رواية صرخات أنثى الجزء الأول

رواية صرخات أنثى الجزء الأول 

للكاتبة شمس 

. 

. 

ﻟﻠﺘﻨﻮﻳﻪ / ﺍﻟﻘﺼﻪ ﺣﻘﻴﻘﻴﻪ .. ﻭﺍﻟﻲ ﺻﺎﺭ ﺑﻴﻬﺎ ﻣﻦ ﺍﺣﺪﺍﺙ ﻣﻮﺟﻮﺩﺓ ﺍﻟﻰ ﺍﻻﻥ ﻭﻟﻼﺳﻒ ﻣﺎﻛﻮ ﺭﻗﺎﺑﻪ ..

ﺳﻨﺔ 1999 ﺑﺸﻬﺮ ﺍﻟﺘﺎﺳﻊ ﻭﺍﻟﺠﻮ ﺑﺎﺭﺩ ..

ﻛﺎﻥ ﺍﻭﻝ ﻳﻮﻡ ﺩﻭﺍﻡ ﺍﻟﻲ ﺑﺎﻟﺠﺎﻣﻌﻪ .

ﻭﺣﻴﺎﺓ ﺟﺪﻳﺪﻩ ..

ﻭﻣﻤﺼﺪﮔﻪ ﺧﻠﺼﺖ ﻣﻦ ﺍﻟﺴﺎﺩﺱ ﻭﻋﺬﺍﺑﻪ ..

ﻭﺭﺍﺡ ﺍﺭﺗﺎﺡ .. ﻭﻧﺴﺮﻳﻦ ﺍﺧﺘﻲ ﮔﻠﺘﻠﻲ ..

ﺍﻟﻜﻠﻴﻪ ﻭﻧﺴﻪ ﻭﻣﺎﺑﻴﻬﺎ ﺗﻌﺐ ﻣﺜﻞ ﺍﻟﺴﺎﺩﺱ

ﻭﻣﺘﺸﻮﻗﻪ ﺍﺩﺍﻭﻡ .. # ﺷﻤﺲ

ﮔﻌﺪﺗﻨﻲ ﺍﻣﻲ ﻣﻦ ﺍﻟﺼﺒﺢ ..

ﻭﺍﻧﻲ ﺍﺻﻼ ﻣﻨﻤﺖ ﻣﻦ ﺍﻟﻔﺮﺣﻪ ..

ﻭﻣﺤﻈﺮﻩ ﻣﻼﺑﺴﻲ ﻣﺜﻞ ﻃﻼﺏ ﺍﻻﺑﺘﺪﺍﺋﻴﻪ ..

ﮔﻌﺪﺕ ﻣﺎﻣﺎ ﺣﺎﻣﻴﻪ ﻣﻲ ﺍﻟﻲ ﻻﻥ ﺍﻟﻤﻲ ﺑﺎﺭﺩ ..

ﻏﺴﻠﺖ ﻭﺟﻬﻲ ﻭﺑﺪﻟﺖ ﻟﺒﺴﺖ ﺗﻨﻮﺭﻩ ﻭﻗﻤﻴﺺ

ﻭﻓﻮﮔﺎﻫﺎ ﺳﺘﺮﻩ .. ﻭﻟﺒﺴﺖ ﺣﺠﺎﺑﻲ ..

ﺍﺗﺒﺎﻭﻋﺖ ﺍﻟﻨﻔﺴﻲ ﺍﺧﺒﻞ ..

ﻃﻠﻌﺖ ﻟﮕﻴﺖ ﺍﻣﻲ ﻣﺴﻮﻳﻪ ﺑﺘﻴﺘﻪ ﻭﺑﻴﺾ ..

ﺍﻡ ﻋﻠﻲ .. ﺗﻌﺎﻱ ﺣﻨﻮﻧﻪ ﺍﮔﻠﻲ ﻛﻢ ﻟﮕﻤﻪ ﻳﻤﻪ ﻻﺗﻮﮔﻌﻴﻦ

ﻭﺍﺧﺎﻑ ﺩﻭﺍﻣﻜﻢ ﻳﻄﻮﻝ ..

ﺣﻨﻴﻦ .. ﻻ ﻳﻮﻡ ﻣﺎﺍﺷﺘﻬﻲ ﻭﺑﺎﺑﺎ ﺍﻧﻄﺎﻧﻲ ﻣﺼﺮﻑ ﻣﻦ ﺍﻟﺒﺎﺭﺣﻪ ﺍﺫﺍ ﺍﺟﻮﻉ ﺍﺷﺘﺮﻱ ﺍﻱ ﺷﻲ ﻭﺍﻛﻞ ..

ﻭﺍﺧﺎﻑ ﺍﺗﺄﺧﺮ ﻻﻥ ﺭﺍﺡ ﺗﻤﺮ ﻋﻠﻴﺎﺀ ﻋﻠﻴﻪ ﻭﻧﺮﻭﺡ ..

ﻧﺴﻴﺖ ﺍﻋﺮﻓﻜﻢ ﻉ ﻧﻔﺴﻲ .. # ﺷﻤﺲ

ﺍﺳﻤﻲ ﺣﻨﻴﻦ ﺍﻭﻝ ﻛﻠﻴﻪ ..

ﺍﺧﺘﻲ ﻧﺴﺮﻳﻦ ﺍﺗﺨﺮﺟﺖ ﻗﺒﻠﻲ ﻭﻣﺨﻄﻮﺑﻪ ﺍﻻﺑﻦ ﺧﺎﻟﻲ ..

ﺍﺧﻮﻳﻪ ﺍﻟﻜﺒﻴﺮ ﻋﻠﻲ ﻣﻌﻠﻢ ﻭﻣﺘﺰﻭﺝ ..

ﻭﺍﺧﻮﻳﻪ ﻣﺤﻤﺪ ﻣﻤﻜﻤﻞ ﺩﺭﺍﺳﻪ ﻭﻳﺸﺘﻐﻞ ﻣﺼﻠﺢ ﺳﻴﺎﺭﺍﺕ ..

ﺑﺎﺑﺎ ﻧﺎﺋﺐ ﻇﺎﺑﻂ ..

ﻭﻣﺎﻣﺎ ﺭﺑﺔ ﺑﻴﺖ ..

ﻭﺍﻧﻲ ﺍﺻﻐﺮ ﺍﻟﻌﺎﺋﻠﻪ ..

ﺯﻭﺟﺔ ﻋﻠﻲ ﺍﺳﻤﻬﺎ ﺑﻨﻴﻦ ﻫﺬﻱ ﺍﻟﺴﻨﻪ ﺗﺰﻭﺟﻮﺍ

ﻳﻌﻨﻲ ﻣﻦ ﺧﻠﺼﺖ ﺳﺎﺩﺱ ﺑﺎﻟﻌﻄﻠﻪ ..

ﻭﻟﺴﺎ ﻣﺎﻋﻨﺪﻫﻢ ﻃﻔﻞ ..

ﺍﻧﻲ ﺍﻟﻤﺪﻟﻠﺔ ﺑﻌﺪﻧﻲ ..

ﺑﺲ ﺍﺧﺎﻑ ﻳﺠﻴﻬﻢ ﻃﻔﻞ ﻭﺗﺮﻭﺡ ﻣﻌﺰﺗﻲ ..

ﺍﻏﺎﺭ ﻣﺎﺍﺗﺤﻤﻞ .. ﻭﺧﺎﺻﻪ ﺍﺧﺘﻲ ﻭﺻﺪﻳﻘﺔ ﺭﻭﺣﻲ ﻧﺴﺮﻳﻦ

ﺣﺘﺘﺰﻭﺝ ﻭﺗﺮﻭﺡ ..

ﻣﺎﺍﺗﺤﻤﻞ ..

ﺍﺣﺐ ﺍﻟﺮﺳﻢ ﻭﺍﻟﻜﺘﺎﺑﻪ ..

ﺩﺍﻳﻤﺎ ﺍﻛﺘﺐ ﺧﻮﺍﻃﺮ ﻭﻗﺼﺺ

ﻭﺑﺪﻳﺖ ﺍﻛﺘﺐ ﻗﺼﺘﻲ .. ﻭﻟﻮ ﺣﻴﺎﺗﻲ ﺣﻠﻮﻩ ﻭﻃﻔﻮﻟﺘﻲ

ﺑﺲ ﺍﺣﺐ ﺍﻛﺘﺐ ﻛﻞ ﺗﻔﺼﻴﻞ ﺍﻟﻲ ..

ﻭﺧﺎﺻﻪ ﻣﻦ ﺑﺪﻳﺖ ﺍﺩﺍﻭﻡ ﺑﺎﻟﻜﻠﻴﻪ ..

ﻛﺎﻧﺖ ﺍﻣﻨﻴﺘﻲ ﺍﺭﻭﺡ ﻓﻨﻮﻥ ﺑﺲ ﺍﺣﻨﻪ ﻣﻦ ﻣﺤﺎﻓﻈﺎﺕ ﺍﻟﺠﻨﻮﺑﻴﻪ

ﻭﻋﻨﺪﻫﻢ ﺍﻟﻔﻨﻮﻥ ﻣﺎﻟﻪ ﻣﻌﻨﻰ ..

ﺍﻭ ﻋﻴﺐ .. ﺍﺑﻮﻳﻪ ﻭﺍﺧﻮﺍﻧﻲ ﻳﮕﻠﻮﻟﻲ

ﺗﺮﺩﻳﻦ ﺗﺮﺣﻴﻦ ﻓﻨﻮﻥ ﺣﺘﻰ ﺗﺼﻴﺮﻳﻦ ﻣﻤﺜﻠﻪ ﻟﻮ ﻣﻄﺮﺑﻪ ..

ﻫﺬﺍ ﺗﻔﻜﻴﺮﻫﻢ ﻋﻦ ﺍﻟﻔﻨﻮﻥ ..

ﺍﺿﻄﺮﻳﺖ ﺍﺭﻭﺡ ﺗﺮﺑﻴﻪ .. ﻻﻥ ﻋﻨﺪﻧﺎ ﺍﻟﺒﻨﻴﻪ ﺑﺲ ﺍﻟﺘﺮﺑﻴﻪ

ﺗﻔﻴﺪﻫﺎ .. # ﺷﻤﺲ

ﺍﻧﺪﮔﺖ ﺍﻟﺒﺎﺏ .. ﺍﺟﺖ ﻋﻠﻴﺎﺀ ..

ﺑﻮﺳﺖ ﻣﺎﻣﺎ ﻭﻃﻠﻌﺖ ..

ﻋﻠﻴﺎﺀ ﺻﺪﻳﻘﺘﻲ ﻣﻦ ﺍﻟﻄﻔﻮﻟﻪ ..

ﺟﻴﺮﺍﻧﻪ ﻭﺩﺭﺳﻨﺎ ﺳﻮﻳﻪ ..

ﺣﺘﻰ ﺑﺎﻟﺰﻳﺎﺭﺍﺕ .. ﺍﻟﺸﺎﺭﻉ ﻛﻠﻪ ﻧﺘﺠﻤﻊ ﻭﻧﺄﺟﺮ ﻛﻮﺳﺘﺮ

ﻟﻮ ﺭﻳﻢ ﻭﻧﺮﻭﺡ ..

ﻭﺍﻧﻲ ﻭﻋﻠﻴﺎﺀ ﺳﻮﻳﻪ ﻣﻨﺘﻔﺎﺭﮒ ..

ﻛﻞ ﻓﺘﺮﻩ ﻧﺮﻭﺡ ﺍﻟﻤﻜﺎﻥ .. ﻟﻠﻨﺒﻲ ﻳﻮﻧﺲ

ﻭﻟﻠﻨﺠﻒ ﻭﺍﻟﻜﺮﺑﻠﻪ ﻭﺍﻟﺒﻐﺪﺍﺩ ﻟﻼﻣﺎﻡ ﺍﻟﻜﺎﻇﻢ ..

ﻳﻌﻨﻲ ﺣﻴﺎﺗﻨﺎ ﺣﻠﻮﻩ ﻭﺑﺴﻴﻄﻪ ..

ﻭﺷﺎﺭﻋﻨﺎ ﻋﺒﺎﻟﻚ ﻛﻠﻨﺎ ﺍﻫﻞ ﻭﺍﺣﺪ ﻳﺎﻛﻞ ﻣﻦ ﺍﻟﺜﺎﻧﻲ ..

ﺍﺟﺖ ﻋﻠﻴﺎﺀ ﻭﻃﻠﻌﻨﺎ .. ﺍﻛﻮ ﻓﻮﺭﺗﺎﺕ ﺗﻮﮔﻒ ﺑﺮﺍﺱ ﺍﻟﺸﺎﺭﻉ

ﻧﺮﻛﺐ ﻭﻧﺮﻭﺡ ..

ﺗﻮﺻﻠﻨﺎ ﺑﺒﺎﺏ ﺍﻟﺠﺎﻣﻌﻪ ..

ﺭﻛﺒﻨﺎ ﻭﻛﺎﻧﺖ ﺍﻟﺴﻴﺎﺭﻩ ﺗﻔﺘﺮ ﺍﻟﻤﻨﺎﻃﻖ .. ﻭﻛﻞ ﻣﺠﻤﻮﻋﻪ ﻧﻠﮕﻲ ﺑﻨﺎﺕ ﻭﻭﻟﺪ ﺑﺮﺍﺱ ﺍﻟﺸﺎﺭﻉ .. ﺗﻮﻛﻒ ﻭﻳﺼﻌﺪﻭﻥ ..

ﻭﺻﻠﻨﺎ ﻟﻠﺠﺎﻣﻌﻪ ..

ﺍﺟﻴﺖ ﻭﻗﺖ ﺍﻟﺘﻘﺪﻳﻢ ..

ﺑﺲ ﻣﺸﻔﺘﻬﺎ ﺯﻳﻦ ..

ﺍﻧﻲ ﻭﻋﻠﻴﺎﺀ ﻋﺒﺎﻟﻚ ﻣﺸﺎﻳﻔﻴﻴﻦ ﻧﻤﺸﻲ ﻭﻧﺒﺘﺴﻢ

. 

ﺩﺧﻠﻨﺎ ﻟﻠﻌﻤﺎﺩﻩ ﻭﺷﻔﻨﺎ ﻗﺒﻮﻻﺗﻨﺎ .. ﺍﻧﻲ ﻣﻘﺒﻮﻟﻪ ﻟﻐﻪ ﻋﺮﺑﻴﻪ ﻭﻋﻠﻴﺎﺀ ﺗﺎﺭﻳﺦ ..

ﺿﺠﻨﺎ ﺣﻴﻞ ﻻﻥ ﺭﺍﺡ ﻧﺘﻔﺎﺭﻕ ..

ﻣﺘﻌﻮﺩﻳﻦ ﺍﺛﻨﻴﻨﺎ ﺑﺮﺣﻠﻪ ﻭﺣﺪﻩ ﻭﺻﻒ ﻭﺍﺣﺪ

ﻫﺴﺎ ﻫﻲ ﺑﻘﺴﻢ ﻭﺍﻧﻲ ﺑﻘﺴﻢ ..

ﺩﺧﻠﺖ ﺍﻟﻘﺴﻢ ﺍﻟﻌﺮﺑﻲ .. # ﺷﻤﺲ

ﺑﺎﻭﻋﺖ ﺍﻻﺳﻤﻲ .. ﻣﻮﺟﻮﺩ ﺑﻘﺎﻋﻪ ﺃ ﻻﻥ ﺣﺴﺐ ﺍﻟﺘﺴﻠﺴﻞ

ﺩﺧﻠﺖ .. ﺑﻨﺎﺕ ﻣﺎﺍﻋﺮﻓﻬﻢ ..

ﻭﺍﻛﻮ ﻭﻳﺎﻧﺎ ﻛﺎﻧﻮ ﺑﺎﻟﻤﺪﺭﺳﻪ ﺑﺲ ﺑﻐﻴﺮ ﺑﺼﻒ ﻳﻌﻨﻲ ﻣﺎﻋﻨﺪﻱ ﻋﻼﻗﻪ ﺑﻴﻬﻢ ..

ﺍﻛﻮ ﻭﻟﺪ ﻫﻮﺍﻳﻪ . ﻭﻫﺬﺍ ﺍﻟﺸﻲ ﺣﺮﺟﻨﻲ ﻣﻤﺘﻌﻮﺩﻩ ..

ﻭﺍﺣﺲ ﺑﺄﺭﺗﺒﺎﻙ ..

ﺑﻘﺒﺖ ﻭﺍﻛﻔﻪ ﻭﻣﺎﺍﻋﺮﻑ ﺷﺄﺳﻮﻱ ..

ﺍﻟﺘﻔﺖ ﻭﻟﺪ .. ﮔﺎﻡ ﻳﺼﻔﺮ .. ﻭﻳﺒﺎﻭﻋﻠﻲ ﺑﻨﻈﺮﻩ

ﺗﺨﻮﻑ ﻭﻳﺒﺘﺴﻢ ﺑﻤﻜﺮ ..

ﻫﺰﻳﺖ ﺍﻳﺪﻱ ﻭﮔﻌﺪﺕ ﻉ ﺍﻟﻜﺮﺳﻲ ..

ﻳﻤﻲ ﺑﻨﻴﻪ .. ﺳﻠﻤﺖ ﻋﻠﻴﻬﺎ ﺍﺳﻤﻬﺎ ﻣﻨﻰ ..

ﺗﻌﺮﻓﻨﺎ ﻉ ﺑﻌﺾ ﺑﺲ ﻫﻲ ﻟﺒﺴﻬﺎ ﺷﻮﻳﻪ ﺟﺮﺉ ..

ﮔﺎﻟﺖ .. ﺷﺒﻴﺞ ﻣﺮﺗﺒﻜﻪ ..

ﺗﻌﻮﺩﻱ ﺗﺮﻯ ﻫﻨﺎ ﺍﺷﻜﺎﻝ ﻭﻟﺪ ﺍﻛﻮ ..

ﻭﺍﻟﻲ ﻳﺘﺤﺎﺭﺵ

ﻭﺍﻟﻲ ﻳﺼﺎﺭﺡ

ﺍﺫﺍ ﺷﺎﻓﻮﺝ ﻫﻴﺞ ﺧﺎﻳﻔﻪ .. ﻳﺴﺘﻐﻠﻮﺝ

ﺻﻴﺮﻱ ﻗﻮﻳﻪ ..

ﻛﻼﻣﻬﺎ ﺧﻮﻓﻨﻲ .. ﮔﺪ ﻣﺎﻛﻨﺖ ﻓﺮﺣﺎﻧﻪ ..

ﻷﻥ ﺭﺍﺡ ﺍﺩﺍﻭﻡ ﻛﻠﻴﻪ ..

ﮔﺪ ﻣﺎﺿﺠﺖ .. # ﺷﻤﺲ

ﺍﻭﻭﻭﻭﻑ ﻭﻳﻨﺞ ﻋﻠﻴﺎﺀ .. ﻟﻮ ﻫﻲ ﻭﻳﺎﻳﻪ ﻣﺎﺍﺭﺗﺒﻜﺖ ﻭﻻﺧﻔﺖ

ﺟﺎﻱ ﺍﺣﺠﻲ ﻭﺍﺷﻮﻑ ﻋﻠﻴﺎﺀ .. ﻣﻘﺎﺑﻴﻠﻲ ﻭﺗﻀﺤﻚ

ﺭﺣﺖ ﺍﺭﻛﺾ ﺍﻟﻬﺎ ..

ﻋﻠﻴﺎﺀ .. ﻫﻬﻬﻬﻬﻪ ﺷﺒﻴﺞ ﻋﺒﺎﻟﻚ ﻭﺣﺪﻩ ﺑﺎﻻﻭﻝ ﺍﺑﺘﺪﺍﺋﻲ ﻟﺰﮔﺘﻲ ﺑﺎﻟﺮﺣﻠﺔ ..

ﺣﻨﻴﻦ .. ﻫﻤﺰﻳﻦ ﺍﺟﻴﺘﻲ .. ﺧﻠﺼﻴﻨﻲ

ﺷﻮﻓﻲ ﺍﻟﻮﻟﺪ ﻫﻮﺍﻱ ﺑﻘﺎﻋﺘﻨﺎ ..

ﻋﻠﻴﺎﺀ .. ﺍﻱ ﻫﻨﻴﺎﻟﻜﻢ .. ﺍﺷﻮ ﺍﺣﻨﺎ ﻳﻨﻌﺪﻭﻥ ﻉ ﺍﻻﺻﺎﺑﻊ ..

ﺣﻨﻴﻦ .. ﻟﺞ ﺍﻧﺠﺒﻲ .. ﺍﺷﻮ ﻃﺎﻟﻌﻪ ﻋﻴﻨﺞ ..

ﺧﻠﻲ ﻳﺴﻤﻌﺞ ﻋﻤﻮ ﺍﺑﻮ ﺭﻋﺪ ﺍﻻ ﻳﻤﻮﺗﺞ ..

ﻋﻠﻴﺎﺀ .. ﻻ ﺩﺧﻴﻠﺞ .. ﻫﻮ ﻳﻤﺸﻲ ﻭﻳﻮﺻﻲ ..

ﻻﺗﺨﻠﻄﻴﻦ ﻭﻣﻌﻠﻴﺞ ﺑﺎﻟﺒﻨﺎﺕ ﻭﻣﻦ ﻫﺬﺍ ﺍﻟﺤﺠﻲ ..

ﺣﻨﻴﻦ .. ﺍﻱ ﺻﺪﮒ ﻛﻼﻣﻪ .. ﺍﺷﻮ ﺍﻧﻲ ﻣﻦ ﺍﻭﻝ ﻳﻮﻡ ﺿﺠﺖ

ﻋﻠﻴﺎﺀ .. ﻻﻥ ﻣﺎﻣﺘﻌﻮﺩﻳﻦ ..

ﻭﺑﻴﺌﻪ ﺟﺪﻳﺪﻩ ﻋﻠﻴﻨﺎ ..

ﻭﻫﻮﺍﻳﻪ ﻭﻟﺪ ﻣﺎﺷﺎﺀ ﺍﻟﻠﻪ .. # ﺷﻤﺲ

ﺣﻨﻴﻦ .. ﺍﻱ ﺻﺎﻳﺮﻩ ﻣﺤﻠﻠﻪ .. ﺩﺭﻭﺣﻲ ﺍﻟﻘﺴﻤﺞ ﻻ ﻳﺠﺘﻤﻌﻮﻥ ﺑﻴﻜﻢ ﻟﻮ ﻳﺠﻲ ﺍﺳﺘﺎﺫ ﻭﺍﻧﺘﻲ ﻣﮕﺎﺑﻠﺘﻨﻲ ..

ﻋﻠﻴﺎﺀ .. ﻣﻮ ﻗﺒﻞ ﺷﻮﻳﻪ ﺭﺩﻳﺘﻲ ﺗﺒﺠﻴﻦ ﻭﮔﻠﺘﻲ ﻫﻤﺰﻳﻦ ﺍﺟﻴﺘﻲ . ﺷﻨﻮ ﺍﻟﻐﻴﺮﺝ ..

ﺍﻭﻭﻭﻑ .. ﺣﻨﻴﻦ ﻫﺬﺍ ﺷﻮﻓﻲ ﻫﺬﺍ ﺍﻟﻮﻟﺪ ﻳﺨﺒﻞ ﺍﻟﻲ ﻃﻠﻊ ﻣﻦ ﻗﺎﻋﺘﻜﻢ ﻫﻨﻴﺎﻟﺞ ..

ﺣﻨﻴﻦ .. ﻭﮔﺒﺮ ﺍﻟﻪ .. ﺍﻭﻝ ﻣﺸﺎﻓﻨﻲ ﮔﺎﻡ ﻳﺼﻔﺮ ﻣﻴﺴﺘﺤﻲ

ﻋﻠﻴﺎﺀ .. ﺍﻱ ﻃﺒﻌﺎ ﻋﺠﺒﺘﻴﻪ .. ﻭﺍﻟﻴﻮﻡ ﻃﺎﻟﻌﻪ ﺗﺨﺒﻠﻴﻦ

ﺣﻨﻴﻦ .. ﺧﻠﻲ ﻳﻮﻟﻲ .. ﻫﺎﻱ ﺍﻟﺒﻨﺎﺕ ﺍﺷﻜﺎﻝ ﻭﺍﻟﻮﺍﻥ

ﺷﻴﺸﻮﻑ ﻣﻨﻲ .. ﺍﺷﻮ ﺣﺘﻰ ﻟﺒﺴﻬﻦ ﻳﺨﺒﻞ ..

ﻋﻠﻴﺎﺀ .. ﻭﺍﻟﻠﻪ ﺍﻧﺘﻲ ﻣﺴﺘﻬﻴﻨﻪ ﺑﺮﻭﺣﺞ ..

ﺍﺷﻮ ﻃﻮﻝ ﻭﻋﺮﺽ ﻭﺟﻤﺎﻟﺞ ﻫﻨﺪﻱ ﺗﺨﺒﻠﻴﻦ ..

ﺣﻨﻴﻦ .. ﺍﻱ ﻃﻮﻝ ﻭﻋﺮﺽ ﺳﻮﻳﺘﻴﻨﻲ ﻫﺮﻗﻞ ..

ﻋﻠﻴﺎﺀ .. ﻫﻬﻬﻬﻬﻬﻪ ﺑﺲ ﻣﺒﻴﻦ ﺯﻧﮕﻴﻞ ﺷﻮﻓﻲ ﻟﺒﺴﻪ

ﺣﻨﻴﻦ .. ﻋﻠﻴﺎﺀ ﺭﻭﺣﻲ ﺍﺣﺴﻦ ﻣﻤﺎ ﺍﺑﺘﻠﻲ ﺑﻴﺞ ﻛﺎﻓﻲ

ﺍﻭﻝ ﻳﻮﻡ ﺗﺨﺒﻠﺘﻲ ﻫﻴﺞ ﺷﺒﻴﺞ ..

ﻋﻠﻴﺎﺀ .. ﻫﻬﻬﻪ ﻳﻠﻪ ﺭﺍﻳﺤﻪ ﺑﺎﺍﻱ

ﺣﻨﻴﻦ .. ﺭﺟﻌﺖ ﻟﻠﻘﺎﻋﻪ .. ﺗﻌﺮﻓﺖ ﻋﻠﻰ ﻛﻢ ﺑﻨﻴﻪ ﻭﻳﺎﻧﻪ ﺑﺎﻻﻋﺪﺍﺩﻳﻪ ﺑﺲ ﺑﻐﻴﺮ ﻗﺎﻋﻪ ﻣﺎﻋﻨﺪﻱ ﻋﻼﻗﻪ ﺑﻴﻬﻦ ..

ﻭﮔﻌﺪﻧﺎ ﻧﺴﻮﻟﻒ .. # ﺷﻤﺲ

ﺷﻮﻳﻪ ﻭﺍﺟﻪ ﺍﺳﺘﺎﺫ ﺩﺧﻞ ..

ﺍﻧﻲ ﮔﺎﻋﺪﻩ ﺑﺎﻟﺼﻒ ﺍﻻﻣﺎﻣﻲ ﻭﺑﺎﻟﻄﺮﻑ .. ﺩﺧﻠﻮ ﺍﻟﻄﻼﺏ ﻭﻭﻳﺎﻫﻢ ﺍﻟﻮﻟﺪ ﺍﻟﻲ ﺑﺎﻭﻋﻠﻲ ﻭﺻﻔﺮ ..

ﺿﺮﺑﻨﻲ ﺑﻤﺘﻨﻲ .. ﺍﺗﺒﺎﻭﻋﺘﻠﻪ .. ﺍﺑﺘﺴﻢ ﻭﺭﺍﺡ ﮔﻌﺪ ﺑﺎﻻﺧﻴﺮ

ﺷﮕﺪ ﻣﺰﻋﺞ ..

ﺍﻻﺳﺘﺎﺫ ﺗﻌﺮﻑ ﻋﻠﻴﻨﺎ .. ﻭﮔﺎﻝ ﺍﻧﻲ ﺍﺳﺘﺎﺫ ﻣﺎﺩﻩ ﺍﻟﻨﺤﻮ .

ﻭﺍﺭﻳﺪ ﺣﻀﻮﺭ ﻣﺴﺘﻤﺮ ﻭﺍﺗﻌﺮﻑ ﻋﻠﻴﻨﺎ ..

ﻭﻃﻠﻊ ﻣﺎﺩﺭﺳﻨﺎ ﺷﻲ ..

ﺧﻠﺺ ﺍﻟﻴﻮﻡ ﻫﻴﺞ .. ﺍﺟﺖ ﻋﻠﻴﺎﺀ ﻭﺑﻘﻴﻨﺎ ﻧﻔﺘﺮ ﺑﺎﻟﺠﺎﻣﻌﻪ ..

ﻭﻧﺒﺎﻭﻉ ﻭﻣﺘﻌﺠﺒﻴﻦ ..

ﻭﺍﻛﻮ ﻣﺼﻮﺭ ﻳﺎﺧﺬ ﺻﻮﺭ .. ﺭﻛﻀﻨﺎ ﺍﺧﺬﻧﺎ ﺻﻮﺭ ﺑﺎﻟﺤﺪﻳﻘﻪ ..

ﻭﺍﺷﺘﺮﻳﻨﺎ ﻛﻴﻚ ﻭﻋﺼﻴﺮ ﻭﮔﻌﺪﻧﺎ ﻧﺎﻛﻞ ..

ﺍﻟﺘﻔﺖ ﺷﻔﺖ ﺍﻟﻮﻟﺪ ﻧﻔﺴﻪ ﻫﻮ ﻭﻭﻳﺎﻩ ﺛﻼﺙ ﻭﻟﺪ ﻳﻤﺸﻮﻥ ..

ﺍﻧﻲ ﺳﻮﻳﺖ ﻧﻔﺴﻲ ﻣﺸﺎﻳﻔﺘﻪ ..

ﻫﻮ ﺑﺲ ﻳﺒﺎﻭﻉ ﻭﻳﺒﺘﺴﻢ .. # ﺷﻤﺲ

ﺣﻨﻴﻦ .. ﻋﻠﻴﺎﺀ ﮔﻮﻣﻲ ﺍﺧﺘﻨﮕﺖ ﺧﻠﻴﻨﺎ ﻧﻄﻠﻊ ..

ﻋﻠﻴﺎﺀ .. ﺑﺲ ﻫﺴﺎ ﺑﻌﺪ ﻭﻛﺖ ﻣﻨﻮ ﻳﮕﻮﻝ ﺍﻟﻔﻮﺭﺗﺎﺕ ﺟﺎﻳﻪ ..

ﺣﻨﻴﻦ ﻣﻴﺨﺎﻟﻒ ﻧﻮﮔﻒ ﺑﺎﻟﺒﺎﺏ ﻧﻨﺘﻈﺮ ..

ﻃﻠﻌﻨﺎ ﻭﻭﮔﻔﻨﺎ ﺑﺎﻟﺒﺎﺏ ﻭﻭﻳﺎﻧﺎ ﻫﻮﺍﻳﻪ ﺑﻨﺎﺕ ..

ﻃﻠﻊ ﻫﻮ ﻭﺍﺻﺪﻗﺎﺋﻪ ..

ﻭﻣﺒﻴﻨﻴﻦ ﻟﻮﮔﻴﻪ ﻣﺎﻟﺘﻪ .. ﻳﻀﺤﻚ ﻳﻀﺤﻜﻮﻥ ..

ﻳﺴﻜﺖ ﻳﺴﻜﺘﻮﻥ ..

ﺍﺟﺖ ﺳﻴﺎﺭﻩ ﺳﻮﺩﻩ ﺗﺨﺒﻞ .. ﺍﺧﺬﺗﻪ ..

ﺑﺤﻴﺎﺗﻲ ﻣﺸﺎﻳﻔﻪ ﻣﺜﻠﻪ ..

ﻣﺒﻴﻦ ﺍﻫﻠﻪ ﻓﺪ ﺷﻲ ..

ﻋﻠﻴﺎﺀ .. ﺣﻨﻴﻦ ﺷﻔﺘﻲ ﺍﻟﻲ ﺷﻔﺘﻪ ..

ﺣﻨﻴﻦ .. ﻭﺷﻨﻮ ﻳﻌﻨﻲ .. ﻣﺘﺸﻮﻓﻴﻪ ﻣﻐﺮﻭﺭ ﻟﻮ ﺍﺑﻮﻩ ﻟﻮ ﺍﻣﻪ ﺩﻛﺎﺗﺮﻩ ﻭﻫﻴﺞ ﻣﻔﺘﺨﺮ ﻭﺷﺎﻳﻒ ﻧﻔﺴﻪ ..

ﻋﻠﻴﺎﺀ .. ﺣﻘﻪ ﻳﺸﻮﻑ ﻧﻔﺴﻪ .. ﺍﺫﺍ ﻧﺼﻌﺪ ﺑﺘﻜﺴﻲ ﺍﺣﻨﻪ ﻧﺸﻮﻑ ﻧﻔﺴﻨﺎ ..

ﻭﺗﺮﺩﻳﻪ ﻫﻮ ﻭﺻﺎﻋﺪ ﻫﺎﻱ ﺍﻟﺴﻴﺎﺭﻩ ﻭﻣﻴﺸﻮﻑ ﻧﻔﺴﻪ ..

ﻭﻭﺍﺣﺪ ﺑﺎﻟﺼﺪﺭ ﻓﺘﺤﻠﻪ ﺍﻟﺒﺎﺏ ..

ﺧﺎﻑ ﺍﺑﻮﻩ ﺍﻟﺮﺋﻴﺲ ﻟﻮ ﺍﻟﻮﺯﻳﺮ ..

ﺣﻨﻴﻦ .. ﻛﺎﻓﻲ ﻋﻠﻴﺎﺀ ﺷﺠﺎﺏ ﺍﺑﻦ ﺍﻟﺮﺋﻴﺲ ﻫﻨﺎ .. ﺍﺣﻨﻪ ﻭﻳﻦ ﻭﻫﻮ ﺑﺒﻐﺪﺍﺩ .. ﻫﻮ ﻣﺎﻋﻨﺪﺍ ﺑﺲ ﻋﺪﻱ ﻭﻗﺼﻲ ﻫﺬﺍ ﺍﻟﻤﻐﺮﻭﺭ ﻣﻨﻴﻦ ﺍﺟﻪ .. ﻭﺣﺘﻰ ﻭﺯﻳﺮ ﻣﺎﻋﺪﻧﺎ ﻫﻨﺎ ..

ﺍﺟﺖ ﺍﻟﻔﻮﺭﺕ ﻭﺻﻌﺪﻧﺎ ﻭﺑﻌﺪﻫﻲ ﻋﻠﻴﺎﺀ ﺗﺴﻮﻟﻒ ﺑﻲ ..

ﺭﻏﻢ ﻓﺮﺣﺎﻧﻪ ﻻﻥ ﺩﺍﻭﻣﺖ ﺍﻟﻴﻮﻡ ..

ﺑﺲ ﻫﺬﺍ ﺍﻟﻤﻐﺮﻭﺭ ﺿﻮﺟﻨﻲ ﻭﺿﻴﻊ ﻓﺮﺣﺘﻲ

. 

ﺭﺟﻌﺖ ﻟﻠﺒﻴﺖ ﺗﻌﺒﺎﻧﻪ .. ﻣﺎﻣﺎ ﻣﺴﻮﻳﻪ ﺳﺒﺰﻱ ﻭﺗﻤﻦ ﻋﻨﺒﺮ .

ﺍﻭﻭﻭﻭﻑ ﺷﮕﺪ ﺍﺣﺒﻬﺎ ﺭﻳﺤﺘﻬﺎ ﻭﺍﺻﻠﻪ ﻟﻮﻳﻦ ..

ﺍﺣﺐ ﻧﻔﺲ ﻣﺎﻣﺎ ﺑﺎﻻﻛﻞ ..

ﺷﻔﺘﻬﻢ ﻛﻠﻬﻢ ﻣﺠﻤﻮﻋﻴﻦ ﻉ ﺍﻟﺴﻔﺮﻩ ..

ﺣﻨﻴﻦ .. ﺍﻱ ﻫﻤﺰﻳﻦ ﺍﻏﺴﻞ ﻭﺍﺟﻲ .. ﻳﻤﻜﻦ ﻫﺎﻱ ﺍﺧﺮ ﻣﺮﻩ ﺍﮔﻌﺪ ﻭﻳﺎﻛﻢ .. ﺩﻭﺭ ﺗﺘﺤﺴﺮﻭﻥ ﻋﻠﻴﻪ

ﺑﺲ ﺑﺎﻟﻌﻄﻞ ﻧﻨﺠﻤﻊ ..

ﻣﺤﻤﺪ .. ﺍﻱ ﻋﺎﺩ ﺍﻧﺘﻲ ﺷﻠﻮﻧﺞ ﻳﺎ ﺍﻳﻨﺎﺱ ﻃﺎﻟﺐ ..

ﺣﻨﻴﻦ .. ﺍﺻﻼ ﺍﻧﻲ ﺍﻟﻜﻞ ﻳﺸﺒﻬﻨﻲ ﺑﻴﻬﺎ ﻭﻫﻢ ﺍﻧﻲ ﺍﺣﻠﻰ

ﻣﺤﻤﺪ .. ﻫﻤﺰﻳﻦ ﺍﻧﺘﻲ ﺯﺭﮔﻪ

ﺣﻨﻴﻦ .. ﻫﻬﻬﻪ ﻗﺼﺪﻙ ﻫﻨﺪﻳﻪ ﺍﺧﺒﻞ .

ﺑﺎﺑﺎ .. ﻛﺎﺍﺍﺍﻓﻲ ﺑﺼﻴﺎﺡ ﺍﻧﻲ ﻣﻮﮔﻠﺖ ﻣﺎﺍﺭﻳﺪ ﻧﮕﺮﻩ ﻭﺣﺠﻲ ﻉ ﺍﻟﺴﻔﺮﻩ ..

ﺍﺣﺘﺮﻣﻮﻧﻲ ﺷﻮﻳﻪ ﻭﺍﺣﺘﺮﻣﻮﺍ ﻧﻌﻤﺔ ﺍﻟﻠﻪ ..

ﺳﻜﺘﺖ ﻭﺭﺣﺖ ﻟﻠﻐﺮﻓﻪ ﺍﺑﺪﻝ .. ﺣﺘﻰ ﻣﺘﻐﺪﻳﺖ ﻭﻳﺎﻫﻢ ﻣﻦ ﻭﺭﻯ ﻣﺤﻤﺪ ﺑﺎﺑﺎ ﻋﺼﺐ ..

ﻭﺍﺻﻼ ﺍﺑﻮﻳﻪ ﻣﺴﻮﻳﻠﻨﺎ ﻧﻈﺎﻡ ﺟﻴﺶ ﺑﺎﻟﺒﻴﺖ ..

ﺍﻟﮕﻌﺪﻩ ﺑﻤﻮﻋﺪ ﻭﺍﻟﻨﻮﻣﻪ ﺑﻤﻮﻋﺪ ﻭﺣﺘﻰ ﺍﻻﻛﻞ ..

ﻻﻥ ﻫﻮ ﻧﺎﺋﺐ ﺿﺎﺑﻂ ﺑﺎﻟﺠﻴﺶ .. ﻭﻛﻠﻪ ﺑﻨﻈﺎﻡ

ﻳﺠﻲ ﺍﺳﺒﻮﻉ ﻭﻳﺮﻭﺡ ﺍﺳﺒﻮﻋﻴﻦ ..

ﻳﻌﻨﻲ ﻣﻨﺸﻮﻓﻪ ﻫﻮﺍﻱ ﻭﻣﺎﻣﺎ ﺭﺑﺘﻨﺎ ﻭﺗﻌﺒﺖ ﻋﻠﻴﻨﺎ ..

ﺣﺎﻟﺘﻨﺎ ﻉ ﮔﺪ ﺍﻟﺤﺎﻝ .. ﺑﺲ ﺣﻠﻮﻩ

ﻭﺍﻫﻠﻲ ﻣﻤﺨﻠﻴﻦ ﺷﻲ ﺑﻨﻔﺴﻲ ..

ﺑﺪﻟﺖ ﻭﻏﺴﻠﺖ ﺍﺟﻴﺖ .. ﻟﮕﻴﺖ ﺑﺎﺑﺎ ﺭﺍﻳﺢ ﻟﻠﻐﺮﻓﺔ ﻳﻨﺎﻡ

ﻭﺍﺧﻮﺍﻧﻲ ﻫﻢ ..

ﺣﺘﻰ ﺑﻨﻴﻦ .. ﺑﺲ ﻧﺴﺮﻳﻦ ﺗﻠﻢ ﺍﻟﻤﻮﺍﻋﻴﻦ ﻭﻣﺎﻣﺎ ﺗﻨﻀﻒ ﺑﺎﻟﺼﻮﺑﻪ ﻭﺗﺒﺪﻝ ﺍﻟﻬﺎ ﻓﺘﻴﻠﻪ ﺗﺤﻈﺮﻫﺎ ..

ﺗﮕﻮﻝ ﺍﻟﺠﻮ ﺑﺪﺍ ﻳﺒﺮﺩ ..

ﺻﺒﻴﺖ ﻭﮔﻌﺪﺕ ﺍﻛﻞ ..

ﻧﺴﺮﻳﻦ .. ﺷﻠﻮﻧﻬﺎ ﺍﻟﺠﺎﻣﻌﻪ ..

ﺣﻨﻴﻦ .. ﻣﻮ ﺣﻠﻮﻩ ﻫﻮﺳﺎ ﻭﺑﺲ ﻭﻟﺪ ..

ﻧﺴﺮﻳﻦ .. ﺍﻱ ﺟﺎ ﺷﻌﺒﺎﻟﺞ .. ﻭﺑﻌﺪ ﻣﺸﺎﻳﻔﻪ ﺷﻲ

ﻣﺎﻣﺎ .. ﺣﻨﻴﻦ ﺍﻟﻜﻠﻴﻪ ﺑﻴﻬﺎ ﻫﻮﺍﻱ ﺍﺷﻴﺎﺀ ﻭﻭﻟﺪ ﻭﺍﺧﺘﺞ ﺭﻓﻌﺖ ﺭﺍﺳﻨﺎ ﻭﻣﺎﺧﺠﻠﺘﻨﺎ .. ﺩﺧﻠﺖ ﻟﻠﺠﺎﻣﻌﻪ ﻭﻃﻠﻌﺖ ﻣﺎﻛﻮ ﻭﻟﺪ ﺍﺗﻘﺮﺑﻠﻬﺎ ..

ﻭﺍﻧﺘﻲ ﺍﺭﻳﺪﺝ ﻣﺜﻠﻬﺎ .. ﻣﻮ ﻳﻘﺸﻤﺮﺝ ﻭﺍﺣﺪ ﻭﺑﺤﺠﻪ ﺣﺐ ﻭﻫﺎﻟﺸﻐﻼﺕ ﻭﻣﻌﻠﻴﺞ ﺑﺎﻟﺒﻨﺎﺕ ..

ﺗﺮﻯ ﺍﺑﻮﺝ ﻭﺍﺧﻮﺍﻧﺞ ﻣﺎﻳﺘﻔﺎﻫﻤﻮﻥ ..

ﺣﻨﻴﻦ .. ﻳﻤﻪ ﺍﻧﻲ ﺗﺮﺑﻴﺘﺞ .. ﻳﺎﻳﻮﻡ ﺳﻮﻳﺖ ﺍﻟﻤﻮﺯﻳﻦ ﺣﺘﻰ ﻫﺴﺎ ﺍﺳﻮﻱ .. ﺷﻨﻮ ﻣﺎﻛﻮ ﺛﻘﻪ ?

ﻣﺎﻣﺎ .. ﺍﻧﻲ ﺛﺎﻗﻪ ﺑﻴﺞ .. ﻭﻫﺬﺍ ﺍﻟﺤﺠﻲ ﺣﺠﻴﺘﻪ ﺍﻟﻨﺴﺮﻳﻦ ﻫﻢ ﻭﻫﺎﻱ ﻳﻤﺞ ﺍﺳﺄﻟﻴﻬﺎ .. ﺑﺲ ﺍﻧﻲ ﺍﻣﺞ ﻭﺍﻭﺻﻴﺞ

ﺍﻟﺪﻧﻴﺎ ﺗﻐﻴﺮﺕ .. ﺭﻭﺣﻲ ﺑﻄﺮﻳﻘﺞ ﻭﺗﻌﺎﻱ ﺑﻄﺮﻳﻘﺞ ..

ﺧﺮﺭﺏ ﻧﻔﺴﻲ ﺍﻧﺴﺪﺕ .. ﻭﻻﻥ ﺳﺒﺰﻱ ﻳﻀﻮﺟﻮﻧﻲ ..

ﻟﻮ ﻃﺮﺷﺎﻧﻪ ﻣﺎﺿﻮﺟﻮﻧﻲ 😡

ﻛﻤﻠﺖ ﻏﺴﻠﺖ ﻣﻮﺍﻋﻴﻨﻲ .. ﻭﺭﺣﺖ ﻟﻠﻐﺮﻓﻪ ﺍﻧﻲ ﻭﻧﺴﺮﻳﻦ

ﻭﮔﻌﺪﻧﺎ ﻧﺴﻮﻟﻒ ﻭﻧﻀﺤﻚ ..

ﺗﺎﻟﻲ ﺍﺟﻪ ﻋﺒﺪ ﺍﻟﻠﻪ ﺧﻄﻴﺒﻬﺎ .. ﻭﺭﺍﺣﺖ

ﻭﺧﻄﻴﻪ ﻳﺎﻟﻴﺖ ﺗﮕﻌﺪ ﻳﻤﻪ ﻭﻳﺴﻮﻟﻔﻮﻥ .. ﻣﺤﻤﺪ ﻳﻨﺰﻝ ﻣﻦ ﺍﻟﻐﺮﻓﻪ ﻣﺎﻟﺘﻪ ﻭﻳﮕﺎﺑﻠﻬﻢ ﻣﺎﺍﺩﺭﻱ ﺷﻨﻮ ﻣﻦ ﻋﻘﻠﻴﻪ ﻋﻨﺪﻩ ..

ﻏﻴﺮ ﺍﻟﺨﻄﻮﺑﻪ ﺧﻠﻮﻫﺎ ﻟﻠﺘﻌﺎﺭﻑ ..

ﺍﻧﺖ ﺷﻌﻨﺪﻙ ﮔﺎﻋﺪ ﺑﻨﺼﻬﻢ ..

ﻭﻧﺴﺮﻳﻦ ﺗﻨﺤﺮﺝ ﻣﻦ ﻣﺤﻤﺪ ﺗﺘﺮﻛﻬﻢ ﻭﺗﻄﻠﻊ ..

ﺣﻨﻴﻦ .. ﺍﺭﺟﻌﻲ ﺍﮔﻌﺪﻱ ﻳﻤﻪ .. ﻗﺎﺑﻞ ﻫﻮ ﺟﺎﻱ ﻳﺸﻮﻑ ﺧﻠﻘﻪ ﻣﺤﻤﺪ ..

ﻧﺴﺮﻳﻦ .. ﻟﺞ ﺍﺳﺘﺤﻲ . ﻣﺘﺸﻮﻓﻴﻦ ﻣﺤﻤﺪ ﮔﺎﻋﺪ ..

ﺣﻨﻴﻦ .. ﻫﺴﺎ ﺍﻃﻴﺮﻩ ﺍﻟﺞ

ﺻﺤﺖ .. ﻣﺤﻤﺪ ﺗﻌﺎﻝ ﺷﻮﻳﻪ ..

ﺍﺟﻪ ﻣﺤﻤﺪ ..

ﻫﺎ ﺷﻜﻮ ﺷﺘﺮﺩﻳﻦ ﻣﺘﺸﻮﻓﻴﻨﻲ ﮔﺎﻋﺪ ﺍﺳﻮﻟﻒ ﻭﻱ ﺍﻟﻮﻟﺪ ..

ﺣﻨﻴﻦ .. ﺭﻭﺡ ﺟﻴﺐ ﺑﻄﻠﻴﻦ ﺑﺒﺴﻲ ﻭﺗﻌﺎﻝ ..

ﻭﻫﺬﻧﻲ ﺍﺑﻄﺎﻟﻪ ﻓﺎﺭﻏﺎﺕ ﺍﺧﺬﻫﻦ ﻭﻳﺎﻙ ﺭﺟﻬﻦ ﻟﻠﺮﺟﺎﻝ ﻓﺸﻠﻪ

ﻣﺤﻤﺪ .. ﻳﻌﻨﻲ ﺍﻻ ﺑﺒﺴﻲ ﺳﻮﻱ ﺟﺎﻱ ﺍﻟﺠﻮ ﺑﺎﺭﺩ

ﺣﻨﻴﻦ .. ﻓﺸﻠﻪ .. ﻛﻞ ﻣﺎﻳﺠﻲ ﻧﺴﻮﻱ ﺟﺎﻱ

ﻣﺤﻤﺪ .. ﺟﺎ ﺍﻋﻮﻓﻪ ﻭﺣﺪﻩ ﻋﻴﺐ

ﺣﻨﻴﻦ .. ﻗﺎﺑﻞ ﻫﻮ ﻏﺮﻳﺐ .. ﻭﻫﺎﻱ ﺧﻄﻴﺒﺘﻪ ﺗﮕﻌﺪ ﻳﻤﻪ .

ﻣﺤﻤﺪ .. ﻫﺎ ﺍﻱ ﺩﺭﻭﺣﻲ ﺍﮔﻌﺪﻱ ﻳﻤﻬﻢ ﻣﻮ ﺗﻌﻮﻓﻴﻬﻢ ﻭﺣﺪﻫﻢ ﺣﻨﻴﻦ .. ﺍﻱ ﻗﺎﺑﻞ ﺷﻴﺴﻮﻥ . ﻣﻮ ﺍﻣﺔ ﻣﺤﻤﺪ ﻛﻠﻬﺎ ﺑﺎﻟﺒﻴﺖ ..

ﻣﺤﻤﺪ .. ﺍﻣﺸﻲ ﻻ ﺍﻃﻴﺢ ﺣﻈﺞ ﻻﺗﺮﺩﻳﻦ ﺑﻮﺟﻬﻲ ..

ﺳﻜﺘﺖ ﻋﻨﻪ .. ﻻﻥ ﺍﻟﺴﺎﻧﻪ ﻣﺘﺒﺮﻱ ﻣﻨﻪ ..

ﻭﺍﻧﻲ ﻫﻢ ﻣﺎﻗﺎﺻﺮﻩ ﺑﺲ ﻣﻦ ﺍﻟﺼﺮﺍﺣﻪ ﺍﻧﻲ ﺑﺲ ﻭﻱ ﻣﺤﻤﺪ ﻻﻥ ﺑﻴﻨﺎ ﺳﻨﻪ ..

ﺑﺲ ﻣﻦ ﺃﻃﻠﻊ ﺛﻮﻟﻪ ﻭﺍﺭﺗﺒﻚ ..

ﻣﺮﻳﺖ ﻣﻦ ﻳﻢ ﺍﻻﺳﺘﻘﺒﺎﻝ ﻻﻥ ﺍﻟﺒﺎﺏ ﻣﻔﺘﻮﺡ .. ﺍﻫﻠﻲ ﻣﻴﻘﺒﻠﻮﻥ ﻳﻨﺴﺪ .

ﺷﻔﺖ ﻧﺴﺮﻳﻦ . ﺍﻛﻠﺖ ﺍﺿﺎﻓﺮﻫﺎ ﻣﻦ ﺍﻟﺨﺠﻞ ﻫﻬﻬﻪ

ﻭﻋﺒﺪ ﺍﻟﻠﻪ ﻳﺴﻮﻟﻒ ﻭﻳﺒﺘﺴﻢ ..

ﺳﻤﻌﺖ ﺑﺎﺏ ﺍﻟﺸﺎﺭﻉ ﺍﻧﻔﺘﺤﺖ . ﺍﺟﻪ ﻣﺤﻤﺪ ﺷﺒﺴﺮﻋﻪ ﺭﺍﺡ ﺷﺒﺴﺮﻋﻪ ﺍﺟﻪ ﺍﺑﻮ ﺍﻟﻤﺤﻞ ﺑﺮﺍﺱ ﺍﻟﺸﺎﺭﻉ ..

ﺭﻛﻀﺖ ﮔﻌﺪﺕ ﻳﻢ ﻧﺴﺮﻳﻦ ﺍﺟﻪ ﺷﺎﻓﻨﻲ ﮔﺎﻋﺪﻩ ﺍﺷﺮﻟﻲ ..

ﺧﻠﻴﺖ ﺍﻟﺒﻄﺎﻟﻪ ﺑﺎﻟﺼﻴﻨﻴﻪ ﻭﮔﻼﺻﺎﺕ ..

ﻭﻭﺩﻳﺘﻬﻦ ﺍﻟﻬﻢ ..

ﻃﻠﻌﺖ ﻭﺍﺟﺖ ﻭﺭﺍﻳﻪ ﻧﺴﺮﻳﻦ ..

ﻧﺴﺮﻳﻦ .. ﻟﺞ ﺣﻨﻴﻦ ﻋﺒﺪ ﺍﻟﻠﻪ ﻳﮕﻮﻝ ﻧﻬﺎﻳﻪ ﺍﻟﺸﻬﺮ ﻧﺘﺰﻭﺝ

ﻭﺑﺎﺟﺮ ﻳﺠﻮﻥ ﺍﻫﻠﻪ ﻳﺠﻴﺒﻮﻥ ﺍﻟﻨﻴﺸﺎﻥ

ﻭﻳﻦ ﻧﻠﺤﮓ ﻧﺴﻮﻱ ﺣﻠﻮﻳﺎﺕ ﻛﻴﻚ ..

ﻭﻣﺎﺍﻋﺮﻑ ﺷﻨﻮ ﺍﻟﺒﺲ ..

ﺣﻨﻴﻦ .. ﺍﻧﻄﻴﻨﻲ ﺳﺎﻋﺘﻴﻦ ﺍﻧﺎﻡ ﻭﺍﻓﻮﻝ .. ﻭﺍﮔﻌﺪ ﺍﺻﻴﺮﻟﺞ

ﻓﺮﺩﻭﺱ ﺍﻟﻤﺨﺘﺎﺭ .. ﻭﻧﺰﻳﻬﻪ ﺍﺩﻳﺐ ..

ﺫﻭﻟﻲ ﻣﺆﻟﻔﺎﺕ ﻛﺘﺎﺏ ﺩﻟﻴﻞ ﺍﻟﻄﺒﺦ ﻭﺍﻟﺘﻐﺬﻳﻪ . .

ﻧﺘﻌﻠﻢ ﻣﻨﻪ ﻃﺒﺨﺎﺕ ﻭﺣﻠﻮﻳﺎﺕ ..

ﺭﺣﺖ ﻧﻤﺖ ﮔﻌﺪﺕ ﺍﻻﺫﺍﻥ ﻳﺄﺫﻥ ﻣﺎﻝ ﺍﻟﻤﻐﺮﺏ ..

ﻏﺴﻠﺖ ﻭﺗﻮﺿﻴﺖ .. ﺭﺣﺖ ﺻﻠﻴﺖ ..

ﺷﻔﺖ ﻣﺎﻣﺎ ﻭﻧﺴﺮﻳﻦ ﻳﺴﻮﻥ ﻛﺒﻪ .. ﻭﺑﻨﻴﻦ ﺗﮕﻠﻲ

ﺭﺩﺕ ﺍﺳﻮﻱ ﺯﻻﻃﻪ ..

ﮔﺎﻟﺖ ﻧﺴﺮﻳﻦ .. ﻻ ﻋﻴﻨﻲ ﻋﻮﻓﻲ ﻛﻠﺸﻲ ﻭﺳﻮﻱ ﻛﻴﻚ

ﻭﺷﻜﺮﻟﻤﻪ ..

ﺑﺎﻭﻋﺘﻠﻬﺎ ﺣﻈﻨﺘﻬﺎ ﺣﻴﻞ ..

ﺣﻨﻴﻦ .. ﻳﻌﻨﻲ ﺑﺲ ﻫﺬﻧﻲ ﺍﻻﺳﺒﻮﻋﻴﻦ ﻳﻤﻲ ..

ﺍﺗﺤﺎﺿﻨﺎ ﻭﻧﺒﺠﻲ ..

ﺍﻟﺘﻔﺘﻨﺎ ﻉ ﻣﺎﻣﺎ ﻟﮕﻴﻨﺎ ﺩﻣﻮﻋﻬﺎ ﺗﻨﺰﻝ .. ﺣﻀﻨﺎﻫﺎ ﻭﻧﺒﺠﻲ ..

ﺣﻨﻴﻦ .. ﻳﻮﻡ ﻟﺘﺒﺠﻴﻦ ﺍﻧﻲ ﻳﻤﺞ ﻣﺎﺍﻋﻮﻓﺞ

ﻣﺎﻣﺎ .. ﺍﻱ ﻫﻢ ﻛﻢ ﺳﻨﻪ ﻭﺗﺘﺰﻭﺟﻴﻦ ﻭﺗﺘﺮﻛﻴﻨﻲ ..

ﺣﻨﻴﻦ .. ﻣﺎﺍﺗﺰﻭﺝ ﻭﻻﺍﻋﻮﻓﺞ ..

ﻣﺎﻣﺎ .. ﻣﻮ ﮔﺎﻟﺘﻬﺎ ﻧﺴﺮﻳﻦ ﻗﺒﻠﺞ ..

ﺑﻨﻴﻦ .. ﺫﻛﺮﺗﻮﻧﻲ ﺑﺄﻫﻠﻲ ﻣﻦ ﺗﺰﻭﺟﺖ .. ﻭﮔﻌﺪﺕ ﺗﺒﺠﻲ ﻭﺑﺎﻟﮕﻮﻩ ﺳﻜﺘﻨﺎﻫﺎ ﻭﻣﺎﻣﺎ ﮔﺎﻟﺘﻠﻬﺎ ﺍﻧﻲ ﻫﻢ ﺍﻣﺞ ﻭﺫﻧﻲ ﺍﺧﻮﺍﺗﺞ ﻻﻥ ﺧﻄﻴﻪ ﻣﺼﺎﺭﻟﻬﺎ ﻫﻮﺍﻳﻪ ﻣﻦ ﺗﺰﻭﺟﺖ ..

ﻛﻤﻠﻨﺎ ﺍﻟﻌﺸﺎ ﻭﺗﻌﺸﻴﻨﺎ ..

ﻭﺍﺧﻮﺍﻧﻲ ﮔﺎﻋﺪﻳﻦ ﻭﻳﺼﻨﻔﻮﻥ ﻭﻳﻀﺤﻜﻮﻥ ﻉ ﻧﺴﺮﻳﻦ ﻭﻫﻲ ﺧﺠﻼﻧﻪ ﻭﻻ ﺧﻠﻮﻫﺎ ﺗﺎﻛﻞ ..

ﺧﻠﺼﻨﺎ ﻋﺸﺎ ﻭﺑﺎﺑﺎ ﻓﺘﺢ ﺍﻟﺘﻠﻔﺰﻳﻮﻥ ﻃﺎﻟﻊ ﺍﻟﺮﺋﻴﺲ ..

ﻭﺍﺫﺍ ﺍﺧﺒﺎﺭ ﻣﻨﺘﻨﻔﺲ ..

ﻭﺍﺣﻨﺎ ﻧﺤﺴﺐ ﺷﻮﻛﺖ ﺗﺨﻠﺺ ﺍﻻﺧﺒﺎﺭ ﺣﺘﻰ ﺗﺒﺪﻱ ﺍﻟﻤﺴﻠﺴﻼﺕ ..

ﺍﻧﻲ ﻛﻨﺖ ﺍﺣﺐ ﻣﺴﻠﺴﻞ ﺍﻟﺴﺖ ﻭﻫﻴﺒﻪ .. ﺗﺎﺑﻌﺘﻪ ﺍﻟﻌﺎﻡ ﻭﻫﺎﻱ ﺍﻟﺴﻨﻪ ﻫﻢ ﺳﻮﻭﻟﻪ ﺍﻋﺎﺩﻩ ﻭﻣﻤﻠﻴﺖ ﻣﻨﻪ ..

ﺍﻧﻲ ﻭﻧﺴﺮﻳﻦ ﻧﺴﻬﺮ ﻧﺒﻘﻰ .. ﻧﺘﺎﺑﻊ ﻓﻠﻢ ﺍﻟﺴﻬﺮﻩ ..

ﻭﺑﻴﻮﻡ ﺍﻟﻔﻠﻢ ﺍﻟﺮﻋﺐ ..

ﺍﻟﻠﻴﻞ ﻣﺎﺍﻧﺎﻣﻪ ..

ﺍﺣﻨﺎ ﺍﻟﺘﻬﻴﻨﺎ ﺑﻴﻮﻣﻬﺎ ﻧﺴﻮﻱ ﻛﻴﻚ ﻭﺣﻠﻮﻳﺎﺕ . ﻳﻌﻨﻲ ﻣﺘﺎﺑﻌﻨﺎ ﺷﻲ ..

ﺳﻮﻳﺖ ﻛﻴﻚ ﻭﺳﻮﻳﺖ ﻛﺮﻳﻤﻪ ﺑﺎﻟﺒﻴﺖ . ﻛﺎﻛﻮ ﻭﻧﺸﺎ ﻭﺣﻠﻴﺐ ﻭﺷﻜﺮ ﻭﺍﺧﻠﻲ ﻣﻄﻴﺒﺎﺕ . ﻭﺍﺧﻠﻄﻬﺎ ﻉ ﺍﻟﻨﺎﺭ ﻭﺑﺲ ﺗﺜﺨﻦ ﺍﺧﻠﻴﻬﺎ ﻉ ﺍﻟﻜﻴﻜﻪ ﻳﺼﻴﺮ ﺍﻟﻄﻌﻢ ﻳﺨﺒﻞ ..

ﻭﺳﻮﻳﻨﺎ ﺷﻜﺮﻟﻤﻪ ..

ﺑﺲ ﻣﺤﻤﺪ ﻃﻴﺮ ﻧﺼﻬﻢ .. ﺗﺮﺱ ﺍﻟﻤﺎﻋﻮﻥ ﻭﺍﺧﺬﻩ .. ﻭﺑﻨﻴﻦ ﺍﺟﺖ ﻫﻢ ﮔﺎﻟﺖ ﻋﻠﻲ ﺍﺷﺘﻬﻪ ..

ﺍﺳﺘﺤﻴﻨﺎ ﻧﺤﺠﻲ .. ﻭﺍﺿﻄﺮﻳﻨﺎ ﻧﺴﻮﻱ ﻣﺮﻩ ﺛﺎﻧﻴﻪ

... 

ﻛﻤﻠﻨﺎ ﺍﻟﺸﻜﺮﻟﻤﻪ .. ﻭﺭﺗﺒﻨﺎ ﺍﻟﻤﻄﺒﺦ .. ﻭﺭﺣﻨﺎ ﺍﻟﻤﻘﺮﻧﺎ

ﻏﺮﻓﺘﻨﺎ ﻭﻋﺸﻨﺎ ﺍﻟﻲ ﻧﺴﻮﻟﻒ ﻭﻧﻀﺤﻚ ﻭﻧﺒﺠﻲ ﻭﻧﮕﺮﺽ ﻛﻠﻪ ﺑﻴﻬﺎ ..

ﺑﺲ ﺍﺫﺍ ﺭﺍﺣﺖ ﻧﺴﺮﻳﻦ ﺷﻠﻮﻥ ﺑﻴﻪ .. ﺳﻮﻟﻔﺖ ﺍﻟﻨﺴﺮﻳﻦ ﻉ ﺍﻟﻮﻟﺪ ﺍﻟﻲ ﺿﻮﺟﻨﻲ ..

ﻧﺴﺮﻳﻦ .. ﺍﻫﻤﻠﻴﻪ ﻭﺳﻮﻱ ﻧﻔﺴﺞ ﻣﺸﺎﻳﻔﺘﻪ .. ﻣﻦ ﻭﺣﺪﻩ ﻳﺘﺮﻛﺞ ..

ﺧﻠﺼﻨﺎ ﺳﻮﺍﻟﻒ ﻭﺑﻘﺖ ﺗﻠﺒﺲ ﻭﺗﻨﺰﻉ ﺣﺎﻳﺮﻩ ﺷﻨﻮ ﺗﻠﺒﺲ ﺑﺎﺟﺮ ﺧﻄﻴﻪ ﻣﺮﺗﺒﻜﻪ ..

ﺍﻧﻲ ﻣﺎﺣﺴﻴﺖ ﺑﺮﻭﺣﻲ ﻏﻔﻴﺖ .. ﻧﻤﺖ ﺑﻴﻮﻣﻬﺎ ﻣﻦ ﻭﻗﺖ ﻻﻥ ﺗﻌﺒﺎﻧﻪ ﻭﻭﺭﺍﻳﻪ ﺩﻭﺍﻡ .. ‏( ﺑﻘﻠﻤﻲ ﺷﻤﺲ ‏)

ﺑﺎﻟﮕﻮﺓ ﮔﻌﺪﺕ ﻣﻮ ﻣﺜﻞ ﻧﺸﺎﻁ ﺍﻭﻝ ﻳﻮﻡ 😉

ﺑﺪﻟﺖ ﻭﻟﺒﺴﺖ ﺣﺠﺎﺑﻲ ﻭﻫﺎﻟﻤﺮﻩ .. ﻣﺎﻣﺎ ﻣﺨﻠﺘﻨﻲ ﺍﻃﻠﻊ ﺍﻻ ﺍﺗﺮﻳﮓ .. ﺍﻛﻠﻦ ﻟﻔﻪ ﺻﻐﻴﺮﻩ ..

ﻭﺍﻧﺪﮔﺖ ﺍﻟﺒﺎﺏ ﺍﺟﺖ ﻋﻠﻴﺎﺀ ﺑﺴﺮﻋﻪ ﻏﺴﻠﺖ ﻭﻃﻠﻌﺖ ..

ﺣﻨﻴﻦ .. ﺻﺒﺎﺡ ﺍﻟﺨﻴﺮ

ﻋﻠﻴﺎﺀ .. ﺻﺒﺎﺡ ﺍﻟﻨﻮﺭ

ﺣﻨﻴﻦ .. ﻟﺞ ﻋﻠﻴﺎﺀ ﻧﻬﺎﻳﻪ ﺍﻟﺸﻬﺮ ﺗﺘﺰﻭﺝ ﻧﺴﺮﻳﻦ ..

ﻭﺍﻟﻴﻮﻡ ﻧﻴﺸﺎﻧﻬﺎ ﺟﻴﺒﻲ ﺍﻣﺞ ﻭﺗﻌﺎﻟﻮﺍ ..

ﻋﻠﻴﺎﺀ .. ﻫﻠﻪ ﻫﻠﻪ ﻳﻌﻨﻲ ﺍﻧﺤﻈﺮ ﻭﺍﺧﻴﺮﺍ ﺭﺍﺡ ﺗﺠﻲ ﺣﻔﻠﻪ 💃💃 ﻧﺸﺒﻊ ﺭﮔﺺ ..

ﺣﻨﻴﻦ .. ﻭﺍﻧﻲ ﺍﺷﺒﻊ ﺑﺠﻲ .

ﻋﻠﻴﺎﺀ .. ﻟﻴﺶ ﻭﻟﺞ ﻫﺎﻱ ﺑﺪﻝ ﻣﺘﻔﺮﺣﻴﻠﻬﺎ

ﺣﻨﻴﻦ .. ﻓﺮﺣﺎﻧﻪ ﻭﺍﻟﻠﻪ ﺑﺲ ﺭﺍﺡ ﺍﺑﻘﻰ ﻭﺣﻴﺪﻩ ﺑﺪﻭﻧﻬﺎ ..

ﻋﻠﻴﺎﺀ .. ﻭﻟﻴﻬﻤﺞ ﺍﻧﻲ ﻳﻤﺞ ﻭﺑﻨﻴﻦ ﻫﻢ ﻣﻮ ﺗﮕﻮﻟﻴﻦ ﺣﺒﺎﺑﻪ ..

ﺣﻨﻴﻦ .. ﺍﻱ ﺣﺒﺎﺑﻪ ﺑﺲ ﻣﻮ ﻣﺜﻞ ﺍﻻﺧﺖ ..

ﮔﻀﻴﻨﺎﻫﺎ ﺳﻮﺍﻟﻒ ﺍﻟﻰ ﺍﻥ ﺍﺟﺖ ﺍﻟﻔﻮﺭﺗﺎﺕ ﻭﺻﻌﺪﻧﺎ .. ﻭﺍﻟﺒﻨﺎﺕ ﻣﺪﺍﺣﺲ ..

ﺗﺎﺭﺱ ﺍﻟﺴﻴﺎﺭﻩ .. ﺍﻟﺠﻮ ﺑﺎﺭﺩ ﺑﺲ ﺩﺍﺧﻞ ﺍﻟﺴﻴﺎﺭﻩ ﻋﺒﺎﻟﻚ ﺣﻤﺎﻡ ﻭﺑﻲ ﺻﻮﺑﻪ ﺍﺧﺘﻨﮕﻨﻪ ..

ﻭﺻﻠﻨﺎ ﻟﻠﻜﻠﻴﻪ . ﻭﻋﻠﻴﺎﺀ ﺭﺍﺣﺖ ﺍﻟﻘﺴﻤﻬﺎ ﻭﺍﻧﻲ ﺭﺣﺖ ﺍﻟﻘﺴﻤﻲ ..

ﺩﺧﻠﺖ ﮔﻠﺖ ﺍﻟﺴﻼﻡ ﻋﻠﻴﻜﻢ .. ﻣﻦ ﻏﻴﺮ ﻣﺎﺍﺗﺒﺎﻭﻉ ﺑﻮﺟﻪ ﺍﺣﺪ ﻣﺜﻞ ﻣﻮﺻﺘﻨﻲ ﻧﺴﺮﻳﻦ .. ‏( ﺑﻘﻠﻤﻲ ﺷﻤﺲ ‏)

ﺧﻔﺖ ﺍﺷﻮﻓﻪ ﻭﻳﺴﻮﻱ ﺣﺮﻛﻪ ﺗﻀﻮﺟﻨﻲ ..

ﺑﻴﻮﻣﻬﺎ ﺍﺳﺘﻠﻤﻨﺎ ﻛﺘﺐ ﻫﻢ ﻛﻢ ﻛﺘﺎﺏ ﻣﻮ ﻛﺎﻣﻼﺕ ..

ﺍﺳﺎﺗﺬﻩ ﺩﺍﺧﻠﻪ ﻭﺍﺳﺎﺗﺬﻩ ﻃﺎﻟﻌﻪ ﻭﻛﺎﻥ ﺍﻟﻴﻮﻡ ﻣﺰﺩﺣﻢ ..

ﺣﺘﻰ ﻋﻠﻴﺎﺀ ﻣﺸﻔﺘﻬﺎ ..

ﻃﻠﻌﻨﺎ ﻟﮕﻴﺖ ﻋﻠﻴﺎﺀ ﻣﻨﺘﻈﺮﺗﻨﻲ ﺑﺒﺎﺏ ﺍﻟﻘﺎﻋﻪ ..

ﮔﺎﻟﺖ ﺧﻠﻲ ﻧﺎﻛﻞ ﺷﻲ ..

ﺣﻨﻴﻦ . ﻻ ﻣﺎﺃﮔﺪﺭ ﻭﻋﺪﺕ ﻧﺴﺮﻳﻦ ﺧﻄﻴﻪ ﺍﺟﻲ ﻣﻦ ﻭﻗﺖ ..

ﻭﻫﻲ ﻣﻨﻮ ﻳﮕﻮﻝ ﺍﺧﺘﺎﺭﺕ ﺷﻲ ﺗﻠﺒﺴﻪ ..

ﺍﻋﺘﻤﺪﺕ ﻋﻠﻴﻪ ﻭﺗﺮﻛﺘﻬﺎ ﻭﻧﻤﺖ ..

ﻋﻠﻴﺎﺀ .. ﺣﻨﻴﻦ ﻋﻨﺪﻱ ﻓﺴﺘﺎﻥ ﺍﺷﺘﺮﻳﺘﻪ ﺑﺰﻭﺍﺝ ﺍﺑﻦ ﻋﻤﻲ ﺣﻠﻮ ﻭﻟﻮﻧﻪ ﺷﺬﺭﻱ ..

ﺧﻠﻲ ﺗﻠﺒﺴﻪ ﻭﻣﺤﺪ ﺷﺎﻳﻔﻪ ﻣﻦ ﺍﻫﻠﻜﻢ ﻻﻥ ﺍﺩﺭﻱ ﺑﻴﺠﻦ ﻣﺘﻠﺒﺴﻦ ﺍﻟﻠﺒﺲ ﺍﻟﻲ ﺷﺎﻳﻔﻴﻪ ..

ﺣﻨﻴﻦ .. ﻫﻬﻬﻬﻪ ﺍﻱ ﺻﺪﮒ ..

ﺧﻮﺵ ﺍﺭﻭﺡ ﻭﻳﺎﺝ ﺍﻧﻄﻴﻨﻴﺎﻩ ﻭﺍﺷﻮﻓﻬﺎ ﺍﺫﺍ ﻋﺠﺒﻬﺎ ..

ﻃﻠﻌﻨﺎ ﻭﺑﻴﻮﻣﻬﺎ ﻣﺸﻔﺘﻪ ﻟﻠﻤﺰﻋﺞ ..

ﻻﻥ ﻣﺎﺍﻋﺮﻑ ﺍﺳﻤﻪ ﻭﻋﻮﺩ ﻫﻮ ﻭﻳﺎﻧﺎ ﺑﺎﻟﻘﺎﻋﻪ ..

ﺍﺧﺬﺕ ﺍﻟﻔﺴﺘﺎﻥ ﻣﻦ ﻋﻠﻴﺎﺀ ﻭﺩﺧﻠﺖ ﻟﻠﺒﻴﺖ ..

ﻟﮕﻴﺖ ﺧﺎﻻﺗﻲ ﻭﻋﻤﺎﺗﻲ ﻭﺑﻨﺎﺗﻬﻢ ﻛﻠﻬﻢ ﻣﺠﻤﻮﻋﻴﻦ ﺍﺣﻨﻪ ﻣﻨﺼﺪﮒ ﺍﻛﻮ ﺣﻔﻠﻪ ..

ﻫﺎﻱ ﺑﺎﻟﻨﻴﺸﺎﻥ ﻫﻴﺞ ﺟﺎ ﺑﺎﻟﺰﻭﺍﺝ ﺷﻠﻮﻥ ..

ﺗﺬﻛﺮﺕ ﺍﻟﻬﻮﺳﻪ ﻣﺎﻝ ﺯﻭﺍﺝ ﻋﻠﻲ ﻭﺍﻟﺘﻌﺐ ..

ﺩﺧﻠﺖ ﺳﻠﻤﺖ .. ﻟﮕﻴﺖ ﻧﺴﺮﻳﻦ ﺟﺎﻱ ﺗﺴﻮﻱ ﺷﻌﺮﻫﺎ ..

ﻭﻣﺨﺒﻮﺻﻪ ..

ﺑﻮﺳﺘﻬﺎ ..

ﻧﺴﺮﻳﻦ .. ﻫﻠﻮ ﺣﻨﻮﻧﻪ ﻟﻴﺶ ﺗﺄﺧﺮﺗﻲ

ﺣﻨﻴﻦ .. ﻏﻴﺮ ﻣﺤﺎﻇﺮﺍﺕ ﻭﺍﻭﻝ ﻣﻄﻠﻌﺖ ﺍﺟﻴﺖ ﺑﺴﺮﻋﻪ ..

ﺩﮔﻮﻣﻲ ﮔﺪﺭﻱ ﻫﺬﺍ ﺍﻟﻔﺴﺘﺎﻥ ..

ﻟﺒﺴﺘﻪ ﻳﺨﺒﻞ ﻋﻠﻴﻬﺎ ﻭﻣﺨﺼﺮ ﺟﺴﻤﻬﺎ .. ﻓﺮﺣﺖ .. ﻻﻥ ﺍﻟﺼﺮﺍﺣﻪ .. ﺍﺣﻨﻪ ﻣﺎﻋﻨﺪﻧﺎ ﺍﻣﻜﺎﻧﻴﻪ ﻧﺠﻴﺐ ﻣﺜﻠﻪ

ﻋﻠﻴﺎﺀ ﺍﻟﻮﺣﻴﺪﻩ ﺍﻻﻫﻠﻬﺎ ﻭﺍﺧﻮﻫﺎ ﻳﺒﻴﻊ ﻣﻼﺑﺲ ﻭﻓﺴﺎﺗﻴﻦ ..

ﻭﺍﻣﻬﺎ ﺧﻴﺎﻃﻪ ..

ﺑﺲ ﻣﻮ ﺍﻱ ﺧﻴﺎﻃﻪ ﻣﺤﺘﺮﻓﻪ .. ﻳﺨﺒﻞ ﺧﻴﺎﻃﻬﺎ ﺑﺲ ﻏﺎﻟﻴﻪ ..

ﺑﻘﻦ ﺍﻟﺒﻨﺎﺕ ﻭﻱ ﻧﺴﺮﻳﻦ ﻳﺠﻬﺰﻧﻬﺎ .. ﻭﺍﻟﺒﻘﻴﻪ ﻳﺒﺪﻟﻦ ﻭﻳﻌﺪﻟﻦ .

ﻭﺍﻧﻲ ﻋﻴﻨﻲ ﻉ ﺍﻟﻤﻄﺒﺦ ﻭﺍﻟﻄﺒﺎﺥ ..

ﺳﺤﺒﺖ ﺭﻭﺣﻲ ﺭﺣﺖ ﻟﻠﮕﺪﻭﺭﻩ .. ﻣﺴﻮﻳﻪ ﻓﺎﺻﻮﻟﻴﻪ ﻭﺗﻤﻦ ﻭﺗﺸﺮﻳﺐ ﺩﺟﺎﺝ ..

ﺍﻣﻤﻤﻤﻤﻢ ﻭﺍﻧﻲ ﺟﻮﻋﺎﻧﻪ .. ﻣﻦ ﺍﻟﺠﻮﻉ ﻭﺍﻻﺳﺘﻌﺠﺎﻝ ﮔﻤﺖ ﺍﺧﺒﻂ ﺑﺎﻟﮕﺪﺭ ﻭﺍﻛﻞ .. ‏( ﺑﻘﻠﻤﻲ ﺷﻤﺲ ‏)

ﺍﻟﻜﻞ ﻣﺘﻐﺪﻳﻪ .. ﻭﻣﺒﻘﻴﻠﻲ ﺑﺎﻟﮕﺪﺭ ﺍﻟﺤﻜﺎﻛﻪ ﻭﺍﻧﻲ ﺍﻣﻮﺕ ﻋﻠﻴﻬﺎ ﻭﻱ ﺍﻟﻔﺎﺻﻮﻟﻴﺎ ..

ﻛﻤﻠﺖ ﺩﺧﻠﺖ ﻟﻠﺤﻤﺎﻡ .. ﻟﺒﺴﺖ ﺗﻨﻮﺭﻩ ﻗﺼﻴﺮﻩ ﻭﻗﻤﻴﺺ ﺟﺮﺟﻴﺖ ﺣﻠﻮ ﻭﻧﺎﺯﻙ .. ﻫﻮ ﺍﺻﻼ ﻣﺎﻝ ﻣﺎﻣﺎ ﺑﺸﺒﺎﺑﻬﺎ ﺑﺲ ﺳﻮﻳﺘﻠﻪ ﺗﻌﺪﻳﻼﺕ ..

ﻭﺷﺴﻮﺭﺕ ﺷﻌﺮﻱ ﻻﻥ ﻣﺒﻠﻞ . ﻃﻠﻌﺖ ﺣﻠﻮﻩ ..

ﺍﺟﻮ ﺑﻴﺖ ﺧﺎﻟﻮﺍ .. ﻭﺍﻟﺼﺮﺍﺣﻪ ﻣﻤﺨﻠﻴﻦ ﺷﻲ ﻣﺠﺎﻳﺒﻴﻪ

ﺛﻼﺙ ﺟﻨﻂ ﻛﺒﺎﺭ ﻣﺘﺮﻭﺳﻪ ﻣﻼﺑﺲ ﻭﻣﻜﻴﺎﺝ ﻭﺟﻨﻄﻴﺘﻦ ﻭﺣﺬﺍﺋﻴﻦ ﺑﻴﺠﻲ ﻭﺍﺳﻮﺩ .. ﻫﻢ ﺟﺎﻳﺒﻴﻦ ﺍﻟﺬﻫﺐ ﺑﺎﻟﻌﻘﺪ ..

ﺩﺧﻠﺖ ﻧﺴﺮﻳﻦ ﺗﺨﺒﻞ ﻃﺎﻟﻌﻪ .. ﻭﻓﺘﺤﻨﺎ ﻛﺎﺳﻴﺖ ﻭﻧﺮﮔﺺ ﻭﺍﺟﺖ ﻋﻠﻴﺎﺀ ﻭﺍﻣﻬﺎ ..

ﺗﺎﻟﻲ ﻣﺎﻣﺎ ﮔﺎﻟﺖ ﻛﺎﻓﻲ ﺭﺍﺡ ﻳﺄﺫﻥ ﺿﻤﻦ ﺣﻴﻠﺠﻦ ﻟﻠﺤﻨﻪ ﻣﺎﺑﻘﻰ ﺷﻲ ..

ﺍﻟﻜﻞ ﺭﺍﺡ ﻭﻻﺯﻡ ﻧﻨﻀﻒ ﺍﻟﺒﻴﺖ ﺍﺑﻮﻳﻪ ﺭﺍﺡ ﻟﻠﮕﻬﻮﻩ .. ﻭﻋﻠﻰ ﺟﻴﻪ ﻫﺴﺎ ..

ﺑﺪﻟﺖ ﻧﺴﺮﻳﻦ ﻭﺍﺟﺖ ﺗﺴﺎﻋﺪﻧﺎ ..

ﺑﻴﻮﻣﻬﺎ ﻣﻠﺤﮕﻨﺎ ﻧﺴﻮﻱ ﻋﺸﺎ .. ﺍﻛﻮ ﺩﺟﺎﺝ ﺯﺍﻳﺪ ﺣﻤﻴﻨﺎﻩ ﻭﺯﻻﻃﻪ ﺳﻮﻳﻨﺎ ..

ﻛﻤﻠﻨﺎ ﻋﺸﺎ ﻭﻛﻌﺪﻧﺎ ﻧﺸﺮﺏ ﺟﺎﻱ ﺑﺎﻟﺼﺎﻟﻪ ﻭﺑﺎﺑﺎ ﻳﻮﺻﻲ ﺑﻨﺴﺮﻳﻦ ﺗﺮﻓﻊ ﺭﺍﺳﻪ .. ﻭﺗﺘﺤﻤﻞ ﻭﺗﺮﺿﻲ ﺯﻭﺟﻬﺎ ..

ﻭﻫﻲ ﻣﺪﻧﮕﻪ ﺭﺍﺳﻬﺎ ﺧﺠﻼﻧﻪ .. ﻭﺍﻧﻲ ﺍﺗﺒﺎﻭﻋﻠﻬﺎ ﻭﺍﺿﺤﻚ

ﺗﺎﻟﻲ ﻋﺎﻁ ﺑﻴﻪ ﺍﺑﻮﻳﻪ ..

ﮔﻠﻲ ﻣﺘﺴﺘﺤﻴﻦ ﺗﻀﺤﻜﻴﻦ ﻭﺍﻧﻲ ﺍﺣﺠﻲ ..

ﻫﻢ ﻻﺣﮕﻪ ﺗﻤﺮﻳﻦ ﺑﻤﻮﻗﻔﻬﺎ ﻭﺧﻠﻲ ﻧﺸﻮﻓﺞ ﺷﺘﺴﻮﻳﻦ ..

ﺿﺠﺖ ﻭﺩﻧﮕﺖ .. ﻭﮔﺎﻡ ﻫﻲ ﺗﻀﺤﻚ ﻋﻠﻴﻪ ..

ﻃﻠﻌﺖ ﺍﻻﺧﺒﺎﺭ ﻭﺗﻄﺸﺮﻧﺎ ﻛﻠﻨﺎ ..

ﺩﺧﻠﻨﺎ ﻟﻠﻐﺮﻓﻪ ﻧﺴﻮﻟﻒ ﻋﻠﻰ ﻣﺎ ﺗﺨﻠﺺ ﺍﻻﺧﺒﺎﺭ ..

ﻭﺍﺗﺒﺎﻭﻋﻨﺎ ﺍﻟﻨﻴﺸﺎﻥ ﻧﺴﺮﻳﻦ ﻭﺭﺗﺒﻨﺎﻩ ..

ﺗﺎﻟﻲ ﻧﻤﺖ ﻭﻣﺎﺷﻔﺖ ﻓﻠﻢ ﺍﻟﺴﻬﺮﻩ ..

ﺛﺎﻧﻲ ﻳﻮﻡ ﮔﻌﺪﺕ ﻭﺑﺪﻟﺖ ﻭﺍﻧﺘﻀﺮﺕ ﻋﻠﻴﺎﺀ .. ﺍﺟﺖ ﻭﺭﺣﻨﺎ ﻟﻠﻜﻠﻴﻪ ..‏( ﺑﻘﻠﻤﻲ ﺷﻤﺲ ‏)

ﺩﺧﻠﻨﺎ ﻭﻛﻞ ﻭﺣﺪﻩ ﺭﺍﺣﺖ ﺍﻟﻘﺴﻤﻬﺎ .. ﺭﺩﺕ ﺍﺩﺧﻞ ﻟﻠﻘﺎﻋﻪ ﻟﮕﻴﺖ ﺍﻟﻤﺰﻋﺞ ﻭﺍﮔﻒ ﺑﺎﻟﺒﺎﺏ ..

ﺣﻨﻴﻦ .. ﻣﻦ ﺭﺧﺼﺘﻚ ﺍﺭﻳﺪ ﺍﺩﺧﻞ ..

ﺍﻟﻤﺰﻋﺞ .. ﻭﻣﺘﺪﺧﻠﻴﻦ ﻗﺎﺑﻞ ﻻﺯﻣﺞ

ﺣﻨﻴﻦ .. ﺍﺫﺍ ﺍﻧﺖ ﻭﺍﻛﻒ ﺷﻠﻮﻥ ﺍﺩﺧﻞ

ﺍﻟﻤﺰﻋﺞ .. ﺗﻔﻀﻠﻲ ﻋﻴﻨﻲ ﺍﻳﻨﺎﺱ ﻃﺎﻟﺐ ..

ﺑﺎﻭﻋﺘﻠﻪ ﻭﺍﻧﻲ ﻣﻌﺼﺒﻪ ﻭﺩﺧﻠﺖ ..

ﺷﺎﻓﺘﻨﻲ ﺍﻟﺒﻨﻴﻪ ﺍﻟﻲ ﺗﻌﺮﻓﺖ ﻋﻠﻴﻬﺎ ﺍﻭﻝ ﻣﺎﺩﺍﻭﻣﺖ ..

ﻫﻲ ﻟﺒﺴﻬﺎ ﺷﻮﻳﻪ ﻓﺎﺿﺢ ﻭﺳﺎﻓﺮﻩ ﺑﻼ ﺣﺠﺎﺏ ﺍﺳﻤﻬﺎ ﻣﻨﻰ ..

ﮔﺎﻟﺖ ﺷﺒﻲ ﻭﻳﺎﺝ ﻣﻬﻨﺪ .

ﺣﻨﻴﻦ .. ﻳﺎﻣﻬﻨﺪ .

ﻣﻨﻰ .. ﻫﺴﺎ ﺍﻟﻲ ﺟﻨﺘﻲ ﺗﺤﺠﻴﻦ ﻭﻳﺎﻩ

ﺣﻨﻴﻦ .. ﻣﺎﻋﻨﺪﻩ ﺍﺣﺘﺮﺍﻡ ﻳﺸﻮﻑ ﺑﻨﻴﻪ ﺗﺮﻳﺪ ﺗﺪﺧﻞ ﻣﻴﺒﺘﻌﺪ ..

ﻣﻨﻰ .. ﺍﻱ ﻋﻴﻨﻲ ﻣﻮ ﻫﺬﺍ ﺍﺑﻦ ﻋﻀﻮ ﻓﺮﻗﻪ ﻭﺷﺎﻳﻒ ﻧﻔﺴﻪ ﻭﻋﻤﻪ ﻣﺎﺍﻋﺮﻑ ﻣﻨﻮ ﺑﺎﻻﻣﻦ ..

ﺣﻨﻴﻦ .. ﻭﺍﺫﺍ ﻳﻌﻨﻲ ﺍﺑﻦ ﻋﻀﻮ ﻓﺮﻗﻪ ﻫﻮ ﻭﻗﻨﺪﺭﺗﻲ .

ﺑﻴﻮﻣﻬﺎ ﻋﺼﺒﺖ ﻭﻏﻠﻄﺖ ﻭﺗﻮﺭﻃﺖ ..

ﺧﻔﺖ ﻻﻥ ﻧﺮﻭﺡ ﺑﺎﻟﺮﺟﻠﻴﻦ ﺍﺫﺍ ﺍﺣﺪ ﺳﻤﻊ ..

ﻭﺍﺑﻮﻳﻪ ﻣﻮﺻﻴﻨﺎ ﻣﻨﺠﻴﺐ ﻃﺎﺭﻱ ﺍﻟﻨﻈﺎﻡ ﻭﺍﻟﺤﺰﺏ ﺑﺸﻲ ..

ﻳﮕﻮﻝ ﺍﻟﺤﻴﻄﺎﻥ ﺍﻟﻬﺎ ﺍﺫﺍﻥ ..

ﻭﺯﺍﺭﻋﻴﻦ ﺑﻜﻞ ﻣﻜﺎﻥ ﺟﻮﺍﺳﻴﺲ ..

ﺍﻭﻭﻭﻭﻑ ﻳﻠﺴﺎﻧﻲ .. ﻣﺎﺍﺗﻮﺏ ..

ﺣﺠﻴﺖ ﻭﺗﻮﺭﻃﺖ .. ﻭﺧﻔﺖ ﻻﻫﺎﻱ ﺍﻟﺒﻨﻴﻪ ﺗﻮﺻﻠﻪ ﻭﺍﻧﻲ ﻣﺎﺍﻋﺮﻓﻬﺎ ﻭﻓﻠﺖ ﺍﻟﺴﺎﻧﻲ ﻳﻤﻬﺎ

.... 

ﻣﺸﻰ ﺍﻟﻴﻮﻡ ﻋﺎﺩﻱ .. ﻭﻧﺴﻴﺖ ﺍﻟﻤﻮﺿﻮﻉ ﻛﻤﻠﺖ ﻣﺤﺎﻇﺮﺍﺕ ..

ﺍﺟﺖ ﻋﻠﻴﺎﺀ ﻭﻃﻠﻌﻨﺎ ..

ﺩﺍ ﻧﻤﺸﻲ ﻳﻢ ﺍﻟﺤﺪﺍﻳﻖ ﻭﻧﺎﻛﻞ ﻭﻧﻀﺤﻚ ..

ﻭﺷﻔﺖ ﻣﻬﻨﺪ ﮔﺒﺎﻟﻨﺎ ﻭﺍﮔﻒ ﻭﻱ ﺍﺛﻨﻴﻦ ﻭﻟﺪ ﻭﻳﺒﺎﻭﻉ ﻭﻳﺒﺘﺴﻢ ﺑﻤﻜﺮ ﻣﺜﻞ ﻋﺎﺩﺗﻪ ..

ﻣﺎﺍﻫﺘﻤﻴﺖ ﺑﺲ ﺑﺪﺍﺧﻠﻲ ﺧﺎﻳﻔﻪ ..

ﮔﻠﺖ ﺍﻟﻌﻠﻴﺎﺀ ﻳﻠﺔ ﺧﻠﻴﻨﺎ ﻧﺮﻭﺡ ﺧﺎﻑ ﻧﺘﺄﺧﺮ ..

ﻋﻠﻴﺎﺀ .. ﺧﻠﻴﻨﺎ ﺷﻮﻳﻪ ﻧﺴﺘﻤﺘﻊ ﺑﺎﻟﻤﻨﻈﺮ ﺷﺒﻴﺞ ﺩﻭﻭﻭﻡ ﻣﺴﺘﻌﺠﻠﻪ .

ﺣﻨﻴﻦ .. ﻻ ﺿﺠﺖ ﺧﻠﻴﻨﺎ ﻧﺮﻭﺡ ..

ﻋﻠﻴﺎﺀ .. ﻳﻠﻪ ﺍﻣﺸﻲ .. ﺍﺷﻮ ﺟﻨﺘﻲ ﻣﺘﺤﻤﺴﻪ ﻟﻠﺠﺎﻣﻌﻪ ﻫﺴﺎ ﻛﻠﻤﺎ ﻧﺠﻲ ﻣﻌﺒﺴﻪ ..

ﺣﻨﻴﻦ .. ﺑﻌﺪﻧﻲ ﻣﻤﺘﻌﻮﺩﻩ ﻭﺍﻣﺸﻲ ﺑﺴﺮﻋﻪ ﻭﻟﺘﻠﻐﻴﻦ ..

ﺍﻣﺸﻲ ﻭﺍﺑﺎﻭﻉ ﻭﺭﺍﻳﻪ .. ﺷﻔﺖ ﺍﻟﺴﻴﺎﺭﻩ ﺍﻟﺴﻮﺩﻩ ﺩﺧﻠﺖ ﻟﺠﻮﻩ ﻭﺍﺧﺬﺗﻪ .. ‏( ﺑﻘﻠﻤﻲ ﺷﻤﺲ ‏)

ﺍﺫﺍ ﻳﺴﻤﺤﻮﻟﻪ ﻳﺪﺧﻠﻮﻫﺎ ﻟﻴﺶ ﺫﻳﺞ ﺍﻟﻤﺮﻩ ﻃﻠﻊ ﺑﺮﻩ ..

ﺍﻭﻭﻭﻩ ﻭﺍﻧﻲ ﺷﻌﻠﻴﻪ .. ﺍﺟﺖ ﺍﻟﻔﻮﺭﺗﺎﺕ ﻭﺍﻟﺒﻨﺎﺕ ﺻﺎﺭﺕ ﻣﻜﺎﺗﻞ ﻳﺎﻫﻲ ﺍﻟﺘﺼﻌﺪ ﻗﺒﻞ ﻭﺗﺤﺼﻞ ﻣﻜﺎﻥ ..

ﻷﻥ ﺍﻛﻮ ﻳﺒﻘﻦ ﻭﺍﻛﻔﺎﺕ ..

ﻣﺸﺖ ﺍﻟﺴﻴﺎﺭﻩ ﻭﻛﻞ ﺳﺎﻋﻪ ﺗﻮﮔﻒ ﺑﻤﻜﺎﻥ .. ﻣﻨﺎ ﻟﻤﻦ ﻭﺻﻠﺖ ﺍﻟﻤﻨﻄﻘﺘﻨﺎ ﺭﻭﺣﻲ ﻃﻠﻌﺖ ..

ﻭﻣﻴﺘﻪ ﺟﻮﻉ .. ﻭﺍﻓﻜﺮ ﺷﻨﻮ ﻏﺪﺍﻧﻪ ..

ﻋﻠﻴﺎﺀ .. ﻫﻬﻬﻬﻪ ﻟﺞ ﺷﮕﺪ ﺗﺤﺒﻴﻦ ﺍﻻﻛﻞ ..

ﺣﻨﻴﻦ .. ﻫﻬﻬﻬﻪ ﺑﺲ ﻣﻦ ﺍﻳﺪ ﻣﺎﻣﺎ .. ﻭﻣﺪﺍﻡ ﺟﺴﻤﻲ ﺣﻠﻮ ﻣﻮ ﺳﻤﻴﻦ ﺧﻠﻴﻨﻲ ﺍﻛﻞ ..

ﻭﺻﻠﻨﺎ ﻟﻠﺒﻴﺖ ﺍﺣﻨﺎ ﺑﻴﺖ ﺑﺼﻒ ﺑﻴﺖ ..

ﺳﻠﻤﺖ ﻋﻠﻴﻬﺎ ﻭﺩﺧﻠﻨﺎ ..

ﺩﺧﻠﺖ ﻟﮕﻴﺖ ﺍﻟﻜﻞ ﻣﺘﻐﺪﻱ ﻭﻣﺨﻠﺼﻴﻦ ﻭﺑﺎﺑﺎ ﻣﻠﺘﺤﻖ ﻣﺎﻫﻮ ..

ﻓﺘﺤﺖ ﺑﺎﺏ ﺍﻟﻐﺮﻓﻪ ﺷﻔﺖ ﻧﺴﺮﻳﻦ ﻧﺎﻳﻤﻪ ..

ﺑﺪﻟﺖ ﺑﺴﻜﺘﻪ ﺑﻬﺪﻭﺀ ﻭﻃﻠﻌﺖ ..

ﺍﺗﺒﺎﻭﻋﺖ ﻣﺴﻮﻳﻦ ﻣﺮﮒ ﻃﺮﺷﺎﻧﻪ .. ﺍﺳﺘﻐﻔﺮ ﺍﻟﻠﻪ

ﻓﺘﺤﺖ ﺍﻟﺜﻼﺟﻪ ﻃﻠﻌﺖ ﻛﺒﻪ ﺍﺛﻨﻴﻦ ﮔﻠﻴﺘﻬﻦ ﻭﺣﻤﻴﺖ ﺍﻟﺠﺎﻱ

ﺍﻛﻠﺖ ﻭﻧﻤﺖ ..

ﻟﻠﻌﺼﺮ ﮔﻌﺪﺕ ﺳﻠﻤﺖ ﻉ ﻣﺎﻣﺎ ﻭﻧﺴﺮﻳﻦ ﻭﺑﻨﻴﻦ ..

ﻭﺷﻔﺘﻬﻦ ﻳﺘﺒﺴﻤﻦ ﻭﻭﺣﺪﻩ ﺗﺒﺎﻭﻉ ﻟﻠﺜﺎﻧﻴﻪ ..

ﺣﻨﻴﻦ .. ﺷﻜﻮ ﺷﺒﻴﺠﻦ .

ﻣﺎﻣﺎ .. ﺍﺟﻮﺝ ﺧﻄﺎﺑﻪ

ﺣﻨﻴﻦ .. ﻫﻬﻬﻪ ﺍﻛﻴﺪ ﺗﺘﺸﺎﻗﻦ

ﻧﺴﺮﻳﻦ .. ﻭﺍﻟﻠﻪ ﺷﺒﻴﺞ

ﺣﻨﻴﻦ .. ﻣﺎﺍﺭﻳﺪ ﺑﻌﺪﻧﻲ ﺷﻨﻮ ﺷﻔﺖ ﺑﺤﻴﺎﺗﻲ ..

ﺑﻨﻴﻦ .. ﺍﺣﻨﻪ ﻣﻮ ﻧﺰﻭﺟﻨﺎ ﻭﺍﺣﻨﺎ ﺻﻐﺎﺭ

ﺣﻨﻴﻦ .. ﺍﻧﻲ ﻣﺎﺍﺭﻳﺪ .. ﺍﺭﻳﺪ ﺍﻛﻤﻞ ﺩﺭﺍﺳﺘﻲ ..

ﻭﺛﺎﻧﻲ ﺷﻲ ﺫﻛﺮﺕ ﻟﻴﺶ ﺗﺴﻮﻭﻥ ﻃﺮﺷﺎﻧﻪ ﻣﻮ ﺍﻧﻲ ﻣﺎﺍﺣﺒﻬﺎ

ﻣﺎﻣﺎ .. ﺍﻱ ﻳﺎﺣﻴﺎﻟﻪ ﮔﻠﺒﺘﻲ ﺍﻟﻤﻮﺿﻮﻉ ﺑﺴﺮﻋﻪ ..

ﻏﻴﺮ ﺗﻌﺮﻓﻴﻦ ﻣﻨﻮ ..

ﺣﻨﻴﻦ .. ﻣﻨﻮ ‏( ﺑﻘﻠﻤﻲ ﺷﻤﺲ ‏)

ﻧﺴﺮﻳﻦ .. ﺣﺴﻴﻦ ﺍﺑﻦ ﻋﻤﻮ ﻓﻴﺼﻞ ..

ﺣﻨﻴﻦ .. ﺷﻨﻮ ﻣﻌﻘﻮﻟﻪ ﺣﺴﻴﻦ .. ﻭﺷﻮﻛﺖ ﺍﺟﻮ

ﻣﺎﻣﺎ .. ﻫﺎ ﺷﻮ ﺗﻐﻴﺮﺕ ﻣﻼﻣﺤﺞ ﻣﻦ ﻋﺮﻓﺘﻴﻪ ﺣﺴﻴﻦ ﺷﻜﻮ 😡

ﺣﻨﻴﻦ .. ﻻ ﻣﺎﻛﻮ ﺷﻲ .. ﺑﺲ ﻣﺎﺍﺗﻮﻗﻌﺖ ﺣﺴﻴﻦ ﻣﺨﻠﺺ ﻫﻨﺪﺳﻪ ﻭﺟﺎﻱ ﻳﺪﺭﺱ ﻣﺎﺟﺴﺘﻴﺮ .. ﻣﻌﻘﻮﻟﻪ ﻳﻔﻜﺮ ﺑﻴﻪ

ﻧﺴﺮﻳﻦ .. ﺍﻱ ﺍﺟﺖ ﻣﺮﺕ ﻋﻤﻮ ﺍﻟﻴﻮﻡ .. ﻭﻓﺘﺤﺖ ﺍﻟﻤﻮﺿﻮﻉ ﻭﮔﺎﻟﺖ ﻫﻮ ﺍﺧﺘﺎﺭﻫﺎ ﻻﻥ ﺑﻨﺖ ﻋﻤﻪ ﻭﻳﻌﺮﻓﻬﺎ ﻭﻳﮕﻮﻝ ﺍﻟﺠﺎﻣﻌﻪ ﺑﻴﻬﺎ ﺍﺷﻜﺎﻝ ﺍﻟﺒﻨﺎﺕ ﺑﺲ ﻣﺎﺍﺭﺗﺎﺣﻴﺖ ﺍﻟﻬﻦ ..

ﻭﺍﺭﻳﺪ ﺣﻨﻴﻦ ﺗﺮﺑﻰ ﻉ ﺍﻳﺪﻱ ..

ﺑﺲ ﺍﺣﻨﻪ ﮔﻠﻨﺎﻟﻬﺎ ﺑﺎﺑﺎ ﻣﺎﻫﻮ ﻣﻦ ﻳﺠﻲ ﺗﻌﺎﻟﻮﺍ ..

ﺣﻨﻴﻦ .. ﻫﻤﻪ ﻳﺤﺠﻮﻥ ﻭﺍﻧﻲ ﻣﻤﺼﺪﮔﻪ .. ﻭﺍﺧﻴﺮﺍ ﻳﺎﺭﺑﻲ

ﺟﻨﺖ ﺑﺲ ﺍﺣﻠﻢ ﺑﻲ ﻭﺍﺗﺨﻴﻠﻪ ﻣﺎﺍﺗﻮﻗﻌﺖ ﻳﺠﻲ ﻳﻮﻡ ﻭﻳﺨﻄﺒﻨﻲ

ﺣﺴﻴﻦ ﺷﺨﺼﻴﻪ ﻭﺣﻠﻮ ﻣﻦ ﻫﻮ ﺻﻐﻴﺮ .. ﻫﻮ ﻫﺬﻱ ﺍﻟﺴﻨﻪ ﺧﻠﺺ ﻫﻨﺪﺳﻪ .. ﻭﻃﻤﻮﺣﻪ ﻳﻜﻤﻞ ﻣﺎﺟﺴﺘﻴﺮ ﺍﻧﻲ ﺍﺗﺒﻊ ﺍﺧﺒﺎﺭﻩ ﺩﺍﻳﻤﺎ ﻟﻮ ﻣﻦ ﻳﺴﻮﻟﻔﻮﻥ ﺍﻫﻠﻲ ﺍﺗﻨﺼﺖ ..

ﺣﺒﻴﺘﻪ ﺑﺪﺍﺧﻠﻲ ﺣﺐ ﻃﻔﻮﻟﻪ .. ﻣﻦ ﺍﻧﻲ ﻃﻔﻠﻪ ﻳﻌﻨﻲ ﺑﺎﻟﻤﺘﻮﺳﻄﻪ ﻣﻦ ﺗﺼﻴﺮ ﻣﻨﺎﺳﺒﻪ ﻭﻧﺠﺘﻤﻊ ﻋﻴﻨﻲ ﻣﺘﻔﺎﺭﻗﻪ

ﻭﻫﻮ ﺟﺎﻣﺪ ﺣﺘﻰ ﻣﺎﻳﺨﺘﻠﻂ ﻭﻱ ﺍﻟﻮﻟﺪ ..

ﺟﺎﻥ ﺷﺎﻃﺮ ﺣﻴﻞ ﻭﻛﻠﻬﺎ ﺗﺴﻮﻟﻒ ﺑﻲ ﻭﺗﻤﺪﺡ ..

ﺣﺘﻰ ﺑﺎﺑﺎ ﻛﺎﻥ ﻳﻌﺎﻳﺮ ﻣﺤﻤﺪ ﺑﻲ ..

ﺣﺘﻰ ﻣﻦ ﻛﺒﺮﻧﺎ ﻣﻦ ﻳﺠﻲ ﺍﻭ ﻧﻠﺘﻘﻲ ﺍﺑﻘﻰ ﺍﺑﺎﻭﻋﻠﻪ ﻭﻧﺴﺮﻳﻦ ﺗﮕﺮﺻﻨﻲ ﺗﮕﻠﻲ ﻧﺰﻟﻲ ﻋﻴﻨﺞ ﻋﻴﺐ ..

ﻟﻴﺸﻮﻓﺞ ﺍﺑﻮﻱ ..

ﺗﺎﻟﻲ ﻣﻦ ﺍﺟﺖ ﺁﻳﺎﺕ ﺑﻨﺖ ﻋﻤﻲ ﺍﺣﺴﺎﻥ ﻭﮔﺎﻟﺖ ﻋﺪﻧﺎ ﻋﻼﻗﻪ ﻭﻧﺤﺐ ﺑﻌﺾ ﻳﺄﺳﺖ ﻭﻧﺴﻴﺘﻪ ..

ﻭﻫﺴﺎ ﻣﻤﺼﺪﮔﺔ ﻣﻦ ﮔﺎﻟﻮﺍ ﺧﻄﺒﺞ .. ﺯﻳﻦ ﻭﺁﻳﺎﺕ ﺷﻠﻮﻥ

ﺩﺧﻠﺖ ﻟﻠﻐﺮﻓﻪ .. ﻭﺍﮔﻤﺰ ﻭﺍﻫﺰ 💃💃

ﺍﺟﺖ ﻧﺴﺮﻳﻦ ..

ﻳﺎ ﺣﻨﻴﻦ ﺷﺒﻴﺞ ﺗﺨﺒﻠﺘﻲ ﻟﻴﺸﻮﻓﺞ ﻭﺍﺣﺪ .. ﺷﻴﮕﻮﻟﻮﻥ ﻣﻤﺼﺪﮔﻪ .. ‏( ﺑﻘﻠﻤﻲ ﺷﻤﺲ ‏)

ﻭﺑﻌﺪﻳﻦ ﺍﻧﺘﻲ ﻣﻮ ﻣﺎﺗﺮﺩﻳﻦ ﺗﺘﺰﻭﺟﻴﻦ ﻟﻴﺶ ﻏﻴﺮﺗﻲ ﺭﺃﻳﺞ ﻣﻦ ﺳﻤﻌﺘﻲ ﺣﺴﻴﻦ ﺍﻟﻲ ﺧﻄﺒﺞ ..

ﺣﻨﻴﻦ .. ﻟﻴﺶ ﻫﻮ ﺣﺴﻴﻦ ﻳﻨﺮﻓﺾ ﺍﺑﻮ ﻋﻴﻮﻥ ﺍﻟﻌﺴﻠﻴﻪ ..

ﻧﺴﺮﻳﻦ .. ﺛﮕﻞ ﺷﻮﻳﻪ .. ﻟﺘﺬﺑﻴﻦ ﺭﻭﺣﺞ ﻋﻠﻴﻪ ﺧﻠﻴﺞ ﻋﺰﻳﺰﻩ ﻭﺍﺻﻼ ﺍﻧﻲ ﺣﺎﺳﻪ ﻋﻠﻴﺞ ﻣﻦ ﺯﻣﺎﻥ ﻣﻦ ﻧﻀﺮﺍﺗﺞ ﺍﻟﻪ .

ﻧﺴﻴﺖ ﻛﻠﻤﺎ ﻳﺠﻲ ﺷﻠﻮﻥ ﺍﺷﺒﻌﺞ ﺗﮕﺮﺹ ..

ﺣﻨﻴﻦ .. ﻫﻬﻬﻬﻪ ﻻ ﻣﺎﻧﺴﻴﺖ ﻟﺴﺎ ﻳﻮﺟﻌﻨﻲ 😂

ﻧﺴﺮﻳﻦ .. ﻫﻬﻬﻬﻪ ﺗﻌﺎﻟﻲ ﺍﺣﻀﻨﺞ .. ﺍﻥ ﺷﺎﺀ ﻳﺼﻴﺮ ﻣﻦ ﻧﺼﻴﺒﺞ ﻭﻳﺴﻌﺪﺝ ..

ﺣﻨﻴﻦ .. ﺍﻣﻴﻦ ﺣﺒﻴﺒﺘﻲ ﻭﺗﺤﺎﺿﻨﺎ ..

ﺗﻌﺸﻴﻨﺎ ﻭﻛﻤﻠﻨﺎ ﻭﮔﻌﺪﻧﺎ ﻉ ﺍﻟﺘﻠﻔﺰﻳﻮﻥ .. ﺍﺧﺒﺎﺭ ﻭﻟﻘﺎﺀ ﻟﻠﺮﺋﻴﺲ

ﺍﻭﻭﻭﻱ ﺷﮕﺪ ﺗﻌﺠﺒﻨﻲ ﺷﺨﺼﻴﺘﻪ ..

ﻧﺴﺮﻳﻦ .. ﺩﺳﻜﺘﻲ ﻭﻟﺞ ﺷﻮ ﻃﻠﻌﺖ ﻋﻴﻨﺞ .. ﺣﺘﻰ ﺍﻟﺮﺋﻴﺲ ﻣﺎﺳﻠﻢ ﻣﻨﺞ .

ﺣﻨﻴﻦ .. ﻫﻬﻬﻬﻪ ﻻ ﻭﻟﺞ ﺍﺷﺎﻗﻪ ﻭﺗﻌﺮﻓﻴﻨﻲ ﺑﺲ ﻳﻤﺞ . ﺍﺣﺠﻲ ﻫﺬﺍ ﺍﻟﺤﺠﻲ ..

ﺍﺷﺮﺗﻠﻬﺎ ﻉ ﻣﺎﻣﺎ ﺍﺟﺖ ﺍﺳﻜﺘﻲ ﻛﺎﻓﻲ ﺍﻟﺮﺋﻴﺲ ﺍﺟﻪ ..

ﺿﺤﻜﺖ ﻧﺴﺮﻳﻦ ..

ﻣﺎﻣﺎ ﺟﺎﻳﺒﻪ ﺻﻴﻨﻴﻪ ﺑﻴﻬﺎ ﺍﺳﺘﻜﺎﻧﺎﺕ ﻭﺍﻟﺸﻜﺮ ﻭﺍﻟﻘﻮﺭﻱ ﻣﺎﻝ ﺍﻟﺠﺎﻱ ..

ﺻﺎﺣﺖ ﺍﺧﻮﺍﻧﻲ ﻭﮔﻌﺪﻧﺎ ﻧﺸﺮﺏ ﺟﺎﻱ ﻭﺳﻮﺍﻟﻒ ﻭﺿﺤﻚ .

ﺗﺎﻟﻲ ﮔﻤﺖ ﺩﺭﺳﺖ ﻭﻧﻤﺖ .. ‏( ﺑﻘﻠﻤﻲ ﺷﻤﺲ ‏)

ﻫﺬﻱ ﺍﻻﻳﺎﻡ ﻣﺎﺍﺳﻬﺮ ﻫﻮﺍﻳﻪ ..

ﻣﺮﺕ ﺍﻻﻳﺎﻡ ﻛﺎﻟﻌﺎﺩﻩ ﺑﻴﻦ ﺍﻟﻜﻠﻴﻪ ﻭﺍﻟﺒﻴﺖ .. ﺗﻌﺐ ﻭﺩﺭﺍﺳﻪ ﺍﻟﺠﻮ ﺑﺮﺩ ﻛﻠﺶ ﻭﺍﻟﻤﻄﺮ ﺑﺪﺍ ﻳﻨﺰﻝ ..

ﺑﻌﺪ ﺍﺳﺒﻮﻋﻴﻦ ﺭﺟﻊ ﺑﺎﺑﺎ .. ﻭﺍﺣﻨﻪ ﻣﺨﺒﻮﺻﻴﻦ ﺑﺎﻟﺘﻨﻀﻴﻒ ﻭﺍﻟﺘﺤﻀﻴﺮﺍﺕ ﻣﺎﻝ ﺯﻭﺍﺝ ﻧﺴﺮﻳﻦ ..

ﻧﺴﺮﻳﻦ ﺍﺧﺬﺗﻬﺎ ﺑﻨﻴﻦ ﻭﺑﻨﺖ ﺧﺎﻟﻮ ﺍﺧﺖ ﻋﺒﺪ ﺍﻟﻠﻪ ﻟﻠﺼﺎﻟﻮﻥ .. ﻭﺍﻧﻲ ﺍﻛﺮﺏ ..

ﺍﺟﺖ ﻋﻠﻴﺎﺀ ﺗﺴﺎﻋﺪﻧﻲ ﺧﻄﻴﻪ ﺑﻴﻮﻣﻬﺎ ﺍﺛﻨﻴﻨﺎ ﻣﻤﺪﺍﻭﻣﻴﻦ

ﺳﻮﻳﻨﺎ ﺩﻭﻟﻤﻪ ﻭﺳﻮﻳﻨﺎ ﺻﻮﺍﻧﻲ ﻛﻴﻚ ﻭﺟﻬﺰﻧﺎ ..

ﺧﻄﻴﻪ ﺗﻌﺒﺖ ﻭﻳﺎﻱ .. ﺗﺎﻟﻲ ﮔﺎﻟﺖ ﺍﺫﺍ ﺧﻠﺼﺘﻲ ﺗﻌﺎﻟﻲ ﻭﻳﺎﻱ ﻋﻨﺪﻱ ﺷﻐﻠﻪ ﻭﻳﺎﺝ ..

ﺣﻨﻴﻦ .. ﻻ ﻣﺎﺍﮔﺪﺭ ﺑﻌﺪ ﻋﻨﺪﻧﺎ ﺷﻐﻞ ﻫﻮﺍﻳﻪ ..

ﻋﻠﻴﺎﺀ .. ﺗﻌﺎﻱ ﺷﻮﻳﻪ ﻣﺎﻧﺘﺄﺧﺮ .. ﮔﺎﻟﺖ ﺍﻟﻤﺎﻣﺎ ﺧﺎﻟﻪ ﺩﻗﻴﻘﺘﻴﻦ ﻭﺍﺭﺟﻌﻬﺎ ..

ﺭﺣﻨﺎ ﺍﻟﺒﻴﺘﻬﻢ ﻟﺒﺴﺖ ﺑﺲ ﺣﺠﺎﺏ ﻓﻮﮒ ﺭﺍﺳﻲ ..

ﻟﮕﻴﺖ ﺍﻣﻬﺎ ﺟﺎﻱ ﺗﺨﻴﻂ ﻓﺴﺘﺎﻥ ﻟﻮﻧﻪ ﻭﺭﺩﻱ ﻓﺎﺗﺢ ..

ﻛﻠﺶ ﺣﻠﻮ ﻭﻫﻲ ﺧﻴﺎﻃﻬﺎ ﻳﺨﺒﻞ ﻣﺜﻞ ﺍﻟﺠﺎﻫﺰ .

ﺍﻡ ﻋﻠﻴﺎﺀ .. ﺗﻌﺎﻱ ﻣﺎﻣﺎ ﺣﻨﻮﻧﻪ ﺍﻟﺒﺴﻲ ﻫﺬﺍ ﺣﺘﻰ ﺍﺷﻮﻓﻪ ﺧﺎﻑ ﻋﺮﻳﺾ ﺍﻭ ﺿﻴﻖ ..

ﺣﻨﻴﻦ .. ﻟﺒﺴﺘﻪ ﻋﺒﺎﻟﻲ ﺑﻨﻴﻪ ﻧﻔﺲ ﻗﻴﺎﺳﻲ ﻭﻳﮕﺪﺭﻭﻩ ﻋﻠﻴﻪ

ﻋﻠﻴﺎﺀ .. ﻳﺎﻱ ﻳﺨﺒﻞ ﻋﻠﻴﺞ ﻃﺎﻟﻊ ﺑﻠﻌﺎﻓﻴﻪ ﺣﺒﻴﺒﺘﻲ ..

ﺍﺳﺘﻐﺮﺑﺖ ﺷﻨﻮ ﺍﻟﺴﺎﻟﻔﻪ

... 

يتبع

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤