رواية صرخات أنثى الجزء الثاني

رواية صرخات أنثى الجزء الثاني 

للكاتبة شمس 

. 

. 

ﺍﺳﺘﻐﺮﺑﺖ ﺷﻨﻮ ﺑﺎﻟﻌﺎﻓﻴﻪ ..

ﺑﺎﻭﻋﺖ ﺍﻟﻌﻠﻴﺎﺀ .. ﮔﺎﻟﺖ ﺭﺩﺕ ﺍﺳﻮﻳﻬﺎ ﻣﻔﺎﺟﺄﺓ ﻭﺍﻧﻄﻴﺠﻴﺎﻩ ﺑﻴﻮﻡ ﺍﻟﺤﻨﻪ ..

ﺑﺲ ﻣﺎﻣﺎ ﮔﺎﻟﺖ ﺧﺎﻑ ﻣﻴﺼﻴﺮ ﻉ ﻗﻴﺎﺳﻬﺎ ..

ﺣﻨﻴﻦ .. ﺣﻀﻨﺘﻬﺎ ﻟﻴﺶ ﺗﺴﻮﻳﻦ ﻫﻴﺞ .

ﻋﻠﻴﺎﺀ .. ﺍﻧﺘﻲ ﺍﻟﻲ ﻻ ﺗﺴﻮﻳﻦ ﻫﻴﺞ ﺍﺣﻨﺎ ﺍﺧﻮﺍﺕ ﻭﻣﺎﺑﻴﻨﺎﺗﻨﺎ ﺧﺠﻞ .. # ﺷﻤﺲ

ﺍﻟﺜﻮﺏ ﻳﺨﺒﻞ ﻋﻠﻴﻪ .. ﺍﻟﺼﺪﺭ ﻣﻔﺘﻮﺡ ﻭﺑﻲ ﻓﺘﺤﻪ ﻣﻦ ﺍﻟﺼﻔﺤﻪ ﻭﻣﺨﺼﺮ ﻭﻫﻮ ﺭﺩﻥ ﻳﺨﺒﻞ ..

ﺭﺟﻌﺖ ﻟﻠﺒﻴﺖ ﻓﺮﺣﺎﻧﻪ .. ﻣﺎﻣﺎ ﺗﺒﺘﺴﻢ ..

ﮔﺎﻟﺖ ﺑﺎﻟﻌﺎﻓﻴﻪ

ﺣﻨﻴﻦ .. ﻳﻌﻨﻲ ﺍﻧﺘﻲ ﺗﺪﺭﻳﻦ ﻭﺳﺎﻛﺘﻪ

ﻫﻬﻬﻬﻪ ﺍﻱ ﺍﺩﺭﻱ ﺑﺲ ﻋﻠﻴﺎﺀ ﮔﺎﻟﺖ ﺗﺮﻳﺪﻫﺎ ﻣﻔﺎﺟﺄﺓ ..

ﻭﺍﻧﻲ ﺍﺻﻼ ﻧﺎﻭﻳﻪ ﺍﺷﺘﺮﻳﻠﺞ ﻗﻤﺎﺵ ﻭﺍﺧﻴﻄﻪ ﺍﻟﺞ ..

ﺑﺲ ﺻﺪﻳﻘﺘﺞ ﺳﺒﻘﺘﻨﻲ .. # ﺷﻤﺲ

ﻳﻤﻪ ﺑﻌﺪ ﺭﻭﺣﻲ ﺻﺪﻳﻘﺘﻲ ﻭﺍﺧﻴﺘﻲ ..

ﻣﺎﻣﺎ .. ﺍﻟﻠﻪ ﻳﺤﻔﻀﺠﻦ ﻭﻳﺪﻳﻢ ﺍﻟﺨﻮﻩ ﺑﻴﻨﺠﻦ

ﺍﺟﺖ ﻧﺴﺮﻳﻦ ﻣﻦ ﺍﻟﺼﺎﻟﻮﻥ ﺻﺎﺑﻐﻪ ﺷﻌﺮﻫﺎ ﻭﺣﺎﻓﻪ ﻭﺟﻬﻬﺎ .

ﻃﺎﻟﻌﻪ ﺗﺨﺒﻞ ﺷﻜﻞ ﺛﺎﻧﻲ .

ﻻﻥ ﺍﺣﻨﻪ ﻣﻨﺤﻒ ﺍﻻ ﻟﻠﺰﻭﺍﺝ ..

ﺣﻀﻨﺘﻬﺎ ﻭﻛﺎﻟﻌﺎﺩﻩ ﺑﻘﻴﻨﺎ ﻧﺒﺠﻲ .. ﻭﻫﻲ ﺗﮕﻠﻲ ﻟﺘﺒﺠﻴﻦ ﻫﻢ ﺍﻧﺘﻲ ﺭﺍﺡ ﺗﺘﺰﻭﺟﻴﻦ ﻭﺗﻨﺴﻴﻨﻲ .

ﺣﻨﻴﻦ .. ﻭﻳﻦ ﺍﺗﺰﻭﺝ ﺍﺷﻮ ﺑﺎﺑﺎ ﺻﺎﺭﻟﻪ ﻳﻮﻣﻴﻦ ﻣﻦ ﺍﺟﻪ ﻭﻫﻤﻪ ﻣﺎﻛﻮ ﻟﺴﺎ ﻣﺎﺍﺟﻮ ..

ﻧﺴﺮﻳﻦ .. ﻫﻬﻬﻬﻪ ﻭﺷﺪﻋﻮﻩ ﻣﺴﺘﻌﺠﻠﻪ .. ﻳﺪﺭﻭﻥ ﺯﻭﺍﺟﻲ ﻭﻣﺸﻐﻮﻟﻴﻦ ﺑﺲ ﻳﺨﻠﺺ ﺍﻟﺰﻭﺍﺝ ﺗﻠﮕﻴﻬﻢ ﻓﻮﮒ ﺭﺍﺳﻨﺎ ..

ﺣﻨﻴﻦ .. ﻫﻬﻬﻬﻪ ﺻﺪﮒ ﺗﻌﺎﻱ ﺍﺭﺍﻭﻳﺞ ﺍﻟﻔﺴﺘﺎﻥ ﺍﻟﻲ ﺧﻴﻄﺘﻪ ﻋﻠﻴﺎﺀ ﺍﻟﻲ ..

ﻧﺴﺮﻳﻦ .. ﻳﺎﻱ ﻳﺨﺒﻞ ﺑﺎﻟﻌﺎﻓﻴﻪ .. ﻟﻮ ﻫﻴﺞ ﺍﻟﺼﺪﻳﻘﺎﺕ ﻟﻮ ﻣﺎﻛﻮ ﻫﻬﻬﻬﻪ . # ﺷﻤﺲ

ﺧﻠﺼﻨﺎ ﺗﺤﻀﻴﺮﺍﺕ ﻭﺑﺎﺟﺮ ﺍﻟﺤﻨﻪ .. ﻛﻤﻠﻨﺎ ﻛﻠﺸﻲ ﺣﻤﻴﺖ ﻣﻲ ﻭﺳﺒﺤﺖ ﺑﺎﻟﻠﻴﻞ ..

ﺷﺴﻮﺭﺗﻠﻲ ﺷﻌﺮﻱ ﻧﺴﺮﻳﻦ ﻫﻮ ﻃﻮﻳﻞ ﺗﻌﺒﻬﺎ ..

ﺗﺎﻟﻲ ﻛﻮﺗﻪ ﺍﻟﻲ ﺑﺎﻻﻭﺗﻲ ..

ﺻﺎﺭ ﻳﺨﺒﻞ ..

ﺛﺎﻧﻲ ﻳﻮﻡ ﻫﻢ ﺗﺤﻀﻴﺮﺍﺕ ﻭﻏﺪﺍ ﺍﺣﻨﻪ ﻣﺴﻮﻳﻦ ﺩﻭﻟﻤﻪ ﻭﻣﺎﻣﺎ ﻃﺒﺨﺖ ﻭﻳﺎﻩ ﺗﻤﻦ ﻭﻣﺮﮒ ..

ﻻﻥ ﺍﺟﻮ ﺧﺎﻻﺗﻲ ﻭﺑﻨﺎﺗﻬﻢ ﻭﻋﻤﺎﺗﻲ ﺍﻟﺒﻴﺖ ﻫﻮﺳﻪ ..

ﺭﺍﺣﺖ ﻧﺴﺮﻳﻦ ﻟﻠﺼﺎﻟﻮﻥ ﻫﻲ ﻭﺍﺑﺘﻬﺎﻝ ﺑﻨﺖ ﺧﺎﻟﻮ ..

ﺑﺲ ﺑﻨﻴﻦ ﺑﻘﺖ ﺗﺴﺎﻋﺪﻧﺎ .. # ﺷﻤﺲ

ﺧﻠﺼﻨﺎ ﻏﺪﺍ ﺑﺪﻟﺖ ﻭﻟﺒﺴﺖ ﻓﺴﺘﺎﻧﻲ ﻳﺨﺒﻞ ﻛﻠﻬﺎ ﺗﻌﺠﺒﺖ ﻋﻠﻴﻪ

ﻭﺷﻌﺮﻱ ﺟﺒﺘﻪ ﺻﻔﺢ ﻉ ﻣﺘﻨﻲ ..

ﺍﺟﺖ ﻣﺮﺕ ﻋﻤﻮ ﻓﻴﺼﻞ ﺍﻡ ﺣﺴﻴﻦ ..

ﺷﺎﻓﺘﻨﻲ ﺍﺑﺘﺴﻤﺖ .. ﮔﺎﻟﺖ ﻣﺎﺷﺎﺀ ﺍﻟﻠﻪ ﺷﻄﺎﻟﻌﻪ ﻋﺒﺎﻟﻲ ﺍﻧﺘﻲ ﺍﻟﻌﺮﻭﺱ ..

ﺍﻧﻲ ﺛﮕﻠﺖ ﻭﺣﺴﺒﺖ ﺣﺴﺎﺏ ﺍﻟﺘﺼﺮﻓﺎﺗﻲ ﮔﺪﺍﻣﻬﺎ ..

ﺍﺟﺖ ﻧﺴﺮﻳﻦ ﺗﺨﺒﻞ ﻃﺎﻟﻌﻪ ﺣﺒﻴﺒﺘﻲ ..

ﻭﺍﻣﻲ ﺑﺲ ﺗﺒﺎﻭﻋﻠﻨﺎ ﻭﺗﻘﺮﺃ ﺍﻟﻤﻌﻮﺫﺍﺕ ﺗﺨﺎﻑ ﻣﻦ ﻋﻤﺎﺗﻲ ﻟﻴﺤﺴﺪﻥ ﻫﻬﻬﻬﻪ ..

ﺗﻮﻧﺴﻨﺎ ﻭﺭﮔﺼﻨﺎ ﻭﺯﻋﻨﺎ ﻛﻴﻚ ﻭﺑﺒﺴﻲ ﺑﻄﺎﻟﻪ .. ﺍﻛﻠﻮﺍ ﺧﻠﺼﻮﺍ ﻃﻠﻌﻮﺍ .. # ﺷﻤﺲ

ﺑﻘﻮﺍ ﻗﻠﻴﻠﻴﻦ .. ﺭﺍﺩﺕ ﻋﻠﻴﺎﺀ ﺗﻄﻠﻊ ﻫﻲ ﻭﺍﻣﻬﺎ ..

ﻟﺒﺴﺖ ﺣﺠﺎﺑﻲ ﻉ ﺭﺍﺳﻲ . ﻭﻃﻠﻌﺖ ﺍﻭﺻﻠﻬﻢ ..

ﺑﻮﺳﺘﻬﻦ ﻭﻃﻠﻌﻦ ﺭﺩﺕ ﺍﺩﺧﻞ ﺍﻧﺪﮔﺖ ﺍﻟﺒﺎﺏ ..

ﻋﺒﺎﻟﻲ ﻋﻠﻴﺎﺀ ﺭﺟﻌﺖ ..

ﻓﺘﺤﺘﻬﺎ ﻛﻠﻬﺎ ﻭﺍﺑﺘﺴﻢ ..

ﺷﻔﺖ ﻋﻤﻮ ﻭﺣﺴﻴﻦ ﺑﺎﻟﺒﺎﺏ ..

ﻭﻫﻮ ﻳﺒﺎﻭﻋﻠﻲ ﻣﻦ ﻓﻮﮒ ﻟﺠﻮﻩ ﻭﻳﻀﺤﻚ ..

ﺍﺳﺘﺤﻴﺖ ﻏﻄﻴﺖ ﺭﻭﺣﻲ ﺑﺎﻟﺤﺠﺎﺏ .. ﻭﮔﻠﺘﻠﻬﻢ ﺍﺩﺧﻠﻮﺍ ﻣﺎﻛﻮ ﺍﺣﺪ ﻏﺮﻳﺐ ﺟﻮﻩ ..

ﻣﺸﻴﺖ ﮔﺪﺍﻣﻬﻢ ﻓﺘﺤﺖ ﺍﻻﺳﺘﻘﺒﺎﻝ ..

ﺑﺲ ﮔﻠﺖ ﺍﺟﻪ ﻋﻤﻮ ﻓﻴﺼﻞ ﻭﺣﺴﻴﻦ .. ﻫﻬﻬﻬﻪ ﻛﻠﻬﻦ ﺗﻄﺎﻓﺮﻥ ﺣﺘﻰ ﻧﺴﺮﻳﻦ ﺷﺎﻳﻠﻪ ﺑﺪﻟﺘﻬﺎ ﻭﺗﺮﻛﺾ ..

ﻣﻮﻗﻒ ﻣﺎﺍﻧﺴﺎﻩ ..

ﺩﺧﻠﻮﺍ ..

ﺍﻧﻲ ﺩﺧﻠﺖ ﻭﻟﺒﺴﺖ ﺩﺷﺪﺍﺷﻪ ﻭﻟﻔﻴﺖ ﺷﻌﺮﻱ ..

ﻭﻃﻠﻌﻨﺎ ﺑﺴﺮﻋﻪ .. # ﺷﻤﺲ

ﻻﻥ ﻣﺎﻣﺎ ﮔﺎﻟﺖ ﺭﺍﺡ ﻳﺒﻘﻮﻥ ﻉ ﺍﻟﻌﺸﺎ ..

ﺍﻟﺘﻤﻴﻨﺎ ﺍﻟﺒﻨﺎﺕ .. ﻭﺣﺪﻩ ﺗﺴﻮﻱ ﺑﺘﻴﺘﻪ ﻭﻭﺣﺪﻩ ﺑﺎﺩﻧﺠﺎﻥ ﻭﻭﺣﺪﻩ ﺗﮕﻠﻲ ﻃﻤﺎﻃﻪ .. ﻭﺳﻮﻳﻨﺎ ﻛﺒﺎﺏ ﻋﺮﻭﮒ ﻭﺧﻀﺮﻩ

ﺍﻟﺘﻤﺖ ﺍﻟﺴﻔﺮﻩ .. ﻓﺮﺷﻨﺎﻫﺎ ﻉ ﻃﻮﻟﻬﺎ ..

ﻭﻛﻠﻬﺎ ﮔﺎﻋﺪﻩ ﻭﻟﻤﻪ ﺣﻠﻮﻩ ﻭﺳﻮﺍﻟﻒ ﻭﺿﺤﻚ ﻭﺑﺎﺑﺎ ﻳﺴﻮﻟﻔﻠﻬﻢ ﻉ ﺍﻟﺠﻴﺶ ..

ﺑﺲ ﺍﻧﻲ ﺍﺳﺘﺤﻲ ﺍﻛﻞ .. ﻻﻥ ﺣﺴﻴﻦ ﺻﺎﻳﺮ ﻣﻘﺎﺑﻴﻠﻲ ﻭﻛﻞ ﺳﺎﻋﻪ ﻳﺮﻓﻊ ﻋﻴﻨﻪ ﻭﻳﺒﺎﻭﻉ ..

ﻭﺍﻧﻲ ﺍﺳﺘﺤﻲ ﻣﻤﺘﻮﻗﻌﻪ ﻫﺬﺍ ﺍﻟﺠﺎﻣﺪ ﻫﻴﺞ ﻳﺴﻮﻱ .. ﻭﻧﺴﺮﻳﻦ ﺗﻀﺤﻚ ﻋﻠﻴﻪ ﻃﺒﻌﺎ ﻣﺤﺪ ﻳﻌﺮﻑ ﻣﻦ ﻋﻤﺎﺗﻲ ﻭﺧﺎﻻﺗﻲ ﻻﻥ ﺟﺎﻧﻮﺍ ﻣﻨﺘﻀﺮﻳﻦ ﺑﺎﺑﺎ ﺣﺘﻰ ﻳﻔﺘﺤﻮﻥ ﺍﻟﻤﻮﺿﻮﻉ ..

ﺧﻠﺼﻨﺎ ﻋﺸﺎ . ﮔﺎﻝ ﺑﺎﺑﺎ ﺟﺎﻱ ﺑﺴﺮﻋﻪ ..

ﺳﻮﻳﻨﺎ ﺟﺎﻱ ﻭﻏﺴﻠﻨﺎ ﻣﻮﺍﻋﻴﻦ ﺑﻨﺎﺕ ﺧﺎﻻﺗﻲ ﺭﺍﺣﻮﺍ ﺍﻟﺒﻴﺖ ﺧﺎﻟﻮﺍ ﻋﻤﻮﺩ ﺣﻨﻪ ﺍﻟﻮﻟﺪ ..

ﺑﺲ ﺑﻨﺎﺕ ﻋﻤﺎﺗﻲ ﻭﺍﻳﺎﺕ ﻫﻢ ﻫﻨﺎ .. ﻭﻛﻨﺖ ﺧﺎﻳﻔﻪ ﻻﻥ ﻫﻲ ﻣﻮﺟﻮﺩﻩ ..

ﺟﺎﻱ ﺍﺻﺐ ﺑﺎﻟﺠﺎﻱ ﻭﻫﻲ ﺗﺨﻠﻲ ﺷﻜﺮ .. ﮔﻠﺘﻠﻬﺎ ﺍﻳﺎﺕ ﺑﻌﺪﺝ ﻋﻨﺪﺝ ﻋﻼﻗﻪ ﺑﺤﺴﻴﻦ ..

ﺍﻳﺎﺕ .. ﻳﺎ ﻫﺬﺍ ﺍﻟﻤﻐﺮﻭﺭ ﺧﻠﻲ ﻳﻮﻟﻲ .. ﺍﺻﻼ ﻣﺎﺍﺣﺐ ﻫﻴﺞ ﻧﻤﺎﺫﺝ ..

ﺣﺴﻴﺘﻬﺎ ﺿﺎﻳﺠﻪ ﻣﻨﻪ ﺑﺲ ﻣﺎﺍﻋﺮﻑ ﺷﻨﻮ ﺍﻟﺴﺒﺐ ﺳﻜﺘﺖ ..

ﺍﺧﺬﺕ ﺍﻟﺠﺎﻱ ﻗﺪﻣﺘﻠﻬﻢ .. # ﺷﻤﺲ

ﻋﻤﻮ ﻓﻴﺼﻞ ﮔﺎﻝ ﺗﻌﺎﻟﻲ ﺣﻨﻴﻦ ﺍﮔﻌﺪﻱ ﺑﺎﺑﺎ .. ﺍﺭﻳﺪ ﺍﺣﺠﻲ ﻭﻱ ﺍﺑﻮﺝ ﺑﻤﻮﺿﻮﻉ ﺣﺘﻰ ﻧﺎﺧﺬ ﺭﺃﻳﺞ ..

ﻣﺎﻣﺎ ﺍﻛﻴﺪ ﮔﺎﻟﺖ ﺍﻟﺒﺎﺑﺎ ﻭﻋﻨﺪﻩ ﻋﻠﻢ ..

ﺣﺠﻪ ﻋﻤﻮ ﻭﮔﺎﻝ ﺣﺴﻴﻦ ﻳﺮﻳﺪ ﺣﻨﻴﻦ ﻭﺑﻨﺖ ﻋﻤﻪ ﻭﻳﻌﺮﻓﻬﺎ ﻭﺍﺣﺴﻦ ﻣﻦ ﺍﻟﻐﺮﻳﺐ ..

ﺍﻧﻲ ﺍﺣﺲ ﻗﻄﺮﺓ ﺩﻡ ﻣﺎﺑﻴﻪ ..

ﺑﺎﺑﺎ .. ﮔﺎﻝ ﺣﺴﻴﻦ ﻭﻟﻴﺪﻱ ﻭﺍﻓﺘﺨﺮ ﺑﻲ .. ﻭﺍﻟﺘﻔﺖ ﻋﻠﻴﻪ ﺍﻧﺘﻲ ﺷﻨﻮ ﺭﺃﻳﺞ ﺑﺎﺑﺎ ..

ﺍﻧﻲ ﺳﻜﺘﺖ ﻭﺩﻧﮕﺖ ..

ﻣﺤﻤﺪ .. ﮔﺎﻝ ﻃﺎﺭ ﺍﻟﻠﺴﺎﻥ

ﺧﺰﺭﻩ ﺑﺎﺑﺎ ﺳﻜﺖ .. ﺷﮕﺪ ﻣﻜﺮﻭﻩ #.. ﺷﻤﺲ

ﻋﻤﻮ ﮔﺎﻝ .. ﻟﺘﺴﺘﺤﻴﻦ ﺑﺎﺑﺎ ﺍﺣﺠﻲ ﻣﻮﺍﻓﻘﻪ ﺍﻭ ﻻ

ﺣﻨﻴﻦ .. ﺑﻜﻴﻔﻜﻢ

ﻋﻤﺘﻲ ﮔﺎﻟﺖ ﺍﻟﺴﻜﻮﺕ ﻋﻼﻣﻪ ﺍﻟﺮﺿﺎ ﻣﻮ ﺣﻨﻴﻦ

ﺍﺑﺘﺴﻤﺖ

ﻫﻠﻬﻠﺖ ﻣﺮﺕ ﻋﻤﻮ .

ﮔﺎﻟﺖ ﺧﻠﺺ ﺍﻟﺠﻤﻌﻪ ﺍﻟﺠﺎﻳﻪ ﺍﻟﻌﻘﺪ ﺍﺣﻨﻪ ﻣﺮﺗﺒﻴﻦ ﺍﻣﻮﺭﻧﺎ ﻭﺍﻟﺬﻫﺐ ﻣﺸﺘﺮﻳﻪ ﺑﺲ ﺍﻟﺤﻠﻘﺎﺕ ﻧﺎﺧﺬﻫﻢ ﻳﺸﺘﺮﻭﻥ

ﻭﺣﻨﻮﻧﻪ ﺑﻨﻴﺘﻲ ﺣﺘﺼﻴﺮ ﻭﺍﻭﻝ ﺟﻨﺎﻳﻨﻲ ﻭﺍﻟﻲ ﺗﺮﻳﺪﻩ ﻳﺠﻴﻬﺎ

ﺍﺣﺲ ﺍﻟﻔﺮﺣﻪ ﻣﺴﺎﻳﻌﺘﻨﻲ ﻭﺣﺴﻴﻦ ﻳﺒﺎﻭﻋﻠﻲ ﻭﻳﻀﺤﻚ ﺍﻣﻲ ﻣﺎﺍﺗﺤﻤﻠﺖ ﮔﻤﺖ ﻟﻠﻤﻄﺒﺦ ..

ﻛﻞ ﺍﻟﺒﻨﺎﺕ ﺑﺎﺭﻛﻠﻲ ﻭﺑﻮﺳﻨﻲ ﺍﻻ ﺍﻳﺎﺕ ..

ﺍﻳﺎﺕ .. ﺍﮔﻮﻝ ﺳﺄﻟﺘﻴﻨﻲ ﺗﺎﻟﻲ ﻣﻮ ﺧﺎﻟﻴﻪ .. ﻭﻳﻤﻜﻦ ﻋﺎﻓﻨﻲ ﻣﻦ ﻭﺭﺍﺝ ﻫﺎﻱ ﻣﻦ ﻳﻤﺘﻪ ﻋﻼﻗﺘﺞ ﺍﻧﺘﻲ ﻭﻳﺎﻩ ..

ﺣﻨﻴﻦ .. ﺍﻧﻲ ﻣﻮ ﻣﺎﻝ ﻋﻼﻗﺎﺕ ﺍﻳﺎﺕ ﺍﻟﻲ ﻳﺮﻳﺪﻧﻲ ﻳﺠﻲ ﻳﺨﻄﺒﻨﻲ ﻣﻮ ﻳﺘﻮﻧﺲ ﻭﺑﺲ ..

ﺗﺮﻛﺘﻬﺎ ﻭﺭﺣﺖ ﻟﻠﻐﺮﻓﻪ .. ﺿﻴﻌﺖ ﻓﺮﺣﺘﻲ ..

ﻃﻠﻌﻮﺍ ﺑﻴﺖ ﻋﻤﻮ .. ﻭﺍﺣﻨﻪ ﺍﻟﺒﻨﺎﺕ ﺑﻘﻴﻨﺎ ﻟﻠﺼﺒﺢ ﻧﺴﻮﻟﻒ ﺩﻭﺭ ﺍﻟﻜﻬﺮﺑﺎﺀ ﺍﻧﻄﻔﺖ ﻭﺑﻘﻴﻨﺎ ﻉ ﺍﻟﻼﻟﻪ ..

ﻭﻧﺨﻄﻂ ﺷﻨﻮ ﺍﻟﺒﺲ ﺑﺎﻟﻌﻘﺪ ﺣﺎﻳﺮﻩ ..

ﺗﺎﻟﻲ ﻗﺮﺭﺕ ﺃﺍﺟﺮ ﺑﺪﻟﻪ ﻭﻓﺴﺘﺎﻥ ..

ﺑﻘﻴﻦ ﻧﺎﻳﻤﻪ ﺑﻔﺮﺍﺷﻲ ﻭﺍﺷﻜﺮ ﻭﺍﺣﻤﺪ ﺍﻟﻠﻪ ﻉ ﺳﻌﺎﺩﺗﻲ ..

ﺍﺣﺲ ﻧﻔﺴﻲ ﻣﺤﻈﻮﻇﻪ ..

ﻻﻥ ﻣﻦ ﺍﻧﻲ ﺻﻐﻴﺮﻩ ﻟﺴﺎ ﻛﻞ ﺍﻟﻲ ﺍﺗﻤﻨﺎﻩ ﻳﺼﻴﺮ .. ﻣﺎﻋﺪﺍ ﺍﻟﻔﻨﻮﻥ ﺍﻟﺠﻤﻴﻠﻪ 😡

ﻧﺴﻴﻨﺎ ﺑﺎﺟﺮ ﺯﻭﺍﺝ ﻧﺴﺮﻳﻦ ..

ﺛﺎﻧﻲ ﻳﻮﻡ .. ﺍﻟﺘﻬﻴﻨﺎ ﺑﺎﻟﺰﻭﺍﺝ .. ﻭﻫﻢ ﺧﻄﺎﺭ ﻭﻫﻮﺳﻪ ﺍﺟﻮ ﺍﻟﺼﺒﺢ ﺍﺧﺬﻭﺍ ﻣﻼﺑﺴﻬﺎ ﻟﻠﺒﻴﺖ ..

ﻛﻤﻠﻨﺎ ﻏﺪﺍ ﻭﺑﺪﻟﻨﺎ ﻭﻣﻨﺘﻀﺮﻳﻦ ﺍﻟﻌﺮﻭﺱ ﺗﺠﻲ ﻣﻦ ﺍﻟﺼﺎﻟﻮﻥ

.... 

ﺍﺟﺖ ﺍﻟﻌﺮﻭﺳﻪ ﻃﺎﻟﻌﻪ ﺗﺨﺒﻞ .. ﮔﻀﻴﻨﺎﻫﺎ ﺩﮒ ﻭﺭﮔﺺ ﺻﺤﻴﺢ ﺭﺍﺡ ﻳﺒﻘﻰ ﻣﻜﺎﻧﻬﺎ ﻓﺎﺭﻍ ﻭﻭﺣﺸﻪ ﻋﻠﻴﻬﺎ ﺍﻟﺒﻴﺖ ﻭﺍﻟﻐﺮﻓﻪ

ﺑﺲ ﺍﻫﻢ ﺷﻲ ﺳﻌﺎﺩﺗﻬﺎ ..

ﻣﺮﺕ ﻋﻤﻮ ﺍﻧﻄﺖ ﺍﻟﺨﺒﺮ .. ﻭﮔﺎﻟﺖ ﺍﻟﺤﺎﻇﺮ ﻳﻌﻠﻢ ﺍﻟﻐﺎﻳﺐ ﺍﻻﺳﺒﻮﻉ ﺍﻟﺠﺎﻱ ﻳﻮﻡ ﺍﻟﺠﻤﻌﻪ .. ﻋﻘﺪ ﺣﺴﻴﻦ ﻭﺣﻨﻴﻦ ..

ﺍﻧﻲ ﺍﺳﺘﺤﻴﺖ ..

ﻭﺧﺎﻻﺗﻲ ﺑﻮﺳﻨﻲ ﻭﺑﺎﺭﻛﻦ .. # ﺷﻤﺲ

ﺷﻮﻳﺔ ﮔﺎﻟﻮﺍ ﺍﺟﺖ ﺍﻟﺰﻓﻪ ﻭﻧﺴﺮﻳﻦ ﮔﺎﻣﺖ ﺗﺮﺟﻒ ..

ﻭﺍﻧﻲ ﺍﺿﺤﻚ ﻋﻠﻴﻬﺎ ..

ﻧﺴﺮﻳﻦ .. ﺍﻱ ﺧﻠﻲ ﻧﺸﻮﻓﺞ ﻣﻦ ﺗﺘﺰﻭﺟﻴﻦ

ﺩﺧﻞ ﻋﺒﺪ ﺍﻟﻠﻪ ﺑﺎﺳﻬﺎ ﺑﮕﺼﺘﻬﺎ ..

ﻋﻨﺪﻱ ﻛﺎﻣﻴﺮﺍ ﺍﻡ ﺍﻟﻔﻠﻢ .. ﺍﺧﺬﺗﻠﻬﻢ ﻟﻘﻄﺎﺕ ﻫﻮﺍﻳﻪ

ﺗﺎﻟﻲ ﻟﺒﺴﻮﻫﺎ ﺍﻟﺒﺮﮔﻊ ..

ﻭﻃﻠﻌﻮﺍ .. ﻭﺍﻟﻮﻟﺪ ﻭﺩﮒ ﻭﺭﮔﺺ

ﺍﻧﻲ ﺍﺧﺬﺕ ﻏﺮﺍﺿﻬﺎ ﺍﻟﺒﻘﻴﻪ ﻭﺻﻌﺪﻧﺎ ﺑﺎﻟﺴﻴﺎﺭﻩ ..

ﻓﺮﻭﻧﺎ ﺷﻮﻳﻪ ..

ﻭﺍﺧﺬﻭﻧﺎ ﻟﻠﺒﻴﺖ ..

ﺩﺧﻠﺖ ﺍﻟﻐﺮﻓﺘﻬﺎ ﻭﺭﺗﺒﺖ ﻏﺮﺍﺿﻬﺎ ..

ﺗﻌﺸﺖ ﺍﻟﻨﺎﺱ ﻭﺯﻓﻮﻫﻢ ﻟﻠﻐﺮﻓﻪ ..

ﻭﺭﺟﻌﻨﺎ ﻛﻞ ﻭﺍﺣﺪ ﺍﻟﺒﻴﺘﻪ ..

ﻭﺻﻠﻮﻧﻲ ﺑﻴﺖ ﺧﺎﻟﺘﻲ .. ﻭﺧﺎﻟﺘﻲ ﺗﮕﻠﻲ ﺭﺩﺗﺞ ﺍﻻﺑﻨﻲ ﻣﻨﺘﻀﺮ ﺑﺲ ﻳﻠﻪ ﻫﻲ ﻗﺴﻤﻪ .. # ﺷﻤﺲ

ﺿﺠﺖ ﺣﻴﻞ ﻣﻨﺘﻀﺮ ﺯﻋﻄﻮﻁ ﻭﻣﺪﻟﻞ ﻻﻥ ﺍﻟﻮﺣﻴﺪ ﻋﻨﺪﻫﺎ ..

ﺑﺲ ﻛﻮﻥ ﺍﻭﺻﻞ ﻟﻠﺒﻴﺖ ﻭﺍﺧﻠﺺ ..

ﻭﻣﺎﺻﺪﮔﺖ ﻭﺻﻠﺖ ..

ﺩﺧﻠﺖ .. ﻟﮕﻴﺖ ﻣﺎﻣﺎ ﺗﺒﺠﻲ .. ﺣﻀﻨﺘﻬﺎ ﻭﺑﻮﺳﺘﻬﺎ

ﻳﻮﻡ ﺍﻧﻲ ﻳﻤﺞ .. ﺍﺩﻋﻴﻠﻬﺎ ﺗﺮﺗﺎﺡ ﺑﺤﻴﺎﺗﻬﺎ

ﻣﺎﻣﺎ .. ﻭﺍﻧﺘﻲ ﻫﻢ ﺍﻧﺨﻄﺒﺘﻲ ﻭﺭﺍﺡ ﺗﺘﺰﻭﺟﻴﻦ ..

ﺣﻨﻴﻦ .. ﺑﻄﻠﺖ ﻣﺎﺍﺗﺰﻭﺝ

ﻣﺎﻣﺎ .. ﻻ ﻳﻤﻪ ﻫﺎﻱ ﻗﺴﻤﺘﺠﻦ ﻭﻣﺎﻛﻮ ﺍﻡ ﻣﺎﺗﻔﺮﺡ ﺍﻟﺒﻨﺎﺗﻬﺎ ﻭﻣﺪﺍﻡ ﻣﺮﺗﺎﺣﺎﺕ ﻭﻣﻮ ﻋﻨﺪ ﻏﺮﺑﻪ .

ﻫﺬﺍ ﻫﻮ .. ﻋﺒﺪﺍﻟﻠﻪ ﻓﻘﻴﺮ ﻭﺣﺒﺎﺏ

ﻭﺣﺴﻴﻦ ﻫﻢ ﺧﻮﺵ ﻭﻟﺪ ﻭﻳﺤﺎﻓﻆ ﻋﻠﻴﺞ ..

ﺑﻌﺪ ﺷﺄﺭﻳﺪ ﻣﻦ ﺍﻟﺪﻧﻴﺎ .. # ﺷﻤﺲ

ﺍﺟﻪ ﺑﺎﺑﺎ ﺳﺄﻟﻨﻲ ﻋﻦ ﻧﺴﺮﻳﻦ ﮔﻠﺘﻠﻪ ﺯﻳﻨﻪ ..

ﻭﺩﺧﻠﺖ ﻟﻠﻐﺮﻓﻪ ..

ﺍﺣﺴﻬﺎ ﻇﻠﻤﻪ ﺑﻼ ﻧﺴﺮﻳﻦ .. ﻫﻲ ﺍﻟﻲ ﻣﺨﻠﻴﻪ ﻃﻌﻢ ﻟﻠﻐﺮﻓﻪ

ﻫﺴﺎ ﻭﺣﺪﻱ ﺍﻟﻤﻦ ﺍﺷﻜﻲ ﻭﺍﺳﻮﻟﻒ ﺑﻌﺪ ..

ﺣﺘﻰ ﺗﻠﻔﻮﻥ ﺍﺭﺿﻲ ﻣﺎﻋﺪﻧﺎ ﺍﺗﺼﻞ ﻋﻠﻴﻬﺎ ..

ﺍﻻ ﺍﺭﻭﺡ ﺍﻟﻌﻠﻴﺎﺀ ..

ﻫﻔﻔﻔﻒ ﺧﻠﻴﺖ ﺭﻭﺣﻲ ﻉ ﺍﻟﻤﺨﺪﻩ ﻣﺎﺣﺴﻴﺖ ﺑﺮﻭﺣﻲ ﻣﻦ ﺍﻟﺘﻌﺐ ﺻﺎﺭ ﻛﻢ ﻳﻮﻡ ﻧﻔﺲ ﺍﻟﺘﻌﺐ ﻭﺍﻟﺮﻛﻀﻪ ..

ﻫﻤﺰﻳﻦ ﺑﺎﺟﺮ ﺟﻤﻌﻪ ﻭﺍﺭﺗﺎﺡ .. # ﺷﻤﺲ

ﺛﺎﻧﻲ ﻳﻮﻡ ﮔﻌﺪﺕ ﻛﻤﻠﺖ ﺷﻐﻠﻲ ﻭﻧﻀﻔﺖ .. ﺭﺣﺖ ﺟﺒﺖ ﺍﻟﻤﺤﺎﻇﺮﺍﺕ ﻣﻦ ﻋﻠﻴﺎﺀ .. ﺣﺘﻰ ﺍﻛﺘﺒﻬﻦ .

ﮔﺎﻟﺖ ﺍﻣﻲ ﺍﻧﻲ ﻃﺒﺨﺖ ﻭﺭﺍﻳﺤﻪ ﺍﻟﺒﻴﺖ ﺧﺎﻟﺞ ﺍﺷﻮﻑ ﻧﺴﺮﻳﻦ

ﺣﻨﻴﻦ .. ﺣﺒﺎﺑﻪ ﻳﻮﻡ ﺛﻮﺍﻧﻲ ﻣﺎﺍﺗﺄﺧﺮ ﺍﺑﺪﻝ ﻭﺍﺭﻭﺡ ﻭﻳﺎﺝ

ﻣﺎﻣﺎ .. ﻫﺴﺎ ﺑﺎﻟﻌﺸﺮﻩ ﻭﺍﻧﻲ ﺍﺭﻳﺪ ﺍﺭﻭﺡ ﻭﺍﺭﺟﻊ ﺑﺴﺮﻋﻪ ﺧﻠﻴﻬﺎ . ﺍﻟﻌﺼﺮ ﺭﻭﺣﻲ ﻭﻱ ﺑﻨﻴﻦ ﻭﻋﻠﻲ ..

ﺣﻨﻴﻦ .. ﻫﺎ ﺍﻱ ﺯﻳﻦ ﺍﻧﻲ ﺍﺭﻭﺡ ﺍﻛﺘﺐ ..

ﻛﻤﻠﺖ ﻛﺘﺎﺑﻪ ﺍﻟﻤﺤﺎﻇﺮﺍﺕ ﺍﺟﻪ ﺑﺎﺑﺎ ﻭﺍﺧﻮﺍﻧﻲ ﻣﻦ ﺍﻟﺴﻮﮒ ﻳﺮﺣﻮﻥ ﻟﻠﮕﻬﻮﻩ ﻳﻤﻨﺎ ﻻﻥ ﺍﻟﺴﻮﮒ ﻗﺮﻳﺐ

ﺻﺒﻴﻨﺎ ﻏﺪﺍ ﺍﻧﻲ ﻭﺑﻨﻴﻦ . ﺩﺧﻠﺖ ﻣﺎﻣﺎ ..

ﺳﺄﻟﻨﺎﻫﺎ ﻉ ﻧﺴﺮﻳﻦ ﮔﺎﻟﺖ ﺯﻳﻨﻪ .. ﻭﺗﺴﻠﻢ ﻋﻠﻴﻜﻢ

ﺍﻭﻭﻭﻭﻑ ﻭﺍﻟﻠﻪ ﺍﺷﺘﺎﻗﻴﺘﻠﻬﺎ ﺍﺣﺲ ﺻﺎﺭ ﺳﻨﻪ ﻣﺸﺎﻳﻔﺘﻬﺎ ﻣﻮ ﻳﻮﻡ .. # ﺷﻤﺲ

ﻟﻠﻌﺼﺮ ﺑﺪﻟﻨﺎ ﻭﺭﺣﻨﺎ ﺷﻔﻨﺎ ﻧﺴﺮﻳﻦ .. ﻻﺑﺴﻪ ﻓﺴﺘﺎﻥ ﻭﮔﺎﻋﺪﻩ

ﻭﻋﻨﺪﻫﻢ ﻫﻮﺍﻱ ﺧﻄﺎﺭ ﻭﺍﻟﺠﻴﺮﺍﻥ ..

ﻋﻼﻭﻱ ﺟﺎﻳﺒﻠﻬﺎ ﻓﺮﺷﻪ ﻛﻠﺶ ﺣﻠﻮﻩ ..

ﺩﺧﻠﺘﻬﺎ ﺑﻨﻴﻦ ﻟﻠﻐﺮﻓﻪ ..

ﺑﻘﻴﻨﺎ ﺷﻮﻳﻪ ﻭﻃﻠﻌﻨﺎ .. ﺭﺣﻨﺎ ﻟﻠﺒﻴﺖ ﺳﻮﻳﻨﺎ ﻋﺸﺎ ﻭﺧﻠﺼﻨﺎ ﺩﺧﻠﺖ ﺍﺩﺭﺱ ..

ﺛﺎﻧﻲ ﻳﻮﻡ ﺩﻭﺍﻡ ..

ﺩﺍﻭﻣﺖ .. ﺩﺧﻠﻨﺎ ﻟﻠﻜﻠﻴﻪ ﺍﻧﻲ ﻭﻋﻠﻴﺎﺀ . ﻫﻲ ﺭﺍﺣﺖ ﻟﻠﻘﺴﻢ ﻣﺎﻟﻬﺎ ﻭﺍﻧﻲ ﺟﺎﻱ ﺍﻣﺸﻲ ﻟﻠﻘﺴﻢ ..

ﺷﻔﺖ ﻣﻬﻨﺪ ﻭﮔﻒ ﮔﺒﺎﻟﻲ .. # ﺷﻤﺲ

ﺣﻨﻴﻦ .. ﺭﺣﺖ ﻣﻨﺎ ﺍﺟﻪ ﮔﺒﺎﻟﻲ ..

ﺭﺟﻌﺖ ﻣﻦ ﺍﻟﺠﻬﻪ ﺍﻟﺜﺎﻧﻴﻪ ﺍﺟﻪ ﻭﺭﺍﻳﻪ ..

ﮔﺘﻠﻪ .. ﺍﺫﺍ ﺗﺴﻤﺢ ﺍﺭﻳﺪ ﺍﻣﺮ

ﻣﻬﻨﺪ .. ﺍﺭﻳﺪ ﺍﺳﺄﻟﺞ ﺳﺆﺍﻝ

ﺣﻨﻴﻦ .. ﻣﺎﻋﻨﺪﻱ ﺣﺠﻲ ﻭﻳﺎﻙ ﺍﺑﺘﻌﺪ ﻋﻦ ﻃﺮﻳﻘﻲ

ﻣﻬﻨﺪ .. ﺍﻧﻲ ﺷﻨﻮ ﺳﻮﻳﺘﻠﺞ ﻭﺗﻐﻠﻄﻴﻦ ﻋﻠﻴﻪ .. ﺍﻋﺮﻓﺞ ﺗﻌﺮﻓﻴﻨﻲ ..

ﺑﺴﺎﻋﺘﻬﺎ ﺍﺣﺲ ﺭﺟﻠﻴﻪ ﻣﺘﺸﻴﻠﻨﻲ ..

ﺣﻨﻴﻦ .. ﺍﻟﻲ ﻭﺻﻠﻚ ﻛﺬﺍﺏ ﻭﺍﻧﻲ ﻣﺜﻞ ﻣﮕﻠﺖ ﺍﻧﺖ ﻻﺍﻋﺮﻓﻚ ﻭﻻﺗﻌﺮﻓﻨﻲ ..

ﻣﻬﻨﺪ .. ﻫﻬﻬﻬﻬﻬﻪ ﺭﺍﺡ ﺍﻣﺸﻴﻪ ﻻﻥ ﻣﻌﺠﺐ ﺑﻴﺞ ﻭﻣﺎﺍﺣﺐ ﺍﺿﻮﺟﺞ # ﺷﻤﺲ

ﺣﻨﻴﻦ .. ﻣﻦ ﻓﻀﻠﻚ ﺍﻧﻲ ﻣﺨﻄﻮﺑﻪ ..

ﻣﻬﻨﺪ .. ﺍﺷﻮ ﻣﺎﻛﻮ ﺣﻠﻘﻪ

ﺣﻨﻴﻦ .. ﻣﻮ ﺷﻐﻠﻚ

ﻣﻬﻨﺪ .. ﻟﺞ ﻟﺘﺒﻴﻌﻴﻦ ﺛﮕﻞ ﻋﻠﻴﻪ ﻭﺗﺸﻴﻠﻴﻦ ﺧﺸﻤﺞ ..

ﺑﻨﺎﺕ ﻳﺴﻮﻥ ﺭﺍﺳﺞ ﺑﺄﺷﺎﺭﻩ ﻳﺠﻦ ﻳﺮﻛﻀﻦ

ﺣﻨﻴﻦ .. ﻫﻬﻬﻬﻪ ﺍﻱ ﺍﻧﺖ ﮔﻠﺘﻬﺎ ﻣﻮ ﺍﻧﻲ ﺍﻟﺒﻨﺎﺕ .. ﻭﺍﻧﻲ ﻣﻮ ﻣﻨﻬﻢ ..

ﻣﻬﻨﺪ .. ﻟﺞ ﺗﻌﺮﻓﻴﻦ ﺍﻧﻲ ﻣﻨﻮ ..

ﺣﻨﻴﻦ .. ﺍﻱ ﺍﻋﺮﻑ ﺑﺲ ﺷﻌﺠﺐ ﻣﺎﺩﺧﻠﺖ ﻃﺒﻴﻪ ﻫﻨﺪﺳﻪ ﻟﻴﺶ ﺍﺟﻴﺖ ﻋﺮﺑﻲ ..

ﻣﻬﻨﺪ .. ﻣﻮ ﺷﻐﻠﺞ

ﺣﻨﻴﻦ .. ﺩﻓﻌﺘﻪ ﺍﺑﺘﻌﺪ ﻭﺍﺫﺍ ﺍﺑﻦ ﻭﺯﻳﺮ ﻣﻴﺤﻘﻠﻚ ﺗﺴﻮﻱ ﻫﻴﺞ

ﺗﺮﻛﺘﻪ ﻟﺰﻡ ﺍﻳﺪﻱ ﺗﻔﻠﺖ ﻋﻠﻴﻪ .. ﺍﺻﺪﻗﺎﺋﻪ ﻛﻠﻬﺎ ﻭﺍﻛﻔﻪ ﻭﺍﻟﻄﻼﺏ ﺗﺒﺎﻭﻉ ﻋﻔﺘﻪ ﻭﻣﺸﻴﺖ ﺍﺳﺘﺤﻴﺖ ..

ﻫﻮ ﺑﻘﻰ ﻳﻌﻴﻂ ﻭﺭﺍﻱ ﺍﻻ ﺍﻧﺰﻝ ﺧﺸﻤﺞ ﺷﻮﻓﻲ ﺷﺮﺍﺡ ﺍﺳﻮﻱ ﺑﻴﺞ .. # ﺷﻤﺲ

ﺍﻣﺸﻲ ﻭﺍﺭﺟﻒ ﺷﻔﺖ ﻣﻨﻰ ﻭﺍﻛﻔﻪ ..

ﺣﻨﻴﻦ .. ﻣﻮ ﻋﻴﺐ ﻋﻠﻴﺞ ﺍﺣﺠﻲ ﻭﻳﺎﺝ ﻭﺗﻮﺻﻠﻴﻦ ﺣﺠﻲ ﻋﻠﻴﻪ

ﻣﻨﻰ .. ﺷﻮﻓﻲ ﺣﻨﻴﻦ ﻫﻮ ﺟﺒﺮﻧﻲ ﺍﺣﺠﻲ ..

ﻭﺍﻧﺘﻲ ﻣﺎﺗﻌﺮﻓﻴﻦ ﻣﻬﻨﺪ . ﺍﺑﻮﻩ ﺩﺧﻠﻪ ﻛﻠﻴﻪ ﻗﺎﻧﻮﻥ ﻭﺗﻌﺎﺭﻙ ﻭﻱ ﺍﻻﺳﺘﺎﺫ ﻭﻗﺘﻠﻪ ..

ﻭﺳﺘﺮﻭﺍ ﻉ ﺍﻟﺴﺎﻟﻔﻪ ﻭﺍﺑﻮﻩ ﻋﻘﺎﺏ ﺍﻟﻪ ﺣﻮﻟﻪ ﺗﺮﺑﻴﻪ ﻋﺮﺑﻲ ﻫﻮ ﻣﻴﺠﺐ ﺍﻟﻌﺮﺑﻲ ﺍﻧﺠﺒﺮ ..

ﻭﺍﺫﺍ ﺣﻂ ﺷﻲ ﺑﺒﺎﻟﻪ ﻳﺴﻮﻳﻪ ﺩﻳﺮﻱ ﺑﺎﻟﺞ ..

ﺗﺮﻛﺘﻬﺎ ﻭﻣﺸﻴﺖ .. ﺑﻴﻦ ﺧﺎﻳﻔﻪ ﻭﺑﻴﻦ ﻣﻤﻬﺘﻤﻪ .. ﻳﻌﻨﻲ ﺷﻴﺮﻳﺪ ﻳﺴﻮﻱ

ﺭﺣﺖ ﺍﻟﻌﻠﻴﺎﺀ ﺧﺎﻳﻔﻪ .. ﺳﻮﻟﻔﺘﻠﻬﺎ ..

ﮔﺎﻟﺖ ﺑﻌﺪ ﺍﺗﺠﻨﺒﻴﻪ ﻭﺍﺫﺍ ﺣﺠﻰ ﻟﺘﺮﺩﻳﻦ ﻭﻟﺘﺮﺣﻴﻦ ﻭﺣﺪﺝ ﺍﻻﻱ ﻣﻜﺎﻥ ..

ﺧﻮﻓﺘﻨﻲ ﺑﺎﻟﺰﺍﻳﺪ ..

ﺭﺩﺕ ﺍﻟﻴﻮﻡ ﻳﺨﻠﺺ ﺑﺴﺮﻋﻪ ﻭﺍﺭﺗﺎﺡ ..

ﺣﺘﻰ ﻣﺤﺎﻇﺮﺍﺕ ﻣﺎﺩﺧﻠﺖ ﺑﻘﻴﺖ ﻭﻱ ﻋﻠﻴﺎﺀ ﻭﻫﻲ ﻫﻢ ﺧﻄﻴﻪ ﻣﺪﺧﻠﺖ ..

ﺧﻠﺺ ﺍﻟﺪﻭﺍﻡ .. ﻃﻠﻌﻨﺎ

ﺭﺟﻌﺖ ﻟﻠﺒﻴﺖ ﻟﮕﻴﺖ ﺣﺴﻴﻦ ﻭﺍﻣﻪ ..

ﺭﺩﺕ ﺭﻭﺣﻲ ﺷﻮﻳﻪ .. # ﺷﻤﺲ

ﮔﺎﻟﺖ ﻣﺎﻣﺎ ﻳﻠﻪ ﺍﺗﻐﺪﻱ ﻭﺑﺪﻟﻲ ﺑﺴﺮﻋﻪ ﺭﺍﺡ ﻧﺮﻭﺡ ﻟﻠﺴﻮﮒ ﻋﻤﻮﺩ ﺍﻟﺤﻠﻘﺎﺕ ﻭﻳﺮﺩﻭﻥ ﻏﺮﺍﺽ ﻳﺸﺘﺮﻭﻟﺞ ..

ﺍﻛﻠﺖ ﺑﺴﺮﻋﻪ ﺣﺘﻰ ﺍﻟﻤﺸﺘﻬﺎﻳﻪ ﻃﺎﺭﺕ ..

ﻟﺒﺴﺖ ﺗﻨﻮﺭﻩ ﺑﻠﻮﺯﻩ ﺑﻴﺠﻲ ﻭﺣﺠﺎﺏ ﻭﺣﺬﺍﺀ ﻭﺟﻨﻄﻪ ﺑﻴﺠﻲ ..

ﺭﺣﺖ ﺳﻠﻤﺖ ﻋﻠﻴﻬﻢ ﻭﺣﺴﻴﻦ ﺑﺲ ﻳﺒﺎﻭﻉ ﻭﻳﺒﺘﺴﻢ ..

ﮔﻌﺪﻧﺎ ﺷﻮﻳﻪ ﻭﻫﺎﻱ ﺍﻭﻝ ﻣﺮﻩ ..

ﻣﺮﺕ ﻋﻤﻮ ﺍﺷﺮﺕ ﺍﻟﻤﺎﻣﺎ ﻭﻃﻠﻌﻮﺍ ..

ﻳﻤﻜﻦ ﻳﺮﺩﻭﻥ ﻳﺘﺮﻛﻮﻧﺎ ﻭﺣﺪﻧﺎ ..

ﺣﺴﻴﻦ .. ﺷﻠﻮﻧﺞ ﻭﻱ ﺍﻟﺪﻭﺍﻡ

ﺣﻨﻴﻦ .. ﺯﻳﻨﻪ ﻭﺫﻛﺮﺕ ﻣﻬﻨﺪ ﺍﻟﻴﻮﻡ ﺿﺠﺖ .. ﺍﻧﻲ ﺍﺭﻳﺪ ﺍﻧﺴﻰ ﻭﻫﻮ ﻳﺬﻛﺮﻧﻲ ..

ﻫﻮ ﻳﺴﺄﻝ ﻭﺍﻧﻲ ﺍﺣﺎﻭﺏ ﻭﻣﺪﻧﮕﻊ ..

ﺗﺎﻟﻲ ﺗﺠﺮﺃﺕ ..

ﮔﺘﻠﻪ ﺣﺴﻴﻦ ﺍﺭﻳﺪ ﺍﺳﺄﻟﻚ ﺳﺆﺍﻝ ﻭﺗﺠﺎﻭﺏ ﻋﻠﻴﻪ ﺑﺼﺮﺍﺣﻪ ﻻﻥ ﺍﺭﻳﺪ ﻧﺒﺪﻱ ﺣﻴﺎﺗﻨﺎ ﻭﻣﺎﻛﻮ ﺍﻱ ﺳﺮ ﺑﻴﻨﺎ ..

ﺣﺴﻴﻦ .. ﺗﻔﺼﻠﻲ ﮔﻮﻟﻲ

ﺣﻨﻴﻦ .. ﺷﻨﻮ ﺑﻴﻨﻚ ﻭﺑﻴﻦ ﺁﻳﺎﺕ

.... 

ﺣﻨﻴﻦ .. ﺍﻧﺖ ﺷﻨﻮ ﺑﻴﻨﻚ ﻭﺑﻴﻦ ﺁﻳﺎﺕ

ﺣﺴﻴﻦ .. ﻣﺎﻛﻮ ﺷﻲ ﻟﻴﺶ

ﺣﻨﻴﻦ .. ﻻ ﻫﻴﺞ

ﺣﺴﻴﻦ .. ﺣﻨﻴﻦ ﻟﻴﺶ ﺳﺄﻟﺘﻲ ﺳﺎﻣﻌﻪ ﺷﻲ . ﻫﻲ ﮔﻠﺘﻠﺞ ﺷﻲ .. # ﺷﻤﺲ

ﺣﻨﻴﻦ .. ﺣﺴﻴﻦ ﺍﻧﻲ ﻣﺎﻟﻲ ﺩﺧﻞ ﺑﺎﻟﻤﺎﺿﻲ .. ﺑﺲ ﻻﻥ ﺁﻳﺎﺕ ﺑﻨﺖ ﻋﻤﻲ ﻭﻧﺘﻮﺍﺟﻪ ﺩﺍﻳﻤﺎ ﻣﺎﺍﺭﻳﺪ ﺍﻛﻮﻥ ﻭﺣﺪﻩ ﺍﺧﺬﺕ ﺣﺒﻴﺒﻬﺎ ﻣﻨﻬﺎ ..

ﺣﺴﻴﻦ .. ﺣﺒﻴﺒﻬﺎ ﻫﻬﻬﻬﻪ .. ﺍﻛﻴﺪ ﮔﻠﺘﻠﺞ ﻋﺪﻧﺎ ﻋﻼﻗﻪ

ﺣﻨﻴﻦ .. ﺍﻱ

ﺣﺴﻴﻦ .. ﻫﺎﻱ ﻭﺣﺪﻩ ﻣﺮﻳﻀﻪ .. ﺍﺟﺖ ﺑﺰﻭﺍﺝ ﻋﻠﻲ ﺍﺧﻮﺝ ﻭﮔﺎﻟﺖ ﺍﻧﻲ ﺍﺣﺒﻚ ﻭﻛﺎﻧﺖ ﻻﺑﺴﻪ ﻣﻐﺮﻱ ﺣﺘﻰ ﺗﻐﺮﻳﻨﻲ ﻭﺿﺮﺑﺘﻬﺎ ﻭﻫﺪﺩﺗﻬﺎ ﺍﺫﺍ ﺳﻮﺕ ﻫﻴﺞ ﻣﺮﻩ ﺛﺎﻧﻴﻪ ﺍﮔﻮﻝ ﺍﻟﻌﻤﻲ

ﻭﻫﻲ ﺧﺎﻓﺖ .. ﺑﺲ ﺑﻘﺖ ﺗﺼﻴﺖ ﺑﻌﻼﻗﺘﻨﺎ ﺣﺘﻰ ﺗﺠﺒﺮﻧﻲ ﺍﺧﻄﺒﻬﺎ ..

ﺣﻨﻴﻦ .. ﻳﻌﻨﻲ ﺧﻄﺒﺘﻨﻲ ﺣﺘﻰ ﺗﺴﻜﺘﻬﺎ ..

ﺣﺴﻴﻦ .. ﻫﻬﻬﻪ ﻻ ﻭﺍﻟﻠﻪ . ﺧﻄﺒﺘﺞ ﻻﻥ ﺍﻧﺘﻲ ﻏﻴﺮﻫﺎ ﻭﻣﺆﺩﺑﻪ ﻭﺍﻧﻲ ﻣﻦ ﺷﻔﺘﺞ ﺑﺰﻭﺍﺝ ﻋﻠﻲ ﻭﺷﻠﻮﻥ ﻛﺒﺮﺍﻧﻪ ﻭﺣﻠﻮﻩ ﻋﺠﺒﺘﻴﻨﻲ ﻭﻫﻢ ﺍﻋﺮﻑ ﺗﺮﺑﻴﻪ ﻋﻤﻲ ﻛﺮﻳﻢ ﻣﻮ ﻣﺜﻞ ﻋﻤﻲ ﺍﺣﺴﺎﻥ ﻣﻨﻄﻲ ﺣﺮﻳﻪ ﺍﻟﺒﻨﺎﺗﻪ ..

ﺣﺘﻰ ﺍﺣﻼﻡ ﻣﻦ ﻗﺒﻞ ﻣﺘﺰﻭﺝ ﺟﺎﻧﺖ ﺧﻔﻴﻔﻪ ﻭﻣﻮ ﺭﺍﺣﻪ ..

ﺣﻨﻴﻦ .. ﺧﺠﻠﺖ ﻣﻦ ﻛﻼﻣﻪ .. # ﺷﻤﺲ

ﺣﺴﻴﻦ .. ﺍﻭﻭﻭﻩ ﻛﺎﻓﻲ ﺳﺪﻱ ﻣﻮﺿﻮﻉ ﺍﻳﺎﺕ .. ﺍﻧﻲ ﮔﻌﺪﺕ ﻭﻳﺎﺝ ﺣﺘﻰ ﺍﺳﻮﻟﻒ ﺍﺷﺒﻊ ﻣﻨﺞ ﺷﺠﺎﺏ ﺍﻳﺎﺕ ﺑﺎﻟﻮﺳﻂ .

ﺩﺧﻠﺖ ﻣﺮﺕ ﻋﻤﻮ ﻭﻣﺎﻣﺎ .. ﻭﻃﻠﻌﻨﺎ ﺍﺟﺮﻧﺎ ﺗﻜﺴﻲ ..

ﺭﺣﻨﺎ ﻟﻠﺴﻮﮒ ﺍﺷﺘﺮﻳﻨﺎ ﺣﻠﻘﺎﺕ ﻭﺍﺷﺘﺮﺗﻠﻲ ﻣﺮﺕ ﻋﻤﻮ ﻗﻤﺎﺷﺎﺕ ﺣﻠﻮﻩ ﻣﺎﻝ ﻓﺴﺎﺗﻴﻦ ﺣﺘﻰ ﺍﺧﻴﻄﻬﺎ ..

ﻭﺣﺴﻴﻦ ﻣﺎﺍﻛﺘﻔﻪ ﺑﺎﻟﺤﻠﻘﻪ ﺍﺳﺘﺮﺍﻟﻲ ﻣﺤﺒﺲ ﺛﺎﻧﻲ ﻫﻤﻪ ﻣﺸﺘﺮﻳﻦ ﺍﻟﺬﻫﺐ ﺑﺲ ﻫﺬﺍ ﻫﻴﺞ ..

ﺧﻠﺼﻨﺎ ﺭﺟﻌﻮﻧﺎ ﻟﻠﺒﻴﺖ ..

ﺑﻌﺪ ﺍﻟﻌﺸﺎ ﺭﺣﺖ ﺍﻟﺒﻴﺖ ﻋﻠﻴﺎﺀ .. ﺍﺧﺬﺕ ﺍﻟﻘﻤﺎﺷﺎﺕ ﻭﺭﺳﻤﺖ ﻛﻢ ﻓﺼﺎﻝ ﺑﺒﺎﻟﻲ ﻻﻥ ﺍﻧﻲ ﺍﺣﺐ ﺍﻟﺮﺳﻢ ..

ﺣﺘﻰ ﺍﻡ ﻋﻠﻴﺎﺀ ﺗﻌﺠﺒﺖ ﺑﻴﻬﻦ ﮔﺎﻟﺖ ﺣﻠﻮﻩ ﺍﻟﻔﺼﺎﻻﺕ ..

ﻃﻠﺒﺖ ﻣﻨﻬﺎ ﺗﺨﻴﻄﻠﻲ ﻭﺍﺣﺪ ﺧﻼﻝ ﻫﺬﻱ ﺍﻻﻳﺎﻡ ﻟﻠﻌﻘﺪ .. ﺭﻏﻢ ﺧﻄﻴﻪ ﻋﻨﺪﻫﺎ ﺧﻴﺎﻁ ﻫﻮﺍﻳﻪ ..

ﺑﺲ ﻣﺎﺭﻓﻀﺘﻠﻲ ﻃﻠﺒﻲ ..

ﺑﻘﻴﺖ ﻳﻤﻬﻢ ﺷﻮﻳﻪ ﻭﻃﻠﻌﺖ ﺛﺎﻧﻲ ﻳﻮﻡ ﺩﻭﺍﻡ ..

ﺍﻻﺳﺒﻮﻉ ﻛﻠﻪ ﺑﻴﻦ ﺩﻭﺍﻡ ﻭﺑﻴﺖ .. ﻣﻨﺘﻀﺮﻩ ﻳﻮﻡ ﻳﻮﻡ ﺗﺠﻲ ﺍﻟﺠﻤﻌﻪ ..

ﻭﻣﺎﺻﺪﮔﺖ ﺍﺟﺖ ﺍﻟﺠﻤﻌﻪ .. ﻣﻬﻨﺪ ﻣﺸﻔﺘﻪ ﺍﻭ ﻣﺎﺍﻫﺘﻤﻴﺖ ﺍﻟﻮﺟﻮﺩﻩ ﺣﺘﻰ ﺗﻬﺪﻳﺪﻩ ﻧﺴﻴﺘﻪ ..

ﻭﻣﺎﺍﻫﺘﻤﻴﺖ .. ﻳﻌﻨﻲ ﺷﻴﺮﻳﺪ ﻳﺴﻮﻱ ﻭﺍﻧﻲ ﺑﻨﺺ ﺍﻟﺠﺎﻣﻌﻪ ﻭﺍﻟﻄﻼﺏ .. # ﺷﻤﺲ

ﺑﻴﻮﻡ ﺍﻟﺠﻤﻌﻪ .. ﺭﺣﺖ ﻟﻠﺼﺎﻟﻮﻥ ﺳﻮﻳﺖ ﺗﺴﺮﻳﺤﻪ ﺑﺴﻴﻄﻪ ﻭﻣﻜﻴﺎﺝ ﺑﺴﻴﻂ ﺑﻌﺪ ﻣﺎﺭﺗﺒﺖ ﺣﻮﺍﺟﺒﻲ ..

ﺭﺟﻌﺖ ﻟﺒﺴﺖ ﻓﺴﺘﺎﻥ ﺑﻴﺠﻲ ﺍﻭ ﺣﻠﻴﺒﻲ .. ﻣﺴﻮﻳﺘﻪ ﺍﻡ ﻋﻠﻴﺎﺀ ﺣﻠﻮ ﻓﺼﺎﻟﻪ ﺭﺩﻥ ﻃﻮﻳﻞ ﻭﺭﺩﻥ ﻣﺎﻛﻮ ﻭﻣﺨﺼﺮ ﻉ ﺍﻟﺠﺴﻢ ﻭﺑﺎﻻﺧﻴﺮ ﮔﺼﻪ ﺳﻤﺠﻪ ﻭﺍﻧﻲ ﻃﻮﻳﻠﻪ ﺣﻠﻮ ﻋﻠﻴﻪ .

ﺍﺟﻮﻱ ﺍﻫﻠﻨﺎ ﻭﺍﻗﺮﺑﺎﺋﻨﺎ ﻛﻠﻬﻢ ﻭﺣﺘﻰ ﺍﻳﺎﺕ ﻭﺗﺒﺎﻭﻉ ﺑﻌﻴﻦ ﺻﻔﺢ ﻛﺎﺭﻫﺘﻨﻲ ﻋﺒﺎﻟﻚ ﺍﺧﺬﺕ ﺣﺒﻴﺒﻬﺎ ﻣﻨﻬﺎ ..

ﺍﺟﻪ ﺍﻟﺴﻴﺪ ﻭﻋﻘﺪﻧﺎ ﻭﺑﺪﺍﺧﻠﻲ ﻃﺎﻳﺮﻩ ﻣﻦ ﺍﻟﻔﺮﺡ . ..

ﻭﺍﺧﻴﺮﺍ ﺣﺒﻴﺐ ﻃﻔﻮﻟﺘﻲ ﺻﺎﺭ ﺍﻟﻲ ..

ﻳﺎﺭﺏ ﺍﻟﻚ ﺍﻟﺤﻤﺪ ﻭﺍﻟﺸﻜﺮ .. ﻻﻥ ﻛﻞ ﺍﻟﻲ ﺍﺗﻤﻨﺎﻩ ﻳﺘﺤﻘﻖ ﻭﻳﻤﻜﻦ ﺍﻧﻲ ﺍﻟﻮﺣﻴﺪﻩ ﺍﻟﻤﺤﻈﻮﻇﻪ ﺑﻬﺬﺍ ﺍﻟﺸﻲ ..

ﺧﻠﺺ ﺍﻟﺴﻴﺪ ﺑﺪﺕ ﺍﻟﻬﻼﻫﻞ ..

ﺩﺧﻞ ﺣﺴﻴﻦ ﻭﺍﺧﻮﺍﻧﻪ ﻭﻋﻤﻲ ﻭﻳﺮﮔﺼﻮﻥ ..

ﻣﺸﻐﻠﻴﻦ ﺷﺮﻳﻂ ﻭﻛﺎﻧﺖ ﺍﻏﻨﻴﻪ ﺧﺎﻟﻪ ﻳﺎﺧﺎﻟﻪ ..

ﻭﺍﻟﻜﻞ ﺗﻬﺰ ﻭﻓﺮﺣﺎﻧﻪ .. # ﺷﻤﺲ

ﺧﻠﺼﻮﺍ ﺭﮔﺺ ﺍﺟﻪ ﮔﻌﺪ ﻳﻤﻲ .. ﺑﺎﺳﻨﻲ ﺑﺮﺍﺳﻲ ..

ﻭﻟﺒﺴﻨﺎ ﺍﻟﺤﻠﻘﺎﺕ ﻭﻟﺒﺴﻨﻲ ﺍﻟﮕﻼﺩﻩ ﻭﺍﻟﻤﺤﺎﺑﺲ ﻭﺍﻻﺳﻮﺍﺭ ﺑﺲ ﺍﻟﺘﺮﺍﺟﻲ ﻣﺎﻳﻌﺮﻑ ﻳﻠﺒﺴﻬﻦ 😂

ﺍﻧﻲ ﻣﺴﻮﻳﻪ ﻗﺎﻟﺐ ﻛﻴﻚ . ﻗﻄﻌﻨﺎ ﻭﺍﻛﻠﻨﺎ ..

ﺑﻴﻮﻣﻬﺎ ﻓﺮﺣﺎﻧﻪ ﻛﻠﺶ ﻭﺗﻤﻨﻴﺖ ﻣﺎﻳﺨﻠﺺ ﻫﺬﺍ ﺍﻟﻴﻮﻡ ﻭﺍﻟﺴﻌﺎﺩﻩ ﺍﻟﻲ ﺍﻧﻲ ﺑﻴﻬﺎ ..

ﺷﺎﻭﺭﻧﻲ ﺣﺴﻴﻦ ﮔﻠﻲ ﺣﻨﻮﻧﻪ ﺷﻄﺎﻟﻌﻪ .. ﺭﺍﺡ ﺍﻗﺪﻡ ﺍﻟﺰﻭﺍﺝ .. ﻋﺴﺎﺱ ﻧﺘﺰﻭﺝ ﺑﻌﻄﻠﻪ ﻧﺼﻒ ﺍﻟﺴﻨﻪ ﺑﺲ ﺑﻌﺪ ﻣﺎﺍﺗﺤﻤﻞ ﺭﺍﺡ ﺍﻗﺪﻣﻬﺎ .. # ﺷﻤﺲ

ﺍﻧﻲ ﺑﺲ ﺍﺑﺘﺴﻢ ﺍﺣﺲ ﻧﺎﺭ ﻳﻄﻠﻊ ﻣﻨﻲ ﻭﻋﻮﺩ ﺍﻟﺪﻧﻴﺎ ﺑﺎﺭﺩﻩ ﺑﺲ ﺍﺧﺘﻨﮕﺖ ﻣﺎﺻﺪﮔﺖ ﺻﺎﺣﻮﻩ ﻭﺭﺍﺡ ..

ﻣﻌﻘﻮﻟﻪ ﺣﺴﻴﻦ ﺍﻟﺠﺎﻣﺪ ﻳﻄﻠﻊ ﻫﻴﺞ ﺭﻭﻣﺎﻧﺴﻲ ..

ﻧﺴﺮﻳﻦ ﻫﻢ ﻛﺎﻧﺖ ﻳﻤﻲ ﻣﺎﻓﺎﺭﮔﺘﻨﻲ ..

ﻭﺑﻴﻮﻣﻬﺎ ﺑﺎﺗﺖ ﻳﻤﻲ ﻭﮔﻀﻴﻨﺎﻫﺎ ﺳﻮﺍﻟﻒ .. ﻭﺳﻮﻟﻔﺘﻠﻲ ﻉ ﻟﻴﻠﻪ ﺍﻟﺰﻭﺍﺝ ﻭﺍﻧﻲ ﻣﺴﺘﺤﻴﻪ ﻭﻣﺨﻠﻴﺘﻬﺎ ﺗﻜﻤﻞ ..

ﺑﺲ ﺧﻮﻓﺘﻨﻲ ﻭﺑﻘﻴﺖ ﺍﻓﻜﺮ ﻭﺧﺎﺻﻪ ﻣﻦ ﮔﺎﻟﺖ ﻳﻄﻠﻊ ﺩﻡ

ﺧﻔﺖ ﻻ ﺍﻣﻮﺕ ﺑﻴﻦ ﺍﻳﺪﻩ ﻣﺎﻛﻨﺖ ﻣﺘﺨﻴﻠﻪ ﺍﻟﺰﻭﺍﺝ ﻫﻴﺞ

ﺑﻄﻠﺖ ﻣﺎﺍﺭﻳﺪ ﮔﻠﺘﻠﻬﺎ ..

ﻧﺴﺮﻳﻦ .. ﻫﻬﻬﻬﻪ ﻗﺎﺑﻞ ﻫﻲ ﻟﻌﺐ ﺟﻬﺎﻝ ﻭﺑﻄﻠﺖ .. ﺍﻟﻴﻮﻡ ﻋﻘﺪﺗﻲ ..

ﺣﻨﻴﻦ .. ﻟﻮ ﻣﮕﺎﻳﻠﺘﻠﻲ ﺍﺣﺴﻦ ﺭﺍﺡ ﺍﺑﻘﻰ ﺍﻓﻜﺮ ﻭﺍﺧﺎﻑ ..

ﻧﺴﺮﻳﻦ ﺑﺲ ﺗﻀﺤﻚ ﻋﻠﻴﻪ ..

ﺩﺍﻭﻣﺖ ﺛﺎﻧﻲ ﻳﻮﻡ ﻭﺍﻧﻲ ﻏﻴﺮ ﺷﻜﻞ .. ﻭﻟﺒﺴﺖ ﻣﻦ ﻣﻼﺑﺲ ﻧﺴﺮﻳﻦ ﺟﺎﺑﺘﻠﻲ ..

ﻃﻠﻌﺖ ﺻﺪﮒ ﻋﺮﻭﺱ .. # ﺷﻤﺲ

ﻣﺮﻳﺖ ﻋﻠﻰ ﻋﻠﻴﺎﺀ . ﻟﮕﻴﺘﻬﺎ ﺑﻌﺪﻫﻲ ﻣﻤﻜﻤﻠﻪ

ﺩﺧﻠﺖ ﻟﻠﻤﻄﺒﺦ ﮔﻌﺪﺕ ﻋﻠﻰ ﻣﺎ ﺗﺨﻠﺺ ..

ﻃﻠﻌﺎ ﻣﻦ ﺷﺎﻓﺘﻨﻲ ﮔﻠﺘﻠﻲ ﻣﺒﻴﻦ ﻋﻠﻴﺞ ﻋﺮﻭﺱ ﺷﻄﺎﻟﻌﻪ ﺍﻟﻴﻮﻡ

ﺷﻔﺖ ﺗﻠﻔﻮﻧﻬﻢ ﺑﺎﻟﻤﻄﺒﺦ .. ﮔﻠﺘﻠﻬﺎ ﺭﺍﺡ ﺍﺧﺎﺑﺮ ﺣﺴﻴﻦ

ﺍﺗﺼﻠﺖ ﻭﮔﻠﺒﻲ ﻳﺮﺟﻒ .. ﻃﻠﻌﺘﻠﻲ ﻣﺮﺕ ﻋﻤﻮ . ﺍﺳﺘﺤﻴﺖ ﺳﻠﻤﺖ ﻋﻠﻴﻬﺎ ﻭﮔﻠﺘﻠﻬﺎ ﺍﻧﻲ ﻳﻢ ﻋﻠﻴﺎﺀ ﻭﺍﺭﻳﺪ ﺍﺻﺒﺢ ﻋﻠﻰ ﺣﺴﻴﻦ

ﺍﺣﻨﺎ ﺍﻗﺎﺭﺑﻨﺎ ﻛﻠﻬﺎ ﺗﻌﺮﻑ ﺑﻴﺖ ﻋﻠﻴﺎﺀ ﻭﺍﻫﻠﻬﺎ ﻳﺪﺭﻭﻥ ﺍﺣﻨﺎ ﻣﺜﻞ ﺍﻻﻫﻞ .

ﻫﻲ ﺿﺤﻜﺖ ﻭﮔﺎﻟﺖ ﺧﻮﺵ ﺳﻮﻳﺘﻲ ﺍﻟﻠﻪ ﻳﺴﻌﺪﻛﻢ ..

ﺍﺟﻪ ﺣﺴﻴﻦ ﻃﺎﻳﺮ .. # ﺷﻤﺲ

ﺣﺴﻴﻦ .. ﺻﺒﺎﺡ ﺍﻟﻮﺭﺩ ﺻﺒﺎﺡ ﺍﻟﻌﺴﻞ .. ﺷﻨﻮ ﻫﺬﺍ ﺍﻟﺼﺒﺎﺡ ﻳﺎﺭﺑﻲ ..

ﺣﻨﻴﻦ .. ﻫﻬﻬﻬﻬﻪ ﺣﺴﻴﻦ ﺍﺧﺠﻞ

ﺣﺴﻴﻦ .. ﺑﻌﺪ ﺭﻭﺡ ﺣﺴﻴﻦ ﻣﺎﺻﺪﮔﺖ ﻣﻦ ﮔﺎﻟﺖ ﺍﻣﻲ ﺣﻨﻴﻦ ﻉ ﺍﻟﺨﻂ .. ﻫﺴﺎ ﻣﺎﺗﺠﺮﻭﻥ ﺧﻂ ﺣﺘﻰ ﻧﺴﻮﻟﻒ ﺑﺮﺍﺣﺘﻨﺎ

ﺣﻨﻴﻦ .. ﻫﻬﻬﻪ ﻣﺎﺍﺩﺭﻱ ﺑﻴﻚ ﻫﻴﺞ .. ﻋﺒﺎﻟﻲ ﺟﺎﻣﺪ

ﺣﺴﻴﻦ .. ﺍﻧﻲ ﺟﺎﻣﺪ ﻭﻱ ﺍﻟﻐﺮﺑﻪ .. ﺑﺲ ﻭﻱ ﻣﺮﺗﻲ ﻧﺎﺭ

ﺣﻨﻴﻦ .. ﻣﻦ ﺍﻟﺨﺠﻞ ﺑﺴﺮﻋﻪ ﮔﺘﻠﻪ ﻣﺎ ﺍﮔﺪﺭ ﺍﻃﻮﻝ ﻻﻥ ﺭﺍﺡ ﺍﺗﺄﺧﺮ ..

ﺳﺪﻳﺘﻪ ﺑﺴﺮﻋﻪ .. ﻭﻭﺟﻬﻲ ﺣﺎﺭ ﮔﻤﺖ ﺍﻫﻔﻲ ﺑﺎﻟﺴﺠﻞ ..

ﺍﺟﺖ ﻋﻠﻴﺎﺀ ﻭﺭﺣﻨﺎ .. ﻭﺻﻠﻨﺎ ﻟﻠﻜﻠﻴﻪ ﻛﻠﻠﻬﺎ ﻋﺮﻓﺖ ﻣﺨﻄﻮﺑﻪ ﻭﻳﺒﺎﺭﻛﻮﻟﻲ ..

ﻣﺮ ﻣﻦ ﻳﻤﻲ ﻣﻬﻨﺪ .

ﮔﺎﻝ ﻣﺒﺮﻭﻙ ﺑﺲ ﻟﻼﺳﻒ ﻭﻫﺰ ﺍﻳﺪﻩ .. ﻭﺍﺑﺘﺴﻢ ﻭﺭﺍﺡ

ﺍﺳﺘﻐﺮﺑﺖ ﻣﻦ ﻃﺮﻳﻘﻪ ﻛﻼﻣﻪ ﻭﺷﻨﻮ ﻳﻘﺼﺪ ..

ﻧﻀﺮﺍﺗﻪ ﻭﺍﺳﻠﻮﺑﻪ ﻳﺨﻮﻑ ..

ﺑﺲ ﺍﻧﻲ ﺩﺍﻳﻤﺎ ﺍﻭﺍﺟﻬﺎ ﻭﻣﺎﺍﺭﻳﺪ ﺍﺑﻴﻦ ﺍﻟﻪ ﺧﺎﻳﻔﻪ ..

ﺩﺭﺕ ﻭﺟﻬﻲ ﻋﻨﻪ ﻭﻫﻤﻠﺘﻪ .. ﺷﻔﺖ ﻣﻨﻰ ﺗﺒﺎﻭﻋﻠﻲ ﻭﺗﺒﺘﺴﻢ

ﺍﺑﺪ ﻣﺎﺍﺭﺗﺎﺣﻴﺖ ﺍﻟﻬﺎ ﻭﺍﺣﺲ ﻭﺭﺍﻫﺎ ﻗﺼﻪ ..

ﺍﻭ ﻋﻨﺪﻫﺎ ﻋﻼﻗﻪ ﺑﻤﻬﻨﺪ ..

ﻭﻣﺎﮔﻠﺖ ﺍﻻﻱ ﺍﺣﺪ ﻋﻨﻪ ﻭﻋﻦ ﺗﻬﺪﻳﺪﺍﺗﻪ ..

ﻻﻥ ﻛﻼﻡ ﺍﻣﻲ ﻟﺴﺎ ﺑﺄﺫﻧﻲ ﻣﻦ ﺗﮕﻮﻝ ﺍﺧﺘﺞ ﺩﺧﻠﺖ ﻭﻃﻠﻌﺖ ﻣﻦ ﺍﻟﺠﺎﻣﻌﻪ ﻣﺤﺪ ﺩﺍﺳﻠﻬﺎ ﻋﻠﻰ ﻃﺮﻑ ..

ﻣﺎﺭﺩﺕ ﺍﺟﻴﺐ ﻣﺸﻜﻠﻪ ﺍﻟﻨﻔﺴﻲ

.. 

ﻗﺮﺭﺕ ﺑﻌﺪ ﻣﺎﺍﻫﺘﻢ ﻭﻻ ﺍﺑﺎﻭﻉ ﺍﻟﻤﻬﻨﺪ ﺍﻭ ﺍﻱ ﺍﺣﺪ ﻏﻴﺮﻩ ﺍﻧﻲ ﺣﺎﻟﻴﺎ ﻣﺨﻄﻮﺑﻪ ..

ﻭﺍﻟﻲ ﻳﻬﻤﻨﻲ ﺩﺭﺍﺳﺘﻲ ﻭﻣﺴﺘﻘﺒﻠﻲ ﻭﺣﺒﻴﺐ ﺭﻭﺣﻲ ﺣﺴﻴﻦ ..

ﻣﺮ ﺍﻟﻴﻮﻡ ﻋﺎﺩﻱ .. ﺍﺭﻳﺪ ﺍﻃﻠﻊ ﻭﺟﺎﻱ ﺍﻣﺸﻲ ﺍﻟﻘﺴﻢ ﻋﻠﻴﺎﺀ

ﺷﻔﺖ ﺳﺨﺺ ﻭﺍﮔﻒ ﮔﺒﺎﻟﻲ ﻭﻳﺒﺘﺴﻢ ..

ﺗﺎﻟﻲ ﺍﺟﻪ ﺗﻘﺮﺏ ﻣﻨﻲ ﻫﺬﺍ ﺣﺴﻴﻦ ..

ﺑﻴﻦ ﻣﺴﺘﻐﺮﺑﻪ ﻭﺑﻴﻦ ﻓﺮﺣﺎﻧﻪ ﻣﺘﻮﻗﻌﺖ ..

ﮔﺎﻝ ﻃﻠﻌﺖ ﻣﻦ ﻭﻗﺖ ﻭﮔﻠﺖ ﺍﻣﺮ ﺍﺷﻮﻓﺞ ﺍﺳﺘﺤﻲ ﺍﺟﻲ ﻟﻠﺒﻴﺖ ..

ﺍﺟﺖ ﻋﻠﻴﺎﺀ ﺷﺎﻓﺘﻪ ﺍﻧﺤﺮﺟﺖ ﻋﺮﻓﺘﻬﻢ ﻉ ﺑﻌﺾ ..

ﻭﻫﻲ ﺻﺎﺭﺕ ﺣﻤﺮﻩ ﻣﻦ ﺍﻟﺨﺠﻞ ﻋﻮﺩ ﺗﺴﺘﺤﻲ ﺍﻡ ﺍﻟﺴﺎﻥ ..

ﺍﻓﺘﺮﻳﻨﺎ ﺷﻮﻳﻪ ﺑﺎﻟﻜﻠﻴﻪ ﻭﻧﺴﻮﻟﻒ ﻭﻧﻀﺤﻚ ﻭﻣﺎﺣﺴﻴﻨﺎ ﻉ ﺍﻟﻮﻗﺖ ﺍﻻ ﺍﺗﺄﺧﺮﻧﺎ ..

ﻭﺍﻛﻴﺪ ﻫﺴﺎ ﺍﻟﻔﻮﺭﺕ ﺭﺍﻳﺤﻪ ﻭﺧﻄﻴﻪ ﻋﻠﻴﺎﺀ ﻣﻨﺘﻀﺮﺗﻨﻲ ..

ﺣﺴﻴﻦ .. ﻋﺎﺩﻱ ﺍﻧﻲ ﺍﻭﺻﻠﻜﻢ ﻭﺍﺭﺟﻊ ..

ﺣﻨﻴﻦ .. ﻫﺎ ﺯﻳﻦ .. ﻻﻥ ﺍﺧﺎﻑ ﺍﺻﻌﺪ ﺗﻜﺴﻲ ﻭﺣﺪﻧﺎ .

ﺣﺴﻴﻦ .. ﻳﻌﻨﻲ ﻣﻌﻘﻮﻟﻪ ﺍﺧﻠﻲ ﻣﺮﺗﻲ ﺗﺮﻭﺡ ﻭﺣﺪﻫﺎ .

ﺣﻨﻴﻦ .. ﻫﻬﻬﻪ ﺩﻳﻠﻪ ﻋﻠﻴﺎﺀ ﺧﻄﻴﻪ ﻫﺴﺎ ﻭﺣﺪﻫﺎ ﺗﻨﺘﻈﺮ

ﺍﺟﻴﻨﺎ ﺍﺧﺬﻧﺎ ﻋﻠﻴﺎﺀ ﺍﻟﻲ ﺷﺒﻌﺘﻨﻲ ﺍﻟﻄﺮﻳﻖ ﻛﻠﻪ ﺗﮕﺮﺹ ﻭﻃﻠﻌﻨﺎ

ﺍﺟﺮﻧﺎ ﺗﻜﺴﻲ ﻭﻭﺻﻠﻨﺎ ﻟﻠﺒﻴﺖ ..

ﻧﺰﻟﻨﺎ .. ﺩﺧﻠﺖ ﻋﻠﻴﺎﺀ ﺍﻟﺒﻴﺘﻬﻢ . ﻭﺍﺣﻨﻪ ﺩﺧﻠﻨﺎ ﻟﻠﺤﺪﻳﻘﻪ ﻣﺎﻟﺘﻨﺎ

ﮔﺎﻝ ﻣﺎﺍﺩﺧﻞ ﺭﺍﺡ ﺍﺭﺟﻊ ﻟﻠﺒﻴﺖ ..

ﻭﻋﻴﺐ ﻣﻦ ﻋﻤﻮ ﺍﻟﺒﺎﺭﺣﻪ ﻋﻘﺪﻧﺎ ﻭﺍﻟﻴﻮﻡ ﺍﻭﺻﻠﺞ ..

ﻻﻥ ﻳﺪﺭﻱ ﺑﺄﺑﻮﻳﻪ ﻋﺼﺒﻲ .. ﺑﺎﺳﻨﻲ ﺑﺨﺪﻱ ﻭﺭﺍﺡ ..

ﺍﻧﻲ ﺭﺟﻠﻴﻪ ﮔﺎﻣﺖ ﺗﻄﺒﮓ ﺭﺟﻞ ﻉ ﺭﺟﻞ ..

ﺍﻭﻝ ﻣﺮﻩ ﺍﺣﺲ ﺑﻬﻴﺞ ﺷﻌﻮﺭ ﺟﺴﻤﻲ ﻛﻠﻪ ﻳﺮﺟﻒ .. ﺻﺤﻴﺢ ﺑﺎﺳﻨﻲ ﺑﺎﻟﻌﻘﺪ ..

ﺑﺲ ﻫﺴﺎ ﻳﺨﺘﻠﻒ ﻭﺣﺪﻧﺎ ﻭﺣﺴﻴﺖ ﺑﻴﻬﺎ ..

ﺩﺧﻠﺖ ﻓﺮﺣﺎﻧﻪ .. ﻣﺎﺍﺩﺭﻱ ﻫﻴﺞ ﺍﻟﺤﺐ ﺣﻠﻮ ..

ﺣﺘﻰ ﻏﺪﺍ ﻣﺘﻐﺪﻳﺖ . ﻋﻮﺩ ﺍﻧﻲ ﺍﻡ ﺑﻄﻦ ﻭﺍﺣﺐ ﺍﻻﻛﻞ ﺗﺎﻟﻲ ﺑﻮﺳﺔ ﺣﺴﻴﻦ ﺧﻠﺘﻨﻲ ﺍﺷﺒﻊ ﻭ ﺍﻧﺴﻰ ﺍﻻﻛﻞ ..

ﺑﺪﻟﺖ ﻭﻧﻤﺖ ﻭﻣﺮ ﺍﻟﻴﻮﻡ ﻋﺎﺩﻱ ﺑﻴﻦ ﺩﺭﺍﺳﻪ ﻭﻋﺸﺎ ﻭﺷﻐﻞ ..

ﻣﺮ ﺍﺳﺒﻮﻉ ﻭﺍﻧﻲ ﻋﺎﻳﺸﻪ ﺑﺴﻌﺎﺩﻩ ..

ﻣﺎﺍﺷﻮﻑ ﺑﺎﻟﺪﻧﻴﺎ ﺑﺲ ﺣﺴﻴﻦ ..

ﺑﺎﺑﺎ ﺍﻟﺘﺤﻖ ﻭﺍﺧﻮﺍﻧﻲ ﻣﻠﺘﻬﻴﻦ ﺑﺸﻐﻠﻬﻢ .

ﻭﺍﻧﻲ ﺩﺭﺍﺳﻪ ﻭﻣﺤﺎﻇﺮﺍﺕ ..

ﺍﻟﺨﻤﻴﺲ ﺍﻟﻌﺼﺮ ﺍﺟﺖ ﻋﻠﻴﺎﺀ .. ﮔﺎﻟﺖ ﻣﺮﺕ ﻋﻤﺞ ﻉ ﺍﻟﺘﻠﻔﻮﻥ

ﺭﺣﺖ ﺍﺭﻛﺾ ﺑﻌﺪ ﻣﺎﺍﺧﺬﺕ ﻣﻮﺍﻓﻘﻪ ﻣﺎﻣﺎ .

ﺳﻠﻤﺖ ﻋﻠﻴﻬﺎ ..

ﮔﺎﻟﺖ ﻫﺬﺍ ﺣﺴﻴﻦ ﻳﺮﻳﺪﺝ ..

ﮔﻠﺒﻲ ﮔﺎﻡ ﻳﺪﮒ ﺣﻴﻞ ..

ﺍﻟﻮ

ﻫﻠﻮ ﻳﺮﻭﺣﻲ ﺷﻠﻮﻧﺞ

ﺍﻧﻲ ﺯﻳﻨﻪ ﺍﻧﺖ ﺷﻠﻮﻧﻚ ..

ﺍﻧﻲ ﺑﺨﻴﺮ ﻣﺪﺍﻡ ﺍﻧﺘﻲ ﺑﺤﻴﺎﺗﻲ ..

ﻫﻬﻬﻬﻬﻪ

ﺍﮔﻠﺞ ﺣﺒﻲ .. ﺑﺎﺟﺮ ﺭﺍﺡ ﻧﺮﻭﺡ ﺍﻟﻜﺮﺑﻠﻪ ﻭﺍﺭﻳﺪﺝ ﺗﺮﺣﻴﻦ ﻭﻳﺎﻱ ﻭﻣﺮﺕ ﻋﻤﻲ ﺗﺪﺭﻱ ﺍﻣﻲ ﻣﺨﺎﺑﺮﺗﻬﺎ ﺍﻟﺼﺒﺢ ﻣﺎﮔﺎﻟﺘﻠﺞ ..

ﻻ ﻣﺎﺍﺩﺭﻱ ﻫﺎﻱ ﻣﻨﻚ ﺍﺳﻤﻊ ..

ﻫﺎ ﺯﻳﻦ ﺟﺎ ﺑﺎﺟﺮ ﺍﻧﻤﺮ ﻋﻠﻴﻜﻢ ﻣﻦ ﺍﻟﺼﺒﺢ ..

ﺑﺎﺟﺮ ﺍﻭﻝ ﺯﻳﺎﺭﻩ ﺍﻟﻨﺎ ﺳﻮﻳﻪ ..

ﻳﻠﻪ ﺣﺒﻴﺒﺘﻲ ﺭﻭﺣﻲ ﻣﺎﺍﺧﺮﺝ .. ﻋﻴﺐ ﻣﻦ ﺍﻫﻞ ﻋﻠﻴﺎﺀ

ﺑﺎﻱ ..

ﺗﻌﺎﻱ ﺷﻨﻮ ﺑﺎﻱ ..

ﺟﺎ ﺷﺄﻛﻮﻝ ..

ﮔﻮﻟﻲ ﺑﺎﻱ ﺣﺒﻴﺒﻲ ﺣﻴﺎﺗﻲ ﺍﺣﺒﻚ .. ﻣﻦ ﺍﻧﺨﻄﺒﻨﺎ ﻟﺴﺎ ﻣﺎﺳﻤﻌﺖ ﻛﻠﻤﻪ ﻣﻨﺞ ﻏﺰﻝ ..

ﻫﻬﻬﻬﻪ ﺑﺎﻱ ﺣﺒﻴﺒﻲ ﺍﺣﺒﻚ

ﺍﻭﻳﻠﻲ ﺑﻮﻳﻪ ﻫﻬﻬﻬﻬﻪ ﺍﺣﺒﺞ ﺍﻣﻮﺕ ﻋﻠﻴﺞ ..

ﺣﻨﻮﻧﻪ ﺷﻴﺠﻴﺐ ﺑﺎﺟﺮ ﻭﺍﺻﺒﺮ ﺷﻠﻮﻥ ..

ﺣﻨﻴﻦ .. ﻫﻬﻬﻪ ﺍﺣﺒﻚ

ﺣﺴﻴﻦ .. ﻭﺣﻖ ﺍﻟﻠﻪ ﺍﻣﻮﺕ ﻋﻠﻴﺞ

ﺭﺟﻌﺖ ﻟﻠﺒﻴﺖ ﻋﺒﺎﻟﻚ ﻃﺎﻳﺮﻩ ﻭﺍﺿﺤﻚ ﻓﺎﺗﺤﻪ ﺣﻠﮕﻲ ﻣﺘﺮ

ﺷﺎﻓﺘﻨﻲ ﺑﻨﻴﻦ .. ﮔﺎﻟﺖ ﻫﺬﺍ ﺣﺴﻴﻦ ﻣﻮ ﻣﺮﺕ ﻋﻤﺞ ﻭﺍﺿﺢ

ﺍﺳﺘﺤﻴﺖ ﻻﻥ ﻣﺎﻣﺎ ﺻﺎﺭﺕ ﮔﺒﺎﻟﻲ ..

ﻣﺎﻣﺎ .. ﻫﺎ ﮔﻠﻮﻟﺞ ﻉ ﺍﻟﺰﻳﺎﺭﻩ .. ﻧﺴﻴﺖ ﺍﮔﻠﺞ ﺍﻧﻲ .

ﺣﻈﺮﻱ ﺭﻭﺣﺞ ﻭﻧﺎﻣﻲ ﻣﻦ ﻭﻛﺖ ..

ﺍﻧﻄﻔﺖ ﺍﻟﻜﻬﺮﺑﺎﺀ ﻭﮔﻌﺪﻧﺎ ﻧﺴﻮﻱ ﻋﺸﺎ ﻭﻣﺘﺎﻉ ﻉ ﺍﻟﻔﺎﻧﻮﺱ

ﺑﻨﻴﻦ ﺳﻮﺕ ﻋﺸﺎ ..

ﻭﺍﻧﻲ ﺳﻮﻳﺖ ﺩﻭﻟﻤﻪ ﻭﻛﺒﻪ ﻣﺘﺎﻉ ..

ﻣﺎﻣﺎ ﮔﺎﻟﺖ ﻋﻴﺐ ﻧﺮﻭﺡ ﺍﺩﻳﻨﺎ ﻓﺎﺭﻏﻪ

ﻭﺳﻮﻳﺖ ﻛﻌﻚ ﺑﺎﻟﻄﺮﻳﻖ ﻧﺎﻛﻠﻪ ..

ﻧﻤﺖ ﻣﻦ ﻭﻛﺖ ﻭﮔﻌﺪﺕ ﻭﻱ ﺍﻻﺫﺍﻥ .. ﺻﻠﻴﺖ ﻭﺣﻈﺮﺕ ﺍﻟﻐﺮﺍﺽ .. ﻭﺳﻮﻳﺖ ﺗﺮﻣﺰ ﺟﺎﻱ ..

ﻻﻥ ﺍﺩﺭﻱ ﻣﺮﺕ ﻋﻤﻲ ﻣﺎﺗﻠﺤﮓ ..

ﻻﻥ ﻣﺎﻋﻨﺪﻫﺎ ﺑﻨﺎﺕ ﺑﺲ ﻭﻟﺪ ﻭﺣﺴﻴﻦ ﺍﻛﺒﺮﻫﻢ ..

ﻳﻌﻨﻲ ﺍﻧﻲ ﺍﻭﻝ ﺟﻨﻪ ..

ﺍﺟﻮ ﺩﮒ ﺣﺴﻴﻦ ﺍﻟﺒﺎﺏ .. ﺩﺧﻞ ﺷﺎﻝ ﺍﻟﻐﺮﺍﺽ ..

ﮔﺎﻝ ﺷﻨﻮ ﺷﻌﻨﺪﺝ ﻫﺬﺍ ﻛﻠﻪ ﻣﺴﻮﻳﺘﻪ ..

ﻟﻮ ﻣﺨﻠﻴﺘﻬﺎ ﻧﺸﺘﺮﻱ ﻣﻦ ﺍﻟﻤﻄﻌﻢ ..

ﺣﻨﻴﻦ .. ﺍﻣﻤﻤﻢ ﺿﻮﮒ ﺍﻛﻠﻲ ﻭﺑﻌﺪﻳﻦ ﺍﺣﻜﻢ ..

ﺑﺎﻟﻄﺮﻳﻖ ﻃﻠﻌﻨﺎ ﻛﻌﻚ ﻭﺟﺎﻱ ﺻﺒﻴﺖ ﺍﻟﻬﻢ ..

ﻓﺮﺡ ﺣﺴﻴﻦ .. ﻭﻳﮕﻮﻝ ﻳﻤﻪ ﺷﻮﻓﻲ ﻣﺮﺗﻲ ﺍﻟﻨﺎﺩﺭﻩ

ﮔﻠﺒﻬﺎ ﻳﻌﻠﻢ ﺍﺩﻭﺥ ﺍﺫﺍ ﻣﺎﺍﺷﺮﺏ ﺟﺎﻱ ﺍﻟﺼﺒﺢ ..

ﻟﻮ ﺍﻟﻜﻌﻚ ﻋﺒﺎﻟﻚ ﺍﻛﻞ ﻛﺎﻫﻲ ﻳﺨﺒﻞ .

ﻭﻛﻠﻬﺎ ﮔﺎﻣﺖ ﺗﻀﺤﻚ ﺍﻧﻲ ﻭﻣﺎﻣﺎ ﻭﻣﺮﺕ ﻋﻤﻮ ﺑﺎﻟﻮﺭﻯ ﮔﺎﻋﺪﻳﻦ ﻭﺣﺴﻴﻦ ﺑﺎﻟﺼﺪﺭ .. ﻭﺍﻟﺴﺎﻳﻖ ﺍﺑﻦ ﻋﻤﺘﻲ ﻣﻮ ﻏﺮﻳﺐ ..

ﻳﻌﻨﻲ ﺍﺧﺬﻧﺎ ﺭﺍﺣﺘﻨﺎ .

ﻭﺻﻠﻨﺎ ﻓﺮﺷﻨﺎ ﻭﺯﺭﻧﺎ ﻭﺍﻓﺘﺮﻳﻨﺎ ﺍﻧﻲ ﻭﺣﺴﻴﻦ ﻭﺍﺷﺘﺮﺍﻟﻲ ﺍﻛﺴﺴﻮﺍﺭﺍﺕ .. ﺷﺎﻓﻨﻲ ﺍﮔﻠﺐ ﺑﻴﻬﻦ ﺍﺣﺐ ﻫﻴﺞ ﺷﻐﻼﺕ

ﻻﺯﻡ ﺍﻳﺪﻱ .. ﻭﻋﺼﺮﻫﺎ ﺣﻴﻞ ..

ﮔﺎﻝ ﺣﻨﻮﻧﻪ ﻣﻮ ﺗﺘﺮﻛﻴﻦ ﺍﻳﺪﻱ ﺑﻴﻮﻡ .. ﺧﻠﻴﻨﺎ ﻫﻴﺞ ﺍﻟﺤﺪ ﺍﻟﻤﻮﺕ ﻣﺎﻧﻔﺘﺮﻕ ..

ﺍﻧﻲ ﺑﻬﺬﻭﻟﻲ ﺍﻻﺳﺒﻮﻋﻴﻦ ﺻﺮﺗﻲ ﺍﻏﻠﻰ ﻣﻦ ﺭﻭﺣﻲ ﻭﻋﺎﻳﺶ ﺍﺣﻠﻰ ﺣﺐ ﻭﻳﺎﺝ ..

ﻭﺷﻮﻛﺖ ﺗﺼﻴﺮ ﻋﻄﻠﻪ ﻧﺼﻒ ﺍﻟﺴﻨﻪ ﻭﺗﺼﻴﺮﻳﻦ ﻳﻤﻲ ﻭﻛﻞ ﻳﻮﻡ ﺍﺷﻮﻓﺞ ..

ﺍﻧﻲ ﺑﺲ ﺍﺑﺘﺴﻢ ﻛﻼﻣﻪ ﺣﻠﻮ ﻭﻣﺎﺍﻋﺮﻑ ﺷﺄﺭﺩ ﻋﻠﻴﻪ ..

ﺭﺟﻌﻨﺎ ﻳﻤﻬﻢ ﻟﮕﻴﻨﺎ ﻣﺎﻣﺎ ﻭﻣﺮﺕ ﻋﻤﻮ ﺣﻈﺮﻥ ﺍﻟﻐﺪﺍ

ﮔﻌﺪﻭﺍ ﻳﺎﻛﻠﻮﻥ ﻭﻳﻤﺪﺣﻮﻥ ﺑﺎﻟﻄﺒﺦ ..

ﻭﺧﺎﺻﻪ ﺍﻟﺪﻭﻟﻤﻪ ﻋﺠﺒﺘﻬﻢ ﺣﻴﻞ ..

ﻭﺣﺴﻴﻦ ﺍﻟﺠﺎﻣﺪ ﺻﺎﻳﺮ ﺟﺮﺉ ﻭﻳﺘﻐﺰﻝ .

ﻭﺍﻧﻲ ﺍﺳﺘﺤﻲ .. ﻭﻣﺮﺕ ﻋﻤﻲ ﺗﮕﻮﻝ ﻫﺬﺍ ﺣﻼﻟﺞ ﻟﺘﺴﺘﺤﻴﻦ

ﺣﺴﻴﻦ .. ﻋﻤﻪ ﺷﻮﻛﺖ ﻳﺠﻲ ﻋﻤﻲ ﺍﺭﻳﺪ ﺍﺧﺬ ﺣﻨﻴﻦ ﻭﻧﻌﻘﺪ ﻣﺤﻜﻤﻪ ..

ﻓﺮﺣﺖ ﺑﺪﺍﺧﻠﻲ .. ﻭﮔﺎﻝ ﻭﻧﺮﻳﺪ ﻧﺮﻭﺡ ﻧﺸﻮﻑ ﺍﻟﻐﺮﻑ ﻭﻧﺠﻬﺰ

ﻫﻤﻪ ﻳﺨﻄﻄﻮﻥ ﻭﺍﻧﻲ ﺍﺗﺒﺎﻭﻋﻠﻪ ﻭﻭﺩﻱ ﺍﺣﻈﻨﻪ ﻭﺍﺑﻮﺳﻪ ﻳﺨﺒﻞ ﻣﻦ ﻳﺤﺠﻲ ﻭﺧﺎﺻﻪ ﺷﺮﺍﻳﻴﻦ ﺭﮔﺒﺘﻪ ﻣﻦ ﻳﻄﻠﻌﻦ ﻟﺒﺮﻩ ﻣﻦ ﻳﺎﻛﻞ ﻟﻮ ﻳﺤﺠﻲ ..

ﺳﻌﺎﺩﺗﻲ ﻣﺘﻨﻮﺻﻒ ﻭﻳﺎﻩ ..

ﺭﺟﻌﻨﺎ ﻭﺍﻻﻳﺎﻡ ﺗﺮﻛﺾ ﺑﺴﺮﻋﻪ .. ﻭﺧﺎﺻﻪ ﻣﻦ ﻳﺠﻲ ﺣﺴﻴﻦ .

ﺍﺟﻪ ﺑﺎﺑﺎ ..

ﻭﺛﺎﻧﻲ ﻳﻮﻡ ﺭﺣﻨﺎ ﺟﻬﺰﻧﺎ ﺍﻭﺭﺍﻗﻨﺎ ﻭﺧﻠﺼﻨﺎ ﻣﺼﺮﻑ ﺍﻟﺪﻡ .. ﻭﺍﻟﻴﻮﻡ ﺍﻟﻲ ﺑﻌﺪﻩ ﻋﻘﺪﻧﺎ ﻣﺤﻜﻤﻪ ﻭﺧﻠﺼﻨﺎ ﺟﺎﻥ ﺑﻴﻮﻣﻬﺎ ﻋﺪﻧﺎ ﺍﻣﺘﺤﺎﻥ ..

ﮔﺘﻠﻪ ﺣﺴﻴﻦ ﺭﺟﻌﻨﻲ ﻟﻠﻜﻠﻴﻪ ﻋﻨﺪﻱ ﺍﻣﺘﺤﺎﻥ ﺍﻟﺴﺎﻋﻪ 11 ﻭﻧﺼﻒ ..

ﺩﺧﻠﺖ ﺭﻛﺾ ﻭﺣﺴﻴﻦ ﺭﺍﺡ ..

ﻟﮕﻴﺖ ﺍﻻﺳﺘﺎﺫ ﻳﺮﻳﺪ ﻳﺪﺧﻞ .. ﻫﻤﺰﻳﻦ ﻟﺤﮕﺖ ..

ﺍﻣﺘﺤﻨﺖ ﻭﻣﻦ ﺍﻟﻔﺮﺣﻪ ﻣﺎﺍﻋﺮﻑ ﺷﻠﻮﻥ ﺟﺎﻭﺑﺖ ..

ﻃﻠﻌﺖ ﻣﻦ ﺍﻻﻣﺘﺤﺎﻥ ﺗﻌﺒﺎﻧﻪ ..

ﻻﻥ ﻣﻦ ﺍﻟﻤﺤﻜﻤﻪ ﮔﺒﻞ ﻟﻠﻜﻠﻴﻪ ﻭﺍﻻﻣﺘﺤﺎﻥ ﻭﻋﻄﺸﺎﻧﻪ ..

ﺍﺟﺖ ﻣﻨﻰ ﺟﺎﻳﺒﻪ ﺑﻴﺪﻫﺎ ﻋﺼﻴﺮ .

ﮔﺎﻟﺖ ﻫﺎﺝ ﻣﺒﻴﻦ ﻋﻠﻴﺞ ﺗﻌﺒﺎﻧﻪ ..

ﮔﻠﺘﻠﻬﺎ ﻻ ﺷﻜﺮﺍ .. ﻫﺴﺎ ﺭﺍﻳﺤﻪ ﺍﺷﺘﺮﻱ ..

ﺍﻟﺤﺖ ﻋﻠﻴﻪ ﻭﺍﺻﺮﺕ ﺍﻻ ﺗﺎﺧﺬﻳﻪ ﺗﺮﻯ ﺍﺯﻋﻞ ..

ﺍﺣﻨﻪ ﻧﻌﺘﺒﺮ ﺻﺪﻳﻘﺎﺕ ﻭﻣﺎﻛﻮ ﻓﺮﻕ ﺑﻴﻨﺎ

... 

يتبع

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤