رواية عشق وابتلاء الجزء السابع
للكاتبة شمس
..
ﮔﻮﺓ … ﮔﻮﺓ
ﮔﻮﺓ ﮔﻮﺓ ﺟﺒــﺮﻭﻧﺎ ﻧﺘﻔــﺎﺭﻕ ﮔﻮﺓ ﮔﻮﺓ
ﻭﺍﻧﺎ ﻭﻳﺎﻩ ﻣﻦ ﺍﻟﻤﺤﺒﺔ ﺻﺮﻧﺎ ﻟﻬﻢ ﺍﺣﻠﻰ ﻏﻨﻮﺓ
ﺍﻧﺎ ﺑﺪﻳﺮﺓ ﻭﻫﻲ ﺑﺪﻳﺮﺓ ﻗﻠﺒﻲ ﺑﺤﻴﺮﺓ ﻭﻫﻲ ﺑﺤﻴﺮﺓ
ﮔﻮﺓ ﮔﻮﺓ ....
ﻛﻨﺖ ﺍﺣﺒﻬﺎ ﻭﻫﻲ ﺗﺤﺒﻨﻲ ﻭﺍﻟﻌﺸﻖ ﻻﻳﻖ ﻋﻠﻴﻨﺎ
ﻛﺎﻧﺖ ﺗﺴﻤﻴﻨﻲ ﺣﺒﻴﺒﻲ ﻭﺍﻧﺎ ﺍﺳﻤﻴﻬﺎ ﺍﻟﺤﻨﻴﻨﻴﺔ
ﻭﺍﻟﻠﻲ ﺟﺒﺮﻧﺎ ﻧﺘﻔﺎﺭﻕ ﻭﻳﺎﻫﻢ ﺍﺣﻨﺎ ﺷﺠﻨﻴﻨﺎ
ﺳﻨﺘﻴﻦ ﺍﻧﺎ ﻭﻳﺎﻫﺎ ﻧﺘﺤﻀﺮ ﻋﻠﻰ ﺍﻟﺰﻭﺍﺝ ﺍﺣﻨﺎ ﻧﻮﻳﻨﺎ
ﺗﺎﻟﻲ ﺟﺘﻨﺎ ﻏﻴﻤﺔ ﺳﻮﺩﺓ ﺿﻴﻌﺖ ﻛﻞ ﺍﻣﺎﻧﻴﻨﺎ
ﻭﺍﻟﻠﻲ ﺟﺒﺮﻭﻧﺎ ﻧﺘﻔﺎﺭﻕ ﻭﻳﺎﻫﻢ ﺍﺣﻨﺎ ﺷﺠﻨﻴﻨﺎ
………………………………………
ﻣﻦ ﻭﮔﻌﺖ ﻣﺎﻣﺎ . ﺍﺧﺬﻧﺎﻫﺎ ﻟﻠﻤﺴﺘﺸﻔﻰ ﺑﺴﺮﻋﻪ .
ﻃﻠﻊ ﺍﻟﺴﻜﺮ ﻫﻢ ﻣﺮﺗﻔﻊ ﻛﻠﺶ .
ﻭﺍﻟﺪﻛﺘﻮﺭ ﻳﮕﻮﻝ .
ﺧﻴﻂ ﺑﻴﻨﻬﺎ ﻭﺑﻴﻦ ﺍﻟﻤﻮﺕ .
ﺣﺎﺭﻭﺍ ﺷﺴﻮﻭ ﻭﻣﻨﺰﻝ ﺍﻟﺴﻜﺮ .
ﻳﻮﻣﻴﻦ ﻫﻲ ﺩﺍﺧﻠﻪ ﻣﺴﺘﺸﻔﻰ .
ﺍﻟﺨﻮﻑ ﻛﺘﻠﻨﻲ ﻋﻠﻴﻬﺎ .
ﻭﻣﺴﺘﻌﺪﻩ ﻛﻠﺸﻲ ﺍﺳﻮﻱ ﺑﺲ ﺗﺮﺟﻊ ﺗﺼﻴﺮ ﺯﻳﻨﻪ .
ﺑﺎﺑﺎ ﻃﺮﺩﻭﻩ ﺧﻮﺍﻟﻲ ﻭﺗﺄﺯﻡ ﺍﻟﻮﺿﻊ ﺑﻴﻨﻪ ﻭﺑﻴﻨﻬﻢ .
ﻭﺑﻘﻮﺍ ﻳﻠﻮﻣﻮﻥ ﺑﻴﻪ . ( ﺷﻤﺲ )
ﻫﻲ ﻫﺎﻱ ﺟﺰﺍﺗﻬﺎ ﺭﺑﺘﺞ ﻭﺗﻌﺒﺖ ﻋﻠﻴﺞ .
ﻭﺣﺘﻰ ﻣﺎﺷﺎﻓﺖ ﺣﻴﺎﺗﻬﺎ ﻭﺗﺰﻭﺟﺖ ﻋﻠﻤﻮﺩ ﺗﺮﺑﻴﺞ .
ﺗﺎﻟﻲ ﺗﺒﻴﻌﻬﺎ ﻭﺗﺮﺣﻴﻦ ﺍﻻﻫﻞ ﺍﺑﻮﺝ ﺍﻟﻲ ﻣﺎﺳﺄﻝ ﻋﻨﺞ ﻟﺤﺪ ﻣﺎﻛﺒﺮﺗﻲ .
ﻭﺑﺎﻟﺸﻬﺮ ﻣﺮﻩ ﻳﺠﻲ ﻳﺸﻮﻓﺞ ..
ﺻﺪﮒ ﺿﺠﺖ ﻭﺍﻧﻘﻬﺮﺕ .
ﺻﺎﺭ ﻣﺼﻄﻔﻰ ﺷﺒﻪ ﻣﺴﺘﺤﻴﻞ ﺑﺎﻟﻨﺴﺒﻪ . ﺍﻟﻲ
ﻭﺧﺎﺻﻪ ﺑﻌﺪ ﻣﺎ ﻃﻠﻌﺖ ﻣﺎﻣﺎ ﻣﻦ ﺍﻟﻤﺴﺘﺸﻔﻰ .
ﻭﺧﻴﺮﺗﻨﻲ ﺑﻴﻨﻬﺎ ﻭﺑﻴﻦ ﺯﻭﺍﺟﻲ ﻣﻦ ﻣﺼﻄﻔﻰ .
ﺑﻴﻮﻣﻬﺎ ﺍﺗﺼﻠﺖ ﺑﻤﺼﻄﻔﻰ ﻭﺍﺑﺠﻲ .
ﻭﮔﺘﻠﻪ ﻣﺎﻣﺎ ﻫﻴﺞ ﺗﮕﻮﻝ .
ﻫﻮ ﺿﺎﺝ ﻭﻋﺼﺐ ﻭﮔﺎﻡ ﻳﻐﻠﻂ ﻉ ﺍﺣﻤﺪ ﻭﻉ ﺧﻮﺍﻟﻲ .
ﻭﮔﻠﻲ ﺗﻌﺎﻱ ﻟﻬﻨﺎ ﺷﻌﻨﺪﺝ ﺑﺎﻗﻴﻪ ﻫﻨﺎﻙ .
ﻣﻌﻘﻮﻟﻪ ﻣﺼﻄﻔﻰ ﻫﻴﺞ ﺗﮕﻮﻝ . ﻣﺴﺘﺤﻴﻞ ﺍﺗﺮﻙ ﻣﺎﻣﺎ ﻭﺍﺟﻲ ﺑﻌﺪ ﻣﺎﻛﺒﺮﺗﻨﻲ ﻭﺗﻌﺒﺖ ﻋﻠﻴﻪ .
ﺗﻤﻮﺕ ﻭﺍﻟﻠﻪ ﺍﺫﺍ ﺗﺮﻛﺘﻬﺎ ﺍﺩﺭﻱ ﺑﻴﻬﺎ ﻣﺎﺗﺘﺤﻤﻞ .
ﻭﻟﻴﺶ ﺍﻣﺞ ﺍﻧﺎﻧﻴﻪ . ﺗﻌﺎﻗﺐ ﺧﺎﻟﻲ ﺑﻴﺞ .
ﻭﺗﺤﻄﻢ ﺣﻴﺎﺗﻨﺎ .
ﻋﻮﺩ ﺗﺨﺎﻑ ﻋﻠﻴﻪ .
ﻣﺴﺘﺤﻴﻞ ﻭﺍﺣﺪ ﻳﺨﺎﻑ ﻋﻠﻴﺞ ﺑﮕﺪﻱ .
ﺍﺟﺠﻲ ﻭﻳﺎﻫﺎ ﻓﻬﻤﻴﻬﺎ ﻣﺎﺳﻪ .
ﻣﺎﺍﮔﺪﺭ ﺣﺠﻴﺖ ﻭﻳﺎﻫﺎ ﻭﻋﺼﺒﺖ ..
ﺍﻓﻬﻤﻨﻲ ﻣﺼﻄﻔﻰ ﻣﺎﺍﮔﺪﺭ ﺣﺘﻰ ﺗﻠﻔﻮﻥ ﺣﺮﻣﺘﻨﻲ .
ﺧﻠﻴﺘﻬﺎ ﻧﺎﻣﺖ ﻭﺍﺗﺼﻠﺖ ..
ﮔﻤﺖ ﺍﺑﺠﻲ ﻭﻫﻮ ﻳﺴﻜﺖ ﺑﻴﻪ ..
ﺗﺎﻟﻲ ﺷﻐﻞ ﺍﻏﻨﻴﻪ . ﮔﻮﻩ ﮔﻮﻩ ﺟﺒﺮﻭﻧﺎ ﻧﺘﻔﺎﺭﮒ ﮔﻮﻩ ﮔﻮﻩ
ﺑﺠﺘﻨﻲ ﺑﺎﻟﺰﺍﻳﺪ . ﻭﻣﺎﺍﺗﺤﻤﻠﺖ ﻏﻠﻘﺖ ﺍﻟﺘﻠﻔﻮﻥ ..
ﺭﺑﻲ ﺷﻨﻮ ﻫﺬﺍ ﺍﻻﺧﺘﺒﺎﺭ . ﺣﺘﻰ ﺍﺫﺍ ﻣﺎﻣﺎ ﻭﺍﻓﻘﺖ ﺍﻧﻲ ﺍﺑﻘﻰ ﺑﺸﻚ ﻭﻣﺎﺍﮔﺪﺭ ﺍﺗﺰﻭﺟﻪ .
ﺧﻮﻓﻲ ﻣﻦ ﺍﻟﻔﻀﻴﺤﻪ ﻭﻋﻠﻰ ﻣﺎﻣﺎ ..
ﺧﻼﻧﻲ ﺍﻗﺮﺭ ﺍﺑﺘﻌﺪ ﺷﻮﻳﻪ ﺷﻮﻳﻪ ﻋﻦ ﻣﺼﻄﻔﻰ .
ﺻﺤﻴﺢ ﻣﻮ ﺑﺎﻟﺴﻬﻮﻟﻪ ﺍﺗﺮﻛﻪ ﻭﻻﺍﺗﺮﻙ ﺣﺒﻪ .
ﺑﺲ ﺍﻟﻌﻮﺍﺋﻖ ﻫﻮﺍﻳﻪ ﻭﺍﻧﻲ ﻣﺎﻟﻲ ﺍﺣﺪ ﻳﺴﻨﺪﻧﻲ .
ﻭﻣﺤﺪ ﻳﺼﺪﮒ ﻣﺠﺮﺩ ﻟﻌﺒﺔ ﻏﻴﺮﺕ ﺣﻴﺎﺗﻲ
....
ﺑﺲ ﺍﻟﻲ ﺍﻋﺮﻓﻪ . ﻣﺴﺘﺤﻴﻞ ﺍﺣﺐ ﻏﻴﺮ ﻣﺼﻄﻔﻰ ﻭﺭﺍﺡ ﻳﺒﻘﻰ ﺑﮕﻠﺒﻲ ﻟﺤﺪ ﺍﻟﻤﻮﺕ .
ﻭﻣﺎﺍﺣﺐ ﻏﻴﺮﻩ ﺑﺤﻴﺎﺗﻲ ..
ﺻﺎﺭ ﻗﻠﻴﻞ ﺍﺣﺠﻲ ﻭﻳﺎﻩ .
ﻭﻫﻮ ﺣﺲ ﻋﻠﻴﻪ ..
ﻭﺷﮕﺪ ﻳﺪﺯ ﻛﻼﻡ ﻭﻣﺮﺍﺳﻴﻞ ﺑﻴﺪ ﺣﻼ .
ﺑﺲ ﺍﻟﻤﺼﻠﺤﺘﻪ ﻻﺯﻡ ﺍﺑﻌﺪ ﻣﺎﺍﺭﻳﺪﻩ ﻳﺘﻌﺬﺏ ﺍﻛﺜﺮ
ﺧﻠﻲ ﻳﺸﻮﻑ ﺣﻴﺎﺗﻪ ﻭﻱ ﺍﻟﻲ ﺗﺴﺘﺎﻫﻠﻪ .
ﺍﻧﻲ ﻣﺎﺍﻓﻴﺪﻩ ﻭﻻ ﺭﺍﺡ ﺍﺟﻴﺒﻠﻪ ﺍﻟﺮﺍﺣﻪ . ﺧﻮﻓﻲ ﻻ ﺗﺠﻴﺒﻠﻪ ﺍﻟﻌﺎﺭ ﻭﻳﻜﺮﻫﻨﻲ ﺍﻛﺜﺮ .
ﻣﺮﺕ ﺍﻻﻳﺎﻡ . ﻭﺍﻧﻲ ﻣﺸﺘﺎﻗﻪ ﺍﻟﺔ ﻭﺍﻟﻐﺰﻟﻪ ﻭﺍﺷﻌﺎﺭﻩ . ﺍﺷﺘﺎﻗﻴﺖ ﺍﻻﻳﺎﻣﻨﺎ ﻭﺳﻬﺮ ﺍﻟﻠﻴﺎﻟﻲ .
ﻭﮔﻌﺪﺍﺗﻨﺎ ﺑﺎﻟﺒﻮﮔﺎﺕ ..
ﺍﺳﺘﺎﻗﻴﺖ ﺍﻟﺮﻳﺤﺔ ﺍﻻﺷﺠﺎﺭ ﻭﺍﻟﻐﺮﻭﺏ ﻭﺍﻟﻬﻮﺍ ﺍﻟﻲ ﺟﻤﻌﻨﺎ ﻳﻢ ﻧﻬﺮ ﺍﻟﻐﺮﺍﻑ ..
ﻣﺮﺍﺕ ﻳﺤﺠﻲ ﻭﻳﺴﻮﻟﻒ ﻭﺍﻧﻲ ﺑﺲ ﺍﺑﺠﻲ ﻣﺎﺍﮔﺪﺭ ﺍﺭﺩ ﺍﻭ ﺍﺣﺠﻲ .
ﻣﺎﻣﺎ ﻣﺮﺍﻗﺒﺘﻨﻲ ﺩﺍﻳﻤﺎ ..
ﺑﻴﻮﻡ ﺍﺟﺖ ﻣﺎﻣﺎ . ﮔﺎﻟﺖ ﻣﺎﺳﻪ ﺑﺪﻭﻥ ﻛﻼﻡ .
ﺣﻈﺮﻱ ﻧﻔﺴﺞ . ﺗﺮﻯ ﺍﻧﻲ ﻭﺧﻮﺍﻟﺞ ﻗﺮﺭﻧﺎ ﻧﻌﻘﺪﻟﻜﻢ ﻳﻮﻡ ﺍﻟﺠﻤﻌﻪ .
ﻭﻣﺮﺗﻀﻰ ﻭﺭﻧﺎ ﻫﻢ .
ﮔﻠﺘﻠﻬﺎ ﻳﻮﻡ ﮔﺘﻠﺞ ﻣﺎﺍﺗﺰﻭﺝ ﻣﺼﻄﻔﻰ .
ﺑﺲ ﻟﻴﺶ ﺗﺤﻜﻤﻴﻦ ﻋﻠﻴﻪ ﺑﺎﻟﺴﺠﻦ ﻭﻱ ﺍﺣﻤﺪ .
ﺍﻧﻲ ﻣﺎﺍﻃﻴﻘﻪ ﻭﻻﺍﮔﺪﺭ ﺍﺗﺤﻤﻞ ﺍﻧﺠﻤﻊ ﻭﻳﺎﻩ ﺑﻨﻔﺲ ﺍﻟﺒﻴﺖ ﻣﻮ ﺑﺲ ﺑﻐﺮﻓﻪ ﻭﺣﺪﻩ .
ﻛﺎﻓﻲ ﻣﺎﺳﻪ ﺍﻧﻲ ﻧﻄﻴﺘﺞ ﻣﺠﺎﻝ ﻫﻮﺍﻱ .
ﺍﻋﺮﻓﺞ ﻟﻴﺶ ﺗﻜﺮﻫﻴﻦ ﺍﺣﻤﺪ . ﻻﻥ ﻟﺰﻣﺞ ﻛﻢ ﻣﺮﻩ ﻭﻱ ﻣﺼﻄﻔﻰ ﻭﺭﺯﻟﺞ ﻭﻻﻥ ﻳﺨﺎﻑ ﻋﻠﻴﺞ ﻗﺮﺭ ﻳﺘﺰﻭﺟﺞ
ﻭﺍﺣﺪ ﻏﻴﺮﻩ ﻣﺎﻳﻘﺒﻠﻬﺎ ﻋﻠﻰ ﺭﻭﺣﻪ .
ﻫﻬﻬﻬﻪ ﻭﺍﻧﺘﻲ ﺷﺘﮕﻮﻟﻴﻦ ﻳﻮﻡ ﻳﻌﻨﻲ ﺗﺼﺪﮔﻴﻦ ﺑﻲ ﻭﺗﺠﺬﺑﻴﻨﻲ ﻫﻲ ﻫﺎﻱ ﺛﻘﺘﺞ ﺑﻴﻪ .
ﺍﻧﻲ ﺷﻜﻴﺖ ﻋﻨﺪﺝ ﻭﻳﺎﻩ ﻣﻦ ﺍﺣﻨﻪ ﺑﺎﻟﻨﺎﺻﺮﻳﻪ ﺑﺲ ﻛﺬﺑﺖ ﻧﻔﺴﻲ
ﺑﺲ ﺍﻧﺘﻲ ﺍﻛﺪﺗﻲ ﻫﺬﺍ ﺍﻟﺸﻲ ﺑﺎﺗﺼﺎﻻﺗﺞ ﺑﺤﻼ .
ﻋﺒﺎﻟﺞ ﻏﺒﻴﻪ ﻭﻣﺎﺍﻓﻬﻢ .
ﻭﻣﻦ ﺩﺍﻓﻌﺘﻲ ﻋﻨﻪ ﻭﮔﻠﺘﻲ ﻣﻮﺍﻓﻘﻪ ﻋﻠﻴﻪ .
ﻳﻮﻭﻡ ﺷﺒﻴﺞ ﺍﻧﺘﻲ ﻣﺎﻛﻨﺘﻲ ﻫﻴﺞ .
ﻣﻌﻘﻮﻟﻪ ﺧﻮﺍﻟﻲ ﻏﻴﺮﻭﺝ ﻋﻠﻴﻪ . ﻟﻮ ﺣﻘﺪﺝ ﻋﻠﻰ ﺑﺎﺑﺎ ﺑﻌﺪ ﻛﻞ ﻫﺬﻱ ﺍﻟﺴﻨﻴﻦ ﻃﻠﻊ ﻫﺴﺎ .
ﺑﺴﺎﻋﺘﻬﺎ ﻣﺎﺣﺴﻴﺖ ﺍﻻ ﺿﺮﺑﻪ ﺍﺟﺘﻨﻲ ﻣﺎﺍﻋﺮﻑ ﻣﻨﻴﻦ .
ﻭﻣﺎﺻﺪﮔﺖ ﺍﻟﻲ ﺿﺮﺑﺘﻨﻲ ﻣﺎﻣﺎ .
ﺍﻭﻝ ﻣﺮﻩ ﺗﺴﻮﻳﻬﺎ ..
ﺑﺴﺎﻋﺘﻬﺎ ﺭﺩﺕ ﺍﺗﺼﻞ ﻋﻠﻰ ﺑﺎﺑﺎ ﻳﺎﺧﺬﻧﻲ .
ﺑﺲ ﺧﻔﺖ ﺗﻤﻮﺕ ﻭﺍﺗﺤﻤﻞ ﺫﻧﺒﻬﺎ ﻃﻮﻝ ﻋﻤﺮﻱ .
ﻻﻥ ﻛﻠﻤﺎ ﺗﻌﺼﺐ ﻳﺼﻌﺪ ﺳﻜﺮﻫﺎ ﻭﺗﻮﮔﻊ .
ﺧﻔﺖ ﺑﻮﺣﺪﻩ ﻣﻦ ﺍﻟﻮﮔﻌﺎﺕ ﻣﺎﺗﮕﻮﻡ .
ﺳﻜﺘﺖ ﻭﺩﺧﻠﺖ ﻟﻠﻐﺮﻓﻪ ﺍﺑﺠﻲ .
ﻭﺳﻮﻟﻔﺖ ﺍﻟﺒﻴﺒﻲ ﻫﺪﻳﻪ .
ﺑﻴﺒﻲ ﺍﺗﺤﻤﻠﻴﻬﺎ ﺍﻻﻣﺞ . ﻭﺷﺒﻲ ﺣﻤﻮﺩﻱ ﺷﺎﻏﻮﻝ ﻭﻣﺎﻳﺘﻌﻴﺐ ﻭﺍﺑﻦ ﺧﺎﻟﺞ ﻭﻳﺤﺒﺞ ﻭﻫﻢ ﻗﺮﻳﺒﻪ ﻋﻠﻰ ﺍﻣﺞ .
ﻭﺍﻓﻘﻲ ﻳﺒﻴﺒﻲ ﻭﻻﺗﻤﻮﺗﻴﻬﺎ ﻧﺎﻗﺼﻪ ﻋﻤﺮ . ﻣﻮ ﻛﺎﻓﻲ ﺍﻟﻲ ﺷﺎﻓﺘﻪ ﺑﺤﻴﺎﺗﻬﺎ .
ﻫﻬﻬﻬﻪ ﻣﻌﻘﻮﻟﻪ ﻛﻠﻬﺎ ﺿﺪﻱ .
ﻣﻌﻘﻮﻟﻪ ﻛﻠﻬﺎ ﺻﺢ ﻭﺍﻧﻲ ﺧﻄﺄ .
ﻟﻴﺶ ﺑﺲ ﺍﻧﻲ ﻫﺬﺍ ﺣﻈﻲ . ﻋﺸﺖ ﻃﻔﻮﻟﺘﻲ ﺑﻼ ﺍﺏ ﻭﻭﺣﻴﺪﻩ
ﻻ ﺍﺥ ﻭﻻ ﺍﺧﺖ .
ﻛﺒﺮﺕ ﻭﺭﺟﻌﺖ ﺍﻟﺒﺎﺑﺎ ﻭﺍﻟﺘﻘﻲ ﺑﻲ ﻭﻋﺮﻓﺖ ﺍﻫﻠﻲ ﻭﺗﻌﻠﻤﺖ ﻋﻠﻴﻬﻢ .
ﻭﺣﺒﻴﺖ ﺷﺨﺺ ﻣﻨﻬﻢ ﺍﻟﻲ ﺍﻧﻄﺎﻧﻲ ﺍﻟﺪﻧﻴﺎ ﻭﻣﺎﺑﻴﻬﺎ ..
ﺍﻧﻄﺎﻧﻲ ﺣﻨﺎﻥ ﺍﻻﻡ ﻭﺍﻣﺎﻥ ﺍﻻﺏ ﻭﺳﻨﺪ ﺍﻻﺥ ..
ﺭﻏﻢ ﺍﻛﺒﺮ ﻣﻨﻲ ﺑﻬﻮﺍﻱ ﺑﺲ ﻳﻔﻬﻤﻨﻲ ﺑﻜﻞ ﺷﻲ .
ﻭﺍﻓﻬﻤﻪ ﻗﺒﻞ ﻣﻴﺤﺠﻲ ..
ﺑﻨﻈﺮﻩ ﻣﻨﻪ .
ﺍﻓﻬﻢ ﺷﻨﻮ ﻳﺮﻳﺪ . ﺳﺎﻋﺎﺕ ﺍﺣﺲ ﺍﻟﻠﻪ ﺧﻠﻘﻨﺎ ﺍﻟﺒﻌﺾ .
ﺑﺲ ﺍﻟﻨﺎﺱ ﻛﻠﻬﺎ ﺻﺎﺭﺕ ﺿﺪﻧﺎ .
ﻭﺍﻭﻟﻬﻢ ﻣﻦ ﻛﺎﻧﺖ ﺍﻟﻲ ﺍﻟﺴﻨﺪ ﺑﺤﻴﺎﺗﻲ .
ﺑﺲ ﻗﺮﺭﺕ ﺍﺟﺮﺏ ﺍﺧﺮ ﻣﺤﺎﻭﻟﻪ .
ﻭﺍﺭﻭﺡ ﺍﻻﺣﻤﺪ ﻭﺍﺣﺠﻲ ﻭﻳﺎﻩ .
ﻻﻥ ﻣﺎﺍﮔﺪﺭ ﺍﻃﻌﻦ ﺑﻤﺼﻄﻔﻰ ﻭﺍﻏﺪﺭ ﺑﻲ ﻭﺍﺗﺰﻭﺝ ﻭﺍﺣﺪ ﻏﻴﺮﻩ
ﻳﻬﻮﻥ ﻋﻠﻴﻪ ﺍﺑﻘﻰ ﻛﻞ ﻋﻤﺮﻱ ﻣﻤﺘﺰﻭﺟﻪ ﻭﻭﻓﻴﻪ ﺍﻟﺤﺒﻪ .
ﻭﻻﺍﻏﺪﺭ ﺑﻲ ﻭﺍﺧﻠﻴﻪ ﻳﻜﺮﻩ ﺍﻟﺴﺎﻋﻪ ﻭﺍﻟﻴﻮﻡ ﺍﻟﻲ ﺣﺒﻨﻲ ﺑﻴﻬﺎ .
ﮔﻠﺖ ﺍﻟﻤﺎﻣﺎ ﺭﺍﻳﺤﻪ ﻳﻢ ﺭﻧﺎ . ﻣﺨﺘﻨﮕﺔ .
ﻛﺎﻧﺖ ﺑﺲ ﺭﻧﺎ ﻭﺍﺧﻮﺍﻧﻬﺎ ﺍﻟﺼﻐﺎﺭ .
ﻓﺮﺣﺎﻧﻪ ﺧﻄﻴﻪ ﺑﺨﻄﻮﺑﺘﻬﺎ ﻭﻱ ﻣﺮﺗﻀﻰ .
ﻓﺮﺣﺖ ﺍﻟﻬﺎ .. ﻉ ﺍﻻﻗﻞ ﻭﺣﺪﻩ ﻣﻦ ﻋﺪﻧﺎ ﺗﻔﺮﺡ .
ﻭﻟﻮ ﻣﺮﺗﻀﻰ ﻛﺎﻥ ﺭﺍﻓﺾ ﻣﺎﺍﻋﺮﻑ ﺷﻠﻮﻥ ﻗﺒﻞ
....
ﻋﻘﻠﻲ ﻋﺎﺵ ﺑﺘﺨﺒﻄﺎﺕ ﺑﻬﺬﻱ ﺍﻟﻔﺘﺮﺓ ..
ﻣﺎﺍﻋﺮﻑ ﺷﻠﻮﻥ ﺍﺗﺼﺮﻑ ﺍﻭ ﻭﻭﻳﻦ ﺍﺭﻭﺡ .
ﺧﻔﺖ ﺍﺣﺠﻲ ﺍﻻﺣﺪ .. ﻭﺣﺘﻰ ﻋﻴﺐ ﺍﺣﺠﻲ .
ﺭﺣﺖ ﺍﻟﺒﻴﺖ ﺧﺎﻟﻮ ﻣﺎﻫﺮ .
ﻟﮕﻴﺖ ﺑﺲ ﺭﻧﺎ ﻭﺍﺧﻮﺍﻧﻬﺎ ﺍﻟﺼﻐﺎﺭ .
ﻣﺮﺕ ﺧﺎﻟﻮ ﻣﺎﻫﻲ .
ﮔﻌﺪﺕ ﻳﻤﻬﺎ ﺑﺠﻴﺖ ﺍﻟﻰ ﺍﻥ ﺍﺭﺗﺎﺣﻴﺖ ..
ﺭﻧﺎ .. ﻣﺎﺳﻪ ﻟﻴﺶ ﻣﺎﺗﮕﻮﻟﻴﻠﻬﻢ ﺍﻧﻲ ﺍﺣﺐ ﻣﺼﻄﻔﻰ .
.. ﻟﺞ ﻣﻮ ﮔﻠﺖ ﺍﻻﺧﻮﺝ ﺍﻟﺸﻔﻴﻪ ﻭﺣﺠﻴﺖ ﻭﻣﺎﻓﻬﻤﻨﻲ .
ﺷﺎﻳﻔﺘﻠﺞ ﻭﺍﺣﺪ ﻳﻌﺮﻑ ﻭﺣﺪﻩ ﻣﺘﺤﺒﻪ ﻭﻳﺘﺰﻭﺟﻬﺎ .
.. ﻭﺍﻟﻠﻪ ﺍﻧﻲ ﻣﻨﺞ ﺍﺗﺮﻙ ﻛﻠﺸﻲ ﻭﺍﺭﻭﺡ ﺍﻟﻤﺼﻄﻔﻰ .
.. ﻭﺍﻣﻲ ﺍﻟﻜﺎﺳﺮﻩ ﻇﻬﺮﻱ ﺗﻤﻮﺕ ﻭﺍﻟﻠﻪ . ﻭﺍﺑﻘﻰ ﻧﺪﻣﺎﻧﻪ ﻃﻮﻝ ﺣﻴﺎﺗﻲ .
ﺟﺎﻱ ﻧﺤﺠﻲ ﻭﺩﺧﻞ ﺍﺣﻤﺪ ..
ﻫﻠﻮ ﻣﺎﺳﻪ ..
ﻻ ﻫﻠﻪ .. ﺍﻧﺖ ﻣﺎﺗﺴﺘﺤﻲ ﺗﮕﻮﻝ ﺍﻻﻣﻲ ﺣﺠﻲ ﺍﺷﻜﺎﻝ ﺍﻟﻮﺍﻥ ﻋﻠﻴﻪ ﺍﻧﻲ ﻭﻣﺼﻄﻔﻰ . ﻣﺎﻋﻨﺪﻙ ﻏﻴﺮﻩ ﺗﻔﺘﺮﻱ ﻋﻠﻴﻪ .
ﻟﺰﻣﻨﻲ ﺣﻴﻞ ﻣﻦ ﺍﻳﺪﻱ ..
ﺑﺎﻋﻲ ﻣﺎﺳﻪ ﻫﺬﺍ ﺍﺧﺮ ﻛﻼﻡ ﻋﻨﺪﻱ . ﻭﺣﻖ ﺍﻟﻘﺮﺁﻥ ﺍﺫﺍ ﻋﺎﻧﺪﺗﻲ ﻭﺑﻘﻴﺘﻲ ﺗﻌﺎﻧﺪﻳﻦ .
ﺍﺧﺎﺑﺮ ﻣﺼﻄﻔﻰ . ﻭﺍﮔﻠﺔ ﻣﺎﺗﻔﻴﺪﻙ ﺍﻧﻲ ﻣﺎﺧﺬﻫﺎ ﻟﮕﺪﺍﻡ .
ﺍﻧﺼﺪﻣﺖ . ﺗﻒ ﻋﻠﻴﻚ ﻳﺎﻋﺎﺭ . ﺗﺨﺴﻰ ﺍﺫﺍ ﺗﺸﻮﻩ ﺳﻤﻌﺘﻲ .
ﻭﺍﻛﻴﺪ ﻣﺼﻄﻔﻰ ﻣﻴﺼﺪﮔﻚ .
ﻫﻬﻬﻬﻪ ﺍﻧﺘﻲ ﻣﺘﻌﺮﻓﻴﻦ ﺫﻭﻟﻪ ﺷﻠﻮﻥ ﻳﻔﻜﺮﻭﻥ ﺣﺘﻰ ﺍﺫﺍ ﻣﻴﺼﺪﮔﻮﻥ ﻳﺎﻛﻠﻬﻢ ﺍﻟﺸﻚ ﺍﻛﻞ .
ﻭﺍﻛﻴﺪ ﻣﺎﻳﻘﺒﻠﻬﺎ ﻋﻠﻰ ﺭﻭﺣﻪ ﻳﺘﺰﻭﺝ ﻭﺣﺪﻩ ﺍﻧﻲ ﺷﺎﺑﻊ ﺗﺸﺒﮓ ﻭﻟﻌﺐ ﻭﻳﺎﻫﺎ ﻣﻦ ﺍﺣﻨﻪ ﺻﻐﺎﺭ .
ﺍﻳﺎ ﺣﻘﻴﺮ . ﺍﺭﻳﺪ ﺍﻟﻠﻪ ﻳﺠﺎﺯﻳﻚ . ﺍﻧﺖ ﮔﻠﺘﻬﺎ ﻟﻌﺐ . ﻭﻟﻚ ﺍﻧﺖ ﺷﻨﻮ . ﺑﻌﺪ ﻫﺬﺍ ﺍﻟﻜﻼﻡ ﻭﺗﺮﻳﺪﻧﻲ ﺍﻗﺒﻞ ﺑﻴﻚ .
ﻋﻤﺘﻲ ﻗﺮﺭﺕ ﻭﺧﻠﺺ .
ﺍﻱ ﻃﺒﻌﺎ ﻻﻥ ﺗﻤﺜﻞ ﺩﻭﺭ ﺍﻟﺒﺮﻳﺊ ﮔﺪﺍﻣﻬﻢ .
ﻭﻭﺭﺍﻫﻢ ﻫﺬﺍ ﻟﺴﺎﻧﻚ ﺍﻟﻨﮕﺲ .
ﺷﺒﻴﺞ ﻣﺎﺳﻪ ﻭﺍﻟﻠﻪ ﺍﺣﺒﺞ ﺑﺲ ﺍﻧﺘﻲ ﺟﺒﺮﺗﻴﻨﻲ ﺍﺳﻮﻱ ﻫﻴﺞ .
ﻟﻚ ﻫﺬﺍ ﻣﻮ ﺣﺐ ﻫﺬﺍ ﻣﺮﺽ .
ﺷﻠﻮﻥ ﺗﺠﺒﺮ ﺍﻧﺴﺎﻧﻪ ﺗﺘﺰﻭﺟﻚ ﻭﻫﻲ ﻣﺎﺗﺤﺒﻚ .
ﺍﻭﻝ ﻭﺗﺎﻟﻲ ﻣﺮﺍﺡ ﺗﺘﺰﻭﺟﻴﻦ .
ﺍﻫﻮﻥ ﻋﻠﻴﻪ ﻣﺎﺍﺗﺰﻭﺝ ﻭﻻﺍﺗﺰﻭﺟﻚ ﺍﻧﺖ .
ﺗﺮﻛﺘﻪ ﻭﻃﻠﻌﺖ .
ﮔﺎﻝ ﻓﻜﺮﻱ ﻣﻨﺎ ﻟﻴﻮﻣﻴﻦ ﻻﻥ ﺍﻟﺠﻤﻌﻪ ﺍﻟﻌﻘﺪ .
ﺍﺫﺍ ﻣﺎﻗﺒﻠﺘﻲ ﺍﺣﺠﻲ ﻛﻠﺸﻲ ﺍﻟﻤﺼﻄﻔﻰ .
ﺩﺧﻠﺖ ﺍﻟﺒﻴﺘﻨﺎ .
ﻭﮔﻌﺪﺕ ﺑﺎﻟﻄﺮﻣﻪ ﺍﺑﺠﻲ ﻭﻛﺎﻥ ﺍﻟﻤﻐﺮﺏ .
ﺭﺑﻲ ﻫﺬﺍ ﺍﻻﺫﺍﻥ ﻳﺄﺫﻥ ﻭﺍﻃﻠﺐ ﻣﻨﻚ ﺣﺎﺟﺘﻲ .
ﺭﺑﻲ ﻧﻮﺭ ﻃﺮﻳﻘﻲ ﻭﺍﺳﺘﺮﻧﻲ ﻣﺎﺍﻋﺮﻑ ﺷﺴﻮﻱ ﻭﻭﻳﻦ ﺍﺭﻭﺡ
ﺍﺭﺣﻤﻨﻲ ﻳﺎﺍﺭﺣﻢ ﺍﻟﺮﺍﺣﻤﻴﻦ ..
ﻛﻢ ﻳﻮﻡ ﻭﺍﻧﻲ ﻣﺎﺍﺣﺠﻲ ﻭﻱ ﺍﻟﺒﻴﺖ ﻛﻠﻪ .
ﺣﺘﻰ ﺍﻛﻞ ﻣﺎﺍﻛﻞ .
ﺍﺷﻮﻑ ﺭﻧﺎ ﻓﺮﺣﺎﻧﻪ ﻭﻳﻄﻠﻌﻮﻥ ﻳﺸﺘﺮﻭﻥ ﻭﻳﺠﻬﺰﻭﻥ .
ﻭﺍﻧﻲ ﻣﻦ ﺍﻟﺪﻭﺍﻡ ﻟﻠﺒﻴﺖ .
ﻣﺎﻟﻲ ﺧﻠﮓ .
ﺍﮔﻌﺪ ﻳﻢ ﻣﺮﺕ ﺧﺎﻟﻮ ﻣﻌﺘﺰ . ﻭﺍﺑﺠﻲ ﻻﻥ ﺑﺲ ﻫﻲ ﺍﻟﻮﺣﻴﺪﻩ ﺍﻟﻲ ﺗﻌﺮﻑ ﺑﺤﺒﻨﺎ .
ﻭﺗﺴﻮﻟﻔﻠﻲ ﻋﻠﻰ ﻣﺼﻄﻔﻰ .
ﻳﮕﻠﻬﺎ ﻋﻤﻪ ﺍﻣﻮﺕ ﺍﺫﺍ ﺻﺎﺭﺕ ﺍﻟﻐﻴﺮﻱ ﻭﻳﺒﺠﻲ .
ﺗﮕﻮﻝ ﮔﺘﻠﻪ ﻫﻲ ﺣﺎﻟﻬﺎ ﺍﻛﺜﺮ ﻣﻦ ﺣﺎﻟﻚ ﺑﺲ ﻣﺎﺑﻴﺪﻫﺎ ﺷﻲ
...
ﻭﮔﺎﻟﻠﻬﺎ ﺭﺍﺡ ﻳﺤﺠﻲ ﻭﻱ ﺍﺟﺪﺍﺩﻱ ﻳﺘﺪﺧﻠﻮﻥ .
ﺍﺣﻤﺪ ﻧﻄﺎﻧﻲ ﻣﻬﻠﻪ ﻳﻮﻣﻴﻦ .
ﻭﺍﺧﺎﻑ ﻳﺘﺼﻞ ﻋﻠﻰ ﻣﺼﻄﻔﻰ . ﻭﻳﺼﺪﮔﻪ ﻭﻳﻜﺮﻫﻨﻲ .
ﺍﻋﺮﻑ ﺍﻧﻲ ﺿﻌﻔﺖ ﻭﻣﺎﺩﺍﻓﻌﺖ ﻋﻦ ﺣﺒﻲ ..
ﻭﺧﻔﺖ ﻣﻦ ﺍﻟﻔﻀﻴﺤﻪ . ﻣﻊ ﺍﻧﻪ ﻛﻨﺖ ﺟﺎﻫﻠﻪ ﻫﺬﺍ ﺍﻟﺸﻲ ﻭﻣﺎﺍﻋﺮﻑ ﺷﻨﻮ .
ﻭﺍﻟﺴﺒﺐ ﻣﺎﻛﻮ ﺗﻮﻋﻴﻪ ﺍﻭ ﺷﻲ ﻳﺨﻠﻴﻨﺎ ﻧﻔﻬﻢ ﻫﺬﻱ ﺍﻻﻣﻮﺭ .
ﺍﻟﺨﻮﻑ ﺗﻤﻠﻜﻨﻲ .
ﻭﺍﻧﺠﺒﺮﺕ ﺍﻗﺒﻞ . ﺑﺄﺣﻤﺪ .
ﻭﺑﺴﺒﺐ ﺍﻟﻀﻐﻮﻃﺎﺕ ﺍﻟﻲ ﺣﻮﻟﻲ .
ﻣﺎﻃﻠﻌﺖ ﻭﻻﺍﺧﺘﺎﺭﻳﺖ ﺫﻫﺐ ﻭﻻ ﺷﻲ .
ﻛﻠﻪ ﺍﺧﺘﻴﺎﺭﻫﻢ ﻛﺎﻥ .
ﻣﺎﻣﺎ ﺣﺴﺖ ﺑﻴﻪ ﻣﺎﻓﺮﺣﺎﻧﻪ .
ﮔﻌﺪﺕ ﻭﺍﺳﺘﻨﻲ ﻭﺣﺠﺖ ﻫﻮﺍﻱ ﻛﻼﻡ ﻳﺨﺺ ﻣﺼﻠﺤﺘﻲ ﻭﺧﻮﻓﻬﺎ ﻋﻠﻴﻪ . ﺑﺲ ﻣﺎﺳﻤﻌﺖ ﺍﻱ ﺷﻲ ﻣﻨﻪ ﻭﻻﺍﻫﺘﻤﻴﺖ
ﺍﻟﻲ ﻛﻨﺖ ﺍﻓﻜﺮ ﺑﻲ ﻣﺼﻄﻔﻰ ﻭﺑﺲ . ﻭﺷﺮﺍﺡ ﻳﺼﻴﺮ ﺑﻲ ﺍﺫﺍ ﺳﻤﻊ .
ﺗﻐﻴﺮﺕ ﺑﻬﺬﻱ ﺍﻟﻔﺘﺮﻩ ﻭﺻﺮﺕ ﺍﻧﺴﺎﻧﻪ ﺛﺎﻧﻴﻪ ﻣﻮ ﻣﺎﺳﻪ ﺍﻟﻲ ﺗﻀﺤﻚ ﻭﻣﺮﺣﻪ .
ﻻ ﺻﺮﺕ ﻛﺌﻴﺒﻪ ﻭﺍﻟﻔﺮﺣﻪ ﺭﺍﺣﺖ ﻣﻨﻲ .
ﺣﺘﻰ ﺫﺑﻠﺖ ﻭﺿﻌﻔﺖ ﺣﻴﻞ .
ﻧﺰﻋﻮﻧﺎ ﺍﻻﺳﻮﺩ ﻣﻦ ﻋﻘﺪﻧﺎ . ﻟﺒﺴﺖ ﺛﻮﺏ ﺑﻴﺞ ﻃﺒﻌﺎ ﻣﻦ ﺍﺧﺘﻴﺎﺭ ﻣﺎﻣﺎ .
ﻭﺭﻧﺎ ﻫﻢ ﻃﻠﻌﺖ ﺣﻠﻮﻩ . ﺑﺲ ﻫﻲ ﻛﺎﻥ ﺑﺎﻳﻦ ﻋﻠﻴﻬﺎ ﺍﻟﻔﺮﺡ
ﺍﻣﺎ ﺍﻧﻲ ﻋﺒﺎﻟﻚ ﺍﻟﻴﻮﻡ ﺣﻜﻢ ﺍﻻﻋﺪﺍﻡ ﻋﻠﻴﻪ .
ﺧﺎﻟﻮ ﻣﻌﺘﺰ ﻧﺒﻪ ﻋﻠﻰ ﺑﺎﺟﻲ ﺍﺣﻼﻡ . ﻣﺘﺤﺠﻲ ﻭﻻﺗﺨﺒﺮﻫﻢ ﻉ ﺍﻟﺨﻄﺒﻪ .
ﻣﺎﺍﻋﺮﻑ ﻟﻴﺶ ﻛﺎﻧﻮ ﻣﺘﻜﺘﻤﻴﻦ ﺍﻭ ﺧﺎﻳﻔﻴﻦ .
ﺳﻮﻭﻫﺎ ﺑﺴﻜﺘﻪ . ﻣﺠﺮﺩ ﺍﺟﻪ ﺳﻴﺪ ﻋﻘﺪ ﺍﻟﻨﺎ .
ﻭﻟﺒﺴﻮﻧﺎ ﺍﻟﺤﻠﻘﺎﺕ ﻭﺍﻟﺬﻫﺐ . ﻭﺑﺲ
ﺍﺣﻤﺪ ﻓﺮﺣﺎﻥ ﺭﺍﺩ ﻳﺒﻮﺳﻨﻲ ﺩﺭﺕ ﻭﺟﻬﻲ ﻋﻨﻪ .
ﻟﺒﺴﻨﻲ ﺍﻟﺤﻠﻘﻪ ﺑﺎﻟﮕﻮﻩ .
ﻭﺍﻧﻲ ﺍﺻﻼ ﻣﺎﻟﺒﺴﺘﻪ ﻫﻮ ﻟﺒﺴﻬﺎ ﻭﺣﺪﻩ .
ﻫﻤﺴﻠﻲ ..
ﺍﻧﺘﻲ ﺑﺲ ﺍﻫﺘﻤﻲ ﺑﻴﻪ ﻭﺍﻧﺴﻲ ﻛﻠﺸﻲ .
ﻭﺍﻟﻠﻪ ﺍﻋﻴﺶ ﺑﺴﻌﺎﺩﻩ ﻭﺍﺣﺒﺞ ﺍﻛﺜﺮ ﻣﻦ ﺭﻭﺣﻲ .
ﺑﺎﻭﻋﺘﻠﻪ ﺑﺄﺳﺘﻬﺰﺍﺀ . ﻭﺩﺭﺕ ﻭﺟﻬﻲ .
ﺭﻓﻌﺖ ﺭﺍﺳﻲ . ﺷﻔﺖ ﺭﻧﺎ ﺧﻄﻴﻪ ﺷﻠﻮﻥ ﻓﺮﺣﺎﻧﻪ .
ﻭﻣﺮﺗﻀﻰ ﻣﻤﻬﺘﻢ ﻭﺿﺎﻳﺞ .
ﺍﻭﻭﻭﻑ ﻳﺎ ﺭﻧﺎ ﺣﻈﺞ ﻣﺜﻞ ﺣﻈﻲ ﺑﺲ ﺍﻟﻲ ﻳﻔﺮﻕ .
ﺍﻧﺘﻲ ﺣﺒﻴﺘﻲ ﺍﻧﺴﺎﻥ ﻣﻦ ﻃﺮﻑ ﻭﺍﺣﺪ .
ﻭﺭﺍﺡ ﺗﻌﺎﻧﻴﻦ ﺍﻟﻰ ﺍﻥ ﺗﺨﻠﻴﻪ ﻳﺤﺒﺞ .
ﻭﺍﻧﻲ ﺍﺭﺗﺒﻄﺖ ﺑﺄﻧﺴﺎﻥ ﻣﺎﺍﻃﻴﻘﻪ ﻭﺍﺗﻤﻨﻰ ﺗﺼﻴﺮ ﻣﻌﺠﺰﻩ ﻭﺗﺨﻠﺼﻨﻲ ﻣﻨﻪ .
ﺑﺲ ﻣﺎﺍﮔﻮﻝ ﺑﺲ ﺍﻟﻠﻪ ﻳﺤﻨﻦ ﮔﻠﺐ ﻣﺮﺗﻀﻰ ﻋﻠﻴﺞ ﻭﻳﺤﺒﺞ ﺍﻛﺜﺮ ﻣﻤﺎ ﺗﺤﺒﻴﻪ ..
ﻫﻔﻔﻒ ﻣﻨﻮ ﻳﺼﺪﮒ ﻳﺠﻲ ﻳﻮﻡ ﻭﺍﺗﺮﻙ ﻋﺸﮓ ﻣﺼﻄﻔﻰ .
ﻭﺍﺭﺗﺒﻂ ﺑﺄﺣﻤﺪ . ﺍﻟﻲ ﻛﻨﺖ ﺑﺤﻴﺎﺗﻲ ﻣﻤﻔﻜﺮﻩ ﺑﻲ ﻭﻻﻃﺎﻳﻘﺘﻪ .
ﺧﺎﻟﻮ ﺟﺎﺏ ﻋﺸﺎ ﻣﻦ ﺑﺮﺍ .
ﻭﺗﻌﺸﻴﻨﺎ ﻛﻠﻨﺎ ﺳﻮﻩ . ﺑﻤﻨﺎﺳﺒﻪ ﺍﻟﻌﻘﺪ .
ﻭﻳﺴﻮﻟﻔﻮﻥ ﻭﻓﺮﺣﺎﻧﻴﻦ ..
ﻭﺍﻧﻲ ﺑﻌﺎﻟﻢ ﺛﺎﻧﻲ ..
ﺑﻌﺪ ﺍﻟﻌﺸﺎ . ﻛﻠﻬﺎ ﺭﺍﺣﺖ .
ﺑﻘﻴﺖ ﻭﺣﺪﻱ ﻭﻱ ﺍﻓﻜﺎﺭﻱ . ﮔﻤﺖ ﺍﻧﺎﻡ ﻭﺣﺪﻱ ﺑﺎﻻﺳﺘﻘﺒﺎﻝ .
ﺣﺘﻰ ﻣﺎﻣﺎ ﺍﺑﺘﻌﺪﺕ ﻋﻨﻬﺎ ﻭﻣﺎﺍﻧﺎﻡ ﺑﺎﻟﻐﺮﻓﻪ .
ﺭﺩﺕ ﺍﺩﺧﻞ ﻟﻼﺳﺘﻘﺒﺎﻝ .
ﺳﻤﻌﺖ ﺍﻟﺘﻠﻔﻮﻥ .
ﺭﻓﻌﺘﻪ ﻭﮔﻠﺒﻲ ﻳﺪﮒ ﺣﻴﻞ .
ﻛﻨﺖ ﺣﺎﺳﻪ ﻫﺬﺍ ﻣﺼﻄﻔﻰ .
ﮔﻠﺖ ﺍﻟﻮ .
ﺣﻼ .. ﺍﻟﻮ
ﺑﺴﺮﻋﻪ ﺍﺧﺬﻩ ﻣﻨﻬﺎ ﻣﺼﻄﻔﻰ ..
ﻭﻟﺞ ﻟﻴﺶ ﻫﻴﺞ ﻫﺎﻥ ﻋﻠﻴﺞ ﺣﺒﻲ ﻫﺎﻥ ﻋﻠﻴﺞ ﻋﺸﮕﻲ .
ﻭﻟﺞ ﺟﺪﻱ ﻳﺨﺎﺑﺮ ﺣﺘﻰ ﻳﺨﻄﺒﺞ ﺍﻟﻲ .
ﻳﮕﻠﻮﻟﻪ ﺍﻟﻴﻮﻡ ﻋﻘﺪﺕ .
ﻣﺎﮔﺪﺭﺗﻲ ﺗﻨﺘﻈﺮﻳﻦ ﻛﻢ ﻳﻮﻡ .
ﺩﻣﻮﻋﻲ ﻧﺰﻟﻦ ﻋﺸﺮﻩ ﻋﺸﺮﻩ .
ﻣﺼﻄﻔﻰ . ﻭﺍﻟﻠﻪ ﻣﻮ ﺑﻴﺪﻱ ﻣﺠﺒﻮﺭﻩ .
ﺍﺳﺄﻝ ﺑﺎﺟﻲ ﺍﺣﻼﻡ .
ﻭﺍﻟﻠﻪ ﻏﻴﺮﻙ ﻣﺎﻳﺼﻴﺮ ﺍﻟﻲ ﺭﺟﻞ .
ﻭﻻ ﻳﻠﻤﺴﻨﻲ ﻭﺍﺣﺪ .
ﻣﺎﺣﺒﻴﺖ ﻭﻻﺭﺍﺡ ﺍﺣﺐ ﻏﻴﺮﻙ .
ﺑﺲ ﻣﻮ ﺑﻴﺪﻱ . ﻣﻮﺑﻴﺪﻱ ﻭﺍﻟﻠﻪ ..
ﺑﻼﻳﺔ ﻭﺩﺍﻉ ....
ﻣﺜﻞ ﺍﻟﻌﻮﺩ ﻣﻦ ﻳﺬﺑﻞ .... ﺑﻼﻳﺔ ﻭﺩﺍﻉ
ﻭﻣﺜﻞ ﺍﻟﻤﺎﻱ ﻣﻦ ﻳﻨﺸﻒ ....... ﺑﻼﻳﺔ ﻭﺩﺍﻉ
ﺗﺪﺭﻳﻨﻲ ﻫﺮﺵ ﻭﺍﻭﺟﺮﺕ ﺑﻴﺔ ﺍﻟﻜﺎﻉ
ﻳﺎ ﺭﺧﺺ ﺍﻟﻌﺸﮓ ﻣﻦ ﻳﻨﺸﺮﻩ ﻭﻳﻨﺒﺎﻉ
ﺷﻠﻮﻥ ﺍﻟﻤﺎﻱ ......
ﻳﻜﺪﺭ ﻳﻨﻜﺮ ﺍﺟﺮﻭﻓﺔ
ﺷﻠﻮﻥ ﺍﻟﻌﻴﻦ ﺗﻜﺪﺭ ..... ﺷﻮﻓﻬﺎ ﺗﻌﻮﻓﻪ
ﻭﺍﺑﻮ ﺟﻔﻮﻑ ﺍﻟﺤﻨﻴﻨﺔ .... ﺷﻠﻮﻥ ﻳﺮﺿﻰ
ﺍﺗﺒﻴﻌﻨﺎ ﺟﻔﻮﻓﻪ ......
ﻳﺎ ﺭﺧﺺ ﺍﻟﻌﺸﻚ ﻣﻦ ﻳﻨﺸﺮﻩ ﻭﻳﻨﺒﺎﻉ
....
ﻳﺨﻨﻜﻨﻲ ﺍﻟﻨﻔﺲ ﻛﻞ ﻣﺎ ﺍﻛﻮﻝ ﺍﻧﺴﺎﻙ
ﻭﺍﺭﺟﻊ ﻋﻦ ﻗﺮﺍﺭﻱ ﻭﺍﺫﻛﺮ ﺍﻟﻌﺸﺮﻩ
ﻣﻮ ﺷﻐﻠﺔ ﻭﻓﻪ ﺑﺲ ﻛﻠﺒﻲ ﻃﻴﺐ ﺣﻴﻞ
ﻣﺜﻞ ﻃﻴﺐ ﺍﻟﺤﻤﺎﻡ ﺍﻟﺼﺎﺩﻕ ﺍﻟﺸﺠﺮﻩ
ﺻﺢ ﻗﺎﺳﻲ ﻭﻟﻜﻦ ﻃﺒﻌﻲ ﺍﻧﻄﻲ ﺍﺩﺭﻭﺱ
ﺍﻧﻄﻲ ﺍﺩﺭﻭﺱ ﻛﻠﻤﻦ ﻣﺎﻋﺮﻑ ﻗﺪﺭﻩ
ﺑﺲ ﺍﻧﺘﻪ ﺍﻟﻮﺣﻴﺪ ﺍﻟﻄﺎﻝ ﺧﻠﮕﻲ ﻭﻳﺎﻙ
ﺭﺩﺗﻚ ﺑﺎﻟﺤﻼﻝ ﻭﻫﻴﺞ ﻋﻞ ﻓﻄﺮﻩ ........ ﻣﺎﺻﺪﻙ ﺗﺤﺒﻨﻲ ﺍﻟﻴﺤﺐ ﻟﻴﺶ ﻳﺮﻭﺡ
.. ﻭﻟﻴﺶ ﺑﻨﺺ ﻃﺮﻳﻘﺔ ﻭﻳﺨﻠﻒ ﺑﻮﻋﺪﺓ 💔
ﻫﻮﺍﻱ ﻣﺼﻄﻔﻰ ﻳﺪﺯﻟﻲ ﺍﺷﻌﺎﺭ ﻭﻳﻠﻮﻡ ﺑﻴﻪ .
ﻭﻃﻠﻌﺖ ﺑﻨﻀﺮﻩ ﺧﺎﻳﻨﻪ ﻭﻣﺎﺩﺍﻓﻌﺖ ﻋﻦ ﺣﺒﻨﻪ .
ﻭﺍﺧﺮ ﻣﺮﻩ ﮔﻠﻲ ﻻﺗﺼﺪﮔﻴﻦ ﺗﺘﻬﻨﻴﻦ ﻭﻳﺎﻩ .
ﻻﻥ ﺍﻧﻲ ﺑﺲ ﺍﻟﻲ ﺍﺣﺒﺞ ﻭﺍﮔﺪﺭ ﺍﺳﻌﺪﺝ .
ﻫﻴﺞ ﻭﺍﺣﺪ ﻣﺴﺘﺤﻴﻞ ﻳﺴﻌﺪﺝ ﻟﻮ ﻳﺤﺒﺞ ﺑﮕﺪﻱ .
ﻣﺎﺑﻴﺪﻱ ﺷﻲ ﺑﺲ ﺍﻟﺪﻣﻮﻉ . ( ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ )
ﻭﺣﺘﻰ ﻫﻲ ﻧﺸﻔﺖ ﻣﻦ ﻋﻴﻮﻧﻲ .
ﺍﺣﺒﻪ ﻭﺍﻟﻠﻪ ﻭﻣﺴﺘﺤﻴﻞ ﺍﺣﺐ ﻏﻴﺮﻩ .
ﺑﺲ ﺷﻜﻲ ﻭﺧﻮﻓﻲ ﻣﻦ ﺍﻟﻔﻀﻴﺤﻪ ﻫﻮ ﺍﻟﻲ ﺑﻌﺪﻧﻲ ﻋﻨﻪ .
ﺍﻭﻭﻭﻑ ﺍﻟﻌﻦ ﻃﻔﻮﻟﺘﻲ ﻭﻟﻌﺒﻲ . ﻭﺣﻴﺎﺗﻲ ﻣﻦ ﺍﻧﻲ ﺻﻐﻴﺮﻩ
ﺍﺗﻤﻨﻴﺖ ﺍﺭﺟﻊ ﺍﻟﻄﻔﻮﻟﺘﻲ .
ﺣﺘﻰ ﺍﻣﺤﻲ ﻛﻞ ﺍﻟﺬﻛﺮﻳﺎﺕ ﺍﻟﺴﻴﺌﻪ ﺍﻟﻲ ﻣﺮﻳﺖ ﺑﻴﻬﺎ ..
ﺣﻼ ﻛﻞ ﻓﺘﺮﻩ ﺗﺘﺼﻞ ﻋﻠﻴﻪ .
ﻭﺗﮕﻠﻲ ﻣﺼﻄﻔﻰ ﺭﺍﺡ ﻳﻤﻮﺕ ﺭﻭﺣﻪ .
ﻣﻦ ﺍﻟﻘﻬﺮ .. ﻭﻻﻳﺎﻛﻞ ﻭﻻﻳﺸﺮﺏ .
ﻭﺧﺎﺑﺺ ﺍﻟﺒﻴﺖ ﺑﺎﻟﻌﺼﺒﻴﻪ ﻣﺎﻟﺘﻪ .
ﮔﺎﻡ ﻳﻄﻠﻊ ﺣﺮﮔﺘﻪ ﻭﻗﻬﺮﻩ ﻋﻠﻴﻨﺎ .
ﻭﻳﮕﻮﻝ ﺑﺴﺒﺒﻜﻢ ﺿﺎﻋﺖ ﻣﺎﺳﻪ ﻣﻨﻲ .
ﻣﺤﺪ ﻋﺮﻑ ﻳﺮﻭﺡ ﻳﺨﻄﺒﻬﺎ .
ﻟﻮ ﺗﻤﺸﻮﻥ ﻋﻠﻴﻬﻢ .
ﻭﺗﻌﺎﺭﻙ ﻭﻱ ﺍﺑﻮﺝ ﻳﮕﻠﻪ . ﺍﻧﺖ ﺍﻟﺴﺒﺐ ﺍﻟﻲ ﺗﺮﻛﺘﻬﺎ ﻭﻫﻲ ﺻﻐﻴﺮﻩ ﻭﺧﻠﻴﺖ ﺍﻟﻨﺎﺱ ﺗﺘﺤﻜﻢ ﺑﻴﻬﺎ .
ﻭﺗﺸﺘﺮﻱ ﻭﺗﺒﻴﻊ ﺑﻜﻴﻔﻬﺎ . ( ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ )
ﺑﻌﺖ ﺑﻨﺘﻚ ﺍﻟﻮﺍﺣﺪ ﻣﻴﺴﻮﻩ ﻓﻠﺲ ..
ﺍﻭﻭﻭﻑ ﻳﺎﻣﺼﻄﻔﻰ ﻛﻼﻣﻚ ﺫﻫﺐ .
ﺍﻧﻲ ﻓﻌﻼ ﺑﻌﺖ ﻧﻔﺴﻲ ﺑﺎﻟﺮﺧﻴﺺ ﺍﻟﻮﺍﺣﺪ ﻣﻴﺴﺘﺎﻫﻠﻨﻲ .
ﺑﺲ ﺷﺴﻮﻱ ﻟﻠﻘﺪﺭ ﺍﻟﻲ ﻣﺎﺭﺣﻤﻨﻲ ﻭﻻﺭﺣﻢ ﺣﺒﻨﺎ ﻭﻋﺸﮕﻨﺎ .
ﺟﺎﻥ ﻳﺤﺎﻓﻆ ﻋﻠﻴﻪ ﻣﻦ ﺍﻟﻬﻮﺍ ﻭﻳﺨﺎﻑ ﻳﻠﻤﺴﻨﻲ .
ﻳﮕﻠﻲ ﺧﻠﻲ ﺣﺒﻨﺎ ﻃﺎﻫﺮ .. ﺍﻟﻰ ﺍﻥ ﻧﺘﺰﻭﺝ .
ﻭﺍﻟﻠﻪ ﻟﻮ ﻣﺎﺳﺎﻟﻔﻪ ﺍﺣﻤﺪ .
ﻛﺎﻥ ﺗﺤﺪﻳﺖ ﺍﻟﻜﻞ ﻭﺗﺰﻭﺟﺘﻪ .
ﺑﺲ ﻫﺎﻱ ﺍﻟﺴﺎﻟﻔﻪ ﻭﻣﺮﺽ ﺍﻣﻲ ﻫﻲ ﺍﻟﻲ ﻛﺴﺮﺕ ﻇﻬﺮﻱ .
ﺑﺪﺃﺕ ﺍﻣﺘﺤﺎﻧﺎﺕ ﻧﺺ ﺍﻟﺴﻨﻪ .
ﻭﻗﺮﺭﻭﺍ ﺧﻮﺍﻟﻲ ﻳﺰﻭﺟﻨﺎ ﺑﻌﻄﻠﻪ ﻧﺺ ﺍﻟﺴﻨﻪ .
ﻳﮕﻮﻟﻮﻥ ﺍﻟﺨﻄﻮﺑﻪ ﺍﺫﺍ ﺗﻄﻮﻝ ﻣﺤﻠﻮﻩ .
ﻣﺎﺍﻋﺮﻑ ﺷﻨﻮ ﺍﻟﻲ ﻏﻴﺮ ﻗﺮﺭﺍﺭﻫﻢ .
ﻛﺎﻧﻮ ﻣﺘﻔﻘﻴﻦ . ﺍﻟﺰﻭﺍﺝ ﺑﻌﻄﻠﻪ ﺍﺧﺮ ﺍﻟﺴﻨﻪ .
ﻭﺑﻌﺪ ﺩﻭﺭﺓ ﺳﻨﻪ ﺟﺪﻭ ﺍﻟﻠﻪ ﻳﺮﺣﻤﻪ .
ﺍﻧﻲ ﻣﺎﻟﻲ ﺭﺁﻱ . ﺍﺻﻼ ﺍﻧﻲ ﺟﺜﻪ ﺑﻼ ﺭﻭﺡ ﻭﺍﻣﺸﻴﻲ
ﻣﺎﻟﻲ ﺧﻠﮓ ﺍﻟﻜﻠﺸﻲ .
ﻭﻗﺮﺭﺕ ﺯﻭﺍﺟﻲ ﺑﺄﺣﻤﺪ ﺷﻜﻠﻲ .
ﻣﺎﻳﺘﻘﺮﺑﻠﻲ ﻭﻣﺎﻳﻠﻤﺴﻨﻲ .
ﺻﺎﺭ ﻛﻢ ﺷﻬﺮ ﻣﺴﺎﻣﻌﻪ ﺻﻮﺕ ﻣﺼﻄﻔﻰ .
ﺑﺲ ﺣﻼ ﺗﻮﺻﻠﻲ ﺍﺧﺒﺎﺭﻩ .
ﻋﻤﺘﻲ ﺍﻟﻲ ﻛﺎﻧﺖ ﺗﺘﻤﻨﺎﻧﻲ ﺍﻻﺑﻨﻬﺎ .
ﻫﺴﺎ ﺍﺳﻤﻌﻬﺎ ﺗﺪﻋﻲ ﻋﻠﻴﻪ .
ﻭﻫﻲ ﺗﺪﺭﻱ ﺑﺤﻼ ﺗﺤﺠﻲ ﻭﻳﺎﻱ .
ﺗﮕﻮﻝ .
ﺍﻟﻠﻪ ﻟﻴﻨﻄﻲ ﺍﻟﻲ ﻛﺎﻥ ﺍﻟﺴﺒﺐ ﺑﺤﺎﻟﺔ ﺍﺑﻨﻲ .
ﻫﻲ ﺗﺘﺰﻭﺝ ﻭﺗﻔﺮﺡ ﻭﺍﺑﻨﻲ ﺩﺍﻓﻦ ﺭﻭﺣﻪ .
ﺍﺿﻮﺝ ﺑﺲ ﻣﺎﺍﺯﻋﻞ . ﻻﻥ ﺣﻘﻬﺎ ﺍﺑﻨﻬﺎ ﺍﻟﻜﺒﻴﺮ ﻭﻳﺘﺪﻣﺮ ﮔﺪﺍﻣﻬﺎ ﺑﺴﺒﺒﻲ .
ﺍﻭﻭﻭﻑ ﻳﺎﻋﻤﺔ ﺷﮕﺪ ﺗﻤﻨﻴﺖ ﺍﻧﺠﻤﻊ ﺍﻧﻲ ﻭﺍﺑﻨﺞ ﺑﺒﻴﺖ ﻭﺍﺣﺪ .
ﺑﺲ ﺍﻟﻘﺪﺭ ﻏﻴﺮ ﺭﺃﻳﻪ . ﻭﻣﺎﺭﺍﻳﺪ ﻳﺠﻤﻌﻨﺎ ﺳﻮﻳﻪ .
ﻣﺮﺕ ﺍﻣﺘﺤﺎﻧﺎﺗﻲ ﺑﺸﻜﻞ ﻋﺎﺩﻱ .
ﻣﻮ ﻣﺜﻞ ﻣﺎﻛﻨﺖ ﺍﺭﻳﺪ .
ﺑﺲ ﻻﻥ ﻃﺎﺭ ﻭﺍﻫﺴﻲ ﻭﻣﺎﻟﻲ ﺧﻠﮓ ﺣﺘﻰ ﺍﺩﺭﺱ .
ﺑﻴﺒﻲ ﻣﺎﻗﺒﻠﺖ ﻳﺼﻴﺮ ﺯﻭﺍﺝ ﻫﺴﺎ ..
ﺑﺲ ﺧﺎﻟﻮ ﻣﺎﻫﺮ ﺍﺻﺮ ﺍﻧﻪ ﻳﺼﻴﺮ ﺯﻭﺍﺝ ..
ﮔﻠﺘﻠﻬﺎ ﻳﻮﻡ . ( ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ )
ﻛﻮﻟﺸﻲ ﻗﺮﺭﺗﻮﺍ ﻋﻨﻲ . ﺍﻧﻲ ﻣﺎﺍﺭﻳﺪ ﻫﺴﺎ ﺧﻠﻮﻫﺎ ﺍﻟﻌﻄﻠﻪ ﺁﺧﺮ ﺍﻟﺴﻨﻪ ..
ﻣﺎﻣﺎ ﻣﺎﻛﻮ ﻓﺮﻕ . ﻭﺍﻧﺘﻲ ﺷﺎﻃﺮﻩ . ﻭﻣﺮﺕ ﺧﺎﻟﺞ ﺗﮕﻮﻝ ﻣﺎﺍﺧﻠﻴﻬﺎ ﺗﮕﻴﺲ ﺍﻟﻮﺭﺩ .
ﻛﻠﻪ ﻫﻲ ﺗﺴﻮﻳﻪ .
ﻭﻫﺎﻱ ﺭﻧﺎ ﻭﻳﺎﺝ ﻣﺎﺍﻋﺘﺮﺿﺖ . ﻟﻴﺶ ﺍﻧﺘﻲ ﺩﻭﻡ ﻣﻌﺎﺭﺿﻪ .
ﺧﺎﻑ ﺑﻌﺪ ﻋﻨﺪﺝ ﺍﻣﻞ ﺑﺄﺑﻦ ﻋﻤﺘﺞ .
ﻫﻬﻬﻬﻬﻪ ﻫﻮ ﻫﺬﺍ ﺍﻟﻲ ﺗﻔﻜﺮﻳﻦ ﺑﻲ .
ﺍﺑﻦ ﻋﻤﺘﻲ ﺧﻠﺺ . ﺻﺎﺭ ﺣﺎﺟﺰ ﺑﻴﻨﺎ ﻛﺒﻴﺮ
ﻭﻣﺴﺘﺤﻴﻞ ﻧﺼﻴﺮ ﺍﻟﺒﻌﺾ ..
ﻟﺞ ﺑﺎﻋﻲ ﺍﻟﺮﻭﺣﺞ ﺑﺎﻟﻤﺮﺍﻳﻪ . ﺷﻠﻮﻥ ﺫﺑﻼﻧﻪ ﻭﺻﺎﻳﺮﻩ ﻣﺤﻠﻮﻩ
ﻟﻮﻳﺶ .
ﻛﻠﻪ ﻻﻥ ﺭﺍﺡ ﺗﺘﺰﻭﺟﻴﻦ ﺍﺑﻦ ﺧﺎﻟﺞ .
ﺍﻟﻲ ﺭﺑﻰ ﻭﻳﺎﺝ ﻭﻣﺴﺘﻌﺪ ﻳﺴﻮﻱ ﻛﻠﺸﻲ ﻋﻤﻮﺩﺝ .
ﻋﺒﺎﻟﺞ ﻣﺼﻄﻔﻰ ﻳﻔﻴﺪﺝ .
ﻣﺜﻞ ﻣﺎﺑﺎﻋﻨﻲ ﺍﺑﻮﺝ . ﺑﺎﺟﺮ ﻫﻮ ﻳﺒﻴﻌﺞ .
ﺛﻠﺜﻴﻦ ﺍﻟﻮﻟﺪ ﻉ ﺍﻟﺨﺎﻝ .
ﻣﻌﻘﻮﻟﻪ ﻫﺬﺍ ﻛﻠﻪ ﺣﺘﻰ ﺗﻨﺘﻘﻤﻴﻦ ﻣﻨﻬﻢ ﺑﻴﻪ .
ﻭﻟﺞ ﻳﺎﺍﻧﺘﻘﺎﻡ .
ﺍﻧﻲ ﻟﻮ ﺍﺭﻳﺪ ﺍﻧﺘﻘﻢ ﺟﺎﻥ ﺗﺰﻭﺟﺖ ﺑﻌﺰ ﺷﺒﺎﺑﻲ ﻭﺣﺮﮔﺖ ﺭﻭﺣﺔ ﺍﻻﺑﻮﺝ .
ﻣﻮ ﺿﺤﻴﺖ ﺑﺸﺒﺎﺑﻲ ﻭﺳﻌﺎﺩﺗﻲ ﻋﻠﻤﻮﺩﺝ .
ﻭﺗﺎﻟﻲ ﺷﻠﻮﻥ ﺟﺎﺯﻳﺘﻴﻨﻲ .
ﻋﻄﺖ ﺑﻌﻠﻮ ﺻﻮﺗﻲ ..
ﻭﻣﻨﻮ ﮔﻠﺞ ﺗﻀﺤﻴﻦ ﻋﻤﻮﺩﻱ . ﻣﺎﺗﺰﻭﺟﺘﻲ ﻭﺷﻔﺘﻲ ﺣﻴﺎﺗﺞ
ﺍﺑﻘﻰ ﻃﻮﻝ ﻋﻤﺮﻱ ﺗﻌﺎﻳﺮﻳﻨﻲ .
ﻟﻴﺶ ﻣﺎﺗﺰﻭﺟﺘﻲ ﻭﺧﻠﻴﺘﻨﻲ ﺑﻴﻦ ﻋﻤﺎﺗﻲ ﻭﺍﻫﻠﻲ .
ﻣﻮ ﺍﺣﺴﻦ ﻣﻤﺎﺍﻛﺒﺮ ﻭﺗﻀﻠﻤﻴﻨﻲ ﺑﻬﻴﺞ ﺯﻭﺍﺝ .
ﺍﻧﺘﻲ ﻣﻮ ﺿﺤﻴﺘﻲ ﻋﻤﻮﺩﻱ . ﺍﻧﺘﻲ ﺻﺎﺭ ﺑﻴﺞ ﻭﻫﻮﺍﺱ ﻣﻦ ﻛﻞ ﺍﻟﺰﻟﻢ ﻭﺧﺎﻑ ﻭﺍﺣﺪ ﻻﺥ ﻳﺼﺪﻣﺞ ﻣﺜﻞ ﺑﺎﺑﺎ .
ﻳﻌﻨﻲ ﻻ ﻛﻞ ﺷﻮﻳﻪ ﺗﮕﻮﻟﻴﻦ ﺿﺤﻴﺖ ﻋﻤﻮﺩﺝ ..
ﻭﻟﺞ ﻭﺍﻟﻠﻪ ﺍﻧﺘﻲ ﻧﺎﻛﺮﻩ ﺍﻟﻤﻌﺮﻭﻑ . ﻋﻠﻴﻤﻦ ﺗﻄﻠﻌﻴﻦ ﻋﻠﻰ ﺍﺑﻮﺝ .
ﺑﺎﻉ ﺣﺒﻲ ﻭﺩﻻﻟﻲ ﺍﻟﻪ . ﺑﻮﺣﺪﻩ ﻣﺎﺗﻨﺒﺎﻉ ﺑﻔﻠﺲ .
ﻭﺍﻧﺘﻲ ﻃﻠﻌﺘﻲ ﻋﻠﻴﻪ .
ﻻﻥ ﺍﻓﻜﺮ ﺑﻴﺞ ﻭﺑﻤﺼﻠﺤﺘﺞ ﻫﻴﺞ ﺗﺤﺠﻴﻦ ﻭﺗﻄﻠﻌﻴﻨﻲ ﻣﻮ ﺯﻳﻨﻪ
ﺭﻭﺣﻲ ﺍﻻﺑﻮﺝ .
ﻳﻠﻪ ﻟﻤﻲ ﻏﺮﺍﺿﺞ ﻭﺭﻭﺣﻲ . ( ﺗﺤﺠﻲ ﻭﺗﺪﻓﻊ ﺑﻴﻪ )
ﺭﻭﺣﻲ ﺗﺰﻭﺟﻲ ﺍﻟﻲ ﺗﺮﺩﻳﻪ .
ﺑﺲ ﺳﺎﻋﺘﻬﺎ ﻻﺍﺍﻋﺮﻓﺞ ﻭﻻﺗﻌﺮﻓﻴﻨﻲ .
ﺭﻭﺣﻲ ﺭﻭﺣﻲ .
ﻭﻓﺠﺄﺓ ﺣﺴﻴﺘﻬﺎ ﺟﻤﺪﺕ ﺑﻤﻜﺎﻧﻬﺎ ..
ﻭﺍﻟﻜﻞ ﺍﺟﻪ ﻉ ﺻﻴﺎﺣﻬﺎ .
ﻣﻦ ﺷﺎﻓﻮﻫﺎ ﻭﺍﮔﻌﻪ ﺑﻴﻦ ﺍﺩﻳﻪ .
ﺑﺴﺮﻋﻪ ﺷﺎﻟﻬﺎ ﺧﺎﻟﻮ .
ﻭﺫﺑﺖ ﺑﻴﺒﻲ ﻋﻠﻴﻬﺎ ﺍﻟﻌﺒﺎﻳﻪ .
ﻭﻃﻠﻌﻨﺎ .
ﻫﺎﻟﻤﺮﻩ ﻳﻤﻜﻦ ﺧﺴﺮﺗﻬﺎ ﺧﻠﺺ .
ﺩﻣﻮﻋﻲ ﺗﺠﺮﻱ .
ﻭﺧﺎﻟﻮ . ﻳﻌﻴﻂ ﻋﻠﻴﻪ ﻭﻟﺞ ﺷﺤﺎﺟﻴﺘﻴﻬﺎ .
ﺷﺒﻴﺞ ﻟﻤﻦ ﺗﻤﻮﺗﻴﻬﺎ ﻳﻠﻪ ﺗﺮﺗﺎﺣﻴﻦ .
ﺗﺮﺩﻳﻦ ﺍﺑﻮﺝ ﻭﻟﻲ ﺭﻭﺣﻲ .
ﺑﺲ ﺧﻠﻴﻬﺎ ﺗﺮﺗﺎﺡ . ﻛﻞ ﻳﻮﻡ ﻣﻔﺮﻓﺤﺘﻬﺎ ﻭﻭﺍﮔﻌﻪ .
ﺩﺧﻠﻮﻫﺎ ﻟﻠﻄﻮﺍﺭﺉ .
ﻭﺍﻃﺮﺍﻓﻬﺎ ﺑﺪﺕ ﺗﺠﻤﺪ .
ﮔﻤﺖ ﺍﻋﻴﻂ . ﻳﻮﻡ ﺍﮔﻌﺪﻱ ﻳﻮﻡ ﻭﺍﻟﻠﻪ ﺍﺳﻮﻱ ﻛﻞ ﺍﻟﻲ ﺗﺮﺩﻳﻪ
ﺑﺲ ﻻﺗﺘﺮﻛﻴﻨﻲ .
ﻭﺍﻟﻠﻪ ﻣﺎﺍﺣﺠﻲ ﺑﻌﺪ ﺗﻮﺑﻪ . ﻭﺍﺿﺮﺏ ﻋﻠﻰ ﺣﻠﮕﻲ .
ﻃﻠﻌﻮﻧﻲ ﺧﻮﺍﻟﻲ ﺑﺎﻟﮕﻮﻩ ﻣﻦ ﻳﻤﻬﺎ .
ﺑﺴﺮﻋﻪ ﺍﻟﺪﻛﺘﻮﺭ ﺣﻮﻟﻬﺎ ﻋﻠﻰ ﺍﻻﻧﻌﺎﺵ .
ﮔﺎﻟﻪ ﺧﺎﻟﻮ ..
ﻫﺎ ﺩﻛﺘﻮﺭ ﻫﻢ ﺳﻜﺮﻫﺎ .
ﻻ ﻫﺎﻟﻤﺮﻩ ﻣﻮ ﺑﺲ ﺍﻟﺴﻜﺮ .
ﺿﻐﻄﻬﺎ ﻣﺮﺗﻔﻊ ﺣﻴﻞ ﻭﺻﺎﺭﺕ ﻋﻨﺪﻫﺎ ﺟﻠﻄﻪ ﻗﻮﻳﻪ .
ﺷﺒﻴﻬﺎ ?? ﻣﻌﺼﺒﻪ .. ﺿﺎﻳﺠﻪ ﻻﻥ ﺣﺎﻟﺘﻬﺎ ﺗﻌﺒﺎﻧﻪ ﻛﻠﺶ .
ﻭﺭﺍﺡ ﻧﺨﻠﻴﻬﺎ ﺗﺤﺖ ﺍﻟﻤﺮﺍﻗﺒﻪ ﺑﺎﻻﻧﻌﺎﺵ .
ﻫﺎﻟﻤﺮﻩ ﻋﺪﺕ ﻭﺍﻟﺤﻤﺪ ﻟﻠﻪ ﺍﻟﻤﺮﻩ ﺍﻟﺠﺎﻳﻪ ﺍﻟﻠﻪ ﺍﻟﻴﺴﺘﺮ ﻳﻤﻜﻦ ﻣﺎﺗﻌﺪﻱ ..
# ﺑﻘﻠﻤﻲ _ ﺷﻤﺲ
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء