رواية فصليتي صمتي و عنواني الجزء الثالث
للكاتبة زهراء العبودي
...
ﻣﻠﻚ 🏻👈 ﮔﻌﺪﺕ ﻟﮕﻴﺖ ﺭﻧﺪ ﻧﺎﻳﻤﺔ ﺑﺤﻈﻨﻲ ﺷﻠﺘﻬﺎ ﻭﺧﻠﻴﺘﻬﺎ ﻋﻠﻰ ﺍﻟﺠﺮﺑﺎﻳﺔ ﺑﺲ ﺍﻧﺘﺒﻬﺖ ﺍﻧﻲ ﺑﺪﻭﻥ ﺣﺠﺎﺏ ﻣﻦ ﺍﻟﺘﻌﺐ ﻧﺴﻴﺖ ﺍﺭﺟﻊ ﺍﻟﺒﺴﺔ ﻭﺭﺓ ﻣﻐﻴﺮﺕ ﻣﻼﺑﺴﻲ ﺍﻧﺸﺎﺀ ﺍﻟﻠﻪ ﻣﻨﺘﺒﻪ ﺻﻠﻴﺖ ﻭﻧﺰﻟﺖ ﻛﺎﻟﻌﺎﺩﺓ ﻟﻠﺸﻐﻞ ﺑﺪﻭﺍ ﺍﻟﺨﻄﺎﺭ ﻳﺮﺣﻮﻥ ﺍﻟﺤﻤﺪ ﻟﻠﻪ ﻭﺍﻟﻠﻪ ﺗﻌﺒﺖ ﻭﺍﻟﺒﻘﻴﺔ ﻃﺎﻟﻌﻴﻦ ﻣﻦ ﺍﻟﺼﺒﺢ ﻟﻠﺰﻳﺎﺭﺓ ﺑﺲ ﺍﻟﻐﺮﻳﺐ ﺍﺩﻡ ﺍﻟﻴﻮﻡ ﺃﺗﺄﺧﺮ ﺑﺎﻟﮕﻌﺪﺓ ﮔﻌﺪﺗﺔ ﻭﺭﺍﺡ ﻟﻠﺪﻭﺍﻡ ﺭﺟﻌﻮﺍ ﻣﻦ ﺍﻟﺰﻳﺎﺭﺓ ﺑﺎﻟﻠﻴﻞ ﻭﺭﺟﻊ ﻧﻔﺲ ﺭﻭﺗﻴﻦ ﺣﻴﺎﺗﻲ ﻟﺤﺪ ﻓﺪ ﻳﻮﻡ ﺍﻟﻌﺼﺮ ﺟﺎﻧﻮﺍ ﻣﺠﺘﻤﻌﻴﻦ ﺍﻟﻜﻞ ﺑﺎﻟﺼﺎﻟﺔ ﻭﺟﻨﺖ ﺑﺎﻟﻤﻄﺒﺦ ﺍﺳﻮﻱ ﺍﻟﺠﺎﻱ ﻻﻥ ﻋﻤﻮ ﺍﻳﺤﺒﺔ ﺣﺎﺭ ﻭﺟﺪﻳﺪ ﻓﺄﻧﺘﻈﺮ ﻣﻦ ﻳﮕﻌﺪ ﻳﻼ ﺍﺳﻮﻱ ﺳﻤﻌﺖ ﺍﻟﺒﺎﺏ ﺍﻧﺪﮔﺖ ﻳﻌﻨﻲ ﺍﻧﻲ ﻋﺒﺎﻟﻲ ﻭﺍﺣﺪ ﻃﺎﻟﻊ ﻣﻨﻬﻢ ﻭﺭﺟﻊ ﻫﺴﺔ ﻋﺎﺩﻱ ﻃﻨﺸﺖ ﻛﻤﻠﺖ ﺃﺧﺬﺕ ﺍﻟﺼﻴﻨﻴﺔ ﻭﻣﻦ ﺩﺧﻠﺖ ﺍﺗﻔﺎﺟﺄﺕ ﺑﻨﻮﺭ ﮔﺎﻋﺪﺓ ﻳﻢ ﺭﺟﺎﻝ ﺟﺒﻴﺮ ﻳﻤﻜﻦ ﻭﺍﻟﺪﻫﺎ ﻭﺍﻛﻮ ﻣﺮﺓ ﻭﻳﺎﻫﺎ ﻳﻤﻜﻦ ﺃﻣﻬﺎ ﺑﺲ ﻣﺸﻔﺖ ﻭﺟﻬﻬﺔ ﻻﻥ ﺟﺎﻧﺖ ﻣﻨﺪﺍﺭﺓ ﻓﺮﺣﺖ ﺍﻧﻄﻴﺖ ﺍﻟﻌﻤﻮ ﺍﻟﺠﺎﻱ ﻭﻳﺔ ﻣﺎ ﺍﻧﺪﺍﺭﻳﺖ ﺻﺎﺭﺕ ﺑﻮﺟﻬﻲ ﻫﺎﻱ ﺍﻡ ﻧﻮﺭ ﻳﻌﻨﻲ ﻛﻤﻴﺔ ﺍﺍﻻﻟﻢ ﺍﻟﻲ ﺩﺍ ﺍﺣﺲ ﺑﻲ ﻫﺴﺔ ﻛﺄﻧﻮﺍ ﻭﺍﺣﺪ ﻃﻌﻨﻲ ﺑﺴﺠﻴﻦ ﺑﻨﺺ ﮔﻠﺒﻲ ﻭﻋﺎﻓﻨﻲ ﻭﺭﺍﺡ
ﻭﺳﻦ : ﻫﺎﻱ ﻫﻲ ﺍﻟﻔﺼﻠﻴﺔ
ﺑﺲ ﻣﺠﺮﺣﺘﻨﻲ ﺷﻮﻓﺘﻬﺎ ﺑﮕﺪ ﻛﻼﻣﻬﺎ ﻣﺜﻞ ﻭﺍﺣﺪ ﺧﻠﻮﺍ ﻋﻠﻰ ﺟﺮﺣﻰ ﻣﻠﺢ ﻭﺑﺤﺎﻟﺔ ﺍﻧﻲ ﺟﺮﺣﻲ ﺑﺎﻟﮕﻠﺐ ﻳﻌﻨﻲ ﻭﺟﻌﻲ ﺍﻛﺜﺮ ﻣﻦ ﺍﻱ ﻭﺟﻊ ﺷﺄﺗﺤﻤﻞ ﺑﻌﺪ ﻳﺎ ﺭﺑﻲ ﻣﺘﺤﻤﻠﺖ ﺍﻛﺜﺮ ﻣﺤﺴﻴﺖ ﺑﻨﻔﺴﻲ ﺑﻌﺪ ﻭﺭﺍﻫﺎ ﺑﺲ ﻋﻠﻰ ﻇﺮﺑﺎﺕ ﺧﻔﻴﻔﺔ ﻋﻠﻰ ﻭﺟﻬﻲ ﻭﻛﺄﻧﻮﺍ ﺍﻧﻲ ﻧﺎﻳﻤﺔ ﺑﺤﻈﻦ ﺍﺣﺪ ﻣﻦ ﻓﺘﺤﺖ ﻋﻴﻨﻲ ﺷﻔﺖ ﻧﻔﺴﻲ ﺑﺤﻈﻦ ﺍﺩﻡ ﻭﻳﻀﺮﺏ ﻋﻠﻰ ﻭﺟﻬﻲ ﺍﻳﺮﻳﺪﻧﻲ ﺍﮔﻌﺪ ﺑﺲ ﺟﺎﻥ ﻣﺒﻴﻦ ﻋﻠﻰ ﻭﺟﻬﺔ ﺍﻻﻫﺘﻤﺎﻡ ﺍﻛﻴﺪ ﺗﻤﺜﻴﻞ ﻣﺜﻞ ﻛﻞ ﻣﺮﺓ ..
ﺍﺩﻡ : ﻣﻠﻚ ﺗﺴﻤﻌﻴﻨﻲ
ﻣﻠﻚ : ﺍﻳﻲ .. ﺍﺳﻔﺔ ﻣﺒﻴﺔ ﺷﻲ ( ﻭﻫﻲ ﺗﻨﻬﺾ )
ﺍﺑﺮﺍﻫﻴﻢ : ﺧﻼﺹ ﺑﻨﺘﻲ ﺭﻭﺣﻲ ﺍﺭﺗﺎﺣﻲ ﻣﺒﻴﻨﺔ ﺗﻌﺒﺎﻧﺔ ﺍﻟﻴﻮﻡ
ﻣﻠﻚ : ﻻ ﻋﻤﻮ ﻋﺎﺩﻱ ﻣﺒﻴﺔ ﺷﻲ ﺑﺲ ﺷﻮﻳﺔ ﺩﻭﺧﺔ ﻭﻫﺴﺔ ﺭﺍﺣﺖ ﺍﻟﺤﻤﺪ ﻟﻠﻪ
ﺍﺑﻮ ﻏﺴﺎﻥ : ﻣﻴﺨﺎﻟﻒ ﺑﻨﺘﻲ ﺭﻭﺣﻲ ﺍﺭﺗﺎﺣﻲ
ﻣﻠﻚ ﻭﻫﻲ ﺗﻨﻈﺮ ﺍﻟﻰ ﺍﻟﺤﺠﻴﺔ ..
ﺍﻟﺤﺠﻴﺔ : ﺍﻱ ﻳﻤﺔ ﺍﺻﻌﺪﻱ ﻭﺍﺭﺗﺎﺣﻲ ﺍﻟﺒﻨﺎﺕ ﺍﻟﻴﻮﻡ ﻳﺄﺧﺬﻥ ﻣﻜﺎﻧﺞ ﻻ ﺗﺨﺎﻓﻴﻦ
ﻣﻠﻚ : ﺷﻜﺮﺍً ﻳﻼ ﻟﻌﺪ ﻋﻦ ﺍﺫﻧﻜﻢ
ﺍﺩﻡ 🏻👈 ﻣﻠﻚ ﺻﺎﺭﻟﻬﺎ ﻓﺘﺮﺓ ﻭﺟﻬﻬﺔ ﺍﺻﻔﺮ ﻭﻣﺒﻴﻨﺔ ﺗﻌﺒﺎﻧﺔ ﺑﺲ ﺍﻟﻴﻮﻡ ﻣﻦ ﺍﺟﻮﻱ ﺑﻴﺖ ﻋﻤﻮ ﺍﺑﻮ ﻧﻮﺭﻫﺎﻥ ﻇﻠﺖ ﺻﺎﻓﻨﺔ ﺑﻮﺟﻪ ﺧﺎﻟﺔ ﻭﺳﻦ ﻭﻭﺟﻬﺔ ﻣﺨﻄﻮﻑ ﻟﻮﻧﺔ ﻣﺜﻞ ﺍﻟﻤﺼﺪﻭﻣﺔ ﻭﺭﺍﻫﺎ ﺧﺎﻟﺔ ﻭﺳﻦ ﺳﺄﻟﺖ ﺍﺫﺍ ﻫﻲ ﺍﻟﻔﺼﻠﻴﺔ ﺑﻘﺖ ﻣﻠﻚ ﻋﻠﻰ ﺣﺎﻟﻬﺎ ﺷﻮﻱ ﻭﮔﻌﺖ ﻣﻐﻤﻲ ﻋﻠﻴﻬﺎ ﺭﻛﻀﺖ ﻋﻠﻴﻬﺔ ﺣﺎﻭﻟﺖ ﺍﮔﻌﺪﻫﺎ ﻣﻦ ﮔﻌﺪﺕ ﺑﺎﺑﺎ ﻭﺟﺪﻭ ﮔﻠﻮﻟﻬﺔ ﻋﻮﻓﻲ ﺍﻟﺸﻐﻞ ﻭﺭﻭﺣﻲ ﺍﺭﺗﺎﺣﻲ ﻇﻠﺖ ﺍﺗﺒﺎﻭﻉ ﻟﻠﺤﺠﻴﺔ ﻣﻨﺘﻈﺮﺓ ﺍﻹﺫﻥ ﻭﻣﻦ ﺍﺧﺬﺗﺔ ﺃﺧﺬﺕ ﺭﻧﺪ ﻭﺻﻌﺪﺕ .. ﺍﻟﺼﺮﺍﺣﺔ ﺍﻧﻘﻬﺮﺕ ﻋﻠﻴﻬﺎ ﺻﺪﮒ ﺍﺣﻨﺎ ﻟﻴﺶ ﻫﻴﺞ ﺃﻧﻌﺎﻣﻠﻬﺎ ﻫﺬﺍ ﻣﻮ ﺫﻧﺒﻬﺎ ﻫﺬﺍ ﺫﻧﺐ ﺍﺧﻮﻫﺎ ﻭﺍﻟﻤﺸﻜﻠﺔ ﻫﻲ ﺗﺒﻘﻰ ﺳﺎﻛﺘﺔ ﺣﺘﻰ ﺑﺠﻲ ﻣﺘﺒﺠﻲ ﻃﻠﻌﻨﻲ ﻣﻦ ﺍﻓﻜﺎﺭﻱ ﺻﻮﺕ ﺧﺎﻟﺔ ﺃﻣﻞ
ﺃﻣﻞ : ﻟﻴﺶ ﺧﻠﻴﺘﻴﻬﺎ ﺗﺼﻌﺪ ﺧﺎﻟﺔ ﻏﻴﺮ ﺗﻜﻤﻞ ﺷﻐﻠﻬﺔ ﻭﺗﺼﻌﺪ
ﺍﻟﺤﺠﻴﺔ : ﺍﺩﮔﺪﺭﻥ ﺑﺲ ﺍﻟﻴﻮﻡ ﺗﺴﻮﻥ ﺃﻧﺘﻦ ﺍﻟﻌﺸﺔ ﻟﻮ ﻧﺴﻴﺘﻦ ﻣﻦ ﻳﻮﻡ ﺍﻻﺟﺘﻲ ﻟﺤﺪ ﺍﻻﻥ ﺣﺘﺔ ﻣﻼﺑﺴﺠﻦ ﻫﻲ ﺗﻐﺴﻠﻬﺔ ﻣﺒﻴﻨﺔ ﺍﻟﺒﻨﻴﺔ ﺗﻌﺒﺎﻧﺔ ﺧﻠﻮﻫﺎ ﺗﺮﺗﺎﺡ ﺷﻮﻱ
ﺭﻳﻢ : ﺍﻱ ﻭﺍﻟﻠﻪ ﺑﻴﺒﻲ ﺧﻄﻴﺔ ﺗﮕﻌﺪ ﻣﻦ ﺍﻟﺴﺘﺔ ﺍﺷﻮﻓﻬﺔ ﻭﻣﺘﺼﻌﺪ ﻏﻴﺮ ﺏ ١١ ﻭﻫﻲ ﻋﻠﻰ ﻧﻔﺲ ﺍﻟﺸﻐﻞ ﻳﻮﻣﻴﺔ ﻭﻻ ﻭﺍﻧﻲ ﻛﻤﻠﺘﻬﺔ ﺻﺎﺭﻟﻲ ﻓﺘﺮﺓ ﺍﺧﻠﻴﻬﺎ ﺗﻘﺮﻳﻨﻲ ﻭﺧﻄﻴﺔ ﻫﻲ ﻭﻻ ﺩﮔﻮﻝ ﻻ
ﺳﻌﺎﺩ : ﻭﻏﺼﺒﻦ ﻣﺎ ﻋﻠﻴﻬﺔ ﺗﺴﻮﻱ ﻭﺷﻨﻮ ﺩﮔﻮﻝ ﻻ ﻏﻴﺮ ﺃﻣﻮﺗﻬﺎ ﻭﺍﻟﻠﻪ ﻭﺍﺣﺴﺐ ﺍﻟﻠﻪ ﻣﺎ ﺧﻠﻘﻬﺔ
ﺍﺑﺮﺍﻫﻴﻢ : ﺳﻌﺎﺩ ﺷﻨﻮ ﻫﻞ ﻛﻼﻡ ﺗﺮﺓ ﻫﻲ ﺑﺸﺮ ﻭﺁﻟﻬﺔ ﻃﺎﻗﺔ ﻳﻌﻨﻲ ﺁﻟﻬﺔ ﻭﻛﺖ ﺗﺘﻌﺐ ﺑﻲ ﻛﺎﻓﻲ ﺗﺮﺓ ﻫﻲ ﻣﺎ ﺁﻟﻬﺔ ﺫﻧﺐ ﺑﺎﻟﻲ ﺻﺎﺭ
ﺍﺣﻼﻡ : ﻻ ﺁﻟﻬﺔ ﺫﻧﺐ ﻫﻲ ﺍﺧﺘﺔ ﻭﻻﺯﻡ ﺗﺘﺤﻤﻞ
ﺍﺑﻮ ﻏﺴﺎﻥ : ﺍﺫﻛﺮﻭﺍ ﺭﺑﻜﻢ ﺑﺎﺟﺮ ﻭﺭﺍﻛﻢ ﺍﺧﺮﺓ ﮔﺎﻋﺪ ﺍﺗﻌﺎﻗﺒﻮﻥ ﺷﺨﺺ ﻋﻠﻰ ﺫﻧﺐ ﻏﻴﺮﺓ ﻟﻴﺶ ﻭﺑﺄﻱ ﺣﻖ ﺑﺎﻟﻼ .. ﻫﺎﺍﺍ
ﺑﻘﻲ ﺍﻟﻜﻞ ﺻﺎﻣﺖ ﺑﻌﺪ ﻛﻼﻡ ﺍﺑﻮ ﻏﺴﺎﻥ ﺍﻣﺎ ﻋﺼﺎﻡ ﻓﺘﻨﺤﻨﺢ
ﻋﺼﺎﻡ : ﺍﺳﻔﻴﻦ ﻳﻤﻜﻦ ﺍﺟﻴﻨﺔ ﺑﻮﻗﺖ ﻣﺎ ﻣﻨﺎﺳﺐ
ﺍﺑﺮﺍﻫﻴﻢ : ﺍﻟﻌﻔﻮ ﻣﻨﻜﻢ ﺻﺎﺭﺕ ﺑﻮﺟﻮﻫﻜﻢ
ﻋﺼﺎﻡ : ﻻ ﻋﺎﺩﻱ ﺑﺲ ﻭﺍﻟﻠﻪ ﺍﺟﻴﺖ ﺩﺍ ﺍﻃﻠﺐ ﻣﻨﻜﻢ ﻃﻠﺐ
ﺍﺑﻮ ﻏﺴﺎﻥ : ﺍﺗﻔﻀﻞ ﺍﺑﻨﻲ
ﻋﺼﺎﻡ : ﻭﺍﻟﻠﻪ ﺍﻧﻲ ﺻﺎﺭ ﻋﻨﺪﻱ ﺷﻐﻞ ﻭﻻﺯﻡ ﺍﺳﺎﻓﺮ ﺑﺲ ﻧﻮﺭ ﻣﺘﻘﺒِّﻞ ﺗﺮﻳﺪ ﺗﺒﻘﻰ ﻫﻨﺎ ﻳﻤﻜﻢ ﺍﺫﺍ ﻣﻤﻜﻦ ﻫﻮ ٦ﺍﺷﻬﺮ ﻭﺍﺭﺟﻊ ﮔﻠﺘﻠﻬﺎ ﺗﺠﻲ ﻭﻳﺎﻧﺎ ﺑﺲ ﻫﻲ ﻣﺼﺮﺓ ﺗﺒﻘﻰ ﻳﻢ ﺧﺎﻟﺘﻬﺎ
ﺍﺑﻮ ﻏﺴﺎﻥ : ﺍﻟﺒﻴﺖ ﺑﻴﺘﻬﺔ ﻳﻤﺘﺔ ﻣﺘﺤﺒﻮﻥ ﺑﺮﺍﺣﺘﻜﻢ ﻗﺎﺑﻞ ﻫﻲ ﻏﺮﻳﺒﺔ
ﻧﻮﺭ : ﺷﻜﺮﺍً ﻋﻤﻮ 😏
ﻋﺼﺎﻡ : ﺷﻜﺮﺍً ﺍﻟﻜﻢ ﻭﺍﺣﻨﺎ ﺍﻧﺸﺎﺀ ﻣﺎ ﻧﺘﺄﺧﺮ ﺍﺩﺭﻱ ﺩﺍ ﺍﺛﻘﻞ ﻋﻠﻴﻜﻢ ﺑﺲ ﺷﺄﺳﻮﻱ ﻣﺘﻘﺒِّﻞ ﺗﺴﺎﻓﺮ ﻣﺼﺮﺓ ﺗﺒﻘﺔ ﻳﻢ ﺧﺎﻟﺘﻬﺔ
ﻣﺮﻳﻢ : ﻻ ﻋﻤﻮ ﻫﻴﺔ ﺗﺒﻘﻰ ﻳﻤﻲ ﻭﺑﻐﺮﻓﺘﻲ ﻣﻮ ﻧﻮﺭ
ﻧﻮﺭ : ﺍﻳﻲ ﺍﻛﻴﺪ
ﻣﺮﻳﻢ : ﻋﻠﻤﻮﺩ ﻧﺘﻮﻧﺲ ﺳﻮﺓ ﺻﺎﺭ ﻫﻮﺍﻳﺔ ﻣﮕﺎﻋﺪﺍﺕ ﺳﻮﺓ
ﻋﺼﺎﻡ : ﻳﻼ ﺍﺗﺸﻜﺮﻛﻢ ﻣﺮﺓ ﺛﺎﻧﻴﺔ .. ﻭﺍﺣﻨﺎ ﻧﺴﺘﺄﺫﻥ
ﺍﻟﻜﻞ : ﺍﻟﻠﻪ ﻣﻌﺎﻛﻢ
ﺍﺩﻡ 🏻👈 ﻭﻫﺬﺍ ﺍﻟﻲ ﺟﺎﻥ ﻧﺎﻗﺺ ﻧﻮﺭ ﺗﺒﻘﻰ ﻳﻤﻨﺔ ﺍﻟﻠﻪ ﻳﺴﺎﻋﺪ ﻣﻠﻚ ﻋﻠﻰ ﺍﻟﻲ ﺟﺎﻱ ﺗﺘﺤﻤﻠﻪ ﻭﺍﻟﻲ ﺭﺍﺡ ﺍﺗﺸﻮﻓﺔ ﺑﺲ ﻣﺘﺄﻛﺪ ﺭﺍﺡ ﺗﻨﻔﺠﺮ ﻣﺮﺍﺡ ﺗﺘﺤﻤﻞ ﺍﻧﻲ ﺍﺩﺭﻱ ﺑﻨﻮﺭ ﻣﻦ ﺟﺎﻧﺖ ﻧﻮﺭﻫﺎﻥ ﻋﺎﻳﺸﺔ ﻭﻟﻲ ﻫﺴﺔ ﺑﺲ ﺃﺗﺤﺐ ﺍﻟﻤﺸﺎﻛﻞ ﻭﺃﻧﻮﺏ ﻭﻳﺔ ﻣﺮﻳﻢ ﻳﺠﺘﻤﻌﻦ ﻭﺭﺍﻧﻴﺎ ﻫﺎﻫﻴﺔ ﺍﻧﻲ ﺿﺎﻣﻦ ﺇﻧّﻮ ﺍﻟﺒﻨﻴﺔ ﺗﻨﻔﺠﺮ ﻣﻦ ﺍﻭﻝ ﻣﻮﻗﻒ ﺍﻟﻠﻪ ﻳﺴﺎﻋﺪﻫﺎ .. ﺑﺲ ﺍﻧﻲ ﻟﻴﺶ ﻫﻴﺞ ﻣﻬﺘﻤﻠﻬﺔ ﻳﻌﻨﻲ ﻟﻴﺶ ﺍﻧﻘﻬﺮ ﻋﻠﻴﻬﺔ ﺑﺲ ﺻﺪﮒ ﻫﻲ ﺷﻠﻮﻥ ﺗﺘﺤﻤﻞ ﻛﻞ ﻫﺬﺍ ﻭﻣﺘﺤﺠﻲ ﻭﺣﺘﺔ ﺍﻳﻬﻨﻮﻫﺎ ﻭﻫﻲ ﺑﺲ ﺳﺎﻛﺘﺔ ﻟﻴﺶ ﻣﺘﺤﺠﻲ ﻣﻌﻘﻮﻟﺔ ﻛﻠﺶ ﻫﻴﺞ ﻣﺎ ﻋﺪﻫﺔ ﺷﺨﺼﻴﺔ ﻟﻮ ﺷﻨﻮ ﺳﺎﻟﻔﺘﻬﺔ ﺯﻳﻦ ﻟﻴﺶ ﻣﺎ ﺍﻧﻲ ﺍﻭﮔﻒ ﻭﻳﺎﻫﺔ ﻳﻌﻨﻲ ﻫﻲ ﻣﻤﻘﺼﺮﺓ ﻻ ﻭﻳﺎﻳﺔ ﻭﻻ ﻭﻳﺔ ﺭﻧﺪ ﻟﻴﺶ ﻣﺎ ﺍﺷﻮﻱ ﺃﺳﺎﻋﺪﻫﺎ ﻭﺧﺼﻮﺻﺎً ﻭﺭﺓ ﻣﺎ ﺍﺟﺘﻲ ﻧﻮﺭ ﺍﻱ ﻟﻴﺶ ﻻ ﻛﺄﻧﻤﺎ ﺍﺭﺩﻟﻬﺎ ﺟﻤﻴﻠﻬﺎ ﻋﻠﻰ ﺍﻟﻲ ﺩﺍ ﺍﺳﻮﻱ ..
ﻗﺎﻃﻊ ﺗﻔﻜﻴﺮﻩ ﺳﺆﺍﻝ ﻧﻮﺭ
ﻧﻮﺭ : ﺍﺩﻡ ﺷﺒﻴﻚ ﺻﺎﺭ ﺳﺎﻋﺔ ﺍﺣﺠﻲ ﻣﺒﻴﻦ ﻣﻮ ﻭﻳﺎﻧﺔ
ﺍﺩﻡ : ﺃﺳﻒ ﺑﺲ ﻣﻨﺘﺒﻬﺖ ﺑﺎﻟﻲ ﺷﻮﻱ ﻣﺸﻐﻮﻝ
ﺳﻌﺎﺩ : ﻭﺷﻨﻮ ﺷﺎﻏﻞ ﺑﺎﻟﻚ ﻳﻤﺔ
ﻣﺮﻳﻢ : ﺍﻛﻴﺪ ﺍﻟﺸﻐﻞ ﻣﺎﻣﺎ ﻣﺘﻌﺮﻓﻲ
ﺳﻌﺎﺩ : ﻳﻤﺔ ﺧﻴﺮ ﺍﻧﺸﺎﺀ ﺍﻟﻠﻪ ﻣﺎﻛﻮ ﺷﻲﺀ ﻟﻴﺶ ﺷﺒﻲ ﺷﻐﻠﻚ
ﺍﺩﻡ : ﺃﻋﺼﺎﺑﺞ ﻳﺎ ﻳﻤﺔ ﺗﺮﺓ ﻣﺎﻛﻮ ﺷﻲ ﻭﺷﻐﻠﻲ ﺍﻟﺤﻤﺪ ﻟﻠﻪ ﻣﺎ ﺑﻲ ﺷﻲﺀ
ﺳﻌﺎﺩ : ﻟﻌﺪ ﺷﺒﻴﻚ ﻳﻤﺔ ﻣﺮﻳﺾ
ﺍﺩﻡ : ﻳﺎ ﻳﻤﺔ ﻟﻴﺶ ﺗﺴﺒﻘﻦ ﺍﻷﺣﺪﺍﺙ ﻛﻞ ﺍﻟﻲ ﺻﺎﺭ ﺇﻧّﻮ ﺑﺎﻟﻲ ﻣﺸﻐﻮﻝ ﺷﻮﻱ ﺑﻤﻠﻚ ﺧﻄﻴﺔ ﺻﺎﺭﻟﻲ ﻓﺘﺮﺓ ﻣﻼﺣﻈﻬﺎ ﺗﻌﺒﺎﻧﺔ
ﺭﻳﻢ : ﺍﻱ ﻭﺍﻟﻠﻪ ﺍﺩﻡ ﻟﻴﺶ ﻣﺎ ﺗﺄﺧﺬﻫﺎ ﻟﻠﺪﻛﺘﻮﺭ
ﺳﻌﺎﺩ : ﻭﻟﻴﺶ ﻣﻬﺘﻤﻴﻠﻬﺔ ﻫﻲ ﺗﺼﻴﺮ ﺯﻳﻨﺔ ﻟﻮﺣﺪﻫﺎ
ﺍﺑﻮ ﻏﺴﺎﻥ : ﺍﺑﻨﻲ ﺍﺻﻌﺪ ﺷﻮﻓﻬﺎ ﻭﺇﺫﺍ ﺗﺤﺘﺎﺝ ﺩﻛﺘﻮﺭ ﺍﺧﺬﻫﺎ ﺗﺮﺓ ﻫﻲ ﻣﺮﺗﻚ ﺍﻧﺘﺒﻬﻠﻬﺔ ﻭﻻ ﺗﻘﺼﺮ ﻭﻳﺎﻫﺎ ﺗﺮﺓ ﺍﻧﻲ ﺃﺷﻮﻓﻬﺎ ﻣﺎ ﻣﻘﺼﺮﺓ ﻭﻳﺎﻙ ﻭﺇﺫﺍ ﻣﻘﺼﺮﺓ ﻧﺒﻬﻬﺔ
ﺍﻟﺤﺠﻴﺔ : ﻳﺎ ﺣﺠﻲ ﺷﻤﻘﺼﺮﺓ ﻣﺪﮔﻠﻲ ﻭﻫﻲ ﺷﺎﻳﻠﺔ ﺭﻧﺪ ﺑﺎﻟﺼﻠﻮﺍﺕ ﻭﺁﺩﻡ ﺣﺘﺔ ﺍﻛﻠﺔ ﺗﻄﺒﺨﻠﺔ ﺍﻛﻠﺔ ﻟﻮﺣﺪﺓ ﻭﺍﻟﺸﻲ ﺍﻟﻲ ﻫﻮ ﺍﻳﺤﺒﺔ
ﺍﺣﻤﺪ ( ﺑﺪﺭﺍﻣﻴﺔ ) : ﻳﺎ ﺭﺏ ﺍﻧﻄﻴﻨﻲ ﺷﻮﻳﺔ ﻣﻦ ﺣﻆ ﺍﺩﻡ ﺩﺍ ﺃﻧﺎ ﻏﻠﺒﺎﻥ ﻭﺍﻟﻠﻪ
ﺍﺩﻡ : ﻭﺷﻤﻌﻨﺎ ﺍﻧﻲ
ﺍﺣﻤﺪ : ﻟﻚ ﺍﻧﺘﺔ ﻣﻤﻔﻜﺮ ﺑﺎﻟﺰﻭﺍﺝ ﻭﺗﺠﻴﻚ ﻭﺣﺪﺓ ﻋﻠﻰ ﺍﻟﺤﺎﺿﺮ ﺣﺘﺔ ﺑﺪﻭﻥ ﻣﻬﺮ ﺷﺎﻃﺮﺓ ﺑﺎﻟﻄﺒﺦ ﻭﺍﻟﺘﻨﻈﻴﻒ ﻭﻣﺪﻟﻠﺘﻚ ﺍﻧﺘﺔ ﻭﺑﻨﺘﻚ ﻭﻫﺎﺩﺋﺔ
ﺭﻳﻢ : ﻭﺣﻠﻮﺓ
ﻣﺤﻤﺪ : ﻭﺣﺒﺎﺑﺔ
ﻧﺪﻯ : ﻭﻃﻴﻮﺑﺔ
ﺍﺑﺮﺍﻫﻴﻢ : ﻭﻣﺆﺩﺑﺔ ﻭﺗﻌﺮﻑ ﺭﺑﻬﺔ ﻭﺗﺤﺘﺮﻡ ﺍﻟﺼﻐﻴﺮ ﻗﺒﻞ ﺍﻟﺠﺒﻴﺮ
ﺃﻣﻞ : ﻭﺷﻜﻮ ﺧﺒﺼﺘﻮﻧﺔ ﺑﻴﻬﺔ
ﺳﻌﺎﺩ : ﺷﺪﺭﺍﻧﻲ ﻃﻠﻌﻮﻫﺎ ﻣﻼﻙ ﻭﻣﺎ ﺍﺩﺭﻱ
ﺍﺣﻼﻡ : ﻭﻫﻲ ﺍﻟﻲ ﺍﺧﻮﻫﺎ ﻛﺘﻞ ﺍﺑﻨﻲ ﻳﻌﻨﻲ ﺍﻟﻠﻪ ﺍﻟﻲ ﻳﺴﺘﺮ ﻣﻨﻬﺔ ﻭﻣﻦ ﻫﺪﻭﺋﻬﺎ
ﻧﻮﺭ : ﺍﻱ ﺻﺢ ﺧﺎﻟﺔ ﺗﺮﺓ ﻣﺎﻛﻮ ﺑﻨﻴﺔ ﺗﺤﺐ ﺍﻟﻬﺪﻭﺀ ﻭﺍﻟﻜﻼﻡ ﻣﺜﻠﻬﺔ ﻓﺄﻛﻴﺪ ﻭﺭﺍﻫﺎ ﺷﻲﺀ
ﺭﺍﻧﻴﺎ : ﺍﻱ ﺻﺢ ﺍﻧﻲ ﻭﻳﺎﻛﻢ ﻋﻤﻮ ﺗﺮﺓ ﻻ ﺗﻨﺨﺪﻋﻮﻥ ﺑﻴﻬﺔ ﻭﺑﻬﺪﻭﺋﻬﺎ
ﻏﺴﺎﻥ : ﻻ ﻣﺎﻣﺎ ﺗﺮﺓ ﻫﻲ ﺣﺒﺎﺑﺔ ﻭﺍﻟﻠﻪ
ﺳﻴﻒ : ﺇﻧﺘﻮﺍ ﺷﻜﻮ ﮔﺎﻋﺪﻳﻦ ﺍﻫﻨﺎ ﻳﻼ ﺍﻃﻠﻌﻮﺍ ﺭﻭﺣﻮﺍ ﻳﻢ ﺍﻟﺠﻬﺎﻝ ﺍﻟﻌﺒﻮﺍ .. ﻭﺍﻧﺘﻮﺍ ﺗﺮﺓ ﻛﺎﻓﻲ ﺳﺪﻭﺍ ﺍﻟﻤﻮﺿﻮﻉ ﻫﻲ ﻛﻠﻬﺔ ﻓﺼﻠﻴﺔ ﺍﻧﺘﺒﻬﻮﺍ ﻣﻨﻬﺎ ﻻﻥ ﺣﺎﻟﻬﺔ ﺣﺎﻝ ﺍﻟﺨﺪﺍﻣﺔ
ﺍﺩﻡ : ﻻ ﻋﺎﺩ ﺳﻴﻒ ﺗﺮﺓ ﻫﻲ ﺯﻭﺟﺘﻲ ﻭﻣﺎ ﺍﻗﺒﻞ ﺍﺣﺪ ﺍﻳﮕﻮﻝ ﻋﻠﻴﻬﺎ ﺧﺪﺍﻣﺔ ﻭﺑﻌﺪﻳﻦ ﻋﺪﻫﺎ ﺍﺳﻢ ﻭﺍﺳﻤﻬﺎ ﻣﻠﻚ ﻣﻮ ﺍﻟﻔﺼﻠﻴﺔ
ﺍﺣﻼﻡ : ﻻ ﺍﺳﻤﻬﺎ ﺍﻟﻔﺼﻠﻴﺔ ﻭﻻ ﺗﺤﺴﺒﻬﺎ ﺯﻭﺟﺘﻚ ﻻﻥ ﻫﻲ ﺇﺟﺖ ﺧﺪﺍﻣﺔ ﺍﻫﻨﺎ
ﺳﻴﻒ : ﻫﺎ ﺟﺪﻭ ﻣﻮ ﮔﺘﻠﻚ ﺍﻧﻲ ﺍﻟﻲ ﺍﺯﻭﺟﻬﺔ ﺷﻮﻑ ﻫﺎﻱ ﺯﻭﺟﺘﻬﺔ ﻵﺩﻡ ﻭﺍﻻﻓﻨﺪﻱ ﺃﻳﺮﻳﺪ ﺍﻧﻌﺎﻣﻠﻬﺎ ﺯﻳﻦ ﻓﻮﮒ ﻛﻞ ﺍﻟﻲ ﺳﻮﺍ ﺍﺧﻮﻫﺎ
ﺍﺩﻡ : ﻳﻌﻨﻲ ﺗﻘﺒﻞ ﺍﻧﮕﻮﻝ ﻋﻠﻰ ﻣﺮﺗﻚ ﺧﺪﺍﻣﺔ
ﺭﺍﻧﻴﺎ : ﻭﻟﻴﺶ ﺑﻼ ﻗﺎﺑﻞ ﺍﻧﻲ ﻓﺼﻠﻴﺔ ﻣﺜﻞ ﺯﻭﺟﺘﻚ
ﺳﻌﺎﺩ : ﺍﺩﻡ ﺷﺒﻴﻚ ﺷﺴﻮﺗﻠﻚ ﻭﻫﻴﺞ ﺻﻔﻴﺖ ﻭﻳﺎﻫﺎ
ﺍﺩﻡ : ﻳﻤﺔ ﻛﻠﺸﻲ ﻣﻤﺴﻮﻳﺔ ﺑﺲ ﺗﺮﺓ ﻫﻲ ﺻﺪﮒ ﻣﺮﺗﻲ ﻭﻣﻦ ﺣﻘﻲ ﺍﺩﺍﻓﻌﻠﻬﺎ ﻭﻻ ﻓﻮﮒ ﻋﺬﺍﺑﻜﻢ ﺳﺎﻛﺖ ﻛﻞ ﻫﺬﻱ ﺍﻟﻔﺘﺮﺓ ﻋﻠﻤﻮﺩ ﻣﻤﻬﺘﻤﻠﻬﺔ ﻻ ﺣﺘﻰ ﻳﺎ ﺭﺍﻧﻴﺎ ﺍﺩﺭﻱ ﺑﻴﻮﻡ ﺿﺮﺑﺘﻴﻬﺎ ﻋﻠﻤﻮﺩ ﻧﺴﺖ ﺗﻐﺴﻞ ﻣﻼﺑﺴﺞ ﻫﺴﺔ ﺍﻧﺘﻲ ﺗﻘﺒﻠﻴﻦ ﺗﺠﻲ ﻧﺪﻯ ﻭﺗﻀﺮﺑﺞ
ﺭﺍﻧﻴﺎ : ﺍﻛﻴﺪ ﻻ ﺑﺲ ﻫﻲ ﺧﺪﺍﻣﺔ ﻭﺍﻟﺨﺪﺍﻣﺔ ﺍﺫﺍ ﻧﺴﺖ ﺗﺘﻌﺎﻗﺐ
ﺍﺑﺮﺍﻫﻴﻢ : ﻛﺎﻓﻲ ﻋﺎﺩ ﺍﺣﺘﺮﻣﻮﺍ ﺍﺣﻨﺎ ﮔﺎﻋﺪﻳﻦ
ﺧﺎﻟﺪ : ﻻ ﺧﻠﻴﻬﻢ ﺑﻼ ﺧﻠﻲ ﺍﻧﺸﻮﻑ ﻭﻳﻦ ﻳﺮﺩﻭﻥ ﻳﻮﺻﻠﻮﻥ ﺑﻬﺬﺍ ﻛﻠﺔ .. ﺗﺮﺓ ﻟﻮ ﻧﺨﻠﻴﻜﻢ ﺷﻮﻱ ﺑﻌﺪ ﺗﺘﻌﺎﺭﻛﻮﻥ ﺑﻴﻨﺎﺗﻜﻢ
ﺍﺑﺮﺍﻫﻴﻢ : ﻳﻌﻨﻲ ﺷﻨﻮ ﻣﺎﻛﻮ ﺍﺣﺘﺮﺍﻡ ﻋﻠﻤﻮﺩ ﺍﻳﺴﻮﻫﺎ ﻭﻳﺘﻌﺎﺭﻛﻮﻥ
ﺍﺑﻮ ﻏﺴﺎﻥ : ﺍﻧﻲ ﺳﻜﺘﺖ ﺭﺩﺕ ﺍﻋﺮﻑ ﻭﻳﻦ ﺗﻮﺻﻠﻮﻥ ﻭﻛﻞ ﻛﻠﻤﺔ ﮔﺎﻟﻬﺔ ﺍﺩﻡ ﺻﺢ ﻫﻲ ﺯﻭﺟﺘﺔ ﻭﻻﺯﻡ ﺗﻌﺎﻣﻠﻮﻧﻬﺎ ﺣﺎﻟﻬﺎ ﺣﺎﻝ ﺍﻱ ﭼﻨﺔ ﺑﺎﻟﺒﻴﺖ ﻭَﻳَﺎ ﺳﻴﻒ ﺍﻧﻲ ﺭﺩﺗﻬﺎ ﻵﺩﻡ ﻟﺴﺒﺒﻴﻦ ﺍﻻﻭﻝ ﺍﺩﺭﻱ ﺍﺫﺍ ﺍﺯﻭﺟﻜﻴﺎﻫﺎ ﻓﻴﺠﻮﺯ ﻫﺴﺔ ﺍﻟﺒﻨﻴﺔ ﻳﻢ ﺭﺑﻬﺎ ﻭﺍﻟﺜﺎﻧﻲ ﻋﻠﻤﻮﺩ ﺭﻧﺪ ﺷﻮﻓﻮﻫﺎ ﺷﻠﻮﻥ ﻣﺮﺗﺎﺣﺔ
ﺳﻴﻒ : ﺍﻱ ﻫﻲ ﻻﺯﻡ ﺍﺗﻤﻮﺕ ﻣﺜﻞ ﻣﺎ ﺍﺧﻮﻫﺎ ﻣﻮﺕ ﺍﺧﻮﻳﺔ
ﺍﺣﻤﺪ : ﺗﺮﺓ ﺍﻧﺘﺔ ﺩﺍ ﺍﺩﮔﻮﻝ ﺍﺧﻮﻫﺎ ﻣﻮ ﻫﻲ
ﺳﻴﻒ : ﺑﺲ ﺍﺣﻨﺔ ﻣﻨﮕﺪﺭ ﻧﺄﺫﻱ ﺍﺧﻮﻫﺎ ﺑﺲ ﻧﮕﺪﺭ ﺍﻧﺄﺫﻱ ﺍﺧﻮﻫﺎ ﻣﻦ ﺧﻼﻟﻬﺎ
ﺍﺑﺮﺍﻫﻴﻢ : ﺍﺑﻨﻲ ﺣﺮﺍﻡ ﻫﺬﺍ ﺍﻟﺤﺠﻲ
ﺧﺎﻟﺪ : ﻣﻴﺼﻴﺮ ﻳﺎ ﺍﺑﻨﻲ ﺍﻧﺘﺔ ﺍﻟﻜﺒﻴﺮ ﻭﺍﺗﻔﻜﺮ ﻫﻴﺞ ﻓﻤﺎ ﺑﺎﻟﻚ ﺑﺎﻷﺻﻐﺮ ﻣﻨﻚ ﺍﻟﻤﻔﺮﻭﺽ ﺍﻧﺘﺔ ﺗﻨﺼﺤﻬﻢ ﻭﺗﻌﻠﻤﻬﻢ ﻣﻮ ﺍﻟﻌﻜﺲ ﻻﺯﻡ ﺍﺗﺼﻴﺮ ﻗﺪﻭﺓ ﺍﻟﻬﻢ
ﺍﻟﺤﺠﻴﺔ : ﺍﻱ ﻳﺎ ﺍﺑﻨﻲ ﺍﺳﻤﻊ ﻛﻼﻡ ﺍﻋﻤﺎﻣﻚ ﺗﺮﺓ ﻫﻮ ﺍﻟﺼﺢ ﻭﺃﺳﺘﻐﻔﺮ ﺭﺑﻚ
ﺍﺣﻼﻡ : ﻫﺎﺍﺍ ﺷﻮ ﻛﻠﻜﻢ ﺻﻔﻴﺘﻮ ﻭﻳﺔ ﻫﺎﻱ ﺍﻟﺤﻴﺔ ﻭﻧﺴﻴﺘﻮﺍ ﻳﻮﺳﻒ ﻟﻮ ﻻﻥ ﺍﺑﻮ ﻣﻴﺖ ﻫﻴﺞ ﺍﺗﺴﻮﻭﻥ ﻟﻮ ﻏﺴﺎﻥ ﻋﺎﻳﺶ ﺟﺎﻥ ﻣﺎ ﺭﺿﺔ ﻋﻠﻰ ﺍﻟﻲ ﺩﺍ ﺍﻳﺼﻴﺮ
ﺍﻟﺤﺠﻴﺔ : ﺑﺎﻟﻌﻜﺲ ﺟﺎﻥ ﻣﺮﺿﺎ ﺑﺎﻟﻲ ﺇﻧﺘﻮﺍ ﺩﺍ ﺍﺗﺴﻮﺍ
ﺭﺍﻧﻴﺎ : ﻫﺴﺔ ﺍﻟﺤﻖ ﻭﻳﺎﻫﺔ ﻭﺍﺣﻨﺎ ﺍﻟﻐﻠﻂ
ﺍﺑﻮ ﻏﺴﺎﻥ ( ﺑﺼﻴﺎﺡ ) : ﻻ ﺍﻟﻈﺎﻫﺮ ﻧﺴﻴﺘﻮﺍ ﺍﻻﺣﺘﺮﺍﻡ ﺍﻧﺘﺒﻬﻮﺍ ﺍﻧﻲ ﮔﺎﻋﺪ ﻭﺍﻟﺤﻖ ﻣﻮ ﻭﻳﺔ ﺍﺣﺪ ﻭﺍﻧﻲ ﻣﻨﺴﻴﺖ ﺣﻔﻴﺪﻱ ﻋﻠﻤﻮﺩ ﻫﻴﺞ ﺗﺤﺠﻮﻥ ﺑﺲ ﻻﺯﻡ ﻣﻨﻌﺎﻗﺐ ﺷﺨﺺ ﻋﻠﻰ ﺧﻄﺄ ﺷﺨﺺ ﺛﺎﻧﻲ ﻭﻫﻲ ﻫﺴﺔ ﺣﺎﻟﻬﺔ ﺣﺎﻝ ﺍﻱ ﭼﻨﺔ ﻳﻌﻨﻲ ﺣﺎﻟﻬﺔ ﺣﺎﻟﺞ ﻳﺎ ﺭﺍﻧﻴﺎ ﻭﻣﻨﺎ ﻭﺭﺍﻳﺢ ﻻﺯﻡ ﺍﻟﻜﻞ ﻳﺤﺘﺮﻣﻬﺎ ﻭﺗﻌﺎﻣﻠﻮﻫﺎ ﺯﻳﻦ ﻓﺎﻫﻤﻴﻦ
ﺍﻟﻜﻞ : ﺣﺎﺿﺮ
ﺧﺎﻟﺪ : ﻓﺎﻫﻤﻴﻦ ﻳﺎ ﺑﻮﻳﺔ ﺑﺲ ﺩﻳﺮ ﺑﺎﻟﻚ ﻋﻠﻰ ﺻﺤﺘﻚ ﻋﻠﻰ ﻛﻴﻔﻚ ﺍﻧﺘﺔ
ﺍﺑﻮ ﻏﺴﺎﻥ : ﻻ ﺗﺨﺎﻑ ﺍﺑﻨﻲ ﻣﺎ ﺑﻴﺔ ﺷﻲ ﺍﻧﻲ ﺑﺲ ﺍﻟﺒﻨﻴﺔ ﻣﻦ ﻭﺭﺓ ﺗﺼﺮﻓﺎﺗﻬﻢ ﻫﻲ ﺍﻟﻲ ﺣﻴﺼﻴﺮ ﺑﻴﻬﺔ ﺷﻲ .. ﺍﺩﻡ ﺍﺑﻨﻲ ﺍﺻﻌﺪ ﺷﻮﻓﻬﺔ
ﺍﺩﻡ : ﺍﻧﺸﺎﺀ ﺍﻟﻠﻪ ﺟﺪﻭ
ﻫﺪﺀ ﺍﻟﺠﻤﻴﻊ ﻭﺗﻔﺮﻗﻮﺍ ﻭﻟﻜﻦ ﻛﻞ ﻳﻔﻜﺮ ﺑﺸﻲﺀ ﺑﻴﻨﻤﺎ ﺍﺩﻡ ﺫﻫﺐ ﻟﻴﻄﻤﺌﻦ ﻋﻠﻰ ﻣﻠﻚ ..
ﻧﻮﺭ 🏻👈 ﻻ ﻭﺍﻟﻠﻪ ﻭﺍﺩﺍﻓﻌﻠﻬﺔ ﻳﺎ ﺍﺳﺘﺎﺫ ﺍﺩﻡ ﻻ ﻋﺒﺎﻟﻚ ﺃﺗﺤﺐ ﻏﻴﺮﻱ ﻣﻦ ﺣﺒﻴﺘﻚ ﻟﺤﺪ ﺍﻻﻥ ﺑﺲ ﺍﺣﺎﻭﻝ ﺃﺧﻠﻴﻚ ﺍﺗﺤﺒﻨﻲ ﻭﺍﻧﺘﺔ ﻣﺎﻛﻮ ﻓﺎﻳﺪﺓ ﺑﻴﻚ ﺑﺎﻟﺒﺪﺍﻳﺔ ﺣﺒﻴﺖ ﺍﺧﺘﻲ ﺍﻟﻤﺮﻳﻀﺔ ﻭﻣﮕﺪﺭﺕ ﺍﺣﺠﻲ ﺑﺲ ﻫﺴﺔ ﺃﺗﺄﻛﺪ ﺍﻧﺘﺔ ﺍﻟﻲ ﻭﻣﺎ ﺃﺧﻠﻴﻚ ﺍﺗﺮﻭﺡ ﻟﻐﻴﺮﻱ ﻻﺯﻡ ﺍﺗﺤﺒﻨﻲ ﻏﺼﺒﻦ ﻣﺎ ﻋﻠﻴﻚ
ﺍﺩﻡ 🏻👈 ﻣﺎ ﺍﺩﺭﻱ ﻟﻴﺶ ﻫﻴﺞ ﺣﺠﻴﺖ ﺑﺲ ﺻﺪﮒ ﻻﺯﻡ ﺍﺷﻮﻱ ﺍﺩﺍﻓﻌﻠﻬﺔ ﻣﺜﻞ ﻣﮕﺎﻝ ﺟﺪﻭ ﺍﺭﺩﻟﻬﺔ ﺟﻤﻴﻠﻬﺎ ﻋﻠﻰ ﺍﻟﻲ ﺍﺗﺴﻮﻱ ﺍﻟﻲ ﻭﻟﺮﻧﺪ ﺩﺧﻠﺖ ﻟﻠﻐﺮﻓﺔ ﻟﮕﻴﺖ ﺭﻧﺪ ﻧﺎﻳﻤﺔ ﺑﺲ ﻫﻲ ﻣﻮ ﺑﺎﻟﻌﺎﺩﺓ ﺗﺘﻨﻮﻟﻬﺎ ﺑﻬﺬﺍ ﺍﻟﻮﻛﺖ ﺑﺲ ﻣﻠﻚ ﻣﺎﻛﻮ ﻭﻳﻨﻬﺎ ﺭﺣﺖ ﻟﻠﺼﺎﻟﺔ ﻟﮕﻴﺘﻬﺎ ﮔﺎﻋﺪ ﺗﺤﺠﻲ ﻭﻳﺔ ﺻﻮﺭﺓ ﻧﻮﺭﻫﺎﻥ ﺑﺲ ﻣﻔﻬﻤﺖ ﺷﻲ ﺷﻨﻮ ﻳﻌﻨﻲ ..
ﻣﻠﻚ : ﺍﺗﻬﻨﻴﺘﻲ ﺑﻴﻬﺎ ﺷﻠﻮﻥ ﺟﺎﻧﺖ ﺍﺗﻌﺎﻣﻠﺞ ﺍﻛﻴﺪ ﺑﺤﺐ ﺍﺩﺭﻱ ﺑﻴﻬﻢ ﺟﺎﻧﻮﺍ ﻣﻮ ﺯﻳﻨﻴﻦ ﻭﻳﺎﻧﺎ ﺑﺲ ﻭﻳﺔ ﺍﻭﻻﺩ ﻏﻴﺮﻫﻢ
ﻣﻠﻚ 🏻👈 ﺃﺧﺬﺕ ﺭﻧﺪ ﻭﺻﻌﺪﺕ ﺿﻠﺖ ﺗﻠﻌﺐ ﺷﻮﻱ ﺗﻌﺒﺖ ﻭﻧﺎﻣﺖ ﺍﻧﻲ ﺿﻠﻴﺖ ﺍﻓﻜﺮ ﺑﺎﻟﻲ ﺷﻔﺘﺔ ﺗﻌﺒﺖ ﻣﻦ ﺍﻟﺼﺪﻣﺎﺕ ﻭﻛﻠﺸﻲ ﺑﻬﺎﻱ ﺍﻟﺪﻧﻴﺎ ﺃﺗﻤﻨﻰ ﺑﺲ ﺍﻟﻠﻪ ﺍﻳﺮﻳﺤﻨﻲ ﻭﺍﻧﻲ ﺍﻓﺘﺮ ﺑﺎﻟﺼﺎﻟﺔ ﻣﺎﻝ ﺍﻟﻐﺮﻓﺔ ﺍﻧﺘﺒﻬﺖ ﻟﺼﻮﺭﺓ ﻧﻮﺭﻫﺎﻥ ﺍﺧﺬﺗﻬﺎ ﻭﮔﻌﺪﺕ ﺍﺣﺠﻲ ﻭﻳﺎﻫﺎ ﻭﻣﺤﺴﻴﺖ ﺑﺸﻲﺀ ﻏﻴﺮ ﻋﻠﻰ ﺻﻮﺕ ﺍﺩﻡ ﻣﺤﺴﻴﺖ ﺑﻲ ﻣﻦ ﺩﺧﻞ ﺑﺲ ﻻ ﺳﻤﻌﻨﻲ 😨
*****
ﺍﺩﻡ : ﻣﻠﻚ ؟؟
ﻣﻠﻚ : ﺍﺀﺀﺀ .. ﺍﺩﻡ ﺍﻟﻌﻔﻮ ﻳﻤﺘﺔ ﺍﺟﻴﺖ ﻣﻨﺘﺒﻬﺘﻠﻚ
ﺍﺩﻡ : ﺗﻮﻱ ﻭﺻﻠﺖ ﺑﺲ ﺷﻌﺠﺐ ﻣﻨﻮﻣﺔ ﺭﻧﺪ ﺑﻬﻞ ﻭﻛﺖ
ﻣﻠﻚ : ﻫﺎﺍ ﻣﻮ ﻫﺴﺔ ﺍﮔﻌﺪﻫﺎ ﻻ ﺗﺨﺎﻑ ﺑﺲ ﻟﻌﺒﺖ ﻫﻮﺍﻳﺔ ﻭﺗﻌﺒﺖ
ﺍﺩﻡ : ﺍﻫﺎﺍ ﻣﺎﺷﻲ ﺗﻌﺎﻟﻲ ﻣﻠﻚ ﺍﺭﻳﺪ ﺍﺣﺠﻲ ﻭﻳﺎﺝ
ﻣﻠﻚ : ﺣﺎﺿﺮ .. ﺑﺲ ﺑﺨﺼﻮﺹ ﺷﻨﻮ ! ؟؟
ﺍﺩﻡ : ﻣﻠﻚ ﺍﻧﺘﻲ ﻟﻴﺶ ﺩﺍﺋﻤﺎً ﺳﺎﻛﺘﺔ ﻣﺘﺤﺠﻴﻦ ﻭﻫﺎﺩﺋﺔ ﺑﺸﻜﻞ ﻣﻮ ﻃﺒﻴﻌﻲ ﻳﻌﻨﻲ ﻭﺣﺘﻰ ﺍﻟﻲ ﺍﻳﺄﺫﻳﺞ ﻣﺤﺘﺠﻴﻦ ﻋﻠﻴﻪ ﻭﻻ ﺗﺮﺩﻳﻦ ﻋﻠﻴﻪ ... ﻭﺑﻌﺪﻳﻦ ﻟﻴﺶ ﻣﻦ ﺷﻔﺘﻲ ﺧﺎﻟﺔ ﻭﺳﻦ ﺍﻧﺼﺪﻣﺘﻲ
ﻣﻠﻚ : ﻋﺎﺩﻱ ﻳﻌﻨﻲ ﺍﻧﻲ ﺍﺣﺐ ﺍﻟﻬﺪﻭﺀ ﻭﻻ ﻣﻨﺼﺪﻣﺖ ﺑﺲ ﺟﻨﺖ ﺗﻌﺒﺎﻧﺔ ﺷﻮﻱ
ﺍﺩﻡ : ﺍﻣﻤﻢ ﺑﻜﻴﻔﺞ ﺍﺭﺗﺎﺣﻲ ﻟﻌﺪ ﻫﺴﺔ ﻭﺍﻧﻄﻴﻨﻲ ﺭﻧﺪ ﺍﺧﺬﻫﺎ ﻳﻤﻲ
ﻣﻠﻚ : ﻻ ﻋﺎﺩﻱ ﺍﺻﻼ ﺍﻧﻲ ﻣﻨﺘﻈﺮﺓ ﺍﻳﺌﺬﻥ ﻋﻠﻤﻮﺩ ﺃﺻﻠﻲ ﻭﺃﻧﺎﻡ
ﺍﺩﻡ : ﻣﺎﺷﻲ ﻟﻌﺪ ﺷﻮﻱ ﻭﺍﺟﻲ ﺍﺧﺬﻫﺎ ...
ﻣﻠﻚ : ﺑﺮﺍﺣﺘﻚ
ﻣﻠﻚ 🏻👈 ﺍﻟﺤﻤﺪﻟﻠﻪ ﺍﻋﺘﻘﺪ ﻣﺎ ﺳﻤﻌﻨﻲ .. ﮔﻤﺖ ﺳﺒﺤﺖ ﻭﮔﻌﺪﺕ ﺃﺻﻠﻲ ﻭﻗﺮﻳﺖ ﺷﻮﻱ ﻗﺮﺃﻥ ﻟﺤﺪ ﻣﺎ ﺃﻳﺄﺫﻥ ﺷﻮﻱ ﻭﺭﻧﺪ ﮔﻌﺪﺕ ﺧﻠﻴﺘﻬﺎ ﻳﻤﻲ ﻋﻠﻰ ﺍﻟﮕﺎﻉ ﻭﺍﻧﻄﻴﺘﻬﺎ ﺃﻟﻌﺎﺑﻬﺔ ﺍﻟﺘﻬﺖ ﺑﻴﻬﻢ ﻛﻤﻠﺖ ﺻﻼﺓ ﺷﻐﻠﺖ ﺍﻟﺘﻠﻔﺰﻳﻮﻥ ﻟﺮﻧﺪ ﻭﺧﻠﻴﺘﻬﺎ ﻳﻤﻲ ﻋﻠﻰ ﺍﻟﺠﺮﺑﺎﻳﺔ ﻭﻧﻤﺖ ﻳﻤﻬﺔ ﺣﺴّﻴﺖ ﻋﻠﻰ ﺍﺩﻡ ﻣﻦ ﺩﺧﻞ ﻟﻠﻐﺮﻓﺔ ﻃﻔّﺔ ﺍﻟﺘﻠﻔﺰﻳﻮﻥ ﻭﻣﺎ ﺍﺩﺭﻱ ﺷﻨﻮ ﺳﻮﺓ ﺃﻧﻮﺏ ﺃﺧﺬ ﺭﻧﺪ ﻭﻃﻠﻊ ﺍﻧﻲ ﺧﻠﻴﺖ ﻭﻧﻤﺖ ﻣﺤﺴﻴﺖ ﺑﻨﻔﺴﻲ ﻏﻴﺮ ﻋﻠﻰ ﺻﻮﺕ ﺭﻧﺪ ﺗﺒﺠﻲ ﮔﻤﺖ ﻭﺍﺷﻮﻑ ﺍﺩﻡ ﺷﺎﻳﻠﻬﺔ ﻭﻳﺤﺎﻭﻝ ﺍﻳﺴﻜﺖ ﺑﻴﻬﺔ ﻭﻫﻲ ﻣﺘﻘﺒﻞ ﮔﻤﺖ ﺍﺧﺬﺗﻬﺎ ﻣﻨﺔ
ﻣﻠﻚ : ﺍﻧﻄﻴﻨﻴﺎﻫﺎ
ﺍﺩﻡ : ﮔﻌﺪﺗﺞ ﻣﺘﻘﺒِّﻞ ﺍﺗﻨﺎﻡ ﺷﻠﻌﺖ ﮔﻠﺒﻲ ﺍﺭﻳﺪ ﺍﻧﺎﻡ ﺑﺎﺟﺮ ﻭﺭﺍﻳﺔ ﮔﻌﺪﺓ ﻭﻫﻲ ﻣﺘﻘﺒِّﻞ
ﻣﻠﻚ : ﻟﻴﺶ ﻫﺴﺔ ﺍﻟﺴﺎﻋﺔ ﺑﻴﺶ ؟؟
ﺍﺩﻡ : ﺏ ٢ : ٣٠ ﺗﻘﺮﻳﺒﺎً
ﻣﻠﻚ : ﺷﻨﻮ ﻣﻌﻘﻮﻟﺔ ﻧﻤﺖ ﻛﻞ ﻫﺬﺍ ﺍﻟﻮﻛﺖ .. ﺍﻭﻛﻲ ﺍﻧﻄﻴﻨﻴﺎﻫﺎ ﻭﺍﻧﺖ ﺭﻭﺡ ﻧﺎﻡ
ﺍﺩﻡ : ﻣﺎﺷﻲ .. ﺑﺲ ﺷﻠﻮﻥ ﺻﺮﺗﻲ ﻫﺴﺔ
ﻣﻠﻚ : ﺍﻟﺤﻤﺪ ﻟﻠﻪ
ﺍﺩﻡ : ﻳﻼ ﺗﺼﺒﺤﻴﻦ ﻋﻠﻰ ﺧﻴﺮ
ﻣﻠﻚ : ﺗﺼﺒﺢ ﻋﻠﻰ ﺧﻴﺮ
ﺍﺩﻡ 🏻👈 ﻣﻦ ﺳﺄﻟﺘﻬﺎ ﺣﺴﻴﺘﻬﺎ ﻣﺘﺮﻳﺪ ﺗﺤﺠﻲ ﻭﻏﻴﺮﺕ ﺍﻟﻤﻮﺿﻮﻉ ﺳﻮﻳﺖ ﺭﻭﺣﻲ ﻣﻨﺘﺒﻬﺖ ﺳﺄﻟﺘﻬﺎ ﻋﻠﻰ ﺭﻧﺪ ﻭﮔﺎﻟﺖ ﺧﻠﻴﻬﺎ ﻳﻤﻬﺔ ﺑﻘﻴﺘﻬﺎ ﻭﻧﺰﻟﺖ ﺭﺣﺖ ﻳﻢ ﺍﻟﻮﻟﺪ ﻣﺤﺴﻴﺖ ﻋﻠﻰ ﺍﻟﻮﻛﺖ ﺑﺎﻭﻋﺖ ﻋﻠﻰ ﺍﻟﺴﺎﻋﺔ ﺷﻔﺘﻬﺔ ﺗﻘﺮﻳﺒﺎً ﺣﺘﺼﺮ ﺏ ٧ : ٣٠ ﺃﺫﻛﺮﺕ ﻣﻠﻚ ﮔﺘﻠﻬﺔ ﺷﻮﻱ ﻭﺍﺟﻲ ﺃﺧﺬ ﺭﻧﺪ ﺻﻌﺪﺕ ﻟﮕﻴﺘﻬﺎ ﻧﺎﻳﻤﺔ ﻭﻣﺨﻠﻴﺔ ﺭﻧﺪ ﻳﻤﻬﺔ ﻋﻠﻰ ﺍﻟﺠﺮﺑﺎﻳﺔ ﻭﻣﺸﻐﻠﺘﻠﻬﺎ ﺗﻠﻔﺰﻳﻮﻥ ﻭﺭﻧﺪ ﺳﺎﻛﺘﺔ ﺍﻟﺼﺮﺍﺣﺔ ﻣﺎ ﺍﻋﺮﻑ ﺷﻨﻮ ﺍﻟﺴﺤﺮ ﺍﻟﻲ ﻣﺴﻮﻳﺘﺔ ﻋﻠﻰ ﺑﻨﺘﻲ ﺣﺘﺔ ﺻﺎﺭﺕ ﻫﺎﺩﺋﺔ ﻫﻴﺞ ﺍﻟﻤﻬﻢ ﻃﻔﻴﺖ ﺍﻟﺘﻠﻔﺰﻳﻮﻥ ﻭﻧﺼﻴﺖ ﺍﻟﺘﻜﻴﻒ ﺍﺷﻮﻱ ﻻﻥ ﺍﻟﻐﺮﻓﺔ ﺻﺎﻳﺮﺓ ﺛﻠﺞ ﻭﺃﺧﺬﺕ ﺭﻧﺪ ﻭﻧﺰﻟﺖ ﻭﺭﺓ ﺷﻮﻱ ﺭﻧﺪ ﮔﺎﻣﺖ ﺗﺒﺠﻲ ﺍﺗﺮﻳﺪﻫﺎ ﺑﺲ ﻫﻲ ﺧﻄﻴﺔ ﻣﺮﻳﻀﺔ ﺣﺎﻭﻟﺖ ﺍﺳﻜﺘﻬﺎ ﻣﺎﻛﻮ ﺍﺧﺬﺗﻬﺎ ﻃﻠﻌﺘﻬﺎ ﻭﺑﺲ ﺗﺒﺠﻲ ﺗﺮﻳﺪ ﻣﺔﻣﺔ 😂 ﺑﺎﻭﻋﺖ ﻟﻠﺴﺎﻋﺔ ﺭﺍﺡ ﺗﺼﻴﺮ ﺏ ٣ ﻭﺍﻧﻲ ﺑﻌﺪﻧﻲ ﻣﻨﺎﻳﻢ ﻭﻭﺭﺍﻳﺔ ﺩﻭﺍﻡ ﮔﻠﺖ ﺧﻠﻲ ﺍﺻﻌﺪ ﺍﻧﻄﻴﻬﻴﺎ ﺗﻨﻮﻣﻬﺔ ﻻﻥ ﺗﻌﺒﺖ ﻭﻣﺘﻘﺒﻞ ﺗﻨﺎﻡ .. ﻣﻦ ﺩﺧﻠﺖ ﻟﻠﻐﺮﻓﺔ ﻟﮕﻴﺘﻬﺎ ﻋﻠﻰ ﻧﻔﺲ ﺍﻟﻨﻮﻣﺔ ﺑﺲ ﺧﻄﻴﺔ ﺍﻭﻝ ﻣﺴﻤﻌﺎ ﺻﻮﺕ ﺭﻧﺪ ﮔﺎﻣﺖ ﺃﻧﻮﺏ ﺷﻜﻠﻬﺔ ﺍﻳﻀﺤﻚ ﻻﻥ ﻣﺼﺪﻭﻣﺔ 😂😂 ﺑﺎﻟﮕﻮﺓ ﺣﺒﺴﺖ ﺿﺤﻜﺘﻲ ﮔﺎﻣﺖ ﺍﺧﺬﺗﻬﺎ ﻭﺑﻨﺘﻲ ﺍﻟﺨﺒﻴﺜﺔ ﻣﺎ ﺑﻘﻴﻨﺎ ﺷﻲﺀ ﻣﺎ ﺳﻮﻳﻨﺎ ﻭ ﻣﺎﺳﻜﺘﺖ ﻭﻫﻲ ﺑﺲ ﺷﺎﻟﺘﻬﺎ ﺳﻜﺘﺖ ﺭﺍﺣﺖ ﺑﺎﻟﺼﺎﻟﺔ ﺍﺳﻤﻌﻬﺎ ﺗﻐﻨﻲ ﺻﻮﺗﻬﺎ ﻫﺎﺩﻱﺀ ﻭﺭﺍﻫﺎ ﻣﺤﺴﻴﺖ ﻏﻴﺮ ﻋﻠﻰ ﺻﻮﺕ ﺍﻟﻤﻨﺒﻪ ﮔﻤﺖ ﻣﺜﻞ ﻛﻞ ﻳﻮﻡ ﺣﻤﺎﻣﻲ ﺟﺎﻫﺰ ﺳﺒﺤﺖ ﻭﻧﺰﻟﺖ ﺍﺗﺮﻳﮕﺖ ﻭﻃﻠﻌﺖ ﻟﻠﺸﻐﻞ ..
ﻣﻠﻚ 🏻👈 ﺍﺩﻡ ﻣﺘﻐﻴﺮ ﻣﺎ ﺍﺩﺭﻱ ﺷﺒﻲ ﺑﺲ ﻫﻞ ﻓﺘﺮﺓ ﺷﻮﻱ ﺍﺣﺴﻦ ﻛﻠﺔ ﺍﻳﺼﻴﺤﻠﻲ ﺑﺄﺳﻤﻲ ﻭﮔﺎﻡ ﻳﺤﺠﻲ ﻭﻳﺎﻳﺔ ﻳﻌﻨﻲ ﻣﻮ ﻣﺜﻞ ﻗﺒﻞ ﻣﺎ ﺍﺩﺭﻱ ﺷﻨﻮ ﺍﻟﺴﺒﺐ ﺃﻳﺠﻮﺯ ﻭﺭﺓ ﺗﻐﻴﺮﺓ ﻫﺬﺍ ﺳﺒﺐ ﺑﺲ ﻋﻠﻰ ﺍﻷﻗﻞ ﻣﺪّﺍ ﺍﻳﺄﺫﻳﻨﻲ ﻳﻼ ﺍﻟﺤﻤﺪ ﻟﻠﻪ ﻋﻠﻰ ﻛﻞ ﺣﺎﻝ ... ﺃﺧﺬﺕ ﺭﻧﺪ ﻭﺭﺣﺖ ﺑﺎﻟﺼﺎﻟﺔ ﻣﺎﻝ ﻏﺮﻓﺔ ﻏﻴﺮﺗﻠﻬﺔ ﻣﻼﺑﺴﻬﺔ ﻭﺧﻠﻴﺘﻬﺎ ﺑﺤﻀﻨﻲ ﻭﮔﻤﺖ ﺍﻏﻨﻴﻠﻬﺎ ﺷﻮﻱ ﻭﻏﻔﺖ .. ﺍﺗﻌﻠﻘﺖ ﺑﻴﻬﺔ ﺣﻴﻞ ﻭﻋﻮﺩ ﺍﻧﻲ ﻣﺎﺧﺬﺓ ﻭﻋﺪ ﻣﺎ ﺃﺗﻌﻠﻖ ﺑﺄﻱ ﺍﺣﺪ ﺣﺘﺔ ﻻ ﺍﺧﺴﺮﺓ ﻣﺜﻞ ﻛﻴﻤﻮ ﺑﺲ ﻣﺎ ﺍﺩﺭﻱ ﺣﺒﻴﺘﻬﺔ ﻭﺻﺪﮒ ﮔﻤﺖ ﺍﻋﺘﺒﺮﻫﺔ ﺑﻨﺘﻲ ﻣﻮ ﺑﻨﺖ ﺯﻭﺟﻲ ﻳﻤﻜﻦ ﺍﺫﺍ ﻋﻨﺪﻱ ﺑﻨﻴﺔ ﻣﭽﺎﻥ ﺍﻫﺘﻤﻴﺖ ﺑﻴﻬﺔ ﻫﻴﺞ ... ﮔﻤﺖ ﺧﻠﻴﺘﻬﺎ ﻳﻢ ﺍﺩﻡ ﻋﻠﻰ ﺍﻟﭽﺮﺑﺎﻳﺔ ﻭﺭﺟﻌﺖ ﺑﺎﻟﺼﺎﻟﺔ ﺍﻓﻜﺮ ﺑﺎﻟﺠﺎﻱ ﻭﺷﻨﻮ ﺿﺎﻣﻠﻲ ﺍﻟﻤﺴﺘﻘﺒﻞ ﺍﻛﺜﺮ ﻣﺤﺴﻴﺖ ﻏﻴﺮ ﻋﻠﻰ ﺍﺫﺍﻥ ﺍﻟﺼﺒﺢ ﻟﮕﻴﺖ ﻧﻔﺴﻲ ﻧﺎﻳﻤﺔ ﺑﺎﻟﺼﺎﻟﺔ ﻋﻠﻰ ﺍﻟﺘﺨﻢ ﻭﺍﻧﻲ ﮔﺎﻋﺪﺓ ﺍﻭﻭﻑ ﺭﮔﺒﺘﻲ ﻣﻮﺗﺘﻨﻲ ﻣﻦ ﺍﻟﻮﺟﻊ ﮔﻤﺖ ﺻﻠﻴﺖ ﻭﻧﺰﻟﺖ ﻧﻔﺲ ﺍﻟﺮﻭﺗﻴﻦ ﺳﻮﻳﺖ ﺍﻟﺮﻳﻮﮒ ﻭﻧﻈﻔﺖ ﻭﺧﻠﻴﺖ ﺍﻟﻤﻼﺑﺲ ﺑﺎﻟﻐﺴﺎﻟﺔ ﻭﺻﻌﺪﺕ ﺍﺷﻮﻑ ﺭﻧﺪ ﻟﮕﻴﺘﻬﺎ ﮔﺎﻋﺪﺓ ﻏﺴﻠﺘﻠﻬﺔ ﻭﺑﺪﻟﺘﻠﻬﺔ ﻭﻧﺰﻟﺘﻬﺎ ﻳﻤﻲ ﺑﺎﻟﻤﻄﺒﺦ ﺍﺭﻳﮕﻬﺔ ... ﺑﺲ ﺍﻧﺼﺪﻣﺖ ﺑﻨﻮﺭ ﻣﻦ ﺍﺟﺘﻲ ﻟﻠﻤﻄﺒﺦ
ﻧﻮﺭ : ﻫﻲ ﺍﻧﺘﻲ ﺍﻟﻔﺼﻠﻴﺔ ﺟﻬﺰﻳﻠﻲ ﺍﻟﺮﻳﻮﮒ ﻭﺣﺴﺒﻲ ﺣﺴﺎﺏ ﻣﺮﻳﻢ ﻭﻳﺎﻳﺔ ﻭﺟﻴﺒﻲ ﻟﻠﺼﺎﻟﺔ
ﻣﻠﻚ : ﻣﺎﺷﻲ ﺷﻮﻱ ﻭﺃﺟﻴﺐ ﺍﻟﺮﻳﻮﮒ
ﻧﻮﺭ : ﺭﻧﻮﺩﺓ ﺧﺎﻟﺘﻮ ﺗﻌﺎﻟﻲ ﺣﺒﻴﺒﺘﻲ
ﺭﻧﺪ : ﻣﺎﺍﺍﺍﺀ ﻭﻋﻲ ﺍﺑﻌﺔ ﺍﻡ ﻣﺔﻣﺔ
ﻧﻮﺭ : ﺭﻧﺪ ﺣﺒﻴﺒﺘﻲ ﻫﺎﻱ ﻣﻮ ﻣﺎﻣﺎ ﻻ ﺗﮕﻠﻴﻠﻬﺔ ﻫﻴﺞ ﻓﺎﻫﻤﺔ
ﻣﻠﻚ : ﺧﻠﻴﻬﺎ ﻳﻤﻲ ﻣﻮ ﻣﺸﻜﻠﺔ ﻭﺑﻌﺪﻳﻦ ﻫﻲ ﺑﻌﺪﻫﺎ ﻃﻔﻠﺔ ﻭﻣﺘﻔﺘﻬﻢ ﻫﺴﺔ
ﻧﻮﺭ : ﻭﺍﻧﺘﻲ ﻣﻨﻮ ﻃﻠﺐ ﺭﺃﻳﺞ ﻭﺍﻛﻴﺪ ﺍﻧﺘﻲ ﺍﻟﻲ ﻣﻌﻠﻤﺘﻬﺎ ﻣﻮ؟؟
ﻣﻠﻚ : ﻻ ﻭﺍﻟﻠﻪ ﺑﺲ ..
ﻭﺍﺭﺍﺩﺕ ﺍﻥ ﺗﻜﻤﻞ ﻟﻮﻻ ﻣﻘﺎﻃﻌﺔ ﺭﻳﻢ ﻟﻜﻼﻣﻬﺎ ..
ﺭﻳﻢ : ﻣﻠﻚ ﻣﻴﺤﺘﺎﺝ ﺗﺒﺮﺭﻳﻦ ﺷﻲﺀ ﻷﻱ ﺍﺣﺪ ﻭﻧﻮﺭ ﺍﻋﺘﻘﺪ ﺍﺩﻡ ﺍﻟﺒﺎﺭﺣﺔ ﻭﺿﺢ ﻛﻞ ﺷﻲﺀ ﻣﻮ ؟؟
ﻧﻮﺭ : 😡😡 ﺍﻧﻲ ﺭﺍﻳﺤﺔ ﻭﺍﻧﺘﻲ ﺟﻴﺒﻲ ﺍﻟﺮﻳﻮﮒ
ﺭﻳﻢ : ﻧﻮﺭ ﺍﺫﺍ ﺗﺮﺩﻳﻦ ﺍﻧﺘﻲ ﺳﻮﻱ ﺍﻋﺘﻘﺪ ﻓﻬﻤﺘﻲ ﻛﻼﻡ ﺟﺪﻭ ﺯﻳﻦ ﻣﻴﺤﺘﺎﺝ ﺍﺧﻠﻲ ﺍﻳﻌﺪﺓ ﺍﻟﭻ
ﻧﻮﺭ : ﺍﻧﺘﻲ ﺷﺪﺧﻠﺞ ﻟﻴﺶ ﺗﺪﺧﻠﻴﻦ ﺑﻜﻠﺸﻲ ﻭﻟﻴﺶ ﺻﺎﻳﺮﺓ ﻣﺘﺤﺘﺮﻣﻴﻦ .. ﺷﻨﻮ ﻫﺎﻱ ﺍﻟﻔﺼﻠﻴﺔ ﻳﻤﻜﻦ ﻏﻴﺮﺕ ﺣﺘﺔ ﺍﺧﻼﻗﭻ
ﺭﻳﻢ : ﺃﻭﻻً ﺍﻧﻲ ﻣﻤﺪﺧﻠﺔ ﺑﺄﻱ ﺍﺣﺪ ﻭﺛﺎﻧﻴﺎً ﺍﻧﻲ ﺍﺣﺘﺮﻡ ﺍﻟﻜﻞ ﻋﺪﺍ ﺍﻟﻲ ﻣﻴﺤﺘﺮﻡ ﻭﺛﺎﻟﺜﺎًﻭﺍﻻﻫﻢ ﺗﺮﺓ ﻣﻠﻚ ﺍﻟﻬﺔ ﺍﺳﻢ ﻭﻫﻲ ﺃﺧﻼﻗﻬﺎ ﺍﺣﺴﻦ ﺣﺘﻰ ﻣﻦ ﺍﺧﻼﻗﻲ ﻓﻼ ﺗﺤﺠﻴﻦ ﻋﻠﻴﻬﺎ ﻓﺎﻫﻤﺔ .. ﻭﻫﺴﺔ ﻳﻼ ﻋﻦ ﺍﺫﻧﺞ ﻣﻠﻚ ؟؟
ﻣﻠﻚ : ﻫﻤﻢ 😨
ﺭﻳﻢ : ﺷﺒﻴﺞ؟؟
ﻣﻠﻚ : ﻫﺎ ﺣﺠﻴﺘﻲ ﻭﻳﺎﻳﺔ
ﺭﻳﻢ : ﺍﺭﻳﺪﺝ ﺑﺸﻐﻠﺔ ﺗﻌﺎﻟﻲ ﻭﻳﺎﻳﺔ ﻟﻠﻐﺮﻓﺔ ﺣﺒﺎﺑﺔ ﻣﻮ ﺧﻠﺼﺘﻲ ﺷﻐﻞ
ﻣﻠﻚ : ﻫﺎﺍﺍ ﺍﻱ ﺧﻠﺼﺖ ﺑﻘﺔ ﺑﺲ ﺍﻟﻐﺪﺓ ﻭﺃﺷﺮ ﺍﻟﻤﻼﺑﺲ
ﺭﻳﻢ : ﻣﺎﺷﻲ ﻟﻌﺪ ﺍﻧﻲ ﺣﺸﺮ ﺍﻟﻤﻼﺑﺲ ﻭﺍﻧﺘﻲ ﺳﻮﻱ ﺍﻟﻐﺪﺓ ﻭﺍﻧﻲ ﻫﺴﺔ ﺍﺟﻲ ﺍﺳﺎﻋﺪﺝ ﻣﺎﺷﻲ ﻋﻠﻤﻮﺩ ﺗﺨﻠﺼﻴﻦ ﺑﺴﺮﻋﺔ
ﻧﻮﺭ : ﻭﻟﻴﺶ ﺗﺴﺎﻋﺪﻳﻬﺎ ﻫﺬﺍ ﺷﻐﻠﻬﺔ ﺧﻠﻴﻬﺎ ﻫﻲ ﺗﻜﻤﻠﺔ ﻭﺍﻧﺘﻲ ﺭﻭﺣﻲ ﻛﻤﻠﻲ ﺩﺭﺍﺳﺔ
ﺗﺠﺎﻫﻠﺘﻬﺎ ﺭﻳﻢ ﻭﺃﻛﻤﻠﺖ
ﺭﻳﻢ : ﺍﻭﻛﻲ ﻣﻠﻚ ﺍﻧﻲ ﺭﺍﻳﺤﺔ ﻫﺴﺔ ﺍﺟﻲ ﻭﺍﻧﻄﻴﻨﻲ ﺭﻧﺪ ﺍﺧﻠﻴﻬﺎ ﻳﻢ ﻣﺎﻣﺎ
ﻣﻠﻚ : ﻣﺎﺷﻲ ﺑﺮﺍﺣﺘﺞ ﻭﺭﻧﺪ ﻟﺤﻈﺔ ﻭﺣﺪﺓ ﻫﺴﺔ ﺃﺧﻠﻴﻬﺎ ﻳﻢ ﻣﺤﻤﺪ
ﺭﻳﻢ : ﻣﺤﻤﺪ ﻣﺎ ﻏﻴﺮﺓ !!
ﻣﻠﻚ : ﺍﻱ ﻟﻴﺶ
ﺭﻳﻢ : ﻟﭻ ﻫﺬﺍ ﻋﻘﺪﺓ ﻭﻣﻴﺘﺤﻤﻞ ﻧﻔﺴﺔ ﺷﻠﻮﻥ ﺍﺗﺨﻠﻴﻬﺎ ﻳﻤﺔ
ﻣﻠﻚ : ﻳﻮﻣﻴﺔ ﺧﻄﻴﺔ ﻭﺭﺓ ﻣﺎ ﺍﺭﻳﮕﻬﺔ ﻫﻮ ﺍﻟﻲ ﻳﺒﻘﺔ ﻳﻤﻬﺔ ﻟﺤﺪ ﻣﺎ ﺍﺧﻠﺺ ﺷﻐﻞ ﻭﺑﺎﻟﻌﻜﺲ ﻫﻮ ﺣﺒﺎﺏ
ﻣﺤﻤﺪ : ﺳﻼﻡ ﻫﺎ ﻋﻤﺔ ﺍﺧﺬﻫﺎ
ﻣﻠﻚ : ﺍﻱ ﺣﺒﻴﺒﻲ ﻫﺎﻛﻴﺎﻫﺎ ﺑﺲ ﺍﻧﺘﺒﻪ ﻣﺎﺷﻲ
ﻣﺤﻤﺪ : ﺣﺎﺿﺮ ﻋﻤﺔ ﻳﻼ ﻋﻦ ﺍﺫﻧﻜﻢ
ﺭﻳﻢ : ﻣﺘﺄﻛﺪﺓ ﻫﺬﺍ ﻧﻔﺴﺔ ﻣﺤﻤﺪ ﺍﺑﻦ ﺍﺧﻮﻳﺔ 😦😲
ﻣﻠﻚ : ﺍﻱ ﺷﺒﻴﺞ ﺭﻳﻢ
ﺭﻳﻢ : ﻻ ﺻﺪﮒ ﺍﻧﺘﻲ ﻣﻌﺠﺰﺓ
ﻣﻠﻚ : ﻣﻌﺠﺰﺓ ﻣﺮﺓ ﻭﺣﺪﺓ ﻟﻴﺶ ﺷﺴﻮﻳﺖ
ﺭﻳﻢ : ﻻ ﺣﺒﻲ ﻣﺴﻮﻳﺘﻲ ﺷﻲﺀ ﺑﺲ ﻣﺤﻤﺪ ﺍﻟﻲ ﻣﻴﺤﺠﻲ ﻭﻳﺔ ﺍﻱ ﺍﺣﺪ ﺑﺲ ﻋﻠﻰ ﮔﺪ ﺟﻮﺍﺏ ﺍﺫﺍ ﺍﺣﺪ ﺳﺄﻟﺔ ﻭﻣﻴﺴﻮﻱ ﺍﻱ ﺷﻲ ﻷﻱ ﺍﺣﺪ ﻳﺤﺠﻲ ﻭﻳﺎﺝ ﻭﻳﺴﻮﻱ ﺍﻟﻲ ﺗﺮﺩﻱ ﻣﻨﺔ
ﻣﻠﻚ : ﺑﺎﻟﻌﻜﺲ ﻭﺍﻟﻠﻪ ﺣﺒﺎﺏ
ﻧﻮﺭ : ﺍﻳﻴﻲ ﻛﺎﻓﻲ ﺧﺒﺼﺘﻴﻨﺔ ﺑﻴﻬﺔ ﻭﻫﻲ ﻛﻠﻬﺔ ﻭﺣﺪﺓ ﻓﺼﻠﻴﺔ 😠😒
ﺭﻳﻢ : ﻧﻮﺭ ﺍﺣﺘﺮﻣﻲ ﻧﻔﺴﺞ ﺍﺣﺴﻦ ﺃﻟﺞ
ﻧﻮﺭ : ﻭﺍﻟﻠﻪ ﺍﻧﻲ ﻣﺤﺘﺮﻣﺔ ﻧﻔﺴﻲ ﺑﺲ ﺩﺍ ﺍﺣﺠﻲ ﺍﻟﺼﺢ ﻭﻫﺴﺔ ﺍﻟﻲ ﻳﺤﺠﻲ ﺍﻟﺼﺪﮒ ﺍﻳﺼﻴﺮ ﻣﻮ ﻣﺤﺘﺮﻡ
ﺍﺭﺍﺩﺕ ﺭﻳﻢ ﺍﻥ ﺗﺮﺩ ﻭﻟﻜﻦ ﻗﺎﻃﻌﺘﻬﺎ ﻣﻠﻚ
ﻣﻠﻚ : ﺭﻳﻢ ﻳﻼ ﻣﻮ ﮔﻠﺘﻲ ﺍﺗﺴﺎﻋﺪﻳﻨﻲ ﻟﻮ ﻏﻴﺮﺗﻲ ﺭﺃﻳﺞ
ﺭﻳﻢ : ﻻ ﺣﺒﻲ ﻳﻼ ﺭﺍﻳﺤﺔ ﺃﺷﺮ ﺍﻟﻤﻼﺑﺲ ﺍﺧﻠﺺ ﻭﺍﺟﻲ ﻣﺎﺷﻲ
ﻣﻠﻚ : ﻣﺎﺷﻲ ﻣﻨﺘﻀﺮﺗﺞ ﻭﺃﺭﻳﺪ ﺍﻋﺮﻑ ﺷﺮﺍﻳﺪﺓ ﻣﻨﻲ
ﺭﻳﻢ : ﻣﻦ ﺍﺟﻲ ﻧﺤﺠﻲ
ﺧﺮﺟﺖ ﺭﻳﻢ ﻭﺑﺪﺃﺕ ﻣﻠﻚ ﺑﺄﻛﻤﺎﻝ ﻋﻤﻠﻬﺎ ﻭﺗﺠﺎﻫﻞ ﻧﻮﺭ ﻟﻜﻦ ﻧﻮﺭ ﺍﺳﺘﻤﺮﺕ ﺑﻤﻀﺎﻳﻘﺘﻬﺎ ﻭﻫﻲ ﺗﺪﻋﻲ ﺍﻧﻬﺎ ﺗﻘﻮﻡ ﺑﺄﻋﺪﺍﺩ ﺍﻟﻔﻄﻮﺭ ﻟﻬﺎ ﻭﻗﺒﻞ ﺍﻥ ﺗﺨﺮﺝ ﻣﻦ ﺍﻟﻤﻄﺒﺦ
ﻧﻮﺭ : ﻭﻻ ﺧﻮﺵ ﺃﻧﻮﺏ ﺍﺣﻨﺎ ﻧﺨﺪﻡ ﻧﻔﺴﻨﺎ ﻭﺍﻟﺨﺪﻡ ﻣﻮﺟﻮﺩﻳﻦ 😏 ﻭﺍﻟﻠﻪ ﺯﻣﻦ
ﻟﻢ ﺗﻬﺘﻢ ﻣﻠﻚ ﻭﺃﻛﻤﻠﺖ ﻋﻤﻠﻬﺎ ﺣﺘﻰ ﺃﺗﺖ ﺭﻳﻢ
ﺭﻳﻢ : ﺳﻼﻡ ﺍﻧﻲ ﺧﻠﺼﺖ ﻭﺍﻧﺘﻲ ﺷﺴﻮﻳﺘﻲ ﻟﻠﻐﺪﺓ ﺍﻟﻴﻮﻡ
ﻣﻠﻚ : ﻳﺴﻠﻤﻮ ﺭﻳﻮﻣﺔ ﺗﻌﺒﺘﺞ ﻭﺍﻟﻴﻮﻡ ﺩﻭﻟﻤﺔ ﻭﻣﻘﺒﻼﺕ ﻭﺳﻮﻳﺖ ﺷﻮﻱ ﺑﺎﻣﻴﺔ ﻭﺗﻤﻦ
ﺭﻳﻢ : ﻻ ﻋﺎﺩ ﺗﺮﺓ ﻣﻴﺼﻴﺮ ﻫﻴﺞ
ﻣﻠﻚ : ﺷﻜﻮ ﺷﺒﻴﺞ؟؟ !!
ﺭﻳﻢ : ﻳﻌﻨﻲ ﺍﺫﺍ ﺗﺴﺘﻤﺮﻳﻦ ﺑﻬﺬﺍ ﻃﺒﺨﺞ ﺍﻧﻲ ﻣﺮﺍﺡ ﺍﮔﺪﺭ ﺍﻃﻠﻊ ﻣﻦ ﺍﻟﺒﺎﺏ 😋😅
ﻣﻠﻚ : ﺗﺪﺭﻳﻦ ﻋﺒﺎﻟﻲ ﺍﻛﻮ ﺷﻲﺀ .. ﺗﺮﻯ ﺍﻟﻤﻔﺮﻭﺽ ﺗﻤﺪﺣﻴﻨﻲ ﻣﻮ ﺗﺨﺮﻋﻴﻨﻲ 😒😂
ﺭﻳﻢ : ﺗﺪﺭﻳﻦ ﺍﺣﺒﺞ ﺑﺲ ﻣﺸﻜﻠﺘﻲ ﺍﺣﺐ ﺍﻻﻛﻞ ﺍﻛﺜﺮ ﻣﻨﺞ 😂
ﻣﻠﻚ : ﻻ ﻭﺍﻟﻠﻪ ﻭﺩﮔﻮﻟﻴﻬﺎ ﺑﻮﺟﻬﻲ ﻫﻢ 😂
ﺭﻳﻢ : ﺍﻱ ﻟﻌﺪ ﺷﻠﻮﻥ ﺃﭼﺬﺏ ﻋﻠﻴﺞ 😂
ﻣﻠﻚ : ﻻ ﺧﻠﻴﭻ ﺻﺮﻳﺤﺔ ﺍﺣﺴﻦ .. ﺗﺪﺭﻳﻦ ﻫﻲ ﻫﺎﻱ ﺍﻛﺜﺮ ﺻﻔﺔ ﺍﺣﺒﻬﺔ ﺑﻴﺞ
ﺭﻳﻢ : ﺍﺩﺭﻱ ﺗﺪﺭﻳﻦ ﺑﻴﺔ ﻣﺎ ﺍﺣﺐ ﺃﺟﺎﻣﻞ ﺍﮔﻮﻝ ﺍﻟﺸﻲﺀ ﺑﻮﺟﻪ ﺍﻟﻮﺍﺣﺪ ﮔﺒﻞ
ﻣﻠﻚ : ﺍﻟﺼﺮﺍﺣﺔ ﺣﻠﻮﺓ ﺑﺲ ﻛﻮّﻥ ﻣﺘﺰﻳﺪ ﻋﻦ ﺣﺪﻫﺔ ﻻﻥ ﺍﺫﺍ ﺗﺒﻘﻴﻦ ﻫﻴﺞ ﺍﺗﺄﻛﺪﻱ ﻫﺎﻱ ﺻﺮﺍﺣﺘﺞ ﻓﺪ ﻳﻮﻡ ﺗﻮﺩﻳﺞ ﺑﻤﺼﻴﺒﺔ
ﺭﻳﻢ : ﺍﺩﺭﻱ ﻭﻫﺬﺍ ﺍﻟﺨﺎﻳﻔﺔ ﻣﻨﺔ 😅 ... ﻣﻠﻚ ﻣﻤﻜﻦ ﺳﺆﺍﻝ؟؟
ﻣﻠﻚ : ﺍﻱ ﺍﻛﻴﺪ ﺣﺒﻲ ﮔﻮﻟﻲ !!
ﺭﻳﻢ : ﺑﺲ ﺍﺭﻳﺪ ﺍﻟﺠﻮﺍﺏ ﺑﺼﺮﺍﺣﺔ ﻣﻤﻜﻦ ؟؟
ﻣﻠﻚ : ﮔﻮﻟﻲ ﺣﺒﻲ ﻭﻋﺪ ﻭﺍﻟﻠﻪ ﺍﺣﺠﻲ ﺑﺲ ﺧﺮﻋﺘﻴﻨﻲ ﺍﻛﻮ ﺷﻲﺀ .. ﺳﺎﻣﻌﺔ ﺷﻲﺀ
ﺭﻳﻢ : ﺍﻋﺼﺎﺑﺞ ﺷﻮﻓﻲ ﺗﺪﺭﻳﻦ ﺑﻴﺔ ﺍﻋﺘﺒﺮﺝ ﺃﺧﺖ ﺍﻟﻲ ﻭﺗﺪﺭﻳﻦ ﺷﮕﺪ ﺍﺣﺒﺞ ﻳﻌﻨﻲ ﻭﺍﻟﻠﻪ ﻋﻼﻗﺘﻲ ﺑﻤﺮﻳﻢ ﻣﻮ ﻣﺜﻠﺞ
ﻣﻠﻚ : ﺍﺩﺭﻱ ﺣﺒﻲ ﻭﺍﻟﻠﻪ ﺍﻟﻌﻈﻴﻢ ﺍﻧﻲ ﻫﻢ ﺍﺣﺒﺞ ﻭﺍﻋﺘﺒﺮﺗﺞ ﺻﺪﻳﻘﺔ ﻣﺮﺍﺡ ﺍﮔﻮﻟﺞ ﺃﺧﺖ ﻻﻥ ﺍﻷﺧﺖ ﻣﺮﺍﺕ ﻣﺘﺼﻴﺮ ﻗﺮﻳﺒﺔ ﻣﺜﻞ ﺍﻟﺼﺪﻳﻘﺔ ﻭﺻﺮﺍﺣﺔ ﺍﻧﻲ ﺍﮔﻠﺠﻴﺎﻫﺎ ﺍﻧﻲ ﻫﻢ ﻣﺤﺘﺎﺟﺔ ﺻﺪﻳﻘﺔ ﻻﻥ ﺑﻌﻤﺮﻱ ﻣﭽﺎﻥ ﺍﻟﻲ ﺻﺪﻳﻘﺎﺕ
ﺭﻳﻢ : ﺻﺢ ﻛﻼﻣﺞ .. ﺑﺲ ﻟﻴﺶ ﻣﻌﻨﺪﺝ ﺻﺪﻳﻘﺎﺕ ﻳﻌﻨﻲ ﺑﺼﺮﺍﺣﺔ ﺍﻧﺘﻲ ﺣﻠﻮﺓ ﻭﻫﺎﺩﺋﺔ ﻭﻣﺤﺒﻮﺑﺔ
ﻣﻠﻚ : ﭼﺎﻥ ﻋﻨﺪﻱ ﺻﺪﻳﻖ ﻭﺍﺣﺪ ﻭﺃﻛﺜﺮ ﻣﻦ ﺻﺪﻳﻖ ﺑﺲ ﻣﻦ ﺭﺍﺡ ﺍﻧﻲ ﺗﺄﺫﻳﺖ ﻭﻣﺤﺒﻴﺖ ﺃﻛﻮﻥ ﻭﺭﺁﻩ ﺻﺪﺍﻗﺎﺕ ﺍﻭ ﺑﺎﻷﺣﺮﻯ ﻣﭽﺎﻥ ﻋﻨﺪﻱ ﻭﻛﺖ ﺁﻟﻬﺔ ﺑﺲ ﻳﻤﻜﻦ ﺍﻟﻠﻪ ﺣﺐ ﺍﻳﻌﻮﺿﻨﻲ ﺑﻴﺞ ..
ﺭﻳﻢ : ﻭﻭﺟﻊ ﺷﻨﻮ ﻫﻞ ﻏﻤﻮﺽ ﻭﺷﻨﻮ ﺍﺷﻮ ﺻﺪﻳﻖ ﻣﻮ ﺻﺪﻳﻘﺔ ﻭﻟﻴﺶ ﻣﻌﻨﺪﺝ ﻭﻛﺖ ﻭﻟﻴﺶ ﺭﺍﺡ ﻫﺬﺍ ﺻﺪﻳﻘﺞ؟؟؟؟ !!
ﻣﻠﻚ : ﻋﻠﻰ ﻛﻴﻔﺞ ﺃﻭﻻً ﺛﺎﻧﻴﺎً ﺍﻧﻲ ﺧﻠﺼﺖ ﻣﻮ ﺟﻨﺘﻲ ﺭﺍﻳﺪﺓ ﻣﻨﻲ ﺷﻐﻠﺔ ﻭﺷﻨﻮ ﺳﺆﺍﻟﺞ؟؟ !!
ﺭﻳﻢ : ﻳﺎﺍﺍﺍﺍ ﻧﺴﻴﺖ .... ﺍﻣﺸﻲ ﻧﺼﻌﺪ ﻭﺍﮔﻮﻟﺞ ﻣﺎ ﺍﺭﻳﺪ ﺍﻫﻨﺎ ﺧﺎﻑ ﺍﺣﺪ ﻳﺴﻤﻌﻨﺎ
ﻣﻠﻚ : ﺍﻭﻛﻲ ﺣﺒﻲ ﺍﻣﺸﻲ ﻧﺼﻌﺪ ﺑﻐﺮﻓﺘﻲ ﻋﻠﻤﻮﺩ ﻫﻢ ﺃﺻﻠﻲ ﻭﺍﻃﻤﻦ ﻋﻠﻰ ﺭﻳﺮﻱ ﻭﺣﻤﻮﺩ
ﺭﻳﻢ : ﻣﻨﻮ ﺫﻭﻟﻲ؟؟ !
ﻣﻠﻚ : ﺷﺒﻴﺞ ﻗﺼﺪﻱ ﻋﻠﻰ ﻣﺤﻤﺪ ﻭﺭﻧﺪ
ﺭﻳﻢ : ﺳﺎﻣﻊ ﻫﺬﺍ ﺍﻟﻠﻘﺐ ﻣﻨﺞ
ﻣﻠﻚ : ﺍﺫﺍ ﻗﺼﺪﺝ ﻣﺤﻤﺪ ﺍﻱ ﺳﺎﻣﻌﻨﻲ ﻟﻴﺶ !!
ﺭﻳﻢ : ﻣﻮ ﺩﺍ ﺍﮔﻮﻟﺞ ﻣﻌﺠﺰﺓ
ﻣﻠﻚ : ﻳﻼ ﻋﻴﻨﻲ ﻳﺎ ﺻﺪﻳﻘﺖ ﺍﻟﻤﻌﺠﺰﺓ ﺩﺧﻠﻲ ﻟﻠﻐﺮﻓﺔ
ﻛﺎﻧﺖ ﺭﻳﻢ ﻭﻣﻠﻚ ﻳﺴﻴﺮﺍﻥ ﻭﻳﺘﺤﺪﺛﺎﻥ ﻭﻟَﻢ ﻳﻨﺘﺒﻬﺎﻥ ﺍﻟﻰ ﺍﻟﺬﻱ ﻛﺎﻥ ﻭﺍﻗﻒ ﻭﻳﺘﺎﺑﻊ ﺣﺪﻳﺜﻬﻢ ﻣﻦ ﺍﻟﺒﺪﺍﻳﺔ ﺗﻘﺮﻳﺒﺎً
ﺍﺩﻡ 🏻👈 ﺭﺟﻌﺖ ﺍﻟﻴﻮﻡ ﻟﻠﺒﻴﺖ ﻣﻦ ﻭﻛﺖ ﺩﺧﻠﺖ ﻣﻠﮕﻴﺖ ﺍﺣﺪ ﺍﺳﺘﻐﺮﺑﺖ ﺟﻨﺖ ﺑﺎﻟﺼﺎﻟﺔ ﺩﺍ ﺍﺻﻌﺪ ﻟﻠﻐﺮﻓﺔ ﺑﺲ ﺟﺬﺑﻨﻲ ﺻﻮﺕ ﺿﺤﻚ ﻣﻦ ﺍﻟﻤﻄﺒﺦ ﺭﺣﺖ ﺩﺍ ﺃﺷﻮﻓﻬﻢ ﻋﺒﺎﻟﻲ ﻣﺠﻤﻌﻴﻦ ﻫﻨﺎﻙ ﺑﺲ ﺍﻟﺼﺪﻣﻨﻲ ﺷﻔﺖ ﻣﻠﻚ ﻭﻷﻭﻝ ﻣﺮﺓ ﺍﺷﻮﻓﻬﺔ ﺗﻀﺤﻚ ﻣﻦ ﮔﻠﺒﻬﺎ ﺗﺨﺒﻞ ﺿﺤﻜﺘﻬﺔ ﺑﺲ ﺑﻌﺪﻳﻦ ﺍﺧﺘﻔﺖ ﺑﺴﺆﺍﻝ ﺭﻳﻢ ﺳﻤﻌﺖ ﻛﻞ ﻛﻼﻣﻬﺎ ﺑﺲ ﻣﻨﻮ ﻫﺬﺍ ﺍﻛﻴﺪ ﻧﻔﺴﺔ ﺍﻟﻮﻟﺪ ﺍﻟﻲ ﻋﺎﻳﻔﻬﺔ ﻭﺍﻛﻴﺪ ﻫﻲ ﺗﺤﺒﺔ ﺣﻴﻞ ﻋﻠﻤﻮﺩ ﻫﻴﺞ ﻣﺴﻮﺕ ﺻﺪﺍﻗﺎﺕ ﻭﺭﺍﺓ ﻃﻠﻌﻨﻲ ﻣﻦ ﺷﺮﻭﺩﻱ ﻣﻦ ﺷﻔﺘﻬﻦ ﺩﻳﺼﻌﺪﻥ ﺑﺲ ﺍﻟﺼﺪﮒ ﻳﻨﮕﺎﻝ ﻫﻲ ﺻﺪﮒ ﻣﻌﺠﺰﺓ 😅😂 ﻳﻌﻨﻲ ﺑﻨﺘﻲ ﻣﻦ ﺍﻭﻝ ﻳﻮﻡ ﺍﺗﻮﺍﻟﻤﺖ ﻭﻳﺎﻫﺎ ﻭﺍﺑﻦ ﺍﺧﻮﻳﺔ ﻣﺤﻤﺪ ﺍﻧﻲ ﻋﻤﺔ ﻣﻦ ﺍﺭﻳﺪ ﺍﺣﺠﻲ ﻭﻳﺎﻩ ﻳﺮﺩ ﻋﻠﻰ ﮔﺪ ﺍﻟﺴﺆﺍﻝ ﻭﺣﺘﻰ ﻣﺮﺓ ﮔﺘﻠﺔ ﺍﺑﻮ ﺣﻤﻴﺪ ﮔﺎﻡ ﻣﻴﻄﻠﻊ ﻭﻳﺎﻳﺔ ﻭﻫﻲ ﺃﺩﻟﻌﺔ ﻫﻴﺞ ﻭﺳﺎﻛﺖ ﻏﺮﻳﺒﺔ ﺍﻧﺘﻈﺮﺕ ﺷﻮﻱ ﻋﻠﻤﻮﺩ ﺍﺻﻌﺪ ﻭﺭﺓ ﺗﻘﺮﻳﺒﺎً ﻋﺸﺮ ﺩﻗﺎﻳﻖ ﺻﻌﺪﺕ ﻟﻠﻐﺮﻓﺔ ﻭﺍﺷﻮﻑ ﻣﺤﻤﺪ ﻭﺭﻧﺪ ﻧﺎﻳﻤﻴﻦ ﻭﺭﻳﻢ ﻣﺘﻤﺪﺩﺓ ﻳﻤﻬﻢ ﻭﺗﻐﻔﻲ ﺷﻜﻠﻬﺎ ﺍﻳﻀﺤﻚ 😂 ﺑﺲ ﻃﺒﻌﺎً ﺍﻟﻮﺍﺣﺪ ﺑﻬﻴﺞ ﺟﻮ ﻣﺴﺘﺤﻴﻞ ﻣﻴﻨﺎﻡ ﻻﻥ ﺍﻣﻄﻔﻴﻦ ﺍﻻﺿﻮﻳﺔ ﻭﺍﻟﻐﺮﻓﺔ ﺑﺎﺭﺩﺓ ﻭﻫﻲ ﮔﺎﻋﺪﺓ ﺍﺗﺼﻠﻲ ﻣﻨﺘﺒﻬﺘﻠﻲ ﻣﻦ ﺩﺧﻠﺖ ﺍﺻﻼً ﺿﻠﻴﺖ ﻭﺍﮔﻒ ﺍﺑﺎﻭﻋﻠﻬﺎ ﻭﺃﻭﻝ ﻣﺮﺓ ﺍﺭﻛﺰ ﺑﻤﻼﻣﺤﻬﺎ ﻭﺃﻭﻝ ﻣﺮﺓ ﺍﻧﺘﺒﻬﻠﻬﺎ ﺇﻧّﻮ ﻫﻲ ﻫﻴﺞ ﺣﻠﻮﺓ ﺑﺲ ﺻﺪﮒ ﺍﺳﻢ ﻋﻠﻰ ﻣﺴﻤﻰ ﻣﻼﻙ ﻣﺜﻞ ﺍﺳﻤﻬﺎ ﺑﺲ ﻣﻼﻙ ﺣﺰﻳﻦ .. ﺍﻭﻭﻭﻑ ﻫﺎﻱ ﺍﻧﻲ ﺷﻨﻮ ﺩﺍ ﺍﺣﺠﻲ ﻭﻧﻮﺭ ﺣﺒﻴﺒﺘﻲ .. ﻻ ﻻﺯﻡ ﺍﺭﺟﻊ ﺍﺗﻌﺎﻣﻞ ﻭﻳﺎﻫﺎ ﺍﺑﺮﻭﺩ ﻻﻥ ﺑﺪﻳﺖ ﺃﻣﻴﻞ ﺁﻟﻬﺔ ﻃﻠﻌﻨﻲ ﻣﻦ ﺗﻔﻜﻴﺮﻱ ﺻﻮﺗﻬﺎ ﺑﺎﻭﻋﺘﻠﻬﺎ ﻣﺨﻠﺼﺔ ﺻﻼﺓ ﻭﺩﺍ ﺗﻠﻢ ﺑﺎﻟﺴﺠﺎﺩﺓ ..
ﻣﻠﻚ : ﺍﻟﻠﻪ ﻳﺴﺎﻋﺪﻙ ﺍﺟﺔ ﻋﻤﻮ ﻭﺍﻟﻮﻟﺪ
ﺍﺩﻡ : ﻻ ﺑﻌﺪﻫﻢ ﺣﻀﺮﻳﻠﻲ ﻣﻼﺑﺴﻲ
ﻣﻠﻚ : ﺣﺎﺿﺮ
ﺟﺎﺑﺘﻠﻲ ﺍﻟﻤﻼﺑﺲ ﻭﺭﺍﺣﺖ ﺍﺗﻌﺪﻝ ﺣﺠﺎﺑﻬﺎ ﻋﻠﻰ ﺍﻟﻤﺮﺍﻳﺔ
ﻣﻠﻚ : ﺍﻟﻐﺪﺓ ﺟﺎﻫﺰ ﺍﺫﺍ ﺗﺤﺐ ﺍﺻﺒﻠﻚ ﻟﻮ ﺗﻨﺘﻈﺮ
ﺍﺩﻡ : ﻻ ﺍﻧﺘﻈﺮ
ﺭﻳﻢ : ﺍﻭﻭﻭﻑ ﺍﺩﻡ ﺷﻮﻱ ﺍﺳﻜﺖ ﺧﻠﻴﻨﺎ ﺍﻧﺎﻡ ﺷﻨﻮ ﻫﻞ ﺍﺯﻋﺎﺝ 😤
ﺍﺩﻡ : ﻭﻭﺟﻊ ﺍﺳﻜﺘﻲ ﻓﻮﮒ ﻣﻨﺎﻳﻤﺔ ﺑﻐﺮﻓﺘﻲ ﺃﻧﻮﺏ ﺗﺘﺄﻣﺮ ﻋﻠﻴﻪ ﻭﺑﻌﺪﻳﻦ ﻣﻮ ﺑﺲ ﺍﻧﻲ ﺍﺣﺠﻲ ﻣﻮ ﻫﺎﻱ ﻣﻠﻚ ﻫﻢ ﮔﺎﻋﺪ ﺗﺤﺠﻲ
ﺭﻳﻢ : ﺍﻭﻭﻑ ﺷﮕﺪ ﻟﻐﻮﻱ ﺍﺷﻮﻱ ﺍﺳﻜﺖ ﺣﺒﺎﺏ ﻭﺑﻌﺪﻳﻦ ﻣﻠﻚ ﺻﻮﺗﻬﺎ ﻫﺎﺩﻱﺀ ﻣﻮ ﻣﺜﻠﻚ ﻋﺒﺎﻟﻚ ﮔﺎﻋﺪ ﺗﺤﺠﻲ ﺑﺴﻤﺎﻋﺔ
ﻣﻠﻚ : 😊😂
ﺍﺩﻡ : ﺍﺣﺘﺮﻣﻲ ﻟﺞ ﻻ ﻫﺴﺔ ﺍﺗﺸﻮﻓﻴﻦ ﺷﻲﺀ ﻣﻴﻌﺠﺒﺞ 😠
ﻣﻠﻚ : ﻋﻮﻓﻬﺔ ﺧﻄﻴﺔ ﺷﻮﻱ ﻭﺍﻧﻲ ﺍﮔﻌﺪﻫﻢ 😂 ﻻﻥ ﻫﺴﺔ ﻫﻲ ﻧﺎﻳﻤﺔ ﻭﻣﺪﺍ ﺗﺤﺲ ﺑﺸﻲﺀ
ﺍﺩﻡ : ﻣﺎﺷﻲ 😒
ﻣﻠﻚ : ﺀﺀﺍﺀﺀ ﺑﺲ ﺃَﻃْﻔِﻲ ﺍﻟﻀﻮﺓ ﻟﻮ ﻣﺤﺘﺎﺟﺔ
ﺍﺩﻡ : ﻻ ﻃﻔﻲ ﺍﻧﻲ ﻫﻢ ﺭﺍﺡ ﺃﺧﺬ ﻏﻔﻮﺓ
ﻣﻠﻚ : ﻣﺎﺷﻲ .. ﻣﺤﺘﺎﺝ ﺷﻲ
ﺍﺩﻡ : ﻻ
ﺍﺩﻡ 🏻👈 ﺍﺑﺎﻭﻋﻠﻬﺎ ﺷﻠﻮﻥ ﻋﻠﻜﻴﻒ ﺗﺘﺤﺮﻙ ﺣﺘﺔ ﻟﻴﻨﺰﻋﺠﻮﻥ ﻣﻦ ﺍﻟﺼﻮﺕ ﻋﺪﻟﺘﻬﻢ ﻭﻏﻄﺘﻬﻢ ﻭﺟﺎﺑﺘﻠﻲ ﻏﻄﻮﺓ ﻭﻃﻠﻌﺖ ﺣﺘﺔ ﺍﻟﺒﺎﺏ ﺳﺪﺗﺔ ﺑﻬﺪﻭﺀ ﻭﺭﺓ ﻣﻄﻠﻌﺖ ﻧﻤﺖ ﻣﺤﺴﻴﺖ ﻏﻴﺮ ﻋﻠﻰ ﺻﻮﺗﻬﺎ ﻭﻫﻲ ﺗﺼﺤﻴﻨﻲ ﻋﻠﻤﻮﺩ ﺍﻟﻐﺪﺓ ﻭﺷﻔﺖ ﻣﺤﻤﺪ ﻭﺭﻳﻢ ﻧﻔﺲ ﺍﻟﺸﻲﺀ ﻏﺴﻠﺖ ﻭﻧﺰﻟﺖ ﻭﺻﺪﮒ ﺍﻻﻛﻞ ﺍﻳﺨﺒﻞ ﻣﺎﻟﺘﻬﺎ
ﮔﻌﺪﻧﺔ ﻧﺘﻐﺪﺓ ﻭﻧﻮﺭ ﺍﺟﺘﻲ ﺗﮕﻌﺪ ﻳﻤﻲ 😒 ﺍﺩﺭﻱ ﺷﻨﻮ ﻣﻦ ﻟﺰﮔﺔ ﺑﺲ ﺟﺪﻭ ﻓﺸﻠﻬﺎ ﺍﻟﺤﻤﺪ ﻟﻠﻪ ﺑﺲ ﻓﺎﺟﺌﻨﻲ ﺑﻜﻼﻣﺔ
ﺍﺑﻮ ﻏﺴﺎﻥ : ﺑﻨﺘﻲ ﻧﻮﺭ ﺑﻼ ﺍﻣﺮ ﻋﻠﻴﺞ ﺍﮔﻌﺪﻱ ﻳﻢ ﻣﺮﻳﻢ ﻻﻥ ﻫﺬﺍ ﻣﻜﺎﻥ ﺯﻭﺟﺔ ﺍﺩﻡ
ﻧﻮﺭ : ﻣﺎﺷﻲ ﻋﻤﻮ 😡
ﺳﻌﺎﺩ : ﺍﻱ ﻫﻲ ﻭﻳﻦ ﺯﻭﺟﺘﺔ ﻭﺑﻌﺪﻳﻦ ﻋﻤﻮ ﺧﻠﻴﻬﺔ ﮔﺎﻋﺪﺓ
ﺍﺑﺮﺍﻫﻴﻢ : ﻟﻴﺶ ﺍﻋﺘﻘﺪ ﻫﻮ ﻣﺰﻭﺝ ﻭﻣﺮﺗﺔ ﻣﻮﺟﻮﺩﺓ
ﻣﺮﻳﻢ : ﻭﻳﻨﻬﺎ ﻳﺎ ﺑﺎﺑﺎ .. ﺑﺲ ﻻ ﻗﺼﺪﻙ ﻋﻠﻰ ﻫﺎﻱ ﺍﻟﻔﺼﻠﻴﺔ
ﺍﻟﺤﺠﻴﺔ : ﻣﺮﻳﻢ ﺍﺷﻮ ﺻﺎﻳﺮﺓ ﻣﺘﺤﺘﺮﻣﻴﻦ
ﺭﺍﻧﻴﺎ : ﻻ ﺧﺎﻟﺔ ﻛﻼﻣﻬﺎ ﺻﺢ ﺧﻮﻣﺎ ﺍﻟﺨﺪﻡ ﻳﺠﻮﻥ ﻳﺎﻛﻠﻮﻥ ﻭﻳﺎﻧﺎ
ﺍﺑﻮ ﻏﺴﺎﻥ : ﻻ ﺍﻟﻈﺎﻫﺮ ﻧﺴﻴﺘﻮﺍ ﺷﻨﻮ ﺣﺠﻴﺖ ﺍﻟﺒﺎﺭﺣﺔ
ﺭﻳﻢ : ﺟﺪﻭ ﺍﻧﻲ ﺣﺼﻴﺤﻬﺎ ﺗﺠﻲ
ﺍﺑﻮ ﻏﺴﺎﻥ : ﺍﻱ ﺟﺪﻭ
ﻭﺭﻛﻀﺖ ﺣﻀﻨﺖ ﺟﺪﻫﺎ ﻭﺑﺎﺳﺖ ﺭﺍﺳﺔ
ﺭﻳﻢ : ﻳﻤﺔ ﻓﺪﻳﺘﻚ ﺍﺣﻠﻰ ﺟﺪ ﻭﺍﻟﻠﻪ 😘😘
ﺭﺍﻧﻴﺎ : ﻫﺎﻱ ﻛﻠﺔ ﻻﻥ ﺍﻟﻔﺼﻠﻴﺔ ﺣﺘﺎﻛﻞ ﻭﻳﺎﻧﺎ 😒
ﺭﻳﻢ : ﺍﻱ ﻃﺒﻌﺎً ﻣﻠﻮﻛﺔ ﺗﺴﺘﺎﻫﻞ ﺍﺳﻮﻱ ﻛﻞ ﺷﻲﺀ ﻋﻠﻤﻮﺩﻫﺎ
ﺧﺮﺟﺖ ﺭﻳﻢ ﻣﻦ ﺍﻟﺼﺎﻟﺔ ﻟﻜﻲ ﺗﻨﺎﺩﻱ ﻣﻠﻚ ﻭﻓِﻲ ﻫﺬﻩ ﺍﻷﺛﻨﺎﺀ
ﻣﺤﻤﺪ : ﻏﺴﺎﻥ ﻣﻤﻜﻦ ﺗﺴﻮﻳﻠﻲ ﻣﺠﺎﻝ ﺍﺭﻳﺪ ﺍﮔﻌﺪ ﻳﻤﻚ
ﻏﺴﺎﻥ : ﺷﻌﺠﺐ !!
ﻧﺪﻯ : ﺗﻌﺎﻝ ﻣﺎﻣﺎ ﺍﻧﺘﺔ ﻣﻮ ﻛﻞ ﻣﺮﺓ ﺗﮕﻌﺪ ﻳﻢ ﺍﺑﻮﻙ ﺗﻌﺎﻝ ﻟﻴﺶ ﺍﻟﻴﻮﻡ ﺗﺮﻳﺪ ﺗﻐﻴﺮ ﻣﻜﺎﻧﻚ
ﺟﺎﺋﻬﻢ ﺻﻮﺕ ﺭﻳﻢ ﻭﻫﻲ ﺗﻘﻮﻝ
ﺭﻳﻢ : ﺍﻛﻴﺪ ﺃﻳﺮﻳﺪ ﻳﮕﻌﺪ ﻳﻢ ﺿﻠﻌﺘﺔ ﻣﻮ 😉
ﻣﺤﻤﺪ ( ﺑﺨﺠﻞ ) : ﺍﻱ ﺑﻴﻬﺔ ﺷﻲﺀ
ﻏﺴﺎﻥ : ﻭﻣﻨﻮ ﺿﻠﻌﺘﺔ ﻫﻮ ﺧﻠﻲ ﺍﻳﺼﻴﺮ ﻋﻨﺪﺓ ﺿﻠﻊ ﻳﺎﻟﺔ ﺿﻠﻌﺔ
ﺍﺣﻤﺪ : ﺍﻱ ﻭﺍﻟﻠﻪ ﻋﻤﻮ ﻛﻼﻣﻚ ﻭﻷﻭﻝ ﻣﺮﺓ ﺻﺢ
ﻧﺪﻯ : ﺩﻭﮔﻔﻮﺍ ﻣﻨﻮ ﺭﻳﻢ ﺩﺣﺠﻲ ﻋﺎﺩ
ﻗﺎﻃﻌﻬﻢ ﺩﺧﻮﻝ ﻣﻠﻚ
ﻣﻠﻚ : ﻧﻌﻢ ﻋﻤﻮ ﺭﺩﺗﻨﻲ
ﺍﺑﻮ ﻏﺴﺎﻥ : ﺗﻌﺎﻟﻲ ﺑﻨﺘﻲ ﮔﻌﺪﻱ ﻳﻢ ﺯﻭﺟﺞ ﻭﺍﻛﻠﻲ ﻭﻳﺎﻧﺎ ﻣﻮ ﻛﺎﻓﻲ ﺗﺎﻛﻠﻴﻦ ﻟﻮﺣﺪﺝ
ﻣﻠﻚ : ﻻ ﻋﻤﻮ ﺍﻧﻲ ﻣﺮﺗﺎﺣﺔ ﻫﻴﺞ
ﺍﺑﻮ ﻏﺴﺎﻥ : ﺍﻟﻈﺎﻫﺮ ﻣﻴﻌﺠﺒﺞ ﺗﺎﻛﻠﻴﻦ ﻭﻳﺎﻧﺎ
ﻣﻠﻚ ﻭﻫﻲ ﺗﻨﻈﺮ ﻧﺎﺣﻴﺔ ﺳﻌﺎﺩ ﻭﻟﻜﻦ ﺳﻌﺎﺩ ﺃﺩﺍﺭﺕ ﻭﺟﻬﻬﺎ ﺑﻐﻀﺐ
ﻣﻠﻚ : ﻻ ﻋﻤﻮ ﺧﺎﻑ ﺃﺯﻋﺠﻜﻢ
ﺍﺑﺮﺍﻫﻴﻢ : ﺍﮔﻌﺪﻱ ﺑﻨﺘﻲ ﺷﻨﻮ ﺗﺰﻋﺠﻴﻨﺔ ﻫﻮ ﺍﻧﺘﻲ ﻭﺣﺪﺓ ﻣﻨﺔ ﺻﺮﺗﻲ ﺑﻌﺪ ﻫﺎﺫﺍ ﺍﻟﺤﺠﻲ ﻣﻨﺮﻳﺪ ﻧﺴﻤﻌﺔ ﻣﺎﺷﻲ
ﻣﻠﻚ : ﺣﺎﺿﺮ
ﻣﻠﻚ 🏻👈 ﺻﻌﺪﺕ ﻭﻳﺔ ﺭﻳﻢ ﺭﺍﻳﺪﺗﻨﻲ ﺑﻤﻮﺿﻮﻉ ﻟﮕﻴﺖ ﺣﻤﻮﺩ ﺧﻄﻴﺔ ﻣﻨﻮﻡ ﺭﻳﺮﻱ ﻭﻧﺎﻳﻢ ﻭﻳﺎﻫﺎ ﺭﻳﻢ ﺷﺎﻓﺖ ﺍﻟﻮﺿﻊ ﻃﻔﺮﻱ ﻳﻤﻬﻢ ﻋﻠﻰ ﺍﻟﭽﺮﺑﺎﻳﺔ ﻃﻔﻴﺘﻠﻬﻢ ﺍﻟﻀﻮﺓ ﻭﻋﻠﻴﺎ ﺍﻟﺘﻜﻴﻒ ﻭﻏﺴﻠﺖ ﻭﮔﻌﺪﺕ ﺃﺻﻠﻲ ﺧﻠﺼﺖ ﻭﺍﺷﻮﻑ ﺍﺩﻡ ﻭﺍﮔﻒ ﻭﺻﺎﻓﻦ ﻋﻠﻴﺔ ﺳﺄﻟﺘﺔ ﺍﺫﺍ ﺭﺍﻳﺪ ﻏﺪﺓ ﮔﺎﻝ ﻳﺮﻳﺪ ﻳﻨﺎﻡ ﻫﻢ ﻭﻳﺎﻫﻢ ﻟﻮ ﻣﺎ ﻋﻨﺪﻱ ﺷﻲﺀ ﭼﺎﻥ ﻧﻤﺖ ﻭﻳﺎﻫﻢ ﻋﻔﺘﻬﻢ ﻭﻧﺰﻟﺖ ﻛﻤﻠﺖ ﺍﻟﻐﺪﺓ ﻭﺻﺒﻴﺘﻪ ﻭﺻﻌﺪﺕ ﺍﺻﺤﻴﻬﻢ ﺑﺲ ﺭﻧﻮﺩ ﺑﻘﻴﺘﻬﺔ ﻧﺎﻳﻤﺔ ﮔﻠﺖ ﺍﺧﻠﺺ ﻭﺍﮔﻌﺪﻫﺎ ﻭﻧﺘﻐﺪﺍ ﺍﻧﻲ ﻭﻳﺎﻫﺎ ﺳﻮﻯ ﺑﺲ ﺟﺘﻲ ﺭﻳﻢ ﻭﮔﺎﻟﺖ ﻋﻤﻮ ﺍﻳﺮﻳﺪﻧﻲ ﺭﺣﺖ ﻓﺎﺟﺌﻨﻲ ﻋﻤﻮ ﺷﺼﺎﻳﺮ ﺍﺭﻳﺪ ﺍﻋﺮﻑ ﻋﻠﻤﻮﺩ ﺍﺗﻐﻴﺮﻭﺍ ﻫﻴﺞ ﮔﻌﺪﺕ ﻳﻢ ﺍﺩﻡ ﺑﺲ ﻣﺎ ﺍﺑﺎﻭﻉ ﻋﻠﻴﺔ ﺍﺧﺎﻑ ﻣﻨﺔ ﻭﮔﻠﺖ ﺑﻌﺪﻳﻦ ﺍﺳﺄﻝ ﺭﻳﻢ ﺍﻛﻴﺪ ﺗﻌﺮﻑ ﺍﻟﺴﺮ ﻭﺭﺓ ﻫﺬﺍ ﺍﻟﺘﻐﻴﺮ ﺑﺲ ﺑﻌﺪﻳﻦ ﺍﻧﺘﺒﻬﺖ ﻋﻠﻰ ﻧﺪﻯ ﻭﻫﻲ ﺗﺤﺠﻲ ﻭﻳﺔ ﻣﺤﻤﺪ
ﻧﺪﻯ : ﻳﻼ ﺍﺑﻨﻲ ﺗﻌﺎﻝ ﺍﮔﻌﺪ ﻫﺴﺔ ﺭﺍﺡ ﺗﺒﻘﻰ ﻭﺍﮔﻒ ﻭﺍﻧﺘﻲ ﺭﻳﻢ ﻋﺎﺩ ﻣﻨﻮ ﻫﺎﻱ ﺿﻠﻌﺘﺔ
ﺭﻳﻢ : ﻟﻴﻬﺴﺔ ﻣﻔﻬﻤﺘﻮﺍ ﺃﻳﺮﻳﺪ ﻳﮕﻌﺪ ﻳﻢ ﻣﻠﻚ
ﻣﺤﻤﺪ : ﻳﻼ ﻏﺴﺎﻥ ﺍﺩﻧﺔ ﺍﺷﻮﻱ
ﻣﻠﻚ : ﺗﻌﺎﻝ ﺣﻤﻮﺩ ﺍﻧﻲ ﺍﺳﻮﻳﻠﻚ ﻣﻜﺎﻥ ﻭﻏﺴﺎﻥ ﻋﻤﺔ ﺷﻮﻱ ﺍﺩﻧﺔ
ﻏﺴﺎﻥ : ﺣﺎﺿﺮ ﻋﻤﺔ
ﮔﻤﻠﻨﺔ ﻏﺪﺓ ﻭﻏﺴﻠﺖ ﺍﻟﻤﻮﺍﻋﻴﻦ ﻭﺭﺗﺒﺖ ﺍﻟﺒﻴﺖ ﻭﺳﻮﻳﺖ ﺍﻟﺤﻠﻮﻳﺎﺕ ﺍﺑﺎﻭﻉ ﻟﻠﺴﺎﻋﺔ ﺻﺎﺭﺕ ﻗﺮﻳﺐ ٤ ﺻﻌﺪﺕ ﻏﺴﻠﺖ ﻭﺑﺪﻟﺖ ﻣﻼﺑﺴﻲ ﻭﻃﺒﻌﺎً ﻟﮕﻴﺖ ﺭﻧﺪ ﮔﺎﻋﺪﺓ ﻏﺴﻠﺘﻠﻬﺔ ﻭﺑﺪﻟﺘﻠﻬﺔ ﻭﻧﺰﻟﺖ ﺷﻔﺖ ﻋﻤﻮ ﮔﻌﺪ ﺳﻮﻳﺘﻠﺔ ﺍﻟﭽﺎﻱ ﻭﻭﺩﻳﺘﻠﻬﻢ ﺍﻟﺤﻠﻮﻳﺎﺕ ﻭﺍﺧﺬﺕ ﺭﻧﺪ ﻭﻃﻠﻌﺖ ﺑﺎﻟﺤﺪﻳﻘﺔ ﺍﻏﺪﻳﻬﺔ ﭼﺎﻥ ﺍﻟﺠﻮ ﺣﻠﻮ ﺑﻌﺪ ﺑﺪﺍﻳﺔ ﺷﻬﺮ ﺍﻟﺘﺎﺳﻊ ﻭﻣﺸﺔ ﺑﺎﻗﻲ ﺍﻟﻴﻮﻡ ﻋﺎﺩﻱ ﻋﺪﺍ ﻋﻦ ﻣﻀﺎﻳﻘﺎﺕ ﻧﻮﺭ ﺍﻟﻲ ﺍﻧﻀﺎﻓﺘﻠﻲ ﻟﻔﺮﻳﻖ ﻣﺮﻳﻢ ﻭﺭﺍﻧﻴﺎ 😓 ﻭﺧﻠﺼﺖ ﺗﻘﺮﻳﺒﺎً ﺍﻟﻲ ٣ ﺃﺷﻬﺮ ﺑﻬﺬﺍ ﺍﻟﺒﻴﺖ ﻫﻴﺞ ﻗﺮﺭﺕ ﺍﺣﺠﻲ ﻭﻳﺔ ﺍﺩﻡ ﻭﺃﺷﻮﻓﺔ ﻳﻘﺒﻞ ﺍﻛﻤﻞ ﺩﺭﺍﺳﺔ ﻟﻮﻻ ﻻﻥ ﺍﻟﺪﻭﺍﻡ ﻣﺎ ﺑﻘﺎﻟﺔ ﻏﻴﺮ ﺃﺳﺒﻮﻋﻴﻦ ﻭﺑﻴﻮﻡ ﻛﻤﻠﺖ ﻛﻠﺸﻲ ﻭﺻﻌﺪﺕ ﻧﻮﻣﺖ ﺭﻧﺪ ﻭﺍﻧﺘﻀﺮﺗﺔ ﺑﺎﻟﺼﺎﻟﺔ ﻳﺠﻲ ﻋﻠﻤﻮﺩ ﺍﺣﺠﻲ ﻭَﻳَﺎ .... ﺷﻔﺘﺔ ﺩﺧﻞ
ﻣﻠﻚ :
......
ﻣﻠﻚ : ﺍﻟﻠﻪ ﻳﺴﺎﻋﺪﻙ .. ﺀﺍﺍﺍﺀﺀ ﺗﻌﺒﺎﻥ
ﺍﺩﻡ : ﺷﻜﺮﺍً .. ﺷﻮﻱ ﻟﻴﺶ
ﻣﻠﻚ : ﺑﺲ ﺭﺩﺕ ﺃﺗﻜﻠﻢ ﻭﻳﺎﻙ ﻣﻴﺨﺎﻟﻒ
ﺍﺩﻡ : ﺧﻴﺮ ﺍﻧﺸﺎﺀ ﺍﻟﻠﻪ ﺍﻛﻮ ﺷﻲﺀ
ﻣﻠﻚ 🏻👈 ﺍﺟﺔ ﻭﮔﻌﺪ ﮔﺒﺎﻟﻲ ﺗﻮﺗﺮﺕ ﺑﺰﻳﺎﺩﺓ ﺍﺧﺎﻑ ﺍﺣﺠﻲ ﻭَﻳَﺎ ﻭﻳﺮﺩﻧﻲ ﺍﺗﺸﺠﻌﺖ ﻭﮔﻠﺖ ﺧﻞ ﺍﺣﺠﻲ ﻭﺍﻟﻴﺼﻴﺮ ﺧﻠﻲ ﺍﻳﺼﻴﺮ
ﻣﻠﻚ : ﺍﻧﺸﺎﺀ ﺍﻟﻠﻪ ﺧﻴﺮ .. ﺑﺲ ﻳﻌﻨﻲ ﺍﺫﺍ ﻣﻤﻜﻦ ﺍﻣﻤﻤﻢ
ﺍﺩﻡ : ﺍﺣﺠﻲ ﻻ ﺗﺨﺎﻓﻴﻦ ﻻﻥ ﻭﺗﺮﺗﻴﻨﻲ ﺷﻜﻮ؟؟
ﻣﻠﻚ : ﻣﺎﺷﻲ .. ﺷﻮﻑ ﺑﻘﺔ ﺗﻘﺮﻳﺒﺎً ﺃﺳﺒﻮﻋﻴﻦ ﻋﻠﻰ
ﻣﻠﻚ 🏻👈 ﻭﺃﺧﻴﺮﺍً ﺍﺗﺸﺠﻌﺖ ﻭ ﻧﻄﻘﺖ ﻭﺍﻧﻲ ﺩﺍ ﺍﺣﺠﻲ ﻭﻗﺎﻃﻌﻨﺎ ﺻﻮﺕ ﺍﻟﺒﺎﺏ ﻓﺘﺤﺔ ﺍﺩﻡ ﻭﻃﻠﻌﺖ ﻧﻮﺭ ﺩﺍﺯﺗﻬﺎ ﺧﺎﻟﺔ ﺃﻣﻞ ﻋﻠﻤﻮﺩ ﺍﻧﺰﻝ ﺃﺻﺐ ﺍﻟﻐﺪﺓ 😤 ﻳﻌﻨﻲ ﻭﻳﺔ ﻣﺎ ﺍﺗﺸﺠﻌﺖ ﺑﺲ ﺍﺭﻳﺪ ﺍﻋﺮﻑ ﺭﺃﻳﻪ .. ﺍﺩﻡ ﺿَﻞ ﺍﻳﺒﺎﻭﻋﻠﻲ ﻋﻠﺴﺎﺱ ﻣﻴﺪﺭﻱ ﺍﻧﻲ ﺍﻟﺨﺪﺍﻣﺔ ﻣﺎﻝ ﺍﻟﺒﻴﺖ ﻭﻣﺎ ﺍﻟﻲ ﺍﻱ ﺣﻖ ﺍﮔﻌﺪ ﺷﻮﻱ ﻭﺍﺭﺗﺎﺡ 😒 ﺷﺄﺳﻮﻱ ﻳﻌﻨﻲ ﻧﺰﻟﺖ ﺻﺒﻴﺘﺔ ﻭﺗﻐﺪﻳﻨﺎ ﺍﻱ ﮔﻤﺖ ﻛﻠﺔ ﺍﻛﻞ ﻭﻳﺎﻫﻢ ﺻﺢ ﻣﺎ ﺃﺧﺬ ﺭﺍﺣﺘﻲ ﺍﻛﺜﺮ ﺍﻷﺣﻴﺎﻥ ﻣﻦ ﻭﺭﺓ ﻧﻈﺮﺍﺗﻬﻢ ﺍﻭ ﻣﺮﺍﺕ ﺗﻠﻤﻴﺤﺎﺗﻬﻢ ﺑﺎﻟﻜﻼﻡ ﺑﺲ ﻳﻌﺠﺒﻨﻲ ﺍﻛﻞ ﻭﻳﺎﻫﻢ ﻻﻥ ﻣﻔﺘﻘﺪﺓ ﻫﺬﺍ ﺍﻟﺠﻮ ﻣﺎﻝ ﻛﻞ ﺍﻟﻌﺎﺋﻠﺔ ﺗﺎﻛﻞ ﺳﻮﺓ ... ﻛﻤﻠﺖ ﺍﻟﻤﻮﺍﻋﻴﻦ ﻭﺳﻮﻳﺖ ﺍﻟﺤﻠﻮﻳﺎﺕ ﻭﺻﺒﻴﺘﻬﺔ ﺍﻟﻬﻢ ﺟﺎﻧﺖ ﻋﺼﺮﻳﺔ ﻭﻛﻠﻤﻬﻢ ﺍﺟﺘﻤﻌﻮﺍ ﺑﺎﻟﺤﺪﻳﻘﺔ ﺍﻟﻴﻮﻡ ﺣﺘﻰ ﺭﻳﻢ ﻋﺎﻓﺖ ﺍﻟﺪﺭﺍﺳﺔ ﻣﻦ ﺷﺎﻓﺘﻬﻢ ﻭﮔﻌﺪﺕ ﻭﻳﺎﻫﻢ ﻭﺍﻧﻲ ﻣﺜﻞ ﺍﻟﻌﺎﺩﺓ ﮔﺎﻋﺪﺓ ﻭﻳﺔ ﺭﻳﺮﻱ ﺍﻟﻲ ﺻﺎﺭﺕ ﻛﻞ ﺣﻴﺎﺗﻲ ﺷﻮﻱ ﻭﺳﻤﻌﺖ ﻋﻤﻮ ﺍﻳﻨﺎﺩﻳﻠﻲ ﺣﻤﻴﺖ ﺍﻟﭽﺎﻱ ﻭﺃﺧﺬﺗﺔ ﺍﻟﺔ ﺷﻠﺘﺔ ﺑﺄﻳﺪ ﻭﺑﺎﻟﺜﺎﻧﻴﺔ ﺷﺎﻳﻠﺔ ﺭﻧﺪ 😅 ﻣﻮ ﻋﺮﻓﺖ ﺷﺮﺍﻳﺪ ﻳﻌﻨﻲ ﺍﻧﺘﺒﻬﺖ ﻋﻠﻰ ﻋﻤﻮ ﻣﺮﺍﺕ ﻳﺸﺮﺏ ﻛﻮﺑﻴﻦ ﺍﺫﺍ ﻋﺎﺟﺒﺔ ﻓﮕﻠﺖ ﺍﻛﻴﺪ ﺭﺍﻳﺪ
ﻣﻠﻚ : ﺍﺗﻔﻀﻞ ﻋﻤﻮ
ﺍﺑﻮ ﻏﺴﺎﻥ : ﻫﻪ ﻋﺮﻓﺘﻲ ﺷﺮﺍﻳﺪ ﻭﺍﻟﻠﻪ
ﻣﻠﻚ : ﺍﻱ ﻋﻤﻮ ﺍﻧﺘﺔ ﻣﻦ ﻳﻌﺠﺒﻚ ﻣﺮﺍﺕ ﺗﺸﺮﺏ ﺛﻨﻴﻦ ﻣﻮ ﻭﺍﺣﺪ
ﺍﺑﺮﺍﻫﻴﻢ : ﻫﻬﻬﻪ ﻭﺣﺎﻓﻈﺔ ﻃﺒﻌﺔ
ﺍﺣﻤﺪ : ﻣﻠﻮﻛﺔ ﻣﻤﻜﻦ ﻃﻠﺐ
ﻣﻠﻚ ﺃﺫﻛﺮﺕ ﻛﺮﻡ ﻭﻋﻴﻮﻧﻬﺎ ﮔﺎﻣﺖ ﺗﻠﻤﻊ ﺑﺎﻟﺪﻣﻮﻉ ﺑﺲ ﺍﻧﺘﺒﻪ ﻋﻠﻴﻬﺔ ﺍﺩﻡ
ﻣﻠﻚ : ﺍﻛﻴﺪ ﺗﻔﻀﻞ
ﺍﺣﻤﺪ : ﺍﺭﻳﺪ ﺍﻋﺰﻡ ﺃﺻﺪﻗﺎﺋﻲ ﻭﻛﻞ ﻣﺮﺓ ﺍﺟﻴﺐ ﺍﻻﻛﻞ ﻣﻦ ﺑﺮﺓ ﺑﺲ ﻣﻤﻜﻦ ﺍﻟﺤﻠﻮﻳﺎﺕ ﺍﻧﺘﻲ ﺗﺴﻮﻳﻬﻦ ﺣﺘﺔ ﺃﻃﻴﺐ ﻣﻦ ﻣﺎﻝ ﺍﻟﺴﻮﮒ
ﻣﻠﻚ : ﺍﻱ ﻋﺎﺩﻱ ﻭﺣﺘﺔ ﻻ ﺩﺟﻴﺐ ﺍﻛﻞ ﺑﺲ ﮔﻠﻲ ﺷﻨﻮ ﺗﺮﻳﺪ ﺁﻛﻼﺕ ﻭﺷﮕﺪ ﺍﻟﻌﺪﺩ ﻋﻠﻤﻮﺩ ﺍﻧﻄﻴﻚ ﻗﺎﺋﻤﺔ ﺑﺎﻟﺤﺎﺟﺎﺕ ﺍﻟﻨﺎﻗﺼﺔ ﻭﺍﺟﻬﺰﻫﻢ ﺃﻟﻚ
ﻧﺪﻯ : ﻫﻮ ﺷﻨﻮ ﻣﻠﻚ ﻫﻮ ﺍﻧﺘﻲ ﻫﻴﺞ ﻭﺑﺎﻟﮕﻮﺍﺕ ﺍﺗﻠﺤﮕﻴﻦ
ﺳﻌﺎﺩ : ﻭﻟﻴﺶ ﻫﻲ ﺷﻨﻮ ﺷﻐﻠﻬﺔ ﺑﺎﻟﻼ
ﺃﻣﻞ : ﺍﺷﻮ ﮔﺎﺿﻴﺔ ﻛﻞ ﻭﻛﺘﻬﺔ ﻳﺎ ﺍﻣﺎ ﻭﻳﺎﺝ ﻳﺎ ﺍﻣﺎ ﻭﻳﺔ ﺭﻧﺪ
ﺭﻳﻢ : ﻻ ﺗﺸﺎﻗﻮﻥ ﺻﺢ 😮
ﻣﺮﻳﻢ : ﺷﺒﻴﺞ ﻓﺎﺗﺤﺔ ﺣﻠﮕﺞ ﺷﻜﻮ ﺷﻨﻮ ﺍﻟﺸﻘﺔ ﺑﺎﻟﺤﺠﻲ ﺍﻟﻲ ﮔﺎﻟﻮﺍ
ﺭﻳﻢ : ﻛﻞ ﺍﻟﻜﻼﻡ .. ﻣﺎﻣﺎ .. ﻋﻤﺔ ﺧﺎﻑ ﻏﻠﻄﺘﻮﺍ ﺑﺎﻻﺳﻢ ﻻﻥ ﺍﻟﻲ ﺩﺍ ﺗﺤﺠﻮ ﻳﻨﻄﺒﻖ ﻋﻠﻰ ﻧﻮﺭ
ﻧﻮﺭ : ﻭﺍﻧﻲ ﺷﻜﻮ
ﺭﻳﻢ : ﻻﻥ ﺍﻟﺼﺮﺍﺣﺔ ﺍﻧﺘﻲ ﺗﮕﻌﺪﻳﻦ ﺍﻟﻈﻬﺮ ﻭﺗﺘﻐﺪﻳﻦ ﻭﺗﺮﺟﻌﻴﻦ ﺗﻨﺎﻣﻴﻦ ﻭﺗﮕﻌﺪﻳﻦ ﻣﻦ ﺍﻟﻌﺼﺮ ﻟﻠﻴﻞ ﺩﮒ ﺳﻮﺍﻟﻒ ﻭﺍﻛﻞ ﺍﻧﺘﻲ ﻭﻣﺮﻳﻢ
ﻧﻮﺭ : ﺷﻨﻮ ﻗﺼﺪﺝ 😤😡
ﻣﺮﻳﻢ : ﺍﻧﺘﻲ ﻟﻴﺶ ﺻﺎﻳﺮﺓ ﻣﺎ ﺗﺤﺘﺮﻣﻨﻲ ﻭﺑﺲ ﺗﺪﺍﻓﻌﻴﻦ ﻋﻠﻰ ﻫﺎﻱ ﺍﻟﻔﺼﻠﻴﺔ ﺗﺮﺓ ﻛﻠﻬﺔ ﺧﺪﺍﻣﺔ ﻻ ﺗﻜﺒﺮﻳﻬﺔ ﻋﻠﻴﻨﺔ
ﺍﺩﻡ : ﺍﻋﺘﻘﺪ ﻋﺪﻫﺔ ﺍﺳﻢ ﻣﻮ ﻓﺼﻠﻴﺔ ﻭﻻ ﺧﺪﺍﻣﺔ
ﺍﻟﻜﻞ ﻭﺣﺘﻰ ﻣﻠﻚ ﻣﻌﻬﻢ 😲
ﺳﻌﺎﺩ : ﺷﺒﻴﻚ ﺍﺑﻨﻲ ﺗﺮﺓ ﺣﺠﻲ ﺍﺧﺘﻚ ﺻﺢ
ﺍﺑﻮ ﻏﺴﺎﻥ : ﺍﻋﺘﻘﺪ ﻧﺴﻴﺘﻮﺍ ﻛﻼﻣﻲ
ﺍﺑﺮﺍﻫﻴﻢ : ﻻ ﺑﻮﻳﺔ ﻣﺎ ﻧﺴﻮﺍ ﻣﻮ
ﺍﻟﻜﻞ : ﺣﺎﺿﺮ
ﺍﻻ ﻣﻠﻚ ﺍﻟﺘﻲ ﻛﺎﻧﺖ ﻣﺎ ﺯﺍﻟﺖ ﻋﻠﻰ ﺻﺪﻣﺘﻬﺎ
ﺭﻳﻢ : ﻫﻬﻪ ﻣﻠﻚ ﺷﺒﻴﺞ 😂
ﻣﻠﻚ : ﻫﺎﺍﺍﺍ .. ﻭﻻ ﺷﻲ 😅
ﺍﺩﻡ : ﺻﺪﮒ ﻣﻠﻚ ﻣﻦ ﺍﺟﻴﺖ ﺟﻨﺘﻲ ﺭﺍﻳﺪﺗﻨﻲ ﺑﻤﻮﺿﻮﻉ ﺷﻨﻮ ﺍﺫﺍ ﺗﺮﺩﻳﻦ ﺍﺣﺠﻲ ﻫﺴﺔ ﻟﻮ ﻣﻦ ﻧﺼﻌﺪ
ﻣﻠﻚ : ﻫﺎﺍﺍ ... ﻻ ﻋﺎﺩﻱ ﺑﺲ ﺍﺣﻢ ﺑﺲ
ﺍﺑﺮﺍﻫﻴﻢ : ﺑﻨﺘﻲ ﺷﻨﻮ ﻣﺤﺘﺎﺟﺔ ﺷﻲ .. ﻭﻟﻴﺶ ﻭﺍﮔﻔﺔ ﮔﻌﺪﻱ
ﻣﻠﻚ : ﻻ ﻋﻤﻮ ﻣﺮﺗﺎﺣﺔ ﺑﺲ ﻫﻮ
ﺍﺣﻤﺪ : ﮔﻠﺒﺘﻲ ﺑﺰﻭﻧﺔ 😂
ﻧﺪﻯ : ﻛﺎﻓﻲ ﺍﺣﻤﺪ ﺷﺒﻴﺞ ﻣﻠﻚ ﺩﺣﺠﻲ ﻋﺎﺩ
ﺭﻳﻢ : ﺍﺻﺒﺮﻱ ﻣﻠﻮﻙ ﺍﻫﺪﻱ ﻭﺍﺣﺠﻲ
ﻣﻠﻚ : ﺑﺲ ﻗﺼﺪﻱ ﻳﻌﻨﻲ ﺍﻟﺪﻭﺍﻡ ﺑﻘﺎﻟﺔ ﺍﻗﻞ ﺍﻻﺳﺒﻮﻋﻴﻦ ﻭﻳﺒﺪﻱ ﻓﺮﺩﺕ ﺑﺲ ﺍﻋﺮﻑ ﺭﺃﻳﻚ ﺍﺫﺍ ﺗﻘﺒﻞ ﺍﻛﻤﻞ ﻟﻮﻻ؟؟
ﺭﺍﻧﻴﺎ : ﻻ ﻭﺍﻟﻠﻪ ﺍﺩﺍﻭﻣﻴﻦ ﺍﻧﺘﻲ ﻻ ﻋﺒﺎﻟﺞ ﺻﺪﮔﺘﻲ ﻧﻔﺴﺞ ﺯﻭﺟﺘﺔ ﻫﻬﻪ ﻻ ﺣﺒﻴﺒﺘﻲ ﺍﻧﺘﻲ ﺧﺪﺍﻣﺔ
ﺍﺑﻮ ﻏﺴﺎﻥ : ﺍﻧﻲ ﺷﻨﻮ ﺣﺠﻴﺖ
ﺳﻌﺎﺩ : ﻻ ﻋﻤﻮ ﺻﺢ ﺣﭽﻴﻬﺔ ﻟﻴﺶ ﺗﺴﻜﺘﻬﺎ
ﺍﺣﻼﻡ : ﻫﻬﻬﻪ ﻭﺍﻟﻠﻪ ﺧﻮﺵ ﻭﺃﺗﺮﻳﺪ ﺍﺩﺍﻭﻡ ﻭﺗﺘﺮﻙ ﺷﻐﻞ ﺍﻟﺒﻴﺖ ﻋﻠﻴﻨﺔ ﻭﺍﺣﻨﺎ ﺟﺒﻨﺎﻫﺎ ﻋﻠﻤﻮﺩ ﺗﺨﺪﻣﻨﺎ
ﺃﻣﻞ : ﺍﻱ ﻭﺍﻟﻠﻪ ﻫﻢ ﺻﺪﮔﺖ ﺭﻭﺣﻬﺔ
ﺧﺎﻟﺪ : ﺃﻣﻞ ﺍﺣﺘﺮﻣﻲ ﻭﺍﻧﺘﻮﺍ ﻋﺎﺩ ﻛﺎﻓﻲ ﻣﻮ ﺃﺑﻮﻳﺔ ﮔﺎﻋﺪ ﻣﺘﺴﻜﺘﻦ ﺷﻨﻮ ﻧﺴﻴﺘﻦ ﺷﻲﺀ ﺍﺳﻤﻪ ﺍﺣﺘﺮﺍﻡ
ﺍﺣﻤﺪ : ﺃﻛﻠﻮﺍ ﺍﻟﺒﻨﻴﺔ ﺑﮕﺸﻮﺭﻫﺎ ﻭﻫﻲ ﺑﻌﺪﻫﺎ ﻣﮕﺎﻟﺖ ﺷﻲﺀ
ﺍﺑﻮ ﻏﺴﺎﻥ : ﻻ ﺍﻟﻈﺎﻫﺮ ﺍﻧﻲ ﻛﺒﺮﺕ ﻭﺑﻌﺪ ﻣﺎﻟﻲ ﺍﺣﺘﺮﺍﻡ ﺑﻴﻨﻬﻢ
ﺍﻟﻜﻞ : ﺣﺸﺎﻙ
ﺍﻟﺤﺠﻴﺔ : ﺣﺸﺎﻙ ﺑﺲ ﺗﻌﺮﻓﻬﻦ ﻻﺯﻡ ﻳﺪﺧﻠﻦ ﺑﻜﻞ ﺷﻲ
ﻣﻠﻚ : ﺍﺫﺍ ﺗﺴﻤﺤﻠﻲ ﻋﻤﻮ ﺍﺣﺠﻲ ﻳﻌﻨﻲ
ﺍﺑﻮ ﻏﺴﺎﻥ : ﺍﺣﺠﻲ ﺑﻨﺘﻲ
ﻣﻠﻚ : ﻳﻌﻨﻲ ﻋﻤﻮ ﻫﻮ ﻣﺮﺍﺡ ﻳﺘﻐﻴﺮ ﺷﻲﺀ ﺍﻟﺼﺒﺢ ﺍﮔﻌﺪ ﺍﺭﺗﺐ ﺍﻟﺒﻴﺖ ﻭﺍﺳﻮﻱ ﺍﻟﺮﻳﻮﮒ ﻭﺍﻟﻐﺪﺓ ﺍﺟﻬﺰﺓ ﻣﻦ ﺍﻟﻠﻴﻞ ﻋﻠﻤﻮﺩ ﻣﻦ ﺍﺭﺟﻊ ﻣﻦ ﺍﻟﺪﻭﺍﻡ ﺑﺲ ﺍﺣﻤﻲ ﻭﺭﺓ ﺍﻟﻐﺪﺓ ﺍﻏﺴﻞ ﺍﻟﻤﻮﺍﻋﻴﻦ ﺣﺘﻰ ﻣﺎﻝ ﺍﻟﺮﻳﻮﮒ ﻳﻌﻨﻲ ﻋﺎﺩﻱ ﺧﻠﻲ ﺍﻳﺒﻘﻮﻫﻢ ﻭﺃﻧﻈﻒ ﻭﺍﻏﺴﻞ ﺍﻟﻤﻼﺑﺲ ﻭﺍﺟﻬﺰ ﺍﻟﺤﻠﻮﻳﺎﺕ ﻭﺍﻟﻌﺸﺔ ﻭﻗﺒﻞ ﻻ ﺍﻧﺎﻡ ﺍﺟﻬﺰ ﺍﻟﻐﺪﺓ ﻭﺍﺭﺗﺐ ﺍﻟﺒﻴﺖ
ﺍﺑﺮﺍﻫﻴﻢ : ﺑﺲ ﺑﻨﺘﻲ ﻫﻴﺞ ﺍﺗﻌﺒﻴﻦ ﻭﻣﺮﺍﺡ ﺍﺗﻠﺤﮕﻴﻦ ﺗﺪﺭﺳﻴﻦ
ﺍﻟﺤﺠﻴﺔ : ﺍﻱ ﺑﻨﺘﻲ ﻋﻮﻓﻲ ﺍﻟﺘﻨﻈﻴﻒ ﻋﻠﻰ ﺍﻟﺒﻨﺎﺕ
ﻧﺪﻯ : ﺍﻱ ﺧﺎﻟﺔ ﺍﻧﻲ ﺍﮔﻮﻡ ﺍﻧﻈﻒ ﻣﺎ ﻋﻨﺪﻱ ﺷﻲﺀ ﻭﻣﻨﺎ ﻭﺭﺍﻳﺢ ﺍﻟﺠﻬﺎﻝ ﺍﻟﺼﺒﺢ ﺑﺎﻟﺪﻭﺍﻡ
ﺭﺍﻧﻴﺎ : ﺍﻧﻲ ﻣﺪﺧﻠﻨﻲ ﻋﺪﻧﺎ ﺧﺪﺍﻣﺔ ﻟﻴﺶ ﺍﺷﺘﻐﻞ 😏
ﺭﻳﻢ : ﻭﺍﻧﻲ ﺍﺳﺎﻋﺪﻫﺔ ﻣﻦ ﻣﺎ ﻋﻨﺪﻱ ﺷﻲﺀ
ﺍﻟﺤﺠﻴﺔ : ﺍﺫﺍ ﻫﻴﺞ ﻳﺒﻘﻰ ﻏﺴﻞ ﺍﻟﻤﻼﺑﺲ ﻭﺍﻟﻄﺒﺦ ﻋﻠﻴﺞ
ﻣﻠﻚ : ﺍﻧﺸﺎﺀ ﺍﻟﻠﻪ ﺧﺎﻟﺔ ﻭﺍﻟﻠﻪ ﻣﺎ ﺍﻗﺼﺮ ﺑﺄﻱ ﺷﻲﺀ
ﻣﺮﻳﻢ : ﻧﺴﻴﺘﻮﺍ ﺍﻫﻢ ﺷﻐﻠﺔ
ﺍﺑﺮﺍﻫﻴﻢ : ﺷﻨﻮﻭ
ﻣﺮﻳﻢ : ﺭﻧﺪ
ﺳﻌﺎﺩ : ﺍﻱ ﺻﺢ ﺧﻮﻣﺎ ﺗﺒﻘﻴﻬﺎ ﻳﻤﻲ ﺍﻧﻲ ﻣﺎﺑﻴﺔ ﺣﻴﻞ ﺇﺭﺑﻲ
ﻣﻠﻚ : ﻻ ﺧﺎﻟﺔ ﺍﺧﻠﻴﻬﺔ ﺑﺎﻟﺤﻀﺎﻧﺔ ﻣﺎﻝ ﺍﻟﺠﺎﻣﻌﺔ ﺍﻟﻴﻢ ﺍﻟﻜﻠﻴﺔ ﺣﺘﺔ ﻻ ﺍﺗﻌﺒﻜﻢ ﻭﺍﻧﻲ ﺍﺭﻭﺡ ﺑﺎﻟﻔﺮﺍﻏﺎﺕ ﺍﻟﺒﻴﻦ ﺍﻟﻤﺤﺎﺿﺮﺍﺕ ﺍﻃﻤﺄﻥ ﻋﻠﻴﻬﺔ ﻭﺑﻤﺎ ﺇﻧّﻮ ﻃﺎﻟﺒﺔ ﺍﻳﺴﻮﻟﻲ ﺧﺼﻢ
ﺍﺣﻤﺪ : ﻟﺤﻈﺔ .. ﻟﺤﻈﺔ ﺷﻨﻮ ﻛﻠﻴﺔ ﺷﻨﻮ ﺟﺎﻣﻌﺔ ﻟﻴﺶ ﺍﻧﺘﻲ ﺷﮕﺪ ﻋﻤﺮﺝ
ﻣﻠﻚ : ١٨ﺳﻨﺔ
ﺍﺣﻤﺪ : ﻫﺎﺍ ﻛﺎﺳﺒﺔ ﺳﻨﺔ ﺯﻳﻦ ﺍﻧﺘﻲ ﻳﺎ ﻗﺴﻢ
ﻣﻠﻚ : ﻻ ٣ ﺳﻨﻮﺍﺕ
ﺍﺣﻤﺪ : ﻣﻔﻬﻤﺖ 🙄
ﺭﻳﻢ ﻭﺇﺑﺮﺍﻫﻴﻢ ﻭﺃﺑﻮ ﻏﺴﺎﻥ : 😂😂
ﺍﺣﻤﺪ : ﺷﺒﻴﻜﻢ ؟؟
ﺭﻳﻢ : ﻣﺎ ﺑﻴﻨﺔ ﻣﻠﻚ ﻓﻬﻤﻲ ﻻﻥ ﻣﺎ ﺑﻴﺔ ﺑﻌﺪ ﺍﺣﺠﻲ 😂
ﻣﻠﻚ : ﺍﻭﻙ .. ﺍﻧﻲ ﺻﻴﺪﻟﺔ ﻣﺮﺣﻠﺔ ﺛﺎﻟﺜﺔ
ﺍﻟﻜﻞ : ﺷﻠﻮﻥ 😧
ﺍﺣﻤﺪ ﻭﻓﻬﻤﻪ ﻳﻜﺎﺩ ﻳﻘﺒﻞ ﺍﻻﺭﺽ
ﺍﺣﻤﺪ : ﻻ ﺑﺮﺑﺞ ﺗﺸﺎﻗﻴﻦ ﻣﻮ 😵
ﻣﻠﻚ : ﻻ ﻭﺍﻟﻠﻪ ﻟﻴﺶ ؟؟
ﺭﺍﻣﻲ : ﻻﻥ ﺍﻧﺘﻲ ﺑﻌﻤﺮ ﺭﻳﻢ ﻓﻼﺯﻡ ﻳﻌﻨﻲ ﺍﻧﺘﻲ ﻳﺎ ﺍﻣﺎ ﺳﺎﺩﺱ ﻳﺎ ﺍﻣﺎ ﺍﻭﻝ ﻣﺮﺣﻠﺔ ﻣﻮ ﺛﺎﻟﺜﺔ
ﺍﺣﻤﺪ : ﺻﺢ
ﺭﻳﻢ : ﺍﻧﻄﻮﺍ ﺍﻟﺒﻨﻴﺔ ﻣﺠﺎﻝ ﺍﺗﻔﻬﻤﻜﻢ
ﻧﺪﻯ : ﺩﺣﺠﻲ ﻋﺎﺍﺍﺩ ﻭﺍﻟﻠﻪ ﺭﺍﺡ ﻳﻜﺘﻠﻨﻲ ﺍﻟﻔﻀﻮﻝ 😤
ﻣﻠﻚ : ﻣﻮ ﺍﻧﻲ ﺟﻨﺖ ﺑﺎﻟﺨﺎﻣﺲ ﺍﺑﺘﺪﺍﺋﻲ ﻣﺘﻔﻮﻗﺔ ﺣﻴﻞ ﻓﺄﺟﺔ ﺍﻣﺘﺤﺎﻥ ﺍﻟﻌﺒﻮﺭ ﻭﺍﻟﻤﺪﻳﺮﺓ ﺭﺷﺤﺘﻨﻲ ﻭﻗﺪﻣﺖ ﻭﺍﻟﺤﻤﺪ ﻟﻠﻪ ﻧﺠﺤﺖ ﻭﺑﺘﻔﻮﻕ ﻟﻬﺬﺍ ﺍﻧﺘﻘﻠﺖ ﻟﻠﺜﺎﻟﺚ ﻣﺘﻮﺳﻂ ﻭﻫﻴﺞ ﺍﻧﻲ ﻣﺘﻘﺪﻣﺔ ٣ ﺳﻨﻮﺍﺕ ﻋﻦ ﺍﻟﻲ ﺑﻌﻤﺮﻱ
ﻧﻮﺭ ﻭﻣﺮﻳﻢ 😵😵:
ﺍﺣﻤﺪ : ﻭﻃﻠﻌﺘﻲ ﺳﭽﺎﭼﺔ ... ﺗﺪﺭﻳﻦ ﭼﺎﻥ ﺣﻠﻤﻲ ﺍﻟﺼﻴﺪﻟﺔ ﺑﺲ ﻣﺎ ﻭﺻﻠﺘﺎﻫﺎ
ﺍﺑﺮﺍﻫﻴﻢ : ﻣﻮ ﮔﺘﻠﻚ ﺍﺩﺧﻠﻚ ﺍﻫﻠﻲ ﻭﺍﻧﺘﺔ ﻣﺎ ﻗﺒﻠﺖ
ﺍﺣﻤﺪ : ﻻ ﺍﺭﻳﺪ ﺍﻟﻲ ﻳﻄﻠﻌﻠﻲ ﺍﻛﻤﻞ ﺑﻴﻪ ﺑﻠﻜﻲ ﺍﻟﮕﺔ ﺗﻌﻴﻴﻦ
ﻣﻠﻚ : ﺍﺳﻔﺔ ﻋﻤﻮ ﺑﺲ ﻳﮕﺪﺭ ﺃﻳﻜﻤﻞ ﺑﺨﺘﺼﺎﺻﺔ ﺍﻟﺤﻜﻮﻣﻲ ﻭﺭﺍﻫﺎ ﺍﺫﺍ ﺃﻳﺮﻳﺪ ﻳﺪﺧﻞ ﺍﻫﻠﻲ
ﺭﺍﻣﻲ : ﻻ ﻣﻴﺼﻴﺮ ﺑﺎﻟﻌﺮﺍﻕ ﺷﻬﺎﺩﺗﻴﻦ
ﻣﻠﻚ : ﻻ ﺍﻳﺼﻴﺮ ﻻﻥ ﺷﻬﺎﺩﺓ ﺍﻷﻫﻠﻲ ﻣﺘﻠﻐﻲ ﺷﻬﺎﺩﺓ ﺍﻟﺤﻜﻮﻣﻲ ﺑﺲ ﺑﺤﺎﻟﺔ ﺗﺮﻙ ﻗﺒﻮﻝ ﺍﻟﺤﻜﻮﻣﻲ ﻭﺭﺍﺡ ﻟﻼﻫﻠﻲ ﻣﻴﺼﻴﺮ ﻳﺮﺟﻊ ﻟﻠﺤﻜﻮﻣﻲ ﺑﻌﺪﻳﻦ
ﺍﺑﺮﺍﻫﻴﻢ : ﺍﺫﺍ ﻫﻴﺞ ﺯﻳﻦ ﻟﻌﺪ ﺍﺫﺍ ﺧﻠﺼﺖ ﻭﻣﻠﮕﻴﺖ ﺗﻌﻴﻴﻦ ﺍﺩﺧﻠﻚ ﺍﻫﻠﻲ
ﺍﺣﻤﺪ : ﺍﻱ ﻭﺍﻟﻠﻪ ﺧﻮﺵ ﻓﻜﺮﺓ
ﻣﻠﻚ : ﻭﺍﻧﻲ ﺃﺳﺎﻋﺪﻙ ﺍﺫﺍ ﺗﺮﻳﺪ ﺑﺲ ﻣﻦ ﻫﺴﺔ ﺍﮔﻮﻟﻚ ﻳﺤﺘﺎﺟﻠﻬﺎ ﻭﺍﺣﺪ ﺷﺎﻃﺮ ﺑﺎﻻﻧﮕﻠﻴﺰﻱ ﻭﻳﺤﻔﻆ ﻛﻮﻣﺔ
ﺍﺣﻤﺪ : ﺍﻧﺸﺎﺀ ﺍﻟﻠﻪ ﺍﺻﻼً ﺍﻧﻲ ﺍﺣﺐ ﺍﻟﺤﻔﻆ .. ﺍﻧﺸﺎﺀ ﺍﻟﻠﻪ ﺃﻗﻮﻱ ﻟﻐﺘﻲ ﺑﻬﺎﺫﻱ ﺍﻟﻔﺘﺮﺓ
ﻣﻠﻚ : ﺍﻟﻠﻪ ﻳﻮﻓﻘﻚ ﻣﻘﺪﻣﺎً
ﺍﺣﻤﺪ : ﺷﻜﺮﺍً
ﻣﻠﻚ : ﺍﺣﻢ ﻋﻤﻮ .. ﺍﺩﻡ ﻫﺴﺔ ﺷﻨﻮ ﺭﺃﻳﻜﻢ ﻳﻌﻨﻲ ﺍﺩﺍﻭﻡ ﻟﻮﻻ؟؟
ﺳﻌﺎﺩ : ﺍﺫﺍ ﺗﺒﻘﻰ ﺭﻧﺪ ﻣﺴﺆﻭﻟﻴﺘﺞ ﺍﻧﻲ ﻣﻮﺍﻓﻘﺔ
ﺍﺑﻮ ﻏﺴﺎﻥ : ﺑﻨﺘﻲ ﺍﺫﺍ ﻋﻠﻴﻨﺔ ﺍﺣﻨﺎ ﻣﻮﺍﻓﻘﻴﻦ ﺑﺲ ﺷﻮﻓﻲ ﺯﻭﺟﺞ ﺍﺫﺍ ﻳﻘﺒﻞ ﻟﻮﻻ
ﺍﺩﻡ 🏻👈 ﺍﻟﺼﺮﺍﺣﺔ ﻣﺮﺩﺗﻬﺔ ﺗﻜﻤﻞ ﺑﺲ ﻛﻼﻣﻬﺎ ﺷﻠﻮﻥ ﺗﺘﺤﻤﻞ ﻛﻠﺸﻲ ﺑﺲ ﻋﻠﻤﻮﺩ ﺍﺗﻜﻤﻞ ﻋﺠﺒﻨﻲ ﻃﻤﻮﺣﻬﺎ .. ﺑﺲ ﻇﻞ ﺑﺎﻟﻲ ﺑﺮﻧﺪ ﻟﺤﺪ ﻣﺎ ﮔﺎﻟﺖ ﺗﺄﺧﺬﻫﺎ ﻛﻠﻴﺔ ﺷﻠﻮﻥ ﻫﻲ ﻣﺒﻴﻦ ﻋﻤﺮﻫﺎ ﺑﻌﻤﺮ ﺭﻳﻢ ﻭﻳﻤﻜﻦ ﺍﺻﻐﺮ ﺑﺲ ﺍﻟﺼﺪﻣﺔ ﺍﻟﻜﺒﺮﻯ ﺑﻮﻭﻭﻭﻭﻡ ﻣﺮﺣﻠﺔ ﺛﺎﻟﺜﺔ ﻭﺻﻴﺪﻟﺔ😵 ﻣﺮﺩﺕ ﺃﺗﺪﺧﻞ ﻣﺪﺭﻱ ﺍﻟﺼﺪﻣﺔ ﺩﻭﺧﺘﻨﻲ ﺑﻌﺪﻳﻦ ﻓﻬﻤﺖ ﺍﻟﻜﻞ ﺑﻬﺪﻭﺀ ﻣﺒﻴﻨﺔ ﺫﻛﻴﺔ ﺍﻭ ﺳﭽﺎﭼﺔ ﻋﻠﻰ ﮔﻮﻟﺖ ﺍﺣﻤﺪ 😅 ﺑﺲ ﺑﻌﺪ ﺍﻟﻜﻼﻡ ﺍﻟﮕﺎﻟﺘﺔ ﺍﺳﺘﺤﻲ ﺍﺭﻓﺾ ﺍﺫﺍ ﺣﺘﺔ ﺟﺪﻭ ﻭﺍﻓﻖ ﻗﺎﻃﻌﻨﻲ ﻣﻦ ﺍﻓﻜﺎﺭﻱ ﺻﻮﺗﻬﺎ
ﻣﻠﻚ : ﻫﺎﺍ ﺍﺩﻡ ﻣﻮﺍﻓﻖ ﻟﻮﻻ
ﺍﺩﻡ : ﻣﻮﺍﻓﻖ ﺑﺲ ﺑﺸﺮﻁ
ﻣﻠﻚ : ﻣﻮﺍﻓﻘﺔ ﻋﻠﻰ ﻛﻞ ﺷﻲ ﻭﻻﺗﺨﺎﻑ ﻭﺍﻟﻠﻪ ﻣﺎ ﺍﻗﺼﺮ ﺑﺄﻱ ﺷﻲﺀ ﺍﻧﺸﺎﺀ ﺍﻟﻠﻪ ﻭﻋﺪ
ﺍﺩﻡ : ﻣﺎﺷﻲ ﻫﺎﻱ ﺍﻧﺘﻲ ﮔﻠﺘﻲ ﻣﺘﻘﺼﺮﻳﻦ ﺭﺍﺡ ﺍﺷﻮﻑ ﻭﺇﺫﺍ ﻗﺼﺮﺗﻲ ﺭﺍﺡ ﺍﺗﺮﻛﻴﻦ ﻣﺎﺷﻲ
ﻣﻠﻚ ( ﺑﻔﺮﺣﺔ ) : ﻣﺎﺷﻲ ﺣﺎﺿﺮ ﺷﻜﺮﺍً ﻭﺍﻟﻠﻪ 😄😄
ﺭﻧﺪ : ﺍﺑﺎ .. ﺍﺑﺎ
ﺍﺩﻡ : ﻋﻴﻮﻧﺔ ﺍﺑﺎ ﺗﻌﺎﻟﻲ ﺣﺒﻴﺒﺘﻲ ﺍﻧﺘﻲ
ﺍﺣﻤﺪ : ﺗﺪﺭﻳﻦ ﺍﻭﻝ ﻣﺮﺓ ﺍﺷﻮﻑ ﻭﺍﺣﺪ ﻓﺮﺣﺎﻥ ﺑﺎﻟﺪﺭﺍﺳﺔ 😝 ﻋﻠﻰ ﻫﺎﻱ ﻓﺮﺣﺘﺞ ﺍﺣﺲ ﻣﺎﻛﻮ ﺍﻫﻢ ﻣﻦ ﺍﻟﺪﺭﺍﺳﺔ
ﻣﻠﻚ : ﺻﺢ ﺍﻟﺒﻌﺾ ﺍﻳﺸﻮﻓﻬﺔ ﻣﻮ ﻣﻬﻤﺔ ﺑﺲ ﻫﻲ ﻛﻞ ﺷﻲﺀ ﺑﺎﻟﻨﺴﺒﺔ ﺍﻟﻲ ﻭ ﺣﻠﻢ ﻭﺃﺭﻳﺪ ﺍﻛﻤﻠﺔ ﻭﻫﻲ ﺍﻫﻢ ﺷﻲﺀ ﻋﻨﺪﻱ ﺑﺎﻟﺪﻧﻴﺎ
ﺍﺣﻤﺪ : ﺗﺤﺴﺴﻴﻨﻲ ﻫﻲ ﺭﻭﺣﺞ ﻭﻣﺎ ﺍﺩﺭﻱ
ﻣﻠﻚ : ﺗﮕﺪﺭ ﺗﮕﻮﻝ ﻫﻴﺞ
ﺭﻳﻢ : ﻣﻠﻚ ﻣﺘﻌﺒﺘﻲ ﻣﻦ ﺍﻟﻮﮔﻔﺔ ﺩﮔﻌﺪﻱ ﻭﺍﻛﻮ ﻫﻮﺍﻱ ﺷﻐﻼﺕ ﺑﺎﻟﺪﻧﻴﺎ ﺍﻫﻢ ﻣﻦ ﺍﻟﺪﺭﺍﺳﺔ
ﻣﻠﻚ : ﺑﻮﺟﻬﺔ ﻧﻈﺮﺝ ﺑﺲ ﻭﺟﻬﺔ ﻧﻈﺮﻱ ﺗﺨﺘﻠﻒ .. ﻳﻼ ﻋﻦ ﺍﺫﻧﻜﻢ ﻣﺤﺘﺎﺟﻴﻦ ﺷﻲﺀ
ﺍﺑﺮﺍﻫﻴﻢ : ﻻ ﺑﻨﺘﻲ ﺭﻭﺣﻲ ﺍﺭﺗﺎﺣﻲ
ﻣﻠﻚ : ﻣﺎﺷﻲ ﻋﻤﻮ ﺑﺲ ﺭﻧﺪ ﺗﺮﻳﺪﻫﺎ ﻟﻮ ﺍﺧﺬﻫﺎ
ﺍﺩﻡ : ﻻ ﻋﻮﻓﻴﻬﺎ
ﺍﺩﻡ 🏻👈 ﺍﻟﻔﺮﺣﺔ ﻣﺒﻴﻨﺔ ﺑﻌﻴﻨﻬﺎ ﻭﺣﺘﺔ ﻋﻴﻮﻧﻬﺎ ﮔﺎﻣﺖ ﺗﻠﻤﻊ
ﺿﻠﻴﺖ ﺻﺎﻓﻦ ﻋﻠﻴﻬﺔ ﻟﺤﺪ ﻣﺎ ﻗﺎﻃﻌﺘﻨﻲ ﺭﻧﺪ ﺍﺧﺬﺗﻬﺎ ﻣﻨﻬﺎ ﻭﺿﻠﺖ ﺗﺤﺠﻲ ﺑﺲ ﺻﺪﮒ ﻏﺮﻳﺒﺔ ﺷﻨﻮ ﻣﺎﻛﻮ ﺷﻲﺀ ﺍﻫﻢ ﻣﻦ ﺍﻟﺪﺭﺍﺳﺔ ﻭﺍﻣﻬﺎ ﻭﺃﺑﻮﻫﺎ ﺷﻨﻮ ﻣﻦ ﺃﺑﻨﻴﺔ
ﺩﺧﻠﺖ ﻭﺍﻧﻲ ﺑﻘﻴﺖ ﺍﻟﻌﺐ ﺭﻧﺪ ﻭﺭﺍﻫﺎ ﻃﻠﻌﻮﺍ ﺍﻟﻮﻟﺪ ﻭﺍﻧﻲ ﺃﺧﺬﺕ ﺭﻧﺪ ﻭﺭﺣﺖ ﻭﻳﺎﻫﻢ ﻭﻧﺴﺘﻬﺔ ﻭﻏﻴﺮﺕ ﺟﻮ ﻭﺭﺟﻌﺖ ﺍﺗﻌﺸﻴﻨﺎ ﻭﺻﻌﺪﺕ ﻟﻠﻐﺮﻓﺔ ﻣﻦ ﻭﻛﺖ ﺭﺩﺕ ﺍﺣﺠﻲ ﻭﻳﺎﻫﺎ
ﺻﻌﺪﺕ ﻟﮕﻴﺘﻬﺎ ﺩﺍ ﺗﻠﻌﺐ ﺑﺮﻧﺪ ﭼﺎﻧﺖ ﺍﻟﺴﺎﻋﺔ ﺗﻘﺮﻳﺒﺎً ﺏ ١٠ : ٣٠
ﺍﺩﻡ : ....
ﻣﻠﻚ 🏻👈 ﻓﺮﺣﺖ ﻣﻦ ﻭﺍﻓﻘﻮﺍ ﻋﻠﻰ ﺍﻟﺪﻭﺍﻡ ﺻﺢ ﺭﺍﺡ ﺍﺗﻌﺐ ﺑﺲ ﻋﺎﺩﻱ ﺍﺻﻼ ﺟﻨﺖ ﺍﺳﻮﻱ ﺃﺿﻌﺎﻓﺔ ﺍﻟﻤﻬﻢ ﺍﻛﻤﻞ ﺣﻠﻢ ﻛﻴﻤﻮ ﺍﺩﺭﻱ ﺍﺳﺘﻐﺮﺑﻮﺍ ﻣﻦ ﮔﺘﻠﻬﻢ ﻣﺎﻋﻨﺪﻱ ﺷﻲﺀ ﺍﻫﻢ ﻣﻦ ﺍﻟﺪﺭﺍﺳﺔ ﺑﺲ ﻫﺬﺍ ﺍﻟﺼﺪﮒ ﺃﺑﻮﻳﺔ ﺑﺎﻋﻨﻲ ﻭﺍﻣﻲ ﺑﺎﻋﺘﻨﻲ ﻣﻦ ﻭﺍﻧﻲ ﺻﻐﻴﺮﺓ ﻭﻛﻴﻤﻮ ﺗﺨﻼ ﻋﻨﻲ ﺑﺲ ﺍﻧﻲ ﻣﺮﺍﺡ ﺍﺗﺨﻼ ﻋﻨﺎ ﻟﺤﺪ ﻣﺎ ﻳﺄﺧﺬﻧﻲ ﻳﻤﺔ ﺩﺧﻠﺖ ﺭﺗﺒﺖ ﻭﺟﻬﺰﺕ ﺷﻐﻼﺕ ﻣﻦ ﺍﻟﻌﺸﺔ ﻭﺻﻌﺪﺕ ﺳﺒﺤﺖ ﻭﺻﻠﻴﺖ ﻧﺰﻟﺖ ﻛﻤﻠﺖ ﺍﻟﻌﺸﺔﻭﺍﺗﻌﺸﻴﻨﺎ ﻭﺻﺒﻴﺘﻠﻬﻢ ﺍﻟﻔﺎﻛﻬﺔﻭﺍﺧﺬﺕ ﺭﻧﺪ ﻭﺻﻌﺪﺕ ﻣﺜﻞ ﻛﻞ ﻳﻮﻡ ﺏ١٠ ﺍﺧﻠﺺ ﻏﺴﻠﺘﻠﻬﺔ ﻭﺑﺪﻟﺘﻠﻬﺔ ﻭﮔﻌﺪﺕ ﺍﻟﻌﺐ ﺑﻴﻬﺔ ﺷﻮﻱ ﻭﺩﺧﻞ ﺍﺩﻡ ﺍﺳﺘﻐﺮﺑﺖ ﺻﺮﺍﺣﺔ ﻛﻞ ﻣﺮﺓ ﻳﺴﻬﺮ ﻣﻴﺼﻌﺪ ﻫﻴﺞ ﻭﻛﺖ ﺍﺷﻮ ﺍﺟﺔ ﮔﻌﺪ ﻋﻠﻰ ﺍﻟﭽﺮﺑﺎﻳﺔ ﺑﺲ ﻣﻦ ﺟﻬﺔ ﺭﻧﻮﺩ ﻋﺪﻟﺖ ﮔﻌﺪﺗﻲ
ﺍﺩﻡ : ﻣﻠﻚ ﺍﻧﺘﻲ ﺑﻴﺎ ﺟﺎﻣﻌﺔ
ﻣﻠﻚ : ﺑﻐﺪﺍﺩ
ﺍﺩﻡ : ﺍﻭﻙ ﺍﻭﻝ ﻳﻮﻡ ﺍﺟﻲ ﻭﻳﺎﺝ ﻋﻠﻤﻮﺩ ﻧﺴﺠﻞ ﺭﻧﺪ
ﻣﻠﻚ : ﻣﺎﺷﻲ
ﺍﺩﻡ : ﻭﺩﻳﺮﻱ ﺑﺎﻟﺞ ﻋﻠﻴﻬﺔ
ﻣﻠﻚ : ﺑﻌﻴﻨﻲ ﻻ ﺗﺨﺎﻑ ﺍﺻﻼً ﺻﺎﺭﺕ ﻗﻄﻌﺔ ﻣﻦ ﺭﻭﺣﻲ
ﺭﻧﺪ : ﺃﻣﺔ .. ﺍﻣﺔ
ﻣﻠﻚ : ﻫﻤﻢ
ﺭﻧﺪ : ﻧﻨﻨﻦ ﻧﻨﻦ
ﻣﻠﻚ : ﻣﺎﺷﻲ ﻳﻼ 😂
ﺍﺩﻡ : ﺷﻨﻮ ﻣﻔﻬﻤﺖ ؟؟ !!!
ﻣﻠﻚ : ﻗﺼﺪﻫﺎ ﺍﻏﻨﻴﻠﻬﺎ ﻋﻠﻤﻮﺩ ﺗﻨﺎﻡ ﻻﻥ ﻧﻌﺴﺖ
ﺍﺩﻡ : ﺯﻳﻦ ﻭﺗﻔﻬﻤﻴﻦ ﻋﻠﻴﻬﺎ 😂😂
ﻣﻠﻚ : ﻣﻮ ﻋﺪﻱ ٣ ﺑﺎﻟﺒﻴﺖ ﻓﺘﻌﻮﺩﺕ
ﺍﺩﻡ : ﺷﻠﻮﻥ ﻳﻌﻨﻲ
ﻣﻠﻚ : ﻋﻨﺪﻱ ﺧﻮﺍﺕ ﺗﺆﺍﻡ ﻋﻤﺮﻫﻢ ﻫﺴﺔ ﺗﻘﺮﻳﺒﺎً ﺍﺭﺑﻊ ﺳﻨﻮﺍﺕ ﻭ ﺍﺥ ﻋﻤﺮﺓ ﺧﻤﺲ ﺳﻨﻮﺍﺕ
ﺍﺩﻡ : ﻟﻴﺶ ﻭﺍﺧﻮﺝ ﺍﻟﻜﺘﻞ ﺍﺑﻦ ﻋﻤﻲ
ﻣﻠﻚ : ﻫﺎﺍ ﺍﻱ
ﺍﺩﻡ : ﻳﻼ ﺍﻧﻲ ﻧﻌﺴﺖ ﺍﺭﻳﺪ ﺍﻧﺎﻡ
ﻣﻠﻚ : ﻣﺎﺷﻲ ﺗﺼﺒﺢ ﻋﻠﻰ ﺧﻴﺮ ﺍﻧﻲ ﺣﺎﺧﺬ ﺭﻧﺪ ﺍﻧﻮﻣﻬﺔ ﻭﺃﻃﻔﺊ ﺍﻟﻀﻮﺓ
ﺍﺩﻡ : ﻣﺎﺷﻲ
ﻣﻠﻚ 🏻👈 ﺍﺗﻮﺗﺮﺕ ﻣﻦ ﺳﺄﻟﻨﻲ ﻋﻠﻰ ﺳﻼﻡ ﺫﻛﺮﻧﻲ ﺑﺄﺷﻴﺎﺀ ﺍﻧﻲ ﻧﻔﺴﻲ ﻣﺎ ﺍﺭﻳﺪ ﺍﺫﻛﺮﻫﺎ ﻳﻌﻨﻲ ﻋﻠﻰ ﺃﺳﺎﺱ ﺍﺫﺍ ﺣﺠﻴﺖ ﺭﺍﺡ ﻳﺘﻐﻴﺮ ﺷﻲﺀ ﻣﻦ ﺍﻟﺼﺎﺭ .. ﺍﻟﻤﻬﻢ ﺃﺧﺬﺕ ﺭﻳﺮﻱ ﻭﻏﻨﻴﺘﻠﻬﺎ ﺷﻮﻱ ﻭﻧﺎﻣﺖ ﺧﻠﻴﺘﻬﺎ ﻳﻢ ﺍﺩﻡ ﻭﻧﻤﺖ ﺑﻔﺮﺍﺷﻲ ﻣﺮ ﻛﻢ ﻳﻮﻡ ﻭﺑﻴﻮﻡ ﭼﻨﺖ ﮔﺎﻋﺪﺓ ﺍﻧﻲ ﻭﺭﻳﻢ ﻧﺴﻮﻟﻒ ﺑﺎﻟﺤﺪﻳﻘﺔ ﻭﻣﺤﻤﺪ ﻳﻠﻌﺐ ﺑﺮﻧﺪ ﺑﺲ ﮔﺎﻋﺪ ﻳﻤﻲ ﻃﺒﻌﺎً ﻭﺭﺓ ﻣﺨﻠﺼﺖ ﻛﻞ ﺷﻐﻠﻲ
ﺭﻳﻢ : ﺍﻱ ﻣﻠﻚ ﺍﺣﺠﻴﻠﻲ ﻋﻠﻰ ﺍﻟﻜﻠﻴﺔ ﺣﺒﺎﺑﺔ ﺍﻳﮕﻮﻟﻮﻥ ﺑﻴﻬﺔ ﺷﺒﺎﺏ ﺣﻠﻮﻳﻦ
ﻣﻠﻚ : ﻫﻬﻬﻪ ﻭﻫﺬﺍ ﺍﻟﻬﺎﻣﺞ ﺑﺎﻟﻜﻠﻴﺔ
ﺭﻳﻢ : ﻫﻲ ﺩﺭﺍﺳﺔ ﻭﻣﺎﻛﻮ ﺑﺎﻟﻜﻠﻴﺎﺕ ﻛﻠﻬﺔ ﻭﻧﺴﺔ ﻭﺍﻛﻴﺪ ﺍﻧﺘﻲ ﮔﺎﺿﻴﺘﻬﺎ ﻭﻧﺴﺔ ﻣﻮ ؟؟
ﻣﻠﻚ : ﻻ ﻭﺍﻟﻠﻪ ﺣﺒﻲ ﺭﻭﺣﻲ ﺳﻠﻤﻴﻠﻲ ﻋﻠﻰ ﺍﻟﻲ ﺿﺤﻚ ﻋﻠﻴﭻ ﺑﻬﺬﺍ ﺍﻟﻜﻼﻡ
ﺭﻳﻢ : ﻟﻴﺶ !! ؟؟
ﻣﻠﻚ : ﻭﺍﻟﻠﻪ ﺍﻭﻝ ﻣﺎ ﺍﺩﺧﻞ ﻟﺤﺪ ﻣﺎ ﺍﻃﻠﻊ ﺑﺲ ﻣﺤﺎﺿﺮﺍﺕ ﻭﻣﺮﺍﺕ ﺣﺘﺔ ﻣﺎ ﺍﻟﺤﮓ ﺃﺧﺬ ﻧﻔﺴﻲ
ﺭﻳﻢ : ﺍﻳﻲ ﺩﺣﺠﻴﻠﻲ ﺷﻮﻱ ﻋﻠﻰ ﺍﻟﻜﻠﻴﺔ ﻣﺎﻟﺘﺞ ﻭﺩﺭﺍﺳﺘﻬﺎ 😤 ﺗﺮﺓ ﺑﺎﻟﮕﻮﺓ ﺩﺍ ﺍﺳﺤﺐ ﺍﻟﻜﻠﻤﺔ ﻣﻨﺞ
ﻣﻠﻚ : ﺍﻭﻛﻲ .... ﺷﻮﻓﻲ ﭼﻨﺖ ﺃﻭﺻﻞ ﺍﺩﺧﻞ ﺑﻮﺟﻬﻲ ﻟﻠﻘﺎﻋﺔ ﺍﮔﻌﺪ ﺃﺭﺍﺟﻊ ﺍﻭ ﺍﮔﻌﺪ ﺑﻤﻜﺎﻧﻲ ﻭﺑﻌﺪﻳﻦ ﻣﻦ ﺗﺨﻠﺺ ﻣﺤﺎﺿﺮﺍﺗﻲ ﺍﺭﺟﻊ ﻟﻠﺒﻴﺖ ﺑﻮﺟﻬﻲ ﻭﭼﻨﺖ ﻣﻤﺴﻮﻳﺔ ﺧﻂ ﻓﺄﻭﻝ ﻣﺎ ﺍﺧﻠﺺ ﺍﺭﻛﺐ ﻛﻴﺎﺕ ﻭﺍﺭﺟﻊ ﻭﺇﺫﺍ ﻋﻨﺪﻱ ﻓﺮﺍﻍ ﺑﻴﻦ ﺍﻟﻤﺤﺎﺿﺮﺍﺕ ﺍﺭﻭﺡ ﻳﺎ ﺍﻣﺎ ﺑﺎﻟﺤﺪﻳﻘﺔ ﺍﻟﻲ ﻭﺭﺓ ﺍﻟﻜﻠﻴﺔ ﻻﻥ ﻫﺎﺩﺋﺔ ﺍﻭ ﺑﺎﻟﻤﻜﺘﺒﺔ ﺍﺧﻠﺺ ﺷﻮﻱ ﻣﻦ ﻭﺍﺟﺒﺎﺗﻲ ﺍﻭ ﺃﺭﺍﺟﻊ ﻟﺸﻲﺀ ﻭﺑﺲ
ﺭﻳﻢ : ﺍﻭﻭﻭﻭﻭﻑ 😤😡
ﻣﻠﻚ : ﺷﺒﻴﺞ 😂
ﺭﻳﻢ : ﻣﻮ ﻫﺬﺍ ﻗﺼﺪﻱ 😤
ﻣﻠﻚ : ﺍﺩﺭﻱ ﺷﻨﻮ ﻗﺼﺪﺝ ﺑﺲ ﻭﺍﻟﻠﻪ ﺍﻟﻲ ﺣﺠﻴﺘﻪ ﻫﻮ ﺍﻟﺼﺢ .. ﻳﻌﻨﻲ ﻣﺎ ﺍﭼﺬﺏ ﻋﻠﻴﺞ ﻭﺍﮔﻮﻟﺞ ﻣﺎ ﺍﻋﺘﺮﻓﻮﻟﻲ ﻭﻣﺎﻛﻮ ﺣﻠﻮﻳﻦ ﺑﺲ ﺍﻧﻲ ﻫﻤﻲ ﭼﻨﺖ ﻛﻠﺔ ﺍﺧﻠﺺ ﺩﺭﺍﺳﺔ ﻭﺍﻃﻠﻊ ﻣﻦ ﺍﻷﻭﺍﺋﻞ ﺣﺘﺔ ﻣﻦ ﺍﺧﻠﺺ ﺍﻟﮕﺔ ﺗﻌﻴﻴﻦ ﻭﺃﺣﻘﻖ ﺣﻠﻤﻲ ﻭﺣﻠﻢ ..
ﺭﻳﻢ : ﺷﻨﻮ ﺣﻠﻤﺞ ﻭﺣﻠﻢ ﻣﻨﻮ ؟؟ !!!
ﻣﻠﻚ : ﻫﻴﺞ ﺣﺒﻲ ﻻ ﺗﺨﻠﻴﻦ ﺑﺎﻟﺞ
ﺭﻳﻢ : ﺍﻭﻭﻙ ... ﺯﻳﻦ ﻣﻤﻜﻦ ﺳﺆﺍﻝ ؟؟
ﻣﻠﻚ : ﺍﻛﻴﺪ ﺷﻨﻮ
ﺭﻳﻢ : ﻛﻢ ﻭﺍﺣﺪ ﺍﻋﺘﺮﻓﻠﺞ ﺃﻣﺎﻧﺔ ﻭﺣﻠﻮﻳﻦ ﭼﺎﻧﻮﺍ .. ﻭﻣﻨﻮﺍﻛﺜﺮ ﻭﺍﺣﺪ ﺑﻘﺔ ﺍﺑﺎﻟﺞ
ﻣﻠﻚ : 😂😂
ﺭﻳﻢ : ﺍﻳﻲ ﺷﺒﻴﺞ ﺩﺣﺠﻲ ﻋﺎﺍﺍﺩ
ﻣﻠﻚ : ﺍﻭﻛﻲ ﺑﺎﻟﻤﺮﺣﻠﺔ ﺍﻻﻭﻟﻰ ﺗﻘﺮﻳﺒﺎً ﺛﻨﻴﻦ ﺍﻭ ﺛﻼﺛﺔ ﻭﺑﺎﻟﺜﺎﻧﻴﺔ ﺗﻘﺮﻳﺒﺎً ﺣﺴﺐ ﻣﺎ ﺍﺫﻛﺮ ﭼﺎﻧﻮﺍ ﺧﻤﺴﺔ .... ﻭﺇﺫﺍ ﻣﻨﻮ ﺍﻛﺜﺮ ﻭﺍﺣﺪ ﺑﻘﺔ ﺃﺑﺎﻟﻲ ﺑﺎﻟﻤﺮﺣﻠﺔ ﺍﻟﺜﺎﻧﻴﺔ ﻃﺮﻳﻘﺔ ﺍﻋﺘﺮﺍﻑ ﻫﺬﺍ ﺍﻟﻲ ﺃﺳﻤﺔ ﻋﻠﻲ
ﺭﻳﻢ ( ﻭﻓﻤﻬﺎ ﻳﻜﺎﺩ ﻳﻘﺒﻞ ﺍﻻﺭﺽ ) : ﺣﻴﻴﻴﻞ ﻟﻌﺪ ﺍﻧﺘﻲ ﻣﺤﻞ ﺃﻧﻈﺎﺭ ﺍﻟﺠﻤﻴﻊ ﺑﺎﻟﻜﻠﻴﺔ
ﻣﻠﻚ : ﻣﻮ ﻟﻬﻞ ﺩﺭﺟﺔ ﺑﺲ ﺣﺴﺐ ﻛﻼﻣﻬﻢ ﺍﻟﻲ ﻋﺎﺟﺒﺔ ﻫﺪﻭﺋﻲ ﻭﺍﻟﻲ ﻋﺎﺟﺒﺘﺔ ﺍﺧﻼﻗﻲ ﻭﺍﻟﻲ ﻣﻌﺠﺐ ﺑﺠﻤﺎﻟﻲ ﻭﻫﻴﺞ
ﺭﻳﻢ : ﺍﻳﻴﻲ ﻭﺷﻤﻌﻨﺎ ﻫﺬﺍ ﻃﺮﻳﻘﺘﺔ ﺑﺎﻻﻋﺘﺮﺍﻑ ﺑﻘﺖ ﺍﺑﺎﻟﺞ
ﻣﻠﻚ : ﺍﻭﻛﻲ ﺣﮕﻮﻟﺞ .. ﺷﻮﻓﻲ ﺑﻴﻮﻡ ﺧﻠﺼﺖ ﺍﻣﺘﺤﺎﻥ ﻣﻦ ﻭﻛﺖ ﻭﺍﻟﺠﻮ ﻣﻐﻴﻢ ﺣﻠﻮ ﻳﻌﻨﻲ ﺍﻧﻲ ﺍﺣﺐ ﺍﻟﺠﻮ ﺍﻟﻤﻐﻴﻢ ﺑﺲ ﻣﺎ ﺍﺣﺐ ﺍﻟﻤﻄﺮ ﺍﻟﻤﻬﻢ ﺃﺧﺬﺕ ﮔﻬﻮﺓ ﻭﻣﻼﺯﻣﻲ ﻭﮔﻌﺪﺕ ﻋﻠﻰ ﺍﻻﺭﺽ ﺑﺎﻟﺤﺪﻳﻘﺔ ﻭﺩﺍ ﺃﺭﺍﺟﻊ ﻟﻠﻤﺤﺎﺿﺮﺓ ﺍﻟﻮﺭﺍﻫﺔ ﻣﺎ ﺍﺣﺲ ﺁﻟﺔ ﺛﻨﻴﻦ ﺑﻨﺎﺕ ﻭﺃﺭﺑﻊ ﻭﻟﺪ ﻭﺍﮔﻔﻴﻦ ﻋﻠﻰ ﺭﺍﺳﻲ ﻓﺄﻧﻲ ﺭﻓﻌﺖ ﺭﺍﺳﻲ ﺑﺎﻭﻋﺘﻠﻬﻢ ﻣﺤﺪ ﺃﺗﻜﻠﻢ ﮔﻤﺖ ﻭﺍﻧﻲ ﺩﺍ ﺍﻟﻢ ﺃﻏﺮﺍﺿﻲ ﺳﻤﻌﺖ ﺍﻟﺒﻨﻴﺔ ﺳﺄﻟﺘﻨﻲ
ﺍﻟﺒﻨﺖ١ : ﻣﻤﻜﻦ ﺳﺆﺍﻝ
ﻣﻠﻚ : ﺍﺗﻔﻀﻠﻲ
ﺍﻟﺒﻨﺖ١ : ﺍﻧﺘﻲ ﻣﺮﺗﺒﻄﺔ
ﻣﻠﻚ : ﻋﻔﻮﺍً .. ﺑﺲ ﻟﻴﺶ
ﺍﻟﺒﻨﺖ٢ : ﻣﻤﻜﻦ ﺑﺲ ﺗﺠﺎﻭﺑﻴﻦ
ﻣﻠﻚ : ﺑﺲ ﻣﻤﻜﻦ ﺍﻋﺮﻑ ﻟﻴﺶ !!
ﺍﻟﺸﺎﺏ ١ : ﺩﺍﺟﺎﻭﺑﻲ ﻭﺍﻧﺘﻲ ﺗﻌﺮﻓﻴﻦ
ﻣﻠﻚ : ﻻ .. ﻫﺴﺔ ﻣﻤﻜﻦ ﺍﻋﺮﻑ ﺍﺧﻲ
ﺍﻟﺸﺎﺏ ٢ : ﺍﻭﻭﻭﻑ ﻭﺃﺧﻴﺮﺍً
ﻣﻠﻚ : ﺍﺧﻲ ﻫﺴﺔ ﺍﻧﺘﻮ ﻣﻮﮔﻔﻴﻨﻲ ﻟﻴﺶ ﺍﺫﺍ ﻣﺎ ﻋﺪﻛﻢ ﺷﻲﺀ ﺍﻧﻲ ﻋﻨﺪﻱ ﺍﻣﺘﺤﺎﻥ ﻭﺃﺭﻳﺪ ﺍﺣﻀﺮﻟﺔ ﻓﺄﺫﺍ ﻣﻤﻜﻦ
ﺍﻟﺸﺎﺏ٣ : ﻣﺪﮔﻠﻲ ﺷﻌﺠﺒﻚ ﺑﻴﻬﺔ ﺍﺻﻼً ﻛﻠﺶ ﻣﺘﻌﺠﺮﻓﺔ ﻭﻣﻐﺮﻭﺭﺓ
ﺃﻟﺒﻨﺖ٢ : ﺍﻱ ﻭﻋﻠﻰ ﺷﻨﻮ ﻣﺎ ﺍﺩﺭﻱ
ﺍﻟﺸﺎﺏ٢ : ﻫﻲ ﺍﻧﺘﻲ ﺍﺣﺘﺮﻣﻲ ﻣﺎﺷﻲ ﻻ ﻋﺒﺎﻟﺞ ﺍﻧﺘﻲ ﻓﺪ ﺷﻲﺀ
ﺍﻟﺒﻨﺖ١ : ﺑﺲ ﻻ ﻋﺒﺎﻟﺞ ﺍﻧﺘﻲ ﺣﻠﻮﺓ ﻭﺷﺎﻳﻔﺔ ﻧﻔﺴﺞ ﻣﻦ ﻭﺭﺓ ﻫﻞ ﺷﻲﺀ ﺗﺮﺓ ﺍﻛﻮ ﺍﻟﻲ ﺍﺣﻠﻰ ﻣﻨﺞ ﻭﺍﻧﺘﻲ ﺗﺮﺓ ﻋﺎﺩﻳﺔ
ﻣﻠﻚ : ﺍﻭﻙ .. ﺷﻜﺮﺍً ﺍﻟﺞ ﻭﺷﻜﺮﺍً ﺃﻟﻚ ﺍﺧﻲ ﻋﻠﻰ ﻧﺼﺎﺋﺤﻜﻢ ﻭﺍﻧﺘﻘﺎﺩﻛﻢ ﺑﺲ ﺍﻋﺘﻘﺪ ﺍﻧﻲ ﻣﺎ ﺍﺟﻴﺖ ﻋﻠﻴﻜﻢ ﻭﻻ ﺳﺄﻟﺘﻜﻢ ﺇﻧﺘﻮﺍ ﺍﻟﻲ ﺇﺟﻴﺘﻮﺍ ﻭﺍﻧﻲ ﻋﺒﺎﻟﻲ ﻫﺬﺍ ﻣﻜﺎﻧﻜﻢ ﻭﺍﺟﻴﺖ ﺩﺍ ﺍﮔﻮﻡ ﺑﺲ ﺣﻀﺮﺗﺞ ﻭﮔﻔﺘﻴﻨﻲ ﻭﺳﺄﻟﺘﻴﻨﻲ ﻣﻮ ﺍﻧﻲ ﻭﻫﺴﺔ ﻋﻦ ﺍﺫﻧﻜﻢ ﻋﻨﺪﻱ ﻣﺤﺎﺿﺮﺓ
ﻋﻠﻲ : ﺑﺲ ﻟﺤﻈﺔ ﺃﺳﻒ ﻋﻠﻰ ﻛﻞ ﺍﻟﻲ ﺻﺎﺭ ﺑﺲ ﻫﻢ ﺃﺻﺪﻗﺎﺋﻲ ﺭﺍﺩﻭﺍ ﺍﻳﺴﺎﻋﺪﻭﻧﻲ
ﻣﻠﻚ : ﻋﺎﺩﻱ ﺍﺧﻲ ﻣﺼﺎﺭ ﺷﻲ ﻭﻟﻴﺶ ﺷﻜﻮ
ﻋﻠﻲ : ﺍﻳﺴﺎﻋﺪﻭﻧﻲ .. ﺷﻮﻓﻲ ﺍﻧﻲ ﻣﺮﺣﻠﺔ ﺭﺍﺑﻌﺔ ﻃﺐ ﺃﺳﻨﺎﻥ ﻭﺍﻧﺘﻲ ﻋﺠﺒﺘﻴﻨﻲ ﻭﺍﺧﻼﻗﺞ ﺍﻟﻜﻞ ﻣﺪﺡ ﺑﻴﻬﺔ ﻭﺍﻧﻲ ﻣﺮﺍﺡ ﺍﮔﻠﺞ ﺍﻧﻄﻴﻨﻲ ﻓﺘﺮﺓ ﺃﺗﻌﺮﻑ ﻋﻠﻴﻬﺎ ﻭﻻ ﺷﻲﺀ ﺑﺲ ﻳﻌﻨﻲ ﺍﻧﻲ ﺟﺎﻱ ﻣﻦ ﺍﻟﺒﺎﺏ ﺍﺫﺍ ﻭﺍﻓﻘﺘﻲ ﺍﻟﻴﻮﻡ ﺍﻫﻠﻲ ﺗﻠﮕﻴﻬﻢ ﻳﻤﻜﻢ ﺍﻟﻌﺼﺮ
ﻣﻠﻚ : ﺀﺍﺍﺍﺀﺀ ﺍﻟﻌﻔﻮ ﺍﺧﻲ ﺑﺲ ﺍﻧﻲ ﻣﻮ ﺃﺑﺎﻟﻲ ﻫﺬﺍ ﺍﻟﻤﻮﺿﻮﻉ ﻛﻞ ﺍﻟﻲ ﺃﺑﺎﻟﻲ ﺍﺧﻠﺺ ﺩﺭﺍﺳﺔ ﻭﺭﺍﻫﺔ ﻳﻼ ﺍﻓﻜﺮ ﺑﺎﻟﻤﻮﺿﻮﻉ ﻳﻌﻨﻲ ﻫﺴﺔ ﺍﻧﻲ ﻣﻤﻔﻜﺮﺓ ﺑﺎﻟﻤﻮﺿﻮﻉ ﻓﺄﺳﻔﺔ ﺍﺧﻲ ﻣﺎ ﺍﮔﺪﺭ 😬
ﻋﻠﻲ : ﻫﺎﺍﺍ .. ﺍﻭﻛﻲ ﻣﺎﺷﻲ ﺍﺧﺘﻲ ﺑﺮﺍﺣﺘﺞ 😑
ﻭﺭﺍﺡ ﺍﻟﻮﻟﺪ ﻻﺻﺪﻗﺎﺋﺔ ﺍﺑﺎﻭﻋﻠﻬﻢ ﻟﻮ ﺑﻴﺪﻫﻢ ﻳﻤﻮﺗﻮﻧﻲ ﺣﻼﻝ ﻭﺑﺲ ﻫﺬﺍ ﺍﻟﺼﺎﺭ
ﺭﻳﻢ : ﻳﺎ ﺑﺮﻭﺩﺝ ﻳﺎ ﺍﺧﺘﻲ ﻫﺬﺍ ﻛﻠﺔ ﺍﻟﺴﻮﻳﺘﻲ ﺑﺎﻟﻮﻟﺪ ﻭﺩﮔﻮﻝ ﺑﺲ ﻳﻌﻨﻲ ﺷﺘﺮﺩﻳﻦ ﺍﺗﺴﻮﻳﻦ ﺍﻛﺜﺮ
ﻣﻠﻚ : ﻫﻮ ﺍﻧﻲ ﺷﺴﻮﻳﺖ ﻳﻌﻨﻲ ﻣﻔﻬﻤﺖ ﺑﺲ ﮔﺘﻠﺔ ﻣﻤﻔﻜﺮﺓ ﺑﺎﻟﻤﻮﺿﻮﻉ ﻫﺴﺔ
ﺭﻳﻢ : ﻟﺞ ﺍﺧﺨﺨﺦ ﺑﻄﻨﻲ 😂😂
ﻣﻠﻚ : ﺷﺒﻴﺞ ﺩﮔﻮﻟﻲ ﻋﺎﺩ ﺷﺴﻮﻳﺖ
ﺭﻳﻢ : ﻳﻌﻨﻲ ﻭﻟﺪ ﺟﺎﻱ ﺩﺍ ﻳﻌﺘﺮﻓﻠﺞ ﻭﻳﺮﻳﺪ ﻳﺘﺰﻭﺟﺞ ﻭﻳﮕﻮﻝ ﺍﺫﺍ ﺍﻟﻌﺼﺮ ﺗﺮﺩﻳﻦ ﺇﻳﺪﺯ ﺃﻫﻠﻪ ﻭﺍﻧﺘﻲ ﻛﻞ ﻛﻠﻤﺔ ﻭﺍﻟﺜﺎﻧﻴﺔ ﺍﺧﻲ ﻭ ﻣﺎ ﺍﺧﻲ ... ﺍﻭﻭﻭﻑ ﺑﻄﻨﻲ 😂😂
ﻣﻠﻚ : ﺍﻭﻭﻭﻑ ﻛﺎﻓﻲ ﺗﻀﺤﻜﻴﻦ ﻋﺎﺩ ﺍﻧﻲ ﻫﺬﺍ ﺃﺳﻠﻮﺑﻲ ﻭﻣﺎ ﺍﻋﺮﻑ ﺍﺗﻌﺎﻣﻞ ﺑﻐﻴﺮﺓ
ﺭﻳﻢ : ﻋﻴﻨﻲ ﺍﻡ ﺍﻷﺳﻠﻮﺏ ﺍﻟﺪﻭﺍﻡ ﺑﻘﺎﻟﺔ ﺍﻗﻞ ﺍﻷﺳﺒﻮﻉ ﻭﺍﻧﺘﻲ ﻻ ﺧﻂ ﻭﻻ ﻣﻼﺑﺲ
ﻣﻠﻚ : ﺣﺒﻲ ﺍﻧﻲ ﺍﺗﻌﻮﺩﺕ ﻋﻠﻰ ﺍﻟﻜﻴﺎﺕ ﻭﺑﻌﺪﻳﻦ ﻣﻼﺑﺲ ﻋﻨﺪﻱ ﻣﺸﺘﺮﻳﺔ
ﺭﻳﻢ : ﻳﻤﺘﺔ ﻣﺸﺘﺮﻳﺔ ﺍﺷﻮ ﻣﻦ ﺍﺟﻴﺘﻲ ﻟﺤﺪ ﺍﻻﻥ ﻣﺎ ﻃﻠﻌﺘﻲ ﻣﻦ ﺍﻟﺒﻴﺖ
ﻣﻠﻚ : ﻗﺼﺪﻱ ﻗﺒﻞ ﻻ ﺍﺟﻲ ﺭﺣﺖ ﻟﻠﺴﻮﮒ ﻭﺍﺷﺘﺮﻳﺖ ﻛﻢ ﻗﻄﻌﺔ
ﺭﻳﻢ : ﺷﻨﻮ ﻛﻢ ﻗﻄﻌﺔ ﻟﺞ ﻟﻮ ﺍﻧﻲ ﻣﻨﺞ ﺍﻓﻠﺲ ﺑﺎﺑﺎ
ﻭﻫﻨﺎ ﺳﻜﺘﺖ ﺭﻳﻢ ﺑﻌﺪ ﺍﻥ ﺭﺃﺕ ﺍﻟﺤﺰﻥ ﺍﻟﻈﺎﻫﺮ ﻋﻠﻰ ﻣﻠﻚ ﺿﻨﺖ ﺍﻧﻬﺎ ﻗﺪ ﺍﺷﺘﺎﻗﺖ ﺍﻟﻰ ﺍَﻫﻠﻬﺎ
ﺭﻳﻢ : ﺍﺳﻔﺔ ﺣﺒﻲ ﻻ ﺗﻀﻮﺟﻴﻦ ﺍﻧﺸﺎﺀ ﺍﻟﻠﻪ ﺗﺮﺣﻴﻦ ﻓﺪ ﻳﻮﻡ ﺗﺸﻮﻓﻴﻨﻬﻢ
ﻣﻠﻚ : ﻭﻣﻨﻮ ﮔﻠﺞ ﺍﻧﻲ ﺿﺎﻳﺠﺔ
ﺭﻳﻢ : ﺷﻨﻮ ﻗﺼﺪﺝ
ﻣﻠﻚ : ﻭﻻ ﺷﻲﺀ .. ﻳﻼ ﺍﻧﻲ ﺣﺪﺧﻞ ﺍﺟﻬﺰ ﺍﻟﻌﺸﺎﺀ ﺑﻴﻦ ﻣﺎ ﺍﻳﺄﺫﻥ
ﺭﻳﻢ : ﺍﻧﻲ ﺭﺍﺡ ﺍﺑﻘﺔ ﻫﻨﺎ ﺷﻮﻱ
ﻣﻠﻚ : ﺑﺮﺍﺣﺘﺞ .. ﺣﻤﻮﺩ ﺭﻧﺪ ﺍﻧﻄﻴﻨﻴﺎﻫﺎ
ﻣﺤﻤﺪ : ﻻ ﻋﻤﺔ ﺑﻘﻴﻬﺎ ﻳﻤﻲ ﻣﻦ ﺗﻨﻌﺲ ﺍﻧﻲ ﺃﺟﻴﺒﻬﺎ ﺍﻟﺞ
ﻣﻠﻚ : ﻣﺎﺷﻲ ﻳﻼ ﻟﻌﺪ ﻋﻦ ﺍﺫﻧﻜﻢ
ﻭﺫﻫﺒﺖ ﻭﻟَﻢ ﺗﻜﻦ ﺗﻌﻠﻢ ﺍﻧﻪ ﻛﺎﻥ ﻫﻨﺎﻙ ﻃﺮﻑ ﺍﺧﺮ ﻳﺴﺘﻤﻊ ﺍﻟﻰ ﻫﺬﺍ ﺍﻟﺤﺪﻳﺚ ﻭﻫﻮ
......
ﺍﺩﻡ 🏻👈 ﺑﻴﻮﻡ ﻋﺼﺮﻳﺔ ﺟﻨﺖ ﮔﺎﻋﺪ ﻭﻳﺔ ﺟﺪﻱ ﻭﺭﺍﻫﺎ ﺭﺩﺕ ﺍﻃﻠﻌﻮﺷﻔﺖ ﺭﻳﻢ ﻭﻣﻠﻚ ﮔﺎﻋﺪﺍﺕ ﺑﺎﻟﻤﺮﺟﻮﺣﺔ ﻭﻳﻤﻬﻢ ﻣﺤﻤﺪ ﺍﻳﻠﻌﺐ ﺭﻧﺪ ﻣﻬﺘﻤﻴﺖ ﺍﺟﻴﺖ ﺍﻃﻠﻊ ﺑﺲ ﻭﮔﻔﻨﻲ ﺳﺆﺍﻝ ﺭﻳﻢ ﺭﻳﻢ : ﺍﻱ ﻣﻠﻚ ﺍﺣﺠﻴﻠﻲ ﻋﻠﻰ ﺍﻟﻜﻠﻴﺔ ﺣﺒﺎﺑﺔ ﺍﻳﮕﻮﻟﻮﻥ ﺑﻴﻬﺔ ﺷﺒﺎﺏ ﺣﻠﻮﻳﻦ .......
ﺑﻘﻴﺖ ﻭﺍﮔﻒ ﺍﺳﻤﻊ ﻏﺮﻳﺐ ﺣﻠﻢ ﻣﻨﻮ ﻫﺬﺍ ﺍﻛﻴﺪ ﻧﻔﺲ ﺍﻟﻮﻟﺪ ... ﺑﺲ ﺍﻧﺼﺪﻣﺖ ﻣﻦ ﻋﺪﺩ ﺍﻟﻤﻌﺘﺮﻓﻴﻠﻬﺎ ﺑﺲ ﺃﻳﺠﻮﺯ ﻫﻲ ﺑﺎﻟﻐﺖ ﻭﺿﺤﻜﺘﻨﻲ ﺻﺪﮒ ﻣﻦ ﺣﺠﺖ ﻋﻠﻰ ﻫﺬﺍ ﺍﻟﻮﻟﺪ ﺍﻧﻲ ﻟﻮ ﻣﻨﺔ ﺑﻌﺪ ﻣﺎ ﺍﺩﺧﻞ ﻟﻠﻜﻠﻴﺔ ﻛﻠﻬﺎ 😅 ﺑﺲ ﺍﺳﺘﻐﺮﺑﺖ ﺻﺎﺭﻟﻬﺎ ﺗﻘﺮﻳﺒﺎً ٣ ﺃﺷﻬﺮ ﺍﻭ ﺃﺭﺑﻌﺔ ﻭﻣﻤﺸﺘﺎﻗﺔ ﻻﻫﻠﻬﺎ ﻭﺍﻟﻠﻪ ﻣﺎ ﺍﺩﺭﻱ ﺑﺲ ﺻﺪﮒ ﻫﺎﻱ ﺍﻟﺒﻨﻴﺔ ﻏﺮﻳﺒﺔ ﺷﻔﺘﻬﺎ ﺩﺧﻠﺖ ﻟﻠﻤﻄﺒﺦ ﻭﺭﺣﺖ ﻳﻢ ﺭﻳﻢ ﮔﻌﺪﺕ ﺣﺘﺔ ﻧﺴﻴﺖ ﺍﻟﻄﻠﻌﺔ
ﺍﺩﻡ : ﺳﻼﻡ
ﺭﻳﻢ : ﻫﻠﻮ .. ﺍﺩﻡ ﺗﺮﺓ ﺍﻟﺪﻭﺍﻡ ﺣﻴﺒﺪﻱ ﻭﺍﻧﻲ ﺑﻌﺪﻧﻲ ﻣﻤﺠﻬﺰﺓ ﺷﻲﺀ ﻭﺣﺘﺔ ﻣﻠﻚ ﺑﺲ ﻫﻲ ﺍﺩﮔﻮﻝ ﻋﻨﺪﻱ ﺧﻄﻴﺔ ﺃﻳﺠﻮﺯ ﺗﺴﺘﺤﻲ ﺍﺩﮔﻮﻟﻚ
ﺍﺩﻡ : ﻣﺎﺷﻲ ﻻ ﺗﺨﺎﻓﻴﻦ ﺍﻟﻴﻮﻡ ﺑﺎﻟﻠﻴﻞ ﺟﻬﺰﻱ ﻧﻔﺴﺞ ﻭﮔﻠﻲ ﻟﻤﻠﻚ ﺃﺧﺬﻛﻢ ﺗﺠﻬﺰﻭﻥ ﻧﻔﺴﻜﻢ
ﺭﻳﻢ : ﺻﺪﺩﺩﺩﮒ ... ﺷﻜﺮﺍً
ﺍﺩﻡ : ﺍﻟﻌﻔﻮ ﻳﻼ ﺍﻧﻲ ﻃﺎﻟﻊ ﺑﻠﻐﻲ ﻣﻠﻚ ﺏ٦ ﺍﺟﻲ ﺃﺧﺬﻛﻢ
ﺭﻳﻢ : ﻣﺎﺷﻲ
ﺧﺮﺝ ﺍﺩﻡ ﻭﺫﻫﺒﺖ ﻟﺘﺒﻠﻴﻎ ﻣﻠﻚ ﻭﺑﻌﺪﻫﺎ ﺫﻫﺒﺖ ﻣﻠﻚ ﺃﻧﻬﺖ ﺍﻟﻌﺸﺎﺀ ﻭﺍﺗﻔﻘﺖ ﻣﻊ ﻧﺪﻯ ﻋﻠﻰ ﺗﺠﻬﻴﺰﻩ ﻟﻬﻢ ﻭﺫﻫﺒﺖ ﺍﺳﺘﺄﺫﻧﺖ ﻣﻦ ﺍﻟﺤﺠﻴﺔ ﻭﺟﻬﺰﺕ ﺭﻧﺪ ﻭﺑﺪﺃﺕ ﺗﺠﻬﺰ ﺑﻨﻔﺴﻬﺎ ﻭﻗﺒﻞ ﺍﻥ ﺗﻨﺘﻬﻲ ﻛﺎﻧﺖ ﺗﺮﺗﺪﻱ ﺑﺤﺠﺎﺑﻬﺎ ﺩﺧﻞ ﺍﺩﻡ ﻭﻗﻒ ﻗﻠﻴﻼً ﺛﻢ ﺃﺧﺬ ﻣﻼﺑﺴﻪ ﻭﻏﻴﺮ ﻣﻼﺑﺴﻪ ﺑﺎﻟﺤﻤﺎﻡ ﻭﻋﻨﺪﻣﺎ ﺧﺮﺝ
ﺍﺩﻡ : ﻳﻼ ﺧﻠﺼﺘﻲ
ﻣﻠﻚ : ﺍﻱ ﺟﻬﺰﻧﺎ .. ﺑﺲ ﺑﻘﺖ ﺭﻳﻢ
ﺭﻳﻢ ﻭﻫﻲ ﺗﺪﺧﻞ
ﺭﻳﻢ : ﻭﻫﺎﻱ ﺍﻧﻲ ﺍﺟﻴﺖ
ﺍﺩﻡ : ﻳﻼ ﻟﻌﺪ ﻧﻨﺰﻝ
ﻧﺰﻟﻮﺍ ﻟﻠﺼﺎﻟﺔ ﻭﻛﺎﻥ ﺑﻬﺎ ﻣﺮﻳﻢ ﻭﻧﻮﺭ ﻭﺍﻣﻞ ﻭﻣﺎ ﺍﻥ ﺭﺃﺗﻬﻢ ﻧﻮﺭ ﻭﻣﺮﻳﻢ ﺣﺘﻰ ﻗﺎﻟﺖ ﻣﺮﻳﻢ
ﻣﺮﻳﻢ : ﻭﻳﻦ ﺭﺍﻳﺤﻴﻦ
ﺭﻳﻢ : ﺍﺩﻡ ﻣﺄﺧﺬﻧﺎ ﻋﻠﻤﻮﺩ ﺍﻧﻲ ﺍﺟﻬﺰ ﻟﻠﻤﺪﺭﺳﺔ ﻭﻣﻠﻚ ﻟﻠﻜﻠﻴﺔ
ﻣﺮﻳﻢ : ﻭﺍﻧﻲ ﺍﺭﻳﺪ ﺍﺟﻲ .. ﻭﺍﻟﻠﻪ ﺿﺎﻳﺠﺔ
ﺭﻳﻢ : ﻫﻮ ﺍﻧﺘﻲ ﺍﻟﺒﺎﺭﺣﺔ ﻃﺎﻟﻌﺔ ﻭﻳﺔ ﺧﻄﻴﺒﺞ ﺷﻜﻮ ﺭﺍﻳﺤﺔ ﻭﻳﻤﺘﺔ ﻟﺤﮕﺘﻲ ﺍﺗﻀﻮﺟﻴﻦ
ﻣﺮﻳﻢ : ﻭﺍﻧﺘﻲ ﺷﻜﻮ .. ﺍﺩﻡ ﺣﺒﺎﺏ
ﺍﺩﻡ : ﻻ ﺍﻟﺒﺎﺭﺣﺔ ﻃﺎﻟﻌﺔ ﺧﻠﻴﻬﺔ ﻋﻠﻰ ﻏﻴﺮ ﻣﺮﺓ
ﻣﺮﻳﻢ : ﻫﻮﻭﻭﻭﻑ .. ﻣﺎﺷﻲ
ﺍﺩﻡ : ﻣﺎﺷﻲ ﻟﻌﺪ ﻣﺤﺘﺎﺟﻴﻦ ﺷﻲﺀ ﻳﻼ ﺑﻨﺎﺕ
ﺳﻌﺎﺩ ﻭﻫﻲ ﺗﺪﺧﻞ ﺍﻟﻰ ﺍﻟﺼﺎﻟﺔ
ﺳﻌﺎﺩ : ﻭﻳﻦ ﻋﻠﻰ ﺍﻟﻠﻪ ﻭﺍﺷﻮ ﻣﺎﺧﺬ ﺍﻟﻔﺼﻠﻴﺔ ﻭﻳﺎﻙ
ﺍﺩﻡ : ﺍﻣﻲ ﺍﻧﻲ ﻣﺎﺧﺬ ﻣﻠﻚ ﺣﺘﺔ ﺍﺗﺠﻬﺰ ﻧﻔﺴﻬﺔ ﻟﻠﺪﻭﺍﻡ ﻫﻲ ﻭﺭﻳﻢ
ﺃﻣﻞ : ﻭﺷﻜﻮ ﻫﻲ ﻓﺼﻠﻴﺔ ﺍﻛﻴﺪ ﻋﺪﻫﺔ ﻣﻼﺑﺲ ﻭﺗﻠﺒﺲ ﻣﻨﻬﻢ ﺷﻜﻮ ﺻﺮﻑ ﺍﻟﻔﻠﻮﺱ
ﺳﻌﺎﺩ : ﻭﻫﻮ ﺑﻜﻴﻔﻬﺔ ﺗﻄﻠﻊ
ﻣﻠﻚ : ﺀﺍﺍﺍﺀﺀ ﺍﺩﻡ ﺗﺮﺓ ﻛﻼﻡ ﺧﺎﻟﺔ ﺻﺢ ﻭﺍﻧﻲ ﮔﻠﺘﻠﻬﺎ ﻟﺮﻳﻢ ﺑﺲ ﻫﻲ ﮔﺎﻟﺖ ﺗﺮﻳﺪ ﻣﺴﺎﻋﺪﺗﻲ ﺑﺨﺘﻴﺎﺭ ﻣﻼﺑﺴﻬﺔ ﻭﮔﺎﻟﺖ ﺭﻧﺪ ﻣﺎ ﻋﺪﻫﺎ ﻣﻼﺑﺲ ﺍﻧﻲ ﻣﻤﺤﺘﺎﺟﺔ ﻋﻨﺪﻱ ﺍﺷﺘﺮﻳﺖ ﻗﺒﻞ ﻻ ﺍﺟﻲ
ﺍﺣﻼﻡ : ﻭﺍﻧﺘﻲ ﻣﻨﻮ ﺍﻧﻄﺎﺝ ﺍﻹﺫﻥ ﺣﺘﻰ ﺍﻃﻠﻌﻴﻦ
ﺃﻣﻞ : ﻳﻼ ﻋﻠﻰ ﺍﻟﻤﻄﺒﺦ ﺟﻬﺰﻱ ﺍﻟﻌﺸﺔ
ﻧﺪﻯ : ﺧﺎﻟﺔ ﺧﻄﻴﺔ ﺗﺮﺓ ﻫﻲ ﻣﺠﻬﺰﺓ ﺍﻟﻌﺸﺔ ﺑﺲ ﺑﻘﺔ ﻧﺼﺒﺔ ﺧﻠﻴﻬﺎ ﺗﻄﻠﻊ
ﺳﻌﺎﺩ : ﺍﻋﺘﻘﺪ ﺍﻧﻲ ﮔﻠﺖ ﻣﺘﻄﻠﻊ ﻻﻥ ﻣﻤﺎﺧﺬﺓ ﺍﻹﺫﻥ ﻭﺍﻧﺘﻲ ﻻ ﺗﻀﻠﻴﻦ ﻭﺍﻛﻔﺔ ﻳﻼ ﻋﻠﻰ ﺍﻟﻤﻄﺒﺦ
ﻣﻠﻚ : ﺣﺎﺿﺮ ﺑﺲ ﺍﺻﻌﺪ ﺭﻧﺪ ﻭﺍﺟﻲ
ﺍﺩﻡ ( ﺑﺼﻴﺎﺡ ) : ﻣﻠﻠﻠﻠﻠﻚ ﺍﻧﻲ ﻃﺮﻃﻮﺭ ﺍﻫﻨﺎ .. ﻣﺎﻣﺎ ﺗﺮﺓ ﺍﻧﻲ ﺯﻭﺟﻬﺎ ﻭﺇﺫﺍ ﺗﺮﻳﺪ ﺷﻲﺀ ﺗﺄﺧﺬ ﺍﻹﺫﻥ ﻣﻨﻲ ﻭﻫﺴﺔ ﺍﻧﻲ ﮔﺎﻳﻠﻠﻬﺔ ﻭﻫﺴﺔ ﺭﺍﺡ ﺍﺧﺬﻫﺎ ﻭﺍﻃﻠﻊ ﻭﻫﻲ ﻣﻮ ﺍﺳﻤﻬﺎ ﻓﺼﻠﻴﺔ ﺍﻋﺘﻘﺪ ﮔﺘﻠﻜﻢ ﺍﺳﻤﻬﺎ ﻣﻠﻚ .. ﻭﻫﺴﺔ ﻣﻠﻚ ﺗﺄﺧﺬﻳﻦ ﺭﻧﺪ ﻭﺭﻭﺣﻲ ﻟﻠﺴﻴﺎﺭﺓ ﺑﺴﺮﻋﺔ ﻭﺍﻧﺘﻲ ﻫﻢ ﺭﻳﻢ .. ﺑﺴﺮﺭﺭﺭﻋﺔ
ﻣﻠﻚ : ﺣﺎﺿﺮ 😰😨
ﺳﻌﺎﺩ : ﻭﺍﻟﻠﻪ ﺧﻮﺵ ﺃﻧﻮﺏ ﮔﻤﺖ ﺍﺗﺼﻴﺢ ﻋﻠﻰ ﺃﻣﻚ ﻣﻦ ﻭﺭﺓ ﻭﺣﺪﺓ ﻣﺜﻠﻬﺔ ﮔﺘﻠﻚ ﻣﺴﺘﺤﻴﻞ ﺍﻋﺘﺒﺮﻫﺎ ﺃﻟﻚ ﻣﺮﺓ ﻛﻠﻬﺔ ﺧﺪﺍﻣﺔ ﺳﻨﺔ ﻭﻧﺨﻠﺺ ﻣﻨﻬﺎ
ﺍﺩﻡ : ﻣﻨﻮ ﮔﻠﻠﻜﻢ ﺍﻧﻲ ﺭﺍﺡ ﺍﻃﻠﮕﻬﺎ ﺍﺻﻼً ﺭﺍﺡ ﺍﻋﻘﺪ ﻋﻠﻴﻬﺎ ﻣﺤﻜﻤﺔ
ﺳﻌﺎﺩ : ﻫﺬﺍ ﺍﻟﻨﺎﻗﺺ ﺗﻌﻘﺪﻟﻲ ﻋﻠﻰ ﺧﺪﺍﻣﺔ
ﺍﺩﻡ : ﻣﺎﻣﺎ ﺍﺳﻤﻬﺎ ﻣﻠﻚ ﻭﻫﻲ ﻣﻮ ﺧﺪﺍﻣﺔ ﻫﻲ ﺯﻭﺟﺘﻲ ﻭﺷﺒﻴﻬﺎ ﻫﺎﺍ ﺗﺮﺩﻳﻦ ﺍﺗﺰﻭﺟﻴﻨﻲ ﻭﺍﻟﻠﻪ ﻣﺎ ﺍﻟﮕﺔ ﺍﺣﺴﻦ ﻣﻨﻬﺎ ﺷﺎﻳﻠﺔ ﺑﻨﺘﻲ ﻭﺷﺎﻳﻠﺘﻨﻲ ﺑﺎﻟﺼﻠﻮﺍﺕ ﻓﻮﮒ ﻣﺎ ﺷﻐﻞ ﺍﻟﺒﻴﺖ ﻛﻠﺔ ﻋﻠﻴﻬﺎ ﻭﺍﻧﻲ ﺭﺍﺡ ﺍﻓﺎﺗﺢ ﺟﺪﻭ ﺑﺎﻟﻤﻮﺿﻮﻉ ﺍﺫﺍ ﻭﺍﻓﻖ ﻓﺄﻧﻲ ﺍﻷﺳﺒﻮﻉ ﺍﻟﺠﺎﻱ ﻋﺎﻗﺪ ﻋﻠﻴﻬﺎ
ﺳﻌﺎﺩ : ﻣﻮ ﻫﻮ ﺑﻜﻴﻔﻚ ﻳﻌﻨﻲ ﺍﻱ ﻣﺎ ﻋﺎﺟﺒﺘﻨﻲ ﻭﺍﻧﻲ ﺃﻣﻚ ﺍﺩﺭﻯ ﺑﻤﺼﻠﺤﺘﻚ
ﺍﺩﻡ : ﺑﺲ ﻫﺎﻱ ﺣﻴﺎﺗﻲ ﻭﺍﻧﻲ ﺍﺩﺭﻯ ﺑﻴﻬﺎ ﻭﺍﻋﺮﻑ ﺍﻟﻲ ﺍﺑﺎﻟﺞ ﺑﺲ ﻣﺮﺍﺡ ﺍﺣﻘﻘﺔ ﻓﺎﻧﻲ ﺃﺳﻒ ﻣﻘﺪﻣﺎً
ﺳﻌﺎﺩ : ﻳﻌﻨﻲ ﺗﺪﺭﻱ ﻣﻨﻮ ﺍﻟﻲ ﺭﺍﻳﺪﺗﻠﻜﻴﺎﻫﺎ ﻭﻓﻮﮒ ﻫﺬﺍ ﻛﻠﺔ ﻣﻌﺎﻧﺪ
ﺍﺩﻡ : ﺍﻱ ﻓﺸﻴﻠﻲ ﺍﻟﻔﻜﺮﺓ ﻣﻦ ﺑﺎﻟﺞ ﺭﺟﺎﺀﺃً
ﺳﻌﺎﺩ : ﻣﺎ ﺍﺷﻴﻠﻬﺔ ﺍﻧﺘﺔ ﺗﺸﻴﻠﻲ ﻫﻞ ﻓﺼﻠﻴﺔ ﻣﻦ ﺑﺎﻟﻚ
ﺍﺩﻡ : ﻣﺎ ﺍﺷﻴﻠﻬﺔ ﻭﻫﺴﺔ ﻣﻊ ﺍﻟﺴﻼﻣﺔ ﻣﻦ ﻧﺮﺟﻊ ﺍﻳﺼﻴﺮ ﺧﻴﺮ
ﺧﺮﺝ ﺍﺩﻡ ﻭﺫﻫﺐ ﺍﻟﻰ ﺍﻟﺴﻴﺎﺭﺓ ﻓﻮﺟﺪ ﻣﻠﻚ ﺗﺠﻠﺲ ﺑﺎﻟﺨﻠﻒ ﻣﻊ ﺭﻳﻢ ﻭﺭﻧﺪ .. ﺍﺩﻡ ﻭﻫﻮ ﻳﻔﺘﺢ ﺑﺎﺏ ﺍﻟﺴﻴﺎﺭﺓ ﻣﻦ ﺟﻬﺔ ﻣﻠﻚ
ﺍﺩﻡ : ﺍﻧﺰﻟﻲ ﻳﻼ
ﻣﻠﻚ : ﻫﺎﺍﺍ
ﺍﺩﻡ : ﺑﺴﺮﻋﺔ ... ﺻﻌﺪﻱ ﻟﻴﮕﺪﺍﻡ
ﻣﻠﻚ : ﻫﺎﺍﺍ 😧
ﺍﺩﻡ : ﺷﺒﻴﺞ ﻓﻀﻴﻨﻲ
ﻣﻠﻚ : ﺣﺎﺿﺮ
ﺻﻌﺪﺕ ﻣﻠﻚ ﻟﻴﮕﺪﺍﻡ ﻭ ﺭﻧﺪ ﺑﺤﻈﻨﻬﺎ ﺍﻣﺎ ﺭﻳﻢ ﻓﻜﺎﻧﺖ ﻓﺮﺣﺔ ﻣﻦ ﺍﺟﻞ ﻣﻠﻚ ﺍﻣﺎ ﻣﻠﻚ ﻓﻠﻢ ﺗﺘﻜﻠﻢ ﺑﻜﻠﻤﺔ ﻣﻦ ﺻﺪﻣﺘﻬﺎ ﺍﻣﺎ ﺍﺩﻡ ﻓﻜﺎﻥ ﺍﻟﻐﻀﺐ ﻳﺤﺘﻠﻪ ﻭﻻ ﻳﻌﻠﻢ ﺍﻟﺴﺒﺐ .. ﻭﺻﻠﻮﺍ ﺍﻟﻰ ﺍﻟﻤﻮﻝ ﻭﺑﺪﺃﻭﺍ ﺑﺎﻟﺘﺴﻮﻕ ﻭﺑﻌﺪﻫﺎ ﺗﻨﺎﻭﻟﻮﺍ ﺍﻟﻌﺸﺎﺀ ﻭﻋﺎﺩﻭﺍ ﺍﻟﻰ ﺍﻟﻤﻨﺰﻝ ﻣﺘﺄﺧﺮﻳﻦ ﻓﻜﺎﻥ ﺍﻟﺠﻤﻴﻊ ﻧﻴﺎﻡ ﺫﻫﺒﺖ ﺭﻳﻢ ﺍﻟﻰ ﻏﺮﻓﺘﻬﺎ ﻭﺍﺧﺬﺕ ﻣﻠﻚ ﺭﻧﺪ ﻏﻴﺮﺕ ﻟﻬﺎ ﻣﻼﺑﺴﻬﺎ ﻭﻧﻮﻣﺘﻬﺎ ﺛﻢ ﺫﻫﺒﺖ ﺃﺧﺬﺕ ﺣﻤﺎﻡ ﻭﻋﻨﺪ ﺧﺮﻭﺟﻬﺎ ﻣﻦ ﺍﻟﺤﻤﺎﻡ ﻭﺟﺪﺕ ﺍﺩﻡ ﻳﺪﺧﻞ ﺍﻟﻰ ﺍﻟﻐﺮﻓﺔ ﻭﻳﺤﻤﻞ ﺍﻻﻛﻴﺎﺱ
ﻣﻠﻚ : ﺍﻧﻄﻴﻨﻴﺎﻫﻢ ﺑﺎﺟﺮ ﺍﺧﻠﻲ ﻛﻠﺸﻲ ﺑﻤﻜﺎﻧﺔ
ﺍﺩﻡ : ﻭﺩﻳﻬﻢ ﻭﺗﻌﺎﻟﻲ ﺍﺭﻳﺪ ﺍﺣﺠﻲ ﻭﻳﺎﺝ
ﻣﻠﻚ : ﻫﺎﺍﺍ .. ﻣﺎﺷﻲ
ﺍﺩﻡ : ﻣﻠﻚ ﺍﻧﺘﻲ ﺗﺤﺒﻴﻦ ﺭﻧﺪ
ﻣﻠﻚ : ﺍﻱ ﺍﺻﻼً ﺍﻋﺘﺒﺮﻫﺔ ﺑﻨﺘﻲ ﻫﻲ ﺣﻴﻞ ﻣﺤﺒﻮﺑﺔ
ﺍﺩﻡ : ﻣﻠﻚ ﺗﺪﺭﻳﻦ ﺍﻧﺘﻲ ﻻﺯﻡ ﻭﺭﺓ ﺍﻟﺴﻨﺔ ﻣﺎﻝ ﺍﻟﻤﺮﺣﻮﻡ ﺍﻃﻠﮕﺞ ﻣﻮ
ﻣﻠﻚ : ﺑﻜﻴﻔﻚ
ﺍﺩﻡ : ﻳﻌﻨﻲ ﻣﮕﻠﺞ ﺍﺑﻮﺝ ﺍﺗﻔﻘﻨﺎ ﺳﻨﺔ ﻭﺗﺮﺟﻌﻴﻦ ﻷﻫﻠﺞ
ﻣﻠﻚ : ﻻ ﻣﺎ ﺍﺩﺭﻱ
ﺍﺩﻡ : ﻣﻮ ﺍﻧﻲ ﻣﺎ ﺍﺭﻳﺪ ﺍﻃﻠﮕﺞ
ﻣﻠﻚ : ﻫﺎﺍﺍ ..😳 ﻟﻴﺶ
ﺍﺩﻡ : ﺻﺮﺍﺣﺔ ﻭﻣﺜﻞ ﻣﮕﺘﻠﺞ ﺍﻧﻲ ﺍﺣﺐ ﻣﺮﺗﻲ ﻭﻣﺎ ﺍﺭﻳﺪ ﺃﺧﻮﻧﻬﺎ ﻭﺍﻣﻲ ﺗﺮﻳﺪﻧﻲ ﺍﺗﺰﻭﺝ ﻧﻮﺭ ﺃﺧﺖ ﻧﻮﺭﻫﺎﻥ ﻋﻠﻤﻮﺩ ﺗﺤﺒﻬﺎ ﻭﻋﻠﻤﻮﺩ ﺑﻨﺘﻲ ﺑﺲ
ﻣﻠﻚ : ﺑﺲ ﺍﻟﻤﺸﻜﻠﺔ ﻣﻮ ﺑﻨﻮﺭ ﻻﻥ ﻧﻮﺭ ﺍﺗﺤﺒﻚ ﺍﻧﺘﺔ ﺧﺎﻳﻒ ﻋﻠﻰ ﺭﻧﺪ
ﺍﺩﻡ : ﺻﺢ 😧
ﻣﻠﻚ : ﺷﺒﻴﻚ
ﺍﺩﻡ : ﻻ ﻭﻻ ﺷﻲﺀ ﺑﺲ ﺍﻧﻲ ﻣﺮﺗﺎﺡ ﻭﻳﺎﺝ ﻭﺣﺘﺔ . ﺭﻧﺪ ﺑﻨﺘﻲ ﻣﺮﺗﺎﺣﺔ ﻓﺄﺫﺍ ﺍﻋﻘﺪ ﻋﻠﻴﺞ ﻣﺤﻜﻤﺔ ﺗﻮﺍﻓﻘﻴﻦ
ﻣﻠﻚ : ﻫﺎﺍﺍ .. ﺑﻜﻴﻔﻚ ﻣﺎ ﺍﺩﺭﻱ
ﺍﺩﻡ : ﻻ ﺍﺭﻳﺪ ﺍﺗﻔﻜﺮﻳﻦ ﻭﺗﻨﻄﻴﻨﻲ ﻗﺮﺍﺭ ﺑﺲ ﺭﺍﺡ ﺍﮔﻮﻟﭽﻴﺎﻫﺎ ﻣﻦ ﻫﺴﺔ ﻭﺿﻌﻨﺎ ﻳﺒﻘﻰ ﻧﻔﺴﺔ
ﻣﻠﻚ : ﻣﺎﺷﻲ ﻣﻮﺍﻓﻘﺔ
ﺍﺩﻡ : ﻣﻮﺍﻓﻘﺔ !🐡
ﻣﻠﻚ : ﺍﻱ .. ﻟﻴﺶ ﻣﺘﺮﻳﺪ ﺃﻭﺍﻓﻖ
ﺍﺩﻡ : ﻻ ﺑﺎﻟﻌﻜﺲ ﺑﺲ ﺻﺪﻣﺘﻴﻨﻲ ﺑﺴﺮﻋﺔ ﻭﺍﻓﻘﺘﻲ
ﻣﻠﻚ : ﻻﻥ ﺭﺍﺡ ﺗﺨﻠﻴﻨﻲ ﺍﻛﻤﻞ ﺩﺭﺍﺳﺔ ﻭﻫﺬﺍ ﺍﻫﻢ ﺳﺒﺐ ﻭﻣﺘﺮﻳﺪ ﺷﻲﺀ ﻣﻨﻲ ﻏﻴﺮ ﺍﻫﺘﻢ ﺑﺮﻧﺪ ﻭﻫﺬﺍ ﺍﻟﺸﻲﺀ ﺍﻧﻲ ﺍﺭﻳﺪﺓ ﻻﻥ ﺑﺼﺮﺍﺣﺔ ﺣﻴﻞ ﺍﺗﻌﻠﻘﺖ ﺑﻴﻬﺔ ﻭﺑﻌﺪﻳﻦ ﺍﺫﺍ ﺍﺭﺟﻊ ﻷﻫﻠﻲ ﺳﻤﻌﺘﻲ ﻣﻮ ﺣﻠﻮﺓ ﺗﺼﻴﺮ ﻭﻳﺠﻮﺯ ﺑﺎﺑﺎ ﻣﻴﺨﻠﻴﻨﻲ ﺍﻛﻤﻞ ﻣﻦ ﻭﺭﺓ ﻛﻼﻡ ﺍﻟﻨﺎﺱ ﻟﻬﺬﺍ ﺭﺍﺡ ﺃﻭﺍﻓﻖ ﺑﺴﻬﻮﻟﺔ
ﺍﺩﻡ : ﻫﻤﻤﻢ .. ﻳﻌﻨﻲ ﺍﻧﺘﻲ ﻣﻮﺍﻓﻖ ﻋﻠﻤﻮﺩ ﺍﻟﺪﺭﺍﺳﺔ
ﻣﻠﻚ : ﺍﻱ ﻻﻥ ﺍﻫﻢ ﺷﻲﺀ ﺑﺎﻟﺤﻴﺎﺓ ﻫﻮ ﺍﻟﺪﺭﺍﺳﺔ ﻭﻻﺯﻡ ﺍﺿﻤﻦ ﻣﺴﺘﻘﺒﻠﻲ ﻭﻋﻠﻤﻮﺩ ﺭﻧﺪ ﻫﻢ
ﺍﺩﻡ : ﺍﻭﻛﻲ ﻫﺴﺔ ﺍﻧﻲ ﺣﻨﺎﻡ ﻭﺑﺎﺟﺮ ﺍﻧﺸﺎﺀ ﺍﻟﻠﻪ ﺍﻓﺎﺗﺢ ﺟﺪﻭ ﺑﺎﻟﻤﻮﺿﻮﻉ
ﻣﻠﻚ : ﺑﺮﺍﺣﺘﻚ ﻳﻼ ﻟﻌﺪ ﺗﺼﺒﺢ ﻋﻠﻰ ﺧﻴﺮ
ﺍﺩﻡ : ﻭﺍﻧﺘﻲ ﻫﻢ
ﺍﺩﻡ 🏻👈 ﺭﻳﻢ ﮔﻠﺘﻠﻲ ﺗﺮﻳﺪ ﺍﻧﺠﻬﺰ ﻧﻔﺴﻬﺔ ﻟﻠﺪﻭﺍﻡ ﻭﺭﺍﺩﺕ ﻣﻠﻚ ﻫﻢ ﺍﺗﺮﻭﺡ ﻭﺍﻓﻘﺖ ﻻﻥ ﺧﻄﻴﺔ ﻣﻦ ﺍﺟﺘﻲ ﻭﺩﺧﻠﺖ ﻟﺒﻴﺘﻨﺔ ﺑﻌﺪ ﻣﻄﻠﻌﺖ ﮔﻠﺖ ﻫﻢ ﺍﺗﻐﻴﺮ ﺟﻮ ﻭﻫﻢ ﺍﺗﺠﻬﺰ ﻧﻔﺴﻬﺔ ﺍﻳﺠﻮﺯ ﺧﻄﻴﺔ ﺻﺪﮒ ﺗﺴﺘﺤﻲ ﮔﺘﻠﻬﺔ ﻳﺘﺠﻬﺰﻥ ﻋﻠﻰ ٦ ﻃﻠﻌﺖ ﺭﺣﺖ ﻳﻢ ﺑﺎﺑﺎ ﻭﺍﻧﻄﻴﺘﺔ ﺧﺒﺮ ﺑﻄﻠﻌﺘﻨﺔ ﻓﺮﺡ ﻣﺪﺭﻱ ﺷﻤﺴﻮﻳﺘﻠﻬﻢ ﻫﻞ ﻣﻠﻚ ﺭﺟﻌﺖ ﻟﮕﻴﺖ ﻋﻤﺘﻲ ﻭﺍﻟﺒﻨﺎﺕ ﮔﺎﻋﺪﺍﺕ ﻋﻠﻰ ﺍﻟﺘﻠﻔﺰﻳﻮﻥ ﺻﻌﺪﺕ ﻓﻮﮒ ﻟﮕﻴﺖ ﺭﻧﺪ ﻣﺒﺪﻟﺔ ﻭﮔﺎﻋﺪﺓ ﻋﻠﻰ ﺍﻟﭽﺮﺑﺎﻳﺔ ﺑﺲ ﺍﻧﺼﺪﻣﺖ ﺑﻤﻠﻚ ﺻﺢ ﻻﺑﺴﺔ ﻛﻠﺔ ﺍﺳﻮﺩ ﺑﺲ ﻣﻄﻠﻌﻬﺎ ﺍﺗﺨﺒﻞ ﻭﺭﻏﻢ ﻣﻤﺨﻠﻴﺔ ﻭﻻ ﻗﻄﺮﺓ ﻣﻜﻴﺎﺝ ﻫﻴﺞ ﻫﺬﻱ ﺍﺫﺍ ﺗﺨﻠﻲ ﻣﻜﻴﺎﺝ ﺷﺘﺼﻴﺮ ﺑﻌﺪﻳﻦ ﺍﻧﺘﺒﻬﺖ ﻟﻨﻔﺴﻲ ﮔﻠﺘﻠﻬﺎ ﺧﻠﺼﺘﻲ ﮔﺎﻟﺖ ﺍﻱ ﺑﺲ ﺭﻳﻢ ﻭﺍﺣﻨﺎ ﺩﺍ ﻧﺤﺠﻲ ﺍﺟﺘﻲ ﺭﻳﻢ ﻭﻃﻠﻌﻨﺎ ﻣﻦ ﻧﺰﻟﻨﺎ ﺑﺲ ﺷﺎﻓﺘﻨﺎ ﻣﺮﻳﻢ ﺭﺍﺩﺕ ﺗﻄﻠﻊ ﻭﻳﺎﻧﺎ ﻭﺍﻛﻴﺪ ﺍﺫﺍ ﻃﻠﻌﺖ ﻧﻮﺭ ﺭﺍﺡ ﺗﺠﻲ ﻭﻳﺎﻧﺎ ﺍﺟﻴﺖ ﺍﺣﺠﻲ ﺑﺲ ﻫﻢ ﺯﻳﻦ ﺭﻳﻢ ﻭﮔﻔﺘﻬﺎ ﺃﻧﻮﺏ ﺍﺟﻴﺖ ﺍﻃﻠﻊ ﺍﺟﺘﻲ ﺍﻣﻲ ﻣﺎ ﺍﺩﺭﻱ ﻟﻴﺶ ﺿﺠﺖ ﻣﻦ ﻃﻨﺸﺘﻨﻲ ﻭﺳﻤﻌﺖ ﻛﻼﻣﻬﻢ ﻭﺷﻠﻮﻥ ﺗﺴﻜﺖ ﻋﻠﻰ ﻛﻞ ﻫﺬﺍ ﺍﻟﺤﭽﻲ ﺍﻟﻲ ﺗﺴﻤﻌﺔ ﻣﺎ ﺍﺩﺭﻱ ﻣﻴﻦ ﺁﻟﻬﺔ ﻫﺎﻱ ﺍﻟﻘﺎﺑﻠﻴﺔ ﻋﻄﺖ ﻋﻠﻴﻬﺎ ﻭﮔﺘﻠﻬﺎ ﺗﺄﺧﺬ ﺭﻧﺪ ﻭﺗﺮﻭﺡ ﻟﻠﺴﻴﺎﺭﺓ ﺿﻮﺟﻨﻲ ﺳﻜﻮﺗﻬﺎ ﻭﻣﺎ ﺍﺩﺭﻱ ﺷﻠﻮﻥ ﮔﻠﺖ ﻫﻴﺞ ﺍﻧﻲ ﻣﭽﺎﻥ ﻫﺬﻱ ﺍﻟﻔﻜﺮﺓ ﺃﺑﺎﻟﻲ ﺍﺑﺪ ﻣﺎﻝ ﺍﻋﻘﺪ ﻋﻠﻴﻬﺎ ﻭﺭﺍﻫﺎ ﻃﻠﻌﺖ ﻻﻥ ﺍﺩﺭﻱ ﺑﺄﻣﻲ ﻭﻋﻤﺔ ﺃﻣﻞ ﻣﺘﻔﻘﺎﺕ ﻋﻠﻤﻮﺩ ﺃﺧﺬ ﻧﻮﺭ ﺑﺲ ﺍﻧﻲ ﺍﺑﺪ ﻣﻤﻔﻜﺮ ﺑﻴﻬﺔ ﺍﺻﻼً ﻣﺎ ﺍﻃﻴﻘﻬﺎ ﻭﺻﻠﺖ ﻳﻢ ﺍﻟﺴﻴﺎﺭﺓ ﺷﻔﺘﻬﻦ ﮔﺎﻋﺪﺍﺕ ﻟﻴﻮﺭﺓ ﺑﺎﻭﻋﺘﻠﻬﺎ ﺧﺎﻟﺔ ﺭﻧﺪ ﺑﺤﻀﻨﻬﺎ ﻭﻫﻲ ﺳﺎﻛﺘﺔ ﻭﻣﺒﻴﻦ ﺧﺎﻳﻔﺔ ﺭﻏﻢ ﺍﺩﺭﻱ ﻫﻲ ﺩﺍ ﺗﺤﺎﻭﻝ ﺗﺨﻔﻲ ﻫﺬﺍ ﺍﻟﺸﻲﺀ ﺧﻠﻴﺘﻬﺎ ﺗﺮﻛﺐ ﻟﻴﮕﺪﺍﻡ ﻭﺻﻠﻨﺎ ﺍﻟﻤﻮﻝ ﺍﺑﺎﻭﻋﻠﻬﺎ ﻣﻮ ﻣﺜﻞ ﺑﺎﻗﻲ ﺍﻟﺒﻨﺎﺕ ﺷﮕﻴﺪ ﺍﻓﺘﺮﻳﻨﺎ ﺷﮕﺪ ﻣﺮﻳﻨﺔ ﻣﻦ ﻣﺤﻼﺕ ﻣﻼﺑﺲ ﺍﺑﺪ ﻣﮕﺎﻟﺖ ﺍﺭﻳﺪ ﻣﺎ ﺍﺩﺭﻱ ﺗﺴﺘﺤﻲ ﻃﻮﻝ ﺍﻟﻄﻠﻌﺔ ﻳﺎ ﺍﻣﺎ ﺗﺸﺘﺮﻱ ﻟﺮﻧﺪ ﻳﺎ ﺍﻣﺎ ﺗﻨﻄﻲ ﺭﺃﻳﻬﺎ ﺑﻐﺮﺍﺽ ﺭﻳﻢ ﻭﻋﺠﺒﻨﻲ ﻫﺪﻭﺋﻬﺎ ﻭﺗﺼﺮﻓﺎﺗﻬﺎ ﺍﺑﺪ ﻣﺮﻓﻌﺖ ﺭﺃﺳﻬﺎ ﻃﻮﻝ ﺍﻟﻄﻠﻌﺔ ﺍﻧﺘﺒﻬﺘﻠﻬﺔ ﻳﻢ ﻣﺤﻞ ﻛﺘﺐ ﻭﮔﻔﺖ ﮔﺘﻠﻬﺔ
ﺍﺩﻡ : ﺗﺪﺧﻠﻴﻦ
ﻣﻠﻚ : ﺍﻳﺼﻴﺮ
ﺍﺩﻡ : ﺍﻱ ﻓﻮﺗﻲ
ﻣﻠﻚ : ﺷﻜﺮﺍً ﺑﺲ ﺍﺟﻴﺐ ﻛﺘﺎﺏ ﻋﺎﺟﺒﻨﻲ ﻭﺍﺟﻲ
ﺍﺩﻡ : ﺁﺧﺬﻱ ﺭﺍﺣﺘﺞ
ﺭﻳﻢ : ﺍﻧﻄﻴﻨﻲ ﺭﻧﺪ ﺭﺍﺡ ﺍﻧﺘﻀﺮﻛﻢ ﺍﻫﻨﺎ ﺍﻧﻲ
ﺍﺩﻡ : ﻣﺎﺷﻲ
ﻣﻠﻚ : ﻣﺎ ﺃﺗﺄﺧﺮ ﺩﻳﺮﻱ ﺑﺎﻟﺞ ﻋﻠﻴﻬﺎ
* ﻓﻲ ﺍﻟﻤﺤﻞ
ﻣﻠﻚ : ﺍﻟﺴﻼﻡ ﻋﻠﻴﻜﻢ ﺑﺲ ﺑﻼ ﺯﺣﻤﺔ ﺍﻛﻮ ﻛﺘﺎﺏ ﺃﻧﺖَ ﻟﻲ ؟؟
ﺻﺎﺣﺐ ﺍﻟﻤﺤﻞ : ﻭﻋﻠﻴﻜﻢ ﺍﻟﺴﻼﻡ .. ﺍﻱ ﻣﻮﺟﻮﺩ
ﻣﻠﻚ : ﺍﺭﻳﺪ ﺍﻟﺠﺰﺋﻴﻦ ﺍﺫﺍ ﻣﻤﻜﻦ ﻭﺃﺭﻳﺪ ﻛﺘﺎﺏ ﻛﻦ ﻗﻮﻳﺎً ﺍﺫﺍ ﻣﻮﺟﻮﺩ
ﺻﺎﺣﺐ ﺍﻟﻤﺤﻞ : ﺍﻱ ﻣﻮﺟﻮﺩ ... ﺗﻔﻀﻠﻲ
ﻣﻠﻚ : ﺷﻜﺮﺍً ﺷﮕﻴﺪ ﺻﺎﺭ ﺣﺴﺎﺑﻲ ﺑﻼ ﺯﺣﻤﺔ
ﺻﺎﺣﺐ ﺍﻟﻤﺤﻞ : ١٩
ﺍﺭﺍﺩﺕ ﻣﻠﻚ ﺍﻥ ﺗﺪﻓﻊ ﻗﺎﻃﻌﻬﺎ ﺍﺩﻡ
ﺍﺩﻡ : ﺍﺗﻔﻀﻞ
ﻣﻠﻚ : ﻟﻴﺶ ﻋﻨﺪﻱ
ﺍﺩﻡ : ﺍﺫﺍ ﺑﻌﺪ ﻣﺮﺍﻳﺪﺓ ﺷﻲ ﻳﻼ ﺧﻠﻲ ﺍﻧﺮﻭﺡ
ﻣﻠﻚ : ﺍﻱ ﺣﺎﺿﺮ
ﺍﺩﻡ 🏻👈 ﺿﻮﺟﺘﻨﻲ ﻧﻈﺮﺍﺕ ﺍﺑﻮﺍﻟﻤﺤﻞ ﺍﻟﻬﺎ ﺻﺢ ﻫﻲ ﻣﺎ ﻣﻨﺘﺒﻬﺔ ﺑﺲ ﻣﻊ ﻫﺬﺍ ﺿﺠﺖ ﻃﻠﻌﻨﺎ ﻭﺭﻳﻢ ﮔﺎﻟﺖ ﺟﻮﻋﺎﻧﺔ ﺭﺣﻨﺔ ﺍﻛﻠﻨﺎ ﻃﺒﻌﺎً ﻫﻢ ﻣﻄﻠﺒﺖ ﺿﻮﺟﺘﻨﻲ ﻃﻠﺒﺘﻠﻬﺎ ﺑﻴﺘﺰﺍ ﻭﻛﻮﻻ ﺍﺑﺎﻭﻋﻠﻬﺎ ﺷﻠﻮﻥ ﻣﻬﺘﻤﺔ ﺑﺮﻧﺪ ﻭﺗﻮﻛﻠﻬﺎ ﻓﮕﺮﺕ ﮔﻠﺖ ﻟﻴﺶ ﻻ .. ﺧﻠﻲ ﺍﻋﻘﺪ ﻋﻠﻴﻬﺎ ﻻﻥ ﺻﺎﺭﺕ ﺧﻮﺵ ﺍﻡ ﻟﺮﻧﺪ ﻭﻣﻬﺘﻤﺔ ﺑﻴﺔ ﻭﺑﺎﻟﺒﻴﺖ ﻭﻫﻴﺞ ﺣﻀﻤﻦ ﺇﻧّﻮ ﺑﻌﺪ ﻣﻴﺄﺫﻭﻫﺎ ﺍﻛﻠﻨﺎ ﻭﺧﻠﺼﻨﺎ ﻭﺩﺍ ﻧﻔﺘﺮ ﺷﺎﻓﺖ ﻣﺤﻞ ﻣﻼﺑﺲ ﺃﻃﻔﺎﻝ ﺭﺍﺩﺕ ﺗﺪﺧﻠﺔ
ﻣﻠﻚ : ﻣﻤﻜﻦ ﺍﺩﺧﻞ
ﺭﻳﻢ : ﺍﻭﻭﻭﻑ ﺗﺮﺓ ﻛﺎﻓﻲ ﺷﮕﻴﺪ ﺷﺘﺮﻳﺘﻲ ﻟﺮﻧﺪ ﻭﺍﻧﺘﻲ ﻛﻠﺸﻲ ﻣﺸﺘﺮﻳﺘﻲ
ﻣﻠﻚ : ﻣﻮ ﮔﺘﻠﺞ ﻋﻨﺪﻱ ﻣﻤﺤﺘﺎﺟﺔ ﺑﺲ ﺭﻳﺮﻱ ﻣﻮ ﺣﺪﺍﻭﻡ ﻭﻳﺎﻳﺔ ﺍﻛﻴﺪ ﺭﺍﺡ ﺗﺤﺘﺎﺝ ﻣﻼﺑﺲ ﻭﺧﺼﻮﺻﺎً ﺍﻟﺸﺘﺎﺋﻴﺔ
ﺍﺩﻡ : ﻣﻠﻚ
ﻣﻠﻚ : ﻧﻌﻢ
ﺍﺩﻡ : ﺍﻭﻝ ﺷﻲﺀ ﻧﺪﺧﻞ ﻟﻬﺬﺍﻙ ﺍﻟﻤﺤﻞ ﺗﺸﺘﺮﻳﻠﺞ ﺳﻴﺖ ﻭﺭﺍﻫﺎ ﺍﺧﻠﻴﺞ ﺗﺸﺘﺮﻳﻦ ﻟﺮﻧﺪ
ﻣﻠﻚ : ﻫﺎﺍﺍ ... ﺑﺲ ﻣﻤﺤﺘﺎﺟﺔ
ﺍﺩﻡ : ﻻ ﺍﺫﺍ ﺗﺮﺩﻳﻦ ﺗﺸﺘﺮﻳﻦ ﻟﺮﻧﺪ ﺗﺸﺘﺮﻳﻠﺞ ﺳﻴﺖ ﻭﺍﺣﺪ ﻋﻠﻰ ﺍﻷﻗﻞ
ﺭﻳﻢ : ﻳﻼﺍﺍﺍ ﻣﻠﻚ .. ﺗﺪﺭﻳﻦ ﺍﻭﻝ ﻣﺮﺓ ﺍﺷﻮﻑ ﺑﻨﻴﺔ ﻣﺘﺤﺐ ﺗﺘﺴﻮﮒ
ﻣﻠﻚ : ﻣﻮ ﺍﺫﺍ ﻋﻨﺪﻱ ﻟﻴﺶ ﺍﺷﺘﺮﻱ
ﺭﻳﻢ : ﺍﻧﻲ ﺣﺘﺔ ﻟﻮ ﻋﻨﺪﻱ ﺍﺭﻳﺪ ﺑﻌﺪ 😂😂
ﻣﻠﻚ 😂:
ﺍﺩﻡ : 😂 ﻃﻤﺎﻋﺔ ﻣﻮ ﺑﻴﺪﺝ
ﻣﻠﻚ : ﻣﺎﺷﻲ ﺑﺲ ﺃﺧﺬ ﺷﻲﺀ ﻭﺍﺣﺪ
ﺍﺩﻡ : ﺍﻱ ﻣﻴﺨﺎﻟﻒ ﺑﺲ ﻳﻼ ﻻﻥ ﺍﺗﺄﺧﺮﻧﺎ
ﻣﻠﻚ : ﺑﺲ ﺍﺷﺘﺮﻱ ﻟﺮﻧﺪ ﻣﻮ ؟؟
ﺭﻳﻢ : ﺍﻳﻴﻲ ﻭﺍﻟﻠﻪ ﺍﺧﻠﻴﺞ ﺗﺸﺘﺮﻳﻠﻬﺎ ﺑﺲ ﻳﻼ
ﺍﺩﻡ 🏻👈 ﻋﺠﺒﺘﻨﻲ ﻗﻨﺎﻋﺘﻬﺎ ﻭﺯﺍﺩﺕ ﺛﻘﺘﻲ ﺑﻘﺮﺍﺭﻱ ﻣﻦ ﺷﻔﺘﻬﺎ ﺷﻠﻮﻥ ﻣﻬﺘﻤﺔ ﻟﺮﻧﺪ ﺭﺣﻨﺎ ﺃﺧﺬﺕ ﻓﺴﺘﺎﻥ ﺍﺳﻮﺩ ﻭﺳﺘﺮﺓ ﻛﺎﺑﻮﻱ ﺑﺪﻭﻥ ﺃﻛﻤﺎﻡ ﻓﻮﮔﺎﻫﺎ ﻭﻣﻘﺒﻠﺖ ﺗﺸﺘﺮﻱ ﺣﺬﺍﺀ ﺭﺍﺣﺖ ﺭﻳﻢ ﺍﺷﺘﺮﺗﻬﺎ ﻭﺍﺣﺪ ﻭﺭﻫﻤﺘﻠﻬﺎ ﺟﻨﻄﺔ ﻫﻢ .. ﻭﺭﺍﻫﺎ ﺭﺣﻨﺎ ﺍﺷﺘﺮﺕ ﻟﺮﻧﺪ ﻛﻮﻣﺔ ﻏﺮﺍﺽ ﻭﺭﺍﻫﺎ ﺭﺟﻌﻨﺎ ﻟﻠﺒﻴﺖ ﺩﺧﻠﻦ ﻟﻠﺒﻴﺖ ﺍﻧﻲ ﺩﺧﻠﺖ ﺍﻟﺴﻴﺎﺭﺓ ﻭﻗﻔﻠﺖ ﺍﻟﺒﻴﺖ ﻭﺷﺮﺑﺖ ﻣﻲ ﺻﻌﺪﺕ ﺷﻔﺘﻬﺎ ﺗﻮﻫﺎ ﻃﻠﻌﺖ ﻣﻦ ﺍﻟﺤﻤﺎﻡ ﮔﻠﺖ ﺧﻠﻲ ﺍﮔﻮﻟﻠﻬﺎ ﻋﻠﻰ ﻗﺮﺍﺭﻱ ﺧﺎﻑ ﺍﺗﺮﻳﺪ ﻣﻦ ﺗﻄﻠﮓ ﺗﺰﻭﺝ ﻫﺬﺍ ﺍﻟﻮﻟﺪ ﺍﻟﻲ ﺗﺤﺒﺔ ﺑﺲ ﺻﺪﻣﺘﻨﻲ ﻣﺘﻌﺮﻑ ﺇﻧّﻮ ﺍﺣﻨﺎ ﺍﺗﻔﻘﻨﺎ ﻭﻳﺔ ﺍﺑﻮﻫﺎ ﺳﻨﺔ ﻭﺗﻄﻠﮓ ﻭﺻﺪﻣﺘﻲ ﺍﻟﻜﺒﺮﻯ ﺑﻤﻮﺍﻓﻘﺘﻬﺎ ﻋﻠﻰ ﻛﻠﺸﻲ ﮔﻠﺘﺔ ﻭﺍﺗﻔﻜﺮ ﺑﻜﻠﺸﻲ ﻣﺒﻴﻨﺔ ﺫﻛﻴﺔ ﺻﺢ ﻛﻼﻣﻬﺎ ﺍﺫﺍ ﺍﻃﻠﮕﻬﺎ ﻭﺭﺓ ﺳﻨﺔ ﻣﺮﺍﺡ ﺍﻳﺮﺣﻤﻮﻫﺎ ﺍﻟﻨﺎﺱ ﻭﺣﭽﻴﻬﻢ ﺑﺲ ﻟﻴﺶ ﺍﻟﺪﺭﺍﺳﺔ ﺍﻫﻢ ﺷﻲﺀ ﻋﺪﻫﺔ ﺍﺩﺭﻱ ﺍﻟﻤﺴﺘﻘﺒﻞ ﻣﻬﻢ ﻟﻜﻞ ﻭﺍﺣﺪ ﻭﻛﻠﻬﺎ ﺍﺗﻔﻜﺮ ﺑﻲ ﺑﺲ ﻣﻮ ﻫﻴﺞ ﻭﺭﺍﻫﺎ ﻧﻤﻨﺔ ﮔﻌﺪﺕ ﺍﻟﺼﺒﺢ ﺍﻟﻴﻮﻡ ﺟﻤﻌﺔ ﻳﻌﻨﻲ ﻣﺎﻛﻮ ﺩﻭﺍﻡ ﻧﺰﻟﺖ ﺍﺗﺮﻳﮕﺖ ﻭﻃﺒﻌﺎً ﻣﺎ ﺷﻔﺘﻬﺎ ﺍﻛﻴﺪ ﺩﺍ ﺗﻨﻈﻒ ﺍﻭ ﺷﻮﻑ ﺷﺘﺴﻮﻱ 😒 ﺧﻠﺼﺖ ﺭﺣﺖ ﻟﻠﺼﺎﻟﺔ ﻋﻠﻤﻮﺩ ﺍﻓﺎﺗﺢ ﺟﺪﻱ ﺑﺎﻟﻤﻮﺿﻮﻉ ﻃﺒﻌﺎً ﺍﻣﻲ ﺯﻋﻼﻧﺔ ﻣﺘﺤﭽﻲ ﻭﻳﺎﻳﺔ ﻭﻋﻤﺔ ﺃﻣﻞ ﻭﺍﺣﻼﻡ ﻭﻧﻮﺭﻣﺘﺨﺒﻼﺕ ﺣﺘﺔ ﻣﺮﻳﻢ 😂....😂 ﺩﺧﻠﺖ ﻟﻠﺼﺎﻟﺔ ﻟﮕﻴﺖ ﺑﺎﺑﺎ ﻭﻋﻤﻮ ﺧﺎﻟﺪ ﻭﺟﺪﻭ ﻭﺭﺍﻣﻲ ﻭﺳﻴﻒ ﮔﺎﻋﺪﻳﻦ ﮔﻌﺪﺕ ﺳﻠﻤﺖ ﺷﻮﻱ ﻭﮔﻠﺖ ﺧﻠﻲ ﺃﻓﺎﺗﺤﻬﻢ
ﺍﺩﻡ : .......
ﻣﻠﻚ 🏻👈 ﻭﺭﺓ ﻣﺤﭽﻴﺖ ﻭﻳﺔ ﺭﻳﻢ ﺩﺧﻠﺖ ﺟﻬﺰﺕ ﺷﻐﻼﺕ ﻟﻠﻌﺸﺔ ﻭﺍﻧﻲ ﺩﺍ ﺍﺭﺗﺐ ﺷﻮﻱ ﺑﺎﻟﺒﻴﺖ ﺍﺟﺘﻲ ﺭﻳﻢ ﮔﺎﻟﺖ ﺍﺩﻡ ﺃﻳﺮﻳﺪ ﺍﻳﻄﻠﻌﻨﺎ ﻣﺮﺩﺕ ﺍﻃﻠﻊ ﻣﺎﻟﻲ ﺧﻠﮓ ﻛﻼﻡ ﻓﻮﮒ ﺍﻟﻲ ﺍﺳﻤﻌﺔ ﺑﺲ ﮔﺎﻟﺘﻠﻲ ﺗﺮﻳﺪﻧﻲ ﻭﻳﺎﻫﺎ ﻋﻠﻤﻮﺩ ﺗﺨﺘﺎﺭ ﻣﻼﺑﺴﻬﺔ ﻣﺎﻝ ﺍﻟﻤﺪﺭﺳﺔ ﺭﺣﺖ ﻛﻤﻠﺖ ﺍﻟﻌﺸﺔ ﻭﺍﺗﻔﻘﺖ ﻭﻳﺔ ﻧﺪﻯ ﺑﺲ ﺍﺗﺼﺒﺔ ﺍﻟﻬﻢ ﺭﺣﺖ ﺑﺪﻟﺖ ﻟﻤﻠﻚ ﻭﺑﺪﻳﺖ ﺍﺟﻬﺰ ﻧﻔﺴﻲ ﻭﺍﻧﻲ ﺩﺍ ﺍﻟﻒ ﺑﺎﻟﺸﺎﻝ ﺍﺟﺔ ﺍﺩﻡ ﺑﺲ ﺷﺎﻓﻨﻲ ﺟﻤﺪ ﺑﻤﻜﺎﻧﺔ ﻋﺒﺎﻟﻲ ﻣﻘﺎﺑﻞ ﻋﻠﻰ ﻟﺒﺴﻲ ﺃﻭﺷﻲﺀ ﻭﺭﺍﻫﺎ ﺭﺍﺡ ﻏﻴﺮ ﻣﻼﺑﺴﺔ ﺑﺎﻟﺤﻤﺎﻡ ﻭﻃﻠﻊ .. ﻧﺰﻟﻨﺔ ﻃﺒﻌﺎً ﻣﻘﺒﻠﻮﺍ ﻋﻠﻰ ﺇﺳﺎﺱ ﺍﻟﻔﺼﻠﻴﺔ ﻣﺘﻄﻠﻊ ﻭﺍﻟﻲ ﺍﻳﮕﻮﻝ ﻣﻤﺎﺧﺬﺓ ﺇﺫﻥ ﺭﺩﺕ ﺍﺑﻘﺔ ﺑﺲ ﺻﺪﻣﻨﻲ ﺍﺩﻡ ﺍﻭﻝ ﻣﺮﺓ ﺍﻳﺼﻴﺮ ﻋﺼﺒﻲ ﻋﻠﻴﺔ ﺧﻔﺖ ﺍﻟﺼﺮﺍﺣﺔ ﻻﻥ ﺗﻌﻮﺩﺕ ﻋﻠﻴﻪ ﻫﺎﺩﻱﺀ ﻃﻠﻌﺖ ﺧﻠﻴﺖ ﺭﻧﺪ ﺑﺤﻀﻨﻲ ﺷﻮﻱ ﻭﺍﺟﺔ ﮔﻠﻲ ﻧﺰﻟﻲ ﻋﺒﺎﻟﻲ ﺭﺍﺡ ﺍﺭﺟﻊ ﻟﻠﺒﻴﺖ ﺑﺲ ﺻﺪﻣﻨﻲ ﺃﻳﺮﻳﺪ ﺍﮔﻌﺪ ﻳﻤﺔ ﺑﺎﻟﺼﺪﺭ ﺭﺣﻨﺎ ﻃﺒﻌﺎً ﺍﻟﻤﻮﻝ ﺍﻳﺨﺒﻞ ﻭﺍﻟﻤﻼﺑﺲ ﻛﻠﺶ ﺣﻠﻮﺓ ﺑﺲ ﺍﻧﻲ ﻣﺤﺎﺳﺒﺔ ﺣﺴﺎﺏ ﺇﻧّﻮ ﺍﺷﺘﺮﻱ ﻣﻼﺑﺲ ﺃﺧﺬﺕ ﺑﺲ ﺧﻤﺴﻴﻦ ﺍﻟﻒ ﮔﻠﺖ ﺍﺷﺘﺮﻱ ﻛﺘﺐ ﻭﺇﺫﺍ ﻋﺠﺒﻨﻲ ﺷﻲﺀ ﺑﺲ ﻫﻮ ﻣﺎ ﻗﺒﻞ ﺍﺩﻓﻊ ﻛﻠﺔﻫﻮ ﻳﺪﻓﻊ ﺍﺳﺘﺤﻴﺖ ﺍﺷﺘﺮﻱ ﺷﻲ ﻭﻫﻮ ﻳﺪﻓﻊ ﺍﺗﻌﻮﺩﺕ ﺍﻋﺘﻤﺪ ﻋﻠﻰ ﻧﻔﺴﻲ ﻭﺍﻛﺘﻔﻲ ﺑﺎﻟﻌﻨﺪﻱ ﻣﻦ ﺟﻨﺖ ﺻﻐﻴﺮﺓ ﻫﻮ ﺻﺢ ﺍﻧﻲ ﻋﻨﺪﻱ ﺧﻮﺵ ﻣﺒﻠﻎ ﺑﺲ ﺿﻤﻴﺘﺔ ﺑﺎﻟﺒﻨﮓ ﺍﺩﺭﻱ ﺍﻟﺪﻧﻴﺎ ﻣﺪﺍﻳﻤﺘﻠﻲ ﺩﺍﺋﻤﺎً ﺗﺤﺐ ﺗﻠﻌﺐ ﻭﻳﺎﻳﺔ ﻭﺗﺄﺫﻳﻨﻲ ﺍﺳﺘﺤﻴﺖ ﻣﻦ ﺩﻓﻊ ﺍﻟﻔﻠﻮﺱ ﻫﻮ ﻣﺎﻝ ﺍﻟﻜﺘﺐ ﻭﺭﺍﻫﺎ ﺍﺗﻌﺸﻴﻨﺎ ﻭﻋﺠﺒﻨﻲ ﻓﺴﺘﺎﻥ ﺷﺘﺎﺋﻲ ﻋﻠﻰ ﮔﺪ ﺭﻧﺪ ﺭﺩﺕ ﺍﺩﺧﻞ ﻭﻣﺨﻼﻧﻲ ﺍﺷﺘﺮﻱ ﺁﻟﺔ ﺍﺷﺘﺮﻱ ﺷﻲ ﻟﻨﻔﺴﻲ ﺍﺩﺭﻱ ﺑﻨﻔﺴﻲ ﺑﺪﻳﺖ ﺃﻣﻴﻞ ﻵﺩﻡ ﺑﺲ ﻻﺯﻡ ﺃﺳﻴﻄﺮ ﻋﻠﻰ ﮔﻠﺒﻲ ﻭﺇﻻ ﺭﺍﺡ ﺍﺗﺄﺫﺓ ﺍﺷﺘﺮﻳﺖ ﻭﺭﺟﻌﻨﺎ ﻟﻠﺒﻴﺖ ﺑﺪﻟﺖ ﻭﺭﺓ ﺷﻮﻱ ﺍﺟﺔ ﺍﺩﻡ ﺍﺳﺘﻐﺮﺑﺖ ﺭﺍﺩ ﻳﺤﭽﻲ ﻭﻳﺎﻳﺔ ﺻﺪﻣﻨﻲ ﺑﺎﻟﺒﺪﺍﻳﺔ ﻛﻼﻣﺔ ﻭﺧﺼﻮﺻﺎً ﻣﺎﻝ ﺍﻻﺗﻔﺎﻕ ﻋﻠﻤﻮﺩ ﻫﻴﺞ ﻣﺮﺍﺩ ﺑﺎﺑﺎ ﺳﻤﺮ ﺑﻨﺘﺔ ﺍﻟﻤﺪﻟﻠﺔ ﻫﻲ ﺍﻟﺘﺼﻴﺮ ﻓﺼﻠﻴﺔ 😞😏 ﻭﺍﻟﻠﻪ ﻣﺎ ﺍﺩﺭﻱ ﺍﺿﺤﻚ ﻣﺎ ﺍﺩﺭﻱ ﺍﺑﭽﻲ ﺑﺲ ﺑﻌﺪﻳﻦ ﺍﺗﻤﺎﺳﻜﺖ ﻭ ﻭﺍﻓﻘﺖ ﺍﺩﺭﻱ ﺭﺍﺡ ﺃﻧﺪﻡ ﻋﻠﻰ ﻫﺬﺍ ﻗﺮﺍﺭﻱ ﺑﺲ ﺍﻧﻲ ﺍﺗﻌﻠﻘﺖ ﺣﻴﻞ ﺑﺮﻧﺪ ﻭﺍﺗﻌﻮﺩﺕ ﻋﻠﻰ ﺍﺩﻡ ﻭﺍﺩﺭﻱ ﺍﺫﺍ ﺍﺭﺟﻊ ﺷﻴﻤﺎﺀ ﺣﺘﺨﻠﻲ ﺑﺎﺑﺎ ﺍﻳﺰﻭﺟﻨﻲ ﺳﻼﻡ ﻋﻠﻰ ﺍﻷﻗﻞ ﺍﺩﺭﻱ ﺑﺄﺩﻡ ﻋﻤﺮﺓ ﻣﺮﺍﺡ ﺍﻳﺤﺒﻨﻲ ﺑﺲ ﻋﻠﻰ ﺍﻷﻗﻞ ﻣﺮﺍﺡ ﺍﻳﺄﺫﻳﻨﻲ ﺍﻭ ﻫﺬﺍ ﺍﻟﻲ ﺍﻧﻲ ﺍﺗﻤﻨﺎ ﻧﻤﻨﺎ ﻭﮔﻌﺪﺕ ﻣﺜﻞ ﻛﻞ ﻳﻮﻡ ﻧﻔﺲ ﺍﻟﺮﻭﺗﻴﻦ ﺑﺲ ﺍﻟﻴﻮﻡ ﺭﻏﻢ ﺟﻤﻌﺔ ﺍﻏﻠﺒﻬﻢ ﮔﺎﻋﺪﻳﻦ ﻣﻦ ﺍﻟﺼﺒﺢ ﻭﻛﻠﻬﺔ ﻋﺼﺒﻴﺔ ﺍﻟﻈﺎﻫﺮ ﻻﻥ ﻃﻠﻌﺖ ﺍﻟﺒﺎﺭﺣﺔ ﺧﻠﺼﺖ ﺷﻐﻠﻲ ﺑﻘﺔ ﺑﺲ ﺍﻟﻐﺪﺓ ﺟﻨﺖ ﺃﻭﻛﻞ ﺑﺮﻧﺪ ﺇﺟﺎﻧﻲ ﺍﺣﻤﺪ ﻭﮔﻠﻲ ﺟﺪﻭ ﺍﻳﺮﻳﺪﺝ ﮔﺘﻠﺔ ﺩﻗﻴﻘﺔ ﻭﺍﺟﻲ ﻏﺴﻠﺖ ﻟﺮﻧﺪ ﻭﺃﺧﺬﺗﻬﺎ ﻭﻳﺎﻳﺔﻭﺭﺣﺖ ﻟﻠﺼﺎﻟﺔ ﺩﺧﻠﺖ ﺷﻔﺘﻬﻢ ﺍﻏﻠﺐ ﺍﻟﻮﻟﺪ ﮔﺎﻋﺪﻳﻦ ﺑﺲ ﻧﻀﺮﺕ ﺳﻴﻒ ﺍﺑﺪ ﻣﻌﺠﺒﺘﻨﻲ ﻟﻮ ﺑﻴﺪﺓ ﻳﻤﻜﻦ ﭼﺎﻥ ﻃﻠﻘﺔ ﺑﺮﺃﺳﻲ ﻋﻠﻤﻮﺩ ﻳﺮﺗﺎﺡ ﻣﻨﻲ 😂😕
ﻣﻠﻚ : ﻧﻌﻢ ﻋﻤﻮ ﻣﺤﺘﺎﺝ ﺷﻲﺀ
ﺍﺑﻮ ﻏﺴﺎﻥ : ﮔﻌﺪﻱ ﺑﻨﺘﻲ ﺍﺭﻳﺪ ﺍﺣﭽﻲ ﻭﻳﺎﺝ
ﻣﻠﻚ : ﺍﻧﺸﺎﺀ ﺍﻟﻠﻪ ﻣﺎﻛﻮ ﺷﻲﺀ ﻋﻤﻮ
ﺍﺑﻮ ﻏﺴﺎﻥ : ﺑﻨﺘﻲ ...
.....
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء