رواية عشق وابتلاء الجزء الخامس
للكاتبة شمس
.
ﺍﻟﻮﺿﻊ ﺗﺪﻫﻮﺭ ﺑﺎﻟﻌﺮﺍﻕ .. ﺍﻟﻘﺘﻞ ﺻﺎﺭ ﻉ ﺍﻟﻬﻮﻳﻪ
ﻭﺑﺪﺍﻭ ﻣﻠﻴﺸﻴﺎﺕ ﻭﺟﻬﺎﺕ ﻏﻴﺮ ﻣﻌﺮﻭﻓﻪ .
ﺑﺎﻟﺤﻜﻢ ﻭﺍﻟﺘﻨﻔﻴﺬ ﻉ ﺍﺷﺨﺎﺹ ﻭﻗﺘﻠﻬﻢ ..
ﻣﺎﻋﻨﺪﻫﻢ ﺍﻱ ﺫﻧﺐ . ﺳﻮﺍ ﺍﻧﻬﻢ ﺍﺷﺘﺮﻛﻮﺍ ﻓﻲ ﻳﻮﻡ ﻣﻦ ﺍﻻﻳﺎﻡ ﺑﺤﺰﺏ ﺍﻟﺒﻌﺚ .
ﻭﺍﻟﺤﻘﻴﻘﻴﻪ ﻫﻮ ﻛﻨﺎ ﺣﺘﻰ ﺍﺣﻨﻪ ﺍﻟﻄﻼﺏ . ﺍﺫﺍ ﻣﻨﺸﺘﺮﻙ ﻳﻔﺼﻠﻮﻧﺎ .
ﻛﺎﻥ ﺍﻣﺮ ﺟﺒﺮﻱ ﻭﻻﺯﻡ ﻧﻨﻔﺬﻩ .
ﻭﺣﺘﻰ ﺍﻟﻤﻌﻠﻤﻴﻦ ﻭﺍﻟﻤﺪﺭﺳﻴﻦ ﻭﻣﺪﺭﺍﺀ ﺍﻟﻤﺪﺍﺭﺱ
ﻛﺎﻧﻮ ﺍﻋﻀﺎﺀ ﺣﺰﺏ . ﻭﺍﻻ ﻳﻨﻔﺼﻠﻮﻥ ﻣﻦ ﻭﺿﺎﺋﻔﻬﻢ .
ﻭﺑﻴﻮﻡ ﻣﻦ ﺍﻻﻳﺎﻡ ﻛﻨﺖ ﺩﺍ ﺍﻏﺴﻞ ﺍﻟﻄﺮﻣﻪ .
ﻭﻓﺠﺄﺓ ﺳﻤﻌﺖ ﺻﻮﺕ ﺍﻃﻼﻗﺎﺕ ﻧﺎﺭﻳﻪ .
ﻭﺭﻣﻲ ﻗﻮﻱ . ﻭﺑﻌﺪﻳﻦ ﺣﺮﻛﺖ ﺳﻴﺎﺭﺍﺕ ﻭﺭﺍﺣﺖ .
ﺍﻧﻲ ﺟﻤﺪﺕ ﺑﻤﻜﺎﻧﻲ .
ﺷﻮﻳﻪ ﻭﺍﻟﺒﺎﺏ ﺗﻜﺴﺮ .
ﻭﺍﺣﻨﻪ ﺑﺲ ﻧﺴﻮﺍﻥ ﺑﺎﻟﺒﻴﺖ .
ﺭﻛﻀﻨﺎ ﻟﻠﺒﺎﺏ . ﻭﻣﺎﻣﺎ ﺗﺪﻓﻊ ﺑﻴﻪ ﻻﺗﻄﻠﻌﻴﻦ ﺍﺩﺧﻠﻲ ﺟﻮﻩ .
ﺷﻔﺖ ﺍﺻﻌﺐ ﻣﻨﻈﺮ ﺑﺤﻴﺎﺗﻲ .
ﺟﺪﻭ ﻣﺜﻘﺒﻴﻪ ﺑﺎﻟﻄﻠﻖ .
ﻣﻦ ﺭﺍﺳﻪ ﺍﻟﺮﺟﻠﻴﻪ
ﻭﺍﻟﺪﻡ ﻋﻠﻰ ﻃﻮﻝ ﺟﺴﻤﻪ ﻭﺣﺘﻰ ﻣﻼﻣﺤﻪ ﻣﻤﺒﻴﻨﻪ .
ﻣﻦ ﺍﻟﺼﺪﻣﺔ ﮔﻌﺪﺕ ﺑﺎﻟﮕﺎﻉ ﻭﺍﺣﺲ ﺭﺟﻠﻲ ﺍﻧﺸﻠﺖ .
ﻣﻮﺗﻪ ﻛﺎﻥ ﻣﺜﻞ ﺍﻟﺼﺎﻋﻘﻪ ﻋﻠﻴﻨﺎ ..
ﺍﻭﻝ ﻭﺍﺣﺪ ﻳﻤﻮﺕ ﻋﺪﻧﺎ ﻭﺑﻬﻴﺞ ﻣﻮﺗﻪ ﻭﺣﺸﻴﻪ ..
ﺷﻨﻮ ﺫﻧﺒﻪ ..
ﺫﻧﺒﻪ ﻻﻧﻪ ﻛﺎﻥ ﻋﻀﻮ ﻓﺮﻗﻪ ..
ﻟﻤﻦ ﻛﺎﻥ ﻣﺪﻳﺮ ﻣﺪﺭﺳﻪ .
ﺑﺲ ﻫﻮ ﺗﻘﺎﻋﺪ .. ﺧﻤﺲ ﺳﻨﻮﺍﺕ ..
ﺷﻨﻮ ﻫﺬﺍ ﺍﻟﺤﻘﺪ ﺍﻟﻲ ﻣﺨﺒﻴﻪ ﻛﻞ ﻫﺬﻱ ﺍﻟﺴﻨﻴﻦ .
ﻣﻌﻘﻮﻟﻪ ﺻﺎﺭ ﺍﻟﻘﺘﻞ ﺳﻬﻞ .. ﺑﻬﺬﺍ ﺍﻟﺸﻜﻞ .
ﺷﻠﻮﻥ ﻧﻄﺎﻛﻢ ﮔﻠﺒﻜﻢ ﺗﻜﺘﻠﻮﻥ ﺭﺟﺎﻝ ﺑﻌﻤﺮ ﺍﺑﻮﻛﻢ ﺍﻭ ﺍﻛﺒﺮ .
ﺷﻨﻮ ﺫﻧﺐ ﺟﺪﻭ ..
ﺣﺘﻰ ﻣﺎﻛﺎﻥ ﻋﻨﺪﻩ ﺍﺫﻳﻪ .
ﺍﻭﻭﻭﻑ ﻳﺎﺣﺒﻴﺒﻲ ﻳﺎﺟﺪﻭ .. ﺍﻟﻤﻨﻄﻘﻪ ﻛﻠﻬﺎ ﺣﺎﻭﻃﺘﻪ ﻭﺗﺒﺠﻲ ﻭﺗﻠﻄﻢ ﻉ ﺭﺍﺳﻬﺎ ﻋﻠﻴﻪ ..
ﻫﺬﺍ ﺍﻟﻴﻮﻡ ﺑﺤﻴﺎﺗﻲ ﻣﺎﺍﻧﺴﺎﻩ ..
ﻭﻣﺎﺍﻧﺴﻰ ﺷﻜﻠﻪ ﻭﻫﻮ ﻋﻴﻨﻪ ﻣﻔﺘﻮﺣﻪ ﻭﺗﺒﺎﻭﻋﻠﻨﺎ ..
ﻟﻮ ﺟﺴﻤﻪ ﺍﻟﻲ ﻣﺜﻘﺒﻴﻪ ﻫﻮ ﺭﺟﺎﻝ ﻛﺒﻴﺮ .
ﺷﮕﺎﻟﺖ ﺭﻭﺣﻚ .. ﺍﻟﻒ ﺭﺣﻤﻪ ﻋﻠﻴﻬﺎ .
ﺑﻴﻮﻣﻬﺎ ﻟﻠﺒﻴﺖ ﺍﻧﺨﺒﺺ .. ﺍﺧﺬﻭﺍ ﺟﺪﻭ ﻟﻠﻤﺴﺘﺸﻔﻰ ﻭﺍﺣﻨﻪ ﺑﻘﻴﻨﺎ ﺑﺎﻟﺒﻴﺖ ..
ﺑﻴﺒﻲ ﻫﺪﻳﻪ ﺗﺒﺠﻲ ﻭﺗﮕﻮﻝ ﺟﻴﺒﻮﻟﻲ ﺣﺒﻴﺒﻲ ..
ﺍﺭﻳﺪﻩ ﻭﻳﻨﻪ ﻟﻴﺶ ﺍﺧﺬﺗﻮﻩ ﻣﻨﻲ .
ﺷﻠﻮﻥ ﺍﻋﻴﺶ ﺑﺪﻭﻧﻪ .. ﺷﻠﻮﻥ ﺍﻧﺎﻡ ﻭﻫﻮ ﻣﻮ ﻋﻠﻰ ﻣﺨﺪﺗﻲ ﻧﺎﻳﻢ ..
ﺍﻟﻨﺎﺱ ﺗﺒﺠﻲ ﻋﻠﻰ ﺣﺎﻟﻬﺎ .. ﻣﻌﻘﻮﻟﻪ ﺍﻛﻮ ﺣﺐ ﻫﻴﺞ .
ﻛﺒﺎﺭ ﺑﺎﻟﻌﻤﺮ ﻭﻣﺸﻔﺘﻬﻢ ﻳﻮﻡ ﺗﻌﺎﺭﻛﻮﺍ ﻭﻻ ﺯﻋﻠﻮﺍ ﻉ ﺑﻌﺾ
ﺍﻛﻠﻬﻢ ﻭﺷﺮﺑﻬﻢ ﻭﻧﻮﻣﺘﻬﻢ ﺳﻮﻳﻪ ..
ﺍﺑﺪ ﻣﻴﺘﻔﺎﺭﮔﻮﻥ ..
ﻣﺜﻞ ﺟﺪﻭ ﻫﻨﺪﻱ ﻭﺑﻴﺒﻲ ﻣﺎﺳﻪ .. ﺣﺒﻬﻢ ﺍﺳﻄﻮﺭﻱ .
ﻭﺗﻤﻨﻴﺖ ﺣﺒﻨﺎ ﺍﻧﻲ ﻭﻣﺼﻄﻔﻰ ﻣﺜﻠﻬﻢ ..
ﺍﺑﺠﻲ ﻋﻠﻰ ﺟﺪﻭ .. ﻭﺍﺑﺠﻲ ﻣﻦ ﺍﺷﻮﻑ ﺑﻴﺒﻲ ..
ﻫﻲ ﻋﺸﺮﺓ ﻋﻤﺮ ﻭﺳﻨﻴﻦ .. ﺣﻘﻬﺎ ﻣﺎﺗﺘﺤﻤﻞ ..
ﺍﻧﻲ ﺣﺐ ﻛﻢ ﺷﻬﺮ ﺑﺲ ﻳﻤﻜﻦ ﺍﻣﻮﺕ ﺭﻭﺣﻲ ﺍﺫﺍ ﺻﺎﺭﻟﻪ ﺷﻲ ﻣﺼﻄﻔﻰ ﻻﺳﺎﻣﺢ ﺍﻟﻠﻪ ..
ﺍﺟﻮ ﺧﻮﺍﻟﻲ ﺑﺎﻟﻠﻴﻞ .. ﮔﺎﻟﻮ ﻣﻦ ﺍﻟﻔﺠﺮ ﻧﺮﻭﺡ ﻧﺪﻓﻨﻪ ﻛﻌﺪﻭﺍ ﺑﻮﺳﻂ ﺍﻟﺼﺎﻟﻪ ﻭﻳﺒﺠﻮﻥ .
ﻭﺍﺣﻨﻪ ﻣﺤﺎﻭﻃﻴﻬﻢ ﻭﻧﻠﻄﻢ ﻭﻧﺒﺠﻲ ..
ﺍﻟﺒﻴﺖ ﻣﻠﻴﺎﻥ ﻧﺎﺱ .. ﻣﺎﻧﻌﺮﻑ ﺷﺒﺴﺮﻋﻪ ﺳﻤﻌﻮﺍ .
ﺍﻭ ﺷﻠﻮﻥ .. ﺍﻟﻤﻬﻢ ﻋﺒﺎﻟﻚ ﺍﻭﻝ ﻣﺮﻩ ﻭﺍﺣﺪ ﻳﻤﻮﺕ ..
ﻭﻓﻌﻼ ﻛﺎﻥ ﺍﻟﻤﻮﺕ ﻗﻠﻴﻞ ..
ﻭﻧﺴﺘﻐﺮﺏ ﻣﻦ ﻳﻤﻮﺕ ﻭﺍﺣﺪ ..
ﺑﺲ ﻣﻮﺕ ﺟﺪﻭ ﻳﺨﺘﻠﻒ ﻣﻮﺗﻪ ﻭﺣﺸﻴﻪ ﻭﺑﻼ ﺭﺣﻤﻪ ..
ﻣﺎﻣﺎ ﻣﺘﻬﺴﺘﺮﻩ ﻭﺑﺲ ﺗﺒﺠﻲ ..
ﻭﺗﺨﺮﺑﻄﺖ . ﺍﻧﺸﻐﻠﺖ ﺑﻴﻬﺎ ..
ﻭﮔﻤﺖ ﺍﻋﻴﻂ ﺧﻔﺖ ﻋﻠﻴﻬﺎ ﺣﻴﻞ ..
ﺟﻤﺪﺕ ﻭﺑﻌﺪ ﻣﺎﺗﺘﻨﻔﺲ ..
ﻣﻠﺨﺖ ﻧﻔﺴﻲ ..
ﻟﺞ ﻳﻮﻡ ﺍﮔﻌﺪﻱ .. ﻳﻮﻡ ﻻﺗﻌﻮﻓﻴﻨﻲ ﺍﻧﺘﻲ ..
ﻳﻮﻡ ﺣﺒﺎﺑﻪ ﺍﮔﻌﺪﻱ .. ﻳﻮﻡ ﺍﮔﻌﺪﻱ ﻻﺗﺨﻮﻓﻴﻨﻲ ﺍﺑﻮﺱ ﺍﻳﺪﺝ .
ﻣﺎﺍﻋﺮﻑ ﺷﻨﻮ ﻣﻦ ﻳﻮﻡ ﻫﺬﺍ ..
ﻟﻴﺶ ﻳﺎﺭﺑﻲ ﺍﻟﻤﺼﺎﻳﺐ ﻭﺣﺪﻩ ﻭﺭﻯ ﺍﻟﻠﺦ ..
ﺷﺎﻟﻮﻫﺎ ﺧﻮﺍﻟﻲ ﻭﺍﻧﻲ ﻭﺭﺍﻫﻢ ﺍﺭﻛﺾ ..
ﻟﺒﺴﺘﻨﻲ ﺭﻧﺎ ﺑﺴﺮﻋﻪ ﺣﺠﺎﺏ ..
ﻭﻃﻠﻌﺖ ﺑﺪﺷﺪﺍﺳﺘﻲ ..
ﻭﻣﺎﺍﺩﺭﻱ ﺑﻨﻔﺴﻲ ﻓﻘﺪﺕ ..
ﺍﺣﺲ ﺍﻧﻲ ﺑﺠﺤﻴﻢ ..
ﺩﺧﻠﻮﻫﺎ ﻟﻠﻄﻮﺍﺭﺉ .. ﻭﺳﻮﻭﻟﻬﺎ ﺗﺤﺎﻟﻴﻞ ..
ﻭﻓﺤﺼﻬﺎ ﺍﻟﺪﻛﺘﻮﺭ ..
ﮔﺎﻝ ﺳﻜﺮﻫﺎ ﺻﺎﻋﺪ 450 ﻭﺍﺣﺘﻤﺎﻝ ﺷﻜﻞ ﻋﻨﺪﻫﺎ ..
ﻭﻻﺯﻡ ﺗﺎﺧﺬ ﺍﺣﺘﻴﺎﻃﻬﺎ ..
ﺿﺮﺑﻮﻫﺎ ﺍﻧﺴﻮﻟﻴﻦ ..
ﻭﻛﺘﺒﻠﻬﺎ ﺩﻭﺍ ..
ﺻﺎﺭﺕ ﺍﺣﺴﻦ ﻃﻠﻌﻨﺎﻫﺎ ..
ﺣﻈﻨﺘﻬﺎ ﻭﺍﺑﺠﻲ ﻭﻃﻮﻝ ﺍﻟﻄﺮﻳﻖ ﻧﺎﻳﻤﻪ ﺑﺤﻈﻨﻲ
ﺍﺑﺎﻭﻋﻠﻬﺎ ﻛﺒﺮﺕ ﺳﻨﻪ ﻣﻮ ﻳﻮﻡ ..
ﻣﻌﻘﻮﻟﻪ ﺻﺎﺭ ﺑﻴﻬﺎ ﺳﻜﺮ . ﻭﻫﻲ ﺑﻌﺪﻫﻲ ﺻﻐﻴﺮﻩ .
ﺑﻴﺒﻴﺎﺗﻲ ﻛﺒﺎﺭ ﻭﻣﺎﺑﻴﻬﻦ ﺳﻜﺮ .
ﻭﻣﺎﻣﺎ ﺑﻴﻬﺎ ﺳﻜﺮ .. ﺷﻠﻮﻥ ﺭﺍﺡ ﺍﮔﺪﺭ ﺍﺗﺤﻤﻞ ﻣﺮﺿﻬﺎ .
ﻭﺻﻠﻨﺎ ﺗﻠﮕﻮﻧﺎ ﺍﻫﻞ ﺍﻟﻨﺎﺻﺮﻳﻪ ﻛﻠﻬﺎ ﺟﺎﻳﻪ ﻧﺴﻮﺍﻧﻬﺎ ﻭﺯﻟﻤﻬﺎ .
ﺩﺧﻠﺖ ﻣﺎﻣﺎ ﻭﻻﺯﻣﻬﺎ ﻣﻦ ﺍﻟﺠﻬﻪ ﺍﻟﺜﺎﻧﻴﻪ ﺣﻤﻮﺩﻱ .
ﺭﻓﻌﺖ ﺭﺍﺳﻲ ﺷﻔﺖ ﻣﺼﻄﻔﻰ ..
ﺑﺎﻭﻋﻠﻲ ﺑﺎﻟﻢ ..
ﻭﺍﻧﻲ ﻧﺰﻟﺖ ﺩﻣﻮﻋﻲ ..
ﺍﺟﻪ ﺑﺎﺑﺎ ﻭﺭﺍﻧﺎ ﺳﻠﻢ ﻋﻠﻰ ﻣﺎﻣﺎ ﻭﺍﺧﺬ ﻣﻦ ﺧﺎﻃﺮﻫﺎ ..
ﻭﺣﻈﻨﻲ ﻭﺑﻘﻴﻨﺎ ﻧﺒﺠﻲ ..
ﺩﺧﻠﻨﺎ ﻣﺎﻣﺎ ﻻﻥ ﺗﻌﺒﺎﻧﻪ ..
ﻟﮕﻴﻨﻬﺎ ﺑﻴﺒﻲ ﻣﺎﺳﻪ ﺗﻨﻌﻰ ﻭﻳﻠﻄﻤﻦ ﻭﻳﺴﻮﻥ ﻫﻮﺳﺎﺕ .
ﻭﻋﻤﺎﺗﻲ ﻭﻛﻠﻬﺎ ﻣﻮﺟﻮﺩﻩ ..
ﻣﺎﻣﺎ ﻣﺎﺗﺤﻤﻠﺖ ﮔﺎﻣﺖ ﺗﻠﻄﻢ ﻭﻳﺎﻫﻦ . ﻭﻫﻲ ﻣﺮﻳﻀﻪ
ﻟﺰﻣﺘﻬﺎ ﻣﺎﻗﺒﻠﺖ ..
ﺑﻘﻴﺖ ﻃﻮﻝ ﺍﻟﻔﺎﺗﺤﻪ ﺧﺎﻳﻔﻪ ﻋﻠﻴﻬﺎ .. ﻣﺎﻋﻨﺪﻱ ﺍﺣﺪ ﻏﻴﺮﻫﺎ
ﺍﻣﻮﺕ ﺑﻼﻫﺎ ﺍﺫﺍ ﺻﺎﺭ ﻋﻠﻴﻬﺎ ﺷﻲ ..
ﺑﻌﺪ ﻣﺎﺩﻓﻨﻮﺍ ﺟﺪﻭ ﻭﺭﺟﻌﻮﺍ ..
ﺍﺟﺘﻤﻌﻮﺍ ﻭﻗﺪﻣﻮﺍ ﺷﻜﻮﻯ .
ﻭﺍﻟﻌﺸﻴﺮﻩ ﻛﻠﻬﺎ ﮔﻌﺪﺕ ﻭﮔﺎﻟﺖ ﻋﺴﺎﺱ ﺍﻛﻮ ﺷﻬﻮﺩ
ﻭﻋﺮﻓﻮﺍ ﻭﺍﺣﺪ ﻣﻨﻬﻢ ..
ﺍﺻﻼ ﻫﻤﻪ ﻣﺎﺳﻮﻭ ﻓﺎﺗﺤﻪ .. ﺍﻟﻰ ﺍﻥ ﻳﻠﺰﻣﻮﻫﻢ .
ﺑﺲ ﺗﺠﻲ ﺍﻟﻨﺎﺱ ﺗﺴﻠﻢ ﻋﻠﻴﻬﻢ ﺑﺎﻟﺒﻴﺖ ..
ﻣﺮﺕ ﺍﻟﻔﺎﺗﺤﻪ ﻭﺍﻧﻲ ﻣﺸﻔﺖ ﻣﺼﻄﻔﻰ ﻻﻥ ﺧﻠﻮ ﺍﻟﺰﻟﻢ ﺑﺒﻴﺖ ﺍﻗﺮﺑﺎﺋﻨﺎ ﺑﻨﻔﺲ ﺍﻟﺸﺎﺭﻉ ..
ﻭﺑﻴﺖ ﺟﺪﻭﺍ ﺻﺎﺭ ﺑﺲ ﻟﻠﻨﺴﻮﺍﻥ ..
ﺑﻴﻮﻡ ﺍﻟﺜﻮﺍﺏ ..
ﺗﺤﺰﻣﻦ ﻋﻤﺎﺗﻲ ﻭﺑﻴﺒﻲ ﻣﺎﺳﻪ ﻭﮔﺎﻣﻦ ﻳﻄﺒﺨﻦ .
ﻭﻣﺮﺗﻀﻰ ﻭﺣﻤﻮﺩﻱ ﻭﻣﺼﻄﻔﻰ ﻫﻢ ﺍﺟﻪ ﻭﻳﺎﻫﻦ ﻳﺴﺎﻋﺪﻫﻦ ..
ﻫﻨﺎ ﺭﺟﻌﺘﻠﻲ ﺭﻭﺣﻲ ..
ﮔﻠﻲ ﺍﻟﺒﻘﻴﻪ ﺑﺤﻴﺎﺗﺞ ﻣﺎﺳﻪ ..
ﻭﺣﻴﺎﺗﻚ ﺍﻟﺒﺎﻗﻴﻪ ﻣﺼﻄﻔﻰ ..
ﺍﻟﻴﻮﻡ ﻛﻠﻪ ﻋﻴﻮﻧﻪ ﻣﺘﻔﺎﺭﮔﻦ ..
ﺑﻮﺩﻱ ﺍﺣﻈﻨﻪ ﻭﺍﺑﺠﻲ ﻭﺍﻓﺮﻍ ﺍﻟﻬﻢ ﺍﻟﻲ ﺑﻴﻪ ..
ﺗﻌﺸﺖ ﺍﻟﻨﺎﺱ ﻭﺭﺍﺣﺖ ..
ﻏﺴﻠﻨﺎ ﺍﻟﻤﻮﺍﻋﻴﻦ ﺑﺎﻟﺤﺪﻳﻘﻪ .
ﻭﻛﻤﻠﻨﺎ . ﻛﻠﻬﺎ ﺭﺍﺣﺖ ﻧﺎﻣﺖ ﻣﻦ ﺍﻟﺘﻌﺐ ..
ﺑﻘﺖ ﺍﻟﻄﺮﻣﻪ ﻭﺳﺨﻪ ..
ﺍﻧﺸﻐﻠﺖ ﺑﻐﺴﻠﻬﺎ ..
ﺷﻔﺖ ﻣﺼﻄﻔﻰ ﺍﺟﻪ ﻭﺟﺎﻳﺐ ﻋﻼﮔﺘﻴﻦ ﺑﻴﺪﻩ
ﺍﺳﺘﻐﺮﺑﺖ ..
ﻣﺼﻄﻔﻰ ﺷﻌﻨﺪﻙ ﻫﻨﺎ .. ﻟﻴﺸﻮﻓﻚ ﺍﺣﺪ
ﺷﺒﻴﺞ ﺍﺷﺸﺶ ﻟﺘﺨﺎﻓﻴﻦ .. ﺟﺒﺖ ﻋﻼﺝ ﺍﻟﺒﻴﺒﻲ ﻣﺎﺳﻪ
ﻭﺻﺘﻨﻲ ..
ﻫﺎ ﻟﻌﺪ ﺍﻧﻄﻴﻨﻴﺎﻩ ﺍﺧﺬﺓ ﺍﻟﻬﺎ ..
ﻭﻫﺎﻱ ﺍﻟﺞ ..
ﺷﻨﻮ ﻫﺎﻱ .. ﺑﻘﻠﻤﻲ ﺷﻤﺲ
ﻫﻴﺞ ﺷﻔﺘﺞ ﻣﺘﻌﺸﻴﺘﻲ .. ﺍﺷﺘﺮﻳﺖ ﺟﺒﺎﺳﻪ ﻭﻋﺼﻴﺮ ﻭﻛﻴﻚ ﺍﻟﺞ
ﺷﻜﺮﺍ ﻣﺼﻄﻔﻰ ..
ﻣﺸﺘﺎﻗﺘﻠﺞ ﻣﺎﺳﺘﻲ ..
ﺍﻧﻲ ﻫﻢ .. ﺑﻴﻮﻡ ﺍﻟﻲ ﺍﻧﻘﺘﻞ ﺟﺪﻭ ﺗﻤﻨﻴﺘﻚ ﻳﻤﻲ ..
ﻭﺍﺣﺘﻤﻲ ﺑﻴﻚ ..
ﻣﺎﻣﺎ ﺗﺨﺮﺑﻄﺖ ﻭﺍﻟﺒﻴﺖ ﺍﻧﺨﺒﺺ ﻭﺣﺴﻴﺖ ﺭﻭﺣﻲ ﺗﺎﻳﻬﻪ
ﻳﺎﻋﻤﺮﻱ ﺍﻧﻲ ﺍﻟﻲ ﻣﺘﺖ ﻣﻦ ﺳﻤﻌﺖ . ﺑﺴﺮﻋﻪ ﺻﺮﺗﻲ ﮔﺒﺎﻟﻲ ﻣﻦ ﺳﻤﻌﺖ .. ﻭﺧﻔﺖ ﻋﻠﻴﺞ ﻟﻴﺼﻴﺮ ﻋﻠﻴﺞ ﺷﻲ ..
ﻭﻣﻦ ﺍﻟﺨﻮﻑ ﻣﻦ ﺷﻔﺘﺞ ﮔﺒﺎﻟﻲ ﻣﻦ ﺍﺟﻴﺘﻲ ﻣﻦ ﺍﻟﻤﺴﺘﺸﻔﻰ ﻭﻱ ﺍﻣﺞ ..
ﺭﺩﺕ ﺍﺣﻀﻨﺞ ﻭﺍﻃﻤﺄﻥ ﻋﻠﻴﺞ .
ﺩﻣﻌﺖ ﻋﻴﻮﻧﻲ .. ﻣﺎﺣﺴﻴﺖ ﺍﻻ ﺣﻀﻨﻲ ﻭﻳﻤﺴﺢ ﻋﻴﻮﻧﻲ .
# ﺑﻘﻠﻤﻲ _ ﺷﻤﺲ
....
ﺷﻬﮕﺖ ﺑﺎﻟﺒﺠﻲ ﻭﻣﺎﺍﺗﺤﻤﻠﺖ ﻣﻦ ﺣﻈﻨﻲ .. ﺣﺴﻴﺖ ﺑﺄﻣﺎﻥ
ﻭﺍﺣﺴﺎﺱ ﻻﻳﻮﺻﻒ ..
ﺣﻈﻨﻪ ﺩﺍﻓﻲ ﺣﻴﻞ .. ﻭﺍﺧﺘﻠﻄﻦ ﺩﮔﺎﺕ ﮔﻠﺒﻨﺎ ﺳﻮﻳﻪ ..
ﻓﻌﻼ ﺻﺮﻧﺎ ﻭﺍﺣﺪ .. ﻭﺣﺒﻨﺎ ﻣﺎﻳﺸﺒﻪ ﺍﻱ ﺣﺐ .
ﻭﺍﻧﺖ ﻭﺣﺪﻙ
ﻣﻦ ﺗﻠﻤﻨﻲ ﺑﺤﻀﻨﻚ ﺍﺣﺲ
ﺑﻮﺟﻪ ﺍﺑﻮﻱ ﻭ ﺿﺤﻜﺖ ﺍﻣﻲ ﻭ ﺭﺣﻤﺔ ﺍﻟﻠﻪ ..
.
.
ﺯﺩﺕ ﺑﺎﻟﺒﺠﻲ ﻭﻃﻠﻌﺖ ﺍﻟﺨﻮﻑ ﻭﺍﻟﻘﻬﺮ ﺍﻟﻲ ﺑﮕﻠﺒﻲ ﻛﻠﻪ .
ﺑﺎﻭﻋﻠﻲ ..
ﻛﺎﻓﻲ ﻳﻌﻤﺮﻱ ﺗﻌﺬﺑﻴﻨﻲ ﻣﻦ ﺗﺒﺠﻴﻦ ..
ﺟﺪﺝ ﺭﺍﺡ ﻟﻠﻲ ﺍﺭﺣﻢ ﻣﻦ ﻋﺪﻧﺎ .. ( ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ )
ﻭﺍﻣﺞ .. ﺍﻥ ﺷﺎﺀ ﺍﻟﻠﻪ ﻣﺎﻋﻨﺪﻫﺎ ﻏﻴﺮ ﺍﻟﻌﺎﻓﻴﻪ ﻻﺗﻘﻬﺮﻳﻦ ﺭﻭﺣﺞ
ﻣﺴﺢ ﺩﻣﻮﻋﻲ ..
ﺍﻧﻔﺘﺤﺖ ﺑﺎﺏ ﺍﻟﺸﺎﺭﻉ ..
ﺑﺴﺮﻋﻪ ﺍﺑﺘﻌﺪ ﻣﺼﻄﻔﻰ ..
ﺩﺧﻞ ﺣﻤﻮﺩﻱ ﻭﻣﺮﺗﻀﻰ ..
ﺣﻤﻮﺩﻱ .. ﻫﺎ ﻣﺼﻄﻔﻰ ﺩﻭﺭﺕ ﻋﻠﻴﻚ ﻣﺎﻛﻮ .
ﻣﺎﺍﺩﺭﻱ ﺑﻴﻚ ﻫﻨﺎ ..
ﻣﺼﻄﻔﻰ .. ﺍﻱ ﺍﺷﺘﺮﻳﺖ ﻋﻼﺝ ﺍﻟﺒﻴﺒﻲ .. ﻭﺟﺒﺘﻪ ﺍﻟﻬﺎ .
ﺩﮔﻴﺖ ﺍﻟﺒﺎﺏ ﻃﻠﻌﺖ ﻣﺎﺳﻪ ..
ﻣﺜﻞ ﻣﮕﺘﻠﺞ ﻣﺎﺳﻪ .. ﻉ ﺍﻟﻌﻼﺝ ﻫﻴﺞ ﻓﻬﻤﻴﻬﺎ ﻭﻳﻐﻤﺰﻟﻲ .
ﻣﺎﺍﻋﺮﻑ ﺍﺿﺤﻚ ﻟﻮ ﻻ ﺑﺬﻳﺞ ﺍﻟﻠﺤﻈﻪ .
ﻃﻠﻊ ﻫﻮ ..
ﻭﺣﻤﻮﺩﻱ ﻳﮕﻮﻝ ﺍﻟﻤﺮﺗﻀﻰ .. ﺍﺑﺪ ﻭﻻﺍﺭﺗﺎﺣﻠﻪ ﻭﻳﺒﺎﻭﻋﻠﻲ ..
ﻣﺮﺗﻀﻰ . ﻻ ﻭﻟﻚ ﺷﺒﻲ ﺍﻟﻮﻟﺪ ﺍﺧﻼﻕ ﻭﺩﺭﺓ ..
ﻣﺎﺍﻫﺘﻤﻴﺖ .. ﺍﺧﺬﺕ ﺍﻟﻌﻼﻟﻴﮓ ﻭﺩﺧﻠﺖ ﻧﻄﻴﺖ ﺍﻟﺒﻴﺒﻲ ﻣﺎﺳﻪ ﺍﻟﻌﻼﺝ ..
ﻭﻓﺮﺷﺖ ﻭﮔﻌﺪﺕ ﺑﻔﺮﺍﺷﻲ .
ﺍﻛﻞ ﻓﻌﻼ ﻛﻨﺖ ﺟﻮﻋﺎﻧﻪ . ﻭﺍﻧﻲ ﺍﺣﺐ ﻫﻴﺞ ﺷﻐﻼﺕ ﻭﻧﻤﻴﺎﺕ ﺍﻛﻞ .
ﺍﻛﻠﺖ ﺟﺒﺲ ﻭﻋﺼﻴﺮ ..
ﻭﺭﺣﺖ ﻏﺴﻠﺖ ﻭﻓﺮﺷﺖ ﺍﺳﻨﺎﻧﻲ ﻭﻧﻤﺖ ..
ﮔﻌﺪﺕ ﺍﻟﺼﺒﺢ ﻟﮕﻴﺖ ﻛﻠﻬﺎ ﮔﺎﻋﺪﻩ ﺑﺲ ﺍﻧﻲ ﻧﺎﻳﻤﻪ ﺍﺳﺘﺤﻴﺖ
ﺍﺧﺬﺗﻨﻲ ﺍﻟﻨﻮﻣﻪ ﻣﺖ ﺍﻟﺘﻌﺐ ..
ﻭﺟﺎﻳﻪ ﻣﻮﺍﺟﻬﻪ ﻣﺎﻝ ﻧﺴﻮﺍﻥ ..
ﺍﺳﺘﺤﻴﺖ ﺍﻃﻠﻊ .. ( ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ )
ﺑﻘﻴﺖ ﺟﻮﻩ ﺍﻟﻰ ﺍﻥ ﺧﻠﺼﺖ ﻭﻃﻠﻌﺖ .
ﻏﺴﻠﺖ . ﻭﺳﻮﻳﺖ ﻟﻔﻪ . ﻭﺟﺎﻱ ﺍﺷﺮﺏ ﺟﺎﻱ .
ﺷﻔﺖ ﻣﺼﻄﻔﻰ ﮔﺒﺎﻟﻲ ﻏﺼﻴﺖ ..
ﻳﺒﺎﻭﻉ ﻣﻦ ﺷﺒﺎﻙ ﺍﻟﻤﻄﺒﺦ ﻭﻳﺒﺘﺴﻢ .
ﻫﻮ ﻣﻨﺘﺒﻪ ﻭﺍﻧﻲ ﻣﻤﻨﺘﺒﻬﻪ . ﺩﻭﺭ ﺑﻨﺎﺕ ﺍﻗﺮﺑﺎﺋﻨﺎ ﻫﻮﺍﻱ ﺑﺎﻟﻤﻄﺒﺦ ﻭﻳﺒﺎﻭﻋﻠﻪ ﻭﻳﺘﻬﺎﻣﺴﻦ ..
ﺻﻌﺪﺕ ﺍﻟﻐﻴﺮﻩ ﻋﻨﺪﻱ ..
ﻭﺑﻌﺪﻳﻦ ﻣﺼﻄﻔﻰ ﺷﻌﻨﺪﻩ ﻫﻨﺎ . ﻭﻭﻳﺎﻣﻦ ﺩﻳﺤﺠﻲ .
ﻃﻠﻌﺖ ﺑﺴﺮﻋﻪ .
ﺍﻟﺘﻔﻴﺖ ﻭﺭﻯ ﺍﻟﻤﻄﺒﺦ .
ﻟﮕﻴﺘﻪ ﺩﻳﺴﻮﻟﻒ ﻭﻱ ﻋﻤﺘﻪ ﻣﺮﺕ ﺧﺎﻟﻮ ﻣﻌﺘﺰ ..
ﺷﺎﻓﻨﻲ ﮔﺎﻝ ﺻﺢ ﺍﻟﻨﻮﻡ ﻛﻠﻤﺎ ﺍﺳﺄﻝ ﻋﻠﻴﺞ ﻳﮕﻠﻮﻟﻲ ﻧﺎﻳﻤﻪ .
ﻭﺍﻧﻲ ﻫﻨﺎ ﺍﺗﮕﻠﻪ .
ﻫﻮ ﻳﺤﺠﻲ ﻋﺎﺩﻱ ﻭﺍﻧﻲ ﻣﺴﺘﺤﻴﻪ ﻣﻦ ﻣﺮﺕ ﺧﺎﻟﻮ .
ﮔﺎﻟﺖ ﺗﻌﺎﻟﻲ ﻣﺎﺳﻪ .
ﺑﺤﺠﺔ ﺗﺴﺎﻋﺪﻳﻨﻲ ﺑﺎﻟﻄﺒﺦ ﺍﻧﺘﻲ ﻭﻣﺼﻄﻔﻰ ..
ﺍﮔﻌﺪﻭﺍ ﻫﻨﺎ .. ﺑﺲ ﻣﻦ ﻳﺠﻲ ﺍﺣﺪ .
ﺳﻮﺍ ﻧﻔﺴﮕﻢ ﺗﺸﺘﻐﻠﻮﻥ .
ﻟﻮ ﺗﮕﻠﺒﻮﻥ ﺑﺎﻟﮕﺪﺭ ..
ﺿﺤﻚ ﻣﺼﻄﻔﻰ .. ﺍﻭﻭﻭﻑ ﻳﺎﻣﺎﺳﻪ ﺷﺴﻮﻳﺘﻲ ﺑﻴﻪ .
ﺻﺮﺕ ﺍﺗﺨﺘﻞ ﻣﻦ ﻭﺭﺍﺝ . ( ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ )
ﻫﻬﻬﻬﻪ ﺩﺗﻌﺎﻝ ﻋﻦ ﺍﻟﺸﺒﺎﻙ .. ﻣﻮ ﻓﺮﺣﺎﻥ ﺍﻟﺒﻨﺎﺕ ﻭﺍﻛﻔﺎﺕ ﺑﺎﻟﻤﻄﺒﺦ ﻳﺒﺎﻭﻋﻠﻚ
....
ﺍﻭﻳﻠﻲ ﺑﻌﺪ ﺭﻭﺣﻲ .. ﻫﻴﺞ ﺗﻐﺎﺭﻳﻦ ﻋﻠﻴﻪ .
ﻋﻠﻰ ﺷﻨﻮ ﺍﻏﺎﺭ .
ﺍﻱ ﺻﺤﻴﺢ .. ﺳﻴﻤﺎﻫﻢ ﻓﻲ ﻭﺟﻮﻫﻬﻢ ..
ﮔﻌﺪﻧﺎ ﻳﻢ ﺍﻟﻄﺒﺦ .. ﻭﺍﻟﺠﻮ ﺣﺎﺭ . ﺍﻧﺸﻮﻳﻨﺎ .
ﺑﺲ ﺍﻟﻲ ﻳﺤﺐ ﻳﺘﺤﻤﻞ ..
ﺍﺟﺖ ﺭﻧﺎ .. ﺗﺒﺎﻭﻉ ﻭﺗﻀﺤﻚ .
ﻭﺗﺴﻮﻳﻠﻲ ﺍﻭﻙ ﺑﺈﺩﻳﻬﺎ . ﻋﻠﻰ ﻣﺼﻄﻔﻰ .
ﺑﻘﻴﻨﺎ ﺑﺎﻟﺴﺎﻋﻪ ﻧﺴﻮﻟﻒ .. ﻭﻫﻮ ﺳﺎﻋﻪ ﻳﺘﻐﺰﻝ .
ﺳﺎﻋﻪ ﻳﺨﻄﻂ ﺍﻟﻤﺴﺘﻘﺒﻠﻨﺎ .
ﺳﺎﻋﻪ ﻳﮕﻠﻲ ﺑﺲ ﺍﺗﺨﺮﺝ ﻭﺍﺷﻮﻑ ﺗﻌﻴﻴﻦ ﻧﺘﺰﻭﺝ .
ﻭﻋﻮﺩ ﻛﻤﻠﻲ ﻫﻨﺎﻙ .
ﻭﺍﻧﻲ ﻓﺮﺣﺎﻧﻪ ﻭﺍﻟﺪﻧﻴﺎ ﻣﺴﺎﻳﻌﺘﻨﻲ ..
ﺑﺲ ﻻﺯﻡ ﻓﺮﺣﺘﻲ ﺗﺨﺮﺏ .. ﺑﺴﺒﺐ ﺣﻤﻮﺩﻱ .
ﺍﺟﻪ . ﻣﺼﻄﻔﻰ ﺳﻮﻩ ﻧﻔﺴﻪ ﻳﮕﻠﺐ ﺑﺎﻟﮕﺪﺭ .
ﺣﺴﻴﺘﻪ ﺷﻚ ﺑﻴﻨﺎ ﻭﺑﻘﻰ ﻳﺒﺎﻭﻉ .
ﺗﺎﻟﻲ ﺻﺎﺡ .. ﻣﺎﺳﻪ ﺍﻧﺘﻲ ﺩﺧﻠﻲ ﺍﻧﻲ ﻫﻨﺎ ﻳﻤﻬﻢ .
ﮔﺘﻠﻪ ﻣﺎﻛﻮ ﺩﺍﻋﻲ .
ﺍﺷﻮ ﻫﺬﺍ ﮔﺎﻡ ﻳﺨﻮﺯﺭ ﻭﺳﻮﻩ ﻧﻔﺴﻪ ﻭﻟﻲ ﺍﻣﺮﻱ ..
ﺍﺷﺮﻟﻲ ﻣﺼﻄﻔﻰ ﻋﻮﺩ ﺩﺧﻠﻲ ..
ﺩﺧﻠﺖ .. ﮔﺎﻝ ﺍﻱ ﻋﻔﻴﻪ ﻫﻴﺞ ﺍﺳﻤﻌﻲ ﺍﻟﻜﻼﻡ .
ﺍﻟﺘﻔﺘﺖ ﻋﻠﻴﻪ .. ﻭﺍﻧﺖ ﺷﻨﻮ .. ﻻﻋﺒﺎﻟﻚ ﺩﺧﻠﺖ ﻋﻤﻮﺩﻙ
ﺑﺲ ﺑﺠﻴﺘﻚ ﺍﺧﺘﻨﮕﺖ .
ﻫﺎ ﻳﻌﻨﻲ ﻫﻴﺞ ﺻﺎﺭ ﺍﻟﺤﺠﻲ ﻣﺎﺳﻪ . ﺑﺴﻴﻄﻪ .
ﺗﺮﻛﺘﻪ ﻭﺩﺧﻠﺖ . ( ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ )
ﻣﺮ ﺍﻟﻴﻮﻡ ﻋﺎﺩﻱ ..
ﻭﺍﻟﻨﺎﺱ ﺍﻏﻠﺒﻬﺎ ﺭﺍﺣﺖ .
ﺑﺲ ﺍﻫﻞ ﺍﻟﻨﺎﺻﺮﻳﻪ ﺑﻘﻮﺍ .
ﻭﺭﺟﻌﻮﺍ ﻛﻠﻬﻢ ﺍﻟﺒﻴﺖ ﺟﺪﻭ . ﺑﻌﺪ ﻣﺎﺧﻠﺺ ﺍﻟﻠﻄﻢ ..
ﻭﻧﺴﻤﻌﻬﻢ ﻳﺘﻨﺎﻗﺸﻮﻥ ﻉ ﻭﺍﺣﺪ .. ﻫﻮ ﺍﻟﻲ ﺷﺎﻛﻴﻦ ﺑﻲ ﻭﻳﺎﻫﻢ ﻭﻃﻠﻊ ﺟﻴﺮﺍﻧﻪ ..
ﻗﺪﻣﻮﺍ ﺷﻜﻮﻩ ﻋﻠﻴﻪ .. ﻭﺩﺯﻭﺍ ﺍﻻﻫﻠﻪ ﻋﻄﻮﻩ ﺍﻧﻪ ﻳﺴﻠﻤﻮﻩ ﻭﻳﻌﺘﺮﻑ ﻋﻠﻰ ﺍﻟﻲ ﻭﻳﺎﻩ ..
ﻳﻮﻣﻴﻦ ﺍﻟﺒﻴﺖ ﻣﺎﻫﺪﺉ . ﻭﺗﺎﻟﻲ ﻗﺮﺭﻭﺍ ﺍﺳﺒﻮﻉ ﻭﺍﻫﻞ ﺍﻟﻮﻟﺪ ﻳﻤﺸﻮﻥ ﻭﻳﺤﻠﻮﻥ ﺍﻟﺴﺎﻟﻔﻪ ..
ﻓﮕﺎﻝ ﺟﺪﻭ ﻣﻬﺪﻱ . ﺍﺣﻨﻪ ﻧﺮﺟﻊ ﻟﻠﻨﺎﺻﺮﻳﻪ .
ﺑﻌﺪ ﺷﻌﺪﻧﺎ ﻫﻨﺎ ..
ﻭﻟﻼﺳﺒﻮﻉ ﺍﻟﺠﺎﻱ ﻧﺠﻲ ..
ﺿﺠﺖ ﺣﻴﻞ ﻣﻦ ﻗﺮﺭﻭﺍ ﻳﺮﺣﻮﻥ .
ﻭﺩﻋﺖ ﺑﻴﺒﻴﺎﺗﻲ .. ﻭﻃﻠﻌﺖ ﻭﻳﺎﻫﻢ ﻟﻠﺸﺎﺭﻉ .
ﺭﻛﺒﻮﺍ ﺍﻟﺴﻴﺎﺭﺍﺕ .
ﺟﻨﻄﺔ ﺑﻴﺒﻲ ﺑﻴﺪﻱ . ﺍﺟﻪ ﻣﺼﻄﻔﻰ ﻳﺎﺧﺬﻫﻦ ﺳﺤﺒﻬﻦ ﻣﻦ ﺍﻳﺪﻱ ﻭﻻﻣﺴﺖ ﺍﻳﺪﻳﻨﺎ .
ﺟﺴﻤﻲ ﻭﮔﻠﺒﻲ ﮔﺎﻣﻮﺍ ﻳﺮﺟﻔﻮﻥ .
ﻫﻤﺴﻠﻲ ﺍﺣﺒﺞ .
ﮔﺘﻠﻪ ﻣﻦ ﺗﻮﺻﻠﻮﻥ ﺧﺎﺑﺮﻧﻲ ﻃﻤﻨﻲ .
ﻫﺰ ﺑﺮﺍﺳﻪ .
ﻭﺭﺍﺡ ﻭﺍﺧﺬ ﺭﻭﺣﻲ ﻭﻳﺎﻩ ..
ﺻﺎﺭ ﺍﻟﺒﻴﺖ ﻣﻮﺣﺶ . ﻛﺎﻧﺖ ﺍﻟﻨﺎﺱ ﺷﺎﻏﻠﺘﻨﺎ .
ﻫﺴﺎ ﺍﻟﺒﻴﺖ ﻓﺮﻍ .
ﻭﺑﻴﺒﻲ ﺑﻘﺖ ﺗﻮﻥ ﻭﺗﻨﻮﺡ ﻉ ﺟﺪﻭﺍ .
ﻭﺍﻟﺒﻴﺖ ﺑﺲ ﺣﺰﻥ ﻭﺩﻣﻮﻉ .
ﻧﻀﻔﻨﺎ ﺍﻟﺒﻴﺖ ﻛﻠﻪ ﺍﻧﻲ ﻭﺭﻧﺎ ﻭﺳﺎﺭﻩ . ﻭﻣﺮﺕ ﺧﺎﻟﻮ ﻣﻌﺘﺰ ﻫﻢ ﻭﻳﺎﻧﻪ ..
ﺧﻠﺼﻨﺎ .
ﺳﺒﺤﺖ ﻭﻧﻤﺖ ﻣﻦ ﺍﻟﺘﻌﺐ ..
ﻣﺎﮔﻌﺪﺕ ﻟﻠﻴﻞ .
ﺷﻔﺖ ﻣﺎﻣﺎ ﺗﺴﻮﻱ ﻋﺸﺎ .. ( ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ )
ﻣﺎﻣﺎ ﺭﻭﺣﻲ ﺍﻧﻲ ﺍﺳﻮﻱ ..
ﻻ ﻣﺎﻣﺎ ﺍﻧﻲ ﺍﺭﻳﺪ ﺍﻟﺘﻬﻲ .. ﻭﺍﻧﺘﻦ ﺗﻌﺒﺘﻦ ﻫﺎﻱ ﺍﻟﻔﺘﺮﻩ .
ﻣﺘﺖ ﻣﻦ ﺍﻟﮕﻌﺪﻩ ﺍﺭﻳﺪ ﺍﺣﺮﻙ ﺭﺟﻠﻲ .
ﻣﺎﻣﺎ ﺑﺪﺍﻋﺘﻲ ﺭﻭﺣﻲ .. ﺍﻧﻲ ﺍﻛﻤﻞ .
ﺑﺎﻟﮕﻮﻩ ﺍﻗﺘﻨﻌﺖ .. ﻫﻲ ﻣﺴﻮﻳﻪ ﺗﺸﺮﻳﺐ ..
ﻃﻠﻌﺖ ﺍﻟﺪﺟﺎﺝ ﻭﮔﻠﻴﺘﻪ . ﻭﺳﻮﻳﺖ ﺳﻠﻄﻪ
ﺩﺧﻞ ﺣﻤﻮﺩﻱ ..
ﺍﻟﺴﻼﻡ ﻋﻠﻴﻜﻢ ..
ﻭﻋﻠﻴﻜﻢ ﺍﻟﺴﻼﻡ .. ﺭﺩﻳﺖ ﺑﺲ ﺣﺴﻴﺘﻪ ﻋﺎﺑﺲ .
ﺩﺧﻞ ﺳﻠﻢ ﻋﻠﻰ ﺑﻴﺒﻲ .. ﺷﻮﻳﻪ ﺍﺟﻪ ﻳﻤﻲ ..
ﺍﺧﺬ ﺧﺒﺰﻩ ..
ﻭﺳﻮﻩ ﻟﻔﻪ ..
ﻳﺪﺭﻱ ﺑﻴﻪ ﺍﺿﻮﺝ ﻭﺍﺣﺪ ﻳﺎﻛﻞ ﻭﺍﻧﻲ ﺍﻃﺒﺦ ..
ﺍﺣﺲ ﺍﻟﺒﺮﻛﻪ ﺗﻄﻴﺮ .
ﺍﻛﻠﻬﺎ ﻭﻛﻤﻞ ﻭﻫﻮ ﺳﺎﻛﺖ ..
ﻏﺴﻞ ..
ﻭﺭﺍﺩ ﻳﻄﻠﻊ ..
ﺗﻘﺮﺏ ﻣﻨﻲ .
ﻣﺎﺳﻪ ﺧﻠﻴﻬﺎ ﺗﺮﺟﻴﻪ ﺑﺄﺫﻧﺞ .. ﺍﻧﺘﻲ ﺍﻟﻲ ﻭﻣﺘﺼﻴﺮﻳﻦ ﺍﻟﻐﻴﺮﻱ ﻓﺎﻫﻤﻪ ﻟﻮ ﻻ ..
ﻫﻬﻬﻬﻬﻬﻪ ﻭﺍﻟﻠﻪ ﻳﺎﺭﺑﻲ . ﺍﻧﺖ ﺷﺎﻳﻒ ﻧﻔﺴﻚ .
ﻟﻮ ﺗﺒﻘﻰ ﺍﺧﺮ ﻭﺍﺣﺪ ﻣﺎﺍﺗﺰﻭﺟﻚ .
ﻟﻴﺶ ﻫﻮ ﺑﻜﻴﻔﺞ .. ﺍﻧﻲ ﻣﻌﻠﻢ ﻋﻠﻴﺞ ﻣﻦ ﺍﻟﺼﻐﺮ ﻭﻣﺴﺘﺤﻴﻞ ﺗﺼﻴﺮﻳﻦ ﺍﻟﻐﻴﺮﻱ ..
ﻭﺗﺮﻛﻨﻲ ﻭﻃﻠﻊ ..
ﻫﺬﺍ ﺷﻴﻘﺼﺪ . ﮔﺒﺮ ﻭﺍﻟﻠﻪ ﻣﺼﺪﮒ ﻧﻔﺴﻪ ..
ﺍﺧﺎﻑ ﻗﺼﺪﻩ ﻻﻥ ﻣﺤﺠﻮﺯﻳﻦ ﻣﻦ ﺍﺣﻨﺎ ﺻﻐﺎﺭ ..
ﻫﻬﻬﻬﻬﻪ ﻋﻮﺩ ﻣﻦ ﻳﺼﻴﺮ ﺍﺑﻦ ﻋﻤﻲ ﻳﻠﻪ ﻳﺘﺤﻜﻢ ﺑﻴﻪ .
ﺍﻛﻴﺪ ﺣﺲ ﺑﻤﺼﻄﻔﻰ .. ﻭﺻﺎﺭ ﻋﻨﺪﻩ ﺣﺐ ﺍﻟﺘﻤﻠﻚ .
ﺍﻻ ﻣﺨﺒﻠﻪ ﻳﻠﻪ ﺍﺗﺰﻭﺟﻪ .
ﻫﻲ ﺍﻟﻲ ﻋﻨﺪﻫﺎ ﻣﺼﻄﻔﻰ ﺗﻔﻜﺮ ﺑﻴﻚ ﻳﺎﻟﻤﻬﺘﻠﻒ ..
ﺍﺣﺠﻲ ﺑﻴﻨﻲ ﻭﺑﻴﻦ ﻧﻔﺴﻲ ..
ﻭﺩﺧﻠﺖ ﺭﻧﺎ ﻭﺟﻬﻪ ﺍﺻﻔﺮ ﻭﺧﺎﻳﻔﻪ ..
# ﺑﻘﻠﻤﻲ _ ﺍﻟﻜﺎﺗﺒﻪ _ ﺷﻤﺲ
...
ﺍﺟﺖ ﺭﻧﺎ ﺧﺎﻳﻔﻪ ﻭﻭﺟﻬﺎ ﺍﺻﻔﺮ ..
ﻟﺞ ﻣﺎﺳﻪ ..
ﺍﻭﻛﻔﻲ ﺍﻭﻛﻔﻲ . ﺷﺒﻴﺞ .. ﺷﻜﻮ
ﻟﺞ ﺑﺎﻟﮕﻮﻩ ﺍﻧﻬﺰﻣﺖ ﺳﻮﻳﺖ ﻧﻔﺴﻲ ﺍﺟﻲ ﺍﺷﻮﻑ ﺑﻴﺒﻲ .
ﻫﺬﺍ ﺣﻤﻮﺩﻱ ﮔﻌﺪ ﻳﺤﻘﻖ ﻭﻳﺎﻱ ..
ﻋﻠﻰ ﺷﻨﻮ ﻳﺤﻘﻖ
ﻋﻠﻰ ﻣﺼﻄﻔﻰ . ﻳﮕﻮﻝ ﺷﻌﻨﺪﻩ ﻫﻮ ﻭﻣﺎﺳﻪ .
ﻭﻟﻴﺶ ﻛﻞ ﻣﺮﺓ ﺍﺷﻮﻓﻬﻢ ﻳﺘﻬﺎﻣﺴﻮﻥ .
ﻭﻳﮕﻠﻲ ﺍﻧﺘﻲ ﺗﺪﺭﻳﻦ ﻣﺎﺳﻪ ﻣﺎﺗﺨﺒﻲ ﻋﻠﻴﺞ ﺷﻲ .
ﻳﻮﻭﻭﻭﻩ ﺧﻠﻲ ﻳﻮﻟﻲ ﻳﻤﻌﻮﺩﻩ . ﻫﺬﺍ ﺑﺲ ﻟﺴﺎﻥ .
ﺷﻴﺮﻳﺪ ﻳﺴﻮﻱ ﻣﺜﻼ .
ﻣﺼﻄﻔﻰ ﻣﺎﺑﻘﻰ ﺑﺲ ﻫﺎﻱ ﺍﻟﺴﻨﻪ ﻳﺘﺨﺮﺝ ﻭﻳﺨﻄﺒﻨﻲ .
ﻭﺍﺧﻠﺺ ﻣﻦ ﺍﺧﻮﺝ ﺍﻟﻌﻜﺮﻩ .
ﺻﺪﮒ ﻟﻌﺪ ﻟﻴﺶ ﻣﺘﺤﺠﻴﻦ . ﺑﺲ ﺷﻠﻮﻥ ﻭﺟﺪﻭ ﻫﺴﺘﻮﻩ ﻣﺘﻮﻓﻲ
ﻻ ﺑﺲ ﻳﺤﺠﻲ ﺑﻴﻪ ﻭﻧﻠﺒﺲ ﺣﻠﻘﺎﺕ .. ﺍﻟﻰ ﺍﻥ ﺗﺪﻭﺭ ﺳﻨﺔ ﺟﺪﻭ
ﻫﺎ ﻫﻴﺞ .. ﻳﻠﻪ ﺍﻧﻲ ﺍﺭﻭﺡ ﻻﻳﺤﺲ ﻫﺬﺍ ﻭﻳﺴﻮﻳﻠﻲ ﻣﺸﻜﻠﻪ
ﺍﻟﻠﻪ ﻭﻳﺎﺝ ﺣﺒﻲ .
ﻛﻤﻠﻨﺎ ﻋﺸﺎ ﻭﻏﺴﻠﺖ ﻣﻮﺍﻋﻴﻦ ..
ﺭﻥ ﺍﻟﺘﻠﻔﻮﻥ ..
ﺭﺩﻳﺖ .. ﻫﺎﻱ ﺣﻼ
ﻫﻠﻮ ﺣﻼ ﺷﻠﻮﻧﺞ .
ﻫﻠﻮ ﻣﻴﻤﻲ ﻣﻨﻮ ﻳﻤﺞ .
ﻣﺎﻛﻮ ﺍﺣﺪ . ﻛﻠﻬﺎ ﺑﻐﺮﻓﻬﺎ ﻟﻴﺶ ..
ﺳﻤﻌﺖ ﺻﻮﺕ ﻣﺼﻄﻔﻰ . ﻫﻠﻮ ﺑﺮﻭﺣﻲ ﺷﻠﻮﻧﺞ .
ﻫﻠﻮ ﺑﻴﻚ . ﻣﻮﮔﺘﻠﻚ ﺍﺗﺼﻞ ﻣﻦ ﺗﻮﺻﻠﻮﻥ . ﺷﻨﻮ ﻫﺴﺎ ﻳﻠﻪ ﻭﺻﻠﺘﻮ .
ﻫﻬﻬﻬﻬﻬﻪ ﻻ ﻭﺍﻟﻠﻪ ﺑﺲ ﻣﺼﺎﺭ ﻣﺤﺎﻝ .
ﻭﺍﺟﻴﻨﺎ ﺗﻌﺒﺎﻧﻴﻦ .
ﺍﻱ ﻭﻧﻤﺖ ﻭﺗﺮﻛﺘﻨﻲ ﻗﻠﻘﻪ ﻭﺍﺗﮕﻠﻪ ﻋﻠﻴﻚ ( ﻭﻫﻮ ﺍﻧﻲ ﺍﺻﻼ ﻧﺎﻳﻤﻪ ﻭﻣﺎﺍﺩﺭﻱ ﺑﺎﻟﺪﻧﻴﺎ )
ﺑﻘﻴﻨﺎ ﻧﺤﺠﻲ ﺷﻮﻳﻪ ..
ﻭﺑﻌﺪﻳﻦ ﺭﺣﺖ ﻧﻤﺖ ﻻﻥ ﻭﺭﺍﻳﻪ ﺩﻭﺍﻡ . ﻭﻋﻨﺪﻱ ﺍﻣﺘﺤﺎﻧﺎﺕ ﺷﻔﻬﻴﻪ ﺭﺍﺡ ﺗﺒﺪﻱ .
ﻟﻠﺠﻤﻌﻪ ﺍﺟﺖ ﻛﻠﻬﺎ ﻟﻠﻤﺸﻴﻪ ..
ﻭﻧﺼﺒﻮﺍ ﺟﺎﺩﺭ ﺑﺎﻟﺸﺎﺭﻉ ..
ﺫﺑﺤﻮﺍ ﺫﺑﺎﻳﺢ ﻟﻠﻐﺪﺍ .
ﺑﺲ ﻫﻤﺰﻳﻦ ﺟﺎﺑﻮﺍ ﻃﺒﺎﺥ ﻣﺎﺗﻌﺒﻨﺎ ..
ﺑﺲ ﺍﻟﻮﻟﺪ ﺗﻌﺒﻮﺍ ﺧﻄﻴﻪ .
ﺍﺑﺎﻭﻉ ﻣﻦ ﺷﺒﺎﻙ ﺍﻻﺳﺘﻘﺒﺎﻝ .
ﺣﺒﻴﺒﻲ ﺷﺎﻳﻞ ﺩﺷﺪﺍﺷﺘﻪ . ﻭﻭﻳﺎﻫﻢ ﻳﻄﺒﺦ .
ﻳﻤﻪ ﻓﺪﻭﻩ ﻳﺨﺒﻞ . ﻳﻄﺒﺨﻮﻥ ﺑﺎﻟﻄﺮﻣﻪ ..
ﺷﮕﺪ ﺣﺎﻭﻟﺖ ﺍﺧﻠﻴﻪ ﻳﺸﻮﻓﻨﻲ ﻣﺎﻛﻮ ﻣﺎﻳﻨﺘﺒﻪ .
ﻭﻣﺎﻣﺎ ﻛﻞ ﺳﺎﻋﻪ ﺗﺮﺯﻟﻨﻲ ..
ﺷﻌﻨﺪﺝ ﻫﻨﺎﻙ .
ﺍﺣﻨﻪ ﺍﻧﺤﺠﺰﻧﺎ ﺑﺎﻟﺒﻴﺖ ﺍﻟﻨﺴﻮﺍﻥ ﻛﻠﻨﺎ ..
ﺻﺒﻮﺍ ﻏﺪﺍ ﻟﻠﺰﻟﻢ ..
ﻭﺑﻌﺪﻳﻦ ﺟﺎﺑﻮﺍ ﻟﻠﻨﺴﻮﺍﻥ .
ﮔﺎﻣﻮﺍ ﻳﻨﻄﻮﻧﺎ ﻣﻮﺍﻋﻴﻦ ..
ﺍﺟﻴﺖ ﺍﺭﻛﺾ ﻟﻠﻤﻄﺒﺦ .. ﻣﻮ ﻋﻤﻮﺩ ﺍﻻﻛﻞ .
ﺑﺲ ﺭﺩﺕ ﺍﺷﻮﻓﻪ .
ﻭﻫﺬﺍ ﻟﻄﻮﻣﻲ ﻫﻮ ﻳﺠﻴﺐ ﺍﻟﻤﻮﺍﻋﻴﻦ ﻣﻴﺨﻠﻴﻪ ..
ﺗﺎﻟﻲ ﺭﺩﺕ ﺍﻗﻬﺮﻩ ..
ﮔﺘﻠﻪ ﺍﺣﻤﺪ ﻣﻤﻜﻦ ﺗﺼﻴﺢ ﻣﺼﻄﻔﻰ ..
😡😡 ﻭﺷﻨﻮ ﺗﺮﺩﻳﻦ ﻣﻨﻪ .
ﻣﻮ ﺍﻧﻲ ﻋﻤﺘﻪ ﺗﺮﻳﺪ ﺗﺸﻮﻓﻪ .
ﻫﺎﺍﺍﺍﺍ ﻣﺎﻫﻮ ﻣﻦ ﻳﺠﻲ ﺍﮔﻠﻪ ..
ﺗﻐﺪﻳﻨﺎ ﻭﻛﻤﻠﻨﺎ ﻭﻣﺼﻄﻔﻰ ﻣﺎﻛﻮ ..
ﻓﺘﺤﺖ ﺑﺎﺏ ﺍﻟﻤﻄﺒﺦ ﻭﻧﻀﻔﻨﺎﻩ ﻭﻧﻀﻔﻨﺎ ﺍﻟﻄﺮﻣﻪ ..
ﺍﻟﻮﻟﺪ ﻛﻠﻬﺎ ﻃﻠﻌﺖ ..
ﻻﻥ ﺍﻟﻤﺸﻴﻪ ﺭﺍﺡ ﺗﺠﻲ
....
ﺷﻮﻳﻪ ﻭﺩﺧﻞ ﺭﺿﺎ ﺍﺑﻦ ﺧﺎﻟﻮ ﻋﺎﻣﺮ ﺍﺧﻮ ﻣﺮﺗﻀﻰ ﺑﺲ ﻫﺬﺍ ﻋﻤﺮﻩ ﺧﻤﺲ ﺳﻨﻮﺍﺕ ..
ﮔﺘﻠﻪ ﺭﺿﺎﻭﻱ ﺗﻌﺮﻑ ﻣﺼﻄﻔﻰ ..
ﮔﺎﻝ ﻫﺬﺍ ﺍﻟﺸﺎﻋﺮ ..
ﻫﻬﻬﻪ ﺍﻱ .. ﺭﻭﺡ ﺷﺎﻭﺭﻩ ﮔﻠﻪ ﻋﻤﺘﻚ ﺗﺮﻳﺪﻙ ..
ﺷﻮﻳﻪ ﻭﺍﺟﻪ ﺩﮒ ﺍﻟﺒﺎﺏ ..
ﺍﻧﻲ ﻭﺍﻛﻔﻪ ﻭﺭﺍﻩ .. ﻓﺘﺤﺘﻪ .
ﻛﺢ ﻭﺩﺧﻞ ..
ﺷﺎﻓﻨﻲ ﺷﻬﮓ
ﺍﻓﻴﻴﻴﻪ ﻳﺎﺭﻳﺤﺔ ﻫﻠﻲ ..
ﻭﺍﻟﻠﻪ ﻣﺸﺘﺎﻗﻠﺞ ﺑﮕﺪ ﺭﺣﻤﺔ ﺍﻟﻠﻪ ..
ﻭﺣﺎﻳﺮ ﺷﻠﻮﻥ ﺍﺷﻮﻓﺞ .
ﻫﺬﺍ ﺍﺑﻦ ﺧﺎﻟﺞ .. ﻛﻞ ﺳﺎﻋﻪ ﻭﻳﺰﺣﺰﻧﻲ . ﻭﻳﮕﻠﻲ ﺭﻭﺡ ﺍﺭﺗﺎﺡ ﺍﺣﻨﻪ ﻧﺘﻜﻔﻞ ﺑﺎﻟﺒﺎﻗﻲ ..
ﻭﺗﺪﺭﻳﻦ ﺍﻧﻲ ﺍﺑﻦ ﻋﺸﺎﻳﺮ ﻭﻣﻮ ﻫﻴﻨﻪ ﻋﻠﻴﻪ ﺍﻧﻄﺮﺩ ..
ﻣﺎﻋﺎﺵ ﺍﻟﻲ ﻳﻄﺮﺩﻙ .. ﺧﻠﻲ ﻳﻮﻟﻲ ﻟﺘﻬﺘﻢ ﺍﻟﻪ
ﻣﻮﮔﺘﻠﺞ ﻣﺎﻣﺮﺗﺎﺣﻠﻪ . ﺍﺣﺲ ﻋﻴﻨﻪ ﻋﻠﻴﺞ ..
ﺍﻟﻤﻬﻢ ﺍﻧﻲ ﻋﻴﻨﻲ ﻭﮔﻠﺒﻲ ﻋﻠﻰ ﻣﻨﻮ .. ..
ﺍﺭﻭﺣﻠﺞ ﻓﺪﻭﻩ .. ﻛﻠﻲ ﺛﻘﻪ ﺑﻴﺞ ﻭﺍﻋﺮﻓﺞ ..
ﻣﺎﺗﺸﻮﻓﻴﻨﻲ ﻣﺎﻣﻬﺘﻢ ﺍﻟﻪ ..
ﻳﻠﻪ ﻳﺒﻌﺪ ﺍﻟﺮﻭﺡ . ﺍﻧﻲ ﺍﺗﺮﺧﺺ .
ﺍﻟﻨﺎﺱ ﺭﺍﺡ ﺗﺠﻲ .
ﻭﻋﻴﺐ ﻋﺎﻳﻒ ﺟﺪﻱ ﻭﻋﻤﺎﻣﻲ ﻭﮔﺎﻋﺪ ﻫﻨﺎ ..
ﻋﻠﻰ ﺭﺍﺣﺘﻚ .
ﻛﻤﻠﻴﻬﺎ ﻟﻴﺶ ﻭﮔﻔﺘﻲ ..
ﻫﻬﻬﻬﻪ ﺩﺭﻭﺡ ﻳﻠﻪ ﻟﻴﺠﻮﻥ ..
ﺍﻱ ﺭﺍﻳﺢ ..
ﺍﻭﻭﻭﻭﻑ ﺷﮕﺪ ﺍﺣﺒﻪ .
ﺑﺲ ﻣﺎﺍﻋﺮﻑ ﺍﺗﻐﺰﻝ ﻭﺍﺣﺠﻲ ﺍﺳﺘﺤﻲ ﻣﻤﺘﻌﻮﺩﻩ .
ﺍﺟﺖ ﺍﻟﻤﺸﻴﻪ ﻭﺻﺎﺭﺕ ﻣﺸﺎﺣﻨﺎﺕ ﺑﻴﻦ ﺍﻟﻄﺮﻓﻴﻦ .
ﻭﻗﺮﺭﻭﺍ ﺍﻟﻮﻟﺪ ﻳﺴﻠﻢ ﻧﻔﺴﻪ ﻭﺍﻟﻲ ﻭﻳﺎﻩ ..
ﻳﻠﻪ ﻳﺠﻮﻥ ﻳﻤﺸﻮﻥ .
ﻫﺴﺎ ﻣﺎﻳﻘﺒﻠﻮﻥ ﺑﺄﻱ ﺷﻲ .
ﻃﻮﻟﺖ ﻟﻠﻌﺼﺮ ﻛﻠﺶ ﻳﻠﻪ ﺧﻠﺼﺖ .
ﻭﻗﺮﺭﻭﺍ ﻳﺒﺎﺗﻮﻥ ﺑﻴﺖ ﺟﺪﻭ ﻫﻨﺪﻱ ﻭﺟﺪﻭﺍ ﻣﻬﺪﻱ .
ﻭﻫﺎﻱ ﻓﺮﺣﺘﻲ . ﻭﻣﻨﺎﻱ .
ﺗﻮﺍﻋﺪﻧﺎ ﻧﮕﻌﺪ ﺑﻨﺺ ﺍﻟﻠﻴﻞ ..
ﺑﺲ ﺍﺧﺬﺗﻨﻲ ﺍﻟﻨﻮﻣﻪ .. ﺷﮕﺪ ﻋﻴﺐ ﻛﻠﻤﺎ ﻧﺘﻮﺍﻋﺪ ﺑﺎﻟﻠﻴﻞ ﺍﻧﺎﻡ ﻭﺍﻧﺴﻪ ﺭﻭﺣﻲ .
ﺗﺬﻛﺮﺕ ﻉ ﺍﻟﻨﻬﺮ ﺑﺎﻟﻘﻠﻌﺔ ﻫﻢ ﻫﻴﺞ .
ﻃﻠﻌﺖ ﻣﺎﻛﻮ ﺍﺣﺪ ﺑﺎﻟﻄﺮﻣﻪ ..
ﺿﺠﺖ ﺣﻴﻞ ..
ﻳﺎﺭﺑﻲ ﺷﻠﻮﻥ .. ﺑﻘﻴﺖ ﺍﺣﻮﺱ ﺑﺎﻟﻤﻄﺒﺦ ﻭﺍﻓﺘﺮ ﺑﻠﻜﻲ ﻳﺠﻲ .
ﻣﺎﻛﻮ ..
ﺭﺩﺕ ﺍﺭﺟﻊ ﻟﻠﻐﺮﻓﻪ .
ﺍﻧﻀﺮﺑﺖ ﺑﺸﺨﺺ . ﺍﻧﻬﺒﻄﺖ ﻋﺒﺎﻟﻲ ﺑﺎﺑﺎ ﻟﻮ ﻭﺍﺣﺪ ﻣﻦ ﺍﺟﺪﺍﺩﻱ ﺍﻭ ﻋﻤﺎﻣﻲ .
ﺍﺳﺘﺤﻴﺖ .
ﺑﻌﺪﻧﻲ ﻣﺎﺭﻓﻌﺖ ﺭﺍﺳﻲ ﻭﺷﻔﺖ ﻣﻨﻮ .
ﻫﻤﺲ ﺑﺄﺫﻧﻲ ﺍﺷﺸﺸﺶ .
ﻭﺍﺧﻴﺮﺍ ﺣﻨﻴﺘﻲ ﻋﻠﻴﻪ ﻭﺍﺟﻴﺘﻲ .
ﻟﻴﺶ ﻣﻨﺘﻀﺮﺝ ﻣﻦ ﺍﻟﻮﺣﺪﻩ ﻭﻫﺴﺎ ﺏ 3 ﻟﻴﺶ .
ﺿﺤﻜﺖ .. ﻭﺍﻟﻠﻪ ﺍﺧﺬﺗﻨﻲ ﺍﻟﻨﻮﻣﻪ .
ﺳﺤﺒﻨﻲ ﻣﻦ ﺍﻳﺪﻱ .
ﻭﻃﻠﻌﻨﺎ ﻭﺭﻯ ﺍﻟﻤﻄﺒﺦ .
ﺻﻮﺕ ﺍﻟﻤﺒﺮﺩﺍﺕ ﻋﺎﻟﻲ ﻣﺤﺪ ﻳﺴﻤﻌﻨﺎ ..
ﮔﻌﺪﻧﻪ ﻉ ﺩﻛﺔ ﺍﻟﺤﺎﻳﻂ .
ﺍﺭﻳﺪ ﻗﻄﺮﺓ ﺩﻡ ﺑﻴﻪ ﻣﺎﻛﻮ ..
ﺍﺷﺸﺶ ﺷﺒﻴﺞ ﺗﺮﺟﻔﻴﻦ .
ﻣﺎﺍﻋﺮﻑ ﺧﺎﻳﻔﻪ ﻟﻴﺠﻲ ﺍﺣﺪ .
ﻣﺤﺪ ﻳﺠﻲ ﻭﺍﺫﺍ ﺍﺟﻮ .
ﺧﻴﺮ ﺍﻟﺒﺮ ﻋﺎﺟﻠﻪ ﺑﺴﺮﻋﻪ ﺍﺧﻄﺒﺞ ﻭﺍﺧﺬﺝ .
ﻭﻗﺎﺑﻞ ﺍﺣﻨﻪ ﺷﻤﺴﻮﻳﻦ ..
ﻻ ﺑﺲ ﮔﻌﺪﺗﻨﺎ ﺑﻬﻴﺞ ﻭﻗﺖ ﺗﺘﻔﺴﺮ ﻏﻠﻂ .
ﺍﺧﺎﻑ ﺍﻧﺘﻲ ﺍﻟﻲ ﻣﺘﺜﻘﻴﻦ .
ﺍﻧﻲ ﻻ ﻃﺒﻌﺎ .
ﻣﺎﺳﻪ ﻣﺴﺘﺤﻴﻞ ﻳﻮﻡ ﺍﻟﻤﺴﺞ ﻏﻴﺮ ﺑﺲ ﺑﺎﻟﺤﻼﻝ .
ﻭﺣﺒﻲ ﺍﻟﺞ ﺻﺎﻓﻲ ﻣﺎﺑﻲ ﺍﻱ ﻏﺎﻳﻪ ﺑﺲ ﺍﻟﺰﻭﺍﺝ .
ﺑﺲ ﺍﻧﻲ ﻻﻥ ﺍﺷﺘﺎﻗﻠﺞ ﺍﻃﻠﺐ ﺍﺷﻮﻓﺞ ..
ﺍﻋﺮﻓﻚ ﻭﺍﻟﻠﻪ ﺷﺒﻴﻚ .
ﺑﻘﻴﻨﺎ ﻧﺴﻮﻟﻒ ﺍﻟﻰ ﺍﻥ ﺍﺫﻥ ﺍﻻﺫﺍﻥ ..
ﻃﻔﺮﺕ ﻣﻦ ﺍﻟﻬﺒﻄﻪ .
ﻫﻬﻬﻪ ﻳﻠﻪ ﺭﻭﺣﻲ . ﺍﻛﻴﺪ ﺭﺍﺡ ﻳﮕﻌﺪﻭﻥ ﻳﺼﻠﻮﻥ .
ﺍﺭﻭﺡ ﺍﺗﻮﺿﺎ ﻭﺍﺻﻠﻲ .
ﻭﺍﻧﺘﻲ ﻫﻢ ﺭﻭﺣﻲ ﺻﻠﻲ ﻭﻟﺘﻔﻮﺗﻴﻦ ﺻﻼﺓ ﺍﻟﺼﺒﺢ ﺣﺘﻰ ﺍﻟﻠﻪ ﻳﻮﻓﻘﻨﺎ ﻳﻌﻤﺮﻱ ..
ﻫﺰﻳﺖ ﺑﺮﺍﺳﻲ . ﺍﻥ ﺷﺎﺀ ﺍﻟﻠﻪ
ﺩﺧﻠﺖ ﻟﻠﻤﻄﺒﺦ ﺗﻮﺿﻴﺖ .
ﻭﺳﻤﻌﺖ ﺻﻮﺕ ﺍﻟﺒﺎﺏ .
ﻃﻠﻌﺖ ﻣﺎﻣﺎ ..
ﻫﺎ ﻣﺎﺳﻪ ﺍﻟﻴﻮﻡ ﺗﺼﻠﻴﻦ ﺍﻟﺼﺒﺢ .
ﺍﻱ ﻣﺎﻣﺎ ﻣﻮ ﻛﻨﺖ ﺍﻗﺮﺃ . ﻭﺍﺫﻥ ﺍﻻﺫﺍﻥ ﮔﻠﺖ ﺍﺻﻠﻲ ﻭﺍﻧﺎﻡ ﺳﺎﻋﺘﻴﻦ ﻗﺒﻞ ﺍﻟﺪﻭﺍﻡ .
ﺍﻟﻠﻪ ﻳﻮﻓﻘﺞ ﻣﺎﻣﺎ ..
ﺻﻠﻴﺖ ﻭﺭﺣﺖ ﻧﻤﺖ ..
ﻭﮔﻌﺪﺕ ﻻﺑﺴﻪ ﻣﻼﺑﺲ ﻣﺪﺭﺳﻪ .
ﻟﻔﻴﺖ ﺍﻟﺸﺎﻝ .
ﻭﺍﻧﻲ ﺳﺎﻓﺮﻩ ﺑﺲ ﺑﺎﻟﺼﺪﺭﻳﻪ .
ﺷﻔﺘﻬﻢ ﻳﺘﺮﻳﮕﻮﻥ .. ﮔﻠﺖ ﺍﺳﻠﻢ ﻋﻠﻴﻬﻢ ﻗﺒﻞ ﻟﻴﻄﻠﻌﻮﻥ ﻭﺍﻃﻠﻊ .
ﺷﺎﻓﻨﻲ ﻣﺼﻄﻔﻰ ﺍﺑﺘﺴﻢ .. ﺑﺎﻟﮕﻮﻩ ﻳﻔﺘﺢ ﻋﻴﻨﻪ ﻣﻦ ﺍﻟﻨﻌﺎﺱ
ﺑﺲ ﮔﻌﺪﻭﻩ ﻣﻦ ﺍﻟﺼﺒﺢ ﺣﺘﻰ ﻳﺮﺟﻌﻮﻥ ﻟﻠﻨﺎﺻﺮﻳﻪ .
ﺑﺲ ﻣﻦ ﺷﺎﻓﻨﻲ ﺳﺎﻓﺮﻩ . ﺍﺷﺮﻟﻲ ﻉ ﻣﻼﺑﺴﻲ .
ﻭﺟﺪﻭﺍ ﻫﻨﺪﻱ ﮔﺎﻝ .. ﺑﻮﻳﻪ ﺍﻧﺘﻲ ﺗﻄﻠﻌﻴﻦ ﻫﻴﺞ .
ﻭﺑﺎﺑﺎ ﻳﺒﺎﻭﻋﻠﻲ .
ﮔﺘﻠﻪ ﻻ ﺟﺪﻭﺍ ﺍﻟﺒﺲ ﺟﺒﻪ .
ﻭﺑﻴﻮﻣﻬﺎ ﺍﺟﺒﺮﺕ ﺍﻟﺒﺲ ﺟﺒﻪ 😭
# ﺑﻘﻠﻤﻲ _ ﺷﻤﺲ
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء