رواية عشق وابتلاء الجزء الثامن
للكاتبة شمس
...
ﺍﻟﺪﻛﺘﻮﺭ ﻛﻼﻣﻪ ﻣﻴﺒﺸﺮ ﺑﺨﻴﺮ .
ﻭﻣﺎﻣﺎ ﺑﻘﺖ ﻛﻢ ﻳﻮﻡ ﺑﺎﻻﻧﻌﺎﺵ ﺣﺎﻟﺘﻬﺎ ﻣﻦ ﺳﺊ ﺍﻟﻰ ﺍﺳﻮﺀ
ﻭﺣﺘﻰ ﺑﻴﺒﻲ ﮔﺎﻣﺖ ﺗﻠﻮﻡ ﺑﻴﻪ ﻭﺗﮕﻠﻲ ﺭﺍﺡ ﺗﻤﻮﺕ ﻧﻴﺮﺍﻥ ﺑﺴﺒﺒﺞ #. ﺷﻤﺲ
ﺷﻔﺖ ﺍﻟﺪﻧﻴﺎ ﻛﻠﻬﺎ ﺿﺪﻱ ﻭﺣﺘﻰ ﻗﺪﺭﻱ .
ﻻﺯﻡ ﺍﻧﻬﻰ ﻛﻠﺸﻲ ﻭﺍﺭﺿﻰ ﺑﺎﻻﻣﺮ ﺍﻟﻮﺍﻗﻊ .
ﻭﻣﺎﻛﻮ ﺣﻞ ﻏﻴﺮ ﺍﺭﺿﻰ ﺑﺄﺣﻤﺪ ..
ﻭﺍﺩﻓﻦ ﺣﺒﻲ ﺑﺪﺍﺧﻠﻲ ..
ﻭﺍﺗﺤﻤﻞ ﻛﻞ ﺷﻲ ﻓﻲ ﺳﺒﻴﻞ ﻣﺎﻣﺎ ﺗﺮﺿﻰ ﻋﻠﻴﻪ ﻭﺗﺮﺟﻌﻠﻲ ﺑﺴﻼﻣﺔ .
ﺑﺲ ﮔﻠﺒﻲ ﻣﺎﻧﻄﺎﻧﻲ ﺍﻧﻬﻲ ﻛﻠﺸﻲ ﻣﻦ ﻏﻴﺮ ﻣﺎﺍﺳﻤﻊ ﺻﻮﺗﻪ .
ﺭﺩﺕ ﺍﺣﺠﻲ ﻭﻳﺎﻩ ﺍﻻﺧﺮ ﻣﺮﻩ .
ﻭﻫﻢ ﺣﺘﻰ ﺍﺧﻠﻴﻪ ﻳﺸﻮﻑ ﺣﻴﺎﺗﻪ .
ﺷﻨﻮ ﺫﻧﺒﻪ ﻋﻤﺮﻩ ﻛﻠﻪ ﻳﻨﺘﻈﺮ ﺣﺐ ﻛﻠﻪ ﻭﻫﻢ ﺑﻮﻫﻢ ﻭﻣﺎﺑﻲ ﺫﺭﺓ ﺍﻣﻞ ..
ﺍﺗﺼﻠﺖ .
ﻃﻠﻌﺖ ﺑﻴﺒﻲ ﻣﺎﺳﻪ .
ﺍﻟﻮ ﻳﺎﻫﻮ ..
ﻫﻠﻮ ﺑﻴﺒﻲ ﺍﻧﻲ ﻣﺎﺳﻪ ﺍﻧﺘﻲ ﺷﻠﻮﻧﺞ .
ﻫﻠﻪ ﻳﻤﻪ ﻫﻠﻪ ﺑﺎﻟﻐﺎﻟﻴﻪ ..
ﺍﻟﻴﻮﻡ ﺑﺎﻟﻘﻠﻌﻪ ﺍﻧﺘﻲ ﻭﺟﺪﻭﺍ .
ﺍﻱ ﻭﺍﻟﻠﻪ ﺍﺟﻴﻨﻪ ﺯﻳﺎﺭﻩ ﻭﻫﻢ ﻧﺸﻮﻑ ﺻﻮﻓﻲ ﻣﺮﻳﺾ .
ﻳﻤﻪ ﺍﺳﻢ ﺍﻟﻠﻪ ﻋﻠﻴﻪ ﺑﻴﻪ ﻭﻻﺑﻲ ( ﺍﺣﺠﻲ ﺑﺪﺍﺧﻠﻲ )
ﺍﻧﺘﻲ ﺷﻠﻮﻧﺞ ﺍﻣﺞ ﺷﻠﻮﻧﻬﺎ ..
ﻣﺎﻣﺎ ﻣﻮ ﺯﻳﻨﻪ ﺑﻴﺒﻲ .
ﻳﺎﺍﺳﻢ ﺍﻟﻠﻪ ﺷﺒﻴﻬﺎ .
ﻣﺎﻣﺎ ﺑﺎﻻﻧﻌﺎﺵ ﺻﺎﺭ ﺑﻴﻬﺎ ﺟﻠﻄﻪ . ﺍﺩﻋﻴﻠﻬﺎ ﺑﻴﺒﻲ
ﻳﻤﻪ ﻳﺎﻋﺎﺩﻝ . ﻣﺎﺗﺴﺘﺎﻫﻞ ﻧﻮﻳﺮﻩ ﺍﻟﻠﻪ ﻳﺒﺎﻭﻋﻠﻬﺎ ﻭﻳﮕﻮﻣﻬﺎ ﺑﺎﻟﺴﻼﻣﻪ .( ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ )
ﺍﻟﻠﻪ ﻳﺴﻤﻊ ﻣﻨﺞ ﺑﻴﺒﻲ .
ﻳﻤﻪ ﻣﺎﺳﻪ ﻟﻴﺶ ﻫﻴﺞ ﺳﻮﻳﺘﻲ ﺑﺼﻮﻓﻲ .
ﺣﺎﻟﻪ ﻣﺎﻳﺴﺮ ﻻﺻﺪﻳﺞ ﻭﻻﻋﺪﻭ .
ﺑﻴﺒﻲ ﻗﺎﺑﻞ ﺍﻧﻲ ﻣﺮﺗﺎﺣﻪ . ﺍﻧﻲ ﻫﻢ ﻣﺜﻞ ﺣﺎﻟﻪ ﻭﺍﻛﺜﺮ .
ﺑﺲ ﻣﻮ ﺑﻴﺪﻱ .
ﺣﺠﻴﺖ ﻭﻱ ﻣﺎﻣﺎ ﻭﺗﻌﺎﺭﻛﺖ . ﺻﺎﺭﺕ ﺑﻴﻬﺎ ﺟﻠﻄﻪ ﻭﺑﺎﻟﻤﺴﺘﺸﻔﻰ .
ﺍﺧﺎﻑ ﺗﻤﻮﺕ ﺑﺴﺒﺒﻲ .
ﻳﺎﻳﻤﻪ ﺷﺒﻴﻬﺎ ﻧﻮﻳﺮﻩ ﻟﻴﺶ ﻫﻴﺠﻲ ﺻﺎﻳﺮﻩ ﺟﺎﻥ ﮔﻠﺒﻬﺎ ﺍﺑﻴﺾ ﻭﻃﻴﺒﻪ .
ﺍﻭﻭﻭﻭﻑ ﺑﻴﺒﻲ ﻣﺎﺍﺩﺭﻱ .
ﻫﺎﻱ ﻛﻠﻪ ﻣﻦ ﻭﺭﻯ ﻋﻮﻳﺪﻝ ﺍﺩﺭﻱ .
ﺧﻄﻴﺘﻜﻢ ﺑﺮﮔﺒﺘﻪ .
ﻻﺑﻴﺒﻲ ﻻﺗﮕﻮﻟﻴﻦ ﻫﻴﺞ . ﻫﺬﺍ ﻗﺪﺭﻧﺎ ﻭﻣﺎﻣﻘﺴﻮﻣﻠﻨﺎ ﻧﺠﺘﻤﻊ .
ﺧﻠﻲ ﻳﺸﻮﻑ ﺣﻴﺎﺗﻪ ﺑﻌﺪ ﻭﻳﻨﺴﺎﻧﻲ .
ﻳﻤﻪ ﻣﺎﺳﻪ . ﺍﺣﺠﻲ ﺍﻧﺘﻲ ﻭﻳﺎﻩ ﺑﻠﻜﻲ ﻳﺴﻤﻊ ﻛﻼﻣﺞ .
ﻻﺍﻛﻞ ﻭﻻﺷﺮﺏ .
ﻭﻫﺴﺎ ﻳﺮﻳﺪ ﻳﺮﻭﺡ ﻛﻠﻴﻪ ﺿﺒﺎﻁ .
ﻳﮕﻮﻝ ﺍﺻﻴﺮ ﺑﺎﻟﺠﻴﺶ ﻭﺍﺑﻌﺪ ﺍﺣﺴﻦ ﺍﻟﻲ .
ﻫﻮ ﻣﻮﺟﻮﺩ ??
ﺍﻱ ﻳﻤﻪ ﻫﺴﺎ ﺍﺧﻠﻲ ﻣﺤﻤﺪ ﻳﺼﻴﺤﻪ
ﻭﻟﻚ ﺣﻤﻴﺪ ﺻﻴﺢ ﺍﺑﻦ ﻋﻤﺘﻚ ﻣﺼﻄﻔﻰ ﮔﻠﻪ ﺑﻴﺒﺘﻚ ﺗﺮﻳﺪﻙ .
ﺑﻘﻴﻨﺎ ﻧﺤﺠﻲ ﺷﻮﻳﻪ . ﺍﻟﻰ ﺍﻥ ﺳﻤﻌﺖ ﺻﻮﺗﻪ .
ﻫﺎ ﺑﻴﺒﻲ ﺻﺤﺘﻴﻨﻲ .
ﺍﻱ ﻳﻤﻪ ﺗﻌﺎﻝ ﺍﺣﺠﻲ ﻭﻱ ﺑﻨﺖ ﺧﺎﻟﻚ ﺗﺮﻳﺪﻙ .
ﻣﻨﻮ ﻣﺎﺳﻪ .
ﺍﻭﻭﻭﻑ ﺭﻑ ﮔﻠﺒﻲ ﻣﻦ ﺳﻤﻌﺖ ﺻﻮﺗﻪ ﻭﮔﺎﻝ ﺍﺳﻤﻲ .
ﺍﻟﻮ ﻣﺎﺳﻪ ﺷﺮﺍﻳﺪﻩ
...
ﻣﺎﺳﻪ - ﻟﻤﺎﺫﺍ ﻫﺬﺍ ﺍﻟﺠﻔﺎﺀ ﻟﻤﺎ ﺍﻻﺑﺘﻌﺎﺩ ﺃﻣﺎ ﺁﻥ ﻟﻠﺼﻤﺖ ﺍﻥ ﻳﻨﻜﺴﺮ؟
- ﻗﻮﻟﻲ ﻟﻲ ﻫﻞ ﺍﺣﺒﺒﺘﻨﻲ ﺣﻘﺎ ﺍﻡ ﻛﺎﻥ ﺣﺒﺎ ﻟﺤﺒﻲ ﻭﻟﻴﺲ ﻟﻲ؟
- ﺍﺟﺒﻨﻲ ﺍﻧﺖ ﺑﻤﺎﺫﺍ ﺗﻔﺴﺮ ﻋﺪﻡ ﺍﻟﻨﻮﻡ ﺍﻳﺎﻣﺎ ﺑﻞ ﺍﺳﺎﺑﻴﻊ ؟
ﺍﺟﺒﻨﻲ ﺍﻧﺖ ﺑﻤﺎﺫﺍ ﺗﻔﺴﺮ ﻛﺮﻫﻲ ﻟﻤﻦ ﺣﻮﻟﻲ ﻭﺗﻔﻜﻴﺮﻱ ﺑﻚ ؟
ﺍﺟﺒﻨﻲ ﺍﻧﺖ ﺑﻤﺎﺫﺍ ﺗﻔﺴﺮ ﻗﻠﺐ ﺳﻠﻴﻢ ﺍﺻﺒﺢ ﺳﺮﻳﻊ ﺍﻟﻀﺮﺑﺎﺕ ؟
ﺍﺟﺒﻨﻲ ﺍﻧﺖ ﺑﻤﺎﺫﺍ ﺗﻔﺴﺮ ﻋﻤﺮﺍ ﻳﻀﻴﻊ ﺑﺎﻟﺬﻛﺮﻳﺎﺕ ﺣﺪ ﺍﻻﺣﺘﺮﺍﻕ ﻟﻴﺼﺒﺢ ﺭﻣﺎﺩﺍ ﻳﺘﻼﺷﻰ ﻓﻲ ﺍﻟﻬﻮﺍﺀ؟
- ﺍﺟﺒﻨﻲ ﺍﻧﺖ ﻫﻞ ﻛﺎﻥ ﺣﺒﺎ ﺣﻘﺎ ﺍﻡ ﻻ .?
ﺍﻥ ﻗﻠﺖ ﻧﻌﻢ .. ﻓﺴﺄﻗﻮﻝ ﻟﻚ .. ﻻ
- ﻫﺬﺍ ﻟﻴﺲ ﺣﺒﺎ ..
- ﺑﻞ ﺍﻧﻪ ﻋﺸﻖ ﻭﺇﺑﺘﻼﺀ ﺑﻪ .. ﻛﺎﻥ ﻭﻻ ﺯﺍﻝ ﻫﻼﻙ ..
ﻓﺎﻟﻠﻌﺸﻖ ﻣﻮﺕ ﻭﺳﻜﺮﺍﺕ .
ﺍﻥ ﻟﻢ ﻳﻜﻦ ﻟﻚ ﺍﻧﺖ ﻟﻴﺲ ﻟﺴﻮﺍﻙ ﻓﺄﻧﻲ ﻭﺍﻟﻠﻪ ﻟﻤﻦ ﺍﻟﺠﻬﻼﺀ ﻳﻐﻠﻔﻨﻲ ﺍﻟﻐﺒﺎﺀ .
ﻓﺪﻋﻨﻲ ﺑﺼﻤﺘﻲ ﻏﺎﺭﻗﺔ ..
ﻭﺑﺎﻟﺠﻔﺎﺀ ﻣﺘﻬﻤﻪ ﻭﺍﺑﺤﺚ ﻟﻨﻔﺴﻚ ﻋﻦ ﺇﺟﺎﺑﺎﺕ ..
…… ..
ﺍﺟﻴﺒﻴﻨﻲ ﺍﻧﺘﻲ ﻳﺎﻣﻦ ﻣﻠﻜﺘﻲ ﺭﻭﺣﻲ ..
ﻣﺎﺫﺍ ﺗﻔﺴﻴﺮﻳﻦ ﻋﺸﻘﻲ ﻟﻜﻲ ﻭﺗﻐﻴﻴﺮ ﺣﺎﻻﺗﻲ ﻷﺟﻠﻚ
ﺍﻧﺘﻀﺮﺕ ﻭﺻﺒﺮﺕ ﻭﺣﻤﺪﺕ ﻭﺷﻜﺮﺕ ﺍﻟﻠﻪ ﺍﻟﺬﻱ ﺍﻋﻄﺎﻧﻲ ﺍﻳﺎﻛﻲ ..
ﻟﻤﺠﺮﺩ ﻭﻋﺪﺍ ﻣﻨﻜﻲ ..
ﻓﺄﻳﻦ ﺗﻠﻚ ﺍﻟﻮﻋﻮﺩ . ﻭﺍﻳﻦ ﺍﻧﺎ ﻣﻨﻬﺎ .
ﻭﺍﻳﻦ ﺍﻟﺤﻞ ﻟﺤﺎﻟﻨﺎ ﻭﻫﻼﻛﻨﺎ ..
ﻭﻋﻨﺪﻣﺎ ﺍﺳﺄﻟﻚ ﺗﻘﻮﻟﻴﻦ ﺩﻋﻨﻲ ﺑﺼﻤﺘﻲ ﻏﺎﺭﻗﻪ .
ﻻ ﻟﻦ ﺍﺩﻋﻚ ﺑﻞ ﺳﺄﻗﻮﻝ ﻟﻜﻲ .
ﺍﻟﺤﺐ ﻭﻋﺪ . ﻭﻭﻓﺎﺀ .
ﻭﺍﻟﺤﺐ ﺗﺤﺪﻱ ﻭﻣﻮﺍﺟﻬﻪ .
ﻭﻟﻴﺲ ﺿﻌﻒ ﻭﺍﺳﺘﺴﻼﻡ ..
ﻭﺍﻧﺘﻲ ﻛﻨﺘﻲ ﺿﻌﻴﻔﻪ .. ﻭﻟﻢ ﺗﺪﺍﻓﻌﻲ ﻟﻌﺸﻘﻨﺎ ..
ﻓﺄﺧﺘﺮﺗﻲ ﺍﻻﺳﺘﺴﻼﻡ ﻋﻠﻰ ﺍﻟﻤﻮﺍﺟﻬﻪ ..
… .. ( ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ )
ﻛﺎﻧﺖ ﺍﺧﺮ ﻛﻠﻤﺎﺗﻲ ﺍﻟﻪ .
ﺷﻮﻑ ﺣﻴﺎﺗﻚ ﻣﺼﻄﻔﻰ . ﻭﺍﻟﻠﻪ ﻳﻌﻮﺿﻚ ﺑﺎﻻﻧﺴﺎﻧﻪ ﺍﻟﻲ ﺗﺴﻌﺪﻙ ..
ﻟﺘﻀﻮﺝ ﺍﻫﻠﻚ ﻭﻟﺘﻀﻮﺝ ﺣﺎﻟﻚ . ( ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ )
ﻫﻬﻬﻬﻪ ﻣﺸﻜﻮﺭﻩ ﻣﺎﻗﺼﺮﺗﻲ .
ﻫﻮ ﺑﻌﺪﺝ ﻣﻌﻘﻮﻟﻪ ﮔﻠﺒﻲ ﻳﺘﻮﺭﻁ ﻭﻳﺒﺤﺐ ﻣﺮﺓ ﺛﺎﻧﻴﻪ ..
ﺷﺎﻳﻔﻪ ﻛﻞ ﺍﻟﺨﻴﺮ ﻭﻣﺒﺮﻭﻙ ﻣﻘﺪﻣﺎ .
ﻭﻟﻮ ﺍﺩﺭﻱ ﻣﺎﺭﺍﺡ ﻳﻌﻴﺸﺞ ﺑﺴﻌﺎﺩﺓ
ﻭﻻﻳﺤﺒﺞ ﺑﻜﺜﺮ ﻣﺎﺍﺣﺒﺞ ..
ﻭﻻﮔﻠﺒﺞ ﻭﻻﮔﻠﺒﻲ ﺭﺍﺡ ﻳﻌﻴﺸﻮﻥ ﻣﺮﺗﺎﺣﻴﻦ .
ﺍﻧﻜﺘﺐ ﻋﻠﻴﻨﺎ ﺍﻟﻌﺬﺍﺏ ..
ﻣﻮﺩﻋﻪ ﺑﺎﻟﻠﻪ ﻳﺒﻨﺖ ﮔﻠﺒﻲ .
ﻣﻊ ﺍﻟﺴﻼﻣﻪ ..
ﻣﻊ ﺍﻟﺴﻼﻣﻪ ﻣﺼﻄﻔﻰ .
ﺑﺠﻴﺖ ﻭﺩﮔﻴﺖ ﻭﻟﻄﻤﺖ . ﻭﻫﻢ ﻣﺎﺍﺭﺗﺎﺣﻴﺖ .
ﻛﺎﻧﺖ ﻛﻠﻤﺎﺗﻪ ﻗﺎﺳﻴﻪ ﻋﻠﻴﻪ .
ﻭﺣﺴﻴﺘﻪ ﻳﻮﺩﻋﻨﻲ ﻭﺑﻌﺪ ﻣﺎﻧﺠﺘﻤﻊ ﺍﺑﺪ .
ﺍﻧﺘﻬﻰ ﻛﻠﺸﻲ . ﻭﻋﺸﻖ ﻣﺼﻄﻔﻰ ﻭﻣﺎﺳﻪ ﺻﻔﺤﺔ ﻭﺍﻧﻄﻮﺕ ..
ﺑﺲ ﻣﺴﺘﺤﻴﻞ ﻣﺎﺳﻪ ﺗﮕﺪﺭ ﺗﻨﺴﻰ ﻣﺼﻄﻔﻰ ﻭﺭﺍﺡ ﻳﺒﻘﻰ ﺑﮕﻠﺒﻲ ﺍﻟﻌﻤﺮ ﻛﻠﻪ ..
ﺳﺒﺤﺖ ﻭﺑﺪﻟﺖ ﻭﺍﺧﺬﺕ ﻣﻼﺑﺲ ﺍﻟﻤﺎﻣﺎ ..
ﻭﻃﻠﻌﺖ ﻟﮕﻴﺖ ﺍﺣﻤﺪ ﻣﻨﺘﻈﺮﻧﻲ .
ﺻﻌﺪﺕ ﻭﻳﺎﻩ ﻭﺭﺟﻌﺖ ﻟﻠﻤﺴﺘﺸﻔﻰ ..
ﺍﻟﻄﺮﻳﻖ ﻛﻠﻪ ﺳﺎﻛﺘﻪ .
ﺍﺣﻤﺪ .. ﻻﺗﺨﺎﻓﻴﻦ ﺍﻥ ﺷﺎﺀ ﺍﻟﻠﻪ ﻋﻤﺘﻲ ﺗﮕﻮﻡ ﺑﺎﻟﺴﻼﻣﻪ .
ﻣﺎﺍﻫﺘﻤﻴﺖ ﻭﻻﺭﺩﻳﺖ .
ﻣﺎﺳﻪ ﻟﻴﺶ ﺩﻭﻭﻡ ﺳﺎﻛﺘﻪ ﻣﻮ ﻋﻮﺍﻳﺪﺝ ..
ﻭﺧﺎﺻﺔ ﻭﻳﺎﻱ ﺩﺍﻳﻤﺎ ﺗﺮﺩﻳﻨﻲ ﻭﺗﺤﺠﻴﻦ ﻋﻠﻴﻪ ..
ﺑﻌﺪ ﻣﺎﻛﻮ ﻓﺎﺋﺪﺓ ﻣﻦ ﺍﻟﺤﺠﻲ ﺍﺣﻤﺪ .
ﺍﻟﻤﻬﻢ ﺣﺎﻟﻴﺎ ﻋﻨﺪﻱ ﻣﺎﻣﺎ ﺗﮕﻮﻡ ﺑﺎﻟﺴﻼﻡ ﻭﺧﻠﺺ .
ﺷﻴﺼﻴﺮ ﺑﻌﺪﻫﺎ ﺧﻠﻲ ﻳﺼﻴﺮ ..
ﻳﻌﻨﻲ ﻣﻮﺍﻓﻘﻪ ﻉ ﺯﻭﺍﺟﻨﺎ .
ﻧﺴﻴﺖ ﺍﺣﻨﺎ ﻋﺎﻗﺪﻳﻦ . ﻳﻌﻨﻲ ﺍﺫﺍ ﻭﺍﻓﻘﺖ ﺍﻭ ﻻ ﻣﺎﻛﻮ ﻓﺎﻳﺪﻩ .
ﻭﺻﻠﺖ ﺍﻟﻤﺎﻣﺎ .
ﺑﺲ ﻣﺮﺍﻓﻖ ﻭﺍﺣﺪ ﻭﻳﺎﻫﺎ .
ﺧﻮﺍﻟﻲ ﻣﻨﺘﻈﺮﻳﻦ ﺑﺮﻩ .
ﺩﺧﻠﺖ ﺑﻮﺳﺘﻬﺎ ﻭﺑﺴﺖ ﺍﺩﻳﻬﺎ .
ﻣﺎﻣﺎ ﺍﺭﻭﺣﻠﺞ ﻓﺪﻭﻩ ﺍﮔﻌﺪﻱ .
ﻳﺎﻟﻴﺖ ﺍﻧﮕﺺ ﺍﻟﺴﺎﻧﻲ ﻭﻻﺣﺠﻴﺖ ﻭﻳﺎﺝ .
ﺍﻧﻲ ﻣﺤﺘﺎﺟﺘﺞ ﻣﺎﻣﺎ ﮔﻮﻣﻲ .
ﺍﺍﻟﻲ ﺗﺮﺩﻳﻪ ﻳﺼﻴﺮ ﺑﺲ ﮔﻮﻣﻲ ﺍﺭﻭﺣﻠﺞ ﻓﺪﻭﻩ ﻳﻌﻤﺮﻱ .
ﻃﮕﻴﺖ ﺑﺎﻟﺒﺠﻲ ﻭﺑﻼ ﻭﻋﻲ .
ﻣﺎﺍﻋﺮﻑ ﺍﺑﺠﻲ ﻋﻠﻰ ﺣﻈﻲ ﻟﻮ ﻋﻠﻰ ﺍﻣﻲ ﻭﺣﺎﻟﺘﻬﺎ ..
ﺍﺟﺖ ﺍﻟﻤﻤﺮﺿﻪ .
ﮔﺎﻟﺖ ﻣﻴﺼﻴﺮ ﻫﻴﺞ ﺗﺒﺠﻴﻦ ﻣﻨﺎ ﻣﺮﺿﻰ ﻭﺩﺍ ﺗﺄﺛﺮﻳﻦ ﻋﻠﻴﻬﻢ .
ﻣﺴﺤﺖ ﺩﻣﻮﻋﻲ ..
ﻭﺑﻮﺳﺘﻬﺎ . ﻭﺭﺩﺕ ﺍﻃﻠﻊ ﺍﻏﺴﻞ ﻭﺟﻬﻲ .
ﺳﻤﻌﺖ ﺍﻟﻤﻤﺮﺿﻪ ﮔﺎﻟﺖ . ﺗﺸﻮﻓﻴﻨﻲ . ﺗﺴﻤﻌﻴﻨﻲ .
ﺩﺭﺕ ﻭﺟﻬﻲ ﻟﮕﻴﺘﻬﺎ ﺗﺤﺠﻲ ﻭﻱ ﻣﺎﻣﺎ ﻭﻣﺎﻣﺎ ﺗﺒﺎﻭﻋﻠﻬﺎ .
ﺍﺑﺘﺴﻤﺖ ﺭﺟﻌﺘﻠﻬﺎ . ﻣﺎﻣﺎ ﺑﻌﺪ ﺭﻭﺣﻲ ﺗﺴﻤﻌﻴﻨﻲ
ﻫﺰﺕ ﺑﺮﺍﺳﻬﺎ .. ﺑﻤﻌﻨﻰ ﺍﻱ .
ﻫﺴﺎ ﺭﺟﻌﺘﻠﻲ ﺭﻭﺣﻲ ﻣﻦ ﺍﺭﻭﺡ ﻓﺪﻭﻩ ﺍﻟﺮﻭﺣﺞ ﻳﻮﻭﻭﻡ
....
ﺍﻟﻴﻮﻡ ﺯﻭﺍﺟﻲ ..
ﺍﻟﻤﻔﺮﻭﺽ ﺍﻓﺮﺡ ﻭﻭﺍﺣﻈﺮ ﻭﺍﺗﺠﻬﺰ . ﻣﺜﻞ ﻛﻞ ﺑﻨﺖ ﺍﻟﻴﻮﻡ ﺯﻭﺍﺟﻬﺎ ﻭﻓﺮﺣﺎﻧﻪ .
ﺍﻓﻜﺮ ﻟﻮ ﺍﻟﻴﻮﻡ ﺯﻭﺍﺟﻲ ﻣﻦ ﻣﺼﻄﻔﻰ .
ﺷﻨﻮ ﻣﻤﻜﻦ ﺍﺳﻮﻱ .. ( ﺑﻘﻠﻤﻲ ﺷﻤﺲ )
ﺍﻭﻳﻠﻲ ﻳﻤﻜﻦ ﺍﻟﻔﺮﺣﻪ ﻣﺴﺎﻳﻌﺘﻨﻲ . ﻭﺍﻟﺒﺴﻠﻪ ﺍﺣﻠﻰ ﺑﺪﻟﻪ .
ﻭﺍﺣﻠﻰ ﺗﺴﺮﻳﺤﺔ ﻭﻣﻴﻚ ﺍﺏ .
ﺑﺲ ﻣﻦ ﺍﺻﺤﻰ ﻟﻠﻮﺍﻗﻊ . ﺍﻟﺒﺪﻟﻪ ﻣﻮ ﺍﻧﻲ ﺍﻟﻲ ﺍﺧﺘﺎﺭﻳﺘﻬﺎ
ﻭﺣﺘﻰ ﺷﻌﺮﻱ ﻧﻔﺴﻪ ﻣﺎﺻﺒﻐﺖ ﻭﻻﻣﻴﺸﺖ .
ﺧﻠﻴﺘﻪ ﻉ ﻃﺒﻴﻌﺘﻪ .
ﻃﺒﻌﺎ . ﺍﺟﺖ ﺍﻡ ﺍﻟﺼﺎﻟﻮﻥ ﻟﻠﺒﻴﺖ .
ﻻﻥ ﺍﺣﻨﻪ ﻣﺴﻮﻳﻨﻪ ﻫﻮﺳﻪ ﻭﺣﻔﻠﻪ .
ﺑﺲ ﻋﻤﻮﺩ ﺍﻟﺼﻮﺭ .
ﻭﻃﻠﺒﺖ ﺷﻲ ﺑﺴﻴﻂ ﻣﺎﺍﺭﻳﺪ ﺗﺴﺮﻳﺤﻪ .
ﻻﻧﻪ ﺑﺎﻟﻨﺴﺒﻪ ﺍﻟﻲ ﻳﻮﻡ ﻋﺎﺩﻱ .
ﻣﻮ ﺍﻟﻴﻮﻡ ﺍﻟﻲ ﺣﻠﻤﺖ ﺑﻲ ﻭﻱ ﻣﺼﻄﻔﻰ .
ﺍﺑﺎﻭﻉ ﺍﻟﺮﻧﺎ . ﺗﺘﺸﺮﻁ ﻭﺗﺮﻳﺪ ﻫﻴﺞ ﺗﺴﺮﻳﺤﻪ ﻭﻫﻴﺞ ﻣﻴﻚ ﺍﺏ .
ﻭﺍﻟﻔﺮﺣﻪ ﺗﻠﻤﻊ ﺑﻌﻴﻨﻬﺎ .
ﺍﺑﺘﺴﻤﺖ ﺍﻟﻔﺮﺣﻬﺎ . ﺍﻟﻠﻪ ﻳﺴﻌﺪﻫﺎ ﻭﺍﻋﺮﻑ ﻣﺮﺗﻀﻰ ﺭﺍﺡ ﻳﺴﻌﺪﻫﺎ ﺣﺘﻰ ﻟﻮ ﻛﺎﻥ ﻣﻴﺤﺒﻬﺎ ﻻﻥ ﻃﻴﺐ ﻭﻣﻴﺄﺫﻱ ﺍﺣﺪ .
ﺑﺎﻭﻋﺖ ﺍﻟﻤﺎﻣﺎ . ﺗﺠﻬﺰ ﺑﻤﻼﺑﺴﻲ ﻭﺗﺮﺗﺒﻬﻦ ﻭﻫﻲ ﻓﺮﺣﺎﻧﻪ ﻭﺗﻀﺤﻚ .
ﺍﻭﻭﻭﻑ ﻳﻮﻭﻡ ﺍﻧﺘﻲ ﺍﻟﻲ ﻛﺴﺮﺗﻲ ﻇﻬﺮﻱ ﺑﻬﺬﺍ ﺍﻟﺰﻭﺍﺝ .
ﺗﺬﻛﺮﺕ ﺑﺎﻟﻤﺴﺘﺸﻔﻰ .
ﻣﻦ ﻓﺘﺤﺖ ﻋﻴﻮﻧﻬﺎ . ﺑﻮﺳﺘﻬﺎ ﻭﺣﻀﻨﺘﻬﺎ .
ﺍﻧﻲ ﺍﺳﻔﻪ ﻣﺎﻣﺎ . ﻣﺴﺘﺤﻴﻞ ﺍﺯﻋﻠﺞ ﺑﻌﺪ .
ﻳﻌﻨﻲ ﺗﺴﻤﻌﻴﻦ ﻛﻼﻣﻲ ﻭﻣﺘﻌﺬﺑﻴﺘﻲ .
ﺑﺤﻴﺎﺗﻲ ﻣﺮﺍﺡ ﺍﻋﺬﺑﺞ .
ﻭﺗﺘﺰﻭﺟﻴﻦ ﺍﺣﻤﺪ .
ﺍﻟﻲ ﺗﺮﺩﻳﻪ ﻳﺼﻴﺮ ﻳﻮﻡ .
ﻭﺑﻌﺪ ﺍﺳﺒﻮﻉ ﻣﻦ ﻃﻠﻮﻋﻬﺎ ﻣﻦ ﺍﻟﻤﺴﺘﺸﻔﻰ ﺟﻬﺰﻭﺍ ﻛﻠﺸﻲ ﻭﺣﺪﺩﻭﺍ ﻳﻮﻡ ﺍﻟﺰﻭﺍﺝ .
ﺍﻟﻲ ﻫﻮ ﺍﻟﻴﻮﻡ .
ﺭﺟﻌﺖ ﻟﻠﻮﺍﻗﻊ . ﺍﻟﻴﻮﻡ ﺷﻠﻮﻥ ﺭﺍﺡ ﺍﺗﺤﻤﻞ ﻭﺟﻮﺩﻱ ﻣﻊ ﺍﺣﻤﺪ ﺑﻨﻔﺲ ﺍﻟﻐﺮﻓﻪ .
ﻭﺷﻠﻮﻥ ﺭﺍﺡ ﺍﻃﻴﻖ ﺍﺳﻤﻊ ﺻﻮﺗﻪ .
ﺑﺲ ﻣﺴﺘﺤﻴﻞ ﺍﺧﻠﻲ ﻳﻠﻤﺴﻨﻲ .
ﻻﻥ ﻭﻋﺪﺕ ﻣﺼﻄﻔﻰ ﻣﺎﻳﻠﻤﺴﻨﻲ ﺍﺣﺪ ﻏﻴﺮﻩ .
ﺍﺟﺖ ﺳﻴﺎﺭﺓ ﺍﻟﺰﻓﻪ .
ﺩﺧﻠﻮﺍ ﺍﺣﻤﺪ ﻭﻣﺮﺗﻀﻰ ﻟﻠﺒﻴﺖ .
ﺍﺟﻪ ﺭﺍﺩ ﻳﺒﻮﺱ ﺭﺍﺳﻲ .
ﺩﻧﮕﺖ ﻣﺨﻠﻴﺘﻪ .
ﺍﺧﺬﻭﻟﻨﺎ ﻛﻢ ﺻﻮﺭﻩ .
ﻃﺒﻌﺎ ﻣﺎﻛﻮ ﺍﺣﺪ ﺑﺲ ﺧﻮﺍﻟﻲ ﻭﻛﻢ ﻭﺍﺣﺪ ﻣﻦ ﺍﻗﺎﺭﺑﻬﻢ .
ﮔﺎﻝ ﺧﺎﻟﻮﺍ ﻳﻠﻪ ﺍﺧﺬﻭﺍ ﻧﺴﻮﺍﻧﻜﻢ .
ﺑﺤﺠﺔ ﻣﺎﺍﮔﺪﺭ ﺍﻟﺰﻣﻪ . ﻻﻥ ﻻﺯﻣﻪ ﺍﻟﻤﺴﻜﻪ ﻭﺍﻟﻘﺮﺍﻥ
ﻓﺄﺿﻄﺮ ﻫﻮ ﻳﻠﺰﻡ ﺍﻳﺪﻱ ﻭﻃﻠﻌﻨﺎ .
ﮔﻌﺪﻧﺎ ﺑﺎﻟﺴﻴﺎﺭﻩ . ( ﺑﻘﻠﻤﻲ ﺷﻤﺲ )
ﺳﻴﺎﺭﺗﻨﺎ .
ﮔﺎﻋﺪ ﺑﻴﻬﺎ ﺧﺎﻟﻮ ﻣﺎﻫﺮ ﻳﺴﻮﻕ . ﻭﺯﻭﺟﺘﻪ ﻳﻤﻪ
ﻭﺍﺣﻨﻪ ﺑﺎﻟﻮﺭﻯ
ﻭﺳﻴﺎﺭﺓ ﺭﻧﺎ ﻭﻣﺮﺗﻀﻰ .
ﺧﺎﻟﻮ ﻋﺎﻣﺮ ﻭﺯﻭﺟﺘﻪ .
ﻳﻌﻨﻲ ﻛﻠﻬﻢ ﺍﻫﻠﻬﻢ ﻭﻳﺎﻫﻢ .
ﺍﻻ ﺍﻧﻲ ﻭﺣﻴﺪﻩ ﻻﺍﺏ ﻭﻻ ﺍﻡ ﻭﻳﺎﻱ .
ﺍﺣﺲ ﺑﻐﺮﺑﻪ ﻭﻭﺣﺪﻩ ﻣﺘﻨﻮﺻﻒ .
ﺣﺘﻰ ﺭﻧﺎ ﻣﻄﻤﺄﻧﻪ ﻻﻥ ﺍﻫﻠﻬﺎ ﻭﻳﺎﻧﺎ ﻭﺍﻛﻴﺪ ﺭﺍﺡ ﺗﺸﻮﻑ ﺍﻣﻬﺎ ﺑﺎﻟﻔﻨﺪﻕ .
ﺍﺧﺬﻭﻧﺎ ﻟﻼﺳﺘﻮﺩﻳﻮﺍ . ﺍﺧﺬﻧﺎ ﺻﻮﺭ ﻭﻣﺎﺍﻋﺮﻑ ﺣﺎﻟﻲ ﺑﻴﻬﻦ
ﻻﻥ ﻛﻨﺖ ﺿﺎﻳﺠﻪ ﺣﻴﻞ .
ﺣﺘﻰ ﺍﻟﻤﺼﻮﺭﻩ ﻛﺎﻟﺖ .
ﺍﺑﺘﺴﻤﻲ ﻳﺎﻋﺮﻭﺱ ﺍﻟﻴﻮﻡ ﺯﻭﺍﺟﺞ ﺍﻟﻲ ﻳﺸﻮﻓﻚ ﻳﻜﻮﻝ ﻣﺠﺒﻮﺭﻩ
( ﺍﻱ ﻭﺍﻟﻠﻪ ﻣﺠﺒﻮﺭﻩ . ﺍﺧﺬﻭﻧﻲ ﻏﺼﺐ ﻣﻦ ﺣﺒﻴﺒﻲ . )
...
ﺭﺣﻨﺎ ﻟﻠﻔﻨﺪﻕ .
ﺑﺲ ﻃﻮﻝ ﺍﻟﻄﺮﻳﻖ ﺍﻧﻲ ﺳﺎﻛﺘﻪ .
ﻭﻫﻮ ﻛﻞ ﻣﺎﻳﺤﺎﻭﻝ ﻳﻤﺴﻚ ﺍﻳﺪﻱ . ﺍﺑﻌﺪﻫﺎ ﻋﻨﻪ .
ﺍﻟﻰ ﺍﻥ ﻭﺻﻠﻨﺎ . ﻧﺰﻟﻨﺎ ﻭﻛﻞ ﻭﺍﺣﺪ ﺭﺍﺡ ﺍﻟﻐﺮﻓﺘﻪ .
ﺩﺧﻠﺖ ﻣﺮﺕ ﺧﺎﻟﻮ . ﺍﻣﻪ ﺍﻻﺣﻤﺪ .
ﺧﺎﻟﻪ ﻣﺎﺳﻪ ﺻﻴﺮﻱ ﺳﺒﺎﻋﻴﻪ . ﻭﻟﺘﺨﺎﻓﻴﻦ ﻭﻓﺮﺣﻮﻧﻲ ﺍﺭﻳﺪ ﺣﻔﻴﺪ ﻣﻦ ﺍﻭﻝ ﻟﻴﻠﻪ .
ﻭﺍﺿﺤﻜﻲ ﺷﻮﻳﻪ . ﺍﻟﻲ ﻳﺸﻮﻓﺞ ﻳﻜﻮﻝ ﻏﺎﺻﺒﻴﻨﺞ .
ﻣﺎﺍﺩﺭﻱ ﻟﻮﻳﺶ ﻣﻌﺒﺴﻪ ﻫﻴﺞ .
ﻭﻳﻦ ﺗﻠﮕﻴﻦ ﺍﺣﺴﻦ ﻣﻦ ﺣﻤﻮﺩﻱ .
ﻟﻮ ﺗﻔﺮﻳﻦ ﺍﻟﺪﻧﻴﺎ ﻛﻠﻬﺎ ﻣﺎﺗﻠﮕﻴﻦ ﻭﺍﺣﺪ ﻳﺤﺒﺞ ﻫﻴﺞ .
ﺍﻧﻲ ﻣﻨﺼﻴﻪ ﺭﺍﺳﻲ ﻭﺳﺎﻛﺘﻪ ﺑﺲ ﮔﻠﺒﻲ ﻳﺤﺠﻲ ﻭﻳﺼﺮﺥ ﺑﻮﺟﻬﻬﺎ ..
( ﺍﺑﻨﺞ ﺧﻮ ﺍﻟﻲ ﻓﺮﺽ ﺭﻭﺣﻪ ﻋﻠﻴﻪ . ﺣﻄﻢ ﺣﻴﺎﺗﻲ ﻭﻟﻌﺐ ﺑﻤﺸﺎﻋﺮﻱ . ﺍﺧﺬ ﺭﻭﺣﻲ ﻭﺷﺮﻓﻲ . ﻭﺣﺮﻣﻨﻲ ﻣﻦ ﺍﻟﻲ ﺣﺒﻴﺘﻪ ﻭﺭﺍﺩﻩ ﮔﻠﺒﻲ . ﺍﻧﺘﻲ ﻣﺘﺒﺎﻫﻴﻪ ﺑﺄﺑﻨﺞ ﺑﺲ ﺍﻧﻲ ﺣﺒﻴﺖ ﺗﺎﺝ ﺭﺍﺳﻪ ﺍﻻﺑﻨﺞ . ﺭﺟﺎﻝ ﺍﻟﺪﻧﻴﺎ ﻛﻠﻬﺎ ﺗﺤﻠﻒ ﺑﺄﺳﻤﻪ ﻭﺍﻟﻴﻮﻡ ﺻﺮﺕ ﺍﻟﻐﻴﺮﻩ . (😭
ﻧﺰﻟﺖ ﺩﻣﻮﻋﻲ . ﻭﻫﻲ ﺗﺤﺠﻲ ﻭﺍﻧﻲ ﺑﺎﻟﻲ ﻣﻮ ﻳﻤﻬﺎ .
ﺷﻮﻳﻪ ﻭﺩﺧﻞ ﺧﺎﻟﻮ ﺑﺎﺱ ﺭﺍﺳﻲ .
ﻭﻃﻠﻌﻮﺍ .
ﺩﺧﻞ ﺍﺣﻤﺪ . ( ﺑﻘﻠﻤﻲ ﺷﻤﺲ )
ﺍﻧﻲ ﮔﺎﻋﺪﻩ ﻉ ﻃﺮﻑ ﺍﻟﺴﺮﻳﺮ . ﻣﻨﺼﻴﻪ ﺭﺍﺳﻲ ﻭﻣﻘﻬﻮﺭﻩ ﻭﻣﺨﺘﻨﮕﺔ ﻭﻛﻞ ﺍﻟﻤﺸﺎﻋﺮ ﺍﻟﻲ ﻣﻤﻜﻦ ﺗﺤﺲ ﺑﻴﻬﺎ ﺍﻧﺴﺎﻧﻪ ﻣﻜﺴﻮﺭﺓ ﺍﻟﺠﻨﺎﺡ ﻭﻭﺣﻴﺪﻩ ﻭﻣﺎﺍﻟﻬﺎ ﺳﻨﺪ ﺗﺤﺘﻤﻲ ﺑﻲ .
ﺣﺘﻰ ﺍﺑﻮﻳﻪ ﻣﻦ ﺍﺗﺼﻠﺖ ﺑﻲ ﻭﮔﺘﻠﻪ ﺭﺍﺡ ﺍﺗﺰﻭﺝ .
ﻣﺎﻭﺍﺳﺎﻧﻲ ﻭﻻﮔﺎﻝ ﺑﻮﻳﻪ ﺍﻧﻲ ﻭﺭﺍﺝ ﺍﺭﻓﻀﻲ ﻭﺍﻧﻲ ﺍﺣﻤﻴﺞ .
ﮔﺎﻟﻲ ﻋﻠﻴﻤﻦ ﺗﮕﻠﻴﻠﻲ ﻫﻮ ﺍﻧﺘﻦ ﻃﺎﺑﺨﺎﺗﻬﺎ ﻭﻣﻜﻤﻼﺕ ﺍﻧﺘﻲ ﻭﺍﻣﺞ . ﻫﻬﻬﻬﻬﻪ ﺷﺎﻳﻔﻴﻦ ﻫﻴﺞ ﺍﺑﻮ ..
ﺍﺗﻘﺮﺏ ﮔﻌﺪ ﻳﻤﻲ ..
ﺍﻧﻲ ﮔﻤﺖ . ﺳﺤﺐ ﺍﻳﺪﻱ ..
- ﺑﺎﻭﻋﺘﻠﻪ .. ﺍﺣﻤﺪ ﺍﻧﺖ ﺗﻌﺮﻑ ﺍﻧﻲ ﻣﺎﺍﻧﺰﻭﺟﺘﻚ ﺑﺮﺿﺎﺗﻲ .
ﺑﺴﺒﺐ ﻣﺮﺽ ﻣﺎﻣﺎ .
ﻗﺒﻠﺖ ﻭﺗﺤﻤﻠﺖ ﻗﻬﺮﻱ ﻭﻭﺟﻌﻲ ﻭﺩﺳﺖ ﻉ ﮔﻠﺒﻲ ﺣﺘﻰ ﺍﺭﺿﻴﻬﺎ .
ﻓﻼ ﺗﺘﻮﻗﻊ ﻣﻨﻲ ﺍﻥ ﺍﻛﻮﻥ ﺍﻟﻚ ﺯﻭﺟﻪ ﻣﺜﻞ ﺍﻟﻌﺎﻟﻢ .
ﻻﻥ ﻟﻮ ﺗﺒﻘﻰ ﻋﻠﻴﻪ ﺍﺑﻘﻰ ﺍﻟﻌﻤﺮ ﻛﻠﻪ ﺑﻼ ﺯﻭﺍﺝ ﻭﻣﺎﺍﺗﺰﻭﺟﻚ .
.- ﻣﺎﺳﻪ ﻟﺘﻘﺴﻴﻦ ﻋﻠﻴﻪ . ﺍﻧﻲ ﺍﺣﺒﺞ .
ﻭﺃﺗﺤﻤﻞ ﻛﻠﺸﻲ ﺍﻟﻰ ﺍﻥ ﺗﺤﺒﻴﻨﻲ ..
- ﻫﺬﺍ ﻣﻮ ﺣﺐ ﻫﺎﻱ ﺍﻧﺎﻧﻴﻪ ﻣﻨﻚ .
ﺗﻌﺮﻑ ﻣﻦ ﺍﻻﻭﻝ ﮔﻠﺒﻲ ﻣﻮ ﺍﻟﻚ ﻭﻻ ﺣﻴﺼﻴﺮ ﺍﻟﻚ .
ﻓﻼ ﺗﺘﺄﻣﻞ ﻣﻨﻲ ﺷﻲ .
- ﻣﺎﺳﻪ ﻫﺴﺎ ﺻﺮﺗﻲ ﻣﺮﺗﻲ ﻭﻣﺎﺍﻗﺒﻞ ﺍﺳﻤﻊ ﺍﻱ ﻛﻠﻤﻪ ﻋﻦ ﻣﺎﺿﻴﺞ ﻓﺎﻫﻤﻪ .
- ﻫﻬﻬﻬﻪ ﻫﺬﺍ ﻣﻮ ﻣﺎﺿﻲ ﻭﻻ ﺭﺍﺡ ﻳﺼﻴﺮ ﻣﺎﺿﻲ ﻣﺪﺍﻡ ﺑﻌﺪﻩ ﺑﮕﻠﺒﻲ ..
- ﻣﺎﺳﻪ 😡😡 ( ﺑﻘﻠﻤﻲ ﺷﻤﺲ )
ﺗﺮﻛﺘﻪ ﻭﮔﻤﺖ ﺍﺧﺬﺕ ﻣﻼﺑﺴﻲ ﻭﺭﺣﺖ ﻟﻠﺤﻤﺎﻡ ﻟﺒﺴﺖ ﻭﺭﺟﻌﺖ
ﻟﮕﻴﺘﻪ ﻣﻨﺼﻲ ﺭﺍﺳﻪ ﻭﮔﺎﻋﺪ ﺑﻤﻜﺎﻧﻪ .
- ﺗﺘﻌﺸﻴﻦ
- ﻣﺎﺍﺷﺘﻬﻲ ﺭﺍﺳﻲ ﻳﻮﺟﻌﻨﻲ ﺣﻨﺎﻡ
- ﺑﻬﺬﺍ ﺍﻟﻮﻗﺖ
- ﺍﻱ .. ﻃﻠﻌﺖ ﺑﻄﺎﻧﻴﻪ ﻣﻦ ﺍﻟﻜﻨﺘﻮﺭ . ﻭﺭﺣﺖ ﺍﺭﻳﺪ ﺍﻧﺎﻡ
- ﻭﺑﺎﺟﺮ ﺍﺫﺍ ﺳﺄﻟﻮﻧﺎ ﻉ ﺍﻟﻨﻴﺸﺎﻥ . ﺷﻨﻮ ﺍﮔﻠﻬﻢ .
- ﻫﺎﻱ ﻣﺸﻜﻠﺘﻚ . ﻣﻮ ﺗﮕﻮﻝ ﺍﻧﻲ ﻣﻮ ﺑﻨﻴﻪ ﻭﺍﻧﺖ ﻣﺎﺧﺬﻧﻲ ﻭﺍﻧﻲ ﺻﻐﻴﺮﻩ . ﺍﻧﺖ ﺍﺗﺼﺮﻑ .
ﺍﻧﻲ ﻣﺎﺍﻋﺮﻑ ﺑﻴﻬﻴﺞ ﺷﻐﻼﺕ . ﺍﻧﺖ ﺍﻋﺮﻑ ﻣﻨﻲ .
- ﺧﻠﺺ ﺍﻧﻲ ﺍﺗﺼﺮﻑ . ﻋﻨﺪﺝ ﻗﻄﻌﻪ ﻗﻤﺎﺵ ﺍﻭ ﺍﻱ ﺷﻲ ﻟﻠﻨﻴﺸﺎﻥ .( ﺑﻘﻠﻤﻲ ﺷﻤﺲ )
- ﻣﺎﺍﺩﺭﻱ ﺷﻮﻑ ﺑﺎﻟﺠﻨﻄﻪ . ﺑﺲ ﺷﺘﺴﻮﻱ ﺑﻴﻬﺎ ??
ﺍﺷﻮ ﻫﺬﺍ ﺭﺍﺡ ﻳﺪﻭﺭ ﺑﺎﻟﺠﻨﻄﻪ .
ﺗﺎﻟﻲ ﻟﮕﻪ ﻗﻄﻌﻪ ﻗﻄﻌﺔ ﻗﻤﺎﺵ ﺑﺎﻟﺠﻴﺐ ﺍﻟﺼﻐﻴﺮ .
ﺍﺧﺬﻫﺎ ﻭﺩﺧﻞ ﻟﻠﺤﻤﺎﻡ .
ﺑﻘﻴﺖ ﺑﻔﺮﺍﺷﻲ ﻭﻣﻨﺘﻀﺮﻩ ﻫﺬﺍ ﺍﻟﺨﺒﻞ ﺷﻴﺴﻮﻱ .
ﺷﻮﻳﻪ ﻭﻃﻠﻊ . ﮔﺎﻝ ﺍﻧﻄﻴﻨﻲ ﻛﻠﻨﻴﻜﺲ .
ﻃﻔﺮﺕ ﻣﻦ ﻣﻜﺎﻧﻲ .
ﻫﺎﻱ ﺷﺴﻮﻳﺖ 😲 .
ﺟﺎﺭﺡ ﺭﺟﻠﻴﻪ ﺑﺎﻟﻤﻮﺱ ﻭﻣﻄﻠﻊ ﺩﻡ ﻭﻣﺨﻠﻲ ﺑﻘﻄﻌﺔ ﺍﻟﻘﻤﺎﺵ .
ﻭﺭﺟﻠﻴﻪ ﺑﻌﺪ ﻳﻄﻠﻊ ﺩﻡ ﻣﻨﻬﺎ .
ﺟﺒﺘﻠﻪ ﻛﻠﻴﻨﻜﺲ ﻭﺧﻠﻴﺘﻪ ﻉ ﺍﻟﺠﺮﺡ .
- ﺑﺎﻭﻋﺘﻠﻪ . ﺍﻧﺖ ﺍﻛﻴﺪ ﻣﺮﻳﺾ . ﻣﺎﻛﻮ ﻭﺍﺣﺪ ﻳﺴﻮﻱ ﻫﻴﺞ ﺑﻨﻔﺴﻪ
- ﺍﻱ ﻣﺮﻳﺾ ﺑﺤﺒﺞ ..
ﻭﻣﺴﺘﻌﺪ ﺍﺳﻮﻱ ﻛﻠﺸﻲ ﺣﺘﻰ ﺗﺤﺒﻴﻨﻲ
...
ﺗﺮﻛﺘﻪ ﻭﮔﻤﺖ . ﻫﺬﺍ ﻣﻮ ﺣﺐ .
ﻭﺳﺒﻖ ﻭﺍﻥ ﮔﺘﻠﻚ ﻫﺬﺍ ﻣﺮﺽ ..
ﺳﺤﺒﻨﻲ ﻣﻦ ﺍﻳﺪﻱ . ﻣﺎﺳﻪ ﻻﺗﺴﻮﻳﻦ ﻫﻴﺞ .
ﺗﺮﻯ ﺍﺫﺍ ﻫﺴﺎ ﻣﺘﺤﻤﻞ . ( ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ )
ﻳﺠﻲ ﻳﻮﻡ ﻣﺎﺍﮔﺪﺭ ﺍﺗﺤﻤﻞ .
ﻣﺎﺍﻫﺘﻤﻴﺖ . ﻭﺭﺣﺖ ﻧﻤﺖ .
ﺑﺲ ﻣﺎﮔﺪﺭﺕ ﺍﻧﺎﻡ . ﻣﺼﻄﻔﻰ ﮔﺒﺎﻟﻲ ﻳﻌﺎﺗﺒﻨﻲ .
ﻫﺴﺎ ﺍﺫﺍ ﻋﺮﻑ ﺍﻧﻲ ﺍﻟﻴﻮﻡ ﺯﻭﺍﺟﻲ .
ﺷﺮﺍﺡ ﻳﺼﻴﺮ ﺑﻲ .
ﻛﻠﻤﺎﺗﻪ . ﻭﺻﻮﺗﻪ ﻛﻠﻬﺎ ﺑﺄﺫﻧﻲ .
ﺍﺣﺲ ﺑﻠﻮﻋﺘﻪ ﻭﺣﺒﻪ ﺍﻟﻲ .
ﻏﻔﻴﺖ ﻭﺩﻣﻮﻋﻲ ﻉ ﺧﺪﻱ .
ﮔﻌﺪﺕ ﺑﻨﺺ ﺍﻟﻠﻴﻞ . ﻋﺮﮔﺎﻧﻪ ﻣﻊ ﺍﻧﻪ ﺍﻟﺠﻮ ﺑﺎﺭﺩ ﻭﺷﺘﺎ .
ﺍﻟﺘﻔﺘﺖ ﻫﺬﺍ ﻧﺎﻳﻢ ﻳﻤﻲ ﻭﻣﺘﻐﻄﻲ ﻭﻳﺎﻱ .
ﻃﻔﺮﺕ ﺟﺒﺖ ﺑﻄﺎﻧﻴﻪ ﺛﺎﻧﻴﻪ ﻭﺍﺟﻴﺖ .
ﺩﺧﻠﺖ ﻟﻠﺤﻤﺎﻡ ﻏﺴﻠﺖ ﻭﺟﻬﻲ .
ﻫﺎﻱ ﺍﻧﺘﻲ ﻣﺎﺳﻪ ﺑﺎﻭﻋﺖ ﺍﻟﺮﻭﺣﻲ ﺑﺎﻟﻤﺮﺍﻳﻪ .
ﺍﺗﻤﻨﻴﺖ ﺣﻴﺎﺗﻲ ﻣﺜﻞ ﺑﻴﺒﻲ ﻣﺎﺳﻪ . ﺍﺧﺬﺕ ﺍﻟﻲ ﺗﺤﺒﻪ ﻭﻋﺎﺷﺖ ﺣﻴﺎﺗﻬﺎ ﺑﺴﻌﺎﺩﻩ .
ﺍﺷﻮ ﺍﻧﻲ ﺻﺎﺭ ﻋﻜﺲ ﺑﻜﻠﺸﻲ ﻋﺎﺷﺘﻪ ﻫﻲ .
ﻋﻴﻮﻧﻲ ﻭﺍﺭﻣﺎﺕ ﻣﻦ ﺍﻟﺒﺠﻲ . ( ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ )
ﻃﻠﻌﺖ ﺷﺮﺑﺖ ﻣﻲ .
ﻭﺍﺧﺬﺕ ﻣﺨﺪﺗﻲ ﻭﻓﺮﺷﺖ ﺍﻟﺒﻄﺎﻧﻴﻪ ﺑﺎﻟﮕﺎﻉ ﻭﻧﻤﺖ .
ﺗﻐﻄﻴﺖ ﺑﺎﻟﻜﻮﺕ ﻣﺎﻟﺘﻲ .
ﺑﻌﺪ ﻣﺎﺍﺧﺬﺕ ﻧﻀﺮﻩ ﻋﻠﻰ ﺍﺣﻤﺪ ﻭﻫﻮ ﻧﺎﻳﻢ .
ﻣﻮ ﺍﻧﺖ ﺍﻟﻲ ﻛﻨﺖ ﺍﺗﻤﻨﻰ ﺍﻧﺎﻡ ﻳﻤﻪ ..
ﻋﻤﺮﻱ ﻣﺮﺍﺡ ﺍﺳﺎﻣﺤﻚ ﻭﻻﺍﺣﺒﻚ ﻳﺎﺍﺣﻤﺪ .
ﻻﻥ ﺍﻧﺖ ﺍﻟﺴﺒﺐ ﺑﺨﺴﺎﺭﺗﻲ ﻟﻠﺸﺨﺺ ﺍﻟﻲ ﺍﺣﺒﻪ .
ﻧﻤﺖ ﻉ ﺍﻟﺒﻄﺎﻧﻴﻪ .
ﻟﻠﺼﺒﺢ ﺣﺴﻴﺖ ﻧﻔﺴﻲ ﻣﺴﺨﻨﻪ .
ﻻﻥ ﻋﺮﮔﺖ ﻭﺑﻌﺪﻳﻦ ﺑﺮﺩﺕ . ﺣﺘﻰ ﺍﻧﺸﻠﺖ .
ﮔﻌﺪﺗﻲ ﺍﺣﻤﺪ ﻃﻔﺮﺕ ﻟﻤﻠﻤﺖ ﺭﻭﺣﻲ ﻭﮔﻤﺖ .
- ﻫﺎﻱ ﻟﻴﺶ ﻧﺎﻳﻤﻪ ﻫﻨﺎ . ﻟﻴﺶ ﻣﺎﺑﻘﻴﺖ ﻉ ﺍﻟﺴﺮﻳﺮ
- ﻫﻴﺞ ﻣﺮﺗﺎﺣﻪ . ﻭﺑﻌﺪﻳﻦ ﮔﺘﻠﻚ ﻣﺎﺭﺍﺡ ﺍﻛﻮﻥ ﺍﻟﻚ ﺯﻭﺟﻪ
ﻟﻴﺶ ﺗﺼﺮ .
- ﻭﻗﺎﺑﻞ ﺍﻧﻲ ﺷﺴﻮﻳﺘﻠﺞ . ﺣﺘﻰ ﻣﺎﺗﻘﺮﺑﺖ ﻳﻤﺞ .
- ﻭﻻﺗﻔﻜﺮ ﺗﺘﻘﺮﺏ ﻓﺎﻫﻢ .
ﻋﺼﺮ ﺍﻳﺪﻱ ﺣﻴﻞ .. ﻣﺎﺳﻪ ﮔﺘﻠﺞ ﺍﻧﻄﻴﺞ ﻣﺠﺎﻝ .
ﺑﺲ ﻣﻮ ﻣﻌﻨﺎﻫﺎ ﺗﺘﺤﺪﻳﺘﻲ .
ﺍﺫﺍ ﺗﺤﺪﻳﺘﻴﻨﻲ . ﺍﺳﻮﻱ ﺷﻲ ﻣﻴﻌﺠﺒﺞ .
ﺳﺤﺒﺖ ﺍﻳﺪﻱ . ﻭﺭﺣﺖ ﻟﻠﺤﻤﺎﻡ ﻏﺴﻠﺖ ﻭﺑﺪﻟﺖ ﻭﻃﻠﻌﺖ ..
ﻟﻤﻴﺖ ﻏﺮﺍﺿﻨﺎ . ﺷﻮﻳﻪ ﻭﺍﻧﺪﮔﺖ ﺍﻟﺒﺎﺏ .
ﺟﺎﺑﻮﺍ . ﺍﻟﺮﻳﻮﮒ
ﮔﺎﻝ ﺗﻌﺎﻟﻲ ﺍﻛﻠﻲ .
ﻣﺎﺍﺷﺘﻬﻲ
ﺗﻤﻮﺗﻴﻦ ﺭﻭﺣﺞ ﻫﻴﺞ .
ﮔﺘﻠﻚ ﻣﺎﺍﺷﺘﻬﻲ .
ﻫﻮ ﻫﻢ ﻣﺎﺍﻛﻞ ﺑﺲ ﺷﺮﺏ ﺟﺎﻱ . ﻭﻃﻠﻊ ﺟﻜﺎﺭﻩ ﻳﺸﺮﺏ
ﻣﻦ ﻳﻤﺘﻪ ﺍﻧﺖ ﺗﺸﺮﺏ ﺟﻜﺎﻳﺮ .
ﻣﻮ ﺩﺍﺋﻤﺎ ﻣﺮﺍﺕ ﺍﺷﺮﺏ .
ﻭﺧﺎﻟﻮ ﻳﺪﺭﻱ .
ﻻ ﻣﻴﺪﺭﻱ .
ﺳﻜﺘﺖ .
ﻣﻮ ﺗﮕﻮﻟﻴﻠﻪ .
ﻭﺍﻧﻲ ﺷﻌﻠﻴﻪ ﺑﻴﻚ ﻭﺍﺫﺍ ﺷﺮﺑﺖ ﻣﺘﻬﻤﻨﻲ
.....
ﻣﺎﺳﻪ ﺍﺭﺣﻤﻴﻨﻲ ﺍﻟﺨﺎﻃﺮ ﺭﺑﺞ ﻛﺎﻓﻲ .
ﻭﺍﻧﺖ ﻟﻴﺶ ﻣﺎﺭﺣﻤﺘﻨﻲ . ﻻﺗﻄﻠﺐ ﺷﻲ ﺍﻧﺖ ﺗﻔﺘﻘﺪﻩ ﺑﺎﻻﺻﻞ .
ﺷﻮﻳﻪ ﻭﺍﺟﺖ ﻣﺮﺕ ﺧﺎﻟﻮ ﻭﺧﺎﻟﻮ .
ﺩﺧﻠﺖ ﻫﺎﻳﻤﻪ ﺑﺸﺮﻭﺍ . ( ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ )
ﻫﺰ ﺑﺮﺍﺳﻪ ﻭﻧﻄﺎﻫﺎ ﻗﻄﻌﻪ ﺍﻟﻘﻤﺎﺵ .
ﺑﺎﻭﻋﺘﻠﻬﺎ ﻭﺍﺑﺘﺴﻤﺖ .
ﺍﺟﺖ ﺑﻮﺳﺘﻨﻲ ﻭﻋﻲ ﺗﻀﺤﻚ .
ﺻﺪﮒ ﺷﻤﺄﺯﻳﺖ ﺳﺎﻋﺘﻬﺎ .
ﻳﻀﺤﻚ ﻋﻠﻰ ﺍﻫﻠﻪ ﻭﻫﻤﻪ ﻣﺼﺪﮔﻴﻦ ﻭﻳﻦ ﺍﻟﺮﺟﻮﻟﻪ ﻭﻫﻮ ﺟﺎﺭﺡ ﺭﻭﺣﻪ ﻭﻣﺨﻠﻲ ﺍﻟﻨﻴﺸﺎﻥ ..
ﻟﺒﺴﺖ ﺛﻮﺏ ﻭﻛﻮﺕ ﻓﻮﮔﺎﻩ ﻭﻟﻔﻴﺖ ﺍﻟﺸﺎﻝ ﻉ ﺭﺍﺳﻲ .
ﮔﺎﻟﺖ ﻣﺮﺕ ﺧﺎﻟﻮ .
ﺧﻠﻲ ﺷﻲ ﻉ ﻭﺟﻬﺞ ﺍﻧﺘﻲ ﻋﺮﻭﺱ .
ﮔﻠﺘﻠﻬﺎ ﺍﺻﻼ ﻣﺎﻛﻮ ﻏﺮﺑﻪ ﺑﺎﻟﺒﻴﺖ . ﻭﺍﻧﻲ ﺑﻴﻀﻪ ﻭﻣﺎﺣﺐ ﺍﻟﻤﻜﻴﺎﺝ .
- ﻭﺍﻟﻠﻪ ﺑﻨﺎﺕ ﻫﺎﻟﻮﻛﺖ ﺍﻟﻲ ﺑﺮﺍﺳﺠﻦ ﺗﺴﻮﻧﺎ .
ﺍﻟﻠﻪ ﻳﺴﺎﻋﺪﻧﻲ ﺷﻤﻨﺘﻈﺮﻧﻲ ﻣﻦ ﻇﻴﻢ .
ﻭﻃﻠﻌﺖ .
ﻫﻬﻬﻬﻪ ﺍﻟﻲ ﻳﺸﻮﻓﻬﻢ ﻳﮕﻮﻝ ﺍﻧﻲ ﺍﻟﻲ ﻛﺘﻠﺖ ﺭﻭﺣﻲ ﻋﻠﻴﻬﻢ .
ﻭﺧﺎﺻﻪ ﻫﻲ ﺷﺄﺗﺬﻛﺮ ﻣﻨﻬﺎ .
ﺑﺲ ﺗﮕﺮﺹ ﺑﻴﻪ ﻣﻦ ﻛﻨﺖ ﺻﻐﻴﺮﻩ ﻭﺗﮕﻠﻲ ﻟﺘﮕﻮﻟﻴﻦ ﺍﻻﻣﺞ ﺗﺮﻯ ﻧﻄﺮﺩﻛﻢ ﻣﻦ ﺍﻟﺒﻴﺖ ﻭﺗﺒﻘﻮﻥ ﺑﺎﻟﺸﺎﺭﻉ .
ﻃﻠﻌﻨﺎ ﻟﻠﺒﻴﺖ . ﺗﻠﮕﻮﻧﺎ ﻣﺎﻣﺎ ﻭﺑﻴﺒﻲ .
ﻭﻛﻢ ﻭﺣﺪﻩ ﻣﻦ ﺍﻗﺎﺭﺑﻨﺎ .
ﺍﺟﺖ ﺑﺎﺟﻲ ﺍﺣﻼﻡ ﺣﻀﻨﺘﻬﺎ ﻭﺍﺑﺠﻲ ﻻﻥ ﻣﻦ ﺭﻳﺤﺔ ﻣﺼﻄﻔﻰ .
ﻫﻤﺴﺘﻠﻲ .
ﺍﻟﺒﺎﺭﺣﻪ ﻣﺼﻄﻔﻰ ﺩﺧﻠﻮﻩ ﻣﺴﺘﺸﻔﻰ . ﺑﺲ ﻳﺘﻘﺊ ﻭﻭﮔﻊ ﻭﻣﻴﻌﺮﻓﻮﻥ ﺷﺒﻲ .
ﺳﻮﺩﻩ ﻋﻠﻴﻪ ﻳﻌﻤﺮﻱ . ﺑﻴﻪ ﻭﻻﺑﻴﻚ .
ﻋﺴﺎﻧﻲ ﻻﺍﺗﻬﻨﻰ ﺑﺤﻴﺎﺗﻲ ﻉ ﺍﻟﻲ ﺳﻮﻳﺘﻪ ﺑﻴﻚ ﻭﺑﺮﻭﺣﻲ .
ﺷﻮﻳﻪ ﻭﺩﺧﻠﻮﺍ ﺭﻧﺎ ﻭﻣﺮﺗﻀﻰ .
ﺳﻠﻤﻮ ﻉ ﺍﻟﻜﻞ .
ﻭﮔﻌﺪﻧﺎ ﺑﺎﻟﺼﺎﻟﻪ .
ﻭﺍﻟﻮﻟﺪ ﺭﺍﺣﻮﺍ ﻟﻼﺳﺘﻘﺒﺎﻝ ﻳﺴﻠﻤﻮﻥ ﻉ ﺍﻟﻤﻮﺟﻮﺩﻳﻦ .
ﻻﻥ ﺧﻮﺍﻟﻲ ﻣﺴﻮﻭﻳﻦ ﻏﺪﺍ ﺍﻟﻮﺟﻪ ﺍﻟﻠﻪ .
ﻫﻤﺴﺘﻠﻲ ﺭﻧﺎ . ﻫﺎ ﻣﺎﺳﻪ ﺷﻠﻮﻧﻬﺎ ﻟﻴﻠﺘﻜﻢ .
ﺷﻠﻮﻧﻬﺎ ﻳﻌﻨﻲ ﻋﺎﺩﻳﻪ .
ﻭﻟﺞ ﺷﮕﺪ ﻣﻨﺘﻈﺮﻩ ﻫﺎﻱ ﺍﻟﻠﻴﻠﻪ . ﺑﺲ ﻣﺮﺗﻀﻰ ﺑﺎﺭﺩ ﺧﻠﺺ ﺷﻐﻠﺘﻪ ﻭﻧﺎﻡ .
ﻣﻮ ﻣﺜﻞ ﻣﺎﻛﻨﺖ ﺍﺣﻠﻢ .
ﺑﺎﻭﻋﺘﻠﻬﺎ . ﻫﻬﻬﻬﻪ ﻭﺍﻟﻠﻪ ﻫﻢ ﻳﻀﺤﻚ ﻭﻫﻢ ﻳﺒﺠﻲ .
ﺷﮕﺪ ﺭﻭﻣﺎﻧﺴﻴﻴﻦ ﻫﻲ ﻭﺍﺧﻮﻫﺎ .
ﮔﻠﺘﻠﻬﺎ . ﺍﺻﺒﺮﻱ ﻋﻠﻴﻪ ﺭﻧﺎ ﻳﺠﻲ ﻳﻮﻡ ﻭﻳﺘﻌﻮﺩ . ﻟﺘﻨﺴﻴﻦ ﺭﺍﺑﻴﻦ ﺳﻮﻳﻪ ﻭﻭﻣﺘﻌﻮﺩ ﻋﻠﻴﺞ .
ﺍﻧﻄﻴﻪ ﻣﺠﺎﻝ ﻭﺣﺎﻭﻟﻲ ﺍﻧﺘﻲ ﺗﺴﻮﻳﻠﻪ ﻭﺍﻫﺲ ﻭﺟﻮ ﺣﺘﻰ ﻳﺎﺧﺬ ﻋﻠﻴﺞ ﺷﻮﻳﻪ ﺷﻮﻳﻪ . ( ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ )
ﺑﻮﺳﺘﻨﻲ .. ﻳﻤﻪ ﻓﺪﻳﺖ ﺑﻨﺖ ﻋﻤﺘﻲ .
ﻃﻠﻌﺖ ﺍﻡ ﺍﺣﻤﺪ ﺗﺘﻨﺼﺖ ﻉ ﺣﺠﻴﻨﻪ .
ﮔﺎﻟﺖ . ﻋﻠﻤﻲ ﺭﻭﺣﺞ ﻳﺤﻈﻲ . ﺍﺣﻤﺪ ﻣﻦ ﺍﺟﻴﻨﺎ ﻟﺴﺎ ﺿﺎﻳﺞ ﻭﻣﺎﻟﻪ ﺧﻠﮓ .
ﺍﻧﻲ ﺍﺩﺭﻱ ﺷﻠﻮﻥ ﻣﻄﻠﻌﻪ ﺭﻭﺣﻪ ﺣﺘﻰ ﻫﻴﺞ ﺿﺎﻳﺞ .
ﺍﻟﺘﻔﺘﺖ ﺍﻟﻬﺎ . ﻭﻣﺎﺳﺄﻟﺘﻴﻪ ﺧﺎﻟﻪ ﻟﻴﺶ ﻫﻴﺞ ﺿﺎﻳﺞ .
ﻭﺍﻟﻠﻪ ﻳﺮﺑﻲ ﺷﻠﻮﻥ ﺭﺍﺡ ﺍﻋﻴﺶ ﻭﻳﺎﻫﻢ ﻣﺎﺍﺩﺭﻱ .
ﺻﺒﻮﺍ ﻏﺪﺍ ﻭﺧﻠﺼﻮﺍ .
ﻭﺍﻧﻲ ﻋﻴﻨﻲ ﻉ ﺍﻟﺘﻠﻔﻮﻥ ﺍﺭﻳﺪ ﺑﺲ ﺍﻃﻤﺄﻥ ﻋﻠﻴﻪ .
ﻭﺍﺷﻮﻑ ﺷﻠﻮﻧﻪ .
ﮔﻤﺖ ﺍﻟﻐﺮﻓﻪ ﺧﺎﻟﻮ ﻣﻌﺘﺰ .
ﺑﺎﺟﻲ ﻋﻔﻴﻪ ﺍﺗﺼﻠﻲ ﻉ ﺑﻴﻴﺖ ﺟﺪﻭ ﻭﺷﻮﻓﻲ ﻣﺼﻄﻔﻰ ﺷﻠﻮﻧﻪ
ﺑﻘﻰ ﺑﺎﻟﻲ ﻳﻤﻪ .
ﻫﺴﺎ ﺍﺷﻮﻓﻪ .
ﻃﻠﻌﺖ ﺍﺟﻪ ﺍﺣﻤﺪ . ﮔﺎﻝ ﻳﻠﻪ ﻧﺮﻭﺡ ﻟﻠﺒﻴﺖ .
ﺑﻴﺖ ﺧﺎﻟﻮ ﻫﻮ ﻣﺸﺘﻤﻞ ﺑﻨﺺ ﺍﻟﺤﺪﻳﻘﻪ .
ﺑﺲ ﺣﺎﻟﻴﺎ ﺧﺎﻟﻮ . ﺩﻳﺒﻨﻲ ﺑﻴﺖ .
ﻭﺍﺫﺍ ﺧﻠﺼﻮﺍ .
ﻳﺒﻘﻰ ﺍﻟﻤﺸﺘﻤﻞ ﺍﻻﺣﻤﺪ .
ﺍﻟﻤﺸﺘﻤﻞ ﺑﻲ ﻏﺮﻓﺘﻴﻦ ﺻﻐﺎﺭ ﻭﺻﺎﻟﻪ ﻭﻣﻄﺒﺦ ﻭﺻﺤﻴﺎﺕ .
ﻳﻌﻨﻲ ﺻﻐﻴﺮ ﻛﻠﺶ .
ﻭﻣﺎﺑﻲ ﻣﻬﺮﺏ . ﺣﺘﻰ ﺍﻓﺮﻍ ﻫﻤﻲ ﺑﻲ .
ﺷﻠﻮﻥ ﺍﺗﺤﻤﻞ ﻣﺎﺍﺩﺭﻱ ..
ﺩﺧﻠﺖ ﺍﻟﻐﺮﻓﺘﻲ ﺻﻐﻴﺮﻩ ﺣﻴﻞ .
ﻣﺎﺑﻴﻬﺎ ﻣﺠﺎﻝ ﺑﺲ ﻣﻤﺮ ﺻﻐﻴﺮ ﻧﻔﻮﺕ ﻣﻨﻪ ﺑﻴﻦ ﺍﻟﺴﺮﻳﺮ ﻭﻣﻴﺰ ﺍﻟﻤﺮﺍﻳﺎ .
ﻫﺎﻱ ﺷﻠﻮﻥ ﺭﺍﺡ ﺍﻧﺎﻡ ﻭﻭﻳﻦ .
ﻭﺍﻧﻲ ﻣﺎﺍﺭﻳﺪ ﺍﻧﺎﻡ ﻳﻤﻪ ﻉ ﻧﻔﺲ ﺍﻟﺴﺮﻳﺮ .
ﺗﻤﺪﺩﺕ ﻉ ﺍﻟﺴﺮﻳﺮ ﻭﺍﻟﺤﺰﻥ ﻛﺎﺗﻠﻨﻲ .
ﺍﺟﺎﻧﻲ ﺍﺧﻮ ﺍﺣﻤﺪ ﻋﻼﻭﻱ .
ﮔﺎﻝ .
ﻣﺎﺳﻪ ﺗﮕﻮﻝ ﺑﺎﺟﻲ ﺍﺣﻼﻡ .
ﺍﻧﻲ ﺯﻳﻨﻪ . ﺑﺲ ﻣﺸﺘﺎﻗﺘﻠﺞ . ﻭﻓﺮﺍﮔﺞ ﺻﻌﺐ .
ﻓﻬﻤﺖ ﻗﺼﺪﻫﺎ .
ﺑﺲ ﻻﺯﻡ ﺍﻃﻤﺄﻥ ﺍﻛﺜﺮ ﻭﺍﻋﺮﻑ ﺷﮕﺎﻟﻠﻬﺎ .
ﺭﺩﺕ ﺍﻃﻠﻊ . ﻣﺨﻠﺘﻨﻲ ﻣﺮﺕ ﺧﺎﻟﻮ .
ﮔﺎﻟﺖ ﺑﻌﺪﺝ ﻋﺮﻭﺱ ﻭﻳﻦ ﻃﺎﻟﻌﻪ .
ﺑﻄﻠﻲ ﻫﺎﻱ ﺍﻟﻌﺎﺩﺓ . ﻛﻞ ﺳﺎﻋﻪ ﻭﺭﺣﺘﻲ ﺍﻻﻣﺞ .
ﻭﺍﺫﺍ ﻋﻨﺪﺝ ﻭﻛﺖ ﻭﺿﺎﻳﺠﻪ ﻫﻴﺞ . ﺗﻌﺎﻱ ﺳﻮﻱ ﺍﻟﻌﺸﺎ ﺑﻤﻜﺎﻧﻲ
ﮔﻠﺘﻠﻬﺎ ﺣﺎﻇﺮ . ﺑﺲ ﺍﺑﺪﻝ ﮔﻠﺒﻴﺘﻲ .
ﺩﺧﻠﺖ ﻟﻠﻐﺮﻓﻪ ﺟﺎﻱ ﺍﺑﺪﻝ ..
ﻭﺩﺧﻞ ﺍﺣﻤﺪ ﻋﺼﺒﻲ .
ﺷﻌﻨﺪﺝ ﺍﻧﺘﻲ ﻭﺑﺎﺟﻲ ﺍﺣﻼﻡ ..
ﺻﺎﻳﺮﻩ ﺍﻟﻤﺮﺳﺎﻝ ﺑﻴﻨﻜﻢ ﻣﻮ 😡
ﻣﺮﺳﺎﻝ ﺷﻨﻮ !!
# ﺑﻘﻠﻤﻲ _ ﺷﻤﺲ
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء