رواية فصليتي صمتي و عنواني الجزء الرابع
للكاتبة زهراء العبودي
....
ﺍﺩﻡ : ﺟﺪﻭ،ﺑﺎﺑﺎ ﺑﺲ ﺍﺭﻳﺪ ﺍﻓﺎﺗﺤﻜﻢ ﺑﻤﻮﺿﻮﻉ ﻭﺇﻧﺸﺎﺀ ﺍﻟﻠﻪ ﺗﺴﻤﻌﻮﻧﻲ ﻟﻸﺧﻴﺮ
ﺍﺑﻮ ﻏﺴﺎﻥ : ﺧﻴﺮ ﺍﺑﻨﻲ ﺷﻜﻮ؟؟
ﺍﺑﺮﺍﻫﻴﻢ : ﺷﺒﻴﻚ ﺍﺑﻨﻲ ﺧﻮ ﻣﺎﻛﻮ ﺷﻲﺀ؟؟
ﺍﺩﻡ : ﻻ ﻣﺎﻛﻮ ﺷﻲﺀ ﺑﺲ ﺍﻟﻤﻮﺿﻮﻉ ﺍﻳﺨﺺ ﻣﻠﻚ
ﺳﻴﻒ : ﻭﺷﺒﻴﻬﺎ ﺍﻟﻔﺼﻠﻴﺔ
ﺍﺩﻡ : ﺍﺳﻤﻬﺎ ﻣﻠﻚ ﻭﻫﻲ ﻣﺮﺗﻲ ﺍﻧﺘﺒﻪ ﺷﻮﻱ
ﺳﻴﻒ : ﺷﺒﻴﻚ ﻧﺴﻴﺖ ﻫﻲ ﻫﺎﻱ ﺍﻟﻲ ﺍﺧﻮﻫﺎ ﻛﺘﻞ ﻳﻮﺳﻒ ﺍﻟﻈﺎﻫﺮ ﻟﻌﺒﺖ ﺑﺮﺃﺳﻚ
ﺍﺩﻡ : ﺍﻧﻲ ﻣﻮ ﺯﻋﻄﻮﻁ ﻋﻠﻤﻮﺩ ﺗﻠﻌﺐ ﺑﺮﺃﺳﻲ ﻭﺍﻧﺖَ ﺩﺍ ﺩﮔﻮﻟﻬﺎ ﺑﻨﻔﺴﻚ ﺍﺧﻮﻫﺎ ﻣﻮ ﻫﻲ
ﺍﺑﻮ ﻏﺴﺎﻥ : ﻛﺎﻓﻲ ﺳﻴﻒ ﺧﻠﻲ ﻧﻔﺘﻬﻢ ﺷﻜﻮ .. ﮔﻮﻝ ﺍﺑﻨﻲ ﺍﺩﻡ ﺷﻜﻮ ﺷﺒﻴﻬﺔ ﻣﺮﺗﻚ
ﺍﺩﻡ : ﺟﺪﻭ ﻛﻞ ﻣﺎ ﺑﺎﻟﻤﻮﺿﻮﻉ ﺍﺭﻳﺪ ﺍﻋﻘﺪ ﻋﻠﻰ ﻣﻠﻚ ﻣﺤﻜﻤﺔ ﺑﻌﺪ ﺇﺫﻧﻚ ﺍﻛﻴﺪ
ﺍﺣﻤﺪ 😲😲😲:
ﺳﻴﻒ : ﺷﻨﻮﻭﻭ ﻭﻟَﻚ ﻫﻲ ﻛﻠﻬﺔ ﻓﺼﻠﻴﺔ ﻳﻌﻨﻲ ﺧﺪﺍﻣﺔ ﻣﻴﺼﻴﺮ ﺗﻌﻘﺪ ﻋﻠﻴﻬﺎ
ﺍﺑﺮﺍﻫﻴﻢ : ﺳﻴﻒ ﻛﺎﻓﻲ ﺧﻠﻲ ﻧﻔﻬﻢ .. ﺍﺩﻡ ﺍﻧﺘﺔ ﺷﺪﺍ ﺗﺤﺠﻲ ﺍﻧﺘﺔ ﻧﺴﻴﺖ ﻫﻲ ﺳﻨﺔ ﻭﻻﺯﻡ ﺗﺮﺟﻊ ﻻﻫﻠﻬﺔ
ﺍﺩﻡ : ﺍﺩﺭﻱ ﺑﺎﺑﺎ ﻣﻨﺴﻴﺖ ﻭﺍﻧﻲ ﺍﻟﺒﺎﺭﺣﺔ ﻓﺘﺤﺖ ﺍﻟﻤﻮﺿﻮﻉ ﻭﻳﺎﻫﺎ ﻭﻫﻲ ﻭﺍﻓﻘﺖ
ﺍﺑﺮﺍﻫﻴﻢ : ﺍﺑﻨﻲ ﻣﺘﺄﻛﺪ ﻣﻦ ﻭﺭﺓ ﻫﺬﺍ ﻗﺮﺍﺭﻙ ﺍﻳﺠﻮﺯ ﺍﺗﺼﻴﺮ ﻣﺸﺎﻛﻞ
ﺭﺍﻣﻲ : ﺻﺢ ﻻﻥ ﮔﺪﺍﻡ ﺍﻟﻨﺎﺱ ﺍﻟﻲ ﺍﺟﻮ ﮔﻠﻨﺎ ﺳﻨﺔ ﻭﺗﺮﺟﻌﻠﻬﻢ
ﺳﻴﻒ : ﺍﻟﻤﻔﺮﻭﺽ ﺳﻨﺔ ﻭﺗﺮﺟﻊ ﻻﻫﻠﻬﺔ ﻣﺬﻟﻮﻟﺔ ﻣﻮ ﻧﻜﺘﺒﻠﻬﺎ ﻣﻘﺪﻡ ﻭﻣﺆﺧﺮ
ﺍﺑﻮ ﻏﺴﺎﻥ : ﺍﺣﻤﺪ
ﺍﺣﻤﺪ : ﻧﻌﻢ ﺟﺪﻭ 😥
ﺍﺑﻮ ﻏﺴﺎﻥ : ﮔﻮﻡ ﺻﻴﺤﻠﻲ ﻣﺮﺕ ﺍﺧﻮﻙ
ﺍﺣﻤﺪ : ﻗﺼﺪﻙ ﻣﻠﻚ
ﺍﺑﻮ ﻏﺴﺎﻥ : ﺍﻳﻲ ﺑﺴﺮﻋﺔ
~~~~~~~~~~~~~~~~~~~~~~~~~~
ﻭﺑﻌﺪ ﺩﻗﺎﺋﻖ ﻋﺎﺩ ﺍﺣﻤﺪ
ﺍﺑﺮﺍﻫﻴﻢ : ﻭﻳﻨﻬﺎ
ﺍﺣﻤﺪ : ﺍﺟﺘﻲ ﻭﺭﺍﻳﺔ ﭼﺎﻧﺖ ﺗﻮﻛﻞ ﺭﻧﺪ
ﻣﻠﻚ 🏻👈 ﺩﺧﻠﺖ ﺷﻔﺘﻬﻢ ﺍﻏﻠﺐ ﺍﻟﻮﻟﺪ ﮔﺎﻋﺪﻳﻦ ﺑﺲ ﻧﻀﺮﺕ ﺳﻴﻒ ﺍﺑﺪ ﻣﻌﺠﺒﺘﻨﻲ ﻟﻮ ﺑﻴﺪﺓ ﻳﻤﻜﻦ ﭼﺎﻥ ﻃﻠﻘﺔ ﺑﺮﺃﺳﻲ ﻋﻠﻤﻮﺩ ﻳﺮﺗﺎﺡ ﻣﻨﻲ 😂😕
ﻣﻠﻚ : ﻧﻌﻢ ﻋﻤﻮ ﻣﺤﺘﺎﺝ ﺷﻲﺀ
ﺍﺑﻮ ﻏﺴﺎﻥ : ﮔﻌﺪﻱ ﺑﻨﺘﻲ ﺍﺭﻳﺪ ﺍﺣﭽﻲ ﻭﻳﺎﺝ
ﻣﻠﻚ : ﺍﻧﺸﺎﺀ ﺍﻟﻠﻪ ﻣﺎﻛﻮ ﺷﻲﺀ ﻋﻤﻮ
ﺍﺑﻮ ﻏﺴﺎﻥ : ﺑﻨﺘﻲ ﺍﻧﺘﻲ ﺻﺪﮒ ﻣﻮﺍﻓﻘﺔ ﻋﻠﻰ ﺍﻟﻲ ﮔﺎﻟﺔ ﺍﺩﻡ
ﻣﻠﻚ : ﺍﺫﺍ ﻗﺼﺪﻙ ﻋﻠﻰ ﻣﺎﻝ ﺍﻟﻌﻘﺪ ﺍﻱ ﻋﻤﻮ ﺍﻟﺒﺎﺭﺣﺔ ﮔﺘﻠﺔ ﺍﻧﻲ ﻣﻮﺍﻓﻘﺔ
ﺍﺑﺮﺍﻫﻴﻢ : ﺑﺲ ﺑﻨﺘﻲ ﺍﺣﻨﺎ ﻣﺘﻔﻘﻴﻦ ﻭﻳﺔ ﻭﺍﻟﺪﺝ ﺳﻨﺔ ﻭﺗﺮﺟﻌﻴﻦ ﺍﻟﻬﻢ ﺧﺎﻑ ﺍﺗﺼﻴﺮ ﻣﺸﺎﻛﻞ ﺑﻌﺪﻳﻦ
ﻣﻠﻚ : ﻻ ﺗﺨﺎﻑ ﻋﻤﻮ ﺍﺫﺍ ﺍﺟﺔ ﺑﺎﺑﺎ ﻓﺄﻧﻲ ﺍﺣﺠﻲ ﻭَﻳَﺎ
ﺍﺑﻮ ﻏﺴﺎﻥ : ﺑﻨﺘﻲ ﻳﻌﻨﻲ ﻣﺘﺄﻛﺪﺓ ﻣﻦ ﻗﺮﺍﺭﺝ
ﻣﻠﻚ : ﻋﻤﻮ ﺑﺮﺃﻳﻚ ﻭﺭﺓ ﺳﻨﺔ ﺍﻃﻠﮓ ﻭﺍﺭﺟﻊ ﻻﻫﻠﻲ ﻣﻄﻠﮕﺔ ﻭﺍﺩﮔﻮﻡ ﺍﻟﻨﺎﺱ ﺗﺤﺠﻲ ﺃﺷﻜﺎﻝ ﺃﻟﻮﺍﻥ ﻟﻮ ﺍﺑﻘﺔ ﻣﺰﻭﺟﺔ ﻭﻫﻴﺞ ﺍﻛﺪﺭ ﺍﻛﻤﻞ ﺩﺭﺍﺳﺔ ﻭﺍﺧﻠﺺ ﻣﻦ ﻛﻼﻡ ﺍﻟﻨﺎﺱ
ﺍﺑﻮﻏﺴﺎﻥ : ﺍﺩﺭﻱ ﺑﻨﺘﻲ ﺍﻟﺤﻖ ﺑﻬﺬﺍ ﻭﻳﺎﺝ ﺑﺲ ﻣﻮ ﺍﺣﻨﺎ ﺍﻧﻄﻴﻨﺎ ﻛﻠﻤﺔ ﻷﺑﻮﺝ ﮔﺪﺍﻡ ﺍﻟﺸﻴﻮﺥ ﺧﺎﻑ ﺍﻳﺴﻮﻳﻬﺔ ﻣﺸﻜﻠﺔ
ﻣﻠﻚ : ﻻ ﺗﺨﺎﻑ ﻋﻤﻮ ﻣﻴﮕﺪﺭ ﺍﻳﺴﻮﻱ ﺍﻱ ﺷﻲﺀ ﻭﻟﻮﻛﺘﻬﺎ ﺍﺫﺍ ﻣﻘﺒﻞ ﻭﻣﺒﻘﺔ ﺣﻞ ﺍﻃﻠﮓ ﻋﺎﺩﻱ ﻭﻫﻴﺞ ﺑﺪﻭﻥ ﻣﺸﺎﻛﻞ
ﺳﻴﻒ : ﺍﻱ ﺍﻛﻴﺪ ﺗﺮﻳﺪ ﻫﺴﺔ ﺗﻌﻘﺪ ﻋﻠﻴﻬﺎ ﻭ ﻭﺭﺓ ﺳﻨﺔ ﺗﻄﻠﮓ ﻭﺗﺎﺧﺬ ﺍﻟﻤﺆﺧﺮ ﻃﻤﺎﻋﺔ
ﻣﻠﻚ : ﻻ ﻟﺘﺨﺎﻑ ﻣﺎ ﺍﺭﻳﺪ ﻻ ﻣﻘﺪﻡ ﻭﻻ ﻣﺆﺧﺮ ﻭﺍﻧﻲ ﺍﻟﻔﻠﻮﺱ ﻣﺎ ﺗﻬﻤﻨﻲ ﻭﺇﺫﺍ ﻋﻠﻰ ﺷﻐﻠﺔ ﻣﻦ ﺍﻃﻠﮓ ﻣﻦ ﻫﺴﺔ ﺍﻛﺘﺐ ﺗﻨﺎﺯﻝ ﻋﻦ ﺍﻟﻤﺆﺧﺮ ﺍﺫﺍ ﺗﺮﻳﺪ
ﺍﺩﻡ : ﻻ ﻣﻴﺤﺘﺎﺝ
ﺳﻴﻒ : ﻻ ﺧﻠﻴﻬﺎ ﺗﻜﺘﺐ
ﺍﺩﻡ : ﺳﻴﻒ ﻣﻤﻜﻦ ﻣﺘﺪﺧﻞ 😡
ﺍﺑﺮﺍﻫﻴﻢ : ﻫﺎ ﺑﻮﻳﺔ ﺷﻨﻮ ﺭﺃﻳﻚ ﻫﺴﺔ
ﺍﺑﻮ ﻏﺴﺎﻥ : ﻭﺍﻟﻠﻪ ﻟﻮ ﺗﺒﻘﻰ ﻋﻠﻴﺔ ﺍﻧﻲ ﻣﻮﺍﻓﻖ ﺑﺲ ﺍﺧﺎﻑ ﻣﻦ ﺍﻟﻤﺸﺎﻛﻞ ﺑﺲ ﻣﺪﺍﻣﻬﻢ ﻣﻘﺮﺭﻳﻦ ﺧﻠﻲ ﻧﺘﻮﻛﻞ ﻋﻠﻰ ﺍﻟﻠﻪ
ﺍﺑﺮﺍﻫﻴﻢ : ﺍﺫﺍ ﻫﻴﺞ ﻟﻌﺪ ﻳﻤﺘﺔ ﻣﻴﺼﻴﺮﻟﻚ ﻣﺠﺎﻝ ﺗﮕﺪﺭ ﺗﻌﻘﺪ ﻋﻠﻴﻬﺎ
ﺍﺩﻡ : ﺍﻧﺸﺎﺀ ﺍﻟﻠﻪ ﺍﻷﺣﺪ ﻧﺒﺪﻱ ﺑﺎﻟﻤﻌﺎﻣﻠﺔ
ﻣﻠﻚ : ﺑﺲ ﺍﻷﺣﺪ ﺩﻭﺍﻡ ﻋﻨﺪﻱ
ﺍﺩﻡ : ﺍﺩﺭﻱ ﺑﺲ ﺍﺟﻠﻲ ﺩﻭﺍﻣﺞ ﻳﻮﻡ
ﻣﻠﻚ : ﺣﺎﺿﺮ .. ﻳﻼ ﻣﺤﺘﺎﺟﻴﻦ ﺷﻲﺀ
ﺍﺑﺮﺍﻫﻴﻢ : ﻻ ﺑﻨﺘﻲ ﺁﺧﺬﻱ ﺭﺍﺣﺘﺞ
ﺍﺣﻤﺪ : ﻻ ﺑﺲ ﻟﺤﻈﺔ
ﻣﻠﻚ : ﺀﺀﺍﻧﻲ ..
ﺍﺣﻤﺪ : ﺍﻱ ﻫﻮ ﺑﺲ ﺳﺆﺍﻝ ﺻﺎﺭﻟﻲ ﺳﺎﻋﺔ ﺍﻓﻜﺮ ﺑﻲ
ﺍﺑﺮﺍﻫﻴﻢ : ﺷﺒﻴﻚ ﺍﺑﻨﻲ ﺷﻨﻮﻭﻭﺍﻟﻲ ﺍﺑﺎﻟﻚ
ﺍﺣﻤﺪ ( ﺑﻐﺒﺎﺀ ) : ﻫﻮ ﺑﺎﺑﺎ ﺷﻮﻑ ﺻﺎﺭﻟﻬﺎ ٣٢ﺩﻗﻴﻘﺔ ﻭﺍﮔﻔﺔ ﻭﺷﺎﻳﻠﺔ ﺭﻧﺪ ﺑﺲ ﺩﺍ ﺃﺳﺌﻠﻬﺎ ﺷﻨﻮ ﺗﺎﻛﻞ ﻋﻠﻤﻮﺩ ﻫﻴﺞ ﺗﺘﺤﻤﻞ ﻳﻌﻨﻲ ﻗﺼﺪﻱ ﺟﻨﺘﻲ ﺗﻠﻌﺒﻴﻦ ﺣﺪﻳﺪ ﻋﻨﺪ ﺃﻫﻠﺞ ﻟﻮ ﺷﻨﻮ؟؟
ﺍﻟﻜﻞ 😒😂😂:
ﻣﻠﻚ : ﻻ ﻣﻮ ﺍﻟﻌﺐ ﺣﺪﻳﺪ ﺑﺲ ﻫﻲ ﺧﻔﻴﻔﺔ ﻭﺍﻧﻲ ﭼﻨﺖ ﺍﺷﻴﻞ ﺍﺛﻨﻴﻦ ﺳﻮﺓ ﺍﻛﺒﺮ ﻣﻨﻬﺔ
ﺍﺣﻤﺪ : ﺍﺛﻨﻴﻦ ؟؟؟ !!
ﻣﻠﻚ : ﺍﻱ ﻣﻮ ﻋﻨﺪﻱ ﺧﻮﺍﺕ ﺗﻮﺃﻡ ﻋﻤﺮﻫﻦ ﺗﻘﺮﻳﺒﺎً ﺧﻤﺲ ﺳﻨﻮﺍﺕ ﻓﻴﻌﻨﻲ ﻣﺘﻌﻮﺩﺓ
ﺍﺣﻤﺪ : 😰😰
ﻣﻠﻚ : ﻳﻼ ﻋﻦ ﺍﺫﻧﻜﻢ
ﺧﺮﺟﺖ ﻣﻠﻚ ﻭﺫﻫﺒﺖ ﻹﻛﻤﺎﻝ ﺃﻋﻤﺎﻟﻬﺎ ..
ﺍﻣﺎ ﻋﻨﺪ ﺍﺩﻡ ﻓﻴﻘﻮﺍ ﻳﺘﺤﺪﺛﻮﻥ ﻗﻠﻴﻼ ﺛﻢ ﺧﺮﺟﻮﺍ ﻷﺩﺍﺀ ﺍﻟﺼﻼﺓ ﻣﻌﺎً ﻓﻲ ﺍﻟﻤﺴﺠﺪ ﻭﺑﻌﺪﻫﺎ ﺍﺟﺘﻤﻌﻮﺍ ﺟﻤﻴﻌﺎً ﻋﻠﻰ ﺍﻟﻐﺪﺍﺀ ﻋﺪﺍ ﻣﻠﻚ .. ﺭﻳﻢ ﻭﻫﻲ ﺗﻀﻊ ﺍﻟﻄﺒﻖ ﻣﻦ ﻳﺪﻫﺎ
ﺭﻳﻢ : ﻣﺤﺘﺎﺟﻴﻦ ﺷﻲﺀ
ﺳﻌﺎﺩ : ﮔﻌﺪﻱ ﺗﻐﺪﻱ
ﺭﻳﻢ : ﻻ ﻣﺎ ﺍﺭﻳﺪ ..
ﺍﺑﺮﺍﻫﻴﻢ : ﻟﻴﺶ ﺑﻨﺘﻲ ﺁﻛﻠﻲ ﻋﻠﻰ ﺍﻟﻮﺍﻫﺲ
ﺭﻳﻢ : ﻻ ﻣﺎ ﻣﺸﺘﻬﻴﺔ
ﺍﺑﺮﺍﻫﻴﻢ : ﺷﺒﻴﺞ ﺑﻨﺘﻲ ﻣﺮﻳﻀﺔ
ﺭﻳﻢ : ﻻ ﺑﺎﺑﺎ ﺳﻼﻣﺘﻚ ﺑﺲ ﺻﺪﮒ ﻣﻤﺸﺘﻬﻴﺔ
ﺍﺣﻤﺪ : ﻻ ﺍﻧﺘﻲ ﺻﺪﮒ ﻣﺮﻳﻀﺔ
ﺭﻳﻢ : ﺗﺮﺓ ﻣﺘﻀﺤﻚ 😒
ﻣﺤﻤﺪ : ﻋﻤﺔ ﺍﻳﺼﻴﺮ ﺍﺟﻲ ﻳﻤﺞ ﺍﻧﻲ ﻫﻢ ﻣﻤﺸﺘﻬﻴﺔ
ﺭﺍﻣﻲ : ﺷﺒﻴﻚ ﺍﺑﻨﻲ
ﻧﺪﻯ : ﺍﮔﻌﺪ ﻣﺎﻣﺎ ﻣﻮ ﻭﻛﺘﻬﺎ
ﺭﻳﻢ : ﺑﻜﻴﻔﻚ ﻋﻤﺔ ﺍﺫﺍ ﺗﺮﻳﺪ ﺗﻌﺎﻝ
ﺍﺣﻤﺪ : ﺑﺎﺑﺎ ﺗﺮﺓ ﺍﻛﻮ ﺷﻲﺀ
ﺍﺑﺮﺍﻫﻴﻢ : ﺍﻱ ﺍﺩﺭﻱ ﺍﻛﻮ ﺷﻲﺀ ﺑﺲ ﺧﻠﻲ ﻧﺨﻠﺺ ﻭﻫﺴﺔ ﻧﻌﺮﻑ
ﺍﺑﻮ ﻏﺴﺎﻥ : ﺍﺩﻡ ﻣﺮﺗﻚ ﻭﻳﻦ
ﺍﺩﻡ : ﻣﺎ ﺍﺩﺭﻱ ﺟﺪﻭ ﻣﻦ ﺍﺟﻴﺖ ﻟﺤﺪ ﺍﻻﻥ ﻣﺸﻔﺘﻬﺎ
ﺍﺑﺮﺍﻫﻴﻢ : ﻭﻳﻨﻬﺎ ﺻﺪﮒ .. ﻣﺘﺤﺠﻮﻥ
ﺭﻳﻢ : ﻭﺍﻟﻠﻪ ﺍﺫﺍ ﺗﺮﺩﻭﻥ ﺍﺗﻌﺮﻓﻮﻥ ﻫﻲ ﻭﻳﻦ ﺃﺳﺄﻝ ﻣﺎﻣﺎ 😏😒
ﺍﺑﻮ ﻏﺴﺎﻥ : ﺳﻌﺎﺩ ﻭﻳﻦ ﻣﺮﺕ ﺍﺑﻨﺞ
ﺳﻌﺎﺩ : ﻋﻤﻮ ﺑﻼ ﺯﺣﻤﺔ ﻋﻠﻴﻚ ﻫﻲ ﻣﻮ ﻣﺮﺗﺔ ﻫﻲ ﻛﻠﻬﺔ ﻓﺼﻠﻴﺔ ﻭﻋﻮﻓﻮﻫﺎ ﺧﻞ ﻧﺘﻐﺪﺍ ... ﻭﺍﻧﺘﻲ ﺭﻳﻢ ﺍﺣﺴﺎﺑﺞ ﺑﻌﺪﻳﻦ
ﺍﺑﺮﺍﻫﻴﻢ : ﺳﻌﺎﺩ ﺻﻮﺗﺞ ﻭﺍﺣﺘﺮﻣﻲ ﺷﻮﻱ
ﺍﺣﻼﻡ : ﻳﻼ ﮔﻌﺪﻭﺍ ﻭﻋﻮﻓﻮﻧﺎ ﻣﻦ ﻫﺎﻱ ﺍﻟﻔﺼﻠﻴﺔ
ﺍﺑﻮ ﻏﺴﺎﻥ : ﺍﻋﺘﻘﺪ ﮔﻠﺖ ﻛﻠﻤﺘﻲ ﻭﻳﻨﻬﺎ
ﺍﺩﻡ : ﺭﻳﻢ ﻭﻳﻦ ﻣﻠﻚ
ﺳﻌﺎﺩ : ﻣﺪﺧﻠﻚ ﺑﻴﻬﺎ ﻋﻮﻓﻬﺎ ﺗﻮﻟﻲ
ﺭﻳﻢ : ﺑﺎﻟﻤﺨﺰﻥ ﺍﻟﻲ ﻭﺭﺓ ﺍﻟﺒﻴﺖ
ﺍﺑﻮﻏﺴﺎﻥ ﻭﺇﺑﺮﺍﻫﻴﻢ ﻭﺍﺣﻤﺪ ﻭ ﺭﺍﻣﻲ 😧😡: ﺍﻣﺎ ﺳﻴﻒ 😏:
ﺍﺩﻡ ( ﺑﺼﻴﺎﺡ ) : ﻭﻳﻦ 😠😡
ﺳﻌﺎﺩ : ﻻ ﺗﺼﻴﺢ ﻭﺍﮔﻌﺪ ﺍﻛﻞ 😠
ﺍﺑﺮﺍﻫﻴﻢ : ﺷﻨﻮ ﻫﻞ ﺗﺼﺮﻑ ﻋﻮﺩ ﺍﻧﺘﻲ ﺍﻟﭽﺒﻴﺮﺓ ﻫﻴﺞ ﺍﺗﺴﻮﻳﻦ
ﻫﻴﺞ ﻭﻟﻴﺶ ﻫﻲ ﺑﺸﻨﻮ ﻏﻠﻄﺖ
ﺍﺑﻮ ﻏﺴﺎﻥ : ﺍﺩﻡ ﮔﻮﻡ ﻃﻠﻊ ﻣﺮﺗﻚ ﻭﺧﻠﻲ ﻧﻔﻬﻢ ﻫﻲ ﺷﻤﺴﻮﻳﺔ
ﺳﻌﺎﺩ : ﺍﻟﻌﻔﻮ ﻣﻨﻚ ﻋﻤﻮ ﺑﺲ ﺍﻟﺒﺎﺏ ﻣﻘﻔﻮﻝ ﻭﻣﺮﺍﺡ ﻳﮕﺪﺭ ﺍﻳﻄﻠﻌﻬﺎ ﻭﺍﻟﻤﻔﺘﺎﺡ ﻋﻨﺪﻱ ﻭﺇﺫﺍ ﺷﻤﺴﻮﻳﺔ ﻓﺄﻧﻲ ﺃﺭﻳﺪﻫﺎ ﺗﺒﻘﻰ ﻫﻨﺎﻙ ﻟﺤﺪ ﻣﺎ ﺗﺨﻠﺺ ﺍﻟﺴﻨﺔ ﻭﺗﺮﺟﻊ ﺍﻻﻫﻠﻬﺎ ﻭﻧﺨﻠﺺ ﻣﻨﻬﺎ
ﺍﺑﺮﺍﻫﻴﻢ : ﻳﻌﻨﻲ ﺍﻧﺘﻲ ﺣﺎﺑﺴﺔ ﺍﻟﺒﻨﻴﺔ ﺑﺲ ﻻﻥ ﺍﺩﻡ ﺭﺍﺩ ﻳﻌﻘﺪ ﻋﻠﻴﻬﺎ
ﺧﺎﻟﺪ : ﺍﺳﺘﻬﺪﻭﺍ ﺑﺎﻟﺮﺣﻤﻦ ﻭﺟﻴﺒﻮﺍ ﺍﻟﻤﻔﺘﺎﺡ ﺧﻠﻲ ﺍﻧﻄﻠﻌﻬﺎ ﺗﺮﺓ ﺩﻧﻴﺎ ﺍﻟﻈﻬﺮ ﻭﻣﻮﺯﻳﻦ ﺗﺒﻘﻰ ﻫﻨﺎﻙ
ﺭﺍﻣﻲ : ﻣﺎﻣﺎ ﺷﻨﻮ ﻫﻞ ﺗﺼﺮﻑ ﺗﺮﺓ ﺣﺮﺍﻡ ﻫﻴﺞ ﺗﺼﺮﻑ
ﺍﺣﻼﻡ : ﺩﻛﺎﻓﻲ ﺧﺒﺼﺘﻮﻧﺎ ﺑﻬﻞ ﻓﺼﻠﻴﺔ ﺍﺣﻨﺎ ﺟﺒﻨﺎﻫﺎ ﺣﺘﻰ ﺍﻧﻌﺬﺑﻬﺎ ﻭﻧﺤﺮﮒ ﮔﻠﺐ ﺍَﻫﻠﻬﺎ ﺑﻴﻬﺎ ﻣﻮ ﻧﺪﻟﻠﻬﺎ ﻭﻧﺨﺎﻑ ﻋﻠﻴﻬﺎ ﻭﻓﻮﮔﺎﻫﺎ ﺗﺮﻳﺪ ﻳﻌﻘﺪ ﻋﻠﻴﻬﺎ ﻣﺤﻜﻤﺔ
ﺃﻣﻞ : ﻭﺍﻟﻠﻪ ﺍﺫﺍ ﻛﻞ ﺍﻟﻔﺼﻠﻴﺎﺕ ﻫﻴﺞ ﭼﺎﻥ ﻛﻠﻬﺎ ﺍﻧﻄﺖ ﺑﻨﺎﺗﻬﺎ ﻫﻴﺞ
ﺍﻟﺤﺠﻴﺔ : ﺍﻧﻲ ﭼﻨﺖ ﺳﺎﻛﺘﺔ ﻋﻠﻰ ﻛﻞ ﺍﻟﻲ ﺳﻮﻳﺘﻨﺎ ﻭﻣﻨﺘﻀﺮﺓ ﻭﻳﻦ ﺗﺮﺩﻥ ﺗﻮﺻﻠﻦ ﺑﺲ ﻟﻬﻨﺎ ﻭﻛﺎﻓﻲ
ﺳﻌﺎﺩ : ﺧﺎﻟﺔ ﻫﻮ ﺍﺣﻨﺎ ﺷﺴﻮﻳﻨﺎ ﺍﺷﻮ ﻣﺪﻟﻠﻴﻬﺎ ﺍﺧﺮ ﺩﻻﻝ ﻭﺃﻃﻠﻌﻬﺎ ﺑﺲ ﺑﺸﺮﻁ ﻣﺎ ﻳﻌﻘﺪ ﻋﻠﻴﻬﺎ
ﺍﻟﺤﺠﻴﺔ : ﻭﺍﻟﻠﻪ ﺍﻧﻲ ﻣﺎ ﺍﺷﻮﻑ ﺍﺣﺪ ﻣﺪﻟﻞ ﻏﻴﺮﺟﻦ
ﺭﺍﻧﻴﺎ : ﻟﻴﺶ ﺧﺎﻟﺔ ﺍﺣﻨﺎ ﻣﻘﺼﺮﻳﻦ ﺑﺸﻲﺀ ﻭﺇﺫﺍ ﻋﻠﻰ ﺍﻟﺸﻐﻞ ﻫﻲ ﺧﺪﺍﻣﺔ ﻭﻫﺬﺍ ﻭﺍﺟﺒﻬﺎ
ﺍﻟﺤﺠﻴﺔ : ﻻﻣﻮ ﻭﺍﺟﺒﻬﺎ ﭼﻨﺘﻦ ﻛﻠﭽﻦ ﺗﺘﻌﺎﻭﻧﻦ ﻭﻣﺘﺨﻠﺼﻦ ﺍﻟﺸﻐﻞ ﻭﻫﺴﺔ ﺫﺑﻴﺘﻨﺔ ﻛﻠﺔ ﻋﻠﻴﻬﺎ ﺣﺘﻰ ﻣﻼﺑﺴﭽﻦ ﻫﻲ ﺗﻐﺴﻠﻬﺔ ﻣﻦ ﺍﺟﺘﻲ ﻟﺤﺪ ﺍﻻﻥ ﮔﻼﺹ ﺃﻟﻤﻲ ﮔﻤﺘﻦ ﻣﺘﺸﻴﻠﻨﺔ ﻭﻫﻲ ﻭﻻ ﻣﺮﺓ ﺍﺷﺘﻜﺖ
ﺳﻌﺎﺩ : ﻭﻫﻲ ﺧﻞ ﺗﺸﺘﻜﻲ ﻋﻠﻤﻮﺩ ﺃﻭﺍﺭﻳﻬﺎ ﻧﺠﻮﻡ ﺍﻟﻈﻬﺮ ﻭﺍﻟﻠﻪ
ﻧﻮﺭ : ﻛﺎﻓﻲ ﺧﺎﻟﺔ ﻣﻮ ﺯﻳﻦ ﻋﻠﻴﺞ ﻫﺎﻱ ﺍﻟﻌﺼﺒﻴﺔ
ﻣﺮﻳﻢ : ﺍﻱ ﻣﺎﻣﺎ ﻫﺪﻱ ﺷﻮﻱ ﻻ ﺿﻐﻄﺞ ﻳﺮﺗﻔﻊ
ﺍﺩﻡ : ﻻ ﻣﺎﻣﺎ ﺍﻧﻲ ﺭﺍﺡ ﺍﻋﻘﺪ ﻋﻠﻴﻬﺎ ﻭﺍﻟﻲ ﺍﺑﺎﻟﺞ ﻣﺮﺍﺡ ﺍﻳﺼﻴﺮ
ﺳﻌﺎﺩ : ﻭﻟﻴﺶ ﺑﻼ ﻣﻴﺼﻴﺮ ﺷﺴﻮﺗﻠﻚ ﻫﺎﻱ ﺍﻟﻔﺼﻠﻴﺔ ﻭﻏﻴﺮﺗﻚ
ﺍﺩﻡ : ﺍﻧﺘﻲ ﺗﺮﺩﻳﻦ ﻣﺼﻠﺤﺘﻲ ﻣﻮ
ﺳﻌﺎﺩ : ﺍﻱ ﺍﻛﻮ ﺍﻡ ﻣﺘﺮﻳﺪ ﻣﺼﻠﺤﺔ ﻭﻟﺪﻫﺎ
ﺍﺩﻡ : ﻭﺍﻧﻲ ﺩﺍ ﺍﮔﻠﺞ ﻣﺼﻠﺤﺘﻲ ﻭﺭﺍﺣﺘﻲ ﻭﻳﺔ ﻣﻠﻚ
ﺳﻌﺎﺩ : ﻭﺷﻤﻌﻨﺎ ﻳﻢ ﺍﻟﻔﺼﻠﻴﺔ ﺍﺯﻭﺟﻚ ﻧﻮﺭ ﻭﺗﺮﺗﺎﺡ ﻳﻤﻬﺔ ﻭﻫﺎﻱ ﺍﻟﻔﺼﻠﻴﺔ ﺗﺮﺟﻊ ﻣﻴﻦ ﻣﺎ ﺍﺟﺘﻲ
ﺃﻣﻞ : ﻭﺍﻟﻠﻪ ﻃﻠﻌﺖ ﻣﻮ ﻫﻴﻨﺔ ﺑﺲ ﻟﻮ ﺍﻋﺮﻑ ﺷﻠﻮﻥ ﻗﻨﻌﺘﻚ ﺗﻌﻘﺪ ﻋﻠﻴﻬﺎ
ﺍﺩﻡ : ﺍﻧﻲ ﺇﻟﻲّ ﺭﺩﺕ ﺍﻋﻘﺪ ﻣﻮ ﻫﻲ ﻭﮔﺘﻠﻬﺎ ﻭﺍﻟﺒﻨﻴﺔ ﻭﺍﻓﻘﺖ
ﺍﺣﻼﻡ : ﻃﺒﻌﺎً ﺷﻠﻮﻥ ﻣﺘﻮﺍﻓﻖ ﻭﺭﺓ ﻣﺸﺎﻓﺖ ﻫﺬﺍ ﺍﻟﻌﺰ ﻛﻠﺔ
ﻣﺮﻳﻢ : ﻃﺒﻌﺎً ﻣﻦ ﺍﻭﻝ ﻣﺸﻔﺘﻬﺎ ﻣﺮﺗﺎﺣﻴﺘﻠﻬﺎ ﻣﺒﻴﻨﺔ ﻣﻠﻌﺒﺔ
ﺍﺩﻡ : ﻻ ﻣﻠﻌﺒﺔ ﻭﻻ ﺷﻲﺀ ﺑﺲ ﺍﻟﺒﻨﻴﺔ ﺗﻔﻜﺮ ﺑﻌﻘﻠﻬﺎ ﻭﺳﻤﻌﺘﻬﺎ ﻭﺍﻧﻲ ﻣﻦ ﺍﺟﺘﻲ ﻟﺤﺪ ﺍﻻﻥ ﺷﺎﻳﻠﺘﻨﻲ ﻭﺷﺎﻳﻠﺔ ﺑﻨﺘﻲ ﻋﻠﻰ ﻛﻔﻮﻑ ﺍﻟﺮﺍﺣﺔ ﺣﺘﻰ ﺑﻨﺘﻲ ﺭﺟﻌﺘﻠﻬﺎ ﺻﺤﺘﻬﺎ ﻭﺷﺊ ﺛﺎﻧﻲ ﺍﻱ ﺩﻻﻝ ﺗﺤﺠﻴﻦ ﻋﻠﻴﻪ ﻭﺃﻧﺘﻮ ﻣﺸﻐﻠﻴﻬﺎ ﺧﺪﺍﻣﺔ
ﺍﺣﻼﻡ : ﻻﻥ ﻫﻲ ﺻﺪﮒ ﺧﺪﺍﻣﺔ
ﺳﻌﺎﺩ : ﻭﺇﻧﺸﺎﺀ ﺍﻟﻠﻪ ﺗﺮﻳﺪ ﻧﺨﺪﻣﻬﺎ ﺑﻼ
ﺍﺩﻡ : ﻻ ﻋﻤﺔ ﺑﺲ ﺍﻧﻲ ﺍﺭﻳﺪ ﺍﻋﻘﺪ ﻋﻠﻴﻬﺎ ﻋﻠﻤﻮﺩ ﺗﺘﻌﺎﻣﻞ ﺣﺎﻟﻬﺎ ﺣﺎﻝ ﺍﻱ ﭼﻨﺔ ﺑﻬﺬﺍ ﺍﻟﺒﻴﺖ ﻭﺗﺤﺘﺮﻣﻮﻫﺎ ﺍﺷﻮﻱ
ﺭﺍﻧﻴﺎ : ﻭﺍﻟﻠﻪ ﻳﺎ ﺍﻟﻠﻪ ﺷﻠﻮﻥ ﺗﺘﺴﺎﻭﺓ ﻭﻳﺎﻧﺔ ﻭﻫﻲ ﻓﺼﻠﻴﺔ
ﺍﺩﻡ : ﻻ ﻭﺭﺓ ﻣﺮﺍﺡ ﺍﻋﻘﺪ ﻋﻠﻴﻬﺎ ﻣﺮﺍﺡ ﺗﺒﻘﻰ ﻓﺼﻠﻴﺔ
ﺳﻌﺎﺩ : ﻋﻤﻮ ،ﺍﺑﺮﺍﻫﻴﻢ ﻣﺘﺤﺠﻮﻥ ﻟﻴﺶ ﺳﺎﻛﺘﻴﻦ ﻭَﻳَﺎ ﺍﺗﺨﺒﻞ ﺃﻳﺮﻳﺪ ﻳﻌﻘﺪﻟﻲ ﻋﻠﻰ ﻓﺼﻠﻴﺔ
ﺍﺑﺮﺍﻫﻴﻢ : ﺍﺫﺍ ﻋﻠﻴﺔ ﺍﻧﻲ ﻣﻮﺍﻓﻖ ﻻﻥ ﺍﻟﺒﻨﻴﺔ ﺧﻮﺵ ﺑﻨﻴﺔ ﻭﻣﺮﺍﺡ ﻳﻠﮕﺔ ﺍﺣﺴﻦ ﻣﻨﻬﺔ
ﺧﺎﻟﺪ : ﺍﻧﻲ ﻭﻳﺎﻙ ﻭﺍﮔﻮﻝ ﻻ ﻳﺨﺴﺮﻫﺎ ﺍﺣﺴﻦ
ﺍﺣﻤﺪ : ﺑﺲ ﻟﻮ ﺍﻓﻬﻢ ﺃﻧﺘﻢ ﮔﺎﻋﺪﻳﻦ ﺗﺘﻨﺎﻗﺸﻮﻥ ﺍﻫﻨﺎ ﻭﺍﻟﺒﻨﻴﺔ ﻳﻤﻜﻦ ﻣﺎﺗﺖ ﺑﺎﻟﻤﺨﺰﻥ ﺗﺮﺓ ﺍﻟﻴﻮﻡ ﻛﻠﺶ ﺣﺎﺭﺓ ﺑﺮﺓ
ﺍﺩﻡ : ﻣﺎﻣﺎ ﺍﻧﻄﻴﻨﻲ ﺍﻟﻤﻔﺘﺎﺡ
ﺳﻌﺎﺩ : ﻣﺎ ﺍﻧﻄﻲ ﻟﺤﺪ ﻣﺎ ﺗﺴﻮﻱ ﺍﻟﻲ ﺍﺭﻳﺪﺓ
ﺍﺑﻮ ﻏﺴﺎﻥ ( ﺑﺼﻴﺎﺡ ) : ﺳﻌﺎﺩ ﺍﻧﻄﻲ ﺍﻟﻤﻔﺘﺎﺡ ﻭﺍﻧﻲ ﺑﻌﺪﻧﻲ ﻣﻤﺘﺖ ﺣﺘﺔ ﺍﺗﻤﺸﻴﻦ ﻛﻼﻣﺞ ﻭﺍﻧﻲ ﻣﻮﺟﻮﺩ ﻭﺍﻧﻲ ﻭﺍﻓﻘﺖ ﻭﻫﻮ ﺍﻟﻮﻟﺪ ﺭﺍﻳﺪﻫﺎ ﻓﺴﺪﻱ ﺍﻟﻤﻮﺿﻮﻉ ﻭﺍﻧﻄﻲ ﺍﻟﻤﻔﺘﺎﺡ ﺑﺴﺮﻋﺔ
ﺳﻌﺎﺩ : ﺑﺲ ...
ﺍﺑﺮﺍﻫﻴﻢ : ﺑﻼ ﺑﺲ ﻭﺍﻧﻄﻲ ﺍﻟﻤﻔﺘﺎﺡ
ﺃﻋﻄﺖ ﺳﻌﺎﺩ ﺍﻟﻤﻔﺘﺎﺡ ﻵﺩﻡ ﻭﺫﻫﺐ ﺍﻟﻰ ﻣﻠﻚ ﻓﺘﺢ ﺍﻟﺒﺎﺏ ﻭ ...
ﻣﻠﻚ 🏻👈 ﻭﺭﺓ ﻣﻄﻠﻌﺖ ﻣﻦ ﺍﻟﺼﺎﻟﺔ ﻭﺩﻳﺖ ﺭﻧﺪ ﻟﻤﺤﻤﺪ ﻭﺻﻌﺪﺗﻬﻢ ﺑﺎﻟﻐﺮﻓﺔ ﻛﺎﻟﻌﺎﺩﺓ ﻭﺑﺪﻳﺖ ﺷﻐﻞ ﺷﻔﺘﻬﻢ ﻃﻠﻌﻮﺍ ﺭﺣﺖ ﻧﻈﻔﺖ ﺍﻟﺼﺎﻟﺔ ﻻﻥ ﻣﮕﺪﺭﺕ ﭼﺎﻧﻮﺍ ﮔﺎﻋﺪﻳﻦ ﺑﻴﻬﺔ ﻭﺍﺟﺘﻲ ﺭﻳﻢ ﻭﺍﻧﻲ ﺩﺍ ﺍﻧﻈﻒ ﻭﮔﻌﺪﻧﺎ ﺍﻧﺴﻮﻟﻒ
ﺭﻳﻢ : ﺻﺒﺎﺣﻮ
ﻣﻠﻚ : ﻣﺴﺎﺋﻮ 😂
ﺭﻳﻢ : ﻫﺴﺔ ﺍﻻ ﺗﻔﺸﻠﻴﻨﻲ 😒
ﻣﻠﻚ : ﻣﺎ ﻋﺎﺵ ﺍﻟﻲ ﺍﻳﻔﺸﻠﺞ
ﺭﻳﻢ : ﻓﻮﺩﻳﺘﺞ
ﻣﻠﻚ : 😂😂
ﺭﻳﻢ : ﺷﻮﻑ ﻋﻠﻰ ﺷﻨﻮ ﺗﻀﺤﻜﻴﻦ ﻟﺞ .. ﻭﺑﻌﺪﻳﻦ ﮔﺎﻟﻮ ﺟﺪﻭ ﺩﺍﺯ ﻋﻠﻴﺞ ﻟﻴﺶ ﺷﺼﺎﻳﺮ
ﻣﻠﻚ : ﺍﺿﺤﻚ ﻣﻦ ﺗﻌﻮﺟﻴﻦ ﺣﻠﮕﺞ ..😂😂 ﻭﺃﻱ ﻋﻤﻮ ﺭﺍﺩﻧﻲ ﻋﻠﻤﻮﺩ ﻳﺘﺄﻛﺪ ﺍﺫﺍ ﺻﺪﮒ ﻭﺍﻓﻘﺖ ﻟﻮﻻ
ﺭﻳﻢ : ﻭﺍﻓﻘﺘﻲ ﻋﻠﻰ ﺷﻨﻮ
ﻣﻠﻚ : ﻭﻫﺎﻱ ﺧﻠﺼﺖ ﺭﺍﺡ ﺍﻃﻠﻊ ﺍﻏﺴﻞ ﺍﻟﮕﺮﺍﺝ ﻗﺒﻞ ﻻ ﻳﺮﺟﻌﻮﻥ
ﺭﻳﻢ : ﻣﺠﺎﻭﺑﺘﻲ ﺗﻌﺎﻟﻲ
ﻣﻠﻚ : ﻣﻮ ﺍﺩﻡ ﺃﻳﺮﻳﺪ ﻧﻌﻘﺪ ﻣﺤﻜﻤﺔ ﻭﺳﺄﻟﻨﻲ ﻭﺍﻓﻘﺖ ﻭﺩﺯ ﻋﻠﻴﺔ ﻋﻤﻮ ﻋﻠﻤﻮﺩ ﻳﺘﺄﻛﺪ ﻭﭼﺎﻥ ﻋﻤﻮ ﻣﺘﺮﺩﺩ ﻣﻦ ﻭﺭﺓ ﺳﺎﻟﻔﺔ ﺍﻧﻮ ﺍﻧﻲ ﻻﺯﻡ ﺳﻨﺔ ﻭﺍﺭﺟﻊ ﻓﺨﺎﻳﻔﻴﻦ ﺧﺎﻑ ﺗﺼﻴﺮ ﻣﺸﻜﻠﺔ
ﺭﻳﻢ : ﻭﺑﻌﺪﻳﻦ ..
ﻣﻠﻚ : ﻭﻻ ﻗﺒﻠﻴﻦ ﮔﺘﻠﻬﻢ ﻻ ﻳﺨﺎﻓﻮﻥ ﺍﻧﻲ ﺍﺣﺠﻲ ﻭﻳﺔ ﺑﺎﺑﺎ ﻭﺧﻠﺺ ﻭﻫﺴﺔ ﻭﺧﺮﻱ ﺧﻠﻴﻨﻲ ﺍﺧﻠﺺ ﺷﻐﻞ
ﺭﻳﻢ : ﻭﺍﻭﻭﻭﻭﻭ ﻭﻧﺎﺳﺔ ﻳﻌﻨﻲ ﺣﺘﺒﻘﻴﻦ ﻳﻤﻨﺎ ﻭﻣﺘﺮﺣﻴﻦ ﺑﻌﺪ 😘😍😍
ﻣﻠﻚ : ﺍﻱ ﺑﺲ ﺧﻠﻴﻨﻲ ﺍﺧﻠﺺ ﺷﻐﻠﻲ ﻗﺒﻞ ﻻ ﺍﻧﻄﺮﺩ ﻣﻦ ﺍﻟﺒﻴﺖ 😂😂
ﺭﻳﻢ : ﺍﻭﻙ ﺧﻠﻲ ﺍﺳﺎﻋﺪﺝ ﻳﺎ ﻋﺮﻭﺳﺔ 😂
ﻣﻠﻚ : ﻣﺎ ﻧﺎﻗﺼﻨﻲ ﻏﻴﺮ ﺃﺻﻴﺮ ﻋﺮﻭﺳﺔ ﻳﻼ ﻟﻮ ﺗﺸﺘﻐﻠﻴﻦ ﻟﻮ ﺗﻌﻮﻓﻴﻨﻲ ﺍﻛﻤﻞ 😂
ﺭﻳﻢ : ﻭﺍﺣﻠﻰ ﻋﺮﻭﺳﺔ ﻭﺍﻟﻠﻪ 😂
ﻣﺮﻳﻢ : ﻣﻨﻮ ﻫﺎﻱ ﺍﻟﻌﺮﻭﺱ ﺑﻼ
ﻧﻮﺭ : ﻫﻮ ﻣﺎﻛﻮ ﻏﻴﺮ ﻣﺮﻳﻮﻡ ﺍﻟﻤﺨﻄﻮﺑﺔ ﻭﻋﺮﺳﻬﺔ ﺑﻌﺪﻟﺔ ﻭﻛﺖ
ﺭﻳﻢ : ﻣﺠﺎﻥ ﻗﺼﺪﻱ ﻣﺮﻳﻢ ﭼﻨﺖ ﺍﺣﺠﻲ ﻋﻠﻰ ﻣﺮﺕ ﺍﺧﻮﻳﺔ ﺍﻟﺤﻠﻮﺓ ﻣﻠﻮﻛﺔ
ﻧﻮﺭ : ﻫﻬﻬﻬﻪ ﻣﺮﺕ ﺍﺧﻮﺝ ﻭﻟﺞ ﻛﻠﻬﺔ ﻓﺼﻠﻴﺔ ﻻ ﺭﺍﺣﺖ ﻭﻻ ﺭﺟﻌﺖ
ﺭﻳﻢ : ﻫﻬﻪ ﺍﻟﻈﺎﻫﺮ ﺑﻌﺪﺝ ﻣﺘﺪﺭﻳﻦ ﺍﺧﻮﻳﺔ ﺭﺍﺡ ﻳﻌﻘﺪ ﻋﻠﻴﻬﺎ ﻭﺗﺼﻴﺮ ﻣﺮﺗﺔ ﺭﺳﻤﻲ
ﻣﻠﻚ : ﺭﻳﻢ ﻛﺎﻓﻲ ﻛﻼﻡ ﺗﻌﺎﻟﻲ ﺳﺎﻋﺪﻳﻨﻲ
ﻧﻮﺭ ، ﻣﺮﻳﻢ : ﺷﻨﻮﻭﻭ 😡😡
ﻣﺮﻳﻢ : ﻣﻮ ﻫﻮ ﺑﻜﻴﻔﺔ ﻳﻌﻨﻲ 😠😲
ﺭﻳﻢ : ﻭﺍﺯﻳﺪﺝ ﺣﺒﻲ ﺟﺪﻭ ﻭﺑﺎﺑﺎ ﻭﺍﻟﻮﻟﺪ ﻛﻠﻬﻢ ﻣﻮﺍﻓﻘﻴﻦ
ﻣﺮﻳﻢ : ﻭﻣﺎﻣﺎ ﺗﺪﺭﻱ
ﺭﻳﻢ : ﻣﺎ ﺍﺩﺭﻱ
ﻣﺮﻳﻢ : ﺑﺴﻴﻄﺔ ﻟﺤﮕﻴﻨﻲ ﻧﻮﺭ 😏
ﻧﻮﺭ : ﻣﺎﺷﻲ 😤😏
ﻣﻠﻚ 🏻👈 ﻭﺭﺓ ﻣﺪﺧﻠﻦ ﻧﻮﺭ ﻭﻣﺮﻳﻢ ﻣﺎ ﺍﺩﺭﻱ ﻟﻴﺶ ﺣﺴّﻴﺖ ﺣﻴﺼﻴﺮ ﺷﻲﺀ ﺍﻟﻤﻬﻢ ﻛﻤﻠﻨﺎ ﺷﻐﻞ ﻭﺍﻧﻲ ﺩﺍ ﺍﻏﺴﻞ ﻭﺟﻬﻲ ﻭﺭﺓ ﻣﺨﻠﺼﺖ ﻏﺴﻞ ﺍﻟﮕﺮﺍﺝ ﭼﻨﺖ ﻣﺪﻧﮕﺔ ﻋﻠﻰ ﺍﻟﺼﻮﻧﺪﺓ ﻣﺤﺴﻴﺖ ﻏﻴﺮ ﻭﺍﺣﺪ ﺟﺮﻧﻲ ﻣﻦ ﺃﻳﺪﻱ ﺣﻴﻞ ﻭﺭﺍﻫﺎ ﺣﺴّﻴﺖ ﺑﺸﻲﺀ ﺣﺎﺭ ﻓﺮ ﻭﺟﻬﻲ ﻓﺮ ﺍﻧﺘﺒﻬﺖ ﻭﺣﺎﻭﻟﺖ ﺍﺳﺘﻮﻋﺐ ﺍﻟﻲ ﺻﺎﺭ ﺷﻔﺖ ﺧﺎﻟﺔ ﺳﻌﺎﺩ ﺿﺮﺑﺘﻨﻲ ﻣﺮﺓ ﺛﺎﻧﻴﺔ ﻭﺗﻐﻠﻂ ﻋﻠﻴﺎ ﻭﺣﺴﻴﺖ ﻣﺜﻞ ﺍﻟﻨﺎﺭ ﺍﻟﻲ ﺩﺍ ﺗﻄﻠﻊ ﻣﻦ ﻋﻴﻮﻧﻬﺎ ﻣﻦ ﻭﺭﺓ ﻋﺼﺒﻴﺘﻬﺎ ﻭﺭﺍﻫﺎ ﺳﺤﺒﺘﻨﻲ ﻭﺷﻤﺮﺗﻨﻲ ﺑﺎﻟﻤﺨﺰﻥ ﺑﺤﻴﺚ ﺃﺩﻳﺔ ﻭﺭﺟﻠﻴﺔ ﺍﻧﺠﺮﺣﻮﺍ ﻭﻗﺒﻞ ﻻ ﺗﻄﻠﻊ
ﺳﻌﺎﺩ : ﻧﺠﻮﻡ ﺍﻟﺴﻤﺎ ﺍﻗﺮﺑﻠﺞ ﻣﻦ ﺍﻧﻮ ﺗﺼﻴﺮﻳﻦ ﺯﻭﺟﺔ ﺍﺩﻡ ﺭﺳﻤﻲ ﺗﺨﻠﺺ ﺍﻟﺴﻨﺔ ﻭﺗﺮﺟﻌﻴﻦ ﻣﻦ ﻧﻔﺲ ﺍﻟﺰﺑﺎﻟﺔ ﺍﻟﻲ ﺍﺟﻴﺘﻲ ﻣﻨﻬﺎ ﻭﺭﺍﺡ ﺗﺒﻘﻴﻦ ﻣﻨﺎ ﻭﺭﺍﻳﺢ ﺍﻫﻨﺎ ﻟﺤﺪ ﻣﺘﺨﻠﺺ ﺍﻟﺴﻨﺔ ﻭﺣﺘﻰ ﺩﻭﺍﻡ ﻣﺎﻛﻮ
ﻣﻠﻚ 🏻👈 ﻭﺭﺍﻫﺎ ﺳﺪﺕ ﺍﻟﺒﺎﺏ ﻭﻃﻠﻌﺖ ﺣﺎﻭﻟﺖ ﺍﻓﺘﺤﻰ ﻣﺎ ﺍﻧﻔﺘﺢ ﮔﻠﺖ ﻣﻦ ﺗﺠﻲ ﺍﮔﻠﻠﻬﺔ ﺍﺭﻓﺾ ﺑﺲ ﺗﺨﻠﻴﻨﻲ ﺍﻛﻤﻞ ﺩﺭﺍﺳﺔ ﺑﺲ ﺍﻟﻴﻮﻡ ﺣﻴﻞ ﺣﺎﺭﺓ ﻭﺍﻧﻲ ﺑﻌﺪﻧﻲ ﺑﺪﻭﻥ ﺭﻳﻮﮒ ﻭﺍﻟﻤﺨﺰﻥ ﻋﺒﺎﺭﺓ ﻋﻦ ﻏﺮﻓﺔ ﻣﻦ ﺣﺪﻳﺪ ﻭﺭﺓ ﺍﻟﺒﻴﺖ ﻋﺒﺎﻟﻚ ﺣﻤﺎﻡ ﺳﺎﻭﻧﺔ ﻣﺘﺖ ﺍﻭﻭﻭﻑ ﺿﻠﻴﺖ ﺍﻓﺘﺮ ﻭﺭﺍﻫﺎ ﺷﻔﺖ ﻛﺮﺳﻲ ﺍﻗﺼﺪ ﻫﻴﻜﻞ ﻣﺎﻝ ﻛﺮﺳﻲ 😂 ﺳﺤﺒﺘﺔ ﻗﺮﻳﺐ ﻋﻠﻰ ﻫﻴﻜﻞ ﻛﺮﺳﻲ ﺛﺎﻧﻲ ﻭﺟﺒﺖ ﻛﺎﺭﺗﻮﻧﺔ ﺛﺒﺘﺘﻬﺔ ﻋﻠﻴﻬﻦ ﻭﻓﺮﺷﺖ ﻗﻄﻌﺔ ﻣﺎﻝ ﻛﺎﺭﺗﻮﻥ ﺯﻏﻴﺮﺓ ﻭﮔﻌﺪﺕ ﺟﻮﺓ ﻳﻌﻨﻲ ﺳﻮﻳﺘﻠﻲ ﻣﺜﻞ ﺍﻟﺨﻴﻤﺔ ﻭﮔﻌﺪﺕ ﺟﻮﺓ ﮔﻠﺖ ﻣﺼﻴﺮﻫﻢ ﻳﺘﺬﻛﺮﻭﻧﻲ ﺗﺴﺘﻐﺮﺑﻮﻥ ﻟﻴﺶ ﻣﺎ ﺑﭽﻴﺖ ﺍﻭ ﺷﻲﺀ ﻋﺎﺩﻱ ﺷﻴﻤﺎﺀ ﭼﺎﻧﺖ ﺗﺤﺒﺴﻨﻲ ﺑﺎﻟﻤﺨﺰﻥ ﺍﻳّﺎﻡ ﺑﺪﻭﻥ ﺍﻛﻞ ﺍﺫﺍ ﺳﻮﻳﺖ ﺷﻲﺀ ﻏﻠﻂ ﻟﻬﺬﺍ ﻣﺘﻌﻮﺩﺓ 😂ﻭﺍﻟﻠﻪ ﺍﻟﻲ ﺍﻳﺸﻮﻓﻨﻲ ﻫﺴﺔ ﺍﻳﮕﻮﻝ ﻣﺨﺒﻠﺔ ﺭﺳﻤﻲ ﻧﻤﺖ ﻣﺤﺴﻴﺖ ﻏﻴﺮ ﻋﻠﻰ ﺻﻮﺕ ﻭﺍﺣﺪ ﺍﻳﮕﻌﺪﻧﻲ 😂😂
ﺍﺩﻡ 🏻👈 ﺍﻟﺤﻤﺪﻟﻠﻪ ﺟﺪﻭ ﻭﺑﺎﺑﺎ ﻭﻋﻤﻮ ﻭﺍﻓﻘﻮﺍ ﻭﻫﺬﺍ ﺍﻫﻢ ﺷﻲﺀ ﻣﻌﻨﺎﻫﺎ ﺍﻟﺒﺎﻗﻲ ﺳﻬﻞ ﮔﻌﺪﻧﺎ ﺷﻮﻱ ﺃﻧﻮﺏ ﻃﻠﻌﻨﺎ ﺭﺣﻨﺎ ﻟﻠﻤﺴﺠﺪ ﺻﻠﻴﻨﺎ ﻭﺭﺟﻌﻨﺎ ﺍﺣﻨﺎ ﻣﺘﻌﻮﺩﻳﻦ ﻛﻞ ﺟﻤﻌﺔ ﺍﻧﺮﻭﺡ ﺍﻧﺼﻠﻲ ﺟﻤﺎﻋﺔ ﺑﺎﻟﻤﺴﺠﺪ ﻭﺭﺍﻫﺎ ﺭﺟﻌﻨﺎ ﺻﺒﻮﺍ ﺍﻟﻐﺪﺓ ﺑﺲ ﺍﺳﺘﻐﺮﺑﺖ ﻛﻞ ﻣﺮﺓ ﻣﻠﻚ ﻫﻲ ﺍﻟﻲ ﺩﺟﻴﺐ ﺍﻻﻛﻞ ﺑﺲ ﻫﻞ ﻣﺮﺓ ﺍﻟﺒﻨﺎﺕ ﺟﺎﺑﻮﺍ ﻭﺭﺍﻫﺎ ﺻﺎﺭﺕ ﻣﺸﻜﻠﺔ ﺍﺗﺨﺒﻞ ﻣﺎ ﺍﺩﺭﻱ ﺷﺼﺎﺭ ﺑﻴﺔ ﺻﺪﮒ ﺧﻔﺖ ﻋﻠﻴﻬﺎ ﻻﻥ ﺍﻟﺠﻮ ﺍﻟﻴﻮﻡ ﺻﺪﮒ ﺣﺎﺭ ﻭﺍﻟﻤﺨﺰﻥ ﻋﺒﺎﺭﺓ ﻋﻦ ﻏﺮﻓﺔ ﻣﺎﻝ ﺣﺪﻳﺪ ﻭﺭﺓ ﺍﻟﺒﻴﺖ ﺍﻟﻤﻬﻢ ﻭﺭﺓ ﻣﺨﻠﺼﺖ ﻭﺑﺎﻟﮕﻮﺓ ﺃﺧﺬﺕ ﺍﻟﻤﻔﺘﺎﺡ ﻣﻦ ﺍﻣﻲ ﺭﺣﺖ ﻟﻠﻤﺨﺰﻥ ﻓﺘﺤﺖ ﺍﻟﺒﺎﺏ ﻭﺍﺗﻔﺎﺟﺄ ﺑﻤﻠﻚ ﻣﺴﻮﻳﺔ ﻣﻦ ﻛﺮﺳﻴﻴﻦ ﺍﻭ ﺑﻘﺎﻳﺎﻫﻢ ﺧﻴﻤﺔ ﻭﻣﻨﺘﺠﻴﺔ ﻋﻠﻰ ﻭﺍﺣﺪ ﻣﻨﻬﻢ ﻭﻧﺎﻳﻤﺔ ﻣﺎ ﺍﺩﺭﻱ ﻣﻐﻤﻰ ﻋﻠﻴﻬﺎ ﻭﺍﻟﻠﻪ ﺑﺤﻴﺎﺗﻲ ﻣﺸﻔﺖ ﺍﻏﺮﺏ ﻣﻨﻬﺔ ﺍﺗﻘﺮﺑﺖ ﻋﻠﻴﻬﺎ
ﺍﺩﻡ : ﻣﻠﻚ .. ﻣﻠﻚ
ﻣﻠﻚ : ﻫﻤﻤﻢ
ﺍﺩﻡ : ﺟﻨﺘﻲ ﻧﺎﻳﻤﺔ ﺑﻬﻞ ﺣﺮ
ﻣﻠﻚ : ﻟﻌﺪ ﺷﺈﺳﻮﻱ ﮔﻠﺖ ﺍﺭﺗﺎﺡ ﺍﺷﻮﻱ ﻻﻥ ﺟﻨﺖ ﺗﻌﺒﺎﻧﺔ 😥
ﺍﺩﻡ : ﮔﻮﻣﻲ ﻳﻼ ﺗﻌﺎﻟﻲ ﻃﻠﻌﻲ
ﻣﻠﻚ : ﺑﺲ ﺧﺎﻟﺔ ..
ﺍﺩﻡ : ﻣﺎﺩﺧﻠﺞ ﺗﺪﺭﻱ ﻳﻼ ﻃﻠﻌﻲ
ﻣﻠﻚ : ﺍﺩﻡ
....
ﻣﻠﻚ : ﺍﺩﻡ ﺑﺲ ﻋﻠﻤﻮﺩ ..
ﺍﺩﻡ : ﻋﻮﻓﻲ ﺍﻟﺤﺠﻲ ﻫﺴﺔ ﺭﻭﺣﻲ ﻏﺴﻠﻲ ﻭﺍﻛﻠﻲ ﻭﺍﺭﺗﺎﺣﻲ ﻭﺑﻌﺪﻳﻦ ﻧﺤﺠﻲ
ﻣﻠﻚ : ﺣﺎﺿﺮ
ﺍﺩﻡ 🏻👈 ﮔﻌﺪﺕ ﺍﺑﺎﻭﻉ ﻟﺨﺪﻫﺔ ﺍﺣﻤﺮ ﻭﺑﻲ ﻃﺒﻌﺔ ﻣﺎﻝ ﺃﻳﺪ ﺍﻭﻭﻑ ﻳﻌﻨﻲ ﻻﺯﻡ ﺿﺎﺭﺑﻴﻬﺔ ﺑﺲ ﻟﻮ ﺍﻓﻬﻢ ﻟﻴﺶ ﻣﺘﺤﺠﻲ ﺃﺩﺍﻓﻊ ﻋﻦ ﻧﻔﺴﻬﺔ ﺍﻳﺠﻮﺯ ﺃﺗﺨﺎﻑ ﻟﻌﺪ ﻟﻴﺶ ﻣﺘﺒﺠﻲ ﺍﺑﺪ ﻣﺸﻔﺘﻬﺔ ﺑﻴﻮﻡ ﺑﭽﺖ ﺭﺍﺩﺕ ﺗﺤﺠﻲ ﮔﻠﺘﻠﻬﺎ ﺗﺼﻌﺪ ﺗﺮﺗﺎﺡ ﺍﻟﻤﺨﺰﻥ ﺻﺎﻳﺮ ﺟﻤﺮ ﻣﻦ ﺍﻟﺤﺮ ﻭﻭﺟﻬﺔ ﻃﺎﮒ ﺍﺣﻤﺮ ﻣﻦ ﺍﻟﺤﺮ ﺩﺧﻠﺖ ﻭﻫﻲ ﺑﺲ ﺗﺘﻠﻔﺖ ﺍﻣﺒﻴﻨﺔ ﺧﺎﻳﻔﺔ ﺿﻠﻴﺖ ﻭﺭﺍﻫﺔ ﻟﺤﺪ ﻣﺎ ﺻﻌﺪﺕ ﻟﻠﻐﺮﻓﺔ ﺍﻧﺪﺍﺭﻳﺖ ﺩﺍ ﺍﺭﻭﺡ ﻟﻠﺼﺎﻟﺔ ﺷﻔﺘﻬﺔ ﻧﺰﻟﺖ
ﺍﺩﻡ : ﺷﻜﻮ ﻟﻴﺶ ﻧﺰﻟﺘﻲ
ﻣﻠﻚ : ﺀﺍﺍﺍﺀ ﺑﺲ .. ﺑﺲ
ﺍﺩﻡ : ﻣﺘﺤﺠﻴﻦ ﺷﺮﺍﻳﺪﺓ
ﻣﻠﻚ : ﺑﺲ ﻧﺰﻟﺖ ﺍﺳﺄﻝ ﺭﻳﻢ ﻋﻠﻰ ﺭﻧﺪ ﻣﻠﮕﻴﺘﻬﺎ ﺑﺎﻟﻐﺮﻓﺔ
ﺍﺩﻡ : ﻣﺎ ﺍﺩﺭﻱ ﺍﻛﻴﺪ ﻳﻢ ﻭﺣﺪﺓ ﻣﻦ ﺍﻟﺒﻨﺎﺕ ﺭﻭﺣﻲ ﺍﺭﺗﺎﺣﻲ ﻭﻫﺴﺔ ﺍﺧﻠﻲ ﺭﻳﻢ ﺍﺩﺟﻴﺒﻠﺞ ﺍﻻﻛﻞ
ﻣﻠﻚ : ﻻ ﻣﺤﺎﺟﺔ ﺍﻧﻲ ﺍﻧﺰﻝ ﻭﺍﺳﻮﻳﻠﻲ ﺑﺲ ﺍﺫﺍ ﻣﺘﺼﻴﺮ ﺯﺣﻤﺔ ﮔﻠﻠﻬﺔ ﺗﺠﻴﺒﻠﻲ ﺭﻧﺪ ﻻﺯﻡ ﺍﻏﺪﻳﻬﺎ ﻋﻠﻤﻮﺩ ﺗﻨﺎﻡ
ﺍﺩﻡ : ﻣﺎﺷﻲ ﺍﺻﻌﺪﻱ ﻭﻫﺴﺔ ﺍﺧﻠﻲ ﺭﻳﻢ ﺍﺩﺟﻴﺒﻠﭽﻴﺎﻫﺎ
ﻣﻠﻚ : ﻣﺎﺷﻲ ﺷﻜﺮﺍً
ﺍﺩﻡ 🏻👈 ﻭﺍﻟﻠﻪ ﺑﻌﺪ ﻫﺬﺍ ﺍﻟﻤﻮﻗﻒ ﺍﺻﻼً ﺯﺍﺩﺕ ﺛﻘﺘﻲ ﻣﻦ ﺍﻧﻮ ﺍﻟﻘﺮﺍﺭ ﺍﻟﻲ ﺍﺧﺬﺗﺔ ﺻﺢ ﻻﻥ ﻭﺭﺓ ﻫﺬﺍ ﻛﻠﺔ ﺗﻔﻜﻴﺮﻫﺎ ﺑﺮﻧﺪ ﻧﺰﻟﺖ ﻭﻟﮕﻴﺘﻬﻢ ﻋﻠﻰ ﻧﻔﺲ ﮔﻌﺪﺗﻬﻢ ﻭﺍﻟﻮﺟﻪ 😫
ﺍﺩﻡ : ﻳﻼ ﻟﻴﺶ ﻟﻴﻬﺴﺔ ﻣﻤﺘﻐﺪﺍﻳﻴﻦ
ﺍﺑﻮ ﻏﺴﺎﻥ : ﻭﻳﻦ ﻣﺮﺗﻚ
ﺍﺩﻡ : ﺟﺪﻭ ﺧﻠﻴﺘﻬﺎ ﺗﺮﺗﺎﺡ ﻓﻮﮒ
ﺍﺣﻼﻡ : ﻭﻣﻦ ﺷﻨﻮ ﺗﺮﺗﺎﺡ ﺍﺷﻮ ﺻﺎﺭﻟﻠﻬﺔ ﻓﻮﮒ ﺍﻟﺴﺎﻋﺘﻴﻦ ﮔﺎﻋﺪﺓ ﺧﻠﻴﻬﺎ ﺗﻨﺰﻝ ﺗﻜﻤﻞ ﺷﻐﻠﻬﺎ
ﺍﺩﻡ : ﺍﻱ ﻋﻤﺔ ﮔﺎﻋﺪﺓ ﺑﻐﺮﻓﺔ ﺣﺪﻳﺪ ﻟﮕﻴﺘﻬﺎ ﻧﺎﻳﻤﺔ ﻣﺪﺭﻱ ﻣﻐﻤﻰ ﻋﻠﻴﻬﺎ ﻣﻦ ﺍﻟﺤﺮ ﻭﺟﺪﻭ ﺑﻼ ﺯﺣﻤﺔ ﺍﺭﻳﺪ ﺍﻋﺮﻑ ﺍﺣﺪ ﻳﻘﺒﻞ ﺗﻨﻀﺮﺏ ﻣﺮﺗﺔ ﻫﺴﺔ ﺑﻴﻦ ﺍﻟﮕﺎﻋﺪﻳﻦ
ﺍﺑﻮ ﻏﺴﺎﻥ : ﺍﻛﻴﺪ ﻻ ﺍﺑﻨﻲ ﺑﺲ ﻟﻴﺶ ﺗﺴﺄﻝ
ﺍﺩﻡ : ﺍﻫﺎﺍﺍ .. ﻟﻌﺪ ﻟﻴﺶ ﻣﻠﻚ ﻃﺒﻌﺔ ﺃﻳﺪ ﻋﻠﻰ ﻭﺟﻬﻬﺔ
ﺭﻳﻢ : ﻻﻥ ﻣﺎﻣﺎ ﺿﺮﺑﺘﻬﺎ
ﺍﺑﺮﺍﻫﻴﻢ : ﻭﻟﻴﺶ ﺿﺮﺑﺘﻴﻬﺎ ﺑﻼ
ﺳﻌﺎﺩ : ﺍﻧﺘﻲ ﻟﻴﺶ ﻣﺘﻨﭽﺒﻴﻦ ﺻﺎﻳﺮﺓ ﺑﺲ ﺍﺩﺍﻓﻌﻠﻲ ﻟﻠﺨﺪﻡ
ﺭﻳﻢ : ﻣﻠﻚ ﻣﻮ ﺧﺪﺍﻣﺔ ﻫﻲ ﺯﻭﺟﺔ ﺍﺧﻮﻳﺔ ﺣﺎﻟﻬﺔ ﺣﺎﻝ ﻧﺪﻯ ﻟﻬﺬﺍ ﺍﺩﺍﻓﻌﻠﻬﺎ
ﺳﻌﺎﺩ : ﺍﺳﻜﺘﻲ ﻫﺴﺔ ﻭﺣﺴﺎﺑﭻ ﺑﻌﺪﻳﻦ
ﺭﻳﻢ : ﻭﺍﻟﻠﻪ ﻣﻤﺴﻮﻳﺔ ﺷﻲﺀ ﻏﻠﻂ ﻟﻬﺬﺍ ﻣﺎ ﺍﺧﺎﻑ .. ﺍﺩﻡ
ﺍﺩﻡ : ﺷﻜﻮ
ﺭﻳﻢ : ﺍﻳﺼﻴﺮ ﺍﺻﻌﺪ ﻳﻤﻬﺔ
ﻣﺤﻤﺪ : ﻭﺍﻧﻲ ﻫﻢ
ﺍﺩﻡ : ﺍﻱ ﺍﺻﻌﺪﻭﺍ ﺑﺮﺍﺣﺘﻜﻢ ﺑﺲ ﺍﺧﺬﻳﻠﻬﺎ ﺭﻧﺪ ﺗﺮﻳﺪﻫﺎ
ﺭﻳﻢ : ﻣﺎﺷﻲ ﺑﺲ ﺧﻠﻲ ﺃﺧﺬ ﺷﻲﺀ ﻧﺎﻛﻠﺔ ﻻﻥ ﺟﻮﻋﺎﻧﺔ 😥
ﻣﺤﻤﺪ : ﻟﻌﺪ ﻋﻤﺔ ﺍﻧﻲ ﺭﺍﺡ ﺍﺻﻌﺪ ﻭﺃﺧﺬ ﺭﻧﺪ ﻭﻳﺎﻳﺔ ﻭﺍﻧﺘﻲ ﺗﻌﺎﻟﻲ ﻭﺭﺁﻧﺎ
ﺭﻳﻢ : ﻣﺎﺷﻲ
ﻣﺮﻳﻢ : ﻣﻮ ﺗﻮﺝ ﻣﻤﺸﺘﻬﻴﺔ
ﻧﻮﺭ : ﺍﻱ ﺑﺲ ﺍﺷﻮ ﻫﺴﺔ ﺟﻌﺘﻲ
ﺭﻳﻢ : ﻋﺎﺩ ﺑﻜﻴﻔﻲ ﺑﻄﻨﻲ ﻭﺍﻧﻲ ﺣﺮﺓ ﻋﺪﻛﻢ ﻣﺎﻧﻊ
ﺍﺣﻤﺪ : ﻻ ﺗﻠﮕﻴﻨﺔ ﺑﺎﻟﺼﻴﺪﻟﻴﺔ 😌
ﺭﻳﻢ : ﺑﺎﻳﺨﺔ 😒
ﺍﺣﻤﺪ : ﺍﺩﺭﻱ 😜
ﻭﻟﻴﺪ : ﺗﺮﺓ ﺟﻌﻨﺎ ﺍﻳﺼﻴﺮ ﻧﺘﻐﺪﺓ
ﺍﺣﻤﺪ : ﺍﻱ ﻭﺍﻟﻠﻪ ﺑﻄﻨﻲ ﺍﻧﻔﺠﺮﺕ ﻣﻦ ﺍﻟﺠﻮﻉ
ﺳﻌﺎﺩ : ﻏﻴﺮ ﻣﻦ ﻭﺭﺓ ﺍﺧﻮﻛﻢ ﻭﺍﻟﺨﺪﺍﻣﺔ
ﺍﺩﻡ : ﻣﺎﻣﺎ ﺣﺒﻴﺒﺘﻲ ﻣﻠﻚ ﻣﺮﺗﻲ ﻣﻮ ﺧﺪﺍﻣﺔ ﻭﺇﺫﺍ ﻋﻠﻰ ﺍﻻﻛﻞ ﻓﺎﻟﺤﻤﺪﻟﻠﻪ ﺍﻧﻲ ﺷﺒﻌﺖ ﺗﮕﺪﺭﻳﻦ ﺗﺎﻛﻠﻴﻦ ﺑﺮﺍﺣﺘﺞ .. ﻋﻦ ﺍﺫﻧﻜﻢ
ﺭﻳﻢ : ﺣﺘﻰ ﺍﻛﻞ ﻣﺎ ﺍﺭﻳﺪ ﺑﻄﻠﺖ
ﺍﻟﺤﺠﻴﺔ : ﺳﻌﺎﺩ ﺑﻨﺘﻲ ﺗﺮﺓ ﻏﻠﻂ ﺍﻟﻲ ﺩﺍ ﺍﺗﺴﻮﻱ
ﺍﺑﺮﺍﻫﻴﻢ : ﺑﺲ ﻟﻮ ﺍﻓﻬﻢ ﺍﻧﺘﻲ ﺷﻨﻮ ﺍﻟﻲ ﻏﻴﺮﺝ
ﺍﺑﻮ ﻏﺴﺎﻥ : ﻛﺎﻓﻲ ﻫﺴﺔ ﺧﻠﻮﻧﺎ ﻧﺘﻐﺪﻯ ﻭﺍﻟﻠﻪ ﻛﺮﻳﻢ
ﻣﻠﻚ 🏻👈 ﻃﻠﻌﻨﻲ ﺍﺩﻡ ﻣﻦ ﺍﻟﻤﺨﺰﻥ ﺭﺩﺕ ﺃﮔﻠﺔ ﺍﻧﻲ ﺣﺮﻓﺾ ﺑﺲ ﻋﻠﻤﻮﺩ ﺍﻳﺨﻠﻮﻧﻲ ﺍﻛﻤﻞ ﺩﺭﺍﺳﺔ ﮔﻠﻲ ﺑﻌﺪﻳﻦ ﻧﺤﺠﻲ ﺻﻌﺪﺕ ﻟﻠﻐﺮﻓﺔ ﺑﺎﻟﮕﻮﺓ ﻭﺍﻟﻠﻪ ﮔﻠﺖ ﻫﺴﺔ ﺍﺣﺼﻠﻲ ﺿﺮﺑﺔ ﺛﺎﻧﻴﺔ ﺩﺧﻠﺖ ﻟﻠﻐﺮﻓﺔ ﻣﻠﮕﻴﺖ ﺭﻧﺪ ﻧﺰﻟﺖ ﺩﺍ ﺍﺳﺄﻝ ﻋﻠﻴﻬﺎ ﻃﻠﻊ ﺍﺩﻡ ﺑﻮﺟﻬﻲ ﮔﺎﻝ ﻫﺴﺔ ﺍﻳﺪﺯﻫﺔ ﺻﻌﺪﺕ ﺃﺧﺬﺕ ﻣﻼﺑﺲ ﻭﮔﺒﻞ ﻟﻠﺤﻤﺎﻡ ﺳﺒﺤﺖ ﻃﻠﻌﺖ ﻟﮕﻴﺖ ﻣﺤﻤﺪ ﺷﺎﻳﻞ ﺭﻧﺪ ﻭﻭﺍﮔﻒ ﺑﺎﻟﺒﺎﺏ
ﻣﻠﻚ : ﻫﻠﻮ ﺣﻤﻮﺩ ﻟﻴﺶ ﻭﺍﮔﻒ ﺑﺎﻟﺒﺎﺏ ﺍﺩﺧﻞ
ﻣﺤﻤﺪ : ﻣﻮ ﻋﻤﺔ ﭼﻨﺘﻲ ﺑﺎﻟﺤﻤﺎﻡ ﺩﮔﻴﺖ ﺍﻟﺒﺎﺏ ﻭﺍﻧﺘﻲ ﻣﺴﻤﻌﺘﻲ ﮔﻠﺖ ﺍﺩﺧﻞ ﺍﻭﮔﻒ ﺍﻫﻨﺎ ﻟﺤﺪ ﻣﺎ ﺗﺠﻴﻦ
ﻣﻠﻚ : ﻭﺗﺒﻘﻰ ﻭﺍﮔﻒ ﻫﻴﺞ ﺍﺩﺧﻞ ﻭﺑﻌﺪﻳﻦ ﺍﻧﺘﺔ ﺗﻐﺪﻳﺖ
ﺭﻳﻢ : ﻻ ﻭﺍﻟﻠﻪ ﻣﺘﻐﺪﻳﻨﺔ ﻣﻨﺘﻀﺮﻳﺞ
ﻣﻠﻚ : ﻳﻤﺘﺔ ﺍﺟﻴﺘﻲ 😂 ﻭﻟﻴﺶ ﻣﻨﺘﻀﺮﻳﻨﻲ
ﺭﻳﻢ : ﺗﻀﺎﻣﻨﺎً ﻭﻳﺎﺝ 😂
ﻣﻠﻚ : ﺍﻱ ﻣﻮ ﻫﻲ ﺣﺮﺏ ﻭﻣﺎ ﺍﺩﺭﻱ 😂
ﺭﻳﻢ : ﻳﻤﻜﻦ ﺍﺳﻮﺀ 😅
ﻭﺑﻘﻮﺍ ﻳﺘﺤﺪﺛﻮﻥ ﻭﻳﻀﺤﻜﻮﻥ ﺣﺘﻰ ﺳﺄﻟﺖ ﺭﻳﻢ
ﺭﻳﻢ : ﻣﺎ ﺟﻌﺘﻮﺍ ﺗﺮﺓ ﺍﻧﻲ ﺟﻌﺖ 😬
ﻣﻠﻚ : ﺍﻧﻲ ﻫﻢ
ﻣﺤﻤﺪ : ﻭﺍﻧﻲ
ﻣﻠﻚ : ﻣﺎﺷﻲ ﻟﻌﺪ ﺍﻣﺸﻮﺍ ﻧﻨﺰﻝ ﺍﺳﻮﻟﻴﻠﻨﺎ ﺷﻲﺀ ﻧﺘﻐﺪﺍ ﺑﻲ
ﻣﻠﻚ 🏻👈 ﻧﺰﻟﻨﺎ ﻟﻠﻤﻄﺒﺦ ﻭﻣﺤﻤﺪ ﻳﻠﻌﺐ ﺭﻧﺪ ﻭﺭﻧﺪ ﺿﺤﻜﺘﻬﺎ ﺗﺨﺒﻞ ﻭﺭﻳﻢ ﺑﺲ ﺗﺤﺠﻲ ﻭﺗﻤﻠﻤﻞ
ﺭﻳﻢ : ﺟﻮﻋﺎﺍﺍﺍﺍﺍﺍﻧﺔ 😭
ﻣﻠﻚ : ﻫﺴﺔ ﺷﺒﻴﺞ ﻣﺎ ﺍﻛﻠﺘﻲ ﻭﻳﺎﻫﻢ 😒
ﺭﻳﻢ : ﻻ ﺭﺩﺕ ﻭﻳﺎﺝ
ﻣﻠﻚ : ﻟﻌﺪ ﺻﺒﺮﻱ
ﺧﻠﺼﺖ ﮔﻌﺪﻧﺔ ﻧﺄﻛﻞ ﻭﻧﺴﻮﻟﻒ ﻣﻨﺪﻣﺠﻴﻦ ﻟﺤﺪ ﻣﺎ ﺭﻳﻢ ﺳﺄﻟﺖ
ﺭﻳﻢ : ﺍﻱ ﺷﺮﺍﺡ ﺗﻠﺒﺴﻴﻦ ﺑﻌﺪ ﺑﺎﺟﺮ ﺑﺎﻟﻌﻘﺪ
ﻣﻠﻚ : ﺫﻛﺮﺗﻴﻨﻲ ﺍﺭﻳﺪ ﺍﺣﺠﻲ ﻭﻳﺔ ﺍﺩﻡ
ﺭﻳﻢ : ﻋﻠﻰ ﺷﻨﻮ
ﻣﻠﻚ : ﺭﺍﺡ ﺍﮔﻠﺔ ﻣﺎ ﻣﻮﺍﻓﻘﺔ ﻋﻠﻰ ﺍﻟﻌﻘﺪ ﺑﺲ ﻛﻮّﻥ ﻳﻘﺒﻞ ﺍﻳﺨﻠﻴﻨﻲ ﺃﻛﻤﻞ ﺩﺭﺍﺳﺔ
ﺭﻳﻢ : ﻭﻟﻴﺶ ﻫﻴﺞ ﻫﻮ ﻣﻮ ﻣﻮﺍﻓﻖ ﺗﻜﻤﻠﻴﻦ
ﻣﻠﻚ : ﻣﻮ ﺧﺎﻟﺔ ﮔﺎﻟﺖ ﻣﺎ ﺭﺍﺡ ﺗﺨﻠﻴﻨﻲ ﺍﻛﻤﻞ
ﺭﻳﻢ : ﻣﻠﻚ ﺣﺒﻲ
ﻣﻠﻚ : ﻫﻤﻢ
ﺭﻳﻢ : ﺍﻧﺠﺒﻲ ﻭﻛﻤﻠﻲ ﺍﻛﻞ
ﻣﻠﻚ : ﻟﺞ ﺍﺣﺘﺮﻣﻲ ﺗﺮﺓ ﺍﻛﺒﺮ ﻣﻨﺞ
ﺭﻳﻢ : ﺃﻭﻻً ﻧﻔﺲ ﺍﻟﻌﻤﺮ ﺛﺎﻧﻴﺎً ﺿﻮﺟﺘﻴﻨﻲ ﻳﺎ ﺑﻨﺘﻲ ﺍﻓﺘﻬﻤﻲ ﻣﺪﺍﻡ ﺍﻧﻄﺎﺝ ﻛﻠﻤﺔ ﺍﻧﻮ ﺭﺍﺡ ﺍﺗﻜﻤﻠﻴﻦ ﻓﻤﻌﻨﺎﻫﺎ ﺭﺍﺡ ﺗﻜﻤﻠﻴﻦ ﻭﻫﺴﺔ ﻣﻤﻜﻦ ﺗﺴﻜﺘﻴﻦ 😒
ﻣﻠﻚ : ﺻﺪﮒ ﻳﻌﻨﻲ ﺭﺍﺡ ﻳﻘﺒﻞ ﺃﻛﻤﻞ ﺩﺭﺍﺳﺔ
ﺭﻳﻢ : ﺍﻱ ﺷﺒﻴﺞ .. ﻣﻠﻚ
ﻣﻠﻚ : ﻻ ﺗﻐﻠﻄﻴﻦ
ﺭﻳﻢ : ﻻ ﻭﺍﻟﻠﻪ ﺑﺲ ﺩﺍ ﺍﺳﺄﻝ ﺷﻨﻮ ﻣﺴﻮﻳﺔ ﺁﻟﻴﻮﻡ ﻟﻠﻌﺼﺮ 😅
ﻣﻠﻚ : ﻫﺴﺔ ﺭﺍﺡ ﺍﺳﻮﻱ ﺗﺮﺍﻓﻞ ﻭﻛﺮﻭﺍﺯﺓ ﻧﻮﺗﻴﻼ 😂
ﺭﻳﻢ : ﻳﻤﻲ ﻟﻌﺪ ﺍﻧﻲ ﺷﺒﻌﺖ 😋
ﻣﻠﻚ : ﻣﺎ ﺍﻛﻠﺘﻲ ﺷﻲﺀ
ﺭﻳﻢ : ﺍﺩﺭﻱ ﺑﺲ ﺍﺑﻘﻲ ﻣﻜﺎﻥ ﻟﻠﺤﻠﻮﻳﺎﺕ 😜
ﻣﺤﻤﺪ ﻭﻣﻠﻚ 😂:
ﻣﻠﻚ 🏻👈 ﻛﻤﻠﻨﺎ ﺍﻛﻞ ﺻﻌﺪﺕ ﻧﻮﻣﺖ ﺭﻧﺪ ﻭﻧﺰﻟﺖ ﻟﮕﻴﺖ ﺭﻳﻢ ﻣﻌﺪﻟﺔ ﺍﻟﻤﻄﺒﺦ ﻭﻏﺎﺳﻠﺔ ﺍﻟﻤﻮﺍﻋﻴﻦ ﻭﻣﺤﻤﺪ ﺩﺍ ﻳﺘﻔﺮﺝ ﺗﻠﻔﺰﻳﻮﻥ ﺑﺪﻳﺖ ﻋﺰﻟﺖ ﺍﻟﺒﻴﺖ ﺑﺴﺮﻋﺔ ﻭﺟﻬﺰﺕ ﺍﻟﺤﻠﻮﻳﺎﺕ ﮔﻌﺪﻭﺍ ﺻﺒﻴﺘﻠﻬﻢ ﺑﺲ ﻫﻞ ﻣﺮﺓ ﺧﻠﻴﺖ ﺭﻳﻢ ﺃﺗﺆﺩﻱ ﺍﺧﺎﻑ 😅😂 ﻭﺭﺍﻫﺔ ﻃﻠﻌﻮﺍ ﺍﻟﻮﻟﺪ ﻋﺰﻟﺖ ﺍﻟﺒﻴﺖ ﻭﺟﻬﺰﺕ ﺍﻟﻌﺸﺔ ﻭﺻﻌﺪﺕ ﻏﺴﻠﺖ ﻭﺻﻠﻴﺖ ﻭﻧﺰﻟﺖ ﺭﻧﺪ ﺷﻮﻱ ﻭﺃﺟﻮﻱ ﺍﻟﻮﻟﺪ ﺟﻬﺰﺕ ﺍﻟﻌﺸﺔ ﻭﺧﻔﺖ ﺍﮔﻌﺪ ﻳﻤﻬﻢ ﻣﺜﻞ ﻗﺒﻞ ﺃﺧﺬﺕ ﺭﻧﺪ ﻭﮔﻌﺪﺕ ﺍﻋﺸﻴﻬﺎ ﺑﺎﻟﻤﻄﺒﺦ ﻟﺤﺪ ﻣﺎ ﻧﺎﺩﺗﻨﻲ ﺍﻟﺤﺠﻴﺔ ﺭﺣﺘﻠﻬﺔ
ﻣﻠﻚ : ﻧﻌﻢ ﺧﺎﻟﺔ
ﺍﻟﺤﺠﻴﺔ : ﻳﻼ ﻳﻤﺔ ﺗﻌﺎﻱ ﺍﺗﻌﺸﻲ
ﻣﻠﻚ : ﻻ ﺧﺎﻟﺔ ﺩﺍ ﺍﺗﻌﺸﺔ ﺑﺎﻟﻤﻄﺒﺦ
ﺍﻟﺤﺠﻴﺔ : ﻻ ﻳﻤﺔ ﺗﻌﺎﻟﻲ ﻫﻨﺎ
ﻣﻠﻚ 🏻👈 ﺍﻟﺼﺮﺍﺣﺔ ﺧﻔﺖ ﺍﺑﺎﻭﻉ ﻋﻠﻰ ﺧﺎﻟﺔ ﺳﻌﺎﺩ ﺗﺒﺎﻭﻋﻠﻲ ﺑﻐﻀﺐ ﻭﺃﺣﺲ ﻋﻴﻮﻧﻬﺎ ﺭﺍﺡ ﺗﻄﻠﻊ ﻣﻦ ﻣﻜﺎﻧﻬﺎ ﺍﻣﺎ ﻧﻮﺭ ﻓﺤﺎﻟﺔ ﺛﺎﻧﻴﺔ ﻟﻮ ﺑﻴﺪﻫﺎ ﺗﻤﻠﺨﻨﻲ ﻗﻠﻴﻠﺔ ﻭﺍﻣﺎ ﺍﻟﺒﻘﻴﺔ ﺍﻭﻭﻭﻭﻑ ﺍﻟﻮﺟﻪ ﻣﺘﺘﻔﺴﺮ ﻓﺰﻳﺖ ﻋﻠﻰ ﺻﻮﺕ ﺭﻳﻢ
ﺭﻳﻢ : ﻳﻼ ﺷﺒﻴﺞ ﺑﺲ ﺍﺗﺼﻔﺘﻴﻦ ﺗﻌﺎﻟﻲ ﻳﻤﻲ
ﻣﻠﻚ : ﻭﺍﻟﻠﻪ ﻣﻤﺸﺘﻬﻴﺔ ﺑﺲ ﺩﺍ ﺍﻋﺸﻲ ﺭﻧﺪ
ﺍﺣﻤﺪ : ﺣﻘﺞ ﻣﻦ ﻣﺘﺸﺘﻬﻴﻦ
ﻣﺮﻳﻢ : ﺷﻨﻮ ﻗﺼﺪﻙ
ﺍﺣﻤﺪ : ﻫﻴﺞ ... ﺻﺪﮒ ﻣﻠﻚ ﺯﻭﺟﺔ ﺍﺧﻮﻳﺔ ﺍﻟﻌﺰﻳﺰﺓ
ﺭﻳﻢ : ﺷﻮﻭﻭﻑ ﺑﺪﺕ ﺍﻟﻮﺍﮔﺔ 😂
ﺍﺣﻤﺪ : ﻣﻤﻜﻦ ﺗﺴﻜﺘﻴﻦ 😒😅
ﻣﻠﻚ : ﻫﻪ ﮔﻮﻝ ﺍﺣﻤﺪ ﺍﻧﺘﺔ ﻣﺜﻞ ﺍﺧﻮﻳﺔ
ﺍﺣﻤﺪ : ﻭﺍﻟﻠﻪ ﺍﻧﺘﻲ ﺍﺣﺴﻦ ﺃﺧﺖ ﺑﺎﻟﻌﺎﻟﻢ
ﻣﻠﻚ : ﺗﺴﻠﻢ ﺑﺲ ﺷﻨﻮ ﺭﺍﻳﺪ
ﺭﻳﻢ : ﺗﻠﮕﻲ ﺃﻳﺮﻳﺪ ﺷﻲﺀ ﺍﻳﺨﺺ ﺍﻻﻛﻞ
ﺍﺑﺮﺍﻫﻴﻢ : ﺍﻱ ﻭﺍﻟﻠﻪ ﺍﻭﻝ ﻣﺮﺓ ﺗﺤﺠﻴﻦ ﺷﻲﺀ ﺻﺢ
ﻭﻟﻴﺪ : ﻫﻬﻪ ﺍﻧﻘﺼﻔﺖ ﺍﻟﺠﺒﻬﺔ
ﺭﻳﻢ : ﺑﺎﺑﺎ ️☺
ﺧﺎﻟﺪ : ﻫﻬﻬﻬﻪ ﻭﻟﻜﻢ ﻛﺎﻓﻲ ﺑﺲ ﺗﺘﻨﺎﮔﺮﻭﻥ ( ﺗﺘﻌﺎﺭﻛﻮﻥ )
ﺍﺑﻮ ﻏﺴﺎﻥ : ﻛﺎﻓﻲ ﺧﻠﻮﺍ ﺍﻟﻮﻟﺪ ﻳﺤﺠﻲ
ﺍﺣﻤﺪ : ﺍﻱ ﻭﺍﻟﻠﻪ ﺟﺪﻭ ﺣﺘﻰ ﻧﺴﻴﺖ ﺷﻨﻮ ﭼﻨﺖ ﺭﺍﻳﺪ
ﻭﻟﻴﺪ : ﻫﻮ ﻣﺜﻞ ﻣﮕﺎﻟﺖ ﺭﻳﻢ ﺷﻲﺀ ﺍﻳﺨﺺ ﺍﻻﻛﻞ ﻓﻬﺴﺔ ﺗﺘﺬﻛﺮ 😂
ﺍﺣﻤﺪ : ﺍﺣﻢ ﺍﻱ ﺍﺗﺬﻛﺮﺕ ﻣﻠﻚ ﻣﻤﻜﻦ ﻧﺤﺠﻲ ﺳﻮﺓ
ﻣﻠﻚ : ﻫﻤﻢ !!
ﺍﺑﺮﺍﻫﻴﻢ : ﺷﺮﺍﻳﺪ ﻣﻨﻬﺔ
ﺍﺣﻤﺪ : ﻣﺠﺮﺩ ﺧﺪﻣﺔ ﺑﺴﻴﻄﺔ ﺍﺫﺍ ﻗﺒﻠﺖ
ﻣﻠﻚ : ﺍﺫﺍ ﺍﮔﺪﺭ ﻟﻴﺶ ﻻ
ﺍﺣﻤﺪ : ﻣﺎﺷﻲ ﺍﻧﻲ ﺧﻠﺼﺖ ﻋﺸﺔ ﻫﺴﺔ ﺍﺟﻲ ﻭﻧﺤﺠﻲ
ﻣﻠﻚ : ﻣﺎﺷﻲ ﺍﻧﻲ ﺑﺎﻟﻤﻄﺒﺦ ﺍﺫﺍ ﺗﺮﻳﺪ
ﺍﺣﻤﺪ : ﺍﻭﻙ
ﺍﺩﻡ 🏻👈 ﭼﻨﺔ ﮔﺎﻋﺪﻳﻦ ﻋﻠﻰ ﺍﻟﻌﺸﺔ ﻭ ﻣﻠﻚ ﻃﺒﻌﺎً ﻣﻦ ﻧﻮﻣﺖ ﺭﻧﺪ ﺑﻌﺪ ﻣﺸﻔﺘﻬﺔ ﻻﻥ ﺭﺣﺖ ﻧﻤﺖ ﺑﻐﺮﻓﺔ ﻣﺨﻠﻴﻬﺎ ﻟﻠﺨﻄﺎﺭ ﮔﻌﺪﺕ ﺍﻟﻌﺼﺮ ﺳﻤﻌﺖ ﺻﻮﺕ ﺑﺎﻟﻤﻄﺒﺦ ﺭﺣﺖ ﺷﻔﺘﻬﻢ ﮔﺎﻋﺪﻳﻦ ﻳﺘﻐﺪﻭﻥ ﺑﺲ ﺍﻻﺳﺘﻐﺮﺑﺘﺔ ﺍﺻﺮﺍﺭﻫﺎ ﻋﻠﻤﻮﺩ ﺗﻜﻤﻞ ﺩﺭﺍﺳﺔ ﺍﻛﻴﺪ ﺍﻛﻮ ﺷﻲﺀ ﻭﺭﺁﻩ ﺻﻌﺪﺕ ﺳﺒﺤﺖ ﻭﻏﻴﺮﺕ ﻣﻼﺑﺴﻲ ﺣﺴّﻴﺖ ﺑﺎﺏ ﺍﻟﻐﺮﻓﺔ ﺍﻧﻔﺘﺤﺖ ﺩﺧﻠﺖ ﻣﻠﻚ ﺷﺎﻳﻠﺔ ﺭﻧﺪ ﺧﻠﺘﻬﺎ ﺑﭽﺮﺑﺎﻳﺘﻬﺎ ﻭﻃﻠﻌﺖ ﭼﻨﺖ ﺑﺎﻟﺼﺎﻟﺔ ﻓﻤﻨﺘﺒﻬﺘﻠﻲ ﻭﺭﺍﻫﺎ ﻧﺰﻟﺖ ﺟﺎﺑﺖ ﺍﻟﭽﺎﻱ ﻭﺍﻟﻌﺼﻴﺮ ﻭﺍﻟﺤﻠﻮﻳﺎﺕ ﺭﻳﻢ ﺍﻟﻴﻮﻡ ﺍﻟﻈﺎﻫﺮ ﺑﻌﺪﻫﺎ ﺧﺎﻳﻔﺔ ﺍﺗﻔﻘﺖ ﻭﻳﺔ ﺟﺪﻭ ﻭ ﺑﺎﺑﺎ ﺍﻻﺣﺪ ﺃﺑﺪﻱ ﺑﺎﻟﻌﻘﺪ ﻣﺤﺠﻮﺍ ﻋﻔﺘﻬﻢ ﻭﻃﻠﻌﺖ ﺭﺟﻌﺖ ﻋﻠﻰ ﺍﻟﻌﺸﺔ ﺷﻔﺘﻬﺔ ﺷﻠﻮﻥ ﺗﺒﺎﻭﻉ ﺑﺎﻟﻮﺟﻮﻩ ﻭﺧﺎﻳﻔﺔ 😂 ﺣﻘﻬﺔ ﻣﺘﺸﺘﻬﻲ ﺑﺲ ﺿﻮﺟﻨﻲ ﺍﺣﻤﺪ ﺷﺮﺍﻳﺪ ﻣﻨﻬﺎ ﺍﻧﺘﻈﺮﺕ ﺍﺷﻮﻱ ﻭﺭﺣﺖ ﻭﺭﺍﻫﻢ ﺷﻔﺘﻬﻢ ﻃﻠﻌﻮﺍ ﺑﺎﻟﺤﺪﻳﻘﺔ ﺑﺲ ﻛﻠﺸﻲ ﻣﺴﻤﻌﺖ ﺻﻮﺗﻬﻢ ﭼﺎﻥ ﻧﺎﺻﻲ ﻭﺭﺍﻫﺔ ﺻﻌﺪﺕ ﻧﻤﺖ ﺍﻭ ﺍﻷﺻﺢ ﺳﻮﻳﺖ ﻧﻔﺴﻲ ﻧﺎﻳﻢ ﻻﻥ ﺑﻘﻴﺖ ﺍﻓﻜﺮ ﺷﻨﻮ ﺑﻴﻨﻬﺔ ﻭﺑﻴﻦ ﺍﺧﻮﻳﺔ ﺍﺣﻤﺪ ﻟﺤﺪ ﻣﺤﺴﻴﺖ ﺑﻴﻬﺔ ﻣﻦ ﺩﺧﻠﺖ ﺧﻠﺖ ﺭﻧﺪ ﻳﻤﻲ ﻭﺭﺍﺣﺖ ﻭﺭﺓ ﺷﻮﻱ ﻓﺘﺤﺖ ﻋﻴﻨﻲ ﻟﮕﻴﺘﻬﺎ ﻧﺎﻳﻤﺔ ﺑﻔﺮﺍﺷﻬﺎ ﻭﻣﻨﻄﻴﺘﻨﻲ ﻇﻬﺮﻫﺎ ﺑﺲ ﻟﻴﺶ ﺗﻨﺎﻡ ﺑﺎﻟﺤﺠﺎﺏ 😤 ﻣﺘﺨﺘﻨﮓ ﻧﻤﺖ ﻭﻣﺤﺴﻴﺖ ﻏﻴﺮ ﺍﻟﺼﺒﺢ ﻣﺸﻰ ﺍﻟﻴﻮﻡ ﻋﺎﺩﻱ ﺑﺎﻟﻴﻞ ﺻﻌﺪﺕ ﺧﻠﺖ ﺭﻳﻢ ﻳﻤﻲ ﻋﻠﻰ ﺍﻟﭽﺮﺑﺎﻳﺔ ﻭﺍﺟﺘﻲ ﺗﺮﻭﺡ ﺗﻨﺎﻡ ﮔﺘﻠﻬﺔ ﺗﺠﻲ ﻻﻥ ﺍﺭﻳﺪ ﺍﺣﺠﻲ ﻭﻳﺎﻫﺎ ﻭﻃﺒﻌﺎً ﺍﻧﻲ ﺟﻨﺖ ﺑﺎﻟﺼﺎﻟﺔ ﻣﺎﻝ ﺍﻟﻐﺮﻓﺔ ﺍﺷﺘﻐﻞ ﺑﺎﻟﺤﺎﺳﺒﺔ ﺍﺟﺘﻲ ﮔﻌﺪﺕ ﻣﻘﺎﺑﻴﻠﻲ ﺣﭽﻴﺖ ﻭﻳﺎﻫﺎ ﺑﺪﻭﻥ ﻣﺎ ﺍﺭﻓﻊ ﺭﺍﺳﻲ ﻋﻦ ﺍﻟﺤﺎﺳﺒﺔ ﻻﻥ ﺳﺎﻟﻔﺔ ﺍﺣﻤﺪ ﺑﻌﺪﻫﺎ ﺃﺑﺎﻟﻲ
ﺍﺩﻡ : ﺣﻀﺮﻱ ﻧﻔﺴﺞ ﺑﺎﺟﺮ ﺍﻧﺮﻭﺡ ﻧﻌﻘﺪ
ﻣﻠﻚ : ﺑﺲ ﺍﻧﻲ .. ﺑﺲ
ﺍﺩﻡ : ﻻ ﺗﺨﺎﻓﻴﻦ ﺗﻜﻤﻠﻴﻦ ﺩﺭﺍﺳﺔ
ﻣﻠﻚ : ﻭﺧﺎﻟﺔ 😧
ﺍﺩﻡ : ﺣﻀﺮﻱ ﻧﻔﺴﺞ ﻭﺑﺲ
ﻣﻠﻚ : ﺣﺎﺿﺮ .. ﺭﺍﻳﺪ ﺷﻲﺀ
ﺍﺩﻡ : ﻻ
ﻣﻠﻚ : ﺗﺼﺒﺢ ﻋﻠﻰ ﺧﻴﺮ
ﺭﺍﺣﺖ ﻧﺎﻣﺖ ﮔﻌﺪﺕ ﺍﻟﺼﺒﺢ ﻋﻠﻰ ﺻﻮﺕ ﺣﺮﻛﺔ ﺑﺎﻟﻐﺮﻓﺔ ﮔﻤﺖ ﺍﺑﺎﻭﻉ ﺍﻟﺴﺎﻋﺔ ﺏ 5 ﺷﻜﻮ ﺍﻧﺪﺍﺭﻳﺖ ﺷﻔﺖ ﻣﻠﻚ ﮔﺎﻋﺪﺓ ﺗﻜﻮﻱ
ﻣﻠﻚ : ﺀﺀﺍﺍﺍ ﺳﻔﺔ ﮔﻌﺪﺗﻚ
ﺍﺩﻡ : ﻣﻮ ﻣﺸﻜﻠﺔ ﺑﺲ ﺷﻌﻨﺪﺝ ﮔﺎﻋﺪﺓ ﻫﺴﺔ
ﻣﻠﻚ : ﻣﻮ ﮔﻌﺪﺕ ﺻﻠﻴﺖ ﻭﮔﻠﺖ ﺍﺣﻀﺮ ﻣﻼﺑﺴﻨﺎ ﻗﺒﻞ ﻻ ﺍﻧﺰﻝ
ﺍﺩﻡ : ﻫﻤﻤﻢ ﻣﺎﺷﻲ ﮔﻌﺪﻳﻨﻲ ﺏ 7 ﺑﺲ ﺍﺗﺮﻳﮓ ﻭﻧﻄﻠﻊ
ﻣﻠﻚ : ﺣﺎﺿﺮ
ﻣﻠﻚ 🏻👈 ﺍﺟﺔ ﺍﺣﻤﺪ ﻭﺍﻳﺮﻳﺪ ﺃﺳﺎﻋﺪﺓ ﺷﻠﻮﻥ ﻳﻌﺘﺮﻑ ﻟﻮﺣﺪﺓ ﺍﻧﻮ ﻫﻮ ﻳﺤﺒﻬﺔ ﻭﻳﺨﺎﻑ ﺗﺮﻭﺡ ﻣﻦ ﺁﻳﺪﺓ ﻭﺧﺎﻳﻒ ﺧﺎﻑ ﻫﻲ ﻣﺘﺤﺒﺔ ﮔﺘﻠﺔ ﻧﺨﺘﺒﺮﻫﺔ ﺍﻭﻝ ﺷﻲﺀ ﺍﺫﺍ ﺗﺤﺒﺔ ﺍﻭ ﻻ ﻭﺑﻌﺪﻳﻦ ﻳﻌﺘﺮﻓﻠﻬﺎ ﻭﮔﻌﺪﻧﺎ ﻧﺨﻄﻂ ﺷﻠﻮﻥ ﻧﺨﻠﻴﻬﺎ ﺗﻌﺘﺮﻑ ﻭﺭﺍﻫﺎ ﻛﻤﻠﺖ ﺷﻐﻠﻲ ﻭﺭﺣﺖ ﻧﻤﺖ ﻣﺸﻰ ﺛﺎﻧﻲ ﻳﻮﻡ ﻋﺎﺩﻱ ﻭﺑﺎﻟﻠﻴﻞ ﺍﺩﻡ ﮔﻠﻲ ﺑﺎﺟﺮ ﺭﺍﺡ ﻧﺮﻭﺡ ﻧﻌﻘﺪ ﻭﻻﺯﻡ ﺍﺟﻬﺰ ﻧﻔﺴﻲ ﭼﻨﺖ ﺗﻌﺒﺎﻧﺔ ﻓﻌﻔﺘﻬﺔ ﮔﻠﺖ ﺍﻟﺼﺒﺢ ﺍﺟﻬﺰ ﻛﻠﺸﻲ ﻧﻤﺖ ﻭﮔﻌﺪﺕ ﺻﻠﻴﺖ ﻭﺑﺪﻳﺖ ﺣﻀﺮﺕ ﻣﻼﺑﺲ ﺍﺩﻡ ﻭﻛﻮﻳﺘﻬﻢ ﻭﺣﻀﺮﺕ ﻣﻼﺑﺲ ﺍﻟﻲ ﻭﻟﺮﻳﺮﻱ ﺍﻱ ﺍﺭﻳﺪ ﺍﺧﺬﻫﺎ ﻭﻳﺎﻳﺔ ﻭﺭﺍﻫﺔ ﻧﺰﻟﺖ ﺟﻬﺰﺕ ﺍﻟﺮﻳﻮﮒ ﻧﺰﻟﻮﺍ ﻳﺘﺮﻳﮕﻮﻥ ﺻﻌﺪﺕ ﻏﻴﺮﺕ ﻣﻼﺑﺴﻲ ﻭﮔﻌﺪﺕ ﺇﺩﻡ ﻭﺍﺧﺬﺕ ﺭﻳﺮﻱ ﺟﻬﺰﺗﻬﺎ ﻧﺰﻟﺖ ﻃﺒﻌﺎً ﻣﺨﻠﺔ ﺍﻟﺠﻮ ﻣﻦ ﺍﻟﻲ ﻋﺎﻑ ﺍﻻﻛﻞ ﻭﮔﺎﻡ ﻭﺍﻟﻲ ﻣﻌﺼﺐ ﺑﻮﺟﻬﻲ ﻛﻤﻞ ﺍﺩﻡ ﻭﻋﻤﻮ ﺍﺑﺮﺍﻫﻴﻢ ﺍﺟﺔ ﻭﻳﺎﻧﺔ ﻭﺭﻧﺪ ﺍﻛﻴﺪ ﻃﺒﻌﺎً ﺍﺩﻡ ﺑﺎﻟﺒﺪﺍﻳﺔ ﻋﺎﺭﺽ ﺑﺲ ﺑﻌﺪﻳﻦ ﻭﺍﻓﻖ ﺭﺣﻨﺔ ﻋﻘﺪﻧﺎ ﻭﺭﺍﻫﺎ ﮔﺎﻝ ﻋﻤﻮ ﻻﺯﻡ ﺍﻧﺰﻭﺭ ﺍﻟﺼﺮﺍﺣﺔ ﻓﺮﺣﺖ ﺣﻴﻞ ﻻﻥ ﺻﺎﺭ ﻛﻮﻣﺔ ﻣﺮﺍﻳﺤﺔ ﻟﻸﻣﻤﺔ ﻣﺘﺨﻠﻴﻨﻲ ﺟﺎﻧﺖ ﺧﺎﻟﺔ ﺷﻴﻤﺎﺀ ﺩﺍﺋﻤﺎً ﺗﻠﮕﺔ ﺣﺠﺔ ﻋﻠﻤﻮﺩ ﺍﺑﻘﺔ ﺑﺎﻟﺒﻴﺖ ﻭﻫﻤﺔ ﻳﺮﺣﻮﻥ ﺍﻟﻤﻬﻢ ﺭﺣﻨﺔ ﺍﻧﻲ ﻭﺁﺩﻡ ﻭﺭﻧﺪ ﻭﻋﻤﻮ ﮔﺎﻝ ﻋﺪﺓ ﺷﻐﻞ ﻓﻌﺎﻓﻨﺔ ﺭﺣﻨﺔ ﺯﺭﻧﺔ ﻭﺗﻐﺪﻳﻨﺎ ﻭﺭﺟﻌﻨﺎ ﺯﺭﻧﺔ ﻣﺮﺓ ﺛﺎﻧﻴﺔ ﻭﺍﻓﺘﺮﻳﻨﺎ ﺷﻮﻱ ﺑﺎﻟﺴﻮﮒ ﻳﻼ ﺭﺟﻌﻨﺔ ﺑﺲ ﻓﺪ ﺍﺗﻮﻧﺴﺖ ﺣﺘﻰ ﺭﻧﺪ ﻫﻠﮕﺪ ﻣﺎ ﺗﻌﺒﺖ ﻣﻦ ﺍﻟﻌﺐ ﺑﺎﻟﻄﺮﻳﻖ ﻧﺎﻣﺖ ﺭﺟﻌﻨﺎ ﺍﻟﻌﺼﺮ ﺗﻘﺮﻳﺒﺎً ﺳﺎﻋﺔ 5 ﺍﻏﻠﺐ ﺍﻟﻮﺟﻪ ﻣﺎ ﺍﻋﺮﻑ ﺷﻠﻮﻥ ﺃُﻭﺻِّﻒ ﺍﻟﻨﻈﺮﺍﺕ 😅 ﻃﺒﻌﺎً ﺩﺧﻠﻨﺎ ﻟﮕﻴﻨﺎﻫﻢ ﮔﺎﻋﺪﻳﻦ ﺑﺎﻟﺼﺎﻟﺔ ﺑﺲ ﻃﺒﻌﺎً ﻣﻮ ﺍﻟﻜﻞ ﻣﺜﻞ ﺍﺣﻤﺪ ﻭﻭﻟﻴﺪ ﻧﺎﻳﻤﻴﻦ ﻻﻥ ﺍﻟﻴﻮﻡ ﺍﻭﻝ ﻳﻮﻡ ﺩﻭﺍﻡ ﻓﺄﻛﻴﺪ ﺭﺍﺟﻌﻴﻦ ﺗﻌﺒﺎﻧﻴﻦ ﻭﺭﻳﻢ ﺑﺎﻟﺪﻭﺍﻡ ﻭﺍﻟﺒﻘﻴﺔ ﻣﺠﻤﻮﻋﻴﻦ ﺑﺎﻟﺼﺎﻟﺔ ﻋﺪﺍ ﺍﻟﺠﻬﺎﻝ ﻧﺼﻬﻢ ﺑﺎﻟﮕﺮﺍﺝ ﻳﻠﻌﺐ ﻭﺍﻟﻨﺺ ﺍﻟﺜﺎﻧﻲ ﻳﺪﺭﺱ ﻭ .. ﺍﻟﺤﺠﻴﺔ ﻭﻋﻤﻮ ﺍﺑﻮ ﻏﺴﺎﻥ ﻭ ﺧﺎﻟﺪ ﻭﺇﺑﺮﺍﻫﻴﻢ ﻭﺣﺘﻰ ﺭﺍﻣﻲ ﺑﺎﺭﻛﻮﻟﻨﺎ ﻭﺍﻟﻲ ﻳﮕﻮﻝ ﺍﻟﺰﻳﺎﺭﺓ ﻣﻘﺒﻮﻟﺔ ﻭﺍﻟﺒﻘﻴﺔ ﻋﺒﺎﻟﻚ ﻣﺎ ﻣﻮﺟﻮﺩﺓ ﺃﺧﺬﺕ ﺭﻧﺪ ﺻﻌﺪﺕ ﻏﻴﺮﺗﻠﻬﺎ ﻣﻼﺑﺴﻬﺎ ﻭﺧﻠﻴﺘﻬﺎ ﺑﻔﺮﺍﺷﻬﺎ ﻭﺍﻧﻲ ﻫﻢ ﺃﺧﺬﺕ ﺩﻭﺵ ﺳﺮﻳﻊ ﻭﻧﺰﻟﺖ ﺭﺣﺖ ﻟﻠﻤﻄﺒﺦ ﺩﺍ ﺍﺷﺮﺏ ﻣﻲ ﻟﺤﮕﺘﻨﻲ ﻧﺪﻯ
ﻧﺪﻯ : ﺍﻟﺰﻳﺎﺭﺓ ﻣﻘﺒﻮﻟﺔ ﻭﺃﻟﻒ ﻣﺒﺮﻭﻙ ﺣﺒﻲ
ﻣﻠﻚ : ﺍﻟﻠﻪ ﻳﺒﺎﺭﻙ ﺑﻴﺞ ﺣﺒﻲ
ﻧﺪﻯ : ﺧﻮ ﻣﻀﺎﻳﺠﺔ ﻣﻨﻲ ﺑﺲ ﺗﺪﺭﻳﻦ ﺏ ....
ﻣﻠﻚ : ﻻ ﻋﺎﺩﻱ ﺣﺒﻲ ﻭﻟﻴﺶ ﺍﺿﻮﺝ
ﺭﻳﻢ : ﺍﻟﻒ ﻣﺒﺮﺭﺭﺭﺭﺭﻭﻙ
ﻣﻠﻚ : ﺷﻜﺮﺍً ﺣﺒﻲ ﺑﺲ ﻳﻤﺘﺔ ﺍﺟﻴﺘﻲ 😂
ﻧﺪﻯ : ﺧﺮﻋﺘﻴﻨﺎ 😂
ﺭﻳﻢ : ﺳﻮﺭﻱ 😅 ﻗﺒﻞ ﺷﻮﻱ ﻭﺟﻨﺖ ﮔﺎﻋﺪﺓ ﻳﻢ ﺍﻟﻌﺮﻳﺲ
ﻣﻠﻚ : ﻳﺎ ﻋﺮﻳﺲ
ﺭﻳﻢ : ﻣﻤﻜﻦ ﺃﺗﻌﻮﻓﻴﻦ ﻏﺒﺎﺋﺞ ﻋﻠﻰ ﺟﻬﺔ ﺍﺣﺠﻲ ﻋﻠﻰ ﺯﻭﺟﺞ ﻳﺎ ﻋﺮﻭﺳﺔ 😜😒
ﻣﻠﻚ : ﻣﻤﻜﻦ ﺗﺴﻜﺘﻴﻦ ﻭﺭﻭﺣﻲ ﻏﻴﺮﻱ ﻣﻼﺑﺴﺞ ﺭﺍﺡ ﺇﺻﺒﻠﺞ ﻏﺪﺓ ﺍﻛﻴﺪ ﺟﻮﻋﺎﻧﺔ
ﺭﻳﻢ : ﺍﻱ ﻭﺍﻟﻠﻪ ﻣﻴﺘﺔ ﺟﻮﻉ
ﺍﺣﻤﺪ : ﻭﻫﻮ ﺍﻧﺘﻲ ﻳﺎ ﻣﺮﺓ ﻣﻤﻴﺘﺔ ﺟﻮﻉ
ﺭﻳﻢ : ﺍﻭﻭﻭﻑ ﺍﺟﺔ ﺍﻧﻲ ﺭﺍﻳﺤﺔ ﺃﺑﺪﻝ ﻭﺍﺟﻲ
ﺍﺣﻤﺪ : ﺣﻀﺮﺕ ﺍﻟﻤﻼﺋﻜﺔ ﻓﺨﺮﺟﺖ ﺍﻟﺸﻴﺎﻃﻴﻦ ️☺
ﺭﻳﻢ : 😤😤😒
ﻣﻠﻚ ﻭﻧﺪﻯ 😂😂:
ﺍﺣﻤﺪ : ﻣﺒﺮﻭﻙ ﻋﻴﻨﻲ ﻣﻠﻚ
ﻣﻠﻚ : ﺍﻟﻠﻪ ﻳﺒﺎﺭﻙ ﺑﻴﻚ ﻳﻮﻡ ﺍﻟﻲ ﺍﻟﻚ
ﺍﺣﻤﺪ : ﺍﻣﻴﻴﻴﻴﻴﻴﻦ
ﻭﻟﻴﺪ : ﺷﺒﻴﻚ ﻛﺎﺗﻞ ﺭﻭﺣﻚ ﺍﺛﮕﻞ
ﺍﺣﻤﺪ : ﻭﺍﻧﺘﺔ ﺷﻜﻮ
ﻭﻟﻴﺪ : ﻣﺒﺮﻭﻙ ﻣﻠﻚ
ﻣﻠﻚ : ﺍﻟﻠﻪ ﻳﺒﺎﺭﻙ ﺑﻴﻚ ﻭﻳﻮﻡ ﺍﻟﻲ ﺍﻟﻚ ﻫﻢ
ﻭﻟﻴﺪ : ﻻ ﺍﻧﻲ ﻣﻮ ﻣﺜﻞ ﻫﺬﺍ ﺍﻟﺨﻔﻴﻒ ﻣﺴﺘﻌﺠﻞ 😒
ﺍﺣﻤﺪ : ﻣﺤﺪ ﺧﻔﻴﻒ ﻏﻴﺮﻙ 😝😒
ﻧﺪﻯ : ﺧﻼﺹ ﻛﺎﻓﻲ ﺷﺒﻴﻜﻢ ﺟﻨﻜﻢ ﺟﻬﺎﻝ 😂
ﻣﻠﻚ : ﺗﺸﺮﺑﻮﻥ ﺟﺎﻱ 😂
ﺍﺣﻤﺪ ﻭ ﻭﻟﻴﺪ : ﻳﺎ ﺭﻳﺖ
ﺍﻟﻜﻞ : ﺑﺪﺃ ﺑﺎﻟﻀﺤﻚ
ﻣﻠﻚ 🏻👈 ﻣﺸﻰ ﺍﻟﻴﻮﻡ ﻋﺎﺩﻱ ﻭﺑﺎﻟﻠﻴﻞ ﺻﻌﺪﺕ ﻟﻠﻐﺮﻓﺔ ﻣﻦ ﻭﻛﺖ ﺣﻀﺮﺕ ﻣﻼﺑﺲ ﺍﻟﻲ ﻭﻟﺮﻧﺪ ﻭﺣﺘﻰ ﺭﻧﺪ ﻧﻮﻣﺘﻬﺎ ﻣﻦ ﻭﻛﺖ ﻭﻗﺘﺖ ﺍﻟﺘﻠﻔﻮﻥ ﺩﺍ ﺃَﻃْﻔِﺊ ﺑﺎﻻﺿﻮﻳﺔ ﻭﺍﺟﻰ ﺍﺩﻡ
ﺍﺩﻡ : .....
ﺍﺩﻡ : ﺭﺣﻨﺎ ﻋﻘﺪﻧﺎ ﻟﻠﻈﻬﺮ ﺧﻠﺼﻨﺎ ﺑﻔﻀﻞ ﻣﻌﺎﺭﻑ ﺑﺎﺑﺎ ﻭﺭﺍﻫﺎ ﺑﺎﺑﺎ ﮔﺎﻝ ﻋﺪﺓ ﺷﻐﻞ ﻭﮔﺎﻝ ﺭﻭﺣﻮﺍ ﺯﻭﺭﺍ ﺍﻷﻣﺎﻡ ﺍﻟﻜﺎﻇﻢ ( ﻉ ) ﺍﻭﻝ ﻣﺮﺓ ﺍﺷﻮﻑ ﻣﻠﻚ ﻫﻴﺞ ﻓﺮﺣﺎﻧﺔ ﻭﻣﻦ ﻭﺻﻠﻨﺎ ﺍﺑﺎﻭﻋﻠﻬﺎ ﺷﻠﻮﻥ ﺍﻟﻄﻔﻞ ﺗﺒﺎﻭﻉ ﺩﺧﻠﻨﺎ ﻟﻸﻣﺎﻡ ﺍﺧﺬﺕ ﺭﻧﺪ ﻭﺭﺍﺣﺖ ﻣﻦ ﺟﻬﺔ ﺍﻟﻨﺴﻮﺍﻥ ﻭﺍﻧﻲ ﻫﻢ ﺯﺭﺕ ﻭﺍﺗﻔﻘﻨﺎ ﻧﻠﺘﻘﻲ ﺑﻤﻜﺎﻥ ﻃﻠﻌﺖ ﻟﮕﻴﺘﻬﺎ ﺗﻘﺮﺓ ﻗﺮﺃﻥ ﻭﺑﺤﻈﻨﻬﺎ ﺭﻧﺪ ﻭﺃﻭﻝ ﻣﺮﺓ ﺃﺷﻮﻓﻬﺎ ﻣﺪﻣﻌﺔ ﻣﻦ ﺷﺎﻓﺘﻨﻲ ﺑﺴﺮﻋﺔ ﻣﺴﺤﺖ ﺍﺩﻣﻮﻋﻬﺎ
ﻣﻠﻚ : ﺍﻟﺰﻳﺎﺭﺓ ﻣﻘﺒﻮﻟﺔ
ﺍﺩﻡ : ﻣﻨﺔ ﻭﻣﻨﻜﻢ ﺻﺎﻟﺢ ﺍﻻﻋﻤﺎﻝ .. ﻳﻼ ﺍﻧﺮﻭﺡ
ﻣﻠﻚ : ﺧﻠﻲ ﻧﺒﻘﻰ ﺷﻮﻱ ﺑﻌﺪ
ﺍﺩﻡ : ﺧﻠﻲ ﻧﺘﻐﺪﺍ ﻭﻧﺮﺟﻊ ﻧﺰﻭﺭ ﻣﺮﺓ ﺛﺎﻧﻴﺔ ﻳﻼ ﻧﺮﺟﻊ ﻟﻠﺒﻴﺖ
ﻣﻠﻚ : ﺻﺪﮒ ﻣﺎﺷﻲ
ﻃﻠﻌﻨﺎ ﺗﻐﺪﻳﻨﺎ ﻭﺭﺟﻌﻨﺎ ﺯﺭﻧﺎ ﻭﺭﺍﻫﺎ ﻓﺮﻳﺘﻬﺎ ﺑﺎﻟﺴﻮﮒ ﻭﺭﺟﻌﻨﺎ ﻃﺒﻌﺎً ﻣﺜﻞ ﻣﺘﻮﻗﻌﺖ ﻫﻲ ﺻﻌﺪﺕ
ﺳﻌﺎﺩ : ﻫﺎﺍﺍ ﺳﻮﻳﺖ ﺍﻟﻲ ﺑﺮﺃﺳﻚ
ﺍﺩﻡ : ﺍﻱ ﻣﺎﻣﺎ ﺻﺎﺭﺕ ﺯﻭﺟﺘﻲ ﺭﺳﻤﻲ ﻫﺴﺔ
ﺍﺣﻼﻡ : ﻭﺷﮕﻴﺪ ﻛﺘﺒﺘﻠﻬﺎ ﻣﻘﺪﻡ ﻭﻣﺆﺧﺮ
ﻧﻮﺭ : ﺍﻱ ﺻﺪﮒ ﺷﮕﻴﺪ
ﺭﺍﻧﻴﺎ : ﺗﺮﺓ ﻣﺘﺴﻮﺓ ﺧﻮ ﻣﺎ ﻛﺘﺒﺘﻠﻬﺎ ﺷﻲﺀ ﭼﺒﻴﺮ
ﺍﺣﻼﻡ : ﺍﻱ ﺻﺪﮒ ﺧﻮ ﻣﺎ ﻛﺘﺒﺘﻠﻬﺎ ﺷﻲﺀ ﭼﺒﻴﺮﻻﺗﻨﺴﻰ ﻫﻲ ﻛﻠﻬﺎ ﻭﺣﺪﺓ ﻓﺼﻠﻴﺔ ﺍَﻫﻠﻬﺎ ﺷﻤﺮﻭﻫﺎ ﻋﻠﻴﻨﺎ
ﺍﺩﻡ : ﻣﻤﻜﻦ ﻣﺘﺪﺧﻠﻮﻥ ﻋﺎﺟﺒﺘﻨﻲ ﻭﺧﻼﺹ
ﻣﺮﻳﻢ : ﺑﺲ ﻟﻮ ﺍﻋﺮﻑ ﺷﻨﻮ ﺍﻟﻲ ﻋﺎﺟﺒﻚ ﺑﻴﻬﺔ
ﺃﻣﻞ : ﺷﻌﺮﻓﻨﻲ ﻭﺍﻟﻠﻪ
ﺧﺎﻟﺪ 😡: ﻛﺎﻓﻲ ﻣﺘﺴﻜﺘﻮﻥ ﺷﻮﻱ
ﺍﺩﻡ : ﺟﺪﻭ ﺑﻼ ﺯﺣﻤﺔ ﺍﺭﻳﺪ ﺍﺣﺠﻲ ﺷﻲ ﮔﺪﺍﻣﻚ
ﺍﺑﻮ ﻏﺴﺎﻥ : ﺗﻔﻀﻞ ﺍﺑﻨﻲ
ﺍﺩﻡ : ﻫﺴﺔ ﻫﻲ ﻣﺮﺗﻲ ﻣﻮ ﻟﻮﻻ
ﺍﺑﻮﻏﺴﺎﻥ : ﺍﻱ ﺍﺑﻨﻲ ﺑﺲ ﻟﻴﺶ
ﺍﺩﻡ : ﺟﺪﻭ ﻣﻤﻜﻦ ﺑﻌﺪ ﻳﻌﺎﻣﻠﻮﻫﺎ ﺣﺎﻟﻬﺎ ﺣﺎﻝ ﺍﻱ ﭼﻨﺔ ﺑﻬﺬﺍ ﺍﻟﺒﻴﺖ
ﺭﺍﻧﻴﺎ : ﻻ ﻭﺍﻟﻠﻪ ﺃﻧﻮﺏ ﺍﺗﺴﺎﻭﻯ ﻭﻳﺔ ﺍﻟﻔﺼﻠﻴﺔ
ﺍﺑﺮﺍﻫﻴﻢ : ﺭﺍﻧﻴﺎ ﺍﺣﺘﺮﻣﻲ
ﺍﺣﻼﻡ : ﺇﺑﻮ ﺍﺩﻡ ﺣﻘﻬﺔ ﺗﺮﺓ ﻻﻥ ﻣﺴﺘﺤﻴﻞ ﭼﻨﺘﻲ ﺗﺘﺴﺎﻭﺓ ﻭﻳﺔ ﻭﺣﺪﺓ ﻓﺼﻠﻴﺔ
ﺳﻌﺎﺩ : ﺍﻱ ﻭﻣﻦ ﺑﺎﺟﺮ ﺗﺮﺟﻊ ﺧﺪﺍﻣﺔ ﻣﺜﻞ ﻗﺒﻞ
ﺍﺑﻮ ﻏﺴﺎﻥ ( ﺑﺼﻴﺎﺡ ) : ﻛﺎﺍﺍﺍﻓﻲ ﺍﺳﻜﺘﻮﺍ ﺧﻠﻲ ﺍﺳﻤﻊ ﻛﻤﻞ ﺍﺩﻡ
ﺍﺩﻡ : ﺍﻱ ﺟﺪﻭ ﻭﻫﻲ ﻃﻠﺒﺖ ﻗﺒﻞ ﻓﺘﺮﺓ ﺗﻜﻤﻞ ﺩﺭﺍﺳﺔ ﻭﺍﺣﻨﺎ ﻭﺍﻓﻘﻨﺎ ﻛﻠﻨﺎ ﻣﻮ
ﺳﻌﺎﺩ : ﻭﻫﺴﺔ ﻏﻴﺮﻧﺎ ﺭﺃﻳﻨﺎ
ﺍﺑﺮﺍﻫﻴﻢ : ﻛﺎﻓﻲ ﻳﺎ ﻣﺮﺓ ﺧﻠﻲ ﺍﺑﻨﺞ ﺍﻳﻜﻤﻞ ﺍﻟﻲ ﻋﻨﺪﺓ
ﺍﺩﻡ : ﺟﺪﻭ ﻣﻠﺨﺺ ﻣﻔﻴﺪ ﻟﻠﻜﻼﻡ ﺍﺭﻳﺪ ﻳﻌﺎﻣﻠﻮﻥ ﻣﺮﺗﻲ ﻣﺜﻠﻬﺔ ﻣﺜﻞ ﺍﻟﺒﻘﻴﺔ ﻻﻥ ﺭﺍﺡ ﺍﻳﺼﻴﺮ ﺍﺣﺘﺮﺍﻣﻬﺎ ﻣﻦ ﺍﺣﺘﺮﺍﻣﻲ ﻭﺃﺭﻳﺪﻫﺎ ﺗﻜﻤﻞ ﺩﺭﺍﺳﺔ ﺍﻳﺼﻴﺮ
ﺇﺑﻮﻏﺴﺎﻥ : ﻛﻞ ﺍﻟﻲ ﮔﻠﺘﻰ ﻳﺠﺮﺍﻟﻚ ﺍﺑﻨﻲ ﺣﻘﻚ ﻭﺍﻟﻜﻞ ﺳﻤﻊ ﻭﻓﻬﻢ ﻋﻠﻰ ﻣﺎ ﺃﻇﻦ ﻣﻮ
ﺍﺣﻼﻡ : ﻭﻳﻮﺳﻒ ﻧﺴﻴﺘﻰ ﻋﻤﻮ
ﺍﺑﻮ ﻏﺴﺎﻥ : ﻻ ﻣﺎ ﻧﺴﻴﺘﻰ ﺑﺲ ﻣﻴﺼﻴﺮ ﻧﻌﺎﻗﺐ ﺷﺨﺺ ﻋﻠﻰ ﻏﻠﻂ ﻭﺍﺣﺪ ﺛﺎﻧﻲ
ﻣﺮﻳﻢ : ﻭﺷﻐﻞ ﺍﻟﺒﻴﺖ
ﺃﻣﻞ : ﺍﻱ ﺻﺢ ﻋﻤﻮ
ﺍﻟﺤﺠﻴﺔ : ﺍﻧﻲ ﺍﻗﺴﻤﺔ ﺑﻴﻨﻜﻢ ﺷﻮ ﻣﺎ ﺷﺎﺀ ﺍﻟﻠﻪ ﺍﻧﺘﻲ ﻭﻧﻮﺭ ﻭﻧﺪﻯ ﻭﺭﺍﻧﻴﺎ ﮔﺎﻋﺪﺍﺕ ﺑﺎﻟﺒﻴﺖ
ﺭﺍﻧﻴﺎ : ﻭﺇﻧﺸﺎﺀ ﺍﻟﻠﻪ ﺍﻧﮕﻮﻡ ﺍﺣﻨﺎ ﻧﺨﺪﻡ ﺍﻟﺨﺪﻡ
ﺍﺑﻮ ﻏﺴﺎﻥ : ﺍﻧﻲ ﺷﮕﻠﺖ 😡
ﺭﺍﻧﻴﺎ : ﺍﻟﻌﻔﻮ ﻋﻤﻮ ﺑﺲ ﺧﻮ ﻣﺎ ﻧﮕﻮﻡ ﻧﺨﺪﻡ ﺑﻴﻬﺔ ﻭﻫﻲ ﺑﺤﺠﺔ ﺗﺪﺭﺱ ﻛﻠﺸﻲ ﻣﺘﺴﻮﻱ
ﺃﻣﻞ : ﻭﻧﻮﺭ ﻇﻴﻔﺔ ﺧﻮ ﻣﻨﺨﻠﻴﻬﺎ ﺗﺸﺘﻐﻞ
ﺍﻟﺤﺠﻴﺔ : ﻧﻮﺭ ﻣﻦ ﻳﻮﻡ ﻳﻮﻣﻬﺔ ﺣﺎﺳﺒﺔ ﻧﻔﺴﺔ ﻭﺣﺪﺓ ﻣﻦ ﻫﺬﺍ ﺍﻟﺒﻴﺖ ﻭﺍﻧﻲ ﺭﺍﺡ ﺍﻗﺴﻢ ﺍﻟﺸﻐﻞ ﺑﺎﻟﺘﺴﺎﻭﻱ ﺑﻴﻨﻜﻢ ﺃﻧﺘﻢ ﺍﻟﺨﻤﺴﺔ ﻭﺇﺫﺍ ﺗﺮﻳﺪ ﻧﻮﺭ ﻣﻨﺤﺴﺒﻬﺔ ﻫﻢ ﻋﺎﺩﻱ ﺍﻗﺴﻤﺔ ﺑﻴﻨﻜﻢ
ﻧﻮﺭ : ﻻ ﺧﺎﻟﺔ ﺍﻛﻴﺪ ﺍﻧﻲ ﻭﺣﺪﺓ ﻣﻨﻜﻢ ﻭﺍﻟﻲ ﺗﺮﺩﻱ ﺍﻧﻲ ﺣﺎﺿﺮﺓ
ﺍﺑﻮ ﻏﺴﺎﻥ : ﻫﺎﺍﺍﺍ ﻣﺪﺍﻡ ﻫﻴﺞ ﺑﻘﺖ ﻳﻤﺞ ﺣﺠﻴﺔ
ﺍﻟﺤﺠﻴﺔ : ﺍﻧﺸﺎﺀ ﺍﻟﻠﻪ ﺍﻟﺼﺒﺢ ﺍﻓﻬﻢ ﻛﻞ ﻭﺣﺪﺓ ﺷﻨﻮ ﺷﻐﻠﻬﺔ
ﺍﺑﻮ ﻏﺴﺎﻥ : ﺍﻧﺸﺎﺀ ﺍﻟﻠﻪ .. ﻫﺎ ﺍﺑﻨﻲ ﺭﺍﻳﺪ ﺷﻲﺀ ﺑﻌﺪ
ﺍﺩﻡ : ﻻ ... ﺷﻜﺮﺍً ﺟﺪﻭ
ﺍﺑﻮ ﻏﺴﺎﻥ : ﺍﻟﻌﻔﻮ ﺍﺑﻨﻲ ﻫﺬﺍ ﺣﻘﻚ
ﺍﺩﻡ 🏻👈 ﺍﻟﺤﻤﺪ ﻟﻠﻪ ﻫﻴﺞ ﺭﺍﺡ ﺍﺣﺲ ﺍﻧﻮ ﺷﻮﻱ ﺍﺭﺩﻟﻬﺎ ﻣﻦ ﺟﻤﻴﻠﻬﺎ ﻭﻳﺎﻳﺔ ﻭ ﻭﻳﺔ ﺑﻨﺘﻲ ﺍﺗﻌﺸﻴﻨﺎ ﻭﺳﻬﺮﺕ ﻭﻳﺔ ﺍﻟﻮﻟﺪ ﺷﻮﻱ ﺳﻴﻒ ﺻﺎﻳﺮ ﻻ ﻳُﻄﺎﻕ ﻣﻦ ﻭﺭﺓ ﻣﺪﺭﺓ ﺍﺭﻳﺪ ﺍﻋﻘﺪ ﻋﻠﻰ ﻣﻠﻚ ﻟﺤﺪ ﺍﻻﻥ ﺍﻟﻤﻬﻢ ﺷﺄﺳﻮﻳﻼ ﺷﻔﺘﻬﺔ ﺻﺎﺭﺕ ﺏ ١٢ﮔﻠﺖ ﺧﻠﻲ ﺍﺻﻌﺪ ﺍﻧﺎﻡ ﺻﻌﺪﺕ ﺷﻔﺘﻬﺔ ﻣﻨﻴﻤﺔ ﺭﻧﺪ ﻭﺩﺍ ﺗﺮﻳﺪ ﺗﻨﺎﻡ ﮔﻠﺖ ﺧﻠﻲ ﺍﻓﻬﻤﻬﺔ ﻣﻦ ﺑﺎﺟﺮ ﺣﻴﺘﻘﺴﻢ ﺍﻟﺸﻐﻞ
ﺍﺩﻡ : ﺣﺠﻴﺖ ﻭﻳﺔ ﺍﻟﺤﺠﻴﺔ ﺑﺎﺟﺮ ﺭﺍﺡ ﻳﺘﻘﺴﻢ ﺍﻟﺸﻐﻞ ﺷﻮﻓﻲ ﺷﻨﻮ ﺭﺍﺡ ﻳﺼﻴﺮ ﺷﻐﻠﺞ ﻗﺒﻞ ﻻ ﺍﻃﻠﻌﻴﻦ
ﻣﻠﻚ : ﺣﺎﺿﺮ .. ﺑﺲ ﻋﻠﻤﻮﺩ ﺭﻧﺪ ﻣﺤﺘﺎﺟﺔ ﺃﻭﺭﺍﻕ ﻋﻠﻤﻮﺩ ﺃﺳﺠﻠﻬﺎ ﻭﻳﺎﻳﺔ ﺑﺎﻟﺤﻀﺎﻧﺔ
ﺍﺩﻡ : ﺍﻳﻴﻲ ﺻﺢ ﮔﻌﺪﻳﻨﻲ ﻣﻦ ﻭﻛﺖ ﺑﺎﺟﺮ ﺍﺟﻲ ﻭﻳﺎﺝ ﻋﻠﻤﻮﺩ ﺍﻧﺴﺠﻠﻬﺎ ﻭﻧﺸﻮﻓﻠﺞ ﺧﻂ
ﻣﻠﻚ : ﻣﺎﻛﻮ ﺩﺍﻋﻲ ﻟﻠﺨﻂ ﺍﮔﺪﺭ ﺍﺭﻭﺡ ﻧﻔﺮﺍﺕ ﻭﺍﺭﺟﻊ ﺑﻴﻬﺔ ﺑﺲ ﺩﻟﻴﻨﻲ ﺑﺎﺟﺮ ﺷﻠﻮﻥ ﺍﻟﻄﺮﻳﻖ ﻣﻨﺎﻧﺔ
ﺍﺩﻡ : ﻻ ﺧﻂ ﺍﺣﺴﻦ ﻋﻠﻤﻮﺩ ﺭﻧﺪ ﻫﻢ ﻻ ﺗﺘﺒﻬﺬﻟﻮﻥ ﺑﺎﻟﻨﻔﺮﺍﺕ
ﻣﻠﻚ : ﻣﺎﺷﻲ ﺑﺮﺍﺣﺘﻚ ﻭﺍﻟﻔﻠﻮﺱ ﺷﻠﻮﻥ
ﺍﺩﻡ : ﻣﻠﻚ ﺍﻧﺘﻲ ﻫﺴﺔ ﺯﻭﺟﺘﻲ ﻭﺃﻱ ﺷﻲﺀ ﺗﺤﺘﺎﺟﻲ ﮔﻮﻟﻲ ﻣﺎﺷﻲ
ﻣﻠﻚ : ﻣﺎﺷﻲ
ﺍﺩﻡ : ﻭﺷﻐﻠﺔ ﺛﺎﻧﻴﺔ ﻣﻨﺎ ﻭﺭﺍﻳﺢ ﺭﺍﺡ ﺗﺼﻴﺮﻟﺞ ﺃﺳﺒﻮﻋﻴﺔ ١٠٠ ﺗﻜﻔﻴﺞ ﻟﻮﻻ
ﻣﻠﻚ : ﻻ ﻣﺤﺎﺟﺔ ﻋﻨﺪﻱ
ﺍﺩﻡ : ﺗﻜﻔﻴﺞ ﻟﻮﻻ ﺑﺪﻭﻥ ﺍﻟﺨﻂ ﻭﺍﻟﻤﻼﺑﺲ
ﻣﻠﻚ : ﺍﻱ ﺗﻜﻔﻲ ﺍﺻﻼً ﻫﻮﺍﻳﺔ ﻭﻋﻨﺪﻱ ﺍﻧﻲ ﻫﺴﺔ
ﺍﺩﻡ : ﻣﻴﺨﺎﻟﻒ ﺿﻤﻲ ﺍﻟﻲ ﻳﺰﻭﺩ ﺍﻟﺞ
ﻣﻠﻚ : ﺷﻜﺮﺍ ً ﻭﺍﻟﻠﻪ ﻣﺎ ﺍﻋﺮﻑ ﺷﻠﻮﻥ ﺃﺭﺩ ﺟﻤﻴﻠﻚ
ﺍﺩﻡ : ﻣﺎﻛﻮ ﺩﺍﻋﻲ ﺍﻧﺘﻲ ﻣﺮﺗﻲ ﻭﻫﺬﺍ ﻭﺍﺟﺒﻲ ﺑﺲ ﺍﺭﻳﺪ ﺩﻳﺮﻳﻦ ﺑﺎﻟﺞ ﻣﻦ ﺭﻧﺪ
ﻣﻠﻚ : ﻻ ﺗﺨﺎﻑ ﺑﻌﻴﻮﻧﻲ
ﺍﺩﻡ : ﺍﻭﻙ ﻳﻼ ﺧﻠﻲ ﺍﻧﺎﻡ
ﻣﻠﻚ : ﺍﻧﺸﺎﺀ ﺍﻟﻠﻪ ﺗﺼﺒﺢ ﻋﻠﻰ ﺧﻴﺮ
ﻣﻠﻚ 🏻👈 ﻧﻤﺖ ﻭﺃﻭﻝ ﻣﺮﺓ ﺍﻧﺎﻡ ﻓﺮﺣﺎﻧﺔ ﺍﺩﺭﻱ ﺑﻨﻔﺴﻲ ﮔﻤﺖ ﺍﻧﻌﺠﺐ ﺑﺄﺩﻡ ﻻ ﻭﺍﻟﻠﻪ ﺑﺪﻳﺖ ﺍﺣﺒﻪ ﺑﺲ ﻃﺒﻌﺎً ﺍﻟﻲ ﻓﺮﺣﻨﻲ ﺍﻛﺜﺮ ﺷﻠﻮﻥ ﻣﺪﺍﻓﻌﻠﻲ ﺍﻟﻌﺼﺮ .. ﺷﻠﻮﻥ ﺩﺭﻳﺖ ﻣﻦ ﻧﺪﻯ 😅 ﻣﺎ ﺍﺩﺭﻱ ﺍﺫﺍ ﻳﻌﻄﻒ ﻋﻠﻴﺔ ﺍﻭﻣﻌﺘﺒﺮﻧﻲ ﺑﺲ ﻣﺴﺆﻭﻟﻴﺘﺔ ﺑﺲ ﺣﺒﻴﺖ ﺍﻫﺘﻤﺎﻣﺔ ﺍﻟﻲ ﻣﺎ ﺷﻔﺘﺔ ﺑﺲ ﻣﻦ ﻛﺮﻡ ﺗﻌﺒﺖ ﻣﻦ ﺍﻟﺘﻔﻜﻴﺮ ﻭﻣﺎ ﺍﺩﺭﻱ ﻳﻤﺘﺔ ﻧﻤﺖ ﮔﻌﺪﺕ ﻋﻠﻰ ﺻﻮﺕ ﺍﻻﺫﺍﻥ ﺻﻠﻴﺖ ﻭﻧﺰﻟﺖ ﺟﻬﺰﺕ ﺍﻟﻐﺪﺓ ﻣﺎﻝ ﺍﻟﻴﻮﻡ ﻭﺭﺍﻫﺎ ﺣﻀﺮﺕ ﺍﻟﺮﻳﻮﮒ ﺻﻌﺪﺕ ﮔﻌﺪﺕ ﺍﺩﻡ ﻭﺭﻧﺪ ﻭﺳﺒﺤﺖ ﻭﺑﺪﻟﺖ ﻭﺑﺪﻟﺖ ﻟﺮﻧﺪ ﻧﺰﻟﺖ ﻛﻠﻬﻢ ﻣﺘﺠﻤﻌﻴﻦ ﻋﻠﻰ ﺍﻟﺮﻳﻮﮒ
ﻣﻠﻚ : ﺻﺒﺎﺡ ﺍﻟﺨﻴﺮ
ﺍﻟﺒﻌﺾ :😏 ﺻﺒﺎﺡ ﺍﻟﻨﻮﺭ
ﺍﻟﺤﺠﻴﺔ : ﻳﻤﺔ ﺍﻧﺘﻲ ﻣﻦ ﻳﻤﺘﺔ ﮔﺎﻋﺪﺓ
ﻣﻠﻚ : ﺗﻘﺮﻳﺒﺎً ﺏ 5 ﻟﻴﺶ ﺧﺎﻟﺔ
ﺍﻟﺤﺠﻴﺔ : ﻭﻳﻤﺘﺔ ﻟﺤﮕﺘﻲ ﺗﺴﻮﻳﻦ ﺍﻟﻐﺪﺓ
ﻣﻠﻚ : ﻣﻮ ﮔﻌﺪﺕ ﺻﻠﻴﺖ ﻭﺳﻮﻳﺖ ﺍﻟﻐﺪﺓ ﻭﺭﺍﻫﺎ ﺟﻬﺰﺕ ﺍﻟﺮﻳﻮﮒ ﻭﺻﻌﺪﺕ ﺑﺪﻟﺖ
ﺍﺣﻤﺪ : ﺍﻱ ﺣﺒﺎﺑﺔ ﺍﺑﻘﻲ ﺍﻧﺘﻲ ﻃﺒﺨﻲ
ﺭﻳﻢ : ﺍﻱ ﺣﺒﺎﺑﺔﺓﺓ
ﻣﻠﻚ : ﺍﻧﺸﺎﺀ ﺍﻟﻠﻪ 😊
ﺍﻟﺤﺠﻴﺔ : ﻣﺎﺷﻲ ﻟﻌﺪ ﻳﺒﻘﻰ ﺍﻻﻛﻞ ﻋﻠﻴﺞ ﻟﻮ ﺗﺘﻌﺒﻴﻦ
ﻣﻠﻚ : ﻻ ﺧﺎﻟﺔ ﻣﺎﻛﻮ ﺗﻌﺐ ﻭﻣﻦ ﺍﺭﺟﻊ ﺍﻧﺸﺎﺀ ﺍﻟﻠﻪ ﺍﻧﻈﻒ
ﻧﺪﻯ : ﻻ ﺍﻟﺘﻨﻈﻴﻒ ﻋﻠﻴﺔ
ﺍﻟﺤﺠﻴﺔ : ﺧﻮﺵ ﻟﻌﺪ ﻭﺭﺍﻧﻴﺎ ﺗﺴﺎﻋﺪﺝ ﻭﺍﻟﻤﻮﺍﻋﻴﻦ ﻋﻠﻰ ﻣﺮﻳﻢ
ﻭﻧﻮﺭ ﻋﻮﻓﻮﻫﺎ ﻻﻥ ﺧﻄﺎﺭ ﻭﺍﻟﻤﻼﺑﺲ ﻛﻞ ﻭﺣﺪﺓ ﺗﻐﺴﻞ ﻣﺎﻝ ﻋﺎﺋﻠﺘﻬﺎ
ﺃﻣﻞ : ﺧﺎﻟﺔ ﺑﻌﺪ ﻫﺬﺍ ﺍﻟﻌﻤﺮ ﺗﺮﺩﻳﻨﻲ ﺍﺷﺘﻐﻞ
ﺳﻌﺎﺩ : ﺍﻱ ﺧﺎﻟﺔ ﺷﻠﻮﻥ ﺍﻧﻲ ﻫﻢ
ﺍﻟﺤﺠﻴﺔ : ﺷﻮ ﺍﻧﺘﻮ ﺗﺨﻠﻮﻥ ﺍﻟﻤﻼﺑﺲ ﻣﻨﺎ ﺗﻄﻠﻊ ﺣﺘﻰ ﻧﺎﺷﻔﺔ ﻣﻨﺎ ﺷﻨﻮ ﺍﻟﺘﻌﺐ ﺍﻟﻲ ﺑﻴﻬﺔ
ﺭﻳﻢ : ﻣﻮ ﻣﺸﻜﻠﺔ ﻣﻼﺑﺴﻲ ﻭﻣﻼﺑﺲ ﺍﺣﻤﺪ ﺍﻧﻲ ﺍﻏﺴﻠﻬﻢ
ﺍﻟﺤﺠﻴﺔ : ﻣﺮﻳﻢ ﻋﻠﻴﻬﺎ ﻣﻼﺑﺴﻬﺎ ﻟﻌﺪ ﻭﻣﻼﺑﺲ ﺃﻣﻬﺎ ﻭﺃﺑﻮﻫﺎ ﻭﺭﺍﻧﻴﺎ ﻣﻼﺑﺲ ﺧﺎﻟﺘﻬﺎ ﻭﺍﻧﺘﻲ ﺃﻣﻞ ﺑﻨﺖ ﺍﺧﺘﺞ ﻣﻮﺟﻮﺩﺓ ﻭﺍﻧﻲ ﻣﻨﻄﻴﺘﻬﺎ ﺷﻐﻞ ﺧﻠﻲ ﻋﻠﻴﻬﺎ ﺍﻟﻤﻼﺑﺲ
ﺃﻣﻞ : ﻭﻣﻦ ﺗﺮﻭﺡ ﻧﻮﺭ ﺷﻠﻮﻥ
ﺍﻟﺤﺠﻴﺔ : ﻭﻛﺘﻬﺎ ﺍﻧﺘﻲ ﺫﺑﻴﻬﻦ ﺑﺎﻟﻐﺴﺎﻟﺔ ﻭﻭﺣﺪﺓ ﻣﻦ ﺍﻟﺒﻨﺎﺕ ﺗﺸﺮﻫﻦ ﺍﻟﺞ ﻭﻳﺒﻘﻰ ﺍﻧﺘﻲ ﺑﺲ ﺗﻜﻮﻳﻦ ﺍﻟﻲ ﻳﺤﺘﺎﺝ ﻛُﻮﻱ ﻟﺤﺪ ﻣﺘﺰﻭﺟﻴﻦ ﻭﺍﺣﺪ ﻣﻦ ﻭﻟﺪﺝ
ﺳﻌﺎﺩ : ﺷﻮ ﻛﻞ ﺍﻟﺸﻐﻞ ﻭﮔﻊ ﻋﻠﻰ ﺭﺍﺳﻨﺎ ﻭﺍﻟﻔﺼﻠﻴﺔ ﻣﻨﻄﻴﺘﻬﺎ ﺑﺲ ﺍﻻﻛﻞ
ﺍﺩﻡ : ﻣﺎﻣﺎ 😠
ﺳﻌﺎﺩ 😒:
ﺍﻟﺤﺠﻴﺔ : ٣ ﻭﺟﺒﺎﺕ ﻭﻳﺔ ﺍﻟﺤﻠﻮﻳﺎﺕ ﻟﻠﻌﺼﺮﻳﺔ ﻭﻋﺪﻫﺎ ﺩﺭﺍﺳﺔ ﻭﺑﻌﺪﻳﻦ ﻣﻮ ﻳﻮﻣﻴﺔ ﺗﻐﺴﻠﻮﻥ ﻣﻼﺑﺲ ﻋﻠﻤﻮﺩ ﺗﺘﻌﺒﻮﻥ ﻭﻫﻲ ﺍﻟﻐﺴﺎﻟﺔ ﺗﻜﻤﻞ ﻛﻞ ﺷﻲﺀ ﺑﻌﺪ ﺍﻛﻮ ﺍﻋﺘﺮﺍﺽ
ﺇﺑﻮ ﻏﺴﺎﻥ : ﻻ ﻭﺍﻟﻠﻪ ﻋﺎﺷﺖ ﺍﻳﺪﺝ ﺧﻮﺵ ﺣﺠﻲ
ﻣﻠﻚ : ﺷﻜﺮﺍً ﺧﺎﻟﺔ ﻭﺇﻧﺸﺎﺀ ﺍﻟﻠﻪ ﻣﻦ ﻣﺎ ﻋﻨﺪﻱ ﺷﻲﺀ ﺃﺳﺎﻋﺪﻫﻢ
ﺍﻟﺤﺠﻴﺔ : ﺍﻧﺸﺎﺀ ﺑﺲ ﻻ ﺗﻘﺼﺮﻧﻲ ﺑﺪﺭﺍﺳﺘﺞ
ﻣﻠﻚ : ﻻ ﺗﺨﺎﻓﻴﻦ ﺧﺎﻟﺔ
ﻭﻟﻴﺪ : ﺷﮕﻴﺪ ﺗﻘﺪﻳﺮﺝ
ﻣﻠﻚ : ﺑﺎﻟﻤﺮﺣﻠﺔ ﺍﻻﻭﻟﻰ ﻣﻤﺘﺎﺯ ﻭﺍﻟﻌﺎﻡ ﺟﻴﺪ ﺟﺪﺍً
ﺍﺣﻤﺪ : ﺧﺮﺭﺏ 😮
ﻭﻟﻴﺪ : ﭼﺬﺍﺑﺔ
ﻣﻠﻚ : ﻻ ﻭﺍﻟﻠﻪ ﻣﺪّﺍ ﺍﭼﺬﺏ ﻭﻣﺤﺘﻔﻈﺔ ﺑﺎﻟﻨﺘﺎﺋﺞ ﻣﺎﻟﺘﻲ
ﻭﻟﻴﺪ : ﺃﺳﻒ ﻣﻮ ﻗﺼﺪﻱ ﺑﺲ ﻣﻦ ﺍﻟﺼﺪﻣﺔ ﻻﻥ ﺍﻳﮕﻮﻟﻮﻥ ﻋﻠﻴﺔ ﺳﭽﺎﭺ ﺍﻟﻤﺮﺣﻠﺔ ﻭﺃﻋﻠﻰ ﺗﻘﺪﻳﺮ ﻭﺻﻠﺘﻠﺔ ﺟﻴﺪ ﺟﺪﺍً
ﻣﻠﻚ : ﻻ ﻋﺎﺩﻱ
ﺍﺩﻡ : ﻳﻼ ﻣﻠﻚ ﺧﻠﻲ ﺍﻭﺻﻠﺞ
ﻣﻠﻚ : ﺍﻧﺸﺎﺀ ﺍﻟﻠﻪ ﺑﺲ ﺟﺒﺖ ﺍﻷﻭﺭﺍﻕ
ﺍﺩﻡ : ﺍﻱ ﻳﻼ ﻟﺤﮕﻴﻨﻲ ﻟﻠﺴﻴﺎﺭﺓ
ﻣﻠﻚ : ﺣﺎﺿﺮ ﻳﻼ ﻣﻊ ﺍﻟﺴﻼﻣﺔ
ﻣﻠﻚ 🏻👈 ﺭﺣﻨﺎ ﻟﻠﻜﻠﻴﺔ ﻃﺒﻌﺎً ﻣﻦ ﺩﺧﻠﺖ ﻛﻠﻬﺎ ﺗﺒﺎﻭﻋﻠﻲ 😂 ﺍﻟﻌﺎﻡ ﻣﺎ ﻣﺮﺗﺒﻄﺔ ﻭﺍﻟﺴﻨﺔ ﻋﻨﺪﻱ ﻃﻔﻠﺔ ﻋﻤﺮﻫﺎ ﺗﻘﺮﻳﺒﺎً ٣ ﺳﻨﻮﺍﺕ 😂 ﺑﺎﻟﮕﻮﺍﺕ ﺣﺎﺑﺴﺔ ﺍﻟﻀﺤﻜﺔ ﺻﻌﺪﻧﺎ ﻟﻠﺤﻀﺎﻧﺔ ﻭﺳﺠﻠﺘﻬﺎ ﻭﺳﻮﻳﺘﻠﻬﺎ ﻭﺭﻗﺔ ﺗﺪﺧﻞ ﺑﻴﻬﺔ ﻭﻃﻠﻊ ﮔﺎﻝ ﺭﺍﺡ ﺍﺷﻮﻑ ﺧﻂ ﺑﻄﺮﻳﻘﻲ ﻭﺍﻧﻄﻴﻨﻲ ﺭﻗﻤﺞ ﻋﻠﻤﻮﺩ ﻣﻦ ﺗﺨﻠﺼﻴﻦ ﺩﮔﻴﻠﻲ ﺍﺟﻲ ﻋﻠﻴﺞ ﻟﺤﺪ ﻣﺎ ﻧﻠﮕﺔ ﺧﻂ ﻭﺭﺍﺡ ﺻﻌﺪﺕ ﻟﻠﻘﺴﻢ ﺍﺧﺬﺕ ﺍﻟﺠﺪﻭﻝ ﻭﺭﺍﻫﺎ ﻧﺰﻟﺖ ﺩﺧﻠﺖ ﻷﻭﻝ ﻣﺤﺎﺿﺮﺓ ﻭﻛﻠﻬﺎ ﺗﺘﻬﺎﻣﺲ ﻭﺭﺍﻫﺎ ﺍﺟﺔ ﺍﻻﺳﺘﺎﺫ ﺟﺎﻥ ﻳﺄﺧﺬﻧﺎ ﺑﺎﻟﻤﺮﺣﻠﺔ ﺍﻻﻭﻟﻰ ﺍﺳﺘﺎﺫ ﺣﺒﺎﺏ ﻭﻛﺒﻴﺮ ﺑﺎﻟﻌﻤﺮ ﺳﻠﻢ ﻭﮔﺎﻝ ﺣﻴﺎﺧﺬﻧﺎ ﺍﻟﺴﻨﺔ ﻭﺭﺍﻫﺎ ﺍﻧﺘﺒﻬﻠﻲ
ﺍﺳﺘﺎﺫ ﺃﻳﺎﺩ : ﺷﻠﻮﻧﺞ ﻣﻠﻚ
ﻣﻠﻚ : ﺍﻟﺤﻤﺪ ﻟﻠﻪ
ﺍﺳﺘﺎﺫ ﺃﻳﺎﺩ : ﺍﺭﻳﺪ ﺍﻣﺘﻴﺎﺯ ﻣﺜﻞ ﺍﻟﻤﺮﺓ ﺍﻟﺴﺎﺑﻘﺔ
ﻣﻠﻚ : ﺍﻧﺸﺎﺀ ﺍﻟﻠﻪ ﺍﺳﺘﺎﺫ
ﻛﻤﻠﺖ ﺍﻟﻤﺤﺎﺿﺮﺓ ﺭﺣﺖ ﺍﻃﻤﺌﻨﻴﺖ ﻋﻠﻰ ﺭﻧﺪ ﻭﮔﻤﺖ ﺍﮔﻀﻲ ﺍﻟﻔﺮﺍﻏﺎﺕ ﻳﻤﻬﺔ ﺑﺎﻟﺤﻀﺎﻧﺔ ﻣﻮ ﻣﺜﻞ ﻗﺒﻞ ﺍﮔﻀﻴﻬﺎ ﺑﺎﻟﺪﺭﺍﺳﺔ ﻟﻮ ﺍﻗﺮﺓ ﻛﺘﺐ ﮔﻤﺖ ﺍﻧﺘﻈﺮ ﻭﻛﺖ ﺍﻟﻔﺮﺍﻍ ﻋﻠﻤﻮﺩ ﺍﺭﻭﺣﻠﻬﺔ ﺧﻠﺼﺖ ﻣﺤﺎﺿﺮﺍﺕ ﻃﻠﻌﺖ ﺭﻧﺪ ﻭﮔﻌﺪﺕ ﺍﻟﻌﺒﻬﺎ ﻭﻃﺒﻌﺎً ﺍﺗﺼﻠﺖ ﺑﺂﺩﻡ ﮔﺎﻝ ﺳﺎﻋﺔ ﻭﻳﺠﻲ ﻭﮔﻠﻲ ﺍﻧﺘﻈﺮﺓ ﺍﺧﺬﺕ ﺭﻧﺪ ﻭﺍﺷﺘﺮﻳﺖ ﻋﺼﻴﺮ ﻭﮔﻌﺪﺕ ﺍﻟﻌﺒﻬﺎ ﺑﺎﻟﺤﺪﻳﻘﺔ ﺍﻷﻣﺎﻣﻴﺔ ﻋﻠﻤﻮﺩ ﺑﺲ ﺍﻳﺪﮔﻠﻲ ﺍﻃﻠﻌﻠﺔ ﺩﮔﻠﻲ ﻣﻌﻨﺎﻫﺎ ﺍﺟﺔ ﻃﻠﻌﺖ ﻭﺑﺎﻟﻄﺮﻳﻖ ﮔﻠﻲ ﻟﮕﺎﻟﻲ ﺧﻂ ﻭﺑﺎﺟﺮ ﻳﺠﻴﻨﻲ ﻭ ﺻﻠﺖ ﺗﻘﺮﻳﺒﺎً ﺏ ١: ٣٠ ﻟﮕﻴﺘﻬﻢ ﺩﺍ ﻳﺼﺒﻮﻥ ﺑﺎﻷﻛﻞ ﺑﺴﺮﻋﺔ ﺑﺪﻟﺖ ﻭﺑﺪﻟﺖ ﻟﺮﻧﺪ ﻧﺰﻟﺖ ﺍﺗﻐﺪﻳﻨﺎ ﻭ ﺳﺎﻋﺪﺗﻬﻢ ﺑﻠﻢ ﺍﻟﺴﻔﺮﺓ ﻭﻧﻮﻣﺖ ﺭﻧﺪ ﻭﻧﺰﻟﺖ ﺳﻮﻳﺖ ﺍﻟﺤﻠﻮﻳﺎﺕ ﻣﺎﻝ ﺍﻟﻌﺼﺮﻭﺟﻬﺰﺕ ﻏﺪﺓ ﻟﺮﻳﻢ ﻭﻫﻴﺞ ﻣﺸﺖ ﺣﻴﺎﺗﻲ ﺍﮔﻌﺪ ﺍﻟﺼﺒﺢ ﺃﺻﻠﻲ ﻭﺍﺟﻬﺰ ﺍﻟﺮﻳﻮﮒ ﻭﺭﺍﻫﺎ ﺍﮔﻌﺪ ﺍﺩﻡ ﻭﺃﺑﺪﻝ ﻭﺃﺑﺪﻝ ﻟﺮﻧﺪ ﻭﺃﺭﻭﺡ ﻟﻠﺪﻭﺍﻡ ﺍﺭﺟﻊ ﺍﺗﻐﺪﺓ ﻭﺭﺍﻫﺎ ﺍﻧﻮﻡ ﺭﻧﺪ ﻭﺍﺳﻮﻱ ﺷﻲﺀ ﻟﻠﻌﺼﺮ ﻭﺍﮔﻌﺪ ﺍﺩﺭﺱ ﻟﺤﺪ ﻣﺎ ﺍﻳﺄﺫﻥ ﺃﺻﻠﻲ ﻭﺍﻧﺰﻝ ﺍﺟﻬﺰ ﺍﻟﻌﺸﺔ ﻭﺍﻃﺒﺦ ﻏﺪﺓ ﺛﺎﻧﻲ ﻳﻮﻡ ﻭﺃﺧﻠﻲ ﺑﺎﻟﺜﻼﺟﺔ ﻭﺭﺍﻫﺎ ﺍﺻﻌﺪ ﺍﻛﻤﻞ ﺩﺭﺍﺳﺔ ﻭﺍﺣﻀﺮ ﻣﻼﺑﺴﻲ ﻭﻣﻼﺑﺲ ﺭﻧﺪ ﻭﺁﺩﻡ ﻭﺃﻧﺎﻡ ﻭﻫﻴﺞ ﻣﺸﺖ ﺑﺲ ﺑﺼﺮﺍﺣﺔ ﺣﻴﻞ ﻣﺮﺗﺎﺣﺔ ﺍﻛﺜﺮ ﻣﻦ ﻣﺎ ﺟﻨﺖ ﻋﻨﺪ ﺍﻫﻠﻲ 😏 ﻟﺤﺪ ﻣﺎ ﺍﺟﺔ ﺍﻟﻴﻮﻡ ﺍﻟﻲ ﺷﻔﺖ ﺑﻲ ﺷﻲﺀ ﻣﭽﺎﻥ ﻋﻠﻰ ﺑﺎﻟﻲ ﺍﺑﺪ ..
ﺍﺩﻡ 🏻👈 ﮔﻌﺪﺕ ﺍﻟﺼﺒﺢ ﻭﺑﻴﺒﻲ ﻗﺴﻤﺖ ﺍﻟﺸﻐﻞ ﻭﺻﻠﺘﻬﺎ ﺍﺷﻮﻑ ﺍﻟﻜﻞ ﺍﻳﺒﺎﻭﻋﻠﻬﺎ ﻭﻳﺘﻬﺎﻣﺴﻮﻥ ﺧﺼﻮﺻﺎً ﻣﻦ ﺩﺧﻠﻨﺎ ﻗﺴﻤﻬﺎ ﺍﺑﺎﻭﻉ ﻟﺒﺴﻬﺎ ﻣﺴﺘﻮﺭ ﻟﻌﺪ ﺷﺒﻴﻬﻢ ﻛﻤﻠﺖ ﺗﺴﺠﻴﻞ ﺭﻧﺪ ﺍﺧﺬﺕ ﺭﻗﻤﻬﺔ ﺷﻔﺖ ﻣﺒﺎﻳﻠﻬﺎ ﻗﺪﻳﻢ ﮔﻠﺖ ﺇﺑﺪﻟﻠﻬﻴﺎ ﻭﻃﻠﻌﺖ ﺳﺄﻟﺖ ﺍﻹﺳﺘﻌﻼﻣﺎﺕ ﻋﻠﻰ ﺍﻋﻼﻥ ﺧﻂ ﻭﻃﻠﻊ ﺍﻛﻮ ﻭﺍﺣﺪ ﺍﺗﺼﻠﺖ ﻭﻟﮕﻴﺖ ﻣﻜﺎﻧﻴﻦ ﻓﺎﺭﻏﺎﺕ ﺣﺠﺰﺗﻬﻦ ﺍﻟﻬﺔ ﻋﻠﻤﻮﺩ ﺭﻧﺪ ﺗﮕﻌﺪ ﻳﻤﻬﺎ ﻭﻫﻴﺞ ﺍﻃﻤﺌﻦ ﻣﺎﻛﻮ ﻭﻟﺪ ﻳﮕﻌﺪ ﻳﻤﻬﺎ ﻻﻥ ﺍﻟﺨﻂ ﭼﺎﻥ ﻣﺨﺘﻠﻂ ﺍﻟﺤﻤﺪ ﻟﻠﻪ ﻣﺸﺖ ﺍﻷﻳﺎﻡ ﻫﺎﺩﺋﺔ ﻟﺤﺪ ﺑﻴﻮﻡ ...
*****
ﻣﻠﻚ 🏻👈 ﻣﺒﻘﺔ ﺑﺲ ﺍﺳﺒﻮﻉ ﻟﻼﻣﺘﺤﺎﻧﺎﺕ ﻣﺎﻝ ﻧﺺ ﺍﻟﺴﻨﺔ ﻭﻣﺎ ﻋﻨﺪﻱ ﻏﻴﺎﺑﺎﺕ ﻟﻬﺬﺍ ﮔﻌﺪﺕ ﺑﺎﻟﺒﻴﺖ ﺍﺳﺒﻮﻉ ﻋﻠﻤﻮﺩ ﺍﺭﻛﺰ ﺯﻳﻦ ﻭﺑﻴﻮﻡ ﺟﻤﻌﺔ ﻣﺸﺔ ﺍﻟﻴﻮﻡ ﻋﺎﺩﻱ ﻛﻤﻠﻨﺎ ﻏﺪﺓ ﻭﺳﻮﻳﺖ ﺍﻟﺤﻠﻮﻳﺎﺕ ﺻﻌﺪﺕ ﻧﻮﻣﺖ ﺭﻧﺪ ﻭﮔﻌﺪﺕ ﺍﻗﺮﺓ ﻟﻞ ٤: ٣٠ ﺗﻘﺮﻳﺒﺎً ﻧﺰﻟﺖ ﻟﮕﻴﺘﻬﻢ ﮔﺎﻋﺪﻳﻦ ﺍﻧﻄﻴﺘﻬﻢ ﺍﻟﭽﺎﻱ ﻭﺍﻟﺤﻠﻮﻳﺎﺕ ﻭﺍﺧﺬﺕ ﺍﻟﻲ ﻭﺻﻌﺪﺕ ﺷﻮﻱ ﻭﺍﺟﺔ ﻣﺤﻤﺪ ﺟﺎﻳﺐ ﺁﻟﺔ ﻭﻟﺮﻧﺪ ﮔﻌﺪﻭﺍ ﻳﻠﻌﺒﻮﻥ ﻭﻣﺤﻤﺪ ﻣﺮﺓ ﻳﺪﺭﺱ ﻣﺮﺓ ﻳﻠﻌﺒﻬﺎ 😂 ﻣﺤﺴﻴﻨﺎ ﻏﻴﺮ ﺍﻟﺒﺎﺏ ﺍﻧﺪﻓﻌﺖ ﻭﺩﺧﻞ ﺍﺩﻡ ﻋﺎﻁ ﻋﻠﻰ ﻣﺤﻤﺪ ﻋﻠﻤﻮﺩ ﻳﺄﺧﺬ ﺭﻧﺪ ﻭﻳﻄﻠﻊ ﺍﻟﺼﺮﺍﺣﺔ ﺍﻧﻲ ﺑﻘﻴﺖ ﻣﺼﺪﻭﻣﺔ ﺍﺩﻡ ﻭﻻ ﻣﺮﺓ ﺷﻔﺘﺔ ﻫﻴﺞ ﻋﺼﺒﻲ ﺍﻧﺘﺒﻬﺖ ﻣﻦ ﻗﻔﻞ ﺍﻟﺒﺎﺏ ﺣﻴﻞ ﺧﻔﺖ ﻭﻷﻭﻝ ﻣﺮﺓ ﺍﺧﺎﻑ ﺃﺗﻘﺪﻡ ﻋﻠﻴﺔ ﺭﺃﺳﺎً ﮔﻤﺸﻨﻲ ﻣﻦ ﺷﻌﺮﻱ ﻭﺿﻞ ﻳﻀﺮﺏ ﻭﻳﻐﻠﻂ ﻋﻠﻴﺔ ﻭﻋﻠﻰ ﺍﻫﻠﻲ ﺍﻟﻲ ﻣﻌﺮﻓﻮﺍ ﺇﻳﺮﺑﻮﻧﻲ ﻭﺍﻧﻮ ﺍﻧﻲ ﺧﺎﻳﻨﺔ ﻣﻔﻬﻤﺖ ﻗﺼﺪﺓ ﻭﺭﺍﻫﺎ ﮔﻤﺖ ﺍﺣﺲ ﺟﺴﻤﻲ ﻧﻤﻞ ﮔﻤﺖ ﻣﺎ ﺍﺣﺲ ﺑﺄﻱ ﻭﺟﻊ ﺑﺲ ﻣﺜﻞ ﺍﻟﻮﺧﺰ ﺑﺲ ﺃﻛﺒﺮ ﻭﺟﻊ ﭼﺎﻥ ﻭﺟﻊ ﮔﻠﺒﻲ .. ﺍﻱ ﺣﺒﻴﺖ ﺍﺩﻡ ﻟﻄﻴﺒﺘﺔ ﻭﻳﺎﻳﺔ ﺍﻫﺘﻤﺎﻣﺔ ﺑﺎﻟﻜﻞ ﺣﻨﻴﺘﺔ ﻋﻠﻰ ﺑﻨﺘﺔ ﻭﺇﺧﻼﺻﺔ ﻟﺰﻭﺟﺘﺔ ﺍﻟﻤﺮﺣﻮﻣﺔ .. ﻓﺰﻳﺖ ﻣﻦ ﺻﻔﻨﺘﻲ ﻋﻠﻰ ﺿﺮﺑﺔ ﻋﻠﻰ ﺑﻄﻨﻲ ﺣﻴﻞ ﺍﺗﺄﺫﻳﺖ ﻭﺭﺍﻫﺎ ﻣﺤﺴﻴﺖ ﺑﺸﻲﺀ ﺑﺲ ﻇﻼﻡ ﻣﺎ ﺍﺩﺭﻱ ﻳﻤﻜﻦ ﺍﻏﻤﺔ ﻋﻠﻴﺔ ﮔﻌﺪﺕ ﻋﻠﻰ ﺻﻮﺕ ﺩﮒ ﻋﻠﻰ ﺍﻟﺒﺎﺏ ﻣﺎ ﺍﮔﺪﺭ ﺃﺗﺤﺮﻙ ﻣﻦ ﺍﻟﻮﺟﻊ ﺣﺘﻰ ﺻﻮﺗﻲ ﺑﺎﻟﮕﻮﺓ ﻃﻠﻊ
ﻣﻠﻚ ( ﺑﻀﻌﻒ ) : ﻣﻨﻮ
ﺭﻳﻢ : ﺍﻧﻲ ﻟﺞ ﻣﻠﻚ ﺷﺒﻲ ﺍﺩﻡ ﻟﻴﺶ ﻫﻴﭻ ﺳﻮﺓ
ﻣﻠﻚ ( ﺑﻀﻌﻒ ) : ﻣﺎ ﺍﺩﺭﻱ ﺑﺲ ﻣﻦ ﺑﻴﻦ ﺍﻟﻜﻼﻡ ﺍﻟﻲ ﮔﺎﻟﺔ ﮔﺎﻝ ﺧﺎﻳﻨﺔ
ﺭﻳﻢ : ﺷﻨﻮﻭﻭ
ﻣﻠﻚ ( ﺑﻀﻌﻒ ) : ﻭﺍﻟﻠﻪ ﻣﺎ ﺍﺩﺭﻱ .. ﻓﺪﻭﺓ ﺑﺲ ﺍﻫﺘﻤﻲ ﺑﺮﻧﺪ
ﺭﻳﻢ : ﺷﻮﻑ ﻫﺎﻱ ﻭﻟﺞ ﻫﺴﺔ ﺍﻧﺘﻲ ﺍﺫﺍ ﺗﮕﺪﺭﻳﻦ ﮔﻮﻣﻲ ﻏﺴﻠﻲ ﻭﻫﺴﺔ ﺣﺸﻮﻑ ﺷﻠﻮﻥ ﺍﺩﺧﻠﺞ ﺍﻛﻞ
ﻣﻠﻚ ( ﺑﻀﻌﻒ ) : ﻻ ﺣﺒﻲ ﻣﻤﺸﺘﻬﻴﺔ ﺑﺲ ﺍﻫﺘﻤﻲ ﺑﺮﻧﺪ ﻭﻫﺴﺔ ﺭﺍﺡ ﺍﺣﺎﻭﻝ ﺍﮔﻮﻡ
ﺭﻳﻢ : ﻣﺎﺷﻲ ﺣﺒﻲ
ﻣﻠﻚ 🏻👈 ﮔﻤﺖ ﺑﺎﻟﮕﻮﺓ ﺍﺳﺤﺐ ﺑﻨﻔﺴﻲ ﺳﺒﺤﺖ ﻭﻏﻴﺮﺕ ﻣﻼﺑﺴﻲ ﻭﻧﻤﺖ ﻭﻫﻲ ﻧﻮﻣﺔ ﻭﺣﺪﺓ ﻣﺎ ﺍﺩﺭﻱ ﺷﮕﺪ ﻧﻤﺖ ﻣﺤﺴﻴﺖ ﻏﻴﺮ ﻋﻠﻰ ﻓﺘﺤﺖ ﺍﻟﺒﺎﺏ ﺩﺧﻞ ﺍﺩﻡ ﻭﺍﺟﻴﺖ ﺑﺲ ﺃﺳﺄﻟﺔ ﺷﻜﻮ ﻟﻴﺶ ﻫﻴﭻ ﺳﻮﺓ .. ﻋﺒﺎﻟﻲ ﻏﻠﻄﺎﻧﺔ ﺑﺸﻲﺀ ﻭﻣﺎ ﺍﺩﺭﻱ ﻣﺤﺴﻴﺖ ﻏﻴﺮ ﺿﺮﺑﺔ ﻋﻠﻰ ﻭﺟﻬﻲ ﻓﺮﺕ ﻭﺟﻬﻲ ﻓﺮ ﻭﮔﻠﻲ ﻣﻴﺮﻳﺪ ﻳﺴﻤﻊ ﺻﻮﺗﻲ ﻭﺭﺍﻫﺔ ﺟﺮﻧﻲ ﻣﻦ ﺷﻌﺮﻱ ﻭﺣﺒﺴﻨﻲ ﺑﺎﻟﻤﺨﺰﻥ ﺍﻟﻲ ﻓﻮﮒ ﻣﺎﻝ ﻓﺮﺵ ﻭﻏﺮﺍﺽ ﻣﺎﻝ ﺍﻟﺒﻴﺖ ﺿﻠﻴﺖ ﻳﻤﻜﻦ ﻳﻮﻣﻴﻦ ﺍﻛﺜﺮ ﻣﺎ ﺍﺩﺭﻱ ﻳﻤﻜﻦ ﻧﺴﻮﻧﻲ ﺑﺲ ﻣﺮﺓ ﺍﺟﺘﻲ ﺭﻳﻢ ﻭﮔﺘﻠﻬﺔ ﺗﻬﺘﻢ ﺑﺮﻧﺪ ﻭﺑﻌﺪ ﻻ ﺗﺼﻌﺪ ﺧﻔﺖ ﻻ ﺗﻨﻀﺮﺏ ﻭﺭﺍﻫﺎ ﺍﻧﻔﺘﺤﺖ ﺍﻟﺒﺎﺏ ﺧﻔﺖ ﺣﻴﻞ ﺭﺃﺳﺎً ﺧﺘﻠﺖ ﺭﺣﺖ ﺑﺎﻟﺰﺍﻭﻳﺔ ﻣﺎﻝ ﻣﺨﺰﻥ ﻭﮔﺮﻓﺼﺖ ﺑﺲ ﻃﻠﻌﺖ ...
ﺍﺩﻡ 🏻👈 ﺑﻴﻮﻡ ﺟﻤﻌﺔ ﺍﻟﻌﺼﺮﻳﺔ ﺍﺟﻴﺖ ﺍﻃﻠﻊ ﻭﺍﺫﻛﺮﺕ ﺗﻠﻔﻮﻧﻲ ﻋﻠﻰ ﺍﻟﺸﺤﻦ ﻓﻮﮒ ﺻﻌﺪﺕ ﺍﺧﺬﺗﺔ ﻣﻦ ﻧﺰﻟﺖ ﺟﺬﺑﻨﻲ ﺻﻮﺕ ﻧﻮﺭ ﻭﻣﺮﻳﻢ ﺑﻐﺮﻓﺔ ﺍﻣﻲ ﺭﺣﺖ ﺩﺍ ﺍﺷﻮﻑ ﺷﻜﻮ ﺍﻧﺼﺪﻣﺖ ﻣﻦ ﺍﻟﻲ ﺳﻤﻌﺘﺎ
ﻣﺮﻳﻢ : ﻭﻣﺴﻮﻳﺔ ﺭﻭﺣﻬﺎ ﺷﺮﻳﻔﺔ ﺑﺮﺍﺳﻨﺎ
ﻧﻮﺭ : ﻋﻮﻓﻴﻬﺔ ﺷﺪﮔﻮﻟﻴﻦ ﻋﻠﻰ ﻭﺣﺪﺓ ﺍﺧﻮﻫﺎ ﺳﻜﻴﺮ ﻭﺍﻫﻠﻬﺎ ﺷﻤﺮﻭﻫﺎ ﻓﺼﻠﻴﺔ
ﻣﺮﻳﻢ : ﺑﺲ ﻫﺴﺔ ﺑﻘﺔ ﻧﮕﻞ ﻵﺩﻡ ﻋﻠﻴﻬﺎ
ﺍﺩﻡ : ﻣﻤﻜﻦ ﺍﻓﻬﻢ ﺷﻨﻮ ﺗﮕﻮﻟﻮﻟﻲ ﺷﻜﻮ
ﻧﻮﺭ : ﻣﻮ ﻫﻮ ﺍﺣﻨﺎ ﺳﻤﻌﻨﺎ ﻣﻠﻚ ﺗﺤﺠﻲ ﺑﺎﻟﺘﻠﻔﻮﻥ ﻭﻭﻭ
ﺍﺩﻡ : ﻭﻭ ﺷﻜﻮ
ﻣﺮﻳﻢ : ﺳﻤﻌﻨﺎﻫﺎ ﺗﺤﺠﻲ ﻭﻳﺔ ﻭﻟﺪ
ﺳﻌﺎﺩ : ﺷﻨﻮﻭﻭﻭﻭﻭ
ﺍﺩﻡ : ﻣﺎﻣﺎ ﺍﻭﮔﻔﻲ ﺧﻠﻲ ﺍﻓﻬﻢ ﺷﻜﻮ
ﺳﻌﺎﺩ : ﻭﻫﻮ ﺷﻔﺘﻬﻢ ﺑﻌﺪ ﺍﻛﺜﺮ ﻣﻦ ﻫﻴﺞ
ﻧﻮﺭ : ﺍﻧﻲ ﺃﻓﻬﻤﻚ ﺑﺎﻟﻠﻴﻞ ﻧﺰﻟﺖ ﺍﺷﺮﺏ ﻣﻲ ﻭﺷﻔﺖ ﺑﺎﺏ ﺍﻟﻤﻄﺒﺦ ﻣﻔﺘﻮﺡ ﻋﺒﺎﻟﻲ ﻧﺎﺳﻴﻦ ﺍﻧﺴﺪﺓ ﺍﺟﻴﺖ ﺩﺍ ﺍﺳﺪﺓ ﻭﺑﻬﺬﺍ ﺍﻟﻮﻛﺖ ﺷﻔﺖ ﻣﺮﺗﻚ ﮔﺎﻋﺪﺓ ﺑﺎﻟﻤﺮﺟﻮﺣﺔ ﻭﺗﺤﺠﻲ ﻭﻳﺔ ﻭﺍﺣﺪ ﻭﺷﻠﻮﻥ ﻣﺸﺘﺎﻗﺘﻠﺔ ﻭﺃﺑﺼﺮ ﺍﺫﺍ ﻣﺎ ﻣﺴﺘﻐﻔﻠﺘﻨﺎ ﻭﺗﻠﺘﻘﻲ ﺑﻲ ﺑﺎﻟﻜﻠﻴﺔ ﻭﻣﺴﻮﻳﺔ ﺭﻭﺣﻬﺔ ﺗﺮﻭﺡ ﺗﺪﺭﺱ ﺍﻭ ﺍﻷﺻﺢ ﻣﺴﺘﻐﻔﻠﺘﻚ 😏😏
ﺍﺩﻡ : ﻧﻮﺭ ﻋﺪﻟﻲ ﺍﺳﻠﻮﺑﺞ ﻭﺍﺣﺘﺮﻣﻲ
ﻧﻮﺭ : ﺍﻧﻲ ﻣﺤﺘﺮﻣﺔ ﻧﻔﺴﻲ ﻛﻠﺶ ﺯﻳﻦ ﻭﻣﺎ ﻣﺴﻮﻳﺔ ﻋﻼﻗﺎﺕ ﻭﻳﺔ ﻭﻟﺪ ﻋﻠﻤﻮﺩ ﺍﺧﺎﻑ
ﺍﺩﻡ : ﻭﺷﻨﻮ ﺍﻟﻲ ﻳﺜﺒﺘﻠﻲ
ﻣﺮﻳﻢ : ﺍﺳﻤﻊ ﻫﺬﺍ ﺍﻟﺘﺴﺠﻴﻞ ﻭﺍﻧﺘﺔ ﺗﻔﺘﻬﻢ
ﺍﺩﻡ ﺳﻤﻌﺖ ﺍﻟﺘﺴﺠﻴﻞ ﻭﻣﺘﺖ ﺍﺣﺲ ﺍﻋﺼﺎﺏ ﻣﺎ ﺑﻘﺖ ﺑﻴﺔ ﻓﻮﺭﺕ ﻣﻦ ﺍﻟﻌﺼﺒﻴﺔ ﭼﺎﻥ ﺻﻮﺕ ﻣﻠﻚ ﺗﺤﺠﻲ ﻭﻳﺔ ﻭﺍﺣﺪ ﻭﻣﺒﻴﻨﺔ ﺷﮕﻴﺪ ﺍﺗﺤﺒﺔ .. ﺻﻌﺪﺕ ﺍﻭﻝ ﻣﺪﺧﻠﺖ ﻟﻠﻐﺮﻓﺔ ﻟﮕﻴﺘﻬﺎ ﮔﺎﻋﺪﺓ ﺗﻘﺮﺓ ﻭﺭﻧﺪ ﻭﻣﺤﻤﺪ ﻳﻤﻬﺎ ﻋﻄﺖ ﺑﻤﺤﻤﺪ ﻭﮔﺘﻠﻪ ﻳﺄﺧﺬ ﺭﻧﺪ ﻭﻳﻄﻠﻊ ﻫﻲ ﺑﻘﺖ ﻭﺍﮔﻔﺔ ﺑﻤﻜﺎﻧﻬﺔ ﺑﺪﻭﻥ ﻣﺎ ﺗﺘﺤﺮﻙ ﻣﺜﻞ ﺍﻟﻤﺼﺪﻭﻣﺔ ﻗﻔﻠﺖ ﺍﻟﺒﺎﺏ ﻭﺭﺓ ﻣﺤﻤﺪ ﻛﻤﺸﺘﻬﺎ ﻣﻦ ﺷﻌﺮﻫﺎ ﻭﺭﺃﺳﺎً ﺿﺮﺑﺘﻬﺎ ﺿﻠﻴﺖ ﺍﺿﺮﺏ ﺑﻴﻬﺔ ﻟﺤﺪ ﻣﺎ ﻣﻠﻴﺖ ﺣﺘﻰ ﻭﻣﺒﻘﻴﺖ ﺷﻲﺀ ﻣﮕﻠﺘﺔ ﻋﻠﻰ ﺍَﻫﻠﻬﺎ ﻭﻫﻲ ﻻ ﺩﻣﻮﻉ ﻻ ﺗﺼﺮﺥ ﺑﺲ ﺻﺎﻓﻨﺔ ﺑﻮﺟﻬﻲ ﻭﺭﺍﻫﺎ ﺷﻔﺘﻬﺔ ﺍﻏﻤﺔ ﻋﻠﻴﻬﺎ ﻭﺭﺍﻫﺎ ﻋﻔﺘﻬﺎ ﻭ ﻧﺰﻟﺖ ﻭﻗﻔﻠﺖ ﺍﻟﺒﺎﺏ ﻋﻠﻴﻬﺎ ﻭﻋﻔﺘﻬﺔ ﻣﺪﺩﺓ ﺑﺪﻣﻬﺔ ﻭﻧﺰﻟﺖ ﺃﺑﻮﻳﺔ ﻭﺟﺪﻱ ﺿﻠﻮﺍ ﺍﻳﺼﻴﺤﻮﻥ ﻭﺭﺍﻳﺔ ﻣﻬﺘﻤﻴﺖ ﻃﻠﻌﺖ ﺭﺣﺖ ﻟﻠﻤﻘﺒﺮﺓ ﺍﻫﻨﺎﻙ ﺍﺭﺗﺎﺡ ﻭﻣﺮﺟﻌﺖ ﻟﻠﺒﻴﺖ ﺍﻻ ﺛﺎﻧﻲ ﻳﻮﻡ ﺍﻟﻤﻐﺮﺏ ﺩﺧﻠﺖ ﺍﺗﻠﮕﺘﻨﻲ ﺍﻣﻲ
ﺳﻌﺎﺩ : ﻳﻤﺔ ﻭﻳﻦ ﺟﻨﺖ ﻟﻴﺶ ﻫﻴﺞ ﺍﺗﺴﻮﻱ ﺿَﻞ ﺑﺎﻟﻲ ﻳﻤﻚ
ﺍﺩﻡ : ﻣﻤﻜﻦ ﺗﻌﻮﻓﻮﻧﻲ ﺑﺤﺎﻟﻲ
ﺳﻌﺎﺩ : ﻛﻠﺔ ﻣﻦ ﻭﺭﺓ ﻫﺎﻱ ﺍﻟﻔﺼﻠﻴﺔ ﺍﻟﻲ ﺍﻫﻠﻬﺔ ﺷﻤﺮﻭﻫﺎ ﻭﺍﻧﺘﺔ ﻛﺒﺮﺕ ﺭﺃﺳﻬﺎ
ﺍﺩﻡ : ﻳﻤﺔ ﻛﺎﻓﻲ ﻟﺨﺎﻃﺮ ﺍﻟﻠﻪ ... ﻋﻔﺘﻬﺎ ﻭﺻﻌﺪﺕ ﻟﮕﻴﺘﻬﺎ ﻧﺎﻳﻤﺔ ﻋﻠﻰ ﺍﻟﺠﺮﺑﺎﻳﺔ ﺍﻭﻝ ﻣﺸﺎﻓﺘﻨﻲ ﻃﻔﺮﺕ ﻭﮔﻔﺖ ﻋﻠﻰ ﺟﻬﺔ ﺑﺲ ﺭﺍﺩﺕ ﺗﺤﺠﻲ ﺿﺮﺑﺘﻬﺎ ﻭﮔﺘﻠﻬﺎ ﻣﺎ ﺍﺭﻳﺪ ﺍﺳﻤﻊ ﺻﻮﺗﺞ ﻭﺩﻳﺘﻬﺎ ﺑﺎﻟﻤﺨﺰﻥ ﺍﻟﻲ ﻓﻮﮒ ﻗﻔﻠﺘﺔ ﻋﻠﻴﻬﺎ ﻭﺍﺧﺬﺕ ﺍﻟﻤﻔﺘﺎﺡ ﻭﻃﻠﻌﺖ ﺭﺣﺖ ﺍﺧﺬﺗﻠﻬﺎ ﺍﺟﺎﺯﺓ ﻣﻦ ﺍﻟﻜﻠﻴﺔ ﺑﺤﺠﺔ ﻣﺮﻳﻀﺔ ﻭﺍﻟﻲ ﻫﻢ ﻭﺭﺣﺖ ﻟﻸﻣﺎﻡ ﺍﻟﻜﺎﻇﻢ ( ﻉ ) ﺑﻘﻴﺖ ﺑﺎﻟﺤﻀﺮﺓ ﺍﻧﻲ ﻟﻴﺶ ﻫﻴﺞ ﺍﺳﻮﻱ ﻻﻥ ﻫﻲ ﻋﻠﻰ ﺫﻣﺘﻲ ﺑﺲ ﺍﺣﺲ ﻧﺎﺭ ﻭﺗﺂﻛﻞ ﺑﻴﺔ ﻣﻌﻘﻮﻟﺔ ﺣﺒﻴﺘﻬﺎ ﻭﻫﺬﻱ ﻏﻴﺮﺓ ﻋﻠﻴﻬﺎ .. ﻻ ﻻ ﻣﺴﺘﺤﻴﻞ ﺍﻧﻲ ﺍﺣﺐ ﻧﻮﺭﻫﺎﻥ ﻭﻣﺴﺘﺤﻴﻞ ﺃﻧﺴﺎﻫﺎ ﺭﺟﻌﺖ ﻭﺭﺓ ﻳﺮﻣﻴﻦ ﺗﻘﺮﻳﺒﺎً ﻭﺻﻠﺖ ﺑﺎﻟﻠﻴﻞ ﺍﻟﻜﻞ ﻧﺎﻳﻢ ﮔﺒﻞ ﺻﻌﺪﺕ ﻟﻐﺮﻓﺘﻲ ﻭﻧﻤﺖ ﮔﻌﺪﺕ ﺗﻘﺮﻳﺒﺎً ﺑﺎﻟﻌﺸﺮﺓ ﻧﺰﻟﺖ ﺷﻔﺖ ﺭﻳﻢ ﺭﺃﺳﺎً ﺩﺍﺭﺕ ﻭﺟﻬﻬﺎ ﻭﺭﺍﺣﺖ ﻟﻠﺼﺎﻟﺔ 😤ﻭﺍﻟﻠﻪ ﻣﺎﻟﻲ ﺧﻠﮕﻬﺔ ﺭﺣﺖ ﻟﻠﺼﺎﻟﺔ
ﺍﺩﻡ : ﺻﺒﺎﺡ ﺍﻟﺨﻴﺮ
ﺍﺑﺮﺍﻫﻴﻢ : ﺍﻧﺘﺔ ﻭﻳﻦ ﭼﻨﺖ ﻭﻟﻴﺶ ﺗﻠﻔﻮﻧﻚ ﻣﻐﻠﻖ
ﺍﺩﻡ : ﻳﻤﻜﻦ ﻣﺨﻠﺺ ﺷﺤﻦ ﻭﻃﻔﺔ
ﺳﻌﺎﺩ : ﻳﻤﺔ ﺟﻮﻋﺎﻥ ﺍﺻﺒﻠﻚ ﺷﻲﺀ ﺗﺎﻛﻠﺔ
ﺍﺩﻡ : ﺍﻱ ﻭﺍﻟﻠﻪ ﻣﺎﻣﺎ ﻣﻴﺖ ﺟﻮﻉ ﻣﻦ ﺍﻟﺒﺎﺭﺣﺔ ﻛﻠﺸﻲ ﻣﻤﺎﻛﻞ
ﺭﻳﻢ : ﺍﺫﺍ ﺍﻧﺘﺔ ﻣﻦ ﺍﻟﺒﺎﺭﺣﺔ ﻭﻫﻴﺞ ﻭﺫﻳﺞ ﺍﻟﻲ ﺣﺎﺑﺴﻬﺔ ﺻﺎﺭ ﻓﻮﮒ ﺍﻝ ٣ ﺍﻳّﺎﻡ ﻻ ﺍﻛﻞ ﻭﻻ ﺷﺮﺏ ﺣﺮﺍﻡ ﻋﻠﻴﻚ ﺍﻟﻲ ﺩﺍ ﺍﺳﻮﻱ
ﺍﺩﻡ : ﺍﻧﺘﻲ ﺍﻧﭽﺒﻲ ﻭﺧﺮﻱ ﻣﻨﺎ ﻣﺎﻟﻲ ﺧﻠﮕﺞ ﻭﺑﻌﺪﻳﻦ ﻟﻴﺶ ﻣﻤﺪﺍﻭﻣﺔ
ﺍﺣﻤﺪ : ﺍﻧﻲ ﮔﺘﻠﻬﺔ ﻻ ﺍﺩﺍﻭﻡ
ﺳﻌﺎﺩ : ﻭﻟﻴﺶ ﺑﻼ .. ﻳﻼ ﮔﻮﻣﻲ ﺑﺪﻟﻲ ﻭﺭﻭﺣﻲ
ﺍﺣﻤﺪ : ﺍﻟﻴﻮﻡ ﺃﻧﺮﻳﺪ ﻧﻜﺴﺮ ﺍﻟﺒﺎﺏ ﻣﺎﻝ ﺍﻟﻤﺨﺰﻥ ﺑﻠﻜﻲ ﻧﻠﮕﺔ ﺍﻟﺒﻨﻴﺔ ﻋﺎﻳﺸﺔ
ﺍﺩﻡ : ﻭﺍﻧﺘﺔ ﻣﻦ ﺳﻤﺤﻠﻚ ﺗﺪﺧﻞ
ﺍﺑﻮ ﻏﺴﺎﻥ : ﺍﻧﻲ ﻋﻨﺪﻙ ﺍﻋﺘﺮﺍﺽ
ﺍﺩﻡ : ﺟﺪﻭ ﻣﻤﻜﻦ ﻣﺘﺪﺧﻠﻮﻥ ﻫﻲ ﻣﺮﺗﻲ ﻭﺍﻧﻲ ﺩﺍ ﺍﺭﺑﻴﻬﺎ
ﺍﺑﺮﺍﻫﻴﻢ : ﻋﻠﻰ ﺷﻨﻮﻏﻴﺮ ﺗﻔﻬﻤﻨﺎ ﻭﺗﺤﺠﻲ
ﺍﺩﻡ : ﻫﻲ ﻭﺣﺪﺓ ﺧﺎﻳﻨﺔ ﺗﺴﺘﺎﻫﻞ ﺯﻳﻦ ﻭﻣﺎ ﻛﺘﻠﺘﻬﺎ
ﺭﻳﻢ : ﺑﺲ ﻟﻮ ﺍﻓﻬﻢ ﺷﻠﻮﻥ ﺣﻜﻤﺖ ﻋﻠﻴﻬﺎ ﻫﻴﺞ
ﺍﺑﻮ ﻏﺴﺎﻥ : ﻋﻨﺪﻙ ﺇﺛﺒﺎﺕ
ﺍﺩﻡ : ﺍﻱ ﻋﻨﺪ ﻱ .... ﻣﺮﺭﺭﺭﻳﻢ
ﺍﺑﻮ ﻏﺴﺎﻥ : ﻭﺷﺪﺧﻞ ﻣﺮﻳﻢ ﺑﺎﻟﻤﻮﺿﻮﻉ
ﻣﺮﻳﻢ : ﺍﺍﺍﺩﻡ ﻳﻤﺘﺔ ﺍﺟﻴﺖ
ﺍﺩﻡ : ﺟﻴﺒﻲ ﺍﻟﺘﺴﺠﻴﻞ ﺑﺴﺮﻋﺔ
ﻣﺮﻳﻢ : ﻫﺎﺍﺍﺍﺍ
ﺍﺩﻡ : ﻓﻀﻴﻨﻲ
ﻣﺮﻳﻢ : ﺣﺎﺿﺮ
..... ﺑﻌﺪ ﺳﻤﺎﻋﻬﻢ ﻟﺘﺴﺠﻴﻞ ......
ﺍﺩﻡ : ﻫﺎﺍﺍ ﺗﺴﺘﺎﻫﻞ ﺍﻟﺘﺮﺑﺎﻳﺔ ﻟﻮﻻ
ﺍﺑﺮﺍﻫﻴﻢ : ﻟﺤﻈﺔ ﺍﻭﮔﻒ ﻃﻠﻌﻬﺎ ﻭﺧﻠﻲ ﻧﻔﻬﻢ ﻣﻨﻬﺎ
ﺭﻳﻢ : ﺍﻱ ﻻﺯﻡ ﺍﻛﻮ ﺗﻔﺴﻴﺮ ﻣﻠﻚ ﻣﺴﺘﺤﻴﻞ ﺍﺗﺴﻮﻱ ﻫﻴﭻ ﺷﻲﺀ
ﺍﺩﻡ : ﺍﻧﺘﻲ ﺳﻜﺘﻲ ﻭﻃﻠﻌﻲ ﺑﺮﺓ
ﺍﺑﻮ ﻏﺴﺎﻥ : ﮔﻮﻡ ﺍﺩﻡ ﺟﻴﺐ ﺍﻟﺒﻨﻴﺔ ﺍﺭﻳﺪ ﺍﺳﻤﻊ ﻣﻨﻬﺎ ﻭﺍﻧﺘﻲ ﻣﺮﻳﻢ ﺍﻧﻄﻴﻨﻲ ﺍﻟﺘﺴﺠﻴﻞ
ﻣﺮﻳﻢ : ﻟﻴﺶ ﺟﺪﻭ
ﺍﺑﻮ ﻏﺴﺎﻥ : ﻟﺘﺪﺧﻠﻴﻦ ﻭﺍﻧﺘﺔ ﮔﻮﻡ ﺟﻴﺒﻬﺎ
ﺍﺩﻡ : ﺍﻧﻲ ﺑﺲ ﺃﺷﻮﻓﻬﺎ ﺍﺿﺮﺑﻬﺎ ﻣﺎ ﺃﺗﺤﻤﻞ
ﺭﻳﻢ : ﺍﻧﻄﻴﻨﻲ ﺍﻟﻤﻔﺘﺎﺡ ﺍﻧﻲ ﺃﺟﻴﺒﻬﺎ
ﻣﺮﻳﻢ : ﺑﺲ ﻟﻮ ﺍﻓﻬﻢ ﻋﻠﻰ ﺷﻨﻮ ﺗﺤﺒﻴﻬﺎ
ﺭﻳﻢ : ﻻﻥ ﺍﻋﺮﻓﻬﺎ ﺷﻨﻮ ﻭﺃﺧﻼﻗﻬﺎ ﺷﻨﻮ ﻭﺍﻧﻲ ﻣﺘﺄﻛﺪﺓ ﻣﻈﻠﻮﻣﺔ
ﺍﻟﺤﺠﻴﺔ : ﺍﻱ ﻭﺍﻟﻠﻪ ﺍﻟﺒﻨﻴﺔ ﺣﺎﺳﺴﻨﻲ ﮔﻠﺒﻲ ﻣﻈﻠﻮﻣﺔ ﻭﺗﺪﺭﻭﻥ ﺑﻴﺔ ﻣﺎ ﺍﺩﺧﻞ ﺍﻧﻲ ﺑﻜﻠﺸﻲ ﺍﻻ ﺷﻲ ﻣﻬﻢ
ﺭﻳﻢ : ﺍﻱ ﻭﺍﻟﻠﻪ ﺑﻴﺒﻲ ﻭﻫﺴﺔ .. ﺍﺷﻮﻑ ﺍﺩﻡ ﺍﺫﺍ ﻣﺘﻄﻠﻊ ﻇﺎﻟﻤﻬﺔ ﻭﺗﺘﻨﺪﻡ
ﺍﺩﻡ : ﻫﺎﺝ ﺍﻟﻤﻔﺘﺎﺡ ﻭﻓﻀﻴﻨﻲ ﺑﻼ ﺣﺠﻲ ﺯﺍﻳﺪ
ﺭﻳﻢ : ﺟﻴﺒﺔ ﺑﺲ ﺷﻮﻑ ﺭﻏﻢ ﻛﻞ ﺍﻟﻲ ﺳﻮﻳﺘﺔ ﺑﻴﻬﺔ ﻭﻫﻲ ﻛﻞ ﻫﻤﻬﺔ ﺭﻧﺪ ﺗﺪﺭﻱ ﻭﺭﺓ ﻣﺼﻌﺪﺗﻠﻬﺔ ﺷﮕﻠﺘﻠﻲ
ﻣﺮﻳﻢ : ﺃﺗﻤﺜﻞ ﺟﺬﺍﺑﺔ
ﺍﻟﺤﺠﻴﺔ : ﻻ ﺍﻟﻲ ﻣﺜﻠﻬﺔ ﻣﻴﻌﺮﻓﻮﻥ ﺍﻳﺠﺬﺑﻮﻥ
ﺍﺣﻼﻡ : ﺧﺎﻟﺔ ﻭﺍﻧﺘﻲ ﻟﻴﺶ ﻫﻠﮕﺪ ﺍﺩﺍﻓﻌﻴﻠﻬﺎ
ﺍﻟﺤﺠﻴﺔ : ﻻﻥ ﺍﻟﺒﺸﺮ ﻳﻨﻌﺮﻑ ﻣﻌﺪﻧﺔ ﻣﻦ ﺍﻟﻌﺸﺮﺓ ﻭﻣﺒﻴﻨﺔ ﺑﻨﺖ ﺃﺻﻮﻝ ﻭﻣﺮﺑﺎﻳﺔ
ﺭﺍﻧﻴﺎ : ﻭﺍﺣﻨﺎ ﺷﺒﻴﻨﺎ ﺣﺠﻴﺔ ﻭﻣﺪﺍﻓﻌﻴﻠﻨﺎ ﻭﻻ ﺗﺤﺒﻴﻨﺎ ﻣﺜﻠﻬﺔ
ﺧﺎﻟﺪ : ﺗﺮﺓ ﻣﻮ ﻭﻗﺘﻜﻢ
ﺍﺩﻡ : ﻭﺷﮕﺎﻟﺖ ﻣﺘﻔﻀﻴﻨﻲ
ﺭﻳﻢ : ﮔﻠﺘﻠﻲ ﻣﺎ ﺍﺭﻳﺪ ﺍﻛﻞ ﻭﺑﻌﺪ ﻻ ﺗﺼﻌﺪﻳﻦ ﺑﺲ ﺍﻫﺘﻤﻲ ﺑﺮﻧﺪ ﻭﻣﺪﺧﻠﺞ ﺑﻴﺔ ﻻ ﺗﺘﺄﺫﻳﻦ ﻣﻦ ﻭﺭﺍﻳﺔ ﻭﻣﺼﻴﺮﻫﺎ ﺗﻔﺮﺝ
ﺍﺩﻡ 🏻👈 ﻣﺪﺭﻱ ﻟﻴﺶ ﺍﺗﺄﺫﻳﺖ ﻭﮔﻠﺒﻲ ﻭﺟﻌﻨﻲ ﻣﻦ ﺍﺣﻤﺪ ﮔﺎﻝ ﺑﻠﻜﻲ ﻧﻠﮕﺎﻫﺎ ﻋﺎﻳﺸﺔ ﻭﺻﺪﮒ ﺍﻧﻲ ﻟﻴﺶ ﺍﺳﺘﻌﺠﻠﺖ ﺑﻼ ﻃﻠﻌﺖ ﺻﺪﮒ ﻣﻈﻠﻮﻣﺔ ﺍﻭﻭﻭﻑ ﻭﻟﻴﺶ ﺧﺎﻳﻒ ﻭﺇﺫﺍ ﻃﻠﻌﺖ ﻣﻈﻠﻮﻣﺔ ﺑﺲ ﻣﺎ ﺃﺭﻳﺪﻫﺎ ﺗﺰﻋﻞ ﻣﻨﻲ ..😓 ﺑﺲ ﺻﺪﮒ ﺭﻏﻢ ﻛﻞ ﺍﻟﻲ ﺳﻮﻳﺘﺔ ﺑﻴﻬﺔ ﺑﺎﻟﻬﺎ ﻋﻠﻰ ﺑﻨﺘﻲ ﺍﻟﻲ ﺍﻧﻲ ﻧﺴﻴﺘﻬﺎ ﻭﻃﻠﻌﺖ .. ﺭﺍﺣﺖ ﺭﻳﻢ ﺷﻮﻱ ﻭﺩﺧﻠﺖ ﺟﺎﻳﺒﺘﻬﺎ ﺳﺎﻧﺪﺗﻬﺎ ﺑﺲ ﺣﻴﻞ ﺫﺑﻼﻧﺔ ﻭﺟﻮﺓ ﻋﻴﻮﻧﻬﺎ ﺍﺳﻮﺩ ﻭﺑﻠﮕﻮﺓ ﺗﻤﺸﻲ ﺣﺘﺔ ﻋﻼﻣﺎﺕ ﺍﻟﻀﺮﺏ ﺑﻌﺪﻫﺎ ﻭﺍﻟﻠﻪ ﺍﻧﻲ ﻭﺣﺶ ﻣﻮ ﺑﺸﺮ ﻫﺎﻱ ﺍﻧﻲ ﺷﻤﺴﻮﻱ ﺑﻴﻬﺎ ﻗﺎﻃﻌﻨﻲ ﻣﻦ ﺗﻔﻜﻴﺮﻱ ﺻﻮﺕ ﺟﺪﻭ
ﺍﺑﻮ ﻏﺴﺎﻥ : ﻭﻟَﻚ ﺍﺩﻡ ﺍﺣﻨﺎ ﻣﻦ ﻳﻤﺘﺔ ﻧﺴﺘﻘﻮﻱ ﻋﻠﻰ ﻣﺮﺓ
ﺍﺣﻤﺪ : ﺗﻔﻀﻠﻲ ﻣﻠﻚ ﮔﻌﺪﻱ ﻣﻜﺎﻧﻲ
ﻣﻠﻚ ( ﺑﺘﻌﺐ ) : ﺀﻻ ﺍﺏ .. ﻗﺔ ﻣﻲ ﻣﻲ .. ﺣﺘﺎﺝ
ﺍﺣﻤﺪ : ﻻ ﺗﻌﺎﻟﻲ ..
ﺍﺑﻮ ﻏﺴﺎﻥ : ﺍﻱ ﺑﻨﺘﻲ ﻋﻠﻤﻮﺩ ﺍﺫﺍ ﺑﻴﺞ ﺣﻴﻞ ﻧﮕﺪﺭ ﻧﺤﺠﻲ
ﻣﻠﻚ : ﺍﻱ ﺀﺍﺍﺗﻔﻀﻞ ﻉ .. ﻋﻤﻮ
ﺍﺑﺮﺍﻫﻴﻢ : ﺑﻨﺘﻲ ﺑﺲ ﺳﻤﻌﻲ ﻫﺬﺍ ﺍﻟﺘﺴﺠﻴﻞ ﻭﻓﻬﻤﻴﻨﺎ ﺍﻧﺘﻲ ﺍﻟﻲ ﺑﺎﻟﺘﺴﺠﻴﻞ
ﻣﻠﻚ : ﻣﺎﺍﺍﺷﻲ
..... ﺷﻐﻞ ﺑﺎﺑﺎ ﺍﻟﺘﺴﺠﻴﻞ ﻭﺳﺄﻟﻬﺎ ﺑﺲ ﻫﻲ ﺭﺃﺳﻦ ﻋﻴﻮﻧﻬﺎ ﺩﻣﻌﺖ
ﺍﺑﺮﺍﻫﻴﻢ : ﻫﺎ ﺑﻨﺘﻲ
ﻣﻠﻚ : ﺍﻱ ﻱ ﻋﻤﻮ ﻫﺬﻱ ﺍﻧﻲ
.... ﺍﺩﻡ ﺣﻴﻞ ﻋﺼﺒﺖ ﻳﻌﻨﻲ ﺣﺘﻰ ﻣﻨﻜﺮﺕ
ﺍﺑﻮ ﻏﺴﺎﻥ : ﺍﺫﺍ ﺍﻧﺘﻲ ﻭﻳﺄﻣﻦ ﺟﻨﺘﻲ ﺗﺤﺠﻴﻦ
ﻣﻠﻚ : ﺀﺀ ﺍﺧﻮﻳﺔ
ﺳﻴﻒ : ﺷﻨﻮ ﻣﻮ ﮔﺘﻠﻜﻢ ﺍﺧﺬﻭﺍ ﺍﻟﺘﻠﻔﻮﻥ ﻣﻨﻬﺎ
ﻣﻠﻚ : ﻣﻮ ﺳﻼﻡ ﺍﻟﻲ .. ﺍﻟﻲ ﻙ .. ﻛﺘﻞ ﺍﺧﻮﻙ
ﺳﻌﺎﺩ : ﻭﺷﻨﻮ ﺍﻟﻲ ﻳﺜﺒﺘﻠﻨﺎ
ﻣﻠﻚ : ﺗﺎ .. ﺗﺎﺭﻳﺦ ﺍﻟﺘﺴﺠﻴﻞ
ﺭﻳﻢ : ﺷﺒﻲ ﺍﻟﺘﺎﺭﻳﺦ
ﻣﻠﻚ : ﻋﻢ .. ﻋﻤﻮ ﺑﺲ ﻣﻤﻜﻦ
ﺍﺩﻡ 🏻👈 ﻣﺪﺭﻱ ﺷﻨﻮ ﺭﺍﺩﺕ ﺗﺤﺠﻲ ﻭﺑﻌﺪﻫﺎ ﻣﺎ ﺍﻣﻜﻤﻠﺔ ﻭﺃﻏﻤﻰ ﻋﻠﻴﻬﺎ ﮔﻤﺖ ﺭﺃﺳﺎً ﺣﺎﻭﻟﺖ ﺍﮔﻌﺪﻫﺎ ﻣﺎﻛﻮ
ﺍﺑﻮ ﻏﺴﺎﻥ : ﺍﺧﺬﻫﺎ ﻟﻠﻤﺴﺘﺸﻔﻰ ﺑﺴﺮﻋﺔ
ﺳﻌﺎﺩ : ﻻ ﺧﻠﻴﻬﺎ ﻫﺴﺔ ﺷﻮﻱ ﻭﺗﺼﺤﻰ
ﺍﺑﺮﺍﻫﻴﻢ : ﺍﻟﺒﻨﻴﺔ ﺭﺍﺡ ﺍﺗﻤﻮﺕ
ﺳﻌﺎﺩ : ﺍﻱ ﻏﻴﺮ ﺧﺎﻳﻔﺔ ﺍﺫﺍ ﺷﺎﻓﻮﻫﺎ ﻫﻴﺞ ﺧﺎﻑ ﺗﺒﻠﻎ ﻋﻠﻰ ﺍﺩﻡ
ﺍﺣﻤﺪ : ﺍﻱ ﺧﻠﻲ ﻳﺴﺘﺎﻫﻞ
ﺍﺩﻡ : ﺭﻳﻢ ﺟﻴﺒﻲ ﻋﺒﺎﻳﺔ ﺑﺴﺮﻋﺔ ﻭﺗﻌﺎﻟﻲ ﻭﺭﺍﻳﺔ ﻟﻠﺴﻴﺎﺭﺓ
ﺭﻳﻢ : ﺣﺎﺍﺍﺿﺮ
ﺟﺎﺑﺖ ﺭﻳﻢ ﻋﺎﺑﻴﺔ ﻟﻔﺌﺘﻬﺎ ﺷﻠﻮﻥ ﻣﻜﺎﻥ ﻭﺻﻌﺪﺗﻬﺎ ﻳﻢ ﺭﻳﻢ ﻭﺭﺓ ﺧﻠﻴﺘﻬﺎ ﺑﺤﻀﻨﻬﺎ ﻭﺳُﻘﺖ ﺍﻟﺴﻴﺎﺭﺓ ﺑﺄﻗﺼﻰ ﺳﺮﻋﺔ ﻋﻨﺪﻱ ﺣﺘﻰ ﺍﺟﻴﻨﺎ ﺍﻧﺴﻮﻱ ﺣﺎﺩﺙ ﺍﻭﻝ ﻣﻮﺻﻠﺖ ﺷﻠﺘﻬﺎ ﻭﺩﻳﺘﻬﺎ ﻟﻠﻄﻮﺍﺭﻯﺀ ﻃﻠﻌﻮﻧﻲ ﺑﺮﻯ ﺑﻘﺖ ﺑﺲ ﺭﻳﻢ ﻳﻤﻬﺔ ﺿﻠﻴﺖ ﺍﻓﻜﺮ ﺍﻧﻲ ﻟﻴﺶ ﻫﻴﭻ ﺍﺗﺄﺫﻳﺖ ﻻﻥ ﺷﻔﺘﻬﺎ ﻣﺘﺄﺫﻳﺔ ﻭﺧﺎﻳﻒ ﻋﻠﻴﻬﺎ ﻣﻌﻘﻮﻟﺔﺓﺓ ... ﻻ ﺍﻛﻴﺪ ﻻ ﺑﺲ ﻣﺠﺮﺩ ﺷﻔﻘﺔ ﻻ ﺍﻛﺜﺮ ﺍﻭ ﻋﻄﻒ ﺍﻧﺘﺒﻬﺖ ﻋﻠﻰ ﺻﻮﺕ ﺭﻳﻢ ﺗﺼﻴﺤﻠﻲ ﺩﺧﻠﺖ ﻟﮕﻴﺘﻬﻢ ﻣﻌﻠﮕﻴﻠﻬﺎ ﻣﻐﺬﻱ ﻭﺷﺎﺩﻳﻦ ﺭﺟﻠﻬﺔ
ﺍﺩﻡ : ﺭﻳﻢ ﺷﺒﻴﻬﺎ ﺭﺟﻠﻬﺎ
ﺭﻳﻢ : ﺻﺎﻳﺮ ﻋﺪﻫﺔ ﻓﻄﺮ ﻭﺍﻟﺘﻮﺍﺀ ﻻﺯﻡ ﺗﻨﺘﺒﻪ ﻣﺎ ﺗﻤﺸﻲ ﻋﻠﻴﻬﺎ ﺍﻫﻮﺍﻳﺔ ﻭﻻ ﺍﺫﺏ ﺛﮕﻠﻬﺎ ﻋﻠﻴﻬﺎ ﻣﻦ ﺗﻤﺸﻲ ﻭﻋﺪﻫﺔ ﺳﻮﺀ ﺗﻐﺬﻳﺔ ﻭﻓﻘﺮ ﺩﻡ ﺣﺎﺩ
ﺍﺩﻡ : ﺯﻳﻦ ﻳﻤﺘﺔ ﺗﺼﺤﻰ
ﺭﻳﻢ : ﮔﺎﻟﻮﺍ ﻓﺪ ﺷﻮﻱ ﻭﻧﮕﺪﺭ ﺍﻧﻄﻠﻌﻬﺎ ﻭﺭﺍﻫﺎ ﺑﺲ ﺗﺤﺘﺎﺝ ﻋﻨﺎﻳﺔ
ﺍﺩﻡ : ﺍﻟﻠﻪ ﻛﺮﻳﻢ
ﺭﻳﻢ : ﺍﻧﺘﺔ ﺷﻠﻮﻥ ﺳﻮﻳﺖ ﻫﻴﺠﻲ ﺑﺪﻭﻥ ﻣﺘﺘﺄﻛﺪ ﻣﻨﻬﺔ
ﺍﺩﻡ : ﺭﻳﻢ ﻣﻮ ﻭﻛﺘﭻ ﺑﺲ ﻣﺘﻌﺮﻓﻴﻦ ﺷﻨﻮ ﻗﺼﺪﻫﺎ ﺑﺘﺎﺭﻳﺦ ﺍﻟﺘﺴﺠﻴﻞ
ﺭﻳﻢ : ﻟﻴﺶ ﺷﮕﺪ ﺗﺎﺭﻳﺨﺔ
ﺍﺩﻡ : ﻣﺎ ﺍﺩﺭﻱ ﻣﺸﻔﺘﺔ ﻣﻦ ﺍﺭﺟﻊ ﺍﺷﻮﻓﺔ
ﻣﻠﻚ ( ﺑﺘﻌﺐ ) : ١٢/ ٢٧
ﺭﻳﻢ : ﺍﻟﺤﻤﺪ ﻟﻠﻪ ﻋﻠﻰ ﺍﻟﺴﻼﻣﺔ ﺣﺒﻲ
ﻣﻠﻚ : ﺍﻟﻠﻪ ﻳﺴﻠﻤﺞ .. ﺍﺩﻡ ﺑﺲ ﺣﺒﻴﺖ ﺍﮔﻠﮓ ﺍﺗﺴﺮﻋﺖ ﺑﺤﻜﻤﻚ ﺍﺣﻔﻆ ﺍﻟﺘﺎﺭﻳﺦ ﻣﺼﻴﺮﻙ ﺣﺘﻌﺮﻑ ﻛﻠﺸﻲ
ﺍﺩﻡ : ﻣﺘﺤﺠﻴﻦ ﻭﺗﻔﻬﻤﻴﻨﺎ ﺍﺫﺍ ﺻﺪﮒ ﻣﻈﻠﻮﻣﺔ
ﻣﻠﻚ : ﻣﻮ ﻫﺴﺔ ﻛﻠﺸﻲ ﺑﻮﻛﺘﺔ ﺍﺣﺴﻦ
ﺍﺟﻴﺖ ﺍﺣﺠﻲ ﻭﻗﺎﻃﻌﻨﻲ ﺍﻟﺪﻛﺘﻮﺭ ﺍﻟﻲ ﺩﺧﻞ ﺑﺲ ﺻﺪﻣﺘﻨﻲ ...
ﻣﻠﻚ 🏻👈 ﻃﻠﻌﺖ ﺭﻳﻢ ﺍﺟﺘﻲ ﮔﻮﻣﺘﻨﻲ ﺟﺴﻤﻲ ﻣﻜﺴﺮ ﺍﻟﮕﺎﻉ ﺑﺎﺭﺩﺓ ﻭﻣﺎﻛﻮ ﻻ ﺍﻛﻞ ﻭﻻ ﺷﻲﺀ ﻳﺘﺸﺮﺏ ﺣﺘﻰ ﻣﻲ ﻣﺎﻛﻮ ﻭﺍﻟﻀﺮﺏ ﮔﺎﻟﺖ ﺟﺪﻭ ﺍﻳﺮﻳﺪﺝ ﺭﺩﺕ ﺑﺲ ﺍﻏﺴﻞ ﻣﻘﺒﻼ ﺑﺲ ﺍﻧﻄﺘﻨﻲ ﺷﺎﻝ ﻟﻔﻴﺘﺔ ﺷﻠﻮﻥ ﻣﻜﺎﻥ ﻭﻧﺰﻟﺖ ﻣﻦ ﺩﺧﻠﺖ ﺍﻛﻮ ﻧﻈﺮﺍﺗﻬﻢ ﺷﻤﺎﺗﺔ ﻭﺍﻛﻮ ﺷﻔﻘﺔ ﻭﺍﻧﻲ ﺍﻛﺜﺮ ﺷﻲﺀ ﺍﻛﺮﻫﺔ ﺑﺎﻟﺪﻧﻴﺎ ﻫﻮ ﻧﻈﺮﺓ ﺍﻟﺸﻔﻘﺔ ﺣﺠﺔ ﻭﻳﺎﻳﺔ ﻋﻤﻮ ﻭﺳﻤﻌﻨﻲ ﺗﺴﺠﻴﻞ ﺩﺍ ﺍﺭﻳﺪ ﺍﺣﺠﻲ ﺑﺲ ﺍﻟﺪﻧﻴﺎ ﺃﻇﻠﻤﺖ ﻭﮔﻤﺖ ﻣﺎ ﺍﺷﻮﻑ ﺷﻲﺀ ﻭﺑﻌﺪ ﻣﺤﺴﻴﺖ ﻏﻴﺮ ﻋﻠﻰ ﺻﻮﺕ ﺭﻳﻢ ﻭﺁﺩﻡ ﻳﺮﺩﻭﻥ ﻳﻌﺮﻓﻮﻥ ﺍﻟﺘﺎﺭﻳﺦ ﺟﺎﻭﺑﺘﻬﻢ ﻭﺩﺍ ﺍﺣﺠﻲ ﻭﻳﺔ ﺍﺩﻡ ﺩﺧﻞ ﺍﻟﺪﻛﺘﻮﺭ
ﺍﻟﺪﻛﺘﻮﺭ : ﺍﻟﺤﻤﺪ ﻟﻠﻪ ﻋﻠﻰ ﺍﻟﺴﻼﻣﺔ
ﻣﻠﻚ : ﺍﻟﻠﻪ ﺍﻳﺴﻠﻤﻚ ﺗﺴﻠﻢ ﺩﻛﺘﻮﺭ
ﺍﻟﺪﻛﺘﻮﺭ : ﺍﻱ ﺑﻨﺘﻲ ﺷﻠﻮﻥ ﺻﺎﺭ ﻭﻳﺎﺝ ﻫﻴﭻ .. ﻫﺴﺔ ﺭﺍﺡ ﻧﺘﺼﻞ ﺑﺎﻟﺸﺮﻃﺔ
ﻣﻠﻚ : ﺩﻛﺘﻮﺭ ﻣﺤﺎﺟﺔ ﺍﻧﻲ ﺟﻨﺖ ﺍﻧﻈﻒ ﺑﺎﻟﻤﺨﺰﻥ ﻭﻫﻮ ﻳﺼﻴﺮ ﻳﻢ ﺍﻟﺪﺭﺝ ﻭﻣﺎ ﺍﺩﺭﻱ ﺷﻠﻮﻥ ﺯﻟﮕﺖ ﺭﺟﻠﻲ ﻭﻭﮔﻌﺖ ﻣﻦ ﺍﻟﺪﺭﺝ
ﺍﻟﺪﻛﺘﻮﺭ : ﺑﺲ ﻫﻴﺞ ﺟﺮﻭﺡ ﻣﺘﺼﻴﺮ ﻣﻦ ﻭﮔﻌﺔ ﺩﺭﺝ
ﻣﻠﻚ : ﻻ ﺩﻛﺘﻮﺭ ﻣﻮ ﺟﺎﻥ ﺍﻛﻮ ﺣﺪﻳﺪ ﻭﻏﺮﺍﺽ ﻋﻠﻰ ﺍﻟﺪﺭﺝ
ﺍﻟﺪﻛﺘﻮﺭ : ﻭﻟﻮ ﺷﻐﻠﺔ ﻣﺘﺼﺪﮒ ﺑﺲ ﺑﻜﻴﻔﺞ ﺍﺫﺍ ﻣﺘﺮﺩﻳﻦ ﺗﺸﺘﻜﻴﻦ
ﻣﻠﻚ : ﺷﻜﺮﺍً ﺩﻛﺘﻮﺭ ﺑﺲ ﻳﻤﺘﺔ ﺍﮔﺪﺭ ﺍﻃﻠﻊ
ﺍﻟﺪﻛﺘﻮﺭ : ﺑﺲ ﻳﺨﻠﺺ ﺍﻟﻤﻐﺬﻱ ﻭﺍﻧﺘﺒﻬﻲ ﻳﺤﺘﺎﺟﻠﺞ ﺗﻐﺬﻳﺔ ﻭﻻ ﺗﺄﺫﻳﻦ ﺭﺟﻠﺞ ﻣﺎﺷﻲ
ﻣﻠﻚ : ﺣﺎﺿﺮ ﺩﻛﺘﻮﺭ
... ﻭﺭﺓ ﻣﻄﻠﻊ ﺍﻟﺪﻛﺘﻮﺭ
ﻣﻠﻚ : ﺍﺩﻡ ﺑﺲ ﻣﻤﻜﻦ ﺍﻛﻤﻞ ﺩﺭﺍﺳﺔ ﻭﻣﺜﻞ ﻣﻨﻄﻴﺘﻨﻲ ﺛﻘﺘﻚ ﻟﻤﻦ ﺧﻠﻴﺘﻨﻲ ﺍﻫﺘﻢ ﺑﺮﻧﺪ ﺃﺗﺄﻛﺪ ﺍﻧﻲ ﻣﻤﺴﻮﻳﺔ ﺷﻲﺀ
ﺍﺩﻡ : ﻣﺎﺷﻲ ﺑﺲ ﺷﻨﻮ ﺍﻟﻲ ﻳﻀﻤﻨﻠﻲ
ﻣﻠﻚ : ﻣﺎﻛﻮ ﺿﻤﺎﻥ
ﺭﻳﻢ : ﻻ ﺗﺨﺎﻓﻴﻦ ﺣﺒﻲ ﺣﺘﻰ ﻟﻮ ﻣﺤﺪ ﺻﺪﮒ ﺍﻧﻲ ﻣﺼﺪﮔﺘﺞ
ﻣﻠﻚ : ﺗﺴﻠﻤﻴﻠﻲ ﺣﺒﻲ
ﺇﺩﻡ : ﻣﺎﺷﻲ ﺑﺲ ﻟﺤﺪ ﻳﻤﺘﺔ ﺍﻧﺘﻈﺮ
ﻣﻠﻚ : ﻣﻮ ﺍﻫﻮﺍﻳﺔ ﻻ ﺗﺨﺎﻑ
ﻣﻠﻚ 🏻👈 ﺧﻠﺺ ﺍﻟﻤﻐﺬﻱ ﺭﺟﻌﻨﺎ ﻟﻠﺒﻴﺖ ﺻﻌﺪﺗﻨﻲ ﺭﻳﻢ ﺧﻄﻴﺔ ﺳﺎﻋﺪﺗﻨﻲ ﺍﻏﺴﻞ ﻭﻏﻴﺮﺕ ﻣﻼﺑﺴﻲ ﻭﻧﻤﺖ ﻣﺪﺭﻱ ﺷﮕﺪ ﻓﺰﻳﺖ ﻋﻠﻰ ﻭﺍﺣﺪ ﻳﻠﻌﺐ ﻳﻤﻲ ﻭﻳﺒﻮﺱ ﺑﻴﺔ ﻫﻬﻬﻬﻪ ﻋﺮﻓﺘﻬﺎ ﺭﻧﻮﺩﺓ
ﻣﻠﻚ : ﺭﻧﻮﺩﺓ ﺣﺒﻴﺒﺖ ﺍﻟﻤﺎﻣﺎ ﻣﺸﺘﺎﻗﺘﻠﺞ
ﺭﻧﺪ : ﻣﺎﻣﺎ ﺍﺣﺒﺚ
ﻣﻠﻚ : ﻭﺍﻧﻲ ﺍﻣﻮﺕ ﻋﻠﻴﺞ
ﺭﻧﺪ : ﻣﺎﻣﺎ ﻣﺮﺯﻳﺔ ﺍﻧﺘﻲ
ﻣﻠﻚ : ﻻ ﺣﺒﻲ ﻻ ﺗﺨﺎﻓﻴﻦ
ﺭﻧﺪ : ﺍﻧﺎﻡ ﺍﻣﭻ
ﻣﻠﻚ : ﺗﻌﺎﻟﻲ
ﻧﻮﻣﺘﻬﺎ ﺑﺤﻀﻨﻲ ﻭﺭﺟﻌﻨﺎ ﻧﻤﻨﺎ ﮔﻌﺪﺗﻨﻲ ﺭﻳﻢ ﺗﻘﺮﻳﺒﺎً ﺍﻟﻤﻐﺮﺏ ﻻﻥ ﺍﻟﺪﻧﻴﺎ ﻇﻠﻤﺔ ﺍﺑﺎﻭﻉ ﻟﻠﺸﺒﺎﻙ ﺧﻄﻴﺔ ﺟﺎﻳﺒﺔ ﺍﻻﻛﻞ ﻭﺟﺎﻳﺔ
ﺭﻳﻢ : ﻳﻼ ﻋﻴﻨﻲ ﮔﻮﻣﻦ ﺃﻛﻠﻦ 😒
ﻣﻠﻚ : ﻣﺎﺷﻲ ﺑﺲ ﺷﺒﻴﺞ ﻣﻌﺼﺒﺔ 😂
ﺭﻳﻢ : ﺍﻧﺘﻲ ﻭﻓﻬﻤﻨﺎ ﻣﺮﻳﻀﺔ ﺍﻻ ﺑﻨﺘﺞ ﺷﺒﻴﻬﺎ ﻣﺘﻨﺰﻝ ﺗﺎﻛﻞ ﻭﻳﺎﻧﺔ
ﺭﻧﺪ : ﺍﺭﻳﺪ ﻭﻳﺔ ﻣﺎﻣﺎ
ﻣﻠﻚ : ﻻ ﺭﻧﻮﺩ ﺣﺒﻲ ﺍﻧﻲ ﺷﻤﻌﻠﻤﺘﺞ ﻣﻮ ﺍﻣﻌﻠﻤﺘﺞ ﺍﺳﻤﻌﻴﻦ ﺍﻟﻜﻼﻡ ﻭﻣﺘﺄﺫﻳﻦ ﺍﺣﺪ ﻭﺑﻌﺪﻳﻦ ﻛﻢ ﻣﺮﺓ ﻣﻌﻠﻤﺘﺞ ﺁﻛﻠﻲ ﻋﻠﻤﻮﺩ ﺍﺗﻜﺒﺮﻳﻦ ﻭﺗﺼﻴﺮﻳﻦ ﺣﻠﻮﺓ
ﺭﻧﺪ : ﺍﺳﻔﺔ ﻋﻤﺔ ﺍﺳﻔﺔ ﻣﺎﻣﺎ ﺑﻌﺪ ﻣﺎ ﺍﺳﻮﻳﻬﺎ
ﺭﻳﻢ : ﺃﻳﺎ ﺧﺒﻴﺜﺔ ﻣﻮ ﺷﻠﻌﺘﻲ ﮔﻠﺒﻲ ﻭﻣﺘﺎﻛﻠﻴﻦ ﻭﻻ ﺗﺴﻤﻌﻴﻦ ﻛﻼﻡ ﻭﻫﺴﺔ ﺑﻜﻠﻤﺘﻴﻦ ﻣﻦ ﺍﻣﺞ ﮔﻠﺘﻲ ﺣﺎﺿﺮ
ﻣﻠﻚ : ﻟﻌﺪ ﺷﻠﻮﻥ ﻏﻴﺮ ﺗﺴﻤﻊ ﻛﻼﻡ ﺃﻣﻬﺎ
ﺭﻧﺪ : ﺍﺣﺒﺒﭻ
ﻣﻠﻚ : ﻭﺍﻧﻲ ﻫﻢ ﻋﻤﺮﻱ ﺍﻧﺘﻲ ...
ﺭﻳﻢ : ﻳﻼ ﺑﻠﻴﺔ ﻋﺎﻃﻔﺔ ﺯﺍﺋﺪﺓ ﺍﺣﻨﺎ ﺷﻌﺐ ﻋﻨﺪﺓ ﺟﻔﺎﻑ ﻋﺎﻃﻔﻲ ﺍﺭﺣﻤﻮﻧﺎ 😅😒
ﻣﻠﻚ : ﻣﺎﺷﻲ ..😂😂 ﺷﻜﺮﺍً ﺣﺒﻲ ﺭﻳﻮﻣﺔ ﺩﺍ ﺍﺗﻌﺒﭻ ﻭﻳﺎﻳﺔ
ﺭﻳﻢ : ﻻ ﺍﺗﻌﺒﻴﻨﻲ ﻭﻻ ﺷﻲ ﺍﺳﻜﺘﻲ ﻭﺍﻛﻠﻲ
ﻣﻠﻚ : ﻣﺎﺷﻲ
ﺭﻳﻢ : ﻭﻛﻠﻲ ﺑﻨﺘﺞ ﻭﻳﺎﺝ
ﻣﻠﻚ : ﻣﺎﺷﻲ
ﺭﻳﻢ : ﻭﻛﻠﻴﻨﻲ ﻫﻢ
ﻣﻠﻚ : ﺷﻨﻮ 😂😂
ﺭﻳﻢ : 😂😂😂
ﻣﻠﻚ ﺍﻛﻠﻨﺎ ﻭﺧﻠﺼﻨﺎ ﻭﻧﻤﻨﺎ ﺍﺟﺔ ﺍﺩﻡ ﺩﺍ ﺍﮔﻮﻡ ﮔﺎﻝ ﻻ ﺍﺑﻘﻲ ﺍﻧﻲ ﺣﻨﺎﻡ ﺑﺎﻟﺼﺎﻟﺔ ﻣﺮﺩﻳﺖ ﻋﻠﻴﺔ ﺑﺲ ﻫﺰﻳﺖ ﺭﺍﺳﻲ ﻭﺭﺟﻌﺖ ﻧﻤﺖ ﻭﺭﺟﻌﺖ ﺩﺍﻭﻣﺖ ﺍﻟﺤﻤﺪ ﻟﻠﻪ ﺍﻣﺘﺤﻨﺖ ﻭﺧﻠﺼﺖ ﻭﺑﺪﺕ ﺍﻟﻌﻄﻠﺔ ﺑﺲ ﻃﻮﻝ ﻓﺘﺮﺓ ﺍﻻﻣﺘﺤﺎﻧﺎﺕ ﻣﺎ ﺣﺠﻴﺖ ﻛﻠﻤﺔ ﻭﻳﺔ ﺍﺩﻡ ﺍﺣﻀﺮﻟﺔ ﻣﻼﺑﺴﺔ ﻭﺃﻛﻠﺔ ﺑﺪﻭﻥ ﻣﺎ ﺍﻃﻠﻊ ﺻﻮﺕ ﻭﺣﺘﻰ ﻣﺎ ﺍﺧﻠﻲ ﺍﻳﺸﻮﻓﻨﻲ ﺍﻫﻮﺍﻳﺔ ﻻﻥ ﻫﻮ ﮔﺎﻝ ﻣﻄﺎﻳﻘﻨﻲ ﻭﺍﻧﻲ ﻫﻴﺞ ﺩﺍ ﺃﺭﻳﺤﺔ ﻃﺒﻌﺎً ﺭﺟﻊ ﻧﻔﺲ ﺍﻟﺮﻭﺗﻴﻦ ﻣﺎﻝ ﺍﻟﺪﻭﺍﻡ ﺑﺲ ﺍﻻﻛﻞ ﻋﻠﻴﺔ ﻭﮔﻤﺖ ﺍﻛﻞ ﻭﺣﺪﻱ ﺍﻧﻲ ﻭﺭﻧﺪ ﻣﺮﺍﺕ ﻣﺤﻤﺪ ﻭﺭﻳﻢ ﻳﺠﻮﻥ ﻭﻣﺮﺍﺕ ﻻ ﻭﺭﺓ ﻧﻈﺮﺍﺗﻬﻢ ﻫﺬﺍﻙ ﺍﻟﻴﻮﻡ ﻣﺎ ﺍﮔﺪﺭ ﺃﺭﺍﻭﻳﻬﻢ ﻭﺟﻬﻲ ﺑﺪﺕ ﺍﻟﻌﻄﻠﺔ ﺍﻭﻝ ﺍﺳﺒﻮﻉ ﻣﺸﺔ ﻋﺎﺩﻱ ﻣﺎﻛﻮ ﺷﻲﺀ ﻟﺤﺪ ﺑﻴﻮﻡ ﺟﻤﻌﺔ ﻫﻢ ﺍﺟﺘﻤﻌﻮﺍ ﻋﻠﻰ ﺍﻟﻐﺪﺓ ﺭﺍﺩﻧﻲ ﻋﻤﻮ ﻭﺃﺻﺮ ﺍﺗﻐﺪﺓ ﻭﻳﺎﻫﻢ ﮔﻌﺪﺕ ﻻﻥ ﺍﺳﺘﺤﻴﺖ ﻣﻨﺔ ﺑﺲ ﭼﺎﻥ ﺍﻟﻬﺪﻭﺀ ﺳﻴﺪ ﺍﻟﻤﻮﻗﻒ ﻗﻄﻊ ﺍﻟﻬﺪﻭﺀ ﻫﺬﺍ ﺻﻮﺕ ﻋﻤﻮ
ﺍﺑﺮﺍﻫﻴﻢ : ﺧﻴﺮ ﺍﻛﻮ ﺷﻲﺀ
ﺍﻟﺤﺠﻴﺔ : ﺷﺒﻴﻚ ﻳﻤﺔ ﻛﻠﻬﻢ ﺳﺎﻛﺘﻴﻦ ﻣﺤﺪ ﺣﺠﺔ
ﺧﺎﻟﺪ : ﻣﻮ ﻫﺬﺍ ﺍﻟﻲ ﺍﻳﺨﻮﻑ
ﺍﺣﻤﺪ : ﻟﻴﺶ ﺑﺎﺑﺎ ﻗﺎﺑﻞ ﺍﺣﻨﺎ ﺷﻴﺎﻃﻴﻦ ﻭﺗﺨﺎﻓﻮﻥ ﻣﻨﺔ
ﻭﻟﻴﺪ : ﻭﺍﻟﻠﻪ ﺍﺣﻨﺎ ﺣﺒﺎﺑﻴﻦ
ﺍﺑﻮ ﻏﺴﺎﻥ : ﺍﺣﺠﻮﺍ ﺷﻨﻮ ﺗﺮﺩﻭﻥ
ﺭﻳﻢ : ﺑﺲ ﻣﻮ ﺑﻘﺔ ﺍﺳﺒﻮﻉ ﻟﻠﻌﻄﻠﺔ ﻭﻭ
ﺍﺑﺮﺍﻫﻴﻢ : ﺍﻱ ﻛﻤﻠﻲ ﻣﻮ ﮔﻠﺖ ﻫﺪﻭﺋﻜﻢ ﻭﺭﺍ ﻣﺼﻴﺒﺔ
ﺍﺣﻤﺪ : ﺃﻧﺮﻳﺪ ﺍﻧﺮﻭﺡ ﻛﺮﺑﻼﺀ ﻭﻧﺠﻒ ﻧﮕﻈﻲ ﻳﻮﻣﻴﻦ ﻫﻴﺞ
ﺍﺑﻮ ﻏﺴﺎﻥ : ﺧﺎﻟﺪ ﺧﺎﺑﺮﻟﻨﺎ ﻫﺬﺍ ﺍﻟﺮﺟﺎﻝ ﻭﺍﺣﺠﺰﻟﻨﺎ ﺳﻴﺎﺭﺓ ﭼﺒﻴﺮﺓ
ﺧﺎﻟﺪ : ﺣﺎﺿﺮ ﺑﻮﻳﺔ
ﺭﻳﻢ : ﺟﺪﻭ ﻳﻌﻨﻲ ﻣﺜﻞ ﺍﻟﻌﺎﻡ ﻛﻠﻨﺔ ﻧﺮﻭﺡ
ﺍﺑﻮ ﻏﺴﺎﻥ : ﺍﻱ ﻧﮕﻀﻴﻠﻨﺎ ﻳﻮﻣﻴﻦ ﺑﻜﺮﺑﻼﺀ ﻭﻳﻮﻡ ﺑﺎﻟﻨﺠﻒ ﻭﻧﺮﺟﻊ
ﺳﻴﻒ : ﺟﺪﻭ ﺍﻧﻲ ﻣﺎ ﺍﺭﻭﺡ ﻋﻨﺪﻱ ﺷﻐﻞ ﻣﺎ ﺍﮔﺪﺭ
ﺭﺍﻧﻴﺎ : ﺍﻱ ﻟﻴﺶ
ﺳﻴﻒ : ﻋﻨﺪﻱ ﺷﻐﻞ ﺍﻋﻮﺿﻬﺎ ﻏﻴﺮ ﻣﺮﺓ ﺭﻭﺣﻲ ﺍﻧﺘﻲ ﻭﺍﻟﺠﻬﺎﻝ ﻭﻳﺎﻫﻢ
ﺭﺍﻧﻴﺎ : ﻣﺎﺷﻲ
ﻣﻠﻚ : ﺀﺀﺍﺍ ﺑﺲ ﻋﻤﻮ ﺣﺘﻰ ﺍﻧﻲ ﺍﺭﻭﺡ ﻟﻮ ﺍﺑﻘﺔ
ﺍﺑﺮﺍﻫﻴﻢ : ﻟﻴﺶ ﺗﺒﻘﻴﻦ ﺑﻨﺘﻲ ﻋﻨﺪﺝ ﺷﻲ
ﻣﻠﻚ : ﻻ ﺑﺲ ﻋﺒﺎﻟﻲ ﻣﺘﻘﺒﻠﻮﻥ ﺍﺟﻲ ﻭﻳﺎﻛﻢ
ﺍﺑﻮ ﻏﺴﺎﻥ : ﻻ ﺑﻨﺘﻲ ﺍﻟﻌﺎﺋﻠﺔ ﻛﻠﻬﺔ ﺍﺗﺮﻭﺡ ﺑﺲ ﺍﻟﻲ ﻣﻴﺮﻳﺪ ﺍﺑﻜﻴﻔﺔ
ﺳﻌﺎﺩ : ﻻ ﺍﻧﺘﻲ ﺍﺑﻘﻲ ﺑﺎﻟﺒﻴﺖ ﺍﻫﺘﻤﻲ ﺑﻲ ﻭﺍﺣﻨﺎ ﻧﺠﻲ ﺗﻌﺒﺎﻧﻴﻦ ﻋﻠﻤﻮﺩ ..
ﺍﺩﻡ : ﻻ ﻳﻤﺔ ﻣﺮﺗﻲ ﺗﺠﻲ ﻭﻳﺎﻳﺔ ﻭﻣﻠﻚ ﻣﻨﺎ ﻭﺭﺍﻳﺢ ﺗﺮﺩﻳﻦ ﺷﻲﺀ ﺍﺳﺄﻟﻴﻨﻲ ﻓﻬﻤﺘﻲ
ﻣﻠﻚ : ﺀﺀﺍﺍﺀﺀﺀ ﺣﺎﺿﺮ 😧
ﻭﻓﻌﻼً ﺑﺎﻟﻠﻴﻞ ﺑﻠﻐﻨﺎ ﻋﻤﻮ ﺧﺎﻟﺪ ﺍﻻﺣﺪ ﻧﻄﻠﻊ ﻟﻜﺮﺑﻼﺀ ﺣﻀﺮﻧﺎ ﻧﻔﺴﻨﺎ ﻭﺭﺣﻨﺎ ﺣﺎﺟﺰﻳﻦ ﺳﻴﺎﺭﺓ ﻣﻦ ﻫﺎﻱ ﺍﻟﭽﺒﻴﺮﺓ ﺣﻴﻞ ( ﻳﻌﻨﻲ ﺣﺎﻓﻠﺔ ) ﻃﻠﻌﻨﺎ ﺍﻻﺣﺪ ﺑﺎﻟﺨﻤﺴﺔ ﻟﻜﺮﺑﻼﺀ ﺍﻟﺠﻮ ﺍﻳﺠﻨﻦ ﻭﺃﺣﻼ ﻳﻮﻣﻴﻦ ﺑﺤﻴﺎﺗﻲ ﺻﺎﺭﻟﻲ ﺷﮕﻴﺪ ﻣﺰﺍﻳﺮﺓ ﻛﺮﺑﻼﺀ ﺍﺗﺠﻨﻦ ﺑﺲ ﺍﻟﻤﺸﻜﻠﺔ ﻋﻤﻮ ﺣﺎﺟﺰﻟﻨﺎ ﺑﺎﻟﻔﻨﺪﻕ ﺍﻧﻲ ﻭﺁﺩﻡ ﺳﻮﺓ ﻭﺭﻧﺪ ﻭﺍﻟﺠﺮﺑﺎﻳﺔ ﺍﻡ ﺍﻟﻨﻔﺮﻳﻦ ﻫﻤﺰﻳﻦ ﺍﻛﻮ ﻗﻨﻔﺔ ﻇﻞ ﺍﻳﻨﺎﻡ ﻋﻠﻴﻬﺎ ﺧﻄﻴﺔ ﺍﺗﻜﺴﺮ 😂 ﺑﺲ ﺍﻟﻤﻬﻢ ﻫﻮ ﺍﻟﻲ ﺭﺍﺩ ﺍﻳﻨﺎﻡ ﻋﻠﻰ ﺍﻟﻘﻨﻔﺔ 😈 ﺧﻠﺼﻦ ﺍﻟﻴﻮﻣﻴﻦ ﺑﺴﺮﻋﺔ ﺑﻴﻦ ﺯﻳﺎﺭﺓ ﻭﻣﺴﻮﺍﮒ ﻭﺗﻔﺮﻓﺮ ﺑﻜﺮﺑﻼﺀ ﺛﺎﻟﺚ ﻳﻮﻡ ﺑﺎﻟﺴﺘﺔ ﻃﻠﻌﻨﺎ ﻟﻠﻨﺠﻒ ﻭﺃﺧﻴﺮﺍً ﺣﺸﻮﻑ ﻛﺮﻡ ﻣﺎ ﺍﺩﺭﻱ ﺍﻓﺮﺡ ﺍﺑﺠﻲ ﻃﺒﻌﺎً ﺧﺎﺑﺮﺕ ﺑﺎﺑﺎ ﻭﮔﺘﻠﺔ ﺍﻳﺪﻟﻴﻨﻲ ﻋﻠﻰ ﻗﺒﺮ ﻛﺮﻡ
ﻣﻠﻚ : ﺍﻟﺴﻼﻡ ﻋﻠﻴﻜﻢ
ﻣﺤﻤﺪ : ﻣﻨﻮ ﻭﻳﺎﻳﺔ
ﻣﻠﻚ : ﺍﻧﻲ ﻣﻠﻚ ﺑﺎﺑﺎ 😏😏
ﻣﺤﻤﺪ : ﺷﻜﻮ ﺷﺮﺍﻳﺪﺓ
ﻣﻠﻚ : ﻣﺮﺍﻳﺪﺓ ﺷﻲﺀ ﺑﺲ ﺩﺍ ﺍﺳﺄﻝ ﺍﺫﺍ ﺗﮕﺪﺭ ﺍﺩﻟﻴﻨﻲ ﻋﻠﻰ ﻗﺒﺮ ﻛﺮﻡ ﻻﻥ ﺣﻴﺮﺣﻮﻥ ﻟﻠﺰﻳﺎﺭﺓ ﻭﺭﺍﺡ ﻳﺄﺧﺬﻭﻧﻲ ﻭﻳﺎﻫﻢ
ﻣﺤﻤﺪ : ﺍﻱ ﻳﻢ ﻗﺒﺮ ﺟﺪﺝ ...... ﺍﻳﺼﻴﺮ ﺑﺎﻟﻨﻬﺎﻳﺔ
ﻣﻠﻚ : ﻣﺎﺷﻲ ﺷﻜﺮﺍً ﻣﻊ ﺍﻟﺴﻼﻣﺔ
ﻣﺤﻤﺪ : ﻣﻊ ﺍﻟﺴﻼﻣﺔ
ﻭﺻﻠﻨﺎ ﻟﻠﻨﺠﻒ ﺯﺭﻧﺎ ﻭﺭﺣﻨﺎ ﺍﺭﺗﺎﺣﻴﺘﺎ ﻭﺭﺍﻫﺎ ﻃﻠﻌﻨﺎ ﻟﻠﻤﻘﺒﺮﺓ ﺭﺍﺣﻮﺍ ﻋﻠﻰ ﻛﻮﻣﺔ ﺍﻗﺒﻮﺭﻋﻜﺴﻲ ﺍﻧﻲ ﻣﺎ ﺍﻋﺮﻓﻬﻢ ﻭﻣﺎ ﺍﺭﻳﺪﻫﻢ ﻣﺜﻞ ﻣﺎ ﻫﻤﺔ ﻣﻴﺮﺩﻭﻧﻲ ﺍﻧﻲ ﺣﺘﻰ ﺟﺪﻱ ﻣﻦ ﻣﺎﺕ ﺃﺧﺬﻭﻧﻲ ﺑﺲ ﻋﻠﻤﻮﺩ ﺍﺧﺪﻡ ﺑﺎﻟﻨﺎﺱ ﻭﻫﻮ ﻣﻦ ﭼﺎﻥ ﻋﺎﻳﺶ ﻣﻤﺘﻘﺮﺑﻠﻲ 😔 ﺍﻟﻤﻬﻢ ﺻﻌﺪﻧﺎ ﺑﺎﻟﺴﻴﺎﺭﺓ ﻭﺩﻳﺮﺟﻌﻮﻥ ﻟﻠﻔﻨﺪﻕ ﺑﺲ ﻋﻤﻮ ﺻﺎﺣﻨﻲ ﻭﮔﻠﻲ ﺗﻌﺎﻟﻲ ﺩﻟﻲ ﺍﻟﺴﺎﺋﻖ ﻃﺒﻌﺎً ﺍﻧﻲ ﻗﺒﻞ ﻻ ﻧﺠﻲ ﮔﺘﻠﺔ ﻟﻌﻤﻮ ﺍﺭﻳﺪ ﺃﺯﻭﺭ ﻗﺒﺮ ﺑﺲ ﻣﻌﺮﻑ ﻣﺎﻝ ﻣﻨﻮ ﻭﻃﺒﻌﺎً ﺍﺩﻡ ﺑﺲ ﺍﻳﺒﺎﻭﻋﻠﻲ ﻣﻮ ﺑﺲ ﻫﻮ ﻛﻠﻬﻢ ﺗﻘﺮﻳﺒﺎً ﺑﻨﻀﺮﺓ ﻣﺘﻌﺠﺒﻴﻦ ﻭﺻﻠﺖ ﻟﻠﻘﺒﺮ ﻣﺎﻝ ﺟﺪﻱ ﻗﺮﻳﺖ ﺍﻻﺳﻢ ﻋﻔﺖ ﺭﻧﺪ ﻳﻢ ﺭﻳﻢ ﻭﻧﺰﻟﺖ ﺍﻗﺘﺮﺑﺖ ﺍﺷﻮﻱ ﻗﺮﻳﺘﻠﺔ ﺍﻟﻔﺎﺗﺤﺔ ﻭﺭﺣﺖ ﺃﺩﻭﺭ ﻋﻠﻰ ﻗﺒﺮ ﻛﺮﻡ ﻟﮕﻴﺘﺔ ﺑﺲ ﻣﻌﺒﺎﻟﻲ ﻫﻴﺞ ﺭﺍﺡ ﺍﺗﺄﺫﻯ ﻣﻦ ﺍﺷﻮﻓﺔ ﺷﻮﻱ ﻭﺷﻔﺖ ﺍﺩﻡ ﻭﺭﻳﻢ ﻣﺎ ﺍﺫﻛﺮ ﺷﻲﺀ ﻻﻥ ﺍﻟﺪﻧﻴﺎ ﺻﺎﺭﺕ ﻇﻠﻤﺔ ﻭﻋﻴﻮﻧﻲ ﮔﺎﻣﺖ ﺍﺗﻐﻮﺵ ﺑﺲ ﺍﺫﻛﺮ ﺍﺧﺮ ﻛﻠﻤﺔ ﮔﻠﺘﻠﻬﺎ ﺍﻟﺘﺎﺭﻳﺦ ....
ﺍﺩﻡ 🏻👈 ﺍﻧﺼﺪﻣﺖ ﺭﻏﻢ ﻛﻞ ﺍﻟﻲ ﺳﻮﻳﺘﺔ ﻭﻳﺎﻫﺎ ﻣﺎ ﺍﺷﺘﻜﺖ ﻭﮔﺎﻟﺖ ﺑﺲ ﺍﻧﺘﻈﺮ ﻭﺭﺍﺡ ﺗﻌﺮﻑ ﺍﻟﺤﻘﻴﻘﺔ ﺍﻟﺼﺮﺍﺣﺔ ﺧﻔﺖ ﺧﺎﻑ ﻣﺘﺴﺎﻣﺤﻨﻲ ﻻﻥ ﺍﻣﺒﻴﻨﺔ ﻭﺍﺛﻘﺔ ﻣﻦ ﻛﻼﻣﻬﺎ .. ﺭﺟﻌﻨﺎ ﻭﻣﺸﺖ ﺍﻷﻳﺎﻡ ﺑﺲ ﺗﺠﺎﻫﻠﻬﺎ ﻣﻮﺗﻨﻲ ﻣﺎ ﺍﺩﺭﻱ ﻟﻴﺶ ﻣﻬﺘﻢ ﻫﻠﮕﺪ ﺑﺲ ﺗﻌﺒﺘﻨﻲ ﺻﻮﺗﻬﺎ ﺑﺎﻟﮕﻮﺓ ﻳﻄﻠﻊ ﻣﻦ ﺍﻧﻲ ﻣﻮﺟﻮﺩ ﺣﺘﻰ ﺍﻛﻞ ﮔﺎﻣﺖ ﻣﺘﺂﻛﻞ ﻭﻳﺎﻧﺔ ﺑﺲ ﺑﻴﻮﻡ ﺟﺪﻭ ﺍﺻﺮ ﻋﻠﻴﻬﺎ ﺗﺎﻛﻞ ﻭﻳﺎﻧﺔ ﻭﻣﻦ ﺣﺠﻮﺍ ﻋﻠﻰ ﺍﻟﺰﻳﺎﺭﺓ ﺣﻴﻞ ﺿﺠﺖ ﺍﻣﻄﻨﺸﺘﻨﻲ ﻋﺒﺎﻟﻚ ﻣﻮ ﺍﻧﻲ ﺯﻭﺟﻬﺔ ﻭﻫﻮ ﻟﻴﺶ ﺍﻧﻲ ﻣﻌﺎﻣﻠﻬﺔ ﻛﺰﻭﺟﺔ ﺣﺘﻰ ﺗﺘﺬﻛﺮ ﻋﺼﺒﺖ ﻋﻠﻴﻬﺎ ﻭﺻﻌﺪﺕ ﺍﺻﻼً ﺳﻴﻒ ﺣﻴﺒﻘﻰ ﻭﺍﻧﻲ ﻣﺎ ﺍﺋﻤﻦ ﻋﻠﻴﻬﺎ ﻣﻦ ﻫﻮ ﻣﻮﺟﻮﺩ ﺭﺣﻨﺎ ﻟﻠﺰﻳﺎﺭﺓ ﻭﻫﻲ ﮔﺎﻋﺪﺓ ﺍﻏﻠﺐ ﻭﻛﺘﻬﺎ ﻭﻳﺔ ﺭﻳﻢ ﻭﻣﺤﻤﺪ ﻭﺭﻧﺪ ﻭﺑﺎﻟﻔﻨﺪﻕ ﻇﻬﺮﻱ ﺍﺗﻜﺴﺮ ﻣﻦ ﺍﻟﻘﻨﻔﺔ ﺷﮕﺪﻭﺗﻬﺎ ﻭﻣﻴﺒﺴﺔ ﺑﺲ ﺍﺩﺭﻱ ﺑﻴﻬﺔ ﺍﺫﺍ ﺍﻧﺎﻡ ﻋﻠﻰ ﺍﻟﭽﺮﺑﺎﻳﺔ ﻣﺮﺍﺡ ﺍﺗﻨﺎﻡ ﻳﻤﻲ ﺧﻠﺼﻨﺎ ﻣﻦ ﻛﺮﺑﻼﺀ ﺭﺣﻨﺎ ﻟﻠﻨﺠﻒ ﺯﺭﻧﺎ ﺍﻻﻣﺎﻡ ( ﻉ ) ﻭﺭﺣﻨﺎ ﺍﺭﺗﺎﺣﻴﻨﺎ ﻭﻃﻠﻌﻨﺎ ﺭﺣﻨﺎ ﻟﻠﻤﻘﺒﺮﺓ ﺯﺭﻧﺎ ﻛﻞ ﺍﻟﻤﻮﺗﺔ ﻭﻫﻲ ﻭﻳﺎﻧﺔ ﺗﻘﺮﺍﻟﻬﻢ ﻗﺮﺍﻥ ﺣﺘﻰ ﻧﻮﺭﻫﺎﻥ ﻗﺮﺗﻠﻬﺎ ﻭﺭﺍﻫﺎ ﺻﻌﺪﻧﺎ ﻟﻠﺴﻴﺎﺭﺓ ﻋﻠﻤﻮﺩ ﻧﺮﺟﻊ ﺑﺲ ﺍﺳﺘﻐﺮﺑﺖ ﺟﺪﻭ ﺻﺎﺡ ﻣﻠﻚ ﻭﺧﻼﻫﺎ ﺗﺤﺠﻲ ﻭﻳﺔ ﺍﻟﺴﺎﻳﻖ ﻭﺗﺪﻟﻲ ﻋﻠﻰ ﻣﻨﻮ ﻣﺎ ﺍﺩﺭﻱ ﻭﻟﻴﺶ ﮔﺎﻳﻠﺔ ﻟﺠﺪﻭ ﻭﻣﮕﺎﻳﻠﺘﻠﻲ ﻭﺻﻠﺖ ﻟﻤﻜﺎﻥ ﮔﺎﻟﺖ ﻫﻨﺎﻳﺔ ﻭﺍﻧﻄﺖ ﺭﻧﺪ ﻟﺮﻳﻢ ﻭﻧﺰﻟﺖ ﻭﮔﻔﺖ ﻳﻢ ﻗﺒﺮ ﺷﻮﻱ ﻭﻣﺸﺖ ﻧﺰﻟﺖ ﻭﺭﺍﻫﺎ ﺣﺘﻰ ﺭﻳﻢ ﻧﺰﻟﺖ ﺗﺒﻌﻨﺎﻫﺎ ﻭﺭﺓ ﺷﻮﻱ ﻭﮔﻔﺖ ﻣﺜﻞ ﺍﻟﻲ ﺟﻤﺪ ﺑﻤﻜﺎﻧﺔ ﻭﺍﮔﻔﺔ ﻭﺻﺎﻓﻨﺔ ﻭﺭﺓ ﺷﻮﻱ ﺍﻧﺪﺍﺭﺕ ﻋﻠﻴﻨﺎ ﺑﺎﻭﻋﺘﻠﻲ ﻭﺟﻬﻬﺎ ﺍﺻﻔﺮ ﺑﺲ ﺗﻮﺓ ﻣﭽﺎﻥ ﺑﻴﻬﺔ ﺷﻲﺀ ﮔﺎﻟﺖ ﺍﻟﺘﺎﺭﻳﺦ ﻭ ﻭﮔﻌﺖ ﺿﻠﻴﺖ ﺻﺎﻓﻦ ﺷﻨﻮ ﻗﺼﺪﻫﺎ ﻃﻠﻌﻨﻲ ﻣﻦ ﺍﻓﻜﺎﺭﻱ ﺻﻮﺕ ﺭﻳﻢ
ﺭﻳﻢ : ﺍﺩﻡ ﺷﻴﻠﻬﺎ ﺧﻠﻲ ﻧﺄﺧﺬﻫﺎ ﻟﻠﻤﺴﺘﺸﻔﻰ
ﺷﻠﺘﻬﺎ ﻭﺭﺣﺖ ﻟﻠﺴﻴﺎﺭﺓ ﻧﺰﻟﺖ ﺑﺄﻗﺮﺏ ﻣﺴﺘﺸﻔﻰ ﻭﮔﺘﻠﻬﻢ ﻳﺮﺣﻮﻥ ﺑﻘﺖ ﺑﺲ ﺭﻳﻢ ﻭﻳﺎﻳﺔ ﺍﺟﺔ ﺍﻟﺪﻛﺘﻮﺭ ﻭﺭﺓ ﺷﻮﻱ ﻭﺻﺪﻣﻨﺔ ﺑﻜﻼﻣﺔ
ﺍﻟﺪﻛﺘﻮﺭ : ....
🌺🌺🌺
ﺍﻟﺪﻛﺘﻮﺭ : ﻣﻨﻮ ﻭﻳﺔ ﺍﻟﻤﺮﻳﻀﺔ
ﺍﺩﻡ : ﺍﻧﻲ ... ﺑﺲ ﻣﻤﻜﻦ ﺍﻋﺮﻑ ﺷﻠﻮﻥ ﺻﺎﺭﺕ
ﺍﻟﺪﻛﺘﻮﺭ : ﺑﺲ ﻣﻤﻜﻦ ﺍﻋﺮﻑ ﺍﻧﺘﺔ ﺷﻨﻮ ﺗﻘﺮﺏ ﻟﻠﻤﺮﻳﻀﺔ
ﺍﺩﻡ : ﺍﻧﻲ ﺯﻭﺟﻬﺎ
ﺍﻟﺪﻛﺘﻮﺭ : ﺍﻫﺎﺍ .. ﺍﻟﺤﻤﺪ ﻟﻠﻪ ﻫﺴﺔ ﺍﺣﺴﻦ ﺑﺲ ﻟﻮ ﻣﺘﺄﺧﺮ ﺷﻮﻱ ﺑﻌﺪ ﭼﺎﻥ ﺩﺧﻠﺖ ﺑﻐﻴﺒﻮﺑﺔ
ﺍﺩﻡ : ﻏﻴﺒﻮﺑﺔ ..😧 ﻟﻴﺶ ﺷﺒﻴﻬﺎ
ﺍﻟﺪﻛﺘﻮﺭ : ﺍﻧﻬﻴﺎﺭ ﻋﺼﺒﻲ ﻭﻫﺬﻱ ﻣﻮ ﺍﻭﻝ ﻣﺮﺓ ﻣﺒﻴﻦ ﻋﻠﻴﻬﺎ ﻟﺬﻟﻚ ﻻﺯﻡ ﺗﻬﺘﻤﻮﻥ ﺑﻴﻬﺔ
ﺍﺩﻡ : ﻳﻌﻨﻲ ﺷﻠﻮﻥ ﻣﻔﻬﻤﺖ
ﺍﻟﺪﻛﺘﻮﺭ : ﻳﻌﻨﻲ ﻻﺯﻡ ﺗﺒﺘﻌﺪ ﻋﻦ ﻛﻠﺸﻲ ﻣﺰﻋﺞ ﺑﺎﻟﻨﺴﺒﺔ ﺍﻟﻬﺔ ﻳﻌﻨﻲ ﺍﻷﺷﻴﺎﺀ ﺍﻟﻲ ﺗﻀﻮﺟﻬﺎ ﻭﻻﺯﻡ ﺗﻨﺘﺒﻪ ﻷﻛﻠﻬﺎ ﻭﺗﺤﺘﺎﺝ ﺭﺍﺣﺔ ﻧﻔﺴﻴﺔ
ﺍﺩﻡ : ﺍﻧﺸﺎﺀ ﺍﻟﻠﻪ ﺩﻛﺘﻮﺭ ﺑﺲ ﻳﻤﺘﺔ ﺗﺼﺤﻰ
ﺍﻟﺪﻛﺘﻮﺭ : ﻫﺴﺔ ﺷﻮﻱ ﻭﺗﮕﻌﺪ ﻭﺗﮕﺪﺭ ﺃﻃﻠﻌﻬﺎ ﺑﺲ ﻳﺨﻠﺺ ﺍﻟﻤﻐﺬﻱ
ﺍﺩﻡ : ﻣﺎﺷﻲ .. ﺍﻧﺸﺎﺀ ﺍﻟﻠﻪ
ﺍﺩﻡ 🏻👈 ﻃﻠﻊ ﺍﻟﺪﻛﺘﻮﺭ ﻭﺍﻧﻲ ﺑﻘﻴﺖ ﺍﻓﻜﺮ ﺷﻨﻮ ﻳﻤﺘﺔ ﺍﻟﻤﺮﺓ ﺍﻻﻭﻟﻰ ﻭﻟﻴﺶ ﻭﻣﻨﻮ ﻫﺬﺍ ﺍﻟﻲ ﺑﺎﻟﻘﺒﺮ ﺍﻟﻲ ﺍﻧﻬﺎﺭﺕ ﮔﺪﺍﻣﺔ ﻭﺷﻘﺼﺪﻫﺎ ﺑﺎﻟﺘﺎﺭﻳﺦ ... ﺃﺳﺄﻟﺔ ﺍﻫﻮﺍﻳﺔ ﺍﺣﺘﺎﺝ ﺍﺟﺎﺑﺎﺕ ﺑﺲ ﺧﻠﻲ ﺗﺮﺗﺎﺡ ﻭﺭﺍﻫﺔ ﺍﻋﺮﻑ ﻛﻠﺸﻲ .. ﻃﻠﻌﻨﻲ ﻣﻦ ﺍﻓﻜﺎﺭﻱ ﺭﻳﻢ ﻭﻫﻲ ﺗﺤﺮﻙ ﺃﻳﺪﻫﺎ ﮔﺪﺍﻡ ﻭﺟﻬﻲ ﺍﻟﻈﺎﻫﺮ ﺻﺎﺭﻟﻲ ﻛﻮﻣﺔ ﺻﺎﻓﻦ 😂
ﺍﺩﻡ : ﻫﻤﻤﻢ .. ﺷﻜﻮ
ﺭﻳﻢ : ﻟﻚ ﺍﺩﻡ ﺷﺒﻴﻚ ﻣﻮ ﺻﺎﺭﻟﻲ ﺳﺎﻋﺔ ﺍﺣﺠﻲ ﺷﺒﻴﻚ
ﺍﺩﻡ : ﻣﺎﻛﻮ ﺷﻲﺀ ﺑﺲ ﺗﻌﺒﺎﻥ ﺷﻮﻱ
ﺭﻳﻢ : ﺍﺩﻡ ﺷﻨﻮ ﻗﺼﺪﻫﺎ ﻟﻤﻠﻚ ﻣﻦ ﮔﺎﻟﺖ ﻫﻴﺞ ﻗﺒﻞ ﻻ ﻳﻐﻤﻰ ﻋﻠﻴﻬﺎ
ﺍﺩﻡ : ﻭﺍﻟﻠﻪ ﻣﺎ ﺍﺩﺭﻱ ﻫﺴﺔ ﺧﻠﻲ ﺗﮕﻌﺪ ﺃﺧﺬﻛﻢ ﻟﻠﻔﻨﺪﻕ ﺧﻠﻴﻬﺎ ﺗﺮﺗﺎﺡ ﻭﺍﻧﺘﻲ ﺗﮕﺪﺭﻳﻦ ﺗﺒﻴﻘﻴﻦ ﻳﻤﻬﺔ ﺍﻟﻴﻮﻡ
ﺭﻳﻢ : ﺍﻛﻴﺪ
ﺍﺩﻡ : ﺭﻳﻢ ﻋﻨﺪﻱ ﺳﺆﺍﻝ
ﺭﻳﻢ : ﺷﻨﻮﻭ
ﺍﺩﻡ : ﻟﻴﺶ ﺍﺗﺤﺒﻴﻨﻬﺎ ﻫﻴﺞ .. ﻳﻌﻨﻲ ﻗﺼﺪﻱ ﺣﺘﻰ ﻋﻼﻗﺘﺞ ﺑﻴﻬﺎ ﺃﻗﻮﻯ ﺣﺘﻰ ﻣﻦ ﻣﺎ ﻭﻳﺔ ﻣﺮﻳﻢ .. ﺍﻧﺘﻲ ﺣﺘﻰ ﻧﻮﺭﻫﺎﻥ ﻣﺠﻨﺘﻲ ﻫﻴﺞ ﻭﻳﺎﻫﺔ
ﺭﻳﻢ : ﺍﻣّﻢ ﺷﻮﻑ ﺻﺢ ﺍﻧﻲ ﺯﻏﻴﺮﺓ ﺑﻨﻈﺮﻙ ﺑﺲ ﻻ ﺍﻧﻲ ﭼﺒﻴﺮﺓ ﻫﺴﺔ ﻭﺍﻋﺮﻑ ﻛﻠﺸﻲ ﺗﻘﺮﻳﺒﺎً ﻭﻣﻠﻚ ﻣﻦ ﺗﻌﺮﻓﺖ ﻋﻠﻴﻬﺎ ﻟﻴﻬﺴﺔ ﺍﺣﺴﻬﺎ ﻣﺜﻞ ﺍﻟﻄﻔﻞ ﻳﻌﻨﻲ ﻣﻦ ﻧﺎﺣﻴﺔ ﮔﻠﺒﻬﺎ ﻣﺘﻌﺮﻑ ﺗﺤﻘﺪ ﻭﻻ ﺗﻜﺮﻩ ﻭﺇﺫﺍ ﺗﺸﻮﻑ ﻋﻼﻗﺘﻲ ﺑﻴﻬﺎ ﻗﻮﻳﺔ ﻻﻥ ﻣﺘﺄﻛﺪﺓ ﻣﺮﺍﺡ ﺗﺨﺬﻟﻨﻲ ﺍﻭ ﺗﺨﻮﻧﻲ ﺍﺫﺍ ﺧﻠﻴﺖ ﺳﺮﻱ ﻳﻤﻬﺔ ﻋﻜﺲ ﻣﺮﻳﻢ ﺻﺢ ﺍﺧﺘﻲ ﺑﺲ ﺍﻋﺮﻓﻬﺎ ﻭﻛﺖ ﺍﻟﻲ ﺗﻀﻮﺝ ﺑﻲ ﺣﺘﺄﺫﻳﻨﻲ ﺍﻭ ﻣﺜﻞ ﻣﻨﮕﻮﻝ ﺗﺴﺘﻐﻠﻨﻲ ﺑﻠﻲ ﺗﻌﺮﻓﺔ ﺍﻣﺎ ﻧﻮﺭﻫﺎﻥ ﻓﺘﺪﺭﻱ ﺑﻴﺔ ﻟﻴﺶ ﻣﺠﻨﺖ ﺍﺣﺒﻬﺎ
ﺍﺩﻡ : ﺭﻏﻢ ﻫﻮ ﺷﻲﺀ ﺭﺍﺡ ﻣﻦ ﺯﻣﺎﻥ ﺑﺲ ﺑﻌﺪﺝ ﻣﻨﺴﻴﺘﻲ
ﺭﻳﻢ : ﻭﻻ ﺭﺍﺡ ﺁﻧﺴﺔ .. ﻋﻠﻰ ﺍﻟﻌﻤﻮﻡ ﺍﻟﻠﻪ ﻳﺮﺣﻤﻬﺔ
ﺍﺩﻡ : ﺍﻟﻠﻪ ﻳﺮﺣﻤﻬﺔ
ﻣﻠﻚ 🏻👈 ﮔﻌﺪﺕ ﻋﻠﻰ ﺻﻮﺕ ﺭﻳﻢ ﺗﺤﺠﻲ ﻭﻳﺔ ﺍﺩﻡ ﺗﮕﻠﺔ ﺗﻌﺮﻑ ﻟﻴﺶ ﻣﺠﻨﺖ ﺍﺣﺒﻬﺎ ﻗﺼﺪﻫﺎ ﻋﻠﻰ ﺯﻭﺟﺘﺔ ﺍﻟﻤﺮﺣﻮﻣﺔ ﻭﺭﺍﻫﺎ ﺳﻜﺘﻮﺍ ﺍﺭﻳﺪ ﺍﺫﻛﺮ ﺍﻧﻲ ﻭﻳﻦ ﺑﻌﺪﻳﻦ ﺍﻧﺘﺒﻬﺖ ﺍﻧﻲ ﺑﺎﻟﻤﺴﺘﺸﻔﻰ ﺃﺫﻛﺮﺕ ﺷﻨﻮ ﺻﺎﺭ ﺣﺎﻭﻟﺖ ﺍﮔﻌﺪ ﺍﻧﺘﺒﻬﻮﻟﻲ ﺍﺟﺘﻲ ﺭﻳﻢ
ﺭﻳﻢ : ﺍﻟﺤﻤﺪ ﻟﻠﻪ ﻋﻠﻰ ﺍﻟﺴﻼﻣﺔ ﺣﺐ
ﻣﻠﻚ ( ﺑﺘﻌﺐ ) : ﺍﻟﻠﻪ ﻳﺴﻠﻤﺞ ﺣﺒﻲ
ﺍﺩﻡ : ﺍﻟﺤﻤﺪ ﻟﻠﻪ ﻋﻠﻰ ﺍﻟﺴﻼﻣﺔ
ﻣﻠﻚ : ﺷﻜﺮﺍً .. ﺑﺲ ﺷﻨﻮ ﺻﺎﺭ
ﺭﻳﻢ : ﺍﻏﻤﺔ ﻋﻠﻴﺞ ﺑﺎﻟﻤﻘﺒﺮﺓ ﻭﺟﺒﻨﺎﺝ
ﻣﻠﻚ : ﻳﻤﺘﺔ ﺍﻃﻠﻊ
ﺭﻳﻢ : ﺑﺲ ﻳﺨﻠﺺ ﺍﻟﻤﻐﺬﻱ
ﻣﻠﻚ : ﻣﺎﺷﻲ
ﺭﻳﻢ : ﻣﺮﺍﺡ ﺗﺴﺄﻟﻴﻦ ﺷﺒﻴﺞ 😕
ﻣﻠﻚ : ﺍﻋﺮﻑ ﺍﻛﻴﺪ ﻣﻦ ﻭﺭﺓ ﻓﻘﺮ ﺍﻟﺪﻡ ﻋﺎﺩﻱ
ﺭﻳﻢ ﻭﺁﺩﻡ : 😧😧
ﺭﻳﻢ : ﻳﻌﻨﻲ ﺍﻧﺘﻲ ﺩﺍﺋﻤﺎ ﺗﺘﺨﺮﺑﻄﻴﻦ
ﻣﻠﻚ : ﻣﺮﺍﺕ ﻣﻮ ﺩﺍﺋﻤﺎً ﻻﻥ ﻣﺮﺍﺕ ﻣﺎ ﺍﻧﺘﺒﻪ ﻵﻛﻠﻲ
ﺭﻳﻢ : ﺑﺲ ﻣﻮ ﻣﻦ ﻭﺭﺓ ﻓﻘﺮ ﺍﻟﺪﻡ ﻫﻞ ﻣﺮﺓ
ﻣﻠﻚ : ﻟﻌﺪ ﺷﻨﻮﻭ 😕
ﺍﺩﻡ : ﺍﻧﺘﻲ ﻗﺒﻞ ﻫﻞ ﻣﺮﺓ ﺻﺎﻳﺮ ﻋﻨﺪﺝ ﺍﻧﻬﻴﺎﺭ ﻋﺼﺒﻲ
ﻣﻠﻚ : ﺍﻱ ﻣﺮﺓ ﻋﻠﻰ ﻣﺎ ﺍﺫﻛﺮ
ﺍﺩﻡ : ﻳﻤﺘﺔ
ﻣﻠﻚ : ﺍﻣّﻢ ﻗﺒﻞ ﺷﻲ ٣ ﺳﻨﻮﺍﺕ ﻟﻴﺶ
ﺭﻳﻢ : ﻟﻴﺶ ﺍﻗﺼﺪ ﺷﻨﻮ ﺍﻟﺴﺒﺐ
ﻣﻠﻚ 😭😭😔:
ﺭﻳﻢ : ﻣﻠﻚ ﺣﺒﻲ ﺷﺒﻴﺞ ﺷﻜﻮ
ﻣﻠﻚ : ..😭
ﺍﺩﻡ 🏻👈 ﮔﻌﺪﺕ ﻣﻠﻚ ﻭﻋﺎﺩﻱ ﻋﺒﺎﻟﻚ ﻣﺼﺎﻳﺮ ﻭﻳﺎﻫﺔ ﺍﻱ ﺷﻲﺀ ﻣﺎ ﺍﻋﺮﻑ ﺑﺲ ﻫﺎﻱ ﺍﻟﺒﻨﻴﺔ ﺻﺪﮒ ﻏﺮﻳﺒﺔ ﻭﺩﮔﻮﻝ ﻋﺎﺩﻱ ﺳﺄﻟﺘﻬﺎ ﺍﺫﺍ ﺻﺎﻳﺮ ﻋﻨﺪﻫﺎ ﺍﻧﻬﻴﺎﺭ ﻋﺼﺒﻲ ﻗﺒﻞ ﻫﻞ ﻣﺮﺓ ﮔﺎﻟﺖ ﺍﻱ ﺍﺷﻮ ﺑﺲ ﺭﻳﻢ ﮔﻠﺘﻠﻬﺎ ﻟﻴﺶ ﻭﻷﻭﻝ ﻣﺮﺓ ﺃﺷﻮﻓﻬﺎ ﺗﺒﺠﻲ ﻭﺑﺤﺮﮔﺔ ﻣﺒﻴﻦ ﺍﻟﺴﺒﺐ ﻛﻠﺶ ﻗﻮﻱ ﻭﺣﺘﻰ ﺷﻬﮕﺎﺗﻬﺎ ﮔﺎﻣﺖ ﺗﻌﻠﻰ ﺭﺣﺖ ﻟﻠﺪﻛﺘﻮﺭ ﺍﺟﺔ ﮔﺎﻝ ﺍﺷﺒﻴﻬﺎ ﺣﺠﻴﺘﻼ ﺍﻟﻲ ﺻﺎﺭ ﮔﺎﻝ ﻻﺯﻡ ﻣﺘﻀﻐﻄﻮﻥ ﻋﻠﻴﻬﺎ ﻭ ﺍﻧﻄﺎﻫﺎ ﺇﺑﺮﺓ ﻣﻬﺪﺉ ﺭﺟﻌﺖ ﻧﺎﻣﺖ ﻋﻔﺖ ﺭﻳﻢ ﻳﻤﻬﺎ ﻭﻃﻠﻌﺖ ﺭﺣﺖ ﻟﻠﻤﻘﺒﺮﺓ ﻻﺯﻡ ﺍﻋﺮﻑ ﻣﻨﻮ ﻫﺬﺍ .. ﻭﺻﻠﺖ ﺍﺗﻔﺎﺟﺌﺖ ﻧﻔﺲ ﺍﻟﺘﺎﺭﻳﺦ ﺍﻟﻲ ﮔﺎﻟﺖ ﻋﻠﻴﻪ ﺑﺲ ﺍﻟﻲ ﺍﺳﺘﻐﺮﺑﺘﺔ ﺗﺎﺭﻳﺦ ﺍﻟﻮﻓﺎﺓ ﻳﻌﻨﻲ ﺷﻲﺀ ﻗﺒﻞ ٤ﺳﻨﻮﺍﺕ ﻣﺘﻮﻓﻲ ﺑﺲ ﻟﺤﻈﺔ ﻛﺮﻡ ﻣﺤﻤﺪ ﻣﻨﻮ .. ﺃﺫﻛﺮﺕ ﻣﻦ ﻋﻘﺪﻧﺎ ﻧﻔﺲ ﺍﺳﻢ ﺍﻷﺏ ﻣﻌﻘﻮﻟﺔ ﺍﺧﻮﺍﻥ ﻟﺤﻈﺔ ﻫﻲ ﮔﺎﻟﺖ ﺑﻴﻮﻡ ﺍﻟﻲ ﻃﻠﻌﺖ ﻣﻦ ﺍﻟﻤﺨﺰﻥ ﺟﻨﺖ ﺍﺣﺠﻲ ﻭﻳﺔ ﺍﺧﻮﻳﺔ ﻭﻧﻔﺲ ﺍﻟﺘﺎﺭﻳﺦ ﻻ ﻳﺎ ﺍﻟﻠﻪ ﻣﻌﻘﻮﻟﺔ .. ﺷﻔﺖ ﺍﻟﺴﺎﻋﺔ ﺻﺎﺭﺕ ﻗﺮﻳﺐ ٧ ﮔﻤﺖ ﺭﺟﻌﺖ ﻟﻠﻤﺴﺘﺸﻔﻰ ﻭﺑﻄﺮﻳﻘﻲ ﻣﺮﻳﺖ ﻋﻠﻰ ﻣﻄﻌﻢ ﺍﺧﺬﺕ ﺍﻛﻞ ﺟﺎﻫﺰ ﻭﺻﻠﺖ ﻟﮕﻴﺘﻬﺎ ﮔﺎﻋﺪﺓ ﺗﺴﻮﻟﻒ ﻭﻳﺔ ﺭﻳﻢ ..
ﻣﻠﻚ 🏻👈 ﻣﺎ ﺍﺩﺭﻱ ﺍﻭﻝ ﻣﺮﺓ ﻣﺎ ﺳﻴﻄﺮﺕ ﻋﻠﻰ ﻧﻔﺴﻲ ﻭﺩﻣﻮﻋﻲ ﻧﺰﻟﻦ ﻣﺜﻞ ﺍﻟﺸﻼﻝ ﺑﺲ ﺗﻜﻠﻤﺖ ﻭﻳﺎﻳﺔ ﺭﻳﻢ ﻣﺎ ﺍﺩﺭﻱ ﻟﻴﺶ ﺍﻧﻔﺠﺮﺕ ﺑﺎﻟﺰﺍﻳﺪ ﻭﺭﺓ ﻣﻀﺮﺑﻨﻲ ﺍﻟﺪﻛﺘﻮﺭ ﺇﺑﺮﺓ ﻧﻤﺖ ﻣﺤﺴﻴﺖ ﺑﻨﻔﺴﻲ ﺑﺲ ﺍﻟﻲ ﺣﻠﻮ ﺑﺎﻟﻤﻮﺿﻮﻉ ﺣﻠﻤﺖ ﺑﻜﺮﻡ ﺑﺲ ﻣﺤﺠﻴﺖ ﻭَﻳَﺎ ﻻﻥ ﺷﻔﺘﺔ ﺑﻌﻴﺪ ﻋﻠﻴﺔ ﻭﻳﺒﺘﺴﻢ ﻭﺭﺍﻫﺎ ﺣﺴّﻴﺖ ﻭﺍﺣﺪ ﻳﻤﻲ ﻳﺤﺠﻲ ﻓﺘﺤﺖ ﻋﻴﻮﻧﻲ ﻟﮕﻴﺖ ﺭﻳﻢ ﺗﺤﺠﻲ ﺑﺎﻟﺘﻠﻔﻮﻥ ﺍﻭﻝ ﻣﺸﺎﻓﺘﻨﻲ ﮔﻌﺪﺕ ﺍﺟﺘﻲ ﻳﻤﻲ
ﺭﻳﻢ : ﻫﺎﺍ ﻣﻠﻮﻛﺔ ﺍﻧﺸﺎﺀ ﺍﻟﻠﻪ ﺍﺣﺴﻦ
ﻣﻠﻚ : ﺍﻟﺤﻤﺪ ﻟﻠﻪ
ﺭﻳﻢ : ﻣﻠﻚ ﺣﺒﻲ ﺷﺒﻴﺞ ﻟﻴﺶ ﻫﻴﺞ ﺩﻳﺼﻴﺮ ﻭﻳﺎﺝ
ﻣﻠﻚ : ﻣﻴﺨﺎﻟﻒ ﺃﻧﻌﻮﻑ ﺍﻟﻤﻮﺿﻮﻉ
ﺭﻳﻢ : ﺑﺮﺍﺣﺘﺞ ﺣﺒﻲ ﺑﺲ ﺍﺗﺄﻛﺪﻱ ﺑﺄﻱ ﻭﻛﺖ ﺗﺮﺩﻳﻦ ﺍﺣﺪ ﺗﺤﺠﻴﻦ ﻭَﻳَﺎ ﺣﺘﻠﮕﻴﻨﻲ
ﻣﻠﻚ : ﻣﺎﺷﻲ ﺷﻜﺮﺍً ﺣﺒﻲ
ﺭﻳﻢ : ﻻ ﺣﺒﻲ ﺗﺮﺓ ﺃﺯﻋﻞ ﺍﻧﺘﻲ ﻣﻮ ﺗﮕﻮﻟﻴﻦ ﺍﺣﻨﺎ ﺧﻮﺍﺕ ﻭﺍﻟﺨﻮﺍﺕ ﻣﺎ ﺑﻴﻨﻬﻢ ﻻ ﺷﻜﺮ ﻭﻻ ﺍﺳﺮﺍﺭ ﻣﻮ ؟؟ 😒
ﻣﻠﻚ : ﻫﻬﻪ ﻣﺎﺷﻲ ﺣﺒﻲ ﺑﺲ ﺻﺒﺮﻱ ﻓﺘﺮﺓ ﻭﻣﺼﻴﺮﺝ ﺃﺗﻌﺮﻓﻴﻦ
ﺭﻳﻢ : ﻭﻋﺪ
ﻣﻠﻚ : ﺍﻛﻴﺪ ﺍﺻﻼً ﺍﺭﻳﺪﺝ ﻭﻳﺎﻳﺔ ﺗﻮﮔﻔﻴﻦ ﻋﻠﻤﻮﺩ ﺍﺗﻘﻮﻯ ﺑﻴﺞ
ﺭﻳﻢ : ﻣﺎﺷﻲ ﺗﺪﻟﻠﻴﻦ ﺭﻏﻢ ﺍﻟﻤﻮﺿﻮﻉ ﺍﻣﺒﻴﻦ ﻣﻮ ﻫﻴﻦ
ﻣﻠﻚ : ﺍﻟﻠﻪ ﻛﺮﻳﻢ .. ﺍﮔﻮﻝ ﺭﻳﺮﻱ ﻭﻳﻦ ﺧﻠﻴﺘﻴﻬﺎ
ﺭﻳﻢ : ﻳﻢ ﺍﻣﻲ ﺑﺲ ﻫﻤﺞ ﺭﻧﺪ
ﻣﻠﻚ : ﻫﻬﻪ ﻭﺷﺒﻴﺞ ﺿﺎﻳﺠﺔ
ﺭﻳﻢ : ﺗﺤﺒﻴﻬﺔ ﺍﻛﺜﺮ ﻣﻨﻲ
ﻣﻠﻚ : ﻃﺒﻌﺎً
ﺭﻳﻢ : ﻟﻴﺶ ﺑﻼ
ﻣﻠﻚ : ﻏﻴﺮ ﺑﻨﺘﻲ .. ﻭﻟﻠﺼﺮﺍﺣﺔ ﺍﺷﻮﻑ ﻧﻔﺴﻲ ﺑﻴﻬﺔ
ﺭﻳﻢ : ﻣﻔﻬﻤﺖ
ﻣﻠﻚ : ﻋﻮﻓﺞ ﻣﻨﻲ ﻳﻤﺘﺔ ﻧﻄﻠﻊ ﺟﻌﺖ ﻭﺗﻌﺒﺖ
ﺭﻳﻢ : ﺑﺲ ﺧﻠﻲ ﻳﺠﻲ ﺍﺩﻡ
ﺍﺩﻡ : ﻭﻫﺎﻱ ﺍﻧﻲ ﺍﺟﻴﺖ ﺷﺮﺍﻳﺪﻳﻦ ﻣﻨﻲ
ﺭﻳﻢ : ﻳﻤﺔﺓﺓ ﺍﻧﺘﺔ ﻳﻤﺘﺔ ﺍﺟﻴﺖ
ﺍﺩﻡ : ﺗﻮﻱ ﻭﺳﻤﻌﺖ ﺍﺳﻤﻲ ﺷﻜﻮ 😒
ﺭﻳﻢ : ﻻ ﺑﺲ ﺟﻌﻨﺎ ﻭﺑﻌﺪﻳﻦ ﻣﻠﻚ ﺗﺮﻳﺪ ﺗﻄﻠﻊ
ﺍﺩﻡ : ﻳﻼ ﻫﺬﺍ ﺍﻻﻛﻞ ﺧﻠﻲ ﻧﺄﻛﻞ ﻭﺍﺷﻮﻑ ﺍﻟﺪﻛﺘﻮﺭ
ﺭﻳﻢ : ﺍﻱ ﻭﺍﻟﻠﻪ ﺟﻮﻋﺎﻧﺔ ﺍﺟﺔ ﺑﻮﻛﺘﺔ ﺟﻴﺐ
ﻣﻠﻚ : ﺍﺣﻢ ﺷﻜﺮﺍً ﺗﻌﺒﺘﻜﻢ ﻭﻳﺎﻳﺔ
ﺍﺩﻡ : ﻻ ﺩﮔﻮﻟﻴﻦ ﻫﻴﺞ ﻫﺬﺍ ﻭﺍﺟﺒﻲ
ﺭﻳﻢ : ﻛﺎﻓﻲ ﺷﻨﻮ ﻫﻞ ﺭﺳﻤﻴﺎﺕ ﺍﺣﺲ ﻧﻔﺴﻲ ﻭﺍﮔﻔﺔ ﮔﺒﺎﻝ ﺍﺛﻨﻴﻦ ﻏﺮﺑﺔ ﻭﺑﻌﺪﻳﻦ ﺍﻧﺘﻲ ﻣﻮﮔﺘﻠﺞ ﺍﺣﻨﺎ ﺧﻮﺍﺕ ﻭﻣﺎ ﺑﻴﻨﺎﺗﻨﺎ ﺷﻜﺮ ﻭﻫﺬﺍ ﺯﻭﺟﺞ ﻳﻌﻨﻲ ﻭﺍﺟﺒﺔ ﺷﻠﻮﻥ ﺗﺸﻜﺮﻳﻪ 😒😒
ﻣﻠﻚ : ﺍﺳﻔﺔ ﺍﻗﺼﺪ ﺍﻧﺸﺎﺀ ﺍﻟﻠﻪ 😳
ﺭﻳﻢ : ﺁﺍﺍﺍﻩ ﻫﺎﻱ ﺍﻟﺒﻨﻴﺔ ﺣﺘﻤﻮﺗﻨﻲ 😑
ﺍﺩﻡ : 🤣😂😂
ﻣﻠﻚ : 😳😳
ﺭﻳﻢ : ﺳﻜﺘﻨﺔ ﺑﺲ ﺧﻔﻲ ﺷﻮﻱ ﺗﺮﺓ ﺣﺘﻨﻔﺠﺮﻳﻦ ﺻﺮﺗﻲ ﻃﻤﺎﻃﺔ
ﻣﻠﻚ : ﻣﺎﺷﻲ ️☺
ﺍﺩﻡ : ﻳﻼ ﺧﻠﻲ ﻧﺄﻛﻞ
ﺍﺩﻡ 🏻👈 ﺻﺪﮒ ﻫﺬﻱ ﺍﻟﺒﻨﻴﺔ ﺍﺗﺤﺴﻬﺔ ﻣﺮﺍﺕ ﻃﻔﻠﺔ .. ﺃﻛﻠﻨﺔ ﻭﺭﺍﻫﺎ ﺭﺣﺖ ﻟﻠﺪﻛﺘﻮﺭ ﺳﺄﻟﺘﺔ ﮔﺎﻝ ﻋﺎﺩﻱ ﺗﮕﺪﺭﻭﻥ ﺃﻃﻠﻌﻮﻫﺎ ﺑﺲ ﻻﺯﻡ ﺗﺒﺘﻌﺪ ﻋﻦ ﺍﻟﻀﻐﻂ ﺍﻟﻨﻔﺴﻲ ﻭﻻﺯﻡ ﺗﻨﺘﺒﻪ ﻻﻛﻠﻬﺔ ﻻﻥ ﻋﺪﻫﺔ ﻓﻘﺮ ﺩﻡ ﺣﺎﺩ .. ﺭﺟﻌﻨﺎ ﻟﻠﻔﻨﺪﻕ ﻃﺒﻌﺎً ﻋﻠﺴﺎﺱ ﺍﻟﻴﻮﻡ ﻭﺭﺓ ﺍﻟﻐﺪﺓ ﻧﺮﺟﻊ ﺑﺲ ﻣﻦ ﻭﺭﺓ ﻣﻠﻚ ﺍﺗﺄﺟﻠﺖ ﺍﻟﺮﺟﻌﺔ ﻋﻠﻰ ﺑﺎﺟﺮ ﻭﺭﺓ ﺍﻟﻐﺪﺓ ﺭﻳﻢ ﺑﻘﺖ ﻳﻤﻨﺔ ﺑﺎﻟﻐﺮﻓﺔ ﺗﻬﺘﻢ ﺑﻤﻠﻚ ﺛﺎﻧﻲ ﻳﻮﻡ ﻧﺰﻟﻨﺔ ﺍﺟﺘﻤﻌﻨﺎ ﻛﻠﻨﺔ ﺗﺮﻳﮕﻨﺎ ﻭﺭﺣﻨﺎ ﻟﻸﻣﺎﻡ ﺯﺭﻧﺎ ﻭﺍﻓﺘﺮﻳﻨﺎ ﺑﺎﻟﺴﻮﮒ ﻭﺍﻟﻤﺨﺒﻠﻨﻲ ﺍﻟﺒﻨﺎﺕ ﺍﻳﺤﺒﻦ ﻳﺴﻮﮔﻦ ﻭﻫﻲ ﺗﺸﺘﺮﻱ ﻳﺎﻣﺎ ﻛﺘﺐ ﻳﺎﻣﺎ ﻏﺮﺍﺽ ﻟﺮﻧﺪ ﻭﻫﻲ ﻣﺘﺸﺘﺮﻱ ﻟﻨﻔﺴﻬﺎ ﺍﻱ ﺷﻲﺀ ﺭﺟﻌﻨﺎ ﻟﻠﻔﻨﺪﻕ ﺍﺗﻐﺪﻳﻨﺎ ﻛﻠﻨﺔ ﻭﺣﻀﺮﻧﺎ ﻧﻔﺴﻨﺎ ﻟﻠﺮﺟﻌﺔ ﺏ ٢ ﺍﺟﺔ ﺍﻟﺴﺎﻳﻖ ﺭﻛﺒﻨﺎ ﺭﺍﺩﺕ ﻣﻠﻚ ﺗﮕﻌﺪ ﻳﻢ ﺭﻳﻢ ﺑﻨﻔﺲ ﺍﻟﻮﻛﺖ ﺍﺟﺘﻲ ﻧﻮﺭ ﺭﺍﺩﺕ ﺗﮕﻌﺪ ﻳﻤﻲ ﺭﺃﺳﺎً ﺭﻳﻢ ﮔﻠﺘﻠﻬﺎ ﺗﻌﺎﻟﻲ ﻳﻤﻲ ﺫﺍﻙ ﻣﻜﺎﻥ ﻣﻠﻚ 😂😂 ﻭﻣﻠﻚ ﺗﺒﺎﻭﻋﻠﻬﺎ ﻭﺻﺎﻓﻨﺔ
ﻧﻮﺭ : ﺑﺲ ﻫﻲ ﺑﺎﻟﺠﻴﺔ ﮔﻌﺪﺕ ﻳﻤﺞ
ﺭﻳﻢ : ﺑﺲ ﻫﺴﺔ ﺗﺮﻳﺪ ﺗﮕﻌﺪ ﻳﻢ ﺯﻭﺟﻬﺎ ﺗﻌﺎﻟﻲ ﻳﻤﻲ ﺗﺮﺓ ﻣﺎ ﺍﻛﻞ ﺑﺸﺮ ﺍﻧﻲ 😏😒
ﻧﻮﺭ : ﻻ ﺣﺒﻲ ﻣﻮ ﻗﺼﺪﻱ ﺑﺲ ﻋﺒﺎﻟﻲ ﺣﺘﮕﻌﺪ ﻳﻤﺞ ﻳﻼ ﺃﺩﻧﻲ ﺧﻠﻲ ﺍﮔﻌﺪ 😤😤
ﺭﻳﻢ : ﺗﻌﺎﻟﻲ ﮔﻌﺪﻱ ﻭﺍﻧﺘﻲ ﻣﻠﻮﻛﺔ ﺭﻭﺣﻲ ﻳﻢ ﺯﻭﺟﺞ ﻣﻮ ﺭﺗﻲ ﺗﮕﻌﺪﻳﻦ ﻳﻤﺔ
ﻣﻠﻚ : 😳😳
ﺍﺩﻡ 🏻👈 ﻃﺒﻌﺎً ﺑﺎﻟﮕﻮﺓ ﻛﺎﻣﺶ ﻧﻔﺴﻲ ﻋﻠﻤﻮﺩ ﻣﺎ ﺍﻧﻔﺠﺮ ﻣﻦ ﺍﻟﻀﺤﻚ ﻭﻫﺎﻱ ﻣﻠﻚ ﺑﻘﺖ ﺟﺎﻣﺪﺓ ﺑﻤﻜﺎﻧﻬﺎ ﻭﺗﺒﺎﻭﻋﻠﻲ ﺑﻘﺔ ﺑﺲ ﺍﻣﻲ ﻭﻣﺮﻳﻢ ﺟﺎﻧﻦ ﺑﺎﻟﺤﻤﺎﻡ ﮔﻤﺖ ﺳﺤﺒﺘﻬﺎ ﻭﮔﻌﺪﺗﻬﺎ ﻳﻤﻲ ﻃﻮﻝ ﺍﻟﻮﻛﺖ ﺑﻘﺖ ﺳﺎﻛﺘﺔ ﺷﻮﻱ ﻭﺧﻠﺖ ﺭﺃﺳﻬﺎ ﻋﻠﻰ ﺍﻟﺠﺎﻣﺔ ﻭﺑﻜﻞ ﻃﺴﺔ ﻳﻨﻀﺮﺏ ﺭﺃﺳﻬﺎ ﺳﺤﺒﺘﻬﺎ ﻋﻠﻰ ﻛﻴﻒ ﺧﻠﻴﺖ ﺭﺃﺳﻬﺎ ﻋﻠﻰ ﻛﺘﻔﻲ ﺑﺲ ﻋﺠﺒﻨﻲ ﺷﻜﻠﻬﺎ ﻧﺎﻳﻤﺔ ﻭﺣﺎﺿﻨﺔ ﺭﻧﺪ ﻭﺭﻧﺪ ﻣﺠﻠﺒﺔ ﺑﺜﻮﺑﻬﺎ ﺷﻮﻱ ﻭﺍﻧﻲ ﻫﻢ ﺧﻠﻴﺖ ﺭﺍﺳﻲ ﻭﻧﻤﺖ ﻣﺤﺴﻴﺖ ﻏﻴﺮ ﻋﻠﻰ ﺻﻮﺕ ﺍﺣﻤﺪ
ﺍﺣﻤﺪ : ﻋﻴﻨﻲ ﻛﺎﻓﻲ ﻧﻮﻡ
ﺍﺩﻡ : ﻟﻴﺶ ﻭﺻﻠﻨﺔ
ﺍﺣﻤﺪ : ﻻ ﺑﺲ ﺗﻌﺎﻝ ﻧﻨﺰﻝ ﺍﻧﺼﻠﻲ ﻭﻧﺮﺗﺎﺡ ﺷﻮﻱ ﺑﺎﺑﺎ ﮔﺎﻝ ﻋﻠﻤﻮﺩ ﺍﻧﻜﻤﻞ
ﺍﺩﻡ : ﻟﻴﺶ ﺍﻟﺴﺎﻋﺔ ﺑﻴﺶ
ﺍﺣﻤﺪ : ﻭﻟَﻚ ٦ : ٥٣
ﺍﺩﻡ : ﺃﻫﺎﺍﺍ ﻳﻼ ﺟﺎﻱ ﺑﺲ ﺧﻠﻲ ﺍﮔﻌﺪ ﻣﻠﻚ ﻭﺍﺟﻲ
ﺍﺣﻤﺪ : ﻳﻼ ﻣﻨﺘﻀﺮﻳﻚ
ﺍﺩﻡ : ﻫﺎﺍ ﮔﺎﻋﺪﺓ
ﻣﻠﻚ : ﺍﻱ
ﺍﺩﻡ : ﻳﻼ ﻧﺰﻟﻲ ﺍﻧﺘﻲ ﻫﻢ ﻏﺴﻠﻲ ﻭﺻﻠﻲ
ﻣﻠﻚ : ﺣﺎﺿﺮ
ﺍﺩﻡ 🏻👈 ﻧﺰﻟﻨﺔ ﺍﺭﺗﺎﺣﻴﻨﺎ ﻭﺭﺟﻌﻨﺎ ﺻﻌﺪﻧﺎ ﺍﺧﺬﻧﺎ ﻋﺸﺔ ﺟﺎﻫﺰ ﻃﺒﻌﺎً ﺟﺎﻥ ﻋﺒﺎﺭﺓ ﻋﻦ ﻟﻔﺎﺕ ﺍﻛﻠﻨﺔ ﻛﻠﻨﺎ ﻭﺍﻟﻄﺮﻳﻖ ﻛﻠﻬﺔ ﺗﺴﻮﻟﻒ ﻭﺍﻟﻲ ﻧﺎﻳﻢ ﻭﺭﻧﺪ ﺍﺗﺒﺎﻭﻉ ﻣﻦ ﺍﻟﺠﺎﻡ ﻋﻠﻰ ﺍﻟﻨﺎﺱ ﻭﺍﻟﻴﻤﻲ ﺫﺍﺑﺘﻬﺎ ﻋﻠﻰ ﺍﻟﺴﺎﻳﻠﻨﺖ ﺑﺲ ﺗﺴﺄﻝ ﺭﻧﺪ ﻭﺗﺮﺟﻊ ﺗﺴﻜﺖ ﺷﻮﻱ ﻭﺣﺴﻴﺖ ﺛﮕﻞ ﻋﻠﻰ ﭼﺘﻔﻲ ﺷﻔﺘﻬﺎ ﻧﺎﻣﺖ ﻭﺭﻧﺪ ﻫﻢ ﻧﺎﻳﻤﺔ ﺿﻠﻴﺖ ﺍﺑﺎﻭﻋﻠﻬﻢ ﺷﻮﻱ ﻭﺧﻠﻴﺖ ﺭﺍﺳﻲ ﻋﻠﻰ ﺭﺃﺳﻬﺎ ﻭﻧﻤﺖ ﻫﻢ ﻣﮕﻌﺪﺕ ﻏﻴﺮ ﻣﻦ ﻭﺻﻠﻨﺎ ﻋﻠﻰ ﺻﻮﺕ ﺃﺑﻮﻳﺔ ﺍﻟﻜﻞ ﺟﺎﻥ ﻧﺎﻳﻢ ﻭﻳﮕﻌﺪ ﺑﻴﻨﺔ ﮔﻌﺪﺗﻬﺎ ﻭﺍﺧﺬﺕ ﻣﻨﻬﺎ ﺭﻧﺪ ﻧﺰﻟﻨﺎ ﻭﻛﻞ ﻭﺍﺣﺪ ﻋﻠﻰ ﻏﺮﻓﺘﺔ ﻣﺤﺴﻴﺖ ﻏﻴﺮ ﻭﺟﻪ ﺍﻟﺼﺒﺢ ﺗﻘﺮﻳﺒﺎً ﻣﻠﻚ ﺍﺗﮕﻌﺪ ﺑﻴﺔ
ﻣﻠﻚ : ﺍﺩﻡ .. ﺍﺩﻡ
ﺍﺩﻡ : ﻫﻤﻤﻢ
ﻣﻠﻚ : ﺍﺗﺄﺧﺮﺕ ﻣﺪﺍﻭﻡ
ﺍﺩﻡ : ﻻ ﻣﺒﻴﺔ ﺣﻴﻞ
ﻣﻠﻚ : ﻫﺎﺍ ﻟﻌﺪ ﺍﺳﻔﺔ ﻋﺒﺎﻟﻲ ﺍﺩﺍﻭﻡ ﺍﺭﺟﻊ ﻛﻤﻞ ﻧﻮﻣﺘﻚ
ﺍﺩﻡ : ﻟﻴﺶ ﺍﻟﺴﺎﻋﺔ ﺑﻴﺶ
ﻣﻠﻚ : ٦ : ٣٨
ﺍﺩﻡ : ﺍﻭﻛﻲ ﻻ ﺗﮕﻌﺪﻳﻨﻲ ﻋﻮﻓﻴﻨﻲ ﺑﺮﺍﺣﺘﻲ
ﻣﻠﻚ : ﻣﺎﺷﻲ
ﺭﺟﻌﺖ ﻧﻤﺖ ﮔﻌﺪﺕ ﻳﻤﻜﻦ ﺏ ٩ ﻣﺎ ﺍﺩﺭﻱ ﻣﺎ ﺑﺎﻭﻋﺖ ﻋﻠﻰ ﺍﻟﺴﺎﻋﺔ ﻧﺰﻟﺖ ﺭﺣﺖ ﻟﻠﻤﻄﺒﺦ ﻣﻠﮕﻴﺖ ﺍﺣﺪ ﺭﺣﺖ ﻟﻠﺼﺎﻟﺔ ﻫﻢ ﻣﺎﻛﻮ ﺍﺣﺪ ﻃﻠﻌﺖ ﻟﻠﻄﺮﻣﺔ ﻟﮕﻴﺖ ﻣﻠﻚ ﺗﻐﺴﻞ ﺑﻴﻬﺔ ﺻﺤﺖ ﻋﻠﻴﻬﺎ ﺳﺄﻟﺘﻬﺎ ﮔﺎﻟﺖ ﺟﺪﻭﻭﺳﻴﻒ ﻭﺃﺑﻮﻳﺔ ﻭﻋﻤﻮ ﻃﻠﻌﻮﺍ ﻭﺍﻟﺤﺠﻴﺔ ﺑﻐﺮﻓﺘﻬﺎ ﻭﺍﻟﺒﻘﻴﺔ ﺑﻌﺪﻫﻢ ﻧﺎﻳﻤﻴﻦ ﮔﺘﻠﻬﺎ ﺗﺴﻮﻳﻠﻲ ﺭﻳﻮﮒ ﺷﻮﻱ ﻭﺇﺟﺖ ﺍﻣﻲ ﻭﻋﻤﺔ ﺃﻣﻞ ﻭﺍﺣﻼﻡ ﻭﺑﺪﻭﺍ ﺍﻳﮕﻌﺪﻭﻥ ﺣﻀﺮﺕ ﺍﻟﺮﻳﻮﮒ ﻟﻠﻜﻞ ﻭﺭﺍﺩﺕ ﺗﻄﻠﻊ ﺻﺤﺖ ﻋﻠﻴﻬﺎ
ﻣﻠﻚ : ﻧﻌﻢ ﻣﺤﺘﺎﺝ ﺷﻲ
ﺍﺩﻡ : ﻻ ﺗﻌﺎﻟﻲ ﺗﺮﻳﮕﻲ ﻻﺯﻡ ﺗﻬﺘﻤﻴﻦ ﻻﻛﻠﺞ
ﻣﻠﻚ : ﺣﺎﺿﺮ ﺑﺲ ﺍﺟﻴﺐ ﺭﻧﺪ ﻭﺍﺟﻲ
ﺍﺩﻡ : ﻋﻮﻓﻴﻬﺎ ﻧﺎﻳﻤﺔ
ﻣﻠﻚ : ﻻ ﻣﻮ ﻋﻠﻤﻮﺩ ﺗﻨﺎﻡ ﺍﻟﻈﻬﺮ ﻣﻦ ﻭﻛﺖ ﻭﺇﻻ ﺭﺍﺡ ﺗﺘﻨﺤﺲ
ﺍﺩﻡ : ﺑﺮﺍﺣﺘﺞ
ﻣﻠﻚ 🏻👈 ﮔﻌﺪﻧﺎ ﺍﻧﺴﻮﻟﻒ ﺍﻧﻲ ﻭﺭﻳﻢ ﺭﺍﺩﺕ ﺗﻌﺮﻑ ﺑﺲ ﮔﻠﺖ ﻣﻮ ﻭﻛﺘﻬﺎ ﻣﺎ ﺍﺭﻳﺪ ﺗﺒﺎﻭﻋﻠﻲ ﺑﻨﻈﺮﺓ ﺷﻔﻘﺔ ﺍﻭ ﺗﺘﻌﺎﻃﻒ ﻭﻳﺔ ﺣﺎﻟﺘﻲ ﺑﺲ ﺍﻧﻲ ﺣﺒﻴﺘﻬﺎ ﻣﻌﻨﺪﻱ ﺻﺪﻳﻘﺎﺕ ﻭﻫﻲ ﺻﺎﺭﺗﻠﻲ ﻣﻮ ﺑﺲ ﺻﺪﻳﻘﺔ ﺃﺧﺖ ﻫﻢ ﺷﻮﻱ ﻭﺍﺟﺔ ﺍﺩﻡ ﺟﺎﻳﺐ ﺍﻛﻞ ﺑﺲ ﻫﺬﻱ ﺭﻳﻢ ﺍﻟﺨﺒﻴﺜﺔ ﺃﺣﺮﺟﺘﻨﻲ ﺷﻠﻮﻥ ﺃﺷﻜﺮﺗﻬﺎ ﻭﺭﺍﻫﺎ ﺍﻛﻠﻨﺔ ﻭﺭﺟﻌﻨﺎ ﻟﻠﻔﻨﺪﻕ ﺭﻳﻢ ﺑﻘﺖ ﻳﻤﻲ ﺧﻄﻴﺔ ﻭﻋﺒﺎﻟﻬﺎ ﻣﻦ ﻭﺭﺍﻫﺎ ﺍﺩﻡ ﻧﺎﻡ ﻋﻠﻰ ﺍﻟﻘﻨﻔﺔ 😏 ﻣﺘﺪﺭﻱ ﺧﻄﻴﺔ ﺍﺣﻨﺎ ﺭﺍﺡ ﺍﺗﺼﻴﺮﻟﻨﺔ ﺳﻨﺔ ﻭﺯﻭﺍﺟﻨﺎ ﺑﺲ ﻋﻠﻰ ﻭﺭﻕ ﻟﻠﺼﺒﺢ ﺗﺮﻳﮕﻨﺎ ﻭﺍﺟﻴﺖ ﺍﮔﻌﺪ ﻳﻢ ﺭﻳﻢ ﻭﻫﺬﺍ ﺍﻟﺤﺠﻲ ﺍﻧﻲ ﻭﺍﮔﻔﺔ ﻭﺷﺎﻳﻠﺔ ﺭﻧﺪ ﺑﺲ ﺭﻳﻢ ﺍﻟﺨﺒﻴﺜﺔ ﺻﺎﺣﺖ ﻧﻮﺭ ﮔﻌﺪﺗﻬﺎ ﻳﻤﻬﺔ ﻭﺃﻧﻮﺑﺔ ﺩﮔﻮﻝ ﺍﻧﻲ ﺭﺍﻳﺪﺓ ﺍﮔﻌﺪ ﻳﻢ ﺍﺩﻡ ﺿﻠﻴﺖ ﻣﺘﺼﻨﻤﺔ ﺑﻤﻜﺎﻧﻲ ﻟﺤﺪ ﻣﺎ ﺍﺟﺔ ﺍﺩﻡ ﻭﺳﺤﺒﻨﻲ ﻳﻤﺔ ﺷﻮﻱ ﻭﺩﺧﺖ ﮔﻠﺖ ﺧﻠﻲ ﺍﻧﺎﻡ ﺧﻠﻴﺖ ﺭﺍﺳﻲ ﺑﺲ ﺍﻟﻄﺴﺎﺕ ﻣﻮﺗﻨﻲ ﺷﻮﻱ ﻭﺣﺴﻴﺖ ﺍﺩﻡ ﻧﻴﻤﻨﻲ ﻋﻠﻰ ﻛﺘﻔﺔ ﺳﻮﻳﺖ ﺭﻭﺣﻲ ﻣﺎ ﺍﺩﺭﻱ ﻭﺑﻘﻴﺖ ﻧﺎﻳﻤﺔ ﻻﻥ ﺍﺣﺴﻦ ﻣﻦ ﺍﻟﺠﺎﻡ ﺍﺣﺲ ﺭﺍﺳﻲ ﺗﻔﻠﺶ ﻣﺎ ﺍﺩﺭﻱ ﺷﮕﻴﺪ ﻧﻤﻨﺎ ﺑﺲ ﺣﺴّﻴﺖ ﻋﻠﻰ ﺍﺣﻤﺪ ﻭﻫﻮ ﺍﻳﮕﻌﺪ ﺍﺩﻡ ﻧﺰﻟﺖ ﻏﺴﻠﺖ ﻭﻏﺴﻠﺖ ﻟﺮﻧﺪ ﻭﺻﻠﻴﺖ ﻭﮔﻌﺪﻧﺎ ﺍﺭﺗﺎﺣﻴﻨﺎ ﺷﻮﻱ ﻭﮔﺎﻟﻮﺍ ﻳﻼ ﺻﻌﺪﻧﺎ ﺟﺎﺑﻮﺍ ﻟﻔﺎﺕ ﺍﺗﻌﺸﻴﻨﺎ ﻭﺑﻘﺖ ﺭﻧﺪ ﺗﺒﺎﻭﻉ ﻣﻦ ﺍﻟﺠﺎﻡ ﻟﺸﻮﻱ ﺍﻧﺪﺍﺭﺕ ﻋﻠﻴﺔ ﻫﻲ ﻣﻦ ﺗﻨﺎﻡ ﻻﺯﻡ ﺗﻜﻤﺶ ﺛﻮﺑﻲ ﻭﺍﻧﻲ ﻣﺼﺪﮔﺖ ﻫﻢ ﺧﻠﻴﺖ ﺭﺍﺳﻲ ﻭﻧﻤﺖ ﺑﺲ ﻫﻞ ﻣﺮﺓ ﻋﻠﻰ ﭼﺘﻒ ﺍﺩﻡ ﻻﻥ ﻣﺮﻳﺢ 😁 ﮔﻌﺪﺕ ﻣﻦ ﻭﺻﻠﻨﺔ ﻣﮕﺪﺭﺕ ﺍﮔﻮﻡ ﺑﻌﺪﻧﻲ ﻣﻄﻔﻴﺔ ﮔﺎﻡ ﺍﺩﻡ ﺃﺧﺬ ﺭﻧﺪ ﻭﺻﻌﺪ ﺍﻧﻲ ﺗﺒﻌﺘﻬﻢ ﻏﻴﺮﺕ ﻟﺮﻧﺪ ﻭﻫﻲ ﻧﺎﻳﻤﺔ ﻭﺭﺣﺖ ﻏﻴﺮﺕ ﻣﻼﺑﺴﻲ ﻭﻧﻤﺖ ﺍﺩﻡ ﺑﺲ ﻧﺰﻉ ﺍﻟﻘﻤﻴﺺ ﻭﺍﻟﺒﻨﻄﻠﻮﻥ ﻭﺑﻘﺔ ﺑﺎﻟﺪﺍﺧﻠﻴﺎﺕ ﻭﺷﻤﺮ ﻧﻔﺴﺔ ﻋﻠﻰ ﺍﻟﭽﺮﺑﺎﻳﺔ ﻭﻧﺎﻡ ﮔﻌﺪﺕ ﻭﻳﺔ ﺍﻻﺫﺍﻥ ﺻﻠﻴﺖ ﻭﺭﺟﻌﺖ ﻧﻤﺖ ﻓﺰﻳﺖ ﺳﺎﻋﺔ ٦: ٣٠ ﺗﻘﺮﻳﺒﺎً ﻟﮕﻴﺖ ﺍﺩﻡ ﺑﻌﺪﺓ ﻧﺎﻳﻢ ﮔﻌﺪﺗﺔ ﮔﺎﻝ ﻣﻴﺪﺍﻭﻡ ﻭﻳﺮﻳﺪ ﺍﻋﻮﻓﺔ ﺑﺮﺍﺣﺘﺔ ﻻﻥ ﺗﻌﺒﺎﻥ ﺣﻀﺮﺗﻠﺔ ﺍﻟﺤﻤﺎﻡ ﻭﻧﺰﻟﺖ ﺳﻮﻳﺖ ﺍﻟﺮﻳﻮﮒ ﮔﻌﺪ ﻋﻤﻮ ﺍﺑﻮ ﻏﺴﺎﻥ ﻭﻋﻤﻮ ﺍﺑﺮﺍﻫﻴﻢ ﻭﺧﺎﻟﺪ ﻭﺍﻟﺤﺠﻴﺔ ﻭﺳﻴﻒ ﺍﺗﺮﻳﮕﻮﺍ ﻭﻃﻠﻌﻮﺍ ﻭﺍﻟﺤﺠﻴﺔ ﮔﺎﻟﺖ ﺍﻧﻲ ﺗﻌﺒﺎﻧﺔ ﺣﺮﻭﺡ ﺍﺭﺗﺎﺡ ﮔﻤﺖ ﻟﻤﻴﺖ ﺍﻟﺒﻴﺖ ﻭﻧﻈﻔﺘﺔ ﻭﻏﺴﻠﺖ ﻣﻼﺑﺲ ﻭﺷﺮﻳﺘﻬﻢ ﻭﺍﻧﻲ ﺩﺍ ﺍﻏﺴﻞ ﺑﺎﻟﮕﺮﺍﺝ ﺍﺟﺔ ﺍﺩﻡ ﮔﺎﻝ ﺟﻮﻋﺎﻥ ﺧﻠﺼﺖ ﺍﻟﮕﺮﺍﺝ ﻟﮕﻴﺖ ﺧﺎﻟﺔ ﺳﻌﺎﺩ ﻭﺍﺣﻼﻡ ﮔﺎﻋﺪﺍﺕ ﻭﺍﻧﻲ ﺍﺟﻬﺰ ﺑﺎﻟﺮﻳﻮﮒ ﺣﺘﺔ ﻣﺮﻳﻢ ﻭﻧﻮﺭ ﮔﻌﺪﺕ ﻭﺍﻟﺠﻬﺎﻝ ﺍﻟﻜﻞ ﺍﺟﺘﻤﻊ ﺧﻠﻴﺘﺔ ﻭﮔﻠﺖ ﺧﻠﻲ ﺍﮔﻌﺪ ﺭﻳﻢ ﻻﻥ ﺑﺲ ﻫﻲ ﻣﺎﻛﻮ ﻭﻫﻢ ﺍﺟﻴﺐ ﺭﻧﺪ ﺑﺲ ﻭﮔﻔﻨﻲ ﺍﺩﻡ ﮔﺘﻠﺔ ﺷﻮﻱ ﻭﺟﺎﻳﺔ ﺻﻌﺪﺕ ﻟﻤﻴﺖ ﺍﻟﻐﺮﻓﺔ ﻭﻧﻈﻔﺘﻬﺎ ﺑﺴﺮﻋﺔ ﻭﻏﺴﻠﺖ ﻟﺮﻧﺪ ﻭﮔﻌﺪﺕ ﺭﻳﻢ ﻭﻧﺰﻟﻨﺎ ﺳﻮﺓ ﻟﮕﻴﺘﻬﻢ ﻣﺨﻠﺼﻴﻦ ﺑﺲ ﺑﺎﻗﻴﻦ ﻳﺴﻮﻟﻔﻮﻥ
ﺍﺣﻤﺪ : ﻣﻠﻚ ﺗﺮﺓ ﺣﺮﺍﻡ ﻋﻠﻴﺞ
ﻣﻠﻚ : ﻟﻴﺶ ﺷﻨﻮ ﺳﻮﻳﺖ 😳
ﺍﺣﻤﺪ : ﺍﺭﻭﺡ ﻟﻠﻘﺎﻋﺔ ﺍﻟﻌﺐ ﻭﺍﺳﻮﻱ ﺑﺎﻟﻌﻀﻼﺕ ﻭﺑﺲ ﺍﺟﻲ ﻭﺍﺷﻮﻑ ﻃﺒﺨﺞ ﺁﻧﺴﺔ ﺍﻟﻘﺎﻋﺔ ﻭﻛﻠﺸﻲ
ﻭﻟﻴﺪ : ﺍﻱ ﻭﺍﻟﻠﻪ ﺃﻧﻮﺏ ﺣﻴﻄﻠﻌﻠﻨﺎ ﻛﺮﺵ
ﻣﻠﻚ : ﺑﺎﻟﻌﺎﻓﻴﺔ ️☺
ﺳﻌﺎﺩ : ﻛﺎﻓﻲ ﺗﻜﺒﺮﻭﻥ ﺑﺮﺃﺳﻬﺎ ﺃﻧﻮﺏ ﻟﺘﺼﺪﮒ
ﺍﺣﻼﻡ : ﻭﺍﺻﻼً ﺍﻻﻛﻞ ﻋﺎﺩﻱ ﻣﺎ ﺑﻲ ﺷﻲﺀ ﻣﻤﻴﺰ
ﺍﺣﻤﺪ : ﻻ ﻭﺍﻟﻠﻪ ﻣﺎﻣﺎ ﺍﺻﻼً ﻃﺒﺨﻬﺎ ﻛﻠﺶ ﻃﻴﺐ ﻫﻨﻴﺎﻝ ﺍﺩﻡ ﻋﻠﻴﻬﺎ
ﻭﻟﻴﺪ : ﻣﺎ ﻋﻨﺪﺝ ﺃﺧﺖ ﻣﺜﻠﺞ
ﻣﻠﻚ : ﻻ ﻣﺘﻔﻴﺪﻙ ﺑﻌﺪﻫﺎ ﻣﺎ ﻣﺴﺠﻠﺔ ﺍﺻﻼً ﺑﺎﻟﻤﺪﺭﺳﺔ ﻭﻫﻨﺔ ﺗﻮﻡ ﻳﻌﻨﻲ ﻳﺸﻠﻌﻦ ﮔﻠﺒﻚ
ﺍﺣﻤﺪ : ﻋﺎﺩﻱ ﺍﻧﺘﻈﺮ
ﺭﻳﻢ : ﻋﻨﺪﺝ ﺍﺧﻮﺍﻥ ﺗﺆﻡ ﺍﻟﻠﻪ ﺷﮕﻴﺪ ﺣﻠﻮ
ﻣﻠﻚ : ﺍﺻﻼً ﺍﻧﻲ ﺗﺆﻡ
ﺭﻳﻢ : ﭼﺬﺏ ﻋﻨﺪﺝ ﺍﺥ ﺗﺆﻡ
ﻣﻠﻚ : ﺍﻳﻲ 😞
ﺭﻳﻢ : ﺷﺒﻴﺞ ﺣﺒﻲ
ﻣﻠﻚ : ﻣﺎﻛﻮ ﺷﻲﺀ ﺧﻠﻲ ﻧﺄﻛﻞ
ﺭﻳﻢ : ﻣﺎﺷﻲ ﺣﺒﻲ
ﻣﻠﻚ 🏻👈 ﻣﺸﺖ ﺍﻷﻳﺎﻡ ﻭﺭﺍﻫﺎ ﻋﺎﺩﻱ ﺧﻠﺼﺖ ﺍﻟﻌﻄﻠﺔ ﻭﺑﺪﺓ ﺍﻟﺪﻭﺍﻡ ﻭﺭﺟﻊ ﻧﻔﺲ ﺍﻟﺮﻭﺗﻴﻦ ﻟﺤﺪ ﻣﺮﺓ ﺭﺟﻌﺖ ﻣﻦ ﺍﻟﺪﻭﺍﻡ ﻭﺃﻧﺼﺪﻣﺖ ﻟﮕﻴﺖ ﻣﻔﺎﺟﺌﺔ ﺣﻠﻮﺓ ﺗﻨﺘﻈﺮﻧﻲ ﺍﻣﻬﺔ ﻟﻨﻮﺭ ﺧﺎﻟﺔ ﻭﺳﻦ 😏 ﺟﺎﻧﺖ ﺭﺍﺟﻌﺔ ﻟﮕﻴﺘﻬﺎ ﺑﺎﻟﺼﺎﻟﺔ ﺟﺎﻳﺔ ﻭﻃﺒﻌﺎً ﻻﺯﻡ ﺗﻨﻄﻴﻨﻲ ﺷﻮﻱ ﻛﻼﻡ ﻣﺜﻞ ﺍﻟﺴﻢ ﻳﻌﻨﻲ ﻋﻮﺩ ﺍﻧﻲ ﻫﻞ ﻓﺘﺮﺓ ﻣﺮﺗﺎﺣﺔ ﺍﻳﺌﺬﻭﻧﻲ ﺷﻮﻱ ﺑﺎﻟﻜﻼﻡ ﺑﺲ ﻋﺎﺩﻱ ﺍﻧﻲ ﻣﺘﻌﻮﺩﺓ ﻭﺗﺄﻛﺪﺕ ﻣﻦ ﻧﻔﺴﻲ ﺍﺣﺐ ﺍﺩﻡ ﺍﻱ ﮔﻤﺖ ﺃﺣﺒﺔ ﺍﺣﺐ ﺍﻫﺘﻤﺎﻣﺔ ﺑﻴﺔ ﺍﻭﻭﻭﻑ ﺑﺲ ﻫﻮﺓ ﻣﺜﻞ ﻣﻴﮕﻮﻝ ﺑﻌﺪﺓ ﻭﻓِﻲ ﻟﺰﻭﺟﺘﺔ ﺍﻟﻤﺮﺣﻮﻣﺔ ﺍﻋﺘﻘﺪ ﻫﻮ ﺍﻧﻲ ﺯﻭﺟﺘﺔ ﺍﻟﻤﻔﺮﻭﺽ ﻭﺇﺫﺍ ﺍﻳﺮﻳﺪ ﻳﺒﻘﻰ ﻭﻓِﻲ ﺍﻟﻬﺔ ﻟﻮ ﻣﻴﺰﻭﺝ ﻟﻮ ﻳﺘﺰﻭﺝ ﺑﺲ ﻳﺒﻘﻰ ﻳﺤﺒﻬﺎ ﺑﻘﻠﺒﺔ ﻣﻮ ﻳﻌﺬﺑﻨﻲ ﻭَﻳَﺎ ﻫﻮ ﻫﺴﺔ ﺩﻳﺨﻮﻧﻲ ﺍﻟﻲ ﻓﻲ ﺳﺒﻴﻞ ﺣﺒﻬﺎ ﺑﺲ ﻣﻮ ﻣﻬﻢ ﺍﻧﻲ ﻭﺍﻓﻘﺖ ﻣﻦ ﺍﻟﺒﺪﺍﻳﺔ ﺍﺳﺘﺎﻫﻞ ﻫﺎﻱ ﻧﻬﺎﻳﺔ ﺳﻜﻮﺗﻲ ﻭﻣﺎ ﺍﺩﺭﻱ ﺑﻌﺪ ﻭﻳﻦ ﺭﺍﺡ ﻳﻮﺻﻠﻨﻲ . ﻳﻼ ﺍﻟﻠﻪ ﻛﺮﻳﻢ ﻣﺸﺖ ﺍﻷﻳﺎﻡ ﻭﻣﻦ ﺃﺷﻮﻓﻬﺎ ﻟﺨﺎﻟﺔ ﻭﺳﻦ ﺷﻠﻮﻥ ﺗﻌﺎﻣﻞ ﻧﻮﺭ ﺣﻴﻞ ﺍﻧﻘﻬﺮ ﺭﻏﻢ ﺑﺪﺕ ﺗﺴﻮﻳﻠﻲ ﻣﺸﺎﻛﻞ ﻭﻳﺔ ﺍﻟﻜﻞ ﺑﺲ ﺩﺍﺋﻤﺎً ﺍﺣﺎﻭﻝ ﺃﺗﺠﻨﺒﻬﻦ ﻭﺭﻏﻢ ﻛﻞ ﺷﻲﺀ ﻣﺨﻠﺼﺖ ﻣﺮﺓ ﺟﻨﺖ ﺭﺍﺟﻌﺔ ﻣﻦ ﺍﻟﺪﻭﺍﻡ ﺣﻴﻞ ﺗﻌﺒﺎﻧﺔ ﺣﺘﺔ ﻣﺴﺎﻋﺪﺗﻬﻢ ﺑﺎﻟﻐﺪﺓ ﮔﺒﻞ ﻟﻠﻐﺮﻓﺔ ﺷﻮﻱ ﻭﺍﺟﺘﻲ ﻧﺪﻯ
ﻧﺪﻯ : ﻫﻠﻮ ﻣﻠﻚ ﺷﺒﻴﺞ ﻣﺮﻳﻀﺔ
ﻣﻠﻚ : ﻫﻼ ﺑﻴﺞ ﻻ ﺣﺒﻲ ﺑﺲ ﺗﻌﺒﺎﻧﺔ ﺗﺪﺭﻳﻦ ﻗﺮﺑﺖ ﻧﻬﺎﻳﺔ ﺍﻟﺴﻨﺔ ﻭﺃﺣﺲ ﺍﻟﻴﻮﻡ ﺷﻮﻱ ﺭﺍﺳﻲ ﻣﺄﺫﻳﻨﻲ
ﻧﺪﻯ : ﺍﻟﻠﻪ ﻳﺴﺎﻋﺪﺝ ﺣﺒﻲ ﺑﺲ ﺍﺳﺘﻐﺮﺑﺖ ﻣﺄﺟﻴﺘﻲ ﺳﺎﻋﺘﻴﻨﻲ ﺍﻟﻴﻮﻡ
ﻣﻠﻚ : ﺍﺳﻔﺔ ﻭﺍﻟﻠﻪ ﺑﺲ ﺗﻌﺒﺎﻧﺔ
ﻧﺪﻯ : ﻻ ﺣﺒﻲ ﻋﻠﻮﻳﺶ ﺗﺘﺄﺳﻔﻴﻦ ﮔﺘﻠﺞ ﺑﺲ ﺍﺳﺘﻐﺮﺑﺖ ﻣﻮ ﻣﻦ ﻃﺒﻌﺞ ﻋﻠﻰ ﺍﻟﻌﻤﻮﻡ ﻳﻼ ﺗﻌﺎﻟﻲ ﺍﺗﻐﺪﻱ
ﻣﻠﻚ : ﻭﺍﻟﻠﻪ ﻣﻤﺸﺘﻬﻴﺔ ﺑﺲ ﻫﺴﺔ ﺍﻧﺰﻝ ﺃﻭﻛﻞ ﺭﻧﺪ
ﻧﺪﻯ : ﺍﺫﺍ ﻋﻠﻰ ﺭﻧﺪ ﺍﻧﻄﻴﻨﻴﺎﻫﺎ ﺍﻧﻲ ﺍﻭﻛﻠﻬﺔ ﻭﺍﻧﺘﻲ ﺍﺭﺗﺎﺣﻲ
ﻣﻠﻚ : ﻻ ﺣﺒﻲ ﺧﺎﻑ ﺍﺗﻌﺒﺞ
ﻧﺪﻯ : ﺟﻴﺒﻴﻬﺎ ﻭﺍﻧﺘﻲ ﺍﺭﺗﺎﺣﻲ ﻻ ﺗﻌﺐ ﻭﻻ ﺷﻲﺀ ﻭﻋﻮﺩ ﻋﻮﺿﻴﻨﻲ ﺑﻐﻴﺮ ﺷﻲﺀ
ﻣﻠﻚ : ﻫﻬﻪ ﻣﻮ ﺗﺪﻟﻠﻴﻦ ﻣﻦ ﻋﻴﻮﻧﻲ ﺍﻟﻲ ﺗﺄﻣﺮﻳﻦ ﺑﻲ
ﻧﺪﻯ : ﺳﺎﻟﻤﺎﺕ ﺣﺒﻲ ﻋﻮﺩ ﻣﻦ ﺍﺭﻳﺪ ﺍﺭﻭﺡ ﻻﻫﻠﻲ ﺍﺭﻳﺪ ﻣﻦ ﻫﺎﻱ ﻛﻴﻜﺎﺗﺞ ﺍﺧﺬﻫﺎ ﻻﻥ ﺧﺒﺼﺘﻬﻢ ﺑﻄﻴﺨﺞ
ﻣﻠﻚ : ﺑﺲ ﻣﻮ ﺗﺪﻟﻠﻴﻦ ﻋﺒﺎﻟﻲ ﺷﻮﻑ ﺷﺮﺍﺡ ﺍﻃﻠﺒﻴﻦ
ﻧﺪﻯ : ﻫﻬﻪ ﻳﻼ ﺣﺒﻲ ﺍﻧﺘﻲ ﺍﺭﺗﺎﺣﻲ ﺗﻌﺎﻟﻲ ﺭﻧﻮﺩﺓ
ﺭﻧﺪ : ﻣﺎﺍﺍﺀ ﺍﻟﻴﺪ ﻭﻳﺔ ﻣﺎﻣﺎ
ﻧﺪﻯ : ﺭﻧﻮﺩﺓ ﻣﻮ ﻣﺎﻣﺎ ﻣﺮﻳﻀﺔ ﺧﻠﻴﻬﺎ ﺗﻨﺎﻡ ﺷﻮﻱ ﻭﺗﻨﺰﻝ
ﺭﻧﺪ : ﻣﺎﻣﺎ ﺛﺒﻴﺞ
ﻣﻠﻚ : ﻣﺎ ﺑﻴﺔ ﻣﺎﻣﺎ ﺭﻭﺣﻲ ﻭﻳﺔ ﻋﻤﺔ ﻭﻣﻮ ﺗﺸﻠﻌﻴﻦ ﮔﻠﺒﻬﺎ ﻭﻻ ﺗﺴﻮﻳﻦ ﻭﻛﺎﺣﺔ ﺍﺭﻳﺪﺝ ﻋﺎﻗﻠﺔ ﺍﻧﻲ ﺑﺲ ﺗﻌﺒﺎﻧﺔ ﺷﻮﻱ ﺍﻧﺎﻡ ﻭﺍﺟﻲ ﻣﺎﺷﻲ
ﺭﻧﺪ : ﺣﺎﺿﺮ
ﻧﺪﻯ : ﻓﺪﻭﺓ ﺷﻠﻮﻥ ﺗﺴﻤﻊ ﺍﻟﻜﻼﻡ
ﻣﻠﻚ : ﻓﺪﻭﺓ ﻧﺪﻯ ﻣﺎ ﺍﻭﺻﻴﺞ ﺑﺎﻟﺞ ﻋﻠﻴﻬﺎ
ﻧﺪﻯ : ﺑﻌﻴﻮﻧﻲ ﻳﻼ ﻧﺎﻣﻲ ﺍﻧﺘﻲ
ﻣﻠﻚ : ﺗﺴﻠﻤﻴﻦ ﺣﺒﻲ
ﻣﻠﻚ 🏻👈 ﻫﻤﺔ ﻃﻠﻌﻮﺍ ﻭﺍﻟﻨﻮﻣﺔ ﺻﺎﺭﺕ ﻧﻮﻣﺔ ﻣﺤﺴﻴﺖ ﻏﻴﺮ ﻋﻠﻰ ﺻﻮﺕ ﺍﺩﻡ ﺍﺑﺎﻭﻉ ﺍﻟﺪﻧﻴﺎ ﻇﻠﻤﺔ ﻳﺎ ﺭﺑﻲ ﺍﻧﻲ ﺷﮕﺪ ﻧﻤﺖ
ﺍﺩﻡ 🏻👈 ﻣﺸﺖ ﺍﻷﻳﺎﻡ ﻋﺎﺩﻱ ﺑﺲ ﮔﻤﺖ ﺍﺣﺲ ﺑﻤﺸﺎﻋﺮ ﺍﺗﺠﺎﻩ ﻣﻠﻚ ﻣﻮ ﺑﺲ ﺇﻋﺠﺎﺏ ﻻ ﺍﺗﻌﺪﻳﺖ ﺍﻹﻋﺠﺎﺏ ﺑﻤﺮﺍﺣﻞ ﻭﺧﻔﺖ ﻻ ﺍﺧﻮﻥ ﻧﻮﺭﻫﺎﻥ ﻭﺭﺓ ﻓﺘﺮﺓ ﺭﺟﻌﺖ ﻣﻦ ﺍﻟﺪﻭﺍﻡ ﻟﮕﻴﺖ ﺧﺎﻟﺔ ﻭﺳﻦ ﺟﺎﻳﺔ ﻣﻦ ﺍﻟﺴﻔﺮ ﻭﺗﺮﻳﺪ ﺗﺒﻘﻰ ﻳﻤﻨﺔ ﻛﻢ ﻳﻮﻡ ﻋﻠﻰ ﻣﺎ ﻳﺠﻲ ﻋﻤﻮ ﻋﺼﺎﻡ ﻭﻳﺮﺣﻮﻥ ﻃﺒﻌﺎً ﻣﻠﻚ ﺃﺷﻮﻓﻬﺎ ﺍﺗﺒﺎﻭﻉ ﻟﺨﺎﻟﺔ ﻭﺳﻦ ﺑﻨﻈﺮﺍﺕ ﻣﺎ ﺍﻋﺮﻑ ﺍﻓﺴﺮﻫﻦ ﻭﺧﺼﻮﺻﺎً ﻣﻦ ﺗﮕﻌﺪ ﺗﺴﻮﻟﻒ ﻭﻳﺔ ﻧﻮﺭ ﻭﻣﺮﺍﺕ ﺗﺰﻋﺠﻬﺔ ﺑﺎﻟﻜﻼﻡ ﺗﺪﺧﻞ ﺑﺘﺮﺑﻴﺘﻬﺎ ﻟﺮﻧﺪ ﻭﻫﻲ ﻣﺘﺤﺠﻲ ﻏﻴﺮ ﻛﻠﻤﺔ ﺍﻧﺸﺎﺀ ﺍﻟﻠﻪ ﻣﺮﺕ ﻓﺘﺮﺓ ﻭﮔﻤﺖ ﺍﺣﺲ ﻧﻮﺭ ﺻﺎﺭﺕ ﻗﺮﻳﺒﺔ ﺍﻟﻲ ﻛﺼﺪﻳﻘﻪ ﺃﺷﻮﻓﻬﺎ ﺍﺗﻐﻴﺮﺕ ﮔﺎﻣﺖ ﺗﺼﺮﻓﺎﺗﻬﺎ ﺗﺸﺒﻪ ﻧﻮﺭﻫﺎﻥ ﺣﻴﻞ ﻣﺮﺍﺕ ﺁﻧﺴﺔ ﻭﺍﺻﻴﺤﻠﻬﺔ ﻧﻮﻧﺔ ( ﺩﻟﻊ ﻧﻮﺭﻫﺎﻥ ) ﻋﺒﺎﻟﻲ ﻧﻮﺭﻫﺎﻥ ﻭﻃﺒﻌﺎً ﺍﻣﻲ ﻓﺮﺣﺎﻧﺔ ﺑﻬﺬﺍ ﺍﻟﺘﻐﻴﺮ ﻋﺒﺎﻟﻬﺔ ﮔﻤﺖ ﺍﺣﺒﻬﺔ ﺑﺲ ﻣﻮ ﺍﺣﺒﻬﺔ ﻭﻣﺎ ﺍﻛﺮﻫﻬﺔ ﻭﻣﻠﻚ ﻣﺎ ﺍﺩﺭﻱ ﺍﺣﺲ ﻣﺸﺎﻋﺮﻱ ﻣﺨﺮﺑﻄﺔ ﺷﻠﻮﻥ ﺍﻧﺠﺬﺑﻠﻬﻢ ﺛﻨﻴﻨﻬﻢ ﺑﺲ ﻗﺮﺭﺕ ﺷﻲﺀ ﻭﺭﺣﺖ ﻟﻤﻠﻚ ﺣﺘﺔ ﺍﻓﺎﺗﺤﻬﺔ ﺑﺎﻟﻤﻮﺿﻮﻉ ﻟﮕﻴﺘﻬﺎ ﮔﺎﻋﺪﺓ ﺗﺪﺭﺱ ﻭﺭﻧﺪ ﺗﻠﻌﺐ ﻳﻤﻬﺎ ﺻﺤﺘﻬﺎ ﻭﻭﻭﻭ
ﻣﻠﻚ 🏻👈 ﺍﺩﻡ ﺣﻴﻞ ﺍﺗﻐﻴﺮ ﻫﻞ ﻓﺘﺮﺓ ﮔﺎﻡ ﻳﮕﻌﺪ ﺍﻳﺴﻮﻟﻒ ﻭﻳﺔ ﻧﻮﺭ ﻭﻳﻀﺤﻜﻮﻥ ﻭﺣﺘﻰ ﺑﻴﻨﺎﺗﻬﻢ ﺷﻘﺔ ﻭﮔﺎﻡ ﻣﻴﻬﺘﻤﻠﻲ ﻣﺜﻞ ﻗﺒﻞ ﻭﺣﺘﻰ ﻣﺮﺍﺕ ﺍﺳﻤﻌﺔ ﻳﺪﻟﻌﻬﺎ ﻧﻮﻧﺔ ﺍﻧﻲ ﺍﻧﻘﻬﺮ ﺑﺲ ﻣﺎ ﺍﺑﻴﻦ ﺍﻟﺔ ﻫﻞ ﺷﻲ ﻟﺤﺪ ﺑﻴﻮﻡ ﻋﺎﺩﻱ ﺧﻠﺼﻨﺎ ﻋﺸﺔ ﻭﻏﺴﻠﺖ ﺍﻟﻤﻮﺍﻋﻴﻦ ﺻﻔﻴﺖ ﺍﻟﻤﻄﺒﺦ ﻭﺻﻌﺪﺕ ﺍﺩﺭﺱ ﻭ ﺭﻧﺪ ﺗﻠﻌﺐ ﻳﻤﻲ ﺷﻮﻱ ﻭﺩﺧﻞ ﺍﺩﻡ ﻭﮔﻠﻲ ﺍﺭﻳﺪﺝ ﺑﻤﻮﺿﻮﻉ ﺗﻌﺎﻟﻲ ﻟﻠﺼﺎﻟﺔ
ﺷﻐﻠﺖ ﺍﻟﺘﻠﻔﺰﻳﻮﻥ ﻟﺮﻧﺪ ﻭﺍﻧﻄﻴﺘﻬﺎ ﺣﻠﻮﻳﺎﺕ ﻭﺭﺣﺖ ﻟﻠﺼﺎﻟﺔ ﮔﻌﺪﺕ ﺍﮔﺒﺎﻟﺔ ﺍﺗﻮﻗﻌﺖ ﻛﻠﺸﻲ ﺍﻟﺔ ﻫﻞ ﻣﻮﺿﻮﻉ
ﻣﻠﻚ : ﺗﻔﻀﻞ ﺍﺩﻡ ﻣﺤﺘﺎﺝ ﺷﻲﺀ
ﺍﺩﻡ : ﻣﻠﻚ ﻣﺎ ﺍﻋﺮﻑ ﺷﻨﻮ ﺍﮔﻮﻝ ﻭﺷﻠﻮﻥ ﺣﻔﺘﺢ ﺍﻟﻤﻮﺿﻮﻉ ﻭﻳﺎﺝ ﺑﺲ
ﻣﻠﻚ : ﺧﻴﺮ ﻗﻠﻘﺘﻨﻲ ﺍﻛﻮ ﺷﻲﺀ
ﺍﺩﻡ : ﻻ ﺑﺲ ﺍﻟﻤﻮﺿﻮﻉ ﻭﻣﺎ ﺑﻲ ﺍﻧﻲ
.....
ﻣﻠﻚ : ﺗﻔﻀﻞ ﺍﺩﻡ ﻣﺤﺘﺎﺝ ﺷﻲﺀ
ﺍﺩﻡ : ﻣﻠﻚ ﻣﺎ ﺍﻋﺮﻑ ﺷﻨﻮ ﺍﮔﻮﻝ ﻭﺷﻠﻮﻥ ﺣﻔﺘﺢ ﺍﻟﻤﻮﺿﻮﻉ ﻭﻳﺎﺝ ﺑﺲ
ﻣﻠﻚ : ﺧﻴﺮ ﻗﻠﻘﺘﻨﻲ ﺍﻛﻮ ﺷﻲﺀ
ﺍﺩﻡ : ﻻ ﺑﺲ ﺍﻟﻤﻮﺿﻮﻉ ﻭﻣﺎ ﺑﻲ ﺍﻧﻲ ﻣﺎ ﺍﺩﺭﻱ ﺷﻠﻮﻥ ﺍﮔﻠﺞ ﺑﺲ ﺑﺼﺮﺍﺣﺔ ﺍﺣﺲ ﺑﺪﻳﺖ ﺍﻧﻌﺠﺐ ﺑﻨﻮﺭ ﻭﻗﺮﺭﺕ ﺍﺧﻄﺒﻬﺎ
ﻣﻠﻚ : ﻫﺎﺍﺍ 😳
ﺍﺩﻡ : ﺑﺲ ﺣﺒﻴﺖ ﺃﺧﺬ ﺭﺃﻳﺞ ﻗﺒﻞ ﻻ ﺍﮔﻮﻝ ﻟﺠﺪﻭ ﻭﺑﺎﺑﺎ ﻭﺍﻧﺘﻲ ﻻ ﺗﺨﺎﻓﻴﻦ ﻣﻜﺎﻧﺞ ﻳﺒﻘﻰ ﻧﻔﺴﺔ ﻭﺍﻟﻲ ﺗﺮﺩﻱ ﻳﺠﺮﺍﻟﺞ
ﻣﻠﻚ : ﻣﺎﺷﻲ ﺑﺮﺍﺣﺘﻚ ﺑﺲ ﻣﻤﻜﻦ ﺭﻧﺪ ﺗﺒﻘﻰ ﻣﺴﺆﻭﻟﻴﺘﻲ
ﺍﺩﻡ : ﺍﻱ ﺍﻛﻴﺪ .. ﺑﺲ ﺧﻮ ﻣﺎ ﻳﺰﻋﺠﺞ ﻫﻞ ﺷﻲﺀ
ﻣﻠﻚ : ﻻ ﻋﺎﺩﻱ ﺑﺮﺍﺣﺘﻚ ﻫﻲ ﺣﻴﺎﺗﻚ ﻭﺍﻧﺘﺔ ﺣﺮ ﺑﻴﻬﺔ
ﺍﺩﻡ : ﺍﻩ ﺍﻟﺤﻤﺪ ﻟﻠﻪ ﺭﻳﺤﺘﻴﻨﻲ ﺷﻜﺮﺍً
ﻣﻠﻚ : ﺍﻟﻌﻔﻮ ﻳﻌﻨﻲ ﺣﺘﺔ ﻟﻮ ﻣﺎ ﺃﻭﺍﻓﻖ ﺍﻧﻲ ﺷﻨﻮ ﺑﺎﻟﻤﻮﺿﻮﻉ
ﺍﺩﻡ : ﻭﻟﻴﺶ ﻣﺘﻮﺍﻓﻘﻴﻦ ﻫﻮ ﺍﻧﻲ ﺑﺲ ﺍﺟﻴﺖ ﺍﺑﻠﻐﺞ ﺣﺘﺔ ﻣﻦ ﻳﺴﺄﻟﺞ ﺟﺪﻭ ﻳﻜﻮﻥ ﻋﻨﺪﺝ ﻋﻠﻢ ﺑﺎﻟﻤﻮﺿﻮﻉ 😠
ﻣﻠﻚ : ﺣﺎﺿﺮ 😟 .. ﻋﻦ ﺇﺫﻧﻚ ﻭﺭﺍﻳﺔ ﺩﻭﺍﻡ
ﺍﺩﻡ : ﻣﺎﺷﻲ
ﻣﻠﻚ 🏻👈 ﻣﺎﻛﻮ ﺍﺣﻠﻰ ﻣﻦ ﺣﻴﺎﺗﻲ ﻫﻬﻪ ﻣﺮﺓ ﺍﻳﮕﻠﻲ ﻣﺎ ﺍﺭﻳﺪ ﺍﺧﻮﻥ ﻣﺮﺗﻲ ﺍﻟﻤﺮﺣﻮﻣﺔ ﻭﻫﻮ ﺟﺎﻥ ﻳﺨﻮﻧﻲ ﺑﻬﺬﺍ ﻛﻼﻣﺔ ﻭﻫﺴﺔ ﺣﺎﺏ ﺍﺧﺘﻬﺔ ﻭﻳﺮﻳﺪ ﻳﺘﺰﻭﺟﻬﺎ ﻭﺍﻟﻠﻪ ﺣﻴﺎﺗﻲ ﻋﺒﺎﺭﺓ ﻋﻦ ﻣﺴﻠﺴﻞ ﻛﻮﻣﻴﺪﻱ 😂😂 ﺭﺣﺖ ﻧﻮﻣﺖ ﺭﻧﺪ ﻭﺣﻀﺮﺕ ﻣﻼﺑﺴﻲ ﻭﻧﻤﺖ ﮔﻌﺪﺕ ﻧﻔﺲ ﺍﻟﺮﻭﺗﻴﻦ ﺟﺎﻥ ﻳﻮﻡ ﺧﻤﻴﺲ ﺭﺟﻌﺖ ﻣﻦ ﺍﻟﺪﻭﺍﻡ ﺍﺷﻮﻑ ﺧﺎﻟﺔ ﺳﻌﺎﺩ ﻓﺮﺣﺎﻧﺔ ﻭﺍﻟﻮﺟﻪ ﺍﻏﻠﺒﻬﺔ ﺗﻀﺤﻚ ﮔﻤﺖ ﺭﺣﺖ ﺑﺪﻟﺖ ﻭﻧﺰﻟﺖ ﺳﺎﻋﺪﺕ ﻧﺪﻯ ﺑﺎﻟﻐﺪﺓ ﻛﻞ ﻣﺎ ﺍﻧﺪﺍﺭ ﺍﻟﮕﺎﻫﺎ ﺻﺎﻓﻨﺔ ﻭﺗﺒﺎﻭﻋﻠﻲ ﺑﺲ ﺗﺸﻮﻓﻨﻲ ﻣﻨﺘﺒﻬﺘﻠﻬﺎ ﺍﺳﻮﻱ ﺭﻭﺣﻬﺎ ﻣﻮ ﻳﻤﻲ ﻭﺗﻠﻬﻲ ﻧﻔﺴﻬﺔ ﺑﺸﻐﻠﺔ ﻃﻨﺸﺖ ﺍﺗﻐﺪﻳﻨﺎ ﻭﺧﻠﺼﻨﺎ ﺑﺲ ﺍﺣﺲ ﺑﻨﻈﺮﺍﺗﻬﻢ ﺷﻤﺎﺗﺔ ﺍﻭ ﺍﺣﺘﻘﺎﺭ ﻣﺎ ﺍﻋﺮﻑ ﻃﺒﻌﺎً ﺍﻟﺒﻌﺾ ﻣﻮ ﺍﻟﻜﻞ ﻭﺍﻛﻮ ﺷﻔﻘﺔ ﻭﻫﺬﻱ ﺍﻛﺜﺮ ﻧﻈﺮﺓ ﺍﻛﺮﻫﻬﺔ ﻭﺭﺓ ﺍﻟﻌﺸﺔ ﺍﺟﺘﻤﻌﻮﺍ ﻳﺴﻮﻟﻔﻮﻥ ﺍﻧﻲ ﻣﺒﻘﺔ ﺷﻲﺀ ﻟﻼﻣﺘﺤﺎﻧﺎﺕ ﺍﻗﻞ ﺍﻟﺸﻬﺮ ﺻﻌﺪﺕ ﺍﻗﺮﺓ ﻭﻋﻔﺖ ﺭﻧﺪ ﻳﻢ ﻧﺪﻯ ﺷﻮﻱ ﻭﺍﻧﺪﻓﺮﺕ ﺍﻟﺒﺎﺏ ﺍﺑﺎﻭﻉ ﻫﺬﻱ ﺭﻳﻢ ﻭﺍﺳﻤﻊ ﺻﻮﺕ ﺻﻴﺎﺡ ﻭﺭﺍﻫﺎ ﺷﻮﻱ ﻭﺩﺧﻞ ﺍﺣﻤﺪ ﻭﺭﺍﻣﻲ ﻭﻧﻮﺭ ﻭﻣﺮﻳﻢ ﻭﺭﺍﻧﻴﺎ ﻭﻧﺪﻯ ﺷﺎﻳﻠﺔ ﺭﻧﺪ ﻭﺭﻧﺪ ﺻﺎﻳﺮﺓ ﺣﻤﺮﺓ ﻣﻦ ﺍﻟﺒﺠﻲ ﻃﺒﻌﺎً ﺟﻨﺖ ﮔﺎﻋﺪﺓ ﻋﻠﻰ ﺍﻟﺠﺮﺑﺎﻳﺔ ﻭﻓﺎﺭﺷﺔ ﺍﻟﻜﺘﺐ
ﺭﻳﻢ : ﺍﻧﺘﻲ ﮔﺎﻋﺪﺓ ﻫﻨﺎ ﻭﻣﺎ ﺗﺪﺭﻳﻦ ﺑﺎﻟﻲ ﺻﺎﻳﺮ
ﻣﻠﻚ : ﺧﻴﺮ ﺷﻜﻮ ﺷﺼﺎﻳﺮ ﻭﺷﺒﻴﻬﺎ ﺭﻧﺪ
ﺭﻧﺪ : ﻣﺎﻣﺎ 😭😭
ﻣﻠﻚ : ﺗﻌﺎﻟﻲ ﺣﺒﻴﺒﻲ ﺷﺒﻴﺞ ﻣﻨﻮ ﻭﻳﺎﺝ
ﺭﻳﻢ : ﻣﻠﻚ ﻻ ﺗﺨﺒﻠﻴﻨﻲ ﻛﻞ ﻫﻤﺞ ﺭﻧﺪ ﻭﻣﺎ ﻫﻤﺞ ﺯﻭﺟﺞ ﺷﻨﻮ ﻧﺎﻭﻱ
ﻣﻠﻚ : ﺷﻜﻮ ﺍﻫﺎﺍ ﺍﺫﺍ ﻗﺼﺪﺝ ﻋﻠﻰ ﺍﻟﺰﻭﺍﺝ ﺍﺩﺭﻱ
ﺍﻟﻜﻞ 😵😵😧:
ﻣﻠﻚ : ﺷﻜﻮ ﺷﺒﻴﻜﻢ
ﺭﻳﻢ : ﺑﺲ ﮔﻠﻴﻠﻲ ﺍﻧﺘﻲ ﻣﺎ ﻋﻨﺪﺝ ﺍﺣﺴﺎﺱ
ﻣﻠﻚ : ﻟﻴﺶ ﺷﺴﻮﻳﺖ
ﻧﺪﻯ : ﻣﻮ ﻫﻲ ﻫﺎﻱ ﺍﻟﻤﺼﻴﺒﺔ ﻛﻠﺸﻲ ﻣﺴﻮﻳﺘﻲ
ﻣﺮﻳﻢ : ﺍﺧﻮﻳﺔ ﻳﺮﻳﺪ ﻳﺰﻭﺝ ﻧﻮﺭ ﻭﺭﺍﺡ ﺍﻳﺼﻴﺮ ﻋﺮﺳﻬﻢ ﻭﻳﺎﻧﺔ ﻭﺭﺓ ﺳﻨﻮﻳﺔ ﻳﻮﺳﻒ
ﻣﻠﻚ : ﺍﻫﺎﺍ ﺍﻟﻒ ﻣﺒﺮﻭﻙ
ﺭﺍﻧﻴﺎ : ﺍﻧﺘﻲ ﻃﺒﻴﻌﻴﺔ 😧😧
ﺍﺣﻤﺪ : ﻣﻠﻚ ﺍﻧﺘﻲ ﻣﺜﻞ ﺍﺧﺘﻲ ﺑﺲ ﻳﻌﻨﻲ ﻣﺎ ﻋﻨﺪﺝ ﺍﻋﺘﺮﺍﺽ
ﻣﻠﻚ : ﻫﻮ ﺑﻠﻐﻨﻲ ﻭﺧﻼﺹ ﻭﺷﻲﺀ ﻻﺥ ﺍﻧﻲ ﻓﺼﻠﻴﺔ ﻋﺴﻰ ﻣﺎ ﻳﺰﻭﺝ ٣ ﺑﻌﺪ ﺍﻧﻲ ﻻﺯﻡ ﻣﺎ ﺍﺩﺧﻞ
ﺭﻳﻢ : ﻭﻟﺞ ﻋﻮﻓﺞ ﻣﻦ ﻫﻞ ﺣﺠﻲ ﺍﻧﺘﻲ ﻣﺮﺗﺔ ﺭﺳﻤﻲ ﻳﻌﻨﻲ ﻣﻴﺼﻴﺮ ﻫﺬﺍ ﺍﻟﺰﻭﺍﺝ ﺑﺪﻭﻥ ﻣﻮﺍﻓﻘﺘﺞ
ﻣﻠﻚ : ﺍﮔﻮﻝ ﺗﺮﺓ ﻫﻮ ﺍﺧﻮﻛﻢ ﺍﻟﻤﻔﺮﻭﺽ ﺗﻔﺮﺣﻮﻟﺔ ﻣﻮ ﺗﻮﮔﻔﻮﻥ ﺿﺪﺓ
ﺭﻳﻢ : ﻻ ﺍﻧﺘﻲ ﻣﻮ ﺻﺎﺣﻴﺔ ﺭﺳﻤﻲ ﻟﺞ ﺍﻧﺘﻲ ﻣﻦ ﺷﻨﻮ ﻣﺼﻨﻮﻋﺔ ﻣﺘﺤﺴﻴﻦ
ﺭﺍﻣﻲ : ﺗﻌﺎﻟﻲ ﺟﺪﻭ ﺍﻳﺮﻳﺪﺝ
ﻣﻠﻚ : ﺣﺎﺿﺮ ﺟﺎﻳﺔ .. ﺭﻧﺪ ﻣﺎﻣﺎ ﺭﻭﺣﻲ ﻳﻢ ﻋﻤﺔ ﺭﻳﻢ ﻫﺴﺔ ﺍﺟﻲ
ﺭﻧﺪ : ﻣﺎﺍﺍﺀ ﻭﻳﺎﺝ
ﻣﻠﻚ : ﻣﺎﺷﻲ ﺗﻌﺎﻟﻲ
ﻣﻠﻚ 🏻👈 ﺷﻠﺖ ﺭﻧﺪ ﻭﻧﺰﻟﺖ ﺩﺧﻠﺖ ﻟﻠﺼﺎﻟﺔ ﺍﺣﺲ ﺍﻟﻜﻞ ﺍﻳﺒﺎﻭﻋﻠﻲ ﻻ ﻭﺍﻟﻠﻪ ﻫﻮ ﺍﻟﻜﻞ ﺍﻳﺒﺎﻭﻋﻠﻲ ﮔﻌﺪﺕ ﻭﺑﺤﻈﻨﻲ ﺭﻧﺪ
ﻣﻠﻚ : ﺗﻔﻀﻞ ﻋﻤﻮ ﺭﺍﻳﺪﻧﻲ
ﺍﺑﻮ ﻏﺴﺎﻥ : ﺍﻱ ﺑﻨﺘﻲ ﺻﺢ ﺍﻟﻜﻼﻡ ﺍﻟﻲ ﺳﻤﻌﺘﺔ ﺍﻧﺘﻲ ﻣﻮﺍﻓﻘﺔ ﺍﺩﻡ ﻳﺰﻭﺝ ﻋﻠﻴﺞ
ﺳﻌﺎﺩ : ﻭﻟﻴﺶ ﻣﺘﻮﺍﻓﻖ ﻫﻲ ﻛﻠﻬﺔ ﻓﺼﻠﻴﺔ ﻣﻮ ﺯﻳﻦ ﻣﺨﻠﻴﻬﺎ ﺑﺮﺍﺣﺘﻬﺔ
ﺍﺑﺮﺍﻫﻴﻢ : ﻣﻤﻜﻦ ﺍﺗﺴﻜﺘﻴﻦ ﺃﻧﺮﻳﺪ ﻧﺴﻤﻊ ﻣﻦ ﺍﻟﺒﻨﻴﺔ
ﺳﻌﺎﺩ : ﺷﻨﻮ ﻭﺍﻟﻠﻪ ﺍﺗﺴﻜﺘﻨﻲ ﻋﻠﻤﻮﺩ ﺍﻟﻔﺼﻠﻴﺔ ﻣﻮ ﺯﻳﻦ ﻣِﻦ ﺍﺑﻨﻲ ﻋﻘﺪ ﻋﻠﻴﻬﺎ ﻭﺧﻼﻫﺎ ﺗﻜﻤﻞ ﺩﺭﺍﺳﺔ ﻭﻓﻮﮔﺎﻫﺔ ﻋﺎﻳﺸﺔ ﺍﺣﺴﻦ ﻋﻴﺸﺔ
ﺍﺑﺮﺍﻫﻴﻢ : ﺍﺳﻜﺘﻲ ﻛﺎﻓﻲ ﻣﻮ ﺩﺍ ﻧﺤﺠﻲ
ﻣﻠﻚ : ﺍﻟﻌﻔﻮ ﻋﻤﻮ ﺑﺲ ﻛﻼﻡ ﺧﺎﻟﺔ ﻛﻮﻟﺔ ﺻﺢ ﻭﺍﻧﻲ ﻣﺎ ﺍﻟﻲ ﻋﻼﻗﺔ ﻫﺎﻱ ﺣﻴﺎﺗﺔ ﻭﻫﻮ ﺣﺮ ﺑﻜﻴﻔﺔ ﻣﻨﻮ ﺍﻧﻲ ﻋﻠﻤﻮﺩ ﺍﺩﺧﻞ ﻭﻫﺴﺔ ﺍﺫﺍ ﻣﺎ ﻣﺤﺘﺎﺟﻴﻦ ﺷﻲﺀ ﻣﻤﻜﻦ ﺍﺻﻌﺪ ﺍﻧﺎﻡ
ﺍﻟﻜﻞ 😧😧🏻👈
ﺍﺑﻮ ﻏﺴﺎﻥ : ﻻ ﺑﻨﺘﻲ ﺁﺧﺬﻱ ﺭﺍﺣﺘﺞ ﺑﺲ ﺭﺩﺕ ﺍﻋﺮﻑ ﺭﺃﻳﺞ
ﻣﻠﻚ : ﺷﻜﺮﺍً ﻋﻤﻮ ﻋﻠﻰ ﺍﻫﺘﻤﺎﻣﻚ
ﺍﺑﻮ ﻏﺴﺎﻥ : ﺍﻟﻌﻔﻮ ﺑﻨﺘﻲ ﺍﻧﺘﻲ ﻫﺴﺔ ﺣﺎﻟﺞ ﺣﺎﻝ ﺭﻳﻢ ﻭﻣﺮﻳﻢ ﺷﻠﻮﻥ ﻣﺎ ﺍﻫﺘﻤﻠﺞ
ﻣﻠﻚ : ﺷﻜﺮﺍ ﻋﻤﻮ 🏻👈 ﮔﻤﺖ ﺑﺴﺖ ﺭﺍﺳﺔ
ﺭﻧﺪ : ﻣﺎﻣﺎ
ﻣﻠﻚ : ﻫﻤﻢ
ﺭﻧﺪ : ﻣﺜﻠﺞ ﺍﺳﻮﻱ
ﻣﻠﻚ : ﻫﻬﻪ ﻣﺎﺷﻲ ﺗﻌﺎﻟﻲ 🏻👈 ﺭﻓﻌﺘﻬﺎ ﺑﺎﺳﺖ ﺭﺍﺱ ﺟﺪﻫﺎ
ﺍﺑﻮ ﻏﺴﺎﻥ : ﺣﺒﻴﺒﺖ ﺟﺪﻭ
ﻣﻠﻚ : ﻳﻼ ﻋﻦ ﺍﺫﻧﻜﻢ ﺗﺼﺒﺤﻮﻥ ﻋﻠﻰ ﺧﻴﺮ
ﻣﻮ ﺍﻟﻜﻞ ﺭﺩ ﻧﺼﻬﻢ ﺗﻘﺮﻳﺒﺎً : ﺍﺟﻤﻌﻴﻦ
ﻣﻠﻚ 🏻👈 ﺍﺧﺬﺕ ﺭﻧﺪ ﻧﻮﻣﺘﻬﺎ ﻭﻟﻤﻴﺖ ﺍﻟﻬﻮﺳﺔ ﻭﻓﺮﺷﺖ ﻓﺮﺍﺷﻲ ﻭﮔﻌﺪﺕ ﺍﻓﻜﺮ ﺷﻀﺎﻣﻠﻲ ﺑﺎﺟﺮ ﻫﺴﺔ ﺗﺴﺄﻟﻮﻥ ﻟﻴﺶ ﻫﻴﺞ ﺳﻮﻳﺖ ﻟﻴﺶ ﻣﺎ ﻣﻨﻌﺘﺔ ﻟﻴﺶ ﻣﺎ ﻋﻨﺪﻱ ﺍﻱ ﺭﺩﺓ ﻓﻌﻞ .. ﻣﺎﻋﻨﺪﻱ ﻻﻥ ﺍﻧﻲ ﺗﻌﻮﺩﺕ ﺍﺑﺴﺎﻃﺔ ﺣﻴﺎﺗﻲ ﻋﻠﻤﺘﻨﻲ ﻣﺎ ﺍﺧﺎﻑ ﻣﻦ ﺍﻟﻤﺴﺘﻘﺒﻞ ﻭﺃﺗﻘﺒﻞ ﺍﻟﺠﺎﻱ ﻣﻬﻤﺎ ﻛﺎﻥ ﻻﻥ ﺳﻮﺍﺀ ﺭﺿﻴﺖ ﺍﻭﻻ ﺍﻟﺤﻴﺎﺓ ﺣﺘﻤﺸﻲ .. ﻣﺤﺴﻴﺖ ﻳﻤﺘﺔ ﻧﻤﺖ ﮔﻌﺪﺕ ﻋﻠﻰ ﺻﻮﺕ ﺍﻟﻤﻨﺒﻪ ﺃﺫﻛﺮﺕ ﺍﻟﻴﻮﻡ ﺟﻤﻌﺔ ﮔﻌﺪﺕ ﺻﻠﻴﺖ ﻭﺟﻬﺰﺕ ﺍﻟﺮﻳﻮﮒ ﻭﺳﻮﻳﺖ ﻫﻞ ﻣﺮﺓ ﻛﻴﻚ ﻭﻓﻄﺎﺋﺮ ﻭﺟﻬﺰﺕ ﺣﻠﻮﻳﺎﺕ ﻟﻠﻌﺼﺮ ﻭﺑﺪﻳﺖ ﺍﻧﻈﻒ ﺍﻟﺒﻴﺖ .. ﺟﻨﺖ ﻣﻠﺘﻬﻴﺔ ﺍﻣﺴﺢ ﺃﺧﺸﺎﺏ ﺍﻻﺳﺘﻘﺒﺎﻝ ﺳﻤﻌﺖ ﺻﻮﺕ ﻭﺭﺍﻳﺔ ﺟﻔﻠﺖ ﺍﻟﺼﺮﺍﺣﺔ ﺍﻧﺪﺍﺭﻳﺖ ﻟﮕﻴﺖ ﺭﺍﻣﻲ ﻭﺍﮔﻒ
ﺭﺍﻣﻲ : ﺻﺒﺎﺡ ﺍﻟﺨﻴﺮ ﺃﺳﻒ ﻣﺎ ﻗﺼﺪﺕ ﺑﺲ ﻣﻌﺒﺎﻟﻲ ﺍﺣﺪ ﮔﺎﻋﺪ
ﻣﻠﻚ : ﺻﺒﺎﺡ ﺍﻟﻨﻮﺭ ﻣﺼﺎﺭ ﺷﻲﺀ
ﺭﺍﻣﻲ : ﻟﻴﺶ ﮔﺎﻋﺪﺓ ﻫﺴﺔ ﺍﻟﺴﺎﻋﺔ ٧: ٣٥
ﻣﻠﻚ : ﺍﺩﺭﻱ ﺑﺲ ﺍﻧﻲ ﻣﺘﻌﻮﺩﺓ ﺍﮔﻌﺪ ﻣﻦ ﻭﻛﺖ
ﺭﺍﻣﻲ : ﺑﺲ ﺍﻟﻴﻮﻡ ﺟﻤﻌﺔ 😯
ﻣﻠﻚ : ﻭﺇﺫﺍ ﺍﺻﻼً ﮔﻌﺪﺕ ﻣﻦ ٥: ٣٠ 🙄
ﺭﺍﻣﻲ : ﻋﻠﻰ ﺍﻟﻌﻤﻮﻡ ﺑﺮﺍﺣﺘﺞ ﺑﺲ ﻣﻠﻚ ﻣﻤﻜﻦ ﺍﺣﺠﻲ ﻭﻳﺎﺝ
ﻣﻠﻚ : ﺍﻛﻴﺪ ﺑﺲ ﺍﻧﺸﺎﺀ ﺍﻟﻠﻪ ﺧﻴﺮ
ﺭﺍﻣﻲ : ﺍﻧﺸﺎﺀ ﺍﻟﻠﻪ ﻣﻠﻚ ﺍﻧﻲ ﻣﻌﺘﺒﺮﺝ ﺃﺧﺖ ﺍﻟﻲ ﻭﺍﻟﻠﻪ
ﻣﻠﻚ : ﺗﺴﻠﻢ ﻭﺍﻧﻲ ﻫﻢ ﻭﺍﻟﻠﻪ
ﺭﺍﻣﻲ : ﻣﺎﺷﻲ ﺍﺫﺍ ﻫﻴﺞ ﻟﻌﺪ ﮔﻌﺪﻱ ﺍﺭﻳﺪ ﺍﻓﺎﺗﺤﺞ ﺑﻤﻮﺿﻮﻉ
ﻣﻠﻚ : ﺗﺮﺓ ﻧﺪﻯ ﻣﺘﺘﺤﻤﻞ
ﺭﺍﻣﻲ : ﺷﺪﺧﻞ ﻧﺪﻯ ﺑﺎﻟﻤﻮﺿﻮﻉ ﻭﺷﻨﻮ ﺍﻟﻲ ﻣﺎ ﺭﺍﺡ ﺗﺘﺤﻤﻠﺔ
ﻣﻠﻚ : ﻣﻮ ﺗﺮﻳﺪ ﺗﺰﻭﺝ
ﻧﺪﻯ : ﺷﻨﻮﻭﻭﻭﻭ
ﺭﺍﻣﻲ : ﻟﺤﻈﺔ ﺷﻨﻮ ﺍﻧﺘﻲ ﺷﺪﺍ ﺗﮕﻮﻟﻴﻦ ﺗﺮﺓ ﺍﻧﺘﻲ ﻓﻬﻤﺘﻲ ﺧﻄﺄ
ﻣﻠﻚ : ﺍﺳﻔﺔ ﺑﺲ 😳😑..
ﺭﺍﻣﻲ : ﻻ ﻋﺎﺩﻱ
ﻧﺪﻯ : ﺑﺲ ﺷﻨﻮﻭ
ﻣﻠﻚ : ﺍﺳﻔﺔ ﻧﺪﻯ ﺑﺲ ﻧﻔﺲ ﺍُﺳﻠﻮﺏ ﺍﺩﻡ ﻣﻦ ﺍﺟﺔ ﺑﻠﻐﻨﻲ ﺑﺰﻭﺍﺟﺔ ﻣﻦ ﻧﻮﺭ ﻭﺧﻔﺖ ﻋﻠﻴﺞ ﻻﻥ ﺍﺩﺭﻱ ﻣﺮﺍﺡ ﺗﺘﺤﻤﻠﻴﻦ
ﻧﺪﻯ : ﻻ ﺣﺒﻲ ﻋﺎﺩﻱ ﺍﺻﻼً ﻧﺰﻟﻨﺔ ﻋﻠﻤﻮﺩ ﺍﺳﻮﻱ ﺭﻳﻮﮒ ﻭﻟﮕﻴﺖ ﻛﻠﺸﻲ ﺣﺎﺿﺮ ﻭﻃﺒﻌﺎً ﻋﺮﻓﺘﺞ ﮔﺎﻋﺪﺓ ﻑ ﺭﺍﻣﻲ ﮔﺎﻝ ﺍﺭﻳﺪ ﺍﺣﺠﻲ ﻭﻳﺎﺝ ﻭﮔﻠﻲ ﺍﺑﻘﺔ ﻫﻨﺎ ﺧﺎﻑ ﺗﺴﺘﺤﺴﻴﻦ ﻣﻨﻲ
ﺭﺍﻣﻲ : ﻋﻮﻓﺞ ﻣﻦ ﻫﺬﺍ ﻛﻠﺔ ﺑﺲ ﻟﻴﺶ ﻧﺪﻯ ﻣﺮﺍﺡ ﺗﺘﺤﻤﻞ ﻭﺍﻧﺘﻲ ﻋﺎﺩﻱ ﺗﺘﺤﻤﻠﻴﻦ
ﻣﻠﻚ : ﻻﻥ ﻧﺪﻯ ﻣﺎ ﻣﺘﻌﻮﺩﺓ ﻋﻠﻰ ﻫﻴﺞ ﺷﻲﺀ
ﺭﺍﻣﻲ ﻭﻧﺪﻯ 🤤😧😧:
ﻧﺪﻯ : ﻳﻼ ﻋﻠﺴﺎﺱ ﺍﻧﺘﻲ ﻣﺠﺮﺑﺔ ﻫﺬﺍ ﺍﻟﺸﻌﻮﺭ ﻣﻦ ﻗﺒﻞ
ﻣﻠﻚ : ﺷﻌﻮﺭ ﺍﻟﺼﺪﻣﺔ ﺍﻱ ﻋﺎﺩﻱ ﻭﺗﻌﻮﺩﺕ ﻋﻠﻴﻪ ﻟﻬﺬﺍ ﻣﺮﺍﺡ ﺍﺗﺄﺫﻯ
ﻧﺪﻯ : ﺍﻧﺘﻲ ﻟﻴﺶ ﻣﺎ ﺗﻤﻨﻌﻲ
ﻣﻠﻚ : ﺣﻴﺎﺗﺔ ﻫﻮ ﺣﺮ ﺑﻴﻬﺔ ﺭﻓﻀﻲ ﻣﺮﺍﺡ ﻳﺴﻮﻱ ﺷﻲﺀ ﺑﺲ ﺭﺍﺡ ﻳﺰﻳﺪ ﺍﻟﻄﻴﻨﺔ ﺑﻠﺔ
ﺭﺍﻣﻲ : ﺑﺲ ﺑﺎﻟﻤﺤﻜﻤﺔ ﻳﺤﺘﺎﺟﻮﻥ ﻣﻮﺍﻓﻘﺘﺞ ﺗﮕﺪﺭﻳﻦ ﺗﻤﻨﻌﻲ
ﻣﻠﻚ : ﻋﻠﺴﺎﺱ ﻣﺮﺍﺡ ﻳﮕﺪﺭ ﻳﻨﻄﻲ ﻛﻢ ﻓﻠﺲ ﻟﻠﻤﺤﺎﻣﻲ ﻭﺗﻤﺸﻲ ﺍﻟﺸﻐﻠﺔ ﻋﺎﺩﻱ ﻓﺄﺣﺴﻦ ﺷﻲﺀ ﺑﻠﻴﺔ ﺻﺮﻑ ﺍﻟﻔﻠﻮﺱ ﻭﻣﺤﺪ ﺭﺍﺡ ﻳﺄﺧﺬ ﻏﻴﺮ ﻧﺼﻴﺒﺔ ﻣﻦ ﻫﺬﻱ ﺍﻟﺪﻧﻴﺎ ﻭﺃﺗﺄﮔﺪﻭﺍ ﺩﺍﺋﻤﺎً ﺍﻟﻲ ﻛﺎﺗﺒﻠﻜﻴﺎ ﺍﻟﻠﻪ ﻣﺮﺍﺡ ﺗﮕﺪﺭ ﺗﻬﺮﺏ ﻣﻨﺔ
ﺭﺍﻣﻲ : ﻫﻮ ﺻﺢ ﻛﻼﻣﺞ ﺑﺲ ﺍﻧﺘﻲ ﺭﺍﺡ ﺗﺘﺄﺫﻳﻦ
ﻧﺪﻯ : ﺗﺮﺓ ﻧﻮﺭ ﺧﺒﻴﺜﺔ ﻣﺮﺍﺡ ﺗﺮﺣﻤﺞ
ﻣﻠﻚ : ﺍﻟﻠﻪ ﻛﺮﻳﻢ ﻣﺮﺍﺡ ﺍﺗﺄﺫﻯ ﺍﻛﺜﺮ ﻣﻦ ﻫﻴﺞ
ﺭﺍﻣﻲ : ﺷﻨﻮ ﻗﺼﺪﺝ
ﻣﻠﻚ : ﻭﻻ ﺷﻲﺀ ﻳﻼ ﻫﺴﺔ ﺍﻟﺤﺠﻴﺔ ﻭﻋﻤﻮ ﺍﻛﻴﺪ ﮔﻌﺪﻭﺍ ﺧﻠﻲ ﺍﺭﻭﺡ ﺍﺟﻬﺰ ﺍﻟﻄﺎﻭﻟﺔ ﻋﻦ ﺍﺫﻧﻜﻢ
ﺭﺍﻣﻲ : ﺁﺧﺬﻱ ﺭﺍﺣﺘﺞ
ﻧﺪﻯ : ﻭﺍﻟﻠﻪ ﺧﻄﻴﺔ ﻫﻞ ﺑﻨﻴﺔ ﻣﻦ ﺍﺟﺘﻲ ﻟﺤﺪ ﺍﻻﻥ ﻣﺸﺎﻓﺖ ﻳﻮﻡ ﺣﻠﻮ ﺭﺍﺡ ﺗﻜﻤﻞ ﺳﻨﺔ ﻳﻤﻨﺔ ﻭﻫﻲ ﻋﻠﻰ ﻫﺎﻱ ﺍﻟﺤﺎﻟﺔ
ﺭﺍﻣﻲ : ﺑﺲ ﺍﻧﻲ ﻣﺘﺄﻛﺪ ﺍﻛﻮ ﺷﻲﺀ ﻭﺭﺓ ﻫﺬﺍ ﺳﻜﻮﺗﻬﺎ
ﺭﻳﻢ : ﺍﻱ ﺻﺢ ﻭﺍﻧﻲ ﻫﻢ
ﻧﺪﻯ : ﻳﻤﺔﺓﺓﺓﺓ ﺷﺒﻴﺞ ﺧﺮﻋﺘﻴﻨﻲ
ﺭﺍﻣﻲ : ﺻﺒﺎﺡ ﺍﻟﻨﻮﺭ 😒
ﺭﻳﻢ : ﺍﺳﻔﺔ ﺻﺒﺎﺡ ﺍﻟﺨﻴﺮ ﺑﺲ ﺍﻧﻲ ﻫﻢ ﺭﺍﺡ ﻳﻜﺘﻠﻨﻲ ﻓﻀﻮﻟﻲ ﺑﺲ ﻟﻮ ﺍﻋﺮﻑ ﻟﻴﺶ ﻣﻤﻬﺘﻤﺔ ﻣﻌﻘﻮﻟﺔ ﻟﻴﻬﺴﺔ ﻣﺎ ﺣﺒﺘﺔ ﻵﺩﻡ
ﻧﺪﻯ : ﻟﺞ ﺍﺣﻨﺎ ﺍﻟﺒﻨﺎﺕ ﺣﺘﺔ ﻟﻮ ﺍﻟﻮﺣﺪﺓ ﺑﻴﻨﺔ ﻣﺎ ﺗﺤﺐ ﺯﻭﺟﻬﺎ ﺑﺲ ﺗﻨﻘﻬﺮ ﺍﻭ ﺗﺼﻴﺮ ﻋﺪﻫﺔ ﺭﺩﺓ ﻓﻌﻞ ﻋﻠﻰ ﺯﻭﺍﺟﺔ
ﺭﺍﻣﻲ : ﻳﻼ ﺗﻌﺎﻟﻮ ﻧﺘﺮﻳﮓ ﺍﻟﻴﻮﻡ ﮔﺎﻋﺪﺍﺕ ﻣﻦ ﺍﻟﺼﺒﺢ ﻳﺤﻘﻘﻦ
ﺭﻳﻢ : ﺍﻱ ﻭﺍﻟﻠﻪ ﺟﻮﻋﺎﻧﺔ ﻭﻣﺎ ﺗﺤﻤﻠﺖ ﺍﻛﻮ ﺭﻳﺤﺔ ﻃﻴﺒﺔ
ﻧﺪﻯ : ﻗﺼﺪﺝ ﺭﻭﺍﺋﺢ
ﺭﺍﻣﻲ : ﺍﻧﻲ ﺭﺍﻳﺢ ﻭﺃﻧﺘﻦ ﺿﻠﻦ ﺍﻫﻨﺎ ﺍﻟﻲ ﻳﮕﻮﻝ ﺑﺎﻟﻌﺎﺕ ﻣﺴﺠﻞ ﻣﻦ ﺍﻟﺼﺒﺢ 😤
ﻧﺪﻯ : ﺍﻣﺸﻲ ﺭﻳﻢ ﺧﻠﻲ ﺍﻧﺎﺣﮓ ﻗﺒﻞ ﻻ ﻳﮕﻌﺪﻥ ﺍﻟﺒﻮﺍﻣﺔ 😂
ﺭﻳﻢ : ﺍﻱ ﻭﺍﻟﻠﻪ 😂
ﻣﻠﻚ 🏻👈 ﺭﺣﺖ ﻟﻠﻤﻄﺒﺦ ﺷﻮﻱ ﻭﺍﺟﺘﻲ ﺍﻟﺤﺠﻴﺔ ﻭﺭﺍﻫﺎ ﺑﺸﻮﻱ ﺍﺟﺔ ﺍﻟﺤﺠﻲ ﻭﻋﻤﻮ ﺍﺑﺮﺍﻫﻴﻢ ﻛﻤﻠﺖ ﮔﻌﺪﻭﺍ ﻳﺘﺮﻳﮕﻮﻥ ﺗﻮﻱ ﺩﺍ ﺍﮔﻌﺪ ﺍﺟﺔ ﺭﺍﻣﻲ ﻭﻧﺪﻯ ﻭﺭﻳﻢ ﮔﻤﺖ ﺩﺍ ﺍﺻﺒﻠﻬﻢ ﺟﺎﻱ
ﺍﻟﺤﺠﻴﺔ : ﻭﻳﻦ ﮔﺎﻳﻤﺔ ﻳﻤﺔ
ﻣﻠﻚ : ﺧﺎﻟﺔ ﺑﺲ ﺍﺟﻴﺐ ﺟﺎﻱ ﺍﻟﻬﻢ
ﻧﺪﻯ : ﮔﻌﺪﻱ ﺍﻧﻲ ﺍﺟﻴﺐ
ﺭﻳﻢ : ﺻﺒﺎﺡ ﺍﻟﺨﻴﺮ 😒
ﺍﻟﻜﻞ : ﺻﺒﺎﺡ ﺍﻟﻨﻮﺭ
ﻣﻠﻚ : ﺭﻳﻢ ﺷﺒﻴﺞ ﺿﺎﻳﺠﺔ
ﺭﻳﻢ : ﻣﺎﻛﻮ ﺑﺲ ﺍﻛﻮ ﻧﺎﺱ ﻣﻦ ﻭﺭﺓ ﺑﺮﻭﺩﻫﻢ ﺍﻭ ﻟﻨﮕﻮﻝ ﻋﺪﻡ ﺍﺣﺴﺎﺳﻬﻢ ﺣﺘﺠﻴﻨﻲ ﺍﻟﺠﻠﻄﺔ 😒
ﻣﻠﻚ : ﺁﻛﻠﻲ ﺣﺒﻲ ﺍﺣﺴﻦ ﻣﺎ ﺗﺘﻤﺮﺿﻴﻦ ﻭﺳﺎﻋﺔ ٩ ﺍﺧﻠﺺ ﻭﺍﺟﻴﺞ ﺍﺷﺮﺣﻠﺞ ﺍﻟﻲ ﻣﺎ ﻓﺎﻫﻤﺘﺔ
ﺭﻳﻢ : ﻣﺎﺷﻲ 😒
ﻣﻠﻚ 🏻👈 ﻭﺭﺍﻫﺎ ﺍﺟﺘﻤﻌﻮﺍ ﺍﻟﺒﻘﻴﺔ ﺑﺲ ﻛﺎﻟﻌﺎﺩﺓ ﺍﺣﻤﺪ ﻭ ﻭﻟﻴﺪ ﻧﺎﻳﻤﻴﻦ ﺑﺲ ﺍﻟﻐﺮﻳﺐ ﺍﻛﻮ ﺍﻟﻴﻮﻡ ﻧﺎﺱ ﺟﺎﻳﻬﻢ ﻧﺸﺎﻁ ﻣﻔﺎﺟﻲﺀ 😂 ﺧﺎﻟﺔ ﺍﻡ ﻧﻮﺭ ﻭﻧﻮﺭ ﻭﻣﺮﻳﻢ ﮔﺎﻋﺪﺍﺕ ﻭﻳﺎﻧﺔ ﻋﻠﻰ ﺍﻟﺮﻳﻮﮒ ﻻ ﻣﺎ ﺍﺻﺪﮒ ﻗﺎﻃﻌﻨﻲ ﻣﻦ ﺍﻓﻜﺎﺭﻱ ﻟﻤﻦ ﺩﺧﻞ ﺍﺩﻡ ﺳﻠﻢ ﻭﮔﻌﺪ ﮔﻤﺖ ﺟﺒﺘﻠﺔ ﺟﺎﻱ ﻭﺧﻠﻴﺘﺔ ﮔﺪﺍﻣﺔ ﻣﻦ ﺩﻭﻥ ﻣﺎ ﺍﺣﺠﻲ ﻭﺳﻮﻳﺘﻠﺔ ﺃﻭﻣﻠﻴﻞ ﺟﻨﺖ ﻣﺨﻠﻴﺘﺔ ﻋﻠﻰ ﺟﻬﺔ ﺧﻠﻴﺘﻠﻬﻴﺎ ﻭﮔﻤﺖ ﻛﻤﻠﺖ ﺷﻐﻠﻲ ﻭﺭﺍﻫﺎ ﺻﻌﺪﺕ ﺭﺗﺒﺖ ﺍﻟﻐﺮﻓﺔ ﻭﻧﻈﻔﺘﻬﺎ ﮔﻌﺪﺕ ﺭﻧﺪ ﺳﺒﺤﺘﻬﺎ ﻭﺑﺪﻟﺘﻠﻬﺔ ﻭﺭﻳﻜﺘﻬﺔ ﻭﺭﺍﻫﺎ ﺍﺧﺬﺕ ﻛﺘﺒﻲ ﻭﺭﺣﺖ ﻟﻐﺮﻓﺔ ﺭﻳﻢ ﺍﺩﺭﻱ ﺑﻴﻬﺔ ﻣﻌﺼﺒﺔ ﻣﻨﻲ ﺩﮔﻴﺖ ﺍﻟﺒﺎﺏ ﻭﺩﺧﻠﺖ ﺑﺲ ﺭﻧﺪ ﻭﺍﻧﻲ ﺑﻘﻴﺖ ﻭﺍﮔﻔﺔ ﺑﺎﻟﺒﺎﺏ
ﻣﻠﻚ : ﺍﻳﺼﻴﺮ ﺍﺩﺧﻞ ﺍﻧﻲ ﻫﻢ
ﺭﻳﻢ : ﻫﻮ ﺍﻧﺘﻲ ﺩﺧﻠﺘﻲ ﺑﻨﺘﺞ ﺑﻌﺪ ﺑﻘﺖ ﻋﻠﻴﺞ
🏻👈 ﺩﺧﻠﺖ ﻟﻠﻐﺮﻓﺔ ﺟﺎﻧﺖ ﮔﺎﻋﺪﺓ ﻋﻠﻰ ﺍﻟﺠﺮﺑﺎﻳﺔ ﺗﻘﺮﺓ ﺭﺣﺖ
ﮔﻌﺪﺕ ﻳﻤﻬﺔ ﻭﺭﻧﺪ ﺧﻠﻴﺘﻬﺎ ﺑﺎﻟﮕﺎﻉ ﺗﻠﻮﻥ
ﻣﻠﻚ : ﺍﺣﻢ .. ﺷﻨﻮ ﺍﻟﻲ ﻣﺎ ﻓﺎﻫﻤﺘﺔ
ﺭﻳﻢ : ﺍﻧﺘﻲ 😒
ﻣﻠﻚ : ﺍﻧﻲ 😳
ﺭﻳﻢ : ﺍﻱ ﺍﻧﺘﻲ ﻭﺗﺼﺮﻓﺎﺗﺞ ﺍﻟﻲ ﻣﺎ ﺍﻋﺮﻑ ﻣﻴﻦ ﺗﺠﻴﺒﻴﻦ ﻫﻞ ﺑﺮﻭﺩ ﻭﻟﺞ ﺍﻧﺘﻲ ﻣﺎ ﻋﻨﺪﺝ ﮔﻠﺐ ﺷﻠﻮﻥ ﻫﻴﺞ ﻛﻠﺸﻲ ﺗﻤﺸﻲ ﻋﺎﺩﻱ
ﻣﻠﻚ : 😂😂
ﺭﻳﻢ : ﺷﺒﻴﺞ ﺍﺿﺤﻜﻴﻦ
ﻣﻠﻚ : ﺍﻭﻝ ﻣﺮﺓ ﺍﺷﻮﻑ ﺃﺧﺖ ﻣﺘﻔﺮﺡ ﻵﺧﻮﻫﺎ ﻻﻥ ﺭﺍﺡ ﻳﺘﺰﻭﺝ
ﺭﻳﻢ : ﺃﻭﻻً ﺍﺧﻮﻳﺔ ﻫﺬﻱ ﺛﺎﻟﺚ ﻣﺮﺓ ﺣﻴﺘﺰﻭﺝ ﻭﺛﺎﻧﻴﺎً ﻭﻻ ﻭﺣﺪﺓ ﺗﻼﺋﻤﺔ ﻏﻴﺮﺝ
ﻣﻠﻚ : ﺭﻳﻢ ﻣﻤﻜﻦ ﺳﺆﺍﻝ
ﺭﻳﻢ : ﺍﻛﻴﺪ
ﻣﻠﻚ : ﻟﻴﺶ ﺟﻨﺘﻲ ﻣﺎ ﺗﺤﺒﻴﻬﺔ ﻟﻠﻤﺮﺣﻮﻣﺔ ﻧﻮﺭﻫﺎﻥ
ﺭﻳﻢ : ﻗﺼﺔ ﻃﻮﻳﻠﺔ ﺑﻌﺪﻳﻦ ﺍﺣﺠﻴﻠﺠﻴﺎﻫﺎ
ﻣﻠﻚ : ﺍﺣﺠﻲ ﻫﺴﺔ ﻣﺎ ﻋﻨﺪﻱ ﺷﻲﺀ
ﺭﻳﻢ : ﻫﻮ ﺍﻧﻲ ﻣﻮ ﻣﺎ ﺍﺣﺒﻬﺔ ﺍﺣﺒﻬﺎ ﺑﺲ ﺳﻮﺕ ﺷﻲﺀ ﻻ ﻭﺍﻟﻠﻪ ﺃﺷﻴﺎﺀ ﺧﻠﺘﻨﻲ ﺍﺿﻮﺝ ﻣﻨﻬﺎ ﻭﺃﺧﺬ ﻣﻮﻗﻒ ﻭﺍﻟﺼﺮﺍﺣﺔ ﻟﻲ ﻫﺴﺔ ﺍﻧﻲ ﻣﺎ ﻣﺴﺎﻣﺤﺘﻬﺎ
ﻣﻠﻚ : ﺍﻭﻭﻭﻑ ﺷﺴﻮﺕ ﻋﻠﻤﻮﺩ ﻫﻴﺞ ﺿﺎﻳﺠﺔ ﻣﻨﻬﺎ
ﺭﻳﻢ : ﺷﻮﻓﻲ ﺍﻧﺘﻲ ﺷﻔﺘﻲ ﻋﻼﻗﺘﻲ ﺑﺄﺧﻮﺍﻧﻲ ﻳﻌﻨﻲ ﻳﺤﺒﻮﻧﻲ ﻭﺍﻧﻲ ﺍﺣﺒﻬﻢ ﻭﻳﺤﺒﻮﻥ ﻳُﺸﺎﻗﻮﻧﻲ ﺑﺲ ﻣﻮ ﻣﺜﻞ ﻗﺒﻞ .. ﻗﺒﻞ ﺟﺎﻧﺖ ﻋﻼﻗﺔ ﺻﺪﺍﻗﺔ ﺍﻛﺜﺮ ﻣﻦ ﻣﺎﻫﻲ ﺍﺧﻮﺓ ﺑﻴﻨﺎﺗﻨﺎ
ﻣﻠﻚ : ﻭﺷﻨﻮ ﺍﻟﻲ ﺧﻠﺔ ﻫﻞ ﻋﻼﻗﺔ ﺗﺘﻐﻴﺮ
ﺭﻳﻢ : ﻧﻮﺭﻫﺎﻥ ﺧﻠﺘﻨﻲ ﺍﺗﻐﻴﺮ ﻣﺎ ﻋﻨﺪﻱ ﺛﻘﺔ ﺑﺲ ﺑﺎﺑﺎ ﻳﺨﺘﻠﻒ
ﻣﻠﻚ : ﻭﺍﻛﻴﺪ ﺍﻛﻮ ﺳﺒﺐ
ﺭﻳﻢ : ﻃﺒﻌﺎً ﺷﻮﻓﻲ ﻣﺮﺓ ﻣﻦ ﺍﻟﻤﺮﺍﺕ ﺟﺎﻥ ﺟﺪﻭﺍ ﻣﺴﻮﻱ ﻋﺰﻳﻤﺔ ﺟﺒﻴﺮﺓ ﻭﺍﺟﻮﻱ ﺑﻴﺖ ﻋﻤﻮ ﻋﺼﺎﻡ ﻫﺬﺍ ﻗﺒﻞ ﺯﻭﺍﺟﻬﻢ ﺑﺸﻲﺀ ﺷﻬﺮﻳﻦ ﺍﻛﺜﺮ ﻓﺠﻨﺖ ﺍﺷﺘﻐﻞ ﺑﺎﻟﻤﻄﺒﺦ ﻣﻦ ﻃﻠﻌﺖ ﺷﻔﺖ ﺍﺩﻡ ﻭﻧﻮﺭﻫﺎﻥ ﮔﺎﻋﺪﻳﻦ ﻳﺴﻮﻟﻔﻮﻥ ﺣﺒﻴﺖ ﺍﺷﺎﻗﻴﻬﻢ ﺭﺣﺖ ﻭﺧﻠﻴﺖ ﺭﺍﺳﻲ ﻋﻠﻰ ﺭﺟﻞ ﺍﺩﻡ ﻭﮔﺘﻠﻬﻢ
ﺭﻳﻢ : ﻛﻞ ﺛﻨﻴﻦ ﻭﺣﺪﻫﻢ ﺛﺎﻟﺜﻬﻢ ﺍﻟﺸﻴﻄﺎﻥ
ﺍﺩﻡ : ﻭﻫﺴﺔ ﻣﻨﻮ ﺛﺎﻟﺜﻨﺔ 😂
ﺭﻳﻢ : ﺍﻧﻲ ﺍﺩﺭﻱ ﺍﻟﺸﻴﻄﺎﻥ ﮔﺎﻝ ﺗﻌﺒﺖ ﻓﺪﺯﻧﻲ ﺇﺑﺪﺍﻟﺔ 😂
ﻧﻮﺭﻫﺎﻥ : ﻭﻣﻌﺮﻑ ﻳﺪﺯ ﻏﻴﺮﺝ
ﺭﻳﻢ : ﺍﻱ ﻻﻥ ﻣﺎ ﺍﻛﻮ ﺍﺣﻠﻰ ﻣﻨﻲ 😂
ﻧﻮﺭﻫﺎﻥ : ﻗﺼﺪﺝ ﺃﺧﺒﺚ
ﺭﻳﻢ : ﻻ ﻫﺎﻱ ﺻﻔﺔ ﺛﺎﻧﻴﺔ ﺍﻭﻭﻭﻑ ﺗﻌﺒﺎﻧﺔ ﺧﻠﻮﻧﻲ ﺑﺲ ﺷﻮﻱ ﺍﻧﺎﻡ 😪
ﺍﺩﻡ : ﺭﻳﻢ ﺃﺻﻌﺪﺝ ﻓﻮﮒ
ﺭﻳﻢ : ﺗﺴﻮﻱ ﻓﻀﻞ
ﺭﻳﻢ 🏻👈 ﺷﺎﻟﻨﻲ ﺍﺩﻡ ﻭﺻﻌﺪﻧﻲ ﻟﻐﺮﻓﺘﻲ ﮔﻌﺪﺕ ﺍﻟﻌﺼﺮ ﻧﺰﻟﺖ ﺟﺎﻧﻮﺍ ﺑﻌﺪﻫﻢ ﻣﻮﺟﻮﺩﻳﻦ ﺳﻠﻤﺖ ﻭﮔﻌﺪﺕ ﺟﺎﻧﻮﺍ ﺍﻟﺮﻳﺎﺟﻴﻞ ﻳﺤﺠﻮﻥ ﺑﺎﻟﺴﻴﺎﺳﺔ ﻭﺍﻟﻮﻟﺪ ﺑﺎﻟﻄﻮﺑﺔ ﻭﺍﻟﻨﺴﻮﺍﻥ ﮔﺎﻋﺪﺍﺕ ﻳﺤﺠﻦ ﺑﺎﻟﻌﺮﺱ ﻣﺎﻝ ﺍﺩﻡ ﻭﺗﻌﺮﻓﻴﻦ ﻻﺯﻡ ﻳﺤﺠﻦ ﻋﻠﻰ ﻫﺬﻱ ﻭﺫﻳﺞ ﻓﺄﻧﻲ ﺟﺎﻥ ﻋﻨﺪﻱ ﺍﻳﺒﺎﺩ ﻓﺘﺤﺘﺔ ﻭﮔﻌﺪﺕ ﺍﮔﻠﺐ ﺑﻲ ﺟﻨﺖ ﻣﺴﻮﻳﺔ ﻓﻴﺲ ﺑﺎﻟﺮﻗﻢ ﻣﺎﻝ ﺑﻴﺖ ﻭﻣﺸﺘﺮﻛﺔ ﺑﮕﺮﻭﺑﺎﺕ ﺷﻮﻱ ﻭ ﺍﺷﻮﻑ ﻧﻮﺭﻫﺎﻥ ﺗﺒﺎﻭﻋﻠﻲ ﺑﻨﻈﺮﺓ ﻣﻔﻬﻤﺘﻬﺔ ﻣﺎ ﺍﺩﺭﻱ ﻏﺒﺎﺀ ﺍﻭ ﻻﻥ ﺟﻨﺖ ﺑﻌﺪﻧﻲ ﺻﻐﻴﺮﺓ ﺑﺲ ﺑﻌﺪﻳﻦ ﻋﺮﻓﺖ ﻣﻌﻨﺎﻫﺎ ﻭﻃﺒﻌﺎً ﺑﻌﺪ ﻣﺎ ﻓﺎﺕ ﺍﻟﻮﻛﺖ ﺧﻠﺼﺖ ﺍﻟﻌﻄﻠﺔ ﻭﺭﺟﻌﻨﺎ ﺩﺍﻭﻣﻨﺎ ﺑﺲ ﻭﺭﺓ ﺍﻟﻌﻄﻠﺔ ﻣﺴﻮﻳﺖ ﺧﻂ ﺿﻠﻴﺖ ﺍﺭﻭﺡ ﻭﺍﺭﺟﻊ ﻭﻳﺔ ﺻﺪﻳﻘﺘﻲ ﻭﻣﺮﺍﺕ ﻳﻤﺮ ﺍﺧﻮﻫﺎ ﺍﻟﺠﺒﻴﺮ ﻳﻮﺻﻠﻨﺎ ﻭﻣﺮﺓ ﺟﺎﻥ ﺷﺘﻰ ﻣﻐﻴﻤﺔ ﻭﺳﻴﺎﺭﺗﺔ ﺑﺎﻟﺘﺼﻠﻴﺢ ﻭﻗﺒﻞ ﻃﻠﻌﺘﻨﺎ ﺑﺸﻮﻱ ﻣﻄﺮﺕ ﻟﮕﻴﻨﺎ ﺧﻄﻴﺔ ﻭﺍﻛﻒ ﻭﺟﺎﻳﺐ ﺍﻟﻨﺔ ﻣﻈﻼﺕ ﺍﺣﻨﺎ ﺍﺧﺬﻧﺎ ﻛﻞ ﻭﺣﺪﺓ ﻭﺣﺪﺓ ﻭﻫﻮ ﻻﺑﺲ ﻗﻤﺼﻠﺔ ﺟﻠﺪ ﻭﻣﻐﻄﻲ ﺭﺍﺳﺔ ﻭﻳﻤﺸﻲ ﻳﻤﻨﺎ ﻗﺒﻞ ﻻ ﺍﺩﺧﻞ ﻟﻠﺒﻴﺖ ﺍﻧﻄﻴﺘﺔ ﺍﻟﻤﻈﻠﺔ ﻭﺷﻜﺮﺗﻪ ﻭﺩﺧﻠﺖ ﺳﻠﻤﺖ ﻭﺻﻌﺪﺕ ﻟﻐﺮﻓﺘﻲ ﻓﺘﺮﺗﻬﺎ ﺟﺎﻥ ﺑﺎﺑﺎ ﻭﻋﻤﻮ ﺑﺴﻔﺮﺓ ﻣﺎﻝ ﺷﻐﻞ ﻭﺭﺍﻣﻲ ﻣﺎﺧﺬ ﻧﺪﻯ ﻻﻫﻠﻬﺎ ﻭﺑﻴﺒﻲ ﻭﺟﺪﻭ ﺭﺍﻳﺤﻴﻦ ﻟﻠﻌﻤﺮﺓ ﻳﻌﻨﻲ ﺑﺎﻟﻤﺨﺘﺼﺮ ﺍﻏﻠﺒﻬﻢ ﺑﺮﺓ ﺍﻟﺒﻴﺖ ﻻﮔﺘﻨﻲ ﻧﻮﺭﻫﺎﻥ ﻋﻠﻰ ﺍﻟﺪﺭﺝ ﻭﮔﻠﺘﻠﻲ ﻭﺍﻟﻠﻪ ﻭﻃﻠﻌﺘﻲ ﻣﻮ ﻫﻴﻨﺔ ﺍﺻﺒﺮﻳﻠﻲ ﺍﻧﻲ ﻏﻠﺴﺖ ﻻﻥ ﻣﺎ ﻣﺴﻮﻳﺔ ﺷﻲﺀ ﻏﻠﻂ ﺻﻌﺪﺕ ﺑﺪﻟﺖ ﻭﻧﻤﺖ ﺑﺪﻭﻥ ﺍﻛﻞ ﻻﻥ ﺟﻨﺖ ﺗﻌﺒﺎﻧﺔ ﮔﻌﺪﺕ ﻋﻠﻰ ﺻﻮﺕ ﻣﺎﻝ ﺩﻓﻊ ﺍﻟﺒﺎﺏ ﺩﺧﻞ ﻭﺭﺍﻫﺎ ﺍﺩﻡ ﻋﻴﻮﻧﺔ ﺣﻤﺮ ﻭﻋﺼﺒﻲ ﻓﺪ ﻣﺮﺓ ﺑﺲ ﻳﺼﻴﺢ ﻭﺭﺍﻫﺎ ﺟﺮﻧﻲ ﻭﺿﻞ ﻳﻀﺮﺏ ﺑﻴﺔ ﻭﺁﺧﺮ ﺷﻲﺀ ﺩﻓﻌﻨﻲ ﻭﮔﻠﻲ ﻃﻠﻌﺘﻲ ﻣﻮ ﮔﺪ ﺍﻟﺜﻘﺔ ﺍﻟﻲ ﺍﺣﻨﺎ ﺍﻧﻄﻴﻨﺎﺟﻴﺎﻫﺎ ﻭﻗﻔﻞ ﺍﻟﺒﺎﺏ ﻭﺭﺁﻩ ﻭﻃﻠﻊ ﺿﻠﻴﺖ ﻣﺤﺒﻮﺳﺔ ﺑﺎﻟﻐﺮﻓﺔ ﺑﺲ ﺛﺎﻧﻲ ﻳﻮﻡ ﺻﻌﺪﺗﻠﻲ ﻧﻮﺭﻫﺎﻥ ﻭﮔﻠﺘﻠﻲ ﻫﺬﺍ ﻣﺼﻴﺮ ﻛﻞ ﻭﺍﺣﺪ ﻳﺪﺧﻞ ﻧﻔﺴﺔ ﺑﻴﻨﻲ ﻭﺑﻴﻦ ﺍﺩﻡ ﻭﺿﻠﻴﺖ ﻣﺤﺒﻮﺳﺔ ﺷﻲﺀ ﺍﺳﺒﻮﻉ ﻳﺼﻌﺪ ﺍﺩﻡ ﻳﻀﺮﺏ ﻭﻳﺨﻠﻴﻠﻲ ﺍﻛﻞ ﻋﻠﻰ ﺍﻟﻤﻴﺰ ﻭﻳﻄﻠﻊ ﻟﺤﺪ ﻣﺎ ﺍﺟﺔ ﺑﺎﺑﺎ ﻭﻋﻤﻮ ﻭﻣﻦ ﺳﺄﻝ ﺑﺎﺑﺎ ﻋﻠﻴﺔ ﺇﺟﺎﻧﻲ ﺍﺩﻡ ﮔﻠﻲ ﺍﺟﺔ ﺑﺎﺑﺎ ﻭﻳﺮﻳﺪﺝ ﺍﺫﺍ ﻣﺘﺮﺩﻳﻦ ﺍﮔﻠﺔ ﻋﻠﻰ ﺻﺨﺎﻡ ﻭﺟﻬﺞ ﺍﺗﮕﻠﻴﻠﺔ ﺍﻧﺘﻲ ﺗﺮﺩﻳﻦ ﺍﺗﺒﻄﻠﻴﻦ ﻣﻦ ﺍﻟﻤﺪﺭﺳﺔ ﻓﺎﻫﻤﺔ ﺍﻧﻲ ﮔﺘﻠﺔ ﻣﺎﺷﻲ ﻓﺎﻫﻤﺔ ﺑﺲ ﺭﺩﺕ ﺍﻧﺰﻝ ﻧﺰﻟﺖ ﺳﻠﻤﺖ ﻋﻠﻰ ﺑﺎﺑﺎ ﻭﻣﺎﻣﺎ ﻻﻥ ﺟﺎﻧﺖ ﻣﺴﺎﻓﺮﺓ ﻭﻳﺎﻫﻢ ﺑﺎﺑﺎ ﮔﻠﻲ
ﺍﺑﺮﺍﻫﻴﻢ : ﺷﺒﻴﺞ ﺑﺎﺑﺎ
ﺭﻳﻢ : ﻟﻴﺶ ﻣﺘﺴﺄﻝ ﺍﺑﻨﻚ
ﺍﺩﻡ : ﻭﺍﻟﺞ ﻋﻴﻦ ﺗﺤﺠﻴﻦ
ﺳﻌﺎﺩ : ﻭﻟﻜﻢ ﺷﺒﻴﻜﻢ ﻋﻔﺘﻜﻢ ﻣﺎﻛﻮ ﺍﺣﻠﻰ ﻣﻦ ﺧﻮﺗﻜﻢ
ﺭﻳﻢ : ﺑﺎﺑﺎ ﻣﺪﺍﻣﻚ ﻣﻮﺟﻮﺩ ﻟﻴﺶ ﻣﺪﺍﻓﻌﻠﻲ
ﺍﺑﺮﺍﻫﻴﻢ : ﻭﻫﻮ ﻏﻴﺮ ﺍﻓﻬﻢ ﺷﻜﻮ ﻳﻼ
ﺍﺩﻡ : ﺍﻧﻲ ﺍﮔﻮﻟﻚ ﺑﺎﺑﺎ ﻣﺪﺍﻣﻬﺎ ﻣﺨﺎﻳﻔﺔ ﻭﻻ ﻣﺴﺘﺤﻴﺔ
ﺭﻳﻢ : ﺍﻟﻲ ﻣﺎ ﻣﺴﻮﻱ ﺷﻲﺀ ﻏﻠﻂ ﻣﻴﺨﺎﻑ ﻭﺍﻟﻲ ﻳﺤﺎﺳﺐ ﺑﺪﻭﻥ ﻣﺎ ﻳﺘﺄﻛﺪ ﻫﺬﺍ ﻇﺎﻟﻢ ﻭﺍﻟﻲ ﻳﻤﺪ ﺍﻳﺪﺓ ﻋﻠﻰ ﻣﺮﺓ ﻫﺬﺍ ﻣﻮ ﺭﺟﺎﻝ
ﺍﺩﻡ : ﻗﺼﺪﺝ ﺍﻧﻲ ﻣﻮ ﺭﺟﺎﻝ ﻣﻮ 🤬😡
ﺍﺑﺮﺍﻫﻴﻢ : ﻛﺎﻓﻲ ﺍﺣﺠﻲ ﺇﺩﻡ ﺧﻠﻲ ﺍﻓﻬﻢ ﺷﺼﺎﻳﺮ 😡
ﺍﺩﻡ : ﺑﺎﺑﺎ ﻫﺬﻱ ﺑﻨﺘﻚ ﻣﻨﺰﻟﺔ ﺭﺍﺳﻨﺎ ﻭﺗﻤﺸﻴﻠﻲ ﻭﻳﺔ ﻭﻟﺪ ﺃﻧﻮﺏ ﺍﻳﻮﺻﻠﻬﺔ ﻟﺒﺎﺏ ﺍﻟﺒﻴﺖ ﻭﻳﺄﺧﺬﻫﺎ ﻟﻠﻤﺪﺭﺳﺔ
ﺍﺑﺮﺍﻫﻴﻢ : ﺷﻨﻮﻭﻭﻭﻭ
ﺭﻳﻢ : 😂😂
ﺳﻌﺎﺩ : ﺷﺒﻴﺞ ﻟﻴﺶ ﺿﺤﻜﻴﻦ ﺍﻛﻴﺪ ﻋﻠﻰ ﺻﺨﺎﻡ ﻭﺟﻬﺞ ﻣﺘﮕﻮﻟﻴﻦ ﻣﻨﻮ ﻫﺬﺍ 😠
ﺭﻳﻢ : ﺑﺎﺑﺎ ﻳﺼﻴﺮ ﺍﺣﺠﻲ ﺍﻋﺘﻘﺪ ﻻﺯﻡ ﺗﺴﻤﻊ ﻟﻠﻄﺮﻓﻴﻦ
ﺍﺑﺮﺍﻫﻴﻢ : ﺍﻱ ﺍﻛﻴﺪ
ﺍﺩﻡ : ﻭﻟﻴﺶ ﺗﺴﻤﻌﻮﻟﻬﺎ ﻧﺒﻄﻠﻬﺎ ﻭﺑﻌﺪ ﺣﺘﻰ ﺗﻠﻔﻮﻥ ﻣﺎﻛﻮ ﻧﺰﻟﺖ ﺭﻭﺳﻨﺎ ﻫﺬﻱ
ﺭﻳﻢ : 😂 ﺍﻧﺘﺔ ﺑﺎﻷﺧﺺ ﺍﻟﻲ ﻻﺯﻡ ﺗﺴﻤﻊ
ﺍﺩﻡ : ﺷﻨﻮ ﺑﻼ
ﺭﻳﻢ : ﺳﺆﺍﻝ ﻗﺒﻞ ﻻ ﺍﮔﻮﻝ ﻣﻨﻮ ﺍﻟﻮﻟﺪ ﻻﺯﻡ ﺍﻋﺮﻑ ﻣﻨﻮ ﮔﻠﻚ ﻭﻻ ﺍﻧﻲ ﺍﻟﻲ ﺍﮔﻮﻟﻚ ﻧﻮﺭﻫﺎﻥ ﻣﻮ 😏
ﺍﺩﻡ : ﺍﻱ ﻧﻮﺭﻫﺎﻥ ﺷﺎﻓﺘﺞ ﺗﺤﺠﻴﻦ ﻭَﻳَﺎ ﺑﺎﻟﺒﺎﺏ ﻣﺎﻝ ﺍﻟﺒﻴﺖ
ﺳﻌﺎﺩ : ﻓﻮﮔﺎﻫﺎ ﺑﺎﻟﺒﺎﺏ ﻭﻟﺞ ﺣﺴﺎﻓﺔ ﺗﻜﻮﻧﻴﻦ ﺑﻨﺘﻲ
ﺭﻳﻢ : ﻭﺍﻧﺘﺔ ﺭﺍﺳﻦ ﺻﺪﮔﺘﻬﺔ ﻭﻧﺴﻴﺖ ﺍﻧﻲ ﺗﺮﺑﺎﻳﺘﻜﻢ ﻣﻮ
ﺍﺑﺮﺍﻫﻴﻢ : ﺍﺣﺠﻲ ﺷﻨﻮ ﻗﺼﺪﺝ
ﺭﻳﻢ : ﺗﺬﻛﺮ ﺑﺎﺑﺎ ﻋﻤﻮ ﺳﻌﺪ ﺍﺧﻮﻫﺎ ﺍﻟﺠﺒﻴﺮ ﻟﺼﺪﻳﻘﺘﻲ ﺳﻤﺮ
ﺍﺑﺮﺍﻫﻴﻢ : ﺍﻱ ﺍﻟﻲ ﮔﻠﺘﻲ ﻫﻮ ﮔﻠﺞ ﺍﻧﻲ ﺍﻭﺻﻠﺞ ﻣﻨﺎ ﻭﺭﺍﻳﺢ ﻭﻳﺔ ﺳﻤﺮ ﻭﺑﻄﻠﺘﻲ ﻣﻦ ﺍﻟﺨﻂ
ﺭﻳﻢ : ﺍﻱ ﺑﺎﺑﺎ ﻭﺍﻟﺮﺟﺎﻝ ﺧﻄﻴﺔ ﺳﻴﺎﺭﺗﺔ ﻋﻄﻼﻧﺔ ﺑﻴﻮﻣﻬﺎ ﻭﻻﻥ ﻣﻄﺮ ﻭﺍﺣﻨﺎ ﻣﻌﺘﻤﺪﺍﺕ ﻋﻠﻴﺔ ﺍﺟﺎﻧﺔ ﻣﺸﻲ ﻭﺟﺎﺑﻠﻨﺔ ﻣﻈﻼﺕ ﻭﺍﻧﻲ ﻭﮔﻔﺖ ﺑﺎﻟﺒﺎﺏ ﺣﺘﺔ ﺍﻧﻄﻲ ﺍﻟﻤﻈﻠﺔ ﻻﻥ ﺟﺎﻥ ﺟﺎﻳﺐ ﺑﺲ ﺍﺛﻨﻴﻦ ﻭﻫﻮ ﺟﺎﻥ ﻻﺑﺲ ﻗﻤﺼﻠﺔ ﺟﻠﺪ ﻭﻻﺑﺲ ﺍﻟﻘﺒﻌﺔ ﻣﺎﻟﺘﻬﺎ ﺑﺲ ﻣﻦ ﻭﺻﻠﺖ ﻟﻠﺒﻴﺖ ﺍﻧﻄﻴﺘﻬﻴﺎ ﻗﺒﻞ ﻻ ﺍﺩﺧﻞ ﻭﺷﻜﺮﺗﻪ ﻭﺯﻭﺟﺖ ﺍﺧﻮﻳﺔ ﺍﻟﻤﺒﺠﻠﺔ ﻓﺮﺣﺖ ﻣﻦ ﺷﺎﻓﺖ ﻫﻴﺞ ﻻﻥ ﺟﺎﻧﺖ ﺍﺗﻀﻮﺝ ﻣﻨﻲ ﻭﺳﻮﺗﻠﻴﺎﻫﺎ ﻣﺸﻜﻠﺔ
ﺍﺩﻡ : ﻭﺷﻨﻮ ﻳﺜﺒﺘﻠﻨﺔ
ﺭﻳﻢ : ﺍﻧﻄﻴﻨﻲ ﺗﻠﻔﻮﻧﻲ
ﺍﺩﻡ : ﻟﻴﺶ
ﺍﺑﺮﺍﻫﻴﻢ : ﺍﻧﻄﻴﻬﻴﺎ
ﺍﺩﻡ : ﺍﻧﺘﻈﺮﻱ
ﻭﺭﺓ ﻣﺠﺎﺏ ﺍﺩﻡ ﺍﻟﺘﻠﻔﻮﻥ ﺭﺍﺩ ﻳﻨﻄﻴﻨﻴﺎ
ﺭﻳﻢ : ﻻ ﺧﻠﻲ ﺑﺄﻳﺪﻙ ﻭﺍﻧﺘﺔ ﺍﺗﺼﻞ ﻋﻠﻰ ﺳﻤﺮ
ﺍﺩﻡ : ﻣﺘﺘﺼﻠﻴﻦ ﺍﻧﺘﻲ
ﺭﻳﻢ : ﻻ ﺍﻧﺘﺔ ﺍﺣﺴﻦ
ﻭﻃﺒﻌﺎً ﺍﺗﺼﻞ ﺍﺩﻡ ﻭﻃﻠﻌﺖ ﺃﻣﻬﺎ ﻟﺴﻤﺮ
ﺭﻳﻢ : ﺷﻠﻮﻧﺞ ﺧﺎﻟﺔ
ﺍﻡ ﺳﻤﺮ : ﺍﻟﺤﻤﺪ ﻟﻠﻪ ﻳﻤﺔ ﺍﻧﺘﻲ ﺷﻠﻮﻧﺞ ﺷﻮ ﮔﺎﻃﻌﺔ ﻭﺳﻤﺮ ﺿَﻞ ﺑﺎﻟﻬﺎ ﻳﻤﺞ ﺣﺘﻰ ﺍﺟﺘﺞ ﺫﺍﻙ ﺍﻟﻴﻮﻡ ﻭﮔﻠﻮﻟﻬﺎ ﻃﺎﻟﻌﺔ
ﺭﻳﻢ : ﺍﻱ ﺧﺎﻟﺔ ﺗﺪﺭﻳﻦ ﺟﺪﻭ ﺣﻴﺠﻲ ﻣﻦ ﺍﻟﻌﻤﺮﺓ ﻭﻣﻠﺘﻬﻴﻦ ﺍﻧﺮﺗﺐ ﻭﺍﻧﺠﻬﺰ ﺍﻟﺒﻴﺖ
ﺍﻡ ﺳﻤﺮ : ﺍﻟﻠﻪ ﻳﺮﺟﻌﻬﻢ ﺑﺎﻟﺴﻼﻣﺔ ﻟﺤﻈﺔ ﺧﻠﻲ ﺍﺻﻴﺤﻠﺞ ﺳﻤﺮ
ﺭﻳﻢ : ﺷﻜﺮﺍ ﺧﺎﻟﺔ
ﺍﻡ ﺳﻤﺮ : ﺍﻟﻌﻔﻮ ﺧﺎﻟﺔ ﻭﻫﺬﻱ ﺳﻤﺮ ﻭﻳﺎﺝ
ﺳﻤﺮ : ﺁﻟﻮ ﻳﺎ ﺑﺬﺍﺗﺔ ﻭﻳﻨﺞ ﻟﻴﺶ ﻣﺘﺮﺩﻳﻦ ﻭﻻ ﺗﺴﺄﻟﻴﻦ ﻭﺣﺘﻰ ﺍﻟﻤﺪﺭﺳﺎﺕ ﻳﺴﺄﻟﻮﻥ ﻋﻠﻴﺞ ﻫﺎﺍﺍﺍ ﻭﻳﻨﺞ 😠
ﺭﻳﻢ : ﺍﮔﻮﻝ ﺍﻋﺼﺎﺑﺞ ﺑﺲ ﻋﻨﺪﻱ ﺳﺆﺍﻝ
ﺳﻤﺮ : ﺍﻛﻴﺪ ﺣﺒﻲ ﺍﺳﺄﻟﻲ ﺭﻏﻢ ﺍﻧﻲ ﻋﺒﺎﻟﻲ ﻣﺨﺎﺑﺮﺓ ﺗﺴﺄﻟﻴﻦ ﺻﺪﻳﻘﺘﺞ ﺷﻠﻮﻧﻬﺎ ﻣﺎ ﻟﻮﻧﻬﺎ
ﺭﻳﻢ : ﺍﺩﺭﻱ ﺑﻠﻮﻧﺞ ﺣﻠﻮ ﻣﺜﻞ ﻋﻴﻮﻧﺞ ﺑﺲ ﻋﻤﻮ ﺳﻌﺪ ﺷﻠﻮﻧﺔ ﺿَﻞ ﺑﺎﻟﻲ ﻻﻥ ﺫﺍﻙ ﺍﻟﻴﻮﻡ ﺧﻄﻴﺔ ﺿَﻞ ﻳﻤﺸﻲ ﺟﻮﺓ ﺍﻟﻤﻄﺮ
ﺳﻤﺮ : ﻟﺞ ﻻ ﻣﺎ ﺑﻲ ﺷﻲﺀ ﻭﺟﺎﺏ ﺳﻴﺎﺭﺗﺔ ﻣﻦ ﺍﻟﺘﺼﻠﻴﺢ ﺍﻟﻌﺼﺮ ﻭﺭﺍﺡ ﺟﺎﺏ ﺭﻗﻴﺔ ﺑﻴﻬﺔ
ﺭﻳﻢ : ﺍﻟﺤﻤﺪ ﻟﻠﻪ
ﺳﻤﺮ : ﺷﻌﺠﺐ ﺍﻭﻝ ﻣﺮﺓ ﺗﺴﺄﻟﻴﻦ ﻋﻠﻰ ﺑﺎﺑﺎ ﺳﻌﺪ
ﺭﻳﻢ : ﺣﺒﻲ ﺑﻌﺪﻳﻦ ﺍﻓﻬﻤﺞ ﻋّﻦ ﺍﺫﻧﺞ ﻫﺴﺔ ﺍﺟﺔ ﺑﺎﺑﺎ ﻣﻦ ﺍﻟﺴﻔﺮ
ﺳﻤﺮ : ﺍﻟﺤﻤﺪ ﻟﻠﻪ ﻋﻠﻰ ﺳﻼﻣﺘﻬﻢ ﺳﻠﻤﻴﻠﻲ ﻋﻠﻴﻬﻢ
ﺭﻳﻢ : ﻳﻮﺻﻞ ﺣﺒﻲ .. ﻳﻼ ﺑﺎﻱ
ﺳﻤﺮ : ﺑﺂﻳﺎﺕ ﺑﺬﺍﺗﺔ
ﺳﺪﻳﺖ ﺍﻟﺘﻠﻔﻮﻥ ﻭﺑﺎﻭﻋﺖ ﻋﻠﻰ ﺍﺩﻡ
ﺭﻳﻢ : ﻫﺎ ﺃﺗﺄﻛﺪ ﻳﺎ ﺍﺧﻮﻭﻭﻳﺔ
ﺍﺩﻡ : ﻭﻣﻨﻮ ﻫﺎﻱ ﺭﻗﻴﺔ
ﺍﺑﺮﺍﻫﻴﻢ : ﺑﻨﺘﺔ ﻣﻮ
ﺭﻳﻢ : ﺍﻱ ﺑﺎﺑﺎ ﺑﻨﺘﺔ ﺍﻟﻲ ﺍﺻﻐﺮ ﻣﻨﻲ ﺑﺴﻨﺘﻴﻦ ﻣﺪﺭﻱ ﺛﻼﺙ ﺳﻨﻴﻦ ﻫﺎﺍ ﻳﺎ ﺍﺧﻮﻳﺔ ﺑﻌﺪﻙ ﻣﺼﺪﮒ ﻛﻼﻡ ﻣﺮﺗﻚ 😏
ﺍﺩﻡ : ﺍﻱ ﻭﺍﻧﻲ ﺷﺪﺭﺍﻧﻲ ﻣﺤﺠﻴﺘﻲ ﻭﮔﻠﺘﻠﻲ ﻣﻦ ﺍﻟﺒﺪﺍﻳﺔ
ﺳﻌﺎﺩ : ﻭﺷﺪﻋﻮﺍﺝ ﺍﻛﻴﺪ ﺳﻮﺓ ﻫﻴﺞ ﻻﻥ ﻳﺨﺎﻑ ﻋﻠﻴﺞ
ﺭﻳﻢ : ﻫﻮ ﺍﻧﺘﺔ ﺧﻠﻴﺖ ﻣﺠﺎﻝ ﺍﻟﻤﻬﻢ ﺑﺎﺑﺎ ﺍﻧﻲ ﺑﻌﺪ ﺍﺩﻡ ﺍﺧﻮﻳﺔ ﺑﺲ ﺑﺎﻻﺳﻢ ﺍﻟﻲ ﻳﺴﻤﻊ ﻛﻼﻡ ﻣﺮﺗﺔ ﻭﻣﻮﺍﺛﻖ ﺑﻴﺔ ﺍﻧﻲ ﻣﺎ ﺍﺭﻳﺪﺓ ﻭﻣﻦ ﻫﺴﺔ ﺍﮔﻮﻟﻚ ﺑﻌﺪ ﺍﻟﺴﺎﻧﻲ ﻣﺎ ﻳﻄﺦ ﺍﻟﺴﺎﻧﺔ ﻭﻻ ﻟﺴﺎﻥ ﻣﺮﺗﺔ ﺍﻟﺤﻴﺔ ﺑﻌﺪﻫﺎ ﻣﺠﺎﻳﺔ ﻭﺳﻮﺕ ﻫﻴﺞ ﻭﺑﻠﻐﻬﺔ ﺍﻥ ﺇﺟﺖ ﻻ ﺗﺠﻲ ﻳﻤﻲ ﺍﺣﺴﻦ ﻣﺎ ﺍﺳﻮﻱ ﺷﻲﺀ ﻣﻴﻌﺠﺒﻬﺔ ﻭﻻ ﻳﻌﺠﺒﻚ ﻭﻣﻦ ﻫﺴﺔ ﺍﮔﻮﻟﻚ ﺑﺎﺑﺎ ﺣﺘﻰ ﻋﺮﺳﺔ ﻣﺮﺍﺡ ﺍﺣﻀﺮﺓ ﻣﺎﺷﻲ ﻳﺎ ﺍﺧﻮﻳﺔ ﻳﺎ ﺣﺰﺍﻡ ﻇﻬﺮﻱ ﻋﻦ ﺍﺫﻧﻜﻢ ﻫﺴﺔ ﺟﺴﻤﻲ ﻳﻮﺟﻌﻨﻲ ﺍﺭﻳﺪ ﺃﺳﺒﺢ ﻭﺃﻧﺎﻡ ﺑﻠﻜﻲ ﺍﺭﺗﺎﺡ 😒
ﺍﺑﺮﺍﻫﻴﻢ : ﺭﻭﺣﻲ ﺑﻨﺘﻲ
ﺭﻳﻢ : ﺻﺪﮒ ﺑﺎﺑﺎ ﻣﺮﺍﺡ ﺗﺨﻠﻴﻨﻲ ﺍﺗﺮﻙ ﺍﻟﺪﺭﺍﺳﺔ ﻣﻮ
ﺍﺑﺮﺍﻫﻴﻢ : ﺍﻛﻴﺪ ﺑﻨﺘﻲ ﺭﻭﺣﻲ ﺍﺭﺗﺎﺣﻲ
ﺭﻳﻢ : ﺷﻜﺮﺍً ﺑﺎﺑﺎ ﺍﻧﺘﺔ ﺍﺣﺴﻦ ﺍﺏ ﺑﺎﻟﺪﻧﻴﺎ 😙😃
ﻭﻣﺸﺖ ﺍﻷﻳﺎﻡ ﻭﺭﺟﻌﺖ ﺍﺩﺍﻭﻡ ﻭﻃﺒﻌﺎً ﺑﺎﺑﺎ ﺭﺍﺡ ﻭﻳﺎﻳﺔ ﻟﻠﻤﺪﺭﺳﺔ ﻭﺣﺠﺔ ﻭﻳﺎﻫﻢ ﻭﻟﻐﻮﺍ ﻏﻴﺎﺑﺎﺗﻲ ﺑﺤﺠﺔ ﺍﺟﺎﺯﺓ ﻣﺮﺿﻴﺔ 😅 ﻭﺍﺟﻮﻱ ﺑﻴﺒﻲ ﻭﺟﺪﻭ ﻭﺭﺍﻫﺎ ﺍﺗﺰﻭﺝ ﺍﺩﻡ ﻭﺍﻧﻲ ﻣﺤﻀﺮﺕ ﻻ ﺣﻨﺔ ﻭﻻ ﻋﺮﺱ ﻭﻻ ﺳﺎﻋﺪﺕ ﺣﺘﺔ ﺑﺎﻟﺘﺮﺗﻴﺐ ﻭﻃﺒﻌﺎً ﻣﻦ ﺍﺟﺘﻲ ﺷﺎﻳﻠﺔ ﺧﺸﻤﻬﺔ ﺑﺲ ﻣﺘﮕﺪﺭ ﺗﺤﺠﻲ ﻭﻳﺎﻳﺔ ﻭﺭﺍﻫﺎ ﺻﺎﺭﺕ ﺣﺎﻣﻞ ﻭﻃﺎﺭ ﺍﺩﻡ ﺑﻴﻬﺔ ﺑﺲ ﺑﻌﺪﻳﻦ ﻣﺎﺗﺖ ﻣﻦ ﻣﺎﺗﺖ ﺍﻧﻘﻬﺮﺕ ﻋﻠﻴﻬﺔ ﻭﺧﺼﻮﺻﺎً ﺍﺩﻡ ﺑﻮﻛﺘﻬﺔ ﺣﻴﻞ ﺍﺗﺄﺫﺓ ﻻﻥ ﺟﺎﻥ ﻳﺤﺒﻬﺔ ﻭﺣﺘﻰ ﻫﻤﻞ ﺑﻨﺘﺔ ﺑﺲ ﺍﻧﻲ ﺍﻫﺘﻢ ﺑﻴﻬﺔ ﻣﻦ ﺗﺠﻲ ﻳﻤﻨﺔ ﻭﻫﻴﺞ ﻟﺤﺪ ﻣﺎ ﺍﺟﻴﺘﻲ ﺍﻧﺘﻲ ﻣﺜﻞ ﺍﻟﻤﻼﻙ ﻭﺷﻮﻓﺖ ﻋﻴﻨﺞ
ﻣﻠﻚ : ﻣﻼﻙ ﺍﻧﻲ 😅😂😂
ﺭﻳﻢ : ﺍﻱ ﻭﺍﻟﻠﻪ ﺷﺒﻴﺞ ﺍﻧﺘﻲ ﺍﺳﻢ ﻋﻠﻰ ﻣﺴﻤﻰ
ﻣﻠﻚ : ﻭﻟﻴﺶ ﺑﻼ
ﺭﻳﻢ : ﻻﻥ ﺍﻧﺘﻲ ﮔﻠﺒﺞ ﺍﺑﻴﺾ ﻣﺘﻌﺮﻓﻴﻦ ﺗﺤﻘﺪﻳﻦ ﻭﺗﺤﺒﻴﻦ ﺍﻟﻜﻞ ﺑﮕﻠﺐ ﺍﺑﻴﺾ ﺑﺪﻭﻥ ﺣﻘﺪ
ﻣﻠﻚ : ﻫﺬﺍ ﻛﻠﺔ ﺑﻔﻀﻞ ﻭﺍﺣﺪ ﺑﺲ ﺑﻌﺪ ﺭﺑﻲ ﻭﺇﻧﺸﺎﺀ ﺍﻟﻠﻪ ﺍﺑﻘﺔ ﺃﺧﺬ ﺑﻮﺻﻴﺘﺔ ﺍﻟﻲ
ﺭﻳﻢ : ﻭﻣﻨﻮ ﻫﺬﺍ
ﻣﻠﻚ : ﺗﺆﺍﻣﻲ
ﺭﻳﻢ : ﺍﻧﺘﻲ ﺗﺤﺠﻴﻦ ﺻﺪﮒ ﻳﻌﻨﻲ ﻋﻨﺪﺝ ﺗﺆﺍﻡ ﻟﻮ ﺗﺸﺎﻗﻴﻦ
ﻣﻠﻚ : ﺍﻱ ﻭﺍﻟﻠﻪ ﺷﺒﻴﺞ ﻭﻫﺴﺔ ﻳﻼ ﻧﻘﺮﺓ ﻻﻥ ﺿﻴﻌﻨﺎ ﻛﻮﻣﺖ ﻭﻛﺖ ﺣﺼﻴﺮ ﺏ ١٠: ١٥ ﻭﺍﺣﻨﺎ ﺑﻌﺪﻧﺎ ﻧﺤﺠﻲ ﻭﻻﺯﻡ ﺷﻮﻱ ﻭﺍﻧﺰﻝ ﺍﺟﻬﺰ ﺍﻟﻐﺪﺓ
ﺭﻳﻢ : ﺍﻱ ﺻﺪﮒ ﺩﺭﻳﺘﻲ
ﻣﻠﻚ : ﺑﺸﻨﻮ
ﺭﻳﻢ : ﻋﺮﺱ ﺍﺩﻡ ﻭﻣﺮﻳﻢ ﻭﺭﺓ ﺍﻻﻣﺘﺤﺎﻧﺎﺕ ﻣﺒﺎﺷﺮﺓً ﻳﻌﻨﻲ ﺣﺘﻰ ﻗﺒﻞ ﺍﻣﺘﺤﺎﻧﺎﺗﻲ ﻋﻠﻤﻮﺩ ﻗﺒﻞ ﺭﻣﻀﺎﻥ
ﻣﻠﻚ : ﺍﻱ ﺍﻟﻠﻪ ﻳﺘﻤﻤﻠﻬﻢ ﻋﻠﻰ ﺧﻴﺮ
ﺭﻳﻢ : ﺍﻭﻭﻭﻭﻑ
ﻣﻠﻚ : ﺷﺒﻴﺞ
ﺭﻳﻢ : ﻟﻴﺶ ﺗﺤﺴﺴﻴﻨﻲ ﺍﻧﺘﻲ ﻣﺘﺤﺒﻴﻦ ﺍﺩﻡ
ﻣﻠﻚ : ﻭﻣﻨﻮ ﮔﻠﺞ ﺍﻧﻲ ﻣﺎ ﺃﺣﺒﺔ
ﺭﻳﻢ : ﺷﻨﻮﻭﻭﻭ .. ﻳﻌﻨﻲ ﺍﻧﺘﻲ ﺗﺤﺒﻲ
ﻣﻠﻚ :.......
....
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء