رواية عشق وابتلاء الجزء الرابع

رواية عشق وابتلاء الجزء الرابع

للكاتبة شمس

...

ﺍﺣﺒﺞ ﻭﺍﻟﻴﺤﺐ ﺑﻠﻮﺓ

ﻭﻳﻦ ﺍﻟﻠﻪ ﻭﻗﺴﻤﺘﻲ ﺗﺮﻭﺡ ﻳﻢ ﻋﻴﻮﻧﺞ ﺍﻟﺤﻠﻮﺓ

ﻭﺍﺳﻮﻟﻔﻠﺞ ﻋﻠﻴﺞ ﺍﻫﻮﺍﻱ

ﻭﺍﺗﺒﻠﻞ ﻳﻮﺍﻫﺲ ﻣﺎﻱ

ﻋﻴﻨﺞ ﻳﻤﻲ ﻻﺗﻐﻔﺔ

ﺍﺭﻳﺪﻥ ﻛﻮﻥ ﻭﺟﻬﺞ ﻳﺘﺮﺱ ﺍﻟﻐﺮﻓﺔ

ﻭﺍﺷﺘﻢ ﺑﻴﺞ ﺣﻨﻴﺔ

ﺍﺣﺒﺞ ﺣﻴﻞ ﻳﺒﻨﻴﺔ

ﺟﻬﺎﻟﻲ ﺑﺤﻀﻨﺞ ﻳﻨﺎﻣﻮﻥ

ﻫﻨﻴﺎﺍﺍﺍﺍﺍﻟﻲ

ﺍﺿﻞ ﺟﻢ ﺩﻭﺏ ﺍﺳﻮﻟﻔﻠﺞ ﻋﻠﻰ ﺍﻟﻌﺮﺳﺎﻥ

ﻣﻦ ﺯﻓﻮﻫﻢ ﻛﺒﺎﻟﻲ

ﻭﻳﻤﺮ ﻣﻨﻲ ﻋﺮﺱ ﻭﺍﺫﻛﺮﺝ

ﻭﺍﻧﺴﻪ ﺍﺗﻨﻔﺲ ﻭﺍﺷﺘﺎﮔﻠﺞ ﻳﻤﺞ

ﻳﺒﺖ ﮔﻠﺒﻲ ﻳﺎﻭﺟﻪ ﺍﻟﻤﺎﻱ

ﺍﻧﻪ ﻣﻴﺖ ﻋﻠﻴﺞ ﺍﻫﻮﺍﻱ

ﻏﻮﺭﺕ ﺍﻟﮕﻤﺮ ﺑﺨﺪﻭﺩﺝ ﺍﻟﺴﻤﺮﻩ

ﺍﺣﺐ ﻋﻴﻮﻧﺞ # ﺍﻟﺸﮕﺮﻩ

ﺍﺑﺎﻭﻉ ﻭﺍﺻﻔﻦ ﺑﻜﻞ ﻗﻮﺗﻲ ﺑﻌﻴﻮﻧﺞ

ﻭﺍﮔﻮﻟﻦ ﻣﺎﺧﺬﺕ ﺣﮕﻲ …

ﻣﺼﻄﻔﻰ ﻻﺗﺴﻮﻱ ﻫﻴﺞ ﺗﺪﻣﺮﻧﻲ .. ﺍﻧﻲ ﺍﻓﻜﺮ ﺍﺫﺍ ﺭﺣﻨﺎ ﺷﻠﻮﻥ ﺑﻴﻪ .. ﺗﻌﻮﺩﺕ ﻋﻠﻴﻚ ﻭﻣﺎﺍﮔﺪﺭ ﻋﻠﻰ ﻓﺮﺍﮔﻚ ..

ﻭﺍﻧﺖ ﻣﺎﻣﻬﺘﻢ .. ‏( ﺑﻘﻠﻢ ﺍﻟﻜﺎﺗﺒﻪ ﺷﻤﺲ ‏)

ﻭﻟﺞ ﺍﻧﻲ ﻣﺎﻣﻬﺘﻢ . ﺍﻧﻲ ﺍﺗﮕﻄﻊ ﻣﻦ ﺳﺎﻋﺔ ﺍﻟﻲ ﮔﻠﺘﻲ ﺑﻴﻬﺎ ﺍﻣﻲ ﺗﮕﻮﻝ ﺭﺍﺡ ﻧﺮﺟﻊ ﺑﻌﺪ ﻛﻢ ﻳﻮﻡ ..

ﺑﺲ ﻣﺎﺭﺩﺕ ﺍﺿﻴﻊ ﻫﺎﻱ ﺍﻟﻠﺤﻈﻪ ..

ﺭﺩﺕ ﻧﻌﻴﺶ ﻧﻠﺤﻈﺎﺕ ﺣﻠﻮﻩ ﻧﺘﺬﻛﺮﻫﺎ ..

ﺍﻭﻭﻭﻭﻭﻑ ﻛﻠﻬﺎ ﻣﻦ ﺑﺘﻮﻝ .. ﺷﺎﻳﻔﺘﻨﺎ ﻧﺤﺠﻲ ﺳﻮﻳﻪ ﻭﺭﺍﻳﺤﻪ ﻓﺎﺿﺤﺘﻨﻲ ﻭﺣﻨﻴﻦ ﻫﻢ ﻣﺄﻳﺪﺗﻬﺎ ﻭﺗﮕﻮﻝ ﻛﻞ ﻳﻮﻡ ﺍﺷﻮﻓﻬﻢ ﻳﺴﻬﺮﻭﻥ ﺳﻮﻳﻪ ..

ﺍﻧﻲ ﺍﻋﻠﻤﻬﺎ ﺣﻨﻴﻦ .

ﻻ ﻣﺼﻄﻔﻰ ﺍﺗﺮﻛﻬﺎ ﻣﺎﻟﻲ ﺧﻠﮓ ﻣﺸﺎﻛﻞ ..

ﺧﻠﻴﻨﺎ ﺑﻬﺴﺎ . ﺷﻠﻮﻥ ﺍﺫﺍ ﺭﺣﻨﺎ ..

ﻭﻟﻴﻬﻤﺞ ﻫﺴﺎ ﺍﺣﺠﻲ ﻭﻱ ﺧﺎﻱ ﻭﺍﺧﻄﺒﺞ ﻭﻳﻨﺘﻬﻲ ﺍﻟﻤﻮﺿﻮﻉ ..

ﻻ ﻣﻮ ﺍﻟﻬﺎﻱ ﺍﻟﺪﺭﺟﻪ .. ﺑﻌﺪﻧﻲ ﺟﺎﻱ ﺍﺩﺭﺱ ﻭﺍﻧﺖ ﻫﻢ ﺑﻌﺪﻙ

ﺧﻠﻴﻨﻲ ﺍﺧﻠﺺ ﺳﺎﺩﺱ ﻳﻠﻪ ..

ﻭﺍﻧﺖ ﺗﺮﺗﺐ ﺍﻣﻮﺭﻙ …

ﻣﺎﺳﺘﻲ ﺣﺒﻴﺒﺘﻲ .. ﺍﺳﻮﻱ ﺍﻟﻤﺴﺘﺤﻴﻞ ﺣﺘﻰ ﻧﺠﺘﻤﻊ ..

ﻧﺒﻘﻰ ﻧﺘﻮﺍﺻﻞ ﺑﺄﻱ ﺷﻜﻞ ..

ﻭﺍﻟﻤﺴﺎﻓﻪ ﺍﺑﺪ ﻣﺎﺗﺒﻌﺪﻧﻲ ﻋﻨﺞ ..

ﺣﺒﻨﺎ ﺍﺭﻳﺪﻩ ﻳﻘﻮﻯ ﻭﺗﻮﻋﺪﻳﻨﻲ .. ﻧﺒﻘﻴﻦ ﺗﺤﺒﻴﻨﻲ ﻟﻮ ﺑﻌﺪﺗﻨﺎ ﺍﻟﻤﺴﺎﻓﺎﺕ ﻭﺍﻻﻳﺎﻡ ..

ﻛﻼﻣﻪ ﺣﻠﻮ ﻭﺧﺠﻠﻨﻲ ﻣﺎﺍﻋﺮﻑ ﺍﻟﻠﻪ ﺷﻠﻮﻥ ﺧﻼﻧﺎ ﻧﺤﺐ ﺑﻌﻀﻨﺎ ﻫﻴﺞ ﺑﺴﺮﻋﻪ ﻭﺑﻬﻴﺞ ﻗﻮﻩ ..

ﺗﺤﺠﻲ ﺻﺪﮒ ﻣﺼﻄﻔﻰ .. ﺍﻧﻲ ﺍﺫﺍ ﺍﺣﺐ .. ﻓﺄﺣﺐ ﺑﻜﻞ ﺟﻮﺍﺭﺣﻲ ﻭﻣﺎﻛﻮ ﺍﺣﺪ ﻳﺎﺧﺬ ﻣﻜﺎﻧﻚ ﺑﮕﻠﺒﻲ ﻭﻻﻳﻨﺴﻴﻨﻲ ﺣﺒﻚ .

ﺍﻧﺖ ﻛﻞ ﺷﻲ ﺍﻟﻲ ﺑﺎﻟﺪﻧﻴﺎ ﺻﺮﺕ ..

ﻇﻠﻤﺖ ﺍﻟﺪﻧﻴﺎ ..

ﺭﺟﻌﻨﺎ ﺍﻧﻲ ﻭﻣﺼﻄﻔﻰ ..

ﻫﻮ ﻣﻨﺒﻪ ﻉ ﺣﻼ ﺗﻨﺘﻈﺮﻧﺎ ﻳﻢ ﺍﻟﻨﻬﺮ ﺣﺘﻰ ﻧﺮﺟﻊ ﺳﻮﻳﻪ ﻭﻣﺤﺪ ﻳﺸﻚ ..‏( ﺑﻘﻠﻢ ﺍﻟﻜﺎﺗﺒﻪ ﺷﻤﺲ ‏)

ﺑﺲ ﺣﻼ ﺗﻌﺮﻑ ﺑﻌﻼﻗﺘﻨﺎ .. ﻭﻫﻲ ﺍﻟﻲ ﺗﺨﻠﻘﻨﺎ ﺍﻟﻔﺮﺹ ﺣﺘﻰ ﻧﺘﻘﺎﺑﻞ ..

ﻳﻮﻡ ﻋﻦ ﻳﻮﻡ ﻳﻜﺒﺮ ﺣﺒﻨﺎ .. ﻭﺻﺎﺭ ﻛﻠﺸﻲ ﺑﺤﻴﺎﺗﻲ ..

ﺍﺣﻠﻰ ﺍﻳﺎﻡ ﻋﺸﺘﻬﺎ ﺑﺎﻟﻨﺎﺻﺮﻳﻪ ..

ﺣﺒﻲ ﻧﻮﻟﺪ ﺑﺎﻟﻨﺎﺻﺮﻳﻪ ..

ﺑﻘﻠﻌﻪ ﺳﻜﺮ .. ﺍﻟﻲ ﺍﻋﺘﺒﺮﺗﻬﺎ ﻗﻠﻌﺔ ﺣﺒﻨﺎ ..

ﻭﻧﻬﺮ ﺍﻟﻐﺮﺍﻑ ﺷﺎﻫﺪ ﻉ ﻛﻞ ﻟﺤﻈﺎﺗﻨﺎ ﻭﻣﺸﺎﻋﺮﻧﺎ ..

ﻛﻨﺖ ﺍﺳﻤﻊ ﻳﮕﻮﻟﻮﻥ ﻭﻟﺪ ﺍﻟﻨﺎﺻﺮﻳﻪ ﺍﺫﺍ ﻳﺤﺒﻮﻥ ﻳﻮﻓﻮﻥ ﻭﻳﺤﺒﻮﻥ ﺑﻜﻞ ﺟﻮﺍﺭﺣﻬﻢ ..

ﻭﻛﻨﺖ . ﻣﺎﺍﺻﺪﮒ ﻻﻥ ﺑﺎﺑﺎ ﺗﺮﻙ ﻣﺎﻣﺎ ..

ﺑﺲ ﻫﻮ ﺑﻨﻔﺲ ﺍﻟﻮﻗﺖ ﺣﺐ ﺑﺘﻮﻝ ﻭﻛﺘﻞ ﻧﻔﺴﻪ ﻋﻠﻴﻬﺎ ..

ﻭﻫﺴﺎ ﺻﺪﮔﺖ ﻫﺎﻱ ﺍﻟﻤﻘﻮﻟﻪ .. ﻣﻦ ﺷﻔﺖ ﺣﺐ ﻣﺼﻄﻔﻰ ﺍﻟﻲ ..

ﻭﺷﻠﻮﻥ ﺗﻐﻴﻴﺮ ﻉ ﻣﻮﺩﻱ ..

ﺭﻏﻢ ﻋﺼﺒﻴﺘﻪ ﻭﺛﮕﻠﻪ ﺑﺎﻟﻜﻼﻡ ..

ﺍﻻ ﺍﻧﻪ ﻳﻤﻲ ﺍﺣﺴﻪ ﺷﺎﻋﺮ ﻣﻠﻴﺎﻥ ﺑﺎﻟﺤﺐ ﻭﺍﻟﺮﻭﻣﺎﻧﺴﻴﻪ ..

ﻛﻨﺖ ﻛﻞ ﻟﻴﻠﻪ ﻣﺎﺍﻧﺎﻡ ﺍﻻ ﺍﺳﻤﻊ ﺷﻌﺮ ﻣﻨﻪ ﻟﻮ ﺍﻏﻨﻴﻪ ﺑﺼﻮﺗﻪ ﺍﻟﻌﺬﺏ ..

ﻣﺼﻄﻔﻰ ﺍﺧﺘﺮﻕ ﻣﻤﻠﻜﻪ ﻗﻠﺒﻲ ﻭﺑﻘﻮﻩ .. ﻣﺎﺍﻋﺘﻘﺪ ﻳﺠﻲ ﻳﻮﻡ ﺍﺗﺮﻛﻪ ﺍﻭ ﺍﮔﺪﺭ ﺍﺣﺐ ﺍﺣﺪ ﺑﮕﺪ ﻣﺎﺍﺣﺒﻪ ..

ﻫﻮ ﻣﺜﻞ ﻣﺎﺍﺗﻐﻴﺮ ﻋﻤﻮﺩﻱ .. ﮔﺪﺭ ﻳﻐﻴﺮﻧﻲ ﻭﻳﺼﻨﻊ ﻣﻨﻲ ﺍﻧﺴﺎﻧﻪ ﺭﺯﻧﻪ ﻭﻭﺍﺛﻘﻪ ﻣﻦ ﺧﻄﻮﺍﺗﻬﺎ ..

ﻛﻨﺖ ﺍﺣﺲ ﻧﻔﺴﻲ ﻃﺎﻳﺸﻪ ﻭﻣﺎﻟﻲ ﻫﺪﻑ ﺑﺎﻟﺤﻴﺎﺓ ..

ﻫﺴﺎ ﻫﺪﻓﻲ ﺩﺭﺍﺳﺘﻲ ﻭﻣﺴﺘﻘﺒﻠﻲ ﻭﻗﺒﻞ ﻛﻮﻟﺸﻲ ﺣﺒﻲ ﻭﻭﻓﺎﺋﻲ ﺍﻟﻤﺼﻄﻔﻰ .. ‏( ﺑﻘﻠﻢ ﺍﻟﻜﺎﺗﺒﺔ ﺷﻤﺲ ‏)

……………………

ﻫﺪﺃﺕ ﺍﻻﻭﺿﺎﻉ ﻭﻣﺎﻣﺎ ﺍﺻﺮﺕ ﻧﺮﺟﻊ ..

ﻭﺻﺎﺭ ﻭﻗﺖ ﺍﻟﻮﺩﺍﻉ .. ﺗﻌﻮﺩﺕ ﻉ ﺍﻟﺤﻴﺎﺓ ﻫﻨﺎ ﻭﺑﺴﺎﻃﺘﻬﺎ ..

ﺭﺍﺡ ﺍﺷﺘﺎﻕ ﻣﻮ ﺑﺲ ﺍﻟﻤﺼﻄﻔﻰ ..

ﺍﻟﺒﻴﺒﻲ ﺍﻟﻲ ﺗﻌﻮﺩﺕ ﻋﻠﻴﻬﺎ ﻭﻋﻤﺎﺗﻲ ..

ﻭﺑﺎﺑﺎ ﺍﻟﻲ ﻋﺸﺖ ﻭﻳﺎﻩ ﻟﺤﻈﺎﺕ ﻣﺎﻋﺸﺘﻬﺎ ﺑﻄﻔﻮﻟﺘﻲ ..

ﺍﻻﺧﻮﺍﻧﻲ ﻭﺣﺒﻬﻢ ﺍﻟﻲ ﺭﻏﻢ ﺧﻮﻓﻬﻢ ﻣﻦ ﺍﻣﻬﻢ ..

ﻭﺑﻨﺎﺕ ﻋﻤﺘﻲ ﺍﻟﻲ ﺻﺎﺭﻭﺍ ﻣﺜﻞ ﺍﺧﻮﺍﺗﻲ ..

ﻫﺬﺍ ﻛﻠﻪ ﺧﻼﻧﻲ ﺍﻃﮓ ﺑﺠﻲ ﻭﺍﻧﻲ ﺍﻭﺩﻋﻬﻢ ..

ﻟﺤﺪ ﻣﺎﻭﺻﻠﺖ ﺍﻟﻌﻤﺘﻲ ﺍﻓﺮﺍﺡ ﺩﺍ ﺍﻭﺩﻋﻬﺎ ..

ﺣﻈﻨﺘﻨﻲ ﻭﮔﺎﻟﺖ ﻻﺗﺒﺠﻴﻦ .. ﻳﺠﻲ ﻳﻮﻡ ﺍﺟﻴﺒﺞ ﺟﻨﻪ ﺍﻟﻲ .

ﺑﻴﻦ ﺧﺠﻞ ﻭﺑﻴﻦ ﺩﻣﻮﻉ ﻭﻓﺮﺡ .. ﺳﻜﺘﺖ ﻣﺎﻋﺮﻓﺖ ﺷﻨﻮ ﺍﺟﺎﻭﺑﻬﺎ ﻣﻌﻘﻮﻟﻪ ﻣﺼﻄﻔﻰ ﺣﺎﺟﻴﻠﻬﺎ ﻟﻮ ﻫﻲ ﺣﺎﺳﻪ ﻋﻠﻴﻨﺎ ..

ﻟﺒﺴﺖ ﺣﺠﺎﺑﻲ ﻭﺍﻟﺠﺒﻪ .. ﻭﺍﺟﻮ ﺍﻟﻮﻟﺪ ﺍﺧﺬﻭﺍ ﺟﻨﻄﻨﺎ ﻭﻏﺮﺍﺿﻨﺎ ..

ﻭﻫﻢ ﺟﺪﻭﺍ ﻣﻬﺪﻱ ..

ﻃﻠﺐ ﻳﺼﻌﺪﻭﻥ ﺻﻮﻏﻪ ﺻﻨﺎﺩﻳﮓ ﺧﻀﺮﻭﺍﺕ ﻭﻓﻮﺍﻛﻪ ﻣﻦ ﺍﻟﻤﺰﺭﻋﻪ ﻣﺎﻟﺘﻬﻢ .. ‏( ﺑﻘﻠﻢ ﺍﻟﻜﺎﺗﺒﻪ ﺷﻤﺲ ‏)

ﻭﻃﻠﺐ ﻧﺠﻲ ﺑﻴﻦ ﻓﺘﺮﻩ ﻭﻓﺘﺮﻩ ..

ﻭﮔﺎﻝ ﺍﺭﻳﺪ ﺍﺳﻤﻊ ﺍﺧﺒﺎﺭ ﻃﻴﺒﻪ ﻋﻨﺞ ﺑﺪﺭﺍﺳﺘﺞ .. ﺍﺩﺭﻱ ﺑﻴﺞ ﺳﺒﺎﻋﻴﻪ ﻭﻣﻮ ﺑﺤﺎﺟﺔ ﺍﻭﺻﻴﺞ ..

ﺍﻧﻲ ﻣﺪﻧﮕﻪ ﻭﺍﻫﺰ ﺑﺮﺍﺳﻲ .. ﺗﺎﻟﻲ ﺑﺴﺖ ﺍﺩﻳﻬﻢ ﻫﻮ ﻭﺟﺪﻭ ﻫﻨﺪﻱ ﻭﺭﻓﻌﺖ ﺭﺍﺳﻲ ..

ﺻﺎﺭ ﻣﺼﻄﻔﻰ ﮔﺒﺎﻟﻲ .

ﺿﺎﻳﺞ

ﻭﻣﻬﻤﻮﻡ

ﻭﻋﺒﺎﻟﻚ ﺑﺤﺪﺍﺩ .

ﻳﺒﺎﻭﻋﻠﻲ ﺑﺤﺴﺮﻩ ﻭﺍﻟﻢ ..

ﺍﻧﻲ ﻋﻴﻮﻧﻲ ﺣﻤﺮ ﻣﻦ ﺍﻟﺒﺠﻲ ﻭﻭﺟﻬﻲ ﺍﺣﺴﻪ ﻭﺭﻡ ..

ﻧﺰﻟﺖ ﺩﻣﻮﻋﻲ ﻻ ﺍﺭﺍﺩﻳﺎ ..

ﻋﻴﻮﻧﻪ ﺗﺤﺠﻲ ﻭﮔﻠﻮﺑﻨﺎ ﺗﺒﺠﻲ ..

ﺳﻠﻤﻨﺎ ﻭﺻﻌﺪﻧﺎ ﺑﺎﻟﺴﻴﺎﺭﻩ ﺑﺎﺑﺎ ﻳﻮﺻﻠﻨﺎ .

ﺗﺎﻟﻲ ﺍﻟﻠﻪ ﻧﻄﻖ ﺟﺪﻭ ﻣﻬﺪﻱ ..

ﮔﺎﻟﻪ ﻋﺎﺩﻝ .. ﺍﺧﺬ ﻣﺼﻄﻔﻰ ﻭﻳﺎﻙ ..

ﺣﺘﻰ ﻻﺗﺮﺟﻊ ﻭﺣﺪﻙ ﻭﻳﺴﺎﻋﺪﻙ ﺑﺎﻟﺴﻴﺎﻗﻪ ..

ﺍﺣﺲ ﮔﻠﺒﻲ ﻃﺎﺭ ﻭﺭﻭﺣﻲ ﺭﺟﻌﺘﻠﻲ ..

ﮔﻌﺪ ﺑﺼﻒ ﺧﺎﻟﻮ ..

ﻭﺍﻧﻲ ﻭﺭﻯ ﻣﺼﻄﻔﻰ ﻭﻣﺎﻣﺎ ﺻﺎﺭﺕ ﻭﺭﻯ ﺑﺎﺑﺎ ..

ﺭﺟﻌﻨﺎ ﻟﻠﺤﻠﻪ ..

ﺑﻘﻴﻨﺎ ﻧﺒﺎﻭﻉ ﺍﻟﺒﻌﻀﻨﺎ ﺑﺎﻟﻤﺮﺍﻳﺎ ﺍﻟﺨﺎﺭﺟﻴﻪ ﺍﻟﻲ ﻳﻤﻪ ..

ﻧﺒﺎﻭﻉ ﻟﻠﺸﻮﺍﺭﻉ ﺷﻠﻮﻥ ﻣﻬﺠﻮﺭﻩ ..

ﻭﻫﻮﻱ ﺑﻨﺎﻳﺎﺕ ﻗﺎﺻﻔﻴﻬﺎ ﻭﺍﻟﺤﺮﺏ ﻣﺨﺮﺑﻬﺎ ..

ﺍﻟﻤﺴﺘﺸﻔﻴﺎﺕ ﻭﺍﻟﺪﻭﺍﺋﺮ ﻭﺍﻟﻤﺪﺍﺭﺱ ﻣﺨﺮﺑﻴﻬﺎ ﻭﺻﺎﻳﺮ ﺑﻮﮒ ..

ﻭﻧﻬﺐ ..

ﺷﻌﺐ ﻳﻨﻬﺐ ﻣﻤﺘﻠﻜﺎﺗﻪ ﻭﻳﺴﺘﻮﻟﻲ ﻋﻠﻴﻬﺎ ﺑﺪﻝ ﻣﻴﺤﺎﻓﻆ ﻋﻠﻴﻬﺎ ﻭﻳﺤﻤﻴﻬﺎ ﻳﺨﺮﺑﻬﺎ ﻭﻳﺪﻣﺮﻫﺎ ..

ﻣﻴﻼﻡ ﺟﺪﻭ ﻣﻬﺪﻱ ﻣﻦ ﻳﮕﻮﻝ ﺷﻌﺒﻨﺎ ﻟﻮ ﮔﻠﺐ ﻉ ﮔﻠﺐ ﻣﺎﮔﺪﺭ ﺍﻟﻤﺤﺘﻞ ﻳﺪﺧﻞ ﺍﺭﺍﺿﻴﻨﺎ ..

ﻫﻤﻪ ﻳﺒﻮﮔﻮﻥ ﻭﺍﻻﻣﺮﻳﻜﺎﻥ ﻳﻀﺤﻜﻮﻥ ﻋﻠﻴﻬﻢ ﻭﻳﺼﻮﺭﻭﻫﻢ ..

ﺍﻛﻴﺪ ﺭﺍﺡ ﻧﻨﻔﻀﺢ ﺑﻴﻦ ﺍﻟﺪﻭﻝ ..

ﺳﺎﻋﻪ ﻭﮔﻔﻮﻧﺎ ﻭﺍﻟﺴﻴﺎﺭﺍﺕ ﻛﻠﻬﺎ ﻭﮔﻔﻮﻫﺎ ﻣﻦ ﻭﺻﻠﻨﺎ ﺍﻟﻄﺮﻳﻖ ﺍﻟﺴﺮﻳﻊ ﺑﻴﻦ ﺍﻟﻨﺎﺻﺮﻳﻪ ﻭﺍﻟﺪﻳﻮﺍﻧﻴﻪ ..

ﺍﺟﻪ ﺭﺗﻞ ﺍﻣﺮﻳﻜﻲ ﺩﺧﻞ ﺑﻜﻞ ﻣﻌﺪﺍﺗﻪ ﻭﺗﺠﻬﻴﺰﺍﺗﻪ ..

ﻭﺍﺿﺢ ﺍﻧﻬﻢ ﻧﺎﻭﻳﻦ ﻳﺴﺘﻘﺮﻭﻥ ﻭﻣﺎﻳﻄﻠﻌﻮﻥ ﺑﺴﻬﻮﻟﻪ ﻣﻦ ﺍﻟﻌﺮﺍﻕ ..

ﺑﺼﻌﻮﺑﻪ ﮔﺪﺭﻧﺎ ﻧﻮﺻﻞ ﺍﻟﺤﻠﻪ ..

ﺑﻴﻨﻤﺎ ﻛﻨﺎ ﻗﺒﻞ ﻧﺮﻭﺡ ﻭﻧﺮﺟﻊ ﻭﺑﻜﻞ ﺍﻟﻤﺤﺎﻓﻈﺎﺕ ﺑﺴﻬﻮﻟﻪ ﺑﺪﻭﻥ ﻋﻮﺍﺋﻖ ﻭﻻﺳﻴﻄﺮﺍﺕ ﻭﻻ ﺍﺣﺪ ﻳﻮﮔﻔﻨﺎ ..

ﻭﺻﻠﻨﺎ ﺑﺎﺑﺎ ﻭﺗﻠﮕﻮﻧﺎ ﺧﻮﺍﻟﻲ ..

ﻭﻧﺰﻟﻮﺍ ﺍﻟﻐﺮﺍﺽ ..

ﻃﻠﻊ ﺣﻤﻮﺩﻱ .. ﺷﺎﻓﻨﻲ ﺿﺤﻚ .. ﻭﻳﻦ ﻫﺎﻟﻐﻴﺒﻪ ﺍﺷﺘﺎﻗﻴﻨﺎ ..

ﺑﺎﻭﻋﺖ ﺍﻟﻤﺼﻄﻔﻰ ﻫﻴﺞ 😡

.....

ﻭﺻﻠﻨﺎ ﻣﺘﺄﺧﺮﻳﻦ ﻟﻠﺒﻴﺖ .. ﺍﺧﺮ ﺳﺎﻋﺎﺕ ﺍﻟﻨﻬﺎﺭ ..

ﺧﻮﺍﻟﻲ ﻣﻘﺒﻠﻮﺍ ﺑﺎﺑﺎ ﻭﻣﺼﻄﻔﻰ ﻳﺮﺟﻌﻮﻥ ﺑﻬﻴﺞ ﻭﻗﺖ

ﻭﻃﺒﻌﺎ ﺍﻟﻮﺿﻊ ﻣﻴﺘﺄﻣﻦ ..

ﺑﺲ ﺑﺎﺑﺎ ﻣﻘﺒﻞ ﻭﮔﺎﻝ ..

ﻻ ﺍﻟﺤﺎﺭﺱ ﺍﻟﻠﻪ ..

ﺑﻌﺪ ﻣﻨﺰﻟﻮﺍ ﻏﺮﺍﺿﻨﺎ ..

ﻃﻠﻊ ﺣﻤﻮﺩﻱ ﻣﻦ ﺑﺎﺏ ﺍﻟﻤﺸﺘﻤﻞ ﻣﺎﻟﺘﻬﻢ ..

ﺷﺎﻓﻨﻲ ﺿﺤﻚ . ﻫﺎﻱ ﻭﻳﻦ ﺍﻟﻐﻴﺒﻪ ﻣﺸﺘﺎﻗﻴﻦ ..

ﺑﺎﻭﻋﺖ ﺍﻟﻤﺼﻄﻔﻰ ﻣﻌﺼﺐ .. ﻭﻭﺟﻬﻪ ﺻﺎﺭ ﻫﻴﺞ 😡

ﻏﻴﺮﺕ ﺍﻟﻤﻮﺿﻮﻉ .. ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ

ﻭﮔﺘﻠﻪ .. ﻣﺼﻄﻔﻰ ﺍﺑﻦ ﻋﻤﺘﻲ ..

ﻭﻫﺬﺍ ﺣﻤﻮﺩﻱ ﺍﺑﻦ ﺧﺎﻟﻲ ..

ﻋﻮﺩ ﺩﺍﺍﻋﺮﻓﻬﻢ ..

ﺳﻠﻤﻮﺍ ﻋﻠﻰ ﺑﻌﻀﻬﻢ .. ﺑﺲ ﺣﺴﻴﺖ ﻣﺼﻄﻔﻰ ﻣﻄﺎﻳﻘﻪ ..

ﺣﻤﻮﺩﻱ ﻣﻦ ﺍﻟﻨﻮﻉ ﺍﻟﻲ ﻳﺘﺸﺎﻗﻪ ﻫﻮﺍﻱ ..

ﻳﻌﻨﻲ ﻣﻮ ﺟﺪﻱ ﺑﻜﻼﻣﻪ ﻣﺜﻞ ﻣﺼﻄﻔﻰ ﺭﺯﻥ ﻭﺛﮕﻴﻞ ﻭﺷﻘﺎﻩ ﺑﺤﺪﻭﺩ ..

ﻣﺼﻄﻔﻰ ﻣﻦ ﺷﺎﻑ ﻫﻴﺞ ..

ﮔﺎﻟﻪ ﺍﻱ ﺧﺎﻟﻲ ﻧﺒﻘﻰ ﺍﻟﻴﻮﻡ ﻭﻧﻄﻠﻊ ﻣﻦ ﺍﻟﺼﺒﺢ ﻻﻥ ﺭﺍﺡ ﻳﺠﻠﺠﻞ ﺍﻟﻠﻴﻞ ﻭﺍﻟﻄﺮﻳﻖ ﻣﻮ ﺍﻣﺎﻥ ..

ﺣﻤﻮﺩﻱ .. ﻫﻬﻬﻬﻪ ﺣﻠﻮﻩ ﻳﺠﻠﺠﻞ ﻣﺼﻄﻠﺢ ﻏﺮﻳﺐ ﺍﻭﻝ ﻣﺮﻩ ﺍﺳﻤﻌﻪ ..

ﻣﺼﻄﻔﻰ .. ﻫﺎﻱ ﻛﻠﻤﺎﺕ ﺍﻫﻠﻨﺎ ﻭﺷﻴﻮﺧﻨﺎ .. ﻳﻤﻜﻦ ﻣﺎﺳﺎﻣﻌﻬﻦ ﻻﻥ ﻣﻤﻌﺎﺷﺮ ﺍﺭﺟﺎﻝ ﺍﻗﺼﺪ ﺷﻴﻮﺥ ..

ﺣﺴﻴﺘﻪ ﻗﺼﺪﻫﺎ ﻟﻠﺤﺠﺎﻳﻪ .. ﻭﺍﻫﺎﻧﻪ ﺑﻄﺮﻳﻘﻪ ﻏﻴﺮ ﻣﺒﺎﺷﺮﻩ .

ﺣﻤﻮﺩﻱ ﺣﺲ ﺑﺎﻻﻫﺎﻧﻪ ﻭﺑﻘﻰ ﻳﺨﺰﺭ ﺑﻲ ﻭﺳﻜﺖ .

ﻭﻫﻨﺎ ﺑﺪﺃﺕ ﺍﻭﻝ ﺧﻄﻮﺍﺕ ﺍﻟﺤﻘﺪ ..

ﻭﺍﺧﻴﺮﺍ ﺑﺎﺑﺎ ﻭﺍﻓﻖ ﻳﺒﻘﻮﻥ .. ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ

ﻻﻥ ﺻﺪﮒ ﻟﻮ ﺭﺍﻳﺤﻴﻦ ﻛﺎﻥ ﺍﻧﻲ ﺑﻘﻰ ﺑﺎﻟﻲ ﻳﻤﻬﻢ ..

ﺭﻛﻀﺖ ﺣﻀﻨﺖ ﺭﻧﺎ ﻭﺳﺎﺭﺓ ﻣﺸﺘﺎﻗﺘﻠﻬﻦ ..

ﻭﺳﻠﻤﺖ ﻉ ﺑﻴﻴﻲ ﻭﺯﻭﺟﺎﺕ ﺧﻮﺍﻟﻲ ..

ﻭﺍﺟﻪ ﻣﺮﺗﻀﻰ ﻫﻢ ﺳﻠﻤﺖ ﻋﻠﻴﻪ ..

ﻭﺩﺧﻞ ﺭﺣﺐ ﺑﻤﺼﻄﻔﻰ ﻭﺑﺎﺑﺎ ..

ﺣﺴﻴﺖ ﺑﻤﺼﻄﻔﻰ ﺿﺎﺝ ﻭﻣﻌﺼﺐ ﻣﺎﺍﻋﺮﻑ ﺷﺒﻲ .

ﺣﻈﺮﻧﺎ ﺍﻟﻌﺸﺎ ﺑﺴﺮﻋﻪ ﺗﻌﺸﻮﺍ ..

ﻭﮔﺎﻝ ﺟﺪﻭ ﺍﻓﺮﺷﻴﻠﻬﻢ ﺧﺎﻑ ﺗﻌﺒﺎﻧﻴﻦ ﺧﻠﻲ ﻳﺮﺗﺎﺣﻮﻥ ﻭﺭﺍﻫﻢ ﻃﺮﻳﻖ ..

ﺩﺧﻠﺖ ﺍﻟﻔﺮﺍﺷﺎﺕ ﺍﻓﺮﺵ ..

ﻭﻣﺼﻄﻔﻰ ﻳﺄﺷﺮ ﺑﻌﻴﻨﻪ ..

ﻭﺗﺎﻟﻲ ﻃﻠﻊ ﺑﺎﻟﻄﺮﻣﻪ . ﻛﻞ ﺍﻏﻴﺮ ﺟﻮ .

ﺧﻠﺼﺖ ﺍﻟﻔﺮﺵ ..

ﻃﻠﻌﺖ ﻣﻦ ﺑﺎﺑﺎ ﺍﻟﻤﻄﺒﺦ ..

ﻻﺣﻈﺖ ﺷﺒﺎﻙ ﺑﻴﺖ ﺧﺎﻟﻮ ﻣﺎﻫﺮ ﻋﻠﻴﻨﺎ . ﺧﻔﺖ ﻳﺸﻮﻓﻨﺎ ﺍﺣﺪ ..

ﺳﺤﺒﺘﻪ ﺑﺎﻟﻤﻤﺮ ﺍﻟﻲ ﻭﺭﻯ ﺍﻟﻤﻄﺒﺦ ..

ﮔﺘﻠﻪ ﺗﻌﺎﻝ ﻫﻨﺎ ﻟﻴﺸﻮﻓﻨﺎ ﺍﺣﺪ ..

ﮔﺎﻡ ﻳﺰﻓﺮ ﺑﺼﻮﺕ ..

ﺷﺒﻴﻚ ﻣﺼﻄﻔﻰ ..

ﻭﺗﺴﺄﻟﻴﻦ ﺷﺒﻴﻪ .. ﻣﻌﻘﻮﻟﻪ ﺍﻧﺘﻲ ﮔﺎﻋﺪﻩ ﻣﻊ ﺷﺒﺎﺏ ﺍﺛﻨﻴﻦ ﺑﺒﻴﺖ ﻭﺍﺣﺪ ..

ﻭﻏﻴﺮ ﻋﻨﺪﻫﻢ ﺑﻌﺪ ﻭﻟﺪ .. ﺑﺲ ﺫﻭﻟﻪ ﺻﻐﺎﺭ ..

ﺍﻻ ﺣﻤﻮﺩﻱ ﻭﻣﺮﺗﻀﻰ ﺍﻛﺒﺮ ﻣﻨﺞ ..

ﺧﻮ ﻫﺬﺍ ﺣﻤﻮﺩﻱ ﻣﺪﺭﻱ ﺷﺴﻤﻪ .. ﺍﺑﺪ ﻣﺎﺍﺭﺗﺎﺣﻴﺘﻠﻪ ..

ﻫﻬﻬﻬﻪ ﺗﻐﺎﺭ .

ﻭﻟﺞ ﺷﻨﻮ ﻣﺎﺍﻏﺎﺭ . ﺷﻠﻮﻥ ﺍﻋﻮﻓﺞ ﻫﻨﺎ ﻭﻳﺒﻘﻰ ﺑﺎﻟﻲ ..

ﻻﺯﻡ ﻣﺎﻟﻚ ﺛﻘﻪ ﺑﻴﻪ ..

ﻃﺒﻌﺎ ﺍﺛﻖ .. ﺑﺲ ﮔﻠﺒﻲ ﻣﺎﻣﺮﺗﺎﺡ ..

ﺍﻭﻻ ﺍﺣﻨﻪ ﻋﺎﻳﺸﻴﻦ ﻫﻨﺎ ﻛﻠﻨﺎ ﺍﺧﻮﻩ ﺭﺑﻴﻨﺎ ﺳﻮﻳﻪ ..

ﻭﺣﻤﻮﺩﻱ ﺫﺍﻙ ﺑﻴﺘﻬﻢ ﻣﻮ ﻭﻳﺎﻧﺎ ﻋﺎﻳﺸﻴﻦ .

ﻭﻣﺮﺗﻀﻰ ﺑﻴﺘﻬﻢ ﺑﺎﻟﻄﺎﺑﻖ ﺍﻟﻔﻮﮒ ﻭﺩﺭﺟﻬﻢ ﺧﺎﺭﺟﻲ ﻫﻢ ﻣﻮ ﻳﻤﻨﺎ ..

ﺑﺲ ﺑﻴﺖ ﺧﺎﻟﻮ ﻣﻌﺘﺰ ﻭﻳﺎﻧﺎ ﻭﻋﻤﺘﻚ ﻭﻭﻟﺪﻫﻢ ﺻﻐﺎﺭ ﻭﺍﻧﺖ ﺗﻌﺮﻓﻬﻢ

....

ﺍﻭﻭﻭﻭﻭﻑ ﻣﻨﺞ ﻣﺎﺳﻪ ﺭﺍﺡ ﺗﻤﻮﺗﻴﻨﻲ ﻧﺎﻗﺺ ﻋﻤﺮ .

ﻫﻬﻬﻬﻪ ﺍﺳﻢ ﺍﻟﻠﻪ ﻋﻠﻴﻚ ..

ﻳﻌﻨﻲ ﺗﺨﺎﻓﻴﻦ ﻋﻠﻴﻪ .. ﺍﺷﻮ ﻫﺬﺍ ﺗﻘﺮﺏ ﻋﻠﻴﻪ ﻛﻠﺶ ﺍﺧﺘﻠﻄﺖ ﺍﻧﻔﺎﺳﻨﺎ ﺍﺭﺗﺒﻜﺖ ﺍﺣﺲ ﻣﺸﺎﻋﺮﻱ ﺗﺨﺮﺑﻄﺖ .

ﻭﺭﻭﺣﻲ ﺭﺍﺣﺖ ..

ﺳﻤﻌﺖ ﺧﻄﻮﺍﺕ ﺭﺟﻠﻴﻦ ﻃﻔﺮﻧﺎ ﺍﺛﻨﻴﻨﺎ ..

ﺭﺩﺕ ﺍﻃﻠﻊ ﻣﻦ ﺍﻟﻤﻤﺮ .

ﺳﺤﺒﻨﻲ ﻣﺼﻄﻔﻰ ﺣﻴﻞ ﺍﻟﺼﺪﺭﻩ ..

ﻭﻫﻤﺲ ﻻﺗﻄﻠﻌﻴﻦ ﻟﻴﺸﻜﻮﻥ .

ﺧﻠﻲ ﻳﺪﺧﻞ ﻭﺍﻃﻠﻌﻲ ..

ﺍﻧﻔﺎﺳﻪ ﺑﺄﺫﻧﻲ ﺧﺪﺭﺗﻨﻲ ..

ﻭﺍﺧﺬﺗﻨﻲ ﺍﻟﻌﺎﻟﻢ ﺛﺎﻧﻲ .. ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ

ﻫﺪﺉ ﺍﻟﻮﺿﻊ .. ﺩﺧﻠﺖ ﻭﺍﺷﺮﺗﻠﻪ ﻳﺪﺧﻞ ..

ﺩﺧﻠﺖ ﻟﻠﻤﻄﺒﺦ . ﺳﻮﻳﺖ ﻧﻔﺴﻲ ﺍﺳﻮﻱ ﺟﺎﻱ .

ﺍﺟﻪ ﺣﻤﻮﺩﻱ ﻣﻦ ﻭﺭﺍﻱ .

ﻭﻳﻦ ﺟﻨﺘﻲ ﺍﺷﻮ ﻣﺎﺷﻔﺘﺞ ﻣﻦ ﺩﺧﻠﺖ ﻗﺒﻞ ﺷﻮﻱ .

ﺟﻨﺖ ﺑﺎﻻﺳﺘﻘﺒﺎﻝ ﻓﺮﺷﺖ ﻭﺍﺟﻴﺖ ﺍﺳﻮﻱ ﺟﺎﻱ ﺍﻟﺒﺎﺑﺎ .

ﻫﺎ .. ﺍﻱ ﻋﻴﻨﻲ ﻣﻦ ﻟﮕﺔ ﺍﺣﺒﺎﺑﺔ ﻧﺴﺎ ﺍﺻﺤﺎﺑﻪ ..

ﻻﺯﻡ ﺍﻟﻨﺎﺻﺮﻳﻪ ﻧﺴﺘﺞ ﺍﻟﺤﻠﻪ ..

ﻃﺒﻌﺎ ﻫﻨﺎﻙ ﺍﻫﻠﻲ ﻭﺍﺻﻠﻲ .. ﻭﻃﺒﻌﺎ ﻣﺎﺍﻧﺴﻰ ﺍﻟﺤﻠﻪ ﻻﻥ ﻫﻨﺎ ﺭﺑﻴﺖ ﻭﻛﺒﺮﺕ .

ﺻﺒﻴﺖ ﺍﻟﺠﺎﻱ ﺍﺧﺬﺗﻪ ﻭﺩﺧﻠﺖ ﻟﻼﺳﺘﻘﺒﺎﻝ .

ﻟﻜﻴﺖ ﺧﺎﻟﻮ ﻣﻌﺘﺰ ﻭﺯﻭﺟﺘﻪ ﻛﺎﻋﺪﻳﻦ ﻳﻤﻬﻢ ..

ﻭﻣﺼﻄﻔﻰ ﺣﻈﻦ ﻋﻤﺘﻪ ﻭﻳﺴﻮﻟﻔﻮﻥ ..

ﺍﻟﺼﺮﺍﺣﻪ ﻏﺮﺕ ﻣﻨﻬﺎ ..

ﺍﺗﻤﻨﻴﺖ ﺍﻧﻲ ﮔﺎﻋﺪﻩ ﺑﻤﻜﺎﻧﻬﺎ ..

ﺷﺮﺑﻮﺍ ﺍﻟﺠﺎﻱ ﻭﺧﻠﺼﻮﺍ .

ﻛﺎﻝ ﺧﺎﻟﻮ ﻳﻠﻪ ﺍﺣﻨﺎ ﻧﺘﺮﺧﺺ . ﺍﺧﺬﻭﺍ ﺭﺍﺣﺘﻜﻢ ﻭﺗﺼﺒﺤﻮﻥ ﻋﻠﻰ ﺧﻴﺮ .

ﺍﻧﻲ ﻫﻢ ﺍﺧﺬﺕ ﺍﻻﺳﺘﻜﺎﻧﺎﺕ ﻭﺭﺩﺕ ﺍﻃﻠﻊ ..

ﺳﺤﺐ ﺍﻳﺪﻱ ﻣﺼﻄﻔﻰ ﻭﺑﺎﺳﻬﺎ ..

ﻫﻤﺴﺘﻠﻪ ﺑﺨﺠﻞ ﺗﺼﺒﺢ ﻉ ﺧﻴﺮ ..

ﺑﺎﺑﺎ ﺑﺴﺮﻋﻪ ﺍﻭﻝ ﻣﺨﻠﻪ ﺭﺍﺳﻪ ﻉ ﺍﻟﻤﺨﺪﻩ .. ﮔﺎﻡ ﻳﺸﻮﺧﺮ ﻫﻬﻬﻬﻬﻪ .

ﺳﺪﻳﺖ ﺍﻟﺒﺎﺏ ﻭﻃﻠﻌﺖ ..

ﻭﺍﻧﻲ ﺍﺗﻠﻤﺲ ﺍﻳﺪﻳﻪ ﺍﻟﻲ ﻟﻤﺴﺘﻬﺎ ﺷﻔﺎﻳﻔﻪ .

ﻭﺍﺧﺬﺗﻨﻲ ﺍﻟﻌﺎﻟﻢ ﺛﺎﻧﻲ ..

ﻣﺎﺍﻋﺮﻑ ﻟﻴﺶ ﻣﺼﻄﻔﻰ ﻫﻨﺎ ﻣﻮ ﻣﺜﻞ ﻫﻨﺎﻙ ..

ﻫﻨﺎﻙ ﺍﺑﺪ ﻣﺎﺣﺎﻭﻝ ﻳﻠﻤﺴﻨﻲ ﺍﻭ ﻳﺘﻘﺮﺏ .

ﺑﺲ ﻫﻨﺎ ﻃﻠﻌﺖ ﻋﻴﻨﻪ .

ﻳﻤﻜﻦ ﻻﻥ ﺭﺍﺡ ﻧﺘﻔﺎﺭﻙ .

ﻫﻔﻔﻔﻔﻒ ﺭﺑﻲ ﻻﺗﻔﺮﻗﻨﺎ ﻭﺍﺟﻤﻌﻨﺎ .. ﻳﺎﺟﺎﻣﻊ ﺍﻟﻤﺤﺒﻴﻦ ﻳﺎﺍﻟﻠﻪ

ﺩﺧﻠﺖ ﻧﻤﺖ ..

ﻭﻣﻦ ﺍﻟﺘﻌﺐ ﻣﺎﺣﺴﻴﺖ ﻉ ﺭﻭﺣﻲ ..

ﺍﻻ ﻭﺻﻮﺕ ﻣﺎﻣﺎ ﺩﺍ ﺗﺼﻠﻲ .

ﻃﻔﺮﺕ ..

ﺑﺎﺑﺎ ﻭﻳﻦ ﺭﺍﺣﻮ ﻟﻮ ﻻ .

ﺷﺒﻴﺞ ﻣﺎﻣﺎ ﺍﺳﻢ ﺍﻟﻠﻪ .. ﺷﻨﻮ ﺣﻠﻤﺎﻧﻪ .. ﺍﺑﻮﺝ ﺑﻌﺪﻩ ﻧﺎﻳﻢ

ﻻ ﻋﺒﺎﻟﻲ ﺭﺍﺣﻮ .. ﻭﻣﺎﻭﺩﻋﺖ ﺑﺎﺑﺎ .

ﻻ ﺑﻌﺪﻫﻢ .. ﺳﻮﻳﺖ ﺍﻟﺠﺎﻱ ﻭﺣﻈﺮﺕ ﺍﻟﺮﻳﻮﮒ ﺧﺎﻑ ﻳﻄﻠﻌﻮﻥ ﻣﻦ ﻭﻛﺖ ..

ﺭﺍﺡ ﺍﮔﻮﻡ ﺍﺷﻮﻓﻬﻢ ﺍﺧﺎﻑ ﮔﻌﺪﻭﺍ .

ﺍﻧﺘﻲ ﻛﻤﻠﻲ ﺻﻼﺗﺞ ..

ﻣﺎﻣﺎ ﺑﻄﺒﻌﻬﺎ ﺗﺘﺄﺧﺮ ﺑﺼﻼﺗﻬﺎ . ﻭﻫﺬﺍ ﻣﻦ ﺻﺎﻟﺤﻲ ﺍﮔﻮﻡ ﺍﺻﺒﺢ ﻉ ﺍﻟﺤﺐ .😉 ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ

ﻏﺴﻠﺖ ﻭﺟﻬﻲ ﻭﻟﻔﻴﺖ ﺣﺠﺎﺑﻲ ﻋﺪﻝ .. ﻋﺪﻟﺖ ﻧﻔﺴﻲ

ﺑﺎﺑﺎ ﮔﺎﻝ ﮔﻌﺪﻳﻨﺎ ﻣﻦ ﺍﻟﺼﺒﺢ ..

ﺭﺣﺖ ﻉ ﻛﻴﻒ ﮔﻌﺪﺕ ﺑﺎﺑﺎ ..

ﮔﺘﻠﻪ ﺗﮕﻮﻡ ﺗﺼﻠﻲ ﺑﺎﺑﺎ ﺣﺘﻰ ﺍﺣﻈﺮ ﺍﻟﺮﻳﻮﮒ ﺍﻟﻜﻢ ..

ﺻﺒﺎﺡ ﺍﻟﺨﻴﺮ

ﺻﺒﺎﺡ ﺍﻟﻨﻮﺭ ﺑﺎﺑﺎﺗﻲ .. ﺭﺍﺡ ﺍﺩﺧﻞ ﻟﻠﺤﻤﺎﻡ ﺳﻮﻳﻠﻲ ﻃﺮﻳﻖ

ﻣﺎﻛﻮ ﺍﺣﺪ ﻛﻠﻬﺎ ﻧﺎﻳﻤﻪ ﺍﺩﺧﻞ ﺑﺎﺑﺎ .

ﺑﺎﺑﺎ ﮔﺎﻡ ..

ﺭﺣﺖ ﻳﻢ ﻣﺼﻄﻔﻰ ﺣﺎﺿﻦ ﺍﻟﻤﺨﺪﻩ ﻭﻧﺎﻳﻢ ..

ﺍﺭﻭﺡ ﻓﺪﻭﻩ ﺍﻟﻬﺎﻱ ﺍﻟﻨﻮﻣﻪ .

ﻭﻓﻮﮔﺎﻫﺎ ﻧﺎﺯﻉ ﺍﻟﻘﻤﻴﺺ ﻭﻧﺎﻳﻢ .

ﺗﺮﺩﺩﺕ ﺍﮔﻌﺪﻩ .. ﺑﺲ ﮔﻠﺖ ﻳﻤﻜﻦ ﺍﺗﻨﺪﻡ ﺍﺫﺍ ﺭﺍﺡ ﻭﻣﺴﺎﻣﻌﻪ ﻣﻦ ﻛﻠﻤﻪ ﻟﻮ ﻣﺎﺻﺒﺤﺖ ﻋﻠﻴﻪ ..

ﺗﺠﺮﺃﺕ ..

ﻭﮔﻠﺖ ﻣﺼﻄﻔﻰ ﺑﺼﻮﺕ ﺧﺎﻓﺖ .

ﻣﺼﻄﻔﻰ ..

ﻣﺎﻳﺴﻤﻊ .

ﺑﻄﺮﻑ ﺍﺻﺒﻌﻲ ﮔﻌﺪﺗﻪ . ﻣﺎﺣﺴﻴﺖ ﺍﻻ ﺳﺤﺐ ﺍﺻﺒﻌﻲ ﻭﺑﻮﺳﻪ ..

ﺍﺭﻭﺡ ﻓﺪﻭﻩ ﺍﻟﻬﺬﺍ ﺍﻻﺻﺒﻊ ﺍﻟﻲ ﻳﮕﻌﺪﻧﻲ ..

ﻳﻌﻨﻲ ﮔﺎﻋﺪ ﻭﺗﺴﻮﻱ ﻧﻔﺴﻚ ﻧﺎﻳﻢ ..

ﻫﻬﻬﻬﻪ ﺷﻨﻮ ﺑﻴﻪ ﺟﺮﺏ ﻭﺗﺪﻓﻌﻴﻦ ﺑﻄﺮﻑ ﺍﺻﺒﻌﺞ ..

ﻫﻬﻬﻬﻪ ﻻ ﺑﺲ … .

ﺍﻣﻮﺕ ﻉ ﺍﻟﻴﺨﺠﻞ ﻳﺮﺑﻲ ..

ﻭﻟﺞ ﺷﻤﺴﻮﻱ ﻋﻨﺪ ﺍﻟﻠﻪ ﺍﻟﻲ ﺧﻼﺝ ﮔﺒﺎﻟﻲ ..

ﻫﻬﻬﻬﻪ ﺳﻤﻌﺖ ﺑﺎﺑﺎ ﻳﻜﺢ ..

ﻃﻔﺮﺕ .

ﺳﻮﻳﺖ ﺭﻭﺣﻲ ﺍﻟﻢ ﺍﻟﻔﺮﺍﺵ ﻣﺎﻝ ﺑﺎﺑﺎ ..

ﻭﻣﺼﻄﻔﻰ ﺳﻮﻯ ﺭﻭﺣﻪ ﻧﺎﻳﻢ 😂😂

..

ﺳﻤﻌﺖ ﺻﻮﺕ ﺑﺎﺑﺎ ﻳﻜﺢ . ﻟﻤﻠﻤﺖ ﻓﺮﺍﺷﻪ ﺑﺴﺮﻋﻪ ..

ﻭﻃﻠﻌﺖ ﻫﻮ ﺩﺧﻞ ..

ﻣﺼﻄﻔﻰ ﮔﻮﻡ ﺑﻮﻳﻪ ﻭﺭﺍﻧﺎ ﻃﺮﻳﻖ . ﻳﻠﻪ ﮔﻮﻡ .

ﺑﺎﻭﻋﺖ ﻫﻬﻬﻬﻪ ﻣﺴﻮﻱ ﻧﻔﺴﻪ ﻧﺎﻳﻢ . ﻳﻤﻪ ﺍﻟﺤﻴﻠﻪ ..

ﺍﻟﻲ ﻳﺸﻮﻓﻪ ﻫﺴﺎ ﻣﻴﮕﻮﻝ ﻗﺒﻞ ﺷﻮﻳﻪ ﻳﺘﻐﺰﻝ ﻭﻳﺼﺤﺼﺢ ..

ﻻﮔﺘﻨﻲ ﻣﺎﻣﺎ ..

ﺷﺒﻴﺞ ﺗﻀﺤﻜﻴﻦ ..

ﻫﺎ ﻻ ﻣﺎﻛﻮ ﺷﻲ #. ﺷﻤﺲ

ﻳﻠﻪ ﻛﻤﻠﺖ ﺍﻟﺮﻳﻮﮒ ﺍﺧﺬﻱ ﺍﻟﺼﻴﻨﻴﻪ ﺍﻻﺑﻮﺝ ﻭﻣﺼﻄﻔﻰ .

ﺍﺧﺬﺕ ﺍﻟﺼﻴﻨﻴﻪ ..

ﻟﮕﻴﺘﻪ ﻣﺎﻛﻮ ..

ﺭﺟﻌﺖ ﻟﻠﻤﻄﺒﺦ ﺍﺟﻴﺐ ﺍﻟﻘﻮﺭﻱ ﻭﺍﻻﺳﺘﻜﺎﻧﺎﺕ ..

ﺷﻔﺘﻪ ﮔﺒﺎﻟﻲ ﺩﻳﻐﺴﻞ ..

ﺍﺑﺘﺴﻤﺖ ..

ﺍﺭﻭﺡ ﻓﺪﻭﻩ ﺍﻟﻬﺎﻱ ﺍﻟﻀﺤﻜﻪ ..

ﻫﻬﻬﻬﻪ ﺩﺭﻭﺡ ﻟﻴﻮﮔﻊ ﺍﻟﻘﻮﺭﻱ ﻣﻦ ﺍﻳﺪﻱ ﺑﺴﺒﺒﻚ ..

ﺳﻤﻌﻨﺎ ﺍﻟﺒﺎﺏ ﺍﻧﻔﺘﺢ ﻣﺎﻝ ﺷﺎﺭﻉ ..

ﺑﺎﻭﻉ ﻣﺼﻄﻔﻰ ﻣﻦ ﺍﻟﺸﺒﺎﻙ

ﮔﺎﻝ .. ﻫﺬﺍ ﺷﻌﻨﺪﻩ ﻣﻦ ﺍﻟﺼﺒﺢ ﻳﺠﻴﻜﻢ ..

ﻣﻨﻮ ..

ﻟﻄﻮﻣﻲ .. ﺍﺑﺪ ﻣﺎﺍﺭﺗﺎﺣﻴﺘﻠﻪ

ﻫﻬﻬﻬﻪ ﺷﻌﺠﺐ ﮔﺎﻋﺪ ﻣﻦ ﻭﻛﺖ ﻫﻮ ﺗﺄﺧﺮ .

ﻋﻠﻰ ﺣﻈﻲ ﻏﻴﺮ .

ﺩﺧﻞ ﻟﻠﻤﻄﺒﺦ .

ﺻﺒﺎﺡ ﺍﻟﺨﻴﺮ

ﺭﺩ ﻣﺼﻄﻔﻰ ﺻﺒﺎﺡ ﻧﻮﺭ ﻭﺍﺷﺮﻟﻲ ﺑﻌﻴﻮﻧﻪ ﻳﻌﻨﻲ ﺗﻌﺎﻟﻲ ﻭﺭﺍﻳﻪ .

ﺍﺧﺬﺕ ﺍﻟﻘﻮﺭﻱ ﻭﺍﻻﺳﺘﻜﺎﻧﺎﺕ ﻭﺭﺣﺖ ﻟﻼﺳﺘﻘﺒﺎﻝ

ﺻﺒﻴﺘﻠﻬﻢ ﺟﺎﻱ .

ﮔﻌﺪ ﺟﺪﻭ ﻭﺑﻴﺒﻲ .

ﻭﻣﺮﺕ ﺧﺎﻟﻮ ﻣﻌﺘﺰ . ﻋﻤﺔ ﻣﺼﻄﻔﻰ ..

ﺳﻮﻳﺘﻠﻬﻢ ﺭﻳﻮﮒ ﻭﺣﻤﻮﺩﻱ ﻫﻢ ﺗﺮﻳﮓ ﻭﻳﺎﻫﻢ .

ﻭﻳﺤﺸﺶ ﻋﻠﻴﻪ .

ﺍﻧﻲ ﺳﺎﻛﺘﻪ ﻭﻣﺎﺍﻧﻄﻲ ﻣﺠﺎﻝ .

ﺑﺲ ﻫﻮ ﻣﺰﻋﺞ ﻳﻄﻮﺥ ﺑﺎﻟﺸﻘﻪ .

ﺍﺣﺲ ﻣﺼﻄﻔﻰ ﺭﺍﺡ ﻳﻄﮓ ﻣﻦ ﺍﻟﻐﻀﺐ .

ﻭﺍﻧﻲ ﺍﻏﻴﺮ ﺍﻟﻤﻮﺿﻮﻉ ﻛﻞ ﺳﺎﻋﻪ ..

ﺧﻠﺼﻮﺍ ..

ﮔﺎﻝ ﺑﺎﺑﺎ ﻳﻠﻪ ﺍﺣﻨﻪ ﻧﺘﺮﺧﺺ ﻻﻥ ﻭﺭﺍﻧﺎ ﻃﺮﻳﻖ ﻭﺍﻻﻫﻞ ﻣﻨﺎﻙ ﻳﻘﻠﻘﻮﻥ ﻋﻠﻴﻨﺎ ..

ﺟﺪﻭ .. ﺍﻱ ﺑﻬﺎﻱ ﺻﺪﮒ . ﺍﻟﻮﺿﻊ ﻣﺎﻳﺘﺄﻣﻦ ﻭﺍﻛﻴﺪ ﻫﺴﺎ ﻗﻠﻘﻴﻦ ﻋﻠﻴﻜﻢ ..

ﺭﺍﺩﻭﺍ ﻳﻄﻠﻌﻮﻥ ..

ﻣﺼﻄﻔﻰ .. ﻋﻤﻪ ﻣﻦ ﺭﺧﺼﺘﺞ ﺍﺭﻳﺪ ﺍﺣﺠﻲ ﻭﻳﺎﺝ .

ﺍﺧﺬﺗﻪ ﻭﺭﺍﺣﻮﺍ ﺍﻟﻐﺮﻓﺘﻬﺎ ..

ﺷﻮﻳﻪ ﻭﺍﺷﺮﺗﻠﻲ ﺗﻌﺎﻟﻲ .

ﺍﺳﺘﻐﺮﺑﺖ .. ‏( ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ ‏)

ﺧﺮﺭﺭﺏ ﻣﺼﻄﻔﻰ ﺑﺲ ﻻ ﮔﺎﻟﻠﻬﺎ .

ﻣﺘﺖ ﻣﺴﺘﺤﻪ . ﺍﻣﺸﻲ ﻭﺭﺟﻠﻴﻪ ﻳﻄﺎﺑﮕﻦ ﻣﻦ ﺍﻟﺘﻮﺗﺮ .

ﻫﻤﺰﻳﻦ ﺑﺎﺑﺎ ﻭﺟﺪﻭ ﻭﺑﻴﺒﻲ ﻣﺸﻐﻮﻟﻴﻦ ﺑﺎﻟﺴﻮﺍﻟﻒ .

ﺑﺲ ﺣﻤﻮﺩﻱ ﻣﺎﺍﻧﺘﺒﻬﺖ ﻋﻠﻴﻪ .

ﺩﺧﻠﺖ ﻏﺮﻓﻪ ﺧﺎﻟﻮ ﻣﻌﺘﺰ .

ﺳﺤﺒﻨﻲ ﺣﻴﻞ ﻣﻦ ﺍﻳﺪﻱ .

ﻫﻲ ﻃﻠﻌﺖ ﻳﻢ ﻣﺎﻣﺎ ﺑﺎﻟﻤﻄﺒﺦ .

ﻫﺎﻱ ﺷﺒﻴﻚ ﻻﻳﺠﻮﻥ ﻳﺸﻮﻓﻮﻧﺎ

...

ﺧﻠﻲ ﻳﺸﻮﻓﻮﻧﺎ . ﻻﺗﺨﻠﻴﻨﻲ ﻣﻦ ﺑﺎﺟﺮ ﺍﻋﻘﺪ ﻋﻠﻴﺞ ﻭﺍﺧﺬﺝ

ﺍﺳﻜﺖ ﻟﺘﮕﻌﺪ ﺍﻟﺠﻬﺎﻝ ﺷﺒﻴﻚ .

ﻭﻟﺞ ﺷﻨﻮ ﺷﺒﻴﻪ .. ﺭﺩﺕ ﺍﺑﺘﻠﻲ ﺑﻲ ﻣﻦ ﻭﺭﺍﺝ

ﻭﺍﻧﻲ ﺷﻌﻠﻴﻪ . ﺷﻜﻮ

ﺷﻮ ﻳﺘﺸﺎﻗﻪ ﻭﻣﺎﺧﺬ ﺭﺍﺣﺘﻪ

ﻏﻴﺮ ﻣﺘﺮﺑﻴﻦ ﺳﻮﻳﻪ ﻭﻣﺜﻞ ﺍﻻﺧﻮﻩ ..

ﺑﺲ ﻫﻮ ﻣﻮ ﺍﺧﻮﺝ . ﻭﻫﺎﻱ ﻣﺎﻝ ﻣﺘﺮﺑﻴﻦ ﻣﻦ ﺟﻨﺘﻮ ﺻﻐﺎﺭ ﻫﺴﺎ ﺍﻧﺘﻲ ﺍﻟﻲ ﻭﺍﺫﺍ ﺗﺸﺎﻗﻪ ﻟﻮ ﺑﺎﻭﻋﻠﺞ ﺍﻓﮕﺲ ﻋﻴﻮﻧﻪ

ﺍﺑﺘﺴﻤﺖ . ﻳﺨﺒﻞ ﻣﻦ ﻳﻐﺎﺭ .

ﻃﻠﻌﺖ ﺑﺴﺮﻋﻪ ﻣﻦ ﺍﻟﻐﺮﻓﻪ . ﺑﻌﺪ ﻣﺎﻭﺩﻋﺘﻪ ﻭﺭﺣﺖ ﻟﻠﻤﻄﺒﺦ

ﻭﻫﻮ ﻃﻠﻊ ﻟﻼﺳﺘﻘﺒﺎﻝ ﺑﺴﻜﺘﻪ .

ﺳﻤﻌﺖ ﺑﺎﺑﺎ ﺻﺎﺡ ..

ﻣﺎﺳﻪ ﺍﺣﻨﺎ ﺭﺍﻳﺤﻴﻦ .

ﺍﺧﺬﺕ ﻃﺎﺳﻪ ﻣﻲ ﻭﻃﻠﻌﺖ ﻭﺭﺍﻫﻢ .

ﺣﻀﻨﺖ ﺑﺎﺑﺎ . ﻭﻧﻄﺎﻧﻲ ﻣﺼﺮﻑ .

ﺩﻣﻌﺖ ﻋﻴﻮﻧﻲ ﻻﺇﺭﺍﺩﻳﺎ .

ﻭﻫﻮ ﻳﮕﻠﻲ ﻭﻟﻴﻬﻤﺞ ﺑﺎﺑﺎ ﻛﻞ ﺧﻤﻴﺲ ﺍﺟﻲ ﺍﺧﺬﺝ

ﻫﻮ ﻣﻴﺪﺭﻱ ﻋﻴﻮﻧﻲ ﻳﺪﻣﻌﻦ ﻉ ﺍﻟﻲ ﻋﺸﮕﺔ ﮔﻠﺒﻲ ﻭﻫﻮﺍﻩ

ﺍﻋﺮﻑ ﺍﺑﻮﻳﻪ ﻏﺎﻟﻲ ﺑﺲ ﻳﻤﻜﻦ ﺗﻌﻮﺩﺕ ﻋﻠﻰ ﻓﺮﺍﮔﺔ .

ﺑﺲ ﻣﺼﻄﻔﻰ ﺣﺐ ﻣﻦ ﻧﻮﻉ ﻣﺨﺘﻠﻒ .

ﻋﺸﮓ ﻣﺜﻞ ﻣﻴﮕﻮﻝ ﻫﻮ .

ﻳﮕﻠﻲ ﺍﻧﻲ ﻋﺸﮕﺘﺞ ﻣﻮ ﺣﺒﻴﺘﺞ

ﺍﻟﻌﺸﮓ ﺍﻛﺒﺮ ﻣﻦ ﺍﻟﺤﺐ ﻭﺍﻋﻤﻖ .

ﺭﻛﺒﻮﺍ ﺑﺎﻟﺴﻴﺎﺭﻩ ﻭﻋﻴﻨﻪ ﻣﺘﻔﺎﺭﻛﺖ .

ﻧﻀﺮﺍﺗﻪ ﺗﺴﺮﻟﻒ ﻭﮔﻠﻮﺑﻨﺎ ﺗﺘﻮﺍﺩﻉ .

ﺣﺮﻛﺖ ﺳﻴﺎﺭﺗﻬﻢ . ﺫﺑﻴﺖ ﺍﻟﻤﻲ ﻭﺭﺍﻫﻢ .

ﻭﺣﺼﺮﺗﺘﻲ ﺍﻟﺨﻨﮕﺔ ﺣﺴﻴﺖ ﻧﻔﺴﻲ ﺍﺧﺘﻨﮕﺖ .

ﻭﻋﻴﻮﻧﻲ ﻣﻠﻴﺎﻧﺎﺕ ﺩﻣﻮﻉ .

ﺑﺲ ﻣﺎﭐﮔﺪﺭ .

ﺳﺪﻳﺖ ﺍﻟﺒﺎﺏ .

ﺑﺎﻭﻋﺖ ﺍﻟﻬﺬﺍ ﻳﺒﺘﺴﻢ ﺑﻤﻜﺮ .

ﻛﺘﻠﻪ ﺷﻜﻮ

ﻻﻫﻴﺞ ﻣﺎﻛﻮ ﺷﻲ

ﺗﺮﻛﺘﻪ ﻭﺩﺧﻠﺖ .. ﻷﻥ ﻭﻋﺪﺕ ﻣﺼﻄﻔﻰ ﺍﺗﻼﻓﺎﻩ ﻭﻣﺎﺍﺣﺠﻲ ﻭﻳﺎﻩ .

ﺩﺧﻠﺖ ﮔﺒﻞ ﻟﻔﺮﺍﺷﻲ ..

ﮔﺎﻟﺖ ﻣﺎﻣﺎ ﺗﻌﺎﻟﻲ ﺗﺮﻳﮕﻲ .

ﻻﻳﻮﻡ ﺍﺭﻳﺪ ﺍﻛﻤﻞ ﻧﻮﻣﺘﻲ ﻣﺸﺒﻌﺎﻧﻪ . ﺳﺎﻋﻪ ﻭﺍﮔﻌﺪ .

ﻭﺍﻟﺴﺎﻋﻪ . ﻣﺎﺣﺴﻴﺖ ﻉ ﺭﻭﺣﻲ ﻝ 11 ﻭﻧﺺ .

ﮔﻌﺪﺕ ﻏﺴﻠﺖ ﻭﺭﺗﺒﺖ ﻏﺮﺍﺿﻨﺎ ﻻﻥ ﻣﻦ ﺍﺟﻴﻨﺎ ﻣﺎﺭﺗﺒﺘﻬﻦ ﺗﻌﺒﺎﻧﻪ .

ﻭﺻﻠﻴﺖ ﻭﺗﻐﺪﻳﻨﺎ .

ﺑﻌﺪﻳﻦ ﺟﺎﻱ ﺍﻏﺴﻞ ﻣﻮﺍﻋﻴﻦ ﺍﻟﻐﺪﺍ . ﺩﺧﻠﺖ ﺭﻧﺎ .

ﺣﻀﻨﺘﻨﻲ . ﻭﻟﺞ ﻣﺸﺘﺎﻗﺘﻠﺢ ﻣﺎﻣﺼﺪﮔﺔ ﺭﺟﻌﺘﻲ ﻭﺍﺧﻴﺮﺍ ﻭﺗﺮﺟﻊ ﮔﻌﺪﺍﺗﻨﺎ .

ﻫﻬﻬﻬﻪ ﻭﺍﻧﻲ ﻫﻢ ﺍﺷﺘﺎﻗﻴﺖ .

ﺟﺬﺍﺑﻪ ﻭﺍﻟﻠﻪ ﻣﺒﻴﻦ ﻋﻠﻴﺞ ﻣﺮﺗﺎﺣﻪ ﻫﻨﺎﻙ .

ﺣﺘﻰ ﻣﺘﻐﻴﺮﻩ ﻭﺻﺎﻳﺮﻩ ﺣﺒﺎﺑﻪ .

ﻫﻬﻬﻪ ﻭﻟﺞ ﻟﻌﺪ ﺍﻧﻲ ﻭﻛﺤﻪ .

ﻻ ﺑﺲ ﻋﻘﻞ ﻣﻦ ﻧﻮﻉ ﺍﺧﺮ 😉

ﻫﻬﻬﻬﻪ ﻭﻟﺘﮕﻌﺪﻳﻦ ﺭﺍﺣﻪ .. ﺩﺗﻌﺎﻟﻲ ﻭﻳﺎﻱ ﺧﻠﻲ ﻧﻜﻤﻞ ﺗﻨﻀﻴﻒ ﻭﻧﮕﻌﺪ ﻧﺴﻮﻟﻒ .

ﺍﮔﻠﺞ ﺷﻠﻮﻧﻬﺎ ﺍﻟﻨﺎﺻﺮﻳﻪ ﺣﻠﻮﻩ . ‏( ﺗﺸﺘﻐﻞ ﻭﺗﺤﺠﻲ ‏)

ﺍﻭﻭﻭﻭﻑ ﺗﺨﺒﻞ ﺗﺨﺒﻞ ﺗﺨﺒﻞ .

ﺍﻣﻤﻤﻢ ﻫﺎﻱ ﻣﻦ ﻳﻤﺘﻪ ﻭﺟﺎﻱ ﻣﻴﻤﻲ ﺧﺎﻧﻢ

ﻫﻬﻬﻬﻪ ﻣﻦ ﺍﻟﺤﺮﺏ . ﺍﻭﻭﻭﻑ ﻳﺎﻟﺤﺮﺏ ﻏﻴﺮ ﻳﺨﺒﻞ .

ﺳﺤﺒﺘﺘﻲ ﻣﻦ ﺍﻳﺪﻱ . ‏( ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ ‏)

ﺗﻌﺎﻟﻲ ﺳﻮﻟﻔﻴﻠﻲ ﺷﻜﻮ ﻭﺍﻟﻠﻪ ﺍﻟﻴﻮﻡ ﻣﺎﺍﻋﻮﻓﺞ .

ﺳﻮﻟﻔﺖ ﺍﻟﺮﻧﺎ ﻛﻠﺸﻲ . ﻋﻦ ﻣﺼﻄﻔﻰ ﻻﻥ ﺍﺳﺮﺍﺭﻧﺎ ﺳﻮﻳﻪ ﻭﻭﺣﺪﻩ ﻣﺘﻈﻢ ﻉ ﺍﻟﺜﺎﻧﻴﻪ . ﻭﻭﺻﻴﺘﻬﺎ ﻣﺘﺴﻮﻟﻒ ﺷﻲ ﺍﻟﺴﺎﺭﻩ

ﻻﻥ ﺳﺎﺭﻩ ﻣﻦ ﺍﻟﻨﻮﻉ ﺍﻟﻲ ﺗﺠﻔﺺ ﺑﺎﻟﺤﺠﻲ ﺑﺴﺮﻋﻪ ﺗﻔﻠﺘﻬﺎ .

ﺭﻧﺎ .. ﻳﺎﺍﺍﺍ ﻭﺍﺧﻮﻳﻪ ﺣﻤﻮﺩﻱ ﻏﻴﺮ ﺍﻧﺘﻮ ﻣﺤﺠﻮﺯﻳﻦ

ﺧﻠﻲ ﻳﻮﻟﻲ . ﺍﻭﻻ ﺍﺣﻨﻪ ﺻﻐﺎﺭ ﻭﻃﻠﻌﻮﺍ ﻫﺎﻱ ﺍﻟﺴﺎﻟﻔﻪ

ﻭﻫﺴﺎ ﻛﺒﺮﻧﺎ ﻭﺍﻓﺘﻬﻤﻨﺎ ﻭﻣﺤﺪ ﻳﮕﺪﺭ ﻳﺠﺒﺮﻧﺎ .

ﻭﺛﺎﻧﻴﺎ . ﺗﻘﺎﺭﻧﻴﻦ ﺍﺧﻮﺝ ﺍﻟﻤﺰﻋﺞ ﻭﺍﻟﺴﺌﻴﻞ ﺑﻤﺼﻄﻔﻰ .

ﺷﺠﺎﺏ ﺍﻟﻤﺤﺎﻣﻲ ﻉ ﺍﻟﺤﺮﺍﻣﻲ .

ﻫﻬﻬﻬﻪ ﻫﺎﻱ ﺣﻠﻮﻩ . ﺷﻠﻮﻥ ﺭﻫﻤﺘﻴﻬﺎ

ﺑﺲ ﺗﺮﺩﻳﻦ ﺍﻟﺼﺪﮒ . ﻭﺍﻟﻠﻪ ﺍﺣﺴﻦ ﺍﻟﺞ . ﺍﻧﻲ ﺍﺧﺘﻪ ﻣﻄﺎﻳﻘﺘﻪ ﺷﻠﻮﻥ ﺍﻟﻲ ﺗﺎﺧﺬﻩ ﺍﻟﻠﻪ ﻳﺴﺎﻋﺪﻫﺎ .

ﻫﻴﺞ ﻛﻮﻥ ﺍﻟﻮﺣﺪﻩ ﺗﺎﺧﺬ ﻣﺜﻞ ﻣﺮﺗﻀﻰ ﺭﺯﺍﻧﻪ ﻭﺛﮕﻞ ﻭﺟﻤﺎﻝ .

ﻭﻋﻮﺩ ﻫﻮ ﻭﺣﻤﻮﺩﻱ ﻧﻔﺲ ﺍﻟﻌﻤﺮ ﻳﺤﻈﻲ .

ﺷﻲ ﻣﺎﻳﺸﺒﻪ ﺷﻲ .

ﺍﻣﻤﻤﻤﻢ ﻭﻟﺞ ﺭﻧﺎ ﺍﺷﻢ ﺭﻳﺤﺔ ﻋﺸﮓ ﺳﺎﻟﻔﻪ ﻣﺼﻄﻔﻰ

ﻣﻨﻴﻦ ﻳﺎﺣﺴﺮﻩ . ﻋﺸﮓ ﻣﻦ ﻃﺮﻑ ﻭﺍﺣﺪ ﻳﺨﻴﺘﻲ .

ﺍﺗﺤﺴﺮ ﻋﻠﻰ ﺷﻮﻓﺘﻪ ﻭﻫﻮ ﻳﮕﻠﻲ ﺧﻴﺘﻲ .

ﺟﺎﻱ ﻧﺤﺠﻲ ﻭﺩﺧﻞ ﻣﺮﺗﻀﻰ . ﺍﺑﻦ ﺍﻟﺤﻼﻝ ﺑﺬﻛﺮﻩ

ﮔﺎﻝ .. ﻣﺎﺳﻪ ﻫﺴﺘﻮﻩ ﻧﻮﺭ ﺍﻟﺒﻴﺖ ﻭﺍﻟﻠﻪ ﺍﻟﺞ ﻭﺣﺸﻪ .

ﻣﺎﺳﻪ .. ﻣﻨﻮﺭ ﺑﺄﻫﻠﻪ ﺭﺿﺎﻭﻱ . ﻭﺍﺑﺎﻭﻉ ﺍﻟﺮﻧﺎ ﻃﻤﺎﻃﺎﻳﻪ .

ﻫﻬﻬﻬﻪ .

ﻣﺮﺕ ﺍﻻﻳﺎﻡ ﻭﺭﺟﻌﻨﺎ ﻟﻠﺪﺭﺍﺳﻪ . ﻭﮔﺎﻣﻮﺍ ﻳﺮﻛﻀﻮﻥ ﺑﻴﻨﺎ ﻻﻥ ﻣﺘﺄﺧﺮﻳﻦ ﻭﻣﺎﺑﻘﻰ ﺷﻲ ﻉ ﺍﻻﻣﺘﺤﺎﻧﺎﺕ .

ﺭﺟﻌﺖ ﺍﻟﺨﻄﻮﻁ ﺍﻻﺭﺿﻴﻪ .

ﻭﻣﺮﺍﺕ ﺑﺎﻟﺒﻮﮔﺎﺕ ﺍﺗﺼﻞ ﻋﻠﻰ ﺣﻼ ﻭﺍﺳﻤﻊ ﺻﻮﺕ ﻣﺼﻄﻔﻰ ﻭﺍﺷﻌﺎﺭﻩ ﻭﻛﻼﻣﻪ ﻣﻦ ﺭﺣﺖ ﻓﺪﻭﻩ ﺍﻟﻪ ﻭﺍﻟﺼﻮﺗﻪ ﻳﺨﺒﻞ .

ﻭﺑﻴﻮﻡ ﺟﺎﻱ ﺍﻏﺴﻞ ﺑﺎﻟﻄﺮﻣﻪ .. ﻭﺳﻤﻌﺖ ﺻﻮﺕ ﺍﻃﻼﻗﺎﺕ ﻧﺎﺭﻳﻪ ﻭﺭﻣﻲ ﻭﺣﺴﻴﺖ ﺑﺎﺑﻨﺎ ﺗﺰﺭﻑ ﻣﻦ ﺍﻟﻄﻠﻖ .

ﺭﺟﻠﻴﻪ ﻭﮔﻔﻦ ﻭﺍﺣﺲ ﻧﻔﺴﻲ ﺟﻤﺪﺕ ﺑﻤﻜﺎﻧﻲ ﻣﻦ ﺍﻟﺨﻮﻑ

ﻭﻛﺎﻥ ﻫﺬﺍ ﺍﻭﻝ ﻣﺄﺳﺎﺓ ﺣﻘﻴﻘﻴﻪ ﻧﻌﻴﺸﻬﺎ ﺑﺤﻴﺎﺗﻨﺎ .

# ﺑﻘﻠﻤﻲ _ ﺷﻤﺲ

ﻳﺘﺒﻊ …

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤