎﻥ ﺟﻨﺎﻥ ﺳﺎﻋﺪﻳﻨﻲ ﻋﻔﻴﻪ ﻛﻠﻴﻠﻪ ﻣﻦ ﺗﺸﻮﻓﻴﻨﻪ ﺷﻬﺪ ﻧﺠﺒﺮﺕ ﻻﻥ ﺗﺨﺎﻑ ﻋﻠﻴﻚ
ﺟﻨﺎﻥ : ﺷﻬﺪ ﻣﺎﻋﺮﻑ ﺷﻜﻠﺞ ﺑﺲ ﻫﻮﻩ ﺍﺟﻪ ﺍﺧﺬ ﺟﻨﻄﺘﻪ ﻭﻃﻠﻊ ﻭﻫﺴﻪ ﻋﻠﻲ ﻳﺪﻭﺭ ﻋﻠﻴﻪ ﻭﻣﻨﻌﺮﻑ ﻭﻳﻨﻪ ﺷﻬﺪ ﺍﻫﺪﻱ ﻻﺗﺒﺠﻴﻦ ﻭﻟﺘﺨﺎﻓﻴﻦ ﺑﺲ ﻧﻌﺮﻑ ﻫﻮﻩ ﻭﻳﻦ ﻧﺨﺎﺑﺮﺝ
ﻋﻠﻲ : ﺻﺎﺭ ﺳﺒﻮﻉ ﺍﺩﻭﺭ ﻋﻠﻲ ﻭﻣﺎﻛﻮ ﺧﺒﺮ ﺧﺎﺑﺮﻧﻲ ﻭﻟﺪ ﺻﺪﻳﻘﻪ ﻭﻛﻠﻲ ﺍﺧﻮﻙ ﺭﺍﺡ ﻳﺴﺎﻓﺮ ﺑﻌﺪ ﺧﻤﺲ ﺍﻳﺎﻡ ﻛﻤﻞ ﺟﻮﺍﺯﻩ ﻭﻫﺬﺍ ﻣﻜﺎﻥ ﺍﻟﻔﻨﺪﻕ ﺍﻟﻌﺎﻳﺶ ﺑﻲ ﺭﻭﺣﻠﻪ ﺷﻜﺮﺕ ﺍﻟﻮﻟﺪ ﺧﺎﺑﺮﺕ ﻋﻠﻰ ﺟﻨﺎﻥ ﻫﺎﺍﺍﺍ ﺟﻨﺎﻥ ﻟﻜﻴﺘﻪ ﺭﺍﺡ ﻳﺴﺎﻓﺮ ﻧﺴﻮﻱ ﺟﻮﺍﺯ ﻭﺑﻌﺪ ﺧﻤﺲ ﺍﻳﺎﻡ ﻳﺴﺎﻓﺮ ﻭﻫﺴﻪ ﺍﻧﻲ ﺭﺍﻳﺤﻠﻪ
ﺟﻨﺎﻥ : ﻳﺎﺍﺍﺍ ﻋﺰﺍ ﺭﻭﺡ ﻭﺍﻗﻨﻌﻪ ﻭﺭﺟﻌﻪ ﺳﺪﻳﺘﻪ ﻣﻦ ﻋﻠﻲ ﺗﻠﻔﻮﻥ ﻭﻛﻠﺖ ﻳﻤﻪ ﺍﺫﺍ ﺗﻌﺮﻑ ﺷﻬﺪ ﺗﻤﻮﺕ ﺧﻞ ﺍﻛﻠﻠﻬﻪ ﺍﻟﻮﻭﻭﻭ ﺷﻬﻮﺩﻩ ﻋﺮﻓﻨﻪ ﻛﻴﺎﻥ ﻭﻳﻦ
ﺷﻬﺪ : ﺍﻟﺤﻤﺪﻟﻠﻪ ﺭﺑﻲ ﺍﻟﻒ ﺍﻟﺤﻤﺪﻟﻠﻪ ﻭﻳﻦ ﺟﻨﺎﻥ
ﺟﻨﺎﻥ : ﺷﻬﺪ ﺣﺒﻲ ﺳﻤﻌﻲ ﻛﻴﺎﻥ ﻳﺮﻳﺪ ﻳﺴﺎﻓﺮ ﺑﻌﺪ ﺧﻤﺲ ﺍﻳﺎﻡ ﻣﻜﻤﻞ ﻛﻠﺸﻲ ﻭﻫﺴﻪ ﻋﻠﻲ ﺭﺍﺡ ﺑﻠﻜﻲ ﻳﻘﻨﻌﻪ ﺍﻟﻮﻭﻭ ﺍﻟﻮﻭ ﺷﻬﺪ ﻭﻳﻨﺞ
ﺷﻬﺪ : ﻻ ﻋﻔﻴﻪ ﺷﺴﻮﻱ ﻭﻛﻊ ﺗﻠﻔﻮﻥ ﻣﻦ ﻳﺪﻱ ﻻﺯﻡ ﺍﺧﺎﺑﺮ ﺑﺎﺑﺎ ﻳﺠﻲ ﺑﻌﺪ ﻣﺎﻛﻮ ﺣﻞ ﺑﻌﺪ ﺑﺲ ﻫﻮﻩ ﻳﺤﻠﻬﻪ ﺍﻟﻮﻭ ﺑﺎﺑﺎ ﻋﻔﻴﻪ ﺗﻌﺎﻝ ﻣﺤﺘﺎﺟﺘﻚ ﺍﻟﻠﻪ ﻳﺨﻠﻴﻚ ﺑﺎﺑﺎ ﻭﺍﺑﺠﻲ ﺣﻴﻠﻠﻞ ﻛﻞ ﻗﻮﺗﻲ ﺑﺎﺑﺎ ﺗﻌﺎﻝ ﺑﻌﺪ ﻣﺎﻛﺪﺭ ﺗﻌﺎﺍﺍﺍﻝ ﻧﻬﺎﺭﻳﺖ ﻭﻛﻌﺪﺕ ﺑﻠﻜﺎﻉ
ﺍﺑﻮ ﺷﻬﺪ : ﺷﻬﺪ ﺑﻨﺘﻲ ﺷﺒﻴﺞ ﺑﺲ ﻻﺗﺒﺠﻴﻦ ﺑﺲ ﺍﺭﻳﺪ ﺍﻓﺘﻬﻢ ﺍﻫﺪﻱ ﺣﺒﻴﺒﺘﻲ ﺑﺲ ﻓﻬﻤﻴﻨﻲ ﺷﺒﻴﺞ ﺑﺎﺟﺮ ﺍﺣﺠﺰ ﻭﺍﺟﻲ ﺑﻨﻴﺘﻲ ﺍﻧﻌﻞ ﺍﺑﻮ ﺍﻟﺸﻐﻞ ﺑﺎﺟﺮ ﺍﺣﺠﺰﺯ
......
ﻣﺎﺭﻳﺪﻙ ﺑﻌﺪ ... ﺣﺒﻚ ﻃﻠﻊ ﺟﺬﺍﺏ
ﻛﻞ ﻭﺍﺣﺪ ﺑﺪﺭﺑﻪ ... ﻭﻳﻠﺘﻬﻲ ﺑﺄﻣﺮﻩ
ﺣﺎﻓﻲ ﻭﻳﺎﻙ ﺃﻣﺸﻲ ... ﻭﻣﺎﻛﻠﺖ ﺗﻌﺒﺎﻥ
ﺃﺩﻭﺱ ﺃﻋﻠﻪ ﺍﻟﻠﻬﻴﺐ ... ﻭﺗﻨﻄﻔﻲ ﺍﻟﺠﻤﺮﻩ
ﺩﻟﻠﺘﻚ ﻃﻔﻞ ... ﻭﺗﺘﺄﻣﺮ ﻭﺗﺨﺘﺎﺭ
ﻭﻣﻦ ﺗﻌﻄﺶ ... ﻋﻴﻮﻧﻲ ﺗﺼﻴﺮ ﺃﻟﻚ ﺟﺮﻩ
ﺗﻄﻌﻨﻲ ﺑﺨﻨﺎﺟﺮ ﺣﺴﺒﺖ ﻣﺎﺷﻮﻑ ...
ﻭﻣﻦ ﺷﻔﺘﻚ ﻧﻜﺮﺕ ... ﻭﻃﻠﻌﺖ ﺑﺮﻩ
ﺗﺬﻛﺮ ﻣﻦ ﺭﺳﻤﺖ ﺍﻟﻀﺤﻜﻪ ﻋﺎﻟﺸﻔﺘﻴﻦ !...
ﻭﺃﻧﻄﻴﺘﻚ ﻓﺮﺡ ... ﺗﻨﻄﻴﻨﻲ ﺑﺲ ﺣﺴﺮﻩ
ﻣﻮ ﺃﻧﻪ ﺍﻟﺠﺴﺮ ﻭﺃﻧﺖ ﻋﻠﻴﻪ ﺗﺪﻭﺱ ...
ﺑﻀﻠﻮﻋﻲ ﻭﻛﻠﺘﻠﻚ ﻳﺎﻋﺴﻞ ﻣﺮﻩ
ﺗﺮﺍﺏ ﺗﺒﻴﻨﺖ ﺗﺘﻨﻘﻞ ﺃﻧﺖ ﻫﻮﺍﻱ
ﻭﺑﺲ ﺭﻳﺢ ﻟﻴﻤﺮﻙ ... ﺗﻨﻜﻠﺐ ﻏﺒﺮﻩ
ﻋﻠﻤﻨﻲ ﺍﻟﻨﺨﻞ ﻣﺎﻳﻮﻡ ﺃﺩﻧﻚ ﺭﺍﺱ
ﻭﻋﻠﻤﻨﻲ ﻋﻠﻪ ﻃﻴﺒﺔ ﺑﺸﻤﺮﺓ ﺍﻟﺜﻤﺮﻩ
ﻫﺎﻫﺴﻪ ﻋﺮﻓﺖ ﺃﻧﻪ ﻟﻴﺶ ﺃﺭﻳﺪ ﺃﻧﺴﺎﻙ .. ؟
ﺧﺎﻳﻒ ﻻﺃﺭﺩﻟﻚ ... ﻭﺃﻭﻛﻊ ﺑﺤﻔﺮﻩ
ﻣﺎﺃﺭﺟﻊ ﺑﻌﺪ ﺃﻋﺬﺭﻧﻲ ... ﺍﻟﻠﻪ ﻭﻳﺎﻙ
ﻟﻤﻠﻢ ﻛﻞ ﻏﺮﺍﺿﻚ ... ﺧﻠﺼﺖ ﺍﻟﺴﻔﺮﻩ
ﺍﺑﻮﺷﻬﺪ : ﺷﻬﺪ ﺑﻨﺘﻲ ﺷﺒﻴﺞ ﻻ ﺗﺒﺠﻴﻦ ﺑﺲ ﺍﺭﻳﺪ ﺍﻓﺘﻬﻢ
ﺍﻫﺪﻱ ﺑﺎﺟﺮ ﺍﺣﺠﺰ ﻭﺍﺟﻲ ﺑﻨﺘﻲ ﺍﻧﻌﻞ ﺍﺑﻮ ﺍﻟﺸﻐﻞ
ﺍﻡ ﺷﻬﺪ : ﻳﻤﻪ ﺷﻬﻮﺩﻩ ﺷﺒﻴﺞ ﺣﺒﻴﺒﺘﻲ ﻛﻮﻣﻲ ﻳﻤﻪ ﻣﻦ
ﺍﻟﻜﺎﻉ ﺷﺎﻛﻮﻝ ﻋﻠﻴﻜﻢ ﻣﺤﻤﺪ ﻭﻋﻤﺘﺞ ﺳﻮﻭ ﺑﻴﻜﻢ ﻛﻮﻣﻲ
ﺍﻣﻲ ﻛﻮﻣﻲ ﺗﻌﺎﻟﻲ ﻛﻌﺪﻱ ﻫﻨﺎ ﻋﻠﻰ ﺟﺮﺑﺎﻳﺘﺞ ﻫﺲ ﺑﺲ
ﺍﺟﻴﺒﻠﺞ ﻣﻲ ﻭﺍﺟﻲ ﻫﺎﺝ ﺍﻣﻲ ﺍﺷﺮﺑﻲ ﺣﺒﻴﺒﺘﻲ ﺍﻫﺪﻱ
ﺑﺎﻋﻲ ﺧﺎﺑﺮﺕ ﺍﻣﺠﺪ ﻭﺭﺍﺡ ﻳﺠﻲ ﻭﻛﻠﺖ ﺍﺧﺎﺑﺮ ﺍﺑﻮﺝ
ﺑﺲ ﺍﻣﻲ ﺗﻌﺮﻓﻴﻦ ﺍﺑﻮﺝ ﻣﺎﺭﻳﺪ ﺍﺻﻴﺮ ﻣﺸﻜﻠﻪ ﺑﻴﻨﻪ
ﻭﺑﻴﻦ ﺍﺧﻮﺝ ﻋﺒﺎﻟﻲ ﺗﻨﺤﻞ ﺍﻟﺴﺎﻟﻔﻪ ﻣﺎﻋﺮﻑ ﻣﺤﻤﺪ
ﺑﻬﻞ ﺳﺮﻋﻪ ﻳﺴﻮﻳﻬﻪ ﺑﺲ ﻫﺴﻪ ﺑﻌﺪ ﻣﺎ ﺳﻜﺘﻠﻪ
ﺷﻬﺪ : ﻣﺎﻣﺎ ﻛﻴﺎﻥ ﺣﻴﺴﺎﻓﺮ ﻭﻳﻌﻮﻓﻨﻲ ﺑﻌﺪ ﺍﻋﺮﻑ ﺑﻌﺪ ﺍﻟﺴﻮﻳﺘﻪ ﺑﻴﻪ ﻫﻮﻩ ﺑﻌﺪ ﻣﻴﺮﻳﺪﻧﻲ ﻣﺎﻣﺎ ﺍﻧﻲ ﺧﺬﻟﺘﻪ ﻣﺎ
ﻭﻛﻔﺖ ﻭﻳﺎﻩ ﻫﻮ ﻛﻠﻲ ﺑﺲ ﺍﻭﻛﻔﻲ ﻭﻳﺎﻱ ﻭﺳﺎﻧﺪﻳﻨﻲ
ﻣﺎﻋﻮﻓﺞ ﺗﻮﺳﻞ ﻭﺭﺍﺩ ﻭﺍﻧﻲ ﺟﺮﺣﺘﻪ ﺑﻜﻞ ﻗﻮﺗﻲ
ﻣﺎﻣﺎ ﺍﻧﻲ ﺧﺎﺑﺮﺕ ﺑﺎﺑﺎ ﻛﺘﻠﻪ ﺗﻌﺎﻝ ﻻﺯﻡ ﻳﺠﻲ ﻭﻳﺤﻠﻪ
ﺍﺭﻳﺪ ﺍﺭﺟﻊ ﺍﻟﺰﻭﺟﻲ ﻭﺍﻟﻠﻪ ﺍﻣﻮﺕ ﺍﺫﺍ ﻋﺎﻓﻨﻲ ﻭﺳﺎﻓﺮ
ﺍﻡ ﺷﻬﺪ : ﺍﻣﻲ ﺯﻳﻦ ﺳﻮﻳﺘﻲ ﻭﺧﺎﺑﺮﺗﻲ ﺍﺑﻮﺝ ﺍﻧﻲ ﻫﻢ
ﺟﺎﻱ ﺍﺧﺎﺑﺮﻩ ﻛﺎﻓﻲ ﺑﺠﻲ ﻣﻮ ﻋﻴﻮﻧﺞ ﺭﺍﺣﺖ ﻣﺎﺳﻜﺖ
ﺍﻧﻲ ﺑﻌﺪ ﻻﺗﺨﺎﻓﻴﻦ ﻻﺯﻡ ﻧﻠﻜﻪ ﺣﻞ
ﺟﻨﺎﻥ : ﻋﻤﻪ ﻋﻤﻪ
ﺍﻡ ﻛﻴﺎﻥ : ﻫﺎ ﺷﻜﻮ ﺷﺒﻴﺞ
ﺟﻨﺎﻥ : ﺍﻛﻠﺞ ﻋﻤﻪ ﻋﻠﻲ ﻟﻜﻪ ﻛﻴﺎﻥ ﺑﺲ
ﺍﻡ ﻛﻴﺎﻥ : ﺑﺲ ﺷﻨﻮ ﻳﻤﻪ ﻭﻟﻴﺪﻱ ﺑﻲ ﺷﻲ
ﺟﻨﺎﻥ : ﻻ ﻋﻤﻪ ﻻﺗﺨﺎﻓﻴﻦ ﻣﺎﺑﻲ ﺷﻲ ﺑﺲ ﻳﻜﻮﻝ ﺭﺍﺡ ﻳﺴﺎﻓﺮ ﻣﺴﻮﻱ ﺟﻮﺍﺯﻩ
ﺍﻡ ﻛﻴﺎﻥ : ﻳﻤﻪ ﻳﻤﻪ ﻛﻤﺖ ﺍﻟﻄﻢ ﻋﻠﻰ ﺧﺪﻱ ﻋﺰﻩ ﺍﻟﻌﺰﺍﻧﻲ
ﻭﻳﻦ ﻳﺮﻭﺡ ﻭﻳﻌﻮﻓﻨﻪ ﻫﻤﻪ ﻫﻞ ﺍﻟﺜﻨﻴﻦ ﻃﻠﻌﺖ ﺑﻴﻬﻢ ﻣﻦ
ﺍﻟﺪﻧﻴﺎ ﻛﻠﻴﻠﻲ ﻭﻳﻦ ﻫﻮﻩ ﺍﺭﻳﺪ ﺍﺭﻭﺡ ﺍﺣﺠﻲ ﻭﻳﺎ ﻫﺬﺍ
ﺍﺗﺨﺒﻞ ﺭﺳﻤﻲ
......
ﻋﻠﻲ : ﻭﺻﻠﺖ ﻟﻤﻜﺎﻥ ﻟﺒﻲ ﻛﻴﺎﻥ ﻭﻧﺰﻟﺖ ﺩﻛﻴﺖ ﺍﻟﺒﺎﺏ ﻃﻠﻊ
ﻛﻴﺎﻥ ﻓﺘﺢ ﺍﻟﺒﺎﺏ ﻭﺗﻔﺎﺟﺊ ﺑﺠﻴﺘﻲ ﻣﻤﺘﻮﻗﻌﻨﻲ
ﻛﻴﺎﻥ : ﺷﻠﻮﻥ ﺍﻧﺪﻟﻴﺘﻨﻲ ﻭﺷﺠﺎﺑﻚ
ﻋﻠﻲ : ﺷﻨﻮ ﺍﺿﻞ ﻭﺍﻛﻒ ﺑﻠﺒﺎﺏ
ﻛﻴﺎﻥ : ﻻ ﺗﻌﺎﻝ ﺍﺩﺧﻞ
ﻋﻠﻲ : ﺩﺧﻠﺖ ﻭﺳﺪﻳﺖ ﺍﻟﺒﺎﺏ ﺍﺑﺎﻭﻉ ﻋﻠﻰ ﺍﺧﻮﻳﻪ ﻣﻨﺘﻬﻲ
ﻭﻟﺤﻴﺘﻪ ﺷﻜﺒﺮﻫﻪ ﻣﺜﻞ ﺍﻟﻮﺍﺣﺪ ﻳﻤﻮﺗﻠﻪ ﻋﺰﻳﺰ ﻣﻌﻮﺝ ﻛﺘﻠﻪ
ﺷﺒﻴﻚ ﻛﻴﺎﻥ ﻏﺎﻟﻖ ﺗﻠﻔﻮﻧﻚ ﺍﺩﻭﺭ ﻋﻠﻴﻚ ﺻﺎﺭ ﺍﺳﺒﻮﻉ
ﻣﺘﻜﻮﻝ ﻳﻀﻞ ﺑﺎﻟﻬﻢ ﻋﻠﻴﻪ ﻣﻴﺖ ﻓﻜﺮﻩ ﺍﺟﺖ ﺑﺮﺍﺳﻲ
ﺷﻨﻮ ﺷﺒﻴﻚ ﺑﺎﻭﻉ ﺣﺎﻟﺘﻚ ﻣﻌﺒﺎﻟﻲ ﺍﻧﺘﻪ ﻫﻴﺞ ﺿﻌﻴﻒ ﻛﻴﺎﻥ
ﻛﻴﺎﻥ : ﻋﻠﻲ ﻋﻔﻴﻪ ﻣﺎﺭﻳﺪ ﺍﺳﻤﻊ ﺷﻲ ﻣﻦ ﺍﺣﺪ ﻓﻠﻬﺎﺫﺍ
ﺑﺘﻌﺪﺕ ﻭﺍﻧﻲ ﻣﻮ ﺿﻌﻴﻒ ﺑﺲ ﻣﻦ ﺗﺤﺐ ﻭﺍﺣﺪ ﻭﺗﺘﻮﺳﻞ
ﺑﻲ ﻭﻣﺘﻤﺴﻚ ﺑﻲ ﻻﺧﺮ ﺷﻲ ﻭﻳﻌﻮﻓﻚ ﻭﻳﺬﻟﻚ ﺣﺎﺭﺑﺖ
ﺍﻟﻌﺎﻟﻢ ﻋﻠﻤﻮﺩﻫﺎ ﻭﺍﻣﻲ ﻭﺍﻱ ﺍﺣﺪ ﻳﻐﺜﻬﺎ ﺗﺎﻟﻲ ﺧﻮﺵ ﺟﺎﺯﺗﻨﻲ ﺗﻌﻴﺮﻧﻲ ﻻﻥ ﻣﺎﻛﺪﺭ ﺍﻭﻓﺮﻟﻬﻪ ﻋﻴﺸﻪ ﻣﺜﻞ ﺍﻫﻠﻬﻪ
ﻋﻠﻲ ﺍﻧﻲ ﻫﻮﺍﻱ ﺩﺳﺖ ﻋﻠﻰ ﻧﻔﺴﻲ ﻋﻠﻲ ﺗﻔﻬﻤﻨﻲ ﻣﺠﺮﻭﺡ ﻭﺟﺮﺡ ﺍﻟﺤﺒﻴﺐ ﻏﻴﺮ ﻳﻮﺟﻊ ﻭﻳﻀﻞ ﻳﺪﻙ ﺑﻠﻜﻠﺐ
ﻋﻠﻲ : ﻛﻴﺎﻥ ﺍﺧﻮﻳﻪ ﺣﺒﻴﺒﻲ ﻣﻘﺪﺭ ﻭﺿﻌﻚ ﺑﺲ ﺍﻧﺘﻪ ﻫﻢ
ﺍﻋﺬﺭﻫﺎ ﺍﻳﺠﻮﺯ ﺍﻫﻠﻬﻪ ﺿﻐﻄﻮﺍ ﻋﻠﻴﻬﺎ ﺍﻭ ﺗﺨﺎﻑ ﻣﻦ ﺍﺧﻮﻫﺎ
ﻛﻴﺎﻥ : ﺗﺨﺎﻑ ﻭﺍﻧﻲ ﻳﻤﻬﺎ ﻛﻠﺘﻠﻬﺎ ﻣﺎﺩﺍﻡ ﺍﻧﻲ ﻣﻮﺟﻮﺩ
ﻻﺗﺨﺎﻓﻴﻦ ﺗﻌﺎﻟﻲ ﻭﻳﺎﻱ ﻣﺤﺪ ﻳﻜﺪﺭ ﻳﺴﻮﻳﻠﻨﻪ ﺷﻲ
ﺍﻧﺘﻲ ﻣﺮﺗﻲ ﺗﻮﺳﻠﺖ ﻋﻠﻤﻮﺩ ﺗﺮﺟﻊ ﻭﻳﺎﻱ ﻭﺗﺎﻟﻲ ﺗﻜﻠﻲ
ﺍﺫﺍ ﻋﻨﺪﻙ ﻛﺮﺍﻣﻪ ﻃﻠﻚ ﻫﺬﺍ ﺍﻧﻲ ﻋﻠﻲ ﻫﻴﺞ ﺗﺤﺠﻲ ﻭﻳﺎ
ﻭﺍﺩﻙ ﻋﻠﻰ ﺻﺪﺭﻱ ﺣﻴﻞ ﺑﻜﻞ ﻗﻮﺗﻲ ﺑﺲ ﻣﺎﻟﻮﻣﻬﺎ ﻫﻮﺍﻱ
ﺫﺑﻴﺖ ﻧﻔﺴﻲ ﻋﻠﻴﻬﺎ ﻭﻫﻴﻪ ﺑﺎﻋﺘﻨﻲ ﺑﻠﺮﺧﻴﺺ
ﻋﻠﻲ : ﺍﺧﻮﻳﻪ ﺣﺒﻴﺒﻲ ﺷﻬﺪ ﻣﺘﺴﻮﻳﻬﺎ ﺍﻛﻴﺪ ﻣﺠﺒﻮﺭﻩ
ﻛﻠﺸﻲ ﻳﻨﺤﻞ ﻭﺣﺘﻰ ﻃﻼﻛﻚ ﻣﻴﺼﻴﺮ ﻫﻴﺠﻲ ﺑﺎﻃﻞ
ﻻﻥ ﻫﺪﺩﻭﻙ . ﻣﻮ ﺑﺮﺿﺎﺗﻚ ﺍﻧﻲ ﺍﺭﺟﻌﻪ ﻟﻚ ﺻﺪﻙ
ﺍﺧﻠﻲ ﺍﺧﻮﻫﺎ ﻳﺘﻮﺳﻞ ﺑﺲ ﺍﺻﺒﺮ ﺍﻧﻲ ﻋﻮﺩ ﻣﺮﺩﺕ
ﺍﺣﻠﻬﺎ ﺑﻠﻌﻨﻒ ﻛﻠﺖ ﻋﻴﺐ ﺑﺲ ﺑﻌﺪ ﺍﻟﺴﻮﺍﻩ ﺑﺴﻴﻄﻪ
ﻛﻴﺎﻥ : ﺷﻨﻮ ﺷﻨﻮ ﺗﺮﺟﻌﻬﺎ ﻫﻬﻬﻬﻪ ﺍﻧﻲ ﺑﻌﺪ ﻟﻮ ﻳﺼﺒﻮﻫﺎ
ﺫﻫﺐ ﻣﺎﺭﻳﺪﻫﺎ ﺍﻧﻲ ﻣﺎﻇﻞ ﻫﻨﺎ ﺭﺍﺡ ﺍﺳﺎﻓﺮ
ﻋﻠﻲ : ﺷﻨﻮ ﺳﺎﻓﺮ ﻣﻨﻮ ﻳﺨﻠﻴﻚ ﺗﺨﺒﻠﺖ ﻋﻮﻑ ﺷﻬﺪ ﻫﺴﻪ
ﺑﺲ ﻣﻜﻠﺖ ﺍﺧﻮﻳﻪ ﻣﺎﻋﻨﺪﻩ ﻏﻴﺮﻱ ﻋﺎﻳﻔﻨﻲ ﺍﻧﻲ ﻭﺍﻣﻚ
ﻟﻤﻦ ﺍﺻﺤﻪ ﻛﺎﻓﻲ
ﻛﻴﺎﻥ . ﻫﻬﻬﻬﻬﻬﻬﻬﻬﻬﻬﻬﻪ ﺍﻣﻲ ﻫﻴﻪ ﺳﺒﺐ ﺩﻣﺎﺭﻱ ﺣﻴﺎﺗﻲ ﻣﻦ ﺍﻻﻭﻝ ﺍﻧﻲ ﻣﺎﺭﻳﺪ ﺍﺷﻮﻓﻬﺎ ﻭﺍﺟﺮﺣﻬﺎ ﺑﻠﻜﺠﻲ ﺗﺒﻘﻰ ﺍﻣﻲ ﻣﺎﻛﺪﺭ ﺍﺟﺎﻭﺯ ﺑﺲ ﻣﻊ ﻻﺳﻒ ﺍﻣﻚ ﻫﻴﻪ ﺍﻟﺴﺒﺐ
ﺍﻻﻭﻝ ﺑﺨﺮﺍﺏ ﺣﻴﺎﺗﻲ ﻭﺑﻴﺘﻲ
ﻋﻠﻲ : ﻛﻴﺎﻥ ﻟﺨﺎﻃﺮﻱ ﺍﺭﺟﻊ ﻭﻳﺎﻱ ﺍﻧﻲ ﺍﺧﻮﻙ ﺍﻟﺠﺒﻴﺮ ﻭﺍﻣﺮﻙ
ﻛﻴﺎﻥ : ﻋﻔﻴﻪ ﻋﻠﻲ ﻋﻮﻓﻨﻲ ﺑﺤﺎﻟﻲ ﺍﻧﻲ ﺍﺧﺬﺕ ﻗﺮﺍﺭﻱ ﺑﻌﺪ ﻣﺎﺗﺮﺍﺟﻊ ﺑﻲ ﻣﺎﻛﺪﺭ ﺍﻋﻴﺶ . ﺑﻲ ﻣﺎﻛﺪﺭ ﺍﻋﻴﺶ ﻫﻨﺎ ﺑﻌﺪ
ﻣﺨﺘﻨﻚ ﻋﻠﻲ ﻋﻮﻓﻨﻲ ﺍﻟﻠﻪ ﻋﻠﻴﻚ ﺑﺮﺍﺣﺘﻲ
ﻋﻠﻲ : ﺻﺪﻙ ﻟﻮ ﺍﻋﺮﻑ ﺍﺷﺒﻜﻚ ﻣﺎﺧﻠﻴﻚ ﻭﻫﺴﻪ ﺭﺍﺡ ﺍﺭﻭﺡ ﺍﺟﻴﺒﻠﻚ ﺍﻛﻞ ﻭﺍﺭﺟﻊ ﺍﻛﺎﻙ ﺳﺎﺑﺢ ﻭﻣﺰﻳﻦ ﻣﺎﺭﻳﺪ
ﺍﺷﻮﻓﻚ ﺑﻬﺬﺍ ﺍﻟﻮﺿﻊ ﺍﻟﻨﺘﻪ ﺑﻲ
ﺍﻣﺠﺪ : ﻫﺎ ﺍﻣﻲ ﻭﻳﻦ ﺍﺑﻨﺞ ﺍﻟﺸﻔﻴﻪ ﺟﺒﻴﺮﻧﻪ
ﺍﻡ ﺷﻬﺪ : ﻳﻤﻪ ﻋﻠﻰ ﻛﻴﻔﻚ ﻣﺎﺭﻳﺪ ﻣﺸﺎﻛﻞ ﻛﺎﻓﻲ ﺍﺧﺘﻚ
ﺭﺍﺡ ﺗﻤﻮﺕ ﺭﻭﺣﻪ ﻣﻦ ﺍﻟﺒﺠﻲ ﺍﺑﻮﻙ ﺟﺎﻱ ﺍﻟﻴﻮﻡ ﺍﻟﻌﺼﺮ
ﺧﺎﺑﺮ ﺍﻧﺘﻈﺮﻩ ﻭﺷﻮﻑ ﺷﻴﺴﻮﻱ ﻣﺎﺭﻳﺪ ﻻﻣﻮﺭ ﺗﺘﺎﺯﻡ ﺍﻛﺜﺮ
......
ﺍﻣﺠﺪ : ﺍﻟﻠﻪ ﻛﺮﻳﻢ ﺍﻟﺨﺎﻃﺮﺝ ﺍﺷﻮﻑ ﺍﺑﻮﻳﻪ ﻳﻠﻪ ﺍﺣﺠﻲ ﺍﻣﻲ ﺷﻬﺪ ﻭﻳﻦ ﺍﺭﻳﺪ ﺍﺷﻮﻓﻬﻪ ﻭﺍﺣﺠﻲ ﻭﻳﺎﻫﻪ
ﺍﻡ ﺷﻬﺪ : ﻳﻤﻪ ﻋﻮﻓﻬﻪ ﻫﺴﻪ ﺑﻠﻜﻮﻩ ﻧﺎﻣﺖ ﻣﻦ ﺗﻜﻌﺪ ﺭﻭﺣﻠﻬﻪ
ﺍﻣﺠﺪ : ﺍﻱ ﺧﻮﺵ ﻟﻌﺪ ﺍﻧﻲ ﺭﺍﺡ ﺍﻧﺎﻡ ﻣﻴﺖ ﻣﻦ ﺍﻟﺘﻌﺐ ﻣﻦ ﻳﺠﻲ ﺍﺑﻮﻳﻪ ﻳﻤﻪ ﻛﻌﺪﻧﻲ
ﺍﻡ ﺷﻬﺪ : ﺍﻱ ﻭﻟﻴﺪﻱ ﺭﻭﺡ ﺍﺭﺗﺎﺡ ﻭﺍﻧﻲ ﺍﻛﻌﺪﻛﻢ ﻣﻦ ﺍﺟﻲ
ﻋﻠﻲ : ﺭﺟﻌﺖ ﻟﻠﺒﻴﺖ ﻭﺳﻮﻟﻔﺖ ﺍﻻﻣﻲ ﻭﺟﻨﺎﻥ ﻭﺍﻣﻲ ﻣﺠﻠﺒﻪ ﻭﺩﻳﻨﻲ ﺍﺷﻮﻓﻪ ﻳﻤﻪ ﺍﺭﻳﺪ ﺍﺣﺠﻲ ﻭﻳﺎ ﻛﺘﻠﻬﻪ ﻳﻤﻪ ﻋﻮﻓﻲ ﻫﺴﻪ ﺍﻧﻲ ﺑﻠﻜﻮﻩ ﻳﺤﺠﻲ ﻭﻳﺎﻱ ﻣﺎﺭﻳﺪ ﺗﺮﻭﺣﻴﻦ ﻭﻫﻮﻩ ﻫﺴﻪ ﻣﺨﺜﻮﺙ ﻣﻨﺞ ﻋﻮﻓﻲ ﻳﻬﺪﺍﻟﻪ ﺟﻢ ﻳﻮﻡ
ﺍﻡ ﻛﻴﺎﻥ : ﻳﻤﻪ ﻋﻠﻲ ﻟﺘﺨﻠﻲ ﻳﺴﺎﻓﺮ ﺷﻴﺮﻳﺪ ﺍﺳﻮﻳﻠﻪ ﺍﻧﻲ ﺍﺭﻭﺡ ﻭﺍﺭﺟﻊ ﺷﻬﺪ ﺑﺲ ﻻ ﻳﻌﻮﻓﻨﻪ ﻭﻳﺮﻭﺡ ﮔﻠﻪ ﺍﻣﻚ ﺗﻜﻮﻝ ﻻﺗﻌﻮﻓﻨﻲ ﺍﻣﻮﺕ ﻫﻮﻩ ﺍﻧﻲ ﻋﺸﺖ ﻋﻤﺮﻱ ﻛﻠﻪ ﻋﻠﻤﻮﺩﻛﻢ
ﻋﻠﻲ : ﻳﻤﻪ ﻣﺎﺭﻳﺪ ﺯﻋﻠﻴﻦ ﻋﻠﻴﻪ ﺑﺲ ﺍﻧﺘﻲ ﺍﺫﻳﺘﻲ ﻫﻮﺍﻳﻪ ﻭﺧﺮﺑﺘﻲ ﺣﻴﺎﺗﻪ ﻫﻮﻩ ﻳﺤﺒﻬﻪ ﻭﻣﺎﺭﺍﺩ ﺍﻃﻔﺎﻝ ﺟﺎﻥ ﻻﺯﻡ ﺗﺤﺘﺮﻣﻴﻦ ﺭﺋﻴﻪ ﻣﻴﺼﻴﺮ ﻫﻴﺞ ﻳﻤﻪ ﺍﻟﺴﻮﻳﺘﻲ ﻣﻨﻮ ﻳﻘﺒﻞ ﻋﻠﻴﻪ
ﺍﻡ ﻛﻴﺎﻥ : ﻳﻤﻪ ﺭﺩﺕ ﺍﺷﻮﻑ ﺟﻬﺎﻟﻪ ﻣﺎﺭﺩﺕ ﻳﻄﻠﻚ ﺑﺲ ﻳﺰﻭﺝ ﻫﻮﻩ ﺭﺑﻚ ﻣﺤﻠﻞ ﺍﺭﺑﻌﻪ
ﻋﻠﻲ : ﺍﻣﻲ ﺍﻧﺘﻲ ﻟﻮ ﺑﻨﺘﺞ ﺍﺗﻘﺒﻠﻴﻦ ﻋﻤﺘﻬﻪ ﺗﺴﻮﻱ ﻫﻴﺞ ﺑﻴﻬﻪ ﻭﺛﺎﻧﻴﺎ ﺍﻣﻲ ﻫﻤﻪ ﺛﻨﻴﻨﻬﻢ ﻣﺎﺑﻴﻬﻢ ﺧﻠﻞ ﺍﻟﻠﻪ ﻣﺮﺍﻳﺪ ﻳﺮﺯﻗﻬﻢ ﻫﺴﻪ
ﺍﺑﻮ ﺷﻬﺪ : ﺑﻌﺪ ﻣﺎ ﺧﺎﺑﺮﺕ ﺷﻬﺪ ﻋﺮﻓﺖ ﻣﺤﻤﺪ ﺟﺎﺑﺮﻫﻪ ﻭﻫﻮﻩ ﺟﺬﺏ ﻋﻠﻴﻪ ﻛﻠﻲ ﻫﻴﻪ ﻣﺘﺮﻳﺪﻩ ﻭﻋﻤﺘﻬﻪ ﻣﺌﺬﻳﺘﻬﻪ ﻭﺗﺒﺠﻲ ﻭﺍﻛﻮﻝ ﺑﺲ ﻃﻠﻜﻮﻧﻲ ﻣﺎﺭﻳﺪ ﺍﻋﻴﺶ ﻭﻳﺎﻫﻢ ﺍﻧﻲ ﻛﺘﻠﻪ ﺧﻠﺺ ﺍﺫﺍ ﻣﺘﺮﻳﺪﻩ ﺳﻮﻱ ﺍﻟﺘﻜﺪﺭ ﻋﻠﻴﻪ ﻭﻃﻠﻜﻬﻪ ﺍﻧﻲ ﻣﺴﺎﻓﺮ ﻭﺍﻟﺒﻀﺎﻋﻪ ﺻﺎﺭﺕ ﺑﻴﻬﻪ ﺍﺷﻜﺎﻝ ﻓﺎﺗﺎﺧﺮﺕ ﺑﺲ ﻣﻦ ﺧﺎﺑﺮﺕ ﺷﻬﺪ ﺷﻔﺖ ﻭﺿﻌﻬﻪ ﻋﺮﻓﺖ ﻣﺤﻤﺪ ﻣﺠﺬﺏ ﻋﻠﻴﻪ ﻋﻔﺖ ﺍﻟﻤﺤﺎﻣﻲ ﻭﻣﺪﻳﺮ ﺍﻋﻤﺎﻟﻨﻪ ﺍﻟﻬﻨﺎﻙ ﻭﺭﺟﻌﺖ ﺩﺧﻠﺖ ﻟﻠﺒﻴﺖ ﻭﺗﻠﻜﺘﻨﻲ ﺍﻡ ﻣﺤﻤﺪ
ﺍﻡ ﺷﻬﺪ : ﻫﻼ ﻭﻛﻞ ﺍﻟﻬﻼ ﺏ ﺍﺑﻮ ﻣﺤﻤﺪ ﻫﺴﻪ ﻳﻠﻪ ﻧﻮﺭ ﺍﻟﺒﻴﺖ
ﺍﺑﻮ ﺷﻬﺪ : ﺗﻌﺎﻟﻲ ﻳﻠﻌﺰﻳﺰﻩ ﻣﺸﺘﺎﻗﻠﺞ ﺳﻠﻤﺖ ﻋﻠﻴﻬﻪ ﻭﺳﺌﻠﺖ ﻉ ﺷﻬﺪ
ﺍﻡ ﺷﻬﺪ : ﺍﺑﻮ ﻣﺤﻤﺪ ﺍﻧﺘﻪ ﻫﺴﻪ ﺍﺭﺗﺎﺡ ﻭﺍﺳﺒﺢ ﺟﺎﻱ ﻣﻦ ﺳﻔﺮ ﺑﻌﺪﻳﻦ ﺍﺳﻮﻟﻔﻠﻚ ﻛﻠﻪ ﺍﻟﺼﺎﺭ ﻭﺷﻬﺪ ﻫﺴﻪ ﻧﺎﻳﻤﻪ ﻭﺍﻣﺠﺪ ﻫﻢ ﻧﺎﻳﻢ ﺑﻴﻦ ﻣﺎﺗﺴﺒﺢ ﻭﺗﺎﻛﻞ ﻟﻜﻤﻪ ﺍﻛﻌﺪﻫﻢ ﻭﻧﺤﺠﻲ ﺑﻠﻜﻮﻩ ﻗﻨﻌﺘﻪ ﻳﺴﺒﺢ ﺍﻣﺒﻴﻦ ﻋﺼﺒﻲ ﺣﻴﻞ ﺑﺲ ﻣﺎﺭﻳﺪ ﻣﺸﺎﻛﻞ ﻫﻮﻩ ﻭﻣﺤﻤﺪ ﻳﺒﻘﻪ ﺍﺑﻨﻲ ﺍﺭﻳﺪ ﺗﻨﺤﻞ ﺍﻟﺴﺎﻟﻔﻪ ﺑﻬﺪﻭﺀ ﻫﺎﻱ ﺍﺳﺘﻜﺎﻥ ﺍﻟﺠﺎﺍﻱ ﻫﺎ ﻫﺴﻪ ﺍﺭﺗﺎﺣﻴﺖ
ﺍﺑﻮ ﺷﻬﺪ : ﺍﻛﻠﺞ ﺗﺮﻩ ﺍﻋﺮﻑ ﺳﻮﺍﻟﻔﺞ ﺯﻳﻦ ﺗﺮﻳﺪﻳﻦ ﺍﻫﺪﺀ ﻛﺎﻓﻲ ﺑﻌﺪ ﻣﺎﺍﺗﺤﻤﻞ ﺻﻴﺤﻴﻬﻢ ﻭﻳﻦ ﺍﺑﻨﺞ ﺍﻟﺠﺒﻴﺮ ﻫﺬﺍ ﺍﻧﻲ ﺍﻟﻪ ﻋﻮﺩ ﻋﺎﻳﻔﻪ ﺑﺪﺍﻟﻲ ﺑﺲ ﻣﺎﺭﻳﺪ ﻫﺴﻪ ﺍﺣﻜﻢ ﻋﻠﻴﻪ ﺍﺳﻤﻊ ﻣﻦ ﺍﻟﻜﻞ ﻭﺑﻌﺪﻳﻦ ﺍﻗﺮﺭ
ﺍﻡ ﺷﻬﺪ : ﻋﻠﻰ ﺑﺨﺘﻚ ﻳﺒﻮ ﻣﺤﻤﺪ ﻋﻠﻰ ﻛﻴﻔﻚ ﻭﻳﺎﻫﻢ
ﺷﻬﺪ : ﺻﺎﺣﺘﻨﻲ ﻣﺎﻣﺎ ﻭﻛﺎﻟﺖ ﺑﺎﺑﺎ ﺍﺟﻪ ﻧﺰﻟﺖ ﺍﺭﻛﺾ ﻭﺍﺧﻴﺮﺍ ﺭﺍﺡ ﺍﻟﻜﻪ ﻣﻦ ﻳﻮﻛﻒ ﻭﻳﺎﻱ ﻧﺰﻟﺖ ﺑﺴﺮﻋﻪ ﺷﺒﻜﺖ ﺑﺎﺑﺎ ﻭﺍﺑﺠﻲ ﻣﺴﺘﻬﻈﻤﻪ ﻣﻦ ﺍﻟﺼﺎﺭ ﻭﻳﺎﻳﻪ ﻭﺍﺑﻮﻳﻪ ﻣﻮ ﻳﻤﻲ
ﺣﺠﻴﺖ ﺍﻝ ﺑﺎﺑﺎ ﻛﻠﺸﻲ ﺳﻮﺍﻩ ﻣﺤﻤﺪ ﻭﺷﻠﻮﻥ ﻫﺪﺩﻧﻲ ﻭﺷﻠﻮﻥ ﺍﺫﻩ ﻛﻴﺎﻥ ﺑﻠﺤﺠﻲ ﻭﺳﻮﻩ ﻭﻳﺎ ﻭﻃﻠﻜﻨﻲ ﺍﻧﻲ ﻭﻛﻴﺎﻥ ﻛﺘﻠﻪ ﺑﺎﺑﺎ ﺻﺢ ﻋﻤﺘﻲ ﻏﻠﻄﺎﻧﻪ ﻭﻳﺎﻱ ﻭﺍﺫﺗﻨﻲ ﻭﺭﺍﺩﺕ ﺯﻭﺟﻪ ﺍﻻﺑﻨﻬﻪ ﺑﺲ ﻛﻴﺎﻥ ﻣﺎﻃﻪ ﺑﻴﻪ ﻭﻛﺎﻝ ﺭﺟﻌﻲ ﻧﺴﺎﻓﺮ ﺍﻟﺘﺮﻛﻴﻪ ﻭﻧﺴﺘﻘﺮ ﻫﻨﺎﻙ ﺑﺲ ﺍﻧﻲ ﺧﻔﺖ ﻣﻦ ﻣﺤﻤﺪ ﻭﻧﺘﻪ ﺗﻌﺮﻑ ﺍﻟﺒﺎﻗﻲ
.......
ﺍﻣﺠﺪ : ﺍﻧﻲ ﻣﺴﻤﻌﻨﻲ ﺍﺑﻮﻳﻪ ﻛﺎﻝ ﺍﻧﺘﻪ ﻣﻘﺼﺮ ﻣﻮﻛﻔﺖ ﻭﻱ ﺍﺧﺘﻚ ﻭﻋﻔﺘﻬﻪ ﻭﺭﺣﺖ ﺯﻋﻞ ﻋﻠﻴﻪ ﺍﺑﻮﻳﻪ ﺍﻱ ﺑﺲ ﻳﺎﺑﻪ ﺍﻧﻲ ﻣﺮﺩﺕ ﺍﺗﻌﺎﺭﻙ ﻭﻱ ﻣﺤﻨﺪ ﻭﺻﻴﺮ ﻣﺸﻜﻠﻪ ﻭﻧﺘﻪ ﻣﺎﻣﻮﺟﻮﺩ ﻭﺗﻌﺮﻑ ﻃﺒﻊ ﻣﺤﻤﺪ ﻳﺠﺎﻭﺯ ﻭﻣﻴﻬﻤﻪ ﺍﺣﺪ ﻣﺮﺩﺕ ﺍﻛﺒﺮﻫﻪ ﻣﻌﺒﺎﻟﻲ ﺑﻬﺎﻱ ﺍﻟﺴﺮﻋﻪ ﺭﺍﺡ ﻳﻄﻠﻜﻬﻪ
ﺍﺑﻮ ﺷﻬﺪ : ﺑﺎﻋﻮ ﻭﺳﻤﻌﻮﻧﻲ ﺯﻳﻦ ﺷﻬﺪ ﺍﻧﺘﻲ ﻏﻠﻄﺎﻧﻪ ﻣﻦ ﻣﺎ ﻭﻛﻔﺘﻲ ﻭﻳﻪ ﺯﻭﺟﺞ ﻭﻋﻔﺘﻲ ﻭﻫﻮﻩ ﻣﺎﻣﻘﺼﺮ ﻭﻳﺎﺝ ﺑﺸﻲ ﺍﻧﻲ ﻫﺴﻪ ﻟﻮ ﺑﺪﺍﻟﻪ ﺑﻌﺪ ﻣﺎ ﺍﺑﺎﻭﻉ ﺑﻮﺟﻬﺞ ﻻﻥ ﻣﺎﺣﺴﺒﺘﻲ ﺭﺟﺎﻝ ﻭﺳﺘﺼﻐﺮﺗﻲ ﺟﺎﻥ ﺍﻟﻤﻔﺮﻭﺽ ﺗﻌﻮﻓﻲ ﻫﻮﻩ ﻳﺼﺮﻑ ﻭﺑﻌﺪﻳﻦ ﺣﻜﻤﻲ ﻋﻠﻴﻪ ﻫﻮﻩ ﻫﺴﻪ ﻣﻴﻜﻮﻝ ﺗﺨﺎﻑ ﻋﻠﻴﻪ ﻣﻦ ﺍﺧﻮﻫﻪ ﻻ ﻳﻜﻮﻝ ﺑﺎﻋﺘﻨﻲ ﻭﻣﺎﻗﺪﺭﺗﻲ ﺣﺒﻪ ﺍﻟﺞ ﻭﻧﺘﻪ ﺍﻣﺠﺪ ﺟﺎﻥ ﺍﻟﻤﻔﺮﻭﺽ ﻣﺘﻌﻮﻑ ﺍﻟﺒﻴﺖ ﻋﻞ ﺍﻗﻞ ﺟﺎﻥ ﻣﺼﺎﺭ ﻫﻴﺞ ﺷﻬﺪ ﺑﻨﺘﻲ ﺍﻧﻲ ﺭﺍﺡ ﺍﺣﺎﻭﻝ ﺍﺷﻮﻑ ﻛﻴﺎﻥ ﺍﻭ ﺍﺧﺎﺑﺮﻩ ﻭﺍﺣﺠﻲ ﻭﻳﺎ ﺑﺲ ﻣﺎﺿﻤﻨﻠﺞ ﺭﺩﺕ ﻓﻠﻪ ﺷﻨﻮ ﺑﻌﺪ ﺍﻟﺴﻮﺍﻩ ﺑﻲ ﺍﺧﻮﺝ ﻭﺳﺘﺼﻐﺮﻩ ﻭﻋﻴﺮﺗﻮ ﺑﻠﻔﻘﺮ ﻭﻫﺬﺍ ﻣﺤﻤﺪ ﺍﻧﻲ ﺍﻋﻠﻤﻪ ﺍﻝ ﻣﺮﺟﻠﻪ ﺍﻟﺼﺪﻙ ﻫﺎﻱ ﺍﻧﻲ ﺑﻌﺪﻧﻲ ﻋﺪﻝ ﻭﻫﻴﺢ ﻳﺴﻮﻱ ﺑﻴﺞ ﺍﺫﺍ ﺍﻣﻮﺕ ﺷﻠﻮﻥ ﻫﺴﻪ ﻫﻮﻩ ﻣﻴﺪﺭﻱ ﺍﻧﻲ ﻣﻮﺟﻮﺩ ﻭﺭﺟﻌﺖ ﺣﺬﺭﺕ ﺍﻟﻮﻟﺪ ﻳﺤﺠﻮﻥ ﻫﺴﻪ ﺍﺭﻳﺪ ﺍﻣﺠﺪ ﺗﺨﺎﺑﺮ ﺍﺧﻮﻙ ﻭﺗﻜﻠﻪ ﺗﻌﺎﻝ ﻟﻠﺒﻴﺖ ﺗﺮﻳﺪ ﺗﺤﺠﻲ ﻭﻳﺎ ﻋﻮﺩ ﺍﻧﺘﻪ ﺍﺭﻳﺪ ﺍﻓﺎﺟﺌﻪ ﺑﻮﺟﻮﺩﻱ ﻭﺍﻧﻲ ﺍﻋﻠﻤﻪ ﺷﻮﻥ ﻳﺼﺮﻑ ﻣﻦ ﻭﺣﺪﻩ ﺑﻼ ﻣﻴﺎﺧﺬ ﺭﺋﻴﻲ ﻭﻳﺠﺬﺏ ﻋﻠﻴﻪ ﺳﻬﻠﻪ
ﺷﻬﺪ : ﺑﻌﺪ ﻣﺎﺣﺠﻴﺖ ﻭﻳﻪ ﺑﺎﺑﺎ ﻋﺮﻓﺖ ﺍﻧﻲ ﺷﻜﺪ ﻏﺒﻴﻪ ﻣﻮﻛﻔﺖ ﻭﻱ ﻛﻴﺎﻥ ﻭﻋﻔﺘﻪ ﺗﻮﺳﻞ ﺑﻴﻪ ﻫﻮﺍﻱ ﻭﺭﺍﺩ ﺑﺲ ﺍﺭﺟﻊ ﻭﻳﺎ ﻣﺤﺘﻤﻴﺖ ﺑﻲ ﻫﺴﻪ ﻫﻮﻩ ﺷﻴﺤﺲ ﻭﺍﻧﻲ ﺟﺮﺣﺖ ﺭﺟﻮﻟﺘﻪ ﻳﻌﻨﻲ ﺍﻧﻲ ﺷﻜﺪ ﻏﺒﻴﻪ ﺧﻮﻓﻲ ﻋﻠﻴﻪ ﺧﻼﻧﻲ ﺍﻧﺴﻪ ﻫﻮﻩ ﻳﻜﺪﺭ ﻳﺤﻤﻴﻨﻲ ﺀﻭﻑ ﻛﻴﺎﻥ ﺣﺒﻴﺒﻲ ﻣﺸﺘﺎﻗﻪ ﺍﻟﻌﻄﻠﻚ ﻣﺸﺘﺎﻗﻪ ﺍﻏﻔﻪ ﻋﻠﻰ ﺻﺪﺭﻙ ﻭﻣﻦ ﺗﻌﺾ ﺧﺪﻭﺩ ﺍﻩ ﻛﻴﺎﻥ ﻋﻔﻴﻪ ﺍﻓﺘﺢ ﺧﻄﻚ ﺑﺲ ﺍﺣﺠﻲ ﻭﻳﺎﻙ ﻭﺍﻓﻬﻤﻚ ﻟﻴﺶ ﺍﻧﻲ ﻫﻴﺞ ﺳﻮﻳﺖ ﺧﻠﻲ ﺍﺧﺎﺑﺮ ﺟﻨﺎﻥ ﺍﺳﺌﻠﻬﻪ ﺑﻠﻜﻲ ﺗﻌﺮﻑ ﺷﻲ ﺍﻟﻮ ﺟﻨﺎﻥ ﺷﻠﻮﻧﻜﻢ ﻋﻔﻴﻪ ﻛﻴﺎﻥ ﺷﻠﻮﻧﻪ ﻭﺿﻌﻪ ﺷﻨﻮ ﻫﺴﻪ
ﺟﻨﺎﻥ : ﻭﺍﻟﻠﻪ ﻳﺎﺷﻬﺪ ﻣﺎﻋﺮﻑ ﺷﻜﻠﺞ ﻋﻠﻲ ﻫﺴﻪ ﺍﺧﺬﻟﻪ ﺍﻛﻞ ﻭﺭﺍﺡ ﻳﻜﻮﻝ ﻣﺪﻣﺮ ﻭﺿﻌﻪ ﺗﻌﺒﺎﻥ ﻭﻛﺎﻋﺪ ﻳﻘﻨﻌﻪ ﻣﻴﺴﺎﻓﺮ ﻭﻫﻮﻩ ﻣﺼﺮ ﺍﻟﻪ ﻳﺴﺎﻓﺮ ﻓﻌﻠﻲ ﺍﺧﺬﻟﻪ ﻫﺪﻭﻡ ﻭﺭﺍﺡ ﻳﺒﺎﺕ ﻳﻤﻪ ﺧﺎﻑ ﻟﻴﺮﻭﺡ ﻳﺴﺎﻓﺮ ﺍﻭ ﻳﻐﻴﺮ ﻣﻜﺎﻧﻪ ﻭﻋﻤﺘﻲ ﺗﺨﺮﺑﻄﺖ ﻣﻦ ﺳﻤﻌﺖ ﻳﺮﻳﺪ ﻳﺴﺎﻓﺮ
ﺷﻬﺪ : ﻫﻮﻩ ﺍﻧﻲ ﺍﻟﺒﻴﻪ ﻛﻠﻪ ﻣﻦ ﻭﺭﻩ ﻋﻤﺘﺞ ﻣﺎﺭﻳﺪ ﺍﺣﺠﻲ ﺍﻟﻠﻪ ﻫﻮﻩ ﺍﻟﻲ ﻳﺒﺎﻭﻉ ﻭﻳﻌﺮﻑ ﻳﺎﺧﺬ ﺣﻘﻲ
ﺟﻨﺎﻥ : ﺷﻬﺪ ﺍﺭﻳﺪ ﺍﻛﻠﺞ ﺷﻲ ﺻﺢ ﻏﻤﺘﻲ ﺍﻟﺴﺒﺐ ﺑﻠﻤﺸﻜﻠﻪ ﺑﺲ ﺍﻧﺘﻲ ﻏﻠﻄﺎﻧﻪ ﻣﻦ ﻣﺎﻭﻛﻔﺘﻲ ﻭﻱ ﻛﻴﺎﻥ ﺍﻟﻌﺪﻫﻪ ﻫﻴﺞ ﺭﺟﺎﻝ ﻳﺒﻮﺱ ﺍﻟﺘﺮﺍﺏ ﺍﻟﺘﻤﺸﻲ ﻋﻠﻴﻪ ﻣﻴﻌﻮﻓﻬﻪ ﻭﻣﻮ ﺑﺲ ﻫﻴﺢ ﺍﻧﺘﻲ ﺟﺎﺭﺣﺘﻪ ﻫﻮﺍﻱ ﺑﻠﺤﺠﻲ
ﺷﻬﺪ : ﺟﻨﺎﻥ ﻟﺘﺤﻜﻤﻴﻦ ﻋﻠﻴﻪ ﺗﻌﺮﻓﻴﻦ ﻣﺤﻤﺪ ﺷﺴﻮﻩ ﺑﻴﻪ ﻫﺪﺩﻧﻲ ﻭﻛﻠﻲ ﺍﻗﺘﻠﻪ ﻭﻫﻮﺍﻱ ﺷﻐﻼﺕ ﺣﺠﻪ ﺑﻌﺪﻳﻦ ﻣﻦ ﺍﺷﻮﻓﺞ ﺍﺣﺠﻴﻠﺞ ﺟﻨﺎﻥ ﻋﻔﻴﻪ ﻣﻦ ﺗﺸﻮﻓﻴﻦ ﻛﻴﺎﻥ ﻛﻠﻴﻠﻪ ﺷﻬﺪ ﻣﺠﺒﺮﺕ ﻋﻞ ﺳﻮﺗﻪ ﻭﺗﺤﺒﻚ ﻭﺍﺫﺍ ﻋﺎﻓﻨﻲ ﺍﻣﻮﺕ ﻫﻮﻩ ﺍﻧﻲ ﻫﺴﻪ ﻋﺒﺎﻟﺞ ﻋﺎﻳﺸﻪ
ﺟﻨﺎﻥ : ﺍﻟﻠﻪ ﻳﻬﺪﻳﻜﻢ ﻭﺭﺟﻌﻜﻢ ﻭﻳﺤﻞ ﻣﺸﻜﻠﺘﻜﻢ
ﻋﻠﻲ : ﺍﺩﻙ ﺑﻠﺒﺎﺏ ﻓﺘﺢ ﻛﻴﺎﻥ ﺷﻨﻮ ﻣﺘﺮﻳﺪ ﺍﺣﺪ ﻳﺠﻴﻚ
ﻛﻴﺎﻥ : ﺍﺩﺧﻞ ﺷﻜﻠﺖ ﻣﻮ ﻛﻠﺖ ﻣﺎﺭﻳﺪ ﺍﺣﺪ ﻳﺠﻲ ﺍﺭﻳﺪ ﺍﺑﻘﻪ ﻭﺣﺪﻱ
ﻋﻠﻲ : ﺷﻨﻮ ﺗﻄﺮﺩﻧﻲ ﺭﺍﺡ ﺍﺯﻋﻞ ﺍﺷﻮ ﻻ ﺳﺎﺑﺢ ﻭﻻ ﻣﺰﻳﻦ ﺭﺍﺡ ﻳﻐﻤﻪ ﻋﻠﻴﻪ ﻣﻦ ﺭﻳﺤﺘﻚ ﺍﺳﺒﺢ ﺧﻮﻳﻪ ﻭﺍﻟﻠﻪ ﺻﺎﺑﻮﻧﻪ ﺑﺮﺑﻊ ﻟﻴﺶ ﻣﺠﻠﺐ ﺑﻠﻮﺻﺦ
ﻛﻴﺎﻥ : ﻫﻬﻪ ﻋﻠﻲ ﻭﺍﻟﻠﻪ ﻣﺎﻟﻲ ﺧﻠﻚ ﻟﺴﻮﺍﻟﻔﻚ
ﻋﻠﻲ : ﺍﻱ ﺍﺿﺤﻚ ﻳﻤﻌﻮﺩ ﻓﻜﻬﻪ ﺍﺭﻳﺪ ﺍﺧﻮﻳﻪ ﻛﻴﺎﻥ ﺍﻟﺤﻠﻮ ﺍﺷﻮﻓﻪ ﻣﻮ ﻫﺬﺍ ﺍﺑﻮ ﺍﻟﻮﺻﺦ ﺍﻟﻤﺒﻬﺬﻝ ﻳﻠﻪ ﻟﻠﺤﻤﺎﻡ ﻭﺯﻳﻦ ﺑﻴﻦ ﻣﺎ ﺍﺣﻀﺮ ﺍﻟﻌﺸﻪ ﺑﻌﺪ ﺷﺘﺮﻳﺪ ﺍﻟﻴﻮﻡ ﺍﻧﻲ ﺍﺣﻀﺮﻟﻚ ﺍﻟﻌﺸﻪ ﻭﺍﺑﺎﺕ ﻳﻤﻚ ﺍﻱ ﺧﻠﻨﺮﺟﻊ ﺍﻻﻳﺎﻡ ﺍﻟﻌﺰﻭﺑﻴﻪ
ﻛﻴﺎﻥ : ﻋﻤﻲ ﻛﻠﺸﻲ ﻭﻻ ﻟﻌﺰﻭﺑﻴﻪ ﺟﻨﺖ ﺍﻟﻠﻪ ﻣﺎﻳﺠﺮﻋﻚ ﻳﻮﻣﻴﻪ ﻭﺟﺎﻳﻨﻲ ﺣﺎﺑﻠﻚ ﻭﺣﺪﻩ ﻭﺭﻩ ﺳﺒﻮﻉ ﺗﻜﺮﻫﻪ
ﻋﻠﻲ : ﻫﻬﻬﻬﻬﻬﻪ ﺍﻱ ﻭﺍﻟﻠﻪ ﻛﻠﺒﻲ ﺟﺎﻥ ﺩﻓﺘﺮ ﻣﺴﻮﺩﻩ
ﻛﻴﺎﻥ : ﺍﺫﺍ ﺿﻮﺟﻨﻲ ﺍﺧﺎﺑﺮ ﺟﻨﺎﻥ ﻭﺍﻓﺘﻦ
ﻋﻠﻲ : ﻻ ﻋﻠﻪ ﺑﺨﺘﻚ
ﻛﻴﺎﻥ : ﺟﺒﺎﻥ ﻣﺼﻴﺮﻟﻚ ﺟﺎﺭﻩ
ﻋﻠﻲ : ﺑﺎﻭﻉ ﺍﻟﻤﺎ ﻳﺨﺎﻑ ﻣﻦ ﻣﺮﺗﻪ ﻣﻮ ﺭﺟﺎﻝ
ﻛﻴﺎﻥ : ﺍﻩ ﺻﺎﺭﺕ ﻫﻴﺞ ﺍﻣﺪﻩ ﺍﻟﺮﺟﻮﻟﻪ ﻃﻴﺤﺖ ﺣﻀﻬﻪ
ﺍﺑﻮ ﺷﻬﺪ : ﻫﺎ ﺍﻣﺠﺪ ﺧﺎﺑﺮﺕ ﺍﺧﻮﻙ
ﺍﻣﺠﺪ : ﺍﻱ ﻫﺴﻪ ﺍﺧﺎﺑﺮﻩ
ﺍﻣﺠﺪ : ﺍﻟﻮﻭﻭ ﻣﺤﻤﺪ ﺍﺭﻳﺪ ﺍﺣﺠﻲ ﻭﻳﺎﻙ ﺍﻧﻲ ﺑﻠﺒﻴﺖ ﻣﻨﺘﻈﺮﻙ
ﻣﺤﻤﺪ : ﺷﺘﺮﻳﺪ ﻋﻠﻤﻮﺩ ﻣﻮﺿﻮﻉ ﺷﻬﺪ ﺍﻃﻠﻜﻮ ﻭﺧﻠﺺ ﺑﻌﺪ ﺷﺘﺮﻳﺪ ﻣﻨﻲ
ﺍﻣﺠﺪ : ﻣﺤﻤﺪ ﺗﻌﺎﻝ ﺍﺭﻳﺪ ﺍﺣﺠﻲ ﻭﻳﺎﻙ ﻭﺍﺷﻮﻓﻚ ﺧﻠﻴﻨﻪ ﻧﺘﻔﺎﻫﻢ
ﻣﺤﻤﺪ : ﺟﺎﻳﻚ ﻫﺴﻪ ﻧﺺ ﺳﺎﻋﻪ ﻭﻳﻤﻚ
ﻣﺎﺭﻳﺪﻙ ﺑﻌﺪ ﻟﻮ ﺍﻧﺘﻪ ﺭﻭﺣﻲ ﺻﻴﺮ
ﻭﻣﺎﺭﻳﺪﻙ ﻟﻮ ﻣﻦ ﺍﻟﻤﻮﺕ ﺗﺤﻴﻨﻲ
ﻣﻠﺢ ﺑﻌﻴﻮﻧﻲ ﺍﺣﻄﻦ ﻭﺍﻧﺴﻪ ﺣﺘﻪ ﺍﻟﻨﻮﻡ
ﺍﺧﺎﻑ ﺑﻠﻤﻨﺎﻡ ﻃﻴﻮﻓﻚ ﺗﺠﻴﻨﻲ.
......
ﺣﻴﻞ ﺍﺗﻌﺬﺑﺖ ﺑﺲ ﺍﻧﺖَ ﻣــﺎ ﺣﺴﻴﺖ
ﻻﻥ ﺑﻨﺎﺭ ﮔﻠﺒﻲ ﻭﮔﻠﺒﻚ ﺍﻟﺒـــﺎﺭﺩ
ﺟﻨﺖ ﺑﺲ ﺍﻧﺖَ ﺃﺷﻮﻓﻚ ﻣﺎ ﺷﻔﺖ ﻧﺎﺱ
ﻭﺻﺎﻓﻦ ﺑﺲ ﺃﻓﻜﺮ ﻭﺍﻟﺬﻫﻦ ﺷــﺎﺭﺩ
ﻭﺇﻧﺖَ ﺗﻌﻴﺶ ﺻــﺎﻓﻲ ﻭﻫﺎﺩﺉ ﺍﻟﺒﺎﻝ
… … ﻭﺗﺸﻠﻊ ﺑﺎﺏ ﮔﻠﺒﻲ ﺑﺼﻤﺘﻚ ﺍﻟﺠـﺎﺣﺪ
ﺁﻩ ﺷﻜﺪ ﺻﻌﺐ ﻣـﻦ ﺗﻌﺸﻚ ﺍﻧﺴﺎﻥ
ﺣﺒﻴﺘﻚ ﺿﻌﻒ ﺣﺐ ﻳﻮﺳﻒ ﻟﻴﻌﻘﻮﺏ
ﻭﻋﻠﻰ ﺣﺒﻚ ﻳﺮﻭﺣﻲ ﺷﻜﺜﺮ ﻻﻣﻮﻧﻲ
ﺍﺫﺍ ﻳﻌﻘﻮﺏ ﺍﻋﻤﻪ ﻭﺑﻠﻘﻤﻴﺺ ﺍﻳﻄﻴﺐ
ﺍﻧﻪ ﻣﻦ ﺍﺳﻤﻊ ﺍﺳﻤﻜﺘﺮﺟﻊ ﺍﻋﻴﻮﻧﻲ
ﻣﻨﺸﺎﺭ ﺍﻟﺤﺰﻥ ﮔﺺ ﺑﻴﻪ ﻳﻮﻡ ﺟﻔﻴﺖ
ﺷﻴﺴﻮﻱ ﺍﻟﺨﺸﺐ ﻭﺷﺒﻴﺪﻩ ﻋﺎﻟﻤﻨﺸﺎﺭ
ﺍﺫﺍ ﺣﺒﻚ ﺫﻧﺐ ﻭﺍﺗﺤﺎﺳﺐ ﺍﻧﻪ ﻋﻠﻴﻪ
ﻣﺎﺭﻳﺪﻥ ﺍﻟﺠﻨﻪ ﻭﺧﻠﻴﻨﻲ ﺍﻃﺐ ﺍﻟﻨﺎﺭ
ﺍﺑﻮ ﺷﻬﺪ ﻫﺎ ﺍﻣﺠﺪ ﺧﺎﺑﺮﺕ ﺍﺧﻮﻙ
ﺍﻣﺠﺪ : ﻳﻲ ﻳﺎﺑﻪ ﻫﺴﻪ ﺍﺧﺎﺑﺮ .
ﻣﺤﻤﺪ : ﻫﺎﻳﻤﻪ ﻭﻳﻨﻪ ﺍﺑﻨﺞ ﺻﺎﻳﺮ ﺯﻟﻤﻪ ﺑﺮﺍﺳﻪ ﺷﻴﺮﻳﺪ
ﺍﻻﺏ . ﺯﻟﻤﻪ ﻭﻏﺼﺒﺎ ﻋﻠﻴﻚ ﺍﺣﺴﻦ ﻣﻦ ﺯﻟﻢ ﻣﺸﻮﺭﺑﻪ ﻭﻣﺎﻋﻠﻴﻬﺎ ﺍﻻﻋﺘﻤﺎﺩ ﻭﻋﺪﻫﻢ ﺟﻢ ﻭﺟﻪ ﻣﻊ ﺍﻻﺳﻒ ﻋﻠﻴﻚ
ﻣﺤﻤﺪ . ﻳﺎﺑﻪ ﺑﺲ ﺍﺳﻤﻌﻨﻲ ﺑﻼﻭﻝ ﻻ ﺗﺤﻜﻢ
ﺍﺑﻮ ﺷﻬﺪ . ﺍﻧﺠﺐ ﻭﻻ ﻛﻠﻤﻪ ﺑﻌﺪ ﺧﻠﺺ ﺍﻟﺤﺠﻲ ﻭﻳﺎﻙ ﻣﻮ ﻛﺎﻓﻲ ﺟﺬﺑﺖ ﻟﻮ ﻋﻨﺪﻙ ﺑﻌﺪ ﺳﺎﻟﻔﻪ ﺟﺬﺏ ﺑﻴﻬﺎ . ﻋﻮﺩ ﺍﻧﺘﻪ ﺍﻟﺠﺒﻴﺮ ﺣﺰﺍﻡ ﺿﻬﺮﻱ ﻫﻴﺠﻲ ﺗﺴﻮﻱ ﺑﺨﺘﻚ ﻭﺍﻣﻚ ﻭﻳﻦ ﺍﻻﺣﺘﺮﺍﻡ ﻣﻊ ﺍﻻﺳﻒ ﻫﺎﻱ ﺑﻌﺪﻧﻲ ﻋﺎﻳﺶ ﻭﻧﺘﻪ ﺗﻠﻌﺐ ﻟﻌﺐ ﺍﺳﻤﻊ ﻣﻮ ﻋﺒﺎﻟﻚ ﻛﺒﺮﺕ ﺭﺍﺳﻚ ﺍﻛﺴﺮﻩ ﻭﺍﻟﻠﻪ ﻭﺫﺍ ﻋﻨﺪﻙ ﻋﻨﺪﻙ ﻣﻨﺼﺐ ﻭﺟﺎﻩ ﻫﺬﺍ ﻛﻠﻪ ﺑﻔﻈﻠﻲ ﺗﺮﻩ ﻭﺍﻟﻠﻪ ﺍﺭﺟﻌﻚ ﻣﻦ ﺍﻻﻭﻝ ﻣﺘﺘﻜﺒﺮ ﻋﻠﻴﻪ ﺍﻧﻲ ﺻﺤﺘﻚ ﺣﺘﻰ ﺍﻛﻠﻚ ﻫﻠﻜﻠﻤﺘﻴﻦ ﺑﻌﺪ ﻣﺘﺪﺧﻞ ﺑﻴﺘﻲ ﻣﺎﺭﻳﺪ ﺍﺷﻮﻑ ﻭﺟﻬﻚ ﺗﻨﺴﻪ ﻋﻨﺪﻙ ﺍﻫﻞ ﻳﻠﻪ ﺑﺮﻩ
ﺍﻡ ﺷﻬﺪ . ﺍﺑﻮ ﻣﺤﻤﺪ ﻣﻮ ﻫﻴﺠﻲ ﺗﻔﺎﻫﻤﻮ ﻭ ﺍﻛﻌﺪﻭﻭ
ﻣﺤﻤﺪ . ﻻ ﻳﻤﻪ ﻋﻮﻓﻲ ﻳﻄﺮﺩ ﺍﺑﻨﻪ ﺍﻟﺠﺒﻴﺮ . ﻋﻠﻤﻮﺕ ﺯﻭﺝ ﺑﻨﺘﻪ ﺍﻟﻤﻬﺘﻠﻒ
ﺍﻻﺏ . ﻣﺤﺤﺤﺤﺤﺤﻤﻤﻤﻤﻤﻤﻤﻤﻤﻤﺪﺩﺩﺩﺩﺩ
ﺍﻣﺠﺪ . ﻣﺤﻤﺪ ﻻ ﺗﺤﺠﻲ ﺭﻭﺡ ﻫﺴﻪ ﺍﺑﻮﻙ ﻋﺼﺒﻲ ﻻﻳﺼﻴﺮ ﺑﻲ ﺷﻲ
ﻣﺤﻤﺪ . ﺍﻧﻲ ﺭﺍﺡ ﺍﻃﻠﻊ ﺑﺲ ﺑﻌﺪ ﻣﺎ ﺍﺳﻤﻲ ﻣﺤﻤﺪ ﺍﺫﺍ ﺩﺧﻠﺖ ﺑﻴﺘﻚ .
ﺍﻣﺠﺪ . ﻃﻠﻊ ﻣﺤﻤﺪ ﻭﺍﺑﻮﻳﻪ ﻋﺼﺒﻲ . ﻳﺎﺑﻪ ﺍﻫﺪﻩ ﺧﻠﻴﻮﻟﻲ ﻛﺎﻋﺪ ﺗﺮﺟﻒ ﻻ ﻳﺼﻴﺮ ﺑﻴﻚ ﺷﻲ ﺷﻬﺪ ﺟﻴﺒﻲ ﻣﻲ ﻭﺟﻬﺎﺯ ﺍﻟﻀﻌﻂ . ﺧﻠﻲ ﺍﻗﻴﺲ ﺿﻐﻂ ﺍﺑﻮﻳﻪ ﺧﺎﻑ ﺻﺎﻋﺪ
ﺷﻬﺪ . ﻳﻲ ﺭﺣﺖ ﺑﺴﺮﻋﻪ ﻭﺿﻊ ﺍﺑﻮﻳﻪ ﻣﻴﻄﻤﻦ ﺻﺎﺭ ﺍﺣﻤﺮ . ﺧﻔﺖ ﻋﻠﻴﻪ . ﻫﺎﻙ ﺍﻣﺠﺪ ﻫﺬﺍ ﺍﻟﺠﻬﺎﺯ
ﺍﻡ ﺷﻬﺪ . ﺍﺑﻮ ﻣﺤﻤﺪ ﻋﻠﻜﻴﻔﻚ ﻭﻳﻪ ﻧﻔﺴﻚ ﻣﻮ ﻫﻴﺞ ﻛﻠﺸﻲ . ﻳﻨﺤﻞ ﺑﻠﺘﻔﺎﻫﻢ ﺻﺤﺘﻚ ﺍﻫﻢ ﻣﻦ ﻛﻞ ﺷﻲ
ﺍﺑﻮ ﺷﻬﺪ . ﺍﻛﻠﺞ ﻗﺸﻤﺮ ﻋﻠﻴﻪ ﻳﻌﻨﻲ ﺍﻧﻲ ﻫﺴﻪ ﻗﺸﻤﺮ ﻫﺬﺍ ﺍﻟﺰﻋﻄﻮﻁ ﻳﻀﺤﻚ ﻋﻠﻴﻪ ﻭﺩﻣﺮ ﺣﻴﺎﺕ ﺍﺧﺘﻪ ﻭ ﻫﺠﻢ ﺑﻴﺘﻬﺎ ﺍﻧﻲ ﻣﺼﺪﻭﻡ ﺑﻲ ﺍﻧﻲ ﻣﺮﺑﻴﺘﻬﻢ ﻫﻴﺞ ﺷﻠﻮﻥ ﺍﺑﻨﺞ ﺻﺎﺭ ﻫﻴﺞ ﻣﺎ ﺩﺭﻱ . ﺍﻧﻲ ﻣﻦ ﺯﻭﺟﺖ ﺷﻬﺪ ﻭﻗﺒﻠﺖ ﺑﻜﻴﺎﻥ ﻓﻼﻥ ﺳﺌﻠﺖ ﻋﻠﻲ ﻭ ﻃﻠﻊ ﺧﻮﺵ ﺍﻧﺴﺎﻥ ﻫﻮﻩ ﻭﺍﺧﻮﻭ ﻭﺳﻤﻌﺘﻬﻢ ﺯﻳﻨﻪ . ﻭﺍﻟﻨﺎﺱ ﻛﻠﻬﺎ ﺗﺤﻤﺪ ﺑﻴﻬﻢ ﺍﻧﻲ ﻣﻦ ﻧﻄﻴﺘﻪ ﻣﺮﻩ ﻋﻠﻤﻮﺩ ﺍﻃﻤﺌﻦ ﻋﻠﻰ ﺑﺘﻲ ﻭﺑﻠﺘﺎﻟﻲ ﻃﻠﻊ ﻗﺮﺍﺭﻱ ﺻﺢ ﻣﻌﺎﻓﻬﺎ ﻭﺑﻘﻪ ﻣﺘﻤﺴﻚ ﺑﻴﻬﺎ ﻻﺧﺮ ﻟﺤﻀﻪ ﺑﺲ ﺑﺘﺞ ﻛﻤﻠﺖ ﻋﻠﻲ ﻓﻮﻙ ﻣﺎ ﺍﺧﻮﻫﺎ ﻻﻋﺐ ﻟﻌﺐ ﺑﻲ ﻋﺎﻓﺖ ﺭﺟﺎﻝ ﻛﻞ ﻣﺮﻩ ﺗﺤﻠﻢ ﺑﻲ ﻻﻥ ﻣﺎ ﻋﺎﻑ ﻣﺮﺗﻪ ﻻﺧﺮ ﻧﻔﺴﻪ ﺑﺲ ﺷﻜﻮﻝ ﻭﺷﺤﺠﻲ ﻫﺴﻪ
......
ﺍﻣﺠﺪ . ﻳﺎﺑﻪ ﺍﻫﺪﺍﺀ ﺿﻌﻄﻚ ﺻﺎﻋﺪ ﻫﻮﺍﻱ . ﺑﺴﺮﻋﻪ ﺷﻬﺪ ﺳﻮﻳﻠﻪ ﻋﺼﻴﺮ ﻟﻴﻤﻮﻥ ﻭﺟﻴﺒﻲ
ﺷﻬﺪ . ﺍﻱ ﻫﺴﻪ
ﺍﻡ ﺷﻬﺪ . ﻛﻮﻡ ﺍﻣﺠﺪ ﻛﻮﻡ ﺍﺑﻮﻙ ﻟﻠﻐﺮﻓﻪ ﻭﻳﺎﻱ ﺧﻠﻲ ﻳﻨﺎﻡ ﻭﻳﺮﺗﺎﺡ . ﻫﻮﻩ ﺟﺎﻱ ﺗﻌﺒﺎﻥ ﻣﻦ ﺍﻟﺴﻔﺮ
ﺷﻬﺪ . ﺍﻣﺠﺪ ﻫﺎﻙ ﻫﺬﺍ ﺍﻟﻌﺼﻴﺮ . ﺑﻌﺪ ﻫﺬﺍ ﺍﻟﻴﻮﻡ ﺍﻟﻲ ﺍﺑﻮﻳﻪ ﻃﺮﺩ ﻣﺤﻤﺪ ﺻﺎﺭ ﻫﺪﻭﺀ ﺑﻠﺒﻴﺖ ﺑﻌﺪ ﻣﺤﺪ ﻓﺘﺢ ﺍﻟﻤﻮﺿﻮﻉ ﻣﺮﻩ ﻟﺦ ﻭﺍﻧﻲ ﺧﺎﻳﻔﻪ ﻋﻠﻰ ﻛﻴﺎﻥ ﻟﻴﺴﻮﻳﻬﺎ ﻭﻳﺴﺎﻓﺮ ﺍﻧﻲ ﺍﻋﺮﻓﻪ ﻣﺘﻬﻮﺭ ﻣﺎﻋﺮﻑ ﺍﺻﺮﻑ ﺍﺷﻮ ﺑﺎﺑﺎ ﺳﻜﺖ ﻋﺒﺎﻟﻲ ﻳﺨﺎﺑﺮﻩ ﻳﺤﺠﻲ ﻭﻳﺎ ﺑﺲ ﺷﻴﻜﻠﻪ ﺗﻌﺎﻝ ﺭﺟﻊ ﺑﺘﻲ ﻟﻮ ﻳﻜﻠﻪ ﻣﺤﻤﺪ ﺟﺬﺏ ﻋﻠﻴﻪ ﻭﻃﻠﻜﻢ ﺷﻠﻮﻥ ﻣﺎ ﺍﻛﺪﺭ ﺍﻛﻌﺪ ﻭﺍﺳﻜﺖ ﻭ ﺍﻣﺠﺪ ﺧﺎﺑﺮﻭ ﻋﺪﻫﻢ ﻭﺍﺟﺐ ﻭﺭﺍﺡ ﻭﻣﺎﻣﺎ ﻣﺘﻘﺒﻞ ﺍﺣﺠﻲ ﺗﺨﺎﻑ ﻋﻠﻰ ﺑﺎﺑﺎ ﺿﻐﻄﻪ ﻣﺘﺨﺮﺑﻂ ﺀﻭﻭﻑ ﺀﻭﻭﻑ ﺧﻠﻲ ﺍﺧﺎﺑﺮ ﻋﻠﻲ ﺑﺲ ﻫﻮﻩ ﺍﻟﻲ ﻳﻜﺪﺭ ﻳﺤﻠﻬﺎ ﺍﻟﻲ ﻭﻳﺴﺎﻋﺪﻧﻲ . ﺍﻟﻮﻭ ﻋﻠﻲ ﺷﻠﻮﻧﻚ ﻋﻔﻴﻪ ﻋﻠﻲ ﺍﺭﻳﺪ ﺍﺷﻮﻓﻚ ﺑﺎﺟﺮ ﺍﺩﺍﻭﻡ ﺑﻠﻜﻠﻴﻪ ﻭﻫﻨﺎﻙ ﻧﺘﻼﻛﻪ ﻣﺤﺘﺎﺟﺘﻚ ﺿﺮﻭﺭﻱ ﻋﻠﻲ ﺗﻨﻬﺪﺕ ﺷﻮﻳﻪ ﻛﻴﺎﻥ ﺷﻠﻮﻥ ﺻﺎﺭ
ﻋﻠﻲ . ﺷﻬﺪ ﺷﻠﻮﻧﺞ ﻳﻲ ﻋﺎﺩﻱ ﺍﺟﻲ ﺑﺎﺟﺮ ﺷﻬﺪ ﻛﻴﺎﻥ ﺗﻌﺒﻨﻲ ﺑﻌﺪ ﻳﻮﻣﻴﻦ ﻳﺴﺎﻓﺮ ﻭﻣﻠﻴﺖ ﻣﻨﻪ ﻣﻴﺴﻤﻊ ﺣﺠﻲ
ﺷﻬﺪ . ﻻ ﻋﻔﻴﻪ ﻟﺘﺨﻠﻲ ﻳﺮﻭﺡ ﺑﺎﺟﺮ ﺿﺮﻭﺭﻱ ﺍﺷﻮﻓﻚ ﻋﻠﻲ ﻣﻮ ﺗﻨﺴﻪ
ﻋﻠﻲ . ﺍﻥ ﺷﺎﺀ ﺍﻟﻠﻪ . ﺷﻬﺪ ﺗﻌﺮﻓﻴﻨﻪ ﻛﻴﺎﻥ ﻣﻦ ﻳﻌﺎﻧﺪ ﻣﻴﺴﻤﻊ ﺍﺣﺪ ﺍﻧﻲ ﺑﺎﺟﺮ ﻳﻤﺞ ﻳﻠﻪ ﺭﻭﺣﻲ ﺍﻟﻠﻪ ﻭﻳﺎﺝ
ﺷﻬﺪ . ﻳﺎ ﺭﺑﻲ ﺳﺎﻋﺪﻧﻲ ﺑﻠﻜﻮﻩ ﻧﻤﺖ ﺍﺭﻳﺪ ﺍﻟﺼﺒﺢ ﺑﻠﻜﻮﻩ ﻳﺠﻲ ﺑﺪﻟﺖ ﻭﻋﺪﻟﺖ ﻧﻔﺴﻲ ﺭﺩﺗﻪ ﻳﺸﻮﻓﻨﻲ ﺣﻠﻮﻩ ﻣﺮﺩﺕ ﻳﺸﻮﻑ ﻭﺟﻬﻲ ﺍﻟﺘﻌﺒﺎﻥ . ﻭﻛﻠﻪ ﻫﺎﻻﺕ ﻣﻦ ﺍﻟﺒﺠﻲ ﺿﻠﻴﺖ
ﺍﻣﻜﻴﺞ ﻭﺍﺭﺗﺐ ﻧﻔﺴﻲ ﺍﺑﺎﻭﻉ ﺍﻱ ﺣﻠﻮﻩ ﺍﻩ ﻋﺒﺎﻟﻚ ﺭﺍﺡ
ﺍﺷﻮﻓﻪ ﻟﻜﻴﺎﻥ ﺍﻭﻝ ﻣﺮﻩ ﺑﺲ ﺧﺎﻳﻔﻪ ﻣﻦ ﺭﺩ ﻓﻌﻠﻪ ﻣﻦ
ﻳﺸﻮﻓﻨﻲ ﺑﺲ ﺍﺗﺤﻤﻞ ﻛﻠﺸﻲ ﻣﻨﻪ ﺍﻧﻲ ﺍﻟﺴﻮﻳﺘﻪ ﺑﻲ ﻣﻮ
ﻗﻠﻴﻞ ﺑﺲ ﻫﻮﻩ ﻳﺤﺒﻨﻲ ﺍﻛﻴﺪ ﻣﻦ ﺍﺣﺠﻲ ﻭﻳﺎﻩ ﻳﻔﻬﻤﻨﻲ
ﺍﻱ ﺍﻱ ﻣﺎﻣﺎ ﺟﺎﻳﻪ ﺍﺟﻪ ﺍﺑﻮ ﺍﻟﺨﻂ ﻭﻃﻠﻌﺖ ﻭﺻﻠﺖ ﻟﻠﻜﻠﻴﻪ
ﻭﻟﺘﻤﻦ ﻋﻠﻴﻪ ﺻﺪﻳﻘﺎﺗﻲ ﻻﻥ ﺻﺎﺭ ﻫﻮﺍﻱ ﻣﻤﺪﺍﻭﻣﻪ ﻭﺩﺧﻠﺖ ﻣﺤﺎﺿﺮﻩ ﻣﻦ ﺧﻠﺼﺖ ﺧﺎﺑﺮﺕ ﻋﻠﻲ ﻛﻠﻲ ﺍﻧﻲ
ﺑﻄﺮﻳﻖ ﻛﺘﻠﻪ ﺍﻧﺘﻀﺮﻙ ﺑﻠﻜﺎﻓﺘﺮﻳﺎ ﻛﻠﻲ ﺍﻧﺘﻀﺮﻳﻨﻲ ﺟﺎﻱ ﻗﺮﻳﺐ ﻋﻠﻴﺞ
ﻋﻠﻲ : ﺍﻟﺴﻼﻡ ﻋﻠﻴﻜﻢ ﺷﻠﻮﻧﺞ ﺷﻬﺪ
ﺷﻬﺪ : ﻭﻋﻠﻴﻜﻢ ﺍﻟﺴﻼﻡ ﻋﺎﻳﺸﻪ ﻣﺜﻞ ﻣﺎ ﺷﻮﻑ ﻭﺫﺑﻴﺖ
ﺣﺼﺮﻩ
ﻋﻠﻲ : ﻣﻦ ﺍﻟﺒﺎﺭﺣﻪ ﺍﻓﻜﺮ ﺷﻌﺠﺐ ﺧﺎﺑﺮﺗﻴﻨﻲ ﺿﻞ ﺑﺎﻟﻲ ﻋﻠﻴﺞ
ﺷﻬﺪ : ﻋﻠﻲ ﺍﺭﻳﺪ ﺍﺷﻮﻑ ﻛﻴﺎﻥ ﺑﻌﺪ ﻣﺎﻛﺪﺭ
ﻋﻠﻲ : ﺑﺲ ﺷﻬﺪ
ﺷﻬﺪ : ﻋﻠﻲ ﻋﻔﻴﻪ ﺑﺪﻭﻥ ﺑﺲ ﺍﻋﺮﻑ ﺍﻧﻲ ﻏﻠﻄﺎﻧﻪ ﻭﺍﺭﻳﺪ
ﺍﺷﻮﻓﻪ ﺍﻭﻇﺤﻠﻪ ﻟﻴﺶ ﻫﻴﺞ ﺳﻮﻳﺖ ﻭﻫﻮﻩ ﺗﻠﻔﻮﻧﻪ ﻣﻐﻠﻖ
ﻣﻴﻔﺘﺤﻪ ﻣﺎﻋﺮﻑ ﺷﻠﻮﻥ ﺍﻭﺻﻠﻪ ﻭﺍﺧﺎﻑ ﻳﺴﺎﻓﺮ ﻋﻠﻲ
ﺍﺗﺮﺟﺎﻙ ﻋﻔﻴﻪ ﺍﻟﻠﻪ ﻳﺨﻠﻴﻠﻚ ﺟﻬﺎﻟﻚ
ﻋﻠﻲ : ﺷﻨﻮ ﺷﻬﺪ ﻻﺗﺴﻮﻳﻦ ﻫﻴﺞ ﻳﻠﻪ ﻣﺴﺤﻲ ﺩﻣﻮﻋﺞ
ﺍﻣﺸﻲ ﺍﻭﺩﻳﺞ ﺍﻣﺮﻱ ﻟﻠﻪ ﺑﺲ ﻫﺎ ﻫﺬﺍ ﻣﺨﺒﻞ ﺗﺤﻤﻠﻲ
ﺷﻬﺪ : ﺍﺗﺤﻤﻞ ﻛﻠﺸﻲ ﺑﺲ ﺍﺷﻮﻓﻪ
ﻋﻠﻲ : ﻳﻠﻪ ﺍﻣﺸﻲ ﻭﺻﻠﻨﻪ ﻭﺩﻛﻴﺖ ﺍﻟﺒﺎﺏ ﻓﺘﺢ ﻛﻴﺎﻥ ﺍﻟﺒﺎﺏ
ﻭﻃﺐ ﻣﺎﻧﺘﺒﻪ ﻋﻠﻰ ﺷﻬﺪ ﺟﺎﻧﺖ ﻭﺍﻛﻔﻪ ﻭﺭﺍﻳﻪ
ﻛﻴﺎﻥ : ﻋﻠﻲ ﻣﻮﻛﺘﻠﻚ ﺑﻌﺪ ﻻﺗﺠﻲ ﻣﺎﺭﻳﺪ ﺍﺷﻮﻑ ﺍﺣﺪ ﺑﺎﺟﺮ
ﻣﺴﺎﻓﺮ ﻣﺎﺣﺐ ﺍﻭﺩﻋﻚ ﻳﻠﻪ ﻋﻠﻲ ﺭﻭﺡ ﺟﺎﻥ ﺍﺩﻭﺭ ﻭﺍﻧﺼﺪﻡ ﻭﺍﻋﻴﻂ ﻋﻠﻲ ﻫﺎﻱ ﺷﺠﺎﺑﻬﻪ ﺍﻣﺸﻲ ﻃﻠﻌﻲ ﺑﺮﻩ
ﻳﻠﻪ
.....
ﻋﻠﻲ : ﻛﻴﺎﻥ ﻻﺗﺼﻴﺢ ﺍﺣﺘﺮﻡ
ﻛﻴﺎﻥ : ﻫﻬﻬﻬﻬﻬﻬﻬﻪ ﺍﺣﺘﺮﻡ ﻣﻨﻮ ﻫﺬﻭﻟﻲ ﺑﺎﻭﻉ ﻋﻠﻲ ﺍﺫﺍ ﻣﻄﻠﻌﺖ ﺍﻧﻲ ﺍﻃﻠﻊ ﺍﺧﺬﻫﺎ ﻭﻃﻠﻊ ﺿﻠﻴﺖ ﺍﺻﻴﺢ ﻭﻫﻴﻪ
ﺧﺎﺗﻠﻪ ﻭﺭﻩ ﻋﻠﻲ
ﺷﻬﺪ : ﻋﻔﻴﻪ ﻛﻴﺎﻥ ﺑﺲ ﺍﺳﻤﻌﻨﻲ ﻭﻛﻤﺖ ﺍﺑﺠﻲ ﺣﻴﻞ ﻣﻘﻬﻮﺭﻩ ﻣﻨﻮ ﻫﺬﺍ ﻛﻴﺎﻥ ﻻﻣﺴﺘﺤﻴﻞ ﻇﻌﻔﺎﻥ ﻭﻟﺤﻴﺘﻪ
ﻃﻮﻻﻧﻪ ﻫﻮﺍﻱ ﻭﻣﺒﻬﺬﻝ ﻣﺎﻛﺪﺭ ﺍﺳﻴﻄﺮ ﻋﻠﻰ ﺩﻣﻮﻋﻲ
ﻛﻴﺎﻥ ﻋﻔﻴﻪ ﺑﺲ ﺍﺣﺠﻲ ﻭﻳﺎﻙ ﻭﺍﺭﻭﺡ ﻭﺍﻟﻠﻪ
ﻛﻴﺎﻥ : ﺷﻬﺪ ﺍﻃﻠﻌﻲ ﻣﺎ ﺍﺳﻤﻊ ﻣﻨﺞ ﺣﺮﻑ ﻻﻥ ﻣﻦ ﺭﺩﺗﺞ
ﺍﺳﻤﻌﻴﻨﻲ ﺗﺬﻛﺮﻳﻦ ﺷﺴﻮﻳﺘﻲ ﻳﻠﻪ ﺑﺮﻩ ﺭﻭﺣﻲ ﻋﻠﻰ ﺍﻟﻨﺎﺱ ﻣﻦ ﻣﺴﺘﻮﺍﻛﻢ ﺷﻜﻮ ﺟﺎﻳﻪ ﻋﻠﻴﻪ
ﻋﻠﻲ : ﻛﻴﺎﻥ ﺍﻧﻲ ﺟﺒﺘﻬﺎ ﺍﺣﺘﺮﻣﻨﻲ ﻭﺍﻛﻌﺪ ﺷﺒﻴﻚ ﺍﻛﻌﺪ ﺍﻛﻮﻝ
ﻛﻴﺎﻥ : ﻛﻌﺪﺕ ﻳﻠﻪ ﻓﻀﻬﻪ ﺑﻌﺪ ﺷﻨﻮ ﺗﺮﻳﺪ ﺑﺲ ﺷﻨﻮ ﻣﺎ ﺍﺳﻴﻄﺮ ﻋﻠﻰ ﺍﻳﺪﻱ ﺗﺮﺟﻒ ﻣﻦ ﺍﻟﻌﺼﺒﻴﻪ ﻧﺎﺭ ﺑﻜﻠﺒﻲ ﻛﺒﺖ
ﻣﻦ ﺷﻔﺘﻬﺎ ﺍﻧﻔﺘﺤﺖ ﺍﻟﺠﺮﻭﺡ ﻛﻠﻬﺎ ﻣﻦ ﺟﺪﻳﺪ ﻭﻟﻮ ﺍﻧﻲ
ﺍﺻﻠﻦ ﻛﻠﻬﺎ ﺑﻌﺪﻫﺎ ﺗﻨﺰﻑ
ﻋﻠﻲ : ﻛﻴﺎﻥ ﺍﻧﻲ ﺭﺍﺡ ﺍﻃﻠﻊ ﺑﺮﻩ ﺍﻛﻌﺪ ﺑﻠﺴﻴﺎﺭﻩ ﺍﻛﻌﺪﻭ
ﻭﺣﺠﻮ ﺷﻬﺪ ﻣﻦ ﺗﻜﻤﻠﻴﻦ ﺣﺠﻲ ﻭﻱ ﻛﻴﺎﻥ ﺍﻧﺘﻈﺮﺝ ﺑﺮﻩ
ﻛﻴﺎﻥ ﺍﺧﺮ ﻣﺮﻩ ﺍﺣﺬﺭﻙ ﻣﺎﺭﻳﺪ ﺗﺠﺎﻭﺯ ﻫﻴﻪ ﺑﺌﻤﺎﻧﺘﻲ
ﺍﺫﺍ ﺳﻮﻳﺘﻠﻬﺎ ﺷﻲ ﺗﻬﻴﻨﻲ ﻫﻮ ﺑﺲ ﻫﺰ ﺭﺍﺳﻪ ﻳﺎﺭﺏ ﺍﻫﺪﻱ
ﺑﺲ ﻛﻮﻥ ﻳﺘﻔﺎﻫﻤﻮﻥ ﻫﻤﻪ ﻭﺍﺣﺪ ﻳﺤﺐ ﺍﻟﺜﺎﻧﻲ
ﺷﻬﺪ : ﺷﻔﺖ ﺍﻳﺪﻩ ﺗﺮﺟﻒ ﺍﺟﻴﺖ ﺍﻟﺰﻣﻬﺎ ﺧﺎﻳﻔﻪ ﻋﻠﻴﻪ
ﻛﻴﺎﻥ ﺣﺒﻴﺒﻲ ﺍﻳﺪﻙ ﺷﺒﻴﻬﺎ ﺗﺮﺟﻒ ﺟﺎﻱ ﺍﻟﺰﻣﻬﺎ ﻋﺎﻁ
ﻛﻴﺎﻥ : ﺷﻬﺪﺩﺩﺩ ﻻﺗﻠﺰﻣﻴﻨﻲ ﺍﻧﺘﻲ ﻣﺤﺮﻣﻪ ﻋﻠﻴﻪ ﻫﺴﻪ
ﺍﻧﺘﻲ ﻣﻮ ﻣﺮﺗﻲ ﺭﺩﺕ ﺍﺟﺮﺣﻬﻪ ﺑﻠﺤﺠﻲ ﺑﻠﻜﺖ ﺍﺭﺗﺎﺡ
ﺷﻬﺪ : ﺣﺠﺎﻳﺘﻪ ﺻﺪﻣﺘﻨﻲ ﺗﻮﺟﻊ ﺍﻋﺮﻑ ﺍﻧﻲ ﺑﺲ ﻣﻦ ﺣﻠﻜﻪ ﺍﻟﺤﺠﺎﻳﻪ ﺻﻌﺒﻪ ﻛﻤﺖ ﺍﺑﺠﻲ ﻣﺎﻛﺪﺭ ﺍﺭﻳﺪ ﺍﺳﻴﻄﺮ
ﻋﻠﻰ ﺩﻣﻮﻋﻲ ﻣﺎﻛﻮ ﺍﺑﺠﻲ ﺣﻴﻞ ﺑﻜﻞ ﻗﻮﺗﻲ ﻭﺍﺣﺠﻲ
ﻭﺍﻟﻠﻪ ﻛﻴﺎﻥ ﻫﻮ ﻣﺤﻤﺪ ﻫﺪﺩﻧﻲ ﻭﻛﻠﻲ ﺍﻣﻮﺗﻪ ﺍﺫﺍ ﻣﺎ
ﻋﻔﺘﻲ ﻭﺍﻧﻲ ﺧﻔﺖ ﻋﻠﻴﻚ
ﻛﻴﺎﻥ : ﻋﻄﺖ ﺑﻴﻬﺎ ﻟﻴﺶ ﺳﺖ ﺷﻬﺪ ﺍﻧﻲ ﻣﻮ ﺑﻌﻴﻦ
ﺷﺤﺎﺳﺒﺘﻨﻲ ﻣﻮ ﺭﺟﺎﻝ ﺷﻬﺪ ﺍﻟﻮﺕ ﺟﺎﻥ ﺍﻫﻮﻥ ﻣﻦ
ﺣﺠﻴﺞ ﺍﻧﺘﻲ ﺗﺨﻠﻴﺘﻲ ﻋﻨﻲ ﻭﻋﻔﺘﻴﻨﻲ ﺷﻬﺪ ﻛﻼﻣﺞ
ﺑﻌﺪﻩ ﻟﻴﻬﺎﺳﺎ ﻳﺪﻙ ﺑﺮﺍﺳﻲ ﻭﺑﻜﻠﺒﻲ ﻟﻴﺶ ﺫﻟﻴﺘﻴﻨﻲ
ﻻﻥ ﺍﺣﺒﺞ . ﺑﺲ ﺍﻧﻲ ﻏﺒﻲ ﻭﻫﺴﻪ ﺻﺤﻴﺖ ﻋﻠﻰ ﻧﻔﺴﻲ
ﻓﻈﻠﺞ
ﺷﻬﺪ : ﻛﻴﺎﻥ ﻭﺍﻟﻠﻪ ﺍﺣﺒﻚ ﻭﺧﻔﺖ ﻋﻠﻴﻚ ﻛﻴﺎﻥ ﺍﻧﻲ ﺑﻌﺪﻧﻲ
ﻣﺮﺗﻚ ﺑﺎﺑﺎ ﻳﻜﻮﻝ ﻃﻼﻛﻢ ﺑﺎﻃﻞ ﻻﻥ ﺑﻼﺟﺒﺎﺭ
ﻛﻴﺎﻥ : ﻟﺰﻣﺘﻬﺎ ﺣﻴﻞ ﻣﻦ ﺯﻧﻮﺩﻫﺎ ﻭﻗﺮﺑﺘﻬﺎ ﻋﻠﻴﻪ ﻟﺰﻛﻨﻪ ﺳﻮﻩ
ﻭﻛﺘﻠﻬﺎ ﺑﺲ ﺍﻧﻲ ﻣﻦ ﻃﻠﻜﺘﺞ ﻣﻮ ﺍﺟﺒﺎﺭ ﻭﺍﻧﻲ ﺑﻌﺪ
ﻣﺎﺭﻳﺪﺝ ﺍﺥ ﻋﻴﻮﻧﻬﺎ ﺍﻟﺼﻔﺮ ﻭﻫﻨﻪ ﻛﻠﻬﻦ ﺩﻣﻮﻉ ﻳﻤﻮﺗﻨﻲ
ﺍﻛﺜﺮ ﺷﻲ ﻳﻌﺬﺑﻨﻲ ﻋﻴﻮﻧﻬﺎ ﻣﻦ ﺗﺒﺠﻲ ﺑﺲ ﻗﻮﻳﺖ ﻧﻔﺴﻲ
ﻭﺑﺎﻭﻋﺖ ﺑﻌﻴﻨﻬﺎ ﺷﻬﺪ ﺑﻌﺪ ﻟﻮ ﻳﺼﺒﻮﺝ ﺫﻫﺐ ﻣﺎﺭﻳﺪﺝ
ﻻﻥ ﺍﻟﻤﺮﻩ ﻟﺘﺼﻐﺮ ﺭﺟﻠﻬﺎ ﻭﺗﺤﺘﻤﻲ ﺑﻲ ﺑﻊ ﻣﺎ ﺗﻨﻔﻌﻠﻲ ﻣﺮﻩ
ﺗﺼﻴﺮ ﻟﻲ ﻭﺍﻧﻲ ﺭﺍﺡ ﺍﻋﻮﻑ ﻛﻠﺸﻲ ﻭﻫﺬﺍ ﺍﻟﻌﺮﺍﻕ . ﻛﻠﻪ
ﻋﻔﺘﻪ ﻟﺞ ﺍﻧﺘﻲ ﻭﺍﻫﻠﺞ ﺑﻌﺪ ﺷﺘﺮﻳﺪﻭﻥ ﻣﻨﻲ ﺑﺲ ﻓﻜﻮ
ﻣﻨﻲ ﻳﺎﺧﻪ
ﺷﻬﺪ : ﻻﻋﻔﻴﻪ ﻛﻴﺎﻥ ﺍﻟﻠﻪ ﻳﺨﻠﻴﻚ ﻻ ﺗﻌﻮﻓﻨﻲ ﺍﻣﻮﺕ ﻭﺍﺍﻟﻠﻪ
ﺍﻋﺘﺬﺭﻣﻨﻚ ﺍﺧﺘﻨﻚ ﺍﻣﻮﺕ ﺑﻠﻴﺎﻙ ﻛﻴﺎﻥ ﻓﺪﻭﻩ
ﻛﻴﺎﻥ : ﻣﺎﻛﺪﺭ ﺍﺧﺎﻑ ﺍﻇﻌﻒ ﺑﺲ ﻛﺮﺍﻣﺘﻲ ﻣﺘﺴﻤﺤﻠﻲ
ﻫﻴﻪ ﻫﻮﺍﻱ ﺍﺫﺗﻨﻲ ﺷﻬﺪ ﻣﺎﻛﺪﺭ ﺍﺳﺎﻣﺤﺞ ﻳﻠﻪ ﺭﻭﺣﻲ
ﻋﻠﻲ ﻳﻨﺘﻀﺮﺝ ﻣﺎﻛﻮ ﻓﺎﻳﺪﻩ ﺑﻌﺪ ﺍﻧﻲ ﻭﻳﺎﺝ ﻟﻬﻨﺎ
ﻭﻃﺮﻳﻘﻨﻪ ﺍﻧﺘﻬﻪ ﺍﺳﻤﻊ ﻣﺒﺎﻳﻠﻬﻪ ﻳﺪﻙ ﻳﻠﻪ ﺷﻮﻓﻲ
ﻣﺒﺎﻳﻠﺞ ﺍﺧﺎﻑ ﻋﻠﻲ ﻳﻠﻪ ﺭﻭﺣﻲ ﻃﻠﻌﺖ ﻣﺒﺎﻳﻠﻬﻪ
ﻭﺟﺎﻭﺑﺖ
.......
ﺷﻬﺪ : ﺍﻟﻮ ﻫﻠﻮ ﺣﺴﻴﻦ ﻫﺎﺍﺍﺍ . ﻭﻳﻦ ﺍﻧﺘﻪ ﻫﺲ ﺍﺟﻲ
ﻃﻠﻌﺖ ﻭﻱ ﺑﻨﺎﺕ ﺻﺪﻳﻘﺎﺗﻲ ﺍﺷﺘﺮﻱ ﺷﻐﻼﺕ ﺍﻱ ﻫﺴﻪ
ﺍﺟﻲ ﺟﺎﻱ ﺍﺭﻭﺡ ﺍﻃﻠﻊ ﺑﻊ ﻣﺎ ﺍﻳﺴﺖ ﻣﻦ ﻛﻴﺎﻥ ﻭﻫﺬﺍ
ﺣﺴﻴﻦ ﻣﻨﺘﻀﺮﻧﻲ ﺑﻠﻜﻠﻴﻪ ﺍﺑﻦ ﺧﺎﻟﻲ ﻭﺍﻫﻠﻲ ﻣﻴﺪﺭﻭﻥ ﺍﻧﻲ ﺟﺎﻳﻪ ﺧﻔﺖ ﺍﺭﻳﺪ ﺍﺭﺟﻊ ﺑﺴﺮﻋﻪ ﻻﺑﻮﻱ ﻳﺪﺭﻱ
ﺍﺷﻮ ﻣﺎﺣﺲ ﻟﻪ ﺍﻧﺠﺮﻳﺖ
ﻛﻴﺎﻥ : ﻫﺎ ﺳﺖ ﺷﻬﺪ ﺍﺷﻮ ﻣﺴﺘﻌﺠﻠﻪ ﺷﺮﺍﺩ ﻣﻨﺞ ﻫﺬﺍ ﺍﻟﺜﻮﺭ
ﺷﻬﺪ : ﻫﺎﺍﺍ ﻣﺎﻋﺮﻑ ﻭﺍﻟﻠﻪ ﺑﺲ ﻫﻮ ﻣﻨﺘﻈﺮﻧﻲ ﺑﻠﻜﻠﻴﻪ ﻻﺯﻡ
ﺍﺭﻭﺡ ﻻﻥ ﻣﺤﺪ ﻳﺪﺭﻱ ﺑﻴﻪ ﺟﺎﻳﻪ ﺍﻫﻨﺎ ﺍﺧﺎﻑ ﺍﺑﻮﻳﻪ
ﻳﺴﻮﻳﻠﻲ ﻣﺸﻜﻠﻪ ﻳﻠﻪ ﺑﺎﻱ ﺧﻠﻲ ﺍﺭﻭﺡ ﺑﺴﺮﻋﻪ ﻋﻠﻲ
ﻳﻮﺻﻠﻨﻲ
ﻛﻴﺎﻥ : ﺍﻭﻛﻔﻴﻴﻴﻲ ﻭﻫﺬﺍ ﻣﻦ ﺷﻮﻛﺖ ﻳﺨﺎﺑﺮﺝ ﻫﺎﺍﺍﺍﺍﺍﺍ
ﻋﻄﺖ ﺑﻴﻬﺎ ﻓﺰﺕ ﻣﻦ ﺍﻟﻌﻴﻄﻪ ﻭﻛﺎﻣﺖ ﺗﻤﺘﻤﺖ
ﺷﻬﺪ : ﻭﺍﻟﻠﻪ ﻫﺴﻪ ﺧﺎﺑﺮ ﻣﺎﻋﺮﻑ ﺷﻴﺮﻳﺪ ﻋﻔﻴﻪ ﻛﻴﺎﻥ
ﺧﻠﻲ ﺍﺭﻭﺡ ﻻ ﺗﺼﻴﺮﻟﻲ ﻣﺸﻜﻠﻪ ﻭﺍﻧﻲ ﻣﺎﻋﺎﻳﺰﻩ
ﻛﻴﺎﻥ : ﺍﻫﺎ ﻫﺴﻪ ﺗﺼﻴﺮﻟﺞ ﻣﺸﻜﻠﻪ ﻣﻮﺟﻨﺘﻲ ﺗﺘﻮﺳﻠﻴﻦ
ﻗﺒﻞ ﺷﻮﻳﻪ ﺍﺣﺠﻲ ﺷﻴﺮﻳﺪ ﻫﺬﺍ ﺍﻟﺜﻮﺭ ﺍﻧﻲ ﺟﻢ ﻣﺮﻩ
ﺍﻛﻮﻝ ﻣﺎﻗﺒﻞ ﺗﺤﺠﻴﻦ ﻭﻳﺎ
ﺷﻬﺪ : ﻣﻦ ﻛﺎﻝ ﺛﻮﺭ ﻣﺮﻩ ﺛﺎﻧﻴﻪ ﺑﻌﺪ ﻣﺎﻛﺪﺭ ﻛﻤﺖ ﺍﺿﺤﻚ
ﻣﻦ ﻛﻞ ﻛﻠﺒﻲ ﻋﺒﺎﻟﻚ ﻣﺎﻛﻮ ﻫﻢ ﺑﻜﻠﺒﻲ ﺍﺭﻳﺪ ﺍﺳﻜﺖ
ﻣﺎﻛﺪﺭ ﺍﺫﻛﺮﺕ ﻗﺒﻞ ﻣﻦ ﺧﻄﺒﻨﻲ ﻛﻴﺎﻥ ﻭﺣﺴﻴﻦ
ﺟﺎﻥ ﻳﺤﺒﻨﻲ ﺑﺲ ﺍﻧﻲ ﻛﺘﻠﻪ ﺍﻧﺘﻪ ﻣﺜﻞ ﺍﺧﻮﻳﻪ
ﻭﻫﻮ ﺟﺎﻥ ﺟﺎﻳﻨﻲ ﻟﻠﻜﻠﻴﻪ ﻭﻳﺤﺠﻲ ﻭﻳﺎﻱ ﻭﻛﻴﺎﻥ
ﺷﺎﻓﻪ ﻭﺳﻤﻊ ﺣﺠﻴﻪ ﻭﺿﻞ ﻳﺸﻴﻞ ﺑﺮﻭﺣﻪ ﻭﻳﺮﻛﻌﻪ
ﺑﻠﻜﺎﻉ ﻣﻦ ﺍﻟﻌﺼﺒﻴﻪ ﺷﻠﻮﻥ ﻫﺬﺍ ﺍﻟﺜﻮﺭ ﻳﺼﺎﺭﺣﺞ
ﻭﺍﻧﻲ ﺍﻟﺒﺎﺭﺣﻪ ﺭﺣﺖ ﺧﻄﺒﺘﺞ ﻟﻴﺶ ﻳﺴﻤﻲ ﺛﻮﺭ
ﻻﻥ ﻳﻠﻌﺐ ﺣﺪﻳﺪ ﻭﺟﺴﻤﻪ ﺿﺨﻢ ﺭﻳﺎﺿﻲ ﻭﺣﻠﻮ
ﻓﻐﺎﺭ ﻣﻨﻪ ﻭﻫﺲ ﺫﻛﺮﻧﻲ ﻣﻦ ﻛﺎﻝ ﺛﻮﺭ ﻭﻛﻤﺖ ﺍﺿﺤﻚ
ﻛﻴﺎﻥ : ﺧﻴﺮ ﻣﺎﺷﻮﻑ ﺷﻲ ﻳﻈﺤﻚ ﻇﺤﻜﻴﻨﻲ ﻭﻳﺎﺝ ﺍﺫﺍ
ﺍﻛﻮ ﺷﻲ ﻫﻢ ﺍﻧﻲ ﺿﺎﻳﺞ ﺑﻠﻜﺖ ﺍﻇﺤﻚ ﻫﺴﺘﻮﺝ ﺟﻨﺘﻲ
ﺗﺒﺠﻴﻦ ﺷﻈﺤﻜﺞ ﻳﺎﺭﺑﻲ ﺭﺍﺡ ﺍﺗﺨﺒﻞ ﻫﺲ ﻫﺬﺍ ﻣﻨﻴﻦ
ﻃﻠﻌﻠﻲ ﻧﺎﺭ ﻭﺷﻌﻠﺖ ﻛﻠﺒﻲ ﺷﻠﻮﻥ ﺗﺮﻭﺡ ﺍﺧﻠﻴﻬﺎ ﻭﻳﺤﺎﺟﻴﻬﺎ ﺍﺗﺨﺒﻞ ﻏﻴﺮ ﺷﺘﻌﻠﺖ ﻧﺎﺭ ﻣﻦ ﺍﻟﻐﻴﺮﻩ
ﺷﻬﺪ : ﻛﻴﺎﻥ ﻋﻔﻴﻪ ﺍﺗﺎﺧﺮﺕ ﻻﺯﻡ ﺍﺭﻭﺡ ﻟﻴﺤﺴﻮﻥ ﻋﻠﻴﻪ
ﺑﺎﻱ ﺣﺴﻴﺖ ﻋﻠﻴﻪ ﻏﺎﺭ ﻛﻠﺖ ﺷﻮﻳﻪ ﺍﻏﻴﺮﻩ
ﻛﻴﺎﻥ : ﺍﻭﻛﻔﻴﻴﻴﻴﻴﻴﻲ ﻭﻳﻦ ﻣﻮﻟﻴﻪ
ﺷﻬﺪ : ﻭﻳﻦ ﻟﻠﻜﻠﻴﻪ ﺣﺴﻦ ﻳﻨﺘﻈﺮﻧﻲ ﺍﺭﻭﺡ ﺍﺷﻮﻑ ﺷﻴﺮﻳﺪ
ﻛﻴﺎﻥ : ﺷﻬﺪ ﺳﻤﻌﻴﻨﻲ ﺯﻳﻦ ﻭﺍﻟﻠﻪ ﺍﺫﺍ ﺭﺣﺘﻲ ﻭﺷﻔﺘﻲ
ﺗﺮﻭﺣﻴﻦ ﻭﻱ ﻋﻠﻲ ﻟﻠﺒﻴﺖ ﻛﺒﻞ ﺍﻓﺘﻬﻤﺘﻲ ﻳﻠﻪ ﻭﺿﻠﻴﺖ
ﺍﺩﺭﺩﻡ ﻭﻫﻴﻪ ﺑﺲ ﺗﺒﺎﻭﻉ ﻋﻠﻴﻪ ﻳﺎﺭﺑﻲ ﻣﻨﻴﻦ ﻃﻠﻌﻠﻲ
ﻫﻞ ﺛﻮﺭ ﺍﺑﻮ ﻋﻀﻼﺕ ﻫﻮ ﺍﻧﻲ ﻧﺎﻗﺺ ﻫﻢ ﺷﺒﻴﺞ
ﺗﺒﺎﻭﻋﻴﻦ ﻋﻠﻴﻪ ﻳﻠﻪ ﻧﺰﻟﻲ ﻭﻛﺒﻞ ﻟﺒﻴﺘﻜﻢ
ﻋﻠﻲ : ﻫﺎ ﺑﺸﺮﻱ ﺻﺎﺭ ﻭﻳﺎﻛﻢ
ﺷﻬﺪ : ﻋﺮﻓﺘﻪ ﺑﻌﺪﻩ ﻳﺤﺒﻨﻲ ﻋﻠﻲ ﻋﻔﻴﻪ ﻭﺩﻳﻨﻲ ﻟﻠﻜﻠﻴﻪ
ﻭﻣﻦ ﻳﺴﺎﻟﻚ ﻋﻠﻴﻪ ﻛﻠﻪ ﻣﻘﺒﻠﺖ ﺗﺮﻭﺡ ﻟﺒﻴﺘﻬﻢ ﺭﺍﺣﺖ
ﻟﻠﻜﻠﻴﻪ ﻭﺑﻌﺪﻳﻦ ﺗﻌﺮﻑ ﻟﻴﺶ ﻫﻴﺞ ﺳﻮﻳﺖ
ﻋﻠﻲ : ﻋﻤﻲ ﺍﻧﺘﻦ ﺍﻟﻨﺴﻮﺍﻥ ﻣﺎ ﺗﻨﺤﺰﺭﻥ ﻳﻠﻪ ﺍﻣﺸﻲ
ﻛﻴﺎﻥ : ﻇﻠﻴﺖ ﻣﺸﺘﻌﻞ ﺑﻨﺎﺭ ﺍﺭﻭﺡ ﻣﻨﺎ ﻭﺍﺭﺟﻊ ﻣﻨﺎ
ﺣﺘﻰ ﻟﻮ ﻣﺸﺎﻓﻬﺎ ﺑﻠﻜﻠﻴﻪ ﻫﻢ ﻳﺮﻭﺡ ﺍﻟﺒﻴﻨﻬﻢ ﺍﻱ
ﺍﻛﻴﺪ ﻋﺮﻑ ﻃﻠﻜﺖ ﻭﺍﺟﻪ ﻓﺮﺻﺘﻪ ﺍﻟﻨﺬﻝ ﻭﺍﻟﻠﻪ
ﺍﻛﺘﻠﻪ ﻭﺍﻛﺘﻠﻬﻪ ﺧﻼﺹ ﺧﻠﻲ ﺍﺷﺤﻦ ﻣﺒﺎﻳﻠﻲ
ﺭﺣﺖ ﺧﻠﻴﺘﻪ ﻋﻠﻰ ﺍﻟﺸﺤﻦ ﺍﺑﻮﻉ ﺑﻠﻤﺮﺍﻳﻪ
ﻭﺧﺘﺮﻋﺖ ﺍﺍﺍﺍﺍﺍﺍﻩ ﻳﻤﻪ ﻣﻨﻮ ﻫﺬﺍ ﺍﻟﻘﺮﺩ ﺻﺎﻳﺮ
ﺍﺧﺮﻉ ﻭﻫﻴﻪ ﺟﻨﻪ ﺍﻟﻜﻤﺮ ﺗﺨﺒﻞ ﺍﻧﻲ ﺍﻋﻠﻤﻪ ﻧﺴﻴﺖ
ﺍﺣﺎﺳﺒﻬﺎﻋﻠﻰ ﺗﻨﻮﺭﺗﻪ ﻻﺯﻛﻪ ﺧﻠﻲ ﺍﺳﺒﺢ ﻭﺍﺯﻳﻦ
ﺍﺧﺨﺨﺦ ﻣﻦ ﺷﻔﺘﻬﻪ ﺭﺟﻌﺘﻠﻲ ﺍﻟﺤﻴﺎﻩ ﻣﺮﻩ ﺛﺎﻧﻴﻪ
ﻋﺒﺎﻟﻚ ﻫﻴﻪ ﻻﻭﻛﺴﺠﻴﻦ ﺳﺒﺤﺖ ﻭﺯﻳﻨﺖ ﺻﺪﻙ
ﺿﻌﻔﺎﻥ ﺑﺲ ﺑﻌﺪﻧﻲ ﺣﻠﻮ ﺫﻛﺮﺕ ﺑﺎﺟﺮ ﻻﺯﻡ ﺍﺳﺎﻓﺮ
ﺑﺲ ﺑﻌﺪ ﻣﺎﺭﻳﺪ ﺍﺳﺎﻓﺮ ﺷﻨﻮ ﻫﻞ ﺳﺤﺮ ﺍﻟﻌﺪﻫﻪ ﺗﻐﻴﺮﻧﻲ
ﺷﻮﻓﺘﻬﻪ ﺑﻠﺤﻀﻪ ﺻﺪﻙ ﻟﻮ ﻛﺎﻟﺖ ﺍﻣﻲ ﺷﻬﺪ ﺍﻡ ﺍﻟﺴﺤﻮﺭﻩ
ﺳﺎﺣﻠﺘﻚ ﻫﻬﻬﻬﻬﻬﻬﻬﻬﻪ ﺍﺥ ﺑﻄﻨﻲ ﺟﻮﻋﺎﻥ ﺧﻠﻲ ﺍﻃﻠﻊ
ﺍﺗﻐﺪﻩ ﺍﻩ ﻭﺍﻟﻠﻪ ﻧﺴﻴﺖ ﺧﻠﻲ ﺍﺧﺎﺑﺮ ﻋﻠﻲ ﺍﺷﻮﻑ ﻭﺻﻞ
ﺷﻬﺪ ﻟﺒﻴﺘﻬﻢ ﺍﻟﻮﻭﻭ ﻫﺎ ﻋﻠﻲ ﻭﺻﻠﺖ ﺷﻬﺪ ﻟﺒﻴﺘﻬﻢ
ﻋﻠﻲ : ﺍﻱ ﻭﺻﻠﺘﻬﻪ ﺑﺲ ﻣﻮ ﻟﺒﻴﺘﻬﻢ ﻟﻠﻜﻠﻴﻪ ﻫﻴﻪ ﻛﺎﻟﺖ
ﻛﻴﺎﻥ : ﺻﻌﺪﺕ ﺍﻟﺤﺮﺍﺭﻩ ﻋﻨﺪﻱ ﻓﻮﻝ ﻧﻄﺖ ﻋﻴﻮﻧﻲ ﻋﻤﺖ ﻛﻤﺖ ﻣﺎ ﺍﺷﻮﻑ ﺷﻨﻮ ﺷﻨﻮﻭﻭﻭ ﻋﻠﻲ ﺭﻭﺡ ﺭﺟﻌﻬﻪ ﻭﺩﻳﻬﺎ
ﻟﺒﻴﺘﻬﻢ ﺍﻻ ﻭﺍﻟﻠﻪ ﺍﺭﻭﺡ ﺍﻧﻲ ﺍﺳﺤﻠﻬﻪ ﺳﺤﻞ ﻳﻌﻨﻲ ﻣﺴﻤﻌﺖ ﻛﻼﻣﻲ ﺳﻬﻠﻪ ﺍﻧﻲ ﺍﻋﻠﻤﻬﻪ
ﻋﻠﻲ : ﻛﻴﺎﻥ ﺍﻧﻲ ﺍﺷﺒﻴﻚ ﺗﺨﺒﻠﺖ ﺍﻧﻲ ﺍﺳﺘﺤﻲ ﺷﻨﻮ ﻫﻴﻪ
ﺻﻐﻴﺮﻩ ﻭﺍﺭﻭﺡ ﺍﺭﺟﻌﻬﻪ ﻣﺎﻛﺪﺭ
ﻛﻴﺎﻥ : ﺍﻛﻠﻚ ﺭﺍﺡ ﺗﺸﻮﻑ . ﻫﺬﺍ ﺍﻟﺜﻮﺭ
ﻋﻠﻲ : ﺣﺴﻴﺖ ﻣﻦ ﻧﺒﺮﻩ ﺻﻮﺗﻪ ﺷﻐﻠﻪ ﺑﻴﻪ ﻏﻴﺮﻩ
ﻭﺍﻟﻠﻪ ﻳﺸﻬﺪ ﻃﻠﻌﺘﻲ ﻣﻮ ﻫﻴﻨﻪ ﺭﺍﺡ ﺗﺨﺒﻞ ﺍﻟﻮﻟﺪ
ﻛﻠﺖ ﺧﻠﻲ ﺍﺩﺑﻪ ﻣﻮﺗﻨﻲ ﺻﺎﺭ 4 ﺗﻴﺎﻡ ﻣﻌﺬﺑﻨﻲ ﻻﻟﻴﻠﻲ
ﻟﻴﻞ ﻭﻻ ﻧﻬﺎﺭﻱ ﻧﻬﺎﺭ ﺍﻛﻠﻚ ﺍﻧﺘﻪ ﺷﻌﻠﻴﻚ ﺑﻠﺒﻨﻴﻪ ﻣﻮ ﻃﻠﻜﺘﻪ
ﻭﺭﺍﺡ ﺗﺴﺎﻓﺮ ﺧﻠﻴﻬﻪ ﺑﺮﺍﺣﺘﻬﻪ ﺗﺸﻮﻑ ﺍﻟﺜﻮﺭ ﺗﺸﻮﻑ ﺍﻟﻤﻄﻲ ﺍﻧﺘﻪ ﺷﻌﻠﻴﻚ ﺑﻴﻬﺎ
ﻛﻴﺎﻥ : ﻋﻠﻲ ﻣﻮ ﺻﻮﺟﻚ ﺻﻮﺟﻲ ﺍﻧﻲ ﺭﻭﺡ ﺭﻭﺡ ﺍﻧﻲ ﺍﻋﺮﻑ ﺷﻠﻮﻥ ﺍﻋﻠﻤﻬﻪ ﺗﻌﺎﻧﺪ ﻭﻣﺎﺗﻤﺸﻲ ﻛﻠﻤﺘﻲ
.......
ﻛﻴﺎﻥ : ﻋﻠﻲ ﻣﻮ ﺻﻮﺟﻚ ﺻﻮﺟﻲ ﺍﻧﻲ ﺭﻭﺡ ﺭﻭﺡ ﺍﻧﻲ ﺍﻋﺮﻑ ﺷﻠﻮﻥ ﺍﻋﻠﻤﻬﻪ ﺷﻠﻮﻥ ﺗﻌﺎﻧﺪ
ﺍﺑﻮ ﺷﻌﺪ : ﺍﻡ ﻣﺤﻤﺪ ﺗﻌﺎﻟﻲ ﻛﻌﺪﻱ ﻫﻨﺎ ﻳﻤﻲ ﺍﺭﻳﺪ ﺍﺣﺠﻲ ﻭﻳﺎﺝ ﺑﻤﻮﺿﻮﻉ ﺍﻧﻲ ﻫﺎﻱ ﺍﻟﻔﺘﺮﻩ ﺳﺎﻛﺖ ﺍﻓﻜﺮ ﺣﻞ ﺍﻟﻤﺸﻜﻠﻪ ﺑﻨﺘﺞ ﺍﻧﻲ ﻣﺴﺘﺤﻲ ﻣﻦ ﺍﻟﻮﻟﺪ ﺑﻌﺪ ﺍﻟﺴﻮﺍﻩ ﻭﻳﺎﻩ ﺍﺑﻨﺞ ﻛﻠﺖ ﺍﺧﺎﺑﺮ ﺍﺧﻮﻩ ﺍﻟﺠﺒﻴﺮ ﻭﺍﺣﺠﻲ ﻭﻳﺎ ﻻﻥ ﻣﺎﻋﺮﻑ ﻣﻮﻗﻒ ﻛﻴﺎﻥ ﺑﻌﺪ ﻭﻳﺎﻧﻪ ﻫﻮﻩ ﺷﺎﺏ ﻭﺍﺧﺎﻑ ﻳﺤﺠﻲ ﺍﺣﺠﺎﻳﻪ ﻭﻳﺎﻱ ﺗﻌﺮﻓﻴﻦ ﻃﺒﻌﻲ ﻓﻜﻠﺖ ﺑﻠﺒﺪﺍﻳﻪ ﺍﺷﻮﻑ ﺍﺧﻮﻩ ﻭﺍﻓﻬﻤﻪ ﻣﻮﻗﻔﻲ ﻭﻫﻮﻩ ﺍﺧﻮ ﻳﻔﻬﻤﻪ ﺑﻌﺪﻳﻦ ﻭﺍﻟﻪ ﺣﺮﻳﻪ ﺍﻻﺧﺘﻴﺎﺭ ﺍﻣﺎ ﻳﻨﻔﺼﻠﻮﻥ ﺍﻣﺎ ﻳﺮﺟﻌﻮﻥ ﺳﻮﻩ ﻛﻠﺖ ﺍﺣﺴﻠﻲ ﻫﻴﺞ ﺍﺳﻮﻱ ﻫﻢ ﺻﻌﺒﻪ ﻋﻠﻲ ﻗﺎﺑﻞ ﺍﻋﺰﻣﻪ ﻋﻠﻪ ﺑﻨﺘﻲ ﺑﺲ ﻻﻥ ﺍﺣﻨﻪ ﺍﻟﻌﻠﻨﻪ ﻓﻼﺯﻡ ﻧﺼﻠﺢ ﺍﻟﻤﻮﻗﻒ ﻭﺍﻧﻲ ﻫﻢ ﺣﺎﻝ ﺷﻬﺪ ﻣﻌﺎﺟﺒﻨﻲ ﺍﻋﺮﻓﻬﻪ ﺗﺤﺐ ﺯﻭﺟﻬﻪ ﻭﺑﻌﺪ ﺍﻟﺒﻲ ﺧﻴﺮ ﻳﺴﻮﻱ ﺭﺑﺞ
ﺍﻡ ﺷﻬﺪ : ﻭﺍﻟﻠﻪ ﺍﺑﻮ ﻣﺤﻤﺪ ﺑﻌﺪ ﺍﻧﺘﻪ ﺍﻋﺮﻑ ﺍﻧﻲ ﻫﻢ ﻣﺎﻋﺎﺟﺒﻨﻲ ﺣﺎﻝ ﺍﻟﺒﻨﻴﻪ ﺑﺲ ﻻﻥ ﺍﺷﻮﻓﻚ ﻣﺮﻳﺾ ﻣﺎﺭﺩﺕ ﺍﺣﺠﻲ ﺑﻠﻤﻮﺿﻮﻉ ﺻﺪﻙ ﺍﺑﻮ ﻣﺤﻤﺪ ﺭﺩﺕ ﺍﻛﻠﻚ ﺧﺎﺑﺮﻧﻲ ﺍﺧﻮﻳﻪ ﺟﺎﻳﻴﻦ ﻫﻮﻩ ﻭﺣﺴﻦ ﺍﺑﻨﻪ ﻋﺪﻫﻢ ﺷﻐﻠﻪ ﻭﻛﻠﻮ ﺍﻣﺮﻟﻜﻢ
ﺍﺑﻮ ﺷﻬﺪ : ﺷﻮﻥ ﻣﺘﻜﻠﻴﻠﻲ ﺍﺧﺎﺑﺮﻩ ﻋﻴﺐ ﺣﺴﺒﻲ ﺣﺴﺎﺑﻬﻢ ﻳﻨﺰﻟﻮﻥ ﻳﻤﻨﻪ
ﺷﻬﺪ : ﻭﺻﻠﻨﻲ ﻋﻠﻲ ﻟﻠﻜﻠﻴﻪ ﻭﺭﺍﺡ ﺧﺎﺑﺮﺕ ﺣﺴﻦ ﺍﺷﻮﻓﻬﻪ ﻭﻳﻦ ﺷﺘﻠﺖ ﺍﻟﻮﻟﺪ ﺍﺑﻮﻭ ﺣﺴﻦ ﺍﻧﺘﻪ ﻭﻳﻦ ﺍﻱ ﻫﺴﻪ ﺟﺎﻳﺘﻚ ﻭﺻﻠﺖ ﻗﺮﻳﺒﻪ ﻋﻞ ﻣﻜﺎﻥ ﺍﻟﻜﻠﻲ ﻋﻠﻴﻪ ﺷﻔﺘﻪ ﺍﻱ ﻫﺬﺍﻙ ﻛﺎﻋﺪ ﻫﻠﻮ ﺷﻠﻮﻧﻚ ﺍﻋﺬﺭﻧﻲ ﺷﺘﻠﺘﻚ ﺑﻬﻠﺤﺮ
ﺣﺴﻦ : ﻫﻠﻮ ﺷﻠﻮﻧﺞ ﺍﻱ ﻭﺍﻟﻠﻪ ﻧﺼﻤﻄﺖ ﺻﻤﻂ ﻋﻮﺩ ﺟﻨﺖ ﻛﺎﻋﺪ ﺑﻠﻜﺎﻓﺘﺮﻳﺎ ﺑﺲ ﺍﻟﺠﻮ ﺍﻟﻴﻮﻡ ﻫﻮﺍﻱ ﺣﺎﺭ ﻭﻧﺘﻦ ﺑﻨﺎﺕ ﻭﻃﺎﻟﻌﺎﺕ ﻟﻠﺴﻮﻙ ﻛﻠﺖ ﺍﺋﻴﺲ ﺯﻳﻦ ﻭﺍﺟﻴﺘﻲ
ﺷﻬﺪ : ﺍﺳﻒ ﻭﺍﻟﻠﻪ ﻳﺲ ﻣﺎﻋﻨﺪﻱ ﻋﻠﻢ ﺭﺍﺡ ﺗﻤﺮﻟﻲ ﻓﺎﺟﺌﺘﻨﻲ ﺍﻟﻴﻮﻡ ﺷﻌﺠﺐ ﺷﺬﻛﺮﻙ ﺑﻴﻨﻪ
ﺣﺴﻦ : ﺑﻼﻭﻝ ﻋﺰﻣﻴﻨﻪ ﻋﻤﻲ ﻋﻠﻰ ﻋﺼﻴﺮ ﻣﻮ ﺧﻮﺵ ﻣﻌﺰﺑﻪ ﺍﻧﺘﻲ
ﺷﻬﺪ : ﺍﻩ ﻫﻬﻬﻬﻬﻬﻪ . ﺍﺳﻔﻪ ﻋﺬﺭﻧﻲ ﻳﻠﻪ ﺍﻋﺰﻣﻚ ﻋﻠﻰ ﻏﺪﻭﻩ ﻣﻮ ﻋﺼﻴﺮ
ﺣﺴﻦ : ﻭﺍﻟﻠﻪ ﺍﺟﻴﻨﻪ ﺍﻧﻲ ﻭﺍﺑﻮﻳﻪ ﻭﻣﺮﻳﺖ ﻟﻠﻜﻴﻪ ﻻﻥ ﺭﺍﺡ ﺍﺩﺭﺱ ﻳﻤﻜﻢ ﻫﻨﺎ ﻧﻘﻠﻮﻧﻲ ﻭﻛﻠﺖ ﺍﺳﻠﻢ ﻋﻠﻴﺞ ﺷﻨﻮ ﺍﺧﺒﺎﺭﺝ ﻛﻴﺎﻥ ﺷﻠﻮﻧﻪ
ﺷﻬﺪ : ﺍﻟﺤﻤﺪﻟﻠﻪ ﺯﻳﻨﻪ ﺗﻐﺪﻳﻨﻪ ﻭﺣﺠﻴﻨﻪ ﻣﻮﺍﺿﻴﻊ ﻋﺎﻣﻪ ﻭﻫﻮﻩ ﺳﺌﻠﻨﻲ ﻋﻞ ﻛﻠﻴﻪ ﻭﺍﻻﺍﺳﺎﺗﺬﻩ ﺍﻳﻲ ﺷﻠﻮﻧﻪ ﺧﺎﻟﻲ
ﺣﺴﻦ : ﻫﺎﺍﺝ ﺳﺌﻠﺘﻲ ﻋﻠﻴﻪ ﺧﺎﺑﺮﻧﻲ ﻫﺬﺍ ﺧﺎﻟﺞ ﻣﺎﻳﻌﻮﻓﻨﻲ ﺑﺤﺎﻟﻲ ﺍﻟﻮﻭ ﻫﺎ ﺑﺎﺑﺎ ﺻﺎﺭ ﻫﺴﻪ ﺍﺟﻲ ﺍﻧﻲ ﻳﻢ ﺷﻬﺪ ﺑﻠﻜﻠﻴﻪ ﻫﺴﻪ ﺍﺟﻲ
ﺷﻬﺪ : ﺑﺸﺮ ﻫﺎ ﺭﺯﺍﻟﻪ ﺍﻛﻠﺖ
ﺣﺴﻦ : ﻻ ﺑﺲ ﻋﻤﻲ ﺍﺑﻮ ﻣﺤﻤﺪ ﺧﺎﺑﺮ ﺍﺑﻮﻳﻪ ﻭﺯﻋﻼﻥ ﻻﻥ ﻣﻨﺰﻟﻨﻪ ﻳﻤﻜﻢ
ﺷﻬﺪ : ﺍﻱ ﺣﻘﻪ ﺑﺎﺑﺎ ﻭﻧﺘﻪ ﺗﻌﺮﻑ ﻫﻮﻩ ﻳﺤﺐ ﺧﺎﻟﻮ ﻫﻮﺍﻱ
ﺣﺴﻦ : ﺷﻬﺪ ﺷﻨﻮ ﻋﻨﺪﺝ ﺧﻂ ﻟﻮ ﻛﻴﺎﻥ ﻳﺠﻲ ﻳﺎﺧﺬﺝ ﻟﻮ ﺍﻧﻲ ﺍﻭﺻﻠﺞ
ﺷﻬﺪ : ﻻ ﺣﺴﻦ ﻋﻨﺪﻱ ﺧﻂ ﺑﺲ ﺍﻧﻲ ﺍﺭﻭﺡ ﻳﻢ ﺍﻫﻠﻲ ﻻﻥ ﻛﻴﺎﻥ ﻣﺴﺎﻓﺮ
ﺣﺴﻦ : ﻟﻌﺪ ﻳﻠﻪ ﺍﻣﺸﻲ ﻭﻳﺎﻳﻪ ﺍﻧﻲ ﺭﺍﻳﺢ ﺍﻟﺒﻴﺘﻜﻢ
ﺷﻬﺪ : ﻣﻮ ﺍﻟﺨﻂ ﻳﻨﺘﻀﺮﻧﻲ ﺭﻭﺡ ﺍﻧﻲ ﺍﺭﺟﻊ
ﺣﺴﻦ : ﺷﻨﻮ ﺷﻬﺪ ﺧﺎﺑﺮﻱ ﺍﻟﺨﻂ ﻳﻠﻪ ﺍﻣﺸﻲ ﻭﻳﺎﻱ
......
ﺷﻬﺪ : ﻳﻠﻪ ﺍﻣﺸﻲ ﺭﺣﺖ ﻭﻱ ﺣﺴﻦ ﻭﺑﻄﺮﻳﻖ ﻓﺘﺤﺖ ﺍﻟﻤﺒﺎﻳﻞ ﻣﺎﻟﺘﻲ ﻟﻜﻴﺖ ﺍﻟﺸﺮﻛﻪ ﺩﺍﺯﺗﻠﻲ ﺭﺳﺎﻟﻪ ﺍﻧﻮ ﺧﻂ ﻛﻴﺎﻥ ﻧﻔﺘﺢ ﻛﻠﺒﻲ ﻭﺟﻌﻨﻲ ﺑﺲ ﻻ ﻳﺴﺎﻓﺮ ﺑﻘﻴﺖ ﺳﺎﻛﺘﻪ ﻭﺣﺴﻦ ﻳﺤﺠﻲ ﻭﻳﺎﻱ ﻟﺤﺪ ﻣﺎ ﻭﺻﻠﻨﻪ ﻭﻧﺰﻝ ﺣﺴﻦ ﻳﺴﻠﻢ ﻋﻠﻰ ﺍﻫﻠﻲ ﻭﺍﻧﻲ ﺳﻠﻤﺖ ﻋﻠﻰ ﺧﺎﻟﻲ ﻭﺻﻌﺪﺕ ﺍﺑﺪﻝ ﻣﻼﺑﺴﻲ
ﻛﻴﺎﻥ : ﺍﻓﻮﺭ ﻭﻋﺼﺒﻲ ﻫﺴﻪ ﺍﻛﻴﺪ ﺭﺍﺣﺖ ﻭﻛﻌﺪﺕ ﺣﺠﺖ ﻭﻳﺎﺍﺍ ﻳﻌﻨﻲ ﺗﻌﺎﻧﺪﻳﻨﻲ ﺷﻬﺪﺩﺩ ﻛﺎﻓﻲ ﻛﻴﺎﻥ ﻣﺸﺒﻌﺖ ﺣﺰﻥ ﻭﻗﻬﺮ ﻭﻫﻴﻪ ﻋﺎﻳﺸﻪ ﺣﻴﺎﺗﻬﻪ ﻋﺎﺩﻱ ﻛﻠﺖ ﺧﻠﻲ ﺍﺭﺟﻊ ﺍﻟﺒﻴﺘﻨﻪ ﻟﻤﻴﺖ ﻫﺪﻭﻣﻲ ﻭﺭﺟﻌﺖ ﺩﺧﻠﺖ ﻣﺮﺩﺕ ﺍﺷﻮﻑ ﻟﻤﻲ ﻛﻠﺒﻲ ﺷﺎﻳﻞ ﻋﻠﻴﻬﻪ ﻫﻮﺍﻱ ﺍﺫﺗﻨﻲ ﻛﺒﻞ ﺻﻌﺪﺕ ﻟﻠﻐﺮﻓﻪ ﻣﻠﻜﻴﺖ ﺍﺣﺪ ﺍﻟﻀﺎﻫﺮ ﺟﻨﺎﻥ ﻃﺎﻟﻌﻪ ﻭﺍﻣﻲ ﻧﺎﻳﻤﻪ ﺩﺧﻠﺖ ﺍﻟﻐﺮﻓﺘﻨﻪ ﺍﻩ ﺷﻬﺪ ﻫﺬﺍ ﺍﻟﻜﻠﺐ ﺷﻮﻛﺖ ﻳﺒﻄﻞ ﺩﻙ ﻛﻠﻤﺎ ﺍﺷﺘﻢ ﻋﻄﺮﻫﻪ ﻳﻀﻞ ﻳﺮﺟﻒ ﺍﻧﻲ ﺿﻌﻴﻒ ﻛﺪﺍﻣﻬﻪ ﻣﻮ ﺿﻌﻒ ﺧﻮﻑ ﻻ ﺣﺒﺐ ﻭﻫﺴﻪ ﺍﻟﻐﻴﺮﻩ ﻣﺎﻛﻠﻪ ﻛﻠﺒﻲ ﻃﻔﻴﺖ ﺍﻟﻀﻮﻩ ﻭﻧﻤﺖ
ﺍﺑﻮ ﺷﻬﺪ : ﺍﻱ ﻳﺨﻮﻳﻪ ﻣﺸﺘﺎﻗﻠﻚ ﺣﻴﻞ ﺷﻨﻮ ﻫﻞ ﻏﻴﺒﻪ
ﺍﺑﻮ ﺣﺴﻦ : ﻭﻟﻠﻠﻪ ﻳﺨﻮﻱ ﺗﻌﺮﻑ ﺍﻟﺪﻧﻴﺎ ﻣﻠﺘﻬﻴﻦ ﺑﻬﻞ ﺷﻐﻞ ﻭﺩﻭﺧﻪ ﺍﻟﺮﺍﺱ
ﺍﻡ ﺷﻬﺪ : ﻳﺒﻪ ﻋﺎﺩ ﻛﺎﻓﻲ ﺳﻮﺍﻟﻒ ﻛﻮﻣﻮ ﺗﻐﺪﻭ ﻭﺑﻌﺪﻳﻦ ﺳﻮﻟﻔﻮ ﺍﺩﺭﻱ ﺑﻴﻜﻢ ﻣﺎﺗﺸﺒﻌﻮﻥ ﻭﺍﺣﺪ ﻣﻦ ﺍﻟﺜﺎﻧﻲ ﻟﻮ ﺗﻜﻌﺪﻭﻥ ﻟﻠﺼﺒﺢ
ﺣﺴﻦ : ﺧﺎﻟﻪ ﺧﻠﻴﻬﻢ ﺍﻧﻲ ﺍﺗﻐﺪﻩ ﻭﻫﻤﻪ ﺧﻠﻴﻬﻢ ﻳﺴﻮﻟﻔﻮﻥ
ﺍﺑﻮ ﺣﺴﻦ : ﺷﻨﻮ ﻏﺸﻤﻪ ﻭﻧﻌﻮﻑ ﺍﻻﻛﻞ ﻛﻮﻡ ﺧﻮﻳﻪ ﻛﻮﻡ
ﺷﻬﺪ : ﺗﻐﺪﻳﻨﻪ ﺧﺎﻟﻲ ﺳﺌﻞ ﻋﻞ ﻭﻟﺪ ﺍﺑﻮﻱ ﻛﻠﻪ ﻣﺤﻤﺪ ﻣﺴﺘﻔﺮ ﻭﺍﻣﺠﺪ ﺑﻠﺪﻭﺍﻡ ﻭﺳﻮﻟﻔﻮ ﻭﺍﻧﻲ ﺍﺣﻮﺱ ﺍﺭﻳﺪ ﺍﻋﺮﻑ ﺑﺎﺟﺮ ﻳﺴﺎﻓﺮ ﻟﻮ ﻻ ﻭﻋﻴﺐ ﻛﺎﻋﺪﻩ ﻳﻢ ﺧﺎﻟﻲ ﻣﺎﻛﺪﺭ ﺍﻛﻮﻡ ﻭﺍﻋﻮﻓﻬﻢ ﻫﻮﻩ ﺳﻮﺍﻟﻔﻪ ﺣﻠﻮﻩ ﻣﺎﻳﻨﻤﻞ ﻣﻨﻬﻪ ﻛﻠﺖ ﺑﺲ ﺍﺻﻌﺪ ﺍﺧﺎﻳﺮ ﻋﻠﻲ ﻟﻮ ﺟﻨﺎﻥ ﺍﺷﻮﻑ ﺷﻨﻮ ﺍﻻﺧﺒﺎﺭ
ﻛﻴﺎﻥ : ﻛﻌﺪﺕ ﺿﻠﻤﻪ ﺍﻟﺪﻧﻴﻪ ﻣﺘﻜﺴﺮ ﺗﻜﺴﺮ ﻟﻮ ﺣﺒﻴﺒﺘﻲ ﻳﻤﻲ ﻭﺷﺎﺑﻜﻬﻪ ﺟﺎﻥ ﺍﻧﻲ ﻫﺴﻪ ﻛﻠﺸﻲ ﻣﺎﺑﻴﻪ ﻛﻤﺖ ﻏﺴﻠﺖ ﻭﺟﻬﻴﻲ ﻭﻧﺰﻟﺖ ﺟﻮﻩ ﺑﻨﺰﻟﺘﻲ ﺻﺎﺭﺕ ﺍﻣﻲ ﺑﻮﺟﻴﻬﻲ ﻣﺸﻴﺖ ﻣﻦ ﻳﻤﻬﻪ ﻣﺎﻛﺪﺭ ﺍﺣﺠﻲ ﻭﻳﺎﻫﻪ ﻛﻠﺒﻲ ﺷﺎﻳﻞ ﻋﻠﻴﻬﻪ ﻫﻮﺍﻱ ﺻﻌﺒﻪ ﻣﻦ ﻳﺌﺬﻳﻚ ﺷﺨﺺ ﻋﺰﻳﺰ ﻭﻣﻮ ﺍﻱ ﺍﺣﺪ ﺍﻣﻲ ﻭﺍﺫﺗﻨﻲ ﻫﻮﺍﻱ ﺟﺎﻱ ﺍﻓﻮﺕ ﺟﺎﻥ ﺟﺮﺕ ﻳﺪﻱ ﻭﺷﺒﻜﺘﻨﻲ ﻭﺿﻠﺖ ﺗﺒﺠﻲ
ﺍﻡ ﻛﻴﺎﻥ : ﻳﻤﻪ ﻛﻴﺎﻥ ﻳﻤﻪ ﻭﻟﻴﺪﻱ ﻛﻠﺒﻲ ﻃﺎﻙ ﻋﻠﻰ ﺷﻮﻓﺘﻚ ﺷﻠﻮﻥ ﻫﻴﺞ ﻛﻠﺒﻚ ﻳﻨﻄﻴﻚ ﻭﺗﻌﻮﻑ ﺍﻣﻚ ﻭﻟﻴﺪﻱ ﻻﺗﻌﻮﻓﻨﻲ ﻭﺳﺎﻓﺮ ﻳﻤﻪ ﻛﻠﺸﻲ ﺍﻟﺘﺮﻳﺪﻩ ﺍﺳﻮﻱ ﺍﻟﻚ ﻭﻟﻴﺪﻱ ﻫﻢ ﺍﻋﺬﺭﻧﻲ ﺍﻧﺘﻢ ﺑﺲ ﻫﻞ ﺍﺛﻨﻴﻦ ﺷﻐﻨﺪﻱ ﻋﺸﻴﺮﻩ ﻭﺍﺭﻳﺪﻟﻜﻢ ﺍﻻﺣﺴﻦ
ﻛﻴﺎﻥ : ﻣﻬﻤﻪ ﻳﻜﻮﻥ ﺍﻣﻲ ﻗﺎﺑﻞ ﺷﺴﻮﻱ ﺗﻌﺎﺗﺒﻨﻪ ﻭﺣﺠﻴﻨﻪ ﻭﺍﺟﻪ ﻋﻠﻲ ﻭﺗﻌﺸﻴﻨﻪ ﺩﻙ ﺍﻟﻤﺒﺎﻳﻞ ﻋﻠﻰ ﻋﻠﻲ ﻛﻠﻲ ﻫﺬﺍ ﻋﻤﻚ ﺍﺑﻮ ﺷﻬﺪ ﻳﺪﻙ ﻋﻠﻴﻪ
ﻋﻠﻲ : ﺍﻟﻮﻭ ﻫﻠﻮ ﻋﻤﻮ ﺍﻟﺤﻤﺪﻟﻠﻪ ﺍﻱ ﻳﺪﻟﻞ ﺑﺨﺪﻣﺘﻚ ﺑﺎﺟﺮ
ﺍﻟﻌﺼﺮ ﺍﻣﺮ ﻋﻠﻴﻜﻢ ﻻ ﺻﺪﻙ ﺗﺌﻤﺮ ﺍﻟﻠﻪ ﻭﻳﺎﻙ
ﻛﻴﺎﻥ : ﻭﺍﻛﻒ ﻋﻠﻰ ﺭﺍﺱ ﻋﻠﻲ ﻛﻠﺒﻲ ﻳﺪﻙ ﺩﻙ ﺍﺭﻳﺪ ﺑﺲ ﻳﻜﻤﻞ ﻭﺍﻋﺮﻑ ﺷﻴﺮﻳﺪ ﻋﻤﻲ ﻫﺎ ﻋﻠﻲ ﺷﻜﻮ ﺷﺮﺍﺩ ﻋﻤﻲ
ﻋﻠﻲ : ﺷﺒﻴﻚ ﺍﻛﻌﺪ ﻣﺎﻛﻮ ﺷﻲ ﻳﻜﻮﻝ ﻳﺮﻳﺪ ﻳﺤﺠﻲ ﻭﻳﺎﻱ ﺑﺎﺟﺮ ﺍﺭﻭﺣﻠﻪ ﺍﻟﻌﺼﺮ ﻭﺷﻮﻑ ﺷﻴﺮﻳﺪ
ﻛﻴﺎﻥ : ﺍﺧﺎﻑ ﻳﺮﻳﺪ ﻳﻄﻠﻚ ﻣﺤﻜﻤﻪ ﻛﻠﻪ ﺗﺮﻩ ﻣﺎﻃﻠﻚ
ﻋﻠﻲ : ﻛﻴﺎﻥ ﻟﺘﺴﺮﻉ ﺍﺭﻭﺡ ﻭﺍﺷﻮﻑ ﺷﻴﺮﻳﺪ
ﻛﻴﺎﻥ : ﺍﺟﻲ ﻭﻳﺎﻙ ﺍﻧﻲ
ﻋﻠﻲ : ﻻ ﻛﻴﺎﻥ ﺍﺭﻭﺡ ﻭﺣﺪﻱ ﺍﻟﺮﺟﺎﻝ ﻟﻮ ﺭﺍﻳﺪﻙ ﺟﺎﻥ ﺧﺎﺑﺮﻙ
.......
ﺷﻬﺪ : ﺧﺎﻟﻮ ﺛﺎﻧﻲ ﻳﻮﻡ ﺍﻟﻌﺼﺮ ﺭﺟﻊ ﻋﻨﺪﻩ ﺷﻐﻞ ﻭﺣﺴﻦ ﺑﻘﻪ ﻳﻤﻨﻪ ﺍﻟﺤﺪ ﻣﺎﻳﻜﻤﻞ ﻣﺸﺘﻤﻠﻪ ﻻﻥ ﺭﺍﺡ ﻳﻜﻌﺪ ﻫﻨﺎ ﻋﻠﻤﻮﺩ ﺩﻭﺍﻣﻪ ﻭﺑﺎﺑﺎ ﻣﺨﻼﻩ ﺭﺍﺩ ﻳﺮﻭﺡ ﻳﻢ ﺍﺻﺪﻗﺎﺋﻪ ﻛﻠﻪ ﻋﻴﺐ ﺑﻴﺖ ﻋﻤﻚ ﻣﻮﺟﻮﺩ ﻭﺗﻜﻌﺪ ﻋﺪ ﺍﻟﻐﺮﻳﺐ
ﺍﺑﻮ ﺷﻬﺪ : ﺑﺎﺑﺎ ﺷﻬﺪ ﺑﻌﺪ ﻫﻞ ﺍﻳﺎﻡ ﺩﺍﻭﻣﻲ ﻭﻳﻪ ﺍﺑﻦ ﺧﺎﻟﺞ ﺍﺣﺴﻦ ﻣﻦ ﺍﺑﻮ ﺍﻟﺨﻂ ﺷﺎﻟﻊ ﻛﻠﺒﺞ ﻳﺠﻲ ﻳﻮﻡ ﻭﻋﺸﺮﻩ ﻻ
ﺷﻬﺪ : ﺑﺲ ﺑﺎﺑﺎ ﺍﺧﺎﻑ ﻳﺮﺗﺒﻂ ﺑﻴﻪ ﻭﻋﻨﺪﻩ ﺷﻐﻞ
ﺣﺴﻦ : ﺷﻨﻮ ﺷﻬﺪ ﻫﻮﻩ ﻧﺮﻭﺡ ﻭﻧﺮﺟﻊ ﺳﻮﻩ ﺷﻌﻨﺪﻱ ﻗﺎﺑﻞ
ﺷﻬﺪ : ﺍﻭﻛﻲ ﺑﺮﺍﺣﺘﻚ ﻳﻠﻪ ﺗﺼﺒﺤﻮﻥ ﻋﻠﻰ ﺧﻴﺮ ﺍﺭﻳﺪ ﺍﺻﻌﺪ ﺍﺧﺎﺑﺮ ﺟﻨﺎﻥ ﻣﺼﺎﺭ ﻣﺠﺎﻝ ﺍﻟﻮﻭ ﺟﻨﺎﻥ ﻫﻠﻮ ﺷﻠﻮﻧﺞ ﻛﻴﺎﻥ ﺷﺨﺒﺎﺭﻩ ﺍﺍﺍﻩ ﺻﺪﻛﻚ ﺭﻳﺤﺘﻲ ﻛﻠﺒﻲ ﻳﻌﻨﻲ ﺭﺟﻊ ﻟﻠﺒﻴﺖ ﻭﻟﻐﻪ ﺍﻟﺴﻔﺮ ﻛﺎﻋﺪ ﺍﺣﺠﻲ ﻭﻱ ﺟﻨﺎﻥ ﻭﻧﺪﻙ ﺑﺎﺏ ﺍﻟﻐﺮﻓﻪ ﻣﺎﻟﺘﻲ ﺟﻨﺎﻥ ﺍﻧﺘﻀﺮﻱ ﺩﻗﻴﻘﻪ ﺑﺲ ﺍﺷﻮﻑ ﻣﻨﻮ ﺍﺗﻔﻀﻞ ﺍﺩﺧﻞ ﺟﺎﻥ ﻓﺘﺢ ﻭﻃﻠﻊ ﺣﺴﻦ ﻛﺎﻝ ﺍﺭﻳﺪ ﺍﺣﺠﻲ ﻭﻳﺎﺝ ﺍﺫﺍ ﻓﺎﺭﻏﻪ ﺍﻱ ﺗﻔﻀﻞ ﺑﺲ ﻟﺤﻀﻪ ﻛﺘﻠﻬﻪ ﺍﻟﻮ ﻫﺎ ﺣﺒﻴﺒﺘﻲ ﻳﻠﻪ ﺑﻌﺪﻳﻦ ﺍﺣﺠﻲ ﻭﻳﺎﺝ
ﺣﺴﻦ : ﻻ ﻛﻤﻠﻲ ﻳﻨﻌﻮﺩﻩ ﺍﻧﺘﻀﺮﺝ
ﺷﻬﺪ : ﺑﻌﺪﻩ ﺍﻟﺨﻂ ﻣﻔﺘﻮﺡ ﻭﻫﻮﻩ ﺟﺎﻥ ﻳﺤﺠﻲ ﻭﺟﻨﺎﻥ ﻛﺎﻟﺖ
ﺟﻨﺎﻥ : ﺷﻬﻮﺩﻩ ﺭﻭﺣﻲ ﺍﻻﺧﻮﺝ ﺑﻌﺪﻳﻦ ﻧﺤﺠﻲ
ﺷﻬﺪ : ﻫﺬﺍ ﺣﺴﻦ ﺍﺑﻦ ﺧﺎﻟﻲ ﺍﺷﻮﻓﻪ ﺷﻴﺮﻳﺪ ﻭﻋﻮﺩ ﺍﺧﺎﺑﺮﺝ ﺑﺎﺟﺮ ﻣﺎﺩﺍﻡ ﺍﻃﻤﺌﻨﻴﻦ ﻋﻠﻴﻪ ﻳﻠﻪ ﺑﺎﻱ
ﺣﺴﻦ : ﺍﺳﻒ ﺍﺧﺎﻑ ﺟﻨﺘﻲ ﺗﺤﺠﻴﻦ ﻭﻗﺎﻃﻌﺘﺞ ﺷﻬﺪ ﻻ ﻋﺎﺩﻱ ﺣﺴﻦ ﺍﻣﺸﻲ ﻧﻜﻌﺪ ﺑﻠﺤﺪﻳﻘﻪ ﺍﺭﻳﺪ ﺍﺣﺠﻲ ﻭﻳﺎﺝ
ﺷﻬﺪ : ﻳﻠﻪ ﺍﻣﺶ ﺭﺣﻨﻪ ﻭﻛﻌﺪﻧﻪ ﺍﺣﻨﻪ ﻭﺑﻴﺖ ﺧﺎﻟﻲ ﻣﺘﺮﺑﻴﻦ ﺳﻮﻩ ﻣﻦ ﺟﻨﻪ ﺻﻐﺎﺭ ﺟﻨﻪ ﻋﺎﻳﺸﻴﻦ ﻳﻤﻬﻢ ﻓﻠﻬﺬﺍ ﺍﺷﻮﻑ ﺣﺴﻦ ﻣﺜﻞ ﺍﺧﻮﻳﻪ
ﺣﺴﻦ : ﺍﻱ ﺷﻬﺪ ﺻﺎﺭ ﻫﻮﺍﻱ ﻣﻜﺎﻋﺪﻳﻦ ﻭﻣﺴﻮﻟﻔﻴﻦ ﻧﺎﻗﺺ ﺍﻟﻜﻌﺪﻩ ﺍﻣﺠﺪ ﻣﺸﺘﺎﻗﻠﻪ ﺣﻴﻞ ﺑﻌﺪ ﻣﻦ ﺯﻭﺟﺘﻲ ﻣﺸﻔﺘﺞ ﻛﻞ ﻣﺎ ﺍﺟﻲ ﻣﻨﺘﻼﻛﻪ ﺷﻬﺪ ﻣﻮ ﺗﻜﻮﻟﻴﻦ ﺍﻧﺘﻪ ﻣﺜﻞ ﺍﺧﻮﻳﻪ ﻟﻴﺶ ﻣﺤﺠﻴﺘﻴﻠﻲ ﻋﻤﻲ ﻛﺎﻝ ﺍﻻﺑﻮﻱ ﻋﻠﻪ ﻣﺸﻜﻠﺘﺞ ﻭﺷﺴﻮﻩ ﻣﺤﻤﺪ ﺑﻴﻚ ﺷﻬﺪ ﺍﻧﻲ ﻫﻢ ﺍﺧﻮﺝ ﻭﻣﻌﺰﺗﺞ ﺧﺎﺻﻪ ﻋﻨﺪﻱ ﻛﻠﻴﻠﻲ ﺍﻛﺪﺭ ﺍﺳﺎﻋﺪﺝ
ﺷﻬﺪ : ﺍﺷﻜﺮﻙ ﺣﺴﻦ ﻳﺎﺭﻳﺖ ﻣﺤﻤﺪ ﻣﺜﻠﻚ ﻫﻮﺍﻱ ﺍﺫﺍﻧﻲ ﺑﻌﺪ ﺍﻟﺼﺎﺭ ﺻﺎﺭ ﺍﻟﻠﻪ ﻳﺤﻠﻬﻪ
ﺣﺴﻦ : ﻛﻴﺎﻥ ﺷﻨﻮ ﻫﺴﻪ ﺭﺩﻩ
ﺷﻬﺪ : ﻣﺎﺧﺬ ﻣﻮﻗﻒ ﻣﻦ ﻋﻨﺪﻱ ﺍﻟﺼﺎﺭ ﻣﻮ ﻗﻠﻴﻞ
ﺣﺴﻦ : ﺍﻱ ﻭﺍﻟﻠﻪ ﺻﻌﺒﻪ ﺷﻬﺪ ﺍﺫﺍ ﺗﺮﻳﺪﻳﻦ ﺍﺣﺠﻲ ﻭﻳﺎﻩ
ﺷﻬﺪ : ﻳﻤﻪ ﻛﻠﺖ ﺑﻜﻠﺒﻲ ﻱ ﺣﺘﻪ ﻳﺨﻨﻜﻚ ﻻﻥ ﻫﻮﻩ ﻫﻮﺍﻱ ﻳﺤﺒﻚ ﻻ ﺣﺴﻦ ﻻ ﻋﻮﻓﻪ ﻫﺎﻱ ﺍﻟﻔﺘﺮﻩ ﻳﻬﺪﺉ ﻭﺑﻌﺪﻳﻦ ﺍﺷﻮﻑ ﺷﻠﻮﻥ ﺗﻨﺤﻞ
ﺣﺴﻦ : ﺷﻬﺪ ﺭﺩﺕ ﺍﻛﻠﺞ ﺷﻲ ﺫﺍﻙ ﺍﻟﻴﻮﻡ ﺷﻔﺘﺞ ﺗﻤﺸﻴﻦ ﻭﻳﻪ ﻫﺎﻱ ﺍﻟﺒﻨﻴﻪ ﺍﻟﺴﻤﺮﻩ ﺍﻡ ﺷﻌﺮ ﺍﻻﺳﻮﺩ
ﺷﻬﺪ : ﻣﻨﻮ ﺍﺳﺮﺍﺀ ﺷﺒﻴﻬﻪ
ﺣﺴﻦ : ﻫﺎﺍﺍﺍ ﻋﺤﺒﺘﻨﻲ ﺣﻠﻮﻩ ﻭﺍﺟﻴﺖ ﺍﺳﺌﻠﺞ ﻋﻨﻪ ﺍﺫﺍ ﻣﺮﺗﺒﻄﻪ ﻟﻮ ﻻ ﻋﻠﻤﻮﺩ ﺍﺫﺍ ﻣﻤﺮﺗﺒﻄﻪ ﻭﺧﻮﺵ ﺑﻨﻴﻪ ﺗﺘﻮﺻﻠﻴﻨﻪ ﻳﻤﻬﻪ
ﺷﻬﺪ : ﻫﺎ ﻛﻮﻝ ﻫﻴﺞ ﻭﺍﻧﻲ ﺍﻛﻮﻝ ﺟﺎﻳﻨﻲ ﻣﺼﻠﺤﺠﻲ
ﺣﺴﻦ : ﻻ ﻭﺍﻟﻠﻪ ﺷﺒﻴﺞ ﻣﻮ ﻫﻴﺞ
ﺷﻬﺪ : ﻫﻬﻬﻬﻪ ﺍﺳﺤﺘﻪ ﺧﻄﻴﻪ ﺓﻛﻠﻢ ﻳﺤﻚ ﺑﻠﺤﻴﺘﻪ ﺍﻧﻲ ﺍﻋﺮﻑ ﻋﻴﻪ ﻣﻌﺪﻫﻪ ﺍﺣﺪ ﻭﺧﻮﺵ ﺑﻨﻴﻪ ﺑﺎﺟﺮ ﺍﺟﻴﺒﻠﻚ ﺍﻟﻤﻔﻴﺪ ﺑﺲ ﺍﺫﺍ ﺧﻴﺮ ﺍﺷﺮﻁ ﻋﻠﻴﻚ ﺷﻲ ﻫﺎ ﺗﻔﻘﻨﻪ
......
ﻛﻴﺎﻥ : ﺟﻨﻪ ﻛﺎﻋﺪﻳﻦ ﻭﻧﺤﺠﻲ ﻭﺷﻬﺪ ﺩﻛﺖ ﻋﻠﻪ ﺟﻨﺎﻥ ﺍﺷﻮ ﻟﻜﻴﺖ ﻧﻔﺴﻲ ﻭﺍﻛﻒ ﻋﻠﻰ ﻭﺍﺱ ﺟﻨﺎﻥ ﺑﻼ ﻣﺎﺩﺭﻱ ﺍﺷﺮﺕ ﺍﻟﺠﻨﺎﻥ ﺗﻔﺘﺢ ﺳﺒﻴﻜﺮ ﺭﺩﺕ ﺍﺳﻤﻊ ﺷﺘﺤﺠﻲ ﺷﻬﺪ
ﺗﺴﺌﻞ ﻋﻠﻴﻬﻪ ﻭﺧﺎﻳﻔﻪ ﺀﻭﻭﻑ ﺣﺒﻴﺒﻪ ﻛﻠﺒﻲ ﺧﺎﻳﻔﻪ ﻋﻠﻲ ﺳﻤﻌﺘﻬﻪ ﺣﺠﺖ ﻭﻱ ﻭﺍﺣﺪ ﻋﺒﺎﻟﻲ ﺍﺧﻮﻫﻪ ﺟﺎﻥ ﺗﻜﻮﻝ ﺣﺴﻦ ﻳﻌﻨﻲ ﺷﻨﻮ ﺩﺧﻞ ﺍﻟﻐﺮﻓﺘﻪ ﻛﻤﺖ ﺍﺷﻴﻞ ﺑﺮﻭﺣﻲ ﻭﺍﺩﻛﻬﻪ ﺑﻠﻜﺎﻉ ﻭﻋﻠﻲ ﻳﻬﺪﻳﻨﻲ ﻛﻤﺖ ﻭﻛﺴﺮﺕ ﺍﻟﻜﻼﺻﺎﺕ ﺍﻟﻴﻤﻲ ﻛﻠﻬﻦ
ﻋﻠﻲ : ﻛﻴﺎﻥ ﺗﺨﺒﻠﺖ ﺷﺒﻴﻚ ﺷﻔﺘﻬﻤﺖ ﻫﺴﻪ ﺍﻧﺘﻪ ﻋﻴﺐ ﻫﺬﺍ ﺍﻟﺤﺠﻲ ﺍﻟﺘﺤﺠﻲ ﺗﻌﺮﻑ ﺷﻬﺪ ﺷﻨﻮ ﺟﻨﺎﻥ ﺧﺎﺑﺮﻳﻬﻪ ﺑﻌﺪ ﺷﻮﻳﻪ ﻭﻓﺘﻬﻤﻨﻲ ﻣﻨﻬﻪ ﺑﻠﺤﺠﻲ ﺣﺴﻦ ﺷﺮﺍﺩ ﻣﻨﻬﻪ ﺧﻞ ﻧﺮﻳﺢ ﻫﺬﺍ ﺍﻟﻤﺨﺒﻞ ﻛﻮﻣﻲ ﻛﻨﺴﻲ ﺍﻟﻜﺰﺍﺯ ﻻ ﻳﺠﺮﺡ ﺍﻟﺠﻬﺎﻝ
ﻛﻴﺎﻥ : ﻛﻤﺖ ﺍﻓﻮﺭ ﻛﻞ ﺩﻗﻴﻘﻪ ﺍﻛﻞ ﺍﻟﺠﻨﺎﻥ ﺗﺨﺎﺑﺮ ﻳﺪﻛﻚ ﻳﺪﻛﻚ ﻭﻣﺘﺸﻴﻠﻪ ﻭﺍﻧﻲ ﺿﺎﻝ ﺍﻓﺘﺮ ﻭﻣﺎﻛﻮ ﻭﺗﺮﺟﻊ ﺟﻨﺎﻥ ﺩﻙ ﻭﻫﻢ ﻣﺎﻛﻮ ﺍﻱ ﻃﺒﻌﺎ ﻣﻠﺘﻬﻴﻪ ﻭﻳﻪ ﺍﻟﺜﻮﺭ ﺍﺟﻴﺖ ﺍﺧﺎﺑﺮﻫﻪ ﻣﻦ ﻣﻴﺔﺑﺎﻳﻠﻲ ﻭﻋﻠﻲ ﻣﻘﺒﻞ ﺭﺣﺖ ﻏﺴﻠﺖ ﻭﺟﻬﻲ ﻛﺎﻣﺖ ﺍﻟﺤﺮﺍﺭ ﺗﻄﻠﻊ ﻣﻦ ﻛﻞ ﻣﻜﺎﻥ
ﺷﻬﺪ : ﻛﻤﺖ ﺻﻌﺪﺕ ﺍﺭﻳﺪ ﺍﻧﺎﻡ ﻓﺘﺤﺖ ﺍﻟﻤﺒﺎﻳﻞ ﻓﺘﺤﺖ ﺍﻟﻤﺒﺎﻳﻞ ﻭﺍﺷﻮﻑ ﺟﻨﺎﻥ ﻣﺨﺎﺑﺮﻩ ﻛﻮﻣﻪ ﺷﺒﻴﻬﻢ ﻳﺎﺭﺑﻲ ﺑﺲ ﻻ ﺑﻴﻬﻢ ﺷﻲ ﺧﺎﺑﺮﺕ ﺍﻟﻮ ﺟﻨﺎﻥ ﺟﺎﻥ ﻣﺎﺳﻤﻊ ﺑﺲ ﻏﻴﺮ ﻋﻴﻄﻪ ﻛﻴﺎﻥ ﻭﻛﻌﻠﻲ ﺩﻙ ﺭﺯﺍﻳﻞ ﺷﺒﻴﻜﻜﻜﻜﻜﻚ ﻋﻄﺖ ﺑﻲ
ﻛﻴﺎﻥ : ﺍﻧﻲ ﺷﺒﻴﻪ ﺳﺖ ﺷﻬﺪ ﺍﻧﺘﻲ ﻣﻮ ﺗﺪﺭﻳﻦ ﻫﺬﺍ ﺍﻟﻤﻄﻲ ﻣﺎﻗﺒﻞ ﺗﺤﺠﻴﻦ ﻭﻳﺎ
ﺷﻬﺪ : ﻛﻴﺎﻥ ﺷﻜﻮ ﺟﻨﻚ ﻧﺴﻴﺖ ﺍﻧﻲ ﻭﻳﺎﻙ ﻣﻄﻠﻜﻴﻦ ﺭﺩﺕ ﺍﻏﺜﻪ ﻓﻤﺎﻟﻚ ﺣﻜﻢ ﻋﻠﻴﻪ ﻭﺍﻧﻲ ﺑﻴﺖ ﺍﻫﻠﻲ ﺍﺑﻮﻳﻪ ﻣﺴﺆﻭﻝ ﻋﻠﻴﻪ ﺭﺟﺎﺋﺎ ﻟﺘﺠﺎﻭﺯ ﻭﻳﺎﻱ ﺑﻠﻜﻼﻡ ﺑﻜﻠﺒﻲ ﻛﻠﺖ ﺳﻬﻠﻪ ﻛﻴﺎﻥ ﺍﻟﻪ ﺍﻏﺜﻚ
ﻛﻴﺎﻥ : ﻛﻮﻟﻲ ﺷﺮﺍﺩ ﻣﻨﺞ
ﺷﻬﺪ : ﻫﻮﻩ ﺭﺍﺩ ﻳﺰﻭﺝ ﻭﻛﺎﻋﺪ ﻳﺎﺧﺬ ﺭﺋﻲ ﺑﻌﺪ ﻣﺎﺳﻤﻌﺖ ﺑﺲ ﺷﻲ ﺗﻔﻠﺶ ﻭﻋﻠﻲ ﻛﺎﻡ ﻳﻌﻴﻂ ﺍﻟﻮﻭﻭ ﺍﻟﻮﻭ ﻛﻴﺎﻥ ﻓﺪﻭﻩ ﺍﺣﺠﻲ ﺷﺒﻴﻜﻚ
ﺟﻨﺎﻥ : ﺷﻬﻮﺩﻩ ﺑﻌﺪﻳﻦ ﺍﺣﺠﻲ ﻭﻳﺎﺝ ﻟﺘﻬﺎﻓﻴﻦ ﻣﺎﻛﻮ ﺷﻲ
ﺍﻡ ﻛﻴﺎﻥ : ﻳﻤﻪ ﺍﻟﻮﻟﺪ ﺷﺒﻲ ﺍﺧﻮﻙ ﻫﺴﻪ ﺟﺎﻥ ﺟﻨﻪ ﺍﻟﻮﺭﺩ ﻳﻤﻪ ﺍﻟﻮﻟﺪ ﺳﻮﺩﻥ ﻣﻦ ﻭﺭﺍﻫﻪ
ﻋﻠﻲ : ﻳﻤﻪ ﺍﻟﺨﺎﻃﺮ ﺍﻟﻠﻪ ﺳﻜﺘﻲ ﺟﻨﺎﻥ ﺟﻴﺒﻲ ﺍﻟﻜﻠﻨﺲ ﻭﺍﻟﺘﻌﻘﻴﻢ ﺑﺴﺮﻋﻪ ﻳﻠﻪ ﻛﻮﻡ ﻟﻠﻤﻀﻤﺪ ﻫﺎﻱ ﻳﺪﻙ ﺍﻟﻪ ﺧﻴﺎﻁ
ﻛﻴﺎﻥ : ﻋﻮﻓﻨﻲ ﻋﻠﻲ ﻣﺎﺭﻭﺡ
ﻋﻠﻴﻤﻮ ﺑﻜﻴﻔﻚ ﻛﻮﻡ ﺗﺮﻩ ﺷﻌﻠﺖ ﻛﻠﺒﻲ ﺷﻠﻊ ﻛﻮﻭﻭﻭﻭﻭﻭﻡ
ﺟﻨﺎﻥ : ﺍﻟﻮﻭ ﺷﻬﺪ ﻟﺘﺨﺎﻓﻴﻦ ﺣﺒﻴﺒﺘﻲ ﻟﺘﺒﺠﻴﻦ ﻭﺍﻟﻠﻪ ﻣﺒﻲ ﺷﻲ
ﺷﻬﺪ : ﻻ ﻋﻔﻴﻪ ﺟﻨﺎﻥ ﺍﻟﻠﻪ ﻋﻠﻴﺞ ﺍﻧﻲ ﺳﻤﻌﺖ ﺷﻲ ﺗﻜﺴﺮ
ﺟﻨﺎﻥ : ﻛﺴﺮ ﺍﻟﺠﺎﻣﻪ ﻣﺎﻝ ﻣﻌﺮﺽ ﻭﺷﻮﻳﻪ ﻳﺪﻩ ﻧﺸﻜﺖ
ﺷﻬﺪ : ﺗﺨﺒﻠﺖ ﻭﻛﻤﺖ ﺍﺑﺠﻲ ﺍﻧﻲ ﺷﺒﻴﻪ ﻭﺣﺠﻴﺖ ﻫﻴﺞ ﻭﻳﺎ ﺍﻧﻲ ﺍﻋﺮﻓﻪ ﻳﺨﺎﺭ ﻫﻮﺍﻱ ﻣﻦ ﺣﺴﻦ ﺿﻠﻴﺖ ﺍﻛﻞ ﺑﻨﻔﺴﻲ ﺍﺧﺎﺑﺮ ﻋﻠﻴﻪ ﻭﺩﻳﺘﻠﻪ ﺭﺳﺎﺋﻞ ﻣﻴﺠﺎﻭﺏ ﺧﺎﺑﺮﺕ ﻋﻠﻪ ﺟﻨﺎﻥ ﻭﻃﻤﻨﺘﻨﻲ ﻋﻠﻴﻪ ﻛﺎﻟﺖ ﺧﻄﻴﻮ ﻳﺪﻩ ﻭﻧﻄﻮ ﻣﺴﻜﻦ ﻭﻧﺎﻡ
ﻋﻠﻲ : ﻳﻤﻪ ﺍﺭﻳﺪ ﺍﺣﺠﻲ ﻭﻳﺎﺝ ﻛﺎﻓﻲ ﺗﺤﺠﻴﻦ ﻋﻠﻪ ﻣﺮﺕ ﻛﻴﺎﻥ ﻫﻮﻩ ﻳﺤﺒﻬﻪ ﻫﻮﺍﻱ ﻭﻣﻴﻜﺪﺭ ﻳﻌﻴﺶ ﺑﺎﻻﻳﺎﻫﻪ ﺑﺎﺟﺮ ﺍﻧﻲ ﺭﺍﺡ ﺍﺭﻭﺡ ﺍﺷﻮﻓﻪ ﻭﺍﺣﺠﻲ ﻭﻱ ﺍﻫﻠﻬﻪ ﻳﻤﻪ ﺍﻟﺨﺎﻃﺮ ﻟﻠﻪ ﻓﻜﻮ ﻣﻦ ﺍﻟﻮﻟﺪ ﻻ ﻳﻬﺞ ﺛﺎﺛﻨﻲ ﻳﻮﻡ ﺭﺣﺖ ﺍﻻﺑﻮ ﺷﻬﺪ ﻭﻛﻌﺪﻧﻪ ﻧﺤﺠﻲ
ﺍﺑﻮ ﺷﻬﺪ : ﻭﺍﻟﻠﻪ ﻳﺎﻋﻤﻮ ﺍﻧﻲ ﻣﺴﺘﺤﻲ ﻣﻨﻚ ﻭﻣﺎﻋﺮﻑ ﺷﻜﻠﻚ ﺭﺍﺡ ﺍﺳﻮﻟﻔﻠﻚ ﺳﺎﻟﻔﻪ ﻣﻦ ﺍﻭﻝ ﻟﻼﺧﻴﺮ ﻭﻧﺘﻪ ﺍﺣﻜﻢ
......
ﻋﻠﻲ : ﻋﻤﻲ ﻣﺎﻋﺮﻑ ﺷﻜﻠﻚ ﻫﻮﻩ ﻳﺤﺒﻬﻪ ﻭﺣﺎﻟﺘﻪ ﺣﺎﻟﻪ ﺍﻧﻲ ﺍﻛﻮﻝ ﻳﺮﺟﻌﻮﻥ ﺳﻮﻩ ﻭﻧﺠﻴﺐ ﺳﻴﺪ ﻳﻌﻘﺪﻟﻬﻢ ﺍﺧﺎﻑ ﺍﻛﻮ ﺍﺷﻜﺎﻝ ﺑﻄﻼﻛﻬﻢ
ﺍﺑﻮ ﺷﻬﺪ : ﻣﺎﻋﻨﺪﻱ ﻣﺎﻧﻊ ﺷﻮﻛﺖ ﻣﺎﺗﺠﻲ ﻫﻼ ﺑﻴﻚ ﺑﺲ ﻭﻟﻴﺪﻱ ﺍﺭﻳﺪ ﺍﻃﻠﺐ ﻣﻨﻚ ﻃﻠﺐ ﺍﺭﻳﺪﻫﻢ ﻳﻌﻴﺸﻮﻥ ﻭﺣﺪﻫﻢ ﻳﺌﺠﺮﻭﻟﻬﻢ ﺑﻴﺖ ﺣﺘﻠﻮ ﺻﻐﻴﺮ ﻻﻥ ﺍﻧﺘﻪ ﺗﻌﺮﻑ ﺍﻟﺼﺎﺭ ﻛﻠﻪ ﻭﻣﺎﺭﻳﺪ ﺗﺮﺟﻊ ﺍﻟﻤﺸﺎﻛﻞ ﻣﻦ ﺟﺪﻳﺪ ﻭﺗﻌﺮﻑ ﺍﻟﻮﺍﻟﺪﻩ ﻭﺍﻟﺴﻮﺗﻪ ﺑﻴﻬﻢ ﺍﻧﻲ ﺳﻜﺘﺖ ﻻﻥ ﺍﻋﺮﻑ ﺑﻨﺘﻲ ﺗﺤﺒﻪ ﻭﺍﻋﺮﻑ ﻛﻴﺎﻥ ﺧﻮﺵ ﺭﺟﺎﻝ
ﺷﻬﺪ : ﻓﺮﺣﺖ ﻣﻤﺼﺪﻛﻪ ﻳﻌﻨﻲ ﺭﺍﺡ ﺍﺭﺟﻊ ﺍﻟﺤﺒﻴﺒﻲ ﻛﻴﺎﻥ ﺻﺎﺣﻨﻲ ﺑﺎﺑﺎ ﻭﻛﻠﻲ ﺑﻠﺼﺎﺭ ﻭﻛﺘﻠﻪ ﺑﻜﻴﻔﻚ ﺑﺎﺑﺎ ﺍﻟﺘﺮﻳﺪﻩ ﻳﺼﻴﺮ
ﻋﻠﻲ : ﻛﻴﺎﻥ ﺗﻌﺎﻝ ﺍﺣﺠﻲ ﻭﻳﺎﻙ ﺣﺠﻴﺘﻠﻪ ﺍﻟﺤﺠﻲ ﻛﻠﻪ ﺍﻟﺪﺍﺭ ﺑﻴﻨﻲ ﻭﺑﻴﻦ ﺍﺑﻮ ﺷﻬﺪ
ﻛﻴﺎﻥ : ﻣﻨﻮ ﻛﻠﻚ ﺍﻧﻲ ﺑﻌﺪ ﺍﺭﻳﺪﻫﻪ ﺷﻠﻮﻥ ﺗﺼﺮﻑ ﻣﻦ ﻭﺣﺪﻙ
ﻋﻠﻲ : ﻫﺎ ﺧﻮﺵ ﻟﻌﺪ ﻃﻠﻜﻬﻪ ﻣﺤﻜﻤﻪ ﻭﺧﻠﻲ ﺗﺸﻮﻑ ﺣﻴﺎﺗﻬﻪ ﺍﻟﺒﻨﻴﻪ
ﻛﻴﺎﻥ : ﻧﻄﺖ ﻋﻴﻮﻧﻲ ﺷﺒﻴﻚ ﻋﻠﻲ ﻟﺘﻜﻮﻡ ﺗﻤﺴﻠﺖ ﻭﺍﻟﻠﻪ ﺍﻋﻮﻓﻬﻪ ﻣﻌﻠﻜﻪ ﻃﻮﻝ ﻋﻤﺮﻫﻪ ﻟﻮ ﺍﻃﻠﺒﻬﻪ ﺍﻟﺒﻴﺖ ﺍﻟﻄﺎﻋﻪ
ﻋﻠﻲ : ﻫﻬﻬﻬﻬﻪ ﻫﺴﻪ ﻣﻨﻮ ﺍﻟﻲ ﻳﻤﺴﻠﺖ ﺍﻛﻠﻚ ﻟﺘﻜﺎﺑﺮ ﺍﺑﻮﻫﻪ ﻛﺎﻝ ﺍﺫﺍ ﻳﺮﻳﺪ ﺑﺎﺟﺮ ﻳﺠﻲ ﻭﻳﻌﻘﺪ ﻛﺎﻓﻲ ﻋﺎﺩ ﻭﺍﻧﻲ ﻧﻄﻴﺖ ﻛﻠﻤﻪ ﻟﻠﺮﺟﺎﻝ ﺣﻀﺮ ﻧﻔﺴﻚ ﻟﻜﻴﺘﻠﻚ ﺑﻴﺖ ﻗﺮﻳﺐ ﺻﻐﻴﺮ ﺑﺎﺟﺮ ﻧﺮﻭﺡ ﻭﻧﺎﺟﺮﻩ ﻭﻋﻴﺶ ﺣﻴﺎﺗﻚ ﻛﺎﻓﻲ ﺑﻌﺪ
ﺷﻬﺪ : ﺛﺎﻧﻲ ﻳﻮﻡ ﺭﺗﺒﺖ ﻧﻔﺴﻲ ﻭﺍﺟﻪ ﻛﻴﺎﻥ ﻭﻋﻠﻲ ﺳﻮﺩﻩ ﻋﻠﻴﻪ ﻳﺪﻩ ﻣﺸﺪﻭﺩﻩ ﻛﻠﻪ ﻣﻦ ﻭﺭﺍﻳﻪ ﺍﺑﻮﻳﻪ ﺳﻠﻢ ﻋﻠﻴﻪ ﻭﻋﺘﺬﺭ ﻣﻨﻪ ﻭﻫﻮﻩ ﻫﻢ ﺍﻋﺘﺬﺭ ﻣﻦ ﺍﺑﻮﻱ ﻋﻠﻤﻮﺩ ﺍﻟﺴﻮﺗﻪ ﺍﻣﻪ ﺑﺲ ﻫﻮﻩ ﺍﺑﺪ ﻣﺎﺑﺎﻭﻉ ﻋﻠﻰ ﻭﺟﻬﻲ ﻋﻘﺪﻟﻨﻪ ﺳﻴﺪ ﻭﺷﻮﻳﻪ ﻭﺭﺍﺣﻮ ﻛﺎﻝ ﺍﻻﺑﻮﻳﻪ ﻳﻜﻤﻞ ﺍﻟﻠﺒﻴﺖ ﻭﻳﺠﻲ ﻳﺎﺧﺬﻧﻲ ﻣﺮ ﺳﺒﻮﻋﻴﻦ ﻭﺧﺎﺑﺮ ﻛﺎﻝ ﺭﺍﺡ ﺍﺟﻲ ﺍﺧﺬﺝ ﺣﻀﺮﻱ ﻧﻔﺴﺞ ﺭﺣﺖ ﻟﻠﺼﺎﻟﻮﻥ ﺻﺒﻐﺖ ﻋﺒﺎﻟﻚ ﻋﺮﻭﺳﻪ ﻭﻫﻮﻩ ﺑﻬﻠﺴﺒﻮﻋﻴﻦ ﻣﻴﺤﺠﻲ ﻭﻳﺎﻱ ﺍﺑﺪ ﺑﺲ ﻣﻦ ﺧﺎﺑﺮﻧﻲ ﻛﺎﻝ ﺭﺍﺡ ﺍﺟﻴﺞ . ﻭﻻ ﻳﺮﺩ ﻋﻠﻰ ﺭﺳﺎﺋﻠﻲ ﻛﻠﺖ ﺧﻠﻲ ﺑﺮﺍﺣﺘﻪ ﻭﺣﺴﻦ ﺿﺒﻄﺘﻠﻪ ﻭﻳﻪ ﺍﻟﺒﻨﻴﻪ ﻭﺗﻔﻘﻮ ﻋﻞ ﺧﻄﻮﺑﻪ ﻭﻛﻤﻞ ﻣﺸﺘﻤﻠﻪ ﻭﺭﺍﺡ ﻛﻌﺪ ﺑﻲ ﺍﺟﻪ ﻛﻴﺎﻥ ﺳﻠﻢ ﻋﻠﻰ ﺍﻫﻠﻲ ﻭﺭﺣﻨﻪ ﻭﺻﻌﺪﺕ ﻭﻳﺎ ﺑﻠﺴﻴﺎﺭﻩ ﺑﺲ ﺷﻨﻮ ﺣﻮﺍﺟﺒﻪ ﺻﺎﻋﺪﻩ ﻭﺍﻻ ﻛﻠﻤﻪ ﻧﻄﻖ ﻧﺰﻟﻨﻪ ﻳﻢ ﺑﻴﺖ ﺻﻐﻴﺮ ﺗﻘﺮﻳﺒﺎ ﻣﺴﺎﺣﺘﻪ 70 ﻣﺘﺮ ﻓﺘﺢ ﺍﻟﺒﺎﺏ ﻭﺩﺧﻠﻨﻪ ﺍﺑﺎﻭﻉ ﻋﻞ ﺑﻴﺖ ﺍﺛﺎﺛﻪ ﺑﺴﻴﻂ ﻭﻣﺮﺗﺐ ﺟﻨﺖ ﻓﺮﺣﺎﻧﻪ ﺣﻴﻞ ﺩﺧﻠﻨﻪ ﻏﺮﻓﺘﻨﻪ ﺍﺭﻳﺪ ﺍﺷﺒﻜﻪ ﺟﺎﻥ ﻳﺪﻓﻌﻨﻲ
ﻛﻴﺎﻥ : ﻋﻘﺪﺕ ﺍﻟﺴﻴﺪ ﻭﺭﺟﻌﺖ ﺭﺗﺒﺖ ﺍﻣﻮﺭﻱ ﻭﺣﻀﺮﺕ ﺍﻟﺒﻴﺖ ﺑﺲ ﻣﺎﺣﺠﻴﺖ ﻭﻳﺎﻫﻪ ﻛﻠﺒﻲ ﺑﻌﺪﻩ ﻳﻐﻠﻲ ﻛﻠﻤﺎ ﺍﺫﻛﺮ ﺣﺴﻦ ﻓﺎﺕ ﺍﻟﻐﺮﻓﺘﻬﻪ ﻭﻣﺎﻋﺮﻑ ﺷﺮﺍﺩ ﻣﻨﻬﻪ ﻣﻦ ﺩﺧﻠﻨﻪ ﺍﻟﺒﻴﺘﻨﻪ ﺍﺷﻮﻑ ﺍﻟﻔﺮﺣﻬﻪ ﺑﻌﻴﻮﻧﻬﻪ ﺗﻤﻨﻴﺖ ﺍﺷﺒﻜﻬﻪ ﻭﺍﺧﻠﻴﻬﻪ ﻋﻠﻪ ﻛﻠﺒﻲ ﻻﻥ ﻣﺸﺘﺎﻗﻠﻬﻪ ﺣﻴﻞ ﺑﺲ ﻛﻠﺒﻲ ﻣﻦ ﺍﻟﻐﻴﺮﻩ ﻣﻌﻄﺐ ﻫﻮﻩ ﻳﺘﺤﻜﻢ ﺑﻴﻪ ﺭﺍﺩﺕ ﺗﺸﺒﻜﻨﻲ ﺩﻓﻌﺘﻬﻪ ﻭﻛﺘﻠﻬﻪ ﻭﺧﺮﻱ ﺩﻳﺮﻱ ﺑﺎﻟﺞ ﺗﻠﺰﻣﻴﻨﻲ
ﺍﻟﻐﻴﺮﻩ ﻣﻌﻄﺐ ﻫﻮﻩ ﻳﺘﺤﻜﻢ ﺑﻴﻪ ﺭﺍﺩﺕ ﺗﺸﺒﻜﻨﻲ ﺩﻓﻌﺘﻬﻪ ﻭﻛﺘﻠﻬﻪ ﻭﺧﺮﻱ ﺩﻳﺮﻱ ﺑﺎﻟﺞ ﺗﻠﺰﻣﻴﻨﻲ ﺍﺣﻨﻪ ﺻﺢ ﺭﺟﻌﻨﻪ ﺑﺲ ﻣﺎﺭﻳﺪ ﺍﻟﺴﺎﻧﺞ ﻳﻄﺦ ﺑﻠﺴﺎﻧﻲ ﻓﺎﻫﻤﻪ
ﺷﻬﺪ : ﺍﻧﻲ ﺑﺲ ﺩﻣﻮﻋﻲ ﺗﺠﺮﻱ ﻋﺎﻓﻨﻲ ﻭﻃﻠﻊ ﻭﺍﺳﺘﻤﺮ ﺍﻟﻮﺿﻊ ﺗﻘﺮﻳﺒﺎ ﺷﻬﺮ ﻣﻘﺎﻃﻨﻲ ﻭﻣﺰﻫﻜﻨﻲ ﺑﻌﻴﺸﺘﻲ ﺩﻭﺍﻡ ﺍﻟﻜﻠﻴﻪ ﻫﻮﻩ ﻳﻮﺩﻳﻨﻲ ﻭﻳﺠﻴﺒﻨﻲ ﻭﻣﻦ ﺩﺭﻩ ﺣﺴﻦ ﻳﺪﺭﺱ ﻋﺪﻧﻪ ﻟﻌﺐ ﻟﻌﺐ ﺭﺟﻌﻨﻪ ﻣﻴﺖ ﻋﺮﻛﻪ ﺑﻠﻄﺮﻳﻖ ﺟﻢ ﻣﺮﻩ ﺍﺟﻪ ﻳﺴﻮﻱ ﺣﺎﺩﺙ ﻣﻦ ﻭﺭﻩ ﻋﺼﺒﻴﺘﻪ ﺩﺧﻠﻨﻪ ﻟﻠﺒﻴﺖ ﻭﻋﺎﻁ ﺑﻴﻪ
ﻛﻴﺎﻥ : ﺑﺎﻋﻲ ﺷﻬﺪ ﻟﻬﻨﺎ ﻭﻛﺎﻓﻲ ﺩﻭﺍﻡ ﺑﻌﺪ ﻣﺎﻛﻮ ﻣﺎﺩﺍﻡ ﺧﺮﺍ ﻳﺪﺍﻭﻡ ﻭﻳﺎﺝ
ﺷﻬﺪ : ﺷﻔﺘﻪ ﻋﺼﺒﻲ ﻧﺎﺭ ﻣﺤﺠﻴﺖ ﺷﻲ ﻋﻔﺘﻪ ﻭﺩﺧﻠﺖ ﻟﻠﻐﺮﻓﻪ ﺟﻴﺖ ﻣﺤﺘﺮﻩ ﻭﻫﻮﻩ ﺣﺮﻙ ﺩﻣﻲ ﻃﺒﻴﺖ ﺳﺒﺤﺖ ﻭﻧﻤﺖ ﻭﺷﻌﺮﻱ ﻣﺒﻠﻞ ﻭﺍﻟﻤﻜﻴﻒ ﻣﺸﺘﻐﻞ ﻭﺍﻧﻲ ﻭﻳﺎ ﻫﺎﻱ ﺍﻟﻔﺘﺮﻩ ﻣﺸﺎﻛﻞ ﺣﺘﻪ ﺍﻛﻠﻲ ﻗﻞ ﻛﻌﺪﺕ ﻣﻦ ﺍﻟﻨﻮﻡ ﻣﻜﺴﺮﻩ ﻭﺍﻟﻨﺎﺭ ﺗﻄﻠﻊ ﻣﻦ ﺟﺴﻤﻲ ﻋﻼﻋﻴﻤﻲ ﻃﺎﻛﻪ ﻫﻮﻩ ﻣﺎﻛﻮ ﺍﺭﻳﺪ ﺍﻛﻮﻡ ﻣﺎﻛﺪﺭﺑﻘﻴﺖ ﻧﺎﻳﻤﻪ ﻭﺣﺴﻴﺖ ﺣﺮﻛﻪ ﺑﻠﻐﺮﻓﻪ ﻓﺘﺤﺖ ﻋﻴﻨﻲ ﺑﺎﻭﻋﺖ ﻋﻠﻴﻪ ﻭﻛﻠﻲ ﻛﻮﻣﻲ ﺣﻀﺮﻳﻠﻲ ﺯﻗﻨﺒﻮﺕ
ﺷﻬﺪ : ﻃﺮﻳﻘﻪ ﻛﻼﻣﻪ ﻧﺮﻓﺰﺗﻨﻲ ﻭﻃﺒﻌﻪ ﺑﻌﺪ ﻣﺎﺗﺤﻤﻠﻪ ﻛﻤﺖ ﻭﺍﻧﻲ ﺩﺍﻳﺨﻪ ﻛﺘﻠﻪ ﻛﻴﺎﻥ ﻛﺎﻓﻲ ﺑﻌﺪ ﻣﺎ ﺍﺗﺤﻤﻞ ﺭﺟﻌﻨﻲ ﺍﻻﻫﻠﻲ ﻛﺎﻋﺪ ﺗﺎﺫﻳﻨﻲ ﺍﻧﺘﻪ ﻣﻮ ﻛﻴﺎﻥ ﺍﻟﺤﺒﻴﺘﻪ ﺍﻧﺘﻪ ﻣﺎﺗﺤﺒﻨﻲ ﺍﺣﺲ ﺍﻟﻐﺮﻓﻪ ﺗﻔﺘﺮ ﺑﻴﻪ ﻣﻦ ﺍﻟﺤﺮﺍﺭ ﺑﻌﺪﻫﻪ ﻣﺎﺷﻔﺖ ﻛﻤﺖ ﻣﺎﺷﻮﻑ ﻟﻜﻴﺖ ﻧﻔﺴﻲ ﻭﺍﻛﻌﻪ ﻭﻛﻴﺎﻥ ﻳﺨﻠﻲ ﺍﻟﻌﻄﺮ ﻳﺸﻤﻤﻨﻲ ﺑﻲ ﻣﻦ ﺻﺤﻴﺖ ﻛﻤﺖ ﺍﺑﺠﻲ
ﻛﻴﺎﻥ : ﺷﻬﺪ ﺷﺒﻴﺞ ﺷﺘﺤﺴﻴﻦ ﻛﻮﻣﻲ ﺣﺒﻴﺒﺘﻲ ﺧﻠﻲ ﺍﻏﺴﻠﺞ ﻭﺍﺑﺪﻟﺞ ﻭﺍﺧﺬﺝ ﻟﻠﻤﺴﺘﺸﻔﻰ
ﺷﻬﺪ : ﻛﻴﺎﻥ ﻋﻮﻓﻨﻲ ﺑﻌﺪ ﻣﺎﺭﻳﺪﻙ ﺍﻧﻲ ﻣﻠﻴﺖ ﻣﻦ ﺗﺼﺮﻓﺎﺗﻚ
ﻛﻴﺎﻥ : ﻟﻴﺶ ﺷﻨﻮ ﻫﺬﺍ ﺍﻟﺤﺠﻲ ﺷﻬﺪ ﻟﺘﻔﻘﺪﻳﻨﻲ ﺍﻋﺼﺎﺑﻲ
ﺷﻬﺪ : ﻛﻴﺎﻥ ﺣﺴﻦ
ﻛﻴﺎﻥ : ﻟﺘﻮﻛﻠﻴﻦ ﺍﺳﻤﻪ ﻋﻠﻰ ﻟﺴﺎﻧﺞ ﻻ ﺍﺑﺘﻠﻲ ﺑﻴﺞ
ﺷﻬﺪ : ﻛﻴﺎﻥ ﻛﺎﺍﺍﺍﺍﻓﻲ ﺍﺳﻤﻌﻨﻲ ﺣﺴﻦ ﻳﺤﺐ ﺑﻨﻴﻪ ﺻﺪﻳﻘﺘﻲ ﻭﺑﺎﺟﺮ ﺧﻄﺒﺘﻬﻢ ﻭﺟﺎﻥ ﻳﺮﻳﺪ ﺍﺗﻮﺻﻚ ﻋﻠﻤﻮﺩ ﻳﺤﺎﺟﻴﻬﻪ ﻛﺎﻓﻲ ﻋﺎﺩ ﻣﺼﺨﺘﻪ
ﻛﻴﺎﻥ : ﻣﻦ ﻛﺎﻟﺖ ﻫﻴﺞ ﻣﻲ ﺑﺎﺭﺩ ﻭﻧﺰﻝ ﻋﻠﻪ ﻛﻠﺒﻲ ﺷﺒﻜﺘﻬﻪ ﺣﻴﻞ ﻛﻞ ﻗﻮﺗﻲ ﻭﻛﺎﻣﺖ ﺗﺒﺠﻲ ﻋﺬﺑﺘﻬﻪ ﻋﺬﺍﺏ ﻣﺼﺎﻳﺮ ﺫﻳﺞ ﺍﻟﻔﺘﺮﻩ ﻛﻞ ﻣﺎ ﻛﻠﺒﻲ ﻳﻮﺟﻌﻨﻲ ﺍﺫﻳﻬﻪ ﺍﻛﺜﺮ ﻛﻠﺘﻠﻬﻪ ﻛﺎﻓﻲ ﺣﻴﺒﺘﻲ ﻭﺍﻟﻠﻪ ﺍﺣﺒﺞ ﺍﻣﻮﺕ ﺍﻧﻲ ﻋﻠﻴﺞ ﻭﺗﻌﺎﺗﺒﻨﻪ ﻭﺻﺎﻓﻴﻨﻪ
ﺷﻬﺪ : ﻣﻦ ﻳﻮﻡ ﺍﻟﺼﺎﻟﺤﻨﻪ ﻭﺭﺟﻌﻨﻪ ﺍﻧﻲ ﻭﻛﻴﺎﻥ ﺍﺣﺴﻦ ﻣﻦ ﻗﺒﻞ ﺣﻴﺎﺗﻨﻪ ﻫﺪﻭﺀ ﻭﻣﺮﺗﺎﺣﻴﻦ ﻭﻳﻮﻣﻴﻪ ﺍﺩﻋﻲ ﺍﻟﻠﻪ ﻟﻴﺤﺮﻣﻨﻲ ﻣﻨﻪ ﻭﺩﻭﻡ ﻫﺬﻱ ﺍﻟﺴﻌﺎﺩﻩ ﺍﻟﻲ ﺍﻣﺎ ﻋﻤﺘﻲ ﻓﻤﻘﺒﻠﺖ ﺍﺣﺠﻲ ﻭﻳﺎﻫﻪ ﺣﺎﻟﻴﺎ ﻻﻥ ﻫﻮﺍﻱ ﺍﺫﺗﻨﻲ ﻛﻠﺖ ﺍﻝ ﻛﻴﺎﻥ ﻋﻮﻓﻬﻪ ﺍﻟﺤﺪ ﻣﺎ ﻛﻠﺒﻲ ﻳﺮﺟﻊ ﻳﺼﻔﻪ ﻧﺎﺣﻴﺘﻬﻪ ﺳﻮﻳﻨﻪ ﺳﻠﻔﻪ ﻭﺭﺍﺡ ﻧﺴﺎﻓﺮ ﺍﺳﻮﻱ ﺍﻃﻔﺎﻝ ﺍﻧﺎﺑﻴﺐ ﺍﺩﻋﻮﻟﻲ ﺍﻟﻠﻪ ﻳﺮﺯﻗﻨﻲ ﺑﻄﻔﻞ ﻭﻳﻜﻤﻞ ﺳﻌﺎﺩﺗﻲ ﺍﺩﻋﻮﻟﻲ
ﻛﻤﻠﺖ ﻗﺼﺘﻲ ﺍﺗﻤﻨﻪ ﻣﻦ ﺍﻻﻫﻞ ﻋﺪﻡ ﺍﻟﺘﺪﺧﻞ ﺑﺤﻴﺎﺕ ﺍﻭﻻﺩﻫﻢ ﺍﻟﺰﻭﺟﻴﻪ ﻋﻮﻓﻮﻫﻢ ﻳﺌﺴﺴﻮﻥ ﺣﻴﺎﺗﻬﻢ ﺍﻟﻌﺎﺟﺒﺘﻬﻢ ﻭﺍﻛﻮ ﺍﻛﺜﺮ ﻣﻦ ﺣﺎﻟﺘﻲ ﺣﺎﻻﺕ ﺍﻧﻬﺖ ﻗﺼﺘﻬﻢ ﺑﻠﻄﻼﻙ ﻣﻦ ﻭﺭﻩ ﺗﺪﺧﻞ ﺍﻻﻫﻞ ﺷﻜﺮﺍ ﺍﻟﻜﻢ ﺍﺗﻤﻨﻪ ﺗﻨﺎﻝ ﺍﻋﺠﺎﺑﻜﻢ
....
النهاية
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
2 التعليقات
إضغط هنا لـ التعليقاتحلو جدا واتمنى تتستمر مو تتخر علينه اريد روايه لاني امراة
ردأهلاً وسهلاً بكي (ريام) ان شاء الله يتم تطوير التطبيق و الموقع واضافة قصص كثيرة ان شاء الله
ردتحويل كودإخفاء محول الأكواد الإبتساماتإخفاء