رواية الخذلان الجزء التاسع | نهاية الجزء الأول
للكاتبة شمس
.
.
ﺍﺳﺘﻤﺮ ﻗﻴﺼﺮ ﺑﻌﺪﻡ ﺍﻫﺘﻤﺎﻣﻪ ﻭﺑﺤﺠﺔ ﺍﻧﻪ ﻣﺎﻳﺆﻣﻦ ﺑﺎﻟﻲ ﺩﻳﺼﻴﺮ ﺑﻴﻪ ..
ﻣﺮﺍﺕ ﻳﻐﻤﺮﻧﻲ ﺑﺤﻨﺎﻧﻪ ﻭﺣﺒﻪ ﻭﻧﻄﻠﻊ ﻭﻧﻐﻴﺮ ﺟﻮ ..
ﻭﻣﺮﺍﺕ ﺍﻟﮕﺎﻩ ﻉ ﺍﻟﻤﻮﺑﺎﻳﻞ ﻟﻴﻞ ﻣﻊ ﻧﻬﺎﺭ ..
ﻭﺍﻻﺑﺘﺴﺎﻣﻪ ﻣﺘﻔﺎﺭﮒ ﻭﺟﻬﻪ ..
ﻭﺑﺪﺍ ﺍﻟﺸﻚ ﻳﺎﻛﻞ ﮔﻠﺒﻲ ..
ﺑﺲ ﻣﺎﺭﺩﺕ ﺍﺣﺠﻲ ﺍﻭ ﺍﻛﺸﻒ ﺧﻔﺖ ..
ﺧﻮﻓﻲ ﻣﻦ ﺧﺴﺎﺭﺗﻪ ﻏﻠﺐ ﻉ ﻛﺒﺮﻳﺎﺋﻲ ..
ﺍﺗﺼﻠﺖ ﻉ ﻣﺎﻣﺎ ﻭﮔﻠﺘﻠﻬﺎ ﺷﻮﻓﻴﻠﻲ ﺳﻴﺪ ﺍﻭ ﺷﻴﺦ ﺍﻭ ﺍﻱ ﺷﻲ ﻻﺯﻡ ﺍﻋﺎﻟﺞ ﺭﻭﺣﻲ
ﻭﺍﺳﺘﺮﺟﻊ ﺣﻴﺎﺗﻲ ﻭﺯﻭﺟﻲ ..
ﺍﻟﻲ ﻓﻌﻼ ﺍﻫﻤﻠﺘﻬﻢ .. ﺷﻤﺲ
ﺭﺟﻌﺖ ﻟﻠﺪﻭﺍﻡ .. ﺑﺲ ﻣﺴﺘﻮﺍﻱ ﺗﺮﺍﺟﻊ
ﻭﺍﻟﻜﻞ ﺣﺘﻰ ﺍﻻﺳﺎﺗﺬﻩ ﻳﻠﻮﻣﻮﻥ ﺑﻴﻪ ..
ﺍﺣﺎﻭﻝ ﺍﺳﻴﻄﺮ ﻉ ﻧﻔﺴﻲ ﻭﻣﺎﺍﺑﻴﻦ ﺷﻲ ﺍﻟﻘﻴﺼﺮ
ﺣﺘﻰ ﻣﻴﻀﻮﺝ ..
ﻭﻣﺮﻩ ﺍﺟﺖ ﻣﺮﺓ ﺍﺧﻮﻩ ﺍﻟﻴﻪ ..
ﻭﺍﺛﻨﺎﺀ ﺍﻟﺤﺪﻳﺚ .
ﮔﺎﻟﺖ ﺍﻧﺘﻲ ﻣﻦ ﻛﻨﺘﻲ ﺑﻨﻴﻪ ﻫﻢ ﺩﺍﺧﻞ ﺑﻴﺞ ﺟﻦ ..
ﻟﻮ ﺑﻴﺞ ﻣﺮﺽ ﻭﻇﺎﻣﻪ ﻉ ﻗﻴﺼﺮ
ﺍﺳﺘﻐﺮﺑﺖ .. ﮔﺘﻠﻬﺎ ﻣﺎﺑﻴﻪ ﺍﻱ ﺷﻲ ﻻﻗﺒﻞ ﻭﻻ ﻫﺴﺎ
ﺷﻠﻮﻥ ﺍﺷﻮ ﻗﻴﺼﺮ ﻳﮕﻮﻝ ﺗﺘﺨﻴﻞ ﺍﺷﻴﺎﺀ ﻭﺗﺘﺼﺮﻑ ﻣﺜﻞ ﺍﻟﻤﺠﺎﻧﻴﻦ ..
ﻭﻻﺗﺎﻛﻞ ﻭﻻﺗﺸﺮﺏ ﻭﻣﺎﺗﺮﻳﺪﻧﻲ ..
ﺍﺳﺘﻐﺮﺑﺖ ﻣﻦ ﻛﻼﻣﻬﺎ ﻭﺍﻧﻬﻈﻤﺖ ﻣﻌﻘﻮﻟﻪ ﻫﻴﺞ ﻗﻴﺼﺮ
ﺍﺳﺮﺍﺭﻧﺎ ﻳﻄﻠﻌﻬﺎ ﻭﻳﺨﻠﻴﻨﻲ ﻋﻠﺞ ﺑﺤﻠﮓ ﺍﻟﻨﺎﺱ
ﻭﻳﮕﻠﻬﻢ ﻣﺠﻨﻮﻧﻪ ..
ﻣﻊ ﺍﻻﺳﻒ .. ﻫﻲ ﺗﺎﻟﻴﺘﻬﺎ ﺗﻄﻠﻌﻨﻲ ﻣﺨﺒﻠﻪ ..
ﮔﻠﺘﻠﻬﺎ ﻣﻦ ﺭﺧﺼﺘﺞ ﻣﺸﻐﻮﻟﻪ ﻭﻋﻨﺪﻱ ﺍﻣﺘﺤﺎﻥ ..
ﻫﻲ ﺣﺴﺖ ﺍﻧﻲ ﺿﺠﺖ ﺗﺮﻛﺘﻨﻲ ﻭﻃﻠﻌﺖ ..
ﺍﺗﺼﻠﺖ ﻉ ﻗﻴﺼﺮ .. ﻃﻠﻌﺖ ﻛﻞ ﺍﻟﻲ ﺑﺪﺍﺧﻠﻲ ..
ﮔﺘﻠﻪ ﻣﻊ ﺍﻻﺳﻒ ﻗﻴﺼﺮ ﻉ ﺣﺒﻲ ﻭﺍﺧﺘﻴﺎﺭﻱ ﺍﻟﻚ
ﺑﺪﻝ ﻣﺘﻮﮔﻒ ﻭﻳﺎﻱ ﻭﺗﺴﺎﻧﺪﻧﻲ .. ﺷﻤﺲ
ﺗﺮﻭﺡ ﺗﮕﻮﻝ ﺍﻻﺧﻮﻙ ﻭﻣﺮﺗﻪ ﺍﻧﻲ ﻣﺨﺒﻠﻪ ﻭﺍﺗﺼﺮﻑ ﻣﺜﻞ ﺍﻟﻤﺠﺎﻧﻴﻦ ..
ﻣﺪﺍﻡ ﺍﻧﻲ ﻣﺨﺒﻠﻪ ﻭﻣﺎﻋﺎﺟﺒﺘﻚ ..
ﺧﻠﺺ ﻛﻞ ﻭﺍﺣﺪ ﻳﺮﻭﺡ ﺑﻄﺮﻳﻘﻪ ..
ﺍﻧﺘﻲ ﺷﺒﻴﺞ ﻣﻮ ﻫﻴﺞ ﺍﻟﺤﺠﻲ ..
ﻫﻴﺞ ﺍﻭ ﻣﻮﻫﻴﺞ ﺍﻟﻤﻬﻢ ﻃﻠﻌﺖ ﺍﺳﺮﺍﺭﻧﺎ ﻟﻮ ﻻ
ﺍﻓﻬﻤﻴﻨﻲ ..
ﻣﺎﺍﺭﻳﺪ ﺍﻓﻬﻢ ﺍﻧﻲ ﺍﺭﻭﺣﺮﺍﻻﻫﻠﻲ ﺍﺧﻠﻴﻬﻦ ﻳﻌﺎﻟﺠﻮﻥ ﺍﻟﻤﺨﺒﻠﻪ ﺍﻟﻲ ﺗﺰﻭﺟﺘﻬﺎ ﻭﺍﺑﺘﻠﻴﺖ ﺑﻴﻬﺎ ..
ﻭﺍﻧﺖ ﺑﻜﻴﻔﻚ ﺗﺮﻳﺪ ﺗﻨﺘﻈﺮﻧﻲ ﺗﺮﻳﺪ ﺗﻄﻠﮕﻨﻲ ..
ﻟﻤﻴﺖ ﻣﻼﺑﺴﻲ ﻭﺭﺩﺕ ﺍﻃﻠﻊ .. ﺻﺎﺭ ﮔﺒﺎﻟﻲ ..
ﻣﻴﺎﺭ ﺗﺤﺠﻴﻦ ﺻﺪﮒ .. ﻭﺍﻟﻠﻪ ﻣﺎﮔﻠﺘﻠﻬﺎ ﺍﻧﻲ ﺣﺠﻴﺘﺮﺍﻻﺧﻮﻱ ﺣﺘﻰ ﻧﺸﻮﻑ ﺣﻞ ..
ﻭﺑﺲ
ﻣﺎﺣﺠﻴﺖ ﺍﻻﺣﺪ ..
ﺍﻱ ﻟﻌﺪ ﻣﺎﻛﻮ ﻏﻴﺮ ﺍﺧﻮﻙ ﺭﺍﺡ ﮔﺎﻝ ﺍﻟﺰﻭﺟﺘﻪ ﻭﺯﻭﺟﺘﻪ ﻣﺎﺗﺨﻠﻲ ﺍﺣﺪ ﻣﺎﺭﺍﺡ ﺗﮕﻠﻪ ..
ﻫﺎﻱ ﺍﺫﺍ ﻣﻮ ﻫﻲ ﺍﻟﺴﺒﺐ ﺑﺎﻟﻲ ﺻﺎﺭﻟﻲ
ﺷﻨﻮ ﺗﻘﺼﺪﻳﻦ ..
ﻣﺎﺍﻋﺮﻑ ﻣﺎﺍﻋﺮﻑ
ﻳﮕﻠﻮﻟﻲ ﻫﺬﺍ ﻋﻤﻞ .. ﻭﻣﻦ ﻳﻮﻣﻬﺎ ﺍﻧﻲ ﺍﻓﻜﺮ ﺍﻫﻠﻲ ﻣﺤﺪ ﻳﺠﻲ ﺍﻟﻲ ﺑﺲ ﻣﺎﻣﺎ ﻭﺑﺎﻟﺸﻬﺮ ﻣﺮﻩ ..
ﻳﻌﻨﻲ ﻣﻨﻮ ﻳﺴﻮﻟﻲ ﻣﻨﻮ ﻓﻬﻤﻨﻲ ..
ﻛﺎﻓﻲ ﻣﻴﺎﺭ ﺍﻋﺼﺎﺑﺞ ﺗﻌﺒﺎﻧﻪ ..
ﻓﻌﻼ ﺍﻋﺼﺎﺑﻲ ﺗﻌﺒﺎﻧﻪ .. ﺧﻠﻴﻨﻲ ﺍﺭﻭﺡ ﺍﻻﻫﻠﻲ ﻛﻢ ﻳﻮﻡ ﺍﺭﺗﺎﺡ ﻭﺍﺷﻮﻑ ﻧﻔﺴﻲ ﻭﺑﻌﺪﻳﻦ ﻧﺤﺠﻲ
.
ﺑﺮﺍﺣﺘﺞ .. ﺑﺲ ﺍﻧﻲ ﺍﻭﺻﻠﺞ .. ﻭﺷﻮﻛﺖ ﻣﺘﺮﺩﻳﻨﻲ ﺍﺗﺼﻠﻲ ﻭﺍﻧﻲ ﺍﺟﻲ .
ﺍﻭﻙ ..
ﻭﺻﻠﻨﻲ ﺍﻟﺒﻴﺖ ﺍﻫﻠﻲ .. ﻭﺷﻔﺖ ﺍﻟﺸﻤﺎﺗﻪ ﺑﻌﻴﻮﻧﻲ ﻧﻬﻠﻪ ﻭﻋﻠﻴﺎﺀ ﻻﻥ ﻛﻞ ﺍﻟﻲ ﻳﺸﻮﻓﻨﻲ ﻻﺯﻡ ﻳﻌﺮﻑ ﺑﻴﻪ ﺷﻲ
ﺷﻜﻠﻲ ﻭﺣﺎﻟﻲ ﻣﺘﻐﻴﺮ ..
ﻭﻳﻮﻡ ﻋﻦ ﻳﻮﻡ ﺗﺰﻳﺪ ﺍﻟﺤﺎﻟﻪ .. ﻭﮔﻤﺖ ﺍﻋﻴﻂ ﻭﺍﺻﺮﺥ ﻣﻦ ﺍﻟﻢ ﺭﺍﺳﻲ ﻭﺣﺘﻰ ﺍﻣﻲ ﺑﺪﺕ ﺗﺨﺎﻑ ..
ﺍﺗﺼﻠﺖ ﻉ ﻭﺳﺎﻡ ﻭﺍﺟﻮ ﺍﺧﺬﻭﻧﻲ ..
ﻛﻨﺖ ﻧﺎﻳﻤﻪ ﻭﻣﺎﺍﺩﺭﻱ ﻭﻳﻦ .. ﺑﺲ ﻧﺰﻟﻨﺎ ﻳﻢ ﺑﻴﺖ ..
ﺩﺧﻠﻨﺎ
ﻃﻠﻊ ﻭﻟﺪ .. ﮔﺎﻝ ﺍﻟﺴﻴﺪ ﻣﻨﺘﻀﺮﻛﻢ ﺟﻮﻩ ﺗﻔﻈﻠﻮ
ﺍﺣﺘﻤﺎﻝ ﻭﺳﺎﻡ ﻣﻨﻄﻴﻪ ﺧﺒﺮ ..
ﺩﺧﻠﻨﺎ ﮔﻌﺪﺕ .. ﮔﺎﻝ ﺗﻌﺎﻟﻲ ﺑﺎﺑﺎ ﺍﮔﻌﺪﻱ ﻣﻘﺎﺑﻴﻠﻲ ..
ﻓﺘﺢ ﻛﻔﻲ ﻭﮔﺎﻡ ﻳﻘﺮﺃ ﻋﻠﻴﻪ ..
ﻭﻉ ﺭﺍﺳﻲ .
ﺍﺷﻮ ﻣﺎﻛﻤﻞ ﺑﺴﺮﻋﻪ ﮔﺎﻡ ﻳﺬﺏ ﻣﻦ ﺭﺍﺳﻪ ..
ﮔﺎﻝ ﻫﺎﻱ ﺷﻠﻮﻥ ﻣﺘﺤﻤﻠﻪ ﺑﺎﺑﺎ ..
ﻫﺬﺍ ﺳﺤﺮ ﻗﻮﻱ ﻭﻣﺴﻮﻳﻪ ﻉ ﻧﮕﺎﺳﻪ ..
ﮔﺎﻝ ﻧﻄﻴﻨﻲ ﺍﺳﻤﺞ ﻭﺍﺳﻢ ﺍﻣﺞ ..
ﻋﻨﺪﺝ ﻭﺣﺪﻩ ﺗﻜﺮﻫﺞ ﻣﻨﺞ ﻭﺑﻴﺞ ﺗﻐﺎﺭ ﻣﻨﺞ ﻭﻣﺎﺗﺘﻤﻨﺎﻟﺞ ﺍﻟﺨﻴﺮ
ﮔﺘﻠﻪ ﻣﻨﻲ ﻭﺑﻴﻪ ﻣﻨﻮ ﻣﺎﺧﻄﺮ ﻋﺒﺎﻟﻲ ﻭﺣﺪﻩ ..
ﮔﺎﻝ ﺑﺎﺑﺎ ﻫﺎﻱ ﻣﺘﺤﺒﻠﺞ ﺍﻟﺨﻴﺮ ..
ﻭﺣﺎﺳﺪﺗﺞ ﻉ ﻋﻴﺸﺘﺞ ﻭﻱ ﺯﻭﺟﺞ .
ﻭﺗﺤﺎﻭﻝ ﺗﻔﺮﻗﻜﻢ .. ﺟﺎﻱ ﺗﺨﻠﻴﺞ ﺗﺸﻮﻓﻴﻪ ﺑﻬﻴﺌﺔ ﻣﻮﺣﻠﻮﻩ ﻭﺗﻜﺮﻫﺞ ﻭﺗﺒﻌﺪﺝ ﻋﻨﻪ ..
ﻭﺑﺎﻟﺘﺎﻟﻲ ﻫﻮ ﻳﻤﻞ ﻭﺗﺮﻛﻮﻥ ﺑﻌﺾ ..
ﮔﻤﺖ ﺍﺑﺠﻲ .. ﮔﺘﻠﻪ ﻟﻴﺶ ﻭﺷﻨﻮ ﺍﻟﺴﺒﺐ ..
ﮔﺎﻝ ﺍﻟﻨﻔﻮﺱ ﺍﻟﻀﻌﻴﻔﻪ ﻛﻠﺸﻲ ﺗﺴﻮﻱ ﻭﺍﻟﻈﺎﻫﺮ ﻫﻲ ﻣﺘﻌﻮﺩﻩ ﻭﻧﻜﺴﻪ ﻫﻲ ﺣﺘﻰ ﻣﺎﺗﺼﻠﻲ ..
ﻣﺎﺍﺷﻮﻑ ﺑﻴﻬﺎ ﻃﻬﺎﺭﻩ ..
ﮔﺘﻠﻪ ﻣﻨﻮ ﻫﻲ ﻋﻔﻴﻪ ﮔﻮﻝ
ﺑﺎﺑﺎ ﺍﻧﻲ ﻣﺎﺍﻧﻄﻲ ﺍﺳﻤﺎﺀ ﻫﻮﺍﻱ ﺻﺎﺭﺕ ﻣﺸﺎﻛﻞ ﻭﺣﺎﻟﻒ ﺍﺳﻤﺎﺀ ﻣﺎﺍﻧﻄﻲ ﺑﻌﺪ ..
ﺍﻧﻄﻲ ﺍﻱ ﺷﻲ ﻋﻨﻬﺎ ﺍﻋﺮﻓﻬﺎ ﺑﻲ ﻻﺯﻡ ﺍﺧﺬ ﺣﺬﺭﻱ ﻣﻨﻬﺎ
ﮔﺎﻝ ﻭﺣﺪﻩ ﻋﻨﺪﻛﻢ ﻣﻴﺼﻴﺮ ﻋﻨﺪﻫﺎ ﺍﻭﻻﺩ .. ﻭﻣﺎﺗﺤﺒﻠﺞ ﺍﻟﺨﻴﺮ ﺑﺲ ﻫﺬﺍ ﺍﻻﻭﮔﻮﻟﻪ ..
ﺑﺎﻭﻋﺖ ﺍﻻﻣﻲ ﻫﺰﺕ ﺑﺮﺍﺳﻬﺎ .. ﻭﺗﺒﺠﻲ
ﮔﻠﺘﻠﻬﺎ ﻳﻌﻨﻲ ﻣﻌﻘﻮﻟﻪ ﻣﻌﻴﺸﻴﻦ ﻭﺣﺪﻩ ﺳﺤﺎﺭﻩ ﻭﻳﺎﻧﺎ ﺑﺎﻟﺒﻴﺖ ﺍﮔﻮﻝ ﺷﻠﻮﻥ ﻣﺨﻠﻴﻪ ﺍﻣﻴﺮ ﻣﺤﺒﺲ ﺑﺄﺩﻳﻬﺎ ﺑﺎﻟﺴﺤﺮ ..
ﺍﺧﺬﻧﺎ .. ﺍﻻﻣﻴﺮ ﻫﻢ .. ﮔﺎﻝ ﻫﺬﺍ ﻣﺘﺸﺒﻊ ﺑﺎﻟﺴﺤﺮ ﻭﻋﻼﺟﻪ ﻳﺘﻌﺐ .. ﺻﺎﺭﻟﻪ ﺳﺖ ﺳﻨﻮﺍﺕ ﻳﺸﺮﺏ ﻭﻳﺎﻛﻞ ﺳﺤﺮ ..
ﺍﻋﻮﺫ ﺑﺎﻟﻠﻪ ﻣﻨﻬﺎ ..
ﻭﺳﺎﻡ .. ﻋﻼﺝ ﻣﻴﺎﺭ ﺷﻨﻮ
ﺗﮕﺪﺭ ﺑﺎﺟﺮ ﺗﺠﻴﻨﻲ ﺗﺎﺧﺬ ﺍﻟﺴﺒﻮﺣﺎﺕ ﻭﺷﻐﻼﺕ ﺗﺘﺒﺨﺮ ﺑﻴﻬﺎ .
ﻭﺭﺍﺡ ﺍﻧﻄﻴﻬﺎ ﻣﻲ ﻫﺴﺎ ﺗﺮﺷﺎ ﺑﺎﻟﺒﻴﺖ ﻣﺎﻟﺘﻬﺎ ﻭﺑﻐﺮﻓﺘﻬﺎ ﺧﺎﺻﻪ
ﺑﺲ ﺍﻻﻫﻢ .. ﻛﻮﻥ ﻣﺤﺪ ﻫﻲ ﺗﺘﻌﺎﻟﺞ ﻳﺒﻘﻰ ﺑﺴﺮﻳﻪ ..
ﻻﻥ ﺍﻛﻴﺪ ﻳﺤﺎﻭﻟﻮﻥ ﻳﺨﺮﺑﻮﻥ ﺍﻟﻌﻼﺝ ﺑﺴﺤﺮ ﺍﻗﻮﻯ ..
ﻭﻋﻼﺟﻬﺎ ﺧﻠﻲ ﺗﻠﺘﺰﻡ ﺑﻲ ﻭﻣﺎﺗﻴﺄﺱ ..
ﻃﻠﻌﻨﺎ ﻭﺍﻧﻲ ﻣﺼﺪﻭﻣﻪ ..
ﺍﻟﻄﺮﻳﻖ ﻛﻠﻪ ﺍﺑﺠﻲ ..
ﺗﺎﻟﻲ ﮔﺘﻠﻪ ﻭﺳﺎﻡ ﺍﺭﻳﺪ ﺍﺭﻭﺡ ﻟﻼﻣﺎﻡ ﺍﻟﻜﺎﻇﻢ ﺍﺭﻳﺪ ﺍﺯﻭﺭ
ﺻﺎﺭ ﺍﻟﻠﻴﻞ .. ﻭﺻﻠﻨﺎ ﻟﻼﻣﺎﻡ ﺗﻮﺿﻴﺖ ﻭﺩﺧﻠﺖ ﺻﻠﻴﺖ ﻭﻟﺰﻣﺖ ﺷﺒﺎﻛﻪ ﻭﺍﺑﺠﻲ ﻭﺍﺷﻜﻲ ﺍﻟﺮﺑﻲ ..
ﮔﺘﻠﻪ ﺭﺑﻲ ﺍﻧﻲ ﻫﺴﺎ ﺑﻤﻜﺎﻥ ﻃﺎﻫﺮ ﮔﺎﻋﺪﻩ ﻭﺍﺗﺮﺟﺎﻙ
ﺗﺨﻠﺼﻨﻲ ﻣﻦ ﻧﻬﻠﻪ ﻭﺳﺤﺮﻫﺎ ..
ﺍﻟﻨﺴﻮﺍﻥ ﻛﻠﻬﺎ ﺗﺒﺎﻭﻋﻠﻲ ﻭﺗﺒﺠﻲ ﻉ ﺑﺠﻲ ﻭﺍﻣﻲ ﺧﻄﻴﻪ ﻫﻢ ﻣﺎﺗﺖ ﺑﺠﻲ ﻋﻠﻴﻪ ..
ﺯﺭﺕ ﻭﺧﻠﺼﺖ .. ﮔﺎﻝ ﻭﺳﺎﻡ ﺧﻠﻴﻨﻲ ﺍﻋﺸﻴﻜﻢ ..
ﺩﺧﻠﻨﺎ ﻣﻄﻌﻢ ﻳﻢ ﺍﻻﻣﺎﻡ .. ﺗﻌﺸﻴﻨﺎ ﻭﺟﺎﻧﺖ ﺍﻭﻝ ﻣﺮﻩ ﺍﻛﻤﻞ ﻟﻔﻪ ﻛﺎﻣﻠﻪ ..
ﺣﺴﻴﺖ ﺷﻮﻳﻪ ﺑﺮﺍﺣﻪ ..
ﺭﺟﻌﻨﺎ ﺍﻟﺒﻴﺖ ﺍﻫﻠﻲ ..
ﮔﺎﻟﺖ ﻧﻬﻠﻪ .. ﻭﻳﻦ ﺭﺣﺘﻮﺍ ﻭﻳﻦ ﺍﺧﺬﺗﻮﻫﺎ ﺷﺒﻴﻬﺎ ..
ﮔﺎﻟﺘﻠﻬﺎ ﺍﻣﻲ ﺍﺧﺬﻧﺎﻫﺎ ﻟﻠﻤﺴﺘﺸﻔﻰ ..
ﺍﻱ ﺑﺲ ﺗﺄﺧﺮﺗﻮ
ﺍﻱ ﺳﻮﻭﻟﻬﺎ ﻣﻔﺮﺍﺯ ﺍﻟﺮﺍﺳﻬﺎ ﺗﺸﻜﻲ ﻣﻨﻪ ﻭﺗﺤﺎﻟﻴﻞ ..
ﻫﺎﺍﺍ ﺯﻳﻦ ﻣﻌﺎﻓﺎﻳﺎ
ﺑﻮﺩﻱ ﺍﺧﻨﮕﻬﺎ ﻭﺍﻣﻮﺗﻬﺎ ﺑﺲ ﻻﻥ ﺍﻟﺴﻴﺪ ﮔﺎﻝ ﻻﺗﺤﺠﻮﻥ ﺳﻜﺘﺖ
ﺍﻣﻲ ﮔﺎﻟﺖ ﻳﻤﻪ ﺧﺎﺑﺮﻱ ﺭﺟﻠﺞ ﻳﺠﻲ ﻳﺎﺧﺬﺝ ﻫﻨﺎﻙ ﻫﻨﺎ ﺑﻌﺪ ﻣﺎﺍﻣﻦ ﻋﻠﻴﺞ ..
ﻭﺣﺘﻰ ﺗﺴﻮﻳﻦ ﺍﻟﺴﺒﻮﺣﺎﺕ ﻭﺍﻟﺒﺨﻮﺭﺍﺕ ﻣﻦ ﻏﻴﺮ ﻣﺤﺪ ﻳﺪﺭﻱ
ﺍﺗﺼﻠﺖ ﻉ ﻗﻴﺼﺮ ﻣﺸﻐﻮﻝ .. ﺍﺳﺘﻐﺮﺑﺖ
ﺑﺎﻟﻨﺺ ﺳﺎﻋﻪ ﺍﺗﺼﻞ ﻭﻫﻮ ﻣﺸﻐﻮﻝ
.
ﺻﺪﻭﮒ ﻓﺎﺭ ﺩﻣﻲ ﻫﺎﻱ ﺍﻟﻤﻦ ﻣﺸﻐﻮﻝ .
ﺷﻮﻳﻪ ﻭﺭﺟﻌﺖ ﺍﺗﺼﻠﺖ .. ﺭﺩ
ﻫﻠﻮ ﺣﺒﻴﺒﺘﻲ ﺷﻠﻮﻧﺞ
ﺍﻧﺖ ﺷﻠﻮﻧﻚ ﺑﻼﻱ ﻣﺎﺧﺬ ﺭﺍﺣﺘﻚ ﻭﻣﺘﺴﺄﻝ
ﺷﻨﻮ ﻫﺬﺍ ﺍﻟﺤﺠﻲ ﻭﺍﻟﻠﻪ ﻣﺸﺘﺎﻗﻠﺞ ﻭﻣﻴﺖ ﻋﻠﻴﺞ
ﺍﻟﻤﻦ ﻣﺸﻐﻮﻝ ﺻﺎﺭ ﺳﺎﻋﻪ .. ﺷﻤﺲ
ﻫﺎ .. ﻭﻟﺪ ﺻﺪﻳﻘﻲ ﻋﻨﺪﻩ ﺷﻐﻠﻪ ﻭﻳﺎﻱ
ﻫﺎ ﺑﺮﺍﺣﺘﻚ .. ﺗﺠﻲ ﺗﺎﺧﺬﻧﻲ ﻟﻮ ﻻ
ﻳﻌﻨﻲ ﺣﺘﺮﺟﻌﻴﻦ
ﻣﺎﺗﺮﻳﺪﻧﻲ ﺍﺭﺟﻊ
ﻻ ﻳﻌﻤﺮﻱ ﺷﺒﻴﺞ ﻛﻞ ﺣﺠﺎﻳﻪ ﺗﻔﻬﻤﻴﻬﺎ ﺧﻄﺄ ﻣﻮ ﺍﻧﺘﻲ ﮔﻠﺘﻲ ﺍﺭﺗﺎﺡ ﻛﻢ ﻳﻮﻡ
ﺧﻠﺺ ﺍﺭﺗﺎﺣﻴﺖ ﻭﺍﺭﻳﺪ ﺍﺭﺟﻊ ﺍﻟﺒﻴﺘﻲ ..
ﺧﻠﺺ ﺷﻮﻳﻪ ﻭﺍﺟﻴﺞ .. ﺷﻤﺲ
ﻗﻴﺼﺮ
ﻋﻴﻮﻧﻪ
ﺑﻌﺪﻙ ﺗﺤﺒﻨﻲ
ﺍﻣﻮﺕ ﻋﻠﻴﺞ
ﺷﻮ ﻣﻤﺒﻴﻦ
ﻫﻬﻬﻬﻬﻪ ﺷﻨﻮ ﺗﺸﻜﻴﻦ ﺑﺤﺒﻲ ..
ﺩﻳﻠﻪ ﺗﻌﺎﻝ ﻣﻨﺘﻀﺮﺗﻚ .
ﻟﻤﻴﺖ ﻣﻼﺑﺴﻲ ﻭﻃﻠﺒﺖ ﺍﻻﻣﻲ ﺣﺘﻰ ﻗﻴﺼﺮ ﻣﺎﺍﺭﻳﺪﻩ ﻳﺪﺭﻱ
ﻻﻥ ﻣﺎﻳﺆﻣﻦ ﺑﻬﻴﺞ ﺷﻲ ..
ﻭﺍﺫﺍ ﻋﺮﻑ ﻭﺳﺎﻡ ﺍﺧﺬﻧﺎ ﻳﺘﺨﺒﻞ ..
ﺍﺟﻪ ﻗﻴﺼﺮ . ﺍﺧﺬﻧﻲ ﻭﺭﺟﻌﻨﺎ ..
ﺑﺎﻟﻄﺮﻳﻖ ﺍﺧﺬﻧﺎ ﺣﻠﻮﻳﺎﺕ ﻭﻛﻮﻻ ﻭﻛﺮﺯﺍﺕ ﻭﺭﺣﻨﺎ ﻟﻠﺒﻴﺖ ..
ﻭﺻﻠﻨﺎ ﻫﻮ ﺩﺧﻞ ﻳﺴﺒﺢ ..
ﺍﻧﻲ ﺑﺴﺮﻋﻪ ﺧﻠﻴﺖ ﺍﻟﻤﻲ ﺍﻟﻲ ﻧﻄﺎﻧﻴﺎﻩ ﺍﻟﺴﻴﺪ .. ﺑﺎﻟﻤﺮﺷﻪ
ﻭﺭﺷﻴﺖ ﺍﻟﻐﺮﻓﻪ .
ﻭﺍﻟﻜﻨﺎﺗﻴﺮ ﻭﺍﻟﺒﻴﺖ ﻭﺍﻟﻤﻄﺒﺦ ..
ﻛﻮﻟﻪ
ﻭﻻﺯﻡ ﻛﻞ ﻳﻮﻡ ﺍﺭﺵ .. ﺷﻤﺲ
ﺑﺪﻟﺖ ﻭﺭﺗﺒﺖ ﺷﻌﺮﻱ .. ﺧﻠﻴﺖ ﻣﻴﻚ ﺍﺏ ﺣﺴﻴﺖ ﺑﺮﺍﺣﻪ .
ﺑﻴﻮﻣﻬﺎ ﮔﻌﺪﻧﺎ ﻧﺴﻮﻟﻒ ﻭﻧﻀﺤﻚ ﻭﻧﺎﻛﻞ ..
ﺍﺭﺗﺎﺣﻴﺖ ﺷﻮﻳﻪ ..
ﻣﺮﺕ ﺍﻻﻳﺎﻡ ﻭﺍﻧﻲ ﺑﻴﻦ ﺍﻟﺒﻴﺖ ﻭﺍﻟﺪﻭﺍﻡ ﻭﺍﻟﺪﺭﺳﻪ ..
ﺯﻭﺍﺟﻨﺎ ﻣﺮ ﺍﻛﺜﺮ ﻣﻦ ﺧﻤﺲ ﺍﺷﻬﺮ ..
ﻭﺍﻧﻲ ﺣﻤﻞ ﻣﺎﻛﻮ ﻭﺍﻟﻨﺎﺱ ﺗﺤﺠﻲ ..
ﻭﻗﺮﺭﺕ ﺍﺭﻭﺡ ﻟﻠﺪﻛﺘﻮﺭﻩ ﺍﺷﻮﻑ ﻭﺿﻌﻲ ..
ﻭﺑﻌﺪﻳﻦ ﻓﻜﺮﺕ ﺍﺧﺎﻑ ﻫﺎﻱ ﺍﻟﺤﻘﻴﺮﻩ ﻫﻢ ﻣﺴﻮﻳﺘﻠﻲ ﺳﺤﺮ ﻟﻠﻄﻔﻞ ﻭﻣﻴﺼﻴﺮ ﻋﻨﺪﻱ ..
ﺍﻟﺸﻚ ﺍﻛﻞ ﮔﻠﺒﻲ .. ﺷﻤﺲ
ﻭﻟﻮ ﻫﻮ ﻻﻥ ﻗﻠﻴﻞ ﻳﺘﻘﺮﺑﻠﻲ ﻭﺍﻧﻲ ﻣﺎﺍﺧﻠﻴﻪ ..
ﺑﻌﺪ ﻭﻳﻦ ﻳﺼﻴﺮ ﻃﻔﻞ ..
ﺍﻟﻌﻼﺝ ﺍﻟﻲ ﻧﻄﺎﻧﻴﺎﻩ ﺍﻟﺴﻴﺪ ..
ﻣﻠﺘﺰﻣﻪ ﻟﻲ ..
ﻭﻛﻮﻟﻪ ﺳﺒﻮﺣﺎﺕ ﻣﺎﺑﻲ ﺷﻲ ﻳﻀﺮ ..
ﻭﺑﺨﻮﺭ ﻣﺜﻞ ﺍﻟﺤﺮﻣﻞ ﻣﻘﺮﻭﺀ ﻋﻠﻴﻪ ﺍﻳﺎﺕ ﻭﻗﺮﺁﻥ ﻭﻛﻨﺖ ﻓﻌﻼ ﺍﺣﺲ ﺑﺮﺍﺣﻪ ﻭﻧﻔﺴﻴﺘﻲ ﺗﻐﻴﺮﺕ ..
ﮔﻤﺖ ﺍﺑﺪﻝ ﻭﺍﻋﺪﻝ ﻭﺍﻧﺘﻈﺮ ﻗﻴﺼﺮ ..
ﻛﺎﻥ ﻣﺮﺍﺕ ﻳﺘﺄﺧﺮ ﻭﻣﺮﺍﺕ ﻳﺠﻲ ﻣﻦ ﻭﻗﺖ ..
ﻫﺎﻟﻤﺮﻩ ﻫﻮ ﺍﻟﻲ ﺗﻐﻴﻴﺮ .
ﻳﻌﻨﻲ ﻣﻦ ﺍﺣﺎﻭﻝ ﺍﺗﻘﺮﺑﻠﻪ ..
ﻳﺤﻈﻨﻲ ﺑﺲ ﻭﻳﺒﻮﺱ ﺭﺍﺳﻲ ﻭﻳﮕﻠﻲ ﺗﻌﺒﺎﻥ ﺣﺒﻴﺒﺘﻲ
ﺣﺘﻰ ﺍﺳﺘﺤﻲ ﻉ ﺭﻭﺣﻲ .. ﺷﻤﺲ
ﻗﺮﺭﺕ ﺑﻴﻮﻡ ﺍﺣﺠﻲ ﻭﻳﺎﻩ ..
ﻭﻓﻌﻼ ﻓﺘﺤﺖ ﻣﻮﺿﻮﻉ ﻭﻳﺎﻩ ..
ﻭﮔﺘﻠﻪ ﻗﻴﺼﺮ ﺍﻧﺖ ﻣﺘﻐﻴﻴﺮ ﻭﻣﺜﻞ ﺍﻭﻝ ﺯﻭﺍﺟﻨﺎ .
ﺻﺤﻴﺢ ﺍﻧﻲ ﺑﺎﻟﺒﺪﺍﻳﻪ ﺻﺎﺭﺕ ﻭﻳﺎﻱ ﺷﻐﻼﺕ
ﺑﺲ ﻫﺴﺎ ﺩﺍﺍﺣﺲ ﻧﻔﺴﻲ ﺍﺣﺴﻦ ﻭﻣﺤﺘﺎﺟﺘﻚ ﺗﺴﺎﻧﺪﻧﻲ
ﺗﺤﺒﻨﻲ ﻭﺗﺪﻟﻠﻨﻲ .. ﺣﺘﻰ ﻧﺮﺟﻊ ﻣﺜﻞ ﻗﺒﻞ ..
.
ﮔﺎﻝ .. ﺣﺒﻴﺒﺘﻲ ﻣﺎﻋﻨﺪﻱ ﺷﻲ ﺑﺲ ﺭﺩﺕ ﺍﻧﻄﻴﺞ ﻓﺘﺮﻩ ﺗﺮﺗﺎﺣﻴﻦ ﻭﻣﺎﺍﺿﻐﻂ ﻋﻠﻴﺞ ..
ﺭﻏﻢ ﻛﻮﻟﺸﻲ ﻋﺎﻧﻴﺘﻪ ﺑﺲ ﻣﺎﺳﻤﺤﺖ ﺷﻲ ﻳﻀﻌﻔﻨﻲ ..
ﺍﺗﺠﻬﺖ ﺍﻟﺮﺑﻲ ﺍﻟﻌﺎﻟﻤﻴﻦ ﻭﺑﺪﻳﺖ ﺍﻗﺮﺍ ﻗﺮﺃﻥ ﻭﺻﻔﻮﻟﻲ ﺳﻮﺭﻩ ﺍﻟﺒﻘﺮﻩ ﺍﺭﺑﻌﻴﻦ ﻳﻮﻡ ..
ﻭﮔﻤﺖ ﺍﻗﺮﺍﻫﺎ ﻛﻞ ﻳﻮﻡ .. ﺭﻏﻢ ﺍﻧﻪ ﻭﻗﺖ ﻣﺎﻋﻨﺪﻱ ﻭﺑﺪﺕ ﺍﻣﺘﺤﺎﻧﺎﺕ ﻭﺍﻧﻲ ﻓﺎﻳﺘﻨﻲ ﻫﻮﺍﻳﻪ ..
ﻭﺍﻟﺴﻨﻪ ﺭﺍﺡ ﺗﻨﺘﻬﻲ ﻭﻻﺯﻡ ﺍﺟﻬﺰ ﻧﻔﺴﻲ ﺯﻳﻦ ﻟﻠﻔﺎﻳﻨﻞ ..
ﺑﺲ ﻛﻞ ﻫﺬﺍ ﺧﻠﻴﺘﻪ ﻭﺭﺍﻳﻪ .. ﻋﻤﻮﺩ ﺍﻃﻴﺐ ﻭﺍﺳﺘﺮﺟﻊ ﺣﻴﺎﺗﻲ ﻭﺑﻴﺘﻲ ﻭﺯﻭﺟﻲ ..
ﺣﺴﻴﺖ ﻗﻴﺼﺮ ﺍﻧﺼﺪﻡ ﺑﻴﻪ ﺑﻌﺪ ﺍﻟﻲ ﺻﺎﺭ ﻭﺍﺣﻨﺎ ﺑﺒﺪﺍﻳﻪ ﺯﻭﺍﺟﻨﺎ ﻭﻳﻤﻜﻦ ﻋﺒﺎﻟﻪ ﻫﺬﻱ ﺍﻟﺤﺎﻟﻪ ﺑﻴﻪ ﻭﺍﻧﻲ ﺑﻨﻴﻪ ..
ﻭﻛﻨﺖ ﺿﺎﻣﻪ ﻋﻠﻴﻪ ﻭﻣﮕﺎﻳﻠﺘﻠﻪ ..
ﺑﻘﻰ ﻭﺳﺎﻡ ﻭﻳﺎﻱ ﻭﺳﺎﻧﺪﻧﻲ ﻭﻛﺎﻥ ﺣﻠﻘﻪ ﺍﻟﻮﺻﻞ ﺑﻴﻨﻲ ﻭﺑﻴﻦ ﺍﻟﺴﻴﺪ ﻭﺍﻱ ﺷﻲ ﻳﮕﻠﻮﻟﻲ ﻋﻠﻴﻪ ﺍﺳﻮﻳﻪ ..
ﻭﺑﻴﻮﻡ ﻧﺎﻳﻤﻪ ﻭﺣﻠﻤﺖ ﺑﺄﻥ ﺍﺯﻭﺭ ﺍﻻﻣﺎﻡ ﻋﻠﻲ ﻭﺍﺑﺠﻲ ﻭﺍﻃﻮﻑ ﻭﺑﻴﺪﻱ ﻃﻔﻞ .. ﺷﻤﺲ
ﻓﺰﻳﺖ ﻓﺮﺣﺎﻧﻪ .. ﻭﺗﻤﻨﻴﺖ ﺍﺯﻭﺭﺓ ..
ﺗﻘﺮﺑﺖ ﻣﻦ ﻗﻴﺼﺮ ﻭﺣﻈﻨﺘﻪ .. ﻭﺳﻮﻳﺖ ﻛﻮﻟﺸﻲ ﺣﺘﻰ ﻳﺘﻘﺮﺑﻠﻲ ﻭﺑﻴﻮﻣﻬﺎ ﻣﺎﻣﺎﻧﻊ ..
ﻭﻛﻨﺖ ﻭﻳﺎﻩ ﺑﺲ ﺑﺎﻟﻲ ﻳﻢ ﺭﺑﻲ ﻭﺩﻋﺎﺋﻲ ﺍﻧﻪ ﻳﺮﺯﻗﻨﻲ ﺑﻄﻔﻞ ﻭﻳﻔﺮﺣﻨﻲ ..
ﺍﻭﻝ ﻣﺮﻩ ﺍﻧﺪﻣﺞ ﻭﻱ ﻗﻴﺼﺮ ﻣﻦ ﻏﻴﺮ ﻣﺎﺍﺣﺲ ﺑﺨﻨﮕﻪ ﺍﻭ ﺍﺷﻮﻑ ﺷﻲ ..
ﻓﺮﺣﺖ ﻭﻣﻦ ﺍﻟﻔﺮﺣﻪ ﻧﺰﻟﺖ ﺩﻣﻮﻋﻲ ..
ﻗﻴﺼﺮ ﻫﻢ ﻣﻦ ﺷﺎﻓﺘﻲ ﻣﺴﻠﻤﺘﻪ ﻧﻔﺴﻲ ﻓﺮﺡ ﻭﺭﺣﻨﺎ ﺍﻧﻲ ﻭﻳﺎﻩ ﺑﻌﺎﻟﻢ ﺛﺎﻧﻲ ..
ﺧﻠﺼﻨﺎ ﻭﻧﻤﻨﺎ ﻫﺴﺘﻮﻧﻲ ﻏﻔﻴﺖ ﺍﺫﻥ ﺍﻟﻔﺠﺮ .
ﺑﻘﻴﺖ ﺷﻮﻳﻪ ﻋﻠﻰ ﻣﺎﺍﺭﺗﺎﺣﻴﺖ ﮔﻤﺖ ﺳﺒﺤﺖ ﻭﺻﻠﻴﺖ ..
ﻭﺩﻋﻴﺖ ﺭﺑﻲ ﻭﺍﺑﺠﻲ ..
ﺭﺟﻌﺖ ﻧﻤﺖ ﺑﺤﻀﻦ ﺣﺒﻴﺒﻲ .. ﻭﻟﻠﺼﺒﺢ ﺍﺧﺬﺗﻨﺎ ﺍﻟﻨﻮﻣﻪ ﻭﺍﻧﻲ ﻋﻨﺪﻱ ﺩﻭﺍﻡ ..
ﻃﻔﺮﺕ ﺗﺨﺒﻠﺖ ﻣﻦ ﺷﻔﺖ ﺍﻟﺴﺎﻋﻪ ..
ﮔﺎﻝ ﻗﻴﺼﺮ .. ﺑﻴﺶ ﻫﺴﺎ ﮔﺘﻠﻪ ﺑﺎﻟﻌﺸﺮﻩ ..
ﺍﺑﺘﺴﻢ .. ﮔﺎﻝ ﺍﺭﺟﻌﻲ ﻧﺎﻣﻲ ﻟﻴﺶ ﻫﻮ ﺍﻛﻮ ﺍﺣﻠﻰ ﻣﻦ ﻫﺎﻱ ﺍﻟﻨﻮﻣﻪ ..
ﺣﺘﻰ ﺷﻐﻠﻪ ﻧﺴﺎﻩ ..
ﺍﻭﻭﻭﻭﻑ ﻣﻤﺼﺪﮔﻪ ﺭﺟﻌﺖ ﻓﺮﺣﺘﻲ ..
ﺍﺳﺘﻤﺮﺕ ﺣﻴﺎﺗﻨﺎ ﻃﺒﻴﻌﻲ .. ﺍﻫﻠﻲ ﺑﻌﺪ ﻣﺎﺭﺣﺘﻠﻬﻢ ﺍﺧﺎﻑ .
ﺍﻣﻲ ﻫﻲ ﺗﺠﻴﻨﺎ ﻭﻣﺮﺍﺕ ﻧﺠﺒﺮﻫﺎ ﺗﺒﺎﺕ ﻳﻤﻨﺎ ﻭﻧﻄﻠﻌﻬﺎ ﻭﻧﺘﻮﻧﺲ
ﺑﺲ ﺑﻘﺖ ﺷﻐﻠﻪ ﺍﻟﻤﻮﺑﺎﻳﻞ ﻣﻀﻮﺟﺘﻨﻲ ..
ﺍﻏﻠﺐ ﺍﻻﺣﻴﺎﻥ ﻭﻗﺘﻪ ﻉ ﺍﻟﻤﻮﺑﺎﻳﻞ ..
ﻭﻛﻨﺖ ﺩﺍﻳﻤﺎ ﺍﺑﺮﺭ ﺍﻟﻪ ﻭﺍﮔﻮﻝ ﺍﻛﻴﺪ ﻳﺘﺴﻠﻰ ﻭﻱ ﺟﻤﺎﻋﺘﻪ ﺍﻭ ﻟﻌﺒﻪ ﻋﻨﺪﻩ ..
ﺍﻧﻲ ﺑﺪﺍﺕ ﺍﻣﺘﺨﺎﻧﺎﺗﻲ ﺍﻟﻨﻬﺎﺋﻴﻪ .. ﻭﺍﻣﺘﺤﻨﺖ ﺭﻏﻢ ﻫﻮﺍﻱ ﺍﺷﻴﺎﺀ ﻓﺎﺗﺘﻨﻲ ﺑﺲ ﻛﻨﺖ ﺍﺟﺎﻭﺏ .. ﺑﻘﻠﻤﻲ ﺷﻤﺲ
ﺑﻌﺪ ﻣﺎﺧﻠﺼﺖ ﺍﻻﻣﺘﺤﺎﻧﺎﺕ ..
ﺗﺨﺮﺑﻄﺖ ﻭﺗﻤﺮﺿﺖ ﺁﻻﻡ ﻗﻮﻳﻪ ﺑﺒﻄﻨﻲ ..
ﻃﻠﺒﺖ ﻣﻦ ﻗﻴﺼﺮ ﻧﺮﻭﺡ ﻟﻠﺪﻛﺘﻮﺭﻩ ..
ﺍﺧﺬﻧﻲ ﻭﺭﺣﻨﺎ .. ﻭﻫﻨﺎ ﻛﺎﻧﺖ ﺍﻟﻔﺮﺣﻪ ..
ﻛﻨﺖ ﺣﺎﺳﻪ ﺑﺲ ﻣﻤﺘﺄﻛﺪﻩ ﻻﻥ ﻛﺎﻧﺖ ﻓﺎﻳﺘﻪ ﺍﻟﻲ ..
ﺳﻮﻳﻨﺎ ﺗﺤﻠﻴﻞ ﻭﮔﻠﻮﻟﻲ ﺣﺎﻣﻞ ﻓﺮﺣﺖ ﻭﺍﻟﺪﻧﻴﺎ ﻣﺴﺎﻳﻌﺘﻨﻲ
ﻭﻗﻴﺼﺮ ﻃﺎﺭ ﻭﺣﻈﻨﻲ ﺑﻨﺺ ﺍﻟﻤﺨﺘﺒﺮ ﻣﺎﻝ ﺗﺤﻠﻴﻞ ..
ﺍﺳﺘﺤﻴﺖ ﺍﻟﻨﺎﺱ ﺗﺒﺎﻭﻋﻠﻨﺎ ..
ﺍﺗﺼﻠﺖ ﻉ ﻣﺎﻣﺎ ﻭﺑﺸﺮﺗﻬﺎ .. ﻓﺮﺣﺖ ﺣﻴﻞ ﻭﮔﺎﻟﺖ ﻟﺘﮕﻮﻟﻴﻦ ﺍﻻﺣﺪ ﺍﺳﻜﺘﻲ ..
ﻣﺎﮔﻠﺖ ﺑﺲ ﺍﻻﺧﻮﺍﺕ ﻗﻴﺼﺮ ﺣﺒﺎﺑﺎﺕ ﻭﻳﺤﺒﻠﻲ ﺍﻟﺨﻴﺮ ..
ﻫﻨﺎ ﺣﺴﻴﺖ ﻓﺮﺣﺘﻲ ﻛﻤﻠﺖ ﻭﺧﺎﺻﻪ ﺑﻌﺪ ﻣﺎﺍﺳﺘﻠﻤﺖ ﺍﻟﻨﺘﻴﺠﻪ ﻭﻛﺎﻧﺖ ﺩﺭﺟﺎﺗﻲ ﺟﻴﺪ ﻭﺟﻴﺪ ﺟﺪﺍ ﺑﺲ ﻭﺣﺪﻩ ﺍﻣﺘﻴﺎﺯ ..
ﺿﺠﺖ ﻻﻥ ﻣﻮ ﺍﻣﺘﻴﺎﺯ ﻣﺜﻞ ﺍﻟﻤﺮﺣﻠﻪ ﺍﻻﻭﻟﻰ ..
ﺑﺲ ﻫﺬﺍ ﺍﻟﻲ ﻛﺎﺗﺒﻪ ﺍﻟﻠﻪ ﺍﻟﻲ ..
ﻭﺍﻧﻲ ﺍﺻﻼ ﻧﺺ ﺍﻟﺪﻭﺍﻣﺎﺕ ﻛﻨﺖ ﻣﺮﻳﻀﻪ ﻭﻫﻮﺍﻳﻪ ﻓﺎﺗﻨﻲ ..
ﻟﻬﺬﺍ ﻣﺎﺿﺠﺖ ﻻﻥ ﻓﺮﺣﺔ ﺍﺑﻨﻲ ﻧﺴﺘﻨﻲ ﻛﻮﻟﺸﻲ ..
.
ﻣﺮﺕ ﺍﻻﺷﻬﺮ ﻭﺍﻧﻲ ﺍﺣﺴﺐ ﻳﻮﻡ ﻳﻮﻡ ﺍﻟﻮﻻﺩﺗﻲ ..
ﻭﺑﺪﻳﺖ ﺍﺟﻬﺰ ﻭﺍﺷﺘﺮﻱ ﺭﻏﻢ ﺍﻧﻪ ﻣﺎﺍﻋﺮﻑ ﺟﻨﺲ ﺍﻟﻄﻔﻞ ..
ﺭﺟﻌﺖ ﺍﻳﺎﻣﻲ ﺍﻟﺤﻠﻮﻩ ..
ﻧﻬﻠﻪ ﻣﺎﻣﺎ ﺗﮕﻮﻝ ﺩﺍﻳﻤﺎ ﺗﺴﺄﻝ ﻋﻠﻴﺞ ﻭﻋﻼﻗﺘﺞ ﻭﻱ ﺯﻭﺟﺞ ﻭﺍﻧﻲ ﺍﻛﻠﻪ ﺯﻳﻨﻪ ﻭﺑﺲ ﻭﺍﺳﻜﺖ ..
ﺣﺘﻰ ﻣﺘﺤﺲ .
ﻧﻬﻠﻪ ﺷﮕﺪ ﻛﻨﺖ ﻣﺎﺍﺳﻜﺘﻠﻬﺎ ﺑﺲ،ﻫﺴﺎ ﺍﺧﺎﻑ ﻣﻨﻬﺎ ﻭﺗﻨﺪﻣﺖ ﻻﻥ ﻛﺎﻧﺖ ﺗﻬﺪﺩﻧﻲ ﻭﻣﺎﺍﻫﺘﻢ ﻻﻥ ﻣﺎﺗﻮﻗﻌﺖ ﻳﻮﻡ ﺑﺤﻴﺎﺗﻲ ﺗﺴﻮﻱ ﻫﻴﺞ ﺑﻴﻪ .. ﺷﻤﺲ
ﺑﻄﻨﻲ ﺷﻬﺮ ﻋﻦ ﺷﻬﺮ ﺗﻜﺒﺮ ﻭﺑﺪﺍ ﻳﺘﺤﺮﻙ ﻭﺍﻧﻲ ﻭﻗﻴﺼﺮ ﻓﺮﺣﺎﻧﻴﻦ ..
ﺍﻟﻨﺴﺎﻭﻩ ﻣﺎﻟﺘﻲ ﺻﻌﺒﻪ .. ﻭﺗﻌﺒﺘﻨﻲ .. ﻻ ﺍﻛﻞ ﻭﻻﺍﺷﺮﺏ
ﻭﻗﻴﺼﺮ ﺑﺪﺍ ﻳﻀﻮﺝ ﻭﻳﺘﻤﻠﻤﻞ ﻭﻳﮕﻮﻝ ﻛﻴﻔﺖ ﺭﺟﻌﺘﻲ ﺯﻳﻨﻪ
ﺗﺎﻟﻲ ﺣﻤﻠﺘﻲ ﻭﺭﺟﻌﺘﻲ ﺍﻟﻨﻔﺲ ﺍﻟﻮﺿﻊ ..
ﻻﻥ ﻣﺎﻟﻲ ﻃﺎﻗﻪ ﺍﻻﻱ ﺷﻲ ..
ﮔﻤﺖ ﺍﻛﻞ ﻭﺍﺷﺮﺏ ﮔﺪﺍﻣﻪ ﺣﺘﻰ ﻣﻴﻀﻮﺝ
ﻭﺍﺭﻭﺡ ﺑﺴﺮﻋﻪ ﻟﻠﺤﻤﺎﻡ ﺍﺳﺘﻔﺮﻍ ..
ﻣﻮ ﺑﻴﺪﻱ ﻫﺬﻱ ﻧﺴﺎﻭﺗﻲ ﺷﻨﻮ ﺍﻟﻲ ﺍﺳﻮﻳﻪ ..
ﺧﻠﺼﺖ ﺍﻟﻌﻄﻠﺔ ﻭﺑﺪﺍ ﺍﻟﺪﻭﺍﻡ .. ﮔﻤﺖ ﺍﺩﺍﻭﻡ ﻭﺍﻏﻴﺮ ﺟﻮ
ﻭﻛﻠﻬﺎ ﺑﺎﺭﻛﺘﻠﻲ ﻉ ﺍﻟﺤﻤﻞ ﻻﻥ ﺑﻄﻨﻲ ﻛﺎﻧﺖ ﻣﺒﻴﻨﻪ ..
ﻧﺴﺎﻭﺗﻲ ﻗﻠﺖ ﻭﺍﺭﺗﺎﺣﻴﺖ .
ﺍﻟﺪﺭﺍﺳﻪ ﺷﻐﻠﺘﻨﻲ ﺷﻮﻳﻪ ..
ﺑﺲ ﺗﻌﺒﺖ ..
ﻇﻬﺮﻱ ﻳﺄﺫﻳﻨﻲ ﻭﻻﺯﻡ ﺍﺭﺟﻊ ﺍﻧﻀﻒ ﻭﺍﻃﺒﺦ ﻭﺍﺭﺗﺐ ﻧﻔﺴﻲ ﺍﻟﻘﻴﺼﺮ ﻭﺍﺩﺭﺱ ﻭﺣﻤﻠﻲ ..
ﻛﻮﻟﻬﺎ ﺗﺮﻳﺪ ﻣﻨﻲ .. ﻭﻗﻴﺼﺮ ﻣﻦ ﺍﻟﻨﻮﻉ ﺍﻟﺤﺴﺎﺱ ﺍﻗﻞ ﺷﻲ ﻭﻳﺰﻋﻞ ﺍﻭ ﻳﻌﺎﻳﺮﻧﻲ .. ﺷﻤﺲ
ﻣﺎﺑﻘﻰ ﺷﻲ ﺍﻟﻌﻴﺪ ﻣﻴﻼﺩ ﺯﻭﺍﺟﻨﺎ ..
ﻭﻻﺯﻡ ﺍﺟﻬﺰ ﻭﻧﺒﺪﻱ ﺻﻔﺤﻪ ﺟﺪﻳﺪﻩ ﺍﻧﻲ ﻭﻗﻴﺼﺮ ﻭﺍﺑﻨﻲ ..
ﻫﺴﺎ ﺍﻧﻲ ﺩﺧﻠﺖ ﺑﺸﻬﺮﻱ ﺍﻟﺴﺎﺩﺱ ﻭﺭﺣﺖ ﺍﻧﻲ ﻭﻣﺎﻣﺎ ﻟﻠﺪﻛﺘﻮﺭﺓ
ﻭﮔﻠﺘﻠﻲ ﺑﻴﺞ ﻭﻟﺪ ..
ﺑﺲ ﻣﺎﮔﻠﺖ ﺍﻟﻘﻴﺼﺮ ﺭﺩﺗﻬﺎ ﻭﻱ ﻫﺪﻳﺔ ﻋﻴﺪ ﻣﻴﻼﺩ ﺯﻭﺍﺟﻨﺎ
ﺷﻠﻮﻥ ﺍﺻﺒﺮ ﺍﻝ 12/4
ﻣﻊ ﺍﻧﻪ ﻣﺎﺑﻘﺎﻟﻪ ﺷﻲ ﻛﻢ ﻳﻮﻡ ﺑﺲ ..
ﺍﺗﺼﻠﺖ ﻉ ﻗﻴﺼﺮ .. ﮔﺘﻠﻪ ﻋﻨﺪﻱ ﺍﺣﺘﻴﺎﺟﺎﺕ ﻣﻦ ﺍﻟﺴﻮﻙ ﺭﺍﺡ ﺍﺧﺬ ﻭﺣﺪﻩ ﻣﻦ ﺍﺧﻮﺍﺗﻚ ..
ﮔﺎﻝ ﺍﻧﺘﻈﺮﻳﻨﻲ ﮔﺘﻠﻪ ﻻ ﺍﻧﺖ ﺗﺘﺎﺧﺮ ﺍﺧﺬ ﻭﺣﺪﻩ ﻣﻦ ﺍﻟﺒﻨﺎﺕ ﻭﺍﺭﻭﺡ ﻭﺍﻓﻖ ..
ﺍﺟﺖ ﻋﻠﻴﻪ ﺍﺧﺘﻪ ﻭﻃﻠﻌﻨﺎ .
ﺑﺲ ﻃﻠﺒﺖ ﻣﻨﻬﺎ ﻣﺘﺤﺠﻲ .. ﺣﺠﺰﺕ ﻛﻴﻜﻪ ﻭﺍﺷﺘﺮﻳﺖ ﺯﻳﻨﻪ ﻭﺷﻐﻼﺕ ﻭﺍﺷﺘﺮﻳﺘﻠﻪ ﻫﺪﻳﻪ ..
ﻗﺮﺭﺕ ﺍﺳﻮﻳﻠﻪ ﻣﻔﺎﺟﺄﺓ .. ﺑﻴﻮﻡ ﻋﻴﺪ ﻣﻴﻼﺩ ﺯﻭﺍﺟﻨﺎ ﻋﻨﺪﻱ ﺩﻭﺍﻡ ..
ﻳﻮﺻﻠﻨﻲ ﻟﻠﺪﻭﺍﻡ .. ﻭﺍﻃﻠﻊ ﺑﺴﺮﻋﻪ ﺍﺧﺬ ﺗﻜﺴﻲ ﻭﺍﺭﺟﻊ ﻟﻠﺒﻴﺖ ﺍﺟﻬﺰ ﻛﻮﻟﺸﻲ ..
ﻭﻣﻦ ﻳﺮﻳﺪ ﻳﺮﺟﻌﻨﻲ ﺍﺗﺼﻞ ﻋﻠﻴﻪ ﺍﮔﻮﻟﻪ ﺗﺨﺮﺑﻄﺖ ﻭﺭﺟﻌﺖ .
ﻭﻳﺠﻲ ﻟﻠﺒﻴﺖ ﻳﻠﮕﻲ ﻣﺴﻮﻳﺘﻠﻪ ﺳﺒﺮﺍﻳﺰ ..
ﻭﻓﻌﻼ ﺳﻮﻳﺖ ﻫﻴﺞ .. ﻭﺑﻴﻮﻡ 12/4 ﻭﺻﻠﻨﻲ ﻟﻠﺠﺎﻣﻌﻪ ﻣﻊ ﺍﻧﻪ ﻣﮕﺎﻟﻲ ﻛﻞ ﻋﺎﻡ ﻭﺍﺣﻨﻪ ﺑﺨﻴﺮ ..
ﺑﺲ ﮔﻠﺖ ﻳﻤﻜﻦ ﻫﻢ ﻣﻐﻠﺲ ﻭﻣﺴﻮﻳﻠﻲ ﻣﻔﺎﺟﺄﺓ ﻭﺍﻛﻴﺪ ﻣﺴﺘﺤﻴﻞ ﻳﻨﺴﻰ ﻫﻴﺞ ﻳﻮﻡ ..
ﻳﻮﻡ ﺣﺒﻨﺎ ﻭﺍﻧﺘﻈﺎﺭﻧﺎ ..
ﺍﻧﺘﻈﺮﺕ ﺷﻮﻳﻪ ﺍﺟﺮﺕ ﺗﻜﺴﻲ .. ﺑﺲ ﻣﺮﻳﻨﺎ ﻉ ﺍﺑﻮ ﺍﻟﺤﻠﻮﻳﺎﺕ ﺍﺧﺬﺕ ﺍﻟﻜﻴﻜﻪ ﻭﺭﺣﺖ ﻟﻠﻤﻄﻌﻢ ﺍﺧﺬﺕ ﻛﻨﺘﺎﻛﻲ ﻭﻣﻘﺒﻼﺕ ﻭﺭﺟﻌﺖ ﻟﻠﺒﻴﺖ ..
ﻓﺘﺤﺖ ﺍﻟﺒﺎﺏ ﻭﺩﺧﻠﺖ ﺑﻬﺪﻭﺀ ..
ﺳﻤﻌﺖ ﺍﺻﻮﺍﺕ ﺑﺎﻟﺒﻴﺖ ..
ﻭﺑﻐﺮﻓﺘﻲ ﻭﻉ ﺳﺮﻳﺮﻱ ..
ﻣﺴﺘﺤﻴﻞ ﺍﻟﻲ ﺟﺎﻱ ﺍﺷﻮﻓﻪ ..
ﻫﺬﺍ ﺯﻭﺟﻲ ﺍﻱ ﻗﻴﺼﺮ ﻻ ﺟﺎﻱ ﺍﺣﻠﻢ ..
ﻻ ﻫﻮ ﻭﻭﻱ ﻣﻨﻮ ﻭﻱ ﺍﺧﺮ ﻧﺬﻟﻪ ﺍﺗﻮﻗﻊ ﺗﻜﻮﻥ ﺑﻔﺮﺍﺷﻲ
ﻭﻱ ﻣﺮﻳﻢ ﺍﺧﺖ ﻧﻬﻠﻪ .. ﺍﻟﻲ ﺍﺧﺘﻬﺎ ﺳﻮﺗﻠﻲ ﺳﺤﺮ ﻭﺩﻣﺮﺕ ﻧﺺ ﺯﻭﺍﺟﻲ
ﻭﺍﺟﺖ ﻫﻲ ﻫﺴﺎ ﻻﻓﺖ ﻉ ﺯﻭﺟﻲ ﻭﻗﺸﻤﺮﺗﻪ ﺷﻠﻮﻥ ﻣﺎﺍﺩﺭﻱ
ﻭﺩﻣﺮﺕ ﻧﺺ ﺯﻭﺍﺟﻲ ﺍﻟﻼﺥ .. ﺷﻤﺲ
ﻫﻮ ﺷﺎﻓﻨﻲ ﺍﺭﺗﺒﻚ ﻭﻫﻲ ﺗﻀﺤﻚ ﺑﻤﻜﺮ ..
ﺗﺮﻛﺘﻬﻢ ﻭﻃﻠﻌﺖ ..
ﺗﺎﻳﻬﻪ ﻭﺑﻌﺎﻟﻢ ﺛﺎﻧﻲ ..
ﻣﻌﻘﻮﻟﻪ ﺑﻬﺬﺍ ﺍﻟﻴﻮﻡ ﻋﻴﺪ ﻣﻴﻼﺩﻱ .. ﻭﻋﻴﺪ ﺯﻭﺍﺟﻲ ﻭﻳﻮﻡ ﺧﻴﺎﻧﻪ ﺯﻭﺟﻲ ﺍﻟﻲ ..
ﺍﻛﻴﺪ ﻛﻨﺖ ﻣﺨﺪﻭﻋﻪ ﻣﻦ ﺯﻣﺎﻥ ﻭﻣﺎﺍﺩﺭﻱ ﺍﻭ ﺍﺗﻐﺎﻓﻞ ﺣﺘﻰ ﻣﺎﺍﺧﺴﺮﻩ ﻭﻟﻮ ﻣﺸﺎﻳﻔﻪ ﺑﻌﻴﻨﻲ ﻛﺎﻥ ﻣﺎﺻﺪﮔﺖ ..
ﺍﻣﺸﻲ ﻭﺍﺣﺠﻲ ﻭﺣﺪﻱ ﻭﺩﻣﻮﻋﻲ ﺗﺠﺮﻱ ..
* ﺍﻟﻴﻮﻡ ﻋﻴﺪ ﺯﻭﺍﺟﻲ ﺍﻻﻭﻝ ﻛﺎﻥ ﻣﻦ ﺍﻟﻤﻔﺘﺮﺽ ﺍﻥ ﻧﺤﺘﻔﻞ ..
ﻧﻤﺮﺡ .. ﻧﻄﻔﺊ،ﺷﻤﻮﻉ ﻋﺸﻘﻨﺎ ..
ﻭﺍﻧﺘﻀﺎﺭﻧﺎ ..
ﻣﺎﺫﺍ ﺍﻓﻌﻞ ﻫﻨﺎ ??
ﻭﺍﻟﻰ ﺍﻳﻦ ﺍﺫﻫﺐ ..
ﻗﺪﻣﺎﻱ ﺗﺴﻴﺮ ﻭﺟﺴﻤﻲ ﻳﺮﺗﻌﺶ ..
ﻫﻞ ﻣﻦ ﺍﻟﺒﺮﺩ ﺍﻡ ﻣﻦ ﺍﻟﺨﻮﻑ ﻭﺍﻟﺨﺬﻻﻥ ..
ﻻ ﺍﺷﻌﺮ ﺑﺸﺊ
ﺍﻭ ﺍﻳﻦ ﺍﺳﻴﺮ .
ﻭﺍﻟﻰ ﺍﻳﻦ ..
ﺧﻄﻮﺍﺕ ﺗﺴﻴﺮ ﺑﻲ ﺍﻟﻰ ﺍﻻﻣﺎﻡ ..
ﻭﺧﻄﻮﺍﺕ ﺍﻟﻰ ﺍﻟﺨﻠﻒ ..
ﺍﻳﻦ ﺍﻧﺎ ..
ﺍﻳﻦ .. ﺍﻳﻦ ?
ﺍﺳﻴﺮ ﻭﺍﺳﻴﺮ ﻭﻻ ﺍﻋﺮﻑ ﺍﻟﻰ ﺍﻳﻦ ..
ﻛﺄﻧﻲ ﺑﻌﺎﻟﻢ ﺁﺧﺮ .
ﻫﻨﺎﻙ ﺻﺪﻣﺔ ﺗﻘﺘﻠﻨﻲ .. ﺗﺨﻨﻘﻨﻲ .. ﻻﺍﺳﺘﻄﻴﻊ ﺍﻟﺘﻨﻔﺲ ..
ﻫﻮﺍﺀ،ﺍﺭﻳﺪ ﻫﻮﺍﺀ ..
ﻋﻴﻨﺎﻧﻲ ﺍﺻﺒﺤﺖ ﻏﺸﺎﻭﻩ .. ﻻﺃﺭﻯ ﺷﻲ ..
ﺍﻻ ﺿﻮﭐﺍ ﺍﺑﻴﺾ ﺍﺗﺠﻪ ﺍﻣﺎﻣﻲ ..
ﻭﻟﻢ ﺍﺷﻌﺮ ﺑﻌﺪ ﺫﻟﻚ ﺑﺸﺊ ..
ﻛﺄﻧﻲ ﺍﺳﻴﺮ ﻭﺍﻧﺎ ﻧﺎﺋﻤﻪ …
ﻭﻫﻨﺎﻙ ﺿﻮﺀ ﺧﺎﻓﺖ ﻳﺴﻴﺮ ﻣﻌﻲ ..
ﻭﺑﺪﺃﺕ ﺍﺭﻯ ﺷﺮﻳﻂ ﺣﻴﺎﺗﻲ ﺍﻣﺎﻣﻲ ..
ﻭﻛﺄﻧﻲ ﻭﺻﻠﺖ ﺍﻟﻰ ﻧﻬﺎﻳﺔ ﺣﻴﺎﺗﻲ ..
# ﺑﻘﻠﻤﻲ _ ﺷﻤﺲ
*** ﻧﻬﺎﻳﺔ ﺍﻟﺠﺰﺀ ﺍﻻﻭﻝ ﻣﻦ ﺍﻟﺨﺬﻻﻥ ..
ﺍﻧﺘﻀﺮﻭﻧﻲ ﺑﺎﻟﺠﺰﺀ ﺍﻟﺜﺎﻧﻲ ﻭﺑﻌﻨﻮﺍﻥ ﻫﺪﻳﺔ ﺭﺑﻲ
ﻣﺘﺎﺑﻌﻪ ﻣﻤﺘﻌﻪ ﺍﺗﻤﻨﻰ ﻋﺠﺒﺘﻜﻢ ..
ﻭﻻﺗﻨﺴﻮﻥ ﺍﻟﺘﺼﻮﻳﺖ ﻭﺗﺼﺒﺤﻮﻥ ﻉ ﺧﻴﺮ 😍😘.
ﺍﻟﻜﺎﺗﺒﻪ ﺷﻤﺲ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق